<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
Ng52.36: 'phags pa rdo rje mi pham pa me ltar rab tu rmongs byed ces bya ba'i gzungs<br><table><tr><td>
<input type="button" onclick="location.href='tcompletep.php?id=Ng52.36&coll=Ng&volcur=0';" value="show page break" />
<td width=150><td>
<input type="button" onclick="location.href='tcompletel.php?id=Ng52.36&coll=Ng&volcur=0';" value="show line break" />

<td width=150><td>
<a href="tcompleteu.php?coll=Ng&id=Ng52.36&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">rgya gar skad du/ Ar+ya badz+ra a dzi ta a na la pra mo ha ni nA ma d+ha ra Ni/ bod skad du/ 'phags
 pa rdo rje mi pham pa me ltar rab tu rmongs byed ces bya ba'i gzungs/ sangs rgyas dang / byang chub sems dpa' thams cad la
 phyag 'tshal lo// 'di skad bdag gis thos pa dus gcig na/ bcom ldan 'das rin po che'i khang pa brtsegs pa can gyi
 ri'i gangs ri sul gyi mchog/ ri rab kyi smad dang sked ltar gser gyi rdo sna tshogs kyis gang zhing re'ur bres pa 'bar ba/
 rin po che'i rdo du ma'i 'od sna tshogs 'ja' lta bu byung ba'i rdo leb yangs pa/ me tog dri zhim po bkram zhing phye ma
 dang / bdug pa dri zhim pa mang pos/ phug gi nang dang nags bsgos pa/ gdugs dang / a ga ru dang / phyi ma dang /
 dril bu dang / bla res mdzes par byas pa'i ri bo mchog la bzhugs te/ de na bcom ldan 'das lha rnams dang / lha'i bu/
 rnams dang / lha ma yin rnams dang / rlung lha rnams dang / nam mkha' lding rnams dang /
 rnams dang / gnod sbyin rnams dang / mi 'am ci rnams dang / srin po rnams dang / dri za rnams dang / rig sngags
 'chang grub pa rnams dang / 'byung po rnams dang / log 'dren rnams dang / sha za rnams dang / snang ba dang / mi
 snang ba'i ma mo'i tshogs khyab par byed pa rgya chen po dag gis dpag tshad lnga brgyar 'khor gyi dkyil 'khor du gyur par 'dus
 te/ de na gnas pa'i byang chub sems dpa' bdun khri lnga stong dang / dge slong khri nyis stong lnga brgya dang thabs cig go//
 bcom ldan 'das ni chos ston te/ gnas par bde ba/ mnyan na bde ba/ 'khor ba las nges par 'byung ba'i chos ston
 to// de na lha rnams dang / lha'i bu rnams dang / lha ma yin rnams dang / lha ma yin gyi bu rnams dang / rlung lha rnams
 dang / rlung lha'i bu rnams dang / nam mkha' lding rnams dang / klu rnams dang / gnod sbyin rnams dang / mi 'am ci rnams dang / srin po rnams dang /
 srin po'i bu rnams dang / dri za rnams dang / rig sngags 'chang grub pa rnams dang / 'byung po rnams dang / log 'dren rnams dang / sha za rnams
 dang / snang ba dang / me snang ba'i ma mo'i tshogs rnams dang / 'byung po'i tshogs rnams rnam par rgyu zhing ku co dang / 'jigs pa dang nyam thag pa'i sgra
 'byin to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas sgra de dag gsan nas
 'di skad ces bka' stsal to// kye bzhin bzangs dag ci'i phyir ku co dang / 'jigs pa dang / nyam thag pa dang / 'khrug pa'i sgra 'byin/ de dag gis
 gsol pa/ bcom ldan 'das bdag cag ni dbang du bgyis te/ gnod pa dang drang bas bkug cing drangs te tho brtsams te/ bcom ldan 'das bskyas
 tu gsol/ de skad ces gsol pa dang / bcom ldan 'das kyis thams cad kyi steng gi dkyil 'khor yangs pa ston pa'i mchog gi blo gros dang /
 blo dang / las dang / las kyi mtha' dang ldan pa/ sa chen po las sa gzhan thob pa rgyal chab du nye ste/ chos kyi rgyal srid la dbang bskur ba'i byang chu/
 sems dpa' sems dpa' chen po rjes su dgongs par mdzad pa tsam gyis 'ongs te/ rdo rje'i zom ltar dpung mgo yangs pa/
 rdo rje ltar 'khregs pa'i cod pan 'od zer 'tsher ba can rdo rje'i dpung rgyan dang ldan pa/ lus 'khregs shing sra ba/ lag na rdo rje dang / zhags pa dang /
 lag ca brtan po 'bar ba thogs pa/ rdo rje phur busra pas rab tu 'joms par byed pa/ mthu chen po g.yog bzhi 'bum lnga khri dang ldan pa/ 'jig
 rten gyi khams 'di kun tu snang bar byed cing rdo rje'i rigs kyi gzhon nu dang / rdo rje'i be con dang / rdo rje'i snying po dang / rdo rje'i tog dang / rdo rje'i snang ba dang /
 rdo rje sngon po dang / rin po che'i rdo rje dang / gsang ba'i rdo rje dang / 'khor lo rdo rje la sogs pa dang / rdo rje'i dmag dpon chen po rnams dang / dmag skyod
 rnams dang / sa skyong rnams dang / rdo rje rig pa'i rgyal po yang dag pa dang / yang dag pa ma yin pa yang dag par rtogs pa rnams dang / rdo rje'i
 yum rnams dang / rdo rje rnam par 'dren rnams dang lhan cig tu rdo rje gzhon nu'i gdon rnams dang / rdo rje gnon po rnams dang / rdo rje rmi lam ngan byed
 rnams yang dag par bskul/ rnam par bskul zhing 'khor gyi khyams chen por 'dus pa kun snang bar byed/ rnam par snang bar byed/ gsal
 bar byed rnam par gsal bar byed/ rab tu dga' bar byed/ yang dag par bskul/ so sor bskul zhing bcom ldan 'das ga la ba der song
 ste/ bla gos phud nas zhabs la cod pan gyis gtugs te lan gsum du bskor ba byas nas thal mo sbyar te phyogs gcig tu 'dug go// de nas
 bcom ldan 'das kyis rjes su yi rang ba mdzad de/ rdo rje khyod khyod song la lha rnams dang / lha'i bu rnams dang / lha ma yin rnams dang / lha ma
 yin gyi bu rnams dang / rlung lha rnams dang / rlung lha'i bu rnams dang / nam mkha' lding rnams dang / nam mkha' lding gi bu rnams dang / 'dus
 pa chen po'i bar dag 'byin cing nyam zag pa myong ba rnams kyi bsam pa rdzogs par gyis shig/ de nas rdo rje 'chang stan las langs te/ lha dang / lha ma yin
 dang / rlung lha dang / nam mkha' lding dang / 'byung po'i tshogs kyi nang du song nas rjes su ston cing rdo rje mtshon cha'i me sgron zhes bya ba'i ting nge 'dzin la
 snyoms par bzhugs te/ rdzu 'phrul gyis stong gsum gyi stong chen po'i 'jig rten gyi khams su me lce 'bar ba'i 'od 'phro ba dang / me stag rnam
 par 'phro ba dang / lce 'bebs pa'i glog rnams kyis 'jig rten gyi khams rnams gzir to// de nas bskal pa chen po sngar rmi lam dang / chudang
 gang ga'i klung gi bye ma'i grangs kyi tshad tsam dag gis mdangs dang / gzi brjid dang / tshangs par spyod pa dang / gtsang
 ma dang / bzod pa dang / tshul khrims dang / brtul zhugs dang / dka' thub dang / rang gi longs spyod thams cad las byung ba'i las grub pa'i
 rdo rje de byang chub sems dpa' lag na rdo rje de'i lag tu byin no// de ni sangs rgyas bcom ldan 'das rnams kyi gsung rab kyi chos ston par gyur pa dgra
 bcom pa rnams kyi chos dang / tshul khrims dang / ting nge 'dzin byed pa/ byang chub sems dpa' rnams kyi pha rol tu phyin pa dang / tshul khrims
 dang / bzod pa dang / snying rje byed pa rang gi rdo rje dang / rigs kyi rig pa dang / dkyil 'khor dang / bklags pa'i tshul du gyur pa drag po dang / dbang
 po dang / gshin rje dang / chu lha dang / lus ngan dang / rlung lha dang / nam mkha' lding gdul dka' ba rnams 'dul ba ste/ de ltar de las byung ba'i
 bcom ldan 'das khro bo drag po rnams rmongs par byed pa sgra dang ldan pa rnams rmugs par byed pa/ sdang ba rnams spyod pa rmongs pa rnams 'jig
 pa/ dam po rnams rtsad nas 'don pa/ rgyas pa rnams sbur mar klog pa/ yon po rnams spong ba/ gcod pa rnams snying rjes byed pa/ 'byung po rnams
 skrag par byed pa/ srin po rnams sngags par byed pa/ rang gi gsang sngags rnams rdzogs par byed pa/ gzhan gyi gsang sngags rnams phur bus 'dren
 pa/ nus pa rnams ston par byed pa/ gsod par byed pa gsod pa/ gnod par byed pa phung bar byed pa de der song nas lha rnams dang / lha'i bu rnams
 dbang du byed de/ de ltar drag po pa drag po grub pa dang / khyab 'jug pa khyab 'jug grub pa dang / lha ma yin pa lha ma yin grub pa dang / de dag
 spyir bskul zhing dkyil 'khor du 'jug/ skyod par byed/ mthu ston par byed/ brjed par byed/ rnam par skrag par byed/ stobs bcus dgongs pa bka
 stsal pa'i rdo rje 'chang gis mi pham pa me ltar rab tu rmongs byed ces pa'i gzungs gsung ba dang / gzungs 'di'i stobs dang / bden pa'i byin gyis
 brlabs kyis 'od zer gyi dkyil 'khor chen po las byung ba'i 'od zer rnams kyis rdo rje dang bcas pa'i lag na rdo rje skul nas/ 'od des de rab tu dga'
 ste rdo rje las snang ba bkye ba rnams kyis sa gsum gyi ston gyi skar ma dang / zla ba'i 'od zil du brlag par byas nas snang ba gcig pur byed cing rgya mtsho chen po ni
 skems/ ri'i rgyal po ri rab ni g.yo bar byed/ glog gi 'khor lo dang / lce 'bab pa'i 'brug ni bsgrags/ sgra drag po ni phyung / bsgyings pa'i sgra ni
 bsgrags/ skrag par ni byas so// de ni rdo rje mi pham pa me ltar rab tu rmongs byed ces bya ba'i gzungs me lce 'od 'phro chen
 po khong na 'dug pa/ sna tshogs gser dang rin po che 'dra ba/ rdo rje 'chang ba rdo rje'i bu mo zhes bya ba'i bcom ldan 'das ma des bskor ba lan gsum byas nas/
 yid ches mgyogs pa'i shugs 'od 'phro zhing 'bar ba lta bur drag pas byang chub sems dpa' sems dpa' chen po rdzu 'phrul chen po la skyabs su song ngo // de
 'ongs pa dang / 'phags pa rdo rje 'chang gis smras pa/ skal pa chen po dge ma de bzhin gshegs pa'i ting nge 'dzin gyis sems dang ldan ma/ 'di dag la
 lag cha dang mthun par bya ba'i stobs byin cig/ de nas gzungs kyis smras pa/ 'di dag bka' stsal pa de bzhin du bgyi'o// zhes lan gsum tshig tu
 spras so// thor tshugs gsum ma/ sa gsum dang / dus gsum dang / drag po'i rtse gsum dang / khyab 'jug gi 'khor lo dang / gshin rje'i be con
 dang / lus ngan gyi dbyug zo dang / dbang po'i rdo rje dang / chu lha'i zhags pa dang / log 'dren rnams kyi bgegs dang / lha ma yin rnams kyi sku dang / rlung lha
 rnams kyi gzi dang / shugs dang / grub pa rnams kyi rmongs byed dang / ma mo'i tshogs rnams kyi gcod pa dang / klu rnams kyi dam tshig dang / dug dang / khro
 bo dang / gnod sbyin dang / srin po dang / mi 'am ci dang / sha za dang / 'byung po dang / tshangs pa'i srin po dang / grul bum dang / bden bral dang /
 gnon po dang / ro langs kyi skabs su rgol ba rnams dang / de bzhin du thams cad kyang sbyongs shig/ mig gi 'dzum pa tsam gyis yud tsam la thams
 cad mchod nas lag na rdo rje la snying po 'di phul te sbas pa/ dkon mchog gsum la phyag 'tshal lo// gnod sbyin gyi sde dpon chen po lag na rdo rje drag
 po la phyag 'tshal lo// tad+ya thA/ ta thA ga ta sa mA d+hi d+hA ra Ni/ ma hA A bar+Na yi Sh+yA mi/ a hi badz+re/ ku Ti li/ ku Ti pra ba kA ku la shi khi/ ka pi
 la ke shi/ taT+Ti tsi Ti tsi Ti mi Ti mi/ karka Ta mu Ti baT Ti badz+re/ mahA bi dUl lo le/ pre gu pu lu/ su mu su mu/ sa ra sa ra/ phaT phaT/ su d+yoH/ pak+ka
 le tsi te/ dz+wa la ping+ga le sarba de ba ga Na/ pra hA ra Na mA yA/ sid d+hadA yi ke/ su ru ke/ ku ru ka/ badz+ra g+ho Ne/ badz+ra driH/ sA ra pra hAr Ne/ rat+na tra ya/ dikra la
 bud d+he te/ badz+ra d+hA ra bi shwa sa ni ka/ a pra ti ha ta pra marda ni swA hA/ gang gsang sngags 'di rjes su dran nas klog gam/ sgom mam/ 'dzin pa de/
 zos na ngan 'gro log par ltung bar 'gro bar mi 'gyur ro// 'jig rten pa dang / 'jig rten las 'das pa'i dkyil 'khor thams cad la mchod pa
 byas par 'gyur ro// dam tshig dang / phyag rgya la zhugs par 'gyur ro// bsam pa dang rjes su yi rang bas 'gugs par byed do//
 dug dang / gsang sngags dang / mdud pa dang / rdeg pa dang / 'ching ba'i 'jigs pa la sogs pa rnam par skrag par byed do/ de nas lha dang / lha'i bu de dag gi
 de'i mthus bcom ldan 'das rdo rje 'chang de'i rnam par rol pa dang / bcom ldan 'das kyis gsungs pa rnam pa mang po du ma yang myong nas steng gi gnas
 gtsang ma dang / 'og min gyi lha dang / 'jig rten gyi khams gzhan na gnas pa dag gis 'od dang ldan pa'i me tog dang / bdug pa'i sprin dang / rin po che mang
 po'i char rgya chen pos mchod nas bstod pa snyan pas bstod de/ snyan cing zab la rnga sgra lta bu dang / bsil ba dang / bsod nams kyi tshogs su bcad pa
 dag kyang smras so// bcom ldan 'das kyis de skad ces bka' stsal nas/ dge slong de dag dang / byang chub sems dpa' de dag dang / thams cad dang ldan
 pa'i 'khor de dag yi rangs te/ bcom ldan 'das kyis gsungs pa la mngon par bstod do// // 'phags pa rdo rje mi pham pa me ltar rab tu rmongs byed ces bya ba'i gzungs
 rdzogs so// rgya gang kyi mdzan po don mi snga dang / chu chen gyi lo tsAb ban rtse ye shes sdes bsgyur cing zhus te skad gsar bcad kyis kyang bcas nas gtan la phab pa/ zhus pa/