བོད་ཡིག

e-texts produced with BDRC’s OCR application

rgyas sa rgya dag skad du/ gtsug lag 'phrul gyi 'gyur rtsis srid pa lha'i skad du/ kong tse ling tse mer ma rol ma zhes bya ba/ bod skad du/ gza' skar gsang ba'i zu tse bskol gyi mdo zhes bya ba'i gzungs/ thams cad kun 'dus ma lus 'byung ba'i phyir/ 'byung ba lnga la dbang sgyur 'byung ba lnga yi bdag/ thams cad mkhyen pa thams cad yongs kyi rje// nyon mongs ma lus 'dul mdzad pa/ nyon mongs dug lnga kun 'dul tshegs/ thams cad byang zhing gnas su dag mdzad pa'i// byang sems sangs rgyas shes rab lnga ldan pa// lha dang lha mo thams cad bzhugs pa kun// thugs rje'i sbrul skus 'gro don mdzad pa'i phyir// yid 'ongs mdzes ldan po zang gnas 'dir gshegs// chags med gsal mdzad 'ja' tshon lha yi gnas// rnam dag pad+ma'i gdan la bzhugs su gsol/ phyogs bcu'i sangs rgyas ji snyed bzhugs pa la// lus ngag yid gsum gus pas phyag 'tshal lo// sems can nyon mongs bag chags sdig sgrib dang // las ngan 'khrul pa'i dug gsum rtsad gcad phyir// byang sems nyon mongs dug lnga 'dul mdzad pa// ston pa bla med 'gro ba yongs kyi mgon// de dag thams cad bzhugs pa'i spyan lam du// 'khrul pa'i las dang dug lnga 'khrul/ bsang bcad brdung brdeg rku 'phrog dang // rdzun dang phra ma g.yan dang gcugs// ci bgyis thams cad mthol lo bshags// 'jig rten lha tshogs 'gro ba'i mgon// 'gro ba'i mgon mdzad lha yi dpal// dregs pa can dang gdug pa can// nga rgyal can dang pra dog can// las dang las ngan las skyes pa'i// bar snang mkha' la rgyu ba'i rje// drang srong chen po gza' chen brgyad// rgyu skar lha mo nyi shu brgyad// sum cu rtsa gsum lha yi gnas// kun du rgyu dang kun du 'khor ba'i tshogs// phyogs dang phyogs mtshams gnas pa'i bdag/ drang srong rgyal po sprul pa'i 'khor// suM cu rtsa gsum lha yi pho brang du// ji ltar gdan bzhugs yin par bar snang mkha' la 'khor// ri rab ri bo'i mkha' la bzhugs pa kun// drang srong rgyal ba kun mgon lha yi bu// srid pa'i srid rtsi 'byung ba'i bcud sdud pa// thams cad ma lus 'khor zhing gnas pa'i bdag/ gnya' shing 'dzin la sogs pa gser gyi ri bdun skor// rgyal chen rigs bzhi bang rims bzhi la gnas// lha srin sde brgyad 'khor na gnas pa'i gtso// lha chen klu dang gnod sbyin chen po dang // mi min mkhri' la rgyu ba'i 'phrul lag sgron khyed/ tshogs// sprul pa 'bum 'byin rdzu 'phrul mtha' dag ston// ha la 'bar ba gdug pa can gyi tshogs// ha 'dzin gdug pa gser gyi me sgron tshogs// gnod sbyin gdug pa can dang rgyal po'i tshogs// sangs rgyas bka' 'dzin ston pa'i bka' mnyan pa'i// bdud dang srin po btsan tshogs rmu yi rje// rtsub can 'khor dang ldan pa'i 'khor lo can// ston pa'i bka' ni 'gyur ba med pa'i don// sra ba'i go gyon gti mug mun pa sel// bgegs 'dul nyon mongs tshar yang gcod// drang srong lnga lnga dbang du btsugs// 'gro ba'i don du dkyil 'khor bcas// rgyan dang yo byad mchod pa bshams// me tog gcal bkram chu gtsang sbyar// dri dang tsan dan gla rtsi sbyar// gur gum rgya spos spos me sbyar// 'gro ba'i don du byams sems bskyed// nyon mongs mtha' dag snying rje sgom// 'gyur ba med pa'i pho brang nas// // drang srong 'gyur med spyan yang drangs// 'byung ba lnga yi bshul yang mtshon// shar phyogs skyed byed shing gi lha lho phyogs gso byed me yi lha// nub phyogs brtan pa lcags kyi lha// byang phyogs kun gso chu yi lha// mtshams bzhi 'gyur med sa yi lha// lha lnga'i sku la phyag 'tshal lo// gdug pa 'dul byed rdzu 'phrul can// sku yi cha lugs bsam mi khyab// sprul pa'i sku mnga' mkha' la 'gro ba'i dpal khros pa'i cha byad 'gying dag brkyang bskum mdzad// bgrang pa'i zha kyis thams cad gnon// thams cad dbang sdud 'byung ba'i lha// 'byung ba'i ngang du ma 'dus gang yang med// dang po srid nas bar du chags// mtha' ma 'jig kyang 'byung bas 'jig/ 'byung ba bya ba'i dbang po che// 'gro ba rigs drug sems can gyi// rkyen dang rgyu dang sa bon rnams// 'byung ba'i 'od gsal 'byung ba lnga yi 'ong// 'byung ba lnga yi lha chen rnams de bzhin de dang ldan pa'i dpal// dpal ldan lha chen tshangs pas bshad// tshangs pa'i gnas nas sgra sgrogs pa'i// drang srong lha chen rnams kyis gsungs// 'byung ba lnga la thams cad ldan// thams cad bskyed pas 'byung ba'i lha// cha lugs sna tshogs 'od zer bkra/ 'byung ba sku la 'od mdangs gsal// thabs kyi sprul pa thabs kyis mdzad// mi mngon rgya mtsho'i rus sbal ltar// ston pa sku sbrul sangs rgyas spyan// 'das dang 'ongs thams cad gzigs// lha chen lngar sbrul 'byung ba'i klong // klong lnga yangs pa'i mkha' dbyings nas/ thams cad 'dul ba'i thig le 'chang // phyag stong rnams kyis mtshon cha 'dzin// shes rab ral gris thams cad sgrol// ye shes mnga' gzhus sdug bsngal 'joms// thar lam 'byed pa'i stobs po che// dbyings dang ye shes 'gyur ba med// mdzes sdug mdangs ston 'byung ba'i lha// dug lnga spangs pa 'byung ba'i sku// sra brtan 'gyur med sku banga' ba'i/ nyi ma lta bu'i spyan mnga' ba'i// rang byung gsang ba 'byung ba'i lha/ thams cad 'dul zhing bgegs rnams 'joms// sa yi dug dang me yi dug/ shing la gnas pa'i dug 'dul ba// chu dang lcags ni de bzhin du gcod 'dral mi mthun 'byung ba'i dug/ thams cad ma lus zhi byed shog/ phyogs bcur khyab pa'i bde gshegs byang chub sems// de dag la mchod me tog la/ sogs 'byung ba'i gter// rgyu la mdzes pa'i rin po che// sems can sdug bsngal bsgrub pa'i phyir// kong rtse lha yi gsol ba btab// yi dam 'byung ba'i lha lnga mchod// lha lnga mchod pas bde ba thob// bde ba chen po bde ba'i ngang // de nas rdzogs pa'i sangs rgyas dang // byang chub ye shes tshogs dang ni// sems can spyi mthun smon lam rgyu// smon lam rang bzhin grub pa'i mchog/ mchog ldan sems // can kun gyi gter// bsod nams kun la rje yi rang // byang chub lam du sngas bstan nas// rim pa bzhin du tshangs pa'i gnas/ bzhi po yang ni kun du 'brel// kun du 'brel ba kun du gnas// 'byung ba'i rgyu las rgyu bstan pa// rgyu med pas ni mtshan ma med// rang bzhin dgra gi dngos po rnams// de la de bzhin ngang gis 'brel// bsod nams tshogs bsags 'byung ba'i lha// sku gsung thugs kyi khyad par las// thams cad bskyed pa'i rgyu 'bras 'brel// nges pa 'bras bu srid pa'i rgyu// 'byung ba lnga snang srid pa'i phugs// g.yu yi gnam yol kun gyi pa// gser gyi sa gzhi kun gyi ma// ri rab lhun po dngos grub ri// rgya mtsho'i mching rnam bdud rtsi'i snod// kha le stong 'jam smon lam shing // nam mkha' khyung chen dbang gis phug/ nyi zla gza' skar rdzu 'phrul lha// bar snang mkha la yod par lhang nge gsal// gnas yin 'khor ba 'byung bas btsal// 'byung ba lnga yi 'khor lo sgyur// rlung lnga 'byung ba'i snying pos bzung // 'byung ba'i sa bon rlung gis bskyed// 'byung ba'i lha lnga rlung gis grub// rlung gis rlung chags 'byung ba'i rgyu// thams cad rlung gi klong du yangs// klong yangs rlung gi char chen pog/ rlung lnga pad+ma'i 'khor lo nges// rdo rje rgya gram rlung gi sgra yis sprul// 'byung ba'i snying po de las bskyed// rlung gis thams cad ma lus 'gyogs// rlung gi rgyal po lnga yi mchog/ sems can ma lus mtha' dag gi// dbugs kyi khwa 'byed dbang po'i kha mdangs sel// dngas snyigs 'byed pa rlung gi mchog/ du gu sel ba rlung gis skyob// 'dres gsal bas rlung lnga rdzogs// las mtha' grub pa rlung gis bskyed// rlung gi lha lnga pya las skyob pa ste// bde ba'i 'bras sam rlung gis bskyed// rlung lha gar mkhan lha yi lha// lha yi rgyal pos thams cad mdzad// rlung lha bde ba chen po'i 'khor// sna tshogs gzugs med mkha' la rgyu// dang po rlung gi ngang las 'byung ba chags// 'byung ba'i rten pur rlung gis grub// rlung gi lha chen khyab pa che// thams cad kun du khyab pa'i dpal// sems can nyon mongs mtha' dag gi/ ma lus sgrib pa sel ba dang // rlung las gyur pa'i nad yams dang // bar chad sdug bsngal rkyen dang byung // lus 'jig tshe nyams dbang thang 'phrog/ bgegs kyi bar chod lta ngan than// gdug pa'i las ngan rlung 'khrugs dang // rlung las rlung phar rlung 'bud pa'i// thams cad ma lus de dag gis// gcod dang dbugs ni nyam pa yi// 'khor lo bskor dang gdug pa ston// bar du gcod cing sdug bsngal 'bebs/ 'byung ba log pa bdud dang gshed// bdud kyi bar chod sel phyir du// rgong rtse lha yi rgyal po yis// bde ba can gyi dkyil 'khor bcas// ting 'dzin g.yo med rab tu bsgoms// shes rab byams pa'i sems bskyed de// dag pa gser gyi mdo thig 'di brtsams pas // sdug bsngal ma lus thams cad byang // sngags dang snying po 'di skad brjod// yaM yaM sa la sal ge re du// yaM te khru te che yang phaT// zhi zhi yi ge g+hu ma hA/ de skad snying po brjod pa yis// sems can thams cad mdangs dang ldan// kha dog legs shing sha bkrag rgyas// bar tshad bgegs dang lhas dran zhi// 'byung ba rlung gi sdug bsngal byang // rlung gis sems can ma lus gso// thams cad bskyed cing thams cad skyob// rlung gis snying po mdo thig 'di// gser bzhin bcang shing bklags pa yis// thams cad nad dang sdug bsngal zhi// mi bde sdug bsngal dag par nus// nus mthu de dag 'di las byung // rgong rtse'i rgyal pos 'di bklags pas// rang la bar chod bgegs mi tshugs// kun gyis 'khur zhing yongs kyi skyob// de bas 'di bklag yon tan che// de tshe 'byung ba rlung gi 'od las 'byung ba me yi pad ma 'phros// me las 'od yod pas na me zhes bya// thar thugs gsal bas me zhes bya// ci yang med pas me zhes bya// thams cad smin grol me yi mchog/ nyon mongs 'bar 'bur me yis sreg/ me yis las byed thams cad gso// gnyis med gnyis su med par 'khrigs// 'byung ba me yis tham cad 'gyogs// 'byung ba mtha' dag dug rtsub sel// stong nyid bde ba'i ngang la 'dus// theg chen me yis thams cad gso// 'byung ba'i drod 'byin me yi mchog/ me yi kun mtha' kun 'byung mchog/ me yi lha lnga 'gro ba'i mgon// thugs rjes rgyud ldan sprul pas khyab// nyon mongs sgrib sel dug lnga 'dul// me yi las la 'byung ba 'gyegs// stobs chen me yis rdzu 'phrul 'gyed// kun ldan 'byung ba me yi gtso// gtso bo lnga 'dus me yi lha// gso byed me yi phung po gso// skyed byed me yis che sreg skyed// mdangs ston me yis lus mdangs bskyed// me lce'i rgyal po ag ne de// a ram 'phrul gyi khril bzhugs// cha cha 'phro ba'i stobs po che// stong / pa las byung 'byung ba me// kun la khyab pa'i 'byung ba me// snang dang nyi ma'i 'od chen 'bebs// 'jig rten khams gsum drod ston pa'i// thams cad drod kyi ngang lA grol// ri rab rgya mtsho gser gyis// de dag thams cad drod las 'tsho// chags pa chen po me yi drod// kun du snang byed me yi 'od// thams cad kun du khyab pa'i mchog/ sems can nyon mongs mtha' dag gi/ ma lus bag chags sel ba dang // skyon sgrib sdug bsngal 'khor ba'i 'dam// me las gyur pa'i nang rnams dang // chad pa'i nang dang 'khru nang dang // bar chad sdug bsngal rkyen dang byung // mi 'phrod pa yi 'jigs pa dang // mi yi tsha de nad 'khor ba'i dug/ me dug me nad tsha ba'i nang / lus 'jig phung po 'khor ba'i bdud// tshe nyams dbang zad rku ba'i bgegs// bgegs dang bgegs chen las kyi bdud// nyon mongs 'dod chags 'khor ba'i gshed// gshed bdud nyon mongs lhas ngan than// gdug pa'i las ngan tsha ba g.yob// tsha dang sreg dang 'phar ba'i nad// skem byed spyod spyod byed/ ba'i nad// sdug bsngal mtha' dge stong pa'i bdud// me las gyur pa'i nad sel ba// rgong rtse lha yi rgyal po yis// kun ldan 'phrul gyi dkyil 'khor bcas// ting 'dzin 'khrul med rab tu bsgoms// snying rje ldan pa'i sems bskyed de// dag pa gser gyi mdo thig 'di brtsams pas// nyon mongs mtha' dag sdug bsngal byang / snying po sngags chen 'di dag brjod// raM raM sting phur raM ge re 'du/ tsa ba phaT/ ma ma raM te nye phur/ ge g+ha d+ha sang zhi ba 'dul// de skad snying po brjod pa des// sems can thams cad drod dang ldan// dbang po gsal zhing bde ba thob// nyon mongs sdug bsngal dag las thar// ltas ngan than dang bar chod zhi// 'byung ba me yi sdug bsngal byang // me yis sems can ma lus bskyed// thams cad bskyed pa me yi mthu// me yi snying po mdo thig 'di// gser bzhin bcangs shing bklag par 'os/ thams cad sdug bsngal mi dge bas// nad dang skyon gyis bsdus pa'i bgegs// de dag thams cad dag par nus// nus mthu thams cad de las 'byung // rkeng rtse'i rgyal pos 'di bklags pas// rang la bar chod bgegs mi tshugs// 'byung ba me yi lha yis skyob// bsod nams dbang thang rgyas par nus/ se las gyur pa'i sdug bsngal zhi// las ngan bdud kyi bgegs rigs 'dul// des na klags pa'i yon tan che// de tshe mo yi cha dang las// 'byung ba chu yi 'khor lo chags// thams cad chub pas chu zhes bya// chu yis thams cad kun du khyab// khyab pa chen po chu yis phul// sprul pa'i las la grub pa'i chu// sna tshogs bzhi ldan bdud rtsi'i klong // bdud rtsi grub pa chu yi lha// du mar gsal ba chu yi mchog/ 'byung ba chu yi shugs las grub// lcags drag dar chen chu yi rgyu// shugs ldan chu yi kha dog las// sems ldan 'khor ba'i sha khrag bskyed// lus dang sems su gnas byed chu// chu yi bdud rtsi chu yi dang // 'khor lo shugs ldan chu yi rlan// rlan byed chu yi 'byung ba gso// rtsal gsum rdzogs pa'i thig le can// zad pa med pa'i thig le 'chang // thig le 'gyur med me la brten// yi snying po rlung gi sa bzung // chu yis thams cad bskyed pas chu// g.yo ba'i rang bzhin dang du 'dus// 'dus pa'i chu rgyun zad pa med// rgya mtsho lta bu chu yi dang // ngang las g.yo 'gul med pa'i rten// chu yang lha chen du ma brten// ri rab gser gyi gling chen bzhi// de bzhin de yi rlan gyis brtsas// 'gyel ba med pa sra brtan theg/ rol pa'i mtsho bdun de ltar chags// ma ngo rgyas mdo 'phel 'byung ba de ltar chags// 'byung ba chu yi lha chen gtso// chu las bdud rtsi // rang 'khyil che// 'khyil zhing spogs pa rang bzhin shugs// rlan byed chu yis phung po bskyed// bdud rtsi chu yis phung po gso// kun grub chu yis 'bras bu 'tshal// 'dod byed chu yis gti mug sbyong // chu lha'i rgyal po 'khor lo can// 'khor lo lnga ldan phyag las 'grems// ye shes lnga'i sdong po rgyas// @/ rol phyin pa'i de bzhin nyid// rnam shes drug ldan phung po'i bcud// bcud ldan bcud 'phel 'byung ba chu// chu yi ngar ldan 'khyag cing grang // zla ba'i 'od ldan de bzhin gsal// 'jig rten khams gsum gso bskyed mdzad// khams gsum thams cad chu yis gso// de ldan de bzhin chu dang ldan// chu yi 'byung ba chu la rdzogs// de bzhin gnyis 'brel thams cad 'byung // kun du grub pa chu yi lha// bag chags sgrib sel chu yi mthu// mthu stobs de yis nyon mongs 'dul// dga' ba grub pa kun gyi mgon// mgon mdzad mgon gyis thams cad skyob// thams cad re ba skyabs kyi mchog/ de bzhin 'byung ba chu las 'od sems can nyon mongs mtha' dag gis// ma lus sdug bsngal sbyong ba dang // skyon dang bag chags sdig sgrib dang // bar chod rkyen dang 'byung ba'i dgra chu las gyur pa'i gdon dang bgegs// grang ba chu las gyur pa'i nad// ma zhu ba dang rdol nang dang // rgyu khris rgyu nad chu yi dug/ zas zos dug du gyur pa yi// rmu chu rngus khyer chu dgra dang // chu g.yos chu dgra 'gul ba zlog/ gdug pa'i than lhas ngan pa zlog/ mi yi lus la nyams bsod dang // gzugs kyi phung po/ bshig pa dang // tshe srog bar du gcod pa zlog/ khar rje dbang thang dag la rku ba dang // 'byung po las ngan bgegs dang bdud// bdud dang las la 'khor ba'i gshed// 'jig rten spyi mthun bsod nams 'phrog/ kun la 'tshe ba byed pa rnams// de dag thams cad zhi bar mdzod// rkeng rtse lnga yi rgyal po yis// bsod nams rab 'phel dkyil 'khor bcas// yi dam lnga gsal 'gyur med ting 'dzin bsgoms// tshad med bzhi ldan byams pa'i sem bskyed de// dag pa gser gyi mdo thig 'di brtsams pas// sdug bsngal phra dog dug lnga'i sgrib pa byang // snying po sngags tshig 'di dag brjod// maM maM sa maM du ye maM 'du// pra ha ra hUM du phaT/ maM d+ha ke sha khaM ra du/ de skad snying po brjod pa des// sems can thams cad sha lus rgyas// dbang po'i dang ma kun kyang gsal// 'khrul pa med cing g.yo ba med// rang bzhin lhun grub bde ba thob// byams pa ldan zhing snying rje che// sems can mi la gnod pa skyel ba de// zan ngan la nye ngan pa dang // thams cad 'di yis thar par 'gyur// 'byung ba chu yi sdug bsngal byang // chu 'di sems can kun gyi gsos su che// thams // cad gsebachu yi mthu// chu yi snying po mdo bag 'di// gser bzhin bcang zhing bklag par bya// sdug bsngal bag chags sgrib pa dang // dri zhugs dri ma ngan pa dang // nang ngan mi gtsang la sogs dang // de dag thams cad dag par 'gyur// nus mthu de dag 'di las 'byung // rkong rtse'i rgyal pos 'di bklags pas// bar chod bgegs kyis mi tshugs dang // 'byung ba chu yis lha yi skyob// za thang bsod nams rgyas par 'gyur// chu las gyur pa'i nang rnams dang // de dag myur du zhi bar lta// des na 'di bklags yon tan che// sngon tshe chu yi rba rlabs las// rin chen gser gyi sa gzhi grub// 'gyur ba med cing g.yo ba med/ rang bzhin khang dang rim gyis chags// sa gzhi rin po che yi dang // thams cad mdzes pa'i gser dang ldan// gser gyi ngo bo kha dog las// sa yi snying po rab tu bzang // 'bar ba med pa gser gyi brjid// rang bzhin gnas pas yi mthu// 'byung ba sa las rin po che// lnga ldan 'byung ba lnga yi shugs// gang 'dod thams cad de las 'byung // sems can 'dod pa de yis skong // bla med ston pa'i thugs rje dang // sangs rgyas byang sems rab rdzogs pa'i// dge ba'i rtsa ba de bzhin 'grub// de ldan sems can nyon mongs spangs// de bzhin mthong med 'gyur mi srid// de bzhin de ldan 'byung ba'i ngang // ngang las ma g.yos rin chenas// bde ba bkod pa gser gyi phugs// thams cad rten la thams cad gnas// 'pho med 'gyur med sre zhing brtan// 'gro ba rigs drug de bzhin gnas// thams cad gnas pa sa'i gzhal yas mchog/ 'byung ba sa yi dkyil 'khor rgyas// kun du khyab pa'i sde brgyad rin po che// kun la dgos pa de bzhin yod// dang ldan mos pa'i sems dang phrad// gti mug mun pas bsgribs pa yi// nga rgyal can de mi yi 'khor// sa las spyod pas yi dang // thams cad de bzhin sa las grol// byams sems ldan pa ye shes che// lha mo bstan ma sa yi lha// rdzu 'phrul gzugs 'chang sa yi bcud// sa las grol bas kun gzhi rgyas// rgyas pa rab ldan rab kyi gzugs// sa chen gsum po 'gro ba'i don// 'byung ba'i gzugs can de ru rdzogs// skye shi med pas yi khams// khams brgyad rnam shes sprul pa yi// sprul skus khyab pas khams gsum dbyings// sa chen 'byung ba sa yi bcud// bcud du rdzogs pa ri rab yin// kha dog 'byung ba lnga las grub// rin po che yi 'od lnga 'bar// sna tshogs gzugs can 'byung ba'i gzugs// thams cad de la gnas shing 'khor// 'byung ba lnga las grub pa'i mchog/ mchog tu ldan pa lnga yi gnas// sa yi lha lngas thams cad skyed// khyab byed sa yis gzugs phung bskyed// de ldan sa yis bkrag mdangs 'byin// gsal ldan sa yis 'od mdang // gter// kun ldan sa yis dran pa sbyor// sa yi lha lngas thams cad gso// bde ba dran pas yis byed// sa yis bya ba thams cad 'grub// skal ldan 'byung / ba'i gter la spyod// bag chags byang bas byang chub gter// kun du spyod pas yi bcud // de bzhin 'byung ba sa yi rtsi// bdud rtsi bya bas yi bcung // de las lhag/ pa'i bdud rtsi ming// gso bskyed 'byung ba de yis thams cad gso// sems can nyon mongs mtha' dag la// ma rig 'khrul pa'i sdug bsngal dang // ma rig sem kyi zhen chags dang // rtog pa med pa'i bying rmugs dang // le lo btang snyoms nad dang skyon// shi zhing chad dang brlag pa dang // sa las gyur pa'i gdon dang bgeg lci zhing 'thib pa'i nad dag dang // spro dang 'bog dang rmugs dang non// sa gzhi sa g.yos sa 'gul zlog/ sa nad sa yi cho 'phrul gshed// tshe la gnod dang bar du gcong // dus min 'chi dang sgra ngan sgrog/ gdug pa'i cho 'phrul ston pa'i tshogs// de dag thams cad zhi bar mdzod// rkong rtse lha yi rgyal po yis// 'byung ba'i mdo thig 'di brtsams pas// 'khrul pa ma rig mgo ba'i// nyon mongs bying rmugs sgrib pa byang // snying po sngags chen 'di dag brjod// khe ra sil ma du ma yi/ du ma ye// khaM ke ma hA a mu du// de skad snying po brjod pa des// sems can thams cad dga' ba bskyed// lus rgyas bcud 'phel sha khrag gsal// gdug pa can gyi gnod pa zhi// mi gdug cho 'phrul mtha' nas sangs// legs pa'i yon tan thams cad 'phel// byams sems dang ni snying rjer ldan// thar pa'i bde la thob par 'gyur// sa yi sdug bsngal nyon mongs sgrib pa byang // sa la gnas pa'i sems can bgegs// thams cad 'gegs pa sa yi stobs// sa yi snying po mdo thig 'di// gser bzhin bcang zhing bklag pa yis// mi mthun rkyen dang sdug bsngal than// las kyis mnar ba'i sems can nyon mongs bdud// nus mthu 'di yis dag par nus// rkong rtse'i rgyal pos 'di bklags pas// lha srin sde brgyad gdug pa dang // sa bdag sa las mi ldang dang // sa gdon gdug pa can gyis nyams mi song // 'byung ba'i lha yis rtag tu khur// sems can nyon mongs skyob par nus// sa las gyur pa'i gdug pa zhi// 'di bkran yon tan mtha' dag 'phel// de tshe 'byung ba bzhi g.yos pas// nam mkha' me tog bzhin du ni// gsal ba'i 'od 'bar lhang nge gsal// gdod nas ma skye stong pa'i ngang // ci yang med pa stong pa'i ngang // dang po stong pa'i ngang nyid las// mkha' la 'od chags nam mkha'i klong // 'gyur ba med pa nam mkha'i dbyings// nam mkha'i dang ni log pa ste// 'byung ba lnga po de las 'dus// de nyid ngobo sems kyi yul// sems nyid la yang ngo bo med// sems kyi mtshan nyid sems su rdzogs// sems nyid stong pa'i rang bzhin no// stong pa skye ba med pa'i dbyings// rang gis ma g.yos ngang gis 'brel// dbyer med 'pho 'gyur med pa'i ngang // dngos po med pa stong pa'i ngang // mtshan ma brjod bral stong pa'i ngang // g.yo med skye med dngos po med// ci yang med pa nam mkha'i dang // nam mkha'i ngang la dbyings nyid rdzogs// nam mkha'i dang la ci yang med// 'byung ba'i kha dog mtshan ma med// stong nyid stong pa'i de bzhin gnas// nam mkha' 'byung ba'i ngo bor rdzogs// 'byung ba byas pa med pa'i ngang // phyogs dang mtshan ma de bzhin med// kha dog ngo bo med pa sems kyi rtsal// sems la bzung du med de ci yang med// nan ltar ltas na gang yang mi gnas pa// sems kyi dpe ni nam mkha' 'dra// dpe yi dpe rtsal 'khrul pa med// 'khrul med sems dang // nam mkha'i klong // rdzogs pa chen po de la yod// chos nyid dbye ba med pa thig ler 'dus// sems dang 'gyur med nam mkha' gnyis// sgrub byar yod pa ngo mtshar che// rtsal ldan rdzogs pa sems kyi rtsal// nyon mongs spangs pas rang sems bde// sems kyi gnang du 'khrul pa med// 'khrul pa'i rtsa ba ma rig pa/ ma rig pa yang 'khrul pa yin// rnam par rtog pa sems kyi dug/ nam mkha'i dngos po mi 'gyur yang // glo bur char sprin khug sna dang // rmugs pas sgribs pa lta bu'o// skyon dang 'grogs pa nam mkha'i ngos// nam mkha' rdzu 'phrul sangs rgyas bka'// byas pa med par kun tu shes// byang chub bzhi ldan/ kun du shes// byang chub bzhi ldan de bzhin dbyings// lha rnams rig pa de bzhin gnas// 'khor ba gnas lngar spangs byas te// thams cad rang bzhin rdzogs pa'i sa// bde ldan bde ba thob pa'i sa// nam mkha' sems kyi 'khor lo skor// 'khor lo lnga ldan ye shes lnga// ye shes lha lngas thams cad khyab// srid pa 'gre ba'i 'byung ba che// 'byung ba bzhi 'dus nam mkha'i mkha'// mkha' dbyings rnam par dag pa'i klong // rtogs na rang sems sangs rgyas te// ma rtogs pa la gtsug lag dgos// ma rig 'khrul snang gtsug lag pa// g.yo med nam mkhas gzugs phung skyed// dpal ldan nam mkhas sha khrag 'byin// grub pa'i nam mkhas thams cad skong // thams cad ma lus bskyed pa de// 'byung ba nam mkha'i klong du 'dus// rang bzhin lhun rdzogs grags pa che// dpal ldan gsal ba de la 'dus// gsal bden sgrib pa med pa lam gyi mchog/ 'khrul med brtan pa gnas kyi mchog/ mchog dang ldan pa de la 'dus// de bzhin gnas pa de yi ma// sems can nyon mongs mtha' dag gi/ las ngan sdug pa'i bag chags sdig sgrib dang // nyon mongs las kyi bar chod dang // gdug pa // ston pa'i bgegs rigs stong // cho 'phrul ston dang than ngan 'bebs// lus gnod srog la rku dang 'che ba byed// tshe la glo bur gtong ba'i tshogs// nam mkha'i gdon dang lcags kyi gshed// lcags las gyur pa'i nang yams dang // skran nad dang ni rus nad dang // lcags 'khrug glo bur drag shul dang // gri dang mda' mtshon 'khor ba dang // ye 'grog sum brgya drug cu dang // nad rigs brgyad cu rtsa bzhi dang // lcags las gyur pa'i gri yi tshegs// gdug pa'i thog dang rnam thal dang // de dag thams cad zhi bar mdzod// rkong rtse lha yi rgyal po yis// ye shes lnga ldan dkyil 'khor bcas// thabs ldan shes rab 'phrul gyi ting 'dzin bsgoms// lta ba mtha' dag nyams su myong ba'i sems bskyed de// dag pa gser gyi mdo thig 'di brtsams pas// sdug bsngal las kyi nyon mongs sgrib pa byang // sngags ni oM a mer ti ba rom khrer duM ma a ri kher na yu// a hUM kle nya ma hUM// de skad snying po brjod pa des// sems can thams cad dran pa rnyed// gsal ldan sems dang ldan par 'gyur// dbang po rgyas pas kun gzhi bde// sku gsung thugs kyi phung po rten// 'jigs med 'gyel med brlag pa med// 'byung ba lcags kyi gdug pa dang // bcod 'bigs rgyag pa'i gdug pa zhi// 'byung ba lcags kyi sems can rten/ thams cad rten pa lcags kyi stobs// lcags kyi snying po mdo thig 'di// gser zhing bcang zhing klag par 'os// nyon mongs ma rig 'khrul pa'i bdud shes bya ma rtogs gti mug klong // zang zing gnod pa phrag dog bgegs// de dag thams cad dag par nus// nus mthu 'di las 'byung bas bklags/ par bya// rkong rtse'i rgyal pos 'di bklags pas// bgegs zhi sdug bsngal rab tu byang // drag byed bdud dang 'tshe byed btsan// lha srin sde brgyad gdug pa'i tshogs// nyams mi sod la kun gyi 'khur// tshe dang bsod nams 'phel bar 'gyur// nam mkha'i rgyal pos rtag tu 'khur // sems can kun la phan 'dogs nus// lcags las gyur pa'i gnod pa zhi// dngos grub bdud rtsi char bzhin 'bebs// des na 'di bklags yon tan che// de tshe 'byung ba rnam pa lnga// gzugs med dngos kyi cho 'phrul dang // gsung med sgra yi rang bzhin las// thams cad chags pa 'byung ba'i rgyu// 'byung ba chags pas sems can gnas// sna tshogs sems can de yis grol// 'das dang ma byon da ltar gyi// thams cad 'bras bu de yi dang // kun 'byung gzugs kyang de las blang // 'gro ba rigs drug de las grol// rgya mtsho chen po de las chags// rgya mtsho'i dngas ma byol song dang // klu rnams chang 'gas spang ma 'dra// gcig sha za zhing cig khrag bzung // gcig gis gcig gsod byol song yin// dmyal ba'i sdug bsngal bsam mi khyab// sngon che // 'byung ba cham snyoms// de ltar sems can rigs drug la// sdug bsngal de bzhin khur ba yin// drang srong bka' ni ma thos sangs mi rgya// sems can rgyu yin 'bras bu sangs rgyas yin// byams dang snying rje rgyud la dgos// de med ngan song gsum gyi rgyu// mtsho gling 'o ma'i rdal khyab nas// ston pa chen po 'gro ba'i mgon// bla med sa bcu ston pa yis// mkhyen rab bdag po 'jam pa'i dpal// ma hA gser sbal ser po ru// sku sbrul 'gro ba'i don yang mdzad// rgya mtshor zhugs nas 'gro don mdzad// 'gro don mdzad phyir rus sbal sku ru sprul// mgo las me yi rus sbrul bu tsha'i gab rtse dang // glo g.yas shing gi rus sbal pha khu'i gab rtse dang // mjug las chu yi rus sbrul gnyen lam mtha' bzhi'i gab rtse dang // glo g.yon lcags kyi rus sbal nor grogs gab rtse dang // yan lag bzhi las sa yi rus sbal ma phyi yul mkhar gyi gab rtse dang // de dag la sogs rgyas par gtan la phab/ ma ni kun la khyab pas ma// yang na kun la byams pas ma// sems can sems la brtse bas ma// ha ni dug gsum skyon gyis ma gos pas// de yi phyir na ha zhes bya ba// gser ni rin po che yi mchog/ kun gyi nor bu che ba dang // sems nyid rin gser du bstan// cis kyang mi 'gyur bcos su med// de yi phyir na gser mdog stan// 'gyur ba med pas kha dog ldan// chos sku'i brda' mtshon thig le can// yang na mchod rten ri mo can// longs sku'i brda' mtshon rus sbal sprul// sprul skus gang la gang 'dul ston// kyis ni thams cad de la 'dus// thams cad 'dus pa gnas kyi dbyings// rus zhes bya ba 'byung ba'i khams// 'byung ba lcags chu mes shing // sbal ni ston pa lha yi sku// skye shing med pa byang chub dang // snang srid thams cad de ru 'dus// de las ma grol gang yang med// thams cad rus sbal sku las grol// ston pas 'gro ba'i don du bstan// 'gro don mdzad phyir rus sbal lo// pa ni thabs kyi rang bzhin te// ma ni shes rab rang bzhin yin// yab yum gnyis med 'grel pa las// ma hA gser sbal ser por stan// sems can rgyal po grangs mang yang // mkhyen rab bdag pos rus sbal sprul// gzhan las khyad 'phags rus sbal yin// 'byung ba 'gyur med thig ler ldan// sa bdag po mo bu tsha drug/ tshe yug la sogs spar kha brgyad// rus sbal mgo dang yan lag rnams la grol// 'byung ba lnga por de bzhin 'dus// lta ba thams cad yas phug cig/ ma rtogs sems can snying re rje/ gnyis su lta ba nyon re mongs// gnyis med thams cad cig tu 'dus// thams cad 'dus pa'i ston pa'i sku// sku lnga sangs rgyas rigs lnga'i gnas// 'gro 'a // don du so sor stan// dug lnga dag pas ye shes lnga// rab ldan thob pas thams cad snang // gsal snang khyab pas gnyis zhes bya// 'byung ba'i bcud stobs rin chen sa// sa la lnga chen sa bdag bu// rgyal rigs rje rigs bram ze'i rigs// gdol pa'i rigs ni ngan sems can// bsam pa ngan pas 'tshe ba byed// de bzhin lha yi rgyal pos bshad// lha yi bsod nams thugs rjes yis// 'gro ba'i don mdzad sdug bsngal sel// rab tu sel ba'i skyabs chen po/ 'gro ba'i nyon mongs mtha' dag la// gnod pa rnam pa sna tshogs byed// nyon mongs gdug pa'i cho 'phrul can// dug 'chang dug gi nga ro can// 'byung ba rnam lnga'i snying po yis// dug sel ston pas sku sprul pa// ma hA gser sbal ser po yis// rnam shes brgyad las grol ba'i bgegs// sa la dbang sgyur sa bdag tshogs de dag gdug pa gsal phyir du// kun shes kun grol gsal ba'i dkyil 'khor bcas// bden pa lung gsal stong pa'i ting 'dzin sgom// man ngag thig le nyagacig gsal ba'i lha bskyed de// dkod rtsi lnga yi rgyal yis// dag pa gser gyi mdo thig 'di ston pas// sa bdag zhe sdang gdug pa can rnams zhi bar 'gyur// sdug bsngal byang dang sgrib pa dag par shog/ snying po sngags cher 'di dag brjod// a ba sa rba rag sha d+hu a me rag she ma hA hA/ hUM hUb+h+yaHd+huka ma ye// d+ha ke char hUM phaT// de skad snying po brjod pa des// lha yi mthu 'byin rtag tu rgyas// byams pa kun ldan dga' ba che// btang snyoms kyi ni pha rol phyin/ nyan pa'i yid la spro ba skyes// dud 'gro mtha' dag bde ba thob// sa bdag dug pa'i sems zhi ste// phrag dog gtan spangs zhi bar grol// nyon mongs gdug pa'i sems bor te// bde ba chen po'i ngang la gnas// rus sbal cho 'phrul sa bdag bu// de yi gdug pa ltas ngan than// 'byung ba 'thab pa'i dgra gshed dang // mi mthun 'khrugs pa'i gcod 'dral zhi// rus sbal thams cad rten pa'i gnas// gser gyi kha dog 'byung ba'i bcud// bcud rgyas bcud 'phel rus thal sku// ston pa'i thugs rje phun sum tshogs// rus sbal snying po mdo thig 'di// gser zhing bcang zhing bklag par 'os// sems can thams cad spro ba skyes// dga' ba ldan zhing yid sems mos// sprul pa ldan cing lha yis skyob// gdug pa'i sems yid phyir bor te// de dag skyon sgrib dag par 'gyur// nus mthu thams cad de las byung // de bzhin ldan pas bklag par 'os// rgong rtsi'i rgyal pos 'di bklags pas// rang lus dbang rdzogs dbang dang ldan// kun gyis khur zhing yod kyis bstod// thams cad yongs la nyams ming // rang bzhin bsam pa gser bzhin la// ci bsam 'grub la ci dgos 'byung // ci smras bden la ci ltas mthong // snang gsal me long bzhin du gsal// mthong gi byar thams cad gzigs// rus sbal lha yi dbang chen thob// kun du dgos pa thams cad 'byung / rus sbal sku la mchod 'dzin na// bde gshegs dngos grub rang bzhin thob// sems can kun la phan 'dogs nus// tshe ring tshe dang ldan par 'gyur// nor med nor rdzas 'phel bar nus// des na 'di bklags yon tan che// de che lha yi thugs rje dang // phyi rabs 'gro ba 'dren phyir tu// rgya mtsho 'khyil ba'i pho zang du// ma hA gser sbal ser por sprul// sprul pa'i sku la ri mo bkra/ ma bris ye nas yod pa'i gzugs// sku gdung mchod rten pad+ma bkra// thams cad de las ldan pa'i gnas// sangs rgyas ston pa'i zhabs bcags sa// 'gro ba yongs la thugs rje che// thugs rje'i sman pa de dang ldan// sku gsung thugs kyi yon tan ldan// yan lag brgyad sbrul spar kha brgyad // li khon dra khyen kham dang ni// gi na zin zon dang rnam pa brgyad// phyag rgya brgyad dang yang dag ldan// rang bzhin lhun grub lhun gyis gnas// brgyad ldan shes rab ye shes me bo che// dug lnga sreg byed 'joms par byed// li ni rus sbal mgo las chang // stong nyid stong pa'i ngang las 'phro// pa rol phyin pa'i sa bcu rdzogs// sa cig rab tu dga' ba'i sa// bcu bzhi bar du rab tu ldan// srid pa gsum la lam gyi skrod// lcags bzhin gyong rngub thar byed de/ byams pa'i ngang dang bden pa'i tshig/ gang lhas 'brel pa'i dam tshig gis// lha sgom cig tu gnas pa'i mi// thar lam bde ba 'byed pa'i lung // de la bde bas lung bstan bzhag/ nam mkha'i 'khor lo sems kyi mdzod// thams cad sems kyis 'byed pa'i phyir// dug lnga nyon mongs sdug bsngal can// mkhyen pa can ni khyen la gnas// kun gzhi bde ldan dri med chu// khams brgyad ldan pa lam gyi dang // rigs gsum mgon po sangs rgyas zhing // rig byed ldan pa sprul pa'i sku// mi glu bslu med bde ba'i sa// bde ba can gyi zhing mchog na// pad+ma rab ldan byang chub shing // 'dzin chags med pa 'byung ba'i rtsis// 'byung ba'i snying po rlung la thug rlung gis thams cad skyed par byed// dgra med dug 'dul zon la gnas// thams cad gnas su ston pa yin// 'og nas gong du spar bas sbar// nam mkha' mkha' ltar khyab pas mkha'// rnam shes brgyad rdzogs phyir na brgyad// spar kha brgyad po lnga yi lung // snang sring kun la khyab par grol// 'byung ba bdun ldan khyab pa che// legs pa'i yon tan tshang bas lha// nyes pa'i skyon dang ldan pas bdud// lha bdud gnyis po de ltar gnas// khyen la gnam yang ldan rmongs pa// thabs kyi mchog dang yang dag ldan// khon ma sa yang shes rab lung // bu cha drug ni pha rol phyin dang ldan// sems can nyon mongs skyob pa'i phyir// sdug bsnga // phrag dog ngan sems dang // gnod sems than ngan zang zing dang // khyen gyi khren zer gnam dal dang // kham gyi khams chu smra lag byung // shin gyi lhas ngan the rang than// zin gyi blo bur nad drag dang // zon gyi sprond 'bog nang dang // li yi chang nang me yi dgra/ khon gyi sa g.yos sdig sgrib dang // dra yi gzer nang gri 'khrug btsan// de dag zhi bar mdzad skad du// rkong rtsi lha yi rgyal po yis// bde ldan 'od gsal legs pa'i dkyil 'khor bcas// 'khrul med bsam gtan ting 'dzin sgoms// yi dam 'byung ba'i lha lnga bskyed// dag pa gser gyi mdo thig 'di bklags pas// mi mthun 'byung ba'i gcod 'bral dang // spar kha brgyad kyi thug 'dom dang // sa bdag gdug pa'i sdug bsngal zhi// snying po 'di ni brjod par bya// oM ag ni d+ha sha ma le hUM// sa le sa ma ya kra ta ya ne phaT/ ga ta gu ye ta ma ye swA hA// de skad snying po brjod pa des// sdug bsngal thams cad rab tu zhi// nyon mongs 'byung ba 'khrugs pa'i skyon dag dang // gcod 'dral bdud gcod nyes pa dang // spar kha 'gram snying dod pa dang // 'jug thag chang dang rten phur byung // rus bzhi spungs pa'i tshigs pa dang // sbar bzhi a thang chang pa dang // 'dre lnga tshang nang sdod pa dang // nag mo lcags khar thug pa dang // kye mda' bdud mda' thug pa dang // sa bdag spyang khu ngu ba dang // gshin gyi pho rog rgyug pa dang // dur sgo byed dang gshed sgo ral// dgra thog gyong byur chud pa dang // sa gzhi 'gul dang sa gzhi 'bar// sa bdag gdug pa'i snying 'khrugs rnams rab tu byang zhing zhi bar 'gyur// zhi ba'i ngang dang ldan par 'gyur// bde ba'i longs spyod thob par shog/ bkra shis dngos grub thob shog/ bde thob dpal dang ldan par shog/ sngags brjod gdug pa 'dul bar shog/ 'khor ba mya ngan 'da' bar shog/ slar kha'i snying po mdo thig 'di// las 'phro can dang phrad par shog/ sdug bsngal thams cad byang bar shog/ 'gro ba bsod nams 'phel bar shog/ bkra shis dpal dang ldan par shog/ tshe rabs snga ma'i sdig sgrib dang // da lha'i skag chen nyam nga dang // rgya 'brel mtshan ma ngan pa dang // de dag thams cad zhi bar shog/ de bzhin ldan pas bklag par 'os// rkong rtse'i rgyal pos 'di bklags pas// dpal ldan pa'i bsod nams rgyas// longs spyod che ring dbang thang 'phel bar shog/ bar chod bgegs kyis mi tshugs shog/ sa bdag sa srin sa yi klu// byams pa ston cing dga' ba bskyed// des na 'od bklags yon tan che// de tshe rus sbal yan lag gis// pad+ma'i gdan las grol ba'o// sbar kha brgyad ni pha zang nas// pho brang gling dgu 'byung ba'i gter// 'byung ba chen po pho zang gnas// ston pa'i lha yi thugs rje las// lha yi gnas su grol ba'i rgyu// rgyu lnga/ // rkyen dang de ru ldan// sems kyi ngo bo de yi dang // thig le nyag gcig cig dkar sems// thabs dang shes rab 'brel ba gnyis// 'byung ba chu yi bag phog nag/ sku gsung thugs dang ldan pas thon// rig pa bzhi dang ldan pas ni// shing gi bag dang ldan pas ldang // ye shes lnga ldan rdzogs pas ser// pha rol byin drug sgrib med dkar// 'byung ba bdun ldan theg pas dmar// rnam shes brgyad ldan bag chags med pas dkar// theg pa rim dgu phyin pas dmang theg pa skrod pa'i stobs po che// dgu ldan nges par ye sangs rgyas// byams pa'i thig le 'gyur ba med// theg pa rim dgu lta ba'i klong // gang la goms pa de bzhin 'dus// sna tshogs ting 'dzin sgom pa'i lam// sgom lam rnyed pas thar lam 'thob// thar lam thob pas rdzogs sangs rgyas// tha snyad med pa'i sa bcu gnon// de las thar pa'i sems can kun// phyir mi ldog pa'i sa la gnas// 'byung ba bskyed pa'i rgyu 'bras ni// ji bzhin sems la bkor zhing lta// 'khrul med sems kyi yon tan lta// yon tan ldan pas dge ba'i mchog/ lta ba de dang ldan pas na// 'jig rten tha snyad yid mi 'gyur// rus sbal yan las po zang gi/ yon tan de rnams kun gyis rtogs// sems can nyon mongs ma rig pas// las ngan spyad pas zhe sdang can// blo ngan gti mug 'khrul pa'i gzhi// rnam rtog dra bas bcings pa'i dug/ rnam rtog gyur cing nor ba na// gnod dang 'gal bas sdug bsngal 'bebs// thams cad 'drer langs sbyang pa'i phyir// rkong rtse lha yi rgyal po yis// 'byung ba lnga ldan dkyil 'khor bzhengs// gdon dang bgegs zhi 'byung po 'dul// lha min dri za lto 'phye dang // nam mkha' lding dang grul bum dang // srin po bdud kyi mi tshugs so// rog ngan byed cing mgon skyabs mdzad// tshe ring nad med lus po bsrung // dpal med dpal dang ldan par byed// srid med bu cha'i dbang thang dpel// des na 'di bklags yon tan che// de tshe 'byung ba lnga yi mdog/ dkar ser sngonag dmar ba yis/ tshangs pa lha chen de yi 'khor// sangs rgyas ston pa'i thugs rje'i ngang // 'gro ba mtha' dag kun gyi rten// lo skor zla skor bcu gnyis chags// dang po chags pa rlung gis skyed// 'byung ba lnga po rang bzhin gnas// thabs kyis bskyed pas 'gro ba'i mgon// 'gro ba yongs la de bzhin gnas// lus can lus te lus kyi mchog/ lo skor bcu gnyis lus dang ldan// ston pa lha yis sku bzhengs pa// lo yi mdzad thabs bstan la phab// gtan tshigs nges tshig lung gis bshad// zla ba bcu gnyis de la 'khor// 'khor 'das rgyas pa lha yi sku// longs spyod rdzogs pa de bzhin sku// dug lnga'i dgra 'dul gnod pa zhi// sku las gzug // bskyed rab tu stan// ting 'dzin dgongs pa lha yi lus// g.yo ba med pa'i lta ba rtogs// nyon mongs bying ba byi ba yin// thabs dang shes rab glang bas glang / ri mo phra bas stag tu byung // de ltar yod pas yos zhes bya// rgyud lung man ngag chu ltar 'brug/ bsam gtan bzhi po kun tu sprul// rta yi longs spyod sna tshogs mdzes// thams cad man ngag lug pas lug/ yi dam lha la phreng bas spre'u// bya don thams cad 'grub pas bya// yangs pa'i dbyings nyid 'khyil bas khyi// ngo mtshar kun las 'phags te phag/ thams cad 'dus te sangs rgyas bka'// ston pas lung bstan kun gyi nor// dper zla ngo mtshar che bas lha/ bcu gnyis rang bzhin rgyud las 'phel// zla ba bcu gnyis zhag za ma// dus tshogs la sogs de la bskor// rig cing rtogs na thams cad 'byung // ma rig ma rtogs go ba med// ci yang med pa bya yi lam// skam la phyung ba'i nya bzhin du// de phyir de yis sa mi chod// mtha' ma brlag ste 'bras bu tshig/ de la sems la sems can gyis// ston pa'i bka' nyan lung khrol nas// las ngan thams cad rang sar grol// sangs rgyas bya ba de la zer// 'bras bu mi stor chud mi gzon// sems can nyon mongs mtha' dag gi/ las ngan sgrib pa'i mun pa byang // las ngan 'khor ba'i gdug pa rnams// kun gyis ma rtogs gnod pa'i bgegs// las ngan gdug pa'i bgegs dang 'bral// de yis bcings te ltas ngan zan// lo skor bcu gnyis zla ba'i gshed // mi mthun gcod 'dral rlung log zhig/ lo skag zla skrag/ zhag skag dang // za skag la sogs 'byung ba'i bdud// gcig bdud gcig la gnod pa'i byur// de dag thams cad zhi bar mdzod// rgong rtse lha yi rgyal po yis// sna tshogs bkrags la mdzes pa'i dkyil 'khor bcas// ye shes lnga ldan ting 'dzin bsgoms// kun gsal kun grol lha tshogs spyan drangs nas// dag pa gser/ gyi mdo thig 'di bton pas// lo skor bcu gnyis bar chod 'khrul pa'i bdud// lo skag zla skrag yod pa'i gshed// lo gnas ngan dang lo khyim zhig/ tshe phur phyung dang mjug thag chad // brtan phur chag gam rgya ma zhig/ rlung log pa dang dar gung g.yos// na shi gud pa dur zhugs bu// mdun 'ur kha yan se zhig bdud// gza' bzhi sum 'dom ltas ngan zan// de dag zhi bar mdzad skad du// snying po sngags chen 'di brjod do// oM a sa hUM ge raM te phaT// d+ha ha na ma sa ra ma tre d+ha na hUM hUM zhi zhi mal mal 'bur ma ke she ma ha ha na hUM hUM swA hA// de skad snying po brjod pa des// yon tan ldan zhing byin rlabs 'phel// dga' 'a grub cing mos par 'gyur/ thams cad gdug pa'i skag las grol// 'phreng can 'byung ba'i dgra gshed zhi// 'byung ba'i gcong 'dral bdud las thar// lo zla zhag dang za ma dang // dus // tshed kun gyi 'dre srin 'dul// dag pa gser gyi mdo thig 'di bklags pas// phyogs bzhi'i lha 'dre gdug pa dang // gtum dang rngam khro dang tshig/ mi ma yin gyi cho 'phrul rnams// de bzhin byang zhing med par 'gyur// dga' mgu snying rje byams par ldan// 'gro ba yongs la phan 'dogs nus// kun du 'grol ba 'byung ba'i lha// bdud gshed gcod par rab tu zhi// nyon mongs rab sems 'gro ba'i mgon// mgon skyabs mdzad pa 'byung ba'i lha// 'byung ba'i lha chen kun gyis skyob// lo skor zla ba'i snying po mdo thig 'di// bcangs shing bklags te sngags brjod na// bgegs kyi bar chod nyams mi sod// ji ltar bklag pas yon tan 'byung // rtog pa choms shing dgra gshed thul// rab tu dga'i lha dang 'grogs// thams cad nyon mongs dag par nus// de dag thams cad dag pa'i phyir// rus mthu ci bsams de las 'byung // de ltar ldan pas bklag par 'os// rgong rtse 'phrul gyi rgyal po yis// yi dam rtag tu 'di bklag pas/ gnyen sbyor rtsi ba'i gang rtse phug/ thams cad brtsis shing bklags pa'i che// rang la mi gnod bkra shis thob// bkra shis thob cing bkra shis 'phel// tshe srog 'byung ba'i lha lngas skyob// 'byung bas mgon dang grogs ngan byed// sems can rmongs la phan par byed// des na 'di bklags yon tan che// gzab rgod nyi ma gser gyi mdog/ gser gyi mdog can drag shul can// gser mdog chen po'i gzugs can dang // zla ba chen po dung gi mdog/ du ltar dkar ba'i cha byad can// gza' chen dmag dpon kun 'dul dpon// dmag dpon khro gtum zhe sdang can// gza' lag chen po las rnams byed// tham cad mkhyen pa'i shes rab can// tshe dang srog dang dbang thang rku// nyon mongs gnod mdzad thams cad 'dul// spa sangs lcags kyi yang thog can// yang thog can gyis dug lnga 'dul// dug 'dul dug gi me tog can// rnam pa sna tshogs rdzu 'phrul 'gyed// phur bu gser gyi yi ge can// sna tshogs smra ba'i tshig yod pas// thams cad de yis smra bar byed// spen pa gza' chen sa bdag bu// sa bdag sa la gnas pa dang // gnyen po ngar snang 'dzin pas bskor// 'khor ni drag po btson dang bcas// sems can kun la gnod pa mdzad// gnod pa kun don nyon mongs gshed// gza' bdud chen por hu la// sgra can 'dzin dang ljang kya'i mdog/ mjug rings lto 'phye chen po'i 'gros// du ba mjug rings lhas ngan mgo/ mgo dgu brtsegs pa'i gdug pa can// thog ser 'bebs pa'i nga rgyal can// skya skag mun nag char sprin mdog/ rlung dang bu yug 'brug sgra sgrog/ tshangs pa chen po lha yis bskor// rgyu skar lha mo nyi shu brgyad// // smin drug lha mo gser thig can// gser dang g.yu yi pad+ma bkod// snar ma thog gi spu gri 'dzin// mgo yi lha mo dung phreng 'dren// lag dang nams so rgyal dang skag/ gser gyi gdan bzhugs spos me thogs// me tog sna lnga'i 'od dang ldan// rgya mtsho chu yi 'khor dmigs bsrung // ri rab sha ra la dbang sgyur ba// dbang chen dbang ldan rdzu 'phrul can// ma bdud rgyal mo'i kha gdon mdzad// thams cad ma lus 'khor dang ldan// 'khor dang ldan pa'i rgyu skar bdun// nyon mongs sgrib pa sbyang ba dang // gdug pa thams cad 'dul ba dang // ltas ngan thams cad bzlog pa dang // zang zing zhi bar mdzad slad du// snying po mdo thig 'di gsungs so// oM d+ha la ma d+hu saM ye pad+me hUM// 'di bton pa'i byin rlabs kyis// tshe dang longs spyod rgyas par 'gyur// bkrag dang lus byad bzang bar 'gyur// kha dog legs shing lus bong ldan// bton na bgegs rnams zhi bar 'gyur// lho phyogs 'od mtha' myal ba yis// rta chen lha mo 'od 'bar maH'bar ma me yi gos gyon ma// me la dbang sgyur me yi mdog/ rta chung khro byed thog mda' 'bebs// thog mtsho khol ma'i rta la zhon// dbo dang me bzhinag pa dang / sa ri sa ga la sogs pa// sna tshogs gsu yi gdan la bzhugs// mdzes pa'i me tog phreng ba thog/ kun gsal mar me'i 'od dang ldan// sdug bsngal sel dang sdug bsngal 'joms// gti mug sel ba'i stobs po che// ri rab lho la dbang sgyur ba'i// drag byed kun 'dul gshin rje'i 'khor// thams cad ma lus 'khor dang ldan// 'khor dang ldan pa'i rgyu skar bdun// nyon mongs sgrib pa sbyang pa dang // gdug pa thams cad 'dul ba dang // zang zing zhi bar mdzad slad du// snying po sngags chen 'di gsungs pa// oM d+ha la ma d+hI saM ye pad+me hUM// nub phyogs mchod mtha' myal ba yis// lha mtshams ser mo gser gyi phyags shing can/ rin chen brtsegs pa'i na bza' sku la gsol// kun gyi che spel tshe yi bdag/ nub kyi lha mo dpal be'u mdzes pa'i sku// sku la 'od 'bar thams cad gsal// gru sogs lha mo seng ge khros pa'i mdangs// thams cad zil gyis gnon pa'i rdzu 'phrul can// mthu dang rtsal 'byin nga ros rgyal khams g.yo// chu stod chu smad gro bzhin byi bzhin srid pa lha'i tsho gas// sna tshogs mchod pa 'od 'phro'i gdan la bzhugs// 'dza' tshon lta bu mdzes pa'i gur khyim 'dzin// 'khor lo sna tshogs 'khor ba'i lha bas mgyogs// lha dang lha min mnga' mdzad khams gsum bskor// byang chub mchog tu thugs bskyed nas// 'gro ba'i don mdzad bar chad sel sku mdog sna tshogs pad+mar bkra/ pad+ma'i sku la ye shes rdzogs// phyag na gsal ba'i mda' rgod 'phen// dug lnga nyon mongs gtan nas len// ri rab nub la mnga' mdzad pa'i// nag po bdud kyi kha gnon mdzad// bdud kyi zhe sdang thabs kyis 'dul// thams cad ma lus 'khor dang g.yog/ nub phyogs lcags kyi skar ma bdun// nyon mongs sgrib pa byang ba dang // gdug pa thams cad 'dul ba dang // zang zing zhi bar mdzad slad du// snying po mdo thig 'di gsungs so// oM d+ha la ma d+hu si ye pad+me hUM// byang phyogs bod mtha' myul ba yi// mon gre'i lha mo stag chas can// rnga ma gtum gdug pa'i rta la zhon// rin chen dra ba klang la bskor// dra ba 'phrul gyi dbu thod can// lha la dbang sgyur lha yi lha// mon gru gser gyi dril bu dkrol// sil snyan sgra sgrog thams cad zil gyis gnon// bya rgyal khyud ltar gang la'ang thogs pa med// lta ba dbyings nyid sems nyid sa le mkhyen// se stong bdud las rgyal ba'i drag shul can// dpa' stobs gyad kyi stobs kyang 'byin// mu tig mdzes pa'i cod pan byas// kun mdzes thams cad bkra la gsal// bkra gsal mdzes pa'i 'od me dpungs// se smangad nam gru dbyug gu dang // bra nye gdug pa can gyi 'khor// thams cad 'dus nas nor gyi dbyings// rin chen sna lnga spungs pa'i khri la bzhugs// 'phan dar longs spyod mdzes pa'i rgyal mtshan can// rnga gling pi wang Da ma ru yi sgra// dus min rtag par sgrog cing lha mo kun dang rol// gnam sa bar na gnas shing byang gling kun yang skor// btsan gyi kha gnon mdzad cing nga rgyal zhi bar mdzad// zhi ba chen po'i ngang las ma g.yos g.yos pa med// g.yo med ngang las byams dang snying rje can// lha srin ma lus khyed kyis 'khor// 'khor dang g.yog bcas rgyu skar bdun// nyon mongs sgrib pa sbyang ba dang // gdug pa thams cad 'dul ba dang // ltas ngan thams cad bzlog pa dang / zang zing zhi bar mdzad skad du// snying po mdo thig 'di gsungs pa// oM d+ha la ma d+hu si ye pad+me hUM// gza' dang rgyu skar lha mo'i 'khor// dag pa gser gyi mdo thig 'di/ 'byung ba rnam lnga rus sbal 'khor// spar kha brgyad dang pho brang dang // lo chen bcu gnyis zla ba'i phugs// gza' skar dus tshod za ma zhag/ de rnams 'khor zhing gnas pa yin// gdug pa can dang sa bdag dpon// de yi 'khor na gnas pa yis// rgyal po mtshon thogs lo la zhon// nag mo khyo med zhe sdang can// gshin rje'i zas 'phrog zas la rku// byis pa chung bdud 'dod chags can// sna bdud 'khor ba'i spu gri can// nad bdud mgo gcod nad kyi bdag/ ka la ro zan gdug pa can// lto 'phye chen po sa yi bdag/ gnam khyi nag po gdug pa can// sems can kun la gnod mdzad pa'i// sa bdag sa la 'khor ba yis// dug lnga 'chang ba'i stobs po che// zla zhag dang dus chod kyi// za ma myul ba'i phrag dog can// sems can kun la gdug pa 'gyed// kun la gnod skyel dug lnga'i bu// gdug pa ston pa'i las ngan gshed cho 'phrul ston pa'i bdud srin gtso// kun du rgyug pa'i zhe sdang can// 'byung ba'i snyigs ma las kyi gshed// las ngan nyon mongs ltas ngan 'dus// ci byas las la phrag dog byed// gang dang phrad pa'i sems can te// las kyis mnar te las kyis gsod// de dag thams cad nyon mongs che// 'jam gling 'di na gnas pa'i bdud// tshel bar chod byed pa'i bgegs// lus rdo rgya 'dud 'grol ba'i gshed// ji bzhin 'khor zhing rtogs 'dod che// gang byas las la phrag dog che// las nang stong zhing dal nad 'bebs// rdo mtshon bu yug char du 'bebs// la las las ngan 'khrug pa gtong // la las che la bar chod byed// la las mdze dang zha grum gtong // la las skye rgyud brtsad nas gcod// la las glo bur ye 'brog 'bebs// la las dus ma yin par bsod// de bzhin ldan pas gdug pa che// gdug pa de dag gsal phyir du// rkong rtse lha yi rgyal po yis// dug 'dul sman gyi dkyil 'khor bsgoms// zhi ba'i mdangs ldan rdzogs pa'i ting 'dzin bsgos dpal ldan pad+ma can gyi lha lnga bskyed// dag pa gser gyi mdo thog 'di yang mdzad// sa bdags rjes yi bdud// nyon mongs gdug pa ston dang rgyal 'byin// las ngan las kyis sprul pa'i gshed// sna tshogs gdug pa than dang byung // khro dang nga rgyal thams cad byang // snying po sngags chen 'di dag brjod// a rag sha si ma d+hu// d+hU tri du si nag bozhi ma ya ni phaT// gur mgur ti nag pos// de skad snying po brjod pa des// sal gnas pa'i sa bdag gdug par bzhi ste// sdug bsngal mtha' dag rab tu zhi bar 'gyur// cho 'phrul sngon pa'i nga rgyal can// las kyis gsod pa'i zhe sdang dug/ de dag thams cad dag 'o ba skyes// snying po sngags chen 'di yi mthus// sa bdag ma lus byams pa skyes// sdug bsngal thams cad rang sar grol// gnyis su med pa'i snying rje skyes// kun ldan dngos grub yongs la 'bebs// sa bdag snying po mdo thig 'di// gser bzhin bcangs shing bklags pa yi thams cad sdug bsngal dag las thar// byang chub chen po'i ngang du thim// gdug pa byang bas ye shes rdzogs// zhe sdang dul bas byams pa rnyed// gti mugadul bas bde ba thob phrag dog dul bas nga rgyal zhi// 'dod chags dul bas chags sdang dag/ dug lnga dul bas bde ba thob// de yi sgrib pa'i cho 'phrul dang // las ngan sgrib pa'i sdig pa dang // dag par nus pa de yi mthus// rgong rtse'i rgyal pos 'di bklags pas// sa bdag de rnams zhi bar nus// tshur la phyag 'bul skyabs su song // gnod pa mi byed 'khor du mchod// sa bdag de dag 'khor bcas kyis// rkong rtse'i mgon byed ci dgos ster// zas dang skom gyi longs spyod spel// nor bu rin chen rin po che// gser dngul zangs lcags la sogs pa'i// dngos grub bsod nams char bzhin 'bebs// lo phyugs rtag tu legs par byed// be'u lug phyugs bzang 'phel bar byed// rkong rtse 'phrul gyi rgyal po yis// 'byung bas rgyu 'byung rgyu ldan pa'i// snang srid lnga 'dre'i gdug bzhi// bdud bcan rgyal po'i zhe sdang dul// klu gzhanas bdag kun gyis/ skyob// de bas rtag tu bri bar bya// bklags dang bkur sti phung du mchod// nyin gsum mtshan gsum dus drug tu// bar chad med par rtag tu gdon// de ston bklags pa'i yon tan ni// thams cad zhi zhing thams cad dul// thams cad mnyes pas mgon skyabs mdzad// 'byung ba'i lha lngas rtag tu skyob// sa bdag kun kyang dgra mi ldang // nyes pa byas kyang skyon mi 'byung // nor 'khrul byung yang zhi bar nus// ci byas ci spyod ci 'khrul yang // rang bzhin byas pas bde ba thob// yang dag 'byung ba'i dngos grub yongs// thun mong can gyi lha dang 'grogs// grogs dang sdong bsdebs dga' bar byed// de bas 'di bklags yon tan che// yon tan 'byung bas rtag tu bklags// rkong rtse lha yi rgyal pos ston// 'gro don mdzad la dogs 'tsher med pa'i phyir// mdo 'di sngon 'gro'i cho ga yin// sngon du lan grangs mang du 'don// ci byed kun gyi sna sel byed// brtson 'grus byas la mang du 'don// dag pa gser gyi mdo thig 'di// gsang sngags kun 'dus nus pa che// rang la dogs pa'i bdud dang btsan// lha srin sde brgyad rab tu zhi// 'khor du byed cing sku lus bsrung // mdo thig gser gyi mdo 'di brjod// byams pa kun ldan bde ba'i ngang // de nyid mchog ste sangs rgyas bka'// bka' bzhin mdzad pa ston pa'i lha// man ngag lung ston shes rab 'chang // byang chub snying po rab tu spel// 'gro don mdzad pa de bzhin/ nyid// kun la phan 'dogs lha yi lha// 'khrul pa gti mug rab spang ste// byams pa'i shes rab thob pa'i phyir// ting 'dzin bsam gtan rab tu bskyed// 'gro ba kun 'dul yongs kyi mgon// mgon skyabs can la phyag 'tshal lo// na mo bden pa'i bka' la smon lam mthus// gsang sngags 'di yis stobs mchog gis/ thabs kyi gdug pa byang bar 'gyur// oM a du sarba rag sha hUM// d+ha ha d+ha ha na ma he ma he ma ma lu rag mo zad// zhi zhi dul dul swA hA lhan// thams cad zhi ba'i sngas chen 'di// mi brjed rtag tu yid la bcangs// thams cad yongs 'dul yongs la phan// 'di bklags sangs rgyas ston pas gsungs// thams cad lha tshogs kun gyis skyog/ kun gyis bsrung zhing kun gyis 'tsho// dag pa gser gyi mdo thig 'di// gdug pa can dang sa bdag klu// bgegs rigs stong phrag brgyad cu yi/ gdug pa kun las thar bar byed// thams cad yongs las thar pa des// rkong rtse yi dam 'di bklag go// nyon mongs gdug pa 'dul phyir mdzad// sems can kun la phan 'dogs phyir// de phyir thon tshad bklag par bya// lto mkhan bdag gi lus bsrung 'di las lhag pa med// 'di thon 'di la gus par gyis/ rlab kyang nga 'du ba'i nang dmas so// mi dgas pagags 'dus rnya rnam pa 'dug/ sa bdag su dang garten pamatha'as rgyu ba dang / gad+hAb skur gdug pa can gyil / sa lus kun gyi thag de gzhi bar byed/ ne sdang gi nas pade chen dang la gnas/ 'byung ba'i lha chen kun gyis bdag la skyeb/ de yis mi skyob gang yang med/ dag pa gser gyi mdo zag/ pa ba brjod kyis lang gis yang dag pan yo dngos grung 'gyur/ phan yon bsam gyis mi khyab ste/ cibs pa 'grub la kun gyis 'khrur/ rangs ngan nyams krib pa sgrib pa 'i 'gro byang chub / bla mangs 'du 'a non/ pad+ma can gyi lha gnas mchog/ 'di dgang thog pa / bdud dang 'acar mi phreng pa mdo 'di ston pas lcogs par 'gyur/ gas bdag 'ad kyis zin pa dang / gnod pa kun la mgror/ bar 'gyur/ bla mkhyen shes bya rtsal med kyis/ pa srabs rig pazo byas pa yis/ lho log lho thugs sngo 'byams pa/ mdo 'di bklags pas phan par 'gyur/ 'byung ba'i rtsis pa shes pa dang ras btsod po co byas pa dang / rdo rlogs rgod pa btul ba dang / ri rked spang la me btang dang / shing rgong brag la skyes pa bcad/ rol ma nor ba'i sa bdag bslangagashid kyi se sgo nor ba dang / bags srang zla nor ba dang / ma shes pa sems bdag bsrang / lha 'dre yid kyi gzugs pa gyis/ tha ma khyen yod bdag dag la gnod/ gzungs 'di ston pas de dag ni/ yid la 'azung la rtag tu 'o/ gsang sngags po'i snying po bzlas/ gnod pa thams cad 'di yis zhi// sngon yang rgong rtse lha yis gsungs/ lha yi dag bden 'gro don mdzad// snang srid 'jig rten 'byung ba'i klong // gnam sa ri rab rgya mtsho la// gnas dang 'khor na 'dug pa yi// lha klu gnod sbyin dri za dang // lto 'phye dang ni mi ma yin// gnod pa thams cad rab tu zhi// 'byung / bdud gza' bdud rab tu zhi// skar bdud sbar ba'i bdud rnams ni// gnod pa thams cad rab tu zhi// rab tu byas pas thams cad dul// rgya nag yul du mdzad pa yis// rkong rtse'i yid dam mdo thig 'di// rab tu bzang ste bkra shis thob// dag pa gser gyi mdo thig ces bya ba// thun mongs ma yin pa nyes pa thams cad sel ba'i mdo// dgos 'dod 'byung ba rdzogs so/ ye d+harmA he tu pra b+ha bA he tun te 'ang+ga thA ga to h+ya ba dang / te 'acu yo ni rod+ha e baM bA dI ma hA shra paH/