བོད་ཡིག

e-texts produced with BDRC’s OCR application

#/ rgya gar skad du/ Ar+ya su ba bu ba rmi ta ma nA ma sU tra/ bod skad du/ 'phags pa stag mos zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul stag mo'i tshal zhes bya ba'i dur khrod kyi nags tshal chen po na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dag dang thabs gcig tu bzhugs te/ de'i tshe stag tsher ma can gyi nags tshal na gnas pa'i stag mo rnams la 'di skad ces bka' stsal pa/ stag mo rnams nyon cig/ bzod pa la gnas pa'i sems can dag mthong ngam/ byams pa la gnas sems can dag mthong ngam/ ting nge 'dzin thob pam dran pa nye bar gzhag gam/ yid rlom sems med dam/ de skad ces bka' stsal pa dang / stag mos rnams kyis bcom ldan 'das la 'di skad ces gsol to// bcom ldan 'das skye ba gang nas mchi// rgas pa gang nas mchis/ na ba gang nas mchis/ gang du 'gro/ mig gang du mchi/ gzugs gang du mchi/ tshor ba gang du mchi 'du shes gang du mchi/ 'du byed gang du mchi/ rnam par shes pa gang du mchi/ bcom ldan 'das kyis bkab stsal pa/ skye ba gang nas kyang ma 'ongs/ gang du yang mi 'gro'o// na ba gang nas kyang ma 'ongs/ gang du yang mi 'gro'o// 'chi ba gang nas kyang ma 'ongs/ gang du yang mi 'gro'o// mig gang nas kyang ma 'ongs/ gang du yang mi 'gro'o// gzugs gang nas kyang ma 'ongs/ gang du yang mi 'gro'o// tshor ba gang nas kyang ma 'ongs/ gang du yang mi 'gro'o// 'du shes gnas kyang ma'o/ gang du yang mi 'gro'o// 'du byed gang nas kyang ma 'ongs/ gang du yang mi 'gro'o// rnam par shes pa gang nas kyang ma 'ongs// gang du yang mi 'gro'o// bcom ldan 'das kyis de skad ces bka' stsal pa dang / gzhan la phan phyir du lus dri ma med pa shin tu rgyas pa'i yon tan rgya mtsho dang / lha yul du rnam par 'phro ba thogs pa med pa'i ye shes mthong ba dang / stobs kyi pha rol gnon pas bcom ldan 'das dge slong stong nyis brgya lnga bcu dag gis yongasu bskor te/ yul lnga len gyi ljongs rgyu zhing gshegs nas nags tshal zhig tu gshegs pa dang / me tog dri zhem pa rna pa sna tshogs kyis brgyan pa'i sa phyogs dag gzigs so// gzigs nas kyang bcom ldan 'das kyis tshe dang ldan pa kun dga' bo la 'di skad ces bka' stsal to// sa 'di shin tu mdzes pa dang / yid rab tu dang bas de bzhin gshegs pa'i stan things shig/ de nas bcom ldan 'das kyis bka' bzhin gdan bting ngo // gdan bting nas kyang bcom ldan 'das la 'di skad ces gsol to// gdan bting lags na/ bcom ldan 'das gtso bo mchog mi la mchog stsol dam pa srid bcings grol/ gzhugs te mi la sman slad thar bar bgyid// bka' mchid bdud rtsi gsung bar zhu/ de nas bcom ldan 'das gdan de la bzhugs nas// dge slong rnams la bka' stsal pa/ dge slong dag khyed bya ba byed pa'i drang srong dam pa sems can mchog gi snying po bzod pa dang brtson 'grus blo gros yon tan dpag tu med pa de bshad do// de nas bcom ldan 'das kyi zhabs kyi mthil 'khor lo rtsibs stong gi ri mo can/ me tog ka ma la gsar du kha bye ba lta bu 'jam pa'i phyogs la bsnun pa dang / sa 'di rnam pa drug tu g.yos so// kun tu g.yos so// rab tu g.yos so// 'brug dang glog rab du 'khrug/ char rab tu 'babs/ de sngar 'od kyang rab tu 'gro ba dang / nor bu dang gser g.yu dang / mu tig gi dra bas rab tu khebs pa'i nang na gser gyi za ma tog cig 'dug go// de'i sgo drung na stag ma dar la babs pa smin ma dang / smar dang ze ba ring ba/ so dang sen mo dkar la ring ba/ lce dang so snying dkar ba/ kha gdangs shing mched gtsigs pa/ 'ja' dang 'od du 'phro ba/ smar 'khyug pa/ ri mo thig le legs pa/ mjug ma sgril ba lhag par sleb pa/ gzhogs g.yas la bzhag cing 'gre/ 'dzum smral byed cing bcom ldan 'das la 'di skad ces gsol to// bcom ldan 'das za ma tog 'di ji lta bu zhig mchis/ ci zhig yin de skad ces gsol pa dang / bcom ldan 'das kyis stag mo de la 'di skad ces bka' stsal to// stag mo za ma tog 'di ni de bzhin gshegs pa'i sku ste/ de ltar mi mngon par rig par bya'o// mchog tu rig par bya'o// don du rigs par bya'o// yang dag par rigs par bya'o// ma nor bar rig par bya'o// gya nom par rig par bya'o// bla na med par rig par bya'o// lhag ma med par rig par bya'o// bcom ldan 'das kyi de skad ces bka' stsal pa dang / yang stag mos bcom ldan 'das la 'di skad ces gsol to// bcom ldan 'das za ma tog 'di'i don ci lags/ ji ltar 'tshal bar bgyi// bcom ldan 'das kyis bka' stsal pa/ stag mo za tog 'di'i ming ni/ rgyu'i chos su blta'o// 'bras bu'i chos su bsta'o// mthar phyin pa'i chos su blta'o// gzhi'i chos su blta'o// lam gyi chos su blta'o// dag pa'i chos su blta'o// stong pa nyid du/ blta'o// mtshan ma med par blta'o// smon pa med par blta'o// de nas stag mo de sa las langs te/ stag mos bcom ldan 'das la lha'i me tog ku mo da dang / man da ra ba dang / man da ra ba chen po dang / tsam pa ka dang / ut+pa la dang / dri zhim pa mang pos mchod nas/ stag mos bcom ldan 'das la phyag 'tshal bskor ba byas nas/ stag tshal can gyi nags tshal du zhugs nas mi snang bar gyur to// de nas bcom ldan 'das la tshe dang ldan pa kun dga' bos 'di skad ces gsol to// stag mo gang lags par 'tshal/ ci'i phyi stug mo zhes bgyi/ de skad ces gsol pa dang / bcom ldan 'das kyis tshe dang ldan pa kun dga' bo dang dge slong rnams la bka' stsal pa/ kun dga' bo stag mo zhes bgyi ba 'di sngon byung ba 'das pa'i dus na/ rgyal po shing rta chen po zhes bya ba dpungs dmag dang / bzhon pa rab tu mang ba/ stobs dang ldan pa 'khor rab tu mang pos yongs su bskor ba/ thogs pa med pa'i stobs kyis pha rol gyi sde rab tu 'joms pa zhig byung ste/ de la lha sras rgyal bu gzhon nu gsum zhig yod de/ sgra chen po dang / lha chen po dang / snying stobs chen po'o// de nas rgyal bu rtse ba'i phyir skyed mos tshal gyi sar byung ba dang / gzhon nu de dag skyed mos tshal de'i yon tan la chags shing / me togs 'dod pas phan tshun du rgyu ste/ nags stug po bcu gnyis su zhug so// de nas deng ga dong pa dang / gzhon nu'i rim gro pa rnams kyang rgyal bus bskrad nas phan tshun dong ngo // kun tu bsungs pa'i skyed mos tshal chen po'i nags stug po bcu gnyis su zhugs so// de nas sgra chen pos nu bo gnyis la smras pa/ kho bo nyid 'jigs pas non pas/ 'dir bdago cag gcan gzan gyis bsang du 'od gyis tshur sheg/ lha chen pos smras pa/ bdag la 'jigs pa ni ma mchis na/ skye bo sdug pa dang 'bral snyam bgyid pa'i snying du gyur to// sems can chen pos smras pa/ thub pas bsngags pa'i nags khrod dben pa 'dir/ bdag ni mi 'jigs mya ngan ma mchis kyis/ shin tu rgyas pa'i don chen rnyed snyam ste// bdag gi snying ni rab tu dga' bar gyur/ de nas rgyal bu gzhon nu de dag nags stug po bcu gnyis po de dag gi khrod du rgyu ba dang / stag mo bu byung nas zhag bdun lon pa cig pu lngas bskor te/ bskos shi skoms pas nyams spang nas/ lus mchog tu nyams chung bar gyur pa de 'dra ba zhig mthong ngo // mthong nas sgra chen pos smras pa/ k+She e ma he nyon mongs ma 'di bu byung nas zhag drug gam bdun lon pa da ltar zas ma rnyed pa/ yang na ni rang gyi bu la za bar 'gyur/ yeng na ni bkres pas 'chi ba'i dus byed par 'gyur sems can chen pos smras pa/ nyon mongs ma 'di'i zas ni cing / sgra chen pos smras pa/ 'dir shagasar pa dang khrag dron mo yod na stag dang / dom dang / dreng dang / seng ge rnams kyi zas yin no// zhes zer ro// lha chen pos smras pa/ 'dir nyon mongs ma 'di bkres pa bsrung ba'i phyir/ su shig rang gi lus 'di gtong bar nas/ snying stobs chen pos smras pa/ lus ga tong mi nus pa blo chung ba chags pa rnams yin gyi/ bdag ltag bu'i lus 'di la 'phangs pa dang chags pa med pa'i sems kyis lus 'di btang ba'i dus la bab po// de nas rgyal bu gzhon nu de snying rje'i sems kyis stag mo de la mig mi 'dzum par yun ring du bltas nas/ rgyal bu gzhon nu de nags 'dab der slar log nas stag mo'i gan du song ngo // de nas nags kyi yal ga/ la rgyal po'i gos gzar te/ ji srid blo gros rgya man byang chub dri med thob par shog/ ces smon lam btab nas nyal lo// lhag mo de nyam chung bas byams pa dang ldan pa'i byang chub sems dpa' la ci yang ma byas so// de nas byang chub sems dpa' ni/ kye mnyon mongs ma 'di nyam chung bas ci yang ma nus so snyam mo// de nas byang chub sems dpa' de langs te/ shes rab kyi mtshon cha btsal bas gang nas kyang ma rnyed do// der 'ong ma'i yal gasra zhing mkhregs pa cig blangs nas rang gi mgul pa bcad de stag mo'i mdun du nyal te 'gyel lo// byang chub sems dpa' 'gyel ma thag tu/ chu'i steng gi grwa rlung gis bskod pa ltar du/ sa 'di rnam pa drug tu g.yos so// rab tu g.yos/ kun tu g.yos so// nyi zla yang sgra gcan gyis zin pa ltar 'od zer mi snang ngo // lha'i spos kyi char rab tu phab po// de nas lha zhig ngo mtshar du gyur to// de nas lhag mo des byang chub sems dpa'i lus khrag gis sbags pa la ltas nas/ yud tsam zhig la lus kyo sha dang khrag med par byas so// de nas skye chen po des sa g.yos pa de la bsam nas/ 'di skad ces smras so// snying stobs chen po de ni mi rtag pa nyid kyis zin par gyur to// de nas rgyal bu gzhon nu de gnyis lam de las slar log ste/ stag mo'i drung du phyin pa dang / gos ni 'od ma'i yal ga la gzang/ sha dang rus pa ni bral/ khrag ni rdzab tu gyur/ skra ni phyogs dang phyogs mtshams su 'thor ba mthong ngo // mthong nas kyang lag pa bsgrengs te brdabs nas nyam thag pa'i sgra byung nas dus so// kye ma ho sdug bde ga re/ rab tu sdug pas gdungs pa'i ma des/ bdag cag gnyis la tha chung 'dri bar 'gyur/ kye ma bdag cag gnyis ni sa phyogs 'dir shi na legs te/ gson pa de ni ma yin no// de nas gzhon nu'i rim gro pa dang bcas nas gzhon nu 'tshol ba la rgyu go/ btsun mo nyal ba'i rmi lam na nu ma gnyis chad pa dang / so phyung ba dang / thi ba'i phrug gsum gyi gcig khras khyer ba rmis so// de nas btsun mo des g.yos pa nges snying rab tu spangs te/ mod la sad pa dang / lus sems zhum pa dang / khums nas yod pa la/ bran g.yog 'khor dang 'khor rnams kyis btsun mo la smras pa/ bu gcig sdug pa stor ces gda'o// de nas btsun mo snying dngang mig mchi mas gang ba des rgyal po la 'di skad ces smras so// bu tha chung de ga re zer med do// bzang mo mya ngan ma byed ces smras so// kye ma kye he bu sdug pa dang bral lo zhes sdug bsngal lo// rgyal po btsun mo 'khor dang bcas pa sdug bsnga ni rnga mod snad du bsnun pa lta bu shin tu mi bzod pa'i sgra byung ngo // de ltar bu gsum dag ni g.yog gi tshogs dang bcas de me togs gi nags tshal khrod du zhugs pa las/ bu'i rus pa sha khrag med pa sku ni phyogs su 'thor ba mthong ba dang / btsun mo de shing rlung gyis 'das pa bzhin kha bub du 'gyel lo// nyathang ba la skyes pa bzhin du sa'i steng du 'dre ldog byed pa 'am/ rnga mong dang ma he'i be'u stor ba ltar snying rje'i skad du ngu zhing / rgyal ba sangs pa dang / kye maho rmi lam gyi 'bras bur gda'o// rgyal po btsun mo dpud kyi tshogs dang bca pa bu'i rus pa mchod pa byed cing gnas so// kun dga' bo de'i tshe de'i bu na/ rgyal po gzhon nur gyur pa sems can chen po de gzhan zhig yin snyam du sems na de de ltar mi lta'o// de ci'i phyir zhes na/ nga de tshe de'i dus na rgyal bu bzhon nu sems can chen po zhes bya bar gyur to// kun dga' bo 'dod chags dang zhe sdang dang gti mug dang dug gsum yongs su ma grol ba'i tshe yang / sems can dmyal ba la sogs pa'i sbrul dang las ngan 'gro ba mtha' dag la phan gdags pa dang / skyom thams cad las phral te/ yang dag par rdzogs par sangs rgyas pa la lta ci dgos te/ de ltar sems can re re'i phyir yang / sems can snying po bya dka' ba sna tshogs las 'gro ba langs phan btags so// de nas bcom ldan 'das kyis de'i tshe tshigs su bcad pa 'di dag bka' stsal to// byang chub mchog tu bskal pa mang po nas// rgyal po'i lus ni mang po sbyin par btang / sngon gyi tshe rabs shing rta chen po zhes// bu ni snying stobs chen po bya ba byung // ming ni sgra chen po dang lnga chen po// bu dang dpungs tshogs nags khrod gling du rgyu// stag mo bkres pas rab tu gzir ba mthong // stag mo bkres skoms mthong nas sbyin pa ni/ byang chub sems ni rgya chen bkyed pa yis// de da ri ngos gzar la 'phyongs te song // mun nag 'thibs por ri dgas rgyu ba mthong // rten med nags kyi nang du zhugs pa'i tshe// stag mo nyam chung gar nyal ba// stag mo dang ni stag phrug gi// mchu la khrag chags pa dag mthong // skra dang rus pa cung zad cig/ sa la rnam par 'thor ba mthong // lag pa bsgrengs te ngu zhing sa 'gyel// snying rje'i skad dang dran pa nyams// sems 'phro lus ni khab kyis btsab pa 'dra// blon po 'khor g.yog bcas pa rnams// rgyal ba'i thugs rje'i byin rlabs kyis// rgyal po btsun mo 'khor bcas rnams// rmi lam sad pa bzhin du song // chos nyid rang gsal 'di la ltos// dam pa'i snying po mthong can// rgyal po zas gtsang mi'i btsun mo pad+ma sgra 'phrul ma/ snying stobs chen po shAkya thub pa nyid// lha chen po dang sgra chen po// 'jam dpal dang ni byams pa'o// stag mor gyur pa skyed dgu'i bdag mi yin/ stag phrag rnams ni dge slong lnga por gyur// de skad ces bcom ldan 'das kyis bka' stsal pa dang // de nas/ tshe dang ldan pa kun dga' bo dang / dge slong rnams stag tsher ma can gyi nags khrod nas langs te/ bcom ldan 'das kyi spyan sngar 'dug nas/ bcom ldan 'das la 'di skad ces gsol to// bcom ldan 'das ma 'ongs pa'i dus lnga brgya'i tha ma la byang chub mchog tu sems can 'dren pa'i mchog tu gyur cig ces byang chub tu sems bskyed do// de nas bcom ldan 'das kyis stag mo de la 'di skad ces bka' stsal to// stag mo de ltar sems bskyed pa ni legs so// de ltar bskyed pa mchog go// dam pa'o// phul lo// rab po// gtso bo'o// gya nom pa'o// bla na med pa'o// stag mo 'di nas shor phyogs mngon par 'phags pa zhes bya ba'i nags khrod na shing yongs 'dus brtol zhes bya ba'i nags khrod na/ ka ya tsa dur zhes bya ba'i me tog yod de// su zhig me tog de sangs rgyas dang byang chub sems dpa' dang // nyan thos dang rang sangs rgyas thams cad la phul na don chen po'o// yang dag pa nyid do// sangs rgyas so// chos so// dge 'dun no// de skad ces bka' stsal pa dang / de nas stag mos shar phyogs kyi shing ginags khrod du zhugs pa dang // nags khrod nas lha'i me tog 'bras bu chen ma/ ma na da ra ba dang / ku mu da dang / ku mu da chen po dang / sa ma gan d+he dang / ut+pa la dang / tsam+ba ka'i me tog dang / gzhan yang chu las skyes pa dang / thang las skyes pa la sogs pa bsam gyis mi khyab pa mang po bcom ldan 'das la mngon par gtor ro// rab tu gto ro// gtor ma thag tu bcom ldan 'das kyi thugs ka nas 'od zer 'di lta ste/ mthing ga dang / dkar po dang / dmar po dang / ljang khu dang / btsod kha dang / ser po dang / bai rur+ya'i kha dog de lta bu dpag tu med pa 'phros nas/ shar phyogs kyi stag mo'i khrod du song ngo // song ma zag tu stag dang / seng ge dang / dom dang / dreng dang / spyang ki dang / bya dang / ri dgra dang / de la sogs pa'i sems can thams cad byang chub tu sems bskyed ma thag tu dud 'gro dman pa'i lus bor te/ skad cig de nyid la mngon par rdzogs par sangs rgyas so// stag mo de yang mi snang bar gyur to// de nas bcom ldan 'das kyis tshe dang lnga pa kun dga' bo dang / dge slong rnams la bka' stsal pa/ dge slong dag shar byes stag tsher ma can gyi nags tshal du rgyug nags tshal la gnas pa'i sems can sa dgu rtse gcig kyang ma mchis par snang ngo // de nas che dang ldan pa kun dga' bo nags khrod de nas slar log ste/ bcom ldan 'das la phyag 'tshal ba dang bskor ba byas nas/ bcom ldan 'das kyi spyan sngar 'dug ste/ pus mo'i lhangs la btsugs te/ bla gos phrag pa la gzar / thal mo sbyar nas/ bcom ldan 'das la gsol pa/ stag ra ma can gyi nags khrid na gnas pa'i sems can ma lus sgra rtsa cig kyang mi snang ba ci'i rkyen ces gsol pa dang / bcom ldan 'das kyis tshe dang ldan pa kun dga' bo la bka' stsal pa/ kun dga' bo stag tsher ma can gyi sems can de rnams ni byang chub mchog tu sems bskyed pas skad cig de nyid la mngon par rdzogs par sangs rgyas so// sems can de rnams ni gnas ngan pa'i lus bor nas/ 'bras bu byang chub thob pa ni mdo sde 'di'i byin rlabs te/ de'i mthu de 'dra'o// gzhan yang sems can su gang mdo 'di 'chang ba dang / klog pa dang / 'bri ba dang / nyan pa dang / ston pa dang / lung 'bogs pa dang / kha bton byed pa de ni lam mo// mchog go/ sgron me'o// ston pa sangs rgyas so// chos so// dge 'dun no// bla ma'o// don dam pa'o// ma nor ba'o// 'dre ni yang dag pa'i mtha' 'o// yang dag pa'i lta ba ni dbu ma'o// dbu ma'i lam ni smra bsam brjod pa dang bral ba'o// de ni skye ba med pa'o// su mdo sde 'di la gus par byas te mchod par byed pa de la ni/ rgyal po'i 'jigs pa mi 'byung ngo // chom rkun kyi 'jigs pa mi 'byung ngo // dgra bo'i dbang du mi 'gro'o// pha rol dmag tshogs kyi 'jigs pa mi 'byung ngo // mu ge dang dbul ba las grol lo// nad dang gdon las grol lo// bgegs dang log 'dren thams cad kyi yid du 'ong bar 'gyur ro// 'thab rtsod dang g.yul 'gyed pa thams cad las rgyal bar 'gyur ro// sngangs pa dang rmi lam ngan pa thas cad phyir bzlog par 'gyur ro// ltos ngan pa dang cho 'phrul thams cad zhi bar 'gyu ro// su mdo sde 'di 'dzin pa'am 'chang ba'i bud med des bu rnyed do// tshe dang bsod nams dang stobs kyang rab tu rnyed do// mdo sde 'di la yon tan dpag tu med brjod du med/ brjod pa'i mtha' las 'das so mdo sde 'di sems can gang su dag gi rna lam du bsgrags na/ sems can dmyal ba dang / yi dgas dang / dud 'gro dang / gshin rje'i 'jig rten dang / mtha' 'khob dang kA klo nyid du mi 'gyur ro// bcings pa thams cad dang btson rar chud pa yang grol bar 'gyur ro// de'i phyir kun dga' bo mdo sde 'di g.yar dam du bcas nas bton na/ sems can thams cad kyi 'dren pa dang / ston pa dang / rten du 'gyuraro// gling du 'gyur ro// bcom ldan 'das kyis de skad ces bka' stsal pa dang / de nas tshe dang ldan pa kun dga' bo dang / dge slong de dag dang / lha dang mi dang lha ma yin dang dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa stag mos zhus pa zhes bya ba theg pa chen po'i mdo rdzogs so// / zhus// mang+ga lam masta//