བོད་ཡིག

e-texts produced with BDRC’s OCR application

rgya gar skad du/Ar+ya tsin t+ya pra b+ha sa ni ra de sha nA ma d+har+m+ma paR+sha ya/bod skad du/'phags pa khye'u snang ba bsam gyis mi khyab pas bstan pa zhes bya ba'i chos kyi rnam grangs/sangs rgyas dang byang chub sems dpa' thams cad la phyag 'tshal lo//'di skad bdag gis thos pa dus gcig na/bcom ldan 'das mnyan yod na/rgyal bu rgyal byed kyi tshal mgon med zas sbyin gyi kun dga' ra ba na/dge slong stong nyis brgya lnga bcu'i dge slong gi dge 'dun chen po dang /byang chub sems dpa' lnga brgya tsam dang /thabs cig tu bzhugs so//de nas bcom ldan 'das mnyan yod kyi grong khyer chen por gnas nas bzhugs te/rgyal po dang /blon po chen po dang /bram ze dang /khyim bdag dang /gling rdal gyi mi dang /nang mi rnams kyis bsti stang du byas/btsun par byas/ri mor byas/mchod pa byas te/bcom ldan 'das kyis bza' ba dang /bca' ba dang /phyogs pa dang /myang ba bzang po mang po brnyes so//'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/'jig rten mkhyen pa/skyes bu 'dul ba'i kha lo sgyur ba/bla na med pa/lha dang mi rnams kyi ston pasangs rgyas bcom ldan 'das de rigs phun sum tshogs pa/gdung phun sum tshogs pa/cho rigs phun sum tshogs pa/tshul khrims phun sum tshogs pa/ti nge 'dzin phun sum tshogs pa/shes rab phun sum tshogs pa/rnam par grol ba phun sum tshogs pa/rnam par grol ba'i ye shes gzigs pa phun sum tshogs pa'o zhes/ bcom ldan 'das kyi grags pa'i sgra dang /snun pa 'jig rten du rgya cher mngon du byung bar gyur to//bde bar gshegs pa/'jig rten mkhyen pa/skyes bu 'dul ba'i kha lo sgyur ba/bla na med pa lha dang mi rnams kyi ston pa/sangs rgyas bcom ldan 'das chos kyang ston te/tshangs par spyod pa/thog mar dge ba/bar du dge ba/tha mar dge ba/don bzang po/tshig 'bru bzang po/ma 'dres pa/yongs su rdzogs pa/yongs su dag pa/yongs su byang ba/yang dag par rab tu ston to//spyan lnga dang yang ldan te/sha'i spyan dang /lha'i spyan dang /chos kyi spyan dang /shes rab kyi spyan dang /sangs rgyas kyi spyan dang ldan no//bcom ldan 'das kyis gzhon mu stegs can spyod pa pa dang /kun tu rgyu dang /gcer bu pa gnyen gyi bu rnams ni tshar bcad do//bcom ldan 'das kyi bstan pa 'di lha dang mi rnams kyis yang dag par bzung zhing 'bar ro// de nas bcom ldan 'das snga ng+ge'i dus kyi tshe chos gos dang sham thabs mnabs te/lhung bzed bsdams nas dge slong gi tshogs dge slong gi dge 'dun dang /byang chub sems dpa' sems dpa' chen po rnams kyis yongs su bskor cing mdun du bdar te/mdun du gzigs pa dang /g.yas g.yon du gzigs pa mdzes pa dang /bskum pa dang /brkyang ba mdzes pa dang /chos gos snam sbyar dang /bsil zan dang /na bza'i tshogs dang /lhung bzed bsnams pa mdzes pa dang /sku mdog gser gyi kha dog lta bu dang /'od 'dom grang bas mtshan mo mun pa mun nog gi nang na me'i phung po lta bu dang /tshes bco lnga'i zla ba nya ba lta bu dang /nyi ma shar ba lta bur phyogs su snang zhing skyes bu chen po'i mtshan sum curtsa gnyis dang ldan te/grong khyer chen po mnyan yod du bsod snyoms kyi phyir gshegs nas/bcom ldan 'das kyis sgo'i them po la zhabs bzhag mo thag tu/de nas mnyan yod kyi grong khyer chen por grong khyer du gshegs pa na/cho 'phrul ngo mtshar rmod du byung ba chos rnam pa 'di dag byung ste/skyes bu dam pa 'dren pa de gshegs pa'i tshe/der cho 'phrul rmad du byung ba chen po gang dag byung ba de dag brjod par byas/shin tu dang ba'i sems kyis nyon cig/long ba rnams kyis ni mthong ngo //'on pa rnams kyis ni thos so//gcer bu rnams kyis ni gos rnyed do//smon pa rnams kyis dran pa thob bo//grong khyer gyi skye bo thams cad ni thal mo sbyar te/bde bar gshegs pa la phyag 'tshal lo//rnga bo che dang rdza rnga dang 'khar rnga dang /sgra snyan dag ni ma brdungs par sgra 'byung ngo //ngang pa dang /ngur pa dang /khrung khrung dang /rma bya dang /ne tso dang /khu byug dag kyang yid du 'ong ba'i sgra 'byin to//gang dag gter stor ba de dag gis ni gter rnams rnyed par gyur to//gser dang dngul las byas pa'i snod rnams kyang ma dkrol bar sgra byung ngo //sa'ang rnam pa drug tu g.yos shing 'gul te/sems can rnams skyabs med par yang ma gyur cing /yid dang ba rab tu thob bo//smra ba'i mchog dam pa sangs rgyas kyis gang dang gang du zhabs kyis gom pa bor ba de dang der pad+ma dri ma med cing /legs par gnas pa rnams byung ngo //dud 'gro'i skye gnas su song ba'i sems can gang dag gis mthong ba de dag thams cad kyang bde ba rnyed nas mtho ris su skye bar 'gyur ro//bud med gang dag sbrum pa de dag kyang mi bde ba med pa nyid du gzugs bzang zhing / lta na sdug pa dag bcas so//sems can rnams la'ang 'dod chags dang /zhe sdang dang /gti mug rnams kyis gnod par gyur pa med do//rab tu sdang ba'i sems med par phan tshun smra ste/dper na pha 'am ma zhig bu gcig pa la smra ba bzhin no//srang gi g.yas g.yon rnams kyang legs par brgyan par gyur to//nam mkha' la gnas pa'i lha'i tshogs thams cad kyis kyang me tog sil ma dag mngon par gtor to//sems can sdug bsngal bar gyur pa gang yang med do//sems can gang dag na bar gyur pa de dag kyang nad med par gyur te/bde ba thob bo//bde bar gshegs pa gshegs pa na sems can so so nas de bzhin gshegs pa ni bdag kho na la gzigs so snyam du sems so// so so nas bdag nyid bsod snyoms 'bul zhing /mi'i 'dren pa la brten nas bdag kho na bsod snyoms kyi 'bras bu la sbyor ro snyam du sems te/de gshegs pa tsam yang gzhal bar sla ba ma yin no//de nas bcom ldan 'das grong khyer chen po mnyan yod du mthar chags su bsod snyoms bzhes shing gshegs nas/bcom ldan 'das grong bar gyi dbus zhig tu gshegs pa dang /de'i tshe khang stong zhig tu khye'u gzugs bzang ba/mdzes pa lha na sdug pa zhig bor bar gyur te/lag pa g.yas pa'i mdzub mo khar bcug nas/'jig cing 'dug pa la khyi 'am/ce spyang gang dag khang stong der lhags pa de dag kyang khye'u de la lce'i dbang pos bldags shing 'dong ste/'di ltar sngon byas pa'i dge ba'i rtsa bas khye'u de la 'tshe ba mi byed do//khang stong der skye bo phal po che dag kyang 'jug cing 'byung ngo //bcom ldan 'das kyis skye bo phal po che 'jug cing 'byung ba gzigs nas mkhyen bzhin du tshe dang ldan pa kun dga' bo la bka' stsal pa/kun dga' bo gang du skye bo phal po che 'di dag 'jug cing 'byung po'i khang stod de ni ci yod ltos/de skad ces bka' stsal nas/tshe dang ldan pa kun dga' bos bcom ldan 'das kyis ltar mnyan to/khang stong ga la ba der song nas phyin pa dang /khye'u gzugs bzang ba/mdzes pa/lta na sdug pa zhig lag pa g.yas pa'i mdzub mo khar bcug ste/'jib cing 'dug la mig gnyis mi 'dzums par skye bo'i tshogs thams cad la lta ba mthong ngo //mthong nas kyang tshe dang ldan pa kun dga' bo bcom ldan 'das ga lnga ba der song ste phyin nas/bcom ldan 'das la skabs de gsol pa/bcom ldan 'das khung stong dri na khye'u bor ba gzugs bzang ba/mdzes pa/blta na sdug pa/rin po che'i gzugs ltar mchis pa/mig mi 'dzum par skye bo'i tshogs thams cad la lte ba zhig mchis so//de nas bcom ldan 'das kyis kye ma khye'u 'di ni sngon gyi sbyor ba phun sum tshogs pa ste/nga'i legs par bshad pa'i don shes par nus shing /skal ba can no snyam nas/khye'u de la thugs brtse ba dang /skye bo phal po che dge ba la gzung pa'i phyir/khang stong ga la bder gshegs so//de nas bcom ldan 'das der gshegs nas phyogs gcig tu bzhugs te/phyogs gcig tu bzhugs nas/khye'u de la tshigs su bcad de bka' stsal pa//sbrul dang gnod sbyin rgyu ba yis//dur khrod 'jigs pa tshe 'di na//byis pa ji ltar mi 'jigs shing //khyod de gcig pu 'di ni 'dug/de nas khye'u des sangs rgyas kyi mthu dang /rang gi sngon gyi dge ba'i rtsa bas/bcom ldan 'das la slar tshigs su bcad de gsol pa//bdag ma mchis pa'i chos rnams la//thub pa'i dbang phyug su zhig 'jigs//thams cad mkhyen pa smra ba'i mchog/ji ltar 'dir mchis las gang lags//bdag gcig bdag gis gang ma mchis//bdag kyang gang gi'ang ma lags te//bdag ni su'i lags de ma mthong //bdag gi su lags de ma mthong // bcom ldan 'das kyis bka' stsal pa/sngon cad sdig pa byas pa'i las//de yi rnam smin 'di 'dra ste//khang pa stong pa 'dir bor nas//sdug bsngal tshor ba myong ba yin/ khye'us gsol pa/gau ta ma khang stong snyam pa yi//'du shes nga dung mnga' ba blta//byang chub snying por khyod bzhugs nas//'du shes yongs su ma mkhyen tam//bcom ldan 'das kyis bka' stsal pa//ngas ni 'du shes yongs shes te//nga la 'du shes yod ma yin//khyod nyid la ni snying brtse bas// khang pa stong pa 'dir 'ongs so//khye'us gsol pa//sems can dag ni bar 'gra' yang //gang tshe shin tu mi dmigs pa//de tshe thugs rje grang du byung //khyod ni su la thugs brtse mdzad//bcom ldan 'das kyis bka' stsal pa/bdag med zhi ba stong pa nyid//sems can 'di dag mi shes te//de dag nyid la snying brtse phyir// bsod nams spyad pa spyod pa yin//khye'us gsol pa/stong pa zhi bar thugs chud nas//zhi ba stong pa nyid mkhyen kyang //de bzhin gshegs pa da dung du//phyin ci log kyang ma spongs som//bcom ldan 'das kyis bka' stsal pa/zhi ba stong pa nyid rtogs nas//sems can yongs su smin bya'i phyir//'dren pa chos ston mdzad pa 'di//sangs rgyas rnams kyi thugs rje yin//khye'us gsol pa/de bzhin gshegs pa da dung du//khyod kyis phyin ci log ma spangs//sems can 'du shes ma mchis na//thugs rje gang du skye bar 'gyur//bcom ldan 'das kyis bka' stsal pa/byang chub sems ni rab bzung nas//yod min sems can rnams la yang //mi mchog rnams ni go gyon po//rang byung rnams kyi byin brlabs so//khye'us gsol pa/dngos po gang na mi dmigs pas//go cha thams cad brdzun pa lags//dngos po ma mchis chos rnams lnga//go chu dmyigs pa ma mchis so//bcom ldan 'das kyis bka' stsal pa/chos rnams dngos po yod min yang //srog chags rnams la chos ston 'dri//'jig rten mgon po skyob rnams kyi//thugs rjes rnam par rol pa yin//khye'us gsol pa/chos ni yi ge ma mchis na//bshad pa gud na ga la mchis//'jig rten rnams la slu mdzad dam//chos ma lags pa chos bshad dam//bcom ldan 'das kyis bka' stsal pa//nga ni 'jig rten sku ma yin//chos ma yin pa nga mi smra//phyin ci logs gyur sems can gyi//nyon mongs sel bar de byed do//khye'us gsol pa/nyon mongs rtsa ba ma mchis te//nang ngam phyi rol rnams na yang //de dag rnams kyi gnas ma mchis//nyon mongs ji ltar rnam por sbyang //bcom ldan 'das kyis bka' stsal pa// phyin ci log las byung ba rnams//yongs su brtags lngas skyes pa ste//rtog pa thams ca smang ba'i phyir//skrag chags rnams la chos ston to//khye'us gsol pa/rnam brtag mang po ci 'tshul te//sems ni rang bzhin 'odadi gsal zhing //de la nyon mongs mi 'byung ste//nam yang nyon mongs de mi 'gyur//bcom ldan 'das kyis bka' stsal pa/ji skad smras pa de bzhin te//sems ni rtag tu 'od gsal kyang //glo bur nye bu'i nyon mongs kyis//so so'i spyi bo nyon mongs 'gyur//khye'us gsol pa/nyon mongs dmigs su ma mchis te//de dag phyogs na mi gnas na//glo bur du ni ji ltar 'gyur//de zhus bdag lo bshad du gsol//bcom ldan 'das kyis bka' stsal pa//dper na sprin rnams bar snang lo//snang yang de dag de bzhin min//nyon mongs 'byung ba'ang de 'dra ste/snang yang de dag de bzhin min//khye'us gsol pa/ma nor de bzhin gang lags pa//chos gnas nyid de chos nyid do//mnor de bzhin nyid chos la/nor ba'i de bzhin nyid mi dmigs//bcom ldan 'das kyis bka' stsal pa//byis pa 'du shes ldan rnams kyi//leg par rnam par gang brtags pa//blo de rtogs par bya ba'i phyir//de bzhin gshegs rnams 'byung ba yin//khye'us gsol pa/skye ma mchis pas rab phye ba//rdzogs pa'i sangs rgyas gang zhig byung //skye ba ma mchis chos rnams la//sangs rgyas 'byung ba 'thad ma lags//bcom ldan 'das kyis bka' stsal pa//skye ba med par skye ba ni//sangs rgyas 'byung ba rab tu bstan//kun rdzob tha snyad btags pa ste//dam pa'i don du yod ma yin//khye'us gsol pa/da dung khyod la don dam dang //kun rdzob 'du shes gnyis mnga' ste//theg pa gcig lam 'gal 'gyur ba//gau ta ma khyod kyis bka' stsal to//bcom ldan 'das kyis bka' stsal po//nga ni lam dang 'gal mi byed//'gal ba med par nga gnas te//mi mthun sems can sdums kyang byed//khye'u khyod de ltar shes par gyis//khye'us gsol pa/sems can de ni mi dmigs na//gau ta ma khyod ci sdums mdzad//chos rnams sngon gyi mtha' la gzig so//gang gi kun nas nyon mongs skye//bcom ldan 'das kyis bka' stsal pa/sngon gyi mtha' dang phyi mtha' dang //de bzhin da ltar byung ba dang //byang chub dam pa rtogs gyur nas//srog chags rnams la chos ston to//khye'us gsol pa/rdzogs sangs rgyas zhes sgrogs mdzad cing //nyid kyi mkhyen pa sgrogs mdzad de// 'di ltar bdag tu sgro 'dogs pas//khyod ni lhag pa'i nga rgyal che//bcom ldan 'das kyis bka' stsal pa/nga ni bdag la mi bstod de//de bzhin gzhan la brnyas mi byed//de bzhin nyid ni rab tu ston//des na de bzhin gshegs zhes bya//khye'us gsol pa/brjod du ma mchis de bzhin nyid//de na de nyid ma mchis na//sgra skad ma mchis sgra bshad pa//mkhyen bzhin log par bka' ma stsal//bcom ldan 'das kyis bka' stsal pa//chos de thams cang log pa ste//de bzhin nyid las byung ba yin//de bzhin nyid ni rtogs pas na//nga la skyon med yon tan med//khye'us gsol pa/de bzhin gshegs pa'i mthu yis na/bdag gi spobs pa 'di skyes te//'di 'dra'i lan dag gang gsol pa//rdzogs sangs rgyas la bzod par gsol//de nas bcom ldan 'das kyis phyag g.yas pa gser gyi kha dog can cho sa gos kyi nang nas phyung ste/khye'u de logs su brkyang ba dang /de nas khye'u des bcom ldan 'das kyi phyag gi sdor mo le bzung ste langs so//de nas bcom ldan 'das kyis khye'u de khang stong nas bsnams te/srang du bzhag pa dang /de na skye bo phal po che dag 'di ltar khye'u 'di 'di kho na ltar nyon mongs par gyur kyang // bdag nyid chen po'i chos 'di lta bu'i lan 'debs pa ni sangs rgyas bcom ldan 'das rnams ngo mtshar to snyam nas/ngo mtshar du gyur te/bcom ldan 'das la rab tu phyag 'tshal lo//de nas bcom ldan 'das kyis khye'u de la 'di skad ces bka' stsal to/khye'u khyod kyi las kyi sgrib pa zad kyis/sngon gyi dge ba'i rtsa ba dran par gyis la skye bo'i tshogs chen po la'ang shes par gyis te/rdzu 'phrul gyi cho 'phrul chen po ston cig/de nas khye'u de sa las mi bdun srid tsam du 'phags nas lus las 'od phyung ste/'od des mnyan yod thams cad dang /dzam+bu'i gling thams cad snang ba chen po rgyas par gyur to//'od des brgya byin dang /tshangs pa dang /'jig rten skyong ba dang /de ma yin pa lha brgya stong mang po gzhan dag la'ang yang dag par bskul bar gyur nas/skad cig thang cig yud tsam de la bcom ldan 'das ga la ba der song ste/lhags nas/bcom ldan 'das kyi zhabs la mgo bos phyag 'tshal te/lha'i me tog dag gis bcom ldan 'das la gtor nas/bcom ldan 'das kye ma byang chub sems dpa' 'di ni snang ba bsam gyis mi khyab pa ste/'di ltar sangs rgyas kyi zhing 'od kyis snang bar bgyis nas/sems can dpag tu ma mchis pa dag gis don bgyis so zhes ched du brjod pa de skad ched du brjod de// nga ba sa sa sa rgyas ma byu sa sa/ma ldan sa sa makyis margya ma pa ba / sa rnas m-i ba yang nga //de nas m+be hU~M babs pa kyi mi khyab pa par skyeng du la pabs te/ jug/de nas ng+ge'i dbang pa 'di la lta sa brgyas pa rgya sbyin te/de nga maud / phyir ras bces 'a sbyin la gin /rdo seM khyi ltung babs po sa mi khyab pas kyi byung po sbyin la 'di smad ces smras s+ho//TI/byung chub sems dpa' rnams ni gos kyi rgyun pani bas medzes pa ma yin gyi/byang chub sems dpa' rnams ni chos ldan thogs ni mangs so//kaushi ka lta mang kyi sngon kyi byang chub sems dpa' sems dpa'i tshe rnams kyi gas kyi rgyan gang nga/yon ze dngag nyon no//byang chub kyi sems ni byang chub sems dpa' rnams kyigs kyi na/byang chub kyi snying mo brgyan par 'gyur du/ ngo tsha shes pa dang /khrel yod pa'i rgyun ni byang chub sems dpa' rnams kyi gos kyi rgyun te/sems can thams cad mngon du 'dzin par 'gyur ro//dam bcas pa brtan pa ni byang chub sems dpa' rnams kyi gos kyi rgyun te/shes rab yongs su rdzogs par 'gyur ro//bsam pa ni byang chub sems dpa' rnams kyi gos kyi rgyun te/sgyu dang g.yo sel bar 'gyur ro//sbyor ba ni byang chub sems dpa' rnams kyi gos kyi rgyan te/dge ba'i chos thams cad yongs su rdzogs par 'gyur ro//lhag pa'i bsam pa ni byang chub sems dpa' rnams kyi gos kyi rgyan te/thams cad las khyad par 'gro bar 'gyur ro//nga rgyal med pa ni byang chub sems dpa' rnams kyi gos kyi rgyan te/ye shes yongs su rdzogs par 'gyur ro//chos don du gnyer ba dang /chos 'dod pa ni byang chub sems dpa' rnams kyi gos kyi rgyan te/shes rab yongs su rdzogs par 'gyur ro//slob dpon gyi dpe mkhyud med pa ni byang chub sems dpa' rnams kyi gos kyi rgyan te/chags pa med pa'i ye shes yongs su rdzogs par 'gyur ro//nor thams cad yongs su gtong ba ni byang chub sems dpa' rnams kyi gos kyi rgyan te/mtshan dang dpe byad bzang po yongs su rdzogs par 'gyur ro//tshul khrims yongs su dag pa ni byang chub sems dpa' rnams kyi gos kyi rgyan te/smon lam yongs su rdzogs par 'gyur ro//bzod pa dang nges pa ni byang chub sems dpa' rnams kyi gos kyi rgyan te/tshangs pa'i dbyangs kyi nga ro dang sgra skad lta bu'i tshig tu 'gyur ro//dam bcas pa brtan zhing sems mi zhum pa ni byang chub sems dpa' rnams kyi gos kyi rgyan te/bya ba thams cad yongs su rdzogs par 'gyur ro//bsam gtan dang /rnam par thar pa dang /ting nge 'dzin dang /snyoms par 'jug pa thob pa ni byang chub sems dpa' rnams kyi gos kyi rgyan te/mngon par shes pa chen po'i ye shes yongs su rdzogs par 'gyur ro//tshig rab tu dbye ba shes pa'i shes rab ni byang chub sems dpa' rnams kyi gos kyi rgyan te/bag la nyal dang lta bar smra ba dang / kun nas ldang ba thams cad rnam par sel bar 'gyur ro//snying rje chen po ni byang chub sems dpa' rnams kyi gos kyi rgyan te/'khor ba na yongs su mi skyo bar 'gyur ro// sems can thams cad la zhe 'gras pa med pa'i sems ni byang chub sems dpa' rnams kyi gos kyi rgyan te/bdag dang gzhan gyi don la skyob med par 'gyur ro//zang zing med par chos ston pa ni byang chub sems dpa' rnams kyi gos kyi rgyan te/shes rab kyis bdag dang gzhan sgrol bar 'gyur ro//chos sgrub pa ni byang chub sems dpa' rnams kyi gos kyi rgyan te/nyon mongs pa thams cad spong bar 'gyur ro//kau shi ka rnam grangs 'dis 'di ltar byang chub sems dpa' gang chos kyi rgyan 'di lta bu dag dang ldan pa de nam yang gcer bu ma yin par rig par bya'o//de nas lha'i dbang po brgya byin gyis khye'u de la shin tu dga' ba dang dad pa skyes nas/bcom ldan 'das la 'di skad ces gsol to// bdag la thugs brtse ba'i slad du bcom ldan 'das kyis ras bcos bu'i zung 'di len du stsal bar gsol/de nas bcom ldan 'das kyis khye'u snang ba bsam gyis mi khyab pa la 'di skad ces bka' stsal to//khye'u ras bcos bu'i zung 'di long la gyon cig/de nas khye'u snang ba bsam gyis mi khyab pa bcom ldan 'das ga li ba der dong ste/pus mo g.yas pa'i lha nga sa la btsugs nas/bcom ldan 'das ga la ba de logs su thal mo sbyar ba btud de/bcom ldan 'das kyi spyan sngar ras bcos pu'i zung blangs nas bgos so//de nas bcom ldan 'das grong khyer chen po mnyan yod du bsod snyoms la gshegs so//de na skyes pa dang bud med dang /khye'u dang /bu mo dang /tshong dpon dang /bram ze dang / khyim bdag dang /rgyal po dang /blon po chen po dag ngo mtshar du gyur te/khye'u snang ba bsam gyis mi khyab pa lo blta ba dang /bcom ldan 'das la'ang blta ba dang /phyag bya ba dang /mchod pa'i phyir 'dus par gyur to//de nas bcom ldan 'das mthar gyis bsod snyoms bzhes te/khye'u snang ba bsam gyis mi khyab pa'i ma'i khyim ga la ba der gshegs so//gshegs nas kyang cang mi gsung bar phyogs gcig tu bzhugs so//de nas khye'u snang ba bsam gyis mi khyab pa'i ma ngo tsha nas// bcom ldan 'das la blta ba'i phyir skor ma byung ngo //de nas khye'u snang ba bsam gyis mi khyab pa rang gi khyim du song nas/ma li tshigs su bcad de spros pa//bdag gi sngon gyi nongs pa yis//khyod kyi mngal du bdag mchis te//yum gyis nongs pa ma logs gyis//'o ltar gnong bar ma mdzad cig/thugs brtse ldan te bskyed pas na//bdag gi sbyin gnas khyod lags so//zhal che ma mdzad ma 'dzem par//de bzhin gshegs pa'i drung du bzhud//de ltar khyod mngal bdag mchis pa// khyod kyis brnyes pa legs par brnyes/lus kyi dge ba'i las rnams kyang //rnam par 'dren la zhu ba mdzod//de nas khye'u snang ba bsam gyis mi khyab pas/lha'i dbang po brgya byin la 'di skad ces smras so//kau shi ka lha'i me tog man+da ra ba dag dang /lha'i spos dag dang /lha'i gos dag bdag la stsol cig/de dag bdag gis skyed pa'i ma 'di la stsol to//'dis de dag gis bcom ldan 'das la mchod pa bgyis nas/bla na med pa yang dag par rdzogs pa'i byang chub tu sems bskyed par 'gyur ro//de nos lha'i dbang po brgya byin gyis/khye'u de la lha'i me tog man+da ra ba dag dang /lha'i spos dag dang /lha'i gos dag byin no//de nas khye'u snang ba bas mo gyis mi khyab pas ma la tshigs su bcad de smras pa//yum cig lha yi me tog man+da re//lha sdug mdzes shing yid du 'ong ba dang //spos dang na bza' 'di dag blang mdzod la//mi mchog sangs rgyas de la dbul ba mdzod//'jig rten dgun pa ma zas skom dang //nor dang gos kyis mchod pa mchod ma lags//gzhan du gang dag chos la sbyor bgyid pa//des na de dag mchod pa bgyis par 'gyur//rkang gnyis dam pa de la mchod mdzod la//byang chub mchog tu smon lam brtan par mdzod//bdag ni dus duso khyod kyi drung mchis te//yun ring dus nas skul ba bgyid pa lags//gnong zhing zhum pa'i sems su ma mdzad par//rangs pa'i sems dang dga' ba thob mdzod la//rang byung rgyal ba bzhugs pa der bzhud de//skyes bu mchog gis zhabs la phyag mdzod la//mgon po de la me tog spos rnams dang //de bzhin na bza' rnams kyang gtor nas su//rgyal ba de las dge ba'i rtsa bskyed de//byang chub mchog tu sems kyang bskyed pa mdzod//byang chub mchog tu sems ni brtan gyur nas//gang dag dang bas rgyal la gus bgyis pa//de dag rnam smin 'jig mgon bka' stsal ces//rang byung rgyal ba de la zhu ba mdzod//le'u dang tshigs su bcad pa/de nas bud med de bcom ldan 'dras ga la ba der song ste phyin nas/bcom ldan 'das kyi zhabs la mgo bos phyag 'tshal te/bcom ldan 'das la mchod pa byas nas/zhu ba ji skad bstan pa bzhin du gus pa dang btsas par yongs su zhus so//zhu ba zhus pa dang /bcom ldan 'das kyis bka' stsal pa/dge ba'i rtsa ba bsgrubs pa 'dis//ngan 'gro 'am mi khom 'gro mi 'gyur//sangs rgyas bye mang mnyes byas nas//mi yi dam pa sangs rgyas 'gyur//de nas bcom ldan 'das kyis grong khyer chen po mnyan yod du bsod snyoms bzhes nas/khye'u snang ba bsam gyis mi khyab pa dang /skye bo phal po che gzhon dag dang yang thabs cig tu grong khyer nas byung ste/rgyal bu rgyal byed kyi tshel mgon med zas sbyin gyi kun dga' ra ba ga la ba der gshegs so//de nas bcom ldan 'das kyis zas kyi bya ba mdzad do/nang du yang dag 'jog las bzhengs nas chos nyan du gzhug pa'i phyir bzhugs so//de nas yul ko sa la'i rgyal po gsal rgyal dpung gi tshogs yan lag bzhi pa dang lhan cig tu rgyal bu rgyal byed kyi tshal ga la ba dang / bcom ldan 'das ga la ba der song ste phyin nas/bcom ldan 'das kyi zhabs la mgo bos phyag btsal te/phyogs gcig tu 'dug go/phyogs gcig tu 'dug nas/yul ko sa la'i rgyal po gsal rgyal gyis bcom ldan 'das la 'di skad ces gsol to//bcom ldan 'das gang ngo mtshar rmad du byung ba'i chos rnam pa de lta bu dag dang ldan pa'i khye'u snang ba bsam gyis mi khyab pa de ga la mchis/de nas bcom ldan 'das kyis khye'u snang ba bsam gyis mi khyab pa bstan nas mthong ste/rgyal po gsal rgyal gyis khye'u de'i lus gzugs yongs su grub pa lha las 'das pa'i mdog dang /mi 'jigs pa dang /tshul khrims dang /ting nge 'dzin dang /shes rab kyis brgyan pa mthong nas 'di snyam du sems te/sngon las byas shing bsags pa ji lta bu zhig gis 'di ltar 'di'i lus yongs su dag par gyur snyam mo//de nas khye'u snang ba bsam gyis mi khyab pas sangs rgyas kyi mthu dang /rang gi sngon gyi dge ba'i rtsa bas rgyal po gsal rgyal gyi sems kyi yongs su rtog pa sems kyis shes nas tshigs su bcad de smras pa//gang dag rtag tu byams sems dag sems ldan//gang dag mi brlang mnyen zhing dran ldan la//legs par bsdams shing drang la tshangs spyod pa//de dag lus ni rnam par dag par 'gyur//gang dag sdig pa spong zhing mi spyod la//rtag tu dge ba mi chung rnam spel zhing //gnod par sems dang khro ba rnam spong ba//de dag lus ni rnam par dag par 'gyur//gang dag sangs rgyas chos dang tsho gas mchog la//gus dang bcas par rtag tu mchod byed cing //gzhan la rdeg 'tshog sdigs mo mi byed pa//de dag lus ni rnam par dag par 'gyur//gang dag gzhan la phrag dog ser sna dang //de bzhin nga rgyal dag kyang mi byed la//gzhan gyi nyes pa byung ba mi brjod pa//de dag lus ni rnam par dag par 'gyur//gzhan la gtso dri ba dang smad pa dang //ba shung ba dag ni nam yang mi byed cing //gzhan la 'khrul pa'i glags lta mi byed pa//de dag lus ni rnam par dag par 'gyur//de nas bcom ldan 'das li rgyal po gsal rgyal gyis 'di skad ces gsol to//bcom ldan 'das khye'u snang ba bsam gyis mi khyab pa 'di chos chen po dang ldan pa lags na/bcom ldan 'das las kyi sgrib pa gang zhig gis/khye'u 'di bud mod khyim thab ma mchis pa'i mngal du skyes la/der yang khang stong bu bor bar gyur/bcom ldan 'das kyis bka' stsal pa/rgyal po chen po sngon byung ba 'das pa'i dus na/'di nas bskal pa dgu bcu rtsa gcig na/de'i tshe de'i dus noni/de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/'jig rten mkhyen pa/skyes bu 'dul ba'i kha lo sgyur ba/bla na med pa lha dang mi rnams kyi ston pa/sangs rgyas bcom ldan 'das rnam par gzigs zhes bya ba 'jig rten du byung ngo //rgyal po chen po de'i tshe de'i dus na/bcom ldan 'das de bzhin gshegs pa rnam par gzigs de'i gsung rab la byang chub sems dpa' gnyis shig byung ste/lha bzang zhes bya ba dang /sa zhes bya ba'o//de la byang chub sems dpa' lha bzang zhes bya bar gyur pa gang yin pa de ni phyir mi ldog par gyur cing /don nyung ba/bya ba nyung ba/dben pa la dga' ba/ bsam gtan dang /mngon por shes pas rnam par rtsa bar gyur to//de la byang chub sems dpa' sa zhes bya bar gyur pa gang yin pa de ni chos rgya chen po dang ldan par ma gyur te/lha bzang gi g.yog byed do//de ha cang grong dang /grong rdal dang /yul 'khor dang /pho brang 'khor dag tu 'jug ste/zhugs nas kyang bya ba mang zhing byed pa mang bar gyur nas/ byang chub sems dpa' lha bzang des de la khyod ci'i phyir rnal 'byor dang spong ba la brtson par mi byed par ha cang bya ba mang zhing ha cang byed pa mang zhes bsgo zhing bstan to//des de la yang dang yang bskul bas khros 'khrugs te yi ma rangs nas/gnod sems su gyur pa des lus dang sems ma rung bar byas te/ngan du bsems nas tshig rtsub po smras pa/nul gyi bu/sbyar ma'i bu/skyes pa gzhan las grub pa khyod kyi pha ma'ang med na/khyod la shes rab bam/tshul khrims lta ga la yod ces des ngani du bsams te/tshig rtsub po smras pa/mi mthol mi 'chags mi 'dor gyi/zhe la 'dzin te/de byang chub sems dpa' lha bzang de la rtag tu ngan sems dang ldan zhing byams pa'i sems med par gyur to//byang chub sems dpa' lha bzang gris kyang de snod ma yin no zhes nas bkye ba dang /de de bas kyang byang chub sems dpa' lha bzong la ngan du sems shing bsngags pa ma yin pa brjod de/snyan pa ma yin pa dang /grags pa ma yin pa dang /tshigs su bcad pa mo yin pa brjod do//de las bsags shing tshogs su byas pa des lus zhig ste/shi bi'i 'og tu bud med khyim thab med pa'i mngal du skyes so//byang chub kyi sems bsrungs pas des na sems can dmyal bar ni ma skyes so//de btsas ma thag tu bud med des lam srang chen por bor te/der de khyi dang /spang ki dang /ce spyang rnams kyis zos so//rgyal po chen po tshul 'di 'dra bar 'do bskal pa dgu bcur sdug bsngal 'di lta bu dang /nyam thag pa 'di lta bus 'chi ba'i dus byas shing btsas pa na 'ong bor bar gyur te/yang skye bo phal po che 'di skad du nal gyi bu sbyar mi'i bu 'di la khyi dang spring ki dang /tse spyang rnams za'o zhes 'dzir to//rgyal po chen po de'i tshe de'i dus na/byang chub sems dpa' sa zhes bya bar gyur pa de gzhan zhig yin po snyam du khyod som nyi'am/yid gnyis zo bar gyur na rgyal po chen po khyod kyis de de ltar mi blta'o//de ci'i phyir zhe na/khye'u snang ba bsam gyis mi khyab pa 'di de'i tshe de'i dus na byang chub sems dpa' sa zhes bya bar gyur to//rgyal po chen po 'di'i las kyi sgrib pa ni zad/kun nas nyon mongs pa'i sems ni rnam par sbyangs/de bzhin gshegs pa ni mnyes par byas/ngan 'gro thams cad ni bcad nas/khye'u snang ba bsam gyis mi khyab pa 'dis sangs rgyas bye ba phrag drug cu rtsa bzhi mnyes por byas shing /bsti stang byas/ri mo byas/mchod pa byas nas/sangs rgyas bcom lnga ni 'das de dag gi drung du tshangs par spyod pa spyad do//chos yongs su btsal ba la'ang brtson par gyur to//rgyal po chen po de sngon gyi dge ba'i rtsa ba 'dis bdag nyid chen po 'di thob bo//rgyal po chen po de ltar na las nag po dang /dkar po drag chung za bar 'gyur ba med do//rgyal po chen po de lta bas na mkhas pas lus kyi las dang /ngag gi las dang /yid kyi las bsdams par bya ste/ srog gi phyir yang sdig pa'i las mi bya'o//de nas bcom ldan 'das la yul ko sa la'i rgyal po gsal rgyal gyis 'di skad ces gsol to//bcom ldan 'das byang chub sems dpa' lha bzang zhes bgyi bar gyur pa des/bla na med pa yang dag par rdzogs pa'i byang chub thob logs sam/'on te da dung du'ang byang chub sems dpa'i spyad pa spyod pa bgyid/bcom ldan 'das kyis bka' stsal pa/rgyal po chen po byang chub sems dpa' sems dpa' chen po lha bzang de ni de bzhin gshegs pa mi 'khrugs po'i sngangs rgyas kyi zhing na tshangs par spyad pa spyod de/byang chub sems dpa' sems dpa' chen po dpal 'byung zhes bya'o//de nas bcom ldan 'das la rgyal po grasal rgyal gyis 'di skad ces gsol to//bcom ldan 'das rigs kyi bu 'am rigs kyi bu mos gus par bgyis te/dge ba'i bshes gnyen rnams la bsnyen par bgyi'o// bsten par bgyi'o//bsnyen bkur bgyi'o//de ci'i slad du zhe na/bcom ldan 'das dge ba'i bshes gnyen la bsnyen cing bsten te/bsnyen bkur bgyis na dge ba'i chos 'thob par 'gyur ro//dge ba'i chos thob pa'i bsam pa dag par 'gyur ro//bsam pa dge bas sbyor ba dge bar 'gyur ro//sbyor ba dge bas dge ba'i las bgyid par 'gyur ro//las dge bas 'gro ba dge bar mchi bar 'gyur ro//'gro ba dag bas dge ba'i grogs po mgu bor bgyid do//grogs po dge bas sdig pa'i las mi bgyid do//bgyid par mi 'gyur ro//sdig pa ma bgyis shing dge ba'i las bgyis pas bdag la gdung bar mi 'gyur/gzhan la gdung bar mi 'gyur ro//bdag dang gzhan rjes su bsrung bas byang chub kyi lam yongs su rdzogs par 'gyur ro//byang chub kyi lam la gnas pas lam ngan par zhugs pa'i sems can rnams kyi don bgyid nus pa dang /skal ba mchis pa dang /mthu dang ldan par 'gyur ro//bcom ldan 'das kyis bka' stsal pa/rgyal po chen po legs so legs so//khyod kyis tshig 'di legs par smras so//rgyal po chen po dge ba'i bshes gnyen la brten te/byang chub sems dpa' sems dpa' chen po yon tan gyi chos nyid thams cad yangs su rdzogs par bya'o//de nas bcom ldan 'das la khye'u snang ba bsam gyis mi khyab pas 'di skad ces gsol to//bcom ldan 'das byang chub sems dpa' chos du dang ldan na/myur du bla na med pa yang dag par rdzogs pa'i byang chub tu mngon par rdzogs par 'tshang rgya ba dang /zab mo'i chos rnams la'ang bzod pa thob par 'gyur//bcom ldan 'das kyis bka' stsal pa/khye'u byang chub sems dpa' chos bzhi dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya ba dang /zab mo'i chos rnams la'ang bzod pa thob par 'gyur te/bzhi gang zhe na/rten cing 'brel par 'byung ba shes pa la 'jug pa dang /chad pa dang /rtag pa rnam par spong ba dang /sems can med pa dang /srog med pa dang /gang zag med par 'jug pa dang /stong pa nyid la mos shing /stong pa nyid spyod yul ba ste/byang chub sems dpa' chos bzhi po de dag dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya ba dang /zab mo'i chos rnams la'ang bzod pa thob par 'gyur ro//khye'u gzhan yang byang chub sems dpa' chos bzhi dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya ste/bzhi gang zhe na/sngon gyi mtha' dben pa dang /phyi ma'i mtha' mi 'pho ba dang /da ltar byung ba 'jig par shes pa dang /dus gsum mnyam pa nyid de bzhi po de dag go/gzhan yang bzhi ste/bzhi gang zhe na/lus dben pa dang /sems dben pa dang /chos dben pa dang /las dben pa ste/bzhi po de dag go//gzhan yang bzhi ste/bzhi gang zhe na/sangs rgyas la chos nyid du mthong gi gzugs su ma yin pa dang /chos la 'dod chags dang bral bar mthong gi yi ge dang /nges pa'i tshig tu ma yin pa dang /dge 'dun la 'dus ma byas su mthong gi tshogs su ma yin pa dang /shes rab kyi mig yongs su dag par 'gyur ba ste/bzhi po de dag go/gzhan yang bzhi ste/bzhi gang zhe na/bsdu ba'i dngos po mi gtong bas pha rol tu phyin pa yongs su rdzogs par byed pa dang /thabs shes pa la mkhas pa dang /sems can med par rnam par dpyod pa dang snying rje chen po ste/khye'u byang chub sems dpa' chos bzhi po de dag dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya ba dang /zab mo'i chos rnams lo'ang bzod par 'gyur ro//bcom ldan 'das kyis bzhi pa bsgrub pa bstan pa 'di bshad pa na/khye'u snang ba bsam gyis mi khyab pa mi skye ba'i chos la bzod par thob par gyur te/de dga' ba dang mchog tu dga' ba de nyid kyis ta la bdun srid tsam du steng gi bar snang la mngon par 'phags par gyur to//de nas bcom ldan 'das kyis de'i tshe 'dzum pa mdzad do//'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de nas bcom ldan 'das kyi zhal gyi sgo nas 'od 'phro ba kha dog sna tshogs/kha dog du ma byung ba 'di lta ste/sngon po dang /ser po dang /dmar po dang /dkar po dang / le ba rgan dang /dngul gyi kha dog lta bu ste/kha dog du ma de dag gis 'jig rten gyi khams mtha' yas mu med pa snang bar byas te/tshangs pa'i 'jig rten gyi bar du mngon par byung nas/zla ba dang nyi ma rnams kyi 'od mog mog por byas te/slar log nas bcom ldan 'das kyi dbu'i gtsug tu nub bo//de nas tshe dang ldan pa kun dga' bo stan las langs te/bla gros phrag pa gcig tu gzar nas/pus mo g.yas pa'i lha nga sa la btsugs te/bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa'i dbyangs kyis don de zhus pa/lha sdug bltar 'os gzugs dang mtshan rnams dang //dpe byad bzang po rnams kyis rab mdzes shing /'od kyi dkyil 'khor 'od kyis 'od mdzad pa//'dzum pa mdzad de bdag la bstan du gsol//tshul khrims 'phags shing spyod pa legs spyad pa//ting 'dzin shes rab bsags pa'i ye shes 'od//rnam grol snying po stobs ldan yang dag gzigs//'dzum pa mdzad de bdag la bstan du gsol//bzod pa'i stobs ldan stobs kyi shugs mnga' ba//brtson 'grus mngon par 'phags te mi bstod pa//mig tu sdug cing bden pa bzhi gzigs pa//'dzum pa mdzad de bdag la bstan du gsol//rdo/ rje'i sku mnga' sra brtan mi shigs pa//sred med bu mthu sred med bu bas mchog/tshangs dbyangs sgra snyan 'jam pa'i dbyangs ldan pa//'dzum pa mdzad de bdag la bstan du gsol//bzhugs kyang tshangs dang de bzhin lha tshogs kyis//de bzhin gshegs pa'i spyi gtsug ma mthong la//gus dang bcas pas kun nas blta bgyid pa//'dzum pa mdzad de bdag la bstan du gsol//khyod kyis chos kyi 'khor lo dam pa bskor//mi rtag sgras ni lha dang lha min dang //de bzhin klu dang gnod sbyin rab bskyod pa//'dzum pa mdzad de bdag la bstan du gsol//snang ba mnyes shing mun pa rnams bral ba//kun nas spyan mnga' mnyam pa nyid bzhugs pa//yon tan mchog mnga' yon tan snying po bstan/'dzum pa mdzad de bdag lnga bstan du gsol//de skad ces gsol ba dang /bcom ldan 'das kyis tshe dang ldan pa kun dga' bo la 'di skad ces bka' stsal to//kun dga' bo khye'u snang ba bsam gyis mi khyab pa shing ta la bdun srid kyi steng gi bar snang la 'dug pa 'di mthong ngam/gsol pa/bcom ldan 'das mthong lags so//bcom ldan 'das kyis bka' stsal pa/kun dga' bo byang chub sems dpa' sems dpa' chen po snang ba bsam gyis mi khyab pa 'di bskal pa grangs med par rgya'i 'og tu bskal pa kun tu snang byed ces bya ba la/'jig rten gyi khrims rnam par sbyong zhes bya bar de bzhin gshegs pa dgra bcom pa yang dag par rdzogs pa'i sangs rgyas rig pa dang /zhabs su ldan pa/bde bar gshegs pa/'jig rten mkhyen po/skyes bu 'dul ba'i kha lo sgyur ba/bla na med pa/lha drang mi rnams kyi ston pa/sangs rgyas bcom ldan 'das snang ba bsam gyis mi khyab pa zhes bya ba nyid du 'jig rten du 'byung bar 'gyur ro//kun dga' bo 'jig rten gyi khams rnam par sbyong ba de ni 'di lta bur yongs su dag par 'gyur te/dper na gzhan 'phrul dbang byed kyi lha rnams kyi longs spyod dang /yongs su spyod pa lta bur 'gyur ro/// de bzhin gshegs pa de ni bar gyi bskal pa nyi shur gnas par 'gyur ro//de la nyan thos brgyad khri'i dge 'dun yod par 'gyur ro//byang chub sems dpa' sum khri nyis stong gi dge 'dun yod par 'gyur ro//kun dga' bo ci'i phyir 'jig rten gyi khams de rnam par spyod pa zhes bya zhing /bskal pa kun tu snang byed ces bya bar 'gyur zhe na/kun dga' bo bar gyi bskal pa brgya stong mang por sangs rgyas kyi zhing dor sngon nam yang de bzhin gshegs pa mi byung ste/der de bzhin gshegs pa snang ba bsam gyis mi khyab pa de 'byung bar 'gyur ba de na/gnas gtsang ma'i rigs kyi lha rnams 'di skad du bskal pa 'di ni kun tu snang ba med pa kun tu snang ba med pa ste/de la de bzhin gshegs pa byung ngo zhes ched du brjod pa ched du brjod par 'gyur ba'i phyir ro//byang chub sems dpa' snang ba bsam gyis mi khyab pa lung bstan pa brjod pa 'di bshad pa dang /chos kyi rnam grangs 'di bshad pa na// lha dang mi'i srog chags sum khri nyis stong ni bla na med pa yang dag par rdzogs pa'i byang chub tu sems skyes so//byang chub sems dpa' drug cu ni mi skye ba'i chos la bzod pa thob par gyur to//nyan thos lnga brgya ni len pa med par zag pa rnams las sems rnam par grol lo//de nas bcom ldan 'das kyis tshe dang ldan pa kuno dga' bo la bka' stsal pa/kun dga' bo khyod kyi nga'i dam pa'i chos yongs su gzung ba dang /da ltar dang /ma 'ongs pa'i byang chub sems dpa' rnams la phan gdags pa'i phyir chos kyi rnam grangs 'di gzung zhig/kun dga' bos gsol pa/bcom ldan 'das bdag gis chos kyi rnam grangs 'di bzung lags na/chos kyi rnam grangs 'di'i ming ci legs/'di ji ltar gzung bar bgyi/bcom ldan 'das kyis bka' stsal pa/'di las kyi sgrib pa rnam par sbyong ba zhes bya ba dang /sangs rgyas rnam par rol pa zhes bya ba dang /snang ba bsam gyis mi khyab pas bstan pa zhes bya bar gzung zhig/kun dga' bo gang la la zhig gis ji srid 'tsho'i bar du de bzhin gshegs pa bzhugs pa la bsti stang byed/bla mar byed/ri mor byed/mchod pa byed cing /me tog gi phur ma ri rab tsam gtor ba dang /spos dang /phye ma dang /byug pa dang /gos dang /gdugs dang /rgyal mtshan dang /ba dan dang /lha'i dang mi'i mchod pa rnam pa mang po gzhan dag gis mchod pa bas/rigs kyi bu 'am/rigs kyi bu mo gang zhig snang ba bsam gyis mi khyab pas bstan pa'i chos kyi rnam grangs 'di 'dzin cing klog la/kun chub par byed cing /gzhan dag la'ang rgya cher yang dag par ston la/de bzhin du nan tan du byed na 'di ni bsod nams kyi phung po de bas ches mang du bskyed do//kun dga' bo de lta bas na de bzhin gshegs pa chos kye mchod pas mchod par 'dod pa dang /shes rab kyi snang ba chen po byed par 'dod pas chos kyi rnam grangs 'di gzung bar bya/klag par bya/nan tan gyis bsgrub par bya/gzhan dag la'ang rgya cher yang dag par rab tu bstan par bya'o//bcom ldan 'das kyis de skad ces bka' stsal nas/tshe dang ldan pa kun dga' bo dang /byang chub sems dpa' sems dpa' chen po snang ba bsam gyis mi khyab pa dang /yul ko sa la'i rgyal po gsal rgyal 'khor dang bcas pa dang /lha'i dbang po brgya byin dang /mo mjed kyi bdag po tshangs pa dang /'jig rten skyong ba bzhi dang /thams cad dang ldan pa'i 'khor de dang /lha dang /mi dang /lha ma yin dang /dri zar bcas pa'i 'jig rten yi rang ste/ bcom ldan 'das kyis gsungs pa la mngon par bstod do//'phags pa khye'u snang ba bsam gyis mi khyab pas bstan pa zhes bya ba chos kyi rnam grangs rdzogs so/// rgya gar gyi mkhan po su ran+d+ra bo d+hi dang /zhus chen gyi lo tsA ba ban+de ye shes sdes bsgyur cing zhus te gtan la phab pa//rgya gar skad du/Ar+ya ta thA ga tA nA ma bud+d+ha k+She tra gu Nok+tad+harma paR+YA