བོད་ཡིག

e-texts based on the Adarsha Input

phyag 'tshal deng 'dir dge bar shog / 'byung po gang dag 'dir ni lhags gyur te/ /sa 'am 'on te bar snang 'khod pa dag /skye dgu rnams la rtag tu byams byed shog /nyin dang mtshan du chos kyang spyod par shog /'dir ni rgyal ba dgra rgyal bden gang gis/ /shin tu bden pa gsung zhing brdzun med pa/ /bden pa de yis 'dir ni dge bar shog /de kun 'jigs pa che las thar gyur cig /sangs rgyas kun gyi gzi brjid dang / /rang rgyal dag gi gzi brjid dang / /dgra bcom dag gi mthu dag dang / /gsang sngags 'dzin pa thams cad dang / /shA ri'i bu yi shes rab dang / /maud gal bu yi rdzu 'phrul dang / /ma 'gags pa yi mig dang ni/ /'od srung sbyangs pa'i yon tan dang / /kau di n+ya yi sngar thob dang / /kun dga' bo yi thos pa dang / / tshangs pa yi ni byams pa dang / /brgya byin gyi ni dbang rnams dang / /'jig rten skyong ba'i yul rnams dang / /dbang phyug chen po'i stobs dag dang / /sde dpon rnams kyi mthu dag dang / /'phrog ma'i gzi brjid rdzu 'phrul dang / /de dag rnams kyi mthu dang gzis/ /bdag gi dug ni dug med shog /stong chen mo rab tu 'joms pa las gsungs pa'i smon lam/ rdzogs s+ho/ // sangs rgyas bcom ldan 'das rnams la phyag 'tshal lo/ /rgyal ba rnam gzigs mya ngan 'tshang la gnas/ /rgyal ba gtsug tor pad ma dkar po'i drung / /thams cad skyob pa sa la'i drung na gnas/ /bram ze 'khor ba 'jig ni shir sha'i drung / /sangs rgyas gser thub u dum ba ra'i drung / /'od srung n+ya gro d+ha yi drung na gnas/ /shAkya thub mchog khyad par gnas drung du/ /phyin nas byang chub thob gyur gau ta ma/ /sangs rgyas rdzu 'phrul chen po de dag la/ /mngon par dad pa'i lha gang 'khod pa dag /lha rnams de dag yid dga' mgur gyur nas/ /rtag tu dge zhing zhi bar 'gyur bar byos/ / sangs rgyas rnams la phyag 'tshal lo/ /rkang gnyis khyed rnams bde legs shog /rkang bzhi khyed cag bde legs shog /lam du zhugs rnams bde legs shog /phyir 'ong dag kyang bde legs shog /mtshan mo bde legs nyin bde legs/ / nyi ma'i gung la bde legs shing / /khyed cag kun tu bde legs shog /de dag sdig par ma gyur cig /nyi ma thams cad dge ba yin/ /rgyu skar thams cad bzang po yin/ /sangs rgyas thams cad rdzu 'phrul che/ /dgra bcom thams cad zag pa med/ /bden pa'i tshig gis kun tu bde legs shog /rig sngags kyi rgyal mo rma bya chen mo las gsungs pa'i smon lam dang bden tshig rdzogs s+ho// // rgya gar skad du/ de ba pa ri pri ts+tsha ma~M ga la gA thA/ bod skad du/ lhas zhus pa'i bkra shis kyi tshigs su bcad pa/ dkon mchog gsum la phyag 'tshal lo/ /gzhan gyis mi thub rdzogs sangs rgyas/ /mgon po phyogs gcig bzhugs pa na/ /lha gcig dpa' bo chen po la/ /phyag 'tshal 'di skad tshig gsol to/ / dge ba don du gnyer ba na/ /lha dang mi rnams so so nas/ /bkra shis dag ni brjod bgyis na/ /bkra shis dam pa gang zhig lags/ /bcom ldan 'das kyis bka' stsal pa/ /dge ba don du gnyer ba na/ /lha dang mi rnams so so nas/ /bkra shis rnams ni rjod byed pa/ /de dag bkra shis brjod par bya/ /yul bzang gnas dang grogs mchog dang / /sngon chad bsod nams byas pa dang / /sems ni legs par gtad byas pa/ /de ni bkra shis dam pa yin/ /sbyin dang shin tu snyan smra dang / /yang dag don la rnam nges dang / /khrims ldan rnams dang mtshungs sbyor ba/ /de ni bkra shis dam pa yin/ /byis pa rnams la mi sten dang / /mkhas pa rnams la sten pa dang / /mchod 'os rnams la mchod byed pa/ /de ni bkra shis dam pa yin/ /pha ma bsnyen bkur byed pa dang / / zhi dang tshangs par spyod pa dang / /'byung po kun la snying brtse ba/ /de ni bkra shis dam pa yin/ /sdig pa'i las las ldog pa dang / /dge ba'i las la brten pa dang / /bag yod pa dang rtag mkhas pa/ /de ni bkra shis dam pa yin/ /nga rgyal med dang khengs med dang / / chog shes 'thun pas 'tsho ba dang / /rtag tu byas pa gzo byed pa/ /de ni bkra shis dam pa yin/ /mi dmod de bzhin bzod pa dang / /'phags pa rnams dang 'thun sbyor dang / /dus skabs su ni chos nyan pa/ /de ni bkra shis dam pa yin/ /le lo med dang mang thos