བོད་ཡིག

e-texts based on the Adarsha Input

bcom ldan 'das kyis de skad ces bka' stsal nas/ gnod sbyin gyi sde dpon chen po nag po yi rangs te/ bcom ldan 'das kyis gsungs pa la mngon par bstod do/ /cho ga ni 'di yin te/ srad bu dkar po la lan bdun bzlas pa byas te mdud pa bdun dor ro/ /chu la lan bdun bzlas pa byas la lag pas byabs na mig nad zhi bar 'gyur ro/ /'phags pa mig nad rab tu zhi bar byed pa'i mdo/ rdzogs s+ho// // dkon mchog gsum la phyag 'tshal lo/ /he b+ha ga bAn/ many+dzu shrI ku mA ra/ sarba ta thA ga ta/ ba la bi d+hid nya/ sarba ta thA ga tA nan/ na ge sti sti Sha/ sarba sa twa nan swA hA/ 'brum bu'i nad zhi bar byed pa'i gzungs/ rdzogs s+ho// // rgya gar skad du/ Ar+ya aR+sha pra sha ma ni sU tra/ bod skad du/ 'phags pa gzhang 'brum rab tu zhi bar byed pa'i mdo/ sangs rgyas dang / byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na/ 'od ma'i tshal bya ka lan da ka gnas pa'i tshal na dge slong lnga brgya tsam gyi dge slong gi dge 'dun chen po dang thabs gcig tu bzhugs te/ de nas bcom ldan 'das bcwa lnga'i gso sbyong zla ba nya ba de nyid kyi tshe/ dge 'dun gyi mdun du gdan bshams pa la bzhugs so/ /de'i tshe tshe dang ldan pa kun dga' bo bcom ldan 'das kyi snam logs na rnga yab thogs/ bcom ldan 'das la g.yob cing 'dug par gyur to/ /de nas tshe dang ldan pa kun dga' bo bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das rgyal po'i khab 'di na dge slong gzhang 'brum can mang po dag gzhang 'brum gyi bro nad kyis gzir te/ sdug bsngal mi zad pa drag po mi bde ba yid du mi 'ong ba'i tshor ba myong bar gyur na/ btsun pa bcom ldan 'das de dag la bdag gis ji ltar bsgrub par bgyi/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod kyis gzhang 'brum sel ba'i mdo 'di long shig /kun dga' bo gang la la zhig gis gzhang 'brum sel ba'i mdo'i ming dang / tshig dang / yi ge shes na de ji srid 'tsho'i bar du gzhang 'brum gyi nad kyis btab par mi 'gyur ro/ /tshe rabs bdun gyi bar du tshe rabs dran par 'gyur ro/ /tad+ya thA/ a lan ne/ a la me/ shwa li tsi ni ku shi sam b+ha be swA hA/ kun dga' bo 'di lta ste/ byang phyogs na ri'i rgyal po gangs zhes bya ba de na sa la'i shing rnam par rgyal byed ces bya ba de'i me tog gsum yod de/ gcig ni 'phel ba zhes bya/ gnyis pa ni 'jam pa zhes bya/ gsum pa ni skam pa zhes bya ste/ ji ltar de skam pa de bzhin du sems can rnams kyi rlung gi 'brum bu bskams par gyur cig / mkhris pa'i 'brum bu skams par gyur cig /bad kan gyi 'brum bu skams par gyur cig /mi gtsang ba'i 'brum bu skams par gyur cig /khrag gi 'brum bu skams par gyur cig / 'dus pa'i 'brum bu skams par gyur cig /de bzhin du bdag dang sems can thams cad kyi bad kan gyi 'brum bu skams par gyur cig /mi gtsang ba'i 'brum bu skams par gyur cig /khrag gi 'brum bu skams par gyur cig / 'dus pa'i 'brum bu skams par gyur cig /sna'i 'brum bu skams par gyur cig /'phyang ba'i 'brum bu skams par gyur cig /tad+ya thA/ sha me sha mA ne/ sha me sha ma ne swA hA/ na bar ma gyur cig /rengs par ma gyur cig /sgra 'byung bar ma gyur cig / 'dzag par ma gyur cig /sdug bsngal bar ma gyur cig /rab tu sdug bsngal bar ma gyur cig /zag par ma gyur cig /rab tu zag par ma gyur cig /'di nyid du zad pa dang / yongs su zad pa dang / med par