བོད་ཡིག

e-texts based on the Adarsha Input

srad bus bcings na de'i rtsa ba yang skye bar 'gyur/ yal ga dang / lo ma dang / lcug ma dang / me tog dang / 'bras bu yang skye bar 'gyur na rnam par shes pa dang bcas pa'i lus la lta smos kyang ci dgos te/ kun dga' bo sngon gyi las kyi rnam par smin pa ni ma gtogs so/ /kun dga' bo nyi zla 'di ltar rdzu 'phrul che ba/ 'di ltar mthu che ba/ 'di ltar dbang che bar grags pa 'di gnyis ni sa la ltung yang srid do/ /kun dga' bo ri'i rgyal po ri rab gnas nas g.yo yang srid do/ /kun dga' bo rgya mtsho chen po 'di ltar zab pa/ 'di ltar rgya che la 'di ltar rdzu 'phrul che zhing mthu che ba bzhi po 'di dag ni skams shing yongs su zad de mthar thug par 'gyur yang srid do/ /kun dga' bo sa chen po 'di ni rnam pa stong du 'gyes kyang srid/ chu ni gsher ba nyid 'dor yang srid/ me ni tsha ba 'dor ba yang srid/ rlung ni grang ba 'dor yang srid kyi/ gzungs chen po'i gsang sngags gzhi 'di dag ni slu mi srid do/ /kun dga' bo lha'am/ klu'am/ lha ma yin nam/ nam mkha' lding ngam/ rlung lha'am/ dri za'am/ mi 'am ci'am/ lto 'phye chen po'am/ gnod sbyin nam/ srin po'am/ yi dags sam/ sha za'am/ grul bum mam/ srul po'am/ lus srul po'am/ 'byung po'am/ bram ze'am/ srin po'am/ grib gnon nam/ mi dang mi ma yin pa gang la la zhig gam/ gzhan su yang rung ba zhig gis gzungs chen po'i gsang sngags kyi gzhi 'di dag las 'gal bar byed na/ tad ya thA/ ag gi le/ tsag gi le/ bal le/ mal le/ o hA ni/ mo hA ni/ dza~M b+ha ni/ sta~M b+ha ni/ bdag dang sems can thams cad la srungs shig srungs shig swA hA/ rgyal po chen po yul 'khor srung yang lcags kyi 'khor lo 'bar ba/ rab tu 'bar ba/ kun du rab tu mched cing 'bar ba/ me lce gcig tu gyur pas de'i mgo tshal pa bdun du 'gems so/ / rgyal po chen po 'phags skyes po dang / mig mi bzang dang / rnam thos kyi bu yang lcags kyi 'khor lo 'bar ba/ rab tu 'bar ba kun du rab tu mched cing 'bar ba me lce gcig tu gyur pas de'i mgo tshal pa bdun du 'gems so/ /lha'i dbang po brgya byin yang rdo rje 'phen to/ /gsang ba pa'i bdag po lag na rdo rje yang rdo rje 'bar ba/ rab tu 'bar ba/ kun du rab tu mched cing 'bar ba/ me lce gcig tu gyur pas de'i mgo tshal pa bdun du 'gems so/ /de rgyal po'i pho brang lcang lo can du gnas su mi dbang ste/ de'i mgo ardza ka'i dog pa bzhin du tshal pa bdun du 'gas so/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa gzungs chen po/ rdzogs s+ho// //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa/ skar// @#/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /'phags pa spyan ras gzigs dbang po byang chub sems dpa' sems dpa' chen po la phyag 'tshal lo/ /de rnams la phyag 'tshal nas rig pa 'di 'dzin gyis rig pa 'di bdag la grub par gyur cig / tad ya thA/ ha na ha na sA ne/ na ba sA ne/ dz+wa la dz+wa la ne/ tsa la tsa la ne/ pUrba/ yo ga ma nu sma ra phaT/ ma hA ha sta ya swA hA/ gang gis rig pa 'di bklags pa de tshe rabs brgya stong du skye ba dran par 'gyur ro/ /'di nas shi 'phos nas kyang bde ldan gyi 'jig rten du skye bar 'gyur ro/ /bde ldan gyi snying po/ rdzogs s+ho// // rgya gar skad du/ Ar+ya mai tri na pra ti dz+nyA nA ma d+hA ra NI/ bod skad du/ 'phags pa byams pas dam bcas pa