བོད་ཡིག

e-texts based on the Adarsha Input

rnams byang chub sems dpa' gang gis legs par bzung ste/ 'chang ba de myur du mngon bar rdzogs par 'tshang rgya bar bya ba'i phyir bskal pa brgya dang / bskal pa stong dag smon lam gyis zad par byed par 'gyur/ de la mtshon gyis mi tshugs par 'gyur/ me dang srog chags mi srun pa rnams kyis mi tshugs par 'gyur ro/ /de ci'i phyir zhe na/ 'di ltar shA ri'i bu gzungs 'di ni 'das pa'i sangs rgyas kyi yum mo/ /shA ri'i bu rigs kyi bu'am rigs kyi bu mo gang la las stong gsum gyi stong chen po grangs med pa bcu mthar chags su gang ba'i sangs rgyas rnams la na bza' dang / zhal zas bzang pos bskal pa grangs med par bzung ba byas pa bas/ rigs kyi bu 'am rigs kyi bu mo gzhan gang gis gzungs 'di las tha na tshig gcig tsam bzung ba de bas ches bsod nams mang du skyed do/ /de ci'i phyir zhe na/ shA ri'i bu dbang bskur ba'i gzungs 'di ni/ sangs rgyas kyi yum yin pa'i phyir ro/ /bcom ldan 'das kyis de skad bka' stsal nas/ dge slong de dag dang / byang chub sems dpa' de dag dang / lha dang mi dang lha ma yin dang dri zar bcas pa'i 'jig rten yi rangs te/ bcom ldan 'das kyis gsungs pa la mngon bar bstod do/ /'phags pa dbang bskur ba zhes bya ba'i gzungs rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa/ skar zhus// @#/ /de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo/ /tad+ya thA/ mu ni mu ni ma hA mu ni ye swA hA/ lan cig bzlas brjod byas na bskal pa bye ba brgya phrag brgyad khri'i bar du sdig pa byas pa gang yin pa de dag thams cad 'byang bar 'gyur ro/ /'phags pa shAkya thub pa'i snying po'i gzungs rdzogs so// // dkon mchog gsum la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas 'phags pa rnam par snang mdzad 'od kyi rgyal po la phyag 'tshal lo/ /byang chub sems dpa' sems dpa' chen po nam mkha'i snying po la phyag 'tshal lo/ /tad+ya thA/ ka la ka la/ ki li ki li/ bi ri bi ri/ hu ru hu ru/ bai ro tsa na raSh+mi san tso di ta a gats+tsha Ar+ya A kA sha gar+b+ha ma hA ka ru Ni ka pU ra ya ha shA na/ d+ha ra ya bud+d+ha bi sh+tsa ya na/ tsa ra tsa ra/ tsi ri tsi ri swA hA/ bton pas 'grub ste/ mtshon cha dang me dang chu dang dug dang dug sbyar ma dang / byad stem rnams kyis mi tshugs so/ /rgyal po dang chom rkun la sogs pa thams cad kyis glags mi rnyed do/ /gang du bris te bzhag pa der yams kyi nad dang gnod pa dang 'go ba'i nad thams cad mi 'byung bar 'gyur ro/ /dri ma med pa'i 'od ces bya ba'i ting nge 'dzin kyang 'thob par 'gyur ro/ /'phags pa rnam par snang mdzad kyi snying po zhes bya ba'i gzungs rdzogs so// // @#/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sman gyi bla bai dUr+ya 'od kyi rgyal po la phyag 'tshal lo/ /oM b+hai Sha dz+ye b+hai Sha dz+ye ma hA b+hai Sha dz+ye b+hai Sha dz+ye rA dza sa mud ga te swA hA/ de bzhin gshegs pa sman gyi bla'i snying po'i gzungs rdzogs s+ho// // sangs rgyas dang byang chub sems dpa' thams cad la phyag 'tshal lo/ /de nas byang chub sems dpa' sems dpa' chen po rgyal ba'i bla mas bcom ldan 'das la 'di skad ces gsol to/ / bcom ldan 'das rgyal ba'i bla ma'i gzungs sngags kyi gzhi 'di gang gis bzung bas chos thams cad bzung ba dang bcangs par 'gyur ro/ /mi khom pa brgyad