<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
J241: mngon par 'byung ba'i mdo<br><table><tr><td>
<input type="button" onclick="location.href='tcompletep.php?id=J241&coll=J&volcur=0';" value="show page break" />
<td width=150><td>
<input type="button" onclick="location.href='tcompletel.php?id=J241&coll=J&volcur=0';" value="show line break" />

<td width=150><td>
<a href="tcompleteu.php?coll=J&id=J241&volcur=0" style=font-size:25px;">བོད་ཡིག</a><td width=150><td>e-texts based on the Adarsha <img src="../data/scanner/Adarsha.png" width=40> Input <a href="https://online.adarshah.org/index.html?kdb=jiangkangyur&sutra=J1&page=1-1b" target="_blank"><img src="../sub/link.png" width=20></table><hr><p style="font-size:18px;">@##/ /rgya gar skad du/ a b+hing skra ma na sU tra/ bod skad du/ mngon par
 'byung ba'i mdo/ dkon mchog gsum la phyag 'tshal lo/ /gang zhig nyid kyi dbu ni rin chen
 'od ldan dang / /btsun mo pad ma kha bye ma rnyis mdangs ldan pas/ /slong ba dga' mdzad sangs
 rgyas go 'phang brnyes gyur cing / /chos rnams ston mdzad zhi ba de la phyag 'tshal lo/ /gang
 zhig rnyed pas ngan 'gro'i 'jigs las 'das gyur cing / /srid pa'i 'ching ba thams
 cad zad byed zhir gyur la/ /sdug bsngal mtha' med 'khor ba'i rgya mtsho las rgal ba'i/ /
 zam pa gcig pu bde gshegs chos la phyag 'tshal lo/ /gang la yon tan phul byung la
 gnas sbyin pa'i gnas/ /mchod pa cung zad byas kyang rgya che nyid 'gyur ba/ /bde bar
 gshegs pas rab bsngags gang zag mchog brgyad kyis/ /rab brgyan 'phags pa'i dge 'dun de la phyag 'tshal lo/ /thub gsung rnam par brtags na dad pa mi skyed pa 'am/ /
 phan pa mi 'byung gang de ci yang yod min la/ /tshig btu ba dang 'dzin pa'i nus dang rnam bral ba/ /rnam par g.yengs phyir 'bras stsol 'di bdag nyung zad cig /ji ltar pad ma kha bye'i dbus gnas
 bung ba ni/ /'khor zhing pad ma la ni chung zad sogs par byed/ /de bzhin thub pa'i zhal gyi pad ma'i tshal nang nas/ /rang yid rab tu dga' byed chung zad bsdu bar bya/ /thub pa'i gsung ni ma lus
 shin du rtogs dka' ba/ /dad ldan mi la nyin re'ang rgyas par nyer 'gro ste/ /rnam par dpyad na tshigs bcad phyed mtha'ang mi dpogs na/ /rin chen mdo brgya bsdu ba 'di ni smos ci dgos/ /phyogs
 go rnams su snyan dang grags pa'i snang bas khyab/ /rab gsal zhes bya sa'i bdag por gyur pa na/ /bsod nams stobs kyis dgra las rgyal bas rgyal phran gyis/ /btud pas nor bu'i cod pan 'od
 kyis zhal gtsang byas/ /glang po'i dbang po rgyags 'khrig 'dod chags kyis chags pa/ /'phral du bcos pa'i thabs med nyon mongs skabs gyur la/ /gzigs nas 'gro ba'i chags sogs nyes pa zhi bzhed
 pas/ /thugs brtan thub dbang gyur par des ni smon lam btab/ /de nas brtsams te sbyin dang tshul khrims bzod pa dang / /brtson 'grus bsam gtan mi g.yo blo gros rnon po rnams/ /nyid bde'i ltos med
 shin du yun ring yang dag spel/ /'gro la phan phyir shin du dka' ba brgya phrag mdzad/ /thugs rje cher ldan drang srong mchog 'di tshe gzhan du/ /nyid kyis 'gro phan don mdzad mi skyo ji snyed de/ /brjod
 par 'di na shA ri'i bus kyang mi nus na 'ang / /gang dag phyir ni chung zad yongs su brjod par bya/ /stag mo shi ba'i glang po spre'u dpyad dka' thub dbang / /tshangs sogs sku tshe brgya phrag du mar dge mdzad nas/ /
 don kun sgrub brtson bdag nyid chen po tshe gcig thogs/ /byang chub sems dpa' dga' ldan gnas su skye ba bzhes/ /der bzhugs nas ni 'gro ba kun la legs gzigs nas/ /skyabs med g.yo zhing phongs
 pa du mas yongs khyab la/ /thugs rje chen pos thugs ni spro ba bskyed gyur te/ /gzhan gyi don mdzad thugs dam nyid kyi rgyud dgongs gyur/ /de bas 'di ni ji ltar mi yul nyer gshegs te/ /skye dang rga shi
 na ba'i 'jigs pa gzigs nas ni/ /rab byung blo gros des mdzad byang chub yang dag brnyes/ /de bzhin chos ston mdzad pa bshad kyis mnyan par gyis/ /de nas dga' ldan gyi gnas na bzhugs
 pa'i byang chub sems dpa' bskal pa mang por bsod nams dang / ye shes kyi tshogs dpag tu med pa rnam pa du mar nye bar bsags pas byang chub kyi tshogs yongs su rdzogs par mdzad pa/ nyon mongs pa'i
 chu bo stobs dang ldan pas shin du chod pa rnams la thugs rjes yongs su bskul ba/ gzhan gyi don mdzad pa'i phyir rtag tu brtson par mdzad pa de thugs la dgongs pa 'di lta bu mngon sum du mdzad de/ gang
 ngas skye ba mang por yongs su 'khor ba na rang gi sha dang khrag dang mgo dang mig dang bu dang chung ma rnams gtong ba dang shin du gtong bas yongs su btang ba dang / dka' ba'i tshul khrims la gnas pa dang / gzhan
 gyis sbyar ba'i bsnyen bkur ma yin pa sna tshogs pa bzod par byas pa dang / rtag tu lhod pa med pa'i spro ba dang / 'bras bu dang bcas pa'i ting nge 'dzin gyi bde ba la ma chags pa dang / yod pa dang
 m ed pa'i don la rnam par dpyod pa dang ldan pas gzhan gyi don la brtson pa'i blo gros kyis shin du mi bzad pa'i sdug bsngal gyi tshor ba rnam pa mang pos sems la gdungs pa'i sdug phangs pa'i srog chags
 rnams la mchog tu snying rje bskyed nas byams pa'i stobs dang / zla 'od dang shi bi dang glang po dang thams cad sgrol dang bzod par smra ba dang spre'u yi bdag po dang mig bzangs dang sman chen po la sogs pa skyes pa'i
 rabs stong phrag snyed tu smon lam byas shing bsags pa/ e ma'o kye ma bdag gis 'jig rten long ba 'dren pa med pa/ yongs su 'dren pa med pa/ chos ma yin pa/ 'dod chags kyi dbang du 'gro ba/ log pa'i
 chos kyis yongs su khyab pa/ sems la mi bzad pa'i chags pas zil gyis non pa/ khro ba mang ba/ lta ba ngan pa'i tshang tshing gis rnam par brlag pa/ phrag dog dang ser snas kun du bcings pa/ legs par
 spyod pa la 'jug pa la rgyab kyis phyogs shing nyes par spyod pa la kun du gzhol bar gyur pa rnams la bdag sangs rgyas su gyur nas sems can ma rgal ba rnams ni bsgral bar bya'o/ /ma grol ba rnams ni dgrol
 bar bya'o/ /dbugs ma phyin pa rnams ni dbugs dbyung bar bya'o/ /yongs su mya ngan las ma 'das pa rnams ni yongs su mya ngan las bzla bar bya'o zhes ngas yun ring du mngon par 'dod pa yin na da ni de bya ba'i dus la
 bab pa yin gyis/ ma la bdag gis 'jig rten gyi gnas skabs ci zhig yin pa bltas na gdul bar nus so/ /gdul bar nus so zhes de ltar rnam par dgongs nas 'jig rten 'di dag thams cad la gzigs pa
 'jug ste/ su ni 'grib/ su ni dge ba'i chos rnams kyis 'phel/ su ni gnod par gyur/ su ni nyams thag par gyur/ su ni sdug bsngal bar gyur/ gang la ni ngas ma 'jigs shig /ma 'jigs shig
 ces mi 'jigs pa sbyin pas dbugs dbyung bar bya/ su ni ngan song la gzhol/ su ni ngan song la 'bab/ su ni ngan song la bab/ su ni ngas ngan song las bton te/ mtho ris dang thar pa'i 'bras bu la gzhag
 par bya/ su ni 'dod pa'i 'dam du bying ba la lag nas drang bar bya/ su ni 'phags pa'i nor dang bral ba rnams la 'phags pa'i nor gyi dbang phyug gi bdag po la gzhag par bya/ gang gi dge ba'i rtsa ba ma bskyed pa dag ni
 bskyed par bya/ gang gi dge ba'i rtsa ba bskyed pa dag ni yongs su smin par bya/ gang gi yongs su smin pa rnams ni rnam par grol bar bya zhes ye shes kyi gzigs pa 'jug par mdzad pa na srog chags brgya stong
 dpag tu med pa la ni dge ba'i rtsa ba ma bskyed par bskyed par 'os pa dang / la la dge ba'i rtsa ba ma smin pa yongs su smin par nus pa dang / la la dge ba'i rtsa ba yongs su smin pa bde 'gror 'gro bar gzhol ba dang /
 la la 'bras bu dang po thob par gzhol ba dang / la la lan cig phyir 'ong ba'i 'bras bu dang phyir mi 'ong ba dang dgra bcom pa nyid dang rang byang chub 'thob par gzhol ba dang / la la bla na med pa yang dag par rdzogs pa'i byang
 chub pa'i skal ba dang ldan pa dang / la la ni sngon gyi smon lam rnams nye bar bsags pas rkyen la rag las pa gang zhig ma thos pas dam pa'i chos las yongs su nyams par gyur par gzigs so/ /gzigs nas
 kyang 'di snyam du dgongs te/ kye ma'o bdag gis yun ring po nas yang dag par rtogs pa rdzogs par gyur cing nga'i ngal ba 'bras bu dang bcas par gyur to zhes dgyes shing ngas bya ba ni byas so/ /ngas khur bskur bar
 dka' ba ni mthar phyin te/ gang nga'i yongs su dag pa'i rgyud dang ldan pa'i zhing du gyur cing gdul bya'i skye bo rnams yun ring por mi thogs par pad ma'i tshal yongs su smin cing kha bye la ma rig pa'i nyi ma shar bas rgyas
 par 'gyur ba lta bur gyur gyis phyi bshol mi bya'o/ /'dir gnas bzhin du yang dngos po thams cad rdzogs par bya bar nus pa ma yin pas na gzhes pa'i dus ni ma yin gyis ma la bdag mi'i 'jig rten
 du song la der phyin nas brtson 'grus kyi grogs dang / de bzhin gshegs pa'i bla na med pa'i ye shes rtogs par byas te/ 'di rnams skal ba ji lta ba bzhin du 'di rnams kyi dge ba'i rtsa ba bskyed cing yongs su smin la rnam
 par grol bar bya zhing skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba'i sdug bsngal gyi rgya mtshor lhung ba/ skyabs med pa/ yongs su skyob pa med pa'i srog chags
 rnams dam pa'i chos bstan pa'i lag pa brkyang bas gdon par bya'o/ /thog ma med pa'i dus nas rjes su 'brel ba'i 'dod chags dang / zhe sdang dang gti mug gi mes kun du gdungs pa rnams la 'phags
 pa'i lam yan lag brgyad pa'i chu'i rgyun blugs pas sdug bsngal ma lus pa bsal bar bya'o zhes de lta bu'i thugs la dgongs pa nges par bskyed nas/ 'dzam bu'i gling du 'jug par mdzad pa na rigs dang yul
 dang dus dang rgyud dang bud med de gzigs pa rnam pa lngas gzigs par mdzad do/ /byang chub sems dpa' rnams rgyu gang gis rigs la gzigs par mdzad ce na/ byang chub sems dpa' dga' ldan gyi gnas na bzhugs
 pa na 'di snyam du dgongs te/ byang chub sems dpa' rnams rigs ji lta bu zhig tu nying mtshams sbyor ba len snyam na/ bram ze'i rigs sam/ rgyal rigs su yin la/ de la res 'ga' ni bram ze'i rigs btsun par
 bkur/ res 'ga' ni rgyal rigs te/ da lta na ni rgyal rigs btsun par bkur bar gzigs nas/ ma la bdag la gzhan dag byang chub sems dpas rigs ngan par nying mtshams sbyor ba blangs so/ /zhes gzhi 'dis
 kha zer bar mi 'gyur bar bdag gis rgyal rigs su nying mtshams sbyor ba blang bar bya'o snyam mo/ /'di ltar byang chub sems dpas thog ma med pa'i dus nas smad par mi 'gyur ba'i las byas shing bsags pa dang /
 sangs rgyas bcom ldan 'das rnams ni chos bshad pa 'bras bu med pa ma yin pas rgyu 'dis na byang chub sems dpa' rnams rigs la gzigs par mdzad do/ /byang chub sems dpa' rnams rgyu gang gis yul la
 gzigs par mdzad ce na/ byang chub sems dpa' dga' ldan gyi gnas na bzhugs pa ni 'di snyam du dgongs te/ byang chub sems dpa' rnams yul ji lta bu zhig tu nying mtshams sbyor ba len snyam na/ 'bras dang bu ram shing dang ba
 lang dang ma he phun sum tshogs pa/ slongs mo pa brgya 'du ba/ mtha' 'khob kyi skye bo med pa/ dbus pa'i skye bo gnas pa gang du skye bo gcig btul bas skye bo'i tshogs chen po 'dul bar 'gyur ba'i yul gang yin pa
 gzigs so/ /de nas byang chub sems dpa' 'di snyam du dgongs te/ dbus kyi yul 'di ni bu ram shing gi phreng ba dang 'bras dang ba lang dang ma he phun sum tshogs pa/ slongs mo pa brgya 'du ba/ mtha' 'khob kyi skye bo med pa/
 dbus pa'i skye bo gnas pa/ gang du skye bo gcig btul bas skye bo'i tshogs chen po btul bar 'gyur ba yin gyis/ ma la bdag la gzhan dag byang chub sems dpas yul mtha' 'khob rnams su nying mtshams sbyor
 ba blangs so zhes gzhi 'dis kha zer bar mi 'gyur bar bdag gis yul dbus su nying mtshams sbyor ba blang bar bya'o snyam mo/ /'di ltar byang chub sems dpas thog ma med pa'i dus nas smad par mi 'gyur ba'i
 las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin pas rgyu 'dis na byang chub sems dpa' yul la gzigs par mdzad do/ /byang chub sems dpa' rnams
 rgyu gang gis na dus la gzigs par mdzad ce na/ byang chub sems dpa' dga' ldan gyi gnas na bzhugs pa ni 'di snyam du dgongs te/ byang chub sems dpa' rnams dus ji lta bu zhig tu 'dzam bu'i
 gling du nying mtshams sbyor ba len snyam na/ skye dgu'i tshe lo yar skye ba na brgyad khri thub pa yan chad nying mtshams sbyor ba mi len la/ mi rnams kyi tshe lo mar 'grib pa na brgya thub pa man chad nying mtshams sbyor ba mi len no/ /
 byang chub sems dpa' rgyu gang gis mi rnams kyi tshe lo brgyad khri thub pa yan chad nying mtshams sbyor ba len par mi mdzad ce na/ mi rnams kyi tshe lo brgyad khri thub pa na yid 'byung bar dka' zhing skyo bar bya bar
 dka' la blun zhing dbang po rtul ba dang / bag med cing bde ba mang bas bden pa rnams kyi snod tu mi 'gyur ba'i phyir ro/ /mar 'grib pa lo brgya man chad tu yang snyigs ma lnga po 'di lta ste tshe'i snyigs ma dang / nyon
 mongs pa'i snyigs ma dang / sems can gyi snyigs ma dang / lta ba'i snyigs ma dang / dus kyi snyigs ma shas che ba yin pas bdag la gzhan dag byang chub sems dpas snyigs ma lnga shas che ba'i dus su nying mtshams
 sbyor ba blangs so zhes gzhi 'dis kha zer bar mi 'gyur ro/ /'di ltar byang chub sems dpas thog ma med pa'i dus nas smad par mi 'gyur ba'i las byas shing bsags pa dang / sangs rgyas bcom ldan 'das rnams
 ni chos bshad pa 'bras bu med pa ma yin pas rgyu 'dis na byang chub sems dpa' rnams dus la gzigs pa yin no/ /byang chub sems dpa' rnams rgyu gang gis rgyud la gzigs par mdzad ce na/ byang chub sems
 dpa' dga' ldan gyi gnas na bzhugs pa ni 'di snyam du dgongs te/ byang chub sems dpa' rnams rgyud ci 'dra ba zhig tu nying mtshams sbyor ba len snyam na/ rigs gang zhig btsun par bkur zhing ma mes dang /
 pha mes zung bdun gyi bar du spyod pa la skyon med par gzigs nas/ de 'di snyam du dgongs te shAkya'i rigs rgyud 'di ni btsun par bkur ba yin zhing mang pos bkur ba nas bzung ste spyod pa skyon med pa yin
 gyis/ ma la bdag la gzhan dag byang chub sems dpas rgyud ngan pa las nying mtshams sbyor ba blangs so zhes gzhi 'dis kha zer bar mi 'gyur bar bdag gis rgyal po zas gtsang ma'i rgyud tu nying mtshams sbyor ba blang
 ngo snyam mo/ /'di ltar byang chub sems dpas thog ma med pa'i dus nas smad par mi 'gyur ba'i las byas shing bsags pa dang / sangs rgyas bcom ldan 'das rnams ni chos bshad pa 'bras bu med pa ma yin
 pas rgyu 'dis na byang chub sems dpa' rgyud la gzigs par mdzad do/ /byang chub sems dpa' rnams rgyu gang gis bud med la gzigs par mdzad ce na/ byang chub sems dpa' dga' ldan gyi gnas na
 bzhugs pa ni 'di snyam du dgongs te/ byang chub sems dpa' rnams bud med ci 'dra ba zhig gi rum du nying mtshams sbyor ba len snyam na de 'di snyam du dgongs te/ bud med gang zhig gzugs bzang mo dang
 ldan pa/ rigs dang ldan pa/ rigs 'phel bar 'gyur ba/ khro bag can ma yin pa/ phra ma can ma yin pa/ ngag rtsub pa ma yin pa/ dad pa dang ldan pa/ rang bzhin bzang ba/ bsam pa dge ba/ rgyud phun sum
 tshogs pa/ rigs mtho ba/ nye du'i rigs dang ldan pa/ shes rab phun sum tshogs pa/ gtong ba phun sum tshogs pa/ mtshan nyid mi g.yo ba/ rang bzhin brtan la rgod bag can ma yin pa khengs pa med
 pa/ byams pa'i sems dang ldan pa/ sdug cing yid tu 'ong ba/ 'jig rten thams cad la chos dang ldan pa/ bud med thams cad kyi mchog tu gyur pa/ sngon gyi sangs rgyas rnams la e ma'o bdag sangs rgyas
 kyi yum du gyur cig ces smon lam btab pa dang / byang chub sems dpa' zla ba bcu rum du 'dzin nus pa dang rang gi don yang nyams par mi byed pa yin par gzigs so/ /de nas byang chub sems
 dpa' 'di snyam du dgongs te/ sgyu 'phrul chen mo 'di ni ma mes dang pha mes zung bdun gyi bar du spyod pa la skyon med cing gzugs dang ldan pa dang / rigs dang ldan pa dang / tshul dang ldan zhes bya ba nas bud med thams
 cad kyi mchog tu gyur ces bya ba'i bar gong ma bzhin te/ khro bag can ma yin pa dang / rigs 'phel bar 'gyur ba dang / byang chub sems dpa' rum du zla ba bcur 'dzin nus pa dang / rang gi don yang mi nyams pa
 y in la 'di ltar sgyu 'phrul chen mos sngon sangs rgyas rnams la kye ma bdag sangs rgyas kyi yum du gyur cig ces smon lam btab pa yang yin pas bdag la gzhan dag byang chub sems dpas mtshan ngan pa dang ldan pa'i
 bud med kyi rum du nying mtshams sbyor ba blangs so zhes kha zer bar mi 'gyur ro snyam mo/ /'di ltar byang chub sems dpas smad par mi 'gyur ba'i las byas shing bsags pa dang / sangs rgyas bcom ldan 'das
 rnams ni chos bshad pa 'bras bu med pa ma yin pas rgyu 'dis na byang chub sems dpa' bud med rnams la gzigs par mdzad do/ /de nas byang chub sems dpa' gzigs pa lngas gzigs nas dga' ldan na spyod
 pa'i lha'i ris rnams la gsungs pa/ grogs po dag shes par gyis shig /nga 'dzam bu'i gling du babs nas yul dbus su nying mtshams sbyor ba len gyis khyed cag las gang dag bdud rtsi don du gnyer ba phal
 cher yul dbus kyi grong khyer chen po drug po 'di lta ste/ mnyan yod dang sA ke ta dang yangs pa can dang tsam pa dang rgyal po'i khab dang bA rA Na sIr nying mtshams sbyor ba long shig /de skad ces bka' stsal pa dang / dga'
 ldan gyi ris kyi lha rnams kyis byang chub sems dpa' la 'di skad ces gsol to/ /byang chub sems dpa' mkhyen par mdzod cig /da ltar 'jig rten ni sdig pas gos pa/ skye dgu ni ma rungs pa'i bsam pa can/
 'dzam bu'i gling na rtog ge pa drug dang / rjes su sgrogs pa drug dang / snyoms par 'jug pa drug gis dkrugs pa lags so/ /de la rtog ge pa drug gang zhe na/ 'di lta ste/ 'od srung rdzogs byed dang / kun du rgyu gnag lhas
 kyi bu dang / smrang 'don gyi bu mo'i bu yang dag rgyal ba can dang / mi 'pham skra'i la ba can dang / kA t+yA'i bu nog can dang / gcer bu pa gnyen gyi bu'o/ /rjes su sgrogs pa drug gang zhe na/ 'di lta ste/ bram ze sgyus rgal dang /
 bram ze rnas rdeg dang / bram ze bzang ldan dang / bram ze tshangs pa'i tshe dang / bram ze pad ma'i snying po dang / bram ze dmar po'o/ /snyoms par 'jug pa drug gang zhe na/ 'di lta ste/ rangs byed kyi bu lhag spyod dang / sgyu
 rtsal shes kyi bu ring 'phur dang / kun tu rgyu rab bzang dang / bram ze'i khye'u kun rgyal dang / drang srong nyon mongs med pa dang / lteng rgyas 'od srung ral pa can no/ /'dir ni chos mnyan pa'i slad du byang chub sems
 d pa' khyed kyi gdan dpag tshad bcu gnyis pa bsham pa bgyi zhing bdag cag 'di snyam du bdag cag la dga' ldan gyi gnas na byang chub sems dpa' bzhugs pas chos bshad de chos de bdag cag gis thos nas ci nas
 kyang bdag cag yun ring po'i don dang / sman pa dang / bde bar 'gyur ba de lta de ltar bsgrub par bgyid par sems lags so/ /de skad ces gsol pa dang / byang chub sems dpas dga' ldan gyi lha rnams la
 'di skad ces gsungs so/ /grogs po dag de'i phyir rol mo'i cha spyad thams cad brdungs shig /dga' ldan gyi ris kyi lha rnams kyis rol mo'i cha spyad thams cad brdungs pa dang / byang chub sems dpas kyang dung bus
 te gsungs pa/ grogs po dag 'di la lhag par sgra gang che/ bcom ldan 'das dung gi sgra lags so/ /grogs po dag ji ltar dung gi sgras rol mo'i cha spyad thams cad zil gyis mnan te gnas pa de
 bzhin du ngas kyang 'dzam bu gling du song la rtog ge pa drug dang / rjes su sgrogs pa drug dang / snyoms par 'jug pa drug zil gyis mnan nas bdud rtsi rtogs par bya ste/ bdud rtsis 'gro ba tshim par bya'o/ /mi rtag
 pa'i dung bud par bya'o/ /stong pa nyid kyi rnga brdung bar bya'o/ /bdag med pa'i seng ge'i sgra bsgrag par bya'o zhes gsungs nas tshigs su bcad de yang gsungs pa/ seng ge gcig gis gcan zan tshogs ni du ma
 'joms/ /rdo rje gcig gis brag gi rtse mo du ma 'jig /brgya byin gcig gis lha ma yin dpang du ma 'joms/ /nyi ma gcig gis mun pa du ma rnam par sel/ /grogs po dag khyed cag las gang bdud rtsi don
 tu gnyer ba de yul dbus kyi grong khyer chen po drug tu nying mtshams sbyor ba long shig / de nas lha rnams kyi dbang po brgya byin 'di snyam du sems te byang chub sems dpa' 'di ni btsun mo sgyu 'phrul chen mo'i lhums su
 nying mtshams sbyor ba len par bzhed kyis ma la de la bdag gis gzi brjid bsgrub par bya/ lhums kyang sbyang bar bya'o snyam nas lha rnams kyi dbang po brgya byin gyis btsun mo sgyu 'phrul chen mo la gzi brjid
 bsgrubs shing lhums kyang gtsang mar byas so/ /de nas byang chub sems dpa' dga' ldan gyi gnas na bzhugs pa rigs dang / yul dang / dus dang / rgyud dang / bud med la gzigs pa ste/ gzigs pa lngas
 gzigs nas nam gyi gung la glang po cher bstan te dga' ldan gyi lha'i ris nas 'phos nas yum gyi lhums su zhugs so/ /gang gi tshe byang chub sems dpa' dga' ldan gyi lha'i ris nas shi 'phos te yum
 gyi lhums su zhugs pa de'i tshe sa chen po 'di shin du g.yos par gyur 'jig rten 'di thams cad snang ba rgya chen pos gsal bar gyur cing 'jig rten na 'jig rten gyi bar gyi mun pa mun gnag smag du gyur pa/ gang
 du nyi ma dang zla ba 'di ltar rdzu 'phrul che ba/ 'di ltar mthu che ba dag gis kyang 'od kyis snang bar mi nus pa de dag kyang de'i tshe snang ba chen pos gsal bar gyur to/ /der sems can gang dag skyes pa de dag rang gi
 lag pa brkyang ba mi mthong ba las/ de rnams snang ba des gcig gis gcig mthong nas shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes bya bar
 shes so/ /ji ltar sprin ni rgya chen legs 'dus pa/ /chu mang bsags pa rlung gis bskyod pa ltar/ /de bzhin blo ldan de ni lhums 'jug pa/ /ston ka'i sprin rum zla rgyas ji bzhin no/ /gang tshe rtsal ldan mnyam med nyer
 gshegs la/ /de tshe 'jig rten so so'i gling bar na/ /mun gyis khebs bsal phyogs kun shin tu ni/ /gsal snang byung gyur 'di 'dir chos nyid do/ /gang gi tshe byang chub sems dpa' dga' ldan gyi lha'i ris nas
 'phos te yum gyi lhums su zhugs par mdzad pa de nyid kyi mtshan mo btsun mo sgyu 'phrul chen mos rmi lam bzhi mthong ste glang po che'i phru gu dkar po zhig bdag gi rum g.yas pa dral nas zhugs pa dang / steng gi nam
 mkha' la skyil mo dkrung gis 'chag pa dang / seng ge'i gdan la 'dug nas skye bo'i tshogs chen po la chos ston pa dang / lha dang lha ma yin du bcas pa'i 'jig rten bdag la phyag byed pa'o/ /rgyal po zas gtsang
 mas btsun mo las de thos pa dang / mtshan mkhan rnams la rmi lam 'di ji ltar ston pa yin dris pa dang / de rnams kyis smras pa/ lha mkhyen par mdzod cig /gang btsun mos rmi lam du mthong ba glang po che'i phru
 gu dkar po zhig bdag gi rum g.yas pa dral nas zhugs pa zhes bya ba ni 'khor los sgyur ba'i sras bltam par 'gyur ro/ /steng gi nam mkha' la 'chag go zhes bya ba ni rdzu 'phrul che ba dang mthu
 che bar 'gyur ro/ /seng ge'i gdan la 'dug ste chos ston to zhes bya ba ni de yang seng ge'i gdan la bzhugs te 'khor bzhi la chos ston par 'gyur ro/ /lha dang lha ma yin du bcas pa'i 'jig rten bdag la
 phyag byed do zhes bya ba nas gal te de rab tu byung bar gyur na lha dang lha ma yin du bcas pa'i 'jig rten gyis mchod cing rjed la mngon par bstod par 'gyur ro/ /chos nyid kyis gang gi tshe byang chub sems dpa' dga' ldan
 gyi lha'i ris nas 'phos te yum gyi lhams na zhugs pa de'i tshe/ lha rnams kyi dbang po brgya byin gyis de la mi 'am mi ma yin pa sus kyang 'tshe bar mi 'gyur bar/ lha'i bu bzhi yum gyi srungs mar 'jog pa ni
 lag na ral gri dang / lag na mdung dang / lag na mdung thung dang / lag na mda' bo che'o/ /de la 'di skad ces bya ste/ lha mchog bzhi la brgya byin gyis smras pa/ /khyed rnams song la lha mi rnams kyi ni/ /shin tu
 mchog gyur yum de ji ltar su'ang / /gnod mi byed par gus pas yongs su srungs/ /de rnams shin tu 'bad byas dga' ba dang / /brgya byin lung ni spyi bos mnos nas su/ /rnam kun mda' mdung ral gri lag na
 thogs/ /byang chub sems dpa'i yum ni srung bar byed/ /g.yul du rgyal gyur lha bzhis sbas pa dang / /de ni nyin mtshan sna tshogs rgyan 'ching zhing / /lha mo rang khyim nang nas rnam rol pa/ /dga' ba'i
 tshal na spyod pa lta bur spyod/ /de nas dus gzhan zhig na btsun mo sgyu 'phrul chen mo 'di lta bu'i 'dod pa skyes te/ kye ma'o lha btson thams cad thar bar bgyi'o/ /rgyal po zas gtsang mas kyang btsun mo'i tshig
 mnyan nas btson thams cad thar bar byas so/ /de nas dus gzhan zhig na btsun mo 'dod pa skyes pa/ kye ma'o lhas grong khyer gyi shar phyogs kyi dbus su dman pa dang / long ba dang / bkren pa dang / sdug phongs
 pa dang / slongs mo pa rnams la sbyin pa byin la bsod nams dag byas pa dang / lho dang / nub dang / byang dang / sum mdo'i dbus su dman pa dang / long ba dang / bkren pa dang / sdug phongs pa dang / slongs mo pa rnams la
 sbyin pa byin/ bsod nams ni bgyi'o/ /de nas rgyal po zas gtsang gis btsun mo'i tshig mnyan nas grong khyer gyi shar phyogs su dman pa dang / long ba dang / bkren pa dang / sdug phongs pa dang / slongs mo pa rnams
 la ji ltar mngon par 'dod pa dang / ji ltar bslangs pa bzhin du sbyin pa ni byin/ bsod nams ni byas pa dang / de bzhin du lho dang / nub dang / byang dang / sum mdo'i dbus su dman pa dang / long ba dang / bkren pa dang /
 sdug phongs pa dang / slongs mo pa rnams gang mngon par 'dod pa dang / ji ltar bslangs pa bzhin du sbyin pa ni byin bsod nams ni byas so/ /gang gi tshe byang chub sems dpa' shAkya thub pa dga' ldan gyi lha'i ris
 nas 'phos te yum gyi lhums na bzhugs pa na mdzod kyi nang du rdzas bzhag pa bzhin du mngal gyi dri ma dang / sha ma'i dri ma dang / khrag gi dri ma dang / mi gtsang ba gang yang rung ba sna tshogs kyis ma sbags so/ /dper
 na nor bu rin po che ka shi'i ras kyis mi gos pa dang / ka shi'i ras kyang nor bu rin po ches mi gos pa de bzhin du gang gi tshe byang chub sems dpa' yum gyi lhums na bzhugs pa na mdzod kyi nang du rdzas bzhag
 pa bzhin du mngal gyi dri ma dang / sha ma'i dri ma dang / khrag gi dri ma dang / mi gtsang ba gang yang rung ba sna tshogs kyis ma sbags so/ /ji ltar nor bu tshon shel 'od gsal dang / /rab gtsang ka shi'i ras kyang
 gos pa med/ /de bzhin thub chen lhums na bzhugs pa na/ /mngal gyi dri ma cis kyang gos pa med/ /gang gi tshe byang chub sems dpa' dga' ldan gyi lha'i ris nas 'phos nas yum gyi lhums
 na bzhugs pa de'i tshe yum gyi lhums na de thams cad yongs su rdzogs pas bzhugs pa mthong ngo / /dper na nor bu bai dUr+ya zur brgyad pa bzang po/ rigs dang ldan pa/ dang ba gsal ba/ dri ma med pa/ tshon skud sna
 lnga sngon po dang / ser po dang / dmar po dang / dkar po dang / leb rgan la brgyus la de skyes bu mig dang ldan pas mthong na 'di ni skud pa'o/ /'di ni nor bu'o/ /skud pa 'di la nor bu brgyus pa yin no zhes shes
 pa de bzhin du/ gang gi tshe byang chub sems dpa' shAkya thub pa dga' ldan gyi gnas nas 'phos te yum gyi lhums na bzhugs pa de'i tshe/ de'i yum gyi lhums na rnam pa thams cad yongs su rdzogs par
 lhums kyi nang na bzhugs pa mthong ngo / /ji ltar dri med nor bu bai dUr+ya/ /'od gsal lag par bzhag pa snang ba ltar/ /de bzhin thub chen yum gyi lhums bzhugs pa/ /shes shing sems pas yum ni
 yang dag lta/ /chos nyid kyis gang gi tshe byang chub sems dpa' shAkya thub pa dga' ldan nas 'phos nas yum gyi lhums na bzhugs pa de'i tshe/ de'i yum 'di lta ste byang chub sems dpa' 'dzin pas
 lus ngal ba 'am lus dub par 'gyur ba med do/ /las kyi rnam smin zad pas mtho ris 'phos/ /gang tshe 'di ni lhums zhugs bzhugs pa na/ /de'i yum ngal bas 'dzin par mi byed par/ /de tshe gyur
 pa 'dir de chos nyid do/ /chos nyid kyis gang gi tshe byang chub sems dpa' shAkya thub pa dga' ldan gyi gnas nas 'phos nas yum gyi lhums na bzhugs pa de'i tshe yum de phan chad ji srid 'tsho'-i bar du brtul
 zhugs lnga'i gzhi blangs par gyur te/ ji srid 'tsho'i bar du srog gcod pa spangs te srog gcod pa las slar ldog go/ /ma byin par len pa dang / mi tshangs pa spyod pa dang / brdzun du smra ba dang / 'bru'i chang dang /
 sbyar ba'i chang myos par 'gyur ba bag med pa'i gnas spangs te/ 'bru'i chang dang / sbyar ba'i chang myos par 'gyur ba bag med pa'i gnas las slar ldog par byed do/ /srog mi gcod dang ma byin mi len dang / /brdzun
 mi smra dang chang la mi brkam dang / /'khrig pa'i mi tshangs spyod pa spong ba 'di/ /'di ni don grub yum gyi chos nyid yin/ /chos nyid kyis gang gi tshe byang chub sems dpa' shAkya thub pa dga' ldan gyi gnas nas 'phos
 nas yum gyi lhums na bzhugs pa de'i tshe de'i yum 'di lta ste/ skyes pa rnams la 'dod pa dang ldan pa'i yid gtod pa med do/ /nyon mongs rnams la chags par mi 'gyur zhing / /de ni 'dod rgyus sems
 gdungs mi 'gyur la/ /de yum 'dod pa'i yon tan ldan pa yi/ /skyes pa rnams la sems ni gtod pa med/ /de nas dus gzhan zhig na btsun mo sgyu 'phrul chen mo 'dod pa skyes pa kye ma bdag gis rgya mtsho chen
 po bzhi'i chu btung ngo snyam nas des rgyal po zas gtsang la smras pa dang / rgyal po zas gtsang gis mtshan mkhan rnams la smras pa/ ci'i phyir btsun mo 'di lta bu'i 'dod pa skyes/ mtshan mkhan rnams kyis lha
 btsun mo la sras skyes bu chen po'i mtshan sum bcu rtsa gnyis kyis sku brgyan pa zhig bltam par 'gyur te de rab tu byung nas shes bya'i rgya mtsho mtha' dag 'thung bar 'gyur ro zhes lung bstan to/ /rgyal po zas gtsang
 gis smras pa/ gal te 'di la mtsho chen po'i chu ma blud na cir 'gyur/ de rnams kyis smras pa/ sras yan lag ma tshang ba zhig btsas par 'gyur ro/ /rgyal pos smras pa/ nga'i ming zas gtsang zhes bya ba'i bu
 yan lag ma tshang bar bya 'am/ de'i tshe grong khyer ser skya'i gzhi na kun tu rgyu mig dmar zhes bya ba mig 'phrul la byang ba zhig 'dug pa de rgyal pos bkug nas rgya mtsho chen po las chu myur bar
 khug shig ces bsgo ba dang / des de nyid na 'dug bzhin du rgya mtsho chen po bzhi'i chu drangs te de rnams la btsun mo 'thung du bcug pa dang / de'i 'dod pa skyes pa gang yin pa de dang bral bar gyur to/ /de nas dus gzhan
 zhig na btsun mo sgyu 'phrul chen mo tshul 'di lta bu'i 'dod pa skyes te/ kye ma'o bdag lus lum bi nI'i tshal du zhugs la shing gi rtsar yal ka'i mthar 'dug par bya'o snyam mo/ /de nas rgyal po zas gtsang mas btsun mo
 sgyu 'phrul chen mo tshul de lta bu'i 'dod pa skyes par rig nas rin po che sna bzhi las byas pa'i khyogs bshams te glang po'i tshogs dang / rta'i tshogs dang / shing rta'i tshogs dang / dpung bu chung gi tshogs te dpung
 gi tshogs yan lag bzhi pa go bkon nas skye bo'i tshogs chen pos yongs su bskor te/ btsun mo sgyu 'phrul chen mo dang lhan cig tu chas nas lum bi nI'i tshal du phyin to/ /de nas btsun mo sgyu 'phrul chen
 mos lum bi nI'i tshal mthong ba na sems rtse gcig par gyur pa dang / de khyogs las babs te/ shing mya ngan 'tshang me tog yang dag par rgyas pa mthong bas dga' ba dang yid bde ba skyes te de der song nas me tog dang /
 'dab ma'i g.yur gyis dud pa'i yal ga la 'jus te/ bud med rgan pas bskor nas gnas so/ /de nas lha rnams kyi dbang po brgya byin 'di snyam du sems te btsun mo sgyu 'phrul chen mo sras bltam par nye bar
 gnas kyis ma la bdag gis byang chub sems dpa' de dang po bltam pa na blang bar bya'o/ /de nas yang bsams pa/ btsun mo sgyu 'phrul chen mo ni ngo tsha shes pa dang ldan pa yin pas bdag gi mdun du bltam mi
 phod kyis thabs shig bsham par bya'o snyam nas lha'i dbang po brgya byin bud med rgan mo zhig gi cha byad du sprul te/ des gang gis bud med rgan mo de rnams phyogs bcur 'bros par 'gyur ba de lta bu'i rlung dang char
 drag po zhig sprul nas de rnams bros pa dang / bdag nyid ma ma rgan mo'i cha byad du mngon par sprul nas btsun mo sgyu 'phrul chen mo'i mdun du 'dug go/ /chos nyid kyis byang chub sems dpa' ni mkhyen bzhin du
 yum gyi lhums su 'jug pa dang / mkhyen bzhin du gnas pa dang / mkhyen bzhin du 'byung ba yin no/ /de nas byang chub sems dpa' de 'di snyam du dgongs te gang bdag skyes bu tha mal pa bzhin du mngal gyi
 sgo nas 'byung ba ni tshul dang 'thun pa ma yin gyis ma la bdag gis yum gyi dku g.yas pa brtol la 'byung bar bya'o zhes de nas byang chub sems dpa' yum gyi dku g.yas pa brtol te byung ba dang / lha'i dbang po
 brgya byin gyis lag pa gnyis kyis blangs pa dang / byang chub sems dpa' 'di snyam du dgongs te brgya byin 'di bdag gis byang chub sems dpa' 'di blangs so zhes dregs pa skye bar 'gyur bar mkhyen nas
 ngo bo nyid kyi rdo rje'i snying po can gyi skur byin kyis brlabs te lhums su ni yum 'dzin pas nyon mongs par ma gyur cig snyam du dgongs nas yang bar mdzad de bzhugs pa yin no/ /de nas lha'i dbang po brgya
 byin gyis 'dzin par ma nus pa dang 'dar bar gyur to/ /byang chub sems dpas bka' stsal pa/ ko'u shi ka thong thong / de skad ces bka' stsal pa dang / lha'i dbang po brgya byin gyis byang chub sems dpa' sa la
 bzhag go/ /bzhag pa tsam gyi mod la sus kyang ma bzung bar phyogs bzhir gzigs nas gom pa bdun bdun bor zhing tshig du yang gsung ba/ kau shi ka phyogs 'di gang yin/ byang chub sems dpa' shar phyogs
 lags so/ /byang chub sems dpas bka' stsal pa/ kau shi ka sems can thams cad kyi sngon du 'gro bar bya'o/ /phyogs 'di gang yin/ lho phyogs lags so/ /'gro ba thams cad kyi yon gnas su gyur par
 bya'o/ /phyogs 'di gang yin/ byang phyogs lags so/ /srid pa'i rgya mtsho las rgal bar bya'o/ /phyogs 'di gang yin/ nub phyogs lags so/ /nga'i skye ba tha ma ni 'di yin par 'gyur ro/ /skye 'chi mthar byed de ni bltams
 pa na/ /sa la gom pa bdun ni bzhud nas su/ /'di nga'i skye ba tha mar gyur yin zhes/ /'jig rten gsum gyi bla ma gcig pus gsungs/ /chos nyid kyis byang chub sems dpa' shAkya thub pa yum gyi lhums nas byung ba'i'i tshe
 sa chen po 'di shin tu g.yos par gyur/ 'jig rten 'di thams cad snang ba rgya chen pos gsal bar gyur cing 'jig rten na 'jig rten gyi bar gyi mun pa mun gnag smag tu gyur pa gang du nyi ma dang zla ba 'di ltar rdzu 'phrul che ba/ 'di ltar
 mthu che ba dag gis kyang 'od snang bar mi nus pa de dag kyang de'i tshe snang ba chen pos gsal bar gyur to/ /der sems can gang dag skyes pa de dag rang gi lag pa brkyang ba yang mi mthong ba las de rnams snang ba des sems can gcig gis
 gcig mthong nas/ shes ldan dag sems can gzhan yang 'dir skyes so/ /shes ldan dag sems can gzhan yang 'dir skyes so zhes bya bar shes so/ /gang tshe rnam 'dren bltam par gyur pa na/ /de tshe sa ni rir bcas shin tu
 g.yos/ /gang gis 'jig rten par yang skad cig gis/ /snang byed 'od gsal de yang byung bar gyur/ /de nas rgyal po zas gtsang mas sa g.yos pa chen po dang snang ba rgya chen po mthong ba dang / byang chub sems dpa' la
 bskor ba byas te zhabs gnyis la phyag byas nas 'di skad ces smras so/ /'di lta bu'i rdzu 'phrul che ba dang mthu che ba'i bu skyes pa ni bdag gis rnyed pa legs par rnyed do/ /chos nyid kyis gang gi tshe byang chub sems dpa'
 shAkya thub pa yum gyi lhums nas bltam pa na ral gri shubs nas phyung ba bzhin du mngal gyi dri ma dang / sha ma'i dri ma dang / khrag gi dri ma dang / mi gtsang ba gzhan dang gzhan sna tshogs kyis ma gos so/ /ji ltar 'od gsal
 tshon shel bzang po dang / /ka shi rab gtsang phan tshun gos mi 'gyur/ /de bzhin thub de lhums nas byung ba na/ /gser sbyangs me chen nang nas bton pa 'dra/ /chos nyid kyis byang chub sems dpa' shAkya thub pa yum
 gyi lhums nas bltam pa de'i tshe de'i yum mi 'dug mi nyal te 'greng bzhin du rgyal rigs ma des rgyal rigs bltam par byed do/ /de ni mi 'dug nyal ba'ang ma yin te/ /yan lag lnga ldan tshul khrims kyis brgyan pas/ /
 de ni 'greng bzhin shin du dge ba yi/ /gzhon nu de 'dir brgya byin dag gis blangs/ /chos nyid kyis gang gi tshe byang chub sems dpa' shAkya thub pa yum gyi lhums nas bltam pa de'i tshe de'i dbu'i steng nas lha rnams gdugs dkar
 po nor bu'i yu ba can dag 'dzin to/ /dri med zla ba'i dkyil 'khor 'od 'dra'i gdugs/ /lha yi gtso bos dbu yi steng nas 'dzin/ /gdub 'khor 'od zer gyis 'bar lag pa dang / /rnga yab bzang gis 'di la g.yob
 par byed/ /chos nyid kyis gang gi tshe byang chub sems dpa' shAkya thub pa bltam pa'i mod la bar snang las chu bsil ba gcig dang / chu dron mo gcig ste/ chu gnyis kyi rgyun spyi gtsug gi steng du 'bab cing des
 byang chub sems dpa' khrus mdzad do/ /dri med rab dag bsil dang de bzhin dro'i/ /chu yis rkang gnyis gtso bo khrus mdzad de/ /rigs rgyud gang du byang chub sems dpa' 'khrungs/ /klu rnams de la 'ang mchod pa
 byed par gyur/ /chos nyid kyis byang chub sems dpa' bltam pa'i mod la skrun pa'i yum gyi mdun du chu mig chen po byung nas 'babs par gyur te de la de'i yum khrus chu'i bya ba byed do/ /rkang gnyis gtso bo
 gzhon nu bltam pa na/ /lha de rnams ni shin tu yid dga' bas/ /der ni chu bzang phyung bar gyur pa la/ /de yum der ni chu yis bya ba byed/ /lha yi rol mo shin tu sgra snyan rnams/ /shin tu dga' ba
 mchog tu rdung bar byed/ /de rnams gos dang phreng ba 'thor byed cing / /gzhan dag rab tu 'dud cing de bzhin bstod/ /chos nyid kyis byang chub sems dpa' bltam pa'i mdo la lhas bar snang las lha'i ud pa
 la dang / pad ma dang / ku mu da dang / pad ma dkar po dang / a ga ru'i phye ma dang / rgya spos kyi phye ma dang / tsan dan gyi phyi ma dang / ta ma la'i 'dab mas 'thor ro/ /lha'i me tog man dA ra bas kyang 'thor ro/ /lha'i sil snyan
 rnams kyang sgra 'byin to/ /gos dag kyang 'thor bar byed do/ /mkhas pas btud pa'i sangs rgyas bltam pa na/ /dri zhim dri mchog char ni phab pa dang / /de dang des na rang spobs tshul 'thun pa'i/ /rab dga'i
 sems kyis bstod pa rjod par byed/ /'dis ni byang chub mchog dag thob 'gyur zhing / /sdug bsngal zad pa'i 'gro phan mdzad gyur la/ /'gro ba mi shes rab rib mig ldongs la/ /sman pa mchog 'di mig ni rab
 stsol 'gyur/ /'di ni rmongs pas mig khebs long ba yi/ /'gro ba'i sgron ma chen po nyid du 'gyur/ /lta ngan gyis brlag log pa'i lam zhugs la/ /mi 'tshol drang ba'i lam ni ston par 'gyur/ /ngan 'gro'i
 lam ni ma lus 'gog 'gyur zhing / /lha yi gnas kyi sa ni 'byed 'gyur zhes/ /'og min bar na gnas pa'i lha rnams ni/ /lha yi gnas su yang yang sgrogs par byed/ /gang gi tshe byang chub sems dpa'
 shAkya thub pa bltam pa de nyid kyi tshe mnyan yod du rtsibs kyis 'phur tshangs byin bu btsas pa na tshangs byin 'di snyam du sems te/ bdag gi bu btsas pa na yul gsal ba gsal ba bzhin du snang bas de
 bas na 'di'i ming gsal rgyal zhes bya bar gdags so zhes btags so/ /rgyal po'i khab kyi grong khyer na rgyal po pad ma chen po bu btsas pa na pad ma chen po 'di snyam du sems te/ bdag gi bu btsas pa na 'jig rten
 nyi ma'i gzugs shar ba ltar snang zhing gzugs can ma'i bu yin pas 'di'i ming gzugs can snying po zhes bya bar gdags so zhes btags so/ /ko'u sham bi na rgyal po dmag brgya pa bu btsas pa na dmag brgya pa 'di
 snyam du sems te/ bdag gi bu btsas pa na 'jig rten nyi ma shar ba ltar snang bar gyur pas 'di'i ming shar ba zhes bya bar gdags so zhes btags so/ /grong khyer 'phags rgyal du rgyal po mu khyud mtha' yas bu btsas
 pa na de 'di snyam du sems te/ bdag gi bu btsas pa na 'jig rten sgron mas snang ba lta bur gyur pas 'di'i ming rab snang zhes bya bar gdags so zhes btags te/ de ni de lta ma yin no/ /'on kyang de thams cad ni byang chub sems
 dpa'i mthu yin no/ /gang gi tshe byang chub sems dpa' shAkya thub pa bltam pa de nyid kyi tshe dga' bo la sogs pa shAkya'i gzhon nu lnga brgya btsas pa dang / grags 'dzin ma la sogs pa shAkya'i gzhon nu ma lnga brgya btsas pa
 dang / 'dun pa la sogs pa rim gro pa lnga brgya btsas pa dang / bsngags ldan la sogs pa rta lnga brgya 'brangs so/ /lha rnams kyis gter lnga'i kha yang nye bar bstan to/ /khams kyi rgyal phran rnams dang / mkhar
 gyi rgyal po rnams kyis rab tu btud cing thams cad kyis kyang dpya phul lo/ /de nas rgyal po zas gtsang ma 'di snyam du sems te/ bdag gi bu btsas pa na 'dod pa thams cad grub pas na gzhon nu 'di'i ming don
 thams cad grub pa zhes bya'o zhes byang chub sems dpa' la thog mar mtshan btags so/ /chos nyid kyis byang chub sems dpa' shAkya thub pa bltam pa'i mod la yab yum gyis mtshan mkhan dang / ltas mkhan
 gyi bram ze rnams la nye bar ston pa yin pas/ shes ldan dag cig gzhon nu gang dag dang ldan na 'gro ba gnyis su 'gyur gyi gzhan du ni ma yin te gal te khyim pa khyim na gnas par gyur na 'khor los sgyur ba'i
 rgyal po mtha' bzhir rnam par rgyal ba/ chos kyi rgyal po chos dang ldan pa/ rin po che sna bdun dang ldan par 'gyur te/ de'i rin po che sna bdun ni 'di lta bu dag 'byung ste/ 'di lta ste/ 'khor lo rin po che dang / glang po rin po che dang /
 rta rin po che dang / nor bu rin po che dang / bud med rin po che dang / khyim bdag rin po che dang / bdun pa ni blon po rin po che'o/ /bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 'joms
 pa de rgya mtsho la thug pa'i sa chen po ma lus par gnod par sdo ba med cing 'tshe ba med pa 'di nyid chad pa med cing mtshon gyis 'debs pa med pa/ chos dang 'thun pas legs par phab ste gnas par 'gyur ro/ /gal te skra dang
 kha spu bregs nas gos ngur smrig bgos te/ dad pa yang dag pa kho nas khyim nas khyim med par rab tu byung na/ de bzhin gshegs pa dgra bcom pa yang dag par rdzogs pa'i sangs rgyas zhes bya bar 'jig rten du sgra rnam
 par grags par 'gyur ba skyes bu chen po'i mtshan sum bcu rtsa gnyis dang ldan nas lha mad lags te/ gzhon nu skyes bu chen po'i mtshan sum cu rtsa gnyis dang ldan pa ni 'gro ba gnyis su 'gyur gyi gzhan du ni ma yin te zhes
 bya ba nas yang dag par rdzogs pa'i sangs rgyas zhes bya bar 'jig rten du gdags par 'gyur zhes bya ba'i bar du ste/ snga ma bzhin du 'di ni 'dir chos nyid yin no/ /de la 'di skad ces bya ste/ rgyal pos gzhon nu bltam nas
 skyes bu yi/ /mtshan shes bram ze la dris de tshe smras/ /rgyal bu gal te khyim na gnas gyur na/ /nges par 'di ni mi dbang dag tu 'gyur/ /brtul bar ldan zhing rgyal po gzhan rnams kyi/ /spyi la dbang ba'i 'khor los sgyur bar 'gyur/ /
 'di ni gling rnams kun du mngon rgyal ba'i/ /chos kyi rgyal srid dag ni byed par 'gyur/ /rin chen gyur pa 'di ni rin chen bdun/ /mi mchog bsod nams las kyis 'thob par 'gyur/ /gang gi mthu yis sa ni ma lus pa/ /
 'di ni lung mi gcog par spyod par 'gyur/ /gser las legs byas lte ba shin tu zlum/ /rtsibs stong ldan zhing mu khyud ma nyams bzang / /dang por sa la rnam par rgyal 'gyur gang / /'khor lo de 'dis dang por thob
 par 'gyur/ /yan lag thams cad legs skyes sa la ni/ /rab gnas gangs can rtse 'dra'i glang po'i mchog /rgyal po la 'os mkha' la 'gro ba yi/ /rin chen mchog ni gnyis pa 'dis 'thob 'gyur/ /tho rangs dus su
 phyogs kun ma lus pa'i/ /sa rnams bskor nas slar ni ldog gyur gang / /rma bya'i mgrin 'dra spu ni yid 'ong ba'i/ /rin chen rta ni 'di yis 'thob par 'gyur/ /rin chen dri med bai dUr+ya rang bzhin/ /kun tu dpag tshad tsam du
 snang byed pa/ /dri med mtshan mo ci 'dra nyin de bzhin/ /rin chen mchog ni bzhi pa 'thob par 'gyur/ /gang zhig reg dri gzugs dang mdangs ldan pa'i/ /bud med dam pa dregs ldan rnams kyi mchog /lha mo bzhin du yon
 tan kun ldan pa/ /bud med rin chen de 'dir 'thob par 'gyur/ /gang yang 'di na rgyal la mu tig dang / /gser sogs shin tu mang po 'bul ba yi/ /nor ldan mtshungs par nor mang khyim bdag ni/ /rin chen thob nas
 rnam par spyod par 'gyur/ /'gro dang kun tu gnas dang rnam ldog dang / /ma lus dpung la mkhas par byed pa yi/ /dpa' ldan bdun pa 'byung bar 'gyur ba ni/ /mi yi rin chen blon po zhes bya yin/ /dpa'
 zhing rtul phod yan lag mchog gzugs ldan/ /bu stong dag ni 'di la 'byung 'gyur zhing / /gang gi gzi brjid shin tu stobs che zhing / /sa bdag gzhan dag 'dud par byed pa 'byung / /gal te khyim ni nyes mang gis
 dkrugs pa/ /rab 'bar shing ni bya yis spong ba ltar/ /nye bar zhi phyir nags su nges song na/ /de 'dir ring por mi thogs sangs rgyas 'gyur/ /khyod kyi sras 'di deng ni 'di 'dra ba/ /gzhon nu 'gro ba'i rin chen
 gcig bltam pa/ /'gro ba gnyis las gzhan du mi 'gro ba/ /de ltar sngags kyi tshig las mthong ba lags/ /shes ldan dag gang dag dang ldan na 'gro ba gnyis su 'gyur gyi gzhan du ma yin zhes bya ba nas snga ma bzhin du
 'jig rten gyi sgra rnam par grags par 'gyur zhes bya ba'i bar gyi skyes bu chen po'i mtshan sum bcu rtsa gnyis po ni gang dag yin/ lha gzhon nu'i zhabs shin tu gnas pa lags so/ /zhabs gnyis shin tu gnas pa
 nyid kyis sa la mnyam par 'bab ste/ lha 'di ni gzhon nu'i skyes bu chen po'i skyes bu chen po'i mtshan lags so/ /de'i zhabs kyi mthil gyi ngos gnyis la 'khor lo rtsibs stong pa lte ba dang mu khyud du bcas pa rnam pa
 thams cad yongs su rdzogs pa mchis te/ lha 'di gzhon nu'i skyes bu chen po'i skyes bu chen po'i mtshan lags so/ /lha gzhon nu'i sor mo ring ba dang / zhabs kyi rting pa yangs pa dang / de'i phyag dang zhabs 'jam zhing
 gzhon sha chags pa lags te/ phyag dang zhabs 'jam zhing gzhon sha chags pa ni dper na/ shing bal gyi 'da' ba 'am/ ras bal gyi 'da' ba bzhin no/ /lha 'di ni gzhon nu'i skyes bu chen po'i skyes bu chen po'i mtshan lags
 so/ /lha gzhon nu'i phyag dang zhabs dra bar 'brel pa lags te/ de'i phyag dang zhabs dra bar 'brel pa ni dper na ngang pa'i rgyal po gzhon nu bzhin no/ /lha 'di ni gzhon nu'i skyes bu chen po'i skyes bu chen po'i mtshan lags so/ /
 lha gzhon nu'i zhabs long mo'i tshigs mi mngon pa dang / byin pa ri dgas e na ya'i lta bu dang / sku mdud pa dang / sku bzhengs bzhin du ma btud par phyag pus mo'i lha nga gnyis slebs shing reg pa ste/ lha 'di ni gzhon nu'i
 skyes bu chen po'i skyes bu chen po'i mtshan lags so/ /lha gzhon nu ni 'doms kyi sba ba sbubs su nub pa lags te/ de'i 'doms kyi sba ba sbubs su nub pa ni dper na glang po che cang shes kyi 'am/ rta cang shes byung ma
 thag gi bzhin no/ /lha 'di ni gzhon nu'i skyes bu chen po'i skyes bu chen po'i mtshan lags so/ /lha gzhon nu'i sku ci srid par 'dom yang de srid la/ 'dom ci srid par sku yang de srid pas shing n+ya gro d+ha ltar chu zheng gab pa
 lags te/ lha 'di ni gzhon nu'i skyes bu chen po'i skyes bu chen po'i mtshan lags so/ /lha gzhon nu'i ro stod kyi spu re re nas skye zhing de'i sku la spu re re nas skye ba yang mthing ka la g.yas phyogs su 'khyil bar skye lags te/ lha
 'di ni gzhon nu'i skyes bu chen po'i skyes bu chen po'i mtshan lags so/ /lha gzhon nu ni mdog gser 'dra ba dang / 'od 'dom gang ba dang / lpags pa srab cing mdog gser gyi 'dra ba lags te/ lpags pa srab pa nyid
 kyis rdul dang dri mas sku la mi gos pa ste/ lha 'di ni gzhon nu'i skyes bu chen po'i skyes bu chen po'i mtshan lags so/ /lha gzhon nu'i sku ni bdun mtho ba ste sku bdun mtho bar 'khrungs pa ni phyag gnyis dang / zhabs
 gnyis dang / dpung mgo gnyis dang ltag pa lags te/ lha 'di ni gzhon nu'i skyes bu chen po'i skyes bu chen po'i mtshan lags so/ /lha gzhon nu ni thal gong rgyas pa dang / sku ro stod seng ge'i 'dra ba dang / sku drang zhing kho lag che
 ba dang / dpung mgo shin tu zlum pa dang / tshems bzhi bcu mnga' ba dang / tshems mnyam pa dang / tshems thags bzang ba dang / mche ba shin tu dkar ba dang / 'gram pa seng ge'i 'dra ba dang / ro bro ba'i mchog dang ldan pa lags te/ lha 'di ni
 gzhon nu'i skyes bu chen po'i skyes bu chen po'i mtshan lags so/ /lha gzhon nu ni ljags shin tu ring zhing srab pa lags te/ ljags shin tu ring ba nyid dang / srab pa nyid kyi phyir ljags zhal nas phyang bas skra mtshams nas
 bzung ste/ zhal gyi dkyil 'khor thams cad kyi bar du yog par mdzad pa ste/ lha 'di ni gzhon nu'i skyes bu chen po'i skyes bu chen po'i mtshan lags so/ /lha gzhon nu ni tshangs pa'i dbyangs dang / ka la ping ka'i skad
 ltar yid du 'ong ba dang / rnga'i dbyangs can lags te/ lha 'di ni gzhon nu'i skyes bu chen po'i skyes bu chen po'i mtshan lags so/ /lha gzhon nu'i spyan mthon mthing la ba'i rdzi ma lta bu dang / gtsug tor dang ldan pa dang / smin
 mtshams kyi mdzod spu dung ltar dkar zhing g.yas su 'khyil ba lags te/ lha 'di ni gzhon nu'i skyes bu chen po'i skyes bu chen po'i mtshan lags so/ /lha 'di dag ni gang dang ldan pa'i 'gro ba gnyis su 'gyur gyi gzhan du
 ni ma lags pa zhes bya ba nas snga ma bzhin du 'jig rten du sgra rnam par grags par 'gyur ro zhes bya ba'i bar gyi skyes bu chen po'i mtshan sum bcu rtsa gnyis lags so/ /bdag nyid legs bsgoms sku la ni/ /sku yi
 tha ma 'dzin mdzad pa'i/ /thub pa chen po'i mtshan rnams ni/ /de ni bdag gis brjod par bgyi/ /'di zhabs shin tu gnas pa ste/ /sa la mnyam par 'bab pa yin/ /'di zhabs phyag gi mthil la ni/ /'khor lo
 shin tu dbyibs legs skyes/ /'di zhabs rting pa yangs pa dang / /de ni sor mo ring zhing mdzes/ /phyag zhabs dra bar 'brel pa dang / /shing bal lta bur 'jam pa dang / /'di'i zhabs long bu'i tshigs mi mngon/ /
 byin pa e ne ya dang mtshungs/ /mi mchog sku yang ma btud par/ /phyag gis pus mo'i lha nga slebs/ /'doms kyi sba ba sbubs su nub/ /n+ya gro d+ha ltar chu zheng gab/ /ro stod spu ni re re nas/ /skye zhing de spu g.yas su 'khyil/
 mdog ni gser sbyangs 'dra ba dang / /kun nas 'dom gang 'od dang ldan/ /bcom ldan de ni lpags srab cing / /'di sku bdun ni mtho ba ste/ /bcom ldan thal gong rgyas pa dang / /sku stod seng ge 'dra ba dang / /sku drang kho lag che ba
 dang / /dpung mgo shin tu zlum pa dang / /bcu phrag bzhi'i tshems rnams ni/ /yongs su rdzogs shing ma tshang med/ /mnyam dang thags bzang nyid du ni/ /de yi tshems ni legs par gnas/ /rab dkar 'gram pa seng ge 'dra/ /
 ro bro mchog dang ldan pa dang / /ljags ni shin tu srab pa dang / /bcom ldan tshangs pa'i dbyangs dang ldan/ /rdzi ma ba 'dra spyan mthon mthing / /smyin ma'i mtshams kyi mdzod spu ni/ /dung ltar dkar zhing g.yas su 'khyil/ /mtshan
 bzang sum bcu rtsa gnyis 'di/ /gang zhig la ni 'byung 'gyur ba/ /de ni 'gro ba gnyis 'gyur gyi/ /gsum par 'gyur ba ma lags so/ /'di ni gal te khyim gnas na/ /'khor los sgyur rgyal nyid 'gyur te/ /dran ldan bu ni
 mang ba dang / gnod pa chung zhing mkhas par 'gyur/ /gal te rab byung rdzogs sangs rgyas/ /gang zag mnyam pa med par 'gyur/ /bshos dang btung dang na bza' dang / /gzims cha rnams kyang rnyed 'gyur la/ /'di yi 'khor ni mi
 phyed cing / /lus can kun gyi yid du 'ong / /lha rnams rjes su 'brang ba dang / /mi rnams kyang ni de bzhin te/ /chos kyi bdag po mchog 'gyur zhing / /mi yul dag tu 'ang de bzhin 'gyur/ /mnyam pa med cing 'dra ba med/ /rnam
 'dren mtshungs pa med par 'gyur/ /lha 'di ni gzhon nu'i skyes bu chen po'i mtshan lags te/ gang dang ldan na 'gro ba gnyis su 'gyur gyi gzhan ni ma lags zhes bya ba ni snga ma bzhin no/ /chos nyid kyis byang chub sems
 dpa' shAkya thub pa bltam nas zhag bdun lon pa dang / de skrun pa'i yum nongs par gyur te/ nongs ma thag tu sum bcu rtsa gsum gyi lha'i ris gya nom par skyes so/ /de nas rgyal po zas gtsang mas byang chub sems dpa' ma
 ma rnams la gtad nas ma ma khyed kyis gzhon nu 'di dus dus su sku mnye byos shig / dus dus su khrus byos shig /dus dus su zas byin cig /dus dus su yang dag pa'i bde bas bsnyen bkur byos shig /ma ma
 dga' ba'i lag pa gnyis kyis de blangs nas dus dus su sku mnye byed/ dus dus su khrus byed/ dus dus su zas byin/ dus dus su yang dag pa'i bde bas bsnyen bkur byed do/ /yang de'i tshe dri shin tu yid du 'ong
 ba'i ngo bo gang yin pa de rnams byugs shing rgyan thams cad kyis brgyan nas yab zas gtsang la phul ba dang / rgyal po zas gtsang gis de blangs te dga' bas pang du bzhag nas yang dang yang du rtog cing dga' ba skyed do/ /chos nyid
 kyis byang chub sems dpa' shAkya thub pa ni gzugs bzang ba/ mdzes pa/ lta na sdug pa/ mi'i kha dog las yang dag par 'das la lha'i kha dog ma thob pa/ skyes pa dang / bud med rnams kyis bltas pa na ngoms mi shes shing dga'
 ba 'thob ste/ dper na 'dzam bu'i chu bo'i gser la mgar ba mkhas pas/ rgyan brdungs pa/ la ba dkar po sar pa'i steng du bzhag na shin tu gsal zhing 'bar la rnam par 'tsher ba de bzhin du byang chub sems dpa' shAkya
 thub pa gzugs bzang ba/ mdzes pa blta na sdug pa/ mi'i kha dog las 'das shing lha'i kha dog ni ma thob pa yin no/ /chos nyid kyis byang chub sems dpa' shAkya thub pa skye bo'i tshogs chen po'i snying du sdug pa dang yid du 'ong
 bar 'gyur to/ yang 'di skye bo'i tshogs chen pos de phrag pa nas phrag par spong bar byed pa ni dper na ston ka'i pad ma skye bo'i tshogs chen po'i snying du sdug cing yid du 'ong bas skye bo'i tshogs chen pos de lag pa nas lag par
 brgyud par byed pa bzhin te snga ma bzhin no/ /chos nyid kyis byang chub sems dpa' bltam pa'i mod nas spyan mi 'dzums par gzugs rnams la lta ste/ de spyan mi 'dzums pa ni dper na sum bcu rtsa gsum gyi lha
 rnams bzhin no/ /chos nyid kyis byang chub sems dpa' bltam pa'i mod nas sngon gyi las kyi rnam par smin pa las skyes pa'i lha'i spyan des de nyin dang mtshan du dpag tshad gcig kho ra khor yug du gzigs so/ /
 las bcas las byung dri med spyan gyis ni/ /gzugs chen po dang de bzhin phra rab rnams/ /nyin dang mtshan du khor yug dpag tshad gcig /mdun na gnas pa bzhin du 'ang gzigs par 'gyur/ /chos nyid kyis byang chub
 sems dpa' bltam pa'i mod nas gsung snyan cing 'jebs pa dang / gsung snyan pa dang / gsung yid du 'ong ba yin te/ dper na gangs can gyi bya skad snyan cing 'jebs pa dang / skad snyan pa dang / yid du 'ong ba de bzhin du byang chub
 sems dpa' bltam pa'i mod nas gsung snyan cing 'jebs pa dang / gsung snyan pa dang / gsung yid du 'ong ba yin no/ /ri bo kun 'dzin la drang srong nyon mongs med ces bya ba mngon par shes pa lnga dang ldan pa/ byams pa'i
 bdag nyid can snying rje dang ldan pa/ skye dgu la mnyes gshin pa zhig gnas te de la tsha bo mis byin zhes bya ba yod pa dang / de de'i tshe phug tu zhugs te bsam gtan byed pa na byang chub sems dpa' bltam ste/ 'jig rten thams
 cad snang ba rgya chen pos gsal bar gyur pa'i snang ba de mthong ba dang nyon mongs med la smras pa/ mkhan po 'dir ni nyi ma thams cad dag /cig car byung bar gyur tam ci/ /'di ltar ri ni phug bcas pa/ /'di ni 'od kyis gsal
 bar gyur/ /nyon mongs med kyis de la smras pa/ nyi ma'i 'od ni rgyun tu rno/ /bu gcig snang ba 'di dag ni/ /yan lag reg na 'od bsil bas/ /nges par thub pa de yi 'od/ /byang chub sems dpa' 'od can ni/ /nges par lhums nas
 bltam gyur la/ /bltams nas sems dpa' chen po de'i/ /'od zer gser dang 'dra ba ni/ /dri ma med pa 'di dag gis/ /'jig rten gsum ni snang byas yin/ /mis byin gyis smras pa/ mkhan po bzhud/ ci re shig 'khor los sgyur
 ba'i rgyal por 'gyur ram/ 'on te bla na med pa'i ye shes rtogs par 'gyur ba rang nyid kyis blta bar mdzod cig /drang srong nyon mongs med kyis smras pa/ da ltar na ni rgyal po zas gtsang ma'i khyim nyi 'og gi rgyal po dang
 'khor gyi rgyal po dang / tshong pa dang / tshong dpon dang / ded dpon rnams dang / bram ze dang / khyim bdag brgya stong dpag tu med pas kun tu khyab nas 'dug gis gang gi tshe de dben par gyur pa de'i tshe rgyal po zas gtsang
 ma'i gan du 'gro bar bya'o/ /de nas rgyal po zas gtsang ma 'di snyam du kye ma'o drang srong nyon mongs med rkang gis ser skya'i gzhir 'ongs na ci ma rung snyam du sems so/ /de nas drang srong nyon mongs med steng gi nam mkha' la mngon
 par 'phags nas rgyal po zas gtsang ma'i pho brang sgor phyin pa dang / ji tsam na sgo srungs kyis rgyal po zas gtsang ma la lha dgyes pa bskyed du gsol/ drang srong nyon mongs med 'dir mchis so zhes rig par byas pa dang / rgyal po
 zas gtsang mas thos te dga' ba dang / mgu ba dang / rab tu dga' ba dang / mchog tu rangs pa byung nas mchog tu gus pas mchod de 'di skad ces smras so/ /drang srong chen po legs par 'ongs so/ /dgos pa ci zhig la 'ongs/ nyon
 mongs med kyis smras pa/ rgyal po chen po bdag ni 'dir/ /khyed sras blta ba'i phyir mchis te/ /'jig rten gtso bo rnam 'dren pa/ /thub pa de ni mthong bar 'tshal/ /rgyal pos smras pa/ gal te de lta na ni gzhon nu
 gnyid log gis sad kyi bar du re shig sdod cig / nyon mongs med kyis smras pa/ rigs dang ldan pa'i rta rnams ni/ /mtshan mo'i bzhi cha nyal ba ltar/ /dgos pa don gnyer rnams kyi gnyid/ /mig la yun ring mi
 gnas so/ /de nas gzhon nu shAkya thub pa ma ma'i pang na 'dug pa drang srong nyon mongs med la byin pa dang / drang srong nyon mongs med kyis lag pa gnyis kyis blangs nas yud tsam brtags te smras pa/ lha gzhon nu 'di
 mtshan mkhan rnams kyis ji skad lung bstan/ rgyal po zas gtsang mas smras pa/ rin po che sna bdun dang ldan pa'i 'khor los sgyur ba'i rgyal por 'gyur ro zhes zer ro/ /de nas drang srong nyon mongs med kyis byang chub
 sems dpa' mthong nas tshigs su bcad de smras pa/ sa bdag rtog pa po rnams blo 'khrul te/ /rtsod pa'i dus na 'khor los sgyur mi 'byung / /bsod nams mchog gis chos kyi mdzod 'di ni/ /nyes las rnam par rgyal
 nas sangs rgyas 'gyur/ /mtshan mi gsal dang ldan na mi dbang po/ /gling bzhi rnams kyi bdag po dbang phyug 'gyur/ /thub dbang mtshan ni shin tu gsal bas na/ /mi mchog sangs rgyas chos kyi 'khor lo sgyur/ /de nas drang srong
 nyon mongs med kyis bdag nyid kyi tshe'i mtha'i nges pa dang / byang chub sems dpa'i mngon par byang chub pa brtag pa la zhugs pa dang / byang chub sems dpa' lo nyi shu rtsa dgu bzhes nas/ khab nas byung nas lo drug tu dka'
 ba spyod par 'gyur te de nas bdud rtsi rtogs par 'gyur bar mthong ngo / /bdag ni bar skabs der 'chi ba'i dus byed par mthong nas de mig mchi mas gang ste 'dug pa rgyal po zas gtsang gis mthong nas dngangs nas tshigs su
 bcad de smras pa/ skyes pa bud med rnams kyis mthong ba na/ /ngoms par mi 'gyur dga' ba thob 'gyur ba/ /lus bzang dge byed de ni 'dir mthong nas/ /drang srong chen po ci slad ngu bzhin gyur/ /gang las bdag gi gzhon nu
 'jigs pa 'am/ /tshe zad 'gyur ba nye bar mi gnas grang / /de ni myur du legs par bdag la spros/ /khyod kyi mchi mas bdag ni 'dar bar gyur/ /drang srong nyon mongs med kyis kyang tshigs su bcad de smras pa/ gal te
 'di yi steng du nam mkha' las/ /rdo rje ser drag 'phangs pa bab gyur kyang / /thub pa chen po'i sku la ba spu ni/ /nyag ma gcig kyang g.yos par mi nus so/ /me chen rlung gi shugs kyis bdas pa dang / /mtshon cha rnon
 po shin du mi bzad dang / /drag po'i dug dang sbrul gyi dug rnon yang / /gzhon nu la bab skad cig 'jigs mi 'gyur/ /thugs rje nyid la gnas gyur gang lags pa/ /'jigs pas nyen pa rnams la mi 'jigs stsol/ /de ni
 'jig rten kun gyi 'jigs 'joms na/ /mi dbang 'di la 'jigs pa ga la 'byung / /'jig rten na ni bdag nyid che rnams kyi/ /gtsor gyur bdag nyid chen po gang zhig la/ /tshangs bcas lha yang rtag tu srung byed
 pa/ /mi dbang de la 'jigs pa ga la 'byung / /mi dbang bdag gi rgud pa mthong nas ni/ /gang phyir zhi ba mi 'thob par du mdo/ /chos kyi mchog mdzod 'di dang phrad nas ni/ /don ma thob par bdag ni 'chi bar 'gyur/ /gang dag smra ba
 dam pa mtshungs med pa/ /'di yi chos thos 'gyur zhing thos nas kyang / /rab tu zhi ba'i pha rol 'gro de dag /skyed cing bsod nams ldan la rims nad bral/ /de nas drang srong nyon mongs med byang chub sems dpa' la reg pa'i
 mthus de'i rdzu 'phrul nyams so/ /nyams pa dang nyon mongs med kyis smras pa/ rkang kho nas grong khyer nas phyir 'byung bar bya'o/ /de nas rgyal po zas gtsang mas thos pa dang grong khyer thams cad rdo ba dang / gseg ma dang / gyo mo rnams
 bsal nas spos dang / phye mas khyab par byed du bcug go/ /de nas drang srong nyon mongs med 'byor pa chen pos grong khyer nas byung ste/ rim gyis ri bo kun 'dzin du phyin pa dang mi sbyin la smras pa/ ngas gzhon nu mthong ste/ bla na med pa'i
 ye shes rtogs par 'gyur na ngas ni de sleb par mi 'gyur te nga ni bar skabs su dus byed par 'gyur gyis khyod ni de'i thad du rab tu byung la/ nga rgyal dang dregs pa nges par bcom par gyur pa dang / tshangs par spyod pa la spyad
 par bya ste/ rigs kyis dregs par mi bya/ rus kyis dregs par mi bya/ rigs rgyud kyis dregs par mi bya ste/ khyod kyis kyang yun ring po mi thogs par bdud rtsi 'thob par 'gyur gyis zhes smras nas yang tshigs
 su bcad de smras pa/ de bzhin gshegs pa tshol 'dod na/ /shar phyogs su ni khyod 'dug dang / /rdzogs pa'i sangs rgyas grags ldan pa/ /rnyed par dka' ba mthong bar 'gyur/ /de nas dus gzhan zhig na rgyal po zas
 gtsang mas gzhon nu ma ma'i pang na 'dug pa la yang dang yang du lta zhing nga'i bu ci 'dra ba de lta bu ni sa'i steng na su la yang med do snyam du sems shing shin du dga' bar gyur to/ /de nas byang chub sems dpa' 'khrungs nas
 ring por ma lon par ma ma'i pang du bzhugs nas/ gser gyi gzhong par 'bras dang shar bsres pa'i chan gsol ba na de ma mas bkag kyang ma thub par mang por gsol nas dbrog par brtsams pa dang / dbrog ma nus nas des
 rgyal po zas gtsang la sbran pa dang / rgyal po btsun mo dang lhan cig gis dbrog par brtsams pa dang des kyang ma nus so/ /de nas rgyal po blon po rnams dang ser skya na gnas pa'i skye bo'i tshogs rnams la bsgo na de rnams kyis
 kyang dbrog par ma nus so/ /de nas glang po che lnga brgya la btags pa dang / byang chub sems dpas bsams pa/ 'di rnams kyis bdag gi stobs nyams na mi rung gis ma la bdag gis 'dzub mo bkug pas gser gyi gzhong pa
 nas gzung ngo snyam nas des 'dzub mo bkug pas gser gyi gzhong pa bzung nas drangs pa dang / glang po che lnga brgya po de dag kha phyir bsgyur te drangs nas de dag gis kyang gser gyi gzhong pa dbrog par ma nus so/ /rgyal po zas gtsang
 gis bsams pa/ ji ltar byang chub sems dpa'i lag pa g.yon pas glang po che lnga brgya drangs pa dang sbyar na gdon mi za bar lag pa gnyis kyis ni glang po che stong thub kyis de bas na gzhon nu'i ming glang po che stong gi stobs
 can zhes gdags so zhes btags so/ /grong khyer ser skya'i gzhi na gnod sbyin shAkya 'phel zhes bya ba zhig gnyug mar gnas so/ /shAkya rnams kyis kun du spyod pa ni shAkya su yang rung ba la khye'u 'am/ bu mo btsas pa
 gang yin pa de gnod sbyin shAkya 'phel gyi rkang pa la phyag 'tshal du gzhug pa'i phyir 'khrid pa yin pas rgyal pos blon po rnams la bsgo ba/ shes ldan dag deng la gzhon nu gnod sbyin shAkya 'phel gyi rkang pa la phyag 'tshal du
 chug shig / de nas byang chub sems dpa' glang po che la bskyon te dpung gi tshogs dpag tu med pas yongs su bskor te grong khyer ser skya'i gzhir 'jug par brtsams pa dang / grong khyer ser skya'i gzhi sgra bcu gnyis dang
 bral bar gyur cing byang chub sems dpa' de nang du zhugs pa na thub pa bzhin du gnas par gyur to/ /de nas rgyal po zas gtsang mas bsams pa/ grong khyer 'di lta ste/ glang po che'i sgra dang / rta'i sgra dang / shing rta'i sgra dang / dpung bu
 chung gi sgra dang / dung gi sgra dang / rnga bo che'i sgra dang / be de'i sgra dang / rwa dung gi sgra dang / gar gyi sgra dang / glu'i sgra dang / rol mo'i sgra dang / sbyin pa ni byin/ bsod nams ni gyis/ bsnyen gnas la ni nye bar gnas/ /tshul khrims yang dag par
 b langs te gnoms shig ces bya ba'i sgra ste sgra bcu gnyis dang bral zhing gzhon nu de nang du zhugs pa na thub pa bzhin du zhi bar gnas pas gzhon nu'i ming shAkya thub pa zhes gdags so zhes byang chub sems dpa'i ming shAkya thub pa
 zhes bya bar btags so/ /de nas byang chub sems dpa' gnod sbyin shAkya 'phel gyi gan du khyer ba dang / gnod sbyin shAkya 'phel gyis byang chub sems dpa' gnas dang nye bar phyin pa mthong ngo / /mthong nas kyang phyir byung nas lus
 thams cad kyis byang chub sems dpa'i rkang pa gnyis la gtugs te phyag byas so/ /de mthong ba dang / rgyal po zas gtsang mas smras pa/ lhas kyang rkang pa gnyis la gtugs pas 'di ni lha'i yang lha yin pas gzhon nu'i ming lha'i yang
 lha zhes bya'o zhes byang chub sems dpa'i ming lha'i yang lha zhes bya bar btags so/ /de nas de'i tshe rgyal po zas gtsang gis dgongs pa'i ched la 'dug nas don zab mo'i tshig dang yi ge dag shes rab kyis so sor 'byed par byed do/ /
 de nas byang chub sems dpa' shAkya thub pa 'khor lnga brgya dang yi ge'i slob dpon srin bu go cha la yi ge slob par btang nas yi ge'i slob dpon srin bu go chas byang chub sems dpa' la yi ger bris nas phog pa dang / byang chub sems
 dpas smras pa/ 'di ni ngas shes so/ /de nas des yi ge gnyis dang gsum nas de bzhin du lnga brgya'i bar bris nas phog pa dang / byang chub sems dpas smras pa/ 'di dag thams cad kyang ngas shes kyis gzhan dag smros shig /
 srin bu go chas smras pa/ 'jig rten na ni yi ge 'di tsam spyod kyi gzhan ni bdag gis ma 'tshal to/ /de nas byang chub sems dpa' nyid kyis yi ge bris te srin bu go cha la byin nas gsungs pa/ yi ge 'di ming ci yin smros shig /des
 smras pa ma 'tshal to/ /byang chub sems dpas gsungs pa/ 'jig rten du gnyis shig byung nas mngon par 'gyur te byang chub sems dpa' dang 'khor los sgyur ba'o/ /nam mkha'i ngos la gnas pa'i tshangs pas smras pa/
 srin bu go cha byang chub sems dpas ji skad gsungs pa de de bzhin te/ yi ge 'di ni 'jig rten du gnyis shig byung na mngon par 'gyur te byang chub sems dpa' 'am/ 'khor los sgyur ba'i rgyal po'o/ /byang chub sems
 dpas yi ge de tshangs pa'i dbyangs kyis blangs pa/ nam mkha'i ngos la gnas pa'i tshangs pas dbang byas pas tshangs pa'i yi ge zhes bya bar gyur to/ /de nas byang chub sems dpa' yi ge'i mthar phyin pa dang 'khor lnga brgya
 dang bcas par bzang len dang / lhar bcas zhes bya ba 'phong gi slob dpon gyi gnas du 'phong gi gnas su gtad do/ /de nas byang chub sems dpa' gnas lnga po rgyang nas phog pa dang / sgra grag par phog pa dang / gnad du phog pa dang /
 mi 'chor bar phog pa dang / tshabs che ba la byang bar gyur to/ /de nas bzang len dang / lhar bcas 'di snyam du sems te byang chub sems dpa' 'di ni snying rje can yin pas bslab par bya ba thams cad bslab kyi lha sbyin 'di
 ni gdug pa yin pas 'jig rten thams cad du gnod par 'gyur na mi rung gis 'di la gnad du bsnun par bslab par mi bya'o snyam mo/ /de nas dus gzhan zhig na lha sbyin gyis ngang pa lcags mdas bsnun pa dang / byang chub sems
 dpa' steng gi khang bzangs kyi gzhi la bzhugs pa de'i pang par de lhung ngo / /de nas byang chub sems dpas bzung nas mda' phyung ste sman gyis byugs pas sos so/ /lha sbyin gyis smras pa/ byang chub sems dpa'
 ngang pa 'di ni ngas yongs su bzung ba yin gyis bskur cig / byang chub sems dpas smras pa/ ngas ches sngar yongs su bzung ste gang gi tshe bla na med pa yang dag par rdzogs pa'i byang chub tu sems bskyed pa de kho na'i tshe yongs su
 bzung ngo / /der byang chub sems dpa' la lha sbyin gnod sems dang / bzod pa ma yin pa dang / phebs pa ma yin pa byung bar gyur to/ /de nas lha sbyin la sogs pa shAkya'i gzhon nu lnga brgya byung ba dang / lha sbyin gyis ras
 kyis bcings nas shAkya'i gzhon nu lnga brgya bsgyel to/ /ci tsam na byang chub sems dpa' phyogs der bzhud pa dang / lha sbyin gyis smras pa/ byang chub sems dpa' ci la sdod/ byang chub sems dpas kyang ras bcings te
 shAkya'i gzhon nu lnga brgya bsgyel to/ /de nas lha sbyin ras kyis bcings pa byang chub sems dpas kyang bzung ste rkang pa gyen du bstan nas gan rgyal du bsgyel pa dang / der yang byang chub sems dpa' la lha sbyin gnod sems dang /
 mi bzod pa dang / bag mi phebs pa'i sems gnyis pa bskyed par gyur to/ /de nas shAkya gzhon nu lnga brgya mda' gzhu thogs te phyi rol du byung nas ta la la tshabs byed pa la zhugs pa dang / la las ni ta la gcig phigs so/ /
 la las ni gnyis so/ /lha sbyin gyis ni gsum mo/ /byang chub sems dpas lcags mda' 'phangs pa dang shing ta la bdun phigs pa las ji srid rlung gis bskyod de thams cad 'gyel ba'i bar du rgya cher sbyar ro/ /de nas
 g tsang ma'i lha rnams kyis 'bab chu ro hi ta ka'i 'gram na shing dge ba'i snying po zhes bya ba nyi ma gcig cing khru brgyar skye ba mtshan mo ni sen mos kyang gcad du rung la nyin par ni mtshon gyis kyang gcad par mi nus pa
 zhig yod pa dang / gnas gtsang ma pa'i lha rnams kyis gang gis shing dge ba'i snying po rtsa ba steng du bton nas ro hi ta ka'i nang du bcug pa de lta bu'i rlung dang char drag cig sprul to/ /de rgyal po zas gtsang ma dang / legs par rab
 sad kyis thos nas shing 'dir grong khyer brlag par ma gyur tam snyam nas srog chags brgya stong dpag tu med pa dang / shing dge ba'i snying po gang na ba der song ste phyin pa dang / 'khor brgya stong dpag tu med pas drangs su zin kyang ci
 tsam du bskyod par yang ma nus so/ /'char kas smras pa/ lha byang chub sems dpa' sbron cig /rgyal pos smras pa/ kho bos gzhon nu la bka' stsol bar mi nus so/ /'char kas smras pa/ khyed rnams kyis ca co'i sgra gsang
 mthon po sgrogs shig / ci nas kyang ngas byang chub sems dpa' gshegs par bya'o/ /de nas skye bo'i tshogs de rnams kyis sgra gsang mthon po dang chen pos ca co'i sgra bsgrags so/ /'char ka byang chub sems dpa'i thad du song
 ba dang / byang chub sems dpas smras pa/ 'char ka ca co'i sgra 'di ci zhig yin/ 'char kas rnam pa de dag rgya cher gsol to/ /de nas byang chub sems dpas gsungs pa/ gal te de ltar na 'byin du 'deng / de nas 'char ka dang / byang
 chub sems dpa' chas pa dang / ci tsam na khung nas sbrul gdug pa zhig byung ngo / /'char kas byang chub sems dpa' zin par gyur du 'ong ngo zhes ral gri rnon pos rked pa bcad pa dang / sbrul gyi dug gi dbugs kyis 'char ka la phog
 ste de nag por gyur nas de'i ming yang 'char ka nag po zhes bya bar gyur to/ /de nas byang chub sems dpa' shing dge ba'i snying po gang na ba der bzhud de phyin pa dang / lha sbyin la gsungs pa/ khyod kyi stobs ci tsam pa blta yis bskyod
 cig / lha sbyin gyis 'bad de cung zad cig bsgul to/ /dga' bos ni cung zad drangs so/ /ji tsam na byang chub sems dpa' stobs kyi nyam sad par mdzad cing shing dge ba'i snying po phyag gis blangs te 'bab chu ro hi ta ka'i 'gram nas
 'phangs te byang chub sems dpas gsungs pa/ shes ldan dag shing dge ba'i snying po 'di ni bsil ba'i rang bzhin yin pas mkhris pa'i nad dang / shu ba dang / phol mig byung ba la byugs na zhi bar 'gyur gyis dum bur
 byos la khyer te rang rang gi khyim du zhog shig / yang yangs pa can du glang po che rin po che zhig skyes pa dang / de nas yangs pa can gyi lid tsa bi rnams glang po che mtshan dang ldan pa zhig rnyed nas de rnams gyis bsams pa/ rgyal po
 zas gtsang gi sras mtshan mkhan rnams kyis 'khor los sgyur ba'i rgyal por 'gyur ro zhes lung bstan pa de'i mthus glang po che rin po che 'di byung gis dong la de kho na la dbul lo snyam mo/ /de rnams kyis glang po che de rgyan thams
 cad kyis brgyan nas khrid de dong ba las rim gyis ser skya'i gzhir rgyal po'i pho brang gi sgor glang po che'i dam pa bzhag nas sdod pa dang / ma stes te gdug pa'i las can lha sbyin phyir byung ba des glang po che'i dam pa de de ltar rgyan gyis
 brgyan par mthong nas de des phrag dog chen po skyes te de phrag dog dang mi bzod pa skyes pas dris pa/ glang po che'i dam pa 'di su'i yin/ de rnams kyis smras pa/ gzhon nu shAkya thub pa mtshan mkhan rnams kyis 'khor los sgyur
 ba'i rgyal por lung bstan pa de la yangs pa can gyi tshogs rnams kyis glang po rin po che 'di skyes su phul lo/ /lha sbyin lhag par mi bzod pa skyes nas smras pa/ re shig de 'khor los sgyur bar ma gyur par je khyed cag glang po rin po
 che 'bul lam zhes smras nas thal lcag gis glang po che bsad do/ /ji tsam na phyogs der dga' bo 'ongs pa des de mthong nas dris pa/ shes ldan dag glang po che bzang po 'di sus bsad/ de rnams kyis smras pa/ lha sbyin gyis so/ /
 des bsams pa gdon mi za bar 'di la lha sbyin gyi mthu sad kyis ma la bdag gis kyang 'di la mthu sad par bya'o snyam nas mjug ma nas bzung ste gom pa bdun du bor ro/ /ji tsam na byang chub sems dpa' shAkya thub pa phyir byung ba
 des de gzigs nas dris pa/ glang po che 'di gang nas 'ongs/ de rnams kyis ji ltar gyur pa smras so/ /sus bsad/ lha sbyin gyis so/ /mgron rnams la mgron gyi mchod pa bya ba yin nam legs pa zhig byas so/ /phyogs gang du bsad/
 pha bir ro/ /'dir sus drud/ dga' bos so/ /des dgongs pa 'dir gdon mi za bar de gnyis kyis 'di la mthu sad kyis ma la ngas kyang 'di la mthu sad par bya'o snyam du dgongs nas mjug ma nas bzung ste ra ba'i khar 'phangs pa las ra ba rim pa
 bdun dang / 'obs rim pa bdun las 'das te bor ro/ /de lhung bas gshong btod pa glang po che'i gshong glang po che'i gshong zhes bya bar gyur to/ /'dir smras pa/ lha sbyin gyis ni glang chen dbang po bsad/ /dga' bos de ni gom pa bdun du drud/ /byang
 chub sems dpas phyag gis bar snang la/ /rdo ba bzhin du phyi rol rgyang ring 'phangs/ /mtshan mkhan rnams kyis lung bstan pa/ gal te gzhon nu lo bcu gnyis kyi bar du rab tu ma byung na 'khor los sgyur ba'i rgyal por 'gyur ro/ /de nas rgyal
 po zas gtsang ma 'di snyam du sems te/ ma la bdag gis 'di la 'dod pa'i yon tan lnga phal po che byin na de lta na ni de rnams la dga' bas rab tu 'byung bar mi 'gyur ro snyam nas rgyal po zas gtsang gis byang chub sems dpa'i mdun du gos dang /
 rgyan gyi phung po gzhag nas smras pa/ deng khyed kyis shAkya'i bu mo rnams la rgyan dang gos rnams byin cig /de nas rgyal po zas gtsang gis ser skya'i grong khyer du deng gzhon nu gos dang rgyan rnams ster bar 'gyur gyis shAkya'i bu mo thams cad
 shog shig ces dril sgrog du bcug go/ /de nas shAkya'i gzhon nu ma lnga brgya 'ongs pa dang / thams cad la byang chub sems dpas gos dang rgyan rnams byin no/ /de nas shAkya dbyig pa can la grags 'dzin ma zhes bya ba'i bu mo yod pa dang /
 des de la smras pa/ khyed la yang gzhon nu gos dang rgyan rnams ster bar 'gyur gyis song / de nas grags 'dzin ma ci bdag la byang chub sems dpa' las gzhan su zhig khyor 'gyur snyam du bsams nas byang chub sems dpa'i thad
 du song ba dang / ci tsam na gos dang rgyan thams cad byin zin nas ci yang ma lus pa dang / des byang chub sems dpa'i mgul na shin du mdzes shing rin che ba'i mu tig phreng gcig lus pa mthong nas de de la dga' bas
 bag 'khums pa med par rang nyid kyis bkrol te rang gi mgul du btags nas byang chub sems dpa'i thad nas song ngo / /de nas rgyal po zas gtsang 'di snyam du sems te bu mo 'di phebs shing brtan pa las na 'dis gzhon nu'i thugs dang
 bstun par nus kyis 'di blang bar bya'o snyam du bsams nas grags 'dzin ma bud med kyi 'khor nyi khri dang byang chub sems dpa'i btsun mor blangs so/ /rgyal po zas gtsang mas byang chub sems dpa' la smras pa/ song las kyi mtha'
 ci tsam pa la ltos shig / de nas byang chub sems dpa' rgyal po zas gtsang mas bsgo ba gsan te shing rta bzang po la zhugs nas phyi rol du gshegs te yab rgyal po zas gtsang ma'i las kyi mtha' gzigs shing byang chub sems
 dpa' las kyi mtha' la zhugs pa rnams kyi gan du byon pa dang / gshol lnga brgya dang zhing rmed cing zhing pa'i mi de rnams kyis kyang gshol gnon cing 'dren pas stobs nye bar nyams pa mgo lus rdul gyis yog pa dang / rlung dang than pas lus
 la gdungs pas lus rtsub cing mdog ngan pa/ rkang pa dang / lag pa gas pa dang / dengs shing dri ma can gyi gos gyon pa/ rkang pa dri ma can/ ltogs pa dang skom pas mdog ngan zhing / lkog ma dang / mkhur ba dang / mig gi logs skams pa dang /
 glang de rnams kyang rmon pa lcags gzer rnon po can gyis lus dral bas rgyab dang / mjug do'i phyogs khrag gis g.yog pa/ ltogs pa dang skom pas dbugs brtsegs shing snying kha'i phyogs nas dbugs brtsegs pa ring du 'dren la
 gnya' shing gis mnan pa'i rma las rnag khrag 'dzag pa la sbrang bu dang / 'bu'i tshogs kyis za ba/ thong lcags kyis rkang pa la rma byung zhing kha dang sna nas kha chu dang sna chu 'dzag pa la sbrang ma dang / sha sbrang dang / sbrang bu mchu rings kyis
 yog pa rnams gzigs so/ /gzigs nas kyang thog ma med pa'i dus nas bsod nams bskyed cing bsags pa'i thugs rjes kun nas bskyod pa'i thugs kyis zhing pa rnams la 'di skad ces gsungs so/ /shes ldan dag khyed
 su'i yin/ de rnams kyis gsol pa/ byang chub sems dpa'i lags so/ /des gsungs pa/ shes ldan dag khyed deng phan cad bran du mi bya/ mngag gzhug par mi bya/ rang dbang can gar dga' bar 'gro bar byas/ bde ba la
 reg par gnas shig / rmon pa rnams kyang bkrol nas gsungs pa/ khyed cag kyang deng phan cad rtswa mchog ma nyams pa za zhing chu ma rdul ma brnyogs shing dang ba dag la 'thung shig /khyed la phyogs bzhi nas kyang rlung bsil ba ldang
 bar gyur cig / de nas byang chub sems dpa' yid byung ba de nyid kyis yab shAkya zas gtsang gi zhing blas kyi mtha' la gzigs nas snum zhing sngo la 'dab ma mthug cing grib ma bzang po dang ldan pa'i 'dzam bu'i shing gi grib ma gang na ba
 der gshegs te byon nas shing 'dzam bu'i grib ma la bzhugs te/ 'dod pa las dben pa sdig pa mi dge ba'i chos rnams las dben pa/ rtog pa dang bcas dpyod pa dang bcas shing dben pa las skyes pa'i dga' ba dang bde ba zag pa med
 pa dang 'dra ba'i bsam gtan dang po la snyoms par zhugs so/ /skye bo'i tshogs chen po yang byang chub sems dpa' spangs te mi 'gro bar shing gzhan rnams kyi drung na sdod do/ /rgyal po zas gtsang gis bsams pa/ byang chub sems
 dpa' ring zhig thogs te 'di ltar dro'i dus las yol gyis bltar 'gro'o zhes de shing rtar zhugs nas zhing pa'i grong du song ste phan tshun du byang chub sems dpa' tshol zhing shing 'dzam bu'i drung du phyin to/ /de'i tshe nyi ma'i gung yol nas
 shing gzhan rnams kyi grib ma shar phyogs su gzhol/ shar phyogs su 'bab/ shar phyogs su bab par gyur to/ /byang chub sems dpa'i mthus shing 'dzam bu'i grib ma ni byang chub sems dpa'i sku mi gtong ngo / /rgyal po zas
 gtsang gis nyi ma'i gung yol nas shing gzhan rnams kyi grib ma ni shar phyogs su gzhol/ shar phyogs su 'bab/ shar phyogs su bab par gyur na/ shing 'dzam bu'i grib ma ni byang chub sems dpa'i sku mi gtong ba
 mthong ngo / /mthong nas kyang de 'di snyam du sems te/ gzhon nu ni rdzu 'phrul che zhing mthu che ba yin te/ 'di ltar da nyi ma'i gung yol nas shing gzhan rnams kyi grib ma ni shar phyogs su gzhol/ shar phyogs su 'bab/ shar phyogs su bab
 par gyur na/ shing 'dzam bu'i grib ma ni byang chub sems dpa'i sku mi gtong ba ngo mtshar che'o snyam mo/ /de nas dga' ba'i sting stang byas te byang chub sems dpa'i zhabs gnyis la gtugs nas tshigs su bcad de smras pa/ ji
 ltar bltam tshe sa ni g.yos pa ltar/ /'dzam bu'i grib ma khyod sku mi gtong ba/ /blo chen khyod kyi ya mtshan gnyis 'di ste/ /kun gzigs khyod kyi zhabs la phyag 'tshal lo/ /de nas byang chub sems dpa' ting nge 'dzin de las bzhengs
 nas shing rtar zhugs pa dang / ji tsam na gter skyong ba skra dang kha spu dang sen mo ring ba gter thogs te byang chub sems dpa' gang na ba der song ste phyin nas byang chub sems dpa' la 'di skad ces gsol to/ /lha gter 'di rnams bzhes shig /
 byang chub sems dpas gsungs pa/ 'di gang gi lha skyes bu gang zhig dus las 'das pa de rnams kyi lags so/ /byang chub sems dpas gsungs pa/ 'di rnams kyis chog gis re shig de rnams kyi blun po yongs su gzung ba
 byas nas ci zhig byas khyed nga la dgos pa med kyis song shig / tshigs su bcad pas kyang gsungs pa/ gang gis nga la 'chi ba'i gtam smras pa/ /de dag kyang shi gtam du gyur pa yin/ /bdag kyang shi nas ring por mi thogs par/ /
 gzhan dag gi yang gtam du 'gyur bar 'ong / /de rnams kyis yang sgra phyung ba/ gzhon nu gal te mi bzhes na bdag cag rgya mtsho chen por 'jug go/ /byang chub sems dpas ci bde bar zhugs shig ces gsungs pa dang /
 de rnams rgya mtsho chen po'i nang du zhugs so/ /de nas gnas gtsang ma'i ris kyi lha rnams 'di snyam du sems te/ byang chub sems dpa' rnams ni rgyu'i stobs can yin mod kyi 'on kyang rkyen bsgrub par
 bya dgos te 'di ltar rgyu'i stobs chen po yang rkyen gyi stobs la ltos so snyam nas byang chub sems dpa' dur khrod kyi nang nas gshegs pa na/ lha rnams kyis mi ro rnam par sngos pa dang / rnam par rnags pa dang / rnam par
 'bus gzhigs pa dang / rnam par bam pa dang / rnam par zos pa zhig bstan pa dang / byang chub sems dpas gzigs nas skyo ba 'khrungs so/ /de nas rgyal po zas gtsang mas byang chub sems dpa' lam gzhan nas grong
 khyer ser skya'i gzhir 'jug par byas so/ /de nas grong khyer ser skya'i gzhi'i bud med kyi tshogs skar khung dang / skar khung dra ba can dang / ba gam dag na byang chub sems dpa' la lta zhing 'dug pa dang / shAkya dus legs kyi bu mo sa
 'tsho ma zhes bya ba steng gi khang bzangs kyi gzhi la 'dug pa byang chub sems dpa' la rtog pa na rkang pa'i mthe bos sa la brkos te khrag byung yang ma tshor ro/ /byang chub sems dpa' yang sa 'tsho ma la gzigs pa na phyag g.yas kyis
 mda' phyi mar rlags so/ /kha lo bas lcags mda' phul ba dang de yang phyi mar rlags so/ /de nas rgyal po zas gtsang ma 'di snyam du sems te/ 'dis ni gzhon nu'i thugs dang bstun par nus so snyam mo/ /de nas kha lo bsgyur bas
 shing rta drangs pa dang / shAkya dril bu sgra'i bu mo ri dgas skyes zhes bya bas byang chub sems dpa' shing rtar zhugs te byon pa mthong ba dang / yang steng gi khang bzangs kyi gzhi la 'dug nas tshigs su bcad de smras pa/ kye ma 'di yi
 yum bde zhing / /yab kyang shin tu bde ba yin/ /kye ma gang gi khyim thab gyur/ /bud med de yang mya ngan 'das/ /skyes mchog bsam gtan pa de yis/ /mya ngan 'das pa'i sgra gsan nas/ /mya ngan 'das pa zhi nyid du/ /mkhyen
 nas de la thugs dgyes gyur/ /de nas byang chub sems dpas mya ngan las 'das pa'i sgra gsan pas ri dgas skyes la dgyes te mgul nas mu tig phreng cig phog ste/ 'phangs nas shing rta de la bsam gtan
 la snyoms par zhugs par mdzad do/ /phreng ba de yang de'i mgul du 'khris par gyur to/ /de nas rgyal po zas gtsang ma 'di snyam du sems te/ 'dis ni byang chub sems dpa'i thugs dang bstun par nus so snyam nas
 sa 'tsho ma bud med nyi khris bskor ba dang / ri dgas skyes kyang bud med nyi khris bskor ba byang chub sems dpa'i btsun mor blangs so/ /de ltar na grags 'dzin ma dang / sa 'tsho ma dang / ri dgas skyes la sogs pa btsun
 mo stong phrag drug bcu byung bar gyur to/ /mtshan mkhan rnams kyis gal te byang chub sems dpa' lo bdun gyi bar du rab tu ma byung na 'khor los sgyur ba'i rgyal por 'gyur ro zhes lung bstan to/ /de nas rgyal po
 zas gtsang ma 'di snyam du sems te ma la bdag gis byang chub sems dpa' la 'dod pa'i yon tan lnga las phal po che zhig sbyin par bya'o snyam nas phal po che byin no/ /mtshan mkhan gyis gal te byang chub sems dpa' zla ba
 bdun gyi bar du rab tu ma byung na gdon mi za bar 'khor los sgyur ba'i rgyal por 'gyur ro zhes lung bstan to/ /de nas rgyal po zas gtsang mas byang chub sems dpa' la 'dod pa'i yon tan lnga shin du yang mang du byin te 'di
 ltar yang 'di la mngon par dga' bas rab tu 'byung bar mi 'gyur ro snyam mo/ /chos nyid kyis byang chub sems dpa' bskyed mos tshal gyi gzhir gshegs gzhed par gyur pa de'i tshe kha lo sgyur ba la/ kye kha lo sgyur ba re shig
 bzhon pa bzang po myur bar shoms shig dang / der zhugs nas bskyed mos tshal gyi gzhir 'gro'o zhes gsung bar 'gyur bas de nas byang chub sems dpas kha lo sgyur ba la bsgo ba/ kye kha lo sgyur ba re shig bzhon pa bzang
 po myur du shoms shig dang der zhugs nas bskyed mos tshal gyi gzhir 'gro'o/ /lha bka' bzhin 'tshal zhes kha lo sgyur bas byang chub sems dpa' shAkya thub pa'i ltar mnyan nas bzhon pa bzang po myur du bshams te byang
 chub sems dpa' shAkya thub pa ga na ba der song nas phyin pa dang / byang chub sems dpa' shAkya thub pa la 'di skad ces smras so/ /lha bcibs pa bzang po bshams lags kyis/ lha da de'i dus la bab par dgongs su gsol/
 de nas byang chub sems dpa' shAkya thub pa bzhon pa bzang por zhugs nas bskyed mos tshal gyi gzhir byung ba dang / byang chub sems dpa' shAkya thub pas mi rgas 'khogs gtugs pa/ sgur po phyam dgu po ltar kyar kyor can
 mdun nas mkhar ba la brten cing lus 'dar zhing 'gro ba de'i skra se ba/ ji ltar yang mi gzhan dag dang mi 'dra ba zhig gzigs so/ /gzigs nas kyang kha lo sgyur ba la gsungs pa/ kha lo sgyur ba mi rgas 'khogs gtugs pa sgur
 phyam dgu po ltar kyar kyor can mdun nas mkhar ba la brten cing lus 'dar zhing 'gro ba de'i skra se ba/ ji ltar yang mi gzhan dag dang mi 'dra ba 'di ci yin/ lha mi 'di ni rgas pa zhes bgyi'o/ /kha lo sgyur ba rgas pa zhes bya ba 'di
 ci yin/ lha mi 'di ring por mi thogs pa kho nar 'gum par 'gyur bas de rgas pa zhes bgyi'o/ /kha lo sgyur ba nga yang rga ba'i chos dang / rga ba'i chos nyid las ma 'das sam/ lha yang rga ba'i chos dang rga ba'i chos nyid las ma
 'das so/ /kha lo sgyur ba de'i phyir shing rta phyir sgyur cig /pho brang nyid du 'dong ngo / /'di ltar nga pho brang du phyin nas nga rga ba las ma 'das so zhes grag pa'i don de nyid bsam par bya'o/ /kha lo sgyur bas shing rta phyir sgyur nas pho brang
 nyid du chas te der byang chub sems dpa' shAkya thub pa pho brang gi nang du byon nas nga yang rgas pa las ma 'das pa lta zhig ces mi dgyes shing thugs ngan dgongs so/ /'dir smras pa/ dar yol rgas shing sgur la mgo skya ba/ /
 lag na mkhar ba thogs pa'i mi gzigs nas/ /'di bdag rgas las ma 'das shes grag ces/ /de nas mi dgyes thugs ngan dgongs par mdzad/ /de nas rgyal po zas gtsang gis kha lo sgyur ba la smras pa/
 kha lo sgyur ba ci gzhon nu yid dga' ba dang mgu bas bskyed mos tshal gyi gzhir byung ngam/ bskyed mos tshal la mngon par dga' 'am/ lha ma lags so/ /de ci'i slad du zhe na/ lha gzhon nu bskyed mos tshal gyi gzhir gshegs
 pa na/ mi rgas 'khogs gtugs pa sgur po phyam dgu po ltar kyar kyor can mdun nas 'khar ba la brten cing lus 'dar zhing mchi la de'i skra se ba/ ji ltar yang mi gzhan dag dang mi 'dra ba zhig gzigs so/ /gzigs nas kyang
 bdag la 'di skad ces bka' stsal to/ /kha lo sgyur ba mi rgas 'khogs gtugs pa sgur po phyam dgu po ltar kyar kyor can mdun nas mkhar ba la brten cing lus 'dar zhing 'gro la de'i skra sa ba/ ji ltar yang mi gzhan dag dang
 mi 'dra ba 'di ci yin/ de la bdag gis 'di skad ces gsol to/ /lha 'di ni rgas pa zhes bgyi'o/ /des 'di skad ces gsungs te/ kha lo sgyur ba rgas pa zhes bya ba 'di ci yin/ de la bdag gis 'di skad ces gsol
 to/ /lha mi 'di ring po mi thogs pa kho nar 'gum par 'gyur bas lha de ni rgas pa zhis bgyi'o/ /des 'di skad ces gsungs te/ kha lo sgyur ba nga yang rga ba'i chos dang rga ba'i chos nyid las ma 'das sam/ de la bdag gis 'di
 skad ces gsol to/ /lha yang rga ba'i chos dang / rga ba'i chos nyid las ma 'das so/ /des 'di skad ces gsungs te/ kha lo sgyur ba de'i phyir shing rta phyir sgyur cig /pho brang nyid du 'dong ngo / /'di ltar pho brang du phyin nas nga rga ba las ma
 'das so zhes grag pa'i don de nyid bsam par bya'o/ /lha gzhon nu de pho brang gi nang du gshegs te/ de nas rga ba las ma 'das pa lta zhig ces mi dgyes shing thugs ngan dgongs so/ /de nas rgyal po zas gtsang ma 'di snyam du
 sems te/ mtshan mkhan dang ltas mkhan gyi bram ze de rnams kyis tshig yang dag par bden par mi 'gyur grang / gzhon nu skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung bar 'gyur
 du 'ong gis ma la bdag gis gzhon nu la 'dod pa'i yon tan lnga las phal po che zhig byin la ci nas kyang 'di la dga' zhing rab tu 'byung bar mi 'gyur bar bya'o snyam mo/ /de nas rgyal po zas gtsang gis byang chub sems dpa' shAkya thub pa
 la 'dod pa'i yon tan lnga las phal po che byin te ci nas kyang 'di la dga' zhing rab tu 'byung bar mi 'gyur bar byas so/ /'dir smras pa/ kha lo sgyur ba'i tshig de thos pa dang / /gzhon nu la ni yab de dogs bzhin du/ /de tshe slar dga'
 nags su mi'i 'gro'i phyir/ /'dod pa'i yon tan lngar bcas mang du byin/ /de nas chos nyid kyis byang chub sems dpa' bskyed mos tshal gyi gzhir gshegs par bzhed par gyur pa de'i tshe kha lo sgyur ba la kye kha lo sgyur ba re shig
 bzhon pa bzang po myur du shoms shig dang de la nga zhon nas bskyed mos tshal gyi gzhir 'gro'o zhes gsung bar 'gyur bas de nas byang chub sems dpas kha lo sgyur ba la gsungs pa/ kye kha lo sgyur ba re shig bzhon pa bzang po
 myur du shoms shig / de la nga zhon nas bskyed mos tshal gyi gzhir gshegs so/ /lha bka' bzhin 'tshal lo zhes kha lo sgyur bas byang chub sems dpa' shAkya thub pa'i ltar mnyan nas bzhon pa bzang po bshams te/ byang chub
 sems dpa' shAkya thub pa gang na ba der song ste phyin nas byang chub sems dpa' shAkya thub pa la 'di skad ces gsol to/ /lha bcibs pa bzang po bshams lags na/ lha da de'i dus la bab par dgongs su gsol/ de nas byang
 chub sems dpa' shAkya thub pa bzhon pa bzang por zhugs nas bskyed mos tshal gyi gzhir byung ba dang / byang chub sems dpa' shAkya thub pas mi skya bo rbab rbab mo rid pa nyam chung ba dbang po nyams pa/ skye bo mang po'i mig gis
 lta mi phod pa zhig gzigs so/ /gzigs nas kyang kha lo sgyur ba la gsungs pa/ kha lo sgyur ba mi skya bo rbab rbab po rid pa nyam chung ba dbang po nyams pa/ skye bo mang po'i mig gis lta mi phod pa 'di ci yin/ lha 'di
 ni bro nad kyis thebs pa zhes bgyi'o/ /kha lo sgyur ba nad kyis thebs pa zhes bya ba 'di ci yin/ lha mi 'di gang gis 'gum par 'gyur ba'i gnas de mchis te/ lha 'di ni bros thebs pa zhes bgyi'o/ /kha lo sgyur ba nga yang nad kyi chos dang nad kyi
 chos nyid las ma 'das sam/ lha yang snyun gyi chos dang snyun gyi chos nyid las ma 'das so/ /kho lo sgyur ba de'i phyir shing rta phyir sgyur cig /pho brang nyid du 'dong ngo / /'di ltar pho brang du phyin nas nga nad las ma 'das pa zhes bya ba'i
 don de nyid bsam par bya'o/ /kha lo sgyur bas shing rta phyir bsgyur nas pho brang nyid du chas te/ der byang chub sems dpa' shAkya thub pa pho brang gi nang du gshegs nas bdag kyang nad las ma 'das pa lta zhig ces mi dgyes shing thugs
 ngan dgongs so/ /'dir smras pa/ mi ni lus rid skya bo rbab rbab po/ /rang dbang med pa'i nad thebs 'dir gzigs nas/ /nad las bdag ma 'das pa lta zhig ces/ /de nas mi dgyes thugs ngan dgongs par mdzad/ /de nas rgyal po
 zas gtsang gis kha lo sgyur ba la smras pa/ kha lo sgyur ba ci gzhon nu yid dga' ba dang mgu bas bskyed mos tshal gyi gzhir byung ngam/ /bskyed mos tshal la mngon par dga' bar gyur tam/ /lha ma lags so/ /de ci'i slad du
 zhe na/ lha gzhon nu bskyed mos tshal gyi gzhir byung ba na/ mi skya bo rbab rbab po rid pa nyam chung ba dbang po nyams pa/ /skye bo mang po'i mig gis lta mi phod pa zhig gzigs so/ /gzigs nas kyang bdag la bka' stsal pa/
 kha lo sgyur ba mi skya bo rbab rbab po nyid pa nyam chung ba dbang po nyams pa/ skye bo mang po'i mig gis lta mi phod pa 'di ci yin/ de la bdag gis 'di skad ces gsol to/ /lha 'di ni bro nad kyis thebs pa zhes bgyi'o/ /des
 'di skad ces gsungs te/ kha lo sgyur ba nad kyis thebs pa zhes bya ba 'di ci yin/ de la bdag gis 'di skad ces gsol to/ /mi 'di gang gnod pa 'dis 'gum pa'i gnas mchis te/ lha de ni bros
 thebs pa zhes bgyi'o/ /des 'di skad ces gsungs te/ kha lo sgyur ba nga yang nad kyi chos dang nad kyi chos nyid las ma 'das sam/ de la bdag gis 'di skad ces gsol to/ /lha yang snyun gyi chos dang snyun gyi chos nyid las
 ma 'das so/ /des 'di skad ces gsungs te/ kha lo sgyur ba de'i phyir shing rta phyir bsgyur cig /pho brang nyid du 'dong ngo / /'di ltar nga pho brang nyid du phyin nas nga nad las ma 'das zhes grag pa'i don de nyid bsam par bya'o/ /gzhon nu de
 pho brang gi nang du gshegs nas nga yang nad las ma 'das pa lta zhig ces mi dgyes shing thugs ngan dgongs so/ /de nas rgyal po zas gtsang ma 'di snyam du sems te mtshan mkhan dang ltas mkhan gyi bram ze de rnams kyi tshig yang
 dag par bden par mi 'gyur grang zhes bya ba la sogs pa snga ma bzhin no/ /'dir smras pa/ de tshe dga' nas bdag ngor mi gzhug phyir/ /gzugs dang sgra dang dri dang ro rnams dang / /reg bya yid du 'ong ba gtso rnams kyi/ /'dod pa'i yon
 tan lnga po yang byin no/ /chos nyid kyis byang chub sems dpa' shAkya thub pa bskyed mos tshal kyi gzhir gshegs par bzhed par gyur pa de'i tshe/ kha lo sgyur ba la bka' stsal pa la sogs pa snga ma bzhin te/ byang chub sems dpa'
 shAkya thub pas ras khod sna tshogs las byas pa'i bla re bres pa dang / khyogs khyer ba dang / mdun nas me sgron thogs pa dang / skye bo'i tshogs chen po mdun nas 'gro ba dang / bud med skra bshig pa rnams ngu zhing rjes bzhin du 'brang
 ba zhig gzigs so/ /bzigs nas kyang kha lo sgyur ba la gsungs pa/ kha lo sgyur ba ras kha dog sna tshogs las byas pa'i bla re bres pa dang / khyogs khyer ba dang / mdun nas me sgron thogs pa dang / skye bo'i tshogs chen po mdun nas
 'gro ba dang / bud med skra bshig pa rnams ngu zhing rjes bzhin du 'brang ba 'di ci yin/ lha 'di ni gum pa zhes bgyi'o/ /kha lo sgyur ba shi ba zhes bya ba 'di ci yin/ lha mi 'dis slan chad sdug pa'i pha ma mi mthong
 zhing bu pho dang / bu mo dang / bran mo dang / las bgyid pa dang / /zho shas 'tsho ba'i mi rnams kyang ma lags la de dag gis kyang slan chad 'di mi mthong bas lha 'di ni gum pa zhes bgyi'o/ /kha lo sgyur ba nga yang 'chi ba'i chos dang 'chi ba'i
 chos nyid las ma 'das sam/ lha yang 'chi ba'i chos dang 'chi ba'i chos nyid las ma 'das so/ /kha lo sgyur ba de'i phyir shing rta phyir sgyur cig /pho brang nyid du 'dong ngo / /'di ltar nga pho brang du phyin nas nga 'chi ba las ma 'das zhes
 grag pa'i don de nyid bsam par bya'o/ /kha lo sgyur bas shing rta phyir bsgyur nas pho brang nyid du chas te der byang chub sems dpa' shAkya thub pa pho brang gi nang du gshegs nas bdag kyang 'chi ba las ma 'das pa lta zhig ces
 mi dgyes shing thugs ngan dgongs so/ /'dir smras pa/ tshe zad pa yis 'du shes bral gyur cing / /sems med mi yi ro zhig gzigs nas ni/ /'chi las bdag ma 'das pa lta zhig ces/ /de nas mi dgyes thugs ngan
 dgongs par mdzad/ /de nas rgyal po zas gtsang gis kha lo sgyur ba la smras pa zhes bya ba la sogs pa ni snga ma bzhin no/ /'dir smras pa/ grong khyer dam pa dpal ldan yid 'ong der/ /lha yi lhar gyur sgron ma dang mtshungs pa/ /
 'dod pa'i yon tan lnga pos kun dgyes pa/ /mig stong dga' ba'i tshal na gnas pa bzhin/ /de nas gnas gtsang ma'i ris kyi lha rnams 'di snyam du sems te/ byang chub sems dpa' ni rgyu'i stobs can yin mod kyi 'on kyang
 rkyen bsgrub par bya dgos te 'di ltar rgyu'i stobs chen po yang rkyen kyi stobs la ltos so snyam nas de rnams kyis mi skra bregs shing gos ngur smrig gyon pa/ lag pa na lhung bzed thogs pa zhig khyim nas khyim dang / khang pa nas
 khang par rgyu zhing 'gro ba zhig sprul to/ /chos nyid kyis byang chub sems dpa' bskyed mos tshal gyi gzhir gshegs par bzhed par gyur pa zhes bya ba la sogs pa ni snga ma bzhin no/ /bskyed mos tshal gyi gzhir byung ba dang / byang
 chub sems dpa' shAkya thub pas mi skra bregs shing gos ngur smrig gyon pa lag pa na lhung bzed thogs pa zhig khyim nas khyim dang / khang pa nas khang par rgyu zhing 'gro ba zhig gzigs so/ /gzigs nas kyang kha lo sgyur ba la gsungs pa/
 kha lo sgyur ba mi skra bregs shing lag pa na lhung bzed thogs nas khyim nas khyim dang / khang pa nas khang par rgyu zhing 'gro ba 'di'i gos kyang kha dog mi mtshungs te ji ltar yang mi gzhan dag gi dang mi 'dra ba ci yin/ lha de ni rab tu byung ba
 zhes bgyi'o/ /kha lo sgyur ba rab tu byung ba zhes bya ba 'di ci yin/ lha rab tu byung ba de ni dul ba legs pa dang / yang dag par sdom pa legs pa dang / don spyod pa legs pa dang / chos spyod pa legs pa dang / dge ba spyod pa legs
 pa dang / dge legs spyod pa legs par rig nas skra dang / kha spu bregs te/ gos ngur smrig bgos nas dad pa yang dag pa kho nas khyim nas khyim med par rab tu byung ba ste/ lha 'di ni rab tu byung ba zhes bgyi'o/ /kha lo sgyur ba de'i phyir shing rta
 'di rab tu byung ba gang na ba de logs su sgyur cig / lha bka' bzhin 'tshal zhes kha lo sgyur bas byang chub sems dpa' shAkya thub pa'i ltar mnyan nas shing rta de rab tu byung ba gang na ba der bsgyur to/ /de nas byang chub sems dpa'
 shAkya thub pas rab tu byung ba de la 'di skad ces bka' stsal to/ /kye mi khyod ci'i phyir skra bregs shing lag pa na lhung bzed thogs nas khyim nas khyim dang / khang pa nas khang par rgyu zhing 'gro la khyod kyi gos kyang kha dog mi
 mtshungs te ji ltar yang mi gzhan dag gi dang mi 'dra ba yin/ des 'di skad ces smras so/ /gzhon nu bdag ni rab tu byung ba zhes bgyi'o/ /kye mi khyod ji ltar na rab tu byung ba zhes bya/ gzhon nu bdag gis dul ba legs pa dang / yang
 dag par sdom pa legs pa dang / don spyod pa legs pa dang / chos spyod pa legs pa dang / dge ba spyod pa legs pa dang / dge legs spyod pa legs par rig nas/ skra dang kha spu bregs te/ gos ngur smrig bgos
 nas dad pa yang dag pa kho nas khyim nas khyim med par rab tu byung ste/ de ltar na bdag rab tu byung ba zhes bya'o/ /kye mi khyod kyis dul ba legs pa dang / yang dag par sdom pa legs pa dang / don spyod pa legs pa dang / chos spyod
 pa legs pa dang / dge ba spyod pa legs pa dang / dge legs spyod pa legs par rig nas skra dang kha spu bregs te/ gos ngur smrig bgos nas dad pa yang dag pa kho nas khyim nas khyim med par rab tu byung ba legs so/ /de nas byang
 chub sems dpa' shAkya thub pas kha lo sgyur ba la gsungs pa/ kha lo sgyur ba de'i phyir shing rta phyir sgyur cig /pho brang nyid du 'dong ngo / /'di ltar nga pho brang nyid du phyin nas don 'di kho na bsam par bya'o/ /kha lo sgyur bas shing rta phyir
 sgyur nas pho brang nyid du chas te/ der pho brang du gshegs pa dang / byang chub sems dpa' shAkya thub pa kye ma'o bdag ni skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung
 bar bya'o snyam pa'i don de nyid dgongs so/ /de nas rgyal po zas gtsang gis kha lo sgyur ba la smras pa la sogs pa ni snga ma bzhin no/ /de nas skye dgu'i bdag mo chen mos rmi lam rmis pa dbang po'i tog lhung ba dang / shAkya rnams phyag
 dar gyis khengs pa dang / sa ldog pa dang / dpal khyim nas byung ba dang / phyi rol na skad cig cing ngu zhing dgod pa la bdag nyid lta ba dang / nyi ma gang nas shar ba de nyid nas nub pa'o/ /byang chub sems dpas de gsan pa dang /
 dgongs pa nga ni shAkya rnams kyi dbang po'i tog gi gnas yin pa dang / nga grong khyer nas 'byung na dpal 'byung bar 'gyur ro/ /rgyal po zas gtsang mas kyang rmi lam rmis pa dpal gyi mal khri chag pa dang / pha'i rgyud chad pa'o/ /
 byang chub sems dpas de gsan pa dang / de de bzhin te/ nga ni grags 'dzin ma'i dpal gyi gnas su gyur pa dang / zas gtsang ma'i pha'i rigs rgyud kyi gnas su gyur pas nga rab tu byung na shAkya rnams kyi rigs rgyud chad
 par 'gyur ro/ /mtshan mkhan rnams kyis rgyal po zas gtsang ma'i mdun du gal te gzhon nu zhag bdun gyi bar du rab tu ma byung na 'khor los sgyur ba'i rgyal por 'gyur ro zhes lung bstan to/ /'di skad ces kyang smras so/ /gal te
 de'i bzang po gzigs bzhed na/ /de slad dgung bdun bar du srungs shig dang / /mi dbang gdugs ni bdal bar gyur pa lta'i/ /rin chen sna bdun 'byung bar the tsom med/ /khyod sras rin chen bdun po yi/ /dbang phyug gi ni rgyal
 por 'gyur/ /rgya mtsho la ni thug pa'i sa/ /chad pa med pas skyong bar 'gyur/ /'on te sa ni spangs nas su/ /bsnyengs med nags su bzhud na ni/ /thams cad mkhyen pa thob gyur nas/ /'gro ba sgrol ba mdzad par 'gyur/ /zhes
 thos so/ /thos nas kyang zas gtsang dang / zas dkar dang / bre bo zas dang / bdud rtsi zas bzhi lhan cig gcig tu tshogs nas gros bya bar brtsams pa/ shes ldan dag mtshan mkhan dang ltas mkhan gyi bram ze rnams kyis
 b yang chub sems dpa' shAkya thub pa la gal te zhag bdun gyi bar du rab tu ma byung na 'khor los sgyur ba'i rgyal por 'gyur ro zhes lung bstan kyis de lta bas na bdag cag gis byang chub sems dpa' zhag bdun gyi bar du
 bsgrims te bsrung bar bya zhing grong khyer yang legs par bsrung bar bya'o/ /de nas de rnams kyis ser skya'i gzhi'i grong khyer ra ba rim pa bdun dang / 'obs rim pa bdun gyis bskor nas grong khyer gyi sgo 'phar lcags
 las byas shing sgo 'phar rnams la dril bu shin du sgra gsal ba btags te/ sgo phye na de'i sgras dpag tshad gcig khor yug tu grag par 'gyur to/ /byang chub sems dpa' khang bzangs kyi gzhi na bud med yid 'phrog
 pa/ gzugs bzang ba rnams dang gar dang / glu dang / rol mo rnams kyi spyod pas bsnyen bkur byed du bcug go/ /skas shin du che ba ro mi rung ba mi lnga brgyas bteg pa byas so/ /chibs bsngags ldan
 gyi sa phyogs ni zangs ma'i glegs bus g.yogs shing gser gyi sil dkrol gyi dra ba btags pas bskor to/ /byang chub sems dpa' ni steng gi khang bzangs kyi gzhi skyes pa med par zhugs nas/ pi bang dang /
 gling bu dang / khar rnga dang / sgra snyan la sogs pa rol mo'i cha byad dag nye bar len cing 'byor pa chen pos bzhugs so/ /mtshan mo ni rgyal po zas gtsang yang dpung gi tshogs yan lag bzhi dang shar sgo'i phyi rol na 'dug
 go/ /lho phyogs na ni bre bo zas so/ /nub phyogs na ni zas dkar ro/ /byang phyogs na ni bdud rtsi zas so/ /grong khyer gyi dbus kyi 'dram po byed pa ni shAkya ming chen dpung gi tshogs yan lag bzhi dang ldan pa'o/ /de shar
 sgor song nas smras pa/ su zhig mel tse byed/ su zhig mel tse byed/ rgyal po zas gtsang gis smras pa/ kho bo mel tse byed do/ /lha mel tse mdzod cig /mel tse mdzad dang khyod la legs par 'gyur zhes smras te
 tshigs su bcad de smras pa/ 'jig rten gnyid log ro dang mtshungs/ /gnyid log bdud kyi dbang du song / /'di ni mi nyal rtag tu mkhas/ /de bas ma nyal mel tse byos/ /lho sgor song nas smras pa/ su zhig mel tse byed/
 su zhig mel tse byed/ bre bo zas kyis smras pa/ kho bo mel tse byed do/ /lha mel tse mdzod cig /mel tse mdzad dang / khyod la legs par 'gyur ro zhes smras nas tshigs su bcad de smras pa/ 'jig rten gnyid log ro
 dang mtshungs/ /gnyid log bdud kyi dbang du song / /gnyid log 'chi bdag dbang du song / /de bas ma nyal mel tse byos/ /nub sgor song nas smras pa/ su zhig mel tse byed/ su zhig mel tse byed/ zas dkar kyis smras pa/
 kho bo mel tse byed do/ /lha mel tse mdzod cig /mel tse mdzad dang khyod la legs par 'gyur ro zhes smras nas tshigs su bcad de smras pa/ gnyid log pa ni rtag tu myos/ /myos 'gyur bre bos 'thungs pa nyal/ /dgon pa nags
 su nyal ba 'dras/ /de bas ma nyal mel tse byos/ /byang sgor song nas smras pa/ su zhig mel tse byed/ su zhig mel tse byed/ bdud rtsi zas kyis smras pa/ kho bo mel tse byed do/ /lha mel tse mdzod cig /mel tse mdzad dang khyod la
 legs par 'gyur ro zhes smras nas tshigs su bcad de smras pa/ ri nyal ri sul nyal ba bzhin/ /rgya mtsho'i chur ni nyal ba dang / ljon shing rtse la nyal ba bzhin/ /de bas ma nyal mel tse byos/ /dbus kyi bzhi mdo dang / sum mdo
 dag tu song nas smras pa/ su zhig mel tse byed/ su zhig mel tse byed/ srungs ma rnams kyis smras pa/ bdag cag mel tse bgyid do/ /mel tse byos shig /mel tse byas dang legs par 'gyur ro/ /zhes smras nas tshigs su
 bcad de smras pa/ chos spyod chos ma yin ma spyod/ /bden par smros shig brdzun ma smra/ /mun pa chen por 'jug par 'gyur/ /de bas ma nyal mel tse byos/ /de nas nam nangs nas shAkya ming chen gyis rgyal po zas gtsang la smras
 pa/ lha dgung sangs lags te/ dgung bdun la dgung gcig ni thal dgung drug ni lus so/ /rgyal po zas gtsang gis smras pa/ legs kyis zhag drug 'das nas gzhon nu 'khor los sgyur bar gyur na bdag cag nam mkha'i ngos la rgyu
 zhing gling gzhir phyi bzhin 'dong ngo / /de bzhin du dgung gcig lus so zhes bya ba'i bar du'o/ /de nas lha'i dbang po brgya byin 'di snyam du sems te/ mi dbang shAkya sras po thub pa 'di/ /bdag nyid chen po pha rol phyin drug rdzogs/ /thugs
 rnams dgyes par mdzad pa dka' thub tshal/ /'phags pa dgyes pa nags su gshegs par bzhed/ /de nas byang chub sems dpa' 'di snyam du dgongs te/ bdag la gzhan dag gzhon nu shAkya thub pa ni skyes pa ma yin te/ gang
 gi phyir grags 'dzin ma dang / sa 'tsho ma dang / ri dgas skyes dang / bud med drug khri spangs nas rab tu 'byung ngo zhes gzhi de las kha zer bar 'gyur du 'ong gis ma la bdag gis grags 'dzin ma dang lhan cig dga'
 mgur spyad par bya'o snyam nas des grags 'dzin ma dang lhan cig dga' mgur spyad pa dang grags 'dzin ma sems can dang ldan par gyur nas/ de 'di snyam du sems te/ nam nangs nas byang chub sems dpa'i snyan du gsol lo snyam
 mo/ /de nas byang chub sems dpa' de'i tshe rten cing 'brel par 'byung ba dang ldan pas tshigs su bcad te gsungs pa/ bud med dang bdag khyim nyal ba'i/ /tha ma deng gi 'di yin te/ /phyin cad khyim du bud med dang / /nga ni lhan cig mi
 gnas so/ /de nas bud med de rnams gar dang / glu dang / rol mos ngal zhing lci la dub nas kha nas kha chu 'dzag cing skra zhig la gos dang lag pa dag lhug par btang nas bla ba'i tshig byung rgyal du rdol zhing gnyid log go/ /byang
 chub sems dpas bud med de dag thams cad kha nas kha chu 'dzag cing skra zhig la gos dang lag pa dag lhug par btang nas/ bla ba'i tshig byung rgyal du rdol zhing gnyid log pa gzigs so/ /gzigs nas kyang btsun mo'i 'khor
 la dur khrod kyi 'du shes skyes so/ /de nas byang chub sems dpa' skyo ba 'khrungs pa dang tshigs su bcad de gsungs pa/ rlung gi shugs kyis pad ma'i tshal ltar sa gzhi 'dir/ /lag pa dag dang rkang pa brkyang nas 'gyel 'gyur te/ /
 skra rnams zhig cing mdoms dang rkub kyi phyogs snang ba/ /shAkya'i sras kyis gzigs nas rang bzhin skyo bar 'gyur/ /tshul dang bral ba'i bud med na chung tshogs 'di dag /dur khrod 'jigs su rung ba'i rang bzhin 'drar mthong nas/ /
 sems can byis pa'i spyod yul la ni deng dga' na/ /sems dang blo gros dran dang bral ba yin nam ci/ /'dod pa tha chad 'dam dang mda' mdung dug me 'dra/ /rmi lam lta bu yin te tshwa chu'i ro dang mtshungs/ /'dod pa phung byed rtsod
 dang sdig pa'i rgyur gyur pa/ /mtha' ngan sbrul kyi kha 'dra bdag gis spang bar bya/ /de nas byang chub sems dpa' gzims mal chen po la gzims pa na/ mtshan mo de nyid la rmi lam lnga rmis pa sa chen po nyid gzims mal
 du byas shing ri rab ri'i rgyal po dbu rten du bcug / phyag g.yon pa shar phyogs kyi rgya mtsho chen por 'jug /phyag g.yas pa nub phyogs kyi rgya mtsho chen por 'jug /zhabs gnyis rgya mtsho chen por 'jug pa dang / 'greng
 ba zhes bya ba'i rtsa'i rigs lte ba nas byung nas nam mkha'i bar du 'phags te 'dug pa dang / bya kun nas dkar la mgo nag pa rnams kyis zhabs gnyis la gtug nas pus mo'i lha nga la thug pa'i bar du lta ba dang / bya sna tshogs
 phyogs bzhi nas 'ongs nas mdun du kha dog gcig tu 'dug pa dang / mi gtsang ba'i ro'i steng nas bdag nyid mi gtsang bas ma gos par 'chag pa'o/ /de lta bu rmis nas kyang thugs dgyes te dgongs pa nga'i rmi lam 'di 'dra ba
 rmis pas ring po mi thogs pa kho nar bla na med pa'i ye shes thob par 'gyur ro snyam mo/ /grags 'dzin mas kyang rmi lam du mthong ba bdag gi so kun lhags pa dang / dung gi dpung pa chag pa dang / zla ba sa la lhung ba dang / skar ma
 rnams ni ngu ba'o/ /grags 'dzin mas kyang rmi lam rmis pa de byang chub sems dpa' la gsol pa dang / byang chub sems dpas gsungs pa/ khyod kyi so ni kha nang gnas/ /zla ba 'di ni mkhar gnas kyis/ /yid kyi gdung ba
 bsal nas ni/ /dogs med bde bar gnyid log cig /de nas grags 'dzin ma 'di snyam du sems te/ rmi lam 'jigs pa rmis pa na/ /bdag yid dogs dang bcas par 'gyur/ /deng gi mtshan mo sdug pa dang / /'bral ba
 dag tu mi 'gyur grang / /de nas lha'i dbang po brgya byin 'di snyam du sems te/ byang chub sems dpa' rnams ni ji ltar rgyu'i stobs can yin mod kyi 'on kyang rkyen gyis bsgrub par bya dgos te/ 'di ltar rgyu'i stobs chen po
 yang rkyen kyi stobs la ltas so snyam nas byang chub sems dpa' gang na ba der song ste phyin pa dang / khang bzangs kyi gzhi la 'dug ste byang chub sems dpa' la 'di skad ces gsol to/ /nags kyi spre'u ni spyod yul
 rgyu 'dra zhing / /yan par 'dug pa'i rte'u dang 'dra ba'i thugs/ /gal te 'dod pa'i yon tan las bzlog na/ /de las shin tu gsal ba'i snang ba gzigs/ /blo gros bzang po bzhengs shig bzhengs/ /sa ni spangs te bzhud
 mdzod la/ /thams cad mkhyen nyid brnyes nas ni/ /'gro ba dag ni bsgral bar mdzod/ /byang chub sems dpas gsungs pa ni/ /kau shi ka ma mthong ngam/ nga ni ri dgas bdag po rgyas bskor ltar/ /mi ni mthu ldan gzhu mtshon ral
 gri thogs/ /rta glang shing rta dpung tshogs mang po yis/ /grong khyer ser skya kun nas yongs su bskor/ /zas gtsang la sogs shAkya'i tshogs 'di dag /glang chen rta zhon legs par go bgos lus/ /mi sdug sna tshogs
 lag na mtshon thogs te/ /khyams dang rta babs khang bzangs gzhi nang gnas/ /pho brang dang ni khyim sgo dang / /de bzhin grong khyer sgo dag kyang / /bcad nas gtan pa dam bcug ste/ /de bzhin kun nas bsrungs par gyur/ /
 ru dung pa Ta ta sgra rnga sgra yis/ /khyams dang rta babs khang bzangs nang gnas shing / /glang chen rta dmag 'bad pa'i skye bo'i tshogs/ /rgyun tu nga mi gtang phyir srung bar byed/ /brgya byin gyis gsol pa/ des pa mar me mdzad kyis
 lung bstan dang / /sdug bsngal gyis gdungs 'jig rten 'di dang yang / /khyod kyi sngon gyi dam bcas dgongs mdzod la/ /khab dag spangs te nges par 'byung bar mdzod/ /ji ltar khyod ni bgegs med par/ /deng nyid nags su
 gshegs 'gyur ba/ /bdag cag tshangs sogs bcas pa yi/ /lha rnams kyis ni de bzhin bgyi/ /byang chub sems dpas legs so zhes gsungs nas thugs dgyes par gyur to/ /de nas lha rnams kyi dbang po brgya byin gyis
 gnyid kyis myos par byas nas gnod sbyin gyi sde dpon chen po lngas rtsen la bsgo ba/ grogs po byang chub sems dpa' steng gi khang bzangs nas babs kyis skas long shig /des skas blangs pa la byang chub sems dpa'
 b abs pa dang de nas brgya byin gyis brda byas ma thag tu zhabs 'bring ba 'dun pa gang na ba der gshegs na ji tsam na 'dun pa gnyid stug pos non par gzigs nas byang chub sems dpas bsgrims te bslang nas tshigs su
 bcad pa'i dbyangs kyis gsungs pa/ 'dun pa longs kye khyim nas myur bar ni/ /nga yi rta pho rin chen bsngags ldan long / /sngon gyi rgyal bas longs spyad dka' thub tshal/ /thub rnams dgyes pa mdzad par nga
 gshegs so/ /'dun pa gnyid log pa'i mig phye nas smras pa/ lha khyod bskyed mos tshal gyi dus ma bab/ /des pa khyod dang 'ga' yang 'khon ma mchis/ /khyod la dgra bo su yang ma mchis na/ /dgung phyed khyod la
 bcibs pa ci zhig bgyi/ /byang chub sems dpas bka' stsal pa/ 'dun pa khyod kyis lan 'ga' yang / /nga yi tshig ni ma bcag na/ /nga yi deng dus tha ma la/ /nga yi tshig 'di ma gcag shig /'dun pas gsol pa/
 gzhon nu mtshan mo 'di ni 'jigs pa dang 'jigs su rung ba mchis pas bdag bcibs pa mi len no/ /byang chub sems dpas dgongs pa/ lan dang yang lan gyis gdon mi za bar skye bo sad par 'gyur gyis bdag nyid
 song la rta'i rgyal po bsngags ldan sta gon bya'o snyam nas de nas nyid kyis pho brang gi sgo phye nas rta'i rgyal po bsngags ldan bzung bar brtsams pa na 'jing kyog byed la phar bros tshur bros shing 'dug tu mi btub bo/ de nas byang chub sems dpa'i phyag bsod nams brgya phrag du mas bskyed pa 'khor lo dang /
 bkra shis dang / g.yung drung 'khyil pa mnga' ba/ skrag pa rnams dbugs 'byin par mdzad pas mgo la byugs nas
 gsungs pa/ bsngags ldan tha ma yi ni khur long ste/ /dka' thub nags su ma thogs nga skyol cig /byang chub thob nas myur du 'gro ba kun/ /bsam gtan rnam thar char gyis tshim par bya/ /chos nyid
 kyis dud 'gro yang gdams na phyi lang mi byed pas rta'i rgyal po bsngags ldan mi g.yo bar 'dug go/ /de nas byang chub sems dpa' thugs dgyes pa skyes te rta'i rgyal po bsngags ldan bstad do/ /ji tsam na shAkya ming chen
 'dram po byed pa skye bo nyul zhing phyogs der phyin pa dang / byang chub sems dpa' gshegs par chas pa mthong ngo / /de nas skad 'dzer cing mig 'chi mas gang bas smras pa/ gzhon nu 'di ci mdzad/ ming chen 'gro'o
 gzhon nu 'di ni rigs pa ma lags so/ /byang chub sems dpas gsungs pa/ ming chen 'di nyid rigs pa yin te/ gang gi phyir ngas bskal pa grangs med pa gsum du dka' ba brgya stong du mas sems can rnams
 kyi don tu byang chub yang dag par bsgrubs pa des na da nga ci khyim na 'dug phod dam/ 'di ni nges te dka' thub kyi tshal du 'gro'o/ /gang zhig 'bar ba'i khyim chen las/ /mkhas rnams myur du 'byung ba la/ /khags
 legs min smra bar mi 'os kyi/ /de ni bsngags par 'os nyid yin/ /de bzhin rga nad 'chi ba yis/ /rab 'bar srid pa'i gzeb las ni/ /'byung bar 'dod gyur gang yin la/ /'dir ni mi rigs ci zhig mthong / /
 de ltar gsung drag pos spyos pa dang / ming chen gdong las mchi ma char bzhin du 'bab cing cho nge 'debs pa la zhugs te kyi hud/ deng du rgyal po zas gtsang dang / /shAkya dag ni thams cad kyis/ /yang dang yang du
 bsams pa yi/ /re ba 'bras bu med par gyur/ /deng du rgyal po zas gtsang ni/ /sras kyi mya ngan gyis gdungs pa/ /lag bsgreng bzhin du sdug bsngal zhing / /mi bzad sgra ni 'byin par 'gyur/ /sa mtsho grags 'dzin
 ri dgas skyes/ /de bzhin btsun mo'i 'khor rgyas pa 'ang / /don grub dang ni bral ba yis/ /shin du sdug bsngal myong bar 'gyur/ /zhes smras nas/ de dngangs pas grags 'dzin ma bslang ste smras pa/ don grub 'di ni
 shes gyur gyis/ /khyim thab sdug bsngal gyis gdungs nas/ /sdug bsngal nyams thag du ma 'ong / /khyim thab sdug pa de zlog shig /khyed kyi khyim thab gshegs gyur 'di ni mthong dka' ste/ /khyod kyis 'di ltos khyim
 thab mthong ba'i tha ma yin/ /kyi hud phongs pa bdag gis mtshan mo khus btab kyang / /sus kyang lan ma ster bas bdag gis ma nyes so/ /des ni de ltar khus btab kyang / /'di ltar lha rnams byin brlabs kyis/ /dgon par
 'o dod bos pa bzhin/ /'ga' yang sad par ma gyur to/ /de nas byang chub sems dpa' 'di snyam du dgongs te/ gang bdag gis yab la ma bltas par 'gro ba ni nga'i tshul dang 'thun pa ma yin no snyam nas rgyal po zas gtsang ma
 gang na ba der gshegs te byon pa dang / rgyal po zas gtsang ma gnyid kyis non par gyur to/ /de nas 'di snyam du dgongs te ji ltar nga 'jig rten thams cad kyi phar gyur cing 'jig rten gyi bla ma dang / 'jig rten gyi thu bo yin mod gyi
 de ltar na yang pha dang ma ni skyes bu'i slob dpon du gyur pa dang / lhar gyur pa dang / tshangs par gyur pa yin zhing shin du phan pa byed pa yin no snyam du dgongs nas yab kyi zhabs gnyis la btud te bskor ba lan gsum mdzad nas
 'di skad ces gsungs so/ /bdag kyang yid la brtser ldan zhing / /bdag kyang nye du rnams la dga'/ /'on kyang 'khor ba rang bzhin ngan/ /'di mthong nas ni mchi ba lags/ /gal te rga nad 'chi ba dang / /sdug pa'i gnyen bral
 las byung ba'i/ /gnod byed sdug bsngal ma mchis na/ /khyod ni spong bar su zhig byed/ /gang phyir mi 'dod bzhin du ni/ /rab che gnyen gyi dkyil 'khor dang / /mdza' bshes chung ma dbang phyug rnams/ /yun mi ring bar
 'khor bar 'gyur/ /de bas ma chags yid kyis ni/ /'khor ba las ni rnam grol phyir/ /brtser ldan nye du spangs nas ni/ /skye bo med nags bsten pa lags/ /lus can 'du ba nges par ni/ /mthar ni 'bral
 'gyur nyid lags pas/ /bdag ni rjes su dgongs nas ni/ /rmongs pas thugs ngan ma mdzad cig /ces gsungs nas chas so/ /de nas ming chen gyis rgyal po zas gtsang ma bslang ste smras pa/ don grub 'di ni bzhud lags
 kyis/ /sa bdag de ni zlog par mdzod/ /sras kyi mya ngan gyis thebs nas/ /sdug bsngal gyis gdungs bshums 'gyur mchi/ /ma stes te de yang gnyid ma sad do/ /de nas lha'i dbang po brgya byin gyis lha'i bu myu gu dang /
 mang ku ra dang / 'od zer can dang / lo ma gyon pa ste bzhi la smras pa/ grogs po dag khyed rnams kyis byang chub sems dpa' gdeg par nus sam/ de rnams kyis smras pa/ shin tu yang nus lags so/ /khyed rnams la
 stobs ci tsam yod/ myu gus smras pa/ bdag gis ni sa la ri ji snyed yod pa gcig tu thogs te nyam nga ba chung ngus 'gro nus pa de tsam gyi stobs yod do/ /mang ku ras smras pa/ bdag gis kyang sa la chu ji snyed yod pa de
 thams cad phrag pa gcig tu thogs nas 'gro nus so/ /'od zer can gyis smras pa/ bdag gis kyang sa la rdul ji snyed yod pa de thams cad phrag par thogs te nyam nga ba chung ngus 'gro nus so/ /lo ma gyon pas smras pa/ bdag
 gis kyang sa la rtswa dang shing dang yal ga dang lo ma ji snyed pa de thams cad phrag pa gcig tu thogs te nyam nga ba chung ngus 'gro nus so/ /brgya byin gyis smras pa/ grogs po dag stobs 'di dang ldan na/ byang chub sems dpa' gdeg
 par nus kyis de nas myu gu dang / mang ku ra dang / 'od zer can dang / lo ma gyon pa ste/ bzhis chibs rin po che bsngags ldan khyer te/ byang chub sems dpa' gang na ba der song ste phyin nas smras pa/ byang chub sems
 dpa' ci la bzhugs/ de nas byang chub sems dpa' 'di snyam du dgongs te 'di rnams ni bdag cag gis byang chub sems dpa' bteg ste/ bar snang la khyer ro zhes dregs pa skye bar 'gyur ro snyam nas byang chub sems dpa'
 rdo rje'i skur byin kyis brlabs pa dang / de rnams kyis bsgul bar yang ma nus nas ngo mtshar skyes te gsol pa/ gzhon nu bdag cag gis ni byang chub sems dpa' rnams la stobs 'di 'dra ba mnga' bar ma 'tshal to/ /de nas byang
 c hub sems dpa' chibs rin po che bsngags ldan la bcibs te 'di ltar byang chub sems dpa' rnams kyi byang chub sems dpa'i mthu dang lha rnams kyi lha'i mthus chibs rin po che bsngags ldan dang 'dun pa steng gi nam mkha' la
 'phags so/ /de nas brgya byin dang tshangs pa la sogs pa lha rnams kyang lha brgya stong phrag du mas yongs su bskor nas byang chub sems dpa' gang na ba der song ste phyin pa dang / byang chub sems dpa' bskor cing dong ste g.yas
 phyogs nas gzugs na spyod pa'i lha rnams kyang spyod lam zhi ba dang / g.yon phyogs nas 'dod pa na spyod pa rnams kyis rgyal mtshan dang ba dan bsgreng nas lha'i rol mo'i khyad par sna tshogs dang / mdun nas brgya byin dang
 tshangs pa la sogs pa rang gi spyod lam gyis dong ngo / /nam mkha'i ngos la gnas pa'i lha brgya stong du mas ni byang chub sems dpa'i steng nas lha'i me tog ud pa la dang / pad ma dang / ku mu da dang / pad ma dkar po rnams kyis
 gtor ro/ /a ga ru'i phye ma dang / tsan dan gyi phye ma dang / ta ma la'i 'dab ma'i phye ma dang / /lha'i me tog man dA ra bas kyang gtor to/ /lha'i rol mo'i cha spyad sna tshogs kyang brdungs so/ /gos rnams kyang gtor ro/ /'dir smras
 pa/ mkha' la lha rnams ga zha'i sgra chen 'byin byed la/ /dga' ba'i yid kyis gos kyi g.yab mo 'debs byed cing / /kha cig byang chub sems dpa' la ni bstod byed de/ /nam mkha' la ni rol mo brgya phrag sgyur bar
 byed/ /kha cig dag ni sgo rnams 'byed byed cing / /me tog man dA ra bas 'thor bar byed/ /kha cig dag ni bcibs pa'i rkang 'dzin cing / /bde bar gshegs la rtog cing rjes bzhin 'brang / /kha cig
 dag kyang g.yas nas rjes bzhin 'brang / /g.yon nas 'gro ba dag kyang rjes bzhin 'brang / /brgya byin de bzhin tshangs par bcas pa dang / /lus ngan bdag nyid shul ni mtshon par byed/ /zla ba nya ba rgyu skar tshogs kyis ltar/ /
 bdag nyid chen po lha tshogs mdun bdar nas/ /dka' thub nags ni thub rnams dgyes byed pa/ /'phags pa dgyes pa'i nags su thugs dgyes gshegs/ /de nas byang chub sems dpas bsngags ldan la dbugs dbyung
 ba'i phyir gsungs pa/ ma skyo ma skyo stobs ni gzung bar bgyis/ /'gro don dal ba gcig ni 'dir ring long / /mi ring byang chub thob nas 'gro ba rnams/ /bsam gtan rnam thar gyis tshim byed par bya/ /byang chub sems dpa'
 dpag tshad bcu gnyis su bzhud nas nang par grong khyer dpe med du byon to/ /de nas lha rnams kyang byang chub sems dpa' byung nas 'di slar yang rang gi grong khyer du 'jug par mi 'gyur ram snyam pa la sku thams cad kyi g.yas phyogs su
 glang po che'i lta stangs kyis gzigs nas/ sangs rgyas rnams kyis bstan pa yi/ /lam gyi mchog ni ma thob par/ /grong khyer ser skya'i gzhir ni slar/ /nga ni 'jug par mi bya'o/ /zhes gsungs so/ /de nas byang chub sems
 dpa'i zhabs la bskor ba lan gsum byas nas rang gi gnas su song ngo / /byang chub sems dpas chibs las babs te rgyan bkrol nas 'dun pa la bka' stsal pa/ 'dun pa rgyan dang rta khyer la slar song shig /'dir smras pa/
 kha lo sgyur khyod nga yi rta 'di dang / /rgyan 'di rnams kyang gnyen pa dag la byin/ /nga ni 'dod pa rgya chen spangs nas su/ /da lta 'di nyid du ni rab 'byung bya/ /'dod pa 'di ni spu gri'i so 'dra zhing / /me 'obs 'bar dang mtshungs
 shing mtha' ngan pa/ /'jig rten phan phyir snying rjes nga spangs te/ /dgon par song nas khyim du phyir mi ldog /de nas 'dun pa gdong la mchi ma char bzhin 'bab pas byang chub sems dpa' la gsol pa/ seng ge stag gis gtams pa
 dang / phyugs rdzis gtams pa'i nags tshal du/ /'ba' zhig sku gnyen dang bral bas/ /'phags pa ji ltar spyod par 'gyur/ /byang chub sems dpas gsungs pa/ skye dgu 'di ni skye na gcig pu skye/ /de bzhin 'chi
 na 'ang gcig pu 'chi bar 'gyur/ /'di ni gcig pus sdug bsngal myong 'gyur gyi/ /'khor ba la ni grogs yod ma yin no/ /'dun pas gsol pa/ kyi hud gzhon nus sdug bsngal ma gzigs te/ /zhabs 'jam glang
 chen rta la chibs goms pa/ /sa gzhi rtswa dang rdo bas gtams rtsub par/ /ji ltar zhabs kyis gshegs shing nags su rgyu/ /byang chub sems dpas gsungs pa/ 'chi bdag 'jigs pa de ni lan 'ga' yang / /
 skyid la med min bde bar goms la min/ /mgon bcas la min rigs btsun la ma yin/ /dpa' dang btsun min skye bo dga' la min/ /rga bas 'chi bdag 'jigs pa dag /bskyed nas 'ong bar 'gyur zhes grag /don ma
 byas shing ma brtsams par/ /'chi bar yang ni 'gro bar 'gyur/ 'dun pas gsol pa/ rgyal po bgres po ni sras kyi mya ngan gyis 'grongs par 'gyur ro/ /'on kyang byang chub sems dpa' byang chub kyi tshogs
 bsags pa'i phyir 'dun pa'i tshig thugs la ma bab bo/ /de nas byang chub sems dpas ud pa la sngon po 'dra ba'i ral gri shubs nas phyung nas gtsug phud bregs te/ steng gi nam mkha' la bor ba dang / lha
 rnams kyi dbang po brgya byin gyis blangs nas bkur sti chen po byas te sum bcu rtsa gsum gyi lha rnams kyi nang du khyer nas gtsug phud kyi mchod pa chen po btsugs so/ /de nas lha'i dbang po brgya byin 'di snyam du sems
 te gzhon nu ni rgyal rigs kyi mngon pa'i nga rgyal gyis 'di bzlog par mi nus so snyam nas dga' bar gyur to/ /de nas byang chub sems dpas 'dun pa la gsungs pa/ khyod kyis bsngags ldan pho brang
 gi nang du ma dkri shig / de skad ces gsungs pa dang / 'dun pa skad 'dzer cing mig mchi mas gang nas rta'i rgyal po bsngags ldan khrid de yang dang yang du byang chub sems dpa' la lta zhing song ste ser skya'i
 gzhir phyin pa dang der ca co skyes te ji tsam na rgyal po zas gtsang ma la smras pa/ lha gzhon nu byon gyis dgyes pa bskyed du gsol/ grong khyer ser skya'i gzhir yang sgra gsang chen po bsgrags so/ /rta'i rgyal po
 bsngags ldan pho brang gi nang du zhugs pa dang / btsun mo'i tshogs thams cad kyis bsngags ldan gyi mgul du 'jus te ngu bar brtsams so/ /bsngags ldan yang dbugs khong du song ste de nyid du dus byas so/ /shi nas
 de sgra can gyi bram ze las drug la brtson pa zhig gi rigs su nying mtshams sbyor ba blangs so/ /de nas byang chub sems dpa' rim gyis drang srong ngan spong gi bsti gnas su gshegs pa dang / de'i tshe drang srong ngan spong gi bu
 lag pa 'gram pa la gtad nas sems khong du chud cing 'dug pa de lta bu de byang chub sems dpas gzigs nas gsungs pa/ drang srong chen po ci'i phyir lag pa 'gram pa la gtad nas sems khong du chud cing 'dug /des
 gsol pa/ bdag gi bsti gnas 'di na shing ta la rnams gser gyi lo ma dang / me tog dang / 'bras bu chags pa las de rnams snga mkho bzhin du ma gyur to/ /byang chub sems dpas gsungs pa/ drang srong chen po gang gi
 mthus bsti gnas 'di na shing ta la rnams gser gyi lo ma dang / me tog dang / 'bras bur ldan pa de rga ba dang na ba dang 'chi ba yang dag par mthong nas yid byung ste dka' thub kyi nags su gnas pas so/ /gal te des rga ba dang /
 na ba dang / 'chi ba yang dag par mthong nas yid byung ste dka' thub kyi nags su gnas par ma gyur na bskyed mos tshal 'di de'i yin pa zhig /de skad ces gsungs pa dang / drang srong ngan spong gi bus byang chub sems dpa' la
 brtag par brtsams so/ /de nas gzugs bzang zhing zhi ba'i cha byad du mthong nas yun ring du brtags te ngo mtshar skyes nas gsol pa/ kye rab tu byung ba de khyod kho na ma lags grang / byang chub sems dpas gsungs pa/
 drang srong chen po de ltar nges so/ /de nas drang srong gi bu ya mtshan skyes pa'i mig dgrad de bltas nas byang chub sems dpa' thog mar gdan la spyan drangs te/ me tog dang / 'bras bu bstobs so/ /grong khyer dpe med na khyim
 bdag phyug pa dang / nor mang ba la longs spyod che ba zhes bya ba nas de la khye'u bcu btsas so zhes bya ba'i bar du ste/ de dag thams cad kyang rab tu byung nas rang sangs rgyas kyi byang chub mngon sum du byas so/ /ji tsam na
 bdag nyid chen po de rnams la ma rgan mos sha na'i gos dag cig byin pa dang / de rnams kyis smras pa/ yum mkhyen par mdzod cig /rgyal po zas gtsang gi sras gzhon nu don thams cad grub pa zhes bya ba rga ba dang / na ba
 dang / shi ba mthong nas kun du skyo ba'i yid kyis nags su song nas de bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bas na bdag cag rnams sangs rgyas kyi zhing du gnas
 par mi nus pas na bdag cag yongs su mya ngan las 'da'o/ /sha na'i gos 'di zas gtsang ma'i sras la khyed kyis phul cig /bdag nyid chen po de ni bla na med pa'i ye shes thugs su chud par 'gyur la khyed kyis
 kyang 'bras bu chen po 'thob par 'gyur ro zhes smras nas 'bar ba dang / gsal ba dang / char 'bebs pa dang / glog 'byin pa'i cho 'phrul dag byas nas phung po lhag ma med pa'i mya ngan las 'das pa'i dbyings su yongs
 su mya ngan las 'das so/ /rgan mo des kyang 'chi kar gos de dag bu mo la gtad nas ji ltar gyur pa rnams smras so/ /de'i bu mo de yang nad kyis thebs te 'chi bar shes nas des kyang shing drung zhig tu bzhag nas shing de
 la gnas pa'i lha gang yin pa de la khyod kyis 'di dag rgyal po zas gtsang gi sras la phul cig ces gsol ba btab bo/ /lha rnams kyi dbang po brgya byin gyi shes pa mthong ba ni 'og tu 'jug pa yin pas des de dag shes nas
 blangs te/ de nas rngon pa rgas 'khogs pa lta bu zhig tu bdag nyid mngon par sprul nas de dag bgos te/ lag pa la mda' gzhu thogs nas byang chub sems dpa' gshegs pa'i lam dkar bsdad pa dang / byang chub sems dpa'
 yang rim gyis lam der byon nas rngon pa lag na mda' gzhu thogs shing gos ngur smrig gyon pa zhig gzigs so/ /gzigs nas kyang mi de la gsungs pa/ kye nang rje sha na'i gos 'o ni dag ni rab tu byung ba la 'tsham pa yin gyis ka shi
 ka'i ras phran 'di dag khyer la 'o ni dag nga la byin cig / des gsol pa/ gzhon nu bdag la gzhan dag khyod kyis rgyal bu gzhon nu bkrongs nas ka shi ka'i ras phran gyi gos 'di dag blangs so zhes gzhi des/ g.yar 'chi bar
 'gyur lags pas bdag 'di dag mi 'bul lo/ /byang chub sems dpa' gsungs pa/ kye nang rje nga ni mthu ji lta bu dang ldan pa 'jig rten thams cad kyis shes te su zhig gis nga bkrongs par nus/ khyod kyis nga bkrongs par su
 zhig yid ches kyis bag tsha ba med par byin cig / de nas lha rnams kyi dbang po brgya byin gyis byang chub sems dpa'i zhabs gnyis la gtugs nas sha na'i gos dag phul te ka shi ka'i ras phran rnams blangs so/ /byang chub
 sems dpa'i sku dang sha na'i gos dag 'tsham par ma gyur pa dang / de 'di snyam du dgongs te kye ma'o sha na'i gos rnams bdag gi sku dang 'tsham par gyur cig snyam nas tshig smras ma thag tu sha na'i gos de dag 'di ltar byang
 chub sems dpa' rnams kyi byang chub sems dpa'i mthu dang / lha rnams kyi lha'i mthus byang chub sems dpa'i sku dang 'tsham par gyur to/ /de nas byang chub sems dpa' 'di snyam du dgongs te/ da ni bdag rab tu byung
 zin kyis 'gro ba rnams rjes su gzung bar bya'o snyam mo/ /de nas byang chub sems dpa' mthar gyis rgyu zhing gshegs pa dang rgyal po'i khab tu byon to/ /byang chub sems dpa' bzo'i gnas dang / las kyi gnas de dang de rnams
 la mkhas pa yin pas des shing ka ra bi ra'i lo ma las lhung bzed byas nas spyod lam zhi bas rgyal po'i khab tu bsod snyoms kyi phyir zhugs so/ /de'i tshe rgyal po gzugs can snying po steng gi khang bzangs kyi gzhi na 'dug pa des
 'gro ba dang / ldog pa dang / lta ba dang / rnam par lta ba dang / bskum pa dang / brkyang ba dang / chos gos snam sbyar dang / lhung bzed thogs pa mdzes pas bsod snyoms spyod pa mthong ngo / /mthong nas kyang 'di snyam du sems te/
 rgyal po'i khab na rab tu byung ba ji snyed cig gnas pa la rab tu byung ba 'di'i spyod lam de lta bu ni 'ga' yang med do snyam mo/ /'dir smras pa/ ji ltar mig can 'gro ba ltar/ /rab tu byung ba bsgrags par byas/ /'dis ni brtag
 par mdzad nas su/ /rab tu byung ba yang dag bzhed/ /khyim gnas 'di ni sdug bsngal te/ /'di ni rdul gyi gnas yin zhing / /rab tu byung ba bar snang ltar/ /mkhyen nas de tshe rab tu byung / /rab tu byung nas sku yis ni/ /sdig pa'i
 las ni spangs pa dang / gsung gi sdig pa spangs nas ni/ /'tsho ba kun nas dag par mdzad/ /de nas ma ga d+hA yi ni/ /grong mchog rgyal po'i khab gshegs nas/ /mgon po shes bzhin dran ldan pa/ /bsod snyoms phyir
 ni gshegs pa der/ /bzo sbyangs ma ga d+hA'i bdag /khang bzangs 'di na 'dug pas mthong / /mthong nas sems dang de nas ni/ /blon po rnams la 'di skad smras/ /mtshan mchog gis ni rgyas gyur cing / /kho
 lag phun sum tshogs pa dang / /gnya' shing gang du lta ba yi/ /'di la shes ldan dag ltos shig /spyan mi 'dreg la yid gzhungs shing / /dman pa'i rigs las ma 'khrungs 'di/ /gang du gnas par
 gshegs 'gyur ba/ /rgyal pos pho nya rjes bzhin btang / /de nas pho nya la bsgo ba/ /dge slong de ni gar 'gro zhing / /gang du gnas ni btab pa yi/ /rjes bzhin du ni 'brang bar gyis/ /de ni bsod snyoms
 gshegs pa na/ /sgo drug legs par bsdams nas ni/ /shes bzhin dran dang ldan pa yis/ /lhung bzed myur du gang bar mdzad/ /bsod snyoms spyad pa byas nas kyang / /thub pa grong khyer phyir byung nas/ /
 skya bseng la ni mngon gshegs te/ /de la gnas ni btab par gyur/ /gnas btab pa ni shes nas kyang / /pho nya gcig gis bsdad byas nas/ /gzhan ni myur du slar log ste/ /rgyal po la ni tshig
 smras pa/ /rgyal po chen po dge slong de/ /seng ge 'am stag gi phru gu dag /ri sul dag na gnas pa ltar/ /skya bseng gi ni steng na gnas/ /pho nya rnams kyi tshig thos nas/ /sa bdag shing rtar zhugs nas ni/ /de ni
 blon pos yongs bskor nas/ /myur ba kho nar dong bar gyur/ /bzhon pas bgrod pa'i sar zhon te/ /de ni bzhon pa la babs nas/ /rkang gis nye bar song bas ni/ /de nas de bzhin gshegs pa mthong / /rgyal po
 'dug nas dgyes pa dang / /mgu bar 'gyur ba'i gtam gsol nas/ /de ni ma khengs mi brlang bar/ /don 'di dag ni rab smras so/ /dge slong lang tsho dang po la/ /bab par yang dag gnas gyur cing / /'di 'dra gzi brjid ldan
 pa la/ /bsod snyoms spyod par mdzes ma lags/ /khang pa nyams dga' dag dang ni/ /bud med rgyan gyis brgyan pa dang / /longs spyod mchog ni khyod gsol na/ /nyid kyi gdung ni zhu yis gsungs/ /rgyal po gangs ri nye ba na/ /
 yul gyi ljongs ni nor dag dang / /'bru dag gis ni gang gyur pa/ /ko sa la zhes grags pa yod/ /bu ram shing pa nyi ma'i rus/ /shAkya dag ni de na gnas/ /rgyal po nga ni rgyal rigs te/ /nga ni 'dod pa'i don mi gnyer/ /sa 'di
 ri dang bcas shing rgya mtshor bcas/ /rin chen kun dang ldan pa 'byor gyur kyang / /mi ni nams kyang ngoms par mi 'gyur te/ /so ga tsha dus shing gi mi bzhin no/ /'dod pa rnams ni sha khon 'brel ces gsungs/ /mi dbang rgal bar
 dka' zhing 'dam rdzab 'drang / /sdug bsngal dang ni mya ngan 'jigs pa yi/ /rtsa ba'i gtso ste blo ngan rnams kyis bsten/ /rgyal po ngas ni byung ma thag tu yang / /'dod pa rnams la mi dga'i blo bskyed na/ /'jigs byed chos kyi dgra bor gyur pa dag /
 bor ba de go slar yang ci ltar blang / /rtse mo sna tshogs yangs par gyur pa yi/ /lhun po gangs can rlung gis bskyod srid kyi/ /nga yi blo ni thar pa la rten pa/ /'dod pa'i shugs kyis bskyod par mi nus so/ /'jig rten 'di ni 'dod par bying gyur
 nas/ /'khor ba'i 'khor los yongs su 'khyam pa la/ /mi dbang nga skyabs yin te gzhan med pas/ /'jigs pa che las de ni thar bar bya/ /'dod pa rnams kyi nyes dmigs mkhyen/ /mya ngan 'das pa zhi ba gzigs/ /spang phyir
 gang du nga yi yid/ /dga' ba dag tu 'gro bar bya/ /rgyal po gzugs can snying pos gsol pa/ kye rab tu byung ba brtul zhugs 'dis ci zhig don du gnyer/ des gsungs pa/ bla na med pa yang dag par rdzogs pa'i
 byang chub bo/ /rgyal pos gsol pa/ kye rab tu byung ba gang gi tshe khyod bla na med pa yang dag par rdzogs pa'i byang chub mngon par rdzogs par sangs rgyas par gyur pa de'i tshe bdag la yang dgongs shig /byang chub sems
 dpas gsungs pa/ de bzhin du bsam par bya'o zhes gsungs nas rgyal po'i khab nas byung ste bya rgod kyi phung po'i ri dang ha cang yang mi ring bar drang srong rnams kyi sting gnas der gshegs so/ /de nas spyod pa dang
 gnas pas bsam gtan la brtson par gnas te/ de rnams gang gi tshe rkang pa gcig gis nyin thun gcig 'greng ba de'i tshe byang chub sems dpa' thun gnyis su bzhugs so/ /gal te de rnams gdung ba lnga'i
 sbyor bas nyin thun gcig 'dug pa de'i tshe/ byang chub sems dpas kyang sbyor ba des thun gnyis su bzhugs so/ /de nas de rnams ya mtshan skyes nas dge sbyong 'di ni chen po zhig go zhes smras pa/ dge sbyong chen po
 dge sbyong chen po zhes bya bar gyur to/ /byang chub sems dpas de rnams la smras pa/ shes ldan dag khyed brtul zhugs 'dis ci zhig don du gnyer/ /de na kha cig gis gsol pa/ brgya byin nyid do/ /kha cig gis gsol pa/
 bdag cag ni tshangs pa nyid do/ /kha cig gis gsol pa/ bdag cag ni bdud nyid do/ /byang chub sems dpas dgongs pa/ drang srong 'di dag ni slar yang ltung ba lam log par zhugs pa'o/ /lam 'di ni shes par nus pa ma yin/ mthong
 bar nus pa ma yin/ /bla na med pa yang dag par rdzogs pa'i byang chub par nus pa ma yin no/ /de nas byang chub sems dpas lam de nyid nus pa med par mkhyen nas/ sgyu rtsal shes kyi bu ring 'phur gang na ba der gshegs te byon pa
 dang / sgyu rtsal shes kyi bu ring 'phur la 'di skad ces gsungs so/ /ring 'phur gal te khyod la mi bde ba med na khyod kyi drung du kho bo tshangs par spyod pa spyad do/ /des smras pa/ tshe dang ldan pa gau ta ma bdag la mi bde ba med kyis ci bde ba
 kho nar bzhugs shig / byang chub sems dpas gsungs pa/ ring 'phur khyod kyis chos ji snyed cig rang gi mngon par shes pas rtogs par gyur/ des gsol pa/ tshe dang ldan pa gau ta ma ci yang med pa'i skye mched kyi bar du'o/ /
 de nas byang chub sems dpa' 'di snyam du dgongs te/ sgyu rtsal shes kyi bu ring 'phur dad pa de la ni nga yang dad la/ sgyu rtsal shes kyi bu ring 'phur la brtson 'grus dang dran pa dang / ting nge 'dzin dang shes rab yod pa ltar
 bdag la yang brtson 'grus dang dran pa dang / ting nge 'dzin dang / shes rab yod pas sgyu rtsal shes kyi bu ring 'phur gyis ci yang med pa'i skye mched kyi bar gyi chos de snyed mngon sum du byas te/ ci'i phyir bdag gis kyang chos 'di
 dag mngon sum du mi bya snyam nas de nas byang chub sems dpas chos de rnams kho na ma thob pa thob par bya ba'i phyir dang / ma rtogs pa rtogs par bya ba'i phyir dang / mngon sum du ma byas pa mngon sum du bya ba'i phyir dang / gcig pu
 dben pa bag yod pa brtul ba dang ldan pa/ bdag nyid gtod par gnas te/ gcig pu dben pa bag yod pa/ brtul ba dang ldan pa/ bdag nyid gtod par gnas pa na ring po mi thogs pa kho nar chos de dag mngon sum du mdzad par
 gyur to/ /chos de mngon sum du mdzad nas yang sgyu rtsal shes kyi bu ring 'phur gang na ba der gshegs te byon nas sgyu rtsal shes kyi bu ring 'phur la 'di skad ces gsungs so/ /ring 'phur khyod kyis ci yang med pa'i skye mched kyi bar gyi chos
 'di dag rang gi mngon par shes pas mngon sum du byas sam des 'di skad ces smras so/ /tshe dang ldan pa gau ta ma mad de bdag gis ci yang med pa'i skye mched kyi bar gyi chos de dag mngon sum du byas so/ /byang chub sems dpas
 gsungs pa/ tshe dang ldan pa ring 'phur bdag gis kyang ci yang med pa'i skye mched kyi bar gyi chos de dag rang gi mngon par shes pas mngon sum du byas so/ /tshe dang ldan pa gau ta ma de ltar na khyod kyi ji tsam pa bdag gi yang de tsam la/
 bdag gi ji tsam pa khyod kyi yang de tsam pas don 'di la 'o skol mtshungs shing mnyam ste 'dra bar thos kyis tshur spyon/ 'o skol gnyis gas 'khor 'di yongs su drang bar bgyi'o/ /de nas sgyu rtsal shes kyi bu ring 'phur
 byang chub sems dpa'i thog ma'i slob dpon nyid kyis byang chub sems dpa' la rjed pa'i dam pas rjed cing mchod pa'i dam pas mchod do/ /de'i rtogs pa dag la yang dga' ba dang / mgu bar gyur to/ de nas byang chub
 sems dpa' 'di snyam du dgongs te/ lam 'di ni shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no snyam mo/ /de nas byang chub sems
 dpas lam de nus pa med par rig nas/ rangs byed kyi bu lhag spyod gang na ba der gshegs te byon nas rangs byed kyi bu lhag spyod la 'di skad ces gsungs so/ /lhag spyod gal te khyod la mi bde ba med na khyod kyi drung du tshangs par spyod pa
 spyad do/ /des gsol pa/ tshe dang ldan pa gau ta ma bdag la mi bde ba med kyis khyod ci bde ba kho nar bzhugs shig /khyod kyis chos ji snyed cig mngon sum du byas/ tshe dang ldan pa gau ta ma 'du shes med 'du shes med min skye mched kyi bar
 du'o/ /de nas byang chub sems dpa' 'di snyam du dgongs te/ rangs byed kyi bu lhag spyod dad pa la ni bdag kyang dad la/ rangs byed kyi bu lhag spyod brtson 'grus dang / dran pa dang / ting nge 'dzin dang / shes rab yod pa lta bu'i brtson 'grus
 dang / dran pa dang / ting nge 'dzin dang / shes rab ni bdag la yod na rangs byed kyi bu lhag spyod kyis 'du shes med 'du shes med min skye mched kyi bar gyi chos 'di snyed cig mngon sum du byas na bdag gis kyang chos 'di dag ci'i phyir mngon sum
 du mi bya snyam mo/ /de nas byang chub sems dpas chos de rnams kho na ma thob pa thob par bya ba'i phyir dang / ma rtogs pa rtogs par bya ba'i phyir dang / mngon sum du ma byas pa mngon sum du bya ba'i phyir gcig pu dben pa/
 bag yod pa rtun pa dang ldan pa/ bdag nyid gtod par gnas te/ gcig pu dben par bag yod par gnas pa na ring po ma thogs pa kho nar chos de mngon sum du mdzad par gyur to/ /chos de mngon sum du mdzad nas rangs byed
 kyi bu lhag spyod gang na ba der gshegs te byon pa dang / rangs byed kyi bu lhag spyod la 'di skad ces gsungs so/ /lhag spyod khyod kyis 'du shes med 'du shes med min skye mched kyi bar du chos 'di dag rang gis mngon sum
 du byas sam/ tshe dang ldan pa gau ta ma mad lags te/ bdag gis 'du shes med 'du shes med myin skye mched kyi bar kyi chos 'di dag mngon sum du bgyis so/ /byang chub sems dpas gsungs pa/ tshe dang ldan pa lhag spyod
 bdag gis kyang 'du shes med 'du shes med min skye mched kyi bar gyi chos 'di dag rang gis mngon sum du byas so/ /tshe dang ldan pa gau ta ma de ltar na khyod kyi ji tsam pa bdag gi yang de tsam la/ bdag gi ji tsam pa khyod kyi yang de tsam
 pas don 'di la 'o skol mtshungs shing mnyam ste 'dra bar thos kyis tshur spyon/ 'o skol gnyi gas tshogs 'di yongs su drang bar bgyi'o/ /de nas rangs byed kyi bu lhag spyod byang chub sems dpa'i thog ma'i slob dpon gyis byang chub
 sems dpa' la rjed pa dam pas rjed cing mchod pa'i dam pas mchod do/ /de'i shes pa rnams la yang dga' ba dang mgu bar gyur to/ /de nas byang chub sems dpas 'di snyam du dgongs te/ lam 'di ni shes par nus pa ma yin/
 mthong bar nus pa ma yin/ bla na med pa yang dag par rdzogs par byang chub par nus pa ma yin no snyam mo/ /de nas byang chub sems dpas lam de yang nus pa med par rig nas gshegs so/ /de nas sgyu rtsal shes kyi bu
 ring 'phur gyi 'khor gsum dang / rangs byed kyi bu lhag spyod kyi 'khor gnyis te drang srong lnga byang chub sems dpa'i rjes su 'brangs so/ /de nas byang chub sems dpa' lnga po dang lhan cig gang gA'i lho phyogs na lteng rgyas 'od srung gi sde'i
 grong rdal gang na ba der rgyu zhing gshegs te byon nas de phan tshun 'chag pa na phyogs dga' dga' ltar 'dug pa/ nags tshang tshing mdzes pa/ chu klung nai rany+dza nA bsil bar 'bab pa/ gse gu can 'jug ngogs bde zhing mtha'
 rgya che la gsing ma sngon po dang / shing sna tshogs kyis brgyan pa dga' dga' ltar 'dug pa zhig gzigs so/ /gzigs nas kyang 'di snyam du dgongs te/ kye ma'o sa phyogs 'di ni dga' dga' ltar 'dug pa nags
 tshang tshing mdzes pa/ chu klung nai rany+dza nA bsil bar 'bab pa/ gse gu can 'jug ngogs bde zhing mtha' rgya che la gsing ma sngon po dang / shing sna tshogs kyis brgyan pa dga' dga' ltar 'dug pa zhig ste/
 kye ma spong ba don du gnyer ba'i rigs kyi bus nags khrod 'dir brten na spong ba bya bar nus so/ /bdag spong ba don du gnyer ba yin pas/ ma la bdag gis kyang nags khrod 'dir rten la spong bar bya'o snyam mo/ /de nas
 byang chub sems dpa' nags khrod du zhugs te shing gi drung du zhugs nas/ tshems la tshems gtad/ ljags rkan la bcar nas/ thugs kyis thugs mngon du bzung / mngon du bsdams/ shin du mngon du bsdams so/ /
 de thugs kyis thugs mngon tu bzung / mngon du bsdams shin du mngon du bsdams pas/ ba spu'i khung bu thams cad nas rngul byung bar gyur te/ dper na mi stobs dang ldan pas mi stobs shin du chung ba zhig phyin ga
 log tu bzung / mngon du bsdams/ shin du mngon du bsdams na de'i ba spu'i khung bu thams cad nas rngul byung ba de bzhin du de'i tshe/ byang chub sems dpa' tshems la tshems gtad/ ljags rkan la bcar te/ thugs kyis
 thugs mngon du bzung / mngon du bsdams/ shin du mngon du bsdams pa la sogs pa ni snga ma bzhin no/ /de nas byang chub sems dpa' 'di snyam du dgongs te/ ma la bdag gis rnam par bam pa'i bsam gtan
 dag la snyoms par 'jug par bya'o snyam mo/ /des rnam par bam pa'i bsam gtan dag la snyoms par 'jug par brtsams te/ des rnam par bam pa'i bsam gtan dag la snyoms par zhugs pa na/ zhal dang
 shangs nas dbugs rngub pa dang 'byung ba bgags so/ /de'i zhal dang shangs nas dbugs rngub pa dang 'byung ba bgags pa dang / rlung thams cad spyi bo'i nang du song nas de'i dbu'i tshor ba shin du mi bzad pa skyes so/ /
 dper na mi stobs dang ldan pas mi stobs shin du chung ba'i spyi bor lcags kyi phur pa rnon po btab na/ de'i mgo la mgo'i tshor ba shin du mi bzad pa skye ba de bzhin du/ byang chub sems dpa' rnam par bam pa'i bsam
 gtan dag la snyoms par zhugs pa na/ dbu la dbu'i tshor ba shin du mi bzad pa skyes kyang de zhum pa ma yin gyi/ brtson 'grus brtsams pa yin/ sku ma sbyangs pa ma yin gyi sbyangs pa yin/ rmugs pa ma yin gyi dran pa nye bar
 gzhag pa yin te/ sems rtse gcig tu mnyam par bzhag pa yin no/ /byang chub sems dpa' sdug bsngal drag po mi bzad pa rtsub pa tsha ba yid du mi 'ong ba'i tshor ba de lta bu nyams su myong yang 'di ltar sku bsgoms pa yin pa'i
 phyir thugs yongs su gtugs te mi gnas so/ /de 'di snyam du dgongs te/ ma la bdag gis lhag par rnam par bam pa'i bsam gtan dag la snyoms par 'jug par bya'o snyam mo/ /des lhag par rnam par bam pa'i bsam
 gtan dag la snyoms par 'jug par brtsams te/ de rnam par bam pa'i bsam gtan dag la snyoms par zhugs pa na/ zhal dang shangs nas dbugs rngub pa dang / 'byung ba bgags so/ /de'i zhal dang shangs nas dbugs
 rngub pa dang / 'byung ba bgags pas rlung thams cad snyan gnyis kyi bu ga nas rgyus par gyur to/ /dper na mgar bas sbud pa bus na rlung thams cad kyi rgyun grwa gnyis kyi bu ga nas rgyu ba de bzhin du byang chub sems dpa'
 rnam par bam pa'i bsam gtan dag la snyoms par zhugs pa na/ rlung thams cad kyi rgyun snyan gnyis kyi bu ga nas rgyus par gyur kyang de zhum pa ma yin gyi/ brtson 'grus brtsams pa yin zhes bya ba la sogs pa ni snga
 ma bzhin no/ /de nas byang chub sems dpa' de 'di snyam du dgongs te/ ma la bdag gis lhag par yang rnam par bam pa'i bsam gtan dag la snyoms par 'jug par bya'o snyam mo/ /des lhag par rnam par bam pa'i bsam
 gtan dag la snyoms par 'jug par brtsams te/ de rnam par bam pa'i bsam gtan dag la snyoms par zhugs pa na/ zhal dang shangs nas dbugs rngub pa dang 'byung ba bgags so/ /de'i zhal dang shangs nas
 dbugs rngub pa dang 'byung ba bgags pas phyal gyi nang thams cad rgyas par gyur/ shin tu rgyas par gyur te/ dper na mgar ba mkhas pa'i sbud pa bus na gang bar gyur/ shin du gang bar gyur pa de bzhin du de'i tshe/ byang chub sems
 dpa' rnam par bam pa'i bsam gtan dag la snyoms par zhugs pa na phyal gyi nang thams cad rgyas par gyur/ shin du rgyas par gyur kyang de zhum pa ma yin gyi/ brtson 'grus brtsams pa yin zhes bya ba la sogs pa ni snga ma
 bzhin no/ /de nas byang chub sems dpa' de 'di snyam du dgongs te/ ma la bdag gis rnam par bam pa'i bsam gtan dag la snyoms par 'jug par bya'o snyam mo/ /des lhag par rnam par bam pa'i bsam gtan dag la snyoms
 par 'jug par brtsams te/ de rnam par bam pa'i bsam gtan dag la snyoms par zhugs pa na/ zhal dang shangs nas dbugs rngub pa dang 'byung ba bgags so/ /de'i zhal dang shangs nas dbugs rngub pa dang 'byung ba bgags pa
 dang / de'i tshe dbu la dbu'i tshor ba shin du mi bzad pa skyes so/ /dper na mi stobs dang ldan pas mi stobs shin du chung ba'i mgo phreng bas yang nas yang du bcings na/ de'i mgo la mgo'i tshor ba shin du mi bzad pa skye ba de bzhin du
 de'i tshe byang chub sems dpa' rnam par bam pa'i bsam gtan dag la snyoms par zhugs pa na/ dbu la dbu'i tshor ba bzhin du mi bzad pa skyes kyang de zhum pa ma yin gyi brtson 'grus brtsams pa yin zhes bya ba la sogs pa ni snga ma bzhin
 no/ /de nas byang chub sems dpa' 'di snyam du dgongs te/ ma la bdag gis rnam par bam pa'i bsam gtan dag la snyoms par 'jug par bya'o snyam mo/ /de lhag par rnam par bam pa'i bsam gtan dag la snyoms par 'jug par
 brtsams te/ des rnam par bam pa'i bsam gtan dag la snyoms par zhugs pa na zhal dang shangs nas dbugs rngub pa dang 'byung ba bgags so/ /de'i zhal dang shangs nas dbugs rngub pa dang 'byung ba bgags pa dang / de'i tshe khong
 du khong gi tshor ba mi zad pa skyes so/ /dper na ba lang gi shan pa mkhas pa 'am/ ba lang gi shan pa'i slob ma mkhas pas ba lang bsad pa'i gri rnon pos ba lang gi lto dral na de'i khong du khong gi tshor ba shin du mi bzad pa skye ba de bzhin du
 de'i tshe byang chub sems dpa' rnam par bam pa'i bsam gtan dag la snyoms par zhugs pa na khong du khong gi tshor ba shin du mi bzad pa skyes kyang de zhum pa ma yin gyi brtson 'grus brtsams pa yin zhes bya ba la sogs pa ni snga ma bzhin no/ de nas byang chub sems dpa' de 'di snyam du dgongs te ma la bdag gis rnam par bam pa'i bsam gtan dag la snyoms par 'jug par bya'o snyam mo/
 /de lhag par rnam par bam pa'i bsam gtan dag la snyoms par 'jug par brtsams
 te/ des rnam par bam pa'i bsam gtan dag la snyoms par zhugs pa na zhal dang shangs nas dbugs rngub pa dang 'byung ba bgags so/ /de'i zhal dang shangs nas dbugs rngub pa dang 'byung ba bgags pa na de'i tshe sku la sku'i
 gdung ba shin du mi bzad pa skyes so/ /dper na mi shin du stobs dang ldan pa gnyis kyis mi stobs shin du chung ba zhig phyin ga log du bzung ste me dong gi nang du sbyangs na/ de'i lus la lus kyi gdung ba shin du mi bzad pa skye ba de
 b zhin du de'i tshe byang chub sems dpa' rnam par bam pa'i bsam gtan dag la snyoms par zhugs pa na sku la sku'i gdung ba shin du mi bzad pa skyes kyang de zhum pa ma yin gyi brtson 'grus brtsams pa yin zhes bya ba la sogs
 pa ni snga ma bzhin no/ /de nas byang chub sems dpa' de 'di snyam du dgongs te/ ma la bdag gis thams cad kyi thams cad du zas mi bza' ba bsgrub par bya'o snyam mo/ /de nas lha rab tu mang po'i sems kyis byang chub
 sems dpa'i thugs shes nas byang chub sems dpa' gang na ba der dong ste phyin nas byang chub sems dpa' la 'di skad ces smras so/ /grogs po gal te khyod mi'i kha zas kyis mdzem par mdzad/ ngo tsha bar
 mdzad/ smod par mdzad na/ bdag cag gis khyod kyi ba spu'i khung bu thams cad nas lha'i mdangs bsgrub par bgyis khyod kyis bdag gir mdzod cig /de nas byang chub sems dpa' 'di snyam du dgongs te/ gal te bdag gis mi
 'i kha zas mi bza' bar dam bcas la bdag gi ba spu'i khung bu thams cad du lha rnams kyis lha'i mdangs bsgrubs nas de bdag gir byed pa ni bdag gi brdzun yin la/ bdag gi brdzun gang yin pa de ni bdag gi log pa yin no/ /
 bdag gi log pa gang yin pa de'i rkyen kyis ni 'di na sems can kha cig lus zhig ste shi nas ngan song ngan 'gro log par ltung ba sems can dmyal ba rnams su skye bar 'gyur gyis ma la bdag gis lha rnams kyi tshig ni thams
 cad du spangs la kha zas nyung ba dang cung zad chang chung bza' ba 'am yang na mon sran sde'u yi khu ba 'am/ 'on te rgya sran gyi khu ba 'am/ yang na ha re nu ka'i 'bras bu'i khu ba btung ngo snyam mo/ /de nas byang chub sems dpas de'i tshe lha
 rnams kyi tshig thams cad kyi thams cad du spangs nas zhal zas nyung ba dang / chung ba dang / cung zad dang / chang chung gsol ba 'am/ yang na mon sran sde'u yi khu ba 'am/ 'on te rgya sran gyi khu ba 'am/ yang na ha re nu ka'i 'bras bu'i khu
 ba gsol lo/ /de nas byang chub sems dpa' zhal zas nyung ba dang / chung ba dang / cung zad dang / chang chung gsol ba na/ yan lag dang / nying lag thams cad kun du zhum ste/ skam zhing sku dpal chung bar gyur to/ /dper na
 sdum bu a si ta'i sdong bu dang / ka li ka'i sdong bu 'jum/ kun du 'jum pas sha chung zhing skams par gyur pa de bzhin du de'i tshe byang chub sems dpa' zhal zas nyung ba dang / chung ba dang / cung zad dang / chang chung gsol
 ba na/ yan lag dang / nying lag thams cad zhum/ kun du zhum ste/ skem zhing sku dpal chung bar gyur to/ /de nas byang chub sems dpa' de'i tshe zhal zas nyung ba dang / chung ba dang / cung zad dang / chang chung gsol ba na/ dbu la
 dbu'i lpags pa rnyings kun du rnyengs te/ 'khums shing 'bar 'bur du gyur to/ /dper na ku ba rtsa ba nas bcad na/ rnyis kun tu rnyis pas 'khums la 'bar 'bur du gyur pa de bzhin du de'i tshe byang chub sems dpa' zhal zas
 nyung ba dang / chung ba dang / cung zad dang / chang chung gsol ba na/ dbu la dbu'i pags pa rnyis kun du rnyis te/ 'khums shing 'bar 'bur du gyur kyang de zhum pa ma yin te/ brtson 'grus brtsams pa yin zhes bya ba la sogs pa ni
 snga ma bzhin no/ /de nas byang chub sems dpa' de 'di snyam du dgongs te/ zhal zas nyung ba dang / chung ba dang / cung zad dang / chang chung gsol ba na/ spyan gnyis kyi spyan gyi 'bras bu phug du song zhing shin du phug du song ste zab
 pa shin du zab par ring du song bas phyung ba lta bur snang ngo / /dper na khron pa zab mo'i chur skar ma'i gzugs brnyan phug du song zhing shin du phug tu song ste/ zab pa shin du zab par ring du song bar gtam du bya ba de bzhin du de'i
 tshe byang chub sems dpa' zhal zas nyung ba dang / chung ba dang / cung zad dang / chang chung gsol ba na/ spyan gnyis kyi spyan gyi 'bras bu phug du song / shin du phug tu song ste/ zab pa shin du zab par ring du song bas phyung ba
 lta bur snang yang de zhum pa ma yin gyi brtson 'grus brtsams pa yin zhes bya ba la sogs pa ni snga ma bzhin no/ /de nas byang chub sems dpa' zhal zas nyung ba dang / chung ba dang / cung zad dang / chang chung gsol ba na/ de'i
 tshe rtsib ma'i bar mtho dman can du gyur te/ dper na rtswa khang lo gnyis sam gsum lon pa'i phyam dgu bo mtho dman du gyur pa de bzhin du/ de'i tshe byang chub sems dpa' zhal zas nyung dang / chung ba dang / cung zad dang /
 chang chung gsol ba na/ rtsib ma'i bar mtho dman can du gyur kyang de zhum pa ma yin gyi brtson 'grus brtsams pa yin zhes bya ba la sogs pa rnams ni snga ma bzhin no/ /de nas byang chub sems dpa' zhal
 zas nyung ba dang / chung ba dang / cung zad dang / chang chung gsol ba na/ sgal pa'i tshigs 'di lta ste/ skra'i lan bu lta bur gyur to/ /mjug do ni 'di lta ste/ rnga mo'i rkang pa lta bur gyur to/ /de lan dga' ldang bar 'dod na kha sbub
 du 'gyel la/ lan 'ga' 'dug par 'dod na gan rkyal du 'gyel lo/ /de la ro stod la brten nas ro smad 'jog par byed/ ro smad la brten nas ro stod 'jog par byed do/ /de phyag gnyis kyis sku la byugs te/ de'i phyag gnyis
 kyis sku la byugs yongs su byugs pa de'i tshe ba spu rnams drung rul bas sa la lhags par gyur to/ /de nas byang chub sems dpa' de 'di snyam du dgongs te lam 'di yang shes par nus pa ma yin/ mthong bar nus
 pa ma yin/ bla na med pa yang dag par rdzogs pa'i byang chub par nus pa ma yin no snyam mo/ /de nas byang chub sems dpa' de 'di snyam du dgongs te/ ma la bdag gis til 'bru gcig gis zas bza' bar bya'o
 zhes te des til 'bru gcig gi zas gsol to/ /de til 'bru gcig gi zas gsol ba na yan lag dang nying lag thams cad zhum kun du zhum ste skem zhing sku dbal chung bar gyur to/ /til 'bru gcig gis ji
 lta bar 'bras bu gcig dang / sran ko la 'bru gcig dang / rgya sran 'bru gcig dang mon sran gre'u 'bru gcig dang / mon sran sde'u 'bru gcig dang / rtswa'i gding ba la mnal bar mdzad do/ /rgyal po zas gtsang gis dka'
 ba la spyod pa'i gnas skabs de thos nas nyi ma re re zhing rtog pa nyis brgya lnga bcu gtong bar byed do/ /rgyal po legs par rab sad kyis kyang nyis brgya lnga bcu'o/ /de dag nyi ma re re zhing de gnyis la myur ba myur bar gtam skyel
 bar byed do/ /byang chub sems dpa' ni 'di 'dra ba'i dka' ba spyod de/ /til 'bru gcig dang / 'bras 'bru gcig dang / sran go la 'bru gcig dang / rgya sran 'bru gcig dang / mon sran gre'u 'bru gcig dang / mon sran sde'u
 'bru gcig gi zas gsol zhing rtswa'i gding ba la mnal to zhes smra'o/ /de rgyal po zas gtsang gis thos nas bu'i mya ngan gyis non pas lhag par yang kar na sha mig mchi mas brnangs te gdungs nas btsun mo'i 'khor dang bcas
 par rtswa'i gding ba la nyal bar byed do/ /grags 'dzin mas kyang de thos pa dang / khyim thab kyi mya ngan gyis non to/ /til 'bru gcig za ba dang / de'i rum mi bde ba de nyid du zhu bar gyur to/ /de nas byang chub sems dpa' 'di snyam
 du dgongs te lam 'di yang shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no snyam mo/ /de nas byang chub sems dpa' de 'di snyam du dgongs te/ /ma la bdag
 gis kha zas shin du ngan pa bza' bar bya'o snyam ste des kha zas shin du ngan pa gsol bar mdzad do/ /de la zas phal pa ni 'di yin te be'u byung nas ring po ma lon pa'i 'o ma 'thung ba gang yin pa de rnams kyi gcin dang lci ba yin no/ /
 de ji srid de'i sku las mdangs de yal bar ma gyur pa de srid du zas gnyis pa mi gsol to/ yal nas kha zas phyi ma gsol bar mdzad do/ /dur khrod chen por gshegs nas kyang mi ro dbu rten du bcug zhabs la zhabs
 bzhag ste/ snang ba'i 'du shes dang dran pa dang shes bzhin dang ldan pa'i 'du shes yid la mdzad pas glo g.yas pas mnal bar mdzad do/ /de'i tshe grong khyer gyi gzhon nu rnams dang / grong khyer gyi gzhon nu ma rnams lhags
 nas shing bus de'i snyan gnyis kyi bu gar 'dzugs par byed rna ba gnyis ka nas 'dren par byed cing 'di skad ces kye phyag dar khrod kyi sha za ba la ltos/ kye phyag dar khrod kyi sha za ba la ltos zhes smra bar yang byed do/ /de'i tshe phyag
 dar dang bong rdog dang / gseg mas kyang 'thor bar byed do/ /'on kyang byang chub sems dpa' ni grong khyer gyi gzhon nu rnams sam/ grong khyer gyi gzhon nu ma de rnams la ngan sems skyed pa 'am sdig pa'i tshig
 'byung bar mi dgongs so/ /byang chub sems dpa' dka' thub chen po la dka' ba spyod pas na/ dge sbyong chen po dge sbyong chen po zhes mtshan du gyur te/ de ltar lo drug gi bar du dka' thub spyad par mdzad do/ /de nas lha gsum zhig
 byang chub sems dpa' gang na ba der lhags te/ de nas lha gcig gis 'di skad ces smras so/ /dge sbyong gau ta ma ni nag po zhig go/ /gnyis pas 'di skad ces smras so/ /'di ni nag po ma yin gyis/ 'on kyang sngo bsangs zhig
 go/ /gsum pas 'di skad ces smras so/ /'di ni nag po yang ma yin/ sngo bsangs kyang ma yin gyi dmar smug zhig go/ /byang chub sems dpa'i sku mdog bzang por snang ba ni thams cad kyi thams cad du nub par gyur to/ /de nas
 de'i tshe byang chub sems dpa' la sngon ma gsan pa'i dpe gsum zhig gsan pa 'di lta ste/ shing rlon pa chu can zhig chu nas phyung ste/ nye bar skam la bzhag pa dang / de nas mi me don du gnyer ba me tshol ba zhig 'dir 'ongs nas
 des de la gtsub stan byas te/ gtsub shing bzhag nas gtsubs na 'di ltar shing de rlon pa chu can yin pa'i phyir me 'byung ba dang 'bar du mi btub pa de bzhin du dge sbyong ngam bram ze kha cig 'dod pa rnams la lus dang sems kyis
 thag sring bar mi gnas kyi de rnams kyi 'dod pa la 'dun pa dang / 'dod pa la chags pa dang / 'dod pa la dga' ba dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa gang yin pa de ni de rnams kyi
 sems yongs su gtugs te gnas pa ma yin pas lus dang sems kyis thag sring bar mi gnas pa rnams kyi ni de dang 'dra'o/ /de rnams bdag nyid gnod pa'i sdug bsngal mi bzad pa rtsub pa tsha ba yid du mi 'ong ba tshor ba de lta
 bu nyams su myong mod kyi 'on kyang de rnams kyis shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin te/ de la 'di ni de'i tshe byang chub sems dpa' la sngon ma
 gsan pa'i dpe snang ba dang po yin no/ /dper na shing rlon pa chu can zhig chu nas phyung ste nye bar skam la bzhag pa dang / de nas mi me don du gnyer ba me tshol ba zhig 'ongs nas de la des gtsub stan byas te gtsub shing bzhag nas gtsubs
 na 'di ltar shing de rlon pa chu can yin pa'i phyir me 'byung ba dang 'bar du mi btub pa de bzhin du dge sbyong ngam bram ze kha cig 'dod pa rnams la lus kyis spong bar gnas kyi sems kyis ma yin pa de rnams kyi 'dod pa la 'dun pa dang / 'dod
 pa la chags pa dang / 'dod pa la dga' ba dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa gang yin pa de rnams kyi sems yongs su gtugs te gnas pa yin no/ /de rnams bdag nyid la gnod
 pa'i sdug bsngal mi bzad pa rtsub pa tsha ba yid du mi 'ong ba'i tshor ba de lta bu nyams su myong mod kyi 'on kyang de rnams shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma
 yin te/ de la 'di ni de'i tshe byang chub sems dpa' la sngon ma gsan pa'i dpe snang ba gnyis pa yin no/ /'di lta ste/ shing skam khong stong chu med pa zhig chu dang thag ring por skam la bzhag pa dang / de nas mi me don du gnyer ba me
 tshol ba zhig 'ongs nas des de gtsub stan byas te/ gtsub shing bzhag nas gtsubs na yang 'di ltar shing de skam zhing khong stong yin pa'i phyir me 'byung ba dang 'bar du btub pa de bzhin du/ dge sbyong ngam bram ze kha cig 'dod pa rnams
 la lus dang / sems kyis thag bsring bar gnas pa de rnams kyi 'dod pa rnams la 'dod pa la 'dun pa dang / 'dod pa la chags pa dang / 'dod pa la dga' ba dang / 'dod pa la zhen pa dang / 'dod pa la 'chums pa dang / 'dod
 pa la lhag par zhen pa gang yin pa de ni de rnams kyi sems yongs su gtugs te de mi gnas pa yin no/ /de rnams bdag nyid la gnod pa'i sdug bsngal mi bzad pa rtsub pa tsha ba yid du mi 'ong ba'i tshor ba
 de lta bu nyams su myong mod kyi 'on kyang de rnams kyis shes par nus/ mthong bar nus/ bla na med pa yang dag par rdzogs par byang chub par nus te/ de la 'di ni de'i tshe byang chub sems dpa' la sngon ma gsan pa'i dpe
 snang ba gsum pa yin no/ /de nas byang chub sems dpa' 'di snyam du dgongs te/ gang su dag sdug bsngal spong bar brtson par gnas pa de thams cad ni 'di tsam du zad de/ de las lhag pa yang med/ de'i gong na yang med na lam 'di
 yang shes par nus pa ma yin/ mthong bar nus pa ma yin/ bla na med pa yang dag par rdzogs par byang chub par nus pa ma yin no/ /de nas byang chub sems dpa' 'di snyam du dgongs te shes par nus pa dang / mthong bar nus
 pa dang / bla na med pa yang dag par rdzogs par byang chub par nus pa'i lam de gang yin snyam na de 'di snyam du dgongs te/ bdag yab shAkya zas gtsang gi khyim na gnas pa'i tshe zhing las kyi mtha'i drung du song nas shing 'dzam bu'i
 grib ma la 'dug ste 'dod pa la dben pa/ sdig pa mi dge ba'i chos las dben pa/ rtog pa dang bcas dpyod pa dang bcas shing dben pa las skyes pa'i dga' ba dang bde ba bsam gtan dang po la nye bar bsgrubs te gnas pa de
 mngon par dran te/ de ni lam yin/ de ni bsgrub pa yin/ shes par nus pa yin/ mthong bar nus pa yin/ bla na med pa yang dag par rdzogs par byang chub par nus pa yin na/ de la bdag gis bskyed du yang 'di ltar rid cing
 nyam chung la zhan pas sla ba ma yin te ma la bdag gis ci bder dbugs rngub pa dang / ci bder dbugs dbyung ba dang / ci bder 'bras can dang / zan dron gyi kha zas rags pa bza' zhing lus mar sar dang til mar gyis byugs
 la chu 'jam pos lus bkru bar bya'o snyam ste/ de ci bder dbugs rngub pa dang / ci bder dbugs 'byung ba dang / ci bder 'bras can dang / zan dron gyi zhal zas rags pa gsol zhing sku til mar dang mar gyi byugs nas chu 'jam
 pos sku 'khru bar mdzad do/ /de nas rim gro ba de rnams 'di snyam du sems te/ shes ldan dag dge sbyong gau ta ma 'di ni sdom pa lhod pa/ bya ba mang pa mang pos 'tsho ba spong ba nyams par gyur pa yin te/ 'di da ltar 'bras chan dang
 zan dron gyi kha zas mang du za la lus zhun mar dang / til mar gyi byugs nas chu 'jam pos lus khrus byed de 'dis da ni cung zad kyang thob par mi nus so snyam du bsams nas byang chub sems dpa' bor te dong ba las rims kyis bA ra Na
 sIr phyin nas drang srong smra ba ri dgas kyi nags na gnas so/ /de nas byang chub sems dpa' rims kyis las kyi stobs dang mthu dang / brtson 'grus yang dag par bskyed nas rim gyis sde can gyi grong khyer du gshegs so/ /de ni grong khyer sde
 can zhes bya ba nai rany+dza nA'i chu bo'i 'gram na bzhugs pa dang / bram ze lha zhes bya ba byang chub sems dpa'i sngon gyi grogs bshes su gyur pa de sde can gyi grong khyer na gnas pa dang / des byang chub sems dpa' dka' ba spyod
 pa mdzad pa mthong nas/ grong pa'i bu mo dga' mo dang / dga' stobs ma gnyis la smras pa/ khyed gnyis kyis rgyal po zas gtsang ma'i sras mtshan mkhan gyis gal te rab tu byung bar ma gyur na 'khor los sgyur ba'i rgyal
 por 'gyur ro zhes lung bstan pa de thos sam/ de gnyis kyis smras pa/ bdag cag rnams kyis kyang gal te de 'khor los sgyur ba'i rgyal por gyur na bdag cag de'i btsun mor gyur cig ces smon lam btab lags so/ /
 bram ze lhas smras pa/ bdag nyid chen po de ni dka' thub kyis lus gdungs pas spong ba las bzhengs na khyed gnyis kyis de la thog ma kho nar bsod snyoms phul cig dang / de khyed cag gnyis kyi yun ring po'i phan pa dang
 bde ba'i don du 'gyur ro/ /de nas bu mo dga' mo dang / dga' stobs mas thos pa dang / ba stong bzhos so/ /bzhos nas kyang ba lnga brgya la blud do/ /ba lnga brgya bzhos nas nyis brgya lnga bcu la blud do/ /nyis brgya
 lnga bcu bzhos nas kyang brgya la blud do/ /brgya bzhos nas lnga bcu la blud do/ /lnga bcu bzhos nas nyi shu la blud do/ /nyi shu bzhos te me spar nas shel las byas pa'i snod kyi nang du blugs nas 'o thug bskol bar brtsams
 pa na/ bram ze rnams kyis bsams pa/ 'dir nges par bag ma len tam bag ma gtong bar 'gyur ro snyam nas bram ze mang po 'dus par gyur pa dang / 'o thug stong du bsgres pa bskol ba na bum pa bzang po dang / dpal
 be'u dang / g.yung drung 'khyil pa'i mtshan ma dag byung ba snang ba dang / kun tu rgyu nye 'gro zhes bya bas mthong nas bsams pa/ 'o ma'i thug pa 'di sus 'thungs pa des ni bla na med pa'i ye shes 'thob par 'gyur gyis ma
 la bdag gis bslang ngo snyam mo/ /de nas brgya byin 'di snyam du sems te/ byang chub sems dpa' de ni dka' thub kyis sku lus nyams chung zhing sku la sbribs pa dang / skyems pas nyen pa yin la byang chub sems
 dpa' 'o thug gsol na bla na med pa'i ye shes thugs su chud par 'gyur na/ bram ze 'di dag ni rang bzhin gyis brkam pa dag 'dir 'dus par gyur pas gal te byang chub sems dpa' la gnod pa byed par 'gyur ro snyam nas/ ri
 spos kyi ngad ldang nas lha'i sman blangs te de shin du gzugs bzang ba'i bram ze zhig du mngon par sprul nas 'o thug de skol ba'i steng du 'dug ste/ lha'i dbang po brgya byin gyis der sman mthu bskyed pa zhes bya ba blugs so/ /de
 nas dga' mo dang / dga' stobs mas 'o thug sbrang rtsi ltar mngar ba stong du bsgres pa bskol nas lha'i dbang po brgya byin la 'di skad ces smras so/ /khyod nyid rgyal po zas gtsang ma'i sras de yin nam/ brgya byin gyis smras pa
 de ni nga'i mkhan po yin te nga ni de'i slob ma yin no/ /de nas lha'i dbang po brgya byin gis 'o thug sbrang rtsi ltar mngar ba stong du bsgres pa blangs so/ /blangs nas kyang dga' mo dang / dga' stobs ma gnyis la smras pa/ sbyin
 pa 'dis khyed gnyis ci zhig don du gnyer gang gi don du yon bsngo bar bya/ de gnyis kyis smras pa/ gsol pa phul ba'i bsod nams ci mchis pas/ /grags dang ldan pa don rnams kun grub pa/ /mi yi mchog gyur blo
 mchog ldan pa de'i/ /don kun myur du shin du grub gyur cig /de nas byang chub sems dpa' chu klung nai rany+dza nAr zhugs nas sku khrus mdzad de/ rgal bar bzhed pa dang / sku nyam chung ba nyid kyis rgal bar ma spyod
 pa na lha rnams kyis ardzu na'i yal ga btud pa dang de la 'jus nas byang chub sems dpa' rgal bar mdzad de chos gos banabs nas chu klung nai rany+dza nA'i 'gram na bzhugs so/ /de nas lha'i dbang po brgya
 byin gyis byang chub sems dpa' bde bar bzhugs par rig nas 'o thug sbrang rtsi ltar mngar ba stong du bsgres pa yol gor blugs te/ byang chub sems dpa' la bstabs so/ /byang chub sems dpas kyang gsol nas yon
 bsngo bar mdzad do/ /de nas byang chub sems dpa' chu klung nai rany+dza nA'i 'gram na phan tshun du bzhugs pa'i sa btsal ba dang / ci tsam na ri brag chen po me tog dang / 'bras bu sna tshogs dang ldan pa zhig gzigs nas de de la
 'dzegs te phyogs su dben zhing gsal ba'i sa phyogs su skyil mo dkrung bcas te bzhugs so/ /bzhugs ma thag tu ri de nyid du rnyil to/ /de nas byang chub sems dpa' 'di snyam du dgongs te 'dir rgyu ci zhig yod na ri rnyil bar
 gyur/ ci nga 'ong ba la lha rnams mngon par mi dga' 'am 'on te bgegs 'ga' zhig 'byung bar 'gyur snyam mo/ /lha rnams kyis byang chub sems dpa'i thugs shes nas gsol pa/ byang chub sems dpa' sa thams cad
 kyis gzung bar rngo mi thog pa ni gnyis te/ dge ba'i rtsa ba gang lags pa dang / dge ba'i rtsa ba sbyangs pa gang lags pa ste/ khyod ni dge ba'i rtsa ba sbyangs pa lags so/ /'di ni byang chub sems dpa' rnams kyi
 gnas ma lags te/ 'on kyang mdun du bzhud cig dang de na rdo rje'i gdan mchis te/ der ni 'das pa dang / ma byon pa dang / da ltar byung ba'i byang chub sems dpa' thams cad bzhugs nas bla na med pa'i ye shes thob par gyur cing
 thob par 'gyur ro/ /de nas byang chub sems dpa' lhas lam bstan pa bzhin gshegs pa na de'i zhabs bzhag sar pad ma dag byung bar gyur to/ /rgya mtsho chen po bzhi las kyang chu bab nas pad ma'i rdzing dag byung bar gyur to/ /gom pa
 bor nas mnan pa na sa chen po 'di khar ba'i snod bzhin du sgra 'byin par brtsams so/ /bya tsa sha dang / ri dgas dag gis kyang byang chub sems dpa' la skor ba byed do/ /rlung gtong ba'i lha'i bu rnams kyis kyang dal bu dal bus rlung
 gtong bar byed do/ /char pa 'bebs pa'i lha'i bu rnams kyis kyang char pa cung zad 'bebs par byed do/ /de nas byang chub sems dpa' 'di snyam du dgongs te/ nga la 'di 'dra ba'i mtshan ma bzang po byung bar gyur pas deng nyid bdag
 gis bla na med pa'i ye shes thob par 'gyur ro snyam mo/ /chu klung nai rany+dza nA'i 'gram na klu'i rgyal po dus can zhes bya ba long ba zhig gnas te/ der de'i las kyi rnam par smyin pa las skyes pa'i gnas zhig byung bar gyur te/
 sangs rgyas byung ba na mig thob par gyur la/ yongs su mya ngan las 'das pa na slar long bar 'gyur ro/ /de sa'i sgra grag pas gnas nas byung ba dang rgyang ring po kho na nas byang chub sems dpa' sku skyes bu chen po'i mtshan sum bcu rtsa
 gnyis kyis kun nas brgyan la/ dpe byad bzang po brgyad bcus spras pa/ 'od 'dom gang gis brgyan pa/ nyi ma stong bas lhag pa'i 'od zer dang / rin po che'i ri bo 'gro ba ltar kun nas mdzes pa mthong ngo / /
 mthong ma thag tu byang chub sems dpa' la tshigs su bcad pa'i dbyangs kyis bstod par brtsams pa/ dga' ba'i dbyangs kyis kun gang ba'i/ /sa yi sgra ni thos nas kyang / /klu yi gnas nas byung nas su/ /phyogs kun
 du yang lta bar byed/ /brang gis 'gro ba'i gtso bo ste/ /klu yi rgyal po mthu chen gyis/ /nai rany+dza nA'i ngogs su ni/ /'jig rten 'dren pa gshegs pa mthong / /sangs rgyas 'byung ba'i mthu yis ni/ /klu yis mig ni thob gyur te/ /
 sems ni dga' zhing yid mgu nas/ /des ni 'di skad ces gsol to/ /bdag gis sngon ni mthong ba yin/ /sangs rgyas mthu chen de rnams dang / /thub pa khyod ni mthong gyur na/ /de dang tha dad dbyer ma mchis/ /thub pa
 ji ltar thog mar ni/ /g.yas pa'i zhabs ni 'degs pa lags/ /khyod ni sangs rgyas deng gyur nas/ /'jig rten gyi ni yon gnas 'gyur/ /ji ltar chos gos mnabs pa dang / /nai rany+dza nA'i chu bsil la/ /ji lta bur ni 'jug
 pa las/ /de ring khyod ni sangs rgyas 'gyur/ /ji ltar rab brtan 'gros su gshegs pa dang / /ba lang khyu mchog 'gying ba ltar gshegs pas/ /skyes bu khyu mchog chos 'dzin rnams kyi mchog /deng 'dir khyod ni sangs rgyas
 mchog 'gyur ro/ /ji ltar mkha' la tsa sha brgya phrag gis/ /khyod sku rgya chen rgya chen mdzad de la/ /lding zhing skor bar bgyid par gyur pa las/ /mi mchog deng ni sangs rgyas mchog 'gyur ro/ /ji ltar dri zhim rlung ni ldang ba dang /
 ri dgas bya yi tshogs kyang mi skrag la/ /ljon shing rlung gis g.yos par ma gyur pas/ /mi mchog deng ni sangs rgyas mchog 'gyur ro/ /ji ltar btsun pa khyod kyi zhal gyi 'od/ /dri med gser 'od 'bar ba 'dra ba de/ /rnam par
 mdzes shing kha dog ldan pas na/ /mi mchog deng ni sangs rgyas mchog 'gyur ro/ /de nas byang chub sems dpa' klu'i rgyal po dus can gyis yang dag par bstod nas rdo rje'i gdan logs su gshegs so/ /de nas byang chub sems dpa'
 'di snyam du dgongs te rtswa'i gding ba la 'dug par bya'o snyam pa dang / de la rtswa'i dgongs pa byung bar lha'i dbang po brgya byin gyi sems kyis byang chub sems dpa'i dgongs pa shes nas ri spos kyi ngad ldang las shing bal gyi
 'dab ma ltar reg na bde ba'i rtswa khur cig blangs nas rtswa 'tshong bkra shis kyi cha byad du bdag nyid mngon par sprul te byang chub sems dpa'i spyan snga na sdod do/ /byang chub sems dpas gsungs pa/ bzhin bzangs rtswa'o ni dag nga la phul
 cig / lha rnams kyi dbang po brgya byin gyis byang chub sems dpa'i zhabs gnyis la gtugs nas gus pa dang bcas pas phul lo/ /byang chub sems dpa' rtswa 'tshong bkra shis las rtswa bzhes te lha dang mi rnams kyi yid sdud
 p ar byed pa'i spyod lam gyi 'gro ba rnams dad par mdzad cing lha rnams kyis bstan pa'i lam nas byang chub kyi snying po gang na ba der gshegs te stong gsum gyi stong chen po'i 'jig rten gyi khams kyi 'khor lo'i lte ba lta bu'i rdo rje
 'i gdan la brtan zhing nges pas nyid kyis rtswa rnams ma 'khrugs pa dang / stug srab med par bkram nas thugs bskyed cing tshig tu yang gsung ba/ ji srid sdug bsngal kun gyi mtha'i/ /zag zad yang dag ma thob pa/ /de srid srog
 ni mthar gyur kyang / /skyil dkrung 'di ni gzhig mi bya/ /zhes gsungs nas byang chub sems dpa' rdo rje'i gdan la 'dzegs te brang gis 'gro'i rgyal po gnyid log pa'i lus bskyil ba lta bu'i skyil mo dkrung bcas nas sku drangs por
 bsrang dran pa mngon du bzhag nas bzhugs so/ /bzhugs pa'i mod kho na la bdud sdig can gyi gnas g.yos par gyur to/ /de nas bdud sdig can 'di snyam du sems te ci'i phyir nga'i gnas g.yos snyam pa dang / ci tsam na byang chub
 sems dpa' rdo rje'i gdan la bzhugs pa mthong ngo / /de nas bdud sdig can 'di snyam du sems te/ shAkya zas gtsang gi bu rdo rje'i gdan la 'dug gis ji tsam bdag gi yul las ma 'das kyi bar du de la bgegs bya'o snyam du
 bsams nas phrin yig skyel ba skra gyen du 'greng la sha na'i smad g.yogs bgos pa zhig gi kha dog tu mngon par sprul nas byang chub sems dpa' gang na ba der song ste phyin nas rtags par smras pa/ grong khyer ser skya'i gzhi
 ni lha sbyin gyis mnan/ pho brang ni bcom/ shAkya rnams ni kha btag na/ khyod ci'i phyir gnas btab ste 'dug /de nas byang chub sems dpa' la sdig pa mi dge ba'i rnam par rtog pa gsum skyes pa 'di lta ste/ 'dod pa'i rnam
 par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa'o/ /de la 'dod pa'i rnam par rtog pa ni grags 'dzin ma dang / ri dgas skyes dang / sa 'tsho ma la'o/ /gnod sems kyi rnam par
 rtog pa ni lha sbyin la'o/ /rnam par 'tshe ba'i rnam par rtog pa ni de'i rjes su 'tsho ba'i shAkya rnams la'o/ /de nas byang chub sems dpa' 'di snyam du dgongs te/ ci'i phyir bdag la sdig pa mi dge ba'i rnam par rtog pa gsum
 skyes snyam na/ ji tsam na bdud sdig can 'di lta ste/ dkrug pa'i las kyi phyir nye bar 'ongs pa gzigs so/ /de nas byang chub sems dpa' dge ba'i rnam par rtog pa gsum skyes te/ 'di lta ste nges par 'byung ba'i rnam par rtog
 pa dang / gnod sems med pa'i rnam par rtog pa dang / rnam par mi 'tshe ba'i rnam par rtog pa'o/ /yang bdud kyis smras pa/ khyod ci'i phyir byang chub kyi snying po la 'dug /byang chub sems dpas bka' stsal pa/ bla na med pa'i
 ye shes thob par bya ba'i phyir ro/ /bdud kyis smras pa/ khyod kyis bla na med pa'i ye shes ga la thob/ byang chub sems dpas bka' stsal pa/ sdig can khyod kyis re shig mchod sbyin gcig byas pas kyang 'dod pa'i
 khams kyi dbang phyug phun sum tshogs par gyur na ngas bskal pa grangs med pa gsum du mchod sbyin bye ba khrag khrig brgya stong du ma byas shing sems can rnams kyi phyir mgo dang / lag pa dang / rkang pa dang / mig dang /
 sha dang / khrag dang / bu dang / chung ma dang / dbyig dang / gser la sogs pa yongs su btang nas bla na med pa'i ye shes thob par 'gyur ba lta smros kyang ci dgos te ngas bla na med pa'i ye shes thob par mi 'gyur ba
 de srid re skan/ de skad ces bka' stsal pa dang bdud kyis smras pa/ re shig ji ltar bdag gi mchod sbyin gcig gis 'dod pa'i khams kyi dbang phyug thob par 'gyur ba'i dbang ni khyod yin na/ ji ltar bla na med pa'i ye shes thob
 par bya ba'i phyir bskal pa grangs med pa gsum du mchod sbyin bye ba khrag khrig brgya stong phrag du ma byas shing sems can rnams kyi phyir mgo dang / lag pa dang / rkang pa dang / mig dang / sha dang / khrag dang / bu dang / chung ma dang /
 dbyig dang / gser la sogs pa yongs su btang bar khyod la dpang su yod/ de nas byang chub sems dpa' bcom ldan 'das kyi phyag 'khor lo dang / bkra shis dang / g.yung drung 'khyil pa dang / dra bas 'brel pa dang /
 bsod nams brgya phrag du mas bskyed pa/ skrag pa rnams la dbugs 'byin par mdzad pas sa la reg par mdzad nas ngas bskal pa grangs med pa gsum du mchod sbyin bye ba khrag khrig brgya stong phrag du ma byas shing
 sems can rnams kyi phyir mgo dang / lag pa dang / rkang pa dang / mig dang / sha dang / khrag dang / bu dang / chung ma dang / dbyig dang / gser la sogs pa yongs su btang ba'i nga'i dpang ni sa 'di yin no/ /de nas sa'i lhas sa
 brtol nas thal mo sbyar te skad phyung ba/ sdig can bcom ldan 'das kyis ji skad bka' stsal pa de bzhin yin no zhes de skad ces smras pa dang / bdud sdig can cang mi smra bar gyur te zhum zhum por gyur/ bag 'khums
 par gyur/ spyi bo smad nas spobs pa med la sems khongs su chud cing 'dug par gyur to/ /de nas bdud sdig can 'di snyam du sems te/ bdag gis zas gtsang gi bu la de ltar byas kyang glags ma rnyed kyis/ ma la
 bdag gis yang bgegs shig bya'o snyam nas dpung mchog dang ldan pa bye ba phrag sum bcu rtsa drug po glang po che dang / rta dang / rnga mo dang / ra dang / ri dgas dang / ma he dang / phag dang / khyi dang / 'ug pa dang / ne'u le dang / spre'u
 dang / wa la sogs pa 'dra ba/ ral gri dang / mda' bo che dang / mtshon rtse gcig pa dang / 'khor lo dang / mdung thung dang / gzhu dang / zhags pa dang / dgra sta dang / lcags kyi dbyug pa la sogs te mtshon cha rnams
 'phyar ba 'jigs su rung ba rnams dang lhan cig byang chub sems dpa' kun nas yongs su bskor nas gnas shing bdud sdig can rang nyid gzhu rna drung du bkang nas 'dug go/ /de nas byang chub sems dpa' gzugs rnam pa du
 ma can/ mtshon cha rnam pa sna tshogs mang po dang chas pa de rnams gzigs nas dgongs pa re shig skyes pa phal pa zhig dang lhan cig 'thab par rtsom na yang / de'i gnyen po'i phyogs la sbyor bar byed na 'dod pa'i khams kyi
 dbang phyug 'di la lta smos kyang ci dgos kyis/ ma la bdag gis gnyen po'i phyogs la sbyar bar bya'o snyam du dgongs nas de zhi bar 'gyur ba'i thabs la dgongs par brtsams so/ /bdud kyang 'byung po bye ba phrag sum bcu
 rtsa drug dang lhan cig tu byang chub sems dpa'i steng nas 'khor lo dang / mdung thung dang / mda' bo che dang / mtshon rtse gcig pa dang / mda' la sogs te mtshon cha rnams dbab par brtsams so/ /de nas byang chub sems
 dpa' shel las byas pa'i gzhal yas khang mngon par sprul pa dang / mtshon cha thams cad gzhal yas khang de'i steng du 'bab pa dang / gzhal yas khang gi sgras bdud kyi sde thams cad skrag nas kun du 'byer bar gyur
 to/ /de nas byang chub sems dpa' nam gyi thun dang po la rtag tu bya ba dang / 'grus skyong dang ldan zhing byang chub kyi phyogs dang 'thun pa'i chos rnams la bsgom pa'i rnal 'byor kyi rjes su brtson pas bzhugs so/ /de nam gyi
 t hun dang po la rdzu 'phrul gyi yul shes pa mngon du bya ba'i mngon par shes pa la dgongs pa mngon du bzhag pa na de rdzu 'phrul gyi yul rnam pa du ma nyams su myong bar mdzad de gcig tu gyur cing mang por
 gyur la/ mang por gyur cing gcig tu 'gyur ba dang / snang bar gyur cing mi snang bar gyur pa ye shes gzigs pas nyams su myong bar mdzad do/ /skus rtsig pa dang / ri dang / ra ba la yang thad kar gshegs par mdzad de/
 dper na nam mkha' la bya ba bzhin no/ /sa la yang steng du 'byung ba dang / byi'u zul mdzad de/ dper na chu la bya ba bzhin no/ /chu'i rgyun la yang mi nyams par gshegs te/ dper na sa la bya ba bzhin no/ /nam
 mkha' la skyil mo dkrung gis gshegs par mdzad de/ dper na mdab chags bya bzhin no/ /nyi ma dang zla ba 'di gnyis 'di ltar rdzu 'phrul che ba 'di ltar gzi brjid che ba la yang phyag gis nom zhing nyug par mdzad de
 tshangs pa'i 'jig rten gyi bar du skus dbang sgyur bar mdzad do/ /de nas bdud sdig can 'di snyam du sems te/ bsam gtan gyi tsher ma ni sgra yin pas/ ma la bdag gis rgyang ring po kho nar 'dug la sgra dbyung bar bya'o
 snyam nas des 'byung po bye ba phrag sum bcu rtsa drug dang 'jigs pa chen po 'jigs su rung ba'i sgra phyung ngo / /byang chub sems dpas kyang de bsgrib pa'i phyir dpag tshad bcu gnyis kyi bar du shing ka dam pa'i tshal sprul pas
 des na sgra de rdugs pas mi grag go/ /de nas byang chub sems dpa' 'di snyam du dgongs te/ ma la bdag gis lha'i rna ba shes pa mngon sum du bya ba'i mngon par shes pa la sems mngon du bzhag nas des na lha dang mi rnams
 k yi sgra gang dang gang dag thos par 'dod pa de dag mnyan par bya'o snyam du dgongs nas lha'i rna ba shes pa mngon sum du bya ba'i mngon par shes pa la dgongs pa bzhag pa na de'i lha'i snyan rnam par dag pa mi las 'das pas sgra
 gnyis po mi rnams kyi dang / mi ma yin pa rnams kyi dang / gang dag ring ba dang / gang dag nye ba yang gsan to/ /de nas byang chub sems dpa' 'di snyam du dgongs te/ bdud kyi 'khor 'byung po bye ba phrag sum bcu rtsa drug
 las bdag la su dag ni gnod par sems su dag ni ma yin zhes de dag ji ltar shes par bya snyam pa dang / de nas byang chub sems dpa' de 'di snyam du dgongs te/ sems kyi rnam grangs shes pa mngon sum du bya ba'i mngon
 p ar shes pa yin no snyam nas de nam gyi gung thun la sems kyi rnam grangs shes pa mngon sum du bya ba'i mngon par shes pa la dgongs pa mngon du bzhag pa na de'i thugs kyis sems can gzhan dang gang zag gzhan dag gi rnam
 par rtog pa dang rnam par dpyod pa'i yid ji lta ba bzhin du rab tu mkhyen te/ 'dod chags dang bcas pa'i sems la 'dod chags dang bcas pa'i sems so zhes ji lta ba bzhin du rab tu mkhyen to/ /'dod chags dang bral ba'i
 sems la 'dod chags dang bral ba'i sems so zhes ji lta ba bzhin du rab tu mkhyen to/ /zhe sdang dang bcas pa dang / zhe sdang dang bral ba dang / gti mug dang bcas pa dang / gti mug dang bral ba dang / bsdus pa dang / rnam par
 g.yengs pa dang / zhum pa dang / rab tu 'dzin pa dang / rgod pa dang / mi rgod pa dang / nye bar ma zhi ba dang nye bar zhi ba dang mnyam par ma bzhag pa dang / mnyam par bzhag pa dang / ma bsgoms pa dang / bsgoms pa dang /
 sems rnam par ma grol ba dang / rnam par grol ba zhes ji lta ba bzhin du rab tu mkhyen to/ /shin du rnam par grol ba'i sems la shin du rnam par grol ba'i sems shes yang dag pa ji lta ba bzhin du rab tu mkhyen
 to/ /de nas byang chub sems dpa' 'di snyam du dgongs te/ bdud kyi mngag gzhug pa 'di rnams las su dag tshe rabs gzhan na mar 'brel pa 'am/ phar 'brel pa 'am/ su dag gshed ma 'am/ phyir rgol ba 'am/
 dgrar gyur pa de dag ji ltar shes par bya snyam mo/ /de nas byang chub sems dpa' 'di snyam du dgongs te sngon gyi gnas rjes su dran pa shes pa mngon sum du byas pa'i mngon par shes pas yin no snyam nas de
 nam gyi gung thun la sngon gyi gnas rjes su dran pa'i shes pa mngon sum du bya ba'i mngon par shes pa la dgongs pa mngon du bzhag pa na des sngon gyi gnas rnam pa du ma rjes su dgongs te/ 'di lta ste/ skye ba gcig dang / gnyis
 dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum bcu dang / bzhi bcu dang / lnga bcu dang / skye ba brgya dang / skye ba stong dang / skye ba brgya stong dang / skye ba brgya phrag du
 ma dang / skye ba stong phrag du ma dang / skye ba brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang / 'jig pa'i bskal pa du ma dang / 'chags
 pa'i bskal pa du ma dang / 'jig pa dang / 'chags pa'i bskal pa du ma rjes su dgongs te/ bdag sngon sems can 'di dag gi nang na gnas pa na ming ni 'di zhes bya/ rigs ni 'di zhes bya/ rus ni 'di zhes bya/
 zas ni 'di lta bu zhig za za/ bde ba dang sdug bsngal ni 'di lta bu zhig nyams su myong / tshe ni 'di srid cig lon/ yun ni 'di srid cig 'dug 'dug /tshe 'di srid gcig lon te gnas/ de nas bdag shi 'phos
 te che ge mo zhig du skyes so/ /de nas kyang shi 'phos nas che ge mo zhig tu skyes so/ /de nas kyang shi 'phos nas 'dir skyes so zhes rnam pa dang bcas pa/ yul phyogs dang bcas par sngon gyi gnas rnam pa
 du ma rjes su dgongs so/ /de nas byang chub sems dpa' 'di snyam du dgongs te bdud kyi mngag gzhug 'di rnams las su dag ni ngan song du 'gro/ su dag ni ngan song du mi 'gro ba de dag ji ltar shes par bya
 snyam mo/ /de nas byang chub sems dpa' 'di snyam du dgongs te 'chi 'pho dang skye ba shes pa mngon sum du bya ba'i mngon par shes pas yin no snyam ste/ de nam gyi thun tha ma la 'chi 'pho dang / skye ba shes pa mngon sum du bya
 ba'i mngon par shes pa la dgongs pa mngon du bzhag pa na des lha'i spyan rnam par dag pa mi rnams kyi las 'das pas gzigs na sems can rnams kyi 'chi 'pho dang / skye ba dang / kha dog bzang po dang / kha dog ngan pa dang /
 dman pa dang / gya nom pa dang / bde 'gro dang / ngan 'gror 'gro ba'i sems can rnams la ji lta ba bzhin gyi rjes su 'gro ba/ ji lta ba bzhin du rab tu mkhyen te/ shes ldan dag sems can 'di zhes bya ba 'di dag ni lus kyi
 nyes par spyod pa dang ldan/ ngag gi dang / yid kyi nyes par spyod pa dang ldan te/ 'phags pa rnams la skur pa 'debs pa log par lta ba ste/ log par lta ba'i chos dang las yang dag par blangs pa'i rgyus rgyu de
 rnams dang rkyen des lus zhig nas shi ba'i 'og tu ngan song ngan 'gro log par lhung ba sems can dmyal ba rnams su skye bar 'gyur ro/ /shes ldan dag sems can 'di dag ni lus kyi legs par spyod pa dang ldan pa/ ngag gi dang /
 yid kyi legs par spyod pa dang ldan te/ 'phags pa rnams la skur pa mi 'debs shing yang dag par lta ba ste/ yang dag par lta ba'i chos dang las yang dag par blangs pa'i rgyus rgyu de dang rkyen des lus zhig nas shi ba'i 'og tu bde
 'gro mtho ris kyi 'jig rten du lha dang mi rnams su skye bar 'gyur ro zhes rab tu mkhyen to/ /de nas byang chub sems dpa' byang chub kyi shing drung na bzhugs te rtag tu bya ba dang 'grus skyong dang ldan zhing byang chub kyi phyogs dang 'thun
 pa'i chos rnams la sgom pa'i rnal 'byor gyi rjes su 'thun pas bzhugs te/ de nam gyi thun tha ma la zag pa zad pa'i shes pa mngon sum du bya ba'i shes pa la dgongs pa mngon du bzhag pa na/ des 'di ni sdug bsngal
 'phags pa'i bden pa'o zhes ji lta ba bzhin du rab tu mkhyen to/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba 'phags pa'i bden pa
 'o zhes ji lta ba bzhin du rab tu mkhyen to/ /de de ltar shes shing de ltar mthong na 'dod pa'i zag pa las sems rnam par grol bar 'gyur zhing / srid pa'i zag pa dang / ma rig pa'i zag pa las sems rnam par grol bar
 'gyur ro/ /rnam par grol na bdag gi skye ba ni zad do/ /tshangs par spyod pa la bsten to/ /bya ba byas so/ /'di las srid pa gzhan mi shes so zhes de nyid du yang bla na med pa yang dag par rdzogs pa'i byang chub mngon par
 r dzogs par sangs rgyas so zhes thugs su chud par gyur cing de ltar bcom ldan 'das nam gyi thun tha ma la bdud 'byung po bye ba phrag sum bcu rtsa drug dang bcas pa las byams pa'i mtshon gyis mngon par rgyal te bla na med
 pa'i ye shes brnyes so/ /de nas bdud sdig can gyi lag pa nas gzhu shor ba dang / rgyal mtshan rtse mo mthur du lta ba dang / gnas g.yos par gyur to/ /de nas bdud sdig can 'byung po'i 'khor bye ba phrag sum bcu
 rtsa drug dang bcas par sdug bsngal zhing yid mi bde la yid la gcags te de nyid du mi snang bar gyur nas rang gi gnas su song ste/ sdug bsngal zhing yid mi bde la pham par gyur pas sems pa la zhugs te mdas sa la 'dri zhing
 gnas par gyur to/ /de nas bdud kyi bu mo sred ma dang / dga' byed ma dang dga' spyod ma zhes bya ba bdud gang na ba der song ste phyin nas bdud sdig can la 'di skad ces smras so/ /yab khyod ci phyir thugs mi dgyes/ /ci yi phyir
 na 'di ltar bzhugs/ /gang gis khyod la gnod byed pa'i/ /skyes bu gang la rjes su sems/ /gsungs shig de ni 'dod chags kyi/ /zhabs pas nags nas glang po bzhin/ /bcings nas bdag cag 'tshal te mchi/ /
 de ni khyod kyi dbang du gyur/ /bdud kyis smras pa/ skyes bu 'dod chags rab bral te/ /chags pas legs par dgug mi nus/ /bdud kyi yul 'das de yi phyir/ /nga ni shin du mya ngan byed/ /de nas sred ma dang / dga' byed ma dang / dga'
 spyod ma ste/ bdud kyi bu mo gsum po sprin las byung ba'i glog bzhin du gzi brjid rab tu 'bar zhing rang gi gnas nas bcom ldan 'das gang na ba de logs su song ste phyin pa dang / bcom ldan 'das kyi zhabs la mgo bos phyag byas nas
 phyogs gcig tu 'dug go/ /phyogs gcig tu 'dug nas kyang bcom ldan 'das la bdud sdig can gyi bu mo gsum gyis 'di skad ces gsol to/ /kye dge sbyong khyod kyi zhabs la bsnyen bkur bgyid cing bde bar gshegs pa khyod kyi rim
 gro bgyid do/ /bcom ldan 'das ci nas kyang sred pa yang dag par zad cing rnam par grol la thugs yang dag par shin du rnam par grol ba bla na med pa brnyes pas de la dgongs par ma mdzad do/ /lan gnyis lan gsum du yang bcom ldan
 'das la bdud kyi bu mo gsum gyis 'di skad ces gsol to/ /kye dge sbyong khyod kyi zhabs la bsnyen bkur bgyid cing bde bar gshegs pa khyod kyi rim gro bgyid do/ /bcom ldan 'das kyis lan gnyis lan gsum du yang ci nas
 kyang sred pa yang dag par zad cing rnam par grol la thugs yang dag par shin du rnam par grol ba bla na med pas de la dgongs par ma mdzad do/ /de nas bdud kyi bu mo gsum phyogs gcig tu song ste phan tshun smra zhing kun du bgros
 pa/ shes ldan spun gnyis zla dag skyes pa rnams kyi bud med la sred pa ni tha dad pa yin pas/ ma la bdag cag gis gzhon nu ma mdog mdangs brgya phrag dang / gos dang / kha dog brgya phrag dang bcas par mngon par sprul zhing bu
 btsas ma myong ba dang / lan cig btsas pa dang / lan gnyis dang / gsum dang / lan bzhi btsas par mngon par sprul zhing bud med bar ma'i tshul brgya phrag du bdag nyid mngon par sprul la dge sbyong gau ta ma gang na ba der nye bar
 'gro bar bya'o/ /phyin nas kyang dge sbyong gau ta ma la 'di skad ces dge sbyong khyod kyi zhabs la bsnyen bkur byed cing bde bar gshegs pa khyod la rim gro ba bgyid do/ /zhes smra bar bya'o/ /de nas bdud kyi bu mo gsum po
 gzhon nu'i mdog brgya stong du mar bdag nyid mngon par sprul cing gos kha dog brgya phrag dang bcas pa nas ji srid du bud med bar ma'i tshul brgya phrag du bdag nyid mngon par sprul nas bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag byas nas phyogs gcig tu 'dug go/
 /phyogs gcig tu 'dug nas bcom ldan 'das la 'di skad ces gsol to/ /kye dge sbyong khyod kyi zhabs la bsnyen bkur bgyid cing bde
 bar gshegs pa khyod kyi rim gro ba bgyid do/ /bcom ldan 'das ci nas kyang sred pa yang dag par zad cing rnam par grol la thugs yang dag par shin du rnam par grol ba bla na med pa brnyes pas de la dgongs par ma mdzad do/ /lan
 gnyis lan gsum du bcom ldan 'das la bdud kyi bu mo gsum gyis de skad gsol kyang / lan gnyis lan gsum du bcom ldan 'das kyis de la dgongs par ma mdzad do/ /de nas bdud kyi bu mo gsum phyogs gcig tu
 song nas phan tshun 'di skad ces smra ste/ spun zla dag 'dod chags dang ma bral ba'i skyes bu dag 'di lta bu'i thabs mang pos nye bar bsten cing gnas na de'i sems g.yengs par 'gyur ba 'am/ snying 'gas par 'gyur ba 'am/
 kha nas khrag dron po skyug par 'gyur ba'i gnas de ni yod na dge sbyong gau ta ma 'di ni 'u bu cag la/ sems gtod par mi byed kyis skyes pa rnams kyi bud med la sred pa ni tha dad pa yin gyis/ ma la bdag cag bud med rgan
 m o'i tshul brgya phrag du mngon par sprul la dge sbyong gau ta ma'i gan du 'gro na de lta na ni dge sbyong gau ta ma bdag cag rnams la 'dun pa skyed pa yang srid par 'gyur gyis zhes smras te bdud kyi bu mo gsum po bud med rgan mo'i
 tshul brgya phrag du bdag nyid mngon par sprul nas bcom ldan 'das gang na ba der song ste/ snga ma bzhin du bsnyen bkur bgyid pa'i bar du gsol pa dang / bcom ldan 'das ci nas kyang sred pa yang dag par zad cing rnam par grol
 la thugs yang dag par shin du rnam par grol ba bla na med pa brnyes pas de la dgongs par ma mdzad do/ /de nas bcom ldan 'das 'di snyam du dgongs te/ 'di dag ni rang nyid kyis rgan mo'i dngos por byas pa yin gyis ma la ngas kyang 'di
 rnams nyid kun du skyo ba bskyed pa'i phyir rgan pa 'di nyid du byin gyis brlab par bya'o snyam nas bcom ldan 'das kyis bdud kyi bu mo rgan mor byin gyis brlabs so/ /de nas bdud kyi bu mo gsum po rgan pa de mi snang bar bya bar 'dod kyang
 mi snang bar bya bar mi nus so/ /de nas bdud kyi bu mo gsum po bsam pa yongs su ma rdzogs shing gzugs kyis ngo tsha ba bzhin du rgas shing 'khogs la gtugs pa/ sgur po phyam dgu po ltar kyar kyor can mdun nas 'khar ba la rten cing lus
 'dar bzhin du bdud sdig can gang na ba der song ste phyin nas bdud sdig can la 'di skad ces smras so/ /skyes bu 'dod chags rab bral te/ /chags pas legs par dgug mi nus/ /bdud kyi yul 'das de yi phyir/ /nga ni
 shin du mya ngan byed/ /ces bdag cag rnams la gsung ba ni yab mad de/ gang zhig gzhan sems rmongs byed pa/ /bdag cag gis ni ma byas pa'i/ /rnam pa de ni yod min na/ /de lta na yang dbang ma gyur/ /tha mar
 gzugs ni 'di 'dra ba/ /byas nas de gan nyer song na/ /ji ltar rgan pa nyid gnas pa/ /de ltar de yis byin gyis brlabs/ /de bas yab kyis bdag cag rnams/ /rgas pa 'di ni mi snang mdzod/ /bdud kyis smras pa/
 khyed rnams gzugs kyis dregs nas ni/ /sprin gyi tshogs las glog bzhin du/ /gzi brjid rab tu 'bar ba dang / /spro ba'i nga rgyal gnas pas song / /dpa' chen de gan phyin pa dang / /rlung gis shing bal bzhin du
 brlag / gang zhig chags kun mthar 'byin pa'i/ /sangs rgyas la 'dir gnod byed pa/ /ri bo sen mos rko ba dang / /so yis lcags ni 'cha' ba dang / /pad ma gzhon nu'i sdong bu yis/ /ri bo gzhig par 'dod
 pa yin/ /gang zhig chags kun mthar 'byin pa'i/ /sangs rgyas la 'dir gnod byar 'dod/ /rgya mtsho brkos par gyur nas ni/ /zab pa'i gting tshol 'dod pa yin/ /gang zhig chags kun mthar 'byin pa'i/ /sangs rgyas la 'dir
 gnod byar 'dod/ /rlung ni zhags pas 'ching ba dang / /zla ba mkha' las dbab pa dang / /rgya mtsho lag pas 'chu ba dang / /gangs can la ni rgal ba dang / /snang zhing sreg bcas 'bar ba yi/ /me la 'khyud par 'dod pa yin/
 gang zhig dka' ba byed 'dod pa/ /de ni 'di ltar 'gyur ba yin/ /ji srid thub pa de nyid la/ /skyabs su 'gro bar gyis shig dang / /de nyid rgan pa'i gzugs 'di ni/ /don gzhan du ni byed par 'gyur/ /de ni thugs rje cher
 ldan pas/ /nges par khyed kyis sel bar 'gyur/ /'jig rten lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu rnams dang / lha dang mi dang lha ma yin
 du bcas pa'i 'jig rten na/ khyed rnams kyi rga ba'i dngos po mi snang bar byed pa de ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de nyid las gzhan dag gang yang ma
 mthong ste khyed rnams song la bcom ldan 'das de nyid mnyes par gyis shig / de nas bdud kyi bu mo gsum bcom ldan 'das ga la ba de logs su song ste phyin nas bcom ldan 'das kyi zhabs la mgo bos phyag byas
 te phyogs gcig tu 'dug nas bdud kyi bu mo gsum gyis bcom ldan 'das la 'di skad ces gsol to/ /btsun pa bcom ldan 'das bdag cag gis byis pa ji lta ba dang / rmongs pa ji lta ba dang / mi gsal ba ji lta
 ba dang / thabs mi mkhas pa ji lta bar ji tsam du de bzhin gshegs pa dgra bcom pa yang dag par rdzogs pa'i sangs rgyas mnyes par bgyi ba mnyes par ma bgyis pa ni nongs lags kyis/ bcom ldan 'das nongs
 pa bzung du gsol/ bde bar gshegs pa bzod par mdzad du gsol/ bcom ldan 'das bdag cag gi rgas pa'i dngos po mi snang bar mdzad du gsol/ bde bar gshegs pa bdag cag gi rgas pa'i dngos po
 mi snang bar mdzad du gsol/ de nas bcom ldan 'das kyis de rnams rgas pa'i dngos po mi snang bar mdzad do/ /de nas bdud kyi bu mo gsum po rang gi gzugs nyid rnyed nas bcom ldan 'das kyi zhabs la mgo bos
 phyag byas te bcom ldan 'das la dad par gyur pa dang de nyid du mi snang bar gyur to/ /de nas rgyal po zas gtsang la rang gi skyes bu rnams kyis lha dgyes pa bskyed du gsol/ gzhon nus bla na med pa'i ye shes brnyes so/ /de
 thos pa dang nyi ma de nyid la grags 'dzin ma la yang khye'u zhig btsas so/ /bdud rtsi zas la yang khye'u zhig btsas so/ /de nyid kyi nyin mo zla ba yang sgra gcan gyis zin to/ /de nas rgyal po zas gtsang gis phun sum tshogs pa de
 mthong nas dga' ba dang / mgu ba dang / rab tu dga' ba dang / rangs pa rgya chen po dang / yid bde ba skyes par gyur to/ /de nas grong khyer ser skya'i gzhi rdo ba dang / gseg ma dang / gyo mo rnams bsal nas tsan dan gyi chus chag
 chag btab/ shin du dri zhim pa'i pog por nye bar bshams/ dar gyi chun 'phyang mang por dpyangs/ rgyal mtshan dang / ba dan ni bsgreng / me tog sna tshogs kyis dga' dga' ltar bkram nas grong khyer gyi sgo bzhi dang sum
 mdo rnams su yang sbyin gtong gi khang pa brtsigs so/ /de nas grong khyer gyi shar sgor dge sbyong dang / bram ze dang / spyod pa pa dang / kun du rgyu dang / ngan pa dang / mgon med pa dang / bkren pa dang / phongs pa dang / slongs mo pa
 rnams la yang sbyin pa dag gtong ngo / /lho dang / nub dang / byang dang / dbus kyi sum mdo rnams su yang sbyin pa dag gtong bsod nams dag byed do/ /grags 'dzin ma'i bu'i mying 'dogs par byed de btsun mo'i 'khor
 gyi skye bos smras pa/ 'di btsas pa na zla ba sgra gcan gyis zin pas de bas na khye'u yi ming sgra gcan zin zhes gdags so zhes btags so/ /bdud rtsi zas kyi yang de bzhin du sbyin pa dag btang / bsod nams dag byas nas khye'uyi
 ming cir gdags zhes bu'i mying 'dogs par byed do/ /nye du dag gis smras pa/ gang gi tshe 'di btsas pa na grong khyer thams cad dga' bar gyur pas de'i phyir khye'u yi mying kun dga' bor gdags so zhes btags so/ /rgyal po zas
 gtsang gis smras pa/ grags 'dzin ma'i bu gang yin pa 'di ni shAkya thub pa'i bu ma yin no zhes smras pa grags 'dzin mas thos nas yi chad par gyur to/ /de nas des byang chub sems dpa'i phang tshad kyi pha bong la zhon nas
 rol pa'i rdzing 'gram du 'dug te bden pa gsol ba btab pa/ gal te 'di byang chub sems dpa' las skyes pa yin na de bzhin du rdzing 'dir pha bong dang lhan cig 'phyo bar gyur cig /ji ste ma yin na bying bar gyur cig ces
 smras nas chur bor ba dang / de shing bal gyi 'da' ba bzhin du pha bong dang lhan cig 'phyo bar gyur to/ /rgyal po zas gtsang gis ya mtshan du gyur pa de thos nas skye bo'i tshogs chen pos yongs su bskor te/ byang chub sems
 dpa' rol pa'i rdzing 'gram du dong na/ ji tsam na sgra gcan 'dzin bzang po byang chub sems dpa'i phang tshad kyi pha bong la zhon nas shing bal gyi 'da' ba bzhin du chu na 'phyo ba mthong ngo / /mthong nas kyang dga' ba
 dang / mgu ba dang / rab tu dga' ba dang / rangs pa rgya chen po dang / yid bde ba skyes te de ma tu rdzing der zhugs nas gzhon nu sgra gcan zin bzang po pang du blangs nas langs so/ /gang gi tshe bcom ldan 'das kyis
 bdud kyi 'khor 'byung po bye ba phrag sum bcu rtsa drug byams pa'i mtshon gyis mngon par btul nas bla na med pa'i ye shes brnyes pa de'i tshe sa chen po 'di shin du g.yos par gyur to/ /'jig rten 'di thams cad kyang snang
 ba rgya chen pos gsal bar gyur te/ 'di ltar 'jig rten dang / 'jig rten gyi bar gyi mun pa mun nag smag du gyur pa nyi ma dang zla ba 'di gnyis 'di ltar rdzu 'phrul che zhing 'di ltar mthu che ba'i snang bas snang ba nyams su ma myong ba
 g ang yin pa de dag kyang de'i tshe snang ba rgya chen pos gsal bar gyur nas der sems can gang dag skyes pa de rnams kyis snang ba des sems can gcig gis gcig mthong nas shes ldan dag sems can gzhan dag kyang 'dir skyes pa
 lta zhig shes ldan dag sems can gzhan dag kyang 'dir skyes pa lta zhig ces ngo shes par gyur to/ /sangs rgyas bcom ldan 'das me'i khams la snyoms par zhugs nas skyil mo dkrung gcig gis zhag bdun 'da' bar mdzad
 do/ /de nas tshangs ris kyi lha gnyis shig tshangs pa'i 'jig rten na 'dug pa 'di snyam du sems te/ sangs rgyas bcom ldan 'das lteng rgyas na chu klung nai rany+dza nA'i 'gram byang chub kyi shing drung na bzhugs so zhes zer/ mngon par rdzogs
 par sangs rgyas nas ring po ma lon par me'i khams la snyoms par zhugs te skyil mo dkrung gcig gis zhag bdun 'da' bar mdzad na de la sus kyang bsod snyoms ma phul gyis/ ma la bdag cag der song la tshigs su bcad pa re
 res mngon par bstod do/ /de nas tshangs ris kyi lha de gnyis kyis 'di lta ste skyes bu stobs dang ldan pa'i dpung pa bskums te brkyang ba 'am/ brkyang ste bskums pa tsam gyis tshangs ris kyi lha gnyis kyis tshangs ris kyi 'jig rten nas myi
 snang bar gyur te bcom ldan 'das kyi spyan sngar phyin nas phyogs gcig tu 'dug ste/ tshangs ris kyi lha gnyis las gcig gis tshigs su bcad te gsol pa/ ded dpon g.yul las rnam par rgyal ba po/ /sdig pa mi mnga' bzhengs shig
 'jig rten gzigs/ /rin chen chos ni 'tshal bar 'gyur mchis kyis/ /bde gshegs chos kyi mchog ni bshad du gsol/ /gcig shos kyis kyang tshigs su bcad de gsol pa/ nga rgyal bcom zhing g.yul las
 rnam rgyal ba/ /sdig pa mi mnga' bzhengs shig 'jig rten gzigs/ /bcwa lnga lon pa'i dgung zla nya ba ltar/ /khyod kyi thugs ni shin du rnam dag lags/ /zhes gsol nas tshangs ris kyi lha gnyis de nyid tu mi snang bar gyur to/ /de nas
 bcom ldan 'das ting nge 'dzin de las bzhengs nas de'i tshe tshigs su bcad de bka' stsal pa/ 'jig rten 'dod pa'i bde gang dang / /lha yul byung bde gang yin pa/ /sred pa zad pa'i bde de la/ /bcu drug char yang mi phod do/ /khur
 khyer ba ni sdug bsngal te/ /khur bor ba ni bde ba yin/ /khur ni lci ba rnam bor nas/ /gzhan dag blang bar mi bya'o/ /sred pa thams cad rnam spangs shing / /'dus byas thams cad zad nas ni/ /dngos po thams cad yongs
 shes na/ /slar yang srid par mi 'ong ngo / /sangs rgyas bcom ldan 'das rnam par grol ba'i dga' ba dang bde ba sku nyams su bstar ba las skyil mo dkrung gcig gis zhag bdun 'das par mdzad pa na de la sus kyang bsod
 snyoms ma phul lo/ /de'i tshe tshong pa ga gon dang / bzang po gnyis shing rta lnga brgya tsam dang lhan cig dong ba na lam de nyid du zhugs par gyur to/ /de nas tshong pa ga gon dang / bzang po'i sngon gyi grogs po dang / blon po dang / nye du dang /
 mdza' bshes su gyur pa'i lha zhig yod pa 'di snyam du sems te/ sangs rgyas bcom ldan 'das lteng rgyas na chu klung nai rany+dza nA'i 'gram byang chub kyi shing drung du bzhugs te mngon par rdzogs par sangs rgyas nas ring po ma lon par
 rnam par grol ba'i dga' ba dang bde ba sku nyams su bstar nas skyil mo dkrung gcig gis zhag bdun 'das par mdzad pa na de la sus kyang bsod snyoms ma phul gyis de la tshong pa ga gon dang / bzang po gnyis kyis der thog mar bsod
 snyoms 'bul du bcug na/ de ni tshong pa ga gon dang / bzang po de gnyis kyi yun ring po'i don dang phan pa dang bde bar 'gyur gyis ma la bdag rang gis 'di lta ste/ bcom ldan 'das la bsod snyoms 'bul du gzhug pa'i phyir brtson
 par bya'o/ /snyam nas de na lha des shing rta dang / tshong pa thams cad snang ba rgya chen pos gsal bar byas nas tshong pa ga gon dang / bzang po la 'di skad ces smras so/ /tshong pa tshong pa dag sangs rgyas bcom ldan 'das 'di lteng rgyas na
 c hu klung nai rany+dza nA'i 'gram byang chub kyi shing drung na bzhugs te mngon par rdzogs par sangs rgyas nas ring po ma lon par rnam par grol ba'i dga' ba dang bde ba sku nyams su bstar ba na skyil mo dkrung gcig gis zhag bdun
 'das par mdzad de de la sus kyang bsod snyoms ma phul gyis/ de la khyed kyis der thog mar bsod snyoms phul na de ni khyed kyi yun ring po'i don dang phan pa dang bde bar 'gyur ro zhes smras nas lha de de nyid du mi snang bar gyur to/ /de nas
 tshong pa ga gon dang / bzang po gnyis 'di snyam du sems te sangs rgyas ni mchog ma yin pa ma yin la/ chos bshad pa yang mchog ma yin pa ma yin te/ gang gi phyir 'di ltar lhas kyang 'di lta ste bcom ldan 'das de la bsod snyoms
 d bul ba'i phyir brtson par byed do snyam nas nang par sngar langs te sbrang rtsi dang 'da' gu mang du khyer nas bcom ldan 'das gang na ba der song ste phyin pa dang bcom ldan 'das kyi zhabs gnyis la mgo bos phyag byas te phyogs
 gcig tu 'dug go/ /phyogs gcig tu 'dug nas tshong pa ga gon dang / bzang pos bcom ldan 'das la 'di skad ces gsol to/ /btsun pa bcom ldan 'das kyi ched du 'dir bdag cag gis sbrang rtsi dang 'da' gu mang du 'tshal te mchis
 kyis bcom ldan 'das thugs brtse ba nye bar bzung ste 'di bzhes su gsol/ de nas bcom ldan 'das 'di snyam du dgongs te/ gal te bdag gis phyag gis bsod snyoms bzhes na dper na mu stegs can bzhin du
 'gyur bas de ni bdag gi cha ma yin gyis ma la bdag gis sngon gyi yang dag par rdzogs pa'i sangs rgyas rnams kyis srog chags rnams la phan pa'i phyir bsod snyoms gang du bzhes pa bsam par bya'o/ /
 snyam pa na/ bcom ldan 'das la lha rnams kyis gsol pa/ btsun pa sngon gyi yang dag par rdzogs pa'i sangs rgyas rnams kyis srog chags rnams la sman par bgyi ba'i slad tu lhung bzed tu bsod snyoms bzhes lags
 so/ /bcom ldan 'das kyis kyang dgongs shing ye shes gzigs pa bskyed na/ sngon gyi sangs rgyas bcom ldan 'das rnams kyis srog chags rnams la phan pa'i phyir bsod snyoms lhung bzed tu bzhes par gyur nas/ de na
 bcom ldan 'das la lhung bzed kyi dgongs pa byung ngo / /de nas rgyal po chen po bzhis bcom ldan 'das la lhung bzed kyi dgongs pa 'byung bar rig nas ri brag can zhig la rdo ba las byas pa'i lhung bzed mi ma yin pas byas
 s hing mi ma yin pas zin par byas la gsal ba gtsang ba dri mi zhim pa med pa bzhi khyer te bcom ldan 'das gang na ba der song ste phyin pa dang bcom ldan 'das kyi zhabs gnyis la mgo bos phyag byas nas phyogs gcig tu 'dug
 go/ /phyogs gcig tu 'dug nas rgyal po chen po bzhis bcom ldan 'das la 'di skad ces gsol to/ /btsun pa bcom ldan 'das la lhung bzed kyi mkho ba byung bar bdag cag gis 'tshal nas ri brag can zhig la rdo las
 rdo'i lhung bzed mi ma lags pas bgyis pa gsal ba gtsang ba dri nga ba ma mchis pa bzhi 'dir 'tshal te mchis na/ bcom ldan 'das thugs brtse ba nye bar bzung ste bzhes su gsol/ de nas bcom ldan 'das 'di
 snyam du dgongs te/ gal te bdag gis rgyal po chen po gcig las lhung bzed gcig bzhes na gsum gyi sems mi dga' bar 'gyur ro/ /gal te gnyis las na ni gnyis kyi sems mi dga' bar 'gyur ro/ /gal te
 g sum las na ni gcig gi sems mi dga' bar 'gyur gyis ma la bdag gis rgyal po chen po bzhi las lhung bzed bzhi bzhes la lhung bzed gcig tu byin gyis brlab par bya'o snyam nas de nas bcom ldan 'das kyis
 rgyal po chen po bzhi las lhung bzed bzhi bzhes te/ lhung bzed gcig tu byin gyis brlabs so/ /de nas bcom ldan 'das kyis tshong pa ga gon dang / bzang po las srog chags rnams la phan pa'i phyir bsod
 snyoms bzhes so/ /de nas bcom ldan 'das kyis tshong pa ga gon dang / bzang po la 'di skad ces bka' stsal to/ /tshong pa dag khyed tshur sangs rgyas la skyabs su deng shig chos la skyabs su deng shig /ma 'ongs
 pa'i dus na 'byung bar 'gyur ba'i dge 'dun zhes bya ba gang yin pa de la yang skyabs su deng shig / btsun pa bdag cag sangs rgyas la skyabs su mchi'o/ /chos la skyabs su mchi'o/ /ma 'ongs pa'i dus na 'byung
 bar 'gyur ba'i dge 'dun gang lags pa de la yang skyabs su mchi'o/ /de nas bcom ldan 'das kyis tshong pa ga gon dang / bzang po'i sbyin pa de la rjes su yi rang ba mdzad de/ gang gi don du sbyin pa btang / /
 de yi don du 'gyur ba ste/ /bde ba'i don du sbyin btang na/ /de ni bde bar 'gyur ba yin/ /bsod nams rnam smin bde ba dang / /bsam pa yang ni 'grub par 'gyur/ /myur du zhi ba dam pa yi/ /mya ngan 'das
 pa rtogs par 'gyur/ /pha rol las byung gnod pa ni/ /lha dang bdud kyi ris dag gis/ /bsod nams kho na byed pa na/ /bar chad bya bar mi nus so/ /gal te 'phags pa'i shes rab phyir/ /gtong ldan de ni
 'bad byed na/ /sdug bsngal tha mar byed pa dag /rnam par mthong zhes reg par 'gyur/ /de nas tshong pa ga gon dang / bzang po bcom ldan 'das kyis bka' stsal pa la mngon par dga' ste rjes su yi rang nas bcom
 ldan 'das kyi zhabs gnyis la mgo bos phyag byas te bcom ldan 'das kyi spyan snga nas dong ngo / /de nas bcom ldan 'das kyis tshong pa ga gon dang / bzang po las bsod snyoms bzhes nas chu klung nai rany+dza
 nA ba gang na ba der gshegs te byon nas chu klung nai rany+dza nA'i 'gram du bzhugs te zhal zas kyi bya ba mdzad do/ /de na sbrang rtsi yang rlung slong la 'de gu yang rlung slong ba des na bcom ldan 'das rlung nad kyi snyun kyis thebs so/ /de nas
 bdud sdig can gyis bcom ldan 'das rlung nad kyi snyun kyis thebs par rig nas bcom ldan 'das gang na ba der song ste phyin pa dang / bcom ldan 'das la 'di skad ces gsol to/ /bcom ldan 'das yongs su mya ngan 'da' ba'i
 dus la bab lags so/ /bde bar gshegs pa yongs su mya ngan las 'da' ba'i dus la bab lags so/ /de nas bcom ldan 'das 'di snyam du dgongs te/ 'di lta ste/ dkrug pa'i las kyi phyir bdud sdig can 'di nye
 bar 'ongs so snyam du dgongs nas bdud sdig can la 'di skad ces bka' stsal to/ /sdig can ji srid nga'i nyan thos mkhas pa gsal ba yid gzhungs pa/ pha rol gyi rtsod pa byung zhing byung ba rnams chos bzhin gyis tshar gcod nus
 pa/ rang gi smra ba gsal bar byed nus pa/ dge slong dang dge slong ma dang / dge bsnyen dang / dge bsnyen ma rnams byung bar ma gyur pa dang / nga'i tshangs par spyod pa rgya chen po skye bo mang po dang / lha dang mi'i bar la rgya cher yang
 dag par legs par rab tu ma bstan kyi bar du nga yongs su mya ngan las mi 'da'o/ /de nas bdud sdig can 'di snyam du dgongs te/ kye ma'o dge sbyong gau ta ma ni yongs su mya ngan las mi 'da'o snyam du bsams nas sdug bsngal zhing
 yid mi bde la 'gyod pas de nyid du mi snang bar gyur to/ /de nas lha rnams kyi dbang po brgya byin gyis bcom ldan 'das rlung nad kyi snyun gyis thebs par rig nas shing 'dzam bu zhes bya bas 'dzam bu'i gling du gdags pa gang yin
 pa de dang ha cang yang mi ring ba zhig na a ru ra chen po'i tshal yod de/ de nas kha dog dang dri dang ro dang ldan pa'i a ru ra blangs nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo
 bos phyag byas te phyogs gcig tu 'dug go/ /phyogs gcig tu 'dug nas lha rnams kyi dbang po brgya byin gyis bcom ldan 'das la 'di skad ces gsol to/ /btsun pa bcom ldan 'das bser ma'i snyun nad kyi snyun gyis thebs
 par bdag gis 'tshal nas shing 'dzam bu zhes bya bas 'dzam bu'i gling du gdags pa gang lags pa de dang ha cang mi ring ba na a ru ra chen po'i tshal mchis te/ de nas bdag gis kha dog dang dri dang ro dang ldan pa'i a ru ra 'dir 'tshal te
 mchis kyis de bcom ldan 'das gsol cig / bcom ldan 'das kyis de gsol pa dang / bser ma dang 'thun par 'gyur zhing bser ma'i snyun nye bar zhi bar 'gyur ro/ /bcom ldan 'das kyis de gsol pa dang / rlung dang 'thun
 par gyur nas rlung nad kyi snyun nye bar zhi bar gyur to/ /de na bcom ldan 'das shin du bzod cing lhag par 'tsho bar gyur to/ /de na bcom ldan 'das ji tsam dgyes kyi bar du byang chub kyi shing drung du bzhugs nas klu'i rgyal po
 btang bzung gi gnas gang na ba der gshegs te byon nas shing gi drung du brten te skyil mo dkrung bcas nas/ sku drang por bsrang ste/ dran pa mngon du phyogs par bzhag nas bzhugs so/ /de'i tshe klu'i rgyal po btang bzung gi gnas
 su zhag bdun du dus ma yin pa'i sprin chags par gyur to/ /de nas klu'i rgyal po btang bzung gis zhag bdun du dus ma yin pa'i sprin chags par rig nas gnas nas mngon par 'phags te/ bcom ldan 'das zhag bdun po 'di
 la bser bar 'gyur du 'ong / tsha ba dang sbrang ma dang / sha sbrang dang / rlung dang / nyi ma dang / sdig sbrul gyi reg pas sku la gnod par 'gyur du 'ong zhes lus kyis bcom ldan 'das kyi sku la lan bdun du dkris te steng du mgo'i gdengs
 ka chen po byas nas 'dug go/ /de nas klu'i rgyal po btang bzung gis zhag bdun gyi dus ma yin pa'i sprin chags pa med par rig nas bcom ldan 'das kyi sku las lus phral te/ dpung rgyan dang / rna rgyan dang /
 phreng ba dang / rgyan sna tshogs dang / byug pas byugs nas bcom ldan 'das ga na ba der logs su thal mo sbyar ba btud te/ bcom ldan 'das la 'di skad ces gsol to/ /bcom ldan 'das dgung bdun po 'di la bser
 bar ma gyur tam/ tsha ba dang / sbrang ma dang / sha sbrang dang / bser ma dang / gdugs dang / sdig sbrul gyi gnod pas sku la reg par ma gyur tam/ de nas bcom ldan 'das kyis de'i tshe tshigs su bcad de bka' stsal pa/
 bden pa'i dga' ba bde ba yin/ /chos thos pa la lta ba dang / /srog chags rnams la sdom pa yis/ /'jig rten 'tshe ba med pa bde/ /'jig rten 'dod chags bral ba dang / /'dod pa rnams la rgal ba bde/ /nga 'o nga rgyal thul
 ba gang / /de nyid bde ba'i dam pa yin/ /de nas bcom ldan 'das ji tsam bzhed kyi bar du klu'i rgyal po btang bzung gi gnas na bzhugs nas/ byang chub kyi snying po ga la ba der gshegs te byon pa dang / rtswa'i gding ba bshams
 pa nyid la skyil mo dkrung bcas sku drang por bsrang nas/ dran pa mngon du phyogs par bzhag nas bzhugs te skyil mo dkrung gcig gis zhag bdun 'das par mdzad cing rten cing 'brel par 'byung ba yan lag bcu gnyis
 po lugs dang 'thun pa dang / lugs dang mi 'thun pa 'di nyid la gzigs par mdzad de/ 'di lta ste/ 'di yod pas 'di yod/ 'di skyes pas 'di skye ba 'di lta ste/ ma rig pa'i rkyen gyis 'du byed/ 'du byed kyi rkyen gyis
 rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i
 rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te
 de ltar sdug bsngal gyi phung po chen po 'ba' zhig po 'di 'byung bar 'gyur ro/ /'di lta ste 'di med na 'di med la/ 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed 'gag 'du byed
 'gags pas rnam par shes pa 'gag / rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags
 pas tshor ba 'gag / tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang /
 smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'ba' shig po 'di 'gag par 'gyur ro/ /de nas bcom ldan 'das kyis
 zhag bdun po de nyid 'das par mdzad nas ting nge 'dzin de las bzhengs te/ de'i tshe tshigs su bcad de bka' stsal pa/ gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /gang
 tshe chos rnams rgyu dang bcas shes pa/ /de nas de yi som nyi thams cad 'bral/ /gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /gang tshe sdug bsngal rgyu dang bcas shes pa/ /
 de nas de'i som nyi thams cad 'bral/ /gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /gang tshe tshor ba zad pa thob gyur pa/ /de nas de yi som nyi thams cad 'bral/ /gang tshe
 chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /gang tshe rkyen rnams zad pa thob nas ni/ /de nas de yi som nyi thams cad 'bral/ /gang tshe chos 'di dag ni skyed byed pa'i/ /brtson
 'grus ldan pa'i bsam gtan tshangs pa yin/ /gang tshe zag pa zad pa thob gyur nas/ /de nas de yi som nyi thams cad 'bral/ /gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /'jig
 rten kun du snang bar 'dug pa ni/ /ji ltar bar snang nyi ma shar ba bzhin/ /gang tshe chos 'di dag ni skyed byed pa'i/ /brtson 'grus ldan pa'i bsam gtan tshangs pa yin/ /bdud kyi sde rnams rnam par bcom gnas te/ /sangs rgyas
 kun du sbyor las rnam par grol/ /de nas bcom ldan 'das 'di snyam du dgongs te/ bdag gis chos zab mo zab par snang ba/ mthong bar dka' zhing khong du chud par dka' ba/ rtog ge pa rnams kyi rtog ge'i spyod yul ma yin
 pa/ zhib mo/ 'dzangs pa'i mkhas pa dang / rig pas rnam par shes par bya ba rtogs te/ de bdag gis gzhan la smras kyang gzhan gyis de mi shes pas des bdag dub par 'gyur/ ngal bar 'gyur/ sems la spro ba med pa kho
 nar 'gyur bar zad pas/ ma la bdag gcig pu dgon pa'i nags stug por mthong ba'i chos la bde bar gnas pa'i rnal 'byor la rjes su brtson par gnas par bya'o snyam ste/ de na bcom ldan 'das thugs las chung ngus
 bzhugs pa la thugs gzhol bar mdzad cing chos 'chad pa la ma yin no/ /de nas tshangs pa mi mjed kyi bdag po 'di snyam du sems te/ kye ma'o 'jig rten 'di ma rung ngo / /kye ma'o 'jig rten 'di ma rung ste/ gang gi phyir de
 ltar brgya lam na/ lan 'ga' de bzhin gshegs pa dgra bcom pa yang dag par rdzogs pa'i sangs rgyas 'jig rten du byung ba ni dper na u dum ba ra'i me tog bzhin bcom ldan 'das de da ltar thugs las chung ngus bzhugs
 pa la thugs gzhol bar mdzad cing chos 'chad pa la ma yin pas ma la bdag der song la gsol ba gdab bo snyam mo/ /de nas tshangs pa mi mjed kyi bdag pos dper na skyes bu stobs dang ldan pa'i dpung pa bskums nas
 brkyang ba 'am/ brkyang nas bskums pa tsam gyis tshangs pa mi mjed kyi bdag po tshangs pa'i 'jig rten nas mi snang bar byas te/ bcom ldan 'das kyi spyan sngar 'dug go/ /de nas tshangs pa mi mjed kyi bdag pos de'i tshe tshigs
 su bcad de gsol pa/ ma ga d+hAr ni sngon chad chos byung ba/ /dag pa ma lags dri mar bcas par rtogs/ /bdud rtsi chos kyi sgo ni phye mdzod la/ /dri ma med pas rtogs pa bshad par mdzod/ /de nas bcom ldan 'das
 kyis de'i tshe tshigs su bcad de bka' stsal pa/ tshangs pa ngas ni tshegs chen gyis/ /skyon rnams bcom nas rtogs gyur pa/ /srid dang chags pas dkris rnams kyis/ /chos 'di legs par rtogs mi 'gyur/ /
 rgyun las bzlog phyogs 'gro ba'i lam/ /zab cing shin du mthong dka' ba/ /mun pa'i phung pos bsgribs pa yi/ /'dod chags zhen pas mthong mi 'gyur/ /btsun pa 'jig rten du skyes shing 'jig rten du rgas pa'i
 sems can rnams la dbang po rnon po dang / dbang po 'bring po dang / dbang po rtul po dang / drang sla ba dang / gdul sla ba dang / nyon mongs pa chung ba dang / rdul chung ba'i rigs mchis te de dag gis dam pa'i chos ma thos
 na yongs su nyams par 'gyur lags so/ /btsun pa dper na/ ud pa la 'am/ pad ma 'am/ pad ma dkar po dag chab nas skyes shing chab nas chen por gyur te/ chab nas 'phags te kha cig ni chab dang mnyam/
 kha cig ni chab kyi nang du nub cing mchis pa de bzhin du btsun pa 'jig rten du skyes shing 'jig rten du rgas pa'i sems can rnams la yang dbang po rnon po dang / dbang po 'bring po dang / dbang po rtul po dang / drang sla
 ba dang / nyon mongs pa chung ba dang / rdul chung ba'i rigs mchis te de dag gis dam pa'i chos ma thos na yongs su nyams par 'gyur bas chos rin po che 'tshal bar 'gyur ba mchis kyis/ bcom ldan 'das
 chos bshad du gsol/ bde bar gshegs pa chos bshad du gsol/ de nas bcom ldan 'das 'di snyam du dgongs te ma la nga nyid kyi sangs rgyas kyi spyan gyis 'jig rten la blta bar bya'o snyam nas/ de nas bcom
 ldan 'das nyid kyi sangs rgyas kyi spyan gyis 'jig rten la gzigs te/ bcom ldan 'das nyid kyi sangs rgyas kyi spyan gyis 'jig rten la gzigs pa dang / 'jig rten du skyes shing 'jig rten du rgas pa'i sems can
 rnams la dbang po rnon po dang / dbang po 'bring po dang / dbang po rtul po dang / drang sla ba dang / gdul sla ba dang / nyon mongs pa chung ba dang / rdul chung ba'i rang bzhin yod do/ /de dag dam pa'i chos ma thos na yongs su
 nyams par 'gyur bar gzigs so/ /gzigs nas kyang sems can rnams la thugs rje chen po gzhol bar gyur to/ /de nas bcom ldan 'das kyis de'i tshe tshigs su bcad te bka' stsal pa/ bdud rtsi sgo mo dag ni
 dbye bar bya/ /nyan pa su 'dod som nyi sol cig dang / /tshangs pa mi rnams la ni gya nom chos/ /klan ka mi btsal mdo tsam bshad par bya/ /de nas tshangs pa mi mjed kyi bdag po 'di snyam du sems te/ kye bcom ldan 'das
 kyis chos bshad par 'gyur ro/ /e ma bde bar gshegs pas chos bstan par 'gyur ro snyam du rig nas/ dga' ba dang / mgu ba dang / mchog tu dga' ba dang / dga' ba rgya chen po dang / yid bde ba skyes nas bcom ldan 'das
 kyi zhabs gnyis la mgo bos phyag byas te/ bcom ldan 'das la lan gsum bskor ba byas nas de nyid du mi snang bar gyur to/ /de nas bcom ldan 'das 'di snyam du dgongs te ngas su la thog mar chos bshad par bya snyam
 mo/ /de nas bcom ldan 'das 'di snyam du dgongs te/ ma la ngas sgyu rtsal shes kyi bu ring 'phur de la thog mar chos bshad par bya ste/ de ni nga'i thog ma'i slob dpon kho na yin bzhin du rjed pa'i dam pas rjed cing mchod pa'i
 dam pas mchod la rtogs pa dam pa dag la yang yi rangs shing dad par gyur pa yin no snyam mo/ /bcom ldan 'das la lha rnams kyis gsol pa/ btsun pa sgyu rtsal shes kyi bu gum nas dgung bdun lags so/ /bcom ldan 'das
 kyis kyang dgongs pa la zhugs te ye shes gzigs pa bskyed na sgyu rtsal shes kyi bu ring 'phur shi nas zhag bdun lon no/ /de nas bcom ldan 'das 'di snyam du dgongs te/ e ma'o sgyu rtsal shes kyi bu ring 'phur shi ba de ni te
 por ma stes so/ /e ma'o sgyu rtsal shes kyi bu ring 'phur shi ba de ni shin du te por ma stes te chos 'dul ba 'di ma thos so/ /gal te 'dis chos 'dul ba 'di thos na shes par 'gyur ba zhig snyam mo/ /de nas bcom ldan 'das 'di
 snyam du dgongs te/ ma la ngas thog mar su zhig la chos bshad snyam mo/ /de nas bcom ldan 'das 'di snyam du dgongs te/ ma la ngas rangs byed kyi bu lhag spyod de la thog mar chos bshad par bya ste de ni nga'i thog ma'i slob
 dpon kho na yin bzhin du rjed pa'i dam pas rjed cing mchod pa'i dam pas mchod la rtogs pa dam pa dag la yang yi rangs shing dad par gyur to snyam mo/ /bcom ldan 'das la lha rnams kyis gsol pa/ btsun pa rangs byed kyi
 bu lhag spyod ma dang sum srod la gum lags so/ /bcom ldan 'das kyis dgongs pa la zhugs te ye shes gzigs pa bskyed na rangs byed kyi bu lhag spyod srod la shi bar gyur to/ /de nas bcom ldan 'das 'di snyam du
 dgongs te/ e ma'o rangs byed kyi bu lhag spyod shi ba de ni te por ma stes so/ /e ma'o rangs byed kyi bu lhag spyod shi ba de ni shin du te por ma stes te chos 'dul ba 'di ma thos so/ /gal te nges chos 'dul ba 'di
 thos na shes par 'gyur ba zhig snyam mo/ /de nas bcom ldan 'das 'di snyam du dgongs te/ ma la ngas thog mar su zhig la chos bshad snyam mo/ /de nas 'di snyam du dgongs te ma la ngas lnga sde'i dge
 slong de rnams la thog mar chos bshad par bya ste/ de dag gis nga sngon sdug bsngal spong ba'i rnal 'byor kyi rjes su brtson par gnas pa dang bla ma dang / gus pa dang / sdug pa dang bcas pas gnas pa yin no snyam mo/ /de nas
 bcom ldan 'das 'di snyam du dgongs te/ lnga sde'i dge slong rnams da ltar gang na 'dug snyam nas bcom ldan 'das kyi lha'i spyan rnam par dag pa mi rnams kyi las 'das pas lnga sde'i dge slong rnams bA ra Na sI na drang srong smra
 ba ri dgas kyi gnas na 'khod pa gzigs so/ /gzigs nas kyang ji tsam bzhed kyi bar du byang chub kyi shing drung du bzhugs nas bA ra Na sI'i ka shi'i grong rdal gang na ba der rgyu zhing gshegs so/ /de'i tshe kun du 'tsho nyer
 'gro lam de nyid du lam du zhugs par gyur te/ kun du 'tsho nyer 'gros bcom ldan 'das lam nas gshegs pa mthong ngo / /mthong nas kyang 'di skad ces gsol to/ /dge sbyong gau ta ma khyod kyi dbang po rnams ni
 dang / bzhin gyi mdog ni yongs su dag /lpags pa'i mdog ni gsal na/ tshe dang ldan pa gau ta ma khyod kyi ston pa ni gang / khyod su las brten te rab du byung / khyod su'i chos la dga'/ bcom ldan 'das kyis de'i
 tshe tshigs su bcad de bka' stsal pa/ nga dang 'dra ba yod min pas/ /nga la slob dpon 'ga' med de/ /'jig rten sangs rgyas nga gcig pu/ /yang dag byang chub dam pa thob/ /thams cad zil mnan 'jig rten kun mkhyen
 la/ /'di ni chos kun kyis ni nga ma gos/ /thams cad spangs shing sred bral rnam grol te/ /rang gis mngon par shes nas su la rten/ /de bzhin gshegs pa lha mi'i ston pa po/ /thams cad mkhyen pa'i stobs ni
 kun ldan pas/ /nyid kyis byang chub rtogs nas rab gsungs pa/ /mi mnyam mtshungs pa med na su la rten/ /nga ni 'jig rten dgra bcom ste/ /'jig rten bla med nga yin pas/ /lha dang bcas pa'i 'jig rten na/ /nga ni rgyal ba
 bdud zil gnon/ /tshe dang ldan pa gau ta ma rgyal ba zhes gsung ngam/ gang gis zag pa zad thob pa/ /rgyal ba nga 'drar shes par bya/ /sdig pa'i chos ni ngas bcom pas/ /de bas nyer 'gro nga rgyal ba'o/ /tshe dang ldan pa gau ta ma gang
 du bzhud/ /bA ra Na sIr gshegs nas ni/ /ngas ni chos kyi rnga brdung zhing / /'jig rten ma bskor gang yin pa/ /chos kyi 'khor lo rab tu bskor/ /'jig rten chags pa las rgal ba'i/ /kun mkhyen sangs rgyas zhi gyur pa/ /'jig
 rten bsgral ba ma byas par/ /skyes bu dam pa grangs mi srid/ /tshe dang ldan pa gau ta ma rgyal ba legs so zhes gsol nas/ kun du 'tsho nyer 'gro lam nas song ngo / /de nas bcom ldan 'das yul ka shi'i ljongs rgyu zhing gshegs
 pa na bA ra Na sIr byon to/ /de'i tshe lnga sde'i dge slong rnams bA ra Na sI na drang srong smra ba ri dgas kyi nags na 'khod do/ /lnga sde'i dge slong rnams kyis bcom ldan 'das rgyang ring po kho na nas mthong ngo / /mthong nas kyang phan tshun nas ched
 du bsams te legs par 'dug nas khrims su bcas pa/ shes ldan dag dge sbyong gau ta ma mi brtan pa/ bya ba mang ba/ mang pos 'tsho ba/ spong ba nyams pa deng 'bras can dang zan dron gyi kha zas la mang du za zhing lus
 mar sar dang til mar gyis byugs nas chu 'jam pos lus khrus byed cing 'ong gis de bdag cag gi drung du 'ongs pa dang de la smra bar mi bya/ phyag mi bya/ ldang bar mi bya/ langs te stan bstab par mi bya'o/ /gzhan du na stan
 nar ma kho nar bting ba la tshig 'di skad ces tshe dang ldan pa gau ta ma stan yod kyis ji ste 'dod na 'dug shig ces brjod par bya'o zhes bcas so/ /bcom ldan 'das ji lta ji ltar lnga sde'i dge slong rnams la gzigs pa'i
 phyir nye bar gshegs pa de lta de ltar lnga sde'i dge slong rnams bcom ldan 'das kyi gzi brjid dang / dpal dang / bkur sti ma bzod nas stan las langs te kha cig ni bcom ldan 'das kyi ched du gdan shom mo/ /
 kha cig ni zhabs bkru ba'i chu dang zhabs kyi rten dag mtha' gcig tu 'jog par byed do/ /kha cig ni bsu ste na bza' chos gos dag blangs nas 'di skad ces shes ldan gau ta ma tshur spyon/ shes ldan gau ta ma byon pa legs so/ /
 shes ldan gau ta ma gdan bshams pa nyid la bzhugs shig ces zer ro/ /de nas bcom ldan 'das 'di snyam du dgongs te/ kye ma skyes bu blun po 'di rnams kyis khrims bcas nas rang gis bshig go snyam du mkhyen
 nas gdan bshams pa nyid la bzhugs so/ /de nas lnga sde'i dge slong rnams lhag par yang bcom ldan 'das kyi mtshan nas rjod/ dung nas rjod/ tshe dang ldan pas rjod pas kun du rjod par byed do/ /de nas bcom ldan 'das kyis
 lnga sde'i dge slong rnams la bka' stsal pa/ dge slong dag khyed lhag par yang de bzhin gshegs pa'i mtshan nas rjod pa dang / gdung nas rjod pa dang / tshe dang ldan pas rjod pas kun du ma rjod cig /khyed la yun ring por gnod
 pa dang / phan pa ma yin pa dang / sdug bsngal bar 'gyur ro/ /de ci'i phyir zhe na/ dge slong dag gang la la lhag par de bzhin gshegs pa dgra bcom pa yang dag par rdzogs pa'i sangs rgyas kyi mtshan nas rjod pa dang / gdung
 nas brjod pa dang / tshe dang ldan pas rjod pa'i kun du rjod pa de ni skyes bu blun po de la yun ring por gnod pa dang / phan pa ma yin pa dang / sdug bsngal bar 'gyur ro/ /de dag gis 'di skad ces gsol to/ /tshe dang ldan
 pa gau ta ma khyod kyis re shig sngon gyi tshul dang / spyod pa dang / dka' bar spyad pa des mi'i chos bla ma 'phags pa'i khyad par thob par nus sam/ shes pa 'am/ mthong ba dang reg par gnas pa cung zad kyang ma thob na da ltar
 k hyod mi brtan zhing bya ba mang la mang pos 'tsho zhing spong ba nyams pas da khyod 'bras can dang zan dron gyi kha zas la mang du za zhing lus mar sar dang til mar gyis byugs nas chu 'jam pos lus khrus byed pa lta smos
 kyang ci dgos/ dge slong khyed kyis de bzhin gshegs pa'i zhal mdog dang dbang po rnams gsal ba sngon las tha dad tu bya ba gzhan lta mthong ngam/ de rnams kyis 'di skad ces gsol to/ /tshe dang ldan pa gau ta ma de de bzhin
 no/ /de nas bcom ldan 'das kyis lnga sde'i dge slong rnams la bka' stsal pa/ dge slong dag rab tu byung bas ni mtha' 'di gnyis la bsten par mi bya/ bsnyen par mi bya/ bsnyen bkur mi bya ste/ gnyis gang zhe na/ 'dod pa
 rnams la 'dod pa'i bsod nams kyi rjes su brtson pa/ dman pa ngan pa/ tha chad ma rabs gang yin pa dang / bdag nyid dub pa la rjes su brtson pa/ sdug bsngal ba 'phags pa'i ma yin pa gnod pa dang ldan pa gang
 yin pa'o/ /khyed kyis mtha' 'di gnyis la mi rten par dbu ma'i lam mig byed pa/ ye shes byed pa/ nye bar zhi bar 'gyur ba/ mngon par shes pa dang / rdzogs par byang chub pa dang / mya ngan las 'das par 'gyur ba
 yod de/ dbu ma'i lam gang zhe na 'phags pa'i lam yan lag brgyad pa 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho
 ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin yin no/ /bcom ldan 'das kyis lnga sde'i dge slong rnams la shes par bya ba 'dis shes par mdzad spyod pas bcom ldan
 'das lnga sde'i dge slong rnams las gnyis la snga dro gdams ngag 'bogs pa na/ gsum grong khyer du bsod snyoms la 'jug ste/ gsum gyis bsgrubs pa gang yin pa des drug car 'tsho bar byed do/ /bcom ldan
 'das lnga sde rnams kyi dge slong gsum la phyi dro gdams ngag 'bogs pa na/ gnyis grong khyer du bsod snyoms la 'jug ste/ gnyis kyis bsgrubs pa gang yin pa des lnga sde 'tsho bar byed de/
 de bzhin gshegs pa ni snga dro'i dus kho nar gsol ba yin no/ /de nas bcom ldan 'das kyis lnga sde'i dge slong rnams la bka' stsal pa/ dge slong dag nga sngon ma thos pa'i chos rnams la 'di ni sdug bsngal
 'phags pa'i bden pa'o zhes tshul bzhin du yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la 'di ni sdug bsngal kun
 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam mo zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /
 dge slong dag nga sngon ma thos pa'i chos rnams la sdug bsngal 'phags pa'i bden pa de ngas mngon par shes pas yongs su shes par bya'o zhes tshul bzhin yid la byed pa na mig skyes so/ /shes pa dang /
 rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la sdug bsngal kun 'byung ba'i 'phags pa'i bden pa des ngas mngon par shes pas spangs bar bya'o zhes tshul
 bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams la sdug bsngal 'gog pa 'phags pa'i bden pa de ngas mngon par
 shes pas mngon sum du bya'o zhes tshul bzhin yid la byed pa na mig skyes so/ /shes pa dang / rig pa dang / rtogs pa skyes so/ /dge slong dag sngon ma thos pa'i chos rnams la sdug bsngal 'gog par 'gro ba'i lam
 'phags pa'i bden pa de ngas mngon par shes pas bsgom par bya'o zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i chos rnams
 la sdug bsngal 'phags pa'i bden pa de ngas mngon par shes pas yongs su shes so zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong dag nga sngon ma thos pa'i
 chos rnams la sdug bsngal kun 'byung ba 'phags pa'i bden pa de ngas mngon par shes pas spangs so zhes tshul bzhin yid la byed pa na mig skyes so/ /shes pa dang / rig pa dang / blo dang / rtogs pa skyes so/ /dge slong
 dag nga sngon ma thos pa'i chos rnams la sdug bsngal 'gog pa 'phags pa'i bden pa de ngas mngon par shes pas mngon sum du byas so zhes tshul bzhin du yid la byed pa na mig skyes so/ /shes pa dang / rig pa dang / blo dang /
 rtogs pa skyes so/ /dge slong dag nga sngon ma thos pa'i chos rnams la sdug bsngal 'gog par 'gro ba'i lam 'phags pa'i bden pa des ngas mngon par shes pas bsgoms so zhes tshul bzhin yid la byed pa na mig skyes
 so/ /shes pa dang / rig pa dang / blo dang / rtogs pa skyes so/ /dge slong dag nga ji srid du 'phags pa'i bden pa bzhi po 'di rnams de ltar lan gsum du bzlas te rnam pa bcu gnyis su bskor ba'i mig ma skyes/ shes pa ma yin/
 rig pa ma yin/ blo ma yin/ rtogs pa ma skyes pa de srid du lha dang bcas pa'i 'jig rten bdud dang tshangs pa dang bcas/ dge sbyong dang bram zer bcas pa'i skye dgu dang lha dang mir bcas pa 'di las grol ba dang nges par 'byung ba dang
 mi ldan pa dang / rab tu grol ba dang / phyin ci log dang bral ba'i sems kyis mang du gnas par ma gyur cing / dge slong dag ngas bla na med pa yang dag par rdzogs pa'i byang chub mngon par rdzogs par sangs rgyas so zhes bya
 bar ma shes so/ /dge slong dag ngas gang nas 'phags pa'i bden pa bzhi po 'di rnams la de ltar lan gsum du bzlas te rnam pa bcu gnyis su bskor ba'i mig skyes shing shes pa dang / rig pa dang / blo dang rtogs
 pa skyes pa de nas nga lha dang bcas pa'i 'jig rten bdud dang tshangs pa dang bcas/ dge sbyong dang bram zer bcas pa'i skye dgu dang lha dang mir bcas pa 'di las grol ba dang nges par byung ba dang ldan pa dang / rab tu grol ba dang
 phyin ci log dang bral ba'i sems kyis mang du gnas par gyur cing / dge slong dag ngas de nas bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes so/ /chos kyi rnam grangs
 de bka' stsal pa na/ tshe dang ldan pa kauN+Di n+ya dang / lha brgyad khri chos rnams la chos kyi mig rdul med cing dri ma dang bral ba skyes so/ /de nas bcom ldan 'das kyis tshe dang ldan pa kauN+Di n+ya la bka' stsal pa/ kauN+Di n+ya khyod
 kyis chos kun shes sam/ bcom ldan 'das kun 'tshal lags so/ /kauN+Di n+ya khyod kyis chos kun shes sam/ kun shes sam/ bde bar gshegs pa kun 'tshal lags so/ /kun 'tshal lags so/ /tshe dang
 ldan pa kauN+Di n+yas chos kun shes pas de'i phyir tshe dang ldan pa kun shes kauN+Di n+ya zhes bla dgas su btags so/ /tshe dang ldan pa kauN+Di n+yas chos kun shes so zhes sa bla'i gnod sbyin rnams sgra sgrogs par byed de/ grogs
 po dag bcom ldan 'das kyis bA ra Na sIr drang srong smra ba ri dgas kyi nags su lan gsum du bzlas te rnam pa bcu gnyis su chos kyi 'khor lo chos dang ldan pa dge sbyong dang / bram ze 'am/ lha 'am/ bdud dam/
 tshangs pa 'am/ sus kyang 'jig rten du chos dang 'thun par ma bskor ba skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir
 bskor bas lha'i rigs mngon par 'phel zhing lha ma yin gyi ris yongs su nyams so zhes dbyangs bsgrags so/ /sa bla'i gnod sbyin rnams kyi sgra thos nas nam mkha' la rgyu ba'i gnod sbyin dang / rgyal chen bzhi'i
 ris dang / sum bcu rtsa gsum pa'i lha dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams nas skad cig de dang / thang cig de dang / yud tsam de dang / skad cig dang / thang
 cig de dang yud tsam de dang skad cig dang thang cig dang / yud tsam de la tshangs pa'i 'jig rten gyi rab tu sgra grags so/ /tshangs ris kyi lha rnams kyis kyang sgra sgrogs par byed de/ grogs po dag bcom ldan 'das kyis
 bA ra Na sIr drang srong smra ba'i ri dgas kyi nags su lan gsum du bzlas te rnam pa bcu gnyis kyi 'khor lo chos dang ldan pa dge sbyong ngam/ bram ze 'am/ lha 'am/ bdud dam/ tshangs pa 'am/ sus kyang 'jig rten du chos dang
 'thun par 'ga' tsam yang ma bskor ba/ skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang bde ba'i phyir bskor bas lha'i ris mngon
 par 'phel zhing lha ma yin gyi ris yongs su nyams so zhes dbyangs bsgrags so/ /bcom ldan 'das kyis bA ra Na sIr drang srong smra ba ri dgas kyi nags su lan gsum du bzlas te rnam pa bcu gnyis su chos kyi
 'khor lo chos dang ldan pa bskor bas de'i phyir chos kyi rnam grangs 'di la chos kyi 'khor lo bskor ba zhes tshig bla dgas su btags so/ /de nas bcom ldan 'das kyis lan gnyis su yang lnga sde'i dge slong rnams
 la bka' stsal pa/ dge slong dag 'phags pa'i bden pa bzhi ni 'di dag yin te/ bzhi gang zhe na/ sdug bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug
 bsngal 'gog par 'gro ba'i lam 'phags pa'i bden pa'o/ /sdug bsngal 'phags pa'i bden pa gang zhe na/ skye ba sdug bsngal ba dang / rga ba sdug bsngal ba dang / na ba sdug bsngal ba dang / 'chi
 ba sdug bsngal ba dang / sdug pa dang bral ba sdug bsngal ba dang / mi sdug pa dang phrad pa sdug bsngal ba dang / gang 'dod pa btsal te ma rnyed pa de yang sdug bsngal ba dang / mdor na nye bar len pa'i phung po lnga sdug
 bsngal ba ste/ de yongs su shes par bya ba'i phyir 'phags pa'i lam yan lag brgyad pa bsgom par bya'o/ /sdug bsngal kun 'byung ba 'phags pa'i bden pa gang zhe na/ yang srid pa'i sred pa dga' ba'i 'dod
 chags dang ldan pa de dang de la mngon par 'dod pa ste/ de spang ba'i phyir 'phags pa'i lam yan lag brgyad pa bsgom par bya'o/ /sdug bsngal 'gog pa 'phags pa'i bden pa gang zhe na/ yang srid pa'i sred pa
 dga' ba'i 'dod chags dang ldan pa de dang de la mngon par dga' ba gang yin pa de nyid ma lus par spangs pa dang / bor ba dang / bsal ba dang / zad pa dang / 'dod chags dang bral ba dang / 'gags pa dang / nye bar zhi ba
 dang nub pa ste de mngon sum du bya ba'i phyir 'phags pa'i lam yan lag brgyad pa bsgom par bya'o/ /sdug bsngal 'gog par 'gro ba'i lam 'phags pa'i bden pa gang zhe na/ 'phags pa'i lam yan lag
 brgyad pa ste/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang /
 yang dag pa'i ting nge 'dzin te de yang bsgom par bya'o/ /chos kyi rnam grangs 'di bshad pa na tshe dang ldan pa kun shes kauN+Di n+ya len pa med par zag pa las sems rnam par grol lo/ /lnga sde'i dge slong lhag ma rnams la
 ni chos rnams la chos kyi mig rdul med cing dri ma dang bral ba skyes so/ /de'i tshe 'jig rten na dgra bcom pa gcig dang gnyis pa ni bcom ldan 'das so/ /de nas bcom ldan 'das kyis yang dge slong lnga sde'i lhag ma rnams la
 bka' stsal pa/ dge slong dag gzugs ni bdag ma yin no/ /dge slong dag gal te gzugs bdag yin na gzugs la gnod pa dang sdug bsngal bar mi 'gyur zhing / gzugs la bdag gi gzugs 'di lta bur gyur cig 'di lta bur
 ma gyur cig snyam na yang 'thob par 'gyur ro/ /dge slong dag gang gi phyir gzugs bdag ma yin pa de'i phyir gzugs la gnod pa dang sdug bsngal bar 'gyur zhing gzugs la bdag gi gzugs 'di lta bur gyur cig /'di lta bur
 ma gyur cig snyam pa yang 'thob par mi 'gyur ro/ /dge slong dag tshor ba dang / 'du shes dang / 'du byed dang / rnam par shes pa ni bdag ma yin no/ /dge slong dag gal te rnam par shes pa bdag yin na rnam par shes pa la
 gnod pa dang sdug bsngal bar mi 'gyur zhing / rnam par shes pa la bdag gi rnam par shes pa 'di lta bur gyur cig /'di lta bur ma gyur cig snyam na yang 'thob par 'gyur ro/ /dge slong dag gang gi phyir rnam par shes pa bdag ma
 yin pa de'i phyir rnam par shes pa la gnod pa dang / sdug bsngal bar 'gyur zhing rnam par shes pa la bdag gi rnam par shes pa 'di lta bur gyur cig /'di lta bur ma gyur cig snyam na yang 'thob par mi 'gyur ro/ /dge slong
 dag ji snyam du sems/ gzugs rtag gam mi rtag /btsun pa mi rtag lags so/ /mi rtag pa gang yin pa de sdug bsngal yin nam sdug bsngal ma yin/ btsun pa sdug bsngal ba lags so/ /mi rtag pa sdug bsngal
 ba rnam par 'gyur ba'i chos can gang yin pa de la cig 'phags pa nyan thos pa dang ldan pa de la 'di ni bdag go/ /bdag ni 'di yin no/ /'di ni bdag gi bdag go zhes bdag tu khas len tam/ btsun pa ma lags so/ /
 dge slong dag ji snyam du sems tshor ba dang / 'du shes dang / 'du byed dang / rnam par shes pa rtag gam mi rtag /btsun pa mi rtag lags so/ /mi rtag pa gang yin pa de sdug bsngal yin nam/ sdug
 bsngal ma yin/ btsun pa sdug bsngal lags so/ /mi rtag pa sdug bsngal ba rnam par 'gyur ba'i chos can gang yin pa de la cig 'phags pa nyan thos thos pa dang ldan pa 'di ni bdag go/ /bdag ni 'di yin no/
 'di ni bdag gi zhes bdag go zhes bdag tu khas len tam/ btsun pa ma lags so/ dge slong dag de lta bas na gzugs gang yin pa de ci yang rung ba 'das pa 'am/ ma 'ongs pa 'am/ da ltar byung ba 'am/ nang gi 'am/
 phyi'i 'am/ rags pa 'am/ phra ba 'am/ ngan pa 'am/ gya nom pa 'am/ gang dag thag ring ba 'am/ gang dag thag nye ba de dag thams cad ni bdag ma yin/ bdag ni de ma yin de ni bdag gi bdag ma yin no zhes ji lta ba
 bzhin du yang dag pa'i shes rab kyis blta bar bya'o/ /dge slong dag de lta bas na tshor ba dang / 'du shes dang / 'du byed dang / rnam par shes pa ji snyed pa gang ci yang rung ba 'das pa 'am/ ma 'ongs pa 'am/ da ltar
 byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ gang dag thag ring ba 'am/ gang dag thag nye ba de dag thams cad ni bdag ma yin/ bdag ni de ma yin/ de ni
 bdag gi bdag ma yin no zhes ji lta ba de bzhin du yang dag pa'i shes rab kyis blta bar bya'o/ /dge slong dag 'di ltar 'phags pa nyan thos thos pa dang ldan pa ni nye bar len pa'i phung po lnga po 'di bdag ma yin
 bdag gi ma yin par lta ste/ de de ltar lta ba na 'jig rten na ci yang len pa med do/ /len pa med pa na yongs su gdung ba med do/ /yongs su gdung ba med na bdag nyid yongs su mya ngan las 'das pa ste bdag
 gi skye ba zad do/ /tshangs par spyod pa la bsten to/ /bya ba byas so/ /srid pa 'di las gzhan mi shes so zhes bya bar 'gyur ro/ /chos kyi rnam grangs 'di bshad pa na lnga sde'i dge slong lhag ma rnams kyis len pa med
 par zag pa las sems rnam par grol lo/ /de'i tshe dgra bcom pa lnga dang drug pa ni bcom ldan 'das so/ /de nas bcom ldan 'das bA ra Na sI'i 'bab chu gnod pa can gyi 'gram na bzhugs so/ /de'i tshe bA ra Na sI na rigs
 kyi gtso bo zhes bya ba'i bu grags pa zhes bya ba zhig gnas te/ de nyi ma re re zhing bud med kyis byas pa'i rol mos rtse bar byed/ dga' dgur spyod par byed pas lus snyom lus dub/ lus rgud pas myur du gnyid
 log par gyur to/ /bud med de rnams kyang lus snyom/ lus dub/ lus rgud pas gnyid log par gyur to/ /rigs kyi gtso bo'i bu grags pa mtshan mo gnyid sad pa na bud med de dag thams cad brdol zhing sgren
 mor byung la skra zhig / lag pa brkyang ste byung rgyal du bla ba mthong ngo / /mthong nas kyang de dag gis chung ma la dur khrod kyi 'du shes skyes par gyur to/ /de nas rigs kyi gtso bo'i bu grags pa ma la chen po la babs
 te/ rin po che'i lham brgya stong ri ba zung cig gyon nas nyal khang gi sgo ga na ba der song ste/ phyin nas grogs po bdag ni gtses so/ /grogs po bdag ni nyams so zhes skad ngan phyung ba dang / de'i sgo mi ma yin pa
 rnams kyis phye nas skad kyang mi grag par byas so/ /de nas rigs kyi gtso bo'i bu grags pa khyim gang na ba der song ste phyin nas grogs po bdag ni gtses so/ /grogs po bdag ni nyams so zhes skad ngan phyung ba
 dang / de'i sgo mi ma yin pa rnams kyis phye nas skad kyang mi grag par byas so/ /de nas rigs kyi gtso bo'i bu grags pa grong khyer gyi sgo gang na ba der stong ste phyin nas grogs po bdag ni gtses so/ /grogs
 po bdag ni nyams so zhes skad ngan phyung ba dang / de'i sgo mi ma yin pa rnams kyis phye nas skad kyang mi grag par byas so/ /de nas rigs kyi gtso bo'i bu grags pa 'bab chu gnod pa can de gang na ba der
 song ba na/ de'i tshe bcom ldan 'das 'bab chu gnod pa can gyi 'gram na gtsug lag khang gi phyi rol bla gab med pa na rigs kyi gtso bo'i bu grags pa 'ong ba la yang dang yang du bzhengs shing 'chag pas 'chag go/ /rigs kyi
 gtso bo'i bu grags pas bcom ldan 'das 'bab chu gnod pa can gyi 'gram na 'chag pa rgyang ring po nas mthong ngo / /mthong nas kyang dge sbyong bdag ni gtses so/ /dge sbyong bdag ni nyams so zhes skad ngan phyung ngo / /de nas
 bcom ldan 'das kyis rigs kyi gtso bo'i bu grags pa la 'di skad ces bka' stsal to/ /gzhon nu tshur shog /gnas 'di ni khyod la 'tshe ba med pa yin/ 'di ni nyams pa med pa yin no/ /de nas rigs kyi gtso bo'i bu
 grags pa rin po che'i lham brgya stong ri ba zung cig po 'bab chu gnod pa can gyi 'gram du phud nas 'bab chu gnod pa can rgal te bcom ldan 'das gang na ba der song ste phyin nas/ bcom ldan 'das kyi zhabs gnyis
 la mgo bos phyag byas te phyogs gcig tu 'dug go/ /de nas bcom ldan 'das kyis rigs kyi gtso bo'i bu grags pa khrid de nyid kyi gtsug lag khang gang na ba der gshegs nas byon pa dang gdan bshams pa nyid la
 bzhugs so/ /bzhugs nas bcom ldan 'das kyis rigs kyi gtso bo'i bu grags pa la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/ yang dag
 par rab tu dga' bar mdzad do/ /sangs rgyas bcom ldan 'das rnams kyi thog ma'i dus su chos kyi gtam gleng ba gang yin pa 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang 'dod
 pa rnams la mnog chung zhing nyes dmigs dang / kun nas nyon mongs pa dang / rnam par byang ba dang / nges par byung ba dang / rab tu bden pa'i rjes su bsgrags pa dang / rnam par byang ba'i phyogs kyi chos rnams rgya
 cher bshad do/ /gang gi tshe de bcom ldan 'das kyis dga' ba'i sems dang / dge ba'i sems dang / mgu ba'i sems dang / sgrib pa dang bral ba'i sems dang / skal ba dang ldan pa dang / yang dag phul gyi chos bshad na shes
 par nus par gzigs pa de'i tshe sangs rgyas bcom ldan 'das rnams kyi yang dag phul gyi chos bshad pa gang yin pa 'di lta ste 'phags pa'i bden pa bzhi po sdug bsngal ba dang / kun 'byung ba dang / 'gog pa dang / lam de
 rgya cher bshad do/ /dper na gos gtsang ma nag nog med pa tshon rtsi 'os pa'i nang du bcug na tshon rtsi legs par 'dzin du btub pa de bzhin du rigs kyi gtso bo'i bu grags pa stan de nyid la 'dug bzhin du 'phags pa'i
 bden pa bzhi po 'di lta ste/ sdug bsngal ba dang / kun 'byung ba dang / 'gog pa dang / lam rtogs so/ /de nas rigs kyi gtso bo'i bu grags pa chos mthong ba dang / chos thob pa dang / chos rig pa dang / chos kyi gting
 slebs pa dang / som nyi las rgal ba dang / the tshom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs
 te bla gos phrag pa gcig tu gzar nas bcom ldan 'das gang na ba der logs su thal mo sbyar ba btud de bcom ldan 'das la 'di skad ces gsol to/ /btsun pa bdag ni 'phags so/ /mngon par 'phags so/ /bdag
 bcom ldan 'das dang / chos dang / dge 'dun la skyabs su mchis lags kyis bdag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad
 lags so/ /bran mo zhig de nyid kyi mtshan mo gnyid log pa las sad na/ gzhon nu grags pa mal chen po na mi snang bar mthong ngo / /mthong nas kyang khyim bdag rigs kyi gtso bo gang na ba der song ste phyin nas
 khyim bdag rigs kyi gtso bo la 'di skad ces gsol to/ /jo bo mkhyen par mdzod cig /gzhon nu grags pa ni rang gi mal chen po na mi gda' lags so/ /de nas khyim bdag rigs kyi gtso bo 'di snyam du sems te/ gzhon
 nu nor gyi phyir chom rkun nam/ g.yon can rnams kyis phyi rol tu khrid par ma gyur grang snyam du sems shing phyogs bzhir pho nya rta pa dag bkye nas rang nyid mi lag na sgron ma thogs pa rnams dang lhan cig tu 'bab chu gnod pa
 can gang na ba de logs su song ba dang / khyim bdag rigs kyi gtso bos 'bab chu gnod pa can gyi 'gram na rin po che'i lham brgya stong ri ba zung cig phud pa mthong ngo / /mthong nas kyang de 'di snyam du sems te/ gzhon nu ni nor
 g yi phyir chom rkun nam g.yon can rnams kyis phyi rol du khrid kyi 'di ltar 'bab chu gnod pa can gyi 'gram na rin po che'i lham brgya stong ri ba zung gcig phud pa las na gzhon nu 'bab chu gnod pa can gyi ngogs 'di nyid las rgal bar
 ma gyur grang / 'di ltar 'bab chu gnod pa can gyi 'gram na rin po che'i lham brgya stong ri ba zung gcig bor ro snyam du bsams nas 'bab chu gnod pa can gyi ngogs de nyid las rgal te bcom ldan 'das gang na ba der song ngo / /bcom
 ldan 'das kyis khyim bdag rigs kyi gtso bo rgyang ring po nas gzigs so/ /gzigs nas kyang 'di snyam du dgongs te ci nas kyang ngas rdzu 'phrul mngon par 'du bya ba ji lta bu mngon par 'du byas pas khyim bdag rigs kyi
 gtso bos gzhon nu grags pa stan 'di nyid la 'dug bzhin du mi mthong ba de lta bu zhig bya'o snyam nas/ de nas bcom ldan 'das kyis rdzu 'phrul mngon par 'du bya ba ji lta bu mngon par 'du mdzad pas khyim bdag rigs kyi
 gtso bos gzhon nu grags pa stan de nyid la 'dug bzhin du mi mthong ba de lta bu mdzad do/ /de nas khyim bdag rigs kyi gtso bo bcom ldan 'das gang na ba der song ste phyin nas bcom ldan 'das la 'di skad ces gsol
 to/ /bcom ldan 'das ci ga gzhon nu grags pa gzigs sam/ khyim bdag de'i phyir 'dug shig dang / stan 'di kho na la gzhon nu grags pa mthong bar 'gyur ba'i gnas gang yin pa de yod do/ /de nas khyim bdag rigs
 kyi gtso bo 'di snyam du sems te/ gdon mi za bar bcom ldan 'das kyis gzhon nu grags pa gzigs par gyur te 'di ltar bcom ldan 'das 'di skad ces khyim bdag de'i phyir 'dug shig dang stan 'di kho na la
 gzhon nu grags pa 'dug pa mthong bar 'gyur ba'i gnas gang yin pa de yod do zhes bka' stsal to snyam du rig nas dga' ba dang / mgu ba dang / mchog tu dga' ba dang / dga' ba rgya chen po dang / yid bde ba skyes nas
 bcom ldan 'das kyi zhabs gnyis la mgo bos phyag byas te phyogs gcig tu 'dug go/ /phyogs gcig tu 'dug pa dang / khyim bdag rigs kyi gtso bo la bcom ldan 'das kyis chos dang ldan pa'i gtam gyis yang
 dag par bstan pa la sogs pa ni snga ma bzhin no/ /chos kyi rnam grangs 'di bshad pa na khyim bdag rigs kyi gtso bo chos rnams la chos kyi mig rdul med cing dri ma dang bral ba skyes so/ /tshe dang ldan pa grags pa
 yang rgyan thams cad kyis brgyan bzhin du len pa med par zag pa rnams las sems rnam par grol bar gyur to/ /de nas bcom ldan 'das kyis rdzu 'phrul mngon par 'du mdzad pa de slar brtul nas de'i tshe
 tshigs su bcad pas bka' stsal pa/ rgyan gyis brgyan bzhin du ni chos spyad de/ /dul zhing yang dag sdom pa tshangs spyod la/ /'byung po kun la chag pa spangs pa ni/ /de ni bram ze dge sbyong dge slong yin/ /de'i tshe 'jig
 rten na dgra bcom pa drug dang bdun pa ni bcom ldan 'das so/ /khyim bdag rigs kyi gtso bos gzhon nu grags pa stan de nyid la 'dug pa mthong ngo / /mthong nas kyang gzhon nu grags pa la 'di
 skad ces smras so/ /gzhon nu tshur shog /khyod kyi ma lus ngal zhing lus dub pas smre sngags 'don gyis khyim du 'dong / de nas bcom ldan 'das kyis khyim bdag rigs kyi gtso bo la 'di skad ces bka' stsal to/ /khyim
 bdag ji snyam du sems/ gang gis mi slob pa'i shes pa dang mi slob pa'i lta bas 'phags pa'i bden pa bzhi po 'di lta ste/ sdug bsngal dang kun 'byung dang / 'gog pa dang / lam mngon par rtogs pa de ji ga khyim pa khyim na
 gnas pa 'am sogs 'jog gi longs spyod kyis 'dod pa la longs spyod par 'gyur ram/ btsun pa ma lags so/ /khyim bdag ji ltar khyod kyis slob pa'i shes pa dang / slob pa'i lta bas 'phags pa'i bden pa
 bzhi po 'di lta ste/ sdug bsngal dang / kun 'byung dang / 'gog pa dang / lam mngon par rtog pa de bzhin du gzhon nu grags pas mi slob pa'i ye shes dang mi slob pa'i lta bas 'phags pa'i bden pa bzhi po
 'di lta ste/ sdug bsngal dang / kun 'byung dang / 'gog pa dang / lam mngon par rtogs so/ /btsun pa gzhon nu grags pas gang gis na mi slob pa'i shes pa dang mi slob pa'i lta bas 'phags pa'i bden pa bzhi po 'di
 lta ste sdug bsngal dang kun 'byung dang 'gog pa dang / lam mngon par rtogs pa ni rnyed pa legs par rnyed lags so/ /bcom ldan 'das slad bzhin du 'brang ba'i dge sbyong grags pa dang / thugs brtse ba nye bar
 bzung ste rigs kyi gtso bo gang na ba der gshegs na legs so/ /bcom ldan 'das kyis khyim bdag rigs kyi gtso bo la cang mi gsung bas gnang ngo / /de nas khyim bdag rigs kyi gtso bos bcom ldan 'das cang mi
 gsung bas gnang bar rig nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / /de nas bcom ldan 'das de nyid kyi mtshan mo 'das nas snga dro na bza' sham thabs
 mnabs/ lhung bzed dang / chos gos bsnams te phyi bzhin 'brang ba'i dge sbyong tshe dang ldan pa grags pa dang / khyim bdag rigs kyi gtso bo'i khyim gang na ba der gshegs so/ /de'i tshe tshe dang ldan pa grags pa'i ma dang /
 chung ma gnyis bcom ldan 'das la yang dang yang du bsu ba'i phyir bar sgo na sdod do/ /tshe dang ldan pa grags pa'i ma dang / chung ma gnyis kyis bcom ldan 'das rgyang ring po nas mthong ngo / /mthong nas kyang bcom ldan 'das
 kyi phyir gdan bshams nas 'di skad ces gsol to/ /bcom ldan 'das tshur spyon/ bcom ldan 'das byon pa legs so/ /bcom ldan 'das gdan bshams pa nyid la bzhugs su gsol zhes gsol nas
 bcom ldan 'das gdan bshams pa nyid la bzhugs so/ /de nas tshe dang ldan pa grags pa'i ma dang chung ma gnyis kyis bcom ldan 'das kyi zhabs gnyis la mgo bos phyag byas nas phyogs gcig tu 'khod do/ /
 phyogs gcig tu 'khod nas/ bcom ldan 'das kyis tshe dang ldan pa grags pa'i ma dang / chung ma gnyis la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/
 yang dag par rab tu dga' bar mdzad de/ sangs rgyas bcom ldan 'das rnams kyi thog ma'i dus su chos kyi gtam gleng ba gang yin pa 'di lta ste/ sbyin pa'i gtam dang / tshul khrims kyi gtam dang / mtho ris kyi
 gtam dang / 'dod pa rnams la mnog chung zhing nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i rjes su bsngags pa dang / rnam par byang ba'i phyogs kyi
 chos rnams rgya cher bshad do/ /gang gi tshe de gnyis bcom ldan 'das kyis dga' ba'i sems dang / mgu ba'i sems dang / sgrib pa dang bral ba'i sems dang / skal ba dang ldan pa dang / yang dag
 phul gyi chos bshad na shes par nus par gzigs pa de'i tshe sangs rgyas bcom ldan 'das rnams kyi yang dag phul gyi chos bshad pa gang yin pa 'di lta ste/ 'phags pa'i bden pa bzhi po sdug bsngal ba dang /
 kun 'byung dang / 'gog pa dang / lam rgya cher bshad do/ /dper na gos gtsang ma nag nog med pa tshon rtsi 'os pa'i nang du bcug na tshon rtsi legs par 'jen du btub pa de bzhin du tshe dang ldan pa grags pa'i ma dang /
 chung ma gnyis kyis stan de nyid la 'khod bzhin du 'phags pa'i bden pa bzhi po 'di lta ste/ sdug bsngal dang / kun 'byung dang / 'gog pa dang / lam mngon par rtogs so/ /de nas tshe dang ldan pa grags pa'i ma dang /
 chung ma gnyis kyis chos mthong ba dang / chos thos pa dang / chos kyi gting slebs pa dang / som nyi las rgal ba dang / the tsom las rgal ba dang / gzhan gyi dring mi 'jog pa dang / gzhan gyis mi bkri ba dang / ston
 pas bstan pa'i chos rnams la mi 'jigs pa thob nas stan las langs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bdag
 cag ni 'phags so/ /bdag cag ni mngon par 'phags lags te/ bcom ldan 'das dang / chos dang / dge slong gi dge 'dun la skyabs su mchi lags kyis dge bsnyen du gzung du gsol/ deng slan chad ji srid 'tsho'i
 bar du srog dang yang bsdos te skyabs su mchi bar mngon par dad lags so/ /btsun pa de'i slad du 'dir zhal zas kyi mdzad pa mdzad du gsol/ bcom ldan 'das kyis tshe dang ldan pa grags pa'i ma dang / chung ma
 gnyis la cang mi gsung bas gnang ngo / /de nas tshe dang ldan pa grags pa'i ma dang / chung ma gnyis kyis bcom ldan 'das cang mi gsung bas gnang bar rig nas bcom ldan 'das gdan la bde bar
 bzhugs pa dang / gtsang zhing bsod pa'i bza' ba dang / bca' ba dag rang gi lag nas stobs shing tshim par byed de rnam grangs du mar gtsang zhing bsod pa'i bza' ba dang / bca' ba dag rang gi lag nas
 bstabs shing tshim par byas nas/ bcom ldan 'das kyis gsol zin cing phyag bcabs te lhung bzed gyu bar rig nas stan ches dma' ba zhig blangs te/ bcom ldan 'das kyi spyan sngar chos nyan pa
 'i phyir 'khod do/ /de nas bcom ldan 'das kyis tshe dang ldan pa grags pa'i ma dang / chung ma gnyis la chos dang ldan pa'i gtam gyis yang dag par ston/ yang dag par 'dzin du 'jug par mdzad/ yang dag
 par gzeng bstod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzeng bstod/
 yang dag par rab tu dga' bar mdzad nas gdan las bzhengs te gshegs so/ /bA ra Na sI na khyim bdag rigs kyi gtso bo'i bu gnyis pa dang / gsum pa dang / bzhi pa dang / lnga pa gang po dang / dri
 med dang / ba lang bdag dang / lag bzangs te/ rigs kyi gtso bo'i bu dag gis rigs kyi gtso bo'i bu grags pa skra dang kha spu bregs te gos ngur smrig bgos nas dad pa yang dag pa kho nas khyim nas
 khyim med par rab tu byung ngo zhes thos so/ /thos nas kyang de dag 'di snyam du sems te/ kye ma'o sangs rgyas ni mchog ma yin pa ma yin zhing chos bstan pa yang mchog ma yin pa ma yin te/ gang gi phyir
 de ltar gyi rigs kyi gtso bo'i bu grags pa re shig shin du gzhon pa/ shin du bde ba 'dod pa yang skra dang / kha spu bregs te gos ngur smrig bgos nas dad pas yang dag pa kho nas khyim nas khyim med
 par rab tu byung gis/ ma la bdag cag gis kyang skra dang kha spu bregs te gos ngur smrig bgos nas/ dad pas yang dag pa kho nas khyim nas khyim med par rab tu byung bar bya'o snyam mo/ /de nas rigs kyi gtso bo'i bu gnyis
 pa dang / gsum pa dang / bzhi pa dang / lnga pa gang po dang / dri med dang / ba lang bdag dang / lag bzangs te/ rigs kyi gtso bo'i bu rnams bA ra Na se nas byung nas bcom ldan 'das gang na ba der dong ste lhags nas/ bcom
 ldan 'das kyi zhabs gnyis la mgo bos phyag byas te phyogs gcig tu 'khod do/ /phyogs gcig tu 'khod nas rigs kyi gtso bo'i bu gnyis pa dang / gsum pa dang / bzhi pa dang / lnga pa gang po dang / dri ma med dang / ba lang
 bdag dang / lag bzangs te/ rigs kyi gtso bo'i bu rnams kyis bcom ldan 'das la 'di skad ces gsol to/ /btsun pa legs par gsungs pa'i chos 'dul ba la bdag cag rab tu 'byung ba dang / bsnyen par rdzogs par
 dge slong gi dngos po gnang na/ bdag cag bcom ldan 'das kyi spyan sngar tshangs par spyod pa spyad par bgyi'o/ /tshe dang ldan pa de dag gis legs par gsungs pa'i chos 'dul ba la rab tu byung ba dang / bsnyen par rdzogs par
 dge slong gi dngos po thob ste/ de ltar rab tu byung nas tshe dang ldan pa de dag gcig pu dben pa bag yod pa rtun pa dang ldan pa bdag nyid gtod par gnas so/ /gcig pu dben pa bag yod pa/ rtun pa dang ldan pa bdag nyid gtod
 par gnas pa na gang gi phyir rigs kyi bu de dag skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung bar byed pa/ tshangs par spyod pa'i mtha' bla na med pa tshe 'di nyid
 la rang gi mngon par shes pas mngon sum du byas te bsgrubs nas bdag cag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes go bar byed cing tshe dang ldan pa de dag
 sems shin du rnam par grol ba kun shes pa dang ldan pa'i dgra bcom par gyur to/ /de'i tshe 'jig rten na dgra bcom pa bcu dang / bcu gcig pa ni bcom ldan 'das so/ /bA ra Na sI na grong mi gtso bo rnams kyi khye'u lnga
 bcus rigs kyi gtso bo'i bu dang po dang / gnyis pa dang / gsum pa dang / bzhi pa dang / lnga pa ste grags pa dang / gang po dang / dri med dang / ba lang bdag dang / lag bzangs te rigs kyi gtso bo'i bu rnams skra dang kha spu
 bregs te gos ngur smrig bgos nas dad pa yang dag pa kho nas khyim nas khyim med par rab tu byung ngo zhes thos so/ /thos nas kyang de dag 'di snyam du sems te/ kye ma sangs rgyas ni mchog ma yin pa ma yin zhing / chos
 bstan pa yang mchog ma yin pa ma yin te/ gang gi phyir da ltar rigs kyi gtso bo'i bu dang po dang / gnyis pa dang / gsum pa dang / bzhi pa dang / lnga pa ste grags pa dang / gang po dang / dri med dang / ba lang bdag dang / lag bzangs te
 rigs kyi gtso bo'i bu rnams ni re shig shin du gzhon pa/ shin du bde ba 'dod pa yang skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung gis/ ma la bdag
 cag kyang skra dang kha spu bregs nas gos ngur smrig bgos nas dad pa yang dag pa kho nas khyim nas khyim med par rab tu 'byung ngo snyam mo/ /de nas grong khyer gyi gtso bo rnams kyi khye'u lnga bcu po dag bA ra Na sI nas byung nas
 bcom ldan 'das gang na ba der song ste lhags pa dang / bcom ldan 'das kyi zhabs la mgo bos phyag byas te/ phyogs gcig tu 'khod do/ /phyogs gcig tu 'khod nas grong mi'i gtso bo'i khye'u lnga bcu po dag gis
 bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu byung ba dang / bsnyen par rdzogs pa dge slong gi dngos po gnang na bdag cag bcom
 ldan 'das kyi spyan sngar tshangs par spyod pa spyad par bgyi'o/ /tshe dang ldan pa de dag legs par gsungs pa'i chos 'dul ba la rab tu byung ba dang / bsnyen par rdzogs pa dge slong gi dngos po thob ste/ de ltar
 rab tu byung nas tshe dang ldan pa de dag gcig pu dben pa bag yod pa rtun pa dang ldan pa/ bdag nyid gtod par gnas so/ /gcig pu dben pa bag yod pa rtun pa dang ldan pa bdag nyid gtod par gnas pa na
 gang gi phyir rigs kyi bu de dag snga ma bzhin du ji srid sems shin du rnam par grol ba kun shes pa dang ldan pa'i dgra bcom par gyur to/ /de'i tshe 'jig rten na dgra bcom pa drug bcu dang / drug bcu gcig pa ni bcom
 ldan 'das so/ /de nas bcom ldan 'das bA ra Na sI'i drang srong smra ba ri dgas kyi nags na bzhugs so/ /de nas bcom ldan 'das kyis dge slong rnams la bka' stsal pa/ dge slong dag nga ni lha dang mi'i 'ching ba gang
 yin pa thams cad las grol ba yin no/ /dge slong dag khyed kyang lha dang mi rnams kyi 'ching ba gang yin pa thams cad las grol ba yin gyis/ dge slong dag skye bo mang po la phan pa dang / skye bo mang po la bde ba dang / 'jig rten
 la snying brtse ba dang / lha dang mi rnams la phan pa dang / bde ba'i ched du rgyu zhing deng la khyed gnyis shig ni gcig tu ma 'gro zhig /nga yang lteng rgyas kyi grong khyer sde can gang na ba der rgyu zhing gshegs so/ /de nas bdud
 sdig can 'di snyam du sems te/ dge sbyong gau ta ma 'di bA ra Na sI'i drang srong smra ba ri dgas kyi nags su 'dug nas de nyan thos rnams la 'di skad ces chos ston to/ dge slong dag nga ni lha dang mi'i 'ching ba gang yin pa
 thams cad las grol ba yin no/ /dge slong dag khyed kyang lha dang mi'i 'ching ba gang yin pa thams cad las grol ba yin gyis/ dge slong dag skye bo mang po la phan pa dang zhes bya ba nas rgyu zhing deng shig ces bya
 ba'i bar du ste/ nga yang lteng rgyas kyi grong khyer sde can gang na ba der rgyu zhing 'gro'o zhes zer gyis/ ma la bdag gis de la 'di lta ste/ dkrug pa'i las shig bya ba'i phyir nye bar 'gro'o snyam mo/ /de nas bdud sdig can bram
 ze'i khye'u yi cha byad du bdag nyid mngon par sprul te/ bcom ldan 'das gang na ba der dong ste phyin nas bcom ldan 'das kyi spyan sngar 'dug ste tshigs su bcad pas gsol pa/ ma grol grol bar 'du shes na/ /ji ltar
 bdag nyid grol bar sems/ /bdag gis dge sbyong ma bkrol bas/ /'ching ba chen pos bcings pa yin/ /de nas bcom ldan 'das 'di snyam du dgongs te/ e ma'o 'di ni bdud sdig can yin te/ 'di lta ste dkrug pa'i
 las kyi phyir nye bar 'ongs so snyam du thugs su chud nas tshigs su bcad de bka' stsal pa/ nga ni lha dang mi rnams kyi/ /'ching ba gang yin kun las grol/ /bar chad byed pa khyod bcom par/ /sdig can de ltar shes par
 gyis/ /de nas bdud sdig can 'di snyam du sems te/ dge sbyong gau ta ma'i sems kyis bdag shes so snyam du rig nas sdug bsngal zhing yid mi bde la yid gcags nas de nyid du mi snang bar gyur to/ /de nas bcom ldan 'das kyis
 lan gnyis su yang dge slong rnams la bka' stsal pa/ dge slong dag nga ni lha dang mi rnams kyi 'ching ba gang yin pa thams cad las grol ba yin no/ /dge slong dag khyed kyang lha dang mi rnams kyi 'ching ba gang yin pa thams cad
 las grol ba yin gyis/ dge slong dag skye bo mang po la phan pa dang zhes bya ba nas/ rgyu zhing deng shig ces bya ba'i bar gong ma bzhin du'o/ /nga yang lteng rgyas kyi grong khyer sde can gang na ba der gshegs so/ /btsun pa bka'
 bzhin 'tshal lo zhes dge slong rnams kyis bcom ldan 'das las mnyan nas ljongs rgyu zhing dong ngo / /de nas bcom ldan 'das kyis bA ra Na sIr ji tsam bzhed kyi bar du bzhugs nas lteng rgyas kyi grong khyer
 sde can gang na ba der rgyu zhing gshegs te/ rim gyis rgyu zhing gshegs pa dang grong khyer sde can du byon to/ /de nas bcom ldan 'das ras bal can gyi nags tshang tshing gang na ba der gshegs te byon nas shing zhig gi
 drung du brten te nyin par gyi gnas pas bzhugs so/ /de'i tshe drug bcu sde bzang po'i tshogs grong khyer sde can gyi phyi rol du nyi ma re re zhing bud med kyis byas pa'i rol mos rtse bar byed/ dga' bar byed dga' dgu spyod
 par byed pa na de rnams las bud med cig dam bcas pa dral te bros so/ /de nas drug bcu sde bzang po'i tshogs bud med de tshol zhing ras bal gyi nags tshang tshing gang na ba der dong ba dang / drug bcu sde bzang po'i tshogs
 kyis bcom ldan 'das mdzes pa/ dad par 'os pa/ dbang po zhi ba/ thugs zhi ba/ thugs mchog tu dul ba/ zhi ba dang / dul ba dang ldan pa/ gser gyi mchod sdong lta bur dpal gyis 'bar zhing shing zhig gi drung na brten te
 bzhugs pa mthong ngo / /mthong nas kyang bcom ldan 'das gang na ba der dong ste lhags nas bcom ldan 'das la 'di skad ces gsol to/ /bcom ldan 'das ji ga bud med gcig gzigs sam/ gzhon nu dag bud
 med de khyed cag gi cir 'ong / btsun pa 'di na bdag cag drug bcu sde bzang po'i tshogs grong khyer sde can gyi slad rol du bud med kyis bgyis pa'i rol mos rtse bar bgyid/ dga' bar bgyid dga' dgur spyod par
 bgyid de/ de rnams dang bdag cag rtse bar bgyid/ dga' bar bgyid/ dga' dgur spyod par bgyid pa na/ bud med gcig dam bcas pa dral te bros nas bdag cag tshol lags so/ /gzhon nu dag ji snyam du sems/
 bud med tshol ba gang yin pa dang / bdag nyid tshol ba gang bdam/ btsun pa bdag cag la bud med kyis ci bgyis/ bdag cag ni bdag nyid tshol ba gang lags pa de bdam lags so/ /gzhon nu dag de'i phyir 'dug
 shig dang khyed la chos bshad do/ /de nas drug bcu sde bzang po'i tshogs kyis bcom ldan 'das kyi zhabs gnyis la mgo bos phyag byas te phyogs gcig tu 'khod do/ /phyogs gcig du 'khod nas bcom
 ldan 'das kyis drug bcu sde bzang po'i tshogs la chos dang ldan pa'i gtam gyis yang dag par bstan pa la sogs pa snga ma bzhin no/ /de nas drug bcu sde bzang po'i tshogs kyis stan de nyid la 'khod bzhin
 du 'phags pa'i bden pa bzhi po 'di lta ste/ sdug bsngal ba dang / kun 'byung ba dang / 'gog pa dang / lam mngon par rtogs so/ /de nas drug bcu sde bzang po'i tshogs kyis chos mthong ba dang / chos thob
 pa dang / chos rig pa dang / chos kyi gting slebs pa dang / som nyi las rgal ba dang / the tsom las rgal ba dang / gzhan gyi dring mi 'jog pa dang / gzhan gyis mi bkri ba dang / ston pas bstan pa'i chos
 rnams la mi 'jigs pa thob nas stan las langs te bla gos phrag pa gcig tu gzar te bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /
 btsun pa bdag cag 'phags so/ /mngon par 'phags so/ /bdag cag bcom ldan 'das dang / chos dang / dge slong gi dge 'dun la skyabs su mchi lags kyis bdag cag dge bsnyen du gzung du gsol/
 deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas drug bcu sde bzang po'i tshogs bcom ldan 'das kyis bka' stsal pa la mngon par dga'
 ste rjes su yi rang nas bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas dong ngo / /de nas bcom ldan 'das de'i nub mo 'das nas snga dro na bza' sham
 thabs mnabs/ lhung bzed dang chos gos bsnams te grong khyer sde can du bsod snyoms la zhugs so/ /de nas bcom ldan 'das grong khyer sde can du bsod snyoms la zhugs pa na 'di snyam du dgongs te/ ma la
 ngas grong khyer sde can der thog mar su zhig la chos bshad snyam pa las/ de nas bcom ldan 'das 'di snyam du dgongs te/ ngas grong pa'i bu mo dga' mo dang / dga' stobs ma la thog mar chos bshad par bya ste/ de
 dag gis nga sngon sdug bsngal spong ba'i rnal 'byor la rjes su brtson pas gnas pa na 'dis mar gsar dang 'o thug sbrang rtsi ltar mngar bas bsnyen bkur byas so snyam mo/ /de nas bcom ldan 'das grong pa
 'i bu mo dga' mo dang / dga' stobs ma'i khyim gang na ba der gshegs so/ /grong pa'i bu mo dga' mo dang / dga' stobs mas bcom ldan 'das rgyang ring po nas mthong ngo / /mthong nas kyang bcom ldan 'das
 kyi ched du gdan bshams nas 'di skad ces kyang gsol to/ /bcom ldan 'das tshur spyon/ bcom ldan 'das byon pa legs so/ /bcom ldan 'das gdan bshams pa nyid la bzhugs su gsol/
 zhes gsol nas/ bcom ldan 'das gdan bshams pa de nyid la bzhugs so/ /de nas grong pa'i bu mo dga' mo dang / dga' stobs mas bcom ldan 'das kyi zhabs gnyis la mgo bos phyag byas te
 phyogs gcig tu 'dug go/ /phyogs gcig tu 'dug nas bcom ldan 'das kyis grong pa'i bu mo dga' mo dang / dga' stobs ma la chos dang ldan pa'i gtam gyis yang dag par bstan ces bya ba nas/
 mngon par dad nas skyabs su song ngo zhes bya ba'i bar du gong ma bzhin no/ /de nas grong pa'i bu mo dga' mo dang / dga' stobs mas bcom ldan 'das la 'di skad ces gsol to/ /btsun pa de'i slad du 'dir
 zhal zas kyi mdzad pa mdzad du gsol/ bcom ldan 'das kyis grong pa'i bu mo dga' mo dang / dga' stobs ma la cang mi gsung bas gnang ngo / /de nas grong pa'i bu mo dga' mo dang / dga' stobs mas bcom
 l dan 'das cang mi gsung bas gnang bar rig cing bcom ldan 'das bde bar bzhugs par rig nas gtsang zhing bsod pa'i bza' ba dang gca' ba dag rang gi lag nas stobs shing tshim par byed de rnam grangs du
 mar gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /bcom ldan 'das kyis gsol zin te phyag bcabs shing lhung bzed gyur bar rig nas stan ches dma' ba
 zhig blangs te/ bcom ldan 'das kyi spyan sngar chos mnyan pa'i phyir 'khod do/ /de nas bcom ldan 'das kyis grong pa'i bu mo dga' mo dang / dga' stobs ma la chos dang ldan pa'i gtam gyis yang dag par bstan/ yang dag
 par 'dzin du bcug / yang dag par gzeng bstod/ yang dag par rab tu dga' bar mdzad nas gdan las bzhengs te gshegs so/ /de nas bcom ldan 'das grong khyer sde can nas gshegs pa na 'di snyam du dgongs te/
 ngas yul ma ga d+hA 'dir ngang tshul bzang por bkur ba'i dge sbyong ngam bram ze gang zhig dbang du byas na de dbang du gyur pas tshegs chung ngus skye bo'i tshogs chen po dbang du 'gyur ba su zhig yod snyam mo/ /de'i tshe lteng rgyas
 'od srung ral pa can btsas nas lo brgya nyi shu lon pa rgas pa 'khogs gtugs pa zhig yod pa de ma ga d+hA'i mi rnams kyis bkur stir bya ba dang / bla mar bya ba dang / rjed par bya ba dang / mchod par bya bas dgra bcom par bkur cing
 'khor lnga brgya dang nai rany+dza nA'i chu klung gi 'gram gyi bsti gnas na dka' thub spyod do/ /de nas bcom ldan 'das 'di snyam du dgongs te/ lteng rgyas 'od srung ral pa can btsas nas lo brgya nyi shu lon pa rgas
 'khogs gtugs pa 'di ma ga d+hA'i mi rnams kyis zhes bya ba nas dka' thub spyod do zhes bya ba'i bar gong ma bzhin du ste/ ma la ngas lteng rgyas 'od srung ral pa can dbang du bya ste 'di dbang du gyur na tshegs chung ngus
 skye bo'i tshogs chen po dbang du 'gyur ro snyam mo/ /de nas bcom ldan 'das lteng rgyas 'od srung ral pa can gyi bsti gnas ga na ba der gshegs so/ /lteng rgyas 'od srung ral pa can gyis bcom ldan 'das rgyang ring po nas
 mthong ngo / /mthong nas kyang bcom ldan 'das kyi ched du gdan bshams nas 'di skad ces kyang gsol to/ /dge sbyong chen po tshur spyon/ dge sbyong chen po byon pa legs so/ /dge sbyong chen po yun ring po zhig
 lags na gang nas 'khor 'dir byon/ dge sbyong chen po gdan gshams pa nyid la bzhugs shig ces gsol to/ /bcom ldan 'das kyis gdan bshams pa nyid la bzhugs so/ /de nas lteng rgyas 'od srung
 ral pa can dang / bcom ldan 'das lhan cig mngon du yang dag par dga' bar 'gyur ba dang / mgu bar 'gyur ba'i gtam rnam pa sna tshogs mdzad nas phyogs gcig tu 'dug pa dang / bcom ldan 'das kyis lteng
 rgyas 'od srung ral pa can la 'di skad ces bka' stsal to/ /'od srung gal te khyod la mi bde ba med na khyod kyi me khang du nga zhag gcig cig 'dug go/ /dge sbyong chen po bdag la mi bde ba ma mchis na/ 'on kyang de
 na klu gdug pa zhig gnas te des khyod mtho brtsams par 'gyur du mchi'o/ /'od srung khyod kyis re shig gnang bar gyis shig dang mtho brtsams par mi 'gyur ro/ /dge sbyong chen po gal te khyod la mtho mi 'tsham
 na dge sbyong chen po ci bde kho nar bzhugs shig / de nas bcom ldan 'das lteng rgyas 'od srung ral pa can gyi me khang gang na ba der gshegs te byon nas me khang gi phyi 'ol du zhabs bsil nas me khang gi nang du zhugs te/
 nyid kyis rtswa'i gding ba bshams nas sku drang por bsrang ste skyil mo dkrung bcas nas dran pa mngon du phyogs par bzhag ste bzhugs so/ /klu gdug pas bcom ldan 'das rgyang ring po nas mthong ngo / /mthong nas kyang khros
 pa'i mthus dud pa phyung ngo / /bcom ldan 'das kyis kyang rdzu 'phrul gyi mthus dud pa phyung ngo / /klu gdug pas khro ba'i mthus 'bar bar byas so/ /bcom ldan 'das kyis kyang me'i khams la snyoms par zhugs so/ /de
 nas klu gdug pa khros pa'i mthu dang / bcom ldan 'das kyi rdzu 'phrul gyi mthus me khang thams cad 'bar rab tu 'bar kun du rab tu 'bar te/ me lce gcig tu gyur pas sreg par byed do/ /lteng rgyas 'od srung ral pa can
 mtshan mo rgyu skar la lta ba na me khang thams cad 'bar rab tu 'bar/ kun du rab tu 'bar te/ me lce gcig tu gyur nas sreg pa mthong ngo / /mthong nas kyang 'di snyam du sems te/ dge sbyong chen po gau ta ma 'di ltar
 mdzes pa klu gdug pas thal bar byas par ma gyur grang / kyi hud nyon mongs bdag gi tshig ma nyan to snyam mo/ /de nas bcom ldan 'das 'di snyam du dgongs te/ nga lteng rgyas 'od srung ral pa can 'khor dang bcas
 pas phya spyad kyis ma la ngas rdzu 'phrul ji lta bur mngon par 'du bya ba la sems mnyam par bzhag na mes klu gdug pa'i me zil kyis mnan la/ des kyang de'i lus la gnod par mi byed cing de dul bar byas nas lhung bzed
 kyi nang du bcug ste/ lteng rgyas 'od srung ral pa can de la sbyin pa de lta bu zhig bya'o snyam mo/ /de nas bcom ldan 'das kyis rdzu 'phrul ji lta bu mngon par 'du mdzad pa la thugs mnyam par bzhag na mes klu gdug pa'i me
 zil kyis mnan la/ des kyang de'i lus la gnod pa mi byed pa de lta bu mngon par 'du mdzad de/ de dul bar mkhyen nas lhung bzed du bcug ste/ lteng rgyas 'od srung gang na ba der bsnams te gshegs so/ /lteng
 rgyas 'od srung ral pa can gyis bcom ldan 'das rgyang ring po nas mthong ngo / /mthong nas kyang bcom ldan 'das la 'di skad ces gsol to/ /dge sbyong chen po gson pa lta zhig /'od srung gson no/ /dge sbyong chen po khyod kyi
 lhung bzed na bsnams te byon pa ci/ 'od srung klu gdug pa gang gi mthus khyod kyi me khang du mir gyur pa/ rdzu 'phrul dang mi ldan pa gnas su mi ster ba de ngas btul nas lhung bzed du bcug nas khyer te 'ongs so/ /de nas
 lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te ya mtshan che mod kyi bdag cag kyang dgra bcom pa yin no snyam mo/ /de nas bcom ldan 'das lteng rgyas 'od
 srung ral pa can gyi bsti gnas gyi nags tshang tshing na bzhugs so/ /de'i tshe lteng rgyas 'od srung ral pa can gyi bsti gnas na bram ze'i khye'u lnga brgya tsam me la yongs su spyod pa re re'i me thab gsum gsum ste/ me thab stong
 lnga brgya yod do/ /de nas bram ze'i khye'u de rnams me la yongs su spyod par 'dod na me spar bar ma nus so/ /de nas bram ze'i khye'u de rnams lteng rgyas 'od srung ral pa can gang na ba der song ste phyin nas/ lteng rgyas/
 'od srung ral pa can la 'di skad ces smras so/ /mkhan po mkhyen par mdzod cig /'dir bdag cag zhugs la yongs su spyod par 'tshal na zhugs te spar bar rngo ma thog lags so/ /de nas lteng rgyas 'od srung
 ral pa can 'di snyam du sems te/ dge sbyong chen po bdag gi nye 'khor na gnas na de'i mthu zhig ma byung grang snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas/
 bcom ldan 'das la 'di skad ces gsol to/ /dge sbyong chen po mkhyen par mdzod cig /'dir bdag gi bram ze'i khye'u lnga brgya tsam me la yongs su spyod par 'tshal na/ me de spar bar rngo ma thog nas bdag 'di snyam du
 sems te/ bdag gi nye 'khor na dge sbyong chen po bzhugs na de'i mthu zhig ma byung grang snyam bgyid do/ /'od srung me spar bar 'dod dam dge sbyong chen po spar du gsol/ de nas 'di ltar sangs rgyas rnams kyi sangs rgyas
 kyi mthu dang / lha rnams kyi lha'i mthus me de rang nyid 'bar bar gyur to/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te ya mtshan che mod kyi/ bdag kyang
 dgra bcom pa yin no snyam mo/ /de nas bram ze'i khye'u de rnams me la yongs su spyad nas me gsad par 'dod na gsad par ma nus so/ /de nas bram ze'i khye'u de rnams lteng rgyas 'od srung ral pa can gang na ba der dong ste
 lhags nas lteng rgyas 'od srung ral pa can la 'di skad ces smras so/ /mkhan po mkhyen par mdzod cig /'dir bdag cag zhugs la yongs su spyad nas zhugs dgum par 'tshal na dgum pa'i rngo ma thog lags so/ /
 de nas lteng rgyas 'od srung ral pa can 'di snyam du sems te/ dge slong chen po bdag gi nye 'khor na gnas na de'i mthu zhig ma byung grang snyam mo/ /de nas lteng rgyas 'od srung ral pa can bcom ldan 'das gang na ba der dong de
 phyin nas bcom ldan 'das la 'di skad ces gsol to/ /dge sbyong chen po mkhyen par mdzad du gsol/ /'dir bdag gi bram ze'i khye'u rnams zhugs la yongs su spyad nas zhugs dgum par 'tshal na dgum pa'i rngo ma
 thog nas bdag 'di snyam du sems te/ bdag gi nye 'khor na dge sbyong chen po bzhugs na de'i mthu zhig ma byung grang snyam bgyid do/ /'od srung me de bsad dam/ dge sbyong chen po dgum du gsol/ de nas 'di ltar sangs
 rgyas rnams kyi sangs rgyas kyi mthu dang / lha rnams kyi lha'i mthus me de rang nyid shi'o/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po ni rdzu 'phrul che zhing mthu che ba
 yin te ya mtshan che mod kyi bdag kyang dgra bcom pa yin no snyam mo/ /de nas yang dus gzhan zhig na lteng rgyas 'od srung ral pa can rang nyid me la yongs su spyod par 'dod na spar bar ma nus so zhes bya ba nas/ bdag
 kyang dgra bcom pa yin no zhes bya ba'i bar du gong ma bzhin no snyam mo/ /de bzhin du yongs su spyad nas bsad par 'dod na zhes bya ba nas/ bdag kyang dgra bcom pa yin no zhes bya ba'i bar du gong ma bzhin no/ /de
 nas dus gzhan zhig na lteng rgyas 'od srung ral pa can gyi me khang thams cad 'bar rab tu 'bar/ kun du rab tu 'bar te me lce gcig tu gyur nas sreg par byed pa de la lteng rgyas 'od srung ral pa can 'khor dang
 bcas pa dang / gzhan yang skye bo'i tshogs chen po rnams kyis bsgrims kyang bsad par ma nus so/ /de nas lteng rgyas 'od srung ral pa can 'di snyam du sems te/ bdag gi nye 'khor na dge sbyong chen po gnas
 na de'i mthu zhig byung bar ma gyur grang snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas bcom ldan 'das la 'di skad ces gsol to/ /dge sbyong chen po mkhyen par
 mdzad du gsol/ dge sbyong chen po 'dir bdag gi me khang thams cad 'bar rab tu 'bar/ kun du rab tu 'bar te/ me lce gcig tu gyur nas sreg par bgyid pa de la bdag 'khor dang bcas pa dang / gzhan
 yang skye bo'i tshogs chen pos bsgrims na zhugs dgum pa'i rngo ma thog nas bdag 'di snyam du sems te/ bdag gi nye 'khor na dge sbyong chen po bzhugs na de'i mthu zhig byung bar ma gyur grang snyam bgyid do/ /
 'od srung me de zhi bar bya 'am/ dge sbyong chen po zhi bar mdzad du gsol/ de nas 'di ltar sangs rgyas rnams kyi sangs rgyas kyi mthu dang / lha rnams kyi lha'i mthus me khang de rang nyid zhi bar gyur to/ /de nas
 lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te ya mtshan che mod kyi bdag kyang dgra bcom pa yin no snyam mo/ /de nas bcom ldan
 'das lteng rgyas 'od srung ral pa can gyi bsti gnas kyi nags tshang tshing na bzhugs so/ /de nas rgyal po chen po bzhi po dag kha dog 'phags pas mtshan mo la bab pa na bcom ldan 'das gang na ba der dong ste
 lhags nas bcom ldan 'das kyi zhabs la mgo bos phyag byas te de rnams dper na me'i phung po 'bar rab tu 'bar/ kun du rab tu 'bar te/ me lce gcig tu gyur nas sreg par byed pa bzhi mthong ngo / /mthong nas
 kyang 'di snyam du sems te/ dge sbyong chen po yang me la yongs su spyod de 'di ltar de'i spyan snga na me'i phung po 'bar rab tu 'bar/ kun du rab tu 'bar te me lce gcig tu gyur nas sreg par byed pa bzhi yod do snyam mo/
 de nas lteng rgyas 'od srung ral pa can nang par sngar langs te bcom ldan 'das gang na ba der song ste phyin nas bcom ldan 'das la 'di skad ces gsol to/ /dge sbyong chen po mkhyen par mdzad du gsol/
 'dir bdag ma dang sum rgyu skar rnams la lta ba na dge sbyong chen po'i spyan snga na zhugs kyi phung po 'bar rab tu 'bar/ kun du rab tu 'bar te me lce gcig tu gyur te sreg par byed pa bzhi mthong ngo / /
 mthong nas kyang 'di snyam du sems te/ dge sbyong chen po yang me la yongs su spyod do/ /'di ltar de'i spyan snga na me'i phung po 'bar rab tu 'bar kun du rab tu 'bar te/ me lce gcig tu gyur nas sreg par
 bgyid pa bzhi mchis so snyam mo/ /'od srung ci nga me la yongs su spyod dam/ nga me la yongs su mi spyod de/ mkhas pa kun nas nyon mongs las/ /sems ni yongs su zlog byed kyi/ /me 'am
 yang na chu dag la/ /yongs bsten yon tan ci zhig yod/ /de lta mod kyi 'dir mdang sum rgyal po chen po bzhi po dag kha dog 'phags pas mtshan mo la bab pa na nga gang na ba der 'ongs te lhags nas nga'i
 zhabs gnyis la mgo bos phyag byas te de rnams dper na me'i phung po 'bar rab tu 'bar/ kun du rab tu 'bar te/ me lce gcig tu gyur nas sreg par byed pa bzhi po lta bu'i lus kyis phyogs
 gcig tu 'dug pa yin no/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te ya mtshan che mod kyi bdag kyang dgra bcom pa yin no
 snyam mo/ /de nas lha rnams kyi dbang po brgya byin kha dog 'phags pas mtshan mo la bab pa na bcom ldan 'das gang na ba der song ste phyin nas bcom ldan 'das kyi zhabs gnyis la mgo bos phyag byas te/
 de dper na me'i phung po 'bar rab tu 'bar/ kun du rab tu 'bar te/ me lce gcig tu gyur pa bzhi po de dag pas ches lhag cing ches 'phags la ches bzang ba lta bu'i lus kyis phyogs gcig tu 'dug
 go/ /lteng rgyas 'od srung ral pa can de nyid kyi mtshan mo rgyu skar rnams la lta ba na/ bcom ldan 'das kyi spyan snga na me'i phung po 'bar zhes bya ba nas/ dge sbyong chen po rdzu 'phrul che zhing mthu che ba yin te/
 ya mtshan che mod kyi bdag kyang dgra bcom pa yin no snyam mo zhes bya ba'i bar du gong ma bzhin no/ /de nas mi mjed gyi bdag po tshangs pa kha dog 'phags pas mtshan mo la bab pa na bcom ldan 'das
 gang na ba der song ste phyin nas/ bcom ldan 'das kyi zhabs la mgo bos phyag byas te/ de dper na me'i phung po bzhi po de dag nyid snga ma bzhin du sreg pa zhes bya ba nas/ me'i phung po chen po lnga po de me lce
 gcig tu gyur nas sreg par byed do zhes bya ba'i bar de dag pas kyang lhag cing ches 'phags la ches bzang ba lta bu'i lus kyis phyogs gcig tu 'dug go/ /lteng rgyas 'od srung ral pa can de nyid kyi mtshan mo rgyu skar rnams
 la lta ba na bcom ldan 'das kyi spyan snga na me'i phung po chen po 'bar zhes bya ba nas/ dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo zhes bya ba'i bar du
 gong ma bzhin no/ /de'i tshe lteng rgyas 'od srung ral pa can gyi 'dug gnas na mchod sbyin zhag bdun pa byed pa la bab bo/ /de nas lteng rgyas 'od srung ral pa can 'di snyam du sems te gal te ma ga d+hA'i mi rnams kyis dge sbyong
 chen po 'di ltar rdzu 'phrul che zhing mthu che ba yin par shes na de nyid la bya ba byed par sems kyi bdag la ni de lta ma yin pa'i gnas yod kyis kye ma dge sbyong chen po zhag bdun zhig 'di nas gzhan du song yang ci ma rung snyam mo/ /
 de nas bcom ldan 'das kyi thugs kyis lteng rgyas 'od srung ral pa can gyi sems mkhyen nas zhag bdun gzhan du bzhud do/ /de'i tshe zhag bdun du lteng rgyas 'od srung ral pa can la rnyed pa dang / bkur sti chen po byung nas/
 bza' ba dang / bca' ba rab tu mang po dang ldan pa skye bo'i tshogs chen po yang dbang du gyur to/ /de nas lteng rgyas 'od srung ral pa can gyi 'dug gnas na mchod sbyin zhag bdun du byas zin pa dang 'di snyam du sems
 te/ zhag bdun po 'di la bdag la rnyed pa dang / bkur sti chen po byung nas bza' ba dang / bca' ba rab tu mang po dang ldan/ skye bo'i tshogs chen po yang dbang du gyur gyis kye ma da ni dge sbyong chen po 'ongs kyang ci ma rung
 bdag gis de yang de la bsod snyoms spyod du gzhug go snyam mo/ /de nas bcom ldan 'das kyi thugs kyis lteng rgyas 'od srung ral pa can gyi sems mkhyen nas lteng rgyas 'od srung ral pa can gang na ba der
 gshegs so/ /lteng rgyas 'od srung ral pa can gyis bcom ldan 'das rgyang ring po nas mthong ngo / /mthong nas kyang bcom ldan 'das la 'di skad ces gsol to/ /dge sbyong chen po byon tam/ 'od srung 'ongs so/ /dge sbyong
 chen po khyod ci'i slad du zhag bdun 'di nas bzhud lags/ 'od srung khyod kyi 'dug gnas na mchod sbyin zhag bdun du byed pa la bab nas 'di snyam du gal te ma ga d+hA'i mi rnams kyis dge sbyong chen po ni 'di ltar rdzu 'phrul
 c he zhing 'di ltar mthu che ba yin no bar shes na de kho na la bya ba byed par sems kyi bdag la ni de lta ma yin pa'i gnas 'di yod par 'gyur gyis kye ma dge sbyong chen po zhag bdun zhig 'di nas gzhan du song yang ci ma rung
 snyam sems pa ma yin nam/ /nga'i thugs kyis khyod kyi sems shes nas zhag bdun 'di nas gzhan du song ngo / /'o na ci'i slad du 'dir byon lags/ 'od srung khyod kyi mchod sbyin zhag bdun du byas zin nas 'di snyam du
 bdag la zhag bdun du rnyed pa dang / bkur sti chen po byung zhing bza' ba dang / bca' ba rab tu mang po dang yang ldan skye bo'i tshogs chen po yang dbang du gyur gyis kye ma dge sbyong chen po 'ongs kyang ci ma rung bdag gis de
 yang de la yongs su longs spyod du gzhug go snyam du sems pa ma yin nam dge sbyong chen po de lta lags so/ /nga'i thugs kyis khyod kyi sems shes nas nga 'ongs pa yin no/ /dge sbyong chen po ci bde ba kho nar
 longs spyad du gsol/ de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de nas
 lteng rgyas 'od srung ral pa can gyis bcom ldan 'das la 'di skad ces gsol to/ /dge sbyong chen po de'i slad du bdag gi nye 'khor du bzhugs shig dang bdag gis khyod la chos dang mthun pa'i 'tsho ba sbyar ro/ /
 bcom ldan 'das kyis lteng rgyas 'od srung ral pa can la cang mi gsung bas gnang ngo / /de nas lteng rgyas 'od srung ral pa can gyis bcom ldan 'das kyi ched du rang kho nas g.yos byas nas bcom ldan 'das
 gang na ba der song ste phyin nas bcom ldan 'das la 'di skad ces gsol to/ /dge sbyong chen po gdugs tshod lags shing mchis na dge sbyong chen po da de'i dus la bab par dgongs su gsol/ 'od
 srung de'i phyir song shig nga yang 'ong ngo / /de nas bcom ldan 'das kyis lteng rgyas 'od srung ral pa can song nas ring po ma lon par mkhyen nas ji ltar thugs mnyam par bzhag na shing 'dzam bu zhes bya
 ba gang gis 'dzam bu gling du gdags pa de las kha dog dang dri dang ro dang ldan pa'i 'dzam bu'i snye ma rnams kyis lhung bzed bkang nas bsnams te/ lteng rgyas 'od srung ral pa can gyi bsti gnas gang na ba
 der gshegs pa de lta bu'i ting nge 'dzin la snyoms par zhugs te byon nas gdan bshams pa nyid la bzhugs so/ /de nas de'i 'og tu lteng rgyas 'od srung ral pa can 'ongs nas lteng rgyas 'od srung ral pa
 can gyis bcom ldan 'das bsti gnas kyi gdan bshams pa nyid la bzhugs pa mthong ngo / /mthong nas kyang 'di skad ces gsol to/ /dge sbyong chen po byon tam/ 'od srungs 'ongs so/ /dge
 sbyong chen po khyod kyi lhung bzed na ci mchis/ 'dir ngas 'od srungs khyod song nas ring po ma lon par mkhyen nas/ ji ltar thugs mnyam par bzhag na shing 'dzam bu zhes bya ba gang gis 'dzam bu
 g ling du gdags pa de las kha dog dang dri dang ro dang ldan pa'i 'dzam bu'i snye ma rnams kyis lhung bzed bkang nas 'dir phyin pa de lta bu'i ting nge 'dzin la snyoms par zhugs kyis gal te
 'dod na longs spyod cig / dge sbyong chen po ci bde ba kho nar 'tshal lags so/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba
 yin te/ ya mtshan che mod kyi bdag kyang dgra bcom pa yin no snyam mo/ /shing 'dzam bu zhes bya ba gang gis 'dzam bu'i gling du gdags pa de dang / ha cang mi ring ba zhig na a ru ra'i nags dang / bil ba'i
 nags dang ka pid tha'i nags dang / skyu ru ra'i nags kyang de bzhin no/ /byang gi sgra mi snyan gyi gling du gshegs nas ma rmos ma btab pa'i 'bras sA lus lhung bzed bkang ste bsnams nas lteng rgyas 'od srung ral
 pa can gyi bsti gnas gang na ba der gshegs te byon nas gdan bshams pa nyid la bzhugs so/ /de nas de'i 'og tu lteng rgyas 'od srung ral pa can 'ongs nas lteng rgyas 'od srung ral pa can gyis bcom ldan 'das
 bsti gnas kyi gdan bshams pa nyid la bzhugs pa mthong ngo / /mthong nas kyang 'di skad ces gsol to/ /dge sbyong chen po byon tam/ 'od srung 'ongs so/ /dge sbyong chen po khyod kyi lhung bzed na ci mchis
 ' dir ngas 'od srung khyod song nas ring po ma lon par mkhyen nas ji ltar thugs mnyam par bzhag na byang gi sgra mi snyan gyi gling du gshegs nas ma rmos ma btab pa'i 'bras sA lu'i 'bras lhung bzed
 bkang nas 'dir phyin pa de lta bu'i ting nge 'dzin la snyoms par zhugs kyis gal te 'dod na longs spyod cig / dge slong chen po ci bde ba kho nar 'tshal lags so/ /de nas lteng rgyas 'od
 srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu che ba yin te ya mtshan che mod kyi bdag kyang dgra bcom pa yin no snyam mo/ /de nas bcom ldan 'das kyis lteng rgyas 'od srung ral
 pa can las bsod snyoms bzhes nas phyogs gzhan zhig du bzhugs nas zhal zas kyi bya ba mdzad do/ /de nas bcom ldan 'das la chus chu'i dgos pa zhig byung ngo / /de nas lha'i dbang po brgya byin gyis bcom ldan 'das
 la chus chu'i dgos pa byung bar shes nas bcom ldan 'das gang na ba der song ste phyin nas/ bcom ldan 'das kyi spyan sngar lag pas sa la bsnun pa dang / de nas bkod ma chen po zhig byung ste chu bab pa de la bcom
 ldan 'das kyis chus chu'i bya ba mdzad do/ /lteng rgyas 'od srung ral pa can bsti gnas na 'chag pa na bkod ma chen po byung ste chu bab pa mthong ngo / /mthong nas 'di snyam du sems te/ chu 'di sngon ni med na chu 'di da ltar gang nas
 byung snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas bcom ldan 'das la 'di skad ces gsol to/ /dge sbyong chen po mkhyen par mdzad du gsol/ bdag 'dir bsti gnas na
 'chag pa na bkod ma chen po'i chab cig mthong ngo / /mthong nas kyang bdag 'di snyam du sems te/ chu 'di sngon ma mchis na da ltar chu 'di gang nas bab snyam bgyid do/ /'od srung 'dir khyod las bsod snyoms bzhes
 nas phyogs 'dir bzhugs te zhal zas kyi bya ba mdzad pa na nga la chus chu'i dgos pa zhig byung ngo / /de nas lha rnams kyi dbang po brgya byin gyis nga la chus chu'i dgos pa byung bar shes nas nga gang na ba der 'ongs te
 phyin nas nga'i mdun du lag pas sa la bsnun pa las de nas bkod ma chen po zhig byung ba de la ngas chus chu'i bya ba mdzad do/ /'od srung ral pa can 'di snyam du sems te/ 'di ltar dge sbyong chen po rdzu 'phrul che zhing mthu
 che ba yin te/ ya mtshan che mod kyi bdag kyang dgra bcom pa yin no snyam mo/ /de nas bcom ldan 'das phyi ma red du yang dag 'jog las bzhengs nas rdzing lag pas brkos pa gang na ba der gshegs te
 byon nas rdzing lag pas brkos pa'i 'gram gyi mtha' gcig tu na bza' chos gos rnams bzhag ste rdzing lag pas brkos par zhugs nas sku khrus mdzad nas/ rdzing lag pas brkos pa nas byung bar bzhed pa
 na shing ardzu na gang na ba de logs su phyag brkyang ngo / /de nas ardzu na'i yal ga chen po dud par gyur te/ de la bcom ldan 'das kyis gzung nas rdzing lag pas brkos pa nas byung ngo / /lteng rgyas 'od srung ral pa can
 bsti gnas na 'chag pa ni rdzing lag pas brkos pa'i 'gram na ardzu na'i yal ga chen po dud pa zhig mthong ngo / /mthong nas kyang 'di snyam du sems te/ ardzu na'i yal ga 'di sngon ni dud par ma gyur na/
 ardzu na'i yal ga chen po 'di da su zhig gis btud snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas bcom ldan 'das la 'di skad ces gsol to/ /
 dge sbyong chen po mkhyen par mdzad du gsol/ bdag 'dir bsti gnas na 'chag pa na rdzing lag pas brkos pa'i 'gram na ardzu na'i yal ga chen po dud par mthong ngo / /mthong nas kyang bdag 'di
 snyam du sems te/ ardzu na'i yal ga chen po 'di sngon ni dud par ma gyur na da su zhig gis btud snyam bgyid do/ /'od srung 'dir phye ma red nang du yang dag 'jog las bzhengs nas/ rdzing lag pas brkos
 pa'i 'gram gang na ba der gshegs te byon nas rdzing lag pas brkos pa'i 'gram gyi mtha' gcig tu na bza' chos gos rnams bzhag ste rdzing lag pas brkos par zhugs te lus khrus byas nas/ rdzing lag pas brkos pa nas byung bar 'dod nas shing ardzu na 'di dag gang na ba de logs su lag pa brkyang ba dang /
 de nas ardzu na'i yal ga chen po 'di dud par gyur te/ de la ngas 'jus nas
 rdzing lag pas brkos pa nas byung ngo / /'od srung 'di ni ardzu na lag pas bzung ba zhes bya'o/ /de nas lteng rgyas 'od srung ral pa can 'di snyam du sems te/ 'di ltar dge sbyong chen po rdzu 'phrul che
 zhing mthu che ba yin te/ ya mtshan che mod kyi bdag kyang dgra bcom pa yin no snyam mo/ /de'i tshe bcom ldan 'das kyis phyag dar khrod pa'i sha na'i ras dag brnyes nas/ de nas bcom ldan 'das 'di
 snyam du dgongs te/ nga'i phyag dar khrod pa'i sha na'i ras gang du bkru snyam mo/ /de nas lha rnams kyi dbang po brgya byin gyi sems kyis bcom ldan 'das kyi dgongs pa shes nas ri brag gcig las rdo leb che
 la ring ba zhig blangs nas bcom ldan 'das gang na ba der song ste phyin nas bcom ldan 'das la 'di skad ces gsol to/ /bcom ldan 'das phyag dar khrod pa'i sha na'i ras dag 'di la bkru bar gsol/ de la
 bcom ldan 'das kyis phyag dar khrod pa'i sha na'i ras rnams bkrus so/ /de nas bcom ldan 'das 'di snyam du dgongs te/ nga'i phyag dar khrod pa'i sha na'i ras rnams gang du dgram snyam pa dang / de nas
 lha rnams kyi dbang po brgya byin gyi sems kyis bcom ldan 'das kyi dgongs pa shes nas brag gcig las rdo leb che la ring ba zhig khyer nas/ bcom ldan 'das gang na ba der song ste phyin nas bcom
 ldan 'das la 'di skad ces gsol to/ /bcom ldan 'das 'di la phyag dar khrod pa'i sha na'i ras rnams dgram du gsol/ de la bcom ldan 'das kyis phyag dar khrod pa'i sha na'i ras dag
 bkram mo/ /lteng rgyas 'od srung ral pa can bsti gnas na 'chag pa na rdo leb che la ring ba dag mthong ngo / /mthong nas kyang 'di snyam du sems te/ rdo leb che la ring ba 'di dag
 sngon ni med na rdo leb che la ring ba 'di dag da su zhig gis khyer te 'ongs snyam mo/ /de nas lteng rgyas 'od srung ral pa can bcom ldan 'das gang na ba der song ste phyin nas bcom ldan 'das
 la 'di skad ces gsol to/ /dge sbyong chen po mkhyen par mdzad du gsol/ 'dir bdag bsti gnas na 'chag pa na rdo leb che la ring ba dag cig mthong ngo / /mthong nas kyang bdag 'di
 snyam du sems te/ rdo leb che la ring ba 'di dag sngon ni ye ma mchis na/ rdo leb che la ring ba 'di dag da su zhig gis 'tshal te mchis snyam bgyid do/ /'od srung 'dir ngas phyag dar khrod
 pa'i sha na'i ras dag brnyes so/ /de nas nga 'di snyam du dgongs te/ phyag dar khrod pa'i sha na'i ras dag gang du bkru snyam pa dang / de nas lha rnams kyi dbang po brgya byin gyi sems gyis nga'i
 dgongs pa shes nas/ brag gcig las rdo leb che la ring ba zhig blangs te nga gang na ba der 'ongs te phyin nas nga la 'di skad ces gsol to/ /bcom ldan 'das 'di la phyag dar khrod pa'i sha na'i ras
 rnams bkru bar gsol/ ngas de la phyag dar khrod pa'i sha na'i ras rnams bkrus so/ /nga 'di snyam du dgongs te/ ngas phyag dar khrod pa'i sha na'i ras rnams gang du dgram snyam pa dang / de nas lha
 rnams kyi dbang po brgya byin gyis sems kyis nga'i dgongs pa shes nas brag gcig las rdo leb che la ring ba zhig blangs te nga gang na ba der 'ongs te byin nas nga la 'di skad ces gsol to/ /bcom
 ldan 'das 'di la phyag dar khrod pa'i sha na'i ras rnams dgram du gsol/ ngas de la phyag dar khrod pa'i sha na'i ras rnams bkram mo/ /'od srung rdo leb che zhing ring ba 'di dag ni gnod sbyin gyis blangs
 pa zhes bya'o/ /de nas lteng rgyas 'od srung ral pa can 'di snyam du sems te 'di ltar dge sbyong chen po rdzu 'phrul che zhing mthu che ba yin te ya mtshan che mod kyi bdag kyang dgra bcom pa yin no snyam mo/ /
 de nas bcom ldan 'das lteng rgyas 'od srung ral pa can gyi bsti gnas kyi nags tshang tshing na bzhugs so/ /de'i tshe nai rany+dza nA'i chu cher brub nas bab po/ /de nas bcom ldan 'das chu klung mi gang bas
 lhag pas khebs pa'i steng na rdul gyis yog pa bla gab med pa la 'chag pas 'chag par mdzad do/ /de nas lteng rgyas 'od srung ral pa can 'di snyam du sems te/ dge sbyong chen po de ltar mdzes pa chu
 chen po brub pas khyer bar ma gyur grang / ma la bdag gis dge sbyong chen po btsal snyam du bsams nas shing gcig pa'i gru'i nang du zhugs te/ bcom ldan 'das btsal ba na lteng rgyas 'od
 srung ral pa can gyis bcom ldan 'das chu klung mi gang bas lhag par khebs pa'i steng nas rdul gyis yog pa bla gab med pa na 'chag pas 'chag pa mthong ngo / /mthong nas kyang bcom ldan 'das la
 'di skad ces gsol to/ /dge sbyong chen po gson nam/ 'od srung gson no/ /dge sbyong chen po zhugs shing gcig pa'i grur 'jug gam 'od srung 'jug go/ /de nas bcom ldan 'das 'di snyam du
 dgongs te/ ma la ngas ji ltar thugs mnyam par bzhag na shing gcig pa'i gru ji ltar chu la 'jug pa de lta bu'i rdzu 'phrul mngon par 'du bya ba 'du bya'o snyam nas/ de nas bcom ldan 'das kyis
 ji ltar thugs mnyam par bzhag nas shing gcig pa'i gru ji lta bar chu la 'jug par de lta bu'i rdzu 'phrul mngon par 'du mdzad do/ /de nas lteng rgyas 'od srung ral pa can 'di snyam du sems
 to/ 'di ltar dge sbyong chen po rdzu 'phrul che zhing mthu che ba yin te ya mtshan che mod kyi bdag kyang dgra bcom pa yin no snyam mo/ /de nas bcom ldan 'das kyi thugs kyis lteng rgyas 'od srung ral pa can gyi
 sems mkhyen nas lteng rgyas 'od srung ral pa can la 'di skad ces bka' stsal to/ /'od srung ral pa can khyod ni dgra bcom pa ma yin/ dgra bcom pa'i 'bras bu mngon sum du bya ba'i phyir zhugs
 pa ma yin te/ dgra bcom pa'i lam gang yin pa de yang mi shes so/ /de nas lteng rgyas 'od srung ral pa can 'di snyam du sems te/ dge sbyong chen po gau ta ma'i thugs kyis bdag gi sems mkhyen
 to snyam du rig nas bcom ldan 'das la 'di skad ces gsol to/ /dge sbyong chen po bdag legs par gsungs pa'i chos 'dul ba la rab tu byung ba dang / bsnyen pa rdzogs pa dge slong gi dngos
 po 'thob pa lta na dge sbyong chen po'i spyan sngar bdag tshangs par spyod pa spyad par bgyi'o/ /'od srung khyod kyi 'khor la ltas sam/ dge sbyong chen po ma ltas lags so/ /'od srung de'i phyir
 re shig 'khor la ltos shig / 'dir khyod lta bu'i mi grags pa dang ldan pa shes nyen can rnams kyis ni 'khor la lta ba legs pa yin no/ /de nas lteng rgyas 'od srung ral pa can rang gi bsti gnas
 gang na ba der song ste phyin nas bram ze'i khye'u rnams la smras pa/ bram ze'i khye'u dag shes par gyis shig /bram ze'i khye'u kho bo ni dge sbyong chen po'i spyan sngar tshangs par spyod pa spyad na/ shes
 ldan dag ci byed/ mkhan po bdag cag gis cung zad ci 'tshal ba de thams cad ni mkhan po la rten nas lags pas gal te mkhan po dge sbyong chen po'i spyan sngar tshangs par spyod pa spyad na
 bdag cag kyang mkhan por rab tu byung ba'i rjes su rab tu 'byung ngo / /bram ze'i khye'u dag khyed kyis de'i phyir g.yang gzhi dang shing shun dang / 'khar ba dang / ril ba spyi blugs dang / blugs gzar 'di
 dag chu klung nai rany+dza nA'i 'gram du 'or cig / mkhan po bka' bzhin 'tshal zhes bram ze'i khye'u de rnams kyis g.yang gzhi dang / shing shun dang / mkhar ba dang / ril pa spyi blugs dang / blugs gzar
 rnams chu klung nai rany+dza nA'i 'gram du bor nas lteng rgyas 'od srung ral pa can gang na ba der song ste phyin nas lteng rgyas 'od srung ral pa can la 'di skad ces smras so/ /mkhan po 'di ltar bdag cag
 gis bdag cag gi bgyi ba gang lags pa de bgyis lags so/ /de nas lteng rgyas 'od srung ral pa can 'khor lnga brgya dang bcom ldan 'das gang na ba der song ste phyin nas bcom ldan 'das la
 'di skad ces gsol to/ /dge sbyong chen po bdag gis 'khor la bltas lags te bdag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po
 'thob pa lta na bdag dge sbyong chen po'i spyan sngar tshangs par spyod pa spyad par bgyi'o/ /'od srung tshur shog /tshangs par spyad pa spyad cig /de nyid kyis tshe dang ldan pa de dag rab tu byung ba dang /
 des bsnyen par rdzogs pa dang / des dge slong gi dngos por gyur to/ /de'i tshe lteng rgyas 'od srung ral pa can gyi spun chu klung 'od srung dang / ga yA 'od srung gnyis 'khor nyis brgya lnga bcu nyis brgya
 lnga bcu dang / chu klung nai rany+dza nA'i mjug gi 'gram gyi bsti gnas na dka' thub spyod do/ /chu klung 'od srung dang / ga yA 'od srung spun gyis g.yang gzhi dang / shing shun dang / mkhar ba
 dang / ril ba spyi blugs dang / blugs gzar de dag chu klung nai rany+dza nAs khyer ba mthong ngo / /mthong nas kyang de dag 'di snyam du sems te/ bdag cag gi tshangs pa mtshungs par spyod pa rnams
 rgyal po 'am/ chom rkun nam/ me 'am chus nyes dmigs 'ga' zhig byung bar ma gyur grang / ma la bdag gis tshangs pa mtshungs par spyod pa rnams btsal lo snyam mo/ /de nas chu klung
 'od srung dang / ga yA 'od srung spun dag lteng rgyas 'od srung ral pa can tshol zhing lteng rgyas 'od srung ral pa can gyi bsti gnas gang na ba der dong ba de'i tshe tshe dang ldan pa lteng rgyas 'od srung ral pa
 can skra phyi snam sbyar bgos nas 'khor lnga brgya dang / bcom ldan 'das kyi spyan snga na chos mnyan pa'i phyir 'khod do/ /chu klung 'od srung dang / ga yA 'od srung gis lteng rgyas 'od srung ral pa can
 skra phyi snam sbyar bgos nas bcom ldan 'das kyi spyan snga na chos mnyan pa'i phyir 'dug pa mthong ngo / /mthong nas kyang tshe dang ldan pa lteng rgyas 'od srung ral pa can la 'di skad ces smras so/ /
 'od srung 'di mchog yin la de mchog ma yin nam/ 'od srung dag 'di ni mchog yin te de ni ma yin no/ /de nas chu klung 'od srung dang / ga yA 'od srung spun dag 'di snyam du sems te/ sangs
 rgyas bcom ldan 'das ni mchog ma yin pa ma yin zhing chos bshad pa yang mchog ma yin pa ma yin te/ gang gi phyir da ltar lteng rgyas 'od srung ral pa can btsas nas lo brgya nyi shu lhag
 lon pa rgas 'khogs gtugs pa ma ga d+hA'i mi rnams kyis bkur stir byas/ bla mar byas/ rjed par byas/ mchod par byas shing dgra bcom par bkur ba de yang lan gnyis kyi bar du
 d ge sbyong chen po'i spyan sngar rab tu byung bar khas blangs kyis ma la bdag cag kyang dge sbyong chen po'i spyan sngar tshangs par spyod pa spyad par bya'o snyam du bsams nas bcom ldan 'das la 'di
 skad ces gsol to/ /dge sbyong chen po bdag cag legs par gsungs pa'i chos 'dul ba la rab tu byung ba dang / bsnyen par rdzogs pa dge slong gi dngos po 'thob pa lta na/ bdag cag
 dge sbyong chen po'i spyan sngar tshangs par spyod pa spyad par bgyi'o/ /khyod kyis 'khor la bltas sam/ dge sbyong chen po ma bltas lags so/ /'od srung dag de'i phyir re shig 'khor la
 bltos shig / 'di ltar khyod lta bu'i mi grags pa dang ldan pa/ shes nyen can dag gis ni 'khor la blta ba legs pa yin no/ /de nas chu klung 'od srung dang / ga yA 'od srung spun rang gi bsti
 gnas gang na ba der dong ste phyin nas bram ze'i khye'u rnams la 'di skad ces smras so/ /bram ze'i khye'u dag shes par gyis shig /kho bo cag ni dge sbyong chen po'i spyan sngar tshangs par spyad pa
 spyod na/ shes ldan dag ci byed/ mkhan po dag bdag cag cung zad ci 'tshal ba de thams cad ni mkhan po dag la brten nas lags pas gal te mkhan po dag dge sbyong chen po'i spyan sngar
 tshangs par spyad pa spyod na/ bdag cag kyang mkhan po dag rab tu byung ba'i rjes su rab tu 'byung ngo / /bram ze'i khye'u dag de'i dus nga yin par shes par gyis shig /de nas chu klung 'od srung
 dang / ga yA 'od srung spun 'khor nyis brgya lnga bcu nyis brgya lnga bcu dang / bcom ldan 'das gang na ba der dong ste lhags nas bcom ldan 'das la 'di skad ces gsol to/ /dge
 sbyong chen po bdag cag gis 'khor la bltas lags te/ dge sbyong chen po bdag cag legs par gsungs pa'i chos 'dul ba la rab tu byung ba dang / bsnyen par rdzogs pa dge slong gi dngos
 po 'thob pa lta na bdag cag kyang dge sbyong chen po'i spyan sngar tshangs par spyod pa spyad par bgyi'o/ /'od srung dag tshur shog /tshangs par spyad pa spyod cig de nyid kyis tshe dang ldan pa de rnams rab tu
 byung ba dang des bsnyen pa rdzogs pa dang / des dge slong gi dngos por gyur to/ /de nas bcom ldan 'das kyis ral pa can stong po de dag rab tu byung bsnyen par rdzogs par mdzad nas lteng rgyas su ji
 tsam bzhed kyi bar du bzhugs nas/ ga yA 'od srung gang na ba der rgyu zhing gshegs te rim gyis rgyu zhing gshegs pa na ga yAr byon nas ga yA'i mchod rten la sngon gyi ral pa can thams cad rab tu
 byung ba'i dge slong stong dang thabs gcig tu bzhugs so/ /de nas bcom ldan 'das kyis dge slong stong po de la cho 'phrul rnam pa gsum gyis 'doms par mdzad de/ rdzu 'phrul gyi cho
 'phrul dang / kun rjod pa'i cho 'phrul dang rjes su bstan pa'i cho 'phrul lo/ /de la bcom ldan 'das kyi rdzu 'phrul gyi cho 'phrul ni 'di yin te/ de nas bcom ldan 'das kyis ji ltar
 thugs mnyam par bzhag pa nyid kyi gdan gyi nang du mi snang bar gyur cing shar phyogs kyi steng gi bar snang la mngon par 'phags nas spyod lam rnam pa bzhi mdzad de/ 'di lta ste/ 'chag pa
 dang / bzhengs pa dang / bzhugs pa dang / mnal bar mdzad do/ /me'i ting nge 'dzin la snyoms par zhugs par mdzad de/ me'i ting nge 'dzin la snyoms par zhugs pa na/ sangs rgyas
 bcom ldan 'das kyi sku las 'od zer rnam pa sna tshogs dag 'byin par mdzad do/ /'di lta ste/ sngon po dang / ser po dang / dmar po dang / dkar po dang / le brgan dang / shel gyi kha dog go/ /cho
 'phrul zung du ston par mdzad de sku'i smad nas me 'bar bar mdzad la/ sku'i stod las chu grang mo'i rgyun 'bebs par mdzad do/ /sku'i stod nas me 'bar bar mdzad la/ sku'i smad nas chu grang mo'i
 rgyun 'bebs par mdzad pa de lta bu'i ting nge 'dzin la snyoms par zhugs so/ /shar phyogs la ji lta ba bzhin du lho dang / nub dang / byang phyogs su yang de bzhin no/ /phyogs bzhir rdzu 'phrul
 gyi cho 'phrul rnam pa bzhi bstan nas rdzu 'phrul mngon par 'du mdzad pa rnams bsdus te/ dge slong gi dge 'dun gyi gung la gdan bshams pa nyid la bzhugs te/ de la 'di ni bcom ldan 'das
 kyi rdzu 'phrul gyi cho 'phrul yin no/ /de la bcom ldan 'das kyi kun rjod pa'i cho 'phrul ni 'di yin te/ dge slong dag khyod kyi sems ni 'di lta bu'o/ /khyod kyi yid ni 'di lta bu'o/ /rnam par shes pa ni
 'di lta ba'o/ /'di ni rtog cig /'di ni ma rtog cig /'di ni yid la byos shig /'di ni yid la ma byed cig /'di ni spongs shig /'di ni ma spang zhig /'di ni lus kyis mngon sum du
 byas la rdzogs par gyis te mnos shig / 'di ni bcom ldan 'das kyi kun rjod pa'i cho 'phrul yin no/ /de la bcom ldan 'das kyi rjes su bstan pa'i cho 'phrul ni 'di yin te/
 dge slong dag 'di thams cad ni kun du 'bar ba yin no/ /dge slong dag thams cad kun du 'bar ba de ci yin zhe na/ dge slong dag mig dang / gzugs dang / mig gi rnam par
 shes pa dang / mig gi 'dus te reg pa kun du 'bar ba yin zhing mig gi 'dus te reg pa'i rkyen gyis nang gi tshor ba bde ba 'am/ sdug bsngal ba 'am/ bde ba yang ma yin sdug bsngal ba
 yang ma yin pa 'byung ba gang yin pa de yang kun du 'bar ba yin no/ /dge slong dag rna ba dang / sna dang / lce dang / lus dang / yid dang / chos dang / yid kyi rnam par shes pa dang / yid kyi 'dus te reg
 pa ni kun du 'bar ba yin zhing yid kyi 'dus te reg pa'i rkyen gyis nang gi tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung ba gang yin pa de yang
 kun du 'bar ba yin no/ /gang gis kun du 'bar ba 'dod chags kyi me dang / zhe sdang gi me dang / gti mug gi mes kun du 'bar ba/ skye ba dang / rga ba dang / na ba dang / 'chi ba dang / mya ngan dang / smre
 sngags 'don pa dang / sdug bsngal ba dang / yid mi bde ba dang / 'khrug pa ste/ sdug bsngal gyis kun du 'bar ba'o zhes smra'o/ /de la 'di ni bcom ldan 'das kyis rjes su bstan pa'i cho 'phrul
 yin no/ /chos kyi rnam grangs 'di bshad pa na/ sngon thams cad ral pa can du gyur pa'i dge slong de dag len pa med par zag pa rnams las sems rnam par grol lo/ /de nas bcom ldan 'das
 ga yA'i mgo'i mchod rten la sngon thams cad ral pa can du gyur pa'i dge slong stong po thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ rang gi
 don rjes su thob pa/ srid par kun du sbyor ba yongs su zad pa/ yang dag pa'i shes pas sems shin du rnam par grol ba sha stag dang thabs gcig tu bzhugs so/ /rgyal po gzugs can snying po
 'i zho shas 'tsho ba'i mi rnams ljongs rgyu ba na/ shAkya rnams kyi gzhon nu gangs ri'i ngos chu bo skal ldan shing rta'i 'gram drang srong ser skya'i bsti gnas dang / ha cang yang mi ring ba zhig tu byung ba de bram
 ze mtshan mkhan dang / ltas mkhan rnams kyis gal te khyim par gyur te/ khyim na gnas na ni 'khor los sgyur ba'i rgyal po chos dang ldan pa chos kyi rgyal po mtha' bzhir rnam par rgyal ba rin
 po che sna bdun dang ldan par 'gyur te/ de'i rin po che sna bdun ni 'di lta bu dag yin par 'gyur ro/ /'di lta ste/ 'khor lo rin po che dang / glang po rin po che dang / rta rin po che dang / nor bu rin po
 che dang / bud med rin po che dang / khyim bdag rin po che dang / bdun pa blon po rin po che yin no/ /de la bu stong yang tshang bar 'byung bar 'gyur te/ dpa' ba rtul phod pa/ yan lag mchog gi gzugs
 dang ldan pa/ pha rol gyi sde rab tu 'joms pa de rgya mtsho la thugs pa'i sa chen po ma lus par gnon par bde ba med cing 'tshe ba med pa 'di nyid chad pa med cing mtshon gyis bda' ba med la chos dang
 'thun zhing snyoms pas legs par phab ste gnas par 'gyur ro/ /gal te skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung bar
 gyur na/ de bzhin gshegs pa dgra bcom pa yang dag par rdzogs pa'i sangs rgyas su 'jig rten du sgra rnam par grag par 'gyur bar lung bstan to zhes thos so/ /thos nas kyang ma ga d+hA'i
 rgyal po bzo sbyangs gzugs can snying po gang na ba der song ste phyin nas ma ga d+hA'i rgyal po bzo sbyangs gzugs can snying po la 'di skad ces smras so/ /lha mkhyen par mdzad du
 gsol bdag cag 'dir lha'i yul na rgyu ba na shAkya rnams kyi gzhon nu gangs ri'i ngos zhes bya ba nas/ de bzhin gshegs pa dgra bcom pa yang dag par rdzogs pa'i sangs rgyas su 'jig rten du
 sgra rnam par grags par 'gyur bar lung bstan pa zhig thos so zhes bya ba'i bar gong ma bzhin du'o/ /lha de khum shig /lha bas gtso bo bas ches gtso bor 'gyur du mchi'o/ /grong pa dag shAkya
 rnams kyi gzhon nu gangs ri'i ngos zhes bya ba nas/ grags par 'gyur ro zhes bya ba'i bar gong ma bzhin te/ lha de khum shig /lha bas gtso bo bas ches gtso bor 'gyur du mchi'o zhes khyed cag
 de skad ma smra shig / de ci'i phyir zhe na/ grong pa dag shAkya rnams kyi gzhon nu zhes bya ba nas byung ba zhes bya ba'i bar gong ma bzhin du ste/ gal te 'khor los sgyur ba'i rgyal por gyur na de'i g.yog bya'o/
 gal te skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung bar gyur te/ de bzhin gshegs pa dgra bcom pa yang dag par rdzogs pa'i
 sangs rgyas su 'jig rten du sgra rnam par grags par gyur na de'i nyan thos su khas blang bar bya'o/ /de nas ma ga d+hA'i rgyal po bzo sbyangs gzugs can snying po steng gi khang bzangs kyi gzhi la 'dug
 nas smon pa'i gzhi lnga la smon par byed de/ kye ma'o bdag gi yul du 'jig rten gyi ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa/
 bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa bcom ldan 'das byung ba dang de la yang blta ba'i phyir bdag nye bar 'gro
 ba dang / nye bar song ba na des kyang bdag la chos bshad pa dang / bdag gis kyang chos bshad pa de shes pa dang / bdag gis chos shes nas bslab pa bcas shing bslab pa de yang bdag gis blangs te
 gnas kyang ci ma rung snyam mo/ /de nas bcom ldan 'das kyis dge slong rnams la bka' stsal pa/ dge slong dag ma ga d+hA'i rgyal po bzo sbyangs gzugs can snying po de steng gi khang bzangs kyi gzhi la 'dug nas/
 smon pa'i gzhi lnga smon par byed de/ kye ma'o bdag gi yul du 'jig rten gyi ston pa de bzhin gshegs pa dgra bcom pa yang dag par rdzogs pa'i sangs rgyas zhes bya ba'i bar gong ma bzhin no/
 ma ga d+hA'i rgyal po bzo sbyangs gzugs can snying po'i zho shas 'tsho ba dag cig ljongs rgyu ba na/ shAkya rnams kyi gzhon nu gangs ri'i ngos chu bo skal ldan shing rta'i 'gram drang srong ser skya'i
 b sti gnas dang ha cang yang mi ring ba zhig tu byung ba gang yin pa de bram ze mtshan mkhan dang ltas mkhan zhes bya ba nas 'jig rten du sgra rnam par grags par 'gyur ro zhes lung bstan pa
 zhes bya ba'i bar gong ma bzhin du'o/ /de skra dang kha spu bregs te gos ngur smrig bgos nas dad pa yang dag pa kho nas khyim nas khyim med par rab tu byung ba de bla na med pa yang dag
 p ar rdzogs pa'i byang chub mngon par rdzogs par sangs rgyas pas de ga yA na ga yA'i mgo'i mchod rten la sngon thams cad ral pa can du gyur pa'i dge slong stong thams cad kyang dgra
 bcom pa zag pa zad pa bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba yongs su zad pa/ yang dag pa'i shes pas
 sems shin du rnam par grol ba sha stag dang thabs gcig tu bzhugs so zhes thos so/ /thos nas kyang ma ga d+hA'i rgyal po bzo sbyongs gzugs can snying po gang na ba der dong ste lhags nas
 ma ga d+hA'i rgyal po bzo sbyangs gzugs can snying po la 'di skad ces smras so/ /lha mkhyen par mdzad du gsol/ bdag cag 'di na lha'i yul na rgyu ba na/ shAkya rnams kyi gzhon nu gang
 lags pa de zhes bya ba nas/ 'jig rten du sgra rnam par grags par 'gyur ro zhes bya ba'i bar gong ma bzhin du ste/ de skra dang kha spu bregs te gos ngur smrig bgos nas dad pa yang dag
 pa kho nas khyim nas khyim med par rab tu byung ba de bla na med pa yang dag par rdzogs pa'i byang chub mngon par rdzogs par sangs rgyas nas/ de ga yA na ga yA'i mchod rten la sngon thams cad ral
 pa can du gyur pa'i dge slong thams cad kyang dgra bcom pa/ zag pa zad pa zhes bya ba nas/ yang dag pa'i shes pas sems shin du rnam par grol ba sha stag dang thabs gcig tu bzhugs so zhes
 bya ba'i bar du ste/ lha de dag la bkur sti mdzod cig dang / de lta na lha gtso bo bas ches gtso bor 'gyur ro/ /de nas ma ga d+hA'i rgyal po bzo sbyangs gzugs can snying pos mi zhig la bsgo ba/ kwa'i
 nang rje tshur khyod bcom ldan 'das gang na ba der song nas/ kho bo'i tshig 'di dag gis bcom ldan 'das kyi zhabs gnyis la mgo bos phyag byos la gnod pa chung ngam/ nyam nga ba chung ngam/ 'tsho 'am/ bskyod pa yang
 ngam/ stobs dang / bde ba dang / sku nyams dang ldan nam/ rag par spyod dam zhes zhus la 'di skad ces kyang gsol cig /bcom ldan 'das dge slong gi dge 'dun dang thabs gcig la ji srid 'tsho'i bar du na bza' chos
 gos dang / bsod snyoms dang gzims cha dang / snyun dpyad kyi rkyen sman dang / yo byad rnams kyis bsnyen bkur bgyid na/ bcom ldan 'das rgyal po'i khab du gshegs su gsol zhes gsol cig /lha bka' bzhin 'tshal
 zhes mi des ma ga d+hA'i rgyal po bzo sbyangs gzugs can snying po las mnyan nas bcom ldan 'das gang na ba der song ste phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug
 nas/ bcom ldan 'das la mi des 'di skad ces gsol to/ /btsun pa bcom ldan 'das kyi zhabs gnyis la ma ga d+hA'i rgyal po bzo sbyangs gzugs can snying po mgo bos phyag 'tshal nas/ gnod pa chung ngam/ nyam nga ba chung ngam
 zhes bya ba nas/ reg par spyod dam zhes bya ba'i bar du gong ma bzhin du ste snyun gsol lags so/ /kye mi khyod dang ma ga d+hA'i rgyal po bzo sbyangs gzugs can snying po bde bar gyur cig /btsun pa ma ga d+hA'i rgyal po
 bzo sbyangs gzugs can snying po'i mchid nas/ 'di skad ces bdag bcom ldan 'das dge slong gi dge 'dun dang / thabs gcig la ji srid 'tsho'i bar du na bza' dang / chos gos dang / bsod snyoms dang / gzims cha
 dang / snyun dpyad kyi rkyen sman dang / yo byad rnams kyis bsnyen bkur bgyid na bcom ldan 'das rgyal po'i khab tu gshegs su gsol zhes mchi lags so/ /bcom ldan 'das kyis de la cang mi gsung bas gnang ngo / /de nas
 mi des bcom ldan 'das cang mi gsung bas gnang bar rig nas/ bcom ldan 'das kyi zhabs gnyis la mgo bos phyag byas te/ bcom ldan 'das kyi spyan snga nas song ngo / /de nas bcom ldan 'das sngon thams cad ral pa can du gyur pa'i
 dge slong gi dge 'dun chen po thams cad kyang dgra bcom pa zag pa zad pa zhes bya ba nas/ yang dag pa'i shes pas sems shin du rnam par grol ba zhes bya ba'i bar sha stag dang thabs gcig tu ma ga d+hA'i ljongs
 rgyu zhing gshegs pa na/ yul ma ga d+hA pa rnams kyi mchod rten legs par rab gnas ltang brang gi tshal yod pa gang na ba der gshegs so/ /de nas bcom ldan 'das legs par rab gnas su byon nas/ ma ga d+hA pa rnams kyi mchod rten legs
 par rab gnas ltang brang gi tshal yod pa na bzhugs so/ /ma ga d+hA'i rgyal po bzo sbyangs gzugs can snying pos bcom ldan 'das sngon thams cad ral pa can du gyur pa'i dge slong gi dge 'dun chen po stong gi dge slong gi dge 'dun chen
 po zhes bya ba nas/ sems shin du rnam par grol ba zhes bya ba'i bar du ste/ ma ga d+hA'i ljongs rgyu zhing gshegs pa na/ ma ga d+hA pa rnams kyi mchod rten legs par rab gnas ltang brang gi tshal yod pa gang na ba der gshegs te/
 ma ga d+hA pa rnams kyi mchod rten legs par rab gnas ltang brang gi tshal yod pa na bzhugs so zhes thos so/ /thos nas kyang shing rta bzang po'i nang du zhugs te/ rgyal po'i mthu chen po dang / rgyal po'i 'byor pa chen pos rta dang shing rta
 brgya stong snyed dang lhan cig 'khor brgya phrag du ma dang rgyal po'i khab nas byung nas bcom ldan 'das la blta ba dang bsnyen bkur bya ba'i phyir bcom ldan 'das kyi spyan sngar song ba na/ de'i shing rta'i 'khor lo sa'i nang du bying bar gyur
 to/ /des bsams pa bdag gis las skyon can cung zad cig byas par ma gyur grang snyam mo/ /lha rnams kyis de la smras pa/ rgyal po chen po khyod kyis las skyon can ma byas mod kyi khyod dang lhan cig las mtshungs par spyod pa gang
 yin pa de dag btson ra na 'dug gis de dag thon cig / rgyal pos smras pa/ gal te de lta na gdon no zhes rgyal pos btson rnams 'don du bcug go/ /yang rgyal po phyir byung bar brtsams pa na de'i dbu rgyan sgo la thug go/ /de nas yang
 bsams pa/ bdag gis ni gdon mi za bar las skyon can zhig byas te des na bdag la ltas ngan pa gzhan sgo la dbu rgyan thug pa 'di byung ngo snyam mo/ /lha de rnams kyis yang smras pa/ rgyal po chen po khyod kyis las
 skyon can ma byas mod kyi khyod dang lhan cig las mtshungs par spyad pa gang yin pa de dag kha cig ni 'dus kyang kha cig ni yul ljongs gzhan ga ge mo zhes bya ba dag na las kyi mtha' byed cing 'dug pa de dag sbron cig / rgyal pos yul
 de na gnas pa'i skye bo'i tshogs thams cad kyang bkug go/ /de nas rgyal po gzugs can snying po shing rta khri nyis stong dang / zhabs 'bring ba rta pa'i tshogs khri brgyad stong dang / ma ga d+hA'i bram ze dang khyim bdag brgya stong phrag du ma
 dang lhan cig rgyal po'i khab nas byung ste/ bcom ldan 'das la blta ba dang / bsnyen bkur bya ba'i phyir bcom ldan 'das kyi spyan sngar song ngo / /de ji tsam bzhon pa'i sa'i bar du bzhon pas song ste/ bzhon pa las babs nas rkang
 pa kho nas kun dga' ra bar zhugs so/ /ma ga d+hA'i rgyal po bzo sbyangs gzugs can snying pos thag ji tsam nas bcom ldan 'das mthong ba'i bar de nas rgyal po'i mtshan ma lnga po ze'u kha dang / gdugs dang / ral gri dang / nor
 bu'i rnga yab dang / lham khra bo rnams phud do/ /de nas ma ga d+hA'i rgyal po bzo sbyangs gzugs can snying pos rgyal po'i mtshan ma lnga bzhag nas bcom ldan 'das ga na ba der song ste phyin pa dang bla gos phrag pa gcig tu gzar nas
 bcom ldan 'das gang na ba de logs su thal mo sbyar ba btud de de rang gi ming nas phyung ste lan gsum du gsol pa/ btsun pa bdag ni ma ga d+hA'i rgyal po bzo sbyangs gzugs can snying po lags so/ /btsun pa bdag ni ma
 ga d+hA'i rgyal po bzo sbyangs gzugs can snying po lags so/ /rgyal po legs so/ /rgyal po de de bzhin no/ /de de bzhin te/ rgyal po chen po khyod ma ga d+hA'i rgyal po bzo sbyangs gzugs can snying po yin no rgyal po chen po khyod ma ga d+hA'i
 rgyal po bzo sbyangs gzugs can snying po yin no/ /rgyal po yin no/ /rgyal po chen po khyod rang gi stan ji lta ba la 'dug shig /de nas ma ga d+hA'i rgyal po bzo sbyangs gzugs can snying pos bcom ldan 'das
 kyi zhabs gnyis la mgo bos phyag byas te phyogs gcig tu 'dug go/ /ma ga d+hA'i bram ze dang / khyim bdag kha cig ni bcom ldan 'das kyi zhabs gnyis la mgo bos phyag byas te/ phyogs gcig tu 'khod do/ /kha cig ni
 bcom ldan 'das dang lhan cig mngon du yang dag par dga' ba dang / yang dag par mgu bar 'gyur ba'i gtam rnam pa sna tshogs byas te phyogs gcig tu 'khod do/ /kha cig ni bcom ldan 'das gang na ba de logs su thal
 mo sbyar ba btud de 'khod do/ /kha cig gis ni bcom ldan 'das rgyang ring po nas mthong nas cang mi smra bar phyogs gcig tu 'khod do/ /de'i tshe tshe dang ldan pa lteng rgyas 'od srung 'khor dang bcas te de nyid du 'dus shing
 'dug par gyur to/ /de nas ma ga d+hA'i bram ze dang / khyim bdag rnams 'di snyam du sems te/ ci dge sbyong chen po lteng rgyas 'od srung ral pa can gyi tshangs par spyod pa la spyad dam/ 'on te lteng rgyas 'od srung ral pa can dge
 sbyong chen po'i tshangs par spyad pa la spyod snyam mo/ /de nas bcom ldan 'das kyi thugs kyis ma ga d+hA'i bram ze dang / khyim bdag rnams kyi sems mkhyen nas tshe dang ldan pa lteng rgyas 'od srung ral pa can la tshigs
 su bcad pa'i dbyangs kyis dri ba smras pa/ lteng rgyas gnas pa khyod 'dir ci mthong na/ /me spangs nas ni brtul shugs 'di dag spyod/ khyod kyis ji ltar me yi mchod spangs pa/ /don de 'od srung nga la smra bar gyis/ /lteng rgyas 'od
 srung gis gsol pa/ 'di na kha cig zas skom de bzhin ro/ /'dod pa dag dang bud med kho na smra/ /de dag phung po'i dri mar rab mthong ste/ /des bdag mchod sbyin mi dga' bsreg blugs min/ /khyod ni 'dod dang bza' dang btung ba
 dang / /de bzhin ro la yid ni mi dga' na/ /lha mi 'jig rten la ci khyod kyi yid/ /dga' ba yin nam 'od srung dri yis smros/ /phung po ma mchis zhi ba ci ma mchis/ /'dod sred ma chags gzhan du 'gyur ma mchis/ /gzhan gyis
 mi bkri'i go 'phang mchog mthong ste/ /des bdag mchod sbyin mi dga' bsreg blugs min/ /go 'phang mi nyams mchog ni ma mthong bas/ /mchod sbyin brtul zhugs dang ni zhugs dag gis/ /grol snyam bdag gi yid ni
 rmongs gyur te/ /dmus long gyur nas skye shi'i rjes bzhin mthong / /skyob pa gtso bo mchog gis legs bshad pa/ /go 'phang 'dus ma byas te bzod mthong na/ /thub pa gau tam rnam par 'dren khyod ni/ /skye bo phal chen don brtson
 bden la zhugs/ /bcom ldan 'das kyis bka' stsal pa/ khyod kyis rtogs pa legs rtogs te/ /khyod kyis nyes par bsams ma yin/ /rab tu phye ba'i chos rnams las/ /gtso bo gang yin de blangs so/ /'od
 srung 'khor skyo ba skyed cig / de nas tshe dang ldan pa lteng rgyas 'od srung bcom ldan 'das kyis skabs phye nas ji ltar sems mnyam par bzhag na rang gi stan gyi nang du mi snang bar gyur to/ /shar phyogs kyi steng gi
 bar snang la mngon par 'phags nas spyod lam rnam pa bzhi byed de/ snga ma bzhin du phyogs bzhir rdzu 'phrul gyi cho 'phrul rnam pa bzhi bstan nas rdzu 'phrul mngon par 'du bya ba dag bsdus te bla gos phrag pa
 gcig tu gzar nas pus mo g.yas pa'i lha nga sa la btsugs te bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das ni bdag gi ston pa
 lags so/ /bdag ni bcom ldan 'das kyi nyan thos lags so/ /bcom ldan 'das ni bdag gi ston pa lags so/ /bdag ni bcom ldan 'das kyi nyan thos lags so/ /'od srung de de bzhin no/ /de de bzhin
 te/ 'od srung nga ni khyod kyi ston pa yin no/ /khyod ni nga'i nyan thos yin no/ /'od srung nga ni khyod kyi ston pa yin no/ /khyod ni nga'i nyan thos yin no/ /'od srung khyod rang gi stan ji lta ba la 'dug shig /de nas
 tshe dang ldan pa lteng rgyas 'od srung gis bcom ldan 'das kyi zhabs gnyis la mgo bos phyag byas te phyogs gcig tu 'dug go/ /de nas ma ga d+hA'i bram ze dang khyim bdag rnams 'di snyam du sems te/ dge sbyong chen po ni lteng
 rgyas 'od srung ral pa can gyi tshangs par spyod pa la mi spyod kyi lteng rgyas 'od srung ral pa can nyid ni dge sbyong chen po'i tshangs par spyod pa la spyod do snyam mo/ /de nas bcom ldan 'das kyis ma ga d+hA'i rgyal po bzo
 sbyangs gzugs can snying po la bka' stsal pa/ rgyal po chen po gzugs la skye ba yang yod/ 'jig pa yang yod/ de'i skye ba dang 'jig pa yang rig par bya'o/ /rgyal po chen po tshor ba dang / 'du shes dang / 'du byed dang
 rnam par shes pa la skye ba yang yod/ 'jig pa yang yod/ de'i skye ba dang / 'jig pa yang rig par bya'o/ /rgyal po chen po yang rigs kyi bus gzugs kyi skye ba dang 'jig pa'i chos nyid rig nas gzugs de yongs su
 shes so/ /rgyal po chen po rigs kyi bus tshor ba dang / 'du shes dang / 'du byed dang / rnam par shes pa'i skye ba dang / 'jig pa'i chos nyid rig nas rnam par shes pa de yongs su shes so/ /rgyal po chen po rigs kyi bus
 gzugs yongs su shes na gzugs la bdag gam bdag gir khas mi len na mi 'dzin lhag par mi gnas mngon par zhen par mi byed do/ /rgyal po chen po rigs kyi bus tshor ba dang / 'du shes dang / 'du byed dang / rnam par
 shes pa yongs su shes na bdag gam bdag gir khas mi len na mi 'dzin lhag par mi gnas mngon par zhen par mi byed do/ /rgyal po chen po rigs kyi bus gzugs la bdag gam bdag gir khas mi len/ mi 'dzin/ lhag
 par mi gnas/ mngon par zhen par mi byed na tshad med cing grangs med pa'i mya ngan las 'das pa yin no zhes smra'o/ /rgyal po chen po rigs kyi bus tshor ba dang / 'du shes dang / 'du byed dang / rnam par shes pa la bdag gam
 bdag gir khas mi len mi 'dzin/ lhag par mi gnas/ mngon par zhen par mi byed na tshad med cing grangs med pa'i mya ngan las 'das pa yin no zhes smra'o/ /de nas ma ga d+hA'i bram ze dang khyim bdag rnams 'di snyam du
 sems te/ gal te gzugs bdag ma yin/ tshor ba dang / 'du shes dang / 'du byed dang / rnam par shes pa bdag ma yin na/ 'o na bdag gam/ sems can nam/ srog gam/ skye ba po 'am/ gso ba po 'am/ gang zag gam/ shed
 las skyes sam/ shed bu 'am/ byed pa po 'am/ byed du 'jug pa po 'am/ shes pa po 'am/ kun nas shes pa po 'am/ slong ba po 'am/ kun nas slong ba po 'am/ smra ba po 'am/ kun nas smra ba po 'am/ tshor ba po 'am/ kun nas
 tshor ba po gang yin pa nam yang ma byung 'byung bar mi 'gyur zhing da ltar yang yod pa gang gis de dang dge ba dang / sdig pa'i las byas pa rnams kyi rnam par smyin pa so sor nyams su myong zhing gang gis phung po 'di bor te phung po
 gzhan dang nying mtshams sbyor ba de su zhig yin par 'gyur snyam mo/ /de nas bcom ldan 'das kyi thugs kyis ma ga d+hA'i bram ze dang khyim bdag rnams kyi sems mkhyen nas dge slong rnams la bka' stsal pa/ dge slong dag
 bdag bdag ces bya ba ni byis pa so so'i skye bo thos pa dang mi ldan pas btags pa'i rjes su ltung ba yin te/ 'di la bdag ce 'am/ bdag gi med kyi dge slong dag skye ba na sdug bsngal 'di skye zhing 'gag pa na yang sdug
 bsngal 'di 'gag go/ /skye ba na 'du byed rnams skye zhing 'gag pa na 'ang 'du byed rnams 'gag par 'gyur te/ rgyu de dang rkyen de la brten nas sems can rnams kyi 'du byed kyi rgyud 'jug go/ /dge slong dag de bzhin gshegs pas 'du
 byed kyi nying mtshams sbyor ba thugs su chud nas sems can rnams kyi 'chi 'pho dang skye ba dang 'dogs par mdzad de/ dge slong dag ngas lha'i spyan rnam par dag pa'i mi las 'das pas sems can rnams kyi 'chi
 'pho zhes bya ba nas/ bde 'gro mtho ris kyi 'jig rten du lha rnams su skye bar 'gyur ro zhes bya bar mkhyen to zhes bya ba'i bar du gong ma bzhin no/ /dge slong dag ngas de ltar mkhyen cing de ltar gzigs pas nga 'di skad ces
 bdag gam/ sems can nam zhes bya ba nas tshor ba po zhes bya ba'i bar gong ma bzhin du ste/ gang nam yang ma byung 'byung bar mi 'gyur zhing da ltar yang yod pa ma yin pas gang gis de dang der sdig pa'i las byas pa rnams kyi
 rnam par smin pa so sor nyams su myong zhing gang gis phung po 'di bor te phung po gzhan dang nying mtshams sbyor ba de chos su brdar btags pa ma gtogs pa 'di yin no zhes mi gsungs so/ /de la chos kyi brdar btags pa ni 'di
 yin te/ 'di lta ste/ 'di yod pas 'di yod/ 'di skyes pas 'di skye ba ste/ 'di lta ste/ ma rig pa'i rkyen kyis 'du byed/ 'du byed kyi rkyen kyis rnam par shes pa/ rnam par shes pa'i rkyen kyis ming dang gzugs/ ming dang gzugs
 kyi rkyen kyis skye mched drug / skye mched drug kyi rkyen kyis reg pa/ reg pa'i rkyen kyis tshor ba/ tshor ba'i rkyen kyis sred pa/ sred pa'i rkyen kyis len pa/ len pa'i rkyen kyis srid pa/ srid pa'i rkyen kyis skye ba/ skye ba'i rkyen kyis
 rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar sdug bsngal gyi phung po chen po 'ba' shig po 'di 'byung bar 'gyur ro/ /'di lta ste/ 'di med pas
 'di med la/ 'di 'gags pas 'di 'gag par 'gyur te/ 'di lta ste/ ma rig pa 'gags pas/ 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs
 'gag ming dang gzugs 'gags pas skye mched drug 'gag / skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len
 pa 'gag / len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang mya ngan dang / smre sngags 'don pa dang sdug bsngal ba dang yid mi bde ba dang / 'khrug pa rnams
 'gags te/ de ltar na sdug bsngal gyi phung po chen po 'ba' zhig po 'di 'gag par 'gyur ro/ /dge slong dag 'du byed rnams ni sdug bsngal lo/ /mya ngan las 'das pa ni zhi ba'o/ /rgyu kun 'byung bas sdug
 bsngal kun 'byung zhing rgyu 'gags pas sdug bsngal 'gag ste/ rgyun bcad pas mi 'byung zhing nying mtshams sbyor ba med pas 'gags pa 'di nyid ni sdug bsngal gyi mtha' yin no/ /dge slong dag de la yongs su mya ngan
 las 'das pa gang zhe na/ gzhan med kyi sdug bsngal 'gag pa gang yin pa de ni nye bar zhi ba/ de ni bsil bar gyur pa/ de ni nub pa ste/ dge slong dag zhi ba'i gnas ni 'di yin te/ 'di lta ste/ phung po thams cad
 spangs pa sred pa zad pa 'dod chags dang bral ba 'gags pa mya ngan las 'das pa yin no/ /de nas bcom ldan 'das kyis yang ma ga d+hA'i rgyal po bzo sbyangs gzugs can snying po la lan gnyis su bka' stsal pa/
 rgyal po chen po ji snyam du sems/ gzugs rtag gam/ mi rtag btsun pa 'di ni mi rtag lags so/ /mi rtag pa gang yin pa de sdug bsngal yin nam/ sdug bsngal ma yin/ btsun pa 'di ni sdug bsngal lags so/ /
 mi rtag pa sdug bsngal ba 'gyur ba'i chos can gang yin pa de la cig 'phags pa'i nyan thos thos pa dang ldan pa 'di ni bdag yin na/ /bdag ni 'di yin no/ /'di ni bdag gi bdag go zhes bdag tu khas len par byed dam/
 btsun pa ma lags so/ /rgyal po chen po ji snyam du sems/ tshor ba dang / 'du shes dang / 'du byed dang / rnam par shes pa rtag gam mi rtag /btsun pa 'di ni mi rtag lags so/ /mi rtag pa gang yin pa de sdug
 bsngal yin nam sdug bsngal ma yin/ btsun pa 'di ni sdug bsngal lags so/ /mi rtag pa sdug bsngal bar 'gyur ba'i chos can gang yin pa de la ci ga 'phags pa'i nyan thos thos pa dang ldan pa 'di ni bdag yin no/
 bdag ni 'di yin no/ /'di ni bdag gi bdag go zhes bdag tu khas len par byed dam/ btsun pa ma lags so/ /rgyal po chen po de lta bas na khyod kyis gzugs gang ci yang rung / 'das pa dang / ma 'ongs pa 'am/ da ltar byung ba
 'am/ nang gi 'am/ phyi'i 'am/ ngan pa 'am/ gya nom pa 'am/ gang dag thag ring ba 'am/ gang dag thag nye ba yang rung ste/ de thams cad la 'di ni bdag ma yin no/ /bdag ni 'di ma yin no/ /'di ni bdag gi bdag ma yin no zhes de
 bzhin du yang dag pa'i shes rab kyis ji lta ba bzhin du blta bar bya'o/ /rgyal po chen po de lta bas na khyod kyis tshor ba dang / 'du shes dang / 'du byed gang ci yang rung ba dang / rnam par shes pa gang ci yang rung ba 'das pa 'am/ ma 'ongs pa
 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ gang dag thag ring ba 'am/ gang dag thag nye ba yang rung ste/ de dag thams cad la 'di ni bdag ma yin no/ /bdag
 ni 'di ma yin no/ /'di ni bdag gi bdag ma yin no zhes de bzhin du yang dag pa'i shes rab kyis ji lta ba bzhin du blta bar bya'o/ /rgyal po chen po 'phags pa nyan thos thos pa dang ldan pa de ltar mthong ba ni gzugs la
 yang yid 'byung bar 'gyur ro/ /tshor ba dang / 'du shes dang / 'du byed dang / rnam par shes pa la yang yid 'byung bar 'gyur ro/ /yid byung na 'dod chags dang 'bral lo/ /'dod chags dang bral na rnam par grol bar 'gyur ro/ /
 rnam par grol na bdag gi skye ba zad do/ /tshangs par spyod pa bsten to/ /bya ba byas so/ /srid pa 'di las gzhan mi shes so zhes rnam par grol ba'i ye shes mthong bar 'gyur ro/ /chos kyi rnam grangs 'di bshad
 pa na ma ga d+hA'i rgyal po bzo sbyangs gzugs can snying po dang / lha brgyad khri dang / ma ga d+hA'i bram ze dang / khyim bdag 'bum phrag du ma chos rnams la chos kyi mig rdul med cing dri ma dang bral ba skyes so/ /de nas ma ga d+hA'i
 rgyal po bzo sbyongs gzugs can snying pos chos mthong ba dang / chos thob pa dang / chos rig pa dang / chos kyi gting slebs pa dang / som nyi las rgal ba dang / the tsom las rgal ba dang / gzhan gyi dring mi 'jog pa dang /
 gzhan gyis mi bkri ba dang / ston pas bstan pa'i chos rnams la mi 'jigs pa thob nas stan las langs te bla gos phrag pa gcig tu gzar nas bcom ldan 'das gang na ba de logs su thal mo sbyar ba btud te/
 bcom ldan 'das la 'di skad ces gsol to/ /btsun pa bdag ni 'phags so/ /mngon par 'phags so/ /bdag btsun pa bcom ldan 'das dang / chos dang / dge slong gi dge 'dun la skyabs su mchi lags kyis
 dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /bcom ldan 'das bdag bcom ldan 'das dang / dge slong gi dge 'dun du bcas
 pa la ji srid 'tsho'i bar du na bza' chos gos dang / bsod snyoms dang / gzims cha dang / bsnyun dpyad kyi rkyen sman gyi yo byad rnams kyis bsnyen bkur bgyid lags na/ bcom ldan 'das rgyal po'i khab du gshegs
 su gsol/ bcom ldan 'das rgyal po'i khab kyi ma ga d+hA'i rgyal po bzo sbyangs gzugs can snying po la cang mi gsung bas gnang ngo / /de nas ma ga d+hA'i rgyal po bzo sbyangs gzugs can snying pos bcom ldan 'das
 cang mi gsung bas gnang bar rig nas bcom ldan 'das kyi zhabs gnyis la mgo bos phyag byas te bcom ldan 'das kyi spyan snga nas song ngo / /de nas bcom ldan 'das ma ga d+hA nas ljongs rgyu
 zhing gshegs pa dang rgyal po'i khab tu byon nas rgyal po'i khab bya ka lan da ka gnas pa na bzhugs so/ /de'i tshe rgyal po'i khab na mu stegs yang dag rgyal ba can zhes bya ba skyes nas ring po ma lon par de
 rnams kyi ston pa dus byas par gyur pa dang / de rnams kyi nang na nye rgyal dang / pang nas skyes zhes bya ba gnyis tshogs yongs su sdud pa dang / tshogs kyi 'dren par gyur pa gang yin pa de yongs su 'dren pa na de gnyis
 kyis 'di ltar yu bu cag las gcig gis bdud rtsi sngar rnyed kyang de gcig la gcig smra bar bya'o zhes dam bca' ba byas so/ /de nas tshe dang ldan pa rta thul snga dro sham thabs bgos/ lhung bzed dang / chos gos thogs
 te 'gro ba dang / ldog pa dang / cung zad lta ba dang / rnam par lta ba dang / bskum pa dang / brkyang ba dang / snam sbyar dang / chos gos dang / lhung bzed thogs pa mdzes pas rgyal po'i khab tu bsod snyoms la zhugs so/ /
 de'i tshe na kun du rgyu nye rgyal rgyal po'i khab tu bya ba zhig gi phyir spyod yul du zhugs pas tshe dang ldan pa rta thul 'gro ba dang / ldog pa dang / cung zad lta ba dang / rnam par lta ba dang / bskum pa dang / brkyang ba dang / snam
 sbyar dang / chos gos dang / lhung bzed thogs pa mdzes pas rgyal po'i khab na bsod snyoms la rgyu ba thag ring po kho nas mthong ngo / /mthong nas kyang 'di snyam du sems te/ rgyal po'i khab 'dir rab tu byung
 ba ji snyed lhags shing gnas pa dag las 'di lta ste/ rab tu byung ba 'di'i spyod lam 'di lta bu ni bdag gis sngon chad 'ga' yang ma mthong gis ma la bdag de'i gan du song ste/ dge slong khyed kyi sten pa ni gang yin/ gang gi
 phyir ni rab tu byung / su'i chos la ni dga' zhes dri'o snyam du rig nas lam po che rub pa zhig na 'gro ba dang ldog pas shas cher sdod cing 'dug go/ /de nas tshe dang ldan pa rta thul kun du rgyu nye rgyal ga la ba der song ngo / /de nas kun du
 rgyu nye rgyal gyis tshe dang ldan pa rta thul la 'di skad ces smras so/ /dge slong khyod kyi ston pa ni gang yin/ gang gi phyir ni rab tu byung / su'i chos la ni dga'/ tshe dang ldan pa shAkya'i sras kyi dge sbyong gau ta ma shAkya'i rigs las skra
 dang kha spu bregs nas gos ngur smrig dag bgos te dad pa yang dag pa kho nas khyim nas khyim med par rab tu byung ba zhig yod do/ de bla na med pa yang dag par rdzogs pa'i byang chub mngon par rdzogs par sangs rgyas nas kho
 bo'i ston pa ni bcom ldan 'das de yin no/ /kho bo de'i phyir rab tu byung ngo / /kho bo de'i chos la dga'o/ /dge slong de'i phyir chos ston cig /tshe dang ldan pa kho bo ni na gzhon pa dang / rab tu byung ba gsar pas de'i phyir kho bos
 bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i bstan pa rgya cher yang dag par rab tu bstan par sla ba ma yin te/ 'on kyang 'di ltar de'i don bstan par bya'o/ /dge slong kho bo la
 ni don dgos kyi tshig ni shin du mang pos kyang ci bya ste/ khyod kyis don mang yang rung nyung yang rung ston cig /de nas tshe dang ldan pa rta thul gyis de'i tshe tshigs su bcad pas smras pa/ chos rnams gang dag rgyu las byung
 ba dang / /de yi rgyu dang de 'gog gang yin pa 'ang / /de bzhin gshegs pa nyid kyis bka' stsal to/ /de skad gsung pa'i tshul can dge sbyong che/ /chos kyi rnam grangs 'di bshad pa na/ kun du rgyu nye rgyal chos rnams la
 chos kyi mig rdul med cing dri ma dang bral ba skyes so/ /de nas kun du rgyu nye rgyal chos mthong ba dang / chos rig pa dang / chos kyi gting slebs pa dang / som nyi las rgal ba dang / the tshom las rgal ba dang / gzhan gyi dring
 mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas ro stod bsrang nas lag pa g.yas pa brkyang ste/ tshe dang ldan pa rta thul ga la ba de logs su thal
 mo sbyar ba btud te de'i tshe tshigs su bcad pa smras pa/ skyob pa rnams kyi chos 'di yin/ /bskal pa bye ba khrag khrig du/ /sngon chad ma mthong ma thos pa/ /'chi med mya ngan 'das pa yi/ /go 'phang 'di la rjes su rtogs/ /
 tshe dang ldan pa bcom ldan 'das de da lta ga la bzhugs/ tshe dang ldan pa rgyal po'i khab na 'od ma'i tshal ka lan da ka'i gnas 'di nyid na'o/ /de nas kun du rgyu nye rgyal tshe dang ldan pa rta thul gyis smras pa la mngon par
 bstod pa dang rjes su yi rang ba byas te/ tshe dang ldan pa rta thul gyi rkang pa gnyis la mgo bos phyag 'tshal nas tshe dang ldan pa rta thul la lan gsum bskor ba byas te song nas kun du rgyu pang nas skyes ga la ba der song ngo / /
 kun du rgyu pang nas skyes kyis kun du rgyu nye rgyal thag ring po kho na nas mthong ngo / /mthong nas kyang kun du rgyu nye rgyal la 'di skad ces smras so/ /tshe dang ldan pa khyod kyi dbang po rnams ni rnam par dang / gzhin gyi mdog
 ni yongs su dag lpags pa'i mdog ni yongs su dkar na khyod kyis bdud rtsi rnyed dam/ tshe dang ldan pa rnyed do/ /tshe dang ldan pa de'i phyir chos ston cig /de nas kun du rgyu nye rgyal gyis de'i tshe tshigs su bcad pa smras pa/
 chos rnams gang dag rgyu las byung ba dang / /de yi rgyu dang de 'gog gang yin pa/ /de bzhin gshegs pa nyid kyis bka' stsal to/ /de skad gsung pa'i tshul can dge sbyong che/ /tshe dang ldan pa da dung yang lan cig rjod cig /
 tshe dang ldan pa brjod par bya'o/ /chos rnams gang dag rgyu las byung ba dang / /zhes pa la sogs pa snga ma bzhin no/ /chos kyi rnam grangs 'di bshad pa na kun du rgyu pang nas skyes chos rnams la chos kyi mig rdul med cing
 dri ma dang bral ba skyes so/ /de nas kun du rgyu pang nas skyes chos mthong ba dang / chos thob pa dang / chos rag pa dang / chos kyi gting slebs pa dang / som nyi las rgal ba dang / the tsom las rgal ba dang / gzhan gyi dring
 mi 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob nas ro stod bsrang nas lag pa g.yas pa brkyang ste/ kun du rgyu nye rgyal ga la ba de logs su thal mo sbyar ba
 btud de de'i tshe tshigs su bcad pa smras pa/ skyob pa rnams kyi chos 'di yin/ /bskal pa bye ba khrag khrig tu/ /sngon chad ma mthong ma thos pa/ /'chi med mya ngan med pa yi/ /go 'phang 'di la rjes su rtogs/ /tshe dang
 ldan pa bcom ldan 'das de da lta ga la bzhugs/ tshe dang ldan pa rgyal po'i khab 'od ma'i tshal ka lan da ka'i gnas 'di nyid na'o/ /tshe dang ldan pa tshur shog /bcom ldan 'das de'i spyan sngar tshangs par spyod pa
 spyad par bya'o/ /tshe dang ldan pa de'i phyir ji 'khor la blta bar bya ste/ bdag cag lta bu mi grags pa dang ldan pa/ shes par gyur pa dag gis 'khor la blta ba ni legs pa yin no/ /de nas kun du rgyu nye rgyal dang /
 pang nas skyes gnyis kyis bram ze'i khye'u rnams la smras pa/ bram ze'i khye'u rnams shes par gyis shig /kho bo cag gnyis ni bcom ldan 'das kyi spyan sngar tshangs par spyod pa spyod par byed na khyed cag ji ltar
 byed/ mkhan po gnyis bdag cag cung zad ci 'tshal ba gang lags pa de dag thams cad mkhan po gnyis las brten nas 'tshal ba lags na/ gal te mkhan po gnyis bcom ldan 'das kyi spyan sngar tshangs par spyad pa spyod
 na/ bdag cag kyang mkhan po gnyis rab tu byung ba'i rjes su rab tu 'byung bar bgyi'o/ /bram ze'i khye'u rnams da de'i dus la bab par shes par gyis shig /de nas kun du rgyu nye rgyal dang / pang nas skyes gnyis 'khor nyis brgya
 lnga bcu lnga bcu dang / bcom ldan 'das ga la ba der dong ngo / /de'i tshe na bcom ldan 'das dge slong gi 'khor brgya phrag du ma'i gung la chos ston cing bzhugs so/ /bcom ldan 'das kyis kun du rgyu nye rgyal dang /
 pang nas skyes gnyis thag ring po kho nas gzigs so/ /gzigs nas kyang dge slong rnams la bka' stsal pa/ dge slong dag khyod kyis grogs po'i tshogs yongs su sdud pa/ tshogs yongs su 'dren pa/ tshogs kyi mdun
 nas 'ong ba 'di lta ste/ nye rgyal dang / pang nas skyes gnyis mthong ngam/ btsun pa mthong ngo / /'di gnyis ni nyan thos zung dang / zung gi mchog dang / zung bzang por gyur te/ gcig ni rdzu 'phrul dang ldan pa rnams kyi mchog tu
 'gyur la/ gcig shos ni shes rab dang ldan pa rnams kyi mchog tu 'gyur ro/ /de nas dge slong zhig gis de'i tshe tshigs su bcad pa smras pa/ ston pa dgongs yul mtha' yas pa/ /skyes bu'i dbang po mkhyen mthar byon/ /
 bcom ldan srid pa mthar mdzad pas/ /grogs po nye rgyal pang nas skyes/ /'od ma'i tshal du ma phyin par/ /de ltar mchi ba gzigs gyur nas/ tshogs mchog dbus su de gnyis ni/ /'di gnyis nga yi nyan thos kyi/ /zung
 mchog 'gyur zhes des bstan te/ /gcig ni rdzu 'phrul ldan pa'i mchog /gcig shos shes rab ldan pa yi/ /mchog tu 'gyur bar lung bstan mdzad/ /de nas kun du rgyu nye rgyal dang / pang nas skyes gnyis bcom
 ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te bcom ldan 'das la 'di skad ces gsol to/ /btsun pa bdag cag legs par gsungs pa'i chos 'dul ba la rab tu byung
 ba dang / bsnyen par rdzogs pa dge slong gi dngos por gnang na bdag cag bcom ldan 'das kyi spyan sngar tshangs par spyod pa spyad par bgyi'o/ /bcom ldan 'das kyis de gnyis la dge slong tshur shog ces bya bas rab tu byung zhing dge
 slong dag tshur shog / tshangs par spyad pa spyod cig ces bka' stsal pa dang / de dag bcom ldan 'das kyi bka'i mjug kho nar skra byi ba dang / snam sbyar gyon par gyur to lag na lhung bzed thogs pa skra dang kha spu zhag bdun skyes pa
 tsam dang / dge slong bsnyen par rdzogs nas lo brgya lon pa'i spyod lam lta bur gnas par gyur to/ /yang smras pa/ de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / /mod la dbang po
 rab zhir gnas gyur te/ /sangs rgyas dgongs pas lus gzugs bkab par gyur/ /de nas dge slong rab tu mang po dag snga dro sham thabs bgos/ lhung bzed dang chos gos thogs te/ rgyal po'i khab tu bsod snyoms la
 zhugs pa dang / de nas rgyal po'i khab kyi mi gang dag yang dag rgyal ba can gyi mu stegs can gyi gnas rab tu byung zhing bsnyen par rdzogs nas ring po ma lon pas yid ma rangs shing mngon par mi dga' ba de dag gis dge slong de dag
 mthong nas co 'dri zhing tshigs su bcad pa smras pa/ sangs rgyas ma ga d+hA dag gi/ /grong mchog rgyal po'i khab gshegs pas/ /yang dag rgyal ba'i kun khrid na/ /phyin chad ci zhig bkri bar bya/ /des dge slong rnams dpa' gong zhing mi
 dga' ba dang / mi 'jigs pa med par gyur to/ /de nas dge slong rab tu mang po dag rgyal po'i khab tu bsod snyoms rgyus nas zas kyi bya ba byas te/ phyi dro bsod snyoms mi len pas lhung bzed dang chos gos mkhos su phab nas/
 rkang pa gnyis bkrus te/ sdug bsngal zhing yid mi bde bas bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te phyogs gcig tu 'khod do/ /phyogs gcig tu 'khod nas
 bcom ldan 'das la dge slong rab tu mang po dag gis 'di skad ces gsol to/ /btsun pa 'di na bdag cag dge slong rab tu mang po dag snga dro sham thabs 'tshal/ lhung bzed dang chos gos dag thogs te/ rgyal po'i khab tu bsod
 snyoms la zhugs pa dang / de nas rgyal po'i khab kyi mi gang dag yang dag rgyal ba can gyi mu stegs can gyi gnas nas rab tu phyung zhing bsnyen par rdzogs nas ring po ma lags pas/ yang dag rgyal ba'i kun
 khri ngan/ phyin chad yid ma rangs shing mngon par mi dga' ba de dag gis dge slong de dang / de dag mthong nas co 'dri zhing tshigs su bcad pa smras pa/ sangs rgyas ma ga d+hA dag gi/ grong mchog rgyal po'i khab gshegs pas/ /yang dag
 rgyal ba'i kun khrid na/ /phyin chad ci zhig bkri bar bya/ /zhes mchi nas des bdag cag rnams dpa' gong zhing mi dga' ba dang / mi 'jigs pa ma mchis par gyur to/ /bcom ldan 'das kyis bka' stsal pa/ dge slong dag rgyal
 po'i khab kyi mi de skad zer ba rnams la 'di skad ces/ 'di la dpa' chen bde gshegs dag /dam pa'i chos kyis khrid mdzad de/ /de dag chos kyis khrid mdzad la/ /mkhas pa su zhig mi bzod byed/ /ces brjod na rgyal po'i
 khab kyi mi de skad zer ba rnams kyi rlom pa tsam 'am/ slobs pa tsam gang yin pa de thams cad kyi thams cad du med par gyur to/ /de nas dge slong rab tu mang po dag snga dro sham thabs bgos/ lhung bzed dang chos gos thogs te
 rgyal po'i khab tu bsod snyoms la zhugs pa dang / de nas rgyal po'i khab kyi mi gang dag yang dag rgyal ba can gyi mu stegs can gyi gnas nas rab tu byung zhing bsnyen par rdzogs nas ring po ma lon pas yid ma rangs shing mngon par mi
 dga' ba de dag gis dge slong de dang de dag mthong nas co 'dri zhing tshigs su bcad pa smras pa/ sangs rgyas ma ga d+hA dag gi/ /grong mchog rgyal po'i khab gshegs pas/ /yang dag rgyal ba'i kun khrid na/ /phyin chad ci zhig bkri
 bar bya/ /de nas dge slong zhig gis de'i tshe tshigs su bcad pa smras pa/ 'di na dpa' chen bde gshegs dag /dam pa'i chos kyis khrid mdzad de/ /de dag chos kyis khrid mdzad la/ /mkhas pa su zhig bzod mi byed/ /de skad
 ces smras pa dang / rgyal po'i khab kyi mi de skad zer ba rnams kyi rlom pa tsam 'am/ spobs pa tsam gang yin pa de thams cad kyi thams cad du med par gyur to/ /de nas sangs rgyas bcom ldan 'das rgyal bu rgyal byed kyi
 tshal mgon med zas sbyin gyi kun dga' ra ba na bzhugs so/ /ko sa la'i rgyal po gsal rgyal gyis rgyal po zas gtsang la spring yig bskur ba/ lha dgyes pa bskyed du gsol/ khyod kyi sras kyis bdud rtsi thob nas bdud
 rtsis 'gro ba tshim par byed do zhes spring ba rgyal po zas gtsang gis thos nas pho nya btang ba las de de nyid du rab tu byung ste/ pho nya gang dang gang btang ba de dang de nyid du legs par gsungs pa'i chos 'dul ba nyid la rab tu byung
 bar gyur to/ /rgyal po zas gtsang lag pa 'gram pa la gtad nas pho nya gang dang gang btang ba de dang de dag de nyid du legs par gsungs pa'i chos 'dul ba nyid la rab tu byung ngo snyam nas sems khong du chud cing 'dug pa 'char
 kas mthong nas smras pa/ lha khyod ci'i slad du phyag la zhal btad nas thugs mi bgyes shing bzhugs/ des smras pa/ 'char ka gang gi tshe/ gzhon nu don thams cad grub pa dga' ba spyod pa de'i tshe kho bos spring yig skyel ba'i
 mi btang ba las de dag kho bo'i gan du 'ongs nas gzhon nu don thams cad grub pa bzhugs pa 'di dang 'dis bzhugs so zhes smra'o/ /de ni kho bos spring yig skyel ba'i mi gtang na dka' yang phrin yig khyer te mi 'ong na ji
 ltar sems khong du chud par mi 'gyur/ 'char kas smras pa/ lha bdag mchis te bka' mchid 'tshal la slar mchi'o/ /rgyal po zas gtsang gis smras pa/ 'char ka gang dang gang song ba de dang de'i bstan pa phun sum tshogs
 pa mthong nas de nyid du 'dug pas khyod kyang song na de nyid du 'dug par 'gyur ba'i gnas gang yin pa de yod do/ /'char kas smras pa/ lha slar mchis lags so/ /de nas rgyal po zas gtsang rang nyid kyis spring yig bris pa/
 lhums su zhugs pa bzung nas su/ khyod ni bdag gis cher bskrun te/ /nyon mongs me rab 'bar bzhin du/ /rgyal ba ljon shing la bsten na/ /de nyid khyod kyi slob ma yi/ /yal ga lcug ma 'phel 'gyur
 bas/ gzhan ni bde bas dga' bar 'gyur/ /bdag ni sdug bsngal skal bar ldan/ /gzhan yang gang gis khyod ni ljon shing lcug phran mtshungs tsam na/ /bdag gi bu ni 'di yin snyam nas chung nas bskrun bskrun te/ /bu gcig
 yul mis 'bras bu yongs su spyad pa thob gyur na/ /de la yon tan 'bras bu mi ster khyod la snying rje med/ /gang tshe thog ma bltam pa na/ /nyid don bsgrubs nas gnyen rnams ni/ /shin du che dang phan gdags zhes/ /khyod
 kyis dam bcas mdzad pas na/ /khyod kyis zhi gnas de brnyes na/ /bdag dang gnyen gyi tshogs rnams la/ /thugs brtses rjes su gzung mdzod de/ /gshegs par dgongs pa mdzad du gsol/ /zhes spring ba'i yi ge
 mchar kas khyer nas chas te rim gyis mnyan yod du phyin pa dang / lam gyis dub pa ngal bsos nas bcom ldan 'das gang na ba der song ste phyin nas bcom ldan 'das rgyal po zas gtsang gis gsol ba'i yi ge lags so/ /
 zhes bcom ldan 'das la yi ge phul ba dang / bcom ldan 'das nyid kyis bzhes nas klags so/ /klags nas yi ge mtha' gcig tu bzhag pa dang / 'char kas gsol pa/ bcom ldan 'das ci lags/ ser skya'i gzhir
 mi bzhud dam/ bcom ldan 'das kyis bka' stsal pa/ 'char ka 'dong ngo / /'char ka sngon bcom ldan 'das dang lhag par 'dris pa yin pas de sngon gyi 'dris pa kho nas gsol pa/ bcom ldan 'das gal te mi bzhud
 dang bdag gi mthus bkri bar bgyi lags so/ /de nas bcom ldan 'das kyis byung ba 'di la tshigs su bcad de bka' stsal pa/ gang zhig yul gyi rgyal mor ma chags shing / /sred 'gas bkri ba yod pa ma yin pa'i/ /sangs rgyas
 spyod yul mtha' yas mnga' ba de/ /gzhi med na ni gang gi gzhi yis bkri/ /gang zhig yul gyi rgyal mor ma chags shing / /sred 'gas bkri ba yod pa ma yin pa'i/ /sangs rgyas mtha' yas pa yi rtsal mnga' de/ /gzhi
 med na ni gang gi gzhi yis bkri/ /gang zhig bcom nas brtsegs pa med gyur cing / /'jig rten ma bcom chung zad yod min pa/ /sangs rgyas spyod yul mtha' yas mnga' ba de/ /gzhi med na ni gang gi gzhi yis bkri/ /
 lan la spobs pa med nas gsol pa/ bcom ldan 'das mchi ste/ rgyal po zas gtsang ma la rig par bgyi'o/ /'char ka sangs rgyas kyi pho nya ni 'di lta bu ma yin no/ /'char kas gsol pa/ bcom ldan 'das ci 'dra ba
 zhig lags/ rab tu byung ba yin gyis khyod kyang rab tu byung shig /bcom ldan 'das bdag gis rgyal po zas gtsang la slar mchi bar dam bcas lags so/ /bcom ldan 'das kyis bka' stsal pa/ 'char ka rab tu byung la
 ji ltar dam bcas pa bzhin du gyis shig / 'di ltar bcom ldan 'das sngon byang chub sems dpar gyur pa na yab dang / yum dang / mkhan po dang / slob dpon dang / bla ma dang / bla ma'i gnas lta bu rnams kyis chos dang
 'thun pa'i tshig lan 'ga' yang slar ma bzlog pas/ 'char kas gsol pa/ bcom ldan 'das gal te de lta na rab tu 'byung lags so/ /de nas bcom ldan 'das kyis tshe dang ldan pa shA ri'i bu la bka' stsal pa/
 shA ri'i bu 'char ka 'di ni yun ring po'i don dang / phan pa dang / bde ba'i phyir rab tu phyung shig /btsun pa bka' bzhin 'tshal zhes tshe dang ldan pa shA ri'i bus bcom ldan 'das la mnyan nas 'char ka rab tu byung ste/
 bsnyen par rdzogs par byas nas kun du spyod pa'i chos dag de la rgyas par smras nas/ 'char ka 'di ni khyod kyi bya ba yin te/ deng phan chad bud med dang lhan cig khang pa gcig tu nyal bar mi bya'o zhes bya ba dag go/ /btsun pa bka'
 b zhin 'tshal zhes 'char kas tshe dang ldan pa shA ri'i bu'i rkang pa gnyis la mgo bos phyag byas te song nas bcom ldan 'das gang na ba der song ste phyin pa dang bcom ldan 'das kyi zhabs gnyis
 la mgo bos phyag byas te/ bcom ldan 'das la 'di skad ces gsol to/ /bcom ldan 'das ser skya'i gzhir mchi lags so/ /bcom ldan 'das kyis bka' stsal pa/ 'char ka song la khyod mod kho nar rgyal po'i
 khab tu ma 'jug par sgo la sdod la shAkya'i dge slong 'ongs so zhes brjod par bya'o/ /gal te nang du spyon cig zer na 'jug par bya'o/ /zhugs nas gal te shAkya'i dge slong gzhan yang yod dam zhes zer na/ yod do
 zhes brjod par bya'o/ /gal te gzhon nu don thams cad grub pa yang 'di 'dra zhing cha byad 'di 'dra 'am zhes 'dri na/ 'di 'dra zhing cha byad 'di 'dra'o zhes brjod par bya'o/ /khyod kyis rgyal po'i khab tu yang gnas par
 mi bya'o/ /gal te gzhon nu don thams cad grub pa yang rgyal po'i khab tu gnas par mi byed dam zhes 'dri na/ mi bzhugs so zhes brjod par bya'o/ /gal te gang du gnas par byed ces 'dri na/ dgon pa 'am/
 gtsug lag khang du'o zhes brjod par bya'o/ /gal te gtsug lag khang ci 'dra zhes 'dri na/ rgyal bu rgyal byed kyi tshal gyi rnam pa bris te bstan par bya'o/ /gal te gzhon nu don thams cad grub pa byon nam zhes 'dri
 na/ byon no zhes brjod par bya'o/ /ji srid cig na byon zhes 'dri na/ zhag bdun lon na'o zhes brjod par bya'o/ /des gsol pa/ bcom ldan 'das mchi lags so/ /bcom ldan 'das kyis bka' stsal pa/
 song shig sa bdag rnams ni tshig gis te/ /lha rnams bsams pas 'grub 'gyur zhing / /de bzhin bsam gtan pa rnams kyi/ /sems bskyed pas ni thams cad 'grub/ /bcom ldan 'das kyis tshe dang ldan pa 'char
 ka de ji ltar skad cig de nyid la grong khyer ser skya'i gzhir song ba de ltar byin gyis brlabs pa dang / tshe dang ldan pa 'char ka bcom ldan 'das la dad pa drag po skyes pa de rgyal po'i khab kyi sgor bsdad nas smras pa/ shes ldan
 dag rgyal po la shAkya'i dge slong mchis so zhes gsol cig / de rnams kyis smras pa/ ci shAkya'i dge slong gzhan dag kyang yod dam/ shes ldan dag yod do/ /de rnams kyis rgyal po la smras pa/ shAkya'i dge slong mchis so/ /
 rgyal pos smras pa/ nang du thong shig /de nang du zhugs pa rgyal po zas gtsang gis mthong nas smras pa/ 'char ka rab tu byung ngam/ lha rab tu byung ngo / /khyod slar 'ong ngo zhes smras pa ma yin nam 'di ci yin/ 'char kas smras
 pa/ lha bcom ldan 'das kyis sangs rgyas kyi pho nya ni 'di lta bu ma yin no zhes bka' stsal nas chos 'dul ba legs par gsungs pa'i phyir bdag rab tu phyung mod kyi bdag rang gi dad pas kyang rab tu byung ngo / /rgyal pos
 yan lag thams cad kyis 'khyud nas stan bshams pa nyid la 'dug tu bcug ste/ de'i don du chur btsags pa dang / 'bras bu btags pa gtsang sbra byas te zar bcug go/ /tshe dang ldan pa 'char ka mchog tu nye bar zhi ba dang /
 dul bar gnas pa dang ldan zhing ji skad rjes su bstan pa'i cho gas yongs su longs spyod do/ /rgyal pos de la brtags nas ngo mtshar skyes te smras pa/ 'char ka ci gzhon nu don thams cad grub pa yang 'di 'dra bar nye bar zhi ba
 yin nam/ 'char kas smras pa/ lha bdag gi dul ba dang nye bar zhi ba ni cung zad tsam lags so/ /dper ji lta bu ri rab dang yungs 'bru bzhin no/ /rgya mtsho dang rmig rjes bzhin no/ /nyi ma dang srin bu me khyer bzhin no/ /nam
 mkha' dang pad ma'i rtsa ba'i bu ga bzhin no/ /rgyal po zas gtsang gis smras pa/ 'char ka gzhon nu don thams cad grub pa yang 'di 'dra zhing cha byad 'di 'dra 'am/ lha 'di 'dra zhing cha byad kyang 'di 'dra'o/ /rgyal po zas gtsang brgyal
 nas sa la 'gyel ba dang / chu mang du btab nas dbugs slar phyung ste smras pa/ 'char ka gzhon nu don thams cad grub pa byon nam/ 'char kas smras pa/ lha byon no/ /dus ji tsam na dgung bdun lon na'o/ /rgyal po
 zas gtsang gis blon po rnams la bsgo ba/ shes ldan gzhon nu don thams cad grub pa byon par 'gyur gyis/ rgyal po'i khab dang pho brang byi dor byos shig /'char kas smras pa/ bcom ldan 'das ni pho brang du bzhugs par mi
 mdzad do/ /rgyal pos smras pa/ gang du bzhugs/ 'char kas smras pa/ dgon pa 'am gtsug lag khang du'o/ /rgyal po zas gtsang gis smras pa/ 'char ka gtsug lag khang ci 'dra ba yin/ tshe dang ldan pa 'char kas rgyal bu
 rgyal byed kyi tshal gyi rnam pa ri mor bris te bstan to/ /de nas rgyal pos blon po rnams la smras pa/ shes ldan dag n+ya gro d+ha'i kun dga' ra bar rgyal bu rgyal byed kyi tshal gyi rnam pa gtsug lag khang chen po bcu drug dang / khang
 phran drug bcu brtsig tu chug shig / lha bka' bzhin 'tshal zhes blon po rnams kyis rgyal po zas gtsang las mnyan nas n+ya gro d+ha'i kun dga' ra bar rgyal bu rgyal byed kyi tshal gyi rnam pa gtsug lag khang chen po bcu drug dang /
 khang phran drug bcu brtsig tu bcug go/ /de nas bcom ldan 'das kyis tshe dang ldan pa maud gal gyi bu chen po la 'di skad ces bka' stsal te/ maud gal gyi bu song la dge slong rnams la bcom ldan 'das ser skya'i gzhir gshegs te
 yab sras gdan 'dzom na/ khyod cag las su zhig lta bar spro ba de chos gos dag long shig ces bsgo shig /btsun pa bka' bzhin 'tshal zhes tshe dang ldan pa maud gal gyi bu chen pos bcom ldan 'das las mnyan nas
 dge slong rnams la smras pa/ tshe dang ldan pa dag bcom ldan 'das ser skya'i gzhir gshegs te/ yab sras gdan 'dzom na/ khyed cag las su lta bar spro ba de chos gos dag long shig ces bka' stsal to/ /de nas bcom ldan 'das
 dul ba 'khor dul ba/ zhi ba 'khor zhi ba/ grol ba 'khor grol ba/ dbugs phyin pa/ 'khor dbugs phyin pa/ rnam par dul ba 'khor rnam par dul ba/ dgra bcom pa 'khor dgra bcom pa/ 'dod chags dang bral
 ba 'khor 'dod chags dang bral ba/ mdzes pa 'khor mdzes pa/ khyu mchog ba lang gi tshogs kyis bskor ba lta bu/ glang po che glang po'i phrug gu'i tshogs kyis bskor ba lta bu/ seng ge mche ba can gyi tshogs kyis bskor
 ba lta bu/ ngang pa'i rgyal po ngang pa'i tshogs kyis bskor ba lta bu/ nam mkha' lding bya'i tshogs kyis bskor ba lta bu/ bram ze slob ma'i tshogs kyis bskor ba lta bu/ sman pa mkhas pa nad pa'i tshogs kyis bskor ba
 lta bu/ dpa' bo ru ba'i tshogs kyis bskor ba lta bu/ lam mkhan 'dron po'i tshogs kyis bskor ba lta bu/ ded dpon tshong pa'i tshogs kyis bskor ba lta bu/ khams kyi rgyal po blon po'i tshogs kyis bskor ba lta bu/ 'khor
 los sgyur ba'i rgyal po bu stong gis bskor ba lta bu/ zla ba rgyu skar gyi tshogs kyis bskor ba lta bu/ nyi ma 'od zer stong gis bskor ba lta bu/ yul 'khor skyong dri za'i tshogs kyis bskor ba lta bu/ 'phags skyes po grul
 bum gyi tshogs kyis bskor ba lta bu/ mig mi bzang klu'i tshogs kyis bskor ba lta bu/ rnam thos kyi bu gnod sbyin gyi tshogs kyis bskor ba lta bu/ thang bzangs ris lha ma yin gyi tshogs kyis bskor ba lta bu/ brgya byin
 sum bcu rtsa gsum pa'i tshogs kyis bskor ba lta bu/ tshangs pa tshangs ris kyi tshogs kyis bskor ba lta bu/ rgya mtsho g.yo ba med pa lta bu/ sprin chu dang bcas pa lta bu/ glang po dam pa dregs pa dang bral ba ltar dbang po
 rnams shin du dul bas spyod lam gyi tshul ma 'khrugs pa sku skyes bu chen po'i mtshan sum cu rtsa gnyis kyis kun nas brgyan pa/ dpe byad bzang po brgyad cus rnam par mdzes par byas pa/ 'od 'dom gang gis brgyan pa'i sku
 nyi ma'i 'od zer stong bas lhag pa'i 'od can/ rin po che'i ri bo 'gro ba ltar kun nas mdzes pa/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen
 po dang ldan pa/ dge slong gi dge 'dun chen po dang thabs gcig tu 'bab chu ro hi ta kar byon to/ /rgyal po zas gtsang gis gzhon nu don thams cad grub pa 'bab chu ro hi ta kar byon to zhes thos so/ /thos nas kyang rgyal po zas gtsang
 gis grong khyer ser skya'i gzhi rdo ba dang gyo mo dang / gseg ma rnams bsal nas tsan dan gyi chus chag chag btab/ dri shin du zhim po'i pog por nye bar bshams/ dar gyi chun 'phyang mang po spyangs te/ gang yang 'bab chu ro hi ta ka nas gang
 yang n+ya gro d+ha'i kun dga' ra ba de'i bar gyi lam shin du mdzes par byas te/ sa phyogs yangs shing rgya che bar gdan rnam par bkra ba dag shom du bcug go/ /de nas 'bab chu ro hi ta ka la dge slong kha cig ni lag pa 'khru bar byed do/ /kha cig
 ni so shing 'dor bar byed do/ /kha cig ni khrus byed do/ /ser skya'i gzhi na gnas pa'i shAkya rnams kyis gzhon nu don thams cad grub pa gshegs so zhes thos so/ /thos nas kyang kha cig ni sngon gyi dge ba'i rtsa bas bskul/ kha cig ni ya
 mtshan skyes nas thams cad n+ya gro d+ha'i kun dga' ra ba nas byung ste/ ci yab sras kyi zhabs la phyag byed dam/ 'on te sras yab kyi zhabs la phyag byed dam/ 'on te sras yab kyi zhabs la phyag byed pa blta'o snyam mo/ /de nas bcom
 ldan 'das 'di snyam du dgongs te/ gal te nga zhabs kyis ser skya'i gzhir gshegs na shAkya'i nga rgyal can rnams kye ma'o gzhon nu don thams cad grub pas dka' thub kyi nags su gshegs nas ltog po zhig grub pa lta zhig ste/ de lta
 brgya stong phrag du mas zhabs 'bring byas nas steng gi nam mkha' las gshegs te des de srid du dka' ba brgya stong spyad pas bdud rtsi thob nas nga zhabs kyis gshegs pa lta zhes ma dad pa skyes par 'gyur ro snyam nas/ de nas bcom ldan
 'das kyis thugs mnyam par bzhag na/ shar phyogs kyi steng gi bar snang la mngon par 'phags nas spyod lam rnam pa bzhi mdzad de/ 'di lta ste/ 'chag pa dang / bzhengs pa dang / bzhugs pa dang / mnal ba mdzad do/ /me'i ting nge
 'dzin la yang snyoms par 'jug par mdzad de/ me'i ting nge 'dzin la snyoms par zhugs pa na sangs rgyas bcom ldan 'das kyi sku las 'od zer rnam pa sna tshogs dag 'byin par mdzad de/ 'di lta ste/ sngon po dang / ser po dang / dmar
 po dang / dkar po dang / len rgan dang / shel gyi kha dog dag go/ /cho 'phrul zung du yang ston par mdzad de/ sku'i smad nas me 'bar bar mdzad la/ sku'i stod nas chu grang mo'i rgyun 'bebs par mdzad de/ sku'i stod nas me 'bar bar mdzad la/
 sku'i smad nas chu grang mo'i rgyun 'bebs par mdzad pa de lta bu'i ting nge 'dzin la snyoms par zhugs so/ /shar phyogs la ji lta bar lho dang / nub dang byang phyogs su yang de bzhin no/ /phyogs bzhir rdzu 'phrul gyi cho 'phrul rnam pa bzhi bstan nas/
 rdzu 'phrul gyi mngon par 'du mdzad pa de bsdus te ta la bdun gyi srid tsam na bzhugs so/ /dge slong rnams ni ta la drug gi srid tsam na'o/ /bcom ldan 'das drug gi srid tsam na ni dge slong rnams lnga'i srid tsam na'o/ /bcom ldan 'das lnga
 'i srid tsam na ni dge slong rnams bzhi'i srid tsam na'o/ /bcom ldan 'das bzhi'i srid tsam na ni dge slong rnams gsum gyi srid tsam na'o/ /bcom ldan 'das gsum gyi srid tsam na ni dge slong rnams gnyis kyi srid tsam na'o/ /bcom
 ldan 'das gnyis kyi srid tsam na ni dge slong rnams ta la gcig gi srid tsam na'o/ /bcom ldan 'das mi bdun gyi srid tsam na bzhugs na ni dge slong rnams mi drug gi srid tsam na'o/ /bcom ldan 'das drug gi srid tsam na
 ni dge slong rnams lnga'i srid tsam na'o/ /bcom ldan 'das lnga'i srid tsam na ni dge slong rnams bzhi'i srid tsam na'o/ /bcom ldan 'das bzhi'i srid tsam na ni dge slong rnams gsum gyi srid tsam na'o/ /bcom ldan 'das
 gsum gyi srid tsam na ni dge slong rnams gnyis kyi srid tsam na'o/ /bcom ldan 'das gnyis kyi srid tsam na ni dge slong rnams mi gang lhag tsam na'o/ /bcom ldan 'das mi gang lhag tsam na ni dge slong
 rnams sa la'o/ /rgyal po zas gtsang gis cho 'phrul de lta bu de dang / dge slong mang po mthong nas de la bcom ldan 'das gang yin pa ma shes te rmongs par gyur to/ /de nas tshe dang ldan pa 'char ka la smras pa/ 'char ka 'di na ngur
 smrig gyon pa'i rab tu byung ba mang po zhig yod na de la gzhon nu gang yin/ tshe dang ldan pa 'char kas bcom ldan 'das bstan nas smras pa/ 'di ni bcom ldan 'das lags so/ /srid pa'i mthar byed sems kyi dbang phyug
 'dren pa lags/ /'di ni nyon mongs sel mdzad nyin byed don ni kun du ston mdzad lags/ /'di ni dgongs pa bzhin brnyes stobs bcu mnga' bas kun gyi pha rol gshegs pa lags/ /dri med btsal ba chos kyi dbang
 phyug khyod kyi sras lags mi dbang de gzigs shig / de nas rgyal po zas gtsang gis lus btud nas zhabs la phyag byas te tshigs su bcad pas gsol pa/ blo gros yangs pa khyod la 'di dang ni/ /kun spyan zhabs la lan gsum
 phyag bgyis te/ /bltam pa'i tshe na sa ni g.yos pa dang / /'dzam bu'i grib mas sku las ma 'das pa'o/ /de nas shAkya dang shAkya mo rnams kyis rgyal po zas gtsang bcom ldan 'das kyi zhabs la gtugs pa mthong nas de ltar yab sras
 kyi zhabs la phyag byed pa ci'i tha tshig ces ma dad pa bskyed do/ /rgyal po zas gtsang gis shAkya dang shAkya mo rnams la go bar bya ba'i phyir 'di skad ces smras so/ /shes ldan dag da gdod kho bos gzhon nu don thams cad grub
 pa'i zhabs la phyag byas pa ma yin te/ gang gi tshe na gzhon nu don thams cad grub pa bltam pa na sa chen po g.yos par gyur cing 'jig rten 'di thams cad snang ba rgya chen pos gsal bar gyur te/ 'jig rten na
 'jig rten gyi bar gyi mun pa mun nag smag tu gyur pa nyi ma dang / zla ba 'di gnyis 'di ltar rdzu 'phrul che ba 'di ltar mthu che ba'i 'od kyi snang ba nyams su ma myong ba gang yin pa de yang de'i tshe snang ba chen pos gsal bar
 gyur nas sems can gang dag skyes pa de dag snang ba des sems can dag gcig gis gcig mthong nas/ shes ldan dag sems can gzhan dag kyang 'dir skyes pa lta/ shes ldan dag sems can gzhan dag kyang 'dir skyes pa
 lta zhes ngo shes par gyur pa de'i tshe yang kho bos byang chub sems dpa'i zhabs la mgo bos phyag byas so/ /gang gi tshe gzhon nu don thams cad grub pa zhing las kyi mtha' la gzigs pa na shing 'dzam bu'i grib ma la bzhugs nas
 'dod pa rnams las dben pa/ sdig pa mi dge ba'i chos rnams las dben pa/ rtog pa dang bcas dpyod pa dang bcas pa/ dben pa las skyes pa'i dga' ba dang bde ba zag pa med pa dang mtshungs pa'i bsam gtan dang po bsgrubs te
 bzhugs pa na/ shing gzhan rnams kyi grib ma ni shar phyogs su gzhol/ shar phyogs su 'bab/ shar phyogs su bab kyang shing 'dzam bu'i grib ma ni byang chub sems dpa'i sku las ma 'das par gyur pa de'i tshe yang ngo mtshar
 rmad du byung ba'i chos des kho bo'i yid bsdus pas/ bcom ldan 'das kyi zhabs la yang phyag byas te/ 'di dang bcom ldan 'das kyi zhabs la lan gsum phyag byas so/ /de bas na 'di skad ces/ blo gros yangs pa khyod la
 'di dang ni/ /kun spyan zhabs la lan gsum phyag bgyis te/ bltam pa'i tshe na sa 'di g.yos pa dang / /'dzam bu'i grib ma sku las ma 'das pa'o/ /zhes smras so/ /de nas bcom ldan 'das kyis rdzu 'phrul mngon par
 'du mdzad pa de brtul nas 'khor brgya phrag du ma zil gyis mnan nas dge slong gi dge 'dun gyi gung la gdan bshams pa nyid la bzhugs so/ /de nas rgyal po zas gtsang skad 'dzer cing mig mchi mas gang bas bcom
 ldan 'das la tshigs su bcad pa'i dbyangs kyis zhu ba zhus pa/ gzhal med khang gi gnas rnams las/ /yab kyi khab na bzhugs pa las/ /dgon pa 'jigs dang bcas rnams su/ /ji lta bur ni 'ba'
 zhig bzhugs/ /bcom ldan 'das kyis bka' stsal pa/ mi yi bdag po gang du ni/ /khyim gyi 'ching ba las grol ba/ /'phags pa yi ni gnas pa bcus/ /thub pa rnams ni gnas par mdzad/ /rgyal pos gsol pa/ ba so
 gser gyi rtsa ba can/ /shin du bde ba bting ba yi/ /khri la mnal bar mdzad pa las/ /gding ba la ni ji ltar mnal/ /bcom ldan 'das kyis bka' stsal pa/ rgyal po rnam grol gnas mal ni/ /dga' ba byang
 chub yan lag gi/ me tog bkram par chags med cing / /yongs su gdung ba rnam spangs mnal/ /rgyal pos gsol pa/ dpa' bo nyid kyi pho brang na/ /glang po shing rta rtas bzhud pa/ /tsher mar bcas pa'i sa gzhi la/ /
 zhabs kyis ji ltar gshegs par mdzad/ /bcom ldan 'das kyis bka' stsal pa/ nga yi shing rta rdzu 'phrul rkang / /yang dag rtsol ba'i gzhol ba yis/ /sa kun rnam par rgyu na yang / /nyon mongs tsher mas gnod pa med/ /
 rgyal po zas gtsang gis gsol pa/ dpa' bo sngon ni ka shi ka'i/ /na bza' mnabs nas mdzes pa las/ /ngur smrig rtsub po'i gos banabs pa/ /ji ltar khyod kyi sku yis bzod/ /bcom ldan 'das kyis bka' stsal
 pa/ rgyal po nga'i gos ngo tsha shes/ /nga yi bgo ba snam sbyar te/ /de bgos thub pa zhi ba rnams/ /nags khrod na ni mdzes par 'gyur/ /rgyal po zas gtsang gis gsol pa/ 'di ltar khyod sngon gser gyi gzhong pa nas/ /du ma'i ro ldan
 'bras chan gsol ba las/ /'di ltar gtso bo da lta'i bsod snyoms ni/ /phal pa gsol ba ji ltar mgul du mchi/ /bcom ldan 'das kyis bka' stsal pa/ zas kyi srid pa thams cad spangs nas ni/ /nges par byung dang
 mnyam par bzhag ldan pa'i/ /nga yi chos kyi ro mchog gsol mod kyi/ /'jig rten la snying brtse ba'i phyir spyod do/ /rgyal po zas gtsang gis gsol pa/ mgur du bde ba mang bgyid pa'i/ /rgun skyems kha ra'i chab gsol
 na/ /rnyog pa can la dri nga ba'i/ /chab ni ji lta zhig tu gsol/ /bcom ldan 'das kyis bka' stsal pa/ mi yi bdag po gang 'thungs na/ /bdag la 'thung ba thams cad ni/ dug dang 'dra bar snang gyur pa/ /chab kyi ro mchog nga 'thung ngo / /
 rgyal po zas gtsang gis gsol pa/ 'di ltar khyod sngon bsil khang gzhal med khang / /khang bzangs steng na ji lta'i dus bzhin bzhugs/ /da ltar gcig pu nags khrod khyod bzhugs pa/ /blo bzangs ji ltar bsnyengs
 pa med par bzhugs/ /bcom ldan 'das kyis bka' stsal pa/ gau tam 'jigs pa'i rtsa ba gang yin pa/ /dri ma bag chags bcas par yang spangs pas/ /nga ni mya ngan 'jigs pa med gnas te/ /nga la 'di na 'jigs pa chung
 zad med/ /rgyal po zas gtsang gis gsol pa/ khyod sngon khrus khang shin du yid 'ong bar/ /khrus mchog khyad par 'phags pas rtag bsil na/ /gcig pu khyod ni nags khrod gnas ldan par/ /thub dbang da ltar su yis khrus mdzad 'gyur/ /
 bcom ldan 'das kyis bka' stsal pa/ gau tam chos kyi mtsho phran dri med pa/ /tshul khrims 'jug ngogs dam pas bsngags pa ste/ /de la reg pa'i yon tan mi bkru na/ /lus mi gsher bar pha rol rab tu rgal/ /rgyal po zas
 gtsang gis gsol pa/ dpa' bo nyid kyi khab na ni/ /gser dngul bum pas khrus mdzad na/ /rnyog pa can la dri nga ba/ /chab kyis ji ltar khrus mdzad lags/ /bcom ldan 'das kyis bka' stsal pa/ gau tam dad pa'i 'bab chu rnyog pa
 med/ /bsod nams 'jug ngogs dam pas bsngags pa ste/ /de la rig pa'i yon tan mi bkrus na/ /lus mi gsher bar pha rol rab tu rgal/ /rgyal po zas gtsang gis gsol pa/ dpa' bo khyod sngon ser skya yis/ /tsan dan gyis ni sku bkrus
 shing / /ka shi'i mchog gnas mdzes pa las/ /de dang bral nas mdzes ma lags/ /bcom ldan 'das kyis bka' stsal pa/ tshul khrims nga yi rgyan yin te/ /tshul khrims nyid ni byug pa yin/ /gser dang nor bu rna cha dag /
 rmongs skyes nga la ci zhig bya/ /rgyal po zas gtsang gis gsol pa/ gang gis khyod ni khyad du gsod/ /gang las 'jigs su rung ba skye/ /yid 'byung ba yang ga las skye/ /zhus pa de dag bdag la gsungs/ /bcom ldan 'das kyis
 bka' stsal pa/ gang gis nga ni khyod gsod dang / /gang zhig las ni 'jigs pa dang / /gang las yid 'byung skyes pa dag /nyon mongs khyod la bshad par bya/ /rga dang na dang 'chi ba ste/ /gal te 'di gsum yod min na/ /nga yang shin du
 yid 'ong ba'i/ /yul rnams la ni dga' bar 'gyur/ /rgyal po zas gtsang gis gsol pa/ shAkya rnams kyi rigs dga' ba/ /legs par 'khrungs pa'i dpa' bo legs/ /khyod ni 'jig rten chos brgyad kyis/ /ji lta bur yang ma gos so/ /
 de nas rab dga' dad pa rgyas byas nas/ /drang srong dge 'dun bskor ba byas nas ni/ /thub pa'i zhabs la mgo bos phyag byas te/ /bde bar gshegs la kun nas rtog cing 'dug /de nas rgyal po zas gtsang 'di snyam du sems te/ gang bdag
 gi bus yon tan gyi tshogs 'di lta bu thob pa na bdag gi rnyed pa legs par rnyed do snyam mo/ /de nas bcom ldan 'das kyis n+ya gro d+ha'i kun dga' ra bar 'khor de'i bsam pa dang / bag la nyal ba dang / khams dang / rang bzhin mkhyen nas de dang
 'thun pa'i chos bshad pa mdzad de/ de thos pas zas dkar la sogs pa shAkya bdun khri bdun stong gis rgyun du zhugs pa'i 'bras bu mngon sum du byas te rgyal po zas gtsang ni ma gtogs so/ /lha sbyin nga rgyal las nga rgyal can sdig pa
 'dod pa des bden pa mthong bar ma byas pas khro bas kun nas dkris pa dang bcas pas smras pa/ gal te bdag gis 'di 'dra ba'i sgyu mas dbang du byed pa shes na/ bdag gis kyang 'jig rten thams cad dbang du bya ba zhig /de la shAkya
 rnams kyis gshe ba'i tshig gis smras pa/ lha sbyin bcom ldan 'das ni rdzu 'phrul che ba yin gyis de skad ma smra shig ces bzlog nas cang mi smra bar 'dug go/ /tshangs pas bskor ba'i skyed mos tshal du 'di lta bu'i chos bshad pa
 mdzad de/ de thos pas rgyal po zas gtsang ma gtogs par bre bo zas la sogs pa shAkya drug khri drug stong gis rgyun du zhugs pa'i 'bras bu mngon sum du byas pa na yang lha sbyin de kho na bzhin du zer ro/ /ro hi ta ka'i bskyed
 mos tshal du 'di lta bu'i chos bshad pa mdzad de/ de thos pas rgyal po zas gtsang ma gtogs par bdud rtsi zas la sogs pa shAkya bdun khri lnga stong gis rgyun du zhugs pa'i 'bras bu mngon sum du byas pa na yang
 lha sbyin de kho na bzhin du zer ro/ /'khor lhag ma rnams las kha cig gis ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu kha cig gis ni bla na med pa yang dag par rdzogs
 pa'i byang chub tu/ kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung nas nyon mongs pa
 thams cad spangs te dgra bcom par gyur/ kha cig gis ni sangs rgyas la skyabs su song / kha cig gis ni chos la/ kha cig gis ni dge 'dun la ste 'khor de dag phal cher yang sangs rgyas la gzhol/ chos la 'bab/ dge
 'dun la bab par bkod do/ /de nas rgyal po zas gtsang 'di snyam du sems te/ sngon ni bcom ldan 'das lha dang lha ma yin gyi 'gro bar bcas pas mchod pa dang / rjed pa dang mngon du smra bar gyur na/ da lta ni mis mchod kyis
 lhas ni ma yin no snyam mo/ /de nas shAkya gzhon nu zhig gis tshigs su bcad de gsol pa/ drang srong chen po smra mchog dam chos kyi/ /char pas 'gro ba 'di ni tshim mdzad de/ /mi bzad lam du lhung ba'i 'jig rten 'di/ /drongs te
 thar pa'i lam la sbyor bar mdzod/ /de nas bcom ldan 'das 'di snyam du dgongs te/ rgyal po zas gtsang ni 'di snyam du bdag gi bu 'ba' shig /'di ltar rdzu 'phrul che zhing 'di ltar mthu che ba yin
 no snyam ste lhag par dga' ba las gyur kyis mdor na de'i dregs pa spong du gzhug go/ /rgyu gnyis kyis bden pa rnams mthong bar mi 'gyur te/ ha cang zhum pa dang shin du dga' ba'o/ /de la zhum pa'i sems dang shin du dga'
 ba yod kyis ma la ngas de'i zhum pa dang shin du dga' ba gnyis spong du gzhug go snyam nas/ de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu rgyal po zas gtsang ma la soms
 shig btsun pa bka' bzhin 'tshal zhes tshe dang ldan pa maud gal gyi bu chen pos bcom ldan 'das las mnyan nas rgyal po zas gtsang gang na ba der song ba dang / rgyal po zas gtsang gis tshe dang ldan pa maud gal gyi bu chen po
 rgyang ring po nas 'ong ba mthong ngo / /mthong nas kyang tshe dang ldan pa maud gal gyi bu chen po la 'di skad ces smras so/ /btsun pa maud gal gyi bu chen po tshur spyon/ maud gal gyi bu chen po khyod byon pa legs so/ /btsun pa maud gal gyi
 bu chen po gdan bshams pa nyid la bzhugs shig / tshe dang ldan pa maud gal gyi bu chen pos gdan bshams pa nyid la 'dug go/ /de nas tshe dang ldan pa maud gal gyi bu chen pos sems ji ltar mnyam par bzhag na/ rang gi stan
 las mi snang bar gyur te shar phyogs kyi steng gi bar snang la mngon par 'phags nas spyod lam rnam pa bzhi byed de/ 'di lta ste/ 'chag pa dang / 'greng ba dang / 'dug pa dang / nyal bar byed do/ /me'i ting nge 'dzin la yang
 snyoms par 'jug par byed de/ me'i ting nge 'dzin la snyoms par zhugs pa na/ tshe dang ldan pa maud gal gyi bu chen po'i lus las 'od zer rnam pa sna tshogs dag 'byin par byed de/ 'di lta ste/ sngon po dang / ser po dang / dmar po
 dang dkar po dang / len rgan dang / shel gyi kha dog dag go/ /cho 'phrul zung du yang ston par byed do/ /lus kyi smad nas me 'bar bar byed la lus kyi stod nas chu grang mo'i rgyun 'bebs par byed do/ /lus kyi stod nas me 'bar bar byed la
 lus kyi smad nas chu grang mo'i rgyun 'bebs par byed pa de lta bu'i ting nge 'dzin la snyoms par zhugs so/ /shar phyogs la ji lta ba bzhin du lho dang / nub dang / byang phyogs su yang de bzhin no/ /phyogs bzhir rdzu 'phrul gyi cho
 'phrul rnam pa bzhi bstan nas rdzu 'phrul mngon par 'du bya ba sdus te stan bshams pa nyid la 'dug go/ /de nas rgyal po zas gtsang gis tshe dang ldan pa maud gal gyi bu chen po la 'di skad ces smras so/ /btsun pa mo+od gal
 gyi bu chen po bcom ldan 'das kyi nyan thos 'di ltar rdzu 'phrul che ba 'di ltar mthu che ba gzhan yang mchis lags sam/ rgyal po chen po mchis so zhes tshigs su bcad de smras pa/ mthu che ba dag gsum rig dang / sems
 kyi rnam grangs shes pa dang / /zag zad dgra bcom gang yin pa/ /thub pa'i nyan thos mang du mchis/ /de nas rgyal po zas gtsang 'di snyam du sems te/ bdag gi bu 'ba' zhig 'di ltar rdzu 'phrul che zhing mthu che bar ma zad de 'di ltar rdzu
 'phrul che zhing mthu che ba'i rab tu byung ba gzhan yang yod do snyam nas de shin du dga' ba gang yin pa de dang bral bar gyur to/ /skabs der bcom ldan 'das kyis 'jig rten pa'i thugs bskyed pa mdzad de/ kye ma brgya byin dang tshangs
 pa la sogs pa lha rnams 'ongs na/ lha'i 'khor dag pa la chos bshad do/ /snyam pa dang / chos nyid kyis gang gi tshe sangs rgyas bcom ldan 'das rnams kyis 'jig rten pa'i thugs bskyed pa mdzad pa de'i tshe/ srog chags grog spur
 rnams kyi sems kyis kyang bcom ldan 'das kyis dgongs pa shes par 'gyur na/ brgya byin dang tshangs pa la sogs pa lha rnams kyis lta smos kyang ci dgos/ gang gi tshe 'jig rten las 'das pa'i thugs bskyed pa de'i tshe nyan thos chen
 po rnams kyi sems kyis kyang bcom ldan 'das kyi dgongs pa mi shes na brgya byin dang / tshangs pa la sogs te lha rnams kyis lta ci smos/ srog chags grog sbur rnams kyis lta ga la shes/ de nas lha rnams kyi dbang po
 brgya byin 'di snyam du sems te/ bcom ldan 'das ci'i phyir 'jig rten pa'i thugs bskyed pa mdzad snyam pa las de 'di snyam du sems te/ lha'i 'khor dag pa rnams la chos 'chad par bzhed do snyam nas des lha'i bu bzo thams cad pa la sgo ba/
 bzo thams cad pa bcom ldan 'das lha'i 'khor dag pa la chos 'chad par bzhed kyis n+ya gro d+ha'i kun dga' ra bar rin po che sna bzhi'i khang pa brtseg ma gdan sna tshogs bshams pa zhig sprul cig /ko+o shi ka khyod kyi gsung mchog tu bzang ngo zhes lha'i bu bzo
 thams cad pas lha'i dbang po brgya byin las mnyan te n+ya grog d+ha'i kun dga' ra bar rin po che sna bzhi'i khang pa brtseg ma gdan sna tshogs bshams pa zhig sprul to/ /de la rgyal po chen po bzhi sgo bzhi na 'khod pa ni yul 'khor skyong dang / 'phags
 skyes po dang / mig mi bzang dang / lus ngan po ste/ shar sgo na ni yul 'khor skyong dpung rgyan dang / rna cha gdub 'khor dang / phreng ba dang / rgyan sna tshogs kyis brgyan pa'o/ /lho phyogs na ni 'phags skyes po lha'i rgyan thams cad kyis brgyan pa'o/ /nub phyogs
 na ni mig mi bzang rin po che sna bdun gyis brgyan pa'o/ /byang phyogs na ni lus ngan po rgyan thams cad kyis brgyan pa'o/ /de nas lha rnams kyi dbang po brgya byin gyis n+ya gro d+ha'i kun dga' ra ba che thang du brgyan du bcug ste/ bcom ldan 'das gang na ba
 der song ste phyin pa dang / bcom ldan 'das la don de rgyas par gsol to/ /de nas brgya byin dang / tshangs pa la sogs pa lha brgya stong phrag du mas yongs su bskor nas khang pa brtsegs par zhugs te lha'i 'khor phal po che'i gung la rin po
 che sna tshogs kyis brgyan pa'i seng ge'i khri la bzhugs so/ /de nas tshe dang ldan pa maud gal gyi bu chen po rgyal po zas gtsang khrid de bcom ldan 'das gang na ba der song ste phyin nas/ tshe dang ldan pa maud gal gyi bu chen po nang du zhugs pa dang / rgyal po
 zas gtsang la rgyal po chen po yul 'khor skyong gis rgyal po chen po nang du ma 'gro bar sdod cig ces bzlog go/ /ci'i phyir/ bcom ldan 'das lha'i 'khor dag pa la chos 'chad de der mir gyur pa 'jug tu mi dbang ngo / /bzhin bzangs khyod su
 zhig rgyal po chen po bdag ni yul 'khor skyong ngo / /de nas rgyal po zas gtsang lho sgor song ba dang / rgyal po chen po 'phags skyes pos mthong nas smras pa/ rgyal po chen po nang du ma 'jug par sdod cig /rgyal po zas gtsang gis mthong nas smras pa/
 bzhin bzangs khyod su zhig /'phags skyes pos smras pa/ rgyal po chen po bdag ni 'phags skyes po'o/ /ci'i phyir/ bcom ldan 'das lha'i 'khor dag pa la chos 'chad de/ der mir gyur pa 'jug tu mi dbang ngo / /de nas rgyal po
 zas gtsang nub sgor song ba dang / rgyal po chen po mig mi bzang gis mthong nas smras pa/ rgyal po chen po nang du ma 'jug par sdod cig /rgyal po zas gtsang gis mthong nas smras pa/ bzhin bzangs khyod su zhig /mig mi bzang gis
 smras pa/ rgyal po chen po bdag ni mig mi bzang ngo / /ci'i phyir/ bcom ldan 'das lha'i 'khor dag pa la chos 'chad de/ der mir gyur pa 'jug tu mi dbang ngo / /de nas rgyal po zas gtsang byang sgor song ba dang / rgyal po chen po rnam thos kyi
 bus mthong nas smras pa/ rgyal po chen po nang du ma 'jug par sdod cig /rgyal po zas gtsang gis smras pa/ bzhin bzangs khyod su zhig /rnam thos kyi bus smras pa/ rgyal po chen po bdag ni rnam thos kyi bu'o/ /ci'i phyir/ bcom ldan 'das
 lha'i 'khor dag pa la chos 'chad de/ der mir gyur pa 'jug tu mi dbang ngo / /de nas rgyal po zas gtsang kye ma'o bcom ldan 'das lha'i 'khor dag pa la chos 'chad pa de bdag gis blta'o snyam pa'i 'dod pa skyes so/ /de nas rgyal po zas
 gtsang gis zhum pa'i rgyud gang yin pa de dang bral bar gyur to/ /de nas bcom ldan 'das kyis dgongs pa rgyal po zas gtsang gis gal te nga ma mthong na khrag dron po skyugs nas 'chi bar 'gyur ba'i gnas skabs gang yin pa de yod
 kyis de la thabs shig bsham par bya'o snyam nas bcom ldan 'das kyis rin po che sna bzhi'i khang pa brtsegs pa gang yin pa de shel las byas par sprul pa dang / de nas rgyal po zas gtsang gis sangs rgyas kyi sku sgrib pa
 med par mthong ngo / /mthong nas kyang dga' ba dang mgu ba skyes nas bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /de nas bcom ldan 'das kyis rgyal po zas gtsang gi bsam pa dang / bag nyal ba
 dang khams dang / rang bzhin mkhyen nas 'phags pa'i bden pa bzhi so sor rtogs par 'gyur ba de lta bu'i chos bshad pa mdzad de/ de thos pas rgyal po zas gtsang gis 'jig tshogs la lta ba'i ri'i rtse mo nyi shu mtho ba ye shes kyi rdo rjes
 bcom nas rgyun tu zhugs pa'i 'bras bu mngon sum du byas te/ de bden pa mthong nas lan gsum du ched du brjod pa ched du brjod pa/ btsun pa bdag la phas ma bgyis mas ma lags/ rgyal pos ma lags/ lha rnams kyis ma lags/ sngon gyi
 'das pa rnams kyis ma lags/ dge sbyong dang / bram ze rnams kyis ma lags/ sdug pa dang / rang gi skye bo dang gnyen gyi tshogs kyis ma lags pa gang lags pa de ni bcom ldan 'das kyis bdag la mdzad de/ khrag dang mchi ma'i rgya mtsho ni skams/
 rus pa'i ri bo las ni sgral/ ngan song gi sgo rnams ni bkum/ mtho ris dang thar pa'i sgo rnams ni phye/ bdag lha dang mi rnams su ni bzhag go/ /yang gsol pa/ pha la lan du phan gdags pa/ /dam pa'i bus ni bgyi ba gang / /khyod kyis
 bdag la mdzad lags te/ /sems ni grol bar gzhol bar bgyis/ /khyod kyis bdag ni ngan 'gro las/ /drangs te mtho ris thar pa las/ /bsgrim mi 'tshal bar bzhag lags te/ /khyod kyis dga' ba mdzad pa legs/ /mgon
 po byams pa khyed kyis ni/ /bdag gi tshong pa rnyed ldan ltar/ /mtho ris rnyed pa srid pa yi/ /longs spyod dag ni rnyed par mdzad/ /de nas rgyal po zas gtsang stan las langs te bla gos phrag pa gcig tu gzar nas bcom ldan 'das gang na
 ba der logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs gcig tu sang bdag gi sdum par gdugs tshod sbyor zhing mchis na gnang bar
 mdzad du gsol/ bcom ldan 'das kyis rgyal po zas gtsang la cang mi gsung bas gnang ngo / /de nas rgyal po zas gtsang bcom ldan 'das cang mi gsung bas gnang bar rig nas bcom ldan 'das kyi zhabs gnyis la mgo bos
 phyag byas te/ bcom ldan 'das kyi spyan snga nas chas te zas dkar gang na ba der song ste phyin nas zas dkar la 'di skad ces smras so/ /gzhon nu rgyal srid thob kyis rgyal srid khyer cig /ci'i slad du/ ngas bcom ldan 'das kyi spyan
 sngar bden pa mthong bas so/ /gang gi gdugs la lags/ de ring kho na'o/ /bdag gis kyang bcom ldan 'das gang gi nyi ma la n+ya gro d+ha'i kun dga' ra bar chos bshad pa de'i nyi ma la shAkya bdun khri bdun stong dang lhan cig bden pa mthong
 lags so/ /de bzhin du bre bo zas la rgyal srid khyer cig ces smras pa dang / des smras pa/ bdag gis kyang bcom ldan 'das kyis gang gi tshe tshangs pas bskor ba'i skyed mos tshal du chos bshad pa de'i tshe shAkya drug khri drug stong dang bden
 pa mthong lags so/ /de bzhin du bdud rtsi zas la rgyal srid khyer cig ces smras pa dang / bdag gis kyang gang gi tshe bcom ldan 'das nyid kyis ro hi ta ka'i bskyed mos tshal du chos bshad pa de'i tshe shAkya bdun khri lnga stong dang lhan cig bden pa
 mthong lags so/ /gal te de ltar gyur na nga su zhig rgyal srid la gzhag /de rnams kyis smras pa/ shAkya'i rgyal po bzang ldan gyis bgyi'o zhes de rnams 'dus nas shAkya'i rgyal po bzang ldan rgyal srid kyi dbang phyug la dbang bskur ro/ /de nas
 r gyal po zas gtsang gis de nyid kyi mtshan mo nas gtsang zhing bsod pa'i bza' ba dang bca' ba dag sta gon byas nas nang par sngar langs te gdan bshams shing nor bu chu snod bzhag nas bcom ldan 'das la spyan 'dren gyis dus tshod gsol
 pa/ btsun pa bcom ldan 'das gdugs tshod lags na/ da de'i dus la bab par dgongs su gsol/ bcom ldan 'das snga dro na bza' dang sham thabs banabs/ lhung bzed dang chos gos bsnams te dge slong gi tshogs
 kyis yongs su bskor cing / dge slong gi dge 'dun gyis mdun du bdar nas/ rgyal po zas gtsang gi bkad sa gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas rgyal po zas
 gtsang gis sangs rgyas la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang bca' bas rang gi lag nas stobs shing tshim par byed de/ rnam grangs du mar gtsang zhing bsod pa'i bza'
 ba dang bca' bas rang gi lag nas bstabs shing tshim par byas te/ bcom ldan 'das kyis gsol zin nas phyag bcabs te lhung bzed gyu bar rig nas gser gyi bya ma bum blangs te/ bcom ldan 'das la n+ya gro d+ha'i kun dga' ra ba phul lo/ /
 bcom ldan 'das kyis yan lag lnga dang ldan pa'i gsung dbyangs kyis yon bsngo bar mdzad pa/ sbyin pa'i bsod nams gang yin 'dis/ /shAkya rnams kyis bsams pa yi/ /yid la re ba rdzogs nas ni/ /rtag pa'i gnas ni
 thob par shog / de nas bcom ldan 'das ser skya'i gzhi shing n+ya gro d+ha'i kun dga' ra ba na bzhugs so/ /de bzhin du bsam gtan rnams kyis kyang mdo sde la bcom ldan 'das ser skya'i gzhi shing n+ya gro d+ha'i kun dga' ra ba na
 bzhugs so zhes gdags pa byas so/ /bcom ldan 'das ser skya'i gzhi de nyid na bzhugs nas nyi ma gcig ni rgyal po'i pho brang du gdugs tshod gsol/ nyi ma gcig ni btsun mo'i nang du gsol lo/ /rgyal po zas gtsang gis
 ral pa can las rab tu byung ba'i dge slong rnams spyod lam zhi zhing sems dang ba yin na dka' thub drag pa'i brtul shugs kyi khyad par dag gis lus gdungs pas lus mi mdzes par mthong ngo / /mthong nas kyang 'di snyam du
 sems te/ 'di ltar ral pa can 'di dag spyod lam zhi zhing sems dang ba yin mod kyi/ lus mdzes pa ma yin na 'khor ci 'dra ba zhig gis bcom ldan 'das mdzes par 'gyur snyam pa las des bsams pa shAkya'i 'khor gyis
 yin no snyam nas/ de nas shAkya thams cad bsogs te smras pa/ shes ldan dag gal te gzhon nu don thams cad grub pa rab tu byung bar ma gyur na ji ltar 'gyur 'khor los sgyur ba'i rgyal por 'gyur ro/ /khyed cag ci zhig byed par 'gyur/
 g.yog bgyid par 'gyur ro/ /da ltar gzhon nu don thams cad grub pa bla na med pa chos kyi rgyal por 'gyur na/ khyed cag ci'i phyir g.yog mi byed/ lha ci rab tu 'byung ngam/ rab tu byung shig /ci thams cad dam/ khyim re nas re re'o/ /
 bka' bzhin 'tshal/ rgyal po zas gtsang gis grong khyer ser skya'i gzhir dril sgrogs su bcug pa/ rgyal po'i zhal nas nga'i yul na gnas pa'i shAkya rnams kyis khyim re nas/ re re rab tu byung shig ces de skad bka' stsal to/ /
 bre bo zas la bu gnyis yod pa ma 'gags pa dang ming chen no/ /ming chen ni zhing blas kyi mtha' la lhag par brtson no/ /ma 'gags pa ni steng gi khang bzangs kyi gzhi la 'dug nas skyes pa med pa'i rol mos rtse bar byed dga'
 dgur spyod par byed do/ /ming chen la mas smras pa/ bu rgyal pos dril sgrogs su bcug pa shAkya rnams las khyim re nas re re rab tu phyung shig ces bsgos khyod rab tu byung shig /des smras pa/ bdag ni rab tu mi 'byung gis/
 khyod kyi bu sdug pa dang bde ba dang ldan par gnas pa gang yin pa de rab tu phyung shig /bu bsod nams kyi dbang thang chen po can gyi sems can de la khyod 'gran ma tshol cig /yum khyod gang la dgyes pa de bsod nams kyi dbang thang chen
 po can lags mod/ de ring la cung zad kyang ma bskur dang / ci bsod nams kyi dbang thang chen po lags sam ma lags mngon par 'gyur ro/ /bu de bzhin du byas te yid ches par bya'o/ /des gzeb stong pa rdze'u yis bkang nas kha
 ras dkar pos dkris te rgya skegs la rgyas btab nas/ bu mo mngag gzhug ma'i lag tu bskur nas bsgo ba/ gal te de na ci yod ces 'dri ba dang / ci yang ma mchis so zhes smros shig /des de khyer nas song ba dang / lha
 rnams kyi dbang po brgya byin gyi shes pa mthong ba ni 'og tu 'jug pa yin pas/ des bsams pa/ rang sangs rgyas kun shes la bsod snyoms phul ba gang yin pa de deng ci'i phyir zas kyis phongs par bya/ de'i zan sbyar bar bya'o zhes des
 rdze'u de rnams sran tshod dang / tshod ma sna tshogs ro dang ldan pa'i zas kyis bkang ngo / /ji tsam na mngag gzhug mas der khyer nas ma 'gags pa'i drung du phyin pa dang / des smras pa/ bu mo 'o ni na ci yod/ des smras pa/ gzhon nu ci yang
 ma mchis so/ /ma 'gags pas bsams pa/ bdag la ma byams na 'di stong par ci ste bskur gdon mi za bar 'di ci yang ma yin pa zhes bya ba'i zas shig bskur gyis re shig blta'o zhes ji tsam na kha phye ba dang / bskyed mos tshal de
 thams cad zas kyi dri zhim pos gang bar gyur te/ de snams nas ma 'gags pa mchog tu ya mtshan skyes so/ /de ma la gus pa yin pas des ma la zas kyi phud bskur nas spring ba/ yum gdugs re re zhing zas ci yang ma yin zhes
 bgyi ba 'di lta bu bskur ba'i rigs so/ /des kyang mthong nas mchog tu ya mtshan skyes te/ /des ming chen la bstan nas bu mthong ngam/ yum mthong lags so/ /khyod la kho mos sngar bsod nams kyi dbang thang chen po'i
 sems can mi'i skal ba bzang po dang ldan pa la khyod 'gran ma tshol cig ces ma smras sam/ des smras pa/ yum de bsod nams kyi dbang thang chen po dang ldan yang rung / mi ldan yang rung / bdag ni rab tu mi 'byung ngo zhes ji
 ltar ming chen gnas skabs thams cad du rab tu 'byung bar khas len du ma btub bo/ /de nas des ma 'gags pa la smras pa/ bu rgyal pos dril sgrogs tu bcug pa shAkya rnams la khyim re nas re re rab tu byung shig ces bsgo na/
 khyod ci rab tu byung ngam/ 'on te khyim par 'dug /des smras pa/ yum rab tu byung ba la phan yon ci mchis/ nye dmigs ci mchis/ khyim par mchis pa la phan yon ci mchis/ nyes dmigs ci mchis/ bu rab tu byung bas legs
 par bsgrubs na/ mya ngan las 'das pa thob par 'gyur ro/ /legs par ma bsgrubs na lha dang mi 'thob par 'gyur ro/ /khyim par 'dug ste legs par bskyangs na lha dang mi 'thob bo/ /ma bskyangs na sems can
 dmyal ba dang / dud 'gro dang / yi dags 'thob bo/ /yum rab tu byung ba'i nyes dmigs gang lags pa de ni khyim na gnas pa'i phan yon lags pas de bas na khyim na gnas pa mi 'tshal gyis gnang bar mdzod cig dang / rab tu 'byung ngo / /
 des smras pa/ bu legs kyis de bzhin du gyis shig /ma 'gags pa'i ne'u zla shAkya'i rgyal po bzang ldan yin pas de de'i drung du song ngo / /de'i tshe shAkya'i rgyal po bzang ldan pi bang len te/ pi bang len pa na rgyun chad nas sgra
 gzhan du gyur to/ /ma 'gags pa pi bang la byang ba yin pas des sgra ci 'dra bar gyur pa'i rtags bzung nas sgor bsdad de/ /sgo srungs kyi mi la smras pa/ kye nang rje song la rgyal po bzang ldan la ma 'gags pa lha'i zhal
 mthong bar 'tshal nas sgo na sdod cing mchis so zhes gsol cig / sgo srungs song nas shAkya'i rgyal po bzang ldan la smras pa/ lha ma 'gags pa lha'i zhal mthong bar 'tshal nas chab sgo na sdod cing mchis so/ /des
 smras pa/ shes ldan ma 'gags pa la su 'gog /shes ldan ma 'gags pa nang du thong shig /de nang du zhugs pa dang / rgyal pos 'khyud nas 'dug tu bcug ste smras pa/ khyod 'ongs nas ci srid lon/
 des smras pa/ gang gi tshe khyod pi bang len pa na rgyun chad nas sgra gzhan du gyur pa nas so/ /de mchog tu ya mtshan skyes nas/ des smras pa/ khyod pi bang len pa la byang ba yin no/ /shAkya'i rgyal po bzang ldan
 gyis smras pa/ gzhon nu don ci zhig la 'ongs/ ma 'gags pas smras pa/ lha rgyal po zas gtsang gis dril sgrogs su bcug pa/ shAkya rnams las khyim re nas re re rab tu byung shig par bsgo bas da khyod kyis
 mkhyen par mdzod cig / rab tu 'byung ngo / /rgyal pos smras pa/ gal te de lta na kho bo yang rab tu 'byung ste gros bya ba yod kyis khyod de ring 'di nyid du gnas thob shig /de de nyid du gnas btab bo/ /mal 'cha' bas rims bag gi dri
 can gyi gos kyis bting zhing me tog gi sil mas bkram pa'i mal du ma 'gags pa nyal ba dang / de'i 'og na me tog gi rtsa ba yod pa'i reg pa de'i nyams su myong nas smras pa/ ci 'di'i 'og tu rdo phre'u yod dam/ de rnams kyis
 brtag pa brtsams pa na me tog gi rtsa ba zhig mthong nas de rnams mchog tu ngo mtshar skyes so/ /ma 'gags pa mtshan mo mi bde zhing nyal nas nam langs so/ /rgyal pos smras pa/ ma 'gags pa ci ga bde bar gnyid log gam/
 des smras pa lha bde bar gnyid ma log go/ /rgyal pos smras pa/ ci'i phyir ma 'gags pas smras pa/ /lha rims bag gi dri can gyi gos bting bar me tog sil ma bkram pa'i me tog gi rtsa bas lus snang lags so/ /rgyal pos mal 'cha'
 ba bkug nas khyod kyis rims bag gi dri can gyi gos bting ste ci bya/ mal 'cha' bas smras pa/ lha bdag la dkor bas gtad pa lags so/ /rgyal pos dkor pa bkug nas smras pa/ khyod kyis rims bag
 gi dri can gyi gos phog ste ci bya/ des smras pa/ lha bdag la tha ga pas gtad pa lags so/ /rgyal pos tha ga pa bkug nas smras pa/ khyod kyis ci'i phyir rims bag gi dri can gyi gos 'bul/ tha ga pas smras pa/ lha
 snam bu 'thag pa'i 'phro cung zhig lus pa na/ bdag rims kyis thebs bzhin bgyis pa lags so/ /rgyal pos smras pa/ gzhon nu khyod kyis ji ltar shes/ des smras pa/ tsha ba'i reg pa nyams su myong bas rims bag gi dri
 lags so/ /rgyal po mchog tu ya mtshan skyes te smras pa/ shes ldan ma 'gags pa ni shAkya'i skal ba bzang po dang ldan pa yin no/ /de nas shAkya'i rgyal po bzang ldan gyis smras pa/ gzhon nu gal te kho bo
 rab tu byung na/ lha sbyin shAkya rnams kyi rgyal por 'gyur te/ de shAkya rnams la gnod pa byed par 'gyur gyis/ ma la bdag cag thams cad 'dus la lha sbyin spro ba bskyed par bya'o zhes shAkya'i rgyal po bzang ldan
 gyis de bkug ste de nas thams cad 'dus nas smras pa/ lha sbyin kho bo cag thams cad rab tu 'byung na/ khyod ci byed/ lha sbyin gyis bsams pa/ gal te rab tu mi 'byung ngo zhes smras pa dang / shAkya'i
 rgyal po bzang ldan rab tu byung bar mi 'gyur gyis de la thabs zhig bsham par bya ste bslu'o/ /gzhan yang bcom ldan 'das kyis gang gi nyi ma la n+ya gro d+ha'i kun dga' ra bar sgyu ma'i cho 'phrul
 bstan pa de'i tshe bdag blo skyes pa/ ji ltar 'di'i sgyu mas skye bo'i tshogs chen po dbang du byed pa de bzhin du bdag gis kyang dbang du bya'o zhes bsams so snyam nas smras pa/ khyed cag rab tu
 'byung na bdag ci ste 'dug / shAkya'i rgyal po bzang ldan gyis bsams pa/ 'di ni brdzun du smra ba yin gyis dam 'char bcug la 'gro ba mang pos so sor rig par bya'o snyam mo/ /de nas rgyal pos tshig de
 glegs bu la bris nas grong khyer ser skya'i gzhir dril sgrogs su bcug pa/ grong khyer ser skya'i gzhi na gnas pa'i shes ldan dag nyon cig /bzang ldan dang / nam gru dang / ma 'gags pa dang / lha sbyin la sogs te shAkya lnga brgya
 rab tu 'byung bar 'gyur gyis thos par gyis la rab tu dga' ba skyed cig ces bsgo'o/ /lha sbyin gyis de thos nas sdug bsngal chen po dang yid mi bde ba skyes nas/ gal te bdag gis shAkya'i rgyal po bzang ldan nges par rab tu 'byung
 bar shes par gyur dang bdag khas len par mi 'gyur ba zhig / de ni gal te rab tu ma byung na brdzun du smra ba yin no zhes rgyal srid kyang thob par mi 'gyur bas thams cad kyi thams cad du dus 'dir zad dam/ ci rab tu byung la
 bdag rab tu byung bzhin du rgyal srid bya'o snyam mo/ /de nas rgyal po zas gtsang 'di snyam du sems te/ shAkya rnams kyi tha ma'i 'byor pa la blta'o snyam nas des grong khyer de gseg ma dang gyo mo bsal/ tsan dan gyi chus chag chag btab/
 gdugs dang / rgyal mtshan bsgreng / dar gyi chun 'phyang mang po spyangs/ shin tu dri zhim po'i pog por nye bar bzhag /me tog sna tshogs kyi sil mas dga' dga' ltar byed du bcug go/ /de nas shAkya brgya stong du mas yongs su
 bskor nas grong khyer gyi sgo na seng ge'i khri la 'dug go/ /shAkya mo dang / shAkya gzhon nu ngo mtshar skyes pa rnams kyang skar khung khol ma can dang / skar khung dang / stegs bu dag la 'dug go/ /shAkya rnams kyi 'byor pa la lta
 bar 'dod pa'i skyes pa'i tshogs yul sna tshogs nas lhags pa dag kyang lam po che dang / tshong 'dus dang / bzhi mdo dang / sum mdo rnams su 'dug go/ /shAkya las su dag gis ni mnyes par 'gyur/ su dag
 gis ni thugs byung bar 'gyur brtag pa'i bram ze mtshan mkhan dang / ltas mkhan dag bkug go/ /shAkya rnams do shal dang / gdu bu dang / dpung rgyan dang / rgyan gyis brgyan pa rnams kyis pha dang / ma dag la bltas nas/
 so so'i shing rtar zhugs te phyir 'byung bar brtsams pa na/ shAkya'i rgyal po bzang ldan sna la byung ba mtshan mkhan rnams kyis mthong nas de dag gis smras pa/ ri shig 'dis ni mnyes par byed par 'gyur ro/ /de
 bzhin du nam gru dang / ma 'gags pa la sogs pa phyir byung ba na/ de rnams kyang mtshan mkhan rnams kyis lung bstan to/ /de nas lha sbyin phyir byung ste/ de phyir byung ba na bya khras gtsug gi nor bu phrogs pa mtshan
 mkhan rnams kyis mthong nas de rnams kyis smras pa/ 'di'i rtags dang sbyar na gdon mi za bar ston pa la 'khus nas dmyal bar gzhol bar 'gyur ro/ /ko ka li ka dang / khan dra drab bya dang / ka ta mo ra ka dang / rgyal dang /
 rgya mtshos sbyin rnams phyir byung ba na/ bong bu'i skad grag nas de dag kyang mtshan mkhan rnams kyis lung bstan pa/ 'di dag gis kyang nyan thos chen po rnams la tshig ngan pa smras nas dmyal bar gzhol bar 'gyur ro/ /nye dga'
 glang po che la zhon nas phan tshun du lta bar byed pa na mu tig gi do shal lhung ba dang / de glang po che las babs te blangs so/ /de yang de rnams kyis lung bstan pa/ 'di ha cang 'dod chen ches pas sems can dmyal ba
 rnams su skye bar 'gyur ro/ /de nas bzang ldan dang / nam gru dang / ma 'gags pa lha sbyin la sogs pa shAkya lnga brgya po de rnams bskyed mos tshal du dus ston la 'gro ba bzhin du bzang pos 'gran cing bcom ldan
 'das gang na ba der dong ngo / /bcom ldan 'das kyis dgongs pa/ gal te ngas shAkya rnams la dge slong tshur shog ces bya bas rab tu byung na kha cig gis ni mnyes par byed par 'gyur/ kha cig gis ni mnyes par byed
 par mi 'gyur te/ mnyes par byed par mi 'gyur ba gang dag yin pa de dag gzhan du sems la/ dge slong tshur shog ces bya ba ni thams cad srid pa tha ma pa yin pas/ ma la ngas thams cad dge
 slong rnams kyis gsol ba dang bzhi'i las kyis rab tu byung ba dang / bsnyen par rdzogs su gzhug go snyam du dgongs nas dge slong rnams la bka' stsal pa/ dge slong dag ser skya'i gzhi'i shAkya rnams gsol ba dang bzhi'i las
 kyis rab tu byung ba dang bsnyen par rdzogs par gyis shig / btsun pa bka' bzhin 'tshal zhes dge slong de rnams kyis bcom ldan 'das las mnyen to/ /rgyal po zas gtsang gis shAkya rnams kyi 'dreg mkhan nye
 bar 'khor zhes bya ba/ de rnams rab tu 'byin pa na skra 'breg par btang nas shAkya'i rgyal po bzang ldan gyi skra 'breg pa na/ de ngom zung gnag cing mchi ma 'dzag cing skad 'dzer cing dbugs brtsegs
 pas skra 'dreg par byed do/ /shAkya'i rgyal po bzang ldan gyis smras pa/ nye bar 'khor ci'i phyir du/ de snying rje rje skad du gcom chung ngur dal bus tshig re re nas smras pa/ lha bdag 'dzam bu'i gling gi skyes bu gtso bo
 rnams la bsnyen bkur bgyid bgyid pa mi phal ba rnams la yang bsnyen bkur bgyid par 'gyur ba lta zhig / khyed kyis spangs te gson pa bas na gum mi bsngo'o/ /shAkya'i rgyal po bzang ldan gyis smras pa/
 nye bar 'khor khyod kyis jo bo la snying nye ba'i mnyes par bya ba bstan zin te chog gis mya ngan ma byed cig /ngas ji ltar mi phal che ba rnams la bsnyen bkur byed par mi 'gyur ba de ltar bya'o zhes smras nas des
 phyogs gcig tu ras gcig bting nas shAkya'i gzhon nu rnams la smras pa/ shes ldan gzhon nu dag nyon cig /'dreg mkhan nye bar 'khor 'dis bdag cag la bkur sti byas la bdag cag kyang slar khyim du mi
 gnas kyis rgyan rnams de'i 'tsho ba'i rkyen du ras kyi steng du zhog shig / de rnams kyi se mo do dang / do shal dang / mgul rgyan dang / gdu bu dang / dpung rgyan dang / rna rgyan la sogs pa rin po che sna tshogs kyis brgyan pa'i
 rgyan khyad par can rnams kyis ras kyi steng du phung po chen por spungs so/ /nye bar 'khor gyis de rnams kyi mthar gyis skra bregs te de rnams khrus la dong ba dang / des bsams pa/ re shig gzhon nu 'di dag rigs
 dang 'byor pa dang / lang tsho la bab cing chung ma dang ldan la mdzod dang / bang mdzod kyis rgyas pa yang spangs nas rab tu byung na bdag rgyan 'di tsam la chags pa ni tshul ma yin pas sdug bsngal bar 'gyur ro/ /
 gal te bdag rigs ngan du ma skyes na bdag kyang legs par gsungs pa'i chos 'dul ba la rab tu 'byung zhing chu bo la rgal ba dang / sbyor ba las yang dag par 'da' bar bya ba'i phyir btsal ba dang 'bad pa la brtson
 par bya ba zhig snyam mo/ /'di ni chos nyid yin te/ ji ltar sangs rgyas bcom ldan 'das rnams nyin lan gsum mtshan lan gsum sangs rgyas kyi spyan gyis 'jig rten la gzigs pa de bzhin du nyan thos chen po rnams
 kyang byed pas/ tshe dang ldan pa shA ra dwa ti'i bus 'dreg mkhan nye bar 'khor lhag par skyo ba skyes pa mthong ngo / /mthong nas kyang 'dreg mkhan nye bar 'khor gang na ba der song ste phyin nas 'dreg mkhan nye bar 'khor la 'di skad
 ces smras so/ /nye bar 'khor khyod ci'i phyir shin du mi dga' bas lag pa 'gram pa la gtad nas sems khongs su chud cing 'dug /nye bar 'khor gyis smras pa/ btsun pa shA ra dwa ti'i bu gang gi phyir da ltar gzhon nu
 'di dag rigs dang 'byor pa dang / lang tsho la bab cing chung ma dang ldan la bang mdzod dang / bang mdzod kyis rgyas pa yang spangs nas rab tu 'byung na/ bdag rgyan 'di tsam la chags pa ni tshul ma yin pas sdug
 bsngal bar 'gyur ro/ /gal te bdag rigs ngan du ma skyes na bdag kyang legs par gsungs pa'i chos 'dul ba la rab tu 'byung zhing chu bo las rgal ba dang / sbyor ba las yang dag par 'da' bar bya ba'i phyir btsal
 ba dang / 'bad pa la brtson par bgyi ba zhig na bdag ci'i phyir sems khong du chud par mi 'gyur/ tshe dang ldan pa shA ra dwa ti'i bus smras pa/ bzhin bzangs thub pa'i dbang po'i gsung rab 'di la ni rigs snying por
 byed pa ma yin/ rus snying por byed pa ma yin/ rgyud snying por byed pa ma yin/ thos pa snying por byed pa ma yin te/ 'di ltar thub pa'i dbang po'i gsung rab 'di la ni sgrub pa snying por byed pa yin no/ /de bzhin
 gshegs rnams rigs dang ni/ /rgyud dang rus la rtog mi mdzad/ /'das nas yun ring lon pa yi/ /las rnams la ni rtog par mdzad/ /gal te legs par gsungs pa'i chos 'dul ba la rab tu byung ba dang bsnyen par rdzogs
 pa dge slong gi dngos po 'dod na tshur bcom ldan 'das kyi spyan sngar 'dong dang / bcom ldan 'das kyis rab tu 'byin par 'gyur ro/ /des khas blangs so/ /de nas tshe dang ldan pa sha ra dwa ti'i bus 'dreg mkhan nye bar 'khor khrid de bcom
 ldan 'das gang na ba der dong nas phyin pa dang / bcom ldan 'das kyi zhabs gnyis la mgo bos phyag byas te/ bcom ldan 'das la 'di skad ces gsol to/ /btsun pa nye bar 'khor 'di legs par gsungs pa'i chos 'dul ba
 la rab tu 'byung ba dang bsnyen par rdzogs pa dge slong gi dngos po 'tshal lags na thugs brtse bar nye bar bzung ste/ bcom ldan 'das kyis 'di rab tu dbyung ba dang bsnyen par rdzogs par mdzad du gsol/ bcom ldan 'das kyis
 de la bka' stsal pa/ dge slong tshur shog /tshangs par spyad pa spyod cig ces bcom ldan 'das kyis bka' stsal pa'i mod kho nar skra byi ba dang / snam sbyar gyon pa dang / lag pa lhung bzed dang bya ma bum gyis 'brel ba dang skra dang
 kha spu skyes nas zhag bdun lon pa tsam dang / dge slong bsnyen par rdzogs nas lo brgya lon pa'i spyod lam lta bur gnas par gyur to/ /smras pa/ de bzhin gshegs pas tshur shog bka' stsal pas/ skra byi snam sbyar gyon pa'i
 lus ldan zhing / mod la dbang po rab zhir gnas gyur te/ /sangs rgyas dgongs pas lus gzugs bkab par gyur/ /shAkya rab tu byung ba'i rnams ni rgan rims ji lta ba bzhin du 'dud pa byed pas/ shAkya'i rgyal po bzang ldan
 'dud par byed pa na nye bar 'khor gyi rkang pa yin par shes so/ /de nas des gdong bteg ste gsol pa/ bcom ldan 'das 'di ni nye bar 'khor lags na ci bdag gis 'di'i rkang pa gnyis la yang gdud par bgyi 'am/ bcom ldan 'das
 kyis bka' stsal pa/ bu nga rgyal spangs pa'i phyir rab tu byung ba yin te/ 'di rgan gyis nga rgyal gyi dregs pa chog la thud cig /des de'i rkang pa la gtugs pa na sa chen po lan drug tu g.yos par gyur te/ sa chen po 'di g.yos
 rab tu g.yos/ kun tu rab tu g.yos/ ldeg rab tu ldeg /kun du rab tu ldeg ste/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho
 phyogs dma'/ dbus mtho na mtha' dma'/ mtha' mtho na dbus dma' bar gyur te/ de ltar thams cad kyis rims bzhin du gtugs so/ /lha sbyin gyis ma btud pa dang bcom ldan 'das kyis bka' stsal pa/ bu nga
 rgyal spang ba'i phyir rab tu byung ba yin gyis thud cig / des gsol pa/ bdag gis de'i rkang pa la ma gtugs na khyod la gnod pa ci mchis zhes te 'dud du ma btub ste der thog mar bcom ldan 'das kyi bka' lhas sbyin gyis
 bcag go/ /sangs rgyas bcom ldan 'das yul ser skya'i gzhi n+ya gro d+ha'i kun dga' ra ba na bzhugs so/ /de nas ser skya'i gzhi na gnas pa'i shAkya rab tu mang po 'dun khang du tshogs shing 'dus nas bar skabs kyi gtam 'di lta bu dag
 gleng bar byed de/ shes ldan dag shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin/ gal te bdag cag gi drung du 'ga' zhig 'ongs nas 'di skad 'dri ste/ shes ldan dag shAkya rnams ni
 gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin zhes de skad du 'dri na/ bdag cag gis ni shAkya rnams gang las skyes pa dang / thog ma gang yin pa dang / rgyu ni ci zhig yin pa dang / shAkya rnams kyi sngon gyi
 rigs rgyud ni gang yin pa yang mi shes na ji skad du lung bstan/ tshur bdag cag bcom ldan 'das gang na ba der dong la lhags pa dang / bcom ldan 'das la don de nyid zhus nas bcom ldan 'das kyis bdag cag la ji skad du lung bstan pa de bzhin du gzung
 bar bya'o/ /de nas ser skya'i gzhi na gnas pa'i shAkya rab tu mang po bcom ldan 'das gang na ba der dong ste lhags nas/ bcom ldan 'das kyi zhabs gnyis la mgo bos phyag byas te phyogs gcig tu 'dug
 go/ /phyogs gcig tu 'dug nas ser skya'i gzhi'i shAkya rnams kyis 'di skad ces gsol to/ /btsun pa 'dir bdag ser skya'i gzhi'i shAkya rab tu mang po 'dun khang du 'tshogs shing 'dus nas bar skabs kyi bka'
 mchid 'di lta bu dag gleng ste/ shAkya rnams ni gang las skyes thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin gal te bdag cag gi drung du 'ga' zhig 'ongs nas 'di skad 'dri ste
 shes ldan dag shAkya rnams ni gang las skyes/ thog ma ni gang yin/ rgyu ni ci zhig yin/ shAkya rnams kyi sngon gyi rigs rgyud ni gang yin zhes de skad du 'dri na/ bdag cag gis shAkya rnams ni gang las skyes/ thog
 ma ni gang yin/ rgyu ni ci zhig yin/ shAkya rnams kyi sngon gyi rigs rgyud gang yin pa yang mi shes na ji skad du lung bstan/ tshur bdag cag bcom ldan 'das gang na ba der dong la lhags pa dang / bcom ldan
 'das la don 'di nyid zhus te/ bcom ldan 'das kyis bdag cag la ji skad du lung bstan pa de bzhin du gzung bar bgyi'o snyam nas de'i slad du bcom ldan 'das la bdag cag don 'di nyid zhu lags na/ bcom
 ldan 'das shAkya rnams ni gang las skyes lags/ thog ma ni gang lags/ rgyu ni ci zhig lags/ shAkya rnams kyi sngon gyi rigs rgyud ni gang lags/ de nas bcom ldan 'das 'di snyam du dgongs te/ gal te ngas
 shAkya rnams kyi sngon gyi rigs rgyud las brtsams nas chos kyi gtam glengs na/ mu stegs can dang / kun du rgyu gzhan dag 'di skad ces dge slong gau ta ma ni ci 'dod pa de lung ston pas bdag nyid bstod par byed do
 zhes smra ba gang yin pa'i gnas 'di yod pas nga'i nyan thos las shAkya rnams kyi sngon gyi rigs rgyud las brtsams nas chos kyi gtam glengs par nus pa su yod snyam mo/ /de'i tshe tshe dang ldan pa maud gal gyi bu chen po 'khor
 de nyid du 'dus shing 'dug par gyur to/ /de nas bcom ldan 'das kyis tshe dang ldan pa maud gal gyi bu chen po la bka' stsal pa/ maud gal gyi bu nga rgyab snyung bas re shig de bsal gyis khyod kyis shAkya rnams kyi sngon gyi rigs
 rgyud las brtsams nas dge slong rnams la chos kyi gtam bya bar spobs par gyis shig / tshe dang ldan pa mau gal gyi bu chen pos bcom ldan 'das la cang mi smra bas khas blangs so/ /de nas bcom ldan 'das kyis tshe
 dang ldan pa maud gal gyi bu chen pos cang mi smra bas khas blangs par thugs su chud nas snam sbyar bltab ste sngas su bcug nas/ glo g.yas pas phab ste/ zhabs kyi steng du zhabs bzhag nas snang ba'i 'du shes dang / dran
 pa dang / shes bzhin dang ldan pa'i 'du shes kho na yid la mdzad pas mnal to/ /de nas tshe dang ldan pa maud gal gyi bu chen po 'di snyam du sems te/ ma la bdag gis sems ji ltar mnyam par bzhag na shAkya rnams
 gang las skyes pa dang / thog ma gang yin pa dang / rgyu ni ci yin pa dang / shAkya rnams kyi sngon gyi rigs rgyud gang yin pa mthong bar 'gyur ba de lta bu'i ting nge 'dzin la snyoms par 'jug par bya'o snyam nas/ tshe dang ldan pa
 maud gal gyi bu chen pos sems ji ltar mnyam par bzhag na/ shAkya rnams kyi sngon gyi rigs rgyud mthong bar 'gyur ba de lta bu'i ting nge 'dzin la snyoms par zhugs pa dang / tshe dang ldan pa maud gal gyi bu chen pos shAkya
 rnams kyi sngon gyi rigs rgyud shAkya rnams gang las skyes pa dang / thog ma gang yin pa dang / rgyu ni ci zhig yin pa dang / shAkya rnams kyi sngon gyi rigs rgyud ni gang yin pa mthong ngo / /mthong nas ting nge 'dzin de las langs
 te dge slong gi dge 'dun gyi gung la stan bshams pa nyid la 'dug go/ /'dug nas tshe dang ldan pa maud gal gyi bu chen pos ser skya'i gzhi'i shAkya rnams la smras pa/ gau ta ma dag 'jig rten 'di 'jig cing 'jig rten zhig
 nas/ sems can phal cher 'od gsal gyi lha'i ris su skye bar 'gyur te/ de rnams de na yid las byung ba'i gzugs phun sum tshogs pa dbang po ma nyam shing ma tshang ba med pa yan lag dang / nying lag thams cad dang
 ldan pa/ kha dog bzang pos gnas pa/ rang gi 'od can/ nam mkha' la 'gro ba/ dga' ba za zhing dga' ba'i zas kyis tshe ring zhing yun ring du gnas so/ /de'i tshe sa chen po 'di chu 'ba' shig du 'gyur zhing mtsho gcig tu
 'gyur ro/ /sa chen po 'di chu 'ba' shig gi mtsho gcig tu gyur pa'i steng du rlung gis pris ma chags pa dang / mkhregs pa dang / khebs par byed do/ /dper na 'o ma bskol ba grangs bar gyur pa'i steng du rlung gis pris ma
 chags pa dang / mkhregs pa dang / khebs pa de bzhin du sa chen po 'di chu 'ba' zhig gis mtsho gcig tu gyur pa'i steng du rlung gi pris ma chags pa dang / mkhregs pa dang / khebs par byed do/ /sa'i bcud de ni la kha dog
 phun sum tshogs pa/ dri phun sum tshogs pa ro phun sum tshogs pa yin zhing kha dog ni 'di lta bu yin te/ dper na mar sar lta bu'o/ /ro ni 'di lta bu yin te/ dper na sbrang ma'i sbrang rtsi btsir ba lta bu'i dus gang yin pa de yod
 do/ /gau ta ma dag 'jig rten gang yin pa 'di 'chags shing 'jig rten chags na/ de nas sems can kha cig tshe zad las zad bsod nams zad nas 'od gsal gyi lha'i ris nas shi 'phos nas 'di lta bur mi rnams
 dang skal ba mnyam par 'ong zhing de rnams 'di na yid las byung ba'i gzugs phun sum tshogs pa/ dbang po ma nyams shing ma tshang ba med pa/ yan lag dang / nying lag thams cad dang ldan zhing kha dog bzang pos gnas
 pa rang gi 'od can/ mkha' la 'gro ba/ dga' ba za zhing dga' ba'i zas kyis tshe ring zhing yun ring du gnas par 'gyur ro/ /de'i tshe nyi ma dang zla ba yang 'jig rten du mi 'byung ste/ rgyu skar rnams kyang med/ skad cig dang thang cig
 dang yud tsam yang med/ mtshan mo dang nyin mo yang med/ zla ba dang / zla ba phyed dang / dus tshigs dang / lo rnams kyang 'jig rten du 'byung ba med do/ /skyes pa dang bud med du mngon pa yang med kyi gzhan du na sems can sems can
 zhes bya ba'i grangs su 'gro'o/ /de nas sems can brkam chags kyi rang bzhin can zhig gis 'dzub mo'i rtse mos sa'i bcud myang bar byed do/ ji lta ji ltar myangs pa de lta de ltar sred do/ /ji lta ji ltar sred pa de lta de ltar
 kham gyi zas rim gyis za'o/ /sems can gzhan dag gis kyang sems can de 'dzub mo'i rtse mos sa'i bcud myang bar byed de/ ji lta ji ltar myangs pa de lta de ltar sred la/ ji lta ji ltar sred pa de lta de ltar kham gyi zas rim
 gyis za ba mthong ngo / /mthong nas kyang de rnams kyis kyang 'dzub mo'i rtse mos sa'i bcud myang bar rtsom ste/ ji lta ji ltar myangs pa de lta de ltar sred do/ /ji lta ji ltar sred pa de lta de ltar kham gyi zas rim gyis za'o/ /
 gang gi tshe sems can de rnams kyis sa'i bcud la kham gyi zas rim gyis zos pa de'i tshe/ de rnams kyi lus la mkhrang ba dang lci ba zhugs par gyur to/ /de rnams kyi kha dog bzang po'i gsal ba gang yin pa de yang nub par
 gyur pas 'jig rten du mun pa byung bar gyur to/ /gau ta ma dag chos nyid kyis 'jig rten du mun pa byung ba na nyi ma dang zla ba gnyis 'jig rten du 'byung bar 'gyur ro/ /rgyu skar dang / skad cig dang / thang cig dang / yud tsam dang /
 mtshan mo dang / nyin mo dang / zla ba dang / zla ba phyed dang / dus tshigs dang / lo 'jig rten du 'byung bar 'gyur ro/ /de rnams de za zhing zas su za ba la tshe ring zhing yun ring du gnas so/ /de rnams las zas la ches nyung
 zad tu za ba gang yin pa de ni kha dog dang ldan par 'gyur ro/ /kha zas la ches mang du za ba gang yin pa de ni kha dog ngan par 'gyur te/ kha zas kyi tshad gnyis la brten nas kha dog gi rnam pa gnyis mngon te/ kha dog
 rnam pa gnyis yod pas/ kye sems can kho bo ni kha dog dang ldan no/ /khyod ni kha dog ngan pa yin no zhes sems can gyis sems can la khyad du gsod do/ /kha dog gi mngon pa'i nga rgyal can de rnams sdig pa mi dge ba'i
 chos de dag nyid blangs pa'i rgyus sa'i bcud de nub par gyur to/ /gau ta ma dag sa'i bcud de nub pa na sems can de rnams tshogs shing 'dus nas 'di skad ces/ kyi hud bro ba kyi hud bro ba zhes smra zhing smre sngags 'don
 la mya ngan dang sdug bsngal bar gyur to/ /dper na da ltar mi rnams kyis zas zhim po chung zad cig zos nas sngon gyi yi ge dang / tshig dang / tshig 'bru de nyid rjes su dran nas 'di skad ces/ kyi hud bro ba kyi hud bro ba zhes
 smra ba de bzhin du sems can de rnams sa'i bcud de nub pa na tshogs shing 'dus nas 'di skad ces/ kyi hud bro ba kyi hud bro ba zhes smra zhing smre sngags 'don la mya ngan dang / sdug bsngal bar gyur kyang smras pa 'di'i don ni
 'di yin/ smras pa 'di'i don ni 'di yin no zhes de'i don ni mi shes so/ /gau ta ma dag sems can de rnams kyi sa'i bcud de nub pa na/ sa'i zhag kha dog phun sum tshogs pa ro phun sum tshogs pa byung bar 'gyur te/ kha dog
 ni 'di lta bu yin te/ dper na dong ka'i me tog lta bu'o/ /ro ni 'di lta bu yin te/ dper na sbrang ma'i sbrang rtsi btsir ba lta bu'o/ /de rnams de za zhing de zas su za ba la tshe ring zhing yun ring du gnas so/ /de rnams las kha zas la ches
 nyung du za ba gang yin pa de ni kha dog dang ldan par gyur to/ /kha zas la ches mang du za ba gang yin pa de ni kha dog ngan par gyur to/ /zas kyi tshad gnyis la brten nas kha dog rnam pa gnyis mngon te/ kha dog rnam pa gnyis
 yod pas/ kye sems can kho bo ni kha dog dang ldan la khyod ni kha dog ngan pa yin no zhes sems can gyis sems can la khyad du gsod par byed do/ /kha dog gi mngon pa'i nga rgyal can de rnams sdig pa mi dge ba'i chos de dag
 nyid blangs pa'i rgyus sa'i zhag nub par gyur to/ /gau ta ma dag sa'i zhag de nub par gyur pa na sems can de rnams tshogs shing 'dus nas 'di skad ces/ kyi hud bro ba kyi hud bro ba zhes smra zhing smre sngags 'don la mya ngan
 gyis sdug bsngal bar byed do/ /dper na da ltar mi rnams sdug bsngal ba dang yid mi bde ba 'ba' shig gis rig pa na sngon gyi yi ge dang / tshig dang / tshig 'bru de nyid rjes su dran nas 'di skad ces e ma'o kyi hud e
 ma'o kyi hud ces smra ba de bzhin du sems can de rnams sa zhag de nub pa na tshogs shing 'dus nas 'di skad ces kyi hud bro ba kyi hud bro ba zhes smra zhing smre sngags 'don la mya ngan dang / sdug bsngal bar 'gyur kyang smras pa
 'di'i don ni 'di yin smras pa 'di'i don ni 'di yin no zhes bya bar mi shes so/ /gau ta ma dag sems can de rnams kyi sa zhag de nub pa na/ myu gu'i tshal kha dog phun sum tshogs pa/ dri phun sum tshogs pa/ ro phun
 sum tshogs pa 'byung bar 'gyur zhing kha dog ni 'di lta bu yin te/ dper na shing ka dam pa ka'i me tog lta bu'o/ /ro ni 'di lta bu yin te/ dper na sbrang ma'i sbrang rtsi btsir ba lta bu'o/ /de rnams de za zhing de zas su za ba la
 tshe ring zhing yun ring du gnas so/ /de rnams las kha zas la ches nyung bar za ba gang yin pa de ni kha dog dang ldan par gyur to/ /kha zas la ches mang du za ba gang yin pa de ni kha dog ngan par gyur to/ /zas kyi tshad gnyis
 la brten nas kha dog rnam pa gnyis mngon no/ /kha dog rnam pa gnyis yod pas/ kye sems can kho bo ni kha dog dang ldan la khyod ni kha dog ngan pa yin no zhes sems can gyis sems can la khyad du gsod par byed do/ /kha dog
 gi mngon pa'i nga rgyal can de rnams sdig pa mi dge ba'i chos de dag nyid blangs pa'i rgyus myu gu'i tshal de nub par gyur to/ gau ta ma dag myu gu'i tshal de nub par gyur pa na sems can de rnams tshogs shing 'dus
 nas 'di skad ces/ mdun nas phar song / mdun nas phar song zhes smra zhing smre sngags 'don la mya ngan dang sdug bsngal bar gyur to/ /dper na da ltar mi rnams 'ga' zhig la drag po'i tshar gcad par 'dod pa na sngon
 gyi yi ge dang / tshig dang / tshig 'bru de dag nyid rjes su zlos shing 'di skad du/ mdun nas phar song / mdun nas phar song zhes smra ba de bzhin du sems can de rnams myu gu'i tshal nub pa dang / tshogs shing 'dus nas 'di skad
 ces mdun nas phar song mdun nas phar song zhes smra zhing smre sngags 'don la mya ngan dang sdug bsngal bar gyur kyang / smras pa 'di'i don ni 'di yin smras pa/ 'di'i don ni 'di yin no zhes bya bar de'i don ni mi shes so/ /gau ta
 ma dag sems can de rnams kyi myu gu'i tshal nub nas/ ma rmos ma btab pa'i 'bras sA lu'i 'bras bu tshon bzhi pa phub ma med/ sbun ma med pa/ shun pa med pa/ dag pa gtsang ma skye ste/ de nub brngas na nang skye zhing
 smin par 'gyur/ nang brngas nub skye zhing smin par 'gyur bas/ /brngas shing brngas kyang slar skye bas brngas par yang mi mngon no/ /de rnams de za zhing zas su za ba la tshe ring zhing yun ring du gnas so/ /gang nas
 sems can de rnams kyis ma rmos ma btab pa'i 'bras sA lu'i 'bras bu la kham gyi zas su rim gyis zos pa de nas de rnams kyi dbang po tha dad pa byung bar gyur te/ kha cig la ni skyes pa'i dbang po'o/ /kha cig la ni bud
 med kyi dbang po'o/ /de na bud med kyi dbang po can gang yin pa rnams dang / skyes pa'i dbang po can gang yin pa rnams gcig la gcig mig gis mig tshugs su blta'o/ /ji lta ji ltar gcig la gcig mig gis mig
 tshugs su lta ba de lta de ltar kun du chags so/ /ji lta ji ltar kun du chags pa de lta de ltar zhen no/ /ji lta ji ltar zhen pa de lta de ltar log par zhugs so/ /sems can gzhan dag gis kyang sems can gyis sems can la
 log par zhugs pa mthong ngo / /mthong nas kyang sa dang / bong ba dang / gseg ma dang / gyo mos gtor nas 'di skad ces/ sems can ngan pa tha chad rnams ni bya ba ma yin pa byed do/ /sems can ngan pa tha chad rnams ni bya
 ba ma yin pa byed pa yin gyis kwa'e sems can khyod kyis da ji ltar sems can sun dbyung zhes smra'o/ /dper na da ltar gyi mi rnams bag ma blangs pa na phye ma dang / dri dang / phreng ba dang / gos dang / 'bras yos kyis gtor
 nas 'di skad ces bag ma bde bar gyur cig ces zer ba de bzhin du sems can rnams kyis sems can la log par zhugs pa mthong ba na sas gtor cing bong ba dang / gseg ma dang / gyo mo rnams kyis kyang gtor
 nas kyang 'di skad ces sems can ngan pa tha chad rnams ni bya ba ma yin pa byed do/ /sems can ngan pa tha chad rnams ni bya ba ma yin pa byed kyis/ kwa'i sems can khyod kyis da ji ltar sems can sun dbyung zhes bya ba
 smra ba'i dus gang yin pa de yod do/ /gau ta ma dag de ltar na sngon chos ma yin par 'dod pa gang yin pa dang / sngon gyi 'dul ba ma yin par 'dod pa gang yin pa de ni da ltar chos su 'dod do/ /'dul bar 'dod do/ /sngon smad par
 bya bar 'dod pa gang yin pa de ni da ltar bsngags par bya bar 'dod/ /de rnams kyis de zhag gcig cig spangs pa nas zhag gnyis dang / gsum dang / bdun du yang spangs so/ /gang na sems can de rnams sdig pa can dam
 pa ma yin pa'i chos de la lhag par sdig pa can gyi brtul zhugs spyod pa de rnams khang pa brtsig pa la brtson par byed do/ /'dir bdag cag bya ba ma yin pa spyad do/ /'dir bdag cag bya ba ma yin pa spyad do zhes zer
 bas khyim khyim zhes bya bar grags te/ gau ta ma dag 'di ni 'jig rten du khang pa'i las kyi mtha' rnams byung ba'i rtsom pa dang po yin no/ /de yang chos kyis yin gyi chos ma yin pas ma yin te/ de la rgyal ba'i
 dbang po'i chos la 'di ni gtso bo yin no/ /de rnams nub bza' ba don du gnyer ba yang dgongs ka /nang bza' ba don du gnyer ba yang nang par sA lu'i ched du 'dong bar byed do/ /de nas sems can snyom las rang bzhin
 gis nang par gyi sA lu nub blangs so/ /de nas sems can gzhan zhig gis sems can de la 'di skad ces smras so/ /kye sems can khyod tshur sA lu'i phyir 'dong ngo / /de nas sems can des sems can de la 'di skad
 ces smras so/ /kye sems can khyod rang gi sA lu la soms shig /kho bos ni nang par gyi sA lu nub blangs so/ /de nas sems can de 'di snyam du sems te/ kye ma de ni legs so/ /kye ma de ni shin du legs kyis ma la
 bdag gis zhag gnyis kyi dang / zhag gsum gyi dang / zhag bdun gyi bar gyi sA lu blang ngo snyam nas/ des zhag gnyis kyi dang / zhag gsum gyi dang / zhag bdun gyi bar gyi sA lu blangs so/ /de nas sems can zhig gis sems
 can de la 'di skad ces smras so/ /kye sems can khyod tshur sA lu'i phyir 'dong ngo / /de nas sems can des sems can de la 'di skad ces smras so/ /kye sems can khyod rang gi sA lu la soms shig /kho bos ni zhag gnyis kyi
 dang / gsum gyi dang / zhag bdun gyi bar gyi sA lu blangs zin no/ /de nas sems can de 'di snyam du sems te/ kye ma de ni legs so/ /kye ma de ni shin du legs kyis/ ma la bdag gis zla ba phyed dang / zla ba gcig gi sA lu
 blang ngo snyam nas/ des zla ba phyed dang / zla ba gcig gi sA lu blangs so/ /gang nas sems can de rnams kyis ma rmos ma btab pa'i 'bras sA lu'i 'bru sogs 'jog gi yongs su longs spyad pas zos pa de nas sA lu de'i
 'bras bu phub ma dang / sbun pa dang / shun pas yog par gyur to/ /brngas shing brngas na sang phyir mi skye bas brngas par yang mngon la/ sA lu yang sbubs sam yal ga'i sbubs la yod par gyur to/ /de nas sems can de rnams
 tshogs shing 'dus nas shes ldan dag bdag cag sngon yid las byung ba'i gzugs phun sum tshogs pa/ dbang po ma nyams shing ma tshang ba med pa/ yan lag dang nying lag thams cad dang ldan pa/ kha dog bzang pos
 gnas pa/ rang gi 'od dang ldan pa/ nam mkha' la 'gro zhing dga' ba za zhing dga' ba'i zas kyis tshe ring zhing yun ring du gnas la bdag cag la sa'i bcud kha dog phun sum tshogs pa/ dri phun sum tshogs pa/ ro phun sum
 tshogs pa byung bar gyur te/ bdag cag sa'i bcud la kham gyi zas kyi rim gyis zos te/ gang gi tshe bdag cag gis sa'i bcud la kham gyi rim gyis zos pa de'i tshe bdag cag gi lus la rtsub pa nyid dang / lci ba nyid du
 zhugs par gyur te/ kha dog bzang po'i gsal ba gang yin pa de ni nub par gyur pas 'jig rten du mun pa byung bar gyur to/ /bdag cag de za zhing zas su za ba la tshe ring zhing yun ring du gnas par gyur to/ /bdag cag las
 kha zas la ches nyung du za ba gang yin pa de ni kha dog bzang por gyur/ kha zas ches mang du za ba gang yin pa de ni kha dog ngan par gyur te/ kha zas kyi tshad gnyis la brten nas kha dog gi rnam pa gnyis mngon te/ kha
 dog rnam pa gnyis yod pas/ kwa'e sems can kho bo ni kha dog dang ldan la khyod ni kha dog ngan pa yin no zhes sems can gyis sems can la khyad du gsod par byed do/ /bdag cag kha dog gi mngon pa'i nga rgyal can rnams
 sdig pa mi dge ba'i chos de dag nyid blangs pa'i rgyus sa'i bcud de nub par gyur to/ /sa'i bcud de nub pa nas zhag kha dog phun sum tshogs pa/ dri phun sum tshogs pa/ ro phun sum tshogs pa byung bar gyur te/ bdag
 cag de za zhing de zas su za ba la tshe ring zhing yun ring du gnas so/ /bdag cag las kha zas ches nyung du za ba gang yin pa de ni kha dog dang ldan par gyur/ kha zas ches mang du za ba gang yin pa de ni kha dog ngan par gyur te
 zas kyi tshad gnyis la brten nas kha dog gi rnam pa gnyis mngon no/ /kha dog rnam pa gnyis yod pas/ kwa'e sems can kho bo ni kha dog dang ldan la khyod ni kha dog ngan pa yin no zhes sems can gyis sems can la khyad du
 gsod par byed do/ /bdag cag kha dog gi mngon pa'i nga rgyal can rnams sdig pa mi dge ba'i chos de dag nyid blangs pa'i rgyus sa zhag de nub par gyur to/ /sa zhag de nub pa na myu gu'i tshal kha dog phun sum tshogs pa/ dri phun
 sum tshogs pa/ ro phun sum tshogs pa byung bar gyur te bdag cag de za zhing de zas su za ba la tshe ring zhing yun ring du gnas so/ /bdag cag rnams las kha zas ches nyung du za ba gang yin pa de ni kha dog dang ldan par gyur
 kha zas ches mang du za ba gang yin pa de ni kha dog ngan par gyur te/ kha dog gi rnam pa gnyis mngon no/ /kha dog rnam pa gnyis yod pas/ kwa'e sems can kho bo ni kha dog dang ldan la khyod ni kha dog ngan pa yin no zhes sems
 can gyis sems can la khyad du gsod par byed do/ /bdag cag kha dog gi mngon pa'i nga rgyal can rnams sdig pa mi dge ba'i chos de dag nyid blangs pa'i rgyus myu gu'i tshal te nub par gyur to/ /myu gu'i tshal de nub pa na ma
 rmos ma btab pa'i 'bras sA lu'i 'bru tshon bzhi pa phub ma med pa/ sbun pa med pa/ shun pa med pa/ dag pa/ gtsang ma skye ste/ de nub brngas na nang skye zhing smin par 'gyur/ nang brngas na nub skye zhing smin par 'gyur bas brngas
 shing brngas kyang slar yang skye bas brngas par yang mi mngon te/ bdag cag de za zhing zas su za ba la tshe ring zhing yun ring du gnas so/ /gang nas bdag cag gis ma rmos ma btab pa'i 'bras sA lu'i 'bru sogs 'jog gi
 yongs su longs spyad pas zos pa de nas sA lu de'i 'bras bu phub ma dang / sbun pa dang / shun pas yog par gyur to/ /brngas shing brngas na yang slar mi skye bas brngas par yang mngon la/ sA lu yang sbubs sam yal ga'i sbubs la
 yod par gyur pas/ ma la bdag cag tshogs shing 'dus la zhing gzhal te mtshams bcad la/ 'di ni khyod kyi'o/ /'di ni nga'i 'o zhes mu thug bre bar bya'o zhes de rnams tshogs shing 'dus nas zhing bgos te mtshams su mu
 thug bres so/ /gau ta ma dag 'di ni 'jig rten du mu thug bre ba'i las kyi mtha' rnams byung ba'i rtsom pa dang po yin no/ /de yang chos kyis yin gyi chos ma yin pas ma yin pas de la rgyal ba'i dbang po'i chos la 'di ni
 chos kyi mchog yin no/ /de nas sems can zhig gis rang gi sA lu yod bzhin du gzhan gyi sA lu ma byin par blangs so/ /sems can gzhan dag gis sems can des rang gi sA lu yod bzhin du gzhan gyi sA lu ma
 byin par blangs pa mthong ngo / /mthong nas sems can de la 'di skad ces smras so/ /kwa'e sems can khyod rang gi sA lu yod bzhin du gzhan gyi sA lu ma byin par ci'i phyir blang zhes de phar drangs tshur drangs nas ci tsam na
 'khor mi'i nang du khrid de/ shes ldan dag sems can 'di rang gi sA lu yod bzhin du lan gsum gyi bar du gzhan gyi sA lu ma byin par len to zhes spyos so/ /de nas sems can de rnams kyis sems can de la 'di skad
 ces smras so/ /kwa'e sems can khyod rang gi sA lu yod bzhin du gzhan gyi sA lu ma byin par ci'i phyir blang / kwa'e sems can khyod song la phyin chad de ltar ma byed cig /de nas sems can des sems can de rnams
 la 'di skad ces smras so/ /shes ldan dag sems can 'dis bdag sA lu'i phyir phar drangs tshur drangs nas ji tsam na 'khor gyi nang du yang phyung nas spyos so/ /de nas sems can de rnams kyis sems can de la 'di
 smras so/ / kwa'e sems can khyod kyis sems can la sA lu'i phyir phar drangs tshur drangs nas ji tsam na 'khor gyi nang du yang phyung nas ci'i phyir spyo/ kwa'e sems can khyod song la phyin chad de ltar ma byed cing /
 de nas sems can de rnams 'di snyam du sems te/ shes ldan dag sA lu'i phyir phar 'dren tshur 'dren cing ci tsam na 'khor gyi nang du spyo ba yang snang bas/ ma la bdag cag tshogs shing 'dus la bdag cag gi nang na sems
 can lhag par gzugs bzang ba/ lhag par blta na sdug pa/ lhag par mdzes pa/ lhag par bsod nams che bar grags pa gang yin pa de ni bdag cag gi zhing rnams kyi bdag por bskos dang / des bdag cag chad pas gcad
 par bya ba rnams ni chad pas gcod par 'gyur/ phan bdags par bya ba rnams la ni phan 'dogs par 'gyur te/ bdag cag gi zhing dag las 'khrungs pa gang yin pa de las de la chos bzhin du thog shas sbyin par bya'o snyam nas
 de rnams tshogs shing 'dus te/ de rnams kyi nang nas lhag par gzugs bzang ba/ lhag par blta na sdug pa/ lhag par mdzes pa/ lhag par bsod nams che bar grags pa gang yin pa de zhing rnams kyi bdag por bskos
 te/ 'di skad ces kye sems can khyod tshur shog /kho bo cag las chad pas gcad par bya ba rnams la ni chad pas chod cig /phan gdags par bya ba rnams la ni phan thogs shig /kho bo cag gi zhing dag la 'khrungs pa gang
 yin pa de las khyod la kho bo cag gis chos bzhin du thog shas sbyin no/ /de de rnams la chad pas gcad par bya ba la ni chad pas gcod/ phan gdags par bya ba rnams la ni phan 'dogs par byed cing de la de rnams kyi zhing dag
 las 'khrungs pa gang yin pa de las chos bzhin du thog shas dbul te/ skye bo'i tshogs chen pos bkur zhing skye bo'i tshogs chen pos bkur bas mang pos bkur ba mang pos bkur ba zhes grags so/ /zhing de rnams kyi
 bdag por gyur pa na nyams pa las skyob par byed pas rgyal rigs rgyal rigs zhes bya bar grags so/ /chos kyis skye dgu mgu bar byed cing tshul khrims nyams su blangs te gnas/ shes rab nyams su blangs te gnas
 pas rgyal po rgyal po zhes bya bar grags so/ /gau ta ma dag rgyal po mang pos bkur gyi tshe mi rnams kyi ming sems can sems can zhes bya bar gyur to/ /gau ta ma dag rgyal po mang pos bkur ba'i bu 'od mdzes zhes bya ste/
 gau ta ma dag rgyal po 'od mdzes kyi tshe mi rnams kyi ming tshur shog /tshur shog ces bya bar gyur to/ /'od mdzes kyi bu dge ba zhes bya ste/ gau ta ma dag rgyal po dge ba'i tshe mi rnams kyi ming sme ba can sme ba can zhes bya bar gyur to/ /gau ta
 ma dag dge ba'i bu dge mchog ces bya ste/ gau ta ma dag rgyal po dge mchog gi tshe mi rnams kyi ming sprin mgrin sprin mgrin zhes bya bar gyur to/ /dge mchog gi bu gso sbyong 'phags zhes bya ste/ gau ta ma dag rgyal po gso sbyong
 'phags kyi tshe mi rnams kyi ming ta la'i rkang ta la'i rkang zhes bya bar gyur to/ /rgyal po gso sbyong 'phags kyi spyi bor sha rmen zhig skyes pa 'jam zhing shin du mnyen te/ dper na shing bal gyi 'da' ba 'am/ ras bal gyi 'da'
 ba bzhin du chung zad kyang gnod pa mi skyed do/ /de smin nas brtol ba dang / khye'u gzugs bzang ba/ blta na sdug pa/ mdzes pa/ skyes bu chen po'i mtshan sum bcu rtsa gnyis kyis kun nas brgyan pa zhig byung ste/ spyi bo las
 skyes pas spyi bo skyes zhes bya bar gyur to/ /gzhon nu byung ma thag tu rgyal po gso sbyong 'phags kyi btsun mo drug khri'i nang du bkri ba dang / de thams cad kyi nu ma la 'o ma zag nas re res nga las nu nga las nu zhes smras pas nga las
 nu nga las nu zhes bya bar grags so/ /gau ta ma dag rgyal po nga las nu gang gi tshe rgyal srid byed pa de'i tshe mi rnams sems par byed/ 'jal bar byed/ nye bar rtog par byed de/ de rnams bsams gzhal nye bar brtags nas
 bzo'i gnas dang / las kyi gnas tha dad pa dag byed du 'jug pas des na/ de rnams yid las skyes yid las skyes zhes bya bar grags so/ /gau ta ma dag rgyal po drug po 'di dag ni tshe tshad med cing tshe dpag tu med pa yin no/ /gau ta
 ma dag rgyal po nga las nu'i brla g.yas par sha rmen zhig skyes pa 'jam zhing shin du mnyen te/ dper na shing bal gyi 'da' ba 'am/ ras bal gyi 'da' ba bzhin du chung zad kyang gnod pa mi skyed do/ /de smin nas brtol ba dang /
 khye'u gzugs bzang zhing blta na sdug pa/ mdzes pa/ skyes bu chen po'i mtshan sum bcu rtsa gnyis kyis kun nas brgyan pa zhig byung ste/ brla g.yas pa las skyes pas ming mdzes pa mdzes pa zhes bya bar gyur to/ /gzhon nu de
 rdzu 'phrul che zhing mthu che ba yin pas da dung yang gling bzhi la rgyal srid kyi dbang phyug la dbang byed du 'jug go/ /gau ta ma dag rgyal po mdzes pa'i brla g.yon par sha rmen zhig skyes pa 'jam zhing shin du mnyen te/ dper na shing bal
 gyi 'da' ba 'am/ ras bal gyi 'da' ba bzhin du chung zad kyang gnod pa mi skyed do/ /de smin nas brtol ba dang / khye'u gzugs bzang ba/ blta na sdug pa/ mdzes pa skyes bu chen po'i mtshan sum bcu rtsa gnyis kyis kun
 nas brgyan pa zhig byung ste/ brla g.yon pa las skyes pas ming nye mdzes nye mdzes zhes bya bar gyur to/ /gzhon nu de rdzu 'phrul che zhing mthu che ba yin pas da dung yang gling gsum la rgyal srid kyi dbang phyug la dbang byed
 du 'jug go/ /gau ta ma dag rgyal po nye mdzes kyi rkang pa g.yas par sha rmen zhig skyes pa 'jam zhing shin du mnyen te/ dper na shing bal gyi 'da' ba 'am/ ras bal gyi 'da' ba bzhin du cung zad kyang gnod pa mi skyed do/ /
 de smin nas brtol ba dang / khye'u gzugs bzang ba/ /blta na sdug pa/ mdzes pa skyes bu chen po'i mtshan sum cu rtsa gnyis kyis kun nas brgyan pa zhig byung ste/ rkang pa g.yas pa las skyes pas ming mdzes ldan
 mdzes ldan zhes bya bar gyur to/ /gzhon nu de rdzu 'phrul che zhing mthu che ba yin pas da dung du yang gling gnyis la rgyal srid kyi dbang phyug la dbang byed du 'jug go/ /gau ta ma dag rgyal po mdzes ldan gyi rkang pa g.yon
 par sha rmen zhig skyes pa 'jam zhing shin du mnyen te/ dper na shing bal gyi 'da' ba 'am/ ras bal gyi 'da' ba bzhin du chung zad kyang gnod pa mi skyed do/ /de smin nas brtol ba dang / khye'u gzugs bzang ba/
 blta na sdug pa/ mdzes pa/ skyes bu chen po'i mtshan sum cu rtsa gnyis kyis kun nas brgyan pa zhig byung ste/ rkang pa g.yon pa las skyes pas ming nye mdzes ldan nye mdzes ldan zhes bya bar gyur to/ /
 gzhon nu de rdzu 'phrul che zhing mthu che ba yin pas da dung du yang gling gcig la rgyal srid kyi dbang phyug la dbang byed du 'jug go/ /gau ta ma dag de ltar rgyal po mang pos bkur gyi bu 'od mdzes so/ /'od mdzes kyi bu
 dge ba'o/ /dge ba'i bu dge mchog /dge mchog gi bu gso sbyong 'phags so/ /gso sbyong 'phags kyi bu nga las nu'o/ /nga las nu'i mdzes pa'o/ /mdzes pa'i nye mdzes pa'o/ /nye mdzes kyi mdzes ldan dang /
 nye mdzes ldan dang / bzang po dang / legs bzangs dang / btang ba dang / btang gzung dang / yan lag dang / yan lag shing rta dang / ngan spong dang / skal ldan shing rta dang / rgya mtsho dang / rgya mtsho'i bu dang / rgya mtsho chen po
 dang / sha ku ni dang / sha ku ni chen po dang / ku sha dang / nye ba'i ku sha dang / ku sha chen po dang / legs mthong dang / legs mthong chen po dang / rab thob dang / rab thob chen po dang / rab tu sgra bsgrags dang / rab tu sgra
 bsgrags chen po dang / 'od byed dang / rtul phod pa dang / lhun po ldan dang / lhun po yod dang / 'od zer ldan dang / 'od zer yod dang / kun nas 'od zer ro/ /gau ta ma dag kun nas 'od zer kyi bu dang / tsha bo dang / yang tsha dang /
 sum tsha'i rgyud rgyal po brgya tham pa yul gu 'dzin du byung ste/ de rnams kyi tha ma ni rgyal po dgra 'dul zhes bya ba byung ste/ dgra 'dul bar byed pas dgra 'dul dgra 'dul zhes bya bar gyur to/ /gau ta ma dag rgyal po dgra 'dul
 gyi bu dang / tsha bo dang / yang tsha dang / sum tsha'i rgyud rgyal po lnga khri bzhi stong yul dmag gis mi tshugs par byung ngo / /de rnams kyi tha ma ni rgyal po ma rgyal ba las rgyal ba zhes bya ba byung sti/ ma rgyal ba las rgyal bar byed
 pas na ma rgyal ba las rgyal ba ma rgyal ba las rgyal ba zhes bya bar grags so/ /gau ta ma dag rgyal po ma rgyal ba las rgyal ba'i bu dang / tsha bo dang / yang tsha dang / sum tsha'i rgyud rgyal po sum khri drug stong yul bA ra Na sA+er
 byung ste/ de rnams kyi tha ma ni rgyal po bzod dka' zhes bya ba byung ngo / /gau ta ma dag rgyal po bzod dka'i bu dang / tsha bo dang / yang tsha dang / sum tsha'i rgyud rgyal po brgyad khri bzhi stong kim pi la'i grong khyer du byung ste/ de rnams
 kyi tha ma ni rgyal po tshangs byin ces bya ba byung ngo / /gau ta ma dag rgyal po tshangs byin gyi bu dang / tsha bo dang / yang tsha dang / sum tsha'i rgyud rgyal po sum khri nyis stong glang po che'i grong khyer du byung ste/ de rnams kyi tha ma ni rgyal po glang
 pos byin zhes bya ba byung ngo / /gau ta ma dag rgyal po glang pos byin gyi bu dang / tsha bo dang / yang tsha dang / sum tsha'i rgyud rgyal po lnga stong yul rdo 'jog tu byung ste/ de rnams kyi tha ma ni rgyal po bal bu can zhes bya ba byung ngo / /gau ta ma
 dag rgyal po bal bu can gyi bu dang / tsha bo dang / yang tsha dang / sum tsha'i rgyud rgyal po sum khri nyis stong grong khyer brang gis nyal du byung ste/ de rnams kyi tha ma ni rgyal po tshan po che 'dul zhes bya ba byung ngo / /gau ta ma dag rgyal po
 tshan po che 'dul gyi bu dang / tsha bo dang / yang tsha dang / sum tsha'i rgyud rgyal po sum khri nyis stong grong khyer ma rgyal ba las rgyal bar byung ste/ de rnams kyi tha ma ni rgyal po rgyal byin zhes bya ba byung ngo / /gau ta ma dag rgyal po rgyal byin gyi bu dang /
 tsha bo dang / yang tsha dang / sum tsha'i rgyud rgyal po sum khri nyis stong grong khyer ka n+ya' kub dzar byung ste/ de rnams kyi tha ma ni rgyal po rgyal sde zhes bya ba byung ngo / /go ta ma dag rgyal po rgyal sde'i bu dang / tsha bo dang / yang tsha dang / sum
 tsha'i rgyud rgyal po khri brgyad stong grong khyer tsam par byung ste/ de rnams kyi tha ma ni rgyal po klu'i lha zhes bya ba byung ngo / /gau ta ma dag rgyal po klu'i lha'i bu dang / tsha bo dang / yang tsha dang / sum tsha'i rgyud rgyal po nyi khri lnga stong grong khyer ta la'i
 phreng du byung ste/ de rnams kyi tha ma ni rgyal po mi'i lha zhes bya ba byung ngo / gau ta ma dag rgyal po mi'i lha'i bu dang / tsha bo dang / yang tsha dang / sum tsha'i rgyud rgyal po khri nyis stong grong khyer ta ma lar byung ste/ de rnams kyi tha ma ni rgyal
 po rgya mtsho'i lha zhes bya ba byung ngo / gau ta ma dag rgyal po rgya mtsho'i lha'i bu dang / tsha bo dang / yang tsha dang / sum tsha'i rgyud rgyal po khri brgyad stong grong khyer bA ra Na sI'i grong du byung ste/ de rnams kyi tha ma ni rgyal po blo gros bzang po
 zhes bya ba byung ngo / gau ta ma dag rgyal po blo gros bzang po'i bu dang / tsha bo dang / yang tsha dang / sum tsha'i rgyud rgyal po nyi khri lnga stong grong khyer rgyal po'i khab du byung ste/ de rnams kyi tha ma ni rgyal po mun sel zhes bya ba byung ngo / /gau ta
 ma dag rgyal po mun sel gyi bu dang / tsha bo dang / yang tsha dang / sum tsha'i rgyud rgyal po brgya tham pa yang grong khyer bA ra Na sIr byung ste/ de rnams kyi tha ma ni rgyal po dbang phyug chen po'i sde zhes bya ba byung ngo / /gau ta ma dag rgyal po
 dbang phyug chen po'i sde'i bu dang / tsha bo dang / yang tsha dang / sum tsha'i rgyud rgyal po brgyad khri bzhi stong grong khyer rtswa can du byung ste/ de rnams kyi tha ma ni rgyal po rgya mtsho'i sde zhes bya ba byung ngo / /gau ta ma dag rgyal po rgya mtsho'i sde'i bu dang /
 tsha bo dang / yang tsha dang / sum tsha'i rgyud rgyal po stong yang grong khyer gru 'dzin du byung ste/ de rnams kyi tha ma ni rgyal po dka' thub spyod ces bya ba byung ngo / /gau ta ma dag rgyal po dka' thub spyod kyi bu dang / tsha bo dang / yang tsha dang /
 sum tsha'i rgyud rgyal po brgyad khri bzhi stong yang grong khyer rtswa can du byung ste/ de rnams kyi tha ma ni rgyal po sa'i gdong zhes bya ba byung ngo / /gau ta ma dag rgyal po sa'i gdong gi bu dang / tsha bo dang / yang tsha dang / sum tsha'i rgyud
 rgyal po 'bum yang grong khyer bA ra Na sIr byung ste/ de rnams kyi tha ma ni rgyal po sa'i bdag po zhes bya ba byung ngo / /gau ta ma dag rgyal po sa'i bdag po'i bu dang / tsha bo dang / yang tsha dang / sum tsha'i rgyud rgyal po 'bum yang grong
 khyer dmag gis mi tshugs par byung ste/ de rnams kyi tha ma ni rgyal po sa 'dzin zhes bya ba byung ngo / /gau ta ma dag rgyal po sa 'dzin gyi bu dang / tsha bo dang / yang tsha dang / sum tsha'i rgyud rgyal po brgyad khri bzhi stong grong khyer mi
 thi lar byung ste/ de rnams kyi tha ma ni rgyal po lha chen po zhes bya ba byung ngo / /gau ta ma dag rgyal po lha chen po'i bu dang / tsha bo dang / yang tsha dang / sum tsha'i rgyud rgyal po brgyad khri bzhi stong yang grong khyer mi thi lar drang srong gi tshangs
 par spyod pa la spyad de/ de rnams kyi tha ma ni rgyal po mu khyud ces bya ba byung ngo / /mu khyud las 'bying ba dang / sra ba'i mu khyud dang / rko ba dang / nye bar rko ba dang rko ba yod dang kun nas rko dang / gya nom snang dang / thos pa'i sde dang / chos kyi
 sde dang / rtogs pa dang / rtogs pa chen po dang / rtogs pa'i sde dang / mya ngan med dang / mya ngan bral dang / brtan pa'i sde dang / rga bar sbyar dang / glen bsad dang / skya reng dang / phyogs kyi bdag po dang / rdul can dang / bde byed dang /
 kun dga' dang / me long gdong dang / skyed pa dang / kun nas skyed pa dang / skye bo'i khyu mchog dang / bza' btung can dang / bza' btung mang po can dang / mi thub pa dang / gzhan gyis mi thub pa dang / gnas pa dang / shin du gnas pa
 dang / stobs chen dang / stobs chen zhon dang / legs pa'i blo gros dang / brtan pa zhon dang / gzhu bcu pa dang / gzhu brgya pa dang / gzhu dgu bcu dang / gzhu rgyal dang / gzhu bkra dang / gzhu sra dang / shing rta bcu pa dang / shing rta
 brgya pa dang / shing rta dgu bcu pa dang / shing rta khra bo dang / shing rta rgyal dang / shing rta sra ba'o/ /gau ta ma dag rgyal po shing rta sra ba'i bu dang / tsha bo dang / yang tsha dang / sum tsha'i rgyud rgyal po bdun khri bdun stong grong khyer kun du snang bar
 byung ste/ de rnams kyi tha ma ni rgyal po kri ki zhes bya ba byung ngo / /de'i tshe ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten
 mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung zhes bya ba 'jig rten du byung ste/ de'i spyan sngar bcom ldan 'das byang chub sems dpa' ma 'ongs
 pa na byang chub par bya ba'i phyir smon lam btab nas tshangs par spyod pa spyad de/ dga' ldan gyi lha'i ris su skyes so/ /gau ta ma dag rgyal po kri ki'i bu legs skyes so/ /gau ta ma dag rgyal po legs skyes kyi bu dang / tsha bo dang / yang
 tsha dang / sum tsha'i rgyud rgyal po brgya tham pa yang grong khyer gru 'dzin du byung ste/ de rnams kyi tha ma ni rgyal po rna ba can zhes bya ba byung ngo / /gau ta ma dag rgyal po rna ba can la bu gnyis te/ gau ta ma dang / b+ha ra dwa dza'o/ /de gnyis las
 gau ta ma dag na mngon par 'byung bar dga'o/ /b+ha ra dwA dza ni rgyal srid la mngon par dga'o/ /de pha chos dang chos ma yin pas rgyal srid byed pa mthong nas des bsams pa/ bdag yab 'das nas rgyal por gyur te/ bdag gis
 kyang chos dang chos ma yin pas rgyal srid byas nas sems can dmyal bar gzhol bar 'gyur bas 'dir ci'i dus la bab ce na/ khyim nas khyim med par rab tu 'byung bar bya'o snyam du bsams nas/ rgyal po rna ba can gang na ba
 der song ste phyin pa dang rkang pa gnyis la gtugs te gsol ba btab pa/ yab mkhyen par mdzod cig /bdag ni dad pas khyim nas khyim ma mchis par rab tu 'byung ngo / /des smras pa/ bu gang gi phyir mchod sbyin mchod par byed pa dang
 sbyin bsreg sreg par byed pa dang / dka' thub dka' thub spyod pa de dag ni 'di'i ched yin te/ nga 'das na rgyal srid lag mthil du 'ongs te rgyal po byed par 'gyur na ci'i phyir rab tu 'byung / des smras pa/ yab bdag gis chos
 dang chos ma yin pas rgyal srid bgyid rngo mi thog go/ /de lta bas na mkhyen par mdzod cig /rab tu 'byung ngo / /de nas rgyal pos gal gyis 'chu bar shes nas gnang ngo / /de'i tshe bsti gnas zhig na drang srong mdog gnag ces bya ba
 gnas so/ /de nas gzhon nu gau ta ma rgyal pos gnang nas/ dga' zhing mgu la dga' ba rgya chen po dang yid bde ba skyes nas/ drang srong mdog gnag gang na ba der song ste phyin pa dang / spyod lam dul bas rkang pa gnyis la phyag
 byas nas smras pa/ drang srong chen po bdag rab tu 'byung bar 'dod kyis bdag rab tu phyung shig /des de rab tu phyung ngo / /drang srong mdog gnag ni 'bras bu dang / rtsa ba dang / chu 'thung bas de yang drang srong gau ta ma drang srong gau
 ta ma zhes bya bar gyur to/ /ji tsam na dus gzhan zhig na rgyal po rna ba can shi nas gzhon nu b+ha ra dwa dza pha'i rgyal srid kyi dbang phyug la dbang byed du bcug go/ /ji tsam na dus gzhan zhig na drang srong gau ta mas mkhan
 po la smras pa/ mkhan po dgon pa'i gnas na zas kyis 'tsho bar rngo mi thog gis grong 'dab tu gnas par bgyi'o/ /des smras pa/ bu rung gis grong ngam/ dgon pa na gnas pa'i drang srong gis ni mdor na dbang po bsrung
 ba yin gyis/ khyod song la gru 'dzin gyi nye 'khor du lo ma'i spyil bu byos la 'dug shig /mkhan po bka' bzhin 'tshal zhes smras nas/ drang srong gau ta ma gru 'dzin gyi nye 'khor du lo ma'i spyil bu byas te gnas so/ /de'i
 tshe grong khyer gru 'dzin na smad 'tshong ma bzang mo zhes bya ba dang / skyes bu g.yon can pad ma'i rtsa lag ces bya ba gnas te/ des de la dga' mgur spyad pa'i phyir gos dang rgyan dag skur ro/ /des gos dang rgyan dag thogs
 nas chas pa las/ yang mi gzhan zhig kAr ShA pa Na lnga brgya thogs pa zhig 'ongs nas/ bzang mo dga' mgur spyad kyis tshur shog /des bsams pa/ gal te bdag song na kAr ShA pa Na lnga brgya yang mi 'thob la khyim du 'ongs pa spangs te
 gzhan du 'gro ba 'di ni legs pa ma yin no snyam nas des bu mo mngag gzhug ma la smras pa/ song la pad ma'i rtsa lag la jo mo'i mchid nas re shig bdag skabs ma mchis te slad kyis mchi'o zhes smros shig /des de'i gan du song nas
 smras so/ /mi de yang bya ba mang po zhig yin pas de de dang dga' mgur spyad nas thun dang po nyid la song ngo / /des bsams pa/ nam tshod ring du yod pas de'i sems kyang bsrung bar nus so snyam nas des yang bu mo de la bsgo ba
 pad ma'i rtsa lag gi gan du song la jo mo'i mchid nas sta gon bgyis lags na bskyed mos tshal gang du mchis zhes smros shig / des de'i gan du song nas smras pa dang / des smras pa/ khyod kyi skad cig la skabs med/ skad cig la
 skabs yod ce 'am/ bu mo de de dang regs mi 'phrod pa zhig pas/ des smras pa rje'i sras skabs ma mchis pa ni ma lags mod kyi/ de khyod kyi gos dang rgyan dag gis skyes pa gzhan dang lan cig dga' mgur spyad do/ /de'i 'dod chags kyi
 kun nas dkris pa gang yin pa de dang bral bar gyur cing gnod sems kyi kun nas dkris pa skyes te/ de mi bzod pa skyes nas smras pa/ bu mo song la bzang mo pad ma'i rtsa lag na re bskyed mos tshal ga ge mo zhig tu shog shig ces
 byos shig / des song nas bzang mo la smras nas/ de nas de bskyed mos tshal du song ba dang / skyes bu g.yon can pad ma'i rtsa lag gis smras pa/ khyod kho bo'i gos dang rgyan gyis skyes pa gzhan dang lhan cig dga' mgur spyod pa rigs
 sam/ des smras pa/ rje'i sras de ni bdag gis nongs te 'on kyang bud med ni rtag tu skyon can lags pas bzod par mdzod cig /de nas de mi bzod pa skyes nas ral gri shubs nas phyung ste bsad do/ /de nas bu mo mngag gzhug mas
 jo mo bsad do/ /jo mo bsad do zhes ku co'i sgra chen po bton pa skye bo'i tshogs chen po kun gyis thos nas brgyugs pa dang / de ji tsam na bsti gnas de nyid na drang srong gau ta ma gnas so/ /de nas skyes bu g.yon can pad ma'i
 rtsa lag de skrag nas ral gri khrag can drang srong gau ta ma'i mdun du bor nas skye bo'i tshogs de nyid kyi nang du zhugs so/ /skye bo'i tshogs chen po des ral gri khrag can mthong nas smras pa/ rab tu byung ba 'dis bzang mo gsad do
 zhes de nas drang srong gau ta ma de bskor te/ mi bzod pa bskyed nas smras pa/ kwe'e rab tu byung ba drang srong gi rgyal mtshan thogs nas 'di 'dra ba'i las byed dam/ des smras pa/ ci byas/ de rnams kyis smras pa/ bzang mo dang khyod
 lhan cig dga' mgur spyad nas de bsad do/ /des smras pa/ kho bo'i sdig pa zhi bas las de mi byed do zhes des zhi bas smras kyang skye bo'i tshogs des lag pa phyin ka log tu dam du bcings nas rgyal po la phul te/ lha rab tu byung ba 'dis
 bzang mo dang lhan cig dga' mgur spyad nas de bkum lags so/ /rgyal po rnams ni mi rtog pa yin pas/ des smras pa/ gal te de ltar gyur na rab tu byung ba 'di ngas spangs kyis gsal shing la gshon cig /de rab tu byung ba de me tog
 ka ra bi ra'i phreng ba mgul du btags shing skyes pa gos sngon po gyon pa lag na mtshon thogs pa rnams kyis yongs su bskor nas lam po che dang / tshong 'dus dang / bzhi mdo dang / sum mdo rnams su bsgrags pa'i sgor bsgrags te
 grong khyer gyi lho phyogs kyi sgor phyung nas gson po nyid du gsal shing la gshon no/ /de'i mkhan po mdog gnag de dus dus su bsti gnas su 'gro ba yin pas ji tsam du sa gzhan zhig na song ba las ma mthong nas des phan tshun du btsal bar
 brtsams pa dang / ji tsam na de gsal shing la gshon pa mthong nas de skad mi gsal zhing mig mchi mas gang la snying rje ba'i tshig gis dal bu dal bus smras pa/ kyi hud bu 'di ci zhig /des kyang skad mi gsal zhing yi chad la
 gnad tu bab pa'i gnod pa'i tshor ba skyes shing gdungs pas smras pa/ mkhan po gzhan ci lags las lags mod/ des smras pa/ bu rma phyung ba 'am/ gnod pa zhig ma byas grang / mkhan po bdag gi lus kyis ma phyung
 gi sems kyis ni ma yin no/ /bu ji ltar shes/ mkhan po bden pa gsol gyis gson cig /bden pa dang / bden pa'i tshig gang gis bdag gi lus kyi rma phyung gi sems kyis ma yin na/ bden pa dang bden pa'i tshig des
 mkhan po'i lpags pa'i mdog nag po gang yin pa 'di gser gyi kha dog tu gyur cig / bdag nyid chen po de lhag pa'i bsam pa goms pa yin pas tshig smras ma thag tu drang srong mdog nag gi lpags pa nag po mi snang zhing
 gser gyi kha dog tu gyur to/ /kun du drang srong mdog nag gser gyi kha dog tu gyur to zhes sgra grags pas de'i ming gser mdog ces bya bar gyur to/ /de ngo mtshar mchog tu gyur to/ /de nas drang srong gau ta mas smras pa/ mkhan po
 bdag 'di nas shi 'phos nas 'gro ba ni gang / skye ba ni gang / tshe phyi ma ni gang zhig lags/ des smras pa/ bu bram ze rnams khye'u med pa la 'gro ba med do zhes zer na khyod kyis bu 'ga' ba skyed pa lta yod dam/ mkhan po yab
 kyis rgyal srid kyi slad du spro ba bskyed pa na bdag gzhon nu nyid du rab tu byung bas bud med kyi rgyus kyang ma 'tshal na/ bdag gi bu skye ba lta ga la mchis/ bu gal te de lta na sngon yul la spyad pa rjes su dran par gyis shig /
 mkhan po tshor ba drag pos nyen pas da ni bdag gi gnad rnams chad cing tshigs rnams bye ste/ 'gum pa gcig tu dran par bas na ji ltar sngon gyi yul la spyad pa rjes su dran par 'gyur/ de'i mkhan po mngon par shes pa thob pa
 yin pas des rdzu 'phrul gyis rdzi char chen po sprul nas char pa'i thigs pas de'i lus la phog pa dang / de nas char pa dang rlung grang mo reg pas sdug bsngal rnam par mnan nas/ des sngon gyi yul la spyad pa rjes su dran par bya bar
 brtsams so/ /gang gi tshe des 'khrig pa'i 'dod chags rjes su dran par byas pa las khu ba'i thigs pa gnyis khrag dang lhan cig lhung ngo / /bsam gyis mi khyab pa'i gnas ni bzhi ste/ bdag sems pa dang /
 'jig rten sems pa dang / sems can rnams kyi las kyi rnam par smin pa sems pa dang / sangs rgyas rnams kyi sangs rgyas kyi yul sems pa'o/ /khu ba'i thigs pa de gnyis sgo nga gnyis su gyur nas nyi ma shar
 ba'i dus kyi tshe nyi ma'i 'od zer gyis smin nas rdol ba dang / khye'u gnyis shig byung nas de dang ha cang yang mi ring ba'i bu ram shing gi tshal gseb der de gnyis zhugs so/ /de nas nyi ma'i 'od zer shin du tsha ba byung ste/ nyi ma'i
 'od zer gyis drang srong gau ta ma gdungs nas shi'o/ /de nas drang srong gser mdog 'ongs nas shi ba mthong nas des gsal shing gi nye 'khor du bltas na/ sgo nga rdol ba'i khog pa gnyis shig 'dug nas/ de phan tshun rjes
 gcod cing bu ram shing gi tshal gseb tu zhugs pa las ji tsam na khye'u gnyis shig mthong ngo / /des 'di gnyis su'i bu yin zhes bsam pa la zhugs pa dang / drang srong gau ta ma'i bu yin par gyur nas/ de nas de lhag
 par sdug pa skyes te/ des de gnyis bsti gnas su khrid nas bsnun gsos te/ de de gnyis kyi ming btags pa nyi ma shar ba'i tshe nyi ma'i 'od zer gyis smin par byas pa las 'di gnyis skyes par gyur pas de bas na nyi ma'i
 rigs yin pas des na nyi ma'i rigs zhes bya bar gyur to/ /drang srong gau ta ma'i bu yin pas ming gnyis pa la ni gau ta ma'i gau ta ma zhes bya bar gyur to/ /rang gi yan lag las skyes pas ming gsum pa yan lag skyes bya
 bar gyur to/ /bu ram shing gi tshal gseb nas rnyed pas ming bzhi pa bu ram shing pa bu ram shing pa zhes bya bar gyur to/ /ji tsam na dus gzhan zhig na rgyal po b+ha ra dwA dza bu med par shi nas/ blon po rnams 'dus nas gros bya
 bar brtsams pa/ shes ldan dag su zhig rgyal por dbang bskur bar bya/ gzhan dag gis smras pa/ de'i gcen gau ta ma drang srong rnams kyi nang du rab tu byung ste rgyal srid 'di ni de'i rigs rgyud du 'ongs pa yin pas de dbang
 bskur ro/ /de nas de rnams kyis gros byas nas drang srong gser mdog gi drung du song ste phyin pa dang / rkang pa gnyis la btugs nas smras pa/ drang srong chen po gau ta ma gang du mchis/ des smras pa/ khyed cag kho nas bsad
 do/ /de rnams kyis smras pa/ drang srong chen po bdag cag gis de mthong bar yang mi dran na ji ltar bsad/ kho bos khyed cag dran par bya'o ma nongs so/ /des de rnams dran par byas pa dang / smras pa/ drang srong chen po
 gal te de lta na sdig pa spyod pa de ming tsam smos pa yang bsgrags pa ma yin gyis zhog shig / des sdig pa'i las ci byas/ 'di dang 'di'o/ /skyon med pa gnod pa mi byed pa des sdig pa'i las ma byas par khyed cag
 gis bsad do/ /de ltar ci mngon/ des ji ltar gyur pa rgyas par smras pa dang / de rnams yid mi bde ba skyes nas smras pa/ drang srong chen po gal te de lta na des ma legs kyi/ bdag cag gis sdig pa'i las bgyis so
 zhes de rnams de skad du smra bar byed pa na/ khye'u de gnyis kyang drang srong gi drung du 'ongs so/ /blon po rnams kyis smras pa/ drang srong chen po khye'u 'di gnyis su'i lags/ des smras pa/ de kho na'i bu'o/ /de rnams kyis smras pa/
 'di gnyis ji ltar skyes/ 'di gnyis kyi ming ci lags/ des byung ba dang bcas par rgyas par smras pa/ blon po rnams kyis de thos te mchog tu ngo mtshar skyes nas de rnams kyis drang srong de la gsol ba btab nas de
 gnyis las gzhon nu phu bo shos rgyal srid kyi dbang bskur bas dbang bskur ba las de yang bu med par shi'o/ /de nas gcig shos nu bo dbang bskur nas de'i ming rgyal po bu ram shing pa zhes bya bar gyur to/ /gau ta
 ma dag rgyal po bu ram shing pa'i bu dang / tsha bo dang / yang tsha dang / sum tsha'i rgyud rgyal po bu ram shing pa brgya yang grong khyer gru 'dzin du byung ste/ de rnams kyi tha ma ni rgyal po bu ram shing pa 'phags skyes po zhes bya ba byung
 ngo / /gau ta ma dag rgyal po bu ram shing pa 'phags skyes po la bu bzhi ste/ skar mda' gtong dang / lag rna dang / glang po che 'dul dang / rkang gdub can no/ /dus gzhan zhig na de'i btsun mo dam pa shi nas de lag pa 'gram pa la
 gtad de sems khong du chud cing 'dug go/ /blon po rnams kyis smras pa/ lha ci'i slad du phyag la zhal gtad nas thugs mi dgyes shing bzhugs/ des smras pa/ nga'i btsun mo dam pa shi na ci'i phyir sems yongs su
 chud cing mi 'dug / lha gal te de lta na nyi 'og gi rgyal po rnams la bu mo mchis na ci'i slad du lha'i btsun mo dam pa mi btsal/ rgyal pos smras pa/ gzhon nu 'di dag ni rgyal srid mngon par 'dod pas phyir rgol ba 'di dag
 yod na nga la su zhig bu mo ster bar 'gyur/ lha dgongs shig dang / bdag cag gis btsal lo/ /ji tsam na rgyal po gzhan zhig gi bu mo gzugs bzang ba/ blta na sdug pa/ mdzes pa btsun mo dam par 'cham pa yod
 pa de mi rnams kyis brtags te/ rgyal po de'i drung du dong nas/ de rnams kyis gcig nas gcig tu rgyud de rgyal po de la rig par byas pa dang rgyal pos bsgo ba/ khug shig /de nas de rnams rgyal po'i spyan sngar dong nas rkang pa
 gnyis la gtugs te thog mar gtam byas nas 'dug go/ /gtam gyi skabs rnyed cing rgyal po'i zhal mthong nas smras pa/ lha bkra shis par gyur cig /bkra shis par gyur cig /rgyal pos smras pa/ shis ldan dag khyed
 ci gsol/ rgyal po bu ram shing pa 'phags skyes po'i btsun mo dam pa gum nas de'i ched du sras mo slang ngo / /rgyal pos smras pa/ 'thab ring bab pa'i mchog yin pas rung na 'on kyang dam zhig bca' ste/ gal te nga'i bu mo
 la khye'u zhig yod par gyur na de gal te rgyal srid kyi dbang phyug la gzhag pa lta na sbyin no/ /lha bka' bzhin 'tshal mchis la lha la snyan du gdas par gsol lo zhes de rnams dong nas/ rgyal po bu ram shing pa 'phags
 skyes po la ji ltar gyur pa smras pa/ rgyal pos smras pa/ shes ldan dag gzhon nu ches phu bor gyur pa rgyal srid la mngon par dga' ba rnams spangs te/ nu bo rgyal srid la 'jog pa de ni 'os pa ma yin no/ /lha don 'di
 la nges pa ma mchis te/ re shig btsun mo blangs la lha de dang lhan cig rtsed mo dang / dgyes pa dang / dgyes dgur spyod pa mdzod cig /de la khye'u btsa' bar 'gyur ram/ 'on te bu mor 'gyur ram/ /spyi ma mchis par 'gyur
 ba sus 'tshal/ rgyal pos smras pa/ shes ldan dag gal te de lta na deng la longs shig /de rnams dong nas bsu ste/ ji tsam na rgyal po'i dpal gyi 'byor pa chen pos blangs nas de yang rgyal pos mngon par gyur te/
 de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las dus gzhan zhig na btsun mo sems can dang ldan par gyur to/ /de zla ba brgyad dam
 dgu 'das pa dang / khye'u gzugs bzang ba/ blta na sdug pa/ mdzes pa zhig btsas so/ /btsas nas de'i btsas ston rgya cher byas te khye'u 'di'i ming cir gdags zhes ming 'dogs par byed do/ /blon po rnams kyis smras pa/ lha 'di
 ltar ma skyes pa nyid nas rgyal srid la mngon par dga' bas de'i slad du khye'u'i ming rgyal srid dga' zhes bgyi'o/ /khye'u rgyal srid dga' ma ma brgyad la rjes su gtad de zhes bya ba nas rdzing na gnas pa'i pad ma bzhin du myur du skyed drag
 par byed do zhes bya ba'i bar gong ma bzhin du'o/ /de rgyal tshab kyi rgyal srid la ma bzhag pa de'i zhang po rgyal pos thos nas/ des de la pho nya btang ste/ tshig rtsub po dang chas pa'i spring yig bskur ba/ khyed kyis sngon khas blangs
 shing dam bcas pa bzhin gal te byed na de lta na legs/ gal te de ltar ma byas na khyod kyi mthu dang brtson 'grus kyi pha rol gnon pa gang yin pa des sdod cig /kho bo 'o nir 'ongs nas yul 'khor bur mar brlag go/ /rgyal po de
 mthu chen po dang ldan pas des thos nas skrag ste/ blon po rnams bsogs nas smras pa/ shes ldan dag nga la rgyal po des 'di skad ces spring na de la ji ltar bsgrub par bya/ de rnams kyis smras pa/ lha rgyal srid dga' rgyal tshab tu dbang
 bskur lags mod/ des smras pa/ shes ldan dag gzhon nu ches phu bor gyur pa rgyal srid la mngon par dga' ba rnams spangs te/ nu bo rgyal srid kyis dbang bskur ba 'di ni 'os pa ma yin no/ /de rnams kyis smras pa/ lha rgyal po de ni
 stobs dang bzhon pa rgya che bas gal te 'dir mchis na gdon mi 'tshal bar yul bur mar rlog pa gang lags pa'i gnas de mchis pas rgyal srid dga' rgyal tshab kyi dbang phyug la dbang bgyid par dbang bskur la/ gzhon nu de rnams ni spyug tu
 gsol/ rgyal pos smras pa/ shes ldan dag skyon med cing gnod pa ma byas pa'i gzhon nu rnams ji ltar spyug /lha bdag cag ni blon po lags te/ lha la sman par bgyi ba lhur len pa lags pas skyon ma mchis pa dang / nongs pa ma mchis pa
 yang spyugs la skyon mchis pa dang / nongs pa bgyis pa ni gzhag go/ /rgyal pos btang snyoms su gzhag nas cang mi smra bar 'dug go/ /blon po rnams tshogs nas phan tshun du gros bya bar brtsams pa/ shes ldan dag thabs shig bsham par bya ste/
 des na rgyal po gzhon nu rnams la thugs byung bar 'gyur ba zhig bya'o zhes de nas de rnams kyis bskyed mos tshal byi dor byas pa/ ri mo sna tshogs bris par shin du dri zhim pa'i pog por nye bar bzhag /dar gyi chun 'phyang mang po btags/
 me tog sna tshogs kyis dga' dga' ltar byas pa zhig byed tu bcug go/ /de nas de rnams kyis blon po rnams kyis bskyed mos tshal de'i byi dor byed pa rgyang ring po nas mthong nas gzhon nu rgod bag can de rnams bskyed mos tshal gyi phyogs su dong
 ngo / /blon po rnams bskyed mos tshal gyi byi dor byas nas sgor byung ba dang gzhon nu rnams kyis dris pa/ 'di su'i bskyed mos tshal de rnams kyis smras pa/ lha'i lags so/ /de rnams slar log par brtsams pa dang blon po rnams kyis smras pa/
 gzhon nu rnams nang du zhugs shig /ci'i phyir slar ldog /de rnams kyis smras pa/ lha'i bskyed mos tshal yin na 'dir 'jug tu ga la rung / blon po rnams kyis smras pa/ lha 'am gzhon nu rnams rol pa 'di la 'gal ba ci mchis/ de rnams
 nang du zhugs te rtse bar brtsams so/ /blon po rnams kyis rgyal po la smras pa/ lha bskyed mos tshal legs par byi dor bgyis lags kyis lha gzigs pa'i dus la bab lags so/ /rgyal po chas pa dang bskyed mos tshal na ku co'i sgra thos so/ /
 thos nas kyang blon po rnams la smras pa/ shes ldan dag bskyed mos tshal na ku co'i sgra grag na 'di na su zhig 'dug /blon po rnams kyis smras pa/ lha gzhon nu rnams so/ /gal te de lta na ngas gzhon nu rnams spangs so/ /blon po rnams kyis rkang pa gnyis la
 gtugs te smras pa/ lha bzod par mdzad cing gzhon nu rnams spang bar gsol/ /rgyal pos smras pa/ de bzhin du bya'o zhes gzhon nu de rnams spyug par chad pa dang rgyal po'i rkang pa gnyis la gtugs nas smras pa/ lha gal te de lta na bdag cag
 'khor gyi skye bo dang lhan cig mchi na de ci nas kyang mi dgag pa da ltar bka' stsal pa'i rigs so/ /rgyal pos bsgo nas/ de rnams chas pa na/ de rnams la dga' ba'i pho brang 'khor gyi mi skye bo'i tshogs chen po dang de rnams lhan cig chas te
 zhag bdun du grong khyer gru 'dzin gyi sgo phye nas ni skye bo'i tshogs rgyus so/ /blon po rnams kyis rgyal po la smras pa/ lha gal te grong khyer gyi sgo ma bkum na ring po mi thogs par gru 'dzin stongs par 'gyur ro/ /gal te de lta na sgo chod cig /
 de nas gzhon nu de rnams rang gi sring mo khrid nas mthar kyis ri bo gangs ri dang nye ba chu bo skal ldan shing rta'i 'gram na/ drang srong ser skya'i bsti gnas dang ha cang mi ring ba zhig tu phyin nas de rnams kyis der lo ma'i spyil bu dag
 byas te/ gnas btab nas ri dgas bsad cing bsad nas 'tsho ba byed cing dus gsum du drang srong ser skya'i bsti gnas su 'dong bar byed do/ /lang tsho dang dar la bab pa'i dregs pas zin pas 'dod chags kyis shin
 du nyen te/ sha bri ngan pa skya bo bseng bseng por gyur to/ /ji tsam du gzhan zhig na drang srong ser skyas de lta bu mthong nas dris pa/ khyed cag ci'i phyir skya bo bseng bseng por gyur/ de rnams kyis smras pa/ drang srong chen po
 bdag cag 'dod pa'i 'dod chags kyis shin du nyen pas so/ /des smras pa/ rang rang gi sring mo spongs la mas dbyen gyi sring mo rnams dang lhan cig 'dug shig /drang srong chen po bdag cag gis de lta bu bgyir rung ngam/ shes ldan dag
 'di ltar rgyal rigs rgyal srid stor ba rnams kyis rung ngo / /de nas de rnams drang srong gi tshig ni tshad ma yin no snyam nas 'dod pa'i 'dod chags kyis nyen pas dga' ba dang mgu ba skyes te/ mas dbyen gyi sring mo rnams dang lhan cig rtse
 bar byed/ dga' bar byed/ dga' dgur spyod par byed do/ /de rnams dang de dag dang lhan cig rtse bar byed/ dga' bar byed/ dga' dgur spyod par byed pa na bu pho dang / bu mo dag btsas te de rnams chen por gyur pa dang / bsam
 gtan gyi tsher ma ni sgra yin pas drang srong ser skya sems rtse gcig pa nyid tu ma btub nas shes ldan dag mthong zin gyis kho bo gzhan du 'gro'o/ /drang srong chen po ci'i phyir/ bsam gtan gyi tsher ma ni sgra yin pas
 sems rtse gcig pa nyid du ma btub pas so/ /drang srong chen po khyod 'di nyid na bzhugs shig /bdag cag gzhan du mchi na/ 'on kyang sa'i phyogs shig bdag cag la phog shig /shes ldan dag rung ngo / /drang srong bdag nyid
 chen po de rnams ni 'dod pa bzhin yid la re ba 'grub pa yin pas des gser gyi bya ma bum blangs te/ chu'i rgyun gyis grong khyer gyi rnam pa dag bris nas de rnams kyis grong khyer brtsigs so/ /drang srong ser skyas de rnams kyi
 gnas kyi phyir gzhi yongs su btang bas ser skya'i gzhi ser skya'i gzhi zhes bya bar gyur to/ /de rnams der 'phel bar gyur pas skye bo'i tshogs chen por gyur te/ dogs pas 'phel che bar ma gyur to/ /lha rnams kyi
 sems kyis de rnams kyi sems shes nas phyogs gzhan zhig bstan pa dang / de rnams der dong ste grong khyer cig shos brtsigs nas lhas bstan lhas bstan ces bya bar gyur to/ /de nas de rnams tshogs shing 'dus
 nas phan tshun gros bya bar brtsams pa/ shes ldan dag gang gi phyir bdag cag spyugs pa ni rigs mnyam pa las chung ma ma blangs pa de las gyur gyis de bas na bdag cag las sus kyang rigs mnyam pa las chun ma
 blang bar mi bya ste gcig kho nas chog shes par bya'o/ /de rnams rigs mnyam pa gcig kho na las chung ma len gyi chun ma ni mi len to/ /de nas dus gzhan zhig na rgyal po 'phags skyes po bu sdug pa rnams rjes su dran
 nas blon po rnams la smras pa/ kye grong pa dag gzhon nu de rnams da ltar gang na 'dug /de rnams kyis smras pa/ lhas nongs pa 'ga' zhig la spyugs pa las de rnams rang rang gi sring mo khrid de 'di nas mchis pa na gangs ri dang
 nye ba chu bo skal ldan shing rta'i 'gram drang srong ser skya'i bsti gnas dang ha cang mi ring ba zhig tu gnas btab ste rang rang gi sring mo spangs te/ mas dbyen gyi sring mo rnams dang lhan cig rtse bar bgyid/ dga' bar bgyid/ dga' dgur spyod par
 bgyid do/ /de rnams rtse bar bgyid/ dga' bar bgyid/ dga' dgur spyod par bgyid pa na bu pho dang / bu mo dag btsas so/ /grong pa dag gzhon nu rnams kyis de ltar byed phod dam lha rngo thogs lags so/ /de nas rgyal po bu ram shing pa
 'phags skyes pos ro stod bsrang nas lag pa g.yas pa brkyang ste/ ched du brjod pas ched du brjod pa/ kye ma gzhon nu rnams ni phod pa yin no/ /kye ma gzhon nu rnams ni shin du phod pa yin no zhes sems can dbang chen pos tshig tu phyung
 ste/ kye ma gzhon nu rnams ni phod pa yin no/ /kye ma gzhon nu rnams ni shin du phod pa yin no zhes byas pas de rnams shAkya shAkya zhes bya bar gyur to/ /de rnams dus gzhan zhig na rgyal po bu ram shing pa 'phags
 skyes po shi nas rgyal srid dga' rgyal srid la dbang bskur ro/ /de yang bu med par shi nas skar mda' gtong rgyal srid kyi dbang phyug la dbang byed tu bcug go/ /de yang bu med par shi nas lag rna rgyal por gyur to/ /de yang bu med
 par shi nas glang po che 'dul rgyal por gyur to/ /de yang bu med par shi nas rkang gdub can rgyal por gyur to/ /de'i bu gnas 'jog go/ /gau ta ma dag gnas 'jog gi bu sa khyim mo/ /gau ta ma dag rgyal po sa khyim gyi bu dang / tsha
 bo dang / yang tsha dang / sum tsha'i rgyud rgyal po lnga khri lnga stong grong khyer ser skya'i gzhir byung ste/ de rnams kyi tha ma ni shing rta bcu pa dang / shing rta brgya pa dang / shing rta dgu bcu dang / shing rta khra bo dang / shing rta rgyal dang / brtan pa'i shing rta dang /
 gzhu bcu pa dang / gzhu brgya pa dang / gzhu dgu bcu dang / gzhu rgyal dang / gzhu bkra dang / gzhu brtan no/ /gau ta ma dag gzhu brtan la bu gnyis te/ seng ge'i 'gram dang / seng ge'i sgra'o/ /gau ta ma dag 'dzam bu'i gling gi gzhu thogs ji
 snyed yod pa de rnams kyi nang na seng ge'i 'gram mchog tu grags so/ /gau ta ma dag seng ge'i 'gram la bu bzhi ste/ zas gtsang dang / zas dkar dang / bre bo zas dang / bdud rtsi'i zas so/ /bu mo gtsang ma dang / dkar mo dang / bre mo
 ma dang / bdud rtsi ma'o/ /zas gtsang la bu gnyis te/ bcom ldan 'das dang / tshe dang ldan pa dga' bo'o/ /zas dkar la bu gnyis te/ tshe dang ldan pa rgyal dang / shAkya'i rgyal po bzang ldan no/ /bre bo zas la bu gnyis te/ ming chen
 dang / tshe dang ldan pa ma 'gags pa'o/ /bdud rtsi zas kyi bu gnyis te/ tshe dang ldan pa kun dga' bo dang / lha sbyin no/ /gtsang ma'i bu ni legs par rab sad do/ /dkar mo'i bu ni phreng ba can no/ /bre bo ma'i bu ni bzang len no/ /
 bdud rtsi ma'i bu ni dge 'phel lo/ /bcom ldan 'das kyi sras ni sgra gcan 'dzin yin te/ gau ta ma dag mang pos bkur gyi tshe dang ldan pa sgra gcan 'dzin du rdzogs srid pa'i breng rgyud chad/ 'khor ba zad de da ni yang srid pa med do/ /
 de nas bcom ldan 'das kyis tshe dang ldan pa mau gal gyi bu chen po'i gtam rdzogs par mkhyen nas bzhengs te bzhugs so/ /bzhugs nas tshe dang ldan pa maud gal gyi bu chen po la bka' stsal pa/ maud gal gyi bu legs so
 legs so/ /maud gal gyi bu khyod kyis dge slong rnams kyi mdun du shAkya rnams kyi sngon gyi rigs rgyud las brtsams nas chos kyi gtam smras pa yang khyod legs so/ /maud gal gyi bu yang khyod kyis shAkya rnams kyi sngon gyi
 rigs rgyud las brtsams te chos kyi gtam rtag tu smros shig dang / des ni de rnams la yun ring po'i don dang phan pa dang bde bar gyur to/ /de nas bcom ldan 'das kyis dge slong rnams la bka' stsal pa/ dge slong dag
 khyed kyis shAkya rnams kyi sngon gyi rigs rgyud las brtsams pa'i chos kyi gtam chongs shig / zung shig /lhogs shig /de ci'i phyir zhe na/ dge slong dag shAkya rnams kyi sngon gyi rigs rgyud las brtsams pa'i chos kyi
 gtam ni don dang ldan chos dang ldan pa nas tshangs par spyod pa'i bar dang ldan pa yin te/ dge slong dag rigs kyi bu dad pas rab tu byung bas shAkya rnams kyi sngon gyi rigs rgyud las brtsams pa'i chos kyi gtam gzung zhing
 bklag pa'i rigs so/ /de nas ser skya'i gzhi'i shAkya rnams bcom ldan 'das kyis gsungs pa la mngon par dga' ste/ rjes su yi rang nas bcom ldan 'das kyi zhabs gnyis la mgo bos phyag byas te bcom ldan 'das
 kyis spyan snga nas dong ngo / /de'i tshe grong khyer ser skya'i gzhi na rgyal po seng ge 'gram zhes bya ba rgyal srid byed du 'jug ste/ 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba/ 'thab pa dang /
 thab mo dang / rtsod pa dang / 'gyed pa dang / chom rkun med cing nad rab tu zhi bar gyur pa/ 'bras dang / bu ram shing gi phreng dang / ba lang dang / ma he phun sum tshogs pa na bu gcig pa la sdug pa bzhin du rgyal srid skyong bar byed do/ /
 grong khyer lhas bstan du rgyal po legs par rab sad ces bya ba rgyal srid byed tu 'jug ste/ 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba/ 'thab pa dang / thab mo dang / rtsod pa dang / 'gyed pa
 dang / chom rkun med cing nad rab tu zhi bar bya bar gyur pa/ 'bras dang / bu ram shing gi phreng ba dang / ba lang dang / ma he phun sum tshogs pa na/ bu gcig pa la sdug pa bzhin du rgyal srid skyong bar byed do/ /rgyal po legs par rab sad
 kyi btsun mo dam pa gzugs bzang ba/ blta na sdug pa/ mdzes pa/ yul gyi bzang mo lum bi nI zhes bya ba yod do/ /lhas bstan na khyim bdag phyug cing nor mang la longs spyod che ba yongs su bzung ba yangs shing rgya che ba/
 rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas pa de'i kun dga' ra ba me tog phun sum tshogs pa dang / 'bras bu phun sum tshogs pa dang / chu phun sum tshogs pa dang / bya sna tshogs skad 'byin
 pas de'i kun dga' ra ba dga' dga' ltar 'dug pa der rgyal po dus dus su btsun mo'i 'khor dang lhan cig lhags nas de na dga' ba'i rtsed mo nyams su myong bar byed do/ /lum bi nis de mthong nas 'dod pa skyes de/ des smras
 pa/ lha kun dga' ra ba 'di bdag la stsal du gsol/ rgyal pos smras pa/ da kun dga' ra ba 'di khyim bdag gi yin na ji ltar sbyin/ gal te khyod la kun dga' ra ba dgos na khyod kyi phyir de bas lhag par bzang ba gzhan zhig
 bya'o/ /de nas rgyal po legs par rab sad kyis lum bi nI'i ched du de bas khyad par du 'phags pa'i kun dga' ra ba zhig byed du bcug nas/ de'i ming lum bi nI'i tshal zhes bya bar gyur to/ /rgyal po seng ge 'gram la yun ring
 po nas kye ma'o bdag gi rgyud la 'khor los sgyur ba skye bar gyur kyang ci ma rung snyam pa'i bsam pa 'di yod do/ /rgyal po legs par rab sad la yang yun ring po nas kye ma'o bdag ni seng ge 'gram dang lhan cig gnyen du gyur kyang ci
 ma rung snyam pa'i bsam pa 'di yod do/ /ji tsam du dus gzhan zhig na de'i btsun mo dang lhan cig rtse bar byed/ dga' bar byed/ dga' dgur spyod pa las dus gzhan zhig na btsun mo sems can dang ldan par gyur nas/ de zla ba
 brgyad dam dgu 'das pa na bu mo gzugs bzang ba/ blta na sdug pa/ mdzes pa/ yan lag dang / nying lag thams cad dang ldan pa zhig btsas so/ /btsas pa de'i gzugs bzang pos rgyal po legs par rab sad
 btsun mo'i 'khor dang bcas pa dang lhas bstan na gnas pa'i skye bo'i tshogs rnams mchog tu ngo mtshar skyes te/ the tsom du gyur nas ci 'di bu mo yin nam/ 'on te las sna tshogs pas sprul pa'i sgyu 'phrul yin snyam
 mo/ /de'i btsas pa'i btsas ston nyi ma bdun gsum nyi shu gc-ig tu rgya cher byas nas bu mo 'di'i ming cir gdags zhes ming 'dogs par byed do/ /blon po rnams kyis smras pa/ lhas bstan na gnas pa'i skye bo'i
 tshogs lam po che dang / tshong 'dus dang / sum mdo dang / bzhi mdo rnams su gleng ba kha cig gi mchid nas ni 'di bu mo kho na lags te/ sngon gyi las kyi rnam par smin pas gzugs bzang zhing kha dog phun sum tshogs par gyur
 to zhes mchi'o/ /gzhan dag gi mchid nas ni 'di bu mo ma lags kyi 'o na ci zhe na las sna tshogs pas sprul pa'i sgyu 'phrul lags so zhes mchi lags pas/ de bas na bu mo'i ming sgyu 'phrul zhes bgyi bar gdags so
 zhes btags so/ /bu mo sgyu 'phrul ma ma brgyad la rjes su gtad de zhes bya ba nas chen mor gyur to zhes bya ba'i bar gong ma bzhin du'o/ /de la mtshan mkhan rnams kyis lung bstan pa/ mtshan phun sum tshogs pa du ma
 dang ldan pa zhig btsa' bar 'gyur zhing stobs kyis 'khor los sgyur bar 'gyur ro zhes bstan to/ /yang de rtse bar byed/ dga' bar byed/ dga' dgur spyod par byed pa las bu mo gzugs bzang ba/ blta na sdug
 pa mdzes pa/ kha dog bzang mo rgyas pa mchog dang ldan pa zhig btsas so/ /de btsas pa na grong khyer de dag thams cad snang ba rgya chen pos snang bar byas te/ sgyu 'phrul la ji lta ba bzhin du de'i gzugs bzang ba rnam pa
 thams cad du dpyad par mi nus so/ /de'i btsas pa'i btsas ston yang rgya cher byas nas/ bu mo 'di'i ming cir gdags zhes ming 'dogs par byed do/ /blon po rnams kyis smras pa/ sgyu 'phrul bas 'di lhag
 par gzugs bzang bas/ sgyu 'phrul chen mo zhes bgyi bar gdags so zhes btags so/ /de yang bskyed bsrings nas chen mor gyur pa dang / de la mtshan mkhan rnams kyis lung bstan pa/ skyes bu chen po'i
 mtshan sum bcu rtsa gnyis dang ldan pa zhig btsa' bar 'gyur te/ de ni 'khor los sgyur ba'i rgyal por 'gyur ro zhes lung bstan to/ /rgyal po legs par rab sad kyis rgyal po seng ge 'gram la pho nya btang ste/ bdag
 la bu mo gnyis shig btsas pa ni sgyu 'phrul dang / sgyu 'phrul chen mo lags te/ de la gcig la ni mtshan thams cad phun sum tshogs pa'i bu zhig btsa' bar 'gyur/ de ni stobs kyis 'khor los sgyur ba'i rgyal
 por 'gyur ro zhes lung bstan to/ /gcig shos la ni skyes bu chen po'i mtshan sum bcu rtsa gnyis kyis brgyan pa'i bu zhig btsa' bar 'gyur zhing de ni 'khor los sgyur ba'i rgyal por 'gyur ro zhes lung bstan kyis 'di
 gnyis las gang bzhed pa/ gzhon nu zas gtsang gi chung mar snoms shig /seng ge 'gram gyis slar spring pa/ gnyis ka yang gzhon nu la dgos mod kyi/ 'on kyang chung ma 'dra ba gnyis gcig la gzhag par mi
 bya bas/ gang la skyes bu chen po'i mtshan sum bcu rtsa gnyis kyis brgyan pa'i bu btsa' bar 'gyur ba de yang 'khor los sgyur ba'i rgyal por 'gyur ro zhes lung bstan pa de re shig 'dod do/ /gcig shos kyang tshogs la brtag
 par bya'o/ /des de 'khor lnga brgya dang bkri'o/ /de'i tshe shAkya rnams kyi phyir rgol ba skya bseng zhes bya ba ri khrod pa cig yod nas shAkya rnams 'dus te/ rgyal po seng ge 'gram gyi drung du song nas/ lha skya bseng ri khrod pa bdag cag
 la gnod pa bgyid kyis grogs mdzad du gsol/ des smras pa/ shes ldan dag kho bo rgas pas de rnams dang lhan cig g.yul sprad par mi nus so/ /lha gzhon nu zas gtsang gtang du gsol/ dam zhig bca' ste/ gal te
 gzhon nu ji lta bu 'dod pa'i dam pa gcig bslangs pa'i dam pa de sbyin pa blta na gtang ngo / /de rnams kyis smras pa/ lha bka' bzhin 'tshal stsal bar bgyi'o/ /rgyal pos dpung gi tshogs yan lag bzhi pa gzhon nu zas gtsang la
 bsngo nas des ri khrod pa de rnams bcom/ rab tu bcom ste rmeg bta'o/ /de nas shAkya rnams mgu nas rgyal po seng ge 'gram gyi drung du dong ste lha gzhon nus ri khrod pa rnams bcom rab tu bcom ste rmeg bta' lags pas
 bdag cag glo ba dga' na/ gzhon nu mchog ci bzhed gsungs shig dbul lo/ /shes ldan dag shAkya rnams kyi khrims su bcas pa sus kyang mnyam pa las chun ma gzhag par mi bya'o zhes bcas so/ /lha ci khrims
 'dral lam/ des smras pa/ lhag par shin du bsdam gyi dral bar mi bya na/ 'on kyang gzhon nu'i dam pa gcig slong ba ni mnyam pa las chun ma blang ba yin no/ /lha rung gis de bzhin du mdzod cig /de nas seng ge 'gram gyis
 legs par rab sad la pho nya btang nas/ kho bos tshogs brtags zin gyis bu mo gcig shos kyang bkri shig /des de yang 'khor lnga brgya dang bkri ste/ gzhon nu zas gtsang gis gnyi ga blangs so/ /ji tsam dus
 gzhan zhig na rgyal po seng ge 'gram shi nas/ ser skya'i gzhi na rgyal po zas gtsang rgyal srid byed du bcug ste/ 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba/ 'thab pa
 dang / thab mo dang / rtsod pa dang / 'gyed pa dang / chom rkun med cing / nad rab tu zhi bar gyur pa/ 'bras dang / bu ram shing gi phreng ba dang / ba lang dang / ma he phun sum tshogs pa na/ bu gcig pa la sdug pa bzhin du rgyal srid skyong
 bar byed do/ /de dus gzhan zhig na btsun mo sgyu 'phrul chen po dang lhan cig steng gi khang bzangs kyi gzhi skyes pa med par dong nas/ rol mos rtse bar byed/ dga' bar byed/ dga' dgur spyod par byed do/ /'di ni chos nyid yin te/
 byang chub sems dpa' dga' ldan gyi gnas na bzhugs pa na 'jig rten la gzigs pa lngas gzigs par mdzad do/ /rigs la gzigs pa dang / yul la gzigs pa dang / dus la gzigs pa dang / rgyud la gzigs pa
 dang / bud med la gzigs pa ste/ rgya cher mdo snga ma dang sbyar ro/ /mngon par 'byung ba'i mdo rdzogs so// // rgya gar gyi mkhan po A tsar+ya d+harma shrI b+ha dra dang / zhu chen gyi lo ts+tsha ba dge slong rin chen bzang pos bsgyur cing zhus te gtan la phab pa'o/ /