བོད་ཡིག

e-texts based on the Adarsha Input

'das so/ /de bzhin gshegs pa de dag ni bsod nams dag gi rgyu 'thun pa/ dge ba'i rtsa ba rnams chud mi za ba/ bzod pas brgyan pa/ bsod nams kyi gter rnams kyi gzhi/ dpe byad bzang po rnams kyis spras pa/ mtshan gyi me tog rgyas pa/ spyod yul ran par 'thun pa/ mthong na mi mthun pa med pa/ dad pas mos pa rnams mngon par dga' ba/ shes rab zil gyis mi non pa/ stobs rnams la brdzi ba med pa/ sems can thams cad kyi ston pa/ byang chub sems dpa' rnams kyi yab/ 'phags pa'i gang zag rnams kyi rgyal po/ mya ngan las 'das pa'i grong khyer du 'gro ba rnams kyi ded dpon/ ye shes dpag tu med pa/ spobs pa bsam gyis mi khyab pa/ gsung rnam par dag pa/ dbyangs snyan pa/ sku byad lta bas chog mi shes pa/ sku mtshungs pa med pa/ 'dod pa dag gis ma gos pa/ gzugs dag gis nye bar ma gos pa/ gzugs med pa dag dang ma 'dres pa/ phung po dag las rab tu rnam par grol ba/ khams rnams dang mi ldan pa/ skye mched rnams bsdams pa/ mdud pa rnams shin du bcad pa/ yongs su gdung ba dag las rnam par grol ba/ sred pa las shin du grol ba/ chu bo las rgal ba/ ye shes yongs su rdzogs pa/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi ye shes la gnas pa/ mya ngan las 'das pa la mi gnas pa/ yang dag pa nyid kyi mtha' la gnas pa/ sems can thams cad la gzigs pa'i sa la bzhugs pa ste/ 'di dag ni de bzhin gshegs pa'i ye shes yang dag pa'i che ba'i yon tan yin no/ /'phags pa sangs rgyas rjes su dran pa rdzogs so/ / // rgya gar skad du/ d+harma a nu smr-i ti/ bod skad du/ chos rjes su dran pa/ sangs rgyas dang / byang chub sems dpa' thams cad la phyag 'tshal lo/ /dam pa'i chos ni legs par gsungs pa/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ sangs rgyas bcom ldan 'das kyis chos 'dul ba legs par gsungs pa/ yang dag par thob pa/ nad med pa/ dus chad pa med pa/ nye bar gtod pa/ 'di mthong ba la don yod pa/ mkhas pa rnams kyis rang gis rig par bya ba/ chos 'dul ba legs par bstan pa/ nges par 'byung ba/ rdzogs pa'i byang chub tu 'gro bar byed pa/ mi 'thun pa med cing 'thun pa dang ldan pa/ rten pa dang ldan pa'o/ /rgyun lam chad pa'o/ /chos rjes su dran pa rdzogs so// // @#/ /rgya gar skad du/ sang g+ha a nu ti/ bod skad du/ / dge 'dun rjes su dran pa/ sangs rgyas dang / byang chub sems dpa' thams cad la phyag 'tshal lo/ /'phags pa'i dge 'dun ni legs par zhugs pa/ rigs par zhugs pa/ 'thun par zhugs pa/ drang por zhugs pa/ phyag 'tshal ba'i 'os su gyur pa/ thal mo sbyar ba'i 'os su gyur pa/ yon tan yongs su byang ba chen po/ yon yongs su sbyong ba/ sbyin pa'i 'os su gyur pa/ kun gyi sbyin pa'i 'os su gyur pa'o/ /dge 'dun rjes su dran pa rdzogs so/ / // sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul spong byed na/ ljongs rgyu zhing gshegs pa dang / grong spyil bu can du byon te/ grong spyil bu can gyi grong gi byang phyogs kyi shing sA la'i tshal na/ dge slong gi dge 'dun chen po dang thabs cig tu bzhugs so/ /de nas bcom ldan 'das kyis dge slong rnams la bka' stsal pa/ dge slong dag 'di dag ni tshul khrims yin no/ /'di ni ting nge 'dzin yin no/ /'di ni shes rab yin no/ /dge slong dag tshul khrims la goms par byas na/ ting nge 'dzin la yun ring du gnas par 'gyur ro/ /ting nge 'dzin la