<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
H711: ral pa gyen brdzes kyi rtog pa chen po byang chub sems dpa' chen po'i rnam par 'phrul pa le'u rab 'byams las bcom ldan 'das ma 'phags ma sgrol ma'i rtsa ba'i rtog pa zhes bya ba<br><table><tr><td>
<input type="button" onclick="location.href='tcompletep.php?id=H711&coll=H&volcur=1';" value="show page break" />
<td width=150><td>
<input type="button" onclick="location.href='tcompletel.php?id=H711&coll=H&volcur=1';" value="show line break" />

<td width=150><td>
<a href="tcompleteu.php?coll=H&id=H711&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><a href="tcomplete.php?id=H711&coll=H&volcur=0">volume 1  (rgyud tsa)</a> - <span style="color:red;border: 2px solid red;border-radius: 5px;padding:3px;">volume 2 (rgyud tsha)</span> - <br><br>@##/ /de nas yang bcom ldan 'das de bzhin gshegs pa shAkya
 t hub pa thams cad dang ldan pa'i 'jig rten gyi khams la sangs rgyas kyi spyan
 g yis yang dag par gzigs nas 'khor gyi dkyil 'khor gyi dbus su son
 p a'i byang chub sems dpa' sems dpa' chen po spyan ras gzigs dbang
 @##/ /phyug la bka' stsal pa/ mi dang 'byung po'i dbus gnas pa'i/ /sems
 can rnams la rjes brtse bas/ /dkyil 'khor las can thams cad ni/ /sems dpa'
 chen po smros shig smros/ /sgrol ma'i dkyil 'khor lha rnams dang / /phun tshogs thams
 cad mngon par 'phel/ /sgrub po rnams la phan pa yi/ /don phyir 'dren pas rgyas par
 smros/ /ngo mtshar rmad byung thams cad kyi/ /lus can bar mar gyur pa rnams/ /khyod kyi
 tshig gi mchog gyur pa/ /'byung 'gyur de dag thos nas ni/ /myur du lha rnams sgrub pa la/ /sems can gang du rab zhugs
 pa/ /de nyid du ni sngar bshad pa/ /byang chub sems dpa' blo ldan dang / /sangs rgyas bye ba stong rnams kyis/ /thams
 cad de la rjes yi rang / /dkyil 'khor sdig pa kun 'joms pa/ /dngos grub kun byed dge ba ni/ /sems can rnams
 kyi mgon pos smros/ /sgrol ma'i dkyil 'khor khyod kyi tshig /sems can cho ga yang dag 'gyur/ /dkyil 'khor gang
 'di thos nas ni/ /rab tu dad pa skye bar 'gyur/ /dpal min 'joms shing zhi ba dang / /de bzhin nad dang dgra 'phrog cing / /
 dkyil 'khor sems can thams cad kyi/ /gzi brjid stobs ni rnam par 'phel/ /mthong ngam thos nas de nas ni/ /
 rab tu dad pa skyed par byed/ /gang yin de rnams bdag gis ni/ /sangs rgyas kun gyi byang chub ni/ /thob
 pa'i ched du'ang lung bstan to/ /ma 'ongs sangs rgyas 'byung 'gyur ba/ /'jig rten mgon po rnams kyang ni/ /rjes su yi rang 'gyur
 ba yin/ /dkyil 'khor phun tshogs 'phel byed pa/ /de bzhin yon tan kun sdud pa/ /sgrol ma'i dkyil 'khor rmad byung ba/ /sems
 dpa' chen po 'jig rten mgon/ /yang dag bka' yis smros shig smros/ /de skad ces bka' stsal pa dang / byang chub sems
 d pa' sems dpa' chen po 'phags pa spyan ras gzigs dbang phyug stan las langs nas bla gos phrag pa gcig tu byas nas
 pus mo g.yas pa'i lha ngas la btsugs te/ bcom ldan 'das gang na ba der thal mos phyag btsal nas bcom ldan 'das
 shAkya thub pa la tha mi dad pa'i tshigs su bcad pas bstod pa'i tshig gis mngon par bstod do/ /shAkya'i rgyal po lha yi rgyal/ /phun tshogs yon tan du ma can/ /rab bsngags rdzu
 'phrul rab ma nyams/ /rgyun tu dkar ba'i gos dang ldan/ /mchod sdong zhal ni 'dam skyes dri/ /blo bzang snying po brtan pa 'dzin/ /gang phyir khyod ni phun tshogs nyin/ /'di ni 'gro
 ba de dag gi / dga' bas dga' bar byed pa ni/ /mgon po lha rnams kyi ni ste/ /rang bzhin dran pas kun tu snang / /de yi tshig ni rab rig pa/ /dpa' de chags pa zad pa nyid/ /
 'bras bu gsum nyid 'dzin par byed/ /de de bzhin du de yis ni/ /lha yi mdzes mas kun bsrungs pa/ /brgyad kyis 'di ni dbang zhal las/ /skyes pa'i dpa' bor rab
 stobs dang / /g.yo ba'i spro dga'i dbang po dang / /kun nas gser gyi ri dang ldan/ /cod pa na yang ni lhan cig gdan/ /lha dang lha min lhar bcas pa'i/ /lhag pa'i theg
 pa thams cad kyi/ /'jig rten par do'i srid pa dang / /skye ba khyod kyi srog la sogs/ /byung ba mdzes ldan rang nyid kyi/ /'di yi mig ni dga' ba ste/ /gang rnams zla ba lta
 bur dkar/ /lha rnams kyis bzung ri bong can/ /kund du ku dkar po yi/ /gos ni mnabs nyid tsa ko ra/ /brgya byin 'dab brgya pa yi mig /sa srungs phrag par phyogs gcig
 'gro / bla ma'i ri la ri bong can/ /rgyal po'i dpung ldan brgya byin ni/ /mig brgya brtson 'grus ma nyams pas/ /grangs dang chu gter chu 'byin
 pa/ /tshogs kyi sgra ni dga' ba dang / /dri med spyan ni dga' ba la'ang / /nyi ma'i 'od zer dam pa ni/ /rnam pas bras dang dri 'khor ba/ /bum dkar gang ba so so yi/ /bum
 pa de rnams dbang bskur zhing / /tsan+dan sa mchog yan lag bshad/ /gi wang thig le rnam par bkra /yan lag dam pa yongs 'du ba'i/ /dga' ba mchog gi
 yan lag dang / /lus med gzhom pa'i ched du byas/ /yan lag chags pa byas mtha' las/ /khrus ni stug pos mi 'pho bas/ /gzhan du 'chi med legs pa
 ni/ /de 'og thal mo sbyar ba yi/ /dug gis btab pa smad pa ltar/ /de bzhin gshegs pa'i mchog brjod pa'i/ /char ldan khyod kyi zhal du ni/ /sngon las khyod ni
 lam gyi mgo / dri ma bzhin du spangs pa yang / /me tog ldan pa'i zla ba la/ /rnam par cher phyin longs spyod ldan/ /bcings pa lta bur 'di rnams nyid/ /bcos nas
 sngar med cho ga yis/ /bcu par khyod ni zhi ba ste/ mgon med 'gro ba mtha' yas las/ /gang phyir srid pa mtha' med cing / /dri mas lha dang lha min yang / /de yi brtul
 zhugs phan tshun du/ /dam pa'i spyan gyi 'od kyis snang / /'khyil ba can yangs yan lag mchog /phyogs su lha rnams gnas pa dang / /mi rnams byang chub rnam sangs rgyas
 rab tu byed 'gyur zhes pa ni/ /mi rnams 'byung dang sdud pa'i las/ /de phyir rnams pad chu skyes ni/ /lha yi yan lag dam por son/ /dpa' bo'i yan lag dkris chags
 bral/ /'chi bzhin sa yi lus kyang 'khod/ /kun nas gtod dang kun nas sdud/ /yang dag sa dang phyogs dang ldan/ /rnam bzhi mnyam par byang chub ldan/ /byang chub shing
 drung bdud dpung las/ /rnam par rgyal ba thob pa dang / /sangs rgyas go 'phang 'pho med dang / /klu yi shing gi rtsa ba ru/ /zhe sdang rtsub po'i nags rnams kyis/ /rkang pa
 sdong bu me yi ched/ /rmongs mun dri ma snang byed pa/ /khro bo'i me ni 'bar ba la/ /mi g.yo rab tu sbyin par byed/ /phyag rgya rdo rje lta bu sgom/ /gzhal ba'i 'khri shing gzugs
 brnyan brtan/ /dmar po'i me ni 'bar ba ni/ /'jigs pa'i nyi ltar rnam mdzes pa/ /yan lag stobs bskyed phyag 'tshal bstod/ /de nas byang chub sems dpa' sems dpa'
 c hen po spyan ras gzigs dbang phyug gis bcom ldan 'das la tshigs su bcad pa 'di rnams kyis mngon par bstod nas rang gi stan la 'khod de byang chub sems dpa' chen
 po'i ting nge 'dzin kun tu gzigs pa zhes bya ba la snyoms par zhugs so/ /snyoms par zhugs ma thag tu sems dpa' chen po'i zhal gyi sgo
 nas 'od zer bye ba khrag khrig brgya stong du ma byung ste 'od zer de rnams kyis gang+gA'i bye ma dang mnyam pa'i sangs rgyas kyi zhing rnams kun tu snang bar byas par gyur to/ /dmyal
 ba pa'i sems can thams cad kyang skad cig de dang / yud tsam de la sdug bsngal thams cad dang bral bar gyur to/ /gang sangs rgyas kyi zhing de rnams su bcom ldan
 'das de rnams kyis byang chub sems dpa' spyan ras gzigs dbang phyug la legs so zhes bya ba byin te/ legs so/ /legs so/ /sems dpa' chen po chen po smros
 shig/ mthu chen po/ sems can sdig pa can thams cad dkyil 'khor du dbang bskur ba smros shig /gang gis de lta bu de rnams phyogs bcu mtha' yas pa mu med pa
 rnams su sangs rgyas bcom ldan 'das byang chub sems dpa' dang / nyan thos kyi tshogs kyis yongs su bskor ba dang lhan cig byang chub sems dpa' spyan ras
 gzigs dbang phyug la legs so zhes bya ba gnang ba dang / sa chen po ri dang / nags dang / phug tu bcas pa 'di rab tu g.yos so/ /de nas byang chub sems dpa'
 s ems dpa' chen po spyan ras gzigs dbang phyug byang chub sems dpa' chen po'i ting nge 'dzin de las bzhengs te bcom ldan 'das ma 'phags ma sgrol ma'i sngags bshad
 par brtsams so/ /dang por re zhig bcom ldan 'das ma'i dkyil 'khor gyi slob dpon dam tshig mthong bas slob dpon dang mtshungs pa'i rjes su gnang ba thob cing dad pas
 byang chub tu sems bskyed pa/ sems can rnams kyi stobs dang / stobs ma yin pa shes pa/ ser sna med cing g.yo sgyu med pas nag po med cing ha cang mi sbom/ ha cang mi
 phra ba/ dri ngan pa med pas dbang po ma tshang ba ma yin pa/ mdzes pa/ snying stobs dang ldan pas sbyin pa dang / tshul khrims dang / bzod pa dang / brtson 'grus dang / bsam
 gtan dang / shes rab dang / snying rje dang / yang dag par ldan par gyur pa/ sems can gyi dgongs pa dang / bsam pa shes pa dang / sangs rgyas dang / chos dang / dge
 'dun la mngon par dang pa/ cha mang po mngon par shes pa/ gsal zhing gsal bar smra ba/ dkyil 'khor bri ba'i las la byang ba/ rig gsum gang yang rung ba'i rig pa
 pa sogs pas sngon du bsnyen pa byas pa/ phyag dang / dkyil 'khor gyi rab tu sbyor ba shes pa/ mchod rten gyi las byas pa/ ha cang mi rgan byis pa dang / rigs dma'
 par skyes pa ma yin pa/ gzhon zhing lang tsho dang ldan pa dang / tshul bzang po'i sgrub pa pos gsang ba'i dkyil 'khor bri bar bya'o/ /zhes so/ /de nas
 'di lta bu'i slob dpon gyis bcom ldan 'das ma'i dkyil 'khor gyi cho ga brtsam par bya ste/ nus med 'dul nyes ma yin pa/ /dkyil 'khor yang dag rab sbyar bya/ /rmongs
 pa'i sems dang chags can la/ /dkyil 'khor bstan par yang mi bya/ /gang zhig bslab la yud tsam yang / /lhag par 'gro ba'i lus can des/ /mtho ris thar pa yang
 dag 'grub/ /yid kyi dbang phyug thob par 'gyur/ /byang chub sems ni rjes zhig pa'i/ /dngos grub dmigs pa nyid mi 'gyur/ /byang chub rtsa bar rig thob pa'i/ /sems
 de las ni yang dag brtsam/ /de nas dkyil 'khor slob dpon gyis/ /sangs rgyas chos dang dge 'dun la/ /rab tu dang ba'i sems can rnams/ /bdag nyid kho nar
 rab rtogs bya/ /de la bstan bya'i dkyil 'khor bri/ /de nas dkyil 'khor slob dpon gyis/ /stobs kyis sngon 'dul si tha'i lus/ /cho 'phrul gyi ni zla phyed la/ /
 grong dang grong khyer grong rdal dang / /ljongs rnams su ni byang shar gyi/ /phyogs kyi cha ru mchod yon byin/ /sa yi mthil du de ji ltar/ /sa phyogs sngags la sngags
 'gyur ba/ /snum zhing ljon shing me tog bzang / /'bras bu yang dag mang po can/ /rgyun mi 'chad pa 'bab pa'i phyogs/ /dkar dang ser ba'i sa gzhi la/ /gyo mo bong ba gseg
 ma bral/ /rnga bo che yi sgra dbyangs dang / /lam gyi bzhi mdo dur khrod dang / /lha gzhan yongs su bzung ba dang / /shes shing sdug bsngal rdzogs spangs la/ /gang du kun nas
 rgyang grags lnga'i/ /tshad du chu klung lteng ka dang / /mtsho phran chu bo rab 'bab pa/ /ljon shing mchod rten lha khang dang / /me tog nyid ni dus rgyun tu/ /shin tu rgya chen yang dag
 ldan/ /cho 'phrul phyogs ni gang rung la/ /de nas bcom ldan 'das ma yi/ /dkyil 'khor slob dpon sa phyogs der/ /nyi ma gung la song nas ni/ /ral pa gcig ma'i snying po
 yi/ /mngon par mdzes pa'i las bya'o/ /thog mar rab dag sems can kun/ /byams dang snying rje dang ldan pas/ /dkyil 'khor gnas der yid kyis dmigs/ /dge ba'i
 rig pa gdon par bya/ /sgrol ma'i snying po dam pa dang / /de bzhin dbyangs ni rjes su gdon/ /'dir ni sangs rgyas mchod don du/ /dkyil 'khor lus can kun gyis bri/ /
 phyogs kyis 'gro ba'i gnas su gnas/ /thog mar gtor ma byin byas nas/ /dri yi yam shing yang dag ldan/ /gnas su gnas pas kun zos nas/ /go rim bzhin
 du spyan drangs pa'i/ /dbyangs kyis tshig 'di brjod par bya/ /slob dpon ming ni che ge bdag /bcom ldan 'phags ma sgrol ma yi/ /dkyil
 'khor dag ni bri bar 'tshal/ /bdag dang sems can kun gyis gang / /bdag mthar gdug pa'i sems med pa/ /bskyed cing bkur stir byed pa dang / /sangs rgyas
 bstan la rab dang ba'i/ /sems can rnams la phyir zhing ni/ /mang du rab tu dad pa'i ched/ /dkyil 'khor bri bar bdag 'tshal lo/ /de ltar lan gnyis lan gsum
 brjod/ /de nas sems can de rnams ni/ /dkyil 'khor gyi ni slob dpon gyi/ /mtshan mo mthong ba sbyin par byed/ /de nas bris pa'am gzhan du song / /tho rangs rmi
 lam rnam par spyad/ /sa yi phyogs der song nas ni/ /khru brgya yi ni tshad du yang / /kun nas gru bzhi pa ru bya/ /phyi rol dpag tu med pa yi/ /dkon mchog gsum gyi
 tshad song nas/ /sA la shing dang phub ma dang / /thal ba sol ba so phag dang / /skra dang sen mo mchod sbyin gyi/ /so phag nag po la sogs gang / /gzhan yang
 dkyil 'khor dge ba yi/ /mi dge'i zug rngu thams cad kun/ /lhag ma med par bsal nas ni/ /sa yi gong bu de nyid du/ /gzhan yang chu klung chen po yi/ /'gram
 gnyis sa ni sbyang byas nas/ /rab tu bcug ste tho bas brdung / /tsan+dan chu yis yang dag gtor/ /de ltar byas nas ma ltung ba'i/ /ba byung tsan+dan chu bsres nas/ /khru brgyad pa yi
 phyogs su ni/ /phyi rol gyis kyang khru bcu yis/ /ched du yongs su spyangs pa la/ /gso sbyong byin nas byug tu gzhug /ji srid sa yi phyogs der ni/ /shin tu 'jam zhing shin tu
 ni/ /legs par rdzogs par skyes kyi bar/ /de ltar nyi ma bdun du ni/ /de nas khru bzhi'i tshad du ni/ /grwa bzhi seng ldeng phur bu brgyad/ /sor mo bcu gnyis tshad du bya//
 gzhon nu mas bkal srad bu ni/ /tshon sna lnga pa legs 'jam pa/ /shin tu sra ba bcom ldan ma'i/ /rtsa ba'i snying po lan bdun gyis/ /bsngags pas phur bu la dkris
 nas/ /bdun byas srod la gdab par bya/ /de nas dkyil 'khor slob dpon gyis/ /gtsang ma'i gos ni bgos pa yis/ /dkyil 'khor sa yi dbus de ru/ /rtsa ba nag po
 med pa yi/ /bum blang dri yi chu dang ni/ /me tog sgron mas bkang ba la/ /mgrin par me tog phreng bar dkris/ /a mra'i yal 'dab kha dgab bya/ /pus mo dag ni nges btsugs
 nas/ /rtsa ba'i rig pa bdun byas te/ /yang na nyi shu rtsa gcig brjod/ /de nas phyogs bcur kun bltas nas/ /'di ni bsgrag bya che ge dag /gnas 'dir sangs rgyas mchod
 pa'i phyir/ /sems can kun gyi ting 'dzin ni/ /bsam byas dkyil 'khor bris pa 'dir/ /sangs rgyas phan par mdzad pa kun/ /dkyil 'khor
 du ni byon par mdzod/ /da lta 'dir ni byon nas kyang / /bdag gi mchod yon bzhes su gsol/ /de dbus nyid du brtag bya ba/ /gnas su bris pa'i bcom ldan 'das/ /spyan
 drang bya zhing lha rnams kyi/ /gnas mdor bstan nas brjod par bya/ /dga' ldan du ni byang chub sems/ /'jig rten gzhan du gang gnas pa/ /de bzhin kha ba'i gnas su
 dang / /gang ldan pad+ma'i dbang phyug 'byung / /lcang lo can du nor dbang phyug /ti se ru ni bde byed bshad/ /mchod yon snod ni bkang ba yis/ /de rnams gnas ni rnam
 bsams bya/ /de nas zhal ni srub bsnyen bkur/ /dkyil 'khor las rnams thams cad la/ /ming dang gnas ni yongs nyams na/ /phyin ci log tu ldog par 'gyur//
 de ltar nyi ma bdun du ni/ /nyin re nyin re tsan+dan gyi/ /chu yis byug tu gzhug par bya/ /mtshan mo'i thun la'ang de bzhin bya/ /phar 'dir yo byad thams cad ni/ /rnam
 par 'byor par 'gyur ba yin/ /de la 'di ni brjod bya ste/ /dag pa'i shel dang mtshungs pa yi/ /phye ma rdo rje'i rang bzhin skyes/ /dzi pa'i me tog dang mtshungs pa'i/ /
 phye mas dkyil 'khor kun tu bri/ /pad+ma rA ga ut+pa la/ /phye ma mtha' dag gis gdab bya/ /gur gum chu dang mtshungs pa dang / /puSh+pa rA ga yi dkyil 'khor/ /zar ma'i me tog
 dang mtshungs shing / /de bzhin ma ra ka tas kyang / /de tsam kha dog rin chen ma/ /lcags kyang rung ste ming can lnga/ /yang na dris btags phye mas sam/ /ji ltar snyed pa
 rnams sprul pas/ /rab bkug rin chen phye ma yis/ /yang dag pa yis dngos grub 'dod/ /nor bu mching bu mtshungs min gang / /pad+ma rA gas rnam pa kun/ /dkyil
 'khor yo byad thams cad kyang / /slob dpon gyis ni gzhon nu ma'i/ /lag pas byed du gzhug par bya/ /bram ze rgyal rigs rigs skyes pa/ /byang chub sems ni bskyed pa
 dang / /ma nor skyes pa rab mdzes pa/ /dbang po ma tshang ma yin pa/ /mdor na bud med mtshan nyid dang / /yang dag ldan par skyes pa yis/ /'di 'dra'i gzhon nu ma gcig
 gnyis/ /gsum la gso sbyong sbyin nas ni/ /'o ma'i zas kyis mngon dga' bar/ /byas nas dkar po'i go bgos te/ /dkyil 'khor yo byad thams cad ni/ /byed
 bzhug dkyil 'khor yo byad kun/ /legs bsags so sor brtags pa yis/ /chu dang rnam par dben pa dang / /dge slong 'dul ba byas pa dang / /yongs su sbyang ba
 byas pa dang / /gtsang sbra'i spyod pa sngon 'gro bas/ /slob dpon rang gi lhag gnas ched/ /phye ma thams cad bdug pa dri/ /gtor ma dang ni mar rnams
 ni/ /cho ga can gyis byed du gzhug /de nas slob dpon yo byad kun/ /tshogs nas dkyil 'khor rang nyid bri/ /slob ma yongs su gzung bar gyis/ /de rnams sangs rgyas chos
 dang ni/ /dge slong dge 'dun la rab dang / /yan lag cha shas kun rdzogs pa/ bden par smra dang sbom pa min/ /mdzes pa mthong dang kha dog gtsigs/ /gzung bar mi
 bya gcig gnyis gsum/ /bco brgyad dang ni gzhan bcu drug /de rnams skyabs gsum yongs su 'dzin/ /byang chub sems ni bskyed pa dang / /'o ma'i ston mo bza' ba
 dang / /'o ma'i shing las byung ba yi/ /so shing sor mo brgyad kyi tshad/ /bcom ldan rtsa ba'i snying po yis/ /lan ni nyi shu rtsa bdun du/ /mngon par sngags nas ba yi
 gcin/ /rab sbyar mtshan mo'i thun mtshams su/ /dkyil 'khor sa gzhi phyi rol du/ /shar du mngon phyogs ku sha yis/ /khres la rim pas nyer 'dug nas/ /snying
 bo re re lag par byin/ /rtsa ba'i snying po lan bdun bzlas/ /gtsug tor bcing la'ang bdun bzlas bya/ /de nas so shing de rnams la/ /byin nas rang rang so shing bza'//
 ral gcig ma yi snying po yis/ /lan bdun sngags pa'i dri yi chus/ /spyi bor mngon par gtor bar bya/ /de nas de rnams la brjod bya/ /bcom ldan 'phags pa spyan ras gzigs//
 dbang phyug mchog gi thugs rje can/ /chen po'i mchog ni sbyin pa po/ /bsgral dka' sgrol ba dran par gyis/ /bcom ldan 'das ma sgrol ma yang / /rig pa'i rgyal mo chen mo ste//
 sangs rgyas byang chub sems dpa' kun/ /bskyed par byed ma dran par gyis/ /de yi 'og tu slob dpon gyis/ /slob ma de rnams kun la ni/ /'dod chags bral dang ldan pa'i
 chos/ /brtan par byas nas de rnams mdun/ /shes rab pha rol phyin bklag bya/ /de lta bu yi cho ga yis/ /bud med rnams kyang yongs bzung bya/ /langs nas bu mos bkal ba
 yis/ /srad bu tshon sna lnga pa ni/ /mi mnyam rgyud du bsgrim pa la/ /dri yi chu yis mngon bkrus nas/ /re rer pad+ma'i bgrang phreng gis/ /bsang gtor byas nas rtsa ba yi/ /snying po
 lan grangs nyer gcig tu/ /mngon sngags de la 'dir brjod bya/ /dpal gyi gzhi ni yod pa'i phyir/ /sangs rgyas rnams kyi zhabs mtshan ma/ /byang chub sems dpa' 'byung ba
 ste/ /pad+ma'i bgrang phreng de phyir sngags/ /de nas slob dpon rang nyid kyis/ /slob ma rnams la cha phra mos/ /lag pa la ni bcing bar bya/ /slob ma rnams la gang kho na/ /de
 nyid slob ma bdag nyid bya/ /de nas dkyil 'khor lhag gnas pa/ /shar du mngon phyogs bla gos ni/ /phrag pa gcig tu byas nas ni/ /pus mo g.yas
 pa'i lha nga ni/ /sa la rab tu btsugs byas te/ /rtsa ba'i phyag rgya bcing ba dang / /rtsa ba'i rig pa bzlas par bya/ /sangs rgyas byang chub thams cad dang / /rang rgyal 'phags pa
 nyan thos dang / /lha klu gnod sbyin dri za dang / /lha mo'i dri dang me tog gi /phreng ba yongs su 'dzin pa yis/ /kun la gsol ba gdab par bya/ /dkyil 'khor gyi ni slob dpon
 bdag / che ge mo zhes bya ba yis/ /bcom ldan 'phags ma sgrol ma yi/ /dkyil 'khor bri bar 'tshal lags na/ /de dag rang nyid byon par mdzod/ /sangs rgyas bcom
 ldan 'das kun dang / /byang chub sems dpa' rang sangs rgyas/ /nyan thos lha klu gnod sbyin dang / /dri za lha min nam mkha' lding / /mi'am ci dang lto 'phye che/ /rang gi
 rig pa sngags tshogs kyis/ /yongs bskor sems can thams cad la/ /rjes su brtse bas byon nas kyang / /bdag la rjes su gnang bar mdzod/ /de ltar yang
 gnyis yang gsum du/ /de nas dkyil 'khor slob dpon gyis/ /rtsa ba'i rig pa bzlas pa dang / /dkyil 'khor sa gzhi la bltas nas/ /dbus su me tog phreng ba
 dor/ /gal te me tog phreng g.yo byed/ /de nas byon par shes par bya/ /de nas sangs rgyas byang sems la/ /dri yi chu yis mchod yon dang / /me tog phul cig de nas ni/ /khru
 brgya'i phyi rol sa gzhi la/ /yongs su sbyang ba byas pa ru/ /a pA marga'i yam shing gis/ /me ni rab tu sbar byas nas/ /shar du mngon phyogs ku sha yis/ /rtsa ba'i snying po
 sbrang rtsi zho/ /mar gyi sreg blugs brgyad brgyar dbul/ /de nas sangs rgyas byang sems dang / /lha rnams la yang mchod yon dbul/ /de nas dkyil 'khor phyogs bzhi
 ru/ /gso sbyong yongs su blangs pa yis/ /skyes bu srung ba'i phreng ba dang / /dbang po tshang ba bzhag par bya/ /de la 'dir ni brjod bya ste/ /gang zhig rnam pa gzhan bya ba/ /skyong
 ba bral bar 'gyur ba ste/ /dkyil 'khor dam tshig brgyad rnams ni/ /yang dag 'byung bar mi 'gyur ro/ /de phyir cho ga byas pa yis/ /slob mas dam tshig shes par
 'gyur/ /de nas dkyil 'khor slob dpon gang / /rab gnas slob mas thabs cig tu/ /song nas ku sha bting ba la/ /sangs rgyas byang chub sems dpa' yi/ /tshogs
 kun rjes su dran pa yis/ /g.yas pa'i gzhogs kyis nyal bar bya/ /de nas tho rangs slob dpon gyis/ /gtsang ma shar du kha phyogs pas/ /rmi lam rnam par dpyad
 par bya/ /de la 'di ni brjod bya ste/ /gang zhig tsan+dan bil ba sogs/ /u du ma bA ra sogs n+ya gro d+ha/ /rgyal mtshan phreng bas khyab pa dang / /rmi lam
 rab tu dad pa'ang rung / /kha cig me lce mdzes pa dang / /de ltar mthong ba de dngos grub/ /mchog gi bar du'o ngang pa dang / /kA ran+Da ba krung krung dang / /rma bya ro ha Na rnams
 ni/ /gang zhig de lta bu mthong 'gyur/ /rmi lam bar ma'i dngos grub de/ /myur ba kho nar 'byung bar 'gyur/ /ma 'am ra ha Na yang rung / /de bzhin pi wang thogs pa
 dang / /kuN+Da la sogs pa yang rung / /de bzhin a sogs d+hi mthong na/ /gang yang rmi lam mthong byed pa/ /mi rnams tha ma'i dngos grub de/ /sgrol ma'i rtog par nges
 par bstan/ /gtum po khyi yi lag pa rnams/ /gang gis mthong bar gyur pa dang / /bong bu rnga mo shing rta sogs/ /mthong dang reg pa nyid sogs sam/ /rgya skyegs
 til mar gyis reg pa/ /gang gis rmi lam du 'jug pa/ /de yi dngos grub nges par gnas/ /dam tshig tsam du 'byung bar 'gyur/ /de lta bu sogs yon tan ldan/ /rmi
 lam blo yis rnam dpyad nas/ /de ltar rab blo gang shes nas/ /slob ma de la rmi lam gyi/ /lung du yang ni bstan par bya/ /de nas dkyil 'khor slob dpon ni/ /
 gal te khyim gnas gyur pa'am/ /dge slong dge slong ma dang ni/ /dge bsnyen dge bsnyen ma yang rung / /chen po de rnams gso sbyong ni/ /bzung ste phyi nas slob ma rnams/ /gso
 sbyong yang dag gus par bya/ /slob ma rmi lam mi dge ba/ /bstan bya sngon du sbyin sreg bya/ /de nas dkyil 'khor slob dpon ni/ /snga ma kho nar sa dang ni/ /ras ris mthar ni
 a lA ya/ /zangs las 'byung ba rab zhugs te/ /yang dag 'jog par byed du gzhug /de nas dkyil 'khor sa gzhi la/ /tsan+dan chu yis legs par byug /slob ma thams
 cad gnas gcig tu/ /snying po bsrung ba byas nas ni/ /dkyil 'khor phyi yi gnas gcig tu/ /nyer 'dug dam tshig shes pa rnams/ /nang du rab tu gzhug par bya/ /de nas
 nyi ma nub dus su/ /dkyil 'khor thig ni gdab par bya/ /bu mos bkal ba'i srad bu ni/ /tshon sna lnga pa rtsa ba yi/ /snying po lan bdun sngags byas te/ /dbang ldan phyogs
 nas brtsams nas ni/ /phur bu de rnams srad bus bcings/ /de dag thams cad khru yi tshad/ /gsum byas srad bus yongs dkri bya/ /phyi nas kun tu dung dang ni/ /rnga bo che
 dang rdza rnga dang / /'khor rnga rnam pa sna tshogs pa'i/ /'khar ba dang ni pheg rdob rnams/ /kun nas 'khrol bar byed du gzhug /gdugs dang rgyal mtshan ba dan sogs/ /phyi
 rol du ni dgram par bya/ /dkyil 'khor gru bzhi sgo bzhi pa/ /tshon sna lnga pa'i thig skud kyis/ /khru brgyar byas nas thig gdab bya/ /de lam dkyil
 'khor gnyis pa ste/ /de nas kha dog thams cad pa/ /rtsa ba'i phyag rgya bcing nas ni/ /rtsa ba'i rig pa brgyad brgyar bzlas/ /de nas dkyil 'khor slob dpon ni/ /sangs rgyas
 byang chub sems dpa' kun/ /rang sangs rgyas dang 'phags pa yi/ /nyan thos dge 'dun rnams la ni/ /phyag byas dkyil 'khor khor yug tu/ /rgyang grags lnga pa lhag gnas
 che/ /ral pa gcig pa'i snying po yis/ /gdug pa'i sems can thams cad kyi/ /sems ni bcing bar bya ba'o/ /dkyil 'khor yang ni thams cad kyi/ /slob dpon gyi ni
 yo byad rnams/ /ral gcig snying po nyid kyis ni/ /thog mar bsrung ba byas nas ni/ /byang shar phyogs nas brtsams byas te/ /tshangs pa'i thig ni gdab par bya/ /rtsa ba'i
 rig pa zlos pa nyid/ /dkyil 'khor thams cad mkhas pas bris/ /yongs su bcad cing lus dkar ba'i/ /slob de de bzhin gshegs rnams la/ /phyag rgya rin chen
 phye mas so/ /pad+ma'i rigs la phyag byas te/ /phye ma ser pos bcom ldan ma/ /'phags ma sgrol ma phyag byas nas/ /ljang gu rnams kyis nyan thos kun/ /rang sangs rgyas
 kun phyag byas nas/ /nag pos rdo rje'i rigs la'o/ /de ltar dang pos dkyil 'khor gru bzhi sgo bzhi pa'i snying por ro/ /phyi nas gnyis la khru gnyis kyi tshad du rab tu 'jug par
 byed pa'o/ /gsum pa mtho gang ba de'i nyis 'gyur ro/ /de ltar thams cad du rim gyis bris nas nang gi dkyil 'khor du bri bar 'dod pas sangs rgyas bcom ldan 'das dang /
 byang chub sems dpa' dang / rang sangs rgyas thams cad der rang byon par mdzad du gsol/ 'bru thams cad dang / rin po che thams cad dang / sman thams cad dang /
 dri dang / me tog thams cad dang / tsan+dan gyi chus yongs su bkang ba/ mA Sha'i yal 'dab kyis kha bkang pa/ du ku la'i ras dkar pos mgrin pa bcings pa/ gser dang /
 dngul las byung pa/ dkyil 'khor de'i yo byad thams cad ras ris gnyis pa'i mthar me tog gi phreng bas dkris nas rtsa ba'i rig pas bsngags pa de rnam par rgyal ba'i
 bum pa zhes bya ba ste snying po'i dkyil 'khor gyi dbus su bzhag par bya'o/ /de la 'di brjod par bya ste/ /dam tshig don dang bsod nams don/ /'dod don so sor dmigs
 byed du/ /sdom pa gzung bar byas gyur nas/ /gang du gnas pa thams cad nas/ /dkyil 'khor mchog 'di bri bar bya/ /gzhan gyis mi thub thugs rje che/ /sangs rgyas
 byams pa spyan mar bcas/ /'di rnams ming ni kun drang nas/ /de bzhin gshegs pa bri bar bya/ /'jig rten gsum rgyal dkar mor grags//
 de bzhin du ni khro gnyer can/ /khros ma zhes ni grags pa ste/ /'di rnams ming ni kun dran nas/ /spyan ras gzigs ni bri bar bya/ /rig pa mchog las slar 'jigs
 byed/ /rdo rje ser skya rdo rje ni/ /drag por bzhed dang seng+ge dang / /de bzhin rdo rje khu tshur nyid/ /'di rnams ming ni kun nas ni/ /phyag na rdo rje kun tu bri/ /de nas dkyil 'khor
 slob dpon gyis snying po'i dkyil 'khor gyi dbus su phye ma dkar po dang / yungs kar dkar po bsres pas sangs rgyas bcom ldan 'das rin po che'i seng+ge'i gdan la nye
 bar bzhugs pa/ chos ston par mdzad bzhin pa/ 'od kyi dkyil 'khor 'od kun tu 'phro ba/ gtsug tor nas 'od zer 'byung bzhin pa'i bcom ldan 'das rnam pa mchog
 thams cad dang ldan pa skyes bu chen po'i mtshan gyis brgyan pa dang por bris shig / bcom ldan 'das kyi steng gi gzhogs gnyis su phye ma ser po dang / pad+ma ge sar
 phan tshun bsres pas gtsug tor gyi rgyal po rnams kun nas 'bar ba'i phreng bas 'khrugs pa/ 'khor los bsgyur ba'i rgyal po chen po'i gzugs dang / cha byad dang /
 dbyibs kyi rnam pa can/ rab tu dang ba'i sku de bzhin gshegs pa la mngon par phyogs pa/ sa bon gyis gang ba dang / 'bras bu phyag na bsnams pa la/ 'di lta ste/ bcom
 ldan 'das rgyal ba'i gtsug tor dang / 'khor los bsgyur ba dang / kun nas 'bar ba'i gtsug tor dang / gdugs dkar po dang / gzi brjid phung po dang / nor bu'i phung po
 dang / gser gyi phung po dang / rnam par grags pa'i phung po dang / kun nas phung po dang / nyon mongs pa dang / nye ba'i nyon mongs pa'i phung po dang / ma nor ba de bzhin nyid
 kyi phung po dang / rtag pa'i phung po dang / dngos po med pa'i rang bzhin gyi phung po dang / thams cad phung po dang / sgra dbyangs snyan pa'i phung po dang / 'jig rten gsum pa'i
 phung po dang / mtha' yas phung po dang / bsod nams phung po dang / lha'i phung po zhes pa 'di rnams g.yas kyi gzhogs su nye bar bzhugs pa'o/ /g.yon du/ 'di lta ste/
 bcom ldan 'das rgyal ba'i gtsug tor dang / mngon par 'phags pa dang / rnam par rgyal ba'i gtsug tor dang / mngon par mtho ba dang / sa'i 'dab ma dang / 'dab ma
 brgya pa dang / 'dab ma stong pa dang / 'od zer dang / 'od zer chen po dang / dri ma med pa'i 'od zer dang / bkod pa'i 'od zer dang / dkar po'i 'od zer dang / pad+ma'i 'od
 zer dang / bkod pa'i gtsug tor dang / bdud bzhi rnam par 'dul ba'i gtsug tor dang / gtsug tor mngon par 'phags pa dang / bsam gyis
 mi khyab pa'i gtsug tor zhes pa 'di rnams dang / de bzhin gshegs pa'i nus pa dang / lung bstan pa zhes gtsug tor gyi rgyal po 'di rnams g.yon gyi steng du bri bar bya'o/ /
 gtsug tor 'khor los bsgyur ba'i nye logs su phreng gcig la brten pa'i rig pa'i rgyal mo chen mo brgyad bri ste/ bcom ldan 'das ma spyan ma dang / mdzod spu dang / zla
 ba dang / snying rje ma dang / byams pa ma dang / mi 'jigs ma dang / lung bstan ma dang / de bzhin gshegs pa'i nus pa zhes bya ba 'di rnams pad+ma'i gdan la
 gnas pa/ 'bar ba'i phreng ba'i 'khrugs pa/ rab tu dang ba'i sku de bzhin gshegs pa'i dri ma dang / de bzhin gshegs pa'i 'od kyi dra ba dang / de bzhin gshegs pa'i kun
 tu snang ba dang / de bzhin gshegs pa'i snying po dang / de bzhin gshegs pa'i nye ba'i snying po zhes pa 'di rnams pad+ma'i gdan la gnas pa 'bar ba'i phreng bas 'khrugs pa/ rab
 tu dang ba'i sku cung zad de bzhin gshegs pa la nges par rtog bzhin pa/ rang gi gzugs las rab tu snang ba'i sku bri'o/ /gtsug tor 'khor los bsgyur ba'i 'og tu de
 bzhin gshegs pa'i khro bo gzhan gyis mi thub pa chen po khro bo'i gzugs can pad+ma'i gdan la bzhugs pa/ kun nas 'od kyi dkyil 'khor can/ rtse gsum dang / zhags pas
 phyag brel pa/ cung zad de bzhin gshegs pa'i gzugs brnyan la blta ba'o/ /gzhan du rgyal ba'i gtsug tor gyi nye logs su phreng gcig la brten pa'i rig pa'i rgyal mo chen
 mo brgyad la/ 'di lta ste/ bcom ldan 'das ma gzhan gyi mi thub ma dang / phyi nas dge sbyong ma dang / de bzhin gshegs pa'i mdzes ma dang / sangs rgyas dkar mo dang /
 de bzhin gshegs ma sems ma dang / de bzhin gshegs pa lcags kyus 'gugs ma zhes pa 'di rnams pad+ma'i gdan la gnas pa/ 'od kyi dkyil 'khor gyi sku'o/ /de bzhin
 gshegs pa la mngon par phyogs pa'o/ /'di rnams kyi steng du gsang sngags kyi rgyal po brgyad la/ 'di lta ste/ bcom ldan 'das de bzhin gshegs pa'i mtha' dang / de bzhin
 gshegs pa'i kun tu snang ba dang / de bzhin gshegs pa'i mkhyen pa dang / de bzhin gshegs pa'i 'jig rten gsum dang / de bzhin gshegs pa'i 'dus pa dang / de bzhin
 gshegs pa'i sku dang / de bzhin gshegs pa'i sprul pa dang / de bzhin gshegs pa'i 'jig rten zhes pa 'di rnams kun nas 'od kyi dkyil 'khor gyis yongs su bskor ba/
 pad+ma'i gdan la gnas pa/ rab tu dang ba'i sku/ de bzhin gshegs pa'i gzugs brnyan la lta bar gyur pa'o/ /rgyal ba'i gtsug tor gyi 'og tu
 de bzhin gshegs pa'i yan lag dang ldan pa'i zhes bya ba'i rig pa'i rgyal po kun nas 'od pad+ma'i gdan la gnas pa/ phyag na pad+ma ste de rnams thams cad lha'i gzugs
 g.yas pas sa bon gyis gang ba dang / phyag g.yon pas mchog sbyin pa/ rang gi cha byad kyis kun tu gnas par yang ngo / /gtsug tor gyi rgyal po'i steng du rang sangs
 rgyas brgyad ji ltar rig par bri bar bya'o/ /'di lta ste/ bcom ldan 'das snyan grags zhes bya ba'i rang sangs rgyas dang / steng gi drang srong dang / drang srong chen po dang /
 lha'i drang srong dang / mA da ra dang / brtsegs pa dang / legs par brtsegs pa dang / brtsegs pa chen po zhes pa rang sangs rgyas brgyad po 'di rnams pad+ma'i gdan la
 skyil mo krung gis nye bar 'dug pa/ ting nge 'dzin la snyoms par zhugs pa/ 'bar ba'i phreng bas 'khrugs pa/ bla gos ser po can no/ /bcom ldan 'das kyi 'og
 tu yid bzhin gyi nor bu'i phyag rgya'o/ /g.yon du snam sbyar ro/ /mdun gyi 'og tu chos kyi 'khor lo rtsibs bcu gnyis pa/ kun nas 'bar ba'i phreng bas 'khrugs
 pa pad+ma'i 'dab ma brgyad pa la gnas pa'o/ /de'i yang nye logs su khro bo'i rgyal po sgrol mas non pa zhes bya ba/ ral pa'i cod pan 'chang ba/ pad+ma'i gdan la gnas pa dang /
 bcom ldan 'das ma 'phags ma sgrol ma'i bka' nod par byed bzhin pa'i 'og tu pad+ma rigs mdzes ma zhes bya ba'i rig pa'i rgyal mo bri bar bya'o/ /pad+ma'i gdan la nye bar
 'dug pa/ ral pa'i cod pan 'chang ba/ dar la dang / ras kyi smad g.yogs dang / stod g.yogs can/ thal mo sbyar ba byas pa/ cung zad sgrol ma'i gzugs la lta bar
 gyur pa/ bka' nod par byed bzhin pa'o/ /de'i gong du pad+ma chen po zhes bya ba'i khro bo mdog dmar po/ kun nas 'bar ba'i phreng bas 'khrugs pa/ pad+ma'i gdan la nye bar
 'dug pa/ bcom ldan 'das ma 'phags ma sgrol ma'i bka' nod par byed bzhin pa'o/ /khro bo'i rgyal po de rnams thams cad kun nas 'bar ba chen po'i 'od kyi dkyil
 'khor dang rnam par 'gyur pa'i gzugs 'chang ba/ dar dang / ras kyi smad g.yogs can/ rgyan thams cad kyis rnam par brgyan pa'i lus su bya'o/ /sgrol ma'i g.yon gyi
 gzhogs su byang chub sems dpa' mthu chen thob sku mdog dkar po ral ba'i cod pan 'chang ba/ rgyan thams cad kyis rnam par brgyan pa/ dar la'i stod g.yogs
 can/ dar la dang / ras kyi smad g.yogs dang / pad+ma'i gdan la gnas pa/ bcom ldan 'das shAkya thub pa la phyag 'tshal bzhin pa'o/ /spyan ras
 gzigs dbang phyug gi pad+ma'i 'og tu byang chub sems dpa' dri ma med pa 'gro ba zhes bya ba bri yang ku ltar sngo bsangs/ cung zad 'dzum pa'i bzhin dang / pad+ma'i gdan
 la nye bar 'dug pa/ ral pa'i cod pan 'chang ba/ g.yo ba dang bcas pa'i smad g.yogs dang / dar la'i stod g.yogs 'chang ba/ shin tu dang ba'i sku/ 'od zer 'bar
 ba/ bcom ldan 'das shAkya thub pa la phyag 'tshal bzhin pa'o/ /dri ma med pa 'gro ba'i steng gi g.yon du bcom ldan 'das spyan ras gzigs dbang phyug dbyug pa dang /
 ril ba spyi blugs dang / bgrang phreng dang / g.yang gzhi nag po can dang / rab tu dang ba'i sku 'bar ba'i phreng bas 'khrugs pa bya'o/ /de'i 'og tu 'dod pa phun tshogs
 byed pa pad+ma'i gdan la gnas pa/ sku dkar po/ pad+ma'i sdong bus dkris pa'i lus can/ phyag g.yon pas pad+ma dang / g.yas pas yid bzhin gyi nor bu phyag tu
 bkod pa/ 'bar ba'i phreng bas 'khrugs pa/ cung zad 'dzum pa'i bzhin ras can/ phyag na rdo rje'i g.yas kyi snam bu gcig la rig pa'i rgyal po chen po bri bar bya'o//
 'di lta ste/ bcom ldan 'das rig pa mchog dang / nyal ba dang / legs par grub par byed pa dang / rdo rje sde dang / dpung bzang dang / ral pa gyen brdzes dang / rig pa bzang po
 dang / legs 'grub dang / sde bzang dang / stobs po che dang / rnam par 'joms pa dang / ki lI ki la dang / mchog dang / legs 'dul dang / 'gro lding ba dang / sngon rabs
 dang / rin chen ke lI dang / byis pa'i ke lI dang / legs par ke lI dang / legs par gang ba dang / gang ba chen po dang / lha mthar byed dang / rdo rje chen po dang / 'bar ba
 zhes pa nyi shu rtsa bzhi po 'di rnams sngags kyi rgyal po chen po ste kun nas 'bar ba'i phreng bas 'khrugs pa/ rma bya la nye bar 'dug pa/ ut+pa la ltar sngo bsangs/ bzhin cung zad
 khro gnyer du byas pa/ phyag g.yon pas bcom ldan 'das shAkya thub pa la phyag 'tshal bar byed bzhin pa'o/ /'di dag gi 'og tu rig pa'i rgyal mo chen mo bri bar bya ste/ 'di lta
 ste/ bcom ldan 'das mA ma kI dang / rdo rje lcags kyu ma dang / rdo rje lcags sgrog ma dang / rdo rje rgyal ma dang / rdo rje rnam par rgyal ma dang / dmar po ldan ma dang / grags
 ldan ma dang / bi shi ni rdo rje spyan ma dang / rdo rje khro gnyer ma dang / rdo rje khu tshur ma dang / rdo rje mi 'jigs ma dang / rdo rje phreng ba ma dang / rdo rje sgra ldan ma dang / rdo rje dge legs
 ma dang / rdo rje 'dzin ma dang / rdo rje ma mo dang / rdo rje gzhan gyis mi thub ma dang / rdo rje gnam lcags ma dang / dus kyi rdo rje ma dang / rdo rje gtsug
 phud ma dang / rdo rje bka' bsgo chen mo dang / rdo rje 'od dang / rgyal ba ldan ma dang / rdo rje gzugs ldan ma dang / rdo rje spyan ma zhes pa nyi shu rtsa bzhi po 'di rnams rdo rje'i
 rigs kyi rig pa'i rgyal mo chen mo ste rma bya la nye bar 'dug pa/ ut+pa la ltar sngo bsangs/ kun nas 'bar ba'i phreng bas 'khrugs pa/ cung zad bzhin khro gnyer dang
 ldan par byas pa dang / dar dang / ras kyi sham thabs dang / dar la'i stod g.yogs mnabs pa/ g.yon pa rdo rje dang / g.yas pa bcom ldan 'das shAkya thub
 pa la phyag 'tshal bzhin pa/ lhas bstod pa'i gzugs 'chang ba'o/ /de rnams de bzhin gshegs pa'i gzugs brnyan la lta bar gyur pa/ rang gi gzugs dang /
 cha byad dang / dbyibs bzhin du bri bar bya'o/ /bcom ldan 'das kyi g.yas kyi gzhogs su 'phags pa spyan ras gzigs dbang phyug ston ka'i sprin ltar dkar ba/
 ral pa'i cod pan 'chang ba/ 'od dpag med dbus su bzhugs pa/ dar la'i stod g.yogs can/ dar la dang / ras kyi sham thabs can/ rgyan thams cad kyis
 rnam par brgyan pa/ phyag g.yon pas pad+ma'i phyag rgya/ g.yas pas bcom ldan 'das la rnga yab g.yob par byed pa/ pad+ma'i gdan la sems dpa' chen po'i mtshan gyis brgyan
 par byas pa'i lus can/ cung zad de bzhin gshegs pa'i gzugs brnyan la lta ba'o/ /bcom ldan 'das kyi g.yon du 'phags pa phyag na rdo rje ut+pa la sngon po'i 'dab ma'i kha
 dog can/ pad+ma'i gdan la rgyan thams cad kyis rnam par brgyan pa/ rab tu dang ba'i sku/ dar dang / ras kyi sham thabs can/ stod g.yogs dmar po mnabs pa/
 phyag g.yas pas bcom ldan 'das shAkya thub pa la phyag 'tshal bzhin pa/ phyag g.yon pas rnga yab kyis brel ba/ 'bar bas 'khrugs pa'i spyan cung zad de bzhin gshegs
 pa'i gzugs brnyan la lta bar gyur pa'o/ /spyan ras gzigs dbang phyug gi g.yas su bcom ldan 'das ma sgrol ma chen po pri yang ku ltar sngo bsangs ma/ kun nas 'bar
 ba'i phreng bas 'khrugs pa/ rab tu dang ba'i sku/ pad+ma'i gdan la gnas pa/ cung zad 'dzum bzhin pa/ dar dang / ras kyi sham thabs can/ stod g.yogs dmar
 po mnabs pa/ phyag g.yon pas ut+pa la yongs su bzung nas g.yas pas bcom ldan 'das shAkya thub pa la phyag 'tshal bzhin pa/ lus cung zad 'dud pa/ lang tsho
 dang po can/ ha cang mi sbom/ ha cang mi phra ba'i bcom ldan 'das ma sgrol ma bri bar bya'o/ /'phags pa spyan ras gzigs kyi g.yas su phreng gcig
 la brten pa'i rig pa'i rgyal po chen po bco brgyad la/ 'di lta ste/ bcom ldan 'das phyag mtha' yas pa dang / phyag stong pa dang / phyag brgya pa dang / phyag bcu gnyis pa
 dang / phyag drug pa dang / phyag bzhi pa dang / zhabs stong pa dang / zhabs brgya pa dang / zhabs bcu gnyis pa dang / zhabs drug pa dang / zhabs bzhi pa dang / rta mgrin
 dang / don yod zhags pa dang / 'od zer stong gis rnam par snang ba dang / mgrin pa dkar pos 'jig rten gsum las rnam par rgyal ba dang / mtha' yas rnam rgyal
 dang / rnam rgyal chen po dang / lha'i mtha' dang / mtha' dpag tu med pa dang / yid kyi shing rta dang / mi 'jigs pa sbyin pa zhes pa rig pa'i rgyal po chen po 'di rnams
 pad+ma'i rigs kyi gtso bo srid par 'jug pa nye bar spyod par byed pa/ kun nas 'bar ba'i phreng bas 'khrugs pa/ pad+ma'i lus kyis nye bar bskor ba'i lus phyag na pad+ma
 dang / g.yas pas mchog sbyin pa/ cung zad sgrol ma la lta bar gyur pa'o/ /bcom ldan 'das 'phags ma sgrol ma'i nye logs su gos dkar mo pad+ma'i gdan la nye
 bar 'dug pa/ rab tu dang ba'i sku/ ral pa'i cod pan 'chang ba/ de bzhin gshegs pa'i gzugs brnyan la lta bar gyur pa/ phyag na pad+ma rab tu rgyas pa dang / g.yas pas bgrang
 phreng bsnams pa'o/ /de'ang g.yas su phreng cig la brten pa'i pad+ma'i rigs kyi las kyi gtso mo bcu bzhi bri bar bya ba la/ 'di lta ste/ bcom ldan 'das ma khro gnyer can dang /
 dkar mo dang / dkar mo chen mo dang / dpal mdun ma dang / pad+ma go bo rig dang / grags ldan ma dang / sangs rgyas dpa' ba'i zla ba ma dang / longs spyod ldan ma dang / bde
 ldan ma dang / grags pa ldan ma dang / shes rab gos can ma dang / stobs gcig ma dang / stobs mang po dang / stobs bcu ma dang / sangs rgyas kyi yum dang / byang chub
 kyi yan lag gi yu ma zhes pa 'di rnams rig pa'i rgyal mo chen mo ste/ kun nas 'bar ba'i phreng bas 'khrugs pa/ pad+ma'i gdan la gnas pa/ rgyan thams cad kyis rnam par
 brgyan pa/ lha'i bud med kyi cha byad 'chang ba/ rab tu dang ba'i sku/ cung zad sgrol ma'i gzugs brnyan la lta bar gyur pa'o/ /pad+ma bsnams shing g.yas pas mchog sbyin
 pa/ rang gi gzugs su bri bar bya'o/ /sgrol ma'i 'og tu ci bgyi zhes bya ba bcom ldan 'das las 'phags ma sgrol ma'i khro bo chen po zhal bzhi pa/ phyag bzhi pa pad+ma'i
 gdan la gnas pa/ lus brtan pa/ nag po mthar byed pa'i gzugs can/ khro gnyer du byas pa/ mche ba gtsigs pa/ zhal gcig gis drag
 tu bzhad pas gdangs bzhin pa/ gnyis pa de bzhin gshegs pa la lta bzhin pa/ dang pos sgrol ma lta ba'o/ /phyag dang pos rin po che mthong ba 'byin par byed bzhin
 pa/ g.yon dang pos zhags pa bsnams pa/ bcom ldan 'das ma sgrol ma'i bka' nod par byed bzhin pa'o/ /de'i 'ang g.yas su khro bo chen po sgrol mas non pa zhes
 bya ba lha chen po la nye bar 'dug pa/ pad+ma'i chu bas dkris pa'i lus can/ ut+pa la ltar sngo bsangs/ bcom ldan 'das ma 'phags ma sgrol ma'i bka' nod par
 byed bzhin pa bri bar bya'o/ /'jug pa dang / dbang bskur ba'i cho ga thams cad sngar brjod pa kho na'o/ /ral pa gyen brdzes kyi rgyud phyi ma'i dkyil 'khor chen po'i cho
 ga'o/ / //de nas byang chub sems dpa' sems dpa' chen po spyan ras gzigs dbang phyug gis bcom ldan 'das la 'di skad ces gsol to/ /bcom
 ldan 'das/ ral pa gyen brdzes kyi rtog pa'i rgyal po chen por rang gi snying po sbyin par bgyi'o/ /gang gis brjod pa tsam gyis de bzhin gshegs pa thams cad kyi ting
 nge 'dzin mngon du 'gyur ro/ /'jigs pa dang / nye bar 'tshe ba dang / nad 'go ba thams cad rab tu zhi bar byed do/ /de nas bcom ldan 'das kyis byang chub sems dpa' sems
 dpa' chen po 'phags pa spyan ras gzigs dbang phyug la legs so zhes bya ba byin te/ spyan ras gzigs dbang phyug /legs so/ /khyod kyis smros shig /de nas byang chub
 sems dpa' spyan ras gzigs dbang phyug gis rang gi snying po'i dkyil 'khor 'di gsungs so/ /de nas 'di las dkyil 'khor che/ /dam pa yang dag rab 'chad byed/ /
 dkyil 'khor chen po'i rnam pa ru/ /phyi yi dkyil 'khor kun tu bri/ /de yi dbus su srad bu mnyam/ /gru bzhi yongs su bskor bar bya/ /gnyis par 'joms pa po song ste//
 dkyil 'khor dam pa bri bar bya/ /dkyil 'khor brgyad kyi tshul gyis ni/ /ri mo bzhi po rnams kyang ngo / /pad+ma 'dab brgyad bri bar bya/ /pad+ma yi ge ze'u 'bru la/ /'jig rten mgon
 po dgod par bya/ /pad+ma'i 'dab ma'i phreng ba rnams/ /sangs rgyas gzugs brnyan kun tu bri/ /de ru slob dpon rab bzhugs nas/ /pad+ma chen po'i phyag rgya mchog /dkyil
 'khor gnas la nyer 'dug pas/ /mnyam par gzhag pas mnyam par dgod/ /ji ltar chu la pad+ma gang / /gnas kyi nyes pa mang pos kyang / /gos par mi 'gyur de bzhin
 'dir/ /'gro la chags pas yang dag byed/ /lan gcig 'di gsungs dper brjod nas/ /de nas lcags kyu mchog dag gis/ /yang dag bkug
 nas pad+ma che/ /spyan ras gzigs dbang grol bar 'gyur/ /de la 'di ni pad+ma'i lcags kyu chen po'o/ /oM mahA pad+mo hUM dza hrI/ /de nas bcom ldan 'das 'phags pa spyan
 ras gzigs dbang phyug 'ongs nas slob dpon la mthong ba sbyin par byed do/ /yang na 'od zer gtong bar byed do/ /de nas 'di nyid kyi phyag rgyas slob ma rab tu gzhug par
 bya ste/ dar dkar pos gos dkar po dang / gtsug tor dkar pos mgo bo dkri bar bya'o/ /'di nyid 'jig rten du rab tu brjod nas de nas smros shig ces so/ /de nas pad+ma lag
 pa g.yon du byin nas g.yas pas chu snod byin te 'di skad ces brjod par bya'o/ /sangs rgyas thams cad pad+ma che/ /pad+ma'i dkyil 'khor dam pa ni/ /'phags pa spyan ras
 gzigs dbang phyug / de nyid lhan cig brtag par bya zhes so/ /de nas phyag rgya chen po bcing ba dang / ting nge 'dzin yang bslab par bya'o/ /de bzhin gshegs pa'i pad+ma
 zhes bya ba'i dkyil 'khor chen po'o/ /de nas pad+ma'i dkyil 'khor 'byung ste de bzhin du dkyil 'khor bris nas dbus kyi ze 'bru la nye bar 'dug ste stong phrag brgya bzlas
 par bya'o/ /de bzhin gshegs pa thams cad kyi ting nge 'dzin ni pad+ma'i 'dab ma rgyas pa de la kun tu gzigs par byed pa 'phags pa spyan ras gzigs dbang phyug nyid thob
 par byed do/ /zhes pad+ma'i dkyil 'khor ro/ /de nas dam tshig gi dkyil 'khor 'byung ste de bzhin kho nar dkyil 'khor brtag par byas nas dbus su pad+ma stong dgod du gzhug
 go / de nas pad+ma stong po de bcom ldan 'das la dbul bar bya ste lan re lan re yongs su bzlas nas so/ /de nas slob ma rab tu bcug nas dam tshig brjod par bya'o/ /bu dang
 slob ma'i ched du yang / /dam tshig nyams par mi bya ste/ /dam tshig bdag la brjod par bya/ /gang phyir pad+ma'i rnam pa las/ /'dod pa'i 'dod chags thams cad dag /
 dam tshig gi ni dkyil 'khor ro/ /las kyi dkyil 'khor bri bar bya/ /mchod pa rnam pa bzhi yis ni/ /sangs rgyas thams cad yid kyis mchod/ /lus kyis spyan ras
 gzigs mgon la/ /dag gis phyag na rdo rje la/ /las las nam mkha'i snying por skyes/ /ji ltar sgrub thabs cho gar 'gyur/ /bcom ldan 'das 'phags pa spyan ras
 gzigs dbang phyug ri rab lhun po'i ri'i rtse mor 'khod pa rang gi ting nge 'dzin gyis kun tu gnas pa'i sku thams cad nas de bzhin gshegs pa'i sku brgyad do zhes so/ /
 de nas dkar po'i phyogs kyi tshes gcig nas brtsams te rtag tu thams cad dag pa'i ting nge 'dzin gyis rgyun tu bzlas bas ji srid 'phags pa spyan
 ras gzigs dbang phyug mngon du gyur pa de srid du bzlas par bya'o/ /de bzhin gshegs pa'i sku rnams 'phros nas sgrub pa po'i pad+ma'i dbus su 'khod de slar yang de
 nas sangs rgyas kyi sku gzhan 'byung ste sgrub pa po la mngon par dbang bskur ba gnas shing brtan par 'gyur ro/ /de nas bdag gi dngos po thams cad spyan ras gzigs
 dbang phyug dang mtshungs pa skad cig de la bde ba dang ldan pa dang / ji srid du 'phur bar byed do/ /sems can thams cad dbang du 'gyur zhing tshe dpag tu med par
 'gyur ro zhes so/ /de nas sgrub pa gzhan dang / las chen po thams cad 'byung ste 'bum bzlas pas las kyi sgrib pa thams cad rnam par dag par 'gyur ro/ /'bum
 phrag gnyis bzlas pas mtshams med pa la sogs pa'i sdig pa thams cad lhag ma med par zad par 'gyur ro/ /'bum phrag gsum bzlas pas bsod nams thams
 cad mngon du 'gyur ro/ /de nas gnod sbyin gyi dngos grub thams cad dang / de bzhin gshegs pa la sogs pa'i phun sum tshogs pa thams cad ni 'bum phrag sum
 cu rtsa lnga bzlas pas thams cad mkhyen pa'i ye shes kyang mngon du 'gyur ro/ /de nas phyag rgya chen po ni mchod rten stong phrag brgya byas nas mthar cho gas mtshan thog thag tu
 bzlas par bya'o/ /de nas tho rangs de bzhin gshegs pa thams cad byon nas snying gar rab tu 'jug par byed do/ /de nas byang chub sems dpa' so sor rnyed do/ /de nas zhal
 du rab tu 'jug par byed do/ /de nas spyan ras gzigs dbang phyug so sor rnyed do/ /ma bsgrubs par yang las thams cad du 'gyur ro/ /thog mar brjod pas gzhan gyi
 grong dang / grong khyer srung ba dang / mdzes par spyan drangs pas thams cad bya'o/ /'bebs pa la tsan+dan gyi bdug pas gdon 'bebs so/ /shi rIShA'i me tog gis sems
 can dbang du byed do/ /dri bzang po'i me tog gis sems can thams cad rengs par byed do/ /sa dkar pos bud med do/ /dri zhim po'i me tog gis chom rkun rengs pa'o/ /
 yungs kar dkar po'i sbyin sreg gis ri dwags dang / bya rengs so/ /yungs kar dkar po gtor bas mig 'phrul ston par byed do/ /rma bya'i nu mas rmi lam ston par byed
 do/ /dus gsum du bzlas pas rmi lam ngan pa 'joms par byed do/ /til gyi sbyin sreg gis sems can thams cad rengs par byed do/ /bya gag gi gshog pa'i sbyin
 sreg gis rgyal po dbang du byed do/ /rgyal po 'khyil ba'i me tog gi sbyin sreg gis 'dod pa thams cad dbang du byed do/ /bcom ldan 'das 'phags
 pa spyan ras gzigs dbang phyug la mchod pa byas nas mtshan mo brgyad smyung bar gnas pas bzlas pa bya'o/ /de nas 'dod pa thams cad thob par 'gyur ro/ /rgyal po'i
 btsun mo'i mchog dbang du byed pa la bud med kyi dbang po'i spu'i sbyin sreg gis so/ /bu mo dbang du byed pa la'ang ngo / /don gzhan la'ang sbyin sreg dang bcas pas spyan
 ras gzigs dbang gi mdun du nyi ma re rer dus gsum du bzlas pa bya'o/ /ral pa gyen brdzes kyi rgyud phyi ma las/ chen po thams cad kyi rgyu 'phrul lo// //
 de nas sems dpa' chen pos ting nge 'dzin de nyid sgom bzhin du khro bo'i rgyal po sgrol mas non pa'i mnyam par 'dzin pa'i gsang ba'i dkyil 'khor gsungs so/ /
 khru lnga pa dang sgo bzhi dang / /sgo khyud rta babs nges gnas pa/ /phyi rol pad+ma'i rnam par bya/ /de nas kun nas grwa rnams su'ang / /de ni legs par bsams byas nas/ /
 nang gi dkyil 'khor bri bar bya/ /sngar brjod snying po 'di yis ni/ /zlos bzhin 'di ni bsrung ba dang / /dkar po dmar po ser po dang / /nag po ljang gu'i tshon sna
 lnga'i/ /phye ma 'jam po rnams kyis ni/ /sgrol ma'i rig pas mngon sngags pas/ /bsgrub bya bcom ldan 'das ni bya/ /khro bo'i rgyal po mdun du ste/ /g.yon du ral pa
 gcig ma bya/ /g.yas su 'dam skyes phyi rol gyi/ /sgo khyud snying por ji rigs grub/ /yongs su 'dod pas rdo rigs bya/ /dri yi phye mas yongs su bya/ /rdo rje khu tshur stobs
 po che/ /gang du 'jig rten gsum cho ga /rdo rje 'chang chen 'dod pa yis/ /'das pas rnam par thim par 'gyur/ /khu tshur rdo rje khu tshur bcas/ /de ni g.yas kyi sgo khang
 du/ /stobs po che ni rab bzhag nas/ /nya yis mgrin par stobs po che/ /nub phyogs su ni bya ba'o/ /g.yas kyi phyi yi sgo khang du/ /de bzhin dbang phyug chen po bya/ /de la
 mdung gi phyag rgya dgod/ /ji 'dra'i u ma bri bar bya/ /lho yi grwa gnyis su bya ba/ /phyag rgya rnam pa sna tshogs pa'o/ /nub dang byang gi grwa rnams su/ /log 'dren phyag rgya rdo rje
 'o/ /byang gi grwa gnyis rnams su ni/ /mkhas pas rigs kyi phyag rgya bya/ /shar gyi grwa gcig rnams su ni/ /ma mo tshogs kyi phyag rgya dgod/ /b+h+r-ing gi ri Ta log 'dren
 bcas/ /de nas ji ltar 'byor pa yi/ /cho gas ji bzhin lha rnams mchod/ /khro bo stobs chen sgrol mas non/ /bzlas pas bdag nyid bsrung bar bya/ /ka ra bI ra ta
 la ni/ /blangs nas rang gnas smyung gnas pas/ /mkhas pas byang gi sgo khang du/ /gtsang ma gang du rab 'jug bya/ /blo dang ldan pas spyan drang bya/ /
 khro bo'i rgyal pos thams cad nas/ /ji ltar rig pa'i cho ga yis/ /tshar bcad rjes su 'dzin pa'i mchog /gdon dang lus kyi las rnams ni/ /de nyid du ni nges par bya/ /
 tshar bcad dam tshig bde ba 'dri/ /gdon 'pho byed dang za byed dang / /gang zhig la la gsod pa dang / /de bzhin sgrib pa sbyang ba dang / /sems can rnams ni thams cad
 nyid/ /sgrub thabs bya dang 'khrul 'khor ni/ /ji 'dra ba yi bya ba dang / /mkhas pas las ni stong dag dang / /gdon rnams bod par byed pa dang / /rang gi rigs
 dang gzhan rigs kyi/ /phyag rgya nye bar mtshon par bya/ /'di yi dkyil 'khor thams cad nas/ /'byung po'i tshogs la sogs pa kun/ /de nas gtor ma bdug
 pa sogs/ /rgyas pas mngon par mchod byar gyis/ /de yis gdon mthong de mchod bya/ /phyis kyi dbang las dul ba thob/ /skye bos btung ba sbyin sreg la/ /sogs
 pa rnam par gzhom par bya/ /shi Sha lAn tsa na blangs nas/ /gdon thob pa ni 'pho bar bya/ /srin po rnams kyis byin pa'i mchu/ /mthong ba de 'dra'i mtshon rnams
 dang / /sha za rnams la ri bong can/ /mig mi 'dzums par 'dzag pa yi/ /'jigs pa mthong na sna tshogs pa/ /kun tu rnam par lta bar byed/ /skem byed gdon gyi rnam 'gyur
 gang / /nus dang dpung pa brten pa yi/ /dgra bo rnams ni thams cad du/ /lha dang mtshon cha'i bya ba ni/ /pad+ma byed dang ral pa dang / /dbyug gu bgrang phreng 'jigs pa'i
 gnas/ /ril ba spyi blugs mi thub nyid/ /phyag rgya bram ze can zhes bshad/ /rtse gsum kun dang zla phyed dang / /ral pa mig la sogs pa dang / /khyu mchog sgra dang drag po
 dang / /dbang ldan rnams te bdun du grags/ /shak+ti gdengs ka ba dan dang / /khyim bya de bzhin rma bya'i mjug/ phyag rgya gzhon nu ma can bshad/ /'khor lo dung dang be
 con nyid/ /ral gri phub nyid nam mkha' lding / /mgo nyid phyag rgya khyab 'jug bshad/ /che ba sprin ni lha chen po'i/ /bum pa gtun shing de bzhin du/ /ngang pa'ang g.yon
 gzhogs phyag rgya ste/ /phyag rgya la hi ri kar bshad/ /nam gru rnams dang gtor zan dang / /rgan po gtum po mthong ba ni/ /nam gru dkar po rnams kyi rgya/ /rang gi gzugs
 nyid mthong ba ni/ /mdangs 'phrog rnams kyi'o lhung bzed dam/ /'degs par byed pa grol ba'o/ /de nas mchog tu gsang ba'i dkyil 'khor 'byung ste byed pa
 thams cad dge ba la shing gcig gam ni dur khrod gam/ khang stong gtsang ma tshwa sgo med pa'i sa gzhi mthong nas sgrub pa po khros pas sa la ma
 lhung ba'i ba lang gi lci bas dkyil 'khor nye bar byugs te re kha gsum der bya'o/ /kun nas khru bzhi pa la dang por thal ba'i re kha'o/ /gnyis pa ri'i btsag gis so/ /
 gsum pa sol ba'i phye mas rab tu 'bad pas bri bar bya'o/ /byang ngam/ nub tu'ang sgo gcig byed du gzhug go/ /sgo'i dbus su'ang lha chen po lag na mdud thogs pa
 bya'o/ /snam bu'i nang du sangs rgyas bden par rmad du byung ba'i bdag nyid can bya'o/ /sangs rgyas g.yas kyi gzhogs su sgrol mas non pa rnam par dgod par bya'o/ /
 g.yon du dpa' mo chen mo stobs mo che ma ral pa gcig ma bzhag nas bde bar gshegs pa'i sku rgyab tu dgod par bya ba ni klu'i rgyal po mtha' yas dang / de bzhin
 du 'jog po dang / dpa' bo chen po stobs kyi rgyu'ang dgod par bya'o/ /de bzhin du pad+ma dang / pad+ma chen po dang / dung skyong dang / rigs ldan stobs po che'i nang du
 mngon par brjod pa'o/ /lha de rnams ni 'khor dang bcas pa snam bu gang bar dgod par bya'o/ /'di thams cad nas ma mo'i tshogs rnam par med par bya ste dpal
 ldan ma ni snam bu'o/ /sgo ru spre'u dang / ra dang / bum rnam yang sgo'i spyan pa ra ba yi yang ngo / /nag po'i brgyad pa la lha rnams lto 'phye chen po las ma 'das pa yang dag
 par mchod de stong phrag bzlas par bya'o/ /shes rab can sngags kyi rgyal po grub par 'gyur ro/ /rims dang / gdon thams cad las 'byin pa dang / rtsod pa'ang rnam
 par 'joms par byed do/ /rang gnas su 'jug go/ de nas gsang sngags 'di'ang rtag tu bzlas pa'i gu gul gyi chu 'am/ ku shas gzhan gyis mi thub pa dang / zhi ba
 can dang / rgyas pa can dang / mngon par mdzes pa can nyid spyad pa ji ltar 'dod pa bzhin rab tu byas par grub ste thams cad 'joms pa sgrol mas non pa gang yin
 pa don gsang ba'i sgrub thabs kyi dkyil 'khor ro/ /de nas yang byang chub sems dpa' sems dpa' chen po byams pas bcom ldan 'das de bzhin gshegs pa
 dgra bcom pa yang dag par rdzogs pa'i sangs rgyas shAkya thub pa la phyag btsal nas 'di skad ces gsol to/ /bdag gis mngon par shes pa ste de bzhin
 g shegs pa rin chen tog la mngon sum du thos pa de nas byang chub sems dpa' spyan ras gzigs dbang phyug gis ha la ha la zhes bya ba'i snying po ral pa gyen
 brdzes kyi rgyud phyi mar sems can gyi don gyi phyir dang / sgrol ma'i mthu bstan pa'i phyir dang / thabs la mkhas pa'i snying rje bdag gis bshad
 par bgyi'o/ /bcom ldan 'das kyis bka' stsal pa/ byams pa smros shig/ na maHsarba ta thA ga te b+h+yo/ mahA pu ru Sha ri Sha b+he b+h+yaHna ma Ar+ya a ba lo ki te shwa ra mahA
 s+thA ma prAp+ta mai tri ya many+dzu shrI badzra pA Ni pra b+h+r-i ti b+h+yo mahA sa twe b+h+yaH/ de rnams la phyag byas nas bcom ldan 'das 'phags pa spyan ras gzigs dbang phyug khyod kyi snying po
 'dod pa thams cad rab tu sgrub par byed pa sems can thams cad kyis mi tshugs pa srid pa'i lam rnam par 'joms par byed pa brjod par bgyi'o/ /sat+ya the daM/ he
 bo d+hi satwA/ mahA satwa/ he ha le/ Ar+ya a ba lo ki te shwa ra/ pa ra ma me tri tsit+ta hi ta tsit+ta kA ru Ni kA mAM/ ga ma bi ya ti/ mahA bi ya ti/ d+hu ru d+hu ru/ d+hu ru tsa len+t+ra/ ba la
 nam ste stu/ sarba satwa/ b+hA ya pra ta/ ha ri ha ri ha ri bA hano r+b+ba pa/ b+ha bAn kha/ tu ru tu ru/ g+hu ru g+hu ru/ su ru su ru/ su pra shA si/ pA ma la mUrti/ Ar+ya a ba lo ki
 te shwa rA ya/ kr-iSh+NA dzi na/ dza TA mu ku TA ba la mu trA la ma la/ ba la ma la ma la/ ka la ka la/ na la/ ha la ha la/ hu lu hu lu/ he bo d+hi satwA/ pri ya bo d+hi satwA/ mahA bo
 d+hi satwA/ na ma te ru/ ku ru ku ru/ hr-i da yaM/ ma nu sma ra/ i daM tsa me/ kAr+yaM ku ru swAhA/ 'di ni bcom ldan 'das 'phags pa spyan ras gzigs dbang phyug gis byang chub sems
 dpa' sems dpa' chen po ha la ha la zhes bya ba'i snying po ste/ nyi ma so sor tho rangs langs nas bcom ldan 'das kyi dkyil 'khor byas te dri dang / me tog la sogs pa mngon
 par bkram nas de nas lan bcu gsum brjod par bya'o/ /de nas nad thams cad nye bar zhi bar byed do/ /zla ba drug kho nar byas pas ji ltar 'dod pa bzhin du yid kyi shing
 rta yongs su rdzogs par byed do/ /de bzhin du bcom ldan 'das byang chub sems dpa' spyan ras gzigs dbang phyug gis smras pa/ gal te mtshams med pa byas pas kyang
 ma grub pa na de'i tshe nga mtshams med pa byas pa dang / bdag nyid de bzhin gshegs pa thams cad bslus par gyur cig ces so/ /de nas bcom ldan 'das byang chub sems
 dpa' spyan ras gzigs dbang phyug gis bcom ldan 'das la phyag btsal nas 'di skad ces gsol to/ /bcom ldan 'das kyis rjes su skyes pa/ bcom ldan 'das ma'i
 rtog pa chen po'i rgyud phyi mar 'jigs pa thams cad kyi rig pa/ sring mo bzhi gong nas gong du rab tu 'jug bzhin pa/ sangs rgyas bcom ldan 'das rnams kyi rnam par
 gzigs par gyur pa/ rtog pa bzhir skyes pa/ thung ngu'i gzugs can/ nam mkha' la 'gro ba/ sa 'og dang / mi snang ba dang / ro langs dang /
 'thab rtsod dang / rkang pas rab tu bgrod pa dang / rgyas pa can dang / mngon spyod can dang / dbang du byed pa dang / skal pa bzang po nyid rab tu sbyin pa po tshangs pa dang /
 khyab 'jug dang / dbang phyug chen po la sogs pa rnams kyis gsungs pa las bzlog pa/ rang bzhin gyi mtshan nyid can gyis lhag pa'i cha khyim du skyes pa kun tu
 ston par byed pa/ sangs rgyas dang / byang chub sems dpa'i mkhyen pa'i mthu'i don gyis ched stong phrag pas kyang stong phrag brgya po des kyang lan gcig gzhom pa
 tsam dang / dpe tsam du byang chub sems dpa'i yul 'jig rten du ma'i 'byung gnas rang bzhin du gnas pa la ltos nas ral pa gyen brdzes kyi rgyud phyi mar bcom ldan
 'das ma 'phags ma sgrol ma'i rjes su sgrub pa 'di rnams gsungs pa ni/ bcom ldan 'das/ yid dbang du gyur pa dngos grub rab tu stsol bar mdzad par gyur to/ /
 tad+ya thA/ na mo a mi tA b+hA ya/ na ma Ar+ya a ba lo ki te shwa rA ya/ bo d+hi satwA ya/ oM dza ye swAhA/ rgyal ma zhes bya ba'o/ /tad+ya thA/ na mo a mi tA b+hA ya/ na ma Ar+ya a
 ba lo ki te shwa rA ya/ oM bi dza ya swAhA/ rnam par rgyal ba zhes bya ba'o/ /tad+ya thA/ na mo a mi tA b+hA ya/ na ma Ar+ya a ba lo ki te shwa rA ya/ oM a dzi te swAhA/ mi thub ma zhes
 bya ba'o/ /na mo a mi tA b+hA ya/ na mo Ar+ya a ba lo ki te shwa rA ya/ oM a pa ra dzi te swAhA/ gzhan gyis mi thub ma zhes bya ba'o zhes pa de lta bu sring mo bzhi'o/ /lnga pa ming po ni/
 na mo a mi tA b+hA ya/ tad+ya thA/ a ha te/ na ma Ar+ya a ba lo ki te shwa rA ya/ oM ki ni ki ni sarba ta thA ga tA ut+b+ha pa shAn+te/ ba ra de/ ut+ta ma ta thA ga tA ut+b+ha ba hUM phaT swAhA/
 ming po gtum bu ru zhes pa'o/ /sngags kyi rgyal po yongs su bsgrags/ /mdor na nga rgyal can rlom pa/ /phyi ma'i rgyud kyi las rnams ni/ /ji lta ji ltar rab sbyar ba/ /de
 lta de ltar sgrub par byed/ /de nas byang chub sems dpa' phyag na rdo rje rang gi rdzu 'phrul yang dag par bstan par 'dod pas/ stan las langs nas bcom ldan 'das
 shAkya thub pa la lan gsum bskor ba byas te rang gi rdo rje yang dag par skul bar byed pa zhes bya ba'i ting nge 'dzin la snyoms par zhugs so/ /de nas ting nge 'dzin de las
 bzhengs te byang chub sems dpa' spyan ras gzigs dbang phyug la 'di skad ces smras so/ /byang chub sems dpa'/ bdag kyang rtog pa'i rgyal po rgyud phyi ma 'dir
 b com ldan 'das ma 'phags ma sgrol ma'i mthu kun tu bstan pa'i don du 'jig rten pa thams cad kyi mchod rten rnams kyis bcom ldan 'das
 ma 'phags ma sgrol ma'i rjes su spyod pa sbyin par bgyi'o/ /de la rjes su yi rang ba'i byang chub sems dpa' sems dpa' chen po phyi ma'i dus kyi tshe mchog gi grub pa dang /
 mchog gi las byed pa tshul khrims 'chal pa rnams kyang khyad par du 'grub par 'gyur ro/ /'phags ma sgrol ma'i rjes su spyod pa pos gang rtul ba las byung ba 'di
 rnams rigs dang / pha rol gnon par byed pa'o/ /de nas byang chub sems dpa' sems dpa' chen po 'phags pa spyan ras gzigs dbang phyug gis byang chub sems
 dpa' phyag na rdo rje la 'di skad ces smras so/ /phyag na rdo rje/ gsungs shig de nas phyag na rdo rjes slar yang ting nge 'dzin la snyoms par zhugs so/ /phyag na rdo rje snyoms
 par zhugs pa de ma thag tu stong gsum gyi stong chen po'i 'jig rten gyi khams 'di kun tu snang bar byas so/ /de nas phyag na rdo rjes phyag gi sor mo rab tu brkyang ste rdo rje
 rab tu 'joms pa zhes bya ba dang / rdo rje khu tshur dang / rdo rje dmar po dang / rdo rje mthar phyin dang / rdo rje nag po ste g.yon pa'i phyogs las byung ba 'di rnams bcom
 ldan 'das rdo rje gzhon nu'i spun rnams so/ /de nas de rnams bcom ldan 'das la phyag 'tshal bar byed par gyur to/ /byang chub sems dpa' phyag na rdo rje dang / spyan ras
 gzigs dbang phyug la'ang ngo / /de nas bcom ldan 'das kyis gzhon nu'i spun lnga po rnams la legs so zhes bka' stsal te sems can rnams kyi bsod nams 'byung bar
 'gyur ba dang / dngos grub sbyin par byed pa sgrol ma'i rtog par don chen po sbyin pa phyag na rdo rje'i rigs las byung ba pad+ma'i phyag la mnga' bdag tu gyur pa'o/ /de nas phyag na rdo
 rjes dkyil 'khor gsungs par gyur to/ /gcig gnyis gsum bzhi lnga dang ni/ /ji srid khru ni brgyad kyi bar/ /nor 'dod pa yis khru gcig ste/ /bu 'dod pa yis khru gnyis
 so/ /dgra nyams byed pas khru gsum mo/ /bzlas pa nyid kyis khru bzhi'o/ /lnga pa dngos grub thams cad la/ /brgyad pa mkha' la 'gro ba yis/ /sa 'og don dang 'bab chu dang / /
 rgya mtsho dang ni dngos grub gnas/ /khyim du'ang rung ste gtsang ma yi/ /gzhan du g.yogs par byas pa dang / /las la shis pa gang rung gis/ /thig gis dkyil 'khor thig
 gdab bya/ /gru bzhi pa la grwa bzhi pa/ /sgo bzhi rta babs rgyan gyis brgyan/ /dkyil 'khor che gsum byas pa yis/ /steng gi cha ru bcom ldan 'das/ /sangs rgyas pad+ma'i
 gdan gnas pa/ /chos ston par ni mdzad bzhin pa/ /g.yas su spyan ras gzigs dbang phyug /tshangs pa'i dbyug pa spyi blugs phyag/ g.yon du
 'phags pa phyag rdo rje/ /rdo rje'i phyag gam de gzhogs su/ /khyab 'jug dung dang 'khor lo ste/ /be con phyag na 'khor lo'o/ /dbus kyi cha ru gru la zhon/ /gru yi srog shing
 sgreng ba'o/ /dang por rdo rje rab 'joms dang / /sgyu 'phrul dang ni tum bu ru/ /gnyis par rdo rje khu tshur dang / /rgyal mar bcas pa'o gsum pa ru/ /lus dmar dang ni
 rnam rgyal bcas/ /bzhi par rdo rje bsags mtha' dang / /mi thub mar bcas lnga pa ru/ /lto nag gzhan mi thub dang bcas/ /ljang gu dkar po dmar po dang / /ser po
 nag po go rims bzhin/ /lha rnams dgod par byas nas ni/ /dkar po'i gos dang dkar po'i rgyan/ /be con rdo rje gtun shing dang / /gzhu dang ral gri mtshon cha'i
 phyag/ dbus su zla nyi pad+ma la/ /lha rnams mngon sum dgod par bya/ /gru yi 'og tu me dang ni/ /chu yi gter ni gnas par bya/ /dung dang nya dang chu srin gyis/ /rnam par
 brgyan pa'i shar dang lho/ /nub dang byang du dbang po dang / /gshin rje chu lha lus ngan rnams/ /bzhon pa bcas shing phyag rgyar bcas/ /legs par dkris pa'i bum pa ni/ /
 dri yi chu yis yongs su bkang / /yal 'dab kyis ni nye bar mdzes/ /grwa rnams su ni dgod par bya/ /'dir ni bum pa lnga pa ni/ /rin chen gyis brgyan 'jam pa yi/ /gos kyis
 mgrin pa dkris pa dang / /sa ha ka ra'i yal 'dab kyis/ /kha ni dgab par byas pa dang / /gdugs sgreng me tog phreng ba dbyangs/ /shar gyi sgo ru dgod par bya/ /dkyil 'khor
 phyi ru rgya mtsho bzhi/ /dung dang pad+ma la sogs kyis/ /ri yi rtse mo yis kyang bya/ /rgyal mtshan rnams 'khrugs bla re bres/ /in+d+ra nI la gser dang ni/ /dngul dang zangs dang
 lcags rnams kyi/ /phye mas dkyil 'khor bri bar bya/ /lha yi me tog bdug pas bdug /rnam pa sna tshogs gtor mas mchod/ /dus kyis non pa'i me tog 'bras/ /dbyig
 gser sna tshogs rin chen dang / /bza' ba phyi rol gcal du dgram/ /ri bo'i steng du rab 'jug bya/ /snying po phye mas spyan drang sogs/ /las rnams kun dang gshegs su
 gsol/ /de nas gang gis dkon mchog gsum/ /dad pas byang chub sems bskyed de/ /bud med skyes ba gzhon nu yi/ /bsnyen gnas byas pa gos kyis ni/ /gdong ni nye
 bar bcings pa yis/ /dam tshig gis kyang mnyan par gyis/ /dbyig dang gser gyi me tog gis/ /lag pa yis kyang dor bar bya/ /de ni gang du lhung gyur pa/ /de yi rigs
 'gyur de nas ni/ /gdong phye lha rnams bstan par bya/ /sngags dang phyag rgya rnams kyang 'gyur/ /yang na nyin dang mtshan mo ru/ /dkyil 'khor de bri
 mnyes par 'gyur/ /de nas gzugs brnyan 'byung ste a shwat+tha dang / n+ya gro d+ha dang / u dum bA ra zhi ba can dang / /tsU ta dang / tsam pa ka dang / na ga ge sar gyis rgyas pa can
 dang / bil ba dang / a riSh+Ta dang / ko Tha yis mngon spyod can no/ /dbang du byed pa dang / skal ba ngan pa rnams la bad kan mthar byed dang / sha sma li dang / dI r+g+ha bit+ta'o/ /
 smyo bar byed pa la tsan+dan dang / mya ngan med pa'i shing dang / sbrang rtsi dang / myos byed rnams so/ /skal pa bzang po nyid la a s+thi dat+ta las byung ba rnams so/ /las thams
 cad pa la gser las byung ba'o/ /rgyal srid 'dod pas ni dngul las byung ba'o/ /zangs ni skal ba bzang po'i ched du'o/ /lcags las byung ba ni mngon spyod can no/ /nyams
 par byed pa la tsam pa ka dang / nA ga ge sar dang / ba gu la dang / a ti muk+ta ka'o/ /nor 'dod pa yis ni sna ma dang / yu thi ka dang / mal+li ka dang / myos byed dang / gser
 shing dang / mA li ka rnams so/ /skal ba bzang po 'dod pas ni pad+ma dang / ku mu da'o/ /zhi ba can la ut+pal dang / so'u gan+d+he ka'o/ /rgyas pa can dang / gzhan la yang dri
 bzang po can gyi me tog go/ /rgyas pa can gang la dris dman pa'i me tog go/ /mngon spyod can dang / nyams par byed pa la sogs pa la ni tsan+dan la sogs pa'i dri 'phrog pa'o/ /zhi
 ba can dang / rgyas pa dang / dbang du byed pa dang / skal ba bzang po nyid la de lta bu'i bdug pa lag pa sbyar nas snying po'i sngags 'di rnams kyi las bya'o/ /na mo rat+na tra yA ya/ na
 ma sh+tsaN+Da badzra pA Na ye/ mahA yak+Sha se nA pa ta ye/ na ma sh+tsa tur+NAM b+ha gi nI nAM/ na mo de ba tum bu ru sAr+tha kA ha ya/ dzam b+ha ni/ dzam b+hi ka ro ti a mi traM/ s+t+waM b+ha ni/ stam bi ka ro t+ya/ mi traM/
 mo ha ni/ mo hI ka ro t+ya mi traM/ an d+ha ni/ in+d+hi ka ro t+ya mi traM/ dza ye A gats+tsha bi dza ya A gats+tsha dzam b+ha ni a gats+tsha stam b+ha ni A gats+tsha/ ba li ba li/ puSh+pa/ d+hU pa/ u pa hA raM/ pra
 ti gr-ih+Na thA/ sa mA ya yu pA lA yA thA/ su Tu Tu su sla badzra b+hany+dza nI ya swAhA/ rig pa 'di ni stong phrag brgyad cu rtsa bzhir 'gyur te/ 'di lta ste/ nam mkha' la 'gro ba dang / phug
 tu rab tu 'jug pa dang / gter 'pho bar byed pa dang / rig pa 'dzin pa nyid dang / mig sman ldong ros sgrub pa dang / dbang du byed pa dang / nyams par byed pa dang / gzhan
 rab tu 'dzoms pa dang / rang gi yul so sor skyong ba dang / dug dang / pho nya dang / nad 'go ba dang / mche ba rab bsnams la yang dag par gnas pa dang / sems can
 thams cad kyi dkyil 'khor bcing ba dang / khros pas rgyal po'i khab rab tu sgrub pa ste de lta bu la sogs pa'i las gzhan rnams kyang rang gi 'dod pas
 bsgrub par bya'o/ /sring mo bzhi'i snying po rdzogs so// //de nas slar yang dkyil 'khor gsungs pa/ khru bzhi pa gru bzhi pa sgo bzhi pa kun nas rta babs kyis
 brgyan pa/ gshin rje dang / chu lha dang / lus ngan rnams bzhen pa dang bcas mtshon cha dang bcas pa'i sgo skyong dang gsum byed du gzhug go/ /byang gi rab tu thob par bya ste cha
 gsum byas nas steng gi cha ru bcom ldan 'das ma sgrol ma'o/ /'phags pa phyag na rdo rje'ang phyag g.yon pas rdo rje dang / g.yas pas mchog sbyin pa/ kun nas 'bar ba bri
 bar bya'o/ /rdo rje 'dzin pa'i g.yon du rdo rje lcags kyu lcags kyu lag na thogs pa/ gzhan du rdo rje lcags sgrog lcags sgrog lag na thogs pa/ thams cad kyang ri'i rtse mo la
 yang dag par gnas par bya'o/ /dbang ldan gyi phyogs la brten pa'i lha chen po chung ma dang bcas pa/ khyu mchog dang bcas pa yang dag par bri'o/ /gzhan rnam pa gsum
 rim gyis mtshon cha dang / gnas dang bcas pa ji lta ba bzhin du bri bar bya'o/ /b+h+ring gi ri ti dang / nag po chen po rnams so/ /nub tu mi sbyin dang / tum bu ru dang / 'od srung dang
 sna tshogs bshes gnyen lag pa rnams ril ba spyi blugs dang / chu snod phyag na bsnams pa'o/ /khron pa dang / srog shing sgreng ba dang / ta ta spu bri'o/ /stod g.yogs ljang gu can lag na
 be con thogs pa cod pan gyis brgyan pa phyag na tog skyong bsnams pa/ rna ba la rgya skyegs kyis brgyan pa'o/ /rgyal ba dkar po phyag na rdo rje thogs pa stod g.yogs dang / smad g.yog
 can no/ /rnam par rgyal ba lus dmar po phyag na gtun shing thogs pa/ gos dmar po'i stod g.yogs can/ gser gyi kha dog can gyi gzhu phyag na bsnams pa'o/ /gzhan gyis
 mi thub pa nag mo gos khra bo'i stod g.yogs can/ gos nag po'i sham thabs can/ phyag na ral gri thogs pa gru la zhon pa'o/ /de nas zla ba dang / nyi ma dang / lha rnams dang /
 nang du pad+ma rab tu gtor ba bri bar bya'o/ /byang gi sgo ru log 'dren chen po g.yas kyi gzhogs su chu bo rab med khor yug tu rdo rje dang / dung dang / la da dang / dpal be'u rnams
 kyang kun tu bri'o/ /de ltar thams cad yang dag par bris te de nas ji ltar 'byor ba'i gtor ma dang / thug pa rnam pa lnga dang / bza' ba rnam pa lnga dang / k+tany+tsa mang po dang / bza'
 dkris pa'i bag zan dang / dzam+bu li ka dang / zho dang / bu ram dang / mar dang / sbrang rtsi ji ltar rigs pa dbul bar bya'o/ /chu'i bum pa bzhi ji ltar 'dod pa'i yal 'dab kyis
 kha bkab pa dang / bum pa dri'i chu thams cad kyis yongs su bkang ba sa bon thams cad dang / sman thams cad dang / yal 'dab dang / gos kyis
 mgrin pa dkris pa/ dbyig dang / gser dang / rin po che rnams dang / yal 'dab kyis brgyan pa'i bum pa rnam pa lnga lnga rnams dang / phyi ru rin po che rnams kyis mngon
 par bkram pa'o/ /de lta bu la sogs pa'i bkra shis pa rnams byas nas phyi nas bzlas par bya'o/ /de nas sngon du slob ma rab tu gzhug par bya ste/ 'di las gzhan pa'i
 sngags su 'gyur ba ni/ na mo rat+na tra yA ya/ na ma sh+tsa N+Da badzra pA Na ye/ mahA yak+Sha se nA pa ta ye/ na ma sh+tsa tur+b+ha gi nI nAM ma ma dza yA ya/ mA he ti swAhA/ sngags 'di rnam pa brgyad
 kyis sems can thams cad dbang du byed do/ /me tog dang / yungs kar dang / lan tshwa dang / chu dang / thal bas dri med nyid sun 'byin pa'i cha byad kyis kyang ngo / /na mo rat+na
 tra yA ya/ na ma sh+tsan+Da badzra pA Na ye/ mahA yak+Sha se nA pa tA ye/ na mo bi dza yA ya/ ha ha/ d+ha li/ ku mA ra ni biSh+nu mu khe ra Te sha swAhA/ rig pa 'di 'bum bzlas pas sngon du
 bsnyen pa byas par 'gyur ro/ /de nas brgya byin gyi gnam lcags phog pa'i shing blangs nas mtshan mo gsum du smyung bar gnas par gyur nas gang du mchod rten ring
 ba srel dang bcas pa der song nas bum pa bzhi po thams cad kyang me tog dang / yal 'dab kyis kha brgyan pa bzhag par bya'o/ /de nas ku sha bting zhing bkram pa'i dkyil 'khor
 lcags gsum bcings pa'i phur bu'am/ rkang pa g.yon pa lag pa g.yon pas mnan te ji srid du sngags mi snang bar gyur ba de srid du bzlas par bya'o/ /lag pa gtang bar yang
 mi bya'o/ /de nas phur bu de dgon par gdab par bya ste phur bu khyim du 'byung ngo / /cho ga 'di nyid kyis btab nas phur bu rkang pa g.yon pas yang dag par mnan nas dbang du gyis
 shig / grong khyer 'jig pa'i lag pa btsir bas phyag rgya thams cad dang / dug byas pa rnams kyang 'joms par byed do/ /skye bo'i nang du'ang gdab par bya ste thams cad du 'gyur
 ro/ /gzhan la'ang ji ltar 'dod pa bzhin du las rnams byed do/ /na mo rat+na tra yA ya/ na ma sh+tsaN+Da badzra pA Na ye/ mahA yak+Sha se na pa tA ye/ na mash+tsa ta sr-i NAM/ b+ha gi nI nAM/ na mastum
 bu ru sarba ba ha s+ya/ mahA kar+Na s+ya/ pi tsi ba tsi/ a mu kA ya/ b+harga pra pa tAn+tu swAhA/ nag po'i brgyad pa'am/ nag po'i bcu bzhi pa la mtshan mo gsum du smyung bar gnas pas
 sngags 'di thod par khrag gis bri bar bya'o/ /stong phrag brgyad du mngon par sngags par byas nas chu la dor bar bya'o/ /rnam pa thams cad pa'i ngag tu 'gyur ro/ /na mo rat+na
 tra yA ya/ na ma sh+tsaN+Da badzra pA Na ye/ mahA yak+Sha se nA pa tA ye/ na mash+tsa ti sr-i NAM b+ha gi nAM nAM/ na mo dzam+b+ha ni tsA Tu tsA Tu tsa Tu swAhA/ rig pa 'dis rgyal gyi zla ba
 la mya ngan med pa'i shing gi 'og tu na le sham gsum khar bcug ste stong phrag brgyad bzlas par bya'o/ /de nas na le sham gcig khar rab tu bcug ste gang mig mi 'dzums
 par lta bar byed pa de dbang du 'gyur ro/ /na mo rat+na tra yA ya/ na ma sh+tsaN+Da badzra pA Na ye/ mahA yak+Sha se NA pa ta ye/ na mash+tsa ti sr-i NAM b+hA gi nI nAM/ na mastum+bu ru mahA sAr+tha bA
 hA ya/ na mo dza ye bi dza ye a dzi te a pa rA dzi te swAhA/ /rig pa 'dis ji ltar 'dod pa bzhin du sngon du bsnyen pa byas nas nag po'i brgyad pa'am/ nag po'i bcu bzhi pa
 la nyin mtshan du smyung bar gnas pas gos gtsang ma bgos nas mar me dang / rgyal mtshan dang / phreng ba la sogs pa phul te mchod pa rgya chen po byas te chu rang nyid
 kyis blangs nas zangs kyi snod du bzhag ste thun gcig tu bzlas par bya'o/ /de 'thungs shing khrus byas nas cho ga de nyid kyis tho rangs dge 'dun gyis bstan pa'i slong mo
 zos nas de lta bu brgyad zlos shig/ de nas phyogs bzhir rig pa'i gnas rnams kha ru rab tu 'jug par byed de thos pa 'dzin par 'gyur ro/ /na mo rat+na tra yA ya/
 na mash+tsaN+Da badzra pA Na ye/ mahA yak+Sha se nA ba ta ye/ na mash+tsa ti sr-i NAM b+hA gi nI nAM/ tan+t+ri mi li mi li swAhA/ rig pa 'dis rgya mtshor 'gro ba'i chu klung du zhugs te lag pa g.yas pas
 khu tshur byas nas nyi ma bcu gsum du bzlas par bya'o/ /dug dang / mche bas shi ba thams cad slong ba 'jug par byed do/ /khu tshur gyis gdon rnams 'bebs par byed do//
 na mo rat+na tra yA ya/ na ma sh+tsaN+Da badzra pA Na ye/ mahA yak+Sha se nA pa tA ye/ na mash+tsa ti sr-i NAM b+ha gi nI nAM/ na ma stum+bu ru/ sarba mahA ya/ su Tu su Tu badzra pra b+hany+dza nI ye swAhA/ sngags
 'dis ba byung gi dkyil 'khor khru bzhi pa byas nas der bA sha ka'i yam shing zho dang / sbrang rtsi dang mar gyis btags pa sbyin sreg stong phrag brgyad gyis shig/ nag po'i brgyad
 pa nas brtsams te ji srid bco lnga pa'i bar du'o/ /gang 'dod pa de 'gugs par byed do/ /'dis kyang khros pas rgyal po'i pho brang rab tu bsgrubs par bya ste kun tu rgyu rab tu
 zhugs nas de la sol bas mngon par bris te rkang pa g.yon pas mnan nas stong phrag brgyad bzlas par bya'o/ /de nas khro ba dang bral bar 'gyur ro/ /de nas phyag rgya
 rab 'chad byed/ /dge ba'i lag pa las kun la/ /las gang cung zad bya ba de/ /kun la lag pa g.yon sbyar bya/ /mthe bong can la bzung ba yi/ /phyag rgya lha yir yongs
 su bsgrags/ /sdigs mdzub can ni gnod sbyin la/ /dri za la ni gung mo ste/ /'byung po rnams la ming med do/ /klu la lag pa mthe'u chung / /srin
 po rnams la mthil du 'o/ /dbyug pa'i phyag rgya yi dwags rnams/ /phyag rgya rnam pa brgyad du bshad/ /mthe bong rdo rje rab 'joms pa/ /sdigs mdzub rdo rje khu tshur te/ /gung
 mo rdo rje lus dmar la/ /mthe chung nag po'i yan lag can/ /mthe bong tum+bu ru zhes 'di/ /rang gi gzugs kyis rang rang la/ /phyag rgya lnga po rnam par dgod/ /de
 nas yang byang chub sems dpa' sems dpa' chen po mthu chen thob bcom ldan 'das shAkya thub pa la mgo bos phyag btsal nas 'di skang ces gsol to/ /bcom
 ldan 'das thugs rje chen po can/ sems can thams cad la phan par mdzad pa rtog pa'i rgyal po chen po ral pa gyen brdzes kyi rgyud phyi mas ji ltar/ bcom ldan 'das/
 rig pa'i sngags kyi spyod pa thabs kyi pha rol tu phyin pa yongs su rdzogs pa'i ched du ji ltar bya ba bstan du gsol/ bcom ldan 'das kyis bka' stsal pa/ rigs
 kyi bu legs so/ /des na gang rig pa 'dzin pa bkrus bzhin pa rig pa de rjes su dran par byas nas rig pa med par khrus bya ba dang / rnam par dben pa'i phyogs ma
 yin par bzlog pa nyid de rnams ni lus rtsub pa dang / stobs chung bar 'gyur ro/ /gang lam du 'gro ba grong ba'i chos kyis gos pa rnams la yid kyis bzlas ba byed do/ /rtag tu
 sems g.yo ba dang / nad mang bar 'gyur ro/ /gang yang yang nas yang du rig pa thun mong du 'pho ba dang / gnas ma yin pa rnams la rab tu sbyor bar byed pa dang / sbyin sreg
 dang bral bas bzlas pa byed pa ni rtag tu don nyams pa dang / grogs nyams par yang 'gyur ro/ /gang zhig slar yang rig pa 'dzin pa rang gi rig pa la brnyas pa byed pa dang /
 lha la spyod par byed pa ni log par 'dren pa dang skrag par byed do/ /rtag tu 'jig rten dga' bar mi 'gyur ro/ /rtag tu yongs su brnyas par 'gyur ro/ /rtag tu'ang rig pa 'dzin
 pas sangs rgyas dang / byang chub sems dang / rang sangs rgyas dang / 'phags pa nyan thos kyis gsungs pa'i rig pa'i sngags rnams me tog dang / bdug spos la sogs pa
 rnams kyis mchod par bya bkur stir bya'o/ /dam tshig med pa dang / srog gcod par byed pa dang / sngags byed pa dang / dge slong ma sun 'byin par byed pa dang / mtshams
 med pa byed pa dang / tshul dang bral bas dge 'dun gyi rdzas la yongs su longs spyod pa dang / 'bru'i chang dang / bcos pa'i chang la yongs su 'gro ba dang / dge slong dam/
 dge slong ma gsod par byed pa dang / zas la rkang pas rdzi bar byed pa dang / dam tshig med par khro bas zas rdzi bar byed pa dang / 'thor bar byed pa
 dang / dam tshig med pa shi ba mthong nas 'gro bar mi byed pa dang / dam tshig med pa dang / dkyil 'khor du ma zhugs pa la phyag rgya dang / sngags sbyin par byed pa dang /
 de la'ang dam tshig med par sman rkang pas rdzi bar byed pa dang / dam tshig las nyams par byed pa dang / sangs rgyas dang / byang chub sems dpa' rnams dang / lha gzhan
 rnams la'ang dri med nyid kyis 'gom par byed pa dang / dam tshig med par dung dang / 'khor lo dang / rtse gsum kha gdengs dang / be con dang / mdung dang / rdo rje dang /
 phub dang / gzhu dang / gshol dang / gtun shing dang / mda' dang / mdung thung dang / glang po che dang / khyu mchog dang / bong bu dang / phag dang / sha ra b+ha dang / seng+ge
 dang / bya gag dang / rma bya dang / ma he dang / rnga mo dang / ngang pa dang / mi dang / lha'i bzhon pa dang / mtshon cha sna tshogs pa rnams kyang 'gom par byed pa dang / sna
 tshogs byed pa mthong nas rkang pas gnon par byed pa dang / rnam pa gzhan du log par 'dren pa dang / dngos grub ster bar mi byed do/ /bza' ba'i cho ga'ang 'dir
 til dang / sha dang / par+pa Ta dang / dzam bu li ka dang / nya dang / spu pa li ka mang po dang / til gyi thug pa dang / lha bshos dang / dri med nyid bza' ba'ang spang bar bya'o/ /lha'i
 dri med nyid gnon pa dang / pad+ma gnon pa dang / chu la gnas pa dang ldan pa dang / ut+pal gnon pa dang / nags kyi bdag po gcod pa dang / rtsa ba 'byin par byed pa'ang spang
 par bya'o/ /rig pa rjes su dran par byed pa nyid kyis rtag tu gos gtsang ma bgos pas bya ba thams cad la bstan pa nyid dang / gzhan rig pa'i cho ga thams cad la mchod par
 byed pa'o/ /de nas bcom ldan 'das kyis slar yang byang chub sems dpa'i tshogs rnams la bka' stsal pa/ grogs po khyed rnams nyon cig/ bcom ldan 'das ma 'phags
 ma sgrol ma'i rig pa'i yi ge rnams thabs dang bcas pas bde blag tu sgrub par byed pa/ sems can thams cad la phan par byed pa/ ral pa gyen brdzes kyi rgyud phyi mar
 yid kyis grub pa'i sngags kyi tshig rnams ni/ na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ mahA satwA ya/ g+hu ni g+hu ni la la la sid+d+ha sid+d+ha/ pa rA kra ma
 swAhA/ a mi ta b+hA su ta swAhA/ sarbe sh+tsa Ar+ya a ba lo ki te swAhA/ 'di ni 'phags pa zla ba ma zhes bya ba bcom ldan 'das ma 'phags ma sgrol ma'i nu mo ste las thams cad byed
 pa'o/ /sgrub pa pos rtag tu gtsug phud bcing ba dang / phyag rgya bcing ba'ang bya'o/ /bgegs thams cad rnam par 'joms par byed pa'o/ /de la
 'di ni tho rangs langs nas gtsang mar gyur pas dkyil 'khor byas nas me tog la sogs pa gtor te lnga brtson pas brgyad brgyar bzlas par bya'o/ /mngon par 'dod pa'i
 don rdzogs par byed do/ /yang na gang 'dod pa de dbang du byed do/ /de nas dkyil 'khor du rtse trI dzi kaM rab tu gtor nas gang 'dod pa de skrod par byed par 'gyur ro/ /bklags
 pas grub pa gang yin pa de ji lta ba bzhin du rtogs par bya bar 'gyur ro/ /yang 'dir rnam grangs kyi gter 'dir de dag gcig tu reg pa de dran par byed do/ /de nas
 gshed byed skyed par 'dod na dur khrod du song nas dur khrod kyi shing gi me rab tu sbar te dar chen pos bskor la ji ltar skyes pa'i khrag gis sbyin sreg gyis shig/ nyi ma
 bdun pa la 'jigs pa'i nga ro can gyi gshed byed mtshan mo phyed nas langs par byed do/ /yang dag par bsngags pas ji ltar brjod pa'i gnas su'ang byin gyis brlabs
 pa sbyin par bya'o/ /'di ni bcom ldan 'das ma'i byin gyis brlabs pas ji ltar bde bar mngon par bde bar byed do/ /de nas gnas kha cig tu mi rnams 'chi ba dang /
 gnas kha cig tu me 'bar bar mthong ba dang / gnas kha cig tu lcags sgrog bcings pa mthong ngo / /de ltar gshed byed de rnam par rgyu bar byed do/ /de zhi ba'i don du bcom
 ldan 'das kyi spyan sngar pad+ma stong phrag brgyad dbul bar bya'o/ /mchog tu zhi bar 'gyur ro/ /dgra rnams bskyed par byed par 'dod na dur khrod du song nas dur khrod kyi shing
 gi me rab tu sbar te yungs kar dkar po la til nag po'i til mar gyis btags pa stong phrag brgyad sbyin sreg gyis shing / /'gro bar byed do/ /de nas rims kyis 'dzin par
 'dod na dur khrod kyi me la dur khrod kyi thal ba stong phrag brgyad sbyin sreg gyis shig/ rims chen pos 'dzin no/ /zhi ba'i don du chu la brgya rtsa bzlas te mgo bor sbyin par
 bya'o/ /rims las grol lo/ /mgo bo zug rngus 'dzin par 'dod na ba byung gi gzugs brnyan la mi rus kyi phur bu la stong phrag brgyad bzlas la mgo bor phur bus gdab
 bo/ mgo bo zug rngu chen pos 'dzin no/ /phur bu bton pas zhi bar 'gyur ro/ /dbang po la btab na ma ning du 'gyur ro/ /bton na thar ro/ /snying gar btab na gzar chen por
 'gyur ro/ /bton na thar ro/ /seng ldeng gi phur bu sha dang / khrag gis btags pa srad bus dkris pa la brgyad brgya bzlas pa mi rus kyi phur bu'i mgo bor gdab par bya'o/ /
 dgra'i sgor btab na tho rangs 'bros par byed do/ /ji srid phur bu bton par ma gyur gyi bar du gang du'ang gnas par mi byed do/ /rgyal po skyed par 'dod
 na lha chen po'i khang par song nas lha la dug dang / khrag gis byugs te sha chen po'i bdug pa dbul bar bya'o/ /nim+ba'i 'dab mas kyang mchod par bya'o/ /de nas dug dang /
 khrag dang / ske tshe rnams gcig tu byas nas brgyad brgyar sbyin sreg gyis shig/ brgyad brgya dang bos rang gi sha'o/ /gnyis pas me tog go/ gsum pas btsun mo'i
 'khor ro/ /bzhi pas mtshon cha chen po'o/ /lnga pas glang po che'o/ /drug pas ma he ste khro bo chen pos dkris pa'i las so/ /blo bzang po nyid nyams par byed par 'dod na
 nim+ba'i shing gis me sbar nas nim+ba'i lo ma dang / dur khrod kyi thal ba phan tshun bsres pas sreg blugs stong phrag brgyad sbyin sreg gyis shig/ skad cig la nyams
 par 'gyur ro/ /de nas lkugs par byed par 'dod na ka sa ma ya'i gzugs brnyan byas nas zangs kyi phur bu la brgyad brgya bzlas te dgra bo yid la byas nas kha la
 phur bu gdab par bya'o/ /lkugs par 'gyur ro/ /phur bu bton na thar ro/ /mngon spyod can rdzogs so// //ma bsgrubs par las rnams 'byung
 ste so shing la lan bdun bzlas nas bza' bar bya'o/ /ma blangs par bza' ba rnyed do/ /brgyad brgyar bzlas nas mgo bo la byugs bas skye bo thams cad dga' bar 'gyur ro//
 gos la lan bdun mngon par sngags nas gyon na skal ba bzang por 'gyur ro/ /mig sman la mngon par sngags nas mig la bskus na khro bos dkris pa rnams kyis mthong na/
 dga' bar 'gyur ro/ /lam du zlos bzhin par song na chom rkun rnams kyis 'joms mi nus so/ /sor mo la lan bdun bzlas pas mche ba can thams cad rengs par 'gyur
 ro/ /gseg ma la brgyad brgyar bzlas nas chu la gtor na chu la rgyu ba thams cad rengs par byed par 'gyur ro/ /bcings pa lam 'gag pa la bzlas na thar ro/ /ka ra bI ra'i
 lcug ma la lan bdun bzlas pas dkyil 'khor du nye bar byugs nas sa la mtshon cha sbyin par bya'o/ /gang du 'dod pa der 'pho bar byed do/ /khyor ba'i chu la sngags nas steng
 du gtor bar bya ste dus ma yin pa'i char rengs par byed do/ /thal ba la brgyad brgyar bzlas na thal ba 'debs par 'gyur ro/ /lcags kyi phye ma rdo'i ra bar 'gyur ro/ /sgron
 ma gsum gyis me'i ra bar 'gyur ro/ /bil ba'i 'dab mas bil ba'i ra bar 'gyur ro/ /brgyad brgyar bzlas pa'i chus chu'i ra bar 'gyur ro/ /mdor bsdus na/ bcom ldan
 'das gtsug tor gyi rgyal po rtog pa gzhan gyi cho gas ji lta ji ltar rab tu sbyar ba de lta de ltar las byed do/ /rig pa bsgrubs pa las mtshams med
 pa las grol nas byang chub kyi sems rnyed do/ /oM sarba ta thA ga ta uSh+Ni Sha/ a nA ba lo ki te mur+d+ha ni te dzo rA shi hUM/ dz+wA la dz+wA la/ d+ha ka d+ha ka/ da ra bi da ra/ tshin+da tshin+da/ hUM hUM
 phaT phaT swAhA/ gzi brjid dang / phung por rnam par bshad de 'dab ma chung du'i rgyab tu gnas par bya'o zhes pa de bzhin gshegs pa'i gtsug tor gyi rgyud chung du las bris
 pa 'dab ma so sor la rdzogs par bya ba'i phyir gzhon nu mas bkal ba'i srad bu la ras byed du bcug nas sam/ yang na dpa' bo'i rin gyis nyos pa ste ji ltar rnyed pa'i
 r as kha tshar ma bcad pa skra dang bral ba la ri mo mkhan gso sbyong can dbang bo ma tshang ba min pas kha shar du phyogs pas ras rnams 'phrul 'khor la bzhag ste de'i mdun du
 sangs rgyas dang / byang chub sems dpa' la sogs pa thams cad dang / khyad par du bcom ldan 'das ma 'phags ma sgrol ma spyan drang bar byas nas de nas arga'i
 s hing gis me rab tu sbar nas yungs kar dkar po la mar gyis btags pa ral pa gcig ma'i snying pos ras ris kyi spyan sngar khru bzhi pa'i tshad kyi dkyil 'khor du stong
 phrag brgyad sbyin sreg gyis shig/ ras ris 'dri bzhin pa na bgegs med par 'gyur ro/ /de nas tshes grangs dang / byed pa dang / rgyu skar dang / yud tsam dge ba la snod sar par
 b zhag pa kha dog ma 'dres pa shin tu so sor btags pa'i kha dog gi chus sbyar nas ba lang gi spu'i pir gyis bcom ldan 'das byang chub kyi shing ni sna tshogs pa'i gnas rab tu bsngags
 pa/ bya'i tshogs skad 'byin pa/ dpag bsam gyi shing dang mtshungs pa bya'o/ /de bzhin gshegs pa 'od dpag med 'drir gzhug par bya'o/ /chos ston par mdzad bzhin pa/
 skyil mo krung gis nye bar bzhugs pa/ skyes bu chen po'i mtshan gyis brgyan pa'i sku/ mdzes par snang bzhin pa'i lus/ gtsug tor nas 'od zer chen po gser gyi kha dog can
 'phro ba/ pad+ma dkar po la bzhugs pa 'drir gzhug par bya'o/ /bcom ldan 'das kyi g.yon gyi gzhogs su dkar po rgyan gyis rnam par brgyan pa/ kha dog lnga pa'i gos
 kyi stod g.yogs bgos pa/ phyag na rnga yab thogs pa'o/ /gzhan du rgyu skar me bzhi la 'phags pa dri ma med pa 'gro ba zhes bya ba'i byang chub sems dpa' 'drir gzhug par bya
 ste/ bcom ldan 'das kyi/ g.yas phyogs su thams cad dkar po/ gser gyi rgyan gyis brgyan pa/ ral pa'i tshogs dang / phyag na ril ba spyi blugs dang / dbyug gu'i
 shing bsnams pa/ mchod phyir thogs phrag pa la 'phyang ba/ gos dkar po bgos pa/ mchog tu skyes pa/ sgrub pa po'i steng du phyag brkyang ba/ phyag
 bzhi pa/ bde bar gshegs pa'i mtho gang gi tshad la 'phags pa dri ma med par 'gro ba cung zad mngon par lhags pa'o/ /bcom ldan 'das las cung zad dman pa'i
 'phags pa spyan ras gzigs dbang phyug 'drir gzhug par bya'o/ /de'i g.yas kyi gzhogs su bri yang ku ltar sngo bsangs/ gser dang / rin po ches rab tu gsal bar
 byed pa'i lus can/ cod pan gyis brgyan pa/ rnam par bkra ba'i gos bgos pa/ rin po che'i stod g.yogs can/ lus cung zad 'dud pa/ bcom ldan 'das lag pa kha
 sbyor byas pas ut+pa la sngon po yongs su gzung pa/ phyag mchog tu skyes pa/ dang por bcom ldan 'das la rtog par byed bzhin pa'i sgrol ma 'drir gzhug par bya'o/ /de'i
 'og tu pad+ma'i mtsho bya'o/ /de nas rtsa ba'i pad+ma la bcom ldan 'das kyi g.yas phyogs su 'phags pa spyan ras gzigs dbang phyug bya'o/ /g.yon du 'phags pa dri ma med
 par 'gro ba'o/ /gzhan du bcom ldan 'das ma sgrol ma'i g.yas su klu'i rgyal po mtha' yas mgo bo bdun pa/ phyag na pad+ma'i sdong po bsnams pa/ thams cad dkar ba/
 rnam par bkra ba'i gos dang / rgyan thams cad kyis rnam par brgyan pa 'drir gzhug par bya'o/ /g.yon du klu'i rgyal po rgya mtsho sngo bsangs/ phyag na pad+ma'i sdong bu bsnams pa/
 'di 'dra ba 'drir gzhug par bya'o/ /bcom ldan 'das kyi g.yas kyi gzhogs su rtsa ba dang nye bar dkar mo rgyan thams cad kyis rnam par brgyan pa/ rin po che'i stod g.yogs
 can/ rin po che dang / tsang+ga Taka phyag na bsnams pa/ pus mo sa la btsugs pa'i lha mo 'drir gzhug par bya'o/ /bcom ldan 'das ma sgrol ma'i g.yas kyi gzhogs su rtsa
 ba dang nye bar 'khod pa'i thams cad dkar mo/ gzhon nu'i gzugs can/ rgyan thams cad kyis rnam par brgyan pa/ thal mo kha sbyar du byas pa/ bcom ldan 'das ma dang /
 bcom ldan 'das la nges par rtog bzhin pa'i bde ldan 'drir gzhug par bya'o/ /'phags pa spyan ras gzigs dbang phyug gi zhabs kyi drung du sgrub pa po spyan ras gzigs
 dbang phyug la lta bar gyur pa/ gos dkar po'i stod g.yogs dang / smad g.yogs can/ dbyibs dang / rnam pa'i khyad par ji 'dra ba pus mo gnyis btsugs pa/ lag pa
 spos phor thogs pa bya'o/ /lha'i bu rnga bo che rdung bar byed bzhin pa bya'o/ /sprin las glog dang bcas pa bya'o/ phyogs bzhi dang / phyogs bral du'ang bya'o/ /g.yas su ras
 ris kyi steng du gnas gtsang ma'i ris kyi lha'i bu me tog 'thor bar byed bzhin pa 'drir gzhug par bya'o/ /steng du zla ba dang / nyi ma rgyan thams cad
 kyis rnam par brgyan pa 'drir gzhug par bya'o/ /steng du dung dang / rnga bo che dag go/ 'phags pa spyan ras gzigs dbang phyug gi g.yas su nag mo gsus pa 'phyang pa/ rgyan
 thams cad pa/ mche ba gtsigs pa/ stag gi pags pa'i sham thabs can/ go zhes bya ba'i phags pas dkris pa/ gtsug phud la thod pa'i phreng ba 'phyang ba/ rdo ba la
 rab tu bzhugs pa/ sbrul gyi mchod phyir thogs pa can/ phyag bzhi pa g.yas kyi phyag gis dgra sta yongs su bsnams pa/ phyag g.yon pa'i dang pos khrag gis yongs su
 gang ba'i snod dang / phyogs dang ldan pa'i lus la smin ma dang / skrar ldan pa/ bcom ldan 'das la thal mo sbyar ba byas pa/ sen mo ring po can/ glang po
 che'i pags pas stod g.yogs pa/ byang chub sems dpa' chen po'i bka' rab tu nod par byed bzhin par gyur pa'i 'phags ma sgrol ma'i sring mo 'drir gzhug
 par bya'o/ /de ltar ras ris 'drir bcug nas gtsang ma'i phyogs su dag pa dang / skyong ba dang / tshad ma nyid kyi yan lag rnam par spangs pa/ rin po che dang / chu
 klung gi 'gram mam/ gzhan du'ang rung ste gtsang ma'i gan du'o/ /de nas du ba 'thul bas ni dbang du byed do/ /gang thabs cig gsang sngags byed pa de'o/ /lha thams cad gsal
 bar byed par 'dod pas dkar po'i brgyad pa'ang rung ste las brtsams par bya'o/ /gtsang ma'i sa'i phyogs su gzhu'i tshad kyis thang la yongs su byug par bya ste de'i dbus su
 so phag gzhag par bya'o/ /phyogs bzhi rnams su sa las byung ba'i rtsa ba nag po med pa'i chu'i bum pa bzhi la brgyad brgyar sngags pa bzhag par bya'o/ /gzhon nu mas bkal
 pa'i srad bu tshon sna lnga las legs par dkris pa'o/ /dri zhim po'i phye mas dkyil 'khor byas phyogs bzhir chang dang / sha med pa'i gtor ma dbul bar bya'o/ /dri bzang
 po'i me tog gi mchod pa bya'o/ /gu gul gyi bdug pa dbul lo/ /zangs kyi snod mar gyis bkang ba gzhan nas 'gram gyi phye ma rnams la nye bar gnas par gzhag par bya'o//
 shar du mngon par phyogs pas phyi rol tu dkyil 'khor du ral pa gcig ma la mchod pa dang / gtor ma dbul bar bya'o/ /de nas ku sha ljang khu blangs nas gos dkar
 po gcig 'chang bar byas te ji srid du rkang pa gnyis kyi bar de srid du byabs par bya'o/ /de nas mar gyi snod kyi steng du ku sha des dor bar bya'o/ /de nas mar chung du de la gal
 te dri ma dang / sen mo dang / skra mthong na gang dang / gang gcig tu bya'o/ /ji srid du rang 'dod pa dang / smra ba lhag par skyes kyi bar du'o/ /de nas
 bum pa re re blangs te zlos bzhin pas gzhag par bya'o/ /sbyangs pa'i snod nges par gnas pa byas nas sangs rgyas dang / byang chub sems dpa' thams cad la phyag byed
 du gzhug go/ 'di la'ang 'di'i sku mnye sbyin par bya'o/ /pri yang ku dang / nA ga ge sar dang / sbrang rtsi can dang / du ruSh+ka rnams gcig tu byas nas lan bdun mngon par
 sngags pa byas te bsku bar bya'o/ /ba'i mar dang bsres pa'i bza' ba mchog bza' bar bya'o/ /nad med par 'gyur ro/ /gzhon nu mas bkal ba'i srad bu sngon
 por btsos pa la lan bdun mngon par sngags par byas nas bcing bar bya ste mig gi nad zhi'o/ /mgrin pa la bcings nas skyugs pa sel bar byed do/ /srad bu
 'di nyid kyi ras yug 'thag tu gzhug par bya'o/ /stong phrag brgyad du mngon par sngags pa gyad kyi lus la bcing bar bya ste g.yul du gzhan gyis mi thub par 'gyur
 ro/ /khru bzhi pa'i tshad kyi dkyil 'khor nye bar byugs te bcom ldan 'das ma la dri bzang po'i me tog gis mchod pa byas nas ba'i mar gyis sgron me dbul bar
 bya'o/ /de nas byang chub shing gi me sbar nas ku sha'i khres la nye bar 'dug pas lan bdun mngon par sngags pa'i sra rtsi pog gi sreg blugs thun gsum du stong phrag brgyad sbyin
 sreg gyis shig/ nyi ma bdun la gang 'dod pa de'i nad yun ring por nye bar zhi bar byed do/ /bgegs thams cad nye bar zhi bar byed par 'dod pas rgya mtshor 'gro ba'i chu klung gi
 'gram gcig gis blangs nas rnam pa sna tshogs pa'i seng+ge dang / stag gi mdog can gyi bgegs rnams nyi shu rtsa gcig lhag pa'i brgya bya'o/ /de nas nag po'i brgyad pa la
 mtshan mo gsum du smyung bar gnas pas gtsang ma'i phyogs su khrag sgrub par byed pa nye bar thogs te las brtsams par bya'o/ /de'i 'og tu phyogs bzhir rgya skyegs kyi lo ma
 la 'dug pa'i bgegs rnams gzhag par bya'o/ /bgegs rnams kyi dbus su bgegs chen po log par 'dren pa gzhag par bya'o/ /lan gcig mngon par sngags
 ba'i tshon sna lnga'i phye ma de rnams kyis thog mar dkyil 'khor bdun bya'o/ /me tog dmar po dang / dri dmar pos mngon par mchod par bya'o/ /phyogs bzhir mar gyi mar me
 dbul bar bya'o/ /rgya skyegs kyi khu ba phyogs bzhir gtor bar bya'o/ /de nas bcom ldan 'das ma stong phrag brgyad du mngon par sngags pa'am/ brgyad brgyar mngon pa
 sngags pa'i srad bu dmar pos bgegs thams cad la g.yas skor du dkri bar bya'o/ /de nas bgegs kyi rgyal po chen po bcing bar bya ste de rnams kyi
 dbus su u dum wA ra'i yam shing gis me rab tu sbar nas bgegs bcing bar bya'o zhes brjod nas swAhA'i yi ges be'u'i lci ba la zho dang / sbrang rtsi dang / mar gyis btags
 pa'i mtshan mo stong phrag brgyad sbyin sreg gyis shig/ de nas sgrub pa po de'i bgegs dang / log par 'dren pa thams cad bcing bar 'gyur ro/ /rig pa thams cad sgrub
 par byed bzhin pa na bgegs med par 'gyur ro/ /de rnams ni de rnams kyis byabs pas log par 'dren pa chen po gcig tu bzhag nas bgegs rnams thams cad la
 me tog thams cad dbul lo/ /srung ba thams cad kyang ngo / /bdug pa ni log 'dren chen po rnams la ka ra pI ra dmar po dang / tsan+dan dmar po dbul lo/ /bgegs thams
 cad dang / nye bar 'tshe ba thams cad la mchod yon dbul lo/ /log par 'dren pa dang bcas pa la gu gul dang mar bsres pas mchod yon dbul lo/ /de nas lte ba'i tshad
 du dong brko bar bya'o/ /der so so so sor bcug nas slar yangs pa'i sar bya'o/ /de ltar rig pa 'dzin pa'i bgegs thams cad med par 'gyur ro/ /ring bsrel dang
 bcas pa'i mchod rten du sa la ma lhung ba'i ba byung gis dkyil 'khor nye bar byugs te dri dang / me tog la sogs pa rnams kyis mchod pa byas nas u dum wA ra'i yam shing
 gis me rab tu sbar te tshangs pa'i yam shing gis thun gsum du sbyin sreg stong phrag brgyad gyis shig/ nyi ma brgya phrag gcig gam/ nyi ma brgya phrag gnyis su tsA ru bza' bas
 yid gzhungs par 'gyur ro/ /khru bzhi'i tshad kyis dkyil 'khor nye bar byugs te 'o ma can gyi yam shing gis me rab tu sbar nas 'o ma'i sbyin sreg gyis shig/ bram ze dbang
 du 'gyur ro/ /tsA ru'i sreg blugs gyis shig /rgyal rigs dbang du 'gyur ro/ /zho'i sreg blugs gyis shig /rje rigs dbang du 'gyur ro/ /nas kyi sreg blugs gyis
 shig/ dmangs rigs dbang du 'gyur ro/ /thams cad du bsgrub bya sgrub pa'i don du nyi ma brgya phrag gcig go /dgra la bltas nas bzlas par bya ste rengs par 'gyur ro/ /
 ma sha ka'i yam shing zho dang / sbrang rtsi dang / mar gyis btags pa rnams thun gsum du stong phrag brgyad sbyin sreg gyis shig/ gang la ltas nas bzlas pa de las su mi
 rung bar 'gyur ro/ /chu la lan bdun mngon par sngags pas dug thams cad sel bar byed do/ /dug thams cad la 'dod pas byab par bya'o/ /zhun mkhan gyi ril
 pu la lan bdun mngon par sngags nas mig dag par bya ste mig nad nye bar zhi bar byed do/ /byis pa gdon gyis zin pa la srad bu la lan bdun
 mngon par sngags pa byas nas bcing bar bya ste grol bar byed do/ /nad pa la bcing bar bya ste gdon thams cad mthu med par 'gyur ro/ /thal ba la lan bdun bzlas
 pas dkyil 'khor bcing ba'i/ /bu ma thon pa la til mar yongs su bzlas nas sbyin par bya ste bde bar btsa' bar 'gyur ro/ /rmongs pa mngal gyi dus tshod la 'das pa
 la khrus byas nas rgyud mtshungs pa'i mar la lan bdun mngon par sngags par byas nas btung bar sbyin no/ /bza' ba mchog dang ldan pa bza' bar bya'o/ /bu skye bar
 byed do/ /de nas bu mo mang po can gyi yam shing stong phrag brgyad sbyin sreg gyis shig /thal ba de bum pa bzhi chus kun tu bkang nas brgyad brgyar mngon par sngags
 pa dkyil 'khor du gsum gzhag par bya'o/ /skal ba bzang por 'gyur ro/ /'di'i bu 'chi ba'ang med do/ /shu dag la brgyad brgyar mngon par bzlas te lag pa
 g.yon la bcings na smra ba thams cad kyi mchog tu 'gyur ro/ /gzhan gyis mi thub pa'i me tog thun gsum du stong phrag sbyin sreg gyis shig /phyogs gcig la
 yul du gzhan gyis mi thub par 'gyur ro/ /gzhon nu mas bkal ba'i srad bu la brgyad brgyar mngon par sngags pa byas nas mdud pa bdun bya'o/ /lag pa la bcings nas brtan
 pa dang / g.yo ba'i dug mthu med par 'gyur ro/ /de nas mi bzad pa'i sbrul gyi mche ba'i dug la swAha'i yi ge'i bar du khyor ba'i chu blangs nas brgyad brgyar sngags te btung ba
 sbyin par bya'o/ /dug nyal ba'ang slong bar byed do/ /de nas ma langs na phyogs bzhi rnams su mngon par sngags pa byas te btung ba sbyin par bya'o/ /'jog pos kyang mche ba'i
 dug slong bar byed do/ /stan gan+ti ka la lan bdun mngon par sngags pa sa la byug pa sbyin par bya'o/ /ma bcings par yang de nyid du skem par byed do/ /tshor ba med par byed do/ /
 yams kyi nye bar 'tshe ba rnams la grong ngam/ grong khyer gyi dbus su mtshan mo phyed nas ba lang gi pags pa'i tshad kyi thang la nye bar byugs par bya ste dkar gsum gye gtor
 ma byin nas dri dang / me tog la sogs pa'i gtor ma byin te lo ma'i shing gis me rab tu sbar nas 'o ma'i sreg blugs stong phrag brgyad sbyin sreg gyis shig /nyi ma gsum
 gyis grong gsum gyi dang / nyi ma bdun gyis khang pa'i yams nye bar zhi bar byed do/ /de nas nye bar zhi bar ma gyur na 'dir nyi ma bdun du bad kan mthar byed kyi yam shing
 gis me sbar nas ak+Sha'i til mar gyis btags pa'i 'bras yos stong phrag brgyad sbyin sreg gyis shig / nyi ma gsum la 'phral gyi yams
 nye bar zhi bar byed do/ /thal bas 'gram bcings te zlos bzhin pas gang mthong ba de dga' bar 'gyur ro/ /gang ma bsgrubs par yang bcom ldan 'das ma 'phags ma
 sgrol ma'i ras ris kyi spyan sngar 'gyur ro/ /cho ga gzhan ni ring bsrel dang bcas pa'i mchod rten du gzugs brnyan gyi spyan sngar zla ba nya la gzugs brnyan la dang por
 nag po'i phyogs la mchod pa rgya chen po bya ste ar+g+ha'i yam shing gis me sbar nas zho dang / sbrang rtsi dang / mar gyis btags pas thun gsum du mdzub mo'i tshad kyi
 sbyin sreg stong phrag brgyad ji srid bcom lnga pa'i bar du gyis shig / de nas grub par 'gyur ro/ /de lta bu'i sbyor bas stong phrag gsum bzlas par bya'o/ /stong phrag gsum
 du bzlas pa bya ste las gzhan rnams su 'gyur ro/ /'dis sngon du bsnyen pa byas pas grub par 'gyur ro/ /de nas rgyal po'am/ rgyal po'i blon pe dbang du byed par
 ' dod na bcom ldan 'das ma la mchod pa byas nas byang chub shing gi yam shing la ing+gu di til mar gyis btags pa thun gsum du stong phrag brgyad sbyin sreg gyis
 shig/ nyi ma bdun la dbang du 'gyur ro/ /cho ga 'di nyid kyis grul bum dbang du 'gyur ro/ /til btags pa stong phrag brgyad sbyin sreg gyis shig/ 'byung po dbang du 'gyur
 ro/ /dur khrod du ro bsregs pa'i dum bu can stong phrag brgyad sbyin sreg gyis shig/ sha za dbang du 'gyur ro/ /wa Ta'i shing gi yam shing stong phrag brgyad sbyin sreg gyis
 shig/ gnod sbyin dbang du 'gyur ro/ /bal gyi sreg blugs stong phrag brgyad sbyin sreg gyis shig/ 'o thug dang / tsA ru dang / til gyi thug pa rnams kyi sbyin sreg gyis shig
 rigs bzhi dbang du byed cing dbang du 'gyur ro/ /gu gul gyi ril bu stong phrag brgyad sbyin sreg gyis shig/ lha chen po rjes su 'brang ba'i gdon dbang du 'gyur ro/ /mtshan
 mo gtsang mar langs nas stong phrag brgyad sbyin sreg dang / bzlas pa gyis shig /phyogs gcig la 'ching ba las grol bar 'gyur ro/ /zla bas 'ching ba chen po las grol
 bar byed do/ /til dang / paN+d+ya ka'i sbyin sreg gis khro ba nye bar zhi bar byed do/ /yang na til gyi sbyin sreg gis so/ /gos 'dod pas dUr ba'i myu gu'i sbyin sreg gyis shig
 gos zung brgya rnyed do/ /thun mong ba'i skyes bu dbang du byed pa la go be tram gyis sbyin sreg gyis shig /sbrang bu mchu rings kyi mchu bcing ba la sA la'i 'dab ma'i sbyin sreg
 gyis shig / stag gi mchu bcing ba la gi ri kar+Ni ka'i sbyin sreg gyis shig /seng ge'i mchu bcing ba la sing ha kar+NI ka'i sbyin sreg gyis shig /sbrul
 rnams la nA ga ge sar gyi sbyin sreg gyis shig/ zhi ba'i don du sA la'i lo ma dang / 'o ma can gyi yam shing gis ji ltar mngon par 'dod pa'i don thams cad la zho dang /
 sbrang rtsi dang / mar gyis btags pa thun gsum du nyi ma bdun nam/ zla ba phyed du sbyin sreg bya'o/ /sangs rgyas bcom ldan 'das ma lus dang / byang chub sems
 dpa' rnams la mchod pa byas nas 'bum bzlas par bya'o/ /ma grub pa sgrub par byed do/ /gzhan gyis bsgrubs pa'ang rnam par 'joms par byed do/ /klu la
 sogs pa'i gdon rnams la phyogs bcing ba dang / dkyil 'khor bcing ba la sogs pa bzlas pa nyid kyis byed do/ /mtshan mo bdun du thun gsum du tsher
 ma'i sbyin sreg gyis shig/ dgra bcom par byed do/ /nim pa'i yam shing tsha ba'i til mar gyis btags pa stong phrag brgyad sbyin sreg gyis shig /mtshan mo
 bdun gyis skye bar 'gyur ro/ /skra las khyad par du phung bar byed pa la a riSh+Ta'i yam shing stong phrag brgyad sbyin sreg gyis shig skyes pa'i sha dang / smyo
 byed la rtag tu bzlas par bya ste thams cad phyir ldog par mi 'gyur ro/ /gi wang la lan nyi shu rtsa gcig yongs su bzlas nas thig le byas te rgyal po'i sgo ru dang / shu dag la
 stong phrag brgyad mngon par sngags par byas nas lag pa la bcings nas gang blangs pa de rnyed do/ /gdon 'bros par byed pas mi'i rus pa blangs nas sor brgyad pa'i tshad
 byas nas brgyad brgyar mngon par sngags pa gdon gyi gnas su gdab par bya ste gdon 'bros par byed do/ /me tog dang / dri dang / 'bras bu la sogs pa brgyad brgyar
 mngon par sngags par byas nas gang la byin pa de dbang du byed do/ /rig pas bgegs rnam par gzhom pa'i don du seng ldeng gi yam shing gi stong phrag brgyad sbyin sreg
 gyis shig / nyi ma gsum nas bgegs med par 'gyur ro/ /de lta bu la sogs pa'i thabs thams cad byed do/ /thams cad du gso sbyong can gyi ras ris kyi spyan
 sngar bsgrub par bya ste ji lta ba bzhin du brjod par bya'o/ /stong phrag blangs nas g.yas kyi gzhogs su bzhag ste re re la lan bdun mngon par sngags pa byas nas
 ma la sbyin sreg bya'o/ /bar skabs 'dir ras ris rab tu 'gul bar byed pa dang / mar me'i rtse mo 'phel bar byed pa dang / nam mkha' la lha'i rnga bo che'i sgra
 sgrogs pa dang / dri zhim po'i rlung ldang ba dang / sa rab tu g.yo ba'o/ /de nas 'phags pa spyan ras gzigs dbang phyug thugs rje chen po can byang
 chub sems dpa' dang / rig pa'i tshogs du mas yongs su bskor ba/ ril ba spyi blugs dang / dbyug gu'i shing / g.yang gzhi nag po thogs pa/ ral pa'i cod
 pan 'phyang ba 'byon par byed do/ /'phags pa spyan ras gzigs dbang phyug gi sku las 'od zer byung ste rnam par 'phro ba'i 'od zer de rnams kyis sems can dmyal
 ba dang / dud 'gro dang / yi dwags thams cad yud tsam gyi tshor ba las nyams so/ /rang nyid thugs rje chen po can sems can thams cad la rjes su brtse ba'i 'phags
 pa spyan ras gzigs dbang phyug mthong bar byed do/ /sgrub pa pa pus mo gnyis btsugs pas shar du bzhag pa'i rnam rgyal bum pas mchod yon dbul lo/ /de
 nas 'phags pa spyan ras gzigs dbang phyug gis gsungs pa/ mchog ci 'dod pa de sbyin par byed do/ /gang blangs pa de rnyed do/ /rig pa 'dzin pa'i 'khor
 los bsgyur ba nyid dang / rgyal srid chen po dang / tshe ring po nyid dang / thos pa 'dzin pa nyid dam/ lus la dbang po ma tshang ba med pa nyid dang / gso dka'
 ba'i nad 'joms pa'am/ gter 'pho bar byed pa dang / phug tu 'jug par byed pa'am/ rig pa thams cad kyi dngos grub bam/ mi snang ba nyid dang / sa chen po'i dbang
 phyug gam/ gang blangs pa de rnyed do/ /'phags pa spyan ras gzigs dbang phyug bcom ldan 'das gang 'dod pa der yang 'gro'o/ /'dis tshe bskal par 'gyur ro/ /de'i
 tshe bcom ldan 'das ma sgrub par byed pa ni rig pa thams cad kyi 'khor los bsgyur ba nyid dang / mang du 'dod pa dang / thogs pa med pa dang / lha dang / klu dang / gnod
 sbyin dang / dri za dang / lha ma yin dang / nam mkha' lding dang / mi'am ci thams cad kyis mngon par 'dod pa sgrub pa bdun pa la mtshams med pa byed pas kyang 'grub
 p ar 'gyur ro zhes pa de lta bu kho nas kun tu rtogs par bya'o zhes pa sgrub pa chen po dang po'i cho ga bcom ldan 'das ma sgrol ma'i rtsa ba dang po las btus pa rdzogs
 so/ / //ras ris zhal shar du phyogs par bzhag nas de nas cho 'phrul gyi phyogs kyi dkar po'i brgyad pa'am/ cho 'phrul gyi phyogs bcu pa la
 las brtsams par bya ste/ lo ma dang / nas zan dang / me tog dang / 'bras bu dang / tsA ru dang / 'dam pa dang / zho dang / 'o ma dang / phye dang / dri za'i bza' ba'am
 slong mo blangs pa'i bza' bas kyang rung ste gso sbyong can gyis byams pa dang / snying rje chen po dang ldan pas byang chub mchog tu sems bskyed de sems
 c an rnams kyi don rjes su bsams nas nyi ma so sor 'phel bzhin pa'i mchod pa byed cing ku sha bting ba'i mal stan la khrus lan gsum byed cing gos lan gsum du
 brjes te ku sha'i khres la nye bar 'dug nas nyi ma re re la ji ltar 'byor bas 'phel bar byed bzhin pas slong mo bza' bar bya'o/ /rkang pa g.yon pas bgrod pa la sogs
 pa byed cing 'bum phrag bcu drug bzlas par bya'o/ /de ltar sngon du bsnyen pa byas pas dkar po'i brgyad pa'am/ bcu bzhi pa la sgrub pa brtsam par bya ste dge slong
 gi dge 'dun 'dra ba rnams kyis btsal bar bya'o/ /de nas ras ris kyi phyogs bzhir sa las byung ba bum pa rtsa ba dang / nag po med pa bzhi bcu dang bcas pa/ a
 mra'i yal 'dab kyis kha bkab pa/ sa bon thams cad kyis yongs su bkang ba'i bum pa gzhag par bya'o/ /ras ris kyi spyan sngar khru bzhi pa'i tshad la zangs dang / gser
 dang / dngul las byung ba'am/ sa las byung ba'i bum pa chen po rnam pa sna tshogs pa'i 'dab ma dang / 'khri shing gis spras pa dag pa'i chus yongs su gang ba smra
 ba thams cad dang / sman thams cad dang / ro dang / dri dang / rin po che'i snying po me tog gis phon pos kha btab pa du gu la'i ras ma nyams pas mgrin pa bcings pa/ rnam par
 rgyal ba zhes bya ba'i bum pa gzhag par bya'o/ /ras ris kyi g.yon gyi gzhogs na gnas pa'i bcom ldan 'das ma shes rab kyi pha rol tu phyin ma gzhag par bya'o/ /de nas
 dri zhim po'i me tog gi phreng ba bcu drug ras ris la dbul bar bya'o/ /mdun du dri bzang po'i tsan+dan gyi chus yongs su bkang ba dang / 'o mas bkang ba'i brgyad po de rnams so/ /
 ba'i mar gyis mar me brgyad dbul bar bya'o/ /tsA ru dang / 'o thug dang / til gyi thug pa dang / zan dron dang / paN+Da ka dang / bca' bar bya ba rnams kyis kham phor bkang
 nas ras ris kyi phyogs bzhir dbul bar bya'o/ /thams cad du ras ris la bris pa'i lha rnams la dkar gsum gyi gtor ma dang / lha bshos dang / phyi rol tu gtor ma
 dbul bar bya'o/ /de nas 'bru thams cad dang / 'bras bu thams cad ji ltar rnyed pas ras ris kyi phyogs bzhir gtor ma dbul lo/ /a ga ru nag po'i bdug spos
 dbul bar bya'o/ /de nas ku sha'i khres la nye bar 'dug ste yid rtse gcig pas phyogs su las brtsam par bya'o/ /'o ma can gyi shing gi yam shing gis me rab tu sbad nas
 a ga ru nag po'i yam shing la zho dang / sbrang rtsi dang / mar gyis btags pa stong phrag brgyad sbyin sreg gyis shig /sems can thams cad kun tu
 gzigs pa zhes bya ba'i ting nge 'dzin la snyoms par zhugs so/ /de'ang ting nge 'dzin las langs nas thams cad dang ldan pa'i 'jig rten gyi khams la lha'i spyan gyis kun tu
 gzigs nas/ byang chub sems dpa' sems dpa' chen po mthu chen thob la smras pa/ rigs kyi bu nyon cig/ rig pa'i rgyal mo chen mo ma bsgrubs par yang las thams cad
 'gyur ba rjes su dran pa tsam gyis bdag nyid srung ba la lan gcig brjod pas gtsug phud bcings pa/ gnyis bzlas pas srung ba chen mo dang / gsum bzlas pas dkyil
 'khor bcings pa/ bzhi bzlas pas mchu bcing ba dang / lnga bzlas pas rkang gnyis pa dang / rkang bzhi pa srung zhing dbang du byed pa dang / drug bzlas pas dur khrod du 'jug
 pa dang / bdun bzlas pas sems can thams cad dbang du byed do/ /zhi ba byed par 'dod pas ras ris kyi spyan sngar spyan ras gzigs dbang phyug gi drung du a riSh+Ta dang / 'o
 ma can gyi shing gi yam shing gi me rab tu sbar nas 'bras yos kyi sreg blugs thun gsum du stong phrag brgyad sbyin sreg gyis shig/ nyi ma gsum la gcig gis dang /
 bdun gyis skye bo chen po dang / phyogs kyi grong dang / grong khyer gyi dang / zla bas yul 'khor chen po zhi bar 'gyur ro/ /rgyas par 'dod na ras ris kyi spyan sngar 'o ma can gyi
 yam shing gis me rab tu sbar nas 'bru dang / 'bras thug po che'i thun gsum du sbyin sreg stong phrag brgyad sbyin sreg gyis shig/ nyi ma bdun phrag gsum gyis rgyas par
 'gyur ro/ /nyi ma bdun gyis rgyas pa chen por 'gyur ro/ /a mra'i yam shing gi me rab tu sbar nas dUr ba'i myu gu stong phrag brgyad sbyin sreg gyis shig/ smra ba rnams la smra
 ba'i mchog tu 'gyur ro/ /nyi ma shar ba nas ji srid nub kyi bar du arga'i shing gi me la ming nas smos te lag pa g.yon pas lan bdun du phu ba ma'i sbyin sreg gyis shig /dbang
 du 'gyur ro/ /byang chub shing gi yam shing gis me rab tu sbar nas me tog brgya pa dang / sha ta ba ri dang / shu dag dkar po dang / yungs kar dang / nas rnams thun gsum
 du stong phrag brgyad lan nyi shu rtsa gcig tu sbyin sreg gyis shig / nyi ma bdun gyis skyes bu chen po dbang du byed do/ /mar gyi sbyin sreg gis rkang gnyis pa dang / rkang
 bzhi pa dbang du byed do/ /rgyal po'i arga'i yam shing gis me rab tu sbar nas tsha ba'i til mar gyis btags pa'i rgya skyegs kyi lo ma stong phrag brgyad sbyin sreg gyis shig/
 nyi ma bdun la dmag sde 'jig par byed do/ /seng lder gi yam shing gis me rab tu sbar nas ku sha ljang gu stong phrag brgyad sbyin sreg gyis shig /phyogs
 kyi dgra'i 'gro ba gcod par byed do/ /'o ma can gyi yam shing gis me rab tu sbar nas lha'i shing gi yam shing dus gsum du stong phrag brgyad sbyin sreg gyis shig /zla ba
 gcig la 'og gi lha mo rnams dbang du byed do/ /tsA ru bza' zhing klu'i shing gi me rab tu sbar nas nA ga ge sar la mar gyis btags pa thun gsum du stong phrag brgyad sbyin
 sreg gyis shig/ nyi ma so sor 'phel bzhin mchod pa bya ste nyi ma bdun nam/ zla ba gcig la steng du 'gro ba'i lha mi rnams dbang du byed do/ /tsA ru bza' zhing byang
 chub shing gi yam shing gi me rab tu sbar nas zho dang / sbrang rtsi dang / mar gyis btags pa'i yungs kar rgyal po'i sreg blugs stong phrag brgyad sbyin sreg gyis
 shig/ nyi ma gsum la rgyal po'i btsun mo dbang du byed do/ /gang smras pa de thams cad rdzogs par byed do/ /'dod pas nye bar bzhag pa ni ma gtogs so/ /byang
 chub shing gi yam shing gis me spar nas a mra'i 'dab ma rnams thun gsum du stong phrag brgyad sbyin sreg gyis shig / khyim gyi gnod pa nye bar zhi ba byed do/ /ras
 r is kyi spyan sngar mda' rgyang gi tshad kyi thang la nye bar byugs te nas kyi ril bu stong phrag brgyad la gzugs brnyan byas nas lan bdun mngon par sngags pa'i mtshon rnon pos btub cing
 btub cing sreg blugs stong phrag brgyad sbyin sreg bya'o/ /ji srid rkang pa'i bar ming nas smos nas khu tshur bcings te 'dug pa'i steng du lag pas dbul lo/ /de nas khyim med par kun
 tu snang ba'i ched du rtog par bya'o/ /de'i mdun du khu tshur dgrol bar bya ste zhi ba nyid dbang du 'gyur ro/ /de ltar nyi ma bdun la 'bangs nyid kyis nye bar gnas so/ /a riSh+Ta'i yam
 shing gis me rab tu sbar nas shing tA ra brta'i zhogs pa rnams la lan bdun bzlas pas thun gsum du stong phrag brgyad sbyin sreg gyis shig/ phyogs kyi bza' ba rgyun mi 'chad
 par skye'o/ /pA la sha'i yam shing gis me rab tu sbar nas a pa marga'i yam shing gis btags pa thun gsum du ming nas smos te stong phrag brgyad sbyin sreg gyis shig/ nyi ma
 bdun la gang 'dod pa de dbang du 'gyur ro/ /ba byung gi gzugs brnyan byas nas lan bdun mngon par sngags pa byas pa'i mtshon rnon pos mgo bo nas brtsams nas rkang pa'i
 bar du gtubs nas stong phrag brgyad sbyin sreg gyis shig/ nyi ma bdun la nga rgyal chen po dbang du 'gyur ro/ /dkar po'i bco lnga la sa la ma lhung ba'i ba byung gis ba lang gi
 pags pa'i tshad kyi thang nye bar byugs te ring bsrel dang bcas pa'i mchod rten du ras ris bzhugs nas gser ram/ dngul lam/ zangs kyi snod
 d u ser skya rgyud mtshungs pa'i 'o ma gzhon nu mas bsrubs pa'i mar blangs nas ku sha'i khres la nye bar 'dug ste a shwa t+tha'i 'dab ma'i nang la snod byas g.yas su bskor ba bzhi
 rab tu bzhag nas lag pa g.yon pas mnan te thun gsum du stong phrag brgyad bzlas pa bya'o/ /nyi ma brgyad pa la lag pa g.yas pa'i ming med kyi sor mos dkrugs te ji
 srid du dro bar gyur pa de srid du bzlas par bya'o/ /de nas btung bar bya ste go cha bcing ba'ang bcom ldan 'das ma nyid kyis bya'o/ /yid gzhungs par 'gyur ro/ /ral pa gyen
 brdzes kyi rgyud phyi mar zla ba'i cho ga'i nye bar spyod pa'o/ /sgrol ma'i sgrub thabs kyi rig pa thams cad la sa la ma lhung ba'i ser skya'i ba byung gis gtsang ma'i phyogs su dkyil
 'khor gru bzhi pa bya'o/ /ba byung des yang dag par rdzogs par bya ste/ dkyil 'khor der sangs rgyas kyi gzugs brnyan gzhag par bya'o/ /de nas bil ba'i mgo bo'i
 'dab ma rnams byas nas til dang / til gyi thug pa dang / til mar dang / smyo byed dang / 'o thug dang / bu ram dang / gang ba can dang / nas zan bza' ste ma rnyed
 pas a ga ru'i bdug pa sreg go/ der lha dang / nub tu'ang phyogs bzhir sngar brjod pa'i gnod sbyin mo rnams kyi ming smos nas brjod par bya'o/ /'ongs pa dang dri dang / me tog
 dang / bdug pa dang / gtor ma so sor bzhes pa dang / 'di lta bu'i ming gi rig pa bzlas so/ /der bu ram dang / gang ba dang / 'o thug kyang shar gyi phyogs su gzhag par bya'o//
 dri za rnams la gtor ma dang / til dang / til gyi thug pa dang / chang gis bkang ba can lho phyogs su gzhag par bya'o/ /gnod sbyin dang / grul bum rnams gtor ma la
 'o mas bkang ba dang / 'o thug nub kyi phyogs su bzhag par bya'o/ /klu dang / 'dab bzang rnams la gtor ma rtsab mos bkang ba dang / zhos bkang ba dang / zan yang byang gi
 phyogs su gzhag par bya'o/ /gnod sbyin mo rnams la gtor ma dang / dar bas bkang ba dang / chu dang bsres pa'o/ /bcom ldan 'das ma la dkar gsum gyi gtor ma
 phul nas me tog thams cad kyis kyang mchod par bya'o/ /de'i phyogs bzhi ru gu gul gyi bdug pa dbul lo/ /a ga ru dang / tu ruSh+ka dang / ga pur ram/ dri'i sar dza ra'i
 gtor ma 'am/ zan dron dang phye phyogs bzhir gzhag par bya'o/ /yod bzhin pa ma yin pas ji ltar 'byor pa dang / ji ltar yod pa'i gtor ma dbul bar bya'o/ /bcom
 ldan 'das ma la'ang mar gyi mar me dbul lo/ /de nas myur du ril ba spyi blugs g.yas kyi gzhogs su gzhag par bya'o/ /ras ris sam/
 bdun pa'am/ ku sha blangs nas lan brgyar mngon par sngags pa byas nas kha shar du phyogs te rig pa bzhi lan nyi shu rtsa gcig tu bor bar bya'o/ /brgyad brgyar mtshon
 las rgyal bar 'gyur ro/ /de'i ming nas smos pa nyid kyis dus gsum du bzlas par bya'o/ /de nas mtshungs par 'dor bzhin pa byas pa la bcom ldan 'das la gang
 me tog dang / bdug pa dang / mar me'ang dor nas rnam pa gzhan gyi gtor ma thams cad blangs te 'phang bar bya'o/ /rdzing skam po dang / khron par gzhug par bya'o//
 yang na gzhan yang gtsang ma'i phyogs bla ga ba dang bcas par yang rung ste rnam par dor bar bya'o/ /gang du wa dang / ce spyang dang / khyi rnams kyis mi za ba ro/ /rkang pa
 dag kyang rung ste mnan par mi bya'o/ /yang na mes legs par bsreg par bya ba nyid do/ /dkyil 'khor gyi sgrub pa thams cad la'ang gtor ma gshegs pa'i cho
 ga'o/ /phyi nas zla ba las byung ba'i dkyil 'khor phyogs su lnga byas pa zhes pa btags pa ma yin pa la sangs rgyas kyi gzugs brnyan byas nas rang gnas su gzhag
 par bya'o/ /'di rnams byab pa'i thabs so/ /cho ga bzhin thams cad du rdzogs pa'i rig pa dang / snying pos las chen po thams cad ji srid par de bzhin kho nar sa la ma lhung ba'i
 ba ser skya'i ba byung gis sngar brjod pa'i cho gas dkyil 'khor byas nas de bzhin kho nas gtor ma gzhag par bya'o/ /bdug pa dang / me tog kyang ji skad gsungs pa bzhin
 phul nas byab par bya'o/ /srad bu bcing bar bya'o/ /bdag nyid bsrung bar bya'o/ /gang zhig las chen por rgyas par byed par 'dod pas cho ga de nyid kyis ba sgrub par bya'o/ /snga
 ma kho na de srid du'o/ /ji ltar rnyed pa'i gos skra dang bral ba la sangs rgyas kyi gzugs brnyan ma 'dres pa'i tshon gyis 'drir gzhug par bya'o/ /gzugs brnyan zhal nub tu
 phyogs pa de'i g.yon gyi gzhogs su bcom ldan 'das 'phags pa spyan ras gzigs dbang phyug 'drir gzhug par bya'o/ /phyag bzhi pa gi wang dpal be'u bya'o/ /ji srid
 du bsgrub par bya ba'i rig pa de'ang de'i dbus su rgya skyegs kyi mdog tu snang ba gur gum gyis bris par bya'o/ /dpral bar yang rung ste gser las byung ba'i dar thod bya'o/ /
 byang chub sems dpa'i g.yas su bcom ldan 'das ma sgrol ma gser dang / sngo bsangs na bza' dkar po mnabs pa/ mchod phyir thogs pa can/ ut+pa la sngon po phyag na
 thogs pa/ g.yas pas mchog sbyin pa/ de'i g.yas su rig pa'i rgyal mo rma bya chen mo phyag bzhi pa'o/ /rma bya chen mo'i bar du rma bya'i rgyal po gser
 du snang ba zhes bya ba gser las byung ba'i gshog pa chen po rin po che'i rgyan thams cad kyis brgyan par bya'o/ /rig pa rma bya chen mo ni dkar zhing dag pa 'drir gzhug par
 bya'o/ /'di'i g.yas kyi phyogs su dzam+bu'i gling rtse mo gsum pa/ shing rta'i gdong gi rnam pa'o/ /nub tu nub ba lang spyod kyi gling zlum por 'drir gzhug par bya'o/ /byang
 gi phyogs su byang sgra mi snyan gyi gling gru bzhi mnyam pa bya'o/ /shar du lus 'phags por rgyal po chen po yul 'khor srung dri za'i bdag po 'khor dang bcas pa 'drir
 gzhug par bya'o/ /'dzam bu'i gling gi gzhogs su rgyal po chen po 'phags skyes po grul bum gyi bdag po bya'o/ /nub kyi ba lang spyod kyi gzhogs su rgyal po chen po mig
 mi bzang klu rnams kyi bdag po sangs rgyas kyi gzugs brnyan gyi steng du gser gyi stan la gos dkar po can ba lang gi mig can bya'o/ /'phags pa kun dga' bo bcom
 ldan 'das kyi gzhogs su thal mo sbyar ba byas pa pus mo gnyis sa la btsugs pa bya'o/ /g.yas kyi gzhogs kyi gcig gi rgyab tu phyag na rdo rje phyag na rnga yab thogs
 par bya'o/ /sangs rgyas kyi gzugs brnyan gyi khor yug thams cad du me tog dang / 'bras bu phra mo rnams so/ /sangs rgyas kyi shar gyi phyogs su shar gyi lus 'phags kyi gling
 ngo/ /byang gi sgra mi snyan gyi gzhogs su rgyal po chen po ngal sos po gnod sbyin gyi bdag po chen po 'khor dang bcas pa 'drir gzhug par bya'o/ /de nas dkar po'i tshes gcig nas
 brtsams te tshangs par spyod pa bsnyen gnas yan lag brgyad pa dang / 'o ma dang / zan bza' zhing dus gsum du kun tu ru'i bdug pa sreg cing ras ris de la rig pa lan nyi
 shu rtsa gcig tu brjod par bya'o/ /'di skad ces brjod par bya ste/ rig pa'i dngos grub bdag la gyur cig /nyi ma phyi ma gsum la gso sbyong la gnas pa nyid kyis bco lnga la
 dga' bar 'gyur ro/ /dkar po'i phyogs la sa bon btang ba las khang pa can gyis nye bar sbyar ba dang / bram ze gzhon nus bkal ba'i srad bu dang / gzhon nu mas byas
 pa nye bar blangs te sangs rgyas kyi gzugs kyi zhabs kyi drung du bya'o/ /lcags lnga rgya shug gi tshig gu'i tshad kyi gser dang / dngul dang / zangs dang / tshon mo steng ste
 nag po dang / lcags rnams sangs rgyas kyi gzugs brnyan gyi zhabs drung du bya'o/ /rig pa grub pa la lcags de rnams la dbul bar bya'o/ /yang na sangs rgyas la
 mchod pa'i las rnams so/ /de nas sa la ma lhung ba'i ba byung ba ser skya las byung bas ba lang gi lag pa'i rnam pa shar du mgo bo bstan par nye
 bar byugs nas kha'i rtsa bar shar gyi lus 'phags kyi gling zlum po bya'o/ /lho'i rkang pa gnyis su 'dzam bu'i gling zur gsum pa/ lho nub tu ras ris kyi spyan sngar nub
 ba lang spyod kyi gling zlum po bya'o/ /nub kyi rkang pa'i mdun du byang sgra mi snyan gyi gling gru bzhi mnyam par bya'o/ /gnod sbyin gyi phyogs su sangs rgyas kyi gzugs brnyan
 zhal nub tu phyogs pa gzhag par bya'o/ /de'i g.yon gyi gzhogs su bcom ldan 'das ma sgrol ma 'drir gzhug par bya'o/ /ri mor byas sam/ sa las byung ba
 gzhag par bya'o/ /de nas sangs rgyas la gus pa dang bcas pas dri dang / me tog la sogs pa ser po ji lta ba dang / tshad med pa'i mar gyi mar me rnams dbul bar
 bya'o/ /bcom ldan 'das ma'i spyan sngar mar gyi mar me dbul bar bya'o/ /gling bar rnams su sbrang rtsis bkang ba dang / mar gyi mar me 'am/ til mar gyi mar me dbul
 bar bya'o/ /shar gyi phyogs su tsan+dan btags pa'i bdug pa dri za rnams la dbul bar bya'o/ /bu ram gyis bkang ba dang / phye'i skyo ma dang / 'o thug rnams lho'i
 phyogs su bdug pa dang / 'bras yos dang / yungs kar dang / til dang / 'bras thug po che rnams bsres pa dang / til gyi thug pa dang / chad gis bkang ba'ang grul bum rnams
 la dbul bar bya'o/ /nub kyi phyogs su mar dang / gu gul gyi bdug pa dbul zhing 'o mas bkang ba dang / 'o thug rnams kyang klu dang / 'dab bzang rnams la dbul bar
 bya'o/ /byang gi phyogs su kun tu ru'i bdug pa dang / rtsab mo dang / zho zan yang gnod sbyin rnams la dbul bar bya'o/ /kun+tu ru ka ma rnyed na tsan+dan btags pa'am/ sra tsi
 pog kyang rung ngo / /phye'i skyo ma dang / sbrang rtsis bkang ba'ang phyogs bzhir rab tu grags shing ji skad brjod pa'i yul 'khor srung la sogs pa'i bza' ba shes pa'i gnas
 kyis brtags par byas pa/ chu klung 'khyil bas bkang ba'i bum pa re re 'bru dang / ji ltar rnyed pa'i rgya shug dang / u dum wA ra dang / kha stu ra dang / rgun 'brum la sogs
 pa rnams dbul bar bya'o/ /sa bon thams cad kyang nyung du nyung du lhag ma dang bcas pa bya'o/ /de la gal te rig pa bsgrub pa bya bzhin pa la shar gyi phyogs su tse spyang mo'i
 sgra grag par 'gyur na de la gnas nas 'das pas shar gyi phyogs gang yin par gtor ma lhag ma dang bcas par bzhag ste rtag tu gtor bar bya'o/ /gal te lho'i
 phyogs su gtor ma lhag ma dang bcas pa bzhag pa tsam gyis gnas der 'jigs pa 'jigs pas gtor bar bya'o/ /de bzhin du nub dang / byang
 gi phyogs su gtor bar bya ste 'di ni yongs su spyod pa pos bya'o/ /rig pa sgrub pa pos rig pa kun tu sgrub pa la drang bar bya'o/ /rig pa 'dzin pa'i snga ma'i rtsa bar kha
 s har du phyogs te ku sha blangs nas nye bar 'dug cing nye bar 'dug nas rig pa 'dzin pas gling bzhi rnams kyi phyi rol tu phyogs bzhir khor yug gi ri'i ngos bzhi la
 zlum po ser skya'i ba byung de nyid kyis bya'o/ /blangs nas nye bar 'dug pa de'i stan la sangs rgyas kyi gzugs brnyan gyi bar du sol ba dang / ba byung dang / pA la sha
 las byung ba rnams gzhag par bya'o/ /lhag ma la sogs pa'ang med la stong phrag brgyad sbyin sreg bya'o/ /bsgrub par bya bar bsgoms te dang por mtshon cha dang /
 de nas yongs su bzlas pa'i swAhA'i mthar rab tu gzhug par bya'o/ /sa lI'i yam shing dang / arga ma rnyed na u dum wA ra dang / pA la sha dang / a pA marga
 dang / gzhan gang yang rung ba kun nas bsreg tu gzhug par bya'o/ /de nas gzhon nu mas bkal ba'i srad bu gang dang / gang yin pa de la sngags 'dis ming
 nas smros par bya'o/ /na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ mahA satwA ya/ a ba lo ki te swAhA/ /sngags 'di brgyad brgyar bzlas la mdud pa
 brgyad byas te rak+Sha swAhA zhes bya'o/ /srad bu de dag bdag nyid srung ba'i don du bdag nyid kyi lag pa la bcing bar bya'o/ /sangs rgyas de dang / de dus grub pa la lhag ma srad
 bu dang / sa bon la sogs pa rnams blangs nas yongs su spyod pa pos lha'i khang pa nam mkha' la gzhag par bya'o/ /lha mchod pas mchod par bya'o/ /de nas nad pa rnams
 kyi lhung bzed bza' ba dang / btung ba la sogs pa rnams dbul bar bya'o/ /lhag ma yid kyis bgos te chu klung du rab tu blug par bya'o/ /rdzing skam po'am/ khron pa'am/
 bla gab can gyis phyogs su sa la bskor bar bya'o/ /mes legs par bsreg par bya'o/ /gang la la bcom ldan 'das ma sgrol ma sgrub par 'dod bas bcom ldan 'das
 kyis gsungs pa'i don 'dis dang po kho nar byang chub kyi sems lhan cig bskyed par bya'o/ /bcom ldan 'das kyis gsungs pa thams cad kyang byang chub chen po'i mchog
 gi dngos grub kyi gnas so/ /de la sangs rgyas zhes bya ba ni rig pa 'gog pa dang / rig pa skye ba ste de'i phyir de la rig pa bsgrub par bya ste de la bgegs byed par mi nus so//
 thog ma kho nar gzhan du rig pa sgrub par byed pa'i dus ni sa ga'i zla ba'i bco lnga nya 'am/ dbo 'am/ chu stod dam/ smin drug gi dkar po'i bco lnga
 la rnam par gang du'ang rung ste/ gang zhig drag po sgrub par byed par 'dod pa de rnam par 'dis nag po'i phyogs kyi tshes gcig nas nye bar blangs te nag po'i bcu bzhi
 pa la sngags 'dis so/ /na mo rat+na tra yA ya/ na ma Ar+ya a ba lo ki te shwa ra ya/ bo d+hi satwA ya/ mahA satwA ya/ ma hA kA ru Ni kA ya/ oM be da bid swAhA/ sngags 'di
 s ngon du srad bu dmar po bcings te dur khrod du ba lang gi pags pa'i rnam par ser skya'i ba byung gis nye bar byugs pa byas nas de bzhin kho nar gtor ma'i cho gas
 'byung po gzhan rnams la gtor ma sna tshogs bya'o/ /yongs su spyod par byed pa po bzhis mtshon cha dang bcas pas yam shing bsreg tu gzhug par bya'o/ /srad
 bu la mdud pa brgyad brgya byas nas bdag nyid srung ba'i don du bcing bar bya'o/ /sangs rgyas des 'byung po dang / yi dwags dang / sha za dang / tshangs pa'i srin po
 la sogs pa rnams dbang du 'gyur ro/ /rig pa grub pa na de bzhin kho nar gtor ma'i cho ga gshegs su gsol lo/ /rig pa sgrub pa thams cad la gang rig pa sgrub
 par byed par 'dod pa des mtshan mo gtsang mas gtang mar gyur pa'i gos bgos te rang bsgrub par bya bar 'gyur ro/ /kun+tu ru 'am/ a ga ru nag po'i bdug pa bsreg cing kha shar
 du phyogs bas lan bcur brjod par bya'o/ /'di skad ces kyang brjod par bya ste/ bcom ldan 'das ma rang nyid byon nas me tog dang / gtor ma'ang so sor bzhes nas bdag
 gi bya ba 'di mdzod cig ces so/ /de bzhin du lho shar du kha phyogs pa dang / lho nub dang / nub byang dang / byang shar dang / steng dang / 'og tu'ang brjod par bya bar 'gyur ro/ /
 rang nyid kyis byon te bdug pa dang / me tog la sogs pa dang / mar me so sor bzhes nas bdag gi bya ba'ang bya'o zhes so/ /phyir zhing tho rangs zhi ba'ang lan bdun nam/ bcur
 de bzhin nyid du phyogs bcu rnams su spyan drang bar 'gyur ro/ /byon pa dang / bdug spos la sogs dbul bar bya'o/ /slar yang nyin mo rnam par mnan te gtor ma'i las
 thams cad byas nas ku sha blangs te nye bar 'dug par 'dod pas de bzhin nyid du phyogs bcur spyan drang bar bya'o/ /bcom ldan 'das ma byon pa dang dri dang / me tog la
 sogs pa'ang bzhes te bdag gi bya ba'ang mdzod cig ces so/ /de nas ku sha blangs te nye bar 'dug ste ji skad bshad pa'i bsgrub pa bya'o/ /rig pa sgrub pa la mtshan ma 'di
 rnams 'byung ste/ rig pa'i ched du rmi lam mthong ba ni glang po che dang / rta dang / lha'i khyim dang / khang bzang mthong ba dang / 'jogs pa dang /
 rig pa'i dngos grub kyi mtshan nyid rnams kyang ste mthong bas rlung gi bya ba'i dngos grub grub bo/ /de bzhin du ma dang / pha dang / me sa po dang / yang mes dang / rgyal po
 chen po dang / bu mo rgyan gyis brgyan pa mthong ba dang / gos dkar po'i bgo ba dang / zan dang / ba lang dang / bram ze gzhon nu dang / gser dang / rlan dang / rma bya dang /
 sha dang / nya dang / 'o ma dang / zho dang / mar gyi gtor ma'i las la sogs pa rnams 'jug bzhin pas non par smra ba rnams dang / me tog dang / 'bras bu la
 sogs pa mthong na ji lta bar ldan pa'o/ /de nas sos ka dang / dbyar nye bar ma mthong ba dang / rlan la gnas pa'i nas dang / gro rnams mthong na phyin ci log gi
 dus kyi char pa dang / ji ltar rab tu bsngags pa'i zhi ba 'dod pa ni bum pa gang ba dang / 'o ma dang / zho dang / mar dang / me tog dang / 'bras bu rnams mthong
 na rab tu 'jug par bya bzhin pa 'di rnams ni mchog las so/ /ba la dang / bram ze dang / gzhon nu dang / gser dang / rma bya la sogs pa rnams mthong ba
 dang / bltas nas dngos grub bo zhes rig pa thams cad sgrub pa'i bya ba rnams la las rnams brtsam par bya'o/ /phyin ci log 'di rnams mthong na gnyid mi log ste rmi lam
 du sdig pa dang / bong bu dang / rnga mo dang / phag dang / spre'u dang / bya rog dang / 'ug pa dang / bya rgod thams cad dang / byi ba dang / byi la dang / dbyig dang / gcer
 bu dang / si ta ru k+Sha dang / snod stong pa dang / shing skam po dang / dur khrod kyi sol ba dang / chu klung bskams pa dang / log par 'dren pa rnams te mi shis pa mthong na
 rig pa mi 'grub bo/ /bya ba thams cad la bgegs 'byung bar 'gyur ro/ /de la sngags 'di bgegs thams cad la rab tu sbyar bar bya'o/ /oM badzra khu ru bi kri tA na na hUM hUM
 phaT/ sngags 'di ni rta mgrin zhes bya ba khro bo'i rgyal po'i ste/ sngags 'di lhag par gnas pas bdag nyid bsrung ba byas pa dang / las thams cad sgrub pa la 'jigs
 pa mi 'byung ngo / /de nas rims rnams dang / byis pa gdon gyis zin pa rnams la byabs pa dang / srad bu bcing bar bya ste dug byabs pa'ang ji srid du rig pa lan gcig
 bzlas pas 'grub par byed do/ /de la bum pa la 'drir gzhug par bya ste gzhon nu mas bkal ba'i srad bu gtso bo'i sngags kyis mdud pa brgyad brgya byas nas bum pa
 de la bcing bar bya'o/ /rim pa de dngos grub dang / dngos grub med par ston bar byed do/ /nyi ma gnyis pa la mdud pa thams cad dgrol bar bya'o/ /rnam
 pa gzhan du na rig pas bcings te ma grol bzhin pa don med par byed po de lta bu la sogs pa sngags des las bco brgyad du 'gyur ro/ /'di ni lhag par gnas pa thams
 cad dang / sngags thams cad kyi sgrub pa'i thabs te de la rig pa'i sngags kyi sbyor ba'i khyad par brjod par bya ste gang du bsgrub par bya bzhin pa'i skyes bu la mthong ba sbyin par
 byed de de la skyes bu'i lhag pa'i lha de skyes bu la nye bar gnas par rtog par byed de sngags de gang gis bsgrub par bya bzhin pa la mthong ba sbyin par byed do/ /lhag pa'i
 lha de nye bar gnas par rtog par byed do/ /'di ni rig pa'i sngags kyi khyad par ro/ /sngags 'di'i sgrub pa'i thabs kyi cho ga ni dkyil 'khor gru bzhi pa nye bar byugs
 te de'i dbus su sangs rgyas kyi gzugs brnyan zhal nub tu phyogs par bzhugs nas de'i g.yas kyi phyogs su bcom ldan 'das ma gzhag par bya'o/ /g.yon du khro
 bo'i rgyal po rta mgrin no/ /de nas myur du shar du mngon par phyogs pas gnas nas ku sha blangs te bcom ldan 'das kyi gzugs brnyan la dri dang / mar me la
 sogs pa mchod pa byas a ka ru dang / du ruSh+ka'i bdug pa bsregs te gtor ma thob pa'ang sbas pa'i phyogs bzhi rnams su phul nas sangs rgyas kyi gzugs brnyan gyi spyan sngar ku
 sha blangs nas nye bar 'dug te nad thams cad khyad par bya ba par bya'o/ /nad thams cad rnam par thim zhing grol bar 'gyur ro/ /nyi ma bdun pa'i tho rangs sam/ mtshan mo
 gsum la'o/ /sgrol ma'i rgyud de thams cad kyi cho ga 'khor dang bcas pa 'chang bar byed do/ /rgya mtsho dang / ri bo dang / dur khrod rnams su so sor gnas pa'i dge slong ma
 gzhan gang la las bdag nyid srung ba'i don du bzlas pa dbul bar bya'o/ /sha za'i gnod sbyin la sogs pa gang yin pa de rnams kyis 'jigs pa mi 'byung ngo / /de la
 shar gyi phyogs su 'gro bar 'dod pas dkyil 'khor gru bzhi pa byas nas der dri dang / me tog dang / bdug pa la sogs pa phul nas bdag nyid srung ba'i don du lan nyi
 shu rtsa bdun bzlas pa dbul bar bya'o/ /de bzhin du mtshan mo'i dus la bab pa na lam du bzlas pa dbul bar bya'o/ /rtag tu yid la bya'o/ /srad bu'ang bdag nyid la
 bcing par bya'o/ /sngar brjod pas de rnams kyis kyang lan bdun mngon par sngags pas bris par 'gyur ro/ /de bzhin du snying por gdon rnams la sngar brjod pa'i cho gas
 ku shas byab par bya'o/ /sngar brjod pa de rnams kyis kyang rig pa bdun po de rnams kyis so/ /de bzhin du lho'i phyogs su 'gro bar 'dod pas bdug
 pa dang / me tog phul nas lan nyi shu rtsa gcig tu bzlas pa dbul bar bya'o/ /de bzhin du grul bum gyi gdon rnams la sngar brjod pa'i cho gas byab par bya'o/ /srad
 bu'ang bcing bar bya ste zhi bar 'gyur ro/ /de bzhin du nub kyi phyogs su 'gro bar 'dod pas de bzhin du klu dang / 'dab bzang gi gdon rnams la sngar brjod pas byab
 par bya'o/ /sngar brjod pa'i cho gas so/ /de bzhin du byang gi phyogs su 'gro bar 'dod pas de bzhin du gnod sbyin gyi gdon rnams la sngar brjod pa'i cho gas so/ /de
 bzhin du phyogs bral rnams su'ang ngo / /de nas spyan ras gzigs dbang phyug gis slar yang lha dang / gnod sbyin la sogs pa rnams la smras pa/ grogs po khyed
 rnams nyon cig/ de bzhin gshegs pa'i gzugs mtshan thams cad rdzogs pa'i de bzhin gshegs pa'i de sku mthong nas g.yas pas mchog sbyin pa dang / chos
 ston par mdzad bzhin pa/ mi 'jigs pa rab tu sbyin pa'o/ /der rig pa bsgrub par bya'o/ /mngon spyod can ni bsgrub par mi bya ste sgrol mas non pa'i khro bo dang nye
 bar sgrub par bya'o/ /ji srid ral gcig ma'i mdun na phyag na rdo rje dang nye bar ro/ /khro bo'i mtshan nyid kyang 'chang bar byed do/ /mtshan nyid thams cad yang dag par rdzogs
 par snum zhing sngo bsangs sngar brjod pa'i rnam pa las zhi ba'i gzugs can gyi mdun du rig pa gzhan yang bsgrub par bya'o/ /mngon spyod can gyi rnam par 'gyur pa'i
 gzugs can du bya'o/ /zhi ba can dang / rgyas pa can ni zhi ba'i gzugs can no/ /gang du sgrub pa po mngon par phyogs nas bltas pa der bsgrub par bya'o/ /ral pa gyen brdzes
 brjod pa'i rig pa thams cad kyi sgrub pa'i thabs kyi cho ga rjes su gnang ba'ang bud med gang yin pa'i bud med de'i mtshan nyid dang / gzugs dang / cha byad 'chang bar
 bya'o/ /skyes pa yod na skyes pa'i mtshan nyid dang yang dag par ldan par gyur pa skyes pa'i rgyan gyis brgyan par byas pa lag cha dang bcas pa ji 'dra ba'am/ sngar brjod pa
 de 'dra ba bya'o/ /phyin ci log gi gzugs kyi dngos grub mi 'byung ngo / /ji srid du lha drag po de'i nye logs su de bzhin gshegs pa gzhag par bya'o/ /mchod rten nam/ slar
 yang rten cing 'brel par 'byung ba'i snying po can ma gas shing dum bur ma gyur pa dngos grub sbyin par byed do/ /de la bcom ldan 'das ma 'phags ma sgrol ma'i dkyil
 'khor 'di ni dam tshig thams cad skyed par byed pa zhes bya ba'i dkyil 'khor te rnam par rgyal ba mngon par dbang bskur ba zhes bya ba bkra shis dang / bsod nams kyi las thams cad byed pa dang /
 lo thog dang / tshe dang / nad pa med pa 'phel bar byed pa/ dam tshig nyams pa rnams kyang dam tshig skyed par byed pa por 'gyur
 ro/ /sna tshogs pa'i chu klung gi 'gram mam/ pad+ma'i mtsho'i 'gram du dkyil 'khor 'di bri bar bya'o/ /chus legs par sbyangs pa'i sa gzhi'i char byas nas skra dang / phub
 ma dang / sol ba dang / thal ba dang / shing dang / so phag dang / gseg ma dang / thod pa dang / keng rus dang bral ba/ mgrin pa'am/ chu'i tshad gang du nye logs na chu yod
 pa'i g.yas kyi gzhogs sam/ nub tu gang du me tog dang / 'bras bur ldan pa'i shing yod pa dang / gang yang yid du mngon par 'ong ba gang du nor yod pa'i phyogs su gru
 bzhi pa/ sgo bzhi pa/ tshon sna lnga pa'i sa li'i phye mas dkyil 'khor kun tu bri bar bya'o/ /tshon sna lnga pa'i srad bu nyid kyis thig btab nas u du ma wA ra'i phur bu rnams
 kyis kyang ngo / /dkar po'i phyogs kyi tshes grangs dang / byed pa dang / yud tsam dang / rgyu skar dang / sbyor ba dge ba la de rnams kyis dang por dkar po/ gnyis par
 dmar po/ gsum par ser po/ bzhi par sngon po/ lnga par nag po zhes so/ /lhag ma shar gyi dbus su lha rnams bri bar bya'o/ /pad+ma'i dbus su 'bru dang / rin po che dang / sman
 dang / me tog thams cad kyis yongs su bkang ba'i bum pa rab tu gzhag par bya'o/ /de'i shar du sangs rgyas bcom ldan 'das kyi g.yas su 'phags pa spyan ras gzigs
 dbang phyug go / g.yon du dri ma med par 'gro ba'o/ /'phags pa spyan ras gzigs dbang phyug gi gzhogs su sgrol ma bdun no/ /g.yon du dri ma med par 'gro ba'i bud med
 bdun no/ /dpal lha mo'i gzhogs su gos dkar mo'o/ /sgrol ma rnams kyi gzhogs su zla ba ma bzhag par bya'o/ /zla ba ma nas brtsams nas dpal mo grags ldan mo dang /
 dkar mo'ang ngo zhes so/ /gzhogs su dkar mo chen mo dang / khro gnyer can no/ /sgo'i phyogs su snying stobs ma dang / nus pa'o/ /dkyil 'khor gyi nang gi gzhogs gnyis
 kar tshangs pa dang / drag po 'ang ngo / /drag po'i gzhogs su lha mo dbu ma'o/ /tshangs pa'i dbyangs can ma'o/ /sgo'i nang du dbyug gu dang / ril ba spyi blugs so/ /gcig tu
 shes rab kyi pha rol tu phyin ma'o/ /gcig tu zhi ba thob pa'o/ /sgo ru mngon phyogs dang / rta mgrin zhes bya ba'i khro bo gzhag par bya'o/ /de'i gzhogs su srin mo ral
 gcig ma zhes bya ba dgod par bya'o/ /'di ni bcom ldan 'das ma 'phags ma sgrol ma'i dkyil 'khor bcing ba ste khru bzhi pa'am/ khru brgyad pa'am/
 khru bcu gnyis pa'am/ khru bcu drug pa'i dkyil 'khor kun tu bri bar bya'o/ /gzugs dang / phyag rgya rnams dgod par thams cad du bcom ldan 'das kyi pad+ma ni pad+ma'i phyag rgya
 rgyas par bya ba'o/ /byang chub sems dpa' rnams kyi rigs bzang po'o/ /'phags ma sgrol ma'i ni ut+pa la'o/ /dpal mo ni me tog kha phye ba dang / pad+ma dkar po'o/ /gos
 dkar mo'i de nyid sdong bu dang bcas pa mchog tu rgyas pa'o/ /'phags ma grags ldan ma'i sdong bu dang bcas pa'i me tog go /sgo rnams thams cad du dang / grwa rnams
 thams cad du'ang ku sha re re la tsu ta'i yal 'dab bcu bkod de stod du ba dan bsgreng bar bya'o/ /de nas rang rang gi sngags kyis spyan drang bar bya ste gshegs su gsol
 ba'ang ngo / /yang na 'phags pa sbyan ras gzigs dbang phyug gi snying po tshar ba rig pas so/ /yang na 'phags ma sgrol ma'i snying pos me tog dkar pos spyan drang ba dang /
 gshegs su gsol lo/ /mtshan mo dri dang / me tog dang / bdug pa dang / mar mes mchod pa byas nas gtor mas nye bar mchod de bkra shis can dang / u l+lo pi
 ka dang / mon sran gre'u dang / snum khur la sogs pa dang / mon sran sde'u'i la du dang / til gyi thug pa dang / 'o thug dang / zho'i zan dang / dar ba dang / thug pa dang / 'byung ba'i
 zas snum khur gzhan rnams dang / bya na bu ram dang / zho'ang ste gtor ma'i cho ga'o/ /de nas slar yang dri bzang po'i dri dang / me tog gi mchod pa mchod pa byas nas chu las skyes
 pa ni khyad par du'o/ /de nas re re sngags lan bdun bdun brjod par bya'o/ /yang na 'phags ma sgrol ma brgyad brgyar bzlas par bya'o/ /nang gi bum pa gang yin pa de la snying
 po yi ge lngas stong brgyad brgya bzlas par bya'o/ /de nas me'i gnas su me nye bar bzung nas/ mar dang / til mar dang / zas nyid kyis sbyin sreg gi cho ga ji ltar gzugs dang /
 grangs med par de ltar sbyin sreg kyang bya'o/ /phyi nas slob ma legs par yongs su brtags pa'i snod dang ldan pa'i sgrub pa pos yang rab tu gzhug par bya'o/ /gos kyis gdong
 g.yogs te thal mo me tog gis bkang ba rab tu bcug ste gtor bar bya'o/ /gang du lhung ba de'i rigs su 'gyur ro/ /de ltar dkyil 'khor du rab tu bcug slob ma dam tshig
 shes par 'gyur ro/ /dbang bskur gang 'dod pa de byin te lho dang / nub nas shar du mngon par phyogs nas sra rtsi pog gi bdug pa mar dang bsres pas nye bar bdug go /nyi
 ma gung la bum pas so/ /sngags thams cad bdun bdun bzlas pa'i sreg blugs bsregs nas de nas bcom ldan 'das ma'i las chen
 pos slob ma g.yon gyi phyogs su bzhag ste de nas dkyil 'khor la bskor ba byed du gzhug go / snying po'ang sbyin no/ /des 'phags ma sgrol ma 'di'i phyag rgya bcings nas
 bzlas par bya'o/ /de lta bus mngon par dbang bskur bar 'gyur ro/ /de rnams thams cad du thams cad byas nas 'di myur du zhi bar 'gyur ro/ /bcom ldan 'das ma la rab tu
 dad par byed do/ /seng ge'i khri la gnas pa lta bu'i rgyal srid 'dod pas mngon par dbang bskur bar bya'o/ /longs spyod 'dod pas rgya skyegs kyi 'dab ma la gnas pa'o/ /
 log par 'dres pa nye bar phyung ba bdag gis so phag la kun tu gnas pa'o/ /tshe 'dod pas thung du bcu la g.yo ba'i sa'i snying po la gnas pa'o/ /slob dpon rgyas par 'dod pas
 a riSh+Ta dang / thod pa la kun tu gnas pa can nye bar phyung pa mngon par dbang bskur bar bya'o/ /lan bdun du mngon par dbang bskur bas ni dpal med pa la rab tu zhi bar
 byed do/ /lan bcu gnyis mngon par dbang bskur bas ni rgyal por 'gyur ro/ /lan lngar mngon par dbang bskur bas ni dbul po nor dang ldan par 'gyur ro/ /phyi nas
 slar yang mchod de gshegs su gsol bar bya'o/ /'di ni 'phags ma sgrol ma'i rnam par rgyal ba'i dbang bskur ba zhes bya ba'i dkyil 'khor gyi cho ga'o/ /dkyil 'khor 'di
 kun tu bris nas ring bor mi thogs pa nyid du bcom ldan 'das ma rab tu dgyes par byed do/ /de nas yang byang chub sems dpa' mthu chen thob kyis gsang ba pa'i bdag po phyag na
 rdo rje la smras pa/ ral pa gyen brdzes kyi rgyud phyi ma dang bcas pa 'di sangs rgyas kyi zhing du rjes su brtse bas rdo rje'i rigs thams cad kyi bstan pa kun srung ba dang / yongs su bskyang
 b a'i ched du rdo rje'i rigs thams cad nyid du dngos grub byed pa snyigs ma lngas nyon mongs pa 'di la'ang chos kyi tshul thams cad lhag par gnas pa'i ched du sgrol mas non pa
 dang mtshungs pa las byed pa phyi ma 'di'i lam rab tu gnas pa'i ched du 'di skad dus kyang smras smras so/ /bcom ldan 'das rab tu gnas pa dang / smon lam brjod par bgyi'o//
 sngags kyi spyod pa de lta bu 'di ni ci nas de sems can rnams la shes rab kyi pha rol tu phyin pa'i rgyur yongs su 'gyur ba dang / ci nas de thams cad 'thab pa dang / rtsod pa dang /
 mu ge dang / nad kyis 'jigs pa dang / pha rol gyi dmag tshogs dang / dus ma yin pa'i char ltung ba dang / sdigs pa'i char byed pa'i mi dang / mi ma yin pa dang / dud 'gro'i
 'jigs pa thams cad dang / de la'ang bkra mi shis pa dang / rmi lam dang / mtshan ma ngan pa dang / gdug pa'i gnod sbyin dang / skyes bu dang /
 ro dang bral ba dang / kha ba dang / cha ba dang / dri ngan pa dang / reg pa ngan pa dang / dug bsal bar bgyi'o/ /bcom ldan 'das ma 'phags ma sgrol ma bud med kyi gzugs
 dang / cha byad kyis de la chom rkun dang / chu dang / mu ge dang / rnam par 'tshe ba sel bar bgyi'o/ /rgyal po dang / seng ge dang / stag dang / ma he dang / spyang ki dang / dug
 dang / chom rkun dang / mi dang / mi ma yin pa'i 'jigs pa thams cad rab tu zhi bar bgyi'o/ /sems can thams cad kyang sngags sgrub pa'i cho ga la mkhas pa yongs
 su longs spyod pa rnam pa sna tshogs pa'i 'bras bu dang / sman dang / me tog dang / 'bras bu'i ro bza' ba dang / btung ba dang / gos dang / gnas dang / mal cha dang / stan
 rnams rdzogs par bgyi ba dang / sems can thams cad chos 'dod pa nyid dang / dge ba'i chos kyi spyod pa la sbyar bar bgyi'o/ /'di ni bdag gis sangs rgyas thams
 cad kyi spyan sngar smon lam mthar thug pa ste/ gang du bdag la sangs rgyas bcom ldan 'das thams cad kyis gnang bar gyur cig /bdag la sangs rgyas bcom
 ldan 'das kyi las kyi dngos grub yid kyi shing rta yongs su rdzogs pa dang / bdag dang / skyes bu'i rnam pa 'di nges par sgrol ba'i ched du de lta bu'i gzugs kyis bdag dang / phyag
 na rdo rje bud med kyi gzugs kyis dang / sna tshogs pa'i gzugs dang / cha byad kyis sems can yongs su smin par bgyi'o/ /de nas yang sangs rgyas bcom ldan 'das spyan ras
 gzigs dbang phyug la rjes su brtse bas brgya byin dang / tshangs pa dang / 'jig rten skyong ba gzhan rnams dang / lha dang / klu dang / gnod sbyin dang / dri za dang / lha ma yin dang /
 nam mkha' lding dang / mi 'am ci dang / lto 'phye chen po la sogs pa rnams dgug par byas nas de lta bu'i gzugs kyis skyes bu chen po'i rnam pa byed par 'gyur ro/ /de nas
 sangs rgyas bcom ldan 'das de rnams thams cad kyis 'di skad ces bka' stsal to/ /byang chub sems dpa' spyan ras gzigs dbang phyug grub par 'gyur ro/ /de nas shAkya
 thub pas byang chub sems dpa' chen po spyan ras gzigs dbang phyug la 'di skad ces bka' stsal to/ /rigs kyi bu/ 'di ni bdud dang / brgya byin dang / tshangs pa dang / 'jig
 rten skyong ba gzhan rnams dang / lha dang / klu dang / gnod sbyin dang / dri za dang / lha ma yin dang / gzi brjid che zhing gzi brjid che ba'i mi rnams yong bar byed cing sangs
 rgyas thams cad kyis yongs su bzung zhing byin gyis brlabs pa/ khyed kyi rig pa dang / sngags kyi tshig rnams ni gang khyod kyis nus pa de lta bu'i gzugs
 dang / skyes bu'i rnam par byas pa'o/ /rigs kyi bu/ khyod kyang skad cig gis tshangs pa'i cha byad kyis sangs rgyas thams cad kyi chos kyi tshul yang dag par sbyor bar byed
 do/ /yud tsam gyis dge slong gi cha byad kyis dang / skad cig gis sman dang / rtsi'i gzugs kyis dang / yud tsam gyis brgya byin gyi gzugs kyis 'phags pa'i lam
 du 'jug par bya'o/ /skad cig gis bdud kyi gzugs kyis gzhan gyi gzugs sprul te dbang sgyur gyi lha'i dbang po dang / dga' ldan dang / mtshe ma dang / 'og min
 dang / rgyal po chen po bzhi dang / 'byung po thams cad pa dang / dur khrod dang / drag po dang / khyab 'jug dang / nor lha'i bu dang / nor sbyin dang / dbang phyug chen po
 dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / gnod sbyin dang / srin po dang / yi dwags dang / sha za dang / grul
 bum dang / rgyal rigs dang / bram ze'i rigs dang / rje rigs dang / dmangs rigs dang / seng ge dang / glang po che dang / ma he dang / spre'u dang / phag sna tshogs pa'i
 gzugs kyi 'dab chags dang / ri dang / shing dang / 'bras bu dang / gos dang / chos gos dang / bzhon pa dang / mal stan dang / rnga pa Ta ha dang / dung dang / rin po che sna tshogs dang /
 rgyan gyis brgyan pa'i gzugs kyis spras pa dang / sangs rgyas kyi gzugs dang mtshungs par 'gyur te/ rigs kyi bu/ 'di ni kha dog dang / gzugs dang / rtags dang / dbyibs
 brgyad cu rtsa bzhi'i gzugs dang mtshungs par 'gyur te de bzhin gshegs pa 'od dpag med kyis gsang ba pa'i bdag po phyag na rdo rje la bka' stsal to/ /rigs kyi bu/ 'di ni byang
 chub sems dpa' spyan ras gzigs dbang phyug gis mthu chen pos 'dir 'ongs pa ste bdud dpung dang bcas pa'i yul la nyan thos dang / rang sangs rgyas thams cad dang / gang
 du bdud dpung dang bcas pa'i yul du gnas pa byang chub sems dpa' spyan ras gzigs dbang phyug gi rig pa dang / sngags kyi spyod pa'i thabs kyis sems can rnams yongs
 su spyod par byed do/ /ji 'dra ba'i sems can phyogs bcu rnams su tshad med cing grangs med pa rnams yongs su dag pa dang / yongs su ma dag pa'i sangs rgyas kyi zhing rnams
 su sgrib pa med pa'i ye shes kyi spyan gyis gzigs par gyur to/ /bsam pa ji lta ba'i gzugs kyis rang dang / ji lta bus gdul bar bya ba'i sems can rnams gnas la
 gsum pa phyir mi ldog pa la 'jog par byed pa'o/ /ji srid sangs rgyas kyi gzugs kyis gang yang sems can gyi chags pa zil gyis mnan te rnam pa sna tshogs
 pa'i yo byad dang / yongs su longs spyod par 'dod pa de rnams kyis zhen pa spang ba'i ched du de rnams la yo byad rnams byin nas phyir mi ldog pa nyid la rab tu 'jog par byed
 do/ /nges par slar yang dam tshig des byang chub sems dpa' 'phags pa spyan ras gzigs dbang phyug gis thams cad dang ldan pa'i 'khor la smras pa/ rigs kyi bu/ khyed
 rnams brgya byin dang / tshangs pa dang / 'jig rten skyong ba dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto
 'phye chen po la sogs pa rnams yid kyis bshad pa la bdag rab tu spro ba chen po bgyid do/ /bdag rta mgrin zhes bya ba'i khro bo'i rgyal po chen po smras pa'ang bcom ldan
 'das dang phan tshun phan pa dang / 'jam pa'i sems su gyur cig /'di ni bdag gi gsang sngags 'bras bu chen po gzi brjid chen po las kyi don thams cad sgrub pa por
 'gyur te/ yang 'dir na/ na mo rat+na tra yA ya/ na mo a mi tA b+hA ya/ ta thA ga tA ya/ ar+ha te/ samyak+saM bud+d+ha ya/ na ma Ar+ya a ba lo ki te shwa rA ya/ bo d+hi satwa ya/ ma hA satwa
 ya/ mahA kA ru Ni kA ya/ sarga satwA ya/ a nu kaM pa kA ya/ sarba satwa bya sa na g+hI te ni/ sarba satwA mak+Sha ka rA ya/ sarba bir+ya rA dza a d+hi b+hi krAM tA ya ma hA rA dza prok+te/ 'di rnams la phyag byas
 n as 'phags pa spyan ras gzigs dbang phyug gi zhal nas gsungs pa sems can thams cad kyi don sgrub pa bgegs thams cad gsod par byed cing thams cad 'joms par
 byed pa'i sngags brjod par bgyi'o/ /oM hu hu hu/ ta ru le/ bi te ru le/ sarba bi Sha/ g+hA ta ka/ dz+wa li ta bi phu ling+ka/ tri hA sa/ ke sha rA Te pa/ badzra khu ra nir g+hA tA/ ka tsa li ta/ ba
 su d+hA ta la/ ni shwA sa/ mA ru ti t+ki p+ti/ d+ha ra NI d+ha ra/ b+hI Sha NA/ tri ha sa/ a pa ri mi ta bA lA kra ma b+hI ta b+hu ta ga naM/ bug+h+na bug+h+na/ ha ya grI ba/ khA da khA da/ pa ra man+t+ra sid+d+hi me di na/
 A be shA ya/ dz+wa la ra pi shA tsa gra he Shu/ a pra ti ha to/ /b+ha ba/ badzra kiny+tsa rA ya si/ i maM duSh+Ta gra ha duSh+Ta gra ha sarba pA/ d+hu na d+hu na/ pa Ta pa Ta/ ban+d+ha ban+d+ha/ bud+d+ha d+harma sang+g+ha/ a
 nu dz+nyA ka ra shI g+h+raM/ ha ya gri ba phaT/ badzra ga trA ya phaT/ badzra ne trA ya phaT/ badzra daMSh+Ta ya phaT/ badzra khu rA ya phaT/ badzra Ar+ya khu rA Ni g+hA ta na ya phaT/ pa ra man+t+ra bi nA shA nA ya phaT/
 tre lokya b+ha yaM kA ra ya phaT/ sarba karma Shu a pra ti ha tA ya phaT/ badzra ku lo tra sa nA ya phaT/ hUM hUM hUM/ phaT phaT phaT phaT swAhA/ hUM yig gsum dang / phaT yig bzhis bco
 brgyad kyis lhag pa'i bcu bzhi la brten pa'i rta mgrin gyi zhal gyi sngags rdzogs so/ / //oM badzra khu ra bi kr-i tA na na hUM phaT/ nye ba'i snying
 po'o/ /oM ha ya grI ba hr-i da ya/ ma brta yi Sh+yA mi/ e hi e hi/ mahA bA la/ badzre na kha/ badzra ro ma/ badzra kro Ta/ badzra ko Sha/ badzra khu ra/ badzra daMSh+Ta/ ha na ha na/ da ha da ha/ pa
 tsa pa tsa/ grih+na grih+na/ ban+d+ha ban+d+ha/ rang+ga rang+ga/ sa ha sa ha/ dzalpa dzalpa/ tu ru tu ru/ ru Tu ru Tu/ d+hu na d+hu na/ bi d+hu na bi d+hu na/ ma tha ma tha/ kam+pa kam+pa/ ka Ta ka Ta/ sarba de bI/
 sarba yak+Sha/ sarba bi he Tha kA/ sarba bi Shi pra bi/ pra bi pra bi sha/ ha ya grI ba pri ya dz+wA la a bi sha/ A bi sha/ badzra khu ra/ ma bi lam+ba/ bud+d+ha d+har+m+mA saM g+ha ba tsa na/ ma nu smA ra/ dzA
 ti ma nu smA ra/ hr-i da ya ma nu smA ra/ bi ki ra bi ki ra/ ga dza ga dza/ nan+da nan+da/ gu lu gu lu/ mu lu mu lu/ ni ha na ni ha na/ hUM hUM/ phaT phaT swAhA/ snying po'i sngags so/ /na ma Ar+ya a
 ba lo ki te shwa ra ya/ 'di'ang stobs dang pha rol gnon pa/ dpag tu med pa rig pa'i rgyal po chen po lus kyi mchog gi gzi brjid rnam par 'jig par byed pa/ de bzhin
 gshegs pa thams cad kyi rjes su 'jug cing mchod pa'i rjes su gnang ba/ rnam par 'tshe ba thams cad rnam par gnon pa/ rig pa'i tshogs thams cad kyis mchod pa/
 lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen pos yang dag par bstod pa/ yi dwags dang / sha za
 dang / grul bum gyis mchod pa/ rnam par 'gyur ba chen po mche ba gtsigs pa/ rta mgrin gyi rgyal po'i cho gar 'gyur ro/ /sdig pa byang ba byas nas mchod rten du 'bum phrag/
 gsum bzlas so/ /de nas sgrub pa brtsam par bya ste dkar po'i bco lnga la mtshan mo gsum du smyung bar gnas pas kha tshar gyi rtse mo ma bcad pa skra dang bral ba'i ras la ri mo
 m khan gso sbyong can gyis kha dog ma 'dres pa'i tshon gyis pir gtsang ma sar pas bcom ldan 'das kyi gzugs brnyan pad+ma'i gdan la gnas pa chos ston par mdzad bzhin
 pa 'drir gzhug par bya'o/ /g.yon gyi gzhogs su 'phags pa spyan ras gzigs dbang phyug mchod phyir thogs dkar po can/ ston ka'i sprin ltar dkar ba/ pad+ma'i lus
 dang / ral pa'i cod pan 'chang ba'i dbus su 'od dpag med dkar po sbyangs pa'i snod kyi nang du gnas pa/ phyag g.yas pas mi 'jigs pa rab tu sbyin pa/ g.yon pas pad+ma
 rab tu sbyin pas brel ba'o/ /sgrub pa po'ang nges par rtog bzhin pa'o/ /'phags pa spyan ras gzigs dbang phyug gi 'og gi g.yon du ston ka'i sprin ltar dkar ba'i rta
 mgrin rig pa'i rgyal po bri bar bya'o/ /rnam par 'gyur ba'i zhal spyan dmar po/ skra ser skya/ e na ya'i phyag chen po/ ras yug gis dkris pa/
 drag po'i gsus pa 'phyang ba/ sbrul gyi mchod phyir thogs pa can/ spyan ras gzigs dbang phyug la nges par rtog bzhin pa/ 'bar ba'i zhal pad+ma'i phreng ba drug
 cus dbu la brgyan pa'o/ /de yi nye logs su brtson 'grus dang ldan pa'i rig pa 'dzin pa lag na spos phor gyis brel ba pus mo gnyis btsugs pa'o/ /de nas bcom
 ldan 'das kyi g.yon gyi gzhogs su khro bo la nges par rtog bzhin pa/ cung zad 'dzum pa'i bzhin rdo rje la nyug par byed bzhin pa/ 'bar ba'i phreng bas 'khrugs pa'o/ /
 bcom ldan 'das kyi 'og tu chos kyi 'khor lo'i gzhogs gnyis su pad+ma'i steng du gnas pa/ pad+ma de'ang klu gzhon nus yongs su zin pa'o/ /de nas rig pa 'dzin
 pas ri mo'i las rdzogs pa dang / mchod pa rgya chen po byas te mtshan mo gsum du smyung bar gnas pas bgrang phreng bzhag nas mar gyi mar me rgya chen po dang /dkar
 po'i gtor ma phul nas de nas rig pa 'dzin pas snod spyad pa byas pas mtshan mo gcig tu rab tu bcug te gzhag par bya'o/ /de nas phyung ste rgyal gyi lcags
 las byung ba'i 'khor lo gso sbyong can gtsang ma dbang po ma tshang ba ma yin pa'i las byed pas byed du bcug nas sor mo brgyad pa rgyas pa/ yongs su zlum pa/ rdo rje 'bar ba'i
 phreng bas 'khrugs pa'o/ /de nas rig pa 'dzin pas 'khor lo de'ang ba byung lngar mtshan mo gcig tu rab tu bcug nas gzhag par bya'o/ /de nas bton nas khrus dang rjes su
 mthun par byas te gos dkar pos kun nas dkris nas ras ris zhal nub tu phyogs par bzhag ste bdug pa dang / gtor ma dang / mchod yon gyi snod blangs nas lha thams
 cad spyan drang bar bya'o/ /mchod yon phul nas slar yang gshegs su gsol pa yang bdag la byas nas rtsa ba'i sngags kyis yan lag bdun bzlas pa'i thal bas thal ba'i
 ra ba dang / sgron me la lan bdun bzlas pas sgron me'i ra ba dang / de nas srung ba'i chog byas nas yungs kar la lan bdun bzlas pas sa gzhi bcing ba dang / chu la lan
 bdun mngon par sngags pas nam mkha' bcing ba'o/ /de nas rig pa 'dzin pas dri'i chus yongs su bkang ba me tog dkar po dang lhan cig pa pus mo gnyis btsugs
 pa'i rig pa 'dzin pas rtsa ba'i sngags kyis rang gi lha spyan drang bar byas nas mchod yon phul te stan de la lha rnams tshim par bya'o/ /mar dang / sbrang rtsi dang / 'o
 mas sreg blugs lan bdun sbyin sreg bya'o/ /de nas rig pa 'dzin pas lag pa gnyis kyis 'khor lo blangs nas ji srid du 'bar bar gyur
 pa de srid du bzlas par bya'o/ /rnga bo che'i sgra thos pa dang / sprin las go lu go lu sgrogs pa dang / mar me'i rtse mo 'phel ba dang / ras ris 'gul ba dang / dung gi sgra thos
 pa dang / dril bu'i sgra sgrogs pa dang / ha ha'i sgra sgrogs pa dang / rigs kyi bu de rnams grub pa legs so/ /legs so/ /'khor lo 'di byang chub sems dpa'i lam
 bgrod pa/ srid pa'i rgya mtsho chen po sgrol bar byed do/ /de nas rig pa 'dzin pas rings pa rings par ji srid 'phags pa spyan ras gzigs dbang phyug ma byon gyi bar
 du bzlas pa bya'o/ /byon pa na'ang mchod yon dbul bar bya'o/ /de nas sgrub pa pos mchod yon phul nas de nas 'phags pa spyan ras gzigs dbang phyug gis sgrub po
 la gsungs pa/ bu/ bdud kyi phyogs de rnams nges par thul ba dang / byang chub sems dpa'i lam de rnams bgrod pa ci bya zhes so/ /de nas bcom ldan 'das 'phags
 pa spyan ras gzigs dbang phyug sgrub pa po la phyag g.yas pas spyi bor nyug par mdzad do/ /nyugs pa'i skad cig de nyid las dpag tshad stong du rgya che ba'i bla re g.yer
 kha'i dra ba 'phyang ba gser gyi 'dab mas rab tu 'phyang bzhin pas sgrol ma bcings pa/ in+d+ra ni la/ pad+ma rA ga /sau gan+d+yi ka dang / rgyan gyi khyad par gzhan rnams kyis kyang rdo rje'i nus
 pas rnam par spras shing nya bar spras pa/ bkra shis pa gzhan gyis kyang rig pa 'dzin pa'i bu mo gzugs bzang zhing mdzes pa glu len bzhin pa snyan pa'i sgra dbyangs sgrogs pa/
 pi wang dang / rdza rnga dang / gling bu dang / pheg rdob rjes su sgrub pa'i 'phags pa spyan ras gzigs dbang phyug gi sgrub pa po'i bla re 'di rang nyid rig pa'i rgyal po de'i mthus ji srid
 zla ba dang / nyi ma dang / skar ma rnams yod kyi bar du 'khor dang bcas pa rol par byed pa dang / rig pa'i rgyal po 'di'i mthus rig pa 'dzin pa thams cad kyi 'khor los bsgyur
 ba rnams kyi mnga' bdag go / de nas 'phags pa spyan ras gzigs dbang phyug la phyag bya ba byas nas yongs su spyod par byed pa po dang lhan cig gzhal med khang la 'dzegs
 nas 'gro bar byed do/ /'khor lo de'ang 'bar bzhin pa gzhal med khang gi rtse mor rig pa thams cad kyi 'khor los bsgyur ba rnam par 'gro ba'i yid kyis bde ba can du 'gro
 bar byed do/ /gang du de bzhin gshegs pa 'od dpag med bzhugs pa der lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am
 ci dang / lto 'phye chen po dang / rig pa 'dzin pas kyang bstod par bya bzhin pa/ me tog gi char rab tu 'bab pa rnams kyis bskal par gnas
 shing rig pa 'dzin pa thams cad kyi 'khor los bsgyur ba'i mnga' bdag ste gang gi tshe 'chi ba na bram ze rnams su skye bar 'gyur zhing skye ba dran pa dang / mtshan thams cad
 yongs su rdzogs pa'o/ /dus thams cad mngon par shes pa dang / nor chen po dang / longs spyod chen po dang / brtson 'grus chen pos pha rol gnon pa dang / sems can
 thams cad kyis mthong na dga' ba dang / snying rje can dang / sangs rgyas la mngon par dang ba dang / yid gzhungs pa dang / thos pa 'dzin pa dang / bzo dang / yi ge dang / ri
 mo thams cad la mkhas pa dang / bsam gyis mi khyab pa gang sems par byed pa de yid kyis rtogs par bya'o/ /nad thams cad rnam par spang ba'i bram ze'i rigs
 su skye'o zhes so/ /lan bdun mngon par sngags te gtsug phud bcing ba dang / hUM yig gis 'phel ba dang / gnon pa dang / rmongs par byed do/ /dza yig gis gshegs su gsol lo//
 g+ha yig gis gsod pa'o/ /swAhA'i yi ges zhi ba'i don dang / 'tsho bar byed pa'o/ /mdor bsdus na ston par byed de/ rig pa 'dzin pa gsang chen mchog sgrub par 'dod
 pa des gcod pa dang / gsod pa dang / dbye ba dang / brlag par byed pa dang / bsdigs pa dang / gsod par byed pa gzhan thams cad kyang 'dir bya'o/ /thams cad snying rje'i bdag nyid kyis te
 drag po yis ni ma yin pa kho na'o/ /ji srid du rig pa'i rgyal po rab tu sbyar bar mi bya ba'i gnas su sbyar bar mi bya ste gang rab tu sbyar bar byed pa de'i mchog gi sgrub pa mi 'grub bo/ /dam
 tshig shes pa med par yang 'gyur ro/ /dngos grub 'di ni sgrub thabs thams cad dang / rgyud thams cad du'o/ /sor mo la lan bdun mngon par sngags par byas nas sprin gnon par
 byed do/ /mgo reg byas nas rgyan po rgyal bar byed do/ /tha snyad thams cad nyid la'ang ngo / /yungs kar la lan bdun sngags pa byas nas ri la bsnun par byas te rnam par rnyil bar
 byed do/ /mA la ri'i me tog la lan bdun mngon par sngags te bud med gang gis bsnams par sbyin pa'am/ mgo bor blugs na de dbang du 'gyur ro/ /ru rta dang / shing tsha dang / a ga
 ru nag po dang / tsan+dan dang / gur gum dang / sa hA ka ra'i snye ma dang / tsha ba gsum gyi 'dab ma dang / na le sham dang / ba gu la'i me tog dang / pri yang ku'i me tog rnams phye ma zhib mor byas
 nas sbrang rtsis sbyar te tsa na ka'i 'dab mar ril bu byed du gzhug par bya'o/ /'di rnams lan lngar yongs su bzlas te byin pa de dbang du 'gyur ro/ /rtsa ba'i sngags kyis skyes pa dang
 lhan cig bud med dbang du 'gyur ro/ /sgrub pa la zhugs pas gang der gnas pa de nyid kyis phye mas yang dag par brtsams par bya ste log
 'dren rnams kyis zil gyis mi non no/ /'di nyid kyis srin po dang / yi dwags la sogs pa rnams kyis so/ /ku tra dza'i sa bon dang / nA ga ge sar dang / pad+ma'i 'dab
 ma dang / shrI Sha'i me tog dang / spang spos dang / rgya spos dang / ru rta dang / lag skyes kyi sa bon dang / tsan+dan dmar po dang / gzhan gyis mi thub pa dkar po'i me tog
 dang / sa bon rnams gcig tu byas nas ba ser skya'i gcin gyis bu mo'i lag par btags par bya'o/ /de nas ril bu byas nas grib ma la mA la tI'i me tog dkar pos bgo
 bar bya'o/ /'di rnams kyi lus byugs na log par 'dren pa dang / yi dwags dang / grul bum dang / sha za la sogs pa rnams gang gis kyang zil gyis gnon par mi 'gyur
 ro/ /gal te mi sbyin na ba lang gi gcin la lan bdun mngon par sngags par byas nas nad rab tu 'joms par byed/ gu gul dang / pi tsu mar ta'i sa bon dang / tsan+dan
 dang / tu ruSh+ka dang / shrI bal sa ka 'di rnams phye mar byas nas gos la bdug par gyis shig /gang gis kyang zil gyis gnon par mi 'gyur ro/ /ldong ros dang / gi wang
 dang / lag skyes dang / ba ru ra dang / ka dam pa'i me tog dang / shing mngar dang / se pha li ka'i me tog dang / shing tsa dang / na le sham dkar po'i sa bon dang / yung ba gnyis dang / shu
 dag rnams ba ser skya'i gcin gyis bram ze'i bu mo'i lag par gso sbyong can gyis btags par bya'o/ /ril bu byas nas ut+pa las bsgo bar bya'o/ /a ti muk+ta ka dang / sA
 la dang / me tog sngon pos bsgos par bya'o/ /log par 'dren pa rnams sam/ gzhan rnams sam/ yi dwags dang / sha za dang / grul bum dang / srin po la sogs
 pa rnams gang gis kyang zil gyis gnon par mi 'gyur ro/ /nad med pa'i le'u rdzogs so// //de nas ro langs sgrub pa 'byung ste skyes pa'i ro ma nyams
 p a rab tu mdzes pa la dkar po'i bco lnga la rjes su byugs pa byas nas sbyangs pa'i snod du bzhag nas gso sbyong can des kyang skra bzhor du bcug nas me tog gi
 p hreng ba mgrin pa la bcings te khron pa skam por zhugs nas ser skya'i ba byung gi ring bsrel dang bcas pa'i mchod rten de nyid du khron par bzhag nas mchod pa rgya
 chen po byas te gtor ma dang / seng sdeng gi phur bu bzhi rnams kyis bcing ba dang / phyogs skyong ba rnams gzhag par bya'o/ /ro de la 'bras yos dang / phye/ ba ser skya'i
 'o ma dang sbyar te ji srid du ro de'i lce byung gi bar de srid du khar sreg blugs gyis shig / de bcad nas ral gri'i rig pa 'dzin par 'gyur ro/ /dpa'
 bo chen po pha rol gnon par 'gyur ro/ /nyi ma 'char ba dang mnyam pa'i 'od du 'gyur ro/ /lo stong phrag 'tsho bar byed do/ /ro langs kyi sgrub pa gnyis pa 'byung ste dur khrod kyi
 thal bas ro langs bris nas mchod pa rgya chen po dang / gtor ma byas te de'i mdun du ku sha'i khres la nye bar 'dug nas seng ldeng gi yam shing la tsha ba'i til
 mar gyis btags pas ji srid ro langs langs kyi bar de srid du sbyin sreg bya'o/ /gang yid kyis sems par byed pa myur du 'gug par byed do/ /bcud kyis len sbyin
 par byed do/ /de la zhon nas sbyin sreg gis 'gro bar byed de/ lo stong phrag bcu gsum du 'tsho bar byed do/ /ro langs sgrub pa gsum pa 'byung ste ser skya'i ba byung gis
 d kyil 'khor nye bar byugs nas me la sbyin sreg byas pa'i thal bas ro langs bris nas mchod pa rgya chen po byas te de bzhin du yang dag par bzhag nas be kang+ka ta'i
 sreg blugs kyis sbyin sreg byed cing rig pa 'dzin pas be kang+ka tas kun nas bsnun par bya'o/ /rtsa ba'i sngags dran pas 'di skad ces brjod par bya'o/ /longs shig/
 longs shig /du bar byed pa dang / drag tu dgod pas grol bar byed na 'jigs par byed do/ /ji srid rang nyid las kyi bar du rgya ba na rjes su 'gro bar byed da dbang po'i chung ma'ang
 myur du 'gugs par byed do/ /bcud kyis len du 'gyur ro/ /de zos nas lo stong phrag bcu gsum du 'tsho bar byed do/ /gang gi tshe 'chi ba de'i tshe nor chen po'i rigs su skye bar 'gyur ro//
 skye ba dran par yang 'gyur ro/ /ro langs sgrub par 'gyur ba'o/ /rma bya dang / nam mkha' lding dang / glang po che dang / rta dang / grog mkhar gyi sa dang / 'o mas dkar po'i bco lnga la
 legs par btsags pa byas nas chu rnam par dbye ba gsum rnams rtsa ba'i sngags kyis yongs su bzlas nas de ser skya spyod du gzhug go / de nas rig pa 'dzin pas
 rnam par dben pa'i ba byung gi gso sbyong can gyis ser skya de'i 'o ma blangs nas sa'i gong bu de mnye bar bya'o/ /de nas rma bya dang / nam mkha' lding dang / glang po che
 dang / rta gang yang rung ba ri mo'am/ gang yang rung ba byas nas ri mo mkhan gso sbyong can gyis 'drir gzhug par bya'o/ /ras ris kyi zhal nub tu phyogs par bzhag nas mchod
 pa rgya chen po byas te mar me rnams dang / srung ba'i cho ga byas nas u dum bA ra'i yam shing gis sreg blugs bdun gyi sbyin sreg bya'o/ /dri'i chus lha rnams spyan drangs
 n as slar yang rnam par phye ste mchod yon phul te rma bya de ras ris kyi mdun du bzhag nas ji srid 'bar bar gyur pa de srid du bzlas par
 bya'o/ /de nas rig pa 'dzin pas rings pa rings par bzlas par bya ste gal te rma bya sgrub par byed na de yi dngos grub kyi mtshan mar 'gyur ba ni rma bya skad 'byin pa
 dang / glang po che gul gul sgrogs pa dang / rta 'tsher ba dang / nam mkha' lding gshog pa g.yo ba ste dngos grub kyi mtshan ma 'di rnams su gyur na rma bya'i rgyal po smin drug
 gnyis par 'gyur te brtson 'grus chen pos stobs dang / pha rol gnon par 'gyur ro/ /lha rnams kyi rgyags pa gnon par byed do/ /bar gyi bskal par 'tsho bar
 byed do/ /gang gi tshe 'chi ba de'i tshe bram ze'i rigs su skye bar 'gyur te 'di ni dngos grub bo/ /de nas rdo rje rnam par byed pa des a ka ru las byung ba'am/ tsan+dan las
 byung ba'am/ lha'i shing las byung ba'am/ seng ldeng las byung ba'am/ dri las byung ba'am/ nim+ba'i shing las byung ba'am/ rgyal gyi lcags las byung ba'am/ grog mkhar las
 byung ba'am/ shel las byung ba'am/ sa ra las byung ba'i 'khor lo dang / lcags kyu dang / dgra sta dang / mdung thung dang / rdo rje dang / rtse gsum kha gdeng sgrub
 par byed do/ /rdo rje rtse bzhi pa sor bcu drug pa las byed pa gso sbyong can gyi sa cha ma tshang ba med pa byed du bcug nas ser skya'i ba byung lngas rab tu bkru bar byas nas dkar po'i
 bco lnga la ras ris kyi spyan sngar gtor ma dang / mar me dang / mchod pa rgya chen po byas te rdo rje dri'i chus khrur bcug nas sangs rgyas dang / byang chub sems dpa' thams cad bkod
 pa'i gzugs brnyan byas te dri chu dang / rtsa ba'i sngags brjod de rang gi lha rnams spyan drang ba byas nas mchod yon yang dang / yang phul te slar yang gshegs su gsol
 nas mar gyi sreg blugs sbyin sreg gyis shig / de nas rig pa 'dzin pas lag pa g.yas pas rdo rje thogs te ji srid 'bar ba dang / tsi Ti tsi Ti'i sgra sgrogs pa de srid du bzlas
 par bya'o/ /de nas rig pa 'dzin pas rings pa nyid du bzlas par bya ste ji srid shar gyi phyogs su mthong ba spyan ras gzigs dbang phyug thugs rje chen po can byang chub
 sems dpa'i sgrol ba po pha rol tu phyin pa thams cad kyis yongs su bskor ba dang / rta mgrin rgyal po rig pa bye bas yongs su bskor ba dang / 'phags pa khro gnyer
 can dang / sgrol ma dang / gos dkar mo dang / ri khrod lo ma can dang / byang chub sems dpa'i snying po re re la bye ba lnga rnams kyis yongs su bskor ba bcom ldan 'das
 kyis phyi bzhin rjes su 'brangs pas 'ong bar byed do/ /de nas 'phags pa spyan ras gzigs dbang phyug lha rnams kyis me tog gi char gyi char
 'bebs pas mchod pa bya bzhin pa/ 'phags pa spyan ras gzigs dbang phyug ril ba spyi blugs dang / dbyug gu'i shing bsnams pa/ g.yas pas sgrub pa
 po la dbugs 'byin par mdzad bzhin pa/ ston ka'i sprin ltar dkar ba/ sbyangs pa'i snod dkar po nges par gnas pa/ g.yang gzhi nag po 'chang ba/ ral ba'i cod
 pan 'chang ba'i dbus na de bzhin gshegs pa 'od dpag med nyi ma ltar 'bar ba/ gser gyi srad bu'i mchod phyir thogs pa can/ sgrub pa po la rnga bo che'i sgra zab
 mo'i tshig gis dbugs 'byin par mdzad bzhin pa'o/ /de nas sgrub pa pos byon cing byon pa rnams la mchod yon dang / gdan phul te smon lam gdab pa
 byas nas rjes su brtse bas bcom ldan 'das la rjes su brtse ba nye bar blangs nas gsungs shig / sdig pa byed pa dang / bsod nams dang / dngos grub gzhan
 pa la bcom ldan 'das thugs rje chen pos sems can thams cad byang chub sems dpa' chen po thugs rje chen po'i bdag nyid can gsungs shig / bdag
 gi sdig pa byas pa la nor gyi dngos grub dang / sgrub pa pos lan bcu gsum du smon lam btab pa byas nas bcom ldan 'das la dngos grub gsol bar bya'o/ /de
 nas byang chub sems dpa' spyan ras gzigs kyi dbang phyug sgrub pa po'i spyi bor phyag g.yas pa reg par mdzad do/ /'di skad ces gsungs so/ /bu/ ci bya/ de nas
 mchod yon dang / me tog gi chun po phul nas pus mo gnyis btsugs te 'di skad ces brjod par bya'o/ /bcom ldan 'das/ rdo rje'i dngos grub bdag la stsol
 cig / khyed kyis 'phrin las brtson 'grus chen po dang / stobs chen pos rig pa 'dzin pa'i rgyal po rig pa 'dzin pa thams cad kyi mnga' bdag phyag na rdo rje dang 'dra
 ba'i lus su mdzod cig / de nas bcom ldan 'das kyis gsungs pa/ bu/de rnams grub bo/ /rdo rje 'di ni brtson 'grus chen pos stobs dang / pha rol gnon pa/ rig
 pa 'dzin pa'i rgyal po thogs pa med par 'gro ba/ mthu chen po phyag na rdo rje dang 'dra ba'i lus so/ /de nas rig pa 'dzin pas rdo rje blangs nas bcom ldan 'das la
 bskor ba byas te rig pa'i rgyal por 'gyur ro/ /rig pa 'dzin pa bye ba lngas yongs su bskor ba rig pa 'dzin pa'i bu mo rnams kyis lhan cig rol par byed pa/ gzugs
 bzang po rab tu mdzes pa/ mtshan thams cad yang dag par rdzogs pa/ bar gyi bskal par 'tsho bar byed do/ /gang gi tshe 'chi ba de'i tshe
 bram ze'i rigs su skye bar 'gyur ro/ /skye ba dran te 'di ni dngos grub bo/ /de nas mig sman sgrub par 'dod na nyi ma gung la dpa' bo'i rin gyis rna ba'i mig sman
 blangs nas ba ser skya'i 'o mas lan bdun du bkru bar byas nas ba ser skya'i ba byung lnga po de nyid kyi'o/ /de'i 'og de nas mig sman zangs kyi snod du byas
 nas btags par bya'o/ /de nas me nas bton te ras ris mchod pa rgya chen po dang / gtor ma byas nas mig sman khar bcug ste dkar po'i brgyad pa'am/
 zla ba gzas bzung ba na mtshan mo gsum du smyung bar gnas pas ji srid dro ba dang / du ba 'thul ba dang / 'bar bar byed pa de srid du bzlas par bya'o/ /dro bar gyur
 pas ni dbang du byed do/ /du ba 'thul bas ni mi snang ba'o/ /'bar bas ni nam mkha' la 'gro bar byed do/ /mig la bskus pas lo stong phrag lngar 'tsho bar byed do/ /
 gang gi tshe 'chi ba de'i tshe nor chen po'i phyug po'i rigs su skye bar 'gyur ro/ /skye ba dran no/ /de nas gnod sbyin mo sgrub par 'dod na skra dang bral ba'i ras gzhi la ri mo
 mkhan gso sbyong can gyis kha dog ma 'dres pa'i tshon gyis bde bar gshegs pa'i mtho gang gi tshad kyi gzugs brnyan/ rgyan thams cad kyis rnam par brgyan pa/
 cung zad 'dzum pa'i zhal/ phyag g.yas pas mya ngan med pa 'chang bzhin pa bsnams pa 'drir gzhug par bya'o/ /rig pa 'dzin pas dkar po'i brgyad pa la bcom ldan
 'das kyi gzugs brnyan gyi spyan sngar ras ris bzhugs nas gtor ma dang / mchod pa rgya chen po byas te mtshan mo gsum du smyung bar gnas pas rang gi lha spyan
 drangs nas mchod yon dang / gdan phul te slar yang gshegs su gsol ba'i mchod yon phul nas rtsa ba'i sngags kyis 'o ma'i sreg blugs brgyad sbyin sreg gyis
 shig / de nas rig pa 'dzin pas ku sha'i khres la nye bar 'dug pas ji srid gnod sbyin mo rang nyid 'ongs kyi bar du bzlas pa bya'o/ /'ongs pa dang / mchod yon
 phul nas 'di skad ces brjod par bya'o/ /so sor bzhes shig /so sor bzhes la bzhugs shig ces so/ /rab tu 'dzum pa'i bzhin gyis legs so zhes smras te
 bka' bsgo bar byed pa ci zhig bgyi zhes so/ /de nas sgrub pa pos chung ma'o zhes brjod par bya'o/ /gal te sring mo'o zhes brjod par byed na de nas sgrub pa po 'tsho ba las
 'bral bar byed do/ /de nas chung ma'o zhes brjod par byed na de nas sgrub pa po lag pas bzung nas 'dzum pa'i bzhin gyis rang gi gnas
 su 'gro bar byed do/ /bcud kyis len sbyin par byed do/ /zos pas skad cig de nyid la skra li zhing 'khyil ba/ lo brgyad gnyis lon pa'i rnam pa/ nyi ma 'char ba'i kha
 dog 'dra ba/ lha'i gzugs brnyan/ gzugs bzang po rab tu mdzes pa/ lo stong phrag lngar 'tsho bar byed do/ /de dang lhan cig rol bar byed do/ /gang gi tshe 'chi ba
 de'i tshe nor chen po'i rigs su skye bar 'gyur te skye ba dran no/ /cho ga de nyid kyis kha tshar ma bcad pa'i ras la ri mo mkhan gso sbyong can gyis kha dog ma 'dres pas bde
 bar gshegs pa'i mtho gang gi tshad kyi ga pur pri yang ku'i shing la 'phyang ba/ gos gcig pa/ zar ma'i me tog dang mtshungs pa'i gnod sbyin mo 'drir gzhug par
 bya'o/ /de nas sgrub pa pos dkar po'i brgyad pa la mtshan mo smyung bar gnas pas gos gtsang ma bgos te ring bsrel dang bcas pa'i mchod rten du mchod pa dang /
 gtor ma dang / mar me byas nas rang gi lha spyan drang bar byas te mchod yon dang / gdan phul nas slar yang gshegs su gsol te pri yang ku'i yam shing ba ser
 skya'i mar gyis btags pa sreg blugs brgyad sbyin sreg gyis shig / de nas rig pa 'dzin pas ji srid gnod sbyin mo rang nyid 'ongs pa de srid bzlas par bya'o/ /'ongs pa la mchod
 yon dbul bar bya'o/ /'di skad zer te bka' bsgo bci bgyi/ de nas sgrub pa pos 'di skad ces brjod par bya ste/ bdag gi chung ma mdzod cig ces sgrub pa pos smras pa
 dang / rab tu 'dzum pa'i bzhin gyis khyod kyis ji ltar bsgo ba bzhin du'o zhes zer ro/ /sgrub pa pos lag pas bzung nas rang gi gnas su 'gro bar byed do/ /bcud kyis
 len sbyin par byed do/ /skad cig de nyid la gzugs bzang po rab tu mdzes par 'gyur ro/ /lo stong phrag lngar 'tsho bar byed do/ /cho ga de nyid kyis kha tshar ma bcad pa'i ras
 la ri mo mkhan gso sbyong can gyis gnod sbyin mo 'drir gzhug par bya'o/ /gser ltar ser ba/ gos gcig pa/ skra grol ba/ kun tu chags pa'i sems kyis sgrub pa po
 la nges par rtog bzhin pa/ a ti muk+ta'i shing la 'phyang bzhin pa/ cung zad 'dzum pa'i bzhin can/ phyag g.yas pa'i sor mos sgrub pa po la sdigs par byed pa'o/ /
 de nas sgrub pa pos ring bsrel dang bcas pa'i mchod rten du ras ris bzhugs su gsol te gos gtsang ma bgos nas ras ris kyi spyan sngar mtshan mo gsum smyung
 bar gnas te mchod pa rgya chen po byas nas mchod yon dang / ri mo bya ba dang / slar yang mchod yon phul nas gshegs su gsol te
 ma'i sreg blugs nyi shu rtsa brgyad sbyin sreg gyis shig / de nas sgrub pa pos rtsa ba'i sngags kyis lan bdun sngags pa'i mA la ti'i me tog re res ji srid rang nyid 'ongs
 kyi bar du gnod sbyin mo la bsnun par bya'o/ /sgrub pa po lag pas bzung nas rang gi gnas su 'gro bar byed do/ /gnas su song nas bcud kyis len sbyin par byed
 do/ /skad cig de nyid la gzugs bzang por 'gyur te de yis lhan cig rol par byed do/ /lo stong phrag lngar 'tsho bar byed do/ /gang gi tshe 'chi ba de'i tshe nor chen
 po'i rigs su skye bar 'gyur ro/ /skye ba dran par 'gyur ro/ /cho ga 'di nyid kyis tsan+dan dang / rgya spos dang / ru rta dang / shing tsha dang / pa ri pA la pA dang / gur gum
 dang / ldong ros dang / gi wang dang / pad+ma'i 'dab ma dang / pad+ma'i sa bon rnams gcig tu byas nas dri'i khu ba dang / nam mkha'i chus bram ze'i bu mo gso sbyong can
 gyis lag par bstabs par bya'o/ /dri dkar po'i gzugs brnyan byas nas ring bsrel dang bcas pa'i mchod rten du dkar po'i brgyad pa la mchod pa byas nas
 mtshan mo gsum du smyung bar gnas pa gzugs brnyan de mchod rten gyi spyan sngar bzhugs nas rtsa ba'i sngags kyis rang gi lha spyan drang bar bya ste mchod yon dang / gdan
 p hul nas slar yang gshegs su gsol ba'i mchod yon phul te ku sha'i khres la nye bar 'dug pas pad+ma ge sar la ba ser skya'i mar gyis btags pa'i sreg blugs
 bdun sbyin sreg gyis shig / de nyid du ku sha'i khres la nye bar 'dug pas ji srid gnod sbyin mo rang nyid 'ongs pa de srid du bzlas par bya'o/ /'ongs pha la mchod yon
 dbul bar bya'o/ /de nas de na re bkas bsgo ba ci zhig bgyi zhes zer ro/ /'di skad ces brjod par bya'o/ /chung ma mdzod cig ces so/ /de nas des smras pa de bzhin
 bya'o zhes sgrub pa po lag pas bzung nas rang gi gnas su 'gro bar byed cing bcud kyis len sbyin par byed do/ /lha'i gzugs can du 'gyur ro/ /lo stong phrag lngar 'tsho
 bar byed do/ /gang gi tshe 'chi ba de'i tshe bram ze'i rigs su skye bar 'gyur ro/ /skye ba dran par yang 'gyur ro/ /cho ga de nyid kyis ba ser skya'i mar sar pa la gzugs brnyan
 byas nas ras ris kyi spyan sngar gtub cing gtub cing sbyin sreg bya'o/ /ji srid gnod sbyin mo byung ba'i bar du'o/ /cho ga 'di nyid kyis tsan+dan dmar po las byung ba'i
 gzugs brnyan byas nas rtsa ba'i sngags kyis lan nyi shu rtsa gcig yongs su bzlas te chu klung du gzhug go / skad cig de nyis la gzugs bzang
 po'i gnod sbyin mo 'ong zhing 'dod pa thams cad rab tu sbyin par 'gyur ro/ /nim+ba'i shing las byung ba'i bde bar gshegs pa'i mtho gang 'di nyid kyi gnod sbyin mo
 byed du bcug nas ri mo mkhan gso sbyong can gyis kha dog ma 'dres pa'i tshon gyis 'drir gzhug par bya'o/ /ring bsrel dang bcas pa'i mchod rten du chogs gtor
 ma dang / mar me'i mchod pa rgya chen po byas nas sgrub pa pos rnam par dben par sbyangs pa'i snod dang / gos kyi rtsa ba'i sngags kyis lha rnams spyan drang bar bya ste
 mchod pa dang / gdan phul nas slar yang gshegs su gsol te ji srid du gnod sbyin mo rang nyid kyis gzugs gsal bar byed bzhin pa me tog gi phreng ba byas
 nas 'ong bar byed do/ /de srid du bzlas par bya'o/ /de smra ba dang / de nas sgrub pa pos chung ma mdzod cig ces brjod par bya'o/ /de nas de rab tu 'dzum pa'i
 bzhin gyis sgrub pa po la me tog phreng ba sbyin par byed do/ /rang gi lag pas bzung nas bcom ldan 'das kyi drung du 'gro bar byed do/ /bcud kyis len sbyin par
 byed do/ /skad cig de nyid la lha'i gzugs can du 'gyur ro/ /gzugs bzang po rab tu mdzes par 'gyur ro/ /de'i lhan cig rol bar byed cing dga' mgur yongs su
 spyod par byed do/ /lo stong phrag lngar 'tsho bar byed de lha'i tshe'o/ /gang gi tshe 'chi ba de'i tshe nor chen po'i rigs su skye bar 'gyur ro/ /rab tu mdzes pa dang / sems can
 thams cad kyis mthong na dga' ba dang / longs spyod chen po dang / nor chen po dang / 'dod pa chen po dang / snying rje can dang / thams cad sbyin pa/ brtson 'grus chen
 po/ skye ba dran pa'o/ /gnod sbyin mo'i le'u rdzogs so// //pad+ma'i mtshor song nas sgrub pa pos dpal mo 'ongs kyi bar sbyin sreg bya'o/ /ru rta dang /
 rgya spos dang / pad+ma'i sa bon dang / pad+ma'i ge sar dang / tsan+dan sbrang rtsis lhan cig btags par bya'o/ /gang la sbyin pa de dbang du 'gyur ro/ /rtsa ba'i sngags kyis me tog
 gi phreng ba la yongs su bzlas te gang la byin pa de dbang du 'gyur ro/ /de nas rtsal byed par 'dod pas rten cing 'brel bar 'byung ba'i snying po can mchod rten ji srid
 du mchod rten phyi ma rab tu g.yo bar byed pa de srid du bya'o/ /de nas las kyi sgrib pa zad par byas nas mtshams med pa lnga byas pas kyang 'grub par 'gyur te rnam pa
 gzhan du ma yin no/ /de bzhin du byang chub sems dpa'i rnam par bsgyings pa'o/ /de nas 'phags pa spyan ras gzigs dbang phyug sgrub par
 ' dod na kha tshar ma bcad pa'i ras skra dang bral ba la kha dog ma 'dres pa'i tshon gyis ri mo mkhan gso sbyong can gyis pir sar pas bcom ldan 'das 'phags pa
 spyan ras gzigs dbang phyug gser ltar ser ba/ ral pa 'phyang ba/ 'od dpag med dbu la 'dzin pa/ pha rol tu phyin pa thams cad kyis yongs su bskor ba
 'drir gzhug par bya'o/ /'og tu sgrub pa po spos phor lag na thogs pas pus mo gnyis btsugs pa byang chub sems dpa' la nges par rtog bzhin pa'o/ /de nas
 rig pa 'dzin pas dkar po'i phyogs kyi tshes gcig nas brtsams te ras ris kyi spyan sngar nyi ma re re zhing rgyun mi 'chad pa'i mchod pa dang / gtor ma dang / mar
 me'ang ji srid zla ba nya ba'i bar du bya'o/ /zla ba nya la mchod pa rgya chen po dang / gtor ma dang / mar me'ang byas nas smon lam btab par yang bya ste/ sangs rgyas dang /
 byang chub sems dpa' thams cad la phyag bya ba byas nas mA la ti'i me tog gis yongs su bkang ba'i dri'i chu'i snod lag pa gnyis kas blangs nas pus mo
 gnyis btsugs te rtsa ba'i sngags lan bdun brjod nas rang gi lha rnams spyan drang bar bya ste mchod yon dang / gdan phul nas slar yang byabs te ba ser skya'i mar la
 btags pa'i mA la ti'i me tog gis sbyin sreg bya'o/ /lha rnams tshim par byed pa byas nas srung ba byas pa ku sha'i khres la nye bar 'dug ste nga rgyal dang bral ba/ mi smra
 b as g.yo bcom ste dran pa mchog gis dmigs par byas la ji srid 'phags pa spyan ras gzigs dbang phyug rang nyid pha rol tu phyin pa thams cad kyis yongs su
 bskor ba byon pa de srid du bzlas par bya'o/ /sems dpa' chen po byon pa dang / sa g.yo ba dang / ri'i rtse mo nyil ba/ sems can thams cad kyi nad thams cad rab tu zhi bar byed
 pa dang / lha thams cad me tog gi char rab tu 'bebs pa dang / rig pa 'dzin pa thams cad kyang tsan+dan gyi phye ma'i char 'bebs pa dang / gnas gtsang ma'i lha rnams rin po che
 chen po'i char rab tu 'bebs pa dang / lha ma yin thams cad ut+pa la'i char rab tu 'bebs par byed do/ /drag po thams cad khro ba dang bral bar 'gyur ro/ /dmyal ba
 pa rnams kyang skad cig de la bde ba skyes te mchog tu 'jigs pa smra bar byed do/ /dri za rnams glu snyan pa'i sgra thos par byed do/ /rig pa 'dzin pa thams cad kyang rang gi
 rig pas yongs su bskor te ji ltar rnam par 'phrul pa'i byang chub sems dpa'i drung du nye bar 'ong bar byed do/ /log 'dren thams cad dang /
 bgegs thams cad dang / srin po thams cad dang / yi dwags thams cad dang / ji srid du drag bo sna tshogs pa rnams byang chub sems dpa' byon pa mthong
 nas zhi ba'i sems su gyur to/ /sbrin las gu lu gu lu'i sgra sgrogs pa dang / sa rnam pa drug tu g.yo ba dang / phyogs bzhi skyong ba rnams byang chub sems dpa'i
 drung du nye bar 'ong bar byed do/ /log par 'dren pa thams cad dang / bgegs thams cad 'ong ste phyogs bzhi rab tu zhi bar 'gyur ro/ /rlung 'gro ba dang / drag po
 rab tu 'gro bar byed/ dus ma yin par shing la me tog tu 'gyur ro/ /'jig rten pa'i rig pa 'dzin pa thams cad 'ong ste phyogs gang du rigs 'dzin pa sgrub pa
 byed pa der sems dpa' chen po'i dga' ston la thams cad nyid 'dus so/ /sgrub pa pos byang chub sems dpa' spyan ras gzigs dbang phyug mthong nas
 mchod yon phul nas phyag bya'o/ /lha thams cad dang / rig pa 'dzin pa thams cad la mchod yon dang / gdan phul nas de nas lha thams cad dang / rig pa 'dzin
 p a thams cad kyis sgrub pa po byang chub sems dpa' la legs so zhes bya ba byin te srid pa gsum gyi chu bo chen po las bsgral bar byas pa de rnams nges par rgyal ba
 kun tu snang bas mnan pa byang chub sems dpa'i lam dang lhan cig 'tsho ba'o/ /de nas 'phags pa spyan ras gzigs dbang phyug gis lha thams cad la legs
 so zhes bya ba byin te/ byang chub sems dpa'i phyag g.yas pa/ sgrub pa po'i spyi bor nyug par mdzad do/ /de nas sgrub pa pos gang yid la snying po bsams pa der
 'gyur ro/ /rig pa 'dzin pa'i 'khor los bsgyur pa dang / rig pa 'dzin pa'i rgyal po lha nyid gang 'dod pa de rnams chos gzhan du snang ste 'di skad ces brjod par bya'o//
 bcom ldan 'das 'phags pa spyan ras gzigs dbang phyug gru 'dzin deng mthong bar 'tshal lo/ /byang chub sems dpa' skyes bu chen po phyag g.yas pas bzung ste
 rig pa'i rgyal po rta mgrin la yang dag par gtad par gyur to/ /gru 'dzin du song zhig /gang 'dod pa de sbyin par 'gyur ro/ /de nas rig pa'i rgyal po'i tshogs kyis bskor
 ba dang bcas pa sgrub pa po'i lag pa g.yas bzung nas rgya mtsho'i dbus su lha dang / klu dang / gnod sbyin dang / dri za dang / lha ma yin dang / nam mkha' lding dang /
 mi'am ci dang / lto 'phye chen po la sogs pa sgrub pa po'i rig pa'i tshogs la me tog gi char 'bebs pa dang / rnga bo che dang / rnga pa Ta ha dang /
 rnga dang / rdza rnga kha gcig pa dang / rdzi rnga rnams sgra 'byin bzhin du gru 'dzin du 'gro bar byed do/ /rgya mtsho'i steng der rgya mtsho chen po rig pa'i rgyal pos mthong nas skyes
 bu dam pa de'ang chu klung thams cad kyis yongs su bskor ba'i rin po che'i mchod yon rab tu stsol bar byed par 'gyur ro/ /legs so zhes bya ba'ang gnang bar mdzad
 do/ /rigs kyi bu/ legs so/ /legs par 'tsho ba dang / gzi brjid dang ldan pa'i bcom ldan 'das 'phags pa spyan ras gzigs dbang phyug gi gnas so/ /de
 nas rgya mtsho chen po bsgral nas gru 'dzin du song ste mthong ba dang / der gang rig pa 'dzin pa'i lha dang / klu dang / gnod sbyin dang / dri za dang / lha ma yin dang / nam
 mkha' lding dang / mi'am ci dang / lto 'phye chen po rnams thams cad mchod yon gyi snod kyi me tog gi char chen pos sgrub pa po la bsu ba la 'ong bar byed do/ /de
 nas gru 'dzin mthong nas sna tshogs pa'i nor bu dang / sman gyis bskus pa/ mu tig gi do shal rab tu 'phyang bzhin pa/ gser dang / shel las byung ba dang / bai
 DUR+Ya las byung ba dang / in+d+ra nI la las byung ba dang / mthon ka chen po las byung ba'i them skas dang / snam bu rnams kyis sna tshogs pa'i me tog nye bar mdzes pas rig pa'i
 rgyal po dang / sgrub pa po de la mngon par dbang bskur ba byas nas sgrub pa po la smras pa/ gnas 'di ni bcom ldan 'das 'phags pa spyan ras gzigs dbang phyug gi
 gnas rin po che sna bzhi las byung ba khang pa dbus mar ji srid byang chub kyi bar du rang gi gnas bzhin du kun tu spyod cing gnas so/ /de nas rig pa 'dzin pa'i rgyal po
 la mngon par dbang bskur te rig pa'i rgyal po rab tu bgrod par gyur to/ /'di ni dngos grub ste bcom ldan 'das 'di'i mthu rnam par bsgyings pas mtshams med
 pa byed pas kyang 'di 'grub par byed do/ /rta mgrin rgyal pos rig pa'i rgyal po thams cad la smras pa/ bcom ldan 'das ma dang / 'phags pa spyan ras gzigs
 dbang phyug gi gnas rin po che sna bzhi las byung ba dbus ma'i khang bar rang gi gnas bzhin du gzhi la gnas pa'i rig pa sgrol ma dang / khro gnyer can dang / gzhan
 rig pa thams cad pha rol gnon pa chen po'o/ /rig pa'i rgyal po 'di ni ma bsgrubs pa nyid du las byed de gtan pa gcod par byed pa dang / hUM yig gis rgya mtsho skems
 par byed pa dang / sor mo'i sdigs mdzub kyis thams cad rengs par byed pa dang / oM yig gis 'gugs par byed pa dang / phaT yig gis lhun po rnams
 kyang rnam par 'joms par byed pa dang / yid kyi bzlas pas sems can thams cad dbang du byed pa dang / oM yig gis spyan drangs pa dang / hUM yig gis gshegs su gsol
 pa dang / phaT yig gis gsod pa dang / swAhA'i yi ges 'tsho bar byed pa ste mdor na rig pa rnams kyi cho ga ji snyed yod pa de thams cad rig pa 'di nyid kyis 'jig rten
 dang / 'jig rten las 'das pa bsgrub par bya'o/ /'di ni sngags thams cad kyi cho ga thun mong ba ste gang la cho ga med pa dang / sdig pa byed pas kyang lan gsum du bzla'o//
 rta mgrin rig pa'i rgyal po brtson 'grus chen po sangs rgyas thams cad kyi rjes su gnang ba stobs dang / pha rol gnon pa chen po 'di lan gsum gyis mtshams med
 pa byed pas kyang 'grub par byed do/ /dad pas byang chub kyi sems yongs su bzung ba 'dod pa chen po dang / snying rje'i bdag nyid can/ ser sna med pa dang / byas pa gzo
 ba dang / sangs rgyas dang / chos la mngon par dang ba dang / ma dang / pha dang / ma dang / phar shes pa dang / myur ba kho nar bzod pa dang / tshul khrims dang / sbyin pa sbyin
 par byed pa ma bsgrub par 'grub par yang byed do/ /mdor na las thams cad pa ni brjod nas rig gcod par 'dod pa dang / sel bar 'dod bas 'di brjod nas te 'di ni las
 thams cad pa'o/ /'di ni byang chub sems dpa'i ting nge 'dzin gyi khyad par gzhan gyis sbyin pa'i pha rol tu phyin pa 'di lta ste/ rig pa'i rgyal po sems can thams cad
 kyi bde ba rdzogs pa'i ched du rta mgrin rgyal po'i mgul du'o/ /byang chub sems dpa'i mthu rnam par bsgyings ba zhes bya ba'i le'u rdzogs so// //de nas 'od dpag med
 m thong bar 'dod na kha tshar ma bcad cing skra dang bral ba'i ras la ri mo mkhan gso sbyong can gyis kha dog ma 'dres pa'i tshon gyis bde ba can gyi 'jig rten gyi khams
 su 'phags pa 'od dpag med gser ltar ser ba/ pad+ma la bzhugs pa 'drir gzhug par bya'o/ /'og tu chos kyi 'khor lo'i gzhogs g.yon du rta mgrin rgyal po
 zhal rnam par 'gyur ba/ 'jigs par byed pa/ gsus pa 'phyang ba/ pad+ma la bzhugs pa 'drir gzhug pa/ me dmar ser 'bar ba 'phro bzhin pa/ rin po che'i phreng
 ba'i mchod phyir thogs pa can/ lag 'gro'i rgyan gyis brgyan pa/ ral pa 'od dpag med 'dzin pa/ sor mos log par 'dren pa la sdigs par byed pa/ de'i rgyab nas
 log par 'dren pa 'bros par byed bzhin pa'o/ /g.yas kyi gzhogs su rnam par brgyan pa spyangs pa'i snod dang / gos dang / phyag g.yas pa sgrub
 pa po la dbugs 'byin par mdzad bzhin pa'i 'phags pa spyan ras gzigs dbang phyug gser ltar ser ba/ ral pa'i cod pan 'chang ba'i dbus su 'od dpag
 med mgo bos 'dzin par byed pa/ pha rol gnon pa'o/ /'od dpag med kyi steng gi sprin de la sprin gseb nas gnas gtsang ma me tog rab tu 'thor bzhin pa 'drir
 gzhug par bya'o/ /bcom ldan 'das kyi pad+ma de'ang klu gzhon nu rnams kyis 'dzin pa'o/ /'og tu lag na spos phor thogs pa'i sgrub pa po bus mo gnyis btsugs
 pa 'od dpag med la rnam par lta bzhin pa'o/ /ri mo'i las yongs su rdzogs pa dang sgrub pa pos gtor ma dang / mar me dang / mchod pa rgya chen po byas te zla ba nya
 la mtshan mo gsum du smyung bar gnas pas spyangs pa'i snod dang / gos 'di nyid kyis rig pa'i rgyal po rta mgrin bkug nas mchod yon phul te sgrub pa dang /
 slar yang gshegs su gsol te ba ser skya'i mar dang / pad+ma'i sa bon dang / nA ga ge sar rnams gcig tu byas nas nyi ma bdun du sbyin sreg gyis shig /de nas
 rig pa 'dzin pas lha rnams tshim par byed pa byas ku sha'i khres la nye bar 'dug pas smon lam gdab par bya ste/ ji srid du sa rnam par 'gyur ba drug tu g.yo ba dang /
 mar me'i rtse mo 'phel ba dang / sprin las gu lu gu lu'i sgra sgrogs pa dang / me tog gi char rab tu 'bebs pa dang / tsan+dan gyi phye ma'i char 'bebs pa dang / dril bu'i
 sgra thos pa de srid du bzlas par bya'o/ /de nas rig pa 'dzin pas rings pa rings par bzlas par bya ste ji srid du rig pa'i rgyal po brtson 'grus chen pos pha rol gnon
 pa rta mgrin rig pa thams cad kyis sgrub pa sa la 'ong ba de srid du'o/ /de nas sgrub pa pos me tog dkar po dang / dri'i chus yongs su bkang ba'i snod kyis mchod yon
 phul nas smon lam gdab bo/ /'di skad ces smras so/ /khyod legs par 'ongs so/ /'phags pa spyan ras gzigs dbang phyug pha rol tu phyin pa dang bcas pa'i ched
 du slar yang legs par 'ongs so/ /rta mgrin 'di ni brtson 'grus chen po stobs dang / pha rol gnon pa rig pa'i tshogs thams cad kyis mchod pa'o/ /de nas rig
 pa 'dzin pas spyan ras gzigs dbang phyug la lan gsum bskor ba byas te pus mo btsugs nas 'di skad ces brjod par bya'o/ /khyod la snang bar gyur pa gang yin pa
 de rnams lhan cig 'tshal lo/ /de nas bcom ldan 'das 'phags pa spyan ras gzigs dbang phyug gis phyag g.yas pa sgrub pa po'i spyi bor
 nyug par mdzad de 'di skad ces gsungs so/ /skyes bu dam pa/ brtson 'grus chen po stobs dang / pha rol gnon pa khyod kyis gang brtson 'grus chen pos pha rol gnon
 pas rig pa'i rgyal po bsgrubs pa legs so/ /legs so/ /khyed cag gis mngon par 'dod pa smros shig /mchog sbyin par bya'o/ /'di skad ces brjod par bya ste/ bcom
 ldan 'das/ bde ba can du 'gro bar 'tshal lo/ /de nas bcom ldan 'das 'phags pa 'od dpag med de dang / byang chub sems dpa' rnams dang / 'jig rten gyi khams
 su'o/ /de nas bcom ldan 'das 'phags pa spyan ras gzigs dbang phyug phyag g.yas pa brkyang ste sgrub pa po phyag g.yas pas bzung nas rta mgrin rgyal po la yang
 dag par gtad par gyur to/ /rig pa'i rgyal po chen po/ skyes bu dam pa 'di bzung nas me tog gi char rab tu 'bab pa'i bde ba can gyi 'jig rten gyi khams su song
 zhig / gang du de bzhin gshegs pa 'od dpag med bcom ldan 'das kyi 'khor gyi dkyil 'khor dang bcas pa der bstod du bcug nas slar yang gru 'dzin gang na
 yod pa der shog cig / de nas rta mgrin rig pa'i rgyal pos sgrub pa po bzung nas me tog gi char 'bebs pa'i bde ba can gyi 'jig rten gyi khams su song ste/ sgrub pa pos
 smras pa/ skyes bu dam pa/ de bzhin gshegs pa 'od dpag med de byang chub sems dpa' rnams la chos ston de la ltos shig /ltos shig /de nas rig pa'i rgyal pos
 der bstod du bcug nas slar yang 'phags pa spyan ras gzigs dbang phyug gis gru 'dzin pa der 'ong bar mdzad do/ /de nas sgrub pa po 'jig rten gyi khams der 'phags
 pa 'od dpag med kyi drung du chos nyan no/ /dngos grub 'di ni gnas ma yin pa rnams la gang sbyar bar mi bya ste/ gang zhig byed na dam tshig las 'da' bar 'gyur ro zhes
 brjod nas mchog gi sgrub pa rnams la 'di gnas ma yin pa rnams la rab tu mi sbyor te de'i dam tshig med do/ /las de rnams thams cad rtsa ba'i sngags kyis byed du
 gzhug go / thal bas thal ba'i rwa ba'o/ /sgron me gsum gyis me'i rwa ba'o/ /chu la lan bdun mngon par sngags pas nam mkha'i bcing ba'o/ /yungs kar dkar pos sa
 gzhi bcing ba'o/ /til gyi sbyin sreg gis log par 'dren pa thams cad dbang du 'gyur ro/ /ske tshe'i sbyin sreg gis yi dwags dang / sha za thams cad dbang du 'gyur ro/ /ka ra bI
 ra'i me tog gi sbyin sreg gis khro bo thams cad 'grub par byed do/ /me tog thams cad tsha ba'i til mar gyis btags pa'i sbyin sreg gis 'jig
 rten pa'i rig pa'i rgyal po thams cad dbang du 'gyur ro/ /d+hu d+hu'i sbyin sreg gis dbang phyug chen po dbang du 'gyur ro/ /pri yang ku'i me tog dang / mA lI ta dang / sau gan+d+hi
 dang / gu gul ba ser skya'i mar dang lhan cig tu byas nas sbyin sreg byed na rig pa thams cad dang / lha dang / klu dang / gnod sbyin dang / dri za dang / lha ma yin dang /
 mi'am ci dang / rkang gnyis dang / rkang bzhi pa thams cad dbang du byed do/ /gi wang la lan bdun mngon par sngags pa byas nas thig le byas te mche bas tha dad par
 za bar byed pa dang / tha snyad las rgyal bar byed do/ /sngar brjod pa'i cho gas ba ser skya'i mar blangs nas lus la mngon par byugs te mer rab tu 'jug par byed do/ /
 seng ldeng las byung ba'i rdo rje blangs te hUM yig dang lhan cig pas phug gi sgor lha ma yin gyi bu mo byung ba dang / rab tu zhugs pa'i 'khor lo'i 'jigs pa mi 'byung ngo / /gal
 te 'khor lo rab tu 'jug par byed na dam tshig dran pas hUM yig gi phung pos 'khor lo phye mar byas par 'gyur ro/ /de nas ril bu'i sgrub pa 'byung ste rig pa 'dzin pa ril
 bu sgrub par byed pas tsan+dan dmar po dang / me tog lnga pa dang / pad+ma ge sar dang / 'bras sA lu dmar po'i phub ma dang / kat+ni ka'i myu gu dang / NU ka'i sa bon dang / 'bru dang / ma
 sha'i myu gu dang / ru rta dang / rgya spos dang / tu ruSh+ka'i til mar rnams gcig tu byas te cha mnyam pa gcig tu byas nas rgyud mtshungs pa'i ba ser skya'i 'o ma la gso sbyong can
 gyis ser skya de la rnam par dben par rtsa ba'i sngags su bzlas nas khyim du btags te legs par btsags pa'i chu la mngon par sngags nas nyi ma bdun du spyad par bya'o/ /
 khyim du'am/ rnam par dben pa'i phyogs su'ang rung ste de nas srung ba byas pa'i ba lang gi rdzi des ba bzho bar bya'o/ /de nas 'o ma de gtsang ma'i phyogs su rnam par dben par
 bum pa la bzlas par bya'o/ /de nas rig pa 'dzin pas bram ze'i bu mo'i lag srub par byed du gzhug go /mar des rdzas rnams btags pa byas te lcags gsum gyis yongs
 su dkris pa byas nas de'ang ba ser skya'i ba byung lngar ril bur mtshan mo gcig tu bcug nas gzhag par bya'o/ /de nas bton nas dri'i chu las gzhag par bya'o/ /bkrus te pad+ma'i
 'dab mar gi wang gis byugs la gzhag par bya'o/ /de nas ras ris zhal nub tu phyogs par bzhag nas srung ba'i cho ga byas pas gtor ma dang / mar me dang / mchod pa'i cho
 g a rgya chen po byas te de nas rig pa 'dzin pas lag pa gnyis kas pad+ma'i 'dab ma rnams kyi ril bu brgyad blangs te pad+ma kha sbyor du bzhag nas
 ba ser skya'i mar de nyid mA la ti'i me tog dang gcig tu byas nas sreg blugs bdun sbyin sreg bya'o/ /de nas rtsa ba'i sngags kyis rang gi lha spyan drang ba byas nas
 'phags pa spyan ras gzigs dbang phyug gi spyan sngar ji srid du ba 'thul bar byed pa/ 'bar bar byed pa de srid du bzlas par bya'o/ /du ba 'thul bzhin pas
 mi snang ba dang / dbang du byed pa dang / nam mkha' la 'gro ba'i rig pa 'dzin par 'gyur ro/ /nyi ma 'char ka dang mtshungs pa'i 'od kyis rig pa 'dzin pa mtshan
 thams cad yang dag par rdzogs pa rig pa 'dzin pa'i bu mo rnams kyis lhan cig rtse bar byed/ dga' bar byed do/ /lo stong phrag lngar 'tsho bar byed do/ /gang gi tshe
 'chi ba de'i tshe rgyal rigs kyi khyim du skye bar 'gyur ro/ /skye ba dran par yang 'gyur ro/ /'di nyid kyis pad+ma'i sa bon dang / paN+DI ta ka ra'i sa bon dang / tu ruSh+ka dang / a
 ga ru nag po dang / tsan+dan dmar po dang / sau gan+d+hi ka dang / mA la'i me tog dang / gur gum dang / ldong ros dang / gi wang rnams pa ser skya'i ba byung rnams gzhon
 nu ma gso sbyong can dbang po ma tshang ba ma yin pas btags par bya'o/ /de nas rig pa 'dzin pas pri yang ku'i shing blangs nas khang pa brtsegs pa gtsang mar shing
 bzo ba gso sbyong can byang chub tu sems bskyed pa dbang po ma tshang ba ma yin pa'i lag pas za ma tog byed du gzhug go / za ma tog der ril bu nyi shu rtsa gcig bcug
 n as ras ris kyi spyan sngar mchod pa rgya chen po byas te gtor ma'ang phul nas za ma tog blangs te gos gtsang ma g.yogs nas mtshan mo gsum du smyung bar gnas
 pa rig pa'i lha rnams spyan drang bar byas nas ji srid du dro bar byed pa dang / du ba 'thul bar byed pa dang / 'bar bar byed pa de srid du bzlas par bya'o/ /dro bzhin pa la
 dbang du byed do/ /mi snang bar 'gyur ro/ /du ba 'thul bzhin pa la rig pa 'dzin pa gzhon nu'i mchog gcig go /'bar bar byed pa ni rig pa 'dzin pa drug dang lhan
 cig 'gro ste rig pa 'dzin pa'i bu mo rnams kyis yongs su bskor nas lhun po'i rtse mor rtse bar byed/ dga' bar byed/ dga' ma gur yongs su spyod par byed do/ /lo stong phrag
 lngar 'tsho bar byed do/ /gang gi tshe 'chi ba de'i tshe nor chen po rnams su skye bar 'gyur ro/ /skye ba dran par yang 'gyur ro/ /'di nyid kyis mig sman ldong ros sgrub par byed do/ /dkar
 p o'i bco lnga la dpa' bo'i rin gyis nyos pa'i gi wang blangs nas mtshan mo gcig tu smyung bar gnas pas nyi ma gung la bram ze'i bu mo gso
 sbyong can gyis pad+ma'i 'dab mas ba ser skya'i 'o mas btags par bya'o/ /ras ris la mchod pa rgya chen po byas te ras ris zhal nub tu phyogs par bzhugs nas srung
 ba'i cho ga byas pas rang gi lha rnams spyan drangs par byas te mchod yon dang / gdan phul nas pri yang ku'i me tog dang / ba ser skya'i 'o mas sreg blugs bdun
 sbyin sreg gyis shig/ lha rnams tshim par byed pa byas nas slar yang lha de rnams mdun du pad+ma kha sbyor du ril bu bcug nas ji srid du du ba 'thul ba dang / dro
 bar byed pa dang / 'bar bar byed pa de srid du bzlas par bya'o/ /dro bzhin pa la ni thig le byas pa'i skye bo thams cad dga' bar 'gyur ro/ /du ba 'thul bzhin pa la
 ni mi snang bar 'gyur ro/ /rab tu 'bar bas thig le byas nas rig pa 'dzin pa drug gis yongs su bskor ba'i rig pa 'dzin pa'i bu mo rnams kyis lhan cig rtse bar
 byed do/ /gang gi tshe 'chi ba de'i tshe nor chen po'i khyim du skye bar 'gyur ro/ /skye ba dran par yang 'gyur ro/ /til gyi sbyin sreg gyis shig /klu dbang du 'gyur ro/ /nya dang /
 sha'i sbyin sreg gyis shig /yi dwags dbang du 'gyur ro/ /mA la ti'i me tog gi sbyin sreg byed na lha mo chus byung dbang du 'gyur ro/ /pri yang ku'i me tog gi sbyin sreg gyis
 shig / lha dbang du 'gyur ro/ /sau gan+d+hi ka'i sbyin sreg byed na gnod sbyin dbang du 'gyur ro/ /yungs kar dkar po la lan bdun mngon par sngags pas gang gi spyi bor byin
 pa de dbang du 'gyur ro/ /gdon gyis zin pa dang / rims kyis btab pa dang / srin pos zin pa'i mdun du skye tshe la lan bdun mngon par sngags pas sbyin sreg byed cing
 de'i thal bas snun par byed na grol bar 'gyur ro/ /rta mgrin rgyal ba'i cho ga zhib mo 'di'ang rdzogs so// //'phags pa spyan ras gzigs dbang phyug
 gi mthu bsgyings pa 'jig rten dang / 'jig rten las 'das pa thams cad du 'gyur ba de 'byung ste rig pa'i rgyal po gang la cho ga med pa de rnams cho ga 'di nyid kyis
 sgrub pa dang / rtog pa'i rgyal po de nyid kyis thams cad byas te/ mdor na/ mtshams med pa lnga byas pa'ang lan gsum gyis 'grub par 'gyur ro/ /rigs kyi bu/ gang dad pa
 dang ldan pa/ ser sna med pa/ g.yo med pa/ phra ma med pa/ rig pa'i rgyal po la gus pa'i gang rtog pa pa la mchod par byed pa dang / klog par byed pa dang / kha ton byed pa
 dang / gzhan la ston par byed pa dang / ser sna med par gyur nas skye ba dran par 'gyur ro/ /dge ba'i bshes gnyen gyis yongs su zin pa
 dang / sangs rgyas dang / chos dang / dge 'dun la mngon par dad pa'o/ /ral pa gyen brdzes kyi rgyud phyi mar rta mgrin rgyal po'i cho ga zhib mo'o/ /slar yang dus de nas
 shar gyi phyogs kyi cha nas mngon par dga' ba'i 'jig rten gyi khams na sgrol ma mi 'khrugs pa zhes bya ba'i de bzhin gshegs pa gzhal bar bya ba dang / bgrang
 b ar bya ba'i byang chub sems dpa' sems dpa' chen po rnams kyis sangs rgyas thams cad kyi yul gyi rnam par 'phrul pa byin gyis brlabs pa'i stobs
 k yis skad cig gcig gis sangs rgyas kyi zhing 'dir gsang sngags thob pa gang du de bzhin gshegs pa dgra bcom pa yang dag par rdzogs pa'i sangs rgyas shAkya
 t hub pa bzhugs pa gling bzhi pa bar ma 'di nyid du 'ongs nas ji ltar byung ba'i pad+ma'i gdan la gnas pa de rnams kyang byang chub sems dpa' sems dpa' chen po
 ji ltar 'phel ba'i stobs dang / sgrub pas pad+ma'i gdan de la bzhugs so/ /de lta bu la sogs pa gzhal du med cing grangs med pa'i sangs rgyas kyi zhing gi rdul
 phra rab dang mnyam pa'i sangs rgyas bcom ldan 'das ji snyed bzhugs pa de rnams skad cig thang cig yud tsam gyis gling bzhi pa bar ma'i sangs rgyas kyi zhing du'o/ /
 de nas mi 'khrugs pa la sogs pa'i de bzhin gshegs pa de rnams rtog pa'i rgyal po chen po'i rgyud phyi ma 'dir bcom ldan 'das spyan ras gzigs dbang phyug
 gi sngags kyi spyod pa la so sor rjes su yi rang ba'i ched dang / bsrung ba dang / bskyab pa dang / sba ba'i ched dang / las kyi sgrib pa thams cad zad pa'i ched dang / bcom
 ldan 'das ma 'phags ma sgrol ma'i dngos grub kyi ched du bsod nams kyi stobs kyis bsgrubs pa'i gzungs kyi sngags kyi tshig rnams gsungs pa/ na mo rat+na tra yA ya/ na ma
 ak+Sho b+h+ya ya/ ta thA ga tA ya/ ar+ha te/ samyak+saM bud+d+ha ya/ tad+ya thA/ kaM ka ni kaM ka ni/ ro tsa ni ro tsa ni/ tro Ta ni tro ta ni/ trA sa ni trA sa ni/ pra ti ha na pra ti ha na/ sarba karma pa raM pa rA Ni swAhA/
 na mo rat+na tra yA ya/ na maSh+tsaN+Da sUr+ya ya/ ta thA ga tA ya/ ar+ha te/ samyak+saM bud+d+ha ya/ tad+ya thA/ tsan+t+re/ ma ti/ tsan+t+re/ ka ra Ne/ mi lA mi lA/ bud+d+ha a d+hi Sh+Thi ti/ si li si li/ d+harma a d+hiSh+Thi te
 ki li ki li/ saM g+ha a d+hiSh+Thi te swAhA/ rigs kyi bu'am/ rigs kyi bu mo gang la la de bzhin gshegs pa 'di'i mtshan 'dzin par 'gyur ba dang / rtag tu rgyun mi 'chad pa bskal
 par brjod de yid la byed par 'gyur ba de bskal pa stong phrag bzhi bcur 'tsho bar byed do/ /skye ba dran par 'gyur ro/ /byang chub kyi sems mi brjed pa
 thob par 'gyur ro/ /na mo rat+na tra yA ya/ na maHpuSh+pe ke ta be/ ta thA ga tA ya/ ar+ha te/ samyak+saM bud+d+ha ya/ tad+ya thA/ puSh+pe puSh+pe puSh+pe puSh+pe puSh+pe puSh+pe puSh+pe swAhA/ gzungs 'di me
 tog la lan nyi shu rtsa gcig yongs su bzlas te cho ga ji lta ba dang / 'du shes ji lta ba bzhin du byas pas de bzhin gshegs pa'i mchod rten la rab tu gtor bar bya'o/ /de'i
 mngon par 'dod pa thams cad yongs su rdzogs pa dang / las kyi sgrib pa thams cad zad par 'gyur ro/ /na mo rat+na tra yA ya/ na maHsarba ni ba ra Na/ biSh+kaM b+hi ne ta thA ga tA ya/
 ar+ha te/ samyak+saM bud+d+ha ya/ tad+ya thA/ s+phu Ta s+phu Ta/ s+phu Tan+tu me/ sarba pA pA ni/ sarba bud+d+ha sa t+ye na/ d+har+m+ma sa t+ye na/ saM g+ha sa t+ye na/ in+t+ra sa t+ye na/ ba ru Na sa t+ye na/ ye lo ka sa t+ye na/
 bI ra Na sa t+ye na/ sa t+ya sa tsa ne na s+phu Tan+tu/ sarba pA pA ni sarba bud+d+ha a d+hiSh+Thi ne na swAhA/ mtshan mo nyi shu rtsa gcig gis las thams cad zad par byed do/ /nyin mo dang / mtshan mo
 gsum byas nas drug tu rab tu sbyor bas mtshams med pa nges par zad par byed do/ /na mo rat+na tra yA ya/ na mo bai ro tsa nA ya/ ta thA ga tA ya/ ar+ha te/ samyak+saM bud+d+ha ya/
 na ma A kA sha gar+b+hA ya/ bo d+hi satwA ya/ mahA satwa ya/ mahA ka ru Ni kA ya/ ka la ka la/ ki li ki li/ hu ru hu ru/ bai ro tsa na/ rasmi sany+tso di de/ A gats+tsha Ar+ya A kA sha gar+b+ha mahA kA ru
 Ni ka / pU ra ya/ shu baM/ daR+sha ya/ bud+d+ha bi Sha yaM ra tsa ra tsa ra/ tsi ri tsi ri swAhA/ 'di ni rnam par snang mdzad kyi snying po zhes bya ba'i gzungs bklags pa 'grub pa ste/ skrag pa
 dang / rgyan po dang / dug dang / dug brtan po dang / byad stems dang / rgyal po dang / chom rkun la sogs pa rnams gnon par byed do/ /gang du bris pa gnas pa'am
 mgo dang / lag pas bcang bar byed pa de la nye bar 'tshe ba dang / nad 'go ba thams cad mi 'byung ngo / /'di rtag tu bzlas pas dri ma med pa'i ting nge 'dzin so sor
 rnyed do/ /na mo rat+na tra yA ya/ na mo be ro tsa nA ya/ ta thA ga tA ya/ na ma A kA sha gar+b+ha ya/ bo d+hi satwa ya/ mahA satwa ya/ mahA kA ru Ni kA ya/ tad+ya thA/ badzram+bu badzram+bu/ badzra d+h+wa dze/ shU
 n+ya tA pra de she / bai ro tsa na gar+b+he sany+tsa in+d+ra ya sho d+ha ne swAhA/ cho ga ni rtag tu bzlas pas 'phags pa shes rab kyi pha rol tu phyin pa'i gnas so sor rnyed do/ /bdud thams cad
 dang / phyir rgol ba thams cad dang / dgra thams cad dang / bgegs dang / log par 'dren pa thams cad kyis thub par dka' bar 'gyur ro/ /de bzhin du gang bris
 nas lag tu bcang bar byed pa de'ang yon tan 'di rnams so/ /na mo rat+na tra yA ya/ na maHsarba durga ti pa ri sho d+ha ya/ ta thA ga tA ya/ ar+ha te
 samyak+saM bud+d+ha ya/ tad+ya thA/ sho d+ha ne sho d+ha ne/ sarba pA paM bi sho d+ha na shud+d+he bi shud+d+he sarba karma a ba ra Ni bi shud+d+he swAhA/ gzungs 'di'i cho ga ni 'di yin te rtag tu bzlas
 pas sdig pa thams cad grol bar 'gyur ro/ /sangs rgyas kyi byin gyis brlabs pas skye ba bzhir skye ba dran par 'gyur ro/ /ji srid byang chub kyi snying po la mthar
 thug gi bar du dge ba'i rtsa ba yongs su zad par 'gro bar mi 'gyur ro/ /na mo rat+na tra yA ya/ na mo b+ha ga wa ti Ar+ya pradz+nyA pa ra mi tA ye/ oM shru ti/ smr-i ti/ bi dza ye
 swAhA/ 'di bzung bas shes rab kyi pha rol tu phyin pa gzung bar 'gyur ro/ /'di'i cho ga ni 'phags pa shes rab kyi pha rol tu phyin pa'i glegs bam bzhugs nas
 d e'i mdun du sa la ma lhung ba'i ba ser skya'i ba byung gis dkyil 'khor nye bar byugs te nyin mtshan du smyung bar gnas pas gnas der mchod pa rgya chen po byas
 nas ba'i mar gyis mar me phul te bya ba yid la dran par gyur pas gdon par bya'o/ /de nyid du ku sha bting nas gser gyi kha dog gi de bzhin gshegs pa'i
 sku mthong ngo / /de 'di la yang dag par lta ba bzhin ston par byed do/ /tho rangs sam/ mtshan mo nyid du'ang rung ste tshig tu gdon par bya'o/ /sangs rgyas rjes su dran par
 bsgom par bya'o/ /na mo rat+na tra yA ya/ na mo Ar+ya a ba lo ki te shwa rA ya/ bo d+hi satwa ya/ mahA satwa ya/ mahA kA ru Ni ka ya/ tad+ya thA/ dza ye dza ye mahA dza ye/ dza ya bA
 hI ni/ dza la ut+ta re/ ka la ka la/ ma la ma la/ tsa la tsa la/ hu lu hu lu/ k+Shi Ni k+Shi Ni/ sarba kar+m+ma A ba ra NA ni/ me bi sho d+ha ya/ b+ha ga ba te/ sa ha sra/ A brta/ sarba
 bud d+ha a ba lo ki te/ tsak+Shu/ shro tra/ g+h+rA Na/ dzi hwA/ kA ya/ ma no bi dz+nyA na/ sho d+ha ni/ su ru su ru/ pra su ra pra su ra/ sarba bud d+ha/ a d+hiSh+Thi te swAhA/ d+harma d+ha tu gar+b+he swAhA/ a b+hA
 ba/ sarba d+harma a bi b+he da ni swAhA/ gzungs 'di'i cho ga ni 'di yin te mtshan mo gcig tu dran par byas nas rtag tu bzlas pas bskal pa stong du bsags pa'i sgrib
 pa'ang zad par 'gyur ro/ /sangs rgyas stong gis nye bar bsags pa'i dge ba'i rtsa bar 'gyur ro/ /bskal pa stong gi 'khor ba las phyir phyogs par byed do/ /skye ba brdzes te
 lha rnams su skye bar 'gyur ro/ /mi'i rgyal srid dam/ yongs su dag pa'i sangs rgyas kyi zhing rnams su skye bar 'gyur ro/ /nyi ma nyi shu rtsa gcig bzlas pas ji ltar 'dod
 pa'i rmi lam mthong bar byed do/ /'di ni stong 'khyil ba zhes bya ba'i gzungs yin te phan yon chen po byang chub sems dpa' yang dag par
 brjod pa'i mdo bklag par bya/ rtag tu yid la bya'o/ /na mo rat+na tra yA ya/ na mo bud+d+ha ya/ na mo d+harma ya/ na maHsaM g+hA ya/ na ma Ar+ya a ba lo ki te shwa rA ya/ bo d+hi satwA
 ya/ ma hA satwA ya/ swe twA ya/ swe tA b+hU dzA ya/ d+ha da sha b+hu dzA ya/ e hi e hi/ b+ha ga wan/ Ar+ya a ba lo ki te shwa ra ya/ bud+d+ha bud+d+ha bud+d+ha/ Ar+ya ma nu sma ra/ bud+d+ha ma
 nu sma ra/ d+harma satwa ma nu sma ra/ saM sat+ya ma nu sma ra/ tad+ya thA/ na tu na tu/ ki Ni ki Ni/ tu ru tu ru/ b+h+yo b+h+yo/ ku ru ku ru/ sarba sarbaM/ me sA d+ha yaM/ hi ri mi ri Ti Ti/ ni
 ni/ ma ma sa pa ri bA ra s+ya/ si d+h+yan+tu/ man+t+ra pa dA swAhA/ de nas de bzhin gshegs pa 'od dpag med kyis gzungs 'di gsungs nas byang chub sems dpa'
 spyan ras gzigs dbang phyug la 'di skad ces bka' stsal to/ /byang chub sems dpa' rnams kyi rtsa ba'i rig pa'i gzungs 'di ni bklags pas 'grub
 pa/ ma bsgrubs par yang las rnams 'byung ba ste zla ba nya la gso sbyong can gyis nyin mtshan du smyung bar gnas kyang rung ngo / /spyan ras gzigs dbang
 phyug gi spyan sngar byang chub kyi shing gi me rab tu sbar nas til nag po stong phrag brgyad sbyin sreg gyis shig / de bzhin du nyi ma bdun du lan re'am/ thun gsum
 du byas na rgyal po'am/ rgyal po'i blon po dbang du 'gyur ro/ /mtshan mo gsum du smyung bar gnas pas yungs kar dkar po stong phrag brgyad sbyin sreg gyis
 shig / phyogs sam/ zla bar yul gyi don du grog mkhar bdun gyi rtse mo song nas re re 'dzegs te nyi ma snga dro nas ji srid phyi dro'i bar bzlas par bya'o/ /mtshams
 med pa grol bar byed do/ /bu 'dod na 'o ma'i sbyin sreg gyis shig /mtshan thams cad yang dag par rdzogs pa'i khye'u 'byung ngo / /gzungs 'di nyid kyis bdag nyid
 srung ba dang / gnod pas gdon 'bros par byed pa la byabs pas sam/ rdzas su bcings pas kyang rung ngo / /yang na chom rkun thams cad dbang du 'gyur ro/ /rtag
 par rgyun du zlos bzhin pa ni nor nye bar bsags par 'gyur zhing dgra rnams las kyang rgyal bar 'gyur ro/ /de nas de bzhin gshegs pa 'od dpag med kyis slar
 yang la pa gyen brdzes kyi rgyud phyi mar gzungs kyi gsang sngags kyi tshig rnams gsungs pa/ na mo bud+d+ha ya/ na mo d+harmA ya/ na maHsaM g+ha ya/ tad+ya thA/ hu lu hu lu/ bi ma le/
 nir ma le/ sho d+ha ni/ kA tsa ti/ mi ra ba Ta la/ sarba ni ro gaHbi na sha ni ts+tsha da ni/ ts+tsha da ni/ bA ta sa mut+Thi taM ba ta sa mu tiSh+Tha taM/ sh+leSh+ma/ san+ni pA ta sa
 mut+Thi taM sarba nA sha ni/ Ar+ya a ba lo ki te shwa ra s+ya/ te dza na na s+yan+tu/ ak+Shi ro gaHswAhA/ gzungs 'di'i cho ga ni 'di yin te bcom ldan 'das kyi spyan sngar dkyil
 'khor byas nas mi snang bar gyur nas lag pa'am/ ku sha la brgyad brgyar yongs su sngags nas mig la byab par bya'o/ /long bas kyang mig so sor rnyed do/ /
 zla ba drug gis rtag tu dran par byed na mig nad 'byung bar mi 'gyur ro/ /de nas de bzhin gshegs pa shAkya thub pas byang chub sems dpa' spyan ras gzigs dbang
 phyug dang / gru 'dzin na gnas pa'i 'khor chen po la legs par gzigs nas byang chub sems dpa' mthu chen thob la bka' stsal pa/ rigs kyi bu/ grub pa'i
 g zungs kyi sngags kyi tshig 'di ni rtog pa'i rgyal pos rgyud phyi ma 'dir brjod pa sngon gyi sangs rgyas kyis gsungs pa ste bcom ldan 'das ma 'phags ma sgrol
 ma'i sgrub pa pos rtag tu dge slong ngam/ dge slong ma'am/ dge bsnyen nam/ dge bsnyen ma chos gos kyi rna ba'am/ gos kyi mtha' la mdud pa bya'o/ /gang la
 la zhig bcom ldan 'das ma sgrol ma sgrub par byed pa des lan gcig brjod nas gsum gyi gos la bgos pas dgra dbang du nye bar 'gro bar 'dod pa dang / gdug
 pa thams cad rengs par 'dod pa dang / dngos grub thams cad rtogs par 'dod pa dang / don thams cad yongs su rdzogs par byed par 'dod pa dang / rgyal po'i
 pho brang du 'jug par 'dod pa dang / mi mdza' ba rnam par 'joms par 'dod pa de ci'i rgyu dang / de bzhin du byang chub sems dpa'i rigs can don thams cad bya
 ba la rab tu 'jug pa 'dzin par byed do/ /de la yid la grub pa'i gzungs kyi sngags kyi tshig rnams ni/ na mo rat+na tra yA ya/ na mo a mi tA b+hA ya/ ta thA ga tA ya/ ar+ha te/
 samyak+saM bud+d+ha ya/ na ma aR+Ya a ba lo ki te shwa rA ya/ bo d+hi satwa ya/ mahA satwa ya/ na ma Ar+ya mahA s+thA ma prap+tA ya/ bo d+hi satwa/ ba mA ne tran+na ma s+yA mitAn+na maH /s+yA mi bA ma ne/ pi shA tsi
 par+Na sha wa ri/ par+Na sha wa ri/ pi shA tsa/ b+ha ga ba ti/ pA sha ha sta/ paR+shu d+ha ra Ni/ yA ne/ kA ni/ tsh+tsha ta/ b+ha ya ni/ ut+pa t+yan+te/ yak+Sha sh+tsa/ ri tA yo/ yA ka sh+tsi ta/ mahA bA d+yo/ yA+e ke tsi
 ta/ u pa dra bi ki/ ye ke tsi ta/ Ar+ya bak+Sha/ ye ka tsa ta/ u pa sarga/ a u pa sarga/ sam+b+ha d+ha ba/ at+ba t+yan+te/ sar+b+ba Ni tA ne/ sarbAM staM/ sarbe te/ bA la ta d+ha na/ ut+pa t+yan+te na/ paN+Di
 ta/ a ne na/ sa t+ye na/ sat+ya bA ke na/ i b+hiHpaN+Di ta/ a d+hiSh+Tha tairma n+t+ra pa rairma ma rak+Shi ku ru pa ri tra NaM ku ru pa ri gra haM ku ru pa ri gra haM ku ru pa
 ri pA lan ku ru swasti ya naM ku ru daN+Di pa ri ha raM/ ku ru bi Sha pa ri ha raM ku ru/ bi Shad+bu Sha NaM ku ru/ bi Sha na sha NaM ku ru/ tad+ya thA/ a mr-i te a swa targe ma/ ma ra ma ra sa ma/ pra sa ma/ u pa
 sa ma/ tu na bi tu nu/ tu le tu mu le/ mam sarba satwA nAny+tsa rak+ShaM ku ru swAhA/ 'di ni ri khrod lo ma can zhes bya ba'i gzungs te bzlas pa dang / sbyin sreg gis nad thams cad dang /
 gdon thams cad dang / nye bar 'tshe ba thams cad 'joms par byed do/ /'di lta ste/ mi rnams la yams kyis nye bar 'tshe ba la shing sha ma'i yam shing gis me rab tu
 sbar nas gang ba'i sreg blugs stong phrag brgyad thun gsum du ji ltar nus pas sbyin sreg phyis shig / bcom ldan 'das 'phags pa spyan ras gzigs dbang
 phyug la mchod pa byas nas ri khrod lo ma can la'ang bya'o/ /de bzhin las byas pas nye bar 'tshe ba thams cad 'joms par byed do/ /ba lang gi nye bar 'tshe ba la ba
 lang gi spu dang / rus pas sbyin sreg bya ste zhi bar 'gyur ro/ /ma he'i nad thams cad la skra dang / rus pas nyi ma bdun du sbyin sreg bya ste zhi bar 'gyur ro/ /rgyu skar gyi
 gnod pa la nyi ma bdun du 'o ma'i sbyin sreg bya'o/ /dngos grub thams cad rtog par 'dod pas nyi ma bdun du nye bar 'tshe ba la seng ldeng gi phye ma'i sbyin sreg go/ mgo bo na ba
 la dri bzang po'i me tog la yongs su bzlas nas bsnams nas mer gzhug par bya'o/ /rang gi gnas su 'gyur ro/ /rims la srad bu bcing bar bya ste rang gi gnas su
 'gyur ro/ /za ba dang / sbyin sreg kyang bya'o/ /gdon la bag zan las byung ba'i gzugs brnyan byas la lan bdun bzlas te nyi ma bdun nas grol bar 'gyur ro/ /mig na ba
 la mig sman gyi sbyin sreg gyis shig / nyi ma bdun gyis grol lo/ /zhi bar 'dod pas dUr ba'i sbyin sreg gyis shig /zhi bar 'gyur ro/ /rgyas par 'dod pas yungs kar gyi
 sbyin sreg gyis shig / rgyas par 'gyur ro/ /rgyal ba la shu dag gi sbyin sreg gyis shig /rgyal bar 'gyur ro/ /lan tshwa las byung ba'i gzugs brnyan byas nas sbyin sreg gyis
 shig / dbang du 'gyur ro/ /sbrul gyi mche bas zin pa la yal 'dab kyi las so/ /sbrul las byung ba'i nyi ma bdun la dbang du byed do/ /'byung po dang / sha za'i rgyas btab pa
 la lan nyi shur bzlas pa'i yungs kar gyis bsnun par byas te rang gi gnas su 'gro'o/ /rtag tu bzlas pas skye bo thams cad dga' bar 'gyur ro/ /rgyal po'i pho brang du
 'jug pas lan nyi shu rtsa gcig gdong la yongs su bzlas na gang mthong ba de dbang du 'gyur ro/ /sbyin sreg gi las thams cad la nyi ma
 bdun du sbyin sreg bya'o/ /mdor na nye bar 'tshe ba thams cad 'joms par 'gyur ro/ /sna ma'i me tog gi sbyin sreg gi sa las thams cad byed do/ /las thams cad
 la dang por gang ba'i sreg blugs sbyin sreg gyis shig / las thams cad la'ang las 'di nyid kyis shig ces bya'o/ /gso sbyong can gyis bya ba'o/ /sems dpa'
 thams cad la sems kyis dmigs pas sa las byung ba'i ka pA la dang / sel+la ka la brgyad brgyar mngon par sngags par byas nas gzhon nu mas mdud pa brgyad
 brgya bya'o/ /de nas de dri'i chus bkrus nas shing la bzhag ste de yi mgo la bcing bar bya'o/ /de bzhin du ma he rnams dang / ra rnams dang / phyugs rnams la chom rkun
 gyis nye bar 'tshe ba la rwa la bcing bar bya'o/ /bum pa chus gang ba byas nas gtsang mas brgyad brgyar mngon par sngags pa byas te nad pa'i sked pa la bcing bar bya'o//
 rang gi gnas su 'gyur ro/ /khyim du tshangs pa'i srin po dang / sha zas nye bar 'tshe ba rnams la sbyin sreg gyis shig /ji ltar nus pa'i gtor ma bya'o zhes te 'di ni ri khrod
 lo ma can zhes bya ba'i gzungs ral pa gyen brdzes kyi rgyud phyi ma gsungs pa byang chub sems dpa' yang dag par brjod pa'i mdo sde'ang ngo / /slar yang dus de'i tshe sangs
 r gyas bcom ldan 'das thams cad byang chub sems dpa' sems dpa' chen po 'phags pa spyan ras gzigs dbang phyug gi spyi bor phyag g.yas pa rab tu brkyang
 nas nyug par mdzad de 'di skad ces bka' stsal to/ /rigs kyi bu/ rin chen phreng ba zhes bya ba'i gzungs yod de 'di klog par byed pas 'grub par sangs rgyas thams
 cad kyis rjes su yi rang bas gsungs so/ /rtog pa'i rgyal po chen po phyi ma de la bsrung ba dang / bskyab pa dang / sba ba'i ched dang / ral pa gyen brdzes kyi rgyud phyi mar bcom
 ldan 'das ma 'phags ma sgrol ma'i sgrub pa po'i dngos grub byed pa rtag tu byed du gzhug go / blo gros dang ldan pas gang dge ba'i tshes grangs la bris nas so/ /
 de nas de bzhin gshegs pa shAkya thub pas sngags kyi tshig rnams bka' stsal to/ /na mo bud+d+ha ya/ na mo d+harma ya/ na mo saM g+hA ya/ na maHsap+ta nAM/ samyak+saM bud+d+ha ko TI nAM
 nA mo mai trai ya/ pra mu khA nAM/ sarba bud+d+ha bo d+hi satwA nAM/ na maHsamyag+ga tA nAM/ na maHsamyak+p+ra ti pan+na nAM/ na mo ar+ha tAM/ na mo nA gA mI nAM/ na moHsa kri dA gi mI nAM/ na maHsho
 tA pan+nA nAM/ na mo ar+ha ta/ mar+d+h+wa tu/ a pa ra dzi ta hr-i da yaM/ mA brta yiSh+ya mi samyak+saM bud+d+ha/ b+ha Shi te/ ma nu mo da taM/ de ba ga Dai sar+b+ba karma ka raM/
 shu b+ham/ pa bi trany+tsa bA/ maM ga l+yaM/ d+ha n+yaM/ shu b+h+ya ka raM/ shu b+haM rak+Sho/ g+h+na sarba satwA nAM/ de bany+tsa a pa ra dzi tA hr-i da yaM/ mA ba rta mi sarba pA pa/ pra sha mA nAM/ sarba ar+tha sA
 d+ha nAM/ d+ha n+yaM/ sarba gra ha bi nA sha nA/ ni t+yaM dza ya/ ka ri h+ye Sha shakra s+yai ba a ba ra dzi tA pa Sha kr-i t+ya/ na sha nI tse ba/ rA dza/ ag+ni ri pu nA sha nI kr-i t+ya karma Ni/ betA Do duH/ swap+na pi a
 tha sputa na de ba dA na ba/ gan+d+harba/ yak+Sha rak+Sha ma/ pan+na ga /rak+ShaM/ kurban+tu me ni t+yaM sa mAn+ta tsa/ te dza naM e hi kA/ dri tI ya ga dz+wa rA tri tI yak+Sha/ tsa tur+tha ke b+h+yo rak+Sha yaM ba ShiM ma dz+wa ra karma
 Ni bi Sha b+huk+taM ga raM tsai ba b+h+yo dz+ya brdza yi Sh+ya ti/ ya s+ya bA na b+ha ba ta gar+b+ho ha yan+te ya s+ya dA ka ra ka /rat+na mA la i yaM te ShAM k+Shi pra ma ma ba ha te/ dza ya ma r+tha/ ka mo la pa tar+the/ shrI kA
 mo la b+ha te/ shri yaM/ bi tha te ra Na/ saM gra he/ k+Shi pra mA bA te/ dza baM/ a tra bi t+yaM/ pra bak+ShA mi/ rat+na mA la ti/ bi bru taM/ tA ba tA lo ka nA tha hri driSh+Ta satwa nu pa dru taM/ tad+ya thA/
 oM d+ha na ka ri bi pu la ka ri ya sha ka ri/ bid+d+ha ka ri a yun+ta ti a la k+Shi pra sa ma ni d+haM narbAn+ya bin+ya bar+d+ha ni ba shri ka ri/ sarba gra ha nak+Sha tra pa sha/ brti ni me/ d+hA dza na ni/ su
 tra dza na ni pa ri bA ra bad+h+ya ni/ A yun+da ni/ pri ti kA ri/ dzam+b+ha ni/ stam+b+ha ni/ a mo ha shak+ti kAny+tsa na mA la gra hA sau mya/ ka ra Ni sarba kA li kA lA hA bi gra ha/ bi bA da pra sha mi na/ ba
 ra tsa tra/ ni bA ra Ni pa ra ma sai n+ya staM b+hA ni tsit+ta nirma lI ka ra Ni/ sarba pA pra sha ma ni sarba kilbi Sha nA sha ni swAhA/ tsu Tu tsu Tu/ tu Tu tu Tu/ mu Tu mu Tu swAhA/ sarba de ba a nu dz+nyA
 te swAhA/ sarba nA ga saM rak+Shi te swAhA/ oM ni ri phaT/ ha na ha na phaT/ da ha da ha phaT/ pa tsa pa tsa phaT/ ye ShAM pi d+h+wa Shan+ti bi sha ma tsit+tA yaN+ti/ ha ha ni/ kA khorda kurban+ti ka ra yan+ti/
 kr-itany+tsa a b+ha yA nu mo de ne r+tha ba phaT swAhA/ ag+ni stam+b+ha yA mi bi shaM shasta u da ka tsau ri sarba duSh+TA sarba byA d+hi ta tsan traM dza na yA mi hUM hUM phaT phaT swAhA/ gzhan gyis mi thub
 pa'i 'dab mas khrus byas te rin po che'i phreng bas rnam par brgyan pa las thams cad byed pa 'di ni rtag tu srung ba byed pa'o/ /de bzhin nyid du'ang gro ga'i 'dab ma
 la bris pa'am/ gang du'am/ der yang rung ste la la'i bgegs srung ba dang / bsod nams mchog dang / sdig pa dang / dri ma 'joms pa dang / g.yul du'am/ rtsod
 pa'am/ thams cad du rgyal ba sbyin zhing dge ba'o/ /gang 'di 'dzin pa la rig pa zhi ba bris pa dang / skyes pas rtag tu klog pa de la 'jigs pa 'byung bar mi 'gyur
 ro/ /klog pa dang / 'dzin pa thams cad rtag tu srung bar byed do/ /gsang ba rnams kyis yongs su skyong bar byed do/ /cho ga'i rgyal po 'di rtag
 tu mthar byed pa ni ji ltar rin po ches spras pa'i phreng ba steng du rnam par 'bar ba'i dpal gang yin pa de rig pa 'dzin par byed do/ /'di las gdon de rnam par
 nyams par byed do/ /nad rnams kyang mi 'byung ngo / /bu tsha bo rnams kyang 'phel lo/ /'khor bzang po can rnam par gnas so/ /rig pa 'di ni thams cad nas
 de bzhin gshegs pa rnams kyis sems can la phan pa'i don gyi ched dang / byis pa rnams khyad par du bsrung bar bya ba'i ched do/ /lha dang / rgyal po dang / byang
 chub sems dpa' rnams dang / de bzhin du de bzhin gshegs pa de'ang phyogs bcu rnams su kun nas gzigs par mdzad do/ /dge ba'i don rnam par
 'phel ba dang / sdig pa thams cad kun nas zad par 'gro ba dang / rmi lam ngan pa rnams dang / nyes par byas pa rnams las kyang grol te 'dir the tshom
 med do/ /ral pa gyen brdzes kyi rgyud phyi ma'i gzungs so/ /de nas 'di las rgyud 'dir byang chub sems dpa' spyan ras gzigs dbang phyug gi phyag rgya'i
 mtshan nyid gsungs so/ /'di lta ste/ gtsug phud dang / go cha dang / ra ba dang / snying po dang / nye ba'i snying po dang zhes pa ste rnam pa lnga'o/ /rtsa ba'i rig pa la ni
 drug cur bshad do/ /don thams cad sgrub pa de la dang por re zhig ra bi ta dang / pi Ni ka dang / sangs rgyas kyi mthar thug pa rnams so/ /mthe chung khab kyi rnam
 pas nges par btsir ba'i gung mo dang / mthe bong dag tu bshad do/ /'di ni 'phags ma sgrol ma'i gang ba'i phyag rgya'o zhes rnam par grags te don thams cad
 sgrub pa'o/ /rig pa tshim par byed pa la mthe chung gnyis bsnun par bya ste rnam par tshim par 'gyur ro/ /lhag par gnas pa ni mthe bong gnyis ka khab kyi rnam
 pas so sor g.yo bar bya ste snying po rnam par shes par bya'o/ /bstod pa kho na'i ming gis so/ /nye ba'i snying po la mthe bong gnyis/ 'di lta ste/ nang kho na'i khu tshur
 ro/ /mthe chung lcags sgrog gi cha'i sgra'i dang / sdigs mdzub kha phye ba khab tu byas pa 'di ni go cha'i mtshan nyid do/ /rtag tu bdag nyid la rab tu sbyar bya'o/ /sdigs
 m dzub gnyis nges par btsir nas gung mo dkris te khab kyi rnam pas bsdigs pa 'di ni gtsug phud kyi phyag rgya'i mtshan ma ste bdag nyid kyi gtsug phud bcings pa'i
 dus su rab tu sbyar bar bya'o/ /slar yang khu tshur bcings nas sdigs mdzub kha phye ba khab kyi rnam pa ste 'di ni bzlas pa'i phyag rgya'i
 mtshan nyid do/ /de lta bu kho na yongs su gyur pas sdigs mdzub khab kyi rnam pas ra ba'i phyag rgya bya'o/ /khu tshur bcings nas sdigs mdzub gnyis lcags sgrog
 gi rnam pa ste mtshan ma 'di ni dam tshig srung ba'i phyag rgya'o/ /rkang pa bsnyams pa la g.yas pa'i rkang pa rab tu bzhag nas gar gyi sbyor bas yongs su bskor
 bar bya ste gzhan du bskor nas lag pa gnyis kas rtsa ba'i phyag rgya'i las sbyar ro/ /dpral bar yang las thams cad kyi dam tshig gi phyag rgyar 'gyur ro/ /de nas
 phyag rgya bcing ba dang / bzlas pa'i dus dang / nyal ba'i dus dang / rnam pa gzhan du'ang rab tu sbyar bar bya'o/ /gdon gyi las dang / las thams cad la rtsa ba'i
 phyag rgya rab tu sbyar bar bya'o/ /de nas yang bcom ldan 'das de bzhin gshegs pa shAkya thub pas ral pa gyen brdzes kyi rgyud phyi mar spyan ras gzigs dbang
 phyug la rjes su brtse bas bcom ldan 'das ma 'phags ma sgrol ma sgrub pa'i don du phyag rgya bcings pa gsungs so/ /de la 'di rnams yang dag sbyar bya ba//
 yams ni bde bar bya dang mkhas pa phyag 'tshal ba/ /rig gsum la yang thun mong phyag rgya ni/ /de rnams nye bar drangs pa phyag 'tshal phyag rgya ni/ /g.yas pa'i
 sor mo'i tshigs la tshigs kyis rtse mo kun/ /phyag rgya nyid ni rjes su bcing bar gyis shig dang / /rtag tu gsol ba 'debs la gtsang ma gsol 'debs pa'i/ /phyag
 rgya de bzhin kho nar g.yas pa sor mo yi/ /tshigs rnams tshigs su byas nas rjes su yi rang bya/ /mchod pa thams cad kho na gtsang mas rtag tu ni/ /mchod pa rtag
 tu rjes su yi rang byed pa dang / /sor mo rnams kyi bdud rtsi thams cad yang dag ldan/ /tshigs kyi rtse mo mthe bong snying por yang dag ldan/ /'di rnams rgyal ba yi ni
 phyag rgyar 'gyur/ /sor mo'i rtse mo yang dag sbyar ba gung mo dang / /mthe bong gnyis kar gang du mi 'gyur phyag rgya yis/ /bzlas pas mchog sbyin yid kyis bzlas
 pas phyag rgya'o/ /de nas yang bcom ldan 'das de rnams thams cad rang rang gi sangs rgyas kyi zhing du gshegs pa'i mtshan ma ston par mdzad bzhin pas slar
 bzhengs pa'i mtshan ma mdzad do/ /de nas thams cad dang ldan pa'i 'khor sa dang / nam mkha' la gnas pa dang / sems rab tu 'gul ba dang / thams cad dang
 ldan pa'i sa 'di rang 'gul bas skrag cing me tog gi char 'bab pa dang / bar snang las spyod pa'i 'byung po bye bas thams cad du
 'gro ba'i gdug pa rab tu btul lo/ /de nas yang byang chub sems dpa' mthu chen thob kyis de bzhin gshegs pa shAkya thub pa la yongs su zhus pa/
 bcom ldan 'das/ chos kyi rnam grangs 'di'i ming ci lags/ bcom ldan 'das kyis bka' stsal pa/ rigs kyi bu/ des na ral pa gyen brdzes zhes bya
 bar yang zungs shig / rtog pa'i rgyal po zhes bya bar yang zungs shig /spyan ras gzigs dbang phyug gi zhus pa zhes bya bar yang zungs shig /rig pa dang /
 gsang sngags kyi spyod pa'i mdo sde zhes bya bar yang zungs shig /rtog pa'i rgyal po chen po'i le'u rab 'byams zhes bya bar yang zungs shig /thabs kyi spyod pa
 zhes bya bar yang zungs shig / de nas byang chub sems dpa' byams pas 'di skad ces gsol to/ /bcom ldan 'das/ dge ba'i rtsa ba ji tsam gyis de rnams
 yang dag par ldan par 'gyur/ chos du zhig gis lhag par gnas pa lags/ byams pa/ des gang chos bcus 'di lta bu mthong ba kho na ste/ sangs rgyas dang /
 byang chub sems dpa' thams cad dang / lha dang / klu dang / gnod sbyin dang / dri za dang / lto 'phye chen po dang / nam mkha' lding dang / mi'am ci dang / yi dwags la
 sogs pa rnams kyis kun tu bsrungs par 'gyur ba dang / gzungs mnyam pa'i sems zab mo'i bzod pa dang ldan par 'gyur ba dang / dge ba'i chos las kun
 tu gnas pa'i sa ji srid du 'dri bar 'gyur ba dang / bris nas 'chang bar 'gyur ba dang / glegs bam du 'gyur ba byas nas mchod par 'gyur ba dang / tshe dang /
 nad med pa dang / dbang phyug dang / bde ba phun sum tshogs par 'gyur ba dang / bde 'gror 'gro ba ste/ phan yon mang po nyid dang / phan yon chen po nyid
 kyis chos kyi rnam grangs dang / lha dang bcas pas byin gyis brlabs pa/ rig pa dang / sngags chen po 'dus pa 'khor ba'i pha rol tu song ba/ bdag gis
 kyang yang dag par rgyu skar dang / mtshan mo dang / nyin mo dang / zla ba dang / lor bde ba'i ched du mtho ris su skye bar 'gyur ro/ /dge ba bcu'i las kyi lam dang /
 grags pa 'phel zhing yongs su rdzogs par 'gyur ro/ /ral pa gyen brdzes 'chang ba po dang / khyim du gzhag pa dang / rab tu byung ba rnams la'o/ /de skad
 ces bka' stsal pa dang / bcom ldan 'das la yid kyis kyang thams cad dang ldan pa'i 'khor lha dang / mi dang / lha ma yin dang / dri
 zar bcas pa'i 'jig rten yid rangs te/ bcom ldan 'das kyis gsungs pa la mngon par dga' 'o/ /ral pa gyen brdzes kyi rgyud phyi ma rdzogs so// //
 'di ni jo bo chen po a ti sha'i phyag dpe rwa sgreng nas dka' thub chen pos gdan drangs nas shAkya'i dge slong rin chen grub kyis 'phar ba'i lo cho 'phrul chen po
 r ta'i zla ba'i tshes bco lnga la rdzogs par bsgyur ba'i yi ge pa ni lots+tsha ba chen po 'di nyid kyi zhabs drung du nye bar gnas pa shAkya'i dge slong bsod nams grub
 kyis bgyis so/ / //paN+Di ta la ma gtugs shing / /dpe dpang 'grel pa ma rnyed pas/ /sgra don log par gyur srid na/ /mkhas pa rnams kyis bcos
 par gsol/ / //rgya gar skad du/ Ar+ya ma Ni b+ha dra nA ma d+hA ra Ni/ bod skad du/ 'phags pa nor bu bzang po'i gzungs zhes bya ba/ dkon mchog