བོད་ཡིག

e-texts produced with BDRC’s OCR application

rgya gar skad du/ e ru tra man tra ma hA tan+ta rA dza/ bod skad du/ drag po'i sngags rgod chen po zhes bya ba'i rgyud/ rgud kyi rgyal po rus sbal khro bo'i rtog pa'o// bcom ldan rdo rje 'chang chen po la phyag 'tshal lo// de nas rdo rje snying po de// rdo rje rnon po ral gri 'bar// rdo rje 'chang la gus btud nas// rgyud rnams kun tu gsang ba'i don// rtog pa rmad du 'byung ba'i mchog/ ru sbal rngam pa'i gsang mdzod nas// thugs rjes rol pa shar pa yis// drag po sngags rdzogs mdzad pa yi// sangs rgyas kun gyi ye shes khyod// 'jig rten 'gro ba mi yul du// dza la dzi la nyam nga ba// me rlung 'khrugs par gyur pa 'di// nad kyi bdag po gang lags pa// ye shes chen pos bshad par mdzod// rdzogs pa chen pos bka' stsal pa// nub phyogs pho brang rgya mtsho chu// ngo mtshar chu bo bzhi 'bab pa'i// rab tu mi sgrungs klu rnams kyi// ded dpon klu yi rgyal po pa// pho brang rgya mtsho dang ba na// rin chen ri rab lte ba la// rin chen sna lnga'i gzhal yas khang // phyi nang med par kun tu gsal// dza la dza la'i bdag po ste// kun la bsam ngan mi mdzad de// sangs rgyas bstan pa bsrung bar mdzad// dge 'dun chos la dgra byung ngam// bka' yi bstan pa smras pa na// tsi tsi dza la'i nad rnams bdag/ tshor ba med pa'i nad rnams kyang // snying la 'bab par byed pa yin// de yi phyi rim phyogs bzhin// rgyal po'i rigs ni sa la dbang // lci dang 'thib pa'i nad kyi bdag/ rje'u rigs gdug pa me la dbang // tsha dang bsreg pa'i nad kyi bdag/ bram ze gdug pa chu la dbang // grang zhing 'dar ba'i nad kyi bdag/ dmangs kyi rigs ni rlung la dbang // yang zhing g.yo ba'i nad bdag yin// rang rang yid kyi khang pa ste// rin chen gser las grub pa yin// gru bzhi phyi nang kun tu gsal// de yi phyi rim rtsibs lnga'i klu// nyi shu rtsa lnga rim par gnas// gzhal yas rin chen dgu las grub// de yi phyi rim gnyen chen brgyad// 'khor ni 'bum sder bcas pa gnas// de yi gnas khang g.yu las grub// de yi phyi rim sa bdag stong // rin chen zangs kyi khang par gnas// de yi phyi rim sa srin dang // sa sen klu sen 'bum sde rnams// lcags las byas pa'i gnas khang na// de yi phyi rim ze brang dang // 'byung ba kun tu myul ba gnas// de yi gnas khang sa las grub// de rnams nyam nga nad kyi bdag po yin// rim pas gdon cing gtso bo'i lag tu gtod// klu rgyal nad kyis zin na 'tsho ba dka'// 'khor gyi nad ni sna tshogs te// ngos zin pa ni gso bar sla'o// ru sbal khra bo'i rtog pa dang po'o// // rdo rje rnon pos gsol ba// dza la dzi nyam nga ba// rgyu rkyen gang gis rlong ba yin// yang dag rdzogs pas bka' stsal pa// rigs dang rang gi thebs las dang // byad kyi gtad khram gnan gzir log/ de yi rkyen gyis nad ldang ba'i// rigs ni za 'am zug pa yin// zabs las klu yi pho brang du// zhe sdang tshon dang 'dod chags brtsogs// gti mug thab gzhob byas pa 'am// rtso la rdo shing nyams pa yi// byad kyi gtad khram thebs pa ni/ khram la btab pas gso ba dka'// rang gi gtad khram gnan gzir log/ brtson 'grus ldan na gso ba sla// nyes pa'i chad pa byung ba na// dang po gzhi mas mi tshor te// the brang 'gong po kun 'khrugs nas// rtags 'debs sa srin la bzlog/ rgyal bran the brang 'gong po dang // sa srin klu bsen sdongs 'gyur te// sa bdag gnyen dang klu rnams la// rim pas sbran cing kun sdongs nas// gnod pa che zhing nad rnams gtong // rigs bzhi klu yis zin pa'i tshe// mgo dang yan lag rim pa la// rtags thebs dug gis gzir bar byed// btsan dang klu dang rgyal po dang // bdud la sogs par spongs nas ni// blo bur nad kyis 'debs pa yod// dbus kyi klu rgyal lag tu gtod// der song de las thar pa med// ru sbal khra bo las rtog pa gnyis pa'o// // de nas rdo rje rnon pos yang gsol pa// 'gro ba'i lus la gdug pa gsum// gnod pa'i rtags rnams bshad par mdzod// yang dag rdzogs pas bka' stsal pa// dang po the brang 'gong po yi// 'jig rten khams su gdug pa can// kun la sbran gtong rtags mtshan 'debs// rim pas sa srin klu srin dang // sa bdag gnyen dang rigs lnga'i klu// rigs bdag gtso la rim pas bstod// dang po gnod pa'i rtags 'byung ste// snying mi dga' la 'gro snying 'dod// snying 'phyo spro thung rgod 'dod lus nyams chung // gnyid che shes pa 'thibs shing stab rnol 'ong // rmi lam 'gyur mang gnod rtags dang po yin// lus sbrid sha gul mig dang sha mdangs 'khyug/ za dang brtse dang sbrid cing 'gyur ldog mang // byad lus kun la sha bkra zor ba'o// rmi lam la sogs ngan te gnyis pa yin// byad la 'gyur ldog che zhing shes pa rtog/ mtshan mas che thebs mis kyang 'gyur ldog mthong // de rtags gnod pa gsum pa yin// shin tu mdog ngan rkang lag zha grum 'byung // sha khrag lus nas kha mig gle// dri ma log cing kha sta yo// mchi ma 'chil mi thub cing byad la chu phur 'ong ba ni// gnod pa'i rtags te bzhi pa'o// de nas rigs bzhi'i dug nad de// gar yang rung bas 'debs pa yin// za ma klu rgyal lag tu gtod// lus la dri ma mi chags shing // dri ldog rkang lag sor mo 'phrul/ khas ma ngan mi dang brda mi 'phrad// chu phur 'byung zhing rma yang 'ong // so kar mig bzlog gos pa yang // dri ma mi 'chags sku bor 'gro// sna yi ka ba chad pa ni// de las bzlog pa dka' bar bshad// lnga dang bzhi dang gsum pa dang // gnyis pa dang gcig pa'i bar dag tu// sgrims na rims par 'tsho bar bshad// dri rgod lco dri skya rbab dang // smyo 'bog brgyal dang bla ldog 'byam/ kha lkugs rkang lag zha ba dang // rmal nad yam nad gag nad dang // blo bur nad rnams sna tshogs ni// sdongs bzlas stong zhing nyen slong ba'o// ru sbal khra bo'i rtog pa las le'u gsum pa'o// // rdo rje rnon pos yang gsol pa// zhugs pa'i mtshan nyid ji ltar lags// yang dag rdzogs kyis bka' stsal pa// gdug pa gsum po'i nad dang dug/ 'jug sa nges pa'i tshad mas bstan// zhugs pa'i mtshan nyid 'di lta ste// phyi rol lus tshul zhan pa dang // nang gi lus stobs chung ba dang // lus rdul mdog ngan sha lus skem// rdzi skor stong tsher 'ong ba dang // 'khru 'byam sha blo skya rbab 'ong ba dang // nyam chung bcud 'jig 'dod chags 'chor// dbang po mi ldang mtshan ma 'drul// sha ro bem po 'dug pa dang // sbring po ci der 'ong ba dang // gzhog sbrid rtsa khrid 'phreng 'khyug byed// zha rangs 'khums rgur yo sle dang // skya dang skam dang ne seg 'brul// sha 'gul skye rtse ber ba ldang // ba lhags sha bkra g.yan pa 'ong // rdzi lengs smi ma sma ra 'byi// mdog nag so skya sna khrag mang // gtar na khrag ngan sol khu 'dra// lus rgud stobs zhan 'dar ba dang // lus 'dar brjed pa rkyen pa dang // snying 'dar rma lugs ngan pa dang // rngam pa 'degs dang rgod pa dang // ug sogs blo lu skyed mdangs 'chor ba dang // khor sbyar ba dang sha mdangs 'tsher// skyigs bu 'ong dang sna khrag mang / khams dang nya skangs dur shig 'ong // gshogs bshal rgu ru da rgan dang // dgu 'khri gzhang na blo 'khrig byed// lus sgo chu sogs pho ba 'degs// long 'gul khong za 'khru skyug 'byang // gdug pa'i nad rnams zhugs pa yin// ru sbal khra bo'i rtog pa las le'u bzhi pa'o// // rdo rje rnon pos yang gsol pa// nyam nga gdug pa'i nad dang / dug/ 'grim pa ngos bzung ji ltar lags// yang dag rdzogs pas bka' stsal pa// 'gro ba mi la gdug pa'i nad// lus la thebs nas 'grim pa'i nad// stod kyis smad la ngos bzung zhing // smad kyi nad kyis stod la gzung // stod kyis smad du sgeg pa dang // smad kyis stod du bsnyeg pa te// klad pa'i nad ni skra gseb nas// byin pa'i gnas su 'grim pa yin// tha ma gzhung bar snyeg pa ste// rgud po 'am yang 'drud por 'gro// chu ba'i nad ni long bu nas// smin phrag dag tu 'dril bar byed// dgye dgu 'ja' ste stog rtsar snyeg/ tshigs pa'i nad ni tshig pa dang // mig tu 'grim par byed pa ste// tha ma mchin par bsnyeg pa dang // btsos kyi nad ni mkhur tshos dang // gnyan gong dag tu 'grim pa ste// btsos la sha ro 'ong ba yin// tha ma sna la snyeg par byed// rus pa'i nad ni ni kos ko/ la srubs 'grim par byed// 'brum chung tsha btsag 'ong pa ste// tha ma rus la snyeg par byed// rgyus pa'i nad de dpung pa dang // rting chu ba ni 'grim pa ste// skar tshugs tsha la sbrid pa ste// tha ma rgyus pa la snyeg go/ gdong sna'i nad dang yang // ngar gdong dag tu 'grim pa ste// sha mtshan 'am na sha ro 'ong // skad 'gag thor bu phra mo 'ong // tha ma blo la snyeg pa'o// gces pa'i nad ni snying ka nas// mtshan ma dag tu 'grim pa ste// sha ro bem po 'ong ba dang // snying shugs 'ong zhing nus pa chung // tha ma snying la snyeg pa yin// rtsa nad mchan khung brla yi phyi// sha bkra sha ro 'ong ba dang // tha ma rtsa la snyeg pa yin// snod kyi nad ni mchin khri dang // gzhungs pa 'drin zhing bems po 'ong // tha ma mcher pa dag la snyeg/ mkhal ma'i nad de mkhal ma dang // byin pa'i nya gzhug 'drim pa yin// thor bu nya skrangs 'ongs pa dang // tha ma mkhal rtsa dag la snyeg/ srab rtse'i nad ni yob chen gong / khrig ma dag la 'drim pa ste// srab rtse tshigs mig na ba dang // tha ma 'or mig 'ong ba yin// gza' chu'i nad ni gza' chu dang // skal khung dag tu 'grim pa ste// thor bu rma rgan 'ong ba dang // tha ma zha 'khum dag tu 'gro// lhag pa'i nad ni ltag gzhung 'grim// zug dang chu ser 'bab pa ste// tha ma 'jang la snyeg pa'o// sog pa'i nad de sogs pa dang // snag po che ru 'grim pa ste// tsag tsag 'ong zhing snag la snyeg/ spu yi nad ni skra mtshams dang // spu mtshams dag tu 'grim par byed// sil sil pa dang zing zing 'ong // sha mdangs khyab par snyeg pa yin// rtsa nad nad kyi bshul sha dang // 'jing pa snyeg pa de yis// dgye bo yang na sgur por 'gro// tha ma chu pa rnams la snyeg/ bcu bdun gnad du 'grim pa yin// de ma yin par mi 'grim ste// 'grim zhing snyegs pa de dag la// 'grim sgo dgag pa gces pa yin// ru sbal khra bo'i rtog pa las// zin thebs kyi gnad de le'u lnga pa'o// // rdo rje snying pos yang gsol pa// nad kyi bstan pa de ltar na// drag po sngags rgod yang gsang thugs// snying po don gyi sbyor ba dang // yang dag rdzogs pas bka' stsal pa// klu gnyan sa bdag gdug pa can// nyam nga ba yi nad dar na// rgya shog rgyu la tsakra bri// ru sbal lto bar mu khyud bskor// dbus su drag po bzhi ldan pa// dbang gi khor yug ldan par bri// sna tshogs rdo rje ldan pa la// lcags khang 'khrul mig bcu gcig ldan// ru sbal rtsa ba'i 'khrul 'khor yin// dbus su klu gnyen sa bdag gi/ ming dang snying po bri bar bya// ma mo rgyal po mdze 'drin btsan// drag po'i khang pa gsum par gnas// mtshams su gdug pa'i gzugs ldan par// drag po'i sngags kyis bskor bar bya// sna tshogs rdo rje rtsa ba'i lus// 'khrul mig bcu gcig yang sngags dgod/ khor yug rigs bzhi gdug pa'i gzugs// dug khrag tsha ba'i ngar bskrad la// e yi gnas khang kha khyer gsum// rtsang thod me ri ldan par gzhag/ tsakra bar snang thod pa gnag kha sbyar bar du dmigs pa bsam// phyag rgya zil gnon skur bsgoms la// bsgom bskul drag sngags bsnol mar brdeg/ 'khor lo thod pa rdzas bdug cing // dug khrag mtshon dang dug mda' dang // bye ma su rgya dzi las brdeg/ shi khrag drag po bcu gcig 'bru// yang gsang mchog gi snying po yin// nyid kyis sku gsung thugs rdo rje yi// drag sngags sbyor ba 'di gsungs so// e ka he du na ya ma snying khrag ra ma tsa la/ sa nA ga tsatri du me srog la breng breng rtsa la dun dun sbur nan kham shag rbad/ sa nA ga phreng breng dun dun thum ril nA ga ra dza/ sa nA ga sog la breng breng dza dza thum ril shag/ sa na ga srog la dun dun thum ril shag/ sa na ga tsit+ta la thum ril shag rbad/ sa nA ga thum ling khas thum ril shag/ sa nA ga srog la hur thum ril shag/ sa nA ga tsit+ta la thum ril shag/ sa nA ga snying gzer sbur nan thum ril shag/ tsa tri shu la du me ma ma srog gzer thum ril shag/ tsa tri shu la gzir nan zum ril shag/ ro nri tri yaM shig nan gzir bruM ril shag/ drag po bkod kyi sngags bzlas shing // dang po phyag rgya sku nyid bstan// 'od zer 'bar bas sgrib pa bsreg/ rang bzhin sngags mtha' stong nyid dang // drag po me dpal 'khor lo mtshon// skam chags rgyun gyis srog phrogs nas// gsang mdzod mu khyud gzugs la bsdu// me rlung stobs kyis 'khrug cing sdud// srid pa'i ru sbal lto bar 'chang // 'khor lo me rlung mtshon cha yis// srog rtsa gcod cing gdug rtsub bsreg/ drag po sbyor ba rdzogs pa dang // bdug pa bsreg cig thal ba mnan// ka rten nam lha khang them 'og gzhug/ ya ma ka li dregs pa can// ha mo gnon pa be ka tA// yang gsang mchog gis sngags su gsungs// ru sbal khra bo'i rtog pa las le'u drug pa'o// // rdo rje rnon pos yang gsol pa// sngags kyi sbyor ba de ltar na// 'tsho byed sman gyi sbyor ba gang // yang dag rdzogs pas nges gsungs pa// nyam nga'i nad rnams zhugs pa yi// dug ro sman gyis gdon par bya// phyi nas zhugs par gyur pa la// tsan dug dag gi sman mar ram// yang na dug gi ri lu gtang // nang nas zhugs par gyur pa la// mu zi mar dang sbrang rtsi sbyar/ khem bus tshad dang ldan par ni// mkhas pas lto stong dag la gtang // dngas mar zhugs kyang de bzhin bya// byang chub sems la zhugs pa la/ khu ba bu ram sbyar te gtang // dbang po lag pa ba'am ra'i// 'o mar 'dus dang sbrang rtsir sbyar// dang po mi ldang nad kun sel// ra tsha rgya tsha ze'u tsha// dbyi mor dkar por sbyar ba yis// sha ro bems po'i nad rnams 'dren// rtsa nad rtsa sbyongs bya ba dang // 'bri ta sa 'dzin sbyar bas sel// zha dang rengs 'khums lums kyis gso// yo dang sle'o me btsas bsrong // seng ldeng sman mar dag gis ni// rus pa'i nad kun sel ba yin// skye a kod pa da dang // tsan dan mar khu sbyar te byug/ a ru ra dang ba ru ra/ kham bu yi ni snying po bsreg/ tsher sngon chu dang sbyar ba yis// skra dang smin ma 'byi ba gso// a be sha dang brag rgya yis/ khrag gi nad la bdud rtsi ni// seng ldeng 'o mar bsdus pa dang // 'bras bu gsum dang gu gul dkar// so ma ra tsa tha skar rdo rje dang // cong zi sbrang zir sbyar ba yis// bcud la zhugs pa'i nad rnams sel// dkar po tshig thub snying zho sha/ 'dza' ti sbyar bas snying nad sel// bung pa rtsi dang sro lo dkar// glo ba'i nad rnams sel ba yin// gur kum tig gi me tog gis// mchin pa'i nad rnams sel bar byed// seng ldeng gso ma ra tsa dang // tsan dan dkar po 'bras bu gsum// nim pa ma hA nim par sbyar// chu ser nag po mtha' dag skems// tsha sna btsod khu sbyar ba yis// 'brum 'phran nad rnams sel bar byed// mu zi phag tshil sbyar ba yis// bal ljags sha bkra glang shu 'dzoms// gzhan yang nad kyis 'grim pa la// rtsa sgo dgag dang me btsas bsrung // gzhungs pa snyeg na an rtog dgag/ sgur po dang ni 'drud pa la// lums bya me btsas bsreg par bya// gza' skye me btsas bsreg pa dang // gza' gums lums su gzhug par bya// drang srong stesnyeg la me btsa' bya// nya thor byung na mdzo lci byug/ shu ba gcod kyis gdul bar bya// mchin pa'i srang ni me rtsa gdab// sna la gtar kha nya ral bya// sha ro btsog bskor mu zi gdab// sna bshal bya zhing 'dren sman gtang // sha sul me btsa' gdab pa dang // thor bu btsos lums gdul bar bya// rus pa'i rgyal po bsreg par bya// rus snying lums su gzhug par bya// dkar tshugs dugs kyis gdul bar bya// sbring po la ni snum dug ting // sna bi rtse mo gshag par bya// ngar gdong long rtsa spro bar bya// blo yi srang sgo bsreg par bya// sha ro la ni bskor tshe bshal// yang na sum pa'i 'dren bshal bya// glo yi sgang rtsa gtar pa dang // cu gang gur kum gtang bar bya// snying srang nu 'jing bsro bar bya// rtsa ba lnga yi sman yang sbyar// mkhal rtsa rtsa ba 'phreng nyal bsro// bems po bci yis btsog par bya// mkhal rtsa me rtsas bsro ba dang // sha bkra gur kum chu yis bkru// mcher rtsa srang sgo bsro ba dang // bems po bcu yis btsog par bya// praM tshe snum gyis gso bar bya// hog mig lcags kyis bsreg par bya// rma rgan rul chod gtang la gso// chu ser 'dren bshal gtang byas la// zug rngu lums kyis gso bar bya// gu gul bshal btang sha sul me btsas bsrung // spyi gtsug bshal rnams btang ba dang // sha thang bar yang bshal bar bya// bshul rtsa nag po gtar ba dang // bshul sgo me rtsas dgag par bya// dgye rgu lums kyis gso bar bya// mkhas pas rig par shes pas ni// sman dang dpyad kyi sbyor ba yin// ru sbal khra bo'i rtog pa las le'u bdun pa'o// // rdo rje snying pos yang gsol pa// sman dpyad sbyor ba de ltar na// 'phrin las sbyor ka ji ltar bya// yang dag dpa' bos bka' stsal pa// gdug pa gsum gyi nad dang dug/ gdug rtsub zhi bar byed pa ste// bsreg pa'i sbyor ba las kyi gcong // thog mar gdug pa dbang du bsdu// de nas drag pos tshar gcad cing // tha mar zhi ba'i las bya'o// dben pa'i gnas su 'du 'dzi spangs// pad+ma ra ga'i sa gzhi la// maN+Dal gru gsum sa gcad la// dpangs su khru re ldan par bya// dbus su me thab gru gsum la/ kha khyer gsum ldan sor gnyis zhing / khrag dang rgya skyegs khu bas byug/ nang du rdo rje lcags kyu bri// sa dang na ga dza dang hri// ho khung nang du gang bar bri/ kha khyer a kar sha yas bskor// za ma sbrul gyis bskor bar bya// ho shing skyug shad rgya shing dang / khru gang gtubs la dmar po shing // tsan dan dmar po rgya skyegs dang / khrag gis byugs te brtsegs par bya// bar snang dbang sdud tsakra bri// ras sam rgya shog de dag la// tsan dan dmar po rgya skyegs kyis// dbang las dang nA ga la// hri dza zhes pa dgod par bya// mu khyud rtsa ba'i snying po dang // tha ma lcags kyu 'bar ba la// tsan dan dmar pos bskus pa yi// sngags rnams kyis ni rab tu brgyan// bar snang bsreg pa nam mkha' yi// tsakra yin par yang dag bshad// dbang gi drag sngags par mi gcad// zhag bdun par bzlas dmigs pa rtag/ bsgom bskul drag sngags bsnol ma ste// pho nya bskul la dbang du bya// de yi gsang sngags 'di dag go/ e bya myags ya sbubs mugs shag dun/ sa na ga sarba a kar sha ya breng breng / dun dun dza/ bsreg pa'i cho ga bshad par bya// thab tu me lha sku mdog dkar// 'od zer dmar po lcags kyu yis// gdug pa'i klu gnyen dbang du bsdu// me nyid me long de nyid du// phyag rgya zil gnon dkyil 'khor tshogs// dmar po dbang gi rang bzhin te// bsreg rdzas dbul zhing gsang sngags bzlas// sa na ga trig nan snying gzer sbyar nan// hri shag dza/ sa nA ga dza/ sa nA ga a kaR+Sha ya/ breng breng dun dun dza/ gdug pa'i klu gnyen dregs pa kun// dbang du byas te 'gugs par byed// ru sbal khra bo'i rtog pa las// dbang gi le'u ste brgyad pa'o// // de nas drag po'i las bshad pa// gnas mchog dben pa'i sa dag tu// phung sa gsum la maN+Dal bya// sna tshogs khrag dang dug chus byug/ bsreg pa sa gzhi'i tsakra bri// dbus su grub gsum brtseg par bya/ kha khyer gsum dang ldan pa ni// nang du mtho gang bar ma la// mdzub gang tha ma chag gang yin// rtsang dang thod pa me ri bya// nang du rgya sol nag pos byug kha khyer dmar por shis pa ste// dbus su sna tshogs rdo rje yam// gdug pa'i gzugs dang snying po dgod// za kham la ni gang gnod gzugs// de 'og sa gting khru gang du// thod par dbang gi tsakra dang // ling ka bcas pa gnan pa yin// ha~M shing nag la rtsub pa ste// dug gi shing ngam tsher ma can// skyer pa mdzad mo gra ma dang / kha da ra yi me shing la/ khru gang tshad la drag por brtsig/ bcu gnyis rtsibs la bsreg rdzas dgod// gsod dang bsreg pa'i tsakra dang // bsreg pa'i steng gcod tsakra yin// dur khrod ro yi ras la bri// dbus su drag po ldan pa la// dbang gi khor yug gnyis pa yin// gdug pa gsum dang sdong zla bri// bcu gnyis tshe ring rtsang bar ldan// yang rim bcu gnyis bsreg par ldan// tha ma sbrul dang me ri ste// srid pa ru sbal lto bar bca'// bar snang me zod mkha' la bca'// sha sna khrag sna tshil dang ni// dug dang 'o ma de bzhin chang // mar nag nyungs kar nyungs nag dang // bsreg rdzas ling gas yongs su bskor// nub dang lho ru kha ltas la// rag shing 'phreng thogs gos nag gon// lha yi nga rgyal zil gnon bsgom// zhag bdun gsal gsum drag sngags bzlas// nyi ma'i gung dang nam gung la// bskul dang btab pa drag sngags re// rdzas dang ling gar ming byang bsreg/ lha re bskul la drag sngags bcus// rdzas dang ling ga re re dbul// gdug pa can / rnams tshar gcad phyir// bdun pa rtags rtsub mang na spogs// za ma thor bar tsakra grub// las kyi thun dbab bye tshan brdeg/ thal ba gzhan rnams ling ga la// zor du brdeg dang gnod sar 'phang // las kyi tsakra'ang de bzhin gnas// de yi gsang sngags bstan pa ni// sku gsung thugs las 'thon pa'o// sa nA ga du ram/ sa nA ga u nan/ sa nA ga u nan gzer phyung srog la dun raM tsit+ta phreng shag thun rbad/ e raM/ sa nA ga tsi tra du me srog la yam shag rbad/ raM kha raM dza la raM/ drag po tshar gcad cho gar bshad// ru sbal khra bo'i gsang ba'i rtog pa las// tshar gcad pa'i 'phrin las kyi le'u ste dgu pa'o// // de nas phan gdags cho ga bshad// drag po'i rjes la shis pa 'am// yang na gong bu bya ba yin// gnas mchog yid dang 'thad pa ru// dang zhi ba'i las bya ba// 'jam zhing snum la dkar ba'i sa// yo byad la sogs bsags byas la// maN+Dal rgya gcad dkar por bya// dri spos ldan pas byug pa bya// dbus su ho khung zlum po la/ khru gang rgya gcad mdzub gang dpangs// zheng du'ang ni sor bzhi ldan/ khru gang gter du brko bar bya// dbus su pad+ma 'dab ma brgyad// ge sar kun d+ha lta bu la// tha ma khor yug zlum po dkar// ho shing lcang ma glang ma dang // bal bu 'phang ma khru gang la// zlum po'i dbyibs su bri bar bya// bsreg rdzas 'bras bu nas chen dang // rtsi mar me tog dkar po dang // rtsi bcud 'o ma lce phog dkar// yam shing ldan pa dbul bar bya'o// dang pos gang lha lha sgom zhing // bskul re sngags bcus bsreg rdzas dbul// zhi bar gyur cig brjod par bya// thal 'jam gtsang ma'i ras kyis dril// zhi ba'i gnas su sba bar bya// gdug pa ma lus zhi bar 'gyur// de nas bcom ldan 'das kyis gsang sngags 'di gsungs so// hu ra khaM baM ri la sa nA ga thu shan ting ku ru/ dz+nyA na sarba ho'i/ thams cad zhi bar byed pa yin// ru sbal khra bo'i rtog pa las/ zhi ba'i las te sbyin sreg gi rim pa'i le'u ste bcu pa'o// // rdo rje rnon pos yang gsol pa// 'phrin las sbyor ka de ltar na// gdug pa klu gnyen sa bdag gi/ sdong zla gzir ba ji ltar lags// yang dag rdzogs pas bka' stsal pa// kun tu 'khrug pa the brang yin// sna 'dren 'gong po rgyal ze'u klu// byad ma ma mos byed pa ste// btsan gyi kyang ni blo bur 'khrug/ klu btsan rtag par gnod par byed// dam sri klu srin nyen slong bas// drag po rdzas kyi gzir bar bya// nya sbrul sbal pa'i sha yis ni// bsregs na klu gnyan sa bdag bskyod// gu gul spu ma'i dud pa yis// rgyal po dang ni the'u brang gzir// mi sha'i dud pas dam sri gzir// khu yug rtsa yi dud pas ni// klu bsen mo dag gzir bar byed// gu gul nag po btsan dug bsreg/ btsan dang srog bdag skrag pa yin// phag rtug rnga mo'i rtug pa bsreg/ de yis ma mo gzir bar byed// dregs pa'i spyi bshig sgo gzhig bya// sarba rtsa spur/ srog gzir brephreng shar yi rbad/ yang na rdzas rgod bco brgyad bsreg/ mi rtag bya yi tshil bu dang // nya sbrul sbal pa'i sha dag dang / khyi phag sbyang ki'i brun dang ni// ra dug re lcag zal nur dang // btsan dug rlung ru rta mig dang // gu gul nag po mu zi dang // mdzo dang dre'u khyi spu sbyar te// ling ga 'am tsakra bdug par bya// nad pa yang ni bdug par bya// de yis sdong zlar gyur pa kun// myos dang skrag dang brgyal nas 'gros// sha rus zhig dang kha sbub 'gyel// dran pa nyams shing srog dang 'bral// ces gsungs so// ru sbal khra bo'i rtog pa bcu gcig pa'o// // rdo rje snying pos yang gsol pa// sdong zla gzir ba de ltar na/ sdong zla gzhi mar bcas pa yi// rtags dang drod tshad ji ltar lags// yang dag rdzogs pas nges bshad pa// thog mar spre'u dang byi la bong bu dang // lha khang mchod khang thangs sku lugs sku dang // bu chung khyed khu btsun pa sprang po dang // mdze can rgya lta 'bag seng dang // re hrul khang stong sgo chung dog par 'dzul// gnyis pa nya dang sbal lcong rta bla'o// se sing 'bu dang bra ma grog mo dang // sbrang bu mchu rings ma dang chung ma dang // sring mo mdza' mo gnyen bshes bud med dang // bud med nag mo sngo dang dkar mo dang // btsun pa dge bsnyen mo dang khyi phag wa dang // gsum pa'i rtags ni ra lug mang po dang // ba glang sdig pa rta dang ra zag dang // gcan sbyang chu dang tsher ma ston pa dang // mi dang srog chags ston pa yin// bzhi pa'i rtags ni glang chen zhing chen dang // mtha' med nags dang zang chen gad pa dang // brag g.yang sha dang chu dang lung stong dang // mi lus mgo brnyan dag tu ston pa yin// lnga pa'i rtags te zhang blon mi chen dang // sbal sbrul dang chu rta chu lugs dang // ri dang chu dang mtshe'u dang lteng ka'o// drug pa'i rtags mtshan rtsad po btsan mo dang // ri rab rgya mtsho ngan ri sha ra dang // lta 'drod sna tshogs mdog ldan rba rgal dang // chu chen rgyun 'bab lu ma rdzing bu ston// de ni gnas kyi bdag po rim pa bzhin// the brang 'gong po sa / gsenas bdag gnyen// rigs kyi klu dang rigs bzhi'i gnas su gtod// thub na dang po nang nas phyi ru stod// gdon kyang chu la cho 'phrul che 'phra ston// mi thub rim pas phyi nas nang du stod// gdon kyang che la cho 'phrul je che ston// gnas nas rim pas gnas pa ji bzhin du// gnod pa'i dus su phyi nas nang du stod// gdon mgo cho ga na nang nas phyi ru stod// des thub phyi rol rtags rnams ston// de nas tha ma dam sri 'gong po yi// rtags rnams byung nas mtshams gdon gtang rag gtang // de ma shes na slar la nang du stod// dper na btson thar mi 'gros 'dzing ka srog dang mtshungs// rtags log gdon lhang blo bur nad kyang 'ong // ze brang 'gong po'i rtags de ma byung na// klu gnyen gnyis ka'i mgo nas ma thar bas// brtson 'grus drag pos dpa' brtul bskyed cing bya// ru sbal khra bo'i rtog pa bcu gnyis pa// rdo rje rnon po ral gri che// rdo rje mi thub 'jigs pa yis// e ma sangs rgyas thugs rje'i sku// mi rtog chos dbyings 'das pa yi// gdug pa 'dul byed khyod phyag 'tshal// sngags kyi ngo bo khyod phyag 'tshal// bla med skyob mdzad khyod la 'dud// mun sel sgron me khyod phyag 'tshal// nad sel sman pa'i mchog la 'dud// le'u ste bcu gnyis pa'o// // 'phags pa 'jam dpal gshin rje gshed kyi rgyud// rus sbal khra bo'i rtog pa zhes bya ba rtog pa bcu gsum pa/ gdug pa gsum 'dul gyi rgyud rdzogs so// sa ma ya na ra skan// //