བོད་ཡིག

e-texts produced with BDRC’s OCR application

bsgrub pa sbyar ba bya// de la dang po phan bsgrub pa'i// sbyor ba dang po bshad par bya// gnod sbyin nyen gyis zin gyur na// dang po maN+Dal sngon por bya// 'khor lo rtsibs brgyad zig btab la// dbus su dpal ldan gos sngon bri// rtsibs la gtso bo dpal ldan bri// shes rab gtsang mar gyur pa la// dri yi chu yis legs bkrus te// dkon mchog gsum la phyag 'tshal nas// ri rab rtse la byang phyogs nas// chu blangs rin chen snod du blugs// ku sha la yis kha rgyan bya// kha dog sngon pos mgul chings byas// gzungs thag sngon pos mgul nas gdags// rnal 'byor srin lag dag la gdags// bum pa'i dbus su gos sngon bskyed// dkrug nas spos dag 'bru sna blugs// lag pa g.yas kyis 'bru sna thogs// gsang sngags 'di yis bsgrubs byas te// bum par blugs shing bstim par bya// oM na mo badz+ra pA Ni ye ma hA yag k+Sha se na pa ta ye/ na mo badz+ra kro d+ha ni lam bar badz+ra hUM/ ma hA yak+Sha ha na ha na shud d+he shud d+he hUM phaT/ sarba yag sha ku ru ba ya mo ha ya hUM phaT// yak+Sha bid ta na su ru su ru hUM phaT/ yak+Sha sarba bid tan na sha ya ma hA pa la hUM phaT/ ces pa'o// de ltar stong du grangs them nas// nad pa de ni mdun bzhag ste// sems bskyed cho ga sngon 'gro bas// bu mos nad pa bkru bar bya// yang na bdag gis khar blugs te// nad pa'i lus la gtor ba yis// khro mo'i sprul pa mang po spros// nad pa'i lus la btags par bsam// de yis gnod sbyin 'bros par 'gyur ro// gnod sbyin bzlog pa'i cho ga'o// klu bzlog pa'i cho ga'i las dag ni// maN+Dal sngon po chag gang gdab// steng du 'khar gzhong bzang po ru// zhib pa yi ni phye dag dang // me tog sngon po'i chu yis bkrus// pad ma 'dab ma drug byas te// gcig la khe dang bu mo dgod// gcig la sbrul gyi chun po dgod/ sbal pa nya dang lcong mo ni// 'dab ma gcig la dgod par bya// gcig la gtsang ba mgo dgu dgod// gcig la ba glang dmar po dgod// gcig la nor bu rin chen dgod// tha ma'i phyogs su bal po yi// se'u yi lcug ma dgod par bya// dngul gyi gzhong pa chus bkang la// nang du lcug ma bdun gzhug bya// lo brgyad lon pa'i bus pa la// gsang ba'i bdag pos dbang bskur nas// lcug ma klu zin lus la brdeg/ bdag nyid gos sngon gsang ba yis// rma bya'i lcug mas bya bar bya// bum pa'i sbyor ba gong bzhin te// de dag gis sngags gsungs pa 'di'o// oM nI lAM bar hUM/ nA ga rA dza sarba duSh+TAn/ ta ka ta ka/ ha la ha la/ ban d+ha ban d+ha phaT// nA ga ni nA ga ni/ na ya ni na ya ni hUM phaT/ tri ni ku ru ka la pa ra nA ga hri da ta ya hUM phaT/ oM du ru du ru/ du ru ni ku ru hUM phaT sngags bzlas 'od kyang 'bras pa las// gas ldan rgyu ba'i thar thur nas// nad pa'i lus la thub par bsam// thal nas rags drug gnas pa dgrag/ dug gnas bdud cu ldan thus gas// de nas klu sa gnas bskul// lan ci shu rtsa gcig go// lan gcig gis ni 'grub 'gyur na// mang du byas na thos ci dgos// k+Sha nad bzlog pa'i cho ga'o// / yi dgas brjed byed bzlog pa ni// maN+Dal sngon po legs blugs // thang du dpal ldan rtswa gzugs dgram// mtshad dang bzod pa sngon song ba'o// dkyil 'khor gnyis kyi bdag cad kyis// dung dang kun da'i mdog 'dra ba'i// skud pa dkar pos legs bzhag ste// 'ad sa dpal ldan sku rba bas ma// bdug bsam 'od su slar gnas pas// de cid skar gnas smad pa de// kha dog lnga dang 'od ldan pasam// de la mdud pa stong rtsa gces// bum pa dag tu sngags te bzlas// grang dang ni rnamal// sngags te bta la sras la gta/ nams man rtag sa pa rten brnyanas rna ma bangag ta sa par g+ha/ rbatA ba bani ga kar can tam b+ha sa/ bab ca sa/ pags pa @6/ b+he ta ba na sha ka oM ta pa Ta la hA phaT/ barba ba tra nan pa cang bkra rba swAm+b+ha/ a du rus tang la sa hA laT/ bral nas dag pa'i chag tha// sangs par gsum ze smad pa de// mtha' dang dbus tha brta byas nas// zin pa'i ske ru gdags par bya// yi dwags brjed byed bsrung ba yi// cho ga 'dir ni bshad pa yin// rims la sogs pa bsrung 'gyur na// maN+Dal sngon po gos sngon bsgrub// me tog sngon po'i khu ba la// spangs pa skud pa sngon po ste// gsang ba'i bdag por byin brlabs te// dgug gzhug zhu ba'i skud pa de// mdud byas gong ma'i sngags kyis 'tsho// byis pa'i gdon rnams bsrung 'dod na// skud pa gong dang 'dra byas la// byis pa'i mgul du btags pas 'tsho// dug gis zin pa gso 'dod na// sngon du sbrul gyi gzugs byas la// bdag nyid gsang ba'i bdag po yis// rtswa ni ku shas lus la byab// nad pa'i lus la dug byung nas// sbrul gyi lus la thim par bsam// gnas gsum por ni zla ba gsum// de steng yi ge a gsum las// bdud rtsi'i rgyud kyi lus dag nas// dug gi sbrul rnams 'byung bar bsam// yang na snying nas hri 'phros pas// lus kyi dug rnams bsdus nas ni// stong gsum gzhan du song bar bsam// de ni dug gis zin pa rnams// myur du sos par the tshom med// nor sgrub cho ga'i las dag ni// mdun du stegs bu gru bzhi la// gos sngon sgrub pa sngon song nas// sprul pa brgyad po rnam thos dang // ar+ya dz+ha ma b+ha bsam par bya// rin chen ma spyad snod dag tu// 'bru dang sman dang rin chen gzhug/ yid bzhin nor bus gang ba bskyed// dbang bskur byin gyis brlabs byas nas// de yi bsgrub pa'i gsang sngags bzlas/ oM rat+na nI lam ba ra da ha dza ma b+ha la dza len dra ya swA hA/ da ra sa ra rba bid tra sid d+hi sa ma ya hUM/ zhes bzlas so// de ltar bzlas pa'i bsam pa ni// bdag gi sngags las 'od zer 'phros// ye shes sangs rgyas kun la phog/ sangs rgyas 'od dang 'dres nas ni// yid bzhin nor bu'i tshul du dgug/ yang 'phros nor gyi lha la phog/ de nas nor lha phra mo'i tshogs// stong gsum nor rnams bkug nas ni// rang gi rten la bstim par bya// rmi lam nor bu spyod pa dang // dkon mchog gsum yang dran par bya// dran par gyur pa'i rnal 'byor pas// nor gyi dngos grub thob par 'gyur// cho gas nor ni bsgrub pa'o// gsang ba'i cho ga'i las byed na// lho ru drag po'i dkyil 'khor bru// de nas khrag dang dug gis dgang // rkang rjes la sogs dug dang sbyar// gang yin pa'i gzugs byas te// snying khar gru gsum brus nas ni// shing shun ming rus bris la gzhug/ kha bcad khung du gzhug par bya// yang na dug gis me sbar te// rab tu tsha bas byugs shing skam// des ni tsha bas 'chi bar 'gyur// de bzhin du grang ba'i sbyor ba'ang de// phur bus btab na 'chi bar 'gyur// oM na mo nI lAM pa ra hUM/ kI li kI la ya ma ra ya phaT/ yungs kar yungs nag ske tshe dang // dug 'brum lan tshwa la sogs pa// gos sngon phra mos byin brlabs te// gsang ba'i sngags 'di bzlas shing brdeg/ oM na mo ni lAM ba ra badz+ra hUM/ che ge mo mA ra ya mA ra ya// na sha na ya saM ga sha hUM mA ra ya hUM phaT/ ma hA rA dza ka la nan mA ra ya phaT/ ces pa'o// mnan pa'i las kyi cho ga ni// gang yin gzugs dang ming rus te// lam srang dag tu mnan byas te// khung du gru gsum khru gang la// zab su sor ni bcu drug go/ nang du gdug pas chag chag gdab// gang yin tshon skud sna lngas bcing // rgya gram 'bar bas steng nas mnan// yang na ri rab sbyor ba ste// steng du las kyi gos sngon gyis// gzir ba byas nas 'grub par 'gyur// mnan pa las kyi cho ga'o// rengs par 'gyur ba'i cho ga ni// khug par gyur pa'i gdul bya la// spyi bo'i gtsug tu phur bas gdab// lus kun khyab nas rengs par 'gyur// de dag byung bar gyur nas ni// 'o ma sbrang rtsi bu ram dang // dza ti pa la bsres pas byug/ zla ba a li chu rgyun la// a mr-i ta yi sngags bzlas na// 'tsho bar 'gyur ba the tshom med// smyo 'bogs kyi cho ga ni// gang yin sha yi steng du bzhag/ snying nas khams gsal rnam par rgyal// rlung gi gdan la 'dug par bskyed// oM na mo ni laM ba ra hUM/ che ge mo mu khang ku ru hUM/ ma hA rA dza nr-i u tsa ta ya hUM phaT/ sngags gzer 'od zer gnyis 'phros pas// snying nas 'og gi rlung bskul zhing // sha ba yis ni 'phros par 'gyur// zhes gsungs so// de nas bcom ldan 'das phyag na rdo rje'i ting 'dzin las bzhengs te/ bdud rtsi 'khyil ba la legs so zhes bya ba byin te/ legs so dpal ldan bdud rtsi 'khyil// gsang sngags bdag po khyod legs so// gang phyir dpal ldan rdo rje 'dzin// mi gnyis pa'i don kun spyod// bdud rtsi'i bdag po khyod la bstod// ces gsungs so// 'phags pa bdud rtsi 'khyil ba las las gnyis kyi don gnyis gtan la phab pa rdzogs so// // de nas yang dag bshad bya ba// thams cad thogs pa med gyur pa// rgyud rnams ma lus kun 'dus pa'i// las kyi rgyud 'di bshad par bya// lcang lo can gyi pho brang du// gsang ba'i bdag po gos sngon can// byang chub tshogs dang lhan cig tshe// don rnams sdud par byed pa'o// stobs dang mthu dpung gzhan las 'phags// de tshe gsang ba'i rgyud chen gsungs// de nas lha yi dbang po rnams// ri rab ri yi rtse mo la// sprul pa'i sku yi tshul bstan nas// bzhi stong yod pa'i las kyi rgyud// sna tshogs pa yi/ rgyud chen bshad// de don bsdus pa'i rgyud chen 'di'o// tshogs pa rnams la bdag gis bshad// zhi ba dang ni rgyas pa dang // dbang dang drag po bsad pa dang // rengs pa dang ni skugs pa dang // myos pa dang ni gso ba dang // smyo ba dang ni 'bogs pa ste// zhi ba la ni gcig tu 'gyur// rgyas pa la ni rnam pa bzhi// nor dang 'bru dang tshe dang ni// yon tan thams cad rgyas pa'o// dbang la rnam pa gnyis yin te// lha la sogs pa'i 'byung po dang // rgyal po dbang du bya ba'o// bsad pa nyid ni gcig tu 'gyur// dgug pa las ni rnam pa brgyad// lha mo klu mo ma mo dgug/ tshe dgug pa dang bcud dgug dang // khu ba dgug dang 'byung po dgug/ de dag rgyas par bshad bya ba// dang po zhi ba'i las byed pa// zhi ba'i dkyil 'khor zlum po la// pad dkar 'dab ma bzhi dang ldan// dbus su dpal ldan gos sngon can// cha lugs zhi ba'i rang bzhin la// rnam par snang mdzad dbu rgyan can// snying khar zla steng bzlas pa tsam// oM na mo nI lAM ba ra hUM// shAn ting ku ru swA hA/ brgya 'am stong du bzlas pa brtsam// de nas mdun du hom khung bru// zlum la dkar ba'i tshon gyis byug/ steng du zho can shing brtsigs te// nang du zhi ba me lha bskyed// me sbar me lha spyan drangs te// gnyis med gyur nas mchod pa dbul// bstod nas nang du gos sngon bskyed// bskyed nas mchod pa dbul bar bya// me tog dkar dang mar me dri// lha bshos zlum pos mchod par bya// 'bras bu 'o thug dbul bar bya// zhi bar bya ba'i gdung bya dgug/ dngul lam dkar po'i phur bas gdab// oM na mo ni lAM ba ra hUM phaT// mo ki li ki lA ya shAn ting ku ru swA hA/ zhi ba'i tshogs kyi 'khor lo bskor// zhi ba'i gtor ma gtang bar bya'o// des ni bdud dang srin po dang // 'jig rten grags pa zhi bar 'gyur// 'o ma la sogs dkar po'i chus// me la btab pa byas gyur nas// zhi bar gyur cig brjod pa yis// zhi bar 'gyur ba the tshom med// zhi ba'i cho ga sngon 'gro nas// sa gzhi byin gyis brlabs la sogs// de dag thams cad rdzogs par bya// sa chen gzung ba'i dam tshig ni// yongs su brtags te gzung bar bya// rgyas pa gnyis kyi cho ga ni// ri dbyibs gru bzhi'i bde gnas su// gru bzhi me tog ser por ldan// rin chen gos sngon sku mdog ser// dbu la rin chen 'byung ldan brgyan// ma spyad pa yi snod chen du// bdud rtsi lnga dang sha lnga dang // thun mong rdzas su gyur par blugs// oM na mo ni lAM ba ra hUM/ rat+na puSh+Ti ku ru hUM/ phyi nang dgugs pa'i don la dmigs// skyon rnams spangs pas yon tan 'gyur// brgya'am stong du grangs thim pas// mdun du stegs bu grub bzhi la// zab khung gru bzhi ser por byug/ 'khor lo 'phreng ba yang dag ldan// gser gyi mdog dang ldan pa la// mchod rten dbyibs su brtsig par bya// nang du rgyas pa'i me lha bskyed// ye shes me lha bkug nas bstim// gnyis med gyur la mchod pa 'bul// mchod dang bstim pa legs gnas te// der ni rgyas pa'i gos sngon bskyed// ye shes gos sngon bkug nas bstim// gnyis med gyur la phyag mchod 'bul// spos dang me tog ser po dang // mar me dang ni dri chab dang // lha bshos gru bzhir gyur bas mchod// gser mdog shing dang ser po rdzas// thams cad bsreg phyir rgyas par bya// gser ram ser po'i shing rnams la// rgyas pa'i phur pa rab byas nas// sngags bzlas rgyas pa'i yul la gdab// oM na mo nI lAM ba ra hUM// kI li ki la ya puSh+TiM ku ru swA hA/ de nas gser gyi mtshor ldan chus// me la gtor bas gser du 'gyur/ rgyas par gyur cig brjod pa yis// rgyas par 'gyur ba gdon mi za// yang na rgyas pa'i sbyor ba ni// rdzas nyid 'od zhu yi ge sra// de las rin chen 'byung ldan sku// ye shes bkug la gnyis med bstim// rgyas par gyur pa'i gsang sngags bzlas// 'od kyi ye shes bdud rtsi dang // khams gsum 'gro ba'i bcud rnams kun// bsam gtan de dang ldan gyur nas// de nas 'phags dang 'khol ba 'byung // zos pas dngos grub gang 'dod 'byung // rmi lam gser gyi dong tshe rnyed// yid bzhin nor bu spyod pa 'byung // de ltar byung bar gyur pa ni// rgyas pa grub pa'i rtags su bshad// yang na rgyas pa'i las dag ni// za ma tog dang khams gsum rgyal// rnam thos sras dang bcas pa bskyed// de las ye shes bdud rtsi bkug/ bkrag dang gzi brjid ldan pa la// gser gyi phur pa gdab pa dang // de yi gsang sngags brjod pa'i tshe// khams gsum rnams rgyal 'od 'phros te// rnam thos sras la nor sbyin bsgo// ster ba'i rtags ni gong ma bzhin// gter la sogs pa 'byung ba dang // 'dod pa'i yon tan gzhan yang 'byung // yang na rgyas pa'i las dag ni// rgyal rigs dag gi phung po la// dang po bslang ba'i cho ga bya// bdag por gyur la gtor ma sbyin// steng du bdag gi phyag rgya rdzogs// phyogs mtshams bltas pas 'byung po bskrad// rdo rje bsrung ba'i phyag rgya rdzogs// bdag gi lus la go cha bgo// de nas phung po 'od zhu nas// yi ge lang dang bya ldan bsam// de las gser gyi sa gzhir gyur// steng du sa las rnam thos sras// rin chen 'byung ldan dbu rgyan can// de la ye shes sems dpa' bstim// gnyis med gyur nas mchod pa dbul// sngags kyi bsnyen pa rdzogs par bya// oM na mo ni lam pa ra hUM// sarba ta thA ga rat+na sid+d+hi hUM/ zhes pas de la 'dod pa'i dngos grub 'byung // de ni rgyas pa'i cho ga ste// bud med dag la byin gyur na// bu pho bu mo gang 'dod 'byung // shes rab 'dod pas zos na 'byung // tshe dpag med kyi snying po'am// brgya'am stong du bzlas nas bza'// des ni tshe'ang 'grub par 'gyur// dbang gi cho ga bshad bya ba// ri dbyibs zla ba phyed 'dra ba// dmar la gdangs pa'i kha dog tu// stegs bu zla gam dmar po la// me tog dmar pos yang dag brgyan// gos sngon snang ba mtha' yas ldan// ma spyad pa'i snod chen la// dmar po dag gi tshon byugs nas// nang du sha lnga bdud rtsi lnga// oM na mo nI lAM ba ra hUM/ pa shang ku ru hUM phaT/ phyi nang bskul ba rab dmigs te// mi dmigs dbang gi lha tshogs kun// bdag la dgugs pas bdag gis bskus// dbang gi las la thogs med 'gyur// brgya'am stong du grangs thim nas// dbang gi zab khung zla kham la// dmar po'i tshon gyis byugs pa dang // pad ma'i 'phreng bas yang dag brgyan// nang du dbang gi me lha bskyed// spyan drangs bkug nas gnyis med la// mchod bstod la sogs bstim par bya// nang du dpal ldan gos sngon la// ye shes gos sngon bkug nas bstim// gnyis med gyur la mchod pa 'bul// spos dang me tog dmar po dang // mar me dri dang rnam lnga dbul// 'dod pa lnga yi mchod pa yang // de bzhin phul bas mnyes par bya// de rnams dmar po'i rdzas rnams la// pa shang ku ru'i sngags ldan pas// phul nas gang 'dod dbang du 'gyur// zangs la sogs pa'i shing rnams la// dbang gi phur bu byin brlabs nas// btab pas de nyid dbang du 'gyur// oM na/ mo ni lAM ba ra hUM/ kI li kI lA ya ba shang ku ru hUM phaT// yang na dmar ba'i rdzas rnams kun// gcig par snod chen bkang byas te// byin gyis brlabs pa'i gtor ma'i steng // bdag gis gos sngon gsal byas te// gong gi gsang sngags bzlas pa yis// mi 'gyur sangs rgyas thams cad kun// dbang gi skur ni rab bzhengs nas// sbyor ba'i bdud rtsi dbab byas nas// dbang gi lha yi spyi gtsug bzhugs// rdo rje'i lam byung gnyis med thim// dmar la gdangs par 'grub pa dang // 'od zer gtor ma'i lha la phog/ dbang gi las rnams grub par bcol// 'od du zhu bas shin tu dmar// lha rnams dbang du byed 'dod na// thugs ka'i zer sna lnga las// dbang gi gos sngon dmar por 'phros// mdun du dbang gi gzhal yas bskyed// dkug par gyur la gtor ma sbyin// reg pa tsam gyis dbang du 'gyur// 'thungs ba tsam gyis smos ci dgos// klu dang gnod sbyin gsang ba po// 'byung po rgyal po srin po dang // rnal 'byor ma yang dbang du 'gyur// yang na rgyal po'i ro blangs la// bslang la bsrung la byin gyis brlab// 'od zhu raM las me glong du// dbang gi gos sngon rab bskyed nas// ye shes dbang gi gos sngon dgug/ gnyis med gyur la mchod pa dang / gong ma'i sngags kyis bsnyen pa bya// me dpung rmi ba byung yang 'grub// dbang gi las rnams grub par bcol// bstim ste sha la gong ma bzhin// byas pas de yi dbang du 'gyur// dbang gi sbyor ba mdor bsdus pa'o// // gsod pa'i las kyi cho ga ni// ri dbyibs zur gsum gdengs pa 'am// yang na kha ral gdengs pa 'am// nag po'i mdog tu gnas pa de// dkyil 'khor gru gsum zla kham ldan// yang na gru gsum 'bar bar ldan// dug dang khrag dang lan tshwa dang // dur khrod sol bas nag por byug/ steng du me tog nag po dgram// drag po'i 'phags pa gos sngon can// dbu la don yod grub pas brgyan// ma spyad bkra mi shis pa 'am// yang na ser ka dug yod par// dug dang ske tshe nas nag dang // yungs kar yungs nag lan tshwa dang // bdud rtsi lnga dang sha lnga dang // myos pa'i chu yis sbyang bar bya// oM na mo nI lAM ba ra hUM/ che ge mo mA ra ya phaT/ phyi dang nang gi dmigs grub nas// bde gshegs drag pos bkug cing bstim// ha ha dang bcas bzlas pa ni// bar ma chad pa stong du bzlas// mdun du stegs bu gru gsum bya// gru gsum nang du dug chu dang // sol chen bsres la byug par bya// kha la dral gro phur bu dgod// tsher ma dug dang ldan pa'i shing // b+ha ga'i dbyibs su brtsibs par bya/ nang du drag po'i me lha bskyed// me sbal dgug dang bzhug bya ste// gnyis med gyur nas mchod pa dang // bstod dang bstim pa legs gnas te// nang du drag po'i me lha bskyed// spyan drangs bstim nas mchod pa dbul// spos ni sha chen bsregs pa ste// dkar dmar khu ba me tog yin// yang na me tog nag pos bya// spos ni gu gul sbyar ba ste// mar me tshil chen khu bas bya// khrag ni arga 'dod pa'o// dri chab bdud rtsi ba yi chu// sha chen po ni lha bshos te// yang na 'bru las gyur pa la// zur gsum khrag dang sol las byug/ bsreg pa'i rdzas ni 'di lta ste// sha chen po dang yam shing dang // de bzhin drag po'i gtor ma bsag/ khrag dang sol chen bsreg pa yis// kha dog nag por bsgyur la dbul// yang na lcags sam nag po'i shing / drag po'i phur bur byin brlabs te// btab pa nyid kyis 'chil bar 'gyur// oM na mo ni lAM ba ra hUM/ kI li ki la ya che ge mo mA ra ya phaT/ yang na drag po'i gtor ma de// byin brlabs steng du drag po'i lha// 'bar ba'i gos sngon bskyed byas te// ye shes drag po'i gos sngon dgug/ 'od 'phros sngags bzlas bsam gtan bsgom// ye shes dbyibs la gnas pa kun// drag po'i sku ru ram langs te// bkug cing bstim pa yang dang yang // de nas gsod pa'i las bcol te// bstim dang gtor ma nag po la// 'od dang 'od zer nag por gyur// 'byung po la sogs bkug byas nas// de la gtor ma brdeg par bya// snying nas phur bu khro chung dang // sbrul gyi gzugs ni gnas par bsam// de la gong ma'i sngags bzlas pas// sngags gzer lcags bsregs tshul can gyis// de la phog pas me ni 'bar// phung po me yis bsreg par bsam// tsha ba'i nad kyi 'chi bar 'gyur// las 'dis phyag na rdo rje nyid// 'chi 'gyur gzhan la smos ci 'tshal// bsad pa'i las kyi rim pa'o// lha mo dgug pa'i cho ga ni// gnas ni dbang dang mthun par bsam// yang na lam gyi gzhi mdo 'am// rgyal po la sogs 'du khang du// dbang gi dkyil 'khor chen po steng // rtsa ba'i sku yi bdag nyid can// rnga mo'i steng na legs bzhugs pa'i// dbu la rdo rje sems dpas brgyan// ba lang sha yi gtor ma bya// oM na mo nI lAM ba ra hUM// aM ku sha ya A kar Sha ya dza dza/ phyi nang sku ni gsal gyur nas// 'od zer bde gshegs zhing du 'phros// 'gug pa sku yi zhing du 'gyur// 'od byung bdag la phog pa 'am// dngos po nyid du bkug par gyur// bstim pas ri rab lta bu ste// 'od kyi dkyil 'khor chen po'i nang // lcags kyu can sogs bsam mi khyab// mdun du stegs bu zlum po'i nang // pad ma'i dbyibs kyis thab khung bru// thal chen la sogs dri chus sbrus// nang du byug cing bkru bar bya// kha khyer rdo rje'i 'phreng ba'am// yang na lcags kyu'i 'phreng ba bya// yang na ti ka'i 'phreng ba bya// las thams cad pa'i me lha bskyed// tsan dan shing las me bus te// bkug cing bcug nas gnyis med bstim// ba lang sha yis gtor ma blugs// yang na bdag las sprul pa yi// lha mo bkug ste 'od 'bar bsam// de la gtor ma byin pas 'gugs// oM na mo ni lam ba ra hUM/ be ro tsa na gr-ih+Na gr-ih+Na hUM phaT/ zhe'o// lha mo 'gugs par gyur pa'i tshe// sbyor bar 'dod na sbyor bar 'gyur// sa 'og 'dod kyang 'byung bar 'gyur// yang na ji ltar 'dod pa 'byung // klu mo'i mi mo de bzhin no// tshe dgug cho ga'i las dag ni// rten can rten med rnam pa gnyis// brten bcas bum pa'i 'od zhu bas// b+h+rUM gyur yang na baM du gyur// de nyid 'od zhu gzhal yas khang // ma chag gsal dang shin tu gsal// steng du hUM las mi bskyod pa// shar du rnam par snang mdzad de// lhor ni rin chen 'byung ldan bsam// nub tu snang ba mtha' yas te// byang du don yod grub pa'o// dkar dmar ser ljang mthing kha mdog/ phyag rgya lnga yi bdag nyid can// ye shes dbang bskur bcug nas bstim// 'od zhu de las gos sngon gyur// de yi spyi gtsug 'od dpag med// sku mdog dmar po zhal gcig pa// 'bar ba'i phyag ni gnyis pa ste// pad ma'i steng na bum pa bsnams// gsang ba'i yum bzhi 'khor du bskor// dbang thob sku la mchod par 'bul// bstod pas mnyes nas gsang sngags bzlas// oM na mo ni lAM ba ra hUM// A yu She hUM dza/ bsam gtan sngags las 'od 'phros pas// stong gsum tshe ni dgug cing dgang // de yis tshe 'gugs gdon mi za// bcud dgug pa yi cho ga ni// bcud rten bum par yi ger bsam// 'od zhu bum pa'i gzhal yas su// rang las lha mo mA ma ki/ ser mo phyag gnyis bsnol ba'i steng // rin po che yis rab mtshan pa'i// bdud rtsi bum pa 'dzin pa'i tshul// oM nI lAM ba ra hUM/ rat+na mA ma ki traM/ go'u na su b+h+yo bo d+hi sa twa traM dza dza/ phar 'phros tshur 'dus rgyun mi 'chad// 'od zer phra mo mang po 'phros// stong gsum 'jig rten bcud bkug nas// slar 'dus yum gyi spyi gtsug zhugs// gang bar gyur pa'i bsam gtan bya// de yis de la grub par 'gyur// yang na ro yi phung po gcig/ zla ba brgyad la blang byas te// de yi bslang dang bsrung ba bya// 'od zhu gzhal yas khang du bsam// sngags kyi 'od zer phyogs bcur 'phros// bcud bkug phung po'i dbyibs su bstim// rgyas nas zla ba'i mdog tu 'dug/ yang na yid bzhin rin chen dgug/ de la bstim pas nor chen dgug/ tshe nyams pa yis zos gyur na// de yi tsha dang ldan par 'gyur// nyams pa chen pos zos gyur na// 'gyod dang ldan na sor cud 'gyur// de la sogs pa'i yon tan tshogs// rgyud 'dir bsam gyis mi khyab bstan// khu ba 'gugs pa'i cho ga ni// rnam pa gnyis te bdag dang gzhan// gzhan gyi khu ba 'gugs pa ni// snying khar zla ba'i dkyil 'khor bsam// de steng yi ge a dkar las// 'od zer kha dog sna lngar 'phros// ye shes bde gshegs sku la phog/ de nyid 'od du thim pa las// khu ba 'gugs pa'i cho ga'o// gshang ba'i lam nas yar byung ste// bde chen byang chub sems phab nas// rdo rje'i lam du byung nas bstim// de yang khu ba 'gugs pa'o// yang na 'od zer rab 'phros pas// bde gshegs sku la phog gyur pas// chags pa skyed pa'i tshul can gyis// thabs dang shes rab sbyor bar 'gyur// gnyis med dkar dmar byang chub sems// bdag gi tshangs pa'i bu gar zhugs// lus rnams rgyas te bde bar 'gyur// khu ba dgug pa'i cho ga'o// yang na 'gugs pa'i cho ga ni// mdun du pad+ma 'dab brgyad bskyed// yi ge lnga la rigs lnga'i skur// yum lnga dag dang bcas pa bsam// ye shes gnas nas bkug cing bstim// de las 'od 'phros 'phags pa bskul// byang chub sems phab rigs lnga'i sku// spyi gtsug thim nas gsang bar byung // de nyid yi ge gsum dang 'grogs// bdag gi lce yi dbus su zhugs// sangs rgyas bde ba skye bar 'gyur// bdag gi khu ba dgug pa ni// spyi bor bde chen gzhal yas bsam// de steng yi ge a dkar po// zla ba'i gdan la bsam par bya// lte bar pad+ma 'dab brgyad la// zla ba'i steng du aM bsam te// aM las dza'i 'od 'phros pas// kha dog lnga dang yang dag ldan// zla ba'i bu gar zhugs pa yin// a bskul de la 'od 'phros pas// bdud rtsi chu yis lus rgyas 'gyur// bsam gtan de dag gang ldan yang // gzhogs bskams pa dang bas lhags dang // g.yan pa me dpal la sogs pa// de nyid kyis ni zhi bar 'gyur// gzhan la bkug pa de bzhin 'grub// 'byung po dgug pa'i cho ga ni// thugs ka'i phaT kyi tshogs 'phros pas// lce la lha mo lcags kyu can// grangs med pa yis 'byung po kun// snying nas bzung zhing zhags pas bcing // rlung gi rnga mo ga pa la// phaT kyis brteg ste 'phangs par bsam// tho ba can gyis brteg bzhin du// drag po'i steng du dbab par bya// yang na lcags kyu can gyis 'grub// zhags pa can kyang de bzhin no// oM na mo nI lAM ba ra hUM/ sarba bi b+ha nan aM ku shar ya/ A kar Sha ya hUM dza dza/ gsang ba'i sngags dang rab ldan pas// 'gugs par 'dod na khugs par byed// 'ching bar 'dod na 'ching bar byed// 'du bar 'dod na 'du bar byed// 'bral bar 'dod 'bral bar byed// skrod par 'dod na skrod par byed// bsreg par 'dod na sreg par byed// gang zhing las kyi cho ga ni// 'dzin pa can gyis 'grub par byed// dus gang la yang yan lag bcu// gos sngon bsnyen pa'i cho ga dang // bskyed dang dbang bskur cho ga dang // bskur dang de yis 'khor lo yis// rtsa ba yan lag ldan pa yis// bsgrubs na mngon du 'byung bar 'gyur// de bas nga yis bstan pa 'di// nges don gtan la ma phebs shing // rtog pa'i dug gis dbang gyur nas// nyon mongs las rnams spyod pa la// rna bar ming yang mi grag go/ gsang sngags rgyud la sems dad cing // bra ma la ni bsnyen bkur byed// nges pa yis ni don yang ston// sgra dang dgongs pa gtan la 'bebs// nga rgyal bcom nas zhe sdang gis// mtshon bral 'dod chags dra ba 'grol// de la rtag tu bstan par bya// gsang ba'i bdag po lag na rdo rje gos sngon po can gyi rgyud las le'u legs par byung ba'i gsang ba'i yang snying shin tu gsang ba rtogs pa chen po'i rgyal po'i rgyud ces bya ba rdzogs so// / @/ rgya gar skad du/ sarba ta thA ga ta kA ya wA ka tsit+ta gu h+ya dz+nyA na gar+b+ha/ shri a mr-i ta ma hA su kha tan+t+ra ma hA rA dza nA ma/ bod skad du/ de bzhin gshegs pa thams cad kyi sku gsung thugs gsang ba'i ye shes kyi snying po dpal bdud rtsi bde ba chen po zhes bya ba rgyud kyi rgyal po chen po/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na// bcom ldan 'das de bzhin gshegs pa thams cad kyi sku dang / gsung dang / thugs dang / yon tan dang / 'phrin las kyi bdag nyid gsang ba'i ye shes bkod pa rmad du byung ba'i rgyal po don gyi mchog khyad par du gyur pa'i ngo bo gsang ba'i de kho na nyid kyi rang bzhin gsang sngags rmad du byung ba'i gter chen po/ khams gsum gyi gcong snying sel ba'i bdud rtsi dam pa 'chi ba'i gnyen por gyur pa'i bdag nyid de/ rigs kyi btsun mo bdud rtsi'i rgya mtshos kun nas 'khyil ba'i rlan can/ pad ma'i 'dab ma stong rab tu rgyas shing / ge sar gyi dpal rin po che'i gur rmad du rgyur pa'i snying po la/ ga 'u'i rtse mos kun nas dkrigs shing spras pa/ myur zhing mgyogs pa'i glog gcig nas dmed cing gcig tu 'gyur ba las/ shel dmar po dang / mal shel dang / byi ru'i pa dag gzings pa/ gar dang / nye ba'i gar dang / klu dang steg pa dang / 'phar ba dang / rdebs pa dang / thal lcag dang / rtse ba dang / 'gyur ba dang / 'jo ba dang / 'dud pa dang / 'khril zhing brtan pas rnam par rtog pa'i rgyun bcad de mi gnyis pa las/ rang rang gi mtshan nyid 'dzin pas gtso bo la 'khril te tha mi dad pa'i bzhugs tshul gyis bzhugs so// gnas rmad du grags pa ni/ 'di lta ste/ mtha' dang dbus med pa'i pho brang / rigs pa'i rgya mtshos khyad par du sbags 'phags pa/ gang dang gang na rang rig pa'i 'od kyis khyab cing gsal bar gyur kyang / nga'am/ nga'i 'am/ nga'o pa'i rgya mo bcad pa/ dbyings gting dpag dka' ba'i klong du 'gram por zhing ye shes khyad par can gyi rtsig pa rang byung bar brtsig pa'i khang pa/ rtse mo'i 'phang du tshad med cing nam mkha'i mthar gtugs pa la/ rdo rje'i gur du rang bzhin gyis gtams te 'khyil ba/ snang ba ma 'gags pa'i yon tan rnam par 'byung ba/ 'byung ba'i dkyil 'khor brtsigs shing 'phyo ba'i khang pa bzang po'i gnas na asma gar+b+ha'i ka ba khong skabs can la/ rin po che'i sa tshar sna 'phyong can brtseg mas lus g.yogs pa las 'od 'phro ba/ bai DUr+ya ljang khu'i ka gdan dang / gser gyi ka lo la nyi ma dang zla ba'i phra bkod pas brgyan pa las pad+ma dkar po'i pa tras dpyangs pa/ rdo rje'i gdug gtams pa'i thog tu/ thugs rje'i bla brel bkab cing / gser dngul gyi g.yer kha tshangs pa'i gsung sgrogs pas mtha' kun nas bskor ba/ tsha grang skyob pa'i thugs rjes kun la khyab cing bsil ba'i gdugs kyis phyogs bcu nas khebs shing klubs pa/ bdud bzhi las rnam par rgyal ba'i rgyal mtshan phyogs bcur bsgrengs pa/ byang chub kyi yan lag bdun gyi 'phan pa dang 'phan phran tshad dang bral ba las thugs rje'i ser bus bskyod pa/ dra ba dang dra ba rkyang pa'ang / mu tig dkar dmar dang / sa le sbram dang / byu ru dang / a sa la gar ba dang / mu sa la gar ba dang / spug dang / rdo rje'i snying po dang / ke ke ru ljang ser dang / sang ma 'dri stang la sogs pa/ pad ma'i skud pa la brgyus pa'i dkyil na/ rin po che chu 'dangs dang / zla ba dang / nyi ma dang / rdo rje rangs pas brgyan pa'i dra ba dang / sna la rin po che'i dril bu g.yer kha dpyangs pa'i phyed pa dang / rin po che rtsig pa rang 'bar ba la/ tshags thams cad skar ma'i gzer 'ge dang / skar phran gyi gzer gtab pa'i nang nas/ pad+ma sna tshogs pa'i pa tra'i rtsa lag bkye ba/ rta babs dang / them skas dang / khye'u dang / snam rten dang / rkang stegs dang / rin po che'i phur pa dang / dar gyi chun po dang / me long dang / pho long 'phar ma btags pa dang / rig pa 'dzin pa dang / gyad stobs che rtse bran gyi rgyan gyis brgyan pa rnams rin po che'i pha bong ri bran tsam sgong du 'dril ba dang / bya sna tshogs pa skad snyan pa du ma sgrogs shing / rdzing bu bdud rtsi'i chus bkang ba la/ 'phur zhing 'bab pa dang / lha mo brgyan du mas brgyan pa rnams 'dod pa'i yo byad sna tshogs thogs te/ gar bskur ba'i dpung gis kun nas dkrigs te 'khod pa'i gnas na/ byang chub sems dpa' mi se ba la bzod pa thob pa rnams kyi lus kyi gdan du byas pa ni mi 'jigs pa'i seng ge dang / stobs kyi glang po che dang / rdzun 'phrul gyi rta dang / dbang gi rma bya dang / thogs pa med pa nam mkha' lding gi khri'i bar bar na/ rab tu bsdu ba bzhi'i rin po che'i khri rkang gis bteg pa skyon dang bral ba'i pad+ma dang / thabs dang shes rab 'brel ba'i nyi zla'i gdan la bsnyengs pa mi mnga' bar bzhugs so// de'i tshe 'khor rdul phra rab dpag tu med cing brjod du med pa'i yang brjod pa las 'das pa mang por 'dus shing tshogs pa ni 'di lta ste/ gsang ba chen mo rdo rje rgyas 'debs ma dang / gsang ba chen mo rdo rje za byed ma dang / gsang ba chen mo rdo rje rmongs byed ma dang / gsang ba chen mo rdo rje tshe 'phel ma ste gsang ba'i 'khor dang / de bzhin gshegs pa gti mug chen po dang / de bzhin gshegs pa nga rgyal chen po dang / de bzhin gshegs pa 'dod chags chen po dang // de bzhin gshegs pa phrag dog chen po ste de bzhin gshegs pa'i 'khor dang / gzhan yang btsun mo dam pa sra ba'i rgyal po chen mo dang / btsun mo dam pa mnyen pa'i rgyal mo chen mo dang / btsun mo dam pa dro ba'i rgyal mo chen mo dang / btsun mo dam pa bskyod pa'i rgyal mo chen mo ste btsun mo dam pa'i 'khor dang / byang chub sems dpa' rdo rje kun gyi bdag nyid dang / byang chub sems dpa' rdo rje 'gugs par brtson pa dang / byang chub sems dpa' rdo rje chags par byed pa dang / byang chub sems dpa' rdo rje legs par stobs dang / byang chub sems dpa' rdo rje dbang sbyin byed dang / byang chub sems dpa' rdo rje 'od ldan dang / byang chub sems dpa' rdo rje rgyal rab dang / byang chub sems dpa' rdo rje dga' ba mchog dang / byang chub sems dpa' rdo rje pad+ma gzigs dang / byang chub sems dpa' rdo rje 'khor ba gcod pa dang / byang chub sems dpa' rdo rje 'khor lo bskor ba dang / byang chub sems dpa' rdo rje dgongs pas 'chad pa dang / byang chub sems dpa' rdo rje las kyi rgya mtsho dang / byang chub sems dpa' rdo rje bsrung ba chen po dang / byang chub sems dpa' rdo rje 'jigs par byed pa dang / byang chub sems dpa' rdo rje brtan pa ste byang chub sems pa'i 'khor dang / sems ma chen mo rdo rje 'jo sgeg ma dang / sems ma chen mo rdo rje tshim par byed par dang / sems ma chen mo rdo rje kun 'gugs ma chen mo dang / sems ma chen mo rdo rje brtan par mos dang / sems ma chen mo rdo rje rgyan gyi rgyal mo chen mo dang / sems ma chen mo rdo rje mdzes par byed pa dang / sems ma chen mo rdo rje rab tu 'ching bar byed pa dang / sems ma chen mo rdo rje mos par byed pa dang / sems ma chen mo rdo rje sgra snyan dang / sems ma chen mo rdo rje gsal ba'i 'od dang / sems ma chen mo rdo rje yal bar mi 'dor ba dang / sems ma chen mo rdo rje chags pa mdzes dang / sems ma chen mo rdo rje dgyes pas gar bsgyur ma dang / sems ma chen mo rdo rje mnyen mnyen 'jam ma dang / sems ma chen mo rdo rje tshangs pa'i dbyangs dang / sems ma chen mo rdo rje myur du bsgrub la sogs pa sems ma'i 'khor dang / gzhan yang 'joms pa chen po rdo rje gshed 'dul dang / 'joms pa chen po rdo rje gshis mchog tu che ba dang / 'joms pa chen po rdo rje rta'i zhal gdangs pa dang / 'joms pa chen po rdo rje bdud rtsi kun tu bdud pa ste 'joms pa chen po'i 'khor dang / gzhan yang rol pa chen po rdo rje rta'i zhal dang / rol pa chen mo rdo rje phag gi zhal dang / rol pa chen mo rdo rje spre'u'i zhal dang / rol pa chen mo rdo rje khu byug gi zhal te rol pa chen mo'i 'khor dang / gzhan yang rnal 'byor gyi dbang phyug chen po dang / rnal 'byor gyi dbang phyug la sogs pa brjod kyi mi lang zhing / brjod par mi nus pa rnams dang thabs gcig tu bzhugs so// gzhan yang de'i tshe na lha tshangs pa chen po dang / tshangs pa kun grol dang / tshangs pa gtsug phud 'dzin dang / tshangs pa 'od mchog dang / tshangs pa rnam grol grags pa la sogs pa/ tshangs ris kyi lha 'bum phrag du ma chung ma dang / bu dang / blon po dang / sde dpon dang / dmag dpung dang bcas pa rnams kyang 'khor der 'dus pa'i sems kyis lhags te/ lha'i me tog rin po che las grub pa dpag tshad tsam dri mchog tu gyur pa sna tshogs dang / sman sna tshogs dang / bcud sna tshogs ro mchog dang ldan pa dang / shing sna tshogs lcug ma dang / lcug phran la sogs pa'i yo byad bsam gyis mi khyab pa thogs nas/ bcom ldan 'das dpa' bo chen po de la mchod cing chos mnyan pa'i slad du kun nas bskor te 'di snyam du sems so// bdag cag gis mchod pa'i rdzas khyad par can yon tan sna tshogs pa dang ldan pa 'di dag gis rgyal ba'i rigs kyi gtso bo mchog gi bdag nyid ston pa gsang ba'i bdag nyid la yang mchod cing / 'gro ba ma lus pa rnams kyi gcod rnying ci yod pa sbyang bar bya'o// zhes sems so// tshangs pa'i bu mo zur phud can zhes bya ba kha dog dang ldan pa/ tshul mchog tu shis pa/ lo grangs bcu gnyis lon pa/ rin po che yis sprad pa'i rgyan gyis brgyan te lag na bdud rtsi'i bum pa thogs nas/ bsnyen te 'dzum mul zhing dga' ba dang / dang ba dang / mchog tu dad pa'i bsam pas gnas so// lha'i dbang po mig stong pa yang / btsun mo sha tsi pur ba si dang lhan cig tu glang po che las babs te/ nye dbang po dang / sde dpon dang / bran dang / yang bran dang / pho nya ba'i 'khor 'bum phrag du mas bskor cing / lag na lha'i me tog la sogs pa mchod pa'i yo byad dpag tu med pa thogs nas bsam pa dang bcas par 'khod pa ni snga ma bzhin no// dbang po de'i bu mo ser skya mdog ces bya ba/ ri rab kyi 'og na gnas pa/ lo nyi shu lon pa/ bkrag dang / gzi mdangs dang / lang tshor ldan pa/ lag na dri rnam pa lnga'i snod rin po che las byas pa thogs nas 'khod pa yang de bzhin no// rgyal po chen po bzhi yang rang rang gi 'khor dang bcas pa yang gong bzhin 'dus so// 'jig rten skyong ba brgyad chung ma dang bcas pa yang de bzhin no// dregs pa can gyi gnod sbyin gyi sde dpon dang / gza' dang / rgyu skar dang / skar phran dang / kun tu rgyu la sogs pa rang rang gi chung ma dang bcas pa rnams kyang de bzhin du 'dus so// sa'i lha phag chen po spun rang rang gi 'khor tshad med pa dang bcas nas sa la skye 'khrung gi bdud rtsi ma lus par thogs nas 'khor der 'dus pa yang snga ma bzhin te/ cung zad kyi nye ba na sa bdag chen po'i bu mo gser 'phreng ma zhes bya ba dam tshig gtsor len pa ri bdun la gnas te lag na bdud rtsi'i bum pa thogs pa yang gong bzhin gnas so// las kyi mkha' 'gro ma chen mo rta skad 'tsher dang / khro gnyer dgu brtsegs ma/ la sogs pa me tog glog 'gyu ma drug cu rtsa gcig 'khor dang bcas pa de bzhin no// lhag par bsnyen te nam mkha'i bu mo seng ge rnam par rol pa chen mo zhes pa mkhas khyab par spyod pa gsang ba'i gar la rol pa ste de bzhin no// chu la gnas pa'i lha dang klu dpag tu med pa yang / rgya mtsho'i chu dang / gang ga dang / pag shu dang / si ta dang / si d+hA dang / mtsho che phra dang / 'bab chu che phra dang / rdzing che phra dang / lu ma dang / chu mig dang / lteng ka dang / khron pa che phra dang / gangs dang / ser ba dang / brag dang / rdo ba'i chu rnams las rin po che'i sgyogs kyis ston pa mchod de gong ma bzhin no// de las kyang rgya mtsho chen po'i lha b+he lu kra shre zhes bya ba'i bu mo dbyings phyug rgyal mo zhes bya ba/ rgya mtsho'i dbyings nas skyes pa de yang 'khor der 'dus pa ni gong bzhin no// li ts+tsha byi dang / shAkya la sogs pa mi'i rigs bsam gyis mi khyab pa rnams kyang rin po che bdun la sogs pa'i mi'i 'byor pa ji srid yod pas mchod cing 'tshogs pa yang de bzhin no// shing yongs 'du dang / dpag bsam gyi shing dang / gel ba dang / pa la k+Sha la sogs pa'i rigs sna tshogs pa la dbang bsgyur ba'i lha dga' ba'i sgo na ma la sogs pa yang / shing de dag gi rtsa ba dang / sdong po dang / yal ga dang / lo ma dang / me tog dang / 'bras bu dang / shun phrags dang / thang chu la sogs pa'i khu bcud can mang po thogs nas 'dus shing tshogs pa yang snga ma bzhin no// a ru ra dang / ga pur dang / dza ti pa la dang / ru rta la sogs pa'i sman rnam pa sna tshogs pa kha ba dang / dngar ba dang / skyur ba dang / bsngal ba dang / lan tshwa ba la sogs pa pha rol rnam pa sna tshogs dang ldan pa 'du ba'i nad ci las gyur kyang zhi bar byed cing sel ba la dbang byed pa'i lha mo nor gyi rgyun dang // gdung ba sel dang / ro nye tha skar skyong dang / bcud 'phel dga' ba mo la sogs pa rnams kyang / rang rang gi sman nus pa dang ldan pa thogs te bsam pa sna tshogs dang bcas par 'khod pa yang snga ma bzhin du'o// rtsi mchog gi rgyal po ku sha dang / dur ba dang / phi phu sti dang / shi bi ra la dang / kra ma be lu zhes pa'i rtsis dud 'gro'i gsos byed cing / bde ba'i rgyun bskyed pa rnams la dbang byed pa'i lha mo grub pa'i blo gros zhes bya ba'ang de ltar ro// ri rab kyi 'og rgya mtsho'i gnas rin po che'i gling la rin chen sgron ma thog ces bya ba'i lha mo rin po che sil ma sna tshogs pa la longs spyod pa yang rang gi yo byad thogs nas 'khod do// gser gyi sa gzhi la gnas pa gser 'od thog ces bya ba/ zil dngar phun sum tshogs pa la dbang byed pa yang nye bar 'dus so// ri gnya' shing 'dzin pa'i gnod sbyin brgya byin skyes kyang shing thog piny+tsa pu ra thogs nas bde bar der 'khod do// de'i sring mo gdong yang ma zhes bya ba de yang sems can thams cad la phan par bya'o// zhes sems bskyed nas gzhan ma bas bsnyen te 'khod do// lha ma yin gyi rgyal po thag bzangs ris dang / he ra na ke shu la sogs pa yang ya lad sna tshogs gyon cing mtshon sna tshogs pa thogs nas/ khros pa'i bzhin rab tu 'bar bas/ bcom ldan 'das la log par sems pa rnams tshar bcad ces sems nas 'khod do// seng ge dang / glang po che dang / rta dang / bya khyung dang / ngang pa dang / rma bya dang / sa ra sa la sogs pa byol song rigs bsam gyis mi khyab pa rnams kyang 'di snyam du/ bdag gi lus ngan pa 'di dag ji srid gnas kyang don med cing gti mug gi rab tu rmongs pas brgyal te thar pa'i dus med pas sha dang / pags pa dang / khrag dang / rkang dang / klad pa dang / nang khrol dang bcas pa 'di dag thams cad mkhyen pa yang mchod cing sha khrag za zhing 'thung pa la yang sbyin par btang la/ rlung la sogs pa zhi bar byas te don yod par bya'o zhes bsam nas 'khod do// yi dwags mgrin rings la sogs pa mang po dang / dmyal ba phag mig lto bo che la sogs pa bgrang bas mi lang ba rnams kyang rang rang gi nus tshad phyung nas 'di snyam du sems te/ bdag cag gis gsang ba pa chen po 'di'i gsung thos nas/ sdug bsngal 'di dag grol bar 'gyur srid de/ ci'i phyir zhe na/ bdag cag gi gtso bo yang 'di'i thad du dong zhing / skyabs su gsol/ de ltar ma gyur kyang bdud rtsi 'di dag las bcud rku ba 'am/ dbrog pa byas te bdag cag la phan par bya'o// bsam nas 'khod do// de bzhin du nam mkha'i gtos kyis khyab pa'i gnas na gnas shing spyod pa thams cad ma lus par 'tshogs te 'khod do// bcom ldan 'das gar gyi dbang phyug bdud rtsi bde ba chen po// gsang ba pa chen po de ni/ seng ge ltar rab tu brjid de/ mnyam pa nyid kyi 'od bskal pa tha ma'i me 'bar ba lta bu/ brgya stong gis 'phro zhing 'du bar gyur te/ lham me lhang nge lhag ger chos thams cad mnyam pa nyid/ ji bzhin pa mi rtog/ rab tu mi rtog/ kun tu mi rtog/ rtog pa las 'das te brtags pas mi rtogs pa'i dbyings la rnal bzhin bzhugs so// de'i tshe yum chen mo bdud rtsi dbyings phyug ma des 'dzum pa'i mdangs phyung nas spyan zur gyis bltas te 'di skad ces glengs so// e ma ho stong nyid kun dngos mkhas kyang bskrun par dka' bar yul las 'das shing yul dang bral// bsam dpag med cing thar lam bde chen bde ba mchog gi bdud rtsi mchog gi rgyal po de dang 'dra ba med// kun gyis ma rtogs skran snying 'tsho med sdug bsngal bzod dkas kun gzir sgrub dang bral zhing 'khyams so skyes// chos nyid bde ba'i pad+ma kha zum bung ba dang 'dra'i 'gro ba rab tu bcings shing bsdams gyur la// thugs rje'i nyid zer lta bus dri dang ldan zhing ser bus bskyod de pad+ma kha byed ji bzhin bcings pa kha dbye rigs ho// zhes bskul bas// bcom ldan 'das ni snga ma ltar brnal te ci'ang mi gsung bar bzhugs so// de nas yum thar pa chen po'i lam ston pa des/ spyan bag dang ldan pa des bltas te/ 'di skad ces gsol ba btab bo// e ma ho mkha' gsal dag la nyi zla'i gzugs shar kun la gsal dro kun la dbye ba sring med pa la// sprin dang mun nags 'thibs pos dkrugs pas 'gro kun rmongs nas ngan song g.yang sar lhung ste 'chi ba'i dus ni nye ba la// thugs rje chen po'i ser bus sprin brlan nyi zla shar ba'i 'od kyis 'gro kun mig rnyed sems brtan pas// dal ba rnyed de dbugs phyin 'jigs bral bde ba myong / de bzhin du ni rmongs 'thibs don du thugs rje'i snang shar mdzod// ho/ zhes gsol bas/ yang snga ma kho na bzhin bzhugs par gyur to// 'dus pa phal che'i 'khor thams cad kyang yi blong bar gyur to// de nas dbyings gsang ba'i lha mo des rdo rje'i gar bsgyur te/ 'gying bag tu khu tshur gnyis skur bzhag nas/ spyan pad+ma rgyas pa ltar mdzad de/ rdo rje don 'byin pa zhes bya ba'i klus gsol pa/ e ma ho 'gro ba phal cher gnas 'dir 'dus rnams skal ngan te// de bzhin gshegs pa'i zhing 'dir myur bar 'dus kyang don med 'khyams// 'khor ba'i nad rnying bzod dka' lus gdungs mgon pos spangs shing gzir// sman pa'i rgyal pos bdud rtsi sil dngar ro yi nad gzhi brtags te ma gsos pa// myur ba nyid du shi bar gyur nas brlag ste slan chad gso ci lo// bde gshegs mgon po thugs rje che zhes 'gro kun brjod kyang don chung chu bo dag las sgrol mi mdzad// mun nag thibs por 'khyams te lam ster g.yang sar ltung bar nges kyang sgron mi 'degs// nyi tshe'i thugs rjes bdag 'dus pa'i 'khor la phan par mi 'gyur drang ngo kye// zhes gsol bas/ bcom ldan 'das bdud rtsi mchog gi rgyal pos rnam par mi rtog pa'i thugs rjes rlan par mdzad nas/ ye shes gsal ba'i spyan phye nas bzhugs te thams cad la khyab par mdzad do// de'i tshe yang yum bdud rtsi dbyings phyug mas/ zhal 'dzum pa'i mdangs phyung ste/ 'di skad ces gsol to// ci'i phyir cang mi gsung bzhugs shing / bdag la spyan ras ci la mdzad// bdag gis nyid kyis don rig na// sems can don ni mdzad do// zhes gsol bas/ bcom ldan 'das kyis bka' stsal pa/ ye nas dag pa'i dbyings nyid na// btags pa'i tha snyad rnams dang bral// rnam grol byang chub snying po la// bya dang byed pa'i tha snyad med// ces gsungs nas/ zhal 'dzum pa mdzad nas bzhugs so// yang yum gyis gsol ba/ ye nas rnam dag rtsal bral zhing // spyod yul kun las 'das mod kyang / mun pa phyogs med thibs po yis// kun nas g.yogs pa'i rmongs pa rnams// rang rig snang ba thob bya'i phyir// chos kyi sgron ma gdeg tu gsol// nges rkyen sgra dang bral rnams la// sgra mchog chos dung 'bud du gsol// 'khor ba'i 'dam du bying kun la// bla med rgyal mtshan bsgreng du gsol// chu bo rab med ma brgal ba// byang chub skam sar gdon du gsol// 'khor ba'i tha ba bskams pa la// thugs rje char bsil dbab tu gsol// dug lnga'i skran rnying sos med la// bdud rtsi sman mchog sbyar du gsol// ces gsol ba btab pa dang / bcom ldan 'das kyis bka' stsal pa// nga ni thog ma med pa nas// thugs rje'i ngang las ma g.yos kyang // dus 'dir dus la ma bab cing // 'dus pa'i bcud du ma gyur pas// nga ni gcig kyang mi gsung ngo // zhes bka' stsal to// tshul dag pa dang ldan pa'i yum dam pa des phra ba'i spyod pas thugs mnyes par byas nas// bzhad pa'i sgra dang bcas pas gsol ba/ e ma ho gsang bdag rigs kyi gtso// phyag 'tshal dpa' bo chen po la// bdag la sogs pa'i 'khor tshogs rnams// bcud kyi dam pa'i snod min zhes// gsung ba dag ni ngo mtshar che// chos kun bya brtsal bral ba'i gling // thig le chen por sangs rgyas nas/ snod du gyur dang ma gyur ces// ci yi slad du gsung bar mdzad// ces gsol ba dang / bdud rtsi mchog gi rgyal pos bka' stsal pa// nga ni thabs mchog bsam yas pas// kun la phan par byed 'gyur yang / bdag 'dzin rmongs pa'i 'gro ba rnams// rang rang rdzas la mngon 'tshal bas// blang dor spyod pa snod ma yin// bcud dang sman dang 'bras bu'i mchog/ khyad par can gyis nga mchod cing / gzhan dag spong bar byed pa rnams// bdud rtsi mchog gi snod ma yin// chen pos bskyed par mtshungs mod kyang // dri ro/ nus par ldan pa mchog/ rang gi nus pa dpag med kyang // dri ngan ro ngan sha khrag khu// mi bsnyen kun tu spong ba min// ngan skyugs mchil snabs 'bu dang rnag/ rkang dang tshil bu sha sogs bcud// spang dang blang ba'i spyod pa ni// gtsang sme med pa'i gnod ma yin// dbyings phyug gsang ba'i pad+ma ni// dus gsum rgyal ba'i pho brang la// ngan khung 'dab rdzas zhes smod pa// thabs mchog bla med snod ma yin// lhun grub rang sems rnam dag klong // gnyis med ye nas yin pa la// rgyu 'bras bsgrub bya byed zer ba// gsang sngags mchog gi snod ma yin// khyad par sman gyi rnam pa yis// rlung sogs 'du ba'i nad gsal zhing // zhe sdang la sogs nad rnying rnams// gsol la mi brtson 'jog byed pa// ra sa ya na'i snod ma yin// zhes bka' stsal pas/ 'dus pa'i 'khor phal po che rnams yid gnyis gyur te/ 'di snyam du sems so// e ma bdag cag gi rdzas lha dang mi la sogs pa'i yul na rab tu dkon pa 'di dag la/ 'di skad ces gsung ba 'di/ ji 'dra ba'i rdzas ngo mtshar zhing rmad du gyur pa zhig mnga' ba de zhu bar bya'o snyam sems so// de nas 'khor de'i nang nas sems dpa' chen po rdo rje rnon po zhes bya ba des/ 'khor rnams kyi bsam pa de lta bu thugs su rtsol nas/ rang gi bstan las langs te/ shes rab kyi ral gri phyar te/ phyogs bcur btab pa las kyang / gcad pa'i dngos po ma rnyed de/ dper na nam mkha' la btab pa bzhin du gyur nas/ bcom ldan 'das kyi zhabs kyi pad+ma yang nas yang du btugs te gsol ba/ bcom ldan dri med bde ba che/ snang chen gtso bo don rig pa// khyod kyis bdag la bka' drin gsungs// nam mkhas khyab pa'i zhing khams na// nor mchog khyad par can gyi rdzas// gang lags bdag la bka' drin gsungs// de nas bcom ldan 'das kyis gdung ba thams cad rnam par sel ba/ don bkod pa zhes bya ba'i ting nge 'dzin la zhugs te 'di skad ces bka' stsal to// yid bzhin rin chen 'od 'bar ba/ gzhan nas ma rnyed rang las byung // mun pa'i 'dam gyis ma gos pa'i// rang gi sems nyid nor mchog ste// sman mchog gnad sel bdud rtsi'o// yang gsol ba// nad pa'i tshogs ni gang dang gang // nad gzhi rtag na ji lta/ bu// yun ni ji srid cig gnas na// mkhas par gyur pa'i sman pa su// sman gyi rnam grangs kha mngar rnams// sbyar gzhi ji ltar byas na phan// nad pas spyod pa ji ltar bsrung // nad sos bde ba ci ltar 'gyur// tshe 'phel yun ni ji srid gnas// de yi 'dod spyod tshad ji tsam// de ltar gyur pa su la phan// bcom ldan 'das kyis bka' stsal ba// nam mkha'i mtha' klas khams gsum gyi// sems can ma lus nad pa'o// sems 'phrul pa las byung ba yi// 'dod chags zhe sdang gti mug dang // nga rgyal phrag dog nad bzhi'o// yul ni 'khrul nas ma grol bar// thabs med sos glags med pa na// kun la mkhas pa'i sman pa ni// nga dang bla ma mkhas rab bo// sman ni khyad par can gyi thabs// kha mngar zhi khros phye ba'o// ngas gsungs theg pa'i bye brag lam// rgyud dang gang 'tsham sbyar gzhi ste// 'khru skyug slar 'thung nad la phan// so sor thar dang byang chub sems// bla na med pa'i dam tshig rnams// nad dang mthun par spyod pa bsrung // nad dang bral nas ci bde bar// bag yangs kun la dga' dgu spyod// thog ma tha ma med par du// chu bo las rgal lhun grub nas// nam mkha' yod par de srid gnas// de nas kun la spyod 'gyur te// spang blang med par kun la'o// 'gro ba rmongs pa thams cad kyi// pha mar 'gyur te kun la phan// de ltar nga yi bstan pa yang // 'du ba'i nad phyir ma yin te// dug lnga'i nad gso'i bdud rtsi'o// zhes bka' stsal pa/ yang sems dpa' des gsol ba/ bcom ldan 'das kyis gsungs pa'i nad// bzod dka' sos par dkar ba gang // de dag sbyang zhing gzhil ba'i sman// brtse bas bdag cag rnams la gsungs// bka' stsal pa/ nga ni thabs mchog tha dad pa// kun la phan par mdzad 'gyur yang // snod men ngan pa bzhi sogs dang // gtsang sme spong len can rnams la// cung zad tsam ni mi smra'o// sangs rgyas kyis kyang thos dka' na// khyed la sogs pas smos ci dgos// ces gsungs pas 'khor thams cad rtab rtab por gyur nas/ gcig la gcig lta zhing cang mi smra bar 'gyur ro// de nas yang bka' stsal pa/ nga ni thugs rjes dbang byas shing // smon lam dag las skyes gyur yang // bdag 'dzin dra ba ma bcad pa'i// sems kyi mdud pa ma grol bas// khyed la rab tu nga mi gsung // zhes bka' stsal pa dang / de nas gnas shing tshogs pa thams cad rab tu dngangs nas brgyal/ kun tu brgya la/ kun tu rab brgyal bar gyur to// de nas ring zhig nas sems dpa' rdo rje rnon po dran pa rnyed nas// rnal 'byor mchog gi cha lugs bzhin byas te gsol pa/ kyi hud bdag cag skal ba chung // bcom ldan dbri mkhyud mi mdzad kyang // bdag cag snod du ma gyur pas// thar pa thob pa'i sa bon bral// 'on kyang rnam bkod rdzas mchog rnams// dad pas 'bul lo thugs rjes bzhes// bslad ma byin gyis brlabs nas kyang // 'gro la sman pa mdzad du gsol// ces gsol ba btab pas/ de'i tshe bcom ldan 'das kyi 'od 'bebs pa sangs rgyas gsal ba'i rgyan rnam par bkod pa zhes bya ba'i ting nge 'dzin la snyoms par zhugs te/ phyogs bcu'i sangs rgyas thams cad bsdus te nyid kyi sku la bstims te rgyas par mdzad do// de nas yang gdung ba thams cad rnam par sel ba zhes bya ba'i ting nge 'dzin la snyoms par zhugs nas// gsal zhing dri ma med pa thams cad du khyab pa sku'i ba spu nas bton te 'khor de dag la thim par mdzad do// de ltar thim pas 'dus pa de dag brgyal ba las sangs shing / dran pa gsal po rnyed nas 'di skad ces gsol to// bcom ldan 'das thugs rje chen po'i mnga' bdag/ 'khor ba'i g.yul pham par mdzad pa'i dmag dpon/ bdag cag la dbye ba sri mi mdzad kyang / snod du ma gyur pas gnas su mchi bar bgyid pas bdag cag gi rdzas sman dang / rtsi dang / bcud dang / me tog dang / ldum bu dang / sdong po dang / zil mngar la sogs pa 'di dag byin gyis brlab tu gsol/ nus pa dang ldan par mdzad du gsol/ nad thams cad gso bar mdzad du gsol// nyid kyis mchod par bzhes su gsol zhes gsol pa dang / yang bcom ldan 'das 'khor ba las kun tu sgrol ba dam pa can bde bar byed pa zhes bya ba'i ting nge 'dzin la snyoms par zhugs nas/ 'od zer dang bcas pa'i sngags 'di gsungs so// oM pa tsi ka ma la a mri ta ma hA gu na ma hA d+ha ra pa sha sarba g+hu na b+hi sha badz+ra/ ta thA ga ta hUM hUM a mr-i ta su kha hUM hUM hUM aM aM aM/ oM AM IM zhes sna tshogs pa'i sman dang / rtsi la sogs pa thams cad kyang 'jig rten pa'i bdud rtsi 'du ba thams cad sel nus par byin gyis brlabs te/ de dag nyid kyis bzhes nas rgyu dang 'bras bu'i chos ma bshad de/ de dag chud ma son par thugs rjes bzung nas 'di skad ces bka' stsal to// dper na nyi ma'i snying po la/ mun pa rdul tsam mi gnas bzhin// nga yis gsungs pa'i bka' la yang / the tshom med par nges pas na// de dag nan tan dag tu sgrubs// ces gsungs nas nam mkha'i dbyings rnam par spros pa rgyas par gtong ba zhes bya ba'i ting nge 'dzin la snyoms par zhugs te/ tsham rngam gyis log pa can tshar gcod pa'i dam pa 'di drag tu brjod do/ hUM hUM hUM badz+ra kro d+ha a mr-i ta ha la ma hA kro a mr-i ta suM b+ha ni/ sprod ka si rak+Sha ha ha ha phaT phaT phaT/ ces gsang ba'i snod du ma gyur pa rnams rang dbang med par dpag tshad tsam gyis chod par gtang ngo // de dag kyang gtso bo'i zhabs la phyag 'tshal nas yi rang bas rang rang gi gnas su deng ngo // de nas sems dpa' rdo rje rnon pos phyag rnal 'byor gyi lugs su lus sa la brdabs te 'tshal nas 'di skad ces gsol ba btab bo// dpa' bo chen po chos kun bdag/ thugs rjes 'gro ba'i don la rol// sos dka' gcong gis zin pa yi// nad pa rnams kyi slad du ni// nyid kyi mtshan dang mthun pa yi// bla med snying po bshad du gsol// ces gsol ba btab pa las/ gsang ba chen po'i mnga' bdag gis bka' stsal pa/ dus gsum rgyal ba'i thugs kyi gter// dgongs pa'i bcud phyung snying po 'di// byin gyis ma brlabs khyed rnams la// gang yang ngas ni bstan mi nus// yang gsol pa/ gtso chen khyod kyis thugs rje yis// bdag cag rnams la byin gyis brlabs// gnas dang gzhi ru smod mdzad de// de slad 'khor la gsung du gsol// de nas bcom ldan 'das rnam par snang mdzad nam mkha' ltar snang zhing rdul dang bral la yongs su dag pa zhes bya ba'i ting nge 'dzin la snyoms par zhugs te/ brjod pa med par 'di skad ces rang grags par gyur to// rgyu dang 'bras bu'i chos rnams ni// sprin med mkha' ltar rnam par dag/ dag pa'i bdag nyid dbyings nyid pas// thams cad kun gyi bdag nyid do// zhes gsungs so// de nas yang bcom ldan 'das mi bskyod pas/ chos kyi dbyings rang snang ba thams cad gsal bar byed pa'i gzhi'i sgra dam pa zhes pa'i ting nge 'dzin la snyoms par zhugs nas/ rang bzhin gyi sgra 'di rang grags par gyur to// a a A i I u U r-i r-I l-i l-I e ai o o aM a/ zhes grag go/ de nas yang de bzhin gshegs pa rin po che 'byung bas/ spros pa dang bral zhing bsod nams dang ye shes dpag tu med par dbyings su mnyam pa zhes bya ba'i ting nge 'dzin la snyoms par zhugs so// de'i tshe rang bzhin yi ge 'di dag rang snang bar gyur to// ka kha ga g+ha nga / tsa tsha dza dz+nya nya/ Ta Sha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ Da D+ha da d+ha ra la/ zhes so// de nas yang bcom ldan 'das 'od dpag tu med pas/ chos thams cad thugs kyi dbyings brjod pa dang bral zhing brjod pa zhes bya ba'i ting nge 'dzin la snyoms par zhugs nas/ 'di skad ces grag go/ hUM hUM badz+ra At+ma ko&haM/ de nas yang de bzhin gshegs pa don thams cad grub pas/ gsang bar grub pa'i mchog gnyis su med pa'i sku rnam par rdzogs pa zhes bya ba'i ting nge 'dzin la snyoms par zhugs nas/ gsang ba grub pa'i snying po dam pa 'di gsungs so// oM badz+ra sa twa sa ma ya a haM/ de nas dpal rdo rje sems dpa' dbu gsum par rnam par gyur te/ btsun mo dang snyoms par bzhugs nas/ b+ha ga'i dkyil 'khor 'dab ma stong dang ldan par mdzad de/ de bzhin du chos kyi srog shing btsugs nas gnyis su med par mdzad do// de nas yang nye bar byin gyis rlob pa sprin bkod pa yongs su bde ba'i las zhes bya ba'i ting nge 'dzin la snyoms par zhugs nas 'khor thams cad byin gyis brlabs te/ bdud rtsi char pas rgyud brlan par mdzad de/ rang rang gi rigs kyis mtshan cing / rang rang gi mtshan ma lag tu byin te/ chos kyi sgras bsgrags nas ming gi dbang gis dbang bskur ro// de nas yang brtan par mdzad de/ dam tshig byin nas 'di skad ces brtul zhugs bsgo'o// kye khyed mi bya mi bza' med// rang bzhin rjes su spyad pa spyod// gdul dka' rang bzhin khyed kyis su// spyad rgyu med pa thabs kyis spyod// de nas 'khor de dag dbugs phyung nas lung bstan te gnang ba byin no// de nas yang bcom ldan 'das kyis 'od rnam par byed thams cad 'bebs pas rgyud yongs su sbyangs pa zhes bya ba'i ting nge 'dzin la zhugs nas// de dag gi rgyud sbyangs te tshim par mdzad nas bde ba la rgyun snyoms par bzhag nas skal ba dang ldan par mdzad do// de nas yang bcom ldan 'das kyis 'od zer lta bur byed cing sangs rgyas thams cad/ 'bebs pa zhes bya ba'i ting nge 'dzin la snyoms par zhugs nas bdag nyid dang 'khor thams cad la bsdus te/ thams cad byin gyis brlabs nas snod du mdzad de 'di skad ces bka' stsal to// ngas ni 'gro ba thams cad sa la bkod do// mdzes par byas so// zhes gsungs so// de nas rdo rje rnon po la sogs pas lus dang / ngag dang / sems bde ba rnyed nas/ rab tu rang rang la dam pa skyes te ngo mtshar ba'i tshig 'di skad ces brjod do// e ma'o ye nas rnam dag byang chub sems// thig le ngang gis gsal mod kyang // mun par 'khyams pa'i bdag cag rnams// byin rlab snod du mdzad pa mtshar// ces so// yang 'khor 'dus pa de dag gi mchod pa'i rnams grangs sman dang me tog la sogs pas mchod de/ phyag rnal 'byor gyi lugs su byas nas gsol ba/ bcom ldan mi rtog nam mkha' khyod// bcom ldan kun snyoms nyi ma khyod// bcom ldan gsal byed zla ba khyod// bcom ldan nad sel bdud rtsi khyod// bcom ldan khyod kyis bdag cag la// thugs brtse ba yis bshad du gsol// zhes gsol ba dang / bcom ldan 'das kyi 'od zer rnam par spros pas kun la khyab pa zhes bya ba'i dgongs pa la bzhugs nas 'di skad ces bka' stsal to// nga ni rigs rnams kun gyi bdag/ nga ni snying rje sngon du btang // nga ni thabs mchog bla med pas// sos med gcong rnying gdon par bya// yang gsol ba/ log par lta ba'i nad chen po// sos med skran zhen bya ba de// gzhi ni ci las gyur pa lags// nad kyi dngos po ci lta bu// 'chi bar 'gyur ba gang lag gsungs// shi nas phyi mthar ci ltar 'gyur// brtse bas bdag cag rnams la shod// gsang sngags bdag pos bka' stsal pa// nad gzhi don gyi snying po ste// na dang mi na 'tsho dang 'chi// dngos med tha snyad las 'das kyang // mun pa mun nag dkrigs 'thibs pas// nam mkha'i mtha' dang lam gyi phyogs// gnas kyi cha tsam ming shes pas// g.yang sar 'khyams te yang yang 'chi// las kyis slar la'ang 'tsho byed de// ma rig 'khrul bcas sems nyid gzhi'o// dngos po bdag 'dzin bdag las byung // zhe sdang mnar sems nga dang bdag/ byams dang lhan cig mi gnas te// srog gcod la sogs sna tshogs pa// nga'o snyam pa sos med nad// gti mug rmongs pa sems nyid 'thibs// shes rab gsal dang lhan mi cig/ mun gtibs rmongs sogs sna tshogs pa// nga med snyam pa sos med nad// 'dod chags zhen pa yul ngan bcas// gtong chags sde dang lhan mi cig/ log par g.yem sogs tha dad pa// nga la snyam pa sos med nad// nga rgyal che ba phrag dog nad// btang snyoms dag dang lhan mi cig/ dregs dang khengs pa la sogs pa// nga las che ba med pa nad// phrag dog ser sna la sogs pa// re ba spangs dang lhan mi cig/ ngas ni snyam pa sos med nad// nyi shus bsdus pa'i rtog 'dzin de// gnyis med dbyings dang lhan mi cig/ so sor 'dzin dang bdag gzhan sogs// 'khor ba'i gcong rong 'khyam pa yi// bsam gyis mi khyab nad yod kyang // lnga dang gsum dang gnyis nad de// 'chi bas 'di zin sos par dka'// kun gyi gzhi ni gcig yin te// sman gyi rgyu yang kho na nyid// dper na 'byung bas skyed 'dra la// dug dang sman gyis 'tsho dang 'chi// sngags dang thabs su ldan gyur na// dug nyid sman gyi mchog 'gyur la// sman kyang dug 'gyur de bzhin no// 'chi ba khams gsum 'khor ba pa'i// 'gro drug sems can ma lus rnams// yun ring na bas nyon mongs te// skye rga na dang 'chi bar 'gyur// phyi mthar dar cig dbang med de// shi nas ji ltar 'gyur ba ni// zhe sdang nad chen mi bzad pas// shi nas dmyal khams mang brgyud de// de nas skye ba bgrang las 'das// gti mug nad kyis rmongs pa rnams// byol song rigs ni tha dad par// la nying gis za ba ni// yang nas yang du brgyud nas su// chags shing skam pa'i nad kyis ni// nam yang thar par mi 'gyur te// rang lus mchog tu 'dzin pa yi// ring po sdug bsngal can du'o// nga rgyal rab tu khengs pa'i nad// bzod par dka' bas shi 'og tu// 'thab rtsod lhur len lha ma yin// gal te gzhan na'ang rtsod la dga'// phrag dog bdag yod gzhan la men// nad kyis brgyal bar gyur shi nas// zas dang btung dang bgo bde bas// gdungs shing mnar ba'i yi dwags skye// gzhan yang nad sna mang po yis// mi bde rmogs shing tshi chad nad// sdug bsngal 'gyur ba'i bye brag ni// dbang pos khams gsum 'khor ba ltos// yang gsol ba/ thugs rje che mnga' gsang ba'i bdag/ de dag sos par bya ba'i thabs// gzhi las byung ba'i sman gyi dngos// gang lags brtse bas bshad du gsol// sbyar thabs bza' bsrel ba'ang shod// de skad ces ni gsol ba las// gsang sngags dbang pos bka' stsal pa// gzhi ni nad dang 'dra ba yin// dngos ni rnam pa lnga yin te// gtsang smer mi 'byed sbyar ba'i thabs// dang du blang ba bza' ba'i thabs// rang dang rgyal ba mchod bskul gsol// rgyun du bya ba bsrel ba'o// sems dpa' mchog gis yang gsol ba// lnga zhes bgyi pa gang dang gang // bzhi drug sogs rnams spangs pa yi// lnga ru nges pa ji lta bu// lnga po skye ba'i sa gzhi gang // rkyen ni gang gi dbang gi skye// btu dang rko dang skam thabs rnams// sman mchog rgyal bas bdag la gsungs// de la gtso bos bka' stsal pa// lnga zhes nges par bshad pa ni// sha dang bshang gci khu ba khrag/ ji bzhin bsam gyis khyab kyang // mdor bsdus lnga po kho nar nges// nyon mongs lnga yi gcod sbyong zhing // rigs lngar tshe mchog bsring ba'i phyir// bzhi dang drug spangs lnga ru nges// nyon mongs dug lnga sbrul lta bus// 'tsho ba'i srog gcod sbyong bar byed// rang gi phung por sha khrag las// rab tu skye ba'i gzhi yin no// de bzhin zhing khams thams cad na/ khyab par yod pas sa gzhi 'dra// rkyen ni bsnyen pa nye bsnyen po// sgrub dang sgrub chen dag gis su// bla med byang chub 'grub pas skye// thabs la mkhas pa'i sbyor ba yin// 'khor ba nyid las btu bar bya// lnga gsum gnyis dang bsam yas pa// rtsad nas dbyung la brko zhes bya// 'khor ba'i rgya mtsho gting ring bas// shes rab 'od kyis bskam par bya// de skad ces bka' stsal pa dang / byang chub sems dpa' chen po rdo rje rnon pos yang gsol pa// bde gshegs rnams kyis gsungs pa'i don// bdag gi khong du ma chud de// mi gtsang lus kyi snyigs ma la// bde gshegs gtsang mar byin rlob pa// nam mkha' rdzas su 'gyur re na// bcom ldan 'das kyis bka' stsal pa/ nam mkha' rdzas su su zhig bsgyur// gdod nas dag pa'i nam mkha' la// na bun sprin gyis sgrib g.yogs pas// gsal bar mi 'gyur mun par 'gyur// nyi 'od shar bas skad cig la// mtha' gsal rab tu'ang gsal 'gyur bzhin// rnams lnga dag pa'i byang chub sems// rang byung dag pa'i rdzas mchog ste// mun pa lta bu'i ma rig pas// shin tu bsgribs pas gtsang dang sme// bdag dang bdag tu 'dzin pas mnar// rang rig gsal bar shar ba'i tshe// rnam rtog bsal bas bdud rtsi ste// rnam dag byang chub sems chen po// gdod nas dag pas gnyis su med// yang gsol ba// sha khrag bshang dang khu ba gci// mi dang glang po rta dang bya// khyi la sogs pa'i sha rnams dang // la phug sgog skya sran chan dang // tsher ma can gyi shing zog sogs// 'byung po gdon dang mkha' 'gro dang // 'phra men la sogs dman rigs kyi// mngan zas chen po smad pa las// bsngags shing blang bar ma thos so// yang bka' stsal pa/ gtsang mas gtsang bar rtog pa dang // 'byung po'i mngan zas ched byed pa// bus pa byed la rtsod med kyang // skyes bu mi chen ga la yin// dper na zla ba'i dkyil 'khor la// ri bong gzugs kyis bsgribs na'ang // 'od med nag 'gyur ga la srid// rang bzhin nyid kyi rang 'byung dag/ yang gsol ba// bcom ldan nyid ni rang byung ste// tha snyad kun bral dag ces bya// snyigs ma rnam pa lnga la sogs// khams kyi zas las byung bas na// rang byung ma yin gzhan byung yin// dag ces bya ba chos kyi dbyings// gnas skabs gang dang gang du'ang // gcig dang du mar mi gnas shing // kun bzang nyid pas dag ces pa'o// ngang gis brtags bral gsung mod kyang // mi gtsang smad cing gzung bas na// kun nas skyon can dri nga bas// dag ces ci slad gsung ba nor// bka' stsal pa/ zas ni 'byung ba'i rgyun yin te// 'byung ba shes rab rigs kyi yum// yum gyi mkha' klong rang byung ste// de las byung bas rang byung ngongo// yang dag de kho na nyid ni// shes rab pha rol phyin ma'i klong // gdod nas smra bsam las 'das pas// gdod nas dag ces bshad pa yin// 'di ni bde gshegs thugs kyi gter// rdo rje dbyings kyi mdzod chen po// yid bzhin rin chen 'dod pa'i dbyig/ nam mkha' g.yung drug 'khyil ba'o// sems dpa' chen po de lta bas na 'di lnga ni sangs rgyas so// chos so// chos kyi dbyings so// byang chub kyi sems so// byang chub sems bde ba chen po'o// rdo rje'i mdzod bsgyings pa chen po ma nor ba'i skyes bu chen po'i dkor dam pa dpag bsam gyi shing gi 'bras bu dbang bskur ba'i bum pa bzang po ste/ 'khor ba'i dpung 'joms pa'i dmag dpon chen po// skran snying sbyong ba'i sman/ dug sel ba'i ka la ya te/ bde bar gshegs pa thams cad kyi thugs dam/ mkha' 'gro ma thams cad kyi srog/ rnal 'byor pa thams cad kyi lta ba'o// yang gsol ba/ rnam grangs mang por rnam phye ste// bcom ldan 'das kyis gsungs mod kyang // bdag cag 'dus pa'i 'khor rnams kyi// rtog pa'i mdud phur ma phyin cing // gzung 'dzin rgya mdud ma bkrol bas// yang dag dgongs pa bshad du gsol// ces gsol to// yang bka' stsal pa/ tshangs dang bram ze gtsang ma za// ba yi 'o ma btung ba'i mchog/ gzhan dag rnam par spangs na yang // byang chub grol thob ngas ma bshad// klu dang bram ze gtsang ma za// 'bras kyi khu ba btung ba'i mchog/ de dag mchog gi gzhan spangs kyang // yang dag ye shes ga la 'grub// byol song rtswa mchog za ba yang // ji srid 'tsho yi bar du za// chu mchog lan tshwa'i ro bro 'thung // sa bon brlag med ga la yin// yi dwags ngan skyugs bshang gci dang // stor khung 'babs dang smad kun za// dri nga dug chu la spyod kyang // bla med sa bon tshig ma yin// de bas blang dang dor spangs te// gnyis med klong du zag chod na// gzung dang 'dzin pa'i nad bral bas// bla med byang chub da ltar ro// chos nyid don gyi nam mkha' las// thugs rje rgyun gyi char phab pas// ri bo mchog dang ri bdun dang // gling dang gling phran lcags ri sogs// lung bu sal sul yan chad brlan// sman dang gel ba rtsi dang 'bru// 'dab ma me tog skyes gyur te// 'gro ba'i nad sel gsos gyur dang // lus las byung ba'i lnga gnyis dag/ ji bzhin spros bral rgyu yi rgyu// chen po lnga yis rgyu byas te// 'dus byas dngos por gcig pa la// gtsang smer phye bas khyed cag 'khrul// chos nyid rgyan gyi mkha' klong du// dag dang ma dag rtog pa kun// thig le'i dbyings su rgyas btab la// phyi nang mtshan mas phye bas 'khrul// gdos bcas dbyibs dang kha dog gdangs// dran rig shes pa thams cad kun// rang byung ye shes rang snang la// rgyu dang 'bras bur phye ba 'khrul// de bas rtog pa'i sems spangs te// bde ba chen po khyab brdal bas// sems kyi 'du byed tshar chod la// bdud rtsi mchog la nan tan byos// yang sems dpas rang gi sems la dmigs te brtags na/ dus gsum gyi bde bar gshegs pa thams cad ni skyon du bya ba thams cad spangs pa la 'di lta bu'i mchod pa mi rigs so bsam nas gsol pa/ e ma ho ci ste bde gshegs rgyal ba'i zhabs// ngan skyugs 'dam rdzab mi gtsang bas// mchod par dmigs te bskang byas na// rnam smin las kyi rgya mo yis/ khams gsum 'khor ba'i 'dam rdzab la// thar med nad kyis mi 'chi bas// bcom ldan dpa' bos thugs dgongs te// gsung med gsung gis bka' stsal pa// tha snyad gdags pa'i gzhi nyid ni// gdong nas byang chub snying po ste// 'di la gtsang dang mi gtsang zhes// gzhigs cing smra ba'i skyes bu blun// gsal ba'i nam mkha' sgrib bral la// bskyor ba'i rtsig pas brtsibs g.yogs te// mun du gyur pas mi shes bzhin// chos nyid rang bzhin 'od gsal zhing // rtog pa'i dri ma rgyun chad kyang // mun pa'i sgrib g.yogs kun 'thibs pas// gzung 'dzin mthas bcings don ma shes// nam mkha' nam mkha' mnyes mchod na// nam mkha'i rdul gyis ga la gos// chos nyid la ni ye shes mchod// mchod pa'i tshig ste mtha' las 'das// de la gang zhig rtog byed pa// nam mkha'i sprin la phus btab ltar// tshe chad sprin sangs ga la srid// yang dag 'dod phyir yang dag tshol// btsal bas yang dag mi rnyed de// don rtogs yang dag bde chen 'grub// bdag gzhan mtha' las ma grol zhing // sems kyis sems kyi mtha' bsdams pas// nam yang thar cing grol ba ni// 'byung bar nga yis ma mthong ste// dper na dar gyi srin bu bzhin// rang gis rang bcings snying rje'i yul// ces bka' stsal pas/ sems dpa' chen po rdo rje rnon po la sogs pa rnams kyi mtha' cha gcig tsam rtogs kyang / sems nyid kyi mtha' kun tu ma chud pas gdung ba'i thag chod par ma gyur to// de'i tshe bcom ldan 'das kyis gsang ba nye bar bkod pa'i klong kun tu gsal ba zhes bya ba'i dgongs pa la yun ring du bzhugs so// de ltar bzhugs nas 'khor de dag gi sems la yang dag par brtags na da dung de nyid de kho na nyid du ma son par thugs su brtsol nas 'di skad ces gsungs so// e ma'o rang bzhin rnam dag mtshan ma'i yul las 'das// cir yang snang la ci yang ma yin ci 'dod rang bzhin 'byung // dpe med dpe las 'das te dpe dang bral bas nam mkha' 'dra// 'dod pa kun sgrub 'dod pa'i skyon gyis ma gos pad+ma ltar// yongs la gsal zhing yongs khyab yongs kyi dngos gzhi bdud rtsi ste// gtsang sme dbyer med gtsang ma'i mchog ste gtsang zhes zer pa 'dug/ nam mkha' dag la nyi shar sprin gyis g.yogs na 'od bral mun bzhin du// rang sems 'dod nas 'od gsal nyi ma 'bum shar 'dra yang sprin 'dra mun gtibs pas// don gyi phyogs tsam snang yang mngon du ma gyur da dung sems la ltos// rigs kyi bu mnyam pa la zhog ste rang gi sems la bsrings te rtogs shig dang // des khong du chud par 'gyur ro// de nas sems dpa' chen po la sogs pa'i 'khor rnams kyi skyil krung bcas te// sems dpa' bstod/ lag pa bsnol/ mig zam zim du btsums/ dbugs bsrings/ sgra bcag/ tshig pa dpyangs te/ rang gi sems nyid 'di rgyu ci las byung / rkyen cis bskyed/ ngo bo ji ltar bu/ 'bras bu ci 'thob pa brtags na/ de la'ang bcom ldan 'das bzhad de/ bka' stsal pa/ ngar 'dzin mdud pa mkhrol te// bdag tu lta ba'i phur pa dam// bdag gzhan rtog pa yod pas na// skyil krung tsog pu brkyang bskum 'khrul// bdud rtsi chen po'i 'dug thabs bde// nam mkha' 'od kyi dkyil 'khor las// nyi zla 'ja' dang skar ma glog/ sems nyid mtha' dbus med khyab la// rtog bcas ci snang sems nyid pas// bstod dang smad ces btags pa 'khrul// bdud rtsi mchog gi rang gsal bde// lus sems btags pa'i tha snyad la// yan lag phye ba'i rtog gzhi med// rigs su phye ba'i phyag rgya la// mnyam nyid mchog tu 'dzin pa 'khrul// dri med bdud rtsi'i rgya bcings bde// phyogs mtha' kun tu ma spros kyang // bka' med rang byung ye shes gsal// yul dang dbang po dbyer med la// bdag tu 'dzin pa'i lha stongs 'khrul// gnyis med bdud rtsi la bltas bde// dbyings dang ye shes dbye med pa// g.yung drung rgyun gyi rtag pa la// bcu dang lnga ru brtag byas te// bsrings dang bsdam zhes rtog pa 'khrul// bdud rtsi bsrings te bstims na bde// chos nyid rnam dag ngo bopo'i gsung // brjod pa la 'das smrar med la// kun la bsgrags phyir mi ma 'gags// zhen rtog dbang gis sgra bkag 'khrul// bdud rtsi'i sgra nyid gsung gi mchog/ shes pa rang snang phung po nyid// ma bcos gnad mchog dam pa ste// 'byung ba'i ri rab gzhal yas la// rin chen gtsang sbrar bya ba 'khrul// snod mchog bdud rtsi bum pa bde// rang sems gdod nas dag pa la// phra rab rdul las grub pa med// bya dang byed pas bsgrubs pa min// gdod nas rgyun bcas de bzhin nyid// rkyen bral bya dang byed spangs shing // bdag med stong pa'i rang bzhin las// 'dod pa kun 'byung bsam 'phel bzhin// rkyen ces bya ba ga la srid// ngo bo logs zhes yod med ste// bstan cing bshad pa'ang de nyid las// kha dog dbyibs su bcas pa dang // bdag gzhan mtshan dngos ga la srid// lam nyid rgyu dang 'bras bu ste// 'bras bu nyid kyang rgyu lam 'dra// mun dang snang bas phye ba las// so sor sgrub cing smin pa med// ji ltar 'khor los sgyur ba dag/ rin chen bdun dang dpung tshogs dang // tha ma'i 'gro ba rmongs pa la'ang // mi bkol dang du mi len bzhin// chos nyid byang chub sems bdud rtsi// rtogs pa'i lta ba gdeng chung na// gtsang sme bzang ngan mi 'byed cing // blang dor byed pa bsgyur rgyal bzhin// ces bka' stsal pa dang / brtags pas kyang / rgyu rang gi sems las byung // rkyen ma rig pa mun pa dang 'dra bas byas// ngo bo bdag dang bdag gir 'dzin par gyur// 'bras bu ngan song gsum du smin te lhung bar yang nas yang du gyur ro// yang brtags pas/ rgyu ma bcos pa'i thig le rang snang ba las byung // rkyen rang rig pa'i ye shes rang gsal rgyal pos byas// ngo bo cir yang snang la cir yang ma grub pa rang byung thabs kyi rgyal por gyur/ 'bras bu snying po byang chub kyi sems gsal khyab dri ma med par gyur// de gnyis kyang rig pa dang // ma rig pa'i khyad par las byung bas// bdud ces pa dang / rtsi zhes par btags pa'ang // nan gyis btags pa ste// de'i phyir btags pa dang bral bas bdud rtsi zhes bgyi ba lags ces grangs ces gsol ba dang // bcom ldan 'das kyis bka' stsal pa// rtogs dang ma rtogs khyad par las// 'khor ba myang 'das gnyis snang yang // chos dbyings snying por don gcig pa// rtogs shing chud pa legs so legs// de ltar yang dag don rtogs pa// 'bral med sems kyi dngos po ni// gzhan zhes btags pa ma yin te// bdud rtsi bde ba chen po zhes// nga dang rgyal ba kun gyis gsungs// ces bka' stsal pa dang / sems dpa' chen po rdo rje rnon po la sogs pa 'khor 'dus pa rnams rang rang gi shes rab la dam par gyur nas// 'gying bag tu bde bar gnas so// de nas yang bcom ldan 'das kyis bka' stsal pa/ sems nyid nga dang bral ba la// nga zhes 'dzin pa'i srin bu 'dra// bdag 'dzin phur pa dam pas 'khor// gnyis med mtha' spangs khyad par 'phags// de nas rtog med bde bar gnos// sems dpa' chen po 'khor ba'i bdud nyid mya ngan las 'das pa'i rtsi'o// de bas bdud rtsi'o// yang dag pa'o// bde ba chen po'o// sangs rgyas kyi zhing khams yongs su sbyangs pa'o// byang chub kyi snying po'o// 'khor ba'i rgya mtsho rtsad bcad pa'o// mya ngan las 'das par rgyas btab pa'o// ngan song ming med pa'o// sdug bsngal nyid bde ba'o// mi mthun pa nyid gnyen po'o// 'jig rten pa'i sman nyid 'chi ba med pa'i ra sa ya na'o// smad pa'i rdzas nyid bdud rtsi'o// ye shes lnga'o// rigs lnga'o// kha dog lnga'o// de bzhin gshegs pa lnga'o// yum lnga'o// byang chub sems dpa' 'o// sems ma'o// khro bo'o// khro mo'o// chos kyi dbyings so// chos kyi sku'o// chos kyi sku'o// longs spyod rdzogs pa'o// sprul pa'o// gsang ba'o// yang sbrul dang // zhe sbrul dang / bran dang / yang bran dang / pho nya dang / las mkhan dang / ci bgyi dang / ma dag pa'ang de kho na nyid do// zhes gsungs pas/ thams cad kyang sems kyi snang bar kho thag chod de/ lha med pa'i ngangal g.yo ba med par bde ba chen po lhun gyis grub nas bzhugs par gyur to// de bzhin gshegs pa thams cad kyi sku dang / gsung dang / thugs gsang ba dpal bdud rtsi bde ba chen po zhes bya ba rgyud kyi rgyal po chen po las/ gleng gzhi bstan pa dang / rang bzhin gyi bdud rtsi gtan la phab pa'i le'u ste dang po'o// // de nas yang bcom ldan 'das bdud rtsi mchog gi rgyal pos 'khor gyi gtso bo rnams la/ kye zhes bos nas bka' stsal pa/ kyekyi dam pa rnams khyed kyis rang rang gi ji ltar rtogs pa'i snying po byang chub kyi sems thig le chen po rang bzhin gyis 'od gsal ba de ci dgar smros shig dang / de ni bdud rtsi bde ba chen po yin no zhes pa dang // de bzhin gshegs pa mi bskyod pas rang gi zhing khams na 'khod pa'i 'khor rnams la/ byams pa'i spyan gyis gzigs nas 'di skad ces gsungs so// sems las rang byung zhe sdang tshogs// dmyal ba nyid kyang de nyid de// ji snyed rdzas su btags pa rnams// ma skyes skye dang 'gag pa dang // gnas dmigs 'gro dang 'ong med pas// rang sems gdod nas dag pa ste// nam mkha' glong nas rgyun skyes pa// thabs mkhas snying rjes kun don du// bsgrubs na nga dang rdo rje rigs// me long lta bu'i ye shes te// bdud rtsi byang chub sems su 'grub// de bas sa bon rtog pa nad// ces smras so// de nas de bzhin gshegs pa rnam par snang mdzad kyis 'khor rnams la gong ma bzhin te/ ston pa'i zhal du bltas te/ 'di skad ces gsungs so// sems las sna tshogs gti mug snang // byol song nyid kyang de nyid de// 'khor ba'i rdzas rnams bsam yas pa// btags pa yod med snang grags kun// sems nyid snang bar shar ba stang // thugs rje 'od kyi rgyun shar ba// thabs la mkhas pa'i spyod pa ste// dang pos bsgrubs na bde gshegs rigs// nga dang chos dbyings ye shes dang // rnam dag bdud rtsi dri chen nges// des na dri chen ngar 'dzin dug/ spang blang med par 'grub par 'gyur// zhes bshad nas gsungs so// de nas bcom ldan 'das rin po che nyi mas rang gi 'khor dang bcas bzhin du phyag 'tshal te/ 'di skad ces glengs so// yid bzhin rin chen 'bar sems las// nga zhes nga rgyal dpag med snang // lha dang lha med nyid kyang de// sha dang rdzas rnams bsam mi khyab// ji snyed ma lus thams cad kun// yid bzhin nor bu 'bar shar te// thabs kyi thugs rje rang snang ba// spyod pa bla med khyad par can// bsgrubs na rin chen 'byung ldan rigs// mnyam nyid ye shes chen po dang // sha tshogs nyid kyang bden par 'grub// btsang dang sme ba'i shar phye dug/ ces rab tu btud nas gsungs so// de nas bcom ldan 'das 'od dpag tu med pas/ pad ma'i rigs kyi sems dpa' rnams dang bcas te/ ston pa la phyogs nas 'di skad ces gleng ba glengs so// skyon dang bral ba'i byang chub sems// chags dang mngon par zhen par snang // gling bzhi gnas pa'i mi rnams de// pad+ma las byung khrag dang rdzas// 'jig rten ji snyed rnam snang ba// 'dam bral pad+ma ji bzhin du// rgya cher yangs pa'i 'od zer gyis// rtogs pa rang snang rgyal po ste// mnyer na dpag med pad ma'i rigs// so sor kun tu rtogs 'gyur te// ra ga rag ta pad+ma 'grub// mngal las byung ba'i khrag rnams sme// 'dzin pa'i dug gi dug chen yin// zhes gsungs so// de nas bcom ldan 'das gdon mi za bar grub pas rang gi sde dang lhan cig tu thal mo sbyar te 'di skad ces gsungs so// sna tshogs 'byung ba'i gzhi las kyang // phrag dog bdag rgyal gzhan 'pham 'byung // dpag med yi dgas de bzhin te// gci dang de rigs gyur pa'i rdzas// yod mthong snang grags thams cad kun// sna tshogs gzhi las grub pa ste// spyod pa mchog 'gyur nyid snang las// bdag nyid chen por nyid bsgrubs na// gdon mi za dang las kyi rigs// bya ba'i bya ba ye shes nyid// rdo rje chu yis 'grub par 'gyur// dag dang ma dag 'byed pa dug/ ces gus par gsungs so// de nas bcom ldan 'das bdud rtsi mchog gi rgyal po chen po rigs thams cad kyi bdag nyid sangs rgyas thams cad kyi spyi gzugs gsang sngags kyi bdag nyid chen po 'di skad ces bka' stsal to// e ma ngas ni gsang ba'i don// ci yang ma yin cir snang bas// brdal khyab klong du thag chod do// ma 'dres yongs su rdzogs pas na// thams cad lhun grub ye shes gtso// de yang btsal med rang shar ba'o// sngar snang lnga yi bsdus pa'i chos// lnga ru thag kun bcad pas na// de bas lnga zhes bsnyad pa yang / rang bzhin la ni nan gyis btags// byang chub sems la skye ba med// de las thams cad cir yang skyes// skyes tsam nyid na rtog med pas// skyes dang ma skyes tha snyad bral// dri chen la ni 'gags pa med// thams cad du yang 'gag par byed// 'gag rtsam nyid na ma 'gags pas// 'gag ces bya ba'i tha snyad bral// sha la gnas pa'i tha snyad med// tha snyad med nyid gnas pa ste// gnas su zhes par gyur pa nyid// gang du gnas med rtog pa med// khrag ces dmigs pa ci yang med// de tshe dmigs pas dmigs par snang // de na'ang med de btags bral bas// de ltar dmigs pa med pa'o// dri chu 'gro ba'i rtog pa med// de tshe kun tu 'gro bar byed// 'gro ba'i zhes pa tha snyad de// de tshe btags med rnam dag go/ thams cad kun la 'ong ba med// de nyid la ni 'ong zhes btags// de ltar 'ong bar gyur pa'i tshe// 'ong nyid dmigs su med pa'o// sha chen nam mkha' ltar dag cing // mtshon par byed kyang btags dang brang // dbyings phyug b+ha ga zhes bsnyad kyang // de las gzhan du ci'ang med// glang chen sha ni sa ltar snang // dngos su sa zhes grub pa med// spyan gyi b+ha ga dag yin te// de 'ang gzungs pas gzung ba yin// rta sha rin chen rgya mtsho chu// ma 'gas rang shar de nyid grub// bdag nyid ma'i b+ha gar snang // de nyid kho nar nges pa'o// khyi yi sha sogs ci snang yang // 'od gsal med nyid de lta bu'o// dkar mo'i b+ha ga nyid snang ste// btags dang bral ba'i btags pa'o// rma bya la sogs 'dab chags kyis// sha ni thogs med rlung las gnas// sgrol ma'i b+ha ga'i klong nyid las// gzhan med de nyid kho nas shes// ji snyed yod mthong snang grags rnams// dmigs med cha mnyam gsang ba'i klong // kun gyi bdag nyid b+ha ga nyid// de ltar snang bas de nyid nges// ji snyed 'jig rten bsam yas pa'i// me tog shing dang 'bru bcud sman/ rang rang nus mthur ldan pa kun// rtsa ba sdong po yal ga/ dang // lo ma me tog 'bras bu dang // shun phrags thang chu'i bcud bcas kun// phyag rgya chen po de bzhin nyid// sems dpa'i gtso dang sems ma'i yum// gtso dang gnyis med mnyam sbyor bas// de ltar snang ba'ang btags pa'o// sna tshogs dza gad ro mchog bcas// lus bcud sngags pa'i 'o ma dang // gser dngul zang lcags rin chen tshogs// rgya mtsho ba glang rmig rjes chu// bsam yas rdzas su bstan pa yang // khro bo khro mo yang sbrul gyis// thugs rje kun bdag sku gsung thugs// rgyan gyi 'khor los snang bas na// de nyid bdud rtsi dam par bshad// thams cad mnyam nyid kun tu bzang // ma bcos don gyi snying po ste// 'gyur med klong du zag chod na// de nyid 'chi ba'i nad bral ba'i// yang dag bdud rtsi chen por bstan// 'di don phyin ci ma log par// rtogs pa'i rnal 'byor gang yin pa// de ni skyes bu skal ba bzang // ci bsgoms ci bsgrubs ci spyad kyang // bdud rtsi nyid de sman gyi mchog/ dam pa'i bde gshegs nyid yin te// 'khor ba nyid na mya ngan 'das// srid pa nyid na rnam par grol// dug lnga nyid na bdud rtsi dbyings// rang byung ye shes mngon du shar// rang snang dkyil 'khor ma bsgoms gsal// lhun grub dang du mngon sangs rgyas// dam pa de las des don med// de las nges don bla med cig/ dus gsum rgyal bas mi brnyes so// moM hUM AmAM/ zhes gsungs so// de skad ces kun gyis brjod cing gsungs pas/ ston pa bdud rtsi gsang ba mchog gi rgyal po dang / 'khor thams cad dgongs pa gcig par gyur te// mnyam pa nyid la bzhugs so// dpal bdud rtsi bde ba chen po zhes bya ba rgyud kyi rgyal po chen po las/ chos thams cad gtan la phab ste bdud rtsir bstan pa'i le'u ste gnyis pa'o// // de nas yang sems dpa' chen po rdo rje rnon pos rang gis stan bde ba las langs te/ rang gi shes rab kyi ral gris 'khor ba thams cad rtsad bcad de// ston pa la rnal 'byor gyi cha lugs bzhin tu 'tshal te gsol ba btab pa// kye ho ston pa rdo rje 'chang // bdud rtsi gsang ba mchog gi rgyal// sems can rnams la thug brtse'i phyir// ting 'dzin dkyil 'khor dam pa dag/ bdud 'dul dpa' bos bshad du gsol// ces gsol ba dang / bcom ldan 'das kyis bka' stsal pa// nga ni thabs che thugs rjer ldan// spyod pa mchog tu gyur pas na// ting 'dzin dkyil 'khor dam pa dag/ zhus pa nga yis bshad par bya// dang po ston pa'i byang chub sems// gnyis pa la ni sa bon 'byung // gsum pa la ni gzugs rdzogs te// bzhi pas phyi rol dag tu dgod// de nas bcom ldan 'das bdud rtsi mchog gi rgyal pos ye shes la rab tu brten pa kun tu 'od zer gyi snying po zhes bya ba la snyoms par zhugs nas gzhi yi snying po 'di gsungs so// bruM/ de nas 'di skad ces gsungs so// dus gsum rgyal ba bzhugs pa'i gnas// pho brang yid bzhin rin po che// dkyil 'khor brgyad ldan sgo khang bcas// 'byung ba ri rab gdan la bzhugs// ces gsungs pas rin po che 'od kyi gzhal yas khang rang snang bar gyur to// de nas yang bcom ldan 'das kyis thugs mi rtog par snang ba chos kyi dbyings ces bya ba'i ting nge 'dzin la bzhugs nas// rdo rje'i rigs kun tu 'byung ba zhes bya ba'i snying po 'di gsungs so// hUM/ 'od kyi tshul du rab 'phros te// zhes sdang can gyi lam sbyangs nas// 'khyil lam rab 'bar rdo rje che// thugs las byung bas sems bkod nas// skur gyur lus bcom 'phro 'du yis// bdag nyid la ni sman byas so// oM badz+ra a k+Sho b+ha hUM/ dbu gsum zla ba rgyas 'dra'i mdog/ g.yas ser dmar po g.yon pa na// rdo rje 'khor lo rin chen g.yas// dril bu rigs 'khyud pad+ma dang // rgya gram sna tshogs rgyan dang ldan// byang chub sems ni kun nas gang // de nas yang shes rab kun tu rgyas pas bde bar byed pa zhes bya ba la snyoms par zhugs nas// pad+ma ltar 'dam kun tu spangs pa'i snying po 'di dag gsungs so// hUM hUM hUM hUM/ snying po phyag rgya skur rdzogs te// 'phro dang 'du ba tshul bzhin du// bdag nyid mdun g.yas rgyab g.yon du// 'khril 'khyud bde ba snyoms zhugs so// oM satwa badz+ra hUM/ dkar dang sngo dang g.yon pa dmar// g.yas pa 'khyud pas khu tshur brtan// rdo rje dang ni 'khor los brgyan// rin chen pad+ma dril bcas g.yon// rin chen rgyan dang nu mas mdzes// oM rad na badz+ra hUM/ mthing ka g.yas dkar g.yon pa dmar// dang pos pad ma'i kha 'byed cing // rin chen rdo rje g.yas gnyis na// pad+ma rgya gram 'khor lo g.yon// nu ma la sogs de bzhin no// oM d+harma badz+ra hUM/ mar me lta bu kha dog dbus// g.yas ni dung la g.yon pa mthing / me tog/ 'phreng dang pad+ma ni// g.yas kyi dang por shes par bya// rdo rje rin chen 'og ma ste// dril bu 'khor lo rgya gram gong // oM karma badz+ra hUM/ ljang dang dkar dmar dbus g.yas g.yon// mda' gzhu rgya gram g.yas dang popo// rdo rje 'khor lo 'og gnyis na// rin chen pad+ma g.yon 'og gnyis// na chung rgyan can ku tsas mdzes// 'di dag nges par bstan pa ni// za byed ma dang tshe 'phel ma// rgyas 'debs rmongs byed chen mo ste// na gzhon bkrag bzang chags tshul te// 'khyud pas bde bar bzhugs pa'o// de nas yang bcom ldan 'das kyi chos thams cad me long ltar gsal ba'i 'od ces bya ba'i ting nge 'dzin la snyoms par zhugs nas// de bzhin gshegs pa yongs su rdzogs pa zhes bya ba'i snying po 'di nyid kyi thugs gsang ba las phyung ngo // oM/ yi ge 'phro dang 'du byas pas// gti mug ngag lam bsgral byas te// 'khor los rtogs bcas sems nyid dbyings// de las snang mdzad gti mug lus// oM bai ro tsa na A~M/ snang mdzad gser mdog g.yas pa dkar// g.yon pa dmar po 'khor lo dang // rin chen pad g.yas rdo rje dang // rgya gram dril bcas nu ma 'dzin// rgyan bcas dri chen kun rgyas pa'o// de nas yang rdo rje mi 'gyur zhing brtan pa zhes bya ba la bzhugs te/ de bzhin gshegs pa rab tu mnyes par byed pa 'di nyid kyi thugs gsang ba las phyung ngo / laM/ gser dang 'dra ba'i kha dog la// thor tshags do shal sogs pas mdzes// g.yas pa dkar la g.yon pa dmar// dang po ut+pal 'dzin pas 'khyud// rdo rje spyan g.yas dril bu dang // pad+ma bi dz+ra pra ra'i shing // g.yon 'dzin gtso la mnyes byed pa'o// la ta sha ra te/ de nas bcom ldan 'das bdud rtsi mchog gi rgyal po'i mdun na/ lnga'i dkyil 'khor gyi dbus su 'khod de gsang ba'i cha yang rdzogs par mdzad do// de nas bcom ldan 'das rnam par snang mdzad/ dbye ba med pa'i tshul rdo rje snang ba/ rnam pa kun tu cha 'dzin par mdzad pa zhes bya ba'i dgongs pa la bzhugs te/ rdo rje kun bdag bkod pa zhes bya ba dang / rdo rjes 'gugs pa mngon par byed pa zhes bya ba dang / rdo rjes rjes su chags shing zhen pa zhes bya ba dang / rdo rjes kun nas dgyes pa rab tu grub pa zhes bya ba 'di dag nyid kyi thugs gsang ba las phyung ngo // hUM dza hos/ dkar po zhal gsum mthing kar dmar// rdo rje rin chen pad+ma g.yas// rgya gram kha T+wAM sdigs mdzub g.yon// rgyan dang rab ldan sems skyil krung / oM badz+ra satwa hUM/ mthing ka g.yas dkar g.yon pa dmar// lcags kyu rdo rje rin chen tog/ pad+ma kha T+wAM rgya gram g.yon// do shal gdub 'khor la sogs mdzes// oM badz+ra ra dza dz+ha/ dmar gsal g.yas dkar g.yon mthing ka/ dang po gnyis ni mda' dang gzhu// rtse gsum rgya gram gnyis g.yas 'og kha T+wAM pad sdong rgyan bcas pa'o// oM badz+ra ra ga ho/ ljang ku g.yas dkar g.yon pa ser// se gol rin chen 'phreng pad ma// mchod sbyin kha T+wAM bum pa g.yon// sna tshogs skud dang sems skyil krung // AM badz+ra sA d+ha ste/ 'di dag snang mdzad gtso bo yi// mdun g.yas g.yon dang rgyab dag tu// pad steng nyi zla'i beg tse la// dbu btud nyan par spro bas 'khod/ nas yang bcom ldan 'das kyis dbyings kun tu ma skyes par sbyor ba zhes bya ba'i ting nge 'dzin la bzhugs nas// rang gi rigs dgyes par byed pa zhes bya ba'i snying po 'di dag gsungs so// la d+hA a d+he/ dang po sgeg mo dkar btsan dmar// phyag gnyis chu shel me long dag/ 'gying tshul sku ru 'dzin pa ste// rin chen nu mas rab brgyan brjid// oM badz+ra lA se la/ gnyis pa dpal phreng mthing shun mdog/ lag gnyis rin chen sna tshogs snod// 'gying bas 'dzin cing spos rgyun 'byin// lus mnyen 'khril bag nu ma rgyas// oM badz+ra d+hU pe d+hu/ gsum pa lcags kyu byu ru'i mdog/ rdo rje lcags kyi thugs kar g.yas// g.yon pa rdo rje khu tshur skur// bag gis khros bzhin mche ba can// oM badz+ra aM gu sha aM/ bzhi pa rab tu brtan ma ste// ljang ku'i mdog la gzhon tshul can// g.yas pa ut+pal dmar thugs kar// g.yon pa bgrang 'phreng skur brten no// AM badz+ra d+he bi shra bya de d+he/ de nas yang bdud rtsi mchog gi rgyal po des thams cad mnyam pa nyid gcig tu mkhyen pa zhes bya ba'i dgongs pa la bzhugs te/ rin po che bsod nams thams cad rdzogs pa zhes bya ba'i snying po 'di nyid gsang ba'i thugs ka nas phyung ngo // sra/ yig 'brus nga rgyal dag bcom zhing // rin po che yis de sems bcos// lha men sku yis sa la bkod// sha chen rab rgyas 'byung ldan sku// oM rat+na swa b+ha ba swa/ dbu gsum in dra nI la'i mdog/ dbus 'dra g.yas dkar g.yon pa dmar// rin chen rdo rje 'khor lo g.yas// pad+ma rgya gram dril bu g.yon// rdzogs longs spyod pa'i rgyan kun ldan// sa rad na d+h+rig/ de nas yang rdo rje kun nas mnyen zhing tshim pa zhes bya ba la bzhugs te/ rin po che kun tu tshim par mdzad pa zhes bya ba 'di nyid kyi thugs gsang ba las byung ngo // maM/ rin chen mthon mthing gsal ba'i mdangs// shel 'dra rgya skyegs 'dra g.yas g.yon// bud med rab mdzes rgyan ldan zhing // rdo rje rtse gsum pad+ma dang // skyabs sbyin g.yas te klu shing dang // dung dang a 'bra'i shing thog g.yon// maM mo ha ra ti/ de dag kyang rin po ches yon tan rgyas par mdzad pas ston pa nyid kyi g.yas na sngar snang ba'i dbus su gnas te cha gnyis po rab tu rgyas par mdzad nas/ bde bar bzhugs so// de nas bcom ldan 'das rdo rje nyi ma mchog ces bya bas rang gi rigs rtag tu rgyas par spro ba zhes bya ba'i ting nge 'dzin la snyoms par bzhugs nas/ rdo rje dbang gter bar mdzad pa zhes bya ba dang / rdo rje 'od kyis ma rig pa sel ba zhes bya ba dang / rdo rje mdzod chen po bdud las rgyal ba zhes bya ba dang / rdo rje dgongs pa'i rgyud la rab tu bzhad pa ces bya ba'i snying po 'di dag nyid kyi thugs gsang ba las phyung ngo// A~M aM traM ha/ mthing ka 'od ldan dkar dmar zhal// rin chen 'bar ba rdo rje pad// g.yas na 'dzin no g.yon pa na// 'khor lo rgyas gram kha TAM 'dzin// sems dpa'i skyil krung sna tshogs brgyan// oM badz+ra rad na oM/ dmar ser rab tu bzhad pa'i zhal// g.yas dkar g.yon pa mthing nyi ma// rdo rje rin chen g.yas pad ma// kha T+wAM ral gri mdzes pa'i rgyan// sna tshogs brgyan cing 'gying bag bzhugs// oM badz+ra te tsa aM/ dmar gsal g.yas dkar g.yon pa ldang // nor bu rgyal mtshan rdo rje dang // 'khor lo g.yas pa rgya gram dang // kha T+wAM 'phreng ba g.yon na 'dzin// rna rgyan gdub bu la sogs brgyan// oM badz+ra ke du traM// pad+ma rtsa dang 'dra g.yas g.yon gnyis// ser dang dmar la so'i 'phreng // rtse 'dzin dang po g.yas dang g.yon// rin chen 'khor lo kha T+wAM pad// phyag 'dzin ha ha zhes su dgod// oM badz+ra ha sa ha/ de nas yang bcom ldan 'das kyis dbyings las kun tu nyams pa med pa med par rang gi rigs tshim par byed pa zhes bya ba'i ting nge 'dzin la snyoms par zhugs nas/ rin po che kun tu tshim zhing mnyes pa zhes bya ba'i rig pa 'di dag/ rang gi thugs gsang ba las 'byung ngo // ma pu ba rad/ mthing skya 'od 'phreng nu ma rgyas// lag gnyis rin chen sna tshogs pa'i// 'phreng ba bgying ba'i mtheb 'dzub sna// 'gro kun dbang bskur ba la mos// oM badz+ra ma le mA/ rin chen pu sha gar ltar ser// gser sogs mdzes pa'i bum snod du// pad+ma ut+pal sil mas bkang // g.yon du 'dud tshul 'thor bar byed// oM badz+ra puSh+pe pu/ nag mo khros bzhin mche ba can// mche ba bsdams dang zhags pa ni// g.yon dang g.yas pas bzung nas su// sems dpa' mnyes par mdzad la brtson// oM badz+ra pA sha pa/ zhal gcig phyag ni gnyis pa la// ma rgad ta ltar ljang la 'tsher// bdud rtsis gtams pa'i za ma tog/ thugs kar brtan pas rnam par rol// oM badz+ra rat+na ra ti raT/ de nas yang bcom ldan 'das bdud rtsi rgyal po chen pos rgyud thams cad ji lta bar so/ sor snang ba zhes bya ba'i ting nge 'dzin la snyoms par zhugs nas/ gsung kun tu rgyas pa'i pad+ma rdul dang bral ba zhes bya ba'i snying po 'di nyid kyi thugs gsang ba las phyung ngo // aM/ 'dod chags can gyi ngag yig 'brus// sems rdul med par pad ma'i 'od// me lus mtha' yas nyid kyis te// yan lag ra ga rag tas so// oM a mi de ba AM// dbu gsum mtshal gyi kha dog dang // dkar gsal g.yas la g.yon mthing ka/ pad+ma rdo rje rin chen g.yas// nu ma dril bcas rin chen dang // rgya gram g.yon pa rgyan kun rdzogs// de nas yang chags pas kun tu tshim pa zhes bya ba la bzhugs te/ pad ma kun tu tshim par mdzad pa zhes bya ba'i snying po 'di nyid kyi thugs gsang ba las phyung ngo // pyaM/ byu ru'i mdog can 'tsher ba'i mdangs// g.yas pa dkar la g.yon pa ser// pad ma'i sdong bu bum pa dang // za ma tog g.yas g.yon pa na// a ru ra yi sdong po dang // 'phreng ba dril bu rgyan bcas 'dud// oM byaM ra ga ra ti/ de gnyis kyang chags pa'i nyes pa mi mnga' ba'i sim bag gis/ ston pa nyid kyi rgyab tu lnga gnyis kyi dbus na mdzes shing sgesgresgegs pa'i rgyan rgyas par mdzad nas bag bde bar bzhugs so// de nas gar gyi dbang phyug pad+ma 'od des rang gis rigs brtan pas chags pa dang bral ba zhes bya ba'i ting nge 'dzin la bzhugs nas/ rtog pa yongs su mdzes pas rdul gsal ba zhes bya ba dang / rdo rje nyon mongs rtsad gcod pa zhes bya ba dang / rdo rje 'khor los rgyud 'grol ba zhes bya ba dang // rdo rje brjod pa bral bas rab tu brjod pa zhes bya ba'i snying po 'di dag nyid kyi thugs gsang ba las phyung ngo // hri d+haM maM raM/ dpal ldan pad rtsa lta bur dkar// pad+ma rdo rje rin chen g.yas// 'khor lo kha T+wAM ral gri g.yon// rab tu mdzes pa'i bus pa'i rgyan// 'od 'phros sems dpa'i skyil mo krung // oM badz+ra d+harma hri/ skra sngo zhal gyi dbus kyang sngo// g.yas pa dkar la dmar po g.yon// ral gri s+pho ti dang po gnyis// rdo rje kha T+wAM bar na 'dzin// 'khor lo rin chen za ma na// rgyun la sogs pa de bzhin no// oM badz+ra tig sna d+haM/ pad+ma dmar po'i 'dab 'dra dbus// g.yas pa dkar la g.yon pa sngo// 'khor lo nu ma bcas dang po// snye ma rin chen za ma tog/ pad+ma kha T+wAM ral gri g.yon// oM badz+ra b+ha sha maM/ dbus gsum ldang ku rab tu mdzes// dbus 'dra g.yas dkar g.yon pa nag/ rdo rje ljags bcas nu ma g.yas// dbyug pa rin chen 'phreng 'og gnyis// rgya gram kha T+wAM ral gri g.yon// oM badz+ra b+ha sha ram/ de nas yang bcom ldan 'das kyis dbyings brjod pa med pas/ chags pa kun tu stob pa zhes bya ba'i ting nge 'dzin la bzhugs nas/ chags pas nye bar dgyes pa stob pa zhes bya ba'i snying po 'di rang gi thugs gsang ba'i klong nas phyang ngo // gI a s+pho ra Ta/ phyi ru bcag pa'i sku dang zhal// pi wang 'dzin cing 'gying ba'i tshul// tshangs pa'i dbyangs kyi glu len cing // sems dpa' la ni btud de gnas// oM badz+ra gir ti gi/ dmar la mdangs ni shin tu gsal// g.yas pa skyabs sbyin phyag rgya la// g.yon pa mun sel mar me sdong // pad+ma ra ga'i 'phreng bas brgyan// oM badz+ra A lo ke a/ dmar la yid tsam gnag pa'i mdangs// dag gis bros bzhin lcags kyu ni// dam du bsdams te nu gnyis brgyan// g.yon brkyang nyi steng 'khyud pa'o// oM badz+ra pho Ta paM/ ljang khu ldem bag yid gdangs dmar// nu ma dang ni sha kun rgyas/ khar bsil kha T+wAM g.yas g.yon du// bzung nas sems dpa' mnyes la brtson// oM badz+ra ra ga ra ti raT/ de nas yang bcom ldan 'das bdud rtsi mchog gi rgyal po des 'gro ba thams cad la nan tan du bde bas bde bar byed pa zhes bya ba'i dgongs pa la snyoms par zhugs nas/ mos pa sna tshogs gtan la 'bebs pa'i las rab tu gyur pa zhes bya ba'i rig pa dam pa 'di nyid kyi thugs gsang ba las phyung ngo // ha/ phrag dog can ngag yi ges sbyangs// rgya gram gyis sems las rigs btsud// sku'i lus kun bsgral byo song // thams cad kun tu dri chus sbyangs// oM a mo g+ha sid+ha hi/ in dra nI la'i mdog ldan zhing // dbu gsum dbus 'dra g.yas pa dkar// g.yon pa rgya skyegs dang 'dra 'od// ral gri rdo rje 'khor lo g.yas// dril bu rin chen pad g.yon te// rdo rje snying pos rgyan kun byas// de nas yang rnam par cing yang snang ba'i las snang bar byed pa zhes bya ba la bzhugs nas/ yang dag par 'dren pa snang ba'i rgyan ces bya ba'i rig pa dam pa 'di nyid kyi thugs gsang ba las phyung ngo // tAM/ rab tu 'tsher zhing ljang khu'i mdog/ g.yas pa dkar la g.yon pa nag/ pad ma'i sdong bu pa tra bcas// 'khyud cing de 'og 'phreng ba tog/ ro'i snod dang lcug ma dung // b+ha ga rlan bcas bgrad tshul bzhugs// taM badz+ra ra ga ra ti taM/ de gnyis kyang las bzhis 'dul zhing lngas sbyor ba la brtsol ba'i stobs dang ldan pas/ gtso bo'i g.yon phyogs su tshom bu lnga'i dbus ma la longs spyod chen po'i rgyan du mas rab tu brgyan cing / gnyis pa'i yan lag rab tu mdzes pas nyid la nyid ched du ngam zhing mdangs phyung nas bzhugs so// de nas thogs pa med pa'i las rgya mtsho chen po des tshogs kyi dkyil 'khor yongs su smin pa zhes bya ba'i ting nge 'dzin la snyoms par bzhugs nas/ rdo rje las sna tshogs mthar 'byin pa zhes bya ba dang / rdo rje srin pos gdug pa can kun tu za bar byed pa zhes bya ba dang / rdo rjes bsnyengs pa thams cad kyi tshogs las rab tu rgyal ba dang / rdo rje brtan pas mi 'gyur bar byed pa sgyu ma lta bu zhes bya ba'i snying po 'di dag nyid kyi thugs gsang ba'i dbyings las phyung ngo // kAM hUM aM maM/ ljang khu zhal gyi dbus dang 'dra// g.yas dkar bzhad tshul g.yon pa dmar// g.yas kyi dang po rgya gram bsnams// rdo rje rin chen g.yas 'og gnyis// gser 'phreng thugs kar g.yon dang pos/ kha T+wAM ral gri rgyan bcas mdun// oM badz+ra karma kaM/ mthing nag dbus la g.yas dkar dmar// g.yon te dang po mche ba dang // 'khor lo rin chen g.yas rims bzhin// pad+ma kha T+wAM rgya gram g.yon// mdzes spras klubs pas brgyan pa'o// oM badz+ra ya k+Sha haM/ ser la gdong nag dbus la g.yas// dkar la g.yon pa ljang ku khros// rdo rje go cha brtan g.yas dang // rin chen 'phreng dang pad ma'i sdong // 'khor lo kha T+wAM dbyig pa g.yon// oM badz+ra ra k+Sha aM/ ljang nag dbus la g.yas g.yon gnyis// gser dang pad+ma ra ga 'dra// dang po gnyis ni rdo rje yi// khu tshur brtan dang rdo rje dang // rin chen g.yas la kha T+wAM pad// oM badz+ra san d+hi maM/ de nas yang bcom ldan 'das kyis dbyings mtshan ma med cing 'od gsal ba las rnams bde ba zhes bya ba'i ting nge 'dzin la bzhugs nas/ dga' ba chen po las yongs su tshim pa zhes bya ba'i snying po 'di dag rang gi thugs gsang ba'i dkyil 'khor nas phyung ngo // nir ga g+ha ta/ i NA nI la ltar ldang zhing // rab tu 'gying bas lus bcus te// lag gnyis gar bsgyur spyi bor 'grol// sha dang nu ma zla rgyas bzhin// oM badz+ra nir Ti Nir/ ser ldang 'od 'bar gzhon tshul chags// g.yas pa sbom po dbang sbyar brkyang // g.yon pa dung chos dri yi chus// bkang nas 'thor zhing 'jug la brtson// oM badz+ra gan da ga/ gser ltar snang zhing gsang ba'i sgra// sgrogs pas shes rab pha rol phyin// dril bu tshangs pa'i gsung 'byin pa// g.yas pas thugs kar g.yon pa skur// oM badz+ra gan de g+ha/ ser skya chags pa'i bzhugs pas bzhugs// spyan dang sman ma'i dkyus ring gzigs// nA ga ge gsar me tog g.yas// g.yon pa sgrom bu bzung nas 'khyud// oM badz+ra ra ti ga/ de nas yang bcom ldan 'das bdud rtsi mchog gi rgyal po des thams cad du rnam par rgyal bas rtog pa rab tu sel ba zhes bya ba'i ting 'dzin la bzhugs nas/ nyon mongs pa 'joms pa rab tu 'joms pa'i gshed ces bya ba dang / 'chi bdag rab tu gnon pa'i stobs ces bya ba dang / phung po zad par sbyong ba'i mgrin zhes bya ba dang / lha rnams stobs rnam par 'joms par byed cing 'khyil pa zhes bya ba'i snying po 'di dag gsungs so// a ma ha A/ rab tu khros bzhin mthing nag mche ba can// g.yas pa'i zhal dkar g.yon pa dmar la rngam// rdo rje drag po kha T+wAM thod dbyug g.yas// sdigs mdzub tho ba zhags pa g.yon pa'i phyag/ thod pa sbrul dang nyi zla'i rna chas brgyan// gsus khyim rab tu bshal zhing g.yas brkyang bzhugs// oM ya man ta krid a/ smin ma'i dbus bsdus spyan gsum bzlog nas gzigs// g.yas dkar zhi tshul g.yon pa dmar la rngam// dbus ma dmar nag zhal gdangs mche ba gtsigs// mi mgos 'joms tshul tri shul rgyu zhags g.yas// thod khrag ral gri sti ra'i dbyug pa g.yon// hUM dang phaT ces ljags kyi rtse nas 'don// oM pra dz+nyA na ta krid ma/ rta mchog rdo rje dbus ni dmar nag bzhad// g.yas pa dkar la 'tsher ba'i gsung dang ldan// g.yon pa ut+pal sngon po rgyas 'dra rngam// thod sprul zhing dbyug sbrul gyi zhags pa g.yas// dung khrag gri dang ral gri g.yon pa na// dur khrod rgyan ldan g.yon pa brkyang nas so// oM pad+ma kri da ha/ bgegs 'joms dpa' bo'ang gsum gyi zhal phyag drug/ dbus ma ldang nag g.yas ser g.yon pa dmar// dbu skra gyen brdzes stag sham glang chen lpags// rdo rje rgya gram rtse lnga rde'u chung g.yas// dug khrag kha T+wAM ba dan gsum pa'i phyag/ thod pa ser la dbu dang gdu bus mdzes// oM big nan ta krid a/ de nas yang bcom ldan 'das kyis rang bzhin gyis khyab pas bsdu ba sdud pa zhes bya ba'i ting nge 'dzin la snyoms par zhugs te/ byams pas 'gugs pa zhes bya ba dang / snying rje 'ching ba zhes bya ba dang / dga' bas sdom pa zhes bya ba dang / btang snyoms kyi dgyes par byed pa zhes bya ba 'di nyid kyi thugs gsang ba las phyung ngo // dzaHhUM baM ho/ dkar mo spyan gsum bag gis khros// g.yas brkyang tshul gyis nyi ma mnan// rdo rje lcags kyu g.yas pas su// thugs kar bzung nas 'debs tshul du// g.yon pa rdo rje khu tshur skur// oM badz+ra mu ti dza/ mthing nag spyan gsum 'dri tshul lta// g.yas pa rdo rje zhags pa sdog/ g.yon pa phag chen mche ba gtsigs// srin po'i ngag gis hUM zhes sgrogs// g.yon brkyang ba yi gnas pas gnas// oM badz+ra mu sti hUM/ kun sdom zhes pa'i dga' ba'i bdag/ dmar nag rab tu spyan bgrad de// nyi ma zla bas brgyan pa yi// lcags sgrogs 'dzin pas rab tu dgyes// 'thun pa'i stabs kyis nub tu'o// oM badz+ra mu sti baM// dgyes par byed pa ljang ku'i mdog/ sha tshugs rlugs la nu ma bshal// dril bu tshangs pa'i dbyangs ldan g.yas// g.yon pa pad snod rgya gram bcas// byang sgo bzang po'i stobs kyis bzhugs// oM badz+ra mu sti ho/ thabs rnams zhal gsum phyag drug la// shes rab zhal gcig gnyis pa'i phyag/ pho dang mo yi rgyan gyis brgyan// dbang po mchog dang kha spus phye/ kha spu med dang nu ma dang / gsang ba'i dbang pos ma lus phye// mi 'jigs pa dang stobs dang ni// rdzu 'phrul dbang dang thogs med dang // rin chen khri rkang nyi zla dang // pad ma'i gdan la gtso bzhugs pa// dbus su lnga dang bzhi gnyis gnyis// mnyam pa'i skyil krung brtan pas bzhugs// mdun nas 'khril te 'khyud tshul brtan// pad ma zla ba glod brtan la// sems dpa'i skyil krung zla rgyab sten// pad+ma nyi zla'i stan la ni// sems ma mnyen lcug 'khril 'khyud ldem// rdo rje brag chen nyi ma la/ khro bo g.yas brkyang khro mo g.yon// me long dbus na khros bzhin no// de nas yang bcom ldan 'das kyis 'di skad ces brjod pa med par sgra bka' stsal to// e ma'o ci yang dmigs med brjod bral cir yang mi rtog dbyings nyid la// rgyu dang rkyen bral rang snang dkyil 'khor rang byung brtsal med ngang la snang / kha dog dbyibs dang mtshon cha dag dang rgyan rnams tha da cir yang snang // snang ba nyid na don nyid mtshon te de nyid de ltar snang la snang tsam nyid na de las gzhan ma yin/ de ltar 'gro gang mos la de kho na nyid de dag gis su rtogs par bya phyir de bshad do// zhes gsungs pas nam mkha'i mtha' klas pa thams cad rang byung bdud rtsi lnga'i dkyil 'khor du rang snang bar gyur to// dpal bdud rtsi bde ba chen po zhes bya ba rgyud kyi rgyal po chen po las/ sku gsungs thugs nyid ting nge 'dzin gyi dkyil 'khor rnam par spros te bkod pa zhes bya ba'i le'u ste gsum pa'o// // de nas yang sems dpa' chen po rdo rje rnon pos/ rang gi stan bde ba las langs te/ lan brgya phrag du mar rnal 'byor gyi phyag ston pa la 'tshal te/ 'di skad ces gsol to// bcom ldan dpa' bo thugs rje can// bdag cag rmongs la 'aka' drin gsungs// chos nyid bya btsal bral ba nyid// mtshon phyir ting nge 'dzin gsungs pa de// gang zhes rtogs par ma gyur na// mtshan ma'i dkyil 'khor dam pa dag/ brtse bas bshad par mdzad du gsol// de skad gsol pa gsan nas kyang // bcom ldan ston pas bka' stsal pa// thugs rje sngon du btang zin pas/ phyi nas bskyab tu med mod kyang // mi shes rmongs pa la bstan phyir// phyi rol rdul tshon dkyil 'khor bshad// dang por dam pa bshad pa la// bla ma'i mtshan nyid rab tu gces// slob dpon dbang thob dam tshig can// rgyud kyi don la rab tu mkhas// lta ba yangs shing spyod pa zhig/ dkyil 'khor bri ba'i las la bzo// sman gyi gtsug lag mthar phyin cing // ci la'ang ma rmongs shes rab che// rang gi rigs ldan thabs mkhas pas// dkyil 'khor bri ba'i las bya ste// bdag 'dra 'am cung zad dman kyang rung // bzod ldan drang la g.yo sgyu med// dbang po tshang dang yan lag bde// kun la byams pa'i grogs mchog bde// kun shes kun gyi bdag nyid gtso// kun byed kun la ma rmongs pa'i// thams cad gtsang sme med pa za// dpa' zhing brtul zhugs mchog dang ldan// skyon drug rnam par spangs pa yi// mi phyed dgur ldan gtsang sbra can// dam tshig thams cad ma nyams pas// yang nas yang du gsol gdab pa// rdzas la sogs pa mnyes byas la'o// de nas gnas mchog btsal bya pab// ri rtse nyams dga' mdangs sdug pa'i// yid 'ong gnas su bya ba ni// shing dang nags kyi lha mo'i gnas// drang srong rnams kyis bsgrubs sa 'am// 'phra men ma'i sbyor sa 'am// rtsi sman 'khrungs pa'i sa phyogs sam// ri bor sman ljongs can dan tshal// nags kyi gseb bam chu ngogs sam// brag phug stong pa'i thibs po'am// bkra shis yid dga'i sa phyogs ni// mnyam zhing snum pa'i sa snag can// zug rdo srin brag med pa'i gnas// tshwa sgo sa dang ba tsha med// ma grub ma gas mnyam po la// sgrub pa'i gnas mchog der bya'o// rab tu brtags pa'i gnas mchog der// bslang ngam nyi 'am dbang byas nas// spyan dang bslang dang sbyar byas te// byin brlabs bskrad nas brtan brtags pas// sa de rgyal ba'i zhing du bya// rin chen bum pa ma nyams par// sman lnga 'bru lnga snying po lnga// rin chen lnga dang bza' btung dang // bcud kyis gtams nas sba bar bya// rab tu cha mnyam dkyil 'khor la// dri lngas byugs te sta gon bya// phyi nang khyams kyi cha rnams su// dri zhim me tog rab gtor te// bdag po'i gsang sngags bzla ba ni// brgya rtsa brgyad dam nyi shu gcig/ yang na bdun du bzlas bya'o// bla bre gdugs dang ba dan bcas// rgyal mtshan phyogs mtshams rnams su bre// me tog 'phreng dang mu tig 'phreng // dar gyi chun po g.yer ka dang // sil sil sgra rnams gdags pa dang // me long rnga yab de bzhin no// de nas rnal 'byor 'khrus byas te// mi 'chi lnga yis lugs byugs te// lha yi bsam gtan la gnas pas// rgyal ba rnams la snyan cha gsol// slob ma la yang khrus byas te// gtsang ma'i sems kyis sems bskyed bya// pus btsugs thal sbyar sman sems kyis// bla ma la yang gsol ba gdab// dri chus snying khar byugs nas ni// hUM gis mna' yis snying po bsgag/ sku sha tshems shing bsrung skud sbyin// dge dang mi dge brtag par bya// gser dngul rin chen las byas pa'ang // tha na'ang khams las byas te// phyag rgya ldan pa gas chag med// sna tshogs yo byad ldan byas te// ras dkar dag gam yang na lngas// bcing zhing me tog 'phreng ba gdags// rnam rgyal bum pa bkra shis rdzas// lo mas kha yang dgab par bya// lhag ma re re 'am yang na spyir// gcig gis byas kyang gnang bar bshad// de nas blo ldan rnal 'byor pas// gsal ba'i bsnyen pa bya ba ni// 'bum phrag bdun nam khri gsum mam// yang na lo gcig zla ba drug/ so sor bsnyen pa khas blangs dang // mtshan ma brtan par gyur kyi bar// rnam pa gsum gyis bzlas mchod 'bad// ras bal rab tu mdzes pa la// bsgrims te gsum pa kha dog lnga// yig 'brus bskyed la bkug bstims te// brtan par gyur dang phye ma'i gzugs// rdul phran las ni srad bur byas// ye shes gzugs su brtan byas la// bsgril nas gcig tu gyur pa dang // bde ba'i thig mchog gdab par bya// oM badz+ra sa ma ya sU tra ma ti kra ma a mr-i ta maN+Dal hUM/ shar nas nub tu brgyang ba dang // de nas lho dang byang du gdab// phyogs mtshams rab tu mnyam pa la// thig gi dbye bas cha bsnyams te// brgyad btab sa brgyad mngon par 'grub// ka ba brgyad dang ldan pa yis// cha dgu pa ru snyoms par bya// gru bzhi khyams dang yang dag ldan// sgo bzhi sgo khang dag dang bcas// sna tshogs mdzes pa'i rgyan gyi sa// thams cad kun tu snyoms pa ni// lhag pa chad pa med par bya// de nas gser sogs rin chen lnga// bdar cing gtubs te phyar byas pa 'am// yang na sA lu phyer brdungs nas// mthing shun la sogs btsos byas te// mdzes pa'i kha dog lngar byas pa'am// tha ma 'ang rdo sogs kha dog lnga// phyir btags ras la sbyar byas nas// yang na nyi shu lngar byas te// dkyil 'khor dag la bde bar dgye// nyi ma zla ba g.yas dang g.yon// ma dang Ta las bskyes nas kyang // rdzi ma bkug pas drang bar bya// rang rang kha dog ldan pa yi// yi ge 'phreng ba lnga las ni// gyur pa'i ye shes tshon rtsi lngar// byas te mchod nas bstod cing bzlas// oM badz+ra tsit+ta sa ma ye a mr-i ta maN+Dal ma hA sa ma ya hUM// de nas sa gzhi dag pa la// cha rnams bgos te thig gdab pa// srad pu 'jur mdud med pa yis// bdud rtsi lnga dang bsres nas ni// khu bas rab tu 'dzin par bya// 'khor lo la sogs sngar gyi bzhin// rim pas ma nor brtags byas te// de nas tshon rtsi dgye bar brtsams// dang por bla ma slob dpon de// lha mo dag dang lhan cig tu// snyoms par gnas nas g.yas g.yon gyi// mtheb mdzub bar nas drang bar bya// dkar po ser dang ljang khu dang // de nas dmar dang nag po rnams// lnga yi rim pas yang dag bshad// re'u cha dkar po che snyam la// nyi ma'i gdan lnga bstar ba ni// dbus ma'i cha la rdzogs pa ru// gtso dang gzungs mas bri bar bya// shar du ser po bri bar bya// lho na sngon po nub tu dmar// byang na an+di lta bur ldang // mtshams bzhir rigs kyi kha dog ldan// shar gyi khyams la sogs pa yang // rang rang rigs kyi kha dog ldan// sgo khang bzhi dang yang dag bcas// 'dod pa'i yon tan rin chen 'phreng // dra ba dra ba phyed pa dang // dril bu g.yer kha dar dang bcas// tA ra Na dang rta babs dang // rdo rje 'phreng bar yang dag ldan// 'od dpung bskal pa'i me 'bar ba// bya skad 'don pa'i rdzing bur bcas// sna tshogs rgyan dang ldan pa bri// dbus su rdo rje chen po sngon// shar du 'khor lo dkar la gsal// lho ru rin chen gser gyi mdog/ pad+ma ra ga'i mdog 'dra nub// rgya gram ljang khu byang du ste// dbus kyi re'u cha dbus nyid la'o// shar gyi re'u cha'i phyogs bzhi dang // dbus nyid du'ang 'khor lo dang // ut+pal bsdams 'khyud bri bar bya// rdo rje dang ni me long bdun// lcags kyu spos me bcas pa g.yas// mda' dang lcags kyu g.yon du bri// se gol dang ni ut+pal rgyab// lho'i dbus su bri ba ni// rin chen rdo rje rtse gsum mo// rin chen 'bar ba 'phreng ba bdun// nyi ma me tog gzhong pa g.yas// rgyal mtshan dang ni zhags pa g.yon// so 'phreng za ma tog ni rgyab// re'u cha nub kyi dbus nyid du// pad+ma pad+ma'i sdong bu bri// pad+ma dkar po'i pi wang mdun// ral gri mar me'i sdong bu g.yas// 'khor lo dang ni lcags sgrog g.yon// rdo rje lce dang 'khar gsil rgyab// byang dbus bri ba'i phyag rgya ni// ral gri pad ma'i pa tra'o// rgya gram dang ni gar sbyar mdun// mche ba dang ni byug pa g.yas// rdo rje go dang dril bu g.yon// khu tshur brtan na klu shing rgyab// shar sgo bri ba'i phyag rgya ni// rdo rje lcags kyu bri bar bya// lhor ni mi mgo'i zhags pa'o// thod sbrul lcags sgrog nub tu'o// byang du rgya gram dril bu bri// tA ra Na yi g.yas g.yon du// sman dang shing dang me tog dang // rtsi dang bcud dang zil mngar dang // 'bru dang chang dang 'o ma chu// de kun dbang byed lha mo dang // lha dang klu yi rigs 'dzin dang // mi dang drang srong gnod sbyin gyi// dus gsum rgyal ba'i gdung 'tsho ba kun// gsang ba'i snod du byas pa rnams// ming ngam brda 'am mtshan ma 'am// phyag mtshan du yag bri bar bya// de ltar phyag rgya bkod pa yang // re re zhing ni yig 'bru las// chu bur lta bur bskyed byas te// thugs ka 'am gsang ba las phyung la// bstims ste gnyis su med par bya'o// yang na rnal 'byor rjes mthun par// byas te ga bu las phab la// gdan la bzhugs par bya zhes gsungs// rjes su rnal 'byor rdzogs byas nas// gur kum lde gus rdzogs byas nas// de yi phyi nas byugs pa gzhan// de rjes yon chab rdzas la sogs// sna tshogs pas ni mnyes par bya// sgra dang rol mo la sogs pa// bye brag mang pos re re mchod// brgya 'am stong las lhag pa'i spos// me tog gzhong pa mar mer bcas// zhal zas kyi ni rnam grangs dang // 'khur ba la tu nya sha dang // btsong dang sgog skya chan sna tshogs// sha dang tshil bu rkang dang zhag/ btsos bsregs skam po rlon par byas// mchod pa'i phyir na btung ba mchog/ ro yi dam pa dza gad kyis// snod mchog bkang la 'khor bar dgram// rnga dang rdza rnga rnga bo che// rnga rings ti mi la dang dung // pi wang gling bu ker ko ta// cha lang tsa shing ka ba ste// gar dang rab tu mnyes pa'i gar// rkang pa sgyur dang lag pa sgyur// kun la khyab pa bdud rtsi lnga// g.yas su 'khor ba rab bskor te// dkyil 'khor bskor te dgram par bya// rab tu sgrub la brtson bya'i phyir// gling bu bud cing glu blangs te// yang nas yang du bskor bya zhing / brgya 'am nyi shu rtsa gcig bzlas// chad dam nyes pa sor gzhug cing // lhag pa hUM bzlas dbyi bar bya// de nas rol mo sna tshogs kyis// drangs te bum pa dgod bya ba// shar sgo'i ngos su rnam par rgyal// ras kyi steng du bzhag pa 'am// yang na rin chen khri la'o// las kun byed pa byang shar mtshams// lhag ma rang rang dag gi phyogs// phyi rol bum pa gang ba bkod// bdud rtsi rnam pa lnga rnams ni// snod kyi mchog ni bkang byas te// mtshams bzhir gzhag cing gtso bo'i snod// rnam rgyal bum pa'i steng du bzhag/ de ltar nan tan rab bskyed de// rdul tshon dkyil 'khor bri bar bya'o// dpal bdud rtsi bde ba chen po zhes bya ba rgyud kyi rgyal po chen po las// gzugs brnyan gyi dkyil 'khor bri bar bstan pa'i le'u ste bzhi pa'o// // de nas yang byang chub sems dpa' chen po rdo rje rnon po de nyid kyis// ston pa 'khor dang bcas pa la mchod pa'i ling long mang pos lan brgya stong du mchod pa byas te thal mo sbyar nas 'di skad ces gsol to// bcom ldan 'das dpa' bo chen po thabs kyi bdag nyid/ mchod pa dam pa ci lta bu zhig gis mchod par bgyi lags bka' stsal du gsol/ ston pas bka' stsal pa/ chos nyid byang chub sems chen po// rang bzhin 'od gsal bde ba che// rnam rtog rdul gyis ma gos pa// kun la khyab cing 'dod dgur bsgyur// dbang sgyur dbang phyug chen po des// kun tshim kun la khyab pas na// mchod pa'i mchog tu de bshad do// rang rig gsal ba'i ye shes ni// mchod pa kun gyi mchog yin te// thams cad dpag gis mi lang bas// rgyal ba kun la rab tu mchod// oM sarba ta thA ga ta pu tsa badz+ra swa b+ha ba Ad ma ko haM/ mchod bya mchod byed tha snyad spangs// nga dang nga yi rtogs bral ba'i// bde chen gsang ba'i mchod pa ste// thabs mkhas rtog pa rab spangs nas// gsang ba snyoms pa'i mchod pas mchod// oM hUM bde ba chen po bde chen snyoms 'jug pas// gsang ba las byung de ni rab mchog rgyal ba mnyes// rab tu dgyes par 'gyur ba chags rab dga' ba kun dang mnyam par sbyor// dkyil 'khor kun tu rab mnyes rab tu dgyes par mdzad par gyur to// de nas yang rab tu dam pas tshig 'di skad ces gsungs so// de bzhin gshegs pa thams cad kun// rab tu mnyes par 'gyur ba la// kun tu bsngags par gyur pa ni// dga' bas kun khyab mchod yon dbul// byang chub yan lag mnyes pas na// me tog zhabs la dbul bar bya// kun tu tshims pas rab mnyes pas// spos ni shangs dang gsang bar dbul// shes rab gsal bas mun sel bas// mar me 'od kyi dkyil 'khor du// tshul khrims kyis ni tshims pas na// dri chab thugs kar byug par bya// btang snyoms lhun gyis grub sbyor bar// zhal zas ljags la tshim par bya// gzugs rnams spyan dang sgra rnams snyan// dri ni shangs la dbul bar bya/ kha mngar ro ni ljags la dbul// reg bya lus kyi gnas kun tu// chos kun bde bar tshim byed sems// gdugs ni dbu yi dkyil 'khor la// rgyal mtshan sku la bstab pa'o// bla re 'od kyi dkyil 'khor la// 'phreng ba rin chen 'phreng ba dang // me tog 'phreng dang sna tshogs pa// dpral bar thod tshul dag tu bcing // dar dpyangs snyan cha ltag tu dpyang // snyan cha snyan gyi gong dang 'og/ ze'u 'dir dang ni dbu brgyan dbu// mdun rgyan sa yi 'khor yug tu// rin chen sil ma zang mar brdal// za ma tog dang rin chen sgrom// phung po mig mangs ris su bri// bye mar brdal la gcal du bkram// grang zhing bsil 'jam reg gnyen mdang // bya skad snyan sgrogs tshangs pa'i gsung // bar bar dag tu ljon pa'i shing // me tog 'bras bu lo mar bcas// g.yer ka dar gyi rnam pa la// shes rab rlung gis bskyod pa rnams// rdul phran tsam du bkod pa'o// dpung rgyan do shal se mo do// phyag dang zhabs kyi gdu bu rnams// so so'i gnas su dbul zhing gdags// 'jam mnyen reg na bde ba'i gos// stod dkris la dang ba ti dang // za bug tshig dgu la sogs pa// rang rang bde ba'i gnas su dbul// btung ba dri dang bcud dang chang // shing gi bcud mchog sa la'i khu// dam pa'i zas bcud gnyis po dang // ro yi btung ba ji snyed pa// gsung gi rdo rje gnas su bstim// byang chub sems ni thugs kar ro// dri chen dpral bar dbul bar bya// pad+ma rag ta gsung la'o// sha ni lte ba dag tu bya// dri chu gsang ba'i gnas su bstim// sha chen thugs kyi rdo rje mnyes// glang po'i shas ni sku rdo rje/ khyi shas gsung gi rdo rje la// rta yis yon tan mchog tu 'grub// bya ni las kyi rdo rje la// gzhan yang mchod pa'i khyad par ni// rang gi rigs la dbul bya ste// thams cad bdag nyid chen po yis// thugs kyi dbyings su bstim pa ni// mchod pa bla na med pa'o// nam mkha' bde ba'i dbyings nyid du// nam mkha' khyab byed dbyer med thim// nam mkha' la gnas nam mkha' ni// nam mkha'i ngang du bde chen thim// dper na dri za'i grong khyer ni// mkha' 'am sa gzhi ri ngos sam/ brag gam chu la snang ba la// char gyi rgyun nam na bun nam// sbugs sil rgyun dag byung ngam khyab// bab bam kun tu brlan byas na// zos sam 'thungs sam spyad pa dag/ cung zad tsam ni med mod kyang // de dag gis ni lus dang ngag/ lus bde yang dag thob par 'dra// de ltar mchod pa'i rdzas dang gnas// dbul ba'i thabs sogs de ltar spyad// hUM gis sbyangs la AHgis spel// oM gyis 'dod dgur thams cad bsgyur// de nas rgyal ba kun bdag mnyes// rab tu tshim par ngas bshad do// traM las gyur pa'i 'od kyis ni// rin po che'i tshogs byin rlabs// dbu rgyan la sogs sku'i rgyan// gzi brjid snying po'i phung po haM// dar dpyangs ho las rab tu bskyed// do shal se mo do la sogs// paM las byung bar bya zhes bshad// dar gyi stod smad na bza' rnams// kaM dang byaM la sogs pa'o// bza' ba'i tshogs ni hUM nyid la// au ni yongs su gyur pa las// cang la sogs pa rab tu dbul// mchod yon a dang spos me tu// pU las me tog pa ma las su// mar mer byin brlabs dbul bar bya// g+ha las dri'i rgyan dbyung zhing // shaM las lha bshos yang na 'dra// hUM gis byang chub sems su bya// oM gyis dri chen swa las sha/ A~M ni pad ma rag ta'o// ha yis dri chu byin gyis brlab// mAM gis sha chen laM gyis su// glang po'i sha ni byin brlab bya// maM gis rta sha pyaM gyis su/ khyi sha taM gyis bya'i sha// byin rlabs rab tu brtan par bshad// rU yis gzugs sdug lha'i byad// g+ha yis sgra'i tshogs brlab bo// ti las dra'i rnam pa'o// paM las ro rnams mnyes phyir brlab// sham las yang na b+ha las su// reg bya gang yang rung ba brlab// sa gzhi rnams ni su las su// paM las rdzing bu che phra rnams// rin chen phung po sil ma'i tshogs/ khams las gyur pa bya zhes bshad// dpag bsam shing dang tsu da dag/ lcug phran yal ga bcas pa rnams// baM gis nye bar sbyangs par bshad// rta dang glang po'i khyu dag ni// bran dang bcas pa thams cad kun// tsam las byung ba'i sprin dpung tsam// rgyal ba rab tu mnyes par bya// de nas lha mo 'am mi mo 'am/ klu mo 'am byin brlabs tshul lta bur// byas te rab tu sbyar nas su// mnyen pas rab tu mnyes par bya// oM b+ha ga ne rod d+ha pad+ma rag ta/ badz+ra ne rod ta bo d+he tsid+ha ma hA g+hu h+ya pu tsa mA ha pu tsa hUM hUM/ gar gyi rnam par rol pa yis// bdag gi dkyil 'khor mchod par bya// lus ni rdo rje mi bskyod pa// hUM las phra rab rdul gyis bkang // lag g.yas de bzhin gshegs pa ste// oM las rnam par snang mdzad do// rkang g.yas rin chen 'byung ldan no// swa las phra rab rdul phran dgod// lag g.yon snang ba mtha' yas kyi// rdul phran aM las pad ma'i rigs// las kyi rigs ni rkang pa g.yon// ha las don yod grub pa ste// shes rab tshogs dang bcas pa'o// lag g.yas phyar te g.yon bshal mnan// mgo bo yid tsam g.yon du btud// 'phar dang gsig dang brtan sprugs na// des ni rgyal ba rgya mtsho mnyes// oM badz+ra karma tsa tur ku ru ni ra t+ya ha haM hUM dza phaT ka ra// de bzhin rkang g.yas phyar te gcu// g.yon pa sa la brdab cig mnan// lan gsum bya ba de bzhin gshegs// thams cad du ni zhi pa 'grub// oM pud+d+ha shan ting sarba ta ma tha he he tra ta ka ra na pa he hUM hUM phaT ka ra/ rkang pa g.yas pas g.yon pa gnan// lag pa gnyis kyang bzlog nas brkyang // mgo lus gsig cing 'dar ba'i tshul// tha mar thal brdab rgyas pa'o// oM rad na puSh+Ti sarba n+ya ta ku ru te b+ha ba he du he hUM hUM phaT ka ra// lag g.yon phyar nas cung zad brjid// mig gnyis chags tshul smin ma bsgyur// rkang gnyis rting sprad sor mo dgyed// 'phyongs shing gar bskur dbang du 'gyur// oM pad+ma mo ha na sarba staM b+ha ri ku ru te ha ha ha du hUM paM phaT ka ra/ rkang pa g.yon pa gyen du 'degs// g.yas pa sa brtan rab tu brkyang // lag gnyis thal mo brdab cing brkyang // khros pas 'bri tshugs drag po 'grub// oM karma mA ra na yA sarba ma ra du pra be sha yA phaT hUM hUM phaT ka ra/ dang bas lus rnams rab tu gsig/ lag pa gyen du sbyar nas bgreng // rkang pa bcus la res mod bstan// gsang ba'i mi mngon rgyas btab la// phaT kyi sgra ni drag tu bsgrags// pad+ma'i phyag rgya smin mar bcing / khros nas rab tu bkrol bar bya'o// de ltar mchod pa'i sprin spros la// rgyal ba bdag gi tshogs bcas la// rab tu dgyes pas mnyes bya'i phyir// gsang sngags lan gsum brjod cing dbul// au ba hUM pu tsa ma hA pU dza/ de bi pU dza/ gu h+ye pU tsa/ g+hu na pU dza/ sta na pU dza/ maM sa pU dza/ rag ta pU dza/ tsit+ta pU dza/ ba su ta pU dza/ ma tsa pU dza/ me tsa pU dza sarba ta thA ga ta badz+ra pra ti dza man khA khA le la ha ho haM/ zhes gsungs pas/ phyogs bcu nam mkha'i mthas klas pa'i bde bar gshegs pa zhing gi rdul phra rab snyed mnyes par gyur to// dpal bdud rtsi bde ba chen po zhes bya ba// rgyud kyi rgyal po chen po las/ mnyes pa'i mchod pa stan pa'i le'u ste lnga pa'o// // de nas yang bcom ldan 'das bdud rtsi mchog gi rgyal po chen po des/ thams cad gnyis su med par byin gyis rlob pa dbang bsgyur zhing thabs rdzogs pa zhes bya ba'i ting nge 'dzin la snyoms par bzhugs te cang mi gsung par gyur to// de'i tshe nam mkha'i mthas klas pa thams cad de bzhin gshegs pa'i skus kun nas gang bar gyur te/ dper na til gyi gang bu bzhin du rgyas par gyur to// de dag re re'i sku las kyang 'od zer don mdzad par spyod pa bsam gyis mi khyab pas thams cad nas thams cad du khyab par mdzad do// de dag gi rtse mo las kyang pad+ma kha dog sna tshogs su 'dug pa/ 'dab ma stong stong dang ldan pa// lte ba dang ge sar du bcas pa// dri phun sum tshogs pas 'gro ba thams cad kyi rgyud tshim par mdzad pas kun nas khyab par mdzad de// de dag gi lte ba la yang rigs lnga'i sangs rgyas rdul phra rab/ chu klung gi rdul phra rab dang mnyam pa/ mtshan dang dpe byad thun mong dang / khyad par mchog tu gyur pas rnam par spras pa rnams bzhugs so// de dag re re'i yang gnas lnga lnga nas 'od kyi dra bas rnam par brgyan pa'i lha mo/ pad ma'i rtsa ba ltar dkar ba'i mdangs can/ rtsa dmar bar 'dzum pa'i mdangs dang ldan pa lag ngar man cad gser gyi gdu bus gtams te/ rin po che gzhan sna tshogs pa'i rna rgyan dang / rkang gdub dang / dpung rgyan dang / sor gdub dang / rtse bran gyi cod pan dang / rkang gdub la sogs pas rab tu brgyan pa'i phyag na/ rin po che'i bum pa/ dpag bsam gyi shing 'bras bu can gyis kha brgyan pa/ lha'i ras kyis mgul ba bcings pa// nang bdud rtsi lnga'i chu bos gtams pa thogs shing / g.yon pas ras dang / me tog 'phreng dang / tsan dan dang / gur kum gyi phye mas phyogs kun tu char 'bebs shing bkra shis kyi glus tshigs su bcad pa 'don pa dpag tu med pas/ nam mkha'i mtha' khyab nas gang bar gyur to// de lta bu'i mdzad pa mngon du mdzad pa'i tshe/ byang chub sems dpa' rdo rje rnon po rang gi stan las langs nas/ bcom ldan 'das la rnal 'byor gyi dbang phyug lugs bzhin byas nas rab tu gus pas btud de gsol pa// e ma ho gsang ba mchog tu gyur pa yi// bde gshegs rnams kyi gsang mchog ste// dbang mchog dam pa bskur ba'i thabs// 'jug pas 'jug dang bcas pa rnams// brtse bas bdag la bshad du gsol// de skad gsol ba gsan nas kyang // 'gro ba'i gtso bos bka' stsal pa// gsang ba bas kyang ches gsang ba'i// yang gsang dbang bskur rmad byung ba'i// thabs mchog yang gsang bla na med pa'i gtso// khyed la yang dag bshad par bya// yon tan kun ldan rab brtags pa'i// chos kyi bu ru gang 'os pas// dad pa brtan por byas nas ni// byang chub sems la rtag mos pas/ khrus byas gtsang ma'i gos gyon la// tshad med bzhi la gnas par bya// snying po'i dkyil 'khor chen po la// mdun te gnas nas dga' sems kyis// gser sogs rdzas kyis snyim pa dgang // yang nas yang du slob dpon dang // lha rnams la ni gsol ba gdab// bde bar gshegs dang slob dpon la// bdag ni gus pas phyag 'tshal lo// khyed la rtag tu bdag 'bul lo// 'khor ba 'di las bskyab pa'i phyir// khyed kyi thugs rjes bdag la dgongs// thog mtha' med pa'i mun gtibs pas// shes rab sgron ma bdag la theg/ chu bo rab med chen po las// bdag ni bsgral te skam sar khod// bdag ni pham gyur 'khor bas na// yang dag byang chub chen po la// bdag ni ding 'di nyid du 'khod// de nas rdo rje slob dpon gyis// snying rje chen po bskyed nas kyang // 'di skad ces ni lan gdab bo// bu khyod dad pa cher ldan zhing // bdag dang gzhan dag bsgral ba'i phyir// dag pa'i dkyil 'khor chen po ru// 'jug pa 'dod pa khyod legs te/ yang dag lam mchog dpal ldan par// nyams su len par 'dod pa na// bslab pa dag la gnas nus sam// des kyang nus par bgyi zhes gsol// de nas dag par khrus bya ba// las kun byed pa'i chus bya'o// dar la de yis btab byas la// dkris te yol ba'i phyi rol bzhag/ de nas thal sbyar pus btsug nas// bla med 'dod pas gsol ba gdab// bla med khang par 'jug sngon du// bdag la spyod pa mchog bslab cing // sdom pa mchog ni bdag la stsol// bdag sems brtan par nyid kyis mdzod// de la 'di skad bka' stsal bya// nga dang bde gshegs thams cad kyi// dam pa ji snyed gsungs pa yang // bdam par bya ba nyid las su// bsngags pa gzhan ni gang yang med// khyod kyi lus kyi mi bya ba// srog gcod 'dod pas spyod pa dang // gzhan gyis ma byin rdzas len pa// pha ma rdo rje slob dpon gyi// phyir yang mi bya gzhan ci smos// ngag gis brdzun dang phra ma dang / 'khyal ba'i ngag dang rtsub pa'i tshig/ nam du'ang dus la ma bab pa/ khyod kyis smra bar ma byed cig/ ngan sems dang ni gnod par sems// log par lta ba phyin ci log/ dgos ched yod kyang gzhar mi bya// lha dang bla ma smad mi bya// mu stegs nye gnas can dag dang // 'gro kun la yang gshe mi bya// snying po yang dag ldan pas na// shan pa nya pa la sogs la'ang // gshe ba dag tu yongs mi bya// gtsug lag khang dang byang chub chen// dge slong bram ze pa dang ma/ khyad par du yang bla ma'i rdzas// til 'bru'i phub ma'ang blang mi bya// bsgo ba thob na nyes pa med// phul ba'i rdzas ni mi bsgom zhing // bsngos pa la ni mi rlom mo// thun mong de las lhag bsrung ba// gsang ba rmad byung sgo 'di ru// mi bya ba ni cung zad med// gong las lhag pa gnyis yin te// bzlog ste thams cad bya ba ni// yol ba'i nang du drangs la sbyin// bu khyod rigs kyi sras mchog ste// bla ma sangs rgyas nyid du blta// rdo rje dang ni dril bu blang // nyin re'ang dus drug sbyin pa gtang // phyi nang gsang ba'i dam chos bzung // thams cad mchod pa'i las rnams bya// don dam dang ni kun rdzob kyi// sems ni nan tan dag tu bskyed// 'dod pa'i yon tan lnga rnams kyang // bag dang ldan pas spyad par bya// don dang bzang zhes las rnams la/ khyad par dbye bar ga la bya// sman rnams la ni kha mngar ro// zhu rjes bcad de mi bsre bsrel// gtsang dang sme zhes dbye med par// mi la sogs pa'i sha bsrel zhing // bdag dang gzhan yang za ru gzhug/ mi mo gang la'ang mi smad cing // shin te ma la'ang dpya ba min// gnyis pos legs par bshad byas nas/ snod dang ldan la gsang sdom ni// brtags nas sbyin te kun la min// gzungs chen zabs dang ldan pa'i bu// chur shog rab tu gsang ba'i tshul// sdom pa khyod pa sbyin par bya// khyod kyi srog ni gcad par bya// ma bcos don gyi snying po la// nga dang gzhan zhes mi 'byed pas// gcad dang gcod par bya mi dmigs// ma byin par yang blang bar bya// bdag gzhan rdzas su 'dzin pa'i blo// gzung 'dzin rtog dang bcas pa ni// de bzhin nyid kyi klong la med// chags pas kun la spyad par bya// dug sngags snying la gnas gyur na// sbrul dang btsan dug dbyig sbyar ma'i// gnod pa de la'ang 'byung mi 'gyur// lce dang rkan las byung ba'i rdzun// smras pas log pa'i gzhi med de// don gyi snying po rab ldan pa'i// blo la rdzun gyi gzhi med do// myos byed bag dang ldan par btung // sems nyid brtan pa'i skyes mchog ni// ci'ang men pas rab brtan te// nyes par gyur pa'i gzhi mi srid// bag gis spang med blang dor med// bdud rtsi lnga la longs spyad de// rtag par bdag gi brgyan du bya// sha lnga bza' bar bya ba ste// bshang gci khu khrag ngan pa med// rmad byung bstan pa'i sgo 'di ru// mi bya ba ni ci yang med// de bzhin mi bsres pa yang med// bu khyod kyis ni brtan par zung // 'on tang rgyal ba'i gdung 'dzin te// dper na 'khor lo sgyur rgyal po// nor bu rin chen la sogs pa// rgyal srid bdun dang lang long dang // lung dang mi gtsang mi 'byed par// kun la dbang sgyur rgyal chen po// de bzhin 'khor dang myang ngan 'das// spang blang med par spyod pas na// rdo rje theg chen bla med do// de bas nga'i bsgo ba 'di// nyon la nan tan cher gyis shig/ des ni don la 'byor bar 'gyur ro// de nas hUM gis sbyor ba yis// de'i snying kar zla ba yi// steng du rtse lnga'i rdo rje bsam// de las rdo rje sems dpa' gtso// bskyed las 'od kyi rgyal ba'i tshogs// bkug ste snying kar kun brtan pas// dam tshig la ni nan tan du// bya ba'i phyir na rnam gsum la// chu dang dpal bo bdud rtsir bcas// rlon pa dang ni dri chu dang // sbyar te lce la gsum gsum sbyin// IM i d+han te na ra ka na te/ b+ha ra hi ste/ sa ma ya/ yak+Sha khang kha tshin d+ha hUM phaT/ IM AM a mr-i ta kuN+Da li ha na ha na hUM phaT/ oM AHhUM sarba pany+tsa a mr-i ta kuN Da li rag sha kro d+ha ha na ha na badz+ra si d+ha hUM tha tha/ de nas bu des 'di skad gsol// dri chen rdo rje bla ma yis// bde gshegs thams cad bsdu mdzad de// bdud rtsi bdag la dbab tu gsol// bdag rgyud tha ba rgon gdung la// byang chub myu gu bskyed bya dang // bla med 'bras bur bsgrub pa'i phyir// shes rab thabs kyi ngo bo las// ye shes bdag la dbab tu gsol// bla mas phyogs bcu'i zhing khams na// 'od kyi thams cad bskul bkug ste/ spyi bo zla ba'i a brgyud de// ba spu'i lam nas mgo zhabs su// rang gi ye shes bskyed bya zhing // phyag rgyas rang brgyud brtan par bya// oM badz+ra A be sha a a a/ sa rtsa ra sa'i bdug pas bdug/ rang gi lag mthil g.yon pa ru// nr-i las ci byas sdig pa'i tshogs// bsams te til dang yung kar ram// yang na dug gi me tog bsreg/ gtso bo'i gsang sngags bzlas pa bya// yang na zhi ba'i 'phreng ba bzlas// bdag ni rmongs 'thibs mun par 'khyams// gsal ba'i ye shes sbyar bas su// dbang po nyid la cha snang ba// bstan pas rtogs su bdag 'gyur mod/ khyod la dbang por gyur pa rnams// stobs su 'gyur ram mi 'gyur phyir// bsdus te dkyil 'khor yid la gyis// ci snang nga la rdzun spang smros// bla ma la ni gus btud de// ci snang bzlas pa'i sgo nas shes// des na rigs su nges par bya// de nas A khaM bI ra hUM dza/ shar nas bde gshegs 'khor bcas la// spyi bo sa la gtugs gsum btsal// che ba'i brjod na rab tu bsngags// hUM/ lho nas rin chen rigs tshogs la// yon tan brjod de phyag bya ba// dpral ba'i rin chen sa dbab bya// baM pad+ma la ni nub sgo nas// gsung gi sngags pa brjod byas te// pad+ma'i kha mgrin sa la dbab// ho/ byang nas las kyi rigs tshogs la// las kyi bsngags pa glengs nas kyang / lus kun sa la brdab byas gsum// rtsa ba'i ni sgo shar phyogs nas// snying po rdo rje sa la dbab// rdo rje che brjod phyag gsum bya// rdo rje rtse mo gcig pa'i rgya// bcings pa'i bar du gser dngul 'phreng // rang gi rig pa brtan byas nas// sngags 'dis dkyil 'khor dag tu dor// lha'i thugs kar bstim par bya'o// oM badz+ra pra ti dza badz+ra ho// ma hA sa ma ye badz+ra puSh+pa pu dza pra ti dza badz+ra ho/ gang dang gang du bab pa'i tshe// dngos grub de las shes byas te// ye shes khong par ma chud na// lan gsum dag tu bsgyur te bya// des kyang yid ches ma gyur na// skal ngan de ni dbyung bya ste// sems bskyed de dag tsam la brten// bdag ni ma rig mun pas khebs// gtibs chad ngan song g.yang sa ru// lhung gyur 'di las bskyab mdzad de// mun pa thibs po bsal du gsol// rang rig gser gyi mig zur gyis// aM rdza dang 'dra rab rib dag/ nga yi thugs rjes bsal byas te// rang sems dkyil 'khor blta bar gyis// des na mthong ba dam pa yin// de nas dkyil 'khor phyi dang nang // legs bltas rang sems mthong zhes bya// de nas lus kyis phyag btsal te// pus btsugs gus pas btud de gnas// de nas 'phreng ba'i dbang bya ste// lha nyid gral las bzhengs nas su// bu de'i rgyud la bstim par bya// 'di ni rgyal ba kun gyi bdag khyod kyi thog ma med nas bsgrubs// de ring khyod la babs gyur te// nam du'ang 'bral ba ma byed cig/ de nas gsang ba bsgrags par bya// de ring phan chad rgyal ba'i sras// tshe ring bde ba phun sum tshogs// rgyal ba'i rigs su 'khrungs gyur cing // byang chub nyid du mngon sangs rgyas// de bas bu khyod don mchog 'grub// nges pa nyid du yang dag sbyor// de nas bla mas byin pa'i lha// rang gi nus pa ma nyams pas// bsgom dang mchod dang bzlas bstod de// de ni bsgoms pas mthong ba yin// de nas seng ge khri brtsigs te// dkyil 'khor 'dab brgyad bkra shis brgyad// dar ram ras kyi g.yogs pa'i steng // skyil krung yang na bzang po yis// 'dug thabs lta bur gnas brgyan te// steng nas bla bres dgab pa dang // gos dkar gyon zhing mnyam pa yi// phyag rgyas gnas te bsgoms par bya// me tog snyim pa bkang nas su// gtor te gsol ba gdab pa ni// sangs rgyas byang chub sems kun dang // bla ma la ni bdag nyid 'bul// sems dpa' mchog gis bdag bzung ste// dad pas khyed kyi 'bangs su mchi// sa rab mchog la gnas pa yi// rnal 'byor bdag gi skal ba bzang // bdud rtsi mchog gi snod lags pas// bdag la dbang bskur stsal du gsol// sngon du bcom ldan bdud rtsi mchog/ bde chen dpal ldan kun bzang gis// byang chub sems dpa' skal ldan kun// dbang mchog rmad byung rab bskur nas// gtso mo chen por mdzad pa bzhin// bdag kyang de'i rjes su slob// de la yang ni 'di skad du// nga ni bdud rtsi bde ba che// sangs rgyas yongs pas sngar sangs rgyas// nga ni rdo rje 'dzin pa dpal// sems can yongs kyi sems nyid do// gnyis med lhun grub chen po ste// rgyal ba dpag med yongs kyi rje// rang bzhin smos bal de bzhin nyid// tha snyad bzhi bral sems nyid ni// sa chen sangs rgyas sgyid dpal sa// 'di rtogs rig pa mchog yin te// rang dbang rgyal po rang bzhin rdzogs// bskur ba'i tha snyad bral ba ste// ye nas btsal dang bral ba yin// de nyid thob par byed 'dod pas// 'dod chags la sogs ji bzhin pa// de bzhin nyid du rtogs bya'i phyir// bum pa la sogs rdzas lnga yis// lus kyi spyi bor btugs te bskur// oM badz+ra a b+hi Shany+tsi hUM/ zhes gsungs pas/ de bzhin gshegs pa rnams lha mo dang bcas pas bum pas dbang byin te/ de nyid kyang gnas gnas su zhugs te dbyer med par gyur te/ dbang byin no// de nas yang 'di skad ces bka' stsal to// rab tu dbang bskur bstan bya'i phyir// rdo rjes thugs rjes 'gro la bstan// dril bus chos kyi gsung sgra bstan// gnyis kyis gnyis med phyag rgya bstan// gnyis pa brtan par bya ba'i phyir// 'khor lo ba dan tri shu la// bgrang 'phreng rnga yab za ma tog/ me tog ste ma bum pa dang // bcas pas rdo rje rtse gcig bskur// gsum pa rab tu blta bya'i phyir// dung dang gaN+DI ras yug dang // sman gyi snod dang gleg bam rnga// mdung dang sog le rtse gcig bum// bzhi pa kun tu brtan bya'i phyir// ral gri dang ni gri dang mda'// gzhu dang pad+ma bla bre dang // bsil yab ra dung rtse gsum dang // bum pa bcas pas dbang bskur ro// lnga pa yang dag brtan bya'i phyir// tho ba gtun shing sgron ma dang // gshan ti ka dang dgra sta shing // me long sgreng du 'khar ba'i rngadza// bum par bcas pa snga ma bzhin// drug pa 'di bar brtan ched du// rin chen mar me dar dpyangs dang // zla ba gdugs dang sbrang yab dang // mche ba rdo rje rtse lnga phub// bum pa yis ni 'dir yang gsungs// bdun pa shin tu brtan bya'i phyir// rdo rje rgya gram dra ba khab// ral gri rtse gcig gshol dang ni// pad ma'i 'bring dang so 'phreng gri// bum pa bzang ldan 'di la sbyar// brgyad pa la ni bsti ba'i phyir// shar sgor 'khor lo nor bu rta// btsun mo dmag dpon blon po ste// rin chen bdun gyi dbang bskur ro// khri snyen sa le zhwa dag lham// tshangs pa'i skud pa gdub bu khab// mda' gzhus lhor bskur nye ba @/ bdun// nub tu dpal be'u 'khor lo gdugs// rgyal mtshan pad ma bum pa dung // rin chen gser gyi nyas bskur te// bkra shis rtags kyi bkra shis bya// byang du ku sha bil pa dang // li khri g+hi haM me long zho// yungs kar dung ste rdzas brgyad bskur// bla bre gdugs dang rgyal mtshan 'phan// do shal pung rgyan se mo do// mgur chu snyan cha phyag zhabs kyis// gdub bu sor gdub bza' btung gos// rdo rje brtul zhugs dbugs dbyung ste// lung bstan gnang ba'ang sbyin par bya// dgu dang bcu dang bcu gcig la// rang rang lta ba dag bya'i phyir// 'bru lnga sman lnga rin chen lnga// snying po lnga dang bum par bcas// gsum dang bzhi dang gnyis bar gyi// phyag rgya sngags dang phyag rgya yis// ye shes brlab phyir dbang bskur ro// bcu gnyis bcu gsum bcu bzhi la// gsang dang shes rab ye shes dang // de ltar de bzhin bzhi pa yang // mtshon te bskur bas dbang kun rdzogs// bcwo lnga bskur ba'i tha snyad sngangs// rang rig de nyid rang byung gis// kun khyab gsal bas don gyi mchog/ bskur dang blang pa'i tha snyad bral// ces gsungs so// gsang ba'i 'khor thams cad rab tu mgu ste// dam par 'gro ba'i bka' lung gis rang rang gi rgyud tshim par gyur to// dpal bdud rtsi bde ba chen po zhes bya ba rgyud kyi rgyal po chen po las/ dbang rnal 'byor du skur bas mthar phyin pa zhes bya ba bstan pa'i le'u ste drug pa'o// // de nas yang sems dpa' chen po rdo rje rnon pos/ bcom ldan 'das la 'di skad ces gsol to// kye ma bcom ldan dam tshig bdag/ gsang ba'i sgo 'dir zhugs pa yi// rnal 'byor gsang sngags rigs 'dzin pas// bsrung ba'i gnas rnams bshad du gsol// de nas bcom ldan mi 'da' bas// bsrung bar bya ba dam pa dag/ 'gro ba phan phyir 'di skad gsungs// snying po thig le sems kyi dngos// ma bcos byang chub sems chen po// gnyis med rgyu dang rkyen med pas// skye dag 'gag pa yongs bral ba// nga las mi 'da' dam tshig ste// de las bsrung dang bsrung bya med// bsrung du med pa'i dam tshig ni// 'gyur med byang chub klong chen por// spros med dbyings su rgyas btab pas// de las lhag pa'i bsrung bya med// de ltar rtogs pa'i skyes bu yis// ci byas ci bsgoms ci spyad kyang // dam tshig mchog ste dam pa'o// yang dag 'gro ba'i don du ni// bsrung bya bla med bsrung ba ni// rag dga' bag med nyams 'gyur bas// 'das na bde gshegs nyid kyang 'tshig/ de la bsrung bar bya ba ni// spyi ste thun mong khyad par dang // lhag pa nyid du bstan pa'o// de la thun mong bstan pa ni// rtsa ba dang ni yan lag go/ rtsa pa dag ni rnam gsum ste// ri bo mchog rab mi bskul te// shing mchog sman sdong mes mi bsreg/ bsam par yang ni mi bya na// dngos su ci smos byas na brlag/ gcan gzan rgyal po seng ge'i sgra// gangs kyi ljongs na ngur ba'i gdangs// gzugs blta sgra rnams rgyun mi gcad// de las 'das na dmyal bar nges// rgya mtsho gting dang ri rab rmang // sbas pa'i gser sogs gter mi gdon// 'phyar g.yeng gcan bus bton gyur na// rgyal po la sogs kyis phrogs nas// bdag 'pham nor dang ldan mi 'gyur// nyes byas srog thung dmyal ba che// rdo rje zhes byar brlag par nges// 'di dag nyes byas dper bstan pa// rtsa ba rul pa'i ljon shing la// sdong bu yal ga 'bras bu dang // lo ma me tog mi 'byung dang // sol ba dkar por mi 'gyur zhing // de las lcug ma mi skyes dang // sa bon sad kyis bsad bsregs 'dra// gsos pas sos pa'i klags med de// bskal pa 'bum dang nyis 'bum dang // 'bum phrag gsum du skabs mi srid// gsos na de nas gdod skye srid// yan lag bcwo lngar bstan pa ni// mi spang ba ru brjod pa ste// rdul dang mun pa snying stobs dang // zhor byung gnyis dang lngar bstan to// dang du blang ba lnga po ni// gcod pa dang ni ma byin len// 'dod spyod brdzun du smra ba dang // 'chal sogs brlang por smra ba'o// spyad pa lnga yang 'di lta ste// zla ba nyi ma sman chen po// rdo rje gur kum chu lnga ni// lus kyi bcud du gyur pas so// de yi zhor las byung ba yi// dngul gser lcags dang zangs dang ni// mkha' ra'i lcags kyu lnga'ang de bzhin no// kun gyi zhor las 'byung ba ni// phung po lnga la sogs pa rnams// lnga lnga lnga ste lnga phrag brgyad// rigs kyi dbang gis sngar bstan pa'o// rdo rje rin chen pad+ma las// de bzhin gshegs pa'i rigs dang lnga// re re la yang sku lnga dang // gsung lnga thugs lnga yon tan lnga// 'phrin las lnga ste bsgrub 'bras bu// 'di las mi 'da' dam tshig gtogs// khyad par dag tu bshad pa ni// duM gi rgyurgyangs pa rgyun du bzhi pa// de bas bde bar dang du slang // pad+ma'i zil pa bung bas bzhi pa// chags pas 'gro ba mi gtang ngo // bla med dri mchog du ru ka/ skyes bus bza' zhing bsku mnye bya// ri rab la brkos rtsa ba ni// gsang ba zlos pas khar bcug mur// brag las 'dzags pa'i zhun chu ni// tshangs pa'i dbyangs dang ldan pas btung // a 'bra rgun 'brum pa na se// pa ri br-i sha dag dang bzhi// na le ker ya bza' bar bya// rtsa ba sdong bu shun pa dang // lo ma me tog 'bras bu dang // shun phrags thang chu bza' zhing btung // gsang ba'i sngags kyi sbyor ba yi// btab cing dug kyang bza' bar bya// spang dang blang ba med pa yis// re dogs spangs te kun tu spyad// zla ba'i dus la bab pa'i tshe// lus la bsku ba'i sbyor bas mnye// de tshe pad ma'i kha mi dbye// dus su mi dbye ga la srid// zhi ba'i sbyor bas thams cad bya// gang zhig 'dul bar ma gyur na/ khros pa'i sbyor bas nan tan bya// bzang ngan dri dang dug sman la// blang dang dor ba bya ba min// yo byad rdzas dang mi ldan pa'i// bsgrub la 'jug par bya ba min// rtog pa'i sems dang ldan pa na// 'phags dang mkha' 'gro ci phyir mchod// rtog bral 'phags rgyun du mchod// mkha' 'gro ma'ang mchod pa dang // bdag nyid kyis ni rgyun du myang // dam tshig pa rnams rgyun du bskang // des ni khyad par dam pa'o// brtul zhugs dam tshig nyi shu gsum// nam du'ang 'bral ba med pa ni// dus gsum bsngo zhing bgrangs nas ni// rab bskur gso la brtson par bya// spyod pa'i dam tshig nyi shu gnyis// dam tshig kun gyi sngon du 'gro// rgyun du mi 'da' rab tu bsdam// bsrungs pas nyes byas byung srid na// bskang dang gsol la rab brtsol bas// byang chub rgyu ru 'gyur bar bya// de dag gso la brtson pa na// yo byad dag ni rab bstar te// bzlas la 'bad pas gang 'das pa// sor gzhug yang ni ma rtog pa// yun rings nan tan byas na skongs// yang na bla ma mchod pas skongs// yang na tshogs kyi 'khor lo bskor// gsungs rab 'don dang sku gdung bzhengs// srog gdon chos kyi sbyin pa dang // sman gyi sbyin pa'ang chu klung dor// yang dag spyod pa 'di dag gis// skongs par 'gyur bar gdon mi za// yang na rgyal ba 'khor dang bcas// mdun du phab nas mchod byas te// gdung ba dag gis sgrengs te bshags// des kyang phra mo skong bar 'gyur// de skad dam tshig rgyal po ches// 'khor rnams kun la brtse ba'i phyir// bsrung gnas gso ba'i thabs bcas pa// dgongs nas nyid kyis rab gsungs pa'o// dpal bdud rtsi bde ba chen po zhes bya ba'i rgyud kyi rgyal po chen po las/ dam tshig gi gnas dag gso ba la brtson pa zhes bya ba'i le'u ste bdun pa'o// // de nas yang sems dpa' chen po rdo rje rnon pos/ bcom ldan 'das la phyag 'tshal te gsol pa/ kye ho bcom ldan rdo rje gtso// gsang ba'i dbang phyug sngags kyi bdag/ bzlas pa tsam gyis 'grub pa yis// gsang ba de nyid bshad du gsol// de skad zhus pa'i tshig gsan nas// sngags kyi dbang phyug chen po yis// rdo rje rnam par dag pa'i mchog/ kun tu gsal bar byed ces pa'i// ting nge 'dzin la snyoms zhugs nas// zla ba'i hUM dang tha ma yi// chos kyi snying po rab 'bar las// dpag tu med pa'i 'od 'phros pas// 'gro kun lam la gnas byas shing // slar yang bdag nyid dbyings bsdus nas// gsang sngags gsung 'di bka' stsal to// bsnyen pa ma byas 'bras mi 'byin/ sngags rnams ma bzlas mi 'grub ste// bla med sngags la rab brtson pas// thams cad bzlas pas 'grub par bshad// sku yi rdo rje thugs ka nas// zla ba la gnas 'khor lo'i ste// oM las 'bar ba'i 'od zer ni// dung dang ba mo zla ltar dkar// yig 'bru 'khor lo rnam snang sku// gsal dang zla 'od rab rib tu// 'phros pas zhi ba'i las rnams 'grub// 'od dpag med la rang snying du// pad+ma la gnas pad+ma yi// ge gsar la gnas aM gyi mdog/ mtshal gyi khu ba 'am byu ru 'dra// gsung dang phyag mtshan sku phra mo'i// gsal la mi gsal 'di 'od tsam// 'phro 'dus dbang gi las bya'o// mi 'khrugs rdo rje'i thugs ka ru// mthing shun lta bu'i kha dog gi/ hUM ni rdo rje'i bum par gnas// nyi ma'i dbus nas thugs ka ru// de nas sku gsung thugs kyi rgya// rab 'bring tha ma'i shes rab kyis// sgro bsdus drag po'i las bya'o// rin chen dpal ni lte bar bsgom// zur brgyad dbus su yi ge swa// gser bsregs kha dog rab tu 'bar// tshe dang bsod nams 'dod pa'i phyir// shes rab brtan dang mi brtan pa'i// 'phro dang 'du ba 'khrigs pa yis// rgyas par gyur pa'i las bya'o// gzir dang mnan pa'i las bsgrubs na// don kun grub pa'i thugs ka ru// rgya gram me yid dkyil 'khor gyi// dbus su ha mchog bsgom pa ni// spangs ma'i 'od ldan rab tu 'tsher// spros bsdus mnan dang gzir ba dang // thams cad kun tu bya ba ni// rang snying sems dpa'i thugs dkyil du// nyi zla pad+ma rin chen me// dbus nas hUM IM swa AM ha/ kha dog lnga ldan rdo rje'i dbus// stong gi 'jig rten khyab byas te// las dang mthun pa'i las byas te// bsdu ba dag ni rab byas na// thams cad thams cad 'grub 'gyur te// rigs rnams kun gyi bla mar bshad// bzlas pa 'grub pa'i gsang sngags ni// oM rad na ka re ma ku b+ha ba yod ta ra na bu d+d+ha swA hA/ oM rad na ka de bshang de b+hi Ta ku lan d+ha ri pad+ma swA hA// au rad na ka re ma ra na yAn tad tra mA ma kI badz+ra swA hA// IM rad na ka re puSh+Ti ban+d+ha ra pad+ma swA hA/ IM rad na ka re mo haM staM ba ta d+ha ra ki ra ma swA hA/ IM rad na ka re pany+tsa ku la karma sarba bsdu bai s+thA ma oM swA hA hA swA hA/ rang snying yang na gsang ba'i dbus// nyi zla'i ga'u skar khung can// g.yo med sems kyi rang bzhin te// til 'bru brgyar gshegs 'od kyi 'phreng // pad ma'i skabs brkus byas te// skar khung bla 'og la btags te// yar 'gro mar 'gro brtags pa las// rang gi rig pa'i ye shes skye// je gsal je gsal 'byung 'gyur zhing // snang ba nam mkha' ltar mthong ste// rnam dag ye shes gsal mthong ba// yang dag sems kyi bzlas pa'o// yang na sna yi bu ga gnyis// nyi ma g.yon la zla ba g.yas// sran chung tsam gyi steng du ni// dkar po'i kha dog hUM dang muM// 'khor bar 'od kyi 'phreng ba can// rdo rje ut+pal til 'bru tsam// lte ba la ni bsgom par bya// sgo rnam gzhan du phaT kyis dgag/ sna las sgrol ma'i ba dag ni// dal gyis dal gyis gtang bar bya// thams cad rang gi sems nyid du// bags kyis byas te bsdus nas su// gzhi mo la ni bslan byas te// ji srid brtan gyi bar du gzung // ma gyur gong dang 'dra ba las// bsring bas bags kyis brtan par du// rgyun mi 'chad par spro bsdu bya// rang sems bde bar brtan par du// gzhan gyi don yang de bzhin 'gyur// bde gshegs rigs la IM dang laM// gser gyi mdog can 'khor lo dang // dril bu'i dbus su bsam pa ni// thams cad gong dang 'dra ba'o// rin chen rigs la swa dang maM// iN+Da nI la'i mdog ltar 'tsher// rin chen dril bu'i dbus su ni// bsams te thams cad gong dang 'dra// pad+ma'i rigs las aM dang byaM// pad+ma ra ga lta bu'i 'od// 'dab brgyad dril bu'i dbus bsams te// lhag ma gong dang 'dra bar bshad// las kyi rigs la bsam pa ni// ha dang taM ni iN+Da'i 'od// rgya gram dril bu la bsams te// 'phro 'du byas brtan gong dang 'dra// yang nas yang du nan tan ni// bla med rang sems nyid las snang // rang rig rang gi ye shes las// gzhan nas 'ongs pa ma yin no// 'di ni sems kyi bzlas pa ste// dngos grub mchog tu nye ba ni// 'di las gzhan pa yod ma yin// ma 'ong 'gro kun nan tan byos// yang na phyag rgya chen po ru// gsal bar rab tu sgom pa yi// rdo rje'i bum par zla dkyil 'khor// de steng thig le til 'bru tsam// rdo rje de yi phyed dkyil du// de yi bzhi cha tsam gyi hUM// pad+ma la yang de bzhin te// nyi ma dang ni pad+ma dang / yi ge muM ni rnam par bsams// dbugs su gyur pa'i byang chub sems// rdo rje sgrol mas yid bskyod de// rdo rje las ni pad+mar spro// pad+ma las kyang rdo rje spro// dkar dmar las kyi khyad par las// 'od kyi thig le tsa na ka/ g.yo ba'i sgrol mas spro bya'i tshe// ba spu'i sgo re nas dbyung ba// gang bas 'gro ba'i sems bsdus te// rang dbang dag tu byas nas ni// spro bsdu gong gi sbyor bas bya// lus kun bde bas khyab bzung ste// rab tu brtan pa'i bde ba des// ji snyed rgyal ba kun bde ste// 'gro kun dag kyang de bzhin no// 'di ltar rnal 'byor gang gnas pa// sangs rgyas thams cad mkhyen pa nyid// ma 'ongs dus na ga la yin// phyi bshol dus su mi rtog go/ de nas bla na med pa'i don// gsang chen thabs kyi sbyor bral bas// rang rigs gsal ba'i bzlas pa 'di// rigs gzhan dag gis dbang btsan na'ang / gdan dang yig 'bru'i sbyor ba yis// rigs kyi khyad par shes par bya'o// de skad ces gsungs nas yang gsungs pa/ bzlas pa'i don mchog dam pa ste// gnyis med mi rtog spro bsdu bral// gang sgro gang gi don du spro// thams cad kun gzhi brdal ba'i klong // chos dbyings mu mtha' bral ba la// bdag dang gzhan med brdal ba'i dbyings// nyag gcig thig ler sangs rgyas so// de ltar gang shes bzlas pa'i don// rmad byung da lta nyid grub bo// zhes gsungs pas/ thams cad du 'khod pa'i 'khor rnams rab tu tshim par gyur to// dpal bdud rtsi bde ba chen po zhes bya ba rgyud kyi rgyal po chen po las/ bzlas pa'i thabs mchog dam pa bstan pa zhes bya ba'i le'u ste brgyad pa'o// // de nas yang sems dpa' chen po des yan lag rnams bskyod de// gar gyi sbyor bas phyogs bzhi nas phyag 'tshal te 'di skad ces gsol to// kye bcom ldan 'das bdag cag 'khor rnams dang / ma 'ongs pa'i 'gro ba mtha' dag la sman par bgyi ba'i slad du/ bcom ldan 'das kyis mdzad pa'i 'phrin las rnam grangs dang bcas par bshad du gsol/ gtan la phab ste bshad du gsol/ bka' stsal pa/ rigs kyi bu rgyu 'bras kyi chos thams cad ni ma bcos/ ma bslad/ ma bsgyur ba'i de kho na nyid rang rig pa byang chub kyi sems de kho na nyid de/ de las bcos pa'am/ bsgyur ba'am/ bslad pa ni ngas cung zad tsam yang ma mthong la/ de bzhin gshegs pa dus gsum du 'gro ba'i don dbri bkol mi mdzad pa rnams kyis kyang ma gzigs/ mi gzigs/ gzigs par mi 'gyur ro// de lta bu'i chos nyid der/ mtshan ma'i rnam par rtog pa thams cad ngang gis zhi bas na zhi ba'o// sangs rgyas kyi yon tan bsags par rgyas pa ni rgyas pa'o// de'i ngang du thams cad ma 'dus pa med pa ni dbang ngo // gdug pa can rnams kyang rgyas ma thebs pa med pa ni drag po'o// 'khor ba nyid de kho nar bzlog pa ni bzlog pa'o// de nyid las gzhan ming mi grag par zil gyis mnan pa ni mnan pa'o// yang bdud rtsi chen po 'byung ba'i gnas// bde ba mchog gi pho brang // rgyal ba'i bzhugs gnas de na/ 'dod chags dang zhe sdang la sogs pa 'khor ba'i chos thams cad/ de bzhin pa de nyid du zhi bas so// phung po dang khams la sogs pa nyid lha'i dkyil 'khor du lhang nge bar rgyas la/ de dag kyang de kho na nyid bde ba'i ro rgyas pa'o// thams cad zil gyis mnan te/ bu ga'i sgor dbang du ma 'dus pa med pa'o// zhe sdang la sogs pa de'i stobs kyis rang dbang med par drag shul du 'jom pas so// slar la yang bzlog ste kun tu tshim la/ de las kyang bzlog nas don byed nus pa ni de'o// rtog pa'i ri bo thams cad mnan pa yang ngo // yang thabs bla na med pas 'khor ba rtsad gcad de/ mya ngan 'das par rgyas rang bzhin gyis btab pa'i dus na/ gdug pa can dang / de la brten te nam mkha'i mthas gtugs pa thams cad kyi sems rang bzhin gyis dbyings dang ye shes su zhi bas na'o// ros bcas pa men te/ mtshan dang dpe byad kyis brgyan pa'i sku/ rang dang rang gi rigs 'dzin pa'i/ nam mkha'i mthas klas pa kun tu rgyas pa na'o// rig pa'i skyo bas rigs drug gi gnas nas/ rang dbang med par gnas de nyid du/ dbang du bsdus nas 'jug pa ni'o// de nyid thabs mkhas pas shugs chen po'i snying rjes yal bar mi 'dor ba ni'o// 'khor ba nyid mya ngan las 'das par ru bzlog pa ni'o// des mya ngan las 'das pa'i g.yul rgyal bar byas te/ mnan pa med par 'khor ba skya lings chen po btang ste rtsad nas bcad nas/ thugs rje'i rmang 'og tu mnan pa ni'o// de dag las thabs mkhas pa'i spyod pas bsgral dang / thugs rje chen po'i lcags kyus drang ba ni 'di lta ste/ bsam pa'i dbang gis ni mtha' yas so// las kyi nyi shu gcig go/ rigs kyi dbang gis lnga'o// dgongs pa drug ste/ gang zhe na/ zhi ba dang / rgyas pa dang / dbang dang / mngon spyod dang / mnan pa dang / bzlog pa'o// de la zhi ba'i dbyibs ni/ zlum po dang / 'khor lo rtsibs brgyad pa lta bu dang / pad+ma lta bu'o// rgyas pa ni gru bzhi dang / rin po che 'bar ba dang / zur brgyad pa'i rin po che lta bu'o// dbang ni zla gam dang / lcags kyu lta bu dang / gzhu gdungs pa lta bu'o// drag po ni gru gsum pa dang / b+ha ba lta bu dang / rdo rje rtse gcig pa lta bu'o// mnan pa ni rdo rje rgya gram lta bu'o// zlog pa ni/ ral gri lta bu ste/ 'di dag kyang rab 'bring tha ma'i don du/ khru gang ba dang / do ba dang / bzhi pa'o// mu khyud kyang sor bzhi pa dang / brgyad pa dang / bcu drug pa ste/ khams gsum nyid du sku gsung thugs su sbyor bas che phra gsum brtseg go/ mtshan ma ni 'khor lo dang / rin po che dang / pad+ma dang / rdo rje rtse dgu pa dang / rdo rje rgya gram dang / hri shu la'o// kha dog ni dkar po dang / ser po dang / dmar po dang / mthing nag dang / ljang khu dang / nag po'o// dus ni dbyar dang / ston dang / dpyid dang / dgun dang nam dus la bab pa dang / nam dgos pa'o// yang nam nangs pa dang / gung dang / dgongs dang / nam phyed dang / 'jug pa dang / 'byung ba ste ma nges pa'o// don chen ni sgrib pa sbyang ba dang / nad dang / da la yams dang / 'khrug pa dang / rims dang / sa bdag gi gdug pa dang / yul khams bkra shis par bya ba dang / shi ba rnams kyi don du'ang rung ngo // rgyas pa ni tshe bsring ba dang / rgyal sar 'gro ba dang / dbang bskur ba dang / 'bru dang / rkang 'gros spel ba dang / bran dang bza' grangs spel ba dang / rigs brgyud 'phel ba'i phyir ro// dbang ni ma dad pa rnams sems rangs par bya ba dang / rgyal po dang / rgyal phran dang / tshong dpon dang / bram ze dang / lha dang / mi'i bu mo dang / gar mkhan dang / btso blag mkhan dang / rta dang glang po che dang / gser dngul la sogs pa'i rdzas dang / khar ma la sogs pa'i 'bru dang / 'khor yug la sogs pa rnams dbang du bya ba'i phyir ro// mngon spyod ni dkon mchog gsum la gnod pa byed pa dang / bla ma dang dkon mchog gsum la phul ba'i rdzas la 'phrog cing rlom par byed pa dang / mu stegs dam pa'i chos la dpya zhing skur par byed pa dang / mched 'khor 'gal bar byed pa rnams thar pa la 'god pa'i phyir ro// mnan pa ni mi ma yin pa rnal 'byor pa la 'tshe ba dang / mi kun la 'gal bar byed pa dang / yul khams su bgegs byed pa dang // rims nad gtong ba la sogs pa byed pa dang / bsgrub pa che bra dang / sngags zlos pa la bar chad byed pa rnams la bya'o// bzlog pa ni pha rol gyi sbyor ba ngan pa dang / mu stegs kyi gser sngags dang / sad ser dang / phung byed kyi sbyor ba dang / dug dang / dbyig dug dang / sbyar dug dang / gcan gzan gyi dug dang sbyor ba ngan pa thams cad bzlog pa'i phyir ro// kha khyer gyi 'phreng ba'ang rigs bzhin no// zhi ba la ni til dkar po'o// rgyas pa la ni 'bras kyi lag pan no// dbang la dur ba'i myu gu'o// drag shul spyod pa la ni ko ta ba'i gcin khrag dang bcas pa'o// mnan pa la ni da du ra'i 'bras bu'o// bzlog pa la ni yungs kar dang rus pa'i phye mas bya'o// zhi ba'i yon chu ni 'o ma dang bcas pa'o// rgyas pa ni zho dang bcas pa'o// dbang ni khrag dang bcas pa'o// drag shul spyod pa ni ba'i gcin dang khrag cung zad dang bcas pa'o// mnan pa'i 'bru'i chang dang bcas pa'o// bzlog pa la ni chu dang bas so// zhi ba'i shing ni tsan dan dkar po dang / bal bu la sogs pa dri zhim zhing 'o ma can la bya'o// rgyas pa'i shing ni a 'bra dang / 'bra ko dang / rgun shing la sogs pa 'bras bu can sna tshogs las bya'o// dbang gi ni tsan dan dmar po dang / gur kum dang / sra ta ka r+ya la sogs pa la bya'o// drag shul spyod pa ni seng ldeng dang / skyer pa dang / ga ra'i shing la sogs pa tsher ma can sna tshogs pas bya'o// mnan pa ni ma tang dang / pe la sogs pas bya'o// zlog pa ni thang shing dang / sregs la sogs par bya'o// yang zhi ba la ni 'bras kyi chan bsreg pa'o// rgyas pa la ni 'bras sa lu'i chan nam/ nas chen bsres la bsreg go/ dbang la ni 'bras ang g+ha'i chan nam nas chan dang bro bsres la bsres go// mngon spyod la ni sran ma sha'i chan bsreg go// mnan pa la ni N+ya'i pra sran bsreg go// bzlog pa la ni ji tse'i chan bsreg go/ yang zhi ba la ni gtsub shing las byas pa'o// rgyas pa la ni rgyal po 'am tshong dpon gyi mes bya'o// dbang la ni rdo rje rigs sam smad 'tshong ma'i mes so// mngon spyod la ni shan pa 'am gdol ba'i mes bya'o// mnan pa la ni rdol ba las byung ba'i mes bya'o// zlog pa la ni gar mkhan nam btso blag gi mes bya'o// yang zhi ba la ni ras dkar po gyon pa dang / shing lham dang / dngul lam ku sha'i sor gdub dang / shing shun dang ku sha'i stan dang / tshangs pa'i skud pas brgyan te shar nas bya'o// rgyas pa la ni zab 'og gam/ tshig gu 'am/ ras ser po'ang rung bgyon cing / gser gyi rgyan dang / rma bya'i 'bol stan dang / khri mthon po dang / gur kum gyis lus byugs te bya'o// dbang la ni/ ud dpal dmar po las byas pa'i 'phreng ba dang zangs dang bzhon dmar las byas pa'i gdu bu dang / gsor gdub dang / rna rgyan dang / tsan dan dmar po'i lde gu dang / gur kum du sbyar ba'i lde gus lus la bsku bar byas te bya'o// mngon spyod la ni/ lcags dang / zha nye dang / gar bu zhes bya ba'i lcags las byas pa'i rgyan dang / du gu la'i ras rtsub mo nag por byas pa la/ khrag dang dri chus gsher ba'i gos dang / gu gul nag po lde gus lus byugs pa 'am/ yang g.yang gzhi byon te/ bdud rtsi lngas lus byugs la bya'o// bzlog pa'ang de dang 'dra'o// mnan pa ni ma du sha ka zhes bya ba'i gos me tog gis brgyan pa 'am/ yang cis kyang ma brgyan kyang rung ste rdo rje thogs la bya'o// zhi ba la sogs pa gsum gyi rdzas ni phal du 'dra bar mngar ba/ ro mchog dang ldan pa las sbyar te/ mar khu dang chan dang / 'o ma dang / zho dang / 'bru sna tshogs pa dang / a 'bra la sogs pa'i shing thog ro zhim pa srog chags med pa dang // 'o thug dang / zas g.yos su byas pa sna tshogs cher dbul te/ kun kyang bdud rtsi lnga dang bsre bar gces so// mngon spyod la ni/ dug sna tshogs dang / ke tse dang / lan tshwa dang / til nag dang thal chen dang / sha dang / khrag dang / rus pa dang / zhag dang / shing thog kha ba dang / tsher ma las skyes pa dang / rul sums can/ bdud rtsi dang bsre ste/ mar ni yungs nag gi khu bas bya'o// gnyis kyang shas de dang 'dra ste/ rang rang dang ci mthun du bya'o// zhes bdud rtsi mchog gi rgyal pos gsungs so// de nas bcom ldan 'das kyis de dag grub par bya ba'i gsang sngags 'di dag gsungs so// oM sarba ta thA ga ta de ba shan ti maN+Dal sha ti/ gu ru sha na ti ma nu sarba shan ti ma/ che ge mo shan ti swA hA/ zhes pa ni zhi ba'i 'o// oM sarba ta thA ga ta rad na ka ra ya bu ste/ mahA puSh+Ti/ sarba puSh+Ti/ che ge mo praSh+Ti/ ku ru swA hA/ zhes pa rgyas pa'i 'o// oM sarba ta thA ga tA ya pad+ma b+ha ba mo ha na ya ho/ ka ra da d+ha Na ra mo ha na ya ho/ b+hi tA ra ka mo ha na ya ho/ che ge me mo ha na ya ho/ zhes pa ni dbang gi'o// A~M sarba ta thA ga ta badz+ra ku la ma ha ma ra na/ rad na tra ya u man ta ma ra Na ha na da ha ba tsa ga ra dza pho Ta hU lu tiSh+Tha ban d+ha ma ta che ge mo mA ra ya phaT/ drag po'o// A~M badz+ra dza la man tra suM b+ha ni hUM hUM kro d+ha ni hUM sum b+ha ni sum b+ha ni hUM phaT Na na Na na/ zhes pa ni mnan pa'o// A~M kro d+ha badz+ra ha la la ta shan ti kro d+ha hUM hUM phaT dza la dza la ha la ha la raM raM phaT phaT/ ces pa ni bzlog pa'o// 'di ni gsang ba'i yang dag gtso// thabs chen bla med gsang ba'i las// bde gshegs thugs kyi snying po ste// bsgrub la rab tu bsngags pa yin// zhes gsungs so// dpal bdud rtsi bde ba chen po zhes bya ba/ rgyud kyi rgyal po chen po las/ 'phrin las rnam pa drug gtan la dbab pa'i le'u ste dgu pa'o// // de nas bcom ldan 'das gsang ba'i dbang phyug chen po des/ las de dag lhun gyis grub par bya ba'i phyir/ nyid kyi sangs rgyas kyi yon tan thams cad bsdus te nyid kyi sku la brtan par mdzad nas rdo rje tshe bsdu ba'i snying po 'di gsungs so// bruM badz+ra a mr-i ta A yu ti hUM bruM a a a/ zhes gsungs so// de nas sems dpa' chen po rdo rje rnon pos 'di skad ces gsol to// bcom ldan rdo rje tshe yi dngos// thams cad kun tu brtan pa'i bdag/ 'gro ba'i tshe mchog bsdu ba'i phyir// gsang ba grub pa bshad du gsol// sgrub la bar chad mi 'byung phyir// tshe 'dis thob par bya phyir du// bdud rtsi bsgrub pa'i tshe gsungs shig/ de nas bcom ldan 'das kyis kyang // bdud rtsi tshe mchog 'di gsungs so// sa gzhi rab tu bkra shis pa'i// gnas mchog dag par bsgrub par bya// dkyil 'khor zlum po legs sbyangs la// tshad ldan ras kyi srad bu yis// thig gdab dkyil 'khor bri ba ni// zla gam dbang gi kha sprod la// 'khor lo brgyad dang bcas pa bya/ khang pa sgo khang bcas pa dang // ta ra Na dang ldan par bya// dbus su rdo rje bdud rtse'i tshe// dmar skya g.yas pa pad+ma'i sdong / g.yon pa bdud rtsi'i bum pa brten// longs spyod rdzogs pa'i rgyan dang ldan// shes rab rgyan dang bcas pas 'khyud// de la 'khril ba'i yum bzhi yang // rgyas 'debs rmongs byed za byed ma// tshe 'phel dang ni bcas 'khyud do// brgyad la sems dpa' brgyad po yang // sems ma brgyad dang bcas pa'o// khyams la bkra shis brgyad kyang dgod// sgo ba khro bo yab yum kyang / khros pa'i tshul gyis brjid gnon pa'i// bdag nyid rnal 'byor cher gnas pas// yang dag mchod cing rgyas pa dang // de nas bar chad med par bzlas// stegs bu dbus su ka pA la/ kha sbyar nang du tshe yi rten// bu ram mar ram 'o mas dgang / sman dang 'bru dang rin po che// snying po bdud rtsi lngar bcas pa// dkar dmar ras kyis bcings nas kyang / kha dog lnga yi skud pas bcings// tsan dan dmar po'i phur bas su// tshe yi rten du bya bar bshad// me mar lnga yang rgyun mi gcad// yang na lha yi grangs mnyam pa'i// pad ma'i me tog tshom bu dang // tshe rten de bzhin dag tu bya// snying ni rin chen dmar gur// de nang 'dab brgyad tshe yi gdan// ba dag brgyad ni tshe yi dngos/ kha dog sna lnga tshe yi 'od// 'byung ba lnga yi bcud dkyil na// tshe yi dngos po thig le sems// 'gyur ba med pas bde chen po// 'phel 'grib dbang du mi 'gyur yang // bdag nyid skyon gyi dngos 'dzin pas// bag chags 'go srid bzlas pa bya// IM badz+ra a mr-i ta tra tha hAM/ muM ba ga dza la baM/ raM badz+ra kro d+hi shwa ri dza/ ho mug ti du sha ho/ IM rak+Sha rak+Sha TaM/ du sha yu ti k+ShaM/ badz+ra ka ba dza tuM/ 'di dag bsam pa mngon byas te// dang po nyid kyi dngos gzhi shes// de nyid b+ha ga'i rgya mtsho bsdams// gzhan pa khro mos dbrog cing bstim// de nyid nyi zla'i ga'ur gzhug/ phyi rol bar chad byed pa bsrung // de la sgo/ dgur khro bos bsrung // rdo rje go bgos kun tu bskrad// dmigs par bya ba nyid la'o// de tshe bsten par bya ba'i zas// ka sho kan d+ha'i phye ma dang // 'da' hu pa la ba yi mar// yang na ba yi 'o mar sbyar// nang re zhing ni bskyed cing bza'// lus las byung ba'i chu btung zhing // nyi ma dag las rab bsgrim spang // yang na dngul chu dag pa dang // mu zi gser ltar gdas pa dag/ ba yi mar dang bskol btsos te// a ru ra yang bsregs la mur// nang re srang re bskyed cing bza'// sum cha res ni lus bsku zhing / ba yi 'o ma bskol grangs btung // lus kyi skyon rnams dag gyur nas// dung dang zla ba ltar dkar rgyas// byis pa lta bur gzhon sha chags// tshe ring lus bde nad 'bral zhes// gsang ba'i bdag po nga nyid kyis// rnal 'byor yongs la brtse ba'i phyir// 'di la the tshom med par bshad// dpal bdud rtsi bde ba chen po zhes bya ba rgyud kyi rgyal po chen po las// bdud rtsi tshe'i sgrub pa bstan pa zhes bya ba'i le'u ste bcu pa'o// // de nas byang chub sems dpa' rdo rje rnon po rang gi stan bde ba las langs te/ dpal bdud rtsi bde ba chen po la rnal 'byor mchog gi phyag lugs bzhin btsal nas thal mo sbyar te gsol ba// bcom ldan 'das kye bdag la dgongs// 'khor ba nyid ni bsgrub bya zhes// de yi thabs ni bdag nyid kyi// sa bon las ni byang chub che// spang blang med par bka' stsal na// 'di 'dra'i thabs kyi rang bzhin de// bdag 'dra rmongs la gsung du gsol// bdud rtsi mchog gis bka' stsal ba// nga ni thabs mkhas thugs rje che// 'gro ba kun la bu bzhin du// phyin ci ma log sems pas na// yang dag don ni bshad kyis nyon// lus la sems gnas sems nyid lus// ci yang min las cir yang snang // snang tsam nyid na ma grub pas// de bas sems nyid rtag dka' ste// rgyal ba kun gyis mi rtogs na// sems dpa' khyod kyis smos ci dgos// dper na blun pos mdzub mo'i rtses// nam mkha'i mtha' la mtshon byas nas// de yis mtshon par nus ma yin// de bzhin sems kyi nam mkha' la// tshig gis mtshon te smra byed pa// rang nyid myos te ga la mtshon// tshad mas sems nyid rjes gcod pa// spre 'us nam mkha'i rgya dang tshad// lag pa'i mthil gyis bkab byas te// char rgyun mi gnod 'dod pa 'dra// sems nyid rgya mtsho chen po'i gting // cis kyang g.yo bar mi nus la// mnyan pa dag la rgyal pos gsungs// gzings 'di brtan par chos la khyod// nga yis sbyar ba'i zas khyer te// rgya mtsho dkyil nas de nyid la// zabs dang rgya dang dpangs dag ltos// de nas sems can rigs dang grangs// nges par khyer la nga la smros// nga yis khyod ni ci dgar bya// men te srog la dbab ces bsgo// srog ni bcad pas rab 'jigs te// gzings dang sman dang sngags dag gi/ sbyor ba byas te phyin 'gyur bas// mtha' ma tsom du phyin pas su// bcas pas phan thogs ma gyur te// shi nas gnyen mtshan brlag pa ltar// sems nyid rgya mtsho'i gting 'dra la// ma rig log brtags rgyal po 'dras// 'du shes chung bas mnyan pa la// 'du byed gzings dang rdzas 'dra ba'i// gtsang ma'i phyi rol sgra brlags te// sems kyi rgya gting mtshan nyid dang // sems las byung ba'i 'khor ba dang // mya ngan 'das pa'i mtha' rtag phyir// 'chi 'dri gtan la ma phebs pas// bsdigs te btang bas ga la rtogs// sgo skur gyis ni dmyal bar ltung // 'o na gang gi'ang yul med pas// 'gro ba'i yul du ma gyur te// nam yang thob par mi 'gyur zhes// kun la khyab pas btsal mi dgos// ye nas yin pas bsgrub dang bral// bu ram shing dang mngar ba'i ro// tha dad min pas mgo zhabs khyab// dper na seng ge'i nga ro'i sgra// bsgrags pas thams cad mi gnas ltar// rang gis rang gi don rig na// 'khor ba zhes bya mi gnas pas// byang chub sems zhes de la bya// de ltar rtog pa'i dam pa ni// gser gyi nyi ma shar ba ste// zhes sdang mun pa ka dag nas// chos dbyings ye shes khyab brdal bas// rdo rje rigs kyi gdung 'tshob cing // khams gsum 'khor ba rigs drug gi/ spros med zhe sdang gcod sbyor ba// sman gyi dam par gyur pa ni// rang dang sems can thams cad cad kyi// lus las byung ba'i khu ba'o// ci phyir de las sangs rgyas 'byung // rigs drug skye ba'i sa bon te// bcud mchog dam pa 'di las so// 'di don rtogs pa'i rnal 'byor pas// bla med bdud rtsi ma bsgrubs 'grub// rnal 'byor dbang phyug chen po zhes// lha dang mi yi rigs kun sgrogs// rtsa ba'i bdud rtsi 'di med par/ su zhig nad dang bral bya'i phyir// bdud rtsi bsgrub la brtson pa ni// sa bon med par 'bras bu 'dod// skyes bu de ni blun po ste// gyi nas bdud rtsi 'grub pa med// de bas rang gi sems nyid kyi// mtshan nyid rab tu brtags byas la// bdud rtsi mchog tu bsgrub bya'i phyir// lhag pa'i byang chub sems btsal bya// zhes gsungs pas// 'khor thams cad da dung du rtog pa'i dra ba rgya ma chad par gyur to// dpal bdud rtsi bde ba chen po zhes bya ba/ rgyud kyi rgyal po chen po las/ bdud rtsi byang chub sems kyi rang bzhin bstan pa'i le'u ste bcu gcig pa'o// // de nas yang sems dpa' chen po rdo rje rnon po des 'di skad ces gsol to// kye ho ston pa gsang chen gtso// kye ho brjod bral gsang ba'i gsung // kye ho bde chen brjod bral thugs// bla med don gyi snying po de// dang du blangs te bsgrub 'tshal na// bdag la byung ba'i byang chub sems// thabs kyis btsal ba'i rgyal po de// bdag cag rnams la bshad du gsol// de nas bcom ldan bdud rtsi mchog/ bde ba chen po nyid kyis ni// gdan las bzhengs te bzhad mdzad nas// thabs dang shes rab gnyis med pa'i// bde ba dam pa'i rgyun zhes pa'i// ting nge 'dzin la bzhugs nas su// btsal ba'i thabs 'di bka' stsal to// gnyis su med pa'i thabs shes rab// dbyer med snying rje rtog bral ba// de las byung ba'i thabs chen po// yangs pa mkhas pa rgya che ba// dpag tu med pa ngas bshad do// 'di ni gsang ba'i snying po mchog/ bla med bsgrub pa'i lam yin te// ji snyed gsungs pa'i thabs rnams las// nga yis snying po gsungs pa yin// man ngag gsang ba'i thigs pa ste// rtsol bar bcas pas dngos grub thob// ma brtsal lhun gyis grub pa ni// bla med sbyor ba sbyar ba yin// dper na gser la mgar bas gzugs// bde gshegs sku dang ban glang rta// rna cha gdu bu bum pa snod// ci brdungs dbyibs ming las rnams kyang // da gser du gyur pa las// de dag gzo pos byas pa yin// btsal dang bral ba'i sems nyid ni// sangs rgyas sems can rgyur snang ste// dag pa sgrub byed rnal 'byor pas// thabs dang shes rab ldan 'grub ste// gser las bde gshegs sku bzhin no// bdag nyid phyag rgya mnyam gzhag ste// thabs dang shes rab ldan par bya// gsang ba rigs kyi btsun mo la// byin brlabs sbyor ba'i gtsug lag gis// sbyar na mchog gi dngos grub thob// rdzas dang thun mong smos ci dgos// dang po las kyi phyag rgya ste// gnyis pa dam tshig dag gi rgya// gsum pa chos kyi phyag rgya ste// bzhi pa phyag rgya chen por bshad// dang po bya'i gdong par bskyil// gnyis pa bde ba 'dus pa'o// gsum pa snying ka 'am spyi gtsug mgrin// bzhi pa tha snyad rnam par spangs// de la dang po'i gnas bshad pa// yon tan bcu gcig yang dag ldan// bzhin bzangs mig gi dkyus ring ba// stod smad phyed la rked pa phra// tshigs sor zlum la sor mo ring // yon tan 'od can bcu gnyis lo// ye shes rigs can yin par bshad// shan pa gdol pa gar mkhan nam// khrus mkhan bzhi 'am bzang po bzhi// 'os dang ldan pa 'dir gzung ngo // 'gris shing skyo ngas med pa dang // dad pa chen po gang yod 'os// pad+ma can dang dung can dang // ban glang can dang ri mo can// rigs bzhi dag tu rgyud 'dir grags// de yang gang dang gang zhe na// pad+ma can ni zhi des che// dmar smug smin ma 'phra la ring // so dkar tshags dam ngang pa'i 'gros// zhi zhing des la khong gzos pa'o// dung can ma ni 'jam tshig smra// bzhin dkar zlum la so zho chags// skad sbom zhing ni bde bar smra// ban glang can ni tshig mi ster/ kha dog gnag la skra gzengs 'khro// sha chen yan lag sdong po 'dra// bzhin log kun dang sgra mi byed// ri mo can ni sgra lce mang // lus po ring la kha dog ser// 'khyer zhing 'gro la yid tsam dga'// thams cad kun tu smra la dga' 'o// pad+ma can la rdo rje rgya// dung can 'khor lo 'am pad+ma rgya// ban lang kha TAM tri shul rgya// ri mo 'bri ku sum brtseg go/ pad+ma can ni 'jam la dam// tsan dan du ru ka yi dri// dung can ma ni ud pa la dri// dam la 'dred par shes par bya// ban glang can ni che la yangs// gla rtsi 'am yang na gur kum dri// ri mo can ni sher la rtsub// sha yi dri 'am ba tsha'i dri// bde gshegs rigs dang rin chen dang // pad+ma las kyi rigs te 'di// bzhi 'am rim pa bzhin du sbyar// rdo rje rigs rnams kun la'o// bltas na rtag bzod gcig pa ste// 'gro na stabs sdug gnyis pa yin// gsum pa 'dug na tshul yang mkhas// bzhi ni sgran ngag kyang snyan// tshul bzhin ldan pa nye gnas so// na tshod bab dang lus ran dang // rgyan cig pa dang rigs lnga'i tshul// bkod pa'i rgyan dang lus kyi rgyan// bka' nyan mnyes pa bkod pa dang // 'dzum dang gsang ba mi 'byed dang // sgom zhing 'phreng ba la mkhas te// thams cad ldan pa bcu gcig go/ zhe skar 'on 'thang dbang po lnga// ma chang ba ni lus kyi spyan// dig dang kha man pa tho// brdzun dang phrag ma la dga' dang // log sgra ha cang rgad pa dag/ zhe sdang nga rgyal phrag dog dang // gti mug 'dod ches drags dang lnga// 'di dag yid kyi sgron lnga'o// rlung mkhris bad kan can dang ni// skrangs dang shu tor can dag dang // brlal dang rma can nad sgron spangs// mi brtsol snying rje chung ba dang / brling pos pha rol nye 'gems dang // ser sna can dang le lo can// dge ba'i bar du gcod pa ste// bcu gnyis lnga'i skyon spangs pa'o// lhag pa'i skyon dgu shin tu spangs// shing rta'i srog shing rnga mo'i kha// yon po lug pa so bya'i mgrin// ku shugs dang ud pal bskams// rtag 'jigs pa dang mes gdungs te// rtag tu 'di 'dra'i pad+ma ni// rnal 'byor dbang phyug chen pos spangs// brten na dngos grub nyams par bshad// de ltar brtags pa'i phyag rgya la// dbang bskur dam tshig ldan byas te// mkhas pas brlabs te don shes bya// brda dang gtsug lag rgyas bslabs te// khrus bya rgyan gyis mdzes par klubs// rab tu dben pa'i gnas dag tu// gtsug lag brtsen pas glu blang bya// stod smad rked pa g.yon du bcu// thal mos 'gram pa spyi bor brten// mnyam pa'i gar gyis rkang bskyod la// rdo rje hUM gi glu blang ngo // mnyes cing 'khril bas g.yas su bcu// mchan khung snying kar lag gnyis bsdam// skra 'am cod pan brdab bya zhing / e hang glu yis mnyes par bya// lha yi rnal 'byor ldan byas te// byin gyis brlab cing rigs lnga yi// phra rab rdul gyis lus dgang ngo // gsang ba mchog gi dkyil 'khor ni// byin brlabs yang dag par byas nas// bkug cing mchod pa dbul ba dang // las rnams mthar ni dbyung bar bya// de nas chags pas 'di skad du// hUM/ bdag ni kun tu bzang mo ste// dus gsum rgyal ba'i thugs dam skongs// rin chen gzhal yas kha phye la// ma chags hUM gi gzhes su gsol// ho a/ hUM/ bdag ni bcom ldan dpa' bo ste// rin chen 'bar ba kha phye la// dgyes pa'i rdo rje rab bskyod nas// rgyal ba rgya mtsho'i thugs dam bskang // a dzA hUM/ spyi bo rna ba mig dang kha/ kha la kha yig gdab par bya// dpung pa nu ma lag mthil gnyis// snying kha lte ba brla yi nang // g.yas g.yon rtsib ma mchan khung du// byin pa rkang mthil 'jug byed du/ kha lag so dang thal mos brtsen// rtsa rnams spyod cing g+hu blang ngo // la phug sgog pa sha dang nya// chang yang bag tsam btung bar bya// 'di ni nye bar gyur pa'i zas// sbyor la rab nas rab tu bsngags// rnam lnga bdud rtsi ri lu ni// lcags gsum dag dang ldan par bya// oM AHhUM gis byin brlabs te/ sbyor ba'i dus su gnyis pos bza'// de nas gsang ba'i brdas mtshon te// sa sar rang rang ting 'dzin la// gsal bar gnas pas 'di skad du// 'da' med pas na 'da' bar dka'// dam tshig 'di ni bla med rgyu// lam mchog byang chub sems ni bdag/ bzung ba tsam gyis bdag sangs rgyas// sa ma ya s+t+waM zhes byas btang // sbyor ba'i lam mchog dpal dang ldan// dam tshig chen po 'dir gnas pas// nga ni mngon par grub byed pas// sgyu ma'i dam tshig dus la bab// sa ma ya ho/ 'phags pa ji snyed bzhugs mchod cing // mkha' 'gro 'khor tshogs bskang pa dang // sems can don la rab chags pas// shes rab la ni bdag chags so// ra g+ho ya haM/ bdag ni rmad byung gsang ba yi// rigs kun gtso mo rmad byung rab// chags pa chen po lam mchog la// chags pas de 'dra chags par bgyi// rA ga ya mi/ dzaHhUM baM ho'i phyag rgyas su/ bkug bcug bcings dang dgyes bya'i phyir// spro ba phaT dang dbye bya zhing // bstim pa a yis bya bar bshad// cho ga bu dang ni g.yas brkyang dang // g.yon dang 'phreng dang gan rkyal dang // rul sbal nyal 'dra seng ge rta// shing rta'i 'khor lo pad+ma brtsegs// pha wang phur 'dra seng ge'i tshul// 'di dag lha yi sbyor shes pas// sbyar na ye shes 'dod pa skye// mchog dang thun mong 'grub par bshad// b+ha ga la ni ling ga bzhag/ mnyam pas thal mo phyogs bcur brdab// sgo dgu las ni srog rtsol bsdam// hUM brjod sems ni lte bar bskyil// 'brug dang ba glang rma bya dang // rta sogs 'dod pa drug gi glu// mi 'gyur dal la men pas blang // sems ni gzhan du mi btang bskyil// chu tshags kyis ni chu bzung ltar// 'di las phyi rol ma yin no// hUM/ de nas nyams dga'i glu blang ngo // hUM/ rnam dag dri med 'dam gyi pad ltar nyes pa'i skyon bral ba// shes rab shel ltar gsal ba'i thugs ni kun la ro snyoms pas// bdag 'dra'i rnam rtog zhi bar byed pa'i gzungs ma khyod 'dra med/ khyod la bdag ni bde bar gyur pas rtog bral rab tu rtogs// de phyir gsang ba'i btsun mo khyod dang nam yang 'bral bar mi byed do// hUM/ 'gro ba'i mos pa ci 'dra thabs rnams ston byed pa// de yis thar lam bde bar gyur pas/ ngan song 'joms par byed/ gsang ba'i rdo rjes byang chub sems kyi char chen 'bebs byed pa// dge ba'i lo tog bskyed pas bde chen 'bras bu rnam par smin mdzad pas// bdag ni khyod bsten nam yang 'bral bar mi byed khyod la bdag bstod do// gal te brten par ma nus na'ang // nyi zla gza' yis gzung byas te// nam yang gtang ba ma yin no// skad cig thang cig yud tsam dang // je je bskal pa mtha' yi/ bar// brtan pas zla ba drug nyid na'o// gal te de ltar stobs med na// A dag dang ni dbyer med mtha'// 'phro dang 'du ba'i bya ba yis// 'od dang bcas pa'i hUM de nyid// phyung la gsang sngags brjod de bza'// gsum du byas te ma nus na// gser lam dngul lam nya phyis dung // mchog gi ka pA lar blugs te// gur kum dang bsres bsgrub par bya/ oM badz+ra tsit+ta ma hA sa ma ya a// ho su kha bo d+hi tsit+ta hUM// bsgrub pa chen po'i dus su ni// lha'i sbyor bas mnyam sbyar nas// lan gsum bar du khu ba 'byung // gsang ba'i sngags ni btab nas su// 'bar dang bsgrub pa'i rdzas su bsngags// de men 'grub par ngas ma gsungs so// thabs rnams ji snyed yod pa las// 'di ni snying por gsungs pa ste// gsang ba'i gsang ba bla med pas// 'di ni bla med thob pa'i thabs// skal ldan rnal 'byor dbang phyug gis// bsten na dngos grub thob 'gyur gyis// snod dang mi ldan ngang tshul ngan// chags shing rmongs pas bsten na nyams// de skad dpal ldan bdud rtsi che// rang byung dpal bos bka' stsal to// dpal bdud rtsi bde ba chen po zhes bya ba// rgyud kyi rgyal po chen po las// lhag pa byang chub kyi sems bskyil zhing btsal ba'i le'u ste bcu gnyis pa'o// // de nas sems dpa' chen po des yang / bcom ldan 'das la gsol ba// kye bcom ldan 'das byang chub kyi sems dam pa de'i rtsa ba dang / yan lag gi 'du bar 'dus pa de dag lta bu mchis sam/ mchis na de dag gang dang gang lags/ btsal ba'i thabs ni ji lta bur stsal bar bgyi/ de skad gsol ba dang / bcom ldan 'das kyis bka' stsal pa// nyon cig sems dpa' chen po khyod// 'gro ba kun la phan gdags phyir// khyod kyis zhus pa bshad par bya// rnam par mi rtog chos dbyings las// g.yo med thugs rje'i rgyun shar te// nyi ma'i 'od kyis kun tu khyab// sa gzhi thams cad snum mdzad de// khyab par skyes pas 'gro kun gso// thams cad thugs rje'i snang ba'o// de'ang rtsa ba rnam pa brgyad// phyi dang nang dang gsang ba'o// dang por gsang ba bshad bya ba// mig dang rna ba sna dang lce// 'dam bu'i me tog dung dang spos// bu ram brgyad par bshad pa ste// zhe sdang rtsa ba yin pa'i phyir// rtsa ba brgyad ces sbrul la bya// nang la gnyis te sbas pa dang // mngon pa phyi yi bzhi ste brgyad// mig skra so dang sem mo phyi// go ro tsa na gzhungs pa dang // be la gre ba gsang ba sbas// tsan dan dkar po dri mchog gis// rtsa ba sdong po shun pa dang // yal ga lo ma me tog dang // 'bras bu thang chu brgyad ni phyi// ga pur khur mangs bes zho dang / khron bu dang ni byar byi dang / sen mo'i thang chu sha ri ram// men te tha skar 'brug rus brgyad// bi na ha ste dam pa'i 'o// na skyes 'ba' hu b+hi ra ha// se na shu dang ni byar byi dang // le she ra dang hu la ka/ ba sha re'u dang sbar ha// brgyad ni mig gi yin par bshad// rna ba'i kha sho ser po dang // mig mi dang mi snun ta re// shu dag dkar po dang // she ra she dang a mra'i shun// d+ha ba ke dang brgyad du brtan// lce yi khyi lce dkar po dang // la hu ra ne she pa ra// kyi 'di chu gang kas sgra dang / khyag ra wa rten brgyad yin no// shri shing rtsa ba kan ne ra// ba mo glo glo tsam pa ka/ sug spel ug chos rtsa ba dang // glam pa ra dang mtshal ba yi// zang chu brgyad ni sna yi'o// 'dab bu'i dra ba la dang ka ka sha/ tsi na ru pa sha pa tsa// dza ti dkar po a ta ra// pa la ha ra ta pi la// dung la kar sha pa ne dang // 'gron bu rgya dung bya dgod mchu// ya bag k+Sha ra khyim bya'i rus// dza sa ra rus pas ldan brgyad// spos ni tshe sbya ra dang ni// gang ga d+hi dang nyungs smug dang // le ra pa sha tsin d+ha dang // ba sha pa dang hUM lu sing // thad ta ha ste brgyad yin no// bu ram la ni sha ka ra// ma myo ra dang ga li dang // nA ga ge sar bum pa'i rtsi// mig po che yi rtsi dang ni// gan d+ha ha ra ba ra ka/ brgyad de gsang ba'i rtsa ba'o// lung zang dkar po 'ba' sug dang // zha tA was dang 'ang ba la// byi tshe dkar po pu 'bur ma// ling spring ka dang min tsher ba// brgyad ni sems kyi mtha' yi'o// sgra ni me tog khyag ra tse// pad skud phag gi ze ba dang // dom gyi snying lpags glang dgod rnga// spras ma'i gdong bu ban glang rnga'o// sa yi phag rgod mche ba dang // d+hi gang ga dang rdo sol dang // lug se'i sdong bu spa 'bras dang // karka na dang se wa tsang ga/ pa san ta ra'i me tog brgyad// sen mo'i chu srin sder mo dang // rgya mtsho'i 'bu shun nya phyis dang // rdo zag dag dang de bzhin du// dbang po lag pa wang ga se// zhar ga ya dang mig la ko'o// dri sha'i klad pa rta dang khyi// phag pa'i klad pa shing ka ya// bil ba ba se lu gu ra// lug ngal 'bras bu klad pa'i 'o/ sbyangs pa'i pi tsi tra ka mu la// bil ba'i rkang dang ya ra sha/ ka ra ba sha du na has// bo ga ling dang sen ta tha// kum bi ra dang rnam pa brgyad// be la kri ba'i sku ba dang // pang sha mo dang glo tsha dang / rgya tsha sne ta tsha dang ni// 'bings ga'i 'bras bu sha sangs dang // hing ka kha dang rnam pa brgyad// rdo rje se na'i sdong bu dang // bo d+hi mu la mu la ka sa dang // mu la ring po bag tse ta// sgra bang mu la ya s+tha ra// sgra tshil brgyad de nang gi'o// rgya shug tsu ta pang ka ra// rnam par rgyal ba'i a ru ra// ku mu ta dang tsang ga d+hI// ag me ra dang rag na ta// 'di brgyad rtsa ba rtsa ba'i stongs// sdong bu yal ga dang lo ma// me tog 'bras bu shun pa dang // thang chu brgyad ni thang chu'i stongs// blo dang ldan pas shes bya ste// mdor bsdus nga yis bstan pa yin// nying lag 'bum phrag g.yas pa'i bcud// sman du ma gyur gcig kyang med// byang chub sems su gtogs pa kun/ khyad par dag ni ma shes na/ kha dog ros ni shes bya ste// dkar dang kha ba'i rnam pa kun// byang chub sems su shes par bya// de skad ston pas bka' stsal pas// sems dpa' che sogs 'khor rnams kyis// snod bcud ji snyed yod grags kun// byang chub sems su khong du chud// bde ba nyams su lon gyur to// dpal bdud rtsi bde ba chen po zhes bya ba'i rgyud kyi rgyal po chen po las/ byang chub sems su ma 'dus pa med cing ngos gzung ba'i le'u ste bcu gsum pa'o// // de nas yang sems dpa' rdo rje rnon pos/ ston pa la gsol ba/ kye ho nad sel sman pa'i mchog/ 'khor ba'i khri mun gting rings nas// thon pa'i dus ring 'gro ba rnams// sos pa'i glags med zhe sdang nad// byang chub sems kyi sman sbyar bas// myur ba nyid du zug rngu sangs// bde bar gyur pa rab tu legs// 'di ltar gyur pa'i rtsi mchog 'di// 'jig rten 'du ba'i nad rnams la// phan pa'i nus mthu mchis ma mchis// dpa' bo thugs rjes bshad du gsol// bcom ldan 'das kyi bka' stsal pa// bla med byang chub nges 'grub cing // bzod med zhe sdang sel nus la// 'di yi yon tan smos ci dgos// de dag bshad kyis khyed rnams nyon// byang chub sems ni rtag bstan na// kun gyi yid 'ong dga' 'gyur te// rgyal po'ang bran bzhin bsgo ba nyan// snying skran tsha ba'i nad rnams 'jil// rtsa ba brgyad kyi yon tan ni// mig gis mig rnon thob par byed// rna bas 'on dang 'thibs pa sel// snas ni rgyun du rigs byed shes// lces ni smra la rab tu mkhas// 'dam bu'i me tog skad 'gags sel// dung gis mig sprin khrag can sel// spos kyis 'jig rten lha rnams skyob// bu ram rma dang grang ba 'joms// mig gis 'jig rten gsum mthong ste// skra bsregs gzhob kyis skrangs pa sel// so yis so srin sbyong 'gyur zhing // sen mos yan lag zha ba rengs// lhad pa lhad zer bdud rtsir che// bskyungs pas lus drang legs par 'grub// rlig pas rigs rgyud 'phel byed cing // pho mtshan gyis ni rtsal dang ldan// tsan dan dkar po'i rtsa ba yis// klu yi gdon rnams 'joms par byed// sdong bus snying gi rlung sel lo// shun pas sbrul dang 'bu srin sbyong // yal gas bud med bu rnyed de// lo ma zos na sa bon 'phel// me tog gis ni brgya byin 'grub// 'bras bus rims nad thams cad sel// thang chus sprin las char pa phebs// yan lag rnams kyi mthu rtsal ni// ga pur rtsa ba gtan nas sel/ khur mas mkhal ma'i chu ser 'dren// bse zhos bad kan 'khru bar byed/ khron bus bus pa'i nu zho 'dren// byar byid rtsa sbugs khrag nad sel// se na'i thang chus pho mtshan 'greng // sha ri ram mam tha skar gyis// rus pa rdo rje sra mkhregs byed// 'brug gi rus pas rlung mdze sel// yan lag gzhan kyang yon tan mchog/ re re ldan par dpa' bos bshad/ khams gsum 'khor ba'i gcong snying dang // dug rnams sel bar byed pa la// sman mchog bsgrub par rab tu bshad// de skad 'gro ba'i gnyen gcig pu// rdo rje bdud rtsi yang dag bshad// dpal bdud rtsi bde ba chen po zhes bya ba rgyud kyi rgyal po chen po las// rtsa ba dang yan lag sman 'jig rten gyi yon tan dang ldan par bstan pa'i le'u ste bcu bzhi pa'o// // de nas yang bcom ldan 'das dpal bdud rtsi bde ba chen pos 'di skad ces gsungs so// hUM/ byang chub sems 'di ye shes rang bzhin te// dri med rin chen char bzhin 'bab pa las// 'gro ba kun bskyed yid bzhin nor bu'i tshul// gdod nas dag pas bdud rtsi'i rang bzhin la// gnyis med sbyar bas rdo rje rigs chen 'grub// chos dbyings ye shes 'di nyid yin par bshad// ces gsungs pas/ snod bcud thams cad bdud rtsi bde ba chen po byang chub kyi sems su sangs rgyas te// chos kyi dbyings kyi ye shes su lhun gyis grub par gyur to// de nas yang bcom ldan 'das dpal bdud rtsi bde ba chen pos gsang ba de kho na nyid bdud rtsir dbang sgyur ba zhes bya ba'i dgongs pa la snyoms par bzhugs nas/ 'od kun du 'byung bas thams cad la byin gyis rlob par bsgrub pa zhes bya ba'i gsang sngags 'di nyid kyi thugs las phyung ngo // oM AHhUM badz+ra sa twa hUM/ sarba e'u shu d+d+he/ badz+ra a mr-i ta su kha ma hA yo ga hUM tsit+ta hUM/ oM AHhUM ak+ko b+hu dwe Sha ra ti sa ma ya s+t+waM/ zhes gsungs pas snod bcud thams cad 'bar/ rab tu 'bar/ kun tu rab tu 'bar bas/ thams cad bdud rtsi byang chub sems su rgyas thebs par gyur to// de la yang 'di skad ces gsungs so// nyi ma'i 'od kyi dkyil 'khor la// byang chub sems chen yi ge hUM// skyon bral zla rgyas kha dog la// ye shes 'od kyis mtha' ma bskor// 'bar 'phro glog gi tsha tsha 'phro// brjod pa seng ge ngur ba'i gdangs// mtshan dpe ldan pa'i bde gshegs sku// yon tan zad med rin po che// thogs med kun 'dul 'phrin las bdag/ 'du 'phro klong du bdud rtsi bsgril// stong gsum 'jig rten ban d+ha'i snod// mtshan ldan bkra shis gzhal yas khang // rtsa yi skar khung nam mkha'i sgo// shel gyi zar bu bcud kyi mchog/ mi bskyod rgyal ba'i zhing khams na// bai DUr bkod pa'i gzhal yas su// byu ru'i bum pa mthe bong tsam// ka ra bi ra'i lcug ma la// 'khril te bde ba'i ro yis mchod// rdo rje bkod pa'i zhing khams sbyangs// rgyal ba'i thugs ka'i bdud rtsi bsdus// stong gsum 'gro ba zhe sdang can// mi 'gyur dpal be'u dbyings su bsgral// bgrod pa med par sa mchog non// thams cad byang chub sems su zhu// gsang ba'i dngos grub dbyings su bskyil// brtan pa rtse lnga'i rgya yis btab// hUM chen klong gis mtshan ma byas// rdzas kyi dngos po 'od kyis bsregs// thig le nyag gcig dbyings su thim// ye nas rnam dag yin pa'i don// don ldan skyes bus de ltar sbyangs// zhes gsungs pas 'khor thams cad rab tu bde ba'i ros tshim par gyur to// dpal bdud rtsi bde ba chen po zhes bya ba rgyud kyi rgyal po chen po las/ byang chub sems sbyangs pa'i sngags dang ting nge 'dzin bstan pa'i le'u ste bco lnga pa'o// // de nas yang sems dpa' chen po rdo rje rnon po zhes bya ba des/ rab tu dga' ba'i mdangs phyung nas/ bcom ldan 'das kyi zhal du bltas te bgad nas 'di skad ces gsol to// bcom ldan gsang sngags gsang ba'i bdag/ sems can kun gyi gnyen gcig pu// chu bo rab med sgrol ba'i gzings// bdud rtsi byang chub sems 'di la// grub dang ma grub khyad par gyi// rtags rnams bdag cag rnams la shod// sems can rnams ni rmongs pas na// dge dang mi dge'i don dag la// shed ni ma byed 'khyams pas na// bar du gcod pas ya cha'o// de skad gsol pas rgyal ba'i yab// bdud rtsi dbang sgyur bde ba ches// tshangs pa'i gsung ni 'di skad ces// 'gro ba byams pas bka' stsal pa// bdud rtsi mchog gi bsgrub pa la// byang chub sems ni grub pa'i rtags// khyed la yang dag bshad par bya// 'di la gtso cher 'od 'byung bas// de yi khyad par 'di lta ste// grub pa'i 'od dang bar chad do// dkar dang dmar la sogs pa'i 'od// rab tu gsal zhing mdangs dang ldan// sems kyang dga' zhing gzeng dang ldan// lus yang sgrosgo dang bying rmugs med// de dag rang sems grub pa'i rtags// dbyibs kyang nyi zla 'dra ba dang // skar ma me mar 'ja' tshon 'dra// glog dang me stag tsha tsha 'dra// skar mda' 'dra dang me tog 'dra// yud tsam zer du ston pa bcu// stong gsum khyab cing yun ring gnas// 'khor yug khyab cing cung zad gnas// khang pa rdzas bcas yud tsam gsal// rab 'bring za mar shes par bya// yang dag rnal 'byor las byung rab// bdud rtsi las byung 'bring du bshad// rdzas dang gnas khang las byung na// tha ma dag tu rab tu bshad// de dag dge bar rab shes nas// re dang chags pa'i sems spangs la// hUM du gsal bar dmigs byas te// tshig gis mtshon tsam gdon mi bya'o// rdo rje rigs kyi gtso chen por// bdag nyid rab tu gsal bsgoms te// nyi ma'i dbus su hUM bsgoms te// til 'bru tsam du bsgom par bya// rlung gi lcags kyu 'od lta bus// rang dbang med par bkug nas su// snying khar bstim pas mgo zhabs su// byang chub sems kyis khyab byas te// log par brtags pa'i dri mas sbyangs// til 'bru mar dang ldan pa bzhin// gsal la brtan pa phab byas te// rang gi gnas su bskyil la gzung / brtan nas rjes su dran pa yis// sgro dang bsdu bas yang nas yang // las su gyur par nan tan bya'o// e ma rang rig sems kyi don// rnam dag byang chub sems yin te// 'od ltar gsal ba'i dngos po gang // de ni bdag ste hUM yin no// zhes pas yang yang nan tan bya// de las gzhan pa'i 'od dag ni// nag dang mi gsal mog mog po// 'ur cog zer dang dman dang 'thibs// rlon bro gnyid kyi dbang gyur na// bar chad byed par shes par bya// de ni nag po lto 'phyangs te// rang gi sems las brtags pa'i bdud// de bzlog don du bzlog pa yi// bdud brtsi 'khyil pa brgya rtsa brgyad// yang nas yang du bsreg par bya// yang na rdo rje hUM bzhi pa'i// gsang sngags brgya rtsa brgyad du bzlas// yang na sems kyi rtsad bcad de/ kha dog dbyibs dang rtags pa'i ming // kun kyang mi rtog chos kyi dbyings// skye 'gag med pa'i don bsgom bya// des ni rnam rtog rtsad chod nas// bdud rtsi bde ba mchog thob 'gyur// de skad dpa' bo bdud rtsi mchog/ rmad byung gis ni bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi byang chub sems grub ma grub kyi rtags bstan pa'i le'u ste bcu drug pa'o// // de nas yang sems dpa' rdo rje rnon pos gsol ba/ bcom ldan 'das 'gro ba'i mgon po bshad du gsol/ bdud rtsi byang chub sems ra sa ya na 'di lta bu sgrub pa des/ spyod pa ji lta bu zhig la spyad par bgyi bde bshad du gsol/ bcom ldan 'das kyi bka' stsal pa/ sems dpa' chen po de lta bu'i bsgrub pa la gnas pas spyod pa ni 'di lta bu la gnas par bya'o// bla med mchod de bdud rtsi ches// bla ma bkur te 'dod yon lngas// dam tshig lus g.yo dag bral yid// gsog med par ni bsrung bar bya// sngags dang phyag rgya rgyun mi gcad// byang chub sems nyid mi gtang zhing // kun rdzob sems kyang mi dor phyir// de la yang dag nan tan bya// bud med shes rab rigs kyi lha// kun tu bzang mo b+ha ga'i klong // 'du 'bral med par mnyes par bya// sems can che phra gang yang rung // bred cing dngas dang gtse mi bya// srog 'phrog pa lta ga la srid// 'du ba bzhi yis gdungs pa yis// sems can rnams la snying brtse bar// byas te gang dang gang dag la// phan pa'i sman rnams sbyin par bya// zhu rjes bcad de mi gnod pa'i// sman rnams btags te mang dang // bu ram dag dang ldan byas te// srog chags mang po 'du ba yi// mtsho 'am 'bab chu rdzing chen por// dor te chags med sbyin par bya// zas skom gos sam gnas dag gis// nyen pa'i 'gro gang nyam thag la// nye du'i 'du shes bzhag nas ni// gang gi sgo nas phan par bya// de yi stobs dang mi ldan na'ang // snying rje'i shugs kyis gdung ba bskyed/ khong khro gshe dang brgyad mi bya// des ni byin dang bsod nams 'dra// srog gi nyen pa mthong bas na// rang gi srog la bab kyang ni/ de la phan pa'i cho ga bya// brdzun smras pa la'ang nyes pa med// dkon mchog mchod cing bkur ba bzhin// pha dang ma la de bzhin no// de dag pas klang bla ma lhag/ nags sam gangs sam chu 'gram du// byang chub sems kyi rigs skyes pa'i// sman dag mthong bar gyur pa na// de la rab tu dga' sems kyis// khyer te bdag gi gnas su bzhag/ thor tho bar bur mi bskyer bar// de nyid khung bur bcug nas ni// sa de nyid kyis slar la g.yog/ se gol brdabs te 'di skad du// de bzhin nyid kyi bden pa dang // bdud rtsi chen po'i byin brlabs kyis// slar yang skye bar gyur nas su// 'gro ba'i nad rnams sel bar shog/ dug kyang rgyun chad ma gyur cig/ swA hA zhes ni brjod par bya// sems can phan phyir ma gtogs pa// ma brtags gang yang bya ba min// spyod pa bla med don ldan bdag/ bor nas bdud rtsi btung byas kyang // bla med 'grub par mi 'gyur bas// spyod pa mchog la nan tan bya// de skad bcom ldan bdud rtsi che/ phan byed mgon gyi bka' stsal pas// sems dpa' che sogs 'khor rnams kun// bag med rtsing po'i las bor nas// spyod pa mchog la nan tan du// gyur nas thal sbyar spyan sngar 'khod// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi byang chub sems kyi spyod pa mchog bstan pa'i le'u ste bcu bdun pa'o// // de nas yang bcom ldan 'das bdud rtsi bde ba chen pos/ me long lta bu ye shes chen po mun pa sel ba zhes bya ba'i dgongs pa la bzhugs te cang mi gsung ba gyur to// de nas byang chub sems dpa' chen po rdo rje rnon pos 'khor de dag la spyan gyi lta zur gyis blta na/ thams cad rang bzhin rab tu gnags nas 'khod pa mthong ngo // de nas 'khor de na bdud rtsi dbang phyug 'od mchog 'phreng zhes bya ba zhig lha mo rab tu gzugs byad bzang zhing / rin po che'i rgyan sna tshogs pas brgyan te// lag pa gnyis kar myur bar bsgyur zhing rang gi pad ma'i stan las langs nas/ 'dzum pa'i mdangs dmyal te sems dpa' rdo rje rnon po la 'di skad ces smras so// sems dpa' chen po/ bcom ldan 'das ni sems can gyi khams thams cad bdud rtsi'i dbyings la bkod zin cing dgongs nas cang mi gsung bar bzhugs na/ da dung 'khor 'di ba'i tshogs dang khams gsum bsam gyis mi khyab pa na gnas pa'i sems can gti mug can thams cad da dung gcig kyang grol bar ma gyur na/ sems dpa' chen po khyod dpa' bo chen po la gsol ba dang bskul ba mi byed pa de ces smras pa dang // byang chub sems dpas slar smras pa/ bdag gis ni don mang du zhus pas bkas gnang ba'ang mdzad la/ sems can gyi mdzad pa'ang mdzad zin na/ ci khyod kyis zhu ba spobs shig/ lha mos smras pa/ bdag gis kyang zhu ba mi spobs pa ma yin te spobs mod kyang / sems dpa' chen po khyod ni shes rab mchog tu gyur pas bya ba thams cad la ma rmongs shing / bde bar gshegs pas kyang byin gyis brlabs te sras kyi dam pa kho nar mdzad pas zhu ba spobs pa can kyang yin la/ bdag cag kyang de kho na ltar spro bas/ sems dpa' khyod kyi zhus shig/ ces smras pa dang / 'khor thams cad kyis kyang de bzhin no zhes smras so// de nas sems dpa' des rang gi shes rab kyi ral gris khams gsum gyi sems can rab tu rmongs pa rnams la btab ste/ gti mug gi dra ba ci yod pa rnams khrag med par brdal te// rang rang gi sems kyi snang ba ltar bcug ste/ ral gri de stan la bzhag nas/ bcom ldan 'das la phyag 'tshal te gsol pa/ kye ma bcom ldan thugs rje'i bdag/ ma rig rgya mo chud pa yis// gti mug mun par 'khyams pa rnams// sangs rgyas sa la lhun grub phyir// de yi don rnams bshad du gsol// gti mug sems las tha dad min// me long lta bur gsal dag cing // dri ma ma spangs de nyid ces// gsungs don bdag cag rnams la shod// bcom ldan bdud rtsis bka' stsal pa// sems las gti mug tha dad par// 'dzin pa'i 'gro ba blun po ste// des ni byang chub thob par dka'// dper na chu dang lan tshwa gnyis// gcig ste rnam pa med pa la// 'byed par 'dod pa de ni 'phrul// de bzhin sems logs gti mug ces// spang dang blang bar byed pa ni// ngo bo nyid la yongs ma grub// sems nyid cir yang mi sems shing // ci la'ang 'jug pa dang bral la// rnam grangs nges pa'i bdag la rmongs// gti mug ces ni tha snyad btags// ji ltar btags kyang dpag dka' ste// dper na mchog rab lhun po la// phra rab rdul du bshig byas nas// grangs kyi nges par byed pa 'dra// gti mug ces su gtags pa nyid// me long lta bu'i ye shes te// mi rtog pa la thams cad gsal// de nyid bde bar gshegs pa'i rigs// rnam par snang mdzad rgyal ba'i gtso// spangs pas mi spongs nang sbyangs shing // de nyid dbyings su thag gcad phyir// lus las byung ba'i 'dri chen po// shes rab can gyi dang du blang // spangs pas mi spongs gyur pa ni// dper na nyi ma'i snying po la// mun pa'i gzhi ni cung zad tsam// med de ye nas gsal dag kyang // mkha' las byung ba'i sprin chen pos// gtibs pas gsal bar ma gyur kyang / 'od la dbye bsri ming med de// thugs rje'i snang ba shar gyur kyang // ri nag po yis bsgribs byas nas// gling bar dag na mi snang bzhin// gti mug ces pa'ang de dang 'dra// de nyid bsal bar bya ba'i thabs// blang dang dor ba dbyings nyid du// gcig pas bcu dang snyigs ma zhes// spang blang med pas dang du blang // rgyu nyid gtsang la 'bras bu ni// mi gtsang bar 'dzin 'gro ba 'khrul// 'bras bu gtsang la rgyu nyid ni// mi gtsang de yang ga la rigs// rgyu dang 'bras bu dbye med de// rgyu gtsang 'bras bu dag kyang gtsang // bzlog pa dag kyang de bzhin pas// rgyu 'bras gnyis la spang blang med// de bas theg chen bla med 'dir// thams cad chos nyid brdal ba ste// de ltar ma rtogs bsgral ba dang // bshang ba mchog tu 'dzin byed cing / de la zhen rnams dag bya'i phyir// mtshan nyid khong du chud byas la// de nas dri chen bsgrub par bya// de skad bdud rtsi mchog nyid kyis// gti mug can rnams bsgral phyir bshad// dpal bdud rtsi bde ba chen po zhes bya ba rgyud kyi rgyal po chen po las/ dri chen po'i rang bzhin bstan pa'i le'u ste bco brgyad pa'o// // de nas yang sems dpa' rdo rje rnon pos/ bcom ldan 'das la 'di skad ces gsol to// bcom ldan rdo rje bdud rtsi che// kun rdzob sgyu ma'i tshul tsam du// bdud rtsi dri chen btsal ba'i thabs// bdud rtsi bde bas bshad du gsol// de nas bcom ldan dgyes chen po// bdud rtsi rgyun chen zhes bya ba'i// ting 'dzin mchog la bzhugs nas ni// dri chen btsal ba'i thabs bshad do// rnal 'byor de bzhin nyid rtogs nas// bsgom dang sgrub la dad mos pas// bdag med pa la gnas par bya// de las g.yos dang bskyod med par// rnam par snang mdzad yab yum du// 'dris shing goms par nan tan bya// yang na byin pa'i lha bsgoms te// 'dod pa lnga yis bdag mchod de// gsang sngags bzlas pa rgyun mi gcad/ khar ma dkar po dang bcas pa'i// zho dang 'o ma mar dag dang // tsit+ta kra dang bcas par bza'// lus kyi stobs rnams bskyed pa'i phyir// chang yang bag tsam btung bar bya// gangs dang nags la gnas pa yi// d+ha na ka yi sha yang bza'// gzhan yang ma he me sha ka/ e n+ya ya la sogs pa'i sha/ til mar rtsi mar la sogs dang // shing kun pi pi ling bcas par// bcos nas rang gis tshod bzung ste// bag yangs par ni bza' bar bya// 'du ba'i nad la mi gnod pa'i// sman rnams bza' zhing bskus pa btung // zang lag snyoms par bgo bar bya'o// lus dang khong pa la gnas pa'i// srin bu sbyangs pa'i cho ga bya// til mar gur kum bcas pa yis// nyin re zhing ni bsku bar bya// de nas spyi bor zla stengs su// gnas pa'i 'od kyis rnam snang mdzad// spyan drangs mchod de khar thim nas// zas dang dbye med zhu gnas su// 'od du zhu nas dri chen du// gyur nas sems can don du dbyung // bza' btung bye brag thams cad kun// rjes su mthun par byin brlabs te// rang gi lha la mchod par bya// 'od zhu dri chen snang mdzad du// gyur te sems can don bya'o// gser dngul zangs lcags mkha' ra'i snod// tha ma'ang rdza sa'i snod du blugs// shing gi snod du mi blugs so// 'bu srin sbrang ma la sogs pa// gcig tsam yang ni mi gnas par// sa la byi dor legs byas te// lci ba mar dang 'o ma gcin/ kha chas yang nas yang byugs par// gtsang ma'i ras la skam pa ni// rul pa la sogs skyon med bya// de ltar bskems par gyur pa dang // lcags gtun la ni zhib par brdungs// rdzas la ni byas pa'i snod// u rgyan gyi ni bre tshad gang // gcig ni bum pa lta bu la// gnyis ni thod pa zlum po 'dra// cung tsam sor bzhi zlum po yi// bu ga zhabs na yod par bya/ kha dang zhabs su bsdams byas te// lan tshwa med pa'i chu bre gang // bar du ku sha'i 'khor lo bzhag/ steng du bdud rtsi bre do blugs// rgun this lo ma ku sha yis// bcad na kas+tha be ra'am// be shing me yis btso bar bya// ji srid ma tshos par du ni// sngags 'di bar chad med par bzlas// oM bud+d+ha sa man ta pany+tsa a mri ta ha ha ba su Ta pa tra hUM/ phyi ro la mar du btsos 'drar byung // tshos pa'i rtags su bstan pa ste// shing lo dag gi steng du dbab// ji srid grangs par gyur pa na/ kha zhabs phye la gnas dben bzhag/ des ni shu ba g.yon can dang // mdze nad bco brgyad nges par 'joms// 'og gi snod na bdud rtsi ni// chu la chu bzhag dkar la 'tsher// gzung bas zin par mi 'gyur te// dper na gur kum chu bzhin nam// dngul chu dag pa bzhin du 'gyur// bkra shis thod pa gser snod du// blugs te du ru ka yi bcud// lde gur byas pa dag dang bsre// zla steng oM 'bar 'khor lo bcas// 'bar 'phro de bzhin gshegs bkug ste// bdud rtsir bcas pa de la bstim// gsang sngags ci mang bzlas pa ni// oM bai ro tsa na bud d+ha lo tsa na kha la shu n+ya tA swa b+ha ba oM/ des ni yon tan dpag med 'grub// lus la bskus na gnyer ma med// bkrag dang ldan zhing gzhon sha chags// mgo la bskus na sgra dkar med// mig rno u dpal mthing ka 'dra/ kha ru 'thungs na so skye ste// lce yang pad ma'i 'dab 'dra zhing // skad snyan ngang pa gzhon nu 'dra// rna bas rigs drug rang sgra rnams// dam chos bdud rtsi skad du thos/ khong du 'thungs na nad rnams med// tshe ni rang nyid ci dgar gnas// rtag tu sa bon 'phel 'gyur te// rta dang glang po cang shes bzhin// dpral bar thig le nyi re bya// oM 'bar zla ba'i gdan can bsgom// lhag ma bsgrub pa'i rdzas su bzhag/ ma 'ongs kun la sems kyis// dri chen btsal ba'i thabs mchog 'di// bsgrub pa po yi don du bshad// theg pa dman la rab dad cing // rmongs pa rnams la sba bar bya// bstan na nyams te dmyal bar 'gro// de skad phan mdzad bdud rtsis gsungs// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chen btsal ba'i le'u zhes bya ste bcu dgu pa'o// // de nas yang sems dpa' rdo rje rnon po des 'di skad ces gsol to// kye bcom ldan 'das bdud rtsi rmad du byung ba dri chen po de la rtsa ba dang yan lag tu gyur pa dag mchis srid na yang de dag ngos gzung zhing btsal ba'i thabs bdag cag la bshad du gsol// de skad ces gsol ba dang / bcom ldan 'das kyis bka' stsal pa// nga thams cad kyi bdag nyid du gyur te// kun la rab tu mkhas pas/ dri chen gyi rtsa ba dang yan lag rnams bshad kyis nyon cig/ bdud rtsi dam pa de nyid ni// de bzhin phyi nang gsang ba yi// rtsa ba brgyad yang dag ldan// gti mug can gyi sems can de'i// dbang po bzhi dang yul bzhi brgyad// de yi rdzas su bya ba ni// phag pa'i mig rna sna dang lce// mi gangs me tog phan tsan dang // bya rgod spos dang tig ta brgyad// nang gi mngon pa phyi dang nang // ku ku ra dang phug ron dang // nya dang rang shi bam gyi bzhi'o// sbas pa nang gi dri chen bzhi// rgyu lnga bsgral ba'i bla ma'i dang // drang srong dben dang tshig mthun phag/ de ltar brgyad du bstan pa ni// phyi yi rtsa bar bstan pa ni// a ka ru yi rtsa ba dang // sdong bu shun pa yal ga dang // lo ma me tog 'bras bu dang // zang chu dang ni rnam pa brgyad// de ltar nyi shu rtsa bzhi ni// dri chen gyi ni rtsa ba'o// de yis yan lag bshad par bya// brgyad ni dam pa'i ni ru ha// dza ti pa la po nga ser// yungs kar tsher sngon skyer ba dang // yung ba na ga pus pa dang // lug ru ser po dag dang brgyad// lha ma rtsa ba re re'ang brgyad// sngar bshad bzhin du shes par bya// de yang spang skyes b+ha hu dang // am pa sa dang mi g.yo ba// son kya ra la re/ ka dang // kle ra tsha dang pan tse sa// gim b+hi ri rti dag dang brgyad// ka sho kan d+ha'i me tog dang // lug ngal me tog sha ra ki'i// rta rngon dza ti ba da dang // sha sho sa ri ki'i dang // gran ta dang ni wa la se// de ltar brgyad kyi me tog brgyad// rna ba'i stongs dang 'phrad yin no// sri shing sdong bu shun par bcas// byid sang dur byid ser po dang // e ra ta dang ni sgra dang // yo ri ka dang shag sa na// i min dza dang brgyad ni sna// lce yi ba do le dang ni// ba mi ga tsa kyi lce ba'i// me tog dang ni dug mo nyungs// kan d+ha ka ri ba shu ka// sen ta sa ra dza ti ka'i// me tog dag dang brgyad kyis bya// mi gangs pas kyi bu ram gyi// sa bon me tog ka ne dang // sbrang ma me tog sngo 'jib rtsi// phub ra dang ru rag sha dang // sle tres ga mu bya nya dang // a ge tsa rnams dgod par bya// pan tsan gyi yang gze ma dang // gan d+ha pa tra si ra ta// she sha hA dang lan tsa'i// me tog me tog pa shi ka/ bi dang ka dang brgyad yin no// bya dgod spos kyi bshad pa ni// bla rtsi sug smel skya 'bram dang // sho mangs dang ni lu mi dang // lbu gangs pa dag bar ba tang // zangs rtsi ba dang brgyad du bshad// tig ta'i sho sha sa ri pa tra dang // sho no sa ri li ga ngur// lig mi ra dang lig sho sha// hAg pa sa dang be la tsha// de ltar brgyad du shes par bya// ku ku ra yi dri chen gyis// sti tsha dang ni sni bebs// krug she krug re ra dang ni// mi ra pas sma zhes bya dang // khyu ba dkar po'i dri chen dang // seng ge spyang ki'i dri chen brgyad// ha gangs bya bang thi ba dang // ngang pa dang ni ko ki la// dur pa man tri skye ka'i dang // brgyad kyi dri chen phug ron gyi// sgra ting ka dang sprul pa dang // gag por sungs kyi dri chen dang // su su da ra shugs dkar po// dzo ti ra dang kang ka kang // dza ti s+tha dang brgyad ni nya'i// rang shi bam gyi dri chen la// ra ga ra ras ra ti sha/ spyang tsher pho dang de'i mo// gla sran dug se du na ga/ phag tshe ba dang brgyad yin no// rgyud lnga bsgral ba'i dri chen gyis// rdo rje slob dpon dri chen dang // skyes bu mtshon bsad dri chen dang // shra sang ga ra'i dri chen dang // rang ga ra dang hUg ga ra// mir ma'i 'bras bu ri ma mang // shog ti has dang brgyad yin no// dbang bskur ba dang 'chad pa'i dang // gsang ba'i yum gyi dri chen dang // kha rkag nag po ya na kha// kha ra kha na trad ser// bi na ra bes dag dang brgyad// drang srog dben pa'i dri chen gyi// bde ra tsha dang tha na ka/ wa da ga ler zod dkar dang / sgra ra ra dza sbrang ga ra// stag pa'i 'bras bu 'dzi ta ra// de ltar brgyad du bstan pa yin// ma du sa dang gang ga ras// sha ba ne bas dang skyas 'bram dang // kum ne'i 'brum bu shang ga shang // ya ra tas ha khyed ra wa sa// 'di brgyad tshig mthun phag gi yin// phyi yi rtsa bar bstan pa yi// ud pa la dang shas sha shing // a shang tha dang a ru ra/ skem bu rigs kyi shing bu dang // skyu ru ra dang nim pa dang // pu phag gi ni shing ste brgyad// shing 'di rnams kyi rtsa ba ni// rtsa ba'i stongs su shes par bya// sdong bu shun pa yal ga dang // lo ma me tog 'bras bu dang // thang chu brgyad kyang thang chu'i stongs// gzhan yang rigs su gtogs pa rnams// dman pas 'grol bar mi nus na// gcig kyang gzhag pa ma yin te/ kha dog ser dang ro mchog bska// de dag dri chen dag gi stongs// thams cad de bzhin gshegs pa'i rigs// sgrub par byed pa'i rdzas mchog yin// de skad bdud rtsi bde ba che// de bzhin gshegs pas bka' stsal te// bdud rtsi sgrub la phan phyir ro// dpal bdud rtsi bde ba chen po zhes bya ba rgyud kyi rgyal po chen po las// bdud rtsi dri chen po'i rigs kyi sman ngos gzung bar bstan pa'i le'u ste nyi shu pa'o// // de nas sems dpa' rdo rje rnon pos/ bdud rtsi'i rgyal po chen po la gsol ba/ bcom ldan 'das bdud rtsi dri chen po 'di dam pa dang / rtsa ba dang / yan lag 'di dag ma bsgrubs pas kyang yon tan mchog sgrub pa mchis srid na/ de bdag cag rnams la bshad du gsol/ legs par bshad du gsol/ de skad ces gsol ba dang / bcom ldan 'das kyis bka' stsal pa// rang byung bdud rtsi dri chen po'i// yon tan gong du bstan pa yin// gzhan yang longs spyod chen po 'phel// rtsa ba'i don rnams bshad bya na// phag gi mig gis rigs kun mthong // rna bas lha klu'i skad rnams thos// snas ni gzugs med dri tshor te// lces ni 'gro drug skad smra shes// mi gangs pas ni bad skad sel// ban can gyis ni lho pa 'joms// bya dgod spos kyis gdon skrod de// tig tas bad mkhris bsdongs pa 'dren/ khyi yi dri chen skrangs pa 'dul// phug ron dri chen dmu rdzing 'joms// nya yi dri chen sbrul skrod do// rang shi'i dri chen lceb gdon gsod// rgyu lnga'i dri chen shu ba skems// grub pa'i dri chen chos snod ldan// drang srong dri chen sprin gdol te// tshig mthun dri chen rus mdzes sbyong // a ka ru yi rtsa ba yis// mkhal rtsa bskams pa gso bar byed// sdong bu drang srong lha mnyes te// shun pas ma he 'phel bar 'gyur// yal gas bu mo'i sa bon 'phel// lo mas rgyal po'i yul 'khor skyong // me tog gis ni stobs chen dga'// 'bras bus 'bras kyi zhing 'phel te// zang chus bus pa'i gdon rnams 'joms// dza ti pa las snying tsha sel// bo nga ser pos khrag 'khrugs 'byed// yungs kar gyis ni bgegs rnams skrod// tsher sngon pa lang sbos pa 'jib// skyer bas mig nad tsha ba sel// yung bas kha lkog skrangs pa sel// nA ga pus pas klu gdug 'joms// lug ru ser pos mkha' 'bras sbyong / gzhan yang bshad pa'i yan lag mchog/ brgya dang dgu bcu rtsa gnyis dag/ gzhan yang kha dog ros phye ba// de dag re re'ang yon tan mchog/ ldan 'gyur sbyar bas smos ci dgos// de nas rnal dbyor sgrub pa pos// dus rnams kun tu nan tan mchog/ bskyed de g.yo sgyu med pas bsten// de skad phan byed mgon po yis// kun la phan phyir bshad cing bstan// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chen po'i rtsa ba dang yan lag gi sman yon tan dang ldan par bstan pa'i le'u ste nyer gcig pa'o// // de nas bcom ldan 'das 'chi ba med pa'i bdud rtsi'i bdag nyid des/ bdud rtsi dri chen po byin gyis brlab par bya ba'i don 'di gsungs so// oM/ smad pa mi gtsang sgyu ma 'di// rtog pa de nyid snyigs ma yin// tshe mchog 'dzin pa'i bdud rtsi ste// gdod nas dag pa'i rang bzhin pas// bde gshegs kun gyi thugs dam nyid// gnyis med sku ru sbyor bas na// me long ye shes dam tshig 'grub// AM AHhUM bai ro tsa na mo ha ra ti sa mA ya s+t+waM/ ma hA yo ga a ti sbar na pa ni d+he/ a mr-i te a tsit+ta a ti tiSh+Thi IM/ zhes ched du gsungs pas/ nam mkha'i mthas klas pa'i snod bcud thams cad 'thul/ kun tu 'thul/ kun tu rab tu 'thul bar gyur to// de nas bcom ldan 'das rtag pa chen po'i g.yung drung gis/ gsang ba tshe 'dzin pa'i mchog rdo rje zhes bya ba'i ting nge 'dzin la snyoms par zhugs nas/ de bzhin gshegs pa'i rigs mi nub pa'i dri yongs su dag pa zhes bya ba'i snying po gong ma lta bu phyung ste/ mdzad pa'i tshul gyis 'od zer gyis don mdzad de/ bdud rtsi dri chen po byin gyis brlabs so// de nas bcom ldan 'das kyis de skad ces don phyin ci ma log par gsungs so// zla ba rab mdzes gdan stengs su// dri chen rang bzhin yi ge oM/ yon tan lhun grub gser gyi mdog/ ye shes gsal ba'i 'phreng bas bskor// yig 'bru tsha tsha 'bar ba'i 'phreng // ka la bing ga'i tshangs pa'i dbyangs// rab mdzes rin chen 'od kyi bu// zad med yon tan 'brel ba'i 'od// sdug bsngal thams cad zhi mdzad las// spros shing 'dus pas dri chen bskyil// nam mkha'i mthas klas ban d+ha'i snod// gzhal yas tshangs pa'i skud pa can// gser gling gnam sgo shes rab thabs// bcud kyi gtso bo gser zil 'bab// rnam snang zhing khams byang chub rgyan// dngul gyi tsong tsong 'khril ba la// pad+ma pa tra lu gu rgyud// gcig nas bo zhing gcig tu 'khyil// 'khor lo dbus su rab sbyangs nas// bde gshegs dpral ba'i mdzod pu gnas// dri chen bcud bsdus gti mug sbyangs// 'gyur med mdzod bu'i lam du thim// phyin med ye shes bla ma'i sa// thams cad dri chen dbyings su zhu// sku yi dngos grub ca nar bsgril// 'khor lo 'gyur med rgya yis btab// oM 'bar gtsug tor ljon pa'i tshal// dngos po 'od kyi me lces bsregs// nyag gcig bdud rtsi gong bur bsdus// ye nas de ltar yin pa las// thabs kyis sbyangs pas yin par shes// de ltar dri chen shes par gyis// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chen po dag par sbyangs pa'i thabs bstan pa'i le'u ste nyer gnyis pa'o// // de nas 'khor gyi gtso bo sems dpa' rdo rje rnon po zhes bya ba des/ dri chen po sbyangs te gti mug rab tu gsal ba'i ye shes su gyur pas yid tshim par gyur nas/ yang bcom ldan 'das la gsol pa// bcom ldan bdud bdul bdud rtsi'i bdag/ 'khor ba ma spangs mya ngan 'das// bshang pa ma spangs dri chen sman// dug gsum nad rnams sbyong mdzad pa'i// dpa' bo khyod la zhu ba mchis// dri chen bsgrubs pas grub pa'i rtags// bar chad 'byung na ji lta bu// dge na blang bar bya ba dang // bzlog par bya ba'i khyad par dag/ bcom ldan bdud rtsis bshad du gsol// dbang phyug chen pos de gsan nas// rab tu 'gro ba thugs brtse bas// dge zhing blang ba'i khyad par dang // mi dge mnan pa bshad pa ni// 'di skad bdud rtsi bdag pos bshad/ dri chen las ni grub pa'i rtags// du ba 'byung bar ngas bshad do// de la gnyis te dge mi dge/ dge bar bstan pa dbyibs rgyu ste// mchod rten 'dra dang du ba ni// rdo rje 'khor lo rin po che// pad+ma ral gri lcags kyu 'dra// mda' dang zhags pa dang 'dra ba'o// yang na yig 'bru 'dra ba yi// bdag dang bdud rtsi gzhan dag la// rab 'bring 'di yi sngar gsungs bzhin// dpral bar zla dkyil 'theb long tsam// oM 'bar gser gyi 'od 'dra ba// 'od zer lnga dang bcas pa las// ci 'dra ba'i 'od 'byung bas// rgyal ba'i zhing khams mtha' dag tu// dri chen 'grub ste du ba la// du ba de nyid bdag la ni// dbang du bsdu zhing bstim byas te// sdom pa'i gnas nyid mdzod pu yi// gnas su bskyil te bstan pa las// 'phel te bdag la gsal ba ni// mgo zhabs yan chad pa spu yi// bu ga'i gnas su thim byas te// dga' bde bde ba'i dri chen po// so so ma yin tha mi dad// dbyer med don gyi mnyam gzhag ste// gcig la mtshon tsam brjod mi bya// nam zhig bstan par gyur pa'i tshe// sangs rgyas chos dang dge 'dun dang // rdo rje khro bo la sogs pa'i// rjes su dran pa bcu drug gis// 'gro ba'i don du spro bar bya'o// de tshe brjod med brjod bya'i don// e ma ho dngos grub sna tshogs pa// 'byung ba'i rgyal mtshan che rang bzhin// nga ste rang yid kun grub phyir// rang bzhin du ni grub pa yin// oM bud+d+ha sid+d+ha i haM/ de las gzhan pa'i du ba ni// sngo nag mdog las bun bun po// sbar mo bkug 'dra zhags pa 'am// sbrul 'khyil ba dang rnga chag 'dra// ri mo dbyibs med cher 'byung zhing // mi gsal shes pa 'thibs gong bzhin// 'di dag mi dge bar chad bdud// rnam dag yon po zhes bya ste// yungs nag dug dang ldong ros kyis// bzlog pa'i sbyin sreg brgyad bya'o// gang dag chos nyid brjod med cing // bya brtsal bral ba'i byang chub sems// ji bzhin don gyi snying po de// blo la gdeng chen brtan byas tshe// bar chad bgegs kyi sbyor ba ni// 'byung bar bya ba'i gzhi med de// me la sbrang ma mi 'chags bzhin// sbyor ba ngan pa ming mi srid// de skad bcom ldan ston pa'i gtso// bdud rtsi bde ba chen po yis// sgrub la brtson pa'i don du bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chen po grub pa dang ma grub pa'i rtags bstan pa'i le'u ste nyer gsum pa'o// // de nas yang byang chub sems dpa' sems dpa' chen po rdo rje rnon pos phyag btsal te gsol ba/ bcom ldan 'das spyad du med pa'i spyod pa'i bdag nyid dpa' bo chen po/ rnal 'byor pa gang zhig bdud rtsi dri chen po la brten nas/ mya ngan las 'das pa sgrub par byed pa'i rnal 'byor bas/ spyod pa bla na med pa ji lta bu zhig spyad par bgyi ba de bdag cag la bshad du gsol/ de skad ces gsol ba dang / de la bcom ldan 'das kyi bka' stsal pa/ sems dpa' de bzhin gshegs pa'i rigs// 'tsho ba'i rgyal sras dam pa rnams kyis spyod pa ni/ gang yang spyad du med pa bdud rtsi chen po 'gyur ba med pa'i klong / thig le chen po'i g.yung drung sbas pa med pa'i gter chen po spyad par bya'o// de 'dra la gnas spyod pa'i gter// zad med 'gro ba kun gyi dpal// re dang dogs pa rnams spangs te// spyad par bya ba'i dmigs bstan pa// sa gzhi dge dang bkra shis gnas// yid 'ong bar chad med pa bsten// lha dang slob dpon mchod pa'i phyir// rdzas rnams gtsang gdang mang bar bsog/ dbang phyug rang nyams dge bya'i phyir// 'gro 'ong 'grul pa mtshams gcad bya// mi dang byol song thams cad kyi// snyigs ma'i mi gtsang smad mi bya// bud med thams cad las kyi rgya// dus kun bcing ba ma yin kyang // dang por gshe dang smad mi bya// dam tshig phyag rgya mi 'bral zhing // gso la rab tu brtson par bya// sems can gdug pa 'dul ba'i phyir// sbod gtong las la rab tu brtson// sha ni glang chen myos pa yang // byin gyis brlabs te bza' bya na// gzhan dag bza' ba smos ci dgos// 'gro tshe rta mchog glang chen dang // shing rta la ni zhon pa'i tshe// traM las bskyed de 'gro ba'i tshe// don du sa rnams rim bgrod de// theg chen spyod pas don bya'o// nga rgyal zhi ba'i sems ldan pas// byams pas kun la brtson par bya// srung dang ldebs dang bzhad ga kun// lha dang dkyil 'khor chen po dang // tshogs kyi dkyil 'khor nye 'khor dang // bla ma'i spyan sngar bya ba min// gnang ba byin nas kun bya ste// thams cad kun tu bka' btsan bya// tsan dan shing bu rtsad mi gcad// dug sdong de bzhin rtsad mi gcad// chags pas 'khrigs pa gcad mi bya// dgos pa'i tshe na dor mi bya// sman dang me tog brda ba 'am// brko phyir lcags kyi 'jor thogs nas/ khrus byas gtsang ma'i gos gyon te// drung du phyin nas shar du blta// phyag gsum btsal nas thal sbyar te// 'di skad ched du brjod par bya// phyag 'tshal de bzhin gshegs khyod la// phyag 'tshal sman gyi lha khyod la// 'di la gnas pa'i lha mo khyod// bdag la dgyes par dgongs mdzad de// sman gyi dngos grub bdag la stsol// oM a mr-i ta pa ta pa li swA hA/ rtsad nas bton nas btu 'am brda// snying po la sogs bzung nas ni// thor tho bar bur slar la sba// sa yis bkang ste 'thas par bcag/ bde dang skye 'khrung legs gyur cig/ brjod de rul sums med par skam// spyod pa mchog tu gyur pa 'di// rnal 'byor pa la phan bya'i phyir// bdud bcom thams cad mkhyen pa yis// yang dag par ni bka' stsal to// dpal bdud rtsi bde ba chen po zhes bya ba brgyud kyi rgyal po chen po las/ bdud rtsi dri chen po'i spyod pa bstan pa'i le'u ste nyer bzhi pa'o// // de nas yang bcom ldan 'das ston pa thams cad mkhyen pa des/ mnyam pa nyid kun tu spros pa zhi ba zhes bya ba'i ting nge 'dzin la snyoms par zhugs te/ nga rgyal chen po'i don la bzhad de bzhugs so// de bzhin du byang chub sems dpa' rdo rje rnon po yang / ral gri de nyid du bskor nas rang gi snying kar bstan par bzhag nas/ gzengs bstod de cang mi smra bar gyur to// de nas lho phyogs ngos rin po che brtsegs shing bkod pa zhes bya ba'i zhing khams nas 'ongs shing dbang thob pa zhig 'khod der 'ongs pa'i lha mo// rin chen sgron ma'i dbyig ces bya ba des/ rang gi pad+ma'i 'dab ma rab tu rgyas par bya te/ gser gyi rgyan ces rnams lus las bkrol te/ ston pa dang / sems dpa' de la gtor te/ sems dpa' de la 'di skad ces smras so// sems dpa' chen po gson cig/ bdag gis 'khor ba pa'i sems can 'di dag la bstan na/ da phyis ta ga la yang thon te/ kha yang srid par ma gyur te/ nga rgyal gyi ri chen pos non nas theg pa'i glags med na/ bcom ldan 'das kyis ci lta bu zhig la dgongs nas/ don mnyam pa nyid la bzhugs/ sems dpa' khyod nyid kyang / bcom ldan 'das la bskul bar mi byed pa 'di las dpags na/ 'khor ba pa 'di dag gtes chad de bla na med pa'i sgrub pa'i thabs dang bral ba'am/ 'on te sems can gyi don mi spyod dam/ 'on te sems can gyi don mi spyod dam/ don ci lags/ de nas sems dpa' rdo rje rnon pos slar la smras pa/ lha mo khyod shes rab mchog dang ldan zhing / sems can gyi don la mos pa ste/ yid tshim par ma gyur na/ da dung bcom ldan 'das la gsol cig/ sems can ma bsgral ba rnams mthar sgrol bar 'gyur ro// de nas yang lha mos smras pa/ ci sems dpa' khyod bdag la she 'am/ 'on te bgam par mdzad pa lags/ sems dpa' khyod ni bdag cag 'khor 'dus pa'i nang na gtso bo/ rab mchog/ dam par dgongs te/ bcom ldan 'das kyis lag tu shes rab dang ye shes kyi rtags byin nas/ dbang bskur te 'gro ba rnams la ci dang ci dgongs pa gsol ba 'debs par bkas gnang la/ gang dang gang zhus pa de dang de bshad par zhal gyis bzhes pas/ sems dpa' khyod kyis zhu ba dbul bar rigs la/ bdag kyang de ltar bskul bas/ sems dpa' khyod kyis nga rgyal can nga rgyal spong bar mi nus pa de dag/ ma spangs par bde ba rnyed pa'i thabs dam pa bshad par gsol ba thob cig/ de skad ces smras pa dang / 'khor thams cad kyis kyang sems dpa' de la btud de de bzhin du bdag cag kyang spro bar bgyid do// zhes glengs so// de nas byang chub sems dpa' des/ shes rab kyi ral gri des/ sems can thams cad la btab ste/ re re 'ang lus rdul du gtugs te/ nga rgyal gyi ngo bo ji lta bu zhig btsal zhing bltas na/ cung zad kyang rnyed par ma gyur nas/ yang bsnan te/ yun ring du brtags pas/ nga rgyal la bdag med do zhes phyogs gcig tsam shes kyang / legs par khong du ma chud nas/ ral gri de phyis na yang dag par bya ba'i rgyu yang ma rnyed de/ sems can bsad pa rnams kyang snga 'khor snang nas/ bcom ldan 'das la phyag btsal te gsol pa/ bcom ldan rnam pa thams cad mkhyen// bdud 'dul bdud rtsi mchog gi mchog/ sems can rnams ni nga rgyal gyi// ri bos mnan te thar med nas// ro bam gling du 'khyams lags na// 'di don bdag cag rnams la shod// de skad gsol bas thams cad mkhyen// nyid kyis gsungs kyis 'di skad gsungs// ngar 'dzin dra bas bcings mod kyang / tshig gi sgros btags rmongs pa las// nga rgyal sems las tha mi dad// nga rgyal med na sems med de// sems med byang chub snying po'ang med// de med nyi tshe chad pa ste/ khams gsum srog phrogs pas sdig che// nga nyid rang byung chen po ste// ye shes bla na med pa'o// bya ba'i nang na 'di mchog ste// nga rgyal dang ni ye shes che// don nyid dbyings su mnyam pas na// mnyam nyid ye shes zhes su btags// de nyid rin chen zad med mdzod// bkod pa kun tu ma nyams shing // 'gro ba'i don du mngon 'byung bas// yid bzhin nor bu kun 'byung rigs// ye nas de ltar yin shes na// bdud rtsi zhes ni zhing kun grags/ de ltar shes par ma gyur te// mun par 'khyams pa'i 'gro ba rnams// bdag dang gzhan du rnam btags pas// nga rgyal thar med nad chen pos// bsad nas ngan song sdug bsngal myong // phyi ma'i don la legs btsud pas// bdud rtsi zhes ni bya bar bshad// des ni chos nyid ro mchog dag/ 'gro kun rgyud la rgyas pa dang // dregs pa'i nga rgyal gzhom pa'i phyir// de la sha chen zhes bya'o// log dang yang tha me dang // gnyis med dbyings su sus rtogs pa// de la bsgrub pa zhes bya'o// de ltar gdeng ldan rnal 'byor pas// rang bzhin bdud rtsi sha chen po// dam pa'i mchog de blang bya'i phyir// spang blang med par sha chen bsgrub// gtsang sme zhes su btags pa ni// rmongs shing 'khrul pa rnams la snang // yang dag don gyi snying po la// gtsang dang sme ba'i tha snyad bral// des na sha chen dang du blang // gang yang dor bar mi bya'o// de skad rang byung bdud rtsi dag/ bcom ldan kun tu bzang po yis// nga rgyal can la phan phyir bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha chen po'i rang bzhin bstan pa'i le'u ste nyer lnga pa'o// // de nas yang sems dpa' rdo rje rnon pos ston pa la phyag 'tshal te/ 'di skad ces gsol ba btab bo// snang srid thams cad sa le'o// ston pa kun mkhyen rmongs pa sel// 'gro ba'i gnyen gcig dam pa'i gtso// bdag cag rnams la yang dag pa'i// sman mchog sha chen nad sel ba// log pa'i nga rgyal gzhom slad du// ji ltar btsal ba bshad du gsol// de skad gsol pas bdud rtsi che// dga' chen ston pa mgo bo yis// 'od kyi 'byung gnas bde ba'i mchog/ sgron mas snang ba zhes bya ba'i// ting 'dzin mngon du mdzad nas ni/ khams gsum bdud rtsir bsgrub pa'i phyir// dur khrod rdzas mchog btsal ba'i thabs// thugs las phyung ste 'di skad gsungs// nyon cig 'dud pa mang po'i 'khor// rnam par mi rtog chos kyi sku// rang bzhin 'od gsal bde ba che// blo yi yul du ma gyur kyang // blo nyid yin phyir shes gsal bya// de nyid bden pa gnyis med pa// rin chen dbang phyug thabs shes rab// rang rig blos ni de ltar ro// ston pas snang zhing 'brel bas na// drug pa'i lha ni mchog shes te/ de yi rigs ni 'dzin pa'o// bdud rtsi lnga dang 'dod yon lngas// rang dang rangs pa rtag tu mchod// rang sngags bsnyen pa bzlas pas ni// thams cad 'grub par ngas bshad do/ khro bdag chen po'i lus bzung nas// rang lus rgyan dang bcas par bya// hUM zhes bya ba'i sbyor ba yis/ khros pas rdo rje'i gar bya yi// phaT kyis rab tu khros nas ni// dur khrod dag tu gar gyis 'gro/ khro bo rngam pa'i rol thabs bya// 'phra men ma yi 'tsho tshul dang // dbang phyug ma yi rngam stabs dang // gnod sbyin ma yi 'phrog stangs dang // mgo brnyan ma yi 'bri tshugs kyis// dang po ro de brtag par bya// bdun dang lnga dang gsum pa la// mtshan dang dpe byad yod pa la// sor mo dra bar 'brel ba dang // so tshags dam zhing lhag pa dang // smin dkyus ring zhing bar ma chad// sgra mdog nag la 'jam pa dang // 'khyil cing gyen du 'greng ba la// mngon shes dag dang ldan pa'o// shi nas gsum mam lnga dag las// rul te bsgrub pa'i rdzas men pas// 'gre ldog rgod dang 'dzum pa dang // sgra 'byin 'bros dang bkrag 'byin dang // thal mo brdebs pa mchog yin pas// de las bsgrub pa'i rdzas btsal lo// dang po hUM gi bro yis sbyang // yi ge lnga yi 'phro 'du yis// mtshon cha lnga yi char pa dbab// 'bru gsum sa bon bsreg bkru gtor// nyi steng b+h+rUM las gzhal yas khang // rin chen rigs kyi lha bkod bzhugs// mchod de pho nyas spyan yang drang // bag chags bsgrub pa'i rdzas min pa// sgo bzhir bro bzhis sbyang bar bya// khro bo chen po lhag pa'i lha// stobs chen pha rol dpung 'joms par// byin brlabs rdo rje phur pa ni// dur gcan gdul phyir bkra shis phyir// ro'i khur bu 'am shul du gdab// rdo leb thog tu bzhag nas ni// thal ba yungs kar til nag la// hUM bzhi gsang sngags phaT dang bcas// brgya rtsa brgyad 'das brab par bya// de nas gtsang ma'i chu yis bkru// ga pur gur kum bdud rtsi lngas// de la bskus shing byugs nas ni// lha yi sbyor bas steng 'dug ste// gsang sngags khri phrag bdun du bzlas// oM badz+ra rdza la kro d+ha ma tang ro na b+hi Ta hUM hUM ha lA ha la phaT phaT/ oM badz+ra khad ga ha na ha na hUM phaT/ oM sarba mahA maM sa a mri ta kun Da li shud d+ho swa b+hA ba hUM phaT/ 'phar dang sgra dang drod byung nas/ khrod pas 'jam dpal rno thogs te// gang g.yo mod la gcad par bya// de nas snod nyid gcad byas te// bdud rtsi mchog gi snod du bya// dge dang mi dge'i mtshan ma kun// ngas gsungs 'jigs byed chen po yi// rgyud las 'byung ba ji bzhin brtag/ rigs kyi khyad par shes par bya// dang po thams cad ngar byas te// dgongs pa'i don dang sbyang bar bya// de nas spu gri mtshon chen po// thogs te dpa' bo chen po yis// nya bzhi btsos brgyad brab par bya// zha nye'i snod du bzhag nas ni// bdud rtsi bsgrub pa'i rtsa bar sbyar// lhag ma'i rdzas kun bsdus nas ni// chu gtsang dag tu btso ba ni// 'khar ba'am ro nye'i snod dag tu'o// seng ldeng tsher ma can gyi me// che chung ran par bud par bya// bre gsum la ni bre do btso// gnyis ka srang la gcal bar bya// bcud thon tshos par gyur pa na// sing ga ra'i ris gtum te// lcags gtan pa 'am rdo yang rung // bcud kun thon par mnan par bya// ci byung 'khar bar lkugs nas ni// bsdus te tsha ba gsum dang sbyar/ khongs su 'thungs na bad rlung sel// lus la bskus na shu tor sbyong // rtag tu bcangs na khrags 'bras 'dul// nam gyi gung la 'o ma dang // sbyar te khur ba gsum gsum gtung // bsres te bag dang ldan byas na// pho mtshan stobs ldan sa bon 'phel// bskyil ba'i zabs la rtsal ldan no// dngos po dri ma la bskams nas// lcags kyi gtan gtun la btags te// ras la sbyangs te ka pA lar// skyu ru ra yi khu bas sbrus// phyi rol til mar bsku byas te// 'dab to pa la'i lo mar gril// rtas nas ri lu a 'bras tsam// byas te za ma tog tu blugs// 'di ni sha chen dam pa ste// rul dang sums shing bam pa dang // bad mkhris bag dang ma bral ba// sgra kha yis ni 'bras bu dra// 'di dag spang bar ngas bshad do// de skad bdud rtsi bde ba che// rang byung dpa' bo chen po yis// 'khor ba'i nga rgyal nad sbyang phyir// kun la brtse bas bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha chen btsal ba'i thabs bstan pa'i le'u ste nyer drug pa'o// // de nas yang sems dpa' rdo rje rnon pos bcom ldan 'das la phyag 'tshal te gsol pa/ kye ma ho bcom ldan 'das snod bcud thams cad ye nas bdud rtsi sha chen por ma gyur pa med do zhes gsungs na/ de dag rtsa ba dang yan lag tu bcas pa ngos 'tshal bar bgyi ba de dag bshad du gsol// thugs rje'i bdag nyid bshad du gsol// de skad ces gsol pa dang / bcom ldan 'das bdud rtsi chen pos bka' stsal pa/ nga thog ma med pa'i dus snga ba'i yang snga ba nas/ sems can thams cad shugs chen pos bsgral te/ bdud rtsi rgya mtshor bskyil zin kyang 'gro ba gang dar gyi srin bu bzhin/ rang gis rang bcings pa rnams dgrol bar bya ba'i thabs// sha chen po'i rtsa ba dang yan lag tu bcas pa rnams ngos gzung ba bshad kyis nyon cig/ byang chub sems ni ji bzhin te// rtsa ba dang ni yan lag go/ rtsa ba phyi nang gsang ba gsum// nga rgyal can gyi sems can gang // de yi brgyad ni gsang ba yi// sa bon yin par ngas bshad de// mig dang rna ba sna dang lce// spangs ma srin bu ka ka ri// rgya spos lan tshwa sngon po brgyad// gsang ba'i rtsa ba'i rdzas yin no// nang gi sbas pa'i bzhi dag dang // mngon pa bzhi dang brgyad yin no// lce dag snying dang mkhal ma dang // tshil khra bzhi ni nang gi'o// rje ngar lag ngar nya gnyis gnyis// bzhi ni phyi yi rdzas su dgod// du ru ka yi rtsa ba dang // sdong bu shun pa yal ga dang // 'dab ma me tog 'bras bu dang // thang chu brgyad ni phyi yi ste// de ltar nyi shu rtsa bzhi ni// sha chen rtsa bar bstan pa yin// de dag yan lag bshad pa ni// brgyad ni dam pa'i ni ru ha// glang po che dang phag rgod sha/ khyim bya'i sha dang smig ma'i sha/ 'bras bu dang ni sa lu 'bras// til dang ji tse ka ni hAg/ brgyad ni dam pa'i stong du 'gyur// 'ba' hu lug mig ston skyes dang // sha ka ra yi sdong bu dang // sa bon dang mi sug tse ban// ka ni ha sta spang rgyan dang // ha he sa ni ser po dang // tha 'bri brgyad ni mig gi 'o// ka sho kan d+hi shun pa dang // se lnga ka ni ka sngon po// dza ti ser po ha ser po// stag tsher ba dang seng tsher dang // bya na ha rnams rna ba'i 'o// sna yi sri shing thang chu dang // lo na ha dang bi rgya dza// hag med tang dang sgron shing dang // shar ya dang mi lig mi dza// kum bi rgya dang brgyad yin no// lce yi khyi lce smug po dang // sha na ra dang sha ser ge/ len da ra dang ser po ta// kun tra se dang gang ga phus// shu ra ta ni phus pa brgyad// stongs su 'gyur bas dgod par bya// bal phu dang ni ldong ros dang // shu dang gangs dang she na ra// gag ga le dang ral pa sha/ ker yur ha ga me ru rnams// spangs ma yi ni stongs su bya// sgog skra tshong dang la phug dang // brag sha ba dang 'dzi na ru// kos nam ru dang sha sang ge/ lo ha ri dang rnam pa brgyad// ka ka ri'i yin par bshad// rgya spos rigs su bstan pa ni// du ru sha dang bring ga ya// tad tA le ra ga na ra// lig mi tsa dang tsan d+ha dang // sha ma tri bi ta to ban// brgyad po dag ni dgod pa'i stongs// bri ya tsha dang glo tsa dang // shu ga tsa dang shing tsha dang // pi pi ling dang sgo'u gsher dang // li bar ag dang li k+She khra// de brgyad lan tshwa sngon po'i 'o// nang gi rtsa ba'i yan lag ni// lce'i dug ra re'u lcag pa// ka pre ta dang wa yi lce// ban glang khyi yi lce gnyis dang // se ra kum bi ra dza brgyad// snying sho sha dang pad+ma nag/ dkar po lo na ha ru sha/ bir ba sgraskra dang bi na tang // dzid ta ra dang tshil sha mang // 'di brgyad snying gi stongs su 'gyur// mkha' ma'i rigs su gyur pa ni/ kha sral bi na ru 'bras bu// ba mkhal dang ni do ke'u ra// chag gi sha dang so ban ru// 'di ba ka ra ro ras pa// 'di brgyad yin par ngas bshad do// dong ka dang ni ngo ma ri// shas sta dang ni raM ra re// ku na ha sa sta snga d+ho bis// shang ze ba dang lug ti khyar// 'di brgyad gzhang gi yin zhes bshad// ka la ho phag ka re ra// ra ro sa dang sho na bi// 'ba' ba tang ta hur ur dang // se na ru sha se sa bas// 'di brgyad skyod byed g.yas kyi yin// g.yon gyi kam ka le dang ni// sur bu dang ni kug tra sa// wan tra ta dang sha rgya ba// bil sus sa dang tam mra dang // hU ga ra se dang brgyad yin no// lag pa g.yas kyi shim pa dang // ser bu bang dag gug tra pa// sbyin ra dang ni shu mu za// kar ka le ba tsa ro dang // sur bu'i me tog brgyad yin no// g.yon pa yi ni rti ra rug/ bra ga bra ma'i me tog dang // tsin tra bin dang lus se ba// tshar dza le dang ngar pa dang // gi ra dang ni hA mu se// brgyad ni 'di yi stongs su bstan// phyi yi rtsa ba brgyad kyi ni// shing brgyad dag tu shes bya ste// ba lu ki dang rang gi rta// dum bu se dang kar yur dang // gser mdog pa'i a ru ra// ba ru ra dang mu ta sa// spri yang ku dang brgyad rnams kyi// rtsa ba rnams ni du ru ka'i// rtsa ba'i stongs su shes par bya// de bzhin sdom bu shun pa dang // yal ga 'dab ma me tog dang // 'bras bu dang ni thang chu brgyad// thang chu'i rogs te gzhan yang 'dra// 'di dag phyi yi yan lag go/ sha chen rigs kyi sman gzhan dag/ thams cad rdzogs par bya ba ni// drang srong dag gis bshad pa bzhin// gal te dbye bar ma nus na'ang / kha dog sngo dang mngar ba'i ro// de dag thams cad ma lus pa// rin chen rigs kyi sman yin no// de skad ston pa mchog nyid kyis// bzhad nas gsungs pa'i don 'di ni// nga rgyal thabs kyis bskur slad du// sha chen gtan la dbab phyir bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha chen gyi rigs kyi sman ngos gzung bar bya ba'i le'u ste nyer bdun pa'o// // de nas yang sems dpa' chen po rdo rje rnon pos// gsang ba mchog gi rgyal po rdo rje bdud rtsi'i mchog la gsol ba/ kye bcom ldan 'das/ rgyal bas byin gyis brlabs shing rin po che'i rigs kyi bdud rtsi dag ma bsgrubs shing byin gyis ma brlabs kyang rang bzhin gyis thugs rje'i snang ba lags na ci/ mthu mchis par 'gyur ram/ de ji ltar lags pa de bshad du gsol/ de skad ces gsol bas/ gtso bo gar gyi dbang phyug des thugs su chud nas 'di skad ces gsungs so// nyon cig skal ldan sems dpa' che// zhus pa'i don rnams bshad kyis nyon// sha chen po ni sman gyi mchog/ nad sel gang yin gong du bshad// rtag tu bsnyen pas mthu che'o// rtsa ba la sogs bshad bya na// rtsangs pa'i mig gis lho phyogs kyi// sa ya sum cu tshun chad mthong // rna bas de yi sgra kun zos// snas ni yon tan ci ldan tshor// lces ni chos kyi yon tan 'chad// spangs mas srin bu 'bum sel te// ka ka ri yis chu 'gags sbyong // rgya spos mig phyid nges par sos// lan tshwa sngon pos grang ba 'joms// lce yis kun la smras pa nyan// snying gis dran pa rgya cher skye// mkhal mas rked pa'i chu ser sbyong // gzhang gis pha rol dregs pa 'joms// byin snying g.yas pas rgyal po'ang 'gro// g.yon pas bud med khyab par sbyong // lag ngar g.yas pas ci bcol 'grub// g.yon pas bshang ba 'gags pa sel// du ru ka yi rtsa ba yis// tshong dpon tshong bcas dbang du sdud// sdong bus cang shes 'phel bar byed// yal gas bse rigs bgegs skrod de// shun pas bas lhags gting nas sel// 'dab mas gtsug lag sbyor la mkhas// me tog gis ni khyab 'jug mnyen// 'bras bus byi ba srin bu 'ching // thang chus bud med g.yem pa 'jil// yan lag brgyad brgyad sman kun gyis// 'du ba'i nad rnams sbyar bas sel/ kha dog dag ni ros phye ste// rin chen rigs su gtogs pa rnams// 'du ba'i nad rnams re re la// mi phan pa ni gcig kyang med// de dag 'gro ba phan mdzad phyir// ngas ni yang dag par bshad do// de skad ston pa mchog gis gsungs// dpal bdud rtsi bde ba chen po zhes bya ba rgyu kyi rgyal po chen pa las/ bdud rtsi sha chen po rtsa ba dang yan lag gi sman yon tan chen po yod par bstan pa'i le'u ste nyer brgyad pa'o// // de nas sems can gyi don la rab tu brtson pa'i thig le chen po'i bdag nyid des// bdud rtsi sha chen po rnam par sbyang bar bya ba dang / tha snyad byin gyis brlab pa 'di/ nyid kyis sku gsung thugs las phyung ngo // sra/ sems can rnams ni gnas la chags// nor bas bdag nyid gtsang mar 'dzin// don gyis sun ni ma phyung na// bsod nams thams cad bral ba yi// yi dwags skam zag chad pa yang // bdag lus gtang bar mi phod na// lha la sogs pa'i bsod nams kyis// lus can rnams lta smos ci dgos// de bas 'di kun sun dbyung zhing // rang byung bdud rtsi bstan pa'i phyir// bstan kyang lha yi bdag nyid bza'// mi la sogs pa de bzhin du// rnal 'byor pas sbyad cing bza' 'o// de ltar bdag gzhan mi 'byed pas// blang dor med par grol ba yis// mnyam pa nyid kyi don mthong nas// thams cad mnyam nyid ye shes sku// bde gshegs rin chen rigs mchog 'grub// ces gsungs pas/ khams gsum 'khor ba'i chos thams cad ma spangs bdud rtsi dam pa sha chen por sangs rgyas te/ mnyam pa nyid kyi ye shes su ngang gis gnas par gyur to// de nas yang bcom ldan 'das rab tu dgyes pa'i bdud rtsi chen po des nges par grub par byed pa'i rdo rje mi 'gyur ba'i gsang ba zhes bya ba'i dgongs pa la zhugs nas/ snang ba nye bar bkod pas dug nye bar sel bar byed pa zhes bya ba'i sngags dam pa 'di nyid kyi thugs las phyung ngo // oM AHhUM ma hA maM sa ma hA s+pha ra na ra ho haM rad na ra Ti sa ma ya s+t+waM/ zhes gsungs pas/ nam mkha'i mthas khyab pa'i snod bcud thams cad bro/ rab tu bro/ kun tu bro bas/ ma lus shing lus pa med pa thams cad bdud rtsi sha chen por chub par gyur to// de nyid la don 'di skad ces gsungs so// rin chen zur brgyad dbus su ni// sha chen rang bzhin yi ge sra// bai dUr+ya 'dra 'od zer 'phreng // ye shes sgron ma ba dag bzhin// 'phro 'du srin bu me kyer 'dra// 'brug chen gdangs ngar brjod pa'i gsungs// mkha' la 'ja' tshon gsal 'dra sku// bsam dgur re skongs yon tan 'bar// 'gro gang cis 'dul de 'dra'i las// lnga yi 'phro 'du sel byed rtsi// srid gsum ban da'i zangs kongs ni// sul mangs gling bzhir ri rab lnga// nam mkha'i thig skor le brgan 'od// mtshal gyi zhu ba pad+ma'i rtsa// rin chen rgyal po bkod pa'i zhing // grang 'brum asma gar b+ha'i gnas// le'u tshen gce'u 'bar uta pa la// 'od kyi b+ha ga bdud rtsi'i sbrus// bskyod de rin chen rigs kun mchod// dpal ldan ljon pa'i tshal sbyangs te// sku dang gsung thugs bdud rtsir bsdus// nga rgyal mtha' la gnas par byangs// srid pa mdo bsdus thig ler bsgral// gnas med yang dag lam la gnas// bdud rtsi sha chen thig le 'bar// rmad byung dngos grub mkha' la bstibs// zur brgyad ka ma tsit+ta la// sa yi mtshon te rgyu drug sbyangs// mtshan ma'i btags pa rab tu bsregs// bde 'byam gser gyi nyi mar thim// gdod nas rnam dag de yin las// thabs mkhas skyes bus de ltar sbyangs// don kun de ltar shes par byos// ces gsungs pas/ 'dus pa phal mo che'i tshogs thams cad/ bdud rtsi sha chen po'i ros tshim par gyur to// dpal bdud rtsi bde ba chen po zhes bya ba rgyud kyi rgyal po chen po las/ sha chen po sbyang ba'i sngags dang ting nge 'dzin bstan pa'i le'u nyer dgu pa'o// // de nas 'khor der 'dus pa'i gtso bo sems dpa' chen po rdo rje rnon po zhes bya ba des/ sha chen po zhes btags pa'i nad de nyid bdud rtsir mdzad nas/ bya ba'i ye shes kyis khyad par du nga rgyal can gtings phyung nas/ bgrod pa med pa'i sa mthar phyung ste/ rab tu bde ba rnyed pas/ yid tshim par gyur kyang / da dung rtog pa'i dra ba rgyun ma chad nas// yang gsol ba/ nad sos sman pa'i rgyal po mchog/ dug nyid sman la bdud nyid rtsi// 'khor ba'i zhig nyid bde gshegs gnas// spang blang med par sgrub mdzad la// bdag cag rnams ni zhu ba mchis// sha chen bsgrubs te grub pa'i rtags// ji ltar lags pa bshad du gsol// grub dang 'dres nas bar chad dag/ 'byung na grub par mi 'gyur zhing // 'gro kun rmongs pas mi shes pas// gsal bar phye/ ste bshad du gsol// dge dang mi dge byung na ci// blang dang bzlog pa'i thabs bshad 'tshal// bar chad ngos bzung bgegs ni gang // bcom ldan 'das kyis bshad du gsol// bdud 'dul rgyal pos bka' stsal pa// de dag zhus pa rab tu legs// dge dang mi dge bcas bshad kyis// phal cher 'dus pa rnams nyon cig/ sha chen bsgrubs nas grub gyur na// de nyid rtags ni dri 'byung nges// dge ba rnams pa bdun du bshad// gla rtsi dang ni a ka ru// du ru ka dang gur kum dang // dza ti pa la ga pur dri// sing ha ka ro bdun 'byung ste/ sman gyi dri nyid ma yin pas// dus gsum dag tu dus dus 'byung // nyams dga' la sogs de bzhin te// bdag nyid rigs kyi bdag po 'am// byin pa nyid du gsal ba dang // lte baM dpral bar zur brgyad pa'i// rin chen ljang sngon gsal steng du// gser 'dra'i swa ni 'od bcas las// 'bar 'gro gsal ba'i kyo bas su// 'jig rten khams kyi rgyal ba'i tshogs// bkug ste dri dag dbyer med par// bdag gi gnas su yang yang bstim// dbang po'i sgo kun kun bsdus te// dal bus dal bus je je bsring // brtan nas ngag gis 'di yang gling // gzhan du gcig tsam ma yin no// e ma'o sna tshogs drir snang ba// bdag las gzhan pa ma yin te// brtan par gyur nas blangs thob na// rin chen lta bur dgos 'dod skong // au rad na sid+ha a mr-i ta a haM/ sha ru la dri nga rul pa dang // slon gda' bshang gci rku dang sngab// 'di dag bar chad byed pa ni// gnod sbyin sgra skyes stobs ldan bu// sgra mkhas ha ra mig ces bya// 'di byung brtan pa'i blo can gyis// rang rig ci yang ma yin la// cir yang snang la mi rtog pa'i// don la blo yi 'byor ba ni// ngar gyis yun ring gnas par bya// gal te de ltar ma gyur na// mar dang 'o ma til nag pos// zhi ba'am yang na bzlog pa yi// sbyin sreg brgya rtsa brgyad du bya// des ni rnam rtog bgegs zhi 'gyur// rang nyid rang gi rtog pa bgegs// rtog pa med na bgegs med pas// rtog bral sems ni bgegs kyi gnyen// de bas mnyam gzhag sems nyid ni// bgegs rnams kun gyi gnyen por che// de skad 'gro ba kun la yang // brtse phyir ngas ni bshad pa yin// dpal bdud rtsi bde ba chen po zhes bya ba rgyud kyi rgyal po las/ bdud rtsi sha chen po grub pa dang ma grub pa'i rtags bstan pa'i le'u ste sum cu pa'o// // de nas byang chub sems dpa' chen po des// bcom ldan 'das la gsol ba/ bcom ldan 'khor ba'i chos 'di la ji ltar spyad kyang / bde bar gshegs pa'i mdzad spyod khyad par can lags kyang / 'gro ba rnams des tshims par mi 'gyur ro// de ci'i slad du zhe na/ da dung ngar 'dzin pa'i dra ba ma bcad pa'i slad du lags so// de'i slad du bdud rtsi sha chen po 'di'i spyod pa legs par bshad du gsol/ dpa' bo chen pos legs par bshad du gsol/ de skad ces gsol pa thugs su chud de bka' stsal pa/ sems dpa' chen po rin po che'i gdung 'tshob pa'i sras dam pa rnams kyis spyod pa ni/ chos bde ba chen po brtsal sems dang bral ba la ni/ spyod pa dang spyad par bya ba ci yang med de/ ci spyad pa thams cad bde ba chen po bdud rtsi chub pa'o// nges pa'o// rgyas thebs pa'o// 'ub chub pa nyid du spyad par bya'o// de ltar spyod pa skal pa bzang // rnal 'byor chen po spyod pa bde// ngar 'dzin bdag dang bcas pa yi// gang spyod ci spyod 'ching ba ste// dpag tu med pa'i bskal pa ru// spyad pad 'bras bu thob pa min// rmongs shing 'khor ba'i 'gro ba rnams// shes rab gsal zhing rgyas bya'i phyir// gang ltar 'os dang ci/ 'tshal ba'i// chos kyi sbyin pa'i char chen dbab// bkres skom grang bas nyen pa yi// 'gro gang nyam thag gyur pa la// zas skom gos sogs phan gdags te// yo byad che chung gang yang gdags// bdud dang mu stegs sbyor ba dang // rgyal po'i chad pas srog 'phrog pa// bdag gi srog la bab kyang bskyab// dbyen brdzun 'thabs brdegs kyang nyes pa med// nyi tshan bye tshan mes gdungs dang // lteng kar chad pa'i sems can sogs// sha khrin ded pas nyen pa la// gtsug lag khang dang kun dga' ra// mkhar sogs gnas kyi sbyin la bskyab// shes rab mun par 'khyams rnams la// sangs rgyas byang chub sems sogs kyis// spyod pa ci spyad lo rgyus snyan// bad kan rlung mkhris 'dus pa'ang rung // shu thor 'bras dang mtshon brgyab pa'i// nad pa'i tshogs la bkur bya zhing // dpon gyis sgo ba'i 'tsho ba sbyar// mi dang glang po rta khyi bya// nam yang srog dang mi bsrel na// bsgrub dang chos phyir ga la yin// de dag sha la blang dor dga'// cung zad tsam yang bya ba men// chu phrog bdag gir mi bya ste// tshong dus dag tu rin gyis nyo// gzhan la dgos par gyur pa'i tshe// gser gyis nyos la ci dgos sbyin// rdo rje slob dpon 'thad na yang // rang las bcad pa'ang dbul ba tsam// dur khrod song nas dgos tshol tshe// dge slong mu stegs la sogs pa'i/ kha na ma zo bsrung ba'i phyir// phyi rol dag la rab sba bya// gzhan pas sngar spyad rdzas kyi zed// til 'bru tsam yang spyad mi bya// bslang dang nyo dang btsong mi bya// brtul zhugs chung bas khu 'phrig gam// gtsang sme nad kyis zin gyur na// nams kyang grub par 'gyur ba men// de skad rdo rje bdud rtsi che// 'gro mgon chen pos bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha chen po bsgrub pa'i spyod pa khad par can bstan pa'i le'u ste sum cu gcig pa'o// // de nas ston pa thams cad mkhyen pa'i ye shes chen po/ don dang bya ba mang po la phyi bshol mi mnga' ba des/ so sor rtog pas ma rmongs pa sa le bar kun tu mkhyen pa zhes bya ba'i ting nge 'dzin la snyoms pa zhugs nas/ 'dod pa la zhen pa mi mnga' bar 'dod chags chen po lhun gyis grub ste/ mngon par zhen par mdzad nas/ brnal te cang mi gsung bar bzhugs so// snga ma bzhin du sems dpa' de yang chags pa'i mdangs kyis rab tu dga' ba dang bcas nas 'khod do// de ltar ston pa dang / sems dpa' chen po gnyis cang mi gsung mi smra bas/ 'khor rnams rab tu ngo mtshar bar gyur te/ gcig la gcig mig blta zhing / lag pa bsnol te gnas pa las/ nub phyogs kyi logs bde ba can pad+ma rab tu rgyas pa'i tshal mdzes pas rab tu bag yangs pa zhes bya ba'i zhing khams nas 'ongs pa/ rgyal po lag bzangs zhes bya ba'i bu mo dbang thob cing dam tshig la gnas pa/ rnal 'byor ma chen mo pad+ma'i 'od ces bya ba zhig der 'ongs nas 'khod pa des/ snyim pa gser dang dngul gyi dong tshes bkang nas/ sems dpa' de'i zhabs la gtor te/ ti mi la rdung zhing steg pa'i gar byas te/ glu blangs nas gsol ba kye rgyal ba'i sras gson cig/ nyid zhal mdog gnags te/ ston pa la yang zhu ba mi spobs la// bdag cag 'khor byin la yang sman 'dogs par mi mdzad/ ma 'ongs pa'i 'gro ba la yang thugs rje nye bar mi 'jog pa de ji lta bu'i mdzad pa la dgongs ces smras pa las/ lan smras pa/ nga la ni bsam zhes bya ba dang / mi bsam zhes bya ba gang du yang mi rtog na khyed ci ltar ma spro/ yang smras pa/ bdag cag ni sems can rnams 'dod chags kyi gzer te gang la yang grol bar ma gyur pas/ 'di dag grol na ci ma rung snyam ste de ltar sems so// slar smras pa/ ngas ni sems can gyi don bya ba'i nus pa chung ste/ kyed mos pa ltar na da gzod bcom ldan 'das la phyogs 'ga' zhu'o zhes smras so// de nas sems dpa' rdo rje rnon pos/ sems ma des rang la gtor ba'i dong tshe mang po dag/ bcom ldan 'das la gtor nas gsol ba/ 'dod chags kyis ni rab gzir ba'i// 'gro gang nyam zag sdug bsngal te// ngan song gsum du gdon mi za// de dag mya ngan 'das thob pa'i// thabs mchog bshad par mdzad du gsol// de nas bcom ldan dpa' bo yis// pad+ma kha phye ji bzhin du// spyan mchog rgyas par phyi nas su// tshangs pa'i gsung gis bka' stsal pa// nga yi ye shes spyan gyis su// nam mkha'i mthas klas par bltas na// grol dang ma grol zhes pa dang // ris su phye ba'ang ma gzigs nas// slar yang cang mi gsung bar bzhugs// de nas sems dpa' des rang gi ral gri de phyar nas/ 'dod chags kyi dra ba bcas par dgongs nas btab ste/ 'dod chags can rnams bsad de/ khrag thams cad drangs te bag med par 'thungs so// de nas sems dpa' de nyid cung zad cig brgyal te sangs nas langs te phyogs bcur bltas na/ ci 'ang mthong ba med par thams cad gsal bar mthong nas/ 'di snyam du ci bdag spyos sam/ 'on te bdud kyis byin gyis brlabs/ sangs rgyas kyi bstan pa la gnas pa rnams ni kun la brtse ba ste/ gnod pa cung zad tsam kyang mi byed na// 'di ltar gsod pa ci snyam na// bdag nyid la brtags na/ sems nyid kyi dngos po 'ang bsad par shes te/ bdag gi sems 'di ltar na// gang yang bsad pa med grang / ci bsad pa dang ma bsad pa gnyis ka yang yul las 'das pa'i zhes sems shing rnal 'byor pa gyur to// de nas bcom ldan 'das kyis bka' stsal pa/ khyod kyis sems can 'dod chags can rnams bsad dam/ gsol pa/ bsad lags so// bka' stsal pa/ rang gi gsal ba'i mtshon chen pos// bdag 'dzin rgyal mo bral byas te// ma rig bdag don mi shes pa// 'gyur med bde chen klong du bsad// yang bka' stsal pa/ khrag thams cad 'thungs sam/ gsol ba/ 'thungs lags so// bka' stsal pa/ log dang 'dod pa'i 'dod chags khrag/ 'gyur med dbyings kyi klong dkyil du/ gnyis pa'i tha snyad kun bsdus te// spang dang blang med dbyings su btung // zhes bka' stsal pas/ sems dpa' de rab tu dga' nas phyag 'tshal te gsol ba/ nad sel rdo rje bdud rtsi mchog/ 'gro ba'i gnyen gyur byams pa'i gtso// 'dod pa'i 'dam du bying ba yis// sems can skam gsar gdon pa'i phyir// rak+ta gang lags bshad du gsol// de nas thams cad 'dren mdzad pa'i// pad+ma'i bdag nyid chags chen pos// yang dag ye shes so sor rtog/ ye shes gsal bas bka' stsal pa// nyon cig sems dpa' rnon po che// 'dod chags sems las tha dad min// sems nyid so sor rtog pa ste// de nyid chos nyid spros bral bas// 'dod chags gzhan nas 'ongs pa med// dper na nam mkha' dang ba las// rlung gi rkyen gyis bskyod byas na// sprin char ser ba thog dang 'ja'// sna tshogs ji ltar snang mod kyang // nam mkha' nyid kyi cho 'phrul las// bkol ba ma yin de dang 'dra// 'khor ba 'dor bar mi byed cing // mya ngan 'das la'ang 'dod pa med// ma 'dres chos kyi dbyings nyid du// yongs su rdzogs pa 'dod chags che/ khrag ni 'dod chags bde la zhe na// de bas 'dod chags khrag ces bshad// pad+ma'i rigs mchog de nyid de// bde gshegs gsung dang tha mi dad// mnyam sbyor dbyings kyi thig le las// log rtog chags pa spang ba'i phyir// thabs ldan skyes bu chen po yis// 'dod chags khrag rnams mi spangs ste// so sor brtags te blang bar bya// des ni 'dod chags nad rnams sos// de skad rmad byung bdud rtsi che// 'dod chags gtso bos bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rak+ta'i rang bzhin bstan pa'i le'u ste sum cu gnyis pa'o// // de nas bcom ldan 'das bdud rtsi'i mnga' bdag de la/ chos kyi lde mig chen po sems dpa' dam pa des/ dga' ba'i tshal chen po nas skyes pa'i me tog shing rta'i 'phang long tsam gyis sku phyed nub tsam du gtor te/ bskyang nas phyag 'tshal te gsol pa/ kye kye dga' dbang bdud rtsi mchog/ nad sel sman pa kun gyi bdag/ bdud dpung thams cad tshar gcod pa'i// dmag dpon khyod la gsol ba mchis// 'dod chags nad sel sman gyi mchog/ rag ta 'dod 'bar longs spyod sel// ye shes rang byung ngang gis dag/ 'di yi btsal thabs khyad par can// ston pas snga slad ma gsungs pa// dus 'dir bdag cag 'khor la shod// de skad gsol bas chags pa'i bdag/ ston pa mchog gis nyon mongs pa'i// gdung ba rab tu sel ba'i mchog/ kun tu ma rmongs zhes bya ba'i// ting nge 'dzin la bzhugs nas ni// 'di myos ris drug 'gro ba rnams// nad gnyis sman du bsgyur ba dang // pad+ma rigs kyi gdung bsab phyir// rak+ta dga' ba'i tshal chen po// 'di skad ces ni bka' stsal to// rdo rje rnon po la sogs 'khor// ji bzhin byang chub snying po nyid// blang dang dor ba rnam spangs pa// dman pa'i yul du ma gyur cing // mun pa thibs pos rab rmongs kyang // sems las ma gtogs 'dod chags med// 'dod pa kho na byang chub sems// sems dang 'dod chags dbyer med pas// rag ta btsal bas ga la rnyed// 'o na kyang rmongs la phan gdags phyir/ rag ta kun rtog ye shes so// mi rtog byang chub stong chen las// pad+ma ma gar gyi dbang phyug gtso// dkar mor 'khril 'khyud gsal ba 'am// dang po'i lha mo yang rung bar bshad// shes rab 'tshal lam zhing chen nam// gzhan yang gang yang rung ba ste/ dug nad shi dang mdze nad can// bu tsha bcas dang thi ba'i khrag/ bdud rtsi min te bam rul men// lhag ma dung ngam nya phyis bsag/ ma ga d+ha yi bre gang tsam// mi bskul dben pa'i gnas dag tu// smig ma'i 'dab ma'i steng du bzhag/ chags te brtan par gyur pa dang // gnam lcags las byas gri thogs te// sngags 'di bzla zhing gtub par bya// oM pad+ma rak+ta mu la khad kha khad kha tsin d+ha ma hA be la a kra be sha nya ya ta wang ga le swA hA/ drug las gnyis su gyur pa na// mtshal dang da trig gur kum dang // mu 'ja' ra rnams cha bsnyams te// srang drug dag dang bsres nas ni// ri lu rgya sran tsam byas te// da lis lo ma'i nang du gril// grib ma la ni gzhag par bya// bsgrub pa mchog gi rdzas yin pas// rnal 'byor pas ni rtag tu bsten// gzhan gyis mthong bar bya ba ni// cung zad tsam yang ma yin no// d+ha du ra yi khu ba dang // sbyar te gang la blang gyur na// de ni spyospro bar the tshom med// de gnyis 'o ma dang sbyar te// 'thungs na rdzas rnams thams cad kun// gser gyi mdog tu mthong bar 'gyur// sha kha ra dang sbyar bas ni// snying khrag 'khrugs pa'i nad sel te// de las lhag pa'i sman med do// de ltar phyi yi btsal thabs bshad// dam pa'i don du gsungs pa ni// rak+ta 'od 'bar lus kyis bcud// chags dang len pa'i dus su 'byung // pad+ma rgyas pa las 'byung ste// btsod kha rgya skyegs khu ba'i mdog/ tha ma dang ni 'bring yin te// 'dzin pa'i sa bon kha dog ni// mtshal gyi mdog 'dra dmar gsal 'khyug/ mchog gi rak+tar der bshad do// dgos pa'i dus su ma ldan na// myur ba nyid du grub bya ba// sngar gsung rigs kyi phyag rgya ni/ khrus byas ha sa ki ra'i mar// hA lu ka yi dri dang sbyar// nyin gcig gsum du bsku mnye bya// skyu ru ra yi khu ba bsdus// grangs par bsgrangs pa hub gsum gsum// blud de de nas brtsed par bya// mig dang rna ba sna dang ni// nu ma gnyis dang mthil bzhi dang // rtsib ma'i mtshan khung lkog ma'i 'og/ dung gi phur pas gdab ba dang // sen mos brtson pa yang yang bya// de dag kun tu 'o gdab cing // b+ha ga la yang 'o gdab bya// de nas glang po'i phyag rgya yis// bya rog gdong par g.yas pas brud// g.yon pas lte bar dal gyis mnye// gsum gyis nges par 'dzag par 'gyur// gal te na ni mkhal mar mnyen// thal lcag dal bas brtan byas na'o// de nas smos pa'i snod nang du// gzags te gur kum dag dang bsre// yang na ga bur dag dang bsre// dpral ba snying kha mgrin pa ru// thig le bya zhing lte bar bya// lan gsum lce la blang bar bya// des ni rab tu dngos grub nye// phyi rol g.yeng ba rab spangs te// yang dag bsam gtan la gnas pas// cung zad tsam yang mi dbab ste// nam mkha' la ni rak+ta bsgril// rdo rje cha yi dkrugs na yang / sgrol ma bsrings pas don bsgrub bo// de las yang dag ye shes skye// bla med snying po gdon mi za// gal te brten par ma gyur na// sngar gsungs pa yi sbyor ba yis// bsgrub pa'i don du nan tan bya// de skad chags rab don ldan pa'i// bde ba chen pos yang dag gsungs// 'dod chags dbyings su bsgral phyir ro// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rag ta btsal ba'i thabs bstan pa'i le'u ste sum cu gsum pa'o// // de nas sems dpa' rdo rje rnon po de rab tu yid tshim par gyur kyis kyang / da dung bdud rtsi rag ta de'i rtsa ba dang yan lag gang lags pa de khong du ma chud nas gsol ba/ dga' ba'i bdud rtsi bdud bdul gtso// mi mkhyen mi mnga' sa le'o// ji ltar rak+ta'i rtsa ba dang // yan lag bcas pa bshad du gsol// de skad gsol bas 'khor ba las// rgyal ba'i dpa' bos bka' stsal pa// nga ni thabs mkhas snying rje'i bdag/ sems can rab med chu bo las// sgrol bar byed pa'i gzings chen po// thams cad byang chub snying po ru// bsgral zin bsgrubs zin grub zin kyang // rkyen bral rang ngo rang gis su// shes par ma gyur rmongs pa rnams// kun rtog pad+ma'i dbyings bsgral cing // rag ta'i rtsa ba yan lag dag/ legs par khong du chud bya'i phyir// gtan pa phab ste bshad kyis nyon// byang chub sems bzhin rag ta yang // shes par bya ba ngas bshad de// phug ron mig dang rna ba sna// lce ste dbang po bzhi rnams dang // rma bya'i mdongs kyi sgo dag dang // smig ma'i sdong bu brag spos dang // go la yi ni 'bras bu brgyad// gsang ba'i rtsa ba'i rdzas su shes par bya// sbas nang bzhi dang mngon pa bzhi// brgyad ni nang gi rtsa ba ste// snying dang mchin pa mkhal ma dang // 'tsher ba bzhin ni mdzod dang mtsho// rgyun srang snyings ma nang gi bzhi// mdzod bzhi snying gi rag ta dang // na sa pad ma'i khrag dang yang // rtsa ba'i khrag dang bzhi ni phyi'o// phyi ni tsan dan dmar po yi// rtsa ba sdong bu shun pa dang // yal ga lo ma me tog dang // 'bras bu zang chu brgyad yin no// de ltar rtsa ba bshad byas nas// yan lag bshad par bya ba ni// brgyad ni dam pa ni ru ha/ kha la mun dza shir shir sha// dzu tri ra dang kug ke ra// gang ga d+hA shi zhes bya dang // ra tri sa dang big ru sha/ kha ru tsha la brgyad yin no// sos skyes pa hA lug mig dang // dag ru sha dang ser seng ku// rma bya dang ni phug ron mig/ do re sha dang bu rug pu// cha la wa te ta dang brgyad// de ni mig gi stengs yin no// rna ba'i dag tu bstan pa ni// ka sho kan d+ha'i 'dab ma dang // spre'u'i rna ba ka la pa sa// byi na ru rta sha kri ra// ku ku ma ra lo 'de ta// sa ma po ka ra brgyad do// sna yi sring shring pad 'dra yis// me tog dang ni sha ro ha// ku lu ku ma la dang ni// ka ru sa yi me tog dang // 'dza' ti pa la da trig gi/ me tog gnyis dang 'dza' ti ka'i// me tog shu dag smug po brgyad// ha se ki la ya rtsa sdong bcas// shu ru ra dang pad+ma dmar// ma li tsan dang du ru ha// ku la cha ra da ga ra// dang ra pas dang brgyad lce'o// mdangs kyi kha la dza mun khrag/ po re rak+ta 'bar ma dang // bya bang khrag dang di ra gra// rgo ba dang ni khyi dmar khrag/ sha ra ba yi khrag dang brgyad// sa yi 'bras bu lte ba ka/ shu dag me tog sa lu ldang // ma sha mon sran rgya sran dang // sran chung brgyad ni mig 'bras kyi// spos mchog brag la skyes pa yi/ khu byug dang ni khu ru sha// len d+ha pas dang ram bu dang // bra ga dang ni rdo breg dmar// si ra sang dang khar ka tang // brgyad ni brag skyes spos kyi stongs// mtshal dang li khri ldong ros dang // btsag dang khye da ra ha dang // mun dung dang ni u tu dang // he ga ras ni go la'i stongs// de dag gsang ba'i rtsa ba'i stong // snying gi skra gor zho sha dang // pir pa khur bu na se dang // dong kha'i me tog tra ta ra// tsa ra ta ta byi rgya par// kug ne wa ga be brgyad yin no// mchin pa'i ni mu 'dzar// big ne ra dang snag ti ru// yang na be du ga la be// hA na kun brgya dang rtsa brgya khyer// tsi ra tsa dang brgyad yin no// rgya skyegs rgya skyegs me tog dang / kha phug re dang rbin da dang // skyu ru ra dang glang skal dang // sha sho hi ya me tog gsum// pe na ra tra dang brgyad dgod do// mcher pa'i 'phang ma'i 'bras bu dang // bal bu'i me tog mtshar pa'i tog/ 'bram bu skyi 'bras me tog bcas// lug ngal me tog sha ra tra// brgyad po dag tu ngas bstan no// tsit+ta rak+ta gur kum dang // shring shring shi ga ras star bu/ kha sral rgu 'brum yar pa ta// ling ga dmar po brgyad mdzod kyi// na sa phag dang rma bya'i khrag/ stag dang dom dang ma he'i khrag/ me sha ba dang phar ba'i khrag/ brgyad ni bla ma'i na sa'i stongs// pad ma'i khrag ni stongs dam pa// ti la ka dang ga chu ha// le'u le ha ste pu spa bzhi// shi na'o sran ma'i zom shing gi/ 'om bu ud dpal dmar po brgyad// rtsa ba'i khrag gir gyur pa yang // bye'u rug 'bri mog da thig dang // ra mnye ba dang nag ti ra// spyan bag sha ma ru tse// byi dang ka dang brgyad yin no// phyi yi ba brgyad kyi ni// a ru ra ni be ta dang // a smra dang ni tsha shi ra// pad+ma shi na ra ga dang // tsam pa ka dang bi shi ka/ bang ga le ba dag dang brgyad// rtsa ba phyi yi rtsa ba'i stongs// sdong bu shun pa yal ga dang // lo ma me tog 'bras bu dang // zang chu brgyad ni zang chu'i stongs// de dag phyi yi rtsa ba'i yin// dus 'dir 'dod chags can gdul zhing // yang dag don du rab bsgrub phyir// bla med snying pos bka' stsal te// 'dod chags don du rab bstan pas// de bas thabs 'di ngas bshad do// 'dod chags rnams ni mi spangs te// bde ba dam pa mi 'byung bas// 'dod chags khrag rnams dang du blang // gzhan yang pad+ma rak+ta'i rigs// ma gyur 'jig rten dag na med// thams cad shes par mi nus na/ kha dog dmar dang mngar ba nub// de ltar shes nas rab bsgrub par// bdud rtsi bde ba mchog gis bshad// dpal bdud rtsi bde ba chen po zhes bya ba rgyud kyi rgyal po las/ bdud rtsi rag ta'i rigs su gtogs pa ngos gzung bar bstan pa'i le'u ste sum cu bzhi pa'o// // de nas yang sems dpa' chen po de rab tu chags pa'i mdangs dang ldan pa des/ gsang sngags rmad du byung ba'i mnga' bdag/ bcom ldan 'das bdud mchog gi rgyal po la gsol ba/ bdud rtsi chen po pad+ma rag ta'i stongs dang / rigs su gyur pa 'di dag/ 'jig rten 'di'i yon tan mchis pa lags sam ma lags// ma mchis na ni thugs rje'i snang ba shar// zhes bgyid rung ba lags sam// mchis na ni gang lags/ de dag bdag cag rnams la bshad du gsol/ de nas nyon mongs pa'i nad zhi bar mdzad pa'i/ gtso bos 'dzum pa mdzad de bka' stsal pa/ nga ni bdud 'dul dpa' bo ste// nga ni thabs mkhas 'gro drug sgrol// dag pa'i yon tan chen po rnams// bshad kyis sems dpa' la sogs nyon// pad+ma'i rag ta sman chen po// yon tan dpag med gong du bshad// mdog sdug pos rdo'i nad rnams 'joms// 'dod chags mig gis pad+ma mthong // rna bas gsung gi gsang ba 'thob// snas ni bde dang mi bde shes// lces ni gsung rab rgya mtsho sgrogs// rma bya'i mdongs kyis klu gdon skod// smig ma'i sdong bus bu mang ste// brag spos kyis ni ra byi skrod// sha go les niso mdzes sdug/ snying gis snying gi rlung nad sel// mchin pas khrag rgyas rnam par 'joms// mkhal mas chu 'gags 'dron pa byed// mtsher bas cang shes rta gsod do// snying khrag gi ni 'phra men dga'// sna yi khrag gis dbang po gsal// pad+ma'i khrag gis chags pa skye// rtsa ba'i khrag gis mu ge sel// tsan dan dmar po'i rtsa ba yis/ khrag dang rlung du 'khrugs pa sel// sdong bus mtsher nad bcu gsum 'joms// shun pas ma mo'i gdon rnams skrod// yal gas lce mi bde ba sbyor// lo mas glang chen myos nas dpa'// me tog gis ni tshangs pa mnyes// 'bras bus mchin skran rnam par sbyong // thang chus mchin pa'i khrag rgyas skems/ kha la mun rdzas glad zer sos// shir shing sha yis lkog skrangs zhi// dza tri ra yis rgyun nad sbyong // krug ke ra yis khrus la drag/ gang ga d+hi shas skya nad sbyong // de men ra tris gzhang 'brum 'dul// big du sha ras 'on pas thos/ kha ru tsha la rlung skran 'dul// yan lag brgya dang dgu bcu gnyis// thams cad stobs dang ldan par bshad// snod bcud rag ta'i rigs rnams kyis// 'byung ba las gyur 'gro ba yi// 'du ba bzhi dang skyen gyi rnams// thams cad kun la re res phan// pad+ma'i rigs mchog 'grub pa ni// sbyor ba bla na med pas so// de skad rgyal ba thams cad mkhyen// ston pa mchog gis rab gsungs pa// rigs kyi rgyud du byung ba yi// bsgrub pa yongs la phan gdags phyir// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rak+tir rigs rtsa ba dang yan lag tu bcas pa thams cad rang bzhin gyi yon tan chen po dang ldan par bstan pa'i le'u ste sum cu lnga pa'o// // de nas bcom ldan 'das dpal bdud rtsi bde ba chen pos/ dus gsum gyi bde bar gshegs pa thams cad kyi gsung spros pa med pa'i thig le chen po'i klong du/ ye nas sangs rgyas pa'i don 'gro ba'i rig pa la gsal bar bya ba'i thabs bdud rtsi pad+ma rak+ta nyid/ so sor rtog pa'i ye shes su dbang sgyur ba'i gyi rlabs chen po 'di nyid kyi sku gsung thugs las phyung ngo // AM rak+ta pad+ma las 'byung // smad pa mi gtsang rdzas 'di dag/ chags yul bde ba'i gnas yin te// pad+ma rigs kyi dam tshig 'grub// so sor rtog pa'i ye shes yin// zhes gsungs pas// dus gsum gyi chos thams cad// 'dod chags chen po ji bzhin pa'i dbyibs su ye nas sangs rgyas te// so sor rtogs pa'i ye shes su byung thebs par gyur to// de nas yang bcom ldan 'das chags pa'i dam tshig rdo rje des// 'od kyis gdon mi za bar grub pa mthar 'byin pa zhes bya ba'i ting nge 'dzin la zhugs nas/ gsal ba'i rgya mtsho tshogs yongs su smin par byed pa zhes bya ba'i sngags dam pa 'di nyid kyi thugs las phyung ngo // oM AHhUM ma hA pad+ma rak+ta mu la/ a mi de ba ra ga ra ti sa ma ya hUM su kha ho/ zhes gsungs pas/ stong gsum gyi snod bcud du bcas pa thams cad bdud rtsi rak+ta'i klong chen por gyur nas/ grags/ rab tu grags/ kun tu rab tu grags pas/ thams cad nas thams cad du pad+ma'i rigs su sangs rgyas te/ 'dod chags nyid dka' bsgyur bar gyur to// de nyid kho na yid ches par bya ba'i ched du/ 'di skad ces nyid kyis gsungs so// pad+ma le brgan 'dab brgyad dbus// rak+ta nyid ni yi ge AM// ra ga dmar smug 'khrigs pa'i mdog/ nyon mongs dbyings spyong 'phreng ba lnga// 'phro 'du mar me'i sdog bu'i rtse// rdo rje srin po rngam pa'i gsung // glog ltar mur mgyogs sprul pa'i sgra// zad med gter chen rin chen bkod// rgya mtsho rlabs ltar bskyod pa'i las// ye shes 'od zer bdud rtsi'i rkyen// snod kyi 'jig rten ban d+ha'i snod// zla gam dug gsum sku gsung thugs// rtsa yi 'khor lo ka ma la// bcud kyi dam pa bdud rtsi'i gtso// snang ba mtha' yas bde ba'i zhing // pad ma'i ze'u 'bu kun Da li// mu tig zar bu shel gyi skas// dngul gyi sbu gu g.yung drung bcud// kun tu 'phro 'dus mchod de bskul// kun 'byung tsan dan nags tshal gshegs// sku dang gsung dang thugs kyi bcud// bsdus te log pa'i 'dod chags sbyangs// ngag gi 'byung gnas bcud du bsdus// thob med gsung gi dngos grub thob// pad+ma rak+ta thigs par shar// pad+ma b+ha ga'i klong du bskyil// 'dab brgyad skye 'chi dbyings su thim// AM gyis ngan song 'tshams sbyar te// mi bde 'gyur med byang chub klong // nyi ma 'od kyi snying po la// dngul gyi gzer chen zam se thams// ye nas de ltar gsal ba'i don// don dang ldan pa'i skyes bu yis// brtson 'grus ldan pas de ltar sbyang // de dag mkhas par rab tu bya'o// 'gro mgon sems dpas bshad pa yin// dpal bdud rtsi bde ba chen po zhes bya ba rgyud kyi rgyal po chen po las/ pad+ma rak+ta sbyang ba dang / bsgrub pa dang / ting nge 'dzin bstan pa'i le'u ste sum cu so drug pa'o// // de nas byang chub sems dpa' chen po rdo rje rnon po zhes bya ba'i skyes bu dam pa 'gro ba'i don lha cher spyod pa des rak+ta zhes 'khrul pas btags pa'i gcod rnying pa de rang byung gi bdud rtsir mdzad pas// so sor rtog pa'i ye shes chen pos 'dod chags ros bcad nas/ phyin pa med par ye shes bla na med pa lhun gyis grub ste/ bde bar gshegs pa'i mdzad pa ma brtsal bar mthar phyung nas/ bde ba rnyed nas ngal sos kyang // da dung phyin ci log la mngon par 'chel pa'i 'gro ba/ mun pa'i klong nas 'thon pa rnams 'grol bar bya ba'i phyir dang / nges pa'i shes pa'i grub gdeng rnyed par bya ba'i ched du gsol ba/ lha mi yongs kyi ston pa'i gtso// 'khor ba'i rgya mo 'dral ba'i mchog/ nad sbyong sman pa'i che mchog gtso// kun mkhyen khyed la gsol ba ni// dam pa'i spyod pa cher bsgrub pa'i// 'gro gang rak+ta bsgrub brtson pas// grub dang ma grub drod dang rtags// blang dang bzlog pa'i thabs mchog dag/ rang byung bdud rtsis bka' stsal 'tshal// don 'di khong du ma chud na// dge dang mi dge ma 'tshal bas// grub pa'ang don med brlag pa dang // bar chad dam par byas pa yis// bsgrub la nyes pa 'byung 'gyur bas// des na bdag cag tshim par mdzod// de skad zhus pa zug chud nas// bcom ldan bdud rtsis bka' stsal pa// rak+ta bsgrub la brtson pa yis// grub dang ma grub khyad par dag/ legs par bsdus te bshad bya yis// nyon cig sems dpa' la stsogs 'khor// rak+ta'i rtags ni gtsor smos pa// sgra dag 'byung bar nges pa ste// bar chad de dang shan 'dres pa'o// de la dge ba gang zhe na// go zhing shes pas zin pa dang // ma go shes pas ma zin pa'o// go ba phyi dang nang du bshad// phyi ni 'byung ba bzhi yi dang // tha dad cir yang snang ba ste// ma nges 'brug la stsogs pa'o// nang ni dkon mchog gsum dag dang // pha rol phyin dang dngos grub sgra// go zhing khong du chud pa'o// shes pas ma zin gang zhe na// 'ur dang thug che thog la sogs// bdud rtsi nyid la grag pa'o// 'bru lnga'i sgra sogs dge ba'o// 'di dag grag par gyur pa na// bla ma phyag rgya la gsang na// grogs la sogs la smos ci dgos// sod dang rgyob dang rlag par gyis// dug dang mi dge bar chad sgra// mi snyan bar chad bdud bgegs sgra// de dag mi dge yin par bshad// de dag bye brag shes bya la// re dang dog pa rnam spangs la// mi rtog mnyam gzhag rang rig la// rab gsal ye nas lhun grub pas// mi rtog pa la nan tan bya// yang na 'od dpag med pa'am// 'dod pa'i lha ru gsal byas te// mgrin pa'i lce'u chung dbus su yang // 'dab brgyad dbus su AM bsam pa// rgya mtshal bcag pa lta bu las// 'od zer dmar po lcags kyu dang // 'dra bas phyogs bcu'i bde gshegs gsung // 'od kyi tshul bkug sgral ba bstim// de nyid chags pa'i kha dog gis// sngar gyi gnas su bstim pas su// gsung gi dngos grub brtan byas la// tshig 'dis brtan pa'i nga rgyal bya// sna tshogs sgra ni tha dad rnams// e ma ho ngo mtshar gzhan men te// bdag nyid sgrar snang ngag brtan phyir// rak+ta rang sems rmad byung nyid// au pad+ma sid d+hi ma hA rak+ta AM A haM/ des ni dngos grub rab tu brtan// gcig ltar snang dang rmugs 'thibs dang // mi gsal skrag la sogs snang ba// gnod sbyin sgras shes bya ba'i bu// bum sna lto 'phyangs yin shes bya// de la yungs kar rgyal po dang // gu gul gyis ni sbyin sreg bya// brgya rtsa brgyad du nges pa'o// rnal 'byor lta ba nga dang bdag/ gzung dang 'dzin par mngon 'chel pa// de ni bgegs ces nga yis gsungs// chos dbyings dag pas de 'joms so// rmongs pa rnams kyis shes bya zhing // bsgrubs pa'i 'bras bu yod pa dang // bar chad dbang du mi 'gyur phyir// rak+ta'i rtags ni ngas bstan to// dpal bdud rtsi bde ba chen po zhes bya ba rgyud kyi rgyal po chen po las// bdud rtsi rak+ta grub pa dang ma grub pa'i rtags dge mi dge bstan pa'i le'u ste so bdun pa'o// // de nas sems dpa' chen po don kun la rab tu ma rmongs shing sa le bar mkhyen pa des/ gtso ba thams cad mkhyen pa de la gsol ba/ kye bcom ldan 'das 'khor ba dang mya ngan las 'das pa thams cad spyad pa dang spyod pa'i khyad par ci tsam zhig mchis/ bka' stsal pa/ 'khor ba zhes bya ba ni ji lta bu// mya ngan las 'das pa zhes bya ba ni ji lta bu/ de gnyis kyi spyad pa spyod pa zhes bya ba ni ji lta bu zhig pa des/ khyod nyid kyis zhu ba spongs shig/ gsol ba/ bcom ldan 'das sngar nyid kyis gsungs pa'i don ni bdag gis 'di ltar khong du chud de/ 'khor ba ni 'jig rten pa'i chos te dor bar bya ba/ mya ngan las 'das pa ni 'jig rten las 'das pa/ 'bras bu spangs blang so sor sgrub pa ni spyod pa zhes khong du chud do// bka' stsal pa/ 'jig rten pa zhes pa ni ji lta bu/ 'jig rten las 'das pa zhes pa ni ji lta bu/ spyod pa zhes ji lta bu zhig blang dor byed smros shig/ gsol pa/ gang bdag tu lta ba la mngon par zhen pa// bdag tu rmongs pa/ bdag tu ngar 'dzin pa/ ril por 'dzin pa'o// 'jig rten las 'das pa ni de las bzlog pa ste/ de dag gang du'ang 'dzin pa med pa'o// de dag la spang ba dang blang ba'i khyad par shes te/ dge ba dang mi dge ba'i las la 'jug pa ni spyod pa'o zhes thob ste nyid las so// bka' stsal pa/ de lta bu'i chos spang blang gis phye ba de dag rtsa ba ci las byung / gsol pa/ rtsa ba ni sems las byung ngo // bka' stsal pa/ sems zhes pa de dngos gzhi ji lta bu zhig/ gsol pa/ dngos gzhi ni ji lta bu yang ma yin pa ste/ kha dog med pa/ dbyibs med pa/ ming med pa/ mtshan ma med pa ste ci yang ma yin pa'o// bka' stsal pa/ de lta na ci yang ma yin par cir yang mi snang ste sa bon tshig pa lta bu ba'o// gsol pa/ de ni ci yang ma yin pa las/ cir yang snang bas ci yang 'grub pa ste/ bsam 'phel gyi nor bu lta bus sa bon ma tshig par nges pa'o// bka' stsal pa/ sems can chen po de bas na spyad du med pa'i de kho na nyid la/ ci spyad kyang cung mi za ste/ dper na yul ma ga d+ha'i sa gzhi/ lta bu ste 'di dag go/ bla ma dkon mchog pa dang ma// dus gsum brjed med dus drug mchog/ nor dang 'tsho ba'i zas dang gos// ci 'byor pas ni ci dgar mchod// dri gtsang khang bzang mdzes brgyan par// dri zhim spos kyis byi dor bya// lhab lhub la sogs rab brgyan cing // rta bas mdzes par gsung chen dag/ rgyun mi 'chad par sbyin par bklag/ nyan thos sdom la rab gnas pa// bsnyen te so sor thar pa yi// sdom pa skyon med kun la bshad// rten 'brel 'byung dgag la mos na// ma rig la sogs gtan la dbab// theg chen bla med dga' sems la// bdag med chos la'ang de bzhin te// zag med don la gzung bar bya// bram ze la sogs rang gi rigs// gtsang 'dzin gtsang ma'i chos can la// bya dang byed pa rab tu brjod// sems nyid gtsor 'dzin sems dpa' la// rnal 'byor dag la blo bzhag go/ chags sdang las la 'chel ba la// thabs dang shes rab nges don brjod// sgrol bral blo la rab sbyor na// nges par bdag nyid mngon sbyor ba'i// rtog med dbyings dang ye shes gzhag/ ji bzhin spros bral yang dag brjod// 'khor ba'i sems can thams cad kun// cis kyang thar pa'i lam la gzud/ gcig kyang dor bar mi bya'o// ngag gi brjod pa don yod cing // 'bras bu mchog tu 'byin pas na// gang la dad pa'i sngags sbyin ni// sems can thar pa la gzud phyir// ngag gi spyod pa bya bar ni// ston pa ngas ni gnang bar bshad// bro dang sten rtsig 'tshal bgad rtsogs// kun tu smra ba zhig brjod mi bya// ngag gi spyod pa la gzud phyir// ston pa bdag nyid chen pos gsungs// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rak+ta sgrub pa'i ngag gi spyod pa mchog bstan pa'i le'u ste so brgyad pa'o// // de nas bcom ldan 'das log pa'i sdes mi bsnyengs shing tshar gcod pa'i mi'i seng ge chen po des/ bya ba nan tan gyis le lo can 'khor ba'i 'dod khrid la mngon par 'chel ba'i phrag dog thabs kyis sbyor ba zhes bya ba'i ting nge 'dzin la snyoms par zhugs nas/ gang la yang phrag dog pa mi mnga' bar chos/ mnyam pa nyid du rgyas thebs te 'gyur ba mi mnga' zhing gdeng gis kun tu chub par gyur nas/ zhal 'dzum pa dang bcas pas brjod pa med par bzhugs so// sems dpa' de yang zhibs zhi ba'i gzigs thabs su rnal 'byor la nye ba nyid du zhugs nas bzhugs so// 'khor rnams kyang 'khor ba'i khams na gnas pa'i sems can zhe sdang can dang / gti mug can dang / nga rgyal can dang / 'dod chags can rnams rang bzhin dang thabs kyis phyis phyung yang / da dung 'gro ba gang phrag dog gi mtha' la mngon par zhen pa rnams kha yang ma srid na/ ston pa yang cang mi gsung la/ sems dpa' yang zhu bar mi byed pa ni/ de'i sems can 'di dag bcom ldan 'das kyis mi 'dul lam/ 'dul te 'di dag las kyis bsgyur te skal ba med dam/ 'on te btang snyoms su bzhugs te don mi mdzad dam sems nas so sor 'khod do// gnas der byang phyogs kyi logs nas 'jig rten gyi khams rgyal ba bkod pa'i mdzod ces bya ba sangs rgyas sgra dbyangs bsgrags pa'i rgyal po'i zhing khams na// 'khor los sgyur ba'i rgyal po gser can 'od ces bya ba'i sras mo 'od gsal ba'i rgya mtsho zhes bya ba bu mo dam pa/ rin po che'i rna chas bsgegs pa/ ud pa la lta bu'i mig rab tu rgyas pa/ shin tu mdzes pa'i kha dog zla ba lta bur rgyas pa cig 'ongs nas gnas pa des/ phyogs bcur bltas nas stan las langs te/ rin po che'i me tog sil ma snyim pa bkang nas ston pa dang sems dpa' la gtor te/ phyag 'tshal nas sems dpa' la smras pa/ sems dpa' chen po nyid sangs rgyas thams cad kyis byin gyis brlabs te// sras kyi dam pa yin pas ci gsol ba gnang ba lags na/ ston pa mchog la gsol ba sngar kyang btab pas ci gsol ba gnang la// da dung yang gsol na gnang bar 'gyur bas mi gsol bar phyi bshol mdzad pa de/ phrag dog can 'dul bar mi 'gyur ba lags sam/ sems can gyi don mdzad pa mi spro ba lags sam/ ston pas mi gnang ba lags sam/ sems dpas slar smras pa/ nga ni thabs mkhas shing sems can gyi don du ci dka' ba dang du blang bar bya'o// zhes go cha gyon pas ci ltar sems can 'dul ba bzhin bya bar sems dpa' yin kyang / ston pa dgongs pa ji bzhin pa la snyoms par zhugs pa la zhu ba mi spobs so// lha mos smras pa/ ci don du bya ba thams cad ni sems can gyi don du yin na ci'i phyir gsol ba mi spobs/ smras pa/ sems can gyi don du zhu ba spobs kyis kyang da dung tshod la ma bab cing 'dul ba'i dus la ma bab kyang khyed zhu ba la spro na/ da bdag gis gsol bar bgyi'o zhes smras nas// rang gi mtshan rab tu rno ba'i dpal dag ldan pa des/ sems can phrag dog can rnams snying phyung ste rtse mo la bkal te/ bcom ldan 'das la 'bul zhing gsol ba/ kye kye dga' chen bdud rtsi mchog/ bdag gis phrag dog can bsad de// snying phyung dpa' bo bzhes su gsol// shes rab mtshon chen dpal rno bas/ khams gsum 'khor ba'i rtsad bcad do// bcom ldan 'das kyis bka' stsal pa/ gang bsad gang gi gang ltar bsad/ khyod ci bdag 'dzin dra bas bcings// nga ni kun tu mi rtog cing // bdag gzhan dra ba bcad pas na// gsad bya gsod byed ngas ma mthong // rang rig gsal bas kun 'byung zhing // thams cad rang snang dkyil 'khor mchog/ phrag dog de nyid las kyi rigs// bya ba nan tan bde gshegs thugs// kun tu bskyod pas ka nas dag/ bdud rtsi dri chu sman chen po// 'chi ba med pas dug nyid dngos// rgyal ba rgya mtsho'i thugs dam nyid// bsrung med dam tshig nyams pa'i gsos// las kyi mkha' 'gro bsnyen pa'i rdzas// bdag gzhan don kun 'grub pa'i rgyu/ dngos med dngos grub ma brtsal 'grub// 'khor 'das kun gyi dngos bzhi pas// rdo rje dri chu zhes bya'o// rang sems brtag pas stong bdag med// snying rje chen po las byung bas// rdo rje las ni dri chu'i bdag/ kun tu phrag dog zhen spangs zhes// spang du med las btags pa yin// spang blang zhes pas 'tsho med nad// shi nas mnar med yi dwags 'gro// dug nyid sman 'gyur ji bzhin du// spang blang med pa sman gyi mchog/ khams las byung ba'i snyigs ma chu// smad spangs dor bar byed pa ci// rang las byung bas rang nyid dor// rang mi dor na de nyid kyang // dor ba'i tha snyad ga la yod// sems dor byang chub ga la rnyed// phra dog sems kyi ye shes te// de las dri chu las kyi rigs// btags pa'i sku mchog don yod grub// bya ba'i las rnams mthar phyin te// de ni rnam dag dri chur bshad// de skad gsungs pas rab dga' ste// 'khor kun bdud rtsi khong chud nas// sems nyid kho thag chod par gyur// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i rang bzhin bstan pa zhes bya ba'i le'u ste sum cu dgu pa'o// // de nas yang gsang sngags mchog tu gyur pa'i mnga' bdag rdo rje bdud rtsi chen po la/ sems dpa' chen po rdo rje rnon pos shes rab kyi pad+ma kha phye ste/ phyag 'tshal nas gsol ba/ 'khor bar 'khyams pa'i sa mkhan gtso// btson ra dam po nas 'don pa'i// thugs rje'i bdag nyid bdag la dgongs// sems can 'khor bar bying ba las// skam sar gdon pa'i thabs chen po// bdud rtsi dri chu bsgrub 'tshal na// rten dang rten can thams cad kun// dri chu btsal na ji ltar btsal// bdag cag 'khor la bshad du gsol// phyogs cha kun tu g.yeng 'gyur ba'i// dug nyid rang snang srog gcod cing // de las spang med zag bral chu// btsal ba'i khyad par bdag la shod// de skad gsol pas phrag dog bdag/ rang byung dpa' bo chen po ste// rang snang byung ba'i dkyil 'khor mchog/ bya brtsal bral ba'i klong dkyil nas// ngo bo nyid kyi gsung nyid las// spros te tshig tu 'di yi don// tshul bzhin bshad kyis legs par nyon// rang sems gsal lam 'dres te// byang chub chen po yongs su rdzogs// ji bzhin bya ba de nyid ni// btsal zhes bsams brjod mi rnyed de// gdod nas rang gi ngang du rdzogs// tha snyad cir yang snang ba yang // nan gyis brtags shing brjod par zad// thig le nyid las g.yos pa med// log brtags 'khrul pa'i skye bopo rnams// thabs mchog rmad du byung ba yis// dam pa nyid la gzud pa'i phyir// rdo rje chu ni tshol 'dod pas// thog mar rnam mi rtog pa'i don// yang dag pa la rnal 'byor bya// snang dang stong pa gnyis med pas// las kyi rgyal por gsal ba dang // phyag rgya dang yang gnyis su med// yang na thog mtha' med pa ru// 'brel pas 'phangs te phogs pa'i lha// yan lag yongs su rdzogs par bya// de sa gsang sngags zlos la brtson// mchod dang bstod dang sbyin sreg dang // phyag rgya mnyes par byed pa yis// dpa' bo ro mchog ldan btung zhing // sman gyi khu ba dam pa dang // sa li shun pa nan pa'ang rung // btsos dang sbyar la bskus pa yi// ro dang ldan pa btung bar bya// 'khar can mar dang ldan pa dang // zho dang pan tse'i tshod ma dang // yang na sha yi tshod ma'ang rung // drug cu pa dang lo ma dang // shing 'bras bcud med shun pa dang // hab rtse la sogs rnam spangs te// thog mar lus mchog stobs ldan bya// chags shing zhen pa rnam par spang // til mar bsung ldan dri dang bcas// yang na ha sa ki ra'i mar// hu lu ka dang bcas pa yis// gtsug nas mthil sogs khyab pa ru// dus drug tha ma'ang nyin rer bsku/ khang bzangs khri la nyal nas kyang // ka shi ras la bde bar ro// nam nangs nyi ma nub kha ru// 'khar ba dag bkrus mdzes pa ru// blugs nas dngas snyigs phyed pa dang // ras tshags nas ni phyung la bsag/ khal phyed tsam gyi snod bkang nas// thab khor gru gsum brtsegs pa ru// be yi shing la me bus la// lcags sam zangs su btso bar bya// lcags las byas pa'i thur mas dkrug/ dbu ba ljang khu'i mdog dang 'dra// mkhris pa'i nad du shes par bya// ser po bad kan nad yin no// dkar la 'tsher ba rlung yin no// nag gam lcags kyi mdog 'dra na// nad rnams 'dus par ngan par bshad// chag gam chad dam snod 'drams na// dbu ba khrag gi mdog dang 'dra// shing gi rtse la blang byas te// phyi rol dag tu dor bar bya// de nas sum cha gcig bskams nas// brag zhun srang gcig mnyes la blugs// cha gnyis bskams par gyur pa dang // gur kum bskus pa'i chu srang ni// gsum dang lhan cig bskol byas te// du nas then dang mtho gang dang / khru dang mda' gang 'ong ba de// dri chu'i mchog tu rab tu bshad// gang ga na sa dang sbyar nas// byad la byugs na zla rgyas bzhin// shu thor 'dzer pa dag par 'gyur// 'bras kyi khu ba dang sbyar te// rma la bskus na bdud rtsi bzhin// yan lag gang la bskus pa yi// mdzer pa dag kyang dag par byed// skyu ru ra yi khu ba dang / kha bo rtsa yi khu ba dang // ha se ki la ya'i khu ba gsum// cha bsnyams 'thungs par gyur pa na// mkhris pa'i nad rnams sel ba ste// mig ser la sogs thams cad sel// 'khru ba drag po gcod par byed// skad ni ngang ba gzhon nu ltar// so la byugs na dam la dkar// rab mdzes 'jam dpal lta bur 'gyur// 'di yi yon tan bsam mi khyab// zang shing lo mar gril byas te// lha yi sbyor ba dang ldan pas// sngags 'di 'bum phrag gsum du bzlas// oM kha na badz+ra ku ku ma kar ma ku la pany+tsa ma rba ta sa ra sid+hi b+hA na pa la hUM hUM/ lag pa g.yon pa'i mthil du bzhag/ g.yas pa'i dbang mos mnyes nas su// dpral ba lce dang snying ka ru// gsum gsum bzhag la bstim par bya// lhag ma thod par gzhag byas te// sgrub pa'i rdzas su sbyar bar bya// des ni bla med las rnams 'grub// bya ba kun la ma rmongs shing // rnam pa thams cad mkhyen 'gyur te// byang chub snying por thogs pa med// de skad bcom ldan bdud rtsi che// bde ba chen po nyid kyis su// phrag dog byang chub nyid bsgrub phyir// 'dus pa'i 'khor la bshad pa yin// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu btsal ba'i thabs bstan pa'i le'u ste bzhi bcu pa'o// // de nas yang sems dpa' chen po rdo rje rnon po la sogs pa'i 'khor rnams kyis bdud rtsi dri chu nyid phrag dog ma spangs dbyings su sbyor ba'i thabs chen po yin par shes shing khong du chud kyang 'khor ba'i rtsas la dri chu'i rtsa ba dang yan lag gang yin pa da dung du ma chud nas/ phyag btsal te gsol ba/ bcom ldan khyab bdag snang stong gtso// log pa'i nad sel kun gyi pa// 'dren pa chen po kha lo sgyur// bdag cag 'khor la gnang bar mdzod// dri chu rtsa ba yan lag gang // de yi stongs su gyur pa rnams// mi shes bdag cag rnams la gsungs// zhus pa'i don de thugs chud nas// 'joms pa'i dpa' chen gyis gsungs pa/ nga ni 'gro kun sgrol la brtson// thar pa chen por kun 'dzud cing // ye shes mar me gsal bar 'degs// mi shes mun pa'i gting rum nas// thabs chen brtson 'grus go gyon pas// sbyor ba'i kyo bas bde drangs te// mkhas pa'i bde bas dbyings su 'khod// de nyid don la bde dgod phyir// legs par bshad kyis gus par nyon// byang chub sems ni bshad bzhin du// dri chu dag kyang de bzhin te// rtsa ba dang ni yan lag go/ rtsa ba'ang phyi nang gsang ba gsum// gsang ba'i rtsa ba brgyad bstan pa// phrag dog rus sbal nag po yi// mig dang rna ba sna dang lce// zar ma'i me tog 'khar ba dang // gu gul nas dang brgyad yin no// nang gi sbas bzhi mngon pa bzhi// rdo rje slob dpon gsang ba'i yum// rgyu la rnams ni dri chu dang // de'i 'khris bzhi sbas pa yi// 'bab chu rgya mtsho rdo yi chu// bdud rtsi'i chu ni cong zhi'i chu'o// de bzhin mngon pa phyi ste brgyad// phyi yi rtsa bar bstan pa ni// gor shi sha yi rtsa ba dang // sdong bu shun pa yal ga dang // lo ma me tog 'bras bu dang // thang chu dag dang brgyad yin no// brgyad ni dam pa ni ru ha// ru rta li ni 'ba' sug gsum// ya bag ta re ka la ka/ big na big dang ru ma har// rgyag na dga' ste brgyad yin no// g.ya' skyes pa hu lug mig dang // su ma ru dang dan ra dang // ka ni ra dang sha ma sa// lung tang me tog sha bang te// ag bra li dang brgyad du bstan// ka sho kan d+ha'i 'bras bu dang // big ru ba dang cen da ba// hug ma no ra dong kang ka/ shri ra tri ba mu le mug/ shra na se ta brgyad rna ba'i// sri shing ljang ku'i me tog dang // sngon bu gser gyi me tog dang // lcam pa mu rba tsa ra dang // bag so rgya mtsho dbu ba dang // nya'i bu dang brgyad sna'i// lce yi brgyad du bstan pa ni// kye lce sdong bu shun bcas dang // ta ra tA thi bi na tha// do lo ke sbur na be ba// pa ral pa ra bi sha pa// ba na ra ge ta dang brgyad// rdza ti ta'i me tog dang // ya ba ne tro kag ka sha/ big ku sha dang ku ra sha/ ba b+ha ba te rtswa dur ba// pu tse shel dang brgyad zar ma'i// mkhar ba'i yang rba bab ne dang // brag skyes dur ba shi ya ru// lo ke ra dang shi yang 'dos// bim du dza ra sha ya kyang // ba b+ha ha dang kyang pa rta// de dag yin par ngas bshad do// gu gul dag la dgos pa ni// hur me ha dang hal bag che// shug pa'i thang chu sgron shing dang // phra shags dang ni phra rab ni// dza ya ra sa ku ma la// brgyad du nga yis rab tu bshad// so ba gro dang ma ma ri// kug ne pa sha wags wa// a bur de na mang be kha// bab ne sha ra kha dang brgyad// nas kyi dgos pa'i stongs yin no// de ltar gsang ba'i rtsa ba'i stongs// yang dag nges par bshad zin nas// nang gi rtsa ba'ang bshad par bya// slob dpon dri chu'i sha re mang / khyar kya de sha men bu se'u// me tog dkar po da ru ra// tshu na da ra shi la ka/ bug re mung ga brgyad yin no// bud med nad zho wa ts+ra kas// ta ra ge ba mig ma ri// su be be ra kha la lce// shon dang ga dang bi bug ge/ brgyad ni yum gyi dri chur bshad/ kha dog dkar po'i glang gi chu// mor ma ra dang sa ra sa/ khrung khrung sha ba'i dri chu dang // spang rgyan dkar po lug de wa// sen tra to brgyad rgyu lnga'i// mkhris pa'i brgyad du bstan pa yang // glang po bya rgod dom dang sgre// nya dang phyi ba 'brong khyi dkar// 'di dag brgyad kyi mkhris pa'o// chu bo'i chu yir bstan pa yang // lug mur dang ni spre'u brgyus dang // mnya' ba'i me tog dag dang gsum// tri ta ba dang rgya nag tsha// tsha ru sha dang byil ba dang // du na sha dug sen tra'o// a tong rgya 'bras mkhan pa dang // se ra bas dang kya kung dang // shra sa ra dang mum bra dang // dun tra bco brgyad rgya mtsho// se'u 'bru shing ngar sra 'bras dang // 'jam 'bras ti ti la ha ra// a yu ra dang tha le ga/ tsar tsang ba brgyad brag zhun no// cong zhi khab ma ral zungs dang // tri bi ta ni ser po dang // kug ne spus spa sha ru ra// bca' sga dong kra a rgya ne// la tsa 'don dang brgyad yin te// nang gi rtsa bar shes par bya// phyi yi nA ga ge sar dang // bal pu sha dang rag ne tso// skyer pa 'ba' shu gsang snang dang // 'bri ti ri dang a ru ra// be ba ra zhes bya ba'i rigs// 'di brgyad rtsa ba rtsa ba'i stongs// sdong bu shun pa yal ga dang // lo ma me tog 'bras bu dang // thang chu brgyad ni thang chu'i phrad// de dag phyi yi rtsa bar bshad// ji snyed 'jig rten khams dang na// yod pa rtsi shing skyes so cog/ brgyad dang mi ldan med pas na// rang rang rigs kyis phye ste bya// dri chu rigs la mi mkhas pas/ kha dog ljang dang rtsub pa'i ro// thams cad las kyi rigs kyi bcud// de ltar khong du chud par bya// rigs rnams khyad par ma shes shing // ma byed pa ni lho nub mtshams// ma dag pa ni mtshams bcad do// de skad kun mkhyen ston pa'i gtso// rnam pa kun ldan bdud rtsi che// 'gro ba'i don la rab brtson pas// nges par gtan la phab ste bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i rigs su gtogs pa'i sman ngos gzung ba'i le'u ste bzhi bcu gcig pa'o// // de nas sems dpa' chen po 'khor gyi dam pa des/ 'khor thams cad bsdus te bde ba'i mchod pas ston pa la yang nas yang du mchod cing phyag gis kyang bstod nas/ mgrin gcig tu byas te gsol ba/ kye bcom ldan 'das/ nyid ni 'jig rten thams cad kyi snga rol bskal pa thams cad kyi dang po// sangs rgyas thams cad kyi thog ma'i yang thog ma nas sangs rgyas te/ bde ba chen po lhun gyis grub cing thams cad mkhyen pa'i ye shes ngang gis rdzogs te/ thugs su ma chud pa rdul cha tsam yang mi mnga' bas/ bdud rtsi'i rigs thams cad yon tan dang ldan pad bshad lags na/ da dung dri chu'i rigs su 'dus pa 'di dag gi yon tan cung zad kyang ma gsungs pas/ 'gro ba kun la thugs brtse bas bshad du gsol// bde bar gshegs pas bshad du gsol// bcom ldan 'das kyis bka' stsal pa// thog ma med pa'i dus mtha' nas// sems nyid sbyong la rab brtson pas// kho na nyid ni mngon gyur pas// sems can don ni ma brtsal grub// ye nas de ltar yin pa las// mun pas 'thibs pa'i 'gro gang la// thugs rje'i 'bras bu smin bya'i phyir// dri chu'i yon tan nga yis bshad// dri chu'i yon tan nga yis su// 'di ltar byin brlabs bstan pa ni// rgyas par gong du gsungs pa yin// gzhan yang dag ni tshangs pa 'dra// glang sna ces pa'i nad sel to// rtsa ba'i yon tan 'di lta ste// phrag dog can gyi mig gis ni// las kyi rigs kyi zhing khams mthong // rna bas stong gsum sgra zos te// sngas ni rab 'byams dri tshor 'gyur// lces ni 'phrin las rgya mtsho sgrogs// zar ma'i me tog mgrin nad sbyong // 'khar ba yis ni rgya zar skems// gu gul chu ser nad rnams sbyong // nas kyis me yi skye 'gro gso// slob dpon chus ni bad rlung sel// mtshan ldan dri chus srin skran 'tsho// bsgral ba'i dri chus rgya nad gcod// mkhris pas mes tshig mtshon brgyab 'tsho// gang ga chu yis bsod nams 'phel// rgya mtsho chu yis lus mnyen 'gyur// rdo chus tshe ring bde ba 'grub// cong zhi chu yis rus pa mkhrigs// gor shi sha yi rtsa ba yis// pho ba'i bad kan tshwa ba sel// sdong bus mkhris pa rlung bcas sel// shun pas sgyu mar rlung zhugs 'tsho// yal gas 'dod pa'i zas rnyed 'gyur// lo mas snying gi dran pa gsal// me tog b+h+r-ing gi ri ti mnyes// 'bras bus pho mtshan skrangs pa 'dul// thang chus rtsa sbugs rnag skems so// ru tas mig gi na tsha sbyong // li shi kun la yangs dag dpa'// 'ba' sug tsha ba skye bar byed// ka la ka yis 'dod chags skyed// ya bak+ka ras khrag tshabs 'dren// big na big ni sna 'gags sel// ru ma ha ra gzhang srin 'dul// rgyag na dga' ni bde med sdud// gzhan dag tu yang nga yis ni// rdo rje dri chu'i yan lag gis// yon tan rnams ni dpag tu med// 'du bas lus gzir 'gro ba gang // dri chu'i rigs su gyur pa'i sman// bcangs pa tsam gyi yon tan kyang // ya mtshan mchog tu gyur pa yin// bla med zabs chen dam pa yis// brten te bsgrubs pas tshe gcig gi/ rdzogs par sangs rgyas nyid 'gyur te// 'di la the tshom za ma byed// de skad rang byung bdud rtsi che// ston pa dpa' bos rnam par bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i rigs kyi 'du bar gtogs pa thams cad yon tan dpag tu med par bstan pa'i le'u ste bzhi bcu gnyis pa'o// // de nas yang bcom ldan 'das bdud rtsi rmad du byung ba'i bdag nyid chen po des phyogs bcu dus bzhir bkod pa chen po'i rgyal ba ma lus mi lus lus pa med pa thams cad 'phrin las mdzad pa med par ye nas bya ba thams cad dang bral bzhin du/ bde ba chen po 'gyur ba med par mthar phyin te/ bya ba nan tan ngang gis bkod zin kyang de nyid khong du ma chud pa'i blo la yid ches shing gsal bar bya ba'i thabs chen po rdo rje'i chu de nyid/ bya ba nan tan gyi ye shes nyid du ye nas grub zin pa de nyid/ byin gyis brlab pa'i ched du don 'di nyid sku gsung thugs las ched du phyung ngo // ha/ kun 'byung zag pa'i gur kum chu// rdo rje dri chu'i chu yin te// chu las ma byung gang yang med// las kyi rigs kyi dam tshig dang / nan tan ye shes mchog kyang 'grub/ ces gsungs pas 'khor ba pa'i spyod yul du gyur pa'i phrag dog can thams cad phrag dog chen po'i klong du byang chub ste/ bya ba nan tan gyi ye shes su sangs rgyas nas rang 'byung bar gyur to// de nas yang bdud rtsi'i bdag nyid phrag dog rdo rje chen po des/ rab tu gsal ba'i sgron ma bskor ba dang / mya ngan las 'das pa dang // sku rig bsrel du mdzad nas 'gro ba'i don mthar phyung yang // da dung du log par lta ba la mngon par 'chel ba yun ring bas// rab tu 'khyams pa rnams grol zhing yid ches pas/ ngo shes par bya ba'i ched du ston pa la gsol ba// gsang ba'i dbang phyug chen po ste// gar gyi dbang phyug dgyes chen po// rgyal ba'i dbang phyug nyer dgongs pa// don gyi dbang phyug thugs kyi dbyings// bdud rtsi dbang phyug gsol ba mchis// rnal 'byor dri chu bsgrub pa la// grub pa'i rtags ni ji ltar lags// ma grub par chad 'byung na gang // dngos grub re ba med blang dang // dogs pa med pas bzlogs pa'i thabs// 'di dag bdag la bshad du gsol// 'di dag rtogs par ma gyur na// khyad par khong du ma chud pas// nyams te bdud kyi bar chad 'byung // de sel legs par bshad du gsol// de skad ces gsol thugs chud nas// bde chen bdud rtsis bka' stsal pa// dri chu bsgrub pa'i rnal 'byor pas// grub par nges pa'i dge rtags dang // bar chad bdud du nges pa dag/ legs par bshad kyis khyod nyon cig/ dri chu las ni lha mo'i gzugs// 'byung bas nges par bshad par bya// bar chad byed pa'ang gzugs ston pas// de yi khyad par shes bya na// gzugs mdzes mthong dga' yid du 'ong // na gzhon dar la bab pa la// ral pa thor tshugs zur phud ldan// rna rgyan la sogs mdzes pa'i chas// dar sogs gos gyon dri zhim pa'o// bong ring lus skam dri ma can// yang na sha che lcug la thung // mig dang kha yo so tshol zhing // gos rul skra brnyings dri nga zhing // 'khro 'tshig gshe dang ngan tshig brjod// 'di dag bdud kyi sprul pa'o// mthong na mi dga' smon dga' dang // bzhin log pa yang de bzhin no// dge ba bum pa'am de nyid mthong // rang sems nyid du rang snang ba'o// rnal 'byor la snang lha mo'i gzugs// dam tshig phyag rgya yun ring gnas// lag dang ngag brda mi ston te// byin brlab tshul dbyung bza' zhing mchod// slob ma dbang bskur bsgrub mi dgos// grogs sam gnas khang rdzas gzhan la// byung bar snang ba nges pa na// lag pa'am ngag gi brda bstan te// bdud na lan 'debs ga la nus// des na lce la hUM bsgoms te// bdud rtsi byin la ci 'dod bcol// yo byad dag la snang ba na// des ni longs spyod 'phel bar nges// des na don yod yab yum mam// me tog phog par gsal bsgoms la// gsang ba'am rkang pa'i mthil du ni// gru gsum me yi 'od 'dra'o/ steng // ljang ku ha las 'od spros te// rgya gram las ni rlung lcags kyus// phyogs bcu'i rgyal ba sras bcas bkug/ gzugs dang brtan par byas nas ni// de nyid ljang ku 'tshe ba'i mdog/ las kyi rigs ni thogs med mchog/ ngang gis bde bar lhun grub nas// gsang ba'i gnas su thim pas ni// las rnams kun la dge dbang bsgyur// de tshe ngag tu gleng ba ni// chags pa chen po bcom ldan 'das// rang bzhin nyid du gnas pa ste// de ni rnam dag bdag gi gzugs// e ma ho che mchog rang snang sku// ha karma ku la ku ku ma si ta a haM/ de tshe bdud rtsi rnam pa lnga'i// ri lu rang gi khar bcug ste// zam zim mig btsums bsdams nas kyang // gang yang spro ba mi bya ste// lhag pa rtags kyi byang chub sems// phyi nas bsgrub par mi bya'o// bdud du nges par snang ba ni// phag rgod lto bo che zhes bya// kham pa sha rul khrag rnag dri// tsha la rtsub pa'i dri bro ba// gzhan ni sngar gsungs nges pa ste// rab tu drag po'i gsang sngags dang // bzlog pa'i sbyin sreg gsum lnga bdun// thal ba la ni ling ga bya// ming rus phur pas gnas bdun du// btab ste lam khar thod pas gnan// des ni nges par bzlog par 'gyur// re zhing dogs par sems pa dang // bdag dang lha zhes mngon 'chel ba// rang sems 'khrul pa bgegs yin te// gzhan nas 'ongs pa ma yin no// sems nyid bdag gzhan mi 'byed cing // chos dbyings mi rtog rang rig pa// rang rnal nyid ni mngon dga' na// des ni bar chad ga la 'byung // de skad gsang chen ston pas bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i grub pa dag ma grub pa'i khyad par bstan pa'i le'u ste bzhi bcu bzhi pa'o// // de nas sems dpa' chen po bya ba thams cad la ma rmongs pa des/ bcom ldan 'das gsang ba'i dbang phyug chen po de la gsol ba/ kye bde ba rgyan gyi mnga' bdag/ ma spangs par rang grub pa'i dngos gzhi dam pa/ bdag cag la gsol ba mchis pas bkas gnang bar mdzad du gsol/ 'khor ba'i chos las mya ngan las 'das pa de kho na nyid bsgrub pa la/ spyad pa dang spyod pa zhig 'tshal na// de'i bgyi ba de ji lta bu lags/ bka' stsal pa/ sems dpa' chen po nyon cig/ dper na nam mkha' la/ lag pas rdo rje 'am/ rdo rje rgya gram zhig gi bris na de dbang po'i mngon sum la snang ngam/ gsol ba/ de mig la ma yin kyang yid la snang ste/ de la ring du brtags na/ mig la yang snang bar 'gyur la/ de brtag par yang mi nus te dpe dang 'dra ba lags sam/ bka' stsal pa/ spyod pa'ang de bzhin te/ ci'ang spyad du med pa las ci'ang spyad pas de 'grub ste nges pa'o// sems dpa' chen po dper na sgyu ma mkhan mkhas pas ci yang med pa las sngags kyi bya bas cir yang snang ste/ thams cad kyi yis tshim ste dga' ba der gyur na/ des yang dag par dga' bar byas pa yod dam/ gsol ba/ bcom ldan 'das de ltar na/ rdzas dang sngags kyi sbyor ba las byung ba grub pa ci yang yod pa ma yin te/ des byas pa dang ba byed pa ci'ang grub pa med kyang / gzhan dag de kho na ltar 'dzin pas de dag la nges par 'grub pa'o// bka' stsal pa sems dpa' rnal 'byor gyi spyod pa spyad par 'dod pa rnams kyis kyang / spyod pa thams cad de ltar spyad par bya ste/ ci'ang spyad du med pa'i de bzhin nyid la/ ci spyad pa thams cad/ de kho na nyid kyi stongs su 'gyur te/ gdon mi za bar 'grub pa'o// gsol pa/ bcom ldan 'das de ltar na dge ba dang mi dge ba'i spyod pa la spang ba dang / blang ba med par go mnyam pa lags sam/ bka' stsal pa/ sems dpa' chen po/ dper na 'byung bas bskyed par go mnyam pa las/ dug dang sman gyis 'chi ba dang 'tsho bar byed pa bzhin no// gsol ba/ 'chi ba dang 'tsho ba zhes pa'ang btags pa tsam ste/ de bzhin nyid la ni/ de dag gis btags pa ma mchis la/ dug dang sman zhes bgyi bar yang grub pa ma mchis so// bka' stsal pa/ de bzhin te/ ci spyad pa thams cad de bzhin pa de ni spyod pa bla na med pa'o// des na las kyi rigs 'di la// spyod pa gang yang legs par spyad// dus drug bzhi 'am nyin gcig cig/ bde gshegs mchod la gus par bya// yo bya ci 'byor pa yis ni// tshogs kyi mchod pa rgya chen dbul// rol mo mchod pa sprin phung tsam// bshams sam yid kyis bsam byas te// rgyal ba rgyal sras mkha' 'gro la// gus bcas g.yo sgyu med par btab// nyan thos sdom la rab gnas shing // slong ba'i rdzas kyis 'tsho byed rnams// bu gnyen gnas su sems bskyed de// yo byad bcu gsum 'byor tshad sbyin// theg chen bla med dang len cing // byang chub sdom mchog bslab gnas la// lus srog gis kyang mnyes bya na// yo byad gzhan dag smos ci dgos// bla med theg chen yang rab gnas// sems kyi longs spyod rgyun mi 'chad// spyi dang khyad par lhag la gnas// de ni bde gshegs nyid dang mtshungs// bram ze rtag tu gtsang 'dzin la// dkar dang 'bras sogs la ma sbyin// mtha' 'khob khrims dang 'gal ba'i gnas// spyod pa ngan pa'i rgyal rigs la'ang // shan smad gshe brnyas mi bya zhing / kho na mthun pa'i brtse sems bskyed// nad pa gang zhig nyen gyur la// sman dang 'tsho bas nad bsal bya// dmangs rigs dman la lhan sems bskyed// brtse bas kun la phan gdags so// mu stegs lta ba log pa la// gshe zhing smad par mi bya ste// thabs kyis lta ba mchog la gzud// bud med sgyu 'phrul bde sgrub pas// smad cing gshung ba ma yin no// glu gar rol mo mkhan dag la// lhag par mi bsten brnyas mi bya// de dag las kyi spyod pa ste// mkhas ldan sgrub pa pos spyad cing // dus rnams kun tu dor mi bya// de skad 'gro ba'i gnyen gcig pa// ston pa mchog gis 'gro don gsungs// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i sgrub pa po'i spyod pa bla na med pa bstan pa'i le'u ste bzhi bcu lnga pa'o// // de nas dam tshig chen po rdo rje rnon pos/ shes rab kyi ral gris sems can gyi ris thams cad sha'i thang ma dpag tu med par brdal nas/ rgyal ba'i dkyil 'khor rdo rje dbyings chen po la sogs pa mchod de/ sems can thams cad kyang tshim par byas nas/ ston pa la gsol ba/ kye ma dga' sems che ba'i gtso// rnams lnga'i bdud rtsi bshad pas su// bdag cag rab tu tshim gyur kyang // da dung gsol ba dam pa mchis// bdud rtsi dam pa bsgrub pa la// sha yi rnam pa 'tshal mi 'tshal// de yi rang bzhin ji lta bu// btsal na thabs mchog ji ltar bgyi// rigs kyi dbye ba ji ltar lags// de nges grub na rtags ci 'byung // ma grub bgegs kyis bar gcad na// de yi khyad par gsung bar zhu// de skad gsol pa thugs chud nas// ston pa thams cad mkhyen pa yis// bzhad nas 'di skad bka' stsal to// sha ni lus kyi bcud yin te// de la brten nas thams cad 'byung // dge dang mi dge ji snyed pa// rang sems dbang bsgyur ye shes mchog/ red nas sha chen la sogs brten// spang blang gzhi nyid ga la srid// bdud rtsi mchog ni sha nyid de// dgos dang mi dgos rtog pa med// de bas rab tu bsgrims nas su// sha rnams la ni nan tan bya// rnam grangs sha chen glang chen sha/ rta sha khyi dang bya yi sha// mi che kla glang snying gis mtshon// theg pa dman la gsang ba'i phyir// nan tan nyid du brtson par bya// lha yi sbyor ba dang ldan pas// lus kyi khams las blang byas te// ma rul ma sum rab tu bsgrim// gtsang ma'i snod du bcang bar bya// gzhan dag thabs mchog sngar gsungs yin// sha chen rdo rje rigs kyi gtso// glang po de bzhin gshegs pa'o// rin chen rigs ni rta sha'o// khyi yi sha ni pad ma'o// bya sha las kyi dbang po'o// de yis bsdus pa'i sha rnams ni// rang rang mthun pa'i rigs yin te// gol ba can dang kha srag dang // zlum po mche ba gshog pa can// thams cad lnga yis bsdus pa'o// gsang ba rigs kyi btsun mo lnga// b+ha ga'i dbus su smin pa'i sha/ dbus dang shar sogs rim pa bzhin// byang chub sems sogs rims bzhin sbyar// muM laM maM pyaM taM lnga yang // nyi ma'i dkyil 'khor sogs gnas pa// bsreg sbyang bdud rtsir bya ba ni// spro dang bsdu dang bstim pa'o// bskyil ba dar mo ya ta'i dbus// pad+ma 'dab brgyad lte ba'i steng // ge sar phug gi bya rog gdong // dam po bse gab rtsa dbus lam// de ni bde chen yang dag pa'i// khyad par can du thams cad gnas// yang na rus sbal rkang lag ltar// mi mos rab bsdam ha ha bshad// des ni sha rnams rab bsgrubs 'grub// nges pa'i rtags ni mang du 'phel// gser ltar rab 'tsher 'dzam bu'i mdog/ dngos grub rgya chen rab tu 'grub// tshe la bar chad mi 'byung bzhin// bgegs zhi nad med yo byad 'phel// phyi nas bsgrubs na gdon mi za// 'khor los sgyur rgyal chen po yang // tshe 'di'i 'og tu the tshom med// bde gshegs mchod dang mkha' 'gro bskang // rnal 'byor nyams pa sor gzhug phyir// rtag tu bcang zhing mchod par bya// gal te grub par ma gyur na// rul dang myags dang 'bu srin dang // shin tu nyung nas tha mar brlag/ de ni bdud kyi byin brlabs te// rnal 'byor tshel bar chad 'byung // yo byad bral nas dbul por 'gyur// de tshe bzlog pa'i sbyin sreg ni// kun sha sngon po til nag dang // 'bru yi chan dang ba mar gyis// nyi shu gcig tu bsreg par bya// thal ba lam po che yi sar// rlung la phyang bas nges par zlog/ kun tu rtog med byang chub sems// nam mkha'i dkyil dang rgya mtsho'i gting // 'gyur med nyi ma brdal ba bzhin// rang rig rang snang gsal bar bya// des ni bar chad ga la 'byung // de skad gsungs pas 'khor kun dga'// rab tu bde ba thob par 'gyur// de nas sems dpas yang gsol ba// rang bzhin byang chub sems chen po// skye ba med las skye ba'i sha/ 'gro ba'i lus ni dngos po'i gnas// 'di yi rang bzhin ji ltar lags// 'jig rten phan yon ji ltar mchis// bcom ldan 'das kyis bshad du gsol// yang dag ston pas bka' stsal pa// khams gsum 'gro ba'i sems nyid ni// ma bcos byang chub sems nyid de// gnyis su med pas rgyal ba'i klong // thabs dang shes rab khu ba khrag/ dbyer med dang las bskyed pas na// sha ni byang chub sems nyid do// 'di ni rang bzhin mthu dang ldan// ngo bo nyid kyis stobs chen po// nad rnams kun gyi gnyen por che/ khyad par dag tu rab bstan pa/ khu ba dang ni sha dang khrag/ bshang dang gci la sogs pa ni// gdod nas dag pa'i sman yin pas// rnam rtog 'jil byed bdud rtsi'o// sha chen rang bzhin mthu che ste// glang pos bsgom pa sran dang ldan// rta shas blo ni rno bar 'gyur// de bzhin khris ni gnyis chung ngo // byas ni ting 'dzin dmigs pa 'grub// kun gyis rlung mkhris bad kan 'joms// de ltar yon tan thams cad 'grub// nga yis sha yi don bstan pa/ khams gsum 'khor ba'i nad sbyang phyir// thugs las phyung nas rab tu bstan// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha rnam pa lnga don ji bzhin par bstan pa'i le'u ste bzhi bcu drug pa'o// // de nas yang sems dpa' chen po rdo rje rnon pos/ bdud rtsi'i don khong du chud nas don la rab tu ngam ste 'di skad ces gsol to// e ma ho ye shes sku lnga bstan pa'i phyir// byang chub sems ni dkar bas na// dri med dag pas ye shes smra// sku lnga lhun grub bdud rtsi 'di// rak+ta chags med dmar bas na// chags med rnam dag pad ma'i sku// me sa yid bzhin rin chen sngo// sna tshogs 'byung bas mnyam nyid sku// dri chen gser mdog snang mdzad de// mngon byung sprul pa chos kyi sku// dri chu dag byed ljang ku'i mdog/ kun tu don grub las rab sku// sku lnga lhun grub bdud rtsi 'di// so so'i lus la gnas pa yin// dri chen dri chu rak+ta dang // sha chen byang chub sems rnams kun// sems can 'dzin rtog bzlog pa'i phyir// gtso dang dang du blang bar bya// gtsang sme med par kun gyis spyod// the tshom med par dngos grub thob// a la la ho/ zhes rang gi shes pa'i don phul bas/ ston pa dang 'khor du bcas pa thams cad rab tu dgyes par gyur to// de nas lha mo chen mo gsol ba 'debs pa/ zhing khams so so nas 'ongs pa'i btsun mo rnams kyis kyang bdud rtsi ji lta bu'i don khong du chud par/ de dag ston pa dang sems dpa' la gsol cing smras pa e ma ho// ye shes snying po can rnams kyi// sangs rgyas kun gyi chos nyid 'di// snying po chos kyi don las 'byung // byang chub spyod pa'i gnas 'di yin// smad par bya ba'i rdzas lnga po// gcig la'ang yon tan lnga lnga 'am// gcig la'ang yon tan gsum du dbye// dam tshig rtsa ba bco lnga yin// yan lag nyi shu rtsa brgyad do// snod bcud dbus su bsdus nas ni// bcu drug bcu drug por yang bstan par bya'o// thabs dang shes rab ldan pa las// sems dpa' sems ma'i tshogs su blta'o// rtsa ba brgyad dang yan lag brgyad// rdzas ni[:]sems dpa' bcu drug ste// snod dbyings sems ma sum cu rtsa gnyis mtshan ldan zhing // dpe byad bzang po brgyad cus brgyan// rdo rje dbyings kyi dkyil 'khor rdzogs// rgyu yang gsang ba 'bras bu'ang gsang // rdo rje dbyings kyi dkyil 'khor las// mdzod ldan dpal gyi phyag rgya dang / kha 'byed rdo rje'i phyag rgya dang // 'khor lo rtsibs kyi dbus su bzhag/ ba dud rtsi lnga dang rtsa ba brgyad// mig dang rna ba sna dang lce// mtshan dang rnam shes yul dang bcas// 'dus la ma byas rdo rje ste// dgongs pa 'dus pas rdo rjer bshad// rdo rje sems dpar rab sbyar na// rdo rje sems dpa' nyid du 'gyur// a la la ho zhes gsol cing glengs pas// bcom ldan 'das rab tu dgyes par gyur te/ bka' stsal pa/ rgyal ba rnams kyi dgongs pa'i don// ji bzhin bla med byang chub sems// bdud rtsi don nyid dbyer med rtogs// legs so rgyal ba'i sras dam pa/ khyed nyid bdud rtsi mchog tu gyur// ces gnang bar gyur to// dpal bdud rtsi bde ba chen po zhes bya ba rgyud kyi rgyal po chen po las/ 'khor rnams kyis don gyi chen po'i gdeng rnyed de ji bzhin pa'i lta ba gsol ba zhes bya ba'i le'u ste bzhi bcu bdun pa'o// // de nas bcom ldan 'das kyis bka' stsal pa/ sems dpa' 'khor ba'i chos phyi nang gis bsdus pa thams cad mya ngan las 'das pa'i bdud rtsir bsgrubs shing bsgyur bas yid ches te rang rang gi shes pa'ang nga la smras zin na/ da dung zhu ba yod na ci dang ci yod pa de dag nga la smros shig/ sems dpas gsol ba/ kye bcom ldan 'das bdag la gsol ba mchis te/ 'khor ba thams cad skyed pa ni 'o ma lags te/ lus rdzogs par bgyid na/ ci'i slad bdud rtsi bag tsam las ma gsungs/ da gyis ba'i thabs dang rang bzhin ji lta bu lags/ bka' stsal pa/ 'o ma gsos su gyur pa ltar// chos nyid khams gsum sems can kun// byang chub myu gu bskyed pa'i gsos// de bas bdud rtsi dam pa'i bcud// skye med byang chub sems chen po// yang dag ye shes bla med pas// gsos kyi mchog ste tha mi dad// ji ltar 'o mar gyur pa la// mkhas ldan chen pos rab sbyangs nas// yon tan zho dang mar ltar 'grub// de bzhin rdzas rnams sbyang gyur na// mnyam nyid yon tan mar ltar 'grub// oM Ta ki ra badz+ra pa tra sarba du ha ra du ha ra a mr-i te swA ha/ de bas thabs ldan rnal 'byor pas// thams cad bdud rtsir bsgrub pa'i phyir// mi dang rta la sogs pa yi// 'o mar gyur pa thams cad la// spang blang med par bdud rtsir bsgrub// rma dang shu thor g.yon pa dang // bas blags me dpal la shis te// nad rnams kun phan lhag par rlung // klu yis nyen pa'i gsos su che// sman rnams kun gyi gzhi yin no// sems dpa' des gsol ba// 'jig rten 'di na dkon pa'i rdzas// gser la sogs pa'i rin po che// bdud rtsi nyid ni lags nges pas// bsgrub par bgyi na ji ltar 'tshal// de la yang dag bka' stsal pa// dpag med rgyal ba rnams kyi ni// che ba'i yon tan zad med de// gser la sogs pa'i rin chen gter// zad med dgos pa kun skong ba'o// bde gshegs thugs dang yon tan gnyis// so so ma yin dbyings gcig pas// rin chen zad med bdud rtsi'i dbyings// dper na gser ldan rin chen ltar// so sor gnas kyang rang rang gi/ kha dog mtshan nyid so sor gsal// rin chen yon tan de dra yang // bsdus na yon tan rmad du gyur// de bas gnyis sprad mdzes par snang // de bzhin rdzas kyi yon tan yang // rang gi yon tan rin chen snang // gnyis med mnyam par snang bas na// bla med yon tan rmad du 'gyur// IM sarba ta thA ga ta gu Na rad na swa b+ha ba d+harma d+ha tu swA hA/ mchod dang bde gshegs sku bzhengs pas// bdud rtsir bsgrubs na dpag tu med// gang du dmigs pas 'khor los sgyur// rin chen bdun la dbang byed 'gyur// 'jig rten yon tan bsam mi khyab// dper na gser sogs rin po che// mi gang bsrel bar byed pa de// kun gyi yid 'ong 'khur ba dang // de yis bsgo ba nyan par gyur// ci bsam skad cig tsam 'grub ste// bza' btung bgo bas brel med cing // de yi 'khor yang bde 'gyur ltar// bdud rtsi dam pa'i chos nyid 'di// rnal 'byor dad brtson ldan pa yis/ khong du chud nas sgrub byed pa// rgyal ba mnyes nas dngos grub stsol// 'khor gyi mkha' 'gro ci bsgo nyan// bla med byang chub snying po 'grub// 'jig rten bsam pa mthar phyin cing // de yi 'khor dang yul khams dge/ de skad rgyal ba snga mas gsungs// de nas sems dpas yang gsol pa// ston pa rnam kun mkhyen ldan pa// chang ni dug gi dam pa zhes// rgyal ba rnams kyis gsungs pas na// 'dir yang spangs te mi spyad dam// 'on te nye bar 'gyur bar gsung // sman pa'i mchog gis bka' stsal pa// ra sa ya na bdud rtsi che// 'dod pa kun 'byor bde ba ni// 'di nyid bsrel spyad rdzas kyi mchog/ byang chub snying po bde ba'i rgyan// snying po byang chub sems nyid de// kun tu tshim pas chang nyid do// nad sel bdud rtsi dbang sdus phyir// dgos pa'i dam par ngas bshad do// 'di la bshad bstan 'di lta ste// 'bru rnams la ni chang med do// chu la chang gi rang bzhin med/ mkhas pas 'bru chur sbyar te// zabs kyi rtsol bas bsgrubs pas na// mnyam pa nyid kyi chang du 'gyur// oM a mr-i ta dza ba swA hA// dzA bi swA hA/ ro mchog go/ 'phang thob par 'gyur// mi gtsang ba la gtsang ba med// man ngag can gyi sgrub pa pos// mkhas pas gnyis med sbyar bas ni// mnyam pa nyid kyi don thob 'gyur/ oM kro d+hi shwa ri sang sho d+ha ni sang sho d+ha ni swA hA/ des ni bla med chang 'grub ste// yang dag bla med byang chub 'grub// sems dpa' dam pas yang gsol pa// thams cad skyed byed za ba sbrengs// de mtshon chu ni/ bcud mchog bder 'tsho dam pa'i chu// bdud rtsi'i bcud du ma gyur tam// yang dag 'dren pas bka' stsal pa// thugs rje rgyun gyi ra sa ya na// 'khor ba'i tha ba gtan nas sbrengs// ris drug thig ler dbyer med sdud// ngar 'dzin gdungs pa'i dgon gdung sbrengs// de mtshon chu ni bdud rtsi mchog/ rgya mtsho gang ga gtsang po chu/ khron pa 'bab chu lteng kha dang // cong zhi brab zhun ser ba'i chu// thams cad bdud rtsi thig le'o// chu rnams thams cad tha dad pa// rgya mtshor phyin lan tshwa'i ror// de bas thams cad bsdus pa'i dpal// rgya mtsho tsam du brlabs che la// phyogs bcu dus gsum ro gcig go/ 'byung ba lnga po'i thugs rje las// sman lnga bdud rtsi dam par dag/ 'gro ba yongs kyi gsos mdzad par// thugs rjes byin gyis brlabs pa yin// dngos po med las dngos grub blang // byang chub sems kyi sprin yin pas// gang ltar dmigs pa 'grub par 'gyur// oM ka ka ni ba shu de ba mA ma ki swA hA// de skad gsungs pas thams cad kun// bdud rtsi nyid du ngo shes na// dug lnga'i gcong rnying byang bar 'gyur// de nas 'khor der 'dus pa yi// lha mo tshangs pa'i sgrol ma zhes// rus sbal gzugs ni 'dzin pa ste// stan las bab ste rang skad kyis// ston pa la ni 'di skad gsol// thams cad mkhyen pa'i bcom ldan 'das// kun rig snang gsal nyi ma'i 'od// bdag cag blun po'i rigs rnams kyis// rigs dang bye brag mi 'tshal na// 'di yis bdud rtsi 'grub mi 'grub// bdag cag rmongs la rtse bas gsungs// ston pas de la bka' stsal pa// chos su snang ba thams cad kun// chos nyid klong du ro gcig ltar// phyed dang ma phyed rdzas rnams kun// bdud rtsi thig ler ro gcig pas// 'grub dang mi 'grub smos ci dgos// gang dag blun po rtsal zhan pas// rigs kyi thabs dang ma ldan na// pad+ma'i snod mchog rab mdzes pa// gtams te srin po'i snying khar mnan// des ni yang dag bdud rtsi 'grub// ngas bstan don la gdon mi za// de skad gsungs pas 'khor kun dang // tshangs pa'i sgron ma rab tu dga'// dpal bdud rtsi bde ba chen po zhes bya ba rgyud kyi rgyal po chen po las/ thams cad bdud rtsi chen por bsgrub pa dang ma phyed pa gso bar bstan pa zhes bya ba'i le'u ste bzhi bcu brgyad pa'o// // de'i tshe 'khor 'dus pa phal mo che ma lus pa rnams/ sems dpa' rdo rje rnon po dang bcas pa rab tu dga' ba'i mdangs phyung nas/ bdud rtsi'i don ji bzhin par khong du chud pa la ngam zhing ngo mtshar mchog tu gyur pas lha'i dkyil 'khor dang dbyer med pa la phyag 'tshal te bstod pa/ kha dog dbyibs dang mtshan ma med// 'gog pa med cing bya ba'ang med// rtsa ba med cing rten pa'ang med// bdud rtsi che la brjod pa'ang med// nyon mongs lnga dang bdud bzhi bcom// dri med dag pa'i byang chub sems// nges pa'i don rtogs ngang la mnos// ces nyid kyi don la nyid ngam zhing de nyid la bdud/ rnam par 'dud/ shin tu 'dud nas bdud rtsi mnyam pa chen po dang la bskyod pa med par bzhugs pa la yang dag pa'i don kun tu rtogs pa mchog gi bstod pa zhes bya bas bstod pa/ nam mkha'i mtshan nyid sangs rgyas te// mtshan nyid med pas nam mkha' 'dra// bya ba med pas grol ba ste// bdud rtsi mchog la phyag 'tshal lo// chu zla bzhin du dri bral bas// thams cad rtog pa yongs su spangs// bdag tu 'dzin med rnam par dag/ bdud rtsi rgyal la phyag 'tshal lo// dus gsum chos kyi dbyings su gcig/ bdud dang ngan song gsum las thar// len pa med cing gtong ba'ang med// dri med dag pa'i byang chub sems// bdud rtsi mchog la phyag 'tshal lo// dus gsum sangs rgyas bskyed pa'i rgyu/ khams gsum sems can 'dren pa'i dpal// 'gro ba drug gi sgrib sbyong ba// bdud rtsi rgyal la phyag 'tshal lo// bde ba chen pos kun la khyab// snang med dbyings las thams cad snang // rgyal ba rgya mtsho'o thugs dam mchog/ rnal 'byor srog la phyag 'tshal lo// snying po'i snying po thugs kyi dbyig/ thig le gsang ba'i dbyings nyid dang // srog dang rtsol ba kun gyi dngos// thig le'i dbyings la phyag 'tshal lo// gzugs sku mtshan ma kun gyi gnas// lha dang dkyil 'khor gnang ba'i gzhi// thams cad sgrol byed thugs rje'i bdag/ bdud rtsi mchog la bdag cag bdud// ces seng ge'i sgra rnam par bsgrags nas bstod de// ston pa'i zhal du bltas nas 'khod do// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi lha'i dkyil 'khor du shes pa la mngon par bstod pa zhes bya ba'i le'u ste bzhi bcu dgu pa'o// // de nas de'i tshe bcom ldan 'das bdud rtsi gsang ba mchog gi bdag po chen po spyod yul bdud rtsir gyur pa zhes bya ba des ji srid nam mkha'i mtha' klas pa de srid du 'od zer gyis khyab par mdzad de// rigs lnga dang / rje mo lnga dang / sems dpa' dang / sems ma lcam dral dang / khro bo dang / khro mo skyong byed rnams dang / sprul pa'i tshogs su mdzad de 'khor ba dpyis phyung nas lha'i dbang phyug tu mdzad do// de dag gis kyang 'khor ba la kha bltas pa thams cad/ mdzad pa'i spyod pas ma nor ba'i dbyings la/ bkod de bdud rtsi'i klong du 'bar bar mdzad de/ snod thams cad khyab par dam pa'i ka ba lar mdzad/ bcud thams cad bdud rtsi dam pa/ bcud kyi snying po/ dam pa rnams kyi gsos chen po des kyang 'gro ba thams cad thar pa'i lam la btsud de/ bde ba chen po'i klong la bkod nas sangs rgyas par mdzad de/ de'i tshe log par lta ba'i sems cig thugs rje'i snang ba de lta bus zhing du ma gyur pa dag la/ nyid kyi snang ba de nyid dus kyi me chen po lta bur 'bar/ rab tu 'bar/ kun tu rab tu 'bar/ bsregs// rab tu bsregs/ kun tu rab tu bsregs pas/ lta ba ngan pa de dag sbyangs/ kun tu rab tu sbyangs te/ rigs lnga'i khrag 'thung yab yum bcu dang / rig pa las byung ba'i bu mo brgyad dang / snang ba las byung ba'i bu mo brgyad dang / tshad med thogs med bsdus pa'i bu mo bzhi dang / sa rdzogs pa las kyi pho nya mo bcu gnyis dang bzhi gnyis te/ phyag rgya rdzogs par mdzad nas/ de dag gis kyang phyag rgya mdzad pa mdzad de/ snod kyis bsdus pa thams cad rang byung gi ka pA la mtshan yongs su rdzogs pa'i snod khyad par can du mdzad/ bcud kyis bsdus pa thams cad dug lnga'i gsos/ rigs lnga'i bdag nyid/ bdud rtsi rnam pa lngar mdzad de/ ye shes lngar sangs rgyas so// sangs rgyas par mdzad do// sangs rgyas par 'gyur ro// de'i tshe ston pa chen po dbang sgyur thabs kyi bdag nyid kyi don la nyid dam pa skyes nas 'di skad ces gsungs so// e ma ho rang byung rnam dag bde chen rgyal po dug/ 'joms sman chen po/ khams gsum sems can thar med gcod nyid dam par byin brlabs lhun grub pas/ bde ba chen po mi zad ngang nyid de ltar nyid kyis nyid la don dbang sbyar nas bde chen 'grub// rmongs 'khrul lta ba ngan pas don nyid ma chub don las 'da' med ngo mtshar ho/ zhes gsungs so// de nas bcom ldan 'das mi bskyod pas rdo rje rigs kyi bdud rtsi ngo shes par bya ba'i thabs dam pa 'di gsungs so// hUM/ dbus kyi b+han d+ha'i gzhal yas su// byang chub sems kyi sman sbyar zhing // hUM gi 'phrog 'du sbyor ba las// lhag mthong chen po ye shes kyis// 'jig rten drug gi phyogs bcu na// zhe sdang chen po'i bdud bcom nas// stongs shing zad par rab bsgral te// slar 'dus b+ha na d+ha'i gzhal yas su// mi bskyod rdo rje yab yum bsgom// bdud rtsi byang chub sems chen po// hUM dz+nyA na badz+ra s+tha ra na dza/ zhes gsungs pa la zhe sdang thams cad dpyis phyung / rnam par shes pa bka' bgo bsgyur nas/ thams cad bdud rtsi byang chub sems su gyur te/ rdo rje rigs su sangs rgyas par gyur to// de nas yang bcom ldan 'das snang mdzad chen pos de bzhin gshegs pa'i rigs kyi bdud rtsi dam pa ngo shes shing 'dris par bya ba'i phyir 'di skad ces gsung sa so// A~M/ shar phyogs pan d+ha'i gzhal yas su// dri chen bdud rtsi sman sbyar te// IM gyi 'phro 'du gsal ba las// chos nyid dag pa'i ye shes kyis// 'jig rten drug gi phyogs bcu na// log pa'i gti mug lam gnas pa// stongs shing zad par bar bsgral te// slar 'dus ban d+ha'i gzhal yas su// rnam par snang mdzad yab yum bsgom// bdud rtsi dam pa dri chen po// oM dz+nyA na badz+ra sbar na dza/ zhes gsungs pas// rmongs shing gti mug pa thams cad/ shes rab kyi snang ba bskyed nas dpyis phyung / gzugs thabs kyi dbang phyug tu rol pa mdzad/ thams cad bdud rtsi dri chen por dbang bsgyur nas/ de bzhin gshegs pa'i rigs su sangs rgyas par gyur to// de nas yang bcom ldan 'das rin po che dpal chen pos rin po che'i rigs kyi bdud rtsi ngo shes par bya ba'i thabs kyi mchog 'di gsungs so// sra/ lho phyogs pan d+ha'i gzhal yas su// sha chen bdud rtsi sman sbyar nas// sra yi 'phro 'du sbyor ba las// mnyam nyid chen po ye shes kyis// 'jig rten drug gi phyogs bcu na// nga rgyal gtum po'i lam gnas kun// stongs shing zad par rab bsgral nas// slar 'dus ban d+ha'i gzhal yas su// rin chen 'byung ldan yab yum bsgom// rmad byung bdud rtsi sha chen po// sa dz+nyA na badz+ra s+pha ra na dza/ zhes gsungs pas/ nga rgyal zhi bdag tu 'dzin pa thams cad che ba dang ngar 'dzin pa'i ri bo bcom/ mnyam pa don gyi bde ba bskyed// tshor ba bde ba'i byungs chen por blangs bton nas/ mkha' mnyams kyi thig ler bde yang du bkye/ thams cad bdud rtsi sha chen por ka nas dag par mdzad de/ rin po che'i rigs su sangs rgyas par gyur to// de nas yang bcom ldan 'das 'od dpag med pas pad+ma rigs kyi bdud rtsi bka' nas yin par khong du chud par bya ba'i thabs kyi rgyal po 'di gsungs so// aM nub phyogs ban d+ha'i gzhal yas su// rak+ta'i bdud rtsi'i sman sbyar te// aM gi 'phro 'du sbyor ba las// so sor rtog pa'i ye shes kyis// 'jig rten drug gi phyogs bcu nas// 'dod chags zhen pa'i lam gnas pa// stongs shing zad par rab bsnol nas// slar 'dus ban d+ha'i gzhal yas sa// snang ba mtha' yas yab sum bsgom// chags pa rab 'angal rak+ta sman// oM na badz+ra s+pha ra na dza/ zhes gsungs pas/ log pa'i 'dod chags thams cad bde ba rgyan gyi 'khor lor gting po la/ 'du shes dbang phyug chen por ngam zhing ngo mtshar bar rol pa mdzad/ skye 'gro thams cad bdud rtsi rak+ta pad+ma'i dbyings su rgyas btab nas b+ha ga'i dbyings zad 'phel med pa'i thig le 'du 'phro rgyal ba'i zhing khams su ngang nyid kyis bkod nas/ pad+ma'i rigs su sangs rgyas par gyur to// de nas yang de bzhin gshegs pa don thams cad rab tu grub pas las kyi rigs rgya mtsho'i bdud rtsi ngang nyid du dbye bsring med par dbang bsgyur ba'i rol par bya ba'i phyir 'di skad ces brjod pa mdzad do// ha/ byang phyogs ban d+ha'i gzhal yas su// dri chu bdud rtsi sman sbyar te// ha yi 'phro 'du sbyor ba las// nan tan chen po'i ye shes kyis// 'jig rten drug gi phyogs bcu na// log pa'i phrag dog lam gnas pa// stongs shing zad par rab bsgral te// slar 'dus ban d+ha'i gzhal yas su// don yod grub pa yab yum bsgom// las rnams rab grub dri chu'i sman// ha dz+nyA na badz+ra s+pha ra na dza/ zhes gsungs pas/ phrag dog tu srid pa thams cad/ las rab gsang ba'i dbyings su rgyas btab/ 'du byed rgya mtsho gsang ba mchog tu gnas bsgyur te/ bdud rtsi dri chur rang bzhin gyis mdzad nas// thams cad las kyi rigs su sangs rgyas par gyur to// de nas gsang ba'i rigs kyi btsun mo/ rdo rje kun tu bzang mo la sogs pa lngas dgongs pa mthun pas/ dbyangs mthun pa'i tshig mthun par 'di skad ces brjod do// hUM gsang ba'i chos nyid byang chub sems// ci yang med las cir yang snang // 'du 'phrod khu khrag las byung ba'i// sha lnga bdud rtsi'i mchog yin te// nad sel sman mchog rigs kyi yum// muM laM maM pyaM taM lnga yi/ 'phro 'dus dbyings kyi bdud rtsi bcud// thig le bya brtsal bral ba'i klong // lcags kyu lnga ni rtog bral bcud// muM laM maM byaM taM dz+nyA na badz+ra s+pha ra na du dza/ zhes gsungs pas/ gtsang smer 'byed pa'i nad sel cing // dge dang sdig pa'i las rnams spong // 'grub dang mi 'grub zhen pa ste// rtog sel bcud kyi dam pa'o// de nas yang 'khor rgyal ba'i tshogs 'bum phrag bgrang ba las 'das pas thal mo sbyar te tshig mthun par 'di skad ces smras pa/ e ma bgrang ba las 'das pa/ ra sa ya na yan lag sman// 'phro 'du bdud rtsi dam pa bcud// chos nyid bla na med pa'i dngos// spro dang bsdu bas rnams sbyangs te// lhan ne bas na bdud rtsi bcud/ khu ba dam pa 'gro ba'i gsos// rdzas kyi dam pa byin brlabs te// bcud kyis skye med chos dbyings 'gyur// IM ra swa ya na ga na sta na a mr-i ta gu na sid+hi gar+b+ha kA ya bA ka tsat+ti hUM swA hA/ zhes gsungs pas/ 'khor ba dang mya ngan las 'das pa thams cad chos nyid du la bzlas te/ bdud rtsi dam pa'i bcud du gyur nas/ rigs brgyar sangs rgyas par gyur to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rigs brgyar shes par bstan pa zhes bya ba'i le'u ste lnga bcu pa'o// / de nas yang sems dpa' chen po shes rab kyis gcod par byed pa zhes bya ba des/ rang gi stan las langs te/ lan brgya stong du mar phyag 'tshal nas gsol ba/ bcom ldan 'das gsang ba bdud rtsi'i bdag nyid/ bdag cag dang ma 'ongs pa rnams la phan gdags pa'i slad du yan lag tha dad pa'i dgos pa dang ting nge 'dzin gyi bye brag rnams bshad du gsol/ brtse bas bshad du gsol// gsos pa'i bdud rtsis bka' stsal pa// bla na med par rab bsgrub cing // sems nyid gting nas tshar gcad phyir// bsgrub pa mchog gi ting 'dzin rnams// yang dag nyid du bshad kyis nyon// mi phyed dad pa bstan byas te// byang chub sems ni gnyis med bskyed// snying khar nyi steng hUM gi 'od// rab 'bar bsregs nas bskyon med bya// kA las sdig pa srin po'i gzugs// mgo lag rkang gsum gsus 'phang skem// gtum po rim par ded nas bza'// kun tu bzang pos bsrung bar bya// bar chad bsrung phyir rab tu gsang // mi rtog don la 'brel pa zhes bya ba'i ting nge 'dzin no// 'khor dang mya ngan 'das pa'i chos// bdud rtsi'i klong du thag gcad de// gzhan gyi rtsol bas mi bskyod par// dam pa'i don la yid ches bya// dper na stobs mchog glang po che// gting mtha' med pa'i rgya mtsho ru// rtsal gyi stobs kyis thogs med 'jug/ de tshe rtsam rtsom sgyu snyom med// bde ba pha rol phyin ltar bya// rkang mthil yaM las rlung dkyil 'khor// thogs med shugs kyis 'gro bar bya// lag mthil baM las chus myur bya'o// spyi bor raM las le lo bsreg/ snying kar laM las sas brten te// de ltar bar chad bsangs nas bsgrub// gnyis med snang ba rgyan gyi ting nge 'dzin no// rtsa ba dang bcas yan lag rdzas// dus bzhir btog brko bcad gtub ste// bdag nyid lha yi sbyor ba 'am// bdud rtsi 'khyil pa'i sbyor ba yis// haM las rdo rje rtse gcig par// 'jor nyid byas te brko ba ni// bzlas pa gong du gsungs pa'i sngags// yang na brtson 'grus lhur bskyed de// gsang sngags 'di yang bzlas par bya// oM ra sa ya na shu pa Ta k+Shi na ha na 'bri ta ku sa ra hUM phaT/ brgya rtsa brgyad zon drungs phyungs te// bar bur nyil ma slar sas dgag/ thal mos bcags te bden pa brjod// rtsom pa don ldan rgyu sbyor ba'i ting nge 'dzin no// rlan med ser bu'i ngad ldang zhing // tsha grangs snyoms par bskams par bya// chos kyang rul sums bam 'gyur bas// bsil bar gyur la nyes pa chung // 'di dag bde bar btsos bskams te// sems can kun la phan par bya// rlung mkhris nad la phan pa bzhin// dug lnga'i gsos su bya zhes pas// snying rje bskyed de go cha bgo/ lha mo btsun d+he pad+ma'i mdog/ g.yas pa mchog sbyin g.yon shing lo// rin chen lding bu la sogs brgyan// snying kar zla stengs tsum bkod de// 'od 'phros bcud bsdus thim nas skam// rkyen tshol dga' ba nad sel gyi ting nge 'dzin to// bskal par bsags pa'i las nyon mongs// ma lus so sor bshags par bya// rab dang 'bring mtha'i gsum gsum dgus// 'bum lnga 'bum gsum 'bum gcig bzlas// rgyal ba mchod bskul de 'dra'o// khri lnga khri gsum khri gcig gdab// mgon po rnams la rgya sde drang // stong lnga stong gsum stong gcig gdon// ris drug la brtse gtor ma sbyin// gal te skal ngan bde chung yang // brgya lnga brgya gsum brgya gcig gtang // lan chags bla phyir bston par bya// rang snying nyi steng hUM 'od kyis// rgyal ba 'khor bcas mdun bkod de// phyag 'tshal bskor zhing rnam gsum mchod// sdig bshags bsod nams rjes yi rang // dam bca' skyabs gsol sems bskyed cing // bdag dbul ba dang 'khor lo bskul// mya ngan mi 'da' gsol 'tshal bsngo// de ltar lam bstan dge ba'i chos// ci nus rgya cher 'bad de bsgrub// 'du sbyor mkhas ldan nges pa gzhi 'dzin gyi ting nge 'dzin no// rdzas kyi dngos po ma lus pa// shun pa ras sam shing lo ru// spungs te nan tan bskyed pa ni// dang po'i dus su bsgrims te bya// a las zlas steng yang bzhag cing // nyi steng raM gyis bsregs par bya// baM ni pad+ma'i steng bzhag bkru// gtor la sogs pa'i gsang sngags ni// raM ag ne ye dza la raM sa ma ya ma sa bi kal pa raM/ baM a ba dz+nyA na bi na kal pa sarba ka tsa la baM/ yaM tra sa ni d+ha ba b+ha shang ka ma tsin d+ha yaM/ brgya stong bzlas pas dngos po sbyang // snga ma'i nyes pa bsal nas kyang // bsam pa skyon med bsngo bar bya// bsreg sbyar 'thor byed 'byung ba rnam gsum gyi ting nge 'dzin to// rdo rje bde gshegs rin po che// pad+ma las kyi gtsor gyur pas// de'i thams cad pa rnams la// nyi zla'i ga 'ur bsil zhing gtad// 'od zer 'bar 'phros sbyangs nas dbye// snod kyi rim pa'ang de bzhin te// bka' stsal zhu ba rim bzhin sbyar// yang dag las la nan tan bya'o// sems dpa' 'phro 'du nyes pa sel byed kyi ting nge 'dzin to// dpal bdud rtsi bde ba chen po zhes bya ba chud kyi rgyal po chen po las/ yan lag gi ting nge 'dzin bdun bstan pa zhes bya ba'i le'u ste lnga bcu gcig pa'o// // de nas yum kun tu bzang mos/ 'khor ba dang mya ngan 'das pa'i chos thams cad thig le'i dbyings su bsdus te/ snang ba dang mi snang ba thams cad thabs dang shes rab kyi dbyings su rgyas gdab pa'i phyir ched du brjod pa 'di brjod do// kun tu bzang mo yum gyi gzhal yas su// thabs dang shes rab ldan pa'i byin brlabs las// snod bcud thams cad bdud rtsi'i rang bzhin te// ye shes chen po'i ngang du rnam dag nas// thams cad bdud rtsi lnga ru byin gyis brlabs// 'bras bu sku gsung thugs su rab bsgrubs te// skye shi med pa'i bdud rtsi chen por bya// zhes gsungs pas bdud rtsi thams cad b+ha ga'i rlan du thim par gyur to// de nas ston pa gsang ba rmad du byung bas rdo rje'i tho ba chen pos dngos po thams cad rlag par mdzad de/ 'di skad gsungs so// shes rab dbyings ma yum gyi gzhal yas su// rgyal ba'i dkyil 'khor ma lus mchog bkod de// thabs dang shes rab ldan pa'i sbyor mchod dang // srid pa mi srid sku gsung gsang ba'o// mchod sprin bla med nam mkha'i mthas klas pa// 'jig bral re ba med pas 'bul lags na// grub pa rnams kyi dam tshig rjes su dgongs// thugs rje dang can rnams kyis bzhes su bsol/ zhes gsungs pas/ dngos po ji snyed pa thams cad dbyings bde ba'i rgyan du bkod de/ lhun stug po la bzhugs so// de nas ston pa bdud rtsi mchog gi rgyal po gsang ba'i yum dang lhan cig tu 'khor ba'i 'gram bting ba'i dkyil 'khor la thabs dang shes rab kyi rgyan gyis klubs te bzhugs nas/ 'khor ba'i btson ra na gnas pa thams cad byang chub sems kyi pho brang du rgyas gdab pa'i ched du/ klong yangs pa'i dkyil 'khor du yi ge lnga'i rgyan bkod/ b+ha ga rgya mtsho'i dbyings su gsang ba don gyi btsun mo'i 'bru bkod de/ gsang ba'i 'od chen po'i 'phro 'dus 'khor ba'i rdzab bskams te/ rdul phrag rab tu brlags te/ rigs lnga'i thig ler mdzad nas ched du brjod pa 'di skad ces brjod pa mdzad do// chos nyid dbyings kyi gtun khung chen po ru// sku gsung thugs kyi rdo rje tho bas brdung // snod bcud bdud rtsi'i bye brag thams cad kun// 'bras bu byang chub sems su rab tu sbyar// ces gsung gcig tu gsungs pa dang / yang ston pa nyid kyis thams cad rgyal ba'i dkyil 'khor rdul phra rab tu mdzad pa'i gsang sngags 'di gsungs so// oM a mr-i ta mus sa la gra he ha na ha na hUM phaT/ ces pas rab tu dga' ba'i cha la reg par gyur to// de nas yum dbyings phyug gi rgyal mos rab tu gsang ba'i gsung 'tsher bag dang bcas pas/ chags pa'i gsung glu drug ste/ sha d+ha ba dang / gar d+ha ba dang // pang ka de'u dang / tsang ka d+he'u dang / tse tso ba dang / zung blung po'i dbyangs rang rang gi skad kyis ji ltar 'dul bzhin// breng nge ba dang / dung nge bar len nge bar len cing gdung ba'i ngag gis smras pa/ ho/ bdag cag rnal 'byor ma yi tshogs mchog rab dga' ma// 'dod pa'i dbang phyug b+ha ga'i klong nas rgyal sras bskyed// nga dang bdag med ye shes sgron mas mun sel mdzad// te shang gar ba snying po ze'u 'bru 'od rab ldan// bde ba mchog ni gnas rab rin chen dkyil na brtan// ro mchog ldan pa'i byang chub sems kyis bdud rtsi bskyed par mdzod ho// zhes len cing bskul bskyod kyi rang rang bde ba'i bcud dang rab tu ldan par gyur to// yang 'di skad ces kyang brjod pa mdzad do// skal ldan bdag cag dbang phyug che// rnam par mi rtog don las snang // gar gyi dbang phyug tshogs kyi rgyal// gsang ba'i snying po don gyi bcud// sku gsung thugs ni 'khor lo che// yon tan 'phrin las rmad byung bas// 'gro kun bde ba'i bdud rtsi mchog ho// zhes pas tha snyad tsam yang 'chi ba med pa'i bdud rtsi chen por kho thag bcad nas// rgyal ba rgya mtsho mchod pa dang / mkha' 'gro bskang ba'i mchog dang // rnal 'byor pa'i lam dam par gyur to// de'i tshe rnal 'byor ma chen mo lha dang klu'i rigs su skyes pa mang pos kyang / sil khrog gi sgra dang ca co 'don cing / bdud rtsi don la rab tu ngam nas/ yon tan mang po glur len cing ga zha dang bcas par 'khod do// skyes bu dpa' bos thabs dang ldan pa mang po ni khros pa'i cha lugs su byas te/ bstar nas// mtshon cha sna tshogs phyar te/ ba dan dpag tshad tsam pa bsgreng ste/ mchog gi bdud rtsi la bar du gcod cing bcud la rlom pa rnam rig dri ngan ces bya ba la sogs pa rnams tshar bcad de// ha ha zhes pas rnam par rgyal ba'i rgyal mtshan phyar te gnas so// de'i tshe ston pas yang 'di skad ces bka' stsal to// bdud rtsi 'khyil ba'i gtso bo la// mi pham khro gnyer ro la langs dang // ral gcig gsang ba'i khor bcas te// b+ha ga ling ga'i 'du 'phro ru// byang chub sems sogs rigs su dbye// gsang ba dam pa'i thabs kyis su// ma nor lam gyi mchog yin pas// rdul phran tsam yang mi gnas par// byang chub sems kyi kloslong du brtag/ de skad ston pa dpa' bo yis// ma 'ongs pa la phan phyir bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi thig ler brtag pa zhes bya ba'i le'u ste lnga bcu gnyis pa'o// // de nas yang sems dpa' chen pos gsol ba/ bstan pa'i snying po mchog 'di ru// gnang dang mi gnang dbyer med kyang // log par lta ba'i lha ngan rnams// gnang ngam dgag par bya ba lags// de yis mtshon pa'i spyod pa gang // bsgrub pa'i lam la dgod mi dgos// brtse ba bdag cag rnams la shod// de skad gsol ba thugs chud nas// yang dag dpa' bos bka' stsal pa// 'di la gzung 'dzin med pas mchog/ spang dang blang bar bya ba med// 'di la gtsang sme med pas mchog/ dag dang ma dag mtshan ma'i mtha'// 'di la lta ba mtho dman med// thams cad thig le dbyings kyi rgya// 'di la gtsang dang sme ba med// kun kyang bdud rtsi dag pa'i klong // gdod nas de ltar zag chod na// yang dag bdud rtsi bla na med// de ltar rtogs pa'i rnal 'byor mchog/ skal bzangs yang dag rnal 'byor to// de nas mchog tu 'gyur mod kyang // yang dag don la ma phyogs pa'i// rtag dang chad pa'i mtha' gnas pa// mur 'dzin log pa'i nga rgyal can// 'dir mi snang bas bsnyig par bya// 'dus dang sil bu'i rnam pa yis// phra rab rdul las grub pa ste// bzhi las bcu drug rnam phye bas// dgra bcom bzhi brgyad lta snyigs te// skabs 'dir dor blang med kyang bsnyig/ rten 'brel don la rab gnas shing // phyogs gcig cha las bdag med 'dod// gcig la gnyis su phye ba bsnyig/ gnyis pa'i cha las rab 'das te// brjod pa ci yang ma yin pas// cir yang mi snang cir ma grub// bcu dang gcig gis mthar grub pa'i// mchog 'dod de yang rnam grol te// de yang yo byad mchod min no// rnam dag skye dang 'gag pa spangs// snying rje chen po las byung ba'i// a yis mtshon te lhar snang ste// 'gro don rdzogs pa'i char snang bas// bskul mchod bzlas pas rdzogs byed 'bring // bdag nyid phyag rgyar gsal ba ni// dpral du bskyed bskul tha snyad rnams// bde ba'i longs spyod rgyan gyi mchog/ thabs dang shes rab chas rdzogs pa// tha snyad dbyings dang ye shes ni// gdod nas gnyis med klong mchog ste// rgyal ba mnyes pa'i bdud rtsi'o// rang snang thabs kyi klong dbyings ni// dus gsum 'du 'bral med pas na// spang zhing blang ba'i dngos gzhi rnams// bdud rtsi klong du thag gcod de// chos kyi dbyings su rgyas thebs pas// dngos po thams cad rang 'byung dbang // 'gyur med thig le dbyings su rdzogs// don gyis de ltar thag chod kyang // rmongs la phan phyin thabs bshad de// sngon brtan rab mdzes lnga po la// nyi zla pad+ma'i thig le lnga// yi ge lnga yi phra bkod de// gtso bo lnga ni dbus su bsngags// wA rA NA si'i gos lnga la/ kha dog tshon gyis rab tu dbye// thig le gsang sngags rigs kyi yab// gtso bo lnga ni dbus kyi cha// yan lag g.yas g.yon de bzhin te// thabs las byung ba'i bdud rtsi bcud// rim par rgyud de klong du dbab// sum mdo rin chen ga 'ur bskyil// yang nas yang du nan tan bya// rang rang 'od kyis kun bkug ste// chos dbyings 'gyur ba med par bstim// de tshe ngag gi dbang phyug gis// brjod pa'i bya ba 'di yin no// IM a mr-i ta bi shud d+he ko pa ya bi shud d+he hUM/ de skad kun rig thams cad mkhyen// bdud rtsi rmad byung sems dpa' yis// rnal 'byor yongs la brtse mdzad de// dri med gsung gis bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi'i dbyings su lta ba ngan pa tshar gcad pa dang / de dag mtshon pa zhes bya ba'i le'u ste lnga bcu gsum pa'o// // de nas yang bcom ldan 'das dgyes pa chen po gsang ba'i dbang phyug dag pas// chos thams cad tshad la dbab pa'i don 'di skad ces gsungs so// nam mkha'i dbang phyug gar khyab pa'i// rdzas kyi bya ba ji snyed pa// nan tan dag gis dbang sgyur nas// 'khrul pas nan gyis btags pa ste// de dag tshad mar bya ba men// brtags pa'i dngos po rnam grangs kyang // de la de yi dngos po med// gang dang gang la gang gis su// kun brtags dngos po dngos la med// de dang de kun gzhan dbang bas// gang yang yongs su grub pa yin// dper na ma ga d+ha yi 'bras// bre yis gcal te tshad phab kyang // gcig nas bsam yas par gyi grangs// gang yang nges par gyur ma yin// gru bzhi zla gam la sogs dbyibs// gcig tu nges pa ma yin te// tha snyad bya ba'i brtsal sems bral// nga dang nga yi bar sems pa// de dag gang yang nges min te// gang dang gang du btags pa min// gcig dang du ma la sogs pa'i// bsam pa'i khyad par gcig ma nges// mngon sum mngon par reg ma yin// rang gi bsam pas las ga la reg/ mi snang rjes su dpog pa yang // rigs par gyur pa ga la yin// bsam 'phel thabs dang gang bral ba// de dag gcig tu ga la nges// brgya byin mang bzhin ma nges pas// gang yang bsam pa'i khyad du bas// dper na drang srong shi la has// ka staM ba ka'i me btang bas// rang nyid bsregs pas nga ro yis// thams cad 'dar ba'i nad kyis 'debs// kyi kra sha yi sbyor ba yis// zhi nas slar yang 'tsho bar 'gyur// de ltar rab tu bshad 'gyur bas// tshad ma'ang nges par ga la 'gyur// tshad ma tshad mar ga la rung // de yis gtan la mi phebs te// ral gri so dang gyad dang khrag/ rang gis rang la nus ma yin// rang rig ye shes gcal ba ste// chos nyid rig pas phab pa'o// de ltar yang dag gcal byas nas// lam mchog gnas 'dod thabs ldan pas// bkra shis mtshan ldan ka pA la 'am// pa hu pa la'i thod pa la/ khu bcud ldan pa'i bdud rtsi lngas// phyi nang byugs te bdug pa ni// tshil chen me mar dag la bya// rdzas kyi dam pa chos nyid klong // nam mkhas khyab pa'i dbyings nyid du// 'khor dang 'das pa'i rdzas rnams kun// lnga'i mtshan ma'ang rab spangs te// bdud rtsi'i zhen pa'ang mi gnas pas// ngo bo nyid kyis dbyings su gzhal// rang bzhin mthur ldan sngags gsungs pa// oM b+ha ba tra Ta ta a mr-i ta sid+d+hi ka ya ba ka tsiSh+Na g+ha rdzi na rbA/ zhes pa gsungs pas/ bdud rtsi chos kyi tshad mas gcal te nges par gtan la phab par gyur to// yang de'i tshe na ye shes lnga'i snang ba shar te rigs lnga'i gzugs dang / gsang ba'i yum dang / sras lcam dral dang / bran pho dang / bran mor mdzad de/ de dag re re las kyang bskal pa'i me lta bu'i 'od zer sna tshogs pas bdud rtsi'i mtshan ma tsam yang mi gnas par bsregs so// sbyangs so// zhen pa bsal te rigs kyi mtha' las 'das pa'i rigs lnga'i phung por mdzad de/ 'od zer gyi dra ba kha dog nyi shu rtsa lnga'am lnga'i sprin dpung dang ldan par gyur to// de'i tshe yum chen mo nam mkha'i dbyings phyug mas/ rang gi b+ha ga'i klong nas byang chub kyi sems blangs te/ thugs kar bzung nas ched du brjod pa 'di gsungs so// hUM/ rnams dag byang chub sems chen po// dkar la 'tsher bas skyon bral// mu tig dri med rgyal ba'i thugs// bya brtsal bral bas chos dbyings gnas// hUM d+harma d+hA du bo d+he tsit+ta sa ma ya s+t+waM hUM/ zhes gsungs pa dang / de bzhin gshegs pa rdo rje mi bskyod pa chen pos/ mi dmigs pa'i rgyan snang ba dbyings su sdud pa zhes bya ba'i ting nge 'dzin la snyoms par zhugs nas ched du brjod pa 'di gsungs so// hUM/ dus gsum rgyal ba'i thugs kyi gter// rang byung bde chen lhun grub che// dag dang ma dag mtha' las 'das// bdag dang bdag gi dbyings su bsdu// au shU n+ya ta dz+nyA ta sang ha ra na hUM/ zhes gsungs so// byang chub sems thams cad brtags pa brang te dbyings su thim par gyur to// de nas yang yum chen mo brtan pa'i dbyings phyug mas/ rang gi dga' ba'i tshal nas dri chen blangs te// dpral bar bzung nas ched du brjod pa 'di gsungs so// oM/ sems las byung ba'i dri chen po// gser ltar 'tsher bas gdod nas dag/ dus gsum bde bar gshegs pa'i sku// skye med byang chub sems su bsdu// oM a ta ri sha ba su ta sa ma ya s+t+waM hUM/ zhes pa dang / de bzhin gshegs pa rnam par snang mdzad dbyings dbang sgyur ba'i snang ba don dang ldan pa zhes bya ba'i ting nge 'dzin la snyoms par zhugs nas ched du brjod do// oM srid pa'i dbyings su rnam dag dpal// thugs rdzi nyid 'od kun la snyoms// gnyis med mtha' dang rab bral ba'i// bdag ste me long lta bu'ang bsdu// oM a dar sha sang ha ra na oM/ zhes gsungs pas// dri chen por 'dzin pa'i cha las rab tu grol te klong chen por dbyer med par gyur to// de nas yang yum chen mo mnyen pa'i dbang phyug mas/ rang gi gsang ba'i dbyings nas bdud rtsi sha chen po blangs te// lte ba khung du bzung nas ched du brjod pa 'di gsungs so// swa/ byang chub sems las byung bas na// sha chen po ni dri ma bral// bai DUr+ya 'dra rgyal ba'i thugs// gnyis med byang chub sems su bsdu// sa man ta maM sa ma ya s+t+waM hUM/ zhes gsungs pa dang // de bzhin gshegs pa rin po che 'byung bas snang ba don thams cad gsang ba'i snying po rab tu mkhyen pa zhes bya ba'i ting nge 'dzin la snyoms par zhugs nas ched du brjod pa 'di gsungs so// swa/ sna tshogs gsang ba'i dkyil 'khor du// zla gsal rtog med nyid 'od 'bar// mnyam pa'i dbyings su ro gcig pas// bdag ste mnyam pa'i dbyings su bsdu// oM sa man ta sa ha ra na swa/ zhes pas/ sha chen po ngar 'dzin pa'i dbyings phyung nas// rnam dag skye 'gag med par son par gyur to// de nas yang yum chen mo dro ba'i dbang phyug mas/ rang gi 'byung gnas kyi snying po nas bdud rtsi rak+ta blangs te/ mgrin par bzung nas ched du brjod pa 'di glengs so// oM/ sems nyid pad+ma rak+ta ste// chags pa dmar smrig rgyun mi 'chad// skye 'gag med pa rgyal ba'i sras// rang byung sems nyid klong du bsdu// oM pra ta be sha rak+ta sa ma ya s+t+waM/ zhes gsungs pa dang / de bzhin gshegs pa 'od dpag tu med pa don gyi snying po rnam par bkod pa'i sgron ma zhes bya ba'i ting nge 'dzin la snyoms par zhugs nas ched du brjod pa 'di gsungs so// oM/ pad+ma 'khyil ba'i ge sar nas// gsang ba'i 'od zer 'bar bas tshim// so sor rtog pas nyi ma'i zer// bdag ste rtog med dbyings su bsdu// AM pra ta be sha sang ha ra na haM aM/ zhes gsungs pas/ rak+ta'i chags pa dang zhen pa thams cad bla med thabs mchog gsang bar dbang bsgyur nas/ gnyis med rtog bral chos nyid dbyings su 'khyil bar gyur to// de nas yang yum chen mo g.yo ba'i dbang phyug mas/ rang gi ga bu'i tog brtsegs pa'i gnas nas bdud rtsi dri chu blangs te/ gsang ba'i dbang phyug nyid du gzung nas ched du brjod pa 'di gsungs so// ha/ dri chu sems las byung bas na// in dra nI la dag pa bzhin// rgyal ba rgya mtsho'i 'phrin las nyid// thog ma'i sems nyid dbyings su bsdu// ha be sha tse ma hA ku ku ma sa ma ya s+t+waM hUM/ zhes gsungs pa dang / de bzhin gshegs pa don thams cad grub pas snang ba'i dbyings de kho na nyid yongs su gsal ba zhes bya ba'i ting nge 'dzin la snyom par zhugs nas ched du brjod pa 'di gsungs so// ha/ rang rig snang ba'i dbyings klong nas don du snang ba'i cho 'phrul nyid// bya ba nan tan 'gro kun sgrol// bdag nyid che bas dbyings su bsdu// oM be krA na sang ha ra na ha/ zhes pas dngos por 'dzin pa'i dri chu'i bdud phur thams cad dpyis phyung nas/ gsang ba rgya mtsho'i ngang du dbyer med par gyur to// de'i tshe 'khor ba'i bdud phyin ci log gi 'dzin pa nga'o ba dang bcas te/ chos kyi dbyings bde ba mchog gi rtsi chen por lhun gyis grub ste/ thig le'i dra ba nyi shu lnga dang ldan pa'i dkyil 'khor du gyur to// dpal bdud rtsi bde ba chen po zhes bya ba rgyud kyi rgyal po chen po las/ tshad las bcal te gtan la dbab par bstan pa dang bsdu ba zhes bya ba'i le'u ste lnga bcu bzhi pa'o// // de'i tshe 'khor 'dus pa phal mo che thams cad kyis/ ston pa chen po don gyi mnga' bdag seng ge rnam par 'gyings pa lta bu la rab tu dga' ba'i yid kyis ngo mtshar ba'i tshig mgrin gcig tu bstod pa/ e ma ho ngo mtshar rab tu che bas rmad byung sku// skye med brtsal bral bka' gsang rab tu che// ma gos 'dod pa dpag med dbye/ bsring bral// kun khyab yongs la khyab la phyag 'tshal bstod// mtshan ma'i spros bral mtha' yas 'byung ba'i gzhi// brjod pa'i mtha' bral kun tu gsal bar ston// sna tshogs snang zhing cir yang zad pa med// tshangs pa'i sgra dbyangs gsung la phyag 'tshal bstod// stong nyid dbyings las sna tshogs cir snang yang // 'khor dang 'das nyid yang dag gling // so sor ma 'dres thabs kyi dgos 'dod kun nas skoslong // nan tan 'gro kun sbyong la phyag 'tshal bstod// so sor ma 'dres khyab pa'i kha dog gsal// rab bstan gdan la cis 'dul mtshan ma 'dzin// byang chub sems las lhun grub rab tu yangs/ khyab pa'i yon tan mchog la phyag 'tshal bstod// dngos po thabs kyi zhi zhing bsod nams rgyas// 'khor ba dbang sdud nan tan thabs kyis sgrol// mdzad pa mi mnga' 'khor ba stongs par mdzad// 'phrin las thabs kyis sbyong la phyag 'tshal lo// 'khor dang mya ngan 'das pa'i bdud rtsi dbyings// dug sel sman pa che mchog rdzogs sangs rgyas// 'khor ba'i gcong 'byin ye shes gsal ba'i 'od// rang snang bdud rtsi mchog la phyag 'tshal bdud// ces thabs chen po dang ldan pa'i dbang phyug la stod do// rab tu bstod do// mngon par bstod do// legs par bstod do// dgyes par bstod do// ngam zhing ngo mtshar ba'i dbang phyug la bstod pas rab tu dges par gyur to// dpal bdud rtsi bde ba chen po zhes bya ba rgyud kyi rgyal po chen po las/ ngo mtshar rmad mchog tu bstod pa'i le'u ste lnga bcu lnga pa'o// // de'i tshe de'i dus na sangs rgyas kyi bstan pa la bar du gcod cing nub par byed pa'i bdud ru tra nag po zhes bya ba/ sangs rgyas kyi bstan pa gang dang gang na gnas pa der rab tu bar du gcod cing gnod par byed pa mi bzad pa chen po zhig byung ste/ de yang rang nyid kyi rang la nga dang bdag tu brtags te/ gzung 'dzin gyi rtog pa brtags pa las byung ba'i gnod sbyin chen po sha treng ka sha ri ka zhes bya ba/ mi'i lus la seng ge'i mgo bo can cig byung ste/ de yang lhan cig skyes dang bral ba yis// ma rigs mun pa'i rum 'khyams te// log par brtags pa'i 'khrul ba yis// srid pa'i kha lo log par 'khor// de tshe log pa'i mkhan po yis// shes pa skyon gyi rgya mor bcug/ yang nas yang du zhen pa yis// sa bon srid pa'i gnas na 'khyams// de nas las kyi 'phen ka yis// grangs med rtsub mor yang dang yang // srid pa'i bdud du gyur nas su// lha dang mi yi srid brlag ste// thams cad log pa'i lam btsud nas// sangs rgyas rgyal srid rlag par byed// de yang dang por mun pa'i 'khrigs chen po las gsal ba'i shes rab bsgrigs te/ don gyi rgyal srid chen po brlags cing / bdud rtsi'i chu ba rka bgo log nas/ shin tu skyi g.ya' ba'i gnas su/ brdegs gtsog pa dang / gshag gtub pa dang / gsad gcad pa dang / btso bsreg pa dang / 'bub gan pa dang / grang 'khyams pa dang // gas skrangs pa dang / rul myags pa la sogs pa'i sdug bsngal dpag tu med par/ bskal pa bgrang ba las 'das par nyam thag par gyur te/ rang gi nyes byas rnams rang la bgrang zhing kyi hud ces 'gyod par byed do/ khams de na sde dpon chen po chos kyi rgyal po zhes bya ba bzhugs te/ des de dag la bsgo ba/ rtog pa med las rnam brtags te// srog gcod la sogs las ngan pas// bco brgyad khams na nyen pa dag/ las de 'khrul pa ltas pas nyes// rgyud dang rkyen bral sems nyid ni// bde dang sdug bsngal tha snyad bral// legs dang nyes pa las grol ba// sems las mnyam par gzhag na grol// ces pas/ de dag gis brtags pas/ sdug bsngal de dag las thang cig gis grol te// yi dwags chen po lus gcig la mgo brgya pa dang // mgo dang yan lag mang po can dang / mgo gcig lag pa gcig pa dang / lus dang mgo ri rab tsam la/ yan lag rnams shin tu phra ba dang / lte ba dang khog khyim yul ljongs tsam la/ dbang po rnams yungs kar tsam la/ bza' ba btung ba la yang dbang med cing bsrungs pa dang / dug dang / me dpung dang / mtshon char mthong ba'i gnas su yang bskal pa tsam du rang la rang sdug bsngal zhing rang la rang 'o dod 'bod cing 'gyod par byed do// de'i gnas de na bza' btung la rang dgar dbang byed pa'i sde dpon chos kyi sgon ma rab tu 'bar ba zhes bya ba gnas te/ de nyam thag pa de dag la/ de dag rang gi skad kyis gdams pa/ ser sna phrag dog gis bcings te// lta ba rmongs pas rang ma shes/ khams gsum 'byung las ma gro bas// shin tu nyam zag yi dwags rnams// rang sems dag pa'i ngang nyid las// 'jungs pa'i dngos po ga la srid// de nyid 'dod pa'i gzhir gyur pas// rang gi rang rig rnams grol ba'o// zhes gdams pas 'jungs pa de dag gis rang gis rang nyid la brtags pas rnam par grol te/ de bas bags kyis bde ba'i byol song blun lkugs can du 'phos te/ res kyi phag pa dang / lu 'di dang / khyi dang / phar ba dang / sre mong dang / byi la dang / wa dang / spyang ki dang / bya rog dang / 'ug pa dang / khra dang / khra sems shes dang / skye ga dang / byan lag dang / dom dang / dred dang / stag la sogs pa'i sems pa'i sems can sha khrag la dad cing srog gcod par byed pa/ khro zhing gtum par skyes te/ skye ba re re zhing yang lo du ma lon pas nyam thag pa'i sdug bsngal myong ste/ gcig la gcig gsod cing za bar byed do// mtha' mar phag mo ltos 'gro zhes bya ba lus bong rab tu che ba/ rkang lag lus khyab par skyes kyang lus 'degs par mi nus pas/ 'gro bar mi nus pa/ lto rab tu che zhing sdug bsngal rab tu che yang zas btsal dka' bas tsher lhang zhes sgra skyi g.ya' ba 'don pa/ mche bas spu zad de gcir bur gnas pa'i spu'i bu ga re rer yang sems can phra mo gzhan mang po'i mchu btsugs te/ khrag dang / chu ser dang / rkang yan chad 'jib par byed pas na tsha'i sdug bsngal bzod par dka' bas gdungs te/ skyi g.ya' ba dang / lus la dri nga byung bas dpag tshad du yang sems can gzhan gnas par mi nus te 'bros par byed pa zhig tu skyes te/ lus de lta bu zhig par mi phod cing yun ring bar gnas par 'dod pas gzhan pas de za bar 'dod de nyon mongs pa lnga char song bar byed do// de'i tshe/ gnas de na sems can chen po seng ge zhig bde bar gnas te/ byams pa'i lta bas phag de la mi 'gyur bar bltas nas/ rang gi skad kyis smras pa/ bde ba'i rgyun dang bral ba yis// sems can rmongs shing nyam thag pa// rang gi nyes pa bsags pa yis// rang la rang nyid gnod byas pa'o// rang sems nam mkha'i snying po la// glo bur sprin gyis rab g.yogs te/ khro mon nang 'khyams snying rje'i yul// rang snang blo la gsal na grol// phag des smras pa/ bdag ni lus dang sems gdungs te/ nyam zag 'phongs par gyur pa la// sha khrag zas skom gtam med par// dgos med sems gtam ci zhig bya// zhes glengs nas// rna ba bkab ste gnas pa las 'chi 'pho bar gyur to// de nas las drag po de dag gis 'tshams nas/ skye ba blangs pa ni/ de bzhin gshegs pa seng ge rnam par rol pa'i sgra dbyangs zhes bya ba'i zhing khams su// 'byung po gnya' dreg can zhes bya ba'i bur skyes te/ dpa' rtsa dang ldan pa'i skyes pa'i cha byad can/ sems can che phra thams cad kyi srog 'phrog pa/ gzhan yang kun la gnod pa sna tshogs pas gnod par byed pa cig tu skyes nas/ de'i drung du de bzhin gshegs pa seng ge rnam par rol pa de gshegs nas gsil byed sgrogs te bka' stsal pa/ bdag med pa la bdag bzung ste// rtsa bzhi yan lag bcas spyad pas// mnar med skyi g.ya' bar skye ba'ang // rtog na nam mkha'i rdul bzhin du// gos med rnam pa dag par 'gyur// las kyi rnam smin mi bzad de// thabs mkhas thugs rje dbang bsgyur na// rnam grol bde ba'i 'bras bu ni// rim nas rim gyis grol bar 'gyur// zhes gsungs pas/ skyes pa des slar la smras pa/ rigs btsun gzugs bzang rtsal ldan pa'i// bdag ni thog ma med nas gnas// nam du'ang 'pho bar mi 'gyur te// bdag 'dra gzhan na yod ma yin// las kyi rnam pa ci spyad kyang // nam mkha'i rdul bzhin nyes med pas// thams cad spyad pas rang nyid grol// ces smras nas/ sems can srog dang ldan pa thams cad ni bsad/ mo'i dbang po dang ldan pa ma lus pa la spyad/ pha rol gyi longs spyod thams cad ni phrogs/ brdzun tshig thams cad ni ji skad kyang smras pas bslus te brlag par byas pa la sogs pa mi dge ba sna tshogs pa spyod cing gnas pa las 'chi ba'i dus bya'o// de bzhin du las sna tshogs 'tshams sbyar zhing / sems can nyon mongs pa can dpag tu med par skye ba bskyud de/ tha mar ni 'jig rten gyi khams 'di nyid du skyes pa 'di lta ste/ srin po'i yul lang ka pu rang zhes bya ba/ pha srin po 'bu te ka sha ri wang zhes bya ba dang / srin mo za 'gram rab tu myos ma zhes bya ba gnyis chags sdang gis rab tu 'khrigs pa las byung ba'i bu/ rab tu nga rgyal che ba zhig tu skyes te/ gzir rab tu 'bar ba/ yan lag dang ldan pa/ kha mche bas gtams pa/ yan lag gi sen mo bya kang ka'i ma mchu lta bur skyes pa/ ba spu thams cad phag pa'i spu lta bur skyes pa/ mig me tog ka shi ka ltar zlum zhing 'bur ba la mdog khrag tu 'dug pa/ pags pa 'thug la gnyis mas 'khrigs pa/ dri rab tu mi zhim pa zhig skyes te/ yun ring po ma lon par pha 'chi ba'i dus byas te/ ming do bu shar sha ka de ba zhes btags so// de nas yun mi ring ba zhig na/ ma khrag tu bu ga dgu nas 'khru skyug cing 'chi ba'i nad drag pos btab ste/ 'o dod 'bod cing smras pa/ bu 'di dang por rum ru 'jug pa'i dus na yang snying phyung ba 'am yan lag gtubs pa snyam byed// mngal na gnas pa'i dus na yang lus 'gas pa snyam byed cing na bar gyur/ yun yang bdun phrag bzhi bcu lnga lon te ring du gnas/ skyes pa'i dus su yang mun par 'khrigs te/ thog dang / ser ba dang rlung dmar dang / bu yug mang du byung ste skar mda' yang sa la lhung / yul khams su yang rims nad drag po dang / sad dang / mu ge byung / 'khrul pa yang langs/ ring po ma lon par pha yang shi/ nga yang khrag 'dzag cing na bar 'chi bar nges te/ ltas 'di dag sbyar na/ 'dis 'jig rten gyi khams phung bar nges pas nga'i ro dang mnyam du dur khrod du skyol cig ces bsgrags so// de nas za 'gram rab tu myos ma de shi bar gyur to// yul de na gnas pa'i mi rnams kyis ma de'i ro shing khyogs la blangs te dur khrod du ro zas dang bcas nas bskul lo// srin bu 'bu rang ka zhes bya bas/ srin bu phru gu de lag nas bzung ste smras pa/ yul khams 'di rab tu rung ba zhig las da mi bde bar gyur la/ pha dang ma yang shi ste da bur gyur nas gso ba yang med pas mnyam du shi bar rung ngo // zhes zer nas khrid de ma'i ro drung du bzhag go/ de nas zhag gsum lon nas bltas na/ srin bu de ma'i ro de'i nu ma nas bzung ste 'jib cing gnas te/ shes pa snga ma bas rags par mthong ngo // de nas yang zhag du ma lon nas bltas na/ ro de'i khrag dang chu ser thams cad 'jibs nas 'tsho ba byas te shes pa yang gsal rab tu gyur to// de bzhin de nas nu ma gnyis zos so// shes pa yang de bzhin no// de nas nang khrol dang sha byin zos te/ rus pa tsam du lus pa'i byang khog tu gnas bcas te// shed rdzogs nas dug lnga'i mtha' la gnas te khams gsum la gnod pa bya bar sems so// yang dur khrod kyi ro thams cad zos te sha dang / rus pa dang / khrag dang / chu ser dang / rkang dang / klad pa dang / klad rgyas dang / rgyu ma dang / mchin pa dang / glo ba dang / snying la sogs pa'i nang cha thams cad la ci dga' bar longs spyad de/ pags pa thams cad kyang bshus te/ g.yang gzhir byas te gyon/ dur khrod de na gnas pa'i glang po che smyon pa dang / stag sha zan dang / sbrul gdug pa can rnams thogs pa med par gson por bshus nas stod g.yogs dang / ldi bu dang / slad g.yogs dang / sor gdub dang mi mang po'i mgo bo dang sems can de dag gi mgo bregs pa phreng bar byas de thod da se ral khar thogs te rgyan du byas/ dpung pa gnyis las gshog pa skyes pas nam mkha' la yang thogs pa med par phur bar byed pa/ rus pa khregs pa dang khrag dang zhag gis lus mgo zhabs khyab par byugs nas/ tri shu la dang thod sgyoskyogs thogs te gnas so// dur khrod de na rtag tu gnas shing chags pa la rab tu mos pa'i sri mo 'bu ti ka shwa ri zhes bya ba dang lhan cig tu/ ro gsar rnying gi khri la 'gying tshul du gnas te/ spyod pa ngan pa 'ba' zhig byed do// gzhan yang dur khrod de na gnas pa'i srin po pho mo dang / gnod sbyin dang / sha za dang / 'phra men ma dang / ma mo la sogs pa mang por gnas pa 'bum phrag bsam gyis mi khyab pa rnams dbang du bsdus te/ bran dang / bran mo dang / pho nya dang / g.yog dang / yang g.yog tu byas te/ de dag kyang gdug pa'i sems dang bcas pa 'ba' zhig go/ gzhan yang dur khrod de na gnas pa'i khyi dang / sbrang ki dang / lce spyang dang // phar ba la sogs pa'i gcan gzan sna tshogs dang / kang ka dang // 'ug pa dang / khra la sogs pa'i 'dab chags sna tshogs dang / ma he dang / glang dang / glang po che smyon pa dang / rnga mo la sogs pa yang / gcong ro'i sgra 'don par byed pa rnams kyang de'i longs spyod du byas te gnas so// yul khams de'i nam mkha' las kyang sprin dmar nag 'thug po 'khrug cing / ser ba dang bu yug 'tshub cing 'brug sgra drag po grags pa dang // glog kyang cher 'khrugs cing / sa gzhi yang g.yo bar byed do// dug shing gdug pa can/ tsher ma'i dpal rnon po can sna tshogs pa'i nags dang / khrag dang / rnag dang / zhag gi rdzing che gra nas/ chu srin dang / rus sbal sogs pa 'phyo bas kyang bskor te gnas so// drag po de'i mig g.yas pa nas zla ba lta bu'i zer 'phro ba las grang ba'i nad sna tshogs gtong ba/ g.yon pa las nyi ma lta bu'i zer las tsha ba'i nad kyi rims sna tshogs gtong ba/ sna bug las rlung nag gi dkyil 'khor 'phro bas thams cad kyi srog 'phrog par byed pa/ ba spu'i sgo re re nas kyang srin bu ma du pe ra dang / tri sha ka dang / ru tse rkang 'jib dang / na ku re na pa dang / 'be' lu sha zan la sogs pa bsam gyis mi khyab pa byung bas/ sems can gyi bsam pa la bar du gcod cing / skrangs pa dang / shu ba dang / lhog pa dang / 'bras dang / phol mig la sogs pa gtong bas rlag par byed pa 'gyed cing gnas te/ de'i tshe srin bu de'i ming yang bdud ru dra nag po zhes bya bar btags/ 'bu ti shwa ri ni srin mo kro d+hi shwa ri zhes btags te rang bzhin nyid khros bzhin du gnas so// de'i tshe srin po des khros bzhin du tshigs su bcad de smras pa/ khams gsum snod bcud nga yi zhing // 'dod pa'i dbang phyug bdag nyid las// 'jig rten gzhan na'ang yod ma yin// de bas dbang phyug bdag nyid mchog/ 'dod pa'i dngos po 'di 'dra ba// dge sbyong gis kyang thob dkar na// lha mi phal pas smos ci dgos// des na nga yi thabs mchog 'di// 'gro kun yis sgo ba nyon// ces smra zhing 'gro ba thams cad log pa'i lam du btsug de phung zhing srid rlag par byed do/ zhes zhing khams thams cad du yang grags par gyur to// dpal bdud rtsi bde ba chen po zhes bya brgyud kyi rgyal po chen po las ru dra'i skye rgyud dang snying rje'i yul bstan pa zhes bya ba'i le'u ste lnga bcu drug pa'o// // de nas 'khor 'dus pa de'i nang nas tshangs pa chen po gtsug phud 'dzin ces bya ba langs te/ ston pa dang / 'khor ba dang / mya ngan las 'das pa thams cad la gad la khyab chen por bzhugs pa'i rgyal ba thams cad la phyag 'tshal nas/ lus kyi bag bzhi sa la brdabs te/ tshigs su bcad de gsol ba/ gad la khyab chen po'i zhing khams na// bgrang du med pa'i bde gshegs rnams// dbyer med ngang las ma g.yos kyang // thugs rje lhun grub dgongs su gsol// dbyer med ngang du sangs rgyas kyang // rkyen dang ma ldan bdag rmongs shing // dug lngas gzir ba'i dbang gis 'khor// chags sdang dbang gis bskyangs pa'i bdud// ru dra nag po zhes bya 'dis// sangs rgyas bstan pa nub byed cing // 'gro kun log par kha bsgyur ba'i// ngan par 'joms pa'i ded dpon 'di// dus 'dir kha lo ma 'gyur na// 'khor ba rgya mtsho gting rings nas// byang chub myu gu rtsa bskams te// thugs rje ste chad kyi hud kye// mi rtogs bzhengs bzhugs mi mnga' yang // 'gro ba yongs la brtse slad du// gzugs kyi ci dgar don mdzad gsol// de skad ces gsol ba btab pas/ nam mkha'i mtha' klas pa'i zhing khams na sangs rgyas dang / sems can gyi ris bsam gyis mi khyab par khyab gdal chen por bzhugs te/ mnyam pa chen po'i dbyings kyi ngang las ma g.yos pa rnams/ gsol btab pa de tha mi dad par thugs su chud nas/ de'i dbyings las ma g.yos bzhin brtse ba med pa'i snying rje cher skyes te/ snying rje sngon du song bas rje ba med pa'i mthar phyin to// des bskyod de yi ge'i cho 'phrul du mdzad pa ni dang po'i yi ge ste a'o// de las 'dul ba'i dbang gis snang ba ni nam mkha' rdo rje dang / rlung rdo rje dang / chu rdo rje dang / sa rdo rje dang / me rdo rje dang / brtan pa'i rdo rje dang / gzungs rdo rje dang / 'jam pa'i rdo rjer gyur te/ sprul pa'i dbang po brjod kyis mi lang ba'i snang ba shar te bzhugs so// de dag kyang chos mnyam pa nyid kyi dgongs pa las ma g.yos bzhin du thugs rje chen pos g.yos nas gcig la gcig 'di skad ces gleng ngo // dus 'dir byung ba'i 'byung po 'dis// 'gro kun log pa'i lam du khrid// ngan song gsum gyi dpung bskyed nas// dkar po'i rgyal srid rab tu nyams// chos kyi chab srid gdon pa'i phyir// pho brang gnas nas kun bskyod de// gdan tshoms nan tan bskyed par mdzod// cis 'dul thabs kyis 'gro 'di sbyong // zhes gsungs bsgrags nas/ chos kyi dbyings kyi pho brang du// thams cad tshogs nas bka' bsgos pas/ ngan pa'i ngan tshul can gdul bar bcad de/ don mnyam pa nyid kyi dbyings las de bzhin gshegs pas 'jam dpal la bsgo ba/ khyod ni shes rab stobs ldan pas// thams cad mkhyen pa'i rtsal dang ldan// 'di la ci 'dul dgongs mdzad de/ gang gis 'dul ba'ang bshad du gsol// 'jam dpal gyis gsungs pa/ 'di ni dus 'dir gshegs pa yis// 'gro ba'i kha lo sbyar ba'i bdag/ shAkya'i dbang po thub pa'i gtsos// bden pa'i lung gis rgyud bkrol te// yang dag bden pa'i lam du chug/ de'i tshe bcom ldan 'das shAkya thub pas/ seng ge'i brjid bag gis zhing khams thams cad du bltas te gsungs pa/ snyigs ma dang bcas 'jig rten 'dir// nga byung nga yi bstan pa la// drag po las ngan 'di lta bu// log sreng can gyi sems can 'di// thugs rje thabs kyi bdag nyid ngas// bden pas yang dag lam du gzud// ces gsungs nas chos gos phrag pa la gzed de/ gsil byed dang par pu bsnams te/ ngang pa'i 'gros kyis ma la ya'i dur khrod du gshegs nas/ gsil byed gsil te se gos gtogs nas gsungs pa/ chos rnams rgyu las ma byung med// rgyu de de bzhin gshegs pas gsungs// de la 'gog pa gang yin pa// dge slong dam pas nges par gsungs// sdig pa kun tu mi bya zhing // dge ba'i longs spyod rgya cher bya// rang sems btul na shin tu dge/ 'di ltar bde gshegs rnams kyis gsungs// ces gnyis dang gsum du dgongs te bka' stsal pa las/ log pa'i sems can des rna ba gnyis lag pas bkab ste// slar la smras pa/ de kun bdag gis chos min te// nga ni srid pa'i dbang phyug che// nga yi bla na gzhan med pas/ khyod kyis nga ni ga la 'dul// nga yi 'dod pa'i longs spyod la// ci dgar spyod la drung 'dir gnos/ yun rings 'dug par mi spro na'ang // sha tshil rkang sogs zo la song // bka' stsal pa/ ma khengs gus pa'i tshul gyis nyon// srog bcad tshe yi bar chad 'gyur// longs spyod chen po phrogs pas brlag/ de sogs rnam smin bsam mi khyab// de dag spangs na bde 'gyur te// del 'byor ci dgar rnyed par 'gyur// slar gsol ba/ 'dod pa'i bde ba thob dka' ste// nga la ma gtogs gzhan na med// 'di 'dra thob par mi 'dod na// rang gnang song la dkar thub srubs// de yis bde bar mi nus kyang / khyod nyid mos pa ci dgar gyis// ces smras so// de nas yang bka' stsal pa/ yang dag bden pa'i chos bshad de// ma nor lam du btsud pa las// phan pa'i tshig la mi nyan pa// dpa' bo rdo rje 'dzin pa yis// dbang med nan tur drag pos su/ skad gcig nyid la khyod brlag 'gyur/ yang drag po des/ rdo rje 'dzin pa zhes pa'i gsung thos ma zag tu spyi bung zhes byed nas smras pa/ de su zhig/ bka' stsal pa/ sangs rgyas thams cad kyi mes chen po// rgyal ba yongs kyi mnga' bdag/ dregs pa can ma lus pa'i gnyen po'o// de'i rigs ci zhig/ de ni rigs thams cad kyi bdag nyid do// de sa phyogs gang na gnas// de ni nam mkha'i dkyil 'khor na/ sangs rgyas bkod pa dang / sems can gyi ris thams cad du khyab par bzhugs te// de ltar kyang khyod nyid kyi drung kho na'o// de las ci zhig byed// de ni sems can thams cad 'khor ba'i ro gling nas nyon mongs pa'i zas g.yengs te chu bo chen po bzhi las thar pa'i dus med pa