བོད་ཡིག

e-texts produced with BDRC’s OCR application

rdzogs so// // @#// rgya gar skad du/ many+dzu shrI ya ma ra gam rA tsakra tan tra nA mA/ bod skad du/ 'jam dpal gshin rje dmar po shan pa srog gi 'khor lo'i rgyud ces bya ba/ bcom ldan 'das 'jam dpal gshin rje gshed po la phyag 'tshal lo// 'di skad bdag gis thos pa'i dus gcig na/ bcom ldan 'das 'jam dpal gshin rje gshed po/ lho phyogs gshin rje'i 'jig rten zhes bya ba na/ dur khrod ro myags kyi tshal/ dug mtsho nag po mer ba/ gshin ri phyin ci log gi rtsa na/ dpa' bo rngam pa'i lha/ srog dang tshe'i bdag po/ sgrol ging gi bdag po ma ru rtse zhes bya ba gnas te/ sems can thams cad kyi srog gi bdag po mdzad de/ sems can thams cad kyang tshe srog nyams shing / lus la gdug cing rtsub pa'i ngad byung nas/ shin tu sdug bsngal gyis gdungs par gyur to// de'i tshe de'i dus na bcom ldan 'das ya man ta ka dregs pa 'dul ba drag po sgrol ba'i ting nge 'dzin la snyoms par zhugs te/ rngam pa'i sgra chen po ha ha hi hi'i sgra dang / ha la ha la'i dang / a ra li dang / b+h+yo dang / ru lu'i sgra dang / hUM dang phaT kyi sgra sgrogs so// de nyid du gdug pa can za byed ya ma rA dza dang / 'khor gyi sgrol ging bzhi dang / ma mo'i tshogs dang / srin po'i tshogs dang / bdud dang / gshin rje dang / gnod sbyin bye ba dang bcas pa yang lus sa la brdebs shing dran pa nyams so// gdung ba'i smre sngags rab tu 'don te mgrin gcig tu smras pa/ e ma rang byung chos kyi sku mchog ste// 'bar byed 'jigs pa'i gtum khro gshin rje gshed// mthu rtsal rmad byung bsam dka' e ma ho// bdag cag dregs pa'i 'khor dang bcas pa rnams// gshin rje gshed kyi byin brlabs dbang bskur la// kun kyang gshin rje gshed kyi dge 'dun mdzod// ces gsungs te/ srog gi snying po rnams mdongs sol du phul lo// de nas drag po sgrol ba'i cho 'phrul bstan pa'i ting nge 'dzin la snyoms par zhugs te/ rak+ta maN+Dal zhes gsungs so// de nyid du snang srid thams cad khrag gi rgya mtshor 'khyil bar gyur te/ de'i dus su mkha' dbyings mthing nag tu gyur to// rlung rdo rje rgya gram rab tu 'thor ro// srin rtse 'bar ba me rig smug nag gi klong na bzhugs te/ 'di skad ces gsol to// nyon cig sgrol ging bdag po ste// tshe srog kun gyi bdag po khyod/ khams gsum sgrol bar dbang bskur gyis// nga yis dge ba'i las kyis shig/ gshin rje gshed kyi rnal 'byor gyis// dkyil 'khor kun gyi bsrungs ma mdzod// ces gsungs te/ sgrol ging chen por dbang bskur ro// gshin rje dmar po shan pa srog gi 'khor lo'i rgyud las/ gleng gzhi'i rtog pa ste dang pa'o// // de nas 'khor rnam bzhi'i nang nas gnod sbyin dregs pa'i bdag po kun dga' bya ba langs te/ drag po sgrol la 'di skad ces gsol to// e ma 'bar byed khro bo'i rgyal// dregs pa 'dul ba'i ye shes khyod// tshe srog bdag po ma ru rtse// don gyi dngos po gang la bgyi// srog gi snying po gang dang gang // phyi rabs rnal 'byor sgrub pa pos// bsnyen cing sgrub pa ji ltar lags// gsad dang las kyi mtha' btul gang // ma grub spogs dang gnad dkrug dang // 'phrin las bcol ba'i rim pa rnams// ye shes chen pos bshad du gsol// zhes gsol to// drag po sgrol bas bka' stsal pa// nyon cig dregs pa chen po khyod// tshe srog bdag po ma ru rtsertserje/ 'das pa'i dus na sngon byung ba// 'jam dpal khros pa gshin rje yis// bdud dang srin po ru tra bsgral// ru dra'i khrag las grub pa ni// sprul pa'i sras ni lcam dral lnga// gshin yul 'jig rten skyi g.ya' ba// gshin rje'i bla mtsho mer ba yis// gshin ri phyin ci log gi rtsa// gshin lam ro khung nag po na// srid pa gsum gyi tshe srog sdud// sprul pa'i las mdzad sgrol ba'i ging // gdug pa 'dul zhing sku la 'khor// srog snying rlung ste drangs ma'o// yi ge dug gi spu gri ste// srog dang snying gi 'khor lo yin// phyi rabs rnal 'byor sgrub pa pos// bsnyen cing bsgrubs na gang yang 'grub// za byed sku mchog chen po ste// dril ba lus kyi sgrub pa dang // brkyang pa snying gi sgrub par 'dod// las ni rnam pa drug tu ste// ban+de bon po mu stegs dang // bud med rtags mgor sdig can gsad// ma grub spogs pa'i log zin te// rnam dang ma grub lto log dkrug/ gnad gcod pa ni 'khor lo ste// shis sa gsad pa nyid kyis so// 'phrin las brgya dang rtsa bzhi las// 'di ni mngon spyod kho na ste// de phyir sgrol byed dmar po 'di// za byed gshin rje dmar po ste// tsa ra dkar po gnya' nag la// rten te srog bdag sgrub par bshad// ces gsungs so// gshin rje dmar po shan pa srog gi 'khor lo las/ gleng bslangs pa dang dris lan gyi rtog pa ste gnyis pa'o// // de nas yang kun dga' bos/ kye kye drag po sgrol ba'i sku// 'bar byed rngam pa'i rgyal po khyod// tshe srog bdag po ma ru rtse// bsnyen dang sgrub pa ji ltar bya// rtags kyi rim pa ji ltar 'byung // las la sbyor ba ji ltar lags// zhes gsol pa dang / drag po sgrol bas bka' stsal pa// tshe srog bdag po sgrub pa yis// gnas ni brag dmar chol zang 'dra// yang na tri shul rtse gsum ste// dur khrod chu 'gram dgon pa ste// gang zhig yid dga' bar chad med// der ni dkyil 'khor rab tu bya// bsnyen pa grangs la rtags rdzogs nas// sgrub pa'i rim pa bstan pa ni// dur khrod sa la maN+Dal bya// e dbus drag po dbang dang ldan// 'khor lo rtsibs bzhi sgo khyud ldan// dbus su sgrol ging ma ru rtse// 'khor lo bzhi la rdzas dgod pa// ming byang hom dang phur bu dang // sgo gnyis dug gi blug gu'o// dpal dang gshin rje'i gtor ma dang // khrag mtsho mi rta ra yi snying // mar khu sbrang rtsi 'o ma dang // khrag dang a mr-i ta sbyar te// gshin rje mchod pa'i rdzas su 'o// dang po stong pa byang chub sems// snying rje nam mkha'i ngo bo las// rgyu 'bras sa bon yi ge hUM// mngon par byang chub 'khor lo'o// de las ar+ya me ru rtse// sku mdog dmar po ra ga ste// phyag na me rlung 'khor lo bsnams// dbu skra ral pa ska so bslebs/ rtse la ban+da lcang lo 'khyil// ag tshom kham nag dza yi 'od// spyan nas me yi tsha tsha 'phro/ shangs nas bskal pa'i rlung nag 'khrul// me dpung 'bar ba'i dkyil 'khor nas// ging dang ma mo'i dbus na 'gying // rang bzhin spyan drang mchod bstod bskul// yi ge bcu gsum rgyun du'o// de la rtags rnams 'byung bar 'gyur// 'od dang sgra dang rlung nag dang // btsun pa btsun ma a tsa ra// mi reng mang po 'od dang bcas// rta pa zhib can mang po dang // go dang mtshon cha mthong na 'grub// rtag tu srin po las la rbad// drag po sngags kyi grong khyer bsgreng // drag po las la sbyar ba'i tshe// ling ga'i sbyor ba zin pa dang // dang po dbye ba'i 'khor lo bskor// gnyis pa dgug pa'i 'khor lo bskor// gsum pa btab cing byad du gzhug/ tsa ra dkar po gnya' dag ni// shar lho mtshams su gdags par bya// ske ru ming byang chen po gdags// lha dang mgo ste bcu gsum pa// ming byang bcu gsum khram byang gdags// dmigs pa tsa ra nyid la bca'// ra pra brtag cing sgrub bya ba// dril dang rkyang pa shes par bya// dril na dmar po mched bzhi ste// rtsa ba'i las dang bal mo'i sngags// bzhi ru bsdebs te gtad pa tsam// bsad pa'i mtha' ru mnan pa bya// rkyang pa dpa' bo gcig pu la// nyin mtshan sngags ni ma nor bya// rtag tu bod pa gshin rje ste// las la rbad pa srin po'o// grong khyer bsgreng ba phu sprugs te// nyin gyi las su shes par bya// las kyi srin mo re ma ti// bse mo bzhi dang dmar mo 'bum// mtshan gyi las su shes par bya// pho nya btang zhing gzugs la bstim// reg chod drag sngags dril ba yis// rgyu mchog rtsar shugs sgrol byed// de nas g.yang gzhi bshus nas ni// tsi tar ling ga bcug pa la// dril sngags bzlas dang phur pas gdab// rdzogs dang ling ga phran tsho ni// tsit+tar bcug la kha ru brdzang // 'dod pa chen por mnan pa ste// g.yang gzhi dang bcas mnan pa yin// ling ga mi bzad mtshon gyis gtub// ro stod 'gram pa g.yas su gzhug/ ro smad 'gram pa g.yon du'o// pho sngags mo sngags g.yas g.yon brdeg/ rtsang la rtse zur mchu sbyar la// tshon skud kyis ni bsdam par bya// de nas stong lam chen po'am// mkhar sgo lha yi khang pa'am// sbrul lce bsnol ma steg gi kha// hri sti bzhis bskor sngags kyis gnan// lhag ma rdzas dang ling ga la// hom shing lcags kyi spyang mor bsam// las kyi ma mos dgra dgug cing // bsreg pa me yis las kyang bya// mnan pa'i sbyor kha rdzogs rjes su// zor lam dgra la bstan pa ste// dug mda' khrag zor 'phang bar bya// de ltar nas na the tshom med// brgya byin dbang po ma ra na// zhes gsungs so// gshin rje dmar po shan pa srog gi 'khor lo las/ srog sgrub kyi rtog pa ste gsum pa'o// // de nas yang kun dga' bos/ drag po sgrol ba'i gtso bo la gsol pa// e ma 'jigs byed chen po lags// sgrub pa'i rim pa de ltar na// dregs pa'i srog gi ngo bo yi// sngags kyi 'phreng ba ji ltar lags// bod dang las la rbad pa dang // gsang sngags pho mo dbye ba dang // las sngags rdzogs par bshad du gsol// zhes gsol pas/ de nas yang drag po sgrol bas bka' stsal pa/ gsang sngags yi ge'i 'phreng ba ni// 'jig rten lha srin yongs kyi srog/ nor bu 'phreng ba rin po che// las mkhan bod pa'i srog thag ste// sgrub bya 'gugs pa'i lcags kyu'o// sngags ni gshin rje'i rang bzhin yin// sngags ni dug gi me dpung ngo // sngags ni nad kyi mtshan nyid de// sngags ni mtshon cha'i 'khor lo'o// yid bzhin nor bu 'byung ba ltar// rkyen gyi ting 'dzin rta yis ni// ji ltar dmigs pa bzhin du'o// de nas drag po sgrol bas na// nyid kyi yang snying 'di dag gsungs so// oM shrI many+dzu ya ma rA dza e ka dza Ti dza/ rtag pa rgyun gyi snying po ste// sgrol ba'i thugs ka'i hUM las ni// 'od zer lnga yis srog dgug pa'o// dngos dang yid la 'ong ba rmi// 'dris dang bcugs pa yang ni 'byung // srin po rbad pa'i yang snying ste// rnal ma rnal te gsod la rngam// bshos la mer spris la chum/ zu bis zu/ lcags kyi skrasgra/ dgra bo nri ma ra ya/ srin po thod 'phreng nag po dang // ma mo 'phrul chung lcags mig gam// bdud kyi srin pos snying rtsa 'gug/ tri ling shang ka du dri za yak+ka rbad pu phye ma kha 'dar// ru rub dpra dpra thum thum shig shig dgra bo mA ra ya/ g.yang gzhi 'brub khung la sogs pa/ gdab pa'i gsang sngags kho na'o// na mo rat+na tra ya yA/ na mo be shra ma ni s+ye/ ma hA rA dza s+ye/ na ma ta ku pa ra ku par bye/ ka ha ka ti pa te/ nyu pa na/ ku pa ra pa ra ma ta yi sha mi/ sha nu ru pa su ru pa ra ta na ta/ ku pa ra tsan+ta kha na tsa khaM/ he mo ha sa ka na na ta/ ku ba ra na he/ ma kun gu ha ka/ tsa la tsa la/ pa tsa pa tsa/ phu lu swA ha/ gnod sbyin dmar po la sogs pa// bye ba phrag brgyas spras pa ste/ dmag dpung dbab pa'i sngags yin no// oM hriSh+Ti wi kri ta mon ta dgra bo ma ra ya/ oM hriSh+Ti wi kr-i ta mon ta dgra bo ma du/ oM briSh+Ti wi kri ta mon ta dgra bo ma ra nan/ oM briSh+Ti wi kri tA na na mon ta dgra bo ma ra yaM/ dmag dpon sprul pa non pa bzhi// brdeg dang mnan pa'i sngags su bshad// oM dzo ta wa kri te sod sod/ dgra bo ni sod ma ra nan/ b+h+yo b+h+yo/ oM rus ta rus ta ma ra ya/ ma ra du// ma ra nan/ las kyi 'chi bdag chen po la// rgya mtsho'i gting du gtad pa'i sngags// trag rak+Sha mu ru lu ru lu b+h+yo/ rag mo te kum dza dza dzA/ rag mo tsa tsa kha la ma ti b+h+yo b+h+yo/ ma ru lu ru lu b+h+yo b+h+yo/ trag kha mun tra b+h+yo/ r+ra lu ru lu b+h+yo/ sgrol byed nag mo'i gsang sngags te// nag mo 'bum gyi snying po yin// dmag dpung dbab pa zhes ni bya// oM su tri ba ya/ ba ra tsit+ta/ yo gi shor ya ma tsit+ta hUM phaT/ kyi khrid ra khrid mi ro la khrag 'thung // kang kang keng keng tsin+ta mi ro la khrag 'thung / kang kang keng keng kaM ka ya/ ma ma ma ma la yaM/ 'gro lo rno rtse 'gran g.yas la ya/ ma ti tiSh+Thi rbad na thum ri li li/ shi ti tiSh+Tha rbad thum ri li li/ dgra bo ni ma ra ya tiSh+Tha rbad na thum ri li li/ bal mo gdug pa'i ngan sngags te// snying zan rmod pa'i dug mda' yin// gtum po yaM yaM/ sgrol ging yaM yaM/ ma ru rtse la yaM yaM/ rtsa la hur thums srog la ya ya/ du na dza/ du ling krad de krad de dza dza/ kring kring rA dza ma ni snying shad shad/ haM haM ma ra nri dza dza/ sgrol ging rtag tu rbad pa ste// 'di ni rbad tig kho na'o// yang du snying khrag ni sha ku ru/ kha so pa tri yaM/ du yaM sen sen yaM/ tshe srog rtsa mA ra ya/ ya ma rA dza nri mA ra ya/ du ma ra ya/ ya ma ra du/ ya ma khrag snying / ya ma khr-i baM rbad/ ya tsha la pa/ yaM baM ri la/ ya ma dam pa dum bu mA ra ya hUM phaT/ oM dmar po rak+Sha snying la khug/ thum b+h+yo mA ra dzA/ mA ra ya dza dza dza dza/ spu gri reg chod ces bya ba// oM shrI many+dza ya ma rA dzA e ka dza Ti dza dza/ sa ma ya/ oM shrI many+dzu snying la chum/ dbugs la b+h+yo/ srog rtsa khug mA ra ya thun b+h+yo/ gar pa nri dza dza/ snying du khrag du/ srog khugs ma ya/ tsa khrag tsit+ta phyung / dmar po rak+Sha srog la hur thums rbad rbad/ dmar po yab yum gsang pa ste// ban+de nang 'gras gsad pa yin// oM rnal ma rnal te gsod la rngam b+h+yo sa ma ya/ shrI many+dzu lcags kyi sgra che ge mo mA ra ya hUM phaT/ snying thum d+he pa trig nan srog la zur thur gshogs rbad rbad/ srin po las la rbad pa yin// oM shrI many+dzu ku ba ra dza khaM ru lu ru lu ma b+h+yo sa ma ya/ oM shrI trag rak+Sha ru lu srog la b+h+yo/ dbris la chum/ gu gu thum/ mA ra ya baM ri la thum li snying rtsa 'du 'du/ srog snying trag shad ma b+h+yo/ gnod sbyin pho mos gsad pa yin// oM shrI many+dza bdud pra ma ya bdud mA ra ya/ snying 'go chod du ru du ru/ ha ra ti har ti dgra bo'i snying sha mA ra ya dza/ rtsa la rog pa srog khug/ snying du yaM/ dbugs la thum/ nA ga gro ta baM ri la rbad/ na ga rA dza trag trag srog 'ubs rbad/ myags rbad/ bdud kyi dug mda' gsad pa yin// oM shrI many+dzu tri li srog khung myos ling sa ma ya ya/ shrI pa tsa srog pa shal kha thun pa tsa baM ril tun b+h+yo/ rbad khug tir ti mA ra ya/ myos snying tshal pa rbud rbud/ dug bdag shan pas gsad pa'o// sgrol ging shaM shaM rtse da rtse da sha sha ma/ sha sha rA dza ma ni gig ka ra kring kring yaM yaM shog shog/ 'du 'du zung zung khyer khyer/ ging rA dza ma ni b+h+yo b+h+yo/ thig nig gcig med gnyis trag/ brgyad gcad/ gnam mthong phye/ lcags sgrog khrol/ mi rang sod/ glang thob/ thog brdzis/ mthongs rtol/ gnad chod/ rgyun stobs/ gzugs chom/ dpung shig/ lhur phyur/ yas rgyab/ dur phur sprugs/ klad pa tsakra raM/ tsiSh+Na ku ru nan/ so tri ba raM/ so tri ni/ nri tri rbad/ a yu chod/ gnya' na khog/ ma rA ya/ 'di ni rgyud gcod drag po ste// grong khyer bsgreng dang shod rde'u 'grang // gsad pa'i sngags kyang 'di dag go/ gshin rje dmar po srog gi 'khor lo las// gsad sngags pa'i rtog pa ste bzhi pa'o// // de nas yang kun dga' bos/ drag po sgrol ba la gsungs pa/ e ma gsang sngags rnal 'byor can// che ba ye shes ldan pa khyod// gsang sngags rim pa de ltar na// snyigs ma lnga yi dus nyid du// ngo dmar dgra bos bstan pa 'jig/ ru dra bsgral ba'i rim pa gang // 'phrin las rdzogs par bshad pa mdzod// drag po sgrol bas bka' stsal pa// snyigs ma lnga yi dus nyid du// rtags 'dzin dus su de nyid du// bstan pa'i lnga dgra gdul ba'i phyir// zhing bcu ma lus nyams pa'i dgra// myur du bsgral pa 'di dag go/ rgya shog rgyu la a mu ka'i// rten gyi rdzas drug dmigs pa'i rten// mi rta ra yi khrag dang ni// bong bu'i bdud rtsi grog mkhar ba// dmigs pa'i gzugs bris gnad yig dgod// mtha' ma dbye ba'i sngags kyis bskor// rtsang bskor dug gis myos par byed/ kha kha hu lu 'thab tu gzhug/ gu gul sbyar ma la sogs pa// gdug pa kun rme'i du bas bdug/ dbye ba rdzogs nas dgug pa ste// dpal gyi phyag brnyan rtag tu bskul// A kaR+Sha yas srog dgug go/ de nas stab pa drag tu bya// sngon dmar dril te tsa ra la'o// ra ni 'dar dang 'tshab pa dang // sgri zhing 'jol dang nyal ba dang // skad 'byin pa la sogs pa la// phyi pra rtag pa shes par bya// grub na reg chod drag sngags kyis// tsa ra bsgral la nad pra blta// snying dang sog pa mchin pa dang // rtags kyi tshad mas gzung ba bya// sogs pa'i mkha' drugs gcad la// chag grum ka ba chag pa dang // rmu thag chad dang rdol ba dang // mdung shing 'dra dang sbrul rjes 'dra ba dang // har hor rtsa ba rtsub byung ba na// rtsa ba brlag par yang dag bshad// mchin pa'i sa gsum shes par bya// nyag nye ga har hor gang yang bzang // skran dang skya thig snga sngo dang // pags pa bye dang khra rdol na// rims dal 'ong zhing bkra mi shis// de dag khris pa bskams pa na// phyugs dang rdzas rnams brlag par 'gyur// snying khug mang na khrag tu skyug/ chu yis khengs na smyo 'bog 'ong // har hor nyag nye ga byung ba na// blo bur dag tu 'chi bar 'gyur// srog rtsa sbu gu med pa na// skye rgyud 'chad par yang dag bshad// rtags ni gang dang gang byung yang // g.yang gzhi'i nang du drag sngags drang // 'dod pa che chung skabs dang sbyar// bsreg pa'i thal ba kha ru brdzang // de nas gnas pa'i las bya'o// ban d+he nang 'gras rtags 'gor na// ro langs nag po'i tsakra dang // mu su ra yi thod pa dang // dug dang rus nag thal ba dang // byi la'i rus pa'i lcags phye dang // dom khrag spre'u lce wa rus dang // dbyi khras mngal khrag 'bru gnyis la// bsngags shing gsad pa'i las kyang bya// lha gsas chags pa'i bon po la// sbal pa'am spre'u'i thod pa dang // dug dang khrag dang sbrul shas bya// thams cad bskyed pa'i bud med la// wa thod dug khrag bra bo dang // bye'u rig pa la sngags gsad// mu stegs sbyor ba log pa la// bud med thod par khrag sna dang // mkhris pa'i rdzas kyis gsad pa tsam// sdig can 'gro ba'i gshed ma la// gshog pa can dang mche ba can// gdug pa'i thod par mchu sder dang // mtshon cha sna tshogs sbyor bas gsad// dam 'dres shin tu rtags 'gor na// phag pa'i thod par mkhas pas kyang // rdzas rnams sbyor ba bsad pa tsam// yang na srog gi sgrub pa la// spu gri bsgyur yang myur du ni// brlag par dpa' bos yang dag bshad// za byed gdug pa'i gshin rje ste// tshe srog 'phrog pa'i las su bshad// gshin rje dmar po srog gi 'khor lo'i rgyud las// 'phrin las drag po'i rtag pa ste lnga pa'o// // de nas kun dga' bos gsol pa// drag po sgrol ba'i sku mchog khyod// 'phrin las sgrol ba'i rim pa de ltar na// sngags 'chang rnal 'byor chen po yis// las rnams kun gyis ma grub na// spogs pa'i cho ga gang la bgyi// gnad gcod drag po ji ltar lags// srog gi 'khor lo gang la bgyi// ye shes chen pos bshad par mdzod// drag po sgrol bas bka' stsal pa// las rnams gang yang ma grub na// bshags pa byas la bsnyen pa spogs// rtags kyi drod rtags tshad mas gzung // 'phrin las rim pa spogs shing bya// des kyang grub par ma gyur na// bsgral ba'i g.yang gzhir 'khor lo bri// tsit+ta'i nang du ming bcug la// 'khor lo ste dbus e la'o// zhag grangs gsum gyi bar dag tu// pho sngags mo sngags nyin mtshan brdeg/ skabs su sngags kyi grong khye bsgreng // srog gcad gnad gcod du ma re'o// nges par rdzogs dang mnan pa bya// rgya rdzogs mtha' ru ru khugs bya// oM shrI many+dzu ya ma rA dza e dza Ti dza/ trag rak+Sha mu ru lu ru lu b+h+yo/ pho mo'i dril sngags nges par gcod// bdud kyi shod rde'u 'grang zhing brdeg/ rdzogs nas gdug pa'i gnas su gtad// des kyang grub par ma gyur na// yang gsang snying po'i sbyor ba brtsam// tsit+ta dkrug pa'i 'khor lo bca'// bse byang gnyis ni ljin du gzhug/ zhag gsum bar du 'khor lo dkrug/ mtha' ru bzlog sngags lto nas bzlog/ lha ni gnad la dbab pa ste// bya ba sngags na rang srog gcod// drod tshad rtags kyi tshad pas gzung // dza ti dza ga e tsa ra ma yany+dza ma na shrI au/ dgra bo mA ra ya nri/ skra kyi lcags/ thu pis thu// chums la spris/ mer la bshol/ rnga ma la gsod de rnal ma rnal shig shig/ dum dum/ pra pra/ ru ru 'dar kha ma phye pu rbad sha yag/ sha dri du ga shang ling ti/ gtum po yaM yaM/ sgrol ging yaM yaM/ ma ru tse las la yaM yaM/ tsa la hur thums srog la ya ya/ du na dza du ling / krad de krad de dza dzA kring kring / rA dza ma ni shad shad haM haM ma ra ni dza dza/ pho sngags lto nas bzlog pa ste// snying khrag 'dzag pa'i sngags su 'dod// dza ti dza ka e dza ra ma ya many+dza shrI au/ b+h+yo ru lu ru lu b+h+yo/ tra mun kha rag b+h+yo/ tra mun kha rag b+h+yo/ ru lu lu ma ma b+h+yo/ hi ma la kha tsa tsa/ mo rag dza dza dza/ kum te mo rag b+h+yo/ ru lu ru lu mu sha rag trag ya ba ti su/ ta tsi ra ba ra sho gi yo ta tsi ma ya hUM phaT/ kyi khrid ra khrid ro la khrag 'thung / kang kang keng keng tsin d+ha ma rol khrag 'thung / kang kang keng keng kang ka ya/ ma ma ma ma la yaM dgra bo lo rno rtse mgrin/ g.yas la ya ma ti ta rbad/ pu bruM ri li li/ sha ti ti sta rbad na thum ri li li/ dgra bo ni ma ra ya ta sta rbad na bruM ri li li/ mo sngags lto nas dkrug pa'o// dkrug bzlog drag po'i dus dag tu// khrag dug til dang snying phye bsreg/ bya ba'i gos kyang log par bgo/ gshin dmig bzlog cing bskor ba bya// de ltar byas na lha yang yang 'chi// bstan pa nyams sam las rdugs na// las 'di bya ba ma yin pa// ya ba ga sha rar bshad pa yin// sngags bdag nyid kyang 'tshe byed bzlog/ rnal 'byor dgongs pa ma non na// 'khor du bkra mi shis pa'am// sgrol ging las ni mi byed na// skabs su bzlog sngags bzlas par bya// zhes gsungs so// gshin rje dmar po shan pa srog gi 'khor lo'i rgyud las/ gnad bzlog drag pos gzir ba'i le'u ste rtog pa drug pa'o// // de nas drag po sgrol ba'i sku// mchog gis 'di skad ces gsungs so// bstan pa rin chen rgya lam gcig/ rmod pa'i rgyal po nye ba'i lam// drag po shugs kyis sgrol ba yi// za byed rol ba'i tan tra 'dis// chos nyid dbyings las thugs rje'i sku// dpa' bo rngam pa gcig pu pa// ye shes chen po bde ba'i lam// smod pa'i rgyal po nges shar ba'o// thabs dang shes rab nges pa'i bka'// yang gsad yan lag nye ba'i so// srog bdag shan dmar gdug pa'i dpal// za byed rol pa zhes su bshad// snying po nye ba bka' rgyud 'dzin// shes rab dbang gi brda yis so// myur mgyogs sgrol ba ling gi rgyud// srog la shan pa bskul ba 'di// lha dang mkha' 'gro rig pa 'dzin// lha klu dregs pa mi bzad rje// gshin rje gshed kyi dge 'dun kun// nga yi bka' rgyud rol pa 'di// ma 'ongs dus na gang spyod pa'i// rnal 'byor sgrub pa'i las gyis shig/ nga yang dam las mi 'da' ste// khyod kyang dam las ma 'da' zhig/ gal te 'das na dregs pa yis// snying khrag 'dren dang stobs 'joms so// ya ga sha yak+ka sa ma ya zhes gsungs te mi snang bar gyur to// de nas 'khor thams cad dga' mgu yi rangs te mngon par bstod do// gshin rje dmar po shan pa srog gi 'khor lo las/ rgud gtad pa'i le'u ste bdun pa'o// // rab tu gsang ba'i rgyud za byed shan pa'i 'khor lo zhes bya ba rdzogs so// // srog bdag shan pa'i rgyud/ gnod sbyin dra ba nag po'i rgyud phyi ma 'phra rgyud lags so// bal yul gyi rgyal po ba su d+ha ra dang / ar+ya bo d+ha dang / bla ma khrag 'thung nyid dang / bod kyi ban d+he khri gtsug gis/ b+ha ra ha yi brag phrag tu bskur ba'o// sa ma ya/ rab tu gsang bar gsungs so// sde rgya rgya rgya// /