བོད་ཡིག

e-texts produced with BDRC’s OCR application

rgya gar skad du/ badz+ra ni rti ma ra na sha traM paM ho ku pe ra lo hi ga tan tra/ bod skad du/ rdo rje srin po bse yi skyes bu gnod sbyin dmar po'i rgyud/ bcom ldan 'das phyag na rdo rje la phyag 'tshal lo// 'di skad bdag gis thos pa'i dus gcig na/ ri rab rtsub 'gyur gyi tshal/ gnod sbyin gdong / srin po me ltar 'bar ba'i khang pa/ ro mang po yod pa/ rul khro zhing gdug pa can rgyu ba/ steng dang 'og 'khor lo dang / pad+ma la byas pa'i bar na/ ban+d+ha 'bar ba'i gzhal yas khang na khrag dang zhag gi 'bab chu 'bab cing / rba klong 'khyil ba'i dur khrod chen po'i gnas de na/ bcom ldan 'das rig sngags dang gsang sngags kyi bdag po/ dpal phyag na rdo rje gtum po chen po sku la bskal pa'i me ltar 'bar ba/ mthu stobs che ba/ bdud thams cad 'dul ba/ dpa' ba/ 'jig rten gsum las rnam par rgyal ba/ 'jigs su rung ba/ 'od dpag tu med pa/ gzi brjid che ba/ las kyi lha khro bo chen po'i cha byad du bzhugs so// de'i 'khor ni rdo rje las dang / gshin rje dang / srin po dang / sha za dang / ma mo dang / lha dang / mi dang / lha ma yin dang / skyes bu chen po dang / dar ma dang / mkha' 'gro dang / ging dang / byad ma dang / nad gtor ma dang / gnod sbyin pho mo dang / mkha' lding dang / dri za dang / mi'am ci dang / sha za dang / gdug pa can mang po bsam gyis mi khyab pa mang pos bskor te bzhugs so// de'i tshe de'i dus na 'dus pa'i 'khor de dag gi nang nas rdo rje las stan las langs te/ bla gos phrag pa la gzar nas bskor ba lan bdun byas nas/ lha'i me tog man d+ha ba ra mang po dang / rgyan dang longs spyod bsam gyi khyab pa mang pos mchod nas/ mthu stobs kyi bdag po la 'di skad ces gsol ba btab bo// kye kye gsang mchog rdo rje 'dzin// bcom ldan mgon po gsang ba'i bdag/ stobs po che la drag shul che// thugs rje che la thabs mkhas khyod// ma 'ongs sems can skal ldan gyis// rdo rje srin po sgrub pa'i thabs// deng 'dir ston pas gnang bar mdzod// de skad gsol pa dang / mthu stobs kyi bdag po gdan la bzhengs te/ rdo rje las la 'di skad ces bka' stsal to// kye ma ho ma 'ongs sems can rnams// rdo rje srin po sgrub ba'i thabs// bdag gzhan don la thogs med pa// ngas bshad khyed kyis yid la zung // zhes bka' stsal pa dang / 'khor de dag shin tu dga' ba skyes te/ yang mchod pa rgya chen pos mchod de// mthu stobs kyi bdag po la/ rdo rje las kyis 'di skad ces gsol to// rig sngags rgyal po dge ba can// gdul dka' mtha' dag 'dul ba po// de ltar 'dod khams 'di nyid na// rdo rje srin po dregs pa can// lus kyang khro la ngag kyang gtum// gdug pa'i sems can phung ba can// mdog dmar srog la rab tu dga'// sha khrag dmar la rab tu dang // mthu chen ma mo 'khol ba 'di// dang po'i rgyu ni ji ltar bu// 'di dag 'dul ba'i thabs ni gang // dpa' bo chen pos bka' stsol bdag nyan 'tshal// de skad ces gsol pa dang / mthu stobs kyi bdag pos bka' stsal pa/ rdo rje las la sogs pa'i 'khor 'dus pa khyed rnams kyis rdo rje srin po'i rgyud zhu ba zhus pa legs so// khyed kyis yid la zung zhig/ ngas rnam par phye ba bshad par bya'o// sngon 'dod pa'i khams 'di na smad 'tshong ma cig la bu gcig skyes so// bu'i thog la ma shi bar gyur to// ro de dur khrod ut+pa la lar skyel lo// bu yang gso ba med de der bskyal ba la/ bus ma'i nu zho khrag tu 'jibs so// khrag zad nas sha zos/ de nas rnam par shes pa rangs gyur te/ dur khrod der byung ba'i ro rangs zos pa las/ lha dang lha ma yin gnyis g.yul 'gyed pa'i sar/ lha ma yin gyi rgyal po he ra na ke'u shu bya ba g.yul du bsad pa'i ro yang zos// de'i lag cha mdung rtse gsum pa dang / bse'i mda' gzhu kho'i lag cha byas te/ mi sha ni zos/ mi khrag ni 'thungs/ mi lpags ni gon te dngos su srin por skyes so// sha chen zos pa'i nus mthus nam mkha' la phur ba dang / sa gzhi 'od kyis 'gengs pa'i nus mthu dang byin rlabs cher byung / lag cha kha T+wAM kha thogs shing / ra ha le ra ha le zer zhing las su srog gcod/ dur khrod na gnas pa'i ma mo dang mkha' 'gro ma thams cad dbang du bsdus/ srog gi snying po/ ro ta ma ta sma ra ra ta ma ma rak+Sha ru lu ru b+h+yo/ zhes bya ba rang rang gi snying po phul/ gdug pa can pho rigs thams cad dbang du bsdus/ so sor srog gi snying po phul zhing dbang du bsdus/ 'jig rten pa thams cad gtan bran du byas te/ skye ba rnam bzhi'i sems can ye zad pa las/ byang phyogs kyi ri ma la ya'i rtser phyin te khams gsum byar byas so// gnod sbyin thams cad dmag la bsdus pa las kun 'dus par 'gyur pa dang / gnod sbyin gyi dmag dpon byas te/ 'khor du ma dang ldan pas nyin bzhin du ni srid pa gsum gyi dbugs len/ mtshan bzhin du de na 'dus shing gdug pa'i nga ro ha hu ha hu dang / kang keng keng keng dang / ma ma rak+Sha dang / ru ru ro ru dang / ru lu ru lu dang / b+h+yo b+h+yo dang / ha la ha la dang / ra ha le la sogs pa'i sgra sgrogs shing / sha za khrag 'thung ba las/ khams gsum gyi sems can thams cad mthong ba tsam gyis brgyal pa dang / srog dang bral ba dang / dngangs pa las/ rgyal ba rigs snga'i spyan gyis ma bzod nas bka' bgros pa las/ thugs rje'i bdag po dpal he ru kas de gdul bar dgongs nas/ 'bar ba'i lag cha kha T+wAM kha cig brgyab pa las/ myos shing brgyal bar gyur to// de bsgral bar dgongs pa las/ rdo rje srin po de ma thag tu slar dran pa rnyed par gyur te zhus pa las/ dus gsum rgyal ba'i gdung ste thugs kyi thugs// dbyings las 'gyur ba med pa mthing ba'i sku// dregs pa 'dul mdzad kha T+wAM mtshon cha bsnams// tshad med bzhi ldan khro rgyal he ru ka/ thugs rje'i bdag po dam tshig chen po la// bdag cag 'khor bcas dus gsum srog snying 'bul// ya ma rA dza ni ra ti ni tro ta ni/ rA dza tri tri/ ro ta ma ta sma ra ra ta/ ru lu ru lu mang ba ri mes mes/ 'di 'dul khro rgyal thugs mchog he ru ka/ sku yi tsham rngam slar la btul pa dang // thugs rje chen pos bdag la dbang bskur zhing // las dang bya ba bka' nyan brko ru gsol// ces gsol pa dang / dpal he ru ka thugs rje che la thabs mkhas pa des// de ma thag tu dgongs pa sems can thams cad dbugs dbyung ba'i ting nge 'dzin la snyoms par zhugs te bka' stsal pa/ 'dus shing 'khor dang bcas pa rnams// snang srid thams cad mnyam pa chen po'i ngang // spyod pa thams cad kun bzang rol pa las// de ltar ma shes gzung 'dzin dbang gis 'khor// srog gcad sdug bsngal 'di dang ma bral bas// sdug bsngal rgya mtsho'i mtha' las thar pa med// de bas gsang ba'i don la zhugs pa legs// nga yis bskur gyis dam tshig 'da' ma byed// ces gsungs te/ ma hA rak+ta maN+Dal ces/ khrag gi rgya mtsho mtha' dang dbus med pa'i stengs/ rin po che gser gyi gur gyi nang du dur khrod kyi bdag po ma tang ka ru tra de bzhag ste/ dam las 'gyur gyi dgos pa'i phyir/ dbul gser gyi mchod rten bzhag/ ye shes lngar dug lnga bsgyur ba'i phyir/ dbu la rigs lnga'i sangs rgyas dbang bskur/ lus ngag yid gsum bsgyur ba'i phyir/ sku gsung thugs la rdo rje rnam pa gsum gyis dbang bskur/ khams gsum gyi sgrol ging bud ma bcas nas/ rtags kyi phyag rgya spu gri 'bar ba byin/ gdug pa can dbang du bsdu ba'i phyir/ bse yi skyes bu bzhi 'khor du gtad nas dbang bskur/ ru dra sde gsum bsgral ba'i phyir/ ging chen bco brgyad 'khor du gtad pa'i dbang bskur// snang srid dbang du bsdu ba'i phyir/ mkha' 'gro 'bum 'khor du gtad cing dbang bskur/ srid pa gsum du las legs nyes ltangs 'byed cing dam tshig rjes bcad pa'i phyir/ ma mo 'bum gyi dbang bskur zhing / ma mo dang mkha' 'gro ma kun gyi gtso bor mnga' gsol lo// de'i tshe na 'jig rten 'di rnam pa drug tu g.yos so// dpal he ru kas rdo rje srid po'i ming yang yab kyis sku mchog mor zhes bya bar btags te/ dkon mchog bstan pa bsrung par las gnyer gtad do// de'i tshe rdo rje srin pos rang srog gi snying po phul ba/ ni tro ta ni/ ni tro ta ni/ hu ru hu ru hUM phaT/ ces phul bas/ dkon mchog gi bstan pa bsrung zhing rnal 'byor pa'i las bya bar khas blangs dam du bcas so// de'i tshe rdo rje las kyis gsol pa/ kye kye bcom ldan mthu stobs bdag/ rdo rje srin po dregs pa can// khro zhing gtum pa'i nga ro can// las kun rnam par 'byed pa 'di// dus gsum dag tu byung ngam da lta gnas// dpa' bo chen pos bka' stsol bdag nyan 'tshal// de skad ces gsol pa dang / dpal phyag na rdo rjes bka' stsal pa/ rdo rje las nyon cig/ da ltar gyi rdo rje srin po 'di ni/ sngon sangs rgyas mar me mdzad kyi bstan pa la 'phags pa 'jam dpal gyi spyan lam du/ sangs rgyas kyi bstan pa bsrung bar zhal gyis mchis zhing / 'jig rten gyi khams su rgyu ba'i dus su gshin rje dmar po srog gi bdag po bya bar grags te/ dus der yang srog mang po gcad pa dang / 'khor mang po bsdus shing dbang byas pas/ dregs pa can du gyur pa yin pa las/ 'phags pa 'jam dpal gyis dbang du bsdus shing las kyi lhar dbang bskur ba yin no// phyis bstan pa bsrung bar dam bcas so// dus 'di ni shAkya thub pa'i dus te/ sngon dam bcas pa dang srog dbugs la dbang byas pa'i dbang gis/ da lta rdo rje srin por skyes te/ de yang khams gsum du sbyor sgrol byed pa 'di yang / sngon de bzhin du bskos pa las kyi 'phro blangs pa'o// phyis rgyal ba byams pa'i bstan pa yang / rol pa chen po'i srog gi rgyal ba bya bar sprul te 'gro ba'i don byed do// rdo rje srin po'i rgyud las/ gleng gzhi'i le'u ste dang pa'o// // de nas dpal phyag na rdo rje la/ rdo rje las kyis 'di skad ces gsol to// hUM mdzad hUM ste tsaN+Da ro Sha na/ mi mthun 'joms pa'i thugs rje drag shul can// rdo rje srin po zhes bya ba'i// gnas dang dkyil 'khor sku rten dang // rdzas dang ting 'dzin gsang sngags dang // dam tshig phyag rgya rtags dag dang // las kyi rim pa bdag nyan 'tshal// ces gsol pa dang / phyag na rdo rjes bka' stsal pa// rdo rje srin po zhes bya ba// 'di sgrub rnal 'byor phyi rabs pas// rtag tu dam tshig la gnas par// dad dang snying rje cher byas te// bdag nyid phun sum tshogs byas te// brag dmar snyams pa'i dkyil dag tu// bsnyen pa byas shing sdig pa bshags// ri bo 'dus pa'i rtser phyin la// nye bsnyen the tshom med par sbubs// dur khrod chen po'i dbus phyin la// lam la sgrub pa gang 'dod sbyar// gnas gsum gang yang rung ba der// rnal 'byor dbang phyug chen po de// sa chog byas te tsha mes can gcad nas// dur khrod phyogs nas sa btsal la// dkyil 'khor ru dra'i mda' gang la// dpangs su chag gang yod par bya// rtse mo lho ru bstan pa yi// byi dor legs par brtsegs pa dang // ba su ta yi srad pu yi// gru gsum par khyams gsum dang ldan// dbus su dmar la ni ljang bri// de phyir rdo rje legs pa drug/ ser la thal chen dag gis bri// de dmar dag la hUM tri 'bar// sgrub bya'i ming rus bar du gzhug/ bco brgyad gru gsum dgod par bya// de phyir gnag la bri ba ni// mkha' 'gro rtsa ba'i yi ge'am// ma dang b+h+yo yis bskor te bri// byang shar dgug pa'i maN+Dal te// gru gsum mngal khrag dmar por byug/ pad+ma'i steng du bya bar bshad// dbus kyi zur las mtshan pa ni// lcags kyu zhags pas 'debs par bri// nub dang dbye ba'i maN+Dal te// 'khor lo rtsibs bzhi khrag gis byug/ dbus kyi zur la mtshan pa ni/ kha kha hu lu'i gzugs gnyis bri// lho ru gsad pa'i maN+Dal te// gru gsum nag po rtsang gis bskor// dbus kyi zur las mtshan pa ni/ kha T+wAM mda' gzhu brgyan pa bri// rdo rje srin po'i rgyud las/ gnas kyi dkyil 'khor gyi le'u ste gnyis pa'o// // de nas yang dag bshad bya ste// dkyil 'khor chen po'i de dbus su// sngags pa ru dra dngos 'byung ba'i// g.yas pa'i lag tu dug blug la// sku mchog ji bzhin bsam la dgod// lcags phur bco brgyad dug blug la// sgrol ging bco brgyad bsgoms te dgod// dug shing rtsa dmar rtsa gcig ni// ma mo mkha' 'gror bsgoms te dgod// dngos gzhi lnga las gzhi blangs pa'i// 'byor pa'i rdzas la gtor ma bya// sprin chen dag gi zhal khab can// dpal chen tshogs la drangs par bya// sa bdag rgyal po'i tsit+ti dang // pho snying rnam pa sna tshogs dang // rnar dri mo yi nu ma dang // sha khrag rus pa'i 'byor tshogs la// chang gis sbyar ba'i gtor ma la// zhing lpags dag gi zhal khab can// dbus kyi lha zur drang po la// sku mdog dmar la drang bar bya// khrag chen dag gi arga yang // nub byang gru zur drang por bzhag/ bdud rtsi zhal bu tshes rgyan la// byang shar gru ni drang por bzhag/ lha shos khra bo chag gang ba// bse phor dmar tu spangs phud bcas// tshogs kyi spyan gzigs sna tshogs dang // dus bzhi dag tu dbul bar bya// snying sna chang sna khrag sbyar ba// bco brgyad tshogs la drang bar bya// gnam lcags mi gsad mtshon las byas pa yis// spu gri sor brgyad bco brgyad dang / kha T+wAM kha ni rtsa gsum rab tu bya// bse yi mda' gzhu dug gis byugs pa rnams// lho yi zur dang bco brgyad gral la bzhag/ rdo rje lcags kyu zhags pa yi// ling gar bcas te byang shar steng du gzhag/ zhabs ma kyi lud mi rwa dang ni// tshil chen rnal dri'i gzhob ste rnam pa lnga// bya rog 'ug pa lha dang ni// ming rus bris la ling gar bcas te nub byang steng du yo// rdo rje srin po'i rgyud las/ rdzas bsag cing dod pa'i le'u ste gsum pa'o// // de nas yang dag bshad bya ste// mig gi rten gyi gzugs brnyan ni// zhing lpags dag gam ro ras la// dmar po dbu gsum phyag bzhi pa// rgyan rdzogs par ni mkhas pas bri// spyan dbye la sogs lnga phul nas// maN+Dal dbus su bzhugs su gsol// thugs dam bskang ba'i rten dag na// 'dab chags mtshal bu mtshan ldan la// gshog pa g.yas la dgra ming gdags// gshog pa g.yon la srog snying gdags// gsang ba'i rten du gzung bar bya// bzlas brjod bya ba'i rten dag na// ru dra'i lag thur g.yas pa la// rtag tu mi rjod gzung la gdags// rdo rje srin po'i rgyud las/ sku rten bca' ba'i le'u ste bzhi pa'o// // de nas yang dag bshad bya ste// dang po las can rnal 'byor pas// phyi nang gsang ba'i mtshams bcad nas// snying khar sa bon las byung ba'i// yi dam lha tshogs spyan drangs te// dbang po gsum gyi dang bas bshags// de rting ting 'dzin 'di lta bu// chos rnams sems kyi rang bzhin de// sems nyid gdod nas ma skyes pas// ci la mi rtog de bzhin nyid// dmigs su med pas mnyam pa nyid// mnyam nyid dang las mnyam pa'i ye shes skyes// ye shes nyid las phreng rnga byang chub sems// byang chub sems cad ca tha'i dkyil 'bar bzhin// spang ba rang bzhin med pas gzang bar bya// gnas med byang chub sems kyi rang bzhin no// sems kyi rang bzhin pa ge hUM du gyur// 'od kyi 'phro 'dus rdo rje phyag rgyar gsal// de nyid 'phro 'dus dpal chen khrag mthung rdzogs// shrI he ru ka hUM hUM hUM hUM phaT/ zhal gsum phyag drug zhabs bzhir bgrad// g.yas dkar g.yon dmar dbus mthing zhal// rdo rje kha tAM zhing dbyug g.yas// g.yon dril dung dmar rgyu zhags bsnams// dur khrod rdzas kun phun sum tshogs// thugs khar nyi stengs hUM zhes sgom// 'bar dang spro dang rdul 'dus pas// ru dra'i snyen por g.yal bar sgom// spyan drangs phyag bzhugs mchod phul nas// bsnyen pa stong stong rtag tu dbul// de rting ting 'dzin 'di lta bu// bdag gi thugs las spro ba ni// yi ge dmar la 'od 'phros te// steng phyogs gser gyi gur phub nas// ra dmar khrag gi rba klong ste// nyi zla pad+ma'i gdan stengs su// kun gzhi rnam shes ljang khu ni// 'od 'phros dpa' bo'i thugs dam bskul// slar 'dus ni la thim gyur pas// bdag dang gnyis med sku mchog ni// dbu gsum phyag bzhi zhabs gnyis pa// g.yas ser g.yon sngo le brgan dbus// dbu la gser gyi cod pan te// rigs lnga'i sangs rgyas dbu la rdzogs// spu gri ban+d+ha g.yas na bsnams// tsit+ta zhing chen g.yon na bsnams// bye ru'i mche ba 'bar gtsigs shing // dbang po lnga la me 'bar zhing // zhing chen rlon pa'i na bza' la// stag lpags rlon pa'i sham thabs can// rta ro 'bum ni gcal du bkram// mi ro 'bum gyi khri stengs na// zhabs gnyis gyad kyi dor stabs bzhugs// g.yon na yum skyed e ka dza ti ma// sku mdog mthing nag ral pa can// spu gri g.yas la dgra bgegs g.yon// dbang po lnga la me 'bar zhing // 'khor ni nag po 'bum gyis bskor// zhing chen gdan la bzhugs bsam la// mkha' 'gro brgyad dang bcas pa sgom// nyi shu rtsa brgyad 'khor gyis bskor// bdud dang ging tshogs 'bum dang bcas// rig 'dzin gdon ni 'bum dang bcas// de ltar ting 'dzin rdzogs par bya// rdo rje srin po sgrub pa'i phyir// ting nge 'dzin gyi dkyil 'khor la// rtag tu mi 'bral bzlas pa tsam// rdo rje srin po'i rgyud las/ ting nge 'dzin gyi dkyil 'khor gyi le'u ste lnga pa'o// // de nas yang dag bshad byas te// gsang sngags don rnams bshad par bya// oM badz+ra shrI he ru kats+tsha phaT/ bdag nyid sku skyed pa'o// sa ma ya maN+Dal ma d+he a gad dza ya/ a gad dzA a hUM dza/ spyan drangs pa'i sngags so// srad bu a tiSh+Tha/ a la la ti sta badz+ra bruM/ bzhugs su gsol ba'i sngags so// mA hA maM sa khA hi/ ma hA rak+ta khA hi/ ma hA tsit+ta khA hi/ ma hA ba su ta khA hi/ ma hA go ro tsa na khA hi/ kha kha khA hi khA hi/ mchod pa'i sngags so// sarba pany+tsa a mri ta kha kha tha/ bdud rtsis mchod pa'i sngags so// i dam pa ling gri na kha raM/ ta ki ni khA hi/ gtor ma 'bul ba'i sngags so// yan lag gi sngags 'di ni tshul 'og dang 'dra'o// oM shrI he ru ka ha ha ru lu ru lu hUM phaT/ zlas par bya ba'i snying po'o// hUM hUM hUM hUM/ spro dang bsdu ba las kyis lha dang ma rungs pa dbang du bya ba'o// bsnyen po sgrub pa'i gsang sngags ni// yi ge bcu gsum nus zang gis// bzlas brjod 'phro 'du rgyun mi gcad// rigs lnga'i ngo bo de 'og tu// dpal chen khrag 'thung snying po'i yi ge bzhi// gsal bar gyur pas yi ge gnyis// ke'u sing snying po'i yi ge bzhi// dbang sdus mtha' rten bsres pa gdags// bar bar ting 'dzin gsal bya ba// gnas dang 'od 'phro sprul pa gdon// slar bsdus yi ge bzhi pa bya// oM ni tro ta ni ni tro ta ni/ 'di skra bskyed pa'i snying po'o// spyan drangs la sogs gong dang 'dra// hu ru hu ru bzlas pa'i snying po'o// swA hA zhes pa mtha' rten la// las rnams gang yang grub pa'i sngags// ni tro ta ni gnyis brjod pas// dbu mnan hu ru gnyis brjod mthar// swA hA mtha' rten bco lnga pa// bkra shis phyag 'tshal dang por bzhag/ srog snying drag tu brjod pa yis// snang srid sgrol ba'i mthu dang ldan// bkra shis bzhi tshugs mtha' bzhag pas// zhi rgyas bde ba phun sum tshogs// las rnams thams cad sgrub pa'i phyir// bye ba bzlas pas 'grub par 'gyur// shin tu drag por sgrub 'dod na// bkra shis phyag 'tshal dang por bzhag/ ni tro ta ni gnyis brjod de// hu ru gnyis ni mthar sbyar ba// dbug 'dren pa yi mthar gzhug pa// 'bar ba phyed dang gnyis pa gzhag/ rtsa ba'i gsang sngags zab mo ste// yi ge bco lnga'i 'phreng ba 'di// rnal 'byor rnams kyis nyams su blangs// bye ba bzlas na mngon du 'gyur// gal te mngon du ma gyur na// bzlas pa bye ba dung phyur gnas// sbas pa'i gsang sngags bshad bya ste// yi ge rtsa drug gdon par bya// ra ha le ra ha le/ snang srid bsgral ba'i nga ro ste// ru dra ru dra dngos byung bas// rbud rbud kha T+wAM mtshon gyis gtubs// rba na rba na'i mchod tshul gyis// tshal pa tshal pa mgo lus gshog/ ha la ha la 'jig pa des// hUM hUM rngub cing zhal du rngub// dbang du 'dus par the tshom med// 'bum gcig bzlas pas las rnams byed// sgrub pa'i gsang sngags zab mo ste// rnal 'byor rnams kyis nyams su blangs// gad la bya ba shi bar rigs// gal te shi bar ma gyur na// them las bsten pa'i sbas pa bzlas// dbang du bsdu phyir hUM gnyis brjod// ha la gnyis brjod 'jigs byed bskyed// rab tu bskul phyir tshal pa gnyis// mnan phab par yang bskul ba'i phyir// rba na gnyis brjod gsang ba'i ging // ra ra le ni gnyis brjod pas// las kyi ging ni bskul ba'i sngags// sngags zor gdug pa'i srin po'i sngags// gang la thebs par the tshom med// grub par ma gyur las 'gor na// gsang sngags thebs las zlog pa bstan// le ha ra tra ru rbad na rba pa tshal la ha hUM// yi ge bcu gsum snying po 'dis// bzlas pa 'thems na the tshom med// rtsa ba sbas pa'i gsang sngags zlas// las kyi gsang sngags bstan par bya// du na du na mrag pa shang ha la ha la/ tsa la tsa la/ pa tsa pa tsa/ hi ma hi ma/ rbad na rbad na/ rbad pu ling / rbad pu ling me sha ya/ me sha ya mA ra ya mA ra ya/ gdug pa can gyi gsang sngags so// ni tro ta ni tro ta ni/ ki li ki la ya/ hu ru hu ru hUM phaT/ phur bsgrub pa dang gdab pa'i sngags so// ni tro ta ni/ ni tro ta ni/ da ha da ha/ pa tsa pa tsa/ hu ru hu ru/ barmi ku ru ku ru hUM phaT/ sbyin sreg gi sngags so// ni tro ta ni/ ni tro ta ni/ bdud bdag snying sa ma ya phye/ dam tshig srog bdag sa ma ya phye/ snying sa ma ya phye/ bzlog phye/ dbye ba'i sngags so// ni tro ta ni ni tro ta ni/ ni A kaR+Sha a hUM dza dza/ dgug pa'i sngags so// ni tro ta ni ni tro ta ni/ kha TAM kha ni tri shu la hUM phaT/ kha T+wAM kha sgrub pa dang gdab pa'i snying po'o// ni tro ta ni ni tro ta ni/ ging ka ra/ ging ka ra/ rbad na gzer snying na gzer/ mA ra ya phaT phaT/ sa ma ya mugs/ mda' sgrub pa dang 'phangs pa'i sngags so// ni tro ta ni ni tro ta ni/ hu ru hu ru hUM phaT/ rak+Sha pr-i/ karma rak+Sha si/ karma rak+Sha si/ kU la krU la/ mu tra pa tra/ ku ru ku ru b+h+yo/ tri ling shang ka du dri za yak+ka rbad pu phye ma 'dar/ ru ru/ pra pra/ dum dum/ shig shig/ dgra bgegs ma ra ya/ tsa tsa ra dza rbad/ thun thams cad sgrub pa'i sngags so// ni tro ta ni ni tro ta ni/ ging ka ra mu tra ka la a b+hi Shiny+tsa a/ dbang bskur ba'i sngags so// rdo rje srin po'i rgyud las/ gsang sngags kyi le'u ste drug pa'o// // de nas yang dag bshad bya ste// dam tshig dag gi rtsa ba yang // sgrub pa chen po'i dus na yang // lta ba bas kyang spyod pa sngags// ma gtad mi mnan gtor ma sbyin// rigs 'dzin gdon la mi rmad de// dur khrod gnas su nyal ba dang // ro rnams mthong na dga' ba bskyed// longs spyod mi sha khrag la rol// bud med rnams la smad mi bya// ri bo'i rtse nas bya ra bya// rtse gsum mdung gi lag cha thogs// rdo rje srin po'i rgyud las/ dam tshig gi le'u ste bdun pa'o// // de nas yang dag bshad bya ba// bdag nyid lus ni gcer bur byung // khrag gis ngo byugs skra bcings shing // gom pa grag maN+Dal bskor// lag pa gar bya thal mo gdab// drag por gyur po'i dus dag tu// ming gi mi byar mi rung ngo // mthe'u chung lcags sgrog lu gu rgyud// gung srin mthe bong rtse sprad de// mi skra'i zhags pas bzung ba dang // dril bu bzung ba la sogs bya// mdzub srin lcags kyu'i tshul bku nas// phyogs bcu dag tu bstan pa ni// dgug pa'i dus su bya bar shis// lag gnyis phur bu dril byas shing // g.yon pas gzung zhing g.yas pa gdab// gdab pa'i tshul du bya bar shis// g.yon pas gzugs bzung g.yas pas ni// spu gri thogs la gtub par bya// bsreg pa'i dus su bya bar shis// sngags pa khros pas bdud kyi chas// lus la bse yi khrag gon te// g.yon pa kha T+wAM rtse gsum phyar// g.yas kyis mda' dang thod pa thogs// gdab dang 'phang dang brdeg pa gsum// myur ba myur bar drag tu bya// brdeg 'phang dus su bya bar shis// rdo rje srin po'i rgyud las// phyag rgya'i le'u ste brgyad pa'o// // de nas yang dag bshad bya ste// bzlas pa bye ba tshang gyur na// 'od dang sgra dang dri zhim dang // mngon du snang ba'i gzugs dag dang // gnod sbyin skad 'byin ltas ngan skad// de gzugs 'khor dang bcas rnams khol// me 'bar me rtag khang pa 'tshig/ mngon du snang ba'i cho 'phrul ston// gal te mngon du ma gyur yang // rmi lam dag tu snang ba yang // rab tu byung dang a tsa ra// ban de dag gam lha sras bzang // zhang blon skyes pa mang po'am// de rnams lam na rdzas thogs bzang // rdzas rnams med na 'bring du bstan// cing yang ma mthong tha ma'o// dpa' bo grub pa'i grub rtags ni// sbas pa ngo 'byin che ba dang // yul gru mang po 'jig pa dang // bu tsha pho brgyud 'phel ba dang // rdzas rnams thams cad 'du ba dang // ngag gi bden pas 'gro 'dul zhing // rtag tu mi rnams kun las 'phags// phyi mar grags pa'i rgyal mtshan thob// de sogs yon tan brjod mi lang // rdo rje srin po'i rgyud las/ rtags bstan pa'i le'u ste dgu pa'o// // de nas rdo rje las kyis/ mthu stobs kyi bdag po la 'di skad ces gsol ba btab bo// kye/ mthu stobs bdag po thugs rje'i bdag/ dngos grub tshogs las mnga' mnyes pa// ma 'ongs rnal 'byor phyi rabs kyis// las kyi rim pa sgrub pa'i phyir// bdag gis yongs su zhu lags kyis// deng 'dir ston pas gnang bar mdzod// de la ma mo'i las bya na// bdud ni ma trang ru dra yi// gzugs kyi maN+Dal de stengs su// ro ta ma ta sma rar ta// yi ge brgyad po dgod par bya// glang bkal ba dang mdzo mo dang // ke'u tshe dang ni rma shing dang // seng ldeng dang ni skyer ldeng dang // skyer pa dang ni gra ma dang // phur bu so brgyad dgod par bya// snying sna tshogs pa'i gtor ma gnyis// dpal dang ma mo'i rim pas dang // snying thun khrag thun ra yi zor// mda' rdo dug dang nyungs thal rnams// rim pas mkhas pas dgod par bya// bdan nyid srin po ru ru ste// sku mchog cha lugs ji bzhin las// yid kyi rnam shes rgyus pa las// za byed 'jigs pa'i srin mo brgyad// rtsa ba'i yi ge bkod pa las// rdzogs par gsal nas bsnyen pa tsam// ro ni la ma ke ri ste// lag pa g.yas nas bskyed par bya// ma ma rak+Sha b+h+yo zhes pas// kun kyang mtha' rten man ngag yin// ta ni kha na ta ri sha ste// gong bzhin sbyar nas lag pa g.yon// ma ni ru pa ni mchan khung g.yas// ta ni pra tsan mchan bung g.yon// sgra ni tsan+da rak+kha rkang pa g.yas// ra na sgra ba ba ti rkang pa g.yon// ra ni ma hA na sa mgo la ste// ta ni byi ra ma ti gsang bar ro// thun dang phung pa la sogs rnams// sku dang phyag mtshan du bsgoms nas// dril te ru lu ru lu zhes// bcu yi 'phreng bar bsnyen pa bya// bzlas pa rdzogs nas zor bskul ba// ma hA ru lu ma hA ma rak+Sha ma ma b+h+yo/ yi ge bcu dgu'i 'phreng ba dril// g.yas bskor g.yon du gsad dus su// dug sngags rak+Sha phod phod ces// yi ge lnga pa bzlas par bya// dril te 'phang ba'i dus dag tu// ma ma sarba sha truM mA ra ya thun ya/ bcu gnyis brjod de so sor 'phang // bcu dgu brjod de so sor 'phang // rdo rje srin mo'i rgyud las/ za byed srin mo'i gdug sngags kyi le'u ste bcu pa'o// // de nas yang dag bshad bya ba// zhi bar gyur pa'i las dag ni// grub pa thob pa'i rnal 'byor des// thab khung zlum po rdo rje'i ra// khru gang gting du brus pa der// 'o ma yod pa'i shing rnams rtsig/ gu gul dkar dang 'o ma dang // mar dang 'bras chan la sogs dang // zhi ba'i rdzas su gang shis pa// ni tro ta ni gnyis 'og tu// shan ting ku ru zhes pa dang // hur ru gnyis brjod swA hA zhes// oM gyis dbus mnan khri gcig bsreg/ shin tu zhi bar gyur pa bshad// rgyas par gyur pa'i las dag ni// thab khung gru bzhi rdo rje gra// skyer ba tsher ma med pa gtser// gur kum g+hi wang dud pa la// puSh+Ti ku ru gong bzhin sbyar// bkra shis rdzas kyang dbul bar bya// shin tu rgyas par 'gyur bar bshad// dbang du gyur pa'i las dag ni// thab khung zla gam lcags kyus bskor// seng ldeng glang bkal zab khung rtsig/ tsan dan spug dang lcong zhun dang // mar nag nya sha sbrang rgod la// pa shang ku ru gong bzhin sbyar// shin tu dbang du 'gyur bar bshad// drag por 'gyur ba'i las dag ni// zab khung gru gsum mtshon gyis bskor// shi shing dang ni tsher ma can// gru gsum legs brtsigs dug byugs la// lcags phye zangs phye rdo phye la// tsha ba'i mar dang sha chen dang // ling gi tal nag la sogs bsag/ raM las me lha'i thugs kha ru// sku mchog 'khor bcas zhal du ni// gong gi gsang sngags drag pos bsreg/ myur du drag po 'grub par 'gyur// rdo rje srin po'i rgyud las/ 'phrin las rnam bzhi'i le'u ste bcu gcig pa'o// // de nas yang dag bshad bya ste// dgug par bya ba'i las dag ni// nam gyi phar phyed tshur phyed la// dbang ldan phyogs nas brtsam bya ste// skra yang ging skra gyen du brdzes// ling gshi sgra'i zag pas 'then// zhal zas tshogs pas g.yab cing bod// g.yas pa lcags kyus bzung nas ni// yi ge bcu drug nus thang gis// bzlas te bla dgug pho nya mngag/ dam nyams dgug pa'i mu dra bca'// yab kyi sku mchog dmar po ni// dbu gsum phyag bzhi cha byad can// dbu ni ging skra gyen du brdzes// gser gyi cod pan pu ru ru// g.yas na gser gyi lan phran can// g.yon pa g.yu yi lan phran can// khams gsum dbang sdud zhal gsum po// rtag par rak+ta'i rgya mtsho mdun na 'khyil// mi ro rta rol khri stengs na// brjid pa'i tshul gyis brkyang bskum bzhugs// sku la mi lpags rlon pa gsol// mkha' 'gro 'bum gyi dbus na bzhugs// srid pa'i ma mo las la gtong // g.yas kyi dang po spu gri bsnams// glo snying gtub pa'i dus la bab// 'og ma na ni lcags kyu bsnams// dam nyams dgra bo'i snying nas drongs// g.yon gyi dang po tsit+ta bsnams// dgra snying dbyung ba'i dus la bab// 'og ma na ni zhags pa bsnams// dam nyams dgra la zhags pas thob// gang zhig spang bar byed pa rnams// nam ni phar phyed tshur phyed la// mang ba sbar gyis thob las shog/ nyung ba mdzub kyis tshugs la shog/ bdag nyid khros las 'o 'dod bod// ngu ba'i sgra yis ling ga drangs// rdo rje srin po'i rgyud las/ dgug pa'i le'u ste bcu gnyis pa'o// // de nas yang dag bshad bya ste// dbye bar gyur pa'i las dag ni// bya rog 'ug pa'i gung ru la// dgra bo'i lha dang ming byang gdags// ling ga bya rog 'ug pa'i bar// gu gul sbyar ma'i dud pa bdug/ rlung lha'i phyogs nas brtsams bya ste// yi ge so gnyis drag sngags dang // ma ma ru dra mA ra ya phye phaT/ de bzlas bskul tshig 'di yang bskul// gong bzhin bskul nas 'di yang gdags// 'og ma dang ni 'phra men ma// hu lu mu ka mthu mo che// ser nag chen mo du khrod ma// thugs ni mi dmigs ye shes spyan// lag na dgra sta thod pa thogs// khyod kyi thugs dam dus la bab// phrag pa g.yas pa'i pho lha khrol// 'og ma nas ni 'phra men ma/ kha kha mu kha mthu mo che// mthing nag chen mo bya rog mgo/ rtogs byed zas su sha za zhing // khyim phyir 'khor zhing sha za zhing // nag mo chen mo mig 'bru ma// lag pa lcags kyu zod pa thogs// khyod kyi thugs dam dus la bab// phrag pa g.yon pa'i mo lha khrol// gu gul sbyar ma'i rdzas mchog 'dis// dkyil 'khor chen po'i gzi byin bskyed// dam nyams 'gro ba'i lha dang khrol// rdo rje srin po'i rgyud las// dbye ba'i le'u ste bcu gsum pa'o// // de nas yang dag bshad bya ste// gsang bar gyur pa'i las dag ni// skyes pa gri ru shi ba'i rtsibs ma'am// ra yi gzhung ngam gang rung la// bse zho'i dug dang rtsibs dug gdan// lcags kyi mda' 'am lho skyug la// ltas ngan sgros bskyon skyer pa'i mde'u// maN+Dal bkod la las la brtsam// bla dgug gzugs la thebs pa dang // mde'u la 'dis bskul 'phang ngam 'dreg/ g.yas 'og bse mda' dmar po ni// skyes chen rdzogs bdag ging ka ra// mkha' 'gro 'phra men sgro yis sgron// srog bdag yam shud mde 'us brgyan// srog gcod ging du dbang bskur gyis// g.yon 'og na ni bsre yi gzhu// yar ltas khro chen ging ka ra// mar ltas khro mo dbugs len ma// tshangs pa yab yum byang chub sems// ru dra'i rgyud sbrengs khams gsum rtser// dam nyams dgra bo'i snying rum dang // bse mda' dmar po ha la la// srog dbugs khrol cig ging ka ra// brdeg gam 'phang ngam gsad par bya// g.yas 'og kha TaM 'bar ba yis// gdug pa ma lus rdul du lhogs// g.yon 'og mchog phur 'jigs par sgril// snying gi dkyil du ki la ya// gzugs la phur thun kha T+wAM bsreg/ drag sngags bcu dgu dbab par bya// rdo rje srin po'i rgyud las/ gsad pa'i le'u ste bcu bzhi pa'o// // de nas yang dag bshad bya ba// yungs kar rgyal po'i las dag ni// ban+d+ha dum bu gcig pa ru// dngos gzhi lnga yis bkang byas la// nyungs kar rtsal la zhing dkyil du// bcug ste dri chus bran par bya// yungs kar hUM nri hri las// gsang ba'i sngags kyis bskyed par bya// oM badz+ra ti ki ni gag na swA hA/ zla ba nya stong dus drug tu// ging chen spyan drang bstim byas la// mchod dang bzlas pa khri khri bya// stong la drag sngags gdon pa yin// yi ge zhe gcig 'phreng pa drang // smin de grub par gyur pa dang // ban+d+ha phung la dkyil 'khor gyi dbus su// bzhag la drag sngags bsgrub par bya// de nas bsreg gam 'phang bar bya// rdo rje srin po'i rgyud las/ yungs kar gyis bsad pa'i le'u ste bco lnga pa'o// // de nas yang dag bshad bya ste// thun du bya ba'i las dag ni// rabs chad mon thod mu su ra// nang du gying chen thun rdzas su// khrag dug mtshon ma brdeg rdzas la// sngags 'di bzlas la bsgrub par bya// tri ku ru rag kham/ ta sha ru dra mA rA ya thun ya/ ru dra mA ra ya thun ya/ rak+ta rma ra da ya thun ya/ de rdzogs pa dang sngags rings dgug pa'i zhabs la/ tri ling btags te bsreg gam 'phang // g.yas 'og mchog chen phur pa bsgril// g.yon 'og thod pa mu zu ra// 'du ba rnam bzhi'i nad bcol la// sdang ba'i dgra la khrag thun phob// rdo rje srin po'i rgyud las/ thun sgrub pa dang 'phangs pa'i le'u ste bcu drug pa'o// // de nas yang dag bshad bya ba// slob ma dag la dbang byas te// nub tu rak+ta'i chag chag gdab// mi ro rta ro'i bsnol te bri// de nas slob mas zhu ba bya// bla ma ging la chang yang drang // rdo rje bla ma lung bstan des kyang ni// khyod la ci yod yon yang dri// des kyang rang srog rdzas dbul bya// bla mas slob bu dkyil 'khor gzhug/ maN+Dal lha yis de nyid bstan// maN+Dal steng du bzhag nas ni// bkra shis thod pas dbang bskur ba// de bzhin lnga pa'i dbu brgyan dang // gser gyi cod pan spu gri dang // ging chen bco brgyad phyi dbang bskur// de nas gzungs ma khro gnyer ma// ma mo ro ga ma phab nas// sku gsung thugs la ma mo gsum// byin rlabs sbyor la brtsam byas la// nyi zlas slob ma nang dbang bskur// gzung ma de ni lag tu gtad// gsang ba dbang bskur ma mo ging // thams cad kyis ni dbang bskur ro// gsang ba'i sngags ni gong bzhin no// rdo rje srin po'i rgyud las/ dbang gi le'u ste bcu bdun pa'o// // de nas yang dag bshad bya ste// ging chen sgrub dang bskang dus su// lha bshos khra bo chag gang la// phyogs bzhir gling ni bco brgyad de// gling du spyan gzigs mar me btang // la gor phud dang bcas pa des// bskyang te mchod pa'i cho ga bya// gsad par gyur pa'i dus dag tu// gru gsum bco brgyad khrag byugs brgyan// sbyin sreg zor dang mnan pa gsum// rim pas mkhas pas don shes bya// rdo rje srin po'i rgyud las/ sgrub pa dang gsad pa'i le'u ste brgyad pa'o// // de nas yang dag bshad bya ste// klu la gtad pa'i las bya na// shog bu la ni sbal pa'i gzugs// rgyab nag lto ser byas nas su// lto bar dgra bo'i ming rus bri// bcug gam bris nas bsnyen pa'i sngags// oM pad+ma ni hUM dza/ bye ba la sogs gdon par bya// rtags rnams byung bar gyur pa dang // glang dmar rwa bcug klu gnas par// sngon dmar bcings la sngags 'di bzlas// oM nanA ga rA dza ba su kri dza/ zhes/ dgug pa'i slad du gong ming sbyar// rigs bzhin klu yi ming nas bod// bod la gtad pa'i bsam pa bya// ra'am kha ru gang shes gtad// rdo rje srin po'i rgyud las/ klu la gtad pa'i le'u ste bcu dgu pa'o// // de nas yang dag bshad bya ste// mnan par gyur ba'i las dag ni// mdzo dre'u ma nu gshed kyi thod// de ru gzas pa'i gzugs bcug la// srang dang lam gyi bzhi mdor mnan// dam sri bos la gtad par bya// ri'u rul snying pa'i nang du mnan// 'gong po rgyal po'i 'khor la gtad// brag dang chu 'thab sa ru mnan// brag srin chu srin bos ya gtad// dur khrod chen po'i dkyil du mnan// ma mo 'khor bcas bos la gtad// mchod rten 'og gam chos dkor dbus// rgyal po'i dkor srungs bos la gtad// chu mig skrag pa bra ma'i gling // klu srin gdug pa bos la gtad// grog po phugs rdugs 'jigs pa ru// gnod sbyin 'khor dang bcas la gtad// gnas khang stong pa'i maN+Dal 'og/ khro bo bcu yis gzir te mnan// de dag gang dang gang du yang // sku mchog gsang sngags 'di yis mnan// oM ni tro ta ni tro ta ya/ hu ru hu ba yan sha ni pra sa na pra sa ni/ tra se tra sa ya/ bu gu tri/ ta ti b+h+yo ti/ ra tra ra tra/ sha ta sha da ne swA hA/ zhal gcig bsam gtan dran byas la// sba bar gyur pa'i dus dag tu// he de ba ru dra ru dra ma ra ya/ mo ha ra tsa mA ra ya/ laM laM sta pa nan/ rdo rje srin po'i rgyud las/ mnan pa'i le'u ste nyi shu pa'o// // de nas rdo rje las la sogs pa'i 'khor 'dus pa de rnams rjes su yi rangs te/ zhal nas gsungs pa la mngon par bstod do// de nas dpal phyag na rdo rjes bka' stsal pa/ ngas ni rdo rje srin po'i rgyud chen po dngos grub dam pa bshad zin no// khyed la gtad do// khyed kyis zung zhig/ ces bka' stsal pa dang / rdo rje las kyis spyi bor blangs so// rdo rje srin po'i rgyud las/ gtad pa'i le'u ste nyer gcig pa'o// // rdo rje srin po'i rtsa ba'i rgyud rdzogs so// // oM rgyan gyi mkhan po pad+ma 'byung gnas rdo rje thod 'phreng rtsal gyis/ chos 'khor dbus su gshegs nas byon pa'i dus su/ lo tsa ba tsan+d+ra ku tras chos 'khor lha sa'i gtsug lag khang du bsgyur ba rdzogs so// // @#// rgya gar skad du/ many+dzu shrI ya ma ra gam rA tsakra tan tra nA mA/ bod skad du/ 'jam dpal gshin rje dmar po shan pa srog gi 'khor lo'i rgyud ces bya ba/ bcom ldan