བོད་ཡིག

e-texts produced with BDRC’s OCR application

rgya gar skad du/ badz+ra ki lA ya ag+ne kalpa dz+wa la tan+t+ra na ma/ bod skad du/ rdo rje phur pa bskal pa me ltar 'bar ba'i rgyud ces bya ba bcom ldan 'das dpal sgrol byed kyi rgyal po la phyag 'tshal lo// dkyil 'khor gsum gyi bdag nyid la phyag 'tshal lo// 'di skad bdag gis thos pa'i dus gcig na/ bcom ldan 'das dpal ngo bo kun gyi rgyal por gnas pa de/ rang bzhin dbyer mi phyed pa'i rgyal po de ni/ sku mdun dang rgyab med par thams cad du zhal thal le bar gsal ba/ de yum dang gnyis su med par brkyang bskum gyi tshul du bzhugs te/ drag po mthing nag 'bar ba'i gzhal yas khang / rgya phyogs bcur yongs su ma chad pa/ thod pa 'bar ba'i rtsig pa sna tshogs kyis brtsigs pa/ thod pa'i rgyu zhags dang / ras ros zhing gi dam dum dang / khro bag gi lha mos rab tu brgyan pa/ ser dmar gyi khyams gnyis kyis bskor ba/ kun nas sgo bzhir gyur pa/ snyan pa'i sgra sgrogs pa'i rtags su dril bu g.yer kha dang / khrag gi zham chu 'bab pa na/ badz+ra 'dus pa dang / bud d+ha 'dus pa dang / ra dan 'dus pa dang / pad+ma 'dus pa dang / karma 'dus pa dang / de yang rang rang gi 'khor sems dpa' dang / sems ma dang / khro bo dang / khro mo dang / sprul pa dang / yang sbrul la sogs pa/ dbang phyug ma dang / ma bdun sring bzhi dang / bse'i skyes bu gdug pa can dang / mon pa pho mo dang / shwa na ma dang / sa bdag chen mo dang / bdag nyid chen mo la sogs te/ bdud pho mo dang / srin po dang / yag sha dang / dri za dang / dred mo lag rdebs dang / 'phar ba rkang sdig dang / bzhad dang 'ug pa la sogs pa bsam gyis mi khyab pa'i 'khor dang thabs gcig go/ de nas rang bzhin gzugs brnyan dkyil 'khor kun// bde gshegs rgyal ba thugs kyi gter// 'khor tshogs ma lus bsam yas kun// rang bzhin nyid de kun tu gcig/ phur pa bskal pa me ltar 'bar ba'i rgyud las/ gleng gzhi'i le'u ste dang po'o// // de nas bcom ldan 'das sgrol byed kyi rgyal po des/ mi g.yo ba'i ting nge 'dzin la snyoms par zhugs nas// yum gyis 'di skad ces gsungs so// phyogs bcu rgyas pa thams cad kun// rang bzhin gcig las mi gnyis kyang // byang chub sems kyis rol pa las// mos dbang phyag rgya sna tshogs snang // gsang chen gsang ba gsang ba'i mchog/ kun nas dam pa ma lus kun// 'khor tshogs kun la rab tu bskur// zhes gsungs nas gnyis su med par gyur to// de nas yang yab kyis 'di skad ces gsungs so// rgyal ba kun nas rab brgyud pa'i// dbang mchog ma lus thams cad kun// kun nas khyed la rab tu sbyin// phyi dang nang dang gsang ba yi// rgyal ba ma lus thams cad la// dgongs pa'i bcud 'dus 'di las med// rtogs nas gzhan la smra byed pa// de nyid nga yang yin te dbang rnams kyi mchog/ ces gsungs nas/ gnyis su med par gyur to// de nas 'khor gyi gtso bo rdo rje sems dpa' stan las langs nas/ 'di skad ces zhus so// e ma ho sgrol byed kyi rgyal po// bde gshegs kun gyi rgyud chen 'di// zhal bzhes dbang bskur gnang ba che// dbang bskur byin brlabs ngo mtshar ro// dus gsum rgyal ba kun gyis kyang // 'byung ba'i nges don 'di las med// thams cad ma lus 'byung ba'i gter// dbang mchog dam pa a la la// kun 'byung dkyil 'khor a la la/ ma dag log lta ji ltar bsgral// 'phrin las rol pa ji ltar 'byung // rnal 'byor grol lam ji ltar bsgrub// bsnyen bsgrub rnam pa ji ltar lags// sngags drug rnam pa du ru 'gyur// nyon mongs bdud ni gang gis gzhom// mi shigs g.yung drung ji ltar bsten// rgyal po'i dgongs pa ma lus kun// gang du nges par 'byung bar 'gyur// phur pa bskal pa me ltar 'bar ba'i rgyud las/ gleng blang ba'i le'u ste gnyis pa'o// // de nas bcom ldan 'das sgrol byed kyi rgyal pos bka' stsal pa/ nyon cig rdo rje sems dpa' khyod// ngas gsungs pa la gdon mi za// 'das pa'i dus na sngon byung ltar// nga 'das gang gis bstan pa la// ma dag rA tra byung gnas pas// dus gsum bde gshegs ma lus kun// bskul ba'i sa la rab bzhengs nas// bka' bgros rgyal bas 'di ltar bgros// bcom ldan 'das khrag 'thung gi snying pos bgros pa/ kye 'dus pa'i tshogs chen dag/ 'das pa'i dus na sngon byung ltar// da ltar dus 'dir 'byung ba ste// de bzhin gshegs pa'i gsung rab las// bdag nyid chen po rtab pa yi// khro bo chen po'i tshul du sngon byung bas// de tshe sems can thams cad kun// shin tu khros drag gtum par 'gyur// shin tu khros drag gtum pa yis// 'o dod 'bod par ltung bar 'gyur// mi bzad chen po'i sdug bsngal te// dug gsum mtha' la mngon zhen pa'i// ji lta bu yi thabs kyis 'dul// ces bsgrags so// bcom ldan 'das gti mug chen po'i tshogs kyis bgros pa/ shin tu dug pa'i sems can de// ji ltar de dag gzhig 'gyur na// bag chags ngan pa'i chu rlabs kyis// bdud kyi tshogs rnams mngon 'phel nas// rig pa 'dzin pa'i rgyun gcod cing // bstan pa'i gsung rab 'jig par 'gyur// de tshe las kyis bsgrubs pa yis// 'gro ba ma rig mun par 'khyams// dug nad rims nad 'phra men ma// gnod sbyin gdon dang log 'dren nyid// srid pa gsum po 'jig byed cing // dam tshig gnyen po 'dral byed pa// ji lta bu yi thabs kyis 'dul// ces bgros so// bcom ldan 'das nga rgyal chen po'i tshogs kyis bgros pa/ 'das pa'i dus na sngon byung ba// las kyis 'dul ba'i ru dra de// rgyal ba 'das pa'i sbyor ba yis// ji ltar khro drag gtum pa ltar// da lta 'di tshe byung ba yin// dug gsum brtsegs pa'i ri bo 'di// 'bar 'phro 'khrug pa'i sbyor ba yis// ji ltar 'tsham pa bzhin du 'os// sangs rgyas thams cad 'dus nas kyang // khros pa'i sprin nag gtibs pa yi// 'thun spyod rol pa'i stobs chen gyis// 'khor ba bsgral ba'i dus la bab// ces bgros so// bcom ldan 'das chags pa chen po'i tshogs kyis bgros pa// shin tu gdug cing gtum pa las// zhi bas phan par mi 'gyur te// shes rab thabs kyi ngo bo las// khro bo de bzhin gshegs kun mdzad// khro bo'i tshul can khros pas kyang // 'jig rten gsum dag sreg byed na// sangs rgyas thugs rje khros pa yis/ khams gsum ma lus smos ci dgos// zhes bgros so// bcom ldan 'das phrag dog chen po'i tshogs kyis bgros pa// rang bzhin dag pa'i ngo bo las// log rtog phyin ci log gis bcings// dngos po rang khar zhen pa yis// 'dul dka' ma lus 'dul pa dang // dam tshig la sdang rnam sbyang phyir// dur khrod gar gyi phyag rgyar mdzod// ces bgros so// phur ba bskal pa me ltar 'bar ba'i rgyud las/ thugs rje chen po'i 'phrin las kyis bka'i mol ba mdzad pa'i le'u ste gsum pa'o// // de nas yang kar ma he ru kas// sgrol byed kyi rgyal po la 'di skad ces zhus so// ru dra'i rgyu ni ci las byung // ru dra rnam pa du zhig mchis// bsgral ba'i thabs ni ji lta lags// zhes zhus pas/ kI la ya yis bka' stsal pa// rgyu ni 'dzin rtog gnyis las byung // grangs ni rnam pa gsum yin te// phyi yi/ yul du snang ba ste// mtshan mar 'dzin cing dngos por 'dzin// 'gyur med 'dod khams dag na rtag tu gnas// drang srong chen po rnams la rtag par bar du gcod// 'di ni ma tang ka'i ru drar bshad// nang gi sems dang gzung 'dzin gnyis su med pa las// gzung 'dzin rnam rtog dag las gyes pa ste// bcud kyi sems can 'jig rten srid la gnas// gzugs khams kun la gnas pa ste// lha rnams kun la bar chod byed// 'di ni kha T+wAM ka'i ru drar bshad// chos rnams thams cad rgyu 'bras len med cing // 'di ni nam mkha' khyab par gnas// 'di ni a kar sha yi ru drar bshad// 'di ni dbang phyug kun la gnod par byed// de nyid bsgral ba'i thabs bstan pa// phyag rgya chen po bzhi dang ldan byas nas// ma tang tsit+ta 'dren pa ste// oM badz+ra ki li kI lA ya/ kro d+hi shwa ri s+t+waM/ ma tra ka ru tra ha na ha na hUM phaT/ ma traM ka'i ru dra'i khog pa'i nang du ni// snga ma'i gzhal yas khang bskyed de// sgrol byed yab yum bsgoms nas kyang // rdo rje lu gu rgyud bsams nas// phyogs bzhi mtshams bzhir bskor nas kyang // rtog tshogs dkyil 'khor lha ru gsal// ta tha ma tha ha haM dbye ba ni tra tra bshad bgad ces bka' stsal to// phur pa bskal pa me ltar 'bar ba'i rgyud las// ru tra bsgral ba'i le'u ste bzhi pa'o// // de nas yang kar ma he ru kas/ sgrol byed kyi rgyal po la 'di skad ces zhus so// rigs kyi bsgrub pa ji ltar lags// kI la ya la bdag nyan 'tshal// sgrol byed rgyal pos bka' stsal pa// dkyil 'khor 'khor lo rtsibs bzhi la// dbus su gru gsum e yi gnas// zla kham mu khyud thod pas bskyor// dbus su sgrol byed rgyal po nyid// shar du bud+d+ha he ru ka/ lho ru rad na he ru ka/ nub tu pad+ma he ru ka/ byang du kar ma he ru ka/ dbu gsum phyag kyang drug pa ste// zhabs ni rnam pa bzhi ru bgrad// khyu mchog ma he stag dang gzig/ gtum dom dbang phyug lha chen gdan la bzhugs// dur khrod chas rnams kun gyis brgyan// dpa' dang sgeg dang 'jigs su rung // rang re lag cha sna tshogs dang // ral gri dgra sta gshol la sogs// stong gi khor yug 'jig rten bcas// zhi rgyas dbang dang drag po yi// rang rang mdog gis rnam par brgyan// rigs ni rnam pa lnga nyid de// rigs kyi bsgrubs pa de 'gyur ro// oM badz+ra shrI he ru ka/ oM bud+d+ha shrI he ru ka/ oM rad na shrI he ru ka oM p+lad shrI he ru ka/ oM kar ma shrI he ru ka/ sku bskyed rtsa ba'i sngags nyid do// zhes gsungs so// phur pa bskal pa me ltar 'bar ba'i rgyud las/ rigs kyi bsgrub pa'i le'u ste lnga pa'o// // de nas bcom ldan 'das dpal sgrol byed rgyal po des 'phrin las rnam par rol ba'i ting nge 'dzin la zhugs nas/ 'di dag bka' stsal to// rdo rje khros pas zhe sdang gcod// mtshon chen sngon po 'bar ba yis// nam mkha'i dkyil nas thigs pa shar// snying gi dkyil du bsgom par bya// snying rjes bsgral ba'i dam tshig ni// gsad cing bcad pa ma yin te// phung po rdo rje gtams byas nas// rnam par shes pa rdo rje bsgom// oM badz+ra kI li kI lA ya/ sarba big+ha nan baM hUM phaT/ oM badz+ra kro d+ha hUM ka ra hUM phaT/ kro d+hi shwa ri sha ya ti hUM phaT/ oM badz+ra u ka ra mu ka hUM phaT/ oM badz+ra ha mu ka mu kha hUM phaT/ oM badz+ra kro d+ha bi dza ya hUM phaT/ kro d+hi shwa ri lA se ki hUM phaT/ oM badz+ra bya gri mu kha hUM/ oM badz+ra kri ta mu kha hUM/ oM badz+ra kro d+ha nI la dan Da hUM phaT/ kro d+hi shwa ri pra ti dza ya hUM phaT/ badz+ra tsa sar mu kha hUM/ oM badz+ra kha ka mu kha hUM/ oM badz+ra kro d+ha ya man ta ka hUM phaT/ kro d+hi shwa ri ta na pa ti hUM phaT/ oM badz+ra ha ri mu kha hUM/ oM badz+ra hU~M lu ku mu kha hUM/ oM badz+ra kro d+ha Ar+ya a tsa la hUM/ kro d+hi shwa ri mu ha la hU~M phaT/ oM badz+ra bya kri mu ka hUM/ oM badz+ra pa ya ti mu ka hAM/ oM badz+ra kro d+ha ha ya gr-i ba hUM phaT/ kro d+hi shwa ri tsan d+ha re ba ya ti hUM phaT/ oM badz+ra tsan Da li mu kha hUM/ oM bag sha ka mu kha hUM/ oM badz+ra kro d+ha a ba ra dzi ta hUM/ kro d+hi shwa ri sha ya bya hUM phaT/ oM badz+ra shwa na mu kha hUM/ oM badz+ra su ka mu ka hUM/ oM badz+ra kro d+ha a mr-i ta kuN+Da li hUM phaT/ kro d+hi shwa ri ba ya ma hi hUM phaT/ oM badz+ra sing ha mu kha hUM/ oM badz+ra ti ti la mu kha hUM/ oM badz+ra kro d+ha ti lo kya bi dza ya hUM phaT/ oM badz+ra kro d+ha shra ri ma ra na hUM phaT/ oM badz+ra ngag shi mu kha hUM/ oM badz+ra ni ku la mu kha hU~M/ oM badz+ra kro d+ha ma hA ba la hUM phaT/ kro d+hi shwa ri tsun d+ha mu ne hU~M phaT/ oM badz+ra rig sha mu ka hUM/ oM badz+ra ka si ka mu kha hUM/ oM badz+ra bag shi mu kha hUM phaT/ oM badz+ra bar be hUM phaT/ oM badz+ra a mr-i ta hUM phaT/ oM badz+ra mA ra na hUM phaT/ rdo rje gzhon nu'i rigs 'dzin rnams// srid pa rdo rje sbubs mdzod cig/ srid pa rdo rje phur ba'i lha// ye shes khro bo grub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi zad pa// sku yi dbyig tu bdag skyed cig/ thabs kyi spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang dngos grub bdag stsol cig/ skye med rnam dag chos kyi dbyings nyid las// skye ba'i cho 'phrul 'bar ba'i skur ston pa// phyogs bcu'i rgyal ba yab yum thams cad kun// gnyis med rol pa'i sras mchog ki lA ka ya// bdud 'dul mthu chen khro rgyal yab yum bcu// pho nya yang sbrul phra zabs 'khor dang bcas// rdo rje phur bu'i 'phrin las bsgrub pa'i phyir// bzhengs shig bzhengs shig chos kyi dbyings nas bzhengs// oM badz+ra sa ma ya dza/ srid pa'i phur bu bsgrub pa dang // dbang dang dngos grub blang ba'i phyir// ye shes khro bo gshegs su gsol// ye shes khro bo gshegs nas kyang // rtags dang mtshan ma bstan pa dang // ki la ya yi dngos grub gsol// e h+ye hi b+ha ga ban ma hA ka ru ni tri sha ho/ dza hUM baM ho/ badz+ra aM ku sha dza/ badz+ra pA sha hUM/ badz+ra s+pho Ta baM/ badz+ra g+ha NA ho/ ka ya bAka tsit+ta tiSh+Tha badz+ra/ srid gsum gdug pa 'dul ba dang // nga rgyal dregs pa gzhom pa'i phyir// rdo rje srin po 'khor bcas la// rtse gcig yid kyis phyag 'tshal lo// a ti pu ho/ oM sarba ta thA ga ta da ban da nang ka ro mi/ ma hA yo gi ni/ a ti pu ho/ pra ti dza ho/ rgyal ba kun la mnyes bya'i phyir// mchod pa ma lus kun spro'o// zhes gsungs so// phur pa bskal pa me ltar 'bar ba'i rgyud las/ 'phrin las rol ba'i le'u ste drug pa'o// // de nas yang sgrol byed rgyal pos/ bdud rtsi nges par 'dzin pa'i sa mA d+hi la snyoms par zhugs nas/ 'di dag bka' stsal to// bdud rtsi 'byung ba'i rgyu ni yab yum mkha'// bdud rtsi bsgrub pa'i snod ni ka pA la// bdud rtsi las ni rnam rtog spang // bdud rtsi don ni skye shi med// chos kyi dbyings kyi don rtogs na// bdud rtsi che ba'i rang rtags drug/ 'di drug rtogs na mngon sangs rgyas// lta ba ngo mtshar rmad kyi chos// rang byung mngon par 'dus ma byas// me long lta bu'i ye shes kyis// zhe sdang 'khor ba rtsad nas gcod// ma spangs 'bras bu rdo rje sems// mnyam pa nyid kyi ye shes kyis// nyon mongs nga rgyal gtan nas 'joms// so sor rtog pa'i ye shes kyis// 'dod chags 'khor ba rtsad nas gcod// ma spangs 'bras bu snang mtha' yas// bya ba nan tan ye shes kyis// nyon mongs phrag dog rtsad nas gcod// ma spangs 'bras bu don yod grub// chos kyi dbyings kyi ye shes kyis/ gti mug 'khor ba rtsad nas gcod// ma spangs 'bras bu rnam snang mdzad// rang byung che ba'i ye shes kyis// rgyun gyi nyon mongs rtsad nas gcod// ma spangs 'bras bu he ru ka/ ye shes dbu ni nyi shu gcig/ 'bar ba'i phyag ni bzhi bcu gnyis// bstan pa'i zhabs kyang rnam pa brgyad// sbyor ba'i dkyil 'khor rnam pa bdun// de rnams 'gro ba'i don la spyod// ces gsungs so// brtag btsag las ni zin pa dang // nang dang phyi yi dngos po kun// bdud rtsi lus kyi rang bzhin te// thams cad sbyor ba'i dbus nyid du// zho sha gsum gyi phye ma gzhag/ de yi nang gi rnam pa la// skad dang mi mthun rnam pa ste// phyi yi yod ni thams cad gzhag/ de yi nang gi rnam pa la// tsha ba gsum nyid sbyar la gzhag/ de yi nang gi rnam pa la// gur kum pa sro rnam pa lnga// de yi nang gi rnam pa la// 'dza' ti pha la btags bag zhag/ de yi nang du ga pur te// dri yi rgyal po'i nang nas dge/ 'od dang dri dang du ba sgra dang ni// phun sum tshogs pa 'byung bar 'gyur// zhes gsungs so// de nas yang 'di skad gsungs so// zhal bu ka pA la'i mtshan gsol pa// ye shes lnga ldan rdo rje ka pA la// 'bar ba'i bu ga gnyis dang ldan// mtha' gnyis mdor phyir na dbus// sku gsung lhun grub rdo rje ka pA la// 'bar ba'i skud pa tshad pa'i dkyil na gnas// lhag gnas sna rtser yongs su brtol// zhe sdang ma sbags phyir na shar du 'dor bar bya// yid bzhin gter ldan rdo rje ka pA la// rin chen dbyings las dgos 'dod 'byung ba ste// dpag bsam shing dang 'bru bcud gnyis dang ldan// nga rgyal ma spangs lho yi phyogs su gzhag/ khams gsum yongs sgo la rdo rje ka pA la// thams cad dbang du sdud pa dum bu gcig pa ste// dbyings dang ye shes tha dad med pa'i phyir// 'dod chags ma spangs nub kyi phyogs su gzhag/ cho 'phrul rtags 'dzin rdo rje ka pA la// las kyi mtha' ru phyin pas ban d+ha sul bzhi pa// drag po las la shis pas rgya gram bzhi ru bstan// phrag dog ma spangs byang gi phyogs su gzhag/ ye shes lnga dang ldan pas phyogs bzhi dbus dang lnga// bde gshegs rigs lnga'i pho brang yin par bshad// de ru maM sa bshad gci khu ba rag ta khrag/ skyobs dang rtsa bar sbyar te gzhag par bya// de nas yang ban d+ha'i skyobs 'di gsungs so// mi 'gyur g.yung drung rdo rje ka pA la// mchod rten dbyibs su 'dug pas bkra shis sgo mangs te// mtshan dang ldan pas ban d+ha ye shes skyobs// mi shigs mdzod ldan rdo rje ka pA la// rtsal gsum rdzogs pas seng ge'i thod pa ste// thams cad ma lus zil gyis gnon pa yi// stobs lnga ye shes shar lho mtshams su gzhag/ srid pa yongs sgrol rdo rje ka pA la// srin po mda' sha gri bas ma btul glang po che// dmag dpung 'khor byed khyung mchog rin po che// stobs ldan ye shes lho nub mtshams su gzhag/ dus gsum gtan sungs zhal bu ka pA la// lha chen ma hA de ba bsgral ba'i thod pa ste// 'jig rten rang na che btsan gsang ba ste// 'jig rten ye shes chen po byang nub mtshams su gzhag/ mtshan ma spros bral zhal bu ka pA la// tshil chen lang ling gzugs kyi phung po ste// li tsa ku ri thong ba dngos grub rdzas// gtum pa ye shes thod pa byang shar mtshams su gzhag/ gzhan yang de bzhin gru chad la// bsgrub pa yi ni bkra shis rdzas// yongs su rdzogs ldan rdo rje ka pA la// lcug 'phran 'phel byed ye shes gsum gyi rdzas// shar gyi gru la de bzhin gzhag par bya// bkra shis mtshan ldan rdo rje ka pA la// ga bur gangs zhun dkar pa 'dzag pa'o// ming du ma phye rigs su gzhon pa yi// ye shes gsang ba'i thod pa lho yi gru la gzhag/ mi 'gyur sra mkhregs rdo rje ka pA la// ma smra ma shig lcug phran sdong po 'dra// de yi ban da yang dag bkra shis pa// ye shes gsang ba'i thod pa nub kyi gru la gzhag/ A yu dpal ldan rdo rje ka pA la// mkhas pa mang po'i gzungs ma byas pa de// dbang bskur dbang dang ldan pa'i thod pa ste// ye shes gsang ldan thod pa byang gi gru la gzhag/ gzhan yang ye shes thod pa bzhi// sgo bzhi dag tu gzhag par bya// zhes gsungs so// phyi dang nang dang gsang ba dang // de bzhin rang bzhin bdud rtsi rnams// bshad kyis kar ma he rus nyon// ra sa ya na phyi yi sman// dam rdzas lnga po nang gi sman// rlung lnga rnam dag gsang ba'i sman// sku lnga rnam dag mthar zug sman// bsam gyis mi khyab brjod las 'das// rtsa ba brgyad dang yan lag stong // thams cad ma 'dus gcig kyang med// de yi phyir na bdud rtsi zhes// bsam gyis mi khyab pas na de skad gsungs// rgyu dang las dang snod dang ni// don dang lus dang 'bras bu yin// thams cad kun la nges par khyab// ces gsungs so// phur pa bskal pa me ltar 'bar ba'i rgud las// bdud rtsi thig le'i le'u ste bdun pa'o// // de nas yang kar ma he ru kas/ sgrol byed kyi rgyal po la/ phyag rgya chen po bdag nyan 'tshal// sgrol byed chen pos bka' stsal pa// sems nyid mya ngan 'da' ba dang // sku mdog phyag mtshan mtshon pa'i phyir// phyag rgya chen po ngas bshad kyis// nyon cig kar ma he ru ka/ skye med rnam dag chos kyi dbyings nyid las// skye ba'i cho 'phrul 'jigs pa'i skur ston pa// kI la ya yi tan tra dang // rnam par grol ba mtshon pa'i phyir// e yi dkyil 'khor la gnas pa'i// bcom ldan dpal chen rdo rje gzhon nu ni// dbu gsum phyag drug zhabs bzhi bgrad// g.yas dkar g.yon dmar dbus mthing zhal// g.yas g.yon dang po rtse dgu me dpung bsnams// bar gnyis rtse lnga kha T+wAM kha// tha gnyis ri rab phur pa 'dril// brkyang dang bskum dang dor stabs dang // rdo rje gzhon nu thabs kyi rgya// 'khor lo rgyus 'debs phyag rgya ni// cha lugs gtso dang mthun pa la// zhal gcig phyag gnyis sku mdog mthing // g.yas pa shes rab thabs la brten// g.yon pa dung dmar gtso la stob// kro d+hi shwa ri dbyings kyi rgya// 'bar ba'i gdan la bzhengs nas kyang // kI la ya yi dngos grub gsol// bcom ldan 'das dpal chen rdo rje gzhon nu dang // yum chen 'khor lo rgyas 'debs ma// khro bo'i tshogs kyis bskor ba ni// hUM mdzad mthing skya sti ra mda' gzhu 'gengs// rnam rgyal dkar sngo 'khor lo tri shul// dbyug sngon sngo skya be con me dpal bsnams// gshed po mthing nag ral gri dbyug tho 'phyar// mi g.yo smug nag dgra sta zhags pa bsnams// rta mgrin dmar po spu gri zhags pa 'dzin// 'dod rgyal dmar skya ba dan rnga yab 'phyar// 'khyil pa ldang nag rgya gram rin dbyug 'phyar// bgegs 'dul ser po tri shul mda' gzhu 'gengs// stobs chen dung kha gshol dang tho ba bsnams// 'bar ba'i gdan la bzhengs nas kyang // kI la ya yi dngos grub gsol// bka' 'khor de yi phyi rim nas// pho nya tshogs kyis bskor ba ni// yab kyi pho nya mche ba can// yum gyi pho/ nya gshog pa can// mche gshog rab 'byams pho nya khra thabs tshogs// phyag na dbang drag phur pa 'dril// 'bar ba'i gdan la bzhengs nas kyang // kI la ya yi dngos grub gsol// bka' 'khor de yi phyi rim sa// sgom tshogs kyis bskor ba ni// phu shud mgo can lag na lcags kyu phur pa bsnams// skra ka'i mgo can lag na zhags pa phur pa 'dril// srin bya'i mgo can lag na lcags sgog phur pa 'dril/ khra yi mgo can lag na dril bu phur pa bsnams// 'bar ba'i gdan la bzhengs nas kyang // kI la ya yi dngos grub gsol// bde ba ma bcos rgyal ba rgya mtsho'i sku// dus gsum rgyal ba sangs rgyas kun gyi dbyings// srid gsum ma lus dmigs su med pa rnams// kun bzang mchod sprin mchog tu rol// oM na ma sarba ta thA ga te b+h+ya// bi shra mu khe b+hu sarba tad khaM ud ga te sbar na hi maM ga gan khaM swA hA/ 'gro ba'i don du phyag zhabs sku bsil nas// rdo rje'i gdan la bzhugs su gsol// a ha ri a ha ra bud+d+ha tsit+ta swA hA/ oM badz+ra kI li kI lA baM/ badz+ra d+hU be/ puSh+pe/ a lo ke/ ga na d+he/ bde chen dbyings nas dpal chen skur bzhengs nas// dpal chen rdo rje gzhon nu'i thugs ni rin po che// kI li kI la ya yi 'khor gyi 'phreng bas bskor// bde chen dbyings nas dngos grub stsal du gsol// oM A hUM/ bshang gci sha dang nyi zla dang // glang rta ba glang khyi sha dang // me tog la sogs gtor mar bcas// dkyil 'khor lha tshogs rnams la dbul// thugs dam bzhin du bzhes nas kyang // kI la ya yi dngos grub gsol// rgya phor mtshan ldan srub med du// mu tig dkar po dri med gcig/ tsan dan smug po rma med gnyis/ khams gsum bsgral ba'i sha chen gsum// dngos grub bcud ldan dri chen bzhi// dag byed rdo rje dri chu lnga// ye shes lnga yi ngang nyid du// gnyis su med par mnyam sbyar nas// rgyal ba 'khor bcas rnams la 'bral// thugs dam bzhin du bzhes nas kyang // kI la ya yi dngos grub gsol// dza hUM baM ho/ shrI he ru ka ma hA badz+ra sarba duHna sa ma ya mu tra kha raM khA hi tri ta yas pi hUM phaT/ khams gsum ma lus bsgral ba'i zhing // rang byung ma bcos thig le ni// rig pa dag gi glong rtogs te// thams cad ma lus gnyis med dang // rang byung dbyings su gnyis med bsgral// raM/ thog mar gnyis med rgyal ba'i klong // dag pa'i mkha' nas gzhon nu'i sku// hUM chen la sogs skur bzhengs nas// dug gsum ljon shing gcod pa'i phyir// gnyis med sbyor ba'i mchod pa 'bul// sa ma ya sto/ sa ma ya s+t+waM/ a nu rA ga yA mi/ u nu rA ga yA haM/ bo d+hi tsit+ta ti ShA badz+ra/ zhes gsungs so// bskul bskyod thams cad phyag rgya ste// gang byas gnyis med don du shes// 'di ni rgyal ba kun gyi rgyal// 'gres log spyi tshugs gar 'gres kyang // snying po'i don las yongs mi 'da'// 'dzin chags med par rgyal bas gsungs// snang srid thams cad mchod pa'i rdzas// phul tsam nyid na phul ba med// rol ba'i cho 'phrul ma 'gags pas// gang ltar spyad kyang me tog skye// rgyal ba kun dang mnyam sbyor ba'i// khyad par gsungs pa chen por 'gyur// zhes par gsungs so// phur pa bskal pa me ltar 'bar ba'i rgyud las/ nges 'byung mchod pa'i le'u ste brgyad pa'o// // de nas yang kar ma he ru kas/ sgrol byed kyi rgyal po la/ rnal 'byor grol lam bsgrub na ji ltar bsgrub// ki la ya yis bka' stsal pa// rnal 'byor grol ba'i lam 'jug pas// gnas mal bde zhing 'tshol ba bsog/ bsrung ba'i 'khor lo bsams nas su// bsod nams yan lag bsogs byas nas// stong pa'i snying rje yi ge las// mkhas pas skur sogs gdan bshams la// dgug gzhug phyag rgyas thabs mchod nas// bsnyen bsgrub yan lag rdzogs pa ni// tshogs lam pa zhes rgyal bas sbyar// ngang nyid chos dbyings rnal 'byor pas// gnas pa rtsa yi 'khor lo las// me rlung las kyis 'khor lo bskor// de la zab mo'i sngags bkod pas// A li kA li 'bru dgur sbyar// de ni sbyor lam rnal 'byor yin// de yang 'pho ba'i rlung gis bskyod// 'ju ba'i mes bzhu thig le gzhir gsal te// sa gzhi dga' bzhi drod mthong ba// mthong ba lam gyi rnal 'byor pa// de yang me rlung gis sbyor bas// rims kyi chos kyi thig ler gsal// 'jug dang gnas dang ldang ba'i tshul du bsgom// de ni bsgom lam rnal 'byor ro// snang ba gsum gyi ngo bo yis// 'od gsal zung 'jug chos kyi skur 'gyur te// sku dang ye shes dang / pha rol phyin par 'gyur// mthar zug lam de rdzogs pa'i rim pa yin// ma rig pa dang ye shes gnyis// kun gzhi rgyud la ye shes gnas// gang gi ye shes rgyas thebs nas// lha dang phral zhes de la bshad// de nyid ma bcos don shes shing // gang gi rgyud la rab gnas pa// gzugs la dbab ces de la bshad// 'bras bu ye shes nar son cing // gang la de yis sbyor byed pa// yan lag bcings par de 'gyur ro// sa nas sa ru 'phar ba dang // sgrib gnon ye shes skye ba dang // skyo ru gzhug ces de la gsungs// gang la bag chags rgyud gnas kun// ma lus kun nas rtsad 'byin pas// rdul du brlag ces de la byed// shes bya kun la thogs med pa'i// 'bras bu thams cad lhun gyis grub// thams cad ma lus 'ub chub pas// zhal du bstab ces de la bya// zhes gsungs so// phur pa bskal pa me ltar 'bar ba'i rgyud las// don nges par gtan la dbab pa'i le'u ste dgu pa'o// // de nas yang kar ma he ru kas// sgrol byed kyi rgyal po la 'di skad ces gsol to// bsgrub pas sgrol ba'i 'phrin las dag/ kI la ya la bdag nyan 'tshal// sgrol byed rgyal pos bka' stsal pa// sgrol ba las kyi 'phrin las rnams// yang dag nyid du ngas bshad kyis// nyon cig kar ma he ru ka/ dam tshig chen po'i dus la bab/ sprul pa chen po'i dus la bab/ phyag gnyen chen mo'i dus la bab// shwa na mu kha'i dus la bab// bdag nyid chen mo'i dus la bab// sa bdag chen mo'i dus la bab// sa bdag chen mo'i dus la bab// khyed kyi thugs dam dus la bab// mthu rtsal dbyung ba'i dus la bab// byang chub mchog tu sems bskyed cing // dus gsum rgyal ba'i gdung 'tshob pa'i// rig 'dzin bdag cag rnams la ni// gnod cig gdug pa'i dgra dang bgegs// bdud dang bar du gcod pa rnams// dngos grub 'phrog cing 'tshe ba rnams// khro bo chen po'i byin brlabs kyis// yud tsam gyis ni 'dir bkug nas// mngon spyod tshul bzhin bsgral pa dang // lus ngag rdul du bshig nas kyang // sdug bsngal nyams su spong bar mdzod// ma ma ny+dzu la staM b+ha nan/ mo ha g+hA ya b+ha ga ban/ shi tri ta ba ki kr-i badz+ra d+ha/ b+h+r-i kar NA hUM phaT phaT/ oM badz+ra ki li ki lA ya/ dzadz+ra Tha \u0f7f/ sarba big nan pa hA phaT/ @ ki li ki lA ya/ hUM hUM hUM phaT phaT phaT/ badz+ra hUM ka ra hUM a/ zhes kun gzhi'i bag chags dang bcas nas phul// dngos grub par chad byed pa'i bgegs// gdug cing sdang sems ldan pa rnams// zung zhig sdoms shig rnam par chings// rtogs shig grogs dang bral bar gyis// rings par khug la smra ru chug/ phob cig rnam par gzir bar gyis// nga yi dbang du gyur nas kyang // bsgo ba'i bka' rnams nyan par gyis// hUM par b+hU d+hi/ tsIn+da smin+da dza la pa hUM phaT/ b+hi na da b+hin da hUM phaT/ grih+Na grih+Na hUM phaT/ ha na ha na hUM phaT/ ban d+ha ban d+ha hUM phaT/ ta tha ya ha a hUM phaT/ ha sa ya ra ha ta ya na hUM phaT/ Sha krin A na ya hUM phaT/ ya dza la pa ya hUM phaT/ A be sha ya A be sha ya hUM phaT/ bin d+ha ya bin d+ha ya hUM phaT/ ces las nyon mongs pa skye ba'i bag chags sgo lnga'i rnam par shes pa phul lo// bran dang pho nya bka' nyan tshogs// khyed kyi dam tshig dus la bab// sngon chad ji bzhin dam bcas pa'i// mngon spyod 'phrin las myur du mdzod// ha na ha na badz+ra/ da ha da ha badz+ra/ pa tsa pa tsa badz+ra/ ma tha ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka tang ka te/ dza ye bi dza ye/ a tsi te/ a pa ra rdzi ta/ ma ra sa na pra ma ta na ye hUM phaT/ ces pas rnam par shes pa tshogs brgyad phul lo// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// oM ma ma pa shi ku ru/ ma taM nya ka ra in Na/ da ti ma ma kar ma/ shi traM ka ra ye hUM phaT/ ces pas rnam par shes pa'i rten mgo bo bag chags dang bcas ba phul lo// gdug cing sdang sems ldan pa yi// lha'am gnod sbyin bdud kyang rung // nga la bar chad byed pa rnams// mthu dang rdzu 'phrul med par byos// sarba a na ya hUM phaT/ ta tha ya/ ta tha ya hUM phaT/ ces mthud rdzu 'phrul phrogs so// rdungs shig rdo rje 'bar ba'i gtun// bka' las 'da' byed sdig can rnams// rdo rje me dpal snying bsregs nas// lus ngag rdul phran bzhin du lhogs// khro mo 'bar ba'i gtun khung du// rdo rje tho bas brdungs byas nas// lha yang rung ste rlag par byed/ kha thaM/ kha thaM/ kha thaM/ yum gyi mkha' dbyings su/ khams gsum dus gcig tu bsgral te/ byang chub sems kyis ma nyes par gyur to// nyi shu rtsa gcig bzlas/ hUM hUM hUM/ phaT phaT phaT/ badz+ra yak+Sha kro d+ha/ khA hi khA hi khA hi/ ha ha ha/ hUM hUM hUM/ phaT phaT phaT/ chos nyid kyi bden pa'o// gsang sngags kyi byin brlabs so// sangs rgyas kyi mthu'o// a b+hi tsar+ya'i dus la bab pa rnams kyi brnag pa'o// oM badz+ra kI li kI la ya/ brgya rtsa brgyad bzlas/ brnag pa de kho na la'o// kI li kI la ya bco brgyad do// dkar nag gi mtshams su'o// hUM hUM hUM/ phaT phaT phaT/ dgyes dang / gso dang / rgyun gnas so// zhes gsungs so// phur pa bskal pa me ltar 'bar ba'i rgyud las// smad las nges par bstan pa'i le'u ste bcu pa'o// // de nas yang kar ma he ru kas/ sgrol byed rgyal po la 'di skad ces gsol to// bsgral ba'i las rnams gtan tshigs kun// kI la ya la bdag nyan/ 'tshal/ sgrol byed rgyal po'i bka' stsal pa// sngags drug las rnams gtan tshigs ngas bshad kyis// nyon cig kar ma he ru ka// gsang ba'i las dang don kun la// gdab pa'i las kun gang byed kyang // ngan sngags las rnams mgo la rdzogs// gnyis kyis bsnyen pa bzhi yis bsgrub// 'phrin las sdigs su rnam par bshad// gcig la gcig ste rtags rnams 'byin// gang gis gsad pa'i las sbyor ba// ngan sngags srog gi 'khor lo'o// rgyal ba kun dang dgongs pa gcig/ de nyid smad las rdzogs par bya// ma lus kun la gang sbyor ba// dgug gzhug drag po'i las la sbyor// shin tu gtum khrod ros kyang // bu dang bu la gdams par bya// bsnyen bsgrub las rnams thams cad// kun gyi las la gang mtha' sdud las kyi rgyal por 'gyur// dus pa drug dang sngags drug la// go rims ji bzhin sbyar byas la// rbad pa'i sngags su de 'gyur ro// byang chub oM las grub pa'i mtha'// snying la gzir bar rab tu bshad// gnad la dbab pa'i pho nya brgyad po dang // dkyus kyis gnyis pa rab bsgral la// bdun dang rtsad gcod snying po la// drug pa'i sngags kyis rab tu gsad// de bzhin go rims kun du 'gyur// dngos gsum pa dang gnyis pa dang // de bzhin gsum pa'i gsum pa la// bdun pas mgo mnan brgyad pa blang // drug pa yongs su rdzogs par brtag/ gsad pa'i thabs su de 'gyur ro// stod kyi glod dang bar gyi skal// tha mas mthong dang sngags kyis gsod/ khong bkra lung du de 'gyur ro// las la shis phyir kun gyi mgo la dag la// las gzhug brtul phyir kun gyis gzhug la gdags// 'phrin las sdebs phyir 'phrin las rdegs su gtang // man ngag rtsang phyin phyir ni khong khror gtang // lha rnams las la gzung phyir pho nyar gtang // bsnyen bsgrub mdor phyir srog la 'khor lo bskor// nyung bar gsang phyir sngags su gtang // mi 'ur phyir nas sprad ba'i sngags su gtang // gdul bya tshar gcod phyir ni pho nyar gtad// zhes gsungs so// phur pa bskal pa me ltar 'bar ba'i rgyud las// man ngag sder sbyin pa'i le'u ste bcu gcig pa'o// // de nas yang kar ma he ru kas/ 'di skad ces gsol to// mi shigs rdo rje gang lags pa// kI la ya la bdag nyan 'tshal// mi shigs don rnam gnyis ste// bskyed dang dgug dang bzlas pa dang // bstim dang bsrung dang sba ba'o// gzhal yas 'khor dang gtso bo dang // pho nya ting 'dzin/ phyag rgyas dang // 'phro 'du 'od zer 'du 'phro dang // rigs lnga'i sngags kyis rab tu bsrung // gzhal yas tsit+ta'i dkyil 'khor du// bskyed pa'i dkyil 'khor gnyis med bstim// mi 'gyur ye shes dngos po la// rang byung ye shes rgya yis gdab// rgyu las ma byung rkyen gyis ma bskyed pas// mi 'gyur ye shes g.yung drung tshe// dngos po gang la bden med pas// rang bzhin 'gyur med skye med tshe// sems nyid gang du ma btsal bas// g.yo ldang med par sems kyi tshe// bdag dang gzhan du mi 'byed pas// gnyis med byang chub sems kyi tshe// zhes gsungs so// phur pa bskal pa me ltar 'bar ba'i rgyud las// rdo rje che'i le'u ste bcu gnyis pa'o// // de nas yang kar ma he ru kas/ sgrol byed kyi rgyal po la 'di skad ces zhus so// bsnyen dang bsgrub pa gang lags pa// kI la ya la bdag nyan 'tshal// nyon cig kar ma he ru ka/ bsnyen bsgrub don rnams ngas bshad kyis// rtse gcig pa yi yid kyis nyon// dur khrod brog gling rkang gcig drung // dben la nyams dga'i gnas dag tu// rdzas dang yo byad kun sogs la// lhun 'gyur zhe sdang che ba'i 'khor// shin tu drug po'i dus la 'jug/ bsod nams dpung dang phyin bshags bya// stag dang glang po la sogs te// cho ga yan lag rdzogs par bya// bsnyen pa zhes su rgyal bas gsungs// ting 'dzin rim pa rab gsal zhing // rig pa'i ye shes grangs bstim pas// las mthar phyin pa bsgrub chen po// kar ma he ru kas yang gsol pa/ de don rgyal bas bshad du gsol// nyon cig kar ma he ru ka/ ngas gsungs pa la the tshom med// lnga yis don gyis gzhi bzung la// bzhi yis de nyid las bsdebs la/ gsum gyis don gyi khog phub ste// gnyis kyi don gyi spyis rnams 'byin// mthar phyin las kyis rgyal por bshad// gcig la gsum ste rab tu dbye// dang po rnams pa gnyis su 'gyur// gnyis la rnam pa dgu ru bshad// gsum la yan lag rab tu dbye// gnyis la gnyis te gnyis so tra// gsum la rnam drug nyid do// bzhi la gsum gyis yongs su rdzogs// zhes gsungs pas/ 'khor gyis bstod do// sgeg po dpa' bo 'jigs su rung ba dang // rgod dang gshe dang 'jigs par khro ba dang // snying rje rngam dang zhi ba la sogs te// sku yi dngos po shin tu klas pa yin// rgyan dang cha lugs ldan pas sgeg sgeg 'dra// bdud bzhi gdan du bting bas dpa' dpa' 'dra// sku che yan lag rags pas 'jigs 'jigs 'dra// zhal g.yas dkar la 'dzum pas rgod rgod 'dra// zhal g.yon dmar la gdang bas gshe gshe 'dra// zhal dbus mthing la rngam pas khro khro 'dra// rgyud drug la sogs 'dren pas thugs rje che che 'dra// gdug pa zhal du gsol bas rngam rngam 'dra// chos sku mtshan ma med pas zhi zhi 'dra// de 'dra'i khro bo cha lugs 'jigs par bstan pa ni// rdo rje rtse dgus sa dgu'i rtog pa 'joms// rdo rje rtse lngas rgyud lnga rab tu 'joms// me dpung 'bar bas khams gsum nyon mongs bsreg/ kha T+wAM rtse gsum dug gsum rtsad nas gcod// ri rab phur pas khams gsum zil gyis gnon mdzad pa// sku smad dpal dang chas pas gdug pa sgrol// gnyis med thugs las skyed pa'i yum chen dang // yab yum gnyis med sku gsung thugs dang ldan// drag po las kyis gdug pa sgrol mdzad pa// kI la ya yi dngos grub stsal du gsol// de nas yang rang bzhin gyi 'khor gyi gtso 'khor la bstod do// bskal pa me ltar 'bar ba'i dkyil 'khor nas// gdug pa 'dul phyir dus las mi 'da' ba'i// khro rgyal 'dus pa'i sras mchog ki la ya// rdo rje gzhon nu'i sku la phyag 'tshal bstod// dus gsum rgyal ba thams cad bskyed pa'i yum// bde chen dbyings las skyed pa'i 'byung gnas gtso// mdzes pa'i sku mchog sems can sgrol la mkhas// 'khor lo rgyas 'debs yum la phyag 'tshal lo// phyogs bcu dreg pa bsnol ba'i// gdan stengs nas// bdud 'dul chen po ye shes khro rgyal bcu// hUM dang phaT kyis srid gsum 'khor ba 'joms// khro bo chen po bcu la phyag 'tshal bstod// bde chen dbyings las skyed pa'i khro rgyal yum// khro ba'i sku la dgyes par so so 'khril// srin po'i cha lugs shin tu brjid par ston// ye shes khro mo bcu la phyag 'tshal bstod/ khams gsum dbang sdud ye shes phyag snyan tshogs// che mchog gtum khro pho nya 'bar ba'i sku// rngam pa'i stabs kyis srid gsum 'gugs mdzad ma// mgo brnyan nyi shu'i tshogs la phyag 'tshal lo// tshad med bzhi rdzogs gsang ba yum gyi dang // 'phrin las rnam bzhis 'gro ba'i don la brtson// phyag rgya rnam bzhis gdug pa 'dul mdzad ma// sgo skyong 'gug 'dren tshogs la phyag 'tshal bstod// phur ba bskal pa me ltar 'bar ba'i rgyud las/ bsnyen bsgrub dang dgyes te bstod pa'i le'u ste bcu gsum pa'o// // de nas yang kar ma he ru kas/ sgrol byed kyi rgyal po la gsol ba/ nges 'byung snying po gang lags pa// ki la ya la bdag nyan 'tshal// nyon cig kar ma he ru ka/ ngas gsungs pa la gdon mi za// rang byung ye shes rgyal po las// 'khor 'das thams cad 'byung gnas chos// sna tshogs ngo bo 'bras bur smin// kar ma he rus yang gsol pa// e ma ho ngo mtshar rmad kyi chos// rang bzhin gsang ba'i dngos po rnams// spyod yul ma yin ngo mtshar che// kun la snang ba rgyal ba'i zhing // ngo mtshar rmad byung rgyal ba'i thugs// ngo mtshar rgyal ba kun dang mnyam// sgrol byed rgyal pos bka' stsal pa// e ma ho ngo mtshar rmad kyi chos// kun 'byung ye shes rgyal po 'di// ston pa rdo rje'i thugs la gnas// ma btsal bde ba'i sems nyid las// sna tshogs snang ba ngo mtshar che// bde gshegs zab mo'i spyod yul las// gang ltar snang ba ngo mtshar che// e ma ngo mtshar rmad kyi chos// kun brjod gsung gi rgyal po 'di// ji snyed tha snyad kun brjod kyang // 'bras bu bye brag so sor snang // tha snyad brag cha ji bzhin te// ma brjod sgra yi dang du gnas// sgra de ma brjod tha snyad las// dper na bcom ldan sbrid sangs bzhin// ston pa rdo rje'i gsung las 'byung // e ma ho ngo mtshar rmad kyi chos// kun nas thugs kyi rgyal por gnas// zla ba lta bur dngas pa las// nyi ma lta bur kun la khyab// ma g.yos rgya mtsho lta bu las// shugs las 'byung ba rol par snang // rang bzhin dngos po dngos med dang // me long dngas pa'i tshul bzhin no// ston pa rdo rje'i thugs la gnas// e ma ho ngo mtshar rmad kyi chos// 'phrin las sna tshogs cir snang yang // zhi rgyas dbang dang drag po dang // mngon spyod 'phrin las bsam yas kun// las rnams bya ba ma lus kun// gcig ma lus par thams cad grub// byas so cog rnams las su 'gyur// byas dang gang las g.yos pa med// e ma ngo mtshar rmad kyi chos// yon tan bsam yas gsang bar gnas// zhing khams rgyan la sogs pa rnams// gang yin de las mi zhan pa// rgyal ba'i yon tan brjod las 'das// de phyir yon tan kun la snang // e ma ho yang dag rdzogs lung rgyal// chos rnams bstan pa'i rgyal por 'byung ba'i rgyu// mdo sde 'dul ba mngon pa yang // bstan pa'i rgyal po nga las 'byung // dam tshig bsgrub dang bsgrub pa dang // bstan pa'i rgyal po 'di las byung // sku dang gsung dang thugs rgyud dang // bstan pa'i rgyal po 'di las byung // sa dang lam rnams brgyud pa yang // bstan pa'i rgyal po 'di las byung // ston pa sgrol byed rgyal po ngas// nga yis ma byas gang yang med// ston pa dag pa mtha' dag nga yi 'khor// tha snyad grags pa thams cad kun// de dag thams cad dang las byung // nga las ma byung gang yang med// chos so cog tu grags pa kun// kun kyang nga yi dngos gzhi yin// bstan pa'i rgyal po mtha' dag kun// don gyi ngo bo nga las byung // zhes gsungs pas/ kar ma he ru kas gsol pa/ e ma ho sgrol byed rgyal po lags/ kun gyi gzhir gyur de ltar na/ gang ltar gang byung gang du smin// rdzogs sangs rgyas la bdag nyan 'tshal// don gyi snying po kun 'byung gzhi nyid de// 'og min gnas mchog dam pa ru// sku yang sgrol byed rgyal po 'dis// 'khor yang kun khro 'khor rnams la// tshig gcig gsungs pa med mod kyang // rang bzhin don gyis go bar ston// 'og min grags pa de ltar gyis// gong dbye ba yi gdul bya la// sgrogs pa kar ma he ru ka/ de yang nga snang mya ngan 'das 'og tu// bstan pa kun 'byung rgyal po 'di// rig pa 'dzin pa'i gnad gsum la// nges te nges par 'byung ba yin// nges par 'byung bar gdon mi za// rgyal ba'i dgongs pa'i bcud gnas 'di// de yang gang zag mos dbang las// rtog pa'i bye brag thams cad las// chos dang bye brag brjod las 'das// de bsdus rnam par gsum nyid de// 'dod chags zhe sdang gti mug ste// gnyen po gang ltar 'tshal bas snod dang sgrar la gtad par gsungs// de yang snod kyi bye brag las// dug can rnams dang phrad mi 'gyur/ kha sgrub zhabs rdol spong ba'i rgyu// dad ldan brtson 'grus che ba dang // dka' thub dam la gnas pa dang // brtul zhugs che zhing sgrol la brtson// skad gdangs che la las khrigs mkhas// de ltar tshangs pa'i snod la gdams// zhes gsungs so// phur pa bskal pa me ltar 'bar ba'i rgyud las/ gang ltar byung ba dang lung bstan pa'i le'u ste bcu bzhi pa'o// // de nas yang sgrol byed rgyal pos 'di skad ces bka' stsal to// 'khor gnas khro rgyal thams cad kyis// 'byung gnas bstan pa'i rgyal po 'di// kun la spel zhing rgyas pa dang // yongs su dang zhing smin pa dang // mi nub rgyal mtshan chen po ste// kun la mthun par yang dag zung // pho nya 'khor tshogs thams cad dang // mkha' 'gro pho rgyud mo rgyud kyis// ngas gsungs rgyud kyi rgyal po 'di// snod ldan gang la gnas byed pa// de la skyob cing brtse bar zung // phur pa bskal pa me ltar 'bar ba'i rgyud las/ rgyud yongs su gtad pa'i le'u ste bco lnga ba'o// // rdo rje phur pa bskal pa me ltar 'bar ba'i rgyud ces bya ba rgyud kyi rgyal po rdzogs so// // u rgyan gyi mkhas pa chen po pad+ma 'byung gnas dang / bod kyi lots+tsha ba brang ti dzA ya rak+Shi ta dang / lce ku ku ra tsa dang / snrubs nam mkha'i snying pos/ bsam yas brag dmar du bsgyur cing zhus te gtan la phab pa'o// / @#// rgya gar skad du/ bu tra tan tra ka pa na ma pra ta pa/ ka ru na sa ta na ma/