བོད་ཡིག

e-texts produced with BDRC’s OCR application

rgya gar skad du/ badz+ra gu h+ya gar+b+ha mu la tan+ta da he sha na/ bod skad du/ rdo rje gsang ba'i snying po rtsa ba'i rgud de kho na nyid nges pa/ bcom ldan 'das dpal kun tu bzang po la phyag 'tshal lo// 'di skad thos pa'i dus gcig na// de bzhin gshegs pa thams cad kyi bdag po mnyam pa nyid la bzhugs nas/ 'khor bsam gyis mi khyab pa thams cad dang 'grogs nas/ nyid dang dbyer med pa rnams kyis// nyid la mchod pas kun tu bzang po nyid dges te/ phyogs bcu dus bzhi ma lus pa thams cad kyi bzhugs gnas/ gzhal med khang rin po che sna tshogs bsam gyis mi khyab pas brgyan pa/ tshad dpag tu med pa/ rab tu rgyas pa/ mtha' dang dbus med par kun tu khyab cing / 'od zer sgrib pa med par rang byung ba la bzhugs nas/ ched du brjod pa 'di ched du brjod do// 'das dang da ltar ma 'ongs dang // 'byung bar ma nges dus 'di dag/ snga phyi med par mnyam yin pas// nges pa med par yang dag gsungs// 'jig rten 'das dang 'jig rten pa'i// rang dang spyi ru bstan pa dang // ji snyed brtan g.yo la sogs pa// sgyu ma mig yor tshul yin te// skyes bu blo rtsal rab ldan pas// de la rtag tu mnyam sbyor zhing // sems can kun gyi zhing gyur pa// de dang gnyis med dbyings su sbyor// thams cad thabs kyi mtshan nyid de// thabs la thabs ni rnam par sbyor// thabs chen thabs las byung ba yi// de ni byang chub rdo rje'i mchog/ ji snyed brjod pa'i kha brgyud kyang // yang dag don gyi snying po ni// gang nas btsal kyang mi rnyed de// rang rig sgrib med dag pa yin// de la rtag 'grus goms pa ni// bsnyen pa'i dam pa de yin te// de ni ma nor lam yin par// byang chub sems kyis rab tu bsdus// de bzhin nyid kyi dbyings nyid ni// gcig ces 'di zhes brjod du med// gnyis med dbyings kyi ngang du med// gsum du sna tshogs 'byung zhing 'gro// byin brlabs bsam yas mtha' yas mchog don bsdus gsung rab bzhi bcu gnyis// de las lhag pa'i don smra ba// de ni rnam dag lam min te// rang blos bsam pa'i 'khrul pa yin// thams cad rang rig byang chub sems// de ni lung gi tshad mar bshad// tshad bzhi phab pa'i don yin te// dag pa rnam gsum tshul bsgom zhing // 'bru lngar 'dus pa'i thabs chen te// 'gro ba kun la rang bzhin gnas// bya ba byed la byas pa med// zad pa'i dus med ye shes te// bum pa bzang dang yid bzhin mdzod// za ma tog dang yid bzhin rgyal// gzhan nas yod 'ongs ma yin te// rang sems bsod nams brtan pa yin// lha srin la sogs yod pa yi// nor 'dra rin chen ma yin te// bo d+hi'i dkor ni rin po che// sku gsung mi zad par ldan pa'i// rgyan gyi 'khor lo bsam mi khyab// dngos grub mchog gi snying po ni// dang po'i don rtogs mtha' mi gtong // chu srin phyag rgya ji bzhin du// spyod yul kun tu tshad dpag med// rang gi byang chub sems shes na// dngos grub mchog ni gzhan na med// phyogs bcu dus bzhi snod bcud kun// byang chub sems su 'dus rtogs na// sku gsung mi zad par ldan pa'i// rgyan gyi 'khor lo thig ler 'khor// stong smon rgya chad 'od gsal bar// rin chen tshogs kyis brgyan pa yin// rang byung nyi zla pad rin che// brtsegs nas rgyal ba'i gdan nyid la// mnyam rdzogs lhun la rol ba'i phyir// rtog med byang chub rdo rje'i skus// nga dang bdag med dbyings mkhyen pas// mi gnas nyam nyid ngang la spyod// ces nyid la nyid kyis gsungs so// rdo rje gsang ba'i tshig tu'o// sgyu 'phrul dra ba las/ phyogs bcu dus bzhi mnyam pa nyid gnyis su med par ston pa'i phyir/ phyogs bcu dus bzhi nges pa med pa mnyam pa nyid du bstan pa dang / thams cad byang chub sems su 'dus par bstan pa/ gleng gzhi'i le'u ste dang po'o// // de nas de bzhin gshegs pa dges pa chen pos/ rgyud kyi rgyal po sgyu 'phrul dra ba bstan pa las/ chos thams cad nam mkha' lta bu'i yum gyi dbyings su 'dus par bstan pa'i phyir// ched du brjod pa 'di ched du brjod// yang dag don gyi gsang mchog ni// bde ba'i thugs kyi dkyil 'khor te// nga dang bdag med dkyil 'khor las// nges pa'i don chen bzhi bcu gnyis// yid bzhin rin chen gsal 'bar bar// de las byung nas slar yang thim// a thams cad ma lus thig le'i dbyings// mi 'gag thig le'i mchog nyid las// sku lnga'i yig 'bru lnga po kun// thams cad yum gyur dbyings su thim// slar 'dus phyag rgya 'od 'bar ba// gsal 'bar sprin gyi bdag por gyur// byang chub sems su thim pa las// kun la khyab cing mi gnas shing / kha dog dbyibs dang gnas ma yin// yon tan mchog gi snying po ni// rtog ge'i spyod yul yong ma yin// zab cing rgya che rab sbyangs pa'i// skal ldan brtan pa'i spyod yul te// gzhan nas btsal zhing brtag tu med// thams cad nam mkha'i mtshan nyid de// sna tshogs 'jig rten khams g.yo dang // rgyal ba mngon 'byung thams cad kun// nam mkha'i dbyings su ma gyur pa// dus bzhi phyogs bcu gang na'ang med// dus gsum bde gshegs nyid mi mnga'// sngon gyi bde gshegs thugs chud pa'i// nam mkha'i ngang du thams cad thim// thams cad shes rab dbyings nyid pas// dbyings la dbyings kyis rnam par sbyor// shes rab dbyings gnyis sbyor ba ni// byang chub rdo rje'i thig le yin// dkyil 'khor bsam yas lhun grub pa// rgya dang bral ba'i gzhas yas kyis// kun la khyab cing mi gnas pa// yon tan mchog gi gnas yin te// ma bcos rgyun gyi skad cig ma// de yis ma byas gang yang med// rang gi rnam rtog ma yin pa// de bzhin gshegs pa'i sangs rgyas dang // log par mthong ba'i mu stegs dang // gzhan yang sprul pa mang po'i tshogs// rtogs dang ma rtogs las byung ba'i// phyogs bcu ma lus thams cad kyis// de la bsad cing gzung du med// skyes bu dam pa mchog 'dod pas// de la rtag 'grus gsal bar gyis// de yi 'bras bu mthar phyin ni// rgyu 'bras med pa'i dus gcig ste// thams cad ming gi mtshan nyid du// yi ge 'bru gsum rdzogs par 'gyur// mi zad rgyan gyi 'khor lor bsdus// tshogs chen gnyis kyang rdzogs par ro// skye 'jig med pa'i dbyings la bzhugs// 'jig rten 'das dang 'jig rten pa'i// mtha' yas dkyil 'khor bsam yas kun// rgyal ba yum gyi dbyings su thim// thams cad ma lus chos skur 'dus// ho/ mnyam pa nyid kyi dkyil 'khor ni// dus bzhi mnyam nyid mchog gi yul// rang rig dag pa gsang ba'i mkha'// kun 'byung snying po bdag med pa// ye shes rang rig mkha' ltar gsal// rgyal ba'i bzhugs gnas snying po las// chos sku brjod pa gud na med// rnam rtog nyid ni gdags pa'i chos// rnam par rtog dang mi rtog las// mya ngan 'das dang 'khor ba med// snod bcud dag pa'i dkyil 'khor mchog/ byang chub chen po rgyal sras lam// bzhi bcu dag pa'i rtsa gnyis rdzogs// des ni phyogs bcu dus bzhi bsdus// thams cad ming tsam a la thim// a sgyu 'phrul dra ba las/ chos thams cad ming gi mtshan nyid 'dzin pa de kun yum gyi dbyings su 'dus pa gsang ba'i le'u ste gnyis pa'o// // de nas de bzhin gshegs pa dges pa chen po de/ ye shes lnga'i dkyil 'khor la mnyam par bzhugs nas/ ched du brjod pa 'di ched du brjod do// lnga phung yan lag thams cad kyang // 'bru lngar gnas pa'i byang chub ste// oM dang muM du 'brel ba yi// byang chub rdo rje dril las 'byung // spyir ni brjod pa thams cad kyang // kun kyang ming tsam yi ge a// skye 'jig nyid ni yi ge lnga// de ni byang chub sems yin te// gnyis med byang chub mchog 'byung ba// gsum shar lnga 'bar bcu 'byor pa// zad med rin chen gter yin te// mngon shes drug ldan mtshan bzod sbags// e las 'phros shing ar 'dus pa// gsang ba'i thig le nyid kyi dbyings// nam mkha'i dbyings nas sprin 'byung ba// kun la khyab cing sna tshogs sman// yi ge bzhi bcu rtsa lnga yi/ khong nas bsam gyis mi khyab pa'i// byin brlabs ya mtshan rmad po che// yon tan mi zad gter du gyur// ho/ ye nas mnyam nyid gsang ba yi// dkyil 'khor dam pa mchog gi dbyings// dbyings las mi gzhan ye shes rab// dbyings nyid gzugs brnyan sgyu ma'i tshul// snang byed nyid na bya byed med// mi gnas gnas pa'i ye shes nyid// 'phrul chen bzhi bcu rtsa lnga'i don// dkyil 'khor bsam yas lhun grub kyi// gnyis min thabs shes mnyam par gnas// dag mnyam rnam gsum don rtogs pas// de yi ngo bor bsgom byas shing // mnyam pa rnam bzhi'i don rtogs pas// de ni sangs rgyas mchog gi gnas// rgyu 'bras dbyer med lhun grub pa// phun sum tshogs pa bzhir ni 'dus// ye shes lnga ni rdzogs pa yi// sku gsung thugs kyis thams cad bsdus// chags med bzhi yi lam nas ni// skye 'gag med pa'i thig ler 'jug/ kun rdzogs spyod yul maN+Dal la// 'od gsal dkyil 'khor rdzogs par ldan// thams cad rang rig rgyal po yis// dkyil 'khor chen po dag mnyam pa'i// khro bo khro mor rnam par sbyor// chos rnams rang bzhin nyid kyis stong // nang dang nang gi phyi rol gyi// rnam rtog sna tshogs 'dzin pa yin// dngos po med dbyings skad cig ma// de nyid rnam par dag pa'i lam// phyin ci log nyid yang dag ste// ma rig pa ni ye shes la// nyon mongs sdug bsngal byang chub mchog/ thams cad yon tan mchog gi gnas// a ho/ phyogs bcu'i dkyil 'khor ma lus kun// nges don bzhi bcu rtsa lngar 'dus// bsdus pa'i don nyid 'bru lngar bsdus// lnga po 'bru gsum nang du bsdus// gsum po yi ge ar 'dus te// a nyid ma skyes dbyings su thim// a ho/ stong nyid mi dmigs brjod mi lang // mi gnas de bzhin nyid kyang ni// tshad dpag med de bsam mi khyab// skye med dbyings kyis kun la khyab// ma 'gags byang chub sems nyid ni// dngos po med pas skye 'jig med// 'gro med 'ong med mig gnas pa'i// thugs rje'i byin brlabs rnam par 'phro// zhes nyid la nyid kyis gsungs so// dbyings dag pa las dbyings kyi sku phyag rgyar gsal ba ngo mtshar che nas/ ched du brjod pa 'di skad brjod do// dbyings la thabs kyi dbyings phyung bas// sku yi phyag rgya chen por gsal// thabs las dbyings phyung yum gyi rgya// dbyings dang ye shes 'byor pas na// byang chub sems kyi dkyil 'khor yas// a ho/ de bzhin gshegs pa'i dkyil 'khor nges pa'i don/ dngos po med pa'i sku phyag rgya thim pa'i le'u ste gsum pa'o// // de nas de bzhin gshegs pa bcom ldan 'das dges pa chen pos/ 'gro ba thams cad la rang bzhin gyi dkyil 'khor yod par bstan pa dang / 'gro ba rnams kyang rigs rnam pa drug tu bshad do// de la chos nyid kyi rigs ni thams cad kun la yod// dper nam mkhas kyang kun la khyab par gnas so// de ltar chos kyi dbyings kyang kun la khyab kyang / mngon par thar pa de'i don nam rtogs na/ me long g.yas g.yogs pa dang 'dra ste/ ye shes kyi gzugs brnyan snang ba'i bya ba byed mi nus so// zhes gsungs nas/ yang bcom ldan 'das dges pa chen po rdo rje thogs pas ched du brjod pa 'di skad brjod do// mnyam nyid don rtogs rang rig rgyal pos ni// rgya mtsho chen por chu klung kun 'bab ltar// bla med snying po rgya mtsho lta bu 'dir// rnam thar theg pa bsam yas ma lus bsdus// a ho/ mi dmigs bdag med don rtogs pha rol phyin// sa bcur kun rdzogs bsgoms pa'i rnal 'byor pa// sangs rgyas sar 'gro go 'phang thob pa'i lam// bden pa gnyis kyis rab tu thob par 'gyur// phyi nang rten 'brel ma brlan shes pa'i phyir// dngos po gzugs la thogs med rab tu 'jug/ dge shes mi slob rang gi rig pas rtogs// byang chub sar 'gro rdzu 'phrul khol bur ston// bden bzhi'i don rtogs rab tu spong ba yi// ye shes bcu drug chas sbyangs zhi ba yi// rgyun zhugs la sogs rim par sbyangs nas ni// nyon mongs sa rnams bzhi pa'i sa ru 'gro// dge bcu spyod cing mi dge spong byed pa// 'dod khams lha dang mir ni skye ba'i rgyu// tshad med bzhi spyod mi g.yo sgom byed pa// tshangs gnas la sogs skye ba'i rgyu yin no// theg pa gang du'ang bstan par ma nges pa'i// nges med theg pa de yi/ skye gnas na// skye gnas smin pa med par rgyal bas gsungs// chos kyi dbyings kyis kun la khyab gyur kyang // rang gis rtogs dang skal dang mi ldan na// ji ltar dmus long mdun du mdog bstan bzhin// 'di ni skal med rigs chad sa yin no// chos kyi dbyings kyis kun la khyab pa'i phyir// bla med theg pa bsam yas gsungs 'dra yang // so so rang rig blo la snang bar zad// ngan song 'gro drug sna tshogs rgyu ba yang // 'khrul pa'i blo log rtog pa nyid snang ste// de bzhin nyid kyi dbyings la 'gyur ba med// rang rig mi dmigs goms byas bla med mchog/ log rtog bdag dang bdag gir 'dzin gyur na// dngos med dbyings las rtog pa sna tshogs 'char// yang dag shes pa'i rang rig bla med na// bde gshegs zhing yang ngan song gnas su mthong // theg mchog mnyam pa'i don nyid rtogs pa ni// ngan song gnas nyid 'og min dga' ldan gnas// mtha' dang dbus med nam mkha'i dbyings khyab na// nyi zla gza' skar mtshan mo glog 'gyu dang // gzha' tshon sprin mang sna tshogs 'khrugs 'gyur yang // nam mkha'i dbyings las 'gyur cing nyams pa med// mi dmigs chos kyi dbyings ni bsam yas nas// sku gsung yon tan 'phrin las rmad byung dang // 'jig rten 'di yi chos rnams sna tshogs dang // 'khrul 'khor sdug bsngal rnam ma cir snang yang // de bzhin nyid laT zhing bri ba med// rmad kyi rgyal po 'phrul d+hU ba las/ thams cad la mas cad kyi rgyu med cing kun la zab pa dang / rigs brgyad ma mar bya ba ma man ba'o// // de nas de bzhin gshegs pa mnyam pa nyid la bzhugs nas/ 'khor bsam gyis mi khyab pa thams cad kyang / rdo rje thogs pa dgos pa chen po nyid kyi 'khor du bsdu ba'i phyir/ phyogs bcu dus bzhi ma lus par rdzogs pa'i sangs rgyas nyid kyi bzhugs gnas/ gzhal med khang ni tshad dpag tu med cing bsam gyis mi khyab pa rin po che sna tshogs 'od 'bar bas mtha' dbus med par khyab cing / 'od ra sgrib pa med pa rang 'byung ba la bzhugs nas/ ched du brjod pa 'di ched du brjod do// sgra yi 'od zer 'phro ba tshad dpag med/ kun nas dkyil 'khor yongs su ma chad pa'i// srid gsum yongs dag mtha sbyor spyod yul te// mtshan 'dzin 'das pa'i mchog gi glu las byung // dbang spur de bzhin gshegs pa dges chen de// shin tu rnam dag 'og min rgyas pa na// rang byung ci b+hA pad rin gdan bzhugs// gzung 'dzin bral ba'i bla med rjes 'od dang // 'jig rten 'khor gyi gtses bskur dbang phyug dang // gzhan yang 'jig rten phyogs bcu khams 'ongs kun// bdud rtsi ro yis dka' bde 'grub mdzad de// dug gsum dri bral bdud sde tshar bcad nas// 'das dang ma 'das de bzhin nyid du sbyor// shes rab thabs ldan nges pa'i don byung ba// rig pa'i thabs chen dbang sgyur nyid du sgom// stong smon mtshan med rang bzhin 'od gsal ba// zad med bsod nams tshogs kyis brgyan par 'gyur// rdo rje mnyam nyid thugs su chud pas na// mnyam rdzogs chen po'i lhun la rol par mdzad// bde gshegs dbyings nyid de bzhin nyid gnas pa// dus bzhi rgyal ba kun dang mnyam par 'ub// thams cad 'od gsal dkyil 'khor thugs chud pa// sku gsung thugs kyi rdo rje 'chang las byung // spyod yul 'phrog med brjod kyis mi lang ba'i// dus bzhi mnyam nyid nges pa'i don nyid nyon// thugs rje'i dbang gis 'gro drug dus gnas bzhugs// nga dang bdag med mnyam pa'i dbyings mkhyen pa// mnyam pa'i don grub rdo rje can zhes bya// rnam par rtog med byang chub rdo rje'i sku// shes rab mchog gis ma lus yongs bsdus nas// bde gshegs mi gnas mnyam nyid ngang du byon// zabs chen ma 'dres rnam par thar pa yis// dmigs med bde gshegs nyid dbyings thugs chud pa// thabs dang shes rab dbyings nyid dam pa'i mchog/ phyogs bcu dus bzhi dbyings su mtha' gtugs pa// rang rig rgyal po che yis rtogs par 'gyur// zhes nyid la nyid brjod de/ rdo rje gsang ba'i tshig tu'o// gzhal med khang dbub pa thabs dra ba'i le'u ste lnga pa'o// // de nas de bzhin gshegs pa bcom ldan 'das dges pa chen pos/ thugs rje rol pa'i ting nge 'dzin la snyoms par zhugs nas/ ched du brjod pa 'di ched du brjod do// nam mkha' mkha' dkyil dngas pa nas// yid bzhin sprin tshogs rnam 'byung ba// sna tshogs 'byung zhing 'od 'phro 'bar// raM/ srid gsum bsreg pa'i me yin pas// yid kyi ye shes me ru 'bar// raM/ dbang po drangs pa'i dkyil 'khor du// spyod yul rdzas rnams bsdus nas ni// lhan ne lhang nge 'od du zhu// a/ zhi gyur dbyings nas phyag rgya 'bar// thugs rje byin brlabs rmad po che// hUM/ 'gro ba sna tshogs don byed pa// 'di ni byang chub mchog tu gsungs// ho/ bzhi po 'joms shing ngan song sbyong // tra Ta/ sman bcud len gyi dug sbyong bzhin// phyi dang nang gi dri ma dag/ bdag med gnyis kyis 'dag par byed// hri/ bsal zhing gzhag par bya ba med// nyi ma shar ba'i 'od bzhin du// snang dang mi snang gnyis ka/ med// de bzhin mnyam nyid ye shes kyis// thams cad rgyal ba'i zhing du sbyor// oM/ rang rig ye shes rgyal po yis// 'byung ba khams rnams dbang bsdus nas// thams cad mi dmigs dbyings su bstim// ma lus khro bo'i tshogs su gyur// rtog bzhi mi dmigs dbyings gyur pa// shes rab yum gyi dbyings su thim// thabs shes gnyis med dbyings gyur pa// chos rnams dbyings kyi khro mor gyur// chos thams cad khro bo dang khro mo'i rang bzhin du gyur pa dang / rang rig pa'i ye shes kyi mes sbyong ba'i le'u ste drug pa'o// // de nas de bzhin gshegs pa dges pa chen pos khro bo'i rgyal por spros nas/ ched du brjod pa 'di ched du brjod do// byang chub mchog gi snying po ni// mtshan mas btsal ba ma yin gyis// dag pa rnam gsum ma nor zhing // rang rig rgyal po goms pa yis// byang chub mchog 'di rnyed par 'gyur// drag po gtum po sgrub pa ni// dkyil 'khor dbus su ling ga gzhag/ mtshan ma ming du bcas par bya/ khro bo'i zhal ni gang yang rung // lan gsum lan bdun rtag bsgoms shing // mngon byung zhal ni 'bar byas pas// sngags bzlas dkyil 'khor lhar gyur nas// ling kha yang nas yang bsdus te/ khro bo'i zhal du bstim par bya// hUM gis bsdus zhing phaT kyis 'phang // zhal du rang sngags khri 'bum du// rnam gsum tshul gyis bzlas nas su// yang nas yang du gsal bar bya// 'gro lnga'i sems can thams cad kun// dbang med zhal du thim par gyur// ya man+ta krita lhag par 'jebs// sku mdog dud kha la sogs dang // mche gtsigs khro gnyer bsnyen pa dang // zhal bgrad phyag rgya 'bar ba'i sku// gang la goms pa bsgom par bya// bdag nyid 'dzin pa'i phyag rgya ste// mtshan ma bzung nas rang sngags 'don// mngon par dbang pos bltar yod par// ril bur bsdus nas zhal du mchod// the tshom med par 'grub par nges// dam chos 'jig pa ma rungs pa// gtum po dregs pa nga rgyal can// dpa' bos rab tu bsad pa ni// sems can kun gyi don gyi mchog/ kun la phan pas las de gyis// ho/ hUM dang paM dang yo la sogs// 'dren pa'i mchog tu de gsungs so// mtshan ma ming du bcas pa yang // ji ltar sngon gyi de bzhin du// smon pa'i byang chub lam du gzhug/ mtshan ma bag chags med par bya// dbyings nas spro zhing a la stim// a ho/ rig pa 'bar ba'i dkyil 'khor der// gtum po ma rungs gsad pa ni// skyes bu chen po'i las kyi mchog/ nam mkha' la ni nam mkha' rol// rdo rje thogs pas thugs brjod do// sgyu 'phrul dra ba las/ shin tu gsang ba'i khro bo nye bar sgrub pa'i le'u ste bdun pa'o// // de nas de bzhin gshegs pa thams cad kyis/ khro bo 'bar ba gtum khro'i tshogs chen por bsgyur nas// 'od dpung 'phro zhing 'bar bar bstan pa ched du brjod do// sgyu 'phrul dra ba bstan pa yis// phyogs bcu'i zhing khams ma lus pa// hUM gyis gzhal yas 'khor lor sbrul// 'bar ba chen po'i dkyil 'khor na// 'od 'phros 'bar ba'i tshogs chen rnams// gtum chen dus mtha'i me ltar 'bar// rAM/ nyi ma zod sbrul mang po'i gzi// khro gnyer glog stong 'gyu ba bzhin// rngam pa'i nga ro 'brug stong ldir// phaT/ khros pa'i sprin chen phyogs bcur 'bar// raM/ khros pa'i me dpung rdo rje 'bar// rdo rje 'khor lo brtsegs pa'ang 'bar// tsakra/ khro bo khro mo tshogs kyis bskor// gnas dang yul gyi phyag rgyar mdzes// ha he/ slas dang byin mo bran mo'i tshogs// rang gi stan dang lag cha dang // ci bgyi zhes ni chas te gnas// ti ra rgyu ma zhags pa dang // nr-i yi tsit+ta za zhing rgyug/ shin tu rngam pa'i gzugs su gnas// ral pa mun dza cod pan 'bar/ khro rgyal rdo rje thogs pa ni// phyogs bcu khebs pa'i gshog pa gdengs// rdo rjes gtams pa'i brag ri 'bar// raM/ 'khor tshogs rngam gzugs gnas pa rnams// rdo rje'i gshog gdengs 'bar ba yis// so so'i rang sngags smre sngags shing // sgra skad nga ro drag tu 'don// rang sngags hUM phaT b+h+yo ru lu/ khro tshogs ma lus bzlums pa yi// dkyil 'khor kun zhal 'bar ba dang // bdag nyid gnyis su med bsgoms pas// so so'i ring sngags bzlas nas su// rgyud drug sems can thams cad dang // ma rungs gdug pa thams cad kun// dzaHhUM baM hos bkug nas su// lan gsum lan bdun zhal du bstim// lha yang rung ste brlag par 'gyur// gzhan yang mchod pa'i zhal zas ni// 'byor pa sna tshogs kun gyis mchod// nri yi tshil dang tsha ba'i mar// dmar gyi arga rgyun du 'bul// a ho/ stong dang 'bum ni dbul bar bya// yang na lan gsum brgya rtsa brgyad// mchod pa rab tu dbul bar bya// bzlas pa'ang dbul grangs bzhin du shis// nag po tsher can dug gi shing // gzhan yang bsreg rdzas gdug gsum dang // mnan pa'i cho ga kun gyis bya// ma mkhal khyi la ya mkhal ra'i// bar du ming rus bcug byas nas// bzlas pa'i mtha' mar phyin pa dang // bdag gi 'og tu bcug nas ni// rdo rje can gyi sngags bzlas nas// mnan pa kun gyi mchog tu 'gro/ sgyu 'phrul dra ba las/ thugs rje'i rol pa spyir bstan pa'i ha~M/ ha~M thams cad 'dir 'dus pa'i le'u ste brgyad pa'o// // de nas de bzhin gshegs pa khro bo'i rgyal pos thams cad rdo rjer bsdus nas// ched du brjod pa 'di ched du brjod do// dag pa rnam gsum tshul bsgoms pa// sgyu 'phrul dra ba brtan par gnas// thams cad hUM du bsdus nas ni// dkyil 'khor gru gsum 'bar bar bsgom// med phung 'bar ba'i dkyil 'khor du// me lha ag ne dzas bkug nas// raM zhes bya ba'i me sbar te/ khro bo'i dkyil 'khor ma lus kun// zhe sdang rdo rjer bsgom par bya// hUM/ gtum po tshogs chen rab tu 'bar// dung kha nag po'i mdog 'dra la// 'bar ba'i 'od zer mang po 'khrug/ nyi ma thod sbrul mang pos brgyan// seng ge glang chen stag rngam dang // phyag cha sna tshogs 'bar ba bsnams// hUM dang phaT dang ha la'i sgra// drag skad phyogs bcu'i nam mkha' 'khrug/ phaT/ khro bo khro mo'i tshogs kyis bskor// gnas dang yul gyi phyag rgya mdzes// slas dang byi mo bran mo dang // b+h+yo/ ci bgyi la sogs tshogs kyis bskor// so so'i stan dang lag cha dang // rngam pa'i nga ro rang sngags dang // mi sdug gtum pa'i gzugs can dang // shin tu khro bar bsgom par bya// bdag nyid phaT kyi ngang nyid du// gsal 'dris blo goms rtag tu bsgom// dzaHhUM baM hos bsdus nas su// rgyud drug sems can kun bkug nas/ khro bo'i tshogs la dbul bar bya// lha yang rung ste brlag par 'gyur// yo byad gzhan ni spyi dang mthun// gzir ba'i thabs kyang gong ma bzhin// mchod pa'i grangs kyang spyi dang mthun// a/ gzhan yang dkyil 'khor yab yum bcu// hUM/ zhal gdangs spyan bgrad khro bo'i zhal// gru gsum dbus su mchod par bya// 'khor lo rtsibs la brgyad 'bar te// thod pa lcags kyu rnams kyis bskor// hUM/ sgra grag tshogs ni mer 'bar bar// 'dzin pa'i phyag rgyas bkug nas su// zhal du bstim nas lhag par 'grub// rdul cha tsam yang med par byed// 'khor gyi tshogs kyang snga ma bzhin// bstod pa'i tshul du sprod gtong bya// hUM/ gtum po dmar smug mchu rings po// rdo rje 'bar ba'i 'phreng bas bskor// 'od chen 'bar ba khro ba yis// 'jig rten khams rnams dus gcig rngubs// hUM/ khro bo'i tshogs kyis sngags rnams dang // gnas dang yum gyi phyag rgya dang // slas dang byi mo bran mo'i tshogs// so so'i rang sngags rdzogs pa'i don// ha he b+h+yo/ gzhan yang bstod tshig 'di dag gis// hUM/ rdo rje thugs kyi byin brlabs kyis// 'jig rten khams rnams kun bkang ste// gtum 'khrug ma lus thams cad kun// rdo rje mthu yis kun bsregs te// btul bar ma gyur gang yang med// 'das dang ma 'das rdo rje'i sku// 'jig rten khams na rab 'byams kun// zhes sdang rdo rje 'khor bcas pas// skad cig yud la brlag mdzad de// brlag par ma gyur gang yang med// sgyu 'phrul dra ba las/ drag po hom gyi le'u ste dgu pa'o// // de nas khro bo'i rgyal po pad+ma sdud pa zhes bya bas/ 'gro ba mang po'i don gyi phyir ched du brjod pa 'di ched du brjod do// shes rab thabs su sbyor ba yis// thams cad ma lus dbyings su bsdus// dbyings nas ye shes 'od 'phro 'bar// thams cad ma lus dbyings su sbyor// hri/ dkyil 'khor zla gam gdangs pa la// 'od zer mang po 'bar ba dang // rdo rje lcags sgrog bsdams pas bskor// gzhan yang rgyan gyi dam pa'i mchog/ kun gyis de la brgyan cing bskor// me lha spyan drangs snga ma bzhin// khro bo'i dkyil 'khor ma lus kun// pad+ma'i rigs kyi khro bo sgom// dmar smug drag po'i mdog dang ni// gzhan yang sprul pa mang po'i tshogs// phyogs bzhi mtshams bzhi steng 'og bskor// rngam pa'i rang sngags drag tu sgrogs// hrI/ bdag nyid ma chags rdo rje ste// dkyil 'khor gong ma gsal bsgoms nas// phyogs bcu'i 'gro ba thams cad dang // gdug pa'i yid can ma lus kun// dzaHhUM baM hos bkug nas su// dkyil 'khor la ni dbul bar bya// dgos pa 'grub cing ngan song sbyong // hrI/ gzhan yang dkyil 'khor mang po'i tshogs// dkyil 'khor pad+ma'i zhal 'dra la// tha ma pad+ma ljon shing dang // pad+ma rdo rje 'od 'bar bskor// gzhan yang rgyan mchog mdzes pa yis// dkyil 'khor kun la rgyas par dbul// bdag nyid pad+ma'i lhar gyur pas// mchod pa lha rdzas sna tshogs dang // zhal zas bza' btung mchog rnams dang // dmar po'i shing dang dri zhim pa// lan grangs gong du smos pa bzhin// rtag tu mchod pa byas na ni// 'jig rten 'di dang 'das pa yi// ci 'dod las de grub par 'gyur// sngags ni yi ge raM dang hri// mdog ni dmar smug 'od po che// phyogs bcur khyab cing hri la bsdu// dges pa'i glu dang gar gyis mchod// rdo rje pad+ma 'bar ba yis// phyogs bcu mtha' klas rab 'byams kun// dpal dang gzi brjid che la sogs// pad+ma 'bar bas de bsdus nas// sangs rgyas sku dang mnyam pa dang // gzhan yang longs spyod mchog la sogs// ci 'dod las rnams dbang du 'gyur// lha srin la sogs smos ci dgos// hri/ 'dod chags rdo rje 'khor bcas pas// 'jig rten khams ni rab 'byams kun// skad cig yud la dbang du bsdus// dbang du ma gyur gang yang med// hri/ sgyu 'phrul dra ba las/ thams cad ma lus par dbang du bsdus te hom gyi le'u ste bcu pa'o// // de nas de bzhin gshegs pa khro bo'i rgyal po rnam par 'phro ba zhes bya ba'i dkyil 'khor 'di dag/ nyid kyi dbyings nas phyung nas ched du brjod pa 'di ched du brjod do// bde ba chen po'i dkyil 'khor 'bar// 'od zer 'phro ba mang po 'khrug/ bsod nams zhing gyur mchog tu 'bar// rgyal ba'i yon tan mtha' dang mnyam// traM/ ye shes phyogs bzhi dbus 'od 'bar// dkyil 'khor zhags pa rin chen bskor// gzhan yang phyag rgya sna tshogs pa'i/ khro bo kun kyang rgyas 'phros te// 'od chen dkar ser 'bar bar ba dang // phyag rgya sna tshogs cir yang bsgyur// lha dang lha mo'i 'khor gyis bskor// mchod pa yo byad sna tshogs dang // dkar la dri zhim shing rnams dang // gzhan yang mchod yon thams cad kyis// dkyil 'khor la ni rgyas par dbul// traM dkar yi ge 'od 'bar ba// bdag nyid rin chen phyag rgya bas/ khro bo kun kyang de bzhin te// mngon du gyur pa'i dkyil 'khor du// ba sha ho dang dzaHhUM gis// phyogs bcu'i lam lnga kun bkug ste// dbyings su thim pas 'od 'phro bsgom// thams cad sangs rgyas zhing dang mnyam// gzhan nas yod 'ongs ma yin te// sgyu ma'i ye shes brtan pa yin// gzhan yang dkyil 'khor bsam yas ni// rin chen dbyibs la rdo rje 'bar// dkyil 'khor rgyan gyis 'khor bar bskor// gzhan yang lha dang lha mo yis// phyogs bcu khyab par mchod cing dbul// yon tan rgyal ba'i zhing dang mnyam// traM/ glu dang gar gyis mchod par bya// yon tan sangs rgyas zhing dang mnyam// sangs rgyas zhing khams ma lus kun// mchod yon rin chen dpal 'phel gyis// phyogs bcu gang bar rgyas phul nas// thugs rje dbyings kyi rgyas par rol to// traM/ nga rgyal rdo rje 'khor bcas pas// 'jig rten khams ni rab 'byams kun// skad cig yud la rgyas mdzad de// rgyas par ma gyur gang yang med// sgyu 'phrul dra ba las/ rgyal po rgyas mdzad kyi rgyas pa hom gyi le'u ste bcu gcig pa'o// // de nas de bzhin gshegs pa snang mdzad khro bo chen pos/ thams cad dkyil 'khor 'bar ba chen por bsgyur nas/ ched du brjod pa 'di ched du brjod// ye shes dkyil 'khor mtha' dbus med// bsam yas lhun gyis grub pa yis// rgyal ba'i dkyil 'khor ma lus kun// bde gshegs nyid las mi gzhan shar// oM/ dkyil 'khor zlum po 'bar ba la// 'khor lo 'bar bas rab bskor zhing // 'od ni ser po rab tu 'bar// rmad du byung ba'i sku la sogs// bdag nyid chen pos bsgom par bya// dkyil 'khor thams cad 'grub par 'gyur// sa bon yi ge oM dkar po// me lha spyan drangs snga ma bzhin/ khro bo'i dkyil 'khor ma lus kun// kun kyang gti mug rdo rje ste// 'od zer sna tshogs 'phro ba dang // 'khor lo phyag rgya 'bar ba dang // lha dang lha mo'i tshogs kyis brgyan// gdan dang gnas kyang dbyings nyid de// rgyal ba'i dkyil 'khor de dag tu// phyogs bcu gnas pa'i gdug pa kun// tsakra'i lcags kyus bkug nas su// dkyil 'khor dbyings su bstim byas na// gtum 'khrug gdug pa ma rungs pa// lhan ne lhang nge zhi bar 'gyur// oM/ gzhan yang dkyil 'khor bsam yas te// dkyil 'khor 'khor lo 'bar ba yi// oM dang seng ge'i mgos bskor te// brgyan pa'i rdo rje'i phyag rgya kun// rdzogs ldan zhi bas bskor bar bya// rgyal po lus mdzes 'khor lo 'bar// rgyan rnams zhi ba dkar ba dang // byang chub mchog 'bar lhan ner bsgom// mkha' la rgyu dang bar snang 'phyo// gzhan yang 'gro drug ma lus kun// zhi gyur 'di la the tshom med// gar dang glu yis mchod byas te// phyogs bcu'i gdug pa ma rungs pa// gdug pa'i yid ni rab bor nas// lhan ne dkar po'i 'od du gyur// bde ldan byang chub 'od 'phro 'bar ho// oM/ gti mug rdo rje 'khor bcas pas// 'jig rten khams ni rab 'byams kun// skad cig yud la zhi mdzad de// zhi bar ma gyur gang yang med// sgyu 'phrul dra ba las/ thams cad ma lus par zhi bar gyur nas/ zhi bar byas pas zhi ba hom gyi le'u ste bcu gnyis pa'o// // de nas de bzhin gshegs pa dges pa chen pos rgyal po che mtha' yas su sprul nas/ ched du brjod pa 'di ched du brjod do// sgyu 'phrul dra ba brtan bsdus te// b+h+rUM dang bi shwa'i dkyil 'khor du// ma dang a yi dkyil 'khor la// rdo rje 'khor lo rab bskor nas// bzhi bcu rtsa lnga'i don bsgoms te// de yis phyogs bcu gang 'bar nas// b+h+rUM dzaHhUM dang baM hochos dgug/ sku gsung thugs kyi snying po mchog/ lus ngag sems la bstim par bya// ni nyid dngos sam yid bzhin mdzod// bum pa mchog ni bzang po nyid// tshe bzhag gnas ni 'di yin te// yang nas yang du bkug byas la// mngon du smin par gyur pa dang // dbyings su yang ni sba bar bya// rdo rje go cha bsrung ba pos// cho brtan bya phyir sgo bsrungs la// 'khor lo rgyan sgo la gdab// cha gnas dkyil nas rta mgo shar// b+h+rUM dzas bkug pa'i bzhi bcu lnga// yi ge 'bru gsum nang du bstim// dkyil 'khor ma lus kun bsdus pa// 'od dpag med pa'i gnas lnga bstim// sangs rgyas ma lus dkyil 'khor kun// rgyal po tshe dpag med par gyur// dgos pa sgrub phyir de bsgom pa// sku mdog gangs ri 'tsher ba la// rgyan 'phreng sna tshogs rnams kyis brgyan// yid bzhin rin chen 'phreng ba dang // yid bzhin rin chen za ma tog/ rin chen rkyal dang bu bzangs bsnams// 'jig rten bsod nams brtan pa yis// gzi brjid b+h+rUM dzas bkug byas la// ci 'dod 'byung ba'i snod blugs nas// dkyil 'khor lus la rdzogs pa yi// bsod nams sku phran yungs 'bru tsam// 'dres nas rta mgo'i khar bstin bya// tshe gnas 'od kyis gang ba dang // gzhal yas rgya chad dpag med gyur// sku bran 'od zer 'phro rgyas te// 'jig rten dkyil 'khor mtha' klas pa// de ni tshe yi bsnyen pa'i mchog/ rang sngags bzlas pa brtan byas pa// bsnyen pa chen po'i mchog kyang yin// gzhan yang 'gro ba'i don bya ba// bsam gyis mi khyab mtha' yas mchog/ bgegs kyis ni rnams mi ster na// tshe dpag med kyang khro bo ste// phyogs bcu nam mkha'i khams bkang nas// sgra skad drag po bton nas ni// thams cad ma lus thul bar byed// tshe dpag med pa'i dbang du bsdu// tshe bsnyen dang ni bsnyen pa dang // tshe bsgrub dang ni tshe grub pa'i// thabs dang shes rab 'byor pa yis// tshe ring ji ltar 'dod pa dang // 'jig rten dga' bde sna tshogs pa// 'grub 'gyur 'di la the tshom med// tshe dbang mo ni rgyud 'phel ma// dkar ser mdog la 'od 'phro 'bar// phyag na rin chen gang ba yis// phyag rgya sna tshogs cir yang bsgyur// 'jig rten drug gi phyogs bcu na// gnas pa'i 'gro drug ma lus la// phan pa'i tshe dbang 'di sbyin te// de las lhag pa'i rgyud 'phel med// de yi bzlas pa'i 'phrul chen ni// rnam gsum tshul gyis ma 'phrul bar// sngags bzlas cho ga bar mchod// 'dris gsal bstan pa mchog gis bya// oM hUM swA a hA/ b+h+rUM badz+ra A yu Shi hUM a a a/ tshe 'phrog dbang du ma gyur na// bde gshegs lnga yang tshe dpag med// sku gsung thugs kyi gzugs kyis ni// phyogs bcu nam mkha'i khams bkang nas// phyag rgya mtshon cha sna tshogs kyis// 'jig rten phyogs bcu'i bdud bcom nas// 'gro lnga'i tshe rnams dbang du bsdu// phyag rgya gshol la sogs pa yis// 'og gi 'jig rten khams dkrugs nas// gshin rje'i gnas nas tshe bkug ste// snying po lnga la bstim par bya// phyag rgya 'khor lo chen po yis// steng gi 'jig rten khams bskor te// dbang phyug lha chen la sogs dang // bar snang bgegs rnams rgyu ba las// tshe ni rab tu dgug par bya// 'khor lo 'bru la bstim nas ni// de nas yi yi ge 'bru lnga de// nr-i yi gnas lngar bstim par bya// oM badz+ra ka pa tsa rak+Sha hUM/ oM sarba ta thA ga ta badz+ra a d+hi/ tiSh+Tha A yu She a/ phyag rgya chen po bsrung ba'i mchog/ rdo rje go cha'i mchog yin te// 'bru lnga yi ge 'bru gcig ste// 'bru gcig dmigs med dbyings su thim// a/ yid bzhin bum pa rin po che// rgyan dang rin chen 'phreng bas brgyan// rin chen lnga dang sman lnga dang // 'bru lnga spos lnga nyungs kar bcas// sngags mkhan rab ldan blo brtan pas// yan lag ma nyams sngags bzlas bsgom// rgyan chas lnga dang ldan byas nas// dkyil 'khor thams cad grub par 'gyur// de nas rigs kyi bu de yis// yo byad ma lus ldan byas nas// mchod yon rnam pa sna tshogs kyis// mnyes mchod dngos grub thob par 'gyur// sgyu 'phrul dra ba las/ tshe'i cho ga dbang dam pa shin tu gsang ba'i le'u ste bcu gsum pa'o// // de nas de bzhin gshegs pa dges pa chen po rdo rje sdud pa por sprul te/ 'gro ba lnga rang dbang med par smra ba zhes bya bar bsdus nas/ ched du brjod pa 'di ched du brjod do// gsang ba'i dkyil 'khor nyid kyi dbyings// kun tu bzang po'i thugs rje'i ngang // sku gsung thugs ldan yon tan rdzogs// mnyam pa'i zhing du sbyar bar bya// rdo rje rab tu gsang ba yis// rdo rje khams kun zhing sbyar te// oM dang muM du 'byor par bsgom// thams cad dbyings su thim par bya// gsang ba'i dkyil 'khor dam pa ni// thig le man+ta de dag tu// nr-i thal man+ta bzang po'i thig/ rta babs sgo khyud bzang po dang // rdo rje rtse gcig 'od 'bar ba// 'gugs pa'i lcags kyu dam pa yi// rdo rje rtse gcig rtse gsum bri// dkyil 'khor rgyud dang ldan par bya// mchod yon sna tshogs mchod par bya// yaM dud ye shes 'od 'phros nas// a las zla ba'i dkyil 'khor du// dza las lcags kyu grangs med pas// de yi snying du gzhug par bya// ma las nyi ma'i dkyil 'khor du// dza las lcags kyu mang po yis// gang 'gugs de yi snying kha nas// rangs te de yi khar gzhug bya// sngags 'di rab tu brjod par bya// oM dzaHhUM baM ho a nr-i su tri pri du ming pra be sha ya/ ci 'dod las de bzlas par bya// lag gnyis sor mo phyir bsnol te/ khu tshur dam du bcings nas ni// srin lag mthe'u chung mthe bong gnyis// bar du mthe bong de drangs te// oM ming pra be sha ya a// thal ba nyungs kar drag tu brdeg/ ming de khong du gzhug par bya// babs na phyag rgya bzhi yis bcing // gang yin zhes ni dris nas ni// lha 'dre la sogs gang yin pa// lha zhig na ni mchod par bya// gdon zhig na ni tsan dan dang // gur kum bsres blud sngags brjod bya// oM yak+Sha badz+ra kro d+ha sa ma ya hUM phaT/ gal te sma ru mi btub na// lag gnyis sor mor phyir bsnol te/ khu tshur bcang 'theb zur sprad de// gyen bsgreng dbab pa'i khar gtug bya// khar dbab sngags ni 'di brjod bya// oM badz+ra ba sha ho/ pra d+ha be sha hUM a/ mang du bzlas pas 'dar bar 'gyur// ye shes thogs med sgrib mi mnga'// bden pa'i tshig der zhugs par bsam// lce yi thor to a dkar po// zla ba'i dkyil 'khor de steng du// oM de dmar po bsgom byas na// gdon mi za bar smra bar 'gyur// bdag nyid Da ki'i hUM bsgoms la// A dang nr-i la sogs pa yi// laM lnga'i sems can gang yang phung // DA ki hUM dang rang sngags kyis// lan 'bum bzlas zhing dgug par bya// gong gi sngags kyang bzlas par bya// gzhan yang dzaHhUM baM hoHste// gzhag cing dbab pa'i sa de ni// byis pa lo grangs bcu gnyis pa// gcig dang lnga la dbab par bya// thig le bum pa me long par// gzhan yang gnas rnams thams cad la// smra ba'i cho ga phun sum tshogs// phyag rgya rdo rje sbar mo ste// dgug pa'i phyag rgya kun gyis dgug/ dzaHhUM/ dbang phyug lha chen la sogs bsdus// bcol zhing bya ba de bzhin no// Da ki hUM dzas mi btub na// ha ya gri dang gnas dang yul// zur phyin mgo mjug mnan nas ni// drag tu bzlas shing lcags klus dgug/ srog gi snying po ma nor bar// gzir zhing drag tu drang bar bya// 'jig rten 'das dang 'jig rten pa'i// dgug pa'i thabs yod ci yang rung // nem nur med par dgug par bya// bya ba sna tshogs las zin nas// sngar byas bum pa lnga po la// sman lnga 'bru lnga rin chen lnga// rigs kyi yul dang bdud rtsi 'khyil// ci 'dod las rnams thams cad dang // gzhan yang dgos pa ci yang rung // grub pa mngon du gyur pa dang // 'ongs pa'i gnas la slar gtang phyir// sngags 'di rab tu brjod par bya// oM badz+ra a mr-i ta hUM tha/ oM bud+d+ha lo tsa ne swA hA/ oM a mr-i ta gats+tsha gats+tsha/ oM badz+ra ha badz+ra a mr-i ta phaT dza swA hA/ gsang ba'i dkyil 'khor dam pa de// ye shes lnga rdzogs nyid la brjod// ye shes snying po khyod nyon cig/ sngon goms blo brtan 'dris pa yis// yang dang yang du mngon gsal bar// byang chub mchog gi rtag sgoms shig/ de ltar byas pa'i dngos grub ni// 'jig rten 'das dang 'jig rten pa'i// brda phrad skad kyi dngos grub thob// nyid kyis nyid la rab brjod pa// 'gro ba'i don gyi phyir yang brjod// zhes rdo rje gsang ba'i tshig tu'o// pra dbab pa'i le'u ste bcu bzhi pa'o// // de nas de bzhin gshegs pa bcom ldan 'das dges pa chen po de rig pa'i dkyil 'khor du sprul nas/ ched du brjod pa 'di ched du brjod do// dkyil 'khor gang la bdag gnas nas// dang por stong pa'i de bzhin nyid// gsal 'dris goms par bsgom par bya// de nas bdag gi snying khar a// dkar zhing 'tsher ba rab tu bsgom// a de shin tu gsal ba dang // phyogs bcur 'od kyang 'phro bar bsgom// 'od de a la slar bsdu bstim// a dang ma las nyi zla gnyis// dkyil 'khor ltar 'tsher gsal bar bsgom// hri las pad+ma'i dkyil 'khor yang // 'od 'phro gsal bar rab tu bsgom// shin tu hUM yang 'bar bar bsgom// hUM gi 'phro 'dus snying dkyil du// rdo rje sems dpa' tshon gang ba// phyag rgya ldan par rdzogs par bsgom// bzhi bcu rtsa gnyis sngags bzlas pas// phyag rgya nyid du rab tu 'bar// 'bru gsum 'bru lnga gang rung bzlas// dzaHhUM baM hos spyan yang drangs// tha mar phaT bsnan mtshams yang bcad// 'bar ba'i dkyil 'khor gsal ba la// spyan drangs dkyil 'khor rab tu bstim// mchod pa'i rdzas rnams bzang po yang // dkyil 'khor de la dbul bar bya// tshogs kyang byas la drag po'ang bsdus// rtag tu hom bya shin tu shis// mang po bsgom mi nus don du// mdor bsdus phyag rgya rnam pa bdun// sku mchog phyag rgya chen po dang // brjod pa chos kyi phyag rgya dang // 'dzin pa dam tshig phyag rgya dang // kun sbyor zabs shes phyag rgya dang // ting 'dzin dbang skyusbyar phyag rgya dang // lhag pa ting 'dzin phyag rgya bdun// de nas de bzhin gshegs pa dges pa chen po mnyam pa nyid la bzhugs nas/ lhag pa'i ting nge 'dzin gyi dngos grub myur bar len pa'i thabs 'di gsungs so// de bzhin nyid dang mnyam sbyor phyir// dam pa'i don gyis bsgom par bya// byang chub mchog la su gnas pa// mchog tu bde ba'i zhing gnas pas// mnyam rdzogs chen po lhun bsgom zhing // byang chub sems su brtan par gzung // bya ba byed la byas pa med// mi gnas gnas la gnas par bsgom// b+ha ga'i dkyil du ling ga a// shin tu 'tsher zhing gsal bsgoms nas// 'od 'phro 'bar ba thams cad khyab// dug gsum ngan song gnas bsregs nas// b+ha ga'i dkyil du 'od 'phro thim// a ma las ni nyi zla 'bar// phyogs bcu 'thibs pa'i mun sel cing // nyon mongs sdug bsngal bsil ba'i sman// thugs rje'i byin brlabs bsam mi khyab// rol pa'i phyag rgya bsam mi khyab// mkha' la gzha' tshon sprin mang yang // nam mkha'i dbyings su thams cad bsdus// thams cad mkhyen pa bsam yas kyang // chos kyi dbyings su thams cad 'dus// thams cad yi ge hUM du bsgom// hUM nyid gsang ba'i thugs kyi dkyil// 'od zer 'phros pas 'bru gsum ste// yang na yi ge 'bru lnga'o// lnga po don spros bzhi bcu gnyis// gzhan yang dkyil 'khor bsam yas mchog/ ma bcos ngang gis gnas pa la// ye shes lhag pa'i dkyil 'khor bsgom// sen zlum zla ba gang ba yi// thugs kyi dkyil du gnas par bya// nyi ma'i dkyil 'khor gang ba yi// gzhan yas 'od zer 'bar ba'i khang // pad+ma'i gdan dang rin po che// de dkyil yi ge hUM gnas pa// shin tu phra zhing nyungs 'bru 'bar// gnas gcig dang ni gnas gsum dang // gnas lnga dag tu rab tu bsgom// shes rab can la 'dres pa dang // nr-i yi mig gis bltar yod par// shin tu phra zhing gsal bar bsgom/ shin tu blo gsal 'dris gyur nas// phyogs bcu'i stong khams rdul snyed du// thugs rje'i byin brlabs bsam yas 'phro// spros kyang hUM la nyams pa med// bsdus kyang phyogs bcu bri ba med// spros med bsdus med de bzhin las// yi ge muM du thim par 'gyur// thim gyur dbyings nas phyag rgya 'bar// shin tu gsal zhing 'dris pa dang // phyag rgya sku nyid gsal bar bsgom// sku de tshon gang 'od 'bar nas// thabs dang shes rab ldan pa'i rgya// 'od 'phro 'bar zhing don byed bsgom// yang na phyag rgya chen po ste// bdag nyid zhal gcig phyag gnyis sam// zhal gsum phyag drug rtag tu bsgom// gzhal yas khang dang gdan khri rnams// phra ba'i tshul te snga ma bzhin// mtshan dang dpe byad thams cad ldan// dbu rgyan ye shes lnga dang ldan// rdo rje 'khor lo ral gri 'bar// rin chen pad+ma dril bu 'bar// phyag rgya chen po de dag las// phyogs bcu ma lus gzhal yas khang // nyi zla'i dkyil 'khor gdan dang rgyan// bde gshegs dkyil 'khor ma lus bsgom// thugs rje'i byin brlabs 'gro don mdzad// zhi ba phyogs gcig shes bya sbyong // sa bcu mnyam par sbyor byed cing // bde gshegs 'khor yang dag par byed// 'di ltar sgrub pa'i rigs mchog de// 'bras bu mngon du ma gyur yang // sdug bsngal thams cad yong mi 'byung // lha mo'i mtshan rdzogs yongs su 'grub// theg pa dman par yong mi skye// bde gshegs 'byung dang bkol ma 'gyur// byang chub gzungs la zhugs pa yin// zhes nyid la nyid kyis gsungs so// rdo rje gsang ba'i tshig tu'o// rdo rje sems dpa' sgrub pa'i le'u ste bcu drug pa'o// // de nas de bzhin gshegs pas sgyu 'phrul dra ba las/ thugs rjes 'gro ba 'dul ba'i bdud rtsi 'byung ba zhes bya ba'i ting nge 'dzin la snyoms par zhugs nas/ ched du brjod pa 'di ched du brjod do// e ma ho ye nas dag chos las// log rtog rnam pa gnyis su grub// thams cad 'byung ba lnga las skyes// kun kyang gtsang zhing dri med las// rnam rtog mi mthun so sor gyur// la la'i sman la la la'i dug/ sman du ma gyur gang yang med// dug tu ma gyur gang yang med// thams cad ma lus rgyu gcig las// mi mthun khyad par so sor snang // sus kyang ma byas su byed yod// rnam rtog gzhags pa dam po yis// so sor bcings pa'i dbang gis ni// lus gnas longs spyod sna tshogs dang // sdug bsngal 'khrul 'khor ma lus dang / khams gsum phyin ci log bzhi dang // dus gsum 'gro lnga kun tu mthong // bdag med bdud rtsi chen po des// nyon mongs sdug bsngal thams cad sbyong // rnam par thar pa lha rdzogs byed// sa bcu rdzogs shing sangs rgyas rdzogs// de phyir sman 'di rab bsgrub bya// kun la phan pa'i sman yin pas// de phyir nga dang bdag ma 'dzin// gtsang dang sme ba'i blo rtog bor// thams cad mnyam pa nyid du spyod// rtsa ba byang chub sems nyid rtogs// thabs kyis pha rol phyin pa spyod// snying rjes chud ma zos par gzung // bdud rtsi'i mchog ni mnyam pa'i dbyings// bdud rtsi'i don ni skye shi med// bdud rtsi'i gnas ni byang chub sems// bdud rtsi'i lam ni rnam rtog sbyong // dpal tshogs 'dus shing 'gro don mdzad// sman gyi byin brlabs bsam mi khyab// ngan song sbyong zhing mtho ris sgrub// gser 'gyur sman dang mun sel bzhin// gzhan yang dgos pa sna tshogs 'grub// rkyen las byung ba'i dug rnams dang // rtsa ba'i dug dang sbyar ba'i dug/ klu dug sbod gtong dug la sogs// thugs rje chen po'i byin brlabs kyis// dug rnams thams cad gdul ba'i phyir// dkyil 'khor ma lus tshang bar bsgom// gnas lnga dag tu 'bru lnga bstim// oM hUM traM hriHA la sogs// yang na yi ge oM gyis bya// yang na yi ge hri yis btang // dug rnams bdud rtsir gyur par bya// mnyam pa'i dbyings su thim par bya// a ho hUM/ bdag nyid zhe sdang rdo rje ste// thugs rjes bdag rtog 'dul bar byed// nga dang bdag med dbyings sbyong zhing // byams pa'i thugs dang ldan pa'o// oM bdag nyid gti mug chos sku ste// rmongs pa'i nad rnams sel bar byed// ye shes 'od zer gsal ba'i nga // thams cad 'byung ba'i 'khor lo'o// traM/ bdag nyid nga rgyal yon tan te// snying rjes 'gro don 'phel bar byed// zhi ba'i blo chen dbyings su sbyor// yon tan rgya mtsho dpag med pa'o// hri/ bdag nyid 'dod chags gsung mchog ste// nyon mongs las rnams dag par byed// nyon mos sdug bsngal rnam par dag/ chags med sems ni byang chub pa'o// a/ bdag nyid las ni sems dpa' ste// don rnams ma lus grub par byed// log rtog ma lus 'dul ba'i mchog/ phyogs bcu dus bzhir 'phro ba'o// muM/ bdag nyid shes rab 'od gsal te// me long g.yeng ba sel bar byed// thugs rje myur ba'i las byung ba// rgyal ba kun tu thogs med pa'o// ye shes drug gis nyon mongs sbyangs// dbugs chen dag kyang 'byin par byed// dug gsum sbyong ba sku gsum ste// lam lnga sbyong ba ye shes lnga// 'khor ba rtsad gcod shes rab mtshon// hUM du bsdus shing ho yis g.yeng // raM gyis bsreg cing phaT kyis 'phang // thabs dang shes rab 'brel ba yi// thig le dbyings su thim par bya// de nas gnyis med dbyings gyur nas// ye shes sems dpa'i sku ru bsgom// yang na 'bru gsum 'bru lnga bsgom// bzhi bcu rtsa gnyis dang // sangs rgyas dkyil 'khor tshang bar bsgom// nga med bdag med phyag rgyar gsal// de nas kun spyod lnga kun la// lha mo lnga dang sman lngar bsgom// oM hUM traM hriHaHoM badz+ra a mr-i ta kuN+Da li ha na ha na hUM phaT/ oM sarba bi shud+d+he d+harmA d+ha du bi shud+d+he a mr-i ta hUM phaT/ sngags des thams cad dag par 'gyur// dbyings su thim nas bdud rtsir gyur// sa chu me rlung nam mkha' rnams// rang bzhin med pa'i gshig pa'i phyir// gcig la'ang lnga lngar dbye bya zhing // muM gyi dbyings su bstim par bya// 'byung ba chen rnams de dag la// lhag pa'i ting 'dzin bskyed par bya// rags pa thabs kyi phyag rgya ste// de bzhin gshegs pa lngar bsgom zhing // 'byung po so so'i mtshan 'dzin te// yum lnga dag tu bsgom par bya// de rigs ye shes lnga nyid do// rgyur byas gzugs sogs bzhi bcu gnyis// phyi nang snod bcud thams cad kun// de bzhin nyid kyi dbyings 'dus na// de las gyur cing skyes pa kun// smos ci dgos te de nyid yin// a ho/ kye ma lhag pa'i byin brlabs kyis// bdag la lha rnams bsdu bar bsgom// de nas lha dang gnyis med nas// bdag nyid yi ge oM dang muM// bdag dang gnyis med dbyings su thim// a/ de nas bdud rtsi'i dkyil 'khor bsgom// 'khor lo rtsibs bzhi mu khyud bcas// dbus su bdud rtsi 'khyil ba ste// shar gyi rtse la rdo rje nyid// lho yi rtse la rin po che// nub kyi rtse la snang mtha' yas// byang gi rtse la don yod grub// lha dang lha mo'i tshogs kyis bskor// thabs dang shes rab ldan par bsgom// phyag rgya gzhan yang gsal bar bsgom// gtso bo'i sku mdog phyag mtshan ni// sku mdog gangs ri nyi shar 'dra// zla ba pad+ma'i gdan khri la// nyi ma stong gi gdan khrir ldan// lha dang lha mo'i tshogs kyis bskor// khro bo'i 'khor lo de bzhin te// bdud rtsi 'khyil pa dbus bsgoms te// gnas yul slas byi'i tshogs kyis bskor// snying po 'bru tshig gsal bar zlas// de la bdud rtsi phyag rgya ni// bum pa gang ba yid bzhin 'bar// re ba yid bzhin skong bar byed// nyon mongs sdug bsngal zhi bar mdzad// 'dod yon lnga yang ldan par byed// dngos grub chen po zla med pa'o// bdud rtsi char bzhin 'bebs par byed// sgo bzhi phyag rgya dag dang ldan// a mr-i ta yi rgyu nyid ni// byang chub sems dang sha chen dang // dri chen dri chu maM sar bcas// pad+ma rak+ta la sogs dang // gzhan yang 'dod yon sna tshogs rnams// dbye ba'am yang na mi dbye ba// bdud rtsi nyid du byin gyis brlabs// rtog pa'i bag chags sbyang ba'i phyir// gtsang sme med par bza' bar bya// dbyings su yang ni bstim par bya// phyag rgya 'od zer 'bar bar bsgom// bzhi brgya rtsa bzhi'i nad sel cing // dug gsum sdug bsngal med pa dang // bskal ba yun rings gnas pa dang // dngos grub chen po thob 'gyur te// tshogs gnyis rdzogs par yang dag gsungs// bdag nyid yi ge hUM du gnas// longs spyod lnga ldan thams cad la// oM hUM oM du gyur par bsgom// 'od 'phro 'bar zhing phyogs bcur spro// slar 'dus 'od 'phro bdud rtsir 'bar// shin tu gsal bar rtse gcig bsgom// gzhan yang yi ge tshogs pas gdab// 'thungs na ngan song sgrib pa 'byang // tra Da/ rtag brten dngos grub mchog kyang 'grub// lus kyi nad rnams thams cad 'byang // lha la rtag tu mchod byas na// bdag dang gnyis su med par 'gyur// mi mthun phyogs la gtor byas na// drag po gtum pa'ang lhan ner 'gyur// gzhan yang dngos grub thams cad no// ji ltar dmigs pa bzhin du 'grub// sangs rgyas go 'phang 'thob 'gyur na// lha srin la sogs smos ci dgos// the tsom med par bsgrub par gyis// rtag tu spyod cing dbyings su thim// rgyud kyi rgyal po sku 'phrul dra ba las/ sman bsgrub pa'i le'u ste bcu bdun pa'o// // de nas de bzhin gshegs pa rgyud kyi rgyal po sgyu 'phrul dra ba'i rang bzhin gyi dkyil 'khor las/ lhag pa'i ting nge 'dzin gyis sngags 'chang rnams lhar bsgrub pa'i dkyil 'khor 'di don yod par bya ba'i phyir/ ched du brjod pa 'di ched du brjod do// e ma ho ye nas rnam dag pa'i// thabs dang shes rab ldan par gnas// byang chub mchog tu nyi zla shar// de nyid bzhugs gnas yin par gsungs// chos rnams thams cad gnyis min pa'i// dbyings su thim pa'i 'od zer gsal// gcig dang spros pa thams cad med// dkyil 'khor spros med zlum po'i tshul// de nas mya ngan 'das pa'i chos// ye shes rgyu dang 'bras bur ldan// thams cad mkhyen pa'i ye shes sku// chos kyi 'khor lo yongs kyis bskor// thugs rje'i byin brlabs 'phros pa yis// ye shes bzhi yi dkyil 'bar b+ha// ya shes lnga dang sgra gsung thugs// byin brlabs ma mtshan bsam ma khyab// rang snang ba yi thabs las byung // bsod nams mi shes tshogs rdzogs pa'o// zugs rje rgyas pa gzhal yas khang // mtha' dbus med par rgyas par gnas// stong sgron mtshan med 'od gsal 'jug/ de phyir ye shes sgo bzhir bshad// der 'gro lam stegs brgyad dang ldan// rang bzhin ye gnas 'od gsal phyir// ci zla brtsegs pa'i gdan khri 'bar// ye nas rnam par dag pa'i phyir// ma chags pad+ma 'bar ba'i gdan// zad med ye shes gter gyur pas// yid bzhin rin chen 'bar ba'i gnas// ye nas mnyam nyid mi 'da'i phyir// ta la'i ljon shing rang bzhin gnas// re ba yid bzhin skong ba'i phyir// dpag bsam shing gi rin chen 'bar// yid bzhin rin chen rgyal gyis bskor// thams cad la ni dbang sgyur phyir// 'jig rten lha chen rnams kyis bskor// gsang ba de nyid nges pa las// 'phrul chen bzhi bcu rtse gnyis kyis// thams cad lha nyid rtag tu sbyor// thams cad ma lus dkyil 'khor mchog/ 'dis ni rang bzhin dkyil 'khor dang // gzugs brtan lhag pa'i dkyil 'khor gsum// ting 'dzin lhag pa'i dkyil 'khor dag/ byang chub sems dang tshogs mchog bstan// ces nyid la nyid bshad do// shin tu gsang ba'i dkyil 'khor bsdus nas/ lhag pa'i gzugs brnyan bstan pa'i le'u ste bco brgyad pa'o// // de nas de bzhin gshegs pa khro bo chen po'i byin brlabs/ phyag rgya 'byung ba zhes bya ba'i ting nge 'dzin la snyoms par zhugs nas/ ched du brjod pa 'di ched du brjod do// dbang po yul dus rigs pa rnams// thabs dang shes rab ldan gyur cing // mnyam pa'i ngang nyid gsal rtogs na// thams cad bde ba chen po'i rgyud// bskyod chen 'khor lo'i gzhal yas su// khro bo khro mo thams cad kun// gsal zhing 'od zer 'phro bsgoms nas// bskul bskyod thams cad phyag rgya yin// bla med chen pos de skad gsungs// yan lag snying po rtse gcig dang // rtse lnga rtse dgu bcu gcig tu// las rnams so sor rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod na ni// pad+ma chags med re re 'byung // rdo rje pad+ma de 'byor na// sems can thams cad bla na med// byang chub shing drung skye bar 'gyur// rang bzhin dkyil 'khor lha rnams kyang // khro bo'i dkyil 'khor bsgoms byas te// dbu yi dkyil 'khor bskul bskyod na// sangs rgyas dkyil 'khor thams cad g.yo// lag gi 'du byed bskyed byas na// rigs 'dzin zhing khams thams cad g.yo// rkang pa'i stabs chen gnan mchongs na// sdug bsngal mi bzod thams cad dang // bdud dang log 'dren thams cad mnan// yan lag thams cad bskul gsigs na// ba spu'i bu ga re re nas/ khro bo grangs med rdul snyed spro// de dag sprul pa grangs med kyis// phyogs bcu'i khams mang rdul snyed du// khro bo'i don rnams rdul phran snyed// thugs rjes 'dul zhing dbyings su bstim// thams cad khro bo'i dkyil 'khor dang // khro mo'i dkyil 'khor rab tu 'dus// thams cad rdo rje brag chen dang // me ri'i dkyil 'khor rab tu 'bar// 'di ni spyi rgya chen po yis// steng gi bgegs chen 'dul ba'i phyir// rdo rje 'khor lo ni mgo gdengs// 'og gi 'jig rten bgegs 'dul ba// rdo rje thong gshol nr-i bar dang // rdo rje gtun chen 'dril pa'o// shar gyi bgegs rnams 'dul ba ni// rdo rje rab tu 'bar ba dang // tir chen po'i dbyug pa'o// lho yi bgegs rnams 'dul ba ni// rin chen nr-i mgo'i dbyug pa dang // gshin rje chen po'i rkang pa'o// nub kyi bgegs rnams 'dul ba ni// sbrul dang ti ra nya dbyug dang // khyung chen gshog gis rab tu brdebs// rgya mtsho chen po'i sked par gtub// byang gi bgegs rnams 'dul ba ni// rin po che yi dbyug tho dang // nr-i mgo gsum pa'i dbyug to can// gnod sbyin gdon rnams tshar gcod pa'o// mtshams bzhi'i bgegs rnams 'dul ba ni// phyogs bzhi dag gis 'dul bar 'gyur// gal te de yis ma thul na// byang shar mtshams kyi bgegs 'dul ba// rdo rje rtse gsum nr-i mgo gdengs// i sha nyid kyang phyag na bsnams// 'byung po'i sde kun rab tu 'dul// shar lho mtshams kyi bgegs 'dul ba// rdo rje ye shes me chen 'bar// me nyid kyang ni 'tshig par byed// drang srong nyid kyang phyag rgyar bsnams// me lha gdon 'khor dbang du bsdus// lho nub mtshams kyi bgegs 'dul ba// rdo rje srin po mgo can te// rab tu rno ba'i ral gri 'bar// bden bral nyid kyang phyag na bsnams// srin po'i tshogs rnams dbang du bsdus// nub byang mtshams kyi bgegs 'dul ba// rlung gi ba dan nr-i mgo gdengs// shin tu drag po'i glang po'i brjid// tshig bsrungs nyid kyang phyag na bsnams// g.yeng ba thams cad dbang du bsdus// 'og tu 'jig rten bgegs 'dul ba// phyag rgya ri rab chen po ste// phag chen po ni phyag na bsnams// 'og gi bgegs rnams 'dul ba po// gzhan yang nyi zla'i dkyil 'khor gyis// tsha dang grang ba'i sdug bsngal sel// me yi dkyil 'khor chen po yis// thams cad ma lus sreg par byed// chu yi dkyil 'khor chen po yis// thams cad ma lus 'khru bar byed// rlung gi dkyil 'khor chen po yis// thams cad ma lus gtor bar byed// rdo rje ral gri 'khor lor bcas// mda' gzhu tho chen gri chen dang // rdo rje dung chen dgra star bcas// mche gtsigs spu gri so dang ni// rnga dang mdung thung sta re dang // gzhan yang phyag rgya sna tshogs so// dbus kyi he ru'i phyag rgya ni// ti ra'i dbyug to chen po dang // 'khor lo chen po rab tu 'bar// dung chen dmar gyis gang ba la// rdo rjes 'khrug cing rab tu gsol// shar gyi khro bo'i phyag rgya ni// ti ra chen po'i dbyug pa dang // rdo rje chen po rab tu 'bar// nr-i mgo dmar chen bkang ba gsol// lho yi phyag rgya chen po ni// ti ra chen po'i dbyug pa dang // yid bzhin nor bu rin chen 'bar// yid bzhin nor bu'i gzhas yas su// dmar gyi arga rab tu gsol// nub kyi khro bo'i phyag rgya ni// ti ra chen po'i dbyug pa dang // pad+ma chags med rab tu 'bar// dung chen dmar gyis bkang ba gsol// byang gi khro bo'i phyag rgya ni// ti ra chen po'i dbyug pa dang // rdo rje rgya gram rab tu 'bar// dung chen dmar gyis bkang ba gsol/ khro mo rnams kyang khro dang mthun// gnas dang yul gyi phyag rgya ni// rgyud gzhan dag dang mthun par bshad// ma mo rnams kyi phyag rgya ni// 'jig rten 'das mdo che las bshad// sgyu 'phrul dra ba las/ phyag rgya spros pa'i le'u ste bcu dgu pa'o// // de nas de bzhin gshegs pa khro bo'i rgyal po dpal shrI he ru kas/ yum kro d+hi shAshwa ri dang gnyis su med par 'dul bar mdzad nas/ byang chub kyi sems rdo rje las khro bo'i dkyil 'khor mang por spros nas/ 'jig rten pa'i dbang po dang / bdag po dang / rgyal po dang / rgyal po'i yang rgyal po dang / blon po dang / sde dpon dang / 'khor 'bum phrag bsam gyis ma khyab pa la sogs pa thams cad ma lus par dbang du bsdus te/ 'jigs byed chen po yis/ lha chen po rnams dang / da ltar dang / phyi ma'i dus su/ la la ni tshe 'phel ba'i las su bskos/ la la ni longs spyod 'phel bar bskos/ la la ni 'byung ba chen po la thogs pa med par 'gro bar bskos/ la la ni gzugs mi snang bar 'gro bar bskos// la la ni gzugs sna tshogs cir yang bsgyur bar bskos/ la la ni mi mthun pa'i phyogs dbang du sdud par bskos/ la la ni nyams shing rmos par bskos/ la la ni skams shing 'pho bar bskos/ gzhan yang bya ba rnam pa sna tshogs ci 'dod par bskos nas// ched du brjod pa 'di ched du brjod do// mnyam nyid rig pa'i rdo rje yis// 'jig rten gtso mchog dbang bsdus nas// thugs rje chen po'i byin brlabs kyis// 'gro ba'i don rnams sna tshogs bstan// thabs dang shes rab ldan gyur pas// ji ltar dmigs pa bzhin du 'grub// 'di ni rang byung lha yi lha// byams dang snying rjer ldan par rol// thugs rje chen po'i thabs mkhas pa// thams cad kun la spyod gyur kyang // bag chags la sogs mi 'gyur te// bsod nams ye shes tshogs rdzogs 'gyur// thabs mkhas spyod pa ma gtogs pa// gzung 'dzin 'khrul rtog rdul tsam med// de bzhin nyid dang dbyer med phyir// rtag tu rang bzhin 'od gsal gnas// de nas bdag gis rgyud kyi don// gong nas 'byung ba'i zhi khro gnyis// gang goms gsal ba bsgoms byas nas// ting 'dzin las su gsal 'gyur dang // rang sngags bzlas pa 'bum 'bum gdon// lha yi dbang po dgug pa'i phyir// lcags kyu zhags pa s+pho Ta baM// in+da ya swA hA/ in+da a mr-i ta/ hUM hUM dza dza dza/ lha yi dbang po'i snying kha nas// yang nas yang du rnam ra drang // dbang po gangs ri nyi shar 'dra// lus ni rin chen kun gyis brgyan// gtsug na yid bzhin rin chen 'bar// mchod sbyin 'od zer brgya dang ldan// rdo rje in+d+ra g.yas kyis gdengs// yid bzhin bdud rtsi'i bum chu g.yon// dbang po'i btsun mo sha tsi dang // bcas pa bsgrubs pas ci 'dod 'grub// lha chen dgug pa'ang sngar bzhin te// ma hA de ba hUM dza/ dzaHhUM baM hoHma ma trag sha ma hA tsa/ hUM hUM hUM/ lha gzugs mdog ni dkar la 'tsher// rin chen 'phreng bas se ral brgyan// yid bzhin bdun rtsi bum chu gsol// g.yon pa rin chen bgrang 'phreng ste// gzi 'dod rnams kyi re ba skoslong // btsun mo 'od can dbu ma dang // rtag tu 'dod yon lnga dang ldan// bdag nyid bud+d+ha he ru ka/ lha yi gzugs ni snga ma bzhin// srog dang ldan par bzlas pa bya// mdun nas dzaHhUM baM hos drang // rgyab nas rdo rje can gyis phul// je nye je nye gnyis med par// lha chen po ni gsal gyur nas// ci 'dod las de byed du gzhug/ lha chen 'khor rnams thams cad kyang // de grub dbang med 'du bar 'gyur// gang 'dod las rnams byed par 'gyur// de nas dges pa chen pos// rgyal po chen po sde bzhi po 'di sgrub pa'i thabs gsungs so// byang chub sems mchog ting 'dzin gyis// phyogs bzhi ma lus thams cad kun// rigs sngags 'chang gi don grub tu// rgyal chen bzhi yang dbang du bsdu// bdag nyid rigs bzhi he ru ka/ gang don 'byung ba bzhin du bsgom// lha nyid rtag tu gsal gyur cing // lha yi gzugs tshul gsal bar bsgom// bdag nyid lha dang gnyis med par// yang dag don du ldan par bsgom// de nas rgyal po yul 'khor srung // sku mdog dkar ser 'od 'bar zhi// dung tshul lus la shel rmog gsol// snyan pa'i pi wang phyag gis 'dzin// oM be shra ba Na ye swAhA/ dzaHhUM baM hoHdza dza dza/ hUM hUM hUM/ zhes lan 'bum du bzlas/ bdag nyid rdo rje he ru ka/ 'dren pa'i phyag rgya de dag gis// rgyal po yul 'khor snying nas drangs// rdo rje can gyis rgyab nas phul// 'di yis rgyal po dbang gyur nas// las ni gang 'dod byed du gzhug/ thams cad thams cad grub par byed// kun las 'byin cing kun la za// rgyal po'i 'khor rnams thams cad kun// ma lus pa ni yang dag 'du// bran bzhin du ni phyi bzhin 'brang // rgyal po 'phags skyes sgrub pa ni// bdag nyid rin chen he ru de// sku mdog rgyud las 'byung ba bzhin// phyag rgya rnams kyang de bzhin te// 'od kyi 'phro 'du'i byin brlabs kyis// 'phags skyes po ni dbang du bsdus// oM ti sta ra tra ya swA hA/ dzaHhUM baM ho/ g+hi Na g+hi Na/ durga byed ta tang / hang hang hang / rat+na dzaHhUM baM ho/ zhes/ rang sngags 'bum du bzlas byas te// srog dang ldan par bya// bdag nyid rat+na he ru ka/ 'phags skyes po yi snying kha nas// dza yis rab tu bzung nas ni// bdag gi mdun du dgug par bya// rgyab nas rdo rje can gyis phul// de nas mngon du gyur pa na// gang 'dod las de byed du gzhug/ mdog ni gser gyi mdog tu 'bar// 'khor rnams thams cad bdag dang ldan// yid bzhin rin chen gzhal yas 'grub// rgyal po mig ngan sgrub pa ni// bdag nyid pad+ma he ru ka/ sku mdog btsag gi snga ma bzhin// phyag rgya'i tshul yang de bzhin te// snying po 'bum phrag gsal bzlas nas// ting 'dzin phyag rgya bsgyur rung zhing // lha nyid du ni gsal gyur nas// rgyal po de yi gzugs mdog ni// shin tu dmar zhing 'tsher ba ste// lag g.yas bdud rtsi'i bum pa gsol// lag g.yon 'dod yon lnga yi tshul// nub phyogs klu rnams re ba skong // sbrul mgo 'bum gyi gdengs kha can// de ni rab tu dbang bsdu'i phyir// sngags kyi snying po 'di bzlas bya// oM bi ru ta ka ye swA hA// pe pa ka ya ka swA hA/ dzaHhUM baM ho/ nA ga shi ni b+hi pa ga ka b+hi ma kang / dzaHhUM baM ho/ 'bum phrag du ma bzlas na ni// de ni bdag gi dbang du 'du// bdag nyid lha ru gsal bsgoms nas// mig mi bzang gi snying kha nas// dza yis rab tu bzung nas drang // rgyab nas rdo rje can gyis phul// de nas bdag dang gnyis med par// dbyer med par ni gyur pa dang // ci 'dod las de byed du gzhug/ mig ngan 'khor rnams ma lus pa// bdag gi las rnams rdzogs par byed// rgyal po rnam thos sgrub pa ni// bdag nyid khro bo bdud rtsi 'khyil// sku mdog phyag mtshan snga ma bzhin// gsal zhing 'od 'phro 'bar bsgom zhing // gsang sngags snying po 'bum phrag bzlas// ting 'dzin bsgyur du rung ba dang // rnam thos dag ni rtag tu sgrub// gzugs ni rin chen bai DUR+Ya// yang na mdog ni sngo zhing 'tsher// phyag g.yas rin chen dbyug to thogs// g.yon na 'dod yon bum chu gsol// dbu la rin chen sna tshogs mdzes// oM be shra wa NA ya swA hA// dzatsA ba ho// ku be ra ba b+ha ba ka ra yang ya/ dza tsA ba ho/ 'bum du bzlas shing srog yod par// yang dang yang du bzlas par bya// bdag nyid bdud rtsi he ru ka/ dza yis rnam zos snying nas drangs// dbang du yang dag bsdu bar bya// rgyab nas rdo rje can gyis phul// yid bzhin rin chen dbang du 'gyur// gnod sbyin 'khor rnams dbang du bsdu// rin chen sprin zhing las rnams sgrub// ci 'dod las rnams byed par 'gyur// sgyu 'phrul dra ba las/ lha chen po sgrub pa dang rgyal po chen po bzhi'i dkyil 'khor bkod cing sgrub pa'i le'u ste nyi shu pa'o// // de nas de bzhin gshegs pa rgyud kyi rgyal po sgyu 'phrul dra/ ba las/ lhag pa'i gzugs brnyan gyi dkyil 'khor gyi dngos grub blang ba'i thabs 'di gsungs so// ye nas mnyam nyid dkyil 'khor las// thabs dang shes rab ldan byas te// rang rig ye shes rgyal po yis// thams cad ma lus maN+Dal la'i// de bzhin nyid kyi gzhal yas la// rig pa rang dbang gyur pa yis// mnyam la mnyam par mi gnas pa'i// chos sku phyag rgya chen por bsgom// 'jig rten brtan g.yo thams cad la// rang bzhin dkyil 'khor gnas mod kyang // gzung 'dzin rnam rtog zhags pa yis// rang gi bsgribs shing rtag tu bcings// kun gyis yang dag rtogs bya'i phyir// de bzhin chos sku gzugs brnyan bstan// rtog dang mi rtog rang rig dang // yang dag thabs chen rdzogs pa'i don// rin chen sna tshogs la sogs dang // 'byung ba bzhi las gyur pa kun// thams cad byang chub mchog gi rgyu// gzugs sogs ri mo bris pa dang // ye shes chen po rab 'byams kyis// don du mi 'gyur yong ma gsungs// de bzhin ting 'dzin dkyil 'khor gyis// thams cad dbyings su bsdus nas ni// nyid kyi thugs la bstim byas te// thams cad sku yi phyag rgya che// dkyil 'khor rnam gsum dag byas pas// nam mkha'i dbyings kyi dkyil 'khor du// rang rig ye shes 'du 'phro yis// thams cad chos sku phyag rgya che// yang dag rtogs pa'i khyad par gyis// ting 'dzin don rnams gsal bsgoms na// mA ma ki ni rgyun chags la// yang dag chos sku phyag rgya che// don mchog ma lus rdzogs pa'i phyir// mkha' la 'phyo ba'i dkyil 'khor du// dri med chos sku phyag rgyar gsal// dbyings dang de bzhin nyid med par// ting nge 'dzin gyis dbang sbyar nas/ kha dog dbyibs dang gzugs su bsgyur// sna tshogs 'phrin las rnam par rol// don gyi snying po mchog rnams dang // byang chub chos rnams rab tu rdzogs// 'jig rten gtso mchog rnams kyis bskor// a ho/ chos sku phyag rgya de dag las// las lnga'i dkyil 'khor rab tu bsgrub// ting nge 'dzin gyis dbang sgyur na// ji ltar dmigs pa bzhin du 'grub// drag pa gtum po gtul ba'i phyir// bdag nyid drag por bsgoms nas ni// chos sku nag po 'od 'bar gyis// bgegs kyi ling kha mnan par bya// drag po gtum po'ang brlag par 'gyur// mi mthun phyogs kyang rdul du rlog/ 'di dang 'gro ba thams cad du// shin tu stobs drag cher ldan 'gyur// thams cad gnyis med dbyings bsdus phyir// bdag nyid ha ya gri bar bsgom// dmar po'i chos sku gsal bsgoms te// mi mthun phyogs rnams gdan du gding // ting 'dzin gsal bar byin brlabs na// thams cad ma lus dbang du 'du// mthu chen dag kyang phyi bzhin 'breng // ci 'dod las rnams byed par 'gyur// thams cad yon tan 'phel bya'i phyir// bdag nyid rgyal ba'i khyu mchog ste// gser gyi mdo 'dra phyag rgyar bsgom// gang 'phel chos sku'i gdan du bzhag/ de ltar dag pas byin brlabs nas// yon tan nam mkha'i mtha' dang mnyam// tshe dang longs spyod 'phel ba dang // ji ltar dmigs pa bzhin du 'grub// thugs rje chen po'i byin brlabs kyis// gtum khro ma lus zhi bya'i phyir// dkar zhing 'tsher ba'i chos sku bsgom// gang zhig gtum khro zhi bya'i gdon// de bzhin ting 'dzin byin brlabs na// gtum po rngam po'ang zhi bar 'gyur// gzhan yang ji ltar dmigs pa bzhin// zhi zhing dul ba nyid du 'gyur// thams cad mkhyen pa'i ye shes kyis// rnam bzhi'i dkyil 'khor dbyings su bsdus// bya byed med par dkyil 'khor spyod// lhun grub dkyil 'khor ye nas rdzogs// a ho/ chos sku'i phyag rgya chen po ni// dngos grub gang 'dod sbyin par nges// nye ba'i lha ni gang sgrub pa// phyag rgya snying po bris bcug na// gang bsgoms the tshom med par 'grub// de ni rgyal ba kun dang ni// mnyam par nges 'grub the tshom med// 'jig rten pa yi lha sgrub na// lha yi snying po gang yang rung // bris te dkyil 'khor nang bcug na// lha de nye bar 'grub par 'gyur// chos nyid rten cing 'bral bris na// chos kyi don rnams rtogs 'gyur te// rang dang spyi yi don rtogs na// skye rgas na 'chi med par rtogs// phyag rgya chen po de dag la// nyon mongs las rnams sbyong byed pa'i// snying po ma nor don bris na// ngan song sdug bsngal med par 'gyur// gzhan yang dkyil 'khor bsam yas dang // tshad dpag med pa'i phyag rgya che// sku gsung thugs ni rgyun mi 'chad// zhing khams bye ba rdul dang mnyam// a ho/ rdo rje gsang ba'i tshig tu'o// sgyu 'phrul dra ba las/ lhag pa gzugs brnyan gyi dngos grub len pa'i thabs te/ mchod rten gdab pa'i le'u ste nyer gcig pa'o// // de nas de bzhin gshegs pa rgyud kyi rgyal po sgyu 'phrul dra ba las shin tu gsang ba'i phyir/ gsang sngags kyi rgyud de phyi ba dang nang pa thams cad kyi rgyud gzhan la khams bco brgyad du bstan/ gtsug lag thams cad la yang bco brgyad du bstan pa yin/ lung gi spyi 'di shin tu zab pa'i phyir/ khams nyi shu rtsa gcig tu bstan te/ lung gi spyi dang / rgyud dang / gsung rab thams cad 'byung ba'i gnas yin/ gsang ba'i dbang po dang / gsang ba'i yul gnyis gang yang skye mched dang khams thams cad 'byung ba'i gzhin yin pa'i phyir/ shin tu gsang bar gsungs so// dkyil 'khor de dag shin tu gsang bar bstan pa'i phyir// nyid la nyid ched du brjod pa 'di ched du brjod do// kye ma ho ye nas gsang ba'i chos// thams cad kun la rang bzhin gnas// ngang gis dag mnyam ma rtogs pas// kun la yod cing rang bzhin gsang // gzhan du min las shin tu gsang // don nyid kyis ni gsang ba'i rgyu// mnyam pa'i rdo rje can gyis gsungs// 'di ni byang chub snying po mchog/ a ho/ gsang ba'i tshig tu'o// dbang po yul dus gsang ba'i rnams// byang chub pa yi dkyil 'khor nyid// phung po lnga dang 'byung ba lnga// rigs lnga yab yum bcu ru 'byor// skye mched khams rnams bco brgyad po// byang chub sems dpa' sems ma nyid// dkyil 'khor nyid kyi dbyings yin te// rang byung rdo rje gsang ba'i dbang // yul nyid ye shes pad+ma'i dbyings// dbang po'i thugs ni rdo rje sems// thams cad 'byung ba'i gter nyid dang // thams cad 'gro ba'i gnas nyid de// de yis ma bskyed gang yang med// 'khor dang mya ngan 'das pa'i rgyu// de las thams cad skye zhing 'byung // kun gyi phyag rgya'i rgyu yin te// bde ba'i byang chub sgrub pa'i rdzas// de las bskyed cing de las spros// dngos grub thams cad 'grub pa'i gnas// dbang po rdo rje pad+mar ldan// gnyis med byang chub sems 'phro na// mi dmigs bde dang longs spyod 'phro// sku gsung thugs dang ye shes lnga// gsang ba'i lha mo bzhi rnams dang // mchod pa'i lha mo rdzogs ldan bzhi// 'jig dang ldang gnas smon pa yis// g.yo bskyod 'jug dang bde gnas pa// gsang ba'i dbang po byed pa po// shes bya pad+mos thob par 'gyur// de phyir gsang sngags mchog rdzogs pa// bsod nams ye shes tshogs kyang rdzogs// de bzhin nyid kyi gsang ba las/ khams ni nyi shu rtsa gcig bshad// rdo rje gsang ba'i dbang po dang // pad+ma bde gnas 'byung ba dang // gsang ba mchog gi 'phrul chen 'phro// 'di ni rtsa gcig yin par gsungs// shin tu gsang ba zab pa'i phyir/ khams nyi shu rtsa gcig tu bshad pa'i le'u ste nyi shu gnyis pa'o// // sgyu 'phrul dra ba kun ldan pa'i// rdo rje la sogs kun tu yang // gsungs pa mi 'gal 'dir yang brjod// 'jug ldan gnas smon byang chub sems// g.yo dang bskyod dang ldang dang gnas// bkug dang 'dzin dang de bzhin te// bsdus dang 'phris pa'i don grub phyir// bsdams dang mi gtong dbang sgyur te// bde dang sgra snyan phyogs bcur sgrogs// shin tu sgeg pa'i gzi brjid 'bar// yid bzhin rin chen 'phreng ba 'bar// dbyangs snyan yid 'phrog gzi ldan 'bar// gzugs mdzes bskyod pas phyogs bcur g.yo// kun tu tshim byed dri bsung thim// lhag mdzes rin chen phung po 'bar// 'od gsal 'phro bas kun tu 'phro// bdud rtsi bsil dro 'jam pa'i dbyangs// a la la ho/ gsang ba'i dbang po pad 'byor na// chags pa med pa'i tshul gyis su// pha rol phyin bcu rgyu 'bras rdzogs// sa bcu rim gyis bkod med rdzogs// kun tu 'od gsal spyan yang rdzogs// gnyis ldan bla med sa yang rdzogs// bsod nams ye shes tshogs chen la// brtan pa nyid du rdzogs par rol// a ho/ de bzhin nyid kyi gsang mchog las// khams ni nyi shu rtsa gcig ste// bco brgyad po ni rgyud gzhan bzhin// gsum ni de bzhin kun gyi bdag/ bco brgyad 'byung ba'i gnas yin te// byang chub 'grub pa'i gzhi yang yin// bde ba sbyin pa'i rgyu yin te// gsang ba'i mtshan nyid brjod pa ni// dbang po rdo rje gsang ba'i rgyal// yul ni pad+ma bde mchog dbyings// sems ni byang chub 'byung ba'i gter// dbang po yul sems ldan gyur na// gsang ba mchog gi 'phrul chen spro// dkyil 'khor rdul snyed grangs med dang // phun sum tshogs pa lhun grub rnams// gsang dbang mchog gis 'byin par byed// 'di ni rtsa gcig yin par gsungs// gsang mchog don mchog 'di dag ni// lta ba dman la bshad byas nas// dus min par ni srog zad nas// mgo 'gas snying yang 'tshig par 'gyur/ khab longs kyis ni lcags sdud ltar// mi 'dod bzhin du dbang med par// bskal par ngan song gnas par 'gyur// de phyir 'di ni shin tu gsal// shes rab rgya che blo yangs pa'i// snod ldan ngang tshul bzang la bstan// gzhan du nam yang sbyin mi bya// zhes nyid la nyid brjod de/ shin tu zab pa'i phyir rgyud gzhan gyi nang du ma bshad do// gsang ba'i dkyil 'khor khams nyi shu rtsa gcig tu bsdus nas/ thams cad ma lus par dbyings su bsdus pa'i le'u ste nyi shu gsum pa'o// // de nas de bzhin gshegs pa rgyud kyi rgyal po sgyu 'phrul dra ba las/ chos thams cad yid bzhin chos su 'dus par bstan pa dang / shes rab thams cad ni yum bzhir 'dus/ yum bzhi yang gcig tu 'dus so// thams cad ni rigs bzhir 'dus so// rigs bzhi yang gcig tu 'dus te/ thams cad dbyings dang dbyings kyi ye shes su 'dus par bstan nas/ tshig mgo mjug gi don bsdus nas yang 'di skad brjod do// don gyi rtsa ba'i mchog yin no// thams cad ma lus mi dmigs ma chags chos nyid de// de bzhin nyid dbyings sna tshogs mang po thabs su snang // thabs nyid sgyu ma mig yor chu zla gzugs brnyan yin// de nyid rang rig ye shes chags med sna tshogs snang // thabs dang shes rab ldan pas mchog gi gnas gyur pas// ji ltar spyad kyang zad med gnyis grub sgrib mi 'gyur// shes rab thabs chen mchog la ye nas rol pa yin// de nyid phyag rgya sna tshogs sprul pa rang rig ste// rgyu 'bras ye nas dbyer med snga phyi ma yin pas// 'bras bu lam du gyur bar dus gcig mnyam par spyod// 'di ni yid bzhin rin chen thams cad 'byung ba'i gnas// thams cad 'du ba'i gter dang yid bzhin mdzod// gnyis bral mnyam dang mi mnyam thams cad nyid kyi dbyings// nga dang bdag med sna tshogs mtshan ma dbyer med pa// stong dang mi stong mi gnas de bzhin nyid du rngubs// rang byung rdo rje'i dkyil 'khor zad med gter chen 'phro// 'das dang ma 'das dkyil 'khor bsam yas lhun grub dang // mi zad par ldan rgyan gyi 'khor lo drug rdzogs pa// skye med dbyings kyi rang byung 'od gsal 'phreng ldan mgo/ ye nas ma bcos ma byas rang rig ngang gis gsal// thams cad 'byung 'jug rang rig gter chen nang du bsdu// phyogs bcu ma lus thams cad kun 'dus dang // zhing khams gzhal yas bsam yas rin chen mchog chen kun// skye med dbyings dang rang rig gnyis su yang dag 'ub// mos spyod stong nyid rgyu 'bras yang nas yang sbyangs mi dmigs pa// ye nas 'od gsal chags med ma chags dkon mchog gnas// ming tsam mchog rol thabs dang shes rab mchog gis rdzogs// lam stegs nyid du pha rol phyin bcu rgyu 'bras spyod// mnyam nyid rig pa'i rdo rje thabs chen yang dag ldan// 'gro med 'ong med mi gnas kun khyab khyab med nyid kyis bshad// a ho/ rgyud kyi rgyal po sgyu 'phrul dra ba chen po las/ pha rol tu phyin pa bcu dang / sa bcu dang / sa gnyis dang / zabs kyis mchog dang / sangs rgyas kyi zhing ma lus pa/ yid dang chos su 'dus par bstan pa'i le'u ste nyer bzhi pa'o// // rgyud mgo mjug ril 'dir 'dus she'o// // de nas de bzhin gshegs pa thams cad kyis// mi 'chi ba rdo rjer bsgrub pa 'di gsungs so// rdo rje zhing chen sgrub 'dod pas// thams cad skye shi med tshul du// mnyam zhing dag pa nyid du bsgom/ khro bo bdud rtsi 'khyil pa yis// dzaHhUM baM hos dgug par bya// bdag dang khro bo gnyis med par// yang nas yang du bsgom par bya// sku rnams gsal bar gyur pa dang // zhing chen 'og tu gzhug par bya// dkyil 'khor ma lus der bkod nas/ khro bo khro mo 'khor du bsgom// mngag pa'i pho nya phyogs bcur gtang // 'jig rten mi rnams dbang bsdus te// nr-i yi tshogs rnams kun bkug nas// zhing la yang nas yang du 'jug/ ting 'dzin che bas zla gcig ste// 'bring gi zla ba gnyis dang gsum// tha mas zla ba lnga ru ni// rtse gcig rtse gsum rtse lnga pas// 'du 'phro yang nas yang byas pas// snar dang ser dang mdog snum 'byung // de nas ting 'dzin bdud rtsi yis// lan grangs 'bum phrag mang por bzlas// bzlas pa'i tshul ni rnam gsum dang // rdo rje sngags zlos rtse gsum pa// de yi bar nas bzlas pa 'byung // 'od zer lnga dang ldan par bya// zhing de lte ma ldem por gyur dang // bdud rtsi lnga yis bsku bar bya// de nas yi ge 'bru lnga dgod// yan lag lnga la yul lnga ste// dbang po lnga la sems dpa' dang // sems ma 'khril ba'i tshul gnas bya// rdo rje'i ting nge 'dzin gyis ni// gsal zhing 'tsher bar bsgoms nas ni// sngags kyi 'byung 'jug zhing la gzud// de nas zhing de 'gul gyur nas// shin tu zhags pas bsdam par bya// yan lag rnams kyang gzhum par bya// phyogs bzhi dag tu zod pa bstan// de nas nub tu thod pa bstan// ha ya gri ba'i skur bsgom zhing // sngags ni 'bum phrag mang du bzlas// phyogs bcur spro zhing zhing la bstim// de nas zhing de drag 'gul na// rdo rje ting 'dzin de yis ni// brtan pa nyid du bsgom par bya// de nas spar spar byed pa dang // a NI pri du tri gang yin// hri nri ar bsgyur ting 'dzin gyis// rdo rje drag tu brdeg cing dbab// thod pa'i kha nas hri byung nas// rdo rje ting 'dzin so yis bcad// rdo rje'i sngags zlos khong du bstim// gnyis su med par bsgom par bya// de nas zhing de langs pa dang // rdo rje byin nas dbang yang bskur// bdud rtsi'i chu yang blud par bya// las rnams thams cad byed du gzhug/ de ltar bsgrubs pa'i rigs mchog gis// thal ba thams cad sos par 'gyur// sgrub pa'i sa ni dur khrod dang // ri brag gnyen po bgegs gnas dang // gnas khrod gnyen po tshor ma can// gnod sbyin srin po 'byung po'i gnas// de dag tu ni bsgrub par bya// dgu dang bcu gnyis bcu gsum dang // bcu drug man chad bsgrub par bya// phyi nang mchod pa'i yo byad rnams// lam lnga'i zhing dang sman rnams bcang // 'bru rnams sna tshogs bcang bar bya// rtag tu tshogs kyis mchod par bya// rtag pa dag tu ma ldan na// nyin gsum mtshan gsum par mi bcad/ kha zas rnams kyang thob par bza'// btung ba dag kyang de bzhin te// mar me rtag tu gtang bar bya// rgyu ni nr-i yi mar las byas// yan lag bsku ba'ang de bzhin no// sdong po pad+ma'i rgyu las bya// snod ni dung chen srubs med pa// lung po yod dang med kyang rung // de byi pu tra ma byung ba// mdog ni ban glang can la yod// rdo rje sgrub pa bar gcod phyir// rtag tu mtshams ni gcad par bya// nr-i yi rkang pa g.yas g.yon nas// sbom po ma yin phra ba nyid// de la kI la ya byas la// phur pa'i sngags dang khro sngags dang // lan 'bum du ni bzlas nas ni// lag pa g.yas g.yon thal sor la// khro bo bcu dang khro mo bcu// 'od 'bar gzugs kyi sku ru bsgom// de nas gnyis med sbyor tshul du// sgrub pa rdo rje bsgom par bya// sgrub pa dngos las ma gtogs pa// phyogs bcu rnams su mtshams yang gcad// dngos grub ma thob par du ni/ bsgom dang bzlas dang phyag rgya gsum// bag yod mgo la me 'bar bzhin// bar mtshams med par bsgrub par bya// de ltar sgrub pa'i rigs mchog gis// lha ma srin rnams bran bzhin 'khol// 'jig rten dbang phyur dbang du sdud// rdo rje rigs mchog 'khor rkyen rnams// yid bzhin du ni 'byung bar 'gyur// rdzu 'phrul chen po de dag ni// lus sdud nas ni mngon du phyung // de ma yin par shin tu gsang // rgyud kyi rgyal po sgyu 'phrul dra ba las/ ro langs sgrub pa'i le'u ste nyi shu lnga pa'o// // de nas de bzhin gshegs pa rgyud kyi rgyal po sgyu 'phrul dra ba las ting nge 'dzin gyis rim par sbyong zhing / dngos grub myur du len pa'i thabs dra ba las 'di skad ces gsungs so// dkyil 'khor bsam yas dngos grub pa// mi dmigs dbyings las don 'byin te// ma bcos ji bzhin dang bzhag dang // lhun gyis grub pa'i dkyil 'khor 'byung // mi dmigs thugs kyi dkyil 'khor las// ting nge 'dzin gyi dbang sgyur nas// ye shes sprul pa sna tshogs 'grub// spyod yul thams cad maN+Dal// ye shes dkyil 'khor thar byed skyong // longs spyod sku dang sangs rgyas zhing // de ltar 'dod pa smon na 'grub// yangs shing rgya che lhun grub ni// phyi nang snod bcud ye nas dag/ dag rtogs nyid kyang dbyings nyid de// 'di ni rdo rje mnyam yin no// dngos grub myur du 'grub 'dod na// shin tu phra zhing zab par bsgom// bdag dang bdag gi gzhan rnams ni// shin tu mi dmigs dbyings su bsgom// ting nge 'dzin de goms pa dang // thams cad sgyu ma mig yor dang // sprul pa'i tshul du shes par bya// de bzhin yang nas yang goms nas// de nas phra ba'i ting 'dzin bsgom// phyi nang snod bcud hUM du bsdu// gang sgrub yi ge so so ste// spyir ni gang bsgom kun tu 'dra// rdo rje sems dpa' nyid du 'du// yan lag lnga dang rnam shes nyid// yi ge hUM du shin tu bsdu// nr-i yi mig gis bltar yod par// yang nas yang du 'dis pa dang // 'od zer mang po spro bar bya// phyogs bcu dus bzhi gang ba dang // slar yang hUM la bstim par bya// hUM nyid mi dmigs dbyings su thim// thim gyur dbyings nas a dkar 'bar// shin tu 'tsher bar gsal bsgoms la// thams cad a ru gyur par bsgom// de bzhin nyid du 'dris gyur nas// a las ma'i dkyil 'khor spro// a ma gsal bar 'byor gyur nas// nyi zla gang bar sgril mar bsgom// hri gsal pad+ma chags med bsgom// rin chen 'bar ba'i gzhal med khang // nyi zla gdan dang bcas par bsgom// thams cad 'dus shing 'phro bar bsgom// de dkyil yi ge hUM gnas pa// mthing kha 'tsher la gsal ba yi// 'od zer 'phro ba rnam par sgom// 'od 'phros dbyings su slar bsdus nas// shin tu rdo rje 'phro bar bsgom// rdo rje 'od 'phros gsal 'bar nas// dbyings su yang ni bstim par bya// de nyid sems dpa'i skur gyur nas// shin tu phra zhing 'dus par bsgom// de bzhin gnyis med gsal gyur nas// sku gcig rdo rje dril 'bar bsgom// de bzhin nyid du gyur pa dang // dbu gsum phyag drug nyid du bsgom// gzhan yang khro 'dul sna tshogs bsgom// blo yi shes rab che chung las// rim pa bzhin du bsgom par bya// yang na gcig char bsgom par bya// nyi zla gza' skar dus gcig tu// chu dkyil dngas par gsal ba bzhin// de ltar goms rtogs rigs mchog des// ji ltar dbang sgyur bzhin du 'grub// mkha' lta 'phyo dang rigs 'dzin gnas// chu rgyun zlog dang rlung mi 'gul// ri brag la sogs thogs med 'dzul// chu la mi 'bying mes mi 'tshig/ dug/ dang mtshon gyis 'jigs mi 'gyur// mi snang ba dang mang por sprul// gzhan yang ji ltar 'dod pa bzhin// lha srin rnams la dbang sgyur dang // tshe dang dus la bsring bsnyung dang // stong gsum nyungs 'brur shong ba dang // yungs 'brus stong gsum khengs pa dang // ji ltar dmigs pa bzhin du 'grub// sbrul dang gcan gzan gdug pa rnams// khyi bzhin phyi nas 'brang bar 'gyur// bdud dang gdug pa la sogs pas// tshugs par mi 'gyur bran bzhin 'gyur// lus ma spangs par rigs 'dzin sa// ye shes bsod nams longs spyod kyis// yi ge 'khor lo tshogs mchog brnyes// thugs rje sprul pa'i byin brlabs kyis// so sor thar pa'i lam yang ston// 'gro ba ma lus don yang byed// las rnams thams cad kun byas na// skye shi med pa'i g.yung drung thob// mtshan dang dpe byad kun gyis brgyan// bsod nams ye shes tshogs chen ldan// mthar phyin bya ba med pa 'grub// sgrub med spangs med chos kyi dbyings// 'ong med 'gro med de bzhin nyid// 'di ltar bsgrubs te bsgoms byas na// 'bras bu mngon du ma gyur kyang // tshe rabs skye ba thams cad du// las ngan kun tu skye mi 'gyur// theg pa dman par yongs mi 'gyur// rdo rje'i rigs mchog 'dzin par 'gyur// zhes rdo rje gsang ba'i tshig tu'o// shin tu gsang ba dngos grub myur du thob par bya ba'i le'u ste nyer drug pa'o// // de nas de bzhin gshegs pa rgyud kyi rgyal po sgyu 'phrul dra ba las// sku'i dkyil 'khor mngon du phyung ste 'di skad ces gsungs so// de bzhin nyid kyi dbyings ldan te// rgyu dang dra bar 'brel gyur nas// rgyu mchog rdo rje 'od snang ba// mthun pa'i ye shes rang snang ba'o// rgyu drug 'khor ba'i lus snang ba// rnam rtog mthun pa'i las snang ngo // de bzhin sku mchog dri bral dang // bde gshegs sku lngar mdor bsdus te// bcom ldan 'das dang byang chub gzugs// bla med gzugs dang rdo rje'i sku// de la sogs te sku bsam yas// phyogs bcu kun tu dus bzhir ni// thabs kyis 'gro 'dul skur ston te// byang chub sems ni rdo rje'i sku// chags med zhing du sku ston pa// dbyings las ma g.yos bzhin du snang // sku snang de bzhin nyid kyi dbyings// rnam dag sku ston ma yin te// log 'gro rtog pa thams cad la// so sor 'dul ba'i skur yang ston// de tshe skye shi med pa'i sku// las dang ma chags pad+ma'i sku// thar dang ma thar sna tshogs kyang // sna tshogs snang la gnas pa med// snang dang mi snang gnyis ka min// de ltar rtogs pa'i rigs mchog ni// rdo rje zhes ni gdags pa yin// ji snyed sku ston bsam yas pa// thams cad ma lus rdo rjer bsdus// 'khor lo zhes kyang brjod pa yis// de la sogs te sku bsam yas// byang chub thugs kyi dkyil 'khor nas// sku ni sna tshogs thams cad kyang // gzha' tshon chu zlar 'drar shes na// dbyings nyid la ni dbyings snang zad// thugs nyid gsung gi dkyil 'khor snang // gsung nyid sku yi dkyil 'khor te// dbyer med de bzhin yong gis so// dkyil 'khor bzang po sgrub 'dod las// rtag tu dus gnas thams cad du// bdag dang bdag gi dbyer med par// ye nas dkyil 'khor yin par rtag/ 'di ni dngos grub mchog yin par// kun tu rgyal gyis de skad bshad// sgyu 'phrul dra ba las// sku'i dkyil 'khor mngon du phyung ba zhes bya ba'i le'u ste nyer bdun pa'o// / nas de bzhin gshegs pa rgyud kyi rgyal po sgyu 'phrul dra ba las/ sngags 'chang rnams don yod par bya ba'i phyir/ dam tshig sum brgya'i rtsa ba mdor bsdus nas/ sngags 'chang rnams kyi don ched du/ ched du brjod pa 'di ched du brjod do// phyogs bcu'i 'jig rten rdul phran snyed// rtog 'dul gnyen po bsam mi khyab// 'dul ba sdom pa bsam yas dang // rdo rje theg mchog mang po kun// nyid las g.yos shing spros med kyang // rang rig 'phrul pa'i rtog pa yis// lta ba mtho dman bsam mi khyab// de 'dul don phyir bsam par bstan// yang dag nyid dang log rtog nyid// ngo bo nyid kyis gnas gyur na// de la bcos shing bsgyur du med// ye nas ngo bo yod yin na// nyon mongs spang zhing byang sgrub med// thams cad ma lus ro gcig 'gyur// kun rdzob chu zla ltar yin pas// cir yang 'gyur zhing cir yang 'grub// rnal 'byor de nyid rtogs pa yis// don dam skye 'gag med pa ste// kun rdzob sgyu ma cir yang 'grub// gnas ngan dus na log rtog nyid// gzung 'dzin bral ba nyid rtogs na// bdag med ye shes rang rig nyid// snying rje thabs mkhas ting 'dzin gyis// ji ltar dmigs pa bzhin du 'grub// so so'i rang bzhin nges she na// yang dag lam gyis bcos su med// de bas yang dag blo chen gyis// thams cad dngos po med par bshad// dper na dug gi rigs shes pas// dug gis mi tshugs thabs yod ltar// ha la ha la'i dug rnams kyang // bsgrubs na ra sa ya na'i sman// bdud rtsir 'gyur la tshe ring 'grub// nyon mongs rang dang spyir bstan pa// mtshan nyid ma nor don rtogs na// rnam par byang ba'i lam du 'gyur// sku gsung thugs kyi dngos grub kyang // gang na'ang med de de nyid yin// nang gi chen po lnga nyid kyang // rang dang spyi yi don brtags na// mtshan nyid med pas rnam par dag/ so so'i rtsal rnams 'dzin gyur pas// thabs chen du ni rnam par 'phro// mtshan rnams rang bzhin mi gnas pas// shes rab dbyings su rnam par sbyong // gti mug ces ni brjod pa yang // ma rig ming gi rnam grangs te// gnyis med don gcig yin par bshad// rang gi mtshan nyid spyod pa ni// chos dang bdag dang dngos po rnams// ngo bo yod la sogs brtag pa// rtog pa sgyu ma'i klung gyur te// log rtog spros pa'i rgyun yin la// thams cad chos dbyings ro gcig ste// bzod pa'i chos nyid dmigs can yin// spyi yi mtshan nyid brjod pa ni// mi rtag sdug bsngal stong bdag med// ma rig pa ni spang du med// rig pa yang dag sgrub tu med// thams cad dbyings su ro gcig thim// sgyu ma'i dngos por rtog pa ni// sgyu mar rtog nyid mi dmigs pas// mi dmigs de nyid sna tshogs snang // skye pa nyid na chos nyid gcig/ dbyings nyid mi dmigs de bzhin nyid// de nyid chos sku'i phyag rgya che// mi dmigs sgyu ma'i dngos po la// rtog pa'i yul gyis dngos nyid kyang // chos nyid mi dmigs ye nas dag/ sgyu ma mi dmigs dbyer med phyir// yod med gnyis ka dbyer med pas// ting nge 'dzin gyis dbang skur na// thugs kyi phyag rgya chen po yin// chos nyid dmigs su med pa ste// mi dmigs bzhin du sgyu mar spro// gdul bya'i bya ba bsam mi khyab// gsung gi phyag rgya chen po'o// de ltar gti mug spang du med// rnam par snang mdzad rgya chen yin// zhe sdang rang dang spyir bstan pa// kun nas mnar sems rtogs pa yi// sgyu ma'i dngos po thams cad la// 'jug par mos pa'i rang bzhin can// spyi yi mtshan nyid brjod pa ni// mi rtag sdug bsngal stong bdag med// zhe sdang snying rje spang bsgrub med// chos kyi dbyings su ro gcig phyir// sgyu ma'i rang bzhin mnar sems pa// dngos po thams cad 'jig rtogs na// sgyu mar snang ba thams cad kyang // chos kyi dbyings las mi gzhan te// mi dmigs pa nyid sgyu mar skye// chos rnams kun gyi rang bzhin ni// bdag dang srog dang sems can dang // gang zag gso ba'i rang bzhin med// snang ba thams cad bdag med de// mnar sems chos kyi dbyings su gcig/ thams cad mi dmigs de bzhin nyid// kun dang dbyer med chos sku yis// kun la rtag pa'i phyag rgya yin// mi dmigs de ltar snang pa la// phyin ci log gi blo bslad pas// rtog pa'i yul la mnar sems te// chos nyid sgyu ma mi dmigs shing // myang 'das 'khor bar dbyer med phyir// don dam kun rdzob ro gcig ste// ting nge 'dzin gyis dbang bsgyur na// thugs kyi phyag rgya chen po yin// mi dmigs sgyu ma'i chos nyid las// gdul bya'i zhing ni bsam yas sprul// 'dul thabs las kyang bsam mi khyab// gsung gi phyag rgya chen po'o// zhe sdang spyi yi mtshan nyid ni// yang dag nyid kyis rab brtags na// rnam par byang ba'i mtshan nyid de// gnyis med zhe sdang spang du med// nga rgyal mtshan nyid bshad pa ni/ khong nas 'gying zhing sems khengs pa// pha rol zil gyis gnon par byed// spyi yi mtshan nyid bshad pa ni// mi rtag sdug bsngal stong bdag med// nga rgyal spangs nas zhi bsgrub med// chos kyi dbyings su ro gcig pas// kun rdzob sgyu mar khong 'gying nyid// de bzhin nyid las mi gzhan te// chos nyid mi dmigs med pa las// dregs pas khong khengs 'gying bar skyes// skyes 'gying nyid na dmigs med de// skye 'gag med pa'i dbyings su gcig/ 'gying ba'i rang bzhin ngang gis dag/ 'gying dang mi 'gying dbyer med phyir// chos sku'i phyag rgya chen po yin// mi dmigs 'gag pa med pa nyid// log rtog sgyu ma 'gying bar skyes// 'gying bas yul gzhan gnon pa nyid// chos kyi dbyings las mi gzhan te// sgyu ma chos nyid dbyer med phyir// don dam kun rdzob gnyis ka gcig/ ting nge 'dzin gyis dbang sgyur na// thugs kyi phyag rgya chen po yin// mi dmigs sgyu mar 'gying ba ni// nga rgyal gdul bya bsam mi khyab// gsung gi phyag rgya chen po yin// nga rgyal spyi yi mtshan nyid ni// rnam par byang ba'i mtshan nyid de// zhi sgrub nga rgyal spang du med// 'dod chags rang gi mtshan nyid ni// sred pa kun la zhen pa ste// spyi yi mtshan nyid bshad pa ni// mi rtag sdug bsngal stong bdag med// chags spangs ma chags sgrub tu med// chos kyi dbyings su ro gcig phyir// kun rdzob sgyu ma'i rang bzhin du// 'dod cing chags pa sgyu mar srid// mi dmigs pa la mi gzhan phyir// mi dmigs de nyid sgyu mar skyes// chos rnams bdag las mi gzhan te// spyod pa sgyu mar ro gcig phyir// chos nyid chos can dmigs su med// rgyal ba kun dang dbyer med phyir// chos sku'i phyag rgya chen po yin// mi dmigs sgyu mar 'dod sred cing // chos nyid de la chags rtog pa// yul dang 'dod chags rang nyid kyang // skye med chos nyid mi dmigs te// sgyu ma mi dmigs dbyer med phyir// bden gnyis dbyer med ro gcig pas// ting nge 'dzin gyi dbang sbyar na// thugs kyi phyag rgya chen po yin// mi dmigs dbyings nyid spros med las// 'dod chags sgyu mar spros pa ni// gdul bya'i bya ba bsam mi khyab// gsung gi phyag rgya chen po yin// 'dod chags mtshan nyid rtogs pa ni// rnam par byang pa ma yin phyir// chags dang ma chags gnyis med par// 'dod chags mtshan nyid spang du med// phrag dog kun gyi mtshan nyid ni// gzhan gyi phun sum tshogs pa la// sems dog rtog pa sgyu ma gzhan// thabs kyi sbyor ba'i rang bzhin can// phrag dog spyi yi mtshan nyid ni// mi rtag sdug bsngal stong bdag med// dog pa spangs shing yangs sgrub med// chos nyid du ni ro gcig phyir// kun rdzob sgyu ma'i mtshan nyid ni// gzhan gyi phun sum tshogs pa la// phrag dog pa yi sgyu ma nyid// mi dmigs pa las mi gzhan te// mi dmigs pa nyid sgyu mar skyes// phun sum tshogs par sbyor ba yi// thabs kyi sgyu ma'i chos nyid de// rgyal ba kun dang dbyer med pas// chos sku'i phyag rgya chen po yin// gang yang yangs dog mi dmigs las// sgyu mar gzhan gyi phun tshogs la// phrag dog rtog par 'dzin pa dang // rtog pa'i phrag dog mi dmigs te// sgyu ma mi dmigs dbyer med phyir// bden pa gnyis kar ro gcig pa// ting nge 'dzin gyis dbang sgyur na// thugs kyi phyag rgya chen po yin// mi dmigs gzhan gyi phun tshogs la// phrag dog rnam rtog spros pa ni// gdul bya'i bya ba bsam mi khyab// gsung gi phyag rgya chen po'o// phrag dog mtshan nyid rtogs pa ni// rnam par byang ba'i mtshan nyid de// dog pa spang med yang sgrub med// sems can rnam pa mang po kun// nang gi chen po lnga bstan pa// rang spyi'i mtshan nyid spyad par bya// thabs dang shes rab ma rtogs pas// ma grol khams gsum 'khor ba yin// de ltar nges par ci mngon na// sngags kyis yongs su zin pa'i nad// kun la gnod par byed mi nus// thabs dang shes rab rtogs pa yi// dug gsum sdug bsngal gnod mi 'gyur// thabs la mkhas pas ma zin na// lam gyi dge spyad stegs bcas kyang // mtho rigs lha dang mi ru skye// skye shi med pa'i sa mi thob// thabs mkhas snying rjes zin pa ni// mtshams med sems can ma lus kun// byang chub snying rje bsad na yang // bsod nams dpag tu med pa 'thob// ma bsad bsad pa'i sems med na// phyogs can sems can yal por te// snying rje med de sdig yod 'gyur// 'dod chags zhe sdang gti mug dang // nga rgyal phrag dog chen po dag/ gang phyir byang chub sems de ni// rdo rje de bzhin gshegs par gsal// nyon mongs pa nyid de bzhin gshegs// ngo bo yin par yang dag gsung // chos kun rang bzhin dag pa'i phyir// 'khor ba yongs su dag par 'gyur// thabs dang shes rab ldan pa la// nyon mongs thams cad byang chub rgyu// 'khor ba'i rang bzhin bdag med pas// de phyir de bzhin gshegs bsam yas// thabs dang shes rab ldan gyur pas// phyin ci log nyid byang chub lam// 'khor ba'i rang bzhin mi dmigs phyir// mya ngan 'das pa yod ma yin// gsang sngags bla na med pa ni// thabs kyis ji ltar zin bzhin 'grub// bsam gyis mi khyab nges pa med// don dam cir yang ma grub la// sgyu ma'i sprul pa bsam mi khyab// theg chen dag gis zin pa ni// nyon mongs lam yang rnam par grol// zabs chen dag gis ma zin na// dge ba spyad kyang grol mi 'gyur// rnal 'byor don dam ldan pa yis// nyon mongs 'ching ba'i chos spyad kyang // rnam par grol bar 'gyur ba yin// 'khor ba dang ni rtsa ngan 'das// gnyis ka yod pa ma yin pas// 'khor ba stong par shes pa ni// de ni mya ngan 'das pa'i mtha'// nyon mongs phyin ci log rnam dag/ thabs la mkhas pas zin gyur kyang // grol la thar par mi 'gyur na// byang chub sems dpa' rnams kyis ni// 'dul ba'i dbang gis bya byed kun// sngon dang smad 'tshong byed pa'ang lhung // byang chub sems dpa'i spyod tshul bzang // phal la med pas mi rung na// sngags mchog shin tu zab pa yi// skye bo kun gyis dpya bar 'byung // de nas dges pa chen po des// bdud rtsi dang du blang bar gsungs// mnyam dang mi mnyam dbyer med na// sku gsung rdo rje'i dbang thob 'gyur// grub pa'i rdzas su de phyir gsungs// mnyam pa'i don nyid ma rtogs na// byol song la la mnyen zhing dul// zhi dul chos dang ldan gyur yang // drang srong gtsang ma 'phags mthun dang // ji srid 'dod pa spong byed pa// de dag grol bar ngas ma bshad// chos rnams yongs kyis dag pa nyid// rnam bzhi'i tshul gyis don rtogs mngon// rgyu rnams rab tu dag pa dang // 'bras bu yongs su dag 'gyur te// don dam dmigs med rang bzhin dag/ kun rdzob sgyu mar ye nas dag/ rgyu yi mtshan nyid dag pa ni// phyi rol chen po lnga rnams te// sems nyid gzung 'dzin nyid snang ba// gzung ba'i yul nyid 'byung ba che// rgyu nyid rang gi sems yin pas// 'byung ba chen po rgyu nas dag/ 'bras bu yongs su dag pa ni// sems can kun gyi rus pa ste// rdo rje byang chub sems yin la// sha ni pad+ma'i rak+ta yin// dri chen dri chu gur kum chu// so so'i lus la gnas pa dag/ don dam dmigs med dag pa ni// phyi nang chos rnams thams cad kyang // gang gi ngo bo'ang ma yin te// skye 'gag med par ye nas dag/ kun rdzob ye nas dag pa ni// sgyu ma'i rang bzhin thams cad snang // chu zla'i tshul du mi dmigs gnas// mi dmigs pa nyid sna tshogs snang // de bzhin gshegs par ye nas mnyam// de bas gtsang sme med par spyod// sems can rtog pa bzlog phyir sman// gtso ru dang du blang bar bya// de bas sems can phyin ci log/ chos rnams dag par ma shes pas// thabs dang shes rab ma rtogs te/ kha cig ji srid 'tsho bar zos// byol song ma lus rtsa mchog za// lha dang drang srong gtsang ma za// zos kyang ma grub don ma rtogs// rnal 'byor thabs ldan rnams kyis ni// rang bzhin yong gis dag pa yis// mnyam pa'i dbyings su yang dag rtogs// thabs dang shes rab 'brel ba yis// the tshom med par 'grub par 'gyur// dngos dang dngos med rtogs pa'ang mtshan// gtsang dang mi gtsang rtogs pa'ang mtshan// mtshan ma gnyis kyang rnam spangs te// mkhyen pas dbus la'ang gnas mi 'gyur// sgrub pa'i rdzas yang dag gsungs// byang chub sems dang sha chen dang // dri chen dri chu rak+ta dag/ bsgrub pa pos ni rtag tu bza'// dngos grub ya mtshan chen po 'grub// tshe la dbang dang rig pa 'dzin// mkha' la 'phyo dang thogs med 'grub// mthar ni skye med rdo rje'i sa// gzhan yang ji ltar dmigs pa bzhin// 'grub 'gyur 'di la the tshom med// gsang ba'i snying po'i don nyid kyis// yi dam mi spang brtag bsgom zhing // yi dam lha yi mtshan nyid ni// de bzhin gshegs pa thams cad kyi// lha spangs dge spyang don med 'gyur// lha ni mi spang don nyid ni// lhun grub ye shes sems dpa' nyid// 'khor dang bcas pa thams cad kyi// sku gsung thugs kyi bdag po ste// phyag rgya chen po'i sku rdzogs na// dkon mchog gsum po mchod pa yin// bdag nyid lha dang mnyam sbyar na// yon tan chung yang 'grub par 'gyur// ye nas mnyam gnyis sbyor bas su// lha nyid du ni rtag tu bsgom// bde gshegs kun dang mnyam sbyor pas// dkyil 'khor kun dang mnyam par 'byung // bde gshegs kun dang mnyam pa'i phyir// sku gsum ye shes lnga rdzogs 'grub// rdo rje slob dpon smad mi bya// byang chub ston pa'i 'dren pa po// long ba'i dmigs bu 'dren dang 'dra// nyon mongs sdug bsngal mtsho skems yin// slob dpon de la smod pa ni// dper na mun khang sgron bsad na// mthong ba'i don mi rtogs pa bzhin// sdug bsngal nyam thag yun rings su// bskal pa mang por myong bar mngon// de bas gus pas rtag tu gyis// yul la dbang ba'i rgyal po pas// shin tu gtso bar blang bar bya// drin chags skyed pa'i pha ma bas// shin tu lhag pa'i ri mo bya// rdo rje mched dang lcam dral ni// bla med byang chub 'gro ba'i spun// chos nyid dam tshig smon lam mthus// byang chub rigs 'dzin sar nges pas// de la ldog cing 'khu ba ni// rang la rang gis mtshon btab nas// rang srog tshe rabs lnga brgya'i bar// rang gis gcod cing phung bar 'gyur// tshe 'dir mi bde sna tshogs pa// mi 'dod bzhin du 'byung bar 'gyur// 'jig rten pha rol dag tu yang // ngan song gsum dang mi khom pa'i// sdug bsngal kha rgyud myong bar 'gyur// yun rings rtag tu mi thar pa'i// shin tu nyam thag myong bar 'gyur// grub pa gcig bzhin lhan cig spyad// gnyis med spyod dang rjes spyod spun// bde gshegs dkyil 'khor bla med yin// shes rab gsal bas rtag tu gdung // yang dag nyid kyis de skad gsungs// gsang ba'i gzhan la mi bsgrag cing // sku gsung thugs kyi dam tshig rnams// rnal 'byor rnam pa rnam gnyis kyis// thabs dang shes rab 'brel rtogs na// mnyam pa'i spyod pas la dor ro// phal dang mi 'dra yang dag rtogs// ma rtogs pa yi phyogs rnams dang // skye bo kun la rtag tu gsang // gsang phyir brda dag sna tshogs gsungs// thabs la mkhas pas byas pa yi// gsang sngags skyon yod ma yin te// zugs rje chen po zabs mkhas pas// snod ma yin dang blo rtul rnams// las 'phro ngan pa'i don phyir gsang // brgya la gang zhig gsang don 'di// las 'phro ngan la bsgrags gyur na// dper na gtsub shing me gtsubs na// gtsub shing nyid kyang 'tshig par snang // gzhan yang 'tshig par 'gyur ba bzhin// chos don bzang po me dang 'dra// skal ba chung zhing shes rab dman// blo ngan rgyu 'bras rmongs pa'i mis// mnyam pa nyid la mi gnas pas// ngan song gsum du 'phang bar 'gyur// gsang zos ma rtogs sdug bsngal myong // gsang ba 'phel bar byed pa yang // smra byed lce la zhing rmo zhing // sdug bsngal chen po myong bar 'gyur// des na sems can don phyir gsang // rlung phyogs tsam du'ang brjod mi bya// sngags dang phyag rgya rgyun mi gcad// sngags zhes rab tu bsgrags pa yang // don dam kun rdzob dbyer med pa'i// mnyam pa'i dkyil 'khor chen po ru// sku gsung thugs kyi yi ge oM// de la sogs pa bzhi bcu gnyis// phyag rgya chen po'i mtshan nyid ni// phyogs bcu dus bzhir gshegs pa yi// sku gsung thugs dang ye shes lnga// bdag dang dbyer med phyag rgya che// gsal la brtson pa'i yon tan ldan// yid bzhin ma chags dbang sgyur te// goms shing brtan par bya ba yin// de bas bar chad brtson med na// dper na sa bon tshig pa las// 'bras bu 'dod pa 'dra ba ste// bsgrub pa'i 'bras bu med par 'gyur// mi khom 'khor bar gnas 'gyur te// rnal 'byor chen po la zhugs pas// phyi nang chos rnams thams cad la// dmigs med gcig dang du ma bral// mtha' dbus gang yang ma yin pa'i// ngo bo nyid med mtshan nyid med// mnyam pa chen po'i phyag rgya yis// phyogs bcu dus bzhi thams cad dang // 'jig rten 'das dang 'jig rten pa'i// yon tan skyon rnams skye 'gag med// gang gi ngo bor ma grub mnyam// kun rdzob chos nyid dbyer med pa'i// mi dmigs gang gi ngo bo'ang min// chu zla'i tshul du sna tshogs pas// snang zhing bya ba byed nus pas// phyag rgya chen po'i phyogs bcu dang // dus bzhi khams gsum thams cad dang // 'jig rten pa dang 'jig rten 'das// yon tan skyon rnams thams cad kyang // sgyu mar mnyam par ye nas gnas// sngags 'chang gsal por rtogs byas nas// bdag nyid chos nyid skye 'gag med// ngang las ma g.yos par gnas na// phyag rgya chen po thams cad kyang // rdzogs par phyogs bcu dus gsum gyis// de bzhin gshegs pa'i sku gsung thugs// thams cad dbyer med ye mnyam la// ma 'dres rgya yongs ma chad pa'i// gzhal yas khang dang nyi zla yi// dkyil 'khor bsam yas lhun grub ni// sku gsung thugs ni bsam mi khyab// mnyam pa'i dbyings chen rdzogs par bsgom// de ltar dam tshig 'di gsungs te// de la gnas na 'grub par 'gyur// yan lag ma nyams sngags bzlas shing // 'dod pa kun la longs spyod bya// lus dang ngag sems brtan gyur na// byang chub rab 'byams thob par 'gyur// dam tshig chen po las 'das na// nyen ni shin tu che bar gsungs// sangs rgyas byang chub sems dpa' dang // sngags kyi spyod pa don grub pa// rmongs pa gal te 'das byas nas// de yi srog kyang der zad 'gyur// dam tshig bsrung dang sngags bzlas dang // phyag rgya rgyun mi bcad pa bzhi// brtson 'grus che zhing brtan pas zung // rnal 'byor brtson 'grus chung gyur na// mi 'grub nyen yang che bar gsungs// ji ltar ral gri rnon po la// legs par bzung ba ma byas na// nges par lag pa chod pa ltar// de bzhin nan tan med pa yi// gsang ba'i sngags ni bzlas pas kyang // yan lag sku ni ma gsal na// 'chi ba'am 'bras bu med par 'gyur// rnal 'byor dam pa rnams kyis ni// don ldan ma nyams dag byas shing // brtson 'grus cher bskyed myur bar 'grub// sngags bsgom ma nyams phyag rgyar gsal// cho ga yo byad gtsor ma gsungs// 'tshogs na yang ni nyes pa med// ma 'tshogs na yang 'grub par 'gyur// bdag nyid rang gi lhar sbyor bas// dngos grub thams cad 'grub par 'gyur// cho ga lhag gam ma tshang yang // 'grub par 'gyur te nyes skyon med// ces gsang ba'i tshig tu'o// dam tshig sum brgya pa rtsa ba bco lnga pa mdor bshad pa'i le'u ste nyi shu brgyad pa'o// // de nas de bzhin gshegs pa rgyud kyi rgyal pos/ dam tshig bco lnga pa'i mdo 'di ltar yang bshad de/ thams cad mkhyen pa'i ye shes kyis// thams cad mnyam pa'i ngang nyid du// dbyings su ro gcig de bsdus te// don du mi 'gyur yong ma gsungs// yon tan mchog gi 'dod pa ni// snang srid ma lus thams cad kun// mnyam pa'i zhing du sbyor bas na// chags pa med pa'i tshul du spyod// 'di ni rnams dag legs pa'i lam// byang chub mchog tu 'gro ba'i gnas// bde mchog mi zad rin chen gter// cis kyang mi tshugs rdo rje'i sku// nyon mongs sdug bsngal 'dod chags ni// lus dang zas kyis bsgribs 'gyur te// yi dwags sdug bsngal gnas su 'gro// skom dang bkres pa'i nyon mongs 'gyur// rnag khrag ngan skyugs rtag mthong yang // de la spyod pa'i dbang yang med// rtsub shing gdug bas bsrung bar 'gyur// thugs rje chen po'i zhe sdang gis// 'khor ba'i lam lnga sgo bcad cing // bde gshegs lam du 'dzud par byed// yang dag don dang ldan par 'gyur// thugs rje'i tshul gyis khro ston pa// shin tu mnyam pa'i ngang du 'jog/ rdo rje sems dpa' zhi ba'i sa// yang dag mchog gi bde ba 'grub// ye shes gsal ba'i gti mug ni// bdag dang bdag gis dbyer med de// rang bzhin med pa'i dbyings la ro la// thams cad brjod du med pa'i ngang // kun tu khyab pa'i sku mnga' ba// shin tu 'od gsal rnam dag lam// byang chub sems dpa'i sgrib pa spong // sems can nyon mongs dug sel 'gyur// thams cad zhing sbyong nga rgyal ni// yon tan skyed pa'i mdzod yin te// nga med bdag med mi dmigs la// su zhig de la nga rgyal med// dpung bzhi'i tshogs kyis mi thub pa'i// shin tu rgyal ba'i khyu mchog 'grub// lha srin bdud sde tshar gcad pa'i// dpa' bor 'gro ba'i ting 'dzin thob// phrag dog yangs pa'i don sbyor ba// nga dang bdag med don rtogs na// dog dang yangs pa gnyis ka/ med// bde mchog dkyil 'khor yangs pa 'grub// phrag dog dngos po mi shes bzhin// nga dang bdag tu 'dzin gyur na// lha ma yin gyi gnas su skye// de nas yi dwags dag tu 'gro// gal te yul sa rnyed gyur na// shin tu mi bde dog par 'gyur// gzhan yang longs spyod thams cad la// dbang byar med cing gzhan dbang 'gyur// mdor na nyon mongs sdug bsngal 'grub// phrag dog yang dag rtogs pa ni// nga dang bdag tu 'dzin pa dang // phyin ci log la phrag dog ste// thams cad gnyis su med par sbyor// bde ba mchog kyang 'grub par 'gyur// gnyis med don yang rtogs par 'gyur// nga med bdag med dbyings su thim// lhun grub don mchog 'grub par 'gyur// yi dam lha ni rtag bsgoms na// rgyu 'bras lhun gyis grub pa yi// bdag gis kun la dbang sbyar te// rigs 'dzin gnas su skye bar 'gyur// rdo rje slob dpon smad mi bya// yon tan rin chen gter chen po// thams cad ma lus ston pa ste// nyon mongs ma lus rtsa gcod pa// bla med 'bras bu thob par byed// lus la dbang ba'i rgyal po bas// shin tu lhag pa'i bkur bsti bya// drin chags bskyed pa'i pha ma bas// shin tu gdung zhing brtse bar bya// sngags dang phyag rgya rgyun mi gcad// phyag rgya chen por rtag tu bzhag/ sngags ni rtag tu brjod par bya// nyin yang lan gsum mtshan lan gsum// mkhas pa dag gis rgyun du bya// bar ma chad par bsgrims te gnas// gsang ba'i man ngag spel mi bya// rdo rje'i lce yi tshul yod kyang // theg pa dman dang ma 'dres pa// skye bo phal la sgra mi bya// rdo rje mched dang lcam dral la// mngan sems spya sems smad pa dag/ rdzi phyogs tsam du'ang smra mi bya// shin tu gdung zhing brtse bar bya// bdud rtsi sman rnams rtag tu spyad// bla med 'gro ba'i gsos yin pas// gtsang sme med par bza' bar bya// yid bzhin bdud rtsi dbang byed 'gyur// 'dod chags zhe sdang gti mug dang // nga rgyal phrag dog chen po ni// sangs rgyas lnga po de yin pas// mi spang rtag tu bsgrub par bya// dam tshig dam tshig ces bya ba// gud na yod pa ma yin te// rang gi lta ba dam tshig yin// mi gtong phyir yang dam zhes bya// gzungs su gyur pas dam zhes bya// rdo rje dam pa slob dpon des// rdo rje ma nor lam ston pas// de la yang ni tshig ces bya// yang na de bzhin bka' bcag pas// mi khom gnas su 'tshig par 'gyur// dam tshig ces ni de la brjod// rdo rje rigs kyis bsgrub bya ba// sbyor dang sgrol bas mthar phyin 'gyur// sbyor ba nyid na sgrol ba yin// sgrol ba nyid na sbyor ba yin// rang bzhin gyis ni sbyor grol dang // ting nge 'dzin gyi sbyor sgrol dang // dbang po yul du sbyor sgrol dang // thabs chen dag gi sbyor sgrol dang // mngon du phyung ba'i sbyor sgrol lo// yang na sbyor sgrol bdag la rdzogs// shes rab dbyings dang bdag tu sbyor// thabs chen sprul pa bsam mi khyab// dbyings dang dbyings su thams cad sgrol// rol pa'i 'phrin las bsam mi khyab// thugs rje'i sprul pa cir yang ston// sbyor sgrol 'phrin las bdag la rdzogs// byang chub sems sbrul phyogs bcur 'phro// ngan song gnas rnams stongs par byed// rigs 'dzin bde ldan thob par byed// bla med zhing rnams dag par byed// sku gsung lhun grub phyogs bcur 'dul// rdo rje zhes ni mtshan bsgrags te// theg dman rnams kyang rdo rjer dgod// zad mi shes kyi gter du'ang 'gyur// rdo rje rigs pa 'dzin gyi sku// thams cad dbyer med mnyam pa'i sku// thams cad mkhyen pa'i ye shes mchog/ thugs rje'i sprul pa dpag med kyi// 'gro drug dus gnas ma lus mkhyen// 'gro ba nyid ni nyid kyi sku// nyon mongs byang chub lam du mkhyen// 'khor ba nyid na bde gnas so// chos kyi dbyings dang sems can mtha'// dbyer med yang dag nyid du'o// spong ba rdo rje zhes bya ba'i dam tshig ni/ zhe sdang rdo rje thugs rje'i ngang // dmyal ba'i gnas rnams tshar gcod pa// brgyad brgyad bcu drug zhing du sbyor// tsha ba rnams la bsil ba'i sman// grang ba rnams la dro ba'i sman// bsil dro 'jam rtsub cha snyoms la// thugs rje'i byin brlabs de ltar ston// byin brlabs ya mtshan rmad po che// chags pa'i ye shes bya ba'i dam tshig ni// chags pa med pa'i tshul gyis ni// 'dod pa kun la longs spyod bya// ji ltar bde ba'i ro myong bzhin// myong tshor nyid na rang bzhin med// chags pa med pa'i ye shes kyis// yi dgas gnas rnams tshar gcod cing // lus dang gnas kyis bsgribs pa yi// nyon mongs gnyis ka med par byed// gti mug ces pa'i dam tshig ni// nga dang bdag med dbyer med pa'i// shes rab chen po'i 'od gsal gyis// dran smra med pa'i sdug bsngal gsol// rmongs med sgrib pa dag par byas// ye shes gsal ba'i thugs rje yis// bya byed med par nyon mongs sgrol// byol song gnas ni stongs byed cing // thugs rje'i sgron ma de ltar ston// phrag dog chen po zhes bya ba'i dam tshig ni/ yengs pa chen po'i ye shes med de yang dag nyid// rang byung chen po'i ye shes kyis// thams cad sangs rgyas zhing du sbyor// ma bcos ma byas ngang gis gsal// ye nas 'od gsal sangs rgyas zhing // nyid kyi dkyil 'khor zhes bya ba'i dam tshig ni/ rang rig nyid la gnas pa yis// sus kyang ma byas rang rig ste// thams cad de bzhin nyid du sbyar// gnyis med dbyings kyi ngang du thim// rang byung ye shes dkyil 'khor gyis// ma lus de bzhin nyid du sdud// sdud dang mi sdud gnyis ka ni// yang dag kho na nyid du'o// bde ba'i ngang nyid ces bya ba'i dam tshig ni/ thams cad ma lus rnam par dag/ nyid kyi dbyings las mi gzhan phyir// bde dang mi bde gang yang med// thams cad dbyings su ro gcig ste// ji bzhin nyid kyi ngang btsan pa// yang dag nyid kyis de skad bshad// bshad dang nyan dang gnyis ka min// de bzhin nyid du yang dag 'du// dus bzhi rgyal mchog ces bya ba'i dam tshig ni/ gong na med pa'i ye shes mchog/ zas cad kun la dbang sgyur te// thams cad mnyam pa nyid du sbyor// 'das dang ma 'das thams cad dang // 'byung dang 'byung bar ma nges pa'i// ye shes rtogs pa'i khyad par gyis// dus bzhi snga phyi med pa yi// mnyam pa nyid du lhan ner sbyor// lhun grub ye shes zhes bya ba'i dam tshig ni/ 'jig rten 'das dang 'jig rten pa'i// thams cad dbyer med byang chub ste// ye nas rnam par dag pa'i chos// ma bcos lhun gyis grub pa yi// byang chub lam chen 'di yin te// thams cad dbyer med nyid du 'dus// byang chub don sgrub ye nas rdzogs// mnyam pa'i zhing du thams cad thim// rdo rje skye gnas zhes bya ba'i dam tshig ni// theg pa che mchog rigs su nges// rigs de byang chub brtan pas gzung // thams cad mnyam pa'i dbyings shes na// rigs mchog kun gyi skye gnas yin// skyes pa nyid na skye ba med// las dang las kyi bag chags med// ces kyang ma gos thams cad 'joms// skye shi med pa'i sa yang yin// byang chub kyi zhing bkod pa zhes bya ba'i dam tshig ni/ phyogs bcu mtha' yas mu med pa'i// snang grags bsam gyis mi khyab pa// phyi dang nang gi gnas pa dag/ de bzhin dbyings kyi ngang du thim// mdor na zhing khams ma lus pa// yon tan rin chen bkod pa yi// ye shes rgyan gyis bkras pa'i rnams// zhing de yon tan bsam mi khyab// ye shes bzhugs gnas zhes bya ba'i dam tshig ni/ gzung 'dzin bral ba'i ye shes ni// de bzhin gshegs pa kun gyi gnas// gsang sngags chen po sgrub 'dod pas// gzung 'dzin bral ba'i don nyid rtogs// chos kyi dbyings dang sems can ni// gnyis med de bzhin nyid du gcig/ de ltar rtogs pa'i skyes bu ni// rdo rje'i gzhug gnas yin par bshad// ma 'jigs rgyal ba mchog ces bya ba'i dam tshig ni/ rnam par byang dang nyon mongs gnyis// so so yod pa ma yin te// nyon mongs gnyen pos bcos su med// thams cad dbyings su ro gcig pas// de la 'jigs pa'i gnyen po med// cis kyang mi tshugs gong na med// mchog tu bde ba'i zhing yang yin// nga med bdag med rgyal ba'i mchog/ gzhal yas khang brtan zhes bya ba'i dam tshig ni/ phyogs bcu dus bzhi thams cad kun// rgyal ba'i zhing du sbyor bas su// dog yangs tshad kyang dpag tu med// sangs rgyas spyi gtsug lta bu'i mtshan// ye shes rgyu las grub pa'o// ji ltar dmigs pa bzhin du 'grub// zag pa zad pas grub pa yi// nams kyang 'jig rten chos kyi dbyings// sna tshogs kun bsgyur zhes bya ba'i dam tshig ni/ gdos pa can gyi chos min pas// ji ltar bsams pa bzhin du 'grub// rig pa rang dbang gyur nas ni// stongs par bya'am mi stong bya// thams cad dbyer med nga yin pas/ kha dog dbyibs kyang rin po che// thams cad khyab dang yungs 'bru'i tshul// bsam yas mtha' dbus med pa'o// 'dren byed gnas stobs zhes bya ba'i dam tshig ni/ ma rig log rtog bsam yas kyis// 'jig rten khams rnams rgyud cing 'khor// 'khor ba'i rgyu dang 'bras bu gnyis// gzhi rtsa med de skad cig ma// yang dag byang chub sems rig na// ma rig rgyu 'bras rnam par dag/ nyon mongs pa nyid byang chub ste// thams cad ma lus bde gnas pa'o// lam la ston byed ces bya ba'i dam tshig ni/ ting 'dzin rnam gsum bsgom bya ste// nyon mongs lam lnga sgom bkag nas// lam lngar snang ba rnam rtog yin// rtog dang mi rtog gnyis ka min// gnyis med de nyid yang dag lam// thabs dang shes rab dang nyid du// shin tu mnyam gzhag rtogs bya zhing // bla med lam la ston par byed// yang dag don ston zhes bya ba'i dam tshig ni/ theg pa bsam yas gsungs pa yang // de bzhin nyid kyis ma brjod kyang // sems can blo yi rim pa bzhin// so sor 'tsham par kun la bstan// 'di ni rdo rje theg mchog ste// rgya mtsho'i gling du chu 'bab bzhin// thams cad chu yi ngo bo nyid// theg pa thams cad rdo rje'i sa// rab tu rtogs byed ces bya ba'i dam tshig ni/ shes rab blo chen rab ldan pas// don du mi 'gyur yang ma gsungs// srid gsum 'gro ba bsam yas su// thugs rje ston pa bsam mi khyab// don dang mthun pa 'ba' zhig ston// mi mthun zhags pas 'khor ba gcod// bde gshegs zhing rnam dag par byed// thams cad dbyings su rtogs par 'dus// sgyur byed byang chub ces bya ba'i dam tshig ni/ rang rig ye shes dbang thob pas// dkar po tshon gyi mdog bstan bzhin// dug kyang sman du 'gyur ba dang // de bzhin dug gsum byang chub ste// 'gro lnga byang chub lam du sbyor// nyon mongs sdug bsngal thar par byed// thar dang ma thar gnyis ka med// thams cad ma lus byang chub rgyu// mnyam rdzogs lhun grub ces bya ba'i dam tshig ni// ye shes sgyu mar snang ba dang // log rtog sgyu mar snang ba gnyis// sgyu ma yin phyir rang bzhin mnyam// mnyam pa nyid la mi gnas pa'i// bsod nams ye shes tshogs rdzogs te// ye shes gnyis kyi dkyil 'khor lo// theg mchog rdo rje ma lus rdzogs// dpe byad mtshan bzang dpag tu med// thams cad dbang sgyur zhes bya ba'i dam tshig ni// shin tu rtogs pa'i khyad par gyis// spyod yul thams cad smon na mkhyen// de bzhin nyid du kun rtog la// gnyis su med par dbang sgyur te// ma lus thams cad bde ldan zhing // thams cad byang chub mchog tu 'gyur// ye nas dngos po med pa la// ji ltar dmigs pa bzhin du 'grub// rigs 'dzin gnas stobs zhes bya ba'i dam tshig ni/ shes rab rnam gsum goms byas na// ting 'dzin mnyam pa'i don rtogs te// rtag tu yangs pa chen po sgom// rgyu 'bras dus gcig rdzogs pa yi// rang rig nyid la dbang thob ste// tshe ni bcu dang drug pa yis// brgya brgyad dag tu bsnur zhing gnas// lus ma bor bar sangs rgyas sa// zad med gter ldan zhes bya ba'i dam tshig ni/ shes rab chen po rnam dag pas// spyod yul thams cad dag par 'gyur// shes dang spyod yul gnyis su med// de bzhin nyid du ro gcig ste// thams cad rgyal ba'i zhing sbyor bas// zad med rin chen gtor du 'gyur// mi zad par ldan rgyan gyi mchog/ 'og min mtha' dbus bsam mi khyab// sgrub med mnyam rdzogs zhes bya ba'i dam tshig ni/ thams cad mnyam pa'i dkyil 'khor la// rang byung ye shes 'phyo ba yin// dbyings dang rig pa gnyis min pa// de bzhin nyid du rdo rjes rig/ thams cad gnyis su med pa la// sgrub dang grub par yod ma yin// ye nas lhun gyis grub pa la// de la lam gyis bcos su med// thams cad byin gyis rlob pa zhes bya ba'i dam tshig ni/ chos rnams ye nas dag gyur kyang // phyin ci log gi blo log nas// log rtog gnas dang longs spyod dang // ma rig 'khrul 'khor bsam mi khyab// 'khrul rtog blo ngan bzlog pa'i phyir// thugs rje chen po thabs mkhas pas// nyon mongs 'dren cing mtho ris gnas// byang chub lam chen rtogs par ston// gsung mchog mtha' yas zhes bya ba'i dam tshig ni/ chos rnams ma lus thams cad kun// mi dang tshig tu brtags nas ston// ji snyed mang po'i don brjod kyang // rdo rje'i gsung la spros pa med// spros med de nyid sna tshogs pa'i// kun tu brda 'jal ye shes gsung // sgra dang ming tshig kun las 'das// thams cad pad+ma chags pa med pa'o// bsgyur ba zad med ces bya ba'i dam tshig ni/ thams cad mkhyen pa'i ye shes kyis// snang srid ma lus thams cad kun// de bzhin nyid du dbang sgyur te// thams cad mkhyen pa'i dbyings su bstim// zad med ye shes gter ldan pa// thugs rje'i byin brlabs bsam mi khyab// 'jig rten 'das dang 'jig rten pa'i// so sor don rtogs rnam par dag/ thams cad skad 'jal zhes bya ba'i dam tshig ni/ thar pa'i dkyil 'khor 'bum phrag dag/ 'gro drug du gnas ma lus la// gsung gcig tshig tu ma brjod kyang // sngon gyi thugs rje'i byin brlabs kyis// thar dang mthar gnyis ka la// so so ji ltar 'dod pa bzhin// chos nyid gsung mchog dam pa yis// thar pa bskul zhing ngan song sbyong // rang rig dbang sgyur zhes bya ba'i dam tshig ni/ phyogs dus bsam gyis mi khyab pa// de ni ji snyed yod pa yi// mtshan ma sna tshogs brtags pa yang // rang rig rnam par rtog pa nyid// sangs rgyas zhing khams rab 'byams na// de bzhin gshegs pa'i dkyil 'khor dang // sprul pa bsam yas 'byung ba yang // ye shes rnam par dag pa'i yul// yi ge med 'jal zhes bya ba'i dam tshig ni/ yi ge'i tshogs dang sgra spangs pa'i// brjod med ngang du gnas pa ni// gsung nyid rang bzhin med pa yi// chos rnams thams cad ye nas dag/ thams cad thugs su gyur pa nas// sgra dang tshig la gnas pa min// thugs ni thugs la mi gnas pa'o// bdud sde tshar gcod ces bya ba'i dam tshig ni/ nyon mongs pa nyid rnam par dag/ phung po lnga nyid mngon sangs rgyas// bdag nyid lha yi dkyil 'khor te// skye shi med pa'i g.yung drung gnas// bdud bzhi bcom pa'i skyes mchog gis// dregs pa chen po thams cad bcom// ma rig log 'dren 'dul mdzad de// chos kyi dbyings su thams cad thim// stong gsum kun grags zhes bye ba'i dam tshig ni/ thugs rje chen po'i byin brlabs kyis// phyogs bcu'i 'jig rten rdul snyed du// 'gro ba'i 'phrin las bsam mi khyab// sku gsung thugs dang yon tan las// lhun gyis grub pa'i ye shes kyis// thams cad gdul bya chud ma zos// ngan song sbyong zhing byang chub zhing // ye shes tshogs rdzogs kun tu ston// ye shes gsung mchog ces bya ba'i dam tshig ni// 'das dang ma 'das thams cad kun// yang dag shes pas rab brtags na// rang bzhin med la cir yang snang // snang ba nyid na dbyings nyid de// de ltar rtogs pa'i ye shes ni// kun la dbang sgyur rang dbang can// thams cad tshig gi sgra ltar gnas// 'di ni ye shes gsung mchog yin// bsam yas rdo rje'i gsung zhes bya ba'i dam tshig ni/ chos rnams bsam gyis mi khyab ste// mtha' dang dbus med kun tu khyab/ khyab dang khyab med rdo rje'i sku// sgra skad sna tshogs grags pa yang // dngos po med pa dngos po'i sgra// ji ltar pi wang la thogs na// sgra ni sna tshogs 'byung gyur kyang // dngos po med pa de bzhin nyid// phyogs dus dbyer med ces bya ba'i dam tshig ni/ phyogs bcu ma lus thams cad dang // dus bzhir 'byung ba ma lus kun// phyogs dus snga phyi med pa yis// thams cad de bzhin nyid kyi dbyings// 'jig rten 'das dang 'jig rten pa'i// so sor snang ba thams cad kun// rang rig rgyal por yang dag 'du// rang rig de nyid thams cad yin// 'jig med rdo rje zhes bya ba'i dam tshig ni/ 'dus ma byas nyid 'dus byas yin// 'dus byas snang ba'ang rdo rje nyid// snang dang mi snang gnyis ka min// yod dang med pa'ang dbyer med de// rang bzhin ye nas dag pa yi// ma bcos ma byas ngang gis gsal// gzhig dang gshig par bya ba min// cis kyang mi tshugs rdo rje'i bdag/ de bzhin sku nyid ces bya ba'i dam tshig ni/ de bzhin zhing khams bsam yas dang // 'gro ba ma lus thams cad la// thar pa rnams la dag pa'i sku// rtog pa rnams la 'khor ba'i lus// so sor 'tsham par don ston cing // ston pa nyid na dngos po med// chu zla'i tshul du kun la snang // kun la de ltar rtogs par byas// lhun grub bde gnas zhes bya ba'i dam tshig ni/ chos rnams ma lus thams cad la// byang chub snying po yod par blta// rang bzhin ye nas 'od gsal ba'i// byang chub snying por thams cad 'dus// phyi nang ma lus thams cad kun// bdag gi ngang du gnas pas na// bdag la bdag ni dbang sgyur nas// spyod yul thams cad smon na shes// che mchog rnam dag ces bya ba'i dam tshig na/ rig pa rang dbang gyur pas na// thams cad kun la dbang sgyur te// gong na med pa'i sa mnan pas// thams cad kun gyi gtso bo yin// thams cad ma lus gnyis min pa// sgom dang bsgom par bya ba min// de bzhin nyid la dbang sgyur bas// thams cad dbyings su ro gcig go/ chos kyi dkyil 'khor zhes bya ba'i dam tshig ni/ phyi nang snod bcud dag rnams la// rang bzhin dkyil 'khor ye nas gnas// chen po'i gzugs snang thams cad ni// de bzhin gshegs pa'i dkyil 'khor nyid// sgyu ma rtsal rnams 'dzin gyur pa// de bzhin yum gyi dkyil 'khor ro// rang rig byang chub dkyil 'khor te// thams cad kun nas 'khyil bar gnas// zad med gter chen zhes bya ba'i dam tshig ni/ zag bcas gnod sbyin nor 'dra ba// sems can 'phel 'grib zad 'gyur gyi// de bzhin gshegs pa'i yon tan ni// zag med 'phel 'grib med pa yi// mang du spros pas phra mi 'gyur// nyung ngu bsdus pas sbom po min// zad med rin chen gter yin pas// thams cad kun tu khyab pa'o// rnam dag byang chub ces bya ba'i dam tshig ni/ chos rnams ma lus thams cad kun// ye nas rnam par dag pa la// rnam rtog rkyen gyis blo bur du/ khams gsum 'khor ba'i btson rar gnas// rang rig sgrib med dag pa yis// mya ngan 'das dang 'khor ba gnyis// rang bzhin med par don rtogs na// sangs rgyas zhing du rnam par dag/ gzung 'dzin bral byed ces bya ba'i dam tshig ni/ phyin ci log tu rnam brtags pa'i// bdag dang bdag gir so sor snang // de la 'dzin pa gnyis zhugs na// rang bzhin med pa bzhin so sor snang // yang dag rtogs pas rab brtags na// dngos po thams cad stong pa yin// dngos dang stong nyid mi gnas pa// de rtogs sdug bsngal bral byed yin// yum gyur dbyings phyug ma zhes bya ba'i dam tshig ni/ 'byung ba lnga la brten gyur na// thams cad 'byung zhing ma lus gnas// skye 'khrungs ma lus gzhi yang yin// thams cad kun gyi rgyu yang yin// de bzhin shes rab rnams gsum gyis// le lo med pa'i brtson 'grus 'bod// de bzhin dbyings nyid rtogs gyur na// bla med byang chub 'byung ba'i gnas// chos la skyon med ces bya ba'i dam tshig ni/ bla na med pa'i dkyil 'khor dang // ngan song gnas rnams ma lus kun// rgyu nyid rang bzhin gnyis ka dag/ rang bzhin ye nas de bzhin no// 'bras bu rnam par dag pa ni// 'jig rten brtan g.yo la sogs pa// snang ba nyid na ngo bo med// de nyid chos sku chen po yin// sems can don byed ces bya ba'i dam tshig ni// byang chub sems su rgyu gcig pas// rtsa ba snying rje chen po 'byung // thabs kyi pha rol phyin pa snod// nyon mongs lam las grol bar byed// nyon mongs khams gsum gnas pa yang // phyin ci log nyid snang ba yin// de rtogs mtho ris thar pa'o// rtogs na don 'dzin zhes bya ba'i dam tshig ni/ thams cad lhun gyis grub pa dang // sgyu ma mig yor tshul shes pa// gnyis ka rang rig nyid du 'dus// de nyid yang dag yin par dag/ sgra dang tshig tu brjod pa ni/ yang dag don gyi snying po 'byin// ming tshig sgra la mi rten par// blo yi gting du go bar byos// sems la gnas bcas zhes bya ba'i dam tshig ni/ thams cad ma lus chos so cog/ sems nyid las ni gzhan na med// sems dang chos su dbyer med pas// byang chub lam de ring ba min// byang chub sems zhes brjod pa ni// ga nas ma 'ongs gar mi 'gro// rtog med rang rig kho na tsam// sangs rgyas sems can sems la gnas// rjod med spros med ces bya ba'i dam tshig ni/ 'jig rten 'das dang 'jig rten pa'i// sna tshogs ji snyed brjod pa yang // so so'i mtshan nyid ma rtogs pa// ba spu'i cha tsam brjod pa med// bsod nams chen pos btang ba ni// sangs rgyas zhing nyid dag pa'o// las ngan dag gis khams gsum gnas// de gnyis dbyings las spros pa med// mi 'gyur rdo rje gsung zhes bya ba'i dam tshig ni/ rnam dag sku gsung sprul pa la// che mchog sna tshogs bstan pa yang // byang chub sems la snang gyur te// snang ba nyid na dbyings su 'ub// phyin ci log g.yo bsam yas kyis/ khams gsum gnas dang lam lngar 'khor// de nyid log rtog sna tshogs snang // de las ma gtogs gang yang med// ye nas ma bcos pa zhes bya ba'i dam tshig ni/ bla med byang chub smos ci dgos// 'gro lnga ma lus thams cad kun// ye nas byang chub snying por gnas// de bzhin dbyings kyis kun tu khyab// ji lta ba yi ngang gnas la/ de ltar rtogs pa'i blo 'jug pas// gnyis su med par rtogs gyur na// su yi bcos su su yis rtogs// rang bzhin 'od gsal zhes bya ba'i dam tshig ni/ chos rnams ma lus thams cad kun// rang bzhin ye nas dag pa yi// sus kyang ma byas ngang gis gsal// ma chags pad+ma 'dra ba yi// ye shes can gyi spyod yul te// kun dang thun mong de ma yin// de bzhin gshegs pa'i spyod yul te// skyes bu blo rtsal rab kyis rtogs// thams cad dbyings phyug ma zhes bya ba'i dam tshig ni/ mi zad yon tan gter gyur pa// zad pa'i dus med yid bzhin mdzod// bdag dang bdag gi med pa yi// shin tu zab pa'i blo las byung // chos dbyings zab mo'i don rtogs na// sku dang ye shes bsam mi khyab// ye shes rang rig don rtogs na// skye shi med pa'i g.yung drung thob// byang chub sdom zhes bya ba'i dam tshig ni/ gzung 'dzin bral ba'i ye shes kyis// chags med dbyings la mnyam gzhag na// thams cad de bzhin nyid kyi zhing // nyon mongs sdug bsngal 'byung mi 'gyur// chos kyi rang bzhin ji lta bur// bdag gis yang dag rtogs byas te// theg pa dman dang phyin ci log/ thams cad mnyam pa'i dbyings su dgod// phyogs dus gnyis med ces bya ba'i dam tshig ni/ phyogs bcu dus bzhi thams cad kyang // rtog pa'i mtshan ma so sor snang // snang ba nyid na dbyer med de// mtha' dbus med de zlum po yi// de bzhin rang gi rig pa yang // mtha' dang dbus med du ma min// gang du mi 'gro kun tu khyab// kun la de bzhin mi gnas pa'o// thams cad 'byor ldan zhes bya ba'i dam tshig ni/ chos rnams so sor rtogs byas shing // thams cad gnyis med dbyings shes na// mi zad par ldan rgyan thob ste// kun tu zad med rin chen gter// de bzhin nyid la gnas bcas na// nyon mongs sdug bsngal mi 'byung ste// rtag tu bde gnas byang chub nyid// mtshan dang dpe byad kun dang ldan// thabs nyid shes rab ces bya ba'i dam tshig ni/ 'di ltar snang ba thams cad kun// thams cad thabs kyi mtshan nyid dang // thabs la thabs ni rnam par sbyor// sbyor dang mi sbyor gnyis ka med// sna tshogs snang ba thams cad kyang // snang ba nyid na rang bzhin med// de nyid shes rab yin par bshad// rtag tu thabs nyid mi dmigs pa'o// shes rab nyid thabs su sbyor ba zhes bya ba'i dam tshig ni/ de bzhin nyid kyi dbyings nyid las// rol pa sna tshogs cir yang 'byung // 'byung ba nyid na rang bzhin med// med pa nyid na sna tshogs snang // thams cad shes rab dbyings las phyung // mnyan bsam sgom pa'i shes rab kyis// shes rab thabs kyi don rtogs byos// kun la de ltar 'byor bar gyis// gnyis med byang chub ces bya ba'i dam tshig ni/ thabs dang shes rab ldan gyur na// gnyis med byang chub sems 'phro ste// kun gyi 'byung gnas byed pa po// de yis ma byas gang yang med/ kha dog dbyibs rigs gang yang min// shin tu brtag dka' sus mi rigs// bdag gis bdag rang mi mthong na// gzhan gyis rtogs par ga la 'gyur// thams cad sbyor ba zhes bya ba'i dam tshig ni/ ye nas lha dang lha mo yi// dkyil 'khor yang dag sbyor ba dang // dbang po yul du sbyor ba'o// phung po lnga nyid de bzhin gshegs// 'byung ba lnga nyid yum du 'byor// dus bzhi lha mo nyid du sbyor// rtag chad mu bzhi khro mo bzhi'o// thams cad ma lus 'byung ba kun// mnyam pa'i dbyings dang rigs par sbyor// yang na shes rab dbyings ma la// bde gshegs dkyil 'khor kun bkod la// bdag nyid rig pa'i lhar bsgoms te// gnyis su med par ldan par bya// rdo rje dril bu ldan gyur nas// byang chub pad+ma shin tu spro// phyogs dus dkyil 'khor kun bkod la// 'gro ba mang po bde thob nas// slar yang gnyis med dbyings su bstim// thim gyur dbyings nas phyag rgya 'bar// bde gshegs thabs dang shes rab rdzogs// phyag rgya drug kyang yang dag rdzogs// bsod nams tshogs chen gnyis kyang rdzogs// thams cad dbyings su 'byor pas na// ngan 'gror mi ltung yang dag 'grub// 'di ni bsgral ba chen po yin// bsgral ba nyid na sbyor ba yin// sbyor ba nyid na ma lus bsgral// thams cad ma lus bsgral ba zhes bya ba'i dam tshig ni/ phyi nang snod bcud ji snyed pa// gnas pa'i sems can thams cad kun// bdag nyid chen po rtogs pa yis// dbyings su yang ni bsgral bar bya// shin tu khro bo chen po yis// thabs kyis lha chen bsgral ba ltar// chos nyid rtogs pa'i ting 'dzin gyis// gnyis su med par thabs kyis bsgral// thugs rje chen po'i byin brlabs kyis// lam lnga'i sems can kun bkug nas// thams cad ma lus bsgral bar bya'o// ri rab chen po'i gling bzhi la// gnas pa'i sems can ma lus kun// thugs rje chen po'i byin brlabs te// ye shes me chen bsgom byas nas// thams cad ma lus bsreg par bya// dbyings su yang ni bstim par bya// de bzhin gshegs par byin gyis brlab// rgyal ba'i sras su dbang yang bskur// de ltar bsgral ba kun byas kyang // bsgral ba'i dngos po gang yang med// phung po lnga po gzhig pa la// bshig na 'byung ba bag la zha// ma bshig na yang 'byung ba yin// rnam shes med pas bsad byas na// gnas pa nyid na dngos po med// sems kyi rang bzhin de la ni// dus gsum sangs rgyas dgrar langs kyang // sus kyang zin cing gsod pa med// 'o na thugs rjes gang bsgral na// rnam rtog mtshan ma thams cad kun// phyin ci log las bzlos byas te// ting 'dzin sngags dang phyag rgya dang // shin tu goms pas dbang bskur te// byang chub zhing la dgod par bya// de tsam la ni bsgral zhes gdags// bsgral ba nyid na sbyor ba yin// nyon mongs sdug bsngal rtsa bcad nas// byang chub gnas su bsgral bas na// gnyis med dbyings su sbyor ba yin// ma byin par len pa zhes bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad kun// bdag dang bdag gi gzhan med de// rang bzhin ngang gis bdag med pas// kun la thogs med spyad gyur kyang // spyad dang spyod pa gnyis ka med// thams cad ye nas stong pa la// gang gis len cing gang la spyod// snang srid ma lus thams cad la// thogs pa med par spyad gyur kyang // 'ching bar mi 'gyur bsod nams tshogs// chags med ye shes chen po yin// ma lus thams cad chos kyi dbyings// de nyid rang rig yin par bshad// gnyis su med par rtogs gyur na// blangs pa nyid na kun tu bzang // brdzun du smra ba zhes bya ba'i dam tshig ni/ chos rnams ma lus thams cad kun// ye nas dngos po yod min te// rang bzhin ngang gis 'od gsal la// ming dang tshig gis mtshon mod kyis// ming dang tshig la dngos po med// ma rig pa yi 'khrul rtog gis// nga dang bdag tu med pa la// so so'i mtshan ma dngos por gzung // 'dzin pa'i dngos po yod med de// chos rnams thams cad ming tshig tsam// ji snyed mang po brjod pa yang // rjod par byed dang brjod pa med// chos rnams thams cad rdzun du snang // rdzun nyid la ni rdzun spyod de// rdzun zhes brtag tsam yod ma yin// thams cad rdzun gyi tshig bzhin no// rdo rje 'joms byed ces bya ba'i dam tshig ni/ thog ma med nas phyin ci log/ bdag dang bdag gi med pa la// rnam rtog mtshan ma so sor 'dzin// 'dzin pa dngos por yod ma yin// mi mthun mtshan ma gzhom pa'i phyir// rdo rje lta bu'i ting 'dzin gyis// bdag rtog bag chags kun bcom nas// rdo rje dbyings su thim par bya// chos kyi 'khor lo zhes bya ba'i dam tshig ni/ thugs rje chen po'i byin brlabs kyis/ khams gsum nyon mongs 'khor ba rnams// gzhan gyis bcings te 'khor ba min// 'dzin rtog chags pa nyid kyis 'khor// blo chen rab tu ldan pa yis// chos kyi don po mchog nyon la// 'khor ba spangs med sangs rgyas zhing // thams cad ma lus chos nyid rtogs// rin chen 'byung ba zhes bya ba'i dam tshig ni/ nor gyi mchog ni dkor bdun yin// 'dod pas btsal bas mi rnyed de// rang rig dbyings kyi ye shes dang // sku gsung thugs 'das mi dmigs pa// chags pa med pa'i tshul gyis ni// dmigs su med par 'byor byas na// nor bdun chen po 'byung bar 'gyur// mtshan dang dpe byad sna tshogs ldan// pad+ma chags med ces bya ba'i dam tshig ni// 'jig rten 'das dang 'jig rten pa'i// chos rnams ma lus thams cad la// bsgo dang bsgo bar bya ba min// pad+ma 'dam nas skyes dang 'dra// 'di ltar snang ba thams cad kun// bdag las gud na gcig kyang med// bdag nyid shin tu mi dmigs pas// nyon mongs nyid kyang byang chub zhing // don rnams grub pa zhes bya ba'i dam tshig ni/ rdo rje'i rigs kyis thams cad bcom// rin chen rigs kyis yon tan 'byin// pad+ma'i rigs kyis chags med 'gyur// sku gsung thugs dang ye shes lnga// thams cad don rnams rdzogs par bya// gzung dang 'dzin pa rnam par spangs// mnyam pa'i dbyings la sems kyis blta// skye shi med par lhun gyis 'grub// sku gsung thugs dang yon tan dang // 'phrin las rmad byung kun grags pa// gzhan nas yod 'ongs ma yin te// rang byung ye shes gnas med yin// mtho dman kun gyi gzugs snang dang // bla med byang chub skur snang ba// me long lta ba'i tshul bzhin du// sna tshogs kha dog dbyibs su snang // de bzhin gshegs pa'i gsung rnams ni// sgra dang ming tshig kun las 'das// brjod med rang bzhin kun tu go/ nyon mongs med cing bla med sgra// ma brjod stong gsum grags pa yis// gsung brjod bsam gyis mi khyab pa// brjod pa med na stong gsung med// de nyid sna tshogs brjod pa'o// thams cad mkhyen pa'i thugs ldan pa// yang dag rtogs pas rab brtags na// gzhi rtsa med dbyings skad cig ma// mtha' dang dbus kyang rtag tu med// de nyid sna tshogs 'byung ba'i rgyu// sus kyang ma bcos ma byas pa// bdag gis bdag kyang dmigs mi 'gyur// dngos med kun la dbang sgyur ba// sku gsung yang dag ldan gyur na// yon tan nam mkha'i mtha' dang mnyam// mi 'gyur sangs rgyas zhing du 'ub// spyod yul ma lus thams cad la// ji ltar dmigs pa bzhin du 'byung // mi zad rin chen gter chen 'grub// gzhan gyis dbrog tu med pa yi// byang chub dkor ni rin po che// thugs rje chen po'i byin brlabs kyis// bya byed med par rnam bzhi mdzad// mdzad dang mdzad par bya ba med// sgyu ma'i tshul du kun la spyod// spyod med ngang gis dkyil 'khor la// chags med tshul du rnam par rol// bya byed rnam pa sna tshogs kyang byed pa nyid na chu zla'i tshul// gzung 'dzin bral ba'i ye shes ni// rtsa ba lnga zhes brjod mod kyis// brjod pa'i mtshan nyid yongs med de// mtshan nyid med pa sna tshogs snang // de nyid thams cad mkhyen nyid yin// kun la khyab cing mi gnas pa// de ni rig pa rang dbang sgyur// bsam gyis mi khyab kun tu khyab// nam mkha' snang byed ces bya ba'i dam tshig ni/ chos rnams ma lus thams cad la// de bzhin nyid kyis kun tu khyab// snod bcud ma lus thams cad la// snang ba chen pos khyab par gyur// nam mkha' bzung du med pa ltar// snang srid thams cad de dang 'dra// chos rnams thams cad sems yin te// sems ni nam mkha'i rang bzhin no// rten byed sa chen po zhes bya ba'i dam tshig ni// ji ltar sa gzhi chen po la// sems kyis zin dang ma zin pa'i// skye 'khrung ma lus thams cad 'byung // thams cad kun gyi gnas rten te// de bzhin theg chen bla med la// byang chub sangs rgyas kun tu gnas// theg pa mtho dman thams cad 'byung // thams cad theg chen dbyings su 'dus// sreg byed 'bar ba ye shes zhes bya ba'i dam tshig ni// bdag med rang rig ye shes kyis// dngos dang dngos med bag chags bsregs// rang dang spyi yi chos rnams dang // sems kyi phro rtog thams cad kun// dngos po med par rtogs byas nas// 'khor ba ma spangs rnam par dag/ mya ngan mi 'da' ye nas gnas// 'gro dang gnas par bya ba min// rtog pa thams cad ye shes tshogs// thams cad 'khrug byed ces bya ba'i dam tshig ni/ sems can ma lus thams cad ni// sgrib gnyis dag gis 'khor bar gyur// mnyan bsam sgom pa'i shes rab kyis// bdag med gnyis ni rtogs byas na// pha rol phyin rdzogs bcu sgrub// sa gsum yang dag rdzogs byas te// mnyam pa'i zhing la thams cad bkod// khrus kyis mchog ni de yin no// g.yeng byed chen po zhes bya ba'i dam tshig ni/ sems can ye nas dag pa la// bdag 'dzin rdul gyis g.yog par gyur// sems dang rdul rnams med rtogs pa// ye shes rlung gis bag chags gtor// chos rnams ye nas rlung dang 'dra// de la gzung du med pa ltar// kun la de ltar 'byor par gyis// ma bcos ye nas de ltar gnas// thams cad kun la dbang sbyar zhes bya ba'i dam tshig ni// rang rig phyin ci log pa'i// gzung 'dzin gnyis med rtogs pa yis// thams cad mnyam pa'i ngang gyur na// thams cad ma lus bdag yin pas// thams cad kun la dbang sgyur te// ji ltar dmigs pa bzhin du 'grub// ji ltar spyad kyang bsod nams tshogs// mnyam rigs ye shes chen po yin// chos rnams thams cad gzugs brnyan ltar// shes par bya ba'i dam tshig ni// thams cad 'byung ba'i gnas yin te// snang ba nyid na gzha' tshon bzhin// rang bzhin med par kun tu snang // de nyid chos sku yin par bshad// cis kyang ma gos ma spangs pa'o// so sor snang zhing mthun pa'i gzugs// bdag dang bdag tu ma brtag pa// de ltar bu yi ngang du snang // chos rnams sgra ltar shes pa zhes bya ba'i dam tshig ni/ sgra rnams ji snyed brjod pa yang // dngos po med las dngos po'i sgra// brjod dang sgra yi dngos po min// chos rnams sgra ltar shes par byos// thams cad ma lus don 'byung ba// tshig gis mtshon las gud na med// sgra nyid don gyi dngos po min// don nyid sgra las gud na med// chos rnams dri yi mtshan nyid du// shes par bya ba'i dam tshig ni// chos rnams thams cad dngos med par// sna tshogs 'byung zhing rnam par 'phro// de bzhin dri yi dbang po yang // yod pa ma yin kun tu gsung // the tshom med pa'i shes rab kyis// chos kun de ltar shes par gyis// dri yis rab tu tshim gyur kyang // dri dang snom pa gnyis su med// chos thams cad ro ltar shes par bya ba'i dam tshig ni/ chos rnams ma lus thams cad kun// gzhi rtsa med pas thams cad 'byung // de bzhin dbang po dngos med dang // rdzas kyi dngos po med pa yang // rnam shes dbang po yul tshogs na// ro yi dbang po thams cad 'grub// ro dang ro ru rtogs pa yis// rang bzhin med pa skad cig ma// chos rnams thams cad reg bya ltar shes par bya ba'i dam tshig ni/ gzugs rnams lbu ba gdos pa 'dra// tshor ba chu yi bur bzhin// mtshan 'dzin smig rgyu bzhin du gnas// rnam shes sgyu mas dbang sgyur na// mtshan ma sna tshogs 'byung bar nges// bde ba'i ro mchog kun yang myong // de nyid bsod nams tshogs chen te// bde ba chags med ye shes yin// 'dus byas rnam par dag pa zhes bya ba'i dam tshig ni// yang dag nyid la gnas bcas na// phyi nang snod bcud rnam par dag/ rags pa snang ba de bzhin gshegs// sgyu ma 'dzin pa yum gyi dbyings// gzugs kyi mtshan ma dngos po med// gcig la'ang lnga lngar gzhig pa dang // thams cad nam mkha'i ngang du gnas// nam mkha' de bzhin chos kyi dbyings// 'dus ma byas kun tu 'byung ba zhes bya ba'i dam tshig ni// gshegs sku sgyu mar snang ba dang // log rtog sgyu mar snang ba gnyis// gzhi rtsa med de rang bzhin stong // rigs dang rgyud du rtag tu med// rigs dang kha dog dbyibs med las// phyi nang snod bcud thams cad snang // snang ba nyid na chos kyi sku// cir yang 'gyur zhing thams cad 'grub// ci yang med par kun gyi bzhin// glang po brjid gnon zhes bya ba'i dam tshig ni/ sems can ma lus thams cad kun// rnam rtog 'du byed mang pos g.yengs// ji ltar byis pa shes ma bye// bya byed mang pos g.yengs par gnas// bya byed mang po bdag med par// ting nge 'dzin gyis dbang sgyur nas// mtshan ma'i mnyam pa'i dbyings su gnas// 'du byed sna tshogs mi g.yo brtan// dbang lnga rdzogs pa zhes bya ba'i dam tshig ni/ chos rnams thams cad skye med pas// shin tu brtan pa'i dbang thob 'gyur// rang rig ye shes 'od gsal bas// thams cad mkhyen pa'i dbang yang thob// chos rnams thams cad dbyer med pas// kun la spyod pa'i dbang thob ste// spyod pa'i chags pa med pa'i tshul// kun kyang rang bzhin ye nas bzlum// thams cad rgyas 'debs zhes bya ba'i dam tshig ni/ phyogs bzhi mtshams bzhi steng 'og bcu// rang byung chen pos kun tu khyab// rang byung de nyid dngos med par// kun gyi phyag rgya'i rgyu yin no// chos dbyings de nyid zab pa nyid// kun la gnas shing rtag dka' ba'i// rang rig dag pas dbang skur nas// mnyam pa'i dbyings su thams cad 'dus// ye nas bde gnas zhing du gnas// chos rnams dbyer med ces bya ba'i dam tshig ni/ ye nas dbyings su ro gcig pas// de la nga dang bdag ma rtog/ rang bzhin rnam par dag pa la// gtsang dang sme ba'i blo ma byed// thams cad bde gshegs snying po bas// rkyen gyi rdul gyis ga la 'gro/ shes rab mchog gis de ltar rtogs// ma lus kun 'dus dbyings zhes byos// thams cad 'jigs byed ces bya ba'i dam tshig ni/ shes rab blo rtsal ldan pa yis// bdag rtog mtshan ma kun bshig nas// mtshan nyid med pa'i phyag rgya ru// thams cad 'dus par yang dag rtogs// rtogs pa nyid kyang dngos med la// de nyid sna tshogs par snang ba// snang ba nyid na bya byed med// de nyid 'jigs pa'i phyag rgya yin// g.yung drung tshe 'phel zhes bya ba'i dam tshig ni/ chos rnams thams cad bdag yin pas// gang du 'gro zhing gang du skye// 'jig dang skye ba'i dngos po med// dngos med de la su zhig bsad// gang zhig gnyis su 'dzin pa la// skye dang 'chi ba de la yod// ye shes can gyis rtags pa na// skye 'chi nyid na dngos po med// thams cad mi 'gog pa zhes bya ba'i dam tshig ni/ mchog gsum rdzogs pa man chad nas// ngan song gnas rnams thams cad du// yang dag par ni dbyer med de// gang yang spang bar bya ba min// theg pa mtho dman bsam yas pa// don du mi 'gyur yong ma gsungs// ngan song gnas rnams thams cad kun// bla med byang chub rgyu yod pa'o// thams cad spyod pa zhes bya ba'i dam tshig ni/ thams cad kun tu bzang po yi// 'dod pa'i yon tan lnga rnams la// thogs pa med par sbyar bya ste// bsod nams tshogs chen yin par brtag/ de bzhin gshegs pa lngar yang brtag/ gzhan yang stong khams thams cad na// shes rab dbyings dang 'dod yon rnams// rab 'bring tha ma thams cad spyad// thams cad ma tshud pa zhes bya ba'i dam tshig ni/ phyogs dus mnyam pa'i dkyil 'khor du// rdo rje rigs mchog ma rtogs pa// theg pa dman dang lta ba dman// des ni theg mchog rtogs mi 'gyur// mnyam pa'i dbyings kyis kun khyab kyang // nyon mongs sdug bsngal nyid kyis bsgribs// de yis yang bdag nyid mi mthong // mi mthong ba la mi chud bya// thams cad bsrung du med pa zhes bya ba'i dam tshig ni/ thams cad ma lus sangs rgyas la// bsgrub cing bsrung bar bya ba med// dge dang mi dge gnyis ka med// nyon mongs spang zhing byang sgrub med// de bzhin nyid kyi klung gyur na// bde dang mi bde dbyer med de// ye nas rnam dag mnyam nyid gnas// de la srung du rdul tsam med// thams cad bsrung bya zhes bya ba'i dam tshig ni/ sems can khams gsum 'khor ba yi// thog ma med nas sems yan btang // phyin ci log la 'jol nyog spyad// gzung 'dzin don la shin tu chags// des na 'khor bar rtag tu 'phyan// de bas rang sems rtogs byas te// le lo g.yeng ba yongs spangs nas// nga med bdag med mnyam par bsrungs// thams cad 'jigs byed ces bya ba'i dam tshig ni/ rdo rje sems dpas bka' stsal ba'i// sdom pa'i rtsa ba thams cad kun// de bzhin du na ma bsrungs nas// yak+Sha khro bo me dpal gyis// snying nas drangs te khrag 'thungs nas// ngan song gsum du skye bar 'gyur// de yi sdug bsngal gsod thag chad// dam tshig 'di ni rdo rje che// dam tshig so sor spyad pa zhes bya ba'i dam tshig ni/ rigs lnga so sor dbye ba yi// de bzhin gshegs pa khyi yi sha/ rdo rje sems dpa' glang po'i sha/ rin po che ni rta yi sha/ pad+ma nya yi sha chen de// don yod nam mkha' lding gi sha/ dbye'am yang na mi dbye bar// yang na thams cad gcig tu bsdu// yang na mtshan nyid med par brtag/ ting nge 'dzin gyi dam tshig ni// thams cad ma lus chos so cog/ de bzhin nyid kyi rgyas btab pas// gnyis su dbyer med ting 'dzin brtan// de ltar sangs rgyas sems can ni// rang rig byang chub sems yin pas// dus gsum na ni rgyal mi bzhugs// sus kyang ma bcos ma byas pa'i// brjod pa'i tshig las 'das pa de// rgyal ba yin zhes rgyal ba gsung // de ltar shes pa rgyal ba pas// thabs mkhas shes pa'i ting 'dzin yin// phyag rgya'i dam tshig chen po ni// bde gshegs dkyil 'khor ma lus kun// ye nas rang bzhin 'od gsal ba// thams cad kun la yod par bshad// ye shes sems dpa' dkyil 'khor nyid// bla na med pa'i mchog yin te// rdo rje rigs mchog thams cad kyi// bar ma chad pa rtag par sgrub// byang chub shing drung skye bar 'gyur// bla med byang chub mchog kyang 'grub// skye shi med pa'i bde 'grub ste// sems la dbang yang thob par 'gyur// spyod yul thams cad smon na shes// gang zhig dkyil 'khor 'di spangs na// nyon mongs ngan song gnas su skye// byang chub 'bras bu thob mi 'gyur// bla med 'gro ba'i rgyun yang bcad// rigs chad nyid du gnas par 'gyur// rdo rje sems dpa' sgrub 'dod pas// rtag tu mnyam pa'i don rtogs la// sku ni gzha' tshon tshul 'dra bar// snang la rang bzhin med par bsgom// 'khor rnams chu zla'i tshul shes par// gsal la rang bzhin med par bsgom// lha yi bu rnams gsal bsgom na// bsod nams tshogs chen thob par 'gyur// de nyid gzugs brnyan tshul shes na// ye shes tshogs chen thob par 'gyur// rnal 'byor pas ni rtag tu bsgom// yid dam lha de spangs byas na// ngan song mi bde rtag tu myong // sngags dang phyag rgya rgyun mi bcad// don gyis zin par bya ba ni// rnal 'byor 'grub pa'i lam yin pas// sngags dang phyag rgya rgyun mi bcad// rnal 'byor dam pa'i lam yang yin// mi gtong sdom zhing 'dren pa'ang yin// don mchog rdzogs pa'i gnas yin te// rtag tu mnyam gzhag phyag rgya yin// dug gsum gting 'byin sngags yin te// yang dag don chen klung 'dod pas// dus 'tshams med par phyag rgya sngags// yid brtan rtag tu bzlas bsgom bya// yon tan nam mkha'i mtha' dang mnyam// phyag rgya spyod dang yi ge oM// rdo rje slob dpon gyi mtshan nyid bstan pa/ bla med dkyil 'khor ston pa'o// yon tan zad med sbyin pa yin// byang chub lam chen 'dren mdzad pa// chags med zhing du 'god pa yin// nyon mongs sdug bsngal rtsad gcod cing // 'khor ba'i lam rnams stongs par byed// ma rig mun sel sgrol ma yin// long ba rnams kyi dmigs bu mkhan// de la rtag tu mchod byas na// sangs rgyas byang chub thag mi ring // rdo rje mched lcam grogs mchog ni// rang sems dag pas 'grub sla'i phyir// rdo rje rigs kyi spun yin te// thog ma med nas las mthun pas// lta spyod gcig tu 'dir skye ste// gcig la gcig ni mig 'drar bya// shin tu gdung zhing brtse bar bya// mched la ngan sems dpya byas na// dmyal ba chen por ltung bar 'gyur// de bas dam tshig 'da' ma byed// gsang ba'i mtshan nyid bstan pa ni// de bzhin gshegs pa'i dkyil 'khor ni// srid gsum ma lus kun la khyab// phyin ci log gis rang bsgribs nas// dbul mo gter dang gyad nor 'dra// de bas rdo rje gsang mchog 'di// gsang ba'i snod dang mi ldan la// shin tu gsang phyir bstan mi bya// thams cad mkhyen pa'i thugs rje yis// chos la skyon yod ma yin te// sems can don phyir shin tu gsang // theg pa dman dang phyin ci log/ de la gsang ba bstan gyur na// rang bzhin gsang don mi shes par// 'phral gyi spyod tshul de dag la// shin tu nges pa'i don gzung nas// gsang don de nyid log par 'khrid// ma rtogs de nyid dmyal bar 'khor// de bas rab tu gsang bar bya// thugs rje chen po dang ldan pas// thar lam kun la mkhas par bya// shes rab mchog dang ldan pas na// sems can snod rim dang sbyar zhing // theg pa mthon dman don nyid ni// so sor 'tsham par kun la bstan// dang du blang dang mi spang ba// rnal 'byor pa yis rtag tu spyad// chags pa med par gyur pa dang // dngos grub ya mtshan chen po ni// dam tshig mdo bshad nang nas 'byung // ma rtogs pa yis spyad gyur na// yi dwags srin po'i gnas su skye// yang na dam tshig 'di ltar bur// ji ltar spyad kyang sdom mi 'da'// byed spyod tshogs chen gnyis su 'gyur// 'gro dang 'dug dang nyal ba na// ma nyams de yi dbyings na gnas// shes rab mchog gis rtag tu gyis// chos rnams ma lus thams cad la// bya lam nam mkha' gcod bzhin gyis// 'dzin chags ma lus thams cad kun// mkha' la rlung chen 'phyo ba bzhin// yid kyi rtogs chags ma lus pa// chu la nya chen 'phyo ba ltar// rnal 'byor lta ba de ltar ltos// de ltar rtogs pa'i shes rab kyis// tshig tsam ma yin blo gting spos// rdo rje theg mchog khas 'ches pa// mnyam pa'i don nyid mi shes par// gsang sngags dam tshig mnyam zer zhing // thug thub dag tu spyad byas na// dmyal khams dag tu brgyud par 'gyur// mnyam pa'i don nyid ji lta bur// mnyam nyid rang bzhin gang yang min// mnyam dang rtog pa gang yang med// ci la'ang mi gnas kun la spyod// spyod par byed dang spyad pa med// de ltar rtogs pa'i rigs mchog ni// rdo rje rigs mchog 'dzin par skye// 'jigs med kun tu bzang por sbyor// yon tan mi zad gnas kyang yin// mnyam pa'i don nyid mi shes shing // kun rdzob don dam gnyis 'byed la// chos dang gang zag bdag med par// 'di ni byang chub sa pa yin// las dang nyon mongs thams cad la// mnyam pa'i don du mi shes shing // rten 'brel rgyu 'bras yod 'dzin na// 'di na ring sangs rgyas kyi sa// chos rnams ma lus thams cad la// bden bzhi'i dngos po yod blta zhing // spong dang mi spong byed gyur pa// 'di ni nyan thos sa pa yin// dge bcu dag la gtsor len cing // dge dang mi dge mi mnyam pas// lha dang mi yi skye gnas te// 'dod khams dag tu 'khor ba'i sa// mnyam pa'i don nyid ma rtogs shing // tshad med bzhi dang bsam gtan bzhi// rim par so sor bdag 'dzin cing // gzugs sogs rnams la bdag tu rtogs// de ni tshangs gnas rim par skye// mnyam dang gzugs med ma rtogs nas// ming bzhi med par mi shes de// skye mched bzhi la gnas gyur pa// srid pa'i rtse mo'i sa ru skye// thams cad mnyam par ma shes nas// ma lus kun la zhe sdang zhing // snying rje yang dag med gyur na// 'di ni mi zad chen po yi// dmyal khams bcu drug gnas pa yin// chags med dngos po mi shes na// thams cad kun la 'dod chags shing // lus kyi bsgribs dang zas kyis bsgribs// yi dgas chen po'i gnas su skye// nga dang bdag med ma shes shing // chos rnams kun la rmongs byas pas/ shes rab gsal don med pas na// dge sdig gnyis kyi don ma rtogs// 'di ni byol song gnas su skye// shin tu nga rgyal cher bskyed cing // thams cad bdag gir bzung bas na// kun dang rtsod pa'i las byed cing // lha ma yin gyi gnas su skyes// theg mchog mtho dman thams cad dang // 'jig rten lta ba thams cad kun// ye shes chen po rab brtags na// rang bzhin med las cir yang 'grub// rang bzhin dbyings las nyams pa med// shes rab chen po'i mig ldan pas// mthon dman gnas dang lam drung gnas// so so de bzhin 'khor bar gzigs// sngags mchog bla na med pas na// mtshan ma kun tu mi rtag par// mnyam pa'i ngang du thams cad med// kun kyang mnyam pa nyid yin pas// 'jig rten 'das dang 'jig rten pa'i// so so lta ba brjod mi bya// spyir ni log rtog bsam yas pa// ye nas yod pa ma yin te// so so'i rnam rtog bag chags kyis// gzung 'dzin dra bas bsgribs gyur te// ci yang med la cir yang snang // snang ba nyid na rang bzhin med// de ltar rtogs na bde 'gro'i gnas// rdo rje can gyis de ltar rtogs// rnal 'byor chen po'i ltar spyod ni// ji ltar spyod kyang rang bzhin med// mkha' la bya chen lding ba bzhin// chu la rgyal chen 'phyo ba bzhin// mkha' la rlung chen 'gro ba bzhin// rnal 'byor lta ba de ltar blta// rnal 'byor spyod pa chen po ni// thams cad kun la dbyer med spyod// bde ba'i ro mchog myong bar 'gyur// de la su zhig chags par byed// spyod bzhin ma chags ye shes yin// bde ba'i mchog nyid bsod nams tshogs// de lta bu yi ngang du spyod// 'di ni spyod pa brlabs chen yin// lta spyod ya char ma gyur pas// sngags 'chang rnams kyis rtag tu spyad/ kha cig lta ba mnyam gnas dang // spyod pa dag dang yong mi mthun/ kha cig spyod pa rdzogs byed kyang // mnyam pa'i lta ba yong mi shes/ kha cig lta spyod gnyis ka med// yang dag skyes mchog dam pa yis// don dam kun rdzob dbyer med par// yang dag nyid du rab tu rtogs// bla med theg pa'i nang nas ni// don dam du ni dbyer med de// kun rdzob tsam du thams cad la// dag dang ma dag gnyis kar 'dzin// thabs kyi theg pa chen po ni// rnam par byang dang sdug bsngal dag/ kun rdzob tu yang dbyer med de// lta ba mtho dman de tsam mo// thabs kyi lha spyod chen po ni// bla med theg pa las 'phags pa// don dam du ni nor bdun no// kun rdzob tu ni mnyam rdzogs so// mnyam pa nyid las ma g.yos bzhin// thabs kyi phyag rgya chen po ston// thabs dang shes rab rnam par dag/ thams cad dag ces bya ba yang // dngos po gsal dag ma yin te// snang spyod nyid na rnam par dag/ dam tshig chen po'i mdo rnams las// rigs lnga dag tu bstan pa ni// chos rnams ma lus thams cad kun// rigs chen dag tu zad par 'dus// ma lus chos kun dbyer mi dmigs// cis kyang mi tshugs rdo rje ste// rigs ngan 'joms pas rdo rje yin// mi dmigs dbyings nas kun 'byung bas// yon tan chen po'i gnas yin te// zhing khams mi zad gnas kyang yin// 'di ni rin chen rigs su gsungs// chos rnams thams cad dbyer med pas// chags dang chags par bya med pas// de bzhin nyid du don gcig ste// nyes pas ma gos pad+ma yin// thams cad ma lus dbyings 'dus pas// 'di la bya ba rdul tsam med// ma byas bzhin du don grub pas// skyon yon byang chub nyid du sbyor// 'di ni las rnams grub pa yin// chos rnams ma lus thams cad kun// mtha' dang dbus med du ma bral// gang yang ma yin de bzhin nyid// dbyer med pa yi tshul rtogs te// 'di ni de bzhin gshegs kyi rigs// snang srid ma lus thams cad kun// gsal ba dro bar gnas byed cing // mtshan ma'i bag chags sreg byed pa// 'di na me yi rigs su bshad// chos rnams ma lus thams cad la// ngang gis ye nas 'byor ldan zhing // mnyen chags nyid du gnas pa ni// yang nas yang du rgyun ma chad// mi bde dag pas chu chen yin// chos rnams ma lung thams cad ni// dngos por snang la gzung du med// bskyod nas thams cad kun smra ste// 'di ni rlung chen yin par bshad// dam tshig chen po'i mdo rnams las// 'byung ba lnga rnams bshad pa ni// thams cad ma lus 'byung ba'i gnas// thams cad kun gyi 'tsho skyed yin// chos rnams ma lus thams cad la// sra zhing rten pa'i gnas yod pas// dngos po med pa'i tshul rtogs te// 'di ni sa chen yin par bshad// chos rnams ma lus thams cad la// de bzhin nam mkha' chen po yis// phyi dang nang gi go 'byed pa'o// thams cad gsal ba'i ngang yin te// 'byung ba bzhi po thams cad kyang // thams cad nam mkha'i ngang du thim// chos rnams ma lus thams cad kyang // de bzhin nyid kyi dbyings su 'ub// nyon mongs pa lnga zhes bya ba'i dam tshig ni/ ma rig pa ni rig par gyur// phyin ci log ni yang dag ste// nyon mongs lnga po de bzhin gshegs// dngos med rtogs na byang chub lam// ma rtogs ngan song gsum du 'gro// de bas thos bsam bsgom pa yis// yang dag don nyid rtogs byas te// thams cad sangs rgyas zhing du sbyor// 'dod chags rang bzhin med pas na// yang dag don la chags byed de// chags pa med pa'i tshul gyis gnas// ma chags pa la chags pa ni// shin tu chags mchog chen po yin// rgyal ba'i zhing khams 'byung 'gyur ba// snang mtha' yas kyi zhing dag yin// thams cad pad+mar rdzus las skyes// rdo rje 'dzin gyi sa ru ste// zhe sdang chen po'i mtshan nyid ni// phyin ci log la zhe sdang zhing // zhe sdang dngos po med shes na// zhe sdang mi sdang mnyam shes te// cis kyang mi tshugs rdo rje yin// mnyam pa chen po'i ngang nyid ni// thams cad kun tu dbyer med de// de ltar ma rtogs kun la sdang // de bzhin phal gyis mnyam mi shes// des ni zhe sdang nyid du mthong // yang dag rtogs pas rab brtags na// zhe sdang thugs rje chen po yin// gti mug rmongs pa zhes brjod pa// chos rnams ma lus thams cad kun// don dam du ni dbyer med la// kun rdzob sgyu ma mig yor tshul// snang ba nyid na dngos po med// de la su zhig gnyis su 'dzin// thams cad dbyer med mi dmigs pa// shes rab can gyi gti mug yin// de rtogs de bzhin gshegs pa'o// nga rgyal mtshan nyid brjod pa ni// mnyam pa nyid la gnas bcas nas// phyin ci log dang theg dman la// shin tu nga rgyal chen por snang // rgyal zhi ba so so min// rang bzhin med pas dbyings su 'dus// 'di ni yon tan 'byung gnas yin// de bzhin dag par shes par byos// phrag dog mtshan nyid brjod pa ni// nga dang bdag tu 'dzin pa ste// 'dzin nyid dngos po yod ma yin// mnyam mi shes la phrag dog cing // thams cad mnyam pa nyid du 'dus// mi mnyam pa la shin tu sdom// de bas phrag dog chen po yin// phyin ci log ni bdag tu bcings// gzung dang 'dzin pa shin tu dog/ gzung 'dzin bral ba'i ye shes ni// dog yangs med de thams cad mnyam// de nyid shes pas las rab 'grub// phung po lnga shes bya ba'i dam tshig ni/ phung po lnga por snang ba yang // kun rdzob bya ba sna tshogs byed// bde ba'i yul dang mi bde'i yul// so so'i ro rnams myong byed cing // phung po'i mtshan nyid gzhig byas na// so so'i mtshan nyid dngos po med// gang gis de la dngos gzung na// ngan song gsum du skye bar 'gyur// de la gzugs kyi mtshan nyid ni// snang ba nyid na rang bzhin med// snang med de nyid sna tshogs ston// snang dang mi snang gnyis su med// de rtogs rnam par thar pa'i gnas// gzugs nyid longs spyod rdzogs pa'i sku// tshor ba'i mtshan nyid brjod pa ni// kun la rnam gsum 'byung mod kyi// bde dang mi bde'i dngos po med// gnyis ka ma yin lung ma bstan// sna tshogs tshor ba 'byung 'gyur yang // tshor dang 'byung ba gnyis ka stong // stong nyid dngos po yod ma yin// de rtogs chos kyi go bgos yin// 'du shes mtshan nyid bshad pa ni// gsum tshogs mtshan mar 'dzin pa yin// so so'i mtshan nyid gshig pa na// dngos po med de de bzhin nyid// dngos med de nyid sna tshogs pa// bya byed med par kun tu 'jug khams gsum ma lus thams cad la// mtshan ma che chung bsam mi khyab/ khyab med dngos po yod ma yin// de ltar rtogs na sangs rgyas mtshan// 'du byed mtshan nyid 'di ltar gnas// rtsa ba brgyad pos klong 'gyur te// lnga bcu rtsa gnyis kun la 'phro// de rtogs rtsa ba yod ma yin// med bzhin log g.yo rnam par 'byung // de la dngos por 'dzin pa ni// rtag tu nyon mongs g.yengs gyur nas/ khams gsum btson rar rgyun du 'khor// yang dag don bzhin rig pas ni// 'phro ba'i gzhi rtsa de bzhin nyid// de las rang rig 'byung ba ni// dngos po med dbyings skad cig ma// ye shes dbyings la rol par mdzad// sprul pa'i tshogs chen yin par bshad// kun gyi 'byung gnas rnam shes te// de yi dngos po'i rang bzhin ni/ kha dog dbyibs dang rigs brgyad min// gang yang ma yin nyid mi dmigs// 'di ni kun la dbang sgyur te// mtho ris 'gro'am ngan song 'gro// rtogs dang ma rtogs khyad par ro// bzhi po mnyam pa'i ngang shes na// de ni ye shes chen po yin/ kha dog lnga yi dam tshig ni// sems can ma lus thams cad la// ye shes lnga yis kun khyab kyang // rang gi rnam rtog bsgribs byas te// ye shes lnga yi don ma mthong // ma mthong rmongs pa thams cad la// ye shes mtshan nyid bstan pa'i phyir// dkar dang dmar dang ser ba dang // ljang khu la sogs nag por bstan// chos rnams bdag med rtogs byas na// byang chub sems nyid dag pa'i phyir// shin tu mdog ni dkar bar bstan// de rtogs bya phyir dag pa'i mdog/ chos rnams ma lus thams cad kun// pad+ma rA ga zhes brjod de// chags dang chags par bya ba med// chags med phyir yang dmar po'o// yon tan gter chen zad mi shes// thams cad 'byung ba'i gnas yin te// de bzhin nyid dbyings ma lus la// zad med rin chen gter gyur pa// mdog ni gser gyi mdog tu bstan// chos rnams phyin ci log rnams la// thugs rje chen po'i byin brlabs kyis// dbyings su yang dag bsdu dgos pas// las rnams ma lus rdzogs byed de// kun tu las ni ljang khu'i mdog/ de bzhin nyid kyi dbyings nyid la// cis kyang mi tshugs bcos su med/ kha dog nag po'i dngos po la// tshon gzhan dag gis bsgyur du med// de bzhin kun la shes par byos// phyogs lnga zhes bya ba'i dam tshig ni/ mtha' dang dbus med de bzhin du// dbyer med ngang du gnas pa la// ye shes rtogs pas don bya'i phyir// phyogs dang dbus su gnas par byas// sems can ma rig ldongs pa la// nyon mongs ma lus gsal bya'i phyir// ye shes sgron ma'i 'od 'bar bas// ma rig mun pa sel bar byed// de phyir de la shar zhes bya// sems can ma lus thams cad la// nyon mongs sdug bsngal mi gnas shing // ma rig mun pa nub gyur pas// de la nub kyi phyogs zhes bya// sems can kun gyi nyon mongs kun// ye shes chen pos bdag med par// sdug bsngal rab tu byang byas pas// de la byang gi phyogs zhes bya// de ltar ma lus thams cad la// thugs rje shar dang sgrib pa nub// rnam rtog mtshan nyid byang gyur pa// de ni yon tan chen po rdzogs// de ltar chos rnams ma lus kun// de bzhin nyid kyi dbyings su 'dus// phyogs rnams ma lus thams cad kun// de bzhin nyid de bzlum pa'i tshul// phyogs rnams kun la de ltar blta// ma rig phyin ci log rnams kyis// phyogs rnams so sor bzung gyur na// rtag tu nyon mongs 'khor bar 'gyur// dbang po lnga zhes bya ba'i dam tshig ni/ yul lnga dag la dbang byed pa'i// phyin ci log ni dngos por 'dzin// dngos por gzung bas 'khor bar 'khyams// gzugs rnams ma lus thams cad la// snang zhing dngos po med pa dang // lha dang lha mo'i dngos por brtag/ bdag dang lha nyid gnyis med pa'o// sgra rnams sna tshogs grag pa yang // sgra nyid dngos po med par shes// sgra brjod ma lus thams cad ni// chos kyi sgra chen sna tshogs yin// dri yi dngos por snang ba yang // dri nyid rang bzhin gang yang med// dri snom chos kyi dri yin te// shes rab chen pos de ltar rtogs// ro yi dngos por snang ba yang // ro yi rang bzhin yod ma yin// ro bro de bzhin nyid kyi'o// bde ba de yis tshim par byed// reg bya sna tshogs snang ba yang // reg bya'i dngos po yod min te// reg byar snang ba longs spyod yin// bde ba chen po chos kyi sku// mi shes phyin ci log rnams kyis// dbang po yul la chags gyur na// rtag tu 'dod dang mi 'bral zhing // ngan song gsum dang mi khom brgyad// rtswa dang sogs ma'i me bzhin du/ khams gsum dag tu 'khor bar 'gyur// de bas ye shes chags med rtogs// byas la mi sogs bsod nams tshogs// kun la spyod cing ma gos pas// ye shes chen po rtag tu bsgoms// mnyam pa lnga zhes bya ba'i dam tshig ni/ phyi nang gi chos thams cad don dam par skye ba med par mnyam pa dang / kun rdzob sgyu mar mnyam pa dang / don dam pa dang kun rdzob dbyer med par mnyam pa dang / chen po lnga de bzhin gshegs pa lngar mnyam pa dang / rnam par shes pa brgyad ye shes lngar mnyam pa'o// de la don dam pa skye ba med par mnyam pa ni/ chos rnams ma lus thams cad kun// de bzhin nyid dang stong pa'i mtha'// yang dag nyid dang chos kyi dbyings// mtshan nyid med cing dmigs su med// gzung du med cing smon pa med// ye nas mya ngan 'das pa yin// thams cad nam mkha'i mtshan nyid med// nam mkha' la yang mtshan nyid med// kun rdzob sgyu mar mnyam pa ni// 'dus byas dngos po sna tshogs ni// sgyu ma'i tshul du thams cad snang // sbrul snang bya ba thams cad byed// rtog pa kun gyi tshad mar snang // 'di dag thams cad gzugs brtan te// bya byed snang zhing dngos po med// chu zla'i tshul du thams cad gnas// thams cad snang la rang bzhin med// don dam kun rdzob dbyer med ni// chos rnams ma lus thams cad kun// gzhi rtsa med las thams cad 'byung // med dang yod pa gnyis ka min// don dam kun rdzob dbyer med de// 'dus ma byas nyid 'dus byas snang // snang ba nyid na dngos po med// dngos med de nyid sna tshogs pa// de nyid sgyu ma mig yor tshul// 'byung ba chen po lnga de bzhin gshegs pa lngar mnyam pa ni/ sa chu me rlung nam mkha' las// ya mtshan sna tshogs 'byung 'gyur ba// gzhi rtsa yod pa ma yin te// rang bzhin ngang gis de ltar byung // so so'i rigs tshogs snang ba ni// thabs chen dag tu rtag tu mnyam// mtshan 'dzin so sor gnas pa ni// shes rab dbyings kyi ngang du mnyam// rnam par shes pa brgyad ye shes lngar mnyam pa ni/ rnam rtog kun gzhi ma yin pa// rang bzhin med pa don gyi gzhi// 'di ni chos kyi dbyings zhes bya// de bzhin nyid kyi ye shes so// chos rnams ma lus thams cad kun// nga dang bdag tu mi 'dzin cing // kun kyang dbyer med nyid yin pas// thams cad me long blta ba'i tshul// thams cad kun la yud rtog cing // rtogs dang brtag par bya ba med// dus gsum du yang mi dmigs pa// 'di ni mnyam nyid ye shes yin// log rtog dbang po'i spyod yul sa// dbang po'i yul rnams dngos med par// thams cad dbyer med de bzhin nyid// so sor rtog pa'i ye shes yin// mnyam pa rnam lnga de ltar brtag/ chos rnams ma lus thams cad la// ye nas rang bzhin med pa dang // thabs chen lhun gyis grub par brtag/ 'di ni yang dag rtogs pa yin// tshogs kyi dkyil 'khor zhes bya ba'i dam tshig ni// bsod nams ye shes tshogs rdzogs te// rang rig mtha' dbus med pa'i dkyil// ye shes bzhi 'phro 'khor lo'i tshul// yang na rdo rje sems dpa' nyid// rigs bzhi lha dang lha mo dang // 'khor gyi khro bo khro mo'o// yang na 'das pa dkyil nyid de// 'jig rten sna tshogs 'khor nyid do// chos kyi mchod pa zhes bya ba'i dam tshig ni/ thabs dang shes rab ldan gyur cing // byang chub sems dang ma chags pa'i// gnyis su med par thim gyur nas// tshogs chen gnyis kyang rdzogs par ldan// 'dod yon lnga po thams cad dang // sna tshogs snang ba thams cad kun// de bzhin gshegs pa'i dkyil 'khor dang // gzugs mdzes lha dang lha mor brtag/ thams cad ma lus sgra rnams ni// chos kyi sgra chen yin pa dang // ngan song sbyong zhing thar lam ston// stong gsum grags pa'i sgra chen dang // thams cad 'jal ba'i sgra yang yin// bde ba tshim byed bsod nams te// brjod med mi gnas ye shes yin// 'di ni chags med ma yi gsung // chos nyid dngos po med pa la// dri yis mchog tu tshim byed pa// bsod nams tshogs na yin par bshad// chags med ye shes tshul yin te// de bzhin dri yis mnyes mchod na// rigs 'dzin rnams la bskul bar 'gyur// ngan song gsum du chos kyi dri// kun tu bde gnas thob par byed// sgyu 'phrul dra ba las/ dam tshig rnam par bshad pa'i le'u ste nyi shu dgu pa'o// // de nas de bzhin gshegs pa gsang ba'i snying po de kho na nyid nges pa las/ bdag dang sems can dbyer med par yang dag pa'i dbyings su 'dus shing / bdag gis rdo rje sems dpa'i zhal mngon sum du mthong ba'i don bstan pa'i ched du brjod pa 'di gsungs so// rdo rje sems dpa' bdag po'i gtso// kun rdzob sgyu mar zhal mthong ba'i// thams cad mig yor sgyu ma'i tshul// snang srid ma lus thams cad kun// chu zla'i tshul du 'drar shes shing // yul dang rtog pa nyid med par// gang gis de ltar rig pa de// gzhi rtsa med dbyings skad cig ma// snga phyi med dbyings de bzhin nyid// cis kyang mi tshugs rdo rje yin// rdo rje sems dpa' de la gnas// lta spyod mthun pas zhal mthong yin// rang bzhin dkyil 'khor yang dag ni// chos dbyings bdag dang dbyer med par// mnyam par sbyor zhing dag pa'o// thams cad byang chub lhun grub zhing // de ltar gang gis rtogs gyur pa// de ni ye shes mig can te// de yis yang dag snying po mthong // de nyid cis kyang mi tshugs pa// shin tu sra zhing brtan pa yin// rang bzhin dbyings nas 'od gsal ba// sems dpa'i mchog tu yang dag gsungs// de ltar rtogs na zhal mthong yin// de bzhin mnyam rdzogs lhun grub kyis// de bzhin gshegs dang ye shes lnga// rang byung chen po'i dkyil 'khor bsgom// rtog gnyis bral ba'i thabs mkhas kyis// lhar gsal dngos po med bsgoms na// mthong thos la sogs med pa'i tshul// rang rig ye shes gsal bsgoms na// rang bzhin med las cir yang 'grub// 'grub 'gyur nyin na dngos po med// ji ltar bcom ldan de bzhin gyis// bdud dpung dkyil du ta la btsugs// thams cad byang chub zhing bsdus te// gdug pa ngang gis ma dag nas// ta la bcad bsam yongs mi chod// rdo rje sems dpa' de nyid yin// bdag dang ting 'dzin mthun gyur pas// de nyid rdo rje zhal mthong yin// rdo rje sems dpa' nyid bsgoms te// ting 'dzin shin tu 'dris gsal na// thams cad rdo rje nyid du 'gyur// kun la dbang skur cis mi tshugs// bdag dang sems dpa' dbyer med de// las mthun ji ltar snang ba bzhin// bdag dang sems dpa' lta spyod gcig/ de nyid rdo rje zhal mthong yin// gzugs brnyan dkyil 'khor yang dag ni// chen po rags pa thabs su rtogs// so so'i mtshan 'dzin shes rab rtogs// gnyis med 'grel pa thabs chen yin// kun kyang shes rab dang du gnas// snang dang gnas pa thams cad kun// de bzhin nyid la ma g.yos phyir// yod dang med pa gnyis ka/ min// gnas dang mi gnas dbye ru med// mnyam pa'i dbyings su thams cad 'dus// 'dus nyid gnas su ma thebs pa'i// thams cad de lta bu yi dang // mnyam nyid dbyer med cis mi tshugs// de nyid sems dpa'i bzhugs gnas yin// de ltar rtogs pa'i rigs mchog ste// sems dpa' nyid dang rigs 'thun pas// de nyid rdo rje zhal mthong yin// rgyud byas phung po khams rnams kyi// gzhi rtsa de bzhin nyid du gcig/ sgyu mar snang ba gzugs brnyan tshul// snang ba nyid na dngos po med// dngos med de nyid sna tshogs bstan// phung po lnga nyid de bzhin gshegs// dbang po rnam shes byang chub sems// yul dus byang chub chen po yin// bdag rtog rnam bzhi khro bo yin// rtag tshad mu bzhi khro mo'o// de sems rang rig nyid ces bya// thams cad dbyings gyur kun tu bzang // de nyid rdo rje sems dpa' yin// gang gis de ltar rtogs gyur na// sems dpa' nyid dang dgongs 'thun pas// de nyid rdo rje zhal mthong yin// chos rnams ma lus thams cad kun// ming dang tshig dang yi ge dang // sgra yis mtshon nas don bstan pa// kun kyang yi ge ming tshig bzhin// gang yang dngos yod ma yin te// dngos med de nyid sna tshogs snang // snang ba nyid na gang yang min// bya byed sna tshogs kun byed kyang // dngos po med de yang dag nyid// de ni cis kyang mi tshugs pa'i// sa rdo dran med ma yin te// de nyid shin tu 'od gsal yin// rdo rje sems dpa' de ltar gnas// gang gis de ltar rtogs pa yi// rigs mchog dam pa'i rgyun yin te// rdo rje sems dang dbyer med phyir// de nyid rdo rje zhal mthong yin// skyes bu blo rtsal rab ldan pa// kun dang dbyer med don rtogs te// 'bras bu mngon du ma gyur kyang // byang chub sems la gnas bcas pa// dper na mngal dang sgo nga yis// mngon du ma byung bsgribs gyur kyang // rtsal chen gzugs des 'dul ba bzhin// rnam rtog gzugs de bor ma thag/ thams cad kun la dbang sgyur zhing // rigs mchog dam pa 'dzin par 'gyur// rdo rje sems dpa' dang mnyam pa'i// dngos grub mchog rnams yongs su rdzogs// bde ba can gyi zhing yang 'thob// byang chub mchog la rol par 'gyur// lha mi rnams kyi ston pa po// lus ngag sems la dbang thob nas// ji ltar dmigs pa bzhin du 'grub// tshad med bzhi la dbang byed 'gyur// bde ba'i rigs mchog kun la spyod// skye rga na 'chi la sogs pa'i// sdug bsngal zad pa'i go 'phang thob// rdo rje rigs mchog 'dzin 'gyur te// thugs rje chen po'i byin rlabs kyis// 'gro ba ma lus thams cad kun// rdo rje rigs su 'dren par byed// bdud sde tshar gcod nyon mongs 'dul// chos kyi 'khor lo yang dag bskor// 'gro ba ma lus thams cad la// mi rtag pa yi tshul yang ston// nyan thos rnams la dgra bcom tshul// byang chub rnams la rab byung tshul// bla med theg pa sangs rgyas tshul// lhun grub rnams la rdo rje'i dbyings// kun la mthun pa'i tshul ston yang // rang bzhin dbyings las g.yos pa med// ma g.yos bzhin du cir yang ston// snang stong rdo rje nam mkha'i spyan// sku gsung rdo rje nam mkha'i skus// bla med theg pa rdo rje che// 'og min 'dzam gling dus gcig tu// thugs nyid lhun grub rnams la snang // der snang ji bzhin gsung nyid kyang // zla ba gzugs brnyan bzhin du snang // chos rnams ma lus thams cad kun// de lta bu yi ngang du gnas// zhes rdo rje gsang ba'i tshig tu'o// gsang ba'i snying po de kho na nyid nges pa las/ skyes bu dam pa blo rtsal rab kyis rdo rje sems dpa' zhal mthong ba'i le'u ste sum cu pa'o// // de nas bcom ldan 'das dges pa chen pos/ dbang po dang yul gyi mtshan nyid 'di ched du brjod pa ched du brjod do// dbang po yul du snang ba kun// yul rnams yod pa ma yin te// kun gzhi'i rnam par shes pa nyid// dngos po sna tshogs par snang te// snang ba'i dngos po rnams gshig na// so so'i mtshan nyid dngos med par// nam mkha'i de nyid lngas gzhigs na// gzhigs na nam mkha'i ngang du zha// nam mkha' de nyid lngas gzhigs na// mtshan nyid med pa'i dbyings su thim// thim gyur dbyings nas kun 'byung bas// thams cad kun gyi 'byung gnas so// gzhi rtsa med de skad cig ma// skad cig ma yi dbyings nyid las// cir yang snang yang mi 'gag pa// de nyid thabs kyi mchog yin te// snang ba'i rang bzhin med par ni// bya byed byed pa shes rab nyid// nyon mongs rnam par shes pa ni// kun gzhi nyid snang spyod yul la// nga dang bdag tu rnam par rtog/ bde sdug mtshan ma so sor 'dzin// phyin ci log gis gzung gyur kyang // kun gzhi dngos po med pas na// bag chags bsag pa'i gnas med de// snang ba dngos po med pa la// nyon mongs blo yis blang du med// bgo dang bgo bar bya ba min// de ltar bgo byed dngos po med// de bzhin sems kyi log brtags pas/ khams gsum btson rar rtag par 'khor// yid kyi rnam par shes pa ni// snang dang mi snang gnyis ka la// skad cig yud tsam rtog pa yin// rtog pa nyid kyang ma grub na// yul gyi dngos po ga la grub// yid kyi de bzhin rgyun nyid ni// snga ma 'das shing mi dmigs pa// phyi ma ma byung rtag tu med// da lta rang bzhin dmigs su med// rtsa shing kha nas rlung 'phyo 'dra// rgyun ni yongs su ma chad pa// 'di ni kun tu 'byung ba yin// de ltar don rnams dngos po med// chu dang rlung bang rlabs 'dra bar// de bzhin gcig dang so so min// de bzhin kun gzhi nyon mongs yid// gcig pa min te so so min// chos kyi dbyings dang mnyam pa'i dbyings// thams cad mkhyen pa'i ye shes gsum// dbyer med gcig gi ngang yin te// gcig kyang gcig tu brjod pa med// de ltar ma rtogs sems can yin// rtogs na sangs rgyas gud na med// byang chub sems kyi rang bzhin ni// mtshan mas mtshon du med pa ste// shin tu mi dmigs brtag dka' ba// yangs shing rgya cher gting zab pa// shes rab zab pas rtogs 'gyur te// gang nas ma 'ongs gar mi 'gro// 'ong dang 'gro bar bya ba min// brtag dka' shin tu mi dmigs te// mtha' dang dbus kyang rtag tu med// gzung 'dzin bral ba'i rang rig nyid// dmigs med tshul du der snang ngo // dbyings dang dbyings kyi ye shes kyang // rang rig kha na tsam du zad// rang rig bstan du med par ni// sems can ma lus thams cad kyis// de ltar khong du chud par byos// nyon mongs sdug bsngal med pa dang // bla med 'bras bu thob par 'gyur// rtsa ba snying rje chen po yis// sems can ma lus thams cad la// snying rje theg pa ma chad par// nyon mongs lam las bsgral ba'i phyir// byams pas sems can kun zin gyis// de bzhin 'khor ba'i btson ra la// snying rje'i zhags pa che brkyang nas// nyon mongs 'dam nas 'dren par byed// snying rje chen po skyo ma byed// de bzhin skye bo phal rnams la// las kyi sgrib pas mi gos shing // thams cad mngon par sangs rgyas par// dga' ba dag la 'gyod ma byed// sems can nga dang bdag med la// thugs rjes gnyis rtog mi byed de// bu gcig 'dra bar blo gzhag bya// thams cad dri ma med par bya// chos rnams thams cad stong pa bas// de la dngos dang rtog pa med// nam mkha'i ngang la gnas pa la// de la bcos shing bsgyur du med// chos rnams thams cad mtshan nyid med// snang bapa thams cad dngos med pas// yod dang med pa thams cad kun// mtshan nyid med pas mi dmigs so// 'jig rten 'das dang 'jig rten pa'i// chos rnams sna tshogs snang ba yang // bdag las gzhan pa ma yin pas// kun la smon cing chags su med// byang chub sems rnams thams cad ni// shin tu bdag dka' gting zab pas// rtog ge'i spyod yul de ma yin// ma dmigs mi dmigs dmigs su med// sems nyid de nyid ji lta bur// byang chub de ni sems yin no// sems dang byang chub dbyer med pas// sems can ma lus thams cad dang // dus gsum chos rnams thams cad yin// thams cad ma lus chos so/ cog/ sems dang byang chub nyid du 'ub// rdzun med dpa' bos de skad bshad// skyes bu blo rtsal rab ldan pas// ci la'ang thogs pa med par spyad// spyod pa nyid na chags med cing // dus mtha' med par mnyam par gnas// 'di ltar snang ba thams cad la// mngon sum tshad mas brtag mthong yang // snang ba nyid na dngos po med// de bzhin yang dag nyid du rtogs// gang zhig stong pa'i ngang yod ces// med pa'i rang bzhin rtogs pa ste// ri bong rwa dang mo gsham bu// tshig tsam gdags su rung mod kyang // thams cad ming tsam stong pa nyid// thams cad ma lus stong zhes te// dran med gdos pa ma yin pas// rtog med rang bzhin 'od gsal zhing // 'di ltar snang ba thams cad kun// gdos pa can gyi chos min te// shes pa 'ba' zhig kho na'o// thams cad gnyis med rtogs gyur na// de nyid don dam dbyings yin te// gzhan nas btsal zhing gzhag tu med// yod pas btsal na sgro btags 'gyur// med pas btsal na skur btab te// yod med gnyis las btsal byas na// de ni lung du ma bstan 'gyur// rnam par rtog pa mi mnga' ste// de yis mi mkhyen gang yang med// rnal 'byor lta ba de lta bu// tshig gis snga phyi yod med kyang // don gyi cig char rdzogs par bsgom// de lta bu yi don rtogs na// 'gro nyal 'dug sdod longs spyod kyang // theg chen bsgom las nyams pa med// gong gi don ltar ma rtogs pa'i// blo ngan mnyam par khungs phyang nas// ma rtogs le los snyoms las byas// don ma grub par ngan song 'gro// sems kyis mnyam pa ma rtogs na// tshig gis mnyam pas 'tshang mi rgya// de bas don tshig ldan par byos// 'on kyang the tsom med pas 'grub// rnal 'byor don chen rtogs pa yis// dus mtha' med par de ltar bsgom// yon tan nam mkha'i mtha' dang mnyam// spyod yul sangs rgyas nyid du gcig/ rtag tu bsod nams tshogs chen ldan// bya byed med pa'i brtson 'grus kyis// des ni byang chub snying po len// zhes rdo rje gsang ba'i tshig tu'o// le'u ste so gcig pa'o// // de nas bcom ldan 'das dges pa chen po des/ sngags 'chang rnams don yod par bya ba'i phyir/ rdo rje gsang ba'i snying po de kho na nyid nges pa las thams cad phyag rgyar bsdus nas phyi nang snod bcud thams cad 'di ltar brtag cing // phyag rgya'i dam tshig bsrung ba dang // dam tshig gi gnas yin no// phyag rgyar bsdu zhing spro ba'ang 'di yin no// de rnams kyi ched du brjod pa 'di brjod do// gsang ba de nyid nges pa las// byang chub mchog 'di bstan pa'o// mnyam pa chen po'i dkyil 'khor ni// phyogs bcu dus bzhi ma lus par// 'das dang ma 'das thams cad kun// ye nas dbyer med de bzhin nyid// mnyam dang mi mnyam bya ba med// de bzhin nyid kyi ngang nyid du// chos rnams ma 'dus gang yang med// de phyir de bzhin nyid du 'ub// 'jig rten 'das dang 'jig rten pa'i// brjod pa ma lus thams cad kun// chos nyid ngang las ma gtogs pa// log rtog nyon mongs rdul tsam med// phyag rgya sna tshogs 'od 'bar yang // de bzhin nyid las ma g.yos te// bdag nyid dbyings las mi gzhan te// mnyam la mnyam par gnas pa yi// rnam gsum tshul gyi bsgom byas shing // phyag rgya bskyed cing log 'dul ba// bya byed med pa'i tshul gyis su// las rnams ma lus rdzogs par byed// de ltar rtogs shing rigs kyi mchog/ rim gyis phyag rgya bskyed pa ni// bdag nyid phyag rgya kun gyi mchog/ de bzhin nyid kyi snying po ni// ye nas rang bzhin 'od gsal ba// byang chub skye 'khrung rgyu yang yin// 'bras bu yang dag mchog kyang 'bar// rgyu 'bras dbyer med rdo rje'i sa// bcu gsum lhun gnas don grub pa// bde gnas bla na med pa'i bla// mthar phyin gang la'ang mi gnas pa'o// rang bzhin phyag rgya chen po ni// phyi nang snod bcud thams cad kun// thabs dang shes rab ldan par gnas// rigs lnga bde gshegs yab yum du// ma bcos ye nas de ltar gnas// thams cad shes rab nyid la rol// de ming ma chags tshogs chen po// yang dag nyid la rab tu rdzogs// lhag pa'i phyag rgya chen po ni// nang gi rtags ni phyi ru ste// mdor bsdus phyag rgya drug pa dang // gzhan yang phyag rgya sna tshogs te// lag gi 'du 'phro bsam yas dang // yan lag stabs chen bskul bsigs kun// nyid kyi dbyings las ma g.yos kyang // rang bzhin nyid kyis de ltar gnas// 'joms shing cis kyang mi tshugs pa// rang byung chen po lha yi lha// rdo rje cha mchog phyag rgya che// thams cad kun la 'bigs par byed// dpa' bo zhes kyang gdags par bya// las dang las kyis mi gos pa// gnyis med dbyings kyi don rtogs shing // ma chags pa la chags pa dang // shin tu rnam par dag pa yi// de bzhin nyid kyi dkyil 'khor la// sku gsung thugs ldan zad mi shes// yon tan mi zad gter du 'gyur// 'di ni mi zad par ldan pa'i// sku gsung thugs ni rdzogs byed pa'o// rnam par rtog med tshul gyis ni// thams cad kun la chags med rol// gdul bya'i don ched bsam mi khyab// 'joms dang ma chags kun 'byung ba// thams cad dbang bsdus don grub pa// ma lus kun 'dus rnam par dag/ kun nas bzlums shing 'od zer 'phro// rigs bzhi ma lus thams cad kun// mnyam rdzogs dbyings su thams cad 'dus// rigs rnams gcig med gcig pa ste// lhun grub dkyil 'khor dang nyid du// phyag rgya'i dam tshig mtshan nyid ni// thugs kyi rtags su bstan pa yin// dper na rgyal pos rgya btab na// sems can kun gyis yongs mi 'da'// de bzhin mnyam nyid phyag rgya yis// kun la khyab cing thams cad snang // sku gsung thugs kyi rgyas btab na// bdud dang mu stegs mang po kun// mi mthun phyogs kyis dbang byar med// rdo rje sems dpa'i rigs nges na// 'di lta bu la rtag tu gnas// de lta bu yi blo med na// rdo rje'i rigs su yongs ma bshad// rdo rje gsang ba'i snying po de kho na nyid nges pa las/ phyag rgya dam tshig gi le'u ste so gnyis pa'o// // de nas de bzhin gshegs pa bcom ldan 'das dges pa chen pos rgyud kyi don 'di gtad pa'i phyir/ ched du brjod pa 'di ched du brjod do// sgyu 'phrul dra ba mngon rdzogs pas// gtsug gi nor ltar kun 'byung ba// ye shes dag pa gsang ba'i snying // rin po che yi gsang sgom nas// thugs kyi ljags kyi pad+mas ni// bcom ldan rnams la bshad byas pas// de bzhin bcom ldan rnams kyis kyang // sgyu 'phrul dra ba brtan pa yis// dkyil 'khor rnam bdun bzung ba dang // 'khor ba mya ngan 'das pa yi// mnyam pa'i lam la gnas par gyis// sgyu 'phrul dra ba brtan pa yis// lus dang ngag dang yid dang gsum// nam mkha'i lus dang nam mkha'i yid// nam mkha'i thugs dang ldan par gyis// sgyu 'phrul dra ba brtan pa yis// rtsa ba mi spang dang du blang // dam tshig 'phrin las ma lus pa// lus kyi yan lag bzhin du gyis// sgyu 'phrul dra ba brtan pa yis// gzugs sgra dri ro reg bya rnams// rgyal ba'i dkyil 'khor nyid dang ni// mchod pa dam pa nyid du gzung // de nas de bzhin gshegs pa rnams dang // lag na rdo rje can gyis ni// nges par gsungs pa gzung ba'i phyir// kun gyis mgrin gcig bsdebs nas ni// bdag po rgyud la phyag kyang btsal// sgyu 'phrul dra ba mngon rdzogs pa// ye shes dag pa'i snying po la// gtsug gi nor ltar de bzhin 'dud// rin po che yi gsang ba'i sgrom// byang chub sems kyi dkyil 'khor la// de la rtag par bzhin phyag 'tshal// nges pa'i dkyil 'khor rnam bdun dang // mi gnas mnyam pa'i lam de la// phyag 'tshal de bzhin phyag kyang 'tshal// lus ngag yid gsum nam mkha' ltar// rang bzhin 'od gsal dngas pa la// de la'ang rtag pa'i bzhin phyag 'tshal// rtsa ba bco lnga mchog gi gtso// dam tshig 'phrin las ma lus pa'ang // de la'ang rtag pa'i bzhin phyag 'tshal// phyogs bcu'i gzugs sgra ma lus pa// sna tshogs bsgyur ba'i 'phrul mo che// de la'ang rtag pa'i bzhin phyag 'tshal// e ma ho kun tu bzang po dang // e ma ho ri ngo mtshar rmad kyi rgyud// e ma ho mdzes khyad par can// de la rtag tu'ang bzhin phyag 'tshal lo// e ma go sgyu 'khrul dra ba la// e ma lus kyi mgo bzhin du// de bzhin mi 'grel 'dud par bgyid/ klud kyi rgyal po chen po sna 'phrul dra ba las de bzhin gshegs pa kun tu bzang pos chung gtad pa dang / 'khor rnams kyis chud gzung ba'i le'u rtsa sum cu gsum pa'o// // rgyud kyi rgyal po chen po sgyu 'phrul dra ba rdzogs so// //