བོད་ཡིག

e-texts produced with BDRC’s OCR application

tha tsaT Tam/ rgya gar skad du/ b+hu d+ha badz+ra sa swa sa ma ti na ma ti na ma tan tra/ bod skad du/ sangs rgyas rdo rje sems dpa'i dgongs pa tshig gsum pa'i rgyud/ bcom ldan 'das mgon po 'od 'gyur ba med pa la phyag 'tshal lo// 'di skad bdag gis thos pa'i dus gcig na/ ye shes kyi snang ba 'gag pa med pa/ 'od kyi dkyil 'khor chen po'i klong na/ rang snang rtogs pa'i rgyal ba rigs lnga dang / snang ba 'od kyi phung po chen po la 'du 'bral med par bzhugs so// 'di skad bdag gis zos pa'i dus gcig na/ sangs rgyas mi bskyod pa'i zhing khams mngon par dga' ba'i tshal na/ rgyal ba rdo rje sems dpa' la/ rdo rje rigs kyi 'khor bye ba khrag khrig mtha' yas pas bskor nas/ rang rig pa'i ye shes ye nas rang bzhin gyi 'od kyi phung po chen po/ 'od gsal ba'i ngang la bzhugs so// de'i tshe gsang ba'i bdag po rdo rje 'dzin pa chen po des/ sangs rgyas 'od mi 'khrugs pa chen po la 'di skad ces gsol to// kye kye sangs rgyas thams cad kyi mes po/ rgyal ba 'od mi 'gyur ba chen po lags// ma rig 'khor ba'i sems can la// sangs rgyas dgongs pa gsung du gsol// zhes zhus so// de nas bde bar gshegs pa thams cad kyi mes po/ sangs rgyas 'od mi 'gyur ba chen po// phyi nang med par 'od kyi phung por bzhugs pa des// 'di skad ces bka' stsal to// kye ma gsang ba'i bdag pa khyod can cig/ rang shes reg ga rnga bo sang nga ba 'di dngos po dang kha dag tso' nga bar yang ma grub par/ stong sang de 'dug pa 'di sangs rgyas kun tu bzang mo yin no// rang rig pa shes rig gi ngo bo 'di stong bsngo tsam na gsal ba stong pa phyang chad du ma song bar/ rang gi shes rig ma 'gags par wa la la gsal ba 'di ka dpal kun tu bzang po yin no// rang gi rig pa dngos po cir yang ma grub pa'i stong pa dang / rang gi rig pa wal le gsal ba 'di dbyer mi phyed par 'dug pas/ sangs rgyas chos kyi sku yin no// rang gi rig pa gsal stong dbyer med/ 'od kyi phung po chen por bzhugs pa 'di la/ skye shi med pas sangs rgyas 'od mi 'gyur ba yin no// de ngo shes pas chog go/ zhes bka' stsal to// de nas yang gsang ba'i bdag pos 'di skad ces zhus so// e ma ho/ bde bar gshegs pa mgon po 'od dpag med// sangs rgyas btsal du med pa gsum po gsung du gsol// ces zhus so// de nas yang 'gro ba'i mgon po 'od dpag med chen pos/ 'di skad ces bka' stsal to// kye gsang ba'i bdag po khyod ma yengs par nyon cig/ rang gi shes rig wal le dug pa 'di sangs rgyas yin pas// sangs rgyas gzhan nas btsal du med// rang gi rig pa wal le khyug ge ba 'di rgyun du gsal bas/ sangs rgyas chos kyi sku la bsgom bsgrub byar med do// rang gi rig pa chos kyi sku la skye shi med pas/ las dang las kyi rnam par smin pas gos pa med do// zhes bka' stsal to// de nas yang gsang ba'i bdag pos 'di skad ces zhus so// kye kye sangs rgyas 'od mi 'gyur ba 'od kyi phung po chen po/ sangs rgyas 'od kyi phung po chen po'i 'char lugs bstan du gsol/ ces zhus so// de nas rnam par grol ba'i sangs rgyas 'od kyi phung po chen pos/ 'di skad ces bka' stsal to// kye gsang ba'i bdag po/ rang gi rig pa'i rang 'od ngo ma shes pa rnams ni/ las dang bag chags su bcas te 'khrul lo// rang gi 'od 'di ngo shes sam ma shes kyang rung // sems can thams cad 'khrul pa'i snang ba 'gags pa dang / dag pa'i snang bzhag lngar 'char ro// de ngo shes na rang snang dag pa'i snang ba la gnyis su med par thim nas sangs rgya'o// de ni gdams ngag can gnad ngo shes pas sangs rgyas pa yin no// sems can thams cad la dag pa'i snang ba yang dang yang du shar yang / de ngo ma shes pas 'khor bar 'khyams so// 'di sangs rgyas rdo rje sems dpa'i gsang lam yin no// de ngo shes pas chog go/ don de ngo shes par gyis shig/ ces bka' stsal to// sangs rgyas thams cad kyi dgongs pa tshig nyung ba zhes bya ba'i rgyud las/ sangs rgyas rdo rje sems dpa'i gsang lam bstan pa'i le'u ste dang po'o// // de nas gsang ba'i bdag pos 'di skad ces zhus so// kye kye bde bar gshegs pa 'od kyi phung po chen po lags/ bar do rnam pa gsum po gsung du gsol/ ces zhus so// de nas yang sangs rgyas 'od mi 'gyur bas bka' stsal pa/ kye gsang ba'i bdag po/ da lta dang / 'chi kha dang / bar do dang gsum las/ da lhalta'i gdams ngag skyel ma dang 'dra'o// 'chi ka'i rig pa 'gron bu dang 'dra'o// bar do'i snang ba bsun ma dang 'dra'o// de yang da lha'i gdams ngag dpe don rtags gsum gyis yid ches par gyis shig/ dpe ni shel dang nyi ma 'dra 'bag rnam pa gsum mo// don da ltar gyi dus nas sku gsum 'du 'bral med par bzhugs pa 'di yin no// rtags gsum las chos sku'i rtags da ltar gyi rig pa rang gi ngo bo ma 'gags par sang de gsal ba 'di sangs rgyas chos kyi sku yin no// longs sku'i rtags da lha'i lus kha mig dang bcas pa yin no// lus kyi nang na rang gi rig pa ma 'gags par gsal ba 'di nyid sangs rgyas longs spyod rdzogs pa'i sku shes rab kyi kha mig can yin no// sbrul sku'i rtags da ltar rang gi mig nas 'od kyi phung po 'char ba 'di yin no// de yang rang gi mig rdo rje sems dpa'i me long la bcug nas ma yengs par bltas pas/ chu bur gyi mig gis chos nyid dag pa'i snang ba ma thub par/ sangs rgyas kyi zhing 'phra la dngas pa/ gsal la 'tsher ba/ rang bzhin bkrag la nyam nga bar me re re 'char ba 'di/ sprul pa'i sku 'od kyi kha mig can yin no// rang gi snying gi nang dwangs ma lnga'i dbus na/ ye shes lnga'i 'od kha dog lngar gnas pa ni sprul pa'i sku'o// 'od lnga'i dbus na sku lnga gnas pa ni longs spyod rdzogs pa'i sku'o// sku dang 'od gnyis su mi rtogs pa'i dmigs pa ni chos kyi sku'o// chos kyi sku ji ltar nyams su blang ba ni nam mkha' gsum sbugs kyi gdams ngag go/ de yang phyi'i nam mkha' bar snang stong pa 'di'o// nang gi nam mkha' mig dang snying gnyis 'brel ba'i rtsa sbugs stong seng nge ba 'di'o// gsang ba'i nam mkha' ni tsit+ta rin po che'i 'phyong gur phub pa'i gzhal yas khang ni gnang ngo // de yang rig pa mig la gtad/ mig bar snang la gtad pas/ ye shes lhag par 'char ro// longs sku'i nyams len ni/ srid pa'i me long gi nang du rgyal ba rigs lnga'i gzugs brnyan 'char du bcug la lha'o// sbrul sku'i nyams len ni sgra 'od zer gsum nyams su blangs te/ sgra ni rna ba bkag la lta'o// 'od ni sgron ma dang man shel la lta'o// zer ni nyi ma'i snying po la lta'o// de dag gis da lta'i gdams ngag bstan pa'o// 'chi ka'i rig pa 'gron bu lta bu la gsum ste/ phyi 'byung ba bsgrib pa/ nang gi 'byung ba bsgribs pa dang / gsang ba'i 'byung ba rdzogs pa'o// de yang snyigs ma'i phung po lus las dngas ma ye shes kyi 'od lnga/ chos nyid nam mkha' la thim mo// bar dor sangs rgyas kyi zhing khams rnam par dag pa zhag lngar 'char ro// de nyid ngo shes pas rang snang dag pa'i snang ba la gnyis su med par thim nas sangs rgya'o// bar do gsum ni chos nyid bar do// srid par bar do// las kyi bar do'o// chos nyid bar do ni zhag lnga dag pa'i snang ba 'char te/ bsun ma gsum yod do// de yang 'od dang sgra dang zer gsum mo// 'od ni bde bar gshegs pa'i 'od mchog gi 'od gsal lo// de yang 'od 'phra la dngas pa/ gsal la 'tsher ba/ rang bzhin gyi bkrag la nyam nga bas/ 'jig rten gyi khams thams cad khengs pa ni/ nam zla sos ka'i thang la smig sdu 'gyu ba bzhin me re re 'ong ngo // de la ma 'jigs shig/ 'od kyi nang thams cad nas chos nyid rang sgra 'brug stong ldir ba tsam/ skra grags la che ba 'u ru ru 'ong ngo // de la ma sngangs shig/ 'od las zer mtshon cha'i char 'bab pa 'dra ba/ mtshon cha sna tshogs su zing zing bas snang ba thams cad khengs nas 'ong ngo // de la ma skrag cig de dag ni mchog gi 'od gsal te/ ma 'jigs ma sngangs ma skrag cig/ de bas na da ltar nyams su len pa gal che'o// srid pa'i bar do ni da lta'i nyam len 'di zhen na sgra 'od zer gsum la 'jigs sngangs skrag pa snyam byed pas/ rang snang la the tsom zos te rang ngo ma shes pas/ 'od de las rigs drug gi snang ba shar te/ lha dang lha ma yin gyi 'od ljang khu/ mi'i 'od ser po/ byol song gi 'od nag po/ yi dwags kyi 'od dmar po/ dmyal ba'i 'od dkar po lngar 'char ro// bar du bla ma yi dam mkha' 'gro gsum gyi snang ba 'char ro// de la gong gi 'od gsal gyi snang ba la 'jigs shing / 'og gi rigs drug gi snang ba la mi 'jigs par thun mong gi 'od ngo ma shes pas/ 'gro ba rigs drug gi snang ba la rig pa 'jug tu 'gro bas/ de bzhin gshegs pa'i 'od ngo shes par bya'o// rang 'od ngo shes pas bar do der bla ma yi dam mkha' 'gro gsum gyis lung ston te/ rigs kyi bu khyod bde bar gshegs pa'i rang gi 'od la ma 'jigs ma sngangs ma skrag cig/ rang gi snang ba yin no zhes lung ston no// bla mas lung ston pa ni/ bla ma'i man ngag dran pa dang bla ma la mos gus che ba la 'ong ngo // yi dam gyi lhas lung ston pa ni phyi nang gsang ba'i dbang rdzogs pa dang yi dam gyi lha gsal zhing rtag tu dran pa la 'ong ngo // mkha' 'gros lung ston pa ni gsang sngags kyi dam tshig ma nyams pa la bya'o// lung bstan pas mchog gi 'od gsal de rang gi 'od du shes nas sangs mi rgya mi srid pas/ srid pa'i bar do zhes bya'o// lung ston pa med na thun mong gi lam la shes pa zhugs nas/ skad cig ma dang po la sangs rgyas kyi 'od nub nas 'gro/ skad cig ma gnyis par rdzogs ldan gyi snang ba nub nas 'gro/ skad cig ma gsum pa la de nas rdzogs ldan mun pa nag po'i rgyal khams nyin mo'i snang ba med par char rlung 'thibs pa lta bu'i nang nas shin tu sdug go/ dper na nyi ma nub nas sa sros pa dang 'dra'o// der zhag bdun 'khyam mo// de nas zhag bdun pa la sangs nas/ lhan cig skyes pa'i lha dang 'dre gnyis kyis/ gshin rje chos kyi rgyal po'i drung du khrid nas las dge sdig gang mang 'dren pas ma 'tsham nas/ der gshin rjes las kyi me long la ltar bcug pas/ mngon sum du mthong ste stobs gang che ba'i dbang gis mtho ris dang ngan song du 'phen no// de'i phyir las kyi bar do zhes bya ste/ las kyis ma gos pa gal che'o// de ltar gdams pa'i gnad shes pa rnams skad cig ma gsum la sangs rgya nges la/ mi shes pa rnams 'khor bar 'khyams pas/ gdams pa'i gnad shes shing goms par bya ba rab tu gces so// sangs rgyas thams cad kyi dgongs pa tshig nyung ba zhes bya ba'i rgyud las/ rdo rje sems dpa'i zhal chems gsum pa'i le'u ste gnyis pa'o// // bcom ldan 'das kyis de skad ces bka' stsal pa dang / gsang ba'i bdag po la sogs pa'i 'khor thams cad rab tu dga' zhing yi rangs te rol mo'i sprin gyis gtibs shing / bcom ldan 'das kyis gsungs pa la mngon par bstod do// sangs rgyas thams cad kyi dgongs pa tshig nyung ngu zhes bya ba'i rgyud kyi rgyal po ches gsang ba rdzogs so// // dpal oM rgyan gyi slob dpon chen po pad+ma 'byung gnas kyis khra mo brag la gter du btsal ba'o// bdag 'dra pad+ma las 'brel btsal gyis snang bar byas pa yin no// / mang+ga laM/