བོད་ཡིག

e-texts produced with BDRC’s OCR application

rgya gar skad du/ bud d+ha b+ha ka ra ya b+he na ma/ bod skad du/ sangs rgyas kyi zhal chems pa gsum pa zhes bya ba/ rang grol rdo rje 'chang la phyag 'tshal lo// sems can tshe lo khri tsho'i dus// srin po ru lu'i yul du yang // pha ni rag sha khro gdungs dang // srin mo sham sham nag mo'i bu// ston pa rdo rje 'chang chen ni// drang srong khros pa'i rgyal por skyes// 'khor du srin po bye ba cig/ lo ni stong phrag gnyis bzhugs so// stag sbyang 'khros pa'i ri bo la// tha mar 'da' ba'i tshul yang bstan// 'khor rnams brgyal te mchi ma phyung // kye ma kye hud kye ma klong // ston pa sgron ma'i 'od nub nas// ma rig mun pa gang gis sel// de ltar smre sngags brgya la sangs nas// nam mkha'i dbyings su yar bltas pas// 'od lnga'i nang du ston pa byon// phyag g.yas gru mo mar phyung nas// rin chen shel gyi za ma tog/ sen gang ba cig mar la bor// dga' rab lag pa yar bzed pas// glegs bam lag pa'i mthil du babs// de nyid zhal phyes bltas pa yi// rang byung yi ge rang shar ba// rin chen sna lngas bris pa snang // bltas pas dga' rab rang rgyud grol// kye ma kye ma bu rnams gson// lus 'di mya ngan 'das 'dod na// sku gsum bzhugs stangs nyid la bslab// 'di ltar su yis byas pa'i mi// dus gsum sangs rgyas thams cad kyi// sku yi klong du mya ngan 'das// ngag ni slob pa'i rim pa dang // gnas pa bstan cing la yang bzla// de las mi 'da' sus byas pa// dus gsum sangs rgyas thams cad kyi// gsung gi klong du mya ngan 'das// bya ba dgu 'phrugs dag tu btang // sems gnad gzigs stangs gsum btsun te// yul gnad nam mkha' skyen bral sgo// gnad bzlog phab la zur gyis lha// sgron ma bzhi ldan 'bral mi bya// rlung gnad shin tu dal la bslab// de ltar gnad gsum gzigs pa yis// sku gsum rig pa stong par 'char// lug rgyud rig pa btson du bzung // mngon sum gnad mthong phyir mi zlog/ chos 'di mngon sum snang ba'i sa// yid spyod 'dzin pa'i lta ba nub// nyams snang gong 'phel rnam gnyis kyis// bar do'i ye shes mngon sum gsal// rig pa tshad la phebs pa yis// longs spyod rdzogs pa'i sku ngos zin// chos nyid zad pa'i snang ba yis// rdzogs chen bya bral 'bras bu thob// 'di ltar snang bzhi mthar phyin nas// myang 'das btsal du med pa'o// mi 'gul gsum la gzhi bcas nas// sdod pa gsum gyis tshad bzung bas// rtags ni lus ngag yid la 'byung // thob pa gsum gyis gzer thebs so// de las bstan du med do sa ma ya// bar do ma bu gnyis sbyor bas// ye shes snang ba lam me ba// 'gro ba'i mar me ye shes sgron// gzi brjid chen po 'od gsal ba// zhi khro rang snang dkyil 'khor gsal// 'di ni rang rig 'od snang ste// gnyis med gnyis su med pa ru// yang dag mtha' la rnam par gnas// skad cig gcig gis bye brag phyed// sems kyis skad cig don kun rig/ bde chen gzhi'o mi 'gyur bas// dpag med mda' ltar slar mi zlog/ mi 'gyur gser gyi zur ma bzhin// rang snang nyid du zag chod cig/ dus gsum sangs rgyas thams cad kyi// thugs kyi snying po bu gcig po// rin chen zhu ba'i khu bas bris// legs par dril la mchan khung bcug/ bkur sti rim gro phun sum tshogs// su yis byas pa grol bar nges// 'ja' 'od sgra dang sa g.yos dang // sad ser mu ge 'byung ba'i tshe// phyogs dang mthun pa'i lce yis klag/ stong gsum sprul pa'i sangs rgyas la// yon phul bas kyang stobs che'o// 'di nyid bstan pa'i srog yin no// lnga ldan pa la rims kyis ston// sngags kyi srungs mas srungs cig/ sa ma ya/ rgya rgya rgya/ zasgyu mya// //