བོད་ཡིག

e-texts produced with BDRC’s OCR application

rgya gar skad du/ a ti tri kA ya pany+tsa dz+nyA na tri ka karma tan+na nA ma ma hA san+ni tri ka ya pany+tsa dz+nyA na s+yAr+tha su b+ha Shi ta sAR+Ya tsan+da saM pu Ta na da si ha sin+ni gi ti tan+na na ma/ bod skad du/ rdzogs pa chen po sku gsum ye shes lnga'i don bshad pa nyi zla kha sbyor seng ge sgra yi dgongs pa bshad pa'i rgyud ces bya ba/ bcom ldan 'das dpal rdo rje sems dpa' la phyag 'tshal lo// 'di skad rnam par bshad pa'i dus gcig na/ dus gsum gyi sangs rgyas thams cad 'dus pa'i dpal rdo rje sems dpas thams cad kyi ngo bor gyur pa bzhon nu dpa' bo stobs dang ldan pa des/ lcang lo can gyi pho brang ri bo gnam lcags 'bar rtse la/ ye shes kyi mkha' 'gro rnams dang / las las grub pa'i mkha' 'gro dang / 'jig rten gyi 'khor dang / sprul pa'i 'khor byang chub sems dpa' rnams dang de'i tshe thabs cig tu bzhugs so// de nas gsang ba'i bdag pos 'di skad ces gsol to// kye kye bcom ldan 'das thugs rje'i bdag/ sems nyid ye shes 'khrul pa'i sgo// rtogs par 'dod pas ji ltar lta// zhes gsol to// rigs kyi bu nges par nyon cig/ ma bcos rang bzhin snying po'i don// phyogs su bltas pas mthong min te// rang la shar ba'i don nyid la// ji ltar nyi 'od nor bu ltar// ma bsags gdod nas lhun gyis rdzogs// rang byung gzhi yi gnas lugs ni// 'gro 'ong med par kun la khyab// gsang ba'i rdo rje nam mkha' che// tshig gi spyod yul ma yin te// 'di zhes brjod pa dka' ba'i don// gsang ba'i bdag pos nges par nyon// byang chub don 'di bstan par bya// zhes seng ge sgra yi dgongs pa nyi zla kha sbyor las/ gleng gzhi'i le'u ste dang po'o// de nas 'khor mkha' 'gro dang gsang ba'i bdag por bcas pa la rang byung gzhi skra gsum don ston par rig nas/ gsang ba'i bdag pos gsol ba/ kye thugs rje thabs kyi bdag po chos sku khyab bdal nyi ma'i snying po lta bu bshad du gsol// zhes zhus so// ston pas bka' stsal ba/ go bar dka' ba'i rang byung lhun grub bde chen don// bgrod par dka' phyir dbang dang byin rlabs rgyud// phyi rabs rnams la 'di ltar bshad par bya// chos sku rin chen dgongs pa skye med thig le la// snang ba khyab bdal chen po gsal pa che// de don rtogs na btsal dang bgrod med do// lha gnas gsum du grags pa yi// ro langs bde ba thugs sras kyis// yang sbrul skal ldan sras bdun la// rgyal thabs spyi blugs dbang bskur nas// byang sems lhun grub brda don sprad// rang rig 'gag med 'od gsal rang shar la// dkyil 'khor lnga yi ye shes 'phro// de ldan rgyal ba'i gral du gzhag/ rang rig 'od gsal phyogs med zlum po bum pa'i dbang // sku gsum rang shar rang gsal gsang ba'i dbang // bde chen don rtogs shes rab dbang // ngo bo blo 'das spyi blugs dbang // bgrod med ye shes lam du grol ba'i klong // de nyid rang byung rdzogs pa'i lam// rim par brda yis bstan par bya// chos sku gzhi yi gnas lugs ni// dgongs pa nam mkha'i mtha' dang bral// mtha' dang dbus med phyogs bral 'gyur ba med// gzhi snang khyab pa chos sku dag pa'i dbyings// rang byung rgyu rkyen med pa'i lhun grub pa// stong pa ye shes snying po bdag/ mtha' la mi gnas rdo rje'i sku// ye shes gsal ba rin chen gter// spros dang bral ba'i nam mkha' la// gzung 'dzin bral ba'i rig pa bad la// ngo bo rang bzhin thugs rje'i bdag/ ye shes nang gsal sku gsum 'od du gsal// rang bzhin lhun gyis grub pa'o// seng sgra nyi zla kha sbyor las/ chos sku gnas lugs bstan pa'i le'u ste gnyis pa'o// // gsang ba'i bdag pos yang zhus pa/ kye/ bcom ldan thugs rje thabs kyi bdag/ longs sku grol lugs ji ltar shar// ston pas bka' stsal pa/ chos sku'i rnam dag dbyer med kyang // ye shes sku nyid rang byung gsal// sangs rgyas sku lnga rang rig pa/ mtshan nyid so sor tshul 'dzin cing // shes rab stobs bcu ye shes sku// bzhi bcu rtsa gnyis mtshan 'chang ba// mkha' la nyi shar 'gro don mdzad// de nas bya bral dbyings su skyel// zhes seng ge sgra sgrogs pa nyi zla kha sbyor las/ longs skur grol ba'i le'u ste gsum pa'o// // kye kye bcom ldan thugs rje'i bdag/ thugs rje sbrul sku'i snang ba ji ltar 'byung // sprul pa sku nyid thugs rjer ji ltar shar// bka' stsal pa/ ye shes lnga yi mtshan nyid las// 'byung ba'i drangs ma 'od du gsal// de la snod du rtog pa brtas// snyigs ma 'byung ba zhes bya'o// mkha' la rlung brten de la chu brten nas// de la sa brten 'gro ba brten pa ni// ma rig srid pa'i sgo nga las byung ba// rkyen rnams tshogs nas 'gro drug las kyis 'khor// sna tshogs gzugs can yid las byung // 'khrul yang chos sku'i khyab bad la rang byung lhun grub pa// sku gsum 'od gsal ma 'dres rig pa rang rang shar// sbrul sku'i zhing khams ma 'dres so sor gsal// sku gsum thugs rje 'gro ba don mdzad pa// dpal ldan sangs rgyas pad+ma skyes// sprul pa'i 'khor lo yi ge drug las shar// 'gro drug don du thub drug tha dad mdzes// rnam grol gsum la mkhas pa'i chos kyang ston// skye med don phyir chos nyid sna tshogs bstan// sangs rgyas sprul pas sems can kun don mdzad// sems can thams cad rnam grol byed// de nas thugs rje dbyings su sdud// rgya mtsho chu bran sdud pa'i tshul// zhes seng ge sgra yi dgongs pa nyi zla kha sbyor las/ sbrul sku'i le'u ste bzhi pa'o// // kye/ bcom ldan thugs rje'i thabs kyi bdag/ sku gsum ye shes bshad du gsol/ bka' stsal pa/ ye ni shes pa gcig yin pa// mtshan ni rnam pa lnga ldan te// ngang las rang bzhin med pas gsal// chos dbyings ye shes lhun gyis grub// ngang las yon tan 'byung bas na// me long ye shes lhun gyis grub// shes rab gcod pas so sor rtogs// skye 'gag med pas mnyam nyid de// thogs pa med pas bya ba grub// stong pa'i ye shes rtsal snang ba// mtshan nyid 'dzin pa'i ye shes lnga// rig pa'i klong na rang shar gsal// dkar dang dmar dang ser dang ldang // mthing kha'i rnam par ye grub pa// snang la dngos med nam mkha' 'ja' tshon tshul// ye shes rig pa'i rang gdangs shar bar bshad// ces seng ge sgra yi dgongs pa nyi zla kha sbyor las// ye shes kyi le'u ste lnga pa'o// // kye kye bcom ldan thugs rje'i bdag/ sku gsum ye shes lnga ldan rang byung sgra// bag chags sbubs na 'gro la ji ltar gnas// bka' stsal pa/ thugs rje rtsal gyi 'char lugs dang // srid pa bzhi la 'dzin lugs dang // sdud byed dngas ma chags pa'o// gso byed bcud kyi chags sa bzhi// dngos po gdos pa can du grub// sbrul sku 'gro bar snang ba'o// de la ji ltar gnas she na// zla ba gdan la nyi ma dbu rgyan can// rin chen gur phub zur gsum re zag bzhi// tsit+ta dpal gyi be'u zhes su bya// de dbus rtog med sku gsum chos kyi sku// sgrib med ye shes lnga yis gzhal yas na// kun bzang rigs lnga sems dpa' yab yum bzhugs// thugs rje 'od kyis kun tu khyab pa'i ngang // rtags kyi sgron mar rig pa'i 'od gsal ba// ye shes rtsal ma rdzogs pas khyud phrug sgong rgya'i tshul// sku gsum the tshom med blos rang shar rig pa'i don la lta// dus bzhi mnyam sbyor dgongs pas ni// rang ngam rang bzhin bdag nyid chen por gzhag/ ces seng ge sgra sgrogs kyi dgongs pa ye shes nyi zla kha sbyor rgyud las/ bag chags sbubs la sku gsum ngo sprad le'u ste drug pa'o// kye kye bcom ldan thugs rje'i bdag/ sbrul sku zhing khams 'gro drug nas// 'bras bu longs skur grol bar ji ltar bgyi// zhes pas bka' stsal pa/ srid pa 'gro drug las grol ba// bye brag skad cig gcig gis grol// grol las grol bas thar pa mthong // rnam grol lus ni rin chen sbubs// 'jug dang snang dang shes pas grol// phyi snang ba sgo lnga dang du grol// rnam shes lnga nyid 'od lnga dang du grol// 'od lnga rigs lnga yum lnga chos sku ngang du 'dus// ye shes sku de mtshon gyi gru gu bzhin// tsit+ta sgron mar zhugs nas chos nyid mkha' la shar// rtogs pas skal ldan longs sku ngo bor grol// thugs rje 'od zer 'gro don sbrul sku 'gyed// ces seng ge sgra'i dgongs pa nyi zla kha sbyor las/ sems can sbubs nas longs sku 'od kyi sbubs su grol ba'i le'u ste bdun pa'o// // kye kye bcom ldan thugs rje'i bdag/ longs sku'i zhing khams sprul pa'i sku// sku gnyis chos sku'i klong du ji ltar grol// zhes pa bka' stsal pa/ dbyings las rig pa ye shes rang byung ba// ye shes rdzogs sku gsum sprul pa'i sku// chos sku longs sku rtsal snang ye shes rgyan// 'gro ba'i don mdzad gsal byed kun grol khyab// mi 'gyur ye shes rlung gis shes rab mkha' la bteg/ shes rab spyan gsum rang bzhin rnam par dag/ rang rig ye shes yin la bag chags lus kyi rtog pa med// seng ge sgra las/ ye shes dbyings su sprul pa sku dag pa'i le'u ste brgyad pa'o// // kye kye bcom ldan thugs rje'i bdag/ gzigs pa'i spyan gsum sgrib med ji ltar grol// zhus pa/ bka' stsal pa/ sbubs gsum yul du ji ltar/ ma rtogs 'khrul pa'i snang ba ni// snyigs ma byung ba ngo bos stong // da ngas ma lnga nyid 'od gsal stong // rang la snang zhing rang bzhin med// rang snang rnam dag shes rab spyan gyi ngang du grol// bag chags sbubs na bzhi bcu rtsa 'od gsal ba// stong zhing bdag med bum pa'i mar me bzhin// 'od kyi sbubs su sgrib med spyan gsal ba// sgrib med 'od sbubs ye shes spyan du grol// zim shar gnas pa rig pa'i ngangal gsal// 'od gsal snang yang zang thal reg pa med// chos sku phyi nang mdun rgyab med pa rin chen sbubs// so sor rtog par chod yang dmigs med chos nyid dang // gnas lugs chos kyi spyan gyi ngang du sgrib med grol// 'gyur med pa na ye shes stong rig gsal// gzung 'dzin gnyis med chos kyi mtha' las grol// seng ge sgra nyi zla kha sbyor las// spyan gsum sgrib med grol ba'i le'u ste dgu pa'o// // e ma ho/ snying po don gyi rgyud gsum pa// snod kyi 'jig rten dbyings su grol// sgo lnga dug lnga ye shes gdangs su grol// sems kyi gzung 'dzin spros bral dang la grol// lus ngag yid gsum sku gsum ngo bor rdzogs// 'khor ba 'das pa grol ba'i sku chen sku gsung thugs// rang byung sku gsung ye shes rgyas par bshad du gsol// bka' stsal pa/ chos sku ngo bo kun tu bzang po de// dngos bcas ma yin kha dog tshogs 'od kyi sku// 'bar ba 'od 'phro snang du yod la reg tu med// rtag chad las 'das 'gyur med ye shes snying por gnas// de yi yon tan khyab pa phyogs dang ris med pa// zab dang thun mong ma yin thog ma rgyu rkyen med// chos sku mtshon bya dag dang rtog pa dang // dag pa glo bur dri ma rnam dag drongs// rang bzhin bral bas de nyid 'od gsal lo// de yi rtogs pa blo 'das rig pa la// smra bsam brjod med so sor rang rig rtogs// mtshan nyid 'dus byas ma yin 'khor 'das dbyer med pa// rtag chad las 'das yang dag don du nges// chos sku'i dbye ba bzhi snang chos sku dang // kun bzang ngo bo nyid kyi chos sku ni// chos nyid spyan gyis 'khor 'das zang thal gzigs// chos nyid don gyi gsung gi ni// skye med brjod dang bral ba'i don gyis ni// de nyid brjod du med pa'i chos bshad do// longs sku'i ngo bo rigs lnga 'od gsal ye shes lnga yi sku// thugs rje zer du 'phro ba'i bdag nyid// mtshon bya sku yi snang ba lnga shar ba// thugs nyid rdo rje lta bu'i dgongs pa ting 'dzin rtogs// mtshan nyid 'du byed rkyen gyis mi bskyod lhun gyis grub// yon tan sbrul skur 'phro yang 'gyu byed mi mnga' ba// dbye ba bzhi po longs sku rtog med sku lnga dang // zhing khams longs sku 'gro la khyab pa'i sku// ye shes spyan gyis chos rnams mnyam nyid gzigs// dgongs pa 'da' ba'i gsung gis sku yi chos rnams 'jal bar ston// sbrul sku'i ngo bo thugs rje ye shes las// mtshon bya sku gsung thugs kyi snang ba la// 'gro ba dad dang mos dang smin par byas// mtshon pa thugs rje thabs kyis rnam par mtshon// dbye ba bzhi gnas sbrul sku thugs rje sprul pa'i sku// ye shes rang byung sprul pa'i sku shar ba'o// shes rab spyan gyis spyi dang rang gi mtshan nyid so sor gzigs// brjod pa tshig gi gsung gis 'gro la chos ston to// seng ge sgra dgongs pa nyi zla kha sbyor rgyud las/ sku gsum rang bzhin bstan pa'i le'u ste bcu pa'o// // kye/ bcom ldan thugs rje thabs kyi bdag/ sku gsum nges tshig gsung du gsol// bka' stsal ba// chos sku'i ngo bo gnyis med shes rab bad la khyab la// longs sku mtshan nyid 'od gsal mi rtog ye shes so// sbrul sku ngo bo thugs rje mi 'gag pa// chos sku nges tshig khyab dang rten byed la// longs sku zhi dang 'khor smin longs spyod do// sbrul sku nges tshig thugs rje sna tshogs sprul// yun thung ma nges phyir na sprul zhes bya// dbye ba chos sku'i chos sku ni// mi 'gyur rig pa spros bral bad la khyab pa// chos kyi sku yi chos sku yang dag bshad// rig pa'i shes rab sku lnga mkhyen ma 'gags// chos sku'i longs skur rgyal ba kun gyis bshad// gdul bya sogs med sku lnga ngo bo nyid shar ba// chos sku'i sprul pa sku yi nges bshad yin// de la ngo bo rang bzhin thugs rje gsum zhes bya// khyab bad la gzhi yi chos skur de bshad do// longs sku chos sku rnam snang chen po sku gcig sku lngar shar// des na kun tu zhal zhes bshad pa yin// longs sku longs sku'i rigs lnga sangs rgyas la// longs sku'i sbrul sku sems dpa' sems ma'o// de rnams mtshan nyid bye brag bshad pa ni// 'bras bu mngon du gsal ba'i dus zhes bya// sbrul sku'i chos sku rdo rje sems dpa' la// sems dpa' sems ma longs skur bshad pa ni// zer gyi thugs rje sprul pa zhes su bya// de rnams thugs rje 'byung ba'i sku gsum zhes su bshad// rdo rje sems dpa' thugs las thub drug spros// thub drug sprul sku bye ba mched pa ni// 'gro ba 'dul ba'i sku gsum zhes su bshad// kye kye gsang bdag nges par bshad kyis zungs// nga ni rdo rje sems dpa' chos kyi sku// nga yi dbu yi thor tshugs dang // mdzod sbu bu ga shangs kyi rlung sgom nas// de rnams 'byung ba'i 'jam dpal dri med dang // seng ge sgra dang sems dpa' snying po la sogs pa// sprul pa'i longs sku yin par ngas bshad do// thub drug dga' rab rdo rje la sogs pa// sprul pa'i sprul pa yin zhes bya// seng ge sgra dgongs pa nyi zla kha sbyor las// sbrul sku gsum gyi dbye ba'i le'u ste bcu gcig pa'o// // kye/ bcom ldan thugs rje thabs kyi bdag/ sku gsum rang bzhin gsung du gsol// bka' stsal pa/ sku gsum rang byung ngo bo ma byas pa// ma bcos ma bslad mi 'gyur ba// rang bzhin rnam dag 'dus ma byas// ye shes 'od gsal nam mkha' lta bu la// chos nyid rnam dag rdo rje lta bu'i sku// rig pa rang shar zang thal ye shes klong // rang bzhin gzhi gnas ye shes chen po la// mtshan nyid 'dzin pa'i ye shes rnam pa lnga// mi 'gag so sor dang la 'od du gsal// de yi klong na snying po sku lnga phyag rgya 'gag med gsal// ngo bo chos sku gsung thugs rang bzhin longs spyod sku// thugs rje sbrul sku thams cad 'byung ba bzhi ma 'gags// bzhi la gnas pa'i sku gsum ye shes zhes su bya// rgyu nyid dag pa chos sku 'bras bu gzugs sku gnyis// rang gsal rtsal du grub ste gzhi gnas sku gsum mo// seng ge sgra nyi zla kha sbyor las// sku gsum rang bzhin bzhi'i le'u ste bcu gnyis pa'o// // kye/ bcom ldan thugs rje thabs kyi bdag/ gzhi sku gsum sangs rgyas las/ 'bras bu bshad du gsol/ bka' stsal pa/ gzhi sku gsum ye sangs rgyas pa las// kun bzang rtogs pa'i sangs rgyas ni// gnyis las ma 'dres gcig las mi 'byed pas// ma 'dres rdzogs pa ye shes rang shar bas// bde chen dbyings su mngon par sangs yang rgyas// sangs rgyas ngo bo nges tshig dang // dbye ba mtshan nyid rnam grangs bstan// sangs rgyas ngo bo dri med ye shes la// nges tshig nyon mongs sdug bsngal dri dag ye shes rgyas// dbye ba lhun grub sangs rgyas rtogs pa mngon sangs rgyas// thugs kyi dgongs pas ye shes chos 'chad do// longs sku sprul pa'i sku la brda yis ston// sprul pa 'gro ba'i don phyir brda dang tshig gis ston// de yi phyir na sku gsum ston pa zhes su bya// rang rig rtogs pa'i shes rab kyis// log par rtogs pa'i bdud bcom ste// mkhyen pa'i ye shes stobs ldan pas// bzung 'dzin mtha' las 'das pa ni// bcom ldan 'das zhes bshad pa yin// mkhyen rtogs bdag gis dpal dang don ston gzhan gyi dpal// kun tu don byed kun tu bzang pos bya// 'gro ba'i mun sel sgron mas bya// rang byung ye shes skye 'gag med pas 'chi bdag bdud kyang bcom// rang byung ye shes mtshan ma med pas phung po'i bdud kyang bcom// rang byung ye shes gnyis su med pas nyon mongs bdud kyang bcom// sku gsum ye shes gzung 'dzin bral// bral bas lha yi bu yi bdud kyang bcom// longs sku 'ja' tshon sku lnga gdos bcas med pas phung po'i bdud kyang bcom// gzung 'dzin skyon bral nyon mongs bdud kyang bcom// ye shes lus la skye shi med pas 'chi bdag bcom// 'od gsal rang byung lha yi bu yi bdud kyang bcom// sku gsum ldan lugs bstan pa ni// chos sku yon tan sgo yangs pas// ye shes lnga dang sku gnyis ldan// longs sku mtshan dang dpe byad ldan// dgongs pa 'od gsal ye shes ldan// mngon par shes pa'i chos drug ldan// sprul sku thugs rje rdzu 'phrul ldan// sku gsum 'das lugs bstan pa ni// chos sku mtha' rnams kun las 'das// longs sku gzung 'dzin 'khor ba 'das// sbrul sku shes rab thabs ldan pa// 'khor 'das gnyis kyi mtha' las 'das// sku gsum rgyas pa bstan pa ni// chos sku mtshan ma gnyis snang sangs// rang rig gsal ba gnyis med ye shes rgyas// longs sku 'khor ba'i chos can sangs// thams cad mkhyen pa'i che ba'i ye shes yon tan rgyas// sbrul sku ma rig 'khor bar rang rgyud sangs// shes rab thabs dang thugs rje rgyas// sku gsum dri ma dag lugs ni// chos sku ngo bo dri ma dag/ longs sku reg bya dri ma rnam par dag/ sbrul sku nyon mongs dri ma rnam par dag/ ces seng ge sgra dgongs pa nyi zla kha sbyor rgyud las/ 'bras bu sku gsum bshad pa dang gzhi 'bras khyad par le'u ste bcu gsum pa'o// / kye kye bcom ldan thugs rje thabs kyi bdag/ sku gsum tshom bu bzhugs lugs bshad du gsol/ bka' stsal pa/ chos sku gzhi snang chen po ni// chos nyid 'od gsal ye shes sku// de nyid phyi nang med par gsal// rig pa phyi nang med par khyab// bdal ba phyogs ris med par shar// gnyis med chos nyid rdo rje'i sku// rang gsal 'dzin med thugs rig pa// de la mkhyen pa ma 'gags pa// rang rig chos nyid ye shes gdangs shar ba// yum gyi rang bzhin shes rab ye shes spyan gyi bum pa lnga// snang ba dngos med nam mkha' 'ja' tshon bzhin// de yi nang na sku gcig sku lngar gsal// gsal la rtog med bum pa'i mar me 'dra// sku gsum nang gsal 'du 'bral med pa'i gnas// rig pa'i 'od gsal thugs nyid zang thal bas// sku gnyis yul du mi snang yon tan rtsal ma 'gags// 'du 'bral med pa'i sku gsum snying po la// sku gnyis mi 'gag yod pa'i med pa ste// chos sku mi 'gyur med pa'i yod pa ni// 'khar gzhong bcud dang me long gzugs brnyan bzhin// snang la rang bzhin med pas mtshan ma'i skyon dang bral// mi snang rang bzhin yod pa chad pa'i mtha' las 'das// chos nyid dag pa'i snang ba la// kun tu bzang po bzang mo'i ngang // rang la shes rab sku lnga snang // mtshan ma gdos bcas sku ma yin// ye shes rang snang chen po chos kyi sku// mtshan ma gzhan snang rtogs pa med// shes rab sku lnga bstan pa ni// rang shar rang gsal ngo bo la// thams cad 'char zhing snang ba'i phyir// kun bzang snang ba chen pos bya// rang la sku mi snang ba kun bzang yum gyi klong zhes bya// chos sku dngos med zang thal la// gzhan snang med pas gdos bcas 'das// rnam dag chos dbyings bkod pa yis// chos nyid sku gsum dbyer med klong // ye shes rang gdangs bum pa lnga// ma 'gags gsal ba myu gu gnas// chos dbyings dag pa rig pa'i sku// kha dog sna tshogs 'bar bar bzhugs// rtsal gyi 'od zer dag snang ba// mthing kha dkar ser dmar dang ljaldang // ma 'dres gsal ba'i ye shes rdzogs// de lnga nang na sku lnga lhun gyis grub// phyogs bzhi dbus dang lngar gnas pa ste// dbus ni kun snang ye shes la// bzhi po rnam snang kun tu zhal// kha dog sna tshogs 'bar ba'i sku// ye shes sgo lnga zang thal ma// snang du yod la reg tu med// rtag chad mtha' las 'das pa'i gzhi// sgrib med gdangs gsal spyan mnga' zhing // thogs med rang byung shugs kyi mdzes// skyon bral rnam dag ljags dang ldan// 'gag med rang dngas snyan gyis brgyan// spros med rang gsal ye shes sku// phyag ni mnyam gzhag zhi ba'i ngang // kha dog lnga yi bdag nyid 'dzin// gdan gsum ngang la yongs su rdzogs// thabs dang shes rab yab yum tshul// gdul bya rigs lnga sangs rgyas te// dag cing gsal ba'i me long la// byad kyi rnam pa gsal ba ltar// mtshan rdzogs rdo rje 'chang chen ni// mi bskyod rin chen 'byung ldan dang // snang ba mtha' yas don grub shar// rang rang phyag mtshan thugs las gab// dbyer med rdo rje skyil krung bzhugs// ye shes lnga yi sbubs na gsal// rang rang so so'i chos nyid la// lnga pa so so sbubs na gnas// re re la yang bzhi bzhis bskor// ye shes lnga rdzogs rtsal gyi mtshan nyid 'dzin// gnyis med yum lnga lus dang grib ma bzhin// rang byung rang snang rang gis mkhyen// rang snang rtse gcig 'byed pa med// seng ge sgra las/ chos sku bzhugs tshul bstan pa'i le'u ste bcu bzhi pa'o// // kye/ bcom ldan thugs rje thabs kyi bdag/ longs sku bzhugs tshul gsung du gsol// bka' stsal pa/ sku gcig/ sku lngar shar bas rnam par snang mdzad la// de las 'gyur ba med pas mi bskyod pa// yon tan phyogs med rang byung rin 'byung bya// dri mas ma gos thugs rje 'od dpag med// gang la thogs med grub pas 'phrin las grub pa'i sku// shes rab sku lnga'i rang bzhin ni// rig pa gcig gi ngo bo la// thams cad 'char bar snang bas rnam snang chen po bya// yon tan mi 'gag rin 'byung chen po bya// thugs rje stobs ldan 'od dpag med// shes bya thogs med don grub chen po bya// de don rang byung 'gyur med mi skyod che// 'gag med dbyer med rig pa shes rab thugs ldan no// yon tan kun brgyan rab tu ngang la gcod// rnam snang thugs kyi rang bzhin 'khor lo rtsibs brgyad do// sku lnga ye shes lnga ldan mi 'gyur mi phyed pas// ma bskyod thugs kyi rang bzhin rdo rje rtse lngar gnas// ngo bo mi 'gyur rang bzhin mi 'gag yon tan rang la 'byung // rin 'byung thugs kyi rang bzhin nor bu rin chen gnas// rang gi ngo bo dri med rnam dag pas// 'od dpag med pa'i thugs ni pad+mar gnas// thugs kyi rang bzhin dgongs pa mtha' bzhi 'das// tshad med ye shes 'phrin las bzhi rdzogs pas// don grub thugs kyi rang bzhin rdo rje rgya gram gnas// yum ni ye shes dbyings kyi cha// sku mdog phyag mtshan yab dang mthun// gnyis med ye shes 'od du gsal// ma bcos rang bzhin yongs khyab pas// yum gyur kun tu bzang mo bya// rang bzhin mi 'gyur 'gag med la// yum gyur sangs rgyas spyan zhes bya// yon tan don sdud mnyam sbyor bas// yum gyur mA ma ki zhes bya// yon tan kun smin 'od kyi gdangs ldan ma// yum gyur gos dkar mo yi don du bshad// rang bzhin skyon med mi ldog gnas su sgrol// rlung nyid dam tshig sgrol ma'i don du bshad// sku gsum kun tu 'od kyi sa la ye nyid snying por gnas// sa yi snying po zhes su bshad pa yin// sku gsum kun tu khyab pas sems dpa' kun bzang bya// sku de don rang la gzigs pas spyan ras gzigs// sku gsum phyag rgya skye 'jig med pa phyag na rdo rje don// sku gsum 'gro la snying rje khyab pa byams pa'i don// sku gsum rig stong dbyer med nam mkha'i snying pos don// sku gsum mkhyen par gsol ba 'jam dpal don// sku gsum ye nyid dag pas sgrib sel don// sku gsum ye shes skur snang gzugs nyid sems// sku gsum tshul khrims dri ldan ma le dri// sku gsum shes rab ro ldan ni rti ro// sku gsum sgra ldan gI rti sgra// sku gsum dri ldan d+hA pe ma// sku gsum bde ba'i mdangs ldan puSh+pe ma// sku gsum 'od gsal dar shar A lo ke// sku gsum ting 'dzin rgyun 'bab gan+d+he ma// skyon gyis ma gos ye shes bzhi yi don// sa snying dkar po rin chen myu gur gnas// dri med rang la rdzogs pas 'gyur ba med// kun bzang mthing skya thugs kyi rang bzhin rin chen snye mar gnas// ye shes dbang thob nyon mongs skyon dang bral// spyan ras dmar skra thugs kyi rang bzhin pad+ma dkar// 'phrin las bya rdzogs 'du 'bral med// phyag na rdo rje ljang nag thugs kyi rang bzhin rgya gram gnas// 'dod pa'i skyon bral thugs rje 'dzin// byams pa dkar dmar klu shing mgo ldogs so// gzung 'dzin rnam gcod rtog pa sel// nam snying mthing skya thugs kyi ral gri gnas// shes rab rang grol ye shes rgyas// 'jam dpal dmar ser thugs kyi rang bzhin ut+pal lo// sgrib pa rnam dag ye shes thogs pa med// sgrib sel mthing kha thugs kyi rang bzhin po ti gnas// lA s+ye dkar mo khu tshur bgying // gzugs kyi rnam dag ngo bor shar// mA le sngon mo spos me ma// dri yi rnam dag ngo bor shar// ni rti dmar mo 'phreng ba ma// ro yi rnam dag ngo bor shar// gi rti ljang khu bsil kha ma// sgra yi rnam dag ngo bor shar// puSh+pe me tog dus 'das ngo bor shar// A lo ke mar me lha ngo bor shar// gan+d+he phyis 'byung ye shes rnam dag ngo bor shar// sku gsum skye 'gag med pa rang bzhin lhun gyis grub// bde chen skye 'jig med pa bde ba tshe 'phel ma// rnam dag yul brgyad rtog par shar ba za/ byed pa// sku gsum ye shes rtog pa zad par byed pas bde ba zad byed ma// sku gsum ye shes klong du 'khor ba thim pas rnam rtog mgo rmongs pas// de phyir bde ba'i ye shes rmongs byed ma// 'khor 'das ye shes sku gsum ngang du rgyas thebs pas// de phyir bde ba'i ye shes rgyas 'debs ma'o// thams cad rig pa rtsal gyi rol pa rnam dag bstan pa'i don// seng ge sgra'i dgongs pa nyi zla kha sbyor las// longs sku nges don bzhugs tshul gyi le'u ste bco lnga pa'o// // kye/ bcom ldan thugs rje thabs kyi bdag/ tshom bu dkyil 'khor gsung du gsol// bka' stsal pa/ bcom ldan rdo rje mi bskyod la// sa snying byams pa g.yas dang g.yon// thugs rje thabs kyi sku ru shar// yum chen sangs rgyas spyan dag la// lA s+ye d+hA pe g.yas dang g.yon// thabs dang shes rab cha 'dzin pas// re re la yang gnyis gnyis snang // tshom bu dkyil 'khor gcig tu gsal// bcom ldan rin chen 'byung ldan la// kun bzang nam snying g.yas dang g.yon// yum chen mA ma ki dag la// mA le d+ha pe g.yas dang g.yon// tshom bu dkyil 'khor gcig tu gsal// bcom ldan snang ba mtha' yas la// spyan ras 'jam dpal g.yas dang g.yon// yum chen na bza' gos dkar la// ni rti A lo g.yas dang g.yon// tshom bu dkyil 'khor gcig tu gsal// bcom ldan don yod grub pa la// phyag rdor sgrib sel g.yas dang g.yon// yum chen dam tshig sgrol ma la// girti gan+d+he g.yas dang g.yon// tshom bu dkyil 'khor gcig tu gsal// yab rnams kun tu bzang po la// yum rnams kun tu bzang mo'i ngang // de phyir kun bzang tshom bu gcig tu gsal// phyin ci log bzhi 'das pa tshad med sgo ba bzhi// yon tan stobs ma 'gags pa sum cu rtsa drug ni// ye shes lnga ldan 'od lnga pho brang bzhugs// longs sku lcags kyi zer la gsung shar ba// yi ge drug pa'i 'khor lo las// thub drug thabs ma 'gags pa bzhi bcu rtsa gnyis so// mtshan dang dpe byad lhun mnyam sku la rdzogs// thugs rje mdzad spyod rgyan dang rol par shar// rnam rtog mi mnga' thams cad sa le mkhyen// ye shes lus can chos kyi spyan mnga' ba// rdzogs pa'i sangs rgyas drug pa rdo rje 'chang // sangs rgyas 'dus pa re lnga thig le sku// ma 'gags rang byung gsung mi 'gyur// ljags kyi pad+mo yi ge drug 'gyur la// thugs rje sbrul sku 'char ba'i sgo ma 'gags// de las shes rab ye shes zer 'phro ba// zabs ma 'gags pa thugs rje sbrul skur gsal// seng ge sgra nyi zla kha sbyor las/ longs sku tshom bu 'phro ba'i le'u ste bcu drug pa'o// // kye/ bcom ldan thugs rje thabs kyi bdag/ gnas dang gdan rnams gsung du gsol// bka' stsal pa/ gnas med gnas mchog chos dbyings rnam dag na// ma bris 'od gsal dkyil 'khor yang dag gsang ba'i mchog/ bzhugs nas lhun grub ma yi pho brang ngo // de la bzhugs pa gdan gyi khyad par ni// rtags dang khyad par chos nyid gdan// rtags la rnam pa lngar bshad pa// sku gsum 'du 'bral med pa'i rtsal rdzogs te// rnam snang rtsal gsum rdzogs pa seng ge'i gdan// sku gsum chos nyid ngang du mi 'gyur rtags// mi bskyod gdan du glang chen mi bskyod khri// chos sku chos nyid ngang la sku gnyis thugs rje skyod pa'i rtags// rang byung shugs 'chang skyod pa rta mchog gdan// sku gsum 'od la thugs rje 'gro ba'i don byed pa// mtha' yas mdzes pa rma bya 'od kyi gdan// sku gsum rdzu 'phrul stobs kyis 'phrin las thogs med mdzad// don grub mkha' lding thogs med gdan la bzhugs pa'o// shes rab 'gyur ba med pa'i chos nyid las// thabs la 'gags pa med pa'i ye shes gsal// gnyis med sku dang ye shes gsal ba'i rtags su nyi zla'i gdan// rig pa'i ye shes rang rig kho nar shar bas dri ma med// de don mtshon pa pad+ma'i gdan// skyon bral ba yi don du mtshon// zhes gsungs/ seng ge sgra nyi zla kha sbyor las/ gnas dang gdan gyi khyad par gyi le'u ste bcu bdun pa'o// // kye/ bcom ldan thugs rje thabs kyi bdag/ longs sku bzhugs rol de ltar na// sprul pa'i sku yi zhing khams 'dir// ston pa byon lugs ji ltar lags// bka' stsal pa/ rdo rje 'dzin pa legs par nyon cig chos sku 'od 'gyur rtsal gyi rol pa ni// longs sku zer 'od bzhi bcu rtsa gnyis shar// de yi gsung gi rol pa yi ge drug/ 'a a ma sha sa ha drug/ de las nga sogs sbrul skur shar ba ni// 'dul bya drug la so sor 'tsham par 'chad// ston pa byon gzhi de ltar na// 'gro drug skye ba mthun pa ru// sku yi 'khrul rten gang gis bgyis// rtogs pa'i shes rab ji ltar skyes// thugs rje yig 'bru ji ltar spro// zhes so// longs sku ljags kyi 'khor lo las// gsung gi ngo bo shes rab ye shes shar// rang byung kun gzhi yi ge ma// skye med gzhi yang yi ge a// 'gag med yi ge ha dang 'a// 'dzin byed yi ge sa 'phros nas// pha dang ma la brten par bya// bung ba me tog 'jib pa ltar// u dum 'bar ba'i me tog la// rig pa'i ye shes yas zhugs rdzus nas skyes// yang bka' stsal pa/ rdo rje 'dzin pa nges par nyon// ngas len ma myong ba yi lus gnyis blangs// chos sku ngo bo nyid las ni// longs sku sbrul sku gnyis blangs so// mthong ma myong ba'i yul gnyis mthong // spyir 'gro drug sprul pa'i zhing khams dang // nang tshom bu lnga yi longs sku mthong // shes ma myong 'i gtam gnyis shes// bsod nams tshogs dang ye shes so// ngas brjod ma myong ba yi tshig gnyis bshad// bkri drang theg pa'i chos dang snying po'i don bshad do// de tshe rtogs pa'i shes rab rang shar skyes// nga yi chos sku rnam dag pas// thams cad mkhyen pa'i ye shes shar// longs sku ma bskyed lhun rdzogs pas// rnam pa thams cad mkhyen pa'i don// rang rig shes pas ye nas rang la shar// thams cad sprul pa'i sku yin pas// chos rnams rang byung chen por shar// 'gro drug sems can thams cad kyang // dang po chos sku zer las 'khrul// bar du sku gsum ngang du gnas// tha ma thim yang chos nyid dang du thim// skal med las ma dag pa'i sems can rnams// spyan gsum rnam dag rang gsal ngo ma shes// skal ldan sku gsum rang chas gnas pa la// rtogs pas sgo gsum rang shar rang sar grol// dus gsum rang grol mkhyen pa'i ye shes 'char// bum pa nang gi mar me gsal ba bzhin// 'gyur med sku gsum rang sa dus der zin// rab kyi rdzogs ldan dgongs pa tshe 'dir chod// 'bring gis lnga ldan ye shes par dor chod// sku gnyis chos sku'i klong du rdzogs ldan chen po chod// seng ge sgra yi dgongs pa nyi zla kha sbyor las/ sbrul sku rnam par bye brag tshul bstan pa'i le'u ste bco brgyad pa'o// // kye/ bcom ldan thugs rje thabs kyi bdag/ sku gsum ye shes 'char lugs gsung du gsol// bka' stsal pa/ rang 'byung ye shes chen po 'di// yin min dbye ba ngas bshad kyis// rdo rje 'dzin pa nges par nyon// ye shes ma yin rang byung de// sems can kun la yod mod kyang // ma rtogs phyir na ye shes min// mig mkhan med pa'i long pa 'dra// rang byung med pa'i ye shes des// gnas 'gyur ye shes lnga 'dod pa// rkyen gyis 'byung phyir ye shes min// rgyud la bse ru zin pa 'dra// rang byung ye shes ye nas yin pa ni// shes rab lhag mthong rang byung shar// ye nas gnas pa'i rang byung de// lung ldan rkyen gyis rtogs pa'i phyir// rang shar ye shes 'joms pa ni// mar gyi yang zhun lta bu ste// nyi ma sbyin dang bral ba 'dra// ye ni 'od gsal rang bzhin la// shes ni rig pa 'gag pa med// ye shes don du de bshad do// ye shes ngo bo nges tshig dang // dbye ba rnam grangs bcas pa dang // mtshon pa'i dpe dang sbyar bshad pa// ye shes ngo bo snying po 'od gsal ba// mi rtog rang bzhin rnam dag pas// gzhi gnas ye shes rang byung 'od gsal lo// sku dang sbyar na chos sku zang thal sku// rig pa sbyar na ngo bo nyid yin te// 'dug tshul sbyar na rang gsal 'od// sna tshogs 'od 'bar mtshan 'dzin pa// rang bzhin lhun grub rtag chad 'das// phyi nang med pa zang thal 'od// snying por 'byung ba ye shes don du bshad// ye shes zhes pa ye nyid rang gi don// de nyid shes pa tshig gi don bshad pa// de yi dbye ba bstan pa ni// rig pa rang dag zang thal 'od gsal la// gzhi gnas 'byung rung ye shes chen pos bya// de nyid stong pas chos dbyings ye shes so// 'gag med gsal bas me long lta bu yin// rig stong dbyer med mnyam nyid ye shes don// gnyis med sku gsum so sor rtog pa'i ye shes so// rig pa'i ye shes thogs med bya ba grub// de ltar so sor bstan yang gdos bcas med// mi gnas ye shes bya bar bstan pa yin// de ltar shes shing rang la rang rig pa// rig pa'i ye shes su ni bstan pa yin// 'byed pa med pas rang byung ye shes so// de don mi 'da' 'da' ka thugs kyi ye shes so// gzhi gnas ye shes dpe ni sa gzhi ltar// chos dbyings ye shes dpe ni nam mkha' ltar// me long ye shes dpe ni me long g.ya' dag ltar// so sor rtog pa rgya mtsho'i gza' skar ltar// bya ba grub pa'i ye shes dpe ni nyi ma'i snying po ltar// mi gnas ye shes de ni chu zla ltar// rang rig ye shes man shel lta bu ste// 'da' ka ye shes dpe ni rgyal po'i bka' khrims 'dra// thams cad 'byung ba gzhi nyid ye shes yin// ltos med stong pa chos dbyings ye shes yin// 'gag med gsal bas me long lta bus bya// gnyis med sbyor byed mnyam nyid ye shes yin// ma 'dres rdzogs par so sor rtogs par byed// thogs pa med par byed pas bya ba grub// mtha' bral brjod pas mi gnas ye shes so// rang gis rang rig rang shar ye shes so// 'gyur med 'dus ma byas pa rang byung ye shes la// don la mi 'dar byed pa 'da' ka thugs ye shes la// chos sku thig le rig pa'i rtsal snang ba// tha dad dang 'od zer du gsal ba ni// rig dang dngos med zang thal dang // 'gag med dbyer med thogs pa med pa la// ye shes lnga yi mtshan nyid de lngas bzung // dbyings dang ye shes gnyis ni rang gdangs stong pa'i ngang // chos dbyings ye shes stong pa'i ngang ni mthing khar gsal// me long ye shes 'gag med dang ni dkar por gsal// mnyam nyid ye shes dbyer med dang ni ser por snang // so sor rtog par ma rig dang ni dmar por snang // bya grub ye shes thogs med pa ni ljang khur gsal// de rnams chos nyid dang ni ngo bo ye shes gsal// sku gsum rang rig ye shes gsal ba'i lam// ma bsgribs zer 'od 'gag pa med// ye shes rang snang gsal ba'i lam zhes bya// ye shes ngo bo 'od gsal la// ye shes yon tan sgrib med rig pa'i gdangs// ye shes mkhyen shar thogs pa med// 'bras bu sgrib med gdangs kyi ngang // sku gsum rol pa zer brda las// phyogs med rang grol mya ngan 'das// ma rig dus zad las zad 'das// 'khor ba tshe zad mkhyen gsum thob ces bya// rtogs pa sku dang ye shes thob// ye shes don ni 'od shar gsal// sgrib med gsal 'tsher rang bzhin zer la rol// ma rtogs snod bcud gnyis su 'khrul// dper na me long dag pa la// rkyen gyi dbang gis so sor gsal// rkyen gyi dbang gis snang na yang // snang ba ngo bor gos pa med// de bzhin rig pa chos sku la// rtsal snang ma 'gags sna tshogs shar// shar yang rang rig gcig pu las// rig pa'i ye shes brjod du med// dus dang gnas skabs thams cad du// dngos med ye shes dag par gnas// sgrib med gdangs gsal dang du rol// lam pa'i dus la ye shes lnga ma rdzogs// me long ye shes mnyam nyid gsum la gnas// gsal ba ma 'gags me long dang // tha dad snang ba so so ste// gdams ngag tha dad mnyam sbyor ston// mnyam nyid ye shes rtogs pa lam// ye shes bya ba rang la rdzogs// thogs med bya grub ye shes de// ye shes lam du 'bras bu 'char// ye shes lnga ka ldan pa'i 'od snang ba// lnga ldan ye shes par do'i lam la 'char// longs sku mkhyen pa'i 'od zer gdangs// ye shes lnga ldan mkhyen spyod shar zhes bya// rdzogs ldan chen po ye shes snang ba ni// mi gnas ye shes rang la shar ba'i tshe// sku gnyis chos sku'i klong du rdzogs zhes bya// gzugs sku gnyis kyi snang ba yang // rang la mi gnas rnam dag pas// 'ja' tshon sgyu ma rang snang yang // rig pa'i rtsal du byung ba dang // rtsal gyi rnam dag gcig tu bstan// rig pa'i rtsal snang ye shes lnga// de yi rtsal snang 'od zer lnga// 'od lnga bag gdul 'byung ba la// 'byung ba rtsal ni so so ba// nam mkha' stsal gyis go phye nas// rlung gis g.yo zhing chu yis sdud// sa yis 'degs byed me yis smin// drangs snyigs gnyis kyis 'byung bar shar// snod bcud phyi nang gnyis su bstan// thig le phyi nang rtsal zhes bya// gzhan las ma byung rang las byung // 'khor 'das dbyer med rtsal gyi ye shes gsal// de ltar shar bas rang shar ye shes bya// snod bcud 'khor 'das sku gsum rtsal gyi ye shes zhes bya'o// seng ge sgra'i dgongs pa nyi zla kha sbyor las/ ye shes rgyas par bshad thal laru rtsa bcu dgu pa la// / 6/ bcom ldan thugs rnga thabs kyi bdag/ gsum rtsal du ma 'gags pa// rgyan dang ral pa bshad du gsal// bka' stsal pa/ rgyan ral rnga zangs cag dang // dbye ba rnam pa bstan pa ni// ngo bo dbye ba'i 'char bshad bya// nges tshig mdzes pa'i cha la btags// chos nyid rgyan dang chos sku'i rgyan// chos nyid dbyings la chos skus brgyan// chos sku rgyan du sku gnyis brgyan// mtshan nyid 'dzin pa'i 'od lnga yang // dbyings dang ye shes 'bral yul rgyan// dper na gser la g.yu spras 'dra// mdzes pa'i phyir na rgyan ces bya// chos nyid stong pa chos sku rig pas brgyan// stong pa'i dbyings la ye shes mdzes// chos kyi sku la ye shes brgyan// yon tan longs sku 'gag med mdzes// ye shes longs sku gsung la thugs rjes brgyan// 'gro drug sdug bsngal gnas nas 'dren pas sbrul skus mdzes// byas pa'i rgyan ma yin te lhun grub shugs las 'char// de nas rol pa'i don bstan pa// chos nyid dag pa'i rol pa dang / 'khor ba rang rgyud rol ba'o// dag pa chos nyid rol pa ni// ma bcos pa yi chos nyid la// ma g.yos pa yi ngang nyid gsal// rang bzhin 'gag med ye shes shar// bag dang bral ba'i nam mkha' la// 'byung ba bzhi yi gdangs shar bzhi// snang la rang bzhin med pas mkhyen pas grol// ma 'gags rang gdangs 'gro la 'od gsal lo// 'khor ba rang rgyud rol pa ni// phyi nang snod bcud bsdus pa'i chos// gzugs su snang ba sku yi rgyan// chu zla bzhin du gzung dang bral// sgra skad thams cad gsung gi rgyan// brag cha bzhin du dngos ma grub// dran rig thams cad thugs kyi rgyan// nam mkha' bzhin du dngos ma grub// gzung 'dzin rang rgyud ma grub pas// ye shes rgyu ma'i yul la rol// lus ngag yid gsum sku gsung thugs kyi ngang du grol// sku gsum rgyan dang rol bar kun shar bas// rtog ldan rgyan dang rol ba kun snang ste// snang grags sgyu ma rmi lam dpe'i rang bzhin med// yod pa med par rtogs pa rnam rtog zil gyis non// med pa yod par sku gsum rtogs pas ye shes nang nas shar// man shel sku la 'od lnga mi 'gag pa// chos kyi sku la ye shes brgyan pa'i dpe// seng ge sgra'i dgongs pa nyi zla kha sbyor las// rgyan rol pa'i le'u ste nyi shu pa'o// kye// bcom ldan thugs rje thabs kyi bdag/ sku gsum dpe yis bstan du gsol/ bka' stsal pa/ nyi ma'i snying po 'od zer 'byung ba ltar// sku gsum 'od zer 'phro ba'i bdag nyid do// rma bya sgo nga kha dog lnga ldan pa// sku gsum ye shes kha dog lnga ldan dpe// man shel rkyen dang phrad pas 'od snang phyir 'byung ltar// chos sku'i ngang las sku gnyis nang na gsal bar 'char// sgo nga bye'u phrug smin pa phyir 'byung ltar// longs sku ye shes rtsal rdzogs sbrul sku phyir 'byung 'gro don byed// rgya mtshor bu bran 'phro zhing 'du ba dang // sgyu ma'i gzugs brnyan ston cing sdud pa ltar// rgyan dang rol pa chos nyid ngo bo sdud pa'i dper bstan// seng ge sgra nyi zla kha sbyor las// sku gsum dpe'i le'u ste nyi shu gcig pa'o// // kye/ bcom ldan zugs rje thabs kyi bdag/ 'gro ba 'dren pa'i sbrul sku bshad du gsol// bka' stsal pa/ gdod nas rnam dag chos sku chen po las// sku gnyis rol par bstan pa'i dpe// nam mkha' lta bu'i chos nyid la// man shel lta bu rig pa gsal// nyi zer lta bu'i thugs rje byung // nad pa lta bu'i rigs drug la// mun pa lta bu'i 'khrug pa gsal// dgongs pa'i ye shes bdud rtsi yis// dug lnga rang rgyud nad gzhi g.yos// zhes seng ge sgra nyi zla kha sbyor las/ 'gro ba 'dren par bstan pa thugs rje'i le'u ste nyi shu gnyis pa'o// // kye/ bcom ldan thugs rje thabs kyi bdag/ sbubs kyi gnas lugs bshad du gsol/ bka' stsal pa/ ngo bo nges tshig dbye ba mtshon dpe bstan// ngo bo bstan pa'i sku yin pas// sbubs shes pa ru btags pa yin// dbye ba rnam pa gsum yin te// rin chen sbubs dang 'od kyi sbubs// bag chags sbubs dang gsum yin no// rin chen sbubs kyis mtshan nyid ni// rnam dag zang thal gsal la 'tsher// 'gyur med 'gag med ngo bo nyid// 'od 'bar kun gsal ye shes sku// nyi ma'i snying po lta bu rin chen chos sku sbubs// 'od gsal sbubs na rang rig dri med pa// 'gag med bde chen ye shes 'od kyi sbubs// sum cu rtsa gnyis mtshan 'chang ba// 'ja' tshon 'bar ba'i tshom bur mdzes// lhun sdug gsal 'bar gzi brjid ldan// 'od kyi sbubs te longs sku yin// bag chags sbubs su bstan pa ni// sgong dang drod dang mngal skyes dang // pad+ma dag las rdzus skyes pa// phung po khams dang skye mched dang // tshogs brgyad sems dang bcas pa'i lus// sha khrag sbubs te sbrul sku dang // 'gro ba drug gi sems can rnams// bzhugs dang gnyen pas sbubs shes bya// la la chu bur lus dang ni// yid dang 'od la gnas pa'o// yon tan kun 'byung rin chen sbubs// snang la dngos med 'od gsal ba// 'ja' tshon chu zla nyi zla'i dpe// 'ja' tshon lta bu 'od gsal zang thal dpe// 'od sbubs longs skur dper bstan pa'o// rnam rtog mthu brtas bag chags sbubs// sgyu ma rmi lam dpes bstan mi rtag stong // zhes seng ge sgra nyi zla kha sbyor las/ sbubs gsum dbye ba'i le'u ste nyi shu gsum pa'o// // kye/ bcom ldan thugs rje thabs kyi bdag/ sku gsum spyan gyi 'char lugs gsung du gsol// bka' stsal pa/ spyan gyi ngo bo dbye ba bcas// de yi dbye ba rdo rje 'dzin pas zung // chos sku ye shes chos nyid kyi// spyan ni dbyer med rtse gcig gzigs// longs sku ye shes spyan ni rtog med zang thal gsal// sbrul sku shes rab spyan gyis 'khor 'das so sor gsal// lha yi spyan gyis bag chags zad par gzigs// sha yi spyan gyis ting 'dzin rnam dag gzigs// chu bur spyan ni 'gro ba yongs la gsal// spyan gyi nges tshig ma bcos 'gag med gsal// mtshan nyid sgrib med dper na nyi ma'i snying po ltar// kye rigs kyi bu dag chos nyid spyan zhes ji ltar gdags she na// chos sku thugs kyi khyab bdal la// longs sku ye shes khyab bdal la// rnam rtog mi mnga' chos nyid ngang du sa le gzigs// chos nyid ngang la sgrib pa med pas chos kyi spyan zhes bya// longs sku ye shes spyan gyis skad cig thams cad du// ye shes 'od gsal gdangs la ci yang rtog med gsal// sbrul sku shes rab spyan gyis ldog gyur kun 'byung gzigs// byang sems lha yi spyan gyis mngon shes gzhan sems gzigs// sha yi spyan ni gsal la mi rtog rang rig go/ chos sku'i spyan gyi zer las longs sku spyan gyi bum pa lnga// rang shar ngo bo nyid las ngo bo nyid sku shar// longs sku spyan gyi zer las thugs rje yi ge drug/ 'a dang a dang ha dang sha dang sa/ ma ste ye shes spyan gyi zer la rang bzhin bzhugs// sbrul sku spyan gyi zer las rdzu 'phrul 'gro bar byed// chos sku spyan gyis shar rings yul snang thag kyang chod// snang 'gyur chos nyid ngang gi snang bar gsal// ye shes 'gag pa med par yid kyang ches// longs sku snang ba 'od snang gdangs su ngo yang shes// sgrib med gdangs kyi ngang du yid kyang ches// mkhyen pa'i rang gsal shar bar thag kyang chod// sbrul sku snang ba sgyu ma zang thal ngo yang shes// 'khrul pa rmi lam lta bur yid kyang ches// ye shes rtsal gyi gdangs su thag kyang chod// seng ge sgra yi dgongs pa nyi zla kha sbyor las// sku gsum gzigs snang dag pa spyan gyi le'u ste nyi shu bzhi pa'o// // kye/ bcom ldan thugs rje thabs kyi bdag/ sku gsum 'od zer ji ltar 'char ba gsung du gsol// bka' stsal pa/ chos sku stong zhing 'gag med kyang // longs sku ye shes sgra lus sku// sbrul sku ma nges gang 'dul 'char// sku gsum ye shes rig pa'i rtsal// stong nyid 'od gsal rig pa'i snying po can// rtag chad mtha' 'das 'od zer phung po nyid// sku gsum dag pa ye shes sgyu ma nyid// 'od zer rnam lnga ji ltar 'phro ba ni// ye shes lnga yi rtsal snang 'char// shes rab stong pa ye shes 'gag med snying po dang // shes rab mi g.yo mnyam nyid 'gag med snying po dang // shes rab rgyun chad med pa 'gag med snying po dang // shes rab zag med mi 'gag snying po dang // shes rab 'gyur ba med pa mi 'gag snying po lnga// byas rtsol med pas rgyun gyi 'od zer 'bar bar gnas// de nas sku gsum ston pa ye shes snying po can zhes bya// de nyid rang bzhin dag pa'i dbyings nas 'od zer 'phro// sku gnyis chos sku zer 'od la// rol pa'i ye shes 'od 'phro ba// kha dog lngar ni ma 'dres 'tsher// gsal dang dro dang bsil ba dang // yang dang yangs shing khyab pa'i bdag/ ye shes 'byung lnga'i cha 'dzin pa// 'od zer 'phro ba'i rang bzhin ni// sangs rgyas kun gyi sku la 'char/ gcig pu rab tu che ba'i lha// nam mkha' nyi ma'i tshul du gsal 'tsher ba// rdo rje lta bu'i ting 'dzin la// 'du 'bral med par dbyer med bzhugs// seng ge sgra nyi zla kha sbyor las/ chos sku ngo bo nyid las ni ye shes 'od zer rnam pa lnga 'gag med 'byung ba'i le'u ste nyi shu lnga pa'o// // kye/ bcom ldan zugs rje thabs kyi bdag/ longs sku'i 'od zer ji ltar 'char// thabs kyi bdag nyid gsung du gsol// bka' stsal pa/ sangs rgyas ngo bo rang bzhin ni// longs sku'i 'od zer dpag mtha' yas// ye shes 'od zer byung lugs ni// ma 'ongs sngon rol thog ma'i dus// sangs rgyas mi 'gyur ljags kyi pad+mo las// 'od zer lnga ni phyogs bcur 'phros// rang byung gzhal yas chen po dang // 'du 'bral med par 'od du bzhugs// snying po byang chub rig pa'i sku// chos sku 'od zer phung por bzhi nyid gnas// 'gag med 'od zer phung po ni// rtag pa ma yin mi rtag min// snang ba ma yin stong pa min// ci phyir chos sku las byung phyir// chos sku mtha' yas ye shes rig pa'i don// de phyir 'od zer phung po yang // mtha' las 'das pa'i 'od gsal lo// 'od zer snang la rang bzhin med// nam mkha'i mtha' dang mnyam pa zhes su bya// ma 'dres yongs su rdzogs pas na// dper na nam mkha'i 'ja' tshon ltar// gsal stong dbyer med so sor rigs lnga 'od gsal lo// de phyir byang chub snying po'i rang bzhin ni// 'od gsal snying po ye shes brjod las 'das// longs sku thugs rje 'od zer 'gro la phyogs bcur 'phro// mi 'gag sprul pa'i sku nyid bsam mi khyab// seng ge sgra nyi zla kha sbyor las/ longs sku 'od zer 'phro ba'i le'u ste nyi shu drug pa'o// // kye/ bcom ldan thugs rje thabs kyi bdag/ sbrul sku 'od zer gsung du gsol// bka' stsal pa/ thugs rje sbrul sku 'byung dus su// ye shes sgo lnga thams cad nas// 'od zer lnga lnga phyogs bcur 'phro// sems can so so'i gnas rnams su// bstan pa'i snying po re re 'byung zhing sgrogs// kye/ rigs kyi bu dag nges par nyon// ngas ni sems de don gyi phyir// sku gsum thugs rje bsam mi khyab// bstan yang don nyid brjod las 'das// sangs rgyas chos rnams med pa'i klong du la bzlas nas// bskyed rdzogs rnam gsum 'bral med lam du bstan// sangs rgyas thugs rje 'byung ba'i sgo ma 'gags// u dum wa ra'i me tog tshul du bstan// sbrul sku 'od zer bye ba skye ba yang // bsdu ba gcig tu ma bsdus na// mdo mi 'dus pa'i skyon du 'gyur// de phyir sku gsum dbye ba byed pa'i ngang du 'das// rigs lnga'i longs sku bde chen dang du 'das// sku lnga ngo bo nyid kyi ngang du 'das// yum lnga mkha' glong rnam par dag par 'das// ye shes lnga yang mi gnas ye shes chen por gnas// 'od lnga sna tshogs 'bar ba ngo bo nyid kyi 'od du 'das// phyi nang 'byung ba chos nyid nam mkha'i klong du 'das// 'od zer rang byung 'od zer chen por 'das// zer la thugs rje rtsal gyi ngang du 'das// rgyud kun kun bzang rtsa rgyud yi ge med par 'das// lung rnams snying po byang chub sems kyi lung du 'das// man ngag thams cad bya rtsol med pa'i nga du 'das// chos rnams thams cad ye shes rig pa'i glong du 'das// rigs kyi chos rnams thams cad tshig dang bla dgas tha snyad do// chos sku 'od gsal rig pa'i snying po ye shes mtha' las 'das// sku gsum 'od zer phung por bstan 'gyur yang // dngos med ye shes zang thal 'od zer sku zhes bya// rtsal gyi rol pa 'gag med skye ba med// gang la dris pa de ltar bstan no// rdo rje 'chang chen sems dpa' rdo rje de la bstan// gzhon nu khro gnyer ldan pas mkha' 'gro rnams la bshad// des thos de mthong des thams cad shes// seng ge sgra yi dgongs pa nyi zla kha sbyor las// sbrul sku 'od zer 'byung ba dang chos nyid klong du 'od zer dag par bstan pa'i le'u ste nyi shu bdun pa'o// // kye/ bcom ldan thugs rje thabs kyi bdag/ snying po byang chub gcig pa'i phyir// 'gro ba rnams la 'od zer ji ltar gnas pa gsung du gsol/ bka' stsal pa/ sgyu ma lta bu'i 'od zer 'byung ba ste// sbrul sku zhing khams 'gro drug sa lam la// byang chub snying po 'od du gnas pa yin// 'khrul kyang 'od kyi zer la 'khrul// gnas kyang snying po 'od la gnas// grol kyang ye shes 'od gsal grol// 'od zer rol pa 'gag med bri ba med// 'od dang zer med thugs rje rgyun lam chad// des na 'od zer thugs rje rgyun gyi lam zhes bya// sems can kun la thugs rje 'od zer rgyun khyab kyang // ye shes rtsal ma rdzogs pas sbubs kyi bag la zha// dper na seng phrug lus la rdzogs gyur kyang // ma yi khong nas rtsal gsum 'byin ma nus// sbubs na gnas pa brda yi mtshan bstan pa// skyes bu'i byad bzhin me long dag gis rang ston ltar// gdams ngag gnyis kyis sku gsum rang ngo rang la sprad// ye shes bag la zha ba'i rtsal sbyang nyams su blang // rigs kyi bu nyid nges par nyon// rigs drug sems can thams cad la// chos kyi sku yi rang bzhin 'od// kha dog sna tshogs 'bar ba'i ngo bo rig pa'i don// 'od nyid 'ja' tshon rang gsal ba// sangs rgyas 'od dpag med pa kun la gnas// byang chub sems la dpag tu yod pa'i 'od// mda' re shes rab dpag tu yod phyir bshad// lha rnams gzhal du yod pa'i 'od// chag re mos pa'i bsod nams las grub shar// mi rnams mtshon du yod pa'i 'od// sgrol ma'i mtshon gang 'od gsal rang shar te// shes rab zab mo bstan dka'i gnas// zag med snying po byang chub sems// mtshon gang 'od kyi dkyil 'khor na// snying po rig pa chos kyi sku// zab cing cha phra zab med gsal// seng phrug ma dang bral nas mchod ba ltar// nga bdag gzung 'dzin bral nas ye shes gdangs kyi mkhyen pa 'char// ngan song gsum pos 'od gsal 'byin ma nus// rang rang rig pa gsal ba tsam la bag chags sog/ mthun pa'i lam ngan dran rig bden don spyod mi nus// phyi nang snod bcud kyi rol pa ste// 'byung lnga kha dog lnga dang rin chen lnga// rtsi shing sems can kha dog me tog sogs// thams cad chos sku 'od kyi rol pa zer las byung // seng ge sgra'i dgongs pa nyi zla kha sbyor las// sems can sa lam 'od kyis mtshon pa'i le'u ste nyi shu brgyad pa'o// // kye/ bcom ldan thugs rje thabs kyi bdag/ 'gro drug sems can thams cad la// ye shes snying po ji ltar gnas// kun gyi spyod yul lags ma lags// kye/ thugs rje'i bdag pos gsung du gsol// bka' stsal pa/ the tshom ma mchis ye shes snying po ni// nyon mongs sbubs kyis dkris pa yi// bag chags sbubs kyis rnam par grol ba yi// de bzhin gshegs pa chos sku the tshom med// 'od zer 'bar bar thugs rig 'gag pa med// de bzhin gshegs pa'i snying po'i mtshan nyid ni// sems can ma lags srog ma lags// gang zag ma lags bdag ma lags// de bzhin gshegs pa'i snying po ni// chos kyi dbyings kyi snying po lags// de bzhin gshegs pa'i snying po de// 'jig tshogs lta bar ltung ba dang // dge sdig chos kyis bcings pa dang // stong pa nyid kyi sems g.yeng ba// de rnams spyod yul ma lags te// de bzhin gshegs pa'i snying po ni// sku gsum rang rig ngo bo 'od gsal lo// 'gro 'od med par kun la gnas// zhes dgongs pa seng ge'i sgra sgrogs theg dman zil gyis gnon pa ye shes zung 'jug nyi zla kha sbyor rgyud kyi rgyal po las/ snying po 'gro la gnas pa'i le'u ste nyi shu dgu pa'o// // kye/ bcom ldan thugs rje thabs kyi bdag/ 'gro ba sesam can skal ldan la// snying po sku gsum ji ltar bzhugs// bka' stsal pa/ bag chags sha khrag sbubs dag na// sku gsum dkyil 'khor rang gnas pa// spyan gsum sgrib pa med par ni// sgo gsum 'od gsal zang thal shar// rtogs ldan dus gsum rang grol nas// ma bgrod lam la mkhyen pa thob// de yi gnas lugs bstan pa ni// tsat+ti rin chen dpal be'u na// nyi zla pad+ma sum brtsegs gdan// de yi dkyil na dwangs ma lnga// de dbus mi shig thig le las// d+hA ti sgrol mar 'brel ba'i rtsa// phra sbom rta rnga tshad du gnas// ring thung rin chen rgya mtshor 'brel// rtsa de ngo bo gdod nas stong // rtse mo gsum skrag tshang par zug/ thig le 'od lnga'i gzhal yas nang // gsal gdangs dngos su ma grub pa// sku gsum 'od gsal nyi shu brgyad// 'gag med rtag pa'i rang bzhin sku// 'gyur med thugs kyi rig pa can// dngos med 'od gsal rang grol sku// gsal stong dbyer med longs sku yi// tsit+ta dpal be'u'i dkyil 'khor rdzogs// 'od lnga gsal ba ye shes spyan// rang grol gsal ba a ba d+hU ti'i gnas// sku yi sgo mo tshangs pa'i bu gar gsal// 'gag med shar gsal 'das pa'i lam du grol// longs sku 'od kyi sbubs na bzhugs zhes bya// sbrul sku sha khrag sbubs na bzhugs pa ni/ kha sna sha khrag las gyur 'dod pa'i sgo gsum na// phyi nang gsal bas sbubs sgo yangs// gzung 'dzin 'od zer 'phro ba'i lam// dpal be'u glo bar sbrel ba'i rtsa// gro sog tsam nas sbrul sku zer du 'phro// gdod nas thugs rje yi 'brur gnas// phyir 'phros hUM hUM rang sgrar chas// tshur la sdud tshe dbugs dang sems// oM oM rang grol rang byung gnas// dbugs de rang bzhin gnas pa'i bar// skye med a la rig pa 'od du gsal// hUM dang oM gnyis gzung 'dzin thugs rje zer la rol// de rtags byad la hUM sgril kha sprod nas// la nyid a la kha nyid oM// sku gsum thig le yi ge 'bru gsum gnas// de yi rang bzhin ye shes lnga 'od 'phro// sbrul sku sha khrag sbubs na rang bzhin gnas// lce yi dbang po dag la ni// shes rab spyan gyi rang bzhin dran rig gnas// sgo lnga dbang po drangs byed rtsa nas gsung gi sgo mor gsal// rang grol thugs rje gdod nas rang shar ba// sbrul sku bag chags sbubs na bzhugs shes bya'o// chos sku rin chen sbubs na bzhugs pa ni// sgrol ma chu yi rgyang zhag nang nyid na// rang bzhin gsal la drangs pa'i rtags// spang byar ldan pa rin chen dbyings su gnas// de dbus chos sku rig pa ye shes gdangs// ngo bo stong gsal rang bzhin dngas la rig/ mtshan nyid dag la spros pa'i mtha' las 'das// rang shar rig pa rang grol 'od gsal lo// chos sku rin chen sbubs na rang chas shar// chos nyid spyan ni stong gsal 'gag med la// rin chen rgya mtshor 'brel ba d+hA ti tsit+ta 'char// dbyer med chos sku 'od gsal gdangs kyi sgo mo sgron mar gsal// rang gsal rang grol 'char ba la// drangs snyigs gnyis su snang bas ye shes rtsal ma rdzogs// bag chags sbubs kyi dri mas 'od gsal lung ma thob// gzung 'dzin rtog par gzung bas rang rig mkhyen pa sgribs// chos sku rin chen sbubs na bzhugs zhes bya'o// lus ngag yid gsum ngo bo'i gdan// dbyer med gcig ste tha dad dag las 'das par gnas// longs sku ye shes gsal ba la// snyigs ma 'od lnga zer ni rang grol rol par gnas// sbrul sku thugs rje 'bru gsum snying po 'od// snyigs ma gzung 'dzin zer 'od rang grol rol par shar// chos sku ye shes rig pa'i rang gdangs rang rig pa// snyigs ma 'od zer gsal ba phyogs bcur 'phro// 'phro yang chos nyid ma 'das rol pa thim// chos spu'i rol par ye shes rang chas shar// de yi rol pa longs sku ste// longs sku gsung gi yig 'bru las// sbrul sku thugs rje zer du 'phros// 'phro yang rtsal gyi rol snang ngo bor gcig/ bden pa dbyer med ngo bo las// ye shes lnga yi rtsal shar bas// ma bu gnyis med rang grol lo// sku gsum rang chas rang la gnas pa la// sku gsum ye shes 'char sgo sgo gsum zang thal te// de yi lam nas spyan gsum ye shes sgrib med rtogs// dus gsum rang grol dag tu mngon sangs rgyas// seng ge sgra sgrogs nyi zla kha sbyor las/ 'gro la sku gsum rang chas kyi le'u ste sum cu pa'o// // kye/ bcom ldan thugs rje thabs kyi bdag/ de ltar sku gsum rang chas na// da ltar mthong stangs ji ltar lags// ma rtogs ngo sprad ji ltar bgyi// bka' stsal pa/ bag chags sha khrag sbubs chud pas// rab rib can gyis bltas pa bzhin// log pa'i snang bar 'khrul pa ste// snying po'i don nyid mthong mi 'gyur// dper na rang gi byad nyid kyang // me long dag gis mtshon te bstan// 'khrul pas rang ngo rang mi snang // de bzhin gdams ngag gnyis brten nas// snying po'i don 'di bstan pa las// log rtog blo yis don mi rnyed// dpe yis shes par bya ba'i phyir// ngo sprod bzhi yi brda yang sbyar// e ma ho/ gsang bdag nges par gzung // chos sku rang byung ye shes chen po la// gnyis med ston pa tshig las 'das// mi skye mi 'gag rang bzhin rnam par dag/ yon tan snang tshul brda yis mtshon// stong khyab 'gyur med g.yos pa med// dag cing gsal ba gos pa med// phyi nang med pas gzung 'dzin bral// nam mkha' rdo rje rgya mtsho dang // shel dang nyi ma pad+ma yis// mtshan nyid dang ni ldan pa ru// rang rig 'khor la brda don sbyar// rtags dang don dang dpes mtshon pa// rtags la mthun dpe dmigs yul ston// mtshon tshigs gnas pa'i dbang por bcug/ skal ldan rgyud la rig par gyis// zhes seng ge sgra las/ chos sku ngo sprad pa'i le'u ste so gcig pa'o// // kye// bcom ldan thugs rje thabs kyi bdag/ longs sku ngo sprad gsungs pa ni// thugs rje rang byung nang nas bka' stsal pa// ye shes rtse gcig dgongs pa ste// ye shes lnga yis rang gdangs las// rgyal ba sku lnga 'khor dang bcas// chos nyid glong na 'od gsal ba// ye shes rtse gcig dgongs pa ste// gnyen lcug 'khril ldem rgyan gyis mdzes// gsal 'tsher lhun sdug 'od zer 'phro// rnam rtog mi mnga' sa le ba// snang la dngos med ye shes lhun gyis grub// 'ja' tshon chu zla me ltar 'dra 'bag bcas// snod ldan rgyud la gdams ngag gnyis kyis spras// zhes seng ge sgra las/ longs sku ngo sprad pa'i le'u ste so gnyis pa'o// // kye/ bcom ldan sku lnga 'od snang nas/ bka' stsal pa/ bde gshegs lnga yi snang ba ni// rang rang so so'i mtshan ma 'od du gsal// gsal la mi gnas ye shes dag pa'i spyan// mtha' dbus med par rang bzhin 'od gsal ba// 'gag med sbrul sku dus dang gnas skabs sbyar// me mar 'od khyim me long ngos la bstan// brda don rtags su shes par gyis// seng ge sgra las/ sbrul sku ngo sprad pa'i le'u ste so gsum pa'o// // de nas ston pas 'du 'bral med pa ngo sprad pa// rang rig chos sku gsal la rtog pa med// ye shes lnga yi mtshan nyid dang ldan la// snying po sku lnga ye shes lhun grub 'char// de yi snang ba ye nas 'od gsal ba// nyi ma'i snying po 'od dang zer du chas// gdams ngag snod ldan ngo yang sprad// sbrul sku gnas lugs rtogs byed pa// rdzogs chen 'od gsal kha sbyor dag la sprad// longs sku gnas lugs rtogs byed pa// ma hA 'dra 'bag ngo yang sprad// sku gsum dbyer med ngo sprad pa// a nu ngo sprad nyi ma'i snying pos sprad// ces nyi zla kha sbyor las/ sku gsum dbyer med ngo sprad pa'i le'u ste so bzhi pa'o// // kye/ bcom ldan thugs rje thabs kyi bdag/ sprad yul bzhi la dpes mtshon pa/ kye/ rigs kyi bu dag nges par zung // rdo rje sems dpa'i me long 'di// chos sku dngos ni ma yin te// mtshon dpe 'od gsal rtogs par gyis// sku gdung man shel rin chen zur lnga pa// man shel phyi nang med pa bzhin// chos sku phyi nang med pa yin// man shel ngo bo zang thal bzhin// chos sku ngo bo zang thal yin// man shel dri ma med pa bzhin// chos sku dri ma med pa yin// man shel rkyen mang nang nas 'od lnga 'char ba ltar// chos sku ye shes lnga 'od khong nas 'char// de nas longs sku dpe bstan pa// me long g.ya' dag nang du lugs sku gzhag/ mdun du maN+Dal steng du dmigs rten de gzhag go/ shes rab g.yas pa'i drung du man shel phyar// bar snang rig pa'i sgron mas ye shes sgo yang blta// 'ja' tshon 'bar ba'i sku nyid mkha' la 'char// longs sku dngos med longs sku dper shes bya// sbrul sku dpe yis mtshon bya ba// me long ngos la bris sku 'char// gsal mdangs sna tshogs snang yang dngos ma grub// sbrul sku cir snang me long gzugs brnyan ltar// snang yang ye shes chos dbyings don// dngos med rgyu la dpes bstan pa// sku gsum dbyer med nyi ma'i snying po'i dpe// sku gsum 'bral med nyi ma zer 'od 'dra// nyi ma rgyu rkyen med pa lhun grub ltar// sku gsum rang byung rgyu rkyen med pa yin// nyi ma 'od zer sna tshogs 'phro ba ltar// sku gsum rang byung 'od zer dpag med 'phro// nyi ma sgrib med zang thal dag pa ltar// chos sku sgrib med zad thal dag pa'o// nyi ma'i snying pos 'gro don byed pa ltar// chos sku sku gsum rang byung 'gro don mdzad// chos sku nam mkha' ltar bur rang bzhin stong // rdo rje lta bur ngo bo 'jigs 'bral med// rgya mtsho lta bu thugs rje rlabs mi 'gag/ shel ltar dag pa pad+ma lta bur skyon ma gos// longs sku ye shes 'ja' tshon sku// chu zla bzhin du ngos gzung med// me long gzugs ltar reg pa'i dngos ma grub// sprul pa kham pa'i mi mo khog stong na// sgo lnga bu gar btod nas mar me nang bcug pas// lus kyis bsgribs kyang sgo lnga bu ga zang thal 'od du gsal// de bzhin sbrul sku bag chags sbubs nang nas// ye shes zang thal 'od gsal sgo lngar 'char// shes rab ye shes 'gro don thugs rje lam skad do// phyi yi snang ba rtog pa rags pa ni// lus kyi 'khrul rten skye gnas kha yang brgyud// snang la rang bzhin dngos med pas// ye shes zer la 'khrul rtog brtas// rtog pa de nyid chos dbyings sgyu ma ngo yang sprad// me long dag pa'i ngos la gzugs brnyan sna tshogs 'char// bltas pas me long ngos la sna tshogs drangs la gsal// rang bzhin 'gag med sna tshogs mtshan nyid stong // spros med me long nang du snang ba dag/ de bzhin rgyang zhag chu yi sgron ma la// 'dra 'bag sna tshogs phyi yi snang ba 'di// rang rig gdangs kyi 'od la bltas pa'i tshe// snang tsam nyid na ngo bos stong pa dngas la gsal// gsal tsam nyid na rang bzhin dag pa sprul pa'i sku// rang bzhin 'gag med gsal stong longs sku'i dang // spros med sgron mar snang ba dag la chos sku thugs kyi gter// snang ba sku gsum dbyer med bde chen ye shes sprad// nyon mongs ye shes klong du ngo sprad pa// sgo lnga sems ni chu dang 'dra bas bag chags sdud// ye shes me dang 'dra ste rtog sgrib bsreg/ dper na man d+ha ra ba chen po yang // zla ltar bsil bas me tog gzung bar byed// nyi ma shar ba'i dus su rgyas shing gsal 'od 'bar// de bzhin sku gsum dri med dag pa la// dri med dag pa'i gdams ngag tshig brjod pas// don dam nyid kyi spros bral rang shar nas// zla ltar gzung 'dzin dag nas nyi zla ye shes ngo yang sprad// nyi zla kha sbyor dgongs pa tshad du skyol// ye shes sgyu ma'i ngang la rig pa'i rgyal po ni// 'od gsal 'khor dang mnyam bzhugs me long gsal la dag pa ltar// snang la dngos med rgyu rkyen rag ma las// thun mong ma yin khyad par dgongs pas 'phags// bde 'o yangs so sangs rgyas ye shes lus// shes byas shes pas don nyid khong chud pas// thams cad mkhyen pa'i gzigs snang ngo bor gzigs// zhes seng ge sgra'i dgongs pa nyi zla kha sbyor las/ sems rtogs rang sa dgrol ba dpes sku gsum ngo sprad pa'i le'u ste so lnga pa'o// // kye/ bcom ldan thugs rje thabs kyi bdag/ nang rtog pa phra ba'i gzung 'dzin gyis// sems kyi 'khrul rten bag chags kha yang brgyud// rang grol ngo sprad ji ltar lags// bka' stsal pa/ nyon mongs lnga yi snang ba yang // sgo lnga rang zad zer la bdag la gdos bcas rtog par gzung // ye shes lnga yi zer las 'khrul rten byas// de nyid ye shes ngang las ma 'das pa// rmi lam lta bur ye shes ngo bor grol// nyon mongs dngos grub zang thal rig pa zer// dper na gangs dkar rdos par sra gyur yang // snang ba'i tshe na chu yi ngo bo yin// nyon mongs gzung 'dzin bral ba'i rig pa de// 'khor ba rang grol sangs rgyas thugs su nges// de nyid dpe ste gdams ngag ngo sprad pa// man shel rgyal ba'i ring bsrel khri 'phang lnga// skar khung 'od la man shel nyi zer 'char// bltas pas shel gyi ngo bo stong gsal phyi nang med// gsal drangs 'od lnga kha dog nang nas 'char// shar yang snang la dngos med 'od du gsal// de bzhin sgo lnga 'od la rig pa shar ba'i tshe// rig pa'i ngo bo phyi nang med par gsal la drangs// rang bzhin med kyang nang nas ye shes 'od lnga 'char// ye shes rang snang zad thal rig pa 'gag med gsal// lha yi khye'u phyag sor nyi ma phyir bltas pas// nyi ma'i rkyen gyis thig le 'od lnga 'char// de bzhin rig pa rang zer la sogs yul rkyen gyis// ye shes snang ba nyon mongs lnga snang yang // ye shes lnga yi ngang las gsal ba las// gzhan snang ma yin ye shes 'od gsal lo// shel 'od rnam lnga 'phro ba chos sku'i rgyan// de las 'od kyang 'phro ba thugs rje sprul pa'i sku// shel de rang bzhin drangs gsal rigs pa chos sku'i dpe// shel nyid rig pa'i dpe la 'od lnga sgo lnga dpe// 'od kyang zer du 'phro ba gzung 'dzin sems kyi dpe// 'od lnga 'od kyang dbyer med gcig ste man shel ngo bor grol// gzung 'dzin ye shes dbyer med rig pa'i ngang la grol// kun gzhi rang rtsal ye shes 'od zer la// 'gyu mi 'gyu ye gsal ba dran rig gis// ye shes mi g.yo rig pa sbubs su 'khrug/ 'gyu yang dngos med zer gyi gsal 'grib yin// rig pa chos kyi sku la sgrib med 'grus pa med// nyi ma'i snying po sog ma'i sbubs bltas pa// 'od lnga kha dog sna tshogs gsal 'tsher gdangs// de bzhin rig pa chos sku kha dog sna tshogs 'bar// gsal la drangs pa sgron ma nang na gsal// sku gsum dbyer med nyi ma zer 'od dpe// bag chags rang grol sprin bral nyi ma bzhin// de nyid lam du khyer pa dgongs pa rang shar ro// sku gsum dbyer med ye shes gdangs la ngo yang phrad// nyi zla kha sbyor seng ge sgra sgrogs las// rtog pa phra rags ye shes dpes ngo sprad pa'i le'u ste so drug pa'o// // kye/ bcom ldan thugs rje thabs kyi bdag/ rang la gnas pa'i sku gsum snying po'i don// rang dbang rang la ma thob pas// dbang gi lam rim ji ltar bgrod// bka' stsal pa/ dbang la rnam pa gsum du bstan// gzhi la rdzogs tshul bstan pa dang // rim par babs lugs bstan pa dang // ji ltar bskur ba'i rim pa'o// gzhi la rdzogs par bstan pa ni// 'od gsal 'gyur med chos sku la// 'gag med ye shes rnam lngar shar// rang bzhin 'od gsal gzhan snang ba'i// rin chen 'od 'bar sku gsal ba'i// nyid las mi zhan dbang gi chu bo bzhi// ma bskur rang bzhin ye nas gzhi la rdzogs// rigs lnga sku lnga thugs rje ma 'gags pas// sgo lnga khrag 'thung he ru snga phyir shar// thugs rje rang byung dbang gi chu bo bzhi// ma btsal gzhi la ye nas rdzogs par gnas// de nyid ye shes rang shar rang la shar ba de// ye shes lus can ngang la gnas shing ngang du grol// ye shes chen po dbang gi chu bo bzhi// ma btsal ma bskur gzhi la ye nas rdzogs// de nyid mtshon pa gsung gi yi ge ni// a oM sa hUM ha rin chen yi ge lnga// ma btsal gsung gi zer 'od ye gnas pas// dpa' bo 'bru lnga dbang gi chu bo bzhi// ma btsal ma bskur rang la ye nas rdzogs// de phyir sku gsum rang dbang ye shes gzhan mi rig/ rgyu rkyen gzhan gyi dbang gis sku gsum bgrod ma yin// dper na bra bo nas kyi 'bras bu bskyed 'dod ltar// sku gsum rang la rdzogs pa la// byas shing ma bcos pas zad med 'phel ba med// seng ge sgra sgrogs theg dman zil gyis gnon pa'i rgyud las// chos sgra dbang bzhi rdzogs lugs bstan pa'i le'u ste so bdun pa'o// // kye/ dbang gi babs lugs bka' stsal pa// rim pa'i bka' babs bshad pa la/ khyab bdal ye shes snying po'i don// shes rab rang bzhin chos nyid ye shes rtsal// chos sku 'gyur med rol pa'i ye shes lnga// rigs bzhi ngo bor shar ba'i longs sku'i gtso// de bzhin gshegs pa kun snang ye shes la// chos sku rang gi ngo bor yas babs dbang gi chu bzhi rdzogs// sku gsum mkhyen pa ma 'gags pa// gzhi nyid chos skur 'gyur ba med pa las// shes rab 'gag med longs sku'i dbang thob bo// shes rab 'gag med sku bzhi shar ba des// nyid las mi zhan sku bzhi zhal gzigs pas// thugs kyi rang bzhin rig pa rang gsal mkhyen// shes rab rang bzhin longs spyod rigs lnga sku lnga yis// dbang gi chu bo rang dbang yas babs thob// de bzhin rigs bzhi sems dpa' sems ma la// rang dbang yas babs ye shes bskur nas thob// nga ni sprul par shar te rdzogs pa'i tshe// thugs kyi klong na rang dbang rang babs thob// ngas mthong zhing rtogs te gsal ba'i tshe// de tshe ngas rtogs pa'i rang dbang ni// skad cig gcig la de bzhin nyid du thob// de bzhin khams gsum 'gro drug thams cad la// dbang gi chu bo bzhi gnas pas// ma bskur dbang gi chu bo ye nas rdzogs// rig na rig pa'i rtsal dbang rang la thob par 'gyur// de phyir ngas ni 'gro la ye rdzogs lung bstan to// zhes seng ge sgra nyi zla kha sbyor las// longs sku'i dbang yas babs kyi le'u ste so brgyad pa'o// // kye/ bcom ldan thugs rje thabs kyi bdag/ sbrul sku yas babs bka' stsal pa// sbrul sku dga' rab rdo rje la// sbrul sku rdo rje sems dpa' yis// ye shes lha yi rang dbang mngon du bskur// de nyid du yid ma de nyid thob pa'i dbang yas babs so// rgyal po in+d+ra bo d+hi la// gsang bdag rdo rje 'chang chen gyis// po ti glegs bam gsum gyi rang dbang mngon du bskur// slob dpon pad+ma 'byung gnas kyis// rig pa rang gi rang dbang rang la thob// slob dpon bi ma mi tra la// paN+Di ta rnams rang dbang thob par bskur// sprul pa dbang gi chu bo bzhi zhes bya'o// seng ge sgra sgrogs dgongs pa las/ sbrul sku bka' yis yas babs le'u ste so dgu pa'o// // kye/ bcom ldan thugs rje thabs kyi bdag/ rdo rje 'dzin pas zhus pa/ dbang gi babs lugs de ltar na// dbang gi bskur thabs ji ltar bgyi// bka' stsal pa/ dbang la bskur thabs rnam bzhi ste// bum dbang gsang dbang shes rab tshig dbang ngo // dbang gi rang bzhin ye shes rang gnas pa// bla ma brda dang byin rlabs mtshon te bstan// rtogs te rang ngo shes pas rang dbang rang la thob// khyad par dbang rdzas shes rab la brten nas// gzhi rdzogs rig pa'i rtsal dbang bzhi bskur dang // thun mong dbang rdzas bzhi la brten byas nas// rdo rje slob dpon gdams ngag brten te bskur// khyad par shes rab rig pa'i rtsal dbang ni// thob lugs skal ldan rnams la 'di ltar rdzogs par bskur// bzhi rdzogs rig pa'i rtsal dbang ni// rgyud 'dzin bum pa'i dbang lnga stong nyid rig par bskur// mkha' klong rnam dag ngang la yum lnga ye shes spyan// 'gag med 'od kyi bum pa lngar gsal ba// longs sku rigs lnga bzhugs pa'i skur gyur pas// bum pa zhes bya'i stong nyid dbyings// de don stong nyid rig pas dngos po'i mtha' las log/ rgyal ba rang rtags phyag rgya'i dbang bskur ba// bum pa lnga yi klong na rigs lnga bzhugs lugs bshad// shes rab bdag nyid ye shes lnga gsal zhing // thugs rje bdag nyid phyag rgya lngar gsal ba// kun kyang ma bskyed gzhi nas sku lnga phyag rgya lnga// yin pa yin par rig pas dngos po mtshan ma kun// sku dang ye shes rig pa'i rtsal dbang rang la thob// mtshan ma rang sar dag nas ye shes mkhyen pa 'char// de nas rgyal thabs spyi blugs dbang bdun ni// 'khor lo sbyar rgyal rin chen bdun brgyan te// de yi stobs shugs 'gro don byed pa ltar// rgyal thabs rin chen bdun gyi dbang bskur ba// rang byung sku gsum dngos po mi gnas par// dgos 'dod rang la 'byung ba sbyin pa'i phar phyin te// de nyid nor bu rin chen lta bu'i dbang du rang la rig/ rang rig ye shes rang bzhin rnam dag tshul mi 'da'// tshul khrims pha rol phyin pas ni// btsun mo rin chen lta bur rang dbang rang la rig/ rang rig chos sku 'gran pa'i zla med la// sku lnga snang yang gnyis med mtshan ma ngang gis bcom// rtog pa'i chos min bzod pa'i pha rol phyin// dmag dpon rin chen lta bur rang dbang rang la rig/ rang rig ye shes yon tan rtsal med rang la rdzogs// thugs rje shugs 'chang mi brjed gzungs thob pa// brtson 'grus pha rol phyin gyur te// rta mchog rin chen lta bur rang dbang rang la rig/ rang rig ye shes rang gi ngo bo ma g.yos pas/ bsam gtan par phyin glang po rin chen lta bur rang dbang thob// rang rig ye shes chos sku phyogs lhung mtha' las 'das// shes rab 'gag med rtsal gyis so sor gcod// shes rab phar phyin 'khor lo lta bur rang dbang rang la rig/ rang byung ye shes thabs la 'gag med kun gyi re smon sa// ye shes yon tan brgyan pas ye shes pha rol phyin// blon po rin chen lta bur rang dbang rang la thob par rig/ de ltar tshig gis mtshon nas rang dbang rang bskur bas// de ltar rtogs shing rig pa rtsal gyi dbang // grub pa'i mtha' la yon tan sgo ma 'gags// rang rig rang gis rtogs pa'i rtsal ma 'gags// rtogs pa de nyid rang rig ye shes dbang thob bo// rigs kyi bu nges pa zung zhig/ ye shes spyi blugs rgya rtags phyag rgya'i dbang // rig pa'i rtsal dbang bskur bas thabs gsum ni// gsang ba chos sku rang la shar ba ni// ye shes 'od gsal bum pa lngas mtshon nas bskur// nang longs sku rang la grub pa ni// yum lnga bum pa lnga yi brdas mtshon bskur// phyi sbrul sku da lta rang rang ngo sprad pas sku// seng ge sgra nyi zla kha sbyor gyi dgongs pa'i rgyud las/ chos sku rang la thob pa don gyi brda mtshon gyi dbang bzhi rdzogs rig pa rtsal dbang gi le'u ste bzhi bcu pa'o// // kye/ bcom ldan thugs rje thabs kyi bdag/ thun mong rdzas la brten pa'i dbang // de yi mtshon lugs ji ltar lags// bka' stsal pa/ de yi ye shes mtshon bya rnams// bum pa dbyings kyi rang bzhin gyis// ye shes gzungs su 'dzin pa mtshon// de yi byang chub chu rgyun gyis// sdig 'dag sgrib sbyangs par chad rkyen sbyor zlog par mtshon// yum lnga mtshon phyir rin chen lnga las bum pa byas// zhi ba mtshon phyir zlum la bum pa dkar// sku gsum mtshon phyir mgul chings sor gsum dang // rnam dag mtshon phyir zhabs la pad+ma'o// tshad med bzhi mtshon kha khyer bzhi la// tshul khrims mtshon phyir dri yang byug/ sbyin pa mtshon phyir chu gtsang 'o kha chu// sdig sgrib dag byed byang chub chu zhes byas// bzod pa mtshon byed tsan dan dri yi bsgos// ye shes mtshon pa ni pa ra sha/ zhes dag pa'i chur brjod// de bzhin gshegs pa lnga yi thugs// ye shes lnga ldan mtshon pa'i snying po lnga// mnyam nas bum pa'i snying por byas// dz+nyA na rat+na gar b+ha zhes bya ye shes snying po mtshon// sku gsum ye shes yon tan mtshon pa ni// nor bu rin chen re 'dod skong byed pas// phun sum tshogs pa'i gzhi ni rin chen lnga// 'phreng ba lnga ni bum pa'i mgul rgyan 'phyang // yon tan tshad med gter dang ldan// pany+tsa rat+na sid+d+hi rin chen sna lnga dngos grub thob byed mtshon// rang byung ye shes 'phrin las lnga mtshon pa// dug lnga gnyen po sman lnga brda yis mtshon// pany+tsa be sha sing d+hi a mr-i ta// bdud rtsi sman lnga dug lnga gnyen po ye shes mtshon// rang byung ye shes phun sum tshogs pa'i don// dri bsrung lnga yi 'od zer bsam 'das spro// du ba pany+tsa s+tha ra sid+d+hi// bde gshegs 'phro zhing 'du ba mtshon// sbyangs pa'i 'bras bu sku gsum ngo mtshon pa// 'bru lnga snying pos bum pa bkang bas mtshon// pany+tsa pa la bi tsha sha/ stobs lnga 'dus pa 'bras bu bla na med ces su mtshon// rang byung sku gsum dpe byad mtshan gyis brgyan// mdzes pa mtshon pa kha rgyan me tog 'bras bu ldan// zhes/ yon tan rab mdzes mtshon pa bum pa'i rgyan// ka yang 'brig sha me 'o pa zhes pa// bum pa'i kha rgyan sku gsum yon tan mtshon// sku gsum ye shes 'phrin las nyon mongs 'joms// 'gro don dug lnga nad las gso phyir na// cod pan dar sogs mgul rgyan sbrul sku mtshon// shes bya ma rmongs mtshan bzangs sum cu'i don// lha yi dar dpyangs mdzes ldan pa// rin chen bum pa dar gyi phrog lnga mgul chings ni// rat+na pa tra a pi sha/ ye shes rgyan gyis brgyan pa mtshon// rang byung sku gsum ye shes lnga// bsod nams ye shes rig pa dang // shes bzhin dbyings dang ye shes dang // shes rab snying rje sgro mtshon pas// dra ba'i 'phreng ba bya ba'i phyir// tshon skud kha dog rnam lnga ye shes mtshon// brtson 'grus par phyin ting 'dzin gzungs zhes bya// yon tan gzungs su gyur pas bum pa gdags// pany+tsa bir+ya su tra mi brjed gzungs thob mtshon// sku gsum gzhal yas ye shes gzhugs mtshon phyir// b+h+rUM las rin chen 'od gsal gzhal yas mtshon// thabs dang shes rab zung 'jug nyi zla'i gdan gyis mtshon// sku gsum skyon bral pad+ma'i gdan gyis mtshon// rig pa a yis mtshon pas chos sku mtshon// he nyid 'od gsal rigs lnga mtshon pa ni// oM hUM traM aM hri las yum lnga yab kyang mtshon// bum pa phyi yi snang bar shar te 'gro don mdzad pa'i sbrul sgra mtshon// sku gsum ye shes rtsal mi 'gyur ba bsam gtan pha rol phyin// sku gsum snang du yod la reg tu med pa ye shes sgyu ma'i ngang // rig pa 'od gsal shes rab pha rol phyin// ye shes rol pa cir yang 'char bas ting 'dzin cir yang bsam pas mtshon// de lta'i rang byung ye shes dkyil 'khor de// dang po ma bskyed da lta mi gnas phyis mi 'gag/ ngang gis yongs su dag pas dbang gi gdams ngag des mtshon te// pradz+nyA pA ra mi ta skye med sku gsum chu zla lta bus mtshon te bstan// a b+hi Shiny+tsa zhes pa dag pa'i sgras// rang bzhin dag pa'i sku gsum rang la rang dbang mtshon nas bskur// shes rab yum lnga bum par mtshon pa ni// nam zla kun tu bzang mo phyag rgya bum pa yis mtshon byang sems chus// stong nyid zhe sdang dag byed mtshon te rnam snang dang du grol// chu nyid mA ma ki yi phyag rgya bum pa'i ye shes kyis// nga rgyal dge bar mtshon te rin 'byung ngang du grol// me nyid gos dkar phyag rgya ye shes bum pa yis// gnyis med rtags mtshon byang chub sems// 'dod chags byams par mtshon te mtha' yas ngang du grol// dam tshig sgrol ma phyag rgya ye shes bum pa yis// gnyis med rtags mtshon byang chub sems// phrag dog sdom par mtshon nas don grub dang du grol// sangs rgyas spyan ma phyag rgya ye shes bum pa ni// gnyis med rtags mtshon byang chub sems// gti mug 'od gsal mtshon nas rdo rje sems pa'i ngang du grol// zhes seng ge sgra sgrogs theg dman zil gyis gnon pa'i dgongs pa ye shes zung 'jug/ nyi zla kha sbyor gyi rgyud las/ thun mong rdzas la brten pa dbang gi le'u ste zhe gcig pa'o// // kye// bcom ldan thugs rje thabs kyi bdag/ bla mas mtshon te ji ltar bskur// bka' stsal pa/ glo bur dri ma dag bya'i phyir// bdud rtsi chu rgyun byang chub sems mtshon nas// bum chu slob bu blugs pas ni// sgrib pa mi rtog dag nas mi bskyod ngo bor mtshon// oM badz+ra d+hi ka a b+hi Shany+tsa hUM/ dbu rgyan rig pa rin chen dgos 'dod mtshon// slob bu la byin bag chags sgrib pa yis// longs sku ma rtogs grol nas rin 'byung thob// swa rat+na d+h+rika a b+hi Shiny+tsa traM// rdo rje stong nyid ye shes mtshon byas nas// slob bu la gtad las kyi sgrib pa dag/ mi rtog ye shes mtha' yas thob// aM a ro lig a b+hi Shiny+tsa a/ sku gsum bzhugs gnas dril bus mtshon// slob bu byin pas skye gnas sgrib pa dag/ thugs rjes sku ma rtogs pa dag nas don grub thob// ha pradz+nyA d+hi ka a/ bum pa spyi bor gzhag pas sku yi dbang thob lus sgrib dag rnam snang sku thob/ oM tra tsakra/ a b+hi Shany+tsa au// slob bu ming gis rang rig rtogs pa mtshon// dz+nyA na tsit+ta bAka ka ya sa ma ya s+t+waM// ming gi dbang byin rang dbang rang la byin// shes bya sgrib dag rdo rje 'chang dbang thob// rig pa'i dbang lnga yon tan rang la rdzogs// ma rig lnga 'das ye shes lnga dbang thob// sangs rgyas lnga ni rnam dag lam// ma bskur sku gsum ma rig pa'i dbang zhes bya// rig pa'i ye shes lnga la dbang bas rig pa'i dbang // sgrib pa rang grol zab pa rig pa'i dbang // seng ge sgra yi rgyud las/ rig pa'i dbang po sku la mtshon pa'i le'u ste zhe gnyis pa'o// // kye/ bcom ldan thugs rje thabs kyi bdag/ 'phrin las gsung gis mtshan pa'i dbang // sku gsum snying po 'bru lnga gdod nas gnas// oM hUM a traM hri// ye shes lnga mtshon slob bur gtad// 'phrin las ma rdzogs dag nas sbrul sku thob// thugs nyid skye med rdo rje mtshon// de nyid slob bu snying khar gtad// thugs kyi ma rig dag nas ni// rig pa skye 'jig med pa rdo rje thugs dbang thob// oM na ma sa sarba ta thA ga ta tsit+ta badz+ra sa ma ya tiSh+Thi a b+hi Shiny+tsa hUM/ rdo rje rtag tu bcang ba rig pa'i mtshan nyid mtshon/ kha T+wAM cang ti ka pA las// thabs dang shes rab phyag rgya mtshon/ kha T+wAM kha ni shes rab yum// Da ma ru ni yab nyid thabs// shes rab rig pa brda ru mtshon// ka pA la ni gzhal yas khang // mtshon te slob bu la gtad nas// lhan cig skyes pa'i ma rig dag/ ma rtogs ma rig rig par grol nas mkha' spyod tshe 'dir thob// mi 'jigs 'jigs par mi bya ste/ khyod ni 'khor ba'i 'jigs las thar// mi bskyod ye shes zhing dag tu// rgyal ba'i sras su skye dbang thob/ khyod ni khams gsum dbang sdud de// sangs rgyas bdag nyid he ru dpal/ khyod la sangs rgyas lung bstan no// he ru ka sarba ta ta thA ga s+t+waM/ khams gsum bdag po dpal ldan rang byung khyod// bdud kyi tshogs rnams bcom nas kyang / khyed kyi thugs rje gzhan don mdzod// seng ge sgra las/ lta ba dang / nyan pa dang / bshad pa dang / sgrub pa dang / 'phrin las rdzogs nus pas/ nus pa'i dbang bcu thob pa'i le'u ste zhe gsum pa'o// // kye/ bcom ldan thugs rje thabs kyi bdag/ rgyan dang cha lugs 'chang dgos pas// bdag med chos rtogs kha' 'gro 'og/ dam tshig don nyid dran pa dang // rten 'brel dngos grub rgyu yin kyang // phyir mi ldog par bya ba'i phyir// bum pa dkyil 'khor chu rgyun mtshon// mtshan nyid sku gsum mi 'gyur bas// mi ldog da pas bdag gis gzung // slob dpon bdag nyid ting 'dzin gyis// sku gsum dkyil 'khor chen po mtshon// slob bu khri la gzhag nas ni// rang nyid sa la bgrod zin mtshon// bum pa spyi bor babs pas ni// ye shes chu rgyun rang babs mtshon// chos kyi sku nyid bde chen rang dbang rang la thob// oM su pra ti tsit+ta badz+ra hUM/ de nyid sku gsum skal ldan rang chas rang dbang rang la thob// rnal 'byor de nyid don rtogs pas// sangs rgyas kun gyi bdag nyid la// rang nyid rnal 'byor de nyid yin// de phyir rnam pa thams cad du// bdag nyid sku gsum che ba'i mchog/ chos rnams ye shes sgyu ma ste// rten cing 'brel ba'i chos dang ldan/ khams gsum rtogs nas gnyis med spyod pa gyis// zhes seng ge sgra'i rgyud nyi zla kha sbyor las/ bum pas mtshon pa'i dbang rdzas dam tshig bcang ba'i le'u ste zhe bzhi pa'o// // kye/ bcom ldan thugs rje thabs kyi bdag/ gsang ba'i dbang ni gsum pa dang // tshig dbang bskur ba ji ltar lags// bka' stsal pa/ gsang dbang mtshan pa 'di lta ste/ yab yum thabs dang shes rab mtshon// rang rig byang chub sems nyid mtshon// de las ye shes skur shar ba// gsang ba'i dbang du mtshon pa yin// shes rab mas ni ye shes mtshon pa'i dbang // ye shes zung du zhugs pa yis// bde chen byang chub ye shes shar// rig pa 'od gsal zung 'jug gis// bde chen mtshon pa'i dbang zhes bya// tshig dbang bla ma'i gdams ngag rgyud// slob bu de nyid smin par mdzad// dbang bzhi rdzogs par mtshon pa'o// seng ge sgra nyi zla kha sbyor las/ dbang bzhi rdzogs pa'i le'u ste zhe bzhi pa'o// // kye/ bcom ldan thugs rje thabs kyi bdag/ dbang gi ngo bo nges tshig ji ltar lags// bka' stsal pa/ dbang gi ngo bo rang dbang rang gis chod pas dbang // rang byung gzhan dbang ma gyur dbang // nges tshig 'khor 'das chos la ni// mnga' mdzad rang dbang bskur bas dbang // dbye na thun mong khyad par te// phyi ltar rdzas la brten pa dang // nang ltar rdzogs lugs rang chas bstan// gsang dbang dam rdzas bdud rtsir mtshon// bdud rtsi lnga nyid spyi bor blangs pas bum pa'i dbang // de nyid rnam lnga zhal du gsol bas gsang ba'i dbang // bdud rtsi lnga nyid rgyan du bde bar spyad pa shes rab dbang // dug lnga rtsir bsgyur ye shes don rtog tshig dbang thob// dper na rgyal srid glang po mnga' bsgyur 'dra// rang dbang thob ste rgyal sa zin pa 'dra// gsang dbang dam rdzas bdud rtsi 'di// nga yi gzhi la ye nas dbang bzhi rdzogs// dbang gi chu bzhi yas babs pa// thugs rje gdul bya ma 'gags pa// gdul bya bzhi la thugs rje gzung // yid kyi rnam shes rang byung bas// shes rab 'byung ba'i gzhi ma 'gags// lce yi rnam shes sprul pa'i sku// tshig rnams rang rang don la sbyar// zhes seng ge sgra'i dgongs pa las/ dbang nges tshig ngo bo'i le'u ste zhe lnga pa'o// // kye/ bcom ldan thugs rje thabs kyi bdag/ theg pa'i dbye ba ji ltar lags// bka' stsal pa/ theg pa'i ngo bo shes rab snying rje la// de gnyis che chung theg pa che chung dang // theg pa nges tshig 'degs dang skyed pa'o// dbye na gsum ste/ nyan thos rang rgyal byang sems dang // kri ya u pa yo ga dang // ma hA a nu a ti yo// bsdu na/ rgyu rkyen lam khyer mtshan nyid theg pa dang // 'bras bu lam khyer gsang sngags theg pa'o// seng ge sgra las/ theg pa dbye ba'i le'u ste zhe drug pa'o// // kye/ bcom ldan thugs rje thabs kyi bdag/ theg pa'i gol sgrib ji ltar lags// bka' stsal pa/ gol ba'i ngo bo rig pa'i don mchod// nges tshig gong mas gong ma ma mthong bsgribs// gong ma 'og ma don spyod gol zhes bya// dbye na mang yang bsdu na bzhi// lha sgom spyod pa 'bras bu bzhi// a ti blo 'das ngo bo la// gol dang ma gol blo las 'das// gol sgrib rang bzhin rnam par dag/ ye nas rang byung gnyis med pas// rgyu rkyen 'dus pa gol sgrib med// theg brgyad 'og nas snang ba yang // nga yi thugs rje mdzad spyod yin// dbyer med shes rab rtogs pa'i ngang la gnas// ma 'dres yongs su rdzogs pa'i ye shes la// 'byed pa med pa'i shes rab rang gsal ba// gol sgrib gnyis su dbye ru med// ces seng ge sgra'i dgongs pa las// gol sgrib le'u ste zhe bdun pa'o// // kye/ bcom ldan thugs rje thabs kyi bdag/ rgyud kyi don nyid gsung du gsol// bka' stsal pa/ rgyud ces bya ba'i ngo bo ni// rang rig ye shes yin par zlos// nges tshig 'brel dang ma tshang med// gcig la gcig brgyud rgyud ces bya// rgyud la dbye ba bsam 'das kyang // sku gsum 'phrin las rnam pa lnga'o// dbang rnams ngo bo rang dbang rang la thob// dam tshig kun gyi ngo bopo ni// sku gsum rang ngo shes pas dam// rnam rtog bag chags sreg pa tshig/ dkyil 'khor kun gyi ngo bo ni// sku gsum gtso 'khor 'du 'bral med// 'phrin las kun gyi ngo bo ni// sku gsum ma btsal lhun gyis grub// mchod pa kun gyi ngo bo ni// rang ngo shes pas rgyal ba mnyes// rnal 'byor kun gyi ngo bo ni// sku gsum ma bcos ye nas 'byor// sngags rnams kun gyi ngo bo ni// sku gsum 'khor ba'i don la sngags// phyag rgya kun gyi ngo bo ni// rang ngo shes pas ma rig sangs// sku gsum phyag rgya chen po la// dbyings dang ye shes dbye bral med// dam tshig 'od gsal chos nyid la// thugs rje don mdzad dam tshig phyag rgya'o// a ti theg brgyad gsal bar ston pas mig dang 'dra// a ti theg pa thams cad theg pas sa gzhi 'dra// a ti theg pa thams cad shong pas nam mkha' 'dra// thams cad 'dus pas rgya mtsho 'dra// des na a ti nam mkha' mnyam zhes bya// seng ge sgra nyi zla kha sbyor las/ rgyud don nges par 'byed pa'i le'u ste zhe brgyad pa'o// // kye/ bcom ldan thugs rje thabs kyi bdag/ a ti rdzogs lugs bshad du gsol// bka' stsal pa/ rdzogs pa chen po'i ngo bo ni// rig pa byang chub sems zhes bya// byang chub sems su ma rdzogs na// sems can 'khor ba lte chad 'gyur// lam nyid byang chub sems nyid rgyun// rang rig lam du mi 'gyur na// 'khrul pas byang chub gang la yin// snang ba 'od snang sku gsum zer// rang gi 'od snang ma yin na// gzhan snang rtag pa lung dang 'gal// 'byung bas rang byung ye shes byung // gzhan 'byung nyag gcig don dang 'gal// a ti zhes su gsungs pa yang // bka' yi rdzogs pa chen po dang // don gyi rdzogs pa chen po'o// bka' don gnyis su ma 'brel na// bka' nyid don dang 'dzel ba'i sgron// theg pa kun gyi ngo bo ni// sku gsum rtogs pa che chung yin// rtogs pa che chung ma yin na// chos rnams mnyam nyid don dang 'gal// rgud rnams kun gyi rang bzhin ni// don rgyud sku gsum rgyun du gnas// rtags rgyud gzung 'dzin glo bur byung // dpe rgyud tshig dang yi ger gnas// don rgyud ma rtogs sku gsum don mi phrad// rtags rgyud ma bstan gang zag yid mi ches// dpe rgyud bka' rgyud med na bstan pa'i snying po 'gro lam stor// a ti gtan tshigs le'u ste zhe dgu pa'o// // kye/ bcom ldan thugs rje thabs kyi bdag/ theg pa bsdu na ji ltar lags// bka' stsal pa/ theg pa che chung gnyis su 'dus// theg pa gnyis su ma 'dus na// pra yas pa yi skyon gyis sgrib// ngo bo rang byung 'od gsal stong par 'dus// rig pa 'od gsal ma yin na// kun tu 'od kyi sa las 'gal// rang bzhin snang stong dbyer med ma yin na// mu stegs rtag pa ther zug skyon// sku gsum 'od gsal rang grol zhes// 'od gsal rang grol ma yin na// mu stegs chad pa'i skyon du 'gyur// rang byung lhun grub ma yin na// gzhan 'byung nyan thos skyon du 'gyur// skal ldan bden pa da lta mthong // bden pa da lta ma mthong na// theg pa chen po'i don dang 'gal// 'bras bu rjes dpag skyon du 'gyur// sku gsum lhun grub 'du 'bral med// 'du 'bral med pa ma yin na// sku gsum tha dad skyon du 'gyur// sku gsum lhun grub ma yin na// sku gsum re 'jog skyon du 'gyur// sku gsum rang la rtogs par 'char// rang la 'char ba ma yin na// sku gsum yid smon sgom pa'i skyon// sku gsum rang grol 'gro don mdzad// sku gsum 'gro don mi mdzad na// gnod sbyin srin por sku gsum gol// theg pa bsdu ba'i le'u ste lnga bcu pa'o// // kye// bcom ldan thugs rje thabs kyi bdag/ theg brgyad a ti rol pa ma 'gag pa// a ti ngo bo lung la ji ltar rdzogs// bka' stsal pa/ a ti nga yis rang byung la// sa la sbyang med bgrod mi dgos// rang byung ye shes rdzogs pa'i don la ni// yon tan sa lam thams cad ngo bo don la rdzogs// rgyud lung man ngag kun gyi don bsdus nas// ngo spyod rnam bzhis tshe 'dir bden pa mthong // de ni rab tu dga' ba'i sa zhes bya// man ngag don gyis blo yi the tsom bsal// rang rig rgyud la nges pa'i shes pa skyes// dri ma med pa'i sa zhes de la bya// sems ni ye shes dbang du 'dus// ye shes rtsal du shes pa ni// shes pa'i don brjod rag ma lus// gsum pa 'od 'phros sa zhes bya ba yin// de don kun la rang gsal bas// bzhi pa 'od byed pa'i sa zhes bya// lnga pa dug lnga dug gsum dang du dag/ drug pa sbubs gsum skabs su sku gsum gsal// bdun pa theg brgyad don la rab tu 'phags// dgu pa yon tan rang la rdzogs par mkhyen// bcu pa chos rnams kun la thogs med sprin// bag chags sbubs la rtog pa skye lugs yin// rtogs lugs 'khrul pa'i snang ba 'gags pa'i tshe// chos nyid klong du ye shes 'od du gsal// bcu gcig kun tu 'od kyi sa la gnas zhes bya// de tshe rang snang yin pas mkhyen pa khong nas 'char// shes rab skye ba'i stobs kyis sku gsal ba// tshom bu lnga la chos kyi spyan drug 'char// gsal la mi gnas ma chags pad+ma spyan gyis// gsung gi ngo bor rang byung yi ge drug/ ljags las 'od 'phros sprul pa'i skur gyur pa// bcu gsum yi ge 'khor lo tshogs chen sa// sprul pa'i sku yis 'gro don rdzogs mdzad pa// rdo rje 'dzin pa bcu bzhi'i sar bshad pa// ye shes sbubs su rdzogs sangs rgyas pa yin// thugs rje'i gnas nas sgrol zhing rang rang bzhi don sbyor// gsang ba don gyi sbyor sgrol zhes su btags pa yin// rang byung ta za'i chos lngas zhi ba mya ngan 'das// rin chen sbubs su sku gsum klong du 'khyil// de ni mi gnas ye shes klong du 'khyil// zhes bya sa yi don gyi ngo bo ni// chos nyid 'gyur ba med pas sa'o// sa yi mtho dman ngo bo ni// shes rab snying rje che chung ngo // sa la dbye ba gnyis yin te// 'jig rten pa yi sa dang ni// 'jig rten 'das pa gnyis yin no// 'das pa la yang gnyis yin te// theg chung nyan thos sa dang ni// theg pa chen po'i sa yin no// sa zhes nges tshig mi 'gyur gnas// rim pa'i dpe ni mchod rten bzhin// zhes seng ge sgra'i dgongs pa las/ sa nyid rdzogs tshul bshad pa'i le'u ste nga gcig pa'o// // kye/ bcom ldan thugs rje thabs kyi bdag/ lam gyi bye brag bshad du gsol// bgrod cing 'jug tu med pa'i lam// lam med lam du lta ba rnams kyi gnad che ba// phyin par 'dod pas ri dwags smig sgyu snyeg pa 'dra// bgrod med lam la rab gnas pa// 'du 'bral med pa'i dgongs pa la// bgrod du med do chos nyid byang chub sems// rtsol bas bgrod na ye shes mtha' la ring // 'jug tu med do rang rig ye shes lam// 'jug pa'i rtsol bas sdug bsngal lam du ring // 'on kyang ma bshad go bar mi 'gyur bas// bgrod du med lam rtogs pa'i thabs bstan pa// sgra mthun don la 'phags pa'i lam lnga bshad// bla ma bsnyen bkur yongs rdzogs nas// dam pa mi 'bral drung gnas pa// tshogs lam rdzogs pa'i lam zhes bya// bla mas gdams ngag don bshad nas// rig pa dri med de sbyor ba// sbyor ba'i lam du bshad pa yin// ngo sprod bzhi yi sgo nas ni// tshe 'dir nges pa'i bden pa mthong // mthong ba'i lam du shes pa yin// sgom dang sgom med lam 'das nas// sku gsum dang la gnas pa ni// sgom pa'i lam du bstan pa'o// sangs rgyas dgongs pa sde chen drug/ mi gnas tshul gyis mthar phyin pas// mthar phyin lam du bshad pa yin// lam gyi ngo bo rang byung 'du 'bral med// lam gyi nges tshig rnal 'byor don la bgrod pas lam// dbye ba rnam pa gnyis yin te// rgyu yi lam dang 'bras bu'i lam// rgyu yi lam ni theg dman lam// dper na 'gro ba'i lam dang 'dra// 'bras bu lam du byed pa las// lha sku lam du byed pa dang // stong nyid lam du byed pa dang // 'od gsal lam du byed pa'o// rtsol 'bras ye shes lam gyi dpe// mkha' la khyung chen lding ba 'dra// seng ge sgra nyi zla kha sbyor las/ lam gyi le'u ste nga gnyis pa'o// // kye/ bcom ldan thugs rje thabs kyi bdag/ sgra mthun don la 'phags pa yin// pha rol phyin bcu ji ltar lags// bka' stsal pa/ snying po sku gsum ye sangs rgyas// rtsol ba'i bsam pas dbyings mi bskyod// rtsol bcas lta spyod ting 'dzin ye shes sku gsum sgrib// rang byung sku gsum ma bsgribs kun tu gsal// lhun grub bzhi rdzogs ma rtogs na// nges pa'i pha rol phyin pa ni// ci phyir yang dag nges don 'di// ngo bo nam mkha' lta bu las// yon tan char snang phyogs med 'char// shar yang rang rig rnam par dag/ de nyid sbyin pa'i phar phyin yin// rang byung ye shes dri med rnam dag pa// de nyid tshul khrims par phyin yin// 'khrul med sdug bsngal grol bas bzod par phyin// mi brjed rang la shar bas brtson 'grus phyin// g.yos pa med pas bsam gtan phyin// 'gag sgrib med pas shes rab pha rol phyin// byas rtsol med pas thabs kyi pha rol phyin// 'gran zla med pas stobs kyi pha rol phyin// yon tan rab rdzogs gzhan mi smon pa smon lam phyin// rang byung ye shes gzhir gnas ye shes pha rol phyin// pha rol phyin pa'i nges tshig ni// tshu rol las 'di 'das pa'o// dbye ba rnam grangs bcu dang drug/ dbye ba rnam pa gnyis su bshad// rgyu yi pha rol phyin pa dang // 'bras bu'i pha rol phyin pa'o// dpe ni brten chu sgrol ba'am// skyes bu mtheb mos mda' nyid skyod pa ltar// lam pa grub pa mthar phyin sa la gnas par byed// ces seng ge/ sgra'i dgongs pa las/ phar phyin bcu yi le'u ste nga gsum pa'o// // kye/ bcom ldan thugs rje thabs kyi bdag/ rang byung sku gsum rnam grol ye shes chos sku la// grol sa ma mchis bshad du gsol// sku gsum gzhi dag nyon mongs spong mi dgos// bsod nams ye shes tshogs gnyis ye rdzogs pas// sku gsum ye shes tshogs gnyis gzhi la bsag mi dgos// rang byung ye shes sgrib pa ye dag 'od gsal bas// las dang nyon mongs sgrib pa sbyang mi dgos// rang byung ye shes sku gsum gzugs skur rang snang bas// kri yog lta bur dkyil 'khor bri mi dgos// sku gsum lhun grub ye sangs rgyas pa la// yo ga lta bu rtsol bas sgrub mi dgos// rgyud lung man ngag don dang 'dres// rang shar dgos pa rang rig ngo shes pas// rang dbang rang thob ma hA la// dbang ma ltar du dbang mi bskur// rang byung ye shes rigs stong lhun grub pas// a nu ltar du lta ba rtogs mi dgos// rang byung ye shes ma bcos mtha' grol bas// theg brgyad lam ltar lta spyod bcos su med// lhun grub bde chen dang la grol ba'i lam// zhes seng ge sgra nyi zla kha sbyor las/ le'u ste nga bzhi pa'o// // kye/ bcom ldan thugs rje thabs kyi bdag/ sems de rang rgyud ji ltar grol/ bka' stsal pa/ rang byung ye shes khyab bad la de// sku med sku de ye shes sku// gsung med gsung la 'gag med zer// thugs kyi rig pa 'od gsal rdo rje a// thabs kyi rgyal po 'phrin las yongs la khyab// 'gro ba kun la rig pa'i nyi ma shar// sems de kun gyi rang rgyud la// sangs rgyas ye shes sku gnas pa// sku ni rnam dag 'od kyi sku// dngos po'i mtha' las grol bar gnas// sems de 'gro ba'i rang rgyud las// sangs rgyas 'od zer gsung gnas pa// gsung ni 'gag med tshangs pa'i dbyangs// brjod pa'i tshig las 'das pa yin// sems de kun gyi rang rgyud la// sangs rgyas thugs kyi rig pa gnas// nyi ma rdo rje 'pho 'gyur med// snying po 'gyur med sku gsung thugs// rdo rje lta bu sku brnyes pa// bcom ldan rdo rje mi bskyod bya// sku gcig kun la khyab pa'i sku// nyi ma'i snying po lta bur gnas// man shel lta bur rang dag pas// gzhan snang bye brag cir snang yang // sku gsum ngo bo 'gyur ba med// ye shes chu bo rgyun bzhin gnas// ye shes lnga snang 'du 'bral med// rdo rje 'dzin pa nges par nyon// sku gsum bde ba chen po'i don// 'gro ba yod med kun la khyab// kun gyis rtogs shing mi rig ste// lha la sogs pa'i 'gro drug dang // byang chub sems blo yis 'di mi rig/ theg brgyad blos rig pa min// lam bgrol btsal bas 'di mi rnyed// sangs rgyas btsal bas grub min pas// de nyid rgyu rkyen 'das pa yin// thugs kyi dkyil 'khor rang byung ba// de nyid dus gsum rtag par bzhugs// sangs rgyas kun gyi ye shes sku// dri med rang byung 'od gsal ba// 'gro ba'i rgyud la snang bya ba// ye shes me long dpe don rtags kyis mtshon// phyi nang snod bcud ma lus kun// ye shes chen po la yang bzla// zhes seng ge sgra las/ sems de rang rgyud sku gsum rang gnas lung bstan pa'i le'u ste nga lnga pa'o// // kye// bcom ldan thugs rje thabs kyi bdag/ sku gsum 'gro la rang gnas dpe don rtags kyis ji ltar srid// bka' stsal pa/ nga ni sems de kun gyi gsos// 'di don nad rnams kun gyi sman// shel ltar ye shes dri med sku bstan dpe// 'gag med rig pa ye shes 'od gsal sku// rang la gnas pa mngon sum yul la bstan// ye shes 'od sku chu zla'i tshul// thugs rig 'gag med nyi ma ltar// gdung sgra zer 'od brag cha bzhin// sku gsum rtogs pa'i klong du su 'gris pa// rtag chad tshig las 'das pa yin// chos can blo 'das ye shes dri ma med// ma bskyed ye shes dkyil 'khor sgyu ma rnam dag klong // klod pa med par chos nyid rang shar ro// de nyid ye nas nam mkha' 'dra// rnam dag nam mkha' mtshon la bstan// de nyid ye nas rdo rje 'dra// skye 'jig med pas mtshon la bstan// de nyid ye nas rgya mtsho 'dra// mkha' klong gting mi 'gyur bas mtshon la bstan// de nyid ye nas nyi ma 'dra// gsal 'grib med pas mtshon la bstan// de nyid ye nas man shel 'dra// rkyen med 'od lnga nang 'char mtshon la bstan// de nyid ye nas pad+ma 'dra// rnam dag ngo bor mtshon la bstan// 'ja' tshon mar me 'dra 'bag dang // 'od khang me long ngos mtshon nas// ye shes chen po sku gsum mngon du sprad// ces seng ge sgra nyi zla kha sbyor las/ sku gsum thugs ngo sprad pa'i le'u ste nga drug pa'o// // kye/ bcom ldan thugs rje thabs kyi bdag/ sku gsum thugs su ngo sprod pa// gdams ngag gnyis su bstan pa de// thugs rje'i dpe rnams ji ltar 'byung // ngag gi chos rnams ji ltar gsungs// bka' stsal pa/ rang byung chos sku nyi ma lta bu las// zer 'od thugs rje 'phros pas pad+ma kha 'bus tshul// thog ma'i sangs rgyas nyag gcig las// rdo rje sems dpa'i sku nyid ni// u dum pa ra'i me tog las// snying po'i rang bzhin gzugs skur 'khrungs// shes rab mthar phyin tha snyad rnam par dag/ rig pa'i khu byug gsung gi sgra yang bsgrags// rang byung ye shes ma 'gags 'od zer phyogs bcur 'phro// rdo rje sems dpa' sangs rgyas kun gyi gtso// thabs mkhas thugs rje stobs nyid mkhyen mnga' bas// 'gro la byams pa gsung gi yi ge drug/ rang byung sgra yi yi ge zhes bya ste// sa sha ha a 'am// des thugs rje mnyam sbyor don drug bstan/ sa/ lhun gyis grub pa'i don la sbyor// sha shes rab 'gas med don du sbyor// ha/ rten med ye shes dbyings la sbyor// ma/ chos rnams mnyam pa'i don du sbyor// a/ skye med 'od gsal ye shes sbyor// sa/ spros pa nye bar zhi bar sbyor// yi ge drug gi ye shes gnas bskul ba// ma/ ye shes gnyis su med par bskul// sa/ chos nyid bar do 'od gsal bsgral// sha/ thabs la mkhas pa'i klong du bskul// ha/ ye shes gnyis med dbyings su bskyal// a/ rig pa ye shes gnyis med bskul// 2/ mtha' las 'das pa'i dbyings su bskyal// gzhi chos la 'das pa ye shes thugs rje yi ge drug ces bya// sa/ dbyer med ye shes dang du 'das// a/ byas rtsol med pa'i ngang du 'das// 'a/ tshig dang brda dang sgra las 'das// ma/ thugs rje ye shes chags pa'i sgra// sha/ shes rab ye shes rtsal sbyong sgra// ha/ rdzogs pa ye shes rang la shar ba'i sgra// yi ge drug las zer gyi sku lnga ni// thugs rje gsung gi zhal chems sprul pa lnga// byams pa'i chos ston sangs rgyas rnam pa lnga// 'gro ba'i ston pa gzhag nas bka' ma nyams// rdo rje sems dpa' thugs kyi dpal be'u nas/ sangs rgyas mi mnyam mgon po rang byung sku// dbu yi gtsug tor 'khor lo rtsibs brgyad nas// sangs rgyas 'jam dpal dri med snying po byung // mdzod spu bde ldan mgon po spyan ras gzigs nyid byung // shangs nas phyag na rdo rje ljags la byams pa rnam par gzigs// sku gsung thugs dang yon tan gyi// rtsa ba'i rgyud lnga gsung gi zhal chems so// phyag g.yas 'khor lo rin chen zur brgyad las// sangs rgyas gtsug tor dri med rang byung sku// phyag g.yon pad+ma 'dab brgyad la// sangs rgyas byams pa kun gzigs byon// zhabs g.yas pa yis ni rgya gram las// sangs rgyas kun grol ye shes rang byung ni// zhabs g.yon ut+pal nam mkha'i snying po byung // de rnams rtogs pa'i ye shes chos la dbang sgyur ba// snyan rgyud bzhi bshad zer du 'phros pas sangs rgyas stong dang dbye ba yis// bka' 'di mi nub chos kyi rgyal mtshan btsugs// brgyad khri bzhi stong rgyal ba'i zhal chems bzhag/ thugs rje sbrul sku shes rab rang byung ba// byams pas chos bstan gang la ci 'dul ba// mos pa rgyan gyi dkyil 'khor bshad// seng ge sgra nyi zla kha sbyor las/ bka' mi nub rgyal mtshan gsung zhal chems bzhag pa'i le'u ste nga bdun pa'o// // kye/ bcom ldan thugs rje thabs kyi bdag/ rtogs pa bskyed phyir sku yi rten// brda dpe mtshon pa ji ltar lags// bka' stsal pa/ 'gro ba rtogs pa bskyed pa sku yi rten// dbu yi gtsug nas ring bsrel mngon phyung ba// mar me mdzad pa dbu yi gtsug phud bya bar grags// spu yi chos ston gling bzhi'i rtog pa sel// sku rten lho yi 'dzam gling rin chen brtsegs pa'i sku gdung bzhag/ ba glang spyod du dga' ba brtsegs pa'i rang byung sku gdung bzhag/ skra mi snyan du btang snyoms rgya gram brtsegs pa'i sku// shar gyi lus 'phags byams pa rdo rje brtsegs pa'i sku gdung bzhag/ de bzhi sku yi 'dra 'bag mtshon pa'i dpe bzhag go/ sangs rgyas sku gsum bzhugs par dper mtshon no// sku gdung de las zer 'phros rten btsugs pa// rdo rje gdan gyi phyogs bzhi mtshams brgyad du// sku yi brdar mtshon sku gdung phyogs bkod pa// ma ga d+ha yi dur khrod bsil ba ru// sku gdung ring bsrel bde chen brtsegs pa byung // sing ga la yi dur khrod sku la rdzogs pa ru// sku gsung ri bo tams 'bar byung // kha che dur khrod he chen bad la// sku gdung ka ni ka ni rang byung byung // sa la gsang chen rol pa'i dur khrod du// sku gdung 'og bu do shal byung // bal yul dur khrod lhun grub brtsegs// mchod rten byar rung kha shor byung // oM rgyan dur khrod pad+ma brtsegs// sku gdung gzi byin brtsegs// za hor dur khrod lang kar brtsegs// sku gdung bde byed gzhon nu byung // li yul 'jig rten brtsegs pa'i dur khrod byung // sku gdung mgon dar sham mo// sku gdung brgyad ni rnam par snang mdzad sprul pa ste// tri yog chos bstan rigs 'dzin phyi ba'i rtog pa bskyed// dur khrod brgyad ni rnam shes dul brgyad brdar mtshon// dur ni sdud par byed pa la// khrod ni ye shes dbyings su rol// rdo rje gdan ni rig pa thugs kyi brdal// sangs rgyas thugs kyis zer 'phros rdo rje sems dpa' sbrul// gsang sngags chos bstan rigs 'dzin nang gi rtogs pa bskyed// de rnams zer du mchod rten chen po brgyad kyang spros// byang chub sems dpa' rnams kyi rtogs pa bskyed// rdo rje sems dpa'i smin mtshams mdzod spu nas// sangs rgyas mtha' yas mngon du byung // de yi smin mtshams mdzod slu nas// 'od zer bye ba drug cu drug cur spros// man shel sku gdung khri 'phang lnga pa byung // sbrul sku thub pa drug gi rtogs pa bskyed// de nas lha yi dbang po mkhar gyi yang rtser ni// ta ri ka ka bya ba'i rtse la babs// lha dang byang sems rnams kyi rtog pa bskyed// de nas rgya yi ri bo rtse lngar babs// byang sems rigs lnga mgon po'i rtogs pa bskyed// de nas rdo rje gdan gyi rtse la babs// d+harmA sid+d+hi mu tra a zhes spras// ro langs bde ba dga' rab rdo rje phyag tu babs// paN+Di ta lnga brgya rtogs pa der bskyed// de nas te se gangs la babs// dgra bcom lnga brgya'i rtog pa sel// ye shes ngo bo ston pas skal ldan rtog pa bskyed// rdo rje sems dpa' me long zhes pa ltar gzhag pa// sku yi zhal chems yid ches bskyed pa'i gdung // su 'chang skal ldan rtogs pa tshe 'dir bskyed// rdo rje sems dpa'i thugs kyi dpal be'u nas// sangs rgyas 'jam dpal dri med snying po rang byung shar// de yi thugs las nyi ma'i snying po shar// sku gsum dbyer med khyab bad la mkha' la gsal// yi ge med pa'i brda bzhi don du ni// nyi ma khang par gnas par bar snang gsal// 'gro drug skal ldan rnams kyi rtog pa sel// rnal 'byor rtogs ldan rnams la nges shes bskyed// 'jig rten sgron ma 'gro ba'i gdung ba sel// brgyad khri bzhi stong chos nyid ma dang sprospyod// bye ba dpag med sangs rgyas bstan pa mthar 'don// thabs dang shes rab brda mtshon nyi zla 'gro don mdzad// de yi 'od zer bye ba phrag brgya yang // gling bzhi bye ba phrag brgyar 'gro don mdzad// snying po'i don ston mun pa'i rtog pa sel// zhes seng ge sgra sgrogs theg dman zil gyis gnon pa ye shes zung 'jug nyi zla kha sbyor dgongs pa'i rgyud rgyas pa las/ ngo sprod me long dpe brdar ji ltar byung ba'i le'u ste nga brgyad pa'o// // kye/ bcom ldan thugs rje thabs kyi bdag/ rtogs ldan dgongs pa ji ltar lags// bka' stsal pa/ bcom ldan seng ge rnam par bsgyings pa'i ting 'dzin las bzhengs nas// tshig bshad seng ge 'brug gi sgra ltar bsgrags// rdo rje lta bu rig pa'i ye shes ni// nam mkha' lta bur dag po med// 'od gsal dri med ngang gi ngo bo la// gnyen pos mi shigs rkyen gyis mi 'gyur bas// dge dang sdig pa de yi spyod yul min// rang dbang thabs kyis rdzogs pas rtsal gsum lus la tshang // mtho dman gling du gyur pas ye shes thabs kyi sku// sa dang lam mi bgrod pas bde 'byam ye shes dbyings// rgyud la byang chub 'dod pa sdig pa'i las// su la snying rje ma bzang sdig pa'i bag yod min// ci ste srog med srog bcad sdig 'gro na// ye nas chad pa su la sdig/ snying rje ye grol thugs rje gang la bya// mchod dang dge bya 'dzin pa'i las// gang dang grol ba rang sar lhun grub grol// bya bral dang la gnas pa'i skal ldan ni// rdo rje mi 'chang sngags dang rdzas mi rten// dben par mi 'dug mchod gtor 'og ma'i las// gang la mi brten rang grol rang shar ba// seng ge sgra yi dgongs pa mthar skyol zhes// nyi zla kha sbyor las/ seng ge sgra dgongs pa theg dman zil gyis gnon pa'i le'u ste nga dgu pa'o// // thugs rje byams pas bka' stsal pa// khyung chen gshog pa rdzogs ting nge 'dzin las bzhengs nas// gnyis su med pa chos dbyings byang chub sems// brjod pa'i tshig 'das kun bzang chos kyi sku// 'gyur med ye bdal bde chen lhun gyis rdzogs// snang srid gzhan snang bltas pas ngo bo rkyen gyi gol// srid gsum ma lus kun tu bzang po la// rol pa'i mdzad spyod ye nas rnam par dag/ don dam 'gyur med bde chen byang sems la// yang dag lhun rdzogs smra bsam yul las 'das// nam mkha' mtha' dang mnyam par la bzlas pa// sa rnams yas kyis bcad pa'i mchong po che// snang srid gsal bar byed pas 'od zer che// srid gsum rtogs par shar bas shes rab che// chos nyid mi 'gyur ye shes rig pa'i ngang // gzung 'dzin yul 'das mtha' dbus khyab pa che// nga dang bdag med phyogs ris nam mkha'i klong // yid bzhin nor bu 'dam nas thon bzhin gzhi rtsa chod// mi 'gyur dbyings kyi rig pa'i nyi ma shar// de nyid ye nas ji bzhin gnas pa ni// lus 'das chos nyid sems 'das sangs rgyas ni// kun gzhi la 'das chos skur shar ba de// khyung chen gshog rdzogs dgongs pa mthar sgrol zhes// seng ge sgra las/ khyung chen gshog rdzogs dgongs pa'i le'u ste drug cu pa'o// // thugs rje byams pas bka' stsal pa// bcom ldan nam mkha' rnam dag ting 'dzin las bzhengs nas// re dogs rnam dag mtha' bral chos nyid bstan// rdo rje thugs la ye shes sku// tshig gcig mtshon pas don chen spungs// rnam dag lam chen bgrod med rang grol gnas// ma skyes gsang ba'i dkyil 'khor 'gro ba kun la rdzogs// don nyid 'gro kun ma rig pas// lam rgyud lnga yi 'khor bar 'khrul// de phyir mgon po dri med ngas// ye shes lhun rdzogs dri med 'od gsal ba// rang byung me long ye shes lnga bcas dpe// mtshon byed sku gdung man shel zur lnga pa// 'gro ba kun don rgyal bas lung bstan to// sna tshogs 'khrul gzhi ngo bo ni// nam mkha' la ni sprin bzhin du// rang grol spros bral chos nyid ngang du drangs// e ma sangs rgyas ye shes sku// rtogs par dka' ba snying po'i don// tshig dang yi ge'i spyod yul min// rang rig gdod nas ma skyes pas// e ma mnyam nyid rig pa'i glong // ming du btags pa'i chos kun yang // mnyam pa nyid de nam mkha'i dang // e ma ho chos sku rang rig rtsal// ye nas snang la 'gag med pa// de nyid dag pa'i rang gdangs la// mkhas pas ji ltar sgom snang 'grub// chos sku nam mkha' rnam dag klong // rang gi ngo bo brjod bya med// sku dang ye shes rol ba kun// nam mkha'i klong na ji ltar snang // nam mkha' rnam dag dgongs pa mthar rdzogs// zhes seng ge sgra yi rgyud las/ nam mkha' rnam dag dgongs pa'i le'u ste re gcig pa'o// // yang thugs rje byams pas bka' stsal pa/ bcom ldan 'das nyi zla kha sbyor gyi ting nge 'dzin las bzhengs nas/ chos rnams 'gag med zung 'jug bstan// rang byung ye shes shes rab rtogs grol ba// rang grol sbrul gyi pags pa bzhin te gzhan 'gyur gnas ma yin// bag chags sbubs nas rig pa gsal 'char ba// thabs dang shes rab nyi zla kha sbyor tshul// ye shes sgo lnga 'jug pa'i sgo lnga nas// zung 'jug 'gag med khang khyim mthong khungs nam mkha' 'dra// thugs rje rtse gcig ye nas gnas pas dag/ byas pa'i chos min sku gsum ye rdzogs shar// theg brgyad blo yis ye rdzogs mi mthong ste// rus sbal mig gis nyi ma mi mthong bzhin// rig pa'i gsang rtags ye shes mtshon gang ba// rtogs pa klong du su 'gris pa// 'di nyid mi gnas mya ngan 'das// rang bzhin rnam dag sku gsum la// sgrub dang rtsol bas ma yin mkha' la nyi shar tshul// rgyu rkyen 'das pa'i 'bras bu chos sku la// rtsol bas sa lam bgrod nas thob 'dod pa// ldongs pa nam mkha' snyegs pa dag dang mtshungs// nyi zla ngo bo 'od kyi rang bzhin la// rtsol bas 'od zer 'od gzhan la btsal min te// shes rab sku gsum rig par ye rdzogs la// rna ba mnyan te tshig rten sgrub pas min// skye 'gag bral ba'i snying po sku gsum la// byang chub ngo bo 'khrul yang rang bzhin dag/ ma rig 'khrul pa'i snang ba zla grib tshul// rtogs pa'i ye shes nyi ma shar bas gsal// rdo rje mi bskyod ye shes snying po ni// rig pa nyi ma'i snying po dus gsum rgyun du bzhugs// rnam rtog mi gnas ye shes dri med dang // de dang de nyid zung 'jug nyi zla kha sbyor klong // kun tu bzang po'i ngang la ye shes rgyun gnas pa// de nyid khyad par can gyi grogs shes bya// 'khrul pa sgyu ma rnam dag ye shes klong // de nyid khyad par can gyi thabs zhes bya// rdo rje tshig gcig dgongs pa la dor ba// skad cig klong gcig dril ba'i thugs rig pa// bdag rig gzhan rig thams cad rtogs pa'i rang shar te// nyi zla kha sbyor dgongs pa mthar sgrol ba'i// seng ge sgra las/ nyi zla kha sbyor dgongs pa'i le'u ste re gnyis pa'o// // thugs rje byams pas bka' stsal pa// rin chen kun 'byung ting 'dzin las bzhengs nas// rang byung ye shes yon tan zad med pa// sems nyid rin chen gter gyi dbyig ces bya// skyed med klong nas rang bzhin 'od gsal ba// bag chags sbubs nas sgron mar rang shar gsal// nam mkha'i klong nas nyi ma shar ba 'dra// sku gsum dbyer med gsal ba ye shes klong // gsal yang dngos med dag pa chu zla 'dra// snang la dngos med par snang 'ja' tshon tshul// sku gsum rig pa'i ye shes rdo rje thugs// tsat+ti'i shing la gel ba'i 'bras bu dang // ye shes me tog 'bras bur bcas// 'gro ba dug lnga nad las sel ba'i sman// rang byung rang gnas nor bu rin po che// phyi nang snod bcud ngo bo rang la grol// gzhan las ltos gyur chos ma yin// glang chen 'dam du bying ba dang // 'gro ba ma rig rang bcings gnyis// gzhan gyis yang dag gang bar 'gyur// chos kyis yang dag don la brjod nus kyang // tshig gis yang dag don la gnas mi nus// de phyir dge sbyong rnam smin ye shes don la bsgribs// chos kyi blo yis spros bcad chos la gnas// man shel dag pa dri med ltar du rang rig zhog/ tha mal shes pa blo yis bcos pa ni// de yi nor bu rin chen 'dam du bying // ye shes rang snang ngo bor shar ba la// bslad par bya ba'i chos ni sgrib pa yin// thabs kyi rgyal po stobs kyi rig pa shar// che ba'i yon tan gzhan la dpag tu med// rig pa'i ye shes chu bo rgyun gnas la// dngos po mtshan ma de la bar ma bcad// chos rnams ye nas rang rtsal snang ba rtogs// nor bu dgos 'dod rang byung dgongs pa tshad du stsol// zhes seng ge sgra las/ nor bu rin po che dgongs pa'i le'u ste re gsum pa'o// // thugs rje byams pas bka' stsal pa// bcom ldan 'das rgya mtsho klong yangs ting nge 'dzin las bzhengs nas/ bde 'o yangs so rgya mtsho'i klong // rgya mtshor gza' skar shar ba ma 'dres so sor gsal// de bzhin chos nyid rnam dag spros bral rig pa'i ngang nyid la// skye med klong nas ye shes ma 'dres so sor gsal// sku gsum rgyal ba'i dgongs pa rgya mtsho 'dra// a ti yangs pa'i klong na rnam dag pa// ye shes ngang las sprul pa'i skur bstan yang // thugs rje rtsal gyis 'gro ba'i don mdzad de// rtsal 'khrul chos min skad cig mngon sangs rgyas// de phyir sangs rgyas chos la gnas ma yin// chos ni sems de gnas pa'i rnam rtog yin// mtshon tshig byang chub chos rnams kyang // brdas 'grol tshig la byang chub don ma yin// kye rigs kyis bus nges par zungs// de phyir mgon po dri med pas// sku gsum rang byung ye shes thugs rig pa// chos la ma brten rang byung dbyings la shar// de phyir chos kyi sangs rgyas ma bshad de// chos ni tshig la 'brang zhing tshig la gnas// rang byung ye shes ngo bo tshig mtha' 'das// de phyir yang dag don la tshig med yi ge med// sems de tshig la brten nas bden lam tshol ba yang // chos rnams ngo bo ma bcings rang grol lo// ye shes rgyal ba tshig las 'das pa'i don// smra ba'i khyu mchog gzhan gyi dring mi 'jog/ ni dri med ye shes sku nyid la// dge sdig la 'das gdod nas snying po'i don// rtsol bas mtho dman 'bras bu rtsis las 'das// nga nyid stong pa ye shes snying po can// bde sdug rang grol 'od gsal rig pa'i sgra// dbyer med 'du 'bral med pa ngo bo nyid// rtsal gyi rol pa thugs rje rgyan shar ba// ma 'dres so sor gsal yang dbyer med rgya mtsho'i ngang // rgya mtsho klong yangs dgongs pa mthar sgrol zhes// seng ge sgra yi dgongs pa'i rgyud nyi zla kha sbyor las/ rgya mtsho klong yangs dgongs pa'i le'u ste re bzhi pa'o// // kye/ bcom ldan thugs rje thabs kyi bdag/ bzhi lam 'bras bu'i gnas lugs la// so sor gnas lugs tha dad gcig/ sku gsum dngos dang dbye ba dang // lam pa'i gang zag rnams la ni// bdag dang rtogs pa'i don dang ni// dgongs pa rang shar gnas lugs dang // nyams su len pa'i lam rim rnams// tha dad gcig pa gsung du gsol// bka' stsal pa/ kye rdo rje 'dzin pa nges par zungs// gzhi yi gnas lugs bstan pa ni// ma byung ma skyes sngon rol nas// thog ma'i sangs rgyas 'od dpag med// kun gyi 'byung gnas chen por ni// khyab bdal nam mkha'i mtha' dang mnyam// chos dbyings khyab bdal ye shes drangs ma'i sku// sa ni thabs mchog ldog pa'i gdangs// ma ni shes rab chos kyi dbyings// gdangs kyi snying po sku gsum rang la shar// lhun grub rang byung snying po 'od kyi dkyil 'khor la// bkod pa lha yi dkyil 'khor sgom mi dgos// nyi shu rtsa brgyad gnyis pa ni// ngo bo nyid la ngo bo nyid shar ba// srog med longs sku rigs lnga 'khor// sems dpa' sems ma dbang po yul shar ba// ma g.yos dbyings na 'ja' tshon 'bar ba'i sku// 'ja' tshon skyil krung ye shes snang ba lam me pa// gzhi sku rang byung gnas lugs spyi sa'o// lam pa'i gang zag rnams la ji ltar bzhugs pa ni// dkyil 'khor lnga yi dbu nyid la// mi gsal ba yi tshul du bzhugs// snang srid dbyings kyi dkyil 'khor na// da lta sems de thams cad bzhugs// sgron ma 'od kyi dkyil 'khor na// rig pa chos sku zang thal bzhugs// tsit+ta thugs kyi dkyil 'khor na// longs sku rtsa brgyad 'ja' tshon 'od gsal ba// kun tu bzang po chos nyid mi 'gyur ba// kha dog sna tshogs dbyings dang ye shes yab yum tshul// mnyam gzhag mtshon gang tshad du gnas// rtags kyi gsang sgo sgron ma mtshon gang ngo // rigs lnga thig le 'od las dwangs ma'i rtsal du rdzogs// phung po lnga yis cha gzung mi gsal sku// phyag rgya dran rig tshor bar bcas pa'o// kun gzhi sems kyi me long gzung 'dzin dran rig pa// 'od lnga pho brang ye shes lha yi gnas// 'jug pa sgo lnga thugs rje 'gro ba 'dul ba'i dkyil 'khor gnas// sems dpa' sems ma zer du 'phros pas na// sems dpa' sems ma mi gsal zer la rol par bzhugs// 'bras bu sku gsum ye shes rtsal rdzogs bzhi bcu rtsa gnyis ni// gsal 'tsher lhun sdug ye shes 'od gsal sku// de yi sbrul sku thugs rje thub pa drug/ gang la gang 'dul chos can 'tsham par ston// mi gnas ye shes chos sku dbyings la thim pa'i tshe// de bzhin gshegs pa'i chos lnga dag tu mya ngan 'das// gzhi la lam du mi bya te// rang rig ma shar skyon du 'gyur// gzhi la 'bras bur mi bya ste// spyir yang 'khrul pa'i skyon du 'gyur// 'bras bu lam du mi bya ste// 'khor ba rang grol skyon du 'gyur// 'bras bu gzhir ni mi bya ste// ye shes mkhyen rtsal med par 'gyur// lam la gzhir ni mi bya ste// ye shes mtshon du med par 'gyur// lam la 'bras bur mi bya te// nyams blang rtsol med thal mar 'gyur// chos sku longs skur mi bshad de// chos sku gzhan snang rtog par 'gyur// chos sku sbrul skur mi bshad de// chos sku gdos bcas 'jig par 'gyur// longs sku chos skur mi bshad de// ye shes thugs rje stong par 'gyur// longs sku sbrul skur mi bshad de// 'od snang chos dbyings rnam dag skyon// chos sku thugs su mi bshad de// de nyid thugs su bshad pa na// khyab bdal ye shes sku 'gag 'gyur// longs sku'i skur ni mi bshad do// dran rig gdos bcas skur mi 'gyur// sbrul sku 'gro bar mi bshad do// thugs rje rdzu 'phrul med par 'gyur// sangs rgyas thugs mchog rig pa dri med la// ngo bo stong pa gdangs 'od gsal// mtshan nyid dbyer med yon tan 'gyur ba med// sku ni dri med 'od gsal la// snang du yod la reg pa bral// sku gsum rang gi ngo bo ni// gcig pa ma yin tha dad min// de nyid gzhan du brjod med dang // sku gsum 'bral med nyi ma'i zer 'od tshul// gcig dang gnyis pas tha dad grol bar gnas// brda don sprad pa'i ye shes rtogs pa dang // thugs kyi shes rig shar ba'i dgongs pa ni// gcig pa ma yin tha dad don mi rnyed// rgyal bas thabs kyi rim par bstan pa yin// rtogs pa'i blo de dgongs pa ma yin te// de nyid dgongs pa tha snyad tshig tu 'gyur// gdams ngag phrad pas ga la grol// nyams len dgongs pa ma yin te// dgongs pa dran rig glo bur 'gyur// 'dus byas dran rig ye shes rtog bral ga la thob// dgongs pa rtogs pa ma yin te// ye nas rang shar lung dang 'gal// dgongs pa nyams len ma yin te// bya btsal bral ba'i lung dang 'gal// rtogs byed gdams ngag gzung 'dzin thabs// rang la shar ba brda phrad don// dgongs pa rang shar rig pa gsal// nyams len gzung 'dzin rang grol la// dran pa'i rgyun gyis 'od gsal bstan// dri med rig pa rang shar gsal// lam du byed pa nyams su len zhes bya// tha mal blo las grol ba'o// rig pa rang bzhin dag pa'i gsal ba dang // nam mkha' stong pa 'gag med gsal ba ste// ye shes 'od gdangs 'od gsal gsal ba gsum// rig pa dri med nam mkha' 'gag med de// rig pa dri med 'od gdangs gsal ba med// gcig la min la tha dad min// gcig dang tha dad dag las grol bar gnas// nam mkha' rig med stong pa dang // 'od gdangs zer gyi gsal stong gnyis// gcig pa ma yin tha dad min// gcig dang tha dad dag las grol bar gnas// rig pa rang gsal ngo bo ni// dpag dang gzhal las 'das pa'i 'od gsal rang shar ro// stong rig dbyer med 'od gsal rang bzhin te// 'gyur med sems de kun gyi sgron mar gsal// zhes seng ge sgra'i dgongs pa las/ gzhi 'bras lam pa'i rnam bshad le'u ste re lnga pa'o// // kye/ bcom ldan thugs rje thabs kyi bdag/ a ti don nyid bshad nas kyang // dgongs pa'i khyab bad la ji ltar lags// nges par nyams su gang ltar blang // bka' stsal pa/ rang bzhin dag pa'i nam mkha' la// chos nyid dag pa nam mkha' kun la khyab// chos nyid dag pa'i nam mkha' la// rig pa ye shes nam mkha'i nyi ma shar// phyogs ris med pa kun tu 'od gsal ba// yid kyi rnam rtog ci byung ci 'gyur yang // ma pham mtsho la gser gyi nya mo ltar// chos nyid rig pa ye shes don la g.yos pa med// ma 'gags rig pa gnyis med 'od gsal ba// brtags de ngo bor gzung yang mthong rnyed rtogs bral med// zab mo'i cha shas rtog pa'i yul las 'das// man shel sku ltar rang rig rgyud dag pas// sgron ma phyi nyid gsal ba rig pa'i nang // dri med zang thal dag pa chos kyi sku// sa chu me rlung nam mkha' snang ba yang // ma rtogs blo la mtshan mar snang mod kyang // rtogs pa'i blo la rang bzhin yongs kyi med// zang thal 'od gsal gdangs su snang ba shar// dper na/ nam mkhar snang ba 'ja' tshon shar ba yang // mkha' las logs na med kyang logs ltar snang // nam mkha'i nang na gnas shing de las mi bskyod kyang // log lta byis pa'i snang bas so sor phye// chos nyid chos sku dbyer med nam mkha' khyab bdal la// sgron mar log rtog shar yang zang thal 'gag pa med// gsal la rtog med ye shes chos kyi sku// rang la rang gsal snod bcud ye sangs rgyas// las dang thugs rje mtha' gnyis rtogs pas rnam par dag/ sa dang rnam thar byang chub mchog la rig/ bgrod du med pa'i chos nyid byang chub lam// bgrod par 'dod pas ye shes mtha' la sgrib// ma bsags bzhin du tshogs gnyis ye rdzogs pas// ma sbyangs bzhin du sgrib gnyis ye dag la// ma skyed ma skyes 'od kyi pho brang nas// ye shes lha sku spyan drangs bzhugs mi dgos// rang shar rang snang dgongs par chod pa la// mi rtog stong nyid sems la dmigs mi dgos// a oM hUM gi rang bzhin ni// zer 'od rgyun chad med par ye gnas pas// gsung gi bzlas pas rtsol pa bskyal mi dgos// 'gyur ba gzung 'dzin rang grol zang thal la// dug lnga bkag la dge ba spyad mi dgos// sku gsum 'od gsal ngo bor shar ba la// kun tu 'od la rim gyis bgrod mi dgos// ched du byar med ye nas lhun grub lam// dper na mar me snying po rang gi 'od la gnas pa ltar// rang rig 'od gsal ye shes rang gdangs gnas// 'das dang ma byon da ltar sangs rgyas kyang // gnyis med ro gcig ye shes gdangs// skal ldan lam pa rnams kyang dgos pa de la blta// gnyis med ro gcig chu la chu bzhag bzhin du grol// rang rig 'od gsal ye shes rang la 'char// de las gud pa 'od gsal gzhan mi btsal// zhes seng ge sgra yi dgongs pa'i rgyud las/ dgongs pa'i khyab brdal 'gro 'ong kun la khyab par 'char ba'i le'u ste re drug pa'o// // kye/ bcom ldan thugs rje thabs kyi bdag/ sku gsum gdangs kyi ye shes snang ba ste// skal ldan sgron ma ngo bo ji ltar gnas pa gsung du gsol// bka' stsal pa/ yul dang yul can mi gcod de// skad cig rang gis 'od gsal ba// ngo bor mi 'dzin bag chags rjes mi gcod// bde sdug blo yis mi sdud rang gdangs gsal ba'i ngang // ye shes rang shar sems las ma 'dres pa// sngar 'byung bzhin snang sems dang ma 'dres te// rtog pa 'khrul pa 'dzin pa gsum ma yin// phyis byung las 'bras sems dang ma 'dres te// nyon mongs bag chags sdug bsngal sems ma yin// da lta ngo bo sems dang ma 'dres pa// 'khrul snang log snang rnam shes blo zur sems ma yin// rang rig 'od gsal zang thal rang shar de// yid min sems min skad cig rang gsal ba// so sor rang rig mi g.yo bde ba che// de yi ngo sprod rang bzhin bstan pa ni// bla ma'i brda yis ston pa'i tshig/ phyi snang ba sgyu ma zang thal sprad pas ni// 'khrul pa rang grol sku gsum 'od gdangs 'char// bar sgron me'i gdangs la ngo sprad pas// nyon mongs gdos bcas ye shes ngang du grol// nang sku gsum skad cig ngo sprad pas// ting gsal rig pa 'od gsal gdangs la lhag gis rtogs// sprad thabs phyi nas blo yis ngo sprad nas// lam du sgron ma'i ye shes gdangs la bcar// rtogs pa'i khyen pa ye shes nang gsal 'char// sku gsum rig pa'i ye shes la// chos skra ngo bo nyid du rang zhal rang gis mthong // sems can dus na sangs rkus dgongs pa chod// dus ma 'gyur bar sor snang zang thal 'gyur// mngon shes rang rig rdzu 'phrul stobs kyang 'char// de dus rgyu ba ye shes shar ba'i snang ba la// gnyis su med pa'i spyod pas yi dam lus blangs la// rig spyod gnyis su med pas mkha' spyod grol// ye shes rtogs lugs rang bzhin ni// phyi rig pa'i snang ba zang thal sang nger rtogs// bag chags gdos bcas 'dzin rtog rang sar grol// 'gro drug lus su skye gnas mtshams mi sbyor// bar nyon mongs sgron mar 'od gsal bas// thig ge sa le ma rig dbyings su dag/ mkhyen pa'i ye shes ngang la gsal yang btab// nang gzung 'dzin zang thal rig par grol// sku gsum lhag ge spros bral rig pa'i gdangs// ye shes snying po rdo rje 'chang gi srog tu zin// des kun tu 'od la sku gsum mthar ma skyol// skal ldan sgron ma lta stangs rang bzhin no// ye shes gdangs la rtsol ba grogs su mi bcar te// rig pa rtsal dang bcas pas gdangs stod la// chos sku rang dang chas sa le blta// 'od gsal gdangs sgron mas hu re bltas pa'i tshe// snang ba mdangs zon zang thal 'od la lhag ger 'char// rtog pa rags pa dag pa'i mi rtog ye shes la// chos nyid rang gdangs 'od snang 'char ba nges// rtog pa phra ba dag pa'i rang rig ye shes la// mkha' 'gro rig pa'i snang ba mngon shes rdzu 'phrul 'char// bag la nyal ba rang grol ba'i snang ba las// snying po chos min ye shes chen po 'char// spyi dang rang gi mtshan nyid gsal bar mkhyen// phyi nang rig pa gdangs kyi rang bzhin ni// phyi yi snang ba 'od gdangs dang // bar sgo lnga ye shes zer gdangs dang // nang sku gsum rig pa'i rang gdangs ni// dbyer med gcig ste rtsal gyi ngang // gcig pa ma yin tha dad min// gcig dang tha dad dag las grol bar gnas// ye shes chen po'i gdangs su gsal// chos nyid mkha' la shar ba'i tshe// phyi nyid nang la nang nyid phyi// rig pa rang ngo shar ba'i dgongs par nges// ngang la rang bzhin bdag nyid chen po'i don// rang bzhin dag pa'i nam mkha' la// ye shes gsal ba'i sgron ma ru// rtog dang bral ba'i rig pa gsal// dbyer med 'od gsal mi rtog pa// ma bcos rang shar dgongs pa'i ngang du zhes// rang bzhin dag pa'i nam mkha' dang // chos nyid dag pa'i nam mkha' dang // rig pa gsal ba'i nam mkha' gsum// dbyer med stong zhing bdag med pas// dgongs pa rang shar sku gsum rang bzhin zhes su bya// rang rig ye shes gsal ba dang // rang bzhin gdangs gsal ma mkha' la// ma 'gags sgron ma'i gdangs gsal ba// gsal ba zang thal rang bzhin stong // dbyer med dgongs pa'i bdag nyid chen po'o// mdor na ye shes rang shar ngo bo ni// sku gsum ye shes snying po rig par gnas// rig pa'i ye shes nam mkha'i gdangs la sgron mar gsal// sku gsum lhun grub rig pa'i thig le'i 'od gsal bas// gzung 'dzin rnam rtog phra rags 'khor ba'i sa bon no// bag la nyal sogs ye shes ngo bor grol// rang rig spros bral ye shes chos kyi sku// sku gsum mkhyen pa mtha' ru bskyal nas ni// mkhyen pa'i ye shes rnam lnga de ru 'char// shes bya phyi nang med par rang grol mkhyen// zhes seng ge sgra'i dgongs pa theg dman zil gyis gnon pa nyi zla kha sbyor rgyud las/ skal ldan ye shes rang shar ba'i don rgyas par bshad pa'i le'u ste re bdun pa'o// // kye/ bcom ldan thugs rje thabs kyi bdag/ sems can log snang ye shes gdangs 'khrul ba// yul snang ma rig gzung 'dzin brtas// bag chags las kyis mtha' sbyar nas// snang ba 'khrul pa'i nga bdag bcings// bag chags sbubs 'khyams 'khor ba bgrod pa'i phyir// skal ldan rig pa lam du ji ltar dgrol// kye/ rigs kyi bu dag nges par zung // gdangs la rig pa 'khrul pa ni// rig pa ma 'khrul zer gyi 'dzin pa 'khrul// rab rib can gyi mig bu bzhin// med par log snang 'dzin pa zhugs// dngos su grub pa ma yin te// rtog pa rags pa phyi nang dang // bar gyi nyon mongs nang gi gzung 'dzin rten// gdos bcas bag chags sha khrag sbubs kyis 'gro drug 'khor bar brgyud// de yis 'gro drug sdug bsngal lam la spyod// phyi rgya nang rgya gsang ba rgya// rgya gsum rang sar grol ba'i gdams ngag ni// rgya gsum rang grol kha sprospyod khrid kyis bstan// sgyu ma rmi lam 'ja' tshon tshul du ni// snang stong dngos med rang bzhin blta// rtogs par gyur pa'i skal ldan ni// snang ba zang thal dngos med pas// rig pa'i rang gdangs ngang du grol// zhes seng ge sgra dgongs pa las/ rtogs pa rgya 'grol le'u ste re brgyad pa'o// // kye/ bcom ldan thugs rje thabs kyi bdag/ sgyu mar snang ba 'ji ltar blta// zhes bka' stsal pa/ 'od snang rtogs pa brtas pas dngos med sgyu ma 'jig/ 'byung snang dus kyi sgyu ma dbyar dgun lo zlar 'gyur// rang bzhin rdul 'dus zang thal sgyu ma dngos ma grub// rmi lam lam pas blta ba ni// rmi lam rtag par snang ba bden pa'i dus// 'khrul par snang ba rmi lam rdzun pa'i dus// rmi lam 'od gsal zang thal rtogs pa'i dus// sems kyi byung tshor 'ja' tshon bzhin du blta ba ni// sems rtog 'gyur ba mi rtag rang rgyud 'dzin pa'i dus// sems rtog 'gyur ba mi rtag dus// de nyid rig pa 'od gsal gdangs su grol ba'o// de ltar phyi nang rtogs bcas nyon mongs dang // nang gzung 'dzin 'khrul pa ye shes gdangs la nges 'das 'khrul pa sel// snang ba dngos med rgyu med stong pa'i ngang du grol// bar nyon mongs sgo lnga gsal ba'i gdangs la yal// nang gzung 'dzin nam mkha'i 'ja' bzhin ye shes ma la thim// rgya gsum rang grol kha spyod kyi le'u ste re dgu pa'o// // kye/ bcom ldan thugs rje thabs kyi bdag/ sgyu mar rtogs pas ji ltar bgyi// bka' stsal pa/ rtag pas sgyu ma mi rtogs chad pas de mi rtogs// dbu ma stong pas sgyu ma'i don mi rtogs// sgyu ma'i don nyid rtogs par dka' ba ni// sangs rgyas brgyud pa med pa'i gang zag la// bka' lung blos bcos lung thos sgyu ma'i don mi rtogs// log rtog snang ba sgyu ma ngo bo yin yang rtog pas bsgribs// rmi lam sgyu ma sad pas rtog pa sel ba ltar// bla mas sgyu ma'i snang ba ngo sprod gces// sna tshogs sgyu mar rtogs pa rgyal ba kun gyi lam// sgyu ma lta bu'i ye shes snang ba la// sgyu mar mtshon pa'i gdams ngag tshig brjod pas// mi 'gyur rig pa'i don nyid brtan par rtogs// rang byung ye shes sku gsum sgyu ma la// snang du yod la reg tu med par ngo yang sprad// ting 'dzin rtsal sbyong nyams len rnams// ye shes sgyu ma'i rol pa rang shar brtag/ spyod pa'i dus su gnyis med sgyu ma blta// 'khrul rtog phra rags gzung 'dzin kun// sgyu ma rmi lam ngo bor dngos med rtog pa sel// skye 'jig lam pa'i sems can rol pa sgyu ma'i ngang // bskyed rim khams dang skye mched sgyu ma la// 'chi ba khams dang skye mched rdzogs rim mo// bskyed rdzogs zung 'jug ye shes sgyu ma'i 'od// rang rig sangs rgyas ngo bo la// rtog ge'i yul min bka' 'di bstan// lam pa rang rig sbrul sku thugs rje dang // chos nyid bar de chos sku khyab bdal la// ye shes rtogs par shar ba longs spyod sku// gar yang gyur yang rol snang sgyu ma'i ngang // 'khor ba'i rnam sbrul sku gsum sgyu ma rol pa'i rtsal// dper na sgyu ma mkhan gyis cir sbrul yang // dngos su ma grub stong nyid sgyu ma'i ngang // sgyu ma mkhan gyi rol pa'i rtsal du shar// 'khor 'das dbyer med sku gsum rol pa'i rgyan// zhes seng ge sgra'i dgongs pa las/ sgyu ma'i ye shes kyis rtog 'dzin des gcad pa'i le'u ste bdun cu pa'o// // kye/ bcom ldan thugs rje thabs kyi bdag/ lam pa'i rnal 'byor skal ldan ma// nyams su blangs na ji lta bu// ma blangs skyon ni gang ltar lags// bka' stsal pa/ rang byung ye shes gnas lugs la// rtogs pas nyams su ma blangs na// lam la gnas pa'i gang zag ni// sku gsum lhun grub yin mod kyang // da rung ye shes rtsal ma rdzogs// bag chags sbubs su yang brgyud srid// gang zag rtsol bas mi sgrub na// rtogs pa'i tshig la 'chel ba ni// dper na rgyal po'i dkor mdzod la// dbul pos bsngos kyin btab kyang ni// 'byor pa'i longs spyod thob mi 'gyur// de bzhin ye shes bzhi yi don// brtson pas nyams su ma blangs na// ye shes mkhyen pa rtsal mi rdzogs// sku gsum sbubs la zha bar 'gyur// ye shes gzung 'dzin ngang la yal// nges pa'i 'bras bu mi thob pas// ma rig mtshang can skyur la gdon// gzung 'dzin smyon pa lam du gzung // gzhon nu rig pa gdong la blta// yul dang gzung 'dzin sdong zug yang bral// lus ngag yid gsum 'dod yon lngas mi g.yeng // rnam shes lnga ni dug lnga'i dbang mi gtang // 'dus byas kha 'dzin bya ba gtang // zos bros 'gyu byed btson rar gzung // dngos kyi rtog bcas dge sdig lam du mi bya zhing // bden dang rtag pa'i ngo bo stong nyid mi sgom ste// rtsol bas 'ching ba'i don la sbyor ba ma yin pas// chos sku mtshan mar mi lta bar// rnal 'byor zag med shes rab kyis// nam mkha' bzhin du dngos bral lta// rang rig nyams su len pa ni// ye shes rang bzhin 'gag med la// rang snang rang shar gzung 'dzin bral// me long gzugs brnyan ltar du sprad// rtog pas nyams su blang ba ni// bya bral lhun rdzogs gshog rgyangs 'dra// rang rig rang gsal dang la gnas// dgongs pa ye shes nyams len ni// dper na chu bo gang+gA bzhin// rgyun gyi ngang la nyams su blang // 'bras bu la zlos nyams len ni// nyi ma'i 'od zer shar ba bzhin// sku gsum 'bral med dang la blang // rnal 'byor lam gyi nyams len ni// shes rab chen po don las ni// dgongs pa ma yengs nyams su blang // rnal 'byor lus kyi nyams blang ba// dang por dben par sems gzung nas// rtogs nas rig pa'i rtsal sbyang ste// nges shes rtogs pa shar na gnyis med spyod pa bya// zhes seng ge sgra dgongs pa'i rgyud las/ nyams su long zhig par gdams pa'i le'u ste don gcig pa'o// // kye/ bcom ldan zugs rje thabs kyi bdag/ nyams su blang ba'i gang zag rnams// cig car rtogs sam rim gyis bgrod// rtsol bas grub bam btsal med shar// bka' stsal pa/ a ti cig car rtogs pa'i dgongs pa yang // yin don cig car rig pa'i don// go rtogs dus grol dus su rim gyis dpyad// dbang po bag chags lus 'di gcud la sgril// dbang po rang yan bkug pas rtogs grol bde ba lus la 'char// bar du gsengs la shes rig ngang la gcu// de lus ngag gi byin rlabs nus pa skyes// tha ma shes pa glod la 'gyu ba rang yan gtang // gzung 'dzin gcud la bor bas rig pa rang gsal 'char// shar ba'i tshe na lhag de rang dgar mthong // lhag ge sa le dang la 'bral med bya// 'di ni ye shes rang yan bde ba chen po'i kloslong // rang byung ye shes chos su gzhi bzhengs la// lta ba rtogs pas 'di la ci zhig lta// rig pa 'od gsal lam du shar ba la// sgom pa'i sems 'dzin 'di la ci zhig sgom// kun tu bzang po dogs pa med dbyings la// rig pa'i rgyal po'i ngang la rang grol thabs// spyod pa dka' thub 'di la ci zhig bya// snying po sku gsum lhun grub rang chas khyab// rtsol bas bgrod nas 'bras bu ci zhig tshol// dgongs pas mtshan ma rang grol te// nyams la dus mi 'gyur yang snang ba 'gyur// bde chen ye shes shar ba'i drod tshad yin// chos sku ye shes sgo lnga rang shar la// snang ba ngo bor dag pas rtsal snang rang grol lo// dgongs pa rang la shar bas shes rab rgyun// bag chags bag la zha bas sgrib med lung // snang ba rnam dag gzhi snang chen po la// rang byung sku gsum byas pa'i chos ma yin// 'od gsal sgrib med rtog pa med// sku gsum rang la rdzogs pas 'bras bu rtsol ba med// snying po nang gsal chos sku'i snang ba la// sgo lnga 'od gsal longs sku yul snang ngo // sprul pa'i snang ba ye shes zang thal te// shar ba thams cad sgrib med ye shes bkrag/ snang ba thams cad dngos med 'od gsal gdangs// nyams len thams cad ma bcos 'od gsal dang // rtog pa thams cad zadang thal nam mkha'i mtha'// lus ngag spyod pa rang shugs par snang rlung // yon tan thams cad ma btsal rgya mtsho'i rlabs// 'bras bu sgrub med ye shes nyi ma'i dkyil// 'khor ba rang grol byang chub rin chen gling // rtogs ldan don la ji ltar spyad kyang snying po'i don// 'khor 'das thams cad chos sku 'gag med rtsal// 'on kyang gzung 'dzin rtag par lta bas 'khor bar 'ching // seng ge sgra las/ dgongs pa bca' ba'i le'u ste don gnyis pa'o// // kye/ bcom ldan thugs rje thabs kyi bdag/ dus bzhi mnyam par ji ltar sbyar// bka' stsal pa/ rig pa lta bu bag chags sbubs na gsal dus su// chos sku bag chags sbubs na 'thums zhes bya// longs sku tsit+ta dpal be'u'i nang gsal ba// sbrul sku 'dod pa'i sgo gsum rang grol yang // sku gsum gdangs kyi 'od gsal sgo lngar zang thal shar// shar ba gsal ba ngo ma shes pas sgrib pa byung // zang thal ngo ma shes pas rtog par bzung // rang grol ngo ma shes pas sdug bsngal rgyud la bsags// snying po ye shes gsal ba'i gnad kyis sgrib pa med// thugs kyi rtsal rdzogs snang ba zang thal 'khrul pa med// sku yi rtsal rdzogs longs sku ngo bor shar// rang grol 'od gsal shar bas sdug bsngal gdung ba grol// ngo bo 'gyur med chos sku rang sa zin// 'od gsal rang la shar bas sgrib pa yongs su dag/ de yi dus su dus bzhi mnyam par nyams su blangs pa ni// dbang po gnas sdud phyi sgo gcad pa'i dus// de mtshon rang grol rang rig rtogs// shes bya bum 'jug ye shes nang gsal dus// bying rmugs gti mug ye shes dang la bzla// rig pa rang gsal ye shes nang sgo 'byed/ pa'i dus// ye shes rang snang rang rtsal phyal bar mi gtong ba// snang ba rgya yan rtogs gsal zang thal dus// 'khrul rtog ye shes ngo bor shar bas zhen pa'i skyon yang bsal// nyin mtshan kha sbyor chu bo rgyan gyi gnas// 'khrul pa gzung 'dzin ngo bor mtha' grol ba'o// mtshan mo gti mug yid lus la// 'khrul pa yid 'khrul rmi lam dus// mthong snang rig byed rang snang rang grol gces// de don ma rtogs ri dwags smig rgyu 'dod pa 'dra// 'khrul pa da lta sha khrag lus 'di la// ye shes rang shar snang ba rang grol gces// de don ma rtogs rtog ge chos rnams spyod pa ni// bye rdzab 'dab rdzab bsnan dang 'dra ste skam dus med// bar du 'od gsal lus la ni// 'od gsal rtogs pa'i gzer med na// dmus long zang la gcod pa 'dra// bag chags le lo thibs non nas// phyin pa'i yul med srid pa'i bar dor 'khyams par 'gyur// zhes seng ge sgra'i dgongs pa las/ dus bzhi mnyam par dgongs pa sbyor ba'i le'u ste don gsum pa'o// // kye/ bcom ldan thugs rje thabs kyi bdag/ dgongs pa dus bzhi mnyam par sbyar byas nas// dgongs pa nyams kyi drod rtags ji ltar 'byung // bka' stsal pa/ rnal 'byor sku gsum ji ltar yid ches nga // sems can dus na sangs rgyas dgongs par shar// 'khor ba'i blo la 'khrul pa rang ngor log/ dus la 'gyu ba med kyang ye shes snang ba 'char// 'khrul pa nga bdag snang ba ngo bor zad// 'jig rten gnas kyang kun tu 'od kyi sa non te// 'khrul pa'i sdug bsngal bde ba chen por grol// mngon shes phra mo med kyang thams cad mkhyen pa'i shes rab shar// 'khrul pa rang dag 'khor ba rgyun chad do// der brda don sprad pas rang ngo shes// 'gro don las la mtshams mi sbyor// ma rig dbyings su dag nas mkhyen pa'i 'char sgo bye// sku gsum snying po 'gyur med pas// 'dzin rtog zang thal shar bas rdzu 'phrul mngon shes ldan// phyi yi snang ba dag snang 'gro drug sgyu mar grol// 'gro drug skye gnas 'khor ba'i sgo yang 'gags// thugs rje 'od du gsal bas 'gru byed rtog sgrib dag/ 'khor ba skye ba'i rkyen med mngon sangs rgyas// chos sku rang ngo shes pas rtogs pa'i yul la shes rab shar// ma rig rig par dag pas mkhyen pa'i ye shes thob// thugs rje zer du 'phro bas rdzu 'phrul rtsal yang rdzogs// longs sku rang la shar bas ye shes ngang la gsal// thugs kyi rtsal rdzogs mkhyen pa gsum yang shar// 'gag med gsung gi rtsal rdzogs chos rnams thogs med mkhyen// rnal 'byor lam gyi drod tshad mtha' ru skyol// zhes seng ge sgra las/ rnal 'byor drod tshad bstan pa'i le'u ste don bzhi pa'o// // kye/ bcom ldan thugs rje thabs kyi bdag/ nyams su blang dus ji ltar lags// bka' stsal pa/ rnal 'byor nyams su len dus lnga// da lta 'khrul ba'i snang ba la// rang snang ye shes lam du bcar// thun mong ting 'dzin gsal ba las// ye shes rang shar lam du bcar// rmi lam snang ba nyid 'khrul la// ye shes sgyu mas ye shes sgyu ma blta// chos nyid bar do dag pa'i snang ba la// sangs rgyas bden pa'i rang sa de ltar gzung // der mkhyen pa'i gsal ma thebs na// blo dman srid pa'i bar dor ye shes spongs gdab bya// rtogs pa tha ma skye ba rgyud las grol bar 'gyur// ye shes rang snang lam du byed pa ni// 'dug yang chos nyid gdangs las ma g.yos la// 'gro yang ye shes rang gdangs rang snang ma 'gags te// nyi ma mer ma rang snang gdangs dang chas nas 'gro ba bzhin// nyal yang rig pa'i ngang las ma g.yos klong // nang nub rig pa zang thal rtsal gyi ngang la 'dug/ gzung 'dzin phra rags dngos med rang ngo grol// mtshan ma rang sar grol ba ye shes rnal 'byor che// spyod lam rnam bzhi ci spyad kyang // ye shes gdangs las mi 'da' zhing // chos nyid ngang las ma g.yos pas// bya gar 'phur mkha' las mi 'da' ltar// rtogs ldan rnal 'byor dang las g.yos pa med// ces seng ge sgra'i dgongs pa las/ rnal 'byor nyams myong dus bstan pa'i le'u ste don lnga pa'o// // kye/ bcom ldan thugs rje thabs kyi bdag/ rnal 'byor lam gyi rnam gzhag tu// sku gsum dang po ye shes rtsal du gang las byung // gnas dang grol ba'i rim pa ji ltar lags// bka' stsal pa/ thog ma rang rig chos sku ngo bo las// ye shes rtsal lnga thog ma gang las shar// 'di nyid rigs kyi bu yis nges par zung // shes rab rtsal ni ma btsal rang shar te// dang po byung yang sku gsum rtsal las byung // bar du gnas yang shes rab rtsal la gnas// tha ma grol yang 'dus thim sku gsum ngang du grol// ma btsal rang shar lnga nyid bshad pa ni// rig pa chos nyid stong pa dang // de nyid 'gag pa med pa dang // de gnyis dbye ba med pa dang // de ltar shes pa'i shes rab dang // de las thogs med 'od zer lnga// de lnga mtshan nyid 'dzin pa'i ye shes lnga shar ro// ye shes lnga ni 'od lngar shar ba yin// 'od lnga rigs lnga longs sku lngar shar ro// rigs lnga dbyings la yum lnga ma 'gags shar// yab yum sems dpa' sems ma ma 'gags te// sems dpa' sems ma dbang po ma 'gags pa// de ni ye shes rang shar dgongs pa'o// rang shar rang snang gzhan snang rtog pa de la med// de ltar 'byung lnga phung po sgo lnga dang // rig pa 'od gsal dbyer med rtsal gyi gdangs las shar// de nyid ye shes gdangs su rtogs pa ni// bla mas gdams ngag rkyen gyis snang bas na// 'od kyang don shes gnas 'gyur ma yin te// dper na khang khyim nang gi nam mkha' ni// sgrib byed ra bas bcad gyur kyang // mthongs kyi nang na zang thal nam mkha' dbyer med do// de bzhin sems can bag chags sbubs kyis bcad mod kyang // don gyi ye shes sgo lnga zang thal shar// rtog pa'i ye shes sgrib med zang thal lo// de phyir rnal 'byor sku gsum yin pa'i ngang las bdag med do// de yi ngang la dus gsum sangs rgyas thams cad bzhugs// 'byed med gsal ba shes rab rtogs pa med// de yi chos sku rig pa'i rang sa zin// stong nyid rdo rje lta bu'i sku thob pa// longs sku de las 'gag med thugs rje shar// sbrul sku thugs rje ye shes dbyings kyi mngal sdud ces// seng ge sgra'i dgongs pa'i rgyud las/ thog ma ye shes kyi rtsal gang las byung ba dang / bar du sangs rgyas sems can ji ltar gnas pa'i le'u ste don drug pa'o// // kye/ bcom ldan thugs rje thabs kyi bdag/ dang po byung yang ye shes rtsal las byung // tha ma ye shes dbyings su ji ltar sdud ce na// bka' stsal pa/ longs snang sprul pa'i zhing khams 'gro drug nas// 'dod pa'i yon tan yul lnga yang // sgo lnga dbang po lnga yi ngang du grol// sems dpa' sems ma sgo lnga de// sku lnga phung po lnga dang yul lnga 'byung ba lnga la grol// rigs lnga 'od lnga ye shes lnga yi ngang du grol// ye shes lnga yang rig pa'i mtshan nyid lnga yi ngang du grol// mtshan nyid lnga yang 'dzin med rig pa'i 'od la grol// de la dbang po gnas sdud dgongs pa zhes su gsungs// de las grol nas ngang la ma g.yos pa// chos nyid chos sku dbyer med bum pas bya// ye shes rang rig mar me lta bus gsal// de la shes bya bum 'jug dgongs pa zhes su bya// thams cad byung yang sku gsum rang las byung // thams cad snang yang rang snang thim pa rang la grol// thams cad gsal ba rang gsal ngo bor mched// thim dang grol ba ye shes dang du sdud// dper na nam mkha' sprin dang khu rlung ci byung yang // nam mkha'i ngang byung gnas thim nam mkha' bzhin// skal ldan rnal 'byor sku gsum ngang nas sku gsum klong du skyel// dbang po ya rab gyur pa la// ye nas zang thal chen po bas// bar do med cing skad cig med// da lta nyid du lus ngag sku gsum shar// rang bzhin dag pa'i nam mkha' la// chos nyid dag pa'i ngo bor gnas// de la snang ba zang thal shar// rig pa'i ye shes phyi nang med// ma 'gags gsal sgo zang thal 'od gsal lo// dper na nam mkha' zang thal phyi nang med pa la/ khang khyim ra bar byas pas nam mkha' gud du bcad// khang khyim nang gi nam mkha' dang // rang bzhin khyab pa'i nam mkha' gnyis// mthongs kyi nang na gnyis med sgrib med zang thal ltar// bag chags sha khrag sbubs kyi rig pa dang // chos nyid ye shes dbyings kyi rig pa gnyis// ye shes sgron ma'i sgo yis mtshams sbyar nas// ye shes zang thal chen po rtogs pa yis// bar do skye dang 'gag med par// zabs ma 'gags pa'i ye shes dang // shes rab 'gyur ba med pa'i chos// rtogs pa'i don chen de ldan na// seng ge mchongs ltar sa bcad pa// rin chen sbubs su ma btsal chod// gdangs kyi snang ba 'od snang shar// mkha' 'gro snang ba 'ja' tshon las// longs sku tshom bu mkhyen pa rang la shar// chos nyid snang ba chos sku bdal khyab mthong // rtsol bas rtogs par rdzogs par mngon sangs tshe 'dir rgyas// snang ba rgyas 'debs pa dgongs pa des mthar sgrol// zhes seng ge sgra yi dgongs pa'i rgyud las/ sku gsum rtsal gyi snang ba dbyings ye shes la sdud par bstan pa'i le'u ste don bdun pa'o// // kye/ bcom ldan thugs rje thabs kyi bdag/ dngos grub thob pa ji ltar grol// le lo can gyi gang zag la// bar do grol ba ji ltar lags// bka' stsal pa/ mkha' spyod dngos grub thob pa ni// ye shes sgyu ma'i snang ba la// gnyis med spyod pas mkha' spyod grol// bar do grol ba'i grol lugs la// 'khrul pa'i snang ba ji ltar 'gag/ rang la shes pa ji ltar 'jug/ 'chi rtags rim pa ji ltar 'byung // ye shes snang ba ji ltar 'char// dbang 'bring grol lugs ji ltar lags// bka' stsal pa/ 'jig rten 'khrul pa'i snang ba 'di// dang po rang la shar bas na// za ma rang gi ngang du grol// gzhan snang 'khrul pa 'gags dus su// mtshan ma rang sar grol gyur pa// 'byung ba'i rang rtsal bzhir 'dus te// yul lnga sgo lnga'i gnas su sdud// sgo lnga 'byung ba lnga la sdud// 'byung lnga yum lnga bum pa'i dbyings su sdud// gzung 'dzin sems rtog ye shes lnga la sdud// ye shes gzung 'dzin bral ba'i ngo bo chos kyi sku/ kha dog sna tshogs 'bar ba rang gdangs 'od du 'dus// mkha' la 'ja' tshon gsal ba lta bu de// ye shes gsal ba mtha' dbus med par khyab// de tshe rin chen nyi zla kha sbyor klong na bzhugs// 'byed med shes rab ye shes klong dril nas// skad cig dang po bag chags sbubs na gnas dus so// rig pa 'od la 'jug pa bstan pa ni// drangs ma 'byung ba rnam pa lnga// chos nyid snying po'i 'od la shar// phyi yi snang ba'i 'byung ba lnga// mi snang rang rang ngang du thim// rin chen rtsa nas rig pa ni// 'od la sgron mar zhugs nas kyang // bag chags sbubs ni zla ba lta bu nas// chos nyid nam mkha'i dbyings la ni// rang bzhin dkyil 'khor nyi ma lta bur 'pho// ye shes rang sa rtogs pa'i shes rab kyis// kun tu 'od la sku gsum mthar bskyal gces// nyi zla kha sbyor gdams pa rtogs par bya// seng ge sgra las/ snang ba 'gags pa dang rig pa sgron mar 'jug pa'i le'u ste don brgyad pa'o// / kye/ bcom ldan thugs rje thabs kyi bdag/ bag chags sha khrag sbubs nas ni// ye shes sbubs su 'pho ba la// rtags kyi rim pa ji ltar lags// bka' stsal pa/ lus kyi 'byung ba thim zhing 'du// sa nyid sa thim 'degs pa'i rtsal nyams te// lus lci shes pa thim pa yin// de nas chu la chu thim ste// sdud pa'i nus nyams kha sna skam la med// me la me thim drod nyams pa// lus kyi drod 'pho rkang pa grang // rlung la rlung thim g.yo ba'i nus pa nyams// lus kyi shes pa rdib cing skyod pa'i nus pa nyams// rnam shes nam mkhar thim nas tshor ba bde sdug rtog bral lo// 'byung ba thim pas 'khrul pa 'gag pa ni// 'degs pa sa yi rlung ni tshogs pa la gnas te// de nyid nyams pas 'degs pa'i nus pa med// chu yi rlung ni lus kun bkrag dang gzi mdangs gnas// de nyams bkrag dang gzi nyams mdangs med lus phra 'dar// me dang mnyam rlung pho bar gnas te drod 'chor zas mi 'ju// rlung gi rlung ni steng sgo 'og sgor gnas bcas nas// dngas snyigs 'byed de thig le dri chu mchil snabs 'dor// de nyams shas ldi shes pa bying la myos// snying rje med pa las kyi rlung zhes pa// 'khor rlung srog rtsa glo nas rgyu ba ste// srog 'dzin yin pas ji srid gnas par srog 'dzin no// rnam shes rig pa ye shes rlung // skrod pa tsit+ta skon mar skrod byed do// 'od lam dar skud rtsa nas skrod// rtags kyi gsang sgor phyin pa dang // dper na shar rir nyi shar bas// 'od nyid nub rir 'byung ba ltar// phyi yul zer 'od snang ba ni// rig pa ye shes sgron ma nas// chos nyid nam mkha' yul gsal 'od// ye shes 'od zer zang thal ba// thugs rje 'od kyi rgyun lam 'char// rang gi gdangs la zer 'phro ba// skar ma lha bu'i snang ba'am// srin bu me khyer du ba'am// 'ja' 'am smig spu lta bur zer phran 'char// zhes seng ge sgra las/ 'byung ba rtags kyi le'u ste don dgu pa'o// // kye/ bcom ldan thugs rje zabs kyi bdag/ 'byung ba'i 'chi rtags shar nas ni// dbang po so so snang ba yin// 'khrul pa yul snang ji ltar 'gag/ ye shes zhi la 'bros pa'i rtags// rlung rnams rim gyis zhi gyur nas// las kyi rlung gis ye shes mkha' la skyod// 'chi bdag rlung gi grong khyer nas// bdud kyi so pa chas sam brtag/ lus kyi dbang po sa yi rlung 'gags pas// spyod lam rnams 'gag ngo tsha bral bar byed// lce yi dbang po rlung nyams pas// zas kyi ro yi tshor ba 'gag/ sna yi dbang po me yi rlung nyams pas// dri yang tshor bar mi 'gyur la// dbugs kyang rab tu thung zhing brtsegs// rna ba'i dbang po rlung nyams pas// sgra yang mi thos log sgrar thos// rnam shes nam mkha'i rlung nyams pas// gzugs 'gag mi ngo shes par mi 'gyur ro// 'byung ba lnga yang drangs ma lnga la 'dus// drangs ma lnga nyid longs sku 'od la 'du// sa yi drangs ma nya mig tsam// rdo rje sems dpa' 'od zer dkar por thim// chu yi drangs ma bye'u len pa'i mgo tsam la// rin chen 'byung ldan 'od zer ser por thim// drod kyi drangs ma me long nyid 'od tsam// snang ba mtha' yas 'od zer dmar por thim// rlung gi drangs ma gser sa 'og dad pa tsam// don yod grub pa 'od zer ljang khur thim// 'byung ba 'od la 'dus te rigs lnga chos skur thim// de nas ye shes sku gsum 'dzin pa'i zer rlung dang // las rlung 'byung ba srog 'dzin snying rje med pa gnyis// zag pa zer du chad nas dbugs ni sna sgor 'das// rig pa chos sku sgron mar zer zhon nas// sgron ma 'od zhon chos sku chos nyid mkha' la bskyod// gcig skye gcig 'gag ye shes snang ba 'phreng ba brgyud pa'i tshul// de tshe chos nyid ngo bo nyid// rang bzhin dag pa'i nam mkha' dang // gnyis med gcig med don nyid khyab bdal lo// zhes seng ge sgra'i dgongs pa nyi zla kha sbyor las/ snang ba 'gag pa'i le'u ste brgyad cu pa'o// // kye/ bcom ldan thugs rje thabs kyi bdag/ ye shes gdangs kyi rim pa'i snang ba ji ltar 'char// bka' stsal pa/ chos sku sgron ma yul nas ye shes lam zhon nas// chos nyid bar dor rang snang rim par rdzogs tshul ni// dang po rang bzhin rim par 'char// zla 'od shar ba lta bu ste// sku yal ba'am dkar yal 'od 'char ro// de phyir rtog pa bzhi bcu 'gag par 'gyur// de nas mched pa'i 'od gsal ni// ye shes snang ba 'ja' ltar kha dog lnga// skad cig dang po mthing kha yul du 'char// rig pa ngos gzung bral ba chos kyi dbyings// ye shes rang shar snang ba gsal// de nas skad cig gnyis pa la// dkar po yul du snang ba'i tshe// rig pa 'gag min me long ye shes chod// skad cig gsum la ser po yul du snang // rig stong dbyer med mnyam nyid ye shes chod// skad cig bzhi la 'od gdangs dmar po yul du snang ba'i tshe// so sor rtog pa ye shes gdangs su chod// skad cig lnga la ljang khu yul du snang ba'i tshe// rang snang bya ba grub pa'i ye shes gdangs su chod// ye shes mched pa'i snang ba rim gyi skye ba nam langs 'dra// chos pa rtogs pa re re zad kar chod// gzung 'dzin rtog pa med pas shes bya gud gcod med// de nang rtog pa sum cu rtsa gsum 'gag pa'o// ye shes lnga yi snang ba rdzogs nas thob pa'i 'od gsal ni// shes rab kyi ngo bo mthar phyin pa// skad cig chos nyid 'od gsal dkyil 'khor na// thob pa'i ye shes 'od gsal sku gsum lhun mnyam pa// phyag rgya ma 'gags gzhi rdzogs chos kyi sku// ye shes sgo lnga ma 'gags nyi ma shar ba lta bur thob// thob pas gsang rtog bu bdun 'gags so// de nas chos nyid bar do thob pa'i 'od gsal zhes su bya// seng ge sgra sgrogs theg dman zil gyis gnon pa nyi zla kha sbyor rgyud las/ ye shes snang ba 'char ba'i le'u ste gya gcig pa'o// // kye/ bcom ldan thugs rje thabs kyi bdag/ chos nyid bar do de nyid las// rtogs pa'i shes rab skal ldan rang shar bas// bzhi bcu rtsa gnyis rdzogs sangs ji ltar rgya// bka' stsal pa/ chos sku kha dog sna tshogs 'od 'bar bas// ngo bo nyid kyi sku las ni// bopo nyid kyi skur shar ba// 'od bum lnga la rig pa'i ye shes bzhugs// mthong ba'i gzugs yod rig min longs sku lnga// tshom bu sems dpar bcas pa rim 'jug skad cig 'char// ngo bo nyid rang dang 'dra ba rdo rje sems dpar shar// ye shes snang ba me long lta bur rtogs// des skye med chos sku'i srog kyang bzung // rin 'byung snang la so sor rtogs pa shar// ye shes so sor gsal bas dpe byad brgyad cu dang // mtshan bzang sum cu rtsa gnyis stobs ni bco brgyad ldan// stobs lnga ni byang chub yan lag rdzogs// mtha' yas rang las shar bas mnyam nyid ye shes gsal// der sangs rgyas gzigs pa bsam gyis mi khyab gsal// rnam dag zugs shar zhing khams sku gsum bcas pa mthong // 'gro drug snang ba rdul dang rdul phran gzigs// rgya mtsho thigs par bgrang dang skye gnas sdug bsngal mthong // 'gro drug rnams kyi las dang bsam pa kun kyang mthong // ngo bo nyid las don yod grub pa shar bas ni// bya ba grub pa'i ye shes rang la shar// skad cig 'khor 'das gar 'gro 'phrin las grub// ngo bo nyid las rnam par snang mdzad shar// chos kyi dbyings kyi ye shes rang la rdzogs// des sku lnga ye shes lnga rdzogs rang la rang nyid snang // des sems dpa' sems ma sgo ba rang shar gnas// man shel lta bur sku gsum phyi nang med/ rang la snang bar mdzad pas rnam snang chen pos bya'o// rig pa'i lha mo'i sgo la 'jug pa'i tshe// ye shes rig pa ma pang bu rgyug 'dra// ye shes rang snang 'dam gyi pad+ma 'dra// rang sa zin pa nyi ma'i snying po 'dra// der mkhyen pa thob pa'i drug pa rdo rje 'chang // thugs rje 'byung ba yi ge drug gi 'gro don mdzad// thub drug 'gro don zad nas sems dpa' las zad nas// thugs rje mtha' zad ye shes klong du grol// zhes seng ge sgra'i dgongs pa las/ rnal 'byor mngon sangs rgyas par bstan pa'i le'u ste gya gnyis pa'o// // kye/ bcom ldan thugs rje thabs kyi bdag/ bar do ngo bo nges tshig dang // dbye ba bye brag ji ltar lags// bka' stsal pa/ bar do ngo bo ma 'dres sku gsum la// nges tshig sems can lnga lus bor// phyi ma sems de ma blangs pas// bar na sku gsum rang shar na// rgyu rkyen med pa snga phyir bar na sangs rgyas de bos bya// dbye ba mang yang chos nyid bar do srid pa bar do'o// mtshan nyid 'byung lnga mal zha rnam shes dbyings su thim// bag chags bag la nyal// gzung 'dzin gyi rkun sgor thon// byung tshor rgyun chad dge sdig cha mnyam// de dus chos nyid bar do rang bzhin ni// rang byung dkyil 'khor nam mkha' shar zhes bya// rnal 'byor rang ngo shes pa grol ba'i sa// yun dus ji tsam gnas ngan ni// sems can tshe bral dus su yang // zhag lnga bar du bde dang ldan// de yi dus na tshor ba bde sdug bral// khyung phrug dang ni seng phrug ltar// rnal 'byor lus rgya grol zhes bya// tshe bral skye gnas mod mi len// len na sems can nyid rgyud pas// bka' lung 'gro la phan mi thogs par 'gyur// rnam shes gzhir thim snga phyi lus ma blangs// lus med phyir na sems skye srog rtsa med// lus med phyir na sems rten tsit+ta med// de yi/ phyir na sems sam sgo gsum med// de phyir sems rnga dbugs kyang med// de phyir sems kyis 'gro drug gnas mi len zhes bya// des na chos nyid bar do ye shes dbyings kyi gzhi// skyon gyis ma gos spyi yi yon tan ni// sku gsum rtogs pa ma shar mkhyen pa'i sar mi gnas// bag chags mtshams ma sbyar bas par do la mi gnas// sa lam rang sa snga bas sa dang lam mi gnas// skye ba ma blangs 'gro drug la mi gnas// mi gnas gzhi yis sku gsum rang ngor gsal// snga phyi lus med sgrib pa ma sbyangs dag/ rnam shes gzhir thim nyon mongs ma spangs dag/ skye gnas ma blangs 'khor ba ma spangs dag/ rang byung dkyil 'khor rang shar snang srid dag/ dag pa gzhi yis sku gsum dri med bstan// snga phyi lus kyi sgrib shing med// sku gsum chos nyid sgrib pa'i dbang ma song // rigs drug lus sems med pas nyon mongs dbang ma song // dge sdig sems ma bskyed pas bag chags dbang ma song // 'gro drug lus ma blangs pa las kyi dbang ma song // dbang du ma song gzhi yis sku gsum spyis bstan// 'gro drug ma blangs skye gnas bar ma gcad// bag chags mtshams ma sbyar bas par dor bas ma gcad// sa lam ma bgrod sa lam par mi gcad// bar ma gcad pas sku gsum dkyil 'khor rang sar bstan// de ltar bar do spyi yi yon tan ni// bco lnga yongs la khyab par bstan pa'o// zhes seng ge sgra nyi zla kha sbyor las/ bar do spyi yi bye brag rnam par bshad pa'i le'u ste gya gsum pa'o// // kye/ bcom ldan thugs rje thabs kyi bdag/ spyis par do ye grol gnas// gdams pa bar dor rang grol bstan// de yi gdams ngag ji ltar lags// rang bzhin gnas kyi bar do la// rgyud lung kun gyi don bkrol la// ngo sprod gsum gyis gtan la dbab// rang rig rtogs pas thag bcad nas// dgongs pa rang shar gsal ba dang // chos nyid bar dor ye shes ngos gzung la// longs sku rdo rje 'dzin par mngon sangs rgyas par bya// srid pa bar dor las kyi 'phro bzlog la// rdo rje sems dpar sems kyang gdab// blo dman skye ba phyi mar bag chags rjes grol bya// tshe bral mod du skye ba mi len pa// chos nyid bar do 'gro kun 'char nges der// skal ldan grol ba'i gdams pa bka' stsal pa// ye shes rang snang skyon med 'dam gyi pad+ma la// rig pa rang sa nyi ma'i snying po lta bur gzung // chos nyid gnas lugs snga phyi lus kyi sgrib pa med// sku gsum 'od gsal 'ja' tshon lta bu gcer bur gnas// yin lugs gzung 'dzin gzhir thim rig par gcer bu'i thugs// 'char lugs las rlung lus sems 'brel med 'od zer gcer bur gnas// gcer bu rnam gsum ma shes na// bag chags sbubs ni nyi zla gzas zin 'dra// 'khor du 'khor sa med pa gzhan snang dag pa'i rang snang shar// gol du gol sa med pa rang nyid dkyil 'khor shar// 'khrul du 'khrul sa med pa gdams ngag rtogs pa'i shes rab shar// gegs sel rnam gsum ma shes na// lam 'bras sa lam tshol byed pa// byang thang lus pa'i mgron bu 'dra// sku gsum 'od gsal ye shar bas// kun tu 'od la gnas pa'i sa// mi thob rang dbang med pa'i gnad// ngo bo sku gsum ye sangs rgyas// skye shi rgyun chod nges pa'i gnad// ye shes sgo lnga zang thal bas// mthong ba'i yul la gdams ngag rang ngo mi rtog dbang med gnad// gdams ngag gnad gsum ma shes na// gying ling sgrog tu bcug pa 'dra// 'bras bu rang sar ga la phyin// rang snang pho brang zer 'od gsal yang btab// sku gsum ngo bo'i snang bas gsal yang btab// rig pa gdams ngag rkyen du shar bas gsal yang btab// gsal 'debs rnam gsum ma shes na// me long g.ya' yis bsgribs pa 'dra// 'od zer lam ston yid ches rdeb pa'i gzer// sku gsum don chod 'khor ba ru log gzer// rang shar dgongs pa 'gyur med rgyun du bcas// ye shes sgo lnga rang ngo rang la mi gsal thabs med gzer// gzer bu rnam gsum ma shes na// ko sgyu med pa'i grub 'dra// rang snang chos dbyings pho brang ni// kun gzhi me long zad thal bas// phyi yi snang ba gzung yul med par mngon sangs rgyas// rang byung sku gsum dkyil 'khor ni// 'od gsal chos dbyings me long ste// zang thal shar bas lus kyi sgrib shing med// 'khor ba'i rtod phur med par mngon sangs rgyas// thugs kyi rig pa chos nyid rang shar bas// thugs rig pa'i me long gzung 'dzin bag chags dag/ 'gyur byed zang thal rig par mngon sangs rgyas// me long rnam gsum ma shes na// mun pa srod pa'i skar ma dang 'dra// de ltar don nyid bco brgyad kyis// rtogs pa'i shes rab thams cad mkhyen par 'char// rang gsal dkyil 'khor de la rgyu rkyen med// rang grol rig pa de la bcos ma bslad// rang shar dgongs pa sems kyis ma gzung ste// sku gsum rang sa dngos las 'bras bu'i spogs mi tshal// lhun grub ye shes de las 'pho 'gyur gnas mi sod// de yi gnad dang gzer gsum bstan pa ni// phyi yi snang ba chos nyid rang gdangs shar// 'khor bar lus sems 'tshogs sa med pa'i gzer// thugs kyi mkhyen pa ye shes gdangs su shar// gzung 'dzin sems su 'gyur mi srid pa'i gzer// gsung gi zer gdangs 'od zer zang thal bas// lus sems las kyi rlung gis sgra mi srid pa'i gzer// rang snang zad thal rtog sgrib med// rang rig rang gsal mkhyen par shar// sgo lnga 'od gsal sgrib med rang sar grol// bgrod du med pa'i grol ba'i gzer zhes bya'o// mkhyen pa longs sku ye shes rdzogs par 'char ba'i gzer bstan pa// rang gsal sku yi khyab bdal sku nyid mkhyen par shar// ngo bo nyid chos kyi sku las ni// ngo bo nyid kyi sku shar ba// rang dang mnyam bzhi lha bzhi bcur shar// rang shar thugs kyi khyab bdal rig pa'i rang gdangs mkhyen par shar// thugs dang mnyam pa'i rig pa ye shes longs sku khyab par zhugs// rang grol gsung gi khyab bdal zer gdangs chos kyi sgo mor shar// brjod med don dang mnyam pa'i sgra dang tshig/ zer 'od sgo mo brgyad khri bzhi stong 'char// sku gsung thugs kyi rnam dag mkhyen pa rnam dag phyogs med do// de ltar rnal 'byor grol ba'i sa tshad ni// chos nyid bar do srid pa'i la tshig yin// rnal 'byor rtog pa klong gyur dus mnyam bdun gyis grol// 'jug dang snang dang shes pa dang // thob grol mkhyen pa thugs rje mnyam// zhes seng ge sgra sgrogs theg dman zil gyis gnon pa'i rgyud las/ bar dor mngon sangs rgyas pa'i gdams ngag gdab pa'i le'u ste gya bzhi pa'o// // kye/ bcom ldan thugs rje thabs kyi bdag/ grol ba'i sku gsum mkhyen pa de// skyon bral dag pa ji ltar lags// bka' stsal pa/ ye shes sgrib med ma rig rang grol ba// 'od gsal zang thal shar bas rtsal gyi sgrib pa med// lhan cig skyes pa'i ma rig pa las grol// mthong ba'i yul la rtogs pa'i shes rab shar// des bag chags bsgribs pa med// bag chags rgyun med rmongs pa'i ma rig pa las grol// sku gsum dkyil 'khor rang shar bas// kun tu brtag pa ma rig pa las grol// ye shes sgo lnga zang thal shar ba yis// nyon mongs sgrib med ma rig pa las grol// sku gsum rang ngo shes pas 'khor ba yi// gting zag las dang las kyi sgrib med ces bya// sgrib pa med pa mkhyen pa rang sar bstan// de ni 'khor ba'i 'khrul pa zhig pa yin// rang snang sku gsum ye shes rtogs pas gzhan snang 'khrul pa zhig/ sku gsum skye 'jig med pas lus kyi 'khrul pa zhig/ gsung gi nyi 'od zer 'phro bas ngag gi 'khrul pa zhig/ thugs la mkhyen pa rig pas gzung 'dzin yid sems 'khrul ba zhig/ rlung gis sems sgral ba med pas 'byung ba'i 'khrul pa zhig/ srid par sbyor ba med pas skye gnas 'khrul pa zhig/ ye shes nyi ma shar bas gsal 'grib nyi nub 'khrul pa zhig/ zhag dang lo zla 'das pas dus kyi 'khrul pa zhig/ chos nyid pho brang thig ler 'khyil bas phyogs kyi 'khrul pa zhig/ ces seng ge sgra'i rgyud las/ grol ba mngon gyur sangs rgyas sgrib pa dag ste ma rig pa grol nas 'khrul pa zhig mkhyen pa thob pa'i le'u ste gya lnga pa'o// // kye/ bcom ldan thugs rje thabs kyi bdag/ gang zag skal ba zhan dang blo dman dang // theg dman blo yi bcos dang rtsol ba zhan// chos nyid par dor rtogs par ma gyur na// thabs kyi lam gyis ji ltar grol bar bgyi// bka' stsal pa/ kye rdo rje 'dzin pas nges par zungs shig/ shes rab rtogs pa'i blo can gyis// mchog gi 'od gsal chen po la// rig pa zang thal shar ba gces// de yis tshe 'dir bar do med par grol// skyes bu las dang skal ldan ni// mchog gi 'od gsal chung ngu de// chos nyid ma yi bar do la// mkhyen pa'i shes rab shar ba gces// srid pa'i bar do med par grol// blo dman par dor rim 'jug la// rig pa'i rang sa zin pa gces// des kyang sa lam med par grol// rigs drug 'khrul pa'i 'od drug la// rig pa 'gro ldog shes pa gces// de yis srid pa bar do ye shes sogs kyang thebs// de yis gdams ngag gsal 'debs dus// rig pa mngon du shar ba gces// de yis yi dam rdo rje sems dpa'i srog kyang zin// chos nyid bar do 'da' ba ni// ngo bo chos sku thugs kyi zer// yum gyi rang bzhin bum pa lnga la yid kyi 'gyu ba zhugs// dang po som nyi mtshams sbyor te// ci yin mnyam pa'i yid tsam 'grus// de nas bag chags rtog sgrib spogs 'debs te// dus kyi snyigs ma kha drag lam dang 'dra// srid pa'i skye gnas dug gi me tog 'dra// 'khor bar 'jug pa zo'i chu khyud mo 'dra// som nyi rang 'od zer las bar do 'od lus blangs// ci yin snyam pas yin min shes pa zhugs// chos nyid bar do nyi ma shar ba lta bu la// rtog pa phra ba gsang rtog bdun skyes pas// chos nyid ye shes snang ba dag pa la// nam mkha'i sprin lta bu yi srubs la byung // de las ngan rtog sum cu rtsa gsum ji rags snang // de nyid chos nyid bar do nyi ma rtog pas nam srod lta bur nub// de nas phyi rtog bzhi bcu spogs// mun pa srod pas skar ma shar ba ltar// 'gro drug grong khyer gsal ba rum cer byung // de la 'od gsal chung ngu gdams pa ye shes sogs gdab pa// 'di ni skal ba zhan dang blo dman le lo can// chos nyid bar dor rang grol ma thob na// gsang lam bsregs lam thabs kyis grol ba'i lam zhes bya// 'di la skyel bsu yin par shes pa gnad yin te// bla ma lung ldan gdams ngag skyel ma dang // rang gis nyams su longs te rtogs pa'i skyel ma dang // 'chi khar gsal 'debs grogs kyi skyel ma gces// zer gyi bsun mas 'od zer lam bstan nas// 'od lnga bsun mas zhing khams dag par skyel// sgra yi bsun ma sku gsum dkyil 'khor thob// chos nyid 'das pa yin par shes nas ni// srid pa bar do sngon gzugs srid pa'i sha gzugs can// dbang po kun tshang 'od kyi lus de la// yi chad drug 'byung shi ba dran nas skye gnas tshol// las kyi dge sdig gshin rje'i snang ba ston// de dus gdams pa yin par shes par bya// srid pa'i bar do de ni rang bzhin las// chos nyid bar dor rtogs pas ma grol na// nges par bar do 'od lus len dang gcig/ sngar gyi bag chags rtog pa dran dang gnyis// sngar dran phyis skye de rang shes pa'i shes rab gsum// yid lus 'od kyi sgo lngas 'gro drug mthong nges bzhi// sgyu ma ye shes lus yin dran gsal blo rno lnga'o// de yang sems de sku gsum brgyud nas brgyud mar gnas pa na// ci ste da ltar bag chags sbubs nas sbrul sku ste// skad cig mi grol ye shes lam la sbyangs// rin chen zang thal sbubs na chos skur gnas// skad cig dang po dang la dus mnyam rtog pas grol// longs sku sgyu ma 'od kyi sbubs la skad cig gsum gyis grol// sgyu ma 'od lus srid pa'i sha gzugs la// rtog pa rkun bu bag la nyal ba de// dran pa'i som nyi kun nas ldang ba'o// kun nas ldang ba'i yid sems de// snga phyi da lta'i rtog pa shes rab skyes pa'i dus// shin tu blo rno dran pa gsal bas na// de la grol ba'i gdams pa gsang lam bsregs lam btsal// gdams ngag nyams su blangs pa sngar shugs kyis// rang dbang dran pa mngon du 'gyur ba yin// de tshe rtogs pa khyad par skye dus yin// sngar gyi nyams len gdams ngag rnams// de tshe mi dran mi srid do// der sngar byas mi dran mi 'byung na// dge sdig las kyi 'bras bu mi 'byung dgos// las mi 'byung bar gyur pas na// las kyis 'gro drug mi 'khor 'gyur// des na bka' yi gdams pa dran par nges// khyad par rtogs pa nyams len dang ni la ba'i ngag/ dge sdig las ni shin tu gsal ba'i dus// bar do 'od lus yin pas thams cad rang gsal lo// gdams pas ji ltar lam btsal na// 'gro drug grong khyer dran pa dang // skye ba len sgo dgag pa dang // bar do yin pa dran gsal gdab// de rang sbru lus yin pa dran pa dang // gnyis med spyod pas spu lus bsgyur btub dran// des rdo rje sems dpa' yi dam lhar bsgyur ba dran pa'o// 'od lus sgyu mar shes pas gnyis su med// gar yang bsgyur du btub par shes pa'o// rdo rje sems dpar lus 'phos pas// lam pa'i rdo rje sems dpas bar do rang srog gzung // skye ba mi len bsam la skye ba 'phos pas khegs// der rdo rje sems dpa' de nyid 'od gsal sku// de rang shar dgongs pa zung zhugs pas// rdo rje rigs 'dzin sa la de nyid bsregs lam thob// sgo lnga ye shes zang thal 'od gsal las// gsang lam zung du bcug pas rdo rje lta bur thob// de la gsang lam dag pa'i gzer gsum ni// ye shes sgyu lus rdo rje sems dpa' de// rang rig gzhan rig rig pa'i thugs gsal bas// 'od gsal sgrib med ye shes spogs kyang thebs// sku gsum 'od gsal rang snang dkyil 'khor spogs kyang thebs// bla ma'i gdams pa rang shar dgongs pa spogs kyang thebs// de gang zhig rtogs se zhes pa na// byang chub sems lam rigs 'dzin sa yin pas// chos nyid can ni cha gang tshad du shar// mngon par shes dang mi rtog ting 'dzin yod// mngon par shes pas gdams ngag snga phyir shes// ting 'dzin rdo rje sems dpa' lam gyi srog kyang 'dzin// dgongs pas srog ni ji ltar 'dzin zhe na// mtshan bcas 'od lus lhar bsgyur nas// mtshan med rig pa'i 'od gsal rang grol chos// stong gsal rang shar 'gyur med dang la srog kyang gzung // 'gro drug grong khyer 'khor ba zang thal shes// des ye shes lus la skye ba gzhan mi len// bar do rten 'brel sgyu lus 'od gsal bas// 'dod pas len pa'i skye gnas gzhan mi tshol// sku gsum lhun grub rang la rtogs pa pas sa lam rang grol chod// des mchog gis 'od gsal spogs thebs mngon sangs rgyas// zhes seng ge sgra nyi zla kha sbyor las/ 'od gsal chung ngu ye shes sman du byung ba'i le'u ste gya drug pa'o// // kye/ bcom ldan thugs rje thabs kyi bdag/ chos nyid bar do ye shes lam la ma grol na// blo dman bag chags sad de skye ba brgyud nas grol lugs ji ltar lags// bka' stsal pa/ 'gro ba de yi skye gnas len lugs ni// zhag lnga skad cig lnga la chos nyid bar do la 'das na// skad cig drug la som nyi za bar byed// skad cig bdun na bar do 'od lus len// de nas yi chad shi ba rjes su dran// chos nyid bar do ye shes nyi ma'i dmar zag chad// bdun nam bcu bzhi nyi shu rtsa gcig par// kun tu tshol ba'i yid kyis dran nas thogs med skye gnas tshol// 'gyu byed nya mig tsam gyis 'khrul snang skar ma tsam pa mthong // ye shes mun srod 'gro drug 'od kyi lam// tshom bu dar 'phyang tsam lnga shar gyis 'byung // me 'od lam dmar po cog tu zhugs pa snang // mngal gyi grong khyer dug gi me tog 'dra// der tshud dga' dang bde ba las// 'dod pa'i bag la nyal nas 'dug tsa na// pha yi sa bon klad pa'i rtsa las babs// ma yi sa bon snying gi rtsa las dmar la drangs// dmar dwangs dkar 'dril srid pa'i lus la g.yogs// sngon 'byung srid pa'i lus de las kyi shugs kyis gon// pha la zhe sdang ma la chags gyur te// rang gi lus kyi chags lugs dang // dbang po don snying chags lugs shes// de ltar bar do lus zhig nas// nor bu rin chen rgya mtsho gting tu klog gis ltung // snying po'i don nyid sna tshogs 'bad pa'i sku// 'od lnga 'bar zhing zer la ldan// rig pa nyid las 'od lnga bum pa 'phro// ye shes rtsal ma rdzogs pas de la zer phran 'phro// zer nyid dkar po nya mig tsam las sa yi dwangs ma chags// zer nyid ser po chu yi dwangs ma bye'u len pa'i mgo tsam chags// brtan par byed pa sa yin te// sdud par byed pa chu yis byas// krug gis 'dres pa mar ma mer du gnas// zer nyid dmar po drod kyi drangs ma ni// me long nyi mas tshig pa'i ngang tsam byung // des lus kyi ngo bo rtsa 'dab brgyad du chags// de nas zer nyid sngon po las// rlung gi drangs ma gser sa 'og rlangs kyi ngad tsam byung // ngad de rtsa yi nang du zhugs gyur to// de nas 'og kyi drangs ma ni// dngul dkar zhun ma thigs pa 'dra ba gcig/ snying po'i don la 'ja' tshon lnga yis bskor// rtsa 'dab brgyad kyi dbus nyid du// snying po'i gnas su chags snga ba// sa yi dwangs sems snying chags so// de nas me yis dwangs mas pho mcher chags// de nas chu yi dwangs mas mkhal ma chags// rlung gi dngas mas glo mchin der chags so// tsit+ta dbus kyi rtsa ni gser gyi ba thag tsam// shel gyi sbu gu dkar 'jam khog stong nang // rig pa 'od gsal sgron mar rgyu bar byed// gro sog tsam gyi rtsa yis snying dang glo ba sgril// glo ba khog sbugs 'dod pa'i sgo gsum sbrel// kun gzhi sems kyi me long 'od lnga'i pho brang la// gzung 'dzin zer rlung zhon nas glo bar rgyu// don lnga rten bcas lus kyi khog sbubs chags par byas// de nas dbang po chags lugs bstan pa ni// snying po rig pa'i 'od zer ni// rig pa'i 'od lnga bum pa lnga ru shar// de yi zer dkar po yar 'phros pas// shel gyi sbu gus rtsa lam byas// skal pa'i rten la mig gnyis chags// dran rig zhe sdang rnam gnyis yar la rgyu// zer 'od dmar po mar la rgyus// tshor ba 'gro mdo'i rten la pho mos dbang rten chags// tshor ba'i 'dod chags gnyis ni mar la rgyus// yar mar rgyu gnyis tshom bu lte ba sbrel// snying po rig pa'i g.yas na yar// rtsa lam kham ser ngan ngan yar// lce yi rten chags nga rgyal rgyu// snying po rig pa'i g.yon na yar// rtsa lam ldang khu nang na yang // rna ba'i rten chags phra dog rgyu// snying po rig pa'i mdun na yang // rtsa lam mthing kha nang na yar// sna yi rten chags gti mug rgyu// de nas lus su grub pa ni// snying la gzugs kyi phung po skyed// pho mcher 'du shes phung po skyed// mkhal mas tshor ba'i phung po skyed// glo mchin 'du byed phung po skyed// mchin pas rnam shes phung po skyed// sa yi drangs mas rus pa chu rgyus skyed// chu yi drangs mas khrag las sha skyed do// me yis drod dang rlung gis srog rten skyed byed do// nam mkha' go phye 'byung ba'i lus su grub// rig pa'i zer 'gyus rlung gis sems kyi rta byas nas// 'byung ba'i lam rgyu rtsa byung sbubs nas dwadangs ma rgyu// snying po rig pa sems kyi sbubs tshud las rlung dbugs phyir rgyu// de ltar chu yi lha mo bum 'dzin ma yis gzugs su bsdus// me yi lha mo 'od gsal ma yis smin// rlung gi lha mo 'degs byed ma yis bteg nas gnas// de nas phyi rol mthong snang ma la skyes// sha khrag sbubs la brten nas dug gsum ngang la spyod// thugs rje lan cig las kyi 'phro sad nas// bcu bzhi lon nas dad pa rjes su dran// bla mas rjes su dran pas rgyal ba'i bka' dang phrad// lus ngag sku gsum dug lnga ye shes lnga ru rtogs// sum cu rtsa bzhi dag la chos sku chos nyid rgyas thebs te// longs sku rtogs pa'i don la rgya yis thebs// sbrul sku sgyu ma'i sa la mi rtog ye shes rgya yis thebs// grol ba'i dgongs pa rang la rang shar te// snang ba sgyu mar grol nas smig sgra tsam du bun tser 'char// nyon mongs rang grol lan tshwa chur zhu bzhin du ltems cer 'gro// sprin bral nyi ma bzhin du rig pa lhag cer 'char// shes rab spyan gyis phyir ltas snang ba'i yul ma bcings ma grol me long gzugs brnyan ltar// snang la rang bzhin med par 'dzin pa bral// shes rab spyan gyis nang du bltas pa'i tshe// nyid kyis nyid bshad nyid kyis nyid la bshad// nyid kyi ngo bor rtogs shing nyid kyis ngo bor grol// spyi mdun nam mkha' mtha' la ye shes lam du bkrol// gsang rdzogs phyag rgya chen po'i rang sa de// de nas tshe 'di'am bar do nas ni// grol ba sku gsum stobs che ba// ye shes 'od zer dag tu mya ngan 'das// 'gro ba sku gsum sa la grol bar nges// zhes seng ge sgra'i dgongs pa'i rgyud nyi zla kha sbyor las/ skye ba brgyud nas grol ba'i le'u ste gya bdun pa'o// // kye/ bcom ldan thugs rje thabs kyi bdag/ rab 'bring grol lugs ji ltar lags// bka' stsal pa/ ye shes nyi zla kha sbyor las// 'jug pa rim gyis 'ju ba las// 'char ba cig car 'char bar 'dod// zhi gnas ye shes la brten nas// rang shar lhag mthong 'char ba yin// dran rtogs de la brten byas nas// mi rtog ye shes mngon par 'char// des snying po chos min blo las 'das// 'khor 'das dag la brten byas nas// mya ngan 'das pa mngon du thob// dgongs pa dag la ma brten na// mkhyen pa'i ye shes thob mi 'gyur// tha ma grol lugs sku gsum lus rdzogs mthar// mthong ba'i yul la rtags pa'i shes rab shar// nga yi chos sku rnam dag la// thams cad mkhyen pa'i ye shes shar// longs sku ma bskyed lhun gyis rdzogs// chos sku rnam dag rang byung rtogs bral shar// 'bring gi grol lugs bstan pa ni// dang po phyi nang rtog pa 'gags// gnyis pa rang gdangs ye shes snang ba 'od du gsal// gsum pa de la skad cig gnas// bzhi pa rang snang de la shes rab skyes// bzhi bcu rtsa gnyis mngon sangs rgyas// nam mkha'i mthongs nas nyi shar ltar// rnam pa kun la mkhyen pa'i ye shes shar// rab kyi grol lugs bstan pa ni// skal ldan sprul pa'i sku yin pas// skad cig drug la mya ngan 'das// ye shes rlung gi stobs rnams kyis// gzugs sku'i ngang la chos skur skyod// tha ma gtso 'khor rim pas thim// sbrul sku 'byung lnga 'od lnga'i ngang du thim// de lnga ye shes lnga yi ngang du grol// dang po ma la shar bas ma yi ngang du zha// chos nyid ngang la shar bas ngang du thim// spyan gsum rnam dag 'gyur med gcig tu gsal// chos nyid rig pa'i ye shes gnas// phyi mi gsal ye shes nang gsal lo// bum pa nang gi mar me gsal ba bzhin// de tshe 'gyur med sku gsum rang sa zin// rab ni sbrul sku rdzogs ldan chen pos bya// 'bras bu rdzogs sangs rgyas pa'i la dor ro// zhes seng ge sgra'i dgongs pa las/ rab 'bring grol lugs kyi le'u ste gya brgyad pa'o// // kye/ bcom ldan thugs rje thabs kyi bdag/ sku gsum rol pa'i mkhyen pa ji ltar lags// mngon shes drug ldan spyan gsum 'char// chos kyi spyan gyis yar la chos sku rin chen lta bur gzigs// gzigs su med pa'i yul gzigs so// thad kar longs sku tshom bu snang ba gzigs// mar la sbrul sku gnas lugs rtogs// bag chags sbubs nas ji ltar gnas pa gzigs// snyan gyi mngon shes yar la ni// chos sku'i zhing na rtse gcig thugs kyi gleng ba gsan// thad ka longs sku brda yis gsung yang gsan// mar la sbrul sku'i zhing khams na// 'gro ba kun gyi sgra skad gsan// thugs kyi mngon par shes pa yis// yar la rin chen sbubs kyi chos sku// 'byed med shes rab 'dzin med rang gsal ba// rang snang rtog med rig pa'i 'od gsal mkhyen// zad ka tshom bu dgongs pa mi 'gag gsal// mar la sems de rtog pa so so thams cad mkhyen// gnas kyi mngon shes sku gsum bzhugs lugs ni// chos sku chos dbyings longs sku 'od snang dang // sbrul sku 'gro drug skye gnas mtho dman mkhyen// las kyi mngon par shes pa ni// sngon dang da lta phyis 'byung 'gro ba kun// ji ltar spyod 'byung las 'bras rnam smin mkhyen// spyan zhes pa yi brjod pa ni// gsal ba mi rtog 'gro don mdzad// thugs rje'i mngon par shes pa ni// 'gro drug rang rang mthun pa ru// sbrul sku yul gzigs thub drug 'chad// yi ge drug ldan sbrul sku 'char// ma sa sha a ha 'a dang drug/ rigs kyi yi ge drug ces bya// chos sku don du bzhugs pa las// longs sku spyan las yi ge sprul par 'phro// skal ldan lus dag 'du 'phro'i bar// dkar dmar rnam gnyis lus bsgyur byas// yi ge drug pos rig pa sems su brten// lus kyi rgyu la sems kyi rten shar ba// dkar dmar rig pa gnas pa ni// gnas la gnas gab lus la sems kyi tshul// des 'gro ba 'dren pa sbrul sku mdzad// 'gro ba ma lus thams cad la// rang rig ye shes khyab gnas pas// snying po 'gyur med ye shes 'gag pa med// de don nges pa'i chos kun 'gro la ston// thugs kyi dgongs pa 'gro ba kun la 'char// ston pa'i dgongs pa longs gyur nas// thugs la thugs 'dres bcud la bcud gab 'gyur// de nas 'gro bas rtogs nas grol bar 'gyur// zhes seng ge sgra'i dgongs pa las// mkhyen tshad dang thugs rje 'byung tshul gyi le'u ste gya dgu pa'o// / kye/ bcom ldan thugs rje thabs kyi bdag/ thugs rje sbrul sku mya ngan ji ltar 'da'// bka' stsal pa/ de nas skad cig drug pa la// ye shes rlung gi stobs ldan gyis// dang po gzugs sku chos skur skyod// de nas gtso 'khor rim par thim// ye shes rlung gi chos nyid ngang la spyod// de tshe 'byung ba mtshan ma rang sar grol// sbrul sku'i 'byung lnga 'od lnga'i ngang du thim// 'od lnga ye shes lnga yi 'byung lngar grol// dang po chos nyid ma la shar bas ma yi ngang du zhi// stobs ldan ma dang shugs 'chang ma// gnyis su med par sbyor bar byed// dper na nyi ma'i snying po ltar// rig pa'i rang rtsal sku dang ye shes shar// tha ma 'khor rnams gtso la sdud// gtso bo lnga yang chos sku rin chen sbubs su gshegs// rtsol dang bcas nas bskyod pa ma yin te// ngang gi 'gro ba phyir na shugs 'chang ngo // de dus chos sku rin chen lta bu ste// gdos pa can gyi chos med de// chos nyid nam mkha' lta bu dang // chos sku nam mkha' lta bu gnyis// gnyis med ye shes zang thal te// mi 'byed sang nga gnas pas 'dags byed ma// de tsam dus kya rnga ba na// rlung gis pa shes ma gsos brtan mas bya'o// de rnams mtshan nyid gcig la gnas pa'o// 'byung ba ma la zha ba'i mtshan nyid lnga// 'khrul pa'i sa chu me rlung lnga// ye shes 'byung lnga'i ye shes gdangs la 'dus// ye shes lnga yi 'od gdangs yang // rang byung 'byung ba lnga la 'dus// de tshe rdo rje gya gram bkod legs gdan// dus der g.yo ba med pa rgya gram ltar// des ni g.yos pa med par bskyod pa'o// chu shes 'khor lo brtsegs legs te// 'byed med shes rab klong gcig 'khyil// gsher ba med pa'i chu zhes bya// de nyid rnam dag dbyings nyid brtsegs legs so// dbyings kyi rnam dag yan lag ni// rig pa gsal stong dbyer med do// de yi sa na ye shes spyan ma 'gags// ye shes 'od gsal bum pa lngar shar ba// de yi snying po rigs lnga gsal bkram brdal// des na sra ba med pa'i sa brtsegs legs// kye rigs kyi bu nges par zung // rang gsal 'dzin med sa nyid la// sra ba med pa'i ngang du grol ba mi 'gyur ba// ma 'dres yongs rdzogs mchod rten ltar// bzang ngan yangs dog che chung khong snyoms pas// 'dug tshul sku yi ye shes las// snang tshul sku yi shes rab shar// rtogs pa gnyis med ye shes tshul// 'byed pa med pa'i tshul shes so// de yis dus nyid tsam na ni// tsha bcas ma yang tsha med me yi ngang du grol// rang rig ye shes gzhan snang rtog pa med// dri med rig pa 'gyur med gnas// me nyid pad+ma'i dra bas smin par byas// rig pa 'thung lnga 'das pa'i rang gdangs la// 'od las 'das pa'i ye shes dang // yid las 'das pa'i shes rab klong // nam mkha' khyab pa med pa'i gdangs can las// skye 'gag nub pa med gnas pa// rgyal mtshan rtse mo ltar du mthar bskyal lo// de ltar 'byung lnga dbyings dang ye shes dbyer med shar// de nyid de yi ngang du dag cing thim// so sor rtog pa'i ye shes las 'das shing // gzigs snang yul las 'das nas gnyis med pas// ye shes rtse gcig dang las gsal ba las// ye shes spyan gyi ngo bo rnam par dag/ de tshe shes rab spyan dang chos kyi spyan// ye shes spyan gsum ngo bo dag nas gcig tu 'khyil// kye rigs kyi bu nges par zung zhig/ ye shes dbyings su thim pa yang // stong pa byang chad ma yin te// chos dbyings ye shes thig le la// gsher med chus med nang du bsdus// sku dang ye shes nang gsal dang du gnas// shes rab mkha' la 'khyil ba zhes su bya// rgyas par bstan na mtshan nyid bzhi// sku dang ye shes dbyings thim nas// rig pa rang gsal dbyings na ma 'gags pa// ngo bo thim la ma rmugs pa zhes bya// ma rmugs sems rtog rnam dag ste/ rang snang ye shes 'od gsal la 'das na// gzhan snang rtog 'dzin mi mnga' dag/ 'byed pa med pa'i shes rab 'gag med pas// rig pa'i yon tan rang gi klong gsal ba// yum gyi bum pa lnga na ye shes sku lnga gsal// rang snang gzhan snang dag kyang ma 'dres so sor gsal// rig pa'i rang sar gnas pa chos sku'i ngang // stong nyid rdo rje lta bu'i sku thob nas// chos sku'i klong na ye shes longs sku ye shes spyan// ma 'gags gsal bas sku gnyis rgyan du che// g.yung drung lta bu tshe la ni// 'byed med shes rab klong gcig 'khyil// thun med thun chen gcig gi ngang du grol// rgyun gyi ting 'dzin rtse gcig ngadang la gnas// de tshe yul gnyis snang ba las grol nas// rang snang gzhan snang rtog pa ngo bor dag/ sku gnyis 'das nas rin chen sbubs nyid gcer bur gnas// sman gnyis 'das nas ye shes rtse gcig go/ shes rab mkha' la 'degs pa yis// ma bskyod shugs kyis bskyod pa yin// 'byung ba ma la zha ba yis// mtshan ma rang sar grol bar byas// ye shes dbyings su thim pa yis// rtsal stobs bzhi la thim par ston// shes rab mkha' la 'khyil ba yis// sku gsum ye shes nang gsal lo// rig pa rang sa zin pa yis// dgongs pa 'gyur med mtha' ru skyol// der sku gnyis chos skur mya ngan 'das// mya ngan 'das pa'i ngo bo ni// ngo bo mi gnas ye shes chen po yin// nges tshig sdug bsngal mtha' las 'das pa ste// mi rtog bde chen gnas pa'o// dbye ba zag bcas mya ngan 'das// zag med mya ngan 'das pa'o// mtshan nyid mtha' bzhi las grol 'das// 'khor ba'i chos la mi gnas grol ba'i ngo bor shar// grol ba rang ngo so so ste// rang gdangs chen por gsal ba yin// lus las grol ba'i ngo bo ni// rtog med rig pa'i gnas lugs yin// rig pa grol ba'i ngo bo ni// rtsol ba'i chos las rab 'das shing // 'khrul pa gsum gyis ma bcings grol// dper na sbrul mdud bor ba'am// rnga ma dag pa'i mdud pa bzhin// ngo bo nyid las ngo bor grol// sku gnyis ye shes klong bskyod pa// rdzogs sangs rgyas pa shes su bshad// seng ge sgra nyi zla kha sbyor las/ sbrul sku mya ngan 'da' bar bstan pa'i le'u ste dgu bcu pa'o// // gnas gsang chen dur khrod rol pa der// me ri 'bar ba'i brag phug na// gzhon du dpa' bo stobs ldan des// lag na rdo rje nyer gnas byas// rtse gsum mkha' 'gro rol mo dang // Da ma ru yi sgra dbyangs dang // ka pA la yis zhal bu dang // bdud rtsi lnga dang sha lnga longs spyod dang // rus pa'i rgyan gyis mtshon nas ni// 'khor gyi mkha' 'gro bsdu ba mdzad// byang chub sems dpa' rnam drug dang // mkha' 'gro phyi nang 'khor bsdus pa// mkha' 'gro pu rna nye bar zhi ba dang // mkha' 'gro tshangs pa dud mgrin ma dang // drang srong chen po zla 'od dang // khyung gi sder mo can dang bzhis// de rnams yon bdag byas nas ni// snang ba ston pa dam pa'i chos// bdud rtsi yang zhun thigs pa 'di bshad do// rgyud 'di ni seng ge sgra sgrogs dgongs pa theg dman zil gyis gnon par yang zungs shig/ ye shes zung 'jug nyi zla kha sbyor zhes bya bar yang zung / ngo spyod ston nyi snang ba'i sgron mar yang zung / sku gsum mngon rdzogs rgya rtag gser gyi me long bya bar yang zungs shig ces rgyud gtad pa'i le'u ste dgu bcu gcig pa'o// // mkha' 'gro rdo rje zhe sdang ma dang // nga rgyal rdo rje ma dang / gti mug rdo rje ma dang / 'dod chags rdo rje ma dang / phrag dogs rdo rje ma dang / byang chub sems dpa' 'khor shugs can dang / stobs kyi glang po dga' byed gzhon nu/ ting 'dzin bzang po/ lag na rin po che/ lag na cod pan// lag na rdo rje la sogs/ gser 'od dam pa sgra sgrogs pas thugs so sor tshim nas dga' mgu yi rangs te/ mgrin gcig tu thabs kyi rgyal pos yang gsang rgyud bshad pa/ e ma ho/ sangs rgyas ma bkag ma sbyangs par// ma btsal bde chen dang la grol ba ngo mtshar ro// 'di tshig kun la bshad pa'i thugs rje yis// thabs mkhas thugs rje stobs mnga' byams pa khyod la 'dud// e ma thugs rje thabs kyi bdag/ snying po gsang ba don gyi rgyud gsungs pas// snod kyi 'jig rten dbyings su dag/ bcud kyi sems rtog ye shes rig par grol// lus ngag yid gsum sku gsum ngo bor dag/ dug lnga ye shes lngar shar nas// bdag cag rnams kyang mi gnas ngang du mchi// zhes mi rtog pa'i ngang du gshegs so// ston pa rdo rje sems dpa' la/ zhu ba po phyag na rdo rjes zhus/ dga' rab rdo rjes mjug bsdus so// seng ge sgra'i dgongs pa nyi zla kha sbyor las/ rjes su yi rangs bstod pa'i le'u ste go gnyis pa'o// // paN+Di ta bi ma la dang lo tsa ba gnyigs ku mA ras mchim phu bre'u dge'ur bsgyur cing zhus te gtan la phab pa'i rgyud/ seng ge sgra'i dgongs pa nyi zla kha sbyor zhes bya ba'i rgyud/ yang gsang rmad du byung ba bklags pas go ba'i bshad rgyud rdzogs so// // gsang / gsang / gsang rgya rtags// /