བོད་ཡིག

e-texts produced with BDRC’s OCR application

rgya gar skad du/ ma hA sa ma ya rA tsa sarba ka ta tan+t+ra/ bod skad du/ dam tshig chen po'i rgyal po dam tshig bkod pa'i rgyud/ dpal 'da' ba med pa'i kun tu bzang po la phyag 'tshal lo// de nas bcom ldan dgyes chen la// rdo rje sems dpas 'di skad gsol// rnal 'byor kun gyi rtsa ba mchog/ dam tshig sa gzhi bstan pa las// nges par gsungs pa khyad par che// ho/ e ma ho rab tu blo ldan gyis/ nges pa'i lung du bstan pa ni// snga rabs 'das pa'i sangs rgyas kyang // dam tshig 'di la brten te byung // da ltar bzhugs pa'i sangs rgyas kyang // dam tshig 'di la rab tu gnas// slad kyis 'byon pa'i sangs rgyas kyang // dam tshig 'di la rab tu bsgrub// de phyir kye kye bcom ldan 'das// dam tshig rtsa ba bshad du gsol// de skad gsol ba'i tshig gsan nas// mngon rdzogs rgyal pos bka' stsal pa// rdo rje sems dpa' sems dpa' che// legs 'os bu la bstan par bya// dam tshig rtsa ba 'di dag rnams// legs par yid kyis mnyan par gyis// 'di yang sku gsung thugs su bstan// sku yi dam tshig ma g.yos pa// gsung gi dam tshig ma yengs pa// thugs kyi dam tshig ma 'gyur ba// sku yi dam tshig pha ma dang // lus srog bskyed dang 'jig rten ston// ma rig dbang po sgo 'dren pa// mkhan po slob dpon rdo rje mched// man ngag rgyud lung nges don ston// dus gsum mi 'bral dam pa'i grogs// rgyal theb karma las kyi ging // las dang bskos nga mig mthar 'byin pa'i// nges pa'i rnam grangs 'di dag la// ngan sems dbye sems mi bya ste// kye'u chu rgyu dang brnyas pa dag/ bre mo gtam du'ang zur mi bya'o// nyams pa phung ba'i rgyu yin pas// ngag gis de ltar bya ba min// lus kyis bya ba'i rim pa yang // brdeg dang bsnun dang bsad pa dang // glang po lus kyis 'gal ba rnams// dngos kyi bya ba ci smos kyis// rtsed mo'i las su'ang bya ba min// yid kyi bsrung ba'i rim pa yang // brnyas dang sku dang phrag dog rnams// se gol yun du'ang bya ba dang // cung zad yun du bsam pa min// chos nyid dbye bsring med pa dang // byang chub sems su gcig pas na// thams cad kun tu bsrung ba dang // yun du 'di las 'da' mi bya'o// des ni thar pa chen po thob// kun tu bzang por gdon mi za'o// gang zhig 'di dag mi bsrung zhing // nyams par byed pa gang yin pa// sa bon me yis tshig pa bzhin// 'bras bu med cing nyams par 'gyur// gsung gi dam tshig chos nyid dang // sngags dang phyag rgya la sogs pa// rgyun mi gcad par bzlas pa ste// rab kyis chu bo'i rgyun bzhin du// mi drag mi bum mi zhan par// dus gsum du ni rgyun med par// ma yengs pa yi ngag gis bzlas// 'bring gis dus bzhi gnam stong dang // khyad par nya dang tshes brgyad rnams// dus la bab par rgyun med bzlas// tha mas zhag grangs bdun rnams sam// khri 'bum brgya stong gar nus par// tha na nyi shu rtsa gcig gam// yang na bdun gyi bar rnams su// de tshe g.yeng bas par mi gcad// de yang lus ngag yid gsum gyis// de tshe bar chad med par bzlas// de rnams ma nyams gtsor gzung na// sangs rgyas byang chub gdon mi za// 'di rnams nyams na don med pas// de ni phyal ba mya ngan snon// dngos grub 'bras bu yongs mi 'grub// thugs kyi dam tshig sde snod dang // kun bzang bka' dang nges pa'i don// gsang ba chen po bcu po dang // man ngag chen po gzhan la mi spel ba// de yang ngag lus sems rnams te// lus kyi spyod pa brlang gsang zhing // ngag gis rdo rje lce yod kyang // brjod pa dag tu bya ba min// dbang bskur gnas pa gang thob nas// snod dang ldan pa'i skyes bu la// thabs kyis smra bar gang byed pa// de ni bsrung ba'i rim pa ste// dngos grub 'bras bu chud mi za// 'di dag nyams na bka' 'chal zhing // sangs rgyas byang chub snod min pas// de tshe 'bras bu mi 'thob bo// dam tshig thams cad kyi rgyal po sa ma ya bkod pa'i rgyud las/ dam tshig gsum gyi rtsa ba bstan pa'i le'u ste dang po'o// // rdo rje sems dpa' gzhan yang de bsrung ba'i rim pa ni/ grangs med brjod kyis mi lang ba 'di yid la zung zhig/ sku'i dam tshig bsrung ba yang yi dam gyi lha dang / rdo rje slob dpon dang / dus gsum gyi pha ma dang // mched dang lcam dral dang / gsang ba'i don spyod pa mtha' dag la bsrung ba ste/ de la yi dam gyi lha la bsrung ba ni/ yi dam gyi lha dang por bsgom par nod nas rab kyis nyin dang mtshan med par yi dam gyi lha'i ting nge 'dzin du gnas shing / sngags brjod cing dam bcas pa las mi 'da' bar bya ba dang / 'bring gis nyin mtshan thun du de bzhin du bya ba dang / tha mas kyang lo dang zla ba la dam bcas pa las mi 'da' bar bya ba dang / tha na yang ming tsam yang yid la mi brjed par bya ba dang / phyi dang nang gi mchod pas dus thams cad du ci nus su mchod par bya ba dang / tha na nang nub kyi 'tsho ba'i yo byad ci yod pas kyang mchod pa dang / nyes byas dang nyams chag yod na yang yid dam gyi lha de mdun du zla ba'i dkyil 'khor gyi steng du bzhugs su gsol la 'gal 'khrul mi 'chab par bshags pa dang / sku gsung thugs kyi dngos grub yid la ji ltar 'dod par nod par bya'o// de bzhin du rdo rje slob dpon rnam pa lnga dang mkhyen pa can mtha' dag dang / tha na tshig gi le'u gsum ston pa yan chad la rnal 'byor pa'i longs spyod ci yod pas mchod cing dbul ba ci smos kyis/ tha na lus kyi phyag gsum dang / yid kyi gdung gsum dang / ngag gi tshig gsum du bcas pas dus thams cad du dbul ba dang / mtshan nas brjod cing mchod pa dang / bka' las mi 'da' bar bya zhing nges pa'i don zab mo zhu bar bya'o// dus gsum kyi pha ma ni lus las bcad nas 'jig rten gsal bar ston pa'i drin can yin te/ pha ma rnam pa lngar bstan pa kun la yang dngos su yod pa la bkur ba dang / 'das shing med pa la smon lam sna tshogs gdab pa dang / yid kyis mchod pas mchod pa snga ma bzhin no// mched lcam dral lnga la yang gong ma bzhin las khyad par brtse zhing gdung bas gzhi bzung / mi 'bral zhing log pa'i lam bkag cing / legs pa la gdab pa dang / dge ba la bskul zhing mi 'bral ba'i smon lam rgyas pa dang / mchod pa khyad par gong ma bzhin no// de rnams mchod pa yang spyir sangs rgyas thams cad la mchod pa ci phul kyang / dang po nye bar len pa'i lha bzhi ma mchod na/ phyogs bcu dus gsum gyi sangs rgyas gang la phul yang mnyes par mi 'gyur zhing / bzhes par mi 'gyur te/ de ci'i phyir zhe na/ nye bar len pa'i lha bzhi'i gong na sangs rgyas gzhan med cing / sangs rgyas thams cad nye bar len pa'i lha bzhi la brten nas sangs rgyas te/ de yang gang zhe na/ bsod nams nye bar len pa'i lha 'phags pa dkon mchog gsum dang / dngos grub nye bar len pa'i lha yi dam gyi lha dang / yang dag pa'i 'bras bu nye bar len pa'i lha rdo rje slob dpon dang / mched lcam dral dang / lus nye bar len pa'i lha dus gsum gyi pha ma'o// de ci'i phyir lha zhes bya zhe na/ thams cad du legs pa sbyin pa la ni lha zhes bya la/ bar du gcod pa thams cad bdud kyi rang bzhin pas/ 'di ni lha yi yang lha ste/ gnyen zhing byin che ba las sangs rgyas thams cad kyis ngang la 'di mchod par bsngags te/ bdag gis ngang la mchod par bya ste/ don de bzhin du dam tshig las mi 'da' bar byas na rtsa ba'i dam tshig ma nyams na dam tshig thams cad kyang mi nyams la/ nyams na yang de bzhin dang du blangs na skong nges te/ kun tu bzang po dbye ba med pa'i sar gyur pa/ gzhan rtogs shing bsgrubs par ma grub kyang / sangs rgyas thams cad kyi bdag nyid pa'o// zhes kun tu bzang pos gsungs so// gsang ba'i don spyod pa mtha' dag ni/ 'jig rten gyi khams gang na sngags kyi don spyod pa mtha' dag dam tshig gnyen po la gcig tu gnas shing // gang nyams na yang de skongs par gyur cig par spyir smon lam 'debs pa dang / dang po 'jug pa'i sgo dang / bar du sgrub pa'i thabs dang / tha ma grub pa'i 'bras bu thams cad gcig pas/ thams cad la bdag nyid kyi bu dang 'dra bar nyes na bcos pa dang / legs pa'i lam bstan pa dang / gsang ba'i don zab par spyod cing bar chad med par grub cing mthar phyin par gyur cig par smon lam gdab pa dang / kun la nyams na mi rung zhing phung bar 'gyur ba dang / nyes legs kyi skyon yon dang gdams ngag legs par bstan pa la sogs pa 'di las 'byung ba bzhin ma nor bar byed pa ni/ sku'i dam tshig bsrung ba'i rim pa ste/ rdo rje sems dpa' yang dag pa'o// gsung gi dam tshig bsrung ba'i rim pa yang / skyes bu brtson pa rab dang ldan pas sgom sgrub kyi 'phrin las thams cad la brtson pa mgo la me shor ba bzhin bya ba dang / yun bsring ba chu bo chen po'i rgyun bzhin du ngal dub dang skyo ngal med par bya ba dang / de yang lung ngag yid kyis skyes bu dar ma'i gzhu brdungs pa bzhin btang nge 'bad nas bsrung ba'i rim pa'o// de yang ngag gis bsrung bar bya ba ste/ mi nyams pa rnam gsum la/ lha chos dang / mi chos dang / bka' chos dang gsum mo// lha chos ni sngags dang / phyag rgya dang / 'phrin las kyi go rims dang / ting nge 'dzin rnams dang por rdo rje slob dpon khungs can ma yin par gar song song du ras chod dang / bka' rkun dang / sgyu thabs dang / dad pa med pa'i nan che ba dang / dbang ma thob par gzhan la spro ba dang / don ma phyin par nga mkhas la sogs pa bka' dang 'gal zhing bdag nyid la gnod cing 'phung bar bya ba ma yin no// mi chos kyis bsrungs pa ni/ bka' gsang gcig tu spyod cing mthun pa lta ci smos kyi/ sangs rgyas kyi bstan pa la gnas pa'i rgyu 'bras kyi theg pa la zhugs pa thams cad la/ mthun pa la dbyen mi bskyal la/ mi mthun pa la ris mi gzung / rtsod pa can la zur mi gso/ 'gal ba rnams la byams pa mi sgom/ dgongs pa can la dpyas mi gdags/ dge ba can la thugs mi dkrug nyes par spyod pa la legs par mi brjod/ gzhung ngan pa la mi chos lha chos kyi bro dam pa gdab/ gzhan gyis ma smras shing nyes pa med pa la nyes sam smras zhes mi brjod pa'o// bka' chos chos kyis bsrung ba ni/ gsang ba'i las dang / gsang ba'i tshig dang / gsang ba'i spyod pa ngag gis gzhan la mi smra ba dang / slob dpon dang mched kyis gnyer du gtad pa gzhan la mi smra ba dang / dang por slob dpon gyis ji ltar dam phog pa las mi 'gal bar bya ba dang / lung pa gcig pa'i phyogs rnams kyis gcig sbrang gcig gis byas la ma nyams par bya ba dang / nyes pa dang 'gal 'khrul shor na gsang zhing mi bcab par gnod 'gyod dang chas pas nyes pa bcos shing nyam pa bskang pa dang / ngag gis ci smra yang chos dang mthun par smra ba las ma rtogs par 'gal ba can du mi smra ba dang / de bzhin gshegs pa'i bka' mtha' dag las 'byung ba la mi nyams par smra ba ni/ yang dag par rdzogs pa'i sangs rgyas kyi tshig gi don las ma gol ba'o// thugs kyi dam tshig bsrung ba'i rim pa yang gsang ba'i don mtha' dag las mi nyams pa yang yin na/ khyad par du gsang ba'i spyod pa glang po thams cad dam med pa dang / ma 'dres pa lta ci smos kyi/ 'dres pa rnams la yang nan tan dang chas par bya ba dang / de bzhin du rdzas dang / lag cha dang / dkyil 'khor la sogs pa yang de dang 'thun par bya ba dang / zab mo dang / tan+ta'i don rnams spun du re zhing gtsam la 'phyar bas/ nyan thos dang lta ba dman zhing snod ma yin pa rnams la ming tsam yang cha med par bya rgyu la/ smra zhing ston cing cha re re nas ngoms par byed pa rnams ni bka' chad kyi gnas yin pas ma gtogs/ lo dang zla bas snod bcud brtags nas ston par byed pa ni/ bsrung ba'i rim pa'o// 'phyar pos gsang mi thub pas brten zhing nges 'byung che ba'i 'khor btsal ba dang / le los mthar mi phyin pas brtson 'grus kyi sa gzhi gzung ba dang / mtshan ma ngan pas nyams par 'gyur bas rang bzhin bzang po las zla btsal ba dang / kun gyi thun mongs ma yin pas rigs rgyud bzang ba las grogs bsdu ba dang / thugs rje'i rgyun zag ring bas dang ring zhing dad pa che bar bya ba dang / sems can dar skad zung bas bka' mi sun par bya ba'i don dgrol ba dang / dam las zlog pa 'byung bas thabs glang po mi bstan pa dang / tshul snyoms zhing nyams grod len pa 'byung srid pas bka' btsal legs par bya ba dang / ras chod dang gzu lums can gyi don du gsang sngags mnyen zhing nyen che bar bstan pa ni/ thugs kyi dam tshig bsrung ba'i rim pa'o// gzhan yang sems dpa' chen po sku gsung thugs kyi dam tshig la grangs brjod kyis mi lang yang / spyir sku'i dam tshig lus kyis mi nyams par bya/ gsung gi dam tshig ngag gis mi nyams par brjod/ thugs kyi dam tshig sems kyis mi brjed par gzung ba ni/ bsrung ba'i rim pa'o// dam tshig thams cad kyi rgyal po dam tshig bkod pa'i rgyud las/ sku gsung thugs kyi rtsa ba bsrung ba'i rim pa'i le'u ste gnyis pa'o// // rdo rje sems dpa' gzhan yang dam tshig 'di dag nyams pa'i snga rtags ni/ sku'i dam tshig nyams pa'i snga rtags ni/ 'jig rten gyi khams 'dir yang mdze dang / shu ba dang / 'brum bu la sogs pa nad ngan rnam pa sna tshogs byung nas/ skye bo yongs kyis spangs pa dang / nye drung la sogs pa rnams dang 'grogs shing rtse ba'i dbang med de/ mi yongs kyis smad par 'gyur/ de'i tshe dus ma yin par 'chi zhing / shi nas kyang sems can dmyal ba zhes bya ba'i nang nas kyang / gting khung rdo rje dmyal ba zhes bya ba shin tu dmyal ba gang gis kyang de la ni sdug bsngal sngo bar dka' la/ de la ni tshe'i tshad kyang med de thams cad du 'thon mi srid pa'i phyir ro// rdo rje sems dpa' gsung gi dam tshig nyams pa'i snga rtags ni/ 'jig rten gyi khams 'dir yang / bgegs stong phrag brgyad cus glags 'tshol ba dang / nad bzhi brgya rtsa bzhis skabs 'tshol ba dang / ye 'grogs sum brgya drug cus bar du gcod pa dang / lkugs shing dbang po rmongs pa la sogs pa'i nad sna tshogs byung nas/ gsang ba'i bka' nub pa dang / gang zag rnal 'byor pa sgyid lug nas/ de'i tshe bar chod kyi bgegs kyis glo bur du 'chi zhing / shi nas kyang dmyal ba de'i gnas su yang gong ma bzhin du skye bar 'gyur ro// rdo rje sems dpa' thugs kyi dam tshig nyams pa'i snga rtags ni/ 'jig rten gyi khams 'dir yang mthu dang rdzu 'phrul chung zhing / skyo ba dang / 'bog pa dang / brlam pa dang / 'chal zhing nyams pa dang / dbang po mi gsal zhing mig long pa dang / rna ba 'on pa dang / lkugs pa la sogs pa byung nas/ mi nag mang pos 'phyas pa dang / mu stegs dang log pa'i phyogs kyis ya ka 'dogs pa dang / nyan thos la sogs pa theg pa 'og ma skur ba 'debs shing / bka' 'di dag sun byung bar gyur nas/ de'i tshe 'phral du 'chi zhing / shi nas kyang yang sems can dmyal ba la sogs pa de rnams su skye'o// de rnams su skyes pa'i tshe/ de la tshe'i tshad med pas/ 'dzam bu gling 'di dag 'pho zhing 'jig na/ gling gzhan na rdo rje dmyal ba yod pa der yun cung zad tsam yang ma lon par phyin par 'gyur ro// de bzhin du bskal pa ther 'bum du las kyi dbang gis 'khor ro// des ni na ba dang tsha ba'i sgreng 'don par mi nus te/ shin tu 'gyod pa drag po skyes na bskal par re la na tsha'i sgra phog re cig 'byin par nus so// dam tshig thams cad kyi rgyal po sa ma ya bkod pa'i rgyud las/ rtsa ba'i dam tshig nyams pa'i snga rtags bstan pa'i le'u ste gsum pa'o// // rdo rje sems dpa' gzhan yang yan lag gi dam tshig bsrung ba 'di yid la zung zhig/ spyad par bya ba'i dam tshig lnga dang / mi spang ba'i dam tshig lnga dang / dang du blang ba'i dam tshig lnga dang / shes par bya ba'i dam tshig lnga dang / grub par bya ba'i dam tshig lnga la sogs pa'i sa ma ya 'bum sde'i bsrung ba'i rim pa ni/ ji snyed du brjod kyang brjod pa'i mtha' las 'das te/ chu thams cad kyi thigs pa nas bgrang bar nus kyis/ dam tshig gi grangs 'di dag brjod par dka' ste/ bskal ba dpag tu med par bstan kyang mtha' med de/ de dag las rnal 'byor skal pa dang ldan pa rnams kyis nges par bsrung ba ni 'di dag go/ rnal 'byor sngags kyi spyod pa dag/ chos ma mthong ba ci smos kyi// dam ma 'dres pa rnams la yang // zur yang bstan par mi bya zhing / dngos su bstan pa ci smos kyi// tshig gi zur du'ang gleng mi bya'o// bdag cag rnams ni 'di ltar spyod// de bzhin smra bar gang byed pa// de ni nyams pas dmyal bar skye// gsang sngags chos kyi tshig rnams kyang // skye bo byis pa la sogs dang // de bzhin dam med thams cad la// bshad par bya ba ci smos kyi// tshig 'ga' 'ang thos par yong mi bya// rdzas dang lag cha la sogs dang // phud dang gtor ma tshogs rnams dang // phur pa me mar snod la sogs// de dag mthong bar mi bya'o// rnga dang dril bu la sogs sgra// skye bos thos par yong mi bya// gang zhig nyan cing lta 'dod pa// rdul chags skyes bus de bskrad do// gzhan yang yan lag gi dam tshig ni// gong ma'i rtsa ba nyid las 'di dag 'byung ba'i phyir yan lag ste/ de yang spyad par bya ba lnga ni/ gzungs ma mtshan dang ldan pa la thams cad skye ba'i rgyu ye nas chen po yin pa'i phyir/ rtogs pa dang ldan pas dngos grub kyi rgyu dang rkyen du spyod pa ni sbyor ba'i dam tshig go/ 'di dag skyon du bltas nas spong ba dang / gsang med par 'chal ba spyod pa ni nyams pa'o// zhing bcu thugs rjes bzung nas/ gnas dag par ting nge 'dzin gyis spor ba ni sgrol ba'i dam tshig go/ de ma yin par srog la mi 'dzem pa dang / snying rje dang bral ba ni nyams pa'o// gsang ba'i don drang por smra ba ma yin zhing / phan pa'i chos su 'gyur ba'i brdzun smra ba'i ni dam tshig go/ gnas skabs med par rang rgyal dang gzhan la gnod par smra ba ni nyams pa'o// sdig can rnams kha 'thun par log pa'i lam du khrid pa dang theg pa chen po las dma' ba'i rigs su khrid pa dang / gsang sngags la sgra 'dod pa rnams 'byed par byed pa phra ma pa'i dam tshig go/ mthun pa dang / mdza' gnyen dang / mkhan 'khon med pa 'byed pa ni 'phra ma'i dam tshig nyams pa'o// bka' las 'gal zhing mched las 'khus pa dang / slob dpon dang / mched dang / gnyen dang / 'khor dang / 'dul ba'i dus la bab pa rnams log cing 'gal ba byed pa la zhi ba dang des dad pas ma 'dul na ngag brlang pos 'chos pa dam tshig go/ 'gal ba med pa dang thub tshad la ngag brlang por smra ba ni nyams pa'o// mi spang ba lnga la/ 'dod chags chos nyid ting nge 'dzin la chags pa dam pa'o// 'dod pa dngos la chags pa nyams pa'o// zhe sdang log pa dang gol ba la sdang ba dam pa'o// mnyes pa dang thub pa la sdang ba nyams pa'o// gti mug phyogs ris med cing ci la yang mi rtog pa dam pa'o// bstan pa nyan mi shes par dge sdig la 'dzin pa med par nyams pa'o// nga rgyal bdud kyis bslu bas mi tshugs shing rdo rje theg pa sran 'dzugs pa dam pa'o// bden pa med par log pa'i phyogs la nga che ba nyams pa'o// phrag dogs chos nyid la gal mi 'dzugs shing / yang dag pa la 'dzin rtog ming yang med par gnas pa dam tshig go/ gzhan nyes pa med pa dang / grogs mched la phrag dogs pa nyams pa'o// dang du blang ba lnga la// dam rdzas lnga po chos nyid la rtog pa med pa dang / rang bzhin gyis grub pa'i mthu yod pa dang / ye nas bdud rtsi yin pa dang / skyon yon tan dang / dug bdud rtsi yin pa dang / de nyid dngos grub chen po'i rgyu dang rkyen yin pas gsang sngags sgrub pa'i thabs dam pa spyod pa dam tshig go/ rtogs pa dang ting nge 'dzin du mi ldan zhing / gsang ba med par byol song bzhin du bab tshol du spyod pa ni nyams pa'o// shes par bya ba lnga la/ phung po lnga dang / 'byung ba lnga dang / yul dang / dbang po dang / rnam par shes pa dang / phyin ci log bzhi dang / 'jig rten drug dang / yul dang / rig pa thams cad ya nas rdo rje dbyings kyi dkyil 'khor yin par shes pa dang / phyin ci log lnga sku lngar shes pa dang / pho mo yab yum thabs dang shes rab tu shes pa dang / lus ngag yid gsum sku gsung thugs su shes pa dang / phyi nang snod bcud chos kyi skur shes pa ni dam tshig go/ 'di dag rang rgyud dang // phyogs ris dang / 'dzin rtog gis dngos por spyod pa ni nyams pa'o// bsgrub par bya ba lnga ni/ shes par lnga po de nyid shes pa'i sar mi gzhag grub pa bya dgos pas/ sngags dang / phyag rgya dang / ting nge 'dzin las su bya bas skra la me shor ba bzhin du lus ngag yid gsum gyi sgo nas thag bcad de/ rtsol zhing rtsom la sgrub pa ni dam tshig go/ de la snyoms las dang / le lo dang / phyi bshol dang / long yod dang / chang dbang dang / gnyid dbang dang / rkyen dbang du gtong ba nyams pa'o// dam tshig thams cad kyi rgyal po sa ma ya bkod pa'i rgyud las/ yan lag gi dam tshig bsrung ba'i le'u ste bzhi pa'o// // rdo rje sems dpa' chen po yan lag gi dam tshig bsrung ba'i rim pa ni spyad par bya ba'i dam tshig lnga ni/ 'dul ba'i dus la gar bab par rim par shes par bsrung / mi spang ba lnga ni nyin dang mtshan med par bsrung / dang du blang ba lnga ni dus bzhi dang dus drug tu bsrung / shes par bya ba lnga ni thog ma nyid nas bsrung / tha ma lnga'i grub par bya ba ni/ 'jug tu dus dang rgyun med par bsrung ba'o// de yang lus ngag yid gsum gyi zag bcad de bsrung ba'o// dam tshig thams cad kyi rgyal po sa ma ya bkod pa'i rgyud las/ yan lag gi dam tshig bsrung ba'i rim pa'i le'u ste lnga pa'o// // rdo rje sems dpa' yan lag gi dam tshig 'di dag dus 'di yi tshe na ma rtogs pa rnams nyams la/ rtogs pa rnams yang dag pa'i don las mi nyams par 'gyur la/ rdo rje sems dpa' dus nam zhig gi tshe na yan lag gi dam tshig 'di dag rnal 'byor pa ye nyams chen por 'gyur te/ rgyal po chos nyid la mi phyogs shing bsod nams kyi skal ba chung ba dang / dmangs dang skye bo 'phral gyi 'du byed kyis phugs ring bar lta mi shes shing / bsod nams zad pas sngags la nyams sod pa dang / rnal 'byor ba la 'phya zhing skur ba dang / srog la mi lta bar sdig smin pa'i skye bo gsod cing 'phrog pa mang ba dang / gang zag rnal 'byor gyi sngags che ba'i khyad par tsam la brten nas khe grags dang phral gyi 'dod pa tshol ba'i phyir/ skye bo 'khrul pa rnams bsdigs shing spa bkod pa'i phyir/ rnal 'byor gyi rdzas dang lag cha gsang ba'i rgyu rnams mngon du bstan te phyung / gsang sngags kyi don spyod pa rnams kyis kyang gsang bar ma byas shing kun la cha yod byas pa dang / sngags kyi yang dag pa ma rig par skye bo ma rig pa drang par 'dod pas/ tshom bu la sogs pa sngags kyi spyod pa bstan cing bsdus nas/ de dag la yang dag pas nges pa'i don ma bstan par spyod pa rtsing po dang / 'phral gyi drag shul dang / srin po tho co la sogs pa byas pas/ grub pa'i 'bras bu log par gol te/ de nyid gsang sngags kyi rgyus mkhan chen por byas te/ gsang sgo 'chol ba dang / dbye gsal med pa dang / kun gyi dpya sla bar song ba dang / kun la cha yod pas smod cing skur pa 'debs pa dang / yang dag pa mnyam pa nyid mi shes pa'i gang zag pa phal pa rnams rang che bar 'byin par 'dod pa dang / gzhan thabs kyis smad pa'i phyir/ ming 'dogs shing mtshang tshig la sogs pa rnams smra bar byed ba dang / rang gi rig pa nang nas ma shar bas/ bdag nyid kyis bsgrub par 'dod pa'i phyir/ dam tshig gcig pa'i grogs pa dang 'thab cing / skye bo la sogs pa'i las log par byed pa dang / phyi nang gi dbang rnams lta ci smos kyi/ rnal 'byor gyi kha dbang yang ma thob par/ gsang sngags kyi slob dpon byed pa dang / so so'i ris su 'dzin cing sngags kyi khas blangs chag nyams chen por gyur pas/ de dag gnas su mi skongs te/ yan lag gi dam tshig nyams pas/ de'i skyon ni sngags kyi byin nyams pas/ sngags mthu byin chung ba dang / rnal 'byor gyi spyod pa nyams pas dus su mi 'grub pa dang / mchod pa'i gzhung ma stobs pas dngos grub mi 'thob pa dang / ting nge 'dzin bying rmugs dang / dza gad kyi dbang dang // le lo dang gnyid dbang gis bar chod dang bdud kyi dbang du 'gyur te/ sngags pa tshe thung zhing nad mang ba dang / sngags pa nyams pa sha stag mang bas ma mo dang mkha' 'gro dam tshig gi bya ra la sogs pa rab tu khros pa'i dbang gis/ 'jig rten gyi khams 'dir yang rims nad la sogs pa sna tshogs pa btang ste/ mdze dang / shu ba dang / 'brum bu la sogs pa dang / rims nyin gcig pa dang / nyin gnyis pa la sogs pa dang / rtag pa'i rims dang / rlung mkhris dang / bad kan dang / 'dus pa las gyur pa'i glad bag dang / 'khru bag dang / tsha ba'i rims la sogs pa'i nad rnam pa sna tshogs pa dang / mu ge la sogs pa spel zhing / de'i tshe sems can rnams dus ma yin par 'chi zhing glo bur du 'chi ba dang / theg pa 'og ma rnams sngags la 'jug cing de nyid kyi rnam smin gyis/ de'i tshe skye bo sdig po che rnams/ sdig smin par sogs pa'i rnam smin gyis/ de nyid tshe ring zhing srog sra bar 'ong ba dang / sngags kyi spyod pa dar bar spyod cing don la gol ba dang / gsang ba'i rgyud rnams mngon du yongs su dar bas/ dus kyi nyams pa chen por gyur pas/ dus brtsi ba las log pa dang / 'bras bu yang dmyal khams bcu drug la sogs par kha brgyud pa dang / de la yang tshe tshad dag sdug bsngal la sogs pa grangs bsam gyis mi khyab par gnas pa dang / de las thar nas kyang yi dwags mgo gcig la lus brgya la sogs pa'i sdug bsngal sna tshogs pa'i kha brgyud cing gnas pa dang / de dag las thar nas kyang srin po 'bar ba ha sa ta la mgo dang yan lag mang po la sogs pa'i sdug bsngal kha brgyud par gyur to// de skad ces bka' stsal pa dang / rdo rje sems dpa' shin tu 'jigs shing skrag nas brgyal te/ kha bub tu 'gyel to// dam tshig thams cad kyi rgyal po sa ma ya bkod pa'i rgyud las/ yan lag gi dam tshig nyams pa'i skyon bstan pa'i le'u ste drug pa'o// / de nas bcom ldan 'das yid kun tu bzang pos/ rdo rje sems dpa' brgyal ba bslang ba'i phyir/ 'di skad ces bya ba'i glu blangs so// a ho sna tshogs rang bzhin cir yang 'byung ba'i gzhi// bya ba med las yongs su rnam par grol ba yi// ma chags skye mched sems su yongs su dag/ brjod med ngang la rnam rtog mtshan ma spangs// rang bzhin yongs kyis zhi ba'i chos nyid la// 'dzin rtog med pa'i byang chub yang skye bas// nyams pa med cing don dang ldan pa'i ngang // yangs par rtogs na 'khor ba'i gcong rong bde// nyams par rig pas spyi khyab yongs la snrums// thugs rje 'byung bas don dam yum gyi dbyings// yongs la khyab pas byang chub yab kyi ngang // gnyis med 'brel bas mngon sum sangs rgyas pas// bsrung ba'i rim pa 'di rtogs bde ba'i klong // gang zhig 'khrul pa yongs su thar pa'i phyir// byang chub nyid de 'khrul ba med par bya'o ha// de skad ces glu blangs pas/ rdo rje sems dpa' brgyal ba sangs nas/ bcom ldan 'das la phyi nang gi mchod pas mchod cing mnyes par byas nas/ zhabs la phyag 'tshal te 'di skad ces gsol to// kye kye shin tu bcom ldan 'das/ shin tu thugs rje chen po dang ldan pa/ shin tu thabs rgya mtsho mnga' ba/ shin tu 'gro ba 'dren pa'i bla mar gyur pas/ 'di dag nyams pa las slar gso ba'i thabs ni ci mnga'/ gsos na skongs par 'gyur ram mi 'gyur/ bde bar gshegs pa lung bstan du gsol/ de skad ces gsol ba dang / bcom ldan 'das kyi bka' stsal pa/ rdo rje sems dpa' 'di dag shin tu gso ba'i thabs mnga' ste/ dper na mar me dang 'dra'o// shi zhing nyams kyang gso ba'i thabs mnga' 'o// gser skyogs dngul skyogs zhom pa dang 'dra ste/ zhom yang bsrang ba'i thabs mnga' 'o// de skad ces bka' stsal pa dang / rdo rje sems dpa' shin tu dga' zhing dang ba skyes nas/ bcom ldan 'das la 'di skad ces gsol to// e ma a la la/ shin tu ngo mtshar dang ldan pa'i bcom ldan 'das kyis/ dam tshig nyams pa'i rgyu 'di rnams slar gso ba'i thabs mnga' ba ni shin tu ngo mtshar che ste/ sku'i dam tshig 'di dag nyams na/ slar gso zhing bskang ba'i cho ga gang lags pa dang / gsung gi dam tshig 'di dag nyams na/ slar gso zhing bskang ba'i cho ga gang lags pa dang / thugs kyi dam tshig 'di dag nyams na/ slar gso zhing bskang ba'i cho ga gang lags pa dang / yan lag gi dam tshig la sogs pa 'di dag nyams na/ slar gso zhing bskang ba'i cho ga gang lags pa de/ bcom ldan 'das kyis lung bstan du gsol/ bde bar gshegs pas lung bstan du gsol/ de skad ces gsol pa dang / bcon ldan 'das kyis bka' stsal pa/ sems dpa' chen po sku'i dam tshig nyams na/ slar gso ba'i cho ga 'di yid la zung zhig/ rdo rje slob dpon pha ma dang // de bzhin mched la sogs pa la// sku yi dam tshig nyams pa de// 'gyod pa drag po bskyed byas la// de dag rnams kyi spyan snga ru// zang zing nor dang yo byad rnams// ji ltar mnyes par phul nas ni// tshig tu 'di skad smra bar bya// ma rig 'khrul pa nor ba yis// nyes pa'i nyon mongs bdag las byung // bdud kyis bslus sam bdud kyis bsnun// bgegs kyis bslus sam ngan du smras// nor bar 'khrul lam log par bsams// phrag dogs gtum khro dag la sogs// nyes pa'i 'gal ba ci mchis pa// ma lus nyams pa mthol zhing bshags// rdo rje slob dpon dpal dang ldan// 'phags pa'i sku dang tha mi dad// sku gsung thugs kyi rdo rje bdag/ bde gshegs rnams kyi gsung rab lung // rnam par rgyal ba'i man ngag mnga'// zhal nas gsungs pa'i rgyal ba'i bka'// lus ngag yid thub gnas rab khyod// bsnyen bkur gzhung bzhin rngo ma thogs// ngan sems g.yas sems dag la sogs// sdoms pa'i dam tshig gang nyams pa// ma lus pa yang mthol zhing bshags// yun gyi sgrib par mi 'gyur zhing // tshangs pa 'phral du stsal du gsol// sku la bsngos dang thugs thub spyad// ma rig ka ma li la brlams// ngan du brjod dang log par smras// sku la smad cing thugs la 'goms// bka' rkun lung med yongs su bslad// nyams pa'i chad pas mi dgum zhing // tshangs pa dus 'dir stsal du gsol// thams cad rdo rje mched lcam dral// mthun par spyod pa'i rnal 'byor pa'i// bder gshegs slob mar lung mnos pas// mnyam dang mi mnyam don gcig la// legs nongs rnam par dbyer med kyang // rnam par 'bad pa'i sgo tsam du// gzhung las 'gal ba ci mchis dang // zugs dam yid 'gal ci mchis pa// rnam par dag pa'i bsam pas mthol// don gyis mi gnas tshig 'dis bshags// rab bzhin med pa bzod par gsol// 'dzin pa med par tshangs par gsol// dper na khrus kyi yon chab ltar// lus kyi dri ma sel ba bzhin// nyams pa'i dri ma sel bar mdzod// de ltar bshags pa byed na yang // slob dpon la sogs mched rnams kyis// gang zhig nongs pa dran pa dang / rjes su 'gyod pa skyes nas su// slan chad sdom pa 'tshal ba la// tshangs pa 'phral du stsal bar bya// de la tshangs pa ma stsal na// gnyis ka rdo rje dmyal bar skye// de la sdug bsngal bzod glags med// de bas tshangs pa stsal bar bya// de ltar tshangs pa thob nas kyang // bshags pa 'dod pa gang yin pas// zhabs la spyi bor blang bar bya// slan chad mi gnyis gcig par bya// gal te nyams pa ma bskangs par// bla ma slob dpon mched lcam dral/ rkyen gyis grongs chad gyur pa na// de yi slob dpon bzhugs pa la// gong ma bzhin du bshags par bya// de yi/ slob dpon mi bzhugs na// de dang mnyam pa brgyad rnams la// de tshe gong ma bzhin du bshags// de yang rnyed par ma gyur na// sbyin sreg me zab rab brtsigs nas// de dang mnyam pa gsum bkug la// mchod rdzas sna tshogs bsham par bya// gsum po de yang dbang por gzhag/ bla ma la sogs mched rnams kyis/ gsang mtshan la sogs spyan drangs te// sbyin sreg mchod pa tshul bzhin bya// dkyil 'khor lha la'ang tshul bzhin bya// gzhug la bshags pa'i cho ga gdags// de tshe zin par gyur pa'i tshe// gong du smos pa'i yon rnams kyang // dbang po gsum la dbul bar bya'o// des kyang yongs su bsgrags pa gtang // de bzhin lan grangs bdun du bya// de ltar byas na skongs par 'gyur// mched la sogs la'ang de bzhin no// dam tshig nyams par ngas ma bstan// nyams na gzhag par ngas ma bstan// bsrung bar bya ba ngas bshad do// nyams na bskang bar ngas bshad do// de ni sku yi dam tshig go/ dam tshig bkod pa'i rgyud las/ sku'i dam tshig nyams pa bskang ba'i le'u ste bdun pa'o// // gsung gi dam tshig bskang ba yang // rgyud chen dag gis mi skongs te// lung chen dag gi nang du bskang // de yang gso bar bya ba yi// cho ga yang dag 'di nyon cig/ sngags dang phyag rgya rgyun bcad nas// dus dang tshes grangs dag la sogs// de tshe nyams par gyur pa la// lung chen thob pa'i slob dpon gyis// nges par de yi drung song la// 'byor ba'i longs spyod sna tshogs dang // nor dang zang zing phul nas kyang // 'di skad ces ni gsol ba btab// nges pa'i lung byin man ngag can// don dang mthun pa'i skyes bu khyod// lcags chag mgar bas brdungs pa bzhin// chag nyams bskang ba'i rim pa rnams// nges par lung du bstan du gsol// de skad gsol ba btab nas kyang // de nas slob dpon blo ldan gyis// lan du 'di skad gleng bar bya// legs 'os bu mchog slob ma khyod// nges par bstan pa'i lung dag las// gang zhig 'gal ba bshags spro na// rna ba'i dbang po tshur nyon la// nges par 'di dag zin par gyis// zhes brjod do// de la rigs kyi bu ma yengs pa'i bzlas brjod yid la dus dang rgyun med par bzlas par bzlas pa ma rtogs nas/ rgyud kyi kha brgyud nas nges pa'i don mi shes pas 'grub pa'i don mi shes par/ 'grub par khas blangs pa de nyams pa chen po'i rgyur 'gyur te/ de dag sems can gyi rang dbang gis mi 'grub cing / dam zos shing 'gal ba'i rgyu shin tu mang bas/ rnal 'byor gyi spyod pa 'di dag sun 'byung zhing / gang zhig shin tu sgyid lug pa mang ba la/ dang la chos 'di dag bshad par bya ba yin pa las/ slob dpon lung med cing man ngag la mi mkhas pa dang / rnal 'byor pa'i lta ba chung zhing sems can gyi las dman pas/ de dag gzhung du ma snyems pas/ don ched 'di ltar yid la zungs shig/ lus kyi skul skyod ni phyag rgya chen po'i rang bzhin yin pas/ ngag gi gleng brjod ni bzlas par bya ba'i snying po yin la/ sems dran rtog thams cad thugs rje ting nge 'dzin gyi rang bzhin yin pa'o// de ci'i phyir zhe na/ dper na brlan nyid chu'i rang bzhin yin pa las/ logs nas brlan mi 'byung ba bzhin du/ phyag rgya nyid lus kyi rang bzhin yin pa las/ logs na phyag rgya zhes bya ba med de/ lus las gzhan du mi 'da' bas dam tshig gi phyag rgya dang / yan lag gi skul skyod gang yang mthar phyin pa las kyi phyag rgya dang / de la 'dzin pa dang thog chags med pas bde ba chos kyi phyag rgya dang / de la dus gsum du 'du 'bral med pas sku phyag rgya chen po ste/ de ltar rig pa'i dus na/ lus phyag rgya'i dkyil 'khor la/ sku gsung thugs bkod pa mi zad par gnas pas 'di la yang 'da' ba yang med/ nyams pa yang med/ yengs pa yang med/ btsal ba yang med pas/ de la 'di skad ces bya ste/ ma rig 'gro ba'i sems can kun// sangs rgyas phyag rgya'i dkyil 'khor la// nges par grol bar rab bshad mdzad// ma rig sems can drang don du// phyag rgya rnams su bshad pa yang // log par lta ba bsgyur ba'i phyir// las kyi dbang du 'bab pa tsam// don la nges pa 'di rtogs na// ma bcos klong du lhan ne ba'o// de la ngag gi gleng brjod bzlas pa bya ba yin pa ni/ dper na sgra dang sgra brnyan 'dra ste/ sgra yang thos par byed pa la/ thos par byed pa yang sgra brnyan don yin la/ de bzhin du ngag gis glengs pa dang brjod pa yang sngags kyi bzlas brjod yin la/ sngags kyi bzlas brjod kyang ngag gi gleng brjod yin te/ chos thams cad ni tshig yin/ tshig thams cad ni yi ge/ yi ge thams cad snying po/ snying po thams cad ni mi brjed pa'i gzungs/ mi brjed pa'i don chos nyid de/ dus thams cad du so 'di las mi nyams par rig cing gnas par rtogs pa'i dus na/ snying po bzlas brjod zur phyin pa yin pa las/ 'di las 'da' ba med/ yengs pa med/ btsal ba yang med/ sgrub pa yang med pas/ de la 'di skad ces gsungs so// bzlas brjod bsnyen pa'i snying po rnams// ma bzlas don gyis tshang ba ni// don ni man ngag 'di yin te// snying po sngags kyi don rig pas// ci bzlas sngags kyi snying po mchog/ dus gsum bar chad med pa yi// bzlas brjod klong du gnas pa la// 'dzin rtog bar chad yod med do// bder gshegs gsung gi ngo bo la// sangs rgyas byang chub sems dpa' nyan// bskal pa'i chu bo'i rgyun bzhin du// snying po bar chad med pa'o// de la sems kyi dran rtog thugs ting nge 'dzin yin pa ni/ dper na mar me'i 'od dang 'dra ste/ mar me nyid kyang 'od la/ 'od nyid kyang mar me'i byin rlabs te/ yang dag pa'i sems kyi dran rtog thams cad thugs ting nge 'dzin yin la/ thugs ting nge 'dzin yang sems kyi dran rtog nyid du snang ste// dran pa thams cad shes pa/ shes pa thams cad rtsol ba/ rtsol ba thams cad thabs la mkhas pa/ thabs la mkhas pa thams cad rang rig pa'i ye shes te/ ye shes rang snang ba las ma gtogs pa/ rtog pa rang rgyud kyis med la/ thabs rang snang ba las ma gtogs pa/ nyon mongs pa rang rgyud kyis med de/ sems can gyi dmigs pa'i phyogs cha las 'das shing / nye bar len pa'i sems gzhan du mi 'gyur bas/ rang 'byung gi ye shes chen po zhes kyang bya la/ de rnam par dag pa 'dus ma byas chos sku chen po dang ldan pas/ 'di ltar rig pa'i skyes bu chen pos 'da' ba yang med/ yengs pa yang med/ 'gyur ba yang med pas/ de la 'di skad ces gsungs so// thugs kyi brnag pa gang yin pa// nges pa 'di las rgya cher bshad// dus gsum 'gyur ba med pa yi// rang byung rig pa'i rgyal po'i 'os// gang ltar bsam pa 'dod dgur bde// yongs la khyab pas brdal ba'i sku// dngos por mi chags ma chags glong // rang bzhin mtshan ma kun spangs te// yang so che'o sems chen po// skyes bu dam pa nyid yin pas// bcos pa med pa'i snying po la// brjed pa med pas lha zhes bya// ma yengs pa yi dgongs pa yis// nyams pa la bzla dgongs par ldan// thams cad kun tu mi 'gyur ba'o// dam tshig bkod pa'i rgyud las/ dam tshig nyams pa bskang ba'i le'u ste brgyad pa'o// // sems dpa' chen po thugs kyi dam tshig bskang ba yang // rgyud lung dag gis mi bskongs te// man ngag dag gis nang du bskang // de yang gso bar bya ba yi// cho ga yang dag 'di nyon cig/ gsang ba'i man ngag chen po rnams// dam tshig nyams dang med pa dang // dam las log dang ma 'dres pa// 'phyar la gtsam pa'i gang zag dang // theg pa dman pa la sogs pa// tshig tu brjod cing bstan pa dang // ya ga log pa dag la sogs// de tshe nyams par gyur pa la// sdug bsngal gzhan gyis mi 'byongs te// man ngag can gyi slob dpon la// nges par de yi drung song la// 'byor pa longs spyod sna tshogs dang // rin chen gser la sogs pa yi// yon mchog dag kyang dbul bar bya// de nas slob dpon chen po la// 'di skad gsol ba gdab par bya// mkhas pa'i blo ldan man ngag can// nges pa'i rtsal 'chang skyes bu'i mthu// rig pa'i rtsal 'chang rdzu 'phrul can// yangs pa'i chos nyid nam mkha' 'dra// khyab pa'i thugs rje nyi ma bzhin// rnal 'byor yongs khyab snum pa'i mchog/ 'gro la phan pa'i gtso can gyis// log pa'i gol sar mi gtang zhing // byang chub nyid du dran pa dang // nyams pa'i dri ma bsal ba'i phyir// sangs rgyas rnams kyis dgab tu gsol// thugs rje char gyis bkru bar mdzod// man ngag nges pa bstan du gsol// de skad gsol ba gdab par bya// de nas ston pa slob dpon gyis// lan du 'di skad brjod par bya// 'gyod pa skyes pa bu mchog khyod// tshul bzhin bshags phyir legs par 'ongs// de ni man ngag snod dang ldan// nges par lung ni bstan par bya'o// yid dang rna ba'i dbang po la// nges par 'di ni bcang bar gyis// zhes brjod la/ de la rigs kyi bu thugs kyi dam tshig gsang ba'i man ngag gzhan la spel ba ni/ dam nyams pa dang / ma 'dres pa dang med pa la sogs pa la spel te/ zang zing dang nor 'dod kyi dbang du btang na nyams pa'i rgyu yin pa de ni/ man ngag chen po'i gzhung gis thugs kyi dam tshig nyams pa med pa zhes bya ste/ nam mkha' la yangs dog med pa bzhin/ blo chos nyid du gyur pa la 'dzin rtog gi bag chags spangs pas/ gang zhig smras shing brjod na yang / snod dang mi ldan pa med par shes par byas la/ bsrung du med pa'i ngo bo/ rang bzhin gyi rnal 'byor pas/ chos nyid las tshigs dang yi ger gleng ba las 'das shing / 'di 'dra zhes bstan par sus kyang mi nus pas/ smras na yang smras pa'i ngo bo med cing yang dag pa'i sa la gleng brjod dang bral bas nyams pa med la/ 'di ltar rig pa'i skyes bus nyams par mi 'gyur zhing / nyams na yang 'khor lo sbyar ba'i rgyal srid ltar/ nang nyams na nub sor chud la/ nub nyams na nang sor chud de/ rdza mkhan 'jim rlon dang phrad pa dang 'dra la/ de ltar bstan cing bshad na gang la yang 'dzin pa med pas/ yang dag pa la nyams pa'i rgyu med pas/ don chen 'di ltar rig pa'i skyes bus skongs kyi/ phal gyis skongs par mi 'gyur ro// de la 'di skad ces gsungs te/ ya rabs gsang ba'i man ngag 'di// ma rabs phal gyi spyod yul min// kun gyis rtogs par mi 'gyur te// rgya mtsho'i gting ltar rtogs pa med// nam mkha'i mtha' ltar thug pa med// spong len med par rig pa yis// yongs la khyab bde bshad pa'i phyir// ma rabs bus pas mi rtogs te// gang zhig tshig tsam zlos pa las// man ngag yod ces yongs mi bya// gdeng chen ldan pa'i skyes bu dang // bka' dang 'thun las ma gtogs pa// ras chod bshad pas yongs mi 'grub// theg pa sngags kyi 'bras bu ni// spel zhing bshad pas mi 'grub ste// yid la brnags shing bcangs pas na// man ngag snying po de la yod// rang gi sems nyid ma rtogs na// bstan cing bshad kyang zan par zad// dus gsum 'pho 'gyur med pa yi// byang chub nyid la g.yos pa med// khams gsum 'khrugs kyang stong pa med// srid gsum 'khrugs kyang g.yos pa med// bsam med chos ni nam mkha' 'dra// brjod med sems ni mtshan nyid med// ming dang tshig las 'das pa yi// sangs rgyas nyid kyis brjod par dka'// sems dpa' chen po 'di lta bu'i man ngag nos shing khong du chud par gyis shig/ thugs kyi dam tshig skongs pa'o// 'di lta bu la yengs pa med par gyis shig/ thugs kyi dam tshig mi nyams pa'o// 'di'i don la 'gyur ba med par gyis shig/ thugs kyi dam tshig mi 'da' ba'o// dam tshig thams cad kyi rgyal po sa ma ya bkod pa'i rgyud las/ thugs kyi dam tshig nyams pa bskang ba'i le'u ste dgu pa'o// // sems dpa' chen po yan lag gi dam tshig bskang ba yang / rtsa ba'i dam tshig bskang ba sa dang yan lag kyang shugs kyis skongs la/ de las rtsa ba ma nyams par yan lag nyams na yang gong ma gong ma ltar bskangs pas yan lag kyang skongs par 'gyur ro// sems dpa' chen po de ni dper na shing ta la'i rtsa ba ma phyung na yan lag nyams kyang shugs kyis skye ba bzhin/ rtsa ba ma nyams na yan lag kyang shugs kyis skong bar 'gyur la/ gal te nyams par tshor na yang spyad par bya ba'i dam tshig nyams na dkyil 'khor gcig pa'i 'phrin las kyis bskang // mi spang ba'i dam tshig nyams na dkyil 'khor chen po gnyis pa'i dam tshig gis bskang / gnyis ka nyams na sgrol sbyor gyi mchod pa brgya rtsa brgyad kyis bskang / dang du blangs pa nyams na bdud rtsi sman gyis bsgrub pas bskang / shes par bya ba nyams na gsung dbang gi 'phrin las kyis bskang / bsgrub par bya ba'i dam tshig nyams na thugs rdo rje rigs kyi dam tshig gis bskang / kun ka nyams na sku gsung thugs yon tan 'phrin las kyi sgrub pa rdzogs pas bskang ngo // dam tshig thams cad kyi rgyal po sa ma ya bkod pa'i rgyud las/ yan lag gi dam tshig nyams pa bskang ba'i le'u ste bcu pa'o// // de skad ces bka' stsal pa dang / rdo rje sems dpas yang 'ang skad ces gsol to// e ma'o ngo mtshar rab 'byams kyis// skang so cho ga khyad par che// dam tshig 'di dag bsrungs pa yi// yon tan 'bras bu gang yin pa// bcom ldan 'das kyis bstan du gsol// de skad ces gsol pa dang / bcom ldan 'das kyis bka' stsal pa/ sems dpa' chen po dam tshig 'di dag bsrungs pa'i phan yon dang 'bras bu ni yang dag pa nyid du bshad par bya'o// dam tshig ni 'degs pa'i sa gzhi dang 'dra'o// dam tshig ni 'jig pa'i mkhar dang 'dra'o// dam tshig ni rno ba'i mtshon dang 'dra'o// dam tshig ni skyed par byed pa'i pha ma dang 'dra'o// dam tshig ni grub par byed pa'i shing thog dang 'dra'o// dam tshig ni mi 'bral ba lus dang grib ma dang 'dra'o// dam tshig ni ma yengs na sgom pa yin no// dam tshig ni ma brjed na chos nyid yin no// dam tshig ni rjes su dran na bzlas brjod yin no// sems dpa' chen po sku'i dam tshig ma nyams par bsrungs pa'i yon tan ni/ lus mtshan dang dpe byad kyis brgyan pa dang / nad nyung ba dang / gzhon zhing lang tsho dar la bab pa dang / yan lag la lhag chad med pa dang / dbang po nyams pa med pa dang / tshe ring ba dang / longs spyod 'phel ba dang / 'byor ba 'phel ba dang / 'khor ma mo dang mkha' 'gro ma bka' bzhin nyan pa dang / srid pa gsum la dbang sgyur ba dang / mthu dang rdzu 'phrul yang gzhan gyis dpag gi mi lang ba dang / man ngag lung gi don rtogs par 'gyur ba dang / rigs 'dzin rnam gsum gyi dngos grub 'thob pa dang / kun tu bzang po dang skal ba mnyam par 'gyur ro// sems dpa' chen po gsung gi dam tshig ma nyams par bsrungs pa'i yon tan ni/ lha nye ba dang / rigs brgyud 'phel ba dang / dus su 'grub pa dang / bka' nyan pa dang / dbang du 'du ba dang / kha lo sgyur ba dang / legs pa 'phel ba dang / skyon gyis mi gos pa dang / chos nyid kyi don dang mi 'gal ba dang / mya ngan las 'das pa'i sku thob pa dang / kun tu bzang po dang spyod pa mnyam par 'gyur ro// sems dpa' chen po thugs kyi dam tshig ma nyams par bsrungs pa'i yon tan ni/ don dang mthun pa dang / skyo du ba med pa dang / man ngag gi snod du 'gyur ba dang / dngos grub thob pa dang / rtog pa med pa dang / dgongs pa zab pa dang / thugs rgya che ba dang / don la mkhas pa dang / gzhung las mi 'gal ba dang / kun tu bzang po dang rtog pa mnyam par 'gyur ro// sa ma ya bkod pa las/ sku gsung thugs kyi dam tshig bsrung ba'i yon tan gyi le'u ste bcu gcig pa'o// // sems dpa' chen po yan lag gi dam tshig ma nyams par bsrungs pa'i yon tan ni/ dngos grub chen po rnam gsum thob pa dang / bdud rnam bzhi tshar gcod pa dang / rdo rje theg pa'i bka' btsan zhing mi 'gyur ba dang / sngags che ba'i yon tan nub pa'i dus med pa dang / lhun gyis grub pa'i 'phrin las ci la yang thogs pa med pa dang / khyad par gyi 'bras bu mthar rgyas pa dang / gnyis su med pa'i don la yun du mi 'gyur ba dang / bla na med pa'i sa la bde ba chen por longs spyod pa dang / grangs dang tshom bu bsam gyis mi khyab pa thams cad lcang lo can gyis pho brang du grangs dang tshom bu bsam gyis mi khyab par phung po mi gnas pa'i mya ngan las 'das par mngon par rdzogs par sangs rgyas pa dang / 'khor gyi mkha' 'gro ma thams cad sprin phung bzhin du gtibs nas ci bsgo ba nyan pa la sogs pa'i yon tan bskal pa brgyar brjod kyang rdzogs pa'i mtha' med do// dam tshig bkod pa'i rgyu las/ yan lag gi dam tshig bsrung ba'i yon tan gyi le'u ste bcu gnyis pa'o// // spyi'i dam tshig nyi shu rtsa brgyad la sum brgya drug cur sbyar te/ lta ba'i dam tshig brgya nyi shu dang / spyod pa'i dam tshig brgya nyi shu dang / bsrung ba'i dam tshig brgya nyi shu ste/ de ltar sum brgya drug cu'o// de la lta ba'i dam tshig brgya nyi shu ni/ chos thams cad kyi rtsa ba kun gzhi byang chub kyi sems su 'dus par lta zhing mi 'da' ba dang / de bzhin du sangs rgyas thams cad kyang rang gi sems yin par lta ba dang / sems ye nas sangs rgyas par lta ba dang / yul chos nyid du lta ba dang // dbang po ye shes su lta ba dang // de yang gnyis su med pa'i byang chub kyi sems bde ba chen por lta ba dang / sems can nyid yang dag pa'i sangs rgyas su lta ba dang / 'khor ba nyid mya ngan las 'das par lta ba dang / sdug bsngal thams cad byang chub dam par lta ba dang / nyon mongs pa thams cad lam gyi dam par lta ba dang / ma nor ba'i chos nyid dang / ma yengs pa'i ting nge 'dzin dang / ma bcos pa'i don dang / ma brjed pa'i phyag rgya dang / ma bslad pa'i ye shes dang / mi dmigs pa'i ting nge 'dzin dang / ma skyel pa'i klong dang / mi 'da' ba'i dam pa dang / mi 'gyur ba'i g.yung drung dang / mi gtong ba'i rig pas mi 'bral ba'i gzungs su lta zhing / dam tshig las mi 'da' ba ni/ lta ba'i dam tshig gi rtsa ba'o// de la chos thams cad kyi rtsa ba kun gzhi byang chub kyi sems su 'dus par lta zhing / dam tshig las mi 'da' ba la yang lnga ste/ de'i don ston pa'i rdo rje slob dpon btsal ba dang // bka' las 'byung ba'i lung ma nyan pa dang / man ngag tu sems la sgom pa dang / ye nas de ltar yin par yid ches par bya ba dang / dang du blang zhing mi 'da' ba'i bar du don rnam pa lnga lngas bstan cing yid ches par bya ba ni/ lta ba'i dam tshig brgya nyi shu'i yan lag go/ dam tshig bkod pa'i rgyud las/ lta ba'i dam tshig brgya nyi shu'i le'u ste bcu gsum pa'o// // sems dpa' chen po de la spyod pa'i dam tshig brgya nyi shu ni/ dbyings dang ye shes gnyis su med pa chos kyi skur spyod cing / dam tshig las mi 'da' ba dang / thabs dang shes rab gnyis su med pa'i byang chub sems su spyod cing / dam tshig las mi 'da' ba dang / yab dang yum yang gnyis su med pa'i bde ba chen por spyod cing / dam tshig las mi 'da' ba dang / de bzhin du phyi dang nang yang phyogs ris med par chos nyid du bde ba brdal bar spyod pa dang / mtha' dang dbus kyang ye shes chen por khong du snyoms par spyod pa dang / che ba dang chung ba yang mnyam pa nyid kyi klong du spyod pa dang / sangs rgyas dang sems can yang thig le chen por lhun gyis grub par spyod pa dang / mthon po dang dma' mo yang steng 'og med par lhun gyis grub par spyod pa dang / bzang po dang ngan pa yang spong len med pa'i mdzad spyod du rol pa dang / bde ba dang sdug bsngal yang gnyis su med pa'i 'phrin las su mdzad pa dang / 'khor ba dang mya ngan las 'das pa yang mi dmigs pa'i ting nge 'dzin du sgom pa dang / rgyu dang 'bras bu thams cad mi 'gyur ba'i g.yung drung du spyod pa dang / phung po dang / khams dang / skye mched thams cad lha dang lha mo'i dkyil 'khor gnyis su med par spyod pa dang / yul dang dbang po thabs dang shes rab tu spyod pa dang / 'dod pa'i yon tan thams cad chos nyid rnam par dag pa'i rgyan du spyod pa dang / nyon mongs pa lnga dug lnga ye shes lnga'i rang bzhin du spyod pa dang / phyin ci log lnga sku lnga mthar phyin par spyod pa dang / mi gtsang ba'i dam rdzas lnga bdud rtsi chen po lnga'i rang bzhin du spyod pa dang / 'dzin rtog gi skyon thams cad kun tu bzang po'i 'dzin spyod du rol cing spyod pas/ dam tshig las mi 'da' ba'o// de la dbyings dang ye shes gnyis su med pa chos kyi skur rtogs par bya zhing dam tshig las mi 'da' bar bya ba la yang don rnam pa lnga ste/ rtogs par bya ba'i thabs dang / bsgom par bya ba'i yul dang / bsgrub par bya ba'i 'phrin las dang / mthar phyin pa'i 'bras bu dang / bstan cing gzhag par bya ba'i snod dang lnga'o// de bzhin du 'dzin rtog gi skyon thams cad kun tu bzang po'i mdzad spyod du rol cing spyod pa'i dam tshig gi bar du rtogs pa dang / sgom pa dang / bsgrub pa dang / mthar phyin pa lnga lngar shes par bya'o// sa ma ya bkod pa'i rgyud las/ spyod pa'i dam tshig brgya nyi shu'i le'u ste bcu bzhi pa'o// // sems dpa' chen po de la bsrung ba'i dam tshig gi brgya nyi shu ni/ lta ba zab mo thams cad shes rab chung ba dang / theg pa dman pa la bsrungs la dam tshig las mi 'da' bar bya ba dang / spyod pa glang po thams cad ya kha dang rtog pa can la bsrungs la dam tshig las mi 'da' bar bya ba dang / de bzhin du gsang ba'i 'phrin las gzu lums dang ras chod can la bsrung ba dang / gsang ba'i don bka' rkun dang rgyab nyan byed pa la bsrung ba dang / gsang ba'i man ngag dad pa chung zhing gsang med pa la bsrung ba dang / nges pa'i don 'phyar po dang 'phyon ma la mi 'byung ba dang / dngos grub kyi rkyen kha sla dang tshod yod pa la bsrung ba dang / brtson po'i 'phrin las le lo dang long yod can la mi gtad pa dang / mtshan ma dang grub rtags rang bstod rang che ngag tu mi smra bar bsrung ba dang / grogs dang mched dam tshig nyams shing mtshan ngan pa la mi btsal ba dang / bka' gsang sbed shes pa dang / man ngag 'tsho la mkhas pa dang / don la nan gtan che ba dang / dam phog pa mi brjed pa dang / gdung sems mi gtong ba dang / gnyer gtad pa grims pa dang / 'khor la snod rtogs pa dang / bka' la lha log dang sgro skur med pa dang / phyogs la ngan sems dang gdug sems med pa dang / yongs la spro ring zhing dang che bar bsrung zhing dam tshig las mi 'da' ba'o// de ltar lta ba zab mo thams cad shes rab zhan pa dang theg pa dman pa la bsrung ba la yang lnga ste// lus kyis bsrung ba mi 'byung ba dang / ngag gis bsrung ba mi smra ba dang // yid kyis bsrung ba brnag pa dang // thabs kyis bsrung ba rtag pa dang // spyod pas bsrung ba gzab pa'o// de bzhin du yongs la spro ring zhing dang che bar bsrung ba'i dam tshig gi bar du lus dang / ngag dang / yid thabs dang spyod pa lnga lngar rig par bya'o// dam tshig thams cad kyi rgyal po sa ma ya bkod pa'i rgyud las// bsrung ba'i dam tshig brgya nyi shu dang sum brgya drug cu'i le'u ste bco lnga pa'o// // sems dpa' chen po dam tshig sum brgya drug cu la/ las su bya ba'i dam tshig gsum ste// sbyor sgrol sman dang gsum mo// de la rtsa ba bco lngar spros te// sbyor ba'i lung drug/ sgrol ba'i gnas bzhi/ bcud rtsi sman lnga'o// rtsa ba bco lnga las sum brgya drug cur spros pa ni/ mi spang ba brgya nyi shu dang / dang du blang ba brgya nyi shu dang // spyad par bya ba brgya nyi shu ste// de ltar sum brgya drug cu'o// de yang mi spang ba brgya nyi shu la/ sbyor ba'i gzungs ma khru tshad dang ldan pa bzhin bzangs ma lo bcu gnyis lon pa dang // lo bcu drug lon pa dang / lo nyi shu rtsa lnga lon pa dang / lo sum cu rtsa gcig lon pas gzhi gzung ste/ mo rigs pha la yan chad zin zin kun yang bgrangs pa brgya nyi shu la sbyor ba tshul bzhin byas pa'i yon tan ni/ 'gro ba mtha' dag dbang du 'gyur zhing / dngos grub grangs kyang de bzhin thob nas/ ye shes lnga'i rigs 'dzin du skye'o// dang du blang ba'i dam tshig brgya nyi shu ni sman bdud rtsi la byas te/ gtso bo lnga dang / 'bras bu lnga dang / dbang po lnga dang / sman sna tshogs pa'i ra sa ya na rtsa ba dang yan lag tu bcas pa brgya nyi shu la sogs te sbyar zhing dang du blangs pa'i yon tan ni/ bdud bzhi 'joms shing dug lnga sel te/ gtan mi 'chi ba'i sman gyis rigs 'dzin thob nas/ sku lnga lhun gyis 'grub bo// spyad par bya ba'i dam tshig brgya nyi shu ni bsgral bar bya ba ste/ 'bras bu chen po lnga dang / zhing bcu la sogs te/ brgya nyi shu bsgral bar byas nas de'i yon tan ni dam tshig dang / sdom pa dang / tshul khrims nyams pa thams cad skongs nas/ dam tshig nyams pa las ma gtogs pa gzhan gyi sdig ci byas kyang bag chags kyis mi gos so// sems dpa' chen po gzhan yang yan lag gi dam tshig ma nyams par bsrung na dgyes pa bskongs pa dang / mnyes pa 'bul ba dang / dngos grub stsol ba dang / 'phrin las mthar phyin pa dang / sems can kyi don yid bzhin du 'grub pa dang / 'og min gyi gnas su mi gnyis par gcig pa'o// dam tshig thams cad kyi rgyal po sa ma ya bkod pa'i rgyud las/ dam tshig sum brgya drug cu bskang ba'i 'phrin las kyi le'u ste bcu drug pa'o// // de nas rdo rje sems dpas yang 'di skad ces gsol to// kye ma yan lag gi dam tshig sum brgya drug cu bsrungs pa'i phan yon dang / ma bsrungs pa'i skyon ci lags/ bka' stsal pa/ sems dpa' chen po dam tshig sum brgya drug cu bsrungs pa'i yon tan ni/ bdag gi dgongs pa dang / gzhan gyis 'byor ba kun 'grub pa ste/ sa rdo dang / rtsi shing dang / ri brag la thogs pa med pa dang / chu la mi 'bying zhing mkha' la bya bzhin du 'phyo ba dang / rdzu 'phrul rnam pa sna tshogs kyis 'gro ba'i don byed pa dang / bdud dang bar du gcod pa la sogs pa rdul phra mo bzhin du brlag pa dang / yid la bsam pa thams cad 'grub pa dang / thams cad du legs pa sbyin zhing bkra shis pa dang / mi dang mi ma yin pa la sogs pa rnams kyis yid bzhin gyi nor bu dang 'dra bar bkur ba dang / mkha' 'gro dang sha za la sogs pa thams cad lus kyi rje bo bzhin du byed pa dang / gnas pa gang na ba der rdo rje theg pa dar zhing rgyas pa dang / 'khor dang sder bcas pa rim gyis grub pa thob nas/ thams cad dad cing 'dun pa'i zhing du gyur pa dang / de bzhin gshegs pa thams cad kyi thugs su byon zhing spyan du mdzes pa'i rang bzhin can du gyur pas yon tan bgrang ba las 'das pa'o// sa ma ya bkod pa'i rgyud las/ yan lag gi dam tshig sum brgya drug cu bsrungs pa'i phan yon gyi le'u ste bcu bdun pa'o// // sems dpa' chen po sum brgya drug cu ma bsrungs pa'i skyon ni/ dper na srog med pa'i gzugs brnyan gyis srog gi bya ba med pa bzhin dam tshig med cing ma bsrungs pas bla na med pa'i byang chub kyi bar du mi nus pa ste/ 'bad pa la don med cing bsgrubs pa la 'bras bu mi 'byung ba dang / bsam pa mi 'grub cing btsal ba skyon du 'gyur ba dang / byas pa thams cad chud zos shing yid la mi 'dod pa 'phel zhing rags pa dang / mi snyan pa'i grags pa dang / mi skyid pa'i sdug bsngal gyi mtsho rdol ba dang / bka' chad kyi gnas dang / bka' 'bab kyi chad pas kyang ye shes kyi lha rnams gtan du 'phangs shing / dam can rnams kyang gshed mar 'gyur ba dang / 'phral gyi ye 'grog gis srog gi bar chad du 'gyur ba la sogs pa nyes pa brjod kyis mi lang ste/ yi dwags kyi gdon brgyad khri bzhi stong gis nyen par gyur nas/ mnar med pa'i dmyal ba yan chad la thug pa'o// sa ma ya bkod pa'i rgyud las/ sum brgya drug cu ma bsrungs pa'i skyon gyi le'u ste bco brgyad pa'o// // de skad ces bka' stsal pa dang / bcom ldan 'das la/ rdo rje sems dpas 'di skad ces gsol te// kye ma yon tan dpag med pa/ sangs rgyas mdzad pa khyad par che'o// grub pa'i yon tan bsam mi khyab// nges pa'i dgongs pa phal che las// rnal 'byor rnams la thugs rje che// 'dren pa khyod la phyag 'tshal bstod// gzhan yang dam tshig rtsa ba rnams// bcom ldan 'das kyis bshad du gsol// kun bzang lha yis bka' stsal pa// nyon cig sems dpa' chen po khyod// dam tshig rtsa ba yang dag ni// lta ba 'di la rab tu 'dus// mi 'da' ba yi dam tshig la// g.yos pa med pa'i chos nyid kyis// yongs la bde khyab 'jig rten spangs// gnyis med sems ni thabs kyi sku// sangs rgyas ye shes de las med// de rtogs skyes bu chen po yis// lta ba'i dam tshig rtogs zhes bshad// sa ma ya bkod pa'i rgyud las/ lta bas la bzla ba'i le'u ste bcu dgu pa'o// / de nas rdo rje sems dpas 'di skad ces gsol to// bcom ldan 'das dam tshig gi gtor ma la rnam grangs ngur bstan par bgyi/ bcom ldan 'das kyis bka' stsal pa/ dam tshig gi gtor ma la rnam pa gsum ste/ gtor ma'i lta ba dang / gtor ma'i spyod pa dang / gtor ma'i 'phrin las so// de la gtor ma'i lta ba ni/ snang srid gtor mar lta ba'o// gtor ma'i spyod pa ni/ thabs dang shes rab tu spyod pa'o// gtor ma'i 'phrin las ni/ dus gsum sku gsum thugs su sangs rgyas pa'i 'phrin las so// de la yang rnam pa gsum ste/ chos nyid dbyings kyi gtor ma dang / ye shes rol pa'i gtor ma dang / thugs rje sprul pa'i gtor ma'o// de la 'di skad ces gsungs te/ khyad par dpal gyi gtor ma skugs na nyal// sha khrag dmar gyi gtor ma 'ben du 'cha'// sprul pa'i mchod gtor 'jig rten khyad par gtor// yongs su khyab pa'i gtor ma chen po yis// kun la khyab pas ye shes dbyings su 'dus// 'dus ma byas pa'i gtor ma chen po la// 'dzin rtog med pa'i sems kyis bkrol ba yi// rang bzhin med pa'i gtor ma chen po 'di// yongs su gtor bas 'gro ba'i don rdzogs nas// rnam rtog 'dzin pa'i nyon mongs kun bkrol te// bla med byang chub lam la dgod par mdzod// dam tshig bkod pa'i rgyud las// gtor ma dam tshig gi le'u ste nyi shu zam pa'o// // de nas yang rdo rje sems dpas/ bcom ldan 'das la 'di skad ces gsol to// yab gcig lags 'di ltar yon tan che ba/ 'di ltar mthu che ba/ 'di ltar thabs che ba/ 'di ltar nyan che ba/ 'di ltar rab tu zab pa'i rgyud 'di'i phan yon gang lags/ bcom ldan 'das kyis bka' stsal pa/ sems dpa' chen po phyogs bcu sangs rgyas thams cad kyi thugs kyi yang thugs/ gzigs par bya ba'i spyan du yang gyur pa'i rgyud 'di ni shin tu phan yon che ste/ rgyud 'di shes shing rtogs pa lta ci smos kyi/ tha na tshig 'bru 'ga' tsam yang yid la byed na yang / de dus thams cad du dam tshig nyams par mi 'gyur zhing / nyams na yang skongs par 'gyur la/ skangs na yang skongs par 'gyur nges la/ de ni 'jig rten gyi khams 'dir yang mthu dang / rdzu 'phrul dang / dngos grub la sogs pa gang gis kyang bskyed du med par 'gyur la/ 'jig rten pha rol tu yang kun tu bzang po'i dgongs pa dang skal ba mnyam par 'gyur ro// sems dpa' chen po rgyud 'di ming tsam 'dzin par byed na yang / de ngan 'gror 'gro bar mi 'gyur/ lta ba phyin ci log tu mi 'gyur/ dam tshig nyams par mi 'gyur/ de bzhin gshegs pa'i don dang ldan zhing bde ba mchog dang ldan par 'gyur ro// sems dpa' chen po rgyud 'di 'dzin pa 'am/ 'chang ba 'am/ klog pa 'am/ yi ger 'dri ba 'am/ ming nyan par byed na/ de sangs rgyas dang byang chub sems dpa' thams cad kyis mchod cing bkur stir byed pa dang / 'khor ma mo dang mkha' 'gro ma la sogs pa rnams kyang / ci bsgo ba rnams bran bzhin snying nye bzhin nyan pa dang / tshe dang 'byor ba'i longs spyod dang ldan pa dang / 'jig rten phyi mar yang kun tu bzang po dang mnyam zhing dbyer med par 'gyur ro// sems dpa' chen po gang zag la la mnar med par ltung bar nges pa la yang // rgyud 'di zos par byas na/ bla na med pa'i don dang ldan par 'gyur ro// sems dpa' chen po gang zag la la dam nyams nas rdo rje dmyal bar ltung ba yang / rgyud 'di yi tshig 'ga' rna bar thos na yang / de'i dam tshig nyams pa de skongs nas/ rnal 'byor bde ba'i don dang ldan par 'gyur ro// sems dpa' chen po de lta bu'i rgyud 'di ni shin tu dkon zhing mi 'byung ba ste/ de ci'i phyir zhe na/ rgyud 'di phyogs bcu'i dus gsum gyis de bzhin gshegs pas kyang ma gsungs/ gsungs par mi 'gyur/ ngas kyang ma bshad/ bshad par mi 'gyur/ sangs rgyas rnams kyang mi gsung bar 'gyur ba'i phyir yang dkon no// sems dpa' chen po rgyud 'di ni gang na yang mi bzhugs/ gang na yang mi ston/ ston par mi 'gyur// bzhugs par mi 'gyur ba'i phyir dkon no/ sems dpa' chen po rgyud 'di ni gang zag gi blo la mi snang / snang bar mi 'gyur ba'i phyir dkon no// de skad ces bka' stsal pa dang / rdo rje sems dpas/ bcom ldan 'das la 'di skad ces gsol to// e maho ngo mtshar che'o// rgyud 'di tshig tu mi gnas pa de sems can skal ba chung ba lags sam zhes gsol pa dang / bcom ldan 'das kyis bka' stsal pa/ sems dpa' chen po rgyud 'di ni tshig dang yi ger 'dri ba las 'das pas/ dus kyi tha ma la 'byung yang srid/ mi 'byung yang srid pas/ 'byung na gang zag gcig la 'byung la/ de gang dang yang ma bral ba'o// de la skur pa 'debs pa dag 'byung ba'i phyir yang dkon no// dam nyams shing ma rungs pa'i phyir dkon no// 'di dag ma thos shing mi shes pas/ phrag dogs dang / skur pa dang / nga rgyal dang / smod pas kyang dkon no// rgyud 'di bshad cing bstan pa min pas kyang dkon no// 'di ni dad pa dang / rang bzhin zab pa dang / gron tshegs la mi lta ba dang / snod dang ldan pa la byung bas kyang dkon no// rgyud 'di rnal 'byor grub pa gcig gi sems la 'byung bas kyang dkon no// sa ma ya bkod pa las/ rgyud kyi phan yon gyi le'u ste nyi shu rtsa gcig pa'o// // de nas rdo rje sems dpas 'di skad ces gsol to// dam tshig chen po gsang ba'i rgyud ji ltar btsal bar bgyi/ spyad legs pa'i yon tan dang / ma legs pa'i skyon ji ltar byung / kun gyi rgyal pos bka' stsal pa/ sems dpa' chen po gsang ba'i chos thams cad kyi dam tshig ni// dper na rgyal po chen po'i bka' khrims gsang zhing dam par blon po rig pa can gyis btsal na/ thugs dgongs dang bsam dgongs thams cad mthar phyin te rgyal khams bde zhing skyid par 'gyur la/ de blon po da dar gyis rgyal khrims spyad ma legs na thams cad kyang phung nas sdug cing bsngal ba bzhin/ gsang ba 'di dag thams cad las 'phro dang skal bar ldan zhing snod du gyur pa'i rdo rje slob dpon dang / slob mar bcas pas gsang ba'i don sba zhing spyad legs par bya dgos te/ gsang ba thams cad la gnyan zhing bkur ba lha dang klu'i spyi gtsug gi nor bu rin po che dang 'dra bar bya ba dang / 'phangs shing brtse ba mig gi 'bras bu lta bur bya ba dang / mi 'bral ba lus dang grib ma 'dra bar bya ba dang / gsang zhing sba ba snying sgor 'byin pa dang 'dra bar bya ba dang / nyams su blang ba mgo la me mched pa ltar bya ba dang / spyod pa gzab pa tshul shis pa'i btsun mo ltar bya ba dang / mi 'bral zhing srung ba srog rtsa dang snying rtsa 'dra bar bya ba dang / sba zhig gsang ba pho mo'i mtshan ma dang 'dra bar bya ba dang / nan tan dang gdams pa yun gyi gter bzhin du bya ba dang / bka' las 'byung ba'i gdam ngag man ngag bzhin du mnyan par sems la bcangs na/ gsang sngags kyi rgyu gser dang 'dra ba dgos pa'i don yid la ji ltar 'dod par spyad du yod pa dang / gsang ba'i 'bras bu zhing gshin pa'i lo tog bzhin du 'phel ba dang / gsang ba'i nus mthu nor bu rin po che dang 'dra bar 'byung ba dang / log pa'i phyogs mtha' dag gtar mtshan la rtse spur reg pa 'dra bar 'gyur ba dang / bar du gcod pa thams cad me'i phung po la sbrang bu brlag pa 'dra bar 'gyur ba dang / ngan song 'khor ba'i sdug bsngal thams cad mun rum du nyi ma shar ba dang 'dra bar 'gyur ba dang / 'dzin rtog thams cad rdul phyis pa dang 'dra bar 'gyur ba dang / phyin ci log thams cad kyang 'bras kyi glu ma yo legs pa 'dra bar 'gyur ba dang / yid la bsgoms pa thams cad smon lam gyi rgyal po'i zhing khams bzhin du 'gyur bas/ gsang ba'i dam tshig spyad legs pa'i byin rlabs so// sa ma ya bkod pa las/ gsang ba'i dam tshig ma nor bar spyad pa'i yon tan gyi le'u ste nyi shu rtsa gnyis pa'o// // sems dpa' chen po dus tha ma la gsang ba'i dam tshig 'di dag 'tsho zhing spel mi shes te/ sngon gyi rnal 'byor pa tshul dang ldan pas snod brtags shing ston la/ snod dang mi ldan pa la mi ston cing / gsang ba'i sgrol na phyag rgya mu ti hos btab nas sbas pa rnams 'dod pas rgyal ba'i sngags pas/ oM rgyan dang / bal po dang / kha che la sogs par gsang sngags kyi don zab mo 'tshong zhing spro bar byed do// gzhan yang bod la sogs pa gdol pa'i shas che ba rnams su yang gser phye la sogs pas 'dod pa'i dbang gis 'phros pas/ de dag la shas cher gsang thub cing spyad legs pa 'ga' tshul 'grub cing mthar phyin pa yang 'byung na/ phal du gsang ba med pa bka' lhod pa'i sngags pa phal 'jig rten pa'i grags pa 'dod pas snod mi 'dam par snang dgu thams cad la mang bar 'chad pa dang / sgrogs shing 'tshong na tshul bzhin du mi spyod pa mang ba dang / gsang ba 'chal bas de'i skyon ni/ gsang ba thams cad la mthu dang byin med par 'gyur ro// bka' bzhin mi byed pas mtho ris kyi 'bras bu thob pa nyung zhing / ngan song 'grub pa mang bar 'gyur ro// snod dang dus dang mtshams med par sgrub thabs dang 'phrin las tshol bar spyad pa'i skyon ni/ spras dang ya khar gyur pas/ chos la rtsod pa mang zhing ris mi mthun pa dang / sdig pas phog pa'i dri mas mig gi dbang po la sogs pa nyams pa dang / drag po'i las tshar ma chod pas// sku la bab cing srog brtod pa mang bar 'gyur ro// de bzhin du sgrol sbyor gyi las lta ba dang / ting nge 'dzin gyis ma zin pa yang de bzhin no// dus tha ma'i slob dpon phrag dog can gyi grogs po yon tan can la thos kyis dogs pa dang / slob ma bdag gi bka' las gzhan gegs la gnod pa byed pa byung na skyon ni 'khrug pa'i skabs dang / mi mthun pa'i ris dang / shes rab mi skye zhing tshogs gcog pa'i sgrib pa shin tu yang che'o// dus tha ma'i chad pa pos sgra dang grags pa 'dod pa'i phyir grangs mang bar khas 'ches/ nges pa'i don dang bstan tshigs mchod par 'phrin las kyi sdebs sbyor legs su re mang po dang don thog tu ma phebs pa'i btsan dpyad kyis shes pa med pa'i rang re'i rig pas 'grol zhing / kha shing rgol tshig mang pos gsang ba'i don phrad rgyu la shes pas khas 'ches shing 'chad pa'i dus 'byung la/ nyan pa rnams kyang de la dad cing 'dun nas tshor ba skyes pa'i dus na/ de'i don ni gsang ba'i don 'di dag 'chad shing / spyod pa thams cad bro glu dang 'dra bar gyur nas/ 'du byed kyi g.yengs pa skye zhing / dngos grub dang / sngags kyi nus mthu dang / chos nyid kyi byin rlabs ye med par sgrung gtam bzlas pa dang 'dra bar gyur nas ci brjod kyang grub pa mi 'thob bo// dus phal du gsang sngags pa mi rten cing / blo 'gyur ba chu'i chu bur dang 'dra ba rnams la/ rgyu'i theg pa la spyod pa'i gang zag phal gyis gsang sngags zhes bya ba ni bka' ma yin te/ 'di ltar 'gal te don med pas/ mdo dang tshad ma la don dang gtan tshigs yod pas 'di spyad pa'i rgyu zhes log par khrid pa la/ de bzhin du ngag nyan par byed pas rdo rje theg pa spangs nas rgyu'i theg pa spyod na/ skyon ni rdo rje theg pa'i dbu yogs dang / gsang sngags gnyen po'i bka' chad 'byung rdo rje theg pa'i dbu yogs kyis de dag dmyal ba 'chi 'pho'i gnas su skyes nas/ bskal pa brgyar yang rdo rje theg pa'i spyod pa'i skal ba dang mi ldan pa dang / gsang sngags gnyen pa'i bka' chad ni dus ma yin par 'chi ba dang / mi nad dang phyugs nad kyi rnam pa 'byung ba dang / gnas nas 'byin pa dang / char dus su mi 'bab cing lo nyes dang mu ge'i rnam pas nyon mongs pa dang / dgra mang zhing 'jig rten phyi mar yang dmyal ba khog 'joms kyi gnas su bskal pa brgyar skye bar 'gyur ro// gsang ba'i dam tshig nyams pas gcig 'og tu gcig mi chud pas/ spyod pa yang nyams pa'i rgyu ste/ mi mthun zhing khog gnag pas mi bde ba 'byung zhing byams pa'i 'bras bu med par 'gyur ro// sa ma ya bkod pa'i rgyud las/ gsang ba'i dam tshig spyad nyes pa'i sgron ni bstan pa'i le'u ste nyi shu rtsa gsum pa'o// // sems dpa' chen po gsang ba'i dam tshig rtsa ba ni/ gter du rtsa ba rin po che'i sgrom bu rtsa ba dang / sems la rtsa ba yid la brnag pa dang / 'khor lo rtsa ba snod dang ldan pa las ma gtogs pa kun gyi thun mong ma yin te/ de'i phyir 'di skad ces gsungs te/ gsang ba'i dam tshig chen po 'di// dam par spyad las ma gtogs pa/ sdang dgu phal gyi thun mong min// blo zhen zos na skrag par 'gyur// rin po che dang gser gyi rgyun// 'khor los sgyur ba'i rgyal po las// mgo nag kun gyis mi thob cing // kla klo kun gyi thun mong min// de bzhin gsang ba'i gsang chen 'di// rnal 'byor ngang tshul bzang ba dang / 'byor pa'i longs spyod ci smos kyi// lus dang srog la'ang ma chags pas// gang na dam pa 'di yod par// spu gri sor yang rgal ba dang // me mar mur gyi 'obs 'bogs na// de ni 'di yi gzhag pa'i snod// bka' las 'byung bzhin cig mi byed// gsang ba'i don nges g.yo sgyus 'tshol/ 'dod dang bkur sti chags pas 'chings// de 'dra za zhal spyod yul min// long bas dro yang nyi mi mthong // blun po lung du ma bstan pas// ji ltar spyad kyang bden mi mthong // 'das pas brlag cing 'bras bu med// sman pas sman ngo mi shes shing // nad kyis ngos nas ma zin par// nor bar btang bas dug tu 'gyur// phan par ma song sdig bzhin du// slob dpon snod la mi rtog cing // slob ma dam tshig mi 'dzin pa/ nyes 'gyur nyams pa brjod pa/ las 'das// gnyis ka 'phung byed brlag par 'gyur// de bas gsang chen dam pa 'di// chu srin dgu po'i kha nang 'du// nor bu rin chen 'chang ba bzhin// gzhan la bstan par bya ba min// don du gsang ba 'di 'tshol zhing // yid la brnags shing 'chang byed pa// dus gsum rgyal ba'i sras yin pas// sangs rgyas kun gyi gdung 'dzin no// gsang thub pa ni dngos grub yin// brjed pa med pa lha zhes bya// ma yengs yid kyi dgongs pa yin// don las mi 'da' dam zhes bya// kun tu bzang po'i dam pa la// mi 'bras lus dang grib ma bzhin// mi gtong ba ni chu srin ltar// phyag rgya bzlas brjod chu rgyun bzhin// bden par gnas shing drang por spyod// bstan pa bzhin du bka' nyan cing // nges pa'i don las mi 'da' ba// da ltar nyid nas sangs rgyas nyid// bsgrubs shing btsal kyang dpag tu med// ma btsal na yang skyon med de// gser bzhin ye nas dag pa la// de la bcos shing smon du med// sa ma ya bkod pa las/ gsang ba'i dam tshig rtsa ba'i le'u ste nyi shu rtsa bzhi pa'o// // sems dpa' chen po rdo rje slob dpon la bka' bcag dgongs pa ni/ bdud dang bar du gcod pa slob dpon gyi cha byad du byung na/ brdung zhing dgar ba byas kyang dam tshig las ma gtogs so// rdo rje slob dpon smyos pa dang / chang dbang dang / gdon dbang du byed pa yang bka' bcag pa mi 'gal ba dang / slob dpon legs pa'i lam la dgongs shing dge ba'i gags byed pa dang / sdig pa'i las la bskul ba dang / rgod pa'i las byed na bka' bcag pa 'byung ngo // bka' bden pa mi ston cing / mu stegs dang log pa'i phyogs ston par byed na yang spang bar bya'o// mched dang lcam dral yang dkar po'i phyogs la smod cing nag po'i phyogs la bstod pa dang / da pa can gyi tshogs gcog cing / dge ba can gyi thugs dkrug pa dang / bka' las 'gal zhing mched la 'khu na ngag gcag go/ dam tshig dang brtse gdung med cing / sdig la mi 'dzem pa dang / chos la mi dad cing dge ba la mi gus pa dang / yo byad la bsog 'jog byed cing phud la khyer rngam che na spang ngo // gzungs dang / de byi dang / grogs kyang de bzhin no// de las gzhan du slob dpon gyi bka' mi gcag pa dang / ci gsungs pa nyan pa dang / mched lcam la sogs pa yang de bzhin no// bzang po'i las ni bden pa'i chos yin la/ sdig pa'i las dam la mi gnas pa min pas/ sangs rgyas thams cad kyi dam par dam gcig yin pas/ dam tshig yid la 'dzin pa ni sangs rgyas thams cad 'dzin pa yin pas/ gzhan gyi rtsol ba ci'ang ma byas kyang sangs rgyas pas ma nyams gtsor gzung zhing nyams pa spang bar kun tu bzang po ngas gsungs so// sa ma ya bkod pa las/ 'gal ba bcos shing spang ba'i le'u ste nyi shu rtsa lnga pa'o// // gzhan yang sems dpa' chen po dam tshig gi don mi len par gsang ba'i don spyod pa ni/ nam mkha' la khang bu brtsig pa dang / rdo rje brag la sa bon 'debs pa 'dra ste/ ci byas kyang 'bras bu med cing tshi chad par 'gyur bas/ 'di skad ces gsungs te/ snga rab 'das pa'i sangs rgyas kyang // dam tshig 'di rtogs mngon sangs rgyas// da ltar byung ba'i sangs rgyas kyang // dam tshig 'di srungs mngon sangs rgyas// slad kyis 'byon pa'i sangs rgyas kyang // dam tshig 'di spyod de bzhin rgyas// dam pa'i don de sangs rgyas yin// gzhan du rnal 'byor ma tshol cig/ lta spyod sgrub thabs 'phrin las kyang // dam tshig yod na de dag nges// gal te dam tshig 'di med na// byas kyang phan med sdug bsngal che// spur bas srin bal lam drangs dang // glang chen rdzab tu chud pa bzhin// btsal kyang phan med ngal chad pas// dam med de yang de dang mtshungs// zang zing nor dang longs spyod la// 'byor bas che phra khas blangs nas// sangs rgyas rnams dang bla ma dang // de bzhin mched la sogs pa la// dang por dad pas khas blangs nas// dbul bar dam bcas 'das na ni// sangs rgyas sku bslus zhes bya ste// brdzun par lha mi yid ches pas// dngos grub 'bras bu ci btsal kyang // 'di dang phyi mar thob mi 'gyur// gal te sngon gyi las bsnyegs kyis// dus 'dir cung zad bder gyur kyang // phyi ma la ni 'grub mi 'gyur// ngan song dmyal ba'i gnas skyes nas// sdug bsngal nyam thag gyur pa la// mgon skyabs sus kyang nus mi 'gyur// rnal 'byor 'thab rtsod skyes pa la// gcig lan gcig gis byed pa ni// be'u sbrel g.yang du lhung ba bzhin// gnyis ka dmyal bar ltung bar 'gyur// gang zhig bsrings pa de rgyal bas// gnyis kas bsrings na rgyal bar nges// rtsod pas rgyal ba 'phel ma yin// gang gis pham blangs rgyal bar 'gyur// don med slob dpon slob ma mched// long bas long ba khrid pa bzhin// ngam grog g.yang sar kun lhung ltar// mi bde ngan song gsum du skye// de la dam pa 'di thos nas// ji ltar mun par sgron bteg bzhin// de ma thag tu gsal gyur nas// byang chub 'tshang rgya gdon mi za// dam tshig chen po'i lta ba la// lta spyod dma' ba'i 'gal 'jugs pa// bya 'phur rjes su khyi snyegs bzhin// rang nyid tshi chad sgrib par lhung // man ngag lung dang ldan pa la// don gyi bkur sti mi byed cing // thabs kyis smod cing don 'grub pa// nyes 'gyur nyams pa brjod mi lang // slob dpon nges pa can rnams kyis// gsang ba nges par dam phog pa// de ma thag tu grags shing ston// de yi mtshan nyid de dang mtshungs// slob dpon bka' ltar mi byed cing // slob ma bstan pa mi nyan pa// gsang ba don la ci bsgrubs kyang // sbrang dang 'dra ste phan med 'gyur// zhes ched du brjod do// dam tshig thams cad kyi rgyal po sa ma ya bkod pa'i rgyud las/ gsang don spyad nyes pa'i skyon bstan pa'i le'u ste nyi shu rtsa drug pa'o// // sems dpa' chen po dam tshig gsang ba'i don spyod shes pa'i yid bzhin gyi nor bu rin po che bas dkon zhing rin che ba de sgoms su bcug nas/ bkur ba dang mchod pa byas na/ ci 'dod pa'i dga' ba bskyed pa bzhin/ thabs la mkhas pa'i rnal 'byor chen pos 'di dag sems la bcangs shing spyad legs par byas na/ 'jig rten gyi khams 'dir dgos pa thams cad lhun gyis grub par 'gyur ba lta ci smos kyi/ 'jig rten phyi ma'i dngos grub thams cad kyang da ltar nyid du 'grub par 'gyur te/ rgyal ba thams cad kyi gdung 'tshob cing / sangs rgyas thams cad kyi sras su gyur nas/ 'khor gyi ma mo dang / mkha' 'gro ma dang / dam bcas pa thams cad kyis ci bsgo ba thams cad nyan zhing zhabs spyi gtsug gis len te/ gsang ba thams cad byin dang ldan par 'gyur bas 'di skad ces gsungs so// rnal 'byor brtson pa rab ldan pas// phyogs bcu dus gsum sangs rgyas grangs// rdul gcig rdul snyed sangs rgyas kyi// mtshan nas brjod cing phyag 'tshal zhing // stong gsum stong gi 'jig rten khams// rin chen sel mas bkang nas kyang // nyin mtshan dus drug la sogs par// rgyal ba rnams la mchod pa bas// de bas dam tshig tshul shes pas// lha dang slob dpon mched lcam la// dad pa brtse gdung mi phyed pas// sman gyi mchod pa 'di phul tshe// mtha' yas sems can thams cad la// sha khrag 'phangs med btang ba bas// de bas lha slob mched lcam la// za ma re mchod cher bsngags so// de bzhin lus dang longs spyod dang // ci yod phul ba ci smos kyi// skabs kyi rtse gdung ma shor na// de yi yon tan brjod las 'das// de bzhin dam tshig che 'dod na// brtse gdung gus na che bar 'gyur// dad med ser snas chung 'gyur te// 'das skyon lha yang brlag par 'gyur// lus kyi dri ma bkrus pas dag/ sdig pa'i dri ma bshags pas 'byang // 'dzin rtog sdug bsngal bsgoms pas sel// dam nyams sgrib pa na ra kan// sems ni yi dam lha la dmigs// ci yid slob dpon nyid la phul// lhag mas phyed dang de phyed rnams// mched la mchod na bde sham 'bar// chags dang ser sna sdug bsngal nad// ma chags sbyor byed bdud rtsi sman// mi nyan tshod yod nyams pa'i rgyu// bka' dam don nyan dam tshig go/ 'dod pa'i longs spyod thams cad la// bdag la 'bul bar byed pa yang // slob dpon mched la phul cig go/ des ni mi nyams nyams kyang skongs// zang zing longs spyod dad pa'i tshogs// gzhan la 'bul bar byed pa la// bdag la phul gcig len byed na// bsrungs kyang nyams te skongs mi 'gyur// gsang ba nyams pa'i gang zag ni// klu yi gdug pa'i kha rlangs bzhin// gang du slebs par phung byed pas// mi bden de dag spang bar bya// gsang thub brten pa'i man ngag can// gter sbas thabs kyis phyung ba bzhin// gang dang phrad pa 'tshangs 'gyur bas// rin zang med par bslu bar 'os// gsang med slob dpon byed pa dang // snod med slob ma byed pa ni// 'o kham bzhin du gnyis ka 'phung // dus med srog zad dmyal bar lhung // gsang ba dam pa'i slob dpon dang // snod dang ldan pa'i slob ma ni// ji ltar gser dang rin chen bzhin// yon tan zad med phyi phyir 'phel// gzhung dang mthun par mi byed cing // bden pa sems la mi 'jog par// gang zhig gsang sngags spyod pa ni// sa bon brdos pa de bzhin no// zhes gsang ba dam pa gsungs so// sa ma ya bkod pa'i rgyud las/ gsang ba dam par bstan pa'i le'u ste nyi shu rtsa bdun pa'o// // sems dpa' chen po gzhan yang / sngags kyi dam tshig ma nor bar bzlas/ ting nge 'dzin gyi dam tshig ma yengs par bsgom/ gsang ba'i dam tshig ma nyams par bsrung // 'phrin las kyi dam tshig ma chags par btsal/ gsang ba'i dam tshig ma brjed par bsrungs na/ gsang sngags yin no// dam tshig yin no// bdud rtsi yin no// sangs rgyas yin no// gsang bar byas na mnyan no// gnyan par byas na byin che'o// byin che bas gdon mi za ba'i sangs rgyas yin/ no// sems dpa' chen po sngags kyi dam tshig nor bar bzlas na/ rang bzhin 'grub pa'i mthu byin mi 'byung ngo // ting nge 'dzin gyi dam tshig 'du byed la yengs pa dang / bying rmugs dang 'dres na/ rang rig gi ye shes chen po mi 'char ro// spyod pa'i dam tshig nyams na/ rdo rje dmyal ba yang ba'i gnas na lha bsod nams kyis rgyal ba'i tshe tshad pas kyang gsum gyis ring bar skye bar 'gyur ro// gsang ba'i dam tshig brjed de/ gsang chu tshags su 'dzags na/ dmyal ba bsdus 'joms dang lce la zhing rmod pa'i gnas su bskal pa dpag gis mi lang bar skye bar 'gyur ro// 'di dag nyams na bdud yin no// dug blud pa yin no// dmyal ba yin no// mu stegs 'chal pa sangs rgyas thams cad kyi bka' las 'gal bas/ dmyal ba dang ngan song gsum gyi gzhi ma yin no// sa ma ya bkod pa las/ dam tshig gi dngos gzhi bstan pa'i le'u ste nyi shu rtsa brgyad pa'o// // sems dpa' chen po chos thams cad dngos po dang rang bzhin med par shes na dam mi nyams so// de ci'i phyir zhe na/ 'dzin pa dang chags pa med pas mi nyams so// de bas kyang chos thams cad gnyis su med cing mnyam pa nyid du shes na dam tshig la nyams pa med do// de ci'i phyir zhe na/ rnam rtog gi phyogs ris ming yang med pas nyams pa'i dus med do// de bas kyang chos thams cad skye 'chi med cing 'pho 'gyur med par rtogs na dam tshig nyams na yang skongs so// de ci'i phyir zhe na/ chos kyi skur gyur pas skyon ming yang med par dag pa'o// de bas kyang chos thams cad byang chub kyi sems yin par rtogs na dam tshig bsrung du yang med do// de ci'i phyir zhe na/ ye nas sangs rgyas pa la 'khor ba'i rgyu btsal gyis mi rnyed pa'o// de'i don kyang rang gi sems la gsang zhing bcangs na/ dam tshig thams cad kyi rang bzhin du chos thams cad kyang sangs rgyas pa'o// de ci'i phyir zhe na/ gsang ba la nyen dang 'gal ba med/ thub pa sangs rgyas thams cad kyi dgongs pa mthar phyin pa'o// de lta bu'i don 'di kun tu bzang po'i thugs phyung ba yin kyang gtsam bu dang / 'phyar po dang / gsang med cing snod dang mi ldan pa la spel na de nyid phung zhing brlag pa lta ci smos/ gzhan gar spros par phung zhing brlag par 'gyur te/ de ci'i phyir zhe na/ gtsam bu la nges don zab mo byin na dang por ngom/ bar du 'di yin ces ston/ tha mar nan po che'i ngo mi zlog pas/ gsang chu tshags su 'phel ba ni// skyon dang bcas pa shin tu yang che ste/ bkur gnas kyi rim pa shor/ gsang ba'i nges don 'khyams/ dam tshig gi gzhung lugs med/ 'bad pa'i 'bras bu stor te 'gro bas 'di ni nyams tshabs kyang che/ sdig kyang gzhan dang mi mnyam/ bskang tshad las kyang 'das pas/ bden pa'i don thams cad la 'bras bu med de/ 'bras bu zab mo thams cad 'jug tu sprang po dang nor bu chung gi lag tu spel te/ skyon can dang nor bu chung thams cad ngom zhing ston cing 'tshong / gsang gsang don can rnams 'cha' zhing skyid lug pa'i skon ni kun tu bzang po ngas kyang brjod pa'i mtha' med de/ dam tshig chen po la gtogs so// 'phyar po la gsang ba'i don zab mo 'phel na/ 'phyar ba'i dbang gis rang gi sems la mi 'jog cing blo la 'dug pa'i yul med pas/ su snang ba la don 'di lta bu yod pa bzang ngam ngan// sangs rgyas kyi zhal nas gsungs pa lags sam ma lags zhes/ nyan thos dang theg pa dman pa'i rigs thams cad la ston pa dang / gsang sbed mi shes pas gsang brkus pa dang / gsang nyams pas gsang ba la rma 'dod cing yang ba dang / 'phyas chen po 'dogs pa dang / chos 'di dag ni sangs rgyas kyis ma gsungs nges te/ gang zag spun du re ba dang legs su re ba'i mi tshig yin te/ cung yang skyes grags pa dang / kham che ba dang / bde ba chen po'i don nye grags pas sangs rgyas kyi bka' min ces bya ba la sogs pa dpyas shing skur ba bsam gyis mi khyab pa 'debs/ la la tshol bar 'dod na yang thabs kyis dpyas shing don gyis tshol ba yang mang bas de dag lhag par yang nyams te/ sngags 'bras bu'i chos nyan thos dang theg pa dman pa lta ci smos kyi/ sngags yo ga phyi pa man chad bstan na yang ltung ba gol ba'i sgrib pa che la/ der yang ma zad nang pa rnam pa gsum dang / sku gsum thugs la sogs pa'i sgrub pa'i sgo so so yang 'drer mi snang na/ 'phyar pos de rnams la bstan pa lta ci smos te/ shin tu yang nyams pa tshabs che ste/ de ci'i phyir zhe na/ rdzogs chen bla na med pa kun tu bzang po nyag gcig gi dgongs spyod 'di sa bcu'i byang chub sems dpas kyang dar gyi la ba tsam gyis bsgribs pas mi rtogs na/ theg pa 'og ma pa dang / nyan thos la sogs pas smos kyang ci dgos te/ don gyi phyogs gcig tsam yang mi rtogs/ ma rtogs pas bka' la smod// smad pas bka' 'di la smad na bka' thams cad la smad pa bas/ 'di nyams te bskal pa brgyar mnar med pa'i dmyal bar skye zhing / dmyal ba gzhan bskal pas 'jig kyang / rdo rje dmyal ba cis kyang mi shigs pa'i gnas 'gyod pa dran par 'gyur te/ de'i sdig kyang brjod pa las 'das te/ bka' 'di dag gis don nan la bor ba dang / yin min gyi stang bcad pa ma yin te/ bka' 'di sangs rgyas thams cad kyi thugs ye shes nyid kun tu bzang po rang byung ba yin pas/ 'di ni lhag par nyams shing ma rung bar dam tshig chen po la gtogs so// gsang med pa ni mu stegs 'chal pa po ltar snang dgu dang / grong dang / grong du ston pa dang / phyi nang gi dbang dang slob dpon gyi bka' rtags ci smos kyi/ ming tsam 'byin pa'i dbang yang ma thob par gzhan la 'byin par byin par byed pa ni/ nyams shing 'gal ba gong ma bas kyang che ba min re dam tshig chen po la gtogs so// snod ma yin pa ni ji ltar bstan kyang sems kyi don mi go bar slar skur ba 'debs pa bka' 'di las 'byung ba ltar tshig gcig kyang mi byed pa dang / ci nyams byas shing gzhan la tshogs 'dre zhing sgrib pa skud par byed pa rnams la don 'di dag ston cing spro ba ni// dpon dang g.yog med par gnyis ka'i dam tshig nyams te 'bras bu gtan brlag par dam tshig chen po la gtogs so// gal te dam tshig nyams par tshor nas 'gyod/ slan chad sdoms na mkhas pa bshags su btub la/ nyams par yid ches shing snod ma yin pa la spro ba ni bskang tshad las 'das so// dam tshig chen po thams cad kyi rgyal po sa ma ya bkod pa'i rgyud las/ kun tu bzang po thugs kyi gdams ngag gi le'u ste nyi shu rtsa dgu pa'o// // de'i phyir sems dpa' chen po dam tshig ces pa ni/ sangs rgyas thams cad kyi 'byung gnas/ lta ba thams cad kyi la bsdu ba/ sgrub pa thams cad kyi phul/ 'phrin las thams cad mthar phyin pa/ man ngag thams cad kyi nying khu/ dgongs pa thams cad lhun gyis grub pa/ dus gsum gyi sangs rgyas thams cad kyi snying / rnal 'byor pa thams cad kyi srog/ phyi nang mkha' 'gro dbang phyug gi yang srog/ srog 'di las gang 'das na/ chos kyi sku yang 'jig par 'gyur na/ gzhan smos kyang ci dgos te/ na ra ga te ha ra han no// gang ma nyams shing ma 'das pa dpal gyi dpal lo// gang don du gnyer ba byang chub kyi sems bde ba chen por lhun gyis grub pa'o// gang dam tshig rgyab tu 'dor ba dus thams cad du 'bras bu gtan med cing yang gting chen po rtag pa'o// dam tshig chen po 'di ni sangs rgyas thams cad kyi thugs dam yin no// ma mo dang mkha' 'gro'i dam tshig yin no// rnal 'byor thams cad kyi dbyar dam yin no// sangs rgyas kyi dbu sbyang ngam pa tshogs 'khor gyi bro/ rnal 'byor gyi mna'/ mtha' yas pa'i sems can gyi srog tu gsungs pas/ sangs rgyas kyi sangs rgyas dbang du bzhugs pas ye shes sems dpa'o// gshed ma'i gshed mar dpang du bzhugs pas/ badz+ra yak+Sha'o// srog gi yang srog dbang yin pas tsit+ta sa ma ya'o// dam tshig dam pa ma nyams na rtsol sgrub dang 'phrin las kyi sgo ci yang ma byas kyang / 'di ltar snang ba'i chos thams cad kyang chos nyid ma skyes pa'i klong las dngos po mtshan mar rdul cha tsam yang mi 'da' bar 'gyur/ phung po dang / khams dang / skye mched dang / rnam par shes pa thams cad lha'i dkyil 'khor la nga dang / bdag dang / phyogs dang / ris su rdul tsam cog kyang mi 'da' bar 'gyur/ tsit+ta lha ye shes sems dpa' sku mtshon gang ba'i dkyil 'khor du skye 'chi dang 'pho 'gyur med par mi 'da' bar 'gyur/ srog dang rtsa dbugs badz+ra yak+Sha'i skur bar du gcod pa'i gnyen po cis kyang mi tshugs pa'i sangs rgyas las mi 'da' bar 'gyur/ byang chub kyi sems ye kun tu bzang po bde ba chen por sangs rgyas te/ 'khor ba dang ngan song gi ming yang med cing / bzang ngan che chung spong len du mi 'da' bar 'gyur/ khams gsum 'khor ba'i chos thams cad ye rgya chen pos btab ste mi 'da' bar 'gyur/ de ltar dam pa 'di la mi mthun pa dang / log pa btsal kyang mi 'da' bar 'gyur/ de lta bu'i dam pa'i nang 'di rtsol zhing sgrub na yang mi skyon te/ ci btsal ci bsgrubs pa tha na chung ngu'i rdul tsam yang chud mi za bar sangs rgyas kyi dgongs spyod bsam gyis mi khyab par 'phel ba ni/ rdul gyi rdul cha tsam gcig la yang brgya byin lha'i dbang po'i longs spyod kyis brgya dang / stong dang / khri dang / 'bum gyi char yang nye ba ma yin te/ brjod pa las 'das pa'i bsod nams chen po las mi 'da' bas/ tha na don bya ba yang se gol yud tsam gyi don byas kyang 'khor ba thams cad dus gcig tu stongs shing / thams cad sangs rgyas pa'i mthu ni/ phyogs bcu dus gsum gyi sangs rgyas rdul gcig steng na rdul snyed bzhugs pa'i sangs rgyas kyis kyang / bcu dang brgya'i char yang nye zhing 'da' ba ma yin par 'gyur ro// de bzhin du dam tshig chen po de'i rang bzhin du gyur pa'i chos thams cad ni/ yid la ji lta ba 'dod par dbang sgyur ba tsam ma yin/ yid kyis mi dmigs kyang 'dod dgu yon tan gyi rgyal po chen por rang 'byung ba ni dpe 'am/ cha 'am/ grangs su kun tu bzang po nges kyang nye ba ma yin te/ yongs su 'da' ba med pa'i glong la ya mtshan gyi cho 'phrul ji lta bur yang 'byung ba'i tshig dang yi ge brjod pa las 'das so// sems dpa' chen po dam tshig chen po 'di ma bsrungs sam nyams te 'das na/ dge ba ci byas kyang sdug bsngal du 'gyur ba dang / bsgoms shing bsgrubs kyang bdud du 'babs te/ dper na srog rtsa nyams na phung po la sman ci btang yang bde ba mi 'byung ba bzhin no// de bzhin du dam tshig gnyen po rnal 'byor pa bdud kyis bslus pa rnams mi bsrung zhing nyams par byas na gzhan sgom sgrub dang / rtsol ba'i sgo ri rab tsam byas pas/ dam pa gnyen po'i rten med pas chos nyid ma skyes par bsgoms kyang chos nyid las 'das pas phyi/ yul gyi dngos po dmyal ba'i zangs khang na/ rdo rje tho gtun kha 'khrig mo dang / mtshon dpal rnon po'i dul dpal dang / bskal pa me 'bar ba'i tsha ba'i gcong rong thar pa'i dus med pa'i gnas su 'gyur/ phung po dang / khams dang / skye mched dang / rnam par shes pa lha'i dkyil 'khor du bsgoms kyang nyams shing 'das pas dmyal khams bco brgyad kyi gnas su gyur nas/ de na las kyi dbang gis zo chu'i khyud mo ltar 'khor zhing sbyong bar 'gyur/ dam las 'das pas ye shes sems dpa' bsgoms pa lcags kyi sdig pa gze mo khab rgyud pa'i khong du chud nas zangs lcags khro chu skol zhing nyams pa de'i lus la bskal pa me 'bar bas sreg/ dam tshig spang po bslus pas badz+ra yak+Sha dmyal ba'i ded dpon chen pos bar bar du de nas dam nyams pa phyung nas rdo rje'i tho ba dang gtun 'khrig mo'i nang du skad cig tsam yang mi 'gyur bar rdung zhing 'thag/ de'i sems nyams shing log pas bsregs kyang tsha ba'i sdug bsngal tshabs ci cher myong ba las med cing stongs par mi 'gyur/ rdo rje zo gtun du brdungs kyang na ba'i sdug bsngal nyams su myong ba las med cing brlag par ma song bas 'de ba nga la sos pa'i yun se gol tsam yang mi myong / sdug bsngal du mar mi bzod pa las bskal pa brgyas kyang mi thar/ phyogs mtshams bla 'og dang phan tshun thams cad na yang de 'dra ba'i dmyal ba la thug pa med pa brgya bsam gyis mi khyab par 'gyur/ nyams shing 'das pa la ma btsal ma bsgrubs na de bas kyang thu ste/ mtshams med pa lnga dang / nye ba lnga dang / kha na ma tho ba sdom pa dang / dmyal ba de lta bu'i sdug brlabs brgya dang / khri dang / 'bum gyi char yang nye ba ma yin par skye bar 'gyur/ dam tshig nyams pa'i dmyal ba de'i mthu dang sran la sangs rgyas thams cad pas btul kyang tha na rdul gyi 'bum cha tsam yang don mi nus te/ de bzhin du log pa'i mthus brtas pa'i sdug bsngal gyi nyen chad kun tu bzang po ngas kyang tshig dang yi ger brjod pa las 'das pa'o// de'i phyir dam tshig 'di gnyen zhing mthu che ba ni/ sangs rgyas thams cad kyi kun tu bzang po ngas kyang 'da' mi phod de/ 'das na skad cig tsam gyis brlag par 'gyur ro// sa ma ya bkod pa'i rgyud las/ dam tshig srog gi nyis legs kyi le'u ste sum cu tham pa'o// // de nas rdo rje sems dpas rtogs bzhin du 'di skad ces gsol to// badz+ra yak+Sha zhes bya ba'i sangs rgyas gang lags/ bka' stsal pa/ sems dpa' chen po sangs rgyas thams cad kyi sku bsdus pa chos kyi sku/ gsung bsdus pa tshig dang yi ge med pa'o// thugs bsdus pa rnam rtog las 'das pa'o// sangs rgyas thams cad kyi srog bsdus pa badz+ra yak+Sha'o// sangs rgyas des sngon gyi smon lam yang dam tshig lhar grub par btab/ sangs rgyas thams cad kyis kyang sangs rgyas thams cad kyi mthu ci mnga' rdo rje gnod sbyin grub cing smin par smon lam btab cing dbang bskur bas de bzhin dam tshig gi dbang po chen por gyur te/ rnal 'byor pa gang srog yod na dam tshig yod/ dam tshig srog dang 'dra bar bsrung ngo // dam tshig bsrungs dang gzhan byas kyang legs/ gzhan ci yang ma byas kyang badz+ra yak+Sha dam las mi 'da' ba la dbang bskur byin gyis brlab bo// ting 'dzin gyi nus mthu skyed/ yid la 'dod pa'i smon pa dus gcig tu rtsol bas sangs rgyas 'di yi mthu dang / rdzu 'phrul dang / thugs rje sangs rgyas thams cad pa dang / de'i bdag nyid kun tu bzang pos kyang rdul gyi rdul cha tsam yang nye ba med do// gang zhig bka' dang 'gal zhing log pa'i phyogs mtha' dag gdul zhing tshar bcad na yang rig pa'i rgyal po khro bo thams cad pas/ 'di yi mtshan gcig rdo rje me dpal snying 'phrog ces bya ba brjod tsam nyid ches sla'o// dam las 'das shing nyams pa la sangs rgyas 'di yi mthus kyang mi tshugs na/ gzhan gyis lta ci smos/ gang zhig 'gal ba dang lan ma lan gyi dbang du yang 'di yi snying po badz+ra yak+Sha i dan na ra kan/ zhes brjod na nges legs kyi gshegs 'byed pa/ sangs rgyas thams cad pas kyang lhag go/ gang zhig nyams na bshags par 'dod na/ yang sangs rgyas 'di la bskang ngo // gang zhig ma nyams par bsrungs na yang dngos grub 'dis stsol lo// chos dang sangs rgyas thams cad dam tshig go/ dam tshig badz+ra yak+Sha'o// badz+ra yak+Sha rnal 'byor pa dang 'khor gyi dbang phyug thams cad kyi srog go/ srog nyams na 'chi zhing brlag/ ma nyams na mi 'chi zhing rgyas pa bzhin/ dam tshig nyams na sra ba chen po'i dmyal bar gtan brlag go/ ma nyams na sangs rgyas thams cad kyi bdag nyid yang dag pa'o// de lta bu'i don thams cad rgyud kyi rgyal po 'dir 'byung zhing / sangs rgyas thams cad dang dam tshig gi lha'i thugs nyid 'dir 'byung zhing // sangs rgyas thams cad dang dam tshig gi lha'i thugs nyid 'dir 'byung bas// bka' thams cad kyang 'di las 'phros shing 'dir 'dus la// dgongs pa thams cad kyang 'di las 'byung zhing 'dir sgrub pas/ nyams pa yang med la nyams na 'dis skongs pas/ sems kyi chos nyid la don 'di kho nas chog par dam tshig la gtogs so// dam tshig dam pa 'di la dang ba ma skyes na ci byas kyang ltung ba'i gnas su skye ba dam pa la gtogs so// dam tshig yod na sangs rgyas dang / chos dang / grub pa'i 'bras bu thams cad kyang yod do// 'di med na dge ba ci byas kyang chad pa'i mur lhung nas med cing brlag go/ phyi nang gi bka' thams cad kyang 'di la thug go/ chos kyi sgo mo brjod kyis mi lang pa yang 'dir 'dus pas/ rgyud 'di thos pa dang / 'dzin pa dang / rtogs nas mi 'da' ba kun tu bzang po nga nyid yin no// dam tshig chen po 'di skyon thams cad sel ba'i bdud rtsi gang du thos shing grags pa na nyams pa thams cad dus gcig tu bskongs pas/ ma rig ldongs pa'i dmigs bu zhes bya ste/ 'di yi don bskal pa ji snyed du brjod pa las 'das so// dam tshig thams cad kyi rgyal po sa ma ya bkod pa'i rgyud las/ yongs su grub pa'i le'u ste sum cu rtsa gcig pa'o// // de skad ces bka' stsal pa tsam gyis/ mtha' yas pa'i sems can thams cad kyi nyams pa yang dus gcig tu skongs so// de dag thams cad kyang rang bzhin gyis mi 'da' ba dang / rang bzhin gyis mi nyams pa dang / rang bzhin gyis dag pa dang / rang bzhin gyis zhi ba dang // rang bzhin gyis nges pa dang // rang bzhin gyis gya nom pa dang // rang bzhin gyis chos shes pa dang // rang bzhin gyis phyogs med pa dang // rang bzhin gyis mnyam par 'gyur ro// de'i tshe/ mi dmigs pa'i stobs dang / mi dmigs pa'i shes rab dang / mi dmigs pa'i btang snyoms dang / mi dmigs pa'i rig pa rang gsal te/ phyi'i yul thams cad ma skyes pa'i chos nyid las 'da' ba med pa'i dam tshig tu gyur to// nang gi dbang po thams cad rang snang ba'i ye shes chen po las 'da' ba med pa'i dam tshig tu gyur to// dbyings dang ye shes gnyis su med pa chos kyi sku las 'da' ba med pa'i dam tshig tu gyur to// rgyud 'di thos pa'i rnam par shes pa'i sems can thams cad rdo rje sems dpa'i rang bzhin du gyur nas/ 'da' ba med pa'i dam tshig tu gyur to// rgyud 'di thos pa'i kun gzhi kun tu bzang mor gyur nas/ 'da' ba med pa'i dam tshig tu gyur to// rgyud 'di thos pa'i rang 'byung ye shes su gyur nas// 'da' med pa'i dam tshig tu gyur to// rdo rje sems dpa' dang / kun tu bzang po dang / yid rang 'byung gi ye shes kyang gnyis su med pa'i btsal ba'i thig ler gyur nas/ 'da' ba med pa'i dam tshig tu gyur to// dam tshig thams cad kyi rgyal po sa ma ya bkod pa'i rgyud las/ mi 'da' ba'i dam tshig tu mthar phyin pa'i le'u ste sum cu rtsa gnyis pa'o// // de nas ston pa kun tu bzang pos/ dam tshig chen po bden pa'i bka' 'di sangs rgyas thams cad la bsgo ba/ kye kye phyogs bcu'i sangs rgyas thams cad mang zhing dam par gyur pas gsungs pa'i tshig gang zhe na/ 'di lta ste/ bud+d+ha sa ma ya tsi ta/ 'das na nA ra kan/ ta thA ga ta tsi ta sa ma ya/ 'das na nA ra kan/ d+harma d+hA tu swa b+ha ba tsi ta sa ma ya/ 'das na nA ra kan/ badz+ra 'ag+ho ru tsi ta sa ma ya/ 'das na nA ra kan/ tiSh+Tha tsi ta shi la sa ma ya/ 'das na nA ra kan/ bag tsi ta sa ma ya/ 'das na nA ra kan/ rag sha ru tri tsi ta sa ma ya/ 'das na nA ra kan/ ma hA de ba tsi ta sa ma ya/ 'das na nA ra kan/ ma ma tsi ta sa ma ya/ 'das na nA ra kan/ e a ra li tsi ta sa ma ya/ 'das na nA ra kan/ ang 'gu/ ging ga ra/ ma mAM/ mAM lAM/ tsi ta sa ma ya/ 'das na nA ra kan/ de ba nA ga/ yak+Sha/ a su ra/ ma ni/ pre ta ka tir ya ka na ra ka dam tshig chen po'i bden pa las 'das na nA ra kan/ zhes gsungs pa tsam gyis mu dang mtha' med pa'i 'jig rten gyi khams grangs brjod pa las 'das pa dang / sangs rgyas kyi zhing khams bsam gyis mi khyab cing gzhal du med pa thams cad na rdul gcig gi steng na rdul snyed kyi sangs rgyas bzhugs pa thams cad kyang / thugs dam gyi dbang gis cha snyems shing 'dar nas/ shin tu gdung ba'i thugs ngan tshad med pa skyes te/ thugs 'khrugs nas sdug bsngal tshad med pa skyes so// 'khor gyi byang chub sems dpa' thams cad kyang hag skrag nas lus dang yan lag stong du gas shing brlag nas zhig par gyur to// bdud dang / srin po dang / 'khor gyi ma mo dang / mkha' 'gro dang / lha dang / klu dang / gnod sbyin dang / bgegs kyi rigs la sogs pa'i sems can ji snyed thams cad dus kyi tha ma la bskal pa mes tshig la bzhin/ rdul gyi rdul cha tsam yang med par byas nas/ dam tshig nyams pa'i sdug bsngal rnam pa sna tshogs pa nyams su myong ngo // de ltar snang tsam na yang kun tu bzangs po sems kyi chos nyid la ji lta bur grub pa med do// de nas ston pa thugs rje ta las/ badz+ra yag sha kro ta dza/ zhes ma brjod pa'i sgra tsam las/ khro bo rdo rje gnod sbyin byung ste/ rdo rje gnod sbyin gyis ma brjod pa'i gsung gcig las/ ma hA su kha tsi ta sa ma ya/ sid+d+hi sa ma ya swA hA/ zhes pas sangs rgyas thams cad dam tshig gi bden pa chen po'i mchod pas mnyes nas/ chos kyi sku 'pho 'gyur med pa'i ngang du dbyer med par gyur nas thugs ngan sangs/ 'khor gyi byang chub sems dpa' thams cad 'gro ba'i sdug bsngal gyis bsnyengs te brgyal ba las bslangs nas/ sangs rgyas kyis gsum lhun gyis grub nas gnyis su med par gyur/ 'khor dang sems can thams cad kyang dran pa rnyed cing dam tshig rjes su dran par byas nas 'di gsungs so// dam tshig chen po'i bden pa 'di// sngon gyi ston pa'i thugs la bzhugs/ da lta nga yi snying la gnas// gtan du sems can kun gyi srog/ mi 'da' tshul bzhin gang spyod pa// sangs rgyas rnams kyi mdzad spyod yin// nyams dang log par gang byed pa// dngos po'i chos can de yin pas// bdud kyi spyod yul nyams pa'i rgyu// thar pa'i dus med 'o dod 'bod// btso bsreg gshegs gtub thar dus med// de la sangs rgyas mgon mi nus/ oM badz+ra kro ta sa ma ya a/ zhes pas sems can 'khor ba'i mtha' las thar pa'i dus med pa/ dam tshig chen po'i bden pas skyabs bton te/ phyis mi 'da' zhing nges pa'i bka' la gnas pas/ thams cad ye nas sangs rgyas pa'i rang bzhin du dbye ba med par gyur to// sa ma ya bkod pa las/ dam tshig chen po'i bden pa'i le'u ste sum cu rtsa gsum pa'o// // de nas sangs rgyas thams cad dang / kun tu bzang po yang dbyer med par gyur nas gsung mthun par bka' stsal pa/ sems dpa' chen po/ sangs rgyas thams cad kyi bka' yang dag pa'i bden pa dang / badz+ra yak+Sha'i mthu stobs kyis rnal 'byor pa gang dam tshig nyams nas 'gyod par sems pa rnams ni skongs par 'gyur ro// dam tshig med pa rnams ni yod par 'gyur ro// mi dran pa rnams dran par 'gyur ro// mi bsrung ba rnams bsrung bar 'gyur ro// bsrungs pa rnams kun tu bzang po nyid du sangs rgyas pa yin no// de ltar dam tshig gi mthu stobs 'di ni bden zhing nges te sangs rgyas pa med re skan/ dam tshig gi bden pa de med par gsang sngags gsang ba'i sgor zhugs shing spyod pa ni/ rdo rje dmyal bar 'gro ba min re skan zhes pa dang / rdo rje sems dpas gsol pa/ sangs rgyas kyi bka' bden pa yang dag pa dam tshig yin pas/ bden pa 'dis gang la don byed par nus/ kun tu bzang pos bka' stsal pa/ dam tshig chen po 'dis kun la don nus kyang / gsang ba'i sgor zhugs nas gsang ba'i don bzhin du mi spyod pa rnams ma gtogs so// de bzhin du gsang ba'i nges don du drod dang rang dgar smra ba dang / gsang med cing gsang 'chal par gtong ba dang / gsang zhes bya ba'i don de yid la mi 'dzin cing // brdzun nam ji ltar mi 'dzin pa dang / lta ba che skad khungs 'don cing / lta ba'i don dang mi mthun pa'i spyod pa cha log par spyod pa/ kha nas smra ba dang yid la 'dzin cing spyod pa mi mthun pa dang / gsang ba'i bka' rkun gsum dam tshig gi bka' rkun rtsa ba'i dam tshig tsam yang mi 'char bar dam pa'i don gar song song dus gyer ba dang / dbang gi bka' rkun phyi nang gi dbang lta ci smos kyi/ rnal 'byor gyi kha dbang tsam yang ma nos par gsang ba'i bka' gab sbas ma rtogs par/ dpe rkun dang / 'og brus dang / thabs dang / sgyu rtsal nas ston zhing 'tshong bar byed pa dang / slob dpon gyi bka' rkun slob dpon la mnyes par ma byas shing / bka' drin ma nos par ma zad/ nges pa 'di 'chang ba'i slob dpon dang / don gyi mi mthun pa thos kyi dogs pa dang / dam par dga' ba dang / gal te bdag nyid 'dod na yang ches chung tu dogs pa dang / slob dpon de'i zhal nyi zer tsam yang ma mthong bar de'i don thams cad nga la yod la/ de las lhag pa yang nga la yod ces zer/ gang la slob dpon de mi mthong ba dang / mi slob pa'i sar gsang ba gab sbas ma phyin pa la rigs pas gdeng ma chud par dpe tshongs dang / rab rib dang / lhag chad nor dang gsum smra zhing spro ba ni/ nyams pa'i nang na yang nyams pa chen po ste/ des ni rims nad rlung ba dang 'dra bar/ gsang sngags gting ma rungs par gyur te/ de'i dus su gsang ba kun la 'jug cing spyod kyang / gsang ba'i bka' dang / byin rlabs dang / grub pa'i 'bras bu ming yang med par 'gyur ro// de dag gi 'bras bu yang mnar med pa chen por 'gyur te/ gsang ba 'di dag gi nyams ni spyad nyes pas rdo rje theg pa spyod pa brdzun brdzun 'dra bar 'gyur ro// 'di dag ni ma rtogs te sangs rgyas kyi thugs rje cis kyang mi 'gyur ro// de ci'i phyir zhe na/ de ni lta ba dam tshig spyod pa ci'i sgo nas kyang kun tu bzang po 'di'i don gang dang gang mi ldan pas/ 'dzin rtog gi chos gnyis skyes nas/ dngos po skyon du gol ba sha stag go/ de dag dam tshig yin re skan/ dam tshig thams cad kyi rgyal po sa ma ya bkod pa las/ kun tu bzang po dbu snang gi le'u ste sum cu rtsa bzhi pa'o// // dam tshig thams cad kyi rgyal po sa ma ya bkod pa'i rgud rdzogs so// / @// rgya gar skad du/ san ti ma hA dam ri na ma tan+ta gu h+ya/ bod skad du/