བོད་ཡིག

e-texts produced with BDRC’s OCR application

m+b+hi/ @#// rgya gar skad du/ tsa ra sha Ar za/ bod skad du/ rje btsan dam pa/ rtogs pa'i lha la phyag 'tshal lo// byang chub sems kyi rje btsan dam// ston pa'i thugs la bton te bshad// skyon gyis bgor med gdod nas dag/ ma btsal bzhag na sgom pa'i mchog/ 'gro kun gnas pa'i byang chub sems// mi 'gyur rje btsan chos kyi sku// ngang gnas mi nub rdo rje'o// snang dang mi snang gnyis med de// bde chen yongs rtog rje btsan sku// ya mtshan mkha' la rigs pa'i thugs// smra bsam yul las shin tu 'das// dmigs med don rtogs chos kyi rje// snang ba'i yul las gang gnas kyang // rje btsan sku la g.yos pa med// yi ge 'bru la rtog pa rnams// rje btsan don la nyams te dman// phyi nang gnyis ka bde chen po// rje btsan rtogs pa'i rang rig sems// 'khor ba myang 'das gnyis med de// ji ltar bltas pas byang chub sems// ye sangs rgyas pas chos kyi sku// rje btsun dam pa rdzogs so// // @#// rgya gar skad du/ sarba a ta/ bod skad du/ kun 'dus/ spros med chos las phyag 'tshal lo// sna tshogs gcig tu 'dus pa'i ngang // 'byung ba bzhi nyid nam mkhar 'dus// nam mkha' dper bstan byang chub sems// rig pa rang la rdzogs pas na// kun 'dus rgyal por nga smras so// lta ba'i klong tshogs a ti la// theg brgyad so so'i don brjod nas// grub pa gcig tu nges par 'dus// yid la ma yengs brjod med bzhag/ ma lus sangs rgyas sems su 'dus// rtsa ba bral ba'i sems nyid de// sus kyang ma byas ye nas gnas// mi 'gyur lhun gyis grub pa yi// yang dag chos nyid dbyings kyi bla// rgyu la rag ma las pa'i sems// bde chen 'du 'bral med pa'i sems// 'bras bu rang la rdzogs pas su// snang srid thams cad ye sangs rgyas// bdag dang bral bas 'khor ba chod// dpal ldan sku gsum rang byung bde// sangs rgyas ma lus dbyings su gcig/ skye med don la thabs kyis 'dus// ma bcos ngang du 'gro bas na// thams cad thugs rje thabs kyis btul// gcig la med pa'i rin chen 'di// gzung 'dzin zad pas mnyam pa'i rgyal// ye shes rol pas gcig tu gsal// snying rje med pas gsod pa dang // lta ba med pas za ba ni// 'gro drug ye nas sangs rgyas te// thams cad lhag ma med par bsgral// ji ltar snang ba kun tu khyab// ye nas gcig gi ngang du 'dus// byas na 'ching ba'i lam yin la// ma bsgrubs 'du 'bral da par bstan// ye nas yin pa'i bde chen de// gnas la chags pa med pas na// 'dus las ma byas snang ba de// kun la khyab pas spro bsdu med// gang yang ma 'gags so sor gsal// ma lus 'dus pa'i