བོད་ཡིག

e-texts produced with BDRC’s OCR application

text in 2 volumes

volume 1 (ki) - volume 2 (ki) -

rgya gar skad du/ badz+ra man+ta b+hi ru san+ti ma ra tan+t+ra nA ma/ bod skad du/ drag sngags sa la 'dus pa rdo rje rtsa ba'i rgyud ces bya ba/ bcom ldan 'das mthu stobs kyi bdag po la phyag 'tshal lo// 'di skad bdag gis thos pa dus gcig na// bcom ldan 'das rdo rje 'dzin pa chen po nyid// ri rab chen po'i yang steng / lcang lo can gyi gnas mchog/ rab tu brgyan pa'i pho brang chen po na// yum chen mo 'byung ba lnga'i bdag mo dang // gnyis su med par snyoms par zhugs te// sku las 'od zer sna tshogs rab tu spros nas/ 'jig rten gyi khams kyi gdug pa can dang / dregs pa can dang / gzi brjid can dang / drag shul can la sogs bdag gi gnas thams cad rab tu g.yo zhing bskyod par mdzad pas/ de dag gi sde dpon dang bcas 'khor dang g.yog tu bcas pa rnams/ rlung gi shugs kyis bskyod pa bzhin du lhags pa ni 'di lta ste/ gshin rje tshe bdag nag po chen po yum dang bcas pa dang / bdud nag po chen po me'i kha rlangs can dang yum bdud mo nag mo khrag 'dzag ma dang / srin pa'i rgyal po gsod byed nag po yum dang bcas pa dang gnod sbyin chen po gang ba bzang po dang / yum gnod sbyin mo sha za ral gcig ma dang / lha'i rgyal po dbang phyug chen po dang / ru tra'i bdag po thar pa nag po dang / rmu rje btsan po rgyal po chen po dang / phyi rol lha'i bdag po ka la nag po dang / khyab 'jug chen po kun tu rgyu ba dang / klu'i bdag po gzhon nu gtum po dang / lha'i rgyal po li byin chen po dang / gnod sbyin chen po lag rgyu pa dang / bdag nyid chen po rdo rje mdzes pa dang / klu bdud chen po yam shud dmar po dang / gzhan yang lha dang / klu dang lha ma yin dang / za byed dang / yi dwags dang / 'byung po'i tshogs dang / pho nya'i tshogs 'jigs par byed pas bsam gyis mi khyab par rab tu 'dus so// de nas bcom ldan 'das kyis gdug byed chen po'i 'khor de dag rab tu 'dul bar mkhyen nas// dur khrod chen po'i dkyil 'khor mngon par sprul par mdzad de/ nam mkha'i dbyings kyi dkyil 'khor dag/ gzugs su brnyan pa rab tu 'jigs// sgra ni mi snyan drag cing gtum// dri ni mi zhim rul myags bsung // ro ni kha sgur tsha bar bro// reg bya tsha rtsub mi sdug spyod// zhe sdang chen po'i me 'bar zhing // nga rgyal keng rus brag tu gtams// gti mug mun nag rab tu 'thibs// 'dod chags khrag gi chu chen 'brug/ phrag dog rlung ni rab tu 'khrugs// sti ra chen po'i longs spyod la// stag gzigs can gzan ce spyang dang // kang ka dur bya 'dab chags tshogs// sha za khrag 'thung rus pa 'joms// bam dang rul dang myags pa dang // bye dang bral dang gzhig pa dang // zos dang 'thor dang rab tu 'thor// brul dang zags dang brlag pa dang // rtsod dang rgod dang glal ba dang // 'jigs shing gdug dang rngam pa dang // rol pa'i longs spyod rab tu sbrul// kun kyang gdug pa'i sems 'chang zhing // gsod gcod shag gtub lus kyi las// tshig rtsub brlang ba'i nga ror 'byin// khros pa'i brtul zhugs drag po yis// ma lus 'dul zhing tshar gcod pa'i// mngon par gcod la rab tu bkod// 'di ltar mthong zhing snang gyur ba// kun rdzob tsam du snang ba las// sems can gcig gi ba spu la// cung zad gnod pa yod med de// rang gi rnam rtog bde bar spyod// nges pa'i de nyid kho na'o// cho 'phrul chen po bstan pa'i gleng gzhi'i le'u ste dang po'o// // de nas sangs rgyas thams cad kyis// rdo rje 'chang ba'i rgyal po yis// dus gsum rgyal ba sras bcas kyis// thog ma med pa'i dus nyid nas// ma lus bstan pa bsrung mdzad pa'i// gsang bdag chen por dbang bskur phyir// gnod sbyin lag na rdo rje 'chang // lnga brgya'i grogs dang bcas pa yis// so so gtso chen mdun nyid nas// rang gi stan las rab tu langs// mngon du spyod pa'i sprul pa mdzad// thugs kyi gnas pa'i sa bon las// phyogs bcu nam mkha'i mthar thug kun// ljang nag rlung gis rab tu dkrogs// khrag gi rba klong 'khrug cing g.yo// sha rus gtams pa'i sa gzhi las// bskal pa'i me ri rab tu 'bar// b+han+na 'bar ba'i gzhal yas khang // gdug cing 'jigs su rung ba ni// stobs chen rnams kyang nyer mi spyod// phrin las ma lus rdzogs mdzad lus// phyi nang mtha' dbus kun la khyab// bstan la rab sdang pha rol pos// phung po zhabs kyi gdan du bting // 'od gdan gtsang ma gsum dang bcas// che ba mchog gi skur mdzad de// rig can mthar gnas dbur mnan cing // stong pa bco brgyad dag cing snang // phyag gis dregs pa'i lha brgyad bsgral// b+han+na tsit+ta g.yas g.yon bsnams// thugs kyi dbang rtags dang pos gzung // thugs rje mi 'gyur mthing nag mdog/ mi 'jigs rig par mnan pa'i zhabs// bdud bzhi phyogs dang bcas pa gnon// ma lus dbang du sdud pa'i phyir// ral pa kham nag srid rtse 'bar// 'bar ba'i spyan gyis khams gsum gzigs// gdangs pa'i shangs kyis srid gsum rngub// shangs kyi rlung sgras stong gsum khyab// rno dpal tshems kyis gdug pa sgrol// ljags 'dril rkan sgra drag por brdebs// khro gnyer 'od kyis dbang du sdud// dpa' ba'i chas kyi rab tu brgyan// bsrung ba'i lha rnams sku la rdzogs// stobs ldan de nyid mnyes mdzad pa'i// 'byung ba che la dbang sgyur ma// dbu gsum phyag drug zhabs bzhi ma// gri gug tri shUl bdud rtsi g.yas// b+han+d+ha zhing chen g.yang gzhi g.yon// gtso bdag tshul 'dzin rab tu sgeg/ dgyes mdzad rab tu rol pa las// 'dul byed sprul pa rab tu 'phro// phyogs bcu 'jig rten khams kun gyi// gtum po gdug pa'i tshul 'chang ba'i// drag sngags bdag po ma lus kun// rang nyid so so'i 'khor bcas pa'i// brten dang gnas la re rer snang // rang dbang med par 'dud cing g.yo// oM badz+ra sarba duSh+TAn e ka ya ma ma b+he ra b+ha gr-i h+Na hUM phaT/ bdud dang gshin rje srin po dang // gnod sbyin lha dang log lha can// rmu rje che dang phyi rol phyogs// gdug byed mkha' la rgyu ba dang // byol song ltos 'gro lus 'dzin dang // nga rgyal 'chang dang sprul pa can// mtha' 'khob gnas mtha' ma lus rgyu// lha bdud mi ma yin gyi gnas// kha ba can du phyogs shing bsreg/ las kyi lus kyi nus pa'i 'byin// ma lus pa rnams thams cad kun// shugs drag rlung gis bskyod pa bzhin// rab tu 'dar zhing mdun du gnas// thugs rje bdag pos dgongs mdzad kyang // gtum rngam 'jigs byed chen po'i sku// gsang tshig drag po gsung gi sgras// ma lus tshim par bka' stsal pa// e ma 'jig rten khams kun gyi// drag sngags bdag po dregs pa can// sngon gyi rdo rje 'chang chen dang // rang gi bka' las ma 'da' bar// khyed rnams rang gi 'khor dang bcas// so so'i lus dang btags pa'i ming // rigs dang brten dang byed pa'i las// sde dang cha lugs longs spyod rnams// 'jigs byed gnas 'dir myur du ston// khyed rnams 'di las 'da' byed na// nga yi srog gi dam tshig gis// khyod kyi lus sems srog dang bcas// ma lus gtan nas brlag par bya// zhes bka' stsal nas/ drag sngags kyi/ tshogs 'di dag kyang bka' stsal to// oM sarba duSh+TAn+ta ka ha na da ha pa tsa hUM phaT/ ya ma rA dza mr-i ta ga s+ya ma ma/ k+She ta mA ra ya hring hring dzaHdzaH/ du phrag rA dza dug dun ma ting mA ra ya hring hring dzaHdzaH/ rak+Sha rag mo ma ma ra ti ka mA ra ya hring hring dzaHdzaH/ yak+Sha a pa sma ra rak+ka mi ru sham pa mA ra ya hring hring dzaHdzaH/ ma ha de ba shwa ra rA dza mA ra ya hring hring dzaHdzaH/ ma trang+ka ru tra kA la mA ra ya hring hring dzaHdzaH/ mun mun pa tsa tsit+ta mA ra ya hring hring dzaHdzaH/ tirti ka ma te ma hA de ba mA ra ya hring hring dzaHdzaH/ bi Sh+Tu pi tra rok+ti dza mA ra ya hring hring dzaHdzaH/ na ga rA dza ku ma tsan+ta mA ra ya hring hring dzaHdzaH/ rA dza b+hu long e sa ya mA ra ya hring hring dzaHdzaH/ ma hA khu lo sa b+ho mA ra ya hring hring dzaHdzaH/ badz+ra sA d+hu/ so aM tsa mA ra ya hring hring dzaHdzaH/ a b+hi shu traM li mA ra ya hring hring dzaHdzaH/ nr-i hur thums dzaH/ sha truM mA ra ya rbad ces brjod cing sku 'jigs byed 'bar ba ni slar yang 'jigs su rung bar bstan to// sangs rgyas thams cad kyi zhing khams stong gsum kyi stong chen po'i 'jig rten gyi khams thams cad ma rungs pa'i sgra chen po dang / 'od dang glog 'bar ba dang rlung gi shugs drag pos gang bar gyur to// bdud dang gshin rje la sogs pa'i phyogs bcu'i dregs pa can rnams kyang rang rang gi 'khor dang bcas te/ rab tu 'dus nas rang rang gi rigs kyi dregs pa dag phul te/ bcom ldan 'das nyid kyi mdun du nye bar gyur nas/ bka' rab tu bsgrub par brtson par gyur to// drag sngags 'dus pa rtsa ba'i rgyud las byin brlabs chen pos dbang du bsdu ba'i le'u ste gnyis pa'o// // de nas bcom ldan 'das la 'jig rten gyi khams kyi bdud kyi rgyal po me'i kha rlangs can zhes bya ba/ mdog nag po// kha nas me 'bar ba/ lag na khram shing dang bdud zhags nag po thogs pa/ zhing lpags kyi gos gyon pa/ yum bdud mo nag mo khrag 'dzag ma zhes bya ba/ lag na khram shing dang thod pa rlon pa thogs shing / gos su mi lpags gyon pa/ bdud rta nag po la khyo shug gnyis char zhon nas/ bcom ldan 'das kyi spyan sngar bdud kyi rigs kyi lha'i tshogs dang bcas nas rings par lhags so// de bzhin du 'chi bdag gshin rje zhes bya ba/ mdog nag thod pa gri gug 'dzin// chung ma gshin rje za byed ma// gri gug thod pa phyag gis 'dzin// khyo shug zhing lpags rlon pa bgos// ma he chu glang zhon nas ni// gshin rje pho mo'i tshogs dang bcas// 'gal byed gzor zhing myur du lhags// srin po gsod byed yab yum yang // mdog nag zhing gi pags pa bgos// ral gri gri gug g.yas kyis bzung // g.yon gyis mi mgo thod khrag thogs// stag dang seng ge zhon pa skyod// srin pa'i tshogs bcas myur du 'khod// gnod sbyin gang ba bzang po dang // chung ma sha za ral gcig dang // mthing nag mgyogs byed rta la zhon// zhing lpags gyon te phyag gnyis kyis// ral gri dar nag zhing lpags bzung // gnod sbyin tshogs dang bcas te 'khod// drag sngags bdag po'i sde dpon te// shar lho nub byang phyogs dag gi/ gnas su gtso la 'dud cing 'khod// dbang phyug chen po zhes bya ba// 'jig rten lha yi sngags dag gis// dkar po ba dan shel gri thogs// dar dkar gos can gnam ru zhon// dregs pa lha yi bdud 'khor bcas// rings par bcas de shar phyogs 'khod// thar pa nag po zhes bya ba// mdog nag mchod gtor dug thun 'dzin// dom nag gzhon te zhing lpags bgos// sde dang bcas te lho phyogs 'khod// rmu rje nag po zhes bya ba// dar nag dang ni zhags pa thogs// ber nag gyon te rmu rta zhon// rang gi sde dang nub phyogs 'khod// mu stegs nag po chen po yang // kha T+wAM dang ni tri shUl bzung // mi lpags bgos zhing ma he zhon// rang gi sde bcas byang du 'khod// khyab 'jug rog ti zhes bya ba// mthing nag khram shing dgra sta 'dzin// sprin nag bgos shing 'brug sngon zhon// gza' bdud 'khor bcas steng phyogs 'khod// klu rgyal sog ma med ces pa// gos nag sbrul lpags na bza' can// bum pa dang ni rus sbal 'dzin// chu srin zhon te klu tshogs bcas// 'og gi phyogs su 'khod cing 'dug/ gzhan yang li byi lag dgu dang // the se gtso dang yab shud kyi// so so'i sngags kyi bdag po dang // dkar ser dmar po'i mdog ldan zhing // shel gri thogs shing lag dgu 'gyed// dar dmar mdung ring lag gis 'dzin// rtsa dkar bya rgod ra skyes dang // rta dmar zhon te zhing lpags bgos// so so'i sde dang g.yog bcas shing // phyogs kyi sgo bzhir gnas bcas 'khod// gzhan yang lha klu gnod sbyin dang // ma mo gshin rje srin po bdud// ru tra mu stegs 'gong the dang // ging rmu gza' dang rgyan bran sman// snang srid lha srin dregs pa can// ded dpon chen po rnams kyi 'khor// phyi dang nang dang gsang ba dang // yang gsang dang ni drag po dang // btags shing chags pa smas pa dang // las byed shan pa thor shong dang // che grags rtsal dang ma mo dang // mun thibs stong 'khrugs srog gcod dang // glen zhing dbang che la sogs rnams// bcom ldan rdo rje 'chang ba yi// bka' bzhin rjes su sgrub byed pas// ma thogs dur khrod gnas chen du// 'dar zhing myur ba'i shugs dang bcas// rang gi nus pa rab bstan te// bka' nyan gsung bstod rjes 'brangs gnas// de ltar 'khod pa'i 'jig rten pa'i dregs pa'i bdag po sngags kyi stobs dang ldan pa de dag gis/ rang rang gi 'khor dang / rigs kyi sde dang / mthu dang / longs spyod kyi khyad par dag kyang / bcom ldan 'das kyi spyan sngar bstan nas/ 'di skad ces kyang gsol to// bcom ldan 'das rdo rje 'dzin pa chen po// bdag cag la sogs pa 'jig rten gyi khams na gnas pa'i/ ma rungs pa'i tshogs gdug pa can sdang ba/ gnod pa dang / shugs pa dang / 'tsho ba dang rtsod pa'i bsam pa dang ldan zhing / byams pa dang / snying rje dang / phan pa'i sems skye bar mi nus rnams kyis te/ rang rang gi khams dang / byed pa dang / rigs dang / las kyi bya ba dang / rten dang / nus pa dang / dbang gi khyad par dag dang / mthun pa'i bstan pa mi bzad pa stobs dang ldan pa dag bka' stsal par gsol zhes gsol to// drag sngags 'dus pa rtsa ba'i rgyud las tshogs kyi dkyil 'khor rab tu bkod pa'i le'u ste gsum pa'o// // de nas rdo rje 'dzin pa yis// sku yi che ba rab ston cing // gsung gi snying pos gnad skul te// thugs kyi dgongs pa gtsor mdzad nas// 'jig rten dregs pa can dang mthu stobs can// 'dus pa'i 'khor la bka' stsal pa// hUM 'jig rten dregs pa'i tshogs chen rnams// nga yi bka' bzhin nyan par bgyi// nga ni chos sku bde chen te// ye nas ma bcos lhun gyis grub// snang ba'i sku la dngos po med// ye shes sku ste sku yi mchog/ nga ni sngags gsung mthu chen te// ye nas tha snyad sgra dang bral// brjod pa'i gsung la 'dzin pa med// ma 'gags gsung ste gsung gi dpal// nga ni bden pa'i thugs mchog ste// ye nas mtshan med yang dag bral// gnyis med thugs las rtsol ba med// skye med thugs te thugs kyi dpal// nga ni yon tan tshogs chen te// lhun gyis grub cing bsam mi khyab// smon med dgos pa ma lus 'byung // dngos grub chen po bskyed pa'i gzhi// nga ni phrin las mdzad pa'i ste// yongs rdzogs brtson pa'i bdag nyid can// zhi rgyas dbang dang mngon du spyod// sna tshogs gzhan don lhun gyis rdzogs// 'jig rten sngags bdag dregs pa can// gtso chen dbang sgyur khyed rnams kyang // nga dang dus gsum sangs rgyas kyi// thugs dang ye shes gnyis su med// gsung dang dbyer ba yod ma yin// sku la so sor mi blta ste// yon tan mnyam pa nyid du rdzogs// phrin las gcig ste thun mong bsgrub// thog ma med nas da lta'i bar// nyon mongs las kyi rgyu 'bras kyi// gnas ngan len gyi phung por smin// nga rgyal dregs pa'i lus ngag sems// stobs dang nus pa dpag med rdzogs// che btsan dbang phyug ldan gyur kyang // yang dag nges pa'i don ma rtogs// don dam bden pa khong ma chud// spros bral dge la blo ma phyogs// rang rig rgyal ba'i stobs ma rnyed// skye med dbyings kyi rtsal ma shar// bde chen gnas kyi gdeng ma thob// mtshon med bcud kyi ro ma myos// chos nyid sku yi gzugs ma mthong // ye shes glong gi sgo ma phyed// de bas rigs kyi bu rnams kyis// rang gi gnas la rab tu rtogs// lus la bdag tu yod ma 'dzin// ngag la brjod par ma smra zhig/ sems la dngos por gang ma rtog/ gnas yul rigs khams sde dang dpung // brten rdzas longs spyod dbang skal rnams// nga dang nga yir gzung bya min// thun mong dang ni tha dad gcig/ de dag ma lus stong pa ste// stong pa nyid kyang de dag go/ de las gud na gzhan med de// gzhan las gud na'ang de med cing // ma skyes ma 'gags mtshan nyid med// ma phri ma bsnan ma bslad cing // ma bcos ma bsgyur ma byung la// ma skyes ma bsgrubs ma bshad pa'i// don chen de ni rang nyid las// phyi nang snga phyi steng dang 'og/ phyogs mtshams 'khor 'das lus dang sems// kun nas rnyed pa ma yin te// 'di na'ang yod pa ma yin no// sha khrag pags dang rus pa dang // snying dang glo ba snod rnams dang // dbang po yan lag bcas pa la// bde chen dam pa de mi gnas// de las gzhan na'ang gnas min te// gnas ma grub la gnas zhes brjod// gnas yod mnyam na der rtogs shig/ ci 'dra ci zhig ji lta bu// gang nas 'ongs shing gang du song // gang na 'dug cing ci zhig byed// dbyibs dang kha dog ming dang mtshan// rigs dang khams la rab tu rtogs// de la de yis der bltas pas// mthong ba med pa blta ba yi// gang la gang gis gar bsgoms pas// bsgom dang bral la sgom zhes bya// ci la su zhig spyir spyod pas// spyod dgu mi gnas spyod pa che// su las sus thob ci bsgrubs pas// ma grub rang gnas 'bras bu ste// ma lus med cing rnam pa yi// yon tan yongs rdzogs dbang phyug go/ zhi dang rgyas dang mngon du spyod// dbang du bsdu ba phrin las yin// rang la rdzogs shing rang gis grub// zag chod pa dang bstan pa dang // tshad ldan mthar phyin la bzla dang // 'das dang ma 'das ston pa dang // bshad dang nyan dang sdud pa dang // gnas dus yon tan skyon rnams ni// rang gi de nyid rtogs pas 'grub// ces bka' stsal to// drag sngags 'dus pa rtsa ba'i rgyud las don dam pa'i gnas nye bar bstan pa'i le'u ste bzhi pa'o// // de nas rdo rje 'dzin pa yis// dgos pa chen po 'di gsungs te// ye nas ma byung ma skyes pa'i// chos nyid don gyi snying po ni// gzung 'dzin mtha' bral don rtogs te// nga bdag 'dzin pa'i rnam rtog gis// dregs shing gzir ba'i ru tra de// ma bsgral ba ni nyes pa ste// thabs dang shes rab snying rje gsum// mthun zhing mtshungs ldan sras kyis bsgral// dam pa'i don de ma rtogs par// dngos por spyad pas 'khor bar lhung // mkhas rtogs ldan pas spyad pa yis// 'phags pa mnyes shing sems can sgrol// tshogs nyid rdzogs te sku gsum thob// rnam rigs mthong bas la thag bcad// brtul zhugs drag pos bsgrub pa brtsam// dbang du bsdu dang gdul ba'i phyir// 'jig rten las kyis bsdus pa'i rgyud// nga dang ston pa rnams kyis bshad// chos dbyings rang gnas dur khrod du// rig pa 'dzin pa rnams kyis ni// sangs rgyas bstan pa'i don du sdud// snyigs ma rab tu bdo ba'i dus// bsdod cing btsugs las ltos pa'i chos// skyon dang yon tan tshul du 'byung // bstan pa 'jig byed las ngan can// drag sngags stobs kyis bsgral byas nas// rdzogs pa'i sangs rgyas thob par 'gyur// dkyil 'khor gnas pa'i rten yin no// lha dang sngags dang ting nge 'dzin// rdzas rnams rgyu dang rkyen du 'gyur// ling ga nya'o dmigs pa'i rten// ming rus byang bus rnam shes dang // bla tshe 'khor ba'i rten yin te// 'gugs 'dren gyis ni de dag 'gugs// pho nyas las kun sgrub par byed// sngags dang rdzas kyi dpal skyed cing // thun rdzas rnams kyis myos pa dang // rengs lkugs mtshon 'bebs rdul du rlogs// gnad du 'bebs shing snying nas 'dren// lha dang 'byed cing rtsa ba gcod// byang chub sems kyi dngos po ni// don po khrag gi lan bu'i mgo// kun gzhi til 'bru tsam zhig gnas// rtsa ba rlung gnas 'dra bas te// phur pa me sbal lta bu yis// bsdus shing bsregs te gcad pa yis// dmigs pa rten dang bral bar byas// bkrag dang gzi mdangs rang la 'dus// phrin las rnam bzhis gzir ba la// dge sdig ngo bo nyid du mnyam// lha spyod ldan pas zhing bcus te// pha rol bla med gnas su bsgral// bar ma do yi rnam shes ni// hUM dang phaT kyi 'phro 'du yis// sbrang dang sbar ba'i las rnams bya// phyogs bcu rgyal ba'i sras su bskyed// phung po lhag ma tsam nyid ni// rten gsum gyis ni rab tu spang // chos sku'i gzugs brnyan bstan par bya// 'dis ni pha rol bla na med// sprul pa dus gsum sangs rgyas dang // rgyal sras byang chub sems dpa' yi// spyod pa rlabs chen spyad pa'o// zhes bka' stsal to// drag sngags 'dus pa rtsa ba'i rgyud las sgrol ba'i ting nge 'dzin gyi dmigs pa'i le'u ste lnga pa'o// // de nas rdo rje 'dzin pa yis// las kyi bye brag 'di gsungs te// thog mar 'di la shis pa'i gnas// dur khrod chu gling ri yi sul// khros shing gdug pa'i gnas de ru// rab tu mnag cing gdeng ldan pas// dam tshig ldan pa'i sgrub po ste// yongs su rdzogs pa'i slob ma yis// sngon du bla ma mnyes byas shing // lhag pa'i lha nyid stobs dang ldan// rdo rje 'dzin pa he ru ka/ nye dang ldan pa gnyis su med// tshad dang ldan par gyur pa ste// yang dag nges pa'i rtags mthong nas// rab tu 'bad par bya ba ni// smin 'byor gdug cing shis pa'i sa// las la mngag pa de dag la// dregs pa gtso 'khor dmigs pa'i rten// 'dom gang la sogs tshad dang ldan// lte ba las ni 'khor lo'i rtsibs// bzhi'am drug gam brgyad du 'god// bar khyams phyogs bzhir sgo bzhir bcas// rim pa gsum gyi thod phreng ldan// rang gi rigs la sngags pa yi// dbyibs dang kha dog rgyan dang rtags// thams cad ldan pa nyid du bya// dregs pa can rnams sku yi rten// bris sam brkos sam brtsigs pa dag/ rang gi gnas su mdzes par dgod// gsung gi snying po'ang de bzhin no// thugs rten rang rang phyag cha 'am// sngon nas bsags pa'i rdzas yin no// rang sngags bsags pa'i 'khor lo dang // mthun gzugs srog gi rgyal mtshan rnams// nang du mtshon pa'i rten du gzugs// de dag tsit+ta so so ru// dmigs pa'i snying po dril te gzhug/ gsang zhing sbas pa'i rten du 'gyur// de yi byang shar phyogs mtshams su// nga yis sngar bshad rgyud nyid la// e dbyings bzhi dang brgyad bcu gnyis// khru gang mdzub gang zur du brko// gdug cing drag po'i rdzas kyis byug/ gdug cing bsreg pa'ang de yis so// de nyid dgod pa'i rdzas rnams ni// rgyud med gzugs ngan ka pA la// seng ldeng gser shing yan lag skyes// dpal ldan drag po'i phur pa dang // shes nag gnam ru gnag po dang // gi ling dkar dang gdong dmar dang // zla mi gcig dang srid shig dang // tsa ra ka dang mgrin snyan dang // sa spyod chu spyod rnams kyi lus// phyi nang bar dang gsang bas brgyan// bsreg chen spyi yi mnyes pa'i rdzas// rgyan ldan gzugs dang rnga gling sgras// bsung chen dri dang sha khrag ro// tsha rtsub reg dang 'dra bcud bshos// sha chen dam rdzas bdud rtsi'i tshogs// rab tu bstar zhing 'bad pas sbyar// dpa' zhing rtul phod skyes bu yis// nga yi sngon gyi phrin las bzhin// khro la khros pas zhi mdzad de// tha mas gnas pa'i 'byung chen lnga// drag po sngags kyi 'byung bar bsgom// keng rus 'bar ba'i ri rab bam// dur khrod 'jigs pa'i gzhal med khang // b+han d+ha gnas rigs gsum gyis brtsigs// sti/ ra gsar rnying tshogs kyis gtams// rak+ta dmar po brub cing 'bab// tshil chen dud pa 'khyil zhing 'phyur// dbang po don snying 'phyo zhing 'brul// bdud rtsi bshang gci dri bsung ldan// yan lag nying lag rkang zhing snyil// shun dang pags pa brgyangs shing 'phyar// phyogs bzhi mtshams dang steng dang 'og/ gcus dang 'phyang ba bskum dang brgyangs// rgyal mtshan dang ni za ra tshags// ba dan bla re lhab lhub dang // phur pa dang ni ltab ma dang // yol ko ka ma la gtams ni// rab tu mdzes pa'i rgyan gyis brgyan// gzhal yas 'bar ba de 'dra ba// rab tu sngags pa'i 'di las bshad// dregs pa'i bdag po yum dang bcas// sbyor zhing dgos pa de nyid kyis// bdag gi rang bzhin yongs su bskyed// 'phro dang chas kyi khyad par dang / bsdu dang rang gi gnas su brtag/ skur gyur gang gi mtshan nyid ngo bo dang // byang chub sems kyi bya ba yis// yum dang / bcas pa yongs su rdzogs// de yi las kyang sngar bzhin du// rgyal mdzad rang gi phyag rten du// dmigs pa myur lhags de yi 'khor// bdud dang gshin rje srin po dang // gnod sbyin drag po'i klu dang lha// rang rang mar bcas pa dag/ ngas bshad bzhin du 'jigs par bsam// sgo bzhir gnas pa de dag ste// lha dang ma mo rgyal po ging // btsan 'gong rma dang mu stegs dang // rang gi sde dang dpung du bcas// ma lus dregs pa can gyi tshogs// 'di las rab brjod gang yin pa// de nyid du ni gsal bar bya// nga yi sku dang gsung dang thugs// ye shes rigs kyi dbang bskur zhing // byin gyis brlabs nas rgyas btab ste// de la rang bzhin gnas pa bstim// yongs rdzogs sku yis bstan pa bsgrub// phyag 'tshal mchod pa 'bul zhing bstod// rab tu mnyes pa rgya cher bya// phyi dang nang dang gsang ba yis// bsdu dang sbyor dang sgrol ba dang // gnas dang ring dang rim pa dang // bskyed dang dbab pa mnyes pa yi// gnas lugs lhun grub ma bcos pas// drag sngags rol pa ma 'gags spyod// rang gi las la sbyar ba ni// bdud kyi khram dang gshin rje'i lto// srin po'i dmar dang gnod sbyin byed// lha yi chad dang ma mo'i rims// gza' yi ki kang klu yi dug/ tshe tshad pa dang khri mon bcug/ gcan gzan 'dzums dang lcags sgrog tshud// nad dang mtshon nyid khong zhugs dang // dug 'thungs thog babs bzhin du drag/ thar zhes bya ba gdags su med// bdud ni ma brtags srog la rgol// gshin rje 'khor ba'i 'khor los gcod// srin po ral gri'i so yis 'gems// gnod sbyin gnam lcags thog gis 'joms// lha ni 'dod pa'i mdung gi sor// ma mo dpag med mda' bzhin 'bigs// gza' bdud stobs chen sgyogs kyis brdeg/ klu ni sa 'og ral gri sogs// thams cad 'dul zhing gcod pa'i sngags// mun pa gling 'khrugs bdud kyi skad// ngu 'bod lta bu gshin rje ste// ro len dur ba srin pos 'gren// lce mdud drag po gnod sbyin no// bka' chad drag stsal lha yi dmod// ngu 'bod gdung ba ma mo ste// 'brug sgra glog 'byin gza' bdud do// klu yis sbrul nag dug gis 'joms// 'jig rten lha srin rang sgra yis// phal pa rnams la dmod par byed// de ni drag sngags dmod pa'o// zhes bka' stsal to// drag sngags 'dus pa rtsa ba'i rgyud las dmod pa nye bar bsgrub pa'i le'u ste drug pa'o// // de nas rdo rje 'dzin pa yis// so so'i drag sngags dmod pa bstan// phung bshig bdud kyi drag sngags ni// rabs chad nag po'i thod pa ru// shel nag snying du nya'o stsal// dur khrod ras nag rgya yis gdab// tshon sna lnga'am nag pos bcings// gri lcags spug ma srog rtsar gzhug/ yungs kar yungs nag til nag dang // ske tshe shang tshe zi ra dang // zangs lcags rdo yi phye ma dang / dug khrag ngar dang bcas pa rnams// mu su ra yi thod par bsdu// bdud kyi srog tig sngags kyis mngag/ bdud po nag po kha mun de ba mi la tsho// ka la mu tri mA ra ya/ dgra bo snying ling tsit+ta rbud/ nr-i bzlum khrigs/ bram bram ro la 'dus/ zer sprugs/ ro sprugs/ bdud rjes chod/ bdud mos rol/ bdud bus gtor/ baM khyigs/ bra ma ni/ sha truM mA ra ya rbad/ mun pa gling khrugs zhes bya ba// ma 'ongs bdud kyi rang skad de// rtag tu brjod cing spug mar brab// gang la dmigs pa de myur du// snang srid bdud kyis srog nas 'dren// mi nag go mtshon bcas pa dang // sngags nag bud med mon dang rdo// khyi nag rta nag bya nag dang // rgod nag dre nag shel nag dang / ri nag mtsho nag shel nag tshogs// dmag dang 'khrug dang 'thab pa dang // khrid dang gsod dang sha ba dag/ las byed grub pa'i rtags su 'gyur// de nas nya'o bstabs shing bsgral// gro mtshon phur pa rnams kyis gtub// lhag ma bdud rtsi sha rag sbyar// ku ku nag po'i zas su sbyin// rol par mi byed bsgyur la bsgrub// ru tras myos shing 'thib nas 'chi// 'chi bdag gshin rje'i drag sngags ni// rgyud med pho mo ka pA la// za ma tog tu kha sbyar la// nang du de nyid tsit+ta gzhug/ pho thod steng nas spyi bor phug/ bcing dang dgab pa drang ba dag/ sngar bshad rdzas kyis brab cing brdeg/ ya ma me ta k+She/ ra tsa sa to me/ ru tsa na yo ni/ ro ma tsa ni/ sa ma rA dza/ mu ka snying khrag rtsal rbad/ ya ma dbugs la rngubs/ ro tsa ya ma rA dza/ rA dza baM ri la rbad/ ya ma rA dzaHhri snying gong chod// ya ma snying / ya ma khrag/ ya ma du baM ri la rbad/ gshin rje bsdus shing dril ba'i sngags// rab tu bsngags te tsit+tar brab// sha khrag chen pos mnyes par bya// gsod byed nag po'i tshogs rnams kyis// don snying rlon par ster ba dang // snying dang thod pa 'phar ba 'byung // de nas las la sbyar byas na// gang la dmigs pa myur du sgrol// gtum khro srin po'i dmod pa myur shi'i thod par de snying nang // dmigs pa rnams kyi gzugs brnyan de// ming sngags ldan pa btsal byas te// le brgan kha dog dar gyis dril// sngo dmar skud pa'i dra bar bzhug/ sti ra gsar pa kha phye la// dbang po don snying nang grol gyi// srin po skang zhing dmod pa bzlas// rag sha srin po sa mun dzaHrag sha ru tra hur hur b+h+yo// ru gnyen nag po dgra la b+h+yo// dgra bo mu la shin ni sod sod/ ha ba le ho ba le kha thun b+h+yo// rag sha dzaHtri ta dzaHdu ra du ra shan dzaHrag sha rbad// nr-i mA ra ya sod// dmod pa rdzas la bzlas shing brdeg/ mi nag shan pa'i tshogs rnams kyis// khrid dang gsod dang don snying ster// las la sbyar ba tshul bzhin gyis// dgra bo'i don po myur du sgrol// drag sngags gnod sbyin drag sngags ni// rta dkar snying dang thod pa ni// nya'o gzhug pa'i snod du bsngags// rag chen la phug mu sa la// snying sna khrag sna sbyar bas mchod// gnod sbyin srog tig dmod la brjod// yak+Sha ba hu da ri dzaH/ ma ga la bag sha dzaHru ru ma ru tra ma ti dzaHyak+Sha snying la shad shad du dzaHyak+Sha srog la breng bruM dzaHming shar tshogs dang 'od dang sgra// rlung dmar dag dang bu yug 'ong // gsang ba'i rdzas kyis drag tu brdeg/ lhag ma bsregs shing rlung gis gtor// de nyid khrag tu skyugs te sgrol// drag rtsal lha yi drag sngags ni// lha g.yag dkar po'i snying nang @/ du// brnag pa'i gzugs dang ming rus bris// sngon dmar skud pas ske nas gdags// rje rigs thod pa'i nang du gzhug/ dar dkar gyis ni kha bcad la// tshon skud sna lngas bcing bar bya// bya rgod dar ma'i sgro rtsa ni// srog rtsar bcug la dkyil du brtol// dkyil 'khor mda' gang gru bzhi la// dbus bu gru gsum thur du bru// lha rdo gsum gyi skyed po la// gong gi thod pa gzhag par bya// mthun rdzas bshos gtsang rngon cha dang // ru dkar snying dang shel dkar snying // bya dkar snying dang ru mtshon dang // ba dan dkar po rten du gzugs// yungs kar sngags kyi mda' cho ga ni// thun gyi rdzas su gzhag par bya// drag sngags snying gi nang du brab// stobs ldan rdo rje 'dzin gsal bas// lha rnams 'dus pa'i sngags rnams sbreng // ma hA de ba ti dzaHti dzaH/ sa ma phra man rag sha kaM ka la ya hUM/ de ba rA dza ma hA ni dzaH/ dgra bo ma ra ya thun rbad thun rbad/ shag sen dza dza shag sen dzaHdzaHhUM hUM/ tsa tur mu kha rag sha ma na/ kang ka ma ya hAM/ ma hA de ba a mu ka mA ra ya sod/ 'jig rten grags pa mthu rtsal can// lha yi bod rbad gsad gsum dril// drag tu bzlas shing snying nas brab// rtags ni rgyal po rje dpon dang // skyes pa stag chas dar ma dang / zhub can pho tshogs 'ong ba ni// gsod gcod byed dang snying 'byin dang / dngos su snying phyung 'phang ba 'ong // rtags byung snying nas ling ka dbyung // mtshon gyis gtub la me la bsreg/ thal ba nya'o byas nas ni// thod par bcug la lha rten nam// 'jig rten lha chen gnas sar mnan// lha yi da la yams dgra la phebs// nang bdag ma mo'i drag sngags ni// nr-i dri'i mo yi thod pa ru// de yi snying nang ling ga gzhug/ mthing nag dar gyis kha gcod la// thod pa tshon skud lnga yis bcings// dkyil 'khor mthing nag gru gsum dbus// thod pa bcug la bsgrub par bya// smug nag gsum gyi snying khrag gis// ma mo 'khor dang bcas pa mchod// yungs kar yungs nag ske tshe sogs// drag po'i thun rdzas tshogs tshad la// ma mo rnams kyi dmod pa'i sngags// ma ma snying khwa rag/ ma ma snying kha rag/ ma ma rak+ka/ ma ma rag sha/ trag rag sha snying khrag la hubs dzaHsnying khrag rtsa la dun dun/ trag rag sha ma ma dzaHdzaHdam dam dgra snying rbad bu nan ma ma nr-i snying tsit+ta la thun/ trag rag sha trag rag sha mo thun thun/ mugs mugs phyogs phyogs rbad rbad dzaHdzaHma ma thun/ snying khrag thun/ sha ti ta ma ma rag mo// sa ma ya b+h+yo b+h+yo/ ma mo'i srog tig bsdus pa yis// gsad pa las kyi ngan sngags 'di// gri lcags las byas sbu gu'am// bya rgod sgro rtsa'i nang nas bsngags// ma sring mon mo phal mo dang // byi mo la sogs bud med tshogs// bya nag rgod nag tshogs chen lhags// dngos su sha dang mgo sug ster// tsit+ta dngos su 'phar ba dang / bsad rtags yongs su rdzogs pa dang // snying la phur pas gdab cing bsad// dug shing ma la sbyin sreg bya// thun khrag dmigs pa'i dgra la 'phang // thal ba bsdus la nya'o bya// dur khrod dbus su gnas par bya// rims nad dag gis dmigs pa sgrol// drag po'i gza' yi drag sngags ni// mon pa nag po'i ra rog po'i// thod par snying nang ling ga gzhug/ srog rtsar gri lcags sbu gu gzhug/ yungs kar yungs nag zangs lcags phye// thun du sngags te thod par brab// mA ra pa sha mi ki/ du ru du ru/ ma ti dza la ti dzaHtsa ba ma ni/ ru ru ra hu la/ a tra ta tra pad ma sha ra sha ra shasta/ a mu ka mu ra ru phaT/ tri ling ka shang+ga du dri/ dzaHdzaHyag sha thun/ bum dril shi ni baM b+ha ba hi/ kha yag kha dun ti/ ru ti shu ti ti trig shu la pra ti/ mA ra ya dzaH/ dbang chen gza' yi drag sngags 'di// drag po'i rdzas la bsngags te brdeg/ sha rul khrag rul btsos dang rjen// dkar gsum dmar gsum rdzas kyis mchod// nyi zla klad la 'khor ba dang // mon pa nag po 'ong ba dang // sbrul chen gshog can 'khrug pa dang // bar snang 'ja' yis khengs pa dang // dgra bo dngos su khrid nas 'ong // rgod dang ri dwags gsod pa dang / don snying nang khrol ster zhing rol// de lta'i gsod rtags rdzogs pa dang // snying dang long ka hau mer bsreg/ thun rdzas dgra yi yul du gtor// thod pa klu yi brtan sar sba// chu 'khyags ser ba drag tu dbab// hur thum nad kyis glo bur 'chi// kha lkugs rkang lag rengs par 'gyur// gdug pa klu yi drag sngags ni// lung gsum 'dus pa'i dben gnas su// stegs bu mthing nag gru gsum brus// dgra yi pha mes mgo bo'am// yang na mdze can thod pa ru// dgra yi ming rus bris te gzhug/ gtsang ma'i snod du dkar gsum dang // mngar gsum klu sman sna tshogs dang // rtag tu mchod cing mngag par bya// oM nag po ti pa tsa ya// nA ga rA dzaHdgra bo ha khu la phe shan/ nA ga phos phos/ shig shig/ hu ya hu ya/ ti ya ti ya/ ti pa tsa ti pa tsa/ a sha nag po ti pa tsa ya/ nA ga rA dza dgra bo mA ra ya rbad/ shag ti rbad/ srog ti rbad/ snying ti rbad/ snying la ril sham sham rbad/ oM shan nag po pho phe rag u da nA ga rA dza nAn/ thi le nan/ pho li nAn/ drag tu brjod cing bsgrub pa yis// me chen 'bar dang chu chen brug/ ba glang sbal sbrul sdom sdig tshogs// shing gcod sa snyil brag ral sogs// lus la shu ba sgang lo byung // stobs ldan gnyen pos drag du gtsun// de nas byang bltas chu mig tu// ba ling gtang zhing bden pa brdar// thod pa ling gar bcas pa mnan// klu rgyal 'khor dang bcas la gtad// phung po lhag med btang bar bsam// gnas su phyin la bsrung bar bya// dgra ni mdze dang rmugs pas 'chi// sde brgyad so so'i drag sngags kyis// 'jig rten las kyi mnar ba yi// bstan pa'i ru tra gdug pa can// ma lus rnams kyi gshed du 'gyur// zhes bka' stsal to// drag sngags 'dus pa rtsa ba'i rgyud las dregs pa'i sde so so'i las la sbyar ba drag sngags kyi le'u ste bdun pa'o// // de nas rdo rje 'dzin pa yis// 'jig rten dregs pa can rnams kyi// so so'i rigs dang gtan tshigs dang // sde dang las kyi byed pa bstan// sngon gyi 'jig rten khams 'di nyid// phung po nyon mongs la brten nas// nga rgyal dregs pa'i dbang gis myos// rang gzhan kun la 'tshe zhing rtsod// gnas ngan len gyis kha khrid byas// legs pa'i lan du nyes par spyod// ma rig rtsa ba yan lag gis// gti mug mun thibs bdud dang klu// nga rgyal stobs kyi dregs pa bdag/ lha dang rgyal po gol sar 'gyur// phrag dog gza' dang gshin rje'i rigs// 'dod chags ma mo gnod sprin rigs// zhe sdang btsan dang srin por gol// srog lus 'brel pas bdud ces bya// yi dwags gshin rje rdog rnams rje// phra mor rgyu ba snang zhing dregs// de yi don gyis srin por byung // gang gis gnod pa sbyin byed pa'i// de yi rigs dang mtshan nyid do// gang las bskyed pa ma mo ste// skyod byed nus pa lha yin no// gdug cing gtum pas mi 'chor ba// gza' zhes bya bar brjod pa yin// blun zhing myos pas klu zhes bya// 'gro ba rigs drug so so la// bdud dang lha dang lha min te// gnod sbyin gza' dang rgyu skar bcas// rgyal chen rigs bzhi'i lha yi sde// ma mo srin mo mi yi sde// gshin rje yi dwags sde yin te// klu ni byol song sde yin no// bdud ris pho dang mo yi rigs// ye nas gnas dang blo bur byung // 'thab dang myos dang dregs par byed// sred dang chags par byed pa ste// gshin rje las dang zhi bas ste// gzugs can gzugs med dbang can dang // dbang med phyir dang nang khyad par// las kyis rab tu bsgrims pa yi// srin po sha za rgan mo can// sprul pa dang ni gzu lums can// rab tu rgyu dang gcig pu gnas// gnod byin gtso dang 'khor gyis brtags// grol ba dang ni rang rgyud de// tha dad rigs ni bcwa brgyad de// gnod cing 'tshe ba'i bdag nyid can// lha ni 'dod pa'i gzugs can dang // gzugs med lha ma yin du gtogs// rab tu gdug rtsub che bas ni// lha min mi ma yin du grags// gang las byung dang gang las srid// gang gis bskyed pa'i gzhir gyur pa// ma mo zhes su grags pa ste// las dang ye shes bsdus shing phye// phra dang rags pa'i khyad par gyis// che chung gcal dang 'khor du snang // mkha' la rgyu ba'i drag shul can// las kyi/ phung po kho na'o// rgyal po bla rje bram ze dang // dmangs dang gdol pa can rnams kyis// nyi shu rtsa lnga'i yan lag 'gyur// tha dad rigs ni sde yin no// 'di dag thog ma'i las kyi dngos// dngos dang rang bzhin mtshan nyid kyis// ma rig 'khrul pa'i gzung 'dzin byung // bdag blta bag la nyal du gnas// g.yo 'gul phra mo'i kun nas ldang // 'khrug cing 'tshe dang rtsod par shar// bsod nams las dang de ma yin// las kyi mtha' gnyis g.yang sar lhung // gnag cing mi dge zag par bcas// kha na ma tho lung ma bstan// log pa lus ngag yid gsum gyis// gnas ngan len pa'i rgyun chags 'thud// dus gsum phyogs dang bcas pa yi// rjes su 'gro dang bzlog pa yis// 'khor ba brten gzhi dam po btsugs// so sor ma rig srog la gcod// longs spyod 'phrog cing rnam par 'tshe// gzi mdangs 'byor pa sde dang bcas// gang yin 'joms shing rlag nus la// rgyud la sdug bsngal skyed byed pa// ma rungs nyes pa 'byin byed las// srog len tshe 'phrog gcod dang sha/ myos 'thibs byi nad rims dang yams// gcog 'gyel gdug pa'i nang 'bebs shing // rme dang 'khrugs pa rtsod pa dang // thor shod las dang dmod pa yis// rang gi sde las re re yang // kun la khyab pa brgyad brgyad de// drug cu rtsa drug yan lag bcas// las kyi dbye ba bsam mi khyab// dregs pa'i bdag po so so yi// rang bzhin dgos pa'i bye brag gis// dus gsum sangs rgyas bstan pa dag/ tshul bzhin srung ba'i dam tshig can// drag sngags las kyi dmod pa la// brgya dang bcu gnyis bcu drug gis// nus pa rdzu 'phrul mthu la sogs// rang gi rigs la gang bsngags pa// de dang de la rab sbyar bas// las kyi mtha' la gang dmigs pa// rdo rje can gyis yongs grub ste// nga yi stobs dang nus pa dang // mthu dang rdzu 'phrul yon tan tshogs// lus ngag yid kyis rab 'bad pa// gang yin de la mngon par 'byung // de yi thun mong yongs 'grub cing // mthar phyin pa yang len par byed// 'di las ma 'ongs rnyog pa can// the tshom bskyed par ma byed cig/ nga dang rgyal ba thams cad kyis// 'di ni rab tu bsngags pa'o// zhes bka' stsal to// drag sngags 'dus pa rtsa ba'i rgyud las dregs pa can gyi sde rigs dbye ba bstan pa'i le'u ste brgyad pa'o// // de nas rdo rje 'dzin pa yis// las la sbyar ba'i rim pa gsungs// dur khrod chu gling ri rtse dang // chu 'dus ngam grog 'jigs su rung // phung shul nags khrod ma rungs pa// dregs pa las kyi gnas yin no// mi rus mi gsad phung shul sa// rngur zad phe ta rul chad sa// sa smin dri chen ma rungs khrag/ las kyi rten 'brel dmigs pa'i rdzas// rta nag dre nag ma he dang // chu glang dang ni stag seng dang // rta dkar ne le rgod dkar dang // dom nag dmu rta ban glang dang // 'brug chen rma bya rus sbal dang / bya khyi ku ku shel dang mi// rgyal mtshan thod pa snying dang khrag/ bdud rtsi 'bru bcud byang chub sems// rang gzugs snying po 'khor lo bcas// rgyan ldan shos cha mthun pa'i rdzas// dam tshig mchod cing brten pa'o// so sor sngags pa'i las khung du// thod ngan 'bru nag dug khrag g.yos// rgyu gsum phu sa mtshon cha rnams// gsad pa thun gyi rdzas yin no// rme khrag gsum dang dri ngan gsum// srog chags gsum dang rme rdzas gsum// thabs rdzas gsum dang bsreg rdzas gsum// rten sa gsum dang dril sa gsum// bzhugs sa gsum dang dbab sa gsum// kun rdzogs rtsol ba'i sbyor ba yis// chu drag dbab pa nges par 'grub// rigs sul snod dang mchod rdzas dang / gnas sbyong byang chub srid 'dor blos// legs slangs yid kyis mthun spyad pas// gang la dmigs pa der gtad pas// chos sku'i gzugs brnyan rten khang la// steng 'og gnas gsum bdag po gsum// rgya mtsho'i gting dang ri rab zur// bar snang khams dang nam mkha'i dbyings// bsrung dang bzlog dang gsad pa'i las// dmag dpung bsdu dang dpal skyed dang // rab tu khros dang sbyor ba zhig/ las kyis pha rol dmod pas bzlog/ ngan pa'i thod pa sna gsum dang // shis pa ma yin sa brgyad du// rten cing 'brel pa 'byung sbyor bas// dmigs pa'i nus stobs gnon par byed// khyad par las kyi bye brag gis// rgyal po ya rabs rje dpon dang // chung ma slob dpon mkhan po dang // rab byung khyim pa sngags spyod dang // phyi rol phyogs dang chos kyi grogs// che btsan dregs pas bsnyems pa dang // nga rgyal ldan zhing skal ba bzang // kun gyis bkur zhing brjod pa dang // sems rgyud bsrel dang yun gyis drin// nye bar bstan cing slob sbyong gnas// lhag pa'i lha yis rab sbyangs te// thun mong nus pa'i stobs rnyed cing // yon tan gcig gis rab bsdus pas// tshar gcad dka' ba'i yul yin te// ma lus gang la bsngags pa yis// ting nge 'dzin dang dmigs pa'i grogs// rab sngags brtson 'grus can gyis bsgral// gzhan yang zhi dang rgyas pa dang // dbang dang mngon par spyod rnams dang // rdo rje 'dzin pa nga dang gzhan// mtshungs ldan rnams kyis bshad pa bzhin// thogs med nus pa'i stobs kyis spyad// de dag gsang ba'i dmod pa yang // dregs pa sde brgyad so so yi// gal gnad snying po 'di dag go/ ya ma du ha na ha na tiSh+Tha tiSh+Ta ru tra ma ma sod sod/ kha tri dza ma tri dzaHdza shog tri dzaHyag sha dzaHda tri dzaHsha tri ba tri dzaH/ tsit+ta pra ma ya a mu ka srog la dzaHdzaHb+h+yo/ tri tsa pa la ag shug me/ a b+hi sha/ a b+hi shu/ tsag kra rag sha sa ma ya dun zum ril li li/ lcags myags phyogs/ srog la thun rbad/ rag sha srog la phrig phrig/ a pa ti li ki ni ya ma shri hri sti b+hI tri ta na kro ma ri pa tra srog la dun b+h+yo// ma hA yag sha zum ril rbad/ ma ru tsed+ha sha 'gri ba pra ma ling // gsod sgra gcod byed 'phrog byed kyis// ma lus las la bsngags pa 'gyur// nr-i hur thums dzaHsha truM mA ra ya rbad/ a mu ka mA ra ya nu ma ka ma ru sod sod// gsad pa thun gyi dmod pa'o// byi sha mi ki du ru mi tri ka ta dza la a ta dza la swA hA/ tsa pa ti rA hu la ma hA kro d+ha ka pa shar shar ta sha ra ti hUM phaT/ bi shu la du ma gi sha dza la a na/ ma hA tsan+na rag sha hr-i da nr-i ma ya ru tra sa tri byi nA ga rA tsa be ga a nan+ta rag+na ti san+na rak+Shi na tsit+ta b+ha mi ku ru/ mu hri tsan+na dum bu dum bu/ kha la rag sha thum Ni li li/ ma ma sa ma ya trag rag sha trag rag sha ma tri ga na/ ma sa kha ya ku ru ti rtse b+ha li mu ta da ra da ra/ tri ka ra mi tri/ dul du la/ snying khrag la ri la ri la/ rtsa la thun thun/ trag rag mo hril hri la/ shag shag/ shar shar rbad/ ma ma tsag sha trag tu phrom/ a se la mi byi ru lu ru lu ma ma trag rag sha hri la hril shar b+h+yo/ mA ra ya raM hri la shar b+h+yo/ shel tra hUM drag tu rtsa ra shu te phreM ka ra pro// phyir ma ti ba shad/ mi ki ri ra hu la shag shag hril phob/ khrag la tsa ra mu sha b+h+yo/ trag ram thun shag ril ram shar b+h+yo/ bdud phreM kar shu ti phro/ nag hril sen shag sa du ma ya hril b+h+yo/ pra ta pa sha ya ya ma snying ya ma khrag/ ra hu la hril hril shag shag/ ser ser/ tug tug/ ya ya/ phob pho ba/ mu ka ye/ ka pa ye/ a pa ye/ hri sti byi krin te/ dza ba ti ra hu la ma ha kro ta ka bab ta shar shal ta te hUM phaT/ thig nig/ shu ti phreM/ bdud phreM/ mthongs phye/ lcags sgrog khrol/ mi reng sod/ rkyang rje rkyang mo tsu ru tsu ru/ ho ho/ phreM phreM/ mu ra mu ra sha/ du ru phreM/ thog hUM oM sod sod// rlung dang sprin dang rab rgyu dang // phyogs dang rtags kyi tshad ldan pas// dbab pa'i sbyor ba shes par bya// steng 'og par gsum drag po'i las// gzhug dang gtor dang bsreg pa'i dang // bskol dang dgug dang sbreng ba dang // bod dang dmod dang gdung ba dang // gzir dang skor dang gzhig pa dang // gcad dang dril ba'i las rnams kyis// smin pa'i lo thog 'joms par byed// nag po ti pa tsa ya na rag sha/ rA dza d+he gu la phe sha rag sha nAn/ phos phos/ shig shig hu ya hu ya/ tir+ya tir+ya/ ka la na ban+d+ha dgra bo mA ra ya dzaHnag po ti pa tsa ya phe sha rag sha dzaHnA ga ka ka la phe sha rag sha dzaHdzaHa sha na nA ga ti pa tsa ya dgra bo ma ra ya dzaHna ga rA dza shag ti srog ti la rbad/ snying la rol/ sham sham rbad/ i sha na nAn/ phe sha rag @/ sha u nAn/ nA ga nAn thi li nAn/ phi le nAn/ rtsi ri nAn/ a par sod rmag/ dul dul ka la rngubs myogs thibs// mA ra ya 'dus 'dus/ d+ha ra d+ha ra/ d+hu ru d+hu ru/ ru ru/ ra ra/ ti ti/ tri mo ti ti/ ga ru ga ra gtor dza ma ra te gad/ man dzaHphe sha na rag sha u ta nAn/ b+ha shi ni/ sha ra le/ shu ru mu le/ d+ha ta ma re na/ hu ya hu ya/ ra ti ra ti/ thi ri shag tsag gi nr-i mA ra tri ya ma du ya ma snying ya ma khrag tshal pa baM ri la/ nag po ti pa rag sha nAn/ khug ro la baM// dgra bo mA ra ya dzaHnag po ti pa tsa/ snying la dzaHshag shan nAn/ khug thum ri la rbad/ tsan dri rag sha ro la khug thun kA la snying la thum ri la rbad/ kA la sho ro snying la trag sha ha ra ka/ a mu ka mA ra ya thum ril rbad nAn/ khugs dang 'gro dang las byed pa'i/ rang gi rtags dang ldan pa na/ dmigs pa'i las la sbyar bar bya// zlog dang ma grub 'khyil pa dang // 'byams dang sdug dang zad mthar gtugs// gnyen po 'dab ma sna sel dang // bsdu dang spo dang mi zad gter// longs spyod zug pa med pa yis// dbyings kyi ngang du gtad par bya// sde brgyad so so'i ming gi sngags// rang skad dmod pa'i yan lag la/ d+he ba a byi sarba b+h+yo bzlog/ pra la dun rtse phob// badz+ra 'grig sho sa ma ya hri b+h+yo// bsan ti ma ru ru/ ya ma trig b+hu tak+Shi pa lo hUM/ bzlog bsgyur gdug pa'i drag sngags kyis/ las kyi mtha' sbyar ma lus par// nga'am nga dang 'dra ba yi// rdo rje 'dzin pa gzhan rnams kyis// phyi nang gsang ba'i las rnams kyis// gang la bsngags pa de dag sbyar// gzhan gyis the tshom mi bya ste// nga dang dus gsum sangs rgyas kyis// de la rig par snang ba yin// zhes bka' stsal to// drag sngags 'dus pa rtsa ba'i rgyud las phrin las dmigs pa'i khyad par las sbyar ba'i le'u ste dgu pa'o// // de nas rdo rje 'dzin pa yis// yon tan bstod pa 'di gsungs so// hUM dur khrod chen po'i rol pa'i dkyil 'khor nas// gtum drag me ltar 'bar ba'i gzhal yas na// gdug byed ru tra sti ra'i khri steng na// mdangs ldan nyi zla pad+ma'i gdan stengs na// dregs pa'i bdag po rdo rje 'dzin pa'i gtso// bcom ldan dpal chen stobs ldan nag po ni// sku mdog mthing nag rab tu 'bar// sa dgu rdzogs pas dbu dgu bstan// stong pa bcwa brgyad ldan pa'i phyag/ zhabs kyis brjid pa'i bdud bzhi gnon// dbus mthing g.yas dkar g.yon dmar bas// khro zhing bzhad dang gtsigs pa'i zhal// ral pa kham nag srid rtser 'bar// khams gsum ma lus spyan gyis gzigs// shangs kyis srid gsum ma lus rngub// snyan gyis stong gsum 'brug sgras 'gengs// tshems kyis gnod gdug ma lus sgrol// ljags kyis glog dmar 'jig rten khyab// khro gnyer 'od kyis dbang du sdud// phrin las rigs kyis dbu la brgyan// bcwa brgyad phyag gi dang po gnyis// dbang sdud rdo rje dril bu 'dzin// g.yas g.yon 'og ma'i phyag brgyad na// dregs pa'i lha brgyad b+han d+ha g.yas// tsit+ta srog rtsa g.yon na bsnams// 'bar ba'i chas kyis sku la brgyan// bsrung ba'i lha brgyad sku la rdzogs// g.yas g.yon zhabs kyis dregs pa gzir// ma rungs gdul dka' rnams kyi gshed// log lta ru tra 'dul ba'i dpal// 'byung lnga'i bdag mo gnyis med yum// dbu gsum phyag drug zhabs bzhi sbyor// gri gug tri shUl bdud rtsi g.yas// b+han d+ha zhing chen g.yang gzhi g.yon// mthing nag 'od kyis kun tu khyab// ched 'ga' rigs kyi sprul pa 'di// dbu gsum phyag drug zhabs bzhir bgrad// sku mdog mthing nag khros shing rngam// phyag drug g.yas g.yon dang po yis// rdo rjes dung khrag dkrug gsol// g.yas g.yon gnyis kyi phyag bzhi yis// lha brgyad klu brgyad tsit+ta rol// yum chen zhal gcig phyag gnyis ma// sku mdog mthing nag zhabs gnyis sbyor// g.yas kyis nam mkha' stong khams 'degs// g.yon gyis 'jig rten sa gzhi gnon// zhal nas 'byung ba lnga 'char ma// dpal chen yab yum byin rlabs las// sprul pa'i dregs pa pho mo gtso// bdud mo nag mo kha rlangs can// zhal gcig phyag gnyis sku mdog mthing // khram shing tri shUl g.yas na bsnams// g.yon gyis kha T+wAM zhags pa 'phen// na bza' zhing lpags rlon pa gsol// zhabs gnyis gdug pa'i snying gar gzir// bdud mo nag mo khrag 'dzag ma// khram baM thod rlon phyag na bsnams// sku la zhing lpags gsar pa bgos// bdud rta nag po chibs su bcibs// zhabs kyis bgegs bshugs kyis sgrol// 'chi bdag gshin rje nag po ni// zhal gcig phyag gnyis sku mdog gnag/ phyag g.yas thos khrag gri gug g.yon// btsun mo yum chen za byed ma// gri gug thod pa phyag na bsnams// yab yum zhing lpags rlon pa gsol// ma he khros dang chu glang bcibs// zhabs kyis dgra bgegs pho mo gzir// srin po gsod byed sku mdog gnag/ phyag na ral gri thod khrag bsnams// yum chen gsod par byed ma yang // gri gug mi thod phyag na bsnams// na bza' zhing lpags rlon pa gsol// stag seng rol pa chibs su bcibs// gnod sbyin gang ba bzang po yang // zhal gcig phyag gnyis sku mdog sngo// dar nag 'phyar zhing zhing lpags brdeg/ yum chen sha za ral gcig ma// yum gyi tshul 'dzin sprul pa mo// zhing lpags gyon te gyi ling bcibs// drag sngags bdag po chen po ni// dbang phyug chen po lha yi gtso// mdog dkar shel gri ba dan 'phyar// na bza' dar dkar ber chen gsol// chibs su gnam ru dkar po bcibs// thar pa nag po ru tra'i gtso// mchod gtor dug thun phyag na bsnams// zhing lpags gyon te dom nag bcibs// dmu bdud rje dpon nag po ni// dar nag 'phyar zhing sti ra 'drad// ber nag gsol zhing dmu rta bcibs// mu stegs ka la yag sha ni// mthing nag kha TAM tri shUl 'dzin// zhing lpags bgos te ma he bcibs// khyab 'jug rog ti nag po yang // khram shing dgra sta phyag gis 'dzin// sprin nag bgos te 'brug sngon bcibs// klu rgyal ba ru Na yi rje// ser nag sbrul gyi na bza' gsol// bum pa rus sbal phyag gis 'dzin// chibs su chu srin mgo dgu bcibs// rgyal po har mdzes zhes bya ba// mdog dkar shel gri dar dkar 'dzin// sras mchog 'bar ba dmar po ste// mdung rings g.yas la shan gri g.yon// rdo rje mdzes pa mdog dmar po// ru mtshon dgra sta phyag gis 'dzin// khi le lag dgu 'bar ba yang // mdog gser sprul pa'i lag dgu 'gyed// zhing lpags bgos shing sti ra gnon// drag sngags bdag po gtso 'khor yang // rang gi rigs kyi 'khor 'dul ba// so so'i sprul pa bsam mi khyab// gcod par byed pa bdud kyi sde// 'chi bar byed pa gshin rje'i sde// gsod byed shan pa srin po'i sde// gdug rtsub 'chang ba gnod sbyin sde// drag rtsal ldan pa lha yi sde// nag gdon 'bebs pa ma mo'i sde// nam mkha' dbang sgyur gza' yi sde// glen lkugs gdug pa klu yi sde// sde brgyad dmod pa'i drag sngags can// mthu dang rdzu 'phrul bsam mi khyab// 'khor dang sde rigs brjod mi lang // phrin las longs spyod mi zad gter// yon tan nus pa dpag tu med// zhe sdang can la khros par ston// nga rgyal can la lhag par ston// 'dod chags can la mi sdug ston// gti mug can la myos par ston// ser sna can gyis 'phrog par byed// phrag dog can la 'jigs par ston// khyod kyi mi 'dul gcig med kyis// mchod cing bskang ba'i thun rdzas bzhes// bcol cing gnyer ba'i las mdzod cig/ bstod cing bsgrub pas las mdzod dgyes par mdzod// de nas rang gi snying po dang // 'jig rten dregs pa'i bdag po rnams// so so'i sngags kyi las la sbyar// rdo rje 'dzin pa chen po yis// byang chub sems kyis bsam pa yis// ltos dang re ba kun spangs te// sangs rgyas bstan pa rab dmigs nas// drag sngags bdag po nyer bsgrubs na// nga dang sangs rgyas thams cad mnyes// rig pa 'dzin pa'i sa thob cing // sems can rnams kyi ston par 'gyur// thun mong ba dang nye ba dang // mchog 'gyur ring ba'i dngos grub kun// dpa' bo de las mngon du 'byung // yon tan mchog gi stobs rnyed cing // 'jig rten chos las rab bsngags pa'i// byang chub sems dpa'i spyod pa dang // sa chen po la rtogs pa yi// rlabs chen rnams kyang nus par spyod// mthu stobs nus pa bsnyems pa yis// gzhan gyis brdzi bar mi nus shing // rang gi dbang du khugs pa dang // bsgo ba rtsod pa med par 'gyur// zhes bka' stsal to// drag sngags 'dus pa rtsa ba'i rgyud las bstod pa yon tan brjod pa'i le'u ste bcu pa'o// // de nas bcom ldan 'das rdo rje 'dzin pa chen pos/ nyid kyi sku 'jigs byed chen po'i lugs su sku sprul te/ thugs chos nyid zhi ba chen po'i ting nge 'dzin la snyoms par zhugs nas/ sku'i gnas thams cad las 'od kyi dra ba dpag tu med pa phyung nas/ phyogs bcu'i 'jig rten gyi khams thams cad kyi dregs pa can gyi gnas thams cad khyab par mdzad nas/ ma rungs shing gdug pa dang gtum pa'i sems dang bsam pa thams cad kyang ma lus par zhi ba byang chub kyi sems dang ldan par gyur te/ phan pa dang / bde ba dang / gnod pa med pa dang / brtse ba dang / yid dga' ba dang bcas pas phyogs der snang bar gyur nas/ thams cad kyis bcom ldan 'das rdo rje 'dzin pa de la phyag 'tshal zhing 'di skad ces gsol to// kye ma bcom ldan rdo rje 'chang // khyod kyi bstan pa gsang chen 'di// ma 'ongs pa yi dus dag tu/ rab tu rgyas par 'gyur zhig na// bdag cag 'jig rten dregs pa can// zhi ba'i sems su gnas byas pas// rjes su spyod pa gang yin pa// de la rgyas pa phan par bstan// phrin las dang ni lta spyod kyis// khyab pa de las yongs rdzogs shing // grogs dang bran dang dmangs bzhin du// gang gis bsgo ba de bzhin bgyi// dam tshig bsrungs pa'i yon tan dang // rol pa'i ting 'dzin ldan pa la// bka' las 'da' ba mi spyod cing // gsung bzhin bsgrub pa rab tu spro// bcom ldan rdo rje 'dzin khyod kyis// ji ltar mngags pa'i las rnams ni// bdag cag nus pas myur du bsgrub// byin gyis brlab pa gtsor mdzod cig/ ces gsol nas rang rang gi gnas su dengs shing phyin par gyur to// bcom ldan 'das kyis 'od zer gyi bkod pa rnams rang gi 'khor gyi snang ba thams cad kyang nyid kyi sku'i dbyings su bsdus shing sku nyid kyang chos kyi sku'i rang bzhin du gnas par mdzad do// drag sngags 'dus pa rtsa ba'i rgyud las phrin las kyi gnyer phul ba'i le'u ste bcu gcig pa'o// // drag sngags 'dus pa rdo rje rtsa ba'i rgyud ces bya ba rdzogs so// // rgya gar gyi mkhan po chen po slob dpon pad+ma 'byung gnas dang / bod kyi lo ts+tsha ba bdag bai ro tsa nas bskur cing bzhus te gtan la phab pa// // rgyal po khri srong lde btsan gyi bla'i phyag dpe la zhal bshus pa las brgyud pa'o// //