བོད་ཡིག

e-texts produced with BDRC’s OCR application

mo'i sngags rgyud las// zor sngags gsang ba'i le'u dang // rjes su yi rang ba'i le'u ste bcu gcig pa'o// // mnga' bdag rgyal po chen po'i snyan dpal du// bdag gi gdams pa'i bka' mchid gcig gsol na// mnga' bdag rgyal po chen po snyan gson cig/ bang so bzang po de lta bgyis pa 'di// dgung dus 'khrugs pa'i dus su phyag rjes bzang // gtsug lag khang pa da ltar mtshon pa 'di// sku tshe slad ma'i don du che ba legs// bai ro tsa na dge slong bdag gis kyang // pha bor ma bor spun por gnyen bar nas// rje yi zhabs nas btegs pa ji tsam pa// mnga' bdag rgyal po'i thugs la mnga' 'bar bas// mig ltar gces par byed pa'i dus gsum pha ma dang // gson gshin las kyi 'brel pa'i gnyen bzhi dang // rtse gcig las kyis 'brel ba'i yul mi gnyen 'dun dang // 'khor yul dud pos 'brel ba de rnams dang // skad cig sus kyang 'bral rngo mi thogs pa// mnga' bdag rgyal po thugs tshod che// 'di nas rgya gar yul gyi bar dag la// de'u sha de'u chad lnga bcu rtsa bzhi byas// bod kyi rgyal khams smin par bya ba dang // bod kyi dge slong gnyan par bya ba'i phyir// ma rig mun pa sel ba'i bsnyen bsgrub 'di// rin chen phung por bsgyur ba'i bstan chos dang // 'gal ba cham la 'bebs pa'i rgyud 'di 'ong // 'gal ba cham la 'bebs pa'i sngags 'di ni// bdag la 'jam dpal ston pas lung bstan te// rdo rje gdan gyi 'og nas brkos nas 'ong // yang dag rus pa snying rus bskyes nas ni// gser ni rdzongs par nor gyi bla byas te// tshe 'di ma 'phos srog skyabs gser la gyis// de'i shi de'u chad byas te spyan sngar mchis// mnga' bdag rgyal po khri srong lde'u btsan dang // sngon chad mol ba'i don bzhin bdag gis bgyis// mkhas pa'i dug sngags bcad nas sems phyogs dang // rdo rje gdan du sbas pa'i sngags rgyud 'di// dka' bla byas te dge slong bdag gi mchis// 'di ltar dka' bla spyad pa grangs med la// snying por byung ba lha mo sngags rgyud 'di// bstan pa bsrung ba'i drag sngags mang ba zhig/ ston pa'i zhal nas mang po kun gsungs kyang // bcud du byung ba lha mo sngags rgyud 'di// nyid dang sras dang nyid dang 'dra ba las// gzhan la sbyin pa min gyis gzigs mdzod la// bdud 'dul be kar gling gi mdzod du sbas// gzhan la byin na rgyal po dam tshig nyams// gzhan la yod par 'gyur re skan// // de nas byang chub sems dpa' phyag na rdo rje dang // 'khor mang po la sogs pa rnams kyis/ tshig mthun par bcom ldan 'das mngon rdzogs kyi rgyal po la 'di skad gsol to// e ma ho/ bcom ldan 'das mngon rdzogs yab// nag mo sngags kyi rgyud 'di la// ngo mtshar rmad byung bstan pa rnams// bdag cag the tshom 'tshal ba mchis/ bcom ldan gsung gi ngo bo yis// zhu ba'i dmigs rnams bstan du gsol// 'phags pa zhes ni ji ltar lags// nag mo zhes bgyi ji ltar lags// rgyud ces bgyi ba ji ltar lags// chos nyid ngang las bzhengs nas ni// zhu ba'i dmigs rnams bstan mdzod la// de nas bcom ldan 'das mngon rdzogs yab// gzhan la phan pa mdzad pa'i phyir// tshangs pa'i gsung ni byung nas su// 'dus pa'i 'khor rnams zhu ba yi// the tshom mchis pa'i dmigs rnams kun// ma lus zhu ba rab tu legs// 'phags pa zhes ni bya ba yang // nyon mongs ma lus kun las 'phags// ye shes thams cad rdzogs par byung // kun gyis de la sgeg tu med// de phyir 'phags pa zhes bya'o// lha mo zhes ni bya ba yang // lha rnams kun gyi 'od las ni// lha mo gcig tu byin gyis brlabs// lha ma yin gyi g.yul ngo bzlog/ de la lha mo zhes ni bya// nag mo zhes ni bya ba yang // mdangs las sprul pa'i lha mo de// log lhalta thams cad gdul ba'i phyir// phyogs gcig dag la zhe gnag las// de la nag mo zhes bya'o// sngags zhes bya ba bstan pa yang // de la sngags ni rnam pa gnyis// bod cing bsnyen pa'i sngags dang ni// rbad cing gsad pa'i sngags dag go/ sngags zhes kyang ni de la bya'o// de la rgyud ces bya ba yang // don rnams tshang zhing 'brel ba dang // dgos pa thams cad bsgrub pa'i phyir// de phyir rgyud ces bya bshad// nag mo sngags kyi rgyud phyi ma las/ rgyud kyi mtshan dris pa'i le'u ste dang po'o// // de nas yang byang chub sems dpa' phyag na rdo rjes/ yab mngon rdzogs rgyal po la 'di skad ces gsol to// 'di yi gnas rnams ji lta bu// zur du thod tshal ji ltar mnan// dam tshig bsag gzhag ji ltar lags// ma mo mchod dus ji ltar bya// sngags kyi bzlas brjod ji ltar lags// mngon rdzogs rgyal pos bka' stsal pa// dbang rnams rdzogs shing dad pa che// the tshom yid gnyis zas pa yis// thog mar gnas rnams btsal ba ni// ri lung la sogs gnas rnams kyang // rtsa ba'i rgyud las gsungs pa yis// bdag dbang gzhung mthun gnas kyang btsal// de nas gnas chen de lta bur// ma mo rnams kyi dkyil 'khor ni// zla gam gsum pa tshul bzhin du// rtsa ba'i rgyud las 'byung ba bri// de nas gnan pa sbyor ba yang // gdug pa can gyi ma mo yi// kha rlangs sna rlangs la sogs pa'i// gdug pa'i gzi byin gdon pa'i phyir// zur du khung bu brus nas ni// thod tshal drug gam brgyad dag la// thod pa steng ma rnams la dbus su ya bris// de la ya ma rA tsa'i sngags kyis bskor// 'og ma rnams la dbus su ma bris// de la ma mo'i sngags kyis bskor// bar du bsgrub bya'i gzugs dang ming rus gzhug/ phur pa'i sngags dang ma mo'i sngags// gshin rje'i sngags khro bcu'i sngags dang / dza ti'i sngags dang / phur pa re re la bsngags la mnan/ de ltar las rnams byas gyur na// dgra nams kun la gnod par 'gyur// nag mo'i sngags rgyud phyi ma las/ gnas dang dkyil 'khor thod tshal gyi le'u ste gnyis pa'o// // de nas dam rdzas bstan pa la// sha chen dang ni tshil chen dang // bong bu rlig pa nal bu'i sha/ bud med mngal khrag shi ka'i khrag/ gzhan yang khrag sna thams cad dang // lug nag spyi dkar bya nag dang // 'brang rgyas phyed dkar phyed nag dang // thal chen dag ni ming rus rgyud// re ma ti yi rdzas su bsag/ lho yi gling nas phyung ba yis// ra skyugs la sogs rdzas rnams kun// star ga la sogs rdzas rnams kyang // dre'u sna ma yi rdzas su bsag/ mchin mkhris la sogs rdzas rnams kyang // smyug ma'i sbu gu bal tshon lnga// sna khrag la sogs rdzas rnams kyang / khri gnyan la se'i rdzas su bsag/ gzhan yang shun chen skrag pa dang / spyi blugs zhwa la sogs pa yang // rtsa ba'i rgyud bzhin bsag par bya// da ni dam rdzas gzhag pa ni// dbus su dpal gyi gtor ma yang // ma mthong bar du gzhag par bya// byang du ma mo'i gtor ma ni// 'bru nag la sogs dam rdzas la// rtag par bzhugs pa'i zhugs mar gzhag/ shig shun ming bris nang du gzhug/ rgyun gtor dag kyang byad du gzhag/ shar du drag po'i gtor ma gzhag/ lho ru ma mo'i sman phud gzhag/ dngos grub rdzas ni nub tu gzhag/ dpal chen phud ni byang du gzhag/ byang shar shar nub khrag kyang gzhag/ tshe ni nub tu gzhag par bya// re ma ti la sogs pa yi// ma mo so so'i dam tshig kun// re re zla gam re la gzhag/ gzhan yang sha sna khrag sna dang // snying sna la sogs rdzas rnams kun// dkyil 'khor 'gram du gzhag par bya// de nas ma mo'i mchod pa yang // ting 'dzin rnam gsum 'phro 'du las// 'byung ba rim brtsegs gzhal yas khang // de nas rgyud las shes phyogs lha// bsgoms te spyan drangs mchod bstod bya// ma mo mchod pa'i dus dag kyang // nyi ma gung dang mtshan gung dang // skya rengs shar dang byad ris chad// smug nag 'jigs pa'i rgyal mo sogs// bod mchod bstod dang gtor ma sbyin// nag mo sngags kyi rgyud phyi ma las/ dam rdzas bsags pa dang ma mo mchod pa'i le'u ste gsum pa'o// // de nas sngags rnams bzlas pa ni// bya stag lo dang zla ba dang / rnal 'byor dbang phyug chen po des// shis pa'i lha bsgom rgyun sngags bzlas// sgong thun khrag thun rgyun sngags kyang // trag rak+Sha kha mun tra zla// sgong drug bzlas pa dag kyang de'o// zod zor la sogs rgyun sngags te/ kham bu'i rgyud sngags bzlas pa yang // nyin mtshan gsum gyi sngags dag dgod// dmod mo'i rgyun sngags bcu drug bzlas// nag mo sngags kyi rgyud phyi ma las/ rtsa ba'i sngags rnams bzlas pa'i le'u ste bzhi pa'o// // de nas byang chub sems dpa' phyag na rdo rjes/ yab mngon rdzogs rgyal po la 'di skad ces gsol to// phrin las sgrub pa ji ltar lags// de yi gnas ni ji lta bu// phrin las dkyil 'khor ji ltar bri// rbad pa'i sngags rnams ji ltar bzla// thun sngags bzlas pa ji ltar lags// mngon rdzogs rgyal pos bka' stsal pa// mchod dang legs pa rdzogs pa dang / rnal 'byor gdeng dang ldan pa yis// phrin las dag ni brtsam par bya// kun gyi brtsams na rlag par 'gyur// yang na rnal 'byor las ma grub pa'am// shin tu bsod nams chung ba yis// ma mo las byed ma 'dod na// gnyen po gdul skal lha bsgom la// shi sa bstan zhing sngags kyang bzlas// dza dza e ti ma ma ya snying kha rag ma ma kI li kI la ya sa ma ya s+t+waM/ sngags de bzlas la gzugs brdeg go// de nas ma mo'i gtor ma ni// gdan 'og dag gam phung sa la/ trag rak+Sha kha mun tras sngags la gtor/ de ltar byas na las rnams 'grub// nag mo sngags kyi rgyud phyi ma las/ de nas bstan cing las la gtong ba'i le'u ste lnga pa'o// // de nas drag po'i gnas btsal ba// rnal 'byor gdeng dang ldan pa yis// dam rdzas gong du tshogs par bya// lha 'dre dag kyang yod pa'i gnas// nag mo gnas pa'i sa dag tu// dngos grub myur bas de ru bya// chu bo chen po'i 'gram dag tu// ma mo rgyu bas de ru bya// dur khrod chen po skyi g.ya' bar// lha 'dre tshogs pas de ru bya// de nas nam gung nying gung la// drag po'i dkyil 'khor gang byed ni// rtsa ba'i rgyud las 'byung ba bri// gzugs dang thun dang na la thod dang // las kyi bya ba thams cad kun// mkhas pas byang shar mtshams su brtsam// de ltar rdzus rnams tshogs pa dang // snang srid lha 'dre thams cad la// mchod sbyin byas la dbang yang gzug/ mngon rdzogs lha mchod bsnyen bsgrub bya// rang gis ma nyes sho rde'u dgram/ khram la dag kyang gdab par bya// nag mo sngags kyi rgyud phyi ma las drag po'i gnas dang / dkyil 'khor bri ba dang / las kyi bya thabs kyi le'u ste drug pa'o// // de nas rbad sngags bzlas pa ni// b+han d+ha'i cha lang dag kyang brdab// thugs dam dag kyang drag tu bskul// rag mo ni sha ku ru la sogs ni// sgo nga la sogs thun rnams dang // dmod mo kun gyi rbad sngags yin// snying khrag rtsa la breng breng la sogs kyang // sgong drug thun gyi rbad sngags yin// sku gsung thugs dang phrin las kyang / kham bu sgrub pa'i rbad sngags yin// rbad du zad du yag mo la sogs kyang // spyi rnams kun gyi zad sngags dang // myur du yang ni sgrol ba yin// nag mo sngags kyi rgyud phyi ma las/ rbad sngags kyi le'u ste bdun pa'o// // de nas thun sngags bzlas pa yang / khrag thun spyi yi sngags kyang 'di// ma ma trag rag sha kha thun kha mun tra ru lu ru lu hUM b+h+yo hUM/ de dag spyi ru bzlas pa bya// nyin rnams lnga yi bzlas pa yang / khrag skyug dag kyang gtang 'dod na// trag rag sha la sogs pa bzlas// mtshon 'khrug dag ni gtang 'dod na// ma ma hA ra la sogs pa bzlas// rims nad dag kyang gtang 'dod na// i u a la sogs pa bzlas// sgro rims 'dod na thig nig bzlas// mdze nad dag kyang gtong 'dod na// badz+ra ni phaT la sogs pa dang // na ga li la sogs pa bzlas// rbod nad mtshon 'khrugs gtong 'dod na// dmod mo dag kyang bzlas par bya// shin tu myur bar gsod 'dod na// khug pa dgu dril dag tu bzlas// bal nad 'dod na khrag thun bzlas/ khrag skyug 'dod na kham bu bzlas// rgyu gzer 'dod na sgong thun bzlas// gnyen nad 'dod na thun drug bzlas// las ma 'grub na shi sa gzir// mkhris nad dag kyang 'ong bar nges// thod zozer nag po'i bzlas pa yang // dum bu dum bu tshal pa tshal pa// ha na ha na mA ra ya thun ya/ de dag bzlas pas mtshon gri dang // rims nad dag kyang 'ong bar nges// mdze nad dag kyang gtang 'dod na// mdze can thod pa dag dang ni// dgra bo'i pha mes thod pa rjes// pha mes thod pa klu'am sa bdag la// gtad de thebs pa dag tu bya'o// dmod pa grub par 'dod pa na// ma mor bsgoms te sha khrag bza'// thang sngags mtha' ni 'phang dang gnan/ kham bu dag gi mtha' yang ni// skul tog dag gis 'phang ba yin// sgo nga'i mtha' yang 'phang dang gnan// gzungs su dag kyang gzung ba'o// thun drug mtha' yang mnan dang 'phang // gzungs su dag kyang gzung bar bya// gzhan yang thun rnams thams cad kun// 'phang dang bsgyur bar bya ba yin// nag mo sngags kyi rgyud phyi ma las/ thun gyi sngags bzlas pa dang / 'phang thabs kyi le'u ste brgyad pa'o// // de nas yang byang chub sems dpa' phyag na rdo rjes/ yab mngon rdzogs rgyal po la 'di skad ces gsol to// bsgrub pa'i mtshan ma ji ltar lags// thun rnams bskul ba ji ltar bu// thun gyi gtub thabs ji ltar gtub// thun rnams 'phang ba ji ltar 'phang // sreg pa'i sbyor ba ji ltar bya// gnan pa bya na ji ltar gnan// tha ma ji ltar 'chi bar 'gyur// mngon rdzogs yab kyis bka' stsal pa/ khrag thun grub pa'i mtshan ma ni// gnag na drag po'i mtshan ma'o// dmar la gdangs na grub pa yin/ khol lam rlangs pa 'byung bar 'grub// de'i tshe myur du 'phang bar bya// 'gribs na bag chags yod pa yin// chad na las ma grub pa ste// spos na thun khrag rul ba yin// de ltar byung na bsgyur la bya// gzhal yas khang du sgrub pa ni// ldeg 'phar snrums na grub pa yin// ser ka dang ni skams na ngan// kham bu'i rgyu dang tshad dag ni// nal bu'i mdzub mo'i tshad du byas// ram bu ske tshe nas nag dang // sran ma bra bo la sogs pa// dme khrag dug tshogs kun gyis bsku// dmod mo grub pa'i mtshan ma ni/ khrag thun khol na grub pa yin// sgo nga grub na sgo nga 'chog kha la 'brum pa mang du 'byung // rdzas la 'od kyang 'bar ba 'byung // nag mo sngags kyi rgyud phyi ma las/ grub pa'i mtshan ma bstan pa'i le'u ste dgu pa'o// // thun gyi ma mo bskul ba ni/ zhing chen phyag na lus la gyon// thun la zhing gra'i zag pa then// dus tshod nyid gung mtshan gung na// rkang gi gling bu dag kyang 'bud// thun gyi ma mo drag tu bskul// de nas thun gyis gtub thabs ni// mtha' nas dbus su gtub par bya// nag mo sngags kyi rgyud phyi ma las// thun bskul thun gtub pa'i le'u ste bcu pa'o// // de nas thod pa 'phang ba ni// bdud chas zhugs nas ma mo bsgom// rlung phyogs langs dang king kang rgyu// ma mo rgyu ba'i dus rnams su// dur khrod dag gi chad ka'ang // byang ri mthon po'i khar song la// sngo phud gtor la lam yang bsal// ma nyes dpang gzug mchi ma dbyung // gsur dud btang zhing ma mo 'bod// gling bu 'bud cing thugs dam bskul// bdun rgyud rtsad la khrag mda' 'debs// thod khrag smros shig tsit+ta kun tu nan// snying khrag smros shig/ tsakra ram// rnam shes smros shig shwa ra ram// ngag rnams smros shig po ti ram// gzugs phung bshig cig su tri ni// yan lag chings shig tsi na tra/ khrag sna smros shig ma mo'i tshogs// re ma ti re ma ti/ dung nga b+h+yo dung nga b+h+yo/ rmug shag rmug shag rmug rmu tri/ smyos shag sod/ rbad di ri/ sa ma ya/ gzhung pa rtsad nas thod/ srog rtsa rtsad nas chod/ de nas mda' dang phag thod la sogs pa dang / thod khrag rdo nag la sogs pa dang / zun rnams ma lus thams cad ni// phog pa dag tu 'phang bar bya// de nas bsreg pa'i sbyor ba bshad// drag po shing gi me dag la// gdug pa'i rdzas dang ming rus dang // rtsa ba'i sngags gzhug dag la yang // mA ra ya dang kha raM gdags// lha mo'i zhal gyis hom du bsreg/ de ltar las rnams byas gyur na// lha dbang nyid kyang 'chi bar 'gyur// nag mo sngags kyi rgyud phyi ma las/ thun rnams 'phang ba dang / bsreg pa'i le'u ste bcu gcig pa'o// // de nas gnan pa'i las bshad pa// klu yi gnan pa skyon yon gyi// shin tu nyen che rab tu gzab// gnod sbyin drag po gnas pa'i sar// de bzang de ru bya ba yin// ma mo tshogs pa'i sa dag bzang // gzhan shul dag kyang bzang bar bshad// stag skya kha dang sku gzugs 'og/ shing gcig rgya gram sa dag gnan// dur khrod chu mdo phug rdugs dang // gnan pa'i sa ru de rnams bshad// de nas gnan pa bya ba yang // gang gi thod tshal gzugs dang rjes// lho zur zod tshal kha phye ste// lho phyogs dur khrod rgya gram lam// gshin rje 'khor dang bcas pa la// zas skal dag tu gtad par bya// byang shar thod tshal kha sbyar te// shing gcig chu mdo dur khrod du// ma mo nag mo 'khor bcas la// grogs kyi skal du gtad par bya// nub byang thod tshal kha sbyar te// dur leb rdzas dang sgrags nas ni// dur sri chen mo 'khor bcas la// dgra bla dag tu gtad par bya/ khar nag dag gi skud pas bkyig/ de nas gnan pa'i las gzhan ni// la ca dag la sbas pa bya/ lto bar dgra bo'i ming rus gzhug/ shi nga ru la shun pa sbas par dkri// mdze thod pha mes thod pas brje// sbas pa pha mes thod par gzhug khar nag lnga po dag la yang // badz+ra ti ri la sogs pa bzlas// snying za ba yi gsang sngags bzlas/ khar nag lnga yis rgya gram bkyigs// de nas re ba dug por gril// thugs dam bskul ba sa la dgug/ g.yon zhugs klu yi pho brang la// rkang 'dom dag gis bcal byas nas// rwa'am snying ngam kha dag tu// thebs par myur bar gtad par bya// pad+ma dbang chen ting 'dzin nam// gnyen po bya khyung ting 'dzin bsgom// 'ur brkam me yi gsang sngags bzlas// de bzlas klu dang ma mo dkrug par 'gyur// de ru rnal 'byor yun mi ring // re ba'i lham gyon g.yas phyogs bros// rma bya'i sgo yis mtshams kyang gcad// bu med zhabs mas gdab par bya// de ru zhag drangs bco lnga sba// de nas bton te gong ma yi// sa bdag la sogs gnas pa'i sa ru mnan// de nas 'chi bar 'gyur ba'i mtshan ma ni// rmi lam dang ni mngon rtags so// ri dwags phyugs la sogs pa dang // sha dgod byas na bzang ba yin// shor ba rmi na bsgyur ba bya// mdor na srog chags gsad pa rmi ba ni// myur du 'chi bar 'gyur ba yin// shing chen bcad pa rmi na bzang // rdo chen phyung ba rmi na bzang // chu chen 'bab pa rmi na bzang // me chen btang ba bzang ste 'chi ba'o// nam mkha' smug nag 'thibs na bzang // sgra chen dag kyang byung na bzang // 'od chen byung na bzang ba yin// rlung nag kyang ni byung na bzang // tho phyir sngon pos srog chags bsad na bzang // gcan gzan dag gis sems can bsad na bzang ste 'chi'o// dgra bo bkrag mdangs phral te hom skya na 'chi'o// nag mo sngags kyi rgud phyi ma las/ gnan pa dang 'chi ba'i mtshan ma'i le'u ste bcu gnyis pa'o// // 'phag pa lha mo nag mo'i rgyud phyi ma las kyi rim pa bya ba rdzogs so// //