བོད་ཡིག

e-texts produced with BDRC’s OCR application

rgya gar skad du/ Ar+ya de bA kA lI man tra tan tra/ bod skad du/ 'phags pa lha mo nag mo'i sngags rgyud// bcom ldan 'das yab mngon rdzogs kyi rgyal po la phyag 'tshal lo// 'di skad bdag gis thos pa'i dus gcig na/ yab mngon rdzogs kyi rgyal po chos kyi sku'i ngang las longs spyod rdzogs pa'i skur bzhengs nas/ 'gro ba ji ltar 'dul ba bzhin du dgongs nas/ 'byung ba lnga srid po'i rgyur bshig nas/ ri rab ri yi rtse mo g.yung drung lha'i gnas su/ yum chen mu kha le dang gnyis su med pa'i mkha' dbyings las/ thig le chos kyi sku'i ngang las longs spyod rdzogs pa'i sku snang srid kyi bdag mo snod bcud la dbang sgyur ba'i 'byung ba'i rgyal mo drug dang / ye shes tshogs kyi rje mo bcu bzhi dang / sprul pa'i sku dman mo lnga bcu rtsa drug dang / 'dod pa khams kyi gnod sbyin mang po'i tshogs rnams 'di lta ste/ rgya mtsho'i ngos na gnas pa'i dmod pa'i mtshon cha can dang / ma bdun sring bzhi dmod pa'i mtshon cha can dang / srid pa'i khro mo dmod pa'i mtshon cha can dang / ma bdun dpon g.yog dmod pa'i mtshon cha can dang / gnod sbyin spun gsum dmod pa'i mtshon cha can dang / re ma ti spun bzhi dmod pa'i mtsho cha can dang / dus kyi zhags pa ma dang / rab tu 'phyang ma mo dang / dus kyi mtshams sbyor ma dang / gshin rje'i zhags thogs ma dang / dpal ldan dmar ser ma dang / dpal ldan dung mgrin ma dang / spre'u ltar dmar ser ma dang / rnam par 'phyang ba mo dang / tshogs kyi phyag tshang ma dang / rna nyan phra ma mo dang / gtum mo tsa mun ting dang / de dag la sogs pa bsam gyis mi khyab pa ste/ dmod pa'i mtshon cha thogs pas/ sems can gyi sha khrag dang srog dbugs la dbang byed pa/ dus ma yin pa'i cho 'phrul dang / bskal pa ma yin 'i bskal pa dang / rims nad la sogs pa mi mthun pa'i nad gtong ba/ bka' nan che ba/ zlog par dka' ba lag pa'i brda' gtong ba dang / 'jigs pa'i spyugs glu len pa/ brda mi 'phrod pa de dag dang thabs cig tu bzhugs te/ de'i tshe de dag gi nang nas/ 'dod pa'i khams kyi lha mo nag mos/ bcom ldan 'das yab mngon rdzogs kyi rgyal po la 'di skad ces gsol ba btab bo// he he dpa' bo bka' stsal mdzod// ye shes ma mo'i tshogs rnams dang // bdag cag gi yang 'khor tshogs rnams// 'tshal ba'i skal ba gang la bgyi// las su bgyi ba bka' stsal mdzod// dpa' bo chen pos bka' stsol nyan// mngon rdzogs rgyal pos bka' stsal pa// nyon cig dman mo'i 'khor tshogs rnams/ khyed kyi zas dang las dag ni// sangs rgyas bstan la gnod pa dang // nag po'i phyogs su gtogs pa dag/ dman mo khyod kyi zas skal gyis// sangs rgyas bstan pa gnas pa yi// rnam bzhi'i 'khor rnams bsrung bar byas/ byos// nyon cig dpal ldan lha mo che// sa brgyad non pa'i sems ma khyod// rtag tu dkar po'i phyogs rnams la// bsrung dang zhi ba rgyas pa gyis// zhes gsungs so// nag mo sngags kyi rgyud las gleng gzhi'i le'u ste dang po'o// // de nas lha mo nag mo yi// sgrub pa ji ltar bshad bya ba// ri zlum dag gam chu bo'i 'gram/ khrag dmar chol zangs 'dra ba'am/ khang kham kyang rul dben par song nas su// rdzas dang yo byad tshang bar bsag/ bdag dbang bar chad med par bya// gdeng dang ldan pa'i rnal 'byor pas// dkyil 'khor gru gsum mthing nag bya/ khrag las byas pa'i zla gam gsum// sgo dang sgo khyud de bzhin bya// spos chen me mar chen po gtong // spyi blugs zha gon phreng chen bgrang // b+han+d+ha'i cha lang rkang gi dung // thod pa lhag sprod rnga chen dang // shun gyi rgyal mtshan de bzhin bya// gnon sbyin dpon g.yog gang bsgrub kyang // gzhung dang mthun par byas nas ni// bod dang rbad dang gsang sngags bzlas// trag rak+ta mu tra ya/ snying kha rag mo b+h+yo b+h+yo/ trag rak+Sha kha mun tra ru lu ru lu hUM b+h+yo/ rag mo te kum dza dza kha la b+h+yo/ ru lu ru lu ma hi b+h+yo/ tra rak+Sha kha mun tra rag mo dza dza/ he khaM kha la ma khi b+h+yo/ trag rak+Sha kha mun snying kha rag rbad zum ri li li b+h+yo/ brnag pa sngags kyi le'u ste gnyis pa'o// // khar nag bdag gis bshad bya ba// dkar po nag po sngon po dang // dmar po ser po de bzhin te// de dag sngags su gsungs pa'o// oM badz+ra paM ki yang ri hUM/ ma hA pa ra ga ya hUM/ ma hA sa shi si shi bla shis zang hUM/ lo shi kha la rag na rbad na hUM/ du nas ra thib na gro bo hUM/ khar nag sngags kyi le'u ste gsum pa'o// // de nas yang dag bshad bya ba// lcags kyu'i phyag rgya bcas nas ni// spyan drang mchod cing bzhugs su gsol// nag mo dun ting ma las la b+h+yo// ma mo nag mo thun b+h+yo/ oM A hUM sa ma ya/ e h+ye hi dza/ A ral+li hUM hriM hriM ma ma b+h+yo b+h+yo ru lu ru lu rag mo b+h+yo/ tsit+ta dmar mo la dun b+h+yo/ ma hA ka li b+h+yo ru lu ru lu/ nag mo sngags kyi rgyud las spyan drang zhing mchod pa sngags kyi le'u ste bzhi pa'o// // de nas yang dag bshad bya ba// shin tu drag po'i snod nang du// tsit+ta dang ni rak+ta dang / btsan dug rnams ni blug par bya// gdug pa'i dmod mo 'dis dmos te// lha la sogs pa de bzhin na// de bzhin mi la sogs ci smos// thang mu le thang mu le// rtsa zang rtsa zang / rbad rbad/ muM sni muM sni/ nan nan/ rag mo ni rag mo ni/ kha lo rbad/ dug sni dug sni kha lo rbad/ kyi kha lo rbad/ mu kha lo rbad/ rtsa sti rtsi sti rbad/ nir sti nir sni/ mugs mugs/ thub thub/ subs subs sti rbad/ se kha lo rbad/ mu kha lo rbad/ thod pa chu mig de bzhin du// klu dang ma mo dkrugs pa'i sngags// de ltar bzlas na de bzhin 'gyur// 'ur kaM ka me/ sha rag kha kha ha ha hra hi dza/ ma mo las byed ma btub na/ zhing shun dag la gzugs byas la// gzugs de brdung zhing dkrugs sngags bzlas// dza dza e h+ye hi sa ma ya snying kha rag/ de dag de bzhin bzlas byas shing // kI la la yang brjod par bya// de nas zod pa gang yin pa/ khar nag dag gis dkri bar bya// dkar po dag la sngags 'di bzlas// snying la za ba'i rtsi ma N+Da la yang ma sha/ ro la khrag 'thung / kang ka sha zan/ yaM taM pa ra la ho/ sha la kyi sbyang / ro la khrag 'thung / pa tsang shig pa tsang shig/ de nas thod pa'i dngos po de// zhag ni de bzhin bco lnga sba// de nas blangs te de bzhin du// lha khang ro khang yang na ni// lam srang dag tu gnan par bya// de yang yang dag bshad bya ba// zhal nas dmos pa'i zang sngags la// de dag bzhi ru dmos pa ste/ dang po bcu yi drug pa dang // bdun pa rnam pa ldan pa ste// 'dod khams lha gnas dag tu dmos// de la thang sngags gnyis pa ni// klu yi gnas su dmos pa ste// de la bcu yi drug dag dang // de bzhin brgyad kyi rnam pas mdzes// thang sngags gsum pa gang yin pa// mi yi gnas su dmos pa ste// bcu yi rnam pa bdun dang yang // de bzhin bzhi dang ldan pa yin// de la thang sngags bzhi pa ni// shin tu gsang ba'i dmod mo ste// de dag dgu dang ldan pa ste// dang po dang ni gnyis pa la// thog mar ru dang e bzhag nas// mjug tu gcad pa'i sngags dang ldan// de bzhin gsum pa bzhi pa la// de ni phyag 'tshal med pa la// gsum la du yang dang bzhag bzhi bar du// de bzhin 'og tu bcad sngags ldan// lnga pa du ste drug la kyi// de ltar bcad sngags ldan pa ste// bdun brgyad dgu la 'di lta ste// na ma rtse gsum mgor bzhag nas// sngon bzhin bcad pa 'og tu ldan// ru ru rag mo dgra bo'i snying mA ra ya/ tsa thang tsa thang / thang mu le thang mu le srog la rbad/ e ra rtsa ra e ra rtsa ra/ du ni dun ting du la ya badz+ra/ du ru tsa la ni ha na badz+ra/ du ma ra ha na badz+ra b+h+yo/ nA ga ra tsa/ kyi ma srog gi ma rtsa/ ma ra tig ma ra tig tse tse/ na ma ra tig tse tse/ na ma ra tig de dag sngon bzhin thang sngags te// rtsis kyi na ya 'di rnams bzhin// ru la bzhi yi rnam pa ste// e la brgyad du shes par bya// du la yang ni brgyad du ste// de dag du la brgyad du grags// du la drug ste na la bzhi// kyi yi rnam pa drug tu brtsi// ma ni drug tu shes par bya// rtse ni bcu gnyis dag tu brtsi// de dag yan lag brtsi ba ni// dang po la ni u u dang // o yi rnam pas mtshan pa yin// a gnyis e dang ldan pa ni// gnyis pa dag tu shes par bya// de bzhin u dang i dang ni// u dang i dang u rnams dang // lnga dang ldan na gsum pa'o// u dang u ste i dang ldan// gsum gyis brgyan pa bzhi pa yin// u dang o dang ldan pa dang // ba yi sna la ha yis mdzes// ha la de bzhin ya 'og ldan// lnga pa dag tu shes par bya// klu yi sgra ru brjod par bya// rgyan chas spangs pa drug pa'o// i la 'og tu ya dang ldan// de bzhin o dang i yang ra yang yin nam e 'og ya// de dag ldan pa bdun pa yin// i i gnyis kyis brgyan pa na// brgyad pa dag tu brjod pa yin/ e e i dang e e i// drug gis brgyan pa dgu pa'o// 'di ltar grangs dang rgyan cha dang // rtsis kyi na ya ma brtsis na// chad dang lhag dang nor ba 'byung // de dag byung na don med 'gyur// de yi phyir na brtsi ba yin// gsal bar ma smras gsang phyir gsang // de yi phyir na thun mong min// des na rgyud 'dir sbas pa yin// thang mu le zang mu le/ rtsa zang rtsa thang / rbad rbad/ muM sni muM sni/ nan nan/ rag mo ni rag mo ni/ kha la rbad/ dug sni dug sni kha lo rbad/ kyi kha la rbad/ mu kha la rbad/ tsa sti tsa sti rbad/ nir sti nir sti rbad/ mugs mugs/ thub thub sub sub sti rbad/ se kha lo rbad/ mu kha lo rbad rbad/ rtsis kyi na ya brtsi ba ni// 'di ltar yang dag bshad bya ba// ma la bzhi yi rnam pa la// u e bzhi yi rgyan gyis mdzes// de bzhin ma sa bzhi la yang // sa yi 'og tu na yi mdzes// u i bzhi yis rnam par brgyan// ma na bzhi yi dngos po la// oM i bzhi yi rgyan dang ldan// dang po thang sngags dag la ni// rim bzhin la ste o dang ldan// 'dod khams lha gnas dag tu dmos// de la thang sngags gnyis pa ni// la ste o yi rnam pa spangs// klu yi yul du o nyid spang // da sa bzhi la u i bzhi// sa gnyis na yis 'og tu legs// la ste o yi rnam pas brgyan// 'dod khams lha gnas dag tu dmos// ka yi sna la la yis mdzes// de lta bu yis klad du mdzes// la ste o yis brgyan pa ni// lha yis yul du dmos pa'o// la ste o spang klu yul yin// ma la u o ldan pa la// sa gnyis i dang rnam par ldan// sa yi 'og tu ta yis brgyan// na gnyis sa gnyis i bzhis brgyan// sa 'og ta yi brgyan gyis mdzes// de bzhin ma gnyis u yi mdzes// tha gnyis u us brgyan pa la// sa sa gnyis la u yis mdzes// i i sa la ta dang ldan// de bzhin sa nga la gnyis la// e os klad du rnam brgyan mtshan// ma la u o yang dag ldan// mjug tu bcad pa'i rbad sngags mdzes// lha yi yul du rbad cig spangs// klu yi yul du o nyid spangs// 'di ltar brtsi ba'i yi ge ni// thog ma rgyan cha ldan pa ste// rgyan gyis brgyan pa gsal bar bshad// grogs kyi yi ge mang po ni// de dag gsal bar ma bshad de// grangs kyi rnam pa rtsis su shes// de la dang po thang sngags la// bcu drug dag la drug cu ste// bdun dang ldan pas ro bdun yin// zang sngags gnyis pa sngon bzhin du// brgyad dang ldan pas de bzhin du'o// thang mu le thang mu le/ rbad rbad/ muM sni muM sni nan/ rag mo ni rag mo kha lo rbad rbad/ dug sti dug sni/ kha lo rbad rbad/ kyi kha lo kyi kha lo rbad rbad/ tsa ste tsa ste rbad rbad/ ni sti ni ste/ snying la mugs mugs/ thub thub subs ti rbad/ kha 'dar yed yid thums thums rbad rbad/ se kha lo mu kha lo rbad rbad// mi yul gling bzhi'i dmod mo 'di// bcu bdun la ni bdun cu ste/ bzhi dang ldan pa rtsa bzhi yin// rtsis kyi na ya bshad bya ba// ma la bzhi ste u aM brgyan// ma la klad du thig les brgyan// 'og tu u ye rnam pas mdzes// sa yi 'og tu na yis mdzes// klad du i yis rnam par brgyan// ma yi klad du sngon bzhin la// sa yi rgyan yang de bzhin du// ma na ma ste o i o// la ste klad du o yis mtshan// da ste u dang ldan pa la// sa yi 'og tu na yis mdzes// klad du i yis yang dag brgyan// de bzhin da ni u dang ldan// sa 'og na yis mdzes pa la// klad du i yi mtshan ma yin// la ste o yis klad du mdzes// ka yi 'og tu ya yis mdzes// klad du i yi yang dag brgyan// la ste o yis brgyan byas la// ka la sngon bzhin ya yis mdzes// klad du i dang ldan byas la// la ste klad du o dang ldan// sa yis sna la ta yis mdzes// klad la i yis mdzes pas brgyan// de bzhin sa yang ta mdzes te// i yis mtshan pa yang de bzhin te// na ste klad du i yis mtshan// sa yi 'og tu ta yis mdzes// klad du i yi yang dag bshad// na yang klad du sngon bzhin la// sa yang tas mdzes de bzhin no// sa 'og nya mdzes klad du i// ma gnyis u yis rnam par brgyan// tha gnyis u yi 'og tu legs// sa la u yis brgyan pa ste// ta la i yis yang dag brgyan// ya gnyis e dang ldan pa la// tha gnyis u us 'og tu legs// sa yang e yi klad du mdzes// la ni o dang ldan pa la// ma la u yis 'og tu brgyan// la ni o dang ldan pa la// tha mar rbad gnyis sbyar bar bya// 'di ltar yi ge brtsi ba ni// rgyan gyis brgyan pa brtsi ba ste// grogs byed yi ge 'dir ma bshad// rtsis su sngon du de bzhin brtsis// rgyan dang ldan pa'i yi ge ni// skyes bu mtshon cha can dang 'dra// grogs byed yi ge dmag mi 'dra// yan lag brgyan pa mtshon cha 'dra// de phyir yan lag brtsi ba gces// lha mo'i sngags kyi rgyud las/ zang sngags dmod pa'i na la rtsis pa'i le'u ste lnga pa'o// // de nas yang dag bshad bya ba// sngags kyi snying po 'di lta ste// thog ma nyid la thag rag sha/ de bzhin kha mun tra zhes brjod// mu ru lu hUM b+h+yo brjod pa// lha mo nyin mo rgyu ba'i sngags// rag mo te ke ma tsa tsa zhes// za mar kha la b+h+yob+ho brjod pa// mtshan mo rgyu ba'i sngags su shes// ru lu ru lu ma hri b+h+yo// lha mo rtag tu rgyu ba'i sngags// bruM ling bruM ling tsa 'du 'du zhes// de nas srog phrig gnyis brjod nas// tha mar shaM shaM khyer b+h+yo zhes// tha mar 'du 'du brjod pa ni/ e ka tsa ti'i sngags su'o// thog mar ma ma brjod nas kyang // za mar a sha dz+wa la brjod// de nas de yi mjug tu hrI/ swa yi sring po brjod pa yin// ma ni srog ces brjod nas kyang // tha mar dzA dang de nas la// de dag de yi mjug tu hUM// 'di ni gsung gi snying po'o// thog ma la ni oM bzhag la// tha mar ru ru bag sha brjod// mjug tu hUM brjod thugs su bstan// thog mar ma hA srog thun zhes// tha mar snying la b+h+yo zhes brjod// phrin las snying por bstan pa yin// oM dang badz+ra dang por bzhag/ snying kha rag ces lan gnyis brjod// tha mar b+h+yo zhes brjod nas kyang // mjug tu ru lu b+h+yo zhes brjod/ kham bu sgrub pa'i thun sngags yin// thog ma nyid la trag rag sha/ mu tra mA ra ya zhes brjod// tha mar thun ya sbyar ba ni// dbus kyi thun la bzlas pa'o// thog mar kha mun tra zhes brjod// rag mo dza dza mA ra ya// tha mar thun yang brjod pa ni// mdun du bzlas pa'i sngags su shes/ kha la ma ti b+h+yo brjod nas// tha mar rak+Sha mA ra ya// mjug tu thun ya brjod pa ni// g.yas kyi phyogs su brjod pa'o// thog ma la ni trag rag sha/ mu tra lan gnyis brjod nas kyang // snying kha rag ces brjod nas ni// de bzhin mA ra ya zhes brjod// tha mar thun ya sbyar ba ni// g.yon gyi thun sngags zhes bya'o// au zhes bya ba thog mar bzhag/ de nas ma ma trag rag sha/ mA ra ya dang thun ya brjod// dbus kyi thun la bzlas pa'o// tsa pa la zhes brjod nas kyang // la ma ti mA ra ya// mjug tu thun ya brjod pa ni// zur gyi bcu la bzlas pa'o// snying la za ba tsit+ta la zhes brjod nas kyang // mA ra ya dang thun ya brjod// lha mo'i thun la bzlas pa yin// thog mar rag sha mu tra b+h+yo// mA ra ya zhes brjod nas kyang // tha mar thun ya brjod pa ni// g.yon phyogs su ni bzlas pa bya// IM ni thog ma nyid du ste// ru ru ro ru mA ra ya// tha mar thun ya brjod pa ni/ khri sman kham bu'i sngags su'o// thog mar ru ru rag sha na// tha mar mA ra ya brjod nas// mjug la thun ya brjod pa ni// dbus kyi thun la bzlas pa'o// thog ma la ni ru rag sha/ de nas trag sha mA ya// mjug tu thun la brjod pa ni/ lho yi phyogs la g.yas su bzlas// ru ru ro ru ru lu brjod byas nas// tha mar rag sha mA ra ya// mjug la thun ya sbyar ba ni// g.yon gyi phyogs su 'phang ba'i sngags// ru ru ro ru ru lu zhes// tha ma la ni tsak+ka sbyar// mA ra ya thun ya brjod pa/ khri sman kham bu sgrub pa'o// thog ma nyid la trag rag sha/ tha mar snying khrag snying b+h+yo zhes// tha mar thun ya brjod pa ni// dre'u sna kham bu sgrub pa'i sngags// sgo Ta s+pho Ta b+h+yo zhes gnyis brjod nas// de bzhin mA ra ya zhes brjod// tha ma la ni thun ya brjod/ kham bu sgrub pa'i dus su bzlas// thog ma nyid ni snying kha rag/ mA ra ni sha mA ra ya// mjug la thun ya brjod pa ni// nub zur kham bu bcu la bzlas// ru lu rag sha thog mar brjod// tha mar ti na mA ra ya// mjug la thun ya brjod pa ni// dbus la bzlas pa'i sngags su'o// rag mo tsa tsa zhes brjod nas// ma ra ma ra sha sha mA ra ya// mjug la thun ya brjod pa ni// g.yas kyi phyogs su bzlas pa'o// thog mar snying khrag rtsa la ya// tha mar mA ra ya zhes bya'o// mjug tu thun ya brjod pa ni// g.yon du bzlas pa'i sngags su'o// sngags tshan bzhi ni bcu nub phyogs bzlas// nag mo sngags rgyud las/ thun sngags dmod mo'i le'u ste drug pa'o// // de nas yang dag bshad bya ba// rbad pa'i sngags dang sgrub pa dang / de yi gsang ba'i rim pa 'di'o// rbad du rbad du yag mo sod cig nr-i dza/ bruM dri li li nr-i dza bruM ri la/ myur du bsgral ba'i snying po'o// trag rak+Sha mu tra snying kha rag mo b+h+yo// gtor ba'i las su shes par bya// oM badz+ra kro ta ni e ka tsa tI hUM hUM/ rag+na rak+Sha hi hi/ ma ma hUM dza/ dam rtsa la/ ma ma b+h+yo b+h+yo/ ru lu ru lu rag mo b+h+yo// tsi tsi sta ta ma so la dun b+h+yo/ shi li shi li king ka li hUM/ kha rag ki li hAM/ sha ka li hAM/ pra bi ging nan/ yam 'gri ni yaM/ luM ba ti yang / byi li ma ti yaM yaM/ zhes bya ba de dag ni dkrugs pa'i sngags su shes par bya/ rag mo ni sha su ru thum ri la rbad/ rag mo kha la tsa tsa dun b+h+yo b+h+yo/ rag ta bruM rbad/ kha la tsa tsa b+h+yo b+h+yo/ tsa tsa rbad snying la dun rag mo kha la tsa tsa dun b+h+yo b+h+yo/ sa ma ya dun b+h+yo b+h+yo/ 'ur kaM me shaM na byad kyang 'u ka me naM sha b+h+yo/ nag mo sngags rgyud las/ rbad sngags gsang ba'i le'u ste bdun pa'o// // de nas yang dag bshad bya ba// dpon g.yog gsum pa'i sgrub pa ni// sa cho ga gtor ma sman mchod dang // las kyi bya ba gzhung bzhin bya// dkyil 'khor tshad ni mtho lngar bya// zur bzhi'i 'og tu gzugs brnyan gzhug/ de la gnan pa'i cho ga bya// ma mo gshin rje khro bcu dang // de rnams sngags ni thams cad dang // dpon g.yog gsum pa'i sngags dang ni// e ka dza ti'i sngags rnams kyis// phur pa bzhi la sngags la gnan// steng du dkyil 'khor zlum por brtsig/ chag gang dpangs su byas nas ni// de yi phyed du nag po bya// phyed ni mi khrag rta khyi'i khrag/ bsres la yan chad byug par bya// de nas dkyil 'khor bri ba ni// dbus zlum zla gam gsum bskor la// shar dang lho dang byang dag tu// re ma khri sman dre'u sna dgod// zla gam gsum po dag la yang // phag thod khrag snas bkang nang du// mA ra ya yi ming bris gnan// phyi skor dpon g.yog sngags kyang bris// phyi rim zla gam drug la ni// drag sngags drug dang sgo nga drug/ phur drug tshul bzhin dgod par bya// de yi phyi rim dag la yang // zla gam phyir bltas rtsa gcig la// zla gam re la sgo nga dang // phur pa snying sna rtsa gcig dang // snying po nyi shu rtsa gcig dgod// de la 'di ni bri ba'i sngags// ma ma trag rag+na mu tra kha mu tra/ mu ru mu ru mu ru ru lu b+h+yo hUM b+h+yo/ trag rag sha kha mu tra/ du ra ma ma ti rag mo dza/ ma ma du ra/ du ma mo na/ snying khra la rag+na rbad gtubs/ tsit+ta baM/ gal bruM myos/ snying khrag to pra/ ru ru sri ba bruM he pa bruM/ du bruM du bruM/ pra raM bruM/ dum lo na/ zhi ni bruM/ i u a sa ma ya thibs thibs/ li shar yaM nges so// sa ma ya ti sta ma ma ma ru thibs thibs/ thabs pra phur kha sha baM/ yaM bruM ri li li/ thig nig gcig med/ gnyis drag brgyad gcad gnam mthongs phye/ lcags sgrogs khrol/ mi rengs sod/ badz+ra ne sod/ badz+ra te phaT/ badz+ra dza la te phaT/ badz+ra te phaT/ badz+ra i hing i hing / na ga le nA ga le/ suM ba le suM ba le/ tsin yang tsin yang / len yang len yang / kha sha baM/ kha sha baM/ ma dung nga b+h+yo ma dud da b+h+yo// sgong zor dug sna mang po la// de dag sngags ni bzlas pa yin// mdung gsum dar sna btags pa gsum// re ma ti yi mdung dmar la// dre'u sna'i mdung ni nag por bya/ khri sman mdung ni ser po la// dar gyi kha dog de bzhin bya// dre'u sna ma yis sna drangs la// re ma ti yis dbus byas la/ khri sman dag gis mjug byas la// thun khag lag tu thogs nas kyang // g.yas su mdung thogs phyar ba bgo/ ma mo'i bdud chas zhugs nas kyang // sgo nga'i thun stsogs 'phang bar bya// nag mo sngags rgyud las// sgong thun dmod mo'i le'u ste brgyad pa'o// // de nas yang dag bshad bya ba// sku gcig maN+Da 'dom gang la// gru bzhi rgyas pa'i rang bzhin la// zlum po zhi ba'i tshul du ste// zla gam rnam gsum dbang gi tshul// mthing nag gru gsum drag po'o// mthing nag gru gsum dbus la gang dmigs gzhag/ lug khrag ra khrag khyi khrag yang mi khrag phag khrag gsum// zla gam gsum la rim pa bzhin du bsku// dug gtor rgyun gyi gtor ma dang // rtag pa bzhugs pa'i gtor ma yang // zla gam dag la'ang rim bzhin no// gru gsum mthing nag zla gam dmar// gru chad zla gam ldan pa la// gru bzhi ser po lcags dang sgo// zla gam gsum la phur pa dgod// 'di ni sku gcig dkyil 'khor yin// gzhan yang gru gsum mthing nag la// zlum po gru gsum e dang ldan// zla gam gsum ldan dmar po la// sgrub gtor dang ni dug thun dang // rgyun gtor rim bzhin dgod par bya// dbus su gang dmigs mA ra ya/ phyi rim gru gsum dag la'ang // sems kyi rtsa lag shi ka'i mtshal// mi dbang 'bras bu gzhag par bya// phyi rim kha khyer me ris mdzes// zur gsum 'og tu zod pa gnan// lha mo nag mo'i sngags rgyud las/ sku yi maN+Dal gsang ba'i le'u ste dgu pa'o// // de nas yang bdag bshad bya ba// rtsa ba'i gsang sngags 'di dag gsungs// oM ru ru ro ru tsa pa la a shug me ma hUM ma b+h+yo dza dzaHdpon gyi'o// oM tsa pa la a shug me swA ha/ de nyid do// oM badz+ra kha rag snying kha rag trag sha tsa mun tsag sha ma nyid kyi'o// tra rak+Sha kha mu mun+ta/ b+h+yo ru lu ru lu trag rak+Sha snying khrag snying b+h+yo s+phu ta s+phu ta b+h+yo/ sha sha trag sha sha trag/ trag mo trab snying trab snying khrag drag trag mu trag ma/ snying khrag rtsa breng breng / oM dza la dza la ting / oM badz+ra kha rag snying kha rag badz+ra ka laM b+h+yo dza/ trag rak+kha kha mu tra b+h+yo mA ra ya thun ya/ trag rak+Sha snying khrag snying b+h+yo mA ra ya/ thun ya/ s+phu ta s+phu ta b+h+yo mA ra ya thun ya/ sa ma ya ti sta/ ma ma ru ru thibs thibs/ thab pra bur kha sha baM/ yaM bruM ri li li/ thig nig gcig med/ gnyis drag/ brgyad gcad/ gnam mthongs phye lcags sgrog khrol/ mi rengs sod/ badz+ra ne phaT/ ram bu skye tshe nas nag dang // bra bo la sogs khrag bskus la// sgo ngar bcug la bzlas pa bya// de ni mA ra gdon mi za// nag mo sngags kyi rgyud las/ rtsa ba sngags kyi le'u dang / thun sngags gsang ba'i le'u ste bcu pa'o// // de nas thun dgongs bshad bya ba// ba su zhing skra sum sgril dag/ gar sbyin khrag gi rnam pa yis// lha mo nyid kyi thugs kar sbyar// rnal 'byor srin lag dag la gdags// rnal 'byor tsit+ta kha sbyar ba'i// ga bur rin chen gzhal yas khang // nyi ma'i dkyil 'khor bsam byas la// de dkyil smug nag ma bsams la// bzlas pa'i yig 'bru phyi rim bsam// gzungs thag srog rtsa'i rang bzhin nam// gser lce'u sum sgril khong stong nas// yig 'bru smug nag bsam bya zhing // 'phro 'du mgal me bskor ba bzhin// dngos grub stsol dang mchod 'bul du// ma dang bu yi tshul gyis bya// de nas yang dag bshad bya ba// thod zor gsang ba'i le'u las// mon nam rabs chad thod pa ru/ khrag sna dug sogs blugs byas la// bong bu zhon nas bdud chas zhugs// zhing chen g.yab cing gsur chen btang // dum bu gnyis brjod tshal pa gnyis// ha na gnyis brjod thun sngags brjod// 'dab chags nag mo'i zor dag las// mthing nag dar lce'u nang du yang // yungs kar dag la thun sngags brjod// 'dab chags nag mo sogs par yang // skye ru gzas pa'i ming byang gdags// tsit+ta'i rtse mo'i phreng ba yang // de yi skye la bskon byas la// go zu nag po gon pa yis// bud med dag la 'dab chags bskur// gtor ma nag po dag kyang ni// bud med de la de bzhin bskur// chu bo chen po'i gzhung la gtong // snying zor nag mo bshad bya ba// shel nag snying gi nang dag tu// nyung nag dag la thun sngags bzlas// sbyang ka'i mda' la gdags te 'phang // de ltar las rnams byas gyur na// gang la bya ba mA ra ya// de nas gnod sbyin ma tshogs rnams// dga' ba'i mdangs kyis pad ma ston// dpa' bos bka' stsal rgyud 'di la// legs pa'i rnam grangs mang po brjod// gtso bo nyid kyi thugs ka ru// de nyid du ni mi snang gyur// dpal ldan nag mo'i sngags rgyud las// zor sngags gsang ba'i le'u dang // rjes su yi rang ba'i le'u ste bcu gcig pa'o// // mnga' bdag rgyal po chen po'i snyan dpal du// bdag gi gdams