བོད་ཡིག

e-texts produced with BDRC’s OCR application

rgya gar skad du/ badz+ra kI la ya gu h+ya ma hA tan+t+ra/ bod skad du/ rdo rje phur pa gsang ba'i rgyud chen po// bcom ldan 'das gsang ba mchog gi bdag po// rdo rje khros pa'i sku gsung thugs gzhon nu thams cad mkhyen pa la phyag 'tshal lo// 'di skad bstan cing zos pa'i dus gcig na/ bcom ldan 'das gsang ba mchog gi bdag po// dus gsum ma lus mi lus lus pa med pa'i ngo bo// rdo rje dang / 'khor lo dang / rin po che dang / pad+ma dang las kyi rang bzhin/ rigs dang ye shes kun gyi bdag nyid/ rol pa'i rdzu 'phrul la mnga' brnyes pa de/ don chos nyid skye ba med pa'i ngang las/ rtags 'gag pa med pa'i cho 'phrul gyi skur bzhugs so// 'og min gyi gnas gsang ba mchog gi dkyil 'khor chen po dus gsum gyi rgyal ba rnams kyis gshegs shing bzhugs te gzhugs par 'gyur ba'i gnas/ rgyu rin po che dang dur khrod las byas pa'i dbyibs kha dog tha dad cing ngo bo nyid brtsegs pa ste/ de yang dbyings ye shes gsal ba'i gzhal yas khang / kun tu khyab par brdal ba chen po na/ rigs kyi yab dang / rigs kyi yum dang / gzhan yang sems dpa' dang / sems ma dang / sgo skyong sbrul skur bcas pa yang / srid zhi dang rig pa'i tshul gyis ni/ til la mar bzhin du khyab par gnas so// 'khor gyi dkyil 'khor de nyid na/ rdo rje 'dzin pa'i rgyal po yang nyid kyi sku gsung thugs las thon te// spyan snga nyid na bka' nod pa'i spobs pa dang ldan pa'i zhu ba po nyid du bzhugs so// rdo rje phur pa gsang ba'i rgyud chen po las/ gleng gzhi'i le'u ste dang po'o// // de nas bcom ldan 'das gsang ba mchog gi bdag pos/ dus gsum dang / srid pa gsum dang / 'khor ba dang mya ngan las 'das pa dang / sa dang pha rol tu phyin pa dang / kun nas nyon mongs pa dang / rnam par byang ba dang / 'jig rten dang 'jig rten las 'das pa dang / zag bcas dang zag med/ 'dus byas dang 'dus ma byas/ bstan du yod pa dang bstan du med pa/ thog bcas dang thog med/ rtog bcas dang rtog med/ don dam pa dang kun rdzob/ bsgrub bya dang sgrub byed/ shes pa dang shes pa'i yul/ 'jig rten dang 'jig rten las 'das pa'i chos rgyu 'bras bur bcas pa/ snang zhing grags pa thams cad la/ rdzu 'phrul gyi spyan gyis kun tu yang khyab par gzigs rnam par yang gzigs so// de bzhin du gzigs pas/ chos thams cad byang chub kyi mtshan nyid stong pa chen po'i rang bzhin/ sgra bsam las 'das pa'i de bzhin nyid/ de kho na'i ting nge 'dzin la snyoms par zhugs so// de nas rdo rje 'dzin pa'i rgyal po rang gi stan las langs te/ bcom ldan 'das gsang ba mchog gi bdag po la/ phyi nang gi mchod pa'i sprin sna tshogs kyis mngon par mchod de/ lan brgya phrag stong du brkyang phyag 'tshal nas// dgongs pa chos kyi dbyings la mnal bzhin du 'di skad ces gsol to// e ma ho bde gshegs bcom ldan 'das// e ma ho gsang mchog dgyes pa che/ e ma ho rnam par dag pa'i lam/ ngo mtshar 'byung ba khyod la 'dud// dkyil 'khor rnams kyi de nyid don// byang chub sems kyi mtshan nyid de// bdag cag rnam la bshad du gsol// de nas gsang ba mchog gi bdag pos// rdo rje 'dzin pa la bka' stsal pa/ rdo rje 'dzin pa khyod nyon cig legs par yid la zung zhig/ 'di ni sngon gyi rgyal ba thams cad dang da ltar dang phyis 'byung ba'i rgyal ba sangs rgyas rnams kyis ma gsungs gsung bar dka' ba yin te/ de ci'i phyir zhe na/ de kho na nyid byang chub sems kyi mtshan nyid de ni brjod du yang med la/ snod du gyur pa yang dkon pa'i phyir ro// rdo rje 'dzin pa de bas na khyod nyid la dris shig ces bka' stsal te ci yang mi gsung bar bzhugs so// de nas 'khor lo 'dzin pa la sogs pa'i de bzhin gshegs pa thams cad kyis rdo rje 'dzin pa la bsgo ba mdzad de/ rdo rje 'dzin pa chen po khyod ni de bzhin gshegs pas bka' stsal pa zhu ba spobs pa yin pas na/ bcom ldan 'das gsang ba mchog gi bdag po the tshom thams cad gcod pa la the tshom yang dag yang du zhus shig dang / de bzhin gshegs pa ni snod ji lta ba bzhin du chos ston pas na/ byang chub sems dpa' blo dman rnams la yang byin gyis rlobs shig ces bka'i bsgo ba mdzad pas/ rdo rje 'dzin pa'i rgyal pos/ rigs bzhi'i sangs rgyas kyis bskul ba thugs su chud nas/ 'khor mang po dang bcas pa snod du rung bar byin gyis brlabs par mdzad nas/ ston pa'i zhal du bltas te gnas so// de nas rdo rje 'dus pa'i rgyal pos/ bsngo ba med pa'i mchod pa ma chags pa'i 'dod yon/ nam mkha' lta bur kun la khyab cing sems las sprul te/ ston pa la mchod nas 'di skad ces gsol to// don dam sems nyid skye ba med pa la// ston pa dang ni gnas dang 'khor// skye ba'i cho 'phrul 'byung ba ci// zhes gsol to// bka' stsal pa/ chos kun rtsa ba sems nyid de// rtsa ba de nyid ston pa las// gud nas bstan pa btsal ba med// bdag nyid chen po byang chub sems// rgyu dang 'bras bur bcas pa'i chos// byang chub sems la gnas pa las// gud na gnas pa ma yin no// de ni gzhal yas byang chub sems// 'khor ba'i rgyu bstan phung po lnga// 'khor ba gnas bsgyur phyag rgya yin// phyag rgya de nyid byang chub sems// 'byung ba gnas bsgyur yum lnga ste// yum lnga ma chags byang chub sems// rnam shes 'khor ba gnas bsgyur sems dpa' ste// dmigs pa med pa'i byang chub sems// yul brgyad 'khor ba gnas bsgyur sems ma ste// gnas pa med pa byang chub sems// rtag chad 'khor ba gnas bsgyur sgo pa ste// reg pa reg shes reg bya la// 'khor ba gnas bsgyur khro bo ste// dngos po med pa'i byang chub sems// smon pa med pa'i byang chub sems// nyon drug gnas bsgyur sbrul sku ste// spros pa med pa'i byang chub sems// rtag chad 'khor ba gnas bsgyur kun bzang yab yum ste// gzung 'dzin med pa'i byang chub sems// 'khrul pa bzlog phyir sems las shar ba las// gud nas btsal ba ma yin/ gyi// btsal yang rgyal bas mi brnyes so// de bas sems nyid chos rnams kun gyi rtsa ba ste// rtsa ba de yi don rtogs nas// ci yang ma bkag chos kyi dbyings// blta ba ma bkag sems nyid nam mkha' yin// spyod pa ma bkag sems nyid rgya mtsho'i 'dzings// bsgrub pa ma bkag sems nyid chen po bsgrub// phrin las ma bkag sems kyis kun la rol// dkyil 'khor ma bkag sems nyid nyid la rdzogs// dam tshig ma bkag sems las bsrung du med// mchod pa ma bkag sems las longs spyod pa// snying po bkag ma sems nyid brjod dang bral// phyag rgya ma bkag sems nyid phyag rgya yin// ting 'dzin ma bkag sems nyid ngang la shar// zhes bka' stsal pas// 'khor rnams sems mtshan med pa la mtshan ma'i skur byung bas rtag pa'i mtha' sel to// de nas yang rdo rje 'dzin pa'i rgyal pos 'di skad ces gsol to// spros pa med pa'i byang chub sems// don dam mchog tu ji ltar bskyed// ces zhus pa dang // bcom ldan 'das gsang ba mchog gi bdag pos/ don dam pa'i kho na nyid kyi ting nge 'dzin la cung zhig mnyam par bzhag nas/ 'dus pa'i tshogs rnams la 'di skad ces bka' stsal to// rdo rje 'dzin pa la sogs pa rnams nges par legs par nyon cig byang chub sems zhes bya ba ni// brjod dang smra bsam yul las 'das// don dam kun rdzob tha mi dad// rang gi lus ngag rdo rje ste// byang chub sems kyi ngo bo las// lus ngag yid gsum ma grub par// rig pa'i skyes bu de yis ni// byang chub mchog tu sems bskyed yin// zhes gsungs so// de nas 'khor 'dus pa rnams kyis// rang gi byang chub sems de kho na nyid la sems nas 'khod do// 'khod pas sems kyi don rtogs par gyur te// de nas rdo rje 'dzin pa'i rgyal po des// rang gi byang chub sems kyi rtogs tshad 'di phul lo// e ma ho bde gshegs bcom ldan 'das// sangs rgyas kun gyi byang chub sems// gzung 'dzin rnam spangs tshig dang yi ge'i spyod yul min// gdod nas ma skyes rtog pa'i gnas med do// zhes gsungs so// de nas bcom ldan 'das 'khor lo 'dzin pas kyang / rang gi byang chub sems rtogs tshad 'di gsungs so// e ma ho chos kun stong pa'i bdag/ rang gi ngo bo brjod du med// brjod med de ni sna tshogs pa'i/ chos rnams kun la khyab par gnas// zhes gsungs so// de nas bcom ldan 'das rin chen 'dzin pas kyang // rang gi byang chub sems kyi rtogs tshad phul ba 'di skad gsungs so// e ma ho mnyam nyid byang chub sems// ming du btags pa'i tshig rnams kun// mnyam pa nyid la gnas bcas phyir// mnyam pa nyid las gzhan med do// zhes gsung so// de nas bcom ldan 'das pad+ma 'dzin pas kyang / rang gi byang chub sems kyi rtogs tshad 'di gsungs so// e ma ho chos su snang ba thams cad kun// rang gi ngo bo brjod du med// de nyid byang chub sems su ni// mkhas pas bsgoms na rtogs par 'gyur// zhes gsungs so// de nas bcom ldan 'das rgya gram 'dzin pas kyang / rang gi byang chub sems kyi rtogs tshad 'di gsungs so// chos kun byang chub sems nyid de// nges pa med de dngos rtog bral// de nyid dag pa'i rang bzhin te// mkhas pas ci dgar bsgoms na 'grub// ces gsungs so// de las gzhan pa'i 'khor rnams ni// byang chub sems de kho na nyid kyi don nyams su myong ste/ rang rang gis de bzhin nyid la 'khod nas gnas so// thams cad byang chub kyi sems kyis tshims pa de'i tshe na// dus gsum la sogs te 'khor ba dang mya ngan las 'das pa/ dang 'bras bur bcas pa rnams stong pa chen por gyur pa ni/ dpe nam mkha'i mtshan nyid tsam du yang bsgrub tu yod pa ma yin no// rdo rje phur pa gsang ba'i rgyud chen po las/ byang chub kyi sems de kho na nyid kyi don nges par gleng bslang ba'i le'u ste gnyis pa'o// // de nas skye ba med pa'i de bzhin nyid las/ 'gag pa med pa'i longs spyod rdzogs pa'i sku 'byung ba'i phyir na/ rdo rje 'dzin pa'i rgyal pos/ stong pa nyid kyi ngang las glu 'dis bskul to// e ma ho stong nyid rnam dag klong yangs nas// snyoms pa'i thugs rje 'byung bar mi dmigs kyang // shes rab don dam chos sku gsal ba las// mi 'gog thabs kyis snying rje nam mkhar ston// zhes bskul bas/ gsang ba mchog gi bdag pos bskul bar mkhyen te/ stong pa nyid kyi ngang la mnal bzhin du/ 'khor ba dang mya ngan las 'das pa'i chos thams cad la khyab pa'i snying rje chen po'i ting nge 'dzin la snyoms par zhugs te/ de'i tshe chos thams cad snying rje chen po'i ngo bo tsam du gnas par gyur to/ de nas rdo rje 'dzin pas/ snying rje chen po'i ngang las glu 'dis bskul to// e ma ho ma ltar byams pa'i snying rje chen po ni// mkha' ltar go yang 'byed cing kun la khyab// rig pa'i snying rje nam mkha'i dbyings rum nas// longs spyod rdzogs pa'i sku mchog bstan du gsol// a la la ho zhes bskul to// de nas gsang ba mchog gi bdag pos bskul bar mkhyen nas/ snying rje nam mkha'i ngang las rig pa'i cho 'phrul rnam par sprul te// rdo rje'i sku mngon par 'du mdzad de/ dper na nam mkha'i dbyings la nyi ma 'bum dus gcig tu shar ba'i gzi brjid lta bu'o// de nas yang rdo rje 'dzin pas/ rmad du byung ba'i glu 'dis bskul to// e ma ho yid bzhin sku mchog nyi ma 'bar ba las// sprul pa'i cho 'phrul rdo rje'i gar mdzad cing // brjid pa'i sku mchog rdo rje 'bar ba yis// 'bar ba'i sku mchog bdag la bstan du gsol/ a la la ho zhes rnam par bskul bas bskul bar thugs su chud de/ bde bar gshegs pa thams cad kyi thugs kyi mtshan ma/ ye shes kyi rtse mo rdo rje rtse dgu pa lta bu/ sangs rgyas rnams kyis gzigs par gyur to// de nas yang rol pa'i sku mngon par 'du mdzad pa de las/ rol pa'i sku zhal gsum pa lta bu sangs rkus rnams kyis gzigs so// de nas rmad du byung ba 'dis bskul lo// e ma de ni rang byung ba'i// rigs rnams kun gyi rigs kyi gtso// dkyil 'khor kun gyi byed pa po// rdo rje 'chang chen rtag pa rol pa'i sku'o// rdo rje 'dzin pa la sogs pas 'di skad ces gsol to// e ma ho// de bzhin gshegs pa kun zhi ba'i// de gzhin gshegs pa kun gyi gnas// rdo rje chen po las byung ba'i// dkyil 'khor dam pa bshad du gsol// e ma ho// de bzhin gshegs pa kun gi gtso// de bzhin gshegs pa kun gyi gnas// chos kun bdag med pa yi mchog/ dkyil 'khor dam pa bshad du gsol// e ma ho// mtshan nyid thams cad yang dag rdzogs// mtshan med thams cad yang dag spongs// bcom ldan gsang ba mchog gi bdag/ dkyil 'khor dam pa bshad du gsol// e ma ho// zhi ba'i chos mchog las byung ba'i// ye shes spyod pa rnam sbyong ba'i// bcom ldan gsang ba mchog gi bdag/ dkyil 'khor dam pa bshad du gsol// e ma ho// sems can kun gyi sems chen po// rang bzhin dag pas dri ma med// bcom ldan gsang ba mchog gi bdag/ dkyil 'khor dam pa bshad du gsol// zhes bskul bar mkhyen te// bcom ldan 'das kyi hUM hUM hUM zhes brjod de// byin rlabs can du bya ba'i phyir// snga tshul gyi gnas dang 'khor tshul la sogs pa de dag nyid kyi sku gsung thugs la bsdus te/ chos nyid byang chub sems su mi snang bar mdzad do// de las bo d+hi tsit+ta maN+Dal a zhes cho 'phrul gyi sgra brjod pas/ skye ba med pa'i ngang las 'gag pa med pa'i cho 'phrul gyi byang chub sems kyi gzugs brnyan ni// chos thams cad kyi ngo bo yi ge a ru gsal bar mdzad do// de la cho 'phrul gyi sgra 'di skad ces bsgrags so// yi ge a yi sems kyi rang bzhin te// chags pa'i skyon bral nam mkha'i kha dog 'dra// sems rgya che ba'i khyad par bstan pa'i phyir// rgya mtsho'i rlabs ltar thams cad 'byung ba'i rgyu// zhes bsgrags so// byang chub sems kyi rang bzhin a re'i 'phro 'du las/ thams cad yi ge a de shin tu yang gsal te/ de las 'di skad ces bsgrags so// byang chub sems kyi yig 'bru a// 'phros pas thugs bskul rgyud sbyang ste// thabs dang shes rab dbyangs dang sgra yig tshogs// mtshan dang dpe byad kun gyi rgyu ru gsal// ka kha ga g+ha nga / tsa tsha dza dz+ha nya/ ta tha da d+ha na/ Ta Sha Da D+ha Na/ pa pha ba b+ha ma/ ya wa ra la/ sha Sha sa ha/ au au k+Sha a/ a A/ i I/ a U/ e ai/ o o/ r-i r-I/ l-i l-I/ aM A/ de nas yang gsang ba mchog gi bdag pos/ de bzhin nyid kyi dbyings las ni// lha mo dbyings phyug mngon phyung ste// hi hi dgyes pa'i gzi mdangs kyis// rin chen pad+ma rgyas mdzad nas// smin ring mdzes tshul g.yon du bzhugs// de nas yang gsang ba mchog gi bdag pos// gzhal yas rnam par gsal ba'i ting nge 'dzin la zhugs te/ nyid kyi sku dang gsung dang thugs las snying po 'di rnams ched du brjod de phyung ngo // e yaM/ khaM/ suM/ raM/ b+h+rUM/ chos dbyings gsal ba'i nam mkha' la// ye shes gsal ba'i rlung gis bskyod// byang chub sems rgyan chu rgyun las// zhi gnas gsal ba'i sa gzhi chags// lhag mthong 'bar ba'i drod dang ldan// ye shes lnga ldan ri rab chen po la// b+h+rUM las rin chen 'bar ba'i gzhal yas khang // e ma sangs rgyas thams cad kyi// rdo rje gsang ba mchog gi gnas// dbus kyi dkyil 'khor cha dgu pa// 'khor lo rtsibs bzhi rtsibs brgyad pa// gru chad par khyams ldan pa dang // sgo yi 'gram logs ya phub khyung // phyi dang nang med kun tu nang // rnam thar brgyad kyi ka ba la// ye shes chen po bzhi'i gdung bres// 'khor lo'i gdan dang rin chen rgyan// rta babs rol mo'i tshogs su ldan// zhes brjod do// de nas yang bdag nyid dang 'khor rnams la rim gro bskyed de gdan bting ba'i phyir/ 'di skad ces brjod do// d+ha ri ta ke tha ga te/ b+he sha ra ta/ d+ha sha ta thA ga ta sa ta la/ ta thA ga ta sarba gi ra/ tsa ta ri rid ti pra ta/ shAn+ti ga ta bo sha ta ka/ rat+na da ra/ ma pa/ a sUr+ya tsan+da pad+ma maN+Da la/ seng ge glang chen rta dang rma bya nam mkha' lding // nyi zla pad+ma rin chen khri rkang mdzes// bde gshegs rnams la rim gro bskyed pa'i phyir// gdan gyi khyad par rab tu rdzogs/ de nas yang bcom ldan 'das kyis ched du brjod pa 'di brjod do// raM yaM khaM/ ji ltar snang ba'i dngos po rnams// skye med ngang du ro gcig phyir// ye shes bskal pa gsum gyis dngos po gsum// sbyangs nas rang bzhin chos dbyings ngang du dag/ ces gsungs so// de nas gsang ba mchog gi bdag po des/ ta thA ga ta sa ma ya tiSh+Tha badz+ra zhes brjod de// dkyil 'khor chen po'i dbus su bzhugs par gyur to// de nas bcom ldan 'das kyis ma chags pa'i yum la/ 'khor gyi sku bskyed pa'i phyir na/ rjes su chags pa'i ting nge 'dzin la snyoms par zhugs so// de nas yum dbyings phyug ma zhal 'dzum pa dang bcas nas/ chags pa'i glu 'dis bskul to// e ma ho// rol pa'i cho 'phrul 'bar ba'i sku mchog las// khyab pa'i byin rlabs rdo rje'i gar mdzad cing // gsang ba b+ha ga yangs pa'i dkyil 'khor du// re skong bdud rtsi'i char rgyun dbab tu gsol/ a la la ho zhes rnam par bskul bas// bcom ldan 'das gsang ba mchog gi bdag po des// gnyis su med pa'i rol pa'i tshul gyis gar mdzad cing // rdo rje'i glu 'di blangs so// a ho bde mchog 'du 'bral med pa'i dbyings nyid du// 'dzum zhing 'khyil pas pad+ma'i b+ha ga ru// dga' mchog rdo rje gsang ba'i byang chub sems// dri med rin chen char dbab rgyun mi gcod/ sarba ta thA ga ta dz+nyA na badz+ra oM hUM phaT/ e ka tsan+ta IM// a nu rA ga yA mi// zhes gsungs so// mkha' gsang byin gyis brlabs nas/ rnam pa sna tshogs pa'i glu dang gar gyis stegs pa dang / 'khyud pa dang rol pa mdzad do// de ltar rol pa'i thabs mchog yab kyi byang chub sems so// chags pa'i yum gyi byang chub sems kyis bskul ba'i cho 'phrul gyi sgra 'di skad bsgrags so// a ho chags pa chen po dbab pa'i byang chub sems// dus gsum bde gshegs rnams kyi rtsa bzhi'i mchog/ dri med skyon bral pad+ma'i rang bzhin las// mu tig dri med bsil ba'i 'od zer spro'o// yang thabs mchog yab kyi byang chub sems kyis/ chags pa'i yum gyi byang chub sems la bskul ba'i cho 'phrul sgra 'di skad ces bsgrags so// a ho gsal zhing dag pa zla ba'i dkyil 'khor du// skyon gyis ma gos rnam dag byang chub sems// dus gsum rgyal ba rnams kyi thugs nyid de// bsil ba'i 'od zer pad+ma'i gnas su spro ho// na maHsarba ta thA ga ta ma hA b+hi d+hi tsit+ta badz+ra swa b+hA wa At+ma ko& haM// zhes spro zhing bskul lo// de nas yang gsang ba mchog gi bdag pos// byang chub kyi sems 'phro 'du'i ting nge 'dzin la zhugs te/ ched du brjod pa 'di brjod do// e ma ho bde mchog bde ba ma// byang chub sems ni rab spros pas// sangs rgyas kun gyi thugs bskul cing // 'gro ba kun gyi rgyud sbyangs te/ slar 'dus dbyings su thim pa las// byang chub sems kyi thig ler gsal// thig le 'od kyi rang bzhin las// byang chub sems kyis kun la khyab// bo d+hi tsit+ta sarba maN+Da la/ zhes gsungs te/ de'i tshe 'khor ba dang mya ngan las 'das pa'i chos thams cad yab yum lhag pa'i byang chub sems kyi theg ler gnas so// de nas gsang ba mchog gi bdag pos/ 'phro 'du dang 'ju 'dul gyi ting nge 'dzin la snyoms par bzhugs te/ ting nge 'dzin sku gsung thugs kyi phyag rgya rnam par spros pa 'di gsungs so// de nas byang chub kyi sems las yi ge rnam par spros pa/ ta thA da d+ha na/ Ta Sha Da D+ha Na/ ka kha ga g+ha nga / tsa tsha dza dz+nyA nya/ pa pha ba d+ha ma/ ya wa ra la/ sha Sha sa ha/ k+Sha/ i I/ u A/ e ai/ oM o/ e ma sangs rgyas thams cad kyi// yi ge gsung gi phyag rgya'i tshogs// spros pas gsung bskul dag rgyud dag/ bsdus pas chos kyi phyag rgya thog/ ces gsungs so/ chos thams cad byang chub sems kyi yig 'bru mkhyen nas mngon par 'du mdzad do/ de nas yang yi ge las phyag rgya'i tshogs su gyur par mdzad de/ badz+ra/ tsakra/ rat+na/ pad+ma/ badz+ra gan d+ha/ tsakra gan d+ha/ rat+na ga na d+ha/ pad+ma ga na d+ha/ karma gan d+ha/ ut+pa la puSh+pa/ nA ga pr-ik+Sha/ rat+na sa ma ti/ tig+na khaD+ga/ pad+ma d+ha ra badz+ra raM pa/ d+harmA tsakra/ rat+na bru ba ti/ dz+nyA na mu tra/ rat+na sa ma traM/ d+harma ki raM/ ni ra ta ho pa/ du sa me g+ha pa/ puSh+pa mu tra/ su ka raM pa/ gan d+he pi pag ta/ sa ga mu tra/ d+harmA mu ta/ d+harmA e baM/ badz+ra ka wa tsa/ rat+na ga ya/ badz+ra raM/ kham baM/ ta pa ti/ dz+nyA na badz+ra/ d+harma gan d+ha hrIH/ ka pA la ni ra ga ta/ badz+ra ti tra/ na go ra ga badz+ra karma/ ang+ku sha dzaH/ hUM pA sha hUM/ baM s+pho Ta baM/ hoHgan d+he hoH/ rdo rje dang ni 'khor lo dang // rin chen pad+ma rgya gram ste// shes rab don ston dril bu lnga// ut+pal dang ni klu shing dang // rin chen myu gu ral gri dang // pad+ma dkar dang rdo rje dang // chos kyi 'khor lo rin chen ste// gzugs mdzes me long rin chen phreng // chos kyi pi wang gar mchog ste// 'dug pa'i mchog dang me tog phreng // mar me dang ni byug pa ste// gseg shang dang ni pi wang dang // go cha dang ni po ti dang // rin chen sgrom dang me chur bstan// thabs mchog rdo rje dang ni shes rab dril bur bstan// thod pa nr-i mgo gdengs pa dang // rdo rje dang ni sbrul chen dang // rdo rje rgya gram las kyis gnon// lcags kyu dang ni zhags pa dang // lcags sgrog dang ni dril bu'o// e ma bde gshegs kun gyi thugs// rtogs par dka' ba'i snying po don// bde gshegs thugs bskul 'gro ba'i shes pa bkrol// dam tshig thugs kyi phyag rgya bstan pa'o// zhes gsungs te/ chos thams cad phyag rgya'i ngang du mkhyen to// de nas yang gsang ba mchog gi bdag pos chos sku yongs su rdzogs pa'i ting nge 'dzin la snyoms par zhugs te/ 'di skad ces gsungs so// rdo rje 'dzin dang 'khor los sgyur// rin chen mang dang pad+ma 'chang // sna tshogs las la sogs pa rnams// spyan snga nyid dang phyogs bzhi bzhugs// bzang mo spyan dang mA ma ki// na bza' dkar mo sgrol ma rnams// rang rang gtso la 'khril ba'i tshul// sa yi snying po nam mkha'i snying // spyan ras gzigs dbang phyag na rdo rje dang // byams pa mai tri sgrib pa rnam par sel// kun tu bzang po 'jam dpal gzhon nu rnams// 'bar ba'i 'khor lo dag la 'khod// la s+ye mA le girti nIrti dang // d+hu pe puSh+pe A lo ke/ gan+d+he ma la sogs pa rnams// rang rang sems dpa' dag dang 'khril// mdun dang rgyab tu byed pa dang // bya ba dag ni gnas par bstan// brgya byin dang ni thabs bzang ris// shAkya thub thub dang se ge dang // gshin rje'i rgyal dang kha 'bar ma// 'bar ba'i bar khyams dag la 'khod// gshin rje gshed dang stobs po che// rta mgrin bdud rtsi 'khyil pa bzhi// phyogs kyi sgo bzhi dag la'o// rta gdong phag gdong seng gdong sbrul gdong rnams// rang rang khro bo bdag la 'khril// mthing ga dkar po ser le brgan// ljang gu la sogs sna tshogs mdog/ mnyen lcug 'khril ldem gzhon tshul can// gsal 'tsher lhun grub sdug gzi byin 'bar// 'od zer 'phro ba'i tshogs chen po// 'bar ba'i phreng bas 'khrigs pa'i 'od// sku mdog phyag rgya'i dkyil 'khor lhun gyis grub// e ma ho de gshegs kun gyi sku// sangs rgyas sku brnyes lus kyi nyes pa dag/ mtshan gyi me tog dpe byad 'bru chags te// sku mchog phyag rgya'i dkyil 'khor bsam mi khyab// ces gsungs so// rdo rje phur pa gsang ba'i rgyud chen po las// sku gsung thugs phyag rgya'i dkyil 'khor spros pa'i le'u ste gsum pa'o// // de nas rdo rje 'dzin pas 'di skad ces gsol to// kye ma gsang ba mchog gi bdag/ de ltar bstan pa'i dkyil 'khor de'i// byung khungs dngos gzhi las dang yon tan gang // bde bar gshegs pas bstan du gsol// zhes gsol pas/ bcom ldan 'das kyis bka' stsal pa// nyon cig rdo rje 'dzin rgyal po// chos sku nam mkha'i ngang las ma g.yos kyang // me leng ye shes ngang las thugs mchog tshul 'dzin cing // bde ba'i ye shes lnga don thugs chud pa'i// rnam shes bag chags sbyang mdzad rdo rje 'dzin pa khyod nyid sku// chos sku nam mkha'i ngang las ma g.yos kyang // stong nyid ngang las sku mchog tshul 'dzin cing // bde ba chos kyi 'khor lo bskor mdzad de// gzugs kyi mtshan ma sbyang mdzad 'khor los sgyur rgyal po// chos sku nam mkha'i ngang las ma g.yos kyang // mnyam nyid ye shes dang las yon tan tshul du bstan// rin chen dbyig ltar dgos 'dod re skong ba// tshor ba gnas su dag mdzad rin chen mdzes pa'i sku// chos sku nam mkha'i ngang las ma g.yos kyang // so sor rtog pa'i ye shes ngang las pad+ma 'chang ba'i sku// 'dam skyes pad ltar nyon mongs skyon ma gos// 'du shes gnas su dag pas pad+ma 'chang ba'i sku// chos sku nam mkha'i ngang las ma g.yos kyang // bya ba nan tan ye shes dang las rgya gram 'dzin pa'i sku// bdag dang gzhan gyi phrin las don mdzad dpal// 'du byed gnas su dag pas sna tshogs 'chang ba'i sku// skye med chos kyi dbyings la ma g.yos kyang // nam mkha'i spyan gyis sku mchog shes rab tshul// sangs rgyas che ba'i byin brlabs sdud mdzad de// nam mkha'i rang bzhin gnas 'gyur nam mkha'i spyan// skye med chos kyi dbyings las ma g.yos kyang // sangs rgyas spyan gyis sku mchog bsam gtan tshul// sangs rgyas che ba'i khyad par bskyed mdzad de// sa yi 'byung ba gnas 'gyur sangs rgyas spyan// skye med chos kyi dbyings las ma g.yos kyang // mA ma ki yi sku mchog sbyin pa'i tshul// nyon ngas tha ba rlan gyis spangs par byed// chu yi 'byung ba gnas 'gyur mA ma ki// skye med chos kyi dbyings las ma g.yos kyang // na bza' dkar mo'i sku mchog bzod pa'i tshul// nyon mongs bag chags thams cad bsreg mdzad ma// me yi 'byung ba gnas 'gyur na bza' dkar// skye med chos kyi dbyings las ma g.yos kyang // dam tshig sgrol ma'i sku mchog brtson 'grus tshul// nyon mongs 'khor ba'i bag chags mthor mdzad ma// rlung gi 'byung ba gnas 'gyur dam tshig sgrol// ye shes thugs kyi chos nyid don rtogs te// gzugs sku sa yi snying po sems dpa'i tshul 'dzin cing // bla med byang chub 'bras bu smin mdzad pa'i// kun gzhi gnas 'gyur sa yi snying po'i sku// ye shes thugs kyi chos nyid don rtogs te// gzugs sku nam mkha'i snying po tshul 'dzin cing // nyon mongs sgrib pa'i dra ba gcod mdzad de// yid kyi rnam shes gnas 'gyur nam mkha'i snying po'i sku// ye shes thugs kyi chos nyid don rtogs te// gzugs sku spyan ras gzigs kyi sku mchog sems dpa'i tshul 'dzin pas// 'khor ba'i bag chags skyon gyis ma gos te// nyon mongs yid kyi gnas 'gyur spyan ras gzigs dbang sku// ye shes thugs kyi chos nyid don rtogs te// gzugs sku phyag na rdo rje sems dpa'i tshul 'dzin pas// mtha' gnyis nyon mongs 'khor ba 'joms mdzad pa// lus kyi rnam shes gnas 'gyur phyag na rdo rje'i sku// ye shes thugs kyi chos nyid thugs chud cing // gzugs sku byams pa mai tri sems dpa'i tshul 'dzin cing // che ba'i yon tan ma lus sku la rdzogs// sna yi rnam shes gnas 'gyur byams pa me tri'i sku// ye shes thugs kyi chos nyid don rtogs te// gzugs sku sgrib pa rnam sel sems dpa'i tshul 'dzin pas// 'gro ba rnams la gsung gi chos kyang ston// rna ba'i rnam shes gnas 'gyur sgrib pa sel ba'i sku// ye shes thugs kyi chos nyid don rtogs te// gzugs sku kun tu bzang po sems dpa'i tshul 'dzin pas// bla med byang chub 'bras bu smin mdzad cing // mig gi rnam shes gnas 'gyur kun tu bzang po'i sku// ye shes thugs kyi chos nyid don rtogs te// gzugs sku 'jam dpal gzhon nu sems dpa'i tshul 'dzin cing // nyon mongs bag chags tha ba 'joms par byed// lce yi rnam shes gnas 'gyur 'jam dpal gzhon nu'i sku// skye med chos dbyings don dam thugs chud kyang // gzugs sku lha mo lA s+ye sems ma'i tshul 'dzin ma// skye med chos kyi dbyings las mnga' brnyes ma// kun gzhi yul du snang ba gnas 'gyur lA s+ye ma// skye med chos dbyings don dam thugs chud kyang // gzugs sku lha mo mA le ser mo'i tshul 'dzin ma// chos nyid rig pa nyid la gsal mdzad de// yid kyi yul du snang ba gnas 'gyur mA le ma// skye med chos dbyings don dam thugs chud kyang // gzugs sku lha mo gIrti sems ma'i tshul du bstan// rnam dag 'gro la gsung gi sgra sgrogs ma// nyon mongs yul du snang ba gnas 'gyur gi rti ma// skye med chos dbyings don dam thugs chud kyang // gzugs sku lha mo ni rti sems ma'i tshul 'dzin cing // lus kyi yul du snang ba gnas 'gyur ni rte ma// skye med chos dbyings don dam thugs chud kyang // gzugs sku lha mo d+ha pe sems ma'i tshul 'dzin cing // gsal ba'i rig pas bde gshegs tshogs rnams tshims mdzad nas// mig gi yul du snang ba gnas 'gyur d+ha pe ma// skye med chos dbyings don dam thugs chud cing // gzugs sku lha mo puSh+pe sems ma'i tshul 'dzin ma// mkhyen pa'i rig pas dus gsum sangs rgyas mnyes// rna ba'i yul du snang ba gnas 'gyur puSh+pe ma// skye med chos dbyings don dam thugs chud kyang // gzugs sku lha mo A lo ke ste sems ma'i tshul 'dzin ma// 'khor ba ma rig mun pa sel bar mdzad// sna yi yul du snang ba gnas 'gyur A lo ke/ skye med chos dbyings don dam thugs chud kyang // gzugs sku lha mo gan+d+he sems ma'i tshul 'dzin ma// bag chags nyon mongs sgrib pa dag gyur te// lce yi yul du snang ba gnas 'gyur gan+d+he ma// ye shes thugs kyi chos dbyings don rtogs te// gzugs sku kun tu bzang po phyag rgya'i tshul 'dzin cing // 'khor ba gnas 'dren bde gshegs kun bskyed yab// byed pa po ni gnas 'gyur kun bzang bdag nyid yang // chos kyi dbyings dang ye shes dbyer med kyang // gzugs sku 'gro ba'i don du yum gyi cha 'dzin ma// 'das dang da ltar ma byon kun bskyed yum// bya ba mo ni gnas 'gyur kun bzang bdag nyid yum// spros pa med pa'i don las ma g.yos kyang // sbrul sku brgya byin thub pa'i tshul 'dzin pa// brtson 'grus chos ston pham ltung med par mdzad// le lo gnas 'gyur lha yi thub pa mchog/ spros pa med pa'i don las ma g.yos kyang // sbrul sku thags bzang ris te thub pa'i tshul 'dzin pas// yon tan tshul khrims chos ston 'thab rtsod rnam par sel// nga rgyal gnas 'gyur lha min thub pa mchog/ spros pa med pa'i ngang las ma g.yos kyang // sbrul sku shAkya thub pa'i tshul 'dzin pas// bsam gtan chos ston brel phongs sdug bsngal sel// 'dod chags gnas 'gyur mi yi thub pa mchog/ spros pa med pa'i ngang las ma g.yos kyang // drang srong shAkya seng ge thub pa'i tshul 'dzin pas// shes rab chos ston gti mug sdug bsngal sel// gti mug gnas 'gyur byol song thub pa'i mchog/ spros pa med pa'i don las ma g.yos kyang // sbrul sku rak+Sha glang mgo thub pa'i tshul 'dzin pas// bzod pa'i chos ston tsha grang sdug bsngal sol// zhe sdang gnas 'gyur dmyal ba'i thub pa'i mchog/ spros pa med pa'i don las ma g.yos kyang // sbrul sku ded dpon kha 'bar tshul 'dzin pas// sbyin pa'i chos ston bkres skom sdug bsngal sel// ser sna gnas 'gyur yi dwags thub pa'i cho ga/ thugs rje zhi ba'i ngang las ma g.yos kyang // 'jigs byed sku mchog gshin rje gshed du bstan// 'chi bdag gshin rje thabs kyis 'dul mdzad pa// reg pa gnas 'gyur gshin rje gshed kyi sku// thugs nyid zhi ba'i ngang las ma g.yos kyang // 'jigs pa'i sku mchog stobs po ru bstan// gdos bcas phung po'i bdud rnams 'joms mdzad pa// reg bya gnas 'gyur stobs po che ru bstan// thugs mchog zhi ba'i ngang las ma g.yos kyang // 'jigs pa'i sku mchog rta mchog dpal du bstan// 'khor ba'i nyon mongs bdud dpung rlag par byed// reg byed gnas 'gyur che mchog rol pa'i sku// thugs dam zhi ba'i ngang las ma g.yos kyang // 'jigs pa'i sku mchog bdud rtsi 'khyil par bstan// lha bdud chen po'i tshogs rnams 'joms mdzad pa// reg bya gnas 'gyur bdud rtsi 'khyil pa'i sku// mtshan ma med pa'i ngang las ma g.yos kyang // mtshan ma'i sku mchog snying rje'i tshul 'dzin ma// 'khor ba'i sems can bla med gnas su 'dren mdzad pa// rtag pa gnas 'gyur lha mo rta gdong lcags kyu ma yi sku// mtshan ma med pa'i dbyings las ma g.yos kyang // mtshan ma'i sku mchog byams pa'i tshul dzin pas// 'khor ba'i bag chags ma lus 'ching bar mdzad// chad pa gnas 'gyur lha mo phag gdong ma yi skra// mtshan ma med pa'i dbyings las ma g.yos kyang // mtshan ma'i sku mchog dga' ba'i tshul 'dzin ma// sdig pa mi dge'i las rnams 'joms mdzad pa// bdag tu 'dzin pas gnas 'gyur lha mo nyi zla spyan gyi sku// mtshan ma med pa'i dbyings las ma g.yos kyang // mtshan ma'i sku mchog btang snyoms tshul 'dzin cing // gsung snyan bde gshegs dgyes pa bskyed mdzad de// mtshan mar 'dzin pa'i gnas 'gyur lha mo thal byed ma yi sku// zhes gsungs so// rdo rje phur pa gsang ba'i rgyud chen po las/ lha rnams kyi yon tan dang byung khungs dang dngos gzhi bstan pa'i le'u ste bzhi pa'o// // de nas yang rdo rje 'dzin pa'i rgyal pos 'di skad ces gsol to// e ma gsang ba mchog gi sku// sangs rgyas yang gyur dam pa'i bdag/ bde gshegs kun gyi sngags dang phyag rgya rnams// kun mkhyen khyod kyis bshad du gsol// zhes gsol pas thugs su chud de/ sngags dang phyag rgya rnam par spros pa zhes bya ba'i ting nge 'dzin la snyoms par zhugs nas/ bcom ldan 'das kyis 'di skad ces gsungs so// spyir ni rdo rje 'dzin rgyal po// yid kyi bsam pa ting 'dzin te// ngag tu brjod pa snying po'i mchog/ bskul bskyod thams cad phyag rgya ste// spyod yul kun tu dkyil 'khor yin// zhes gsungs so// de ltar rtogs na 'di mi dgos// ma rtogs pa la 'di dgos pas// phyag rgya bca' dang snying po zlo// drang ba'i don du 'di skad gsungs// rdo rje 'dzin rgyal khyod nyid kyis// bsngags pa'i sngags ni 'di yin no// hUM badz+ra d+h+r-ika hUM// sems dpa'i skyil mo krung 'dug nas// lag g.yon phang par mnyam gzhag ste// g.yas pa rdo rje sa gzhi gnon// rdo rje 'dzin pa'i yin par bshad// sngags dang phyag rgya 'di yis ni// sangs rgyas grags pa chen po yang // rab tu 'dar zhing skrag gyur na// bdud rnams tshar gcod smos ci dgos// gzhan yang 'khor los sgyur rgyal gyis// gsang ba'i sngags ni 'di yin no// oM dzi ni dzi ka A~M/ lag gnyis khu tshur bcangs pa las// g.yon pa'i mdzub mo bsgreng ba la// rtse mo g.yas pa'i khu tshur gyis// gzung ba'i rtse la 'khor lo 'bar// 'khor los sgyur rgyal phyag rgya yin// sngags dang phyag rgya 'di yis ni// sangs rgyas sras dang bcas pa kun// rab tu dgyes shing mnyes par 'gyur// byang chub mchog tu gdon mi za// gzhan yang rin chen 'dzin nyid kyi// gsang ba'i sngags ni 'di yin no// sA rat+na d+h+r-i ka swA// sems dpa'i skyil mo krung 'dug gnas// g.yon pa rin chen 'dzin pa'i sku// g.yas pa rin chen mchog sbyin mdzad// rin chen 'dzin pa'i phyag rgya ste// sngags dang phyag rgya 'di yis ni// bde ba'i mchog rnams sbyin byed pas// 'gengs dka' ba yang 'gengs par byed// bkren las phyug por ji zhig smos// gzhan yang pad+ma 'chang ba yi// gsang ba'i sngags ni 'di yin no// aM A ro li ka yAM// phyag rgya gong ma de nyid las// lag gnyis rtse bsnol phang du gzhag/ ting dzin phyag rgya pad+ma'i rten// pad+ma 'chang ba'i phyag rgya ste// sngags dang phyag rgya 'di yis ni// sangs rgyas grags pa chen po yang // dbang du 'gyur te the tshom med// khams gsum skye bo smos ci dgos// gzhan yang sna tshogs 'chang ba yi// gsang ba'i sngags ni 'di yin no// hA pra dz+nyA d+h+r-ika hA// phyag rgya gong ma de nyid las// rgya gram gdengs pa'i tshul byas te// mi 'jigs sbyin par byed pa ni// sna tshogs 'chang ba'i phyag rgya yin// sngags dang phyag rgya 'di yis ni// las rnams thams cad byed par 'gyur// mAM d+hA tI shwa rI// thal mo khong stong sbyar ba las// mdzub gnyis gdu bu ltar byas te// mthe bong sen mo mig gi tshul// gung mo'i rtse la dril bu 'bar// rdo rje dbyings phyug phyag rgya yin// sngags dang phyag rgya 'di yis ni// sangs rgyas thams cad dgyes par 'gyur// las rnams thams cad 'grub pa dang // shi ba sos par gdon mi za// lAM dwe Sha ti// lag pa thal mo khong stong sbyar// spyi bo'i gtsug tu gzhag bya ste// thal mo'i rtse la 'khor dril 'bar/ nam mkha'i dbyings phyug phyag rgya yin// sngags dang phyag rgya 'di yis ni// drag po gtum po lhan ner 'gyur// zhi ba'i las la the tshom med// muM mo ha ra ti// lag gnyis rdo rje bcings pa las// gung gnyis bsgreng ba'i tshigs gsum par// mdzub gnyis bkug pa rdo rje'i tshul// rtse la rin chen dril bu 'bar// rin chen dbyings phyug phyag rgya ste// sngags dang phyag rgya 'di yis ni// srung ba'i las kun byed pa ste// 'di yis bsrung bar byas na ni// sangs rgyas kyis kyang mi tshugs so// b+hai rA ga ra ti/ rdo rje thal mo sbyar ba las// pad+ma kha phye'i tshul byas te// dkyil nas pad+ma'i dril bus mdzes// pad+ma dbyings phyug phyag rgya yin// sngags dang phyag rgya 'di yis ni// 'jig rten 'das dang 'jig rten pa// mos spyod chen po thob par 'gyur// tAM badz+ra rA ti/ thal mo khong stong sbyar ba las// mdzub mo bkug pa'i sen mo yis// sor mo gung mo'i rtse mo mnan// rtse la rgya gram dril bu 'bar// las kyi dbyings phyug phyag rgya ste// sngags dang phyag rgya 'di yis ni// sangs rgyas sems can thams cad kun// dbang du 'gyur bar the tshom med// k+ShiM hi rA dzA ya hUM// thal mo khong stong sbyar ba las// gung gnyis bsgreng ba'i tshigs gsum pa/ mthe bong mdzub mo sen mo bsnol// srin lag the'u chung nang du bcug/ rin chen myu gu'i tshul byas te// sa yi snying po'i phyag rgya yin// sngags dang phyag rgya 'di yis ni// zhi ba'i las la the tshom med// traM A gar+b+ha ya// lag pa g.yon pa'i mthe bong gis// gung mo srin lag sen mos mnan// g.yas pa'i mthe bos mdzub mo mnan// lhag ma gsum po g.yon pa'i nang // shubs nas phyung ba ltar byas pa// ral gri'i tshul du byas pa ni// nam mkha'i snying po'i phyag rgya yin// sngags dang phyag rgya 'di yis ni// rgyas pa'i las la shin tu 'jig/ hri ha hUM pad+ma pA da ma// rdo rje thal mo dam bsnol nas// gung gnyis gshibs te tshigs chen bcag/ pad+ma'i tshul du rab mdzes pa// spyan ras gzigs kyi phyag rgya yin/ sngags dang phyag rgya 'di yis ni// dbang gi las la the tshom med// dz+hi ku ru pA Na hrI// rdo rje thal mo dam bsnol nas// gung mo gnyis bsgreng snying po la// mthe bong srin lag drang brkyang ste// mdzub mo mthe'u chung ra yi tshul// rdo rje rtse lnga'i tshul byas pa// phyag na rdo rje'i phyag rgya yin// sngags dang phyag rgya 'di yis ni// drag po'i las la the tshom med// me d+ha ra Ne swA hA// thal mo khong stong sbyar ba las// mthe bong gnyis 'khyud dbus bzhag snying po'i tshul// sor mo ut+pal gyes pa'i tshul// byams pa mai tri'i phyag rgya yin// sngags dang phyag rgya 'di yis ni// mtshan dang dpe byad sku yang thob// b+hI ni sma ram+b+ha ya swA hA// thal mo rgyab bsnol sor mor 'khyud// mtheb gnyis steng gi dkyil du gzhag/ chos kyi 'khor lo bskor ba'i tshul// sgrib pa rnam sel phyag rgya yin// sngags dang phyag rgya 'di yis ni// rgyu 'bras chos kyi don rnams rtogs// hUM sa rA dzA ya// g.yas g.yon thabs dang shes rab las// lag pa'i rting pa dam sbyar nas// rdo rje sor mo drang brkyang ste// rin chen snye ma'i tshul du bya// kun tu bzang po'i phyag rgya yin// sngags dang phyag rgya 'di yis ni// sems can sangs rgyas sa la byang chub smin// mAM shrI aM ra gA ya// lag pa gnyis kyi rgyab sbyar te// mthe bong mthe'u chung so sor 'khyud// rtsa ba dam sbyar co to dgye// klu shing yal ga gyes pa'i tshul// 'jam dpal gzhon nu'i phyag rgya yin// sngags dang phyag rgya 'di yis ni// dge ba'i lo tog smin par mdzad// oM badz+ra lA s+ya sa ma s+t+waM// rdo rje khu tshur gnyis bcings te// mtheb gnyis drang du gyen du bsgreng // sen mo me long tshul du bya// lA s+ya ma yi phyag rgya yin// sngags dang phyag rgya 'di yis ni// rig pa'i ye shes chos kyi dbyings la gsal// oM rat+na mA le sa ma ya ho/ rdo rje khu tshur gnyis brkyang nas// mdzub gnyis bsgreng ba g.yas g.yon dgye// smin mtshams phreng ba 'dren pa'i tshul// mA le ma yi phyag rgya yin// sngags dang phyag rgya 'di yis ni// mi brjed pa yi gzungs kyang 'thob// hrI girti rA go& haM// g.yon brkyang mthe bong srin lag mnan te pi wang 'dzin// g.yas kyi srin mtheb gnyis kyis brdeb pa'i tshul// pad+ma gi rti'i phyag rgya yin// sngags dang phyag rgya 'di yis ni// 'gro rnams kun la chos kyi sbyin pa 'gyed// AM nirti rA ga yA mi// g.yas g.yon thabs dang shes rab las// rdo rje rol pa chen po yis// dgyes pa chen po gar gyi tshul// las kyi ni rti'i phyag rgya yin// sngags dang phyag rgya 'di yis ni// bde gshegs kun dgyes spyan yang mnyes// oM badz+ra d+hU pe d+hu// rdo rje thal mo brkyang ba las// g.yas g.yon gnyis kyi srin mtheb kyis// spos khang yu ba 'dzin pa'i tshul// badz+ra d+hU pe'i phyag rgya yin// sngags dang phyag rgya 'di yis ni// snying rje'i don mthun 'gro don byed par 'gyur// oM rat+na puSh+pe pu// rdo rje thal mo phyir bkyed de// mtheb gnyis so sor 'khyud byas te// me tog 'thor ba'i tshul byas pa// badz+ra puSh+pe'i phyag rgya yin// sngags dang phyag rgya 'di yis ni// byams pa'i mchod sbyin thob par 'gyur// aM pad+ma A lo ke hrIH// rdo rje khu tshur gnyis bcings nas// mtheb gnyis bsgreng ba mar me'i tshul// A lo ke yi phyag rgya yin// sngags dang phyag rgya 'di yis ni// dga' ba'i mchog gi don spyod 'gyur// oM badz+ra gan+d+he gan// lag pa g.yon pa'i sor mo dgye// mtheb kyis mdzub mnan dung phor dbyibs// g.yas kyi sbom po dbang mos 'thor ba'i tshul// dri chab ma yi phyag rgya yin// sngags dang phyag rgya 'di yis ni// btang snyoms don gyi sgra snyan sgrogs par 'gyur// ts+tsha ts+tsha hUM/ badz+ra tsit+ta sa ma ya hUM/ rdo rje thal mo nang du bsnol// srin lag gnyis bsgreng rtse mo ste// mthe bong mthe'u chung gung mos 'khyud// rdo rje rtse lnga'i tshul du bshad// kun bzang bdag nyid yab kyi phyag rgya yin// sngags dang phyag rgya 'di yis ni// dngos po kun gcod ye shes ngang du mkhyen par mdzod// a a a badz+rI b+ha dra sa man+ta A// sor mo drang brkyang lag rting dgye// gung mo gnyis kyi rtse mo bsgreng // dril bu 'dzin pa'i tshul byas pa// kun bzang bdag nyid mo yi phyag rgya yin// sngags dang phyag rgya 'di yis ni// mtshan ma kun gcod chos kyi mtshan nyid gsal bar byed// oM mu ne kr-i swA hA/ g.yas g.yon sor mo drang brkyang ste// srin mtheb pi wang brdeb pa'i tshul// lha dbang brgya byin phyag rgya yin// sngags dang phyag rgya 'di yis ni// le lo brtson 'grus sa la 'khod// oM mu ne hUM hUM swA hA// rdo rje sor mo phan tshun bsnol// mtheb gnyis mdzub mo'i tshigs la sbrel// rdo rje go cha'i tshul byas pa// zags bzang ris kyi phyag rgya yin// sngags dang phyag rgya 'di yis ni// gang la bsrungs na mtshon mi tshugs// oM mu ne sruM swA hA/ rdo rje thal mo rting bsnol nas// mtheb gnyis dkyil bzhag srog shing la// sor mo gseg shang bum pa'i tshul// shAkya thub pa'i phyag rgya yin// sngags dang phyag rgya 'di yis ni// sdig pa kun spyod dge tshogs 'phel bar mdzad// oM mu ne praM swA hA// rdo rje thal mo dam bsnol nas// gung mo srin lag brkyang sbyar te// glegs bam tshul du byas pa ni// shAkya seng ge'i phyag rgya yin// sngags dang phyag rgya 'di yis ni// rtag tu chos la longs spyod 'gyur// oM mu ne k+ShaM swA hA// rdo rje thal mo khong stong las// rtse sprad tshigs zur sgrom bu'i tshul// kha 'bar ma yi phyag rgya yin// sngags dang phyag rgya 'di yis ni// longs spyod mang po thob par 'gyur// oM mu ne ye swA hA// g.yas sor gdengs pa me ri ltar// g.yon gyi snyim pa chu yi tshul// glang mgo can gyi phyag rgya yin// sngags dang phyag rgya 'di yis ni// sdug bsngal kun las rab tu thar// hUM ya mAn+ta kr-ita dzaHphaT// rdo rje khu tshur nang du bsdam// mthe bong gnyis ni gyen du 'degs// thod pa nr-i mgo gdengs pa'i tshul// gshin rje 'joms pa'i phyag rgya yin// sngags dang phyag rgya 'di yis ni// bdud kyi tshogs kun skrag par byed// pra dz+nyAn+ta kr-ita hUM phaT// g.yas g.yon thabs dang shes rab las// gung gnyis gshibs pa'i rtse mor bya// mdzub mo mthe'u chung rwa yi dbyibs// rdo rje'i tshul du byas pa ni// stobs po che yi phyag rgya yin// sngags dang phyag rgya 'di yis ni// bdud kyi tshogs rnams 'joms par byed// pad+man+ta kr-ita hrI phaT// lag pa gnyis kyi rgyab sbyar nas// mthe'u chung lu gu rgyud du mdud// mdzub gnyis rtse sprad zhags pa'i tshul// rta mchog dpal gyi phyag rgya yin// sngags dang phyag rgya 'di yis ni// bdud kyi tshogs kun dbang du sdud// oM big+h+nAM ta kr-ita ho phaT// sor mo phan tshun bsnol ba las// gung mo gnyis ni drang por brkyang // mdzub mo mtheb chung rtse sprad phyi ru 'gyed// mthe bong srin lag rtse sprad nang du btud// rdo rje rgya gram gyes pa'i tshul// bdud rtsi 'khyil ba'i phyag rgya yin// sngags dang phyag rgya 'di yis ni// bdud kyi tshogs rnams rdul du rlog/ badz+ra d+ha ra ma hA kro d+hi shwa rI dza la ni hUM phaT// rdo rje khu tshur rgyab sbyar te// mthe chung lu gu rgyud du mdud// mdzub gnyis rtse bkug lcags kyu'i tshul// rta gdong ma yi phyag rgya yin// sngags dang phyag rgya 'di yis ni// bde gshegs spyan 'dren snying rjes 'gro don mdzad// rat+na d+ha ra ma hA kro d+hi shwa rI dza la ni hUM phaT// gong gi phyag rgya de nyid las// mdzub gnyis rtse sprad zhags pa'i tshul// phag gdong ma yi phyag rgya yin// sngags dang phyag rgya 'di yis ni// sangs rgyas bzhugs su gsol ba dang // byams pas sbyin pa chen po mdzad// pad+ma d+ha ra ma hA kro d+hi shwa rI dza la ni hUM phaT// rdo rje khu tshur gnyis bcings te// mtheb mo 'dzub mo lu gu rgyud// lcags sgrogs tshul du byas pa ni// sbrul gdong ma yi phyag rgya yin// sngags dang phyag rgya 'di yis ni// rgyal ba brten mdzad kun kyang dga' bar mdzad// karma d+ha ra ma hA kro d+hi shwa rI dza la ni hUM phaT/ rdo rje thal mo phan tshun bsnol// gung mo rtse sprad bsgreng byas te// rtse mo dril bu 'dzin pa'i tshul// seng gdong ma yi phyag rgya yin// sngags dang phyag rgya 'di yis ni// de bzhin gshegs pa mnyes mdzad 'gro don kun la snyoms// zhes rgyal ba rnams kyi sngags dang phyag rgya'i ngo bo dang / yon tan rnam par bshad do// rdo rje phur pa gsang ba'i rgyud chen po las/ sngags dang phyag rgya rnam par spros pa'i le'u ste lnga pa'o// // de nas yang rdo rje 'dzin pas/ bcom ldan 'das la 'di skad ces gsol to// kye ma'o bde gshegs bcom ldan 'das// sangs rgyas yab gyur dam pa'i bdag/ bdag la sogs pa'i 'khor rnams la// dbang skur byin rlabs tshul bzhin mdzod// ces bskul ba mkhyen te/ bcom ldan 'das kyis// hUM hUM hUM zhes brjod de/ 'khor gyi dkyil 'khor de dag dang gzhal yas khang nyid kyi thugs kar bsdu ba mdzad de/ rgyun lam dang gshegs shul nas yum gyi b+ha ga'i bstim gnas su 'khyil ba las/ thams cad lhag pa'i byang chub kyi sems chen por gnas par mdzad do// de nas hUM hUM ma hA ga Na sa ma ya ho// zhes pa'i sgra brjod cing / yab yum nyid kyang chags pa chen po'i chos nyid byang chub sems su gnas pa las/ cho 'phrul gyi sgra ru hUM hUM zhes bsgrag nas/ smon pa med pa'i gsung rtags kyi yi ge hUM hUM gnyis su gsal bar mdzad do// yang cho 'phrul gyi sgrar badz+ra dz+nyA na g+haN+Da zhes brjod pas/ mtshan ma med pa'i thugs rtags rdo rje dang dril bu gnyis su gsal bar mdzad do// de nas yang cho 'phrul sgrar hUM hUM hUM badz+ra tsit+ta hUM/ a a a badz+ra b+ha dra sa man+ta a/ zhes brjod de// rang bzhin med pa'i yab yum gyi skur gsal bar mdzad do// de nas yang / rjes su chags pa bskyed pa'i phyir na/ rdo rje dang pad+ma rgyas par mdzad pa'i cho 'phrul gyi sgra 'di brjod do// dz+nyA na badz+ra e IM hUM phaT/ e a A~M sa ma ya s+t+waM/ sa ma ya ho/ a nu rA ga yA mi/ a nu rA gA ya ho// de nas yang gsang ba'i byang chub sems las/ 'khor dkyil 'khor yum gyi mkha' la gsal bar mdzad pa'i cho 'phrul gyi sgra 'di brjod do// oM ma hA bo d+hi tsit+ta maN+Da la hUM hUM/ de nas yang b+ha ga gsang ba'i dkyil 'khor/ phyi'i dkyil 'khor du rnam par spros pa'i snying po 'di cho 'phrul gyi sgrar brjod do// hUM s+pha ra Na phaT dzaHzhes brjod de/ gsang ba'i dkyil 'khor chen po de rgyas par mdzad do// de nas yang sku dang gsung dang thugs rdo rjer byin gyis brlabs pa'i snying po 'di cho 'phrul gyi sgrar brjod do// IM na maHsarba ta thA ga ta ma hA kA ya badz+ra swa b+hA wa At+ma ko& haM// IM na maHsarba ta thA ga ta ma hA wAka badz+ra swa b+hA wa At+ma ma ko&haM/ oM na maHsarba ta thA ga ta ma ha tsit+ta badz+ra swa b+hA wa At+ma wa ko&haM/ de nas yang 'khor rnams la rigs lnga sgra lnga ye shes lngas dbang bskur ba'i snying po 'di cho 'phrul gyi sgrar brjod do// oM ma hA shU n+ya tA dz+nyA na badz+ra swa b+hA ba wa AH ko&haM/ IM ma hA A daR+sha dz+nyA na badz+ra swa b+hA wa At+ma ko&haM/ IM ma hA pra t+ya bek+Sha Na dz+nyA na badz+ra swa b+hA wa At+ma ko&haM/ oM ma hA sa ma tA dz+nyA na badz+ra swa b+hA wa At+ma ko&haM/ oM ma hA kr-i t+ya nuSh+Tan dz+nyA na badz+ra swa b+hA wa At+ma koH haM// zhes gsungs te/ byin gyis brlabs shing dbang bskur bas/ 'khor rnams 'gro ba'i don la thogs pa med par byin rlabs dang yang ldan/ dbang yang thob nas/ thugs rje chen pos 'gro ba'i don mdzad pa la rag par gnas so// rdo rje phur pa gsang ba'i rgyud chen po las/ byin gyis brlabs pa dang dbang bskur ba'i le'u ste drug pa'o// // de nas yang rdo rje 'dzin pa'i rgyal pos/ bcom ldan 'das la 'di skad ces gsol to// e ma ho// rnam par dag pa'i lam// sangs rgyas kun gyi sku yi mchog/ sna tshogs las byung khyod la 'dud// sangs rgyas kun gyi gsung gi mchog/ rnam dag sgra chen khyod la 'dud// sangs rgyas kun gyi thugs chen po// ye shes gtso mchog khyed la 'dud// chos kyi 'khor lo rab bskor ba'i// sangs rgyas 'khor lo khyod la 'dud// yid bzhin re ba kun skong ba'i// nor bu 'dzin pa khyod la 'dud// 'dam skyes pad ltar sku 'khrungs pa'i// pad+ma 'chang ba khyed la 'dud// 'gro ba tha dad 'dul ba'i bye brag can// sna tshogs 'chad pa khyod la 'dud// 'dul ba'i thabs ni sna tshogs kyis// 'gro ba sna tshogs 'dul ba la// sku gsung thugs kyis sprul pa yis// thugs rjes 'gro ba'i don mdzad rigs// zhes gsol pas// bcom ldan 'das kyi bskul ba thugs su chud de// la lar sku yis don mdzad pa// 'gro rnams kun la sdig spong gzugs// sbrul skus so sor 'dul ba ni// dmyal ba rnams la gshin rjes 'dul// sgrib pa rnams la kha 'bar gzugs// dud 'gro rnams la seng ge'i gzugs// mi rnams kun la 'jig rten du// 'khor los sgyur rgyal lta bu'i gzugs// lha min rnams la thags bzang ris// lha rnams la ni brgya byin gzugs// tshangs ris rnams la lha chen gzugs// chags bral rnams la dgra bcom gzugs// rang rgyal rnams la bse ru'i tshul// sa bcu'i byang chub sems dpa' la// sku ni rnam par snang mdzad tshul// 'gro rnams ji ltar 'dul ba las// mthun byas sku ni sna tshogs 'dul// 'gro rnams ji ltar 'dul ba bzhin// chos kyi 'khor lo sna tshogs ni// la lar sde snod gsum dag tu// bsdus nas chos kyi 'khor lo bskor// la lar gsung rab bcu gnyis su// la lar stong phrag brgyad cu bzhi// la lar brgyad khri bzhi stong du// gti mug mdongs pa'i 'gro gang la// sangs rgyas 'khor los 'khor lo bskor// zhe sdang can la rdo rje 'dzin// nga rgyal can la rin po che// 'dod chags can la pad+ma 'chang // phrag dog spyod pa'i las goms par// sna tshogs rdo rje 'khor lo bskor// 'gro ba'i skad rnams ji tsam par// de snyed sgra skad sna tshogs ston// la lar lhums na gnas pa'i tshul// la lar lhums nas gshegs par ston// la lar khyim pa lta bu'i tshul// la lar khab nas rab tu byung // la lar dka' thub dka' ba spyod// la lar byang chub mchog sems bskyed// la lar bdud bzhi 'dul bar ston// la lar rdo rje gdan la gshegs// la lar byang chub shing dbang drung // la las bskul ba'i sa las bzhengs// la lar rnam pa bcu gnyis su// lan gsum dag tu 'khor lo bskor// la lar cho 'phrul chen po ston// la lar mya ngan 'das tshul ston// la lar sku gdung ring bsrel ston// la lar chos kyi glegs bam ston// la las phyi rol 'byung ba'i las// chos dang mthun pa'i sgra skad 'byung // la lar mu stegs lta bu'i tshul// la lar 'jig rten bsam gtan tshul// la lar sa bcu rim gyis 'byung // la lar spyan lnga rnam par dag/ la lar mngon shes pha rol phyin// la lar khyab 'jug dbang phyug che// la lar 'jig rten skyong ba'i tshul// 'gro rnams ji ltar 'dul ba bzhin// byin rlabs cho 'phrul ji ltar ston// zhes sku gsung thugs kyis 'gro ba'i don mdzad pa las/ 'khor der 'dus pa'i byang chub sems dpa' rnams ngo tshar du gyur te/ bcom ldan 'das la mgrin gcig tu 'di skad ces gsol to// e ma ho// gsang ba mchog gi bdag/ ngo mtshar 'byung ba khyod la 'dud// e ma ho gsang sngags ngo mtshar che// e ma ho ston pa'i cho 'phrul che// e ma ho ngo mtshar cho 'phrul che// e ma ho sngags kyis mi 'dul med// 'di ci ya mtshan ngo mtshar ro// zhes gsol pas// bcom ldan 'das kyis bka' stsal pa// rigs kyi bu tshur gshegs shig/ gsang ba'i theg pa 'di nyid la// su zhig mos pa'i skyes bu des// mi bya ba ni gcig kyang med// mi bsgrub pa ni gcig kyang med// rtag tu gsod la brtson pa dang // ma byin blang dang mi tshangs spyod// rdzun dang phra ma ngag rtsub dang // zas su sha dang bshang gci dang // rnag khrag don mo 'thung ba dang // ngan zos ngan spyad thams cad kyis// gsang ba 'di nyid 'grub par 'gyur// pha dang khu bo mes po dang // bu dang spun dang mdza' bo rnams// zhe sdang sems kyis gsad byas na// rdo rje rigs kyi zhing du 'khrungs// ma dang sring mo bu mo dang // gdol pa mo dang phyal ba mo// 'dod pa'i sems kyis sbyor na ni// pad+ma'i rigs su skye bar nges// zhes gsungs pas/ 'khor gyi byang chub sems dpa' de dag skrag sngangs te brgyal bar gyur to// de nas yang rdo rje 'dzin pa chen pos 'di skad ces gsol to// bcom ldan 'das thugs rje chen po thabs mkhas pa'i bdag nyid rtog pa dang bcas pa'i byang chub sems dpa' de dag/ slar gsos te rtog pa stsal du gsol zhes zhus pa dang / bcom ldan 'das kyis bskul bar mkhyen te/ de nas byang chub sems de kho na nyid kyi ting nge 'dzin la zhugs te/ byang chub sems kyi 'od zer 'phro zhing 'khyil ba de/ byang chub sems dpa' rnams la bstims te/ byin gyis brlab pa mdzad nas/ byang chub sems dpa' de dag slar dran pa rnyed nas/ bcom ldan 'das kyi zhal du mig mi 'dzum par bltas te 'khod do// de nas bcom ldan 'das kyis 'di skad ces bka' stsal to// rigs kyi bu rnams rang rang gi 'du shes ngan pa de thong zhig/ byang chub spyod pa'i gnas 'di yin// thams cad nam mkha'i mtshan nyid de// nam mkha' la yang mtshan nyid med// de nyid 'jig rten sna tshogs te// phyag rgya'i tshogs chen de nyid do// chos rnams sgyu mar dbang bsgyur bas// de la dngos po ga la yod// ci spyad ci bsgoms ci bsgrubs kyang // de la dngos po yod mi 'gyur// byang chub nyid de ltung gnas med// dmyal ba'i gnas nyid bla med gnas// sdug bsngal nyid na byang chub sems// 'khor ba nyid na mya ngan 'das// sgrib pa nyid na mngon sangs rgyas// byang chub spyod sgo ji snyed pa// de snyed 'bras bu bde la 'khod// nges don de la 'dus par byos// zhes gsungs pas// byang chub sems dpa'i de dag som nyi dang bral nas/ rang rang gi de bzhin la dmigs nas 'khod do// de tshe 'gro drug sems can rnams// las kyi stobs kyis dbang bsgyur yang // log lha'i mthus bsnyems ma dad pa// ji snyed gnas pa thams cad kun// sangs rgyas bstan la dad par gyur// rdo rje phur pa gsang ba'i rgyud chen po las/ 'gro ba thams cad 'dul ba la ma dad pa'i rgyu 'byung ba'i le'u ste bdun pa'o// // de nas yang rdo rje 'dzin pa'i rgyal pos/ bcom ldan 'das la 'di skad ces gsol to// e ma ho gsang ba mchog gi bdag/ byang chub spyod pa'i lam mchog la// 'gro ba ji snyed dad pa las// las kyi log lta ma dad pa'i// rgyu dang rkyen ni ji ltar lags// ma dad pa ni ci yi phyir// rigs dang sde ni gang du gtogs// 'bras bu smin pa ji ltar lags// zhes gsol pa dang // bcom ldan 'das kyis bka' stsal pa// dka' 'thub can gyi sems can de// legs pa'i rgyu las ma byung ste// med pa'i gzung 'dzin rtog ngan rgyu// rkyen ni chags sdang spyod la zhe na// lta ba log pa nyon mongs lnga// de yi las kyi dbang btsan pas// 'bras bu ma dad rgyu ru smin// rigs ni 'khor ba'i rigs chen te// sde ni gdol pa'i 'byung por gtogs// zhes gsungs so// de nas yang rdo rje 'dzin pas// bcom ldan 'das la 'di skad ces gsol to// log pa'i sems can chen po de// ci yi thabs kyis dad par 'gyur// ma dad nges na ji ltar gdul// btul na yon tan ji ltar 'thob// ma btul ma dad skyon ni ci// zhes gsol pas// bcom ldan 'das kyis bka' stsal pa// log lha'i mthus bsnyems sems can de// bden pa'i gzhung gis gdul bar bya// ma btul ba yi skyon bstan na// phyin ci log tu chos spyod nas// lha dang mi yi srid brlag ste// kha lo log par bsgyur nas kyang // sangs rgyas dman rigs su lus la// sems can kha lo log par bsgyur nas kyang // don la ma dad skyon yod do// btul na yon tan dpag med de// dus gsum rtsad gcod 'khor ngos sprug/ 'khor ba chos nyid chen por 'gyur// sangs rgyas zhing khams rab tu rgyas// btul bas don la dad par 'gyur// zhes gsungs so// de nas yang rdo rje 'dzin pas 'di skad ces bskul lo// e ma ho bde gshegs bcom ldan 'das// ma dad pa yi sems can chen po de// las la bab pa'i thugs rje yis// bde ba chen po'i gzhung bkon nas// bde chen sa la dgod du gsol// zhes bskul bas bcom ldan 'das kyis mkhyen nas/ sprul pa'i thugs kyi cho 'phrul mdzad de/ ye shes kyi sprin mgon ni dbyar gyi char sprin bzhin gtibs/ chos nyid drod chen po ni nam mkha'i rlan bzhin du g.yos te/ sprul pa'i sku char gyi rgyun bzhin du babs pa ni// dpe byad kyi sku la mtshan gyi me tog chags par mdzad/ gsung chags pa med pa'i tshangs pa'i dbyangs kyis chos kyi bye brag sna tshogs bsgrags nas/ bden pa'i gzhung gis 'dul bar gzas na/ rU tra nag po des se gol lan gcig brdabs nas mi 'dul mngon pa'i nga rgyal skyes te/ go'u ta ma khyod kyis bdag 'dul ba ma lags sam/ khyod rang rang gi gnas su dka' thub kyi bde ba la gnos shig/ ces zer te ma nyan to// rdo rje phur pa'i gsang ba'i rgyud chen po las/ bde ba chen po'i gzhung gis ma dad pa gdul bar gzas pa'i le'u ste brgyad pa'o// // de nas yang rdo rje 'dzin pas 'di skad ces bskul ba mdzad de// kye ma'o sangs rgyas mang po'i tshogs// snang ngo kun tu rab tu 'dir// srid pa'i log pa gdug pa can// 'khor ba'i sa bon rtsub mos 'phangs// sdug bsngal chen po yi dwags te// las kyis 'jig rten khams 'dir byung // drag po rang gi dka' thub kyis// srid pa gsum gyi bdag por smin// drag po rU tra'i gdug dpal gyis// 'gro rnams thal rlog 'jigs byed 'di// gdul bar bya ba'i 'os mchog ste// snying rje'i bdag po kun 'dus la// sdug bsngal lam gyi rgyun bcad de// bde chen sa la gzhag par rigs// zhes gsol to// bde bar gshegs pa rnams kyis/ bskul ba'i don de thugs su chud de/ zhi ba dang bden pas mi 'dul bar dgongs nas/ 'gro ba dang tshul bstun te gdan tshogs chen po bcas te/ 'di skad dag gi 'gro ba mdzad de/ bcom ldan 'das zhe sdang chen po'i tshogs kyis bgros pa// kye 'dus pa'i tshogs chen po dag/ 'das pa'i dus nas sngon byung ltar// da ltar dus 'dir byung ba ste// bde bzhin gshegs pa'i gsung rab las// bdag nyid chen po rtag pa yis// khro bo'i tshul du sngon byung ba// de tshe sems can thams cad ni// shin tu khro drag gtum pa yis// 'o dod 'bod par ltung bar 'gyur// mi bzad chen pos sdug bsngal te// dug gsum sa la mngon zhen pa'i// ji lta ba yi thabs kyis gdul// zhes bgros so// bcom ldan gti mug chen po'i tshogs kyis bgros pa// shin tu gtum pa'i sems can de// ji ltar de dag bzhag gyur na// bag chags ngan pa'i chu rlan gyis// bdud kyi tshogs su mngon 'phen nas// rig 'dzin pa yi rgyud gcod cing // bstan pa'i gsung rab 'jig 'gyur bas// de tshe las kyi mun pa yis// 'gro ba ma rig mun par 'khyams// dug nad rims nad phra men ma// gnod sbyin gdon dang log 'dren nyid// srid pa gsum po 'joms byed cing // dam tshig gnyen po 'dral byed pa// ji lta ba yis thabs kyis gdul// zhes bgros so// bcom ldan 'das nga rgyal chen po'i tshogs kyis bgros pa/ 'das pa'i dus na sngon phyung ba// las kyi gdug pa'i rA tra de// rgyal ba 'dus pa'i sbyor ba yis// ji ltar khro bdag gtum pa ltar// da ltar tshe 'dir byung ba ste// dug gsum brtsegs pa'i ri bo 'di// 'bar khro 'khrugs pa'i sbyor ba yis// ji ltar 'tshams pa bzhin du 'os// sangs rgyas thams cad 'dus nas kyang // khros pa'i sprin nag gtibs pa yis// mngon spyod 'bar ba'i thabs chen gyis// 'khor ba bsgral ba'i dus la bab// ces bgros so// bcom ldan 'das chags pa chen po'i tshogs kyis bgros pa// shin tu gdug cing gtum pa la// zhi bas phan par mi 'gyur te// shes rab thabs kyis ngo bo las// khro bor de bzhin gshegs kun bya// khro bo'i tshul can khros pas kyang // 'jig rten gsum dag sreg byed nan// sangs rgyas thugs rje khros pa yis// khams gsum ma lus smos ci dgos// zhes bgros so// bcom ldan 'das phrag dog chen po'i tshogs kyis bgros pa ni// rang bzhin dag pa'i ngo bo las// log rtog phyin ci log gis bcings// dngos por rang gar zhen pa yis// gdul dka' ma lus 'dul ba dang // dam tshig la sdang rnam sbyong phyir// dur khrod gar gyi phyag rgyar mdzod// ces bgros so// rdo rje phuphur pa gsang ba'i rgyud chen po las// zhi bas mi 'dul bar dgongs nas// bde bar gshegs pa rnams kyis bka'i mol ba mdzad pa'i le'u ste dgu pa'o// // de ltar bgros pas rigs lnga'i bde bar gshegs pa de dag dgongs pa gcig tu gyur te/ log pa'i spyod pa can dngos po'i lam la mngon par 'chel ba/ mngon pa'i nga rgyal gyi mthus bsnyems nas/ sangs rgyas kyi bstan pa la mngon par ma dad pas// 'jig rten phung bar byed pa rnams/ zhi bas phan par byed pa'i skal ba la ma bab ste/ rol pa'i mdzad spyod kyis gdul bar gzig te/ thams cad dgong pa gcig tu gyur to// de nas bcom ldan 'das kyis hUM hUM zhes brjod pas/ rigs lnga'i bde bar gshegs pa la sogs pa'i 'khor thams cad gnas kyi dkyil 'khor la sogs thams cad nyid kyi thugs kar bsdu ba mdzad de/ gnyis su med pa'i chos kyi dbyings kyi nga du mi snang bar mdzad nas// chos nyid de bzhin nyid la dmigs te gnas so// rnam par mi rtog pa'i ye shes kyi rdo rje chen po des/ chos kyi dbyings de kho na nyid las khros pas/ nyon mongs pa zhe sdang la sogs pa ngang gis mi gnas pa'i de bzhin nyid dang / don de nyid kun la khyab cing gsal ba'i kun tu snang gi ting nge 'dzin/ snying rje chen po dang gsal ba nyid du kun la khyab pa ni/ nam mkha'i mtshan nyid lta bu la mngon par 'du mdzad de/ nam mkha' mtshan ma med pa las/ mtshan ma'i rgyu'i snying po yi ge hUM sngon po// ye shes can gyi 'od du 'bar bar shar te/ des rnam par mi rtog pa'i ye shes 'od du mtshon cing 'dzin rtog zil gyis gnon pa'i ting nge 'dzin to// srog gi go ru rtogs pa'i hUM de las/ snod kyi 'jig rten gzhal yas khang du shar bar mdzad pa'i phyir/ mi rtog pa la gnas pa'i hUM de las/ cho 'phrul gyi sgrar snying po 'di rnams ched du brjod do// e ag+ne dza la maN+Da la e/ yaM karma rak+Sha haM/ ra rak+ta sa man dza la maN+Da la/ su badz+ra su me ru/ keng ni ri ti keng / raM dze la raM/ zhes bsgrags pas/ zhe sdang 'bar ba'i nam mkha' la// phrag dog 'bar ba'i tshubs mar ldan// chags pa rak+ta'i rba klong 'khyil// gti mug chen po'i sa gzhi la// nga rgyal chen po'i me ri 'bar// zhes pa ste/ dbang chen yum lnga'i nam mkha'i ngo bor shes par mdzad pa ni/ 'byung ba yum gyi gzhal yas khang mngon par shar bar mdzad do// de las yang b+h+rUM bi shra bi shud+d+he hUM zhes pas/ ye shes lnga ldan rin chen lnga yi brtsig pa la// phyi dang nang med kun tu snang bar mdzes pa yi// rta babs la sogs rin chen rgyan dang rgyan gyis brgyan pa yi// 'dod yon lnga dang rol mo'i tshogs su bcas// zhes pas// rin chen 'bar ba'i gzhal yas khang mngon par shar bar mdzad do// b+h+rUM b+han+na dz+nyA na badz+ra b+h+rUM/ zhes pas/ b+han+d+ha skam rlon mang po'i brtsig pa la// gnam lcags ngur mo 'bar ba'i gzer chen btab// gzungs su 'dzin pa'i rgyu phreng chen po dang // kha nas me 'bar sna nas dud 'thul te// mAM sa'i sa gzhi rak+ta'i rgya mtsho dang // dri chen skyang nul dri chu'i zham chu chag chag dang // rnag dang chu ser chol bur 'khyil// mi 'gyur btab pa'i ka gdan la// zhing chen ka ba lha chen ka zhu btsug/ mchog chen gdung bres mchog bran phyam bkram ti ra'i dral bkod nas// zhing chen bla re tsit+ta'i tog/ nya chen 'phen dang chu srin za ra tshag/ zhing chen khog stod khog smad dam dum ral rol dang // grags grugs lang ling gsur chen du ba la// dur khrod bya rnams ha ha ru lu'i sgra skad di ri ri// thabs dang shes rab gsal ba'i nyi zla mthongs nas 'char// rnam thar chen po bzhi yi sgo bzhin// bdud las rnam par rgyal ba'i rgyal mtshan btsugs/ zhes pas ma dad pa de dang tshul bstun pa'i phyir na dur khrod 'bar ba'i gzhal yas khang du shar bar mdzad do// de nas yang e baM ma ya ra dza la raM zhes pas// gru gsum mthing nag drag po ste// zla gam dmar po dbang gi tshul// mu khyud zlum po zhi ba'i ngang // brub bzhi ser po rgyas pa'o// spug nag gru gsum 'bar ba lha yi bzhugs gnas te// ye shes 'bar ba'i 'od zer phyogs bcur 'phro// phyi ni yid bzhin rin chen te// nang gi dur khrod 'bar ba'o// zhes pas gdan tshogs dang 'jigs byed 'bar ba'i gzhal yas khang du shar bar mdzad do// de nas yang ma a pa sUr+ya tsan+da pad+ma maN+Da la zhes pas/ rtag pa zil gyis gnon pa'i nyi ma dang // chad pa zil gyis mnan pa'i zla ba dang // rtag chad skyon gyis ma gos pad+ma ste// zil gnon gdan du mngon par shar bar mdzad do// de las hUM sa ma tiSh+Tha badz+ra hUM zhes pas// cho 'phrul gyi sgra bsgrags shing // gdan gyi ge sar la rgyu yi hUM nyid shar te// bcud kyi 'jig rten thams cad yi ge hUM du shar bar mdzad do// hUM de las de bzhin gshegs pa thams cad kyi thugs kyi go ru rtogs par mdzad do// badz+ra dz+nyA na badz+ra e zhes pas/ ye shes kyi rdo rje rtse dgu pa'i lte ba la hUM gis mtshan pa gcig tu mngon par 'du mdzad do// de'i tshe 'khor ba dang mya ngan las 'das pa'i chos thams cad/ thugs phyag mtshan rdo rjer gnas par gyur to// de las dz+nyA na satwa kI la ya hUM zhes pas/ rdo rje de nyid la sangs rgyas dang sems can thams cad thun mong dang thun mong ma yin pa'i snying rjes bsgral ba'i sku mngon par 'du mdzad de// lus yod na grib ma yod pa'i tshul du yum dam tshig gi phyag rgya yang mngon par 'du mdzad do// de'i tshe chos thams cad sku phra mo'i ngang du gsal ba las/ oM badz+ra kI li kI la ya sarba big+h+nAn baM hUM hUM phaT/ dip+ta na tsakra ha na ha na hUM phaT// ces cho 'phrul gyi sgra bsgrags te/ phyag rgya chen po yab yum gnyis kyi sku mngon par 'du mdzad do// de'i tshe chos thams cad yab yum phyag rgya chen por thams cad sangs rgyas par mdzad de/ de yang sangs rgyas dang sems can kun/ kun rtog gi zhe sdang gis bsad cing mnan pa ma yin te// b+h+rUM IM AM hUM swA hA/ badz+ra rat+na tsakra pad+ma khaD+ga kA ya wAka tsit+ta gu Na karma/ dz+nyA na swa b+hA wa at+ma ko&haM/ zhes pas// sangs rgyas thams cad bsdus pa'i ngo bo// dbu la rdzogs pa'i rigs lngas bsrung ba dang / dbang bskur bar mdzad do// yang IM AHhUM kA ya wAka/ tsit+ta badz+ra swa b+hA wa At+ma ko&haM/ zhes pas// dus gsum gyi chos ma lus pa'i ngo bo// sku gsung thugs rdo rjer sbyin gyis brlab pa mdzad do// hUM hUM hUM a mr-i ta su ti pri du kI la ya hUM tung zhes pas/ srid pa gsum gyis bsdus pa'i sems can gyi ngo bo// byang chub sems dpa'i rang bzhin rnams/ bka' nan gyi tshul gyis sku la brgyan par mdzad do// de'i tshe na zag pa med pa'i sku rdo rjes gtam par mdzad do// de nas yang dz+nyA na sa twa ki la ya hUM zhes pas/ de bzhin gshegs pa thams cad la sems dpa'i ngo bo dang / oM badz+ra kI li kI la ya sarba big+h+na baM hUM hUM phaT// ces pas/ de bzhin gshegs pa thams cad kyi snying po dang // sngags kyi ngo bo dang / oM hUM hri phaT ces pas/ de bzhin gshegs pa thams cad kyis mngag pa sgo srung dbang gi rgyal po dang // dz+nyA na badz+ra A~M hUM phaT// e a oM zhes pas ye shes/ de bzhin gshegs pa thams cad kyi mkha' dang / gsang ba'i ngo bo mngon par 'du mdzad de/ rnam par shes pa'i ngo bo dang de'i rkyen dang / de'i rtags 'byung khungs dang / de'i gnas bsrung ba ste/ thams cad rdo rje'i rang bzhin du dgongs par mkhyen to// ma dad pa'i sems can chen po de dang tshul mthun pa'i phyir na/ zhal gsum g.yas dkar g.yon dmar dbus mthing nag/ rol pa chen po'i phyag drug dang // brjid pa'i dor thabs zhabs bzhi dang // sku yi bem ldir che ba dang // gsung gi tsham rngams bsgrags pa dang // thugs kyi dgongs pa chen po dang // dpa' zhing shin tu brjid pa'i cha byad do// de nas dregs pa chen po des/ srog bcad pa'i khrag rjes yod pa de dag gis thugs rje chags pa'i rtags su sku la brgyan no// thal ba'i tshom tshom yod pa de dag gis mtshan ma spros pa med pa'i don gyis nyid la brgyan no// zhag dang bcud kyi khyal khyil ni// don dam bcud kyi rang bzhin gyis khros pa'i sku la byugs so// dka' thub can gyi sems can de'i bgo ba'i bye brag la/ mun pa glang gi ko shun ni stobs bcu rdzogs pa'i na bzar sprul gsol// chags pa'i zhing chen ni// tshul khrims rnam par dag pa'i chos gos su mnapa/ zhe sdang rdzongs la zhen pa'i stag lpags ni/ dpa' gtum gyis 'gro ba'i don la thabs mkhas pa'i sham thabs su brgyan no// yang nga rgyal gyi drod 'bar ba ni// ye shes me yi dkyil 'khor 'bar ba dang // 'phro ba 'du bsreg pa dang // klong ba 'khyil pa mi bzad ste// nyid kyi sku la gnas par mdzad/ gdug pa can rtag chad kyi mtha' la mngon par zhen pa de/ zil gyis gnon cing spa bkong ba'i phyir/ rdo rje'i gshog pas 'jig rten gyi khams khengs pa yang khros pa nyid la rgyan mdzes par mdzad do// zod pa skam rlon gyi phreng zod de dag ni/ dus gsum sangs rgyas sku gsum gyi rang bzhin du byin gyis brlabs kyis khros pa nyid kyi rgyan du byas so// gdug cing zhe sdang ba'i sbrul bkris la sogs pa de dag ni/ mnyen lcug yum bzhi'i gzungs su byin gyis brlabs te/ phrin las rgya mtshos 'gro ba'i don mdzad pa'i rtags kyis khros pa nyid la brgyan no// gzung 'dzin la zhen pa'i sgra shin tu 'jigs pa de yang / zil gyis mtha' gnyis gnan pa'i phyir// nyid la 'khyil bar mdzad de/ 'dod pa'i yon tan dang / kho'i longs spyod pa'i bye brag la 'dod pa'i rgya mtsho las ma thar pa'i phyir na/ kho'i gnas 'khor na khrag gi rgya mtsho 'khyil pa de dag ni/ khros pa'i rgyal pos pad+ma rak+ta las bdud rtsi sna tshogs su sprul te gsol to// nyon mongs pa la mngon par 'chel ba'i/ mi gtsang ba'i 'dam rdzab de dag ni/ dri chen las bdud rtsi sna tshogs su sprul te gsol lo// zhe sdang gi rdzongs la zhen pa'i go ro tsa na dang rkang rus kyi bcud de dag/ byang chub sems las bdud rtsi sna tshogs su sprul te zhal du bzhes so// rnag dang chu ser gyi zham chu 'bab pa de dag ni/ rdo rje dri chu las bdud rtsi sna tshogs su sprul te zhal du bzhes so// bsgral ba'i don 'chel ba'i sha dang 'bu shin tu che ba de dag ni/ mAM sa las bdud rtsir sprul te zhal du rol lo// khros pa'i rgyal pos/ dregs pa'i sems can de'i gnas khang dang tshul bstun pa'i gzhal yas ni gsal bar mdzad/ lus ngag gi rgyan gdos pa dang bcas pa de dag ni/ sku gsung thugs kyi rgyan du don dang bstun/ zag bcas kyi longs spyod de dag ni/ zag med kyi bdud rtsi mdzad de/ gdug pa de dag dang tshul bstan te/ kho'i gdos pa de dag dang bstan par bzhed pas/ kho chags sdang la zhen pa'i dbang gis ma dad de/ nga rgyal gyi de'u ma tshogs/ gti mug gi mun pa ma sol/ chags pa'i 'dam las ma thar/ zhe sdang gi mnar sems dang ma bral/ phrag dog gdug rtsub ma zhi nas/ phan zhing zhi bar ma gyur to// de tshe stong gsum 'jig rten kun// thugs rje chos kyi char gyis brlan// sman dang 'bru rnams thams cad kun// 'gro ba'i gsos su byin brlabs te// rtsa ba sdong po dar ba dang // yal ga lo ma me tog dang // snying po 'bras bu bcas par smin// 'gro drug sems can thams cad kun/ ra sA ya na'i rdzas la spyod pa las// dka' thub can de de nyid bdud kyi lta ba la mngon par dad pas/ chags sdang gi rang bzhin longs spyod par dad pa las/ thams cad 'khor ba bdud dang 'dra ba'i zas rnams thugs rje'i rtsi btang bas/ thams cad bdud rtsi'i zas la rol te spyod pa las/ dregs pa de nyid nges pa kho nar dad par ma gyur to// de nas khros pa'i rgyal po des ma dad pa de'i gzung 'dzin dang rtag chad kyi mtha' bsal ba'i phyir// brgyad khri bzhi stong chos kyi sgo mo dang // theg pa chos kyi brag dang // yan lag bcu gnyis rnam grangs te/ drang ba'i don phyir nges don gsungs pa las/ 'gro kun da cing grol ba las/ dka' thub can de nges par ma grol ma dad do// de nas rdo rje khros pa'i rgyal po des/ dregs pa pho mo rnams kyi chags par 'dod pa de zhi bar bya ba'i phyir na/ hUM hUM hUM e a ra li ru lu ru lus ma ya dza zhes brjod pas/ dregs pa'i ma dang sring mo dang bu mo dang sles mo dang bran mo dang chung ma rnams/ srog gi snying pos ma bzod nas/ rdo rje khros pa'i thad du yud tsam gyis phyin pa las/ gsung ma chags pa'i tshangs pa'i mgur ni bzhes/ zhal bzhad spyan gzigs smin rings 'gyur// rol pa'i mdzad spyod rnam par stegs pa las/ dregs pa mo rnams 'khor ba'i rgya mtsho las ma thar nas/ rdo rje khros pa'i sku kun gyi thad thad du 'khril ba las/ rdo rje khros pa'i rgyal pos ma chags pa thabs kyi sbyor ba kun la mdzad de/ chags pa'i rgyu'i sa bon de chos nyid byang chub sems kyi 'od zer du spros pa las/ dregs pa mo rnams chags pa'i 'dod chags pa/ mchog tu yang dag par skyes nas gnas so// de'i dgyes pa'i byang chub sems kyi sprin las/ ha ha ha ha/ ha ha ha ha zhes brjod pa las/ dkar mo dang ni rkun mo dang / gtum mo dang ni rmongs mo dang / ro langs ma dang / lcam mo dang / thal byed sme sha ma tshogs rnams/ re re la yang tshogs bsam gyis mi khyab pa dang / rang rang gi cha lugs lag cha stan dang bcas te/ 'bar ba'i dkyil 'khor du 'khod do// yang dgyes pa'i byang chub sems kyi sprin las/ he he he he he he he he/ zhes brjod pas/ seng gdong wa gdong stag gdong khyi gdong dang // bya rgod gdong dang dur bya'i gdong // bya rog gdong dang 'ug pa'i gdong / re re la yang tshogs bsam gyis mi khyab pa dang / cha lugs dang lag cha stan dang bcas te 'bar ba'i dkyil 'khor du 'khod do// yang dgyes pa'i byang chub sems kyi sprin las/ phaT phaT phaT phaT ces brjod pas/ rta gdong phag gdong seng gdong sbrul gdong rnams/ re re la tshogs bsam gyis mi khyab pa dang / cha lugs dang lag cha stan dang chas nas 'bar ba'i dkyil 'khor du 'khod do// yang dgyes pa'i sprin las/ dzA dzA dzA dza/ dzA dzA dzA dza/ zhes brjod pas/ rdo rje pho nya drug cu'i tshogs rnams gong bzhin no// yang dgyes pa'i sprin las/ ha ha ru lu hUM zhes pas/ pho ging dang mo ging rnams kyang gong ma bzhin no// de nas 'dod pa zhi ba dang / ma hA rak+ta kro tI phaT ces pas/ dregs pa mo rnams rang rang gi gnas khang ga la ba der yud tsam gyis rdzu 'phrul gyis phyin par bkye'o// de nas dregs pa chen po des shin tu yang mi dga' ba'i 'du shes skyes nas/ 'jig rten gyi khams na bdag las khyad par can med na/ bdag gi gnas khang dang cha lugs dang byed spyod dang yo byad rnams byin nyams la/ khros pa de ni gzi byin dang ldan/ ma la sogs pa rnams kyang kho'i tshig nyan par gyur to// sngon ma mthong ba'i sems can mang po yang gnas 'khor 'dir byung / kho bo rang lugs kyi chos la yang khros pa'i rgyal po de bden pa'i gzhung med par sma na/ ji ltar srog snyam pa las/ dregs pa de zhe sdang gi me chen ni sbar/ chags pa'i rgya mtsho ni gting nas g.yos/ mun pa'i skar khung ni char sprin ltar gtibs/ phrag dog gi zug rngu ni bslang / nga rgyal gyi de'u bskyed de/ nyong mongs pa'i sgra ru ru lu ru lu ni sgrogs/ gdug pa'i lag cha kha T+wAM ga 'khrol zhing spogs par gzo ba las/ rdo rje khros pa'i rgyal pos// rak+Sha tri gu sa ma ya mu dra'i sgra bsgrags pas/ kha T+wAM ga'i lag cha de nyid phrog nas/ rgyal byed rtags kyi phyag mtshan du phyag drug g.yon gyi bar bar bsnams so// rdo rje khros pa'i rgyal pos/ kho'i nyon mongs pa'i sgra ru lu ni/ bde bar gshegs pa'i snying po oM dang hUM gi bar du bcug ste/ oM ru lu ru lu hUM b+h+yo hUM/ zhes khros pas bzlas pas// dregs pa de nyid skyes bu gang dag lce bcad pa bzhin du/ lan blan pa'i glags med par shes pa nyams par mdzad do// de nas yang cung zhig na log par rtogs pa'i sems can de/ mthu dang rdzu 'phrul yid la byas te/ lus ngag yid gsum shin tu yang khro zhing gtum gdug par sprul te/ rdzu 'phrul gyis mthu ston pa las/ rdo rje khros pa'i rgyal pos cho 'phrul sna tshogs 'byung ba'i ting nge 'dzin la mnyam par bzhag ste/ chos kyi ma 'dul ba'i sems can de/ drag po mngon spyod kyis bsgral bar dgongs nas/ bsgral ba'i don de yang sangs rgyas thams cad la dbang mi za ba'i phyir/ dbang byin rlabs 'dod pa'i phyir/ oM ta thA ga ta kro d+ha sa mA dza zhes pas/ dus gsum gyi bde bar gshegs pa rnams/ chos kyi sku skye ba med pa las/ gzugs kyi sku 'gag pa med pa'i sku ru bzhengs te gnas so// de la rol pa'i tshig 'dis bskul lo/ hUM srid pa'i phur bu sgrub pa dang / dbang dang byin rlabs blang ba'i phyir/ 'gyur med sku ru gnas pa de/ ye shes khros par gshegs su gsol/ dzaHhUM baM hoHzhes bskul bas/ bde bar gshegs pa de dag sngon gyi thugs dam gyi dbang gis/ mdun gyi nam mkha' la til gang ba bzhin du byon no// de nas ta thA ga ta na mo badz+ra zhes pas/ de bzhin gshegs pa de dag la/ rdo rje'i phyag mngon par mdzad do// de nas yang ta thA ga ta ma hA dI pa d+hU pa puSh+pa su kha gan+d+ha i daM pU dza sa ma ye hUM zhes brjod pas/ tshul khrims dri mchog ting 'dzin me tog dang / lhag mthong mar me zhi gnas chu rgyun dang / bsil mngar ar+g+ha dag pa lha'i zhal zas kyis mngon par mchod de/ 'di skad ces bskul la/ ye shes lha mchog gshegs nas kyang // phyag 'tshal mchod bzhes thugs bskul bas// dbang dang byin rlabs stsal ba dang // rtags dang mtshan ma bstan du gsol/ zhes pas bskul lo// de la de bzhin gshegs pa rnams ni bskul ba'i don de thugs su chud nas/ thams cad rdo rje khros pa'i sku gsung thugs las snga tshul bzhin du zhugs pas/ shin tu yang byin rlab dang ldan par mdzad/ de bzhin rigs lnga'i ngo bo thams cad rigs ma 'chol bar thim pas ni/ sku dang ye shes rigs kyi ngo bor dbang bskur/ dregs pa de dang tshul bstun pa'i phyir na/ gdos bcas kyi rgyan mang pos khros pa'i sku la brgyan pa de dag las don dang mthun pa'i mtshan mar bstan te// rab brjid mang la mang bas ma lus sba bkong bar mdzad/ de bzhin gshegs pa de dag ni/ oM dz+nyA shrI he ru ka ma hA badz+ra ces pas/ theg pa dgu dang rab ldan pas// sa dgu'i rtog pa kun bcom ste// he ru dgu yi rang bzhin gyi// ye shes dgu ldan rtags 'di byin// zhes gsungs te/ las kyi rdo rje rtse dgu pa rdo rje khros pa'i phyag g.yas kyi dang por rtags kyi phyag rgya byin no// yang oM dz+nyA na pany+tsa badz+ra/ ye shes lnga dang rab ldan pas// mchod rten rtags kyi rdo rje 'dis// dug lnga 'joms pas gnas lnga stongs// dam skong rigs snyems ye shes lnga yi rtags// zhes gsungs te/ mchod pa'i rdo rje rtse lnga pa ni/ rdo rje khros pa'i phyag g.yas kyi bar bar bskur te/ dregs pa de dag 'dul bar dbang bskur ro// de nas yang de bzhin gshegs pa de dag la/ rdo rje khros pas 'di skad ces bskul lo// e ma ho log pa'i lam gyis mnar ba las// thabs kyis 'dul bar ma gyur te// shin tu gdug cing gtum pa la// ye shes khros pas 'dul bar 'gyur// de bas mngon par 'du mdzad rigs// zhes bskul bas/ de bzhin gshegs pa de dag gis bskul bar mkhyen te/ nyid kyi ye shes rigs kyi khro bor sprul te/ khros pa'i sprin phung du bzhugs so// de nas rdo rje khros pa dang khros pa'i sprin de dag gis/ hUM hUM hUM bi shwa badz+ra kro ta dza la maN+Da la phaT phaT phaT ha la ha la zhes brjod pas/ 'jig rten drug gi phyog mtshams thams cad/ khro bo 'chol bas lhag gis gang bar gyur to// de'i tshe 'jig rten drug gi phyogs mtshams thams cad g.yos rab tu g.yos kun tu rab tu g.yos so// 'khrugs rab tu 'khrugs kun tu rab tu 'khrugs so// tshig rab tu tshig kun tu rab tu tshig go/ 'thor 'thor kun tu rab tu 'thor ro// ldeg ldeg kun tu rab tu ldeg go/ 'gul 'gul kun tu rab tu 'gul lo// de'i tshe 'jig rten phung bar byed pa'i dregs pa de ni rang gi rdzu 'phrul gyi che ba ston cing ma 'dul lo// de nas yang rdo rje khros pa'i rgyal pos// e baM mAM ya/ badz+ra tsakra raM zhes pas/ dregs pa de rdo rje 'khor lo 'bar ba'i dra bar bcug/ phrin las bzhi'i dkyil 'khor ni lus la bkod nas gnas so// de nas oM badz+ra kI li kI ya la/ ra tri ru dra rak+kha/ ha sa ya ra na/ ha na ha na hUM phaT/ ces gsang ba'i sngags 'thon te/ rdo rje 'khor lo bskor bas mthu dang rdzu 'phrul thams cad rdo tshan la chu 'dus pa bzhin du skams te gnas so// dregs pa'i sems can de nyid du dung sems kyi gya gyu dang / lus kyi gzi byin che bar ston pa las/ oM badz+ra kI li kI la ya ra tri ru dra rak+kha A be sha ya A be sha ya hUM phaT/ ces pa'i sngags 'thon te/ chags byed dang snying po la lus sems rnal bar mdzad do// khros pa'i rgyal po nyid kyi zhabs 'og tu brdzis te gnas so// de nas dregs pa de shin tu yang mi bzod pa'i tshig gis/ 'o sha thong dpa' bo sgeg pa rab tu thong / thugs rje'i bdag po de bzhin gshegs pa'i mdzad spyod de'am/ zer zhing phyir 'bros par gzo ba las/ rdo rje khros pa'i rgyal pos/ oM badz+ra kI li kI la ya tra tri rU tra rak+kha shIg+h+raM A na ya hUM phaT/ ces pa'i sngags 'thon te/ yan lag mdzod spu'i bsti gnas la/ tsha tsha dang skar mda' bzhin du 'phros te 'khor bas/ lus kyi bsgral bskyod kun med par/ rus sbal rgya mtshor zhugs pa bzhin du gnas so// de nas yang dregs pa de sgrib pa sbyong ba'i phyir na/ rdo rje khros pa'i zhabs kyis kyang shin tu gzir te// oM badz+ra kI li kI la ya ra tri rA tra ra sha dza la pa ya dza la pa ya hUM phaT// ces sngags 'thon te/ bsam gzhi dang ngag gnas su 'phros shing 'khor bas// dregs pa de sngar spyad pa'i las ngan de dag gis 'di lta bu'i las ngan nyams su myong ba dran te/ mi bzad pa'i 'dod 'bod cing lus zhum sems nyams te gnas so// de nas rdo rje khros pa'i rgyal pos/ rdo rje phur pa'i ting nge 'dzin la mnyam par bzhag ste/ oM badz+ra kI li kI la ya sarba big+h+nAn baM hUM hUM phaT/ ces pas yum dang gnyis su med pa'i byang chub sems las/ rdo rje phur pa khro bo las kyi phur pa ste/ zhal gcig phyag bzhi sku mdog mthing // sku smad man chad zur gsum la// thod rlon sbrul gyi rgyan gyis brgyan// dug gsum stong pa'i kha T+wAM ga dang // bag chags 'dral ba'i sta re dang // zil gnon ri rab 'debs pa'i phur bu 'dril// ral gri'i sgra la phur bu'i so// rigs kyi dbu brgyan thugs la 'bar ba'i srog/ sku la khros pa'i me dpung 'bar ba gcig 'thon te/ bka' nod pa'i tshul gyis spyan snga nyid na gnas so// yang rdo rje khros pa'i rgyal pos/ oM A hUM swA hA/ zhes pas ye shes kyi ni yi ge lngas/ gnas lngar byin brlabs dbang bskur 'od kyi 'bru'o// oM hri phaT ces pas ni/ sku gsung thugs su byin brlab mdzad/ hUM hUM hUM phaT phaT phaT/ spro bsdu phrin las sa bon no// 'das dang ma byon da ltar sangs rgyas rnams// de yi sku la 'jug pa'i phyir// oM badz+ra kI li kI la ya A be sha a a/ khros pa'i phyag drug phyag rgya gnyis// sras mchog de yi sked nas bzung // sor bcu rigs kyi yab yum bcus// sbyor ba'i byin rlab 'phro 'du las// de nas sku gsung thugs nyid du// byin brlab bzla ba mchog tu mdzad// oM badz+ra kI li ki la ya dza la dza la hUM phaT// oM badz+ra ki li ki la ya sarba duSh+TAn hr-i da sho d+ha ya hUM phaT// oM badz+ra kI li kI la ya tsit+ta tsit+ta hUM phaT/ sras kyi dam pa mchog de la// mchod de thugs dam rgyud bskul nas// gsang sngags rgyal po 'di brjod do// oM laM hUM laM/ staM b+ha ya nan/ mo ha g+ha ya/ 'di rnams zur chags/ b+ha ga wAn/ hrIHSh+T+r-i wI kri/ badz+ra hUM kA ra/ hUM hUM phaT phaT/ badz+ra kI li kI ya la/ dzaHhUM baM ho/ sarba big+h+nAn ki la ya hUM phaT/ badz+ra hUM ka ra hUM A/ zhes pas dregs pa'i snying la gdab// a nyid byang chub sems kyis bkrus// bkrag dang gzi mdangs nyid la bstim// phur bu nyid kyang gzi byin bskyed// 'od dang mthu dpung lhag par bskyed// de nas rgyal ba thams cad la// rdo rje'i tshig tu 'dis bskul te// byang chub mchog tu sems bskyed cing // dus gsum rgyal ba'i gdung tshob pa'i// rig 'dzin bdag dang gzhan rnams la// gnod cing gdug sems ldan pa dang // dge ba'i bar du gcod pa rnams// khro bo chen po'i byin rlab kyis// yud tsam gyis ni 'dir bkug nas// lus ngag rdul du bshig byas nas// sdug bsngal nyams su myong bar mdzod// oM badz+ra kI li kI la ya ra tri rA tra rak+Sha tsit+ta tsit+ta hUM phaT/ ta thA ya ta thA ya hUM phaT// ces pa'i sngags 'thon te/ nyon mongs pa'i gnas lnga la 'khor zhing thim pas/ nyon mongs pa las grub pa'i gdos bcas kyi phung po bshig par mdzad do// de nas yang de bzhin gshegs pa thams cad kyis/ rdo rje khros pa'i sku za byed du byin gyis brlab pa'i phyir/ oM badz+ra dz+nyA na dza la raM zhes gsungs so// rdo rje ye shes kyi me dpal dud kha 'bar ba zhig rdo rje khros pa'i phyag g.yon dang por phul te nyon mongs pa gnas su dag cing / zhal du gsol bar dbang bskur ro// rdo rje khros pa'i rgyal pos kyang dregs pa de'i bag chags kun/ rdo rje ye shes kyi me dpal gyis bsreg nas/ oM badz+ra ki li kI la ya ra tri ru tra rak+Sha b+hin+d+ha ya b+hin+na ya ha ha zhes pa'i sngags 'thon te/ phung po lhag rol la 'khor zhing zhal du rol lo// de'i tshe dregs pa'i rgyal po de yang / rdo rje khros pa'i lho khyim na bde ba'i gnas su phyin te// las dge sdig gi don mthong ste gnas pa las/ rdo rje khros pas phyag brang la bsnol nas/ kun rdzob dang tshul bstun te btsir bas/ mi gtsang ba'i rgya mtshor 'khyil te slar dran pa brlag par gyur to// de nas yang rdo rje khros pas bdud rtsi 'byung ba'i ting nge 'dzin las rnam nas khro bo sle sha 'thon te/ oM badz+ra kI li kI ya la ra tri rU tra rak+Sha badz+ra yak+ka kro ta bi dza ya kha kha khA hi khA hi// zhes bskul te/ des mi gtsang ba'i rgya mtsho de dag slar rngubs pas dran pa rnyed nas 'di skad ces gsol to/ kye ma ho rdo rje khros pa'i sku// shin tu bde ba'i gnas gshig nas// snam du bton pa thugs rje chung // bdag kyang rgyal ba'i bka' la thogs// zhes gsol zhing / 'di skad ces sdig pa bshags so// bskal pa dpag tu med pa tshun chod nas// da lta tshe lus 'dir skyes phan chad du// lha mchog khyod dang smon lam mthun sdebs pas// dus 'dir zhal mthong yi dam lhaltar gsol na// dus tshigs 'di nas bzung nas yi dam la// snying po byang chub mchog la mi gnas par// tshe rabs 'khor ba gar skyes gar byung yang // gsang ba'i lha mchog khyod dang mi 'bral zhing // spyi dang khyad par lhag pa'i dam tshig la// mi 'da' gnas dang yun du bdag bsrung gi/ lhag chad 'gal 'khrul mchis pa mthol lo bshags// las kyi dbang gis bar chad ci byung yang // dpal chen khyod kyis gong bzhin zil gyis gnon// dngos grub mchog stsol shes rab lha mo'i sku// zhes bshags so// de nas yang dregs pa de shin tu dga' ba dang dad pa'i sems skyes nas/ 'di skad ces gsol to// dpa' bo khyod la rim gro bskyed pa dang // bdag gi sgrib pa sbyong ba'i phyir// bdag gi lus 'di gdan du 'bul// e ma ho dpa' bos bzhes su gsol// ma sring chung ma bu mo slas kyi tshogs// dpa' bo khyod kyi 'bangs su 'bul// 'bangs su 'bul lo bka' la thogs// 'bangs la nan tan ma chung zhig/ de nas de'i ma dang chung ma bu mo slas kyi tshogs rnams kyang 'di skad ces gsol to// dbus su mchi ba'i skal med kyis// dkyil 'khor mu ran mtha' la zhog/ phud la 'tshal ba'i skal med kyi// lhag ma kha chus bran la gsol// zhes gsol te/ dregs pa chen po 'khor dang bcas pa rnams kyis/ lus gnad du phul bas nyon mongs pa'i sgrib pa byang / rna bas chos nyan pas shes bya'i sgrib pa byang / rgyal ba'i pha 'bab mngon pas rgyu bsod nams kyi tshogs rdzogs/ dkyil 'khor zhal mthong bas 'bras bu ye shes kyi tshogs rdzogs te/ grub pa mor khas blangs nas/ phyi rabs kyi rnal 'byor pa'i tshogs bskang bar yang dam nos te gnas so// dregs pa chen po'i ma dang chung ma dang slas mo dang bu mo dang / bran mo rnams ni/ 'bar ba'i dkyil 'khor chen po'i mu ran la bzhag ste/ bka' la btags te dam tshig byin nas/ mda' bsgrags nas gnas so// de'i tshe na dregs pa chen po'i nye 'khor/ 'dod chags dang gti mug dang phrag dog dang nga rgyal la sogs pas so sor dregs pa'i// tshangs pa brgya byin dang ma hA de ba dang // khyab 'jug dang dbang phyug chen po rnams/ rang rang gi che ba ston cing khro zhing gtum mo/ rdo rje khros pa'i rgyal pos khro gtum pa de dag 'dul ba'i ched du/ sras mchog bud+d+ha rin chen pad+ma las kyi phur pa 'byung ba'i ting nge 'dzin la zhugs nas// ma chags pa'i yum la rjes su chags pa bskyed de// rol pa'i byang chub sems las// oM bud+d+ha kI li kI la ya sarba big+h+nAn baM IM hUM phaT// sA rat+na kI li kI la ya sarba big+h+nAn baM traM hUM phaT/ oM pad+ma kI li kI la ya sarba big+h+nAn baM hrI hUM phaT/ hA karma kI li kI la ya sarba big+h+nA na baM ha hUM phaT/ ces pas ni/ de bzhin khro bo las kyi phur pa dang / rin chen khro bo las kyi phur pa dang / pad+ma khro bo las kyi phur pa dang / las rab khro bo las kyi phur pa rnams 'thon te/ smug nag ser nag ljang nag sngo nag dmar nag gcer bu rnams// sku stod zhal gsum phyag bzhi la/ sku smad so so'i phur pa las kyi dbyibs bzhi dang mthun pa'i phyag mtshan rang rang rigs kyi mtshan mar brgyan/ dbu la rigs bsrungs thugs la srog kyang 'bar// thod rlon sbrul gyi rgyan gyis brgyan pa rnams// zlum 'khyil gru bzhi zla gam gru gsum gdangs pa yi// gdan la bkod de bka' nod tshul du gnas// byin brlab dbang bskur la sogs rim par mdzad do// de nas rdo rje khros pa'i rgyal po yis// bud+d+ha 'dus pa'i sras mchog kI la ya/ 'di skad ces bskul te/ drag po sgrol ba'i las la btsud do// oM zlum zhing 'khyil ba'i dkyil 'khor nas// 'bar la 'phro ba'i sku bzhengs pa// bud+d+ha 'dus pa'i sras mchog kI la ya// gti mug dregs pa chen po bsgral du gsol// sna gru bzhi gdengs pa'i dkyil 'khor nas// 'bar ba 'phro ba'i sku bzhugs la// rin chen 'dus pa'i sras mchog kI la ya// nga rgyal dregs pa chen po bsgral du gsol// aHzla gam gdengs pa'i dkyil 'khor nas// 'bar la 'phro ba'i sku bzhugs pa// pad+ma 'dus pa'i sras mchog kI la ya// 'dod chags dregs pa chen po bsgral du gsol// hA gru gsum gdengs pa'i dkyil 'khor nas// 'bar ma 'phro ba'i skur bzhugs pa// las rab 'dus pa'i sras mchog kI la ya// phrag dog dregs pa chen po bsgral du gsol// zhes bskul bar mkhyen nas// na maHsa man+ta nAn kA ya wAg tsit+ta badz+ra NAM/ A~M g+ha g+ha g+ha tA ya g+ha tA ya/ sarba duSh+TaMn mA ra ya hUM phaT/ hUM hUM hUM badz+ra kI li kI la ya/ badz+ra d+ha ro a dz+nyA pa ya ti/ kA la wAka tsit+ta badz+ra kI la ya hUM phaT/ bud+d+ha kI la ya ba ra bid+yan hUM phaT/ rat+na kI la ya ki grih+Na gr-ih+Na hUM phaT/ pad+ma kI la ya ha na ha na hUM phaT/ karma ki la ya bin+d+ha bin+d+ha hUM phaT/ ces pa'i sngags brjod cing / rdo rje 'dus pa'i phyag gis rigs bzhi'i phur pa'i sked nas rim par bzung zhing dregs pa bzhi sgrol bar mdzad do// de'i tshe dus gsum gyi sangs rgyas rnams kyis kyang / sras mchog dam pa de la 'di skad ces bsgos shing skul bar mdzad de/ 'di skad ces cho 'phrul gyi sgrar mngon par dus gcig tu sgrogs so// kye ma sangs rgyas mang po'i sras// dge ba'i bar chad byed pa dang // gdug cing sdang sems ldan pa rnams// zung zhig chings shig rnam par chings// gtogs shig grogs dang bral bar gyis// ring par khug la smrar chug cig/ phob cig rnams par gzir bar gyis// nga yi dbang du bsdu byas te// lus dang ngag sems rdul du bshig nas kyang // dug gsum sha khrag zhal du bsdus rngubs nas// bsgo ba'i las rnams khyed kyis grub par gyis// zhes par bskul te/ bstab cing bsgral bar mdzad do// de'i don gyis 'byongs stongs mnyes skongs 'bras bu rdzogs par mdzad do// de nas yang dregs pa de lnga'i chung ma de dngos 'dzin ma dang / rtag pa mo dang / mtshan ma can dang / chad pa mo dang // smug mo la sogs pa rnams/ rang rang gi che ba ston cing shin tu yang chags pa dang ldan pa las/ yang khrag 'thung rdo rje khros pa'i sku gsung thugs gzhon nus/ gsal ba rdo rje dang / sdud pa rdo rje dang / 'bar ba rdo rje dang / g.yo ba rdo rje'i ting nge 'dzin la snyoms par zhugs te/ rdo rje 'khor ba rgyas 'debs ma dang / 'khor lo 'khor ba rgyas 'debs ma dang / rin chen 'khor ba rgyas 'debs ma dang / pad+ma 'khor ba rgyas 'debs ma dang / las rab 'khor ba rgyas 'debs ma rnams// nyid kyi byin gyis brlabs kyis/ yum chen mo 'khor lo rgyas 'debs ma'i sku gsung thugs yon tan phrin las las 'thon te/ rgyan dang cha lugs dang / sku mdog dang phyag mtshan rnams/ rigs kyi sras dang cha mthun te/ dregs pa pho rnams gong bzhin bsgral te tshar bcad nas/ sras mchog la 'khril ba'i tshul du bzhugs so// de nas yang drag po chen po de'i nye 'khor na/ 'khor gyi gtso bo 'jig rten pa'i las la grub pa'i phyogs skyong ba bcu ste/ tshangs pa dang / brgya byin dang / me lha dang / gshin rje dang / srin po dang / chu lha dang / rlung lha dang / gnod sbyin dang / dbang ldan dang / sa bdag rnams/ brnab sems dang / ma byin len pa dang / log par blta ba dang / srog gcod pa dang / phra ma dang / 'dod pas log par g.yems pa dang / ngag 'khyal pa dang / ngag rtsub po dang / gnod sems dang / tshig brlang po dang / mi dge pa bcus dregs nas/ nga rgyal gyis mthu ston cing shin tu yang bstan pa la ma dad pa'i tshul ston pa la/ de rnams 'dul ba'i phyir na/ yang rdo rje khros pa'i sku gsung thugs gzhon nus rol pa'i stobs dang / bzlog pa'i stobs dang / 'joms pa'i stobs dang / 'jigs byed kyi stobs dang / gzhon tshul gyi stobs dang / brjid pa'i stobs dang / shugs 'chang ba'i stobs dang / gzir ba'i stobs dang / gnon pa'i stobs dang / 'degs pa'i stobs dang / stobs bcu'i ting nge 'dzin la zhugs te/ ma chags pa'i yum la chags pa'i tshul du rol lo// hUM hUM hUM hUM hUM hUM hUM hUM hUM hUM/ zhes brjod pas/ khros pa'i rgyal po hUM ka ra zhes bya ba dang / de bzhin du rnam par rgyal ba dang / dbyug pa sngon po dang / gshin rje'i gshed po dang / mi g.yo mgon po dang / rta mgrin dang / gzhan gyis mi thub pa dang / bdud rtsi 'khyil ba dang / khams gsum rnam par rgyal ba dang / khro bo stobs po che la sogs pa rnams 'thon te/ zhal gsum phyag drug pa zhabs bzhi dang ldan zhing / zhal mdog dang phyag mtshan sna tshogs pa 'jigs byed 'bar ba'i cha lugs su byung ste/ phyogs bzhi mtshams bzhi'i steng 'og tu 'phros te gnas so// de las khros pa'i rgyal pos la sogs pa'i bde bar gshegs pa rnams kyis 'di skad ces bskul lo// rdo rje khros pa'i tshogs rnams kyis// ma dag mi dge las spyod cing // dge ba'i bar chad byed pa 'di// sngon chad dam bcas de bzhin du// mngon spyod phrin las dus la bab// ces bskul dbang bskur nas/ ye shes kyi phur pa rdo rje khros pas phyag tu re re bskur nas/ dregs pa bcu sgrol bar mnga' gsol bas// khro bo bcus bskul pa'i don de thugs su chud par mdzad/ hUM gardza gardza hUM phaT/ ha na ha na hUM phaT/ da ha da ha hUM phaT/ pa tsa pa tsa hUM phaT/ ban+d+ha ban+d+ha badz+ra phaT/ hu lu hu lu badz+ra phaT/ tiSh+Tha tiSh+Tha badz+ra phaT/ ts+tshin+da ts+tshin+d+ra badz+ra phaT/ bin+d+ha bin+d+ha badz+ra phaT/ s+pho Ta ya s+pho Ta ya badz+ra phaT/ ces gsungs shing / phyag gi phur pas dregs pa rnams rim par mngon par bsgral lo// de nas yang khros pa'i rgyal pos/ oM badz+ra kro d+ha ka pA la hUM zhes brjod pas/ khro bo rnams kyi phyag g.yas g.yon dang por/ rdo rje 'bar ba dang dung chen 'joms pa byin te/ oM badz+ra kro ta khA hi khA hi zhes bskul bas/ khros pa rnams kyis mi dge bcu dag par bya ba'i phyir/ rdo rje tho bas gtun khung du brdungs te/ zhal du gsol bas/ khro bo rnams dgyes pa'i sgra ha ha zhes bsgrags so// de'i tshe 'khor ba mi dge ba bcu las rgyal nas/ dbang bcu la mnga' brnyes pa ni/ mos pa la dbang ba dang / byang chub la dbang ba dang / ye shes la dbang ba dang / tshe la dbang ba dang / skye ba la dbang ba dang / chos la dbang ba dang / yo byad la dbang ba dang / las la dbang ba dang / smon lam la dbang ba dang / rdzu 'phrul la dbang ba la sogs brnyes so// de ltar mdzad pas skye ba'i rgyun bcad/ nyon mongs pa las rgyal ba'i rgyal mtshan btsugs/ 'khor ba'i bag chags bcom/ 'chi bdag tshar bcad/ rtag chad kyi mtha' bsal/ las dge sdig gi shan phye/ log pa'i don la ye shes kyi mthu bstan/ 'khor ba'i bdud la thugs rje'i rtsi btang / khams gsum sku gsung thugs su bzlog che ba'i yon tan gyi stobs kyis zil gyis mnan pa'i rtags su/ khro bo rnams kyi snam nas phyogs skyong bcu bton te/ rnam par shes pa ni rdo rje dang de bzhin du 'khor lo dang rin chen po che dang pad+ma dang las kyi rigs rnams su shes bya dag nas/ chos skyong ba'i bsrung mar dbang bskur/ lus rnams ni rang rang gi khro bo rnams la/ nyon mongs pa'i sgrib pa dag par bya ba'i phyir gdan du dbul/ lag cha mda' gzhu dang / rdo rje gdeng pa dang / me dpung 'bar ba dang / dbyug to dang / spu gri dang / zhags pa dang / ba dan dang / be con dang / kha T+wAM ga dang bum pa rnams ni/ rgyal byed rtags kyi phyag mtshan du rang rang gi khro bo'i phyag bar par phul te bsnams so// de nas yang phyogs skyong rnams kyi rigs ma ste/ tshangs pa'i chung ma dang / brgya byin gyi chung ma dang / me lha'i chung ma dang / gshin rje'i chung ma dang / srin po'i chung ma dang / chu lha'i chung ma dang / rlung lha'i chung ma dang / gnod sbyin gyi chung ma dang / dbang ldan gyi chung ma dang / sa bdag gi chung ma rnams/ skyon bcu la bag chags brtas pa ni/ ma rig pa'i skyon dang / zhen pa'i skyon dang / shes bzhin ma yin pa'i skyon dang / g.yeng ba'i skyon dang / 'chal ba'i skyon dang / le lo'i skyon dang / rmongs pa'i skyon dang / phur pa'i skyon dang / khong khro ba'i skyon dang // rtsod pa la dga' ba'i skyon dang // rgyu'i tshogs ma bsags pa'i skyon no// de lta bu'i skyon gyis 'chel pas// bstan pa la ma dad pa de 'dul ba'i phyir na/ rdo rje khros pa'i sku gsung thugs gzhon nus/ pha rol phyin pa bcu'i don la mnyam par bzhag ste/ ye shes kyi pha rol tu phyin pa dang / sbyin pa'i pha rol tu phyin pa dang / bsam gtan gyi pha rol tu phyin pa dang / tshul khrims kyi pha rol tu phyin pa'i don dang / bzod pa'i pha rol tu phyin pa dang / brtson 'grus kyi pha rol tu phyin pa dang / shes rab kyi pha rol tu phyin pa dang / thabs kyi pha rol tu phyin pa dang / stobs kyi pha rol tu phyin pa dang / smon lam gyi pha rol tu phyin pa de'i ngang las ma g.yos kyang / g.yos pa'i tshul gyis ma gos pa'i yum la rol te/ hUM hUM hUM hUM hUM/ hUM hUM hUM hUM hUM/ zhes pas/ khro mo rdo rje sgra 'byin ma dang / khro mo rdo rje mda' snyems dang / khro mo rdo rje sder mo dang / khro mo rdo rje dur khrod kyi bdag mo dang / khro mo rdo rje gtun khung ma dang / khro mo rdo rje gtum mo dang / khro mo rdo rje mda' snyems ma dang / khro bo rdo rje rlung 'byin ma dang / khro bo rdo rje gsod ma dang / khro mo rdo rje bskyod ma rnams 'thon te/ stong pa nyid kyi dbyings las chos nyid kyi sgra bsgrags/ skye ba med pa'i dbyings las don brnyes/ rang bzhin med pa'i dbyings las khams gsum thugs rjes gzung / mi dmigs pa'i dbyings su mtshan ma'i dngos po bsdus/ mtshan ma med pa'i dbyings su 'khor ba'i bag chags bcom/ chos nyid dag pa'i dbyings kyis 'gro ba'i don la brtson/ yang dag pa'i dbyings kyis nyon mongs pa'i gnas su brdeg/ gsal zhing g.yo ba'i dbyings las bag chags kyi dngos po sun phyung / rtog med sgrol ba'i dbyings su sgrib pa'i bag chags bsad/ g.yos pa chen po'i dbyings kyi mi dge ba'i skyon bskyed de gnas so// de nas dregs pa'i bu pho ste sems can gyi lus la/ phag dang stag dang g.yag dang sha ba dang / gzig dang / byi la dang / spyang ki dang / seng ge dang / drod dang / dom gyi mgo btags pa rnams rmugs pa dang / rnam smin med pa dang / tshul bzhin ma yin pa dang / shin tu chags pa dang / gnyis ka ma yin pa dang / mngan sems kyi g.yo dang / tshul khrims nyams pa dang / mtshan ma nyams pa dang / las log pa dang / mos pa las gyur pa yis/ sangs rgyas kyi bstan pa la ma dad ste/ shes rab ma yin pa dang / gsal ba ma yin pa dang / bde ba ma bstar ba dang / don ma rtogs pa dang / brtson 'grus dang mi ldan pa dang / kha na ma tho ba la mi 'joms pa dang / dge ba 'phel ba ma yin pa dang / rang bzhin med pa mi shes pa dang / gnyid dang mi ldan pa ma yin pa la sogs par spyod pa'o// de rnams sbyong zhing gdul pa'i phyir na/ yang rdo rje khros pa'i sku gsung thugs gzhon nus rtog 'joms dang / dpa' brtul dang / rdzis tshor dang / dus 'jug dang / spyod rdzogs dang / thabs mkhas dang / za byed dang / rigs btsun dang / gsod byed dang / myos byed la sogs pa'o// de rnams dang / tshul mthun pa'i ting nge 'dzin la mnyam par bzhag nas/ ma chags pa'i yum la thabs kyis rol te/ dgyes pa'i sprin las/ ha ha ha ha ha/ ha ha ha ha ha/ zhes brjod pas ni/ sras 'phags pa'i lus la sems can gyi mgo dang tshul mthun pa'i mgo btags pa bcu byung ste/ dregs pa'i bu pho rnams grong bzhin btul te bsgral nas dam la btags so// de nas yang dregs pa'i bu mo ste/ sems can gyi lus la smig bu dang / bya rgod dang / bya rog dang / 'ug pa dang / khwa dang / pu shud dang / khra dang / pha wa dang / sre mong dang / byi ba'i mgo btags pa rnams ni/ chags pa dang / yid g.yo ba dang / phrag dog dang / rtsod pa ldang ba dang / le lo byas pa dang / spyod pa 'chal pa dang / tshul khrims 'chal pa dang / 'tsho ba 'chal pa dang / bdag tu 'dzin pa dang / nyon mongs pa dang mtshungs par ldan pa la sogs pa las byung ste/ sangs rgyas kyi bstan pa la ma dad pa dang / sems rgod pa dang / sems 'byed pa dang / dge ba la mi 'jug pa dang / tshig brlang po dang / bag med pa dang / spyod pa brlang po dang / khrel med pa dang / log par 'tsho ba dang / dgongs pa ste sems ma zhi ba dang / g.yo sgyu dang / de rnams spyod par gyur te/ de rnams 'dul ba'i phyir na ni/ yang rdo rje khros pa'i sku gsung thugs gzhon nus/ mi 'gyur ba dang / thogs med dang / gsal byed dang / mthong byed dang / thal byed dang / bkra byed dang / g.yo byed dang / btsal byed dang rtsol byed la sogs pa'i ting nge 'dzin la mnyam par bzhag nas/ gnyis su med pa'i dgyes pa'i sprin las/ he he he he he/ he he he he he/ zhes pas ni/ yang gong gi sems can dang tshul mthun pa'i sras/ 'phags pa'i lus la sems can gyi mgo btags pa bcu byung ste/ gong bzhin btul te bsgral nas dam la btags so/ de nas yang rdo rje khros pa'i rgyal pos/ 'gro ba mtha' dag gi don bya ba'i phyir na/ don mthun dang don spyod dang / sbyin pa dang snyan pa'i ting nge 'dzin la zhugs te/ ma chags thabs kyis rol pa las/ dzaHhUM baM hoH/ zhes bskul bas/ lha mo pu shud kyi mgo dang skye ga dang / srin bya dang / khra la sogs pa'i mgo can bzhi 'thon te/ gzhal yas kyi sgo bzhi la 'khod de/ zhi ba dang / rgyas pa dang / dbang dang / drag po la sogs pas don mdzad de/ snying rje dang / byams pa dang / dga' ba dang btang snyoms kyi ngang du gsal bar mdzad do/ de nas yang dam sri dmar po chen po zhes bya ba/ gsang sngags la skur pa btab cing smad pa las gyur pa zhig/ sngon gyi las kyi dbang gis/ sangs rgyas kyi bstan pa la bar chad byed cing / 'tshe ba las/ sangs rgyas ma lus pas/ rdo rje khros pa la bka' stsal pa/ bka'i bsgo ba mdzad pa/ rdo rje gsang ba'i don rtogs par dka' ba las ni/ sdig chen dam sri 'da' byed pa// stobs chen khro bo chen po yis// klad pa tshal pa brgya ru khos/ nyon cig las kyi dam sri 'di// nged kyi bka' las khyod ma 'da'/ zhes bskul bas/ rdo rje khros pa'i sku gsung thugs gzhon nus/ dam sri de la ye shes kyi mtshon gyi phur pas mgo la brgya pa ste/ mgo a rdza ka'i dog pa bzhin du bkas te/ de'i tshe na yang gsang ba'i snying po 'di 'thon te/ oM badz+ra kI li kI la ya dam sri gaM pa ri b+han+d+ha b+han+d+ha hUM phaT/ ces bsgral bas rnam shes rgyal ba'i sras su byas/ sha rus dur khrod kyi gzhal yas khang / don snying dur khrod kyi rdzas kyi mchod pa ru rol/ de'i slas mo dang bu mo dang ma dang sring mo chung ma rnams ni/ rdo rje khros pa la pad+ma'i mdangs phul te/ rgyal ba'i dam mnos nas phyi rabs kyi tshogs bskang bar dam bcas so// de ltar dregs pa can thams cad bsgral zhing tshar bcad pa/ de'i tshe na ni/ 'jigs byed skyong ba'i rgyal po chen po bzhis kyang 'di skad ces mnos te/ dam chos gzhung spyod rnal 'byor la// dngos grub bar chad byed pa rnams// lha'am 'on te bdud kyang rung // mthu dang rdzu 'phrul med par bya'o// zhes gsungs te/ sring mo dang bcas pas dam mnos nas/ bstan pa skyong bar zhal gyis bzhes so// rdo rje khros pa'i rgyal pos kyang lung phog ste/ dam las 'das na snying po 'dis khyed nyid kyi mthu dang rdzu 'phrul phrogs te bsgral bar dam bcas so// oM badz+ra kI li kI la ya sarba A na ya ta thA ya ta thA ya hUM phaT/ ces gsungs so// de'i tshe na dregs pa'i gtso mos kyang rang gi snying po 'di bstabs te bstan pa bsrung bar dam bcas so// ma ma pa shaM ku ru hUM/ zur chags/ ma taM dz+nyA ka ra i dan d+ha ti ma ma karma shI g+h+raM ka ra ya zhes bstabs phul te/ phyi rabs kyi tshogs bskang bar byas nas/ mthu'i bdag nyid du mtshan gsol lo// de nas yang bdud nag po bkrag med kyi bu mo dang / gza' bi tri ba tra'i bu mo dang / btsan shu bo lag rings kyi bu mo dang / klu 'jog po'i bu mo rnams bsgral zhing sbyar bar dgongs nas/ rang dam srog gi snying po bstabs shing phul nas/ rdo rje phur pa'i dam mnos/ a dzi te ya/ a pa ra dzi te ya/ dza ye bi dza ye/ mA yar se nA pra marda na ye/ zur chags/ zhes pas phyi rabs kyi rnal 'byor pa'i thugs dam bskang bar byas te/ sa bdag chen mor mtshan gsol lo// de nas yang 'jig rten phung bar byed pa ste/ lcags kyi khyi mo ral pa can dang / lcags kyi spyang mo mgo dgu dang / zangs kyi wa mo rkang gsum dang / gser gyi 'phar ba lce brgyad ma la sogs pas/ 'gro ba kun sgrol zhing za ba las/ bcom ldan 'das kyis rdzu 'phrul gyi spyan gyis gzigs nas/ bsgral bar dgongs pas srog snying phul te dam mnos so// dz+wa la dz+wa la badz+ra/ su ru su ru badz+ra/ mu ru mu ru badz+ra/ ma tha ma badz+ra zhes pas/ pho nya shra nar mtshan gsol lo// de ltar 'jig rten pa'i dregs pa pho mo/ 'khor dang bcas pa rnams rim pas btul bsgral sbyar gnas bstabs dam la btags par mdzad do// rdo rje phur pa gsang ba'i rgyud chen po las/ rdo rje khro bor rol pas ma dad pa btul ba'i le'u ste bcu pa'o// // de nas yang rdo rje 'dus pa'i sras mchog dam pa des/ bcom ldan 'das khros pa'i sras mchog sku gsung thugs gzhon nu 'khor dang bcas pa las mchod pa bstabs te/ IM ki li kI la ya kro ta kro tI ha he phaT/ dI pa d+ha pa puSh+pa su kha gan+d+ha i daM/ a mr-i ta ba lin+ta rak+ta bo d+hi tsit+ta ho/ zhes pas phyi dag pa'i mchod pa dang / nang khyad par gyi mchod pa dang / gsang ba dga' ba'i mchod pas rgyun du mngon par mchod pa'o// mdzad spyod kyi don bsdus pas/ dkyil 'khor gyi lha la bstod pa ni/ e ma ho/ bdud bzhi bcom nas yon tan drug ldan la// yod med mtshan ma'i dngos po kun las 'das// don dam thugs ni 'da' dka' shin tu gsang // gsang ba'i gsang sngags ma lus kun gyi gtso// thams cad ma lus mnga' brnyes bdag po'i sku/ bcom ldan 'das gsang bdag rdo rje khros pa'i sku gsung thugs gzhon nu thams cad mkhyen mdzad do// ston pa'i bdag nyid de la phyag 'tshal bstod// skye med ye shes ngang las rdo rje ki la ya// zhe sdang 'byongs pas dmyal ba'i 'jig rten stongs// thugs kyi dam tshig skongs te rdo rje'i rigs kyang brnyes// gsal la ma 'dres me long ye shes brnyes// rdo rje 'dus pa 'chang ba'i skyes bu nyid la yang phyag 'tshal bstod// 'gag med ngang las sangs rgyas kI la ya// gti mug 'byongs pas byol song 'jig rten stongs// sku yi dam tshig skongs te de bzhin gshegs kyang brnyes// dmigs su med pa'i ye shes chen po brnyes// sku mchog dam pa de la phyag 'tshal bstod// gnas med dang las rin chen kI la ya// nga rgyal 'byongs pas lha min 'jig rten stongs// spyi yi dam tshig skongs te rin chen rigs kyang brnyes// kun la snyoms pa'i mnyam nyid ye shes brnyes// yon tan dam pa de la phyag 'tshal bstod// dmigs med dang las pad+ma ki la ya// 'dod chags 'byongs pas mi yi 'jig rten stongs// gsung gi dam tshig skongs te pad+ma'i rigs kyang brnyes// kun mkhyen so sor rtog pa'i ye shes brnyes// gsung mchog dam pa de la phyag 'tshal bstod// 'gro med 'ong ba med pas las rab kI la ya// phrag dog 'byongs pas yi dwags 'jig rten stongs// 'chal bar dam skongs las kyi rigs kyang brnyes// don grub bya ba nan tan ye shes brnyes// phrin las dam pa de la phyag 'tshal bstod// e ma ho/ shes rab rang bzhin dag pa las// dbyings kyi rang bzhin gru gsum gsal bar mdzad// dbus nas byang chub sems kyis mtshan// skye med don rnams ston byed ma// shes rab dbyings ma de la phyag 'tshal bstod// dngos med dbyings las dngos po'i tshul 'dzin ma// rdo rje rigs kyi khro mchog dpal gyi yum/ nam mkha'i 'byung ba mi dmigs rang bzhin dang // chos kyi dbyings la mnga' brnyes khro mo rgyal// rdo rje rgyas 'debs ma la phyag 'tshal bstod// rtog med ngang las rtog pa'i tshul 'dzin cing // sangs rgyas rigs kyi khro mchog dpal gyi yum// sa yi 'byung ba mi dmigs rang bzhin dang // gsal ba'i dbyings la mnga' brnyes khro mo rgyal// rdo rje 'khor lo rgyas 'debs ma la phyag 'tshal bstod// mtshan med dbyings las mtshan ma'i tshul 'dzin ma// rin chen rigs kyi khro mchog dpal gyi yum// me yi 'byung ba mi dmigs rang bzhin dang // tsha ba'i dbyings las mnga' brnyes khro mo rgyal// rin chen 'khor lo rgyas 'debs ma la phyag 'tshal bstod// tshad med dbyings las chad pa'i tshul 'dzin cing // pad+ma rigs kyi khro mchog dpal gyi yum// chu yi 'byung ba mi dmigs rang bzhin dang // pad+ma 'khor lo rgyas 'debs ma la phyag 'tshal bstod// rmugs byed dbyings las rmugs pa'i tshul 'dzin ma// las kyi rigs kyi khro mchog dpal gyi gzungs// rlung gi 'byung ba mi dmigs rang bzhin dang // g.yo ba'i dbyings las mnga' brnyes khro mo rgyal// las rab 'khor lo rgyas 'debs ma la phyag 'tshal bstod// rol pa'i stobs las khro bo hUM ka ra// tshangs pa tshar bcad rnam shes hUM du sdud// skye shi rtsad gcod stong nyid ye shes snyems te mos pa'i dbang // khro rgyal hUM kA ra la phyag 'tshal bstod// bzlog pa'i stobs las khro bo rnam par rgyal// brgya byin tshar bcad ma byin len pa spangs// mtha' gnyis rgyal bas me long ye shes snyems te sems pa'i dbang // khro rgyal rnam par rgyal la phyag 'tshal bstod// 'joms pa'i stobs las khro bo dbyug sngon can// me lha tshar bcad log lha dbang du sdud// 'khor ba'i bag chags bcom ste ye shes snyems te ye shes la yang dbang // khro rgyal dbyug sngon can la phyag 'tshal bstod// 'jigs byed stobs las khro bo gshin rje gshed// gshin rje tshar bcad srog gcod dbang du sdud// 'chi bdag bdud bcom mnyam nyid ye shes brnyes// tshe la dbang mdzad khro rgyal gshin rje gshed la bstod// gzhon tshul stobs las khro bo mi g.yo mgon// srin po tshar bcad phra ma dbang du sdud// rtag chad mthar ma g.yos pas mtha' bral ye shes brnyes// tshe la dbang mdzad khro rgyal mi g.yo mgon la bstod// brjid pa'i stobs las khro mchog rta mchog dpal// chu lha tshar bcad 'dod g.yems dbang du sdud// rgyu 'bras rim par phye ste kun rtog ye shes brnyes// chos la dbang ba'i dbang rgyal rta mchog dpal la phyag 'tshal bstod// shugs 'chang stobs las khro bo gzhan mi thub// rlung lha tshar bcad ngag 'khyal dbang du sdud// gzhan gyi mthu bcom ma 'dres ye shes snyems te yo byad dbang // khro rgyal gzhan gyis mi thub pa la phyag 'tshal bstod// gzir ba'i stobs las khro bo bdud rtsi 'khyil// gnod sbyin tshar bcad ngag rtsubs dbang du sdud// bdud la rtsi btang nan tan ye shes snyems// las la dbang mdzad khro rgyal bdud rtsi 'khyil la bstod// gnon pa'i stobs las khro bo khams gsum rnam par rgyal// 'byung po tshar bcad gnod sems dbang du sdud// khams gsum las rgyal don yod ye shes snyems// smon lam dbang mdzad khro bo khams gsum rnam par rgyal la bstod// 'degs pa'i stobs las khro rgyal stobs po che// sa bdag tshar bcad tshig brlang dbang du sdud// khams gsum sku gsung thugs su stobs te che ba'i ye shes brnyes// rdzu 'phrul la dbang khro rgyal stobs po che la bstod// ye shes pa rol phyin pas khro mo sgra 'byin ma// tshangs pa'i chung ma tshar bcad ma rig skyon yang sel// stong nyid dbyings las chos nyid sgra sgrogs te// khro mo sgra 'byin ma la bstod// sbyin pa'i pha rol phyin pas ye shes rnam snyems ma// brgya byin mo ni tshar bcad zhen pa'i skyon yang sel// skye ba med pa'i dbyings las don brnyes te// khro mo rnam snyems ma la bstod// bsam gtan pha rol phyin pas rdo rje sder mo la// me lha mo ni tshar bcad shes bzhin skyon yang sel// rang bzhin med pa'i rjes su khams gsum thugs rjes gzung // khro mo sder mo ma la bstod// tshul khrims pha rol phyin pas khro mo dur khrod ma// gshin rje'i chung ma tshar bcad g.yeng ba'i skyon yang sel// mi dmigs dbyings su dngos po'i mtshan ma bsdus// khro mo dur khrod ma la bstod// bzod pa'i pha rol phyin las khro mo gtun khung ma// srin mo mtshar bcad 'chal pa'i skyon yang la// mtshan ma med pas 'khor ba'i bag chags bcom// khro mo gtun khung ma la bstod// brtson 'grus pha rol phyin pas rdo rje gtum mo ste// chu lha mo ni tshar bcad le lo dbang du sdud// chos nyid dag pa'i dbyings kyis 'gro ba'i don la gtum// khro mo gtum mo de la bstod// shes rab pha rol phyin las rdo rje mda' snyems ma// rlung lha mo ni tshar bcad rmongs pa sel// dag pa'i dbyings kyis nyon mongs gnad du brdeg/ khro mo mda' snyems ma la bstod// thabs kyi pha rol phyin las khro mo rdo rje rlung 'byin ma// gnod sbyin ma ni tshar bcad skur ba'i skyon yang sel// gsal zhing g.yo ba'i dbyings kyis bag chags sun 'byin ma// khro mo rlung 'byin ma la bstod// stobs kyi pha rol phyin las khro mo gsod ma ste// dbang ldan mo ni tshar bcad khong khro'i skyon yang sel// rtog med sgrol ba'i dbyings su sgrib pa'i bag chags bsad// khro mo gsod ma de la bstod// smon lam pha rol phyin las rdo rje bskyod ma ste// sa bdag tshar bcad rtsod ma dga' ba'i skyon yang sel// g.yos pa chen po'i sems kyis mi dge'i skyon bskyod de// khro mo bskyod ma de la phyag 'tshal bstod// rtog 'joms chen po'i ting 'dzin las// phra men pho nya phag gi mgo/ rmugs pa las byung tshangs pa'i bu pho dang // shes rab ma yin gsal bar byed// khro chung phag gi mgo la bstod// dpa' gtum chen po'i ting 'dzin las// phra men pho nya stag gi mgo/ bden med brgya byin bu dang rnam smin bde la btsud// khro chung stag gi mgo la bstod// rdzis tshor spong ba'i ting 'dzin las// phra men pho nya g.yag gi mgo/ gsal byed me lha'i bu dang tshul bzhin ma yin don dang bstun// khro chung g.yag gi mgo la bstod// dus 'jug chen po'i ting 'dzin las// phra men ma ste sha ba'i mgo/ chags pa las byung gshin rje'i bu pho dang // bden pa ma yin sel bar byed// khro chung sha ba'i mgo la bstod// spyod rdzogs chen po'i ting 'dzin las// phra men pho nya gzig gi mgo/ gnyis ka ma yin las byung srin po'i bu pho dang // ma rtogs pa ni yid ches pas// khro chung gzig mgo de la bstod// thabs mkhas chen po'i ting 'dzin las// phra men pho nya byi la'i mgo/ g.yo las gyur pa'i chu lha'i bu pho dang // brtson 'grus ma yin don dang ldan// khro chung byi la'i mgo la bstod// za byed chen po'i ting 'dzin las// phra men pho nya sbyang ka'i mgo/ tshul nyams las byung rlung lha yi// bu dang kha na ma zo med par byed// khro chung spyang ki'i mgo la bstod// rigs btsun chen po'i ting 'dzin las// phra men ma ste seng ge'i mgo/ mi dge las byung gnod sbyin bu pho dang // dge 'phel ma yin rgyas par byed// khro chung seng ge'i mgo la bstod// za byed chen po'i ting 'dzin las// phra men pho nya dred kyi mgo/ las log las byung 'byung po'i bu pho dang // rang bzhin med par mi shes 'bras bur che// khro chung dred kyi mgo la bstod// myos byed chen po'i ting 'dzin las// phra men ma ste dom gyi mgo/ myos byed las byung sa bdag bu dang gnyid sel te// khro chung dom gyi mgo la phyag 'tshal bstod// mi 'gyur chen po'i ting 'dzin las// phra men ma ste smig bu'i mgo/ chags pa las byung tshangs pa'i bu mo dang // sems rgod pa ni zhi bar byed// khro mo smig bu'i mgo la bstod// thogs med chen po'i ting 'dzin las// phra men ma ste bya rgod mgo/ yid g.yo las byung brgya byin bu mo dang // 'du byed sems pas dbang du sdud// khro mo bya rgod mgo la bstod// gsal byed chen po'i ting 'dzin las// phra men ma ste bya rog mgo/ phrag dog las byung me lha'i bu mo dang // dge la mi 'jug skul bar byed// khro mo bya rog mgo la bstod// mthong byed chen po'i ting 'dzin las// phra men ma ste 'ug pa'i mgo/ rtsod pa las byung gshin rje'i bu mo dang // tshig brlangs po ni dbang du sdud// khro mo 'ug/ pa'i mgo la bstod// thal byed chen po'i ting 'dzin las// phra men ma ste khwa yi mgo/ le lo las byung srin po'i bu mo dang // bag med pa ni rjes su bskul// khro mo khwa yi mgo la bstod// bkra byed chen po'i ting 'dzin las// phra men ma ste pu shud mgo/ spyod 'chal las byung chu lha'i bu mo dang // brlangs po spyod pa dge bar spyod// khro mo pu shud mgo la bstod// sgrib byed chen po'i ting 'dzin las// phra men ma ste khra yi mgo/ tshul khrims 'chal pa las byung rlung lha'i bu mo dang // khrel med pa ni chos nyid ngang du bcom// khro mo khra yi mgo la bstod// gso byed chen po'i ting 'dzin las// phra men ma ste pha wang mgo/ 'tsho ba las byung gnod sbyin bu mo dang // log pas 'tsho ba dang du len// khro mo pha wang mgo la bstod// btsal byed chen po'i ting 'dzin las// phra men ma ste sre mo'i mgo/ bdag 'dzin las byung dbang ldan bu mo dang // sems g.yeng rgod pa zhu bar mdzad// khro mo zer mo mgo la bstod// 'gug byed chen po'i ting 'dzin las// phra men ma ste byi ba'i mgo// nyon mongs mtshungs ldan sa bdag bu mo dang // g.yo dang sgra ni mi gnas te// khro mo byi ba'i mgo la bstod// don mthun las byung lha mo lcags kyu ma// zhi bas don mdzad tshad med snying rje brnyes// de bzhin rigs kyi mngag gzhug ma// lha mo pu shud mgo la bstod// don spyod las byung lha mo zhags pa ma// rgyas pas don mdzad tshad med byams pas brnyes// rin chen rigs kyi mngag gzhug ma// khro mo sgre ka'i mgo la bstod// sbyin pa las byung sna tshogs sgra sgrogs ma// dbang du spyod pas tshad med dga' ba brnyes// pad+ma rigs kyi pho nya las mkhan ma// lha mo srin bya'i mgo la bstod// snyan pa las byung lha mo dril 'khrol ma// drag shul spyod pas tshad med btang snyoms brnyes// las kyi rigs kyi mngag gzhug ma// gsang ba'i pho nya khra yi mgo la phyag 'tshal bstod// de nas yang gsang ba sngags kyi don gsol ba ni/ kye ma ho rdo rje khros pa'i sku gsung thugs gzhon nu mi bzad rgyan gyi 'khor lo de'i/ gsang ba'i sngags rnams bshad du gsol/ zhes gsol ba'i don thugs su chud de/ bcom ldan 'das rdo rje khros pa'i sku gsung thugs gzhon nus// dkyil 'khor gyi lha rnams kyi gsang sngags 'di rnams ched du brjod de// oM badz+ra ki li kI la ya sarba big+h+nAn baM hUM hUM hUM phaT/ oM badz+ra kI li ki la ya sarba big+h+nAn baM hUM phaT/ oM bud+d+ha ki li ki ya la sarba big+h+nAn baM hUM phaT/ traM rat+na ki li ki la ya sarba big+h+nAn pa hUM phaT/ hrIHpad+ma ki li kI la ya sarba big+h+nA na baM hUM phaT/ ha karma kI li ki la ya sarba big+h+nAn baM hUM phaT// oM badz+ra dip+ta tsakra ha na ha na hUM phaT// oM badz+ra kro ti dip+ta tsakra ha na ha na hUM phaT/ oM bud+d+ha kro ti dIp+ta tsakra ha na na hUM phaT/ traM rat+na kro ti dIp+ta tsakra ha na ha na hUM phaT/ hrIHpad+ma kro ti dIp+ta tsakra hUM phaT/ ha karma kro tI dIp+ta tsakra hUM phaT/ oM badz+ra kro ta hUM kA ra hUM/ gardza gardza hUM phaT/ oM badz+ra kro ta bi dza ya hUM/ ha na ha na hUM phaT/ oM badz+ra kro ta nI la daN+Da hUM phaT/ da ha da ha hUM phaT/ oM badz+ra kro ta ya mAn+ta ka hUM/ pa tsa pa tsa hUM phaT/ oM badz+ra kro ta Ar+ya a tsa la hUM/ ban+d+ha ban+d+ha hUM phaT/ oM badz+ra kro ta ha ya grI ba hUM/ hu lu hu lu hUM phaT/ oM badz+ra kro ta a pa ra dzi ta NAM/ tiSh+Tha tiSh+Tha hUM phaT/ zur chag oM badz+ra kro ta a mr-i ta kuN+Da li hUM/ ts+tshin+ta ts+tshin+da hUM phaT/ oM badz+ra kro trai lo kya bi dza ya hUM/ bin+da bin+da hUM phaT/ oM badz+ra kro ta ma hA ba la hUM/ s+pho Ta ya s+pho Ta ya hUM phaT/ oM badz+ra kr-ih+Na dwidI ba ya ti hUM phaT/ oM badz+ra kro tI lA se ki hUM phaT/ oM badz+ra kro tI twe tA hUM phaT/ oM badz+ra kro tI sta na pa ti hUM phaT/ badz+ra kro ti mu sa lI hUM phaT/ oM badz+ra kro tA dza ya ti hUM phaT/ oM badz+ra kro ti sha bya ti hUM phaT/ oM badz+ra kro tI sa byaM mi ta hUM phaT/ oM badz+ra kro ti ma ra NI hUM phaT/ oM badz+ra kro ti tsun+da ya te hUM phaT/ ha badz+ra sU ka ra mu kha hUM phaT/ ha badz+ra g+ha mu kha hUM phaT/ ha badz+ra tsa ma ra mu kha hUM phaT/ ha badz+ra ha ri Na mu kha hUM phaT/ ha badz+ra di pI mu kha hUM phaT/ ha badz+ra pi DA la mu kha hUM phaT/ ha badz+ra shwa na mu kha hUM phaT/ he badz+ra sed+ha mu kha hUM phaT/ he badz+ra tak+ShA mu kha hUM phaT/ ha badz+ra r-ik+Sha mu kha hUM phaT/ he badz+ra u se ka mu khI hUM phaT/ he badz+ra gr-in+d+ha mi khI hUM phaT/ he badz+ra dro Na mu khI hUM phaT/ he badz+ra u lA ka mu khi hUM phaT/ he badz+ra ka ka mu khI hUM phaT// he badz+ra bak+Sha ti mu khI hUM phaT/ he badz+ra pa ti mu khI hUM phaT/ he badz+ra ti tI la mu khI hUM phaT/ he badz+ra ba ku la mu khI hUM phaT/ he badz+ra ka si ka mu khI hUM phaT// dzaHbadz+ra b+hai ra be hUM phaT/ hUM badz+ra rat+na bag sha ta hUM phaT/ baM badz+ra a mr-i ta hUM phaT/ hoHbadz+ra ma ra Na hUM phaT/ ces rtsa ba'i lha rnams kyi ma nor ba'i rtsa ba'i sngags dang / bskyed pa rkyen gyi sngags dang // bskul ba las kyi sngags rnams ched du brjod do// rdo rje phur pa gsang ba'i rgyud chen po las/ dkyil 'khor rgyas par bstan pa las// sdud pa pos mchod cing bstod nas/ gsang sngags kyi don zhus pa dang / de'i lan rgyas par bstan pa'i le'u ste bcu gcig pa'o// // de nas yang rdo rje 'dus pa'i sras mchog kI la yas// bcom ldan 'das rdo rje khros pa'i sku gsung thugs gzhon nu la/ rmad du byung ba'i glu sna tshogs pas mngon par mchod nas// ma dad pa'i sems can chen po de dag la/ de lta bu'i mdzad spyod bstan pa/ e ma ho ngo mtshar ya mtshan can no// de'i rjes su 'jug pa'i gang zag dang ni gnas// 'khor dang phur pa yo byad dus tshod rnams// dpa' bo khyod kyis bshad du gsol// zhes gsol pas/ rdo rje khros pa'i sku gsung thugs gzhon nus gsol ba'i don thugs su chud nas/ khros pas bka' stsal pa/ nyon cig rdo rje 'dus pa'i sras// rnal 'byor don zhus ya mtshan che'o// e ma ho nyon la yid la zung / gang zag sgrub pa'i mtshan nyid ni// rigs bzang kun gyis bkur zhing kun la mdzes// dbyibs legs gsang ba nyon mongs chung // longs spyod ldan zhing sgo yang spyod pa mdzes// gang gi las la ma rmongs bzo ba'i bye brag phyed// phyi nang sde snod thams cad la// thos bsam bsgoms la rab sbyangs pa'i// las su dge bcu ldan zhing chos spyod tshad med ngang la gnas// bstan pa'i rgya mtsho 'dul khrims sdom pa yi// ngang la gnas te dam tshig bsrung // bla med theg pa rnam gsum la// bye brag sgrub pa'i nyams drod ldan// dkyil 'khor mtshan nyid phrin las bye brag phyed// ting 'dzin las su rung ba'i drod tshad rtags mthong ba'i// dbang gi rim pa ma lus rdzogs pa yi// de ltar ldan pa rdo rje bla ma yin// de yi phyi bzhin be'u ltar 'breng // de dang mi ldan skyon du gyur pa'i bla ma ni// gsang sngags spyad dka' 'bras bu bla ma la ltos pas// tho tso ras tshod gzu lums ma yin par// thabs kyi rim pas spang bar bya'o// gnas kyi rim pa bstan pa ni// gnod sbyin mo yis sbar rjes sam// gnod sbyin mtshon chas bshas rjes sam// klu bdud dag gi rgyu srang ngam// rten dang 'bral ba'i ya ga can// rnal 'byor bsam pas spang bar bya'o// spang na dngos grub myur bar bshad// ma spangs nam phugs rang la gnod// steng 'og par snang brtag pa ni// 'khor lo gnam la pad+ma sa// phyogs mtshams kun tu rdo rje brag/ gzhung ldan bkra shis dam pa'o// dbyibs legs lung pa ran pa dang // 'bru khung chu shing 'tshams pa dang // gcan gzan mi rgod nyam nga med// mi dang mi min rgyu srang nyul// 'di ni yid 'ong dam pa ste// de ni dang du blang bar bya'o// spang dang dang du blang ba ni// bdag gi ting 'dzin nyams dang sbyar// ting 'dzin zab na ngan pa bdam// ting 'dzin g.yel na bzang po bdam// ting 'dzin drod dang ldan gyur na// ngan pa'i las rnams gong ma der// sgrub pa la sogs byas na yang // ngan pa'i las kyis ran pa 'grub// las la phan 'dogs yod pa dang // grims phyin shugs kyis ting 'dzin gsal// bzang po'i las su bsgrub gyur na// yun du bsring na phung 'ching med// de bas gzhung dang ldan par bya'o// 'khor gyi rim pa bstan pa ni// kha gtsag g.yo sgyu med pa dang // rem la nyams shed ldan pa dang // brling po gzhan gyis bslu bar lci// skos nyams dus la rub pa ni// gang zag pho mo de lta bu// sgrub pa phyi yi 'khor du bya// rgyal thebs stobs dang ldan pa dang // las mkhan bye brag phyed pa dang // brtul zhugs 'chang ba'i ging chen dang // drod tshad zin pa'i spyan mthong dang // gtsang sbra phyed pa'i g.yos pa ni// sgrub pa rtsa ba'i dkyil 'khor du// rigs bzhi 'os bzhi tshul bzhi dang // yon tan bcu gcig ldan pa ni// tshan ldan bkra shis yum mchog ni// dgyes skoslong gsang ba'i 'khor du bya'o// phur pa yo byad mtshan nyid ni// phur pa'i rgyu ni 'di lta ste// dngul lam dkar po'i shing rnams ni// zhi ba'i phur pa'i rgyu ru bshad// gser ram ser po'i shing rnams ni// rgyas pa'i phur pa'i rgyu ru bshad// zangs sam dmar po'i shing rnams ni// dbang du phur pa'i rgyu ru bshad// lcags sam nag po'i shing rnams ni// drag po'i phur pa'i rgyu ru bshad// rmig zlum rkang la zhi ba bya// 'dab chags rkang la rgyas pa bya// rkang leb rkang la dbang yang bya// sder chags rkang la drag po bya// lo ma me tog yal ga med// shir shing nag po'i myu gu la// drag po'i phur pa bya bar bshad// pho mo 'dod pa'i srid ma zin// slos po ru leb mtshan la ni// de la dbang gi phur pa bya// pho dang mo yi mtshan ma dang // ma ning nag po'i mtshan ma la// de la rgyas pa'i phur pa bya// bu tsha rigs rgyud srid ma zin// dre'u rta nag po'i mtshan ma ni// de la zhi ba'i phur pa bya// 'di ni kun rdzob phur pa'i rgyu// rtogs pa'i don la mi dgos pas// ma rtogs don du bstan par zad// kun gyi rgyu ni byang chub sems// byang chub sems kyi don rtogs na// gzhan nas rgyu nyid btsal mi dgos// btsal yang rgyal bas mi rnyed do// phur pa'i tshad ni 'di lta ste// rang byung chen po'i phur pa las// sems nyid gsal ba'i tshad btang na// don dam du ni mi dgos te// dman pa'i don du tshad bstan to// sor bzhi pa dang sor drug pa// bcu gnyis su ni yang dag bshad// rtse mo'i phyogs ni ma nor bar// rtsa ba la ni rgya mdud bya// myu gu'i ngos su rtsi mo bya// spyi bor sor gcig rgyan mdud bya// sked par de bzhin bya ba ste// stod kyi dbyibs ni sor brgyad la// rtse mo zur gsum zer sor bya ba ni// zlum po gru bzhi zla gam zur gsum ste// rtse mtshan so so'i dbyibs su ni// dbang drag gnyis ni chu srin kha nas byung // zhi la zur drug rgyas la brgyad// ri rab lta bu brjid che ba// kun rdzob dbyibs su byas pa yin// khrag 'thung 'bar ba thugs kyi ye shes la// yon tan tshang paba'i tshul lam dbyibs// de nyid rtogs na 'di mi dgos// rgyu rkyen ma 'gags don shes na// rtsa ba rtse mo dbyer med do// ma rtogs pas na de bstan no// legs pa'i yon tan bsam las 'das// legs na yi rang dod na gdung // nyes pa'i skyon ni 'di yin te// gang dgar byas na bka' las 'gal// snyed bcod byas na tshul las nyams// ngan dgur bshams na rtog par 'gyur// byams pas phyogs med phan gdags shing // ma chags dga' bas mngon bsgrubs te// byams pa phan gdags smon pa bya'o// las ni 'bum lnga'i bshags pa ste// sku yi dam tshig nyams pa bshags pa tsha tsha 'bum// gsung gi dam tshig nyams pa bshags pa gsung rab 'bum// thugs kyi dam tshig nyams pa bshags pa srog 'don 'bum/ khyad par dam tshig nyams pa bshags pa tshogs mchod 'bum// lhag pa'i dam nyams gang la bshags pa 'bum/ 'bum lnga'i bshags pas sdig pa mtshams med 'byang bar 'gyur// nyon cig rdo rje 'dus pa'i sras/ 'bum phrag tsha tsha gdab cing bshags shing bskang gso rgya cher bya'o// las dang don dam kun rdzob sems bskyed dgos pa ni// dper na ras dkar tshos su 'dzin pa bzhin// rnal 'byor pa yi nyes pa dag gyur na// bde gshegs skur 'gyur 'di la the tshom med// ma dag rgyu yis mi 'grub ste// dper na sa bon rtsi nyams pas// 'bras bu 'byung ba ga la srid// de nas nan tan cher bskyed nas// sngon du 'gro ba'i don la dad cing brtson par bya// zhes gsungs so// de skad gsungs pas rdo rje 'dus pa la sogs pa 'khor rnams ni/ phyi rabs pa'i rnal 'byor pa'i don du sngon du 'gro ba la gus pas don thugs su chud par gyur to// rdo rje phur pa gsang ba'i rgyud chen po las// rnal 'byor sngon du 'gro ba'i don rgyas par zhus lan du bstan pa'i le'u ste bcu gsum pa'o// // de nas yang rdo rje 'dus pas// bcom ldan 'das la yang rmad du byung ba'i mchod pas mngon par mchod de/ 'di skad ces gsol to// e ma bde gshegs bcom ldan 'das// rigs dang ye shes kun gyi 'byung gnas te// dam chos bye brag kun la mnga' brnyes pas// ji ltar sbrul kyang thugs kyi gdeng mi g.yo// sku gsung thugs kyi bdag la phyag 'tshal lo// zhi ba rjes su sgrub 'dod pas// bdag nyid dang ni gnas dang 'khor// sa cho ga sta gon dkyil 'khor cho ga'i rim pa dang // 'jug dang dbang bskur phan pa'i yon tan skyon dang las kyi mtha' btul rnams// bde gshegs rgyal ba khyod kyis bshad du gsol// zhes gsol pas/ gsol ba'i don thugs su chud de// dkyil 'khor 'byung ba'i ting nge 'dzin la zhugs te/ 'di skad ces gsungs so// e ma bde gshegs 'dus pa'i gtso// dkyil 'khor rgyas pa'i don zhus ya mtshan che'o// nga yis bshad kyi khyod kyis nyon// rdo rje bla ma'i mtshan nyid ni// blo yangs rgyud la mkhas pa dang // sems kyi rnam rtog choms pa dang // ting 'dzin las su rung ba dang // phyi nang sde snod thams cad la// som nyi med de the tshom med// sran thub mi ldog dad pa che// gsang ba sbas pa'i thabs mchog rnams// snod ngan phal la mi spel ba// rdo rje rigs kyi bla mar gsungs// rkyen thub mi ldog dam tshig gnas// yid kyi sgo nas shin tu sbyangs// man ngag lung la rtag dga' zhing // sna tshogs sna tshogs ci sgo nas// bla ma'i thugs ni mnyes byed pa// rdo rje rigs kyi bu yin te// gsum mam bcu phyed man chad do// ri bo 'dus pa'i rtse rnams dang // mdangs dkar shar du gzhol ba yi// gangs ri rdo rje'i brag dkar ni// rdo rje rigs kyi sgrub gnas yin// sa yi cho ga bstan pa ni// gnam dang sa dang bar snang rnams// rdo rje'i gur btsal brag ri brtags// de nas bus gang tsam du rko// sa yi ro lnga bsal byas nas// sa de nyid kyis dgang bar bya// khengs nas lhag na dngos grub rab// kha ta chad na dngos grub 'bring // ma khengs gyur na gzhan du spro// mngon du snang ba'i mi rnams la// rin chen rin nam bden pas bslang // bdag nyid lha yi rnal 'byor pas// mchod dang gtor ma nges thogs nas// lag gnyis 'khor los sa yi lha mo sbran// mchod la dbang bcol bden tshig bsgo// de bas legs shing dang bar bya// yo byad dam pa byang chub sems// sems kyi stobs kyis rtsol nus na// thams cad ma lus yo byad yin// lha grangs tshang ba'i phur pa dang // bsgrub pa rdzas kyi phur pa dang // nyung dkar gu gul rak+ta rnams// bsgrub pa rtsa ba'i yo byad do// phyi nang gsang ba'i mchod rdzas te// bdug pa mar me me tog bshos// gtor ma bdud rtsi rak+ta dang // gtso gzungs lhag pa'i byang chub sems// mchod pa gsang ba'i yo byad do// dur khrod sha khrag la sogs pa'i// khyi spyang wa 'phar sha khrag dang // mar zhag 'o ma khrag rnams kun// ma mo bsten pa'i yo byad do// rabs chad nag po'i thod pa dang // lcags sna lnga yi phur pa ni// dam sri mnan pa'i yo byad do// mdzes pa'i gtor ma phur pa bcu// 'bar ba mtshams kyi yo byad do// shun chen ko ba stag lpags dang // dar gyi snying non phyag rgya'i phur rung dang // cod pan stod g.yogs smad dkris sbrul chun rnams// sngags pa rgyan gyi yo byad do// mAM sa pany+tsa dza gad tshe// tshim byed kun tu rgyug pa dang // gal phyi ka ta ri dang zla tshes dang // zla phrom zla rgyas a sa la// 'byor pa tshogs kyi yo byad do// sman dang smra ba gtsags ma ni// nad 'joms sman gyi yo byad do// go dang phub dang mtshon cha rnams// bar chad dgra bzlog yo byad do// bya nag lug nag bsgral ba'i zhing // nyams chag skong dang rkyen bzlog yo byad do// de ltar bstan pa'i yo byad rnams// sgrub pa lo zla'i yo byad ldab tu bya// ma sma pa dang ma sme ba'i// tshogs par 'grub 'gyur the tshom med// byang chub sems ni rgyu yin te// phyi ma'i rkyen gyi tshul du gnas// rgyu rkyen tshogs pas 'bras bu chud mi za// 'jug pa'i dus tshod bstan pa ni// rnal 'byor bsgrub pa'i don ldan na// dus tshod med de kun kyang dus// spyod yul kun tu sgrub pa'i dus tshod yin// ma rtogs don du 'di bstan no// dbyar dgun ston dpyid nam sla tshar ba bzhir// dbyar gyi ngo la 'jug pa ni// dbyar dgun ston dpyid zla dus so// stag glang rta bya'i nyi ma la// phur bu mig dmar nyi ma pa wa sangs// rgyal stod rgyal smad spo dang wa// nyi ma skar ma gza' dus su// yo byad ma lus tshogs 'gyur na// sgrub pa la 'jug dus tshod yin// ma tshogs bar du dus tshod med// ces pas ni/ phyis rjes su 'jug pa'i gang zag rnams phun sum tshogs pa drug gi don gyis sgrub pa'i gzhi bzung ba la mgo mi rmongs par 'gyur ro// rdo rje phur pa gsang ba'i rgyud chen po las/ phun sum tshogs pa drug gis sgrub pa'i gzhi bzung ba/ zhugs len du bstan pa'i le'u ste bcu gnyis pa'o// // de nas yang rdo rje 'dus pa'i sras mchog kI la yas// phyi rabs kyi rnal 'byor pa rnams// sngon du bya ba'i cho ga la mgo mi rmongs par bya ba'i phyir na/ bcom ldan 'das rdo rje khros pa'i sku gsung thugs gzhon nu ma la 'di skad ces gsol to// e ma ho sangs rgyas rgyal ba'i mchog/ rjes su 'jug pa'i rnal 'byor pas// sngon du bya ba'i las ni gang // rgyal mchog khyod kyis bstan du gsol// zhes gsol te// bcom ldan 'das kyis bka' stsal pa ni/ rnal 'byor sngon du bya ba'i las// don dam kun rdzob gsum yin te// don dam sngon du 'gro ba ni// 'bras bu ye shes tshogs 'dod phyir// bde ba'i stan la 'dug nas ni// bsam gtan gyi ni phyag rgya lngas// lus sems mnyam par bzhag byas te// stong pa chen po'i ting 'dzin ni// dam pa don gyi byang chub sems// rgyu rkyen gang las ma byung zhing // mi 'gyur byang chub brtan par bzung // kun rdzob sngon du 'gro ba ni// bdag nyid lha yi byang chub sems// bde gshegs sras bcas spyan drang bzhugs gsol dmigs// phyag 'tshal mchod pa ci 'byor 'bad// sdig bshags yi rang skyabs gsol zhing // 'gro ba ma lus don gyi phyir// snying rje mchog gis gzhi bzung ste// sa bdag 'khor lnga nyid la ni// gtor ma byin te gzhan tu btang // nyi ma rim par 'gro ba bzhin// lto/ 'phye gzhung du brtags nas ni// lnga tshan nyi shu rtsa lnga nyid// sa bdag nyid la dbul bar bya'o// rgyal po rnams la khru bcu gnyis blon po rnams la brgyad du bya// dmangs la de bzhin drug yin te// shin tu 'thas shing legs byas la// dmigs su med pa'i ting 'dzin gyis// dmigs med ngang du dag par bya// dkyil du gtsang ma'i gdan bting la// gdeng ldan bdag nyid mdzes byas dbus su 'dug/ zur ga/ shiSh+Ta bzhi nyid phyogs bzhir gnas// dus gsum bzhugs kun spyan drang mchod// yid kyis rdo rje'i bzlas pa bya// de nas blo ldan bzhi po yis// rigs bzhi'i ngang la gnas nas su// dkyil 'khor chen po shod cig ces// sngon byung bzhin du gsol ba gdab// de nas phyir nyid song nas ni// rdo rje'i stabs dang rol pa'i gar// rdo rje'i lta bas kun bltas te// bar chad bgegs bskrad dkyil 'khor bsrung // gzhung las 'byung ba de byas na// de la bar chad yongs mi 'byung // gzhung dang mi ldan las byas kyang // ngal ba'i tshe chad don med 'gyur// des na nan tan bskyed par bya// sta gon rim pa bstan pa ni// rin chen bum pa brgyad nyid la// gtsang sbra dag byas dri yis byug/ phyag rgya bris nas gdan la bzhag/ bgegs bskrad bsang gtor rim par byas// stong nyid ngang las gzhal yas khang // gcig ni las te gnyis pa mchod pa yin// gsum pa khams gsum rnam rgyal te// lnga pa tshom bu'i dkyil 'khor bskyed// rang bzhin dkyil 'khor spyan drang mchod// mchod pa gsum gyis nges mchod la// lnga tshan nyi shu rtsa lnga nyid// sngags dang ting 'dzin gsal rdzogs nas// kha rgyan btsugs te gzungs zag gdags// rdo rje bzlas pa brgya rtsa brgyad// lha rnams kun la tshang bar bya// bum pa ma lags rgyal po lags// rgyal po sngags kyis btab nas ni// rgyal po chen por mnga' gsol gyis// rgyal po'i tshul du bzhugs su gsol// phyi nang gsang ba'i mchod rdzogs nas// mda' dang phur bu ral gri dang // me long dar sna srung skud dang // dbu rgyan snying nan phyag rgya'i phu rung dang // stod g.yogs smad dkris dkar por bya// dbang du gsol ba'i lha mo nyid// mchod nas sa gzhi nyid la bstim// pho brang dbus nas sgo bzhi ru// dri yi thig le bzhi bcu gnyis// rtsa ba'i sngags kyis mdzes byas la// spyan drang bstim mchod gsal ba gdab la// rdo rje 'chang chen 'di zhes pas// nam langs gyur nas dkyil 'khor bri// khyed rnams la ni mchod byed dang // slob ma rjes su gzung ba'i phyir// rab tu bsten te 'jug par bya// sta gon la ni gnas par mdzod// sngon tshe dbang mdzad lho mo khyod// bdag cag sgrib sbyong tshogs skyed phyir// sngon gyi rgyal ba'i bka' bzhin du// sta go na la ni bzhugs su gsol// oM AHhUM sA hA dz+nyA na pany+tsa hUM phaT/ au d+hU pa sid+d+hi hUM/ rat+na maN+Da la sid+d+hi hUM/ bru hi gar+b+ha sid+d+ha hUM/ a mr-i ta A be sha a a/ oM AMHhUM sid+d+hi gu ru a/ pany+tsa li ka A be shA A/ kalpa br-i k+Sha hUM AH/ blo ldan khrus kyis dag byas nas// mdun bstar me tog lag thogs nas// skye rgas na dang 'chi ba yi// chu srin pir sogs 'jigs byed pas// 'dod par mdzad pa khyod 'ba' zhig/ dga' chen khyod bdag ston pa bas// mgon po chen po bdag la stsol// byang chub chen po'i tshul bstan pas// dam tshig chen po bdag la stsol// byang chub sems kyang bdag la stsol// sangs rgyas chos dang dge 'dun te// skyabs gsum dag kyang bdag la stsol// thar pa chen po'i grong mchog tu// mgon po chen pos gzhug tu gsol// dbang ldan phyogs su dkyil 'khor ni// tshom bu lnga dang ldan par bya// bskyed dang bstim phyag mchod gzabs te// oM badz+ra kro ta hUM hUM phaT/ tsakra sa twa A~M/ pad+ma sa twa hrIH/ badz+ra sa twa hUM/ sku gsung thugs su sbyar byas nas// lus ngag yid gsum bsrung ba dang // rnam thar la ni dgod pa'i phyir// byin gyis brlab pa'i gnas mdzod cig/ bu tshur theg pa chen po yi// khyod ni tshul chen snod yin pas// gsang sngags spyod tshul cho ga ni// khyod la yang dag bshad par bya// dam tshig dam pa bstan par bya'o// byang chub sems kyang bskyed par bya// 'khor ba dag las bskyab par bya'o// dkyil 'khor chen por gzhug par bya// phyi nang gsang ba'i dbang bskur bgyi// da ni dad par rab tu skyed// oM a mr-i ta kuN+Da li hUM phaT// bsrung ba'i don du bsrung skud la// bdud rtsi 'khyil pa'i sngags kyis gdab// slob ma'i dpung pa g.yas par bcings// lus kyi nyes pa dag pa dang // bsrung dang sta gon gnas par mdzod// oM badz+ra a 'dzis sham pa ri na hUM phaT/ dur khrod so shing dor ba nyid// ngag gi nyes pa bsal ba'i phyir// dkyil 'khor gang du rab tu dor// dbang gis ltas rnams bstan du gsol// bi shud+d+he sarba hi ni hUM phaT// sa sham sho d+ha ya/ sarba bi na ya hUM phaT/ bdud rtsi chen po chu nyid las// gsang ba'i sngags kyis btab nas te// blud nas lus kyi nyes pa dag/ sta gon la ni gnas par mdzod// theg pa gzhan nas ldog bya'i phyir// theg pa chen po'i spro ba bskyed// bdag nyid chen po'i 'khor rnams kyis// de ring bdag nyid thob pa nyid// gang gis khyed cag rgyal ba kun// sras dang bcas pas bstan 'di la// skye bzhin pa na bdag chen gyis// thams cad yongs su 'dzin la gnas// des na khyed cag theg chen la// rigs bzang po ru nges par 'gyur// de yi lam mchog dpal dang ldan// theg pa chen po las byung ba'i// khyed rnams kyis ni bgrod gyur pa'i// ma 'ongs pa na bde gshegs 'gyur// yod med dag las rnam par 'das// nam mkha' lta bur dri ma med// chos rnams kun la zab gyur cing // rab tu spros te gnas med pas// spros pa thams cad spangs pa yin// rab spros rnams kyis rab tu spros// theg pa chen po'i tshul gnas na// 'di nyid du ni chos thos 'gyur// seng ge'i nyal thabs rab tu brtags// ku sha mu gu rtse ma nyams// de las byung ba spyi bor gzugs// gzhan dag stan du gding bar bya// 'di ru nyol la ji lta bar// rmi lam mthong ba ston cig ces// de skad brjod la slob ma bskal// de nas sa stegs gru bzhi la// dam rdzas bdud rtsis ga dar bya'o// srad bu dog pa kha dog lnga// ma nor phyogs bzhags mchod pa bshams// bde gshegs rig lnga'i rgyal ba la// mchod gsol ye shes thig blangs nas// srad bu nyid la thim gyur nas// blo ldan grogs mchog yid 'ong gzugs// gsal bar ldan nam byin gyis brlab// chags bskyed sbyor ba'i brdas bskul te// byang chub sems ni bsnol mar bstims// srad bu nyid kyang byang chub sems// de las rdo rje'i skur gyur te// dag pa tshangs pa'i thig gis ni// rang bzhin dkyil 'khor gsal bar bya// de nas thig cha rim par dbye// mtshan ma ye shes thig tu gsal// rin chen lnga yi phye ma la// yang na 'bru sna rnam lnga ste// yang na sa dang rdo la bya// byin brlabs bsam rgyud nges par bzhag/ mkhas pas thogs la dkyil 'khor bri// srad bu'i tshad ni dkyil 'khor nyis 'gyur te// sar pa legs bkal dgu bsgril ba// mdzes shing gsher ba byas pa yis// dang la tshangs thig gdab bya ste// bla ma shar la blo ldan nub// bdag nyid me lha'i mtshams 'dug ste// blo ldan rlung gi phyogs song ste// tshangs thig dang po gdab par bya// bdag nyid gshin rje'i gom stabs kyis// bdag nyid lho yi phyogs song ste// blo ldan gnod sbyin phyogs 'dong ste// tshangs thig gnyis pa gdab par bya// bdag nyid srin po'i phyogs song la// blo ldan byang shar nyid song ste// gru thig gnyis pa gdab par bya// bdag nyid rdo rje'i gom stabs kyis// bskor nas me lha'i phyogs song ste// shar gyi thig cha rim par dbye'o// phyogs gzhan de bzhin bsgyur te gdab// gdab pa srad bu'i thig tu gsungs// kha dog don ni rigs dang sbyar// re khA gre so bslang ba 'dra// mtshon rtsi kha ba bab pa bzhin// g.yas su bskor zhing rgyun mi gcad// ye shes thig la mi 'gong ste// ting nge 'dzin gyis 'og nas 'dzul bar bya// dbus su sngags kyi bdag po ni// rdo rje gzugs dang bcas par bri// cho ga bzhin du mdzes par dgod// spyan sngar rdo rje 'dzin rgyal te// 'khor los sgyur dang rin chen 'byung // pad+ma 'chang dang sna tshogs las// phyogs kyi 'khor lo'i gdan dag la// gzugs dang bcas pa dgod par bya'o// phyi rol 'khor lo'i rtsibs brgyad la// sems dpa' brgyad dang sems ma brgyad// rim pas spel te dgod par bya// bar khyams la ni thub drug ste// sgo bzhi sgo srang 'khor dang bcas// sku'am phyag rgya'am yi ge'am// ma nges pa ni rgyal bas gsungs// bla re 'phan gdugs la sogs dang // rgyal mtshan brgyad nyid 'bar 'dra gzug/ gzhan yang dkyil 'khor ma lus dang // mchod dang rol mo ci 'byor 'bad// dkyil 'khor bca' ba'i rim pa'o// cho ga'i rim pa bstan pa ni// bskyed dang dbang bskur rim pa dag/ sngon byung bzhin du rjes 'jug pa// de nas rnal 'byor can gyis ni// dbyings nas dkyil 'khor spyan drang mchod// mchod dang bstod pa'i las kyang bya// mnyes nas nye bar 'grub pa'o// 'jug pa'i rim pa bstan pa ni// de nas slob ma gdong g.yogs te// bgegs bskrad sangs gtor bdug pa bya'o// dkyil 'khor gtso bos dkyil 'khor du// slob ma rab tu 'jug tu gsol// sems can don du bdag stsol bas// bzod par mdzad de dgongs su gsol// skal dang ldan pa'i rigs kyi bu// las gang spyod pa ci la dga'// bdag ni gsang ba'i dkyil 'khor du// 'jug par 'tshal te bag chags kyis// bsgrib pa rab tu sbyangs byas te// rdo rje gsang ba'i dkyil 'khor du// dbang ni nod par 'tshal lags so// khyod ni de ltar 'dod yin na// snod dang ldan pa'i mtshan nyid dang // dad pa chen po'i snga ltas su// yon dang dad pa ci zhig yod// bdag gi lus dang srog la ma chags par// rta dang glang po nor gyi dbyig/ gser dngul bya ris zor sgrogs dang // g.yu dang byu ru man shel dang // g.yi sbyang dar zab gos kyi mchog/ 'bangs dang rkang 'gros yul mkhar rnams// ma zhum pa yis dbul bar bya// dga' chen khyod bdag ston pa bas// mgon po chen po bdag 'tshal lo// byang chub chen po'i tshul bstan pa// zhi ba'i dam tshig bdag la stsol// dpa' bo chen po dbang gi lha// sdom pa bdag la bshad du gsol// sangs rgyas gar mkhan las byung ba'i// gsang ba chen por 'jug par 'tshal// phyir mi ldog pa'i dkyil 'khor du// rdo rje gsang ba'i dkyil 'khor du// rdo rje gsang ba'i dbang mchog skur// gsang ba kun gyis rigs tshogs su// bdag ni mra 'ongs slob dpon shog/ de ring khyod kyi snying la ni// rdo rje sems dpa' yang dag gnas// gal te tshul 'di dral 'gyur na// skad cig gcig gi dral te gshegs// de bas dam las ma 'da' zhig/ oM badz+ro da ka hUM/ de ring phan chad bu khyod kyi// phyag na rdo rje nga yin gyi// nga yis ji skad bsgo ba bzhin// nges pa kho nar bya dgos so// bdag la smad par ma byed cig/ gal te smad par byas na ni// tshe yi 'du byed byas nas kyang // dam chu 'di yis rkyen byas nas// dmyal ba'i rdo rjer 'gyur ta re// skal dang ldan pa rigs kyi bu// khyod kyis bsrung bar bya ba ni// lha dang bla ma spun mi spang // sngags dang phyag rgya rgyun mi gcad// gsang ba gzhan la spel mi bya// sku gsung thugasas kyi dam tshig ste// rtsa ba'i dam tshig nges thub na// dam chu 'di yis rkyen byas nas// ye shes sems dpa' nyid du 'gyur// me tog phreng ba bzang po 'di// dkyil 'khor gtso bo rab drung dor// 'gro la phan pa'i gtso chen gyis// sman par dgongs nas bzhes su gsol// pra tI ts+tsha ho// bde gshegs rgyal ba'i dkyil 'khor du// rig pa'i me tog 'di bor bas// gang la bab pa rigs kyi lha// gtso bor rigs te bsgrubs nas ni// dngos grub rigs ni the tshom med// skal ldan khyod la sbyin par bya// de ring phan chad bu khyod kyi// mtshan ni rdo rje che ge zhes// rdo rje kun grags yin par nges// rdo rje'i mtshan gyis kun grags shog/ sngon gyi mig mkhan rgyal po yis// gser gyi gtsags bu thogs nas ni// mig gi ling tog bsal ba ltar// thugs rje ye shes thabs ldan pas// mi shes pa yi rab rib dang // ma rig mun pa bsal du gsol// deng khyod rdo rje sems dpa' yis// mig kun nye bar zhi mdzad pa'i// mig dbye ba la brtson par bya'o// rdo rje'i mig ni bla med 'gyur// badz+ra dz+nyA na tsak+Shu pra be sha phaT/ chos rnams gzugs brnyan 'dra ba yi// rang bzhin dag pas rnyog pa med// gzugs brnyan gsal ba'i dkyil 'khor gyi// kun gyis dri ma med mthong shog/ dkyil 'khor 'di la da lta nyid// dad pa'i thugs kyis blta bar gyis// khyod kyang sangs rgyas rigs las skyes// sngags dang phyag rgyas byin brlabs kyi// dkyil 'khor bzang po 'di la ltos// badz+ra maN+Dal prA be sha ho// mya ngan mi 'da' thugs rje'i ngang // nyon mongs mi spong gos pa med// ma chags rang bzhin dag pas na// pad+ma'i gdan la bzhugs gsol// dbang bskur bar bstan pa ni/ byang chub sems rdo rje sangs rgyas kyis// bden pa chen po ji ltar byin// bdag kyang bsgral ba'i don slad du// nam mkha'i rdo rje bdag dbang skur// rin po che yi dbang 'di ni// sangs rgyas kun gyis rab gsungs te// mkhas pa kun gyis phyag byas pa'i// gnas las byung ba sbyin par bya'o// tra gsang ba gsang mchog mya ngan 'das// de la sogs pa gsang ba kun// don du brtags shing mnyan pa las// kun la bsgrag par bya ba min// d+harmA d+hA tu maN+Da la hUM A be sha A// hrIHbye ba brgyad cu'i sgra dbyangs kyis// gang 'dod skyes bu tshim par byos// shes rab don gyi dmigs dang sbyar// che chung don gyis so sor bsgrags// yongs la bsgrag par bya ba min// AM d+harmA d+hA tu pra be sha phaT// ha yi 'bar ba'i tshogs mchog la// karma'i tshogs mchog gsal sgro thim// khyod ni las rnams byed pa yin// rnam bzhi'i phrin las kun byos shig/ e baM mA yA maN+Da la sid+d+hi hUM/ rgyal ba'i gdung 'tsho ba sras chen po// sku gsung thugs kyi rdo rje zung // gnyis med rgyal bas mnyes mchod pa// bde gshegs rgyal ba kun dang sbyor// sa mi ta hUM badz+ra kA ya badz+ra hUM/ phyogs bcu 'jig rten stong gsum du/ rigs mchog rnams kyi phyag rgya tshul// dkyil 'khor kun gyi byed pa por// thams cad ma lus dbang rnams sbyin// oM AHhUM swA hA// ma hA gu ru hUM/ glegs bam chag shing rdo rje dril bu dang // cho ga gsum ldan me long phyag rgya rnams// rna ba lce dang snying mgo lag pa g.yas pa ru// oM AHhUM swA hA/ rin chen pad+ma rdo rje 'khor lo gzhal yas su// 'phro 'dus rigs gsal spyan dang bstims mchod bzlas pa bya// gsol gdab thim gyur so so'i dbang dang ldan par bsam// sbas pa shes rab ye shes dbang // gnas dang bla ma gzungs bcas te// ting nge 'dzin gyi dkyil 'khor du// skal ldan bu yis me tog par// de nas bla ma slob dpon gyis// rdo rje rigs kyi bu mchog la// yang dag sems kyi gtan tshigs bzhin// bus kyang ji bzhin nyams su blangs// bum pa dbu rgyan cod pan dang // snying po lnga dang phyag rgya lnga ste sku lnga dang // phreng ba gdugs dang go cha bza' btung dbang byin no// de bzhin gshegs kun khrus gsol pa'i// ji ltar bltams pa tsam gyis ni// lha yi chu ni dag pa yi// dbang mchog dam pa bskur bar bya'o// A~M na maHsarba ta thA ga ta a b+hi She ka te sa ma ya hUM/ sangs rgyas kun gyi rin chen rtse// dpag tu med pa'i 'od dang ldan// rdo rje 'khor lo rin chen dang // pad+ma rgya gram khang bu lnga/ ze'u dbrog khang bum dbang bskur ro// badz+ra bud+d+ha rat+na pad+ma khaD+ga mU kA Ta traM traM/ cod pan 'di ni mdzes pa ste// ye shes lnga ldan cod pan 'dis// rtag chad gnyis las grol 'gyur zhing // 'khor ba'i nyes pas mi gos pa'i// mya ngan 'das pa'i gau 'phang thob par shog/ mau ta thA ga ta badz+ra le b+ha a b+hi Shiny+tsahA// e ma hA sangs rgyas thams cad kyi// yi ge gsung gi phyag rgya'i tshogs// gsung gi de nyid bsdus pa'i don// de bas snying po lnga yis dbang bskur ro// oM AHhUM swA hA// de bzhin gshegs pa kun gyi thugs// rdo rje 'khor lo rin chen dang // pad+ma ral gri mtshon chen lnga// phyag rgya lnga yi dbang bskur ro// oM badz+ra tsakra rat+na pad+ma khaD+ga mu dra hUM phaT// e ma ho bde gshegs kun gyi sku// mtshan dang dpe byad dpag tu med// mi 'gyur mi shigs rigs kyi gtso// de bas rigs lngas dbang bskur ro// oM satwa badz+ra hUM/ bai ro tsa na au/ rat+na sam+b+ha wa traM/ pad+ma a mi d+he ba hri/ karma a mo g+ha sid+d+hi a/ gzung dang ting 'dzin me tog phreng // sangs rgyas kun gyis bsngags pa te// sku yi rgyan du gyur pa'i phyir// de bas phreng bas dbang bskur ro// oM rat+na mA le praH ho/ stong pa'i go cha bla na med// mtshan ma'i dngos po kun bcom nas// phyin ci log gi bgegs chen bsrung // de bas go chas dbang bskur ro// badz+ra kA wA tsa badz+ra rak+Sha hUM hUM// gdug mdzes gser gyi yu ba can// skyabs chen byams pa chen po ste// nyon mongs gdung ba sel ba'i rtags// de bas gdugs kyis dbang bskur ro// oM badz+ra sUr+ya rat+na a b+hi Shiny+tsa hUM/ bza' dang bca' dang btung ba'i tshogs// kha mngar sbyar bska 'am brlag ro mchog ste// dza gad tshe dang zla rgyas dang // tshe 'dzin mAM sa kun tu rgyu// tshims byed 'jam des zhal zas kyis// nyin mtshan rtag tu bde legs shog/ oM sarba ta thA ga ta pU dza sa ma ya hA/ gsang ba nang gi dbang bskur ro// yid du 'ong ba'i gnas dag tu// bla med rdo rje slob dpon gyis// me tog phung po'i dkyil 'khor bya// rab bskyed spyan drang mchod byas la// rigs kyi bu yis zhu ba dbul// bla mas gzung ma byin brlabs te// gsang ba byang chub sems kyi dbang // 'dod pa de la sbyin par bya// rigs bzang nyi shu lon pa'am// mtshan ldan sems phebs gang du bzung // rigs ngan mtshan ngan sems mi phebs// da ni spang bar bya ba yin// phan yon bstan par bya ba ni// dbang mchog bskur bas bu mchog de// 'jig rten me yis mchod cing bkur// bde gshegs rnams kyis sras su dgongs// lha mo rnams kyis grogs su mthong // chos skyong srung mas stongs grogs byed// 'gro don spyad kyang mi 'grib cing // 'khor 'dab rgyas shing bsam pa 'grub// tshe yi 'du byed byas na yang // rig 'dzin sa la nges par 'khod// byang chub mchog tu gdon mi za// gzhan yang 'jig rten 'phos ma thag/ las kyi dbang gis gar skyes kyang // zhag grangs nyi shu rtsa dgu tshun chad du// gos sam ming la shes bstim nas// cho ga'i rim pa 'di byas na// rigs nges pa yi sras nyid du// 'dag la rgyas btab ji bzhin no// gzhan yang yon tan dpag las 'das// skyon gyi rim pa bstan pa ni// bla med mnyes par ma byas sam// dam med dbang rnams ma mnos nas// nyan 'chad sgom zhing las byed dang // rdo rje bla ma byed pa dag/ tshe thung dmyal ba'i gnas su ltung // 'jig rten 'dir yang gnod pa dag/ 'khor du mi nad phyugs nad 'byung // yul du sad dang ser ba 'bebs// 'jig rten mi yi ya ga dar// de yi skyon du shes par bya'o// las kyi mtha' bsdus bstan pa ni// gtor mtsho gsum gnas su gtang // gshegs dang bsdus dang gzugs brnyan zhal phyes la// lus bsrung go bgo bka' nan spyod lam bya'o/ zab pa'i dbang gsum dbang bskur na// gzungs ma de dang de dag la// yon yang bla ma'i phyed shas dbul// dam tshig bsrungs de brda dang ldan par bya// ma byas pas na mnar med 'gyur// rdo rje phur pa gsang ba'i rgyud chen po las/ zhi ba rjes su bsgrub pa'i le'u ste bcu bzhi pa'o// // de nas yang rdo rje 'dus pa'i sras mchog kI la yas/ phyi rabs kyi rnal 'byor gyi don du drag po'i las bya ba'i dmigs gang la bya ba 'di skad ces gsol to// e ma ho rdo rje khros pa'i yab// dka' thub can gyi dregs pa chen po de// mngon spyod rol pas bsgral ba e ma ho// ngo mtshar che'o// e ma ho ya mtshan can no// de'i rjes su spyod pa'i rnal 'byor pas// bsgral ba'i dmigs ni gang la bya// de yi mtshan nyid bshad du gsol// zhes zhus so// bcom ldan 'das rdo rje khros pa'i yab chen pos bka' stsal pa ni// nyon cig rdo rje 'dus pa'i sku// kun la bya bar gzhung las med// dam tshig nyams pa bsgral ba'i zhing // dam tshig me shes dam can bka' gcog pa// 'di ni bsgral ba'i zhing du gsungs// dam tshig nyams pa bsgral zhing ni// srog don bka' dam las kyis nyams// mtshan ma 'dod pas nyams dang bdun// pha ma mkhan po slob ma gsod// rdo rje nang dme byed pa dang // srog las nyams pas bsgral ba'i zhing // slob dpon bka' bslu mngan dang dbye yi sems// sngags dang phyag rgya rgyun gcod gsang ba gzhan la spel// don las nyams pas bsgral ba'i zhing // gsang sngags tshul spyod rnal 'byor la// rku mtshangs bru zhing ya ga 'dogs// bka' la skur 'debs 'khor rnams log par khrid// rtags kyi don bstan log par 'dzin// bka' las nyams pas bsgral ba'i zhing // skur ba'i gzhi byed lta ba rgyab tu bor/ spyod pa log pa dang du len cing spyod// bka' yi gzhung por phyin ci log la mkhas// dam las nyams pas bsgral ba'i zhing // sngon chad mkhon pa'i gzhi med par// rgod cing bzhin ldog nyes med gzhan la gnad du 'jug/ bdag gis nyes par ma dran par// bdag la mthu dang rtsal 'dod pas// las kyis nyams pas bsgral ba'i zhing // gnyis med don la phyogs char 'dzin// lta ba sgro skur ras tshong zhe gcod pa'i// skye med chos bshad mtshan ma'i chos su gzung // lha srin bran du ngas 'khol gyi// mthu 'gran byed pa su zhig yod// nga nyid dpal yin nyams su ma mo byung // zer zhing gzhan la khro zhing 'tshe// mtshan mas nyams pas bsgral ba'i zhing // shes rab rnam gsum gsal med par// gzhan pas mthu che btsan 'dod pas// las kyi gtso ru mtshan ma spyod// rang gi ngo gdong khrag byugs te// mi thod zhing chen lag na thogs// dmar dong gtor yang glo la btags nas 'jig rten ma mo bsten cing 'bod// spyod pa'i don por mi 'tsham las rnams byed// tho co brlang po'i spyod pas bka' gzhung smad// rnal 'byor pa la ya ga 'dor// dus gsum sangs rgyas zhabs nas drangs// 'bar ba'i rgyal po'i thugs dang 'gal// sha za ma mo'i gzan tshogs bkram// mchog sems mi ldan sems kyi nor brus nas// shi bar shes kyang 'dod pas brgya la// phung bar shes kyang sngags 'chang 'joms// gnyen zhing btsun yang thabs kyis smod// thob tu 'dod nas gsang sngags rku// bza' ru 'dod nas sgrub pa po'i// phud dang longs spyod brkus nas za// dug tu shes kyang lto ru za// 'dod pas nyams pa bsgral ba'i zhing // 'di ni dam nyams bsgral bar bstan pa'o// dam tshig mi shes dam can bka' gcog gi/ gsang sngags gzhung spyod rnal 'byor la// sdang bar byed na pha yang rung // gnod par byed na ma yang rung // gnad du 'dzug na spun yang rung // dam las ldog na mched kyang rung // snying ring byed na grogs kyang rung // de ni bka' gcog bsgral ba'i zhing // de nas yang rdo rje 'dus pa'i rgyal pos gsol pa// de ltar bsgral ba'i zhing de la// bsgral ba'i yon tan ci ltar lags// ma bsgral pa la skyon ni gang // zhes gsungs pas// rdo rje khros pa'i yab kyis bka' stsal pa// bsgral ba'i yon tan 'di lta ste// de dag bsgral bas rnal 'byor btsun// bdud rnams btul na bstan pa gnyen// dam med bsgral na bar chad nyung // med par gyur na bstan pa rgyas// nyams pa med na dkon mchog che// de bas yon tan bsam mi khyab// ma bsgral ba yi skyon bstan pa// dmyal khams 'phel la mtho rim 'grib// gzhung spyod rnal 'byor sgyid lug nas// gsang sngags theg pa'i chos sgo 'gag/ dam chos spang ba'i gzhir gyur nas// don la mi mthun skyon yod do// rdo rje phur pa gsang ba'i rgyud chen po las/ bsgral ba'i dmigs pa bstan pa'i le'u ste bco lnga pa'o// / de nas yang rdo rje khros pa'i rgyal po la/ rdo rje 'dus pa'i rgyal pos 'di skad ces gsol to// e ma ho dpal chen 'bar ba'i sku// bsgral ba'i zhing rnams bstan pa de// mngon sum bsgral ba'am thabs kyis bsgral// zhes gsol pas/ rdo rje dpal chen pos bka' stsal pa// mngon sum bsgral ba ma yin gyi// thabs kyis rim pas bsgral bar bya'o// de nas yang rdo rje 'dus pas gsol pa// thabs kyis bsgral bar gsungs pa de'i// dmigs pa'i rten ni gang la bya// bka' stsal pa/ dmigs pa'i rten ni ling+ga'o// ling+ga'i rim pa ji ltar lags// bka' stsal pa/ grog mkhar sa dang mi phung sa// gangs kyi dum bu dzu che'i phub// srub ma'i lo ma zhing chen ras// ske tshe dang ni ldong ros dang // thal chen dang ni rak+ta dang // gshang ba'am ni gci ba ste// bcu gnyis thod pa'i nang du brdung // oM badz+ra ki li ki la ya muD+ga ra a ko Ta ya hUM phaT// zur chag/ lug zug ra zug gcin gyis sbrus/ oM badz+ra kI li kI la ya sa sham b+hi shwa d+ha baM khaM hUM phaT// dur khrod ku sha'i rtsa dag la// dgra dang bgegs kyi gzugs brnyan bya// oM badz+ra kI li ki la ya nr-i tri mA ra ya phaT a// de la gong gi dam rdzas byug/ oM badz+ra kI li kI la ya e ra ka hUM phaT/ mkhar nag skud pas ske nas gdags// oM badz+ra kI li kI la ya aM ku sha hUM dzaH/ de ni gdab pa'i ling+ga yin// shing shun tshon gang pa gcig la/ de la dgra bgegs gzugs brnyan bya// de ni gzir ba'i ling+gar bshad// ras sam gro ga'am shog shog la// dgra bgegs gzugs brnyan rdzogs bri ste// kham shis nag la gdags pa ni// 'di ni bstab pa'i ling+ga'o// ma ning nag po'i thod pa la// gru gsum 'bar ba cha drug la// yan lag mgo dang gsang gnas bya/ gru gsum rtse la 'khor lo drug/ mtha' ma mU khyud zlum pos bskor// 'khor lo drug gi cha la ni// sngags dang 'phyongs gnyis mthun bsdeb pas// dgra bgegs ming dang gzugs bris la// spyi bor AM dang kI la ya// dpral bar rus la snying gar ming // g.yas su hUM la g.yon du phaT// 'doms su mA ra ya yang dgod// 'di ni gnan pa'i ling+ga'o// rdo rje phur pa gsang ba'i rgyud chen po las// dgra bgegs kyi gzugs brnyan bca' ba'i le'u ste bcu drug pa'o// // de nas yang rdo rje 'dus pa'i sras mchog kI la yas/ 'di skad ces gsol to// gong du bstan pa'i dkyil 'khor de'i// mi shes rmongs la bstan pa'i phyir// gzugs brnyan bca' ba'i dkyil 'khor cho ga gang // rjes 'jug don du bstan du gsol// rdo rje khros pas bka' stsal pa// sa dang mtshams dang go ma yi// thig dang tshon dang phyag rgya dgod// rgyan dang mchod rdzas phyag btsal ba'o// sngon tshe dbang mdzad lha mo la// spyan drangs mchod don gsol pa ni// bar chad bgegs rnams zhi ba dang // sa yi dngos grub bdag la stsol// zur chag/ pe a kra ma sid+d+hi hUM/ phyag na rdo rje dbang gi mthus// ri rab gling bzhi'i phyogs bzhi nas// dpal ldan rgyal po chen po bzhis// phyogs srungs re ba skong du gsol// bar du gcod pa mtshams chod cig/ be shra pa Na ye// d+h+r-iSh+Ta rASh+Ta ye/ bi ru D+ha ka pe/ bi ru bAk+Sha ye/ sa ma ya hUM phaT swA hA/ dur khrod 'bar ba'i gnas chen 'dir// las kyi dbang gis bar chad byed// bka' las 'da' byed dam sri 'di// gnan cing spar ba'i dus la bab// kI la ya mA ya ra ya/ rak+Sha rak+Sha to tse phyang / hUM badz+ra swA hA/ dkar dmar ldang ser mthing sogs pa// rigs lnga'i byin rlab ye shes 'od// ma 'dres ra ri med pa'i mdog/ rigs rnams so sor kha dog gsal/ ki li ki la ya oM AHhUM swA hA// maN+Da la sid+d+hi hUM/ phyi nang gsang ba'i mchod rdzas rnams// sngags dang phyag rgya ting 'dzin gyis// so so'i gzhung du byin brlabs nas// mchog tu mdzes pa dgram par bya'o// oM ma hA pU dza sa ma ya hUM// thugs las bsrung ba'i khro rgyal bcus// mi dge bcu rnams tshar bcad nas// rnam thar la ni dgod pa'i phyir// cho ga bzhin du phur pas gdab// ma dag pa rnams tshar chod cig/ gardza ha na da ha pa tsa b+han+ta// hu lu tiSh+Tha ts+tshin+da bin+d+ha s+pho Ta hUM phaT/ thabs dang shes rab ldan byas la// gsang ba'i dkyil 'khor thig btab pas// bde gshegs rgyal ba'i bzhugs gnas la// rdo rje thig cha rim par dbye// e maN+Da la badz+ra sid+d+hi nAn/ gnod nas dag pa'i dam rdzas bdud rtsi lnga// sku lnga ye shes lnga yi rang bzhin pas// bder gshegs rgyal ba'i bzhugs gnas bshams pa dang // drang ba'i don phyir gzhal yas chag chag gdab// oM AHhUM swA hA/ sarba pany+tsa a mri ta maN+Da la sid+d+hi hUM phaT/ sku'am gsung ste phyag rgya thugs// dbus nas mtha' yi sgo bzhi ru// rdo rje srin po'i lha rnams kun// bdag la rim par bzhugs su gsol// sa ma ya tiSh+Tha badz+ra phaT/ zhing chen bla re 'phan gdugs rgyal mtshan dang // lnga ldi ras ros dam dum sha rus khrag/ 'jigs byed chen po'i dkyil 'khor la// gdos bcas don dang bstan zhing dgod par bya'o// ma hA rak+ta ke smi ga ta maN+Da la hUM// rdo rje srin po'i dkyil 'khor la// rdo rje rnal 'byor spyan grogs rnams// ma bu'i 'du shes nyer bzhag nas// rnal 'byor spyod mchog phyag bgyid do// shrI badz+ra na mo// phyi nang gsang ba'i mchod rdzas rnams// sngags dang phyag rgya ting 'dzin gyis// so so'i gzhung du byin brlabs te// mchog tu mdzes par dgram par bya// ma hA pu dza sa ma ye hUM// rdo rje phur pa gsang ba'i rgyud chen po las/ sgrub pa'i dkyil 'khor gzugs brnyan du bca' ba'i le'u ste bcu bdun pa'o// // de nas yang rdo rje 'dus pas/ bcom ldan 'das khros pa'i rgyal po la/ 'di skad ces gsol te/ dur khrod 'bar ba'i gnas chen du// dregs phyed rnams ni bsgral ba bzhin// rjes su 'jug pa'i rnal 'byor pas// bsgral ba'i gnas ni gang du bya// rdo rje khros pas bka' stsal pa// bsgral ba'i gnas ni don bshad pa// de yang rtogs pa'i tshad dang sbyar// sems la chos nyid mi gsal zhing // nyams dang ting 'dzin g.yel ba yis// sgrub pa'i dkyil 'khor chen po de// shar lho byang shar gang rung du// rdo rje drag po'i las bya'o// der ni nges 'grub phung 'tsheng med// dam tshig nges thub ting 'dzin brtan pa'i blo// don spyod rtags kyi blo can gyis// drag po'i gnas su bya ba la// gsang ba tsher ma can gyi ri// gcan gzan gdug pa sna tshogs yod// gnam ni gri 'dra ral gri'i shul// sa ni gru gsum me dpung 'dra// logs la dur khrod gling yod pa// tsher ma can gyi shing dag dang // dug shing gdug pa yod pa dang // brag la ra rod mang ba dang // ngam sa grogs po gting zab dang // stag gi so 'dra sbrul gyi lce// sdig pa'i ra 'dra chu srin kha// ba glang sna mtha' brag dang chu yi bar// rkang gcig shing dang ma rungs pa// sngon chad lha mi'i g.yul sa dang // g.yul bkye ba dang mtshon 'thab dang // bsad bcad sa dang ma rungs pa// srin po bsgral ba'i bcas gzhi dang // srog chags bsad pa'i khrag rjes dang // g.yul ngor bskol ba'i sa mkhar rnams// mang po bsad pa'i phung ba'i sa// brag ni srin po ngus pa 'dra// ri ni thal phung snyil pa 'dra// lung pa me yis bsreg pa 'dra// shing rtsi rkang zang bros pa 'dra// sgang de'u mi ro phyung ba 'dra// dur khrod gnas dang shing gcig drung // rgya gram lam dang 'byung po'i srang // drag po'i las 'di bya bar shes// zhes gsungs so// rdo rje phur pa gsang ba'i rgyud chen po las// bsgral ba'i gnas bstan pa'i le'u ste bco brgyad pa'o// // de nas yang rdo rje 'dus pas/ 'di skad ces gsol to// kye ma ho/ rdo rje khros pa'i sku gsung thugs gzhon nu// rjes su sgrub pa'i rnal 'byor dang // bsgral ba'i dkyil 'khor gang lags pa// bder gshegs khyod kyis bshad du gsol// bka' stsal pa/ sngags mkhan dag gi yon tan ni// rigs kyi rnal 'byor gral du smos// tshul bzang ngang tshul bzang la shis pa des// dang po shes rab rnam gsum gyis// gtan tshigs don la yid ches nas// de nas nges par dbang thob ste// theg pa mtha' dag sems la gsal// phyogs med lta ba gdeng du 'jog/ sgrub pa rnam gnyis rgyal por bsgrubs// phrin las thogs med snying rjer spyod// dam tshig 'jigs pa'i mkhar bzhin bsrungs// rgyud dang sgrub thabs mtha' dag tshang // phyogs 'dzin spang la mkhas pa bsten// rdzas dang lag cha rtag tu 'chang // sbyor dang sgrol ba'i nyams drod ldan// phung po lha dang gnyis su med// sems ni chos nyid dang la gnas// rnal 'byor rtags ldan dam pa yis// las su bya ba chud ma zos// dkyil 'khor rim pa 'di skad ces gsungs so// 'bru ba khung dang 'khor lo dbye ba'o// de la 'brub khung rim pa bstan pa ni/ drag po'i gnas sam dkyil 'khor shar lho ru// 'brub khung las kyi dkyil 'khor ni// dkyil 'khor khru gang tsam du bya// gru gsum sum brtsegs kha khyer la// za byed zhal dang mda' gzhu bcas// mtshon cha lnga dang rtsang gis bskor// mthing nag dar gyis zhal bka' pa'i// 'khor lo'i rim pa dbye ba ni// sngar shi'i ro gos khrag can nam// bkra mi shis pa'i zhing ras la// drag po'i las la rab brtson pas// dur khrod rkang gis sbu gu bya'o// khyo dgu shi ba'i mngal khrag gis// phyi dro'i dus na bri bar bya// rgya ru chag khru gang yod la// sgo dang gru chad par khyams dang // 'bar ba'i 'khor lo rtsibs brgyad ste// nang rgyas zhi ba dbang drag bri// rgyas pa la ni dmigs pa ni// yan lag nying lag rdzogs par bya// 'bar ba'i 'khor lo rtsibs brgyad la// drug pa'i sngags kyi phreng ba dgod// rtsibs mtshan brgyad kyi cha la ni// dang po sngags kyi phreng ba dgod// yan lag mgo dang gsang gnas la// gsum pa sngags kyi phreng ba dgod// snying po dang ni tsit+ta la// gnyis pa sngags kyi phreng ba dgod// tsit+ta ha lce'i rtse mo ru// bzhi pa'i sngags kyi phreng ba dgod// nyon mongs lnga yi gnas lnga ru/ lnga yi sngags kyi phreng ba dgod// gzhan yang so so'i gnas rnams su/ yab rnams bskul ba'i snying po brjod// 'di ni thabs kyi 'khor lo yin// phung srin nag po'i thod pa la// phrin las rnam bzhi gong bzhin du// mtha' la gru gsum nyi shus bskor// rgyas la dmigs pa gong bzhin du// sngags kyi rim pa gong bzhin no// yig 'gro g.yon la yig gzhug g.yas// phyir dmigs pa la dgod gong ma bzhin// dang po sngags dang tha ma gnyis// gru gsum dag gi cha la dgod// gzhan yang so so'i gnas rnams su// yum rnams bskul ba'i sngags kyang bri// 'di ni shes rab 'khor lo yin// ras sam gro ga'am shog shog la// phrin las bzhi mas gong bzhin de// sgo dang bar khyams de bzhin te// 'khor lo'i cha la rin chen dbyibs// gzhan rnams la yang gong bzhin de// dang po tha ma rin chen la'o// 'di ni nang gi 'khor lo ste// gzhan yang so so'i gnas rnams su// rtsa ba'i sngags kyis mdzes par bya'o// 'di ni 'khor lo'i dbye ba'o// zhes gsungs so// rdo rje phur pa gsang ba'i rgyud chen po las/ sgrol byed slob dpon las dang gzugs brnyan 'khor lo bstan pa'i le'u ste bcu dgu pa'o// // de nas yang rdo rje 'dus pa'i rgyal pos/ phyi rabs pas bsgrub pa'i drod dang / rtags dang rdzas bsag pa'i phyir/ 'di skad ces gsol to// kye ma ho rdo rje 'dus pa'i gtso// rjes su gzhung spyod rnal 'byor pas// bsgral ba'i rdzas ni ji ltar bsag/ bsgrub pa'i rtags dang drod tshad ci// rgyal ba dpa' bas bshad du gsol// zhes gsol pas// bka' stsal pa ni/ bsgral ba'i rdzas su bstan pa ni// rgya tshil 'gro sad ma dud sme rdzas dang // bdab pa'i zhabs ma mngag pa'i nyung dkar dang // mtshon gyi 'dab lnga skud pa dang // dug dang ma rungs sbyar ba'i gtor ma dang // lcags phye zangs phye dug gtor dang // sri shing hom dang gnan pa'i thod pa dang // 'di ni drag po bsgral ba'i rdzas// grub pa'i rtags ni 'di lta ste// 'phar dang 'chog dang chags pa dang // 'gul dang ldeg dang mchod pa'o// 'od dang du ba 'byung ba dang // rnal 'byor nam mkhar 'gro ba dang // sa la mi thogs chur mi 'bying // 'di ni rtags rab bstan pa yin// mtshan ma'i ling+ga 'gul gyur ram// dmigs rno nyams dang rtags byung na// bar gyi rtags su bstan pa yin// tha mal rmi lam ston par 'gyur// rtags kyi mtshan nyid la yang ni// grol sa dang ni ngo bo ste// de yi ngo bo brtags par gces// drod tshad mtshan nyid ldan pa ni// bdal ba chen po'i ting 'dzin gyis// chos nyid mnyam la blo bzhag nas// ci yang mi dmigs bsam las 'das// chos nyid lta ba'i drod tshad de// ga Na 'ching gral med pa'i ngang // dam rdzas blang dor med pa dang // ta na skye shi med spyod dang // 'di spyod pa yi drod tshad yin// dngos su snang ba skur grub cing // sgra ru grag pa gsung du ste// dngos med snang ba thugs grub na// 'di ni bsgrub pa'i drod tshad yin// snod kyi 'jig rten gzhal yas khang // bcud kyi 'jig rten lhar shes te// thams cad kun tu dkyil 'khor de// dkyil 'khor chen po'i drod tshad yin// byar med nyid la spyod byed cing // gang la spyad kyang bde gshegs las// byed pa mi dmigs phrin las te// 'di ni phrin las drod tshad yin// dbri snron med pa'i ting 'dzin gyis// gol sa med pa'i sa la gnas// blang dor med pa'i dbang rdzogs na// 'di ni dbang gi drod tshad yin// dam pa'i gzhi nyid bde gshegs la// zhal nas gsungs pa'i tshig tu shes// dam tshig dam pa mchog gi gzhi// 'di ni dam tshig drod tshad yin// de ltar rtags dang drod tshad zin pas ni// drag po'i las la brtson par bya'o// rtags dang drod tshad ma zin na// drag shul spyad kyang las mi 'grub// ces gsungs so// rdo rje phur pa gsang ba'i rgyud chen po las// rdzas dang rtags dang drod tshad gsang ba bstan pa'i le'u ste nyi shu pa'o// // de nas yang rdo rje 'dus pa'i rgyal pos// rmad du byung ba'i tshig gis gsol pa// kye ma ho rdo rje khros pa'i sku gsung thugs gzhon nu// yon tan phrin las kun kyang dbyer med pa// kun gyi bdag nyid de la phyag 'tshal bstod// e ma ho ngo mtshar ya mtshan che'o// zhes bstod nas ni// de yi rdzas su sgrub pa'i rnal 'byor pas// bsgral ba'i dus ni gang la bya// zhes gsol pas// bka' stsal pa/ nyon cig rdo rje 'dus pa'i gtso// rtags dang drod tshad bstan pa ni// drag po'i las la 'jug pa'i don// bye ba'am ni sa ya'am// 'bum mam bdun 'bum bzlas pa bzlas pa nyi shu rtsa gcig la// lo ni gsum gyis 'grub par ni// ting 'dzin bar gyi de ltar ro// de ltar 'grub na drag po'i dus// de min bar du dus tshod med// drod tshad rtags la ma bab cing // grangs kyi bsnyen pa ma tshang bar// dus kyi lo zla yun thung na// drag shul spyad kyang mi 'grub ste// bde gshegs rgyal ba kun gyis gsungs// rdo rje phur pa gsang ba'i rgyud chen po las/ bsgrub pa drag po las la 'jug par bstan pa'i le'u ste nyi shu rtsa gcig pa'o// // de nas yang rdo rje 'dus pas 'di skad ces gsol to// e ma bde gshegs bcom ldan 'das// ting nge 'dzin gyi de nyid de// phyi rabs don du bstan du gsol// a la la ho zhes gsol pas// bcom ldan 'das kyis bka' stsal pa// ting 'dzin de nyid bsdus pa'i don// legs par bshad cing mdor bstan gyi// nges par nyon cig yid la zung // rdo rje khros pas zhe sdang gcod// mtshon chen sngon po 'bar ba yis// nam mkha'i dkyil nas thig pa shar// srog gi go ru shar ba dang // snying gi go ru sgom par bya'o// oM ma hA shun+ya tA dz+nyA na badz+ra sa b+hA wa at+ma ko&haM/ d+harmA d+ha tu maN+Da la hUM/ hUM hUM badz+ra tsit+ta// hUM e ag+ni maN+Da la yaM karma rak+Sha hUM/ ra rak+ta maN+Da la/ su badz+ra su me ru hUM hUM/ raM dza la raM/ ko ni ri ti kai/ b+h+yAM bi shwa bi shud+d+he ban+d+ha dz+nyA na b+h+yAM/ e baM mA yA raM// ra tri rU tra rak+Sha maN+Da la/ ma a pa sUr+ya tsan+da pad+ma maN+Da la hUM/ s+pha ra Na phaT// saM ha ra na hUM/ dz+nyA na badz+ra s+pha ra Na phaT// saM ha ra Na hUM/ dz+nyA na sa ta kI ya la hUM/ kI la ya s+pha ra Na phaT// saM ha ra Na hUM/ oM badz+ra kI li kI la ya sarba big+h+nA na baM hUM phaT// badz+ra dIp+ta tsakra ha na ha na hUM phaT/ snying rjes bsgral ba'i dam tshig ni// gsad cing gnan pa ma yin te// phung po rdo rjes gtams byas nas// rnam par shes pa rdo rjer bsgom// zhes pas bdag nyid rtsa ba'i dkyil 'khor du gsal bar mdzad do// phaT ni so sor bskul ba las// chags pa'i ting 'dzin gsal gyur te// yab yum sbyor ba mdzad pa las// mchod pa gsang ba so sor thim// byang chub sems ni spros pa las// dang pos bdag nyid rdo rjer bsam// gnyis pas sras mchog gsal byas pas// phyogs skyong dgug dang gdan bting la// gsum pas hUM gyur gsung rdzogs pa'o// de nas bskul bas phyag rgya rdzogs// de las phyogs bcu'i khro bo rnams// sngags kyi rim pas rdzogs gsal gyur// khro bo khro mo rol pa las// ha dang he las 'khor rnams bskyed// de nas byang chub sems 'phros pas// snying po phyag rgya'i 'phro 'du las// so so bsgoms pa'i tshul rdzogs pa'o// sa ma ya s+t+waM/ a nu rA ga yA mi// a nu ra gony+dza haM// ma ha bo d+hi tsit+ta hUM/ bsta badz+ra taM/ kI la ya mu ti dzam a pa sUr+ya tsan+da pad+ma maN+Da la// hUM hUM badz+ra na na ha/ 'di ni phyogs bcu khro bo'i dkyil 'khor ro// phur pa rdzas kyi ngo bo las// byang chub sems ni spros pa las// rigs kyi sras mchog rnam lnga nyid// spyan snga nyid dang phyogs bzhir bsam// byin brlabs la sogs sngon 'byung bzhin// gzi mdangs chags bskyed thugs bskul te// oM ma ku la rta la pra ta la hUM phaT// badz+ra bai ta lI maN+Da la hUM phaT/ badz+ra ma hA maN+Da la hUM phaT// phur pa rdzas kyi dkyil 'khor ro// zhes gsungs so// rdo rje phur pa gsang ba'i rgyud chen po las/ rjes 'jug ting 'dzin gyi dkyil 'khor bstan pa'i le'u ste nyi shu rtsa gnyis pa'o// // de nas yang rdo rje 'dus pa'i sras mchog kI la yas/ khros pa'i rgyal po la 'di skad ces gsol to// rjes su 'jug pa'i rnal 'byor pas// bdag gi sras su lha rnams bskyed pa dang / de'i sras su bdag bya ba'i rim pa ji ltar lags// zhes gsol pas/ bka' stsal pa ni// 'khor ba yongs su sbyong ba'i phyir// rang gi ngang tshul de bzang lags// sngags dang bskul tshig 'di yang brjod// byang chub sems kyi dbang spros pas// ye shes 'od kyis lus rtog sbyangs// gser zhun lta bu'i sems dag la// gsum gyis byin brlabs 'od kyi 'bru// thugs kar thim nas sku yi dbyibs// rdo rje las byung yum gyi mkha'// chos kun byang chub sems gnas su// lha rnams so so'i snying po'i sgras// rab tu gsal bar brjod pa'i sgra// byang chub sems ni gsal bar thim// de las hUM zhes rab brjod pas// gsung gi phyag rgya nyid rdzogs nas// thugs kyi phyag rgya rab tu 'bar// de las phra mo'i sku d+mo bsdus// phyag rgya chen po'i sku nyid rdzogs// de nyid sbyor ba'i byin brlabs las// b+ha ga nyid du lha rnams bsam// dza dang phaT kyi rtsa sngags kyis// b+ha ga'i dkyil 'khor bdag dang stan la dgod// badz+ra ba kI la ya phaT dza// rdo rje gzhon nu'i rig 'dzin rnams// srid pa'i rdo rje grub mdzod cig/ srid pa'i rdo rje phur pa'i lha// ye shes khro bo grub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag gyur cig/ oM AMHhUM kA ya wAka tsit+ta dz+nyA na A be sha A// oM AMHhUM maN+Da la sid+d+hi hUM/ kI la ya kro ta kro tI ha hi hUM phaT/ saM ha ra Na hUM/ ma ha g+ha na sa ma ya ho/ hUM hUM badz+ra g+han d+ha/ badz+ra kI li kI la ya/ sarba big+h+nAn baM hUM phaT/ dIp+ta tsakra ha na ha na hUM phaT/ ma hA bo d+hi tsit+ta maN+Da la hUM phaT// lha rnams rtsa ba'i sngags gzhug tu// dza phaT ces ni kun la gdags par bya'o// zhes gsungs so// rdo rje phur pa gsang ba'i rgyud chen po las/ rjes 'jug de bzhin gshegs pa'i sras su bdag bya ba'i le'u ste nyi shu gsum pa'o// // de nas yang 'dus pa'i sras mchog kI la yas/ 'di skad ces gsol to// bde gshegs rgyal bas 'khor rnams la// byin rlabs dbang bskur ji bzhin du// rjes su 'jug pas ji ltar bya// zhes gsol pas/ bka' stsal pa/ yi ge 'bru gsum rim pas su// srog gi rta la bskyon nas su// 'phro 'du gsal ba'i ting 'dzin las// byin rlabs gsum ni nges pa ru// sngon byung bzhin du byin gyis brlabs// srog gi hUM las 'od 'phros pas// rigs lnga rgyal ba'i thugs bskul to// sngon byung bzhin du sngags brjod cing // ye shes lnga yis dbang bskur ro// oM badz+ra sa ma ya dza tiSh+Tha badz+ra// shrI badz+ra na maHsarba ta thA ga ta pU dza badz+ra hUM/ thabs kyi spyod pas 'gro don du// byams dang snying rjes gang 'dul ba// sangs rgyas phrin las rdzogs mdzad nas// dbang dang byin rlab 'dir stsol cig/ ces dbang dang byin rlab nod pa'i phyir na/ dus gsum gshegs bzhugs byon rnams kun// rdo rje khro bor bzhengs gsol drangs// phyag 'tshal dga' bas mchod pa bya// zhes gsol ba gdab bo// zhes gsungs so// rdo rje phur pa gsang ba'i rgyud chen po las/ byin gyis brlab cing dbang bskur ba'i le'u ste nyi shu rtsa bzhi pa'o// // de nas yang rdo rje 'dus pa'i rgyal pos/ 'di skad ces gsol to// rjes su sgrub pa'i rnal 'byor pas// sgrub pa'i thabs ni ji ltar bgyi// bsnyen pa'i rim pa gang ltar lags// khros pa'i rgyal pos bka' stsal pa// don dam dang ni kun rdzob kyis// bsnyen pa dang ni nye bsnyen dang // sgrub pa dang ni sgrub chen rnams// nges par 'di skad bka' stsal to// chos nyid kyi bden pa'o// sangs rgyas kyi mthu'o// gsang bsngags kyi byin brlabs so// a b+hi tsar+ya'i dus la bab pa'i gnag pa de kho na la'o// don dam pa dang kun rdzob bsnyen sgrub bzhi rdzogs nas// rtags dang mtshan ma 'byung ba gdon mi za// rtags dang mtshan mas bsgrub pa'i drod tshad zin pa dang // bkra shis mtshan ldan b+han+ta ka pA la// ci 'byor btung ba snum pos bkang byas nas// dkyil 'khor lha tshogs tshang la gsol ba gdab// thun mong dbang gi dngos grub blang // bkra shis brjod de gsol byas na// rig 'dzin go 'phang thob par 'gyur// cho ga 'di yi byin brlabs kyis// gang zhig mos pa'i dad ldan de// dbang bcu thob nas tshad med don dang ldan// phrin las thogs med dbyings dang ye shes don mthong 'gyur// zhes gsungs so// rdo rje phur pa gsang ba'i rgyud chen po las/ bsgrub par bya ba'i thabs bstan pa'i le'u ste nyi shu rtsa lnga pa'o// // de nas yang rdo rje 'dus pas 'di skad ces gsol to// e ma ho khros pa'i bdag nyid can// rang bzhin don dam dkyil 'khor de// spyan drangs mchod pa ji ltar bgyi// bka' stsal pa ni// bdag nyid ting 'dzin rtag ldan pas// sa mA dza yis gsol btab nas// phyag rgya bzhi yis spyan yang drangs// tiSh+Tha badz+ras brtan byas nas// dgyes pa chen pos phyag btsal te// mchod pa'i rim pa sngon byung bzhin// des ni las rnams ma lus 'grub// srid pa'i phur bu sgrub pa dang // dbang dang dngos grub blang ba'i phyir// 'gyur med ye shes lha gnas pa// ye shes khro bo gshegs su gsol// ye shes khro bo gshegs nas kyang // phyi nang gsang ba'i mchod bzhes te// rtags dang mtshan ma bstan pa dang // kI la ya yi dngos grub stsol// zhes brjod do// rdo rje phur pa gsang ba'i rgyud chen po las// rang bzhin gyi dkyil 'khor spyan drangs shing mchod pa'i le'u ste nyi shu rtsa drug pa'o// / de nas yang rdo rje 'dus pas 'di skad ces gsol to// e ma ho rdo rje khros pa'i sku gsung thugs gzhon nu// 'dod chags zhe sdang gti mug pa rgyal phrag dog rang bzhin can// dregs pa sgrol mkhas thugs rje'i dpal mgon te// thugs rje'i bdag nyid de la phyag 'tshal bstod// thugs rje chen pos dregs pa bsgral ba'i zhing // rjes bsgrub drod tshad zin par nges pa des// dgra bgegs dmigs pa bsgral ba'i rim pa gang // thugs rje'i bdag nyid khyod kyis bshad du gsol// zhes gsol pas// gsol ba'i don thugs su chud nas/ drag pos bsgral ba'i ting nge 'dzin la mnyam par bzhag ste/ 'di skad ces bka' stsal to// dang por gnod pa'i dgra bgegs de// lha dang rgyab brten dpung dang dpral// de nas nges par gzugs la bstim// 'gyur ldog med par byed du gzhug/ gzi brjid phrogs te sgro ru gzhug/ phur pas btab ste nges par bsgral// rdul du byas te tshogs la dbul// las rnams drug po re re la yang // de la drug drug sum cu drug/ cho ga gzhung sngags dang ting 'dzin phyogs dang rdzas dang thabs// sngon zung rjes 'jug 'khor bkra shis/ de lta'i don dang ldan na ni// gang la dmigs pa gdon mi za// rdo rje'i brag kyang 'jig 'gyur na// sdig can gzhan lta smos ci dgos// zhes gsungs so// rdo rje phur pa gsang ba'i rgyud chen po las/ dregs pa can bsgral ba'i thabs bstan pa'i le'u ste nyi shu rtsa bdun pa'o// // de nas yang rdo rje 'dus pas 'di skad ces gsol to// ye shes phur pa btab pa bzhin// dmigs pa'i dgra dang bgegs rnams la// rdzas kyi phur pa bstim pa'i las ni gang // bde gshegs rgyal bas bshad du gsol// bka' stsal pa// dbye ba drag po las kyi rigs// bstim pa zhi ste de bzhin rigs// gzir ba rgyas te rin chen rigs// byad la dbang ste pad+ma'i rigs// gdab la drag ste rdo rje'i rigs// bstab pa lha phur nyid la bya// de ni spyi yi las su bshad// gdab pa'i gnas ni du zhig yod// bka' stsal pa/ gdab pa'i gnas ni nyi shu rtsa gcig ste// sngon byung dregs pa lnga bsgral la// lte ba nyid dang gsang ba dpung mgo dpyi la gdab// dregs pa chen po bsgral ba yin// sems nyid rtsad bcad snying la gdab// dregs pa'i phyogs skyong bsgral ba yin// bsgral ba'i rnam shes brgyad la gdab// dam sri chen po bsgral ba bzhin// dgra bgegs mgo la de bzhin gdab// mthu dang rdzu 'phrul phrogs pa yin// yar dang mar gyi bdun rgyud bcad// de ni gdab pa'i las su gsungs// de nas yang rdo rje 'dus pas gsol pa// dregs pa'i sems can chen po la// dkyil 'khor lha yis gzir ba bzhin// rjes su gzir ba ji ltar bya// bka' stsal pa/ rdo rje lu gu rgyud kyi las// gzir ba'i mtshan nyid 'di yis ni// dgra bgegs gzir zhing gnan bya na// ye shes sems dpa'i sbyor ba yis// snying la tsit+ta 'khor gzir sbyong // tsit+ta sgo bsrung sbyor ba yis// mgo la la ka'o bros gzir sbyong // dam la gtogs pa'i ma tshogs kyis// khro bcu 'khor bcas sbyor ba yis// lus kyi gnas bcur gzir cing sbyong // rigs kyi yum lnga'i sbyor ba yis// sgo lnga'i rnam shes gzir cing sbyong // sgo ma bzhi yi sbyor ba yis// yan lag bzhi yi mtshan ma sbyong // dam la gtogs pa'i ma tshogs kyis// g.yang gzhis shun lpags sbyong gzir bya// rol pa'i pho nya tshogs bcas kyis// dus gsum sha rus khrag rnams sbyar// ye shes rol pa'i bro gar gyis// ma lus kun kyang gzir bar 'gyur// zhes gsungs so// gsol pa// ye shes 'bar ba'i khro tshogs kyis// rdo rje thod pa'i tho gtun du// dregs pa bsgral nas gsol te dge ba yin// rjes su 'jug na ji ltar bgyi// bka' stsal pa// mkha' yi gtun khung bde gshegs gnas// gting dpag med pa'i dbyings nyid du// srid gsum ma lus phur pas thebs// kha zam dbyings su bsgral bar bya// kha zam dbyings su bsgral byas nas// hUM hUM bgyis pas dbang du bsdus// phaT kyi kun tu gtor bar byas// sha khrag khams gsum gang bar bton// khA khA bgyis pas lhag ma bzhes// hi hi dgyes pa'i sgra bsgrags pas// bzhes shig rol te gsol bar 'gyur// zhes gsungs so// gsol pa/ bde gshegs rgyal ba'i mdzad spyod tshe// rdo rje ye shes me dpal gyis// dregs pa'i sha rus bsregs nas rol pa bzhin// rjes su bsgrub na ji ltar bya// zhes gsol pas/ bka' stsal pa/ brub khung nyid du bya ba'am// yang na gzhung dang mthun pa ru// me thab gru gsum sum brtsegs la// dkyil du rdo rje nag po bzhag/ dang po dkar la gnyis pa nag/ gsum pa ser por bya ba ste// zla gam yang ni dmar po bya// mu khyud dkar la gru chad ljang // bar khyams nag la sgo rigs sbyar// dur khrod shing ngam tsher ma can// khru gang gru gsum dbyibs su brtsigs// yam shing nag po rtse mo ma nor bar// rtse mo gru gsum dag tu bzhag/ tshe ze'u rtsa rtse ma nor bar// rtsa ba mi yi tshil gyis byug/ sngags pa'i chas gos nag po la// byang du kha bltas 'greng nas 'dug/ dur khrod gnas sam ma bdun khyim// yid 'ong me tog shing brgyan pa'am// shin tu dben pa'i gnas dag tu// dgang gzar gru gsum khyud gang la// dkyil du e yis mtshan par bya// blug gzar zlum po rdo rje dkyil du mdzes// phyi nang bsreg rdzas gsang ba nag por bya// shan pa'i khyim nas blangs pa'i mes// yam shing nag po sbar bar bya// bdag nyid lha yi rnal 'byor pas// raM las dam tshig me lha bsam// ye shes me lha snyan gsol spyan drang bstim phyag 'tshal// mchod pa'i rim dbul bstod pas dgyes byas nas// 'dod don gsol nas me lha gzhal yas bsam// de nang dkyil 'khor spyan drang bzhugs gsol mchod// bstod pa'i rgyal pos don rtags gang rung bstod// 'dod don gsol te phrin las bcol// bsgral ba'i ling+ga cha gcig dang // dgra bgegs gzugs brnyan gsal byas nas// dgug bstim phur pas rab gdab cing // nyung dkar brdeg cing gu gul bdug/ mtshon gyis 'debs gtub skud pas dam bcings nas// gtor ma gnyis kyang legs byas nas// mtshon cha'i char dang gtun brdung las byas te// lha yi tshogs la thim par dbul ba ni// klong yangs 'khyil ba'i hom khung du// 'bar 'phrog 'khrug pa'i me sbar nas/ gnod cing gdug pa'i dgra bgegs rnams// bsreg shing rdo rje 'bar ba yi// bka' las 'da' byed sdig chen rnams// rdo rje me dpal snying bsregs nas// dngos por 'gyur ba'i gnas rnams kun// tshor dogs med par bsreg par bya'o// zhes gsungs so// de nas yang gsungs pa/ bde bar gshegs pa'i mdzad spyod tshe// dregs pa zhabs 'og mnan pa bzhin// rjes bsgrub gnan na ji ltar bgyi// bka' stsal pa ni// shing gcig drung dang ma rungs pa// rgya gram lam du bya ba dang // klu yi gnas dang 'byung po'i srang nyid du// dkyil 'khor gru gsum rgya sol 'dag/ de nang gnan pa'i rdzas bcug ste// dbang gi phur pa drag btab nas// dur khrod g.yam pa sngon po la// zhing chen dag gi sur khrag gis// nam mkha' sngon po gru gsum la// rdo rje rgya gram bzhi yis mdzes// 'byung ba bzhi yi dkyil 'khor ldan// yi ge dza dang mdzes pas ni// phur pa de yis spyi nas gnan// sems ma rdo rjes dam tshig bskul// sku gsung thugs kyi stobs kyis mnan// the con nyid kyang las kyis stongs// mche bas sha khrag zos par byed// nyung dkar brdeg cing gu gul bdug/ ting 'dzin 'byung chen bzhi yis ri rab bsam// de nyid las kyi lha nyid kyis// shin tu gnan pa'i mchog tu gsungs// las kyi mnan pa'i 'byung nang dus zad 'di// hUM las kyi rdo rje 'khor bcas pas// 'jig rten khams ni rab 'byams kun// skad cig yud kyis gnan par shog/ ces gsungs so// yang gsol pa/ dregs pa bsgral ba ni slar gsol sngar bzhin// dgra bgegs bsgral na ji ltar bsgral// zhes gsol pas/ bka' stsal pa ni/ ta na ga Na sbyor ba mdzad// drag po las kyi bsgral ba rnams// rnam shes hUM gis bsdus rngubs nas// mi ldog dbyings su phaT kyis 'phangs// zla dkyil rlung gi sbyor bas bskyod// dbyings su thim nas phyag rgyar 'bar// hUM du gyur pas rnam par dag/ skur gyur 'od zer 'phro bas brjid// gtsug tu rnam par rgyal ba bsgom// ngo mtshar ngan 'gror thar pa'i thabs// de ltar bskyed la mi gnas te// ma g.yos dbu ma'i don dang ldan// mya ngan 'das pa'i dbyings su bzhag/ bde ba chen po'i gnas nyid du// de lta bu yi don ldan na// bsgral ba byas dang 'gal med 'gyur// zhes gsungs so// rdo rje phur pa gsang ba'i rgyud chen po las/ bstim gzir gdab bstab bsreg mnan bstan pa'i le'u ste nyi shu rtsa brgyad pa'o// // de nas yang rdo rje 'dus pas gsol ba ni// ma mthong rmongs la bstan pa'i phyir// gzugs brnyan dkyil 'khor ji ltar bri// thabs ni gang // zhes gsol ba dang / bka' stsal pa ni// gru gsum zla gam mu khyud zlum// gru bzhi pa la 'khor lo brgyad// bar khyams dang ni sgo bzhi bcas// gru gsum nag la zla gam dmar// mu khyud dkar la gru bzhi ser// gong ras ldang la 'khor lo ser// rtsibs mtshan dmar la mtshams byed dkar// gru chad ldang la bar khyams dmar// sgo ni rigs bstun rta babs mdzes par bya// dur khrod rin chen rgyan gyis brgyan// dbus su bcom ldan yab yum ste// zla gam gru gsum rtse mo dang // mu khyud gru bzhi dag la dgod// rnam rgyal gshed po rta mgrin dang // bdud rtsi 'khyil pa nyid dang bzhi// rang rang gzungs dang sras bcas te// phyogs kyi 'khor lo'i gdan dag la// dri za gshin rje klu rnams dang // gnod sbyin gdan la mkhas pas dgod// dbyug sngon mi g.yo gzhan mi thub// khams gsum rnam rgyal nyid dang bzhi// rang rang gzungs dang sras bcas rnams// mtshams kyi 'khor lo'i gdan dag la// me lha srin po rlung lha dang // dbang ldan gdan dang bcas par ro// mdun du hUM chen 'khor lo bcas// rgyab tu stobs chen de bzhin du// tshangs dang sa bdag gdan la gnas// dbus kyi gnas las bzhi mthun te// phyi rim gru gsum nyi shu bya// bar khyams sgo rnams de bzhin te// dur khrod rin chen brtsegs pa la// ka ba brgyad dang gdung bcu gnyis// rta babs dur khrod rin chen brgyan// kha dog yang ni rigs dang sbyar// yang na dmar nag nyid du bya// gru gsum rnams ni yum gyi shes rab mkha'// nyi shu rtsa gcig shes par bya// yab rnams nyi shu rtsa gcig ste// steng 'og phyogs mtshams ma nor bar// thams cad ngo bo dgod par bya// sras kyi phur pa gong bzhin te// sgo ma rnams kyang de bzhin no// dbus su zla gam sgo can gru gsum mdzes// mu khyud phyi rim rin chen 'bar ba brgyad// de yi phyi rim snam bu la// dkyil 'khor nyi shu las bzhi tshang bar bya// bar khyams sgo dang rgyan rnams de bzhin te// zla gam dmar la gru gsum nag/ sgo ni mi 'gyur mthing nag ste// sgo khyams shin tu mdzes byas la// mu khyud dkar la rin chen sngo// zur mtshan dmar la mtha' sdud dkar// gru chad nag la khyams bzhi ser// las bzhi'i dbyings ni gang dang mthun// khyams dang sgo rgyan de bzhin te// dbus su bdud 'dul yab yum ste// spyan sngar rdo rje 'dus pa gzungs mar bcas// phyogs bzhi rin chen dag la ni// rigs bzhi'i sras mchog rim par dgod// mtshams la rigs kyi yum bzhi ste// tshom bu'i dkyil 'khor nyi shu la// thabs dang shes rab gong bzhin no// gzhan rnams kyang ni de bzhin te// gzugs brnyan dkyil 'khor de skad gsungs/ rdo rje phur pa gsang ba'i rgyud chen po las/ gzugs brnyan dkyil 'khor bca' ba'i thabs bstan pa'i le'u ste nyi shu rtsa dgu pa'o// // de nas yang rdo rje 'dus pas gsol ba ni/ rdo rje khros pa mi bzad pas// dregs pa chen po bsgral ba'i tshe// dus gsum rgyal ba'i rgyud bskul zhing // drag shul rjes su spyod pa'i tshe// lha rnams bstod bskul ji ltar lags// mi bzad khros pas bshad du gsol// zhes gsol pas// mi bzad khros pa'i rgyal pos 'di skad ces gsungs so// dbus kyi khrag 'thung bdag nyid dpal// rnam par thar pa'i dbu gsum la// g.yas dkar g.yon dmar dbus mthing zhal// pha rol phyin drug phyag rgya las// rdo rje rtse dgu rtse lnga dang // me dpung kha T+wAM ri rab phur pa 'dril// rdzu 'phrul chen po bzhi yis zhabs dag gis// dregs pa pho mo nyi zla pad+ma'i gdan la bzhugs// 'jigs byed sku la dur khrod rgyan gyis brgyan// glang chen stag chas zhing chen g.yang gzhis bklubs// thod sbrul la sogs sku la rgyan gyis brgyan// thal chen zhags dang rak+ta'i thig les brgyan// rdo rje gshog pas srid gsum zil gyis gnon// bskal pa'i me ltar 'bar ba'i klong na bzhugs// dpa' sgeg 'jigs su rung ba'i sku mnga' ba'i// rgod dang gshe dang 'jigs byed gsung gi mchog/ snying rje rngams dang zhi byed thugs// sku gsung thugs kyi bdag la phyag 'tshal bstod// g.yon nas yum chen e ka tsa ti ma// zhal gsum phyag drug sku mdog mthing // kha T+wAM ut+pal dril bu dang // b+han+d+ha rak+ta rdo rjes dkrug cing gsol// ri rab phur bu 'dril zhing 'debs// rgyan rnams kun gyis legs brgyan cing // gsang ba'i yum chen nyid la phyag 'tshal bstod// thugs rje nyid las 'khrungs pa'i sras mchog ki la ya// sku gsung thugs yon phrin las dus la bab// rdo rje 'dus pa'i sras mchog kI la ya// mthing nag zhal gcig phyag bzhi sku smad zur gsum po// rdo rje sta re kha T+wAM ri rab phur bu 'dril// rigs kyi yum 'khril tshangs pa brgya byin gdan la bzhugs te las rnams ma lus mdzad// zhe sdang chen po'i phrin las dus la bab// rin chen 'dus pa'i sras mchog kI la ya// smug nag zhal gcig phyag bzhi sku smad zlum// 'khor lo sta re ri rab phur bu 'dril// rigs kyi yum 'khril tshangs pa'i gnas la bzhugs te zhi ba'i phrin las mdzad// gti mug chen po'i phrin las dus la bab// rin chen 'dus pa'i sras mchog kI la ya// ser nag zhal cig phyag bzhi sku smad zur bzhi ste// rin chen sta re kha T+wAM ri rab phur bu 'dril// rigs kyi yum 'khril ma hA de ba'i gdan la bzhugs nas rgyas pa'i phrin las mdzad// nga rgyal chen po'i phrin las dus la bab// pad+ma 'dus pa'i sras mchog kI la ya// dmar nag zhal gcig phyag gnyis sku smad zla gam re// pad+ma sta re kha T+wAM ri rab phur bu 'dril// rigs kyi yum 'khril khyab 'jug gdan la bzhugs te dbang gi phrin las mdzad// 'dod chags chen po'i phrin las dus la bab// karma 'dus pa'i sras mchog ki la ya// ljang nag zhal gcig phyag bzhi sku smad zur gsum ste// rgya gram sta re kha T+wAM ri rab phur pa 'dril// rigs kyi yum 'khril dbang phyug chen po'i gdan la bzhugs te drag po'i phrin las mdzad// phrag dog chen po'i phrin las dus la bab// steng phyogs gru gsum rdo rje'i brag stong na// hUM mdzad dkar dmar sngon te rdo rje dung // mnga' gzhu 'gengs dang ri rab phur bu 'dril// tshangs pa pho mo bsnol ba'i gdan steng na/ sgra 'byin sku 'dra 'khril sbyor rol pa las// sprul pa'i phra men phag dang smig bu'i mgo/ rol pa chen po'i phrin las dus la bab// shar phyogs gru gsum rdo rje'i brag steng na// rnam par rgyal ba dkar dmar skya ste rdo rje dang // 'khor lo lcags kyu tri shul ri rab phur bu 'dril// brku byin pho mo bsnol ba'i gdan steng na// mda' snyems sku 'dra 'khril sbyor rol pa las// sprul pa phra men stag dang bya rgod mgo/ zlog byed chen po'i phrin las dus la bab// shar lho gru gsum rdo rje'i brag steng na// dbyug pa sngon po dkar dmar sngo ste rdo rje dung // rin chen dbyug pa me dpung ri rab phur bu 'dril// me lha pho mo bsnol ba'i gdan steng na/ sder mo sku 'dra 'khril sbyor rol pa las// sprul pa'i phra men g.yag dang bya rog mgo/ 'joms byed chen po'i phrin las dus la bab// lho phyogs gru gsum rdo rje brag steng na// gshin rje gshed po sngo nag mthing ste rdo rje dang // be con dbyug to ral gri ri rab phur bu 'dril// gshin rje pho mo bsnol ba'i gdan steng na// dur khrod skra 'dra 'khril sbyor rol pa las// sprul pa'i phra men sha ba 'ug pa'i mgo/ 'jigs byed chen po'i phrin las dus la bab// lho nub gru gsum rdo rje'i brag steng na// mi g.yo mgon po mthing dmar sprug te rdo rje dung // spu gri zhags pa ri rab phur bu 'dril// srin po pho mo bsnol ba'i gdan steng na// gtun khung sku 'dra 'khril sbyor rol pa las// sprul pa'i phra men gzig dang khwa yi mgo/ mi 'gyur chen po'i phrin las dus la bab// nub phyogs gru gsum rdo rje'i brag steng na// rta mgrin dkar sngon dmar te rdo rje dung // ral gri sbrul zhags ri rab phur bu 'dril// chu lha pho mo bsnol ba'i na steng na// gtum mo skra 'dra 'khril sbor rol pa las// sprul pa'i phra men byi la pu shud mgo/ brjid pa chen po'i phrin las dus la bab// nub byang gru gsum rdo rje'i brag steng na// gzhan gyis mi thub dmar nag ljang ste rdo rje dung // ba dan rdul g.yab ri rab phur bu 'dril// rlung lha pho mo bsnol ba'i gdan steng na// mda' snyems sku 'dra 'khril sbyor rol pa las// sprul pa'i phra men sbrang ki khra yi mgo/ khyo shug chen po'i phrin las dus la bab// byang phyogs gru gsum rdo rje'i brag steng na// bdud rtsi 'khyil ba dud ser ldang ste rdo rje dung // rgya gram dril bu ri rab phur pa 'dril// gnod sbyin pho mo bsnol ba'i gdan steng na// rlung basbyin sku 'dra 'khril sbyor rol pa las// sprul pa'i phra men seng ge pha wang mgo/ gzir ba'i phrin las chen po mdzad du gsol// byang shar gru gsum rdo rje'i brag steng na// khams gsum rnam rgyal ljang ser skya ste rdo rje dung // mda' gzhu kha T+wAM ri rab phur bu 'dril// dbang ldan pho mo bsnol ba'i gdan steng na// gsod ma sku 'dra 'khril sbyor rol pa las// sprul pa'i phra men dred dang sre mo'i mgo/ sgrol ba'i phrin las chen po mdzad du gsol// 'og phyogs gru gsum rdo rje'i brag steng na// stobs chen ljang ser dud ka rdo rje dung // tho ba gtun shing ri rab phur pa 'dril// sa bdag pho mo bsnol ba'i gdan steng na// bskyod ma sku 'dra 'khril sbyor rol pa las// sprul pa'i phra men dom dang byi ba'i mgo/ 'debs pa'i phrin las chen po mdzad du gsol// dkar mo pu shud mgo can phur bu lcags kyu 'dzin// snying rje chen pos phrin las mdzad du gsol// sngon mo skyeg mgo zhags 'dzin phur pa 'dril// byams pa chen po'i phrin las mdzad du gsol// dmar mo srin bya'i mgo can phur bu lcags sgrog can// dga' ba'i phrin las chen po mdzad du gsol// ljang nag khra mgo dril bu phur bu 'dril// btang snyoms chen po'i phrin las mdzad du gsol// zhes gsungs so// rdo rje phur pa gsang ba'i rgyud chen po las/ lha la bstod cing phrin las bcol ba'i le'u ste sum cu pa'o// // de nas yang rdo rje 'dus pa'i rgyal pos// bcom ldan 'das la 'di skad ces gsol to// rdo rje khros pa'i rgyal pos// dregs pa pho mo'i chung ma rnams// ma chags thabs kyi sbyor ba las// dgye ba'i phrin las spros pa yi// mkha' 'gro ma rnams ji ltar sgrub// ces gsol pas/ bka' stsal pa ni/ rdo rje mkha' 'gro sgrub par 'dod pas// dur khrod chen po rab dben par// ra ba yar gyi ngo la 'jug/ dkyil 'khor zla gam le'u dgu pa las// gru chad dang ni blo 'bur dang // bar khyams sgo rim gnyis par bya// dbus su sngags kyi bdag po ste// gzugs dang bcas nas dgod par bya'o// go'u rI tso'u rI pra mo be ta li// phyogs kyi le'u tse dag la dgod// puSh+pa g+hasma tsaN+Da lI// mtshams kyi le'u tshe dag la dgod// seng gdong stag dang wa dang sbyang ki rnams// phyogs kyi glo 'bur bzhi la'o// bya rgod dur bya bya rog 'ug pa'i mgo/ mtshams kyi gru chad dag la'o// rta gdong phag dang sbrul dang seng ge bzhi// dang po sgo bzhi dag la'o// srin mo tshangs ma lha chen gsum// shar stod lcags ri dag la'o// gtogs 'dod gzhon nu brgya byin gsum// shar smad lcags ri dag la'o// rdo rje bdud rtsi zla ba gsum// lho stod lcags ri dag la'o// be con srin mo zla ba gsum// lho smad lcags ri dag la'o// dga' ba stobs chen rdo rje gsum// nub stod lcags ri dag la'o// 'dod pa nor srung rlung lha gsum// nub smad lcags ri dag la'o// gsod byed chen mo phag mo gsum// byang stod lcags ri dag la'o// rgan byed sna chen chu lha gsum// byang smad lcags ri dag la'o// rdo rje nag po rdo rje sder// rdo rje dmar mo ljang nag bzhi// phyi yi sgo bzhi dag la'o// de yi lcags ri nag po la'o// mkha' 'gro ging dang pho nya sring mo rnams// rang bzhin don gyis gnas par bya'o// yang na snying po lnga bcu nyid// thod bu dag la bris te dgod// yang na phyag mtshan lnga bcu nyid// so so'i gnas su de bzhin no// dur khrod thod pa'i nang nyid du// ras chen sdong bu gsum sgril du// snang ba'i 'od can nyid du dgod// yang na yab yum byang sems kyis// gsang ba'i thig le lnga bcu bya// rdo rje sha chen thang mar bdal// dmar gyi rak+ta rgya mtshor bskyil// rus pa'i phung po ri ltar spungs// zhing chen g.yang gzhi sprin ltar gtibs// sprin chen lnga ldi bye ltar bkram// ba su'i rgyu phreng 'khor bar ldan// gsur chen dud pa rgyun mi gcad// mchod pa'i rim pa ci 'byor dang // yo byad la sogs bcad la bya// de nas rnal 'byor blo ldan gyis// phyi nang rgyu 'grul dam du bsdams// chag nyams dam bshags byin dbab ste// rtags gdab mchod rdzas byin gyis brlab// dam bcas rnal 'byor tshul phyag ni// rgyal ba'i mdzad spyod gzhung la bsnyeg/ thugs dam bzhin du snyan gsan gsol// rang bzhin gnas nas spyan drangs te/ ting 'dzin bskyed de nyid la bstim// sku gsung thugs kyi gzi byin bskyed// sems can don du brtan par bya// khams gsum kun gyi gdug pa dang // 'khor gyi ma tshogs zil gyis gnon// ye shes lha la dbang mi bza' phyir phyag kyang btsal// 'gro ba'i don du dam bcas te// kun tu bzang po lngas mchod nas// bdud rtsi rak+ta gtor ma gus dbul bstod// don gsol rol mo yid 'ong sgrogs// 'byor pa tshogs mchod dus drug rgyun mi gcad// ma nor ma bcos dbyings nyid dang // rang bzhin lhun gyis grub pa'i gnas// mi dmigs nam mkha'i klong du bsgrub// bde chen byang chub brtan par bzung // gnyis med mtshon pa'i lam bzang po// srid pa dbang du bsdus nas ni// khams gsum kun las 'das pa ste// 'di ni bdag gi byang chub sems// rgyu mchog 'bras bu yi ge hUM// srid pa gsum la dbang bsgyur cing // bcom ldan 'das dang skal pa mnyam// byang chub sems ni mngon sum brtan// sa ye/ ba ma/ ya/ ra/ sa?/ kaM/ b+hU/ than+d+ha b+hU/ a ba b+hU/ nam mkha' rdo rje rlung nag rgya mtsho dang // sa gzhi keng rus ri rab ste// 'byung chen lnga las grub pa'i gzhal las ni// dbyibs dang kha dog mtshan nyid ni// so sor gsal kyang ma 'dres te// ye nas ma bcos yum chen lnga yi dang // brjod bral spros bral 'khor lo rgyas 'debs klong // mkha' mnyam rin chen 'bar ba'i gzhal yas ni// nam mkha'i mtha' ltar kun tu khyab par bdal// phyogs bcur rgya yongs ma chad pa'i// phyi dang nang med kun tu nang // dur khrod 'bar ba'i gzhal yas ni// zhing chen gcal bkram rmad du byas// b+han+da skam rlon rtsig tu brtsigs// gnam lcags gzer btab brgyan rnams rdzogs// gdan tshogs 'bar ba'i gzhal yas ni// dbus kyi zla gam sgo can ling tse dgu// gru chad glo 'bur sgo rim gnyis kyis mdzes// rin chen dur khrod rgyan gyis brgyan par gsal// lha rnams kun la brgya rtsa brgyad// ru lu 'od kyis gnas sbyang dang // bsnyen pa dang ni nye bsnyen dang // sgrub pa sgrub chen rdzogs par bya// yan lag bzhi dang ldan byas na// mtshan ma 'byung bar gdon mi za// gsung gi ngo bo hUM nyid las// thugs kyi phyag rgya rab 'bar nas// phra mo sku yi 'phro 'du las// yab yum rtsa ba'i skur gsal te// rin chen 'bar ba'i khri steng du// ma hA de bi sti snol kha// nyi shu gsal ba'i dkyil 'khor la// chags med pad+ma kha stod rgyas// hUM hUM/ badz+ra b+han+da dz+nyA na// oM badz+ra kI li kI la ya dip+ta swA hA/ oM badz+ra ki li ki la ya/ sarba big+h+na baM hUM hA phaT/ dIp+ta tsakra ha na ha na hUM phaT/ a ma ti dzi ti sta ra sti sti ra baM/ rat+na ma hA sUr+ya tsan+da pad+ma maN+Da la/ rdo rje pad+ma ldan byas nas// byang chub sems ni nyi zla'i 'od// thim pas thim gyur gnyis ka spro// gnyis med dgyes pa'i byin brlabs las// de nas dgyes te ha brjod pas// gnas kyi lha mo brgyad 'thon te// phyogs bzhi mtshams brgyad nyid du ni// ngo mtshar stan dang lag char ldan// ha ha ha ha ha ha ha ha/ de nas dgyes he brjod pas// yul gyi lha mo brgyad 'thon te// gru chad glo 'bur dag la yang // ngo mtshar chas nas gong bzhin no// he he he he he he he he/ de nas dgyes te phaT brjod pas// ye shes sgo ma bzhi 'thon te// gzhal yas chen po'i sgo bzhir 'khod// phaT phaT phaT phaT/ badz+ra e ma sAr+ya maN+Da la hA/ a tsaN+Da maN+Da la yaM/ ma hA bo d+hi tsat+ta maN+Da la tsA/ d+hAts+tsha b+hU b+h+yo b+h+yo b+h+yo/ b+hob+hU d+h+yA b+h+yAM b+h+yo b+h+yo// b+h+yo b+h+yo b+h+yo b+h+yodz+dza b+h+yo// b+h+yo b+hU dz+ha b+h+yo b+h+yo b+h+yo/ b+h+yo b+h+yo b+h+yo b+h+yo/ zhes dgyes pa'i phrin las spros te// phyi yi khyams dang sgo la 'khod// ye shes mkha' 'gro rnams 'thon te// sngon gyi rgyal ba'i mdzad spyod bzhin// las kyi ma tshogs zil gyis mnan// phyag rgya'i dkyil 'khor gsal ba dang // byin rlab dbang bskur sngon byung bzhin// cho 'phrul chen po'i rang bzhin du// mkhas pas nan tan bskyed de bya// badz+ra go'u ri ha/ badz+ra tsi'u ri ha/ badz+ra pra mo ha/ badz+ra be ta lI ha/ badz+ra puk+ka sI ha/ badz+ra g+hasma rI ha/ badz+ra sma sha nI ha/ badz+ra tsaN+Da lI ha// badz+ra seng ha mu khI hi/ badz+ra bya g+ha mu khI he/ badz+ra shwa na mu khI he/ badz+ra gr-i D+ha mu khI he/ badz+ra kang ka mu khI he/ badz+ra ka/ ka mu khI he/ badz+ra u lU ka mu khI he/ phaT Ar+ya te tsa te dza/ phaT a mu ka si ti hUM phaT/ phaT badz+ra lo ka baM/ phaT badz+ra b+hasmi pa la ya ba tu ho/ ma nu rak+Sha sI b+h+yo/ bra h+ma Ni b+h+yo/ ro'u tI b+h+yo/ biSh+Ta be b+h+yo/ ku mA rI b+h+yo/ in+d+ra NI b+h+yob+ho/ badz+ra ping ga la ma b+h+yo/ a mr-i taM b+h+yo/ so'u ma b+h+yo/ daN+Da daM b+h+yo/ rak+Sha sI b+h+yo/ b+hak+Sha sI b+h+yo/ ra ti badz+ra b+h+yo/ ru d+hi ra man+ta b+h+yo/ e ke tsa ti NI b+h+yo/ ma no ha raM b+h+yo/ sid+d+hi kA b+h+yo/ ba ya be b+h+yo/ ma hA ma ra Na b+h+yo/ ag+ni b+h+yo/ ba ra hI b+h+yo/ tsa muN+Di b+h+yo/ su ta ni b+h+yo/ ba ru NI b+h+yo/ ma hA ka lI b+h+yo/ tsa ka la b+h+yo/ kum+b+ha kar+Na b+h+yo/ badz+ra laM bo da ra b+h+yo/ oM badz+ra kI li kI la ya sarba big+h+nA na baM hUM phaT/ hUM dIp+ta tsakra ha he phaT b+h+yo ru lu ru lu hUM phaT/ nges pa'i don du rdo rje mkha' 'gro rnams// gdeng ldan rnal 'byor dag gis bsgrub gyur na// las kyi mkha' 'gro 'khor bcas kyis// dam bcas bzhin du rtags dang mtshan ma'i brda ston te// gdeng med dag la ston par ga la 'gyur// brda dang lan du ma 'byor na// thabs med shes rab zang ka bas/ brda la len du brtson par bya'o// lha mo dag gi sprul pa dag/ gang zhig sor mo gcig ston pa// nges par legs par 'ong ba yin// de yis sor mo gnyis ston pa// g.yon pa'i mthe bong bcangs pa las// bskrun med phyag rgya'i brda yin te// g.yas pa'i mthe bong bstan par bya// don dam bden pa ldan dri ba'i// gang zhig srin lag ston pa na// de yis mthe chung bstan par bya// kun rdzob bde ldan dri ba yi// gang zhig mdzub mo ston pa la// de yis gung mo bstan par bya// thabs dang shes rab ldan 'dri ba// gang zhig srin mtheb ston pa la// de yis mgrin pa'i rus phreng bstan// lha yi skur bsgom nus pa yi// gang zhig gos ni ston pa la// de yis dbyug to mu tra bstan// sbyor ba'i byed pa dam pa yi// gang zhig nu ma ston pa la// de la gsang ba'i rdo rje bstan// bden rdzun legs par 'dri ba yi// gang zhig gsus pa'i so ston na// kha dang lce ni rab tu ston// bden na sbyor ba bya ba yis// gang zhig 'khril dgu ston pa la// bdag gi spyi gtsug dgo bar bya// sbyor ba ma nus sdigs byed pa'i// de yi khro gnyer ston pa la// de yi lag mthil bstan te bsdig mi dgos// sbyor ba'i don la nyal lo ba'i// de yis rkang mthil ston pa la// de yis gnas dgur sen mo gdab// de ltar sbyor ba byas gyur na// tshig gi dbang gis srin po 'du 'gyur te// slas dang grogs su the tshom med// rus phreng la sogs rgyan thogs nas// bdag la dbang bskur byed 'gyur na// mtshan ma'i cho 'phrul ci bstan yang // chos nyid mnyam las ma g.yos na// bu yi dam tshig shes 'gyur te/ e ma ho bu ni rdo rje che// shin tu brtse ba'i mtshan nyid kyis// ma ltar dgos pa'i don byed 'gyur// brtul zhugs phyag rgya ldan 'gyur na// bran dang sring mor the tshom med// ma bcol bzhin du las rnams byed pa ni// nor bu rin chen bzhin du re ba skongs// de ni las kyi mkha' 'gro ma'o// bdag gi bu mo'i tshogs ni ye shes mkha' 'gro ma'o// rig 'dzin sa la smin te mngon pa nyid// rjes 'jug gang zhig rnam shes phung po yul dang khams rnams kun// ma spangs gnas su dag ste sangs rgyas 'di yis 'grub// las kyi mkha' 'gro bsgrubs pas sangs mi rku// brda dang rtags bstan de kun sgrib pa ste// mtshan ma'i chos kyis ting 'dzin g.yeng ba'i rgyu// de bas sems dang sems las byung ba 'bad par bya'o// las kyi mkha' 'gro 'dul ba nyid// ye shes mkha' 'gro grub pa'i shugs las 'byung ba ste// don dam de la bsgrub pa'i rtags mi bca'o// sngon gyi dam pas gsung rgyu tshogs bsag phyir// las kyi mkha' 'gro ging dang ma sring pho nya 'bar tshogs la// tshogs kyi lhag ma kha chus bran te sbyin// dam bcas bzhin du gsal ba'i las bcol lo// spyan drangs ye shes mkha' 'gro ma// gtang rag tshul du mchod phul la// nyes pa bshags te don gsol nas// gzhal yas nyid du gshegs su gsol// bskyed pa'i mkha' 'gro'i tshogs rnams kun// bdag nyid chen po'i sku la bsdu// de nas rim gyis mi dmigs par// thig le byang chub brtan par bzung // gzugs brnyan zhal phyis chag chag gdab// ces gsungs so// rdo rje phur pa gsang ba'i rgyud chen po las/ ye shes kyi mkha' 'gro ma bsgrub cing / las kyi mkha' 'gro ma yongs su dam la btags pa'i le'u ste sum cu rtsa gcig pa'o// / de nas yang rdo rje khros pa'i rgyal po la/ rdo rje 'dus pas gsol pa/ thabs kyi spyod pa mdzad pa'i tshe// phyogs bcur bzhugs pa'i sangs rgyas kyis// khros pa'i rgyal la dbang bskur bzhin// rjes su 'jug pa ji ltar bya// zhes gsol pas// khros pa'i rgyal pos bka' stsal pa// dod tshad rtags ldan bla ma yis// brtul zhugs 'chang ba'i slob ma'i phyir// yid 'ong me tog rgyas pa'am// dur khrod chen po rab dben par// mchod rten drung dam kun dga' ra// der ni dbang gi las bya ste// sa cho ga mtshams rnams gong dang 'dra// gnyis pa sta gon bya ba ni// dkyil 'khor dam rdzas chag chag gdab// lha rnams rtsa ba'i sngags brjod cing // bdud rtsi lnga yi thig le bya// thod pa'i bum pa bcwa lnga la// dur khrod skra yis kha rgyan bya'o// ro ras dag gis mgul brgyan te// zhing chen dag gi gdan la bzhugs// de nas slob ma sta gon ni// ba su ta yis srung skud bya// dur khrod rkang la so shing bya// rdo rje dri chu'i kha dag bya'o// dbang gi yo byad ma lus kun// skabs der nges par bsog par bya'o// de dag sngags dang bskul tshig rnams// zhi ba'i las dang 'dra ba ste// thabs ni bdag nyid khros pa'i las su bsgyur cing bya'o// thig tshon cho ga gong bzhin te// dkyil 'khor gru bzhi lham pa la// sgo dang bar khyams sgo khyud dang // de nas thigs bskor gnyis byas la// nang tshan brgyad brgyad nyid du bya// dbus kyi pho brang zlum po la// thig bzhi btab pas dkyil 'khor dgu// dbus su zla gam gcig byas te// mdun rgyab gnyis su zla gam bzhi// phyogs kyi le'u tshe las gzhu'i dbyibs// phyi rim brgyad cha nyis 'gyur la// dbang gi zla gam bcu drug bya// zla gam rnams ni dmar bar bya'o// las bzhi'i dbyibs ni rigs dang sbyar// gzhan yang mdzes shing legs par bris// dbus su khros pa'i rgyal po ste// mdun stengs logs bzhi khro bo bzhi// phyi rim zla gam bcu drug dgod// spyod phyogs bzhi yi dkyil 'khor bzhi// sras kyi phur pa lnga po dgod// gru mtshams bzhi la phyag rgya bzhi// sgo bzhi dag la sgo bsrung ste// zla gam nyi shu rtsa gcig ni// shes rab yum gyi b+ha ga nyid// khro bo nyi shu rtsa gcig ni// thabs mchog yab kyi ngo bo'o// thabs dang shes rab dbyer med don// rgyan dang mchod pa mdzes par rdzogs// cho ga'i rim pa gong bzhin du// de nas gzhugs pa'i rim pa nyid// zhi ba khro bor bskur zhing bya// de nas dbang gi rim pa nyid// rang la sku yi cha rkyen dbang // sngon byung bzhin du bskur ba ni// phung po ma spangs ngo bo nyid// gsang ba'i snying po brjod las 'das// rak+Sha me dpal skur bsgoms te// lhang nge ba ru nges pa gsal// oM badz+ra kI li kI ya la sarba big+h+nAn baM hUM phaT// e ma ho de ni rang byung ba'i// dpal chen rdo rje gzhon nu'i sku// 'khor ba yongs su sbyong ba'i phyir// ye shes sems dpas dbang bskur ro// dz+nyA na satwa/ ki la ya A/ srid pa gsum la dbang sgyur zhing // byang chub sems ni mngon sum bstan// khams gsum ye shes skyed pa'i phyir// dbu la rigs lngas dbang bskur ro// oM AHhUM swA hA// ye shes drug gi rang bzhin te// pha rol phyin pa drug gi rtags// rdo rje la sogs phyag mtshan gyis// rgyu drug gnas su sgrol bar shog/ zhag gi zo ris don dam bcud kyi rgyan rgyun kyang // rak+ta'i thig le thugs rje chags pa'i rtags// thal chen thig le mtshan ma spros dang bral// mtshan ma gsum gyi don dam mtshon par shog/ ma hA tig sna/ ma hA rak+ta/ ma hA ki ni ri ti/ skam po chos sku ra ri longs spyod rdzogs// rlon pa sprul pa'i sku yin te// dus gsum sangs rgyas bzhugs kun dang // sku gsum ngo bor dbang bskur ro// ma hA ka pA la hUM/ sbrul rigs bzhi yi chun 'khril te// mnyen la 'khril ba sku yi rgyan// zhe sdang chen po'i rang bzhin pas// phrin las bzhi yis gdug pa zhi bar shog/ ma hA nA ga hUM/ glang chen ko rlon stobs bcu'i brjid du ldan// tshul khrims g.yang gzhi thabs la mkhas pa dang // stag lpags sham thabs dpa' bar ldan pa yi// na bza' rgyan gyi dbang mchog thob par shog/ khams gsum zil gnon rdo rje gshog pa 'di// srid gsum 'degs byed rlung gi rang bzhin pas// g.yas pa thabs la g.yon pa shes rab ste// rdo rje gshog pa'i dbang mchog thob par shog/ ye shes gcig las kyang 'dul zabs bye brag tha dad bstan pa'i phyir// rtags kyi khro chung tshon gang gis// dka' nan chen pos 'gro don byed par shog/ kham nag ral pas stong nyid don rtogs ston// mthing nag thal ba'i chun 'phyangs kyis// 'khor ba rtag chad gnyis kyi mtha' sangs te// ma g.yos dbu ma chen po'i don rtogs shog/ 'bar ba thugs rje'i rang bzhin dang // 'phro bas khyab pa'i thugs rje dang // 'du ba dbyings kyi rang bzhin te// gleng ba zad pa'i phrin las dang // 'khyil ba'i gnyis su med pa'i don// rdo rje me yi dbang mchog thob par shog/ de ni sku yi cha rkyen no// de nas mdzad pa phrin las kyi dbang bskur ba ni// bdag dang lag pa'i mchog rnams kyis// rab tu gsor te dril byas nas// byin gyis brlabs shing dbang bskur bas// gnyis med chen po'i byin rlob shog/ gu gul sbyar ma'i rdzas mchog dam pa 'dis// sras mchog kI la ya yi gzi mdangs rab bskyed nas// mtshan dang dpe byad ldan gyur cing // 'gro ba'i don rnams byed par shog/ nyung dkar rgyal po'i sras mchog 'dis// bder gshegs sras mchog rnams kyi ni// thugs dam chen po bskul nas kyang // 'gro ba'i don rnams byed par shog/ rak+ta'i rgyal po chags pa'i bdag nyid 'dis// 'gro ba'i don la thugs dam rab bskul zhing // phyogs bcu'i 'jig rten rab 'byams su// thugs rje chag pas don rnams byed par shog/ thugs rje chen po'i cod pan 'di// thabs dang shes rab rtags yin te// gzung 'dzin mtha' rnams rab spangs te// dbyings dang ye shes mtshon par shog/ phyi nang gsang ba'i mchod rdzas te// dus gsum sangs rgyas mnyes mchod cing // 'gro ba'i don la thugs bskul zhing // mchod sbyin stobs kyi dbang mchog thob par shog/ bsgrub pa'i shes rab tshon gang ba// gsang ba'i sngags kyis rab bskyed la// dus dang rgyan du bzla dgos pas// 'dzab bsnyen 'di yis dbang bskur ro// di ni mdzad pa phrin las kyi dbang ngo // drag po bsgral ba'i dbang ni// dbyings dang ye shes don dam pho nya dang // thabs dang shes rab rtags kyi pho nya dang // 'khor ba'i gnas nas dgra bgegs 'gug pa'i phyir// mngag pa pho nya'i phur bu gzung // phyag rgya bzhi ldan phur bu 'di byin pas/ dgug dang bcings dang dbang du bsdu ba'i phyir// bar chad dgra bgegs ling+ga la 'debs par shog/ rdo rje gdab phur 'di byin pas// ye shes dbyings la phur pa 'debs pa'i rtags// mtshan ma thabs kyi phur bu 'dis// gdab pa'i ling+ga shes pa la// thabs mchog phur bu 'debs par shog/ mtshon cha lnga ldan phur bu 'di byin pas// 'joms byed rdo rje gcod pa'i 'khor lo dang // gtub pa'i ral gri brdung ba'i dbyug to dang // gnon pa'i rgya gram phrin las kyis// ma rig rgya mtsho 'dral bar shog/ rin chen rgyas pa'i phur bu 'di byin pas// dmigs pa'i mthu dang rtsal byed lha la sogs// gnas su bskrad cing rdzu 'phrul phrogs nas ni// rang nyid tshe dang dbang thang rgyas par byed par shog/ khro mo 'bar ba'i gtun khung du// khro bo 'bar ba'i tho tshogs kyis// 'khor ba'i bag chags sbyong ba'i phyir// mtshan ma'i dngos po rdul du rlog par shog/ drag po'i mchod gtor 'di byin pas// dam can rnams kyi thugs bskul zhing // gdug cing sdang sems ldan pa rnams// lus ngag rdul du rlog par shog/ dbang mchog dug gi gtor ma 'di byin pas// gnod byed ma lus myos shing 'tshubs pa dang // bag chags sbyong phyir sdig pa mthol gyur nas// myos 'tshub 'bab chol sbyo ru chug/ rdo rje srin po za byed dang // rdo rje srin mo zhal gdangs par// sha rus khrag ste drug gsum mchod pa yis// dug gsum stongs nas sku gsung thugs ldan shog/ klong yangs 'khyil ba'i hom khung du// 'bar 'phro 'du klong me lce de// ya ma me yi sbyor ba yis// lha rnams ma lus mnyes byed shog/ zil gnon ri rab phur pa 'di byin pas// skal med byung ngan dus zad rnams// byang chub sems ni ma skyes par// gnon byed stobs kyi dbang thob shog/ rigs ngan sme sha gdol pa'i rigs// kha cig kha ral gzungs ma la// phyag rgya'i dkyil 'khor gsal bar bkod// dbang bskur rim pa gong bzhin no// gong gi gzungs ma de nyid las// zab mo'i dbang yang de bzhin bslang // de ltar dbang rim rdzogs gyur na// mi zhes bya ba bde gshegs yin// sangs rgyas zhes ni gud na med// de yis las rnams 'grub par bshad// de ltar drag po'i dbang rdzogs nas// gnon byed ma lus rang bzhin du// zhe sdang gting nas ma g.yos kyang // rang ngam shugs kyis sgrol 'gyur na// dmigs pa bcas na smos ci dgos// de ltar dbang mchog ma thob par// bsgral ba nyid las btson byas kyang // rang nyid tshe yi bar chad nas// 'khor ba'i g.yang sa chen po lhung // de bas nan tan bskyed par bya'o// zhes gsungs so// rdo rje phur pa gsang ba'i rgyud chen po las/ khro bo phrin las kyi dbang bskur ba'i le'u ste sum cu rtsa gnyis pa'o// // de nas yang rdo rje 'dus pas 'di skad ces gsol to// kye ma ho rdo rje gsang ba'i bdag/ bde gshegs rol pa'i rjes 'jug pa'i// rdo rje'i dbang rdzogs rnal 'byor pas// rjes su 'jug dang dam tshig rtogs// bsrung ba'i dam tshig rnam pa gang // phyi rabs don du bstan du gsol// rdo rje gsang bas bka' stsal pa// nyon cig rdo rje 'dus pa'i gtso// dam tshig dam tshig ces bya ba// rtogs pa'i don nyid yin pa ste/ de las 'das na tshig par 'gyur// rtogs pa'i don rtogs bde gshegs kyi// zhal nas gsungs pa'i gdams ngag ste// de yi don la 'das na tshig par 'gyur// gdams ngag rim par bstan pa ni// rtogs par bya ba spyi yi dam tshig yin// bsrung bar bya ba khyad par dam tshig ste// gnas par bya/ ba lhag pa'i dam tshig yin// mdor na rnam pa gsum du gsungs// yan lag rnam par phye bas rim pa ste// don dam gnyis med ston pa'i rdo rje mched rnams la// lha log ngan sems rku 'phrog brdeg la sogs// ngan du smras shing gnod pa dngos su bgyis// sku yi dam tshig nyams pa dmyal ba'i rgyu// dang po dam tshig bcas pa bzhin// bzlas brjod sngags dang snying po bar mi gcad// gsung gi dam tshig nyams pa de bzhin no// ye gsang thabs kyis chod nas mi rtogs bzhin du don med spel byed na// thugs kyi dam tshig nyams pa dmyal ba'i rgyu// sbyor dang sgrol ba ma byin len pa dang // tshig brnyan dang ni rdzun spyod pa// nyon mongs rang gar spyod pas ngan song rgyu// dug lnga ye shes lnga yi ngo bo la// ma rig log par mthong bas spangs byas te// mi spang dam tshig nyams pa de bzhin de// dri chen dri chu dmar chen mAM sa sems// so so'i rnam par rtog pas ma 'byongs te// gnyis med don las 'gal ba de bzhin no// phung po 'byung ba kha dog dbang po yul// gnyis med lta ba dang las ma rtogs te// ye shes lnga yi don 'gal gong bzhin no// de bzhin rdo rje rin chen pad+ma las// rigs kyi khyad par ye shes lnga yang snang // ye shes dmigs med don la ma rtogs pas// grub pa'i 'bras bu med pas dmyal ba'i rgyu// sa la 'jug cing spyod pa'i rnal 'byor pas// spyi yi dam tshig don mang yang // don dang bstun pa'i nyi shu rtsa brgyad po// drang dang nges pa'i don du rtogs par bya// khyad par dam tshig bsrung ba ni// gcan gzan rgyal po seng ge dag/ gsad par bya ba'i 'os ma yin// za ma tog gi rin chen dag/ dug rnams spyo ba ma yin no// rin po che yi lcug ma dang // rtsad nas gcad par bya ba min// gangs kyi zhun chu khol ma dag/ khong du btung bar mi rigs so// pad+ma rgyas pa'i ze'u 'bru dag/ kha dbye sprad par mi bya'o// bug rdol can gyi snod dag tu// gsang ba'i bcud rnams blugs pa min// ma brtags pa yi zas dang nor// mi bsrel bcad par mi bya'o// shel gong bzhin du gsal zhing dag pa dag/ 'dam du bsgrub par mi bya'o// seng ge dkar mo'i 'o ma dag/ rin chen gser gyi snod du blugs pa las// dug can dag tu ga la blugs// dgos 'dod bskang ba'i yid bzhin nor bu dag/ thab tu bsreg par yang mi bya// bya rgyal khyung gi gshog pa dag/ bcag par bya ba ma yin no// gnam lcags ngur mo'i mtshon cha dag/ sa la brdab par mi bya'o// stag gzig sgrol ba'i las byas pa'i// las kyi mtha' ma mi rtul lo// rdo rje brag chen gtams pa dag/ bshig cing 'dral bar mi bya'o// rdo rje ra bas bskor ba dag/ gom mtshams bshig par mi bya'o// mun pa sel ba'i sgron ma dag/ gsad cing bsgrub par mi bya'o// rdo rje chu bo'i 'ol kha dag/ bcad cing bsgyur bar bya ba min// rgyal po rtags kyi phyag rgya dag/ gzhan la sbyin bya'i rigs ma yin// rdo rje mkhar rdzong gtam pa dag/ rmang nas bzlog ste mi bshig go// rgyal mtshan rtse la btags pa'i nor bu dag/ 'dod pa'i sems kyis dbog par mi bya'o// khyad par bstan pa'i dam tshig don mang yang // mdor bsdus pa ni nyi shu'i don dang bstun// sa la gnas shing spyod pa'i rnal 'byor pas// bdag gzhan gnyis kyi don du bsrung bar bya'o// lhag pa'i dam tshig gnas par bya ba ni// mdor na rtsa ba bzhir bstan te// spyod pa rgyun dang rang bzhin lta ba dang // lta ba'i nyams drod gal mdo nges pa bzhi// yan lag don nyid bshad pa ni// spyod pa rgyun la dam tshig bzhir gnas te/ gnyid kyi dgra spang myos 'gyur dgra bgegs gzhom// gsang ba'i brda bsrung le lo'i bdud gzhom mo// rang gzhan blta ba'i dam tshig bzhir bstan te// srid gsum yongs su bsgral ba dang // khams gsum zhing du bsgral ba'i ngang // dus gsum mi ru bsgyur ba dang // 'khor ba gnas su dag par blta'o// lta ba'i nyams drod dam tshig gzhir gnas te// gdal ba chos nyid lta ba ye 'byams su// rig pa'i ye shes lta ba ye gsal du// sprul pa'i phyag brnyan lta ba ye gnas su// khyab pa'i snying rje lta ba kun khyab pa'o// gal mdo nges pa'i mdo gsum mo// ma khrel ba yi tshul dang ni// ma nyams pa yi mdo dag dang // mthar phyin pa yi rtags nyid do// ma khrel ba yi tshul la gnyis// bde gshegs thugs kyis ma bas dang // gang zag yid kyis ma dpyad pa'o// nyams pa'i don la bzhir gnas te// zla bos nyams dang zhor la nyams// dbang med nyams dang kun tu nyams pa'o// mthar phyin rtags kyis de bzhin bzhir snang ste// dam can 'du zhing mthu rtsal che ba dang // byin rlab che zhing rig pa chags pa gnyis// yid 'ong 'byung zhing 'dod pa grub pa dang // mang pos bkur zhing grags pa thob pa bzhi'o// dam la gnas pa'i rnal 'byor pas// lhag pa'i dam tshig don la gnas par bya'o// spyi dang khyad par lhag pa'i dam tshig rnams// rtog shing bsrungs te gnas par byas gyur na// sa gzhi chen po 'dra ste kun kyang bskyed// nam mkha' dngas pa 'dra ste go yang 'byed// sreg pa med dang 'dra ste bag chags sreg/ rlan pa chu dang 'dra ste dag par byed// g.yo ba rlung dang 'dra ste 'thor par byed// yid bzhin nor bu 'dra ste re ba skong // gcan gzan seng ge gzhin te zil gyis gnon// gzhung du bsrungs na rang snang 'bras bur 'char// rgyun tu bsrings na sangs rgyas sa la spyod// de la sogs te yon tan bsam mi khyab// nyams par 'gyur bas mi 'grub ste// dngos su nyams na ljon shing mes tshig 'dra// zur gyis nyams na sa bon mes nyams 'dra// kun tu nyams na brjod pa'i mtha' las 'das// de yis bsgrubs kyang mi 'grub ste// slar la rang sems rlag pa dang // 'bras bu 'byung bar mi 'gyur te// tshe dang srog gi bar chad 'ong ba dang // 'jig rten sgro dang skur ba'i gzhi// dam la gnas pa'i rnal 'byor dang // dam tshig nyams pa'i rnal 'byor gnyis// skad cig tsam yang sgra mi bya// smras na dam bca' 'bras bu brlag/ dam tshig nyams pa'i rnal 'byor de// dam la gnas pa'i rnal 'byor pas// dang du blangs te bsgral bar bya// bsgral ba zhi ba'i mchog yin no/ zhes rdo rje gsang ba'i bdag pos/ dam tshig gsang ba'i bkod pa mdor gsungs shing bstan to// rdo rje phur pa gsang ba'i rgyud chen po las/ dam tshig rim par phye ba'i le'u ste sum cu rtsa gsum pa'o// // de nas yang nyid las mi gzhan pa'i rdo rje 'dus pa'i sras mchog dam pa des/ he ru ka dpal la yang gsol ba ni// gdug byed rA tra la sogs pa'i// tshe dang gzi byin kun phrogs te// khros pa'i lha tshogs tshe dang gzi byin rgyas mdzad pa'i// rol pa'i mdzad spyod e ma ngo mtshar che'o// de yi rjes spyod rnal 'byor pas// khro bo'i/ tsha/ 'gro ba'i tshe nyams tshe ldog tshe 'thor pa// rjes su bsgrub na ji ltar bgyi/ zhes gsol ba'i don thugs su chud de/ bka' stsal pa ni/ tshe dbang chen po'i gnas dag ni// 'khor lo gnam la pad+ma sa// ri bo chen po rab dben dang // yod 'od me tog rgyas pa ste// dbyibs 'dra'i sa gzhi rab tu brtag/ yang na ldong gcig ma dang mes reg dang // lung gsum mdo dang dur khrod gnas// 'bab chu chen po'i ngos su bsgrub// lha rnams mnyes par bya ba dang // gdon rnams zhi bar bya dang // srid rtse'i nyes dmigs bsal ba'i phyir// phyi yi gtor ma btang nas ni// rab tu gsang ste rgyan rnams bsags// dur khrod bdag po khyo shug dag/ brjid pa'i stobs kyi gnan par bya// dang po sa yi lha mo mchod// 'khor rnams kun la gtor ma sbyin// bden tshig bsgo ste gnas su btang // lho phye gzhung du brtag byas nas// brkos la sa yi ro lnga bsal// shin tu 'jam la snum pa'i sa// 'thas par legs pa nyid du bya// khru gang gyen du 'phags pa yi// chur ni gru bzhi nyid du bya// bkra shis ras bal skud pa la// shin tu gsar zhing mdzes pa yi// mkhas pas rab tu thogs nas ni// thig gi cha ni rnam par dbye// byang chub sems kyi thig le bya// lha rnams spyan drangs bsam mchod bstod// phyag 'tshal sta gon gnas gsol gdab// bkra shis pa yi rgyu yin no// khrus byas phyag 'tshal gsol ba gdab// srung skud tshems shing kha dag bya// ku sha'i stan 'dug ltas brtag ste// rtags kyi tshad rnams gces par bshad// rin chen sna lnga'am dri zhim shing // yang na sa las byas pa yi// bum pa'i mchog nyid mdzes par bya// bdag nyid chen po he ru ka'i// tshe yi ye shes khyad par las// pad+ma 'dus pa spyan sngar te// rdo rje 'dus pa nub phyogs su// gzhan rnams go rim bzhin du bsam// gzhan yang 'byung lnga'i snying po lnga// rin chen lnga dang sman lnga dang / spos lnga la sogs mgul chings gzungs// kha mngar sgyur rlan snam pos dgang // tshe 'dzin mchog dang zas kyis brgyan// rgyan dang mchod pa bye brag sogs// bu mo gzhon nus bkal tshon skud// gos rgyan mdzes pa yid 'ong gzungs// phyi nang gsang ba'i mchod par ldan// thig gi cho ga rim par bya// kha dog lnga yis mtshan par bya// cho ga bzhin du rgyas byas la// ye shes lnga yi rang bzhin du// mkhas pas dkyil 'khor bri bar bya// b+ha ga he yi dkyil 'khor la// rdo rje'i brag gis rnam par gtams// dbang gi zla gam nyi shu gcig/ chu skyes pad+ma pa tras brgyan// zla gam yum gi ngo bo la// yab rnams thabs kyi phyag rgya ru// sku gsung thugs nyid gang rung dgos// spyan sngar pad+ma 'dus pa ste// phyogs cha bzhi la rigs bzhi'o// sgo bzhi dag tu sgo srung dgod// byin gyis brlabs pa'i bum pa ni// snang ba'i 'od dang bcas pa bkram// lta ba spyod pa mthar phyin pa'i// lung dang man ngag tshad mas brgyan// dad pa mi ldog dam tshig gnas// byang chub sems la rab gzhol cing // byams dang snying rje ldan pas bsgrub// stong pa nyid kyi ye shes ni// rnam par mi rtog rtog las 'das// 'di ni mi 'gyur byang chub sems// mkha' la de bzhin rol pa'i sku// de yi che ba'i byin rlab las// dkyil 'khor bsam yas lhun gyis grub// bu mo lo grangs nyi shu la// phyag rgya'i dkyil 'khor gsal bkod de// spel pa can gyi mthu chen gyis// rnam gsum dag tu nan tan bya// rin chen la sogs bum pa la// dzaHhUM baM hoHbzhis bkug la// sku gsung thugs kyi snying po'i mchog/ lus ngag yid la bstim par bya// nr-i nyid dngos sam yid bzhin mdzod// bum pa mchog ni bzang po yis// tshe bzhag gnas ni de bzhin no// yang nas yang du dgug byas nas// mngon sum smin par gyur pa dang // dbyings su yang ni sba bar bya// rdo rje cho gas bsrung ba ni// brtan cing 'khor los gdab par bya// snying po 'byung lnga'i nang du bstim// sangs rgyas ma lus thams cad kun// rgyal po che dpag med par bsgom// sku mdog gangs ri 'tsher ba la// rgyan phreng sna tshogs rgyan gyis brgyan// yid bzhin rin chen phreng ba dang // za ma tog dang rin chen dang // bum pa bzang la sogs pa yis// gzhan yang 'gro ba'i don bya ba'o// bsam gyis mi khyab mtha' yas mchog/ bgegs kyis nr-i rnams mi ster na// tshe dpag med kyis khro bo ste// phyogs bcu'i nam mkha'i khams bkang nas// sgra skad drag po bton nas ni// thams cad ma lus thul bar bya'o// tshe dpag med pa'i dbang du bsgrub// tshe bsnyen dang ni nye bsnyen dang // tshe sgrub dang ni sgrub chen po// thabs dang shes rab 'byor pa yis// ci 'dod las rnams 'grub par byed// tshe dbang mo ni rgyud 'phel mo// dkar mo'i mdog la 'od 'phro 'gyur// phyag na rin chen gang ba yi// phyag rgya sna tshogs ci yang 'gyur// 'jig rten drug gi phyogs bcu nas// gsang ba'i 'gro/ drug thams cad la// phan pa'i tshe dbang 'di sbyin na// de las phan pa'i nus mthu med// yi ge bzlas pa 'phrul chen ni// rnam gsum tshul gyis ma 'khrul bar// sngags bzlas cho ga par mi gcad// 'dris gsal brtan pa mchog gis bya// oM oM oM shA~M nA~M/ swA hA hA hAn+tu/ a a a a~M aM/ swa swa swa swa sa/ ha hA ha ha ha/ ts+tshar+b+huk+Sh+mAMSh+T+r-iSh+Ta/ b+hA ba bA ba ba/ d+hA dzA dzA dzA d+ha/ yA yA ya ya ya/ swa wa pra wa wa/ shwe she sh+ye she she/ d+hAts+tshaH hU~M hU~M hUM hUM/ A A A A A/ tshe rnams dbang du ma gyur na// bde gshegs lnga yang tshe dpag med// sku gsung thugs kyi gzugs kyis ni// phyogs bcu nam mkha'i khams bkang nas// phyag rgya mtshon cha sna tshogs kyis// 'jig rten phyogs bcu'i bdud bcom nas// 'gro drug tshe rnams dbang du sdud// gshol dang gtun shing phyag rgya yis// 'og gi 'jig rten khams dkrugs nas// gshin rje'i gnas nas tshe bkug nas// snying po lnga la bstim par bya// phyag rgya 'khor lo chen po yis// steng gi 'jig rten khams dkrugs te// dbang drag chen po la sogs pa'i// bar snang bgegs rnams rgyu ba las// nr-i tshe drag tu dgug par bya'o// 'khor lo'i 'bru la bstim par bya// de nas yi ge 'bru lnga ste// nr-i yi gnas lngar bstim par bya// oM AMHhUM/ badz+ra kA bA ga tsa/ badz+ra ra ga hUM/ oM sarba ta thA ga ta nr-i/ ta ya a d+hi tiSh+Tha badz+ra swA hA/ phyag rgya bsrung ba'i cho ga ste// 'bru gcig mi dmigs dbyings su thim// yid bzhin nor bu rin po che// rgyan dang rin chen phreng bas brgyan// rin chen lnga dang sman lnga dang // 'bru lnga spos lnga snying po lnga// gsang mkha' rab ldan blo ldan pas// yan lag ma nyams gsang sngags bsgom// rgyan cha lnga dang ldan byas nas// dkyil 'khor thams cad 'grub par 'gyur// de nas rigs kyi bu mchog des// yo byad ma lus ldan byas nas// mchod yon rnam pas sna tshogs kyis// mnyes mchod dngos grub thob par bya// gdod nas byang chub snying po la// rnam rtog las kyis 'khor ba rnams// rnal 'byor dbang phyug thabs mkhas pas// 'khor ba'i dra ba bkral nas ni// yab yum gnyis med mkha' la bsgral// sgrub pa po yi las su ni// brtul zhugs bskyed de sbyor sgrol brtsam// de dag sngags kyi dam tshig ste// ming gis mi bya mi rung ngo // gal te byas na ltung bar 'gyur// ma byas na yang ltung bar 'gyur// rab brtags bsgom ste bya bar gsungs// rab bskyed spyan drangs mchod byas nas// bsnyen pa gzhung bzhin brtson par bya'o// 'bum mam sum 'bum bzlas nas ni// ma btab bzhin du las rnams 'grub// bsgrub pa'i bar chad byed pa dag/ nyin mtshan gung la rab bkug ste// gzugs la phab ste bcings la bzhag/ ting 'dzin bsar te rab tu gdab// mgo dang tsit+ta lte ba la// gsang gnas yan lag bzhi la gdab// bden pa bdar zhing yang nas yang // gru gsum e yi dkyil 'khor du// bcu gnyis sam ni rtsa gcig gis// sked nas bskor la gnad du brdeg/ gnan cing gzir ba'am de bzhin te// de nas tshe yi dngos grub dag/ nges pa nyid du blang bar bya// bde gshegs mtshan brjod bkra shis gsol// rol mo yid 'ong mnyes mchod 'bul// gtor ma tshogs gsum gnas su dgye// bsdu dang bsrung ba de bzhin te// rigs ma bsgrub par bskyed par bya// zhes gsungs so// rdo rje phur pa gsang ba'i rgyud chen po las/ gzi byin tshe gsang bar bsgrub pa'i le'u ste sum cu rtsa bzhi pa'o// // de nas yang rdo rje 'dus pas 'di skad ces gsol to// e maho rdo rje gsang ba'i bdag/ sems can kun gyi sems can po// sangs rgyas kun gyi thugs kyi mchog/ byang chub sems la phyag 'tshal 'dud// bde gshegs rol pa'i mdzad spyod kyis// drang ba'i don du kun rdzob don bstan nas// nges pa'i don du byang chub sems rtogs bzhin// phyi rabs don du bstan du gsol// a la la ho zhes bya bas ni// gsol ba'i don bcom ldan 'das kyi thugs chud do/ chos nyid byang chub sems kyi de kho na nyid la cung zhig mnyam par bzhag ste/ nyon cig rdo rje 'dus pa'i gtso// don dam byang chub sems kyi don zhus pa ya mtshan che'o// byang chub sems zhes bya ba ni// thams cad kun gyi rgyu 'bras te// rgyu las 'bras bu btsal ba'i phyir// kun rdzob don bstan ming grib cing // 'bras bu don dang ldan pa ste// kun rdzob kun la mi gnas pas// 'bras bu don dam byang chub sems nyid sbyang bar bya'o// nges don gzod nas ma skyes rang bzhin ni// rnam par dag pa'i yum gyi tshul// ma skyes mi 'gag thabs kyi sku// rig pa'i rgyal po rang byung bas// thams cad ma lus dbang du sdud// thabs kyi rgyal po bdag gnas par// 'gro kun bla med gnas su bsgral// chos kun rtsa ba sems yin pas// brtags shing don du rang sems bzang // sems nyid rtsa ba'i don rtogs shing // 'gyur med klong du don mnyam na// gnyis med don gsal ting 'dzin te// lus kyi bskul bskyod phyag rgya la// spyod yul kun tu dkyil 'khor ro// byed spyod thams cad tshogs gnyis 'gyur// phur pa byang chub sems kyi rtags// byang chub sems kyi phur pa yis// srid gsum 'gro ba gdar sha bcad// byang chub sems kyi phur bu yis// ma btab bzhin du lhun gyis grub// mnyam pa'i rgyal po'i rig pas gdab// phur pa chos nyid dbyings kyi rtags// byang chub sems kyi phur pa des// gzhan du gdab pa'i gnas med de// gnyis med ma bcos chos dbyings la// rang rig byang chub sems kyis gdab// phur bu 'dzin chags mya ngan 'das// ma rtogs gzung 'dzin dngos dang bral// dngos po kun bral phur pa yis// dngos po phyin ci log la gdab// don la gnyis med mya ngan 'das// gdab dang mi gdab gnyis las 'das// phur pa skye ba med pa'i don// ma skyes gdal ba'i phur pa yis// dbyings la btab pas rig pa shar// sems la btab pas don dam rtogs// khyab gad la rang bzhin phur pa yis// snang srid kun la khyad par gdab// de ltar rtogs na thebs pa yin// mngon sum gyur na phebs pa yin// tshig las 'das na sangs rgyas yin// grangs las 'das na brjod du med// rang bzhin phur pa'i don nyid ni// phur pa bla ma chen po yin// phur pa chos kyi dbyings zhes bya// phur ni skye ba med pa'i dbyings// pa ni 'gag pa med pa'i don// gnyis su med pas mya ngan 'das// phur ni thabs kyi rgyal po yin// pa ni shes rab dag pa'i don// gnyis med mnyam pas rdo rje'i sku// phur pa kun khyab nam mkha' 'dra// phur pa kun gsal nyi zla 'dra// kun la snyoms pa'i ngo bor snang // chos kyi chos nyid phur pa yin// nam mkha'i mtshan nyid phur pa yin// sems kyi sems nyid phur pa yin// phur pa rgyud kyi rgyal po yin// phur pa lung gi bla ma yin// phur pa man ngag nges pa'i don// gnyis med gsal bas bskyed pa yin// khro bo pho nyas 'jig rten gang // 'phral la gang ba ma yin te// ye nyid nas ni gang bar gnas// gsal bar byas pa skye ba yin// nyams 'og tshud na bsgral ba yin// gnyis su med na sbyor ba yin// lhangs kyis rtogs na thebs pa yin// thugs rjes zin na dam tshig yin// de lta bu yi don ldan na// 'khor ba ngan song mya ngan zlos// sdug bsngal byang chub mya ngan zlos// sems can sangs rgyas mya ngan zlos// yul ni dbyings su mya ngan zlos// mkha' yi gtun khung bde gshegs su// rig drug sems can mya ngan zlos// sems ni chos nyid mya ngan zlos// thams cad 'byung rgyu sems yin pas// sems las rang byung chos med do// sems nyid grol bar bya ba'i phyir// chos kyi bye brag rnam grangs bstan par zad// gnyis med sems kyi rang bzhin no// rgyu 'bras gnyis las mya ngan 'das// 'dzin rtog med pa'i phur pa la// dbyibs dang kha dog mi gnas na// gzugs dang kha dog so sor grags// log rtog phyin ci log bzhir bcings// gnyis med don du byang chub sems// 'pho 'gyur med pa phur pa'i don// mi dmigs nam mkha'i klong du bsgrub// ma nor ma bcos dbyings nyid ni// de ni rang bzhin lhun grub gnas// de la sems kyi 'bras bu ni// rgyu mchog 'bras bu yi ge hUM// gnyis med mtshon pa'i lam bzang po// srid gsum dbang du bsdus nas ni// khams gsum kun las 'das par bsam// de ni bdag gi byang chub sems// srid pa gsum la dbang bskur zhing // bcom ldan 'das dang skal ba gcig/ byang chub sems ni mngon sum bstan// thog mar gzhal yas byang chub sems// de ni rgyu 'bras ma bkag chos// bsgrub pa'i ye shes tshon gang ba'o// gsang ba'i sngags kyis bskyed nas ni// sku dang ldan par rab brgyan cing // khams gsum khro bos gang bar mdzad// gnyis ldan sku gsung thugs su ldan// sku yi tshogs ni rab brgyan te// thugs la 'bar ba'i srog kyang bzhugs// dbu la rdzogs pa'i sangs rgyas bsrung // khro bo mang pos gzir mnan nas// yul ni rnam par sgrol ba'i thugs// srid gsum khro bor rtogs pa'i ngang // srid pa gsum yang khengs zhes bya// de nas phur pa'i byang chub sems// rang byung gzugs med kun khyab pas// rgyu 'bras gnyis las mya ngan 'das// khams gsum ye shes bskyed nas ni// rang byung ye shes gsal ba'i rtags// phur pa ye shes khro bo la// nyi zla ri rab phur bu'i rgyan// shin tu brjid pa'i ye shes kyis// kha gting med pa'i phur pa la// khro bo'i tshogs kyis rab brgyan nas// rang byung ye shes shar ba'i phyir// khams gsum dbang du yang dag bsgrub// khams gsum gdug pa bsgral ba'i phyir// dag pa'i dbyings las ma g.yos kyang // tsham rngams gzi byin glog ltar 'bar// khams gsum rtsa dag bcad pa'i phyir// me dpung gsum gyis khams bsregs shing // lhun gyis grub pa'i dkyil 'khor nas// spyan drang bzhugs gsol dbyer med bstim// gnyis med gsum gyis khams bsregs nas// ye shes 'bar ba'i phrin las bsgrub// khams gsum dus gcig dbang bskur nas// rang byung sku ru rnam dag cing // rab tu srog gi gong shar nas// gnyis ldan sku gsung thugs su ldan// mya ngan 'das pa'i dbyings su gsal// dus gcig le brgan 'bar bar ldan// snying ga lce steng spyi bo nas// yi ge 'bru gsum 'phro 'du las// sku gsung thugs su byin brlab dbang yang bskur// hUM oM AH/ rnam par shes pa ye shes mchog/ rang byung phur bu mya ngan 'das// srog dang dbugs kyi byin brlabs ni// nam mkha' lta bu'i ngang nyid las// gnyis med don gyi sku byung bas// byang chub sems kyi phur bu yis// snang srid chos dbyings nga nyid du// ma btab bzhin du lhun gyi grub// snang srid phur bu shar ba'i phyir// bdag dang lag pa'i mchog rnams la// gnyis med dbyings su sbyor ba'i phyir// yum bzhi'i phyag rgyas byin brlabs te// lag tu blangs te dril bas kyang // khams gsum snang ba'i dug rnams te// dag pa'i dbyings su sgral ba'i phyir// dpa' bo 'bru lnga'i 'phro 'du yis// phur bu'i ri rab phyag rgya ste// rdo rje gzhon nu'i sku gsung thugs// rang byung phur bur byin gyis brlab// rab tu sdug bsngal gsal bar 'gyur// rdo rje rab tu ki la ya// dngos po dbyings su bsgral ba'i phyir// drag tu gsor dril byas nas kyang // chos sku ye shes shar ba'i phyir// sems kyi yul ni rnam bsgral te// ye shes sku yis khyab par gnas// de ni de bzhin gshegs pa'i mthu// snang srid phur bur shar ba na// mkha' la de bzhin rol pa'i sku// chos dbyings thig ler shar ba'i phyir// ma lus phur pas 'debs zhes bya// gnyis med don gyi ngo bo las// rdzogs nas rang gar gsal phyir du// byang chub sems kyi khyad par gyis// nyon mongs sdug bsngal sbyang ba'i phyir// khams gsum gsol bar bsgral bar bya// nyon mongs ye shes gnas gyur cing // srid gsum dbyings su bsgral bar bya// de nas a las rnam dag pa'i// srid pa gsum du gsal 'tsher nas// bdag dang phur bu byang chub sems// sems can lus la bstim byas te// spros shing bsdus pas khrus byas te// 'khor ba gsum ni mya ngan 'das// de nas yum chen gnyis su med// gnyis med don gyi nges pa las// bskyed pa med pa'i ri rab kyis// dmigs pa med pa'i chos dbyings las// mkha' yi gtun khung bde gshegs gnas// gting dpag med pa'i dbyings nyid du// g.yos pa med pa'i ye shes kyi// lha yang rung ste bsgral byas nas// srid gsum phur pas thebs zhes bya// snang srid skye 'gro phur bu'i gzugs// mtho nas gcig tu gyur pas na// ho zhes rab tu dga' ba yis// shin tu snying po 'di brjod do// hUM rang byung mchog sems gsal phyir du// mnyam nyid rtsal gyis bdag nyid bsgral// de bzhin hUM gis drangs nas kyang // phur bu gzi ldan thob 'gyur cing // gnyis med chos skur gcig pa'i phyir// yul de'i sems ni hUM du snang // 'od dang 'od zer phur bu las// bdag la 'dus pas tshe ru thim// de gnyis med kyis bsgral phyir ro// bdag gi rnam shes tshogs brgyad nas// gang zhig gnas pa'i mchog rnams la// rdo rje phur bu mang shar nas// de yi tshogs brgyad dag par bya'o// khams gsum chos nyid gdar bcad phyir// khro mo 'bar ba'i gtun khung du// khro tshogs 'bar ba'i tho tshogs kyis// rdo rje tho bas brdung byas nas// khams gsum ma lus bsgral bar 'gyur// rtog 'dzin med pa'i dbang phyug des// mnyam pa'i rgyal pos spags par bsgral// shin tu gsol pas dgyes bstar nas// za byed kun la bstab par mdzod// ha ha bgyis pas dgyes par rol// hUM hUM bgyis pas dbang du sdud// kha kha bgyis pas lhag ma bzhis// bdag dang gsum du ldan nas kyang // byang chub sems kyi dbang spros pas// phung po rdul du rlogs nas kyang // sha khrag khams gsum dag par dmigs// hUM gis rab tu nam mkha' gang // phaT kyis kun tu gtor byas nas// rdo rje ye shes tshon gang gis// khams gsum byang chub sems bskyed dang // 'gro ba ma lus don bya'i phyir// srid pa'i gdar sha bcad nas kyang // spyod pa rnam pa bcu dang ldan// ljang gu las kyi sa bon te// dmar po srog gi sa bon yin// mthing ga he ru ka yi thugs// spros pas thig les nam mkha' khyab// thams cad 'dus pas shin tu brjid// grub na sems kyi phung po tshol// khams gsum dur khrod khrag yin te// thugs rje chags pas bsgral ba'i phyir// srid pa'i gdar sha bcad nas kyang // spyod pa rnam pa bcu dang ldan// byang chub sems kyi gol sa bcad// grub mtha' 'di la 'jig mtha' med// de ni mi 'gyur byang chub sems// mya ngan 'das la rtag pa'o// sgrib pa med pas mthar phyin te// btsal du med pas ye nas grub// bsam pa las kyang mya ngan 'das// 'jig rten kun las 'das pas na// 'dzin dang rtogs pa rnam sangs nas// byang chub sems ni skad cig ma// lhan ne bar yang bdag nyid sbyor// 'jig rten kun las grub pa'i rgyal// mi nub pa yi rtags bcas shing // rdo rje sems dpa'i mkha' la nub// nub mtha' med pas shin tu spangs// yid ni chos nyid mya ngan 'das// rnam shes hUM du mya ngan 'das// hUM nyid byang chub sems kyi gzhi// byang chub sems ni phur pa ru// srid gsum ma lus mya ngan 'das// phyi nang gsang bas bsdus pa'i chos thams cad// mthar zug pa byang chub sems kyi rang bzhin phur pas lhun gyis grub par gyur to// rdo rje phur pa gsang ba'i rgyud chen po las/ phur bu byang chub sems kyi de kho na nyid kyi le'u ste sum cu rtsa lnga pa'o// // de nas rdo rje 'dus pas 'di skad ces gsol to// rjes su spyod pa'i rnal 'byor pas// las dang lus kyi dbang btsan nas// tshe yi dus byas las kyis lus sems bral 'gyur na// lus sems gnas sbyang dge ba'i stongs ni gang // zhes gsol pas// rdo rje khros pas bka' stsal pa ni// lus sems gnas sbyang dge ba'i stongs bya na// gang zhig lus sems bral 'gyur na// zhag grangs gzhi bcu rtsa dgu tshun chad du// las 'di byas na stongs su 'gyur// rnal 'byor rtsal shugs ldan pa yis// snod ni gzhal yas bcud ni lha// dngos snang sku la sgra grag gsung // rang bzhin med pa thugs yin te// sku gsung thugs su gsal ba dang // de yi byin rlab sprul pa yis// 'jig rten drug gi phyogs bkang nas// a nr-i su tri pre du dzas// rgyud drug gang na gnas kyang sems drangs la// gsal bar thugs rjes lus la bstim// de bzhin yang du yang du bya// rnam rtog lus su gsal ba des// bde gshegs rgyal ba'i dkyil 'khor la// phyag 'tshal gsol btab 'jug par bya// dkyil 'khor lha yi tshogs rnams kun// g+ha na sbyor ba'i gzi byin rnams// drang don de la rab bstim rnam rtog lus gnas sbyangs te// gser zhun bzhin du sems gnas pa// nyi zla pad+ma'i dbus dmigs te// sbar dang 'phang ba'i sngags brjod de// yab rnams thugs bskul rdo rje'i lam byung ste// yum rnams gsang ba'i dbyings su 'khyil// de las phyogs bcur rab 'phros pas// dus gsum bde gshegs sa yab yum rnams// bskul ba'i rang bzhin thugs chud nas// g+ha na chen po'i sbyor ba mdzad// sbyor ba'i 'od zer tshur 'dus pas// gsang ba'i byang chub sems dbang bskur// de nas lha rnams tshang ba'i bstod bsngags kyi don brjod de// ma sbar bzlog ste brjod pas ni// lha rnams kun gyis gsang dbang bskur// de nas bsdu ba'i sa bon gyis// gtso bo nyid kyi thugs kar bsdus// rdo rje lam drangs pad+mo'i dkyil// dbyings nas yi ge phyag rgya'i skur gsal te// de la phan pa'i dbang rnams kyis// bcu drug zla ba rdzogs pa ltar// sku yi cha rkyen rdzogs par bskang // de ni sems sbyang rim par bshad// de yi lus la dkyil 'khor rdzogs par gsal// brtul zhugs phyag tshang ging chen gyis// ro ni rab tu gshig gyur na// gang nas sha rus khrag bcas kun// dum bu dum bur gtub nas ni// don rtogs lha yi tshogs la 'bul// dang po gzhung ldan gnas su ni// gzugs brnyan dam pa mngon bzhengs la// las kyi rim pa rdzogs pa dang // khro bo rol pa'i stangs stabs dang // khro mo gsang ba'i gar tshogs dang // phra men mgo brnyan 'dzin tshul gyis// ro de nyid ni blang bar bya// chu mchog dag gis bkrus nas ni// dri yis byug ste ras kyis gril// de la lha yi snying po dgod// sreg khang rim pa bzhi brtsegs te// dang po bam dbyibs gnyis pa e// gsum pa yA gzugs bzhi pa mA// dang po las kyi nyon mongs zhi bar bya// gnyis pa las kyi gshed lcags drag pos bsgral// gsum pa las kyi dkyil 'khor du bcug ste// dbang rnams rdzogs par ro la bskur// bzhi pa zhi khro'i lha rnams kun// de yi sku la rgyas par bsam// me nyid zhal gyi ngo bo yi// phyi nang gsang ba'i mchod pas mchod// bstod de 'dod yon gsol ba gdab// yang na 'byung ba me nyid la// dam tshig me lha bskyed nas ni// ye shes me lha spyan drangs mtshon// de nyid gzhal yas nang du lha// ngas bsam spyan drangs bzhugs gsol mchod// de nas ro de rab bshig nas// lha rnams kun la bstod mchod 'bul// de bzhin lus kyi gnas 'byongs nas// sems nyid sbyong ba gong ma bzhin// yang na dkyil 'khor mngon bzhengs nas// lha rnams kun gyi gang gnas su// ro bshig dur khrod rdzas su dbul// lha rnams sbyang drang mchod bstod bskul// snying po byin dus rnal 'byor rol// des ni dngos grub mchog thob 'gyur// de nas las rnams rdzogs par bya// sems gnas dkyil 'khor drug tu ldan// ngan song sbyong dang mtshams dang ni// gsal ba'am snying po sbyor dang sgrol// dbang la sogs pa drug tu bya// de ltar las rnams ci byed kyang // tsit+ta rtsa lag yab yum dang // sgo lnga'i rnam shes yul bcas pas// sras mchog khro bo yab yum mo// spyi gtsug gnas bzhi hUM mdzad 'khor// dpral ba'i mtsho bzhi rnam rgyal 'khor// lag g.yas lha bzhi dbyung sngon 'khor// chags byed srid bzhi gshin rje 'khor// rkang g.yas lbu bzhi mi g.yo 'khor// gsang ba'i gnas bzhi rta mgrin 'khor// rkang g.yon lha gzhi gzhan gyis mi thub 'khor// thugs kar gnas bzhi bdud rtsi 'khor// lag g.yon lha bzhi khams gsum bskor// snam khung gnas bzhi stobs chen 'khor// yan lag sde bzhi sgom bzhi// de las sogs pa'i rdzas rnams kun// dam la btags pa'i dam can skong // yang na rtsa ba'i rim pa la// yang na nyon mongs rim pa la'o// de ltar las kyi stangs byas na// lus sems bral ba'i gang zag de// phyir mi ldog pa'i sa la gnas// mngon sangs rgyas la the tshom med// ces gsungs so// rdo rje phur pa gsang ba'i rgyud chen po las// rnal 'byor pa sgrub pa po dang // gang zag gang yang tshe'i dus byas nas/ dge ba'i las kyi stangs gdab pa'i le'u ste sum cu rtsa drug pa'o// // de nas yang rdo rje 'dus pas 'di skad ces gsol to// e ma ho// bde gshegs rdo rje bdud rtsi mchog gi bdag/ blang dor med pa'i mdzad spyod kyis// drag po nyon mongs la zhen pa'i// zag bcas longs spyod rnam lnga po// zag med bdud rtsir rol pa dang // thugs rje gsal gyi mdzad spyod kyis// 'bru dang sman rnams thams cad kun// rtsa ba yan lag bcas pa kun// sangs rgyas sems can kun gyi gsos su mdzad pa'i che// rjes su 'jug pas ji ltar bgyi// rdo rje bdud rtsi mchog la bdag nyan 'tshal// zhes gsol te// rdo rje bdud rtsi mchog gis bka' stsal pa// e ma ho rdo rje 'dus pa'i sras// phyi rabs rnal 'byor don gyi phyir// bdud rtsi'i don zhus pa ya mtshan che'o// bdud rtsi'i don nyid bshad bya na// nyon mongs pa yi bdud nyid la// thugs rje chen po'i rtsi btang na// khyab pa'i thugs rje chen po yis// dbyings su 'khyil ba'i bdud rtsi'i don nyid de la bya'o// kun rdzob rtags su bsgrub bya na// kun rdzob kyis ni bsgrub pa ste// srid gsum b+han+da bzang 'khor yug/ ye nas ma bcos rang bzhin snod// de yi nang du blugs pa'i sman// bcud kyi rtsa ba lo ma rnams// dbyer med dang du bsog par bya// de la nges pa'i bsam pa yis// nges pa nyid du bsgrub par bya// mi phyed dgu dang ldan pa yis// bla ma rdo rje slob dpon gyis// thams cad ma lus don bya phyir// bdud rtsi dam pa bsgrub par bya// rin chen ri dang sman ldongs dang // rtsi sman 'khrungs pa'i sa phyogs sam// nags tshal dra bas gtibs pa'am// yid 'ong me tog rgyas par bsgrub// 'khor du bya ba'i rim pa yang // skyon drug rnam par spangs pa yis// nyi shu'am bcu'am yang na nyi shu lnga// khrims dang sdom pas bcing pa min// dang por ra ba'i chos brgyad la// der ni brtsam pa'i dus yin te// rtags kyi don nyid mthong ba'am// dus ni bcu drug nyid la don// yo byad ma lus ldan 'gyur na// 'grub 'gyur 'di la the tshom med// ma tshogs pas ni sgrub thag ring // de bas yo byad ldan par bya// bkra shis mchog ldan b+han+da lnga// phyi nang gsang ba'i rtsa brgyad stong // dbang po ra swa ya na kun// so so'i rigs dang sdom phye la// sman gyi bsrung ma so sor bstim// dam rdzas rnams kyi rtog pa gzhom// rigs kyi kha dog dar gyis dgab// mtshan ldan bkra shis gzungs zag gdags// bkod pa brgyan gyi dkyil 'khor ro// dkon mchog dag la mchod bya yin// bsgrub pa'i zhag grangs 'di tsam par// bar chad bgegs rnams bsal phyir du// phyi nang gsang ba'i rgyu 'grul bsdams// 'bar ba mtshams kyi dkyil 'khor ro// nyon mongs bag chags gzhom pa'i phyir// 'bum lnga'i bshags pa bya ba ste// ngan song sbyong ba'i dkyil 'khor ro// khrol bu la ni 'khor lo ste// gdung bzhir ka ba brgyad gtong ba'i// bzhi dang brgyad dang sgo bzhir bcas// phye ba'i dus na brgyad cha bzhi// ka ba 'khor lo pad+ma rin chen sgo bzhir bcas// gong bu'i dus na zla gam kha sprod sgo bzhir bcas// gzugs brnyan 'gro ba 'dul ba'i dkyil 'khor ro// rigs lnga dang ni dgu bcu gsum// gsang chen rigs gcig bsnyen pa yis// des ni khrol bu sbyangs pa ste// ye shes lnga'i 'phro 'du'i bsnyen pas phye ma sbyong // dgu pa'i sngags kyi gong bu la'o// 'phro 'du 'ju 'dul dkyil 'khor ro// bstan pa lnga la mkha' lnga'i dbyings// dung byed lnga la gsang ba'i mtshan bris la// btsag pa'i tshags snod yab yum ste// srang ni thabs dang shes rab po// btsags btags bdud rtsi 'khyil pa'i dkyil 'khor ro// zla gam sgo shar bstan pa la// pad+ma 'dab ma brgyad bris la// rta mgrin dbang gi dkyil 'khor ro// dkyil 'khor bla med gdeng ni de ltar bshad// bdag nyid ngang rang rang bzhin gyis// lta ba'i phul du bdud rtsi lta ltangs yin// lta ba'i gdeng chen nyid la nges bzhag na// lta ba bla med gdeng ni de ltar bshad// dam rdzas dag la blang dor med pa dang // g+ha na dag la 'ching 'grol med pa dang / ta na dag la skye shi med spyad pa// spyod pa bla med gdeng ni de ltar bshad// spyi yi dam tshig brtag par bya ba dang // khyad par dam tshig bsrung ba dang // lhag pa'i dam tshig gnas par bya ba dang // dam tshig bla med gdeng ni de ltar bshad// zhe rgyas dbang dang mngon spyod dang // gnan bzlog drug tu gcig tu ste// phrin las bla med gdang ni de ltar bshad// bye ma khrol bu gong bu gang la yang // rtags drug mngon du byang brang du// gzung las 'byung ba bzhin bsgrubs na// bsgrub pa bla med gdeng ni 'di ltar bshad// bdud rtsi chen po'i bum pa yis// phyi dang nang dang gsang ba'i mthar zug dbang // 'dod pa de la rab sbyin pa// dbang mchog bla med gdeng ni 'di ltar bshad// thun mong dang ni thun mong ma yin pa// don dam dang ni kun rdzob kyi// dngos grub khyad par can yang thob// dngos grub bla med gdeng ni de ltar bshad// bla na med pa'i gdeng brgyad kyis// bdud rtsi dam pa mchog bsgrub nas// sangs rgyas mchod cing rang zos na// dngos grub khyad par can yang thob// dam rdzas sman sna re re la yang // yon tan bsam gyis mi khyab cing // byin rlab mthu byin de bzhin no// de yi nus mthu dpag las 'das// zhes gsungs so// rdo rje phur pa gsang ba'i rgyud chen po las/ bdud rtsi chen po mchog gi bsgrub pa'i le'u ste sum cu bdun pa'o// // de nas yang rdo rje 'dus pa'i sras mchog kI la yas// rdo rje khros pa'i rgyal po la 'di skad ces gsol to// e ma ho// bde gshegs khros pa'i rgyal po che// zhi rgyas dbang dang mngon spyod dang // sbyor dang skong dang bzlog pa dang // gnan dang gzir ba'i phrin las rnams// phyi rabs don du ji ltar bskum// kun mkhyen khyed kyis bstan du gsol// zhes gsol pas// khros pa'i rgyal pos bka' stsal pa ni// a ho rdo rje 'dus pa'i sras// sems can phyi rabs gzhan don phyir// phrin las don zhus ya mtshan che// phrin las rim pa bstan pa ni// 'jig rten khams ni rab 'byams na// rmug par gyur pa'i sems can la// sna tshogs las kyis zhi bar sbyar// bkra shis bde ba'i gnas dag tu// bkra shis mtshan ldan yum mchog gzung // rdo rje 'dus par bsam bya zhing // dkar la zlum pa'i dkyil 'khor la// rdo rje 'od zer 'phro bas rgyal// rin chen kha dog dkar po'am// dkar po'i shing las byas pa yi// phur pa zlum po drug btab ste// zhi ba'i lha tshogs spyan drangs la// snying po byams pas mchod sbyin bya'o// yam shing dkar la sbar ba'i me// dkar la mngar ba'i rdzas rnams kyis// zhi ba'i tshul du sbyin bsreg bya// dngul phye 'bras chen dkar po la// gtor ma byas te zhi bar bya// sa yi tshogs kyi dkyil 'khor du// gti mug las kyis 'chel ba rnams// zhi bar gyur pa'i dbyings su rol// 'di ni zhi ba'i las su bshad// 'jig rten khams ni rab 'byams na// phongs gyur pa yi sems can la// sna tshogs las kyis rgyas par bya// tsan+dan me tog nags tshal dang // nyams dga' skyed mo'i tshal du ni// lcug phran ma yi yum mchog gzung // rin chen 'dus pa'i bsam sbyor gyis// ser po gru bzhi'i dkyil 'khor la// rin chen chu skyes dag gi brgyan// rin chen kha dog ser po'am// ser po'i shing las byas pa yi// phur pa zur bzhi btab pa ste// rgyas pa'i lha tshogs spyan drangs nas// byams pa'i sems kyis mchod sbyin bya// ser po'i shing las sbar ba'i me// kha ba'i ro ldan ser po'i rdzas// rgyas pa'i tshul gyis sbyin bsreg bya// gser phye 'bras chan ser po la// gtor ma byas te rgyas par bya// ma yi tshogs kyi dkyil 'khor du// nga rgyal las kyis 'chol rnams la// rgyas par gyur pas dbyings su rol// 'di ni rgyas pa'i las su bshad// 'jig rten khams ni rab 'byams la// chags par gyur pa'i sems can la// dbang du bya bar rab tu gsungs// zla mtshan can nam chu gling du// sdong gcig ma yi gzungs ma gzung // pad+ma 'dus pa'i bsam sbyor gyis// zla gam dmar po'i dkyil 'khor la// pad+ma mda' gzhu 'od kyis brgyan// zangs la sogs pa'i rin chen nam// dmar ba'i shing las byas pa yis// phur pa zla gam lnga btab la// dmar smug 'dra ba'i lha tshogs rnams// rdo rje dbyings phyug spyan drangs te// dga' chags yid kyis mchod sbyin bya// dmar po'i shing las sbar ba'i me// skyur la mngar ba'i rdzas rnams kyis// dbang gi tshul du sbyin bsreg bya// zangs phye 'bras chan dmar po la// gtor ma byas te dbang du bsdus// ya yi tshogs kyi dkyil 'khor du// 'dod chags las kyis 'chel ba rnams// dbang du gyur pas dbyings su rol// 'di ni dbang gi las su bshad// 'jig rten khams ni rab 'byams na// shin tu gdug pa'i sems can la// drag shul spyod pas las bya ste// rkang gcig shing ngam dur khrod du// rigs ngan sme sha mes reg gzung // las rab 'dus pa'i bsam sbyor gyis// nag po gru gsum dkyil 'khor la// gtsang thod rgyan gyis brgyan par bya// lcags la sogs pa'i rin chen nam// tsher ma'i shing las byas pa yis// phur pa zur gsum drug btab ste// mthing nag 'bar ba'i lha tshogs rnams// drag pos 'dul phyir spyan drangs te// btang snyoms khros pa'i mchod sbyin bya'o// tsher ma'i shing las sbar ba'i me// drag po'i tshul du sbyin bsreg bya// lcags phye 'bru nag sha khrag la// sbyar ba'i gtor ma drag shul spyad// e yi tshogs kyi dkyil 'khor du// zhe sdang las kyis 'chel ba rnams// brlag par gyur pas dbyings su rol// 'di ni drag po'i las su bshad// chags pa'i don du sbyor ba ste// dbang po yul la sbyor ba dang // chos can chos nyid sbyor ba dang // shes pa shes par bya ba'i yul la sbyor ba ste// chos rnams skye ba med par sbyor ba dang // chos nyid skye ba med par sbyor ba las// rdo rje gzhon nu yab yum skur bskyed de// yab yum sbyor bas khro bo khro mor bskyed// khro bo khro mo sbyor ba las// phra men mngags thabs bskyed par bya// yab yum sbyor ba las sras mchog yab yum bskyed// sgo ma bzhis sbyor ba'i brdas bskul te/ yab yum thams cad thabs dang shes rab gnyis su med par sbyor ba dang // mtshan ldan bkra shis yid 'ongad gzungs ma// dri rtsis skyon sbyangs gos dang rgyan phreng gdags// rnal 'byor nyid la'ang de bzhin te// rgyan gzungs gsal g.yon spel byas nas// bdag nyid lhar bsam gzungs nyid yum// bdag gi lus kyi gnas rnams su// thabs mchog nyi shu rtsa lnga bsam// yum la shes rab ma rnams bsam// rang bzhin gnas nas dgug gzhug bstim// mchod don gsol ba gdab bya ste// lcags kyus spyan drangs zhags pas 'khyud// lcags sgrog bsdams te dril bus dgyes pa bskyed// yab yum dgyes pa'i rol mo dang // lus kyi gnas rnams spyad pa ni// yum rnams chos dbyings gzhal yas su// yab rnams ye shes byang chub sems// dmigs med bde/ ba'i sbyor bas gtim// ma chags mnyam pa'i dgyes pa mchog/ bdag dang gzhan gnyis mi dbye bar// sangs rgyas sems can thams cad la// bde chen byang chub sems su mchod sbyin chen po thim byas nas// chags pa skad kyang bla med thob par 'gyur// bka' lung gtan tshigs tshad mar mi ldan par// mtshan med gzungs btsal 'dod chags dngos spyod na// 'bras bu yul med ya ga'i gzhi dar nas// tshul chos chags pa spyod pas 'khor ba'i rgyu// 'di ni sbyor ba'i las su bshad// srog gcod phyir na sgrol ba ste// snod dang bcud kyis bsdus pa'i chos rnams dbyings nyid la// rig pa byang chub sems su snang ba ye shes te// gnyis su med pas mtshon pa mya ngan 'das// de ltar rtogs pas khams gsum thun mong dang // thun mong ma yin thugs rjes sgral ba'o// snod kyi 'jig rten shes rab gzhal yas la// bcud kyi bsdus pa'i khro bor shar// khams gsum thugs rjes thun mong du bsgral ba'o// bstan pa la gnod zhing bcu gnas nas blang phyir/ gzhung dang ldan pa'i rnal 'byor pas// gnas 'khor phur pa yo byad dus ldan te// gzugs brnyan dam pa bzhengs te ting 'dzin rig pa bsar/ rang bzhin mchod bsgrub rgyal ba'i bka' la bsten/ dmigs pa'i rten ni bcas/ dbab dpral gzir btab gtub bstang rol te/ shes pa'i gnas sbyangs nas ni/ sdig pa spyad kyang ye shes 'bar ba la// bsgral bar byas kyang ltung bar mi 'gyur ro// rgyal ba'i bka' la ni khungs phyung / mthu rtsal 'dod pas 'jig rten pa'i dregs pa mchod/ don dang mi ldan par sgrol ba'i las byas na/ spyod rtsing khe rngams 'khor ba'i g.yang sar lhung // 'di ni sgrol ba'i rim par bshad// nyams pa'i phyir na bskang ba ste// dam rdzas bdud rtsi lnga la rten bcas nas// yi ge dpa' bo 'bru lngas dngos po dang / mtshan ma'i bag chags sbyangs te/ phyag 'tshan 'bar ba lngas ni/ gzugs su snang ba'i bag chags sbyangs te/ dug lnga'i rten ye shes lngar bsgral nas/ rigs lnga'i thugs kyi rgyud bdud rtsi lngas dbang bskur bas/ bde bar gshegs pa sku gsum gyi ngo bor bzhugs pa rnams kyi thugs dam bskang ste/ don dam pa'i bskang ba dang / dgongs rgyud rnam par dag pa'i rnal 'byor pas/ rgyu mchog gi skongs gyur yang / mtshams bcad phrin gdags me tog dor te/ mig dbye lha ngo bstan/ phung po khams dang skye mched dang // rnam shes 'byung ba dmigs pa yis// lha rnams kyi thugs dam dbyings su bskangs nas/ ka ta ri ni byin brlabs ral gri ging dbang bskur/ rgyu lnga'i sgo dgag dug lnga zhe bcad de/ rnam shes gnas sbar dbang bskur mi ldog sa la dgod/ sha khrag la sogs tshogs kyi mchod par 'bul// de yi don ldan rnal 'byor pas// srog bcad bsgral bas rnam shes thugs dam bskangs// de yi don dang mi ldan pa'i// ming tsam 'dzin pa'i rnal 'byor pas// dgongs rgyud mi gsal spyod pa'i don 'khrul nas// bskangs kyang mi skongs slar nyid 'khor ba'i rgyu// 'di ni bskang ba'i rim par bshad// yid gnyis za phyir bzlog pa ni// khams gsum 'khor ba'i sems can rnams// mi bde'i gnas su gting 'khyams pas// thugs rje nyi zer 'dra ba yis// lus sems sku gsung thugs su bzlog pa'o// 'di ni 'khor ba ru bzlog pa'o// mu stegs lta spyod log pa dang // nyan thos la sogs lta tshogs dman pa rnams// sngags pa lta spyod 'khrul pa rnams// lta ba spyod pa bstun te ya tsha bar khrid pa ni// log dman 'khrul pa ru bzlog pa'o// byang sems sangs rgyas rgyu nyid la// nyon mongs bdud kyi rgyu byas phung po'i bdud du smin// lha yi bdud kyis bar du glags btsal nas// 'chi bdag bdud kyis bar chad byed pa'i tshe// don rig rtsal shugs ldan pa'i rnal 'byor pas// bka' yi gzhung dang mthun pa'i rdzas bsags te// rgyu mchog mtshan ldan dag la rten bcas nas// srog brjes sems sbar sha khrag rdzas kyi bzlog/ skad cig tsam yang lus sems ma bral bde thob dge sbyong de// dge sbyong thabs med nams kyang 'khor ba'i rgyus bzlog nas// dge ba skad cig tsam yang sangs rgyas rgyu// dge ba'i don sad rtsa ba'i bzlog pa'o// dam med rtsal shugs mi 'chang rnal 'byor tshul spyod pas// dge don sad med gzhan gyi rigs kyi gnyer phab nas// tshig tsam bstod pas rang gi che skyes te// don du sha lpags 'dod phyir bzlog pa byed// dman mchog mthu byin kun kyang ngas bzlog na// 'jig rten rkyen dbang can dag smos ci dgos// de skad zer zhing bzlog pa'i las byed na// mi bzlog rang gis gshed mar 'ong ste 'khor ba'i rgyu// bzlog pa'i rim pa 'di ltar bshad// gnod byed sa la gnan pa ni// don dam sems la gnod pa ni// kun gzhi rnam par shes pa la// bag chags grangs rim bzhi gnas pa// phung po la gnas tshogs drug yul ma btang bar// bag chags thams cad mnan te kun gzhi ngo bor gnas// des ni don nyid don mthong ste// don dam bden pa'i mnan pa'o// gnas dang dkyil 'khor rdzas dang cho ga thabs// ting 'dzin sngags dang phyag rgyas byin brlabs te// 'gog byed bgegs rnams gnan byas na// spogs pa'i thabs med de la thar dus med// kun rdzob bden pa'i gzhung du mnan pa'o// dkon mchog bden pa'i bka' la mi bden par// 'jig rten 'di yi drag po'i dbang bzung nas// mthu chen dregs pa'i lha klu'i gnas rnams su// de mchod de la las kyi mthu ltos shing // de la lhar gsol dgra bgegs gnod byed pa// de ni 'jig rten log pa'i mnan pa ste// chos 'gal ya ga'i gzhi ste de mi bya// gnan pa'i rim pa 'di ltar bshad// 'gran sems can la gzir ba ni// chos dbyings ye shes ye nas gnas pa la// bag chags nyon mongs 'gran 'jug pa// rig pa'i ye shes bsar te chos dbyings dang du gzir// mthar thug don gyi gzir ba'o// dpal chen 'bar ba'i cha byad kyis// 'gran sems rA tra gzir ba ni// sgrib gnyis byang nas tshogs gnyis rdzogs// 'di ni rtags kyis gzir ba'o// rnal 'byor dbang phyug sgrub pa la// 'gran sems can gyi dgra dang bgegs// ras sam gro ga'am shing shun la// ming ngam yang na/ gzugs bris la// khrag 'thung thugs rtags phur pas gzir// 'di ni rdzas kyi gzir ba'o// bdag nyid ting 'dzin gdeng zhugs la// 'og tu gzhug cing kun tu gzir// 'di ni bsam sbyor kun tu gzir ba'o// gzir ba'i rim pa 'di ltar bshad// ces gsungs pa/ phyi rabs kyi rnal 'byor pas bdag gzhan gyi don las byed pa las mgo mi rmongs par 'gyur ro// rdo rje phur pa gsang ba'i rgyud chen po las// bdag gzhan gyi don gyi phrin las rim par phye ba'i le'u ste sum cu rtsa brgyad pa'o// // de nas yang rdo rje 'dus pa'i rgyal pos/ 'di skad ces gsol to// e ma ho bde gshegs ting 'dzin mchog gi bdag/ sa la spyod pa'i rnal 'byor pas bza' btung gos rgyan bya byed dang // spyod pa 'gro nyal 'dug ldang ba'i// rgyun tu ting 'dzin ji ltar lags// ting 'dzin mchog gis bshad du gsol// zhes gsol pa dang / de nas bcom ldan 'das kyis/ rgyun gyi ting 'dzin la mnyam par bzhag ste// 'di skad ces gsungs so// e maho rdo rje 'dus pa'i sras// za ba rgyun gyi ting 'dzin ni// gtsang sme med par zas rnams kun// snod chen dag gi nang du bsog/ mdun du bzhag ste sems bskyed nas// bdag nyid lha yi rnal 'byor gyis// bskul ba gsum gyis dngos po spyod// byin brlab gsal btab mchod phul phrin las bcol// byin bsdu'i dngos grub yin// lhag ma byin te gshegs su gsol// 'gro ba'i don du smos lam gdab// oM badz+ra kI li kI li la ya sarba big+h+nAn baM hUM hUM phaT/ hUM raM hUM yaM hUM khaM/ b+h+rUM b+han+d+ha ma a pa maN+Da la/ oM AHhUM ba liM ta pu tsa hUM/ A~M badz+ra kI li kI la ya/ kro ta kro ti ha he phaT sa ma ya dzaH/ A~M badz+ra dz+nyA ba ma hA pU tsa pany+tsa ba liM ta a mr-i ta rak+ta bo d+hi tsit+ta ma hA ar+g+haM pra tI dza ho/ dzaHshri bAn kha raM khA hi/ sarba pany+tsa a mr-i ta kha raM khA hi/ ha ha ha/ hUM hUM hUM/ phaT phaT phaT/ shIn+tiM puSh+Ti bA shaM mA ra ya hUM phaT/ oM badz+ra kI li kI la ya/ oM AHhUM/ lo ka pra ti pa na d+harmA tA sid+d+hi hUM AH/ rak+Sha yak+Sha ma ma b+h+yo dza pAts+tsha sa ma ya hUM swA hA/ kA ya wA ka tsit+ta dr-i sh+ya ho ya hi gats+tsha/ sa ma ya ho// dga' ldan lha yi tshogs la phyag 'tshal lo// 'byor ldan longs spyod spyan 'phel rgyas// sbyin pa rtag tu longs spyod cing // sgrib gnyis byang nas tshogs gnyis rdzogs par shog/ a la la ho// btung ba rgyun gyi ting 'dzin ni// brlan dang gsher gyis bsdus pa yi// 'bru bcud dza gad la sogs btung ba la// gdeng ldan drang ba'i 'phro 'du las// ma mA ki yi ting 'dzin bsam// 'byung ba bcud ldan phyag rgya yis// oM badz+ra kI li kI la ya/ b+haM mA ma ki tAM tAM/ hUM badz+ra badz+ra/ dag pra ba ba ya nan hUM swA hA/ bsil mngar bdud rtsi'i ror tsha ngo bor brlabs// sbom po dbang mo thabs dang shes rab kyis// rtsir gyur sman gyi 'phro 'dur gsal// lha yi tshogs la thim par mchod// oM AMHhUM gis byin bsdus te// rang nyid 'thung bas sgrib byang nas// sku gsung thugs kyi gzi byin pheb// bgo ba rgyun gyi ting 'dzin ni// reg bya bgo ba'i bye brag rnams// 'jam dang rtsub pa gnyis med par// gsal ldan ho yi 'phro 'du yis// gan+d+he reg bya'i lhab lhub can// oM badz+ra kI li kI la ya gan+d+he pany+tsa li ka pU dza ho// nad med lang tsho bde ba dang / mtshan gyi me tog thob par 'gyur// rgyan phreng rgyan gyi ting 'dzin ni// rgyan dang bye brag thams cad la// legs dang mi legs dbyer med par// nges ldan traM gi 'phro 'du las// mA le rin chen phreng thogs ma// oM badz+ra ki li kI la ya/ mA le rat+na pU dza sa ma ya ho/ bde gshegs sras dang bcas pa mchod// byin bsdus lhag ma bdag nyid gdags// sha bkrag gsal zhing mdangs chags dang // dpe byad 'bru rnams thob par 'gyur// bya byed rgyun gyi ting 'dzin ni// bya dang mi bya dbyer med par// mkhyen ldan ha yi 'phro 'du las// bya ba mo ni chos kyi dbyings// byed pa po ni ye shes te// bya byed dbyings las ye shes rol// IM badz+ra kI li kI la ya// karma d+harma dz+nyA maN+Da la/ pU dza sa ma ya ho// bya ba byed pas don dang ldan// spyod pa rgyun gyi ting 'dzin ni// spyad par bya ba'i rdzas rnams kun// nges par ting 'dzin rab gsal bas// sgrib sbyong phyir na bkol ba ste// spyad pas tshogs chen shes rab thob// oM badz+ra kI li ki la ya pra dz+nyA gu h+ya pA dza sa ma ya ho// nyal ba rgyun gyi ting 'dzin ni// bying rmugs g.yengs dang 'phyo ba spangs// myos 'thib gnyid kyi dgra bcom ste// seng ge'i nyal thabs rab tu brtag/ gsal ldan chen po'i ting 'dzin de// rtag chad gol sgrib ting 'dzin mtha' spangs te// brjod med bsam med brjod bsam las 'das pas// chos dbyings bde ba chen po'i ngang du gsal// oM badz+ra kI li kI la ya ma hA shu n+ya tA/ des ni don dam tshogs chen rdzogs// lta ba rgyun gyi ting 'dzin ni// dngos po mtshan mar ldan pa med// nges don chen po'i ting 'dzin gyis// chos nyid skye ba med pa las// 'gag pa med pa'i sku bzhengs pa'o// oM badz+ra kI li kI ya la wA ka tsit+ta sa ma ya hUM// lus ngag yid gsum gyi sku gsung thugs// 'gro ba rgyun gyi ting 'dzin ni// grub ldan chen po'i ting 'dzin gyis// drang don tshad med phyir nyid 'gro ba ste// nges don dmigs med 'gro ba'i don du brtag/ oM badz+ra kI li ki la ya e baM mA yA d+harma karma hUM/ 'gro ba 'dul phyir gshegs pa ste// gzhan gyi don du 'gro ba bdag gi don// 'dug pa rgyun gyi ting 'dzin ni// dkyil 'khor rdzogs pa'i ting 'dzin gyis// bdag nyid ston pa'i rang bzhin de// gang na gnas pa gnas kyi mchog/ nyer gnas 'khor ni rang bzhin khyad par 'gro ba 'dul ba'i 'khor// brjod pa thams cad bstan pa dang // de ltar 'dzom pa dus shes bya'o// oM badz+ra kI li ki la ya maN+Da la hUM hUM// des ni phun sum tshogs par 'dug par 'gyur// zhes gsungs pas/ sa la spyod pa'i rnal 'byor pa rnams/ rgyun gyi ting 'dzin las su rung ste// sa la smin par gyur to// rdo rje phur pa gsang ba'i rgyud chen po las/ rgyun gyi ting 'dzin rim par bye ba'i le'u ste sum cu dgu pa'o// // de nas yang rdo rje 'dus pas 'di skad ces gsol to// e ma ho gsang mchog de nyid bdag/ sa la spyod pa'i rnal 'byor pas// de nyid yongs su rtogs bya'i phyir// dmigs pa'i mtshan ma la brten de nyid kyis// sgrib sbyang tshogs rdzogs 'bras bu rdzogs par bya'i phyir// dkyil 'khor dang ni maN+Dal dang // sku gzugs dang ni mchog rten dang // glegs bam dang ni phreng ba dang // rdo rje dang ni dril bu dang // mchod rdzas dang ni rol mo dang / 'di rnams de nyid ji ltar lags// rnal 'byor don du bstan du gsol// a la la ho// zhes gsol to// de nas bcom ldan 'das kyis bskul ba'i don du thugs su chud de/ de kho na nyid bcu'i ting 'dzin la mnyam par bzhag ste/ 'di skad ces gsungs so// sa la spyod pa'i rnal 'byor pas// de nyid don zhus e ma ya mtshan che'o// de nyid dam pa bstan par bya// de yi dkyil 'khor de nyid ni// gzugs brnyan spyi'i dkyil 'khor bzhengs dang ting 'dzin bsgom// rang bzhin dkyil 'khor sgrub pa ste// yid du 'ong ba'i gnas dag tu// rdul tshon kha ba bab pa bzhin// re khA gri so bsgreng ba ltar// gzhal yas khang ni tshul lam dbyibs// legs shing mdzes par bris pa ni// gzugs brnyan spyi yi dkyil 'khor ro// lha yi go bgo gnas rnams su// sku gsung thugs kyi mtshan ma gang // bkod nas mi shes drang phyir bstan// lhag pa gzugs brnyan mngon bzhengs pa'o// nam mkha'i dbyings kyi dbu gnas par// ting 'dzin snying po cho ga yis// gzhal yas dam pa bsam bya ba// gnas kyi ting 'dzin dkyil 'khor ro// de yi bzhugs pa'i sa gnas su// cho ga gsum mam lnga nyid kyis// lha yi rnal 'byor gdeng ldan de// nges pa nyid du bsam pa nyid// ting 'dzin dkyil 'khor bsgom pa ste// ting 'dzin khyad par dkyil 'khor ro// chos nyid bdal ba chen po la// rang byung ye shes 'khor gyis brgyan// dmigs par gsal yang dmigs med pa// rang bzhin don dam dkyil 'khor ro// chos nyid skye ba med pa las// khro bo'i bsam pa drang don du// 'gag pa med pa'i phyag rgya bzhengs// bde gshegs bzhugs phyag mchod sgrub pa// rang bzhin don dam dkyil 'khor de// rang bzhin don gyis gnas pa yin// 'di ni dkyil 'khor 'di nyid do// maN+Dal de nyid brtag pa ni// dge don maN+Dal rtsom pa brtson 'grus te// 'bu srin sems can bsal ba bzod pa'i mchog/ ga dar byi dor byang chub tshul khrims de// sman dang dri yi skyang nul sbyin pa yin// me tog phud bu bkod pa shes rab bo// de nyid lha ru bsam pa bsam gtan te// spyan drang bzhugs phyag mchod bskor thabs su shes// sgrib gnyis sbyangs nas tshogs gnyis rdzogs te stobs// de yi 'bras bu thob pa ye shes so// 'gro ba'i don du shes pa smon lam nyid// maN+Dal don gyis pha rol phyin pa rdzogs par 'gyur// de phyir maN+Dal de nyid don la brtson par 'bad// sku gzugs kyi de kho na nyid ni// zangs lcags gser dngul la sogs pa// bzhu nas lugs su blugs kyang rung // dur khrod tshon rtsi rnam lnga yis// khang bu'i logs sam thang ka la// thabs la mkhas pas bris pa'am// ra dang ba so sa rdo shing // kun la 'bur du btad pa ste// mkhan po gang yang shes rab ldan 'gyur bar// legs shing dod la tshad dang ldan par bya// rang 'dod lha yi gzugs nyid la// nges pa'i ting 'dzin rtse gcig tu// yang dag par ni bsam byas nas// sku byis sku khrus gsol ba dang // dbu bshad snyan spabs bsal te spyan dbye shangs spu btog/ tshem 'dru ljags bzhar nas// rang bzhin gnas nas spyan drang bstim phyag mchod de bsgrub byas nas// bkur 'os mchod 'os phyag bya'i gnas// 'khor ba ma stongs bar du na// zhal bsro bkra shis dbang bskur mnga' gsol nas// sku gzugs mchod pa'i rten du de nyid bya'o// mchod rten kyi de kho na nyid ni/ dang por dad ldan rnal 'byor don spyod pas// gzugs brnyan mchod rten mngon bzhengs na// sngags mkhan rab kyi blo ldan pas// rtse gcig ting 'dzin bya ba ni// 'og gi 'gram bting dge ba bcu// bang rim dang po dran pa nyer gzhag bzhi// gnyis pa yang dag spong ba bzhi// gsum pa rdzu 'phrul rkang pa bzhi// bzhi pa snang ba'i dbang po bzhi// bum rten snang ba'i dbang po lnga// bum pa byang chub lan lag bdun// srog shing mkhyen pa bcu yin te// 'khor lo bcu gsum stobs bcu nyer gzhag gsum// char khebs skyabs chen thugs rje'i bdag nyid de// bya ru thabs dang shes rab la// tog ni mi dmigs chos kyi sku// dril bu chos nyid stong pa'i sgra// dar 'phyangs 'khor ba'i thabs las 'das// rgyu 'bras chos las grub pa'i sku mchog la// sku phyi sku khrus gsol te gzhal yas bsam// de nyid ma nor bsam pa'i gzhal yas su// sku gsung ngo bo gang yang rung ba'am// 'di ni sprul pa'i sku nyid de// spyan drang bstim mchod don gsol gdab// phyi mtha' mu yi bar du'am// 'khor ba mtha' brlags bar du ni// sku gdung mchod pa'i rten du bzhugs// glegs bam de nyid bstan pa ni// glegs bam thabs dang shes rab la// shog bu theg pa'i sa gzhi ste// zhi gnas lhag mthong zhing ni rgyags// dbyings dang ye shes kha rgyags gnyis// thig ni ma nor bden pa'i lam// dmigs skor chos dbyings spros dang bral// stug gu rig pa'i ye shes te// byang chub sems rtags snag tsha yis// yi ge gsung gi phyag rgya bri// byed pa po ni dam tshig can// legs shing tshad dang ldan byas nas// sngags mkhan dam tshig blo can gyis// dus gsum bzhugs pa'i sangs rgyas de// gsung gi de nyid byin bsdus nas// glegs bam nyid la bstim par bya// de nyid 'jig rten ma stongs par// gnas par byas te zhal bsros la// de yi don bsgrags chos kyi char phab pas// 'gro ba'i shes bkrol bde gshegs gsungs brnyes te// glegs bam de nyid dus gsum mchod pa'i rten du bzhugs// bgrang phreng de nyid bstan pa ni// rag sha'am ni rang su yis// yang na gdug pa'i tsher ma'i shing // phreng ba chen po brgyad nyid ni// ba su ta'am rgyas chen la// dgu sgril dag tu byas nas ni// brgyas pa'i mdo la bsnyen phur gdags// mthe bong mthe chung gnyis kyis bgrang // bdag nyid mi phyed dpal yin te// phur pa sras mchog kI la ya// phreng ba yi ge bcu dgu ste// phreng thag dbugs kyi rta nyid do// phar 'gro ba dang tshur 'dus pa// mgal me klad la bskor ba'am// lcags kyi tsha tsha brdabs pa'am// gser gyi ba zag gzings pa bzhin// phar 'gro tshur 'du rgyun mi gcad// bgrang phreng de nyid don la gnas par bya// rdo rje'i de nyid bstan pa ni// gnam lcags thog gi lcags dag gam// phal pa'i lcags ni gang rung ngam yang na// shir shing la sogs gdug pa'i shing nyid la// rdo rje rtse mo lnga pa ni// lte ba pad+ma gnyis bskor bya// de la nges pa'i blo can gyis// thabs kyi phyag rgyar gsal bar bsam// lte bar dpal chen 'bar ba nyid// yar gyi rtse la sras mchog lnga// mar gyi rtse lnga gsang ba'i mtshan nyid do// yar 'bum mar 'bum steng 'og khro bo ste// pad+ma brgyad la phyogs mtshams khro bo'o// hUM/ ye shes 'bar ba'i rdo rje 'di// khro rgyal 'bar ba'i thabs kyi sku// bde chen yab yum sku bzhugs pa// dgyes pa mchog gi phrin las mdzad du gsol// rdo rje'i de nyid rab tu gnas par brtag/ dril bu'i de nyid bstan pa ni// 'khar ba dang ni ljon dmar la// dril bu tshang dang ldan par bya// rnal 'byor nges pa'i blo can gyis// de nyid shes rab rig pa'i gzhal yas khang // rnal 'byor khro mo'i dkyil 'khor dgod// lte ba zlum po 'khor lo rgyas 'debs ma// rwa lnga rgyas 'debs yum lnga ste// lung ni b+ha ga'i mtshan nyid yin/ spyi yi rtse dang lce la ni// steng 'og khro mo rnam par bsam// pad+ma 'dab ma brgyad po la// phyogs mtshams khro mo rnam par bsams// rang bzhin shes rab khro tshogs rnams// rdo rje dbyug skyugs pas spyan drangs nas// shes rab ma la bstim mchod bsgrub// de yi sgra bsgrags dus gsum rgyal ba mnyes// 'khor ba'i sgrib pa dag par 'gyur// hUM/ shes rab chen po'i rang bzhin de// chos nyid stong pa chen po'i sgras// 'khor ba'i bag chags zil gyis gnon// dus gsum rgyal ba kun kyang mnyes// dril bu'i de nyid mchog tu bshad// mchod rdzas de nyid bstan pa na// phyi nang gsang ba'i mchod rdzas gang la yang // dbul gnas 'bul byed dbul ba'i rdzas// phul bas sgrib pa gang dag 'bras bu gang thob dang // sngags dang phyag rgya ting 'dzin dang // 'di brgyad ldan pa mchod pa'i de nyid don// mchod pa de nyid don la brtson pas 'bad par bya'o// rol mo'i de nyid bstan pa ni// rtse 'jo byed spyod la sogs dang // bla re rgyal mtshan 'phan gdugs dang // ba dan dar gyi lda ldi dang // bro gar glu tshogs la sogs dang // 'bud dang brdung dang gsil dkrol brdab pa dang // sdug mdzes mi sdug 'jigs pa'i bye brag rnams// tha dad sna tshogs dbul ba yang // nam mkha' skye ba med pa las// mtshan ma'i cho 'phrul 'byung ba yang // phul bas chos nyid ngang la bzhes// rol mo g.yeng ba'i rgyu yin te// mi g.yeng chos nyid glur gyur yang // rol mo'i de nyid don dam rtogs pa'o// de nyid bcu yi don dam gang rtogs pa// rnal 'byor de ni shes rab can// mi zhes bya ba bder gshegs yin// zhes gsungs so// rdo rje phur pa gsang ba'i rgyud chen po las// de kho na nyid bcu'i rim pa bstan pa'i le'u ste bzhi bcu tham pa'o// // de nas yang rdo rje 'dus pas 'di skad ces gsol to// dam chos gzhung spyod rnal 'byor la// bar chad skra dgra byung gyur na// gzhan nyid skrag par bya ba'i phyir// thog dang ser ba dbab pa dang // mi nad phyugs nad rgyun mi 'chad par btang ba dang // smyo ba dang ni 'bog pa dang // myos pa dang ni rgyug pa dang // 'thab tu gzhug dang bskrad 'gyur na// thabs dang rim pa ji ltar lags// dpa' bo khyod kyis bshad du gsol// zhes gsol pas/ gsol ba thugs su chud nas/ gzhan skrag par byed pa zhes bya ba'i ting nge 'dzin la snyoms par zhugs nas 'di skad ces bka' stsal to// de la thog dbab par 'dod pas/ lcags sna lnga la drag po'i phur pa byas te// klu nag po'i gnas su dkyil 'khor nag po gru gsum byas la// 'bras kyi zan la klu nag po'i gzugs byas la/ klu yi rgyal po dgug gzhug bstims nas/ phur pa rdo rje 'dus pa'i bsnyen pa 'bum byas te/ klu'i rgyal po de la btab nas klu gnad la bor nas thog dus su phebs par 'gyur ro// ser ba dbab par 'dod pas/ shir shing nag po la phur pa byas te/ 'bras ser po'i zan la khyab 'jug gza'i rgyal po'i gzugs byas la/ bdag nyid lha yi rnal 'byor gyi gdeng dang ldan par byas la/ lce pog nag po'i dud pas bdug cing // khyab 'jug rgyu ba'i dus su// khyab 'jug nyid gzugs la phab ste/ phur pas btab nas gnad la phab na// ser ba dus bzhin du phebs par 'gyur ro// mi nad gtong bar 'dod pas// mi gang rims kyis shi ba'i mchog phur g.yas thogs la/ dbang gi dkyil 'khor zla gam dmar por byas te/ rims kyis shi ba'i ro ras la bram ze nag mo'i mngal khrag gis ming rus bris te/ zi ra nag po'i dud pas bdug ste/ dgra bgegs bkug la bstims nas/ pad+ma 'dus pa'i bsnyen pa 'bum byas te/ phur pas btab nas dgra bo'i sa la sar sbas na mi nad 'bar bar 'gyur ro// phyugs nad gtong bar 'dod pas// seng ldeng gi phur pa thogs te phyugs nad kyis shi ba'i snying khrag gis ma he 'am/ rta mchog gi pags pa la/ phyugs nor gyi ming bris nas phur pa btab ste// phyugs lhas sam bres su btab na/ phyugs nad 'bar bar 'gyur ro// smyo bar 'dod pas bram ze'i mchog phur g.yas pa thogs la/ nags tshal chen po'i gnas su dkyil 'khor chen po ser po gru bzhi pa gcig tu byas te/ rtsa kun ma'i lo ma la gzugs byas la/ d+ha du ra yi du bas bdug ste/ gzugs la phan nas phur pas lce la btab ste// yi dwags gnas pa'i sar mnan na// mi de smyo bar 'gyur ro// myos 'bog par 'dod na/ gser shing ngam skyer pa'i phur pa thogs te/ ras sam gro ga la a gar gyi khu bas ming rus bris la/ gong ma bzhin las byas pas 'byung po gnas pa'i sar sbas na mi de 'bog par 'gyur ro// myos par bya ba 'dod pas rgyal rigs kyi mchog phur g.yas pa thogs te/ ri bo 'dus pa'i rtser dkyil 'khor dkar po zlum po byas te/ dug shing gi lo ma la gzugs byas te// tsan+dan dkar po'i thang chus ming bris te/ mi tshil gyi du bas bdug ste// bud+d+ha 'dus pa'i bsnyen pa 'bum byas nas/ gzugs la phab na/ spyi gtsug tu phur pas btab nas/ ma mo'i gnas su sbas na/ mi de shin tu yang myos par 'gyur ro// lkugs par 'dod pas/ shug pa'am 'dzag gi phur pa thogs te/ gro ga'am shing shun la sngags lkugs nas shi/ ba'i klad khrag gis ming bris te/ gong bzhin du phur pas lce la btab nas/ sa bdag gnas pa'i sar sbas na// mi de shin tu yang lkugs par 'gyur ro// gang zhig 'thab par 'dod pas ni// dmangs rigs kyi phur pa g.yon pa thogs la/ shing rkang gcig gi gnas su/ dkyil 'khor nag po gru gsum byas te// 'ug pa'i pags pa la/ bya rog gi khrag gis kho dang mdza' ba'i ming bris te// sbrul dang smig pa lto sbyar ba'i bar du bcug la// tshon skud kyis bcings nas/ rdo sol nag po'i mes bsros te// las rab 'dus pa'i bsnyen pa 'bum byas la/ ming byang gnyis kyi bar du phur pas btab la// dur khrod kyi shing ring sa la btags la/ rlung chen po la phyar na// mdza' bo dang 'thab par 'gyur ro// bskrad par 'dod pas/ rma shing gi phur pa thogs te/ rlung gi rnga mo'i pags pa la rak+tas ming dang / rus yul khyim gyi ming bris la/ gong bzhin du las byas te// khyim gyi rtsigs rmang du sbas na/ mi de yul dbyung bar 'gyur ro// gzhan skrag pa las kyi rim pa 'di ni// las dang po pa rnams kyi spyod yul ma yin no// ting nge 'dzin las su rung zhing rtags mthong drod tshad zin pa rnams kyis ni/ gdon mi za bar 'gyur ro// zhes gsungs so// rdo rje phur pa gsang ba'i rgyud chen po las/ gzhan skrag par byed pa'i rim pa bstan pa'i le'u ste bzhi bcu rtsa gcig pa'o// // de nas yang rdo rje 'dus pa yis/ 'di skad ces gsol to// kye maho// rdo rje khros pa'i rgyal/ rdo rje phur pa'i don bsgrub pa'i tshe/ bdug dang thugs skul chags pa rab bskyed phyir// nyung dkar rgyal dang gu gul sbyar dang rak+ta bsgrub// rdzas su 'tshal ba'i mtshan nyid de// de yi thabs ni ji ltar lags// zhes gsol pas/ gsol ba'i don thugs su chud nas/ 'di skad ces gsungs so// nyung dkar rgyal po sgrub 'dod pas// yid 'ong gnas su 'dug nas ni// ya lag med pa'i b+han+da bshams// maN+Dal gru gsum skyang nul bya'o// gu gul chu yi khyad par sbyar// yab yum dri chen dur khrod sa// khrag chen bcas pa sa bon bsres// thabs dang shes rab chus bran te// mthing nag dar gyis kha bkab nas// maN+Dal dbus su de bzhag nas// mchod pa'i bye brag ci 'byor 'bad// b+han+na khang pa sa bon lha/ bskyed dang spyan drangs rim par chod// mtheb mdzub nyi zla'i dkyil 'khor 'bar// khro bo sngo nag mtshon cha 'dzin// thugs las 'thon zhing bskur brlabs nas// gsang sngags 'di nyid 'bum du bzlas// oM badz+ra ki li ki la ya bai tA li kro ti maN+Da la rak+Sha rak+Sha hUM phaT/ ces bzlas te/ byug 'dug dus drug tshang bar bya// bar chad bgegs rnams drag tu bskrad// sa bon kha 'bus myu gu 'khrungs pa dang // sgrub po'i g.yas su nye ba yis// gnas su gru gsum thur du brko// sa yi ro lnga bsal ba yi// dbyar zla ra ba'i nya la ni// bzang po'i mtshams su b+ha na d+ha spa'o// zla ba ngo drug bar du ni// gsal gdab bzlas brjod par mi gcad// ston zla tha chung nya la brda'o// rul dang bam sums ma shor bar// nyi grib mtshams su legs bskams na// grub pa'i 'bras bu sran ma ma sha tsam// dgun zla ra ba'i nya la zhal bsro dngos grub blang // de yis bder gshegs thugs bskul zhing // sdang dgra gdon bgegs rdul du rlogs// rnal 'byor lus sems mgul du gdags// rtag tu lus la bcangs pa las// g.yel bar byas na mi rung ngo // gu gul sbyar bar 'dod pa yis// dur khrod chen po rab dben par// dpyid zla ra ba'i nya la 'jug/ maN+Dal gru bzhi gcig byas la// ba glang lcags kyi b+han d+ha bshams// rA mig nya mgo skra spu'i gzhob// khyi spyang phag gi dri chen dkar// skye sne'u yi 'bras bur dug gi lceb// zi ra d+ha dur lce pog mu ze khrag chen dang // 'khril shing dri spos puSh+pa me tog thang chu dang // 'ug mig khrag klad sbrang rtsi ske tse gcan gzan sder mo rnams// nges par bsags te cha snyoms la// ra phod lug phod pong reng byang chub sems kyis bran// tshon gyi skud pas dam bcings la// kha ral ma yi zhabs nas gril// tsan+dan me la dros tshad bsro// maN+Dal dbus su de bzhag la// ba su ta yi gzungs thag gdags// bdag gtso lha mo pe ta li// bsam gtan gsal bar rab zhugs te// pe ta drag mo 'khor lo can// nyi ma hUM dang ldan pa la// spyan drang bstims mchod rim par bya// de nas bsnyen pa 'di bzlas te// ma grub par du rgyun mi gcad// oM badz+ra kI li kI ya la d+hA pe pe tA li ma gu la rta la rta la pra rta la hUM phaT/ dal med rgyun du bzlas par bya// ting 'dzin 'dris shing 'phro 'du gsal ba dang // 'od dang dri dang du ba 'byung // yang na grod drod cha gzung ste// rtags byung nas ni nges bsam ste// lha mchod de thig le bya// des ni gzi byin thob par byed// lus la bcangs na gdon bgegs 'joms// dud btang dgra la bdug gyur na// lha dang rgyab brten 'bral bar 'gyur// rtags rnams mngon du byung nas ni// rul dang sums dang ma bam par// ri lu byas te rnal 'byor bcad// gu gul sbyar ba'i rdzas su gsungs// rak+ta sgrub par 'dod pa yis// chu gling gnas su 'dug nas ni// maN+Dal dmar po zla gam bya// dgun zla ra ba'i nya la 'jug/ pad+ma can gyi b+han d+ha ru// gzhi'i rak+ta dang / rigs kyi rak+ta dang // sgrol ba'i rak+ta dang / me tog gi rak+ta lnga dang / rtsi'i rak+ta lnga dang / 'bras bu'i rak+ta lnga dang / shing gi rak+ta lnga dang / chu yi rak+ta lnga dang / rak+ta sum cu so gsum bsog/ de la sbyor ba'i rak+tas bran/ le brgan dar gyis kha bkab nas// seng ldeng me la dros bsros nas// maN+Dal dbus su de bzhag ste// bdag gsal chags pa'i dbang can bsam// dgug bstim mnyes nas bsnyen pa bya// oM badz+ra kI li kI la ya ma hA rak+ta rA ga sa ma ya pU dza hUM phaT/ ces ni 'bum mam bye ba bzlas/ mngon du khol lam rlangs pa phyur// yang na lud dam 'phags gas nas// lha la mchod de bdag nyid btung // chags pa skyes kyin mdangs kyang dmar// khams gsum mo yis pad+ma'i mdangs// chags skyes nas ni 'bul du 'ong // zhes gsungs so// rdo rje phur pa gsang ba'i rgyud chen po las/ byug brdeg bdug pa'i rdzas bsgrub pa'i le'u ste bzhi bcu gnyis pa'o// // de nas yang rdo rje 'dus pas/ 'di skad ces gsol to/ kye ma ho// bde gshegs bcom ldan 'das/ rdo rje phur pa gsang ba'i rgyud 'di nyid bdag cag la sogs pa ji ltar gnas par bgyi/ de la rnal 'byor du bgyi ba'i gang zag dam pa de la ji ltar blta bar bgyi// ma dad cing skur ba'i nyes pa ni gang / sngar 'das pa'i sangs rgyas ni gang // gang gi ring la bshad/ de ltar gyi bstan pa 'di nyid la/ srid pa gsum la dad pa can gang gi ring la dar bar 'gyur/ phyi'i dus na sangs rgyas gang gi ring la ston par 'gyur// bde bar gshegs pas lung bstan cing bshad du gsol// bka' stsal pa ni/ rdo rje 'dus pa'i rgyal po/ rdo rje phur pa gsang ba'i rgyud chen po 'di rgyud thams cad kyi rgyal po'o// lung thams cad kyi spyi bo/ man ngag thams cad kyi 'byung khungs so// lta ba kun gyi yang rtse'o// spyod pa thams cad kyi lam mo// dam tshig can gyi srung gnas so// phrin las thams cad kyi rim pa'o// dkyil 'khor thams cad kyi ngo bo yin te// 'on tang na rdo rje 'dus pa chen po// dper na yid bzhin gyi nor bu dang mtshungs so// 'on tang na gsang ba'i yi ge 'di/ gang na gnas pa'i phyogs de na ni/ rdo rje khros pa'i rgyal po nga nyid gnas par shes par bya'o// gnas 'khor de nyid na 'jig rten pa'i dgos pa phun su tshogs par 'byung ba shes par bya'o// de bzhin gshegs pa'i sku gsung thugs yon tan phrin las yin par shes par bya'o// 'on tang na gsang ba'i rgyud chen po 'di/ rgyal mtshan gyi rtse mo la btags la/ rim gro dang bkur sti dang / mchod pa phu dud du byas te/ rjes su 'jug pa'i rnal 'byor pa rnams kyis/ bri bar bya'o/ bklag par bya'o// mnyan par bya'o// bcang bar bya'o// mchod par bya'o// sems par bya'o// bsgom par bya/ bsgrub par bya/ bshad par bya/ kun chub par bya/ rdo rje 'dus pa yang rdo rje phur pa gsang ba'i rgyud 'di la 'di rnal 'byor du bgyi ba'i gang zag dam pa de ni// khyed la sogs pa rnams kyis/ de sems can lta bur mi blta ste/ yang dag par rdzogs pa'i sangs rgyas nyid du blta'o// rdo rje khros pa nyid du blta'o// de ci'i phyir zhe na/ yang dag par rdzogs pa'i sangs rgyas pa nyid dang / so sor ma yin tha mi dad pa'i phyir ro// gzhan yang rdo rje 'dus pa khyed nyid dang 'dra ba ste// de bzhin du 'das pa dang da lta dang ma 'ongs pa rnams dang tshul mthun dbye ba med pa'o// yang rdo rje 'dus pa ma dad cing skur ba'i gang zag de ni/ sngon gyi rgyal ba la bya ba ma byas par// lung ma bstan par ma nges pa'i bsam pa can// shin tu 'joms pa'i sems kyi bla ma la bkur sti mi byed cing / zab mo'i don la 'grib pas/ don du gnyer ba chud gson cing phyi gyis sde pa'i khar gtong ba/ sgrib pa stusdug cing bsam pa log pa can/ yid gnyis za zhing 'dzums pa'i bsam pa can/ de lta bu'i rna lam du/ 'gro zhing rtogs par mi 'gyur bas skur cing smod do// de yis las kyi rnam par smin pa mi bzad de// rdo rje gsang ba'i rgyud 'di la ma dad cing / skur pa'i dbang gis/ dmyal ba'i gnas na yang rdo rje mi bzad par bskal pa gsum du skyes so// de yang tshe 'phos na byol song gi gnas nas kyang / bkol spyod can du bskal pa gsum du gnas so// de nas tshe 'phos nas yi dwags kyi nang na yang / sgrib pa can gyi sgrib pa can du bskal pa gsum du gnas so// de nas tshe 'phos nas mi'i nang na mtha' 'khob sdig pa can spyod pa'i gnas su bskal pa gsum du gnas so// de nas tshe 'phos nas lha ma yin gyi nang na yang 'thab cing rtsod pa can du bskal pa gsum du skyes so// de nas tshe 'phos nas kyang lha dbul po che ring po'i gnas su bskal pa gsum du skyes te/ bskal pa chen po bco brgyad du rgyud drug 'khor ba'i gnas su 'khyams nas/ sangs rgyas kyi bstan pa la mi dad pa'i tshul dzin cing / de lta bu de ni rnal 'byor gyi dbang phyug chen pos/ thugs rje thabs mkhas pas mdzad spyod kyis bsgral bar bya'o// rdo rje 'dus pa'i rgyal pos/ gsang ba'i theg pa 'di 'byung ba ni shin tu yang dkon no// dper na u dum wa ra'i me tog 'jig rten du brjod pa dang mtshungs te gsang ba'i theg pa 'di ni sngon byung ba'i sangs rgyas 'od srung chen pos/ 'bras bu rdo rje theg pa'i chos nyid kyi 'khor lo bskor ba de'i dus su/ gsang ba'i theg pa 'di yang ma brjod do// de ci'i phyir zhen/ dus de'i 'gro ba rnams gsang ba'i theg pa 'di yi snod du gyur pa med pa'i phyir ro// de bzhin du sngar 'das pa'i sangs rgyas bye ba phrag drug cu rtsa bzhis kyang gsang ba'i theg pa 'di ma bshad do// sngon thog ma'i bskal pa kun bkod ces bya ba byung ba'i tshe// sangs rgyas sngon byung gi rgyal po bya ba de'i bstan pa la rgya cher bsgrags te/ nges pa'i don rgya cher spyod do// de'i tshe 'gro ba rnams gsang ba'i theg pa 'di la shin tu da par gyur te/ rnam par grol ba'i lam chen po la bkod do// rdo rje 'dus pa chen po/ da ltar gyi bstan pa 'di nyid kyang / lung bstan pa'i dad pa can ni/ lha'i gnas su ni lha'i dbang po brgya byin la sogs pas spyod pa la/ klu'i gnas su ni klu'i rgyal po 'jog po la sogs pa la/ 'jam dpal dang spyan ras gzigs kyis lung bstan cing rgya cher grags par 'gyur la/ mi'i gnas su ni 'dzam bu'i gling gi rgyal po dza zhes bya ba tshogs bsags pa de la/ ri ma la ya zhes bya bar phyag na rdo rjes lung bstan cing / des ni mi'i gnas su rgya cher spyod par 'gyur ro// de yang skal ba dang ldan pa rnams kyis spyod par 'gyur te/ ched 'ga' ni dngar/ ched 'ga' ni nub/ ched 'ga' ni mngon du byung / ched 'ga' ni gab cing sbas/ la las ni tshul bzhin du spyad de sngags kyi mthu stobs kyang rnyed/ phal cher 'dra tshul log par spyod pas ltung gnas su 'gyur bas/ 'gro ba la la ni dad / la la ni ma dad ste/ dus nam zhig na snyigs ma lnga'i dus 'ong ste/ sprul pa'i sgras bstan pa'i tshe na dar zhing rgyas par 'gyur ro// rdo rje 'dus pa'i rgyal po gsang ba'i theg pa 'di nyid/ ste bskal pa bye ba 'das pa'i 'og tu bskal pa me tog bkod pa zhes bya ba 'byung ba'i tshe na/ sangs rgyas 'jam pa'i dbyangs zhes bya ba/ da ltar dang tshul mthun pa zhig 'byung ste/ des gsang ba'i theg pa 'di rgya cher ston par gyur ro// sangs rgyas gzhan gang gis kyang gsang ba'i theg pa 'di ston par mi 'gyur te// de ci'i phyir zhe na// 'gro ba rnams gsang ba'i 'di nyid kyi snod du ma gyur pa'i phyir ro// rdo rje 'dus pa gsang ba'i rgyud chen po las/ bcangs shing bskur ba'i skyon yon dang / dus gsum gyi sangs rgyas gang gis dus gang la gsungs pa zhus lan du bstan pa'i le'u ste bzhi bcu rtsa gsum pa'o// // de nas yang 'dus pa'i 'khor tshogs dang / 'jig rten pa'i chos nyan pa'i 'khor rnams kyis/ mchod pa dus mas ni mngon par mchod cing lan stong du brkyang phyag 'tshal nas/ 'di skad ces gsol to// e ma ho/ bzhi bcom drug ldan 'khor ba mya ngan 'das// bdag gzhan gnyis kyi dpal mnga' zhing // phyin ci log bzhi spangs pas khyab par mthu byin che// gzung 'dzin rnam spangs ma g.yos rdo rje de// don rtogs drang don nges pa'i don khros pa'i sku gsung thugs// ston pa'i bdag nyid de la phyag 'tshal bstod// e ma ho/ dgyes pa chen po yum gyi mkha' klong nas// dus gsum 'du 'bral med par sbyor// gnyis med theg le byang chub dag pa'i sku// gnyis med byang chub sems kyi 'phro 'du las// bka' yi 'khor lo gsang ba'i 'khor la bstod// e ma ho/ sangs rgyas kun gyi thugs kyi thugs// mi nub chos srog dbang po 'dzin byed pa// smra ba'i seng ge zhu ba'i spobs par ldan// sku gsung thugs dang yon tan phrin las rdo rje nyid la 'dus// rdo rje 'dus pa de la phyag 'tshal bstod// e ma ho// sku gsung thugs klong gsung gi chos mchog bdud rtsi che dang mtshungs// rgyud dang lung dang man ngag kun gyi mdzod du bzhugs// 'das dang ma byon da lta rnal 'byor bgrod pa'i lam// theg pa kun las 'phags pas 'og ma zil gyis gnon// don dam bden pa'i mdzod ni dmigs pa'i sgron mar snang // bstan pa rgya mtsho'i chos la phyag 'tshal bstod// ston pa'i bzhugs pa'i gnas mchog khyad par can// bka' yi dam chos ma lus 'byung ba'i gnas// shes rab b+ha ga dus gsum bzhugs pa'i gnas// phyi nang gsang gnas de la phyag 'tshal bstod// ston pa gnas 'khor dam chos 'byung ba'i dus// 'das dang ma byon da lta dang // ma nges dus na gang 'tshams pa'i// phun sum tshogs pa'i dus la phyag 'tshal bstod// ces mngon par bstod do// de nas yang sangs rgyas 'dus pa la sogs 'khor rnams kyis/ rdo rje 'dus pa la bsgo ba mdzad de/ rdo rje 'dus pa khyod ni/ bde bar gshegs pas bka' stsal pa/ zhu ba spobs pa dang ldan pa ste/ phyi rabs kyi rnal 'byor pa'i phyir/ rgyud kyi don bsdu bar gsol lo// zhes rnam par bskul lo// de nas rdo rje 'dus pas bskul ba'i don thugs su chud de/ gsol ba ni/ e ma ho/ bde bar gshegs pa bcom ldan 'das/ phyi rabs rnal 'byor don gyi phyir/ rdo rje gsang ba chen po'i rgyud kyi don nyid rab bsdus nas/ gnas shing rtogs par ji ltar bgyi/ zhes gsol pas/ 'di'i bar tshig dam snyam/ zhes bka' stsal pa// rdo rje 'dus pas brgyad khri bzhi stong sgo mo dang / yan lag bcu gnyis sde snod dang / bsdus pa'i sde snod rnam pa gsum dang / theg pa'i bye brag bstan pa yang / bkri ba'i don du bstan pa ste/ nges don bsdus pa rdo rje gsang ba'i rgyud 'di nyid/ khyod la sogs dang da ltar phyis 'byung yang / lha spyod sgrub dang phrin las dkyil 'khor dbang dang dam tshig ting 'dzin rnams/ rdo rje gsang ba'i rgyud las gsal bas na// lam gyi nang na nye lam dang po ste// rdo rje 'dus pa khyod la gtad// gsang ba'i rgyud 'di nub par gyur ta re/ zhes gsungs so// de nas rdo rje 'dus pa/ shin tu yang dga' ba'i yid g.yos nas/ rang gi gsang ba'i rdo rje gnas su gsor zhing / 'di skad ces dam bcas so// e ma ho/ bde gshegs kun gyi gtso/ kun gyi don bsdus te rdo rje gsang ba rgyud 'di la/ bdag la sogs pas da lta phyis spyod pas/ lam gyi nang na nye lam dam pa bgyis te/ gang dag blta ba la dang bas rgyud 'di'i blta ba'i lam la blta bar bgyi'o// gang dag spyod pa la dga' bas/ rgyud 'di nyid kyi spyod pa'i lam la mngon par spyod par bgyi'o// gang dag sgrub pa la mos pas/ rgyud 'di nyid kyi sgrub pa'i lam la mngon par bsgrub par bgyi'o// gang dag phrin las la gus pas/ rgyud 'di nyid kyi phrin las kyi lam la phrin las su bya'o// gang dag dkyil 'khor brtsam pas/ rgyud 'di nyid kyi dkyil 'khor gyi lam[:]la mngon par rtogs par bya'o// gang dag dbang nod par sems pas/ rgyud 'di nyid dbang gi lam la mngon par nod do// gang dag dam tshig bsrung ba'i sems yod pas rgyud 'di'i dam tshig gi lam la mngon par dka' thub tu gnas par bya'o// gang dag ting nge 'dzin la mnyam par 'jog par 'dod pas/ rgyu 'di'i ting nge 'dzin gyi lam la mngon par bsgom par bya'o// 'on tang na bdag dang phyis 'byung ba'i rnal 'byor rnams kyis/ rdo rje gsang ba'i rgyud 'di'i chos kyi srog shing mngon par gzug go/ chos kyi rnga mngon par rdung ngo // chos kyi dung mngon par 'bud do// chos kyi char mngon par dbab po/ chos kyi 'khor lo rgyun 'chad med par bskor ba ste// mi nub pa'i rgyal mtshan chen por gnas par bgyi'o// zhes dam bcas so// de nas 'dus pa'i 'khor rnams kyis// chos nyid la chos nyid kyi rtsal bsdams te/ bcom ldan 'das nyid kyi sku gsung thugs la zhugs te// mi snang bar gyur to// bcom ldan 'das nyid ni dgongs pa chos kyi dbyings la mnal lo// rgyud kyi don bsdus pa de de dag ni rin po chen po gser gyi glegs bam la bai DUr+ya zhun mas bris nas/ sku gsung thugs kyi sprul pa gsum gyis// srid pa gsum du chos kyi char mngon par bab pas/ lha dang klu dang mi'i rnal 'byor rnams/ tshom bu'i las la ma chags par rig 'dzin byang chub kyis blangs so// rdo rje phur pa gsang ba'i rgyud chen po las/ rgyud yongs su bzung zhing gtad pa'i le'u ste bzhi bcu rtsa bzhi pa'o// // rdo rje phur pa gsang ba'i rgyud chen po rdzogs so// // @#// rgya gar skad du/ ki la ya gu h+ya A sha ya ma hA tan+t+ra/ bod skad du/ phur pa gsang ba'i