བོད་ཡིག

e-texts produced with BDRC’s OCR application

bsgral// de ma zag tu 'grub par 'gyur/ shwa na dkar nag gi rgyud las las kyi bya thabs kyi le'u ste bzhi pa'o// rdzogs so// // @#// rgya gar skad du/ badz+ra kI la ya/ karma tsakra/ gu h+ya tan+ta rA dza nA ma/ bod skad du/ rdo rje phur pa phrin las 'khor lo/ gab pa gsang ba'i rgyud kyi rgyal po zhes bya ba/ zhe sdang gi rgyal po bcom ldan 'das rdo rje 'dzin pa la phyag 'tshal lo// 'di skad bdag gis thos pa'i dus gcig na/ bcom ldan 'das zag pa med par mnyam par bzhag pa'i tshe/ bcom ldan 'das rdo rje 'dzin pas bskul te// bde chen zhi ba chos kyi mchog/ ston pa rdo rje chos nyid kyis// e ma 'dul bar gyur ma yin// de nas longs spyod rdzogs pa'i sku// 'jigs byed chen po'i skur bzhengs la// gdug pa'i tshogs rnams 'dul du gsol// zhes bskul bas/ bskul ba'i don thugs su chud nas/ bcom ldan 'das 'jigs byed chen po'i skur bzhengs te/ thun mong ma yin pa'i mtshan mchog gis mngon par spras pa'i sku des/ 'og min gyi gnas lcang lo can gyi pho brang du/ 'khor sems dpa' dang sems ma rnams la/ dam chos bdud rtsi'i phur pa'i chos rnams sku'i sgo nas 'jal bar bstan te/ 'khor ba'i spong sgrib las rnams mngon par spangs te/ grol ba'i sa la legs par gnas so// thugs rje'i stobs kyis phyag na rdo rje mngon par sprul te/ yang snying 'bru dgu'i tshul du thugs kar bstan/ de nas 'khor sems dpa' rdo rje nyid kyis 'dod khams pa rnams kyis mthong ba'i lam du ma gyur pa rnams/ de mngon par rtogs par bya ba'i phyir/ phyag na rdo rje la bskul te/ 'dod khams gnas ris nyi shu'i ston par gshegs te/ sum cu rtsa gsum gyi gnas su 'jigs byed chen po'i gzhal yas khang du mngon par sprul te/ bcom ldan 'das nyid zhe sdang gi bdag po zhal gsum phyag drug par mngon par sprul te/ 'khor rnams la phem phaT ces mngon par sgra bsgrags te/ de'i tshe las kyi sems dpas 'di skad ces gsol to// sems dpa' chen po sangs rgyas shing 'khor ba las bsgral bar bya ba'i phyir/ rnal 'byor gyi cha rkyen du bzhag pa la don du mchis las kyi sems dpa' nyon cig/ ting 'dzin dkyil 'khor bsgom pa dang // rang bzhin dkyil 'khor sgrub pa dang // phyag rgya che la gnas rnams kyis// 'bras bu sku bzhi thob par 'gyur// rnal 'byor cha rkyen rim pa'o// sems dpa' chen po gzas pa'i cha rkyen du bzhag pa la don du ci mchis bshad du gsol/ las kyi sems dpa' nyon cig/ e ma ho// 'jig rten 'di nas pha rol tu bsgral ba mya ngan las 'das pa'i mthar bsgral ba'i rim pa'o// // 'jig rten 'di nas pha rol du bsgral ba la// lam yan lag ci lta bu lags bshad du gsol/ sems dpa' chen po nyon cig/ bsnyen pa bsdus pa'i yan lag dang / bsgrub pa chen po'i gnas kyi rim pa dang / drag po'i las la sbyar ba'o// de la dkyil 'khor du zhig mchis/ sems dpa' chen po nyon cig dkyil 'khor rnam pa bzhi ste/ bsnyen pas bsdus pa'i dkyil 'khor rtsibs brgyad dang / sgrub pa ste gru gsum shel gyi dkyil 'khor dang / sgrub pa chen po ste sngags kyi 'khor lo bskor ba'i dkyil 'khor dang / las la sbyar ba te ma ra ya bsad pa'i dkyil 'khor dang bzhi'o// sems dpa' chen po de lta bu'i dkyil 'khor 'di gang zag ji lta bu zhig gis gzung zhing bsgrub par bgyi/ nyon cig gang zag rnam pa lnga ste/ theg pa chen po'i rigs can dang / theg pa chung ngu'i rigs can dang / gang zag rigs chad pa dang / rigs ma nges pa dang / gang zag zhe sdang rdo rje'i rigs can no// 'dir ni gang zag zhe sdang rdo rje'i rigs can gyis bsgrub par bya'o// sems dpa' chen po/ 'di'i thig skud kyi rgyu rnams ji ltar lags/ bsnyen pa bsdus pa'i dus ras bal gyi bkal pa dang / bsgrub pa'i dus su ni kha ral ma'i rgyud mas so// drag po'i dus su bram ze'i srog pa rtsas so// mA ra ya bsad pa'i dus su rgyus chen gyis so// 'di'i tshon gyi mtshan nyid ci lta bu lags/ bsnyen pa la ni rin chen sna lngas bri/ bsgrub pa'i dus su 'bras la sogs pa kha dog bsgyur la bri'o// drag po la tshon sna lngas so// bsad pa la lcags sol nag po yin/ tshon gyi mtshan nyid de ltar yin na/ bris pa'i dus ji ltar lags/ bsnyen pa la nyi ma shar nas so// bsgrub pa la nam phyed nas so// drag po la nyin phyed nas so// bsad pa dgongs ka'i dus su'o// dkyil 'khor chen po de nyid du// phur bu'i mtshan nyid dgod pa ji ltar lags// nyon cig las kyi sems dpa'/ bsnyen pa'i dus su rin chen sna lnga'i phur pa sor bcu drug pa bya la dgod/ bsgrub pa'i dus su gdug pa can gyi shing la sor bcu gnyis par byas la dgod/ drag po'i dus su rkang chen gyis phur bu sor brgyad pa'i tshad du byas la dgod/ mA ra ya bsad pa'i dus su lcags sna lnga las byas pa'i phur pa sor bzhi pa'i tshad du byas la dgod/ e ma ho// sems dpa' chen po de ltar gyur pa lags na/ de'i cha rkyen ji ltar lags/ bsnyen pa la mchod rdzas dang cho ga rdzogs pa'o// bsgrub pa la sngags kyi 'khor lo che// drag po la bde gshegs bka' nyan bskul ba'o// bsad pa la zangs phye lcags phye'o// de ni cha rkyen mchog yin te// dkyil 'khor chen po'i rkyen du bshad// gleng gzhi dang gleng bslang ba dang / gzhal yas khang gi le'u ste dang po'o// // bcom ldan 'das 'jigs byed chen po'i dkyil 'khor mA ra yas bsad pa la don du mchis bshad du gsol/ e ma ho/ las kyi sems dpa' nyon cig mA ra ya bsad pa la dkyil 'khor gsum ste/ me'i dkyil 'khor dang / bstab pa'i dkyil 'khor dang // mA ra ya bsad pa'i dkyil 'khor dang gsum mo// de la me'i dkyil 'khor ni/ shar lho mtshams su rgyar gru gang zabs su khru phyed do// kha khyer gsum la rgyar sor bzhi pa'o// dpangs su sor bzhi pa'o// de yang ma tri chen po'i snying gar bri'o// tshon bri ba ni/ nang du mda' gzhu bkang ba gsum/ zur gsum la za byed kyi zhal gsum/ bang rim par ma la mtshon cha lnga mdzes pa'i tshul du bri/ bang rim tha ma la me ri spug nag tu btang bar bya'o// der gdug pa can gyi shing rnams la/ khar la ma'i sgras bcings te/ dug shing sna tshogs pa la/ snying dang glo bas brgyan pa ni// drag po me yi dkyil 'khor ro// bstab pa'i dkyil 'khor ni byang shar mtshams su'o// dpangs su sor bzhi la/ snying po nr-i tri dang bcas pa'o// der bsgral ba'i ling+ga ni/ ra dang khyi dang mi'i sog pa la bris la mchod pa chen po'i dus su bstab bo// mA ra ya bsad pa'i dkyil 'khor ni/ lho nub mtshams su hom khung rgyar gru gang ba/ zabs su khru do/ logs gsum du mda' gzhu bkang ba gsum bris la/ zur gsum la za byed kyi zhal dang bcas pa bri/ bang rim par ma la rtsang drug cu rtsa gnyis srin mo 'gros su 'khor bar gzug/ bang rim tha ma la mtshon cha lnga dgod pa'o// bcom ldan 'das dkyil 'khor de ltar lags na/ de bsgral ba'i ling+ga'i rgyu gang lags bshad du gsol/ sems dpa' chen po nyon cig/ de dri ba legs so// rgyu ni khri dang rngu tse'i phub ma dang // gangs kyis reg pa'i sa rnams dang // 'byung ba chu yi thal ba dang // til nag po la gzhi blang ste// gzugs ni yang dag rdzogs par bya'o// dug gi chu yi byug pa yis// mdog ni smug nag pa ru bya// de ni rnam shes rten yin te// tshe dang phung po sdud pa'o// de ni 'pho ba'i ling+ga ste// sngags kyi 'khor lo ci ltar bya// sems dpa' chen pos bshad du gsol// nyon cig las kyi sems dpa' che// sngags kyi 'khor lo 'god pa ni// dpral ba klad rgyas 'khor lo ni// lha rnams bsrungs pa'i 'khor lo ste// mdog nag zla ba kham pa la// lha dang dpral ba'i snying po dgod pa'o// khrag chen 'khor lo rtsibs bzhi bri// smyu gu rkang chen mchog gis bri// snag tsha nim pa ka yi khu bas bya// ha sa ya ra dgod pa yin// de la skyob pa'i lha dang 'bral// dbyen spyo pa yi yi ge yis// lha dang dpral bar bshad pa yin// gzugs la snying po bsdu bar bshad pa ni// ldum gzhog lta bu'i zur brgyad la// rtsa yis dngas ma bzhi gnas te/ kun gzhi'i rnam shes rten yin pas// gzugs la dbab pa'i snying po dgod// A be sha yi sngags dgod pas// gzugs la dbab pa'i las su 'gyur// nya yi dbyibs 'dra bzhi po la// dar dkar skud pa lnga yod de// dbyibs ni pad+ma rgyas 'dra la// shi gran A na ya yi sngags bkod pas// byad du gzhug pa'i las su 'gyur// dar lce bkug pa'i dbyibs 'dra dang // rin chen pad+ma bzhi po la// smra byed snying po'i mtshan bkod cing // dza la pa yi sngags dgod pas// smyo bar gzhug pa'i las su 'gyur// gro ga gcus pa 'dra ba dang // zangs kyi mo khab 'dra ba dang // zar ma'i me tog dbyibs 'dra dang // tshes gcig zla ba'i dbyibs 'dra la// tA tha ya yi sngags bkod pas// rdul du rlog pa'i las su 'gyur// rdo rje'i dbyibs 'dra'i 'khor lo la// byang chub sems kyi rgyu srang la// b+hin+da ya yi sngags bkod pas// zhal du stob pa'i las su 'gyur// sems dpa' chen po sngags kyi 'khor lo bkod pa de ltar lags na// gang zag ji lta bu zhig gis bri bar bgyi// zhe sdang rdo rje'i rigs kyis bri bar bya'o// de'i kha dog dang dbyibs ni nag la skra gyen du 'khyil ba// mig sprin dmar ba/ smin ma'i dbus na khro gnyer gsum yod pa/ mche ba gtsigs pa/ lag pa chu bya lag tu 'dug pa// thig pa mchog la dang pa/ mngon par shes pa des bri bar bya'o// sngags kyi 'khor lo bri ba'i dus gang lags bshad du gsol/ las kyi sems dpa' nyon cig/ dus ni gsum ste/ smyug gu btsal ba'i dus dang / bri ba'i dus dang / snag tsha btsal ba'i dus dang gsum mo// bri ba'i dus ni nya nag dmar gyi dus so// smyu gu btsal ba'i dus ni/ smin drug sa 'og tu song ba'i dus so// snag tsha btsal ba'i dus ni/ dpyid zla 'bring po lha mo u ma de wI gsang ba'i mkhar 'char ba'i dus so// bcom ldan 'das sbu gu dang 'khor lo de ltar lags na/ 'khor lo chen po bca' ba'i dus gang lags/ dus ni bsnyen pa rdzogs pa'o// las ni sgrub pa'o// rgyu ni gro ga'am shog shog ste/ 'pho ba'i yan lag rdzogs par bri/ mdog ni smug nag dag tu bya'o// drag po'i las la 'khor lo nag/ dbyibs ni zla ba kham pa la// mdog ni nag po lce bzhir bcas// dbus su oM badz+ra kI li kI la ya// dbus su che ge mo mA ra ya dgod// lce bzhir hA sa ya ra bzhi dgod/ dbus kyi badz+ra kI li kI la ya dang pos ni// bdag nyid phyag rgya chen por gsal ba'o// ki la ya 'og mas lha tshogs su gsal lo// che ge mo yis dmigs pa gsal/ ha sa ya ra na bzlas pa'i mchog/ dpral ba'i 'khor lo 'di bskur ro// dbab pa'i 'khor lo'i dbyings rnams ni// ldum gzhog 'dra ba'i zur brgyad la// steng ma pad+ma 'dab brgyad mdzes/ 'og ni rin chen zur brgyad do// steng gi pad+ma'i lte ba la// dbus su oM badz+ra kI li kI la ya che ge mo mA ra ya zhes pa bri/ 'khor lo'i 'dab ma'i cha rnams la// A be sha ya zhes pa'i snying po bri// gzugs la dbab pa'i 'khor lo'i rim pa'o// nya yis gzugs 'dra bzhi po la// 'khor lo'i 'dab ma re re la// dbus su oM badz+ra kI li kI la ya che ge mo mA ra ya zhes pa bri// nya 'dra ba bzhi po la/ shrI g+haM A na ya yi snying po bri// 'dis ni 'ching bar 'gyur ba'o// byad du gzhug pa'i 'khor lo'i rim pa'o// dar lce khug pa 'dra ba dang // rin chen pad+ma'i sdong po 'dra ba la// dbus su oM badz+ra kI li kI la ya/ che ge/ mo mA ra ya zhes pa bri/ mtha' ma rnams la/ dz+wa la pa ya'i sngags bkod pas// thams cad myos shing smra bar 'gyur// spro ba'i 'khor lo bca' ba'i rim pa'o// dbyibs ni gro ga bcus 'dra dang // zangs kyi mo khab dbyibs 'dra dang // zar ma'i me tog kha phye ba// zla ba tshes pa'i rnam pa 'dra// re re 'khor lo ldeb re yin// dbus su oM kI li kI la ya// che ge mo zhes pa bri// khor lo'i 'dab ma'i cha rnams la// tA tha ya yi sngags rnams bri// rdul du rlog pa'i las su 'gyur ro// rdul du rlog pa'i 'khor lo'i rim pa'o// rdo rje'i dbyibs 'dra'i 'khor lo la// dbus su oM kI li kI la ya che ge mo zhes pa bri// 'khor lo 'dab ma'i cha rnams la/ b+hin+da ya yi sngags bkod pas// zhal du stob pa'i las su 'gyur// zhal du bstab pa'i 'khor lo'i rim pa'o// mA ra ya bsad pa'i 'khor lo'i rim pa bstan pa dang / 'khor lo bca' ba'i rim pa'i le'u ste gnyis pa'o// // sems dpa' chen po 'khor lo bri ba dang / mA ra ya bsad pa'i dkyil 'khor de ltar lags na gzas pa po 'jig rten 'di nas pha rol du bsgral ba la sngags kyi don du mchis sems dpa' chen po bshad du gsol/ las kyi sems dpa' legs so sngags 'di'i don rtogs par dka' bas zhus pa legs so// nyon cig de la yang bzhi ste/ kI la ya sngags kyi phreng ba dang / ki li kI la ya sngags kyi 'khor lo dang / ki la ya lha'i sku phyag rgya chen po'i rim pa dang / kI la ya chos nyid la gnas pa'i rim pa'o// sems dpa' chen po sngags kyi phreng ba la don du mchis/ las kyi sems dpa' nyon cig de la gnyis te/ 'dren par byed pa dang / zil gyis gnon pa'o// 'dren par byed pa ni/ sems dpa' chen po sngags kyi sems dpa'i thugs ka nas tsit+ta rin chen zur brgyad/ de'i lte ba la zag pa med pa'i gzugs brnyan du gyur pa'i rdo rje rtse dgu pa/ de'i lte bar oM/ zur brgyad la kI la ya 'bru brgyad/ de'i sngags kyi bdag pos/ oM badz+ra kI la ya dzaHhUM baM hoH/ zhes brjod pas/ lcags kyu dang / zhags pa dang / lcags sgrog dang / dril bu bzhi byung ste/ gzas pa po'i gnas mal du/ yaM las rlung gi dal du gyur te/ gnas mal dang gzas pa por bcas pa lcags kyus bkug zhags pas bcing / lcags sgrog gis bsdam/ dril bus dgyes par byas pa ni/ 'dren par byed pa'i rim pa'o// zil gyi gnon pa'i sngags kyi rim pa ni// oM laM hUM laM/ zhes brjod pas/ gzas pa po'i glad rgyas su/ ye shes kyi ri rab rtse mo brgyad pa gcig tu gyur te/ staM b+ha ya nan zhes pas gnon pa'o// mo hA g+ha ya ni ming dang rus su bcas pa'o// hrIHSh+T+r-iHwi tri ni thabs dang shes rab zung du 'brel ba'o// las kyi sems dpa' de ru khrus lung ji ltar lags/ nyon cig khrus lung gi rim pa la yang rnam pa gnyis te/ snying po sngags kyi khrus lung dang / sku phyag rgya chen po'i khrus lung ngo // snying po sngags kyi khrus lung ni/ las kyi sems dpa'i dbur zla ba'i dkyil 'khor gyis steng du// yi ge a yi phreng ba gsang ba'i mgul du btab pa'o// sngags kyi bdag po la yang der ltar ro// sgrol ba'i sras mchog ste/ thugs ye shes rtse gcig pa'i rtse mo la a bkod ste/ las kyi sems dpas dril bas/ 'od du zhu ste 'od zer chu rgyun du byung bas/ sgrol ba'i bdag po la thim pas/ slar gzas pa po la thim pas/ kun bzhi la yod pa'i bag chags bsreg pa ni/ snying po sngags kyi khrus lung ngo // sku phyag rgya chen po'i khrus lung ni/ bde bar gshegs pa rnams kyi dgongs pa la gsal bar 'gyur gyi/ phal pa rnams kyi spyod yul ma yin no// sems dpa' chen po ngan sngags kyi 'khor lo rang shes par bya ba la/ don du mchis bshad du gsol/ las kyi sems dpa' nyon cig/ de la rnam pa drug ste/ dang po 'khor lo lha dang phral ba dang / 'khor lo gnyis pas gzugs la dbab pa dang / 'khor lo gsum pas byad du bcug pa dang / 'khor lo bzhi pas sgro ru bzhug pa dang / 'khor lo lnga pas rdul du brlag pa dang / 'khor lo drug pas zhal du bstab pa'o// 'di ni ngan sngags su shes pa'i rim pa'o// sems dpa' chen po sku phyag rgya chen por shes par bya ba la/ don du mchis bshad du gsol/ las kyi sems dpa' nyon gcig don de rtogs par dka' zhing go bar dka' bas zhus pa legs so// kI la ya lha'i sku phyag rgya chen por shes par bya ba ni/ phyogs bcu dus gsum gyi bde bar gshegs pa'i thugs kyi dpal be'u las snying po 'bru dgu'i tshul du gnas pa ni/ sngags kyi sems dpa'o// de las kyi sems dpa' zhal gsum phyag drug pa/ smad lcags kyi phur pa zug gsum par byung nas/ phyogs bcu dus gsum gyi de bzhin gshegs pa'i spyan snga na bka' nod pa'i tshul du gnas pa la phyogs bcu dus gsum gyi de bzhin gshegs pa rnams kyis lag tu thugs ye shes rtse gcig pa byin nas dbang bskur nas/ e ma ho// las kyi sems dpa' chen po ma 'ongs pa'i dus ngan gdul dka' ba'i gang zag gis zhing khams su rnams su bsgral ba'i don gyis shig/ khyod ni phyogs bcu dus gsum gyi de bzhin gshegs pa rnams kyi gdung 'tshob pa yin gyis/ gang zhi bas mi 'dul ba de la mngon spyod kyi phrin las byos shig/ sems dpa' chen po khyod ni rdo rje 'dzin pa'i gdung 'tshob pa yin no// zhes gnang ba byin pa ni// kI la ya lha'i sku phyag rgya chen por shes pa'o// sems dpa' chen po lha'i sku phyag rgya chen por gnas pa de ltar lags na/ ki la ya chos nyid du gnas pa'i don bshad du gsol/ sems dpa' chen po nyon cig/ chos nyid kyi don 'di ni sngar phyogs bcu dus gsum gyi bde bar gshegs pa rnams kyis kyang ma gsungs/ ma byon pa'i bde bar gshegs pa rnams kyis gsung bar mi 'gyur/ sems dpa' chen po nyon cig/ sems dpa' chen po nga nyid kyis kyang ma bshad pa'i don de zhu ba lags so// bden gnyis rgyu dang 'bras bu'i tshul/ kun rdzob lha yi dkyil 'khor che// don dam snying po sngags kyi gzugs// de la rnam gnyis tshul du gnas// rdo rje khros pas zhe sdang gcod// ces pa'i tshig 'dis don dam pa'i bden pa sgyu ma tsam du bzhag pa ni/ chos nyid kyi don to// oM badz+ra kI la kI la zhes brjod pas/ chos thams cad rang bzhin med par rtogs nas/ rang bzhin med pa sgyu ma tsam du rtogs pa ni chos nyid kyi don to// mA ra ya bsad pa'i dkyil 'khor bstan pa dang / sngags kyi 'khor lo bca' gzhi bstan pa dang / sngags kyi phreng ba bstan pa'i le'u ste gsum pa'o// // sems dpa' chen po mA ra ya bsad pa'i dkyil 'khor dang / sngags kyi 'khor lo bca' ba'i don de ltar lags na/ ngan sngags kyi snying po'i don bshad du gsol/ las kyi sems dpa' nyon cig/ ngan sngags kyi snying po 'di/ sngar de bzhin gshegs pa rnams kyis ma gsungs pa'i ngan sngags kyi 'khor lo 'di/ ngas las kyi sems dpa' khyod kyi don du bshad kyi nyon cig/ de'i tshe de dus su bcom ldan 'das dpung rnam par 'joms pa'i ting nge 'dzin la snyoms par zhugs nas dbu'i 'khor lo'i gtsug nas dpung rnam par 'joms pa'i ngan sngags kyi snying po 'di byung ngo // oM badz+ra kI li kI la ya che ge mo mA ra ya ha sa ya ra na hA da na ya hUM phaT/ ces pa'i snying po 'di phyung bas// 'jig rten gyi khams 'di rab tu g.yos so// de'i tshe bdud kyi dpung rnams rab tu pham par byas so// de'i tshe snying po 'di'i sngags 'di la lha dang dbral ba'i sngags zhes phyogs bcu dus gsum gyi de bzhin gshegs pa rnams kyi dbang bskur ro// de bas na snying po 'di ni 'bral bar byed pa'i snying po mchog ces bya'o// de bzhin gshegs pa de nyid du dpung rnam par sdud pa zhes bya ba'i ting nge 'dzin la snyoms par zhugs te/ thugs kyi dpal be'u nas snying po ngan sngags kyis sems can thams cad dbang du sdud cing 'gugs par byed pa'i snying po 'di phyung ngo // oM badz+ra kI li ki la ya che ge mo mA ra ya A be sha ya A be sha ya hUM phaT/ ces pa'i snying po 'di brjod pas stong gsum gyi stong chen po'i 'jig rten gyi khams kyi bdud dang / mu stegs la sogs pa'i shes pa rnams rang rang gi gzugs la mi gnas shing / shes pa dbang du bsdus nas lus rdo shing bzhin du gyur/ de'i tshe snying po 'di la phyogs bcu dus gsum gyi de bzhin gshegs pa rnams kyis 'gugs shing dbang du byed pa'i snying po zhes dbang bskur ro// de bas na snying po 'di la 'bebs par byed pa'i snying po zhes bshad do// de'i tshe bcom ldan 'das kyis zil gyis gnon pa zhes bya ba'i ting nge 'dzin la snyoms par zhugs nas/ phyag dang zhabs rnams las ngan sngags kyi snying po 'di nyid phyung ngo // oM badz+ra kI li kI la ya che ge mo mA ra ya shi g+h+raM A na ya hUM phaT/ ces brjod pas bdud dang mu stegs la sogs pa thams cad lus dru gu thul du bcings par gyur to// de'i tshe phyogs bcu dus gsum gyi de bzhin gshegs pa rnams kyis 'ching bar byed pa'i snying po zhes dbang bskur ro// de bas na snying po 'di byad du gzhug cing 'ching bar byed pa'i snying po zhes bshad do// de'i tshe bcom ldan 'das de nyid chos kyi 'khor lo bkod pa zhes bya ba'i ting nge 'dzin la snyoms par zhugs te/ de'i tshe gsung gi pad+ma la thugs kyi dpal be'u dang ljags kyi rtse mo nas ngan sngags kyi snying po 'di phyung ngo // oM badz+ra kI li kI la ya che ge mo mA ra ya dza la pa ya dza la pa ya hUM phaT/ ces brjod pas/ sangs rgyas kyi zhing khams na gnas pa'i log pa can gyi sems can thams cad cher smra bar gyur to// de'i tshe phyogs bcu dus gsum gyi de bzhin gshegs pa thams cad kyis snying po 'di la smra bar byed pa'i snying po zhes dbang bskur ro// de bas na snying po 'di la spro zhing smra bar byed pa'i snying po zhes bshad do// de'i tshe bcom ldan 'das kyis rlag par byed pa zhes bya ba'i ting nge 'dzin la snyoms par zhugs nas/ ngan sngags kyi snying po 'di lte ba nas phyung ngo // oM badz+ra kI li kI la ya che ge mo mA ra ya tA tha ya tA tha ya hUM phaT/ ces brjod pas snod bcud thams cad rdul phra rab tsam du gyur to// de'i tshe phyogs bcu dus gsum gyi de bzhin gshegs pa thams cad kyis zhig par byed pa'i snying po zhes pa'i dbang bskur ro// de bas na snying po 'di la rdul du brlag pa'i snying po zhes bshad do// de'i tshe bcom ldan 'das zhal bzhad cing mche ba gtsigs pa zhes bya ba'i ting nge 'dzin la snyoms par zhugs nas/ de'i tshe gsang ba'i sbubs nas/ ngan sngags kyi snying po 'di/ phyung ngo // oM badz+ra kI li kI la ya che ge mo mA ra ya b+hin d+ha b+hin d+ha hUM phaT/ ces brjod pas snod bcud thams cad de bzhin gshegs pa thams cad kyi zhal du gsol bar gyur to// de'i tshe bcom ldan 'das 'jigs par byed pa za bar byed pa'i snying po zhes dbang bskur ro// de bas na snying po 'di ni zhal du stob pa zhes bshad pa yin no// snying po ngan sngags kyi le'u ste bzhi pa'o// // sems dpa' chen po snying #/ po ngan sngags kyi 'khor lo de ltar lags na/ gsang ba'i tshig drug po bshad du gsol// las kyi sems dpa' nyon cig/ sngar ma gsung ba'i tshig 'di rnams yin te/ gtogs shig grogs dang bral bar gyis// phob cig rnam par gzir bar gyis// zung zhig chings shig rnam par sdoms// rings par khug la sgrar chug cig/ lus ngag rdul phran bzhin du rlog/ badz+ra yak+Sha kro ta bi dza ya khA hi zhes brjod pas/ las kyi sems dpa' cher skrag par gyur te sa la 'gyel bar gyur to// bcom ldan 'das rdo rje gsang ba bde bas/ las kyi sems dpa' legs so// don de la skrag par ma byed cig sngon gyi dus gsang ba'i tshig drug po 'di/ 'das pa'i de bzhin gshegs pa rnams kyi kyang gsungs pas/ 'jig rten cher g.yos shing rab tu g.yos par gyur to// de bas na tshig drug po 'di'i byin gyis brlabs kyis g.yo bar byed pa yin pas/ don de la ma skrag par don gzhan zhus shig/ de'i tshe las kyi sems dpa' bka' nod pa'i tshul du gnas te/ dran pa rnyed nas sems dpa' chen po// sngags kyi 'khor lo'i rdzas sngar ma gsungs pa bshad du gsol// e ma ho/ las kyi sems dpa' nyon cig/ dpral bar gu gul tshil chen 'bob/ ku ku rA tsa'i dri chen shes par bshad/ dbab la nyung dkar rgyal po mkhar nag skud pa dang / aM ku sha ni dkar nag go/ byad du gzhug pa tshon sna lnga po dang / bal tshon drub dang bcas pa'o// smyo bal dug gtor sdig phur ro// rdul du brlag na nyung dkar rgyal po dang // mtshon cha rnam pa sna tshogs dang // skye tshe gdab phur nyi shu rtsa gcig/ lcags phye zangs phye shes par bshad// bstab la me yi sbyin bsreg go/ las kyi sems dpa' rdzas de rnams ni rang bzhin gyis byin rlabs che ba'o// gnod sbyin rgod ma kha la sogs pas kyang dbang bskur ba'i rdzas so// ngas kyang byin gyis brlabs te/ phyogs bcu dus gsum gyi de bzhin gshegs pa rnams kyis byin gyis brlabs kyis 'khor lo'i cha rkyen du bzhag go/ sems dpa' chen po 'khor lo'i cha rkyen de ltar lags na/ dmod pa'i thun ci ltar lags/ las kyi sems dpa' nyon cig gu gul la sogs pa'i rdzas thogs la/ gtso bo nas dkyil 'khor gyi lha rnams smos te/ che ge mo 'di lha dang phral bar gyis shig mkhar nag gi skud pa thogs la/ dzaHhUM baM ho'i phyag rgya byas te/ dkyil 'khor gyi lha rnams smos te/ che ge mo 'di gzugs la phob cig ces brjod la/ tshon sna lnga'i sprad pa thogs la/ byad du chug cig pa dang / dug gi gtor ma thogs la/ skyo ru chug cig pa dang / lcags phye zangs phye thog la rdul du rlogs shig pa dang me'i dkyil 'khor zhal du bzhes shig pa ni/ de bzhin gshegs pa rnams kyi thugs rje'i dmod pa'o// dug gi gtor ma la rma bya'i gdug dang bcas pa ni las kyi srin mo'i dmod pa'o// gsang ba'i tshig drug pa'o// las kyi dmod pa'i le'u ste lnga pa'o// // bcom ldan 'das byang chub sems dpa' sems dpa' chen po las kyi 'khor lo zhi bar byed pa'i don bshad du gsol// las kyi sems dpa' nyon cig zhi bar byed pa'i don 'di yin te/ gnod sbyin gyi lags pa la shing ka ra bI ra'i me tog gi khu ba nyi ma gzas zin pa'i dus su byug la/ ka ra ti ka'i khu bas lha dbang ldan gyi gzugs la 'khor lo rtsibs bcu gnyis pa mngon par ldan pa bri'o// de'i dbus su dmag gi dpung ngam gtan 'pho bar byed pa zhi bar 'dod pa'i ming bris la/ steng gi cha la/ oM badz+ra kI li kI la ya/ shAn+ti ha sa ya ra Na ha da na ya hUM phaT/ ces bri'o// 'og gi cha la/ oM badz+ra kI li kI la ya che ge mo b+hin d+ha ya b+hin d+ha ya hUM phaT/ ces bri'o// 'di phung po zhi bar byed pa'i las kyi mchog go/ shar phyogs kyi 'khor lo'i rtsibs kyi cha la/ oM badz+ra kI li kI la ya che ge mo shin+tiM A be sha ya A be sha ya hUM phaT// lho phyogs kyi rtsibs la/ oM badz+ra kI li kI la ya che ge mo shin+taM shI g+h+raM A na ya hUM phaT/ nub phyogs kyi rtsibs la/ oM badz+ra kI li kI la ya che ge mo shAn+ti dza la pa ya dza la pa ya hUM phaT/ byang phyogs kyi rtsibs la/ oM badz+ra kI li kI la ya che ge mo shAn+ti ta tha ya tA tha ya hUM phaT/ rtsibs brgyad la/ rdo rje srin mo rnams kyi snying po dang / gtan 'pho ba'i ming spel ba ni/ zhi ba'i 'khor lo ste/ pany+tsa ka'i nyin la 'khor lo dril la rdo rje bu mo'i khrag gis rgyas btab pa'o// 'o ma 'dzag pa'i shing la zhi ba'i phur bu zlum po'i dbyibs su byas pa'i lte ba la sngags kyi 'khor lo bcug la/ dmag gi dpung gis bcags pa'i sa la gang zhi bar 'dod pa'i gzugs byas la rgya snag gi khu ba kha dog dkar por byas la/ zhi ba'i phur bu snying gar btab la/ ras bal gyi skud pa dkar pos btags la/ kha shar phyogs su bltas te/ til la sngags bye ba bdun 'bum du brjod pas grub pa'i tshad ni// phur bu ldeg pa'am 'phar ba byung ba'i tshe/ grub pa'i las dang po yin te/ mchod pa chen pos zhal bzhad pa'i ling+ga dang / phur bu byas la dmag chen po 'du ba'i sar sbas na gang 'dre'i gnod pa de zhi bar 'gyur/ ro// zhi ba'i las kyi rim pa'o// gang dbang du bya bar 'dod na/ bram ze'i pags pa la mi rgod kyi rak+tas byugs la/ mdzes ldan ma'i gzugs bris la/ de'i lte bar 'khor lo'i lte bar zla gam rtsibs brgyad dang ldan par bris la/ lte bar gang du bya ba'i ming bris te/ 'khor lo'i zla gam gyi steng du/ oM badz+ra kI li kI la ya che ge mo ba shaM ku ru A be sha ya hUM phaT/ ces pa bri/ zla gam gyi zhabs su/ oM badz+ra kI li kI la ya che ge mo pa ra Na hA sa ya ra ha sa d+ha na hUM phaT/ shar phyogs kyi rtsibs la/ oM badz+ra ki li ki la ya che ge mo ba shaM dza la pa ya dz+wa la pa ya hUM phaT/ lho phyogs kyi rtsibs la// oM badz+ra kI li kI la ya che ge mo ba shaM shI g+h+raM A na ya hUM phaT/ nub kyi rtsibs la/ oM badz+ra kI li kI la ya che ge mo ba shaM ku ru ta thA ya ta thA ya hUM phaT/ byang gi 'khor lo'i rtsibs la/ oM badz+ra kI li kI la ya che ge mo ba shaM ku ru b+hin d+ha ya b+hin d+ha ya hUM phaT/ ces pa bri'o// 'khor lo rtsibs bzhi la snying po rkyang pa bzhi dang ming spel la bri// marga ta'i nyi ma shar ba'i dus su 'khor lo bris la tsan+dan gyi shing la dbang gi phur pa zla gam du byas la phur pa'i lte bar 'khor lo bcug la rgyal ba'i phyogs nas sa blangs la gang dbang du bya ba'i gzugs byas te marga ta'i pad+ma'i rak+tas byug ste/ kha dog dmar por byas pa'i lte bar dbang gi phur pa btab la/ gzungs zag dmar pos btags te/ kha nub tu bltas la shang tshe gtor zhing bye ba bdun 'bum du brjod na/ grub pa mngon du 'byung ste/ zhal bzhad pa dang lung ston pa 'byung ste/ de'i tshe ling+ga dang phur par bcas pa rgya mtsho chen po'i 'gram du mnan na gang dbang du bya ba de dbang du 'gyur ro// dbang gi las kyi rim pa'o// rgyas pa'i 'khor lo'i rim pa ni/ pa sha ka'i pags pa la ldong ros kyis byugs la/ re mig dgu pa la 'khor lo rtsibs brgyad dang bcas pa/ re mig dgu'i dbus su// oM badz+ra kI li kI la ya che ge mo puSh+Ti ces pa bris par hUM gis brgyan pa'o// 'khor lo'i rtsibs re mig bzhi la/ oM badz+ra kI li kI la ya che ge mo puSh+Ti ha sa ya ra ha da na ces bri'o// shar phyogs su/ oM badz+ra kI li kI la ya che ge mo puSh+Ti A be sha ya hUM phaT/ ces bya ba bri/ lho phyogs su/ oM badz+ra kI li kI la ya che ge mo puSh+TiM ku ru dza ya hUM phaT/ ces bya ba bri/ nub phyogs su/ oM badz+ra ki li ki la ya che ge mo puSh+Ti ta thA ya ta thA ya bya ba bri/ byang phyogs su/ oM badz+ra kI li kI la ya che ge mo puSh+Ti b+hin d+ha ya b+hin d+ha ya haM phaT/ ces pa bri/ phal+lA nI'i nyi ma'i dus su 'khor lo dril la gser gyi shing la rgyas pa'i phur bu zur brgyad pa byas la rgyas pa'i 'khor lo lte ba'i dbus su sbas la rgyas btab la/ lam rgya gram gyi dbus nas sa blangs la/ ling+ga kha dog ser por byas la/ rgyas pa'i phur pas mgrin par btab la/ gzungs thag ser pos btags la kha lhor blta/ yungs kar rgyal po la bye ba bdun 'bum bzlas la/ de'i tshe grub pa'i drod tshad 'byung bar 'gyur te/ 'phar ba dang 'khrogs pa dang / ldeg pa'o// de'i tshe ling+ga phur pa bcas gzhal yas khang chen po'i dbus su mnan na gang rgyas par bya ba de rgyas par 'gyur ro// rgyas pa'i rim pa'o// drag po'i 'khor lo'i rim pa ni/ 'jigs pa'i lag #// pa la bris te/ rgya sol gyis nag por byugs pa/ ka ko tas 'jigs byed chen po'i gzugs byas te/ de'i snying gar gru gsum bcu drug pa'i thig btab la/ phyi rol du 'khor lo rtsibs bzhi bcu rtsa gnyis pa bri bar bya'o// gru gsum drag po'i dbus kyi lte ba la/ oM badz+ra kI li kI la ya che ge mo mA ra ya ha sa ra Na ha da na ya hUM phaT/ shar gyi 'khor lo'i rtsibs la/ oM badz+ra kI li kI la ya che ge mo mA ra ya A d+he sha ya A be sha ya hUM phaT/ lho yi rtsibs la/ oM badz+ra ki li kI la ya che ge mo mA ra ya shi g+h+rin A na ya hUM phaT/ nub kyi gru gsum la/ oM badz+ra kI li kI la ya che ge mo mA ra ya dza la pa ya dza la pa ya hUM phaT/ byang gi gru gsum la/ oM badz+ra kI li kI la ya che ge mo mA ra ya ta thA ya ta thA ya hUM phaT/ steng gi cha la/ oM badz+ra kI li kI la ya che ge mo mA ra ya b+hin d+ha ya b+hin d+ha ya hUM phaT/ gru gsum bcu la rdo rje srin mo bcu'i snying po bcu dang dgra bo'i ming spel la bri'o// phyi yi 'khor lo'i rtsibs rnams la// mche ba can gyi snying po dang // gshog pa can gyi snying po dang // dgra bo'i snying po spel la bri/ drag po'i phur pa ni/ tsher ma can gyi shing la/ phur pa smad zur gsum rgya mdud dang bcas par byas la/ rdo rje 'khor lo'i nyin par 'khor lo dril/ ro bsregs pa'i sol bas rgyas btab la/ drag po'i phur pa'i lte bar sbas la grog mkhar gyi sa la ling+ga byas la/ rgya sol gyis kha dog nag por byas/ drag po'i phur pa snying gar btab ste/ gzungs thag nag pos btags te/ kha byang du bltas te/ til chen po la bdun 'bum du bzlas nas brabs pas/ grub pa'i rtags 'od kyi dkyil 'khor 'byung bar 'gyur te/ de'i tshe gnod sbyin gyi grong du sbas na gang bsad par 'dod pa de nges par mA ra Na'o// phrin las rnam bzhi gab pa'i 'khor lo'i le'u ste drug pa'o// // sems dpa' chen po 'khor lo de ltar lags na/ sngar ma gsungs pa'i de bzhin gshegs pa nyid kyi yon tan gyi 'char snang ba'i phur pa zhes gdags pa la don du mchis/ las kyi sems dpa' nyon cig/ don de sngar de bzhin gshegs pa rnams kyis kyang ma gsungs so// phyis 'ong ba'i de bzhin gshegs pa rnams kyis kyang gsung bar mi 'gyur bas/ las kyi sems dpa' khyod nyid kyi don du ngas bshad par bya'o// bskrad pa mtshams kyi phur pa dang / bkod pa lha yi phur pa dang / mngags pa pho nya'i phur pa dang / dbang du sdus pa'i phur pa dang / gdab pa phrin las kyi phur pa dang / 'dzin cing mi gtang ba'i phur pa dang / gnas bsrung ba'i phur pa'o// bcom ldan 'das rdo rje phur pa'i don de ltar lags na/ de rnams kyi gsang ba'i snying po'i las la sbyar ba gang lags bshad du gsol/ de'i tshe bcom ldan 'das kyis cher bzhad nas zhal 'dzum pa zhes bya ba'i ting nge 'dzin la snyoms par zhugs so// thugs kyi dpal be'u nas kyang pa ra bidun zhes bya ba zon par gyur to// snyan gyi 'khor lo las kyang ha na ha na zhes bya ba zon par gyur to// shangs kyi dbyings nas kyang da ha da ha zhes bya bar thon par gyur to// ljags kyi pad+ma las kyang pa tsa pa tsa zhes bya ba thon par gyur to// mgul gyi mgrin pa nas kyang b+han d+ha b+han d+ha zhes bya bar thon par gyur to// phyag gi dpung pa gnyis las kyang gr-i h+Na gr-i h+Na zhes bya ba thon to// sku'i lte ba las kyang tiSh+Tha tiSh+Tha zhes bya ba thon par gyur to// zhabs kyi mthil gnyis las kyang tshin d+ha tshin d+ha zhes bya ba thon par gyur to// dbu'i gtsug tshangs pa'i bu ga nas kyang b+hin d+ha b+hin d+ha zhes bya ba thon par gyur to// zhabs kyi bo la gnyis las kyang sarba A na ya hUM phaT ces bya ba thon par gyur to// de'i tshe 'khor mche ba can rnams kyis// srog gi snying po 'di phul te/ su ru su ru badz+ra// gshog pa can rnams kyis/ mu ru mu ru badz+ra/ zhes mthong bar phul lo// 'dis ni dpral ba'i las su 'gyur ro// de'i tshe bcom ldan 'das kyis zil gyi gnon pa'i ting nge 'dzin la snyoms par zhugs pa la/ dpal lha mo nag mo mdun du 'khod par byas so// sems dpa' chen po bdag gi rig pa 'di bzhes su gsol/ zhes phul te/ ma tha ma tha badz+ra zhes phul nas// bdag gi rig pa 'di bzhes su gsol/ bdag gis sangs rgyas kyi bstan pa 'di bsrung bar bgyi'o// zhes phul nas mi snang bar gyur to// de nas gdug pa can gyi bu mo bzhis kyang srog gi snying po phul te/ ka taM ka ye badz+ra/ dza ye bi dza ye badz+ra/ a dzi te a pa rA dzi te mA ra se nA pra marda na ye hUM phaT/ ces phul nas mi snang bar gyur to// de'i tshe khro bo rnams kyis mtshon cha'i char pa phab nas/ stobs kyi rgyal pos kyang srog gi snying po phul ba/ ma ma ba shaM ku ru ma taM dz+nyA ka ra i da na d+ha ti ma ma shI g+h+raM kA ra ya zhes phul nas/ mi snang bar gyur to// de'i tshe khro bo drag cing gtum pa'i thugs ka nas snying po 'di thon par gyur to// kha thaM kha thaM zhes thon par gyur to// sems dpa' chen po rnams kyis gdab pa'i gnas gang lags/ las kyi sems dpa' nyon cig dkar nag mtshams dang / rna ba dang / sna dang / lce dang / lto ba dang / mgrin pa dang / dpung pa dang / spyi bo'i gtsug dang / rkang pa'i mthil gyi rtsa rnams so// sems dpa' chen po rnams kyis gdab pa ni de rnams lags na/ snying po'i sngags 'di rnams sems dpa' chen po nyid kyi sngags lags sam/ 'on te 'khor rnams kyi las kyi sngags lags/ las kyi sems dpa' nyon cig 'khor gang yin pa de nga'i yin te/ nga'i gang yin pa de 'khor rnams kyis yin par 'gyur ro// so so ma yin tha mi dad do// de bas na snying po sngags 'di yang khro bo bcu rnams kyi las kyi sngags yin par 'gyur ro// yon tan gyi phur bu bdun bstan pa dang / snying po'i sngags bstan pa dang / gdab pa'i gnas bstan pa'i le'u ste bdun pa'o// // de nas sems dpa' chen po sngar ma gsungs pa'i 'khor lo rnams ni/ las kyi gsang ba bkod pa las kyang de bzhin gshegs pa rnams kyis gsungs na/ bgegs zil gyis mnan cing dpung gzhom pa'i 'khor lo bshad du gsol/ las kyi sems dpa' nyon cig/ sngar de bzhin gshegs pa mar me mdzad kyis kyang ma gsungs gsung bar mi 'gyur ro// las kyi sems dpa' de ci'i phyir zhe na/ don zab cing rtogs par dka' ba'i phyir ro// de bas na khyod zhu ba legs kyi nyon cig gang bgegs zil gyis gnon pa'i 'khor lo ni// rigs rim yang kyis ma zin pa'i thod pa la de'i dpung dang phral ba'i phyir/ dpral bar hA sa ya ra da na la sogs pa bri'o// bgegs chen po mngon par dbab pa'i phyir/ spyi bor A be sha la sogs pa bri'o// bgegs mngon par bcing ba'i phyir/ lhag par shI g+hAn A na ya la sogs pa bri'o// bgegs mngon par sbyo ru gzhug pa'i phyir/ yar rkan dang kos ko la dza la pa ya la sogs pa bri'o// bgegs mngon par rdul du brlag pa'i phyir/ mig la sogs pa'i dbang po la ta thA ya la sogs pa bri'o// bgegs de bzhin gshegs pa'i zhal du bstab pa'i phyir/ sro la b+hi da ya la sogs pa bri zhing bzlas so// sems dpa' chen po sngags kyi 'khor lo de ltar lags na/ bca' ba'i dus gang lags bshad du gsol/ las kyi sems dpa' nyon cig dus ni kar ti ka'i dus kyi nyi ma bcwo lnga'i dus so// sems dpa' chen po 'khor lo bca' dus su/ smyu gu dang sna tsha gang lags/ las kyi sems dpa' nyon gcig/ smyu gu ni kang ka'i sgro rtsas so// snag tshwa ni nim+ba ka'i khu bas so// las kyi sems dpa' 'khor lo bri ba'i dus su khros pa'i sems dang ldan pas bri bar bya'o// sems dpa' chen po// 'khor lo bca' ba dang snag tsha de ltar lags na// gzugs brnyan gyi tshul du bri ba'i dkyil 'khor du zhig mchis// las kyi sems dpa' nyon cig gzugs brnyan gyi dkyil 'khor gcig ste/ ba'i rnam lnga dang / khrag chen las bsres pa 'phang du sor bzhi/ dbyibs zur gsum// nyis brtsegs su bya'o// dbus kyi zur rnams la mda' yis brgyan pa'o// zur drug rnams la yang rtsang chen po drug gis rnam par spras pa'o// sems dpa' chen po dkyil 'khor de ltar lags na/ dkyil 'khor gyi cha rkyen du gsungs pa'i rdzas drug po gang lags/ las kyi sems dpa' nyon cig dpral ma 'dre gsod shis par bshad/ dbab pa la ni nyung dkar rgyal// bcings la tshon sna lnga yis so// smra la dug nyid shis par bshad// rdul du brlag na phyag mtshan no// bstab la hom gzar shis par bshad// sems dpa' chen po rdzas drug po de ltar lags na/ gsang ba'i tshig rnams ci ltar lags// las kyi sems dpa' nyon cig/ phrol cig pa dang / phob cig pa dang / chings shig pa dang / smra ru chug cig pa dang / gtogs shig pa dang / rol cig la sogs pa'i tshig rnams so// las kyi sems dpa' gang bgegs kyi dpung rnams gzhom par 'dod pa de/ 'khor lo la gzungs zag nag po btags la dur khrod kyi g.yam pa la/ rdo rje rgya gram du bris pa'i lte ba nas brtol nas/ gang bgegs kyis zin pa'i rkang pa nas btags la/ lcags phye la bsngags shing / bye ba bdun 'bum du bzlas pa byas nas/ tsher ma can gyi shing rnams la me btang nas// sngags drug pos sbyin sreg brgya rtsa brgyad byas nas so// bgegs kyi dpung rnams 'joms par 'gyur ro// gab pa'i 'khor lo'i le'u ste brgyad pa'o// // sems dpa' chen po dngos grub la bar chad byed pa'i bgegs zhi bar byed pa'i 'khor lo bshad du gsol// e ma ho// las kyi sems dpa' nyon cig bgegs zhi bar byed pa'i 'khor lo ni/ ku ku rA tsa'i thod pa la kar ti kas byugs la dkar por byas la/ bsgrub bya bgegs dang bral bar bya ba'i phyir/ mtshul ba ra ha sa ya ra bri bar bya'o// bgegs mngon par dbab pa'i phyir/ smin mtshams su A be sha ya bri bar bya'o// bgegs mngon du bcing ba'i phyir/ mig la sogs pa'i dbang po rnams la shI g+hin bri bar bya'o// bgegs de cher 'gyod pa mthol du gzhug pa'i phyir/ lce la dza la pa ya bri bar bya'o// bgegs de rdul phra rab tu gdul ba'i phyir/ lhag par ta thA ya bri bar bya'o// bgegs de phung po bshigs shing brlag par bya ba'i phyir// ma mkhas la b+hin d+ha ya bri bar bya'o// bgegs de ba zhig cing stongs par bya ba'i phyir/ mche ba rnams la khro bo bcu'i snying po bri bar bya'o// 'khor lo 'di'i sbu gu 'di nyi mas 'jigs pa'i sgro rtsas bri bar bya'o// snag tsha ni pad+ma'i rak+tas so// bri ba'i tshe 'dod chags dang ldan pa'i sems kyis so// sems dpa' chen po sngags kyi 'khor lo de ltar lags na/ las kyi dkyil 'khor ji ltar lags// las kyi sems dpa' nyon cig/ 'di'i las kyi dkyil 'khor ni// rgyar gru gang zabs su gru phyed la dbyibs stag gi mche ba ltar byas pa'o// mche ba rnams la gnod par byed pa'i snying po bri'o// 'khor lo de ltar lags na/ de dbye ba'i rdzas rnams ci ltar lags/ dpral la rgya tshil shis par bshad// dbab la khre yis bya ba'o// 'ching la rgyus chen gyi skud pas so// sgra la pad+ma'i rak+tas so// brdung la lcags phye nag pos so// gso ba las kyi 'khor lo bshad/ sems dpa' chen po las kyi 'khor lo de ltar lags na/ de'i gsang ba'i tshig drug po bshad du gsol/ zhes zhus pas/ nyon cig las kyi sems dpa' che/ gsang ba'i tshig ni 'di yin te/ phob cig pa dang / khug cig pa dang / zung zhig pa dang / chings shig pa dang / rdungs shig pa dang / gtogs shig pa dang / rengs par smra ru chug cig pa dang / mngon par gyis shig pa dang / de'i tshe mngar ba dang ldan pa'i shing bu dang / ku ku rA tsa'i thod pa'i khar hom gyi shing bu brtsigs la/ rak+ta chen po dang bcas pas gang la bar chod byed pa'i lus bskor zhing sbyin bsreg brgya rtsa brgyad byas na bgegs de dag gis gtong bar 'gyur ro// gab pa'i 'khor lo'i rgyud las// dbye ba dang mnan pa'i 'khor lo'i le'u ste dgu pa'o// // sems dpa' chen po gtan 'pho bar byed pa'i 'khor lo bshad du gsol/ las kyi sems dpa' nyon cig 'khor los dbye ba dang mnan pa gnyis te/ de la dbye ba'i 'kho lo ni/ gro ga'am shing shun la/ 'ug pa'am pho rog gi gzugs bris la/ pho rog gi snying gar 'khor lo rtsibs bzhi pa gcig bris la/ de'i lte bar 'dod pa'i ming dang rus bris la/ 'ug pa'i snying gar 'khor lo rtsibs bcu gnyis pa bris la/ sngags drug g.yon skor du bris la/ yungs dkar rgyal pos bye ba bdun 'bum du bzlas shing 'ug pa dang pho rog la gtor na gang dbye bar 'dod pa de dpral bar 'gyur ro// 'di ni dbye bar byed pa 'khor lo'i rim pa'o// mnan pa'i 'khor lo'i rim pa ni// chu srin gyi pags pa la/ shing ka bi ra'i khu bas ser po byugs la/ ri rab kyi dbyibs su byas la/ ri rab kyi lte bar 'khor lo rtsibs bcu drug pa bris la/ de'i lte bar gnan par bya ba'i ming rus bris/ 'khor lo'i rtsibs rnams la oM laM la sogs pa'i snying po bri/ ri rab kyi steng du rdo rje rgya gram kha gdengs 'bri la/ 'jim pa las byas pa'i srin po'i gzugs// mdog mi sdug pa'i lto bar 'khor lo bcug la/ bgegs kyi rgyal po khyod la gtad do zhes brjod la/ gzugs de spyi'i gtsug tu bzhag la/ bgegs kyi bshang ba'i lam la phur bu zur drug pa gcig btang la bzhag go// de'i steng du mo laM hUM zhes brjod pas/ ye shes kyi ri rab rtse mo brgyad pa gcig tu gyur/ s+t+waM b+ha nan zhes pas gzir/ mo ha g+ha ya zhes pas ming dang rus su bcas pa/ b+ha ga bAn ces pa ni ru ka'o// hrIHSh+T+r-iHbi kri ni thabs dang shes rab tu bcas pa'o// ye shes kyi ri rab rtse mo brgyad pa dang bcas pa/ dpal he ru kas 'khor ba ma stongs kyi bar du mnan par 'gyur ro// gab pa'i 'khor lo las dbye ba dang bgegs mnan pa'i le'u ste bcu pa'o// // sems dpa' chen po phan pa'i le'u bcu gcig pa bshad du gsol// las kyi sems dpa' nyon cig phyogs bcu dus gsum gyi de bzhin gshegs pa rnams kyis sngags 'di byin gyis brlabs nas gsungs/ oM b+hu ma hA pra NA ya b+hurtsi b+hurgi bi mA na se u tsuSh+pa ma hA krod+ha hUM phaT/ oM shi ma go khung ling hUM hUM phaT phaT swA hA/ oM b+hu khung ho ra te ni ho ya d+ho/ rarna khA hi b+hi b+hi mo na ye mo/ shi mo ku ku lu hUM hUM phaT phaT swA hA/ oM ma hA pra NA b+hu rtsi b+hArbaM bi mA na se u tsuSh+pa kro d+ha hUM phaT// de bzhin gshegs pa rnams kyis snying po 'di gsungs nas mi snang bar gyur to// sems dpa' chen po rkyen bzlog pa'i rdzas gang lags/ las kyi sems dpa' nyon cig rdzas 'di rnams lags te/ gal te gso bar 'dod na/ gu gul la sngags kyis btab ste/ bsregs nas brgya rtsa brgyad btab na sos par 'gyur ro// ser ba 'ong na/ sdigs 'dzub kyi phyag rgya bstan na ser ba chad 'brug bros/ thog chad do// rims nad na ba la bya mo nag mo'i dang ru chur btag go/ klu'i rten yod na thal ba gtsang ma la sngags btab na/ mi de'i sems mya ngan med par 'gyur ro// mche ba can za ba yod na/ kham zan la sngags btab la sbyin no// klad pa gzer na gang na ba la zhur ba la sngags btab pa'am/ yang na gu rgum mam tsan+dan la sngags btab nas bya'o// bal nad na ba la phabs zan la bsngags te khu ba ba tsir la blud do// mig long nad kyis na ba la/ nad pa'i ming shog bu la bris la/ nad pa'i khri 'og tu bcug la sngags gdab bo// skrangs pa la nyin mtshan du gdab bo// pha rol sgra mi shes par bya na/ kho'i ming rus khar gzhug go/ ra lug la spyang ki 'ong na/ don pho don mo'i skye ru sngags bris la gdags so// sngags 'di 'bras dang / lhog pa de rnams la/ gu gul bsreg cing bdug go/ ling tog la sngags 'dis phus gdab bo// chu 'gags na gla ba dang / ba mar la gdab/ spos nas na na/ chang dang khye'u'i dri chu la bsres la gdab bo// de nyid la bsngags te btang ngo // 'dre gnod che na chu dang nyung dkar la sngags la blud do// nad pa srung bar byed na/ sngags par ma chad par bzlas pas/ gdon mi 'ong bar 'gyur ro// sog ka dag gi dus su nyung dkar la sngags btab na chang thub par 'gyur ro// des zho yang thub par 'gyur ro// lha nye bar byas na/ spos bsreg cing sngags bzlas so// ba lang khong log na nyung dkar la sngags shing bzlas so// zhing la 'bu srin za na nyung dkar dang chan bsres te zhing mtha' bskor zhing btab na ngos gcig tu 'gro'o// so la srin za na bcar te thad kar gdab bo// mig la srin za na phu zhing gdab bo// bang mdzod la gnod pa byed na/ tsan+dan nam shug pa'i phur pa sor bcu gnyis pa la sngags la/ thod pa mtshan ngan gyi nang du 'bru nag pos bkang la dar nag po'i cod pan dang bcas pas/ hUM ka ra'am rnam par rgyal bar mnga' gsol nas/ dbus su bzhag par bya'o// phan bya'i le'u ste bcu gcig pa'o// // phyogs bcu dus gsum gyi de bzhin gshegs pa rnams kyi snying po b+hu gyi sngags kyi phan yon bcu gcig pa gsungs so// yang dag sngags kyi rgyal po'o// de bzhin gshegs pa rnams kyis b+hurge gyi sngags 'di gsungs nas mi snang bar gyur to// sems dpa' chen po rgyud 'di gang du snang bar 'gyur/ las kyi sems dpa' nyon cig/ rgyud 'di sa le gser gyi gling kang kang ba ru snang bar 'gyur ro// las kyi sems dpa'/ rgyud 'di khyod kyis klogs shig nyon cig khyod nyid la gtad do// rgyud 'di la smod pa des ni// phyogs bcu'i de bzhin gshegs pa thams cad smad par 'gyur ro// las kyi sems dpa' khang bu brtsegs pa'i pa Tar bcug la nyin mtshan du nyin lan gsum/ mtshan lan gsum du bskor ba gyis shig 'di la bskor zhing mchod pas ni/ phyogs bcu dus bzhi'i de bzhin gshegs pa la mchod par 'gyur ro// de la rgyud 'di ni mi nub pa'i rgya mtshan zhes/ phyogs bcu dus gsum gyi de bzhin gshegs pas dbang bskur ro// gab pa gsang ba'i rgyud las/ yongs su gtad pa'i le'u ste bcu gnyis pa'o// // rdo rje phur pa'i phrin las 'khor lo gab pa gsang ba rgyud kyi rgyal po rdzogs so// // gab pa 'khor lo'i rgyud u rgyan gyi mkhan po rdo rje zod phreng dang bod kyi lo tsA ba mang yul gyi lce ku ku ra dza dang brang ti dza ya rak+Shi tas bskur cing zhus te gtan la phab pa'o// // @#// rgya gar skad du/ badz+ra dza la gu