བོད་ཡིག

e-texts produced with BDRC’s OCR application

rgyud rdzogs so// // dregs pa pho mo 'dus pa'i las kyi rgyud// khro rgyal gshin rje'i gshed la phyag 'tshal lo// 'di skad bdag gis thos pa dus gcig na/ bcom ldan 'das bde bar gshegs pa thams cad kyi ngo bo/ bde ba chen po'i ngang las sprul pa rnam pa gsum byung ba ni sku'i sprul pa 'jam dpal/ thugs kyi sprul pa phyag na rdo rje/ gsung gi sprul pa spyan ras gzigs dbang phyug dang gsum mo// des rnam par gzigs nas dus dang rnam pa thams cad du ri rab kyi byang phyogs lcags ris yongs su bskor ba'i nang nas/ gnod sbyin stong phrag bdun gnas te/ des sems can rnams kyi srog la ni 'tshe/ sha ni za khrag ni 'thung ba las/ sprul pa rnam pa de gsum gyis gdan tshogs kyis bka' bgros chen po gcig tu mdzad nas/ gdon ris dang bcas pa btul lo// khro bo'i skur bsgyur te/ gzengs ni bstod/ phyag bsdams nas dam la btags so// gnod sbyin gyi rgyal po de yis khas blangs pa ni/ sangs rgyas kyi bstan pa bsrung ba dang / dkon mchog gsum gyi dbu 'phang bstod pa dang / dge 'dun che ba bskyed par dam bcas so// gleng gzhi'i le'u ste dang po'o// // de nas khro bo'i rgyal po gshin rje'i gshed kyi thugs kyi sprul pa ni/ bka' nyan gshin rje sku mdog dmar po khros pa shin tu yang khros pa/ ral pa kham nag gyen du 'khyil ba/ dur khrod kyi rgyan rnam pa sna tshogs pas brgyan pa/ me'i 'khor lo g.yas rlung gi pad+ma g.yon/ zhal gcig phyag dang zhabs gnyis dang ldan pa gcig tu byung ngo // des te d+ya thA hri da ya na hUM zhes brjod pas gnod sbyin gyi rgyal po de gam du nal gyis byung ngo // de nas oM shrI many+dzu ya ma rA dza ma ma/ e ka dza ti nr-i dza dza zhes brjod pas/ shin tu yang 'jigs pa'i nga ros khas blangs pa ni// 'jigs byed khro rgyal sras dang bcas pa rnams kyi bka' bzhin bgyid do zhes gsol pa dang / khro bo'i rgyal po nyid kyis bka' stsal pa/ sgrol byed chen po khyod kyi 'khor gyi mtshan nyid ston cig ces pa dang / gnod sbyin gyi rgyal po nyid kyis/ 'khor yongs su bsdu ba mdzad pa ni/ bdud nag rang rtags sha zhu can dang / re lde 'gong yag dang / ral pa spyi bcings dang / bdud nag po 'dzum med dang / nag po bkrag med dang / ga le rgyas la sogs pa bdud ris mang po dang / lcags mchu sngon po dang / sha ka li nag po dang / lcags tho nag po la sogs pa gnod sbyin rigs mang po dang / pra ma rA dza dang / shel ging dkar po dang / zangs shun can dang / bse khrab can dang / gser gyi klog pa can la sogs pa ging gi tshogs mang po dang / ya ma rA dza dang las kyi gshin rje dang / phyogs skyong gi gshin rje la sogs pa/ gshin rje'i rigs mang po dang / e ka dza TI dang / nag mo ral pa can g.yog dang bcas pa dang / dmar mo bse khrab can bzhi g.yog dang bcas pa dang / smug nag 'bum gyi gtso mo dang / nag mo khrag 'dzag ma la sogs te/ ma mo'i rigs mang pos bskor te gnas so// 'khor yongs su bsdu ba'i le'u ste gnyis pa'o// // de nas sgrol ging ma ru tses khro bo'i rgyal po nyid la zhus pa/ bsgrub pa'i gnas dag gang du bya// sa gzhi gzung na ji ltar gzung // bsnyen pa'i dus su ji ltar bya/ las la gzung na ji ltar bya// gnod sbyin ma mo ging rnams dang // mthun pa'i dam rdzas ji ltar bsog/ las kyi mtha' sdud ji ltar bya// zhes smras so// dam tshig gi mdo sdud kyi le'u ste gsum pa'o// // sgrol byed nyid kyis zhus pa'i mdo// dpa' bo chen pos bka' stsal pa// de bzhin bdag gis stsal pa ni// gnod sbyin sgrub pa'i gnas dag ni// ri ngogs shin tu zab pa la// brag phug stong pa rol khung yod// yang na rgya mtsho chen po'i 'gram// brag dmar seng ge mchongs pa 'dra// gnod sbyin bsgrub pa'i gnas su shis// dur khrod rab tu 'jigs pa dang // nags 'dabs sa phug stong pa ru// ma mo bsgrub pa'i gnas su shis// lha khang kun dga' ra ba dang // mchod rten gtsug lag khang dag tu// ging gi gnas dag yin par bshad// rkang gcig shing dang bzhi mdo dang // rgya mtsho'i 'gram dang ri rtse dang // yang na rang nyid gang dga' ba'i// yid dang mthun pa'i gnas dag tu// dregs pa pho mo bsgrub pa'i gnas// gnas kyi mtshan nyid bstan pa'i le'u ste bzhi pa'o// // 'jam dbyangs zhi ba'i ting 'dzin gyis// rigs drug sems can thams cad dang // sa gzhi de la gnas pa kun// sa bdag lha klu gang dag dang // lha srin sde brgyad thams cad la// sbyin gtor rgyas par btang ba dang // gser skyems btang la sa rin bcal// bslang zhes bya ba'i tshig kyang brjod// lha mo spyan la dbang du gzug/ dkon mchog mchod la mkhyen par gsol// de nas 'jigs byed gshin rje yi// ting nge 'dzin du zhugs byas la// mnga' gsol phur bas gdab par bya// gzhan du mi 'gro der 'dug bzung // sa gzhi yongs su bzung ba'i le'u ste lnga pa'o// // rtsa ba'i bsnyen pa dag dang ni// bdag cag rnams kyi srog snying dag/ mtshan ma ma thob bar du ni// g.yeng ba med pa'i sems kyis bzlas// bye ba sa ya nyi khri dang // bdun 'bum dag tu bzlas pa bsgrub// rgya gar ngan sngags bzlas pa dang // dge slong dam chos bshad pa dang // slob dpon dbang nod byed pa dang // klad la nyi ma shar ba dang // go mtshon bstan pa'i mi dag dang // sems can gsod pa dag mthong na// g.yeng ba med pa'i sems kyis bzlas// kha la thor pa byung ba dang // snying la sha khrag 'dod pa dang // mi dag 'phya sangs khyer ba dag/ sngags rnams grub pa'i rtags yin pas// bskang gso bya zhing ting 'dzin bsar// so so'i mtshan nyid shes par bya// grub pa'i mtshan ma bstan pa'i le'u ste drug pa'o// // bsnyen pa'i dus su bya ba ni// khro bo chen po nyid kyis gsungs// zhes pas sprul pa'i khro bo de nyid mi snang bar byas nas/ skad cig ma de nyid la shin tu 'jigs par byed pa'i ye shes kyi khro bo byung nas/ shin tu 'jigs pa'i rgyan dang ldan// gdug pa'i mtshon cha dpal dang chas// bcu bdun yi ge sngags kyi tshig/ drag tu zlos shing gzi byin ldan// 'khor rnams rab tu 'jigs shing skrag/ khro bo chen po'i gzi byin gyis// 'khor rnams rab tu skrag nas ni// bred sha 'thon nas rab tu smras// dpa' bo chen po skyabs su mchi// 'jigs byed chen po skyabs su mchi// khro bo chen pos bka' stsol cig/ bdag cag rnams ni bka' bzhin bgyid// ye shes lha ni ji ltar bsgrub// bsnyen pa'i grangs ni ji ltar dbul// zhes gsol pas/ khro bo'i rgyal pos bka' stsal pa// nyon mongs sgrol gi nga rgyal po khyod// 'khor na gnas pa'i dregs pa can// dkon mchog gsum la skyabs su gsol// dkon mchog gsum gyi bka' 'di srungs// 'gal byed cham la dbab pa'i phyir// khyed rang rang gis srog snying smos// ting 'dzin rnam gsum rim bzhin bsgom// hUM las ye shes khro bo bskyed// bzlas pa'i yi ge bcu bdun po// g.yeng ba med pa'i sems kyis bzlas// byang chub sems la nan tan bskyed// shes rab chen po mdun du bsgom// khro bo'i rgyal po spyan drangs la// tshogs dang mchod pa bzang du bsham// sha khrag dmar gyi gtor ma dbul// ging bdud ma mo khyed rnams la// thun gtor dam rdzas gtor ma sbyin// khyed rnams srog snying nga la bslang // zhes bka' stsal to// de nas 'khor rnams kyis lag bzhi sa la brdabs nas/ a la la ho dpa' bo chen po ngo mtshar ro// bka' bzhin bgyid do// zhes khas blangs so// de nas rang la gshin rje gshed kyis snying nas drang ba'i sngags 'di gsungs so// dzaHhUM baM hoH/ e ma ha sa na ka na ta ka ra se na/ dzaHhUM baM hoH/ sa ma ya/ na mo rat+na tra yA ya/ na mo be shra ma NA ya hUM/ ta ku ta ku pa ra ma ra nr-i dza/ na mo rat+na tra yA ya/ na mo bi shra ma NA s+ya ha/ na mo ta na ku be ra s+ya hA/ gu h+ya ka te ba te pa ti pa na ku pa ra/ a nu ru pa su ru pa na ta/ ku pa ra na/ tsan+da kha na tsa khaM he mo ha sa ka nan ta ku pa ra na/ he ma kan/ ku ha ka/ tsa la tsa la/ pa tsa pa tsa/ bu lu bu lu swA hA/ oM a kro te ka ya mAn+ta ka dza la dza la kA ya hUM phaT/ oM a kro te ka ya mAn+ta ka bAk+ka ya hUM/ ha na ha na hUM phaT/ o a kro te ka/ ya mAn+ta ka tsit+ta pa na tsin+ta tsin+na hUM phaT/ oM shrI many+dzu ya ma rA dza/ ma ma/ e ka dza Ti nr-i dza dza/ gtum po yaM yaM ma ru tse la sa la yaM yaM/ du ya tre te sa ma ya b+h+yo/ oM rnal ma rnal te gsod la rngam gshos la mer/ bris la chum thu bis thu/ lcags kyi skra dgra bo'i srog rtsa mA ra ya/ bdud pra ma ya/ bdud mA ra ya/ snying mgo chod/ du ru du ru/ ha ra ti ha ra ti/ drag po'i snying la ya'i/ nag po ti pa tsa ba'i/ dgra bopo'i snying la srog rtsa baM ril rbad/ nag po he ra haM baM ri la rbad/ hu ya hu ya dgra bo'i snying la/ dur dur glo rtsa baM ril rbad/ yang na smyo zhing 'bog tu chug/ yang na rtsal bdun rgyud chod/ drag po'i sngags rgod lung dang ldan par shes par bya'o// tri ling shang ka du tri pra yak+kha rbad bu/ phye ma kha 'dar/ ru ru pra pra duM dr-i shig shig/ dgra bo'i srog rtsa mA ra ya/ kro ta ni kro ta ni/ pra tra pra tra/ shu la shu la/ 'da' sha gri ba/ ging kha rag lang b+h+yo/ trag rak+Sha kha mun tra ma ru lu ru lu b+h+yo/ rag mo te ke ma dza dza b+h+yo/ ru lu ru lu ma hi b+h+yo/ ru ru ro ru tsa pa la nag mo dun b+h+yo/ bu kri pa ya ba ra tsit+ta/ yo gI shwa ra ya/ ya ma tsit+ta hUM phaT/ trag rak+ta rbad phaT/ nyi khri bdun 'bum grangs tshad na/ de ma thag tu sod par byed/ bye ba sa ya grangs tshad na// smos ci dgos te de nyid yin// bsnyen pa sngags kyi le'u ste bdun pa'o// // de nas 'jam dpal khro bo yis// las la gzud pa'i thabs 'di gsungs// drag po sngags kyis bsgrubs nas ni// myur du gsad pa'i las bya'o// srog rtsa bsdams shing snying rtsa gnon// de la mkhas par nan tan bskyed// drag po sngags kyis gsad pa ni// oM hrIHSh+T+r-iHbi kr-i tA na na mon ta dgra bo mA ra du/ hrIHSh+T+r-iHbi kr-i ta mon ta dgra bo mA ra nan/ oM hrIHSh+T+r-iHbi kr-i mon ta dgra bo mA ra ya/ oM mdzo ta ba kri ha sod/ sod/ dgra bo ni sod sod/ mA ra na bo bo ya ya/ oM ru ta ru ta mA ra ya ma ra ru/ dgra bo nr-i mA ra ya phaT/ gshin rje las la gzud pa'i le'u ste brgyad pa'o// // oM khyi khrid ra khrid ro la khrag 'thung / kaM kaM ko ko ka ya/ tsin da ma ro la khrag 'thung / kaM kaM kai kaM kaM kaM ya/ snying la za ba'i tsit+ta ma la sha rol khrag 'thung / kaM kaM ke ko ko ka ya/ tang par la to shal kyi kyi sti hUM phaT/ shag shag rgyob rgyo ba ya yang rbad/ trag rak+Sha kha mun tra e ka dza ti snying kha rag ma b+h+yo/ trag rak+ta sa ma ya/ dgra bo'i snying ling zud/ ma ma snying kha rag/ rag mo dun dun/ trag sha ma ma snying te ke ma ma ru lu ru lu b+h+yo/ ma ma ni sting tsit+ta dza dza la thun thun/ snying khrag a mthun/ sha ti ta rbad/ ma snying la ya ma b+h+yo/ ma ma sha sha/ ma ma hring hring / ma ma sa ma ya/ dgra bo nr-i mA ra ya sod sod/ tsit+ta la ma ril zum ril b+h+yo/ ma mo las la gzud pa'i le'u ste dgu pa'o// // rdzas su byas na rnam pa gnyis// rten pa'i rdzas dang bsgrub pa'i rdzas// brten par bya ba'i rdzas dag ni// khyi phag dmar khra'i sha dang khrag/ tsit+ta dung dkar dag dang bcas// a mr-i ta dang rak+ta dang // sha chen yod pa'i gtor ma dang // sha khrag sna tshogs pa ling dang // shing thog sna tshogs de bzhin no// mar khu khrag dang 'o ma sbrang // bse zhal can gyi zla gam dang // zhal dang chas pa'i bshos dag gzha'// spyan gzigs gser skyems gtsang ma dang // 'bru sna tshogs pa'i gtor ma bshams// sgrub pa'i rdzas dag bstan pa ni// khru gang pa yi lcags phur dang / gnam lcags shin tu sbyangs pa las// sor brgyad pa dag bsngags par bya// tsa ra dkar po gnya' nag dang // ra zod ling+ga gdug pa sbrul// 'jigs byed thod pa nag po dang // gnod sbyin thal sbyar nag po dang // dug dang nyung dkar ho nag dang // pho rog 'ug pa'i gang ru dag/ gu gul nag po dbye ba'i rdzas// lcags kyi spyil por dmigs pa bca'/ sgrub pa'i rdzas bstan pa'i le'u ste bcu pa'o// // de nas sgrol byed dmar pos 'khor gyis bsad pa'i las bstan pa/ oM ba ba tra tra be shra ma ru be shaM a ba ta lo ke/ ya na ma sho hri ti snying kha la rak+ka ga du na ga du na/ ag gan rbad/ tri khar la ma ru dra rbad/ hUM bruM ru lu ma he b+h+yo/ oM tri rak+Sha mu thums tral tral dun dun yaM yaM/ oM shel gyi ru gnyen dkar po thum ri la rbad/ oM ling+ga ra lang rak+Sha baM ril rbad/ ma ti ma ga ti rbad/ oM snying kha la rak+ta ga du nA ga du na a ke ne rbad/ tro kha ra la ma du dral dral snying dral/ srog srog snying srog/ thig thig la rbad/ gu to shi na ling ra ti shin ling khu tso shin ling la to shin ling / snying to sha ling sho te shin ling hu te ha ra hu la b+h+yo/ suka ka dkar po dgra bo la b+h+yo b+h+yo// thim ha ba ha ra ti la ti ma hab ha ba/ ging ka ra ging ka ra/ shu la shu la/ pa tra pa tra/ ni tro ta ni ni tra ni/ ya mAn+ta ka/ da sha grI ba pa da sha grI ba/ ha ha ru lu ru lu ha ha ru lu/ karma rak+Sha karma rak+kha/ yak+ka yak+ka tsi ta ya pa ri tsit+ta dza ya bi dza ya/ 'khor rnams kyis bsad pa'i le'u ste bcu gcig pa'o// // de nas 'jam dbyangs khro bo yis// dkyil 'khor bri ba'i thabs bstan pa// dkyil 'khor gru gsum zla gam dmar// 'khor lo rtsibs bzhi mu khyud bcas// sgo dang sgo ni me ri'o// shar du dam rdzas me long ni// lho ru ma trang hom dang rdzas// nub tu khro rgyal bdun dang bcas// dug dang yungs kar thal chen dang // lcags phye rdo phye rdzas su bcas// ha zhal bdud kyi bsgrub pa yin// ma ra zhal gyi dkyil 'khor la// tha ma mnan pa'i thabs su bcas// gang la bya ba gdon mi za// rnal ma bdud kyi sgrub par shis// 'brub khung nag po'i dkyil 'khor bcas// tri ling lha srin sde brgyad yin// 'khor lo dmag dpon zhal du bcas// dug bsgrub ging gi yin par bshad// 'brub khung dbang gi zla gam bzhi// phur thun dmar po bse khrab can// gru gsum zla gam dmar po dang // gru bzhi sgo ru chas pa ni// e ka dza Ti hom gyi las// 'khor lo rtsibs bzhi gshed po bzhi// ri rab rgya mtsho'i 'og tu mnan// dkyil 'khor bcas pa'i le'u ste bcu gnyis pa'o// // de nas 'jam dbyangs khro bo yis// mtshan ni yang dag bshad pa ni// gdod nas ma skyes rnam dag sems kyi dbyings// snying rje chen pos yongs la khyab mdzad cing // hUM nga nyid rjes su dran pas khro bo'i rgyu// dbang chen brtsegs pa'i gzhi ste gzhal yas khang // de nas 'jigs byed khro bo'i mtshan nyid ni// mthing nag char sprin nag po'i mdog 'dra ba// rnam thar gsum ldan dbu ni rnam par 'jigs// ye shes drug gi phyag na bsnams pa ni// rgyud drug sgrol ba'i phyag mtshan rab tu 'jigs// dregs byed tshar gcod gdug pa 'dul ba'i phyir// dur khrod 'bar ba'i chas kyis rab tu brgyan// me ri spug nag 'bar ba'i dpal du bcas// g.yon na khro mo khro gnyer ma gnas pa// khro gnyer 'jigs pa'i kha yang gdangs// gyen du sgra brdzes gsus po che// tri shUl rtse gsum thod pa khyer// gtum mo dug hrul gos gyon ma// lus la me lce'i phreng bas brgyan// g.yas na khro mo gnas pa ni// smug nag lan bu gyen du brdzes// rin chen sna lnga'i dbu rgyan byas// spu gri mtshon thogs gsod la dga'// lcang lo dmar bkang snying du bcas// g.yas nas bskyed pa khro bo'i gzugs// dmar po gcer bu ral pa 'khyil// sum cu rtsa gsum dbang du sdud// gsal byed g.yas la skyod byed g.yon// sgrol byed dmar po'i cha lugs ni// dmar po kham pa skra yang brdzes// ral gri g.yas la sdigs mdzub g.yon// lha srin sde brgyad 'khor gyis bskor// khrag dang zhag gi mtsho ru 'khyil// mi sha rta sha zang mar brdal// de ltar yan lag rdzogs par bskyed// bsgom khog rtsa ba'i le'u ste bcu gsum pa'o// // de nas 'jam dbyangs khro bo yis// dam tshig 'di ni rab tu gsungs// dkon mchog mchod cing slob dpon bkur// byang chub sems ni gtang mi bya// 'di ni kun bzang spyod pa dag/ rab tu gnas par bya ba yin// kha nas gsang sngags rgyal po bzlas// yid la khro bo'i rgyal po bsgom// chos spyod dge ba rgyun mi gcad// brtul zhugs sdom pa dang du blang // khyad par spyod pa'i dam tshig ni// khang pa tshig pa'i gam mi 'gro// yugs sa mo dang kha mi 'dre// chal gyis phog pa'i khrus mi bya// ba dmar glang dmar sha mi za// ba dmar 'o ma mi btung ngo // 'di yin gzhan la smra mi bya// zhes gsungs pas/ 'khor rnams rab tu dga' nas/ yi rab tu dang bar gyur to// sa ma ya dam tshig gi le'u ste bcu bzhi pa'o// // de nas yang sgrol byed dmar pos zhus pa/ myur du bsad na ji ltar bsad// drug po'i sngags la ji ltar 'jug/ ces smras pas/ khro bo'i rgyal pos bka' stsal pa// nga yis byin gyis brlabs pa yi// sngags 'dis khyed la dbang bskur gyi// myur du rgyug la las gyis shig/ oM sgrol ging shaM shaM rtse rtse da sha sha ging ka ra ma ni/ kring kring ya ya/ shog shog du du/ 'thung 'thung khyer khyer/ ging ka ra ma na b+h+yo b+h+yo/ trag rak+ta tsit+ta long / dbugs long myogs a lo sha/ kha thun rbad/ kha la yak+ka sting ti ta rbad/ che ge mo zhig mA ra ya hUM phaT/ ging rak+Sha mA ra ya gtum po rgyug ya/ sha raM sku dril/ shag raM rgyug breng / kha long / kha yag+na trag du long ya/ rag mo rag mo/ thor thor gshog/ ning la ting ting khrag ma b+h+yo/ trag rak+Sha nag po dun b+h+yo// dun ting ma las la dun b+h+yo/ che ge mo gzer ya/ bsad pa drag sngags kyi le'u ste bco lnga pa'o// // de nas 'jam dpal khro bo yis// 'di skad ces ni bka' stsal to// nyon cig sgrol ging dmar po khyod// gzhan gyi rig sngags bzlog 'dod na// sngags pa lha dang bcas pa bri// rab tu dbye ba'i tshig dag bya// khru gang pa yi mchod rten brtsig/ mchod pa'i las rnams bshams nas ni// ban+d+ha'i bzed zhal lcags kyi gzar// 'jam dpal nag po'i rab gnas bya// che ge nang du stsal nas ni// mchod pa bstab cing bskor ba bya// phyogs rlung langs nas thun dag 'phang // rab gnas bzang po'i 'og tu mnan// des ni rigs sngags gdon mi za// bsnyen dang thun gyis bzlog pa bya// gzhan gyi rig sngags gcad pa'i le'u ste bcu drug pa'o// // de nas yang las kyi mtha' sdud 'di gsungs so// gang la bya ba gnas gzhi sa// mchod rten lha khang dur khrod dang // chu srin kha dang sbrul gyi lce// gong gsum zam rdur rgya gram lam// btsan dang ma mo klu dang bdud// lha srin sde brgyad gnas yin te// ya ma rA dza'i zhal du gtsang // nag po gshin rje'i 'og tu gzir// don yod grub pa'i pho brang gdab// khugs par bkug la rgya yis gdab// de ltar byas na gdon mi za// las kyi mtha' sdud kyi le'u ste bcu bdun pa'o// // dregs pa pho mo'i las rgyud rdzogs so// // dregs pa pho mo 'dus pa'i rgyud rdo rje gter bzhad rtsal la gtad pa// /