བོད་ཡིག

e-texts produced with BDRC’s OCR application

rgya gar skad du/ ya ma kA la tan+ta pra t+yaM gi ra tan+t+ra/ bod skad du/ gshin rje nag po ngan sngags phyir bzlog pa'i rgyud/ dpal 'joms byed 'bar ba la phyag 'tshal lo// de nas yang dag bshad bya ba// 'jam dpal 'char ka nag po yi// las kyi bye brag gsum yin te// bsnyen pa sgrub pa las sbyor ro// de yang drag po'i gnas su ni// phyi bshags tshul bzhin sngon song bas// sgrub po chos gos ldan pa yis// thun mong khyad par mchod rdzas la// byin gyis brlab pa tshul bzhin bya// phyi nang gsang ba'i mtshams bcad la// bla ma mchod cing tshad med bsgom// ting 'dzin rnam gsum rim pa yis// rang sems ya yi rnam pa las// nam mkha' gru gsum mthing nag tu// rnam dag 'byung ba'i rim pa las// gzhal yas khang dang lha yi gdan// de steng ya yi 'phro 'du las// gshed po zhal gcig phyag gnyis pa// thod dbyug g.yas la sdigs mdzub g.yon// zhabs gnyis brkyang bskum ma he brdzis// sbrul nag thod pa'i phreng ba dang // ko rlon g.yang gzhi stag sham can// me dpung nang na bzhugs par bsgom// snying gar chu skyes nyi ma'i gdan// rdo rje ya yis mtshan pa las// 'od 'phros ye shes spyan drang bstim// sku gsung thugs su byin gyis brlab// lha mo rnams kyis dbang bskur nas// gti mug rdo rjes mtshan par bsgom// g.yon du badz+ra be ta li// nag mo rgyan dang cha lugs ldan// g.yas pa tri shul yab la 'khyud// g.yon pa thod khrag stob pa'i tshul// 'khor du sprul pa yang sbrul dang // sum sbrul rnams kyis bskor bar bsam// de dag rnams kyi ye shes pa// spyan drang bzhugs gsol phyag 'tshal bstod// snying ga'i ye shes sems dpa' ni// sku mdog smug nag zhi bar bsgom// de yi thugs kar pad+ma la// nyi ma'i steng du rdo rje yi// lte bar ya la sngags kyis bskor// 'od zer na sa g.yas nas 'phros// 'phags pa mchod nas 'gro don byas// tshur 'dus na sa g.yon du zhugs// ya la phog pas 'od du 'bar// spyi bo tshangs pa'i lam nas zhugs// rlung dang me yi 'khor lor gyur// gdug pa thams cad tshar bcad nas// mtshon cha'i gur du gyur par bsgom// oM hrIHSh+T+r-iHbi kri tA na na hUM phaT/ drag po'i sngags la brtson 'grus bskyed// bskyed pa'i skabs te dang po'o// // de nas yang dag bshad bya ba// dkar po'i dus kyi nyi phyed na// gdong zor rtsa ba'i dkyil 'khor ni// gru gsum bsnol ma sgo khyud bcas// dbus su g.yas dkar g.yon dmar ba// tshar bcad phan gdags rdzas rnams bsag/ sngon 'gro dbang chen gzhal yas khang // gong ltar bsgom la bdag nyid ni// 'joms byed 'bar ba gshin rje'i gshed// zhal gsum phyag drug zhabs bzhi bgrad// g.yas mthing g.yon dmar dbus spug zhal// ral gri 'khor lo tsit+ta g.yas// sdigs mdzub dgra sta thod khrag g.yon// dpal gyi chas brgyad dag dang ldan// g.yon du sring mo mgo 'phyangs ma// zod rlon stob cing 'khyud pa'i tshul// de la ye shes bstim pa dang // gnas gsum byin rlabs dbang bskur rnams// gong du bstan pa bzhin du bya// mdun du na dang tri las ni// 'char ka sku mdog nag po ste// gcer bu mjug ma sbrul du brkyang // zhal gcig phyag gnyis zhabs gnyis bgrad// thod dbyug me yi 'khor lo bsnams// de yi g.yon du las kyi yum// dmar mo gri gug thod khrag bsnams// gru gsum zur drug hUM las ni// pho nya las kyi gshin rje drug/ stag dang seng ge dom bu dred// chu srin glang gi mgo can ni// sngo nag zhal gcig phyag gnyis pa// sta re khram bam lag char ldan// de yi phyi rim bka' 'khor du// gshin rje bdun dang ma mo bdun// re re la yang bdun bdun no// ban de bon po zhang blon dang // mon pa nag po sgo bzhir bsgom// de rnams kun gyi rang bzhin pa// spyan drang bzhugs gsol phyag 'tshal zhing // bstod pa rnams kyis rab tu bstod// de nas rang gi thugs ka ru// ya la yi ge bcu pas bskor// de mtha' byol sngags brgyad kyis bskor// gsal bar bsam la sngags bzlas bya// sha ri b+h+yo/ ma ri b+h+yo/ nya ri b+h+yo// khrag ma ma b+h+yo/ snying b+h+yo/ khrag snying la b+h+yo/ ma ti thod khrag dza/ khrag ti snying la ya nr-i tri chod/ sha lo shod/ sha la kying kying b+h+yo/ sa ma ya nr-i pa ra na bzlog bzlog/ skabs su 'khor rnams thams cad la// bzlas pa cung zad tsam byed/ bsgrub pa'i skabs te gnyis pa'o// // de nas gzhan yang bshad bya ba// las la sbyar ba gnyis yin te// tshar gcad pa dang phan gdags pa'o// de yang bsrung bzlog gsad gnan bzhi// zor dang mdos dang mnan dang bsreg/ spyi ru gces pa'i dkyil 'khor ni// dbus su gru gsum bsnol ma ste// zur drug pa yi phyi rol tu// 'khor lo rtsibs bzhi lha rnams dang // sgo khyud rdo rje me rir bcas// dbus su g.yas dkar g.yon dmar ba'o// zor la rnam pa gsum yin te// rwa zor zong zor kong zor ro// mdos la bskang mdos srung mdos dang // bsad mnan bzlog par shes par bya// de la dang po bskang mdos ni// 'bru sna bdun las byas pa yi// ri rab bang rim bzhi pa la// bum pa lcog dang bcas pa'o// bum rtser 'char ka nag po'i gzugs// chag do pa la zhal bgrad pa// sku stod nag la sku smad dmar// gsang ba'i mtshan ma gyen du bsgreng // sbrul gyi mjug ma ldan pa gzhag/ spyi gtsug mchod rten nag po la// bud d+ha b+ha tra'i sngags dang ni// yi ge brgya pas mtshan pa gzhag/ 'khor lo rtsibs brgyad gdugs su dbub// tog dang nam mkha' nag pos brgyan// mda' nag dag dang ldan pa'o// phyag g.yas mchod rten dkar po la// rten 'brel snying po'i mjug tu na// nag po rak+Sha dgra bo'i srog/ lus bam ril rbad ya/ zhes pas mtshan pa gzhug bya ste// nam mkha' dkar po gdugs su dbub// mda' dkar glud dang rno ru gzug/ phyag g.yon mchod rten dmar po la// sha ri b+h+yo yi sham bu ru// trag rak+Sha snying kha rag ma ru lu ru lu b+h+yo/ zhes pa'i sngags kyis mtshan pa'o// nam mkha' dmar po gdugs su dbub// mda' dmar glud dang gtor ma yas// de rnams bzlog pa'i rdzas yin no// bskang ba'i rdzas ni 'di lta ste// 'dab chags rgyal po khyung chen bzhi// 'brug dang pha wang rma bya dang // ne tsho shang shang thi ba dang // khu byug bya rgod bzhi bzhi ste// phyogs bzhir bkod la glud du dbul// de mthar mon pa drug gi rdzas// rang 'dra'i ngar glud nag po mda' nag dang // bya rog dang ni bshos bu rnams// drug drug grangs su ldan par bsham// kun la mtshe dang nyung dkar gzug/ ri rab bang rim dang po la// thugs kyi 'khor bzhi dgod pa ni// shar du dkar mor bdun gyi rdzas// ngar glud khyung zhon dkar mo bdun// khong dkar dung gi nam mkha' bdun// mda' bzang ltong dkar bdun rnams dgod// lho ru bdud pho bdun gyi yas// rang 'dra'i ngar glud rta pa brten// khong sngon mthing gi nam mkha' bdun// mda' nag ltong sngon bdun rnams dgod// nub tu gshin rje bdun gyi rdzas// ngar glud rang 'dra glang zhon bdun// khong dmar zangs kyi nam mkha' bdun// ltong dmar nag po'i mda' bdun dgod// byang du ma mo bdun gyi rdzas// ngar glud bong zhon nag po bdun// khong ser nam mkha' chu ris bdun// mda' nag ltong ser bdun rnams dgod// gzhan yang spyi ru bskang ba'i rdzas// rtsal gyi rgyal po seng ge dang // stag dang gzig dang dom bu dang // spyang ki grum pa sha ba dang // 'phar ba dred mo de rnams ni// re re la yang bzhi bzhi ste// phyogs bzhi dag tu dgod par bya// ri rab bang rim bar pa la// dmag dpon bshan pa bzhi po ni// shar du ban de seng ge chibs// gzugs glud gsum lnga bdun dag dgod// nam mkha' nag po khong smuspug dang // mda' nag de dang 'dra bar dgod// lho ru bon po nag po'i gzugs// stag la zhon pa'i ngar glud dang // nam mkha' khong sngon nag po dang // mda' sngon de ltar thams cad pa// gsum mam lnga'am bdun du dgod// nub tu zhang blon sbyang ki chibs// nam mkha' khong dmar nag po dang // mda' nag gsum mam lnga'am bdun// rab 'bring tha mar dgod par bya// byang du mon pa las kyi bdag/ bong bu zhon pa'i glud dang ni// nam mkha' nag po khong ldang dang // mda' ser yang na sngo'am ldang // grangs ni gong dang mthun par dgod// de rnams spyi ru bskang ba'i rdzas// rkang 'gros ma he glang rgod dang // glang po che dang rta dang lug/ ra dang khyi dang 'dod 'jo'i ba// khyim bya bong bu zhon glud rnams// re re la yang bzhi bzhi ste// phyogs bzhi 'khor bar dgod par bya// ri rab bang rim tha ltag la// rgyu sbyor lUlha ni bcu gnyis dang // mgo dang bcu gsum dag gi glud// nam mkha' nag po khong bkra dang // mda' nag 'phang nag pho thod dang // 'brang rgyas nag po de rnams ni// re re la yang bcu gsum ste// phyogs rer gsum gsum zur la gcig/ mtshe dang nyung dkar kun la gzug/ de las gzhan yang bshos bu dang // dung dang bung ba nya mo dang // rus sbal byi ba lcong mo dang // zer mo phyi ba sdig pa rnams// bzhi bzhi byas la phyogs bzhir dgod// ri rab bang rim tha ma la// rin chen 'bru yi ngar glud brgya// 'khor dang g.yog gi glud du dgod// dbang phyug nyi shu rtsa brgyad na// chang zan grangs dang mnyam pa dgod// thang la gling bzhi gling phran brgyad// dmar gtor bcu gnyis dkar gtor gcig/ khrag gi ar+g+ha la sogs pa// khyad par 'phags pa'i mchod pa lnga// tshil chen mar me kha bzhir bltam// bdud rtsi sman dang mi rkang dung // thod pa'i rnga la sogs pa bsham// de mtha' lcags ris bskor ba la// shing chen bzhi dang ljang bu glud// ji ltar 'byor bas bskor byas te// mgron gyi lha la glud du dbul// gal te bzlog mdos byed gyur te// zor dang skrag na zor kong gis// mtha' ma 'khor bar dgod par bya// skong mdos kyi skabs te gsum pa'o// // de nas gzhan yang bshad bya ba// bzlog pa la ni rnam gnyis la// ltas ngan bzlog pa'i kha bsgyur ni// ri rab phyi yi lcags ri la// shar du rgyal po bzlog pa'i yas// byi la phye yis byugs pa brgyad// shel gyi nam mkha' dkar po brgyad// shel ljang dkar po mdzes pa brgyad// mda' dkar brgyad dang 'phang dkar brgyad// mdzes pa'i rgyan gyis brgyan la dgod// lho ru dmu rnams bzlog pa'i yas// dmu bya phug ron sngon mo dang // mda' 'phang thams cad sngon po ste// brgyad brgyad grangs su tshang bar dgod// nub tu btsan rnams bzlog pa'i yas// rta pa dmar po mdzes pas brgyan// nam mkha' dang ni ljang bu dang // mda' 'phang dmar po brgyad brgyad dgod// byang bu gnyen rnams bzlog pa'i yas// spre'u ser po gar byed brgyad// nam mkha' ser po ljang bu dang // mda' 'phang ser po brgyad brgyad dgod// lo rgyus bden pa'i sbrang gis dkrol// phyi rjes zor gyis gcad par bya// ltas ngan bzlog pa'i skabs te bzhi pa'o// // de nas yang dag bshad bya ba// dang po kho nar bsnyen pa la// shin tu nan tan cher byas la// sngon 'gro sems bskyed mtshams bcad ting 'dzin gsal// bsod nams tshogs bsag tshad med bsgom// ting 'dzin rnam gsum rim gyis bsgom// b+ha ga gru gsum mthing nag tu// dbang chen dkyil 'khor rdzogs par bsgom// 'jigs pa'i gzhal yas lnga ldan du// thun mong khyad par gdan steng du// cho ga gsum gyi 'phro 'du las// rang nyid 'joms byed 'bar bar bskyed// sku gsung byin brlab dbang bskur bya// mdun du keng rus ri rab la// sa bon yongs su gyur pa las// sbrul pa 'chi bdag yab yum gnyis// mchod rten gsum dang ldan par bskyed// de mthar gru gsum 'bar ba la// yang sbrul mgo brnyan drug po bsgom// bang rim dang po'i phyogs bzhi ru// shar du rje mo lho ru bdud// nub tu gshin rje byang du ni// ma mo de rnams bdun bdun bsgom// ri rab bang rim bar pa la// dmag dpon bshan pa bzhi rnams bskyed// de dag kun gyi rang bzhin pa// spyan drang phyag 'tshal bar snang la// 'od phung 'dab 'dres tsam du ni// mdun du bzhugs su gsol ba la// kun tu bzang po la sogs pa'i// thun mong khyad par mchod pa dbul// sngags kyi bzlas pa ci rigs bya// gtor ma phul la phrin las bcol// bstod dang dngos grub blang ba dang // smon lam gdab par bya ba yin// tshogs kyi mchod pa dbul ba dang // sdig pa bshags par bya ba dang // rang re gang byed srung ma la// bskang gso'i rim pa rgyas par bya// bang rim tha ma gnyis pa la// glu dang gnam la 'phur dgu dang // bar na 'gro la dgu mi nor dgu// sa la 'dzul dgu la sogs pa// nam mkha' ngar bu mda' 'phang sogs// 'dod yon rnam lngar byin brlabs la// mdos la spyan drang bskul bar bya// glud rnams rgyas par grangs la gdab// tshe yi cho ga rgyas par bya// mdos bsngo zhing dbul ba'i skabs te lnga pa'o// // de nas gzhan yang bshad bya ba// rbod gtong la sogs bzlog pa na// dkyil 'khor tshul bzhin bris pa yis// steng du 'char ka 'khor bcas rnams// ri rab bum rtse'i steng du dgod// bang rim rnams la glud kyis dgang // ljang bu dmar nag bdun yang gzug/ 'jig rten dar sna mang pos brgyan// zor rdzas tshang ba'i kong bu ni// rab 'bring gang 'grub dkyil 'khor gyi// steng du dgod par bya ba yin// zur bzhir rgyal mtshan bzhi yang gzug/ bal bu la sogs shing sna bzhi// phyogs bzhir gzug cing lha rnams la// byis pa 'ur rdo rdeg pa bdun// kha dog nag por byis la dgod// rang la gang gnod mthun pa'i rdzas// dkyil 'khor mtha' mar bsham par bya// de nas mtshams bcad nas bzung nas// tshogs dang bskang gso yan chad rnams// gang dang mthun par shes par bya// sha ri b+h+yo la bsnyen pa bskul// gang gnod pa yi ling+ga la// dgug gzhug byas la brdungs shing brdeg/ nyung dkar gyis kyang brab par bya// de nas mdos kyi kha yang ni// dgra 'am gnod pa yod sar bsgyur// rang gis rgyab nas cho ga bya// ting 'dzin 'char ka 'khor bcas kyi// phyag mtshan mtshon cha sna tshogs pas// dgra 'am bgegs te gtubs shing gtor// sregs bcom gzir btags mchod rten gyis// ro de mnan cing bskal pa yi// mthar yang thar pa med par bsgom// zor gyi sna 'dren dbang po gzug/ zor bskul bya zhing zor las rbad// zor bzlog bya zhing rig 'dzin bskul// 'joms byed bskul zhing pho nya rbad// zor gyi gnas bstan zor lam dbye// zor sna drangs shing zor dmag dpung // zor lam drangs shing b+h+yo bzlog bya// 'phangs pa'i cho ga rgyas par brjod// de nas lhag ma'i cho ga bya// zhub can bzhi yis mdos bteg la// yug sa mo bzhis mdos lam brab// gnod pa'i phyogs su mdos 'phang zhing // drag po'i sngags rgod byol sngags la// pa ra bin d+ha na tshin+na tshin+da b+h+yo/ gzhan gyi rbod gtong la b+h+yo/ ma mo'i da la kha la b+h+yo// zhes pa la sogs btags byas la// ting 'dzin bsar te zor 'phang ngo // ma nyes dbang gzugs b+h+yo yis gdab// rjes la phyi mig mi blta bar// nang du 'ong la rta bro brdung // tshe bstim tshe la nan tan bya// zhal bsro bkra shis brjod par bya// dmigs pa med pa'i blo yis su// dge ba'i rtsa ba bsngo bar bya/ zor gyi skabs te drug pa'o// // de nas gzhan yang bshad pa ni// 'chang ka nag po nang thug na// skong ba'i mdos la nan tan bya// gzhan gyi rbod gtong gtsor bzlog na// sngags pa'i ling+ga bca' ba dang // ya ma trag rag sha mu tra mu ti snying kha rag thun b+h+yo/ bzlog bzlog/ nri sha ku ru thun b+h+yo bzlog bzlog/ man+ta man+ta nan sa man+ta na ru dra yak+Sha ma Na dra bzlog bzlog/ ces pa'i sham bu btags la 'phang // zor gyi las la gtsor bya'o// gzhan yang gnan dang gsad pa la'ang // las kyi khyad par shes par bya// dregs pa pho gdon bzlog pa dang // srid pa mo rgyud bzlog pa dang // klu yi gnod pa bsal ba dang // rde'u khro bos bzlog pa dang // drag pos phur mjug bsdu ba dang // zor gyis gsad par bya ba dang // de rnams tshar bcad rim pa ste// nyen can nad pa gso ba dang // sri'u gso dang mdze 'phro bcad// 'chi ba bslu dang rmi lam bzlog/ pha tshan byol po bzlog pa dang // dal yams rims nad bcad pa dang // phyugs god bsrung dang ser ba bsrung // dmag dpung bzlog dang shi kha gcad// shra bud sbyin thang bzlog pa dang // ltas ngan bzlog dang rbod gtong bzlog/ de rnams phan gdags rim pa ste// las kyi kha bskur rdzas dang sngags// so so'i sbyor ba shes par bya// las mjug gnan bsreg 'phang pa ni// kun la gces pas bsgrims la 'bad// gzhan yang glang po'i sbrang mdos dang // bdud sha nag po'i mdos dang ni// zla tshes tshe yi mdos nyid dang // dmag dpon bzhi yi skong mdos dang // ma mo gshin rje rje mo bdud// so so'i sgos mdos bya ba dang // shing gi mdos dang 'bru yi mdos// de sogs sbyor ba bsam las 'das// rang rang 'dod pa ji bzhin bya// gzhan yang gsad par 'dod pa na// g.yag rur ling+ga bcug byas la// de yi snying gar skyer pa yi// mda' la ltas ngan bya gsum gyi// sgro bskyon rtse mo khrag gis byug/ rwa rtser bstan la gzug par bya// dug shing dag gi phur pa la// dug chus byugs la snying gar gdab// gru gsum nang du bcug byas la// khrag dang nyung dkar dag gis brab// nri ma ra ni nri ma ra na/ snying ti shi ti sha/ ya ma snying ya ma khrag/ tshal pa tshal pa bam ri la/ si ri la si ri la/ dum bu dum bu/ nag po stam b+ha rak+Sha nan/ snying la thod pa brag sha nan// nag po snying dza dza rbad/ nag po'i snying rgyud la bam ri li li/ mA ra ya subs ri la rbad/ nag po snying la shang ya shad ya rbud/ badz+ra kI li kI la ya/ thun lis rbad ya/ las phran tshegs kyi skabs te bdun pa'o// // gshin rje nag po'i ngan sngags phyir bzlog pa'i rgun ces bya ba/ chu thig sngon mo'i rgyud phyi ma rdzogs so// // gnubs ba na rdo rje khri gtsug gis dka' ba spyad nas bsgyur ba'o// // par 'dir 'char ka nag po'i kye klud/ man pa nag po sgra rmos pa'i rgyud/ srin pa mo bzung gi kyang/ gdang por nag po'am gnyen rje sngags bzlog gi rgyud/ 'joms byed 'bar ba'i rgyud rnams yod dgos kyang dpe ma 'byor/ @#// rgya gar skad du/ Ar+ya many+dza shrI ma ru tse tsa tu ra sa ha dza man+ta tan+ta nA ma/ bod skad du/ 'phags pa 'jam dpal mched bzhi'i sngags