བོད་ཡིག

e-texts produced with BDRC’s OCR application

rgya gar skad du ya ma kA la ba tra nI la tan+t+ra/ bod skad du/ gshin rje nag po chu thig sngon mo'i rgyud ces bya ba/ bcom ldan 'das gshin rje'i gshed la phyag 'tshal lo// 'di skad bdag gis thos pa'i dus gcig na/ sngon gyi dus na byang chub sems dpa'i gnas/ shing drung rab tu dga' ba'i tshal na/ bcom ldan 'das mi g.yo ba'i ting nge 'dzin la snyoms par zhugs pa la/ bdud dang lha byin gyis mu stegs log lha'i sbyor ba byas pa'i tshe/ bcom ldan 'das kyi thugs kyi 'od zer las lho phyogs ri bo rtse dmar nag 'khyil ba'i dur khrod kyi dbus na/ dur khrod kyi ma mo dang / gshin rje'i gnas na/ gshin rje nag po 'chi bdag 'char ka nag po bya ba de rab tu khro bar 'bar bas byed pa'i ting nge 'dzin la gnas pa de la ting nge 'dzin gyis bskul ba/ spyan gyi 'od zer dang / thugs kyi sbyor ba bkye ste bskyod pas/ bdud lha byin rab tu dngangs so// de nas tshe dang ldan pa shA ri'i bu dang / 'od srungs dang / cang shes ko'u di n+ya la sogs pas/ bram ze ma mya ngan las 'das ma bya bar bskul bas/ bram ze ma des/ 'chi bdag nag po 'char ka la 'di skad gsol to// kye bcom ldan 'das kyis bdud lha byin ma btul bas/ dug lnga'i rang bzhin mu stegs log pa'i blta ba la zhugs nas/ sangs rgyas kyi bstan pa la gnod pa 'di la/ bcom ldan 'das ni thugs rje'i ngang las mi g.yo/ 'khor na gnas pa'i sde brgyad kyi rang bzhin thugs rje'i sbyor bas ma thul bas// 'di 'dul ba'i sbyor ba mdzad par zhu zhes gsol pas/ 'chi bdag chen po des/ 'bar ba rngam byed khros pa'i ting nge 'dzin la snyoms par zhugs te/ thugs ka nas 'od zer nag po bkye bas/ 'jigs pa drag po'i thog phab ste// dga' rab dbang phyug dang / 'dod pa'i rgyal po dang / bdud lha byin dpung dang g.yog tu bcas pa rnams 'dar zhing sngangs nas/ brgyal zhing 'gyel bar gyur to// de nas bcom ldan 'das rab tu dgyes pa'i brda' mdzad nas/ 'khor tshe dang ldan pa shA ri'i bu dang / tshe dang ldan pa 'od srungs dang / cang shes ko'u di n+ya la sogs rjes su yi rang ngo // de nas bcom ldan 'das kyis 'jam dpal gshin rje 'chi bdag nag po la 'di skad ces gsol to// legs so legs so/ khyod legs so// bcom ldan 'jam dpal khyod legs so// 'char ka nag po khyod legs so// byang chub sems dpa' khyod legs so// phyi rabs kyi rnal 'byor pa sangs rgyas kyi bstan pa srung ba la shod cig/ khyod kyis rab tu shod cig/ rab tu gnas par gyis shig/ ces bka' stsal to// de nas 'chi bdag gshin rje nag po des/ dbu ri rab kyi rtse mor thal bas/ steng lha'i 'jig rten dbang du bsdus so// zhabs rgya mtsho'i gting du thal bas/ 'og klu'i 'jig rten dbang du bsdus so// phyag par snang gi khams su brkyang bas/ ri rab dang bar snang gi lha srin sde brgyad dbang du bsdus so// ba spu bye ba sa ya las/ 'od zer bye ba sa ya bkye bas/ bdud kyi dmag dpung rdul du brlag go// de nas sangs rgyas bcom ldan 'das la sngags kyi rnam pa mang po phul lo// chu thig sngon mo'i rgyud las/ gleng gzhi'i le'u dang po'o// // de nas 'chi bdag nag pos bka' stsal pa/ nyon cig nga yis bstan par bya// bram ze mdzes ldan ma la bshad// sangs rgyas bstan pa bsrung ba yis// rnam bzhi'i 'khor bcas thams cad la// log ltas 'tshe ba'i bdud rnams kun// 'dul ba'i thabs ni 'di lta ste// bsgrub dang gsad dang bskang ba dang // bzlog dang gnan pa'i las dag byed// dang po bsgrub pa'i las dag la// drag po bsgrub pa'i gnas dag tu// dkyil 'khor bri dang rdzas dgram dang // rten dang drag po'i sku bcas dang // bskyed dang dgug dang spro ba dang // bzlas dang mchod dang ting 'dzin dang // rbad cing las la sbyar ba dang // zor dang thun dang mdos dang bzlog/ 'khor lo bca' dang bsreg pa dang // kha tshar gso ba'i las dag dang // gnan pa dag tu shes par bya// dang po maN+Dal bri ba ni// dur khrod sa la maN+Dal brtsig/ zur gsum 'khor lo bri ba ni// nag po'i tshon gyis bri bar bya// e drug mthing nag zla gam can// me ri 'bar ba'i cod pan can// mchod bzlog bsrung dang bsad mnan gyi// de la rdzas kyi rnam pa ni// tshang ba dag tu dgod par bya// de dag rim du dgod pa ni// dbus su sku rten dgod par bya// dur khrod sa la 'chi bdag nyid// drag po'i chas dang ldan par bya// bsrung na bum pa mchod rten can// bzlog na mchod rten rab gnas can// gsod na spu gri sbrul zhags can// gnan na mchod rten de bzhin no// 'khor lo bcas dang ldan pa ni// srung ba'i 'khor lo spyi bo'i gtsug/ bzlog pa'i 'khor lo snying ga ste// bsad pa'i khor lo lte ba ru// mnan pa'i 'khor lo gsang ba ru// rigs bzhi sbrul gyi rgyan char ldan// sa steng sa 'og gong ma'i gnas// sa bla'i tshogs rnams 'dul ba'i phyir// spyi gtsug ral pa gyen du brdzes// sa bla 'dul phyir yan lag la// gang la dmigs pa'i rten dang ldan// sa 'og 'dul phyir mjug ma sprul// ri rab tshul 'dra'i gru gsum ste// gru gsum nang du dmigs pa'i ming // thod pa sbram por dug chu blug/ nang du bsad pa'i 'khor lo ni// g.yas bskor g.yon bskor kha sbyor la// tshon skud dag gis rgya gram bcing // de yi steng du rten dang ldan// de yi phyogs bzhir phur pa bzhi// 'chi bdag nag po'i sprul pa ni// ban+de nag po spyi gtsug sbrul// bon po sngon po lkog ma'i 'og/ zhang blon nag po lte bar sbrul// mon pa nag po thugs ka nas// sprul pa'i sras bzhi tsar gyis sbrul// de la bskor te de yi gnas// ma gshin lha tshogs rtsang gis drangs// gtor ma chen po'i dbus su ni// 'chi bdag zhal phyung dpal bshos dang // nyi shu rtsa gcig grangs dang bcas// de yi spyan sngar dgod par bya// 'bru zan nag po de rnams la// kong bu zur gsum rtsang dang bcas// sdong gcig ma dang me reg ma'i// 'phangs rtse rtsang dang bcas pa yi// drag po'i kong zor dus su bstan// zor gyi rnam pa grangs su dgod// chu thig sngon mo'i rgyud las/ bca' gzhi bstan pa'i le'u gnyis pa'o// // 'di yi ting 'dzin bstan pa ni// bdag bskyed pa dang gzhan bskyed pa// 'khor bskyed pa dang gsum du 'dod// de la dang po bdag bskyed pa// mi dmigs pa dang gsal ba dang // hUM gi rang bzhin gsal ba dang // yaM dang raM dang baM dang laM// de byung rlung dang me dang chu// sa dang ri rab de bzhin te// b+h+rUM las gzhal yas khang du'o// thod pa rtsibs dang zhing chung brtsig/ ka ba bzhi la lcam gdung dang // dral grab brkyang pa zhing las byas// sbrul gyi 'phan gdugs za ra tshags// khrag gi zham chu 'bab pa la// mthong nas nyi zla 'char ba'o// de nas 'khor lo rtsibs drug la// rtsibs brgyad mu khyud sgo dang ldan// ma trang ro dang gang dmigs de// chu glang steng du nyi zlas mtshan// de steng hUM las rdo rjer gyur// oM hrIHSh+T+r-iHbi kr-i tA na na hUM hUM phaT/ ces pa'i sgra dang bcas pa yi// nag po zhal gcig phyag gnyis pa// be con ral gri 'khor los mtshan// dgra sta sdigs mdzub 'phyar dang gdengs// dbu skra kham nag gyen du 'khyil// glang chen stag dang zhing gis brgyan// sbrul dang thod pa skam rlon brgyan// brkyang bskum bgrad pas 'byung po gnon// nag mo mi sdug dgyes par 'khril// thod rlon stobs dang 'khyud pa'i tshul// de yi mdun du bskyed pa ni// 'char ka nag po sbrul gyi mjug/ spu gri gdengs pa'i gdengs ka can// gang gang rang rang chas dang ldan// zhal ni gang dmigs de rang ngo // re ma ti dang ldan pa ni// nag mo dred zhon khram dang rkyal// de rgyab ma mo bdun dang ldan// dkar mo mgyogs byed khyung la zhon// gnam gyi dkar mo dang srid pa'i rgyal mo dang // sbas pa'i ma mo gsum dang rdo rje khyung gshog can// dkar mo lan phran can de khyung zhon bdun// me long g.yo ba dang ser ba 'dril// lha rnams bzlog byed ma mo bdun// g.yas na mi nag rta nag bdun// g.yas pa dar nag g.yon pa sho rde'u 'phen// nag po bkrag med yab rje nag po dang // sog po mi zan lcags kyi ber ga can// kha la ru rtse srid pa kha la nyul// zangs kyi bya ru can dang bdun po ni// re lde nag po bdud kyi bshan pa yin// srid pa pho rgyud rgya bdun bzlog pa yin// g.yon gyi phyogs na ma mo bdun gnas pa// e ka dza ti nag mo bdun gnas pa// re ma dza la sogs te mched bzhi dang // lto 'phyangs ma dang bal mo nag mo'i tshogs// nad rkyal khur nas dar nag le'u gsol// ral ba'i gseb nas khrag gi bu yug 'tshubs// klu rnams zlog byed ma mo bdun yin no// phya sangs dang ni tel ba dang // tshar dgu dang ni ya ba ti// 'byung po dmar nag rmig pa dang // a ba glang mgo chos kyi rgyal po bdun// khram bam nad kyi rkyal pa thogs pa ste// ro langs lto 'phye'i tshogs rnams bzlog pa yin// ban+de bon po zhang blon mon pa bzhi// sprul pa bzhi yang phyogs bzhi dag na gnas// rang bzhin gsal bar mos pa byas// yig 'bru dag las mi bskyed rang bzhin drag po'i shugs// chu thig sngon mo'i rgyud las bskyed pa'i le'u ste gsum pa'o// // de nas dgug pa'i ting 'dzin ni// bdag gi hUM las 'od zer 'phros// rang bzhin gnas nas ye shes dgug/ bstims la mchod pa 'bul ba ni// bdud rtsi rak+ta gtor ma dang // gnyis su med pa'i gtor ma bya// bdag don gzhan don gang la dmigs// de la gsol ba gdab la mchod// de bzhin gnas pa'i cho ga bya// bstod pa bya zhing dngos grub blang // chu thig sngon mo'i rgyud las/ snyim byed sbyor ba'i le'u ste bzhi pa'o// // de nas drag sngags kyi sbyor ba bstan pa na/ ma hASh+Ta bi kr-i tan na hUM phaT swA hA/ oM ASh+Ta hrI/ d+hi la a mo ka d+hi a mr-i ta/ rak+ta ba lin+ta kha kha khA hi/ mchod pa 'bral ba'i sngags so// sha ri b+h+yoH/ ma ri b+h+yoH/ khrag ma ma b+h+yoH/ tsi ri snying b+hoH/ snying b+h+yoH/ ma ri zod khrag la dzaH/ khrag ri snying la yaH/ nr-i tri chodaH/ mu lo chodaH/ sha lo chodaH/ sha la kying kying b+h+yoH/ sa ma ya a ti pra ma niH/ pa ra du na bzlogaH/ 'char ka nag po rtsa ba'i drag sngags so// oM ga nam yer b+h+yoH/ sa yar b+h+yoH/ rkyang yer b+h+yoH/ rkyang mo b+h+yoH/ ser rkyang b+h+yo b+h+yo b+h+yoHb+h+yoH/ rkyang yer sodaH/ mu yer sodaH/ mi reng sodaH/ dgra snying la b+h+yo b+h+yoH/ dkar mo bdun gyi sngags so// au ru lu ru lu ha ha yak+kha baM ri la khrag la rbadaH/ rus la chemasaH/ dgra snying la b+h+yo b+h+yoHb+h+yo b+h+yoHb+h+yo b+h+yoHb+h+yoH/ nag mo bdun gyi drag sngags so// oM ru lu ru lu tsa pa la ag shug me b+h+yoH/ dza dzaH/ yag mo kha la kha tshe b+h+yoH/ rag mo kha la kha tshe b+h+yoH/ yag mo kha la kha tshe b+h+yoH/ kha tshe hAMH/ b+h+yoHb+h+yoHb+h+yoHb+h+yoHb+h+yoHb+h+yoHb+h+yoH/ ru lu ru lu nag mo ha ha hAMH/ b+h+yoHb+h+yoHb+h+yoHb+h+yoHb+h+yoHb+h+yo b+h+yoH/ ma mo bdun dang ro langs bdun gyi sngags so// au ya ma snying b+h+yoH/ ya ma khrag b+h+yoH/ sarba b+hu te b+h+yoH/ ya ma ra tsa b+h+yoH/ ya ma bruM bruM b+h+yoH/ dgra snying la b+h+yo b+h+yo b+h+yoH// gshin rje bdun gyi sngags so// traka rak+ShaH/ ru lu ru lu baM ri la b+h+yoH/ nag po srog bsdus khyeraH/ yak+ka baM ri la b+h+yoH/ mdos 'phang ba'i sngags so// nag po pra ma yaH/ ha ro ya/ nag po rak+Sha thunaH/ he kra ma la thu naH/ snying la thun b+h+yoHb+h+yoHb+h+yoHb+h+yoH/ ga ga ni lo tsa ya srog la thun/ mA ra ya thun/ ha ra ha ra hu ra hur/ nyams pa'i snying la b+h+yoH/ bdud po mi zan bdun gyi drag sngags so// oM ha he mo ha hri ta ya/ pa ra ni hUM phaT/ b+h+yo b+h+yo sa ma ya bzlog bzlog a la la pra mo he b+h+yo b+h+yo sa ma ya bzlog bzlog/ kong zor gyi sngags so// hri nag mo du na ma snying pa tra la dun/ b+h+yo b+h+yo b+h+yo/ khrag zor gyi sngags so// b+h+yo b+h+yoHb+h+yoHhrIHb+h+yoHa b+h+yoHmu b+h+yoH/ rdo zor gyi sngags so/ hrI ma hI ma hUM hUM ya ya yaH/ b+h+yoHb+h+yoHb+h+yoH/ mda' zor gyi sngags so// rak+Sho ti sarba hI raM ag+ne dza la raM mA ra ya phaTaH/ sbyin sreg gi sngags so// sarba sha truM nA sha ya mA ra yaH/ bsad pa'i sngags so/ badz+ra tsi dun rbad rbad swA haH/ snying khrag dun khug rbad zad swA hA/ bruM shig khug ling rbad rbad swA hAH/ snying khrag la dun rmug rbad rbad swA hAH/ tsa ra ba bzhi'i sngags so// ka sha ka sha brag tshal shag shag mA ra ya rak+ta snying chotshod ya ya brang brang zhung zhung ri la ri la rbad rbadaHya ya kha la rak+ka rbud rbud tsakra rak+ka rbud rbudaHdu ma bu rak+ka rbud rbudaHtsit+ta rak+Sha rbud rbudaHlas kyi sngags so// oM bud+d+ha pa tra hUM na mas+t+rai ya d+hi ka nAM sarba ta thA ga tA na/ sarba tA pra ti ha tA pAstiH/ d+harma tA ba lI nAMH/ a sa man+ta to man+taH/ tA pAb+hi shA sa ni/ ha ra ha ra/ sma ra sma ra Ni/ bi ga ta rA ga bud+d+ha d+harma tA/ sa ra sa ra sa ma pa lA/ ha sa ha sa tra ya tra ya b+ha ga bAn/ ma hA ba ra/ lak+Sha Ne dza la dza la na sA ga re swA hA/ shwa ri'i bus byin gyis brlabs pa'i ring bsrel dbul ba'i sngags so// oM ye d+har+m+ma te tu pra b+hA wa/ he dun+te ShAM ta thA ga to h+ya wang tu te wa da ta ShAsh+tsa yo ni ro d+ha e waM wA dIdri ma hA shra ma NaHswA hAH/ rten 'brel 'di 'od srungs kyis byin gyis brlabs pa ring bsrel dbul ba'i sngags te g.yas pa'i sngags so// na maHhr-i da sarba ta thA ga ta ha ra ha ra hUMH/ cang shes ko'u di n+ya'i ring bsrel gyi sngags te g.yon pa'i sngags so// bud+d+ha hrIHb+h+yoH/ ya mAn+ta kas byin gyis brlabs pa'i 'char ka nag po skem byed kyi ngan sngags so// chu thig sngon mo'i rgyud las sngags bstan pa'i le'u ste lnga pa'o// // 'khor lo dag la sngags dang ldan// rten 'brel bcu gnyis 'khor lo dang // bsrung bzlog bsad dang mnan pa'o// bri ba'i thabs ni 'di lta ste// phyi yi 'khor lo 'khor yug gsum// nang du dug gsum gru gsum la// mA ra ya yi ling+ga bri// de ltar bsad sngags ming dang spel// de mthar 'char ka nyid kyi sngags// 'char ka'i 'og tu rten 'brel ni// bcu gnyis 'khor ba lugs su gzhug/ mtha' ma 'khyil byed gnyis kyis bskor// dbus su ming dang rus dang gzugs// gsad pa'i sngags ni mA ra ya// gong ras gsad pa'i sngags kyis bskor// 'char ka nag po'i lto bar ro// bzhi pa srung 'khor rtsibs brgyad la// rtsibs brgyad dag la 'char ka nyid// bsrung na gang bsrung gong ras la// rak+Sha zhes ni bri bar bya// dbus su gang bsrung ming dang sngags// hrIHSh+T+r-iHzhes pas mtshan pa'o// gong ras A li ka li dang // sngags ni rak+Sha ces pa sbyar// bzlog na bzlog ces bsgyur ba dang // gong ras bzlog pa'i sngags kyis bskor// dbus su ming dang rus dang gzugs// gsad pa'i sngags ni mA ra ya// gong ras gsad pa'i sngags kyis bskor// mnan pa'i sngags kyis mtha' mar nan// srung ba'i 'khor lo dar la bri// bzlog na zhing ras dag la'o// gsad pa dur khrod ras la bri// mnan pa dur khrod g.yam pa la'o// bri dus snga dro bsrung ba'o// bzlog pa nyi ma phyed la'o// gsad pa nyi rgas dag la'o// mnan pa zo rangs kha na'o// chu thig sngon mo'i rgyud las 'khor lo bri ba'i le'u ste drug pa'o// / 'di yi mdos su bya ba ni// khog don bzhi ru shes par bya// srung ba'i mdos dang bzlog pa'i dang // bsad pa'i mdos dang mnan pa'i ste// ma traM 'bag tu bca' ba dang // ranyar dmar pos bkang ba yang 'dug/ drag dam ma mo'i bskang ba dang // bca' ba las kyi man ngag bya// ri rab brtsig pa bang rim ldan// srung ba dag la glud brgya dang // ma gshin bshos bu bca' ba dang // byang bu bdun gsum nyi shu gcig/ rlung gi phyogs su gdab pa dang // mchod rten bca' dang mar me bca'// 'khor lo lto bar gzhug pa'o// bzlog pa 'char ka 'dra ba la// kong zor brgya'am nyi shu gcig/ bshos bu zur gsum khrag dug can// mtshe dang yungs kar rbab rdo mtshon// 'ur rdo thun dang bcas pa'o// gsang ba drag po dgra yi phyogs// 'char ka de la bstan pa dang // kong zor nyi shu rtsa gcig dang // khrag zor nyi shu rtsa gcig dang // ling+ga 'og tu mnan pa dang // ma mo'i gtor ma zor du bca'// 'phangs nas mnan pa'i las dag bya// gdong zor byas la mdos kyis mnan// 'char ka'i zhal kha bsgyur bar bya// mnan pa sgo drung dag tu bya// mchod rten bzhi dang bcas pa'o// bzlog pa 'char ka ma 'gyur ba// srung na 'jam dpal zhal du bya// gsod na glang po che yi zhal// gnod na ma he'i zhal du bya// srung ba rang gi gnas khang du// mchod pa bya zhing gsol ba gdab// bzlog pa khang steng mthon por bya// gsad pa gru gsum nang du'o// mnan pa chu mig shul du bya// drag po mdos de'i phyogs su btang // rol mo'i bcas dang ldan byas gzhug/ zor dang bcas te gtang bar bya// chu thig sngon ma'i rgyud las/ mdos kyi skong gi le'u ste bdun pa'o// // de nas yang dag bshad bya ba// dang po srung ba'i las ka ni// 'char ka'i gzugs brnyan phyag tu ni// tshe bum de yi nang du ni// tshe rten dkar gsum mngar gsum dang // srung ba'i 'khor lo sngags dang bcas// dbus su gang bsrung ming dang bcas// bum par bcug la bzlas pa dang // nad pa la sogs srung byed na// maN+Dal dkar po'i steng du'o// gtor ma sna tshogs rin chen dang // bal tshon sna lnga'i srung skud bcas// yungs kar sngags kyis nad pa bskor// de nas gtor ma'i nang du gzhug/ gtor mas mchod cing bzlas pa bya// mtha' ma bskor zhing sbyin sreg dang // kong zor 'phang ba kun kyang bya// sre'u dag la gtor ma gtang // rten 'brel sngags kyi bum pa'i chus// bkru zhing sngags kyi sbyor ba bya// seng ldeng phur pa lhar bskyed la// srung ba'i 'khor lo sngags dang bcas// nyung dkar brgya dang rtsa brgyad la// 'bru bdun re la sngags 'bru bdun// ras dkar nang du gtums pa dang // de la mchod cing bzlas pa dang // mdos long sngags kyis kong zor 'phang // mdze bo dag la dkar gtor bca'// srung skud mdun pa brgya dang ldan// rin po che yi bum pa ru// chu sna brgya dang sman sna brgya// rten 'brel sngags kyis bsngags pa gdags// phying dkar steng du khrus bya'o// gu gul bdug cing sngags kyis brab// sbal sbrul mang po'i gzugs byas la// bskor zhing gtor ma'i nang du brub// mdos long kong bu zor du 'phong // ser ba dag ni bsrung ba na// 'char ka'i sku de mchod khang steng // yang na ser mtho'i rtsar bzhag la// bzlog pa'i sngags kyi 'khor lo dang // phur par bcas pa'i mgul du ni// thal ba dag dang nyung dkar la// bsngags la de dang mthun par bya// rims nad gcod na 'chang ka'i sku// dmar gtor bal tshon dar tshon dang // nyung dkar nyung nag sngags dang bcas// pho mo'i gzugs dang bcas pa rnams// kong zor bcas la 'phang bar bya// tshon skud sna lnga'i srung skud la// sngags kyi mdud pa brgya dang ldan// de ni bsrung ba'i mchog tu 'gyur// yul dang khang khyim phyogs rnams kun// drag po'i rdzas kyis thub par gyur// gtor ma sngags dang bskul bas kyang // sde brgyad kun gyis mi tshugs so// chu thig sngon mo'i rgyud las/ srung ba'i le'u ste brgyad pa'o// // de nas yang dag bshad par bya// bzlog pa bya ba'i las ka la// bcas kyis bzlog dang sngags kyis bzlog/ 'khor los bzlog dang gtor mas bzlog/ mdos kyis bzlog dang zor gyis bzlog/ sbyin sreg dang ni bdun du bshad// bcas ni 'char ka'i 'dra 'bag la// dug chus sbyangs la zhal gdangs pa// phur pa lag tu bsrung ba'o// kho yi phyogs su kha bstan bya// 'khor los bzlog pa rtsibs brgyad la// ming rus bcas pa dbus su'o// rtsibs la rtsa sngags bzlog dang bcas// gong ras ming dang bzlog ces bri// mu khyud bzlog pa'i sngags dang ldan// be b+ha sa twa re ma ti// g.yas skor byas te zhing ras la// 'char ka'i lto bar bcas pa'o// gtor ma'i dbus su 'char ka'i sku// gru gsum dmar po dpal bshos dang // nyung dkar mtshe dang lcags phye dang // dug khrag dag gis brab pa'o// mdas ni 'char ka'i 'khor dang bcas// ma gshin nyi shu rtsa brgyad tshogs// dmar nag dar dang kong zor khrag/ gtor ma bal tshon dar tshon dang // zor ni kong zor khrag zor dang // gtor zor mda' zor 'ur rdo dang // slang zor gtor zor 'phang ba'o// sbyin sreg 'char ka'i mdun du bya// sngags dang bskul dang rdzas dang bcas// nyi ma phyogs dang dus dang grangs// yang nas yang du bya ba'o// zor kha bzlog na yungs kar dang // khrag dug zod pa'i nang du'o// rtsa ba'i sngags dang gtor zor sngags// spel zhing spel la las bcol bskul// rA hu la yi phyogs dang bstun// byal bzlog byed na gtor ma dang // 'ur rdo rdo thod 'phang bar bya// 'chi ba bslu na dkar gtor dang // dmar gtor bcu gsum sngags dang bcas// chos ston bcu gsum sngags dang bcas// gtsug tor dri ma med pa dang // rtsa sngags bzlas shing rtsol ba bya/ la gang dmigs pazla dang gtso mang brtsa/ 'dra min// rten 'brel bzlas shing tshwa tshwa gdab// rmi lam bzlog na rtsa ba'i sngags// brgya rtsa brgyad du bzlas pa bya// rang gi sngas kyang bsgyur la nyal// mtshan ma ngan pa bzlog pa na// zor de drag tu 'phang bar bya// ltas ngan bzlog na mdos kyis bzlog/ mdos ni maN+Dal steng dag tu// khri 'phang dag tu brtsig par bya// rus sbal bzhi dang glang chen bzhi// mi nor lto 'gro ri dwags dang // gcan gzan gzugs la seng ge bzhi// 'dab chags gzugs la bya khyung bzhi// de yi steng du 'char ka'i sku// zur gsum nang du dmigs pa'i ming // de yi kha la brtsig par bya// de yi mtha' mar me mar dang // kong zor spel ma dgod par bya// bcu gsum pa yi tshogs su bya// chu thig sngon mo'i rgyud las// bzlog pa'i le'u ste dgu pa'o// // de nas yang dag bshad bya ba// gsad pa'i las ni 'di la brtson// gru gsum nang du ling+ga dang // thod pa ru ni bca' bar bya// skyer mda' skyer gzhu stong pa dang // gdong zor nag po der bca' ste// de yi kha la 'char ka'i sku// khram dang rgyu zhags bskur ba la// glang chen gdong can kha nang du// ming dang rus bcas gzhug par bya// rabs chad thod par ra khrag dang // khram dang bcas te bca' bar bya// de yi nang du sog pa la// snying ga ru ni shar ri b+h+yo// ma ngoms su tsi ru snying b+h+yo// rkang mthil du snying b+h+yoH/ dmigs pa'i ling+ga bri bar bya// kong zor la sogs zor gyi rdzas// rnam pa bcu po bcu 'bar bya// ban+de bon pa zhang blon dang // mon pa'i sngags dang bcas pa bzlas// rtsa sngags las sngags bsang ba'i sngags// de ltar spel mar bzlas par bya// tshes grangs rtsibs la zor thun brdeg/ gsad pa'i 'khor lo tshon skud bcing // 'char ka'i lto bar mA ra ya// phur pas btab la sbyin sreg bya// tha mar mon pa dkrugs shing bzlas// kong zor khrag zor spug la brdeg/ gsad mdos gtor ma'i nang du bca'// khang sa zhing sa dur khrod sa// rA hu la yi gzugs bcas la// sbrul nag 'khyil bas bskor byas la// ling+ga dag dang bcas la 'phang // yan tra man tra spel zhing bzlas// sngags kyis bskul la 'phang bar bya// 'char ka thod pa chu mig mnan// de yis lha byin mA ra ya// 'char ka nag po'i zhal nas gsungs// chu thig sngon mo'i rgyud las/ gsad pa'i le'u ste bcu pa'o// // de nas yang dag bshad par bya// mnan pa dag la bsngags pa ni// gdong gcig ma dang me reg ma// sad kyis bsad pa'i puSh+pe dang // khyad par drug gi sngags kyis bskor// tsakra hri na hri ri nan/ a tri nan/ su tri nan/ tri du nan/ mA ra nan/ nang du kham sa'i gzugs dag ni// snying gar mnan pa'i 'khor lo gzhug/ tshon skud dag gis rab tu dkri// gru gsum nang du bcug pa la// 'char ka'i sku yis mnan la bzla// rtsa sngags bsang sngags spel ba la// tha mar ming dang mnan dang bcas// 'khor lo'i sngags mtha' nan dang bcas// bzlas pa bya zhing rdo rjes brdeg/ rdo rje rgya gram g.yam pa la// hrIHSh+T+r-iHbzlas shing brdeg par bya// gtor ma gtang zhing dmod bcol bya// sngags dang ma gshin bskul la gdab// mA ra dmigs pa'i rten de mnan// chu mig byang lha'i gsham du mnan// pho rgyud mnan na brag 'og mnan// mo rgyud yin na mtsho nang du// the brang rkang gcig shing gi drung // pha bong nag po'i klu la shis// gad pa'i 'og tu bsen mo mnan// pho sri dur sa dag tu mnan// btsan ni brag dmar thebs la mnan// rgyal po mchod rten 'og tu mnan// mnan pa gang rigs dmigs dang sbyar// gnon pa'i sa de gru gsum 'bru// de yi nang du thod pa la// de yi steng du sku gdung rten// de nas rten dang kun 'khor lo// rgya gram dag gis kha bcad de// dga' bo klu yang ldang mi srid// des ni kun ldan ma yang gnan// bskal pa rdzogs kyang khar mi dbyung // bka' las 'das na de bzhin no// chu thig sngon mo'i rgyud las// mnan pa'i le'u ste bcu gcig pa'o// / de nas yang dag bshad bya ba// bca' ba zor gyi man ngag ni// bra bo nas nag mi kha can// yang na dur khrod sa dag ni// dug dang khrag gis brdzis pa la// drag po'i kong bu zur gsum pa// brag nag mtshe dang yungs kar dang // dme khrag thigs pa re re la// yugs mo'i 'phang rtse drag po'i rtsang // sor bzhi pa re btsug la bzhag/ phur pa re dang yungs kar re// mar me re dang lha bshos re// sha sna re dang khrag sna re// rabs chad khang pa'i dud pa dang // chang nyes pa yi sbrang mar sbyar// gsum dang bdun dang bcu gsum mam// nyi shu rtsa gcig brgya rtsa gcig/ ji tsam ran pa'i tshod du sbyar// tshon skud sngon dmar 'ur rdo la// zhing lpags 'ur rdo'i mthil du bya// yugs sa'i skra yi 'dzag kyang bya// sngags pa dmar nag chas su zhugs// dus drug kho nar 'phang ba ni// rtsa ba'i sngags dang kong zor sngags// bcol zhing las la 'phang bar bya// dur khrod rdo la dug chus byug/ gdeng dang ldan pa'i rnal 'byor pas// gong dang mnyam par 'phang bar bya// skyer pa'i mda' la ltas ngan sgro// dme bo'i khrag gis byug par bya// sngags ni drag po'i sngags brdeg la// nyi ma'i 'od zer 'phang bar bya// bsnyen pa drag po bzlas la 'phang // sla nga'i nang du shod rdo blug/ ra yi sog pa g.yas ngos la// ling+ga bris te nang du gzhug/ nyung dkar nyung nag nang du'o// de la dmigs par ldan pa la// de la mu tra'i sbyor ba bya// bud med gcig gis slang nga 'khyer// sa sna 'brub khung ling+ga can// gang nas 'ong ba'i phyogs dang sbyar// g.yon skor bdun dang g.yab mo bdun// de nas de yi nang du blug/ ma gshin bskul zhing bro yang brdung // rol mo'i sgra dang bcas pas bya// gang la dmigs pa'i zor dang bcas// ba liM zhal dang ldan pa la// mar me lha bshos rtsang dang bcas// dar nag phrag par gzug pa dang // nyung dkar khrag dug sngags dang bcas// 'phang zhing bsil zhing 'khrab dang bcas// cang te'u brdung zhing rak+ta brlab// lha tshogs bskul zhing dar nag g.yab// gang dmigs de la 'phen par bya// ru tra'i gos ni mgo mjug bzlog/ ru tra'i shun breng brdab par bya// mA ra ya yi rak+ta gzug/ dam tshig nyams pa'i chad pa rtsi// oM pa la yi sgra lung bya// mu pa la yi nyams pa la// drag po gtor ma'i bzlog mdos 'dis// gang yang rung ba rlag par byed// rang bsrung ba yi mchog tu 'gyur// god kha 'dul na shin tu bsngags/ ra dang ga pa'i yang // gang yang rung ba'i thod par brub// rgya gram lam sner mnan la brub// de yi thog tu gtor ma brub// rgya gram 'bar ba'i them la gzhag/ des ni thams cad dbang du sdud// drag po'i zor gyi las kha 'di// gang la zhugs kyang brtson par byed// rA hu la yi las sbyor bya// gza' brtsi ba dang phyogs brtsis la// de nas dmigs pas 'phang bar bya/ chu thig sngon mo'i rgyud las 'phang ba zor gyi le'u ste bcu gnyis pa'o// // gzhan gyi sngags zor mnan pa ni// he ru ka yi ting 'dzin nam// yang na phyag na rdo rje bsgom// karma Na yi las kyang bya// dgra 'am yang na bgegs kyang rung // shog bu dag la ming rus bri// rtsa ba bsil ba'i thun gyis brab// ting nge 'dzin gyis dgug gzhug bya// gang na yod pa'i phyogs nas su// pha rol dam tshig nyams rtags su// phyar ba nag po phyogs su brdab// srid pa'i lha 'dre bslu ba'i phyir// mig brgya pa yi gos kyang gos// che ba'i nga rgyal bskyed pa'i phyir// zhing lpags dag kyang gon par bya// phyogs su thar sa med pa'i phyir// steng du rdo rje rgya gram bri// phyin chad lam par dgag pa'i phyir// lam yang mtho dang rgya gram bcad// gtan nas thar sa med pa'i phyir// rgya gram drug gi bar du gzhug/ rtsa sngags gdong zor sngags bcas brdeg/ spel mar zhag gsum gtor mar gdags// de 'og mnan pas las rnams 'grub// des ni dmigs pa gdon mi za// 'char ka nag po'i gong gnon yin// chu thig sngon mo'i rgyud las sngags zor mnan pa'i le'u ste bcu gsum pa'o// // de nas yang dag bshad bya ba// de nas rig sngags spo ba ni// drag po ro ras gru bzhi la// bcu dang gnyis su 'khor lo bkod// de 'og bshan pa bzhi yi sngags// phyogs dang rim pa de bzhin no// bar ma rtsa ba'i sngags dang ni// mA ra ya dang spel ma bri// tha ma bsad khung gru gsum par// ming rus bris la mtha' ma bskor// sha ri b+h+yo yi sngags mog la// ma rig pa gnyis bsdebs la bri// yig mgo gcig gi phyogs ma nor// g.yas g.yon bskor la tshon skud dkri// 'char ka'i snying gar gzhug par bya// 'char kha nag po'i sku la ni// dang po rin chen sna lngas byug/ de nas khrag dang dug gis byug/ mchod rten g.yas g.yon dmar po la// dbus ma'i mchod rten mthing nag go/ lag pa phur pa 'dril ba la// g.yas su rgya gram de 'og tu// thod sbram ling+ga gnan pa la// rgya gram steng du 'char ka'i sku// rtsa sngags bzlas la gnan pa bya// chu thig sngon mo'i rgyud las rig sngags zor spo ba'i le'u ste bcu bzhi pa'o// // de nas yang dag bshad bya ba// bsreg pa bya ba'i las la 'bad// zur drug 'khor lo gnam sgo can// tsher ma can gyi shing brtsegs la// bya rog 'ug pa khwa ta yi// tshang rtsi bsgrags la bud shing bya// rgyu ma'i thag pa'i skud pas dkri// kha la rtsang dang rgyu zhags bsnol// mar nag khrag dang sha dang tshil// rus pa zhun dang dug dang khrag/ nyung dkar nyung nag dag dang ldan// de yi rim pa de shes bya// ling+ga mang po gtubs pa dang // sbyin sreg ji tsam ran pa bya// de yi nang du 'chi bdag bskyed// mdun du rA hu la yang bskyed// sdig can me blang shan pas bsreg/ 'chi bdag bkug nas me la bstim// dang po bcom ldan 'das la 'bul// de nas 'char ka nyid la 'bul// phrin las rnam bzhi'i las dang sbyar// rtsa sngags dag dang spel la bzlas// tha ma tha mar bstab dang dbul// yang nas yang du dbul bar bya// 'char ga nyid kyi mdun du bya// dbang dang dgug pa'i sbyor ba bya// bskul dang drag sngags sbyor ba bya// bdun bdun re la ba li 'bul// yang nas yang du dbul bar bya// 'di ni drag po'i las dag gi/ sbyor 'debs yin pas dbang du 'gyur// 'byung po ma rungs staM b+ha ya// brgya'am lnga bcu'i sbyor ba bya// rdo nag bgegs kyi bla rdo la// rtsa ba'i sngags la mA ra ya// dang po gshin rje 'jam dpal bskul// de nas 'char ka bskul bar bya// sbyin sreg re la bskul ba re// bkug cing bstims la bsreg par bya// rtsi skya 'jag mar yi dwags gzugs// mkhar nag dkris la 'char kar gzhug/ gu gul dud pas bskor zhing bdug/ gang gnon de la bskor zhing bsreg/ rtsa ba'i sngags la las sngags btags// phur pa btab cing drag tu bskur// gtub la sbyin sreg bya ba'ang // brgya 'am lnga bcu'i tshad du bya// 'dis ni klu rnams gdug pa 'dul// dbang du bya ba'i las yin te// de ma thag tu 'grub par 'gyur// tha mar gso ba'i las dag bya// rtsi sku 'dzag ma'i sbyor ba de// yang na 'char ka'i 'og tu mnan// chu thig sngon ma'i rgyud las sbyin sreg gi le'u ste bco lnga pa'o// // yang ni bsad pa'i las dag ni// gcan gzan thod par ling+ga bcug/ rdo nag bla rdor gzhug par bya// phur pas btab pa'i sbyor ba bya// ban+de bon po zhang blon dang // mon pa nag po'i sbyor ba bya'o// de sngags rtsa sngags bsdeb pa dang // las sngags bsad dang thun sngags brdeg/ de yi mdos dang bcas pa bya// zur gsum dpal sngags dag dang ni// khram dang thod pa de bzhin no// yang na de yi sbyin sreg bya// kho na gcig pu bsngags pa ste// bdun bdun dag tu sbyor ba bya// drag po'i sngags dang sbyin sreg kyang // de ru dmigs la bzlas pa bya// rtags ni du ma gang byung yang // brtags la de yi las la sbyar// dang po 'jam dpal bstod pa bya// 'char kha 'khor bcas bstod pa dang // srog gi ra tsa bzhi po ni// tha ma mde'ur bskul ba'ang // de yang 'di la shes par bya// sngags kyang de bzhin bzlas par bya// be b+ha swa ta seng ge'i gdong // gsad dang sbyin sreg dus drug tu'ang // de yi nga rgyal bya ba yin// bsnyen dus 'jam dpal zhi ba la// lto bar 'char ka nag po yin// mjug ma khyab mjug rA hu la// de la lha srin sde brgyad 'khor// ma mo'i 'khor bcas bran dang g.yog/ chu thig sngon mo'i rgyud las gsad pa'i le'u ste bcu drug pa'o// // chu thig sngon mo'i rgyud dag las// mjug ma klu yi sbyor ba ni// khyab 'jug rA hu la dang sbyar// oM pa sha mi ki rA hu la du ru/ dza la ti mi kaM ti swA hA/ oM pa sha mi ki ku ru badz+ra lo ti ma ki sA hA/ rA hu la hUM dza/ 'char ka'i sngags dang bsdeb cing bcol// sha ru la nya rul khrag dang bcas// bse gab nang du sbyar la mchod// rgya mtsho'i gting gi klu yang 'khol// rA hu la dza pa ni hUM/ yang snying sngags la brtson par bya// dbab dang bcad pa thogs rdug med// bsad pa'i las dag smos ci dgos// bzlog pa'i las la shin tu bsngags// chu thig sngon mo'i rgyud las mjug ma klu'i le'u ste bcu bdun pa'o// // de nas skul tshig tu bstan pa ni// hUM ma 'gags lhun rdzogs grub pa'i gnas// stong gsum 'jig rten kun gyi bdag/ mtho ris ngan song kun gyi lam// 'char ka nag po gshegs su gsol// 'jig rten ma mo thams cad kyang // khyod kyi sku yi cha la brten// ma mo 'khor bcas gshegs su gsol// dregs pa bdud kyi tshogs bcas kyang // khyed kyi zhe sdang cha la brten// gshin rje 'khor bcas gshegs su gsol// gshin rje'i las mkhan thams cad kyang // khyod kyi nga rgyal cha la brten// srog bdag 'khor bcas gshegs su gsol// pha ni bdud la ma ni klu// klu bdud bsdebs pa'i mthu bo che// nag po chen po gshegs su gsol// gnam la gnas pa'i ma mo kun// 'jig rten steng gi phyogs nas las mdzod cig/ g.yas kyi phyogs nas ma mo bdun// g.yas kyi phyogs nas las mdzod cig/ g.yon gyi phyogs nas gshin rje bdun// g.yon gyi phyogs nas las mdzod cig/ dur khrod ro langs nag mo bdun// 'jig rten gnas pa'i srin mo bdun// bka' nyan mon pa nag po bdun// ban nag bon nag rdzu 'phrul can// zhang blon mon pa mthu bo che// gza' dang rgyu skar klu yi tshogs// na mo mkha' 'gro bran dang g.yog/ khyod kyi bka' nyan rdzu 'phrul can// ma rungs dbang sdud mthu bo che// dregs pa pho mo klu yi tshogs// rdzu 'phrul drag pos nyams pa 'dul// ma thogs myur bar gnas 'dir gshegs// bcol ba'i las rnams 'grub par mdzod// gang la mngag pa don ma chung // nyams pa 'dul ba'i dus la bab// chu thig sngon mo'i rgyud las bcol ba pho nya'i le'u ste bco brgyad pa'o// // sangs rgyas bstan pa srung ba dang // bdud dang mu stegs 'dul slad du// rgyud bshad phyi rabs rnal 'byor rnams// tshims par gyur cig gzhan ma spel// 'jam dpal nag po bzlog pa'i rgyud ces bya ba// 'chi bdag be ba sa ta'i rgyud ces kyang bya// 'char ka nag po bzlog pa'i rgyud ces kyang bya// rA hu la nag po rngam byed kyi rgyud ces bya'o// chu thig sngon mo rtsa ba'i rgyud rdzogs so// // @#// rgya gar skad du/ yak+Sha dra sa tri ma ra a ti tan+t+ra/ bod skad du/ gnod sbyin gdong gsum pa'i rgyud/ bcom ldan 'das 'jam dpal gshin rje'i gshed la