བོད་ཡིག

e-texts produced with BDRC’s OCR application

#// rgya gar skad du/ tri lo ka bi da ra tan+t+ra/ bod skad du/ 'jig rten gsum gyi shes pa bsgral ba'i rgyud/ bcom ldan 'das dpal kun tu bzang po la phyag 'tshal lo// 'di skad bdag gis zos pa'i dus gcig na/ bcom ldan 'das gsang ba gsum gyi bdag po gnyis su med pa'i thig le 'od zer kha dog sna tshogs pas 'khrigs pa// sku rdo rje phyogs bcu'i de bzhin gshegs pa'i sku rnam par dag pa'i bdag nyid/ pad+mo chen po las yongs su grub pa'i 'bras bu dang bcas pa'i gsung dri ma med pa'i rnam par dag pa'i rdo rje yongs su 'dzin pa/ ting nge 'dzin la mnga' brnyes pa'i thugs rang bzhin lhan cig yongs su grub pa'i yid bzhin gyi nor bu rin po che/ yon tan kun gyis brgyan pa'i rgyal po rmongs pas ldongs pa'i lam mkhan chen po// gti mug gi mun pa sel ba'i sgron ma/ shin tu sra ba'i brag 'joms pa'i rdo rje/ rgya mtsho chen po skam pa'i me chen po// rlung chen po zhi bar byed pa'i bdag nyid/ rang bzhin gyis 'od gsal ba kun la khyab par byed pa// gang la yang 'gag pa med pa'i phrin las kun tu 'dul bar byed pa/ sku gsung thugs kyi sa nyid do// mi srung bsrung ba med pa'i dam tshig chen po/ phyogs bcu dus gsum gyi chos ma lus pa'i bdag nyid/ 'jig rten khams na rdzu 'phrul rnam pa sna tshogs pa sprul pa'i mnga' bdag/ mi mthun pa'i phyogs thams cad yongs su 'dul bar mdzad pa'i rgyal po/ thabs dang thabs las byung ba yongs su smin par mdzad pa'i zhing sa/ stobs dang stobs kyis yongs su sgrol ba'i gru chen po// nyams pa thams cad skong ba'i mnga' bdag/ mtshan ma thams cad 'joms pa'i rdo rje med pa las zlog pa'i bdag nyid chen po/ yongs su grub cing rnam par dag pa la mnga' brnyes pa ni/ 'og min gyi gnas na sku dang gsung dang thugs gsang ba mchog gi gnas dkyil 'khor chen po yongs su grub pa'i btsun mo'i b+ha ga pho brang lhun gyis grub pa/ dur khrod kyi gzhal yas khang brtsegs ma pad+ma sna tshogs pas steng dang 'og tu brgyan pa/ dbyibs sna tshogs dang / kha dog sna tshogs dang / 'dod pa'i yon tan rnam pa lnga dang / rin po che rnam pa sna tshogs pa'i rgyan gyis 'khrigs pa/ ye nas rnam par dag pa'i rgyan/ dpe dang tshad las 'das pa'i sa/ phyi dang nang med par phyogs bcur 'khrigs shing / rnam par dag pas khums pa/ thog ma dang tha ma med par ye nas rang byung gi gnas na/ bye brag gi rnam pa can du bzhugs so// rgyal ba sangs rgyas rnal 'byor gyi dbang phyug chen po// mtshan dang dpe byad kyis brgyan pa/ nam mkha'i mtha' klas pa dang / rnal 'byor ma chen mo/ longs spyod yongs su rdzogs pa'i bdag nyid ma rnams dang / rnal 'byor chen po'i tha snyad thams cad dang ldan pa/ btsun mo yongs su grub pa'i bdag nyid dang / thams cad 'byung ba'i gzhi dang ldan pa dang / he ru ka rol pa'i tshogs/ dpe byad thams cad kyi ngo bo/ yongs su grub pa'i bdag nyid chen po dang / gzhan yang rkyen las sprul pa'i sras kyi tshogs/ grangs med cing brjod du med pa rnams dang / rigs pa las kyi med pa'i sras kyi tshogs rnams/ rnal 'byor ma'i tshogs rnams dang / thabs yongs su sgrub pa'i 'khor rnams kyang / bcom ldan 'das dang thabs cig tu mtshan ma la sogs pas snyems pa mi mnga' bar bzhugs pa ni/ nyung 'bru snum gyis gang ba bzhin du kun tu gang zhing khyab nas bzhugs so// nyid kyi btsun mo yang nyid kyi sku la dgyes pa'i tshul gyis 'khril te/ byang chub sems kyi ngo bor thams cad snyems pa mi mnga' bar 'du mdzad de// 'khor du 'dus pa'i tshogs de nyid la/ rnal 'byor gyi dbang phyug chen mo rdo rje chos rab dam pa dang / btsun mo grub pa mo dang / gnyis su med pa'i tshul gyis bcom ldan 'das kyi spyan snga na/ bran jo bo la bka' nod pa'i tshul du bzhugs so// de nas bcom ldan 'das gsang ba mchog gi bdag po des/ sems dang sems las byung ba'i chos thams cad ni/ thig le spros pa med pa bzhin du gzigs so// 'byung ba dang 'byung ba las gyur pa'i chos thams cad ni/ shel gyi mtshan nyid dri ma med pa ltar gzigs so// dus gsum gyis 'dus pa'i chos thams cad ni snang ba la sogs pa'i rang bzhin du gzigs so// srid pa gsum gyis bsdus pa'i chos thams cad ni/ yongs su grub pa la sogs par gzigs so// bsam gtan la sogs pa'i chos thams cad ni// thams cad 'byung ba'i chos su gzigs so// snyoms par 'jug pa'i chos thams cad ni// ting nge 'dzin gyi bye brag tu gzigs so// ting nge 'dzin gyi bye brag thams cad bden pa'i rnam pa can du gzigs so// sa'i khyad par la sogs pa'i chos thams cad ni/ stobs kyi khyad par can du gzigs so// ji ltar grag pa'i chos thams cad la bcom ldan 'das kyis rdzu 'phrul gyi spyan gyis gzigs so// kun la khyab par gzigs so// rnam par gzigs so// de bzhin du sngar 'das pa'i phyogs bcu dus bzhi'i rgyal ba sangs rgyas grangs med pa rnams kyis kyang gzigs so// rnam par gzigs so// de bzhin du phyis 'byon pa'i rgyal ba sangs rgyas grangs med pa rnams kyis kyang gzigs so// rnam par gzigs so// rnam par gzigs nas kyang brjod pa las 'das te/ don dam pa bcos pa ma yin pa'i ngang la bzhugs te/ chos thams cad kyi ngo bo nyid kyi rgyan thams cad rdzogs pa'i ting nge 'dzin la snyoms par zhugs so// de'i tshe 'khor ba'i chos thams cad bcos pa ma yin pa'i rgyan du rnam par gzigs la/ mya ngan las 'das pa'i chos thams cad ni yang dag pa'i ye shes stong pa chen por rnam par gzigs/ des nam mkha'i mtshan nyid tsam du 'di yin no bar yang bstan du yod pa ma yin no// de nas yum kun tu bzang mos/ bcom ldan 'das gsang ba mchog gi bdag po/ dgongs pa chos nyid la chos kyi dbyings la mnal nas bzhugs pa la glu 'dis bskul lo// e ma/ ye nas ma bcos bde chen klong yangs ni// rgyal ba rnams kyi dgongs pa dam pa'i dbyings// ye nas ma bcos rang bzhin dbyings nyid nas// snyoms pa'i thig le 'byung bar mi dmigs kyang // thabs la mkhas pas sku yi khyad par ni// dbyibs dang kha dog bdag la bstan du gsol// ma bcos pa nas bdag gis bskul ba yis// 'od zer sna tshogs bdag la bstan gsol// ngo bo nyid las sems can don du bskul// brjod med sku mchog bdag la bstan du gsol// ye nas rnam dag nam mkha'i rang bzhin la// khyab pa'i thugs rje chen pos dgongs su gsol// ho zhes bskul bas gsang ba mchog gi bdag po des bskul bar mkhyen nas/ 'khor ba dang mya ngan las 'das pa'i chos thams cad/ mtshan nyid dang bral ba'i ting nge 'dzin la snyoms par zhugs so// de'i tshe chos thams cad 'od zer ldan pa'i bdag nyid du gnas so// de nas yang yum gos dkar mos glu 'dis bskul lo// e ma ho// kun la khyab pa'i snying rje yongs la khyab// ma bcos dbyings nas g.yo ba smon lam dbang // ji ltar gnas pa sku yi bye brag tu// bde chen khyad par bdag la bstan du gsol/ ho// zhes bskul bar mkhyen nas/ bde ba chen po'i ngang las smon lam gyi dbang gis/ rtag pa'i cho 'phrul rnam par ston te/ zla ba nya gang ba lta bur mngon du phyung ngo // de tshe chos thams cad brjod pa dang bral ba'i ngang du gsal bar snang ngo // de nas yang yum ma mA kIs glu 'dis bskul lo// e ma ho// cir yang gsal ba'i sku mchog ma bsgribs gsal// ye nas dag la rtog pa'i yul dang bral// de rtags gsal zhing rnam par dag pa'i sku// yongs su rdzogs pa'i sku mchog bstan du gsol// hoHbskul bar mkhyen nas/ so so'i sku'i bye brag tu rnam par gsal bar gyur to// de'i tshe chos thams cad dri ma dang bral ba'i ngang du gsal lo// de nas yang yum dam tshig sgrol mas glu 'dis bskul lo// e ma ho// ma bsgribs gsal zhing dri ma rnams dang bral// yongs su rdzogs pa'i sku ni sna tshogs 'byin// sems kyi de nyid ma 'gags gsal ba'i 'od// so so'i lam rnams bdag la bstan du gsol// hoHbskul bar mkhyen nas// so so'i sku'i bye brag tu gsal bar mdzad do// de nas yum sangs rgyas spyan gyis rnam par mdzes pa'i spyan gyis mi g.yo bar gzigs te/ rmad du byung ba'i mchod pa sna tshogs pas mchod de/ glu 'dis bskul lo// a ho haM i mang gu a rA ga mi hUM tha ha tha/ zhes rnam par bskul bas/ rol pa'i sku tshul rnam pa bzhi dang ldan zhing ye shes kyi rang bzhin sangs rgyas yab yum sras dang bcas pa gzigs pas gzigs par gyur to// de nas yang oM AHhUM zhes brjod pas/ 'khor ji snyed pa thams cad nyid kyi sku la bsdu bar mdzad do// de nas yang yum kun tu bzang mos glu 'dis bskul lo// e ma ho// ye nas rnam par dag pa'i dbyings// ye shes chen po'i ngang nyid can// 'od dang bcas pa'i gzhal yas su// bdud rtsi ga pur gnas par mdzod/ hoHbskul bar mkhyen nas/ rol pa chen po'i ting nge 'dzin la gnas par gyur to// de'i tshe chos thams cad rol pa chen po'i ting nge 'dzin la gnas par gyur to// de nas rol pa'i bdag nyid mas glu 'dis bskul lo// e ma ho// skyon gyis ma gos pad+ma rA ga'i mdog/ thams cad rgyan gyis ma lus yongs su brgyan// bsrung med bde ba chen po'i byang chub sems// ye nas rnam dag chu bo'i rgyun bzhin 'bab/ hoHthams cad dri ma dang bral ba'i ting nge 'dzin la gnas par gyur to// de'i tshe chos thams cad dri ma med pa'i rang bzhin du gsal bar gyur to// de nas yang rab tu mdzes mas glu 'dis bskul lo// e ma ho// rab tu gsang ba'i byang chub sems// kun gyi bdag nyid kun gyi dngos// rab tu brtag dka' kun gyi rgyu// kun gyi 'byung gnas chen po yin// hoHbyang chub sems kyi ting nge 'dzin la gnas par gyur to// de'i tshe chos thams cad byang chub sems kyi rol pa chen por gyur to// de nas yang yum gyis byang chub sems kyi glu 'dis bskul lo// e ma ho// gsang ba rol pa dur khrod gnas// rol par mkha' 'gro thams cad bzhugs pa'i gnas// ma bcos lhun gyis grub pa'i gzhal yas khang // de 'dra bcom ldan bde chen chags pa'i gnas/ hoHbde ba chen po rol pa la chags pa'i rang bzhin can du gyur to// thabs dang shes rab gnyis su med pa las gsang ba 'di gsungs so// e ma ho gsang ba'i bdag nyid can// e ma sngags kyi bdag po can// e ma rig pa'i bdag nyid can// e ma ho gzung ba'i bdag nyid can// brtag par bya ba'i phyag rgya can// dus gsum sangs rgyas kun gyi thugs// snod bcud kun gyi bdag po yin// 'od zer sna tshogs 'byung ba'i gzhi// thig le spros med byang chub sems// dus gsum sangs rgyas gshegs pa'i sa// sems can nyon mongs sel ba'i sman// dug lnga sel ba'i rtsi/ mchog yin// ma rig mun sel sgron me'i mchog/ de nyid bde ba chen po ste/ rang rig lta ba shes bya mchog/ spros med byang chub sems nyid de// yongs rdzogs bde ba chen po 'grub// ces gsungs so// rten gyi dkyil 'khor 'di byung ngo // e skyong ba med pa'i ting nge 'dzin 'di byung ngo // yaM smin par byed pa'i ting nge 'dzin 'di byung ngo // raM sdud par byed pa'i ting nge 'dzin 'di byung ngo // baM gnas par byed pa'i ting nge 'dzin 'di byung ngo // suM dag par byed pa'i ting nge 'dzin 'di byung ngo // haM spro bar byed pa'i ting nge 'dzin 'di phyung ngo // phaT shin tu spros pa'i glu 'di gsungs so// e ma ho sangs rgyas thams cad kyi// gsang ba gsum gyi don las byung // bde mchog gsang ba gsum gyi gnas// rdo rje 'khor lo rin chen rgyan// pad+ma ral gri zla ba'i rgyan// nyi ma'i 'od zer kha dog mdzes// mchog gi gnas la mchog gi rgyan// bla re 'od zer lnga yis 'khrigs// rgyal mtshan bzhi yis rab tu mdzes// 'bar ba'i 'phan gyis phyogs bcur 'khrigs// rab tu zlum pa'i dkyil 'khor la// sgo drug dag gis rab tu brgyan// gdod nas dag pa'i 'khor los 'khrigs// rnam dag rgyan ni mdzes pas brgyan// 'byung 'jug gnas pa kun gyi zhal// dus gsum bde gshegs sras bcas gnas// zhes gsungs so// chos thams cad 'od rnam par gsal ba zhes bya ba la gnas par gyur to// ched du brjod pa'i glu 'di gsungs so// hUM nga ni bcom ldan ye shes mchog/ dus gsum sangs rgyas kun gyi yab// khams gsum kun gyi 'byung gnas gtso// bde bar gshegs pa'i gshegs shul gnas// shin tu gnas pa'i ting 'dzin can// brjod bral brjod med de nyid gsungs// thabs dang shes rab las byung 'od// gnyis med byang chub sems kyis bzhugs// hUM a haM/ zhes brjod de pho brang chen po'i dbus su bzhugs so// 'jig rten gsum gyi shes pa bsgral ba'i rgyud las/ mi rgya chen po'i gleng gzhi'i le'u ste dang po'o// // de nas bcom ldan 'das dpal rdo rje sems dpas dpal kun tu bzang po la 'di skad ces gsol to// e ma ho// bcom ldan gsang ba'i bdag nyid che// khams gsum kun gyi gnyen gcig po// nyon mongs dra ba lnga gcod bdag/ ye shes lnga yi nga tshul can// 'od zer lnga yis rab tu 'khrigs// 'khor ba dang ni mya ngan 'das// thams cad kun la khyab chen po// nyon mongs lha rnams sbyong ba dang // bgrod pa'i lam la brten pa'i phyir// rgyud chen drug dang dkyil 'khor drug/ nyon mongs gcod pa'i ral gri ste// dngos grub thams cad 'byung ba dang // 'di lta'i dkyil 'khor dam par gnas// bde gshegs bcom ldan thugs la gnas// khyod kyi ngo mtshar rdzu 'phrul can// gsang ba sbas pa'i thabs rnams 'chang // ji ltar ji ltar phan pa'i sems// rab tu gdung ba'i sems 'chang zhing // rnal 'byor rnams la thugs brtse'i phyir// bdag cag 'khor bcas zhu bar 'tshal// zhes gsol pas/ bcom ldan 'das dpal kun tu bzang pos bka' stsal pa/ thabs dang bcas pa'i dngos grub mchog/ bde gshegs rjes 'brang slob dpon rnams// de yi mtshan nyid bshad par bya// phyi nang rnam rtog mi skye zhing // rgyud dang mdo sde dag la mkhas// thabs mkhas ting 'dzin drod tshad brtson// sde snod gsum la ma rmongs dang // rtog bcas the tshom thams cad sel// gsang ba sbas pa'i thabs rnams mkhyen// dad pa rnams la skyo dub med// gsang ba'i sde snod drug rnams kun// rtog bcas snod ngan rnams mi ster// gsang ba'i chos rnams sems la 'chang // 'bad pa stobs kyis man ngag tshol// rtsa bar bcas pa srung byed pa// khrag 'thung rgyal po'i slob dpon yin// sku gsung thugs kyi dam tshig rnams// shin tu 'dul ba chen po ste// 'di las 'da' bar mi byed dang // yan lag dam tshig dang du len// spyod pa'i bye brag thabs yin pas// mi spang mi 'dor 'bang bsrung la// mdog dkar gzugs rags stobs dang ldan// ga pur dri 'chang ri mo 'chang // rtag par sems can don la dga'// sems can sgrol ba'i thabs la mkhas// skad gdangs dung sgra yod pa ni// bcom ldan khrag 'thung he ru ka'i// slob dpon bya bar shis pa'o// phyi nang chos la ma rmongs mkhyen// khyad par shes pa phun sum tshogs// rig pa'i gnas mchog ma 'gags shes// chos spyod bcu rnams ma 'gags spyod// slob dpon 'khur zhing mched la gdung // sems can ci dga' spyod pa byed// thabs kyi bye brag rnams la mkhas// gcig gam thams cad mtshan nyid kyi// don mthong dge ba tha dag yod// gshin rje'i gshed po'i slob dpon yin// thabs kyi thabs rnams khyad par ston// rtag par zlos shing phreng du dga'// snying po sngags la dad mos che// blo gsal rig pa khyad par yod// spyod lam rnam bzhi seng ger spyod// glu gar rol mo rnams la dga'// mchod pa'i bye brag thabs mchog mkhas// lung bstan bka' bzhin byed cing gso// spun la dung zhing sems can sdud// pad+ma dbang chen slob dpon yin// phyi nang gsang ba'i dbang thob cing // sngags rnams ma 'dres so sor mkhyen// shes rab gsal zhing brtson 'grus che// phyi nang rgyud shes cho ga skong // thabs kyi spyod pa sna tshogs la// gang dang gang la ma rmongs shes// las kyi bye brag thams cad la// lhag chad med par thabs mkhas shes// gsang ba mchog gi thabs rnams sbed// che mchog he ru ka yi slob dpon yin// thos brtson yon tan kun gyis brgyan// mdo sde 'dul ba mngon pa gsum// de yi thabs kyis thams cad 'dul// de yi spyod pa ma 'gags med// byams dang snying rjes gang 'dul ba// rjes su mthun pa'i thabs mchog gis// ji lta ji ltar 'dul mdzad cing // thabs mkhas dang ldan ting 'dzin gsal// gnyis med blo ldan brtul zhugs che// mngon rdzogs rgyal po'i slob dpon yin// de nas slob ma'i mtshan nyid bstan// lus mdzes rtag tu ngag snyan smra// mgrin bde dad ldan slob dpon 'khur// 'khor lo'i las mkhas spun la gdung // bden pa'i tshig smra sgyur mi btub// mang po thos brtson ston mi nus// pad dkar zhes bya'i gang zag de// he ru ka yi slob mar bzung // thabs dang stobs kyi rtsal 'chang zhing // rin chen sna tshogs sbyin par gtong // spyod yangs lhun sdug ngag snyan bde// ji ltar ji lha'i spyod pa yis// de lta de ltar slob dpon 'khur// bla ma shes rab dgos 'dod skong // nga bdag skyon spangs dad brtson che// dam tshig dag cing shes rab ldan// rgyud thos legs par ston pa ni// gshin rje'i gshed po'i slob ma yin// dge bcu rtag spyod mi dge spang // bde 'jam khro ba'i sems mi 'byung // glu gar rol mo sna tshogs ston// mdog mdzes tsan dan dri ngad ldan// stod smad phyed cing rkang pa phra// yan lag bde 'jam 'bar 'bur med// skra mtho sen mo zangs 'dra dmar// sbyor ba'i yan lag thabs la mkhas// dad ldan zos brtson snying rje che// pad+ma zhes bya'i gang zag ste// pad+ma dbang chen slob mar bzung // dpa' zhing snying stobs shin tu che// phyi nang 'dul ba'i chos la mkhas// lhun sdug phrin las dag la mkhas// dgongs pa nyams len mu stegs bzlog/ lta log sun 'byin yang dag 'god// bde ba'i lam ston thabs la mkhas// bzo mkhas rig gsal bla ma skong // 'dzin la mkhas shing brjed 'gyur pa// ut+pal zhes bya'i gang zag de// che mchog he ru'i slob ma yin// rtsa ba dang ni yan lag gi/ dam tshig ma nyams das thub bsrung // shes rab che zhing dad pa dpa'// ston pa'i bka' lung dag la mos// slob dpon 'khur zhing spun la gdung // nyon mongs snying rje snying rje che// spyod bzo lus la ga pur dri// zos med nga rgyal mang du smra// rjes su bzung ba'i don med pa// tsan+dan zhes bya'i gang zag de// khrag 'thung rol pa'i slob mar bzung // gong gi yan lag kun tshang zhing // rgyal po sde bcas kun gyis bstod// mu stegs sde bas bsngags pa brjod// sde ba bzhi yis spyi bor 'khur// dkyil 'khor tha dag las la mkhas// gsang drug sbas gab man ngag thub// slob dpon 'khur zhing spyod pa yangs// mngon rdzogs rgyal po'i slob mar gzung // gnas kyi mtshan nyid bstan pa ni// spang blang gnyis su shes par bya// rgyud gzhan dag dang mthun pa rung // dang du blang ba'i gnas rnams su// bsgrub na dngos grub ya mtshan thob// slob dpon slob bu'i mtshan nyid dang gnas kyi mtshan nyid bstan pa'i le'u ste gnyis pa'o// // de nas dpal rdo rje sems dpas/ bcom ldan 'das dpal kun tu bzang po la bskor ba byas nas/ mchod pa sna tshogs pa phul te/ kye ma gsang bdag kun tu bzang // rnal 'byor gdug pa 'dul ba la// 'di yi las dang don ched du// dkyil 'khor dam pa mi 'tshal lam// 'jigs byed chen pos lung bstan gsol// bcom ldan 'das kyis bka' stsal pa// rnal 'byor las dang don ched du// rdo rje sems dpas zhus pa legs// don rnams bde bar ngas bshad kyi// ma yengs dag pa'i sems kyis nyon// ye shes rang snang dkyil 'khor la// nam mkha'i dbyings kyi dbus gnas par// rang snang dkyil 'khor gsal bar bsgom// ye shes rol pa'i tshogs chen kun// thugs dam dbang gis rang bzhin byon pa rnams// rnam dag ngang gi bde ba dam par bzhengs// gsang ba'i rang bzhin thabs dang shes rab ste// ngo bo nyid dag ngang gis rang bzhin med// bdag dang tshogs bcas ma lus de bzhin te// ye shes tshogs chen rdzogs pa'i rang bzhin te// de thob 'bras bu mthar phyin sa la gnas pa'o// nyi ma'i dkyil 'khor dbus su bsam// bdag nyid ye shes bde bas gang ba dang // gzas pa gshed ma'i tshogs kyis gang ba gnyis// sngags kyi dug mda' khong du 'phang ba dang // rang gi gshed mas srog la dbab pa dang // rang gi sngags bcad dmod pa'i yi ge ste// drag po'i dus su gsal ba'i yi ger bcas// mkhas pas spyi dang man ngag gzhug par bya ba yin// tha mar bskul dang bcas pa'i snying po ste// gtan bcas bsgrub par bya ba'i phyir na ni// brgya rtsa brgyad dang stong bzlas par bya'o// 'bum mam khri ru bzlas par bya'o// gnas yul gnyis dang srin mo dbang phyug tshogs// kun gyi gsod pa'i drag sngags 'di yin te// shwa na bzhi dang bse mo re ma ti// 'khor lo chen mo bzhi ru gnas pa la// dkyil du ma bkod g.yas su ya// g.yon du ra bkod dbus su phaT// 'og tu nr-i bkod g.yas su dza// g.yon du b+h+yo bkod steng 'og rbad kyang dgod// de yis las rnams 'grub par ngas lung bstan// dang por kI la ya ste 'bru dgu ni// 'bum phrag drug tu bzlas par bya'o// nyi khri gsum ste drug yin no// oM badz+ra kI li kI la ya hUM phaT/ don dam snying po yongs su grub pa'i tshe// bzlas dang ma bzlas tshig gi tha snyad yin// de nas rang byung bzlas pa chen po ni// ngo bo nyid kyi sngags kyi rang bzhin no// de 'dra'i bzlas pa don gyi snying po ni// ma bcos rang byung snying po'i sngags yin te// zab mo'i bzlas pa yin zhes rgya ru bstan// rang bzhin lhan cig skyes pa'i rang bzhin las// mA ra ya yi bzlas pa bya ba ste// bzlas pa mthar phyin bya// 'di 'dra'i bzlas pa ye shes mchog tu 'phags// gsang ba'i bzlas pa zhes ni rgya ru bstan// dngas ma 'dus pa'i ngo bo las// 'od 'bar ye shes rab bskul bas// khrag gi dmig bu mgo dgu dag tu gsal// dbus ni mgo ni dbus kyi srog rtsa 'dzin// rtsa brgyad nang nas mgo brgyad zhugs nas ni// yul brgyad gnas brgyad dag la stob par byed// nyi ma'i snying po bzhin du 'tsher zhing gsal// brjod pa kun las 'das pa'i snying po yin// steng sgor 'bar bas dmig bu bcu drug 'gyur// de steng dmig bu sum cu rtsa gnyis so// 'og tu 'dzag pas drug cu rtsa bzhi ste// de yi 'og tu dmig bu lnga ru 'gyur// dang po gnas pa'i sa bon las// phreng ba oM dang phaT la gtug/ spro ba ma nas phaT la gtug/ bskul ba ma nas b+h+yo la gtug/ mtshon cha ma nas rbad la gtug/ 'gugs pa ma nas dza la gtug/ mnan pa ma nas nan la gtug/ rbad nan zhes ni gzir bar bya// dril ba ma nas phrol la gtug/ dbab pa ma nas hril dang shar dang phab la gtug/ tsha ba ma nas raM la gtug/ hril dang shar dang phab kyi mtha' ru las rnams dbye bzhi// de yi rten byas dam pa'i byang chub sems// ye shes lnga gsal don dam dbyings nas bskyod// rten 'brel gnas lugs gsang ba'i gnas byin rlobs// sa dbus dmigs dang bcas pas snying po len// phra ba'i mtshan ma lnga yang shugs kyis 'byung // bzlas pa mthar phyin 'bras bu chen po yin// rang gi bzlas pa yin zhes rgya ru bstan// rnal 'byor dam pa rnams kyis bzlas 'di bya// gang la btab kyang snying po len par nges// gal te bzlas pa 'di dang bral ba ni// dus min tshel bar chad byas nas ni// 'bras bu ngan song gsum du lhung bar nges// bzlas pa 'di la gnas pa'i rnal 'byor dam pa ni// tshe ring nad med phun sum tshogs pa dang // lus ma bor ba nyid nas byang chub sems dpa'i sa// sangs rgyas nyid kyi sa la gnas pa yin// dgyes pa chen po'i mchod pa rtag tu 'bul// thams cad bdud rtsi lnga las rab tu grub// rdo rje gzhon nu 'khor lo rgyas 'debs gnyis// ye shes chu zla'i dkyil 'khor dam pa bsgom// rtsa ba'i lha yab yum dang / ke'u srid yan chad kyi phrin las so// rtsa ba'i rang bzhin yang dag gsungs// rtsa ba'i lha yi bye brag rnams// ji ltar sngags kyi mtshan nyid gsungs// srung ma rnam gsum las rnams kun// 'di las bsad pa ji ltar lags// bcom ldan bdag la bka' drin gsungs// bcom ldan 'das kyis bka' stsal pa// rdo rje nges pa khyed kyis ni// dregs pa can dag bsgral don du// zhu ba'i rnam pa legs so legs// nga yi bstan pa bsrung don du// rnam gsum 'khor lo bshad bya ba// ma yeng yid la brten par gyis// dngas ma 'dus pa'i ngo bo las// 'od 'bar ye shes rab bskul bas// khrag gi dmig pa mgo dgu dag tu gsal// spro bsdu'i dmigs pa gong bzhin shes par bya'o// dbus su ma dang g.yas par ya// g.yon par ta te dbus su phaT// gong bzhin kun la bsgom par bya// ye nas gnang dang mi gnang med// shwa na bzhi dang lha mo bzhi// sa bdag mched bzhi la sogs kun// rtag dang chad pa yod med dang // brjod dang bral bsam yul las 'das// rang bzhin gnas pa'i snying po de// len pa phyi na ma rags dang // de 'dra'i don chen ma mthong ste// nyon mongs lnga yi dri mar gso// de lan phyir na 'khor lo sbyar// deng gdeng na phyir ye shes kyi// bye brag rnam gsum gsungs pa yin// de la dbang bsgyur khyad par du// thabs mchog dam pa'i rang bzhin gyis// gnas nas dbang byas de mthong tshe// rang gi ye shes len zhes bya// sku gsung thugs kyi rgya ru bstan// phyi nang gsang ba de shes bya// gsang chen dang ni yang gsang gter// de dag rim par shes par bya// ye shes mchog gyur dam pa la// rang gi rang bzhin de bzhin te// bden pa'i snying po rang bzhin las// yang dag don du mkhas pas brtag/ gsung ba'i rgya ru 'di lung bstan// rdo rje phur pa'i le'u ste gsum pa'o// // de nas ston pa kun bzang la// rdo rje chos kyis 'di skad zhus// e ma ho// thams cad dag mchog khyad par can// don rnams ma lus gsungs lags na// 'di don 'jug 'tshal rnal 'byor te// dug lnga dug gsum dbang gis na// zhe sdang don rnams bstan lags na// nga rgyal bsgral ba ji ltar lags// bcom ldan bdag la bka' drin gsungs// 'jam dpal gshed po khyod kyis ni// dug lnga bsgral don zhu ba legs// so so'i bye brag khyod la bstan// nga rgyal dug gis khengs pa rnams// spangs nas bsgral don rnyed pa min// rab tu bcings na gnas ngan len// skyon rnams rnam par 'phel bar 'gyur// yongs su khengs pa'i nga rgyal de// nga'o snyam pa'i sems 'chang zhing // gzhan las lhag pa'i stobs 'chang zhing // de yis log pa'i lam gnas te// spangs pa'i bden pa'i tshig mi rnyed// spyad pas gsang ba'i sngags don dang // sbas pa'i don nyid ma bcings pas// gab pa'i mchog de rnyed 'gyur ro// gzhan la nga rgyal dbang bsgyur pas// zhen pa'i tshig gis gzhan don 'gegs// de yi 'bras bu log par rnyed// de yi bden pa'i tshig mi 'byung // spang pas mu stegs lam du 'gro// spyad pas nga rgyal chen po yi// don la ma lus de gnas tshe// rtog med bde ba'i lam gnas shing // ye shes chen po de gnas 'gyur// dag pa'i snod chen zab mo'i nang // zla ba'i dkyil 'khor mtha' ru ni// mthar byed lnga dang khro bo bcu// yab yum gnyis med bde bas gsal// nam gru nag mo'i tshogs bcas kun// rang rang rgyud ltar gsal bsgom ste// mA ra ya phaT yi ge ni// dbus su mA dang g.yas su ya// g.yon par ra ste g.yas su phaT// 'og ma nr-i bkod g.yas su dza// g.yon du b+h+yo bkod steng du rbad kyang bkod// de yis las rnams 'grub par ngas lung bstan// dang por a kro 'bru bdun ni// 'bum phrag bdun du bzlas par bya// nyi khri gsum ste drug yin no// oM a kro te ka hUM phaT// bsreg pa'i sa bon mthar bzhag la// byang chub sems chung dam par 'gyur// stong dang len pa'i ting 'dzin gyis// mnyam pa nyid kyi ye shes gsal// ma las gyur pa'i bdag po de// pad+ma rA ga'i mdog 'dra bar// de bzhin gshegs pa'i dam tshig gis// 'od 'bar ye shes rab bskul bas// lcags kyi sdig pa mgo dgur gyur// rtsa brgyad nang nas mgur du zhugs// rnam shes brgyad kyi bcud rnams len// dbus kyi mgo ni dbus kyi srog rtsa 'dzin// steng du 'phros pas bcu bdun te// de steng sum cu rtsa gsum mo// 'og tu 'phros pas drug cu rtsa bzhi ste// dbus ma dang ni drug cu lnga// gsang bar 'phros pas lnga ru gyur// bcud kyi dngas ma dri ma med// rin chen rigs kyi dam tshig ste// mnyam nyid ye shes ngo bo nyid// grub pas de yi ngo bo 'od du gnas// zos pas de nyid las byung ste// me tog dang bcas yi ge zad// log rtog can gyi shes pa len// 'jam dpal rtsa ba'i rgya ru bstan// de nas yang 'jam dpal gshed pos 'di skad gsol lo// rgyu 'bras ngo bor zhugs pa ni// gsang sngags bdag po khyod lags na// dkyil 'khor nyams su len byed pa'i// rnal 'byor dam pa gang dag gis// ting 'dzin ngang la mi gnas tshe// de tshe bzlas pa mi gnas sam// rdul tshon dkyil 'khor brnyan ma ste// gsang ba'i dkyil 'khor de ma lags// rdzas kyi 'khor lo ma lags te// 'khor lo chen po bsgrub pa las// gsang rgyud ji snyed 'byung gyur pa'i// bzlas pa'i gsang sngags ji ltar lags// bzlas pa'i thabs rnams ji ltar lags// de yi 'bras bu ji ltar 'byung // yang dag rdzogs kyis bka' stsol cig/ 'jam dpal gshed po khyod kyis ni// rnal 'byor las dang don ched du// sngags don zhu ba rab tu legs// sngags dang bzlas thabs 'bras bu kun// gsang bar bshad kyis gus pas nyon// dang po a kro 'bru bdun ni// sku gsung thugs kyi bzlas pa ste// 'byung dang sdud dang gnas pa nyid// gsang ba gsum po len pa yin// ma ni rang dbang byed pa ste// ru lu srog gi snying por gsung // rbad ni bsad pa'i sngags yin te// bruM ril gzir ba'i sngags su bstan// ma ra ya zhes bya ba ni// gong bzhin kun la shes par bya// dbang snying kun la gsal byas la// thugs kyi snying po gnas la zhugs// gnas pa'i ngo bo gsal la 'tsher// 'bras bu mA ra ya yi len// yang dag rig 'dzin 'bras bu 'bar ba ste// yon tan snying po dam pa len// gsang ba thugs kyi bzlas pa ste// 'phro 'du 'byung ba'i gnas mchog gis// thugs kyi 'bras bu len par byed// gshin rje gshed po'i rgya ru bstan// 'jam dpal gshin rje'i le'u ste bzhi pa'o// // de nas pad+ma sems dpa' yis// bcom ldan 'das la 'di skad zhus// kye ma gsang ba'i sngags kyi bdag/ phyogs bcu dus bzhi rdzogs pa yi// ye shes gsang ba'i rang bzhin las// ngo bo nyid las 'bras bur 'byung // dbang chen gsang sngags gang lags pa// bcom ldan 'das kyis lung bstan gsol// de nas kun tu bzang pos bka' stsal pa// oM las byung ba'i snying po de// ma 'ongs don du zhu ba legs// nga yis khyod la bshad par bya// lus ngag yid gsum gus par nyon// 'dod la chags pa'i rang bzhin gyis// mtshan ma'i dbang la 'chel nas ni// de yis 'bras bu rlag par byed// spangs pas don rnams rnyed pa min// rab tu bcings nas gnas ngan len// skyon rnams rnam par 'phel bar 'gyur// yongs su dag pa'i 'dod chags te// spyad pas 'bras bu chen po thob// spangs pas bden pa'i tshig mi 'gyur// spangs pas mu stegs lam du 'gro// me tog dang bcas yi ge oM// ha ya gri ba hUM drug/ yi ge bdun pa rtsa ba yin// grub pa de yi 'od du gnas// tha ska ni dang tha to la// dam pa'i chos las 'byung ba yi// so sor rtog pa'i ye shes te// pad+ma rigs kyi dam tshig go/ yongs rdzogs ngo bo las byung ba// de tshe rgyu nyid 'bras bu yin// zla ba'i dkyil 'khor dang bcas pas// 'phro 'dur gyur pa'i dngas ma dang // le brgan lta bur gyur pa ste// mA ra ya yi ting 'dzin gyis// khrag gi sbal pa mgo dgur gyur// rtsa brgyad nang nas mgo brgyad zhugs// dbus kyi mgo ni dbus kyi srog rtsa 'dzin// gnas yul bcu drug spyang mo bcu drug ste// steng du 'phros pas spyang mo bcu bdun te// de steng 'phros pas sum cu gsum// 'og tu 'phros pas drug cu rtsa lnga ste// gsang ba la ni lnga yin no// ye shes tshogs kyis gang ba dang // sbal pa'i tshogs kyis gang ba gnyis// sreg srung las 'grub mchog gi las// bsam ldan gnyis kyis de 'grub bo// 'khor ba'i bag chags rtog bcas thun// gnas ngan len pa thams cad kun// gdod nas sangs rgyas nyid gnas pas// dag dang ma dag gnyis med de// rang bzhin rmongs la gsang bas na// skal ba can dag gsang ba nyid gsal ba// nyon mongs lnga dag gnas ngan len// pad+ma'i gsang rgyud thams cad du// mA ra ya yi de nyid 'di// thams cad kun la 'di bzhin brtag/ bden pa'i snying po rang bzhin pas// khyab pa'i ye shes chen po des// lha yi gnas su bsgom par bya// pad+ma'i rgya ru ngas lung bstan// pad+ma dbang chen gyi le'u ste lnga pa'o// // de nas karma he ru kas/ bcom ldan 'das la 'di skad zhus// kye bde gshegs bcom ldan 'das// dug lngas shin tu gzir ba rnams// so so'i bye brag bstan lags na// phrag dog dbang gyur sems can rnams// 'di la nan tan ji ltar sgrol// bcom ldan 'das kyis lung bstan gsol// phrag dog sems can don phyir du// khyod kyis zhus pa rab tu legs// nga yis bshad kyis gus par nyon// dngos la gnas shing tshor med pas// de yi 'bras bu len pa med// log pa'i sems can phrag dog de// spangs pas 'bras bu 'byung mi 'gyur// spyad pas chos nyid don gsal 'gyur// phrag dog can gyi sems can de// nga'o snyam pa'i sems 'chang zhing // gzhan pas lhag pa'i stobs snyems pa// de yis log pa'i lam bstan te// spangs pas bden pa'i tshig mi rnyed// spyad pas gsang ba'i gsang don dang // sbas pa'i don nyid ma bcings pas// gab pa'i mchog nyid des rnyed 'gyur// gzhan la phrag dog dbang bsgyur nas// zhen pa'i tshig gis gzhan don 'gegs// de yi 'bras bu log snyed kyi// de las bden pa'i tshig mi 'byung // spangs pas mu stegs lam du 'gro// spyad pas phrag dog chen po yis// don la ma lus de gnas te// rtog med bde ba'i lam la gnas// ye shes chen por de gnas 'gyur// de yi don nyid bshad bya ba// rtsa ba brgyad ni snying po'i mchog/ oM ru lu ru lu hUM b+h+yo hUM// 'khor ba rnam grol byang chub sems// 'di ltar snang ba'i chos nyid ni// ye nas rang gi rang bzhin dag/ ngo bo nyid kyis ma skyes pas// gzugs dang sgra la sogs pa la// rab tu brtag gsal dngos med bsgom// dang po nyid bsgrub byang chub sems// de rtags don rab gnyis su gsal// mtshan dang dpe yi rnam grol shes// nyon mongs mi gnas ngo bo nyid// de rgyu yul dmigs ye shes min// rnam par dag pa'i sems de la// bdag gi kun gzhi'i rnam shes ni// 'bru brgyad dag tu yang dag gnas// ji ltar brtags pa'i sing po la// mA ra ya yi phreng ba ni// rab tu g.yo ba'i byang chub sems// dngas ma 'dus pa'i ngo bo ni// le brgan 'bar ba'i mdog tu snang // de las shel gyi mdog tu snang // de las shel gyi sdig par gyur// rtsa brgyad nang nas mgo brgyad zhugs// dbus kyi mgo ni srog rtsa 'dzin// steng du 'phros pas bcu bdun te// de steng sum cu rtsa gsum mo// 'og tu 'phros pas drug cu lnga// de 'og gsang ba lnga ru brtag par bya// de ltar rab tu rtags gsal na// bdag gi lus 'di sgyu mar snang // gzas pa gshed ma'i tshogs kyis gang // de yi don rab gnyis su 'gyur// lus des sems kyi ngo bor len// bsod nams mthu las grub pa ste// snang ba yongs su dag par mdzad// bde gshegs gzhal yas bsod nams rdzogs// de yi rjes 'gro snang ba dang // snang ba dag pa'i ye shes te// ru lu'i 'phro 'du sbyor ba ste// dkyil du ma bkod g.yas su ya// g.yon du ra bkod g.yon du phaT// 'og mar nr-i bkod g.yas su dza// g.yon du b+h+yo bkod de steng rbad kyang bkod// de yi las rnams grub par ngas lung bstan// bstan pa las grol byang chub sems// de brtag ma nyid mi gnas gyur// rtag tu rgyu las byang chub sems// chos dbyings dag pa'i gzhal yas te// de la sems brtan gsal gyur na// don nyid mi snang rten 'brel shes// ye shes lnga yi gzugs brnyan gyis// ltar snang ye shes len zhes bya// bye brag mang po'i byang chub sems// 'bras bu shes pa len zhes bya// sgyu ma'i gsang rgyud ji snyed du// gsungs pa'i sngags rnams thams cad la// 'di bzhin kun la shes par bya// karma he ru ka'i le'u ste drug pa'o// // de nas badz+ra he ru kas// bcom ldan 'das gsang bdag dgyes chen la// bskor ba byas nas brkyang phyag 'tshal// phyi nang gsang ba'i mchod pas mchod// de rjes bstod pa dag kyang byas// e ma ho gsang ba dgyes pa che// dus gsum 'du 'bral med pa'i dbyings// dregs pas myos pa'i sems can rnams// 'dul lam tshar bcad ji ltar bgyi// yang dag dpa' bos lung bstan gsol// bcom ldan dgyes chen dbang po yis// de skad zhus pa'i tshig gsan nas// 'khor gyi dkyil 'khor thams cad kun// hUM zhes brjod nas rang la bsdus// 'jig rten khams kun mi dmigs te// yi ge gsum gyi rang bzhin du// thams cad ma lus gsal bar byas// de nas bcom ldan mngon rdzogs sku// ye shes lnga las rab 'bar ba'i// me dpung nang na rab 'jigs bzhugs// snang las sngags kyis rab bskul bas// phyag rgya'i dkyil 'khor gsal bar gyur// rten dang rten can de bzhin te// sngags bzlas pa yis de nyid gsal// oM hUM ha ma phaT b+h+yo dza// sngags 'dis bde ba'i las gsal nas// rgyan dang rol mo thams cad kyis// bde ba'i gnas mchog khyad par 'phags// tsakra 'khor lo las byung ba// gser las byas pa'i 'khor lo bcu// gsang chen rdzogs pa'i bdag nyid ni// thugs kyi sa bon las byung ba// stobs dang bcas pa'i dbang byed pa'i// gzhi la 'dus pa'i dngas ma rnams// gser gyi dmig pa mgo dgur 'gyur// rtsa brgyad nang nas mgo brgyad zhugs// dbus kyi mgo ni srog rtsa 'dzin// steng du 'phros pas bcu bdun te// de steng sum cu rtsa gsum ste// 'og tu 'phros pas drug cu rtsa lnga ste// de bas 'og rnams lnga yin no// 'phro 'du 'di dag thams cad kyang // mgo lus sna tshogs pa ru brtag/ dregs pa thams cad bsgral nas ni// kun rdzob don dam gnyis la 'god// bden gnyis las rnams 'grub par 'gyur// gsal ba'i dkyil 'khor rdzogs pa la// rang bzhin grub pa'i byin dbab phyir// gsang sngags zab mo rab bskyod pas// dbyings nas dkyil 'khor spyan 'dren mchod// rang rang gnas su bde bzhugs pas// dbang bskur byin dbab thams cad rdzogs// yang dag dpa' bo sku lhun grub// ye shes lnga ldan sangs rgyas sku// sku gsung thugs kyi bdag nyid can// bde bar gshegs pa'i rang bzhin te// sangs rgyas lnga yis rab tu 'khrigs// de yis bsam pa thams cad rdzogs// mngon rdzogs rgyal po'i rgyud chen ji snyed gsung ba rnams// mA ra ya ni 'di bzhin kun la shes par bya// bdud mos bsad pa'i yi ge 'di nyid ni// bsnyen par gnas te 'du ya ling // mA ra ya ni rnam pa gsum du shes par bya// ma yi 'khor lo lnga ru sdig pa'i tshogs su gyur// ma lus bung ba'i tshogs su de bzhin gyur// ma lus sbrul gyi tshogs su gyur pa des// mgo bo dbu dgu kun la shes par bya'o// rtsa brgyad nang du mgo brgyad zhugs// dbus kyi 'og ma srog rtsa 'dzin// steng du 'phros pas bcu bdun 'gyur// de steng sum cu rtsa gsum ste// 'og tu 'phros pas drug cu rtsa lngar 'gyur// de 'og rnam pa lnga yin te// spyi ru sgrub na sdig pa kho nar nges// so so'i 'khor lo chen po ni// sdig pa bung ba sbrul du brtag par bya// mA ra ya yi yi ge ni// dbus su mA dang g.yas par ya// g.yor ra lte ba'i dbus su phaT// 'og mar nr-i bkod g.yas su dza// g.yon par b+h+yo bkod steng du rbad kyang bkod// g.yas par ling rbad tsit+ta dbus su shes par bya// mngon rdzogs rgyal po'i rgyud chen ji snyed du// 'di bzhin thams cad kun la shes par bya'o// mngon rdzogs rgyal po'i le'u ste bdun pa'o// // de nas 'khor rnams kyis bcom ldan 'das kun tu bzang po la 'di skad ces zhus so// log pa'i shes pa dang bcas pa// gang zhig bden pas mi 'dul ba// lnga brgya dus kyi tha ma la// de sgrol gsang sngags ji ltar lags// rang dbang med par ji ltar 'gyur// de yi man ngag ji ltar lags// mngon rdzogs yab kyis lung bstan gsol// zhes gsol pas// dpal kun tu bzang pos bka' stsal pa/ lnga brgya dus kyi tha ma la la// skal med dad dang mi ldan la// gang zhig dregs pas bsgral don du// khyod kyis zhus pa rab tu legs// bden don rab tu rtogs par byed// gdug pa 'dul ba'i don slad du// nga yis khyod la bstan par bya// pad+ma'i steng du hUM bsams la// phyogs bcu'i rgyal ba rnams bskul te// hUM las khro bo'i skur bzhengs te// 'jig rten dregs pa sum cu bkug/ de yis rnal 'byor las rnams byed// ming ni bse dung lcags dang gsum// dang po bse yi mtshan nyid ni// bse dang thun gyi nad yams gtong // de nas dung gi mtshan nyid ni// smyo 'bog mdze shu zha grum gtong // de nas lcags kyi mtshan nyid ni// spos gri chu 'gag nad rnams gtong // mA ra ya yis kun tu gsod// 'dis ni las rnams grub pa ste// mkha' dbyings dag pa'i rang bzhin ni// bstan pa'i don rnams dag pa ste// dag pa nyid na dag pa med// mi shigs pa yi ngo bo las// dngas ma'i sa bon las byung ba// dbus su mA bkod g.yas su ya// g.yon du ra bkod dbus su phaT// 'og mar nr-i bkod g.yas su dza// g.yon du b+h+yo bkod steng 'og rbad kyang dgod// de yis las grub rgya ru bstan// rtsol dang bral ba'i rang bzhin no// dngas ma lnga 'dus ngo bo ni// shel gyi bung ba mgo dgu dag tu gyur// rtsa brgyad nang nas mgo brgyad zhugs// dbus kyi mgo ni srog rtsa 'dzin// steng du 'phros pas bcu bdun te// de steng sum cu rtsa gsum mo// 'og tu 'phros pas drug cu lnga// de 'og 'phros pas lnga ru 'gyur// dang po g.yo bar gyur pa ni// sngags kyi dug mda' khong du 'phen zhes bya// bung ba'i tshogs kyis gang ba ni// gshed ma srog la 'bebs zhes bya// khams gsum sems can la gnod tshe// 'di yis gdug pa 'joms pa ste// 'joms pa nyid na 'joms pa med// bstan pa'i rang bzhin 'od 'bar bcas// gsal ba'i 'od dang bcas pa ste// yang dag don chen zab mo'i mchog/ gsal ba nyid na gsal ba med// rdzogs pa'i sangs rgyas thams cad kyis// mA ra ya yi rgya ru bstan// dkyil du mA bkod g.yas su ya// g.yon du ra bkod dbus su phaT// 'og mar nr-i bkod g.yas su dza// g.yon du b+h+yo bkod steng 'og rbad kyang dgod// 'di yis las rnams 'grub pa'i rgya ru bstan// zangs kyi dmig pa mgo dgur gyur pa de// rtsa brgyad nang nas mgo brgyad zhugs// dbus kyi mgo ni srog rtsa 'dzin// spro bsdu'i rim pa gong bzhin shes par bya'o// mA ra ya zhes bse yi rgya ru bstan// dbus su mA bkod g.yas su ma// g.yon du ra bkod dbus su phaT// 'og mar nr-i bkod g.yas su dza// g.yon par b+h+yo bkod steng 'og rbad kyang bkod// spro bsdu sngags kyi rim pa g.yos pa'i tshe// rnam dag ngang gi ngo bo de nyid len// ngo bo nyid dag rang bzhin med// bdag dang tshogs bcas ma lus de bzhin te// ye shes tshogs chen rdzogs pa'i rang bzhin te// de thob 'bras bu mthar phyin bde ba gang // gshed mas srog la 'bebs pa'i gshed bdag ni// nyi ma'i dkyil 'khor dbus su gsal// rang gi sngags bcas dmod pa'i yi ge ste// lcags kyi dmig pa mgo dgu dag tu gyur// mgo brgyad rtsa brgyad nang du 'jug/ dbus kyi mgo ni srog rtsa 'dzin// steng du 'phros pas bcu bdun dag tu 'gyur// de 'og rnam pa lnga ru 'gyur// gzas pa gshed ma'i tshogs kyis gang ba ni// 'byung ba lnga 'khrug sdug bsngal nyams su myong // ma bcos rang byung snying po len par sems// gsang ba bzlog med ze'u rang rgya ru bstan/ bse dung lcags dang gsum gyi le'u ste brgyad pa'o// // @#// rgya gar skad du/ sarba ta thA ga tA sha ya kro d+ha sa mu dA ya tan+t+ra nA ma/ bod skad du/ de bzhin