བོད་ཡིག

e-texts produced with BDRC’s OCR application

rgya gar skad du/ sarba bi nA sha tan+t+ra nA ma/ bod skad du/ drag po phung byed kyi rgyud ces bya ba/ dregs pa chen po nar gi rti la phyag 'tshal lo// 'di skad bdag gis thos pa dus gcig na/ ri ka ri ka bya rkang phug ron zangs phug zhes bya ba na/ dregs pa lha'i bdag po kha the nag po zhes bya ba/ mu stegs rnam bzhi gdul ba'i don ched du/ dka' thub sbyin spong mdzad pa la/ gdug pa klu gnyen mang po'i sgra sgrog pa byung yang / yid chags shing g.yo ba med de/ ka ri ka'i bla zad rnams nas bskor ba lan gsum byas nas/ rdo rje'i brkyang phyag btsal te/ mgrin gcig tu smras pa/ e ma'o// dregs pa chen po lha yi gtso// thabs la mkhas pa'i thugs rje can// dregs pa chen po'i bka' bzhin bgyid// ces smras so// de nas de ma thag tu bdud gcod byed nag pos/ drag po mtshon cha'i char 'di phab po// trag rak+Sha kha la yaM shud/ snying la 'dus 'dus/ pra tsa la pra tsa la 'ub tsi ka 'ub tsika phaT/ ces mtshon cha'i char 'di phab ste 'di skad ces gsungs so// drag po phung ba 'di bzlas kyis ma sngangs khyed rnams thams cad kyang / deng 'dir las rnams bka' bzhin gyis/ zhes gsungs te mi snang bar gyur to/ drag po phung byed kyi rgyud las/ gleng gzhi'i le'u ste dang po'o// // de nas mgrin gcig tu 'di skad ces gsol to// e ma ho// dregs pa'i bdag po lha bdag po// rdzu 'phrul bdag po mthu stobs ldan// thog ser drag sngags rnam pa gnyis// lung bstan pa ni gsum yin te// drag po dbab pa ji ltar lags// rdzas la brten pa ji ltar dbab// ser ba'i rdzas rnams ji ltar lags// rten pa'i ling+ga ji ltar bca'// dregs pa chen pos bka' stsal pa// drag po dbab pa gnyis yin te// ri gsum rtse 'dus srin gyi dbyibs// de ni nga rgyal bdud kyi gnas// sngags sgo yan pa bdud srin gnod sbyin bsngags// zhes gsungs so// yang bka' stsal pa/ skra shad skud pa sum bsgril la// tsa ra rog po'i srog rtsar gdags// zhag gsum bsgrubs nas tsar gnyis// dar gyis mgo phur phyogs su bskyal// sngags kyi nan tan skud pa la// ling+ga sngags kyis bskor ba bri// sum bsgril gsang sgo yin zhes bshad// ra ra tsa shu ti pa tsa ka tsa la mi ma tsa la/ rak+Sha dza la rak+Sha dza la/ tra yaM du shan shang ka du shang du/ rak+Sha srin gyis mu rus khas rbad/ drag po thog bsgrub 'di yis ni// las rnams 'grub par nga yis bshad// mkhar la phyi phyir yul lha dbang // srog chags rnams la bya ba'i phyir// srog lha dgra lha dpang du gzug/ de bzhin rdzas la brten byas te// rabs chad nag po'i me long g.yon// gser dngul ra gan 'khar ba zhing // bcu gnyis bdun no man chad yin// dum bu gsum pa'i nang du bsreg/ ling+ga gang la 'dod pa'i dbyibs// rdzas chen pos ni brab cing dgug/ sngags kyi nan tan shes par bya// drag ser 'dod pa 'di ltar bya// zab ni thod pa sum skyed btsug/ chu mig dkar po can ni bsgrub pa'i gnas// bshan ma zor thogs ma bzhi dgug/ rdzas ni chu mig rka mang mgo ru bskyal// thog ser ji ltar 'dod pa yi// las rnams 'grub par bcol ba'i phyir// bram ze nag po mchod par bya// dgug pa snying po'i sngags kyis bya// gnod sbyin lag na pho so rnon pa dmar po yis// sngags kyi dam tshig 'di brjod do// rnal 'byor chen po skal ldan gtso// las dang skal par ldan pa yis// gdeng tshugs rA hu la la bya// de min gyis ni bya ba min// byang nas lho ni gsang cho ga yin// zhes gsungs te// dam tshig 'di gsungs so// ma mo gnod sbyin thams cad kyi mthu dang byin gyis rlabs kyis// ji ltar 'dod pa ltar du grub par gyur cig/ ces nas 'di gsungs so// na mo ru tra ya/ mi hri hi ri bri sha du/ ka la tsa ba la ti ti li ling shar/ mdzer ta ba ho/ si ri sha ri ba ra ka ti/ kruM pa ting / rak+Sha kri ba ta ya/ ta ra tsa ta ra tsa/ i ra tse i ra tse/ pa si ra/ sha laM pho ka ra/ dum shan tri du nan du du ra rbad/ kA la rU pa tsa 'dar chums chums/ srin gyi bya ra sad swA hA/ zhes pas gnod sbyin pho mo la sogs pa la mgrin gcig tu smras nas 'dod do// drag po phung byed kyi rgyud las thog ser dbab pa dang / drag po phung ba'i le'u ste gnyis pa'o// // de nas yang 'di skad ces gsol to// dregs pa'i bdag po lha bdag gtso// srid pa sbyar byed phrin las gang // sa bslang dbab pa de bzhin bsgrub// de yi rdzas rnams ji ltar bsog/ dregs bdag lha yis bka' stsal pa// srid pa sgyur byed 'khor lo la// las kyi ma mo thams cad rdzogs// 'bras bu thams cad bcud len ma// lo nad rims kyi mnga' bdag mo// de yi dkyil 'khor 'di ltar bya// dug sna tshang bar bsogs byas te// gtsor ni mu zi nag pos bya// de yi phyogs bzhir khru re brko// rus sbal po khog nag po la// de bzhin yab yum snying po bri// gling bzhi ri rab mdangs kyis brgyan// phyag dang dar gyi gur phub bzhag/ 'dzam gling nyi ma dgu 'bum bstod pa bya// zhes gsungs so// drag po phung byed kyi rgyud las/ sa bslang dbab pa'i le'u ste gsum pa'o// // de nas yang 'di skad ces bka' stsal to// maN+Dal cha bsnams yid 'ong la// rtsa ba lnga yi lde gus byug/ dbus su mthing nag gru gsum bya// zur gsum logs la shes par bya// dbus ma gru gsum rtse mo ru// ming dang mtshan dang rten rnams ni// ga gon gsum las shes par bya// sman gyis gso dang rten du bya// ling+ga nang la gdod pa'i dbyings// ga gon nang du gzhug par bya// mtshan ni sum stong nyung dkar la// drag po'i rdzas su bsgrub par bya// gnad la dbab cing cho 'phrul bstan// drag po'i ltas ngan sna tshogs sogs// dam tshig drag po'i chad byung tshe// 'bras bu sna tshogs me tog rtsa ba lnga// rma bya'i rgyal mtshan ru dar dang // de bzhin mtshan ldan bam gyis bskang // rdzas rnams longs spyod 'khor la 'byug/ gzhan dbang de bzhin mi 'gyur ro// de bzhin bcings dang cho 'phrul 'byung // zhes gsungs so// drag po phung byed kyi rgyud las/ sngags srung nag mo'i yon tan phung bzlog gi le'u ste bzhi pa'o// // de nas yang 'di skad ces bka' stsal to// srin mo phung ba 'di ltar bzlog/ gru gsum mthing nag dbus su spyad// gru gsum rtse mor thod skam gzhag/ rtsa ra urda'i sdig bshags te// sngags dang ling+ga sprad par bya// gshegs kyi khar bcug sngo dmar bcing // ri nag rtsa gcig khyung du gnas// srin mo bdud kyi sngags kyis bya// dur dur sha la mu tra he ba he ba/ dun sha khrag khrig khrag la ya/ rnal ma rnal te gsod la rngam// sris la mer mer chums rbad dza dza/ de bzhin drag po 'di yis bzlog/ ces gsungs so// drag po phung byed kyi rgyud las/ srin mo phung bzlog gi le'u ste lnga pa'o// // de nas yang 'di skad ces bka' stsal to// thams cad bsgrub par bya ba'i phyir// zab thob nag mo 'di ltar bca'// dur khrod zod pa mtshan ngan la// ji ltar 'dod pa'i ling+ga bca'// sme ba gsum gyi snying khrag dang // dug sna tshang mngar bsog par bya// dkar po gsum gyi skyed pu gzug/ tshes bzhi'i bsnur smad man chad nag/ zla ba zer ka yan chad du// drag po'i shing la me sbar te// drag po ji ltar 'dod par bsreg/ thod pa phyogs su gril nas kyang // bsnyen dang dbang bskur sngags kyis bya// bsnyen thun nyid ni rdzas dang bya// ces gsungs so// drag po phung byed kyi rgyud las snying thun zor gyi le'u ste drug pa'o// // de nas yang 'di skad ces bka' stsal to// drag po'i dmar nag gru gsum la// dbus su du rti'i thod pa gzhug/ mu zi nag po gtsor byas te// dug sna tshang pa bsog par bya// gtsor ni me yi zil pas bya// gzhan yang khrag sna tshang bar bsog/ dme ba rog po'i snying dang grod// snying ni kham phor nang du gzhug/ grod par mthun pa'i rdzas rnams blug/ dbang bskur sngags kyis bsgrub par bya// drag drag gur len ser ser tub tub/ e be sha tra be sha/ ru be sha kha thun b+h+yo/ sa thaM sa thaM/ shog thaM shog thaM/ baM mugs thaM mugs/ ni tiSh+Tha dza la kha'i/ dang po gsum gyi sngags kyis bsgrub// gdong pa rdzas kyi 'khor lo gzhag/ bdun dgus ji ltar 'dod pa 'grub// da la yams chen po yod par 'gyur// zhes gsungs so// drag po phung byed kyi rgyud las/ ma mo phung gsum me'i drag po phung bzlog gi le'u ste bdun pa'o// // de nas yang 'di skad ces bka' stsal to// 'bras bu nag po'i rdzas rnams dang // nag po mthun pa'i sa blangs te// sme ba nag po'i khrag dang bsres// mthun pa tsit+ta gtang bar bya// gang la mthun pa'i ling+ga bya// mi rus tha ltag khrag gis bris// trag bdun gyis ni bskor bar bri// shing shun ka ro ka la bri// gru gsum byas la lha mo'i 'og/ de ltar mthun pa'i rdzas rnams la// lha mo'i ling+ga khru gang ngo // g.yas su bu ba nag po la// dad pa'i snying po bri bar bya// g.yon du drag po'i phur pa la// bsad pa'i sngags dang bcas pa bskur// snying gar bod pa'i snying po bri// mdog nag mo yi cha byad do// bcu gcig nang par sbyin bsreg bya// rdzas dang bsreg pa'i lha mo yi// bod rbad bsad pas bsgrubs gyur na// drag pos bsad dang phur bzlog 'gyur// drag po phung byed kyi rgyud las/ re ma ti phung bzlog gi le'u ste brgyad pa'o// // de nas nag mo phung gsum ma// dug sbrul nag mo'i bsad pa 'di gsungs so// dug gi khu bas sbrul nag bri/ ling+ga de bzhin bri bar bya// bsad na mgo bo yan lag kha// na na rkang pa g.yas pa bri// smyo na rtsibs logs g.yon pa bri'o// ling+ga drag sngags 'di yis bskor// oM bab Tu Tu ma rab huM d+ha nA/ 'brub khung nang du gsad par bya// sgrub pa'i snying po 'di yis bya// hUM tsit+ta rak+kha/ smi ta rag mo ni sha dun te kha la/ rag mo dza la dza la/ dun ti hUM b+h+yo/ mA ra ya rbad/ bsad pa gsum gyi nyi shu pa// mnan na rabs chad thod nag go/ bsad na gsum gyi sbyin bsreg go/ oM sa man mung nyung kha yul te/ sde shig sde shig gr-i yal graM yal ni swA ha/ zhes gsungs so// drag po phung byed kyi rgyud las// dug sbrul nag pos gsad pa'i le'u ste dgu pa'o// // de nas yang 'di skad ces bka' stsal to// gdug byed bdud kyis 'di ltar bsgrub// gang yang rung ba'i gzhi mo la// nub nas shar du kha bltas te// baM se nag po'i rdzas rnams dang // mthun pa'i rdzas chen sngon gtor la// sman rnams gu gul dkar nag dang // ka chen gtor ma byas nas ni// dum bu bzhi pa'i nang du bsreg/ bstod mchod drag po 'di yis dbab// rdzas chen 'di yis rbad par bya// dus ni nyi ma bzang zer ro// drag po'i zer chen 'di ltar ro// shin tu drag po'i snod nang du// phrin las bzhi yi dkyil 'khor bri// bdun la zhi ba srin la dbab// de bzhin phyogs cha shes par bya// nang du yak+ka me dpal dgod// lho byang gnyis su snying po bri// dbus su gdug pa'i snying po bri// gsum gyi bar du ming rus bri// dbang la de bzhin ling+ga bri// drag po'i sngags kyis bsgrub par bya// thod pa dum mang mtshan ngan du// phyir ni sol chen lang khun byug/ nang du drag po bri bar bya// sme ba'i khrag rnams gsog par bya// mtshan mar 'dzin pa'i bya rnams la// sbrul lam sbal pa'i snying khrag bsog/ sngo dmar bal gyis kha gcad la// drag sngags 'di yis brdeg par bya// trag rag mo hril shad ser hril shar b+h+yo/ oM ba sha mi ki du ru ma shig ki dza la hi/ yaM a tsi te swA hA/ brgya ba ste thod par gnan par bya// thun ni g.yas sam phyogs su brdeg/ cho 'phrul ji ltar 'dod pa 'byung // zhes gsungs so// drag po phung byed kyi rgyud las phrin las cho 'phrul gyi le'u ste bcu pa'o// // de nas yang mi rgod cho 'phrul 'di gsungs so// drag po'i rdzas rnams 'di ltar bsog/ ya tsa dkar po'i lcags rnams dang // bya las byung ba'i zil pa dang // me yi zil pa rdo dang lcags// sbar ba lag tu blangs nas ni// mthun pas de bzhin sa bon dbyung // de bzhin rdzas mthun bsreg par bya// gsur chen sol bas rdzas de zhib tu btags// ga gon nag po bsgrub pa'i rdzas// me 'od dkar po gru gsum bri// de bzhin rdzas rnams blug par bya// sgrub pa de bzhin ya tsa la// rdzas kyi dbang bskur gshed chen gdags// mnga' bdag gtsug phud can la bstod// de bzhin drag po'i cha byad bya// skyed shing srog shing drag po'i shing rnams la// rtse gsum pa yi gri gug brdeg/ sngags kyis sbar bar bya ba yin// zhes drag sngags 'di gsungs so// smar ma smas tsar du na raM tsa ga ri ma la ma du na yaM/ shing raM du ru ra tsa ga laM/ zhes gsungs so// drag po phung byed kyi rgyud las/ drag po stag hom gyi rgyud kyi le'u ste bcu gcig pa'o// // de nas yang 'di skad ces bka' stsal to// drag po'i nad rigs bco brgyad la// bcos par byed pa 'di rnams yin// gzhan gyi dbang gis gcod par bya// de ni yan lag 'khum par 'gyur// gzhan yang nal la nyes gyur na// rigs ngan dag gis zin pa ni// kha mig yo dang yan lag 'khum// me dpal drag po thor pa 'byung // sha bkra can rnams bcos par bya// phol lam 'bras ltar gyur pa la// cig par skye shi de ltar brjod// de rnams bcos pa 'di ltar bya// dam tshig bsgrub pa byas nas ni// ka ro ka yam ro rnams la// sbrul mgo dgu'am bdun pa dang // lnga pa gsum pa de bzhin bri// gzhan yang longs spyod sna tshogs bri// shing sna tshang ba bsog par bya// 'bras dang mtshal dang sna tshogs sman// de bzhin gzhan yang bsag par bya// glang bu dmar khra zal dmar ram// gzhan yang zal chags dag la ni// mdangs ldan brgya yis ra la brgyan// rgya long me long dpral bar gdags// dar sna tshang ba rA la brgyan// bris pa'i longs spyod de dag gis// las kyi 'khor lo nag mo la// de bzhin mchod dang bstod pa bya// rten 'brel sngags kyis yang dag dgug/ de nyid bzang po'i rgyan gyis brgyan// glang ma'am ni mo rigs shing // brgya'am brgyad la rten mtshan bri// de bzhin glang la bskyon par bya// zhag bdun nang par phyogs ngan bskor// de bzhin ming byang bkru bar bya// sus ma tshor bar khyim du gzhug/ mkha' lding rgyal pos dbang bskor ro// rten 'brel drag po'i sngags chus bkru// zhes gsungs so// drag po phung byed kyi rgyud las/ 'khor lo rten 'brel gyi le'u ste bcu gnyis pa'o// // de nas yang dam tshig gi sngags 'di gsungs so// chu sbrul thang sbrul gdug pa yi// khrag skam nyungs dkar gu gul nag po yis// ming bri bdug dang brdeg par bya// de bzhin gdug pa'i gsob tu gzhug/ chu mig nang du gzhug par bya// rtsa ba'i sngags kyis nan tan bya// sgrub pa drag po'i sngags 'di bzlas// dung dung breng breng / shal yaM/ sho 'ub byed/ sbugs longs/ srog chod rtsal 'dus 'dus/ snying sha srog la zad rbad/ ya ya rnal ma rnal ma tri dza/ snying la gyur 'dus rbad nr-i dza/ zhes gsungs so// drag po phung byed kyi rgyud las/ drag po phung bzlog gi le'u ste bcu gsum pa'o// // de nas yang 'di skad ces bka' stsal to// drag po'i dmu rdo 'di ltar 'phang // rdo ba smin pa'i nag gru bzhi// lcags dang 'khar ba dpung rus mgo/ drag po'i snod du bsog par bya// thal bas kha bcad rang gi 'og/ sngags srung nag mo'i dgug sngags kyis// dgu'am bcu gcig bsgrub gyur na// de nyid 'phar dang ldeg par 'gyur// kha dog tshang ba'i 'bi 'bir bzhugs// drag sngags 'di yis gdab par bya// trag traM rak+Sha dral rtsir ni ya bral/ ma ma trag bral// trag rak+kha/ nr-i ma tsho tsho phob/ 'ub 'ub bir ba shig shig/ bir ba nag po de la ma// de nas yang 'di skad ces bka' stsal to// ga gon nang du ling+ga gzhug/ drag po 'di yis gzir bar bya// dug sna tshang ba bsogs byas te// brab pa ga gon nyid la'o// bsreg pa dam tshig klu yi sngags// chu mig ngo ru bsreg par bya// zhes gsungs so// drag po phung byed kyi rgyud las/ dmu rdo dbab pa dang / klu'i drag sngags kyi le'u ste bcu bzhi pa'o// // de nas yang 'di skad ces bka' stsal to// khwa'am shra na'i kha nang du// drag po'i sngags kyis gnan par bya// stag sbyangs las la mngags pa yin// mthun pa'i ling+ga dug gis bri// khyi bya kha khrid ming dang spel// de bzhin ka ko'i gzugs byas la// stag sbyangs las la btang ba'o// zhes gsungs so// drag po phung byed kyi rgyud las/ stag sbyangs las la btang ba'i le'u ste bco lnga pa'o// // de nas yang 'di skad ces bka' stsal to// dpal ni drag pos gsad pa'i phyir// lha klu mi gnas pa nyid du/ drag po'i tsher ma bsog par bya// gzhung dang mthun par dkyil 'khor bri// dgra bo'i ling+ga bri bar bya// phur rtsang nyi shu rtsa gcig la// gu gul nag po'i mar gyis byug/ de bzhin bsreg khang nang du gzhug/ g.yas su me dang g.yon du mtshon// ag ni me yi mnga' bdag la// chu phud chang phud a mr-i tas// mchod pa byas la g.yas g.yon gtor// de bzhin mtshon chen brdeg par bya// oM a ka ni raM/ oM tsit+ta shag raM/ ti pa ri/ shag raM/ yaM raM yaM raM/ ma ke na ri/ he la he/ shu raM/ ma raM ma raM/ de bzhin du ni bsreg par bya// zhes gsungs so// drag po phung byed kyi rgyud las/ drag po hom nag gi le'u ste bcu drug pa'o// // de nas yang 'di skad ces bka' stsal to// drag po'i sngags 'di la yang gnyis te/ drag po'i dmag sngags bzlog pa'i phyir// yak+Sha me dpal bri bar bya// rtse gsum pa la btags nas kyang // dmag dpon chen por dbang bskur te// yak+ka me dpal nyid kyi sngags// bdud kyi rdzas la bsgrubs te rbad// de bzhin thum po byas nas ni// skra dang sor mo du ru blugs// de bzhin lus bsrung bya ba ni/ oM hUM yaM ma lte ba spyi// g.yas su nga rgyal nga bris te// g.yon du ma dang trang gnyis bri// zhes gsungs so// drag po phung byed kyi rgyud las/ gnod sbyin nyi ma mig dmar gyis/ lha min gyi g.yul bzlog pa'i le'u ste bcu bdun pa'o// // de nas yang 'di skad ces bka' stsal to// lha min g.yul ngo bzlog pa'i phyir// drag po sngags kyi thun nag 'di// las kyi 'khor lo nyid la bca'// maN+Dal mda' gang 'phangs su mnyam// las kyi 'khor lo dbus su dgod// sngags srung nag mo la sogs rdzogs// sngags rnams so sos de bzhin bsgrub// g.yas su las kyi 'khor lo bri// ming rus hri yi bar du gzhug/ g.yon du pad+ma 'dab brgyad bri// k+Shau hri'i bar du ming rus gzhug/ de bzhin kha spyod so so'i sngags kyis dbye// rdzas ni gu gul dkar nag dang // mo zhabs pa ru bsregs pa yi// ling+ga lam chen mdo ru sba// zhes gsungs so// drag po phung byed kyi rgyud las/ lha dang nang dbye ba'i le'u ste bco brgyad pa'o// // yang mgrin gcig tu 'di skad ces gsol to// drag po phung ba'i las ni gang // mi snang rkang mgyogs gang gis 'grub// gcan gzan kha 'ching gnod pa ji ltar bsal// zhes zhus nas 'khod do// de nas dregs pa'i bdag pos 'di skad ces bka' stsal to// phrin las rnams ni 'di ltar bya// zhing la ri bong za ba dang // gang yang rung ste ri dwags rnams// rdzas la brten te dkar rtsis bskor// shing tog kha dog nyi shu gcig/ kha 'ching sngags kyis gzug par bya// mkhris chen thal chen krung ka'i sgo nga dang // g.ya' spang mtshams kyi sbal chung mchongs po che// de rnams dpral bar thig le ni// byas na lus mi snang bar 'gyur// rna ba dag la bskus gyur na// sgra ni ci zer thos par 'gyur// rdo sngon dag la ri mo bri// rdog pa brgyab na de bzhin 'gyur ro// shing gi phur bu la gang 'dod pa'i ming bris nas/ ji ltar 'dod pa bzhin du zhi bar 'gyur ro// rma bya'i thal ba dang bag phye drod la bab par sbyar te/ rta sngon po'i rnga ma'am gro bo'i rnga ma la bskyon nas/ chu mig gam lteng ka la bskyal na/ de sbrul du 'gyur ro// 'bu srin za na yang bdun btus te ra ru'i nang du bcug la/ bag phyes kha bcad la/ tshon sna lngas dkris la/ zhing dkyil du sbas na/ de bzhin du zhi bar 'gyur ro// au trang ti ting tig tig/ gra tha brag shig/ ta tha ya ta/ tsa le he du hUM phaT/ srin nad du/ song / shAn+ti rak+ta/ shan mu ru kha sha baM hUM phaT/ sring dang gar ga ta ya/ bral ya chu tshan du ba shan+te/ ti sa ra ni sa ra ni hUM phaT/ ces gsungs so// drag po phung byed kyi rgyud las/ las thams cad 'grub pa'i thabs bstan pa'i le'u ste bcu dgu pa'o// // de nas de dag thams cad kyis mgrin gcig tu smras pa/ dregs pa phung byed bya ba'i phyir// rdzas chen rnams ni ji ltar bsgrub// ces gsol to// dregs pa chen pos bka' stsal pa// dum bu bzhi pa'i kha rgyan can// phrin las bzhi yi dkyil 'khor bri// rdzas chen rnam pa lnga yin te// ri rul 'dre can mched pa'i sa// sbas te de dgu lnga'am bdun// ba bzhi yi tshes bzhi la// rdzas chen sbas pa byas te bsgrub// gzungs thag btags te zhag bdun bsgrub pa bya// ma smin bar du sba zhing gab// ga ya chen po dbyen phyir ro// gal te rnal 'byor srid bsgrub 'dod// gong mo gsar par ril bu gzhug/ rdo ba dkar nag nyi shu re// de yi nang du bgrang rlung bya// mtshon chen nyi shu rtsa gcig la// rbad pa bdud kyi snying po yin// pho g.yas mo g.yon zer ba'i 'og/ nas dang gro dang so ba'i thal// mtshon chen skor la mnan byas na// ji ltar 'dod pa 'grub par 'gyur// g.yon gyi mtheb srin gdug byed bdud// bar du bgegs kyi snying po gzhug/ bzlas pa bdud dang ma mo yin// badz+ra mo po ya/ mar zhung zhung ya/ badz+ra bu ha ni g+ha d+ha ya/ badz+ra ti tsa pa la ya/ badz+ra sa tu ya/ rdzas chen bsgrub pa byas gyur na// ji ltar 'dod pa bzhin du 'grub/ ces gsungs te/ dam tshig chen po'i ting nge 'dzin la snyoms par bzhugs nas/ de bzhin du mi snang bar gyur to// drag po phung byed kyi rgyud las/ rdzas chen sgrub pa dang srid btsal ba'i thabs bstan pa'i le'u ste nyi shu pa'o// // de nas dam tshig chen po'i ting nge 'dzin la snyoms par zhugs te/ dgyes pas ho zhes gsungs nas/ rin chen me tog gtor te/ pra ti sa ma ya ho/ zhes gsungs te de nyid na 'khod do// ho rdo rje gsang ba'i gral na 'dug/ nga rgyal dregs pa btul nas ni// bzod cig yang dag bang chen te// bcom ldan thugs mchog bstan la gnas// nga rgyal 'dul phyir de yi ched bzung ste// yun ring dus na 'tsho bar 'gyur// de nas skal mchog las rab la// de nyid du ni gnas par 'gyur// bstan pa bsrung mdzad dbang dang ldan// gsang mchog dang po'i sa la gnas// gtsor ni de bzhin dam tshig 'dzin// rgya mtsho'i gting gi pha bong bzhin// bskal pa yun du khar me dbyung // dgos 'dod de bzhin 'byung bar 'gyur// seng ge dkar mo'i 'o ma ni// gser dngul bya gang nang du blug/ kham pa gyo mo'i nang blugs na// snod 'chag 'o ma 'bo bar 'gyur// de bzhin man ngag dam pa 'di// las rab gcig la gnas gyur cig/ ces ched du brjod nas mi snang bar gyur to// drag po phung byed kyi rgyud kyi rtog pa phyi ma las/ yongs su gtad pa'i le'u ste nyi shu rtsa gcig pa'o// // mun tsa mun tra a la tra mchod rten nag po'i rgyud las/ rtog pa phyi ma drag po phung byed kyi rgyud ces bya ba/ brtsams pas 'grub pa'i rgyud rdzogs so//