བོད་ཡིག

e-texts produced with BDRC’s OCR application

rgya gar skad du/ shrI A yuHpa ti kA la ru dra tan+t+ra b+hu ba kr-i ta tan+ta rA dza/ bod skad du/ dpal tshe bdag nag po drag sngags mngon du phyung ba'i rgyud kyi rgyal po/ bcom ldan 'das dpal tshe bdag nag po phrin las thams cad yongs su rdzogs pa de la phyag 'tshal lo// 'di skad bdag gis thos pa'i dus gcig na/ bcom ldan 'das chos thams cad lhun gyis rdzogs pa'i snying po can/ rdo rje 'chang chen po'i rang bzhin de/ 'og min chos kyi dbyings kyi mkha' dbyings rnam par dag pa'i klong / sems nyid kyi gnas/ rang byung ma bsgribs par gsal ba'i gzhal yas khang na/ 'khor dus gsum gcig pa'i sangs rgyas dang / sa la gnas pa'i byang chub sems dpa' rnams dang / nyid kyi ngo bo las sprul pa'i lam la gnas pa'i rig 'dzin rnams dang / sku'i tshogs dang / nye bar gnas pa'i 'khor gshin rje'i gshed kyi dge 'dun du ma dang / khrag skyugs pa ma mo'i tshogs dang / khams gsum pa lha'i tshogs dang / 'thom pa bdud kyi tshogs dang / phung byed mngag pa'i tshogs dang / ma skyes lam la lta ba'i tshogs dang / 'byed pa mi mnga' ba'i thugs rje chen pos thabs cig tu bzhugs so// de nas bcom ldan 'das la 'khor rnams 'dun par gyur nas gsol ba btab bo// lhun grub gdal ba'i pho brang nas// bde chen mnyam pa'i nga nyid las// rdo rje 'chang ba rdzogs pa'i sku// sprul pas 'gro ba'i don mdzod cig/ ces gsol to// de nas bcom ldan 'das dkyil 'khor rnams yongs su 'dun par gzigs nas/ chos nyid mi g.yo ba las bzhengs nas/ dbang du bsdu ba'i ting nge 'dzin la zhugs so// 'jig rten gyi khams thams cad g.yos par gyur te/ 'ur 'ur rab tu 'ur ro// chem chem rab tu chem mo// 'khor thams cad rab tu brgyal bar gyur to// de nas bcom ldan 'das kyis 'khor rnams la gzigs nas/ nyid kyi rang bzhin 'di bstan to// e ma chos sku byang chub sems kyi rang bzhin las// rgyu rkyen med pa'i rang byung sems// thams cad 'byung ba'i snying po las// thams cad thugs rje'i shugs kyis sgrol// zhes gsungs so// de nas 'khor de rnams rang gi rang bzhin mthong nas/ sems yongs su grol bar gyur te/ bcom ldan 'das rdo rje 'chang chen po la 'di skad ces gsol to// e ma rdo rje snying po khyod// snang stong gnyis med ye shes skus// sna tshogs sbyor ba rdzogs pa'i bdag/ yin par bdag cag yongs mi rtog/ rgyu rkyen med par 'byung mi 'tshal// zhes gsol to// de nas bcom ldan 'das kyis rdo rje brdar gsor bas/ 'jig rten gyi khams rab tu g.yos te// 'khor thams cad skrag nas rang rang gi srog gi snying po mdongs gsol du phul lo// bcom ldan 'das 'jam pa'i rdo rje des/ srog gi snying po thams cad skye ba med pa'i dbyings nam mkha' drag po'i 'khor du bsdus te gcig tu dril lo/ las thams cad sgra'i dang po'i dang po la bsdus te gcig tu dril lo// de nas nyid kyi rang bzhin las ma g.yos pa'i 'khor bcom ldan 'das 'jam dpal gzhon nu des/ bcom ldan 'das la gsol ba 'di btab bo// kun gyi rang bzhin nyid las byung // sems nyid rdo rje 'dzin pa khyod// mi rtog rang bzhin ting 'dzin las// lhun gyis grub pa'i dkyil 'khor dang // phyag rgya chen po rdzogs par mdzod// ces gsol to// de nas bcom ldan 'das kyis bde bar mnyam pa'i ngang las bzhengs te/ sangs rgyas thams cad kyis bskul bar dgongs nas/ phyag rgya chen po rang bzhin lhun gyis grub pa'i dkyil 'khor 'di gsungs so// rang bzhin chos sku mnyam nyid las// lhun gyis grub pa'i pho brang brtag/ ye shes chen po'i gzhal yas khang // kun 'byung mi g.yo brtan par gnas// gru bzhi sgo bzhi rin po che// rta babs twa ra rgyan rnams ldan// klu brgyad lha brgyad tshangs pa'i zhing // rus sbal glang chen stag gzig 'brug/ zhing dang zhing chung thod pa sbrul// gnam lcags khro chu chu srin thog/ rgyu ma'i gling bu keng rus brgyan// e yi pho brang thod mkhar bzhi// lcags mkhar bcu gnyis bcu drug ldan// khyams dang gru chad sgo bzhir ldan// rang bzhin lhun gyis grub par gnas// de la gnas pa'i phyag rgya'i sku// rgyal chen sa yi pho brang du// klu 'bum gnyen khri sa bdag stong // lto 'phye phyogs skyong bzhi dang brgyad// ma he brgyad dang nyi zla'i gdan// nag po dug chen bskyil ba'i sku// dbu gsum phyag drug zhabs bzhir bgrad// g.yas dkar g.yon dmar mthing nag dbus// klu gnyen sa bdag zhing chung sbrul// 'khor lo ral gri rdo rje g.yas// be con gtun shing sdigs mdzub g.yon// glang chen zhing stod stag lpags smad// dbu la rin chen gzhal yas nang // rigs bzhi klu brgyad thod pas mdzes// bdud srin mu stegs rgyal po btsan// mgo dang tsit+ta do shal byas// rin po che dang nor bus mdzes// stan cha mgur chu phyag zhabs sbrul// bdud mo mthing nag zod sbrul brgyan// tsit+ta b+han d+ha 'khyud dang stobs// thugs kar gsod byed smug nag gcer// rigs bzhi'i rgyan dang thod pas mdzes// 'khor lo tsit+ta g.yas g.yon gnas// zhing dang sbrul dang lbu dum 'bul// ya ma'i thugs kar badz+ra ni// ljang nag rdo rje snying phreng bsnams// klu brgya'i gdan la gnyen khri gsol// rin chen dbu rgyan rigs bzhi'i mdzes// gdug pa 'joms mdzad dregs pa'i sku// dregs pa'i thugs kar rus sbal gnas// sme ba thig le khrag dang dug/ mtshon cha'i spu la sder mo lcags// tsit+ta 'od kyi gsang mdzod na// lha srin mi yi snying po 'chang // dbu la bya khyung gdug pa 'dul// spu dang gshog pa mtshon cha me// mchu dang sder mo gnam lcags 'bar// nyi zla khro chu'i spyan dang tshems// gdug pa za zhing zhe sdang sbrul// phrag sor khyung mo smug nag gnyis// spu dang gshog pa mtshon cha me// gdug pa za zhing de bzhin 'brul// nu mar seng ge brjid pa gnyis// mtsho cha spu gri sder mo dpal// 'phrul gyi gshog pa khro chu'i so// dgra bgegs za zhing lhu dum 'phrul// sog par stag chen rngam pa gnyis// mche ba rtsang phur sder mo lcags// glo snying nang rol snying khrag 'thung // sta zur zhe sdang gdug pa'i gzugs// dug sbrul me 'bar dug khrag zags// dug lnga brkam chags bsreg cing 'joms// gang dmigs rtsa khrag klad khrag 'thung // dug sbrul rlangs pa dgra la 'phro// mgur dang zhabs kyi long bu'i bar// ye shes khro bo tshon gang ba// raM yaM karma tsakra 'phro// sur+ya'i gdan la phyi nang srung // ye shes 'khor lo nyi ma'i 'od// thams cad glo snying nang rol za// phyag rgya chen po brtan par brjid// dbus na brkyang bskum tshul du bzhugs// thugs kyi sprul pa mngon phyung ba// mon pa dug chen dregs pa'i lus// dbu dgu phyag dgus tsit+ta bsnams// phyag dgus bla dang don snying khrag/ drod dang dbang po lus srog 'bral// bdud bzhi pho nya las la bskul// sha chen rak+ta keng rus 'cha'// dbugs srog bkrag mdangs tshe srog 'chang // yum dang bcas pa thod mkhar bzhir// lhun gyis grub pa'i tshul du gnas// lcags mkhar phyogs bzhi'i gzhal yas na// srog gcod phyi yi mon pa gshed po bzhi// dug mda' lcags gzer gnag la 'tsher// khyab pa spyi bcings so bdar gnag/ pho brang phyogs bzhir lhun gyis grub// lcags mkhar brgyad kyi khyams khang na// lus kyi sprul pa gshed po bzhi// yum dang bcas te tshogs brgyad 'joms// sgo med bcu drug lcags mkhar na// kaM ka sha za dregs pa'i tshogs// mngag pa gzhan tshogs lhun gyis grub// dregs pa'i las dang sbyor ba'i grangs// bzhi dang bcu drug bcu gnyis brgyad// de bzhin lnga dang bcu drug brgyad// snying po don la bcu gnyis gsum// de yi snying po mchog bsdus lnga// dbang gi brtul zhugs bgrod dang lnga// de srog dam tshig gnyis dang gsum// chos nyid mi g.yo bsam gtan lus// rdzas dang 'dod pa bskul ba'i rkyen// srog dang las dang e ka/ la// bsdus nas rang dbang gtso la phul// byin rlabs ngar bcas thig ler bstim// sangs rgyas kun bdag de bzhin gshegs// rdzogs pa'i tshul du lhun gyis grub// drag sngags mngon du phyung ba'i rgyud las// khro bo gleng gzhi'i le'u ste dang po'o// // de nas bcom ldan 'das kyis drag sngags 'byung ba'i gleng gzhi 'di gsungs so// rtsa ba mi 'gyur byang chub sems// gcig ni kun gzhi'i rang bzhin yin// chos kyi dbyings ni skye med pas// sangs rgyas sku gsum ye shes thugs// sems dang lus la bag chags brtas// snang dang srid pa'i chos rnams kun// byang chub sems dang dbyings su 'dus// mtshan mar mi gnas rang bzhin gcig/ spros med bde chen dag pa'i sku// 'gag med rang bzhin dag pa'i gsung // ma bsgrib don rnams rdzogs pa'i thugs// sems lus bag chags gsal ba dag/ bde dang sdug bsngal gnyis kar snang // don gcig byang chub sems las byung // 'gro ba'i rgyud la bag chags las// rgyu rkyen skye med bag chags las// 'byung ba rnam shes phung por 'dzin// snang srid mi rtog rgyu rkyen bral// bde ba skye med ngang gis stong // rgyu rkyen 'bras bu gcig tu gnas// chos sku mi gnas ye shes sku// don gcig rig pa yang dag 'brel// 'khor 'das snod bcud stong zhing dben// sems can sangs rgyas gnyis su med// don dam kun rdzob gnyis su med// thabs dang shes rab phyag rgyar gsal// dbyings las ye shes rig pa yi// rang bzhin lhun grub phyag rgyar gsal// rgyud drug gnas pa'i 'gro ba dang // mya ngan 'das pa'i sangs rgyas don// rgyu 'bras dbyer med chos skur gsal// ye shes rol pa'i phyag rgyar bstan// rang byung thugs kyi rol pa las// drag sngags ye shes rol par shar// ye shes bde ba'i thig le las// drag sngags thugs rje sprul par shar// chos sku bde ba'i dbyings nyid las// drag sngags sprul par rang byung shar// skye med rnam dag rang bzhin las// drag sngags skye ba'i cho 'phrul shar// sbyor ba kun 'byung rdzogs pa'i gzhi// drag sngags mngon du phyung ba'i rgyud las/ drag sngags 'byung ba'i gzhi bstan pa'i le'u ste gnyis pa'o// // de nas yang bcom ldan 'das kyis chos sku skye ba med pa'i ngang las/ skye ba'i cho 'phrul drag po mngon du byung ba'i rtsa ba'i sbyor ba 'di gsungs so// drag po nye bar sbyor ba ni// dur khrod gnyen ri'i dben gnas su// 'brel pa gsum dang ldan pa yi// grogs dang dpa' brtul dmod pa bca'// de yi sbyor ba 'di lta ste// nye bar gcig tu dril bsdebs pa'i// las kyi 'khrul 'khor chen po ni// tshe srog bdag po ya ma dregs// srid pa'i khyams khang tsit+ta la// dngas ma bzhi/ dang si ra brgyad// rtsa bran drug dang brgyad gnyis phyi// mdud pa gsum dang srog shing gsum// ldan pa'i thig le 'od kyi tshul// sa chu me rlung nam mkha' dbus// pa zag tshon gang rang sgra'i 'od// kun 'dus snying po bcu gnyis gnas// dbus kyi nam mkha' skye med las// steng 'og dngas ma bag chags tshul// brten pa'i sbubs na dgyes dang bdud// drod kyi sbubs na ma gshin 'bru// chu yi sbubs na rus sbal dregs// rlung gi sbubs na me dang bskyed// kun gyi steng 'og rtsa dang rlung // ye shes lnga yi 'od du gnas// mdud pa bzhi yi 'brel chen la// mi 'gyur rno dpal mtshon cha'i sngags// srog la gnyis dang breng shag/ gnyis// hur thum gnyis dang hri dza gnyis// srog 'phrog stobs kyis drag sngags gnas// phyi rim 'brel chen rtsa brgyad la// bshig dang byad 'gro la dug mda' 'byin// zhen bzlog gsang lam zug pa 'byin// thams cad gzir zhing rang gzir nas// yang logs bcu gnyis rgya mdud la// gdug pa'i snying gzer rdzogs par gnas// si ra bcu gnyis sbubs dag la// gab pa sngags kyi phreng bas gang // de bzhin phyi yi bcu drug la// dbang sdud sngags kyi de bzhin gang // dngas ma bzhi yi mtshams bzhi la// srog bzhi lo thog 'joms pa yi// drag sngags gnam lcags thog chen gnas// rus sbal lto ba'i gsang mdzod la// lha srin mi yi snying po sba// 'bru re bsdus nas gong bur gnas// de las yon tan du ma 'byung // las kyi 'khrul 'khor gang brtsam 'grub// gang mos las la nye ba yi// nye bar gcig tu dril bsdebs pa'i// las kyi 'khrul 'khor chen po ni// yang dag rtsa ba'i 'khor lo ste// zhing ras la sogs rgyu bzhi la// thig skor bzhi dang ldan par bskor// bar khyams sbrul bcas rdzogs byas la// dbus la sogs pa'i phyogs bzhi dang // de bzhin phyogs mtshams brgyad du brtag/ srid pa'i khyams khang lto ba na// rgya gram rlung ri sbag mar gnas// dang po tshangs pa'i thig gnyis dang // zur thig de bzhin cha mnyam la// dbus su gru gsum zla kham gsum// phyi rim phyogs bzhir rgya gram rwa// dbus kyi snying po phyogs bzhi la// 'khrul mig lcags mkhar gsum gsum gnas// rgya gram mtshams bzhir khrag gi mtsho// rlung ri rtsa ba 'khrul 'khor yin// yang logs zlum po mu khyud chu// skyom zhing g.yeng ba sdud cing 'thibs// lto sbyor las kyi 'khor lo yin// yang logs dbus mtshams phyogs brgyad du// rlung ri rdo rje rtse mo re// snying po 'khrul mig gnyis gnyis ldan// las rnams rdzogs pa'i spu gri gnas// rlung ri gshed kyi 'khor lo yin// zur brgyad mu khyud 'khrul 'khor bcas// gsod byed drag po rngam pa yi// drag po las kyi 'khor lo yin// byang khram snying po spu gri sngags// rtsa ba gcig tu dril ba yin// gru gsum ming rus zla kham lha// bsrung ba kun ldan rdzogs par bri// rgya gram bzhi yi 'phrul mig la// rtsa ba'i snying po drag sngags dgod// 'khor yug rbad dang bsad pa'i sngags// gang bsgrub lho sbyor gnas mthun dgod// phyi rim rdo rje rtse brgyad la// ming gi 'bru gsum dang por bri// gsod cing gnon dang 'phen pa yi// spu gri so gsum rdzogs par dgod// mtsho gling bar khyams rwa dbus la// sdang dang gnod pa de bzhin bri// ming gi 'bru gnyis srog dang sbyar// gang 'dod mtshams su de bzhin blang // b+hu ra nA ga gdug pa'i ha la'i mtshon// b+hi la khong 'dus khong dregs can// 'bar ba kA li ya ma'i klong // kyo bA kAM b+ha gur b+ha sha/ yaM raM e du tsa ma d+hi// mA ra ya ni sbyor ba'i mchog/ lto sbyor bcas la thod par gzhug/ zhag bdun sngags sbyor sgrol ba dril// rus sbal pho mo'i 'khrul 'khor bca'// thod pa rgya gram rus sbal ltor// sbyor ba kun ldan klu la gtad// sngags kyi rtsa ba dril la brdeg/ zhag gsum nyin gcig nyin zhag gnyis// gsad dang gnan pa zor gyi dus// rig pa bde bas ya ma'i klong // 'khor la rtsa ba'i sbyor ba yin// drag sngags sbyor ba 'di lta ste// e ka he dun ya hri myag thu ril shag ya// dgra bo'i srog mA ra ya myog rbad/ srog stam b+ha ya nan/ srog la thun b+h+yo// gsod pa drag po'i rtsa ba las// phrin las sbyor ba'i rgyal po yin// de nas bcom ldan 'das kyis drag po'i sbyor ba 'di gsungs so// drag po mngon du phyung ba las// gsang chen sngags kyi dmod par dril// yang gsang chen po'i sbyor ba ni// dur khrod ras sam shing ras la// mu khyud bdun dang ldan par bskor// de la bri zhing dgod pa ni// dbus su gru gsum drag po las// brnag pa pho mo'i ming rus bri// zla kham bsrung ba de bzhin bri// mtshon cha'i 'khor lo rtsibs bzhi la// 'dren pa'i stobs kyis 'bru bzhi dgod// mtshon cha'i rgyal po bcu gnyis la// khro bo stobs kyi 'bru gcig dang // tshe srog sdud pa'i snying po gcig/ khong khrag 'brel ba'i 'bru lnga la// gsod cing gnon pa'i spu gri bcu// dgod pa'i gnas mthun lho sbyor dgod// phyi rim mu khyud bzhi po la// rigs bzhi sbrul gyi ra bas bsdam// lnga pa zod pa'i phreng bar gnas// drug pa sreg pa'i me ri 'bar// de dag tshe srog 'chang ba yi// rus sbal lto na gnas par bri// srid gsum lton 'chang zhing gsod// tshe srog bdag po'i lton yang // mi 'gyur brtan par ye gnas pa'o// de bzhin las kyi 'khor lo bca'// 'khor lo lto sbyor thod par bca'// thod pa'i 'og ma me ri e// steng ma rus sbal rgya gram e// sbyor ba kun ldan gru gsum rtsang // drag sngags dmod pa zhag bdun bzlas// bcu drug gam ni tshes gcig la// gnan sngags thod par gdug pa gnan// nya stong las kyi dmod sngags bskul// sngags kyi dmod pa 'di lta ste// e ka ya ma he dun snying khrag ra ma tsa ya/ dgra bo'i srog la hur bruM mA ra ya rbad/ de nas yang bcom ldan 'das kyis sbyor ba thams cad gzir ba'i las 'di gsungs so// phrin las kun gyi rtsa ba yi// gsang chen gcig tu dril ba 'di// drag po mngon phyung sbyor ba'i bcud// klu gnyen sa bdag gdug pa dang // ma mo rgyal po btsan the'u rang // mdze rims drag po yams kyi bdag/ snying gzer bdun gyi 'khor los gzir// sbyor ba sna tshogs rdzas kyis byug/ srid pa rus sbal lto bar bri// mu khyud rim pa gsum du bskor// de bzhin 'phrul mig bcu gnyis ldan// tha mar 'phrul mig rtsa sbubs bdun// stobs can gzir ba'i 'khor lo yin// de la dgod pa'i rim pa ni// dbus dang rtsa sbubs drag po la// sa dang nA ga'i snying po snga// gnyis pa'i 'khrul mig bcu gnyis la// rtsa ba'i snying po bcu gnyis dgod// phyi yi 'khrul mig rtsa bdun la// snying gzer bdun gyi spu gri dgod// mthing nag dar dang thod pa bca'// bsgom bskul dong gzhug rtsa bcas sngags// dmod pa'i thun dbab hom shing bsreg/ zor thun mtha' ru gnan gzir bya// rang yang phyag rgya gsal bar bsgom// de yi gnod byed 'joms shing gzir// drag sngags sbyor ba 'di lta ste// e ka ya ma ka dun dza raM rag sha ru bruM/ sa nA ga snying gzer sbyar nan rbad/ sa nA ga snying gzer 'drid phyung rbad/ sa na ga snying gzer srog la myog rbad/ sa na ga snying gzer dun rbad/ sa nA ga snying gzer yaM bzlog rbad/ sa nA ga snying gzer tsit+ta la rbad/ sa nA ga snying gzer sarba u nan gzer phyung rbad/ thal 'jam gnod par thun zer brdeg/ gzir ba stobs kyi rgyal po yin// de nas yang bcom ldan 'das kyis gdug pa lto dkrug gis gzir ba 'di gsungs so// man ngag drag po sbyor ba 'dis// khyad par mdze rims gso ba'o// de yi sbyong ba 'di lta ste// shog bu gru bzhi cha gnyis la// thig skor rim pa gsum du bskor// dbus su gru gsum snying po ming // zla gam ma mo btsan rgyal po// phyi rim 'khrul mig bcu gnyis la// rtsa ba'i drag sngags 'bru bcu gnyis// tha ma rtsibs chen bcu drug la// lto dkrug sbyor ba'i spu gri gnas// rdzas kyis byug la thod par bca'// gru gsum rtsang bcas zhag bdun brab// gsal gsum phyag rgya bstan pas gnan// drag sngags sbyor ba 'di lta ste// e ka ya ma ka dun dza raM shag ru bruM/ sarba du raM i nan 'drid phyung / tsit+ta snying gzer bruM ri la shag rbad// de yis dz+wa la 'joms pa yin// de nas yang bcom ldan 'das kyis srung ba thams cad kyi mthar drag po rjes gcod kyi sbyin sreg 'di gsungs so// gdug pa gsum la sogs pa gzhom pa dang // byad dgrol bsreg dang snying gzer gdug pa'i las// rgyud kyi snying po spogs pa med pa 'di// bkra mi shis pa'i sa la maN+Dal bya// khrag dang dug chu tsha bas chag chag gdab// dbus su gru gsum khru gang nag por bya// zla gam gsum gyi mtha' ma thod par bskor// de yi phyi rim 'khrul mig bcu gnyis bya// lcags mkhar bar na rdo rje rkyang pas gtams// de yi phyi rim rtsibs chen nyi shu la// gcod pa'i mtshon cha rtse mo phyi ru bstan// de yi phyi rim thod pa'i phreng bas bskor// tha ma me ri raM dang ldan par bya// de bzhin zhing ras rgyu la gcod pa'i 'khor lo bri// gru gsum kha khyer mdzub gang mtshon chas bskor// dbus su gdug pa'i gzugs brnyan sna tshogs gzhag/ gang gnod ming dang snying po sa chu sbyar// zla kham gsum la gnod pa'i ming dang gzugs// 'khrul mig drag po dmod pa sngags kyi lus// rtsibs la bsreg cing gzir ba'i spu gri dgod// gzugs brnyan snying gar hom shing zur gsum gzug/ zhag lnga thun brab drag sngags gtum par bzlas// zhag gsum bsreg cing gzugs ling gtubs la bstab// sha chen rta sha sbyang ki dar mi'i sha/ dug chu 'o ma sgo sna chang dang khrag/ mchod pa phul la thun gyis brab// me dpal gsad la gnad kyi rdzas rnams bsreg/ gang dmigs bdug cing phying pa gtsang mas dgag/ nyin dang mtshan mo lan grangs bdun du bdug/ bum pas bkrus la lha yi sku ru bskyed// drag sngags gsal la mis ma thos par bzlas// brnag pa thon nas nam mkha'i 'khor lo dang // thal ba ming gzugs mchod rten gnod sar gnan// lhag ma rjes shul gar gnod zor du brdeg/ gsang sngags sbyor ba drag po 'di lta ste// e ka ya ma ka dun dza raM raka sha ru bruM/ sa nA ga du raM u nan gzer phyung raM tsit+ta spur na raM/ srog la myog shaM rbad raM// de dag sbyor ba'i mtha' sdud yin// drag sngags mngon du phyung ba'i rgyud las/ thun mong gi sbyor ba'i le'u ste gsum pa'o// // de nas yang bcom ldan 'das kyis drag po mngon du phyung ba'i khyad par gyi sbyor ba 'di gsungs so// phrin las drag po'i rtsa ba 'di// rtsa ba rnam pa gnyis su gnas// phan gnod las kyi rim pa bzhi ru bkod// gsad pa mchog dang lo thog gzhom pa gnyis// snying gzer dgu dang nyi shu rdzogs pa yi// gsang ba mchog gi sbyor ba 'di lta ste// zhi khro gshin rje phur pa ma mo dang // bdud dang mu stegs the brang rgyal po btsan// gnod sbyin srin po lha min dud 'gro sri// klu gnyan sa bdag dkor srung grul bum ging // las dang srog gi snying po bcud du bsdus nas dril// shes rab rtsal dang brtul zhugs ldan pas spyad// blo chung rtog pas rang yang 'ching bar 'gyur// nyams dga' rang sems dben pa'i dur khrod du// dpa' brtul drag po sngags kyi dmod pa bor// de yi sbyor ba rgyas pa 'di lta ste// shog bu gru bzhi mtho gang la// thig skor rim pa bzhi dang ldan par bskor// dbus su gru gsum bla sems ming dang rus// phyi rim gcod pa'i 'khor lo rtsibs bcu gnyis// de la rtsa ba'i snying po me rlung sbyin thang gnas// de yi phyi rim mu khyud zlum po la// bsgrub pa gzhan gyis rbad dang gsad pa'i sngags// yang logs mkhar gyi 'khrul mig bcu gnyis la// ral gri rdo rje rgya gram bsnol mar gnas// ral gri bsad pa'i spu gri rgya gram gnon pas mdzes// de gnyis rus sbal khra mo'i lto bar bri// kha sbyor bcas la dug dang khrag gis byug/ mtshon cha'i mtshams dang zla gam gru gsum la// brnag pa'i ming rus mA ra ya rbad bri// sngo dmar dang bcas thod pa'i nang du gzhug/ pho thod nang du mA ra ya rbad bri// thod pa 'og mar brnag pa'i ming rus bri// rtsang bcas gru gsum kha khyer sum brtsegs gzhug/ tshe bdag bsgom la ye shes 'khor lo bca'// zhag bdun drag sngags dmod pa rngam tshig ldan pas bzlas// bar bar bskul gyin brnag pa'i yul la rbad// gzir zhing btab la thod pa bca'// klu gzir gdug pa'i gnyen la gtad par bya// drag sngags dmod pa rtsa ba'i sbyor ba 'di// lha srin kun gyi mthu dril drag po yin// drag po sngags kyi dmod pa 'di lta ste// e ka he dun ya ma snying khrag ra ma tsa ya/ dgra bo'i srog la myog mA ra ya rbad/ srog staM b+ha ya nan/ srog la thun b+h+yo/ 'di dag mi 'gyur bsad pa'i sbyor ba yin// de nas yang bcom ldan 'das kyis lo thog gzhom pa'i sbyor ba 'di gsungs so// dur khrod ras sam shog bu gru bzhi la// dbus su rus sbal khong stong dbyibs dang zlum por bri// yan lag lnga dang mjug ma lto ba na// gcod pa drag po'i 'khor lo rtsibs bcu gnyis// 'byung bar bris la rtsa ba'i drag sngags dgod// de yi phyi rim 'khrul mig bcu gnyis la// srog bzhi gnad kyi 'bru dang chu dril dbab pa dgod// sbal pa'i lto ba'i dbus su yul gyi ming dang ser ba phob ces bri// de yi 'og tu yul lha ser srung gzir pho ba ya nan bri// byang khog stod na gza' yi gzir sngags bri// mjug mar yul lha de bzhin gzir sngags bri// lto ba g.yas su ma mo'i gzir sngags bri// lto ba g.yon du sa bdag klu gnyen gyi// rang gnad gzir la dbab pa'i drag sngags bri// mtshon cha dug dang khrag gis ngar blud la// sbal pa pho mo lto sbyar thod pa'i nang du gzhug/ dgun zla gsum gyi nya stong nyin zhag phrugs re bzlas// dpyid zla gsum la zhag gsum chu dril bzlas// dbyar zla gsum la rten gzhi'i sbyor ba bca'// thod pa dong bur khrag dang dug blugs la// nya dang stong dang nyin zhag lnga ru bzlas// tha chung stong la rten gzhir gzhug/ skya rid sbom mthon rgya mdud kha 'dren tshul// gzir thab du ba drag po gzir dang bzhi// tshil gsum brun dang mnol khrag du ba'i rdzas// dug chu sngo sna 'o ma drag po thob// nag gsum khrag dang nyung dkar thabs kyi rdzas// lcags dang seng ldeng phur pa gzir ba'i rdzas// drag sngags lus la dbab gzir bzhi// gza' dang ma mo yul gyi lha btsan dang // klu gnyen sa bdag gzir la dbab pa'o// ma phebs drag po'i sbyor ba stobs zhan na// rgya tshil mnol khrag khyi khrag ri bong khrag/ dug rgod dril lcags gdab pa'i phur pa la// dang po sngags bzlog drag tu spog pa bya// des ma phebs na drag sngags 'byung ba dkrug/ rdzas kun bsreg la du bas lha 'dre dkrug/ rgya mdud dbus kyi rta las chu mig dkrug/ gri mo yug mo mnol mo'i don mngal khrag/ tsha yi rgyal po sbal pa'i gzugs la brdeg/ drag sngags spyi dril sgo bzhi so sor brdeg/ spogs pa'i rgyal po gsang ba dam pa yin// las kyi rgyal po spogs pa mchog tu gsungs// de yis ma phebs sbyor ba'i stobs zhan na// rtse gsum chu gsum mtshal gsum tsha ba gsum// mche ba can dang 'dab chags ltos 'gro gsum// rta gsum gzer gsum sngags gsum sdebs la dbab// drag po sngags kyi sbyor ba 'di lta ste// e ka ya ma he dun snying khrag ra ma tsa ya// ma hA de wa ma ma rak+kha sa nA ga phreM phreM hril shar phob/ ma ma trag rak+kha kha mu tra gzir nan hur kham phreM shar shar phab hril phrom/ ma hA ya ma rA hu la srog la gzir nan phreM shar hril phob/ de wa yunan gzir ya phreM shar hril pho ba/ sa nA ga srog la hur bruM gzir nan phreM shar hril phob/ ya tsa ma ra khrag snying du na he ma ya ka ye/ phob shar hril phreM phreM gnas sha rag ma ma de ba ha ma ma sa ra bra phob/ e ka ya ma rAru hu la ma hA nan srog la gzir hril phob shar phreM/ pra ma sa ra na sa nA ga gzir thu nan/ phreM hur shar srog hril shar phob/ ya tsa he dun trag sha rag mo tra mu kha ma hur nan kham shar phreM gzir hril phob/ khrag ra snying ma yu gzir ya de nan shar ba hril shar phob/ e ka he dun pra ma sa ra ya ma snying khrag ra ma tsa ya/ pr-i ya de ba ma ra ga sa na ga rA hu la/ sarba u nan yaM yaM phreM phreM shar shar hril nan gzir phob b+h+yo/ gzir zhing mthu dbang stobs bsdus la// rnam grangs lnga dang ldan pa'i las// 'di dag sbyor ba dam pa ste// lo thog 'joms la shis pa yin// de nas yang bcom ldan 'das kyis gnod byed thams cad gzhom pa'i las snying gzer nyi shu rtsa gcig pa'i sbyor ba 'di gsungs so// mdze rims drag po'i gdug pa dang // ma mo rgyal po mdze 'dre can// snying gzer drag po'i stobs kyis gzir// 'khor lo drag po bca' ba ni// rten pa shog bu gru bzhi la// cha gnyis dur khrod sme bas byug/ rus sbal lto bar thig skor bzhi// bskor la dbus su gru gsum la// zla kham sbrul gyi ra bas bsdams// de yi phyi rim 'khrul mig bzhi// thod mkhar rdo rje ra ba me// phyi rim gnam lcags 'khrul mig brgyad// rlung ri rgya gram dbus na bri// yang logs rtsa sbubs nyi shu gcig/ gdug pa sreg byed ye shes me// 'od kyi gong bu gnas la 'pho// de la gnas shing dgod pa ni// gru gsum dbus na sa nA ga/ gang gnod ming dang bcas pa bri// zla kham gsum la sdang ba'i ming // lcags mkhar brgyad dang thod mkhar bzhi// rtsa ba'i yig 'bru bcu gnyis dgod// rtsa sbubs nyi shu rtsa gcig la// snying gzer nyi shu rtsa gcig dgod// drag sngags 'khrul 'khor me dpal mtshon// 'khor lo mtshon chen me dpal sngags// drag mo sngags rgod gdug pa'i mtshon// thod chen dril phreng drag po'i stobs// nam mkha' rin chen rgya mtsho las// mtshon cha kha sbyor dug chu ngar// sngon dmar bcas dang phag mo'i ltor// dug khrag bskus la thod par gzhug/ mi rkang lcags khri kha la brdeg/ gsal gsum dang ldan sum stong bskul// nya stong mar gyi ngo la sbyar// tha chung bzhi la rab tu brdeg/ zhag gsum shin tu brtson par bca'// de nyid dong bur thod pa mnan// mi ldog gyad dang dregs pa bsgom// thod mkhar steng du gdug pa'i rtsang // nyi shu gcig dbus mchog phur btab// gang gnod gzugs brnyan snying gar brdeg/ rgyun du drag sngags brgya brgyas bsrung // a shwa bi lI'i sbyor tshul can// snying po dang dang shugs kyis grangs// dug lnga brkam chags rtsa ba gcod// ha la nag po zhen chags 'brel// sngags kyi rgyal po kun 'joms 'di// drag la 'dril zhing sgra spangs pa// sgra ni gtum zhing lce bar gnas// drag po gtum chen dregs pa yi// drag sngags mtshon cha 'di lta ste// e ka ya ma ka dun dza raM rag sha ru bruM/ sa nA ga snying gzer dza/ sa na ga snying gzer dug phyung rbad/ sa nA ga snying gzer tsit+ta rbad/ sa nA ga snying gzer thun rbad/ sa nA ga snying gzer dun raM rbad/ sa nA ga snying gzer yaM raM thun rbad/ sa nA ga snying gzer raM thun rbad/ sa nA ga snying gzer srog la rbad/ sa na ga snying gzer tsit+ta myog rbad/ sa na ga snying gzer thun ril/ sa na ga snying gzer rtsal rbad/ sa na ga snying gzer nan 'drid rbad/ sa na ga snying gzer breng shag rbad/ sa nA ga snying gzer tsit+ta khas rbad/ sa na ga snying gzer khrag thibs rbad/ sa nA ga snying gzer sbur nan rbad/ sa nA ga snying gzer hi nan rbad/ sa nA ga snying gzer u nan rbad// sa nA ga snying gzer e nan rbad// sa nA ga snying gzer srog la dun dun zad// sa nA ga snying gzer srog la dun dun shag rbad/ sa nA ga snying gzer tsit+ta tsit+ta ru bruM shag rbad// rigs bzhi rgyud la zhen pa dang // ba so kha 'khor gdug pa kun// brkam chags las kyi du gzhugs na// drag po sngags kyis 'joms shing 'byin// gdug pa la sogs 'joms par bshad// de nas yang bcom ldan 'das kyis snying gzer dgu pa'i sbyor ba 'di gsungs so// snying po rtsa ba'i man ngag bcud// gsang chen rtsa ba dril ba'i las// drag po mngon phyung sbyor ba'i bcud// snying gzer gdug pas thams cad 'joms// shi phrad sngags kyi 'khor lo yis// bdag skyob gzhan bsrung gdug pa 'joms// ma mo bdud mo rgyal po btsan// klu gnyen sa bdag ze'u rang gri// ma lus 'joms byed rgod kyi sngags// b+hi la'i khong 'dus khong dregs can// b+ha ra b+ha nag po ya ma'i klong // khyad par sbyor ba 'di lta ste// dur khrod ro ras zhing ras la// mu khyud lnga ldan rus sbal lhor// dug khrag sna tshogs sbyar te bri// gru gsum 'khrul mig thod mkhar bzhir// de 'og lcags mkhar bang rim brgyad// yang logs gnas pa'i rtsa sbubs dgu// phyi rim rtsibs chen bcu drug 'bos// drag po sngags kyi 'khrul 'khor bca'// de la dgod cing gnas pa ni// dbus su gdug pa'i snying po med// zla kham ma mo rgyal po btsan// ze brang gshin rdog snying po ming // zod mkhar 'dren pa'i stobs kyis 'bru// phyi rim lcags mkhar dregs pa brgyad// yang logs rtsa sbubs snying gzer dgu// phyi rim mtshon cha kun 'joms dgod/ kha sbar sbyor ba kun ldan dang // gsal gsum zhag bdun brab cing gzir// bzlog cing 'byin pa shugs kyi mchog/ gcod cing 'byin pa spu gri mtshon// bsreg cing g.yeng bas me chu rlung // sdud cing 'chang bas sa yi mkhar// gzir zhing mnan pas thog chen sa// rtsa bar bcas pa mtshon la me// rtsa ba gcig la yal ga stong // 'bar ba nag po zhe sdang mchog/ sngags kyi rgyal po dug ngar bcas// 'bar ba dug gi dum bur bsdus// bdud nag rag shA ya ma'i klong // e ka pho brang thod pa'i gnas// 'khrul 'khor dang bcas re bas gril// hom khung bsdus la stong stong bzlas// gsal ba khyab par stobs kyi lha// rdzas dang lta ba sbyor ba'i sdebs// 'dun pa mchog ldan yin pa brtag/ dbang bcas bgrod pa go mtshon mchog/ rigs la rgyun du stong stong gzug/ nya stong sbyor ba drag po brtsam// thun mong bsrung ba sbyor ba brgya// mngon zhugs sbyor ba drag po nyid// gsad pa'i sbyor ba spu gri dang // drag po rtsa ba bcu gnyis bsdeb// dmigs pa'i ming rus khams sbyar la// gang gnod zhen pa stabs la gtad// mkha' 'gro'i gzas kha dgra la 'pho// drag po thog zer sbyar ba'i mchog/ gser gyi dgu thog gnam lcags thog/ ri rgyal sbal chen spu gri me// drag sngags sbyor ba gnyis su bstan// e ka he dun ya ma rak+Sha ka dun dza raM/ sa nA ga ma trag snying gzer rbad/ sa na ga tsa tri snying gzer rbad/ sa nA ga du ma snying gzer rbad/ sa nA ga k+She tri snying gzer rbad/ sa nA ga dug phyung snying gzer rbad/ sa nA ga kham shag snying gzer rbad/ sa nA ga srog tig snying gzer rbad/ sa na ga bruM ril snying gzer zad/ sa nA ga snying gzer spur nan rbad/ sarba u nan kham shag gzer thum ma tsit+ta breng shag snying gzer sbur nAn/ e ka he dun ya ma snying khrag ra ma tsa ya/ dgra bo'i srog la snying gzer rbad/ dgra bo'i srog la u nan/ khaM shag gzer thun tsit+ta breng shag snying gzer sbyar nan/ dgra bo'i srog la thun mugs thibs b+h+yo/ snying gzer dgu pa'i mtshon cha yis// dmigs pa gang yin mi 'chor gcod// brda dang snying po 'pho zhing sbyor// shi phrad drag pos gzir zhing gnan// sbyor ba gzhan tshogs ci rigs sbyar// drag po me dpal gcod pa'i mtshon// brnag pa'i tsit+ta'am shi ra la// rang gcod sbyor ba'i rgyal po 'dis// don gnyis mngon du byed pa yin// drag sngags mngon du phyung ba'i rgyud las/ khyad par sbyor ba'i le'u ste bzhi pa'o// // de nas yang bcom ldan 'das kyis gsang ba'i sbyor ba 'di gsungs so// drag po gsang ba'i sbyor ba las// rtsa ba gnyis su shes par bya// gsad pa dang ni srung ba'o// gsang ba'i sbyor ba rnam pa gnyis// bsam gtan rang rgyud lto sbyor gnyis// de bzhin gso ba bzhi gnyis ldan// bshig dang byed dgrol zug pa dbyung // zhen pa bzlog dang gsang lam dgag/ dug mda' khong nas dbyung ba'o// gsad pa'i sbyor ba 'di lta ste// tsit+ta 'od kyi pho brang nas// dngas ma bzhi dang se ra brgyad// mdud pa bzhi brgyad sul bzhir gnas// tsit+ta phyi nang nang khrol dang // phyi yi lhu tshigs sgo dgu rus// dbang po sngags kyi spyod yul brtag/ dngas ma bzhi yi sbubs dag la// 'byung bas bskyed pa'i yi ge gnas// mdud pa bzhi yi 'brel chen la// gcod pa spu gri rno dpal gnas// si ra phra mo brgyad sbubs na// khyad par sbyor ba'i sngags brgyad gnas// mdud pa brgyad dang bcu gnyis na// khrag dang bag chags yi ge gnas// nang khrol lnga dang sgo dgu na// zor thun skyong ba'i spu gri gnas// rtsa bzhi dngas ma'i mtshams bzhi na// srog bzhi lo thog 'joms pa gnas// bskul gyin gcod pa rang gcod de// mi 'gyur ba yi sbyor ba yin// dbugs kyi rtas bskyod yul la 'phang // bsrung ba la sogs kun grangs na// tsit+ta'i gnas na dngas snyigs 'don// dbang po srog gi thig ler gnas// rten la thod par snying po bsdu// drag sngags sbyor ba 'di lta ste// e ka he dun ya ma snying khrag ra ma tsa ya/ dgra bo'i srog la nr-i dza hur thums shag rbad/ dgra bo'i srog la ma ra ya khaM shag dza bruM rbad/ dgra bo'i srog raM yaM hur stam b+ha ya nan/ las 'di mi 'gyur bstan pas na// bsam gtan ye shes 'od 'phrog pas// dman pa gdug pa'i rgyud bskul nas// dman pa'i yi ge rtsa srog gcod// dngas ma sdud nas dbang po 'pho// mnan pa nam mkha'i khams dang sbyar// de nas bcom ldan 'das kyis drag po stobs kyi sbyor ba 'di gsungs so// sngags dang 'khor lo man ngag sdebs pa'i las// dur khrod rgyu la sme bas thang ba bya// dbus nas grangs la thig skor lnga ru bskor// phyog bzhi tshangs pa'i thig bzhi rgya gram gdab// dbus su gru gsum 'khrul mig bzhi dang mtshams// de yi phyi rim 'khrul mig bzhi dang mtshams// de yi phyi rim 'khrul mig bzhi gnyis ldan// lcags mkhar bar khyams gshed bzhi'i khang pa yin// de yi phyi rim mu khyud zlum po la// stobs dang ldan pa'i sbyor ba 'joms pa'i gnas// yang logs chu yi khang pa mu khyud zlum po la// khyams khang gnas su bsgrub pa'i snying po rdzogs// tha ma'i 'khrul mig drag po bcu gnyis la// mtshon cha'i rgyal po rlung ri sbyin zang gnas// myos pa stobs 'brel rno dpal kha sbyor yin// de la dgod cing gnas pa'i rim pa ni// dbus dang mtshams kyi gsang mdzod gru gsum lngar// bla sems chags pa'i snying po ming rus bri// lcags mkhar bzhi la 'dren pa'i 'bru bzhi dgod// de yi phyi rim lcags mkhar brgyad po la// rtsa ba'i drag sngags 'bru brgyad gnas pa dgod// de yi phyi rim mu khyud zlum po la// thams cad gzir dang bshig pa'i spu gri dgos// yang logs khang pa mu khyud zlum po la// gang bsgrub bsnyen rbad bsad pa'i sngags rnams dgod// tha ma drag po 'khrul mig nyi shu la// dgug dang thun brdeg gsad dang mnan pa'o// drag po skabs dang sbyar ba'i spu gri drag po dgod// zhing bcu ma lus gtan nas bsreg cing 'pho// 'khrul mig nyi shu rtsa gnyis mthar// drag po khyams khang mchog gi gnas// de yis thams cad 'joms shing 'pho// 'khor lo lto sdebs me dang rlung // spu gri mtshon chen gcod dang 'bigs// srung dang skyob pa kun byed pa'o// ngar skyob ldan pa'i 'khor lo la// dug khrag ngar blud kha sbyor bca'// ga'u dang bcas drag po'i gnas// 'khrul 'khor drag po gsang ba'i stobs// stobs chen tshe bdag tsit+ta la// snying po dngas ma sgra ru gnas// rtsa ba'i drag sngags skabs dang sbyar// phyi rim gang bsgrub bsnyen dang rbad// gsad pa la sogs skabs kyis sbyar// 'od kyi gong bur gsal bar bsgom// man ngag gsang ba thugs kyi bsdeb// zhal gyi dmod pa bzlas pa'i tshul// e nas drangs la spu grir bsgyur// gang bsgrub bsnyen pa sbyar la dgug/ spyan drang la sogs gzhung dang sbyar// rbad pa de bzhin steng du bsdeb// de bzhin drag po thugs ka la// spu gri dang bcas snga ma bzhin// 'dod pa'i ming bcas mtshams su bsdeb// rno dpal spu gri kha sbyor yin// dmod pa ngag gi sngags rnams bsdeb// mnan pa la sogs gnyen sa ru// las tshul gzhan dang 'dra bar brtag/ sngags rnams gang 'dod skabs dang sbyar// man ngag lto bsdeb drag po yin// de nas yang bcom ldan 'das kyis bsrung ba thams cad kyi mchog tu bshig pa'i sbyor ba 'di gsungs so// drag po mngon phyung sbyor ba'i mchog/ gsang chen rtsa bar dril ba'i las// dmod pa'i mtshon cha 'di lta ste// dur khrod shing ras shog bu la// mu khyud rim pa bzhi dang ldan// rlung ri las kyi 'khrul mig la// dbus su lcags mkhar 'khrul mig bzhi// mtshams bzhir rdo rje'i ka bar ldan// phyi rim lcags mkhar 'khrul mig brgyad// zhing gi ka bas mtshams brgyad 'degs// yang logs mtshon cha rtsibs bcu gnyis// las kyi me ri 'bar ba'i tshul// mtshon cha khang pa de dag la// gnas shing dgod pa'i rim pa ni// dbus nas brnag pa'i snying po ming // zla gam de bzhin rdzogs par bri// lcags mkhar bzhi yi khang pa ru// srog dang las sdud dgyes dang bdud// 'bru bzhi'i sbyor ba kun gyi mchog/ khong 'khyud lcags mkhar brgyad po la// gshin rje ma mo'i snying po gnyis// mkha' lding dregs pa'i snying po gnyis// sreg byed ma dang sdud byed gnyis// rus sbal ya ma'i snying po gnyis// lcags mkhar bang rim re la dgod// mtshon cha'i khang pa bcu gnyis la// dug lnga'i sbyor ba bshig pa yi// drag po spu gri mtshon cha dgod// me la snying po spor ba dgod// 'khrul 'khor mtshon cha me dpal sngags// sbyor ba'i rgyal po kun 'joms 'di// me rlung las kyi mtshon cha dgod// rdzas rnams bskus la kha sbyar dril// dur mar bcug la re bas gril// rtsang bcas gru gsum skyer pa'i stan// zhing lpags steng nas drag pos gdab// lha bsgom sngags bzlas thun brab brdeg/ drag tu bskul gyin yul la rbad// bdun nam lnga ru nya stong tsam// sbyor ba thon nas 'khrul 'khor dril// tshes gcig dag dang bcu drug la// spogs pa med pa gnan par bya// zhi khro phur pa gshin rje rnams// 'khor lo rus sbal thod chen gzhug/ dkyil 'khor chen po'i 'og tu gnan// mkha' lding dregs pa klu rgyal rnams// 'khor lo tshe bdag lto bar gzhug/ 'brong chen thod par ro khung gnan// ma mo bdud mo srin mo rnams// 'khrul 'khor nyan thos thod par gzhug/ bka' rten byin chen 'og tu mnan// bdud dang mu stegs mgon po rnams// 'khrul 'khor g.yag ru g.yas par gzhug/ ro khang sgo srung 'og tu gnan// rgyal po dge bsnyen dkor srung rnams// 'khrul 'khor sbrang ki'i thod par gzhug/ khyi tshang lam gyi bzhi mdor gnan// btsan dang srog bdag gri bo rnams// sha ru sbrang zod gong gsum mnan// klu bdud dam bdud phug bdag rnams// bon po'i thod par lha khang gnan// ze'u rang chags 'gong gshin 'gong gnan// glang rur bcug la lam mdor gnan// sa bdag klu gnyen mdze 'dre rnams// 'khor lo phag mo'i thod par gzhug/ phag thod bka' rten 'og tu gnan// bon po rigs gnyis 'dzin pa rnams// khyi thod bcug la khyi tshang gnan// sri gnon chung thod zem 'og gnan// ting 'dzin sbyor ba bdag dbang bsdu// sa yi sbyor ba gnan pa'o// drag sngags me rlung mtshon cha'o// sarba sha tuM hur bruM yaM shag nan gzir rbad b+h+yo// bar snang nam mkha' mchod rten rten// 'khrul 'khor me rlung kun 'joms yin// de nas bcom ldan 'das kyis byad dgrol ba'i sbyor ba 'di gsungs so// drag po rnal ma btsan thabs dgrol ba'i las// drag po byad dgrol las kyi rim pa 'di// drag po hom gyi 'khor lo maN+Dal sa la bya// 'byung ba rten gyi 'khor lo bar snang rten la bca'// gcod pa sngags kyi 'khor lo zhing ras rgyu la bca'// maN+Dal gru bzhi khrag gis 'thas par byug/ dbus su gru gsum khru gang 'dom re la// kha khyer gsum la rtsang bcas zla kham thod pas bskor// de yi phyi rim 'khor lo rtsibs bcu gnyis// tha ma thod phreng me ris de bzhin bskor// dbus kyi gru gsum gzugs brnyan snying po raM// kha khyer gsum la gzugs dang me ri rtsang // gang gnod grogs dang bcas pa rdzogs par bri// 'khor lo drag sngags bris la dgod// gru chad bzhi la drag po'i rdzas rnams dgod// hom shing btsug la mthing nag dar gyis dgab// drag po byad dgrol ba yi 'khor lo yin// 'byung ba stobs kyi 'khor lo bca' ba ni// rgya shog rgyu la sme ba'i rdzas rnams bsku// thig skor gsum ldan mu khyud zlum por bya// dbus su rgya gram 'khrul mig bcu gnyis ldan// yang logs brgyad gnyis rtsibs dang ldan// za ma gru gsum dbyibs la gdug pa'i ra bas bsdam// de la dgod cing gnas pa'i rim pa ni// rgya gram dbus su gnod byed ming gzugs raM// rgya gram ra bzhir yaM dang de bzhin ming // 'khrul mig bcu gnyis rtsa ba drag po'i sngags// bcu drug rtsibs la byad 'gro la spu gri mtshon// thig gnyis bar du me rlung a mu ka/ kha sbyor bcas la bar snang mkha' la brdeg/ lnga ru gzir la me sbal thun gyis gzir// myos pas bran la rdzas bsreg dmigs pa bsgyur// gtsang mas bkab la sngags kyi thun gyis gzir// drag po khyad par byed dgrol gsang ba'o// rnal ma bkrol na du ba phyid pa sngags kyis brab// thun brab bskus la cha lugs rgyan cig gsal// btsan thabs drag po e yi ga'u ru// drag po'i rdzas bsreg brab cing bdugs la bsku// phyag rgya brtan par bskyed la kun 'joms drag po brdeg/ las kyi rgyal po byad 'gro la sngags kyi rgyu// drag sngags sbyor ba 'di lta ste// e ka ya ma ka dun dza raM sad kar ya/ sarba u nan gzer phyung du raM tri tsa sbur nan srog la hur yaM shag/ ya ma ta ra tsa sa nA ga k+Shi tri sarba du raM yaM bruM shag phyung / de nas yang bcom ldan 'das kyis zug pa dbyung ba'i sbyor ba 'di gsungs so// dur khrod ras la 'khor lo drag po bri// thig skor rim pa gsum du bskor// dbus su gnod byed ming dang gzugs// 'khrul mig bcu gnyis drag po rtsa ba'i sngags// rtsibs chen bcu gsum spu gri drag po dgod// ngar blud kha sbyor thod pa dong du bca'// drag sngags brdeg pa'i dus su gsal ba gsum// gang dmigs lus dang gnas khang bskor la brab// thod khrag thun thim gar dmigs zor du 'phang // mtha' ru 'khor lo sgrub khang steng du bca'// tha chung mar ngor drag po las de brtsam// rtsa ba'i sngags dang gang 'dod spu grir sbyor// sngags kyi rgyal po gsad pa 'di lta ste// e ka ya ma ka dun dza raM sad ka ra ya/ sarba du raM dri yaM 'drid phyung srog la gzir nan phyung // zug pa ma lus 'byin pa'i sbyor ba yin// de nas yang bcom ldan 'das kyis zhen pa bzlog pa'i sbyor ba 'di gsungs so// dur khrod rgyu la 'khrul 'khor bca'// thig skor gsum ldan dbus gru gsum// dbus su drag sngags gsang mdzod ming // phyi rim rtsibs bcu spu gri sba// phyi rim 'khor yug b+h+yo dang ming // kha sbyor zod chen ngar ldan bzlas// khrag dang dug thun gang dmigs bzlog/ 'khor lo thun brdeg lam du gzhug/ dbang po dril zhing sngags chus bsku// brgya yis rdzogs nas 'khor lo glang rur gzhug/ zur thun mtha' ru bka' rten 'og tu gnan// drag po sngags kyi rim pa 'di lta ste// e ka ya na dun dza raM sad ka ra ya/ sarba sha truM e nan yaM 'drid b+h+yo// me rlung stobs kyi 'khor los bzlog pa'o// de nas yang bcom ldan 'das kyis gsang lam dgag pa'i sbyor ba 'di gsungs so// drag po las kyi sbyor ba 'di// 'khor lo mu khyud bzhi ru bskor// dbus su pho brang zlum po snying po 'bru drug dgod// phyi rim 'khrul mig bcu gnyis rtsa ba'i drag sngags dgod// yang logs bcu gnyis rtsibs la gsang lam drag sngags dgod// rtsibs chen gang gnod ming dang sbyar// 'khor lo dril la 'brang chen ra ru gzhug/ khri brgyad bzlas la lam srang zem 'og gnan// rgyun du brgya brgya dus drug nar mar spyad// drag sngags sbyor ba 'di lta ste// e ka ya ma ka dun dza raM sad ka ra ya/ man tra du ma ma hA ra ga du raM bruM li rbad// drag po gsang lam dgag pa yin// de nas yang bcom ldan 'das kyis sngags kyi dug mda' khong nas dbyung ba 'di gsungs so// bkra mi shis pa'i thod pa dur ma la// spyi bo nas brtsams mu khyud bzhi ru bskor// dbus su gru gsum gnod byed khrag gis bris// de yi phyi rim 'khor yug gang gnod sngags// yang logs gdug pa sbrul gyis bskor// tha ma me ri nang du bstan pa bri// thod pa gling bzhi pa la mu khyud bzhi ru bskor// dbus su dregs pa lnga yi snying po bri// phyi rim rtsibs bzhi stobs kyi 'bru bzhi dgod// yang logs rtsibs brgyad rtsa ba'i drag sngags dgod// mtha' rtsibs bcu drug mda' yi sgra gris mdzes// zod pa kha sbyar dug sna khrag snas dgang // drag sngags khri bdun drag po thun gyis bskul// phur pa gnyis kyis gzugs la gzer du dbab// sngags ni drag la bar ma chad par bzlas// thod pa'i 'khor lo dug shing me la bdug/ mtha' ru mon thod ka li rak+tas dgang // gri khrag dug chu nam gyi gung la 'phang // steng 'og sbyor ba dkyil 'khor 'og tu gnan// gdug pa thams cad khang nas 'byin pa'i sngags// e ka ya ma ka dun dza raM sad ka ra ya// man+ta g+hu h+ya sarba duM nan 'drid phyung // drag po thod pa mngon phyung 'dis// srung ba kun gyi rgyal por bsngags pa yin// de nas yang bcom ldan 'das kyis srung ba thams cad bstan pa 'di gsungs so// drag po srung ba'i mtha' sdud du// thams cad gzir zhing srung ba yi// drag po las kyi 'khrul 'khor bca'// dur khrod rgyu dang sbyor ba dben// mar gyi ngo la bri ba bca'// rang yang dregs pa'i sku ru gsal// gzhan tshogs dbang sdud las la mngag/ 'khrul 'khor bang mig nyi shu brgyad// gsang mdzod mun khang dbus dang lnga// mu khyud 'khor yug bzhi dang bcas// dbus su gru gsum lcags mkhar bzhi// yang logs bzhi gnyis bcu drug mtha'// srid gsum 'chang ba'i lto bar bca'// lcags mkhar rlung ri chun 'khor bcas// gsang mdzod mun khang me rlung 'obs// mtshon cha spu gri thog chen gzer// skyi 'dang las kyis sdud cing myos// de la gnas pa'i rim pa ni// dbus kyi lcags mkhar gling bzhi la// 'dren pa stobs kyi 'bru bzhi dgod// phyi rim mtsho gling lcags mkhar brgyad// drag po rtsa ba'i 'bru brgyad dgod// lcags mkhar bcu drug dregs pa'i gnas// mtshon cha'i rgyal po spu gri dgod// thams cad bsreg cing stobs kyis gnan// drag tu sbyor bas gdug rtsub 'byin// srog dbugs sdud cing drag por gnon// rang dam srog nas gang dmigs 'dren// nus pa 'brel zhing sbyor ba gcod// der bzhag stobs dang spu gri'i gnas// mtshon cha'i nus pa stobs dpag med// gsang mdzod lnga la dmigs pa'i ming // bsdus la kha sbyar bzhi yis brdeg/ dben gnas gsum du gzir zhing bskul// drag po gnam sa bar snang sbyar// drag sngags sbyor ba 'di lta ste// e ka ya ma he rag sha dun sad ka ra ya/ sarba i nan 'drid phyung tsit+ta khaM shag srog gzir sbuspur nan rbad ya// drag po bsrung ba kun gyi mchog/ sbyor ba thams cad 'dril zhing 'grub// de nas yang bcom ldan 'das kyis las thams cad kyi mthar rjes gcod kyi sbyin bsreg 'di gsungs so// drag po'i sbyor ba sreg pa'i las// gang gnod sa la maN+Dal khrag gis byug/ dbus su gru gsum kha khyer gsum dang ldan// phyi nang chag gang mdzub gang de bzhin 'phags// 'khrul mig bcu gnyis rtsibs chen nyi shu gnyis// mu khyud zlum por b+han+da lnga gnyis gcig/ tha ma me ri raM dang bcas pa'o// de la dgod cing gnas pa'i rim pa ni// dbus su gang dmigs gzugs la khru gang hom shing gzug/ kha khyer zla gam gzugs brnyan me ri rtsang // 'khrul mig bcu gnyis drag po rtsa ba'i sngags// yang logs mtshon cha spu gri sreg pa'i sngags// mu khyud b+han+d+ha ra sbal sbrul nya yi sha/ sha chen tsha ba dug gi ri lu brgya// brun gsum tshil gsum dug chu 'o ma khrag/ sngo sna chang dang mar nag bdug rdzas dgod// zhing ras rgyu la gong bzhin bris la bskul// bdun nam dgu ru dmod sngags bzlas shing bskul// pho nyas mtshon brdeg drag po'i las la bstab// bskul dang drag sngags bcu yis bsreg rdzas bstab cing dbul// gang dmigs bdug la gtsang mas khrus byas dgab// thun rjes shul du brnag pa'i zor thun dbab// 'khor lo thod pa seng ge'i khog par gnan// phyag rgya chen po lus dbang srung ba'i mchog/ drag sngags bsreg pa'i sbyor ba 'di lta ste// e ka he dun ya ma rak+Sha sad ka ya/ sa nA ga du raM tri tsa du me u nan/ gzer phyung / srog la hur// tsit+ta breng shag ram/ myog thums rbad/ bag med sbyor ba kun 'joms yin// drag sngags yan lag du ma kun// sbyor ba gang brtsams gcig gis 'grub// sbyor ba bsdud la brtsam na nye// ye shes thig le 'od dang sbyar// drag sngags mngon du phyung ba'i rgyud las// gsang ba'i sbyor ba bstan pa'i le'u ste lnga pa'o// // de nas yang bcom ldan 'das kyis yang gsang mchog gi sbyor ba 'di gsungs so// sbyor ba'i rtsa ba rnam pa gnyis// gsad pa mchog dang gso ba'i las// gsad pa'i las ni bzhi gnyis ldan// de bzhin gso ba bzhi ru bkod// khyad par bcu gnyis sbyor ba'i mchog/ las gsang thabs gsang bgrod pa thob// gsad pa sngon 'gro 'di lta ste// byin chen bde ba'i gnas mchog tu// gsang ba mchog gi sbyor ba brtsams// b+hi la'i khong 'dus khong dreg can// ha la nag po tsa ma rI// be ga ta yi 'jig rten na// ya ma rak+Sha bde ba'i klong // sgyu ma'i phung po gnas sbyangs la// rin po che yi rgyal sar 'don// thugs kyi snying po gnyis med 'phang // gzhan tshogs lhar bskyed tshogs la rol// bdag dbang bde ba thob cing bgrod// de yi sbyor ba 'di lta ste// 'dul khrims nyams pa'i gos blangs la// rdo phye lcags phye zangs phye dug chu bsku// cha gnyis byas la thig gdab brtsams// zil gnon phyag rgyas dpang gzug brjid// drag sngags dmod pa stong dang sbyar// tha chung bzhi yi mar ngo la// nyi shu drug nas 'khrul 'khor bca'// dbus nas thig skor bzhi ru bskor// dbus kyi pho brang bde gnas su// sku yi gzugs brnyan bris la ming // zla gam gsum la srung ba'i lha// phyi rim bcu gnyis rtsa ba'i sngags// yang logs 'khor yug 'bod rbad gsad// bri dang phyi nang gong ma bzhin// tha ma'i 'khrul mig bcu drug la// gsod cing gnon pa'i spu gri dgod// srid pa'i rus sbal lto na gnas// dug dang khrag gis ngar blud la// rje'am yul srung thod par gzhug/ rtsang bcas dong du mthing nag dgab// mi dmigs ngang las ye shes kyi// rol pa'i phyag rgya chen por 'pho// drag tu bskul gyin shugs kyis drangs// mkha' khyab rdo rje'i sbyor ba bsdeb// dmod pa'i lus la spu gri gdags// ming rus mi sbyar khams la spyad// rgya mdud brtsegs pa'i lho ru gnan// yang na dkyil 'khor chen po yi// 'og tu bka' yi byin bsdus la// rin po che yi lho ru gnan// bshags dang dge ba rgyun mi 'chad// mtshan bzang dus drug rgyun mi gcad// 'byung ba lnga yi mdangs bsdus la// rin po che yi rgyal sar brtan// rgyu yi snyigs ma'i srog bsdus la// dbus kyi 'bub gnas gzugs la dbab// sa dang me dang chu dang rlung // nam mkha'i dbyings kyi khongs su gzhug/ dmigs pa dag pa'i tshad mas gdon// rig pa'i drag sngags 'di lta ste// e ka he du na ya ma snying khrag ra ma tsa ya/ gu ru nr-i srog la myog thum ril mA ra ya rbad/ srog staM b+ha ya gzir nan/ srog la bruM ril thun myog b+h+yo/ bgrod pa med pa'i phyag rgyar bstan// seng ge khog bshig sbyor ba'i mchog/ gzhan yang drag po'i sbyor ba ni// dur khrod gnas nas dpa' bo yi// zhing sogs ras dang rgyu blangs la// sbyor ba gsum dang ldan par bya// de la gcod pa'i 'khor lo bri// dbus nas thig skor lnga ru bskor// dbus dang 'khrul mig lcags mkhar bzhi// mtshams bzhir zhing gi ka ba bzhi// yang logs mig brgyad mtshams brgyad sprul// bzhi pa 'khor yug bsrung ba'i gnas// tha ma 'khrul mig nyi shu la// gcod cing gnan pa'i yi ge gnas// dbus dang zla kham bsgrub bya'i gnas// bcu gnyis 'khrul mig rtsa ba'i sngags// 'khor yug nang du bsnyen pa'i sngags// bar du rbad sngags bsad sngags mthar// phyi ru mgo bstan brgya brgya bskul// bsnyen pa khri yis bos la gzir// sngags ni me dpal 'khor lo mtshon// 'khor lo/ me dpal mtshon chen gyis// zhing bcu sdig can bsreg cing 'joms// 'khrul mig rtsa ba nyi shu gnyis// gsang mdzod mun khang gnam lcags 'bar// rus sbal lto na mtshon cha me// 'od kyi gong bus 'khrug cing gsod// drag po sngags kyi gcod pa'o// e ka he du na ya ma tsa ya/ nr-i srog la dun rmugs sa ma myog mA ra ya rbad/ srog gzir staM b+ha ya nan/ srog la baM ril thun b+h+yo/ sngags kyi 'od dang 'bar ba'i me// gdug pa rang gshed rang la 'bebs// mtshon cha ngar blud me la bdug/ khri bzhis sbyor bas dril la 'phang // thon nas stag gi 'dzum par gnan// drag po rdo rje dme thabs yin// gzhan yang gsad pa drag po las// shog gu gru bzhi mdzub gang la// sme ba lnga yis zad pa bya// ni rang su yis skya bcad la// thig skor mu khyud rim pa bzhi// gru gsum ming rus zla kham lha// 'khrul mig bcu gnyis rtsa ba'i sngags// mu khyud zlum por 'bod rbad bsad// rtsibs mtshan bcu gnyis gcod cing gnon// myos pa stobs dang bral ba yi// drag po stobs kyi 'khrul 'khor yin// don ldan sbyor ba sngags pa 'jams// rabs chad nag po'i thod par gzhug/ mun pa'i gling du gnan par bya// drag po mtshon cha 'di lta ste// e ka he ma ya dun tsa ya khrag ma snying ra dgra bo'i srog la mA ra ya rbad/ dgra bo'i srog stam b+ha ya nan/ dgra bo'i srog la thun rbad rmug b+h+yo/ mtshon cha'i rgyal po 'khor lo can// gcod pa kaM pa spu gri'i tshul// gzir stobs ldan pas bsam dpag dka'// 'joms pa'i stag mo kha 'thab yin// gzhan yang drag po'i sbyor ba nyid// rgya shog gru bzhi cha gnyis la// sme ba lnga dang tsha ba bsku// dbus nas mu khyud bzhi ru bskor// rus sbal khra bo'i lto ru bri// dbus su 'khrul mig bcu gnyis la// ming rus rtsa ba'i drag sngags dgod// yang logs bcu drug spu gri dgod// kha sbyor thod pa rtsang bcas dang // lha bsgom sngags bzlas drag tu bskul// bdun du brtsams la thod pa bca'// mu khyud 'bod rbad gnan sngags bskul// khri stong brgya bar rang gshed dbab// mtha' ru srin mo'i sgrom du mnan// drag sngags sbyor ba 'di lta ste// e ka he ya ma dun tsa ya khrag raM snying dgra bo'i srog hur zums mA ra ya rbad/ srog s+t+waM b+ha ya nan/ srog la thun rbad/ rmugs b+h+yo// drag po seng ge'i 'chi sbyor yin// gzhan yang gsod pa drag po'i las// rigs min gzhan gyi sbyor ba gzhom// pho nya gzir zhing slar bzlog pa// drag sngags nus pas gzhan dbang sdud// mu stegs can gyi lus srog 'bral// dred mo ral pa gsig pa yi// zhabs mas 'khor lo'i rgyu byas la// sa dkar tsong zi rus pa bsku// dbus nas thig skor lnga ru bskor// dbus su ming rus zla kham lha// mu khyud gdug pa 'khrul mig sngags// mjug nas bzlog la spu gri sbyar// phyi rim rdo rje rgya gram la// g.yas g.yon mgo phyogs mjug ma la// 'phen pa stobs kyi sngags gzhi dgod// rang sngags ming bcas bskor ba bri// phyi rim rtsibs chen bcu gnyis la// gcod cing gnon pa'i spu gri dgod// dag dig kla klo'i thod par gzhug/ sbyor ba kun ldan bdag dbang sdud// sngags pa stobs kyi 'og tu gnan// drag sngags sbyor ba 'di lta ste// ya tsa ma ra khrag snying ma ya dun he ka e srog la dun rmug rbad b+h+yo/ srog la khaM shig b+h+yo/ srog la breng shig b+h+yo/ srog la ya shig b+h+yo/ dgra bo'i srog la gzir kham hur bruM yaM shig mA ra ya rbad/ srog stam b+ha ya/ nan/ pho nya rang gshed dbab pa yin// drag po las kyi sbyor ba yin// gzhan yang gsang ba'i rim pa ni// ni rang lpags shun khru gang la// sbyor ba'i rgyal po gsum sbyor la// mdog dang ldan par skyasku gcad bya// zhing gi srad bus thig gdab brtsam// dbus nas thig skor lnga ru bskor// thig mdud rgya gram 'khrul mig bzhi// phyogs bzhir 'khrul mig bcu drug gcod// mtshams bzhir gsang mdzod drag po'i gnas// yang logs mtshon cha nyi shu gcod// 'khrul mig bcu gnyis rtsa ba'i sngags// phyi rim 'khrul mig bzhi bcu gnyis// lcags mkhar 'khrul mig brgya bcu drug/ gsang mdzod mtshams bzhi dbus dang lnga// dbus mtshams bsgrub bya tshe srog sdud// 'khrul mig bcu drug spu gri mthun// yang logs bcu gnyis rtsa ba'i sngags// 'khrul mig bzhi bcur gab pa'i sngags// gcod cing 'joms pa'i spu gri ldan// lnga pa mtha' yi bzhi bcu la// thun bzhi dbang sdud gsang ba'i gnas// drag sngags rgyal po skabs dang sbyar// kha sbyar sngags pa tsa lo'i mgor// rtsang bcas lha bsgom dmod pa bzlas// zon nas ru bzhi 'khyil bar gnan// drag sngags gnam lcags sbyor ba yin// de yang bcom ldan 'das kyis rang gshed rang la dbab pa'i sbyor ba 'di gsungs so// yang gsang 'phrul gyi snying po mchog/ bde ba gnas kyi mchog ldan du// 'dus byas la sogs dge sogs brtsam// sngon du 'gro ba'i chos de bzhin// phyag rgya chen po bstan pa yin// snying po dang bcas gsal brtags pa// rdo rje chu bo'i bka' mi bcag/ rgyu la tsha bas kha dog dbyung // tshangs pa'i thig gnyis rgya gram gdab// ru thig gnyis te re mig skyong // thig skor mu khyud lnga dang ldan// dbus su rtsa ba'i 'khrul mig brgyad// phyogs bzhi 'khrul mig gsum gsum drangs// mtshams kyi gsang mdzod mun khang bzhi// gsum pa las kyi rdo rje la// rgya gram sbyor ba bzhi dang ldan// bzhi pa mtshon cha bdun gnyis rtsibs// lnga pa rigs bzhi ra bas bskor// 'khor lo dam pa kun dril ba'o// de la dgod pa'i 'bru rnams ni// dbus su gu ru phyag rgya'i sku// brjid pa'i tshul gyis skyil krung bzhugs// gzhan yang spyi gtsug gcer bu ring // zla gam ming rus gsang mdzod bzhi// bla sems 'chang ba gshed kyi mdzod// phyogs bzhi 'khrul mig bcu gnyis la// mgo phyogs me rlung nam mkha'i 'bru// mjug mar bya khyung bdud mo dregs// g.yas su bdud dang gshin rje khyung // g.yon du las byed ma mo srin// 'bru gsum sbyor ba bcu gnyis lus// g.yas g.yon rnal ma de bzhin bzlog/ rgya gram bzhi yi snying po la// 'og phyogs srog dbrog thams cad 'gugs// mjug ma lha dang lus srog 'byed// rwa g.yas mkha' 'gro gzan la 'bebs// g.yon gyi rwa la gzir ba'i sngags// 'bod rbad gsad dang de bzhin sbyar// sgrub dang thun mong go rim sbyar// rtsibs la lus srog gcod pa yi// yang gsang spu gri bcu gnyis mchog/ thams cad sbrul gyi ra bas bskor// kha sbyar dur ma dong dang chang // rten bzhi khyu mchog rwa dang lnga// dang po srog dbrog bsnyen pas dgug/ gnyis pas gzir zhing rang dbang bsdu// nub gsum pa la rbad cing bzlog/ bzhi pas rang gshed bdud du dbab// lnga pas rtsa srog gcad cing dbye// gcig gis gzir la rten kun bca'// khri yig klu gzir 'khyil bar brtag/ rkang 'dom phyogs bzhir thod mkhar gdab// dbus su khyu mchog khru dor gnan// drag sngags khri tshor rngam par bzlas// drag sngags sbyar ba 'di lta ste// e ka ya ma he dun snying khrag ra ma tsa ya/ ya ma ta raM dun dun sarba tsit+ta breng shag ka dun raka shag/ e ya ma srog la dun dun dza dza/ e dza raM ya ma tsit+ta breng shag pra be sha ya srog la bruM ri la ya ma tsit+ta dgra bo'i srog la dun rmugs thun b+h+yo/ sarba tsit+ta ru bruM sbar nan gzer bruM trig nan/ shag thun b+h+yo/ dgra bo'i srog la breng breng / tsit+ta dun rmugs yaM shag mA ra ya rbad/ gnan pa mi shigs staM b+ha'i mchog/ ru bzhi rdo rje'i rgya gram yin// de nas yang bcom ldan 'das kyis gso ba'i sbyor ba 'di gsungs so// de dag sbyor ba bzhi yin gyi// drag po las kyi mtha' rgya ru// mchod rten dkar nag sbyor ba dang // bka' rten bka' la srung ba dang // gnod byed ma lus dbye ba'i phyir// drag po'i snying gzer bcu gcig bsngags// de dag brtan par bya ba'i phyir// shi phrad drag po kun 'joms bsngags// srung ba kun gyi rgyal po ru// phyag rgya bsam gtan mchog tu gsungs// mtha' ru rjes gcod sbyin bsreg bya'o// de dag rgyas pa 'di lta ste// dur khrod sa la sogs pa la// rdzas bzlog nag po'i bka' rten bca'// gdan khri glang po sbrul gyi brda// bang rim bzhi la stag dang gzig/ dom dang seng ge 'debs shing rngam// bum pa drag po rtsibs bcu gnyis// 'khor lo mtshon cha 'brug gis 'degs// char khebs bya khyung gdug pa za// dregs pa thams cad zil gyis gnon// de la dgod cing gnas pa ni// 'khor lo e steng rdzogs pa'i 'bru// bum pa'i rtsibs la rtsa ba'i sngags// bang rim dang po gab pa yi// gsad pa bshig pa'i sngags kyis mdzes// gnyis par rgyan gyi yig 'bru'i mdzes// gsum par mgo dgu'i drag sngags dgod// bzhi par dbang sdud sngags dang ldan// dmigs pa'i snying po brda ming sbyar// khams dang bcas la de bzhin sbyar// gdan khrir thod pa brnag pa bsdu// yang gsang gzir dang snying gzir dgod// snying po 'bru re ming dang bcas// rgya shog gro ga dug khrag gzhug/ skabs dang sbyar la las kun bya// stobs chen dregs pa dang por gnan// bdud dang rgyal po bar du gnan// mi rigs gdan khri zod par gnan// snying po 'bru re ming srog kun// gro ga mngal khrag dug gis bris// brgya brgya skabs dang sbyar la las kun brtsam// brgya brgya mtshon cha bsnol mar brdeg/ me tog dang bcas lta bur brtag/ bskor zhing bsrung dang bsad pa'i las la shis// gzhan yang rdzas bzlog kyang log dkar por bca'// dur khrod phung sa g.yul bkye sa// dug chu mnol khrag gdug pa'i sha// tsha ba sme ba ldan byas la// khru gang rus sbal chu srin 'brug/ sbrul dang phag mo sdig pas 'debs// bum pa mtshon cha drug gnyis rtsibs// drag po nang du e yi dbyings// 'khor lo bdun brtsegs dregs pas 'degs// char khebs gong bzhin gdug pa za// dug chu thal chen sa dkar gyis// mdog dang ldan byas drag sngags dgod// bum par tshe bdag yab yum gsal// phyogs bzhir bla 'gugs mon pa bzhi// khri 'phang 'chi bdag bdud kyi tshogs// gdan khri'i 'og tu brnag pa bsdu// maN+Dal dbus su zhag lnga bzlas// bskor ba rnal dang phyin ka log/ bsrung dang gsad pa'i skabs su bya// mchod rten snang stong ye shes sku// gsal bar byas la rtag tu bzung // sbyor ba kun gyi mchog tu gsungs// sngags kyi sbyor ba 'di lta ste// e ka he du na ya ma snying khrag ra ma tsa ya dgra bo'i srog la hur bruM dza/ tsa khrag snying thun ril rbad/ sarba tsit+ta gzer zum trig nan/ de nas bcom ldan 'das kyis gsang ba mchog gi las 'di gsungs so// snang stong gnyis med ye shes sku// rig pa thabs kyis 'grol ba'i mchog/ phyag rgya chen po stobs dpag med// bde ba'i lam la bgrod pa'i phyir// gdug byed phag mo'i lto ba ru// gsang ba drag po'i mtshon cha bca'// thig skor bzhi ldan dbus gru gsum// 'khrul mig bcu gnyis yang logs rtsibs// tha ma gdug pa'i ra bas bskor// de la dgod pa'i rim pa ni// gru gsum ming rus zla kham lha// 'khrul mig sngags dang spu gri rtsibs// dug chu tsha ba myos pa'i khrag/ kha sbyar thod pa dang rtsar bca'// zhag bdun gsad pa gzir ba phye// thod pa ling+ga 'khor lo chas// klu gzir sa sros 'byung ba gshed// thod mkhar dang bcas pho brang gdab// brgya rtsa brgyad du gnan sngags bzlas// e ka he dun ya ma snying khrag ra ma tsa ya dgra bo'i srog la hur long rtsa rbad/ breng shag myog rbad// s+t+waM b+ha ya nan/ thun rmugs baM ril b+h+yo/ gsad pa mchog gi sbyor bar gsungs// de nas yang bcom ldan 'das kyis lo tog bsrung ba'i sbyor ba 'di gsungs so// yul khams snang ba'i bcud bsrung na// seng ldeng sor brgyad phur pa la// ldum gzhog brgyad la sngags tshan re// rtsa ba mi 'gyur bcu gnyis dgod// rtse mo logs gsum spu gri re// bris la zhag bdun dar gril bzlas// mtha' ru zhag gsum bzlas la gdab// yul dbus phyogs bzhi'i ri rtse la// mchod rten re yi lto ru sba// rgyal dang phur pa rta pa lag/ dbyar zla 'bring por de bzhin sbyar// sku re byin gyis de bzhin brlab// ston zla tha chung ston la bsdu// gdong bzlog rang mda' rang la 'phang // lha gsal sngags bzlas drag la 'dril// e ka he dun snying khrag ra ma tsa ya/ sarba sha truM staM b+ha ya nA sha ya phaT/ las rnams kun gyi mchog bsdus pa// yang gsang sbyor ba'i mchog tu gsungs// gzhan yang srung ba'i mchog tu ni// klu gnyan sa bdag gdug pa yi// ya nga ba yi nad dar na// rgya shog rgyu las lto sbyar bri// dbus nas thig skor ye shes bzhi// bdud bzhi dug rlangs bzhi 'joms bskor// dbus su drag po bub gnan bzhi// ma mo rgyal po mdze 'dre can// rtse yi gsang mdzod gsum la gnas// sa dang nA ga dbus su bsdu// phyogs bzhir gsang ba'i 'khrul mig ni// lcags mkhar gsum gsum rgya gram la// rtsa ba drag po lus dang ldan// mtshams kyi gsang mdzod mun khang bzhir// gdug pa gsum gyi gzugs bris la// lus srog dbrog pa'i 'bru dgu dgod// mu khyud gsum par gdug pa'i gzugs// tha ma phyi yi mu khyud la// 'khrul mig rtsa sbubs bcu gcig gnas// dmigs pas bkug cing mtshams su gzir// gnyis 'joms drag sngags bcu gcig gnas// rus sbal rtsa yi 'khor lo ni// yon tan 'phel 'grib sna tshogs 'byung // spu gri mtshams su 'dod pa bsgyur// gcod pa bcu gcig gsad la sbyar// drag po las la mngag pa yin// mkha' 'gro zas la 'pho ba'i tshul// gdug pa'i gnas su brnag pa'i gzugs// bsdus la ming rus snying po khams// gcod pa spu gri mtshams su sbyar// dkyil 'khor dbus su rtsang bcas brnag/ phyag rgya zil gnon gsal byas la// dmod pa nyin mtshan khri khri bzlas// 'khor lo thod pa sngags kyis bskul// cha lugs bzlog la mnol khrag brdeg/ kun 'joms bcu gcig lus srog 'bral// gdug rtsub bcom dang zhen chags gcod// yid kyi dbang po 'khrul pa yi// brkam chags rgyun gyi srog phrogs nas// gsang mdzod mun khang gzugs la bsdu// me rlung stobs kyis 'khrug cing 'pho// rkyen med sbyor ba'i stobs dpag med// srid pa'i khyams khang lto ru 'chang // mngag gnad mda' yi sbyor ba yin// mgo gcig dong rtse gnyis pa'i tshul// rgyud gcig dang bsgrig sngags kyis dbye// gsang ba'i thod pa 'khor lo sngags// sngags kyi sbyor ba'i tshul gyis dbye// ming rus khams sogs sngar bzhin brnag/ spu gri drag po gsum du bsgyur// yang gsang mchog gi snying po bcu// drag po me dpal stobs dpag med// sbyor ba phag zod steng dang 'og/ rdo rje rgyal po bzlas pa bya// e ka he du na ya ma snying khrag ra ma tsa ya/ srog la breng shag zum ril dun dun dza/ sa nA ga srog la breng breng dza dza/ bruM ril shag/ sa nA ga tsit+ta zum ril shag/ sa nA ga rtsa la rbad thum ril shag/ sa nA ga duM ling thu ril shag/ sa na ga srog la hur bruM ril shag/ sa nA ga khaM nan zum ril shag/ sa nA ga snying gzer sbar nan bruM ril shag/ sa na ga du me ma ma srog gzer rbad drud thu ril shag/ sa nA ga tsa tri shu la gzir nan bruM ril shag/ ro ni tri yang shig nan gzer bruM ri la shag/ snying po 'bru gsum 'bru drug bdun// 'phos pas a mu ka dang sbyar// dgu dang bcu gcig bcu dang gsum// gzir zhing gnan pa mchog la sbyor// snying gzer bdun la rbad dang nan// brnag pa'i rtsa rgyud khams la brdeg/ dgra bo'i srog la breng shag zum ril dun dun dza/ dgra bo'i srog la breng breng dza dza thu ril shag rbad/ dgra bo'i srog la dun dun shag rbad/ dgra bo'i tsit+ta bruM ril shag rbad// dgra bo'i rtsa la thu ri la shag rbad/ dgra bo'i srog la ka dum ling bruM ril shag rbad/ dgra bo'i srog la hur thum ril shag rbad/ dgra bo'i srog la khaM nan bruM ril shag rbad/ dgra bo'i srog la snying gzer sbur nan thum ril nan/ dgra bo'i srog gzir bruM ril nan// dgra bo'i srog la yaM shig/ bruM ril nan/ 'di dag sbyor ba dam pa ste// lus can mchog gi sbyor ba yin// 'od zer sngags kyi rta la bskyon// 'phen pa stobs kyi dbugs kyis 'dren// 'dril ba rang shugs khams dang ldan// srog gi yi ge rang las blangs// 'gugs 'bral bshig pa rang nyams ldan// srog dang rtsa rgyud lam bcas yin// gang stong gnyis dang lci la myur// 'brel chen bzhi dang 'byung bzhi smin// sangs rgyas khams dang bde bar ldan// rig pa stabs dang bgrod par bcas// de ma yin na rang 'ching bgrod// sngags kyi yon tan dpag tu med// rtsa ba gcig la don gnyis ldan// dril dang bcas pa gcig tu gnas// gtor dang las phreng de bzhin bsdeb// dbye ba bsdu ba bsdus te brdeg/ che ba gsum 'dus bsam dpag dka'// u bu na yi gnas chud bzhin// zin pa 'chor bar mi byed 'joms// mkha' 'gro gzhan tshogs zhen chags kun// bzas kha dgra la spo zhing bsgyur// rno dpal mtshon cha thebs la gzir// rang gnad rtog pa'i rgyun las bzlog/ thod pa gzir gsum mtha' ru bca'// sbyor ba kun ldan de nyid gzir// sa sros lam du stong dang sbyor// rdo rje gsang ba'i lam du drongs// gang gnod gdug pa'i lag tu gtad// gsad pa mchog gi sbyor ba yin// gdug pa gsum dang byad bsrung dang // btsan dang rgyal po mdze 'dre dang // bsdongs nas dbye ba sngags kyis brdeg/ sngags pa rgyal blon yul srung rje// thod pa khams dang sbyar la bsdeb// bsdebs la drag sngags bcu gcig bsnan// drag sngags bcu gcig yang gsang yin// gzhan yang srung ba bcu gcig/ las// rgya shog gru bzhi cha gnyis la// dbus nas mu khyud drug tu bskor// dbus su gru gsum thod par bskor// gnyis par 'khrul mig bcu gnyis la// thod pa'i phreng bas kun la bskor// gsum par 'khrul mig nyi shu bya// bzhi par rtsibs chen sum cu gnyis// yang logs phyi rim thod sbrul me// dbus su gang dmigs gzugs dang ming // gnyis par rtsa ba'i drag sngags dgod// gsum par khyad par drag po yi// gzir zhing srog dbrog myos shing gnon// drag po btsan thabs spu gri dgod// bzhi pa rtsibs chen sum cu gnyis// shi phrad gug 'phrul drag po 'bru// yang gsang mchog gi drag sngags dgod// rus sbal lho bar rdzogs par bca'// 'khor lo rgyal po gzugs brnyan la// bdud rtsi 'o ma khrag gis byug/ kha sbyor tshon skud thod nang gzhug/ lto sbyar khri yis ngar blud la// sngags pa'i steng 'og par snang bca'// de yis thams cad bsrung ba yin// shi phrad stobs kyi 'khor lo yis// gsad dang bsrung ba las kun 'grub// gsang ba dregs pa'i las brtsam na// 'khor lo'i sbyor ba sngar bzhin las// dbus su brnag pa'i ming rus khams// snying po 'bru bdun 'pho zhing 'phang // rbad bzhi spu gri ming rus sbyar// nyi ma bzhi dang mtshan mo bzhir// drag sngags 'khor lo bskor zhing gcad// gnod sar gnan la bzas kha 'pho// srog la thun rbad b+h+yo zhes 'phang // drag sngags sbyor ba gnyis su brdeg/ e ka he dun ya ma snying khrag ra ma tsa ya/ sa na ga tsit+ta ro myags rbad/ khrag la myogs ti ya shag rbad/ srog la mugs ti rbad/ dug phyung bram shig rbad/ kham shag zum ril myag rbad/ tsa tri ma ma dbug la zang gzer rbad/ tsa la hur zum zad/ srog la thun rbad b+h+yo/ srung ba'i rgyal po shi phrad la// bgrod pa gsum gyi rtsa ba dang // bdun pa la sogs sbyor ba gdams// gsad pa'i skabs su gsal byas la// 'khor lo thod pa'i ling+ga ming // hom khung re thums zhabs 'og bca'// gsang sngags mnan gzir zor thun brdeb// mtha' ru gang gnod de nyid sba// drag sngags sbyor ba 'di lta ste// dgra bo'i tsit+ta ro myags rba dgra bo'i srog la myog ti ya shag rbad/ srog la mugs ti rbad/ kham shag bruM ri la myag rbad/ dug phyung khram shing rbad/ dbugs la thang gzer rbad/ rtsa la hur thu zad/ dril dang gtor ba nyin dang mtshan// rdzogs nas gzir zhing ling+gar gdab// mnan pa rbad rgud mnan bzhir sbyar// staM b+ha ya nan/ kha gsol las kyi thun bskul nas// brab cing 'phang ba'i drag sngags brdeg/ dgra bo'i srog la thun rbad b+h+yo/ nA ga gu hA tsa ma rI/ ti pa ri bya sarba ti/ rU pa s+ya swa so ri kA/ su men ta yi khu ba bzhin// ha la tsa ma ri yi stobs// 'joms byed stobs kyi 'khor lo yin// gzhan yang bsrung ba kun gyi mchog/ de yi sbyor ba 'di lta ste// rin chen bdud rtsi dri dang chu// rdzas dang bcas pa'i stegs bu la// lha bsgom sngags bzlas rtag tu bkru// yan lag bum pas bsrung ba'i mchog/ zil gnon phyag rgya'i skur gsal bya// rdzogs pa'i lto ba'i srog bsdus la// drag sngags brgya brgya rgyun du bzlas// bsam gtan rtsa ba'i bsrung ba'i mchog/ dbu la nam mkha'i 'khor lo'i sngags// rtsibs bzhi 'dren pa'i snying po e// thugs kar rig pa'i 'khor lo sngags// rtsibs bzhi'i dbus na 'bru lnga'i mchog/ lte ba 'byung ba'i 'khor lo sngags// rtsibs bzhir he dun ya dang ma// gsal bas stong gsum dbang du sdud// 'khor lo rgyun gyi bsrung ba'i mchog/ drag po sngags kyi dmod pa ni// snying po dang dang shugs kyis grangs// rngam tshig drag po gtum po'o// e ka he dun ya ma snying khrag ra ma tsa ya/ stobs kyi drag sngags rtsa ba la// rno dpal mtshon cha kun 'joms sbyar// sarba tsit+ta ro myags kha thams srog gzir bur nan 'drid phyung dri shag rbad/ sbyor ba kun gyi mtha' sdud du// gsang chen las kyi rtsa ba 'di// 'khor lo sbyin bsreg lto bsdebs na// gcod dang 'bigs la sogs pa'i las// bsrung dang bsgrub pa kun byed yin// thabs rnams ldan dang mi ldan pas// bya ba kun 'grub brlag par 'gyur// 'di dag bde dang smin pa'i las// 'bigs dang gcod la sogs pa ste// bsrung dang bskyab pa kun byed pa'o// gsang chen 'phrul gyi 'khor lo 'di// gdams shing grol ba'i rim pa ni// rgyu la rdzas kyis byang bar bya// bar snang 'khor los las kun byed// sa yi 'khor los bsreg cing 'joms// thig skor gsum ldan gru gsum dbus// zla kham dmar po 'brug nas brnag/ phyi rim rdo rje rgya gram la// snying po 'khrul mig gsum gsum drang // rtsa ba'i drag sngags kun gyis lus// yang logs rdo rje'i rgya brgyad la// 'khrul mig bcu gnyis bcu drug la// drag po thabs kyi spu gri dgod// mtshams nas zla kham dbus gnas su// don gnyis sdud la ming sogs bri// rdzas ldan par snang kha sbyar bca'// las kyi rgyal po gcod pa yi// bar snang mtshon cha'i 'khor lo yin// phung sa gsum gyi stegs bu la// khrag dang dug gi chag chag gdab// bam gyi srad bus lnga ru bskor// drag po 'khor lo kha khyer gsum// phyi nang chag chag dbus mtho gang // dkar dmar mthing nag ldan pa la// rtsang dang thod pa de bzhin me// mthing nag ling+ga hom shing dbus// phyi rim rgya gram phur pa'i ming // yang logs rtsibs la rtsa ba'i sngags// rgya gram rtse brgyad spu gri ming // gdug pa'i khrag dang dug gis bri// phyi rim thod phreng me ri'i mtha'// sreg pa sa yi 'khor lo yang // rus sbal srid pa'i lto bar bri// dug dang khrag gis sme ba bya// sha sna tshil sna mar khu chang // dug sna ri lu lha yi grangs// nyung dkar nyung nag skye tshe 'bras// zangs phye lcags phye rdo phye thun// pho nyas gzugs gtub bstab pa bya// drag sngags bcu yis bsreg rdzas dbul// rgya gram ra yi 'dab brgyad du// bsreg pa'i spu gri gzugs la dgod// drag sngags sbyor ba me dang 'dra// e ka he dun ya ma snying khrag ra ma tsa ya/ dgra bo'i srog la dun rmugs dza/ tsit+ta hur thums dza la raM/ dgra bo'i srog la breng shag rbad// nra tri rak+ta rbad/ kham raM dza la raM/ bsrung dang gsad pa'i las kun la// tshul bzhin sbyar na rno la myur// drod dang mi ldan rang la gcod// bcu gnyis rnal ma rtsa ba gcig/ yan lag spu gri ming sbyar na// las 'gyang sbyor ba shis la bde// rig pas bde ba'i klong las 'phrang // de ma yin na rang 'ching !// drag pa zas gcad 'bar mam// banag pa kun gyi rgyal ba pas// drag thags mngan du byung ba'i klud las/ yang gas mchag gi lanaH drug pal// de nas 'bar ba 'jam dpal rna rdza bcom ldan 'das la gsol ba btab pa/ rdo rje snying po rang byung ba// drag po sngags kyi dmod pa la// snying po don gyi ngan sngags kyis// gsad gso dbab gcad gzir gnan gyi// rtsa bar dril ba ji ltar lags// rdo rje snying pos rdzogs par mdzod// ces zhus pas/ bcom ldan 'das kyis drag sngags thams cad kyi snying por dril ba/ srog dmar len gyi sbyor ba 'di gsungs so// de yi sbyor ba rgyas pa ni// thun mong khyad par gnyis su bya// thun mong rim pa lnga dang ldan// 'bru bzhi phyi yi 'khor lo dang // kun 'byung rtsa ba'i 'khor lo dang // gab pa thugs kyi 'khor lo dang // phag mo khong yan 'khor lo dang // phung byed sdig pa'i 'khor lo dang // yan lag lo thog 'joms pa dang // lnga ni thun mong sbyor ba gsungs// dmar len sngags kyi snying bton nas// sbyor ba gsum du dril bsdeb dang // mtshan ma mngon phyung sbyar ba ni// dmar len mar gyi zhun mar 'dra// de ni stobs chen drag po yin// 'bru bzhi las kyi rim pa ni// dur khrod dben pa'i bde gnas su// rang sems dben pa'i mtshams bcad la// brtul zhugs dmod pa @drag po bzlas// dur khrod rgyu la tsakra bca'// mu khyud bzhi dang ldan par bskor// lte bar gru gsum bsnol mar bri// gnyis par rdo rje rgya gram la// e dun ka yaM 'bru bzhi dgod// gsum pa rdo rje rgya gram la// srog dang breng breng ni srog gsum// la dang dun dun bzhi pa ste// srog la rbad dang kham shag drug/ rtsa rbad bdun pa srog la brgyad// yang logs rgya gram rtse gsum la// myog dang rbad dang khyer dang phyung // mugs dang snying ti li dang shag/ long dang rbad rnams ra rer dgod// srid pa rus sbal lto bar bca'// kha sbyar rdzas kyi sbal par bzhug/ de yang mtshan skud phag mo'i ltor// gnyen nam mchod rten nag po la// nyin gsum mtshan gsum gang brtsams 'grub// kham shag rtsa rbad/ srog la myog rbad/ khyer phyung mug ti ling shag long rbad// rtsa ba kun 'byung 'khor lo ni// gsang chen rtsa bar dril ba ste// yang gsang sbyor ba drug gnyis lnga// bde dang smin par byed pa'i sngags// ha la nag po dug 'dzin ltar// sbyor ba bcu bdun bag dang ldan// don gnyis mngon du spyod pa yis// brdeg pa'i drag sngags 'di lta ste// bla chen bzhi dang sprul pa brgyad// yang sbrul bcu gnyis chags dang bzhi// gang byung bsad pa'i sngags bzhi bsdeb// rtags med kun 'byung don gnyis drug/ de bzhin lo thog gzhom pa bzhi// chu 'dril zor 'phang du ba gzir// chu rgod 'khyags pa rdzogs pas 'grub// dmar len sngags kyi mthu bsdus nas// las kyi 'khrul 'khor mtshon char bcas// snying po kun gyi mthu dril nas// 'bru brgyad dmod pa'i lus dang sbyar// gsang chen dmod pa'i las bcu yi// rigs rtsol las dbang gnod pa'i gdon// sngags kyi brdeg pa drug dang ldan// lha 'jug phyir 'byung zhan dang bzhi// kun 'byung rtags med khong nas ldang // gang rung mtshon cha drug sdebs la// brjod pa skabs dang sbyar la spyad// rtags med kun 'byung gcig tu dril// kun gyi rjes gcod bsreg cing gzir// rgyal ba'i thig le mthu dril sngags// kun 'joms sbyor ba'i rgyal po yin// rtsa ba'i 'khor lo rgyas pa ni// gru bzhi cha mnyam rus sbal lhor// ye shes lnga yis thig drangs la// mgo dang mjug mar thig rkang gdab// de bzhin lto gnyis sna drangs la// thig bzhi rgya gram legs par gdab// thig mdud 'khrul mig drug gnyis lnga// cha mnyam gru bzhi legs btab ste// mu khyud rim pa gsum gsum bskor// dbus kun gru gsum pho brang re// byang khog dbus kyi pho brang gnyis// g.yas pa mtshon cha rtsibs bcu la// gcod pa'i ral gri bcu dang ldan// g.yon la rgya gram bcu dang ldan// ral gri thun gzir 'bru bcu'i gnas// rgya gram de bzhin yaM yaM rngubs// bcu bcu steng 'og bsnol mar gcod// g.yas su rtsibs chen bcu bzhi la// gzir dang tsit+ta rtsa sbyar gnas// g.yon na rtsibs chen bcu gnyis la// yaM breng dun dza srog dbrog dgod// srid pa'i khyams khang stod na gnas// de bzhin bskyed pa'i 'khrul mig bzhi// 'khor lo mu khyud gsum dang ldan// rtsibs chen bcu gnyis de bzhin bcu// bco lnga rtsibs dang rtsibs bdun na// bla chen sprul pa yang sbrul dang // chags sdang 'joms pa'i drag sngags te// mtshon cha'i rgyal po re la gnas// rus sbal khog smad lto ba'i rdzong // rin po che yi 'khrul mig bzhi// rtsibs bdun rtsibs dgu de bzhin bcu// bcu gcig dang ldan 'khrul mig la// mi 'khor 'khor 'jug don pa la// brdeg pa'i drag sngags tshar re gnas// lo thog 'joms pa'i 'khor lo bzhi// yan lag bzhi la gnas pa ni// lag g.yas 'khrul mig drag po brgyad// rtsa ba'i drag sngags kun la gnas// phyi rim bcu drug 'khrul mig la// spogs pa gzir ba'i drag sngags gnas// lag g.yon 'khrul mig sngar bzhin las// phyi rim rtsibs dgu zor gyi sngags// rkang g.yas brgyad dang rtsibs dgu la// dgu la thabs kyi spu gri gnas// rkang g.yon rtsibs chen bco brgyad phyi// du pa'i stobs kyis dbab pa'i sngags// yan lag chu rgod drag po yin// mgo la phreg pa'i 'khor lo ni// rim pa gsum ldan dbus rim gsum// rgya gram bcu gnyis rtsibs dang ldan// rgya gram rtsa sngags bcu gnyis bsreg/ kun gyi mtha' ru 'di sbyar bya// kun 'byung las kyi 'khor lo la// gdug pa'i ra ba sreg dang ldan// snying po brda ming rus khams sbyar// las skabs sbyor ba'i rig pas gzung // gang byung 'khrul 'khor lto la sbyar// gnyis gnyis kha sbyar nye ba'i rgyu// dril ba'i mtshon cha sngags blangs nas// sbyor ba mchog gi spyod yul rab// sngags la ngar blud me la bdug/ kun kyang rus sbal lto bar bca'// rtags re blangs la sngags re gzung // kun 'byung rtags med bsnol mar brdeg/ sngags kyi dbye ba 'di lta ste// e myags yA rngubs mugs shag ka dun/ dgra bo'i srog la hri shag dza/ tsit+ta breng shag rbad/ dgra bo'i srog la thun rmugs dza tsit+ta rbad/ dgra bo'i srog la nr-i hur thum dza tsit+ta breng breng thun shag rbad/ dgra bo'i srog la thun gzir shag rbad/ dgra bo'i srog la thun gzir dza tsit+ta breng shag rbad rbad/ dgra bo'i srog la yaM yaM ni dza tsit+ta breng shag rbad nr-i dza mA ra ya rbad/ hab tang ha ba tang ro myags dza kring kring hi nan yal yal tsit+ta rbad/ ha la ha la tsam ri kham shag rbad/ ha la ha la yaM yaM tsit+ta breng breng dun dun dza/ srog la gzir nan myogs rtsal rbad/ yaM rngubs tsit+ta khaM shag rtsa myags rbad/ de badz+ra dun sa nag ra gzir thun phreM phreM hril shar shar pho ba/ hu ra yaM hril b+h+yo khrom shar shar thun b+h+yo/ raM yaM pro shar dril kham shag kham phog/ nA ga de ba yun na/ sa tsa gzir nan shar shar hu ra yi/ hril hril phob/ hu ra yaM kham shag raM gzir thun rbad/ tsa myags thun raM rbad/ kun 'byung rtsa ba'i sbyor ba mchog/ las kun so sor bsdeb pa yin// de nas yang bcom ldan 'das kyis gab pa thugs kyi 'khor lo 'di gsungs so// sbyor ba'i rgyal po dmar len gyi// drag po thugs kyi 'khor lo 'di// ni rang gos la rgyu blangs te// sbyor ba kun ldan be ga ta// khru ba chags pas snag tsha bya// 'khrul 'khor rim pa bzhi ru bskor// drag po dbang sdud phyag rgya'i ming // rtsa ba'i 'khor lo lcags mkhar brgyad// ye shes las dang tsa ra bdud// mkha' lding dregs pa rus sbal yum// dngas ma kun 'byung snying pos dgang // yang logs mu khyud bsnyen rbad gsad// phyi rim phyogs mtshams 'khor lo brgyad// yan lag 'khor lo bzhi gnyis ldan// mu khyud gsum gsum drag po dbus// tha ma gdug pa'i ra bas bskor// yan lag rtsa ba'i 'khor lo bzhi// bod pa ming gi 'bru bzhir ldan// sa khams rgya gram 'bru bcu gnyis// me khams 'bru bcu gsad pa'i sngags// chu khams drug gnyis srog dbrog 'bru// rlung khams bcu gnyis thams cad gzir// 'debs dang drod mtshams bcu drug rtsibs// lo thog 'jom pa'i spu gris dgang // de bzhin g.yeng dang bskyed pa'i mtshams// rtsi thog 'bras bu srun pas dgang // drod dang chu mtshams bcu gsum rtsibs// thams cad sreg pa'i 'bru yis dgang // g.yeng dang 'debs mtshams bcu gnyis rtsibs// gdug pa gzir ba'i 'bru yis dgang // gang bsgrub 'brel la khar sbyar bca'// srid pa'i khyams khang lto na gnas// dar ldan thod pa dong du bca'// gang byed spu gri zhag gsum brtsam// yan lag so so kha sbyar la// thon nas gdug pa'i klu la gtad// bde ba'i rgyal po gdug pa'i mtshon// dmig pa'i rtsa dang khong du 'phang // drag sngags dbye ba 'di lta ste// e myags ya rngubs mug shag ka dun/ dgra bo'i srog la hur thum tsit+ta breng shag mA ra ya rbad/ dgra bo'i srog thun gzir hur kham breng shag sbur nan stam b+ha ya nan/ sarba u nan bruM ril sbur nan sha truM 'drid nan sa nA ga thums ha la ha la yaM yaM sbur nan hur bruM/ raM thun ro myags tsit+ta raM khas ca thang rak+ta thibs rbad/ yul 'dir ser ba e nan ka phreM/ ma tsa hril hril de ba gzir phreM/ na ga shar shar phob ser ba sha traMtuMhUMstaM b+ha ya nA sha ya phaT/ drag po dmar len gab pa yi// brnag pa thugs kyi 'khor lo yin// gzhan yang yan lag sbyor ba ni// rtsa ba gcig tu dril ba ste// phag mo'am sdig pa'i lto bar bca'// dril gtor kha sbyor zod pa gsum// gang rung zung du 'brel bas gcod// snang stong gnyis med ye shes sku// gsal gsum don bzhi yang dag bzhi// bdun pa gsum dang sdebs bzhir ldan// mi g.yo rtsal med rang snang shugs// yul dang 'phrad na shugs kyis 'char// rtog med spyod pas 'chi med grol// las gsum sbyor bas rkyen med bsdu// snying po dngas snyigs 'byed cing sbyor// gcig gis mkha' khyab rten la'ang bsdu// 'bru gnyis tshul du snang ba'ang 'byed// rtogs pa ru bzlog 'khor rgyun gcod// bde lam 'jog pa rgyan ldan pa'o// rten pa'i 'khor lo 'di lta ste// dur khrod ras sam shog bu la// gsod pa'i rgyal po gdug pa 'joms// phung byad phag mo'i lto ba ru// mu khyud rim pa lnga ru bskor// dbus dang zla gam dbang bdun gsod// mun khang gsang mdzod tshe srog 'chang // phyi rim rgya gram 'khrul mig brgyad// sna tshogs rdo rje ra brgyad ldan// rtsa ba'i 'khor lo snying po mchog/ phyi rim lho sbyor mu khyud zlum// gang sgrub bsad pa'i sngags kyis gang // me dpal 'khor lo gshed kyi 'bru// rno dpal mtshon cha lto sbyor yin// yang logs mtshon cha rtsibs bcu gnyis// dmar len srog gi spu gris dgang // rno dpal 'khor lo stobs dpag med// gcod cing 'bigs par ngar bcas yin// thams cad gdug pa'i ra bas bsdam// zhe sdang gdug pas khong nas skem// mdze yams drag po'i 'khor lo yin// gdug pa kun gyi sbyor ba mchog/ phag mo mtshon cha sna tshogs spu// klu gnyen sa bdag za yin bskul// gnam thog mdze rims gri lkugs gtong // dmar len srog gi sngags kyis mdzes// 'khrul 'khor rdzas dgu'i thang pas byug/ khams dang snying po ming rus rnams// gsang mdzod mun khang lnga la bri// khyams dang mu ran gnod pa'i gdon// 'khor lo kha sbyor thod par gzhug/ steng la pho yi thod pa la// sbrul dang rgya gram me ri ldan// gnon cing gzir ba'i sngags kyis dgang // dmar len sngags kyi dmod pa dbab// dang la rnal mas gcod cing 'pho// kha gso 'khor lo thod pa dang // drag sngags rnal bzlog bsnol mar brdeg/ thon nas gnas kyi 'og tu sba// nya stong thod pa ling+ga dang // brgya brgya mtshon cha bsnol mas gcod// rtags thon cher gnod klu la gtad// rtsa rgud bcad pa'i sbyor ba ni// nyin zhag gsum dang phrugs gcig bzlas// thon nas 'khor lo thod pa gzir// dug shing me dang dud pas bdug/ 'khor lo chung pa rdzas kyis gril// rdzas kyi phag mo'i lto bar gzhug/ sbyor ba kun ldan klu la gtad// sngags kyi rgyal po shugs kyis grangs// ma byung sbyor ba'i stobs zhan na// 'khor lo dug dang tsha ba khrag/ sme ba lnga dang mnol khrag bsku// sngags rnams dug dang ming rus khrag/ dkrug sngags lugs dang lugs min bri// rgyu rkyen ling+ga dbus mtshams lnga// lus dang yan lag 'byung ba dkrug/ lha srin gnad la bor te gsod// gdug pa'i snying gang kha ru gtad// drag sngags sbyor ba 'di lta ste// e myags ya rngubs mug shag ka dun/ dgra bo'i tsit+ta breng shag dza srog la hur thums rbad/ thums hur la srog dza shag breng ta tsi dgra bo rbad/ dgra bo'i srog la breng shag hur thums shag dza tsit+ta rbad/ srog zum hur la dza shag breng tsit+ta rbad/ phag mo khang yan nye ba'i rgyu// rno dpal mtshon cha rnal ma yin// gzhan yang sbyor ba drag po'i las// sngon du 'gro ba sngar bzhin las// khyad par lha srin dkrug pa'i las// sdig pa chen po'i lto ba ru// mu khyud rim pa lnga dang ldan// dbus la sogs pa snga ma bzhin// bcas pa drag sngags dkrug bzlog dgod// gsang mdzod lnga la ming rus khams// zla kham gsum la srung ba'i lha// rgya gram 'bru brgyad drag po'i sngags// snying po 'bru brgya rtsa ba dkrug/ 'khor yug lha srin gang bsgrub sngags// mtshon cha'i rtse mo bcu gnyis la// dmar len spu gri dkrug la dgod// sbrul dang mu ran gnod pa'i ming // kha sbyor zhing ras rgyu la bri// lcags kyi sdig pa'i lto bar gzhug/ mgo dgu kha dgus gcod cing za// sha khrag drod dang rtsa la rol// lag dgus len byed lag dgus gcod// bla dang dbang po srog rtsa sdud// rkang pa dgu yi dur chad rko// rkang pa dgu yis gzir zhing gnon// lcags kyi sder mos tsit+ta 'byin// dug gi sme bas myos shing rlom// dug gi rlangs pas gsod cing bsreg/ mchi ma khrag dang kha chu dug/ rnga ma mtshon cha'i lo ma yis// gdug rtsub rtsa dang srog rtsa gcod// gsod pa'i sdig pa lto sbyar la// thod pa kha sbyar nang du bca'// mon nam rabs chad thod nang gzhug/ gsum mam phrugs gcig drag sngags las// dug lnga brkam chags yul la rbad// rgyal blon stobs can dngas snyigs 'byed// 'byung ba lnga yi 'og tu gnan// stobs chen 'byung ba'i dgra la gtad// gdug pa gzir la dgra zla bsko// dbang chen phyag rgya de bzhin brtag/ ka la ka ba pho mo byed// sna tshogs rdo rje gru gsum sbrul// snying po ming bcas brda gsum bsdu// drag sngags dkrug pa 'di lta ste// ya rngubs e shag dun myags ka mugs// dgra bo'i srog la shag breng dza tsit+ta bruM hur rbad/ sdig pa lto sbyar dkrug pa'i las// kun gyi mtha' ru spogs pa yin// de dag thun mong sbyor ba'o// de nas yang bcom ldan 'das kyis khyad par gyi sbyor ba 'di gsungs so// brda don thabs kyis grol ba'i las// ba dang 'o ma zho dang mar// zhun mar snum gyi snying po'i tshul// snying po'i sbyor ba gsum dang ldan// gsad gso dbab pa'i las chen yin// gsad pa khyad par sbyor ba dag/ g.yang min brtan dang grol dbang dag/ stobs ldan sbyor ba'i snying phyung 'di// gang thun rgyu la 'khor lo bca'// rdzas dang thang pa'i sbyor ba yin// dpa' brtul drag po'i stobs kyis spyad// gdug byed phag mo'i lto ba ru// srid pa'i khyams khang srog sdud bca'// khyams khang lto na brnag pa'i gzugs// spyi gtsug snying gar mtshon cha bca'// mu khyud gsum dbus ming rus bri// phyi rim rgya gram rtsa ba'i sngags// yang logs bcu gnyis spu gri mtshon// rus sbal lto yi phyogs mtshams las// rtsibs chen bcu gnyis rtse mo na// gsang ba drag po'i spu grir ldan// phag mo'i lto nang rtsibs bcu gnyis// rtse mo nang bstan spu gris gang // 'khrul mig khyams khang rus sbal dgang // gnan pa'i drag sngags mtshams su brdeg/ bskyod pa'i bcu gnyis yan lag mgo/ don gnyis bsdus la sbyor ba brtsam// kha sbyar dur mar brnag pa'i rten// rgyu rten drug bcas tsog pur dgab// snying gar 'debs byed sor gsum sar// bsgom bskul drag sngags bsnol mar brdeg/ srid pa gsum gyi srog bsdus la// sngags dang spu gri thems la blang // ya bag sha yi sbyor tshul can// rtsa dang srog zungs gcod cing bsreg/ ho ban srog 'dzin dngas snyigs 'byed// srog gi thig le bde lam bgrod// cig shos thod par sdud cing gnon// 'debs skyod yang 'phul ya yi las// zhag gsum dmar len dmod pa bor// rngam tshig drag pos rang gshed bslang // lus srog phral nas srog gzir bslang // phur pa khri yis snying la gzir// phur pa byin can gzer du gdab// gdug pa myos brlams brgyal te 'gro// gsum dang ldan rdzi yal srubs// thod mkhar rten gyi rten 'brel lha// brnag pa'i rgyud la gnod cing 'joms// dbang chen dregs pa pho mo 'khol// srog gi thig le nyid du 'gyur// ki kaM las kyi rim pa yin// stong nyid ma skyes bde ba 'god// bde ba'i ye shes nyid du 'bar// thig la bde ba'i spros dang bral// kha gso mthu ru zor de bsreg/ drag sngags sbyor ba 'di lta ste// e myags ya rngubs mugs sha ka ka dun// rtsa la myogs tsit+ta khas rbad/ khas tsit+ta myogs la rtsa dza shag/ breng la srog rbad/ srog stam b+ha ya nan/ srog la thun b+h+yo/ bde byed tshangs pa'i gnas su dbab// dmar len snying phyung sbyor ba yin// de nas bcom ldan 'das kyis lo thog gzhom pa'i sbyor ba 'di gsungs so// thams cad sku gsung thugs bdag nyid// ye shes rig pa'i phyag rgyar gsal// tshe gnas dbang po lo thog 'joms// las kyi brnag pa snang snang min// rim pa gsum ldan phag mo'i ltor// dbus yul rgya gram rtsa ba zlum// rtsibs chen brgyad gnyis sbyor ba bzhi// kha sbyor yul srung la sogs rten// zod chen phag zod sbyang ki rdzas// bdun 'bum nyi khri 'bum gcig brtag/ rtsang dang skyer phur gta' la gzer// zor zab du ba spogs dang rnal// khrag sna dgu dang sme rdzas dgu// khrag dug zho dang seng ldeng lcags// gzugs brnyan dkar nag klu gnas sar// mon thod nang du dar gyis gril// 'bum gcig bcu bar rten la bstim// dbyar dpyid tha chung ra ba nya// ston zla gsum la ha gsum brgyad// bzhi dang bcu gcig nyi shu dgu// gang rung lo thog 'bras bu sdud// drag sngags sbyor ba 'di lta ste// phreM phreM shar shar hril nA ga snying gzer rgud/ raM bruM yaM shig hril b+h+yo/ phreM shar hril b+h+yo/ phreM shar raM thun b+h+yo/ na ga snying gzer spud/ yaM shig bruM shar/ drag sngags sbyor ba rgyal po yis// sman dang rtsi thog 'joms pa'o// thams cad zungs thub snying po mchog/ byin rlabs drag po kun 'dul gsang // bde ba nyams kyi lhun grub gsal// thams cad zil gnon sngags dang yul// snying po srog dang brda' ming sbyar// gzir zhing myos byed dbang po 'tshal// yi ge gnad kyi srog 'phrog la// las dang sbyor ba rgyun gcad bstim// rten gyi mchog la gnas su dbab// phag mo'i lto bar rgya gram e// nyi shu gnyis rtsibs gdug par ldan// gru gsum gang gnod gzugs dang ming // rgya gram de bzhin rtsa ba'i sngags// mtshams dang gsang mdzod rtsa sbubs ming // nyi shu gnyis la spu gri sba// lto sbyar dug khrag phag thod brnag/ zhag gsum sngags bzlas bsreg la gnan// gang gnod ming dang snying po bsdeb// gzir la srog dbrog sbyor ba gcad// spyi srog 'bru gsum gnad kyis dbrog/ sgo dgu'i brda ming stobs kyis gzir// kun gyi mtha' ru gru gsum gyi// las dang sbyor ba rang gshed gcod// e myags ya rngubs mugs shag ka dun/ sarba tsit+ta gzir bruM u nan/ kaM shag snying gzer 'drid phyung trig nan raM shag rbad/ sngags kyi yan lag spu gri yis// rno myur bcas te 'joms par byed// bgrod pa stobs kyis dbang med na// rang yang 'ching ba'i lus su 'gyur// thams cad 'joms par gdon mi za// de nas yang bcom ldan 'das kyis dmar len las kyi kha gso thun gyi sbyor ba 'di gsungs so// las rnams kun gyi mchog bsdus pa// rtsa ba gcig tu dril ba yin// las kyi gnad dang bskyod pa'i thabs// bar mtshams sbyor ba kun dang ldan// ri nag dur khrod sme gri mno la// g.yul bkye'i sa chu khrag blangs la// stegs bu chag chag zor thun bca'// ri sho gro ga mnol khrag ming // zhing ras rus chen zhabs ma la// dug dang tsha ba brnag pa'i rten// bcas la thod chen 'thom nag dong // drug las sbyor ba sor bcu gnyis// tsog pu spyi tshugs brnag pa'i brda// skye tsher re ba mthing nag sgra// gsal gsum mchog gi thugs sngags bskor// rang nyid che ba'i don dang brdeg/ drag la 'dril ba bar mi bcad// dang po dgu ling bzhi bskor bya// gung srod tho rangs drag tu bskor// dgu thog lhub chen gzer 'debs tshul// rnal mas lus kyi dbang po bshig/ bzlog ste cher dril thun bzhir brnag/ sha rus khrag chu 'joms shing skems// dkrugs te thun sngags drag bzhir brdeg/ rtsa srog dbugs rgyun gcod cing 'pho// ma yengs gdengs gsum phye gsum brun// dgu skor thun gyis brdeg zun ldan// dbang po rnam shes khams dang rten// 'pho ba gsum gyi brda' phan yin// bskor phyogs g.yas g.yon dbus mthar sbyar// mtha' ru gdon gsum gang rung brnag/ gdug pa me dang me thod klu// zor thun las gnyis bsdebs la brtsam// de yi 'pho tshul gnyis dang ldan// ma yengs brten dang grol bas 'phang // ra nag chad pa seng ge kha// gang yang dogs pa med par 'joms// de nas bcom ldan 'das kyis thun sngags drag po 'di gsungs so// e myags dgra bo'i srog la bam ril kha thun yaM rbad/ ya rngubs srog la hril myags thun shag rbad/ mugs shag srog la gzer bruM ram thun rbad/ ka thun srog la mA ra ya thun rbad/ dus tshod nyin gnyis de bzhin mtshan// brdeg pa dang po'i las de'o// dun ka shag mugs rngubs ya myags e/ dgra bo'i srog la hur bruM dza/ rtsa srog dbugs la raM thun rbad// de bzhin bzhi ru bra bskor bsdeb// 'joms pa drag po'i dbus de bzhin// e rngubs tsit+ta hur bruM rbad// myag mugs tsit+ta breng shag rbad/ ya shag tsit+ta rag thibs rbad// ka dun tsit+ta rngubs shag rbad// de bzhin bzhi bskor sngags kyi sgo// drug gis las kyi gnad du 'bebs// bskul ba bzhi skor bla sngags bzhi// zla gcig dus bzhi rtag tu bya// kun 'joms drag po me dang 'dra// dug khrag gnyis ldan bde ba'i nyams// rten gcig shes pa dngas snyigs 'byed// dang por yul ldan dmigs pa brtag/ bgrod pa'i stobs kyi gdengs gsum ldan// dpa' brtul stobs ldan dmod pa brtsam// rang nyams shugs ldan gang brtsam smin// ye shes nyon mongs bde dang smisprin// rang 'chings thabs grol ldan dang min// bden pa gnyis 'dzin don med yal// bde ba'i rgyal po rang las shar// ma bcos bcos med bcos dang bral// e yi ye shes las byung ba// chos sgra nam mkha' las drag rdzogs// ka yi ye shes las byung ba// las dang sbyor ba smin cing rdzogs// ya yi ye shes las byung ba// phul zhing bskyod de srog dbugs rdzogs// myags kyi ye shes las byung ba// srog sdud las smin thar bar rdzogs// rngubs kyi ye shes las byung ba// bsreg skyems khrag rgyas 'bras bu rdzogs// mugs kyi ye shes las byung ba// don gsum ma yengs che gzhi rdzogs// shag gi ye shes las byung ba// 'bral ba gsum dang thar pa rdzogs// dun gyi ye shes las byung ba// 'chi bdag rang bdud snang gsal rdzogs// 'brel chen bzhi ni bgrod pa ste// yi ge sngags kyi gsang tshig nyid// che ba bzhi yi grangs don yin// rtsol bral rang nyams shugs kyis spyad// drag la 'dril zhing che ba'i stobs// yin par rtog med rang shugs ldan// de nas bcom ldan 'das kyis bla rkun pho nya bla la mngag pa 'di gsungs so// thugs kyi sprul pa mngon byung ba// shar gyi phyogs nas bla 'gugs pa// dung gi mon pa seng ge'i mgo// dbu dgu spyan dgu zhal dgu gdangs// phyag dgu zhabs dgu tsit+ta dgu// zhabs dgus stong khams bla la rgyug/ spyan dgus dgra bo'i bla nas 'joms// snying dgus dgra bo yid la 'dzin// phyag dgus tsit+ta khong nas 'byin// zhal dgus kha mngar med par gsol// ljags dgus khrag la myos shing 'thung // dgra bopo bla dang phrol la shog/ ka li dun ting tsit+ta ro myag srog la bruM ri li li b+h+yo/ lho yi phyogs nas bla 'gugs pa// lcags kyi mon pa stag gi mgo/ dbu dgu spyan dgu zhal dgu gdangs/ phyag dgu zhabs dgu tsit+ta dgu// zhabs dgus stong khams bla la rgyug/ spyan dgus dgra ba'i bla nas 'joms// snying dgus dgra bo yid la 'dzin// phyag dgus tsit+ta khong nas 'dzin// zhal dgus kha mngar med par gsol// ljags dgus khrag la myos shing 'thung // dgra bo bla dang phrol la shog/ ha la ha la dun ting ro myags srog la bruM ri li li b+h+yo/ nub kyi phyogs nas bla 'gugs pa// bse yi mon pa dred kyi mgo/ dbu dgu spyan dgu zhal dgu gdangs/ phyag dgu zhabs dgu tsit+ta dgu// zhabs dgus stong gsum bla la rgyug/ spyan dgus dgra bo'i bla nas 'joms// snying dgus dgra bo'i yid la 'dzin// phyag dgus tsit+ta khong nas 'byin// zhal dgus kha mngar med par gsol// ljags dgus khrag la myos shing 'thung // dgra bo bla dang phrol la shog/ rak+ka hu ti dun ting ro myags dgra bo srog la bruM ri li li b+h+yo/ byang gi phyogs nas bla 'gugs pa// gser gyi mun pa khyung chen mgo/ dbu dgu spyan dgu zhal dgu gdangs// phyag dgu zhabs dgu tsit+ta dgu// zhabs dgus stong khams bla la rgyug/ spyan dgus dgra bo'i bla nas 'joms// snying dgus dgra bo yid la 'dzin// phyag dgus tsit+ta khong nas 'byin// zhal dgus kha mngar med par gsol// ljags dgus khrag la myos shing 'thung // dgra bo bla dang phrol la shog/ karma b+ha ti dun ting ro myags srog la bruM ri li li b+h+yo/ drag po mtha' sdud skrod cing 'dril// pho brang thig le bde la bzhag/ yon tan lhun grub rin po che// rtsa ba gcig la yan lag 'byung // sbyor ba du ma las kyi gnad// dmar len sngags kyi mthu dril nas// 'khor lo mtshon cha'i rgyal po'o// drag sngags mngon du phyung ba'i rgyud las/ dmar len snying po don gyi man ngag gi le'u ste bdun pa'o// // de nas yang bcom ldan 'das kyis yon tan thob par bya ba'i rim pa 'di gsungs so// tshe srog bdag po'i don ngag ni// rnam grangs lnga dang ldan pa'o// dbye ba ngo bo yon tan dang // las dang 'bras bu nges par bshad// dbye ba dag pa rnam pa lnga// rang bzhin lhun grub tshe bdag dang // ye shes lhun grub zil gnon dang // phyag rgya gcig pa'i tshe bdag dang // thugs las 'khrungs pa'i tshe bdag dang // las las grub pa'i tshe bdag go/ yon tan rin po che lta bu// kun 'byung 'phel 'grib med par gnas// lhun grub tshe bdag dngas ma lnga// rgyu rkyen 'phro 'du rtsol dang bral// phyag rgya chen por lhun grub pa'o// zil gyis gnon pa'i tshe bdag ni// snang srid ye sa rtog las 'das// rtog bcas 'khrul pa ru bzlog phyir// rin chen gzhal yas lhun grub na// stobs kyi gdan la de bzhin grub// rang bzhin gsal ba'i ngang nyid las// ye shes lhun gyis grub pa'i sku// lhun po ri rab brtan ltar brjid// srid gsum sbyor ba zil gyis gnon// bdud mo kha 'bar gsod byed mas// myos byed khrag skyugs ma mo'i tshogs// ma lus zil gyis gnon cing 'joms// gsod byed bka' yis byin brlabs gnon// dregs pas gnyen dang sa bdag pho mo gnon// bya khyung klu bdud klu srin gnon// khyung mos sa bdag sa srin gnon/ seng ges rgyal blon stobs chen gnon// stag gis dud 'gro gdug pa gnon// zhe sdang gdug pa'i sbrul nag gis// sngags dang dmod pa rigs bzhi'i klu// tsha ba'i nad dpal zil gyis gnon// srid pa'i khyams khang rus sbal gyis// srog dbugs bkrag mdangs tshe srog 'chang // rang bzhin chos sku skye med las// skye ba'i cho 'phrul lhun grub skus// skye ba las kyi 'khrul pa yi// brkam chags skye med ngang du grol// dngas ma'i thig le bcud la bsdu// snang srid bde 'gro ma lus kyi// tshe srog yi ge gnyis bsdus 'chang // phyag rgya gcig pa'i tshe bdag gi// gdan las yab yum bya khyung dregs// rgyan gyi sngags dang gab pa'i sngags// las srung drag pos 'joms pa yi// sprul pa'i tshe bdag nag po ni// zil gnon thugs kyi sprul pa ste// dbu dgu gnad dgu mi nad 'joms bdud yin// theg pa dgu yi don ldan nas// 'bras bu rigs lnga ye shes bzhi// sprul pa sna tshogs bsam dpag dka'// las kyi tshe bdag nag po ni// 'byung ba rten gzhi'i rngam gyi 'og shed na// mi dge bcu yi las dbang las// yi dwags rgyal po 'chi bdag sku// sha za ko ke 'khor dang bcas// dbang sdud sngags kyi las kun byed// las kyi rnam grangs 'di lta ste// rtsa ba bzhi dang yan lag bcas// lhun grub tshe bdag nag po'i las// rtsa ba gnyis dang yan lag bcu// khyad par brgya dang bcu drug yod// snying po man ngag rtsa ba gnyis// yan lag phral na nyi shu dgu/ zil gnon phyag rgya chen po las// ltas log lus kyi go cha srung // phyag rgya gcig pa'i tshe bdag la// rtsa ba gsum la yan lag lnga// sprul pa'i tshe bdag mgo dgu'i las// sbyor ba bcu drug a kro'i mthar// las kyi tshe bdag nag po'i las// sbyor ba'i rnam grangs brgya phrag gcig/ drug cu rtsa gcig byed par gsungs// tshe bdag nag po'i ngo bo 'di lta ste// thams cad chos skur ngo bo gcig/ ye shes lhun grub chen po'i sku// sna tshogs sbyor ba sprul pa'i sku// rol pa gsum gyi ngang du rdzogs// 'bras bu'i gnas tshul 'di lta ste// chos nyid 'gyur med rang bzhin las// rang byung ye shes phyag rgyar 'bar// thams cad snang stong ye shes sku// dbyings dang ye shes gnyis su med// sna tshogs ngos gzung med pa'i sku// snang stong ma 'gags bde chen nyid// 'khor 'das gnyis med brdal ba'i klong // rtog dpyod phrin las rtsol las 'das// ting 'dzin 'du 'phro rkyen las 'das// bgrod thob rtsol med lhun gyis grub// mi zad rgyan gyi 'khor lor rdzogs// theg pa kun gyis bgrod pa'i mchog/ sgyu ma lhun grub yul la rol// ye shes lhun grub rtog brjod 'das// rang rig rang gsal rang byung sku// sna tshogs snang la ngos gzung med// drag sngags mngon du phyung ba'i rgyud las/ tshe bdag gi rnam grangs kyi le'u ste brgyad pa'o// // gzhan yang bgrod pa'i rim pa ni// sems nyid dben pa'i bde gnas su// rang nyams brtan pa'i mtshams bcad la// maN+Dal chen po bya bar brtsam// sngon du 'gro ba'i las rdzogs nas// dur khrod dpa' ro rgyu blangs la// thugs kyi sprul pa mkha' khyab spro// gug rgyal dri yis khrus byas la// maN+Dal dbus su brtan par bzhag/ bsam gtan bum pas sum yar sbyar// dngos grub gang 'dod drag sngags gdags// gzhan tshogs gtor ma brgyad cu spyad// skur bsgom drag sngags sku yi sngags// rtags dang sbyar la lho sbyar bzlas// bam gyi tsit+ta'i pho brang du// tshe bdag 'khor dang bcas pa brtag/ phung po 'byung ba rnam shes la// ya ma'i dkyil 'khor rdzogs par brtag/ skabs dang sbyor la rtsol ba brtsam// tshogs dang sbyor mchod pa lin+tas// phyi rgyud mchod sogs rgyun mi gcad// rang sems shugs ldan rtags thob na// slob ma tshe bdag sku bsgom la// yol bas bcad la khrus dang sbyar// phyag rgya bkra shis gzungs ma brtag/ sngags skyes rgyas rigs bram ze'i rigs// lang tsho mtshan ldan khrus byas la// gso byed gzungs mas g.yon nas 'khyud// b+ha ga gsang ba'i pho brang du// lhun grub dkyil 'khor rdzogs par brtag/ rdo rjer bcas pa'i phyag rgya yis// gsang ba'i lha la gsol ba gdab// byin brlabs brtul zhugs 'jug pa brtsam// khrus dang me tog 'jug pa yis// bde chen sku dang bam dkyil 'khor// gsang ba lhun grub mkha' la 'jug/ brtul zhugs sngon 'gro'i rim pa bdun// bum pa sems phreng sme ba blang // rgyan cha phyag mtshan drag po'i dbang // gtor ma rak+ta bdud rtsi bstab// lung bstan gzengs bstod dbugs dbyung bya// gsang mtshan brtan pa mi zlog sbyin// dam tshig chos bshad gdams pa bya// bka' bsgo mna' chu gsang ba bsgrag/ lhar bskyed bu la tshogs kyis rol// de yi rim pa 'di lta ste// slob ma gzhug phyir gsol ba gdab// lhun grub rang bzhin gnas pa'i pho brang nas// ye shes rgya mtsho lhun gyis grub pa'i lha// ma lus mnyam pa'i rgyal po dgongs su gsol// slob ma mtshan ldan yum gyi dkyil 'khor du// brtul zhugs drag po'i stobs kyis gzhug tu gsol// bde chen mnyam pa'i pho brang gsang ba ru// rig pa'i brtul zhugs stobs kyis gzhug tu gsol// slob ma mnyam pa'i don dang bgrod pa 'dod pa yis// me tog rin chen 'dod pas mdzes byas la// dkyil 'khor dang bcas bdag cag mnyam pa yi// rdo rje rgyal po dag la gsol ba gdab// ston pa'i sgron ma bcom ldan 'das// lha dang slob dpon dgongs su gsol// dregs pa stobs kyis tshul bstan pa// 'gyur med/ bde chen pho brang nas// dregs pa'i lha tshogs dgongs su gsol// b+ha ga gsang ba'i dkyil 'khor nas// mnyam pa'i rgyal po dgongs su gsol// dam tshig dka' thub sdom pa'i mchog/ rig pa'i rgyal po bdag la dgongs// gsang ba'i sgron ma bdag la dgongs// ye shes rol pa bdag la stsol// me tog rin chen dbyig bsdus la// bde chen phyi yi 'jug pa brtsam// phung po lhun grub tshe bdag rten// bam chen mnyam pa'i dkyil 'khor du// 'jug pa nang gi lha ngo bstan// b+ha ga gsang ba'i pho brang du// me tog dor la lha ngo bstan// gdong g.yogs dang ldan spro ba bskyed// bkra shis mtshan ldan gsang ba'i pho brang na// gnyis med sangs rgyas kun dang mnyam sbyar ba'i// byang chub sems nyid mi 'gyur bde ba'i mchog/ pho brang lhun gyis grub par bzhugs pa dang // sme ba lnga dang bdud rtsi sbyor ba'i sems// bkra shis mtshan ldan b+han+dar brtul zhugs sbyin// mi 'gyur brtan pa'i sku dang ye shes bgrod// gsang ba gzungs ma spro ba bskyed la blang // ho// bde chen gsang ba'i pho brang du// thabs chen gsang ba'i bde phab la// dbu ma'i rtsa rgyud sa bon bsreg/ b+ha ga gsang ba'i chos skur bskyil// rtsa lam 'od 'phros longs spyod sku// mnyam par gnas pa byang chub sku// spros bral kun khyab sprul pa'i sku// brtan pa thob pa rdo rje'i sku// yab yum mnyes pas mnyes par bya// sbyor ba dag pa'i byin rlabs las// rtsa brgyud bde ba'i thig ler bsgril// byang chub shugs dang sme ba bsre// bkra shis mtshan ldan bum par bsgril// brtul zhugs rab 'byams dbang bskur bya// hoH/ rig pa'i stobs ldan sbyor ba'i gnas// 'khrul pa'i bag chags sprin lta bu// ye shes rol pa'i sgron mes bsal// mnyam pa'i rgyal po brtul zhugs longs// e ka ya ma pra tits+tsha hoH/ mtshan ldan bkra shis pho brang du// drag po stobs kyi lha po bstan// bkra shis bum pas dbang bskur bya// hoH/ ye shes lhun grub bum pa yis// brtul zhugs dag pa'i dbang bskur bas// 'khor ba rnam dag chos skur gsal// rang byung ye shes dbang thob shog/ e ka ya ma g+hu h+ya b+ha ga bo d+hi tsit+ta hoH/ 'bras bu khrag 'thung ye shes lngar// rdzogs pa'i phyag rgya lhun grub pa'o// rgyan cha stobs kyi dbang sbyin bya// glang chen stag glang zhing lpags sbrul// thod pa snying phreng keng rus brgyan// me ri dur khrod dbang bskur bas// dregs pa'i mthu stobs dbang thob shog/ e ka ya ma ha sti ma hA nA ga ka pA la tsit+ta dza la ni ri hoH// hoH/ 'khor ba 'dral byed 'khor lo dang // nyon mongs gcod pa'i ral gri dang // chos nyid mtshon pa'i rdo rje yis// sku gsum mnyam pa'i dbang thob shog/ e ka ya ma tsakra khaD+ga badz+ra hoH/ be con dug lnga zil gyis gnon pa dang // gdug 'joms byed pa'i gtun shing dang // log rtog brkam chags 'joms pa'i sdigs mdzub kyis// rig pa stobs kyi sgo gsum dbang thob shog/ e ka ya ma tsit+ta hu ti sa ra la soH// brtul zhugs spyod pa'i ro la mnyam par rol pa ni// hoH// pad+ma rdo rje mnyam sbyar nas// pad+ma rak+ta byang chub sems// bam chen sme ba'i don dang sbyar// brtul zhugs rol pa'i dbang bskur bas// mi zad rgyan gyis dbang thob shog/ e ka ya ma a d+hi pa ta sid+d+hi hoH// longs spyod dag pa'i dbang bskur bya// 'chi med rang byung ra sA yan// bkra shis mtshan ldan lhag pa'i rdzas// 'phel 'grib med pa'i dbang bskur bas// rigs lnga ye shes lnga yi dbang thob shog/ e ka ya ma sarba pany+tsa/ a mr-i ta dz+nyA na shud+d+ha hoH// bkra shis dngos grub ga'u ru// mi 'gyur brtan pa'i tshe bsgril nas// rang rtags tshe yi dbang bskur bas// 'chi med mi 'gyur brtan pa'i dbang thob shog/ e ka ya ma A yur+d+ha na sid+d+hi hoH/ snod kyi 'jig rten gtor snod du// bcud kyi 'jig rten gtor mar gsal// 'byung ba sna lnga gtor ma'i rgyu// lhun grub kun 'byung gtor ma'i rgyan// 'dzin chags med pa'i stobs kyis rol// e ka ya ma ma hA ba li ta pU dza hoH// snod med brtul zhugs zhan pa la// spel zhing smras na khro bo dang // gtum po gnod sbyin mkha' 'gro dbang chen gyis// lus 'dra la khong gshag tsit+ta khrag tu 'thung // rdo rje 'chang chen dregs pa nga yin pas// bka' yi zur yang bcag par bya ba min// bsgo ba byos shig dam tshig srog ltar srungs// gal te 'das na rdo rje dmyal bar lhung // 'di ni rdo rje dmyal ba'i chu// tshul 'di bsrungs na dngos grub 'thob// nyams na mnar med dmyal bar ltung // rdo rje'i chu 'di khyod kyis longs// badz+ro da ka i dam hoH// 'dod pa'i tshogs la rol pa'o// drag sngags mngon du phyung ba'i rgyud las/ bam chen gsang ba'i dbang gi le'u ste dgu pa'o// // gzhan yang gdug pa'i nad zhugs na// mtshan nyid rtag pas las rnams smin// de yi rim pa 'di lta ste// rgyal rigs mgo nas rus nad bskyed// rje'u rigs lag g.yas tsha ba skem// bram ze lag g.yon khrag chu skem// dmangs rigs rkang g.yas zha grum g.yo// gdol pa rkang g.yon rnag la 'jug/ ba su rtsa la phol 'bras g.yo// sman dang 'phye bo rlung sgor 'jug/ mdze rlung khrag bskyed tsha grang 'khrug/ rkang gcig bu ga kha gnyis 'jug/ gzhogs skem sub pa nad kyi rgyu// gel ba so dang sen la 'jug/ lci 'thibs gzer nad glang po gtang // 'thoms pa tshigs mgo zha 'brum skem// mgo mang kha zas ro la 'jug/ lce yang dang po ro dang bral// gdug pa chen po snying la 'jug/ smyo 'bog 'chol mdze sdug bsngal myong // sa yams rjen shun dri la 'jug/ nang rol lnga la mdze yams skyed// lto 'phye rtsa bzhi sbubs la 'jug/ bad kan khrag rlung mkhris nad bskyed// skyo dub 'chal g.yeng 'chal dang 'thibs// sha rus g.yengs pa'i rtags lnga 'byung // klu bdud klu srin sgang dag 'thib// glang thabs grum dang pho srin nad// ma mos rims dal spyo nad gtong // rgyal pos sgro 'bog 'chal dang bsdang // btsan gyi gzer nad gri dang bsdang // the brang glo bur hur thum gtang // 'dzin pa rtags ni bzhi dang ldan// yid kyi dug can khong nas ldong // dmar len mchog gi sngags kyis gdon// reg pa'i dug ni rtsol bas 'dzin// shi phrad phyag rgya nyin mtshan gdon// mthong ba'i dug ni mdze shus 'dzin// mgo dgu sngags kyi lto sbyor shis// kha rlangs dug ni sha bkras 'dzin// gzhan yang gdon pa'i sbyor ba ni// sngags dang 'khor lo sreg pa'i las// 'jug pa'i rjes gcod sngags kyis gdon// mgo la sogs pa gdug pa las// dril gtor 'khor lo lho sbyar bsdeb// sbyor ba'i rgyal po gsum gyis gdon// mgo la shi phrad nyin mtshan dang // lto sdebs gtor ba'i sbyor bas gdon// lag g.yas zhugs la snying gzer dgu// de bzhin g.yon la nyi shu gcig/ rkang pa g.yas la gdug pas gdon// g.yon la ltolho bkrug sbyor bas gdon// bu ga dgu la bcu gcig pas// rtsa phran zhugs la 'bru brgyad shis// dbugs dang rdzi la bcu gcig gtor// rjen shun shugs na gnyis gnyis bsdeb// drod la zhugs na lnga tsho bsdeb// rlung la zhugs na gnyis por tri// rtsa lam bcu gcig gtsor blang yang // sa me tsa la sum sdebs dkrug/ rtsa bzhi gdug pas 'byung ba'i nad// dkrugs nas phyag rgya chen pos gdon// tshig mgo bdun la dgu bdun bsdeb// kha zas zhugs la shi 'phrad bsdeb// tsit+tar zhugs la bcu gcig dkrug/ klu bdug klu srin bdud pa dkrug/ du me 'bru dgu'i sbyor ba bsdeb// ma mo la sogs rims dal gcod// tsiSh+Ta 'bru dgu'i sbyor ba yis// smyo 'bog la sogs 'joms pa'i mchog/ dza yaM 'bru dgu dkrugs bsdebs pas// gzer dang dri yi sbyor ba 'joms// ro nr-i bcu ya 'bru bsdebs pas// glo bur nad dang mdze yams 'joms// mchog tu snying po maN+Da la// dmar len sngags kyi snying po zung // kun 'joms rtags rnams med pa'o// drag sngags mngon du phyung ba'i rgyud las nad kyi mtshan nyid bstan pa'i le'u ste bcu pa'o// // de nas yang bcom ldan 'das kyis chos nyid gtan la phab pa 'di gsungs so// ma bcos chos sku ye brdal ni// gdod nas gnas pas lhug pa yin// bgres rgud med pas gnyug ma yin// phyogs ris med pas kun la khyab// mtha' dbus med pas brdal ba yin// rang rgyud med pas 'gyur ba med// mi phyed mi shigs rdo rje'i sku// srid gsum khams gsum 'khor ba yang // ming tsam btags pas sgyu ma ste// rang bzhin med pas nyams pa med// ji ltar btags pa'i chos rnams kun// 'gro ba'i sdug bsngal byang chub sems// sems dang chos nyid gnyis med pas// rtag pa chen po bde ba'i sku// khyung chen nam mkhar lding ba bzhin// chos skur sangs rgyas sngar sangs rgyas// bde ba'i ye shes rang la shar// sgyu ma lhun grub yul la rol// drag sngags mngon du phyung ba'i rgyud las/ chos nyid gtan la dbab pa'i le'u ste bcu gcig pa'o// // de nas yang 'khor gyi 'jam pa'i rdo rje des/ bcom ldan 'das la gsol ba btab pa/ drag sngags rtsa ba ji ltar gnas// dka' thub sdom pa ji ltar gsungs// sbyor ba'i rgyal po ji ltar bsdeb// drag po'i sngags rgod ji ltar lags// rdo rje snying pos rgyas par mdzod// ces gsol to// bcom ldan 'das rdo rje 'chang gis/ rgyal ba kun gyi dgongs pa bsdus nas bkod do// drag po sngags kyi rtsa ba ni// rim pa bdun dang ldan pa yin// 'dun pa gsum dang lta ba gzhi// yin pa gsum dang gab bsdeb gsum// gsang lugs gsum dang gnan lugs gsum// 'char gas gsum dang 'pho ba gsum// gsal ba gsum gyis don tshan 'grub// glang chen gungs so ltol po gzung // bde ba mchog dang thugs rje'i gzungs// gtsang sme med blang zil gnon sgrol// yi ge lha dang mtshon cha las// lus dang yan lag bsrung gsang bsdeb// rten can rten med sbyor ba'i tshul// nam mkha' bar snang sa gzhir gnas// thugs rje chos dang ye shes chos// yul dang 'phrad na 'chor ba'i tshul// lha dang 'khor lo gzas pa po// lha dang sngags dang yul dang dmigs// de yis drag sngags rtsa ba 'dus// drag sngags mngon du phyung ba'i rgyud las/ drag sngags rtsa ba'i le'u ste bcu gnyis pa'o// // gzhan yang dka' thub sdom pa ni// dpa' brtul sngags kyi dmod pa la// gtsang sme le lo g.yeng ba min// gsang thub shes rab spyod pa can// dpal brtul stobs dang nyams ldan pa// sbyor ba'i khyad par dka' thub bsrung // gdug pa gsum gyi sbyor ba la// tsha gsum bcud dang rol de bzhin// dri ma cha chung zil ba la// brtag pa gsum gyi sbyor bas blang // yon tan dka' thub kun dang ldan// phyag rgya bstan pa'i skur gsal bya// rang lus dmigs pa gzhan mi bstan// 'bum tsho drag sngags rgyun mi gcad// nya stong drag po'i sbyor ba brtsam// dka' thub drag po'i sbyor ba yin// bsrung ba'i dam tshig sngags kyi srog/ bcu gnyis gcig gis drang don can// kun gyis dang du blang ba ni// rdo rje rmang gi ri mi bshig/ mngon phyung dogs med brtul zhugs spyad// 'khor lo srog mthar gnad pa zor// gzir sogs dbab pa yan lag yin// dam tshig gzungs la rtag tu 'jug/ gcan gzan rgyal po gsad pa min// za ma tog tu dug mi blug/ rin chen lha brag bsreg mi bya// gangs kyi zhun chu btung ba min// bdud rtsi snod ngan nang mi blug/ mi shis snod du mdangs mi dbab// snod ngan seng ge'i zho mi blug/ yid bzhin nor bu bsreg mi bya// gnam lcags ur mo nang mi 'thab// stag gzig rol pa'i lhag mi bsdu// rdo rjes gtams pa'i brag mi gshig/ rdo rje'i ra ba'i rmang mi bral// mun pa sel ba'i sgron mi gsad// rdo rje chu bo'i rka mi gcad// rgyal po'i phyag rgya'i rtags mi dbye// rdo rje'i rdzong gi mkhar mi bshig/ rin chen rgyal mtshan rtse mo dpog/ thun mong sngags kyi dam tshig yin// lhag pa'i dam tshig rnam pa gsum// bgrod pa brtul zhugs blta ba'o// drag sngags mngon du phyung ba'i rgyud las/ dka' thub dam tshig gi le'u ste bcu gsum pa'o// // de nas yang bcom ldan 'das kyis gab pa mngon du phyung ba'i sbyor ba 'di gsungs so// de yi las rim 'di lta ste// rtsa ba rnam pa gsum du bsrung // gsad dang gso dang lo thog gzhom// gsad pa'i las ni lnga dang ldan// mtshon cha bsnol ma gnyen bsreg gnyis// lto shal log zin thun dang lnga// drag po bsad pa'i skabs su sbyar// sangs rgyas thugs kyi bcud bsdus pas// gab pa mngon phyung sbyor ba'i mchog/ rang sems dben pa'i dur khrod du// dpa' brtul sngags kyi dmod pa bor// shog bu gru bzhi mtho gang la// thig skor gsum ldan zla gsum mthong // bla sems ming rus lha rnams bri// phyi rim 'khrul mig lcags mkhar bcu// rtsa ba'i snying po me rlung skyi 'dang gnas// de yi phyi rim 'khrul mig bcu gnyis la// ral gri rgya gram bsnol mar gnas// ral gri gsad pa'i spu gri la// rgya gram gnon pa'i spu gris mdzes// de nyid rus sbal khro bo'i lto bar bri// cha gnyis byas la dug dang khrag gis byug/ sngon dmar dang bcas thod pa'i dong du brnag/ pho thod dmod pa mo thod ming rus brnag/ tshe bdag bsgoms la ye shes 'khor lo bca'// zhag bdun drag sngags dmod pa rngam tshig ldan par bzlas// drag tu bskul gyin brnag pa'i yul la mngag/ drag sngags dmod pas gsad la gzir zhing thod pa bca'// 'khor lo thod pa gdug pa'i gnyen la gtad// sbyor ba gzhan tshogs drag po'i skabs dang sbyor// drag po sngags kyi sbyor ba 'di lta ste// e ka ya ma snying khrag ra ma tsa ya/ dgra bo'i srog la mugs ti shag rbad/ dgra bo'i srog la staM b+ha ya nan/ gzhan yang gab sbas gsad pa'i sbyor ba ni// 'khor lo mu khyud rim pa gsum du bskor// gru gsum ming rus zla kham srung ba'i lha// 'khor lo rtsibs bdun mu khyud phyi ru bya// mtshon chas gcod pa'i rtse mo la// ming bcas spu gri bdun pa dgod// tha ma'i rtsibs chen dgu pa la// 'dren pa stobs kyi 'bru bzhi dang // khong khrag 'brel ba'i 'bru lnga dgod// mtshon cha'i bar du ming rus bris// 'khor lo zod pa kha sbyar gzhug/ zod pa steng ma mu khyud bzhi ru bskor// dbus su rgya gram lte bar oM dang ldan// ra la ya ma 'bru bzhi bsnol mar bri// mu khyud gnyis par rigs bzhi klu brgyad bsnol// mu khyud gsum pa sbrul nag brgyad kyis bsdams// sbrul gyi gseb tu gnan pa'i sngags kyis dgang // mu khyud tha ma me ri snying po raM// thod pa'i kha khyer phyi ru nan gyis bskor// thod pa 'og ma mu khyud zlum po gsum// dbus su gru gsum rtse mor raM gsum ldan// nr-i dang ming rus zla gam rdzogs par bri// mu khyud gnyis par sbrul brgyad ske bsnol bsdam// sbrul gyi gseb tu ming rus me raM// thod pa'i bar du gcod pa'i 'khor lo gzhug/ zhag grangs nyi shu bdun du bya// gdug pa'i gnyen sar khru do brkos la gnan// gdug pa'i drag sngags 'di lta ste// e ka ya ma snying khrag ra ma tsa ya/ dgra bo'i srog la mug ti shag rbad/ dgra bo'i srog stam b+ha ya nan// gzhan yang gang sbas gsad pa'i sbyor ba ni// 'khor lo mu khyud rim pa gsum du bskor// rus sbal gzugs gnyis lto ba stong par ni// rus sbal lto bar brnag pa'i ming rus bri// de yi phyi ru gnon pa'i gdon rnams bri// dug dang khrag dang tsha ba'i rdzas kyis byug/ sbal pa lto sbyar phyi ru drag po'i sngags kyis bskor// thod pa steng mar nA ga staM b+ha nan bri// thod pa 'og mar nA ga raM yaM nr-i dza rbad ces bri/ mthing nag dril la rtsang bcas dong du gzhug/ gong ltar sngags bzlas mthar ru gnyan sar gnan// 'bum phrag brgyad dang khri tsho brgyad cu dbye// lu ma 'khyil pa'i dbus su nam gyi gung la gnan// lha srin kun gyi pho brang btab par bsam// drag sngags dmod pa sbyor ba gsum dang ldan// e ka ya ma snying khrag ra ma tsa ya/ dgra bo'i srog la mA ra ya rbad/ ya ma snying khrag ra ma tsa e/ dgra bo'i srog la nA ga duSh+TAn staM b+ha ya nan/ dgra bo'i srog la gzir yaM b+h+yo/ gzhan yang gnan pa drag po'i mtha' sdud du// gzhan gyi thod pa stobs can rnyed pa na// rang gi sbyor ba phyis la zhag gsum thod par gzir// khri tsho bskul gyis rngam tshig drag tu bzlas// thod pa gdug la dmigs pa'i ming rus bri// gzhan gyi snying po tshangs pa'i rtsa la bri// ming byang phyi ru phas kyi bsnyen dang gsad pa bri// tha ma yang dag drag po gsang ba bri// thod pa kha khyer raM yaM baM gyis bskor// thod pa steng ma'i dbus su ma dang nr-i// de yi phyi ru bsnyen bsgrub gsad pas bskor// nyin mtshan mtshams su brgya brgya drag tu bskul// tha ma yang dag drag sngags rdzogs par bri// thod pa'i phyi nang dug dang khrag gis byug/ bsgrub sngags brgya brgya drag sngags khri tsho re// nyin zhag bcu ru yul la bskul gyin rbad// mi rgyus skra shad bcings la dang po'i gnas su gnan// gsad pa rnams gnan la 'bru bzhi yang // khri tsho drug tu drag po'i sngags kyis gzir// e ka ya ma snying khrag ra ma tsa ya/ dgra bo'i srog la khram shing rbad/ e ka ya ma ma ra/ dgra bopo'i srog stam b+ha ya nan/ thun thun mugs raM b+h+yo/ drag sngags dug mda' thun gyi sbyor ba ni// gang la sbyor dang mngon sum 'joms shing 'pho// de yang rten gyi thod pa gling mangs su// thun khrag sna tshogs thod pa ming rus bca'// phye gsum thun gsum khrag gsum brdeg pa'i rdzas// skyer tsher rten la thod pa dar gyis dgab// gsal bzhag dgu dmod pa dbab// brgya brgya bzlas shing thun khrag dag la bstim// drag sngags bskul bas dug mda' khog du skyel// rtsa gcod khong khrag skam nas shes pa 'pho// sngags kyi grangs las tshad kyi sbyor ba min// drag tu bskul gyin thod khrag zor du 'phung // thod pa'i pra ngan drag po sngags kyis bzlog/ lus bskyod rngam tshig sgra dang bcas pas bya// dregs pas bskyod cing rngam pas yul la 'phro// drag po sngags kyi sbyor ba 'di lta ste// e ka ya ma srog la dza mugs thun rbad b+h+yo/ rtsa khrag rtsal breng shag thun rbad b+h+yo/ ra ma snying rtsa hu ra yaM thun rbad b+h+yo/ rtsa khrag khram shig thun rbad b+h+yo/ gsad pa gsum sbrel drag po sngags// gnyis sbrel mtha' gsum sbyor ba man// rig pas brtag la sdebs kyi sbyor ba blang // rig pa gsum dang ldan pa lnga ru bya// gsang ba las kyi rim pa bsdeb dang sbyar/ sbyor ba gab pa'i snying po gsad pa yin// drag sngags mngon du phyung ba'i rgyud las/ sbyor ba drag po'i le'u ste bcu bzhi pa'o// // gzhan yang lo thog gzhom pa'i sbyor ba 'di lta ste// dur khrod ras sam shog gu gru bzhi la// dbus su rus sbal lto ba stong par bri// 'khor lo rtsibs chen bcu gnyis dag dang ldan// 'dren pa'i 'bru bzhi 'byung ba'i 'bru lnga pa// dbab pa'i sngags bzhi chu dril zor thogs gzar// gta' ma thod pa 'dra gnyis gcig dang gsum// khrag lnga so lnga 'bru gsum thal// rten gnyis 'bru gsum tshil gsum dang // bla gnas yul rten 'dug pa thod pa'i rten// sbyor ba gzhom phyir khrag dang dug gis gdab// dgu bdun lnga ru tha chung gsum dang sbyar// khri brgyad gang dmigs khri yis lam du gzhug/ dmigs pa gsum gyis gnas yul rten la sbyar// chu rgod 'khyags pa ri ru rdib nas 'joms// drag sngags sbyor ba bzhi ru bsdeb// e ka ya ma pra ma srur ya bam/ phreM phreM hril dril nyid 'dril phreM/ hril shar shar yaM yaM 'ub hril b+h+yo/ phreMphro shar shar b+hi ta rak+Sha shar shar raM thun yaM shar phob/ nA ga gzir nan dril phob/ de ba yu nan gzir phob/ ma ma rak+ka gzir phob/ si si ya ma tsa shu la gzir nan hril shar phob/ 'bras bu rtsi thog skye shing 'joms// lus dang yan lag 'dod par sbyar// drag sngags mngon du phyung ba'i rgyud las/ lo thog 'joms pa'i le'u ste bco lnga pa'o// // gzhan yang srung ba'i sbyor ba ni// rim pa brgyad dang ldan par bya// bshig pa 'khor lo gzugs dang brda// de bzhin gdug pa gzir ba gsum// kha bcing rang gzir sbyor ba mchog/ drag po sngags kyi sbyor ba khyad par gyis// gzhan gyis sbyor ba bshig cing gnon byed gzir ba'i las// rgya shog dag la gang gnod gzugs de bri// snying gar snying po tha ma sngags kyis bskor// ga'u so sor bcug la gru gsum rtsang bcas brnag/ mthing nag dur khrod dar ram re bas gtums// zhag gsum brabs la mtha' ru bka' rten gnan// gzugs la bshig pa'i sbyor ba dang po yin// dur khrod ras la snying po brda mid bri// sngags kyis bskor la dug chu tsha ba bsku// la cha'i ga'ur sbal pa'i lto bar bca'// zhag gsum thun bzhir brgya dang bcu ru brab// thon nas du bas bdugs la seng ge'i khog par gnan// brda la gshig pa'i sbyor ba gnyis pa'o// dur khrod ras la thig skor gsum du bya// dbus su gru gsum ming bcas 'khrul mig dug lnga'i sngags// yang logs rtsibs bcur bshig pa'i spu gri dgod// rus sbal lto bar dug khrag tsha ba bsku// kha sbyar gong bzhin thod pa dong du gzhug/ lha bsgom sngags bzlas yul la drag tu rbad// drag po sngags kyi sbyor ba gcig gis bya// e ka ya ma g+ha sa ma dza ni ra ya/ sarba sha truM staM b+ha ya nan 'brid rbad/ 'khor los bshig pa'i sbyor ba gsum pa'o// gzhan yang klu gnyan sa bdag gdug pa'i nad dar na// rgya shog dag la gzugs bri na ga sngags kyis bskor// nad khrag dug khrag tsha bas zhing ras gril// thod pa dong du mnol khrag zhag bdun brab// nya stong lha bsgom gzir sngags mtha' ru gnan// sa dang nA ga su yi mtha' ru bri// brda dang ming spel snying gzer sngags kyis bskor// gong bzhin sbyor ba phag zod chu mchog gnan// dur mched bka' rten gnod pa'i sa ru gnan// gzhan yang gdug pa gzir ba'i 'khor lo ni// dur khrod ras dang shog bu gru bzhi la// thig skor rim gsum dbus su sa nA ga/ 'khrul mig bzhi gnyis he b+ha rtsa ba'i sngags// rtsibs brgyad spu gris gdug pa'i zhen chags gcod// rus sbal la sogs khri brgyad mno la khrag brab// thon nas gzir zhing mtha' ru gnan pa bya// he b+ha ya ma thi pa ra ya/ sa nA ga snying gzer srog la myog rbad/ sa nA ga snying sbur nan nan/ gzhan yang gnod byed kha bcing ba// sbyor ba gzhan ming sngags kyis bya// sarba tsit+ta gzir bruM big+h+nAM nan/ gzhan yang stobs kyis bdag po nang gzir na// rgya shog gzugs byas lto bar 'khor lo bca'// thig skor gsum ldan dbus su ya dang ka/ 'khrul mig bcu la gshig pa'i spu gri dgod// mtha' ma'i bcu gnyis rtsibs la rang gzir rtsa ba'i sngags// dug khrag brab la rten gyi phur pas bsdig/ rang nyid zil non dmigs pa gcer bur brtag/ sngags bzlas dam bdar thun brad khrag gis brab// drag po thon nas zhag gsum gcig na phye'o// sngags kyi sbyor ba 'di lta ste// e ka ya ma g+ha dza ni ra ya/ e ya hur bruM sha truM 'drid khang shag ya ri/ rang gi lus bsrung gzhan gyi sbyor ba dpral// mchog tu gsang ba rang gzir med pa'i gnas// drag sngags mngon du phyung ba'i rgyud las/ bsrung ba khyad par gyi le'u ste bcu drug pa'o// // de nas yang bcom ldan 'das kyis drag sngags dbang sdud kyi sbyor ba 'di gsungs so// srid pa las kyi mtha' sdud du// dbang sdud las kyi 'khor lo brtag/ las kyi tshe bdag lto ba na// srid pa sngags kyi 'khor lo gnas// de yi rim pa 'di lta ste// srid pa'i 'khor lo mu khyud lnga// lto ba chos kyi pho brang hUM// de yi phyi rim 'khrul mig ni// gsad pa drag po'i sngags kyis dgang // gnyis pa 'khrul mig rtsa sgrub brgyad// gnas pa ser ba'i sngags kyis dgang // de yi phyi mig bcu gnyis la// yan lag sbyor ba'i drag sngags te// gshin rje ma mo bdud dang rgyal// zhi khro sri can gzir ba'i sngags// snying gzer gdug pa gzir ba'i sngags// pho mo ma ning 'pho ba'i sngags// bcu gnyis las kyi skabs kyi gnas// 'khrul mig bzhi la brda yis gang // kun 'byung rtsa ba'i 'khor lo yin// las kyi yan lag phral la ste// thun gyis gzugs la brdeg pa yin// mnan pa la sogs gong bzhin sbyar// a kro'i mtha' ru shis par gsungs// skabs dang sbyar la thun mong spyad// g.yeng min bde ba'i nyams kyis brtags// gdeng dang ldan na mchog tu bsngags// sngags kyi dbye ba 'di lta ste// he ka he tun rak+Sha rbad/ ya ma he sad rak+Sha rbad/ kha raka tsa thur rak+Sha rbad/ g+hus sma dza ni rak+Sha rbad/ thar kang sad ka ra ya dgra bo'i srog mA ra ya rbad/ ya ma e ka ra dza 'dri ma nan// ma hA sang tsa ru ra nan/ pra ma sa ra na ga thi sa ra nan/ nri tri rA tsa mA ra ya rbad nan/ e ka he ka e ma ke ya ma he sang pra ma khrag la phreM phreM hril shar shar drag tu phreM phreM shar shar hril b+h+yo/ phreM shar shar ka ma da ri hril phreM/ sa nA ga tsit+ta ro myag phreM phreM shar shar trag tu dril snying gzer kham shag phob/ e ka he ka 'dri me he kaM traM yaM he kaM b+hi sa ma sma dza ra kus ma dza ni/ dza rang sad kar ya hUM phaT/ e ka ya ma he ka 'dri ma ya rag mo rak+She ma b+h+yo/ e ka ya ma he ka 'dri ma ya sarba tsit+ta gzer bruM big+h+nAM/ e ka ya ma he sang sad ka ra ya dza raM rbad sarba sha traMtAMtrai nan gzir thun b+h+yo/ e ka ya ma dun b+h+yo ka du dza raM ya ma sha truM sad ka ra ya thun/ gzer rbad b+h+yo/ e ka ya ma ka dun dza raM sad ka ra sha truM na gzir thun rbad/ da raM sha truM sad ka ra ya rbad/ ya ma he sang bra ma khrag tsa tri sha truM raM thun gzir rbad/ he sang ya ma sad ka ra ya/ sa nA ga sha tuM snying gzer hUM rbad/ ya ma ka dun dza raM sad ka ra ya/ b+ha ti ya sha truM na khaM nan thun gzir rbad/ ya ma rak+ta thun rbad/ e ka he ka ya ma nA ga snying gzer thun/ rtsa ba 'dri ma thi ba ra nA ga thun gzir rbad/ e ka he ka nA ga s+phur nan/ ar+ya ga ru na na ga mA ra ya nan/ he baM thi pa ra nA ga sbur nan/ stam b+ha ya nan/ e ka ya ma du ma thi ba ra nA ga thun gzir rbad 'dri ma dun dza/ he saM ya ma dun ya ma nr-i sarba sho na ya nan/ de dag las kyi sbyor ba kun// don ldan thabs kyi rgyal pos bya// dbang sdud sngags kyi sbyor ba kun// sku yi bsnyen ma mtha' ru sbyar// drag por sbyor na rang la nyen// rig pa'i stobs kyi phyag rgyas 'phang // las rnams rtsa bar dril ba yin// drag sngags brgyad gnyis gcig gis rdzogs// drag sngags mngon du phyung ba'i rgyud las/ dbang sdud rtsa ba'i le'u ste bcu bdun pa'o// // de nas yang bcom ldan 'das kyis nges pa'i don 'di gsungs so// sbyor ba mi shes sbyor byed pa// gnyis su med pa'i sbyor ba ma shes na// btags la don gyi ngo bor 'dzin pa yis// mngal gyi grong khyer brgyud pa'i bdud kyis zin// thabs lam gsang ba'i don dang ldan gyur na// snang srid chags pa'i spyod pas me 'bar kyang // gnyis med phyag rgyar grol ba'i 'bras bur bgrod// sgrol ba mi shes sgrol byed pa// skye shi med pa'i gdeng dang mi ldan na// rtsol bas sgrol ba mu stegs 'khrul pa ste// las kyi srin pos bcings pa'i bdud kyis zin// byar med rdzogs pas srog kyang gcad du med// ye shes chen po'i phyag rgyar rang grol na// khams gsum sems can dus gcig srog bcad kyang // chos sku bde ba chen po bgrod pa med par rtogs// spyad du med pa'i phrin las ma shar na// dpe la mtshon byed lus med spyod pa ni// las kyi rnam smin dmyal ba'i btson rar tshud// rtsol ba byas pas rtag pa'i bdud kyis gzir// spyad du med pa'i phrin las spyod shes na// lha srin kun gyi ming dang mtshang smos nas// las la mngags nas pho nyar kun rbad kyang // blang dor med pas rol pa'i spyod par dag/ bsnyen bsgrub rtsol med sngags don ma shes na// phyi nang rtags la brten nas sgrub byed pa// mi shes srog la rtsol bas rang bdud rang la 'khor// mnar med dmyal ba'i gnas la the tshom med// bsnyen bsgrub rtsol med sngags kyi don shes na// srid gsum mkha' 'gro 'dus pa'i srog dngas ma// lha srin kun gyi srog snying dril ba'i mchog/ drag po e dang yan lag sbyor ba ni// rdo rje'i bzlas pas ye shes rol par shar// gang mthong ci spyad lhun grub mtha' gnyis grol// nam mkha' rin chen lhun po rgya mtsho ltar// don gnyis smin pa yon tan lhun gyis grub// ma bcings grol med bgrod pa'i 'bras bur smin// snang srid 'khrul pa dug lnga'i smag rum du// sangs rgyas bka' yi drag sngags ye shes nyi ma shar// sngags kyi go mtshon drag sngags me rlung 'di// ye shes gnyis med rang las chos skur gsal// drag sngags mngon du phyung ba'i rgyud las/ rtsol ba dang bral ba'i le'u ste bco brgyad pa'o// // de nas yang bcom ldan 'das kyis mgo dgu pa'i sbyor ba 'di gsungs so// rnam grangs sbyor ba bzhi ru bkod// rnal ma'i 'khor lo spogs pa gnyis// lo tog gzhom dang bsrung ba'o// rnal ma'i sbyor ba 'di lta ste// dur khrod gdug pa'i bde gnas su// dur khrod ras la 'khor lo bri// sme ba lnga dang tsha ba bsku// dbus nas thig skor bzhi ru bskor// gru gsum zla kham lcags mkhar bzhi// mtshams bzhi rdo rje'i ka bas 'deg/ thod pa'i ra ba brgyad gnyis ldan// phyi rim lcags mkhar bcu drug la// mtshams su rin chen ka ba de bzhin sa ri'i mtshams// de yi phyi rim sbrul gdug chun pos bskor// srid pa rus sbal khra bo'i lho na gnas// de dag dgod cing gnas pa'i rim pa ni// dbus su brnag pa'i ming rus bri// zla kham gsum la pha mes dur du song ba yi// de bzhin brnag par bya ba'i snag tsha khrag gis bri// zla kham gcig la srung ba'i lha rnams bri// 'khrul mig bzhi la spu gri tshan bzhi dgod// de yi phyi rim 'khrul mig bcu drug la// drag po dbang sdud las kyi rgyal po gnyis// khro bo rngam pa'i sgra dang bdud kyi snying po gnyis// gshin rje nyid dang ma mo'i snying po gnyis// chags byed ma dang srin po'i snying po gnyis// shan pa btsan dang dmu yi snying po gnyis// shan pa las mkhan sgrol byed snying po gnyis// dregs pa can dang nam mkha'i snying po gnyis// srog bdag pho mo gsod pa'i snying po gnyis// rang rang lcags mkhar 'bar ba'i gnas de nas// drag tu bskul gyis shan pa dag la rbad// 'khor lo mtshon chen drag sngags me dpal drug/ 'khrul 'khor me rlung spu gri thog chen 'dis// lus bshig rtsa gcad khrag dang bag chags skems// shes pa rten dang dbang po yul las 'byed// rten gcig lus la shes pa kun bsdus thim// kha sbyor 'khor lo thod pa ga bur gzhug/ nyin mtshan dril gtor ming bcas spu gri sbyar// thod pa'i gseb tu thun gyi spu gri dgod// ri rgyal rbab dang gser gyi dgu thog ltar// sbrul gyi gseb tu gnan pa'i spu gri dgod// gser gyi sa gzhi ri rab brtan ltar bzlas// gru gsum nang du brnag pa'i rten rnams bzhag/ mthing nag kha bcad gsad pa'i sbyor ba brtsam// brgyad dam bcu gnyis dril gtor drag sngags bzlas// sbyor ba zon nas zod pa gzir zhing bca'// ri rab pho brang gdug pa'i klu la gtad// nya stong kha gso thod khrag dug bza' 'phang // drag po sngags kyi dmod pa 'di lta ste// e ka he dun ya ma rag sha ma dza mun tri/ sham tsang kring shu snying / dgra bo'i srog la nr-i sha truM mA ra ya rbad/ srog staM b+ha ya nan/ srog la nr-i shag rbad yaM thun b+h+yo/ me rlung sbyor ba las kyi mchog/ rnal mas gsad pa'i sbyor ba yin// drag sngags mngon du phyur ba'i rgyud las/ rtsa ba'i sbyor ba'i le'u ste bcu drug pa'o// // gzhan yang gsad pa'i sbyor ba ni// ma grub spogs na lto dkrug bca'// ras la thig skor bzhi ru bskor// gru gsum zla kham ming rus lha// 'khrul mig bcu drug rtsa ba'i sngags// yang legs bcu drug spu gri mtshon// tha ma sbrul bzhi'i ra bas bskor// gcod cing gnon pa'i 'khor lo yin// bla sems 'chang ba drag po'i gnas// gdug pa sreg byed las kyi me// lus sems rten 'brel 'gug pa'i rlung // srog dbugs 'chad pa gshed gsang mdzod// rtsa gcod dbugs bral mtshon chen dug/ srog dang las sdud ze yi lcags// dbang po gnon pa ri bo'i rbab// las sbyangs shes smin phyag rgya brtan// gdug pa'i mtshon cha ngar blud la// drag sngags lto dkrug khri brgyad gnyis// mtshan mo bskul gyin dril ba'i sngags// thon nas thod mkhar gdug pas gdab// thun khrag dug gzer kha gso bskyed// shes pa'i khyad par gsum ldan 'phang // dbang po rno myur gsal 'phro sdud// gdeng gsum sngags skong rgyas par bgrod// drag sngags sbyor ba 'di lta ste// e ka he dun rag sha ya ma tsa dza shu tri shaM mug tri snying / dgra bo'i srog la yongs thums shig rbad/ staM ba ya gzir nan/ srog khyer yam shig hri thums myog thun b+h+yo/ gzhan yang las kyi rim pa ni// sprul pas lo thog gzhom pa las// dur khrod ras sam shog bu la// thig skor rim pa gsum du bskor// dbus su gru gsum yul gyi ming // zla gam sbyor ba gzhom pa bri// phyi rim 'khrul mig bcu drug la// rtsa ba'i drag sngags rnal ma bkod// tha ma rtsib chen nyi shu la// dbab pa'i spu gri drag po dgod// rus sbal lto bar sbyor ba bsdu// kha sbyor thod pa zhabs mas gril// khrag sna dug sna sngo na brdeb// sprul pa'i bsgom gyin bskul la bzlas// sbyor ba thon nas gta' ma gzhug/ drag sngags stong du rgyun mi gcad// ston zla gsum du dbab pa brtsam// zor dang du ba zab dang gzir// khrag dang dug rdzas sngo sna dug/ lcags phur drag sngags khri bzhir ldan// gdug pa'i rten dang gzugs la brdeg/ dregs pa kun gyi mthu dril ba'i// sngags kyi rgyal po 'di lta ste// e ka he dun yaM yaM shaM dza mun tri sham raM kring shu snying phros phros shar shar nA ga hur nan phreM phreM shar shar hril hril drag tu phob phreM nA ga dza yaM snying gzir tsi ta nan phreM/ shar shar hril b+h+yo/ lo thog gzhom pa drag po'i las// thod pa stobs dang ldan pa'o// gzhan yang sprul pa'i tshe bdag gis// gsung bzhin gzir ba 'di lta ste// thams cad gcig tu dril ba'i las// shog bu gru bzhi cha mnyam la// 'khrul 'khor rim pa gsum du bskor// srid pa'i rus sbal lto bar bri// dbus su gru gsum gang gnod bri// 'khrul mig bcu drug rtsa ba'i sngags// yang logs bcu bzhi spu gri rtsibs// las ni sna tshogs rtsa ba gcig/ zla kham me tog bsrung ba'i 'bru// bcu bzhi bkod la skabs dang sbyar// khrag dang dug chu tsha ba bsku// thod pa dang bcas sbyor ba brtsam// zhag bdun sngags bzlas drag tu bskul// lha bsgom bka' rten 'og tu gnan// sngags kyi rtsa ba gnyis su bya// bcu drug bcu gnyis rno dang shis// rig pa stobs dang brda yis sbyar// drag sngags sbyor ba 'di lta ste// e ka he dun yaM maM ra shaM dza mu na dri shaM raM kring shu/ sarba du raM u nan gzer phyung sbur nan srog la myogs rbad/ drag sngags mngon du phyung ba'i rgyud las/ yan lag gi sbyor ba'i le'u ste nyi shu pa'o// // de nas yang bcom ldan 'das kyis drag sngags yongs su smin pa'i don 'di gsungs so// e ma chos sku byang chub sems// skye 'gag med pa'i ngo bor gnas// ma bcos bde chen lhun gyis grub// ye shes thig le ngang la rdzogs// thabs kyi rgyal po rdo rje yis// gsang ba yongs su rdzogs pa yi// drag po sngags kyi dmod pa gdams// kun tu bgrod pa gsum gyis spang // bde ba'i lam can gzhan las min// ye shes rig pa snang bar spyad// rgyud kyi rgyal po mngon phyung 'di// ma 'ongs dam ldan srung byed na// de yang dam las mi g.yel bsrung // 'chi bdag dregs pa stobs can kun// dam tshig bka' yi 'khor lo srungs// e ma ho rig pa'i bka' rgyud 'di// bde ba'i lam can dag pa dang // ma bsgribs lam la gnas pa dang // 'chi bdag tshogs kyi dge 'dun kun// rig pa'i lam la zhugs pa dang // 'chi bdag dregs pa myos pa dang // 'thoms pa'i tshogs dang khrag skyugs tshogs// phung byed mngag pa gdug pa'i tshogs// 'khor na gnas pa'i dam can kun// sangs rgyas bka' yi rgyud 'di/ zung // gnyis med bgrod pa'i sa la gnas// rdo rje gtum po rdo rje'i tshogs// rdo rje khro bo rdo rje khrag 'thung dad// rdo rje gnod sbyin srin po dang // rdo rje mkha' 'gro'i tshogs rnams kyang // dam la gnas shing ma g.yel srungs// sangs rgyas bka' yi yon tan brjod mi lang // che ba'i yon tan gsum dang gcig tu ldan// khro bo'i snying po dregs pa ma mo drag po dang // bcu dang sum sgril rin chen phreng ba ltar// dam par sbyar la gnyen po gcig tu bsgrub// dbang sdud phyag rgya chen po rang bzhin gzir// nam mkha' rin chen rgya mtsho me dang 'dra// dregs pa stobs chen phyag rgya brtan byas la// snying po bcu gnyis rtsa ba gcig tu dril// yan lag gang 'dod spu gri thems// gang rung sbyar na rin chen snying po 'bru// bstan pa gsum ldan bde ba gcig gi dang // snying po bcu gnyis mi 'gyur thig le la// bsrung ba'i rgyal po dmar len mtshon dang sbyar// gzir ba'i snying po gang yin mtshams su 'pho// rnam shes 'phrog pa 'bru gcig snying la bsdu// mtshon dpag dka' na skye med nam mkha' dbrog/ shes la rgyang ring sbyor ba'i tshad dang ldan// 'bru brgyad rtsa ba gang dmigs spu grir ldan// 'dod pa'i don bzhi snying po gcad nas dbrog/ nyes la gnod byed mtshon cha rang gcod de// man ngag ldan pas bde bar spyad na rno// rang sems stobs ldan ye shes rig pa'i rtsal// 'ching med grol bar thar pa'i lam mchog 'bras// de med rang 'ching mnar med sa la rings// thabs med spyod bral gdeng med bgrod ma thob// rtsa ba re dang yan lag brda' mi sbyor// sun 'byin grol med 'ching ba'i gnas las bgrod// blo yengs che ba'i yon tan bsam mi lang // grol ba'i phyag rgya yang dag 'phags lam ldan// 'di de bde dang smin par byed pa'i mchog/ gu h+ya tsit+ta so ma ha/ yaM baM raM laM tsA d+ha rI/ nA ga de wa rak+Sha ma// ya ma ka yi bde ba'i klong // a dang khyab ho pu shu ta// ye shes rig pa'i klong du brdal// 'di dag bde ba'i lam can de// smin cing bgrod pa'i thabs mchog rgyal// a yi ye shes las byung ba// skye med rnam dag chos skur gsal// e yi ye shes las byung ba// drag po sreg byed nam mkhar gsal// sangs rgyas skye ba'i cho 'phrul lo// bde ba'i lam can snying po kun las 'das// nor bu gser ldan rin chen rgyal sa thob// bka' yi bden pa bde ba'i ngang la bzhag/ ces bcom ldan 'das kyis gsungs pa la/ 'khor rnams rjes su yi rang ste mngon par bstod do// 'khor de dag gis bden pa mthong bar gyur to// drag sngags mngon du phyung ba'i rgyud las/ rgyud yongs su gtad pa'i le'u ste nyi shu gcig pa'o// // dpal gshin rje'i rgyud khri drug stong pa nas/ drag po rno dpal mtshon cha'i skabs bton pa'o// snying po man ngag gi rgyud rdzogs so// //