བོད་ཡིག

e-texts produced with BDRC’s OCR application

rgya gar skad du/ b+ha ga wAn+ta ga ta sarba kA ya wA k+Shit+ta/ g+hA ya gnya' na gar+b+ha sarba pa ri pA ri tA sa mA dza shrI g+hA ya sa mu dA ya ma hA tan+ta nA ma/ bod skad du/ bcom ldan 'das bde pabar gshegs pa thams cad kyi sku gsung thugs gsang ba ye shes kyi snying po thams cad yongs su rdzogs shing 'dus pa/ dpal gsang ba 'dus pa'i rgyud chen po zhes bya ba/ thams cad ston pa bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ 'og min chos kyi dbyings kyi pho brang sku gsung thugs rdo rje rnam dag gsang ba yongs su rdzogs pa mchog gi gnas/ rgya chad phyogs lhung tshad las 'das pa/ rang byung 'od kyi gzhal yas khang na/ ston pa bcom ldan 'das dpal kun tu bzang po/ drug pa rdo rje 'chang chen po nyid/ ma bcos spros med byang chub chen po'i ngang nas rang shar nas/ kun bzang yum gyi b+ha ga la snyoms par zhugs te/ kun gzhi ye nas dag pa'i yum gyi mkha' las/ skye ba'i cho 'phrul du/ e yaM ra suM kai raM b+h+yAM du shar bas e las kun rtog go 'byed nam mkha' mthing nag tu gsal/ yaM las 'jig rten 'degs byed rlung gi dkyil 'khor ljang gur gsal/ ra las kun skyed rak+ta'i rgya mtsho dmar nag tu gsal/ de las 'dod khams gnas ris nyi shu yongs su rdzogs/ suM las brtan gzhi gser gyi sa rngams ser nag tu gsal/ de las gzugs khams gnas ris bcu bdun yongs su rdzogs par shar/ raM las 'byung ba drod bsnams bskal pa'i me ri dmar ser du gsal/ kaM las rten byed rus pa'i ri rab dkar por gsal// de las gzugs med skye mched mu bzhi yongs su rdzogs par shar/ de ltar 'byung ba lnga brtsegs pa'i steng du/ b+h+rUM las ye shes lnga ldan b+han+da gsar rnying gnam lcags gzer chen 'bar ba'i gzhal yas khang kun tu gru bzhi sgo khyud can gcig gi dbus su/ dpal gyi pho brang dgu yongs su rdzogs pa/ dur khrod 'bar ba'i klong / de la lha brgyad kyi ka ba tshangs pa'i gdung dang bcas pa// klu brgyad kyi ka gdan rgyu skar gyi dral grab can/ nang sgo zang thal ye shes kyi sgo bzhi dang ldan pa ka ba bzhis bdud bzhi bcom pa/ zhi lpags kyi thog/ zhing chen rlon pa'i 'phan gdugs 'phyar ba/ rgyu ma'i lnga ldi tsit+ta'i pho lto/ thod pa'i dra ba/ rat+na'i pha gu seg na'i dra phyed brgyan pa/ mAM sa'i ri phung / rak+ta'i rdzing bu/ rus pa'i gram pa dang ldan pa/ thod pa'i rta babs dang / chos kyi 'khor lo chu srin gyis brgyan pa// sgo yang sbrul gyi skyes bu/ chu srin gyi ya zem/ rus sbal gyi ma them/ zhing chen gyi sgo logs byas pa/ sgo khang rgyan dgus spras pa/ rdo rje'i ra ba me ri dmar nag gis bskor ba/ theg pa mtha' dag yongs su rdzogs pa/ rdo rje'i brag chen la pad+ma dmar po stong ldan du brdal te/ rtsibs stong 'khor lo'i gur phub pa ni rnal 'byor gsum gyi theg mchog yongs su rdzogs pa/ pho brang dbus kyi gdan yang / ma chags pad+ma'i gdan steng / thabs shes rab nyi zla'i khar/ lha brgyad klu brgyad kyi chings su bsnol ba'i gdan stengs su/ mi 'jigs seng ge dang / dpa' brtul stag dang / rngam pa gzig dang / gtum pa dom dang / stobs ldan glang po che dang / brjid pa ma he dang / 'jigs pa chu srin dang / zhe sdang sbrul dang / byol song chen po brgyad kyi khri stengs su/ 'khor ba rgyun gcod gser gyi 'khor lo rtsibs bcu gnyis pa'i stengs su/ chos kyi sku las longs spyod rdzogs pa'i sku dpal che mchog he ru ka zhes bya ba/ dus gsum rgyal ba'i sa nyi shu rtsa gcig yongs su rdzogs pa'i brdar/ dbu nyi shu rtsa gcig tu bstan pa/ chags pa can gyi 'gro ba 'dul ba'i phyir phyag bzhi bcu zhe gnyis na/ zhi ba'i lha bzhi bcu zhe gnyis yab yum thabs dang shes rab kyi tshul du bsnams pa/ zhe sdang can gyi 'gro ba 'dul ba'i phyir/ dpal gyi chas bcus sku la spras pa/ sangs rgyas thams cad kyi rje btsan du gyur pa/ gar dgu'i tshul du bzhugs pa/ yum khro mo gnam zhal ma/ dbu dgu phyag bco brgyad ni/ theg pa dgu dang stong pa bco brgyad yongs su rdzogs tshul du bzhugs pa/ g.yas pa gtso bo la 'khyud pa/ g.yon dung dmar gtso la stob pa/ thabs shes rab yongs su rdzogs brdar/ yab yum gnyis med du sbyor zhing / gzhal yas khang gdan dang bcas pa la/ 'khor 'das kyi chos thams cad yongs su rdzogs pa'i ngang las yab yum sbyor ba mdzad pa'i byang chub sems kyi sprin las/ sbrul sku'i khro bo 'chol pa phyogs bcur 'phros/ lha chen po la sogs dregs pa can thams cad btul tshar bcad de/ phyogs mtshams brgyad du bting ba las/ sprul pa sku'i dkyil 'khor bkod de/ shar du badz+ra he ru ka thugs las sprul te bzhugs/ lhor gshin rje gshed po sku las sprul te bzhugs/ nub tu rta mgrin dbang chen gsung las sprul te bzhugs/ byang du rdo rje gzhon nu phrin las las sprul te bzhugs/ shar lhor gzi brjid las sprul bla med he ru ka bzhugs/ nub byang du 'jigs byed las sbrul dpal dregs pa kun 'dul bzhugs/ byang shar du stobs las sprul pa stobs ldan nag po bzhugs// lho nub tu rigs pa las sprul pa'i sku/ rig 'dzin rdo rje chos bzhugs su gsol// de dag la yang so so'i sprul pa yang sbrul sum sbrul khro bo dang / khro mo dang bcas te/ pho brang dgu la gar dgu dang ldan pas khams gsum 'jigs byed dpal gyi chas yongs su rdzogs par yab yum gyi mkha' gsang las sprul te/ nyid las mi gzhan pa'i 'khor ye shes rang snang gi lha tshogs dang bcas pa rnams dang lhan cig tu 'khod do// dpal gsang ba 'dus pa rgyud kyi rgyal po las/ gleng gzhi'i le'u ste dang po'o// // de nas bcom ldan 'das dpal kun tu bzang po che mchog he ru ka la/ 'khor rigs bzhi'i he ru ka la sogs pa khro bo dang khro mo rnams dang / gsang ba'i bdag po rdo rje chos kyis phyag dang bskor ba mdzad de/ mgrin gcig tu 'di skad bstod de zhus pa/ e ma ho// chos dbyings spros bral nam mkha'i thugs klong nas// byams pa'i sprin 'phel zhi dang khro gar mdzad// phrin las yongs rdzogs char gyis 'gro ba 'dul// phyag 'tshal sangs rgyas kun gyi yang rje la'o// e ma gsang bdag dpal chen he ru ka/ 'gro ba'i dug gzhom yang dag lam gzud phyir// bde gshegs yongs rdzogs dpal chen thugs gsang ba/ kun 'dus shin tu rnal 'byor rgyud chen stsol// zhes bstod de glus bskul cing gsol ba btab pa las yab kyi dpal chen che mchog he ru kas// rdo rje'i gad rgyangs bsgrags te stsol pa/ kye ho// nyon cig sras mchog rigs 'dus he ru ka/ yab yum 'khor bcas legs par nyon// mun la nyi bzhin dug sel ba// gsang ba 'dus pa'i rgyud chen bshad// mdor na chos sgo bsam yas kun// 'di ru 'dus phyir dngos po bcu// bstan rim theg pa'i rnam gzhag dang // lha sgom spyod pa 'bras bu dang // bsnyen dang bsgrub pa chen po dang // dbang bskur dam tshig mtha' rgyas su// rgyud rnams kun gyi gsang ba 'dus// skal ldan 'khor la longs rdzogs bstan// zhes bka' stsal to// dpal gsang ba 'dus pa rgud kyi rgyal po las/ gnang ba'i skabs phye ba gleng blang ba'i le'u ste gnyis pa'o// // de nas 'dus pa'i 'khor rnams thams cad mgrin gcig tu ston pa kun tu bzang po dpal che mchog he ru ka la gsol pa/ kye kye thams cad ston pa kun tu bzang // dpal chen che mchog he ru ka/ rgyud don bstan pa'i rnam gzhag de// bdag cag 'khor la bka' stsol cig/ de skad ces ni gsol pa dang // ston pa nyid kyis bka' stsal pa// kye ho 'dus pa'i 'khor rnams rtse gcig nyon// rgyud don bstan pa'i rnam gzhag bshad// thog mar kun gzhi bcos bslad med// cir yang rgya chad phyogs lhung bral// stong khyab nam mkha' lta bu la// rang rtsal 'gyu byed rlung gis g.yos// ma rig rtog pa'i gzung 'dzin gyis// nan gyis mkha' la mdud pa bor// rtsal la rang dbang ma thob pas// 'grus dran zin dang chags dbang gis// khams gsum 'khor cing rgyud drug 'khyams// ma rtogs log par rtogs pa las// rtsal la dbang thob kun bzang gis// grol thabs theg pa sna tshogs bstan// bstan theg pa rim dgu ste// nyan thos rang rgyal byang sems gsum// gang zag dbang po dman la dgongs// kri ya yo ga yu ba gsum// gang zag dbang po 'bring la dgongs// bskyed dang rdzogs pa a ti gsum// gang zag dbang po rab la dgongs// dbye na dbang po rim dgus ched// re re la yang ngo bo dang // nges tshig dbye ba rang 'dod kyis// 'jug sgo lta spyod sgom pa dang // phrin las 'bras bu'i rim pa bstan// rgyal dgongs theg pa sna tshogs kyang // gong ma gong ma'i lta ba yis// 'og ma 'og ma rnams la gnod// de phyir rim gyis gong ma 'phags// theg pa gsum gyi nges 'byung la// theg pa gcig gi 'bras bur gnas// de la 'khor 'das yongs rdzogs pas// mthar thug rnal 'byor nges pa'i don// mngon sum rjes rig tshad du dag/ yi ge/ gsum gyis mngon sangs rgyas// de phyir yongs rdzogs rgyud chen 'dir// rgyud lung man ngag yongs su rdzogs// thun mong ma yin thugs kyi rgyud// 'di las gsang ba'i nges don med// ces bka' stsal to// dpal gsang ba 'dus pa rgyud kyi rgyal po las/ bstan pa'i rim pa theg pa'i rnam gzhag bstan pa'i le'u ste gsum pa'o// // de nas yang 'dus pa'i 'khor rnams kyis/ ston pa kun tu bzang po dpal che mchog he ru ka la gsol pa/ kye kye kye/ yang dag don ston kun tu bzang // bla med che mchog he ru ka/ rgyud don lta ba'i rgyal po de// bdag cag rnams la bka' stsal zhu// de skad gsol pa thugs dgongs te// ston pa chen pos bka' stsal pa// 'dus pa'i 'khor tshogs rtse gcig nyon// rgyud don lta ba'i rgyal po ni// gzhi rtsa med pa'i sems nyid 'di// chos rnams kun gyi rtsa ba yin// 'khor dang mya ngan 'das pa'i chos// ye nas ma bcos chos kyi sku// dus gsum bde gshegs thams cad kyi// thugs dgongs lta ba mthar thug pa// snang srid gzhir bzhengs lta ba ru// 'khor 'das gnyis med yongs su rdzogs// he ru ka las gzhan ma yin// thig le snying po byang sems brdal// yang dag don gyi gnas lugs te// spros bral thig le gcig tu rdzogs// rang byung rang shar rang grol bas// rang bzhin ma bcos spros bral bzhag/ khyung chen nam mkhar lding ba bzhin// snang srid spyi rgya rlabs kyis chod// sems las kun 'byung bde gshegs sems// rang las sangs rgyas gzhan na med// bltas pas dpal chen zhal ma mthong // tshig mtshon dper bya kun las 'das// brjod dang brjod bral gnyis su med// blta bya ma 'gags lta byed med// gnyis med don rtogs chos kyi sku// rang rig sems la sems kyis ltos// ngos bzung ma grub ngo bos stong // stong pa nyid de rang gsal la// gsal ba'i dus na dngos po med// dngos med de nyid gsal bar shar// de phyir gsal stong gnyis su med// sa le hrig gi 'dzin zhen med// de la dgongs pa yongs rdzogs te// kun gyis ma rtogs gsang ba dag/ rang la 'dus phyir gsang ba 'dus// theg pa kun gyi rgyal po yin// zhes bka' stsal to// dpal gsang ba 'dus pa rgyud kyi rgyal po las/ lta ba bstan pa'i le'u ste bzhi pa'o// // de nas yang 'dus pa'i 'khor rnams kyis// ston pa kun tu bzang po dpal che mchog he ru ka la gsol pa/ kye kye kye/ rang bzhin ma bcos kun tu bzang // 'gyur med che mchog he ru ka/ rgyud don bsgom pa'i rgyal po de// bdag cag rnams la bka' stsal zhu// de skad gsol pa thugs dgongs te// ston pa chen pos bka' stsal pa// 'dus pa'i 'khor tshogs rtse gcig nyon// rgyud don bsgom pa'i rgyal po ni// mi bsgom bsgom don de shes nas// sgo gsum ma bcos sor 'jog pa// bde gshegs yongs rdzogs bsgom pa yin// gdod nas chos sku rang gi sems// lta bas stong gsal dbyer med rtogs// gdeng 'og chud nas rgyun du gsal// de ni dpal chen bsgom pa yin// byabs kyis chod pa'i lta ba yis// snang srid dpal chen skyu ru bsgom// gsal stong gnyis med bsgom pa'i mchog/ sgra ru grag tshad ngo bos stong // grag stong gnyis med bsgom pa'i mchog/ yin ni 'gyu dran ngo bos stong // dran stong gnyis med bsgom pa'i mchog/ dbyings dang ye shes gnyis med cing // thabs shes gnyis med bsgom pa'i mchog/ sangs rgyas sems can gnyis med cing // 'khor 'das gnyis med bsgom pa'i mchog/ yul dang dbang po gnyis med cing // bde sdug gnyis med bsgom pa'i mchog/ rang rig dpal dang gnyis med cing // lta spyod gnyis med bsgom pa'i mchog/ rnam rtog chos sku gnyis med cing // mtshan ma zil gnon bsgom pa'i mchog/ gnyis med don la dbang thob na// ting 'dzin yongs rdzogs bsgom pa yin// zhes bka' stsal to// dpal gsang ba 'dus pa rgyud kyi rgyal po las/ bsgom pa bstan pa'i le'u ste lnga pa'o// // de nas yang 'dus pa'i 'khor rnams kyis// ston pa kun tu bzang po dpal che mchog he ru ka la gsol pa/ kye kye kye/ rang byung rig pa kun tu bzang // bde spyod che mchog he ru ka/ rgyud don spyod pa'i rgyal po ni// bdag cag rnams la bka' stsal zhu// de skad gsol pa thugs dgongs te// ston pa chen pos bka' stsal pa// 'dus pa'i 'khor tshogs rtse gcig nyon// rgyud don spyod pa'i rgyal po ni// gang ltar lta sgom dbyer med pa'i// ngang las 'bral med spyod pa'i mchog/ nyin snang rtogs pa'i don bstan nas// rmi lam bde ba spyod pa'i mchog/ rigs pa gar 'grus lta ba dran// rang snang 'dzin med spyod pa'i mchog/ 'dzin pa grol bas snang ba dag/ snang ba yan thub spyod pa'i mchog/ tshogs drug yul zhen rtsad chod nas// 'khor ba rgyas thebs spyod pa'i mchog/ nyams len goms pas rnam rtogs yal// dus bzhi mnyam sbyor spyod pa'i mchog/ mnyam rjes rtog langs dus gsum du// chos skur grol ba spyod pa'i mchog/ 'khor 'das spang blang rang grol nas// dus gsum bde gshegs spyod pa'i mchog/ snang grag dran rtog thams cad kun// dpal chen sku gsung thugs spyod pa// rgyal ba yongs rdzogs spyod pa yin// zhes bka' stsal to// dpal gsang ba 'dus pa rgyud kyi rgyal po las/ spyod pa bstan pa'i le'u ste drug pa'o// // de nas 'dus pa'i 'khor rnams kyis// dpal kun tu bzang po che mchog he ru ka la gsol pa// kye kye kye/ sku gsum yongs rdzogs kun tu bzang // bdag nyid che mchog he ru ka/ rgyud don 'bras bu'i rgyal po de// bdag cag rnams la bka' stsal zhu// de skad gsol pa thugs dgongs te// ston pa chen pos bka' stsal pa// 'dus pa'i 'khor rnams rtse gcig nyon// rgyud don 'bras bu'i rgyal po ni// lta ba mngon gyur sgrib g.yogs bral// kun bzang rgyal po'i 'bras bu yin// smin grol mthar phyir mi bzlog/ dus gsum bde gshegs 'bras bu yin// sangs rgyas bde chen kun 'dus pa// lta ba yongs rdzogs 'bras bu yin// yongs su rdzogs don de spros dang bral// skye med chos sku'i 'bras bu yin// thugs rje 'gag med zhi khror shar// bde chen longs sku'i 'bras bu yin// gnyis med ngang nas cir yang sprul// 'gro 'dul sbrul sku'i 'bras bu yin// rtogs na bcos med snying po'i don// ye nas rang snang 'bras bu yin// snang dang mi snang gnyis su med// tha dad dbyer med 'bras bu yin// bcos dang ma bcos gnyis su med// tha dad dbyer med 'bras bu yin// lha sgom spyod 'bras gnyis su med// tha dad dbyer med 'bras bu yin// phyogs lhung ma lhung gnyis su med// tha dad dbyer med 'bras bu yin// rgya chad ma chad gnyis su med// tha dad dbyer med 'bras bu yin// dbu ma mtha' ma gnyis su med// tha dad dbyer med 'bras bu yin// rang byung gzhan byung gnyis su med// tha dad dbyer med 'bras bu yin// 'khor dang myang 'das gnyis su med// tha dad dbyer med 'bras bu yin// mthar phyin sku dang ye shes tshogs// thams cad yongs rdzogs 'khrul pa med// he ru ka yi 'bras bu yin// zhes bka' stsal to// dpal gsang ba 'dus pa rgyud kyi rgyal po las/ 'bras bu bstan pa'i le'u ste bdun pa'o// // de nas yang 'dus pa'i 'khor rnams kyis/ ston pa kun tu bzang po dpal che mchog he ru ka la gsol pa/ kye kye kye/ dkyil 'khor bdag nyid kun tu bzang // lhag pa'i lha mchog he ru ka/ rgyud don yongs rdzogs lha bsnyen sgrub// bdag cag rnams la bka' stsal zhu// de skad gsol pa thugs dgongs te// ston pa chen pos bka' stsal pa// 'dus pa'i 'khor rnams rtse gcig nyon// zhi khro yongs rdzogs bsnyen sgrub ni// gzhal yas khang rten sku gsung thugs yongs rdzogs// thogs mtha' spros bcad bsgrub lugs mos blor sbyang // chos sku skye ba med pa'i rang bzhin las// longs sku skye ba'i cho 'phrul gzhal yas lha// zhi khro bde gshegs sbrul sku bsam mi khyab// bde gshegs mkhar mnyam yongs rdzogs rtsa ba'i lha// bcom ldan dpal chen spyi mes gtsug gi rgyan// thabs shes zung 'jug sangs rgyas mnyam sbyor bas// sbyang gzhi sbyong byed bde chen g.yung drung lha// rigs brgya zhe gnyis lnga gsum yongs rdzogs sku// chags can 'dul phyir thabs gsang rang byung ba// 'byung bzhi dbang chen gzhal yas 'khyil ba'i dbus// rin chen 'od kyi dkyil 'khor rtsibs bzhi pa// gru chad glo 'bur bar khyams rim par brtsegs// sgo khyud ka brgyad rta babs rgyan sogs mdzes// a dkar gsal 'tsher zhi ba'i rten mthar thug/ seng ge glang chen rta dang rma bya khyung // rin chen khri rkang pad sdong bar du 'khyil// pad+ma zla ba nyi ma'i gdan steng gsal// mi bskyod mthing ga rdo rje dril bu 'dzin// snang mdzad dkar po 'khor lo dril bu 'dzin// rin 'byung ser po nor bu dril bu 'dzin// mtha' yas dmar po pad+ma dril bu 'dzin// don grub ljang gu rgya gram dril bu 'dzin// kun kyang rdzogs skyil gnyis med yum chen ni// bzang mo spyan dang mA ma gos dkar sgrol// g.yas pa rigs 'dzin g.yon dri la yab la 'khyud// kun bzang yid mthing rdo rje dril bu bsnams// bzang mo chos mthing mnyam gzhag phyag rgya gsal// sbrul 'khor sa snying nam mkha'i snying po dang // spyan ras gzigs dbang phyag na rdo rje ming // lA s+ye mA le gIrti ni rti sring // kun bzang byams pa sgrib sel 'jam dbyangs ming // me tog bdud spros mar me dri chab sring // lha dbang zags bzang sha ka thub ser rab brtan// kha 'bar chos rgyal la sogs thub pa drug/ gshin rje stobs chen rta mgrin bdud rtsi 'khyil// ro langs mi 'pham ral gcig khro gnyer yum// 'khor rnams nyi ma'i zer ltar rang bzhin 'du// rin chen rgyan rdzogs tshul dgu'i gar ldan mdzes// de las spro bsdu cho 'phrul cir yang bde/ bde chen longs spyod rdzogs sku kun gyi rgyal// bsam gyis mi khyab bder 'dus rigs brgya yongs// rtsa ba lngar rdzogs de nyid kun rdzogs pa// gcig dang tha da stong nyid snying rje bstan// bdag nyid rdo rje sems dpa' shel gyi mdog/ rgyal ba'i spyi gzugs zhal gcig phyag gnyis pa// phyag g.yas rdo rje rtse lnga thugs kar bsnams// g.yon pas dngul dkar dril bu dku la brten// zhabs gnyis skyil krung nyi zla pad dkyil bzhugs// zhi tshul rgyan chas 'od zer sna tshogs 'bar// dung khang 'khor lo ljags pad thugs rdo rje// oM dkar AHdmar hUM mthing 'phro 'dur bzlas// gyen du bde gshegs sku gsung thugs mchod bskul// thur du snod bcud lus ngag yid sgrib sbyang // tshur 'dus sku gsung thugs bcud dngos grub bsdu// rang sems rnam dag rdo rje sems dpa' yis// sku gsung thugs su bde bar gshegs par bstan// rgyud lung man ngag yongs rdzogs sgo nas bsgrub// dgra gsum bdud bzhi 'gro drug g.yang sa bcad// sum cu phrag drug gis 'grub las rnams 'grub// sku dang ye shes yongs rdzogs lhun gyis grub// rang bzhin zhi ba'i dkyil 'khor rnam bkod la// bde gshegs rgyal ba yongs gyis dbu rgyan no// de ltar phyogs bcu'i rgyal ba yongs rdzogs rnams// gdug pa 'dul phyir khro bo rol par bstan// rab tu gdul dka' khro zhing gtum pa la// zhi des lkug pas phan par mi 'gyur phyir// zhi tshogs dbu yi gtsug tu rab bsdus nas// bcom ldan de gshegs rgyal ba yongs rdzogs pa// rab 'jigs khro bo rol pa'i dkyil 'khor bstan// stong gsal rgyu las rang byung gzhal yas ni// chos dbyings mi 'gyur mthing nag gru gsum e// stobs chen g.yo byed ljang nag kha gdengs yaM// thugs rje'i rlan gyis kun sdud dmar nag ra// rab brtan kun shong bcu gsum rdzogs byed suM// 'od gsal smin byed dngos 'joms dmar ser raM// rdo rje sra mkhregs rus pa'i ri rab stengs// phyi dang nang gsal rin chen yongs rdzogs b+h+rUM// gzhal yas bkod pa tshad med rnam dag dbus// theg pa dgu rdzogs dpal chen dkyil 'khor dgu// 'khor 'das dbyer med ye shes sgo dgur gsal// ye shes lnga rdzogs rtsibs bzhi lte bar bcas// thugs rje'i zer ldan spros bral mu khyud mdzes// yon tan ma bkag rin chen zur brgyad ldan// mtshan nyid bzhi rdzogs gru chad rnam bzhis spras// de bzhin pho brang dgu la phrin las rdzogs// bdud 'joms ka bzhi chu srin gdan stengs btsugs// thabs shes nyi zla'i ka zhus zhing gdung btegs// thugs rjes gdal khyab rA tra'i lpags thog phub// sku gsum lhun grub thod tshar sum brtsegs la// gnam lcags rig rtsal gzer gyis rab tu bsdams// ye shes bzhi ldan zang thal nang sgo bzhi// ye shes zer lngas gling dgu'i bar mtshams bres// chags pa'i thugs rjes rak+ta'i zham chu 'bab// snying po'i don rtogs tsit+ta'i pho ltos brgyan// chos sku mnyam rdzogs par khyams 'khor yug brdal// dgos 'dod re skong rin chen sna lngas brtsigs// tshad med bzhi ldan sgo bzhi phyogs bzhir bgrad// rnam thar brgyad kyi them skas rim par brtan// thugs rjes 'dzin phyir chu srin ya them mdzes// 'byung po sri 'dul ma them rus sbal brjid// gdug pa tshar gcod sbrul nag skyes bu btsugs// 'khor ba rgyun gcod zhing lpags sgo logs bcad// chos kyi gaN+DI cong dang dril bu bsgrags// yul brgyad 'dzin bcom klu brgyad ka gdan stengs// tshogs brgyad rang dag lha brgyad ka bar btsugs// thabs shes brgyad ldan gza' brgyad ka zhur bskal// bcu drug rol pa'i zhing spug gdung chen bkram// 'gru byed rang 'grol kun grol rgyu skar dral grab bkram// bzang ngan med mnyam zhing chen lpags thog bkram// ma rig mun sel nyi zla'i skar khung mdzes// 'khor 'das spyi chings chos sku'i bre bum pa// skyon gyis ma gos bum stan pad+mar gsal// sa lam yongs rdzogs 'khor 'degs 'khor lo brtsegs// kun khyab theg pa'i yongs rtser gdugs tog rngam// bstan pa'i spyi phud bya ru dar dpyangs brgyan// phrin las bzhi rdzogs rat+na'i rta babs brtsegs// chags bral pad stengs chos 'khor rab tu mdzes// rgya chad phyos su ma lhung zhing gdugs phub// rang byung mi nub mi mgo'i rin chen tog/ rig stong dbyer med ri dwags chu srin mdzes// dbyings rig yongs 'brel sprin nag grib so gtibs// dbyings las rtsal shar sgo khang rgyan dgus mdzes// 'dod yon zhen med spyod phyir 'dod khyams bskor// dbyings nas kun snang mu tig thod ras spras// ma 'dres yongs rdzogs shel gyi mchod rten dkrigs// sna tshogs 'od gsal mchog phran da ru ka/ ma rig sgrib sel bcu gcig rdo rje gseng // thabs kyis sgrib sel zla phyed rdo rjes brgyan// bdud 'joms zhing drang lha chen rgyal mtshan brgyad// 'khor ba'i g.yul rgyal zhing chen 'phan brgyad phyar// don rtags brgyad ldan dur khrod brgyad kyis bskor// tshul bcu'i mtha' grol he ru'i gnas bcus gtams// khams gsum zil gnon rgya gram rwa bzhis mnan// ma chags phrin las kun khyab pad stong brdal// sangs rgyas stong rdzogs 'khor lo rtsibs stong phrab// gsang sngags snying po 'gyur med brag ris gtams// gnyen pos mi shigs rdo rje'i ra bas bskor// gzung 'dzin nags sreg ye shes me lnga 'bar// byol song dregs pa nyi zla pad gdan brjid// dgos 'dod kun 'byung gter bum dpag bsam rgyas// snang srid yongs rdzogs gzhal yas khang chen gsal// phyi nang 'khor lo rin chen gsang ba e// zhi khro'i rgyan sogs dbye'am yongs rdzogs pa// gang la gang 'dul dkyil 'khor 'phrul shes bya// gzhal yas de dag rnal 'byor rang lus la// yongs rdzogs sgrub rten mchod rdzas dur khrod rdzogs// de yang rang rig sems kyi dkyil 'khor du// yongs rdzogs thig le nyag gcig ngo mtshar te// rgya chad phyogs lhung kun bral gzhal mtha' yas// dkyil 'khor yongs rdzogs kun gyi mthar zug yin// sgrub rdzas rten gyi rim pa mchod bcas ni// sku gsung thugs yon phrin las dmigs pa'i rten// sku rten gzugs la gsung rten snying po dgod// yon tan bdud rtsi phrin las phur pa bsham// sgos rten zhi ba mthar thug a dkar la// che mchog yongs rdzogs sgrub rten bum mthar thug/ de bzhin yang dag me gcig/ gshin rje phram// pad+ma rta thod rta zhal phrin phur gcig/ ma mo nal snying rig 'dzin sku gcig ma// dregs pa sku gcig drag sngags byang gcig ste// rten rnams yongs rdzogs sgrub rdzas rang lus yin// rig pa'i sems nyid sgrub rten kun mthar thug/ 'dod yon rdzas 'jom phyi yi mchod pas te// rang lus rang byung bdud rtsi nang mchod rdzas// rtog tshogs rang byung rang grol gsang mchod de// yid chos dbyer med ngang dwadangs mchod mthar thug/ dkyil 'khor lte dbus zla kham e yi dkyil// chos dbyings a las rang byung lhun grub lha// kun bzang che mchog khro rgyal he ru ka/ mthing nag zhal gsum phyag drug zhabs bzhi bgrad// g.yas dkar g.yon dmar dbus mthing bzhad gshe rngam// g.yas gsum rtse dgu rtse lnga rtse gsum bsnams// g.yon gsum b+han+da dung dmar thod khrag bsnams// rdo rje'i gsheg g.yas rin chen gshog g.yon gdengs// sku gsung thugs ldan srog gi ye shes gsal// dpal gyi chas bcu dur khrod rgyan yongs spras// zhabs bzhi dor stabs g.yas brkyangs g.yon bskums tshul// gnam zhal yum chen zhal gcig phyag gnyis mthing // phyag g.yas rtse gsum gtsor khyud g.yon dmar stob// zhabs g.yas yab 'khril g.yon brkyang gtso la sbyor// rigs lngas dbu rgyan dur khrod rgyan drug gsol// gnyis med rab 'jigs me dpung klong na brjid// brdas bskul mkha' gsang rab sbyor sbrul sras 'gyed// shar gyi rtsibs stengs rak+Sha he ru ka/ smug nag zhal gcig phyag gnyis 'khor lo g.yas// g.yon pa zod khrag zhabs nyis brkyang bskum 'gyings// rak+Sha kro ti shwa rI cha lugs yab 'dra 'khril// lho rtsibs g+ha ya he ru ka ser nag/ zhal gcig phyag gnyis rin chen thod khrag bsnams// g+hA ya kro ti shwa rI yab 'dra 'khril// nub rtsibs bi shwa he ru ka dmar nag/ zhal gcig phyag gnyis pad+ma thod khrag bsnams// bi shra kro d+hi shwa rI yab 'dra 'khril// byang rtsibs yak+Sha he ru ka ljang nag/ zhal gcig phyag gnyis rgya gram thod khrag thogs// yak+Sha kro d+hi shwa rI yab 'dra 'khril// dur khrod chas gsol brda rtags gtso dang 'dra// nyi dang zer bzhin sprul pa'i 'khor tshogs ni// phyogs skyong dregs 'dul khro bo chen po bcu// ta kr-ita sgo skyong pho nya bstan srung bcas// che mchog yon tan yongs rdzogs rang byung shar// phyogs mtshams pho brang brgyad du thugs kyi sras// dkyil 'khor shar dbus zla kham e yi dkyil// ru dra nyi zla pad+ma 'od 'bar steng // bcom ldan thugs mchog badz+ra he ru ka/ mthing nag zhal gsum phyag drug zhabs bzhi bgrad// g.yas dkar g.yon dmar dbus mthing bzhad rngam gshe// g.yas gsum rdo rje kha T+wAM rnge chung bsnams// g.yon gsum dril bu b+han dmar rgyu zhags bsnams// gshog gnyis zhabs bzhi brkyangs bskums dor stabs tshul// sku gsung thugs srog dur khrod chas rnams rdzogs// kro d+hI shwa rI yum chen sku la 'khril// phyag zhabs chas sogs brdas bskul gtso dang 'dra// shar gyi rtsibs stengs bud+d+ha he ru ka/ smug nag g.yas pa rdo rje g.yon rgyu zhags/ bud+d+ha kro d+hi g.yas 'khyud g.yon dmar stob// lho yi rtsibs steng rat+na he ru ka/ ser nag g.yas g.yon rat+na stong gsum bsnams// rat+na kro ti g.yas 'khyud g.yon dmar stob// nub tu rtsibs steng pad+ma he hu ka/ dmar nag g.yas pa pad+ma ti ra bsnams// pad+ma kro d+hI g.yas 'khyud g.yon dmar stob// byang gi rtsibs stengs karma he ru ka/ ljang nag g.yas g.yon rgya gram ri rab bsnams// karma kro d+hi g.yas 'khyud g.yon dmar stob// sbrul 'khor ko ri ma brgyad sid+ha brgyad// sgo skyong bka' srung yang dag thugs rdzogs shar// dkyil 'khor lho dbus zla kham e yi dkyil// chu glang nyi zla pad+ma 'od 'bar steng // bcom ldan sku mchog 'jam dpal gshin rje gshed// mthing nag zhal gsum phyag drug zhabs bzhi bgrad// g.yas dkar g.yon dmar dbus mthing bzhad gshe rngam// g.yas gsum 'khor lo ral gri dgra sta bsdams// g.yon gsum sdig mdzub mdung dang b+han dmar bsnams// gshog gnyis zhabs bzhi brkyangs bskums dor stabs bgrad// sku gsung thugs srog dur khrod chas rnams rdzogs// sbyor yum be tA lI ni sku la 'khril// sgrol yum tsa tI tri shUl b+han dmar bsnams// phyag zhabs chas rdzogs brdas bskul gtso dang 'dra// shar rtsibs gsod byed ya ma rA dza mthing // g.yas pa 'khor lo g.yon pa dgra sta bsnams// nag mo ral gcig g.yas 'khyud g.yon dmar stob// lho rtsibs myos byed 'bar ba ser nag la// g.yas pa be con g.yon pa dgra sta bsnams// gtum mo dug hrul g.yas 'khyud g.yon dmar stob// nub rtsibs Ar+ya me ru tse dmar po// g.yas pa dung khrag g.yon pa dbyug to bsnams// 'od zer can ma g.yas 'khyud g.yon dmar stob/ byang rtsibs ral pa tshar dgu ldang nag la// g.yas pa gtun shing g.yon pa dung dmar bsnams// nag mo re ti g.yas 'khyud g.yon dmar stob// sbrul 'khor phyogs skyong chen po bcu gnyis dang // sgo skyong bka' srung 'jam dpal sku rdzogs shar// dkyil 'khor nub dbus zla gam e yi dkyil// klu brgyad nyi zla pad+ma 'od 'bar steng // bcom ldan gsung mchog pad+ma dbang chen sku// dmar nag zhal gsum phyag drug zhabs bzhi bgrad// g.yas dkar g.yon sngo dbus dmar bzhad gshe rngam// g.yas gsum rdo rje kha T+wAM sbrul zhags bsnams// g.yon gsum dril chen b+han dmar lcags sgrog bsnams// gshog gnyis zhabs bzhi brkyangs bskums dor stabs tshul// sku gsung thugs srog dur khrod chas kun rdzogs// pad+ma gzi ldan bde chen yum mchog 'khril// phyag zhabs chas rdzogs brdas bskul gtso dang 'dra// shar rtsibs steng du rdo rje dbang chen dkar// g.yas pa rdo rje g.yon pa zod khrag bsnams// rdo rje dbang phyug g.yas 'khyud g.yon dmar stob// lho rtsibs steng du rin chen dbang chen ser// g.yas pa rin chen g.yon pa thod khrag bsnams// rat+na dbang phyug g.yas 'khyud g.yon dmar stob// nub rtsibs steng du pad+ma dbang chen dmar// g.yas pa pad dkar g.yon pa thod khrag bsnams// pad+ma dbang phyug g.yas 'khyud g.yon khrag stob// byang rtsibs steng du karma dbang chen ldang // g.yas pa rgya gram g.yon pa thod khrag bsnams// karma dbang phyug g.yas 'khyud g.yon dmar stob// sbrul 'khor zil gnon khro bo yab yum brgyad// sgo skyong bka' srung pad+ma gsung rdzogs shar// dkyil 'khor byang dbus zla gam e yi dbus// lha chen nyi zla pad+ma 'od 'bar stengs// bcom ldan las chog rdo rje gzhon nu'i sku// mthing nag zhal gsum phyag drug zhabs bzhi bgrad// g.yas dkar g.yon dmar dbus mthing bzhad gshe rngam// g.yas g.yon dang po rtse dgu me dpung bsnams// bar gnyis rtse lnga kha T+wAM mthar phur 'dril// gshog gnyis zhabs bzhi brkyangs bskums dor stabs tshul// sku gsung thugs srog dur khrod chas rnams rdzogs// 'khor lo rgyab 'debs yum chen sku la 'khril// phyag zhabs chas sogs brdas bskul gtso dang 'dra// shar rtsibs sras mchog bud+d+ha kI la dkar// g.yas pa phur pa g.yon pa thod khrag bsnams// yum gcig sangs rgyas g.yas 'khyud g.yon dmar stob// lho rtsibs sras mchog rat+na kI la ser// g.yas pa dgra sta g.yon pa thod khrag bsnams// yum chen rin chen g.yas 'khyud g.yon dmar stob// nub rtsibs sras mchog pad+ma kI la dmar// g.yas pa gri gug g.yon pa thod khrag bsnams// yum gcig pad+ma g.yas 'khyud g.yon dmar stob// byang rtsibs sras mchog karma kI la ldang // g.yas pa mdung thung g.yon pa thod khrag bsnams// yum gcig las byed g.yas 'khyud g.yon dmar stob// sbrul 'khor khro bcu yab yum za gsod bcas// sgo skyong bka' srung phrin las phur tshogs shar// shar lho'i dkyil 'khor zla gam e dbus su// ma mo nyi zla pad+ma 'od 'bar steng // dpal chen bla med gsang ba mngon rdzogs sku// mthing nag zhal gsum phyag drug zhabs bzhi bgrad// g.yas dkar g.yon dmar dbus mthing brjid dang ldan// g.yas gsum rdo rje khyung khra sbrul zhags bsnams// g.yon gsum b+han dmar zhing dbyug dung chen bsnams// kun bzang nyid bzhi bde mchog sku la 'khril// g.yas pa dril bu gtso 'khyud g.yon dmar stob// yab yum sku la dur khrod chas rnams rdzogs// 'khor lo'i rtsibs shar rnam snang gsal dkar mo// zhal gcig phyag gnyis rdo rje thod khrag bsnams// 'khor lo'i lho rtsibs 'od gsal 'bar ser mo// zhal gcig phyag gnyis rin chen thod khrag bsnams// 'khor lo'i nub rtsibs gnyen gsal 'bar dmar mo// zhal gcig phyag gnyis pad+ma thod khrag bsnams// 'khor lo'i byang rtsibs yang gsal g.yas sngon mo// zhal gcig phyag gnyis rgya gram thod khrag bsnams// dpal chen mdun zur bkrag gsal mnyam mthing nag/ zhal gcig phyag gnyis 'khor lo thod khrag bsnams// sbrul 'khor rje mo sman mo bdun chu gnyis// sgo skyong bka' srung rbod gtong yongs rdzogs shar// lho nub dkyil 'khor zla gam e yi dbus// seng chen dar gyi pho long pad brtsegs steng // dpal chen rdo rje thod pa rtsal mchog sku// zhal phyag sku mdog phyag mtshan sna tshogs kyang // mi rnams 'dul phyir zhal gcig phyag gnyis gsal// g.yas pa rdo rje g.yon pa dril bu 'khrol// gnyis med yum chen rdo rje rnal 'byor 'khril// yab yum sku la rin chen rus pas brgyan// dbang gi thor tshugs ldem pa dar dmar bcings// 'khor lo'i rtsibs shar lhun grub rig 'dzin dkar// rtsibs lhor phyag rgya chen po'i rig 'dzin ser// nub rtsibs tshe la dbang ba'i rig 'dzin dmar// byang rtsibs rnam par smin 'i rig 'dzin ljang // kun kyang zhal gcig phyag gnyis thor tshugs can// rin chen rus pa dar sna'i rgyan gyis spras// sbrul 'khor grub pa'i rig 'dzin chen po brgyad// sgo skyong bka' srung rig 'dzin yongs rdzogs shar// nub byang dkyil 'khor zla gam e'i dbus su// lha chen nyi zla pad+ma 'od 'bar steng // dpal chen dregs pa kun 'dul 'jigs byed sku// mthing nag zhal gsum phyag drug zhabs bzhir bgrad// g.yas dkar g.yon dmar dbus mthing rngam la 'jigs// g.yas gsum rdo rje lha brgyad mgo bo 'dzin// g.yon gsum b+han dmar klu brgyad mgo bo bsnams// srid pa spyi 'dul sku la dgyes par 'khril// 'khor rtsibs shar du ya ma rA dza nag/ g.yas pa be con g.yon pa thod dbyug bsnams// sgrol byed yum nag 'khor lo thod khrag stob// 'khor rtsibs lho ru skos rje drang dkar nag/ g.yas pa khram shing g.yon pa thod khrag bsnams// nag mo re ti khram shing nad rgyal thogs// 'khor rtsibs nub tu srin po glog phreng nag/ g.yas pa glog phreng g.yon pa ser ba thogs// sbal mgo khrag mig phur pa mi mgo 'dzin// 'khor rtsibs byang du gnod sprin me dpal nag/ g.yas pa rin chen g.yon pa zangs gri bsnams// gnod sbyin sngon mo spu gri g.yu sbrang thogs// sbrul 'khor sde dpon nyi shu rab 'jigs bskor// yang sbrul mgo sbyong 'jig rten dregs tshogs shar// byang shar dkyil 'khor zla gam e yi dbus// dgra bgegs nyi zla pad+ma 'bar ba'i steng // dpal chen drag po stobs ldan nag po'i sku// zhal gsum phyag drug zhabs bzhi dor stabs bgrad// dbu gsum mthing nag nag dang nag 'tsher khros// g.yas gsum rdo rje lha brgyad tsit+ta bsnams// g.yon gsum thod khrag klu brgyad tsit+ta 'dzin// 'byung lnga'i bdag mo gzugs 'degs 'dod khams gnon// rtsibs shar gshin rje 'chi bdag nag po'i sgra// g.yas pa gri gug g.yon pa zod khrag bsnams// gsod byed nag mo zangs gri tsiSh+Tha 'dzin// rtsibs lhor bdud nag me yi kha rlangs can// g.yas pa kha T+wAM g.yon pa tri shUl thogs// bdud ma nag mo khram shing thod rlon 'dzin// nub rtsibs srin po gsod byed 'bar ba smug/ g.yas pa ral gri g.yon pa thod khrag thogs// za byed nag mo gri gug thod khrag thogs// byang rtsibs gnod sbyin gang ba bzang po sngo// g.yas pa ral gri g.yon pa dar nag 'phyar// sha za sngon mo dar nag mi lpags thogs// sbrul 'khor sde dpon 'jigs byed bcu yis bskor// sngags bdag dregs pa yongs rdzogs drag po shar// kun kyang khro rngam sgeg pa dpa' la 'jigs// snying rje'i spyan ldan gar dgu'i chas rdzogs gsal// dkyil 'khor chen po'i phyi khyams 'khor yug tu// sbrul 'khor yang sbrul bka' nyan pho nya ste// sbrul 'khor gong spros sras min bde brjod rnams// mngon spyod las kyis gdul dka'i 'gro 'dul phyir// sku mdog sna tshogs gdab phur brgya rtsar gsal// mkha' 'gro ging gtso bzhi bzhi ma sring shar// sgo bzhi skyong mdzad khro rgyal yab yum brgyad// ya mAn+ta kr-ita dkar po thod dbyug lcags kyu thogs// pra dz+nyAn+ta kr-ita ser po rtse gsum zhags pa thogs// pad+man+ta kr-ita dmar po thod sbrul lcags sgrog thogs// big+h+nAn+ta kr-ita ljang gu rgya gram dril bu thogs// rta gdong dkar mo phag nag spre'u dmar sbyong gdong ldang // lcags kyu zhags pa lcags sgrog dril 'khrol ma// sdigs mdzub sgo 'dab g.yas g.yon nang ngos shar// phyi rim lcags ri'i skor du dbang phyug ma// nyer brgyad DA ki sum cu rtsa gnyis dang // ging chen bco brgyad lang+ga brtan ma dang // pho nya drug cu rtsa bzhi sprin ltar bskor// snang srid yongs rdzogs lhar gsal rnam par dag/ chos sku'i rang rtsal zhi dang khro gar bsgyur// zhi lha bsam yas dam pa rigs brgyar 'dus// de nyid bzhi bcu rtsa gnyis lha la thug/ de dag rgyal ba sku lngar yongs rdzogs shing // de yang gsang chen yin nam gsum gcig rdo rje sems dpar thug/ de bzhin bde gshegs yongs rdzogs sku bsgrub mtha'// bsam 'das 'jam dpal gshin rje gshed la zug/ gsung bsgrub lha mtha' rta mgrin dbang chen la// thugs bsgrub lha rnams badz+ra he ru'i sku// yon tan lha tshogs che mchog nyid la thug/ phrin las lha tshogs rdo rje gzhon nu nyid// rbod gtong bsgrub mtha' bla med he rur thug/ rig 'dzin bsgrub mtha' rdo rje thod pa rtsal// 'jig rten bsgrub mtha' dregs pa kun 'dul te// drag sngags bsgrub mtha' stobs ldan nyid la thug/ thams cad yongs rdzogs tshom dgur bde gshegs 'dus// dril bsgrub khro rgyal kun gyi thug mtha' yin// sku yi rang bzhin shes na yang dag sku// sku yi rnam bkod de nyid rab bstan nas// gsang ba sngags kyi de nyid bstan par bya// bde gshegs yongs rdzogs rnam dag cho 'phrul ni// thabs shes ma 'gags rang byung yi ger grags/ ka kha ga g+ha nga / tsa tsha dza dz+ha nya/ Ta Sha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaH/ gsal byed thabs kyi yi ge yab tu shar/ a A/ i I// u U/ r-i r-I/ l-i l-I/ e ai/ o o/ aM aH/ shes rab dbyings kyi yi ge yum du shar// thabs shes yab yum gnyis med rol pa'i mthus// sngags kyi sgra skad ma 'gags sna tshogs sgrogs// chos sgras 'jig rten yongs khyab ngo mtshar che// thabs kyi rdo rje gsal byed shes rab pad+mar sbyar// zung 'jug sbyor mtshams nas byung sngags them ni// sngags rnams dang po dbyangs kyi 'bru dang bgo/ shes rab bcu gsum steng bzhag bco lnga'i mgo bos brgyan// ye shes lnga ldan kun dbur drang bya oM// gsal byed gsum gsum dbyangs yig drag mjug 'thud// shes rab bco lnga'i mgo steng brgyan pa hUM// thabs yig so gnyis nyer dgu phyed brgyan ste// shes rab gnyis pa'i A dang thabs kyi so gsum pa// mjug la shes rab dang 'og btags pa hA// zhi ba yongs rdzogs rigs lnga'i yang snying yin// oM AHhUM swA hA/ oM dang hA yig zog mtha' bar bcu drug/ dam pa rigs brgya 'dus pa'i yang snying yin/ oM A li kA li dz+nyA na pany+tsa satwa kro d+ha mu na ye swA hA/ oM dang hA yi bar na bcu gnyis pa/ bzhi bcu rtsa gnyis zhi ba'i snying po yin/ oM bo d+hi tsit+ta ma hA su kha dz+nyA na d+ha tu a/ oM dang hUM bar rang byung 'bru gcig AHgnas pa/ oM AHhUM sangs rgyas kun 'dus rigs gcig yang snying yin// de bzhin hUM ni bde gshegs kun 'dus yang snying mtha'// oM phaT bar na yi ge bcu gnas pa// oM badz+ra kro d+ha ma hA shrI he ru ka hUM phaT// che mchog yon tan yongs rdzogs snying po yin// oM phaT bar na yi ge bdun gnas pa// oM ru lu ru lu hUM b+h+yo hUM phaT/ yang dag thugs mchog yongs rdzogs snying po yin// oM phaT bar na yi ge bco lnga pa// oM A kro te ka ya mAn+ta ka ha na ma tha b+hany+dza hUM phaT/ gshin rje gshed po yongs rdzogs snying po yin// oM phaT ba ra na yi ge bcu bdun pa// oM pad+mAn+ta kr-ita ma hA kro d+ha ha ya grI ba hu lu hu lu hUM phaT/ pad+ma dbang chen yongs rdzogs snying po yin// oM phaT ba ra na yi ge bcu gnyis pa// oM badz+ra ki li kI la/ sarba big+h+nAM baM hUM phaT/ phur pa 'phrin las yongs rdzogs snying po yin// oM phaT ba ra na yi ge rtsa dgu pa// oM gu h+ya dz+nyA na shrI he ru ka/ gu h+ya dz+nyA na kro d+hI shwa rI stAM/ ma ma yo gi ni ru lu ru lu hUM b+h+yo hUM phaT/ rbod gtong ma mo yongs rdzogs snying po yin// oM phaT bar na yi ge brgyad gnas pa// oM badz+ra ma hA gu ru sarba hUM phaT/ rig 'dzin slob dpon yongs rdzogs snying po yin// oM phaT bar na yi ge brgyad gnas pa// oM badz+ra tsaN+Da sarba duSh+TAn hUM phaT/ 'jig rten mchod bstod yongs rdzogs snying po yin// oM phaT bar na yi ge drug gnas pa// oM badz+ra sarba duSh+TAn hUM phaT/ dmod pa drag sngags yongs rdzogs snying po yin// thabs shes 'od zer sras kyi dgos sngags ni// oM shrI ma hA rak+Sha he ru ka hUM phaT/ oM rak+Sha kro d+hi shwa rI hUM phaT/ oM shrI ma hA gu h+ya he ru ka hUM phaT/ oM gu h+ya kro d+hI shwa ri hUM phaT/ oM shrI ma hA bi shra he ru ka hUM phaT/ oM bi shwa kro d+hI shwa ri hUM/ phaT/ oM ma hA yak+Sha he ru ka hUM phaT/ oM yak+Sha kro d+hi shwa rI hUM phaT/ che mchog sras bzhi he ru ka yab yum gyi snying po'o// oM bud+d+ha shrI he ru ka hUM phaT/ oM bud+d+ha kro d+hi shwa rI he ru ka hUM phaT/ oM rat+na shrI he ru ka hUM phaT/ oM rat+na kro d+hI shwa rI hUM phaT/ oM pad+ma shrI he ru ka hUM phaT/ oM pad+ma kro d+hi shwa rI hUM phaT/ oM karma shrI he ru ka hUM phaT/ oM karma kro d+hi shwa rI hUM phaT/ badz+ra he ru ka'i sras bzhi rigs bzhi he ru ka yab yum gyi snying po'o// oM ya ma rA dza pre ta tho li hUM phaT/ oM rak+Sho rak+Sho snying rtsa la sha ma b+h+yo// oM ya ma rA dza pre ta bi di marda ka hUM phaT/ oM rak+Sho rak+Sho khrag la mu sha ma b+h+yo/ oM ya ma rA dza pre ta dza la hUM phaT/ oM rak+Sho ting la ma ma b+h+yo/ oM ya ma rA dza ka/ la k+She pre tod ka Ta hUM phaT/ oM rak+Sho rak+Sho ting ka la ma b+h+yo// gshin rje gshed sras rigs bzhi'i yab yum gyi snying po yin no// oM pad+ma kro d+ha ha na ha na hUM phaT/ oM badz+re shwa rI kro d+hi hUM phaT/ oM rat+ne pad+ma kro d+ha da ha da ha hUM phaT/ oM rat+na shwa rI kro d+hi hUM/ oM pad+ma kro d+ha pa tsa pa tsa hUM phaT/ oM pad+me kro d+hI shwa rI hUM phaT/ oM karma pad+ma kro d+ha ban d+ha ban d+ha hUM phaT/ oM karma shwa rI hUM phaT/ pad+ma dbang chen sras rigs bzhi yab yum gyi snying po'o// oM bud+d+ha ki li ki la ya hUM phaT/ oM bud+d+ha kro d+hI shwa rI hUM/ oM rat+na ki li ki la ya hUM phaT/ oM rat+na kro d+hI shwa rI hUM/ oM pad+ma ki li ki la ya hUM phaT/ oM pad+ma kro d+hi shwa rI hUM/ oM karma ki li ki la ya hUM phaT/ karma kro d+hi shwa rI hUM/ rdo rje gzhon nu sras bzhi yab yum gyi snying po'o// oM g+ni sa mu hUM swA hA/ oM dza la raM pa ha/ oM b+hi sha san+ni ha// oM b+hi ra yaM laM te ha/ oM ma hA laM te ha/ bla med he ru ka'i yum rtag pa'i rgyal mo lnga'i snying po'o// oM bud+d+ha gu ru ma hA hUM/ oM rat+na gu ru ma hA hUM/ oM pad+ma gu ru ma ha hUM/ oM karma gu ru ma hA hUM/ rig 'dzin bzhi'i snying po'o// ya ma rA dza b+h+yo/ ya ma dan ti ya dza b+h+yo/ du phrag du dza b+h+yo/ dun ting du dza b+h+yo/ rak+Sha ra dza b+h+yo/ rak+Sho ra dza b+h+yo/ yak+Sha k+Sha dza b+h+yo/ yak+Sho k+Sha dza b+h+yo/ dregs pa kun 'dul sras pho nya yab yum gyi snying po'o// ya ma rA dza tsit+ta hr-i hr-i b+h+yo/ rak+Sha ra tsit+ta hr-i hri b+h+yo/ rak+Sho ra tsit+ta hri hr-i dza b+h+yo/ yak+Sha k+Sha tsit+ta hr-i hr-i dza b+h+yo/ yak+Sho k+Sha tsit+ta dza b+h+yo ma ma ru lu tsit+ta hri hri dza b+h+yo/ du phrag du tsit+ta hriM hri dza b+h+yo/ dun ting du tsit+ta hri hri b+h+yo/ stobs ldan nag po sras sngags bdag rigs bzhi'i snying po'o// oM a kro te ka ya mAn+ta ka ha na ma tha b+hany+dza hUM phaT/ ya ma rA dza sa do me ya/ ya me do ru Na yo da ya/ ya da yo ni/ ra ya k+She ya/ yak+She yats+tsha ni rA ma ya/ che ge mo mA ra ya hUM phaT/ gshin rje yongs rdzogs kyi drag sngags so// oM pad+mAn+ta kr-ita/ ha ya grI wa/ ma hA kro d+ha/ e ka dza Ti/ sa ma ya ru lu ru lu hUM b+h+yo hUM/ a ra li dza/ kro d+ha pra be sha/ tshal pa tshal pa/ dum bu dum bu hUM phaT/ pad+ma dbang chen yongs rdzogs kyi snying po'o// oM ru lu ru lu hUM b+h+yo hUM/ oM A hUM ha he hUM phaT/ hUM ni ma tsit+ta/ rdul phran rdul phran/ kai kai rak+ta/ ma ru tse snying la shad shad/ tsin d+ha ma rus la ke ko/ ru ti sha rbad/ dzaHhUM baM hoH/ dbugs la 'ub 'u ba/ a hUM ma ma b+h+yo dza/ ru lu ru lu rak+Sho b+h+yo dza dza/ yang dag yongs rdzogs drag sngags so// oM shrI ma hA sa ma ya/ badz+ra yak+Sha he ha hAM/ oM bi shwa kro d+ha kro d+hA ra la maN+Da la hUM/ ma hA srog sha kha than ha la ha la hUM phaT/ dza3/ che mchog yongs rdzogs drag sngags so// oM badz+ra ki li ki la ya/ oM sarba big+h+nAM baM hUM phaT/ ma ma rak+Sho yak+Sho kA la rU pa snying rtsa la yaM yaM/ srog la yaM yaM/ snying la phril phril/ srog la chu chu/ tsit+ta srog la tung tung / snying khrag shad dza/ thum ri li li/ snying tseg tseg 'ur 'ur/ shig shig gul gul/ myags myags/ sod sod/ d+ha d+hi ma ma/ karma shi g+h+raM ka rA ya/ mA ra se na phra marda nA ya hUM phaT/ phur pa yongs rdzogs drag sngags so// oM badz+ra ni la kha T+wAM ga kro d+hi shwa rI/ b+ha ga pad+ma rgya bde klong shon ma dzaHdzaHb+h+yo b+h+yo/ ma ma rak+Sha ma ma rak+Sha ru lu ru lu/ rak+Sho snying khrag la ma b+h+yo/ trag rak+Sha ma ma srog thun b+h+yo/ che ge mo nr-i dug snying mA ra ya phaT/ badz+ra ta tsha khrim mugs sha mugs sha/ rbad da ra rbad da ra/ mugs te myophyogs shar sod/ tsi sod snying la thum ri la ya/ mig dkyus nas phyung zhig/ chungs pa rtsad nas chod cig lce lkog nas drongs shig ma mo yongs rdzogs drag sngags so// oM badz+ra ma hA gu ru sarba hUM phaT/ oM ka la ru pa che ge mo mA ra ya hUM phaT/ rig 'dzin yongs rdzogs drag sngags so// oM badz+ra tsaN+Da sarba duSh+TAn hUM phaT/ ging ka ra bdud tri mA ra ya hUM/ a bi shu ba sha mi ki nA ga yak+Sha/ rak+Sha ma ma che ge mo mA ra ya rbad/ 'jig rten yongs rdzogs drag sngags so// oM badz+ra sarba duSh+TAn hUM phaT/ ya ma nA ga de ga rA hu la/ yak+Sha rak+Sha d+ha sha g+h+ri wa/ che ge mo mA ra ya rbad/ dmod pa yongs rdzogs drag sngags so// oM AHhUM swA ha/ mr-i hrIHhUM aH/ oM badz+ra shrI ma hA kro d+ha hUM/ shI he ru ka/ ya mAn+ta ka/ hri pad+mAn+ta kr-ita/ hUM badz+ra kI li kI la ya/ ma hA yak+Sha/ kA la rU ba/ yak+Sha kro d+ha/ badz+ra sarba duSh+TAn/ oM dza khr-i badz+ra ga ru rta/ ma ma kro d+hI shwa rI/ karma raM raM/ dza la raM raM/ hUM hUM phaT/ phaT/ zhi khro bde gshegs yongs rdzogs bsnyen bsgrub las su bcas pa'i nus 'dril chen mo'i sngags so// oM badz+ra ma hA kro d+ha/ pad+ma kro d+hi shwa rI badz+ra ki la ya/ ma hA yak+Sha kA la rU pa/ karma raM raM dza la raM raM hUM phaT/ yongs rdzogs nus pa dril ba bsnyen bsgrub las su bcas pa'i sngags so// oM ya mAn+ta kr-ita phaT/ badz+ra aM ku sha dzaH/ oM pradz+nyAn+ta kr-i ta phaT/ badz+ra pA sha hUM/ oM pad+ma na ta krita phaT/ badz+ra s+pho Ta baM/ oM big+h+nAn+ta kr-ita phaT/ badz+ra gaN+DI hoH/ sgo ba yab yum brgyad kyi snying po'o// thabs shes gsal dbyangs dag las spros pa yi// gzhan yang las byed snying po gang gang dag/ 'di nyid gong 'og yan lag kun shes 'phrul// thabs shes A.A ki ka li'i don shes nas// sgrar grags thams cad yongs rdzogs sngags snying rang shar bas// rgyu 'jug gnas de yi ge gsum gyi dngos// 'grus dran 'dzin chags rang grol don snying hUM// bde gshegs yongs rdzogs gsung sgrub thugs mtha' ni// zhi ba ma lus snying po gsung gi mtha'/ A li bco brgyad sngags la yongs su rdzogs// de yang bzhi bcu rtsa gnyis snying po'i mtha'/ bo d+hi bcu bzhi pa la yongs su rdzogs// de nyid rigs lnga'i yang snying 'bru lngar rdzogs// sku gsum rigs gcig gsung mtha' 'bru gsum ste// ji ltar ji snyed chos kun mthar thug de nyid yin// hUM du kun 'dus yongs su rdzogs pa'i dpal// de byin khro bo'i gsang sngags mtha' yas las// che mchog sngags 'dus yi ge bcu gnyis te// gshin rje gshed po'i sngags mtha' bcu bdun pa// badz+ra he ru'i gsung mtha' 'bru dgu mchog/ dbang chen gsung mtha' yig 'bru bcu dgur 'dus/ rdo rje gzhon nu'i gsung mtha' bru bcu bzhi/ bla med he ru'i gsung mtha' sum cu pa/ rigs 'dzin gsung mtha' yi ge bcu par thug/ de bzhin dregs pa kun 'dul gsung mtha' 'bru bcu pa// stobs ldan nag po'i gsung mtha' yi ge brgyad// zhi khro yongs dril sngags mtha' don brgyad yin// khro rgyal yongs rdzogs drag sngags so lngar 'dus// de nyid gsung srog yi ge hUM la rdzogs// gsung gi rang bzhin shes pas gsung mtha' thug/ bde gshegs ma lus yongs rdzogs dgongs pa'i mtha'// bye brag dang ni yongs rdzogs yang dag bshad/ ma rig 'ching bzlog 'chi bdag bdud chen po// kun gzhi ye shes snying po rtogs nas sangs// ma bcos spros med dang dngas lhug par zhog/ snang srid khram 'debs gshin rje gshed dgongs yin// 'khor 'das snang stong dbyer med rta skad gsum// rang sems dri med rnam dag sa lam bcad// snang stong dran stong grag stong so mar zhog/ 'khor 'das zil gnon rta skad dgongs pa yin// chos kun sems su yang dag gnas lugs te// rang bzhin rnal 'byor spros bral sku gsum rdzogs// ma bkag rang 'byung ma 'breng rang zhir zhog/ gzung 'dzin mun gsal me gcig dgongs pa yin// ma rig rnam rtog nyon mongs dug mtsho'i nang // rang byung ye shes rtsi bcud thig les gzhom// ma spangs mi gnas 'dod yon rnam dag zhog/ bdud rtsi 'chi med dgongs pa mthar thug yin// nga bdag gzung 'dzin dgra bgegs ling+ga la// rang rig ye shes phur pas khyab par gdab// rtogs pa thal phyung gsum mtha' gcig tu bzhag/ phur pa thal phyin dgongs pa chen po yin// ma gcig kun gzhi kun tu bzang mo la// snying po rig pa'i ye shes thams cad mkhyen// ma nor ma bcos kun khyab ma bslab zhog/ kun khyab ma chen dgongs pa'i mthar zug yin// thabs shes kun ldan ye stong bdag nyid rig/ mi bsgom ma yengs rig pa dbyings su 'dzin// brjod med shes rab g.yo med rang grol zhog/ rig 'dzin rang grol dgongs pa chen po yin// 'khor 'das chos kun ye grol pha mtha' yas// 'dzin med rang grol gza' gtad 'khrul pa zhig/ lha 'dre rang snang rang grol chen por zhog/ 'jig rten kun grol dgongs pa mthar zug yin// srid rtsa nyes rgyu ha la bdag rtog dug/ rtsa bral snying po'i sngags kyis dug rang bsad// dug lnga ye shes lnga ru rang grol bzhag/ dug lnga rang gshed mtha' bral dgongs pa yin// de dag yongs rdzogs sems nyid chos kyi sku// snang srid gzhir bzhengs 'khor 'das dbyer med rdzogs// gsang ba bla med byang chub snying pos khyab// 'khor 'das dbyer med thig le nyag gcig las// ma 'gags rol pa sna tshogs rtsis gdab bral// rang bzhin med grol skye med dbyings su dag/ ma 'dres yongs rdzogs rang byung ye shes dang // bde gshegs dgongs pa rtsis gdab brjod med rdzogs// sku gsung thugs mtha' khog dkrul spros bcad nas// rnal 'byor blo mthun bsgrub lugs rtsa lag gnyis// 'di ni yongs rdzogs bsgrub chen dril ba dang // zhi khro rkyang dang sku gsum yang dril las// yan lag sngags bsgrub brgyad las 'dir ma smos// 'di dag spros bcas spros chung shin tu chung // sangs rgyas bstan bsrung ched gnyer don du bstan// mdor na ngas bstan rgyud lung thams cad du// bde gshegs 'dus dang yongs rdzogs kun dril dang // kun rig kun gsal kun chub gsang 'dus sogs// sna tshogs phun sum thams cad ma lus sgra// thugs dgongs lhad med rgyud der mtshon tshig las/ ming phyogs blo mthas phyogs ris ltos mi bya// sgyu ma smig rgyu rmi lam gzugs brnyan dang // dri za'i grong khyer brag cha chu zla dang // chu sbur dmigs rkyen sprul pa la sogs te// shes bya bcu tshul gsang sngags nyams su blangs// dkrugs bcus gab stsogs ras chod bzlog phyir ston// ngas sbrul phyi rabs rig 'dzin dam pas bsdeb// man ngag dbang thob gdeng ldan rnal 'byor pas// yid 'ong dben pa'i bsgrub gnas su// maN+Dal phyi nang mchod pa bsham// yan lag bcu yis tshogs chen bsag/ gzhan yang sta gon ci rigs bya/ phyi nang gsang ba'i mtshams bsdams te// gnas dang mtshams kyi dkyil 'khor bzhengs// bdud rtsi lnga yis chag chag gdab// thig tshon grub chen skabs dang mtshungs// bri thabs dbus mthing gru gsum la// zla gam gnam sgo thod zlum bskor// gru chad sgo khyud yongs rdzogs bri// de dbus rat+na rdza'i bum pa// bre tshad nang du rnam rgyal dang // a mr-i ta yi ril bus dgang / kha rgyan gzungs zag rgyan gyis spras// de steng mtshan ldan ka pA la// dpal chen gris sku dmigs pa'i rten// lcags phur mtshan ldan khro zhal can// gu gul gyis bdug dar gyis spras// dpal chen skur bskyed e la gzug/ sman rag gtor chen la sogs pa// phyi nang gsang ba'i mchod pas bskor// mtshams gcad sgo dbye brda' phyag 'tshal// byin dbab dam bshags mchod rdzas dbul// de ltar las bdun yongs rdzogs nas// khyad par phrin las de bzhin nyid// kun snang rgyu las 'byung rim brtseg/ gzhal yas gdan bskyed rgyu hUM @las// bdag nyid che mchog he ru ka/ mthing nag zhal gsum phyag drug pa// g.yas kyi phyag gsum rdo rje la// g.yon gyi phyag gsum b+han dmar bsnams/ zhabs bzhi brkyangs bskums dor thabs bgrad// rdo rje rin chen gshog pa gdengs// dur khrod chas rdzogs yum chen mo// gnam zhal zhal gcig phyag gnyis 'khril// g.yas pa kha T+wAM g.yon dung dmar// sku mdog rgyan rnams yab dang mtshungs// kun gyi bdag nyid rtsa ba'i lha'o// dpal gyi spyi gtsug mgrin pa dang // thugs ka lte ba 'khor lo bzhir// 'jam dpal spyan ras gzigs dbang dang // rdo rje sems dpa' rig pa'i bdag/ rim pa bzhin bsgom rigs lnga yis// dbu la brgyan te yan lag lha'o// de nas sras mchog go cha'i lha// dpral bar 'jam dpal gshin rje gshed// mgrin par rta mgrin dbang gi lha// thugs kar badz+ra he ru ka/ lte pabapar rdo rje gzhon nu che/ gsang bar bla med he ru ka/ spyi bor rig 'dzin 'dus pa'i sku// zhabs kyi pus mo g.yas g.yon steng // dregs pa kun 'dul chen po dang // 'jigs byed stobs ldan nag po bskyed// rdo rje rin chen gshog dpung rtser// klu 'dul khyung chen dkar nag bskyed// so so'i 'khor tshogs khro bo dang // khro mo yang sbrul sum sbrul bcas// 'bar khro rngam brjid gsal brtan nas// byin brlab dbang bskur spyan drang bstim// mchod bstod tshogs 'khor dus bzhir dbul// de dag sems kyi cho 'phrul te// rang bzhin skye med chos kyi sku// lha nyid snang stong gnyis su med// rol pa ma 'gag longs spyod sku// thugs rje'i 'phro 'dus 'gro ba 'dul// phrin las longs spyod sprul pa'i sku// sku gsum rang la ngo sprad nas// bla med rol pa'i 'phro 'du yis// bdud bzhi gzhom dang dgra gsum bsad// 'gro drug g.yang sa gcad bya'i phyir// srog snying rdzong dang 'phrad gnad kyis// yang dag nges don rab ldan pas// snang stong grag stong bde stong gi/ ngang la bying rgod gnyis spangs te// kun gyi gsang srog hUM gi bsnyen// 'dzab bstod dbyangs bcas rig rtsal sbyang // de nas bde gshegs yongs rdzogs pa'i// gsang sngags 'dus pa nye bar bsten// oM AHhUM swA hA// mAM hrIHhUM aH/ oM badz+ra shri ma hA kro d+ha/ oM shrI he ru ka ya mAn+ta ka/ hrIHpad+mAn+ta kr-ita/ hUM badz+ra ki li ki la ya/ badz+ra ma hA yak+Sha/ ka la rU pa/ yak+Sha kro d+hi/ badz+ra sa ba duSh+TAn/ e dza b+ho/ khri badz+ra ga ru Da/ ma ma kro d+hi shwa rI/ karma raM raM/ dza la raM raM hUM hUM phaT phaT/ gsang ba 'dus pa'i drag sngags 'di// mgar gyi tsha tsha lta bur bzlas// thun mtshams bstod cing phrin las bcol// smon lam btab cing rdzogs rim bsgom// grangs 'bum bsnyen cing rtags la sbyar// zhal mthor lung ston dngos grub ster// rdzas la 'od dang du ba 'byung // rmi lam mgo la nyi ma shar// mchod rten rtse la sdod pa dang // bud med tshogs 'dus bsnyen bkur byed// lus bde ngag nus sems rtogs 'char// bum pa'i rdzas la dngos grub blang // rgyun du za tshogs drang zhing rten// bde gshegs gcig grub kun gyi ngang // de bzhin bsgrub chos las sbyor stsogs// gsang sngags rgyud sde bsam yas kyi// las sbyor la sogs gang dang gang // gang la brtsams kyang the tshom med// dkyil 'khor bsdus te rgyun spyod bya// zhi khro yongs rdzogs bsnyen bsgrub 'dir// dus gsum bde gshegs gsang ba 'dus// bdag gzhan yongs kyi dpal chen po// mchog gi dam pa 'di bsgrubs pas// bdag srung rtsa ba'i bsnyen pa'o// zhes bka' stsal to// dpal gsang ba 'dus pa rgyud kyi rgyal po las/ zhi khro yongs rdzogs 'dus pa'i bsnyen bsgrub gzhi bstan pa'i le'u ste brgyad pa'o// // de nas 'dus pa'i 'khor rnams kyis/ ston pa kun tu bzang po dpal che mchog he ru ka la gsol pa// kye kye kye/ tshogs kyi slob dpon kun tu bzang // tshogs rje tshogs bdag he ru ka/ rgyud don yongs rdzogs bsgrub chen po// bdag cag 'khor la bka' stsal zhu// de skad gsol par thugs dgongs te// ston pa chen pos bka' stsal pa// 'dus pa'i 'khor rnams rtse gcig nyon// bde gshegs zhi khro yongs rdzogs pa'i// rgyud don gsang ba'i bsgrub chen la// bzhi ste phun sum tshogs gzhi bzung // sta gon rim pas sgom du gzhug/ dngos gzhi bsnyen sgrub gzhung bsrangs te// mtha' rgyas cho gas rjes bskyang ngo // bsgrub gzhi phun sum tshogs bdun dpyad// bsgrub rkyen bla ma phun tshogs ni// bde gshegs bka' babs bsgrub rgyud zin// dbang rnams yongs rdzogs dam la gnas// blta bas thag chod ting 'dzin gsal// spyod pa blang dor man ngag can// gsang sngags mtha' drug rdzogs pa la// thos pas rgyud grol snying rje yis// 'gro 'dul thabs mkhas de nyid bsten// sgrub rten slob ma phun tshogs ni// dam gtsang dpa' brtan snying rus che// blo che shes rab mchog tu bzang // bsgrub dang phrin las brtson 'grus can// bzo mkhas rig gsal dad ldan gces// bsgrub gnas phun sum tshogs pa ni// bkra shis gangs rgyud ri bzangs 'dab// gnams pad 'khor kha sbyar 'dra// sngon yang grub thob rkyen thub par// bsgrub khang pho brang lta bur brtsig/ bsgrub pa'i grogs 'khor phun tshogs ni// rgyud zhi sha tsha blo gsal zhing // mi bslu gsang thub nga lo yang // de 'dra'i rgyal thebs karma dang / las brgya mdzes sdug yid 'ong ba// rigs dang mtshan ldan 'dris thub rten// sgrub pa'i yo byad phun tshogs ni// rten rdzas mchod rdzas dngos grub rdzas// 'tsho ba zas dang rkyen zlog sman// sna tshogs re skong yo byad sogs// bsgrub pa'i dus tshod phun tshogs ni// spyir na lo zla gza' skar dang // zhag dus dar dang yar ngo gces// bye brag zhi rgyas dbang drag gam// bsnyen bsgrub las sbyor dus kun brtsi// sgrub chos phun sum tshogs pa ni// ma hA'i rgyud dang a nu'i lung // a ti man ngag skor la sogs// shes bya kun la mkhas par sbyang // mdor na bde gshegs gsang 'dus pa'i// yongs rdzogs 'di nyid 'dzom par bya// sgrom 'jug sta gon rim pa bcas// sa brtag gzung sbrang dkyil 'khor brtsig/ spyi bshags bskang bya phyi mtshams bcad// sri mnan sgo srung byang bu gdags// ma traM mnan cing phyin gyis brlab// sgrub rdzas byin brlab chag chag gdab// thig gdab sa tshon byin gyis brlab// gzugs brnyan dkyil 'khor bri bya ste// thig bzhi btab pas ling tshe dgu'i// kha dog phyogs mtshon zod pa brtsig/ dbus nas brtsams te ling tshe dgu'i// zla gam sgo gcig e dgus mtshon// sgo sgor 'khor lo rtsibs bzhi par// mu khyud dang bcas re re dgod// kun la rin chen zur brgyad de// mdo mtshams ka bzhi sgo zang thal// spros la dga' na sgo rdzogs pa// kun tu dgu ru mdzes par bri// kun gyi phyi ru khyams sgo bzhi// pho nya reg mthing dkar ser leb ldang // 'dod yon pha gu dra ba dang // phra phyed mda' yab de ru ka/ ka brgyad rta babs chos 'khor sogs// zhi khro yongs rdzogs dkyil 'khor phyir// kun la rin chen dur khrod brgyan// spel te mkhas pas bri bar bya// mu khyud pad 'khor brag chen dang // rdo rje me ri 'khor yug bskor// phyi gru nang khyud dur khrod brgyan// mtshams bzhir dpag bsam bum pa bri// bsre bsnan bya zhing chas gos gsol// gral bcas sman bsdu brda' sgo dbye// brda' yi phyag btsal rtags mchog gdab// dam bca' bshags pa byin chen dbab// dkyil 'khor lha dang rgyan dgod de// gling dgur b+han d+ha dgu'am ni// bum gcig me gcig khram gcig dang // ta zhal phur gcig snying gcig dang / sku gcig sku rten drag sngags dgod// yang na mtshan ldan gcig nang du// che mchog sku bri kha khyer la// dpal chen dgu yi snying po bri// sku dang gsung gi rten yin pas/ dmigs pa'i rten du dbus su dgod// thugs rten rdo rje rtse lnga dgod// yon tan rten du a mr-i ta// phrin las bsgrub phyir lcags phur dgu/ sras kyi sngags phur bzhi bzhis bskor// sgo bzhi phur pa bzhi yang dgod// gdab phur brgya dang rtsa brgyad kyis// mtha' skor yongs rdzogs 'khor du bskyed// sgo 'byed mar me dgu yang dgod// gzhan yang phyogs bzhi mtshams brgyad du// gri bzhi mda' bzhi me long bzhi// phur bzhi tshon skad dra bas spras// bla bre gdugs dang dar dbyangs 'phan// dpal chen gtor chen dgu yang dgram// sman rag d+ha ka'i mchod gtor sogs// phyi nang mchod pas bklubs la dgang // de nas dngos gzhi bsnyen bsgrub bshad// dang po phyi nang gsang mtshams bcad// oM badz+ra kro d+ha swa b+hA wa sa ma ya ru lu ru lu hUM phaT/ hUM hUM bi shra badz+ra tsakra dza la ma d+ha la/ ha la ha la/ hUM phaT/ de nas brda' sgo dbye bar bya/ b+h+yAM pra be sha phaT/ de nas brda li phyag kyang btsa la/ hUM he ru ka a ti pu ho/ pra tits+tsha ho/ de nas dam bca' yongs su gzung // hUM badz+ra sa ma ya hUM/ de nas byin chen dbab par bya/ oM shrI badz+ra kro d+ha de ba duSh+TAn d+haM ki nI sa ma ya ru lu ru lu hUM b+h+yo hUM/ A be sha ya a a/ de nas mchod pa byin brlabs 'bul// oM AHhUM/ badz+ra puSh+pe hUM/ badz+ra d+hU pe hUM/ badz+ra A lo ke hUM/ badz+ra gan+d+he hUM/ badz+ra ne bi te hUM/ badz+ra shap+ta hUM/ badz+ra sarba pU dza me g+ha hUM// raM yaM khaM/ oMHAHhUM/ ma hA ba liM ta te dzo ba li te/ ba la ba ta/ gu h+ya sa ma ya swA hA/ oM AHhUM/ sarba pany+tsa a mr-i ta hUM hr-i tha/ oM AHhUM/ ma hA rak+ta sa man+ta maN+Dal hUM phaT/ oM sarba ta thA ga ta ma hA pA dza/ ma hA pany+tsa ma hA ba liM ta/ ma hA rak+ta/ a ho su kha ho// sa ma ya swA hA/ de nas nyams chag gnod 'gyod bshags/ AHhUM swA hA/ sa ma ya dza/ na ra ka/ pre ta ka/ tir ya ka/ ma nu Sha/ de wa/ a de wa/ a li bi shud+d+he/ dag sha ka/ bud+d+he shud+d+he swA hA/ spyang gzhi sbyong byed thabs chen po// khyad par bskyed rdzogs 'di ltar bsgom// hUM spros med yang dag de bzhin nyid// mnyam yangs phyogs bral kun tu bdal// ma nor ma bcos chos kyi sku// rang bzhin lhun grub ngang gis gsal// oM ma hA shU n+ya tA dz+nyA nA badz+ra swa b+hA wa At+ma ko&haM/ de bzhin kun khyab kun tu snang // ma rig 'khrul snang 'khor ba'i klong // gzung 'dzin bag chags rab tu 'thas// ma rtogs sems can snying re rje// oM d+harma d+ha tu swa b+ha wa bi shud+d+he maN+Da la hUM/ hUM chos rnams rang byung rten 'brel te// rgyu las ma byung gang yang med// hUM ni thams cad skyed pa'i rgyu// dgos tshig rkang 'di med pa'ang 'dug 'dod 'byung ba'i yi ge bsgom// rang rig don gyi snying po hUM/ tsit+ta badz+ra hUM/ raM yaM khaM/ bskal pa gsum gyi 'jig rten stongs// ye nas dag pa'i ngang nyid las// snod bcud sbyang phyir 'byung rim brtseg/ e yaM ra suM kai raM b+h+rUM/ e las nam mkha' mtha' dbus med// yaM las rlung gi dkyil 'khor te// ra las rak+ta'i rgya mtsho 'khyil// suM las zhing chen sa gzhi brdal// ko las rus pa'i ri rab steng // raM las bskal pa'i me dpung 'bar/ b+h+rUM las ye shes gzhal yas khang / dur khrod rab 'jigs dkyil 'khor skyed// b+h+rUM bi shwa bi shud+d+he// b+han+da gnya' na e tsakra maN+Da la hUM b+h+rUM/ zla gam ye shes 'char sgo'i dbus// chos sku 'gyur med e ru gsal// b+han+da skam rlon pho brang brtseg/ rin chen mdzes pa'i gling dgu la// 'khor lo rtsibs bzhi mu khyud bcas// gru chad par khyams sgo khyud rdzogs// rang byung lhun grub ngo mtshar che// dregs pa nyi zla pad+ma'i gdan// gtso dang 'khor bcas 'tshams par gsal// b+h+r-i ru dra kro d+hI ti ra baM/ ma sUr+ya maN+Da la a tsan+da maN+Da la/ baM pad+ma maN+Da la/ hUM rgyu yi yi ge gdan la babs// bdag nyid che mchog he ru ka/ mthing nag dbu gsum phyag drug pa// zhabs bzhi gyad kyi dor stabs bgrad// g.yas dkar g.yon dmar dbus mthing zhal// sku mchog rigs lnga dbu la rdzogs// spyan dgu zhal bgrad mche ba gtsigs// g.yas kyi phyag gsum rdo rje bsnams// g.yon gyi phyag gsum b+han dmar bsnams// dur khrod 'jigs pa'i chas kyi brgyan// gnam zhal yum mchog kun bzang sbyor// g.yas pa gtso 'khyud kha T+wAM bsnams// g.yon pa chags pa'i dung dmar stob// sku mdog rgyan cha yab dang 'dra// bskal pa'i me dpung klong na bzhugs// oM badz+ra kro d+ha ma hA shrI he ru ka hUM phaT/ ma hA kro d+hi shwa rI s+t+waM/ hUM dpal chen yab yum thugs ka nas// phyogs bzhi mtshams bzhi'i dkyil 'khor du// mthing nag hUM chen yi ge spro// khrag 'thung yab yum sras bcas bskyed// hUM hUM/ hUM hUM/ hUM hUM/ hUM hUM/ hUM hUM/ hUM hUM/ hUM hUM/ hUM hUM/ oM ru lu ru lu hUM b+h+yo hUM phaT/ oM a kro te ka ya mAn+ta ka ha na ma tha b+hany+dza hUM phaT/ oM pad+man+ta kr-ita/ ma ha kro d+ha ha ya grI ba/ hu lu hu lu hUM phaT/ oM badz+ra ki li ki la ya sarba big+h+nAM baM hU~M phaT/ oM gu h+ya gnya' na shrI he ru ka/ gu h+ya dz+nyA na kro d+hi shwa rI s+t+waM/ ma ma yo gi ni/ ru lu ru lu hUM b+h+yo hUM phaT/ oM badz+ra ma hA gu ru sarba hUM phaT/ oM badz+ra tsaN+Da sarba duSh+TAn hUM phaT/ oM badz+ra sarba duSh+TAn hUM phaT/ hUM rgyu las bskyed pa'i sngags brjod pas// khro rgyal dkyil 'khor lhun gyis grub// bskal pa me ltar 'bar klong nas// rang byung ye shes khro tshogs shar// shar du badz+ra he ru ka/ badz+ra kro d+hi shwa rI yum// rigs bzhi la sogs 'khor bcas gsal// lho ru 'jam dpal gshin rje gshed// za byed be tA nag mo yum// rigs bzhi la sogs 'khor bcas gsal// nub tu dbang chen rta mgrin rgyal// pad+ma gzhi ldan khro mo ldam// rigs bzhi la sogs 'khor bcas gsal// byang du rdo rje gzhon nu che// 'khor lo rgyas 'debs dpal gyi phram// rigs bzhi la tshogs 'khor bcas gsal// shar skor za med he ru ka/ nyid bzhi bde mchog yum chen sbyor// ma lnga la sogs 'khor dang bcas// lho nub rig 'dzin rdo rje'i sku// bde chen rdo rje rnal 'byor 'khril// rigs bzhi la sogs 'khor bcas gsal// nub byang dregs pa kun 'dul dpal// khams gsum srid pa spyi 'dul 'khril// rigs bzhi la sogs 'khor bcas gsal// byang shar stobs ldan nag po che// 'byung ba lnga yi bdag mo yum// rigs bzhi la sogs 'khor bcas gsal// nyi ma dang ni 'od zer bzhin// dpal chen so so'i sbrul 'khor bcas// phyi rol sgo ba rigs bzhi ni// ya mAn pradz+nyA pad+ma big/ lcags kyu zhags pa lcags sgrog dril// tshom bu dgu yi lha tshogs rnams// sku mdog phyag mtshan rgyan cha lugs// ma 'dres yongs su rdzogs par gsal// hUM rang byung dkyil 'khor dpal chen tshogs// mthu rtsal yongs su rdzogs bya'i phyir// sku gsung thugs su byin brlab cing // ye shes lnga yi dbang bskur ro// oM AHhUM/ oM hUM swA hrIHha/ de nas rang bzhin spyan drangs te/ e h+ye hi/ dzaHhUM baM hoH/ sa ma ya hri hrI dzaH/ de nas dam tshig bdag la bstim/ sa ma ya A be sha ya tiSh+Tha lhan// de nas phyag gi mchod pa ni// a ti pu to/ na ma ya te/ de nas phyag rgya gar gyi mchod// ma hA pU dza mu dra hoH// de nas ye shes glu yis mchod// ma hA dz+nyA na te na hUM/ te na hUM/ te na te te hUM/ de nas phyi nang rnam lngas mchod// oM pa na po/ pe nu su ra to/ ti pu pa ra mu/ sarba ta thA ga ta sid+d+hi hUM/ sa ma yo ta mu/ oM AHhUM/ ma hA pany+tsa ba li ta rak+ta khA hi/ oM shrI badz+ra rA ga d+hA pe d+hA/ puSh+pe bu/ A lo ke hrIH/ gan+d+he gan/ ne bid+yA A/ girti hUM/ de nas bdud rtsi sman mchod 'bul// lha rnams so so'i rtsa sngags la// oM sarba ta thA ga ta a mr-i ta kha raM khA hi/ de nas bdud rtsi'i dngos grub blang // kA ya sid+d+hi oM/ wA ka sid+d+hi AH/ tsit+ta sid+d+hi hUM/ sarba sid+d+hi hrIH/ de nas bdud rtsi gsang nan mchod/ ma hA pany+tsa a mr-i ta khA hi/ de nas ma chags gtor chen mchod// lha rnams kun gyi rtsa sngags la/ ma hA ba li ta kha raM khA hi/ lha rnams kun gyi sngags mjug la// ma hA rak+ta kha raM khA hi/ de nas yab yum sbyor mchod 'bul// dzaHhUM baM hoH/ pad+ma yo gi ni/ sa ma ya pra be sha ya phaT/ de nas sgrol ba'i mchod pa bya/ oM ma hA shrI he ru ka/ ma traM ru dra pra b+ha na tsakra hUM phaT/ pra be sha ya hUM phaT/ ti hUM a s+tha ra Na phaT/ de nas yig brgyas bshags shing bskang // oM AHhUM swA hA/ oM badz+ra he ru ka sa ma ya/ ma nu pA la ya/ badz+ra he ru ka te no pa tiSh+Tha/ dr-i D+ho me b+ha wa/ su to Sh+yo me b+ha wa/ a nu rak+to me b+ha wa/ su po Sh+yo me b+ha wa sarba sid+d+hi m+me pra yats+tsha/ sarba karma su tsa me/ tsit+taM shre yAM/ ku ru hUM/ ha ha ha ha ho/ b+ha ga wAn/ sarba ta thA ga ta/ badz+ra he ru ka/ ma me muny+tsa/ badz+rI b+ha wa/ ma hA sa ma ya/ badz+ra he ru ka sa twa a/ de nas dgyes pa'i bstod mchod bya// oM mnyam nyid sku yi rang bzhin yin// kun bzang zag pa med par bde// sems can don la bde bar gshegs// thugs rje'i sku la phyag 'tshal bstod// AM rtsol med rang byung chos sku'i sgra// ma 'gags rang gsal 'dzin pa med// chags med skyon bral pad+ma'i gsung // yang dag gsung la phyag 'tshal bstod// hUM spros pa med pa'i dbyings kyi ngang // ma skyes 'jig med rdo rje'i thugs// blang dor med pa chos kyi dbyings// 'gyur med thugs la phyag 'tshal bstod// sna chos dbyings rol pa chen po las// rtsal dang rol pa mi dmigs kyang // nam mkha' mdzod kyi cho 'phrul gyis// yon tan re skong phyag 'tshal bstod// hA rang bzhin cir yang ma nges kyang // dkyil 'khor chen po'i cha bzung nas// rtog med dregs pa ngang gis 'dul// phrin las mdzad la phyag 'tshal bstod// gzhan yang don mthun ci rigs bstod// oM AM hUM swA hA/ na mo hr-i dA ya/ de nas lha tshogs mtshan don nas// las bzhi la sogs bcol bskul bya// oM shIn+tiM ku ru/ swA puSh+TiM ku ru/ oM ba shaM ku ru/ hA mA ra ya/ hUM sarba sid+d+hi ku ru hUM/ de nas bde gshegs kun gyi gsang / 'dus pa'i snying po 'dzab bzlas te// zhi bas bsnyen cing khro bor bsgrub// thog mar zhi ba'i 'dzab bzlas te// bde gshegs yongs rdzogs snying po 'di'o// oM bo d+hi tsit+ta ma hA su kha gnya' na d+hA tu a/ de yang 'di skad bskul zhing bsnyen// hUM gsang ba yongs rdzogs dkyil 'khor du// che mchog dpal dgu'i dbu rgyan nang // thabs shes nyi zla 'od kyi dkyil// ma chags pad+ma'i ge sar la// mi bskyod rnam par snang mdzad dang // rin 'byung mtha' yas don yod grub// yum chen kun bzang sangs rgyas spyan// mA ma gos dkar dam tshig sgrol// rgyal ba rigs lnga yab yum bcas// kun bzang yab yum dgyes par sbyor// sras mchog sems dpa' sems mar bcas// sbrul sku thub drug mthar byed brgyad// mnyen lcug 'khril ldem gzhon tshul can// gsal 'tsher lhun sdug gzi brjid 'bar/ dbu rgyan phreng ba cod pan dang // do shal dpung rgyan se mo do// rin chen dar dpyangs chas rnams rdzogs// gsung gi snying po sngags sgra sgrogs// thugs ni rang byung ye shes gsal// 'dzab kyis sku gsung thugs rgyud bskul// spros pas stong gsum sku yis gang // sku las gsung byung sngags 'brug ldir// bsdus pas chos dbyings mkha' la thim// ma gsal bar du bskyed cing bsgom// oM bo d+hi tsit+ta ma hA su kha gnya' na d+hA tu a/ brgya stong khri 'bum bye ba sogs// bsnyen pa sum cha de la bskul// stong tshig yan lag bdun mchod bya// tshogs kyi 'khor lo dus drug btang // de nas bde gshegs kun gyi gsung // tshom bu dgu yi snying po bskul// oM badz+ra kro d+ha ma hA shrI he ru ka hUM phaT/ oM ru lu ru lu hUM b+h+yo hUM phaT/ oM hrIHSh+T+rIHbi kr-i ta na na hUM phaT/ oM h+ya grI ba hu lu hu lu hUM phaT/ oM badz+ra kI li kI la ya hUM phaT/ oM gu h+ya gnya' na shrI he ru ka kro d+hi shwa rI hUM phaT/ oM badz+ra ma hA gu ru sarba hUM phaT/ oM badz+ra tsaN+Da sarba duSh+TAn hUM phaT/ oM badz+ra sarba duSh+TAn e dzaHb+h+yo hUM phaT/ khro ga ru Da hUM phaT/ sarba DA ki nI sa ma ya hri hriM hUM phaT/ de yang 'di ltar bskul cing bsgrub// hUM dbus phyogs 'khor lo'i gzhal yas nas// zla gam dbang chen e yi dbyibs// byol song gtso brgyad dregs pa'i steng // thabs shes nyi zla 'od kyi dkyil// ma chags pad+ma'i ge sar la// bcom ldan che mchog he ru ka/ yum chen gnam zhal dbyings phyug ma// gnyis med 'khril sbyor sras cha lugs gi yang 'khor bcas// sgeg pa dpa' ba 'jigs su rung // dgod dang gshe dang snying rje rngam// 'bar khro zhi tshogs gar dgu ldan// sku la dur khrod chas rnams rdzogs// gsung ni drag po'i sngags sgra sgrogs// thugs ni sgrol mdzad srog dang bcas// 'dzab kyi rgyud bskul sku gsung thugs// phaT kyi spros pas stong gsum gang // bsdus pas yum gyi mkha' la 'khyil// gsang ba'i sbubs nas thugs kar thim// ma gsal bar du bskyed cing bsgom// ma 'grub bar du mi gtong ngo // badz+ra kro d+ha ma hA shrI he ru ka hUM phaT/ brgya stong khri 'bum bye bas bsgrub// stong tshig yan lag bcu pa bya// de bzhin khro bo kun la sbyar// dus drug tshogs kyi 'khor lo bskor// sgrub pa sum gnyis de la bsgrub// de nas las sbyor sum cha'i bar// dgongs pa gsum gyis mthar 'gyur te// bdag nyid yongs rdzogs dpal du bskyed// dkyil 'khor lha tshogs thams cad kun// chos nyid don la 'gyur med phyir// thams cad sku mdog mthing nag la// rdo rje phur pa 'dril zhing 'debs// dgra bgegs las rgyun gcod par bsam// rnal 'byor dur khrod chas gsol te// bsgrub phur rnams la drag tu bstim// oM badz+ra ma hA kro d+ha/ pad+ma kro d+hi shwa ri/ badz+ra ki li ki la ya// ma hA yak+Sha/ kA la rA pa karma raM raM/ dza la raM hUM phaT/ bde gshegs khro rgyal 'dus pa yi// drags sngags gnam thog drag tu bzlas// stong stong tshig tu khro rgyal bskul// dgra bgegs khugs pa'i rtags mthong tshe// e dbus mtshan ngan thod pa ru// ling ga 'khor lo'i rtsibs la bskyon// gu gul gyis bdug lha dang dbye// dbang gsol phyag rgya bzhi yis bcings// nr-i tri che ge mo dzaHhUM baM hoH/ A be sha ya a a/ phrin las rten gyi phur pa bsnams// gu gul byin bskyed khrag dbang bskur// yungs kar brab cing phrin las bcol// tshe lung khrus kyi dgongs pa bya// che mchog phur pa srog rtsar gdab// badz+ra he ru snying gar gdab// gshin rje gshed po dpral bar gdab// rta mgrin dbang gi lce la gdab// rdo rje gzhon nu lte bar gdab// bla med he ru gsang gnas gdab// dregs pa kun 'dul brla g.yas gdab// stobs ldan nag po brla yon gdab// rig 'dzin drag po spyi bor gdab// gdab pa'i sngags dgu 'og nas ston// so so'i 'khor gyis khyab par gdab// yungs kar dug khrag thun gyis brab// drag sngags thams cad phur dkrugs pa lpags/ kyang te// mngag phur gdab phur khyab par gdab// gdab brdeg mnan pas las kha bsdu// bdag dang phur pa 'ben dang gsum// tha mi dad de grub mtha' gcig/ chos kyi dbyings su gzung 'dzin sgrol// srid pa gsum yang dus gcig sgrol// khro rgyal 'dus pa'i phrin las so// de nas skabs su tshogs mchod bya// oM u tsusma/ be tA lI/ kro d+ha sarba dra byaM bi shwa d+ha na swA ha/ raM yaM khaM/ oM AM hUM/ aM na ma sarba ta thA ga te b+h+yo de bI kro d+ha sarba ba liM ta khA hi khA hi/ oM AM hAM/ ma hA ba liM ta khA hi/ de nas lhag mas mchod pa bya// oM AM hAM/ uts+tshiSh+Tha badz+ra asti sta/ sa mun sha kra ma/ sa ma ya hU~M phaT/ tsAts+tshan+da/ hriM hriM waM/ b+h+yo b+h+yo b+h+yo/ A ra li nga/ de nas man ngag 'khrul 'khor bshad// gdul bya'i blo rigs tha dad pas// sku gsung thugs yon phrin las kyi// bye brag bslab la mos na yang // 'di yi bsnyen bsgrub skabs dang sbyor// bde bar gshegs la rang rgyud med// gang ltar mos pa de ltar 'grub// rgyud 'di tan tra bco brgyad kyi// nyams len rtsa ba yongs rdzogs phyir// dbu zhabs kun tu man ngag gang // mdo las zhib rgyas ma tshang na'ang // nyid las mi gzhan rig 'dzin gyis// rigs par sgrol bar bka' gnang gis// rgyud gzhan kun nas kha bskang bya// yang dag nges pa'i don la sbyar// 'khor la bka' bsgo dge sbyor bskul// bar chod nyul le brtags te bzlog/ rgyun du 'byung ba'i dngos grub blang // bsgrub pa'i gegs yin rnam rtog bsal// de ltar bsgrubs pa'i grub rtags bshad// bsnyen pa rdzogs pa'i rtags su ni// dpal chen la sogs bde bar gshegs// gang na gang gi zhal mthong zhing // ngag gi bden pa grub pa dang // nyams snang mkha' 'gro'i lung bstan 'byung // mi mang 'dus nas phyag 'tshal dang // mgo la nyi ma shar ba dang // mchod rten rtse la 'dug pa dang // grong khyer nyams dga' mthong ba dang // rigs lnga'i phyag mtshan rnyed pa dang // bcud 'thung me tog zos pa dang // dmag dpon ded dpon byas pa dang // bsgrub pa grub pa'i rtags dag ni// gangs dkar rtse la 'dzegs pa dang / ri bo'i rtse la 'dug pa dang // dar gdugs rgyal mtshan 'phyar ba dang // bud med tshogs 'dus skor ba byed// lus la khrag 'dzag sems can thon// b+han+da phur pa ldeg cing 'phar// sku dang 'od sgra lha mor ston// dam rdzas khol lam du ba 'byung // las sbyor grub pa'i rtags su ni// zhi bas 'jigs pa brgyad skyob nus// rgyas pas 'byor drug spel bar nus// dbang gis bdud bzhi dbang sdud nus// drag pos dgra bgegs myur bsgral nus// nyams su bla khugs dmigs pas gsod// bsams pa'i don grub zhag dus thebs// rmi lam du yang dud 'bud dang // rnga sogs rol mo sgrogs pa dang // sgyogs 'phang hom spar rdzing brtol dang // mchod rten lha khang mkhar spre'u brtsig/ bsos btab mi rnams bran du 'khol// mtshan rtags de dag thams cad kyang // rab dngos yang yang brtag thub cing // 'bring du thun khol bdud rtsi khol// 'od sogs nyams la snang ba yin// tha ma rmi lam brtan po 'byung // ma grub rang la ngan srid na// nyams dma' dpa' chung stobs zhan dang // mdog ldog skad 'gag mi mi nyan// rmi lam du yang grogs med 'khyams// gos med mtshon sogs tshur sgyogs 'byung // gtor ma dus yol cha ga yod na// khral 'dod nye drung thams cad 'khang // sgo non rang yang lhogs snyam sems// nyams grib mi gtsang gos srid na// yugs sa mdze can gnyen khros dang // nam ngan kha ba bu yug 'tshub// 'dam rdzab du ba mun gling 'khyams// bskang dang bshags pa rgyun du bya// de ltar mtshan ma bzang dang ngan// gang ltar snang yang btang snyoms 'dug/ rloms sems rtog pa mi skye bar// dngos grub blang zhing ngan pa bzlog/ dngos grub len khar bro bshags bya// zhag grangs them mam rtags bzang na// dngos grub bcud sman zas bzang dang // ka pA la yi bdud rtsi dang // rgyal ba zhi khro'i mtshan don nas// dngos grub blang pa'i cho ga bya// slob ma bzang la dbang yang bskur// de nas dngos grub dbang rdzas rol// bsgrub pa'i skabs skabs shis pa brjod// de ltar bsnyen sgrub rim pa dag/ rab tu lo bsgrub rtags dang sbyar// 'bring la zla drug grangs dang sbyar// tha ma zhag bdun dag la bsdus// dad brtson drag pos bsgrubs gyur na// mtshams med lnga spyad zin mis kyang // dngos grub thob pa gsang sngags khyad// dam ldan rnams la smos ci dgos// de nas mtha' sdud cho ga yi// rim pa bsgrub chen rjes kyang bshad// sbyor ram sgrol na gdab las bya// myur du sgrub byed sbyin bsreg bya// gtor ma gtong khar cha gsum bgo/ dang po gter du sba bya ste// sa yi lha mo'i mkha' dbyings su// gter sbed cho ga rgyas par bya// cha gcig sbyin bsregs gseb tu gdab// za ma'i cha yis skyong ma mchod// gtong gzhong 'og tu dam sri brub// phrin las rnam bzhi'i bro yis mnan// bkra shis tshe yi cho ga bya// dkyil 'khor bsdu zhing lhag chad bskang // bzod par gsol zhing bla ma la// gtong rag rgya chen legs par gtong // mar me thogs la smon lam gdab// lus bsrung rgyun gyi ting 'dzin gces// dus mtshams sgrol ba'i gtor ma gtang // sbyin gtong bsgrubs tshar bsngo ba bya// phyogs bcu dus bzhi'i rgyal ba rnams// yongs rdzogs gsang ba'i bsgrub chen gyi// mdo don mtshon pa de ltar yin// nyid las mi gzhan rjes 'jug gis// de la spro bsdu ci rigs pa// dus dang blo sbyong cho ga'i khrigs// drang ba'i don du 'phrul shes bya// mthar thug yang dag sa la sbyor// phun tshogs gsang ba'i bsgrub chen 'di// sku gsum yongs rdzogs sa la sbyor// zhes bka' stsal to// dpal gsang ba 'dus pa'i rgyud kyi rgyal po las/ zhi khro yongs rdzogs gsang ba bsgrub chen gyi le'u ste dgu pa'o// // de nas 'dus pa'i 'khor rnams kyis// kun 'dus ston pa he ru kar// rgyud don bskyed rdzogs rab bsdus dag/ bdag cag 'khor la bka' stsol cig/ de skad gsol pa'i don dgongs nas// ston pa nyid kyis bka' stsal pa/ kye 'dus pa'i 'khor rnams rtse gcig nyon// rgyud don bskyed rdzogs yang 'dril bshad// zhi khro bde gshegs yongs rdzogs kun// sku gsung thugs kyi bsgrub par 'dus// sngon 'gro rdzogs pa'i rnal 'byor pas// rdo rje sems dpa' zhi dang khro// yab yum rkyang sbag gang bde ba'i// bskyed rdzogs zung 'jug gsal bsgoms te// oM AHhUM/ sku gsung thugs ldan yongs rdzogs pa'i// 'khor 'das srog snying 'bru gsum ldan// bdud gzhom dgra bsad g.yang sa gcad// bsnyen rdzogs las rnams ma lus 'grub// rdzong 'phrang srog gi tshad ldan te// de ltar sku gsung thugs bsgrubs kyang // bla med yang dag yi ge hUM// zab mo thugs kyi bsgrub par rdzogs// de nyid nyams len bsgrub par 'dus// dkon mchog bla ma bde gshegs la// skyabs su 'gro zhing sems bskyed bya// yan lag bcu pas tshogs kyang bsag/ snying rje byams dga' btang snyoms bsgom// ltar gsal thugs 'od 'phro 'du las// srung mtshams khro bcu'i 'khor lo bsgom// khro bcu'i sprul pas gdug pa bsgral// oM suM b+ha ni suM b+ha hAM// gr-ih+Na gr-ih+Na hUM/ g+haM h+NA pa ya gr-i h+NA pa ya hUM/ A na ya ha/ b+ha ga wAn bid+yA rA dzA ya hUM phaT/ oM na maHsa man+ta badz+ra kA ya wA ka tsit+ta naM/ g+ha g+ha/ g+hA ta ya g+ha ta ya/ sarba duSh+TAM hUM phaT/ kI li ki la ya sarba pA paM phaT/ badz+ra kI li ki la ya hUM phaT/ de yis bgegs bsrung rab sbyangs te// snying ga'i hUM 'od rdo rje'i gur// rab gtams me 'od 'bar bar bsam// snying ga'i hUM las b+h+rUM 'phros zhu// de las gzhal yas khang sgo bzhi// rta babs 'dod yon pha gu dang // dra ba pu shud dar khangad dang // 'phan dang rgyal mtshan dur khrod mdzes// pho brang rat+na zur brgyad dbus// nyi zla pad+ma brtsegs pa'i steng // tshangs pa rgya byin bsnol ba'i khar// nyi zla'i ga'u kha sbyor dbus// rdo rje rtse lnga'i lte ba la// rang rig hUM mthing gcig tu bsam// grib ma'i tshul du dril bu bskyed// de las bde gshegs yongs rdzogs sku// yab yum 'khril sbyor zhig tu bskyed// de yang yab kyi ming 'dogs ni// dgyes mdzad rdo rje zhes kyang bya// bla med he ru zhes kyang bya// bde mchog 'khor lo zhes kyang bya// che mchog he ru zhes kyang bya// bde gshegs 'dus pa'i sku mchog nyid// sku mdog mthing nag zhal gcig pa// phyag g.yas rdo rje dung dmar 'khrugs// zhabs gnyis brkyangs bskums lha chen brdzis// kro d+hI yum chen yab 'dra 'khril// yum chen de yi ming 'dogs kyang // kun bzang pha rol phyin ma dang // rdo rje phag mo rnal 'byor ma// 'khor lo rgyas 'debs khros nag mo// e ka dza Ti gnam zhal ma// de ltar yab yum zhal sbyor la// dur khrod chas brgyad rdzogs par bsgom// oM AM hUM/ oM hUM swA hrIHha/ sku gsung thugs su byin brlab cing // ye shes lnga yis dbang yang bskur// spyan drangs stim mchod bstod sogs bya// lha gsal gyad du gyur pa na// phra mo'i ting 'dzin gsal bsgoms te// kun gyi spyi srog hUM gis bsnyen// 'dzab dbyang zab mos nyams rtogs sbar// rdzogs rim lha nyid sems su brtag/ lha nyid rang la rang nyid lha// dbyer med chos nyid ming dang bral// rdzogs rim gsum gyis gol sa sbyang // sgo gsum rtags la sbyar cing bsgrub// phrin las rig pa'i kha bsgyur bya// 'bras bu bder 'dus phyag rgya che// sku gsum lhun grub dang du grol// phyogs bcu dus bzhi'i rgyal ba dang // zhi khro bka' brgyad lha tshogs rnams// che mchog dpal gyi sku ru 'dus// che mchog he ru ka'i ngo bo// ma nor ma bcos chos kyi dbyings// chos sku thig le nyag gcig yin// zhes bka' stsal to// dpal gsang ba 'dus pa rgyud kyi rgyal po las// bskyed rdzogs yang dril gyi sgrub thabs bstan pa'i le'u ste bcu pa'o// // de nas 'dus pa'i 'khor rnasam kyis mgrin gcig tu/ ston pa kun tu bzang po dpal che mchog he ru ka la gsol pa/ kye kye kye/ chos kyi dbang phyug kun tu bzang // dbang chen che mchog he ru ka/ rgyud don dbang bskur rim pa dag/ bdag cag 'khor la bka' stsol cig/ de skad gsol pa'i don dgongs nas// ston pa nyid kyis bka' stsal pa// 'dus pa'i 'khor tshogs rtse gcig nyon// rgyud don dbang bskur rim pa la// lnga ste ngo bo nges tshig dang // dbye ba skur thabs dgos ched do// ngo bo rang rig dbang tshugs thub// nges tshig sems nyid rtsal dbang bskur// dbye na khyad par thun mong ste// khyad par phyi nang gsang dbang gsum// thun mong phan dang nus dbang yin// dbang chen skur thabs rim pa ni// bla ma gang gis slob ma ni// gang la bskur phyir snod bcud bstan// ji ltar skur zabs phyi nang gsang // phan nus yongs rdzogs dag yin te// dkyil 'khor rdzas rnams bsgrub dang mtshungs// khyad par dbang gi sker rdzas ni// rat+na'i bum dgu phyag mtshan bri// sman dang rin chen 'bru sogs stsal// 'bras ldan kha rgyan dar snas bcing // sna lnga'i gzungs thag rdo rjes bsrung // phyi zhi nang khro rigs lngas brgyan// dkyil 'khor lha tshogs bris sku gzug/ phyag mtshan bris pa'i srog zhu dang // me long shel bcas rdor dril dang // zhi rgyan khro tshogs rus rgyan sogs// dbang rdzas rim pa thams cad bsag/ mtshan ldan mu dra yid 'ong bsham// sta gon rdzogs bya dal du gzhug/ mdor na dbang gi sngon 'gro rjes// bsgrub chen bsnyen bsgrub khog phub la// las dang dbang gi sbyor bas te// lha rnams bsnyen bsgrub sngags gzhug la// dbang gi gsang sngags 'di gdags bsnyen// kA ya wA ka tsit+ta a b+hi Shiny+tsa A// 'od zer spro bsdu'i sbyor ba yis// bsgrub rdzas lhar gsal bdud rtsir bsgyur// slob bu'i sgo gsum sgrib pa sbyang // dus drug tshogs kyi 'khor lo bskor// lnga bdun nyer gcig zhag tu bsgrub// de nas cod pan dbang bskur te// zhu 'bul rjes gnang cong pan dor// oM badz+ra pra ti gr-i h+Na ho// A be sha ya a a/ lha ngos bzung zhing gsang mtshan gdags// slob bus gsal gdab bla ma yis// gsang ba'i sngags 'dis byin chen dbab// oM AHhUM badz+ra gu ru sarba sa ma ya/ A be sha ya a b+hi Shiny+tsa a a/ de nas spyi gtsug bum dbang bskur// oM AHhUM swA hA/ sarba ta thA ga ta shrI he ru ka/ badz+ra ka la sha/ kA ya wA ka tsit+ta a b+hi Shiny+tsa hUM/ su ra ta s+t+waM/ de rjes dbu rgyan dbang bskur te// rigs lnga'i phyag mtshan thod spras la// oM AHhUM swA hA/ badz+ra/ bud+d+ha/ rat+na/ pad+ma/ karma mu ku Ta tAM a b+hi Shiny+tsa hUM/ de rjes phreng tshogs zhi rgyan dbang // gnas su bkod de dbang bskur ni// oM bo d+hi tsit+ta mu dra ru tsi ra ma Ni pra brta ya swA hA/ a b+hi Shiny+tsa hUM/ de nas dpal gyi chas gos rnams// gnas su bkod de dbang bskur ni// oM shrI he ru ka sarba yo gi/ a b+hi Shiny+tsa sa ma ya shrI ye hUM a/ de rjes dam rdzas mchod pa'i tshogs// spyi bor bzhag nas dbang bskur ba// oM AM hUM sarba pany+tsa a mr-i ta ba liM ta rak+ta sarba pU dza sa ma ya a b+hi Shiny+tsa sid+d+hi a b+hi Shiny+tsa a a/ de ltar phyi dbang yongs rdzogs nas// nang gi lha dbang bskur ba ni// rigs lnga khrag 'thung lngar bcas pa'i// sku gzugs la bstim dmigs pas bstim// spyi bo'i gtsugs nas bskur bar bya// oM AM hUM swA hA/ mAM lAM mAM pAM tAM/ badz+ra sa twa dz+nyA na a b+hi Shiny+tsa a/ bud+d+ha dz+nyA na a b+hi Shiny+tsa a/ rat+na dz+nyA na a b+hi Shiny+tsa a/ pad+ma dz+nyA na a b+hi Shiny+tsa a/ karma dz+nyA na a b+hi Shiny+tsa a/ badz+ra shri he ru ka badz+ra kro d+hI shwa rI a b+hi Shiny+tsa a/ brad+d+ha shrI he ru ka bud+d+ha kro d+hi shwa rI a b+hi Shiny+tsa ma/ rat+na shrI he ru ka rat+na kro d+hI shwa ri a b+hi Shiny+tsa a/ pad+ma shrI he ru ka pad+ma kro d+hI shwa rI a b+hi Shiny+tsa a/ karma shrI he ru ka karma kro d+hI shwa ri a b+hi Shiny+tsa a/ de nas rgyal ba rigs bzhi'i dbang // spyi bor 'jam dpal ye shes sems// oM bA gi shwa ri mr-i/ mgrin par spyan ras gzigs dbang phyug/ Ar+yA ba lo ki te shwa rA ya/ thugs kar gsang bdag rdo rje sems/ badz+ra sa twa hUM/ lte bar drug pa rdo rje 'chang // ma hA badz+ra d+ha ra a b+hi Shiny+tsa a/ de rjes dpal chen khrag 'thung dgu'i// cha lugs gsal gdab dbang bskur te// slob bu'i spyi bor che mchog bstim// oM badz+ra kro d+ha ma hA shrI he ru ka hUM/ sarba sa ma ya/ a b+hi Shiny+tsa a/ dpral bar gshin rje gshed po bstim// oM hriHSh+T+rIHbi kr-i tA na na hUM sarba sa ma ya/ a b+hi Shiny+tsa a/ mgrin par pad+ma dbang chen bstim// oM ha ya grI wa hu lu hu lu hUM/ sarba sa ma ya a b+hi Shiny+tsa a/ snying gar badz+ra he ru bstim// oM ru lu ru lu hUM b+h+yo hUM/ sarba sa ma ya a b+hi Shiny+tsa a/ lte bar rdo rje gzhon nu bstim// oM badz+ra kI li ki la ya hUM/ sarba sa ma ya a b+hi Shiny+tsa a/ gsang bar bla med he ru bstim// oM gu h+ya gnya' na shrI he ru ka kro d+hi shwa rI hUM/ sarba sa ma ya a b+hi Shiny+tsa a/ rig 'dzin rgyal po spyi bor bstim// oM badz+ra ma hA gu ru sarba sa ma ya/ a b+hi Shiny+tsa a/ brla g.yas dregs pa kun 'dul bstim// oM badz+ra tsaN+Da sarba duSh+TAn hUM/ sarba sa ma ya a b+hi Shiny+tsa a/ brla g.yon stobs ldan nag po bstim// oM badz+ra sarba duSh+TAn hUM/ sarba sa ma ya a b+hi Shiny+tsa a/ dpung gnyis khyung pho khyung mo bstim// oM khro ga ru Da hUM/ sarba sa ma ya a b+hi Shiny+tsa a/ de nas sku gsung thugs dbang bskur// 'bru gsum snying po gnas su bstim// oM sarba ta thA ga ta ma hA kA ya badz+ra swa b+hA wa At+ma ko&haM/ oM sarba ta thA ga ta bA ka badz+ra swa b+ha wa At+ma ko&haM/ oM sarba thA ga ta tsit+ta badz+ra swa b+ha wa At+ma ko&haM/ de nas ye shes lngas dbang bskur// oM AM hUM swA hA/ de rjes lha dang dbyer med par// rab tu gnas pa'i dbang bskur ba// oM hUM swA hrIHhA/ ye d+har+m+ma he tu pra b+ha wa he tun+te ShAn+ta thA ga to h+ya wa data/ te ShAny+tsa yo ni rod+ha e waM bA dI ma hA shra ma Na swA hA/ sa ma ya tiSh+Tha lhan/ a b+hi Shiny+tsa a/ sa ma ya ho/ de rjes lha dbang mnga' gsol phyir// zhal zas tshogs kyi dbang bskur te// badz+ra A yu She/ hUM b+h+yAM nr-i dzaHa b+hi Shiny+tsa a/ sid+d+hi pha la sarba a b+hi Shiny+tsa hUM a/ de rjes snang srid dregs pa yi// srog dbang mthu rtsal dbang bskur ba// slob ma mthu stobs bdag por bskyed// bsgrub phur bsdus la lag tu gtad// he ru ka gu'i sngags gzhug tu// drag sngags dgu po btags la bskur// oM badz+ra tsaN+Da sarba duSh+TAn/ ta ka ha na da ha pa tsa ma tha hUM phaT/ kA ya wA ka tsit+ta a b+hi Shiny+tsa hUM a/ sde brgyad gzugs la dmigs pas bstim// slob bu'i zhabs 'og bran du gtad// oM AM hUM badz+ra sarba duSh+TAn trig nan e hur thums dza/ mA ra ya rbad/ tsit+ta rbad nan/ ma rA dza sa ma ya dza/ ba shaM ku ru hUM phaT/ trag rak+Sha kha mun tra dzaH/ ba shaM ku ru hUM phaT/ tri du ru bar 'di med pa yang 'dug hri du ru du ru ha ra ti dzaH/ ba shaM ku ru hUM phaT/ shu la rA dza tri na traM sha ya dzaH/ ba shaM ku ru ye hUM phaT/ badz+ra swa d+hu sa ma ya rA dza tri ya tsayang dzaH/ ba shaM ku ru ye hUM phaT/ hrI badz+ra yak+Sha badz+ra hrI hri dzaH/ ba shaM ku ru ye hUM phaT/ na ga rA dza sa ma ya phu dzaH/ ba shaM ku ru ye hUM phaT/ bran du gyur nas phud kyis gso// oM AM hUM/ sa ma ya a mr-i ta kha kha khA hi khA hi/ de rjes slob bu khri la bzhag/ rab 'byams bka' yi dbang bskur te// rdo rje slob dpon nus pa'i dbang // slob dpon bka' rtags rdzas gtad cing // ngag gis rjes gnang legs par sbyin// oM sarba ta thA ga ta gu ru gu h+ya shwa ri badz+ra swa b+hA ba At+ma ko&haM/ de nas gdugs kyis dbang bskur ba// oM sUr+ya sha ra Na a b+hi Shiny+tsa a ho// de nas rdo rjes dbang bskur ba// dz+nyA na pany+tsa badz+ra A be sha ya a/ de nas dril bus dbang bskur ba// d+harma d+hA tu a b+hi Shiny+tsa At+ma ko&haM/ de nas nyan pa'i dbang bskur ba// oM d+harma shra ba Na swa b+hA wa At+ma ko&haM/ de nas 'bri ba'i dbang bskur ba// d+harma le kha na A li ka sab+hAsaH6\u0f7f/ de nas chos 'chang dbang bskur ba// a sarbata thag taHShan d+ha pa pa N+DAg \u0f7f/ de nas bslab pa'i dbang 'askur ba// asarba pa gsarbaHba ga tam hA ma thA la aSh+TaH nas tsaN+Da lIs dbang bskur// tshwa gsum tsha sna bu ram sbyar// chang bcas blud de sngags 'dis bskur// oM badz+ra tsaN+Da lI raM/ sarba ta thA ga ta sha ra swa b+hA wa At+ma ko&haM/ de nas rab 'byams don dbang ni// 'phrul chen lnga bcu brjod la bskur// de nas phrin las nus dbang bskur// badz+ra kI li kI la ya/ sarba a b+hi Shiny+tsa hUM a/ de ltar nang dbang yongs rdzogs nas// rnal 'byor gsang ba'i dbang bskur ni// mtshan ldan bkra shis yid 'ong ma// pad dung glang sna gang rung ldan// bcu drug lon pa'i rig ma ni// gdan khar rigs kyi yum du bskyed// rang nyid rigs kyi yab tu gsal// mkha' gsang brda' yis byin gyis brlab// phyag rgya bzhi gdams pad+ma'i dbus// rdo rje snyoms 'jug dal gyis bsub// yab yum gnyis med bde ba skye// gnyis med bde ba hUM du bsam// hUM ring hUM zung sna nas bgrang // mkha' gsang bar nas hUM spros pa// slob bu gzungs ma dang bcas pa'i// shes rgyud dug lnga sbyang bar bsams// yul gsum gsal ba rab tu gces// phyi yul lus la bde ba skye// tha mal lus su tshor ba med// nang yul dbugs la 'gyu mi tshor// tha mal rlung gi rtog pa 'gag/ gsang yul sems la bde gsal 'bar/ tha mal nyon mongs 'dod chags med// de ltar yul gsum gsal ba dang // gsang ba'i dgra gsum sod dus mnyam// phyogs bral dmigs pa med pa yis// phyi dgra gzung dang 'dzin pa gsad// 'dod chags bde chen ye shes 'bar// nang dgra dug lnga dug gsum gsad// rnam rtog bag chags mtshan ma zhi// gsang dgra nga bdag rtog pa gsad// skye shi gnyis kyi 'phrang las sgrol// ting 'dzin de yis bdud bzhi bcom// yab yum sku la rdos med par// reg bya phung po'i bdud kyang bcom// bde ba skyes pas nyon bdud sgrol// bar gcod lha yi bu'i bdud bcom// yab yum thabs dang shes rab la// skye 'chi mi mnga' rdo rje'i sku// 'chi bdag bdud bcom rdzogs sangs rgyas// las dang bag chags nyon mongs dang // 'gro drug skye mkhan skye gnas med// de phyir 'gro drug g.yang sa chod// de nas yum nyid kha sbub pa'i// mkha' nas byang sems dkar dmar blang // mtshan ldan ka pA la'i nang du// dza gad bdud rtsi mngar gsum sbyar// de nas bla ma lha rnams kyis// byang sems dmigs pas dbab cing bstim// rang sngags brjod de ngag la bskur// oM b+ho d+hi tsit+ta ka ma la sid+d+hi hUM ma hA su kha ho// a b+hi Shiny+tsa a/ de nas bu la yum gtad de// hUM shes rab mtshan ldan bkra shis yum// bden pa dbyer med bde chen bskyed// 'khor lo'i gnas bzhir dbab bzung la// brten nas chos nyid don rtogs byos// oM sarba ta thA ga ta gu h+ya pradz+nyA sha ra swa b+hA wa At+ma ko&haM/ a ho su kha b+hany+dza mok+Sha hoH/ de nas ras kyi yol ba'i phyir// slob bu yab yum lhar gsal gdab// rtsa rlung thig le'i gnad bstan la// mkha' gsang byin brlab dbab gzung bzlog/ dgram dang rgyas gdab 'khrul 'khor gyis// bde mchog lhan skyes rtogs goms sbyang // sems kyi dri ma des dag pas// bde chen lam bsgom rjes gnang sbyin// de ltar yab yum sbyor ba'i tshe// yul gsum gsal bar gyur ma gyur// gsang ba'i dgra gsum sod ma sod// 'jigs pa'i bdud bzhi chom ma choms// 'gro drug g.yang sa chod ma chod// tshad dang ldan nam bla mas brtag/ ldan na nyon mongs ma spangs dag/ rang byung ye shes rang shar te// sa rnams non te phyir mi ldog/ go 'phang dbang gis bgrod par byed// de nas rig pa'i dbang bskur te// lag tu rdo rje dril bu gtad// me long shel bcas brda' ru 'phyar// tshig gis mtshon pa'i don ngo sprad// hUM sems nyid gsal la 'dzin rtog med// ka dag lhun grub ye shes sku// gnyis med 'dzin bral thugs rje'i gsung // rang rig yang dag rdo rje'i thugs// dz+nyA na pany+tsa d+harma ka ya a/ de ltar gsang dbang yongs rdzogs nas// yang gsang lta ba spyi 'byams dbang // yongs rdzogs rgyal thabs 'di nyid de// shes rab mig ldan gcig la bskur// slob dpon mnyam gzhag phyag rgya'i mthil// a dkar gsal 'tsher gcig la gzhag/ dgongs pa chos nyid ngang la gzhag/ slob bus nor bu rin chen thogs// dpon dang slob bu yab yum kun// kun bzang yab yum skur gsal gdab// hUM thams cad lhun grub kun tu bzang po dngos// rang bzhin brjod med kun tu bzang mo'i ngang // gnyis med thabs kyi rgyal pos yongs la khyab// dbyer med chos kyi dbyings su dbang bskur bas// kun tu bzang po rang byung bcom ldan 'das// chos kyi dbyings la gcig tu bzhugs pa yi// rang rig byang chub sems kyi lha yin te// don dam sems kyi lha la bdag phyag 'tshal// phyag g.yas ar bcas slob bu'i spyi gtsug gzhag/ hUM kun tu bzang po dri ma med pa yi// yongs la dbang bskur ye shes rgyal por shar// rang sems rnam dag lta ba'i rgyal por shar// byang chub snying po bde ba chen por shar// thams cad ma lus lhun grub chos kyi sku/ chos rnams thams cad rang gi sems su 'dus// sems kyi bdag nyid ci yang ma yin pas// thig le spros pa med pa'i rang bzhin nyid// mnyam pa'i rgyal po kun la dbang bsgyur te// chos nyid rig pa'i rgyal po rdzogs pa che// ma 'dres cir yang ston pa theg pa'i mchog/ 'di dag ma lus myur du rdzogs bya'i phyir// spyi blugs lta ba'i dbang mchog 'di bskur bas// yongs kyi dbang rdzogs stobs kyi rgyal por 'gyur// oM sarba ta thA ga ta pa la pa tra/ g+hu h+ya rA dza ta na sha sarba At+ma ko&haM/ de nas lta ba'i dbang bskur te/ slob ma'i mig mdun mkha' la gtad// hUM ltos shig ltos shig rigs kyi bu// mdun gyi nam mkha' 'di la ltos// gsal la drangs pa mtha' dang bral// gang la'ang 'dzin med bde chen 'di// lta ba phyogs lhung bral ba yin// 'di nyid don la gnas par gyis// dus gsum sangs rgyas dgongs pa yin// a ti ho// de nas bsgom pa'i dbang bskur te/ hUM ltos shig ltos shig rigs kyi bu// rang gi sems la nang du ltos// gsal la mi rtog ma yengs pa// mar me rlung gis ma bskyod 'dra// bsgom pa rang gsal 'dzin med yin// 'di yi don la rtag tu sgoms// dus gsum sangs rgyas bsgom nyams yin// a ti ho// de nas 'bras bu'i dbang bskur te// hUM ltos shig ltos shig skal ldan khyod// chos sku 'gyur med don la ltos// sgra bsam brjod pa'i mtha' las 'das// mkhur ba chus bkang sgra 'dod 'dra/ gang yang ma grub stong pa'i ngang // mi skye mi 'gag chos kyi sku// 'bras bu mi 'gyur gdeng ldan yin// 'di yi don la gnas par gyis// dus gsum sangs rgyas 'di la gnas// a ti ho/ de nas spyod pa'i dbang bskur te// hUM nyon cig skal ldan rigs kyi bu// rang byung ye shes rol pa la// ma 'gags thabs kyi rgyal po yis// gang snang sangs rgyas mdzad spyod la// ci bder spyod pa rang sar grol// spyod pa spyi 'byams yangs dog med// dus gsum sangs rgyas dgongs spyod yin// a ti ho// de ltar lta bsgom spyod 'bras bzhi// sus thob don la rab gnas na// theg pa spyi 'byams dbang chen 'thob// dbang rnams de las rab tu 'phros// de phyir dbang gi rgyal po yin// hUM bskyed dang rdzogs dang rdzogs pa che// 'di las 'phros pas grol lam ste// ting 'dzin gsum dang dbang chen gsum// cho ga gsum dang lhar gsal gdab// byin brlab dbang bskur ye shes bstim// phyi nang gsang ba phyag rgyas mchod// bstod bskul 'dzab bsnyen dbul la sogs// bskyed rim grol ba'i lam yin te// thams cad sems kyi cho 'phrul yin// rang sems rtsal sbyong chen po'o// hUM lha rnams gnas su rdzogs rim ni// yid ni yab la chos ni yum// phung po yab la 'byung ba yum// rnam shes yab la yul lnga yum// dbang po yab la dus bzhi yum// nyon mongs drug ni sprul pa'i sku// lus chos yab la mu bzhi yum// thabs ni yab la shes rab yum// rang bzhin de ltar shes pas na// ma bsrungs ma bsgrubs rang lhar gnas// rang byung gnas 'gyur rdzogs rim yin// rang byung lhun rdzogs rdzogs chen ni// sangs rgyas thabs mkhas thugs rje yis// theg sgo bsam mi khyab gsungs kyang // thams cad blo yi 'bring thabs yin// chos rnams thams cad sems su rdzogs// chos kun bden pa dbyer med pas// thams cad yin la gang yang min// sangs rgyas mthar thug chos kyi sku// kun la rdzogs te ngo ma shes// hoH'khor ba dang ni mya ngan 'das// 'khrul snang 'dzin pa gnyis su byung // yang dag don la dbye ba med// gnyis ka rang gi sems la rdzogs// hoHchos su 'dzin pa thams cad ni// spros pa blo yi chos yin phyir// sku gsum rang yang grangs su zad// 'dus byas chos kyis sangs mi rgya// hoHsangs rgyas chos su 'dzin pa ni// mthar zug 'khrul blo chen po yin// sangs ni chos min gcig gis rgya// blo las 'das pa rdzogs chen yin// hoHrgyas bsdus rim par rang lus bzhin// rim pa dbang gis bgrod par bya// sa ma ya ni shel gong ltar// gzhi ni dam tshig gtsang mas bzung // ting 'dzin lus dang grib ma ltar// nyams su ting nge 'dzin gyis long // man ngag gar chang 'thung ba ltar// don ni man ngag zab mos bsgrub// lta ba nam mkha'i mdung skor bzhin// zag dang 'phang ni lta bas bcad// spyod pa mi sha rlon pa bzhin// la ni spyod pas dor bar bya// zung du 'brel la gol sa med// tshig tu rtog la ma brten par// sku gsum don po gcig tu dril// mtha' drug rgyud la rdzogs par gyis// mthar zug don dam nang nas 'char// nam mkha' la ni nam mkha' bzhin// thams cad stong pa'i ngang la gnas// hoHde ltar dbang rnams yongs rdzogs par// bskur ba'i yon tan bsam mi khyab// gsang sngags dngos grub dbang las 'byung // thob rtags mkha' 'gros lung bstan cing // ltas su yid bzhin gtsug na 'chang // mgo la nyi shar dmag dpon byed// mgo dang ro stod yang la bde// bum bcud 'thung dang zas bcud zos// rang rig rtsal la dbang bsgyur nus// dbang ma thob pa'i nyes pa ni// shes rab gsum rlom las bsog kyang // 'bras bu med cing rlag par byed// dbang yon ma phul shin tu nyams// de nas dbang yon dbul ba ni// byin rlobs dbang gi bla ma la// rgyal srid yul 'khor rang gi lus// bu dang chung ma nor dbyig dbul// zhes bka' stsal to// dpal gsang ba 'dus pa rgyud kyi rgyal po las/ gsang ba yongs rdzogs kyi dbang bskur ba'i le'u ste bcu gcig pa'o// // de nas yang 'dus pa'i 'khor rnams mgrin gcig tu/ ston pa kun tu bzang po dpal che mchog he ru ka la gsol pa/ kye kye kye/ dam tshig chen po kun tu bzang // rdo rje 'chang kun yongs kyi rje/ rgyud don dam tshig chos kyi srog/ bdag cag 'khor la bka' stsol cig/ de skad gsol bar don dgongs nas// ston pa nyid kyis bka' stsal pa// 'dus pa'i 'khor rnams rtse gcig nyon// rgyud don dam tshig bsrung bya ba/ rtsa ba sku gsung thugs dang ni// yan lag nyi shu rtsa lnga las// spros na bsam gyis mi khyab kyang // rtsa ba yan lag nyams mi bya// yang na mnyam rdzogs chen por gnas// sku yi dam tshig rdo rje ste// slob dpon mched dang lcam dral la// brdeg btsog skur ba nam yang min// ngan sems 'phya sems gcig mi bya// gsung gi dam tshig dbang thob nas// yi dam dkyil 'khor lha tshogs kyi// sngags dang phyag rgya rgyun mi gcad// bla med theg mchog mi spang ngo // thugs kyi dam tshig gsang ba bcu// gnas dang dus grogs thams cad gsang // sgrub rdzas lag cha thams cad gsang // ma gsang mu stegs 'chal bar 'gyur// sman dang gtor ma mchod rdzas gsang // de ma gsang na dngos grub nyams// spyi 'dzab rtsa ba'i snying po gsang // ma gsang mthu dang byin brlabs nyams// sngags pa sngags dang phyag rgya gsang // de ma gsang na smyon par 'gyur// sbyor dang sgrol ba'i lag len gsang // ma gsang skye bo'i ya gar 'gyur// phrin las mdzad spyod kun kyang gsang // de ma gsang na ras par yang chod 'gyur// rgyud dang sgrub thabs man ngag gsang // ma gsang mkha' 'gro'i bka' chad 'ong // mdor na gsang ba 'os rigs gsang // de ma gsang na lkugs par 'gyur// ched du gnyer gtad man ngag gsang // ma gsang nyams pa chen por 'gyur// sku gsung thugs kyi dam tshig ni// nyams na bskal pa gcig gnyis gsum// rdo rje dmyal bar gdon mi za// shes bya lnga dang spyad bya lnga// mi spang lnga dang bsgrub bya lnga// dang len lnga ni yan lag ste/ nyams na mnar med dmyal bar 'gro// gzhan yang khyad par dam tshig dang // bla ma bkur zhing gsung mi bcag/ thun bzhi'i rnal 'byor yengs mi bya// lha dang sngags la the tshom spangs// mched lcam kun la gdung sems bskyed// sems can kun la snying rjes bskyang // nga rgyal rlom sems zhe sdang dang // 'dod chags phrag dog khar mi btang // gsang sngags lha spyod zung du sbrel// bskyed rdzogs bsnyen bsgrub mtha' ru dbyung // le lo gnyid dang chang dbang spang // yang dag don gyi dam tshig tu// 'khor 'das chos rnams rang rig sems// gdod nas rang byung chos sku'i ngang // de nyid ye nas bsrung nyams ni// mi bsrung blo yis dor du med// nyams skyon thob bya'i 'bras bu med// ma spangs mi gnas gzung 'dzin 'das// skye med gnyen pos mi shigs dam// mu stegs bdag tu 'dzin pa tshig/ snga rabs 'das pa'i sangs rgyas kyang // dam tshig dag la brten te rgyas// da ltar bzhugs pa'i sangs rgyas kyang // dam tshig 'di la rab tu gnas// slad kyis 'byon pa'i sangs rgyas kyang // dam tshig dag la brten nas rgya// zhes bka' stsal to// dpal gsang ba 'dus pa rgyud kyi rgyal po las/ dam tshig dag la brten pa'i le'u ste bcu gnyis pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ sprul pa'i sku mchog kun tu bzang // skye med chos te sna tshogs ston// rgyud don mtha' rgyas yid bzhin gter// bdag cag rnams la bka' stsol cig/ de skad gsol pa'i don dgongs te// ston pa nyid kyis bka' stsal pa// rgyud don mtha' rgyas cha dang rkyen// man ngag la sogs bsam yas kyang // dgos pa mdo tsam bshad par bya// ji ltar 'dod pa'i don rjod cig/ de skad rjes su gnang ba dang // gsang ba'i bdag po rdo rje chos// dga' zhing mgu nas thal mo sbyar// kye ho dpal chen yid bzhin mdzod// bde gshegs zhi khro yongs rdzogs pa'i// gsang ba 'dus pa'i rgyud mchog gi/ nyams len mdor bsdus bka' stsol cig/ de skad gsol pa'i don gsungs pa// bde gshegs yongs rdzogs gsang rgud kyi// mdor bsdus nyams len sgrub lugs gsum// skye dang rdzogs dang rdzogs chen te// gcig la gcig brten gcig gi ngang // phyi dang nang dang gsang ba'i tshul// phyi ni rdul tshon dkyil 'khor la// brten nas skyed pa'i rnal 'byor ni// gong du bstan pa'i sgrub chen yin// de yang gang zag blo rigs kyis// rab tu spros la mi dga' bas// sku gsung thugs kyi sgrub pa'am// yang na zhi khro dgos sgrub bam// che mchog yab yum gnyis su dril// thugs sgrub hUM du bsgrub kyang rung // rgyud 'di sor gzhag kho na ltar// bde gshegs rtsa ba yongs rdzogs pas// rigs lnga zhi khro bka' brgyad gtso// rtsa ba'i lha tshogs go gcig skyed// nyi ma dang ni zer bzhin du// 'khor rnams rang bzhin lhan skyes rung // mdor na sku mdog phyag mtshan sogs// zhal phyag mang nyung bsam yas kyang // ye shes lha la rang rgyud par// rtsis gdab khrigs su gcad pa med// gdul bya'i blo dang gang mthun par// chos sku'i rang rtsal cir yang snang // thams cad sems kyi cho 'phrul yin// dkyil 'khor lha sngags ting nge 'dzin// rgyas bsdus gang ltar bsgom yang rung // nyams len bde la don mi 'gyur// de phyir bde chen g.yung drung lha// 'du 'bral med pa'i dkyil 'khor yin// sems 'dzin sems kyi rtsal sbyangs pas// de phyir sgrub chen bskyed pa yin// nang ni lus kyi dkyil 'khor 'di nyid la// brten nas rdzogs pa'i rnal 'byor bstan pa ni/ sngon 'gro'i las rnams kyang gsum sngon du song byas nas// ma bskyed rdzogs pa'i ldan tshul lha bsgom pa// ye nas kun gzhi stong gsal de bzhin nyid// de nyid kun khyab kun snang snying rje'i ngang // 'gag med rol pa hUM ni kun gyi rgyu// ma bskyed rdzogs pa'i ting 'dzin rnam gsum bsgom// de bzhin 'byung ba rim pa lnga brtseg kyang // ma bskyed rang la rdzogs tshul 'di ltar bsgom// sems nyid nam mkha' stong gsal e yi ngang // 'gru byed 'thor rlung skyod byed stobs ldan yaM// sdud byed khrag gyi rgya mtsho chu yin ra// gzugs ni rab brtan sha ni sa yin suM// smin byed drod kyi rang bzhin me yin raM// sgal tshigs rus pa'i ri rab brtsegs pas kaM// khog pa gzhal yas khang gi rang bzhin b+h+yAM/ yab yum byang sems dkar dang dmar mthing gis// srog rtsa dbu ma drang po tshangs pa'i thig/ 'khor lo bzhi yi tshangs thig cha bzhir bgo/ rtse chung gnyis rtse tshangs pa'i rtsa la zug/ de smad rtse chen long rtsa gnyis la zug/ lag gnyis blta rtsa bla rtsa rnam pa gnyis// phan tshul bsnol nas 'brel pa rtsa gnyis te// de bzhin srog pa'i rtsa la rab tu gyes// pho brang ling tshe dgu yi tshul du tshang // ling tshe re la rtsa yi 'dab bzhi bzhi// phyogs bzhir gyes pas 'khor lo rtsibs bzhi'i tshul// rtsa yi rgyal po srog pa'i rtsa de las// rtsa chen bzhi gyis rtsa chen cha gcig ni// a wa la thug dbang po 'char byed rtsa// rtsa bran lnga brgya'i 'khor dang 'du 'phro byed// rtsa chen gcig dang gnyis 'brel dbang po rgyu// rtsa bran lnga brgya'i 'khor dang 'du 'phro byed// rtsa chen gcig dang de ltar 'brel byed pa'i// 'khor lo sgyur byed rgyu yang rtsa ste lnga brgyar ldan// rtsa chen gcig dang gsang 'brel 'byung byed rtsa// rtsa bran lnga brgya'i 'khor dang 'phro 'du byed// de yang klad pa'i a wa d+ha ti las// mtshon rtsa dgu bcu phyi nang rten 'brel gyis// dbang po rgyu byed rtsa la de bzhin pas// 'khor lo sbyar yang rgyu byed rtsa la de bzhin pas// 'byung ba skyed byed rtsa la de bzhin no// brgya dang nyi shu lpags pa'i mtshon rtsa yin// brgya dang nyi shu rus pa'i mtshon rtsa yin// brgyad dang nyi shu gdags sribs mtshon pa'i rtsa// rtsa ba'i rtsa bzhi srog pa'i rtsa dang lnga// de ltar bdun brgya nyi shu rtsa lnga po// bde gshegs bdun brgya nyer lnga'i pho brang yin// ma bskyed rang rtsal yongs su rdzogs pa ste// de bzhin b+han+da'i gzhal yas rang gi mgo/ snying nang zla gam ye shes dgu 'char bas// zla gam sgo dgu dngos grub yid bzhin gter// tsit+ta'i pho long ba su'i dra phyed dang // zhing lpags bla bre rak+ta'i rgya mtsho dang // sha chen keng rus dri chen dri chu dang // nang gi dur khrod gnas brgyad rang la tshang // nyi zla'i skar khung rang gi mig gnyis la// kha sna gsang bshad dkyil 'khor sgo bzhi yin// de ltar gzhal yas ye nas rang la rdzogs// lha rnams rang la yongs rdzogs 'di ltar bsgom// srog rtsa lus kyi dkyil 'khor dbus yin te// kun gzhi sems kyi rang bzhin de la brten// de phyir che cho ga yab yum rang rdzogs bsgom// srog rtsa'i shar phyogs snying yin rig pa shar// thugs mchog badz+ra he ru yab yum bsgom// srog rtsa'i lho mgo dbang po yon tan rgyas// sku mchog gshin rje gshed po yab yum bsgom// srog rtsa'i nub mgrin rtsa 'dus ro mchog nub// gsung mchog pad+ma dbang chen yab yum bsgom// srog rtsa'i byang ste srid pa lte nas chags// phrin las rdo rje gzhon nu yab yum bskyed// srog rtsa'i shar lho gsang gnas bde ba 'bar// bla med he ru ka chen yab yum bsgom// srog rtsa'i lho nub spyi bo dbang gi gnas// rig 'dzin bla ma rdo rje thod rtsal bsgom// srog rtsa'i nub byang rkang g.yas ngar gdong du// rab 'jigs dregs pa kun 'dul yab yum bsgom// srog 'i byang shar rkang g.yon ngar gdong du// bdud 'dul stobs ldan nag po yab yum bsgom// phyi lpags khyams yin lus khyab rab tu gtums// pags pa'i rtsa bran bka' sdod pho nyar bsgom// pags pa'i gnyer sul rdo rje ra ba ste// ba spu rnams ni bskal pa'i me ri'o// de ltar gsang ba yongs rdzogs lha rnams kyang // rang rgud phyogs ris dngos por 'dzin med pas// tshom bu gtso rkyang yab yum gang gsal rung // dbu dang phyag zhabs mang nyung dbyibs kha dog/ ji ltar mos pa'i rjes 'breng rig rtsal yin// de ltar ye rdzogs don shes rang gsal na// spyan drangs bstim mchod bstod bshags bya ba rdzogs// 'dzab kyang rlung gi sgra skad rang sgrar ldan// hUM ring hUM thung khro rgyal kun 'dus sngags// rang byung rdo rje'i glu yis bzlas pa'i tshe// khro tshogs kun gyis dir dir sgrogs par bsam// 'od zer mar 'phros sgo gsum sgrib pa sbyang // 'od zer gyen rdzogs rdzogs pa'i rim pa bsgom// rtsol med rang rdzogs rtsal sbyangs pas// de phyir rdzogs pa nang sgrub yin// gsang ba sems kyi dkyil 'khor la// brten nas rdzogs chen rnal 'byor ni// gnyis te dkyil 'khor rang rig la// rdzogs pa'i tshul dang nyams len no// rang rig sems su lha rdzogs tshul// snying po rang rig 'khrul mtshams chod// nga bdag dgra bgegs ming med rdzogs// rang sems rtsa bral rang rig pas// bshags bya 'chags byed med par rdzogs// spros bral byin gyis ye shes phebs// byin rlabs rang byung chen por rdzogs// rig pa ye shes 'char sgo phye// brda' sgo dbyer med ngang du rdzogs// chos min don dang rang rig mjal// brda phyag btsal du med par rdzogs// rang sems rdzas mchog 'dod dgur bsgyur// mchod rdzas bsham du med par rdzogs// skye 'gag gnyis med rang byung lha'i// ting 'dzin dbye bsal med par rdzogs// 'byung ba lnga nyid bcom ldan 'das// dbang chen yum lnga dbyer med rdzogs// don gyi snying po tshad las 'das// gzhal yas gsal 'grib med par rdzogs// bde gsal mi rtog dbyer med pas// nyi zla pad gdan mtshon med rdzogs// kun gzhi ma bcos klong yangs su// yid byed dran pa rnam par dag/ ye shes sems dpa' chos skur rdzogs// bdag med rang rig byang chub sems// gti mug rnam dag chos kyi dbyings// ye shes rang shar bde chen don// che mchog he ru'i ngo bor rdzogs// zhe sdang rang rgyud rang dag gis// ye shes rang shar bde gshegs zugs// badz+ra he ru'i ngo bor rdzogs// nga rgyal rang dag mnyam nyid kyi// ye shes rang shar bde gshegs sku// gshin rje gshed po'i ngo bor rdzogs// 'dod chags rang dag kun rtog gi/ ye shes rang shar bde gshegs gsung // dbang chen rta mgrin ngo bor rdzogs// phrag dog rang dag nan tan gyi// ye shes rang shar bde gshegs phrin// rdo rje gzhon nu'i ngo bor rdzogs// bag chags mngon gyur byang chub sems// chos kyi skur snang brjid pa'i stobs// bla med he ru'i jo bor rdzogs// rnam rtog 'gru byed yid dag pas// longs spyod rdzogs sgra 'jigs pa'i stobs// dregs pa kun 'dul ngo bor rdzogs// dug lnga phrag dog rnam dag pas// sbrul sku sna tshogs gyad kyi stobs// stobs ldan nag po'i ngo bor rdzogs// spu lus rdos bcas rnam dag pas// rgyal ba rig 'dzin thogs med stobs// rdo rje slob dpon ngo bor rdzogs// 'jig rten 'dzin rtog rnam par dag/ bstan pa bsrung mdzad mthun chen stobs// dpal gyi bka' srung ngo bor rdzogs// de ltar yongs rdzogs rgyal ba rnams// cir yang snang thabs yab kyi tshul// shes rab mon 'das yum gyi ngang // lha tshogs de dag thams cad kyang // ye shes mtshon phyir ming du btags// don la rang byung ye shes sku// ma bcos thig le nyag gcig yin// ye nas rang dang lhan cig gnas// spyan drang bzhugs gsol mi dgos rdzogs// bzang ngan med mnyam gnyis med mchod// phyag dang mchod pa mi dgos rdzogs// rang rtsal thabs kyis 'gro don mdzad// phrin las bstod bsngal mi dgos rdzogs// mtha' bral snying po brjod du med// bsnyen sgrub 'dzab bzlas mi dgos rdzogs// rang rig dri med 'od gsal lha// chos sku lhun grub 'bras bu yin// de ltar rdzogs pa'i don shes na// gsang ba'i nyams len mthar thug pas// rdzogs pa chen po'i sdom bzhi yin// gza' gtad med pa'i lta ba yis// yin pa med par rang ngo sprad// dmigs gtad med pa'i sgom pa yis/ mi nang med par nyams su blangs// blang dor med pa'i spyod pa yis// yin min med par 'gag kyang bsdam// spang thob med pa'i 'bras bu yis// re dang dogs pa'i gol sa bcad// lta ba'i ngo spyod don gsum ste// chos rnams mnyam nyid ngo sprod cing // grub mtha'i phyogs 'dzin grol ba dang // phyogs ris med par la bzla'o// mnyam nyid rang ngo sprad pa ni// 'khor 'das chos kun cir snang yang // snang ba chos nyid ma yin par// stong pa chos nyid yin pa'am// chos can ma yin chos nyid gcig/ logs nas 'byung bar 'dod pa'am// yod min med min yin sems mam// rang min gzhan min rtog pa'am// rdzun min bden pa min zhe na// de ltar tha da ma yin te// chos rnams rang byung ye shes nyid// chos min gtad med nyid snang ba// snang na rang snang stong rang stong // snang dang stong pa ye nas mnyam// chos can nyid na chos nyid pas// chos can chos nyid ye nas mnyam// yod pa'i dus na rang bzhin med// yod dang med pa ye nas mnyam// rang mi snang bar gzhan mi snang // rang dang gzhan du ye nas mnyam// rdzun pa nyid na don nyid bden// rdzun dang bden par ye nas mnyam// ci phyir zhe na sems nyid kyi// ngo bo phyogs lhung gang yang min// de phyir chos min gtad med de// dper na ga pur sman dug bzhin// ye nas mnyam nyid rang ngo sprad// grub mtha'i phyogs 'dzin grol ba yin// chos rnams mnyam nyid mtha' grol la// byis pas rang rgyud bzung ba 'khrul// chad pas stong par bzung bas log/ theg dman snang ba dgrar bltas gol// byang sems gnyen pos sbyangs pas bsgribs// mtha' dbus stong par sgro 'dogs 'byams// sngags la phyi nang dag snang du// bsgyur bas chos min gting ma rtogs// mdor na phyogs 'dzin lta ba'i bdud// gza' gtad med pa'i lta ba yis// chos min rtogs pas phyogs 'dzin grol// phyogs ris med pa'i la bzla ni// chos can dngos po gang rung la// byung tshul ming gzugs mtshan dpe dang // las dang kha dog dbyibs su bral// bsam pas brtags na 'di yin med// yod pa'i phyogs su ma lhung zhing // cir yang snang bas med pa yi// phyogs su yang ni rgya ma chad// gnyis ka'i ngos nas rang snang ba'i// gnyis med phyogs su ma lhung bas// mnyam nyid rgya chad ris med par// yang dag don gyi la bzla'o// bsgom pa'i nyams len la gsum ste// bdag 'dzin ro dang dpral ba dang // bden rdzun 'khrul pa gzhig pa dang // yin min blo dang dpral ba'o// bdag 'dzin ro dang dpral ba ni// sgom byed mkhan po nga bdag ste// bsgom bya sgom byed dmigs pas 'khor// nga bdag nyid kyis nyid la brtag/ ngo bo lus sems gang gis byas// lus kyis byas na mgo yan lag/ don lnga snod drug sha rus lpags// gang gis byas te der mi snang // gal te sems kyis byas sems na// ngo bo stong pas byed mkhan med// rang bzhin gsal yang gzhi rtsa bral// mtshan nyid 'gyu dran 'dzin chags zhi// gang yang ma grub bdag ma rnyed// de ma rnyed pas bsgom bya yi// chos dang spang bya'i snang ba zhig/ de phyir dmigs gtad kun dang bral// bdag 'dzin ro med ngo spyod do// bden rdzun 'khrul pa zhig pa ni// phyi yi snang yul rang rgyud par// bden cing grub pa med par nges// bden na rigs drug ltar snang dang // mu stegs rtag chad theg dgu yi// mthong snang tha dad ci la rigs// de phyir chos min rang snang zhing // snang ba'i byed mkhan ma grub pas// snang yul bden rdzun 'khrul snang zhig/ gnyis 'dzin 'khrul pa gzhi rtsa bral// yin min blo dang phral ba ni// de ltar 'khrul gzhi rtsa bral bas// bsgrub bya 'di yin bsgrub tu med// spang bya 'di min spang du med// thams cad yul med rig pa nyid// phyogs med rang snang yul med grol// yin min blo dang der bral mod// spyod pa'i 'gag sdom la yang gsum// chos byas gzung 'dzin gcad bya zhing // ma bcad lhun grub rdzogs pa dang // sgyu ma mnyam nyid 'gag bsdam mo// ched byas gzung 'dzin bcad pa ni// gza' gtad med pa'i lta ba yis// yin pa med pa'i phyogs las grol// dmigs gtad med pa'i bsgom pa yis// min pa med par grogs su 'char// blang dor med pa'i spyod pa yis// yin min med pas ci yang spyad// chos nyid klong las 'das pa med// dge bcu pha rol phyin drug dang // chos spyod bcu sogs 'di blang bya// mi dge bcu dang mtshams med lnga// rnam smin sdig che 'di sbyang bya// mtshan ma rang dag gzhi med pas// blang dor gzung 'dzin ming med de// yin min gnyis kyi chos las 'das// ma spyad lhun grub rdzogs tshul ni// de ltar lha sgom chos nyid kyi// ngang las 'gro sa ma rnyed pas// mi dge bcu dang sgrib gnyis sogs// ma spangs chos min lhun gyis grub// dge bcu chos spyod tshogs chen gnyis// ma btsal chos min lhun gyis grub// bsgrub bya sku dang ye shes sogs// ma sgrubs lhun gyis rdzogs pa'o// sgyu ma mnyam nyid 'gag/ bsdam ni// 'khor 'das kyis bsdus chos thams cad// sgyu ma'i dpe dgu ji bzhin du// yod nas snang ba ma yin te// yod pa nyid nas rang snang phyir// skye ba med pas thams cad skye// skyes tsam nyid nas skye med de// snang ba'i dus na snang bar mnyam// stong pa'i dus na stong par mnyam// gnyis ga'i dus na gnyis su mnyam// gnyis med gnyis su med par mnyam// mnyam nyid phyogs las grol bas na// sgyu ma lta bur 'gag bsdam mo// 'bras bu'i la bzla la yang gsum// rgyu 'bras yul 'das thag gcad cing // spang thob mtshan med gtan tshigs dang // bsgrub med ye rdzogs la bzla'o// rgyu 'bras yul 'das zag gcod ni// gong bzhin bdag 'dzin ro bral bas// rgyu ni sems can yul las 'das// chos nyid ci yang ma yin pas// 'bras bu sangs rgyas yul las 'das// mnyam nyid phyogs bral 'dzin med pas// rgyu 'bras gnyis kyi yul las 'das// 'das ma 'das kyi blo grol bas// gnyis med kyi yang yul las 'das// spang thob med pa'i gtan tshigs ni// bsgom pa min pa med pas na// gang snang thams cad grogs su shar// de la spang bya'i yul med pas// lta ba yin pa med pas na// phyogs las grol te thob yul med// de phyir spang thob mtshan ma med// bsgrub med ye rdzogs la zlo ni// lta ba yin pa med par rtogs// mngon du gyur pas chos kyi sku// sgom pa yin pa med pa ru// rang sar grol bas longs spyod sku// spyod pa min pa med pa ru// 'gro don rdzogs pa sprul pa'i sku// gnyis ka chos nyid de bzhin nyid// gcig tu rdzogs pas ngo nyid sgra// phyogs bral kun rdzogs chen po ru// la zlos chos zad bde chen sgra// de ltar klong gyur ma btsal bar// ye nas lhun gyis yongs rdzogs pas// re dogs gnas med la bzla'o// de ltar nyams su len pa ni// yongs rdzogs a ti'i dgongs pa ste// rgyud mchog 'di yi khong snying yin// zhes bka' stsal to// dpal gsang ba 'dus pa rgyud kyi rgyal po las// gsang ba nyams len yongs rdzogs mdor bsdus kyi le'u ste bcu gsum pa'o// // de nas yang 'dus pa'i 'khor rnams mgrin gcig tu// ston pa kun tu bzang po dpal che mchog he ru ka la gsol pa/ kye kye kye/ srid pa'i rgyal po kun tu bzang // rtsa ba'i che mchog he ru ka/ lus gnad rtsa yi man ngag gnad// bdag cag rnams la bka' stsol cig/ de skad gsol ba'i don dgongs nas// ston pa nyid kyis bka' stsal pa// spyir na rnal 'byor lus gnad rtsa// stong phrag phyed dang bzhi brgyar 'dus// de las bsdu na stong phrag gcig/ bdun cu rtsa gnyis de bsdu na// nyis khri chig stong drug brgya yod// de yang bsdu na 'khor lo bzhi// de bsdus la la ra sa na// a wad+ha tI dang gsum mo// rtsa rnams lus la gnas tshul ni// dra ba g.yogs bzhin 'brel nas gnas// rags pa 'khor lo bzhi yi rtsa// spyi gtsug klad pa bde chen gyi// 'khor lo rtsa 'dab so gnyis pa// gdugs rtsibs ltar gnas de dbus na// yi ge haM mgo zur bsten gnas// mgrin pa longs spyod 'khor lo AH// rtsa 'dab bcu drug gnas lugs ni// bum ske'i dra ba lta bur gnas// snying ga chos kyi 'khor lo na// rtsa brgyad 'dab brgyad pad+ma 'dra// de dbus yi ge hUM du gnas// lte ba sprul pa'i 'khor lo na// rtsa 'dab drug cu rtsa gnyis ni// gser khri lta bur gnas pa'i dbus// rtsibs bzhi'i dbus na ma yang gnas so// phyi ni 'khor lo rtsibs bzhi'i tshul// dbus na ye shes rtsa gnas pa// de mdun gti mug g.yas zhe sdang // g.yon na nga rgyal phrag dog zur// rgyab na 'dod chags rtsa gnas so// dbus kyi rtsa mchog a d+hA ti// g.yas kyi rtsa mchog la la na'o// g.yon gyikyi rtsa mchog ra sa na'o// d+hA tI rang la gsum yin te// thabs kyi d+hA tI rmyangs pa ste// de nas byang sems dkar po rgyu// shes rab d+hA tI srog pa'i rtsa// de nas byang sems dmar po rgyu// gsang ba a wa d+hU ti'i rtsa// rtsa gnyis bar na drang por gnas// de ni dper na ba zag la// nyi zer phog pa lta bur yod// de nyid rtsa ba mtshan mar zug/ rtse mo spyi gtsug 'khor lo'i dbus// tshangs pa'i bu ga'i nang na gnas// de nas sor gsum klad pa'i dbus// bde ba chen po'i 'khor lo ste// rtsa 'dab sum cu rtsa gnyis kyi// dbus na de nyid gnas pa yin// de 'og bcu gsum sor 'og na// mgrin pa longs spyod 'khor lo yi// rtsa 'dab bcu drug dbus na yang // de nyid zang thal gnas pa yin// de nas an stong rus pa yi// tshigs gnyis bar nas mdun du 'khyog/ snying ga chos 'khor rtsa 'dab brgyad// de nyid dbus na zang thal te// lte ba sbrul 'khor rtsa 'dab ni// drug cu rtsa gnyis dbus zang zal// dper na 'khor lo'i srog shing 'dra// g.yas kyi la la nA yi rtsa// dbu ma'i g.yas 'grims yar phyung ste// mig g.yas lcibs la slebs nas su// sna sgo g.yas nas rlung rgyu ba'i// las kyang de yis byed pa yin// de rtsa lhag pa g.yas su 'khyog/ an stong rus pa'i d+ha tI la// 'khril nas d+ha tI'i g.yas 'grims te// spu ni nag gu'i mtshams su sleb// g.yon phyogs ra sa nA'i rtsa yang // yar 'gug mig g.yon lcibs su sleb// sna sgo g.yon nas rlung rgyu ba'i// las kyang de yis byed pa yin// de rtsa ltoldog pa'i an stong nas// d+ha tI dang gshibs spu nag gu'i// dkyil du slebs nas gnas pa yin// de ltar g.yas g.yon mar sna gnyis// d+hA tI'i sgor tshud de'i yon tan// rtsa rlung bsgoms pas d+hA tIr rlung // tshud pas phyag rgya chen por 'char// de bzhir d+hA tir rlung tshud tshe// rtog pa rang 'gag ye shes 'char// shugs kyis d+hA tIr rlung tshud tshul// pho mo bde ba spyad rjes su// byang sems phebs tshe d+haM tIr tshud// dran med bde la sma mi shes// de bzhin brgya lam 'chi khar yang // d+ha tIr rlung tshud cang mi dran// de phyir a wa d+ha tI ni// mi rtog chos dbyings ye shes rtsa// de nas rtsa gnas rim pa'o// dpal gsang ba 'dus pa rgyud kyi rgyal po las// lus la rtsa gnas yongs rdzogs bstan pa'i le'u ste bcu bzhi pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal chen po mchog he ru ka la gsol pa/ kye kye kye/ 'byung ba'i rang rtsal kun tu bzang // thabs chen rgyal po he ru ka/ 'gyu byed stobs ldan rlung gi gnad// bdag cag rnams la bka' stsol cig/ de skad gsol ba'i don dgongs nas// ston pa nyid kyis bka' stsal pa// 'khor 'das bzang mo zab mo yang kun gzhi dang // ma rig 'gyu byed rlung dbang gis// mnga' sgor khu khrag stor chags nas// lo gcig zla ba bcu gnyis bar// zhag re la ni rtsa'i bye brag/ nyis brgya nyis brgya skyed 'phel bas// stong phrag bdun bcu rtsa gnyis rtsa// rim gyis chags shing de bskyed de// rtsa yi gtso bo srog pa'i rtsa// 'gyu ba rlung gis sems de grangs// nyi khri tshig stong rlung rgyus pas// de las 'bras bu brgyad khri dang // bzhi stong dag tu rang shar cing // de nyid rnam grangs mang gis kyang // rtsa bar bsdus na sde brgyad de// phyi rlung nang rlung gsang rlung dang // rlung la nyams len goms rtags dang // gegs sel rlung gi yon tan no// de yang phyi ni rlung brgyad de// lus 'degs rlung dang 'byung skom rlung // phung po 'jig rlung rgun gcod rlung // 'byin byed rlung dang las byed rlung // 'bigs byed rlung dang khyab rlung ngo // nang ni yang ni rlung brgyad de// gyen rgyu thur du sel ba'i rlung // dwangs snyigs 'byed rlung bkrag gzi skyed// snying rje me dang me mnyam rlung // dwangs snyigs phyir 'byed shes rab rlung // gsang rlung kun gzhi byang chub sems// rlung gis las ni zhag gcig la// nyi khri dang ni tshig stong rgyu// bsdu na nyon mongs ye shes rlung // zhag re la yang rlung de gnyis// khri tsho re dang lnga brgya rgyu// de yang 'byung 'jug gnas pa yi// rlung gsum dag tu 'dus pa yin// 'byung ba'i rlung ni sor bcu drug/ phyir 'byung nang rlung sor bcu drug/ nang 'jug gnas rlung skad cig tsam// lte ba dag na gnas pa yin// rlung la zhon nas yid 'gyu bas// 'khor ba skyed byed rlung yang yin// de phyir rigs drug rang la tshang // de nas rtsa rnams 'bri tshul yang // lo gcig lon nas lo brgya'i bar// zhag re lon nas rtsa gnyis gnyis// bri nas lo brgyas nus pa 'jig/ de tshe rigs pa byang chub sems// snying rje med pa'i rlung la zhon// gsang ba nas thon dmyal bar skye// rig pa thur rgyu'i rlung la zhon// bshang lam nas thon yi dwags skye// rigs pa me mnyam rlung la zhon// lte ba nas thon byol song skye// yang na rig pa byang chub sems// bkrag dang gzi mdangs rlung la zhon// mig g.yas nas thon lha gnas skye// rig pa drangs snyigs 'byed rlung zhon// kha sna nas thon mi ru skye// rigs pa phyir 'byed rlung la zhon// ltag rtsa nas zon lha min skye// yang ni rig pa byang chub sems// gyen du rgyu ba'i rlung la zhon// tshangs bug nas thon bcu gsum non// rig pa shes rab rlung la zhon// snying ga'i dbus nas ye shes lam// mig g.yon 'bras bu rang ngo shes// thams cad rang byung ye shes 'char// de ltar rlung dang rig pa gnyis// don byed gcig la mtshan nyid gnyis// rang rig mtshan nyid dran zhing gsal// rlung gi mtshan nyid bskyod 'khrugs sems kyang 'bebs// de gnyis bsdang ba'i dper brjod ni// rig pa 'phye bo mig can 'dra// rlung ni rta long rkang can 'dra// de gnyis bsdongs pas phyogs bcur bgrod// de phyir rnam shes rlung gis bskyod// sgo lnga'i yul sogs kun tu rgyu// rig pa'i rgyu dang rlung rkyen 'dzom// 'khor ba'i bya ba thams cad byed// mi rta bral na 'gro rgyu med// de bzhin lam gyi rnal 'byor pas// d+hU tIr rlung bzung bsgom pa'i tshe// rta med 'phye bo dang 'dra ba'i// rig pa rlung med g.yo 'gul med// rig pa las su rung ba yin// mig med rta pho dang 'dra ba'i// spyod byed rlung rta rig med pa'i// 'gro bar mi nus rang dbang thob// de tshe yang dag rang ngo sprod// rlung rig rang dngas der sangs rgya'o// de phyir rlung 'dzin nyams len ni// sngon du tshogs bsag bla ma mchod// bgegs bsrung skyabs 'gro sems bskyed bya// khams gso bcud kyi sman mar sbyar// dngos gzhi'i dus su 'brel mtshams gcad// dben par 'bol ba'i stan la 'dug/ lha gsal nga rgyal mos pa bya// rkang pa rdo rje skyil krung bca'// sgal tshigs gser gyi dong tse bsrang // seng ltar stod 'gyings yid dgyer bya// rma bya'i mgrin bzhin yid dgug pa// lag gnyis mnyam gzhag lder tsho 'dra// mig 'bras sna yi rtse la dbab// lus gnad drug la legs goms nas// dag rlung 'bru gsum 'khor lo ni// rngub bskyil 'phang dang bskor bas te// bde gshegs rnams kyi yang snying mchog/ rngub rlung oM la bskyil gnas AH// 'phang ba hUM yin rlung gsum gyi// gnas pa AHla zin nan bskyed// 'khor lo bskor ba gang zhe na// sna bug g.yas nas rlung rgyu tshe// thabs rlung nyon mongs rlung yin phyir// mi bzung bzung na rlung log 'ong // sna bug g.yon nas rgyu ba'i tshe// shes rab ye shes rlung yin phyir// bzung na skyon med nyams rtogs 'phel// sna bug gnyis nas mnyam chu'i tshe// thabs shes gnyis su med pa'i rlung // a wa d+hU ti'i sgor tshud pas// 'di dus 'bad na ye shes 'char// de phyir rlung bzung gnad 'di ste// gru gu 'tshams pos bshang sgo bsdam// sngon du 'og rlung bsdams te 'then// hUM ring gsum gyis rlung dug phyung // 'og rlung bsdams te steng rlung ni// rngub cing mnan te bskyil bar bya// tshad du slebs tshe mda' ltar du// sna nas mnga' gang tshad du 'phang // yang rngub yang bsgril yang 'phangs te// gnas pa'i rlung de bsgril yun bsring // 'byongs tshe d+hA tir rlung chud nas// skyod byed rlung rta g.yo 'gul bral// rig pa gar sbyin sbrang 'byar 'dra// de tshe rlung nyid las rung bas// tha mal shes pa snying dbus sad// chos rnams kun gyi de bzhin nyid// ma bcos byang chub sems rtogs pas// nyon mongs rang sangs ye shes rgyas// gsang rlung ngos zin ngo mtshar che// de ltar klung bsgoms 'byongs rtags gsum// phyi dang nang dang gsang ba'i tshul// phyi rtags drod skye 'phar dang 'dar// 'gro mgyogs yang la 'jigs pa med// nang rtags snang ba sgyu mar rtogs// dbugs 'gyu mi tshor dbugs mi 'gyu// lto gos ched med la sogs 'byung // gsang rtags bde gsal 'dzin pa med// ma bcos bde chen 'gyur med brtan// rdo rje lta bu'i ting 'dzin no// bla ma'i man ngag ma thob na// rlung ro lus nas gegs su 'gyur// mdor na rngub dgang 'phen la sogs// gtong ran bzung tshad ma shes shing // 'khor lo'i go rim log kyang gegs// 'gyur tshul srog rtsar rlung 'grims te// shor ba srid na smyo nas 'gro// sha mdangs bar du rlung shor na// mdze 'bras dmu chu shig nad 'byung // snying la shor na snying rlung 'byung // thur rlung log na phyi sa dang // byang sems dkar dmar 'dzag pa yin// gyen du log na mgo 'khor zhing // 'khrugs dang stod gzer sna gzer 'ong // de sogs rlung skyon bsam yas kyang // mun la nyi bzhin dug sel thabs// rlung bsgom thun mtshams thams cad du// hUM ring gsum bus rjes su// ha drag yang yang bsdud cing gdab// ro stod yang snyam sems na gzhag/ des ni rlung skyon 'ong mi srid// tshig chod thabs kyi rgyal po yin// de ltar gegs bsal rlung bsgoms pas// yon tan mngon shes rnam drug dang // spyan lnga chags pa med pa 'byung // sems ma zin pa zin par 'gyur// zin pa brtan gyur rig rtsal sbyang // mkha' spyod 'pho ba grong 'jug dang // chu la mi 'bying brag rjes zon// rkang mgyogs lha srin bran du 'khol// rang rig rtsal dbang nges par 'thob// tshe dbang rig 'dzin la sogs pa'i// yon tan brjod kyis mi lang ngo // zhes bka' stsal to// dpal gsang ba 'dus pa rgyud kyi rgyal po las// 'gyu byed stobs ldan rlung gnad yongs rdzogs bstan pa'i le'u ste bco lnga pa'o// // de nas 'dus pa'i 'khor rnams kyis// mgrin gcig tu ston pa kun tu bzang po dpal che mchog he ru ka la gsol pa/ kye kye kye/ thig le chen po kun tu bzang // byams chen rgyal po he ru ka/ thig le byang sems gtum mo'i gnad// bdag cag rnams la bka' stsol mdzod// de skad gsol ba'i don dgongs nas// ston pa nyid kyis bka' stsal pa// byang sems thig le'i man ngag gnad// gsang sngags grol lam rgyu yin cing // thabs lam kun gyi mthar zug yin// rtsa gnas lus la rab brten pa'i// byang sems stong phrag bye ba dang // phyed dang bzhi brgya yod na yang // bsdu na dwangs snyigs srog 'dzin gsum// dwangs ma las gyur byang sems ni// bza' btung bcud zos drangs 'gyur tshul// zhag bdun lon nas chu ser 'gyur// bdun phrag sha la bdun na tshil// bdun phrag bzhin rkang mar 'gyur// bdun lnga chungs pa bdun drug klad// de nas bdun na byang chub sems// thig le dkar po nyid du 'gyur// byang chub sems kyi snyigs ma ni// ngar snabs lud pa la sogs yin// srog 'dzin pa yi byang sems ni// snying dbus khrag gi dwangs ma ste// byi'u len ma'i sgong tshad kyi// dkyil nang 'od kyi gong bu ni// sran ma'i ga'u kha sbyar tshad// de dbus dran byed shes pa gnas// de ltar gnas lugs legs shes nas// de nyid nyams len gal che ste// lus la rtsa gnas rtsa nang na// byang sems gnas te de zhu nas// bde mchog ye shes 'khor lo 'bar// de phyir byang sems 'ju ba'i las// gtum mo nyid ces de la lnga// phyi nang gsang ba 'bar 'dzag gnad// ngo sprod 'bras bu 'thob 'tshul te// phyi ni rdzas kyi gtum mo bstan// g.yag rgod mkhris pa dron mo ru// sga sgra pi ling pho ba ris// tshwa sna tshogs chad zhib btags bsrub// skam thag chod par mnyes zin nas/ bu ram mgo bsdus sran tshad dril// sran tshad gsum gyis zhag gcig dros// drod bul srid na sga dmar sbyar// bsku mnye byas pas ser spongs te// bde drod me ltar 'bar bar nges// nang ni bskyed rim gtum mos te// me dbang thob pa'i rnal 'byor pas// lus ni lha yi gzhal yas khang // sgong skogs lha bu'i stong ra bsgom// nang khrol med par dmar sang de// rgya rdza mer bsregs lta bur bsgom// sems nyid che mchog phyag rgya rkyang // me ri'i klong na bzhugs par bsgom// ngag gis oM AHhUM dang gsum// rdo rje'i bzlas pa yid kyis bya// lus bde ngag nus sems rtogs pas// sgo gsum bde drod 'bar bar nges// gsang ba rlung bzung gtum mo ni// 'khrul 'khor gsum gyi sgo gsum gzir// bca' ba lus kyi 'khrul 'khor ni// bde ba'i gdan la tsog pur 'dug/ rkang g.yon bo la gong g.yas mthing mnan// gru gu 'bol bas 'phongs stegs bya// g.yas g.yon bsnol ba'i lag mgo yis// bar lha gnyis kyis 'phar rtsa bsdam// de khongs pus mo gnyis po bsdam// brla chen nang sha s+pho kyang spre sha dang // rtsa bo che bzhi cha bsgrims la// sems klong me yi 'khor lo bskor// ro stod g.yas su bskor cing bzhu// seng gis g.yengs pas rtsa mig dgram// de 'og ngag bcud 'khrul 'khor ni// lte ba'i lkog na me'i sa bon// raM gnas de la raM brjod pas// me 'bar bde drod 'bar bar bsam// de nas yid kyi 'khrul 'khor ni// yid gsal ma yengs ngar dang bcas// steng rlung mnan cing 'og rlung 'then// khyab byed bar gyi rlung dkrugs te// a long kha ni nem tsam bsdams// rang lus rdo rjer gsal ba yi// lte ba bde bas gang ba la// lus byings me ru 'bar bar bsgom// dug dbyung gegs sel rlung dang mtshungs// rlung nyid las rung drod sbar bas// thig le zhu nas bde drod 'bar// de yi man ngag 'bar 'dzag gnad// steng 'og gnyis kyi rlung yang ni// cang bsdams drags ma yin te// skabs su gsang zhing mtshams par mnan// steng rlung thabs kyi rang bzhin las// dkar po 'khyil ba sprin dang 'dra// 'og rlung shes rab rang bzhin nyid// yar la dmar po 'khyil ba ni// lte ba sprul pa'i 'khor lo ru// sbrul bzhin dkar dmar 'dres 'khyil bas// lte 'og sor bzhi chos 'byung nas// don dam gtum mo rgya khab tsam// dmar gsal gyen du 'bar ba yis// rtsa bar raM dmar gcig tu gnas// rang nyid lus kyi stong ra ni// rdza bsregs thur la sgrub pa 'dra// gsang gnas yi ge yaM dkar las// rlung gi 'od zer gyen du 'gyus// don dam tsaN+Da lI la phog/ raM nyid me 'bar lte ba yis// sprul pa'i 'khor lo 'od du 'bar// de rtags lus ni bem bem byed// sems kyang bag tsam gnas pa 'byung // de nas me nyid snying gang sleb// chos kyi 'khor lo 'od du 'bar// phung po lnga yi rtog pa dang // dug lnga bsregs pas bde drod 'bar// lus 'dar 'phar dang sprug pa 'ong // de nas me lce mgrin par sleb// de rtags dgod dang a i zer// de nas me lce klad dkyil drang // klad pa bde chen 'khor lo dros// lte ba'i thig le byang chub sems// haM mgo thur la bstan pa de// 'od du ldem gyis zhu nas kyang // byang sems thig le bcu drug 'dzag/ de las bde chen skye tshul ni// klad dkyil babs pas dga' ba skye// de phyir mgrin pa'i 'khor lo 'dzag/ de yis bde ba mchog dga' skye// de phyir snying gar bzhi 'dzag pas// dga' bral bde stong dga' ba skye// de phyir lte dbus gnyis 'dzag pas// lus med bsam pa'i bde ba skye// bde stong dbyer med bde ba'i mchog/ lhan skyes ye shes dga' ba skye// bde nyams 'di 'dra smra mi shes// de nyid ngos bzung bsgom byas na// bde stong dbyer med rgyun 'thob 'gyur// thig le byang sems ngo sprad gsum// sems bzung ngo spyod zhen bzlog ste// dang po byang sems gzung thabs ni// spyi gtsug bde chen 'khor lor oM// mgrin pa longs spyod 'khor lor AH// snying ga chos kyi 'khor lor hUM// lte ba sprul pa'i 'khor lor haM// byang sems 'khor lor bsgom pa yi// de las 'od zer gyen du sdud// 'khor lo bzhi yi yi ge bzhi// 'od zhu 'od kyi thig le bzhi// de la sems gtad mi 'phro na// snying gar drag tu gtad la bzung // de las 'phros na 'phros sar gtad// dar cig glod la rjes ngos gzung // rang rig sprin med par snang bzhin// dngas la gsal ba rang sor zhog/ me long nang gi gzugs brnyan ltar// sal le thig ge 'dzin med zhog/ de nyid ngo sprod bstan pa ni// de ltar srog 'dzin byang chub sems// bde stong tsiny+dza'i dbus su bsad sang kyang // thams cad ye shes rtsal du shes// lhan skyes ye shes ngos zin tshe// shes pa bde gsal mi rtog gsum// rang byung shugs las 'char ba yin// de yang nyon mongs med pas bde// ma 'gags mi 'dzin mi rtog pa'o// de ltar ngo spyod ngo bo rig/ rang bzhin dngas la rig pa g.yer// sngar ma mthong ba'i don mthong rig/ chos nyid ma bslad rang bzhin drangs// gsal la ma 'gags 'dzin med bde// de ltar nges rtogs lta ba ste// de las mi yengs sgom pa nyid// de nyid mi nyams spyod pa yin// de nyid mthar phyin 'bras bu'o// mtha' ru zhen pa bzlog pa yang // lta ba rtogs pa'i ngang shugs la// chags pa'i blo med 'khri ba chod// gzung 'dzin sems bral mi phod brdzis// mngon zhen kun bzlog yang dag don// de ltar nyams su lon pa'i tshe// 'da' kar 'bras bu don spyod tshul// gong bstan srog 'dzin byang sems gnyis// ma rig langs zad skye med dang // rang byung rang shar ye shes bstan// spros bral 'gag med 'gro don mdzad// sku gsum lhun grub ngo mtshar che// zhes bka' stsal to// dpal gsang ba 'dus pa rgyud kyi rgyal po las/ thig le 'bar 'dzag tsaN+Da lI'i gnad yongs su rdzogs pa'i le'u ste bcu drug pa'o// // de nas yang 'dus pa'i 'khor rnams kyis mgrin gcig tu/ ston pa kun tu bzang po dpal che mchog he ru ka la gsol pa/ kye kye kye// ye shes lnga bdag kun tu bzang // khyab bdag chen po he ru ka/ rim lnga gdan gcig yongs rdzogs don// bdag cag rnams la bka' stsol cig/ de skad gsol pa'i don dgongs te// ston pa nyid kyis bka' stsal pa// dpal chen khrag 'thung he ru ka'i// bskyed rim rgyas bsdus zhig bsgoms te// rdzogs pa'i rim lnga gdan gcig la// bsgom pa'i don rab 'di lta ste// sngags sems lus dang 'od gsal dang // zung 'jug dag ni bsgom par bya// rdo rje'i bzlas pa srog rtsol rlung // oM dang AHhUM yi ge gsum// 'byung 'jug gnas dang ldan par bsam// gnas pa rgyun bsring dbu mar 'jug/ 'di las khyad 'phags sngags med phyir// rdo rje'i sngags bzlas rim pa'o// sems la dmigs pa'i rim pa ni// lhar gsal snying dbus 'dab brgyad la// dgod bya'i yig 'bru 'di dag ste// yang dag skye med snying po a// a A/ i I// u U/ r-i r-I/ l-i lAM/ e e/ o o/ aM aH/ ka kha ga g+ha nga/ tsa tsha dza dz+nya nya/ Ta Sha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha/ k+ShaH/ dngul dkar lugs nas phyung 'drar gsal// gsal byed phyir la dmigs pa gtad// snang ba'i byang chub sems bskyed de// rtags ni nyi zer 'od 'dra 'byung // dbyangs yig nang la dmigs pa gtad// snang ba mched pa'i ye shes skye// de rtags zla 'od zer 'dra 'byung // dbus kyi a dkar la dmigs na// snang ba nyer thob ye shes kyi// rtags ni mi rtog mun lta bu// bde stong nyid 'char sems dben yin// sgyu lus bsgom pa'i rim pa ni// snying nang a las 'od dkar 'phros// rang lus sgrib bdag rlung sems 'dres// rdo rje sems dpa' sku mdog dkar// g.yas pa rtse lnga g.yon dril bu// seng khri pad zla nyi steng na// skyil krung 'od lnga'i sku yol mdzes// sgyu ma rmi lam 'ja' 'drar bsgom// snang la dngos po ma grub pas// bden snang mi bden spu lus yin// 'od gsal bsgom pa'i rim pa yang // rdor sems dpral bar a dkar bsam// a las 'od dkar lus khyab 'phros// sku lus 'od zhu a la 'dus// a ni skye ba med pa'i sems// sems las sems byung sems nyid don// stong par thim nas 'od gsal gnas// rtags ni du 'dra rang bzhin med// zung 'jug bsgom pa'i rim pa yang // snang ba'i rnam pa yang cha nas sgra lus dang // rang bzhin cha nas 'od gsal gnyis// zung 'jug dbyer med sku yin te// stong pa nyid las gzugs gzhan med// gzugs las gud pa'i stong pa med// nam mkha'i ngang nas 'ja' sprin bzhin// zung 'jug mnyam bzhag de ltar bsgom// rim lnga thun bzhi'i rnal 'byor pas// 'da' ka chos nyid 'od gsal gyi// bar dor zung 'jug longs sgyur bzhengs// smon lam stobs kyis 'gro don 'byung // gsang sngags rgyud sde rgya mtsho yi// bcud mchog nyams len rim lnga yin// zhes bka' stsal to// dpal gsang ba 'dus pa rgyud kyi rgyal po las/ rim lnga gdan gcig la yongs su rdzogs pa bsgom pa gsang sngags lag len gyi le'u ste bcu bdun pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ zung 'jug bde chen kun tu bzang // sbyor ba'i bdag nyid he ru ka/ sbyor ba bde mchog chags pa'i lam// bdag cag rnams la bka' stsol cig/ de skad gsol pa'i don dgongs nas// ston pa nyid kyis bka' stsal pa// gsang sngags chags sdud sbyor ba yin// rnal 'byor chags pa can grol phyir// bde mchog sbyor lam spyad 'dod na// rang gi/ bde ba sngon du sbyang // zhing skyes sngags skyes ma sring sogs// mtshan ldan yongs rdzogs mu dra ma// bcu drug lon pa rab tu shis// dbab dang bzung bzlog dgram pa dang // gegs bsal tshad dang ldan nam brtag/ mtshan ldan sha rgyas sna bug gi// g.yas steng yang na snying ga ru// sme ba yod na de yi mkhar// dung can rtsa zhes bya ba gnas// rtsa des rdo rje 'jib bsdam shes// de bzhin rigs ldan gang du dag/ khrus byas rgyan gdags zas bcud gtang // bdud rtsi sman dang dri zhim byugs// zas ngan skyes pa gzhan bsten spang // rgyu 'bras chos bshad spro ba bskyed// chags pa g.yo byed gtam brjod pas// rtog pa gzhan 'gags chags bde skyed// yang ni bskyed phyir 'o 'khyud bya// steng rlung mnan cing 'og rlung bsten// ting 'dzin mi yengs dal gyis bsrub// spyi gtsug bde chen 'khor lo nas// rim gyis dbab cing zad kar gzung // de yang a wa d+ha tI'i rtsa// yar sna spyi gtsug mar gyi sna// rdo rje'i sbu gur zug pa las// g.yas g.yon rtsa gnyis mig sgo nas// lhag pa'i ngos su 'khyog pa las// mgrin pa dgye bar bsrangs pa yis// an stong rus kyi tsigs par sbyar// rtsa gsum der 'dus rang bzhin gyis// bsdams pa de la gzung ba ni// 'og rlung bsdams te shes pa gseng // thig le gyen du 'khyil bar bsam// g.yo dus skabs 'dir ma bzung na// 'og ma rnams ni zin par dka'// mgrin par babs pa'i tshe na yang // mgrin par dgye byas tshigs gnyis sbyar// rtsa gsum 'dus pa'i shugs kyis bsdam// de bzhin snying ga lte 'khor dang // gsang 'khor rdo rje'i rtse mor yang // thig le phebs tshe shes pa gseng // 'og rlung bsdams te bsgril zhing bzung // des mi thub na rdo rje yi// rtsa bar lag g.yon srin mtheb kyis// tshir gyis mnan la rlung yar 'then// bde ba rab skye mi rtog bsgom// bde gsal mi rtog nyams dang ldan// de nas bzlog pa'i las byas te// yum gyis rlung gis tshur phul cing // yab kyi rlung gis tshur la drang // 'og rlung bsdams te rdo rje phyung // dwangs ma tshur 'dus snyigs ma ni// mkhar ru brul yang bu mi 'chag/ dwangs ma bzlog pa'i 'khrul 'khor ni// bshang ba'i lam dgag rgyu zhabs bsdu// lce rtse mar dgug mig bzlog ste// hig brjod 'og rlung gyen du drang // dgram pa 'khor lo bzhi'i rtsa yi// dmigs su dgram par bstan pa ni// seng ge rnam grol phyag rgya yis// g.yas bskor g.yon du khyab par dgram// rjes su lus sprug phril phril bya// de dag nyams kyi rim pa yang // spyi bo nas 'dzag dga' ba ste// mgrin par mchog dga' snying ga ru// babs pas lhan skyes dga' ba la// lte bar babs pas dga' bral nyid// gsang ba rdo rjer phebs pa'i tshe// don dam bde stong dbyer med 'char// mi rtog lhan skyes ngos gzung bya// de la zhen na zag bcas gol// gegs ni yas bzlog ma khrims na// chu sri grang shum chu lam tsha// seng ldeng gdus khu til mar sbyar// lus la bsku mnye byas pas sel// bde ba mi skye thig le 'chor// de la dam bshags dbang rdzogs zhu// thabs dang rig pas gegs rnams bsal// 'byongs pa'i tshad dang ldan gyur na// rlung rig gtad cing tshur drangs pas// yum bcud bdag la 'du ba 'byung // 'o ma dro la rdo rjer ldud// 'o ma brgyud nas kha ru 'drongs// snang ba thams cad bde bar 'char// gzhon nu'i sha chags rkang mgyogs 'grub// ting 'dzin rig rtsal rang dbang thob// snying rje che la chags sems med// rmi lam sgyu ma'i nyams dang ldan// sgrib gnyis bag chags kun byang nas// bde chen longs spyod rdzogs sku 'thob// ces pa bka' stsal to// dpal gsang ba 'dus pa rgyud kyi rgyal po las/ bde mchog chags lam yongs rdzogs gnad kyi le'u ste bco brgyad pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ khams gsum yongs sgrol kun tu bzang // bdud 'dul rgyal po he ru ka/ drag pos tshar gcod sgrol ba'i lam// bdag cag rnams la bka' stsol cig/ de skad gsol pa'i don dgongs te// ston pa nyid kyis bka' stsal pa// gsang sngags mtha' sdud sbyor sgrol las// log lta gdug pa can don du// las rgyun gcod pa'i thugs rje yis// drag sngags yongs rdzogs gnam thogs bshad// nga ni kun bzang rdo rje 'chang // rgyal ba kun gyi spyi gzugs yin// sangs rgyas kun gyi rang bzhin te// nga ni che mchog he ru ka/ srid gsum gdug pa yongs bsgral phyir// che mchog yongs rdzogs drag sngags 'di'o// oM shri ma hA sa ma ya badz+ra yak+Sha he ha hUM phaT/ oM badz+ra bi shwa kro d+ha dz+wa la maN+Da la hUM/ ma hA srog sha la thun thun ha la ha la hUM hUM phaT dzaHdzaH/ che ge mo nr-i duSh+TAn mA ra ya hUM phaT/ badz+ra ma hA ta kr-ita gardza gardza hUM phaT/ badz+ra bi shwa kro d+ha dza la maN+Da la/ ha la ha la/ maN+Da la ma ma trag rak+Sha ru lu ru lu hUM b+h+yo hUM/ badz+ra sngags sor bzhag yin yak+Sha ma ra trag sha hud de hud ha ra hud b+h+yo/ nA ga na ge dzaHdzaH/ mA ra ya dzaHdzaHtrag rak+Sha baM ri la/ tsa tsha pa ta pa tu pa ni yang / pa tu pa tu ni dzaHdzaH/ oM badz+ra Ar+ya ya ma/ any+dza shrI ma tra// a kro te ka ya mAn+ta ka ka la rU pa hUM phaT/ a ha ha/ dzaHdzaHha ta ta ha ta ha yang ra kri ma rbad/ kI li kI la ya/ dgra bo nr-i rbad/ nga ni badz+ra he ru ka/ srid gsum gdug pa yongs bsgral phyir// khrag 'thung yongs rdzogs drag sngags 'di'o// oM ru lu ru lu hUM b+h+yo hUM phaT/ au AHhUMHha he phaT b+h+yoHhUM ni ma tsin+na tsit+ta yang ma// rdul phran rdul phran/ kai ko ma rak+ta ma ri tsa snying la shad shad/ tsit+ta ma rus la kai kai ru tri sha la rbad rbad/ dzaHhUM baM hoH/ dbugs la 'ub 'u ba/ a hUM he ma mo b+h+yo dzaH/ ru lu ru lu rak+Sho b+h+yo dzaH/ ki li kI la ya dgra bo nr-i rbad zad// nga ni 'jam dpal gshin rje gshed// srid gsum gdug pa yongs bsgral phyir// gshin rje yongs rdzogs drag sngags 'di'o// oM a kro te ka ya man+ta ka ha na ma tha b+han dza hUM phaT/ oM sa ma ya many+dza shrI ya mAn+ta ka/ ya ma rA dza ma ma e ka dza Ti dzaHdzaHtrag rak+ta kha mun tra sa tra snying kha rag ma b+h+yo b+h+yo/ rak+Sho te gu la kum yang dzaHdzaHkha la ma nyi ma yang ti b+h+yo b+h+yo/ ya ya/ lon lon// tsaN+Da ma la b+h+yo dzaHsnying kha rak+Sho srog la b+h+yo b+h+yo dzaHdzaH/ oM ya mAn+ta ka ya ma rA dza sa do me ya/ ya me do ru Na yo da ya/ ya da yo ni/ ra yak+She ya/ yak+She yats+tsha ni rA ma ya/ che ge mo mA ra ya hUM phaT/ au rnal ma rnal te srog la rngam// srog la mer/ spris bris kyang la chum/ zum pas zum pas/ lcags kyi sgra gcig mas dgra bo'i snying phyung zhig mA ra ya rbad/ kI li ki la ya dgra bo nr-i zad// hUM/ nga ni pad+ma dbang chen sku// srid gsum gdug pa yongs bsgral phyir// pad+ma yongs rdzogs drag sngags 'di'o// hrIHha dpe gzhan la oM pad+man+ta sogs las sngags thung 'di mi stang ya grI wa hUM phaT/ oM pad+mAn+ta kr-ita ha ya gr-I wa ma ha kro d+ha e ka dza Ti sa ma ya ru lu ru lu hUM b+h+yo hUM phaT/ A ra li dzaHoM thub thub/ myags myags// mug mug/ shar shar// zhar bar b+h+yo// zhir bar b+h+yo// da da klag klag/ du dang du dang // rbad drud// dza dza b+h+yo b+h+yo/ hUM hUM myags rbad// myogs rbad/ mo ru sad mo du ra yag chod// srog gi snying po kha la dbang po snying la sang rak+ta tsa ra yA/ tad+ya thA/ snying la rbad ya/ khrag ti ma b+h+yo/ ma rig khrag sha yA/ mgo khrag nr-i chod/ sa pa lo yang la chod/ mu lo chod/ sha la khyi khyer/ dgra'i snying srog rtsad nas phyung zhig swA hA/ kI li kI la ya dgra bo nr-i rbad/ nga ni rdo rje gzhon nu che// srid gsum gdug pa yongs bsgral phyir// phur bu yongs rdzogs drag sngags 'di'o// oM badz+ra kI li kI la ya/ sarba big+h+nAM baM hUM phaT/ dzaHhUM aHma rak+Sho yak+Sho/ kA la rU pa/ snying rtsa la yaM yaM/ srog rtsa la yaM yaM// snying la phril phril/ srog la chum chum/ tsit+ta srog la tung tung / snying khrag shad dzaHthum ri la li li/ snying rtsegs rtsegs 'ur 'ur/ shig shig gul gul/ myags myags/ sod sod/ d+ha d+hi ma ma karma shI g+h+raM ka rA ya// mA ra se na bra marda na ye hUM phaT/ kI li kI la ya/ dgra bo nr-i rbad// nga ni bla med he ru ka/ srid gsum gdug pa yongs bsgral phyir// ma mo yongs rdzogs drag sngags 'di'o// oM gu h+ya dz+nyA na shrI he ru ka gu h+ya dz+nyA na kro d+hI shwa rI s+t+waM/ ma ma yo gi ni ru lu ru lu b+h+yo hUM phaT/ oM badz+ra ni la kha T+wAM kro d+hi shwa ri/ b+ha ga pad+maR+Ya/ bde klong shra na ma dza dza b+h+yo/ ma ma trag rak+ka/ ru lu ru lu raklo snying khrag la b+h+yo/ trag rak+ka ma cig thun b+h+yo/ che ge mo nr-i duSh+TaM mA ra ya rbad phaT/ badz+ra he sa ta krim/ rmugs sha rmugs sha/ rbad da ra rbad da ra/ mug ti myogs srod// rtsi srib snying ri ma sha ya ya/ srog ri ya ya/ mig dkyus nas phung zhig/ rgyangs pa rtsad nas chod cig/ lte lkog nas drongs shig/ oM ma ma rak+Sho rtse/ steng kha rag zad su b+h+yo/ rak+Sho yak+ko rbad su tsho/ ma ra ya tsho tsho// rbad mA ra ya rbad/ sod mA ra ya sod// thum ri la trag rak+Sha rbad gtub/ rbad gtub/ duM bu baM baM/ dgra bgegs kyi srog la mA ra ya rbad/ ki li ki la ya nr-i rbad/ nga ni rig 'dzin thod pa rtsal// srid gsum gdug pa yongs bsgral phyir// rig 'dzin yongs rdzogs drag sngags 'di'o// oM badz+ra ma hA gu ru sarba hUM phaT/ ka la rU pa che ge mo mA ra ya hUM phaT/ ki li ki la ya nr-i tri rbad/ nga ni dregs pa kun 'dul rje// srid gsum gdug pa yongs bsgral phyir// sde dpon yongs rdzogs snying po 'di'o// oM badz+ra tsaN+Da sarba duSh+Ta na e dza b+h+yo// dgra bgegs che ge mo sha hUM hur thum dzaHmA ra ya rbad/ ging ka ra ging ka ra sarba tri dza b+h+yo// che ge mo sha truM hu ra thum dzaHmA ra ya rbad/ bdud tri ma ra ya sarba duSh+TAn rbad du tsa b+h+yo/ che ge mo sha truM hu ra thum dzAHma ra ya rbad/ a bi shu sarba tsa badz+ra b+h+yo// che ge mo sha truM hu ra thum dzaHmA ra ya rbad/ ba sha mi ki sarba dzaHb+h+yo// che ge mo sha truM hur zum dzaHmA ra ya rbad/ nA ga sarba phu dzaHb+h+yo// che ge mo sha truM hur zum dzaHmA ra ya rbad/ yak+ka/ sarba k+Sha dzaHb+h+yo// che ge mo sha truM hur zum dzaHmA ra ya rbad/ rak+Sha sarba ra dzaHb+h+yo// che ge mo sha truM hur thum dzaHmA ra ya rbad/ ma ma sarba ma dzaHb+h+yo// che ge mo sha truM hur thum dzaHmA ra ya rbad/ kI li kI la ya dgra bo nr-i rbad// nga ni stobs ldan nag po'i sku// srid gsum gdug pa yongs bsgral phyir// sde brgyad yongs rdzogs drag sngags 'di'o// oM badz+ra sarba duSh+TAn/ s+ye tsit+ta hriM hri dzaH/ che ge mo nr-i hur thum dzaHmA ra ya rbad// ya ma sarba tsit+ta hri hriM dzaH/ che ge mo nr-i hur thum dzaHmA ra ya rbad/ ma ma sarba tsit+ta hri hriM dzaH/ che ge mo nr-i hur Tum dzaH/ mA ra ya rbad/ nA ga rak+ta sarba tsit+ta hri hri dzaH/ che ge mo nr-i hur zum dzaHmA ra ya rbad/ de wa rak+ta sarba tsit+ta hrI hri dzaH/ che ge mo nr-i hur zum dzaH/ mA ra ya rbad/ rA hu la rak+ta sarba tsit+ta hri hri dzaH/ che ge mo nr-i hurur thum dzaHmA ra ya rbad/ yak+Sha rak+Sha sarba tsit+ta hrIM hrI dza/ che ge mo nr-i hur thum dzaH/ mA ra ya rbad/ ya sha rak+Sha sarba tsit+ta hrI hrI dzaH/ che ge mo nr-i hur thum dzaHmA ra ya rbad/ d+ha sha g+h+ri wa sarba tsit+ta hrI hrI/ dzaH/ che ge mo nr-i hur thum dzaHmA ra ya rbad// kI li kI la ya dgra bo nr-i rbad/ bde gshegs yongs rdzogs drag sngags 'di// dregs pa ma rungs rdul du rlog/ gdab pa'i sngags dgu zhes kyang bya// 'di la nyams len rim gsum ste// sham bur gdags dang phur tshugs bsgrub// gar dgos las la sbyar ba'o// dang por sham bur bstan pa yang // gsang ba sgrub chen las sbyor dus// mtshan ma ming byang bcas pa la// dpal chen yongs rdzogs phur bskor tshe// gnas dgur drag sngags de dgus gdab// srid pa gsum po dus gcig sgrol// drag sngags gnam thog mtshon cha 'di// phur tshugs tshig dril srog bsgrub ni// dben gnas brag phug dur khrod du// dpal chen nga rgyal ldan byas te// maN+Dal mda' gang khrag gis byug/ dbus su khru gsum ting du brko// de nang mtshan ngan thod pa ru// ro ras 'khor lo gnyis rim gyi// rtsibs la dgra gzugs bskyon la gzir// seng ldeng gseng dngul lcags phur pa// 'dom mda' khru gang sor mtheb tshad// rab 'bring gang rigs lha grangs sbyar// sku stod zhal phyag gzhog rdzogs sam// 'og ste zhal dbyung rgya mdud gnyis// dpal gsum chu srin kha nas dbyung // phur pa'i bye brag rnam pa bzhi// yongs rdzogs dpal gyi sku bskyed de// sku gsung thugs su byin gyis brlab// ye shes lnga dang rdzas dbang bskur// 'debs mkhan gdab yul tshe khrus lung // gdab dang thebs tshad 'bras bu ste// phur pa ngo bos stong shes kyi// ngang las yongs rdzogs dpal chen bskyed// de las sprul pas dgra bgegs dgug/ phur pa'i lha rnams sgo gsum du// oM dkar AHdmar hUM mthing bsgom// de nas phur pa'i spyi gtsug dang // mgrin pa snying ga lte gsang du// 'bru lnga rigs lnga bskyed la bzhag/ de ni ye shes phur pa ste// kun gyis ma rig snying re rje// log lha rnams la snying rje bskyed// gnyis med sgrol ba'i snying rje bsgom// de ni snying rje'i phur pa ste// rang nyid lhar gsal phyag g.yas g.yon// rigs lnga khrag 'thung yab yum bskyed// phur pa byang chub sems su bsgril// de ni byang sems phur pa yin// phur pa de la nyung dkar 'dril// gu gul bdug cing dug khrag byug/ 'bar ba e yi gdan la bzhugs// mtshan ma rdzas kyi phur pa yin// de nas bskyed rdzogs gzhung bsrangs te// 'dzab bzlas rtags la sbyar cing bsgrub// bdag nyid lta spyod zung 'jug pas// phur pa 'dril shing drag sngags bzlas// gdab yul dgra bgegs log lta can// gzugs la brten nas dngos gsal gdab// kho yi rnam shes srog dngos po// snying nag khrag drangs bye'u mgo tsam// de dbus a 'od thig le'i nang // nr-i ljang gcig yod gdab pa'i yul// de nas phur rtse hUM gsum dang // rtse skab dag tu phaT gsum bsam// ngag tu drag sngags dgu bzlas shing // 'dril shing 'dril shing sgo la gdab// nr-i dang ar bcas phur rtse yi// hUM la 'dus nas a dkar gsal// rang la bstan pas de tshur 'dus// de ni tshe lung dgongs pa yin// de nas dgra srog dug gsum gyi// ngo bo hUM gsum gnas pa de// zur gyi phaT gsum gyis 'phangs te// 'og min dpal gyi thugs kar spros// hUM nyid 'od zhu mgrin pa yi// a la thim nas a yang zhu// dung khang oM zim oM 'od zhu// skal tshigs la brgyad yum mkhar babs// rgyal ba'i sras su byas pas ni// gnas sbar zab mo khrus lung yin// de nas gnas dgur dpa' dgus gdab// tshogs brgyad bsgral zhing sgo lnga chod// gdab phur kun gyis khyab par gdab// de bar drag sngags phur tshugs bzlas// las mtha' mnan bsreg 'phang la gtad// phur re thebs tshad 'bras bu yang // gdab phur 'ben gsum grub mtha' gcig/ thams cad chos dbyings stong par bsgral// rig pa ye shes phur pa de// chos dbyings thebs pas chos kyi sku// tshad med snying rje'i phur pa de// 'gro drug la btab sbrul sku 'thob// byang chub sems kyi phur pa de// yum mkhar thebs pas longs sku 'thob// mtshan ma rdzas kyi phur pa des// dgra bgegs la btab bstan pa tshugs// drag sngags rgyal po gnam thog 'di// gar dgos las la sbyar ba ni// gtor na gtang dang srung ba'i mkhar// chos skyong bskul gtsun dgra bgegs bsgral// bgegs dpung gzhom dang klu nad 'dul// sgro 'bog 'dul dang rbod gtong bzlog/ bgegs rnams gzir dang zho chang bsrung // mdze nad gso dang gag lkog gzhom// thams cad thams cad 'di yis 'grub// oM AHhUM i daM ba li ta sarba pany+tsa a mr-i ta khA hi/ ma hA rak+ta khA hi/ ma hA ba li khA hi/ ka ya wAka tsit+ta rak+Sha rak+Sha ku ru hUM/ sarba ru dra hrI hrI dza/ sarba duSh+TAn b+h+yo// badz+ra sarba duSh+TAn trig nan e hur thum dzaHmA ra ya rbad/ nr-i sha truM hu ra thum dzaHmA ra ya rbad/ dgra bgegs dam sri ni tri rbad thum dza/ nA ga du tsan+na/ mi li mi li/ b+han d+ha b+han d+ha/ nA ga ni swA hA/ da ra ya da ra ya/ hUM ha he phaT b+h+yo hri ta ya/ mo ha ya/ pra ha ra Na hUM phaT/ sa ma ya a ti pra ma na/ mA ra Ni b+h+yo a la la b+h+yo a la la b+h+yo/ bzlog bzlog/ sham bu'i drag sngags de dag gis// las kyi bye brag thams cad 'grub// ces bka' stsal to// dpal gsang ba 'dus pa rgyud kyi rgyal po las/ bde gshegs yongs rdzogs phur sgrub kyi le'u ste bcu dgu pa'o// // de nas yang 'dus pa'i 'khor rnams kyis mgrin gcig tu/ ston pa dpal kun tu bzang po dpal che mchog he ru ka la gsol pa/ kye kye kye/ yon tan bdag nyid kun tu bzang // bdud rtsi 'khyil ba he ru ka/ dam rdzas sman gyi bsgrub pa gang // bdag cag rnams la bka' stsol cig/ de skad gsol pa'i don dgongs nas// ston pa nyid kyis bka' stsal pa// mchod brtson rnam rtog 'joms 'dod nyon// thams cad bdud rtsi'i rang bzhin la// rang gar rnam rtog ma choms na// sarba sman gyi sgrub pa bstan// 'di yang sgrub chen khog nas dbyung // thog mar khol bu'i bsgrub pa la// mtshan ldan zod pa kha sbyar nang // sman rnams yongs rdzogs rigs brgyas gang yang lngar sbyar// 'khor lo rtsibs bzhi mu khyud bcas// dri chen glang sha dzA ti shar// byang sems seng sha bzang drug dbus/ sha chen rta sha ka ko la lho// pad+ma'i rak+ta rma bya li shi nub// dri chu khyung sha gur gum byang // gzhan yang ga pur a bar sgyur// thal ka rdo rje a ga ru// du ru ka dang snying sna'i tshogs// tsi tra ka dang zho sha gsum// tsan dan rgun 'brum star bu dang // lce pog la sogs sman rnyed tshad// rtsa lo me tog 'bras bu dgod// cong zhi shug 'bru mkhan pa mtshe// dkar gsum mngar gsum la sogs bsag/ sman du gyur pa kun gyis bskor// chang chu 'o ma rin chen bsham// yon tan rgyas grub yin pa'i phyir// yur ba chu rtsa lug ru ser// gi waM 'od ldan skyobs su bsag/ gzung thag btags la dar gur dbug/ las kyi gzhung bsrang tshogs 'khor bya// bdag nyid yongs rdzogs skur bsgoms te/ thugs ka'i 'od 'phros sman sbyangs te// kaM las thod skyed bum pa dgal// yaM las rlung byung raM me sbar// dam rdzas sha lnga bdud rtsi lnga// oM AHhUM swA hA/ muM laM maM pAM ta/ de nyid brgya rtsa brgyad brjod pas// phyag 'tshal lngar gyur de nyid las// rigs lnga yab yum bcur gyur nas// sbyor mdzad byang sems bdud rtsir gyur// snang srid thams cad de ltar gsal// oM badz+ra a mr-i ta/ oM hUM hrIH/ spros la dga' na rigs brgya'am// thams cad rigs lnga'i ngo bor bsam// spros la mi dga' rdo rje sems// rigs gcig kho na'i ngo bor bsgrub// rtsa sngags bsnyen rjes sngags 'di bzlas// oM AM hUM/ sarba pany+tsa a mr-i ta ra sA ya na ta na/ dza ya gu h+ya sid+d+hi hUM hrIH/ drang srong rnams la gsol ba gdab// khrol bu zhag gsum tshar rjes su// gong gi rigs lnga 'od du zhu// gnyis med bdud rtsi'i ngang du sbyar// thams cad gnyis med sems dpa' bsgom// oM sarba pany+tsa a mr-i ta badz+ra tsit+ta sa ma ya hUM/ mkha' gsang bdud rtsi bskyil cir dbab// mchod bstod dngos grub blang gis bsdu// thabs shes mnyam pa nyid du sbyang / zhing steng gtun bzhag yab yum sbyar// oM AHhUM/ sarba pany+tsa a mr-i ta kuN+Da li ha na ha na hUM phaT/ sman rnams btags btsag bdud rtsir sbal// thod par blugs te rgyas gdab dril// mtshams bcad nyul le drag tu bskrad// yi ge lnga yis sngar bzhin sbyang // yum gyis pho brang yab la 'bul/ gzungs zag bzung zhing dkyil 'khor bskyed// las gzhung tshogs 'khor dus drug bya// dkyil 'khor bdun brtseg bsgom pa yi// ting 'dzin sngar dang mtshungs pa las// bdud rtsi'i dkyil du bcud 'dus pas// khro rgyal dpal chen yongs rdzogs pa// che mchog bdud rtsi 'khyil ba'i sku/ ljang ser zhal gcig phyag gnyis ni// yum la 'khyud nas thal mo bzed// ye shes bdud rtsi'i bum pa 'dzin// yab yum sbyor ba'i sbyor mtshams nas// ye shes bdud rtsi phab nas bsgril// oM AHhUM sarba pany+tsa a mr-i ta kuN+Da li hUM hriHTha/ gsol 'debs tshig gis skabs skabs bskul// drang srong spyan drangs gsol 'debs ni// hUM tshangs pa dag gi gtso bo mchog/ dung gi thor tshugs khong gseng can// tshangs pa kun sgrol chen po dang / drang srong chen po ldang sngon dang // tsa ra ka dang nabs so skyes// za skar bu dang lha skabs dang // rgyun shes dang ni g.yon phyogs lha// thang la gnas dang ma bzhin 'jug/ rkang gnyis spyod dang ka ya na// sher khyer dang ni ljang sngon bu// nyi ma zla ba klu ru bcas// bram ze gzhon nu'i sprin dang ni// rin po che dang go de shan// gzhon nu srid dang 'gro skyobs dang // rtsibs kyi mu khyud 'dzin la sogs// khyed cag 'khor dang bcas pa yis// sngon chad bsgrubs nas grub pa sbyin// yon tan bdud rtsi'i sid+d+hi stsol// zhes pa dus drug gsol ba gdab// de tshe grub rtags gzugs sgra 'od// dri chen du ba mang du 'phel// rloms sems mi bskyed dngos grub blang // de nas gang bu zhag gcig bsgrub// spog pa'i cho ga dag kyang bya// 'phro 'du'i ting 'dzin gong dang mtshungs// rtsa sngags stong bzlas dngos grub blangs// oM AHhUM/ sarba pany+tsa a mr-i ta kA ya sid+d+hi oM/ wAka sid+d+hi AM tsit+ta sid+d+hi hUM/ sarba sid+d+hi hrIH/ drang srong gsol ba gdab rjes la// hUM/ rigs lnga yab yum mkha' klong du// thabs dang shes rab sbyor ba las// gnyis med byang sems 'phro 'du mdzad// snang srid rtsi bcud sman rnams ni// thams cad dag pas bdud rtsi che// bdud rtsi lnga ru ye sangs rgyas// bse phor dmar po mdzes pa dang // shel phor dkar po dri med mdzes// bdud rtsi lnga yi bcud blugs te// dam rdzas bdud rtsi'i chu 'di ni// ye shes lha la phul ba'i tshe// rgyal ba'i dkyil 'khor thams cad mnyes// dam can rnams la mchod pa yis// srung ma rnams kyi thugs dam bskang // rig 'dzin rnams la phul ba'i tshe// dngos grub rgya mtsho thams cad ster// rnal 'byor bdag nyid myong ba'i tshe// dbang dang dngos grub yongs su rdzogs// bdud dang bgegs la phogs pa'i tshe// lus sems thal ba rdul du brlag/ e ma ho// dam rdzas bdud rtsi'i chu 'di ni// 'thong ngam thos sam reg pas kyang // thams cad dbang phyug bdag gis thob// e ma thabs chen khyad par che// e ma thabs chen bla na med// e ma ngo mtshar rmad byung ba// lta ba rmad byung ngo mtshar che// spyod pa rmad byung ngo mtshar che// nyon mongs ma spangs ngo mtshar che// ye shes lnga rdzogs ngo mtshar che// sku lnga lhun grub ngo mtshar che// chos sku gcig la tha dad pa// rigs lnga'i dngos grub 'dir thob bo// yang dag 'chi med don brnyes so// zhes brjod lha rnams bdud rtsir zhu// bum gcig rdzas dbang bskur bya zhing // bde gshegs yongs rdzogs sman mchod bya// lce thog lan bdun dngos grub blang // rjes su bdud rtsi 'khyil pa bskyed// rin chen ga 'ur gter du stsal// 'di grub rgyal sras dam par 'gyur// rtog pa ye shes sman sbyar bas// dug lnga sman gyur ye shes spyod// mnyam nyid rtogs pas yon tan rdzogs// rang byung rnam dag yon tan mchog/ dam rdzas bdud rtsi rtsa ba lnga// rang lugs spyad dam bsgrub na mchog/ rnam snang bdud rtsi phun tshogs gtso// spyi dang bye brag so so ste// rgyal blon 'khor tshogs phyi nang gsang // las tshogs dam bsrungs gags bsal na// yon tan 'bras bu thun mong rdzogs// rjes kyi cho ga sgrub chen bzhin// yon tan yongs rdzogs 'dis 'grub bo// zhes bka' stsal to// dpal gsang ba 'dus pa rgyud kyi rgyal po las/ dam rdzas yongs rdzogs bdud rtsi sman sgrub kyi le'u ste nyi shu pa'o// // de nas yang 'dus pa'i 'khor rnams kyis mgrin gcig tu ston pa dpal kun tu bzang po che mchog he ru ka la gsol pa/ kye kye kye/ mi rtog rtog bral kun tu bzang // dngos grub kun 'byung he ru ka/ dngos grub rdzas chen bam sgrub thabs// bdag cag rnams la bka' stsol cig/ de skad gsol pa'i don dgongs te// ston pa nyid kyis bka' stsal pa// dpa' gtum nus pa ldan kun nyon// gzigs stangs lnga yi sgo nas bsgrubs// thugs rje'i yul dang slob ma dang // lha dang ru dra mchod rdzas so// mchod rdzas dngos grub mchog sgrub ni// ngan song gnas nas drang bsams pas// dngos grub 'byung ba'i bam brtags te// spang dang blang ba'i bam rigs gnyis// spangs pa dam tshig spun grogs dang // nad ngan 'go rims mdze 'bras sogs// spyi mched chos rigs kun kyang spangs// lnga 'das la sogs dam nyams spang // blang bya pho mo gang yang rung // rigs bzang rtsa lnga man chod lon// dngos grub ya mtshan chen po'i rdzas// skye ba bdun pa'i bam ni rab// rigs bzang bkra shis thum shi ba'i// na gzhon gtsang ma'i bam ni 'bring // so bdun byis pa yin kyang blangs// len tshe sngags g.yog blo brtan pas// rang lus yongs rdzogs lhar gsal gdab// rjes bzung dngos grub len bsam 'gro// rigs 'dzin dam can grogs su khrid// pho nya'i 'gros dang rdo rje'i 'gros// bgegs bskrad phyogs bskor ro gshed mnan// sgor blangs nyung phur dud pas gzir// yongs rdzogs bro yis rab tu gdul// 'dag chal sug chu'i khrus kyis bkrus// snying rjes rigs drug gnas nas drang // de nas dkyil 'khor sgrub rdzas rnams// gsang ba'i sgrub chen gong bzhin bshams// bskyed rdzogs mchod bstod rdzogs rjes su// bum chags rkang 'di med pa'ang 'dug dbang phan dang nus dbang bskur// ro de slob mar shes bya ste// dbang stegs khar bzhag dkyil 'khor du// 'jug dang rjes gnang me tog dor// de nas lhar shes bya ba'i phyir// dkyil 'khor dbus bzhag rgyan spras te// spros la dga' bas gnas dgu ru// yongs rdzogs lha dgod 'phro 'du bya// yang na spyi gtsug mgrin pa dang // snying ga lte dbus gsang gnas su// rigs lnga'i srog snying 'bru lnga bsam// de las 'od byung dkyil 'khor gyi// lha tshogs la thim thugs dam bskang // lha las 'od 'phros phyi nang gi/ bdud rtsi bkug nas rigs lnga yis// nang du spro zhing dgyes pa bskyed// ye shes chen po'i bcud tshur la// bam la thim pas dngos grub thob// 'od byung bdag gi snying gar thim// dngos grub yongs rdzogs thob bsam zhing // rtsa sngags sham bur 'di btags bzlas// dza s+pha ra Na phaT/ ma hA sid+d+hi hUM/ sarba sid+d+hi pha la sid+d+hi/ saM ha ra Na hUM aH/ stong stong bzlas shing stong tshig tu// bskang gso'i cho ga rgyas par bya// rjes la lha bsdu dngos grub blang // de nas bam de byang shar bzhag/ dgra bgegs ru dra bstim la bsgral// rgyab nas thig gdab rgyab nas bshu// gsil te rany+dza'i gzhong pa ru// mgo dang sgal rus srog rtsa dbus// snying shar go ro tsa na lho// lce nub lto ba byang du dgod// gsang ba shar lho rgyab lho nub// nub byang brla g.yas rtsa chen la// byang shar rtsa chen g.yon pa 'god// glo mchin mkhal ma mtsher mkhris pa// gru bzhir gtubs te bzhi bzhi bskor// lag g.yas lho la g.yon pa nub/ rkang g.yas shar la g.yon pa byang // gnas bcu gnas brgyad yongs su rdzogs// las kyi gzhung bsang tshogs 'khor bya// de nas yongs rdzogs lhar bskyed la// 'dzab dang 'phro 'du gong ltar bya// lha tshogs sil bu'i mtshan brjod cing // thugs dam bskang zhing drag tu bskul// don gyi dam rdzas phud dkrol la// dngos grub blang zhing ting 'dzin bsdu// de nas sil bur mchod rdzas bya// sha khrag phud dkrol gtor ma gtang // rten bsdu rus tshogs sbyin bsreg bya// des ni nyams chag kun bskangs shing // dngos grub rnam gnyis 'phral du 'byung // mtshan ma'i rnam rtog rang sar grol// gsang spyod 'di la rab tu brnan// zhes bka' stsal to// dpal gsang ba 'dus pa rgyud kyi rgyal po las/ dngos grub rdzas chen yongs rdzogs bam sgrub kyi le'u ste nyer gcig pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ 'chi med rdo rje kun tu bzang // tshe bdag chen po he ru ka/ tshe dbang rin chen mchog sgrub thabs// bdag cag rnams la bka' stsol cig/ de skad gsol pa'i don dgongs nas// ston pa nyid kyis bka' stsal pa// bla med gsang bsgrub rtse gcig nyon// tshe dbang rin chen mchog sgrub pa// bdud rtsi shel gyi bum bcud bshad// de yang sbyor ba dngos rjes te// sngon du bsod nams tshogs chen bsag/ dngos gzhi bcud len tshul du'am// rgyas par sgrub chen khog nas dbyung // de la tshe dbang bcud kyi rdzas// 'byung ba cha snyoms 'di lta ste// rgyu gnyis rkyen gsum bdud rtsi bzhi// 'di spyad yon tan bsam mi khyab// tshe dbang rdo rje sems dpa' 'grub// de phyir legs sbyar bsgrub na mchog/ rgyu gnyis rigs lnga yab yum gyis// byang sems cong zhi brag zhun yin// cong zhi bzang rigs bre gang dang // brag zhun bzang po phul gang bsog/ rkyen gsum rtsi mar srang sum cu// sbrang bre do dang bur bre gsum// bcud bkrag stobs kyis gsos yin bsag/ 'chi med bdud rtsi rnam bzhi ni// shug pa ba lu mkhan pa mche// 'dab ma me tog bcud bsdus bsag/ de rnams sman mar sbyor legs bya// zos na tshe ring nad dkon te// khyad par tshe dbang mchog 'dod na// gsang ba sgrub chen pho brang dbus// lcags par tshal med pa ru// sman ril lha grangs mnyam byas blug/ par bu'i kha bsdam gzungs thag gdags// dar ser gur phub gu gul bdug/ bsnyen sgrub cho ga khrigs gong bzhin bya// tshe dbang 'phro 'du'i bsnyen pa ni// rtsa sngags sham bur 'di nyid bzlas/ oM badz+ra sa twa hUM b+h+rUM a b+h+rUM A yur hUM AHoM badz+ra sa twa hUM/ rat+na mu dra AH/ A yur gnya' na hUM hri ShaH/ de nas sgrub pa'i sngags 'di bzlas// oM badz+ra sa twa hUM/ be ro tsa na oM/ rat+na mu dra tAM/ a mi de wa hrIHkarma badz+ra hA/ de nas las sbyor 'chi med sngags// 'di dag bzlas shing dngos grub blang // oM badz+ra kro d+ha ha ya gri wa hrIM/ sarba ta thA ga ta ma hA pany+tsa AH/ oM A yur gnya' na ma hA puN+ya tiSh+Tha au/ grub rtags 'od dang du ba sgra/ dri zhim yid du 'ong ba 'byung // skabs skabs kun tu drang srong rnams// spyan drangs tshe yi gsol ba gdab// de nas rang gzhan dbang bskur ba// bdud rtsi bum pa spyi bor bzhag/ rtsa sngags rigs lnga'i snying por bcas// brjod cing rim gyis gnas lngar gtugs// bdud rtsis lus gang rdo rjer bsam// oM badz+ra A yuHShe hUM b+h+yAM nr-i dzaHa b+hi Shiny+tsa a/ sman phud drang srong lha mchod de// 'ju stobs sbyar zhing rgyun du bza'// zas ngan bsrung zhing 'bru bcud gtang // mkhas shing man ngag ldan pa gces// tshe dbang phun tshogs 'dis 'grub pas// sman bcud yon tan bsam mi khyab// rgyu gnyis sman gyis sha rus rgyas// rkyen gsum stobs bcud bkrag kyang 'phel// rtsi bzhi'i tshe ring 'byung ba snyoms// rtsal ni seng chen stobs glang po// mdangs ni rma bya yang rtsal khyung // gsung ni tshangs pa bang ni rta// mkha' 'gro dbang sdud sde brgyad 'khol// tshe dbang phyag rgya'i rigs 'dzin 'grub// ces bka' stsal to// dpal gsang ba 'dus pa rgud kyi rgyal po las/ bcud len yongs rdzogs 'chi med tshe sgrub kyi le'u ste nyer gnyis pa'o// / de nas yang 'dus pa'i 'khor rnams kyis mgrin gcig tu ston pa kun tu bzang dpal che mchog he ru ka la gsol pa/ kye kye kye/ skyon gyis ma gos kun tu bzang // dri med dpal chen he ru ka/ dam 'gal nyams pa ji ltar bshags// bdag cag 'khor la bka' stsol cig/ de skad gsol pa'i don dgongs nas// ston pa nyid kyis bka' stsal pa// nyams grib gnod 'gyod can nyon cig/ sems can las dang rkyen dbang gyis// rtsa ba yan lag nyams srid na// dbang zhu sgo gsum dad bskyed de// bshags thabs rmad byung 'di lta ste// lus ngag yid gsum sgo nas sbyang // sngags dang phyag rgyas lus nyams bshags// bla ma bde gshegs yongs rdzogs rnams// dbang po'i mngon sum 'dra bar dmigs// na rag dong skrag kyang phyag 'tshal// e ma ho// phyogs bcu dus bzhi kun gyi bdag nyid che// bla ma zhi khro yongs rdzogs dgongs su gsol// 'dir gshegs nyi zla pad+ma'i gdan la bzhugs// nyams chag na rag sbyang phyir phyag mchod bzhes// yon tan phun tshogs bla ma rnams la phyag 'tshang lo// dmigs med spros bral chos kyi sku la phyag 'tshal lo// bde chen longs spyod rdzogs pa'i sku la phyag 'tshal lo// 'gro mgon cir yang sprul pa'i sku la phyag 'tshal lo// gnas lugs mi 'gyur rdo rje'i sku la phyag 'tshal lo// yang dag mngon par byang chub sku la phyag 'tshal lo// nyon mongs 'joms mdzad zhi ba'i lha la phyag 'tshal lo// log lha tshar gcod khro bo'i lha la phyag 'tshal lo// thabs mgon tshe bdag 'jam dpal sku la phyag 'tshal lo// skyon bral sgra sgrogs pad+ma'i gsung la phyag 'tshal lo// yang dag don ldan badz+ra thugs la phyag 'tshal lo// dug lnga'i nad sel bdud rtsi sman la phyag 'tshal lo// dregs pa 'joms mdzad phur pa'i lha la phyag 'tshal lo// 'byung ba'i mnga' bdag ma mo'i tshogs la phyag 'tshal lo// sa dang lam rdzogs rig 'dzin tshogs la phyag 'tshal lo// bstan pa bsrung mdzad dam can tshogs la phyag 'tshal lo// dgra bgegs bdud 'dul sngags bdag rnams la phyag 'tshal lo// de rjes phyag rgya'i lha mchog bsgom// gang gis rgyal bzhi khro yi// dkyil 'khor mtshan thos phyag btsal na// nyams chag ma lus kun byang na// mtshams med lnga la smos ci dgos// na rag gnas kyang dong sprugs te// rig 'dzin rgyal ba'i zhing du grags// sngags bzlas skyon mthol ngag nyams bshags// rdo rje sems dpa' gtsug tu dmigs// las sgrib nyams grib dag byed pa// 'khor ba dong spug yang snying 'di dag bzlas// oM AHhUM swA hA/ oM badz+ra sa twa sa ma ya/ ma nu pA lA ya/ badz+ra satwa twe no pa tiSh+Tha dr-i D+ho me b+ha wa/ su to Sh+yo me b+ha wa/ a nu rak+to me b+ha wa/ su po Sh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+taM shri yAM ku ru hUM/ ha ha ha ha ho// b+ha ga wAn/ sarba ta thA ga ta/ badz+ra mA me muny+tsa/ badz+rI b+ha wa/ ma hA sa ma ya/ badz+ra sa twa a/ de brjod rgyal ba'i sras su 'gyur// ho bde gshegs yongs rdzogs dgongs su gsol// rgyal ba'i bka' dang bla ma'i lung // ji bzhin ma spyad slob dpon smad// rdo rje mched dang lcam dral la// lha log ngan sems ngan du smras// brdeg btsog gnod pa dngos su spyad// lha dang dkyil 'khor nyams ma gsal// 'dzab bzlas ma dag zur chag g.yel// gsang bar 'os dang gnyer gtad smras// gsang bcu bsgrags dang bla ma bslus// rtsa ba'i dam nyams mthol zhing bshags// gzhan yang spyad bya'i dam tshig lnga// mi spang lnga dang dang len lnga// shes bya lnga dang bsgrub bya lnga// yan lag dam nyams mthol zhing bshags// bsnyen bsgrub ting 'dzin dam g.yel zhing // nya bzhi dus drug dus mchod chag/ le lo gsog 'jog tshogs sbyang byas// phud lhag nyams shing kha tshar shor// tshor dang ma tshor rkyen dbang gis// sgo gsum bag med dam nyams bshags// yid kyi dam nyams lta bas bshags// de yang kun gzhi byang chub sems// yin pa med pa'i lta bas rtogs// min pa med pa'i sgom nyams lon// yin min med pa'i spyod pas rtogs// re dogs med pa'i byang chub ni// rtsa ba yan lag thams cad kyi// chag nyams ma byung ma skyes pas// bshag bya bshags byed gnyis med grol// zhes bka' stsal to// dpal gsang ba 'dus pa brgyud kyi rgyal po las/ 'gyod tshangs yongs rdzogs na rag dong sprug/ bshags pa'i le'u ste nyer gsum pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ rin chen 'od 'bar kun tu bzang // thams cad tshigs byed nam mkha'i mdzod// lha rnams mdangs kyis ji ltar bskang // bdag cag 'khor la bka' stsol cig/ de skad gsol pa'i don dgongs nas// ston pa nyid kyis bka' stsal pa// 'dus pa'i 'khor rnams rtse gcig nyon// rtsa lag dam tshig g.yel nyams nyon// le los dus mchod chag pa'am// lha dang 'khon gzugs sbyang ba dang // bsod nams tshogs chen bsag bya'i phyir// bskang gso'i rim pa 'di ste// dkyil 'khor gzhung bzhin bzhengs pa'i rtsar// lha bkram rten gyi tshogs kyang bsham// 'byor ldan yo byad gtor mchod bsham// skal ldan mi yi tshogs kyang bsham// phrin las tshogs 'khor gzhung bsrangs rjes// dang po lta dgongs bshags pa bya// de 'og mchod rdzas rang rtags brjod// bla ma lha tshogs mtshan brjod de// mdangs bskang cho ga rgyas par bya// de nas phur gdab sbyor sgrol bskang // rjes su rkyen bzlog byol chen gdab// de rnams rdzas kyi phyi skong yin// dam can kun mnyes rkyen dbang bzlog/ nang ni ting nge 'dzin gyis bskang // rang nyid thugs ka'i 'od 'phros te// snod kyi 'jig/ rten gzhong pa ru// bcud kyi sems can 'dod yon spang // rig pa'i lha mo spros te bskang // gzugs spyan sgra snyan dri shangs dang // ro mchog ljags la reg bya sku// snang srid bcud kyis thugs dam bskang // 'dod yon dbang po lngar thim nas// lha mnyes phrin las bsgrub par bsam// des ni lha mnyes dngos grub ster// gsang ba gnyis med lta bas bskang // bskang bya'i lha sems skong byed kyi// mkhan po dag kyang rang gi sems// skong ba'i rdzas mchog sems yin pas// sems nyid gzhi rtsa bral ba la// mchod bya mchod byed gnyis med pas// gnyis med don gyi thugs dam bskang // ye shes lha tshogs kun mnyes nas// mchog gi dngos grub rgyun mi 'chad// ces bka' stsal to// dpal gsang ba 'dus pa rgyud kyi rgyal po las// thugs dam yongs su bskang ba'i le'u ste nyer bzhi pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ 'jig rten dbang phyug kun tu bzang // 'khor 'das mdos bdag he ru ka/ lha 'khrugs mdos kyis ji ltar bskang // bdag cag 'khor la bka' stsol cig/ de skad gsol pa'i don dgongs te// ston pa chen pos bka' stsal pa// 'gro phan byams sems can rnams nyon// rnal 'byor dam nyams mkha' 'gro 'khrugs// de dag mdos kyis bsal phyir dang // nyams chag gso dang mtshon 'khrug gcod// nad gdon gnod pa zhi byed cing // tshe dang longs spyod bsod nams spel// snang srid dbang sdud dgra bgegs sgrol// don chen kun sgrub phur kha bzlog/ rtog tshogs lha ru ngo sprad cing // bla med 'bras bu 'thob bya'i phyir// yongs rdzogs gling bzhi spyi mdos bshad// rnam dag spros bral chos sku las// byin rlabs longs sku dpe byad ldan// thugs rje'i sbrul sku bsam yas kyang // bsdu na bka' brgyad yongs rdzogs yin// las dang ye shes tshul du snang // lta spyod zung 'jug mdos kyis bskang // de la ngo bo nges tshig dang // dbye ba mthun dpe dgos ched dang // bsham thabs sngon 'gro dngos rjes kyis// nyams blangs thag bcad 'bras bu bstan// ngo bo gnyis med byang chub sems// nges tshig gar 'dod mdos kyis sel// dbye na las dang ye shes kyis// bsdus te pho mdos mo mdos dang // yongs rdzogs spyi mdos rnam gsum ste// phyi nang gsang ba'i mdos su bstan// mthun dpe kun 'byung rat+na 'dra// dgos ched mchog dang thun mong dang // gnyis med bde chen don rtogs shing // phrin las bzhi sogs las kun grub// bsham thabs mdos dngos mchod rdzas rgyan// sa stegs 'dom gang gru bzhi pa'i// steng du maN+Dal 'bru phye la// rat+na brdar te gong bu bcos// hUM raM yaM khaM laM b+h+rUM/ 'phro 'dus 'dod dgur byin gyis brlab// ri rab gling bzhi bzang por bsham// steng du pho brang gling dgu la// ye shes lha rnams dbang rdzas ni// snying phye'i dpal bshos rtse dgu la// sngags ldan phur nag dgu yang gzug/ dbus su dpal chen dgu po la// zhal mthun kun tu zhal dgu gzug/ spyi gdugs chen po gcig 'og tu// gdugs brgyad 'phan dang rgyal mtshan gzug/ mda' dgu rang rtags phyag mtshan bri// shing ris zhal dgu 'phan dgu dang // dar rgyang ru mtshon pho mo'i gdong // dar glud pho glud mo glud dgu/ 'khor los sgyur ba lta bur dgram// bang rim gsum pa yan chod du// yongs rdzogs spyi skong dam rdzas su// nam mkha' dbus mthing mtha' 'ja' ris// khri gzhad rma bya dar snas brgyan// stag gzig gung gi rgyal mtshan dang // ru mtshon dar rgyang mda' 'phang dang // shing ris dar 'phan la sogs te// stong dang lnga brgya brgya la sogs// rab 'bring tha ma gang spobs bsag/ khyung chen rma bya seng ge 'brug/ stag gzig glang chen rta mchog dang // skyes pa bud med glud la sogs// re re'ang stong sogs ci rigs bsham// bang rim tha mar sde brgyad rdzas// nam mkha' mda' 'phang rgyal mtshan dang / gzugs glud la sogs so so dang // mthun par ci rigs skye 'gro bsag/ gling bzhi las kyi pho nya ste// srid pa'i dbang chen sde bzhi la// nam mkha' mda' 'phang rgyal mtshan sogs// gzugs glud dam rdzas tshang bar bsham// gzhan yang ri rab gling khengs par// 'phur dgu 'dzul dgu skye dgu sogs// mar me gser skyems rin chen dang // sna tshogs dar gyis bklubs la bzhag/ zor rdzas kun gyis mtha' ma bskor// phyi yi lha tshogs mnyes mdos yin// sgra lus phung po'i ri rab la// rnam rtog phra rags rdzas kyis brgyan// nang gi lha tshogs skong mdos yin// b+ha ga'i gzhi la gsang ri rab// byang chub sems sprin rgyan gyis brgyan// bde mchog don ldan chos skur rdzogs// gsang ba'i lha tshogs mchod mdos yin// de ltar phun sum tshogs bshams nas// mdos kyi sngon du 'gro ba ni// phud gtang tsha chu mdo yang bklag/ las kyi gzhung bsrang 'dzab bzlas bya// dngos gzhi 'jug khar chas gos gsol// che mchog dgu bstod nga rgyal bya// snang srid mdos su byin gyis brlab// mdos kyi mtshon pa la brten nas// las kyi lha rnams rdzas kyis bskang // ye shes lha rnams don gyis bskang // gnyis su med par thugs dam bskang // yongs rdzogs rjes su bye brag bsngo// phrin las rnam bzhi la sogs pa'i// gang bsgrub las gnyer so sor gtad// zor bsgyur sgo dbye lam bstan bya// tshe 'gugs bkra shis cho ga bya// dbyings nas mdos phyung 'gro don mdzad// slar yang chos kyi dbyings su thim// dngos grub thams cad mdo las 'byung // zhes bka' stsal to// dpal gsang ba 'dus pa rgyud kyi rgyal po las/ yongs rdzogs gling bzhi srid pa spyi mdos kyi le'u ste nyer lnga pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ ji srid bar du 'gro 'dul ba'i// sku gsung thugs rten bzhed thabs gang // zhes gsol ston pas bka' stsal pa// bde gshegs sku gsung thugs yongs rdzogs// snod bcud tshul du bzhed thabs bshad// dang po snod kyi gzhal yas khang // yid 'ong dge zhing dul ba'i sar// sa yi sta gon sngon song nas// snod kyi 'jig rten rtog sbyang phyir// ri rab gling bcas cha mthun du// brtsigs te chos sgo bsam yas par// gzhal yas sgo mang chen por bzhengs// sku gsum yongs su rdzogs bya'i phyir// mnyam nyid chos skur byin brlabs te// sa gzhi cha mnyam stong par sbyang // ma 'gags longs skur byin brlab phyir// yongs rdzogs dkyil 'khor bzhengs la gdul// thugs rje sbrul skur byin brlab phyir// pan rag brtsig par bya ba ni// pan rag steng nas rmang bres te// grub thob dge gnas sa sna dang // dpal che re bzang gangs rdo dang // lung bzang mdo dgu'i bye smug dang // rat+na lnga yi phye mar sbyar// 'dam shig sngon song rgyu sbyangs te// gzhal yas phyi dbyibs mngon sum mthun// lha rnams theg pa yongs rdzogs dgod// de bzhin bzhed zabs rim pa yang // 'byung ba lnga brtseg cha mthun par// gdan ni rim pa lnga brtseg steng // ri rab ri bo mchog bzhin du// gzhal yas bang rim bzhi ldan la// khong seng khri rkang cha mthun du// sgo mo dgu bcu go gsum dgod// rnam rgyal khang bzang cha mthun du// pho brang gru bzhi bskor byas brtsig/ lha dbang gtso khang cha mthun du// bre bzang sgo bzhi ldan par brtsig/ yongs 'du sa brtol cha mthun par// srog shing bzang po ma thung gzug/ sum cu rtsa gsum cha mthun par// 'khor lo 'khor 'degs rim par brtsegs// 'og min cha mthun char khebs tog/ bya ru la sogs mdzes par dgod// lcog mtshon grwa bzhir gra lcog bya// ri bdun mtshon phyir 'khor yug tu// 'khor sa bang rim bdun gyis bskor// nyi zla'i tshul du sgrol ma dang // spyan ras gzigs khang shar nub brgyan// mtsho bdun rgya mtsho mtshon pa'i phyir// g.yu zang legs bya khron bu bru// gling bzhi'i gling phran tshul mthun du// sa steng gling gzugs bcu gnyis te// sbrul sku'i mchod rten bcu gnyis bcig/ mu khyud cha mthun brag ris bskor// de la tshad med sgo bzhi dgod// rten gnas che chung spobs par sbyar// de ltar rten gnas de nyid la// brten pa bcud kyi 'jig rten dag/ sbyang phyir lha tshogs bzhed thabs bshad// stod rim gsum ni sku gsum zhing // nyan thos rang rgyal byang sems kyi// gzugs rnams rgyas bsdus ci rigs par// bang rim 'og ma'i sgo nang bkod// de ltar bang rim gsum sgo'i nang // kri ya u pa yo ga yi// lha rnams rgyas bsdus gang 'tshams dgod// bre bum bdag por gdugs tog nang // ma hA a nu a ti yi// lha rnams yongs rdzogs zhi dang khro// bka' brgyad bsgrub pa'i lha dgod de// kun bzang tog la bzang mo gdugs// 'khor lo rdor sems 'degs gsang bdag/ bre stod zhi lha bzhi bcu gnyis// bre smad nang sgo bcu gnyis gzug/ khrag 'thung lnga bcu rtsa brgyad dgod// bum dkyil bum pa'i phyogs mtshams su// bka' brgyad yongs rdzogs lha rnams dgod// sgo bzhi rgyal chen sde bzhi la// gza' brgyad rgyu skar bskor ba dgod// lcog bzhi gnod sbyin nor gyi lha// pho dgu mo dgu la sogs dgod// gdan rim lnga brtsegs steng nang du// klu dbang nyi nyid la yang zla brgyad bskor bzhengs// de 'og gru gsum dong nang du// sangs rgyas bstan pa'i dgra bgegs grub// 'khor sa rim pa bdun nang du// bskal bzang sangs rgyas stor rtsa gnyis// mdo 'dul chos mngon rgyud ris bris// nyi ma'i khang par thugs rje che// zla khang sgrol ma myur ma dgod// gling bzhi gling phran brgyad steng du// mchod rten chen po bcu gnyis nang // sbrul sku'i mdzad pa bcu gnyis dgod// 'khor yug re re rwa ba'i nang / bstan pa srung ba'i lha ma srin// chos skyong pho nya'i tshogs rnams dgod// sgo bzhir dbang chen sde bzhi dang // ha ri ka dang pany+tsi ka/ kang king lha mo mgon po nag/ sgrol ging dkar dang nag po dgod// lha tshogs de dag thams cad kyang // lugs 'bur ri mor gang lcogs bzhengs// sngags dang phyag rgyas smin par bya// spyi gtsug gdung gzhug mgrin pa ru// A li kA li gzhug par bya// thugs kar man shel hUM bcas gzhug/ srog shing rtse nas rmang yan chod// theg pa'i rim pa dang sbyar ba'i// rgyud lung man ngag rim par gzhug/ srog shing nang du srog phur gdab// srog shing phyi la tshe dpag med// gzugs dang sngags su bcas pa dgod// kha dog phyogs mtshon gdul byar bstan// dar bzang la sogs na bzas bklub// bang rim dang po nas brtsams te// bsgrub rdzas mchod rdzas rkyen dbang bzlog/ bang rim gsum pa'i nang du bsag/ bum dkyil bsgrub khang rnal 'byor gnas// sgo rnams la ni 'khor rim bzhin// nyams len bsgrub pa'i gnas byas na// grub pa mthar phyin 'khrul pa sel// sku gsum rgyal bzhi dang khro// gsang ba yongs rdzogs bde gshegs kyi// rten gsum yongs rdzogs ngo mtshar che// rten 'di ji srid gnas kyi bar// de srid sangs rgyas bstan pa rgyas// 'gro ba kun 'dul las sgrib sbyang // bsod nams phun tshogs yongs rdzogs shing // rgyu sbyor bzhengs mkhan ma lus kun// tshe 'dir bkra shis tshe ring 'phel// phyi ma zhing khams rnam dag thob// yul phyogs gling khams bkra shis 'byung // thabs mchog yongs rdzogs rmad du byung // bstan pa'i rim gro 'di kho na// dang du longs shig bsam pa 'grub// ces bka' stsal to// dpal gsang ba 'dus pa rgyud kyi rgyal po las/ rten mchog bkra shis sku gsum yongs rdzogs su bzhengs thabs bstan pa'i le'u ste nyer drug pa'o// / de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol ba/ kye kye kye/ thams cad ston pa kun tu bzang // thugs rje che mchog he ru ka/ bde gshegs sku gsung thugs rten la// ye shes rab tu gnas thabs gang // zhes gsol ston pas bka' stsal pa// bde gshegs sku gsung yongs rdzogs rten// rab tu gnas thabs rnam gsum bshad// spros pa rgyas bsdus spros med de// rgyas mdzad bla ma mkhas pa la// slob bus yon dbul lan gsum par// gsol ba gdab cing bla mas kyang // rtags sbyar rab gnas bsnyen pa bya// dus tshod gza' skar bzang po la// gsang ba sgrub chen skabs/ bzhin du// dkyil 'khor rten rdzas sngon song nas// dkyil 'khor de yi byang phyogs su// rten gsum gang yin khri la bzhag/ brab bdug bgegs bskrad srung 'khor bsgom// skyabs 'gro sems bskyed mchod sbyin pa// gsol ba gdab cing bsnyen pa bskul// rdul bzhin bslabs te byin chen dbab// khrus dang nye reg 'thor 'thung ba// sngags kyis bgegs bskrad tshal gyis bkra// ram sam dar gyis rdul gyis la// raM yaM khaM gyis rab tu sbyang // tsan dan gur gum a ga ru// dzA ti gla rtsi dri lngas byug/ sku dang mchod rten gang yin yang // sku gsung thugs dang rten 'brel snying // bde gshegs yongs rdzogs yang snying rnams// rigs dbye sku yi gnas lngar gzhug/ sku gdung ring bsrel nor bu lnga// sman 'bru dar gyis bril te gzhug/ de nas dkyil 'khor legs bris te// bum pa la sogs mchod rdzas bsham// bskyed rdzogs las kyi gzhung bsrangs nas// mchod bstod bzlas pa tshul bzhin bya// bum pa byin brlab bzhu btul bya// rten la bgegs bskrad sku khrus bya// rten spyir bskyed rdzogs sngar bzhin bya// sku gsung thugs su byin brlabs la// ye shes lnga yi dbang yang bskur// spyan 'byed snyan shangs zhal tshems drud// longs sku'i rten la na bza' gsol// dbu rgyan cod pan phreng ba gdags// sbrul sku yin na dbu skra bzhar// glegs bam dag la bde gshegs yongs// gsal dbyangs lnga bcu'i yi ge bsgyur// bde gnyis chos sgras 'gro 'dul bsam// mchod rten dkyil 'khor cha mthun par// nang du tshom dgu'i lha tshogs bskyed// de la ye shes dkyil 'khor dgug/ bstim brtan dgyes pa bskyed pa dang // phyag sogs mchod pa kun gyis mchod// gdugs dang rgyal mtshan bla bre sogs// rnam bdun bkra shis rdzas brgyad dbul// bstod cing mnga' gsol 'phro 'du bya// rten gsum rim pa gang yin yang // ye shes yang yang dgu cing bstim// sngags kyi bzlas pa so sor bya// sku gsung thugs su byin brlab cing // ye shes lnga yi dbang bskur bya// bum dbang gzhung bzhin bskur ba'i rjes// nas 'bru me tog dkar po la// rten 'brel 'bum bsnyen me tog dor// na mo rat+na tra yA ya/ oM ye d+harmA he tu pra b+hA wa he tun+te ShAn+ta thA ga to h+ya wa da ta/ te ShAny+tsa yo ni ro d+ha e waM bA dI ma hA shra ma NaHswA hA/ de rjes bu slob yon bdag la// bum dbang bkra shis rdzas bzhi dang // sna bdun rdzas brgyad dbang bskur bya// tshogs 'khor bzang pos zhal bsro bya// kha brda bzang smra spyod lam gzab// bkra shis skyid pa'i lha bro bya// rgyas pa'i sbyin bsreg smon lam gdab// phud gtor lha dang chos skyong mchod// rten gyi gnyer gtad drag tu bya// gtang rag mchod pa dga' ston byabya// yon dbul dge ba'i rtsa ba bsngo// spros pa nyer bsdu'i rab gnas ni// sngon 'gro khrus sogs yongs rdzogs rjes// gang la bya ba'i rten de nyid// cho ga gsum gyis sbyangs byas te// rang rang ye shes ngo bor bsam// de la dbang bskur me tog gtor// mchod pa bzang po mang phul nas// yi dam lhag pa'i rten du bzung // ji ltar bsam pa de bzhin yin// spros med don gyi rab gnas ni// bsnyen rdzogs rtogs ldan rnal 'byor pas// gzigs pas rab tu gnas pa 'chags// phyi nang snod bcud snang srid kun// ye nas chos sku'i ngo bor gnas// der shes dbyings las ma g.yos na// rnam dag rten mchog bla na med// snang ba sku la grag pa gsung // dran rtog thugs kyi rang bzhin yin// sku gsung thugs rten yongs rdzogs kyang // blo dman blo la der mi snang // shes rab blo ldan skyes mchog gis// rdul gcig steng na rdul snyed kyi// sangs rgyas ma lus yongs rdzogs skur// rab gnas dam pa de nyid do// rang rig rang gsal rab gnas rab// rab gnas kun gyi rgyal po yin// rab gnas phun tshogs de dag gis// ji srid yun gyi rten byas na// bkra shis byin chen bsam legs 'grub// 'bras bu sku gsum zhing du sbyor// zhes bka' stsal to// dpal gsang ba 'dus pa'i rgyud kyi rgyal po las/ rten gsum rab gnas yongs rdzogs kyi le'u ste nyer bdun pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa// kye kye kye/ thams cad ston pa kun tu bzang // thugs rje che mchog he ru ka/ sgo gsum bar chad kun skyob pa'i// bde gshegs kun 'dus srung 'khor gang // bdag cag 'khor la bka' stsol cig/ de skad gsol pa'i don dgongs nas// ston pa chen pos bka' stsal pa// bde gshegs bka' yi srung 'khor la// 'khor lo rdzas dang ting 'dzin te// kun thub 'khor lo'i srung ba la// shog shog ras sam dar dkar la// rat+na lnga sbyar snag tsha yis// dbus su thig bzhi ling tshe dgu/ re re'i nang du 'khor lo ni// rtsibs brgyad khyud 'khor bzhi ldan bri// de dgu'i gong ras dgu po la// rigs kyi phyag mtshan gtams par bya// ling dgu'i phyi rol mu khyud ni// rim pa bcu ru bskor bar bya// de la sngags dgod rim pa ni// dbus 'khor dgu yi lte ba la// hUM dgu ming rus rak+Shar bcas// srungs shig 'dod gsol dang bcas bri// de'i phyi lte ba'i khyud dgu la// khro 'dus drag sngags so lnga bri// rtsibs brgyad 'khor lo dgu rnams su// dpal chen dgu yi skyed sngags bri// mu khyud phyi ru sras yum dang // bo d+hi bcu bzhi khyung sngags drug/ dam can 'dus pa bcu gcig bri// rtsibs mtshan khyab par srungs shig bri// gong ras khyab par gsang sngags dang // rig sngags gzungs sngags stobs can dgod// gling bzhi'i phyi rol zla gam bzhi// rgyal chen bzhi yi rU pas bsrung // mu khyud bcu rim nang ma che// de la zhi khro bka' brgyad rdzogs// bde gshegs kun gyi yang snying la// che ge la srungs spel mar bri// de yi phyi rim dbyangs yig la// de'i phyi gsal byed rten 'brel bri// phyi rim mu khyud bdun pa la// rje 'khor lo ral gri dang // dbyug to rgya gram mtshon cha'i tshogs// me ri lnga yis 'khor bar bri// rdzas kyi bsrung ba'i skyobs ngar gdags// ga bur tsan dan gla rtsi dang // gu gur gum yang gul li shi shing kun dang // a mr-i ta dang chang sbyar byug/ gtor tshogs gzhung bzhin bshams nas kyang // las rim gzhung bsrang lha rnams bstim// dbang bskur rab tu gnas pa bya// dar sna lngas dril tshon lngas bcings// dus tshes bzang la mgul du gdags// bkra shis mnga' gsol brjod par bya// ting 'dzin rang nyid he ru ka/ yongs su rdzogs pa'i nga rgyal bsgom// 'di las khyad 'phags srung ba'i thabs// 'jig rten khams 'dir sngar ma byung // mi 'byung 'byung bar mi 'gyur te// ci phyir 'di nyid yongs rdzogs yin// lus ngag yid gsum srung ba'i mkhar// rdo rje'i go khrab phub chen yin// nad gdon dug mtshon gnam lcags bsrung // mdor na 'jigs pa kun thub ste// phyogs ngan kun dang gnod las rgyal// tshe 'di bar do phyi ma yi// srung ba'i rgyal por 'di 'gyur te// ngan song gnas ngan kun las grol// 'di yod 'gro ba sangs rgyas yin// rgyal ba rnams kyi sras su gzigs// dam can rnams kyis mgon stongs mdzad// lha srin sde brgyad bran du 'khol// 'da' khar byang chub rtags la sbyor// zhes bka' stsal to// dpal gsang ba 'dus pa rgyud kyi rgyal po las/ bde gshegs yongs rdzogs bka'i srung 'khor bstan pa'i le'u ste nyer brgyad pa'o// // de nas yang 'dus pa'i 'khor rnams kyis mgrin gcig/ tu ston pa kun tu bzang po dpal che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ sgrub chen las bzhi'i don myur byed// sbyin bsreg las kyi rim pa gang // de skad gsol pa gsan nas kyang // ston pa nyid kyis bka' stsal pa// las rnams kun gyi rjes sgrub myur// rnam bzhi sbyin bsreg 'di ltar bya// dkyil 'khor chen po'i phyogs bzhi ru// zhi rgyas dbang dang drag po'i thab// zlum po gru bzhi zla kham dang // gru gsum la sogs gang mos bya// dkar ser dmar ljang kha dog bsgyur// byang chub skyer ldeng dug shing sogs// las mthun shing brtsig bsreg pa'i rdzas// phrin las gang bsgrub dang sbyar te// zhi la dkar gsum rgyas 'bru'i tshogs// dbang la sha chang dug khrag drag/ phrin las gzhung bsrang tshogs mchod bya// me yi lha bskyed mchod bstod bya// phrin las gang bsgrub dang sbyar te// lto bar yongs rdzogs lha bskyed de// ye shes bkug bstim rten mchod rjes// bkra shis bu tshas me sbar te// sbyin bsreg rdzogs byas las sngags ni// rtsa sngags dag la 'di sbyar bskul// shin+taM/ puSh+Ti/ pa shaM mA ra ya/ las bzhi'i 'dod gsol dang bcas bsreg/ zhi rgyas dbang drag gang bsam 'grub// ye shes sems gshegs dam tshig bsdu// rjes su las bzhi'i bro bzhi brdung // thal ba rlung chu mnan pa sogs// so so'i las kyi dmigs dang bcas// me yis las kun myur du 'grub// ces bka' stsal to// dpal gsang ba 'dus pa rgyud kyi rgyal po las/ las bzhi sbyin bsreg yongs su bstan pa'i le'u ste nyer dgu pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa// kye kye kye/ thams cad ston pa kun tu bzang // thugs rje che mchog he ru ka/ las rnams rjes bstan dgra bgegs gzir// dpal chen rol pa'i bro rnams gang // de skad gsol pas bka' stsal pa// gzir mnan bro yi las sbyor ni// dgra bgegs dam sri gnan gzir te// rnal 'byor dbang phyug 'khor dang bcas// dpal gyi chas kyis rab tu brgyan// yongs rdzogs lha yi nga rgyal bskyed// lag pa lu gu rgyud du sbrel// rkang stabs rdo rje'i 'gros su bya// dpa' brjid rngam pa'i hUM sgra sgrog/ glu yis spyan drang bros gzir gnan// phrin las rnam bzhi dmigs bsal bsgrub// dang po glu yis spyan drang te// hUM zhi khro yongs rdzogs dkyil 'khor du// dpal chen che mchog sku sprul nas// mkha' 'gro'i tshogs dang rol pa ni// thabs shes gnyis su med par sbyor// byang chub sems kyi 'phro 'du las// khro bo khro mo'i sprin 'phros nas// glu bro gar gyi thugs dam ste// rgyun chad med par brtan par bya// bro 'di 'bar ba'i phyag rgya ste// rgyal ba stong dang mnyam par sbyor// glu ni tshangs pa'i dbyangs kyis 'dren// ma dang mkha' 'gro'i thugs dam bskul// tshig ni don dam rtogs pa'i tshig/ chos sems gnyis su med par rtogs// 'di ni glu bro gar gyi brda'// gar ni khyab gdal chen po'i gar// phyogs bcu'i zhing khams khyab par byed// phyag rgya bsnol ba lu gu rgyud// dus gsum rgyal ba zhi khro bskul// khrag 'thung rol pa'i dkyil 'khor nas// che mchog yab yum sras dang bcas// mkha' 'gro 'khor bcas ma lus kun// sngon gyi thugs dam ji bzhin du// glu bro gar la gshegs su gsol// hUM hUM hUM badz+ra ma hA kro d+ha sarba A be sha ya pra be sha ya dzaHhUM baM hoH// de nas bro bskor gzir cing brdung // hUM zhi khro yongs rdzogs dkyil 'khor 'dir// khrag 'thung rol pa'i bro gcig brdung // phyogs bcu nam mkha'i khams kun nas// khro bo khro mo'i bro brdungs pas// la la thabs dang shes rab bro// la la rdo rje pad+ma'i bro// la la dbang po yul gyi bro// la la 'jig rten dbang sdud bro// la la 'dul sbyong rtags kyi bro// la la dregs pa 'dul sbyong bro// la la mos pa rgyan gyi bro// la la longs spyod dpal gyi bro// la la spor byed gnas kyi bro// la la sdud byed thabs kyi bro// bro la rnam grangs bsam mi khyab// glu la yon tan brjod mi lang // tshig la man ngag sna tshogs gsal// bro 'di phrin las rgya mtsho'i bro// glu 'di lta ba rgya mtsho'i glu// tshig 'di 'du 'bral med pa'i tshig/ bro yi ming ni stam b+ha nan// glu yi ming ni pA sha hUM// tshig gi ming ni ang+ku sha/ rgyal ba kun dang mnyam par sbyor// kun gyi thugs dam chen po yin// hrIHhrIHhrIHhUM hUM hUM/ phaT phaT phaT/ hUM gsang ba yum gyi mkha' dbyings su// bde chen rol pa'i bro gcig brdung // sna la pad+ma rol pa'i bro// chags pa med pa'i tshul gyis brdung // de nas shes rab thabs kyi bro// b+ha ga'i dkyil du dgra bgegs brdung // de nas dbang po yul gyi bro// lha mo brgyad dang thabs cig rol// de nas rdo rje pad+ma'i bro// phyag rgya chen por rgyas 'debs so// de nas gdul bya drag po'i bro// khrag 'thung rgyal po'i 'khor la brdung // de nas mos pa rkyen gyi bro// ma sring rgya mtsho'i 'khor la brdung // de nas 'dul byed thabs kyi bro// phyogs bcu'i rnal 'byor ma lus sdud// de nas spor ba gnas kyi bro// rgyud drug rnam shes dbyings su sdud// thabs dang shes rab ldan byas nas// glu bro dam tshig rgyal po yin// brtan pas bdud bzhi 'dul ba'i bro// bro 'di bar chad med par brdung // lta ba dran par bya ba'i phyir// glu ni 'du 'bral med par blang // dkyil 'khor rang la gsal ba'i phyir// tshig ni snying po 'dzab tu bzlas// ye shes dpal gyi bro ra tshugs// bdud bgegs bar chad ming yang med// a la la ho dgyes pa che// hUM hUM hUM/ hUM che mchog 'khor bcas rol pa'i bro// dgra bgegs dam sri'i srog la brdung // badz+ra he ru rol pa'i bro// dgra bgegs dam sri'i snying la brdung // gshin rje gshed po rol pa'i bro// dgra bgegs dam sri'i klad par brdung // rta mgrin rgyal po ral pa'i bro// dgra bgegs dam sri'i lce la brdung // rdo rje gzhon nu rol pa'i bro// dgra bgegs dam sri'i lte bar brdung // bla med he ru rol pa'i bro// dgra bgegs dam sri'i gsang bar brdung // rig 'dzin thod rtsal rol pa'i bro// dgra bgegs dam sri'i spyi bor brdung // dregs pa kun 'dul rol pa'i bro// dgra bgegs dam sri'i brla g.yas brdung // stobs ldan nag po rol pa'i bro// dgra bgeg dam sri'i brla g.yon brdung // zhi khro bka' brgyad rol pa'i bro// g.yas su bskor te dgra la brdung // g.yon du bskor te bgegs la brdung // g.yas g.yon thabs dang shes rab bro// ru dra dam sri thal bar rlog/ hUM stam b+ha rak+Sha dgra bgegs nan// phrin las rnam bzhi bsgrub pa'i bro// bro bca' phrin las dbyibs su bca'// hUM sangs rgyas kun gyi sku gsung thugs// yon tan phrin las rdzogs pa'i dpal// gti mug bde gshegs 'khor dang bcas// de bzhin rigs mchog ma lus kyis// 'jig rten khams 'di rab 'byams na// shin tu rmongs pa'i sems can kun// zhi ba'i thugs rje chen po yis// zhi bar ma gyur gang yang med// zhi mdzad lha la phyag 'tshal lo// nad gdon rnam rtog shin+tiM ku ru swA hA// hUM sangs rgyas kun gyi sku gsung thugs// yon tan phrin las rdzogs pa'i dpal// nga rgyal bde gshegs 'khor dang bcas// rin chen rigs mchog ma lus kyis// 'jig rten khams ni rab 'byams na// shin tu dbul ba'i sems can kun// tshe dbang longs spyod rgyas par mdzad// rgyas par ma gyur gang yang med// rgyas mdzad lha la phyag 'tshal bstod// tshe dang bsod nams puSh+TiM ku ru swA hA// hUM sangs rgyas kun gyi sku gsung thugs// yon tan phrin las rdzogs pa'i dpal// 'dod chags bde gshegs 'khor dang bcas// pad+ma'i rigs mchog ma lus kyis// 'jig rten khams ni rab 'byams na// shin tu chags pa'i sems can kun// thams cad dbang du sdud par mdzad// dbang du ma gyur gang yang med// dbang mdzad lha la phyag 'tshal bstod// lha 'dre mi gsum bshang ku ru swA hA/ hUM sangs rgyas kun gyi sku gsung thugs// yon tan phrin las rdzogs pa'i dpal// zhe sdang bde gshegs 'khor dang bcas// rdo rje rigs mchog ma lus kyis// 'jig rten khams ni rab 'byams na// shin tu gdug pa'i sems can kun// rdul du ma brlags gang yang med// brlag mdzad lha la phyag 'tshal lo// dgra gegs gnod byed mA ra ya hU~M phaT/ de ltar br-i ya~M las rdzogs nas// nad sos spyo thul dam sri non// bar chod kun gyis tshugs mi 'gyur// zhes bka' stsal to// dpal gsang ba 'dus pa rgyud kyi rgyal po las// gzir mnan glu bro yongs rdzogs kyi le'u ste sum cu pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa// kye kye kye/ thams cad ston pa kun tu bzang // thugs rje che mchog he ru ka/ sangs rgyas bstan pa mthar bskyang phyir// mngag pa pho nya yongs rdzogs gang // de skad gsol pas bka' stsal pa// mdor na dpal gyi bkar 'dus pa'i// lha srin dam can bsam yas kyang // bkra shis dam ldan mthu che ba'i// sngags bdag ded dpon sum cu yin// pho nya yongs rdzogs 'di bsgrub na// dben pa'i gnas su sgrub rdzas bsag/ dkyil 'khor mnga' gang gru bzhi yi// dbus su khru gang gru gsum bru// ro ras sam ni dug shog la// 'khor lo sum cu rtsibs ldan bri// dbus su dmigs pa'i ling+ga bca'// rtsibs la srog sngags sum cu po// thod ngan kha sbyor nang du grub// pho nya mchod rten rten gtor du// ri rab bshos bu sum cus bskor// a mr-i ta dang phud kyis bran// sngags la ba li ta khA hi zhes// rtags byung bsngo zhing grub dus btang // yongs rdzogs bsnyen pa'i drag sngags la// pho nya'i drag sngags 'di btags bzlas// nyung dkar lcags phye'i thun la bstim// ma hA de wa/ u ma de wa/ ya ma rA dza/ ya ma dun ting / ma ma ru lu/ e ka dza tI/ du phrag/ dun ting / rA dza ging ka ra/ badz+ra sAd+b+ha tri/ rA hU la/ rak+kha/ rak+Sho ra/ yak+Sha/ yag mo/ ma hA kA la/ rU dra/ mun mun/ ti ti ka/ de ba/ a se la/ tig+h+na 'dre ru ma/ a b+hi shu/ tri pa sha li/ haM shaM tri/ byi nA ya ka/ d+ha ki ni naM/ nag po ti pa tsa/ nA ga/ kro d+hi shwa rI phuH/ sarba duSh+TaM hrI hriM dzaHdzaH/ nyams rtags rta ba mi reng sogs// dmag khrom 'dun spu gri gdags// sde dpon re re'i sngags gzhug tu// dgra bo'i srog la b+h+yoHnr-i mA ra ya rbad// bdag nyid yongs rdzogs lhar gsal nas// sde dpon rang rang cha lugs can// rab 'jigs lag cha sna tshogs thogs// dgra bo 'gugs gsod sha khrag rol// grog tshang 'bras snyigs lta bur bsam/ dus drug thun brab brnag pa skyed// skabs su mchod cing las la rbad// de yi nyams rtags pho nya yis// dgra bo dngos khrid gsod 'dzin dang // brag gshag shing gcod snying ston 'byung // de tshe dbus kyi ling+ga dbyung / phur pa gdab cing bsreg mnan 'phang // de yis bstan pa'i ru dra sgrol// gtor tshogs mdos kyi gtang rag gtang // rtag tu mchod na khyi bzhin 'brang // de phyir dregs pa'i bdag por 'gyur// zhi khro bka' brgyad thams cad kyi// pho nya yongs rdzogs 'di nyid do// zhes bka' stsal to// dpal gsang ba 'dus pa rgyud kyi rgyal po las dam can pho nya yongs rdzogs kyi le'u ste so gcig pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ sgrub pa'i yo byad phun tshogs phyir// 'dod yon nor sgrub yongs rdzogs gang // de skad gsol pas bka' stsal pa// de dpon nor bdag gnod sbyin yin// gnod sbyin bye brag bsam yas kyang // nyer bsdus pho dgu mo dgu yin// gtso bo dzam la gcig pur 'dus// bsgrub lugs spyi chings snying khol las// spyi chings gnod sbyin srog 'khor te// mthing shog dag la rany+dza lngas// phad 'khor skrag ma 'dab brgyad bri// mu khyud lngas bskor lte dbus su/ hUM dza ba shaM hriM/ sngags 'chang che ge mo la puN+ya sarba sid+d+hi sdus/ de'i phyi lte ba'i mu khyud bar// dza dgu baM dgu spel mar bskor// tsakra rtsibs kyi nang brgyad du// oM dzam+b+ha la dza len+d+ra ya swA hA/ rtsibs mtshan pad+ma 'dab brgyad la// oM ba su d+hA ri NI swA hA// mu khyud nang ma yak+Sha brgyad// sid+d+hi hUM dang spel bar bri// de yi phyi rim las mkhan srog sngags bri/ oM tri'u tri'u mur shog ya tri drung drung tri A yuHprad+h+ya sid+d+hi sa ma ya hUM AH/ de'i phyi rin chen zur brgyad bri// de'i phyi lcags kyu kha sprad brgyad// bar du 'dod don ming spel bri// legs bris gur gum dri bzang byug/ a ru rma med gser mdog la// gser gyi dzaM baM tri bris te// de nyid 'khor lo'i dbus su ni// dar lngas sgril te dkar gsum dang // mngar gsum 'bru sna lngar bcas pa// zangs ma'i ga'u 'tshams por gzhug/ yongs rdzogs rtsa ba'i snying po las// oM dzaM b+ha la dza len+d+rA ya swA hA/ oM ba su d+hA ri NI swA hA/ sarba sid+d+hi hUM AH/ de btags stong bzlas rab gnas bya// de nyid bcangs pas gnod sbyin rnams// 'dus nas nor gyi char pa 'bebs// de nas gnod sbyin thams cad kyi// nor gyi las mkhan snying khol bsgrub// g.ya' mtshams dben par maN+Dal gru bzhi yi// steng du srin bya'i shas brgyan pa'i// rtag gtor gcig bshams ras dkar la// byis pa'i gzugs legs rgyan can bri// mda' bzang bya rgod gcig la gdags// gzhan yang ras dkar gtsang ma'i nang // pha wang long bu shel byi ru// gser sbram dril te rten du gzug/ rang nyid lhar gsal zhag gsum du// srog gi snying po 'dis dgug bya// oM tri'u tri'u myur shog/ ya ti drung drung tri// mi tshig spangs te bzlas brtson na// dang po ltas 'khrugs de rjes dga'// tha ma byis pa mang po 'khor// de tshe nor 'gugs sham bu gdags// sid+d+hi sid+d+hi sa wa ya hUM/ dngos su ci 'dod nor rnams ster// mig mthong 'dod na sngags 'di bzlas// tsak+Shu tsak+Shu phye swA hA/ de yis mngon shes 'jig rten ston// dbang bsod 'dod na sngags 'di gdags// sarba ba shaM ku ru swA hA/ de yang sbags sgrub 'di kho na// rgyun tu bsgrubs pas bsam tshad 'grub// sid+d+hi tsak+Shu ba shaM ku ru sa ma ya swA hA/ dngos grub myur 'byung rgyun du bzlas// zhag gsum rjes la zas gtor sbyin// gter rnyed 'bru char 'bab pa dang // byis pa phyag 'tshal lo thog brda'// bzang rtags de yin kho khros na// mi nag mdze pho rtsod rgol cing // rgyan gtor sbrang po nor 'dod 'ong // dgongs pa bsar cing nyams pa bshags// gtor ma gtang shing dbang du bsdu// tshe dbang bu nor bdag por 'gyur// zhes bka' stsal to// dpal gsang ba 'dus pa rgyud kyi rgyal po las// gnod sbyin yongs rdzogs nor sgrub kyi le'u ste so gnyis pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ las can kun la phan bya'i phyir// thun mong kha skong rim pa gang // de skad gsol pas bka' stsal pa// thun mong las rim bsam yas kyang // kha skong las rim mdor bstan bshad// bsod nams tshogs gsog yongs rdzogs thabs// mchod dang chu sbyin chu gtor dang // lha khrus maN+Dal gsol 'debs bya// gtor ma chu sbyin bza' tshogs bza'// 'gro 'chag nyal 'dug rten la bskor// nyams pa gso zhing tsha tshwa/ gdab// skyabs chos zang zing gsum sprin zhing // nad gdon bar gcod gtor mas bzlog/ 'gro ba'i zas skyed char rgyun dbab// dkon mchog sku gsum rtsa gsum la// skyabs 'gro byang chub sems gnyis bskyed// mchod phyir maN+Dal rten gsum dgod// mchod bshams mtshams bcad byin gyis brlab// dngos ni yul bskyed ye shes bstim// bzhugs gsol phyag sogs rim gyis mchod// 'jig rten lha rdzas ji snyed sogs// kun bzang blos sbrul dag pas mnyes// sgrib byang dngos grub gnang bsam bstod// bshags dang chos 'khor yi rang bskul// bzhugs gsol dam bca' bsngo zhing smon// don bskul bskang bshags bzod par gsol// bkra shis smon lam bcas pa dang // gshegs bsdu dmigs med rgyas gdab bya// tshogs rdzogs byang chub nye ba'i rgyu// de dag sngags rim 'di dag ste// oM sarba d+harmAHswa b+hA wa bi shud d+ho&haM/ oM badz+ra yak+Sha hUM/ yak+Sha rak+Sha hUM hUM/ oM AHhUM/ badz+ra puSh+pe hUM/ badz+ra d+hU pe hUM/ badz+ra A lo ke hUM/ badz+ra gar+b+he hUM/ badz+ra ni bi d+ye hUM/ badz+ra a ha ra hUM zhes byung / badz+ra shap+ta hUM/ oM b+h+rUM pad+ma ka ma la ya maN+Da la hUM/ oM na mo bud+d+ha ya/ na mo d+harmA ya/ na maHsad+d+ha ya hUM/ e h+ye hi b+ha ga wAn/ dzaHhUM baM hoH/ saM ma ya s+t+waM/ oM sarba ta thA ga ta/ pra ba ra sat+kA ra pra ti ts+tsha swA hA/ ar+g+haM pra tI ts+tsha swA hA/ oM na maHsarba ta thA ga ta pU dza me g+ha sa mu dra s+pha ra Na sa ma ya hUM/ sngags la rkyen sbyar dbyangs rim pas mchod/ badz+ra mu/ mchod sbyin gtor ma'i rim pa ni/ gnas gtsang mchod gtor cha gsum bsham// sbyang spel bsgyur thob byin gyis brlab// zhe sdang rdo rjes bskrad bsdu bya// dang po gtsang rigs bdun cu gnyis// bskyed 'gugs rang sngags phyag rgya yis// dbab cing spyan drang mchod bstod bya// dngos grub blang zhing las la bskul// oM AHhUM b+h+rUM/ oM pre ta yak+kha a sa pa i a ya ba ya ga/ bi nA ya ka sA hA/ de de de/ de de de de de/ phuHphuHphuHphuHphuHphuHphuHphuH/ rA rA rA rA rA rA rA rA/ ya ya ya ya ya ya ya ya/ sngags la rkyen sbyar dang pos mchod/ bar bar rgyud lnga rigs drug sbyi/ sngags dang phyag rgyas spyan drang mchod// a nr-i su tri pre du badz+ra A gats+tsha hUM hUM dzaHdzaH/ sngags dang tshig sbyar bar du mchod// tha ma stong phrag brgyad bcu'i bgegs// chags 'jal sha 'khon sbyong rdzas brlabs// de wa na ga/ yak+Sha/ gan+tharba/ b+hU ta ta ni ri ti/ ga ru Da/ gin+na ra/ ma ho ra ga/ pre ta ka/ ma nu t+ya/ a ma nu t+ya/ sa pA ri wA re b+h+yaHswA hA/ sngags brgya tshig gis spyan drang mchod/ chos bshad bden bdar bka' bsgo zhing // bskrad bsrung de yi thob tshul lo// chu yi gtor mas mchod pa'i thabs// gang zag gnas dus yul rgyu rkyen// rat+na'i snod bzhir chu gtsang sbyar// lnga tshan lnga rdzas me tog gdab// skad cig lhar bskyed lus bsrung bya// bdun po tshangs pa'i gnas bzhi bsgom// b+h+rUM las gnas bskyed de dbus su// stong nyid sa bon phyag mtshan las// sngags brjod ting 'dzin dam tshig bskyed// ye shes mdun dgug mchod bstod bsnyen// pad sdong 'khor lo rim bzhi la// sri zhu yon tan snying rje chags// mgron bzhi dgug la gral rim dgod// sngags rgyas sbyang spel mos par bsgyur// spyod dbang thob mnyes dbang du bsdu// las bcol ming gi bsngo ba bya// don brjod bden dar chos gsum sbyin// 'phags tshogs gshegs gsol mgron gsum dgyes// de rjes snang srid 'khor 'das chos// byang chub sems kyi chu rgyun la// bzang ngan rtog tshogs mchod rdzas spras// 'dzin bral gtor chen yongs la khyab// chos dbyings skye med rang rgyas gdab// de dag sngags rim 'di lta ste// oM swa b+hA wa bi shud+d+he/ sarba d+harmAHswa b+hA wa bi shud+d+ho&haM/ na maHsarba ta thA ga te b+h+yo/ bi shwa mu khe b+h+yaHsarba tat+saM ut+ka te hi maM ga ga na khaM swA ha/ oM a mr-i ta kuN+Da li ha na ha na hUM phaT/ oM na ma sarba ta thA ga ta a wa lo ki te/ oM sam+b+ha ra sam+b+ha ra hUM/ oM dz+nyA na a wa lo ki te/ na maHsa man+ta s+pha ra Na/ rasmi b+ha ba sa ma ya ma hA ma Ni/ du ru du ru hr-i da ya/ dza la ni hUM phaT/ na maHsa man+ta bud+d+ha nAM/ gra he shwa ri pra b+hany+dza ti/ ma hA sa ma ya swA hA/ sngags la tshig dang phyag rgyas brgyan// byang chub sems chen spyod lam bya// gnyis rdzogs byang chub 'grub pa'i rgyu'o// rnal 'byor ldang tshe rim pa gsum// lus lha ngag sngags sems nyid ni// spros bral snang srid smig rgyur blta// khrus gsum chu gtsang dri chu dang / sems nyid dag bya kho na yin// maN+Dal phyi nang gsang ba ste/ rin chen maN+Dal dri gtsang byug/ me tog ri rab gling bcas dgram// rin chen bdun gter nyi zlas brgyan// yang na zhing chen khrag byugs la// dbang po rnam lnga'i tshom bu dgram// nang gi mchod sprin gtibs la dbul// mtha' bral rang sems rtog tshogs dgram// rnam dag rang grol gsang mchod dbul// gsol 'debs gsum gyis nyams spel ba/ spyi gtsug bla ma rdo rje chos// rig 'dzin tshogs bskor byin chen la// lus kyis phyag sbyar ngag dbyangs su// 'bru gsum snying pos gsol ba gdab// rang rig bla ma chos skur bskyang // rgyun gtor gtsang ma ci 'byor la// 'bru gsum sngags kyis spel sbyangs bsgyur// phyi ltar lha rdzas nang 'dod yon// gsang ba 'khor 'das zhen rtog bral// rtsa ba gsum stsogs sri zhu'i mgron// yon tan snying rje lan chags mchod// chos sbyin dmigs med rgyas gdab bya// chu sbyin bum nang chu ar bsam// 'bru gsum nyer gcig brjod sbrengs pas// bdud rtsis yi dwags kun tshim bsam// gtor bas rigs drug sdug bsngal grol// bza' tshogs rang nyid lhar gsal gdab// gnas gsum 'bru gsum rtsa gsum dngos/ 'od kyis bag chags sbrang spel bsgyur// bdag mchod kun mnyes tshogs 'khor che// 'gro na ye shes mkha' la 'gro// 'chag tshad bdud rtsir byin brlab sbyin// nyal tshad mi rtog chos dbyings nyal// 'dug tshad rnal 'byor gsum ldan 'dug/ bskor ba yongs rdzogs rten mchog la// 'gro kun 'khor rgun gcad phyir bskor// ye shes 'khor lo rgyun mi 'chad// nyam gso mtshan don phyag 'tshal zhing // yi ge gsum gyi 'phro 'du bya// rnam dag ye shes nyi mas sbyangs// tsha tshwa phyi ltar 'byung ba dang // nang zas gsang bar sems la gdab// skyabs sbyin nyen 'jigs kun la bskyab// chos sbyin gdul bya'i blo mthun bshad// zang zang sdug phongs re ba bskang // nad gdon kun gyi gnyen por ni// sku gsung thugs kyi snying pos gzhom// oM gyis pho gdon mkhris tshad 'joms// AHyis mo gdon grang bad sel// hUM gis klu gdon rlung 'dus sel// bar chod kun sel gtor bzlog ni// dkyil 'khor khrag byug e khram steng // gtor chen khrag zor rtsang bcas dgu// rtse la stobs chen brgyad sbrul gzugs// sbyor dngos las kyis gzhung bsrangs la// dpal dgu'i snying po sham bur bcas// so lnga'i drag sngags phur btsug bzla// spyi dang sgos bskul b+h+yo bzlog bcas// phur thun tshom bu bskul cing bzlog/ dus min 'chi dang zor ltas nyam ngan 'ang bzlog/ lo tog smin cing rdzogs byed pa/ char pa 'bebs na klu yod sar// maN+Dal legs byas klu mchod bya// rjes su klu sman bag byi sbyar// ril bu sgong 'dra zangs gzhong gang // ril bu re la sngags stong stong // bzlas te chu mig khyab par gzhug/ oM nA ga phuH/ pra te za de yang badz+ra dun te/ mi li mi li swA ha/ char phob la/ oM nA ga shu li ni swA hA/ char phob/ mang du bzlas pas gdon mi za// dka' na gzir te dbab par bya// yongs su rdzogs pa'i bsnyen phur la// rtsa sngags sham bur 'di bcas bzla// na mo bud+d+ha ya/ oM badz+ra kI li kI la ya/ nA ga du tsan+ta tsan+te/ mi li mi li/ nA ga du hUM phaT/ char phob ya b+h+yo// khri tsho gcig sngags chu dmigs gzir// char pa chen po gdon mi za// zhes bka' stsal to// dpal gsang ba 'dus pa rgyud kyi rgyal po las/ yongs rdzogs thun mong kha skong ba'i rim pa ste so gsum pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye// thams cad ston pa kun tu bzang // thugs rje che mchog he ru ka/ thun mong las khyad las brgyad dang // ser ba shwa dang char ngan gyis// lo thog ma rungs bsrungs thabs gang // de skad gsol pas bka' stsal pa// thun mong nyid las khyad par brgyad// rig byed skye bdun de nyid dang // gi hang gur gum ki na ra// rgya tshwa pi ling tsher rgod za/ ga pur dang sbyar sngags 'dis bstim// oM AHhUM/ sarba sid+d+hi sa gra lang sar+b+ba hUM// khri bzlas ri lus las kun byed// rgya rigs skye bdun snying rkang mar// ra mo shags kyis yang bcud sbyor// rmam ma mo yang AMHA tut+tA re swA hA/ 'bum bzlas zos na mkha' la 'phur// rje rigs de nyid rta shar sbyar// bya rgod tshil la gsang sngags khri// oM AHhUM/ gr-id+d+ha mu ta rbad yaM/ rkang mthil byugs pas sa rnams gcod// nya phyis rgya spos rus sbal snying // sbrul mgo thog lcags bcud la sbyar// oM AHhUM bag shi ta ki la d+ha ra ya/ 'bum brjod longs spyod gter rnams rnyed// 'dre mthong ku ku dkar mo'i snying // 'ug srin mig sbyar khye'u skyes zhos// legs sbyangs sngags 'dis mig la byug/ au AHhUM/ u lU tsak+ShA dz+nyA na thol// khri stong gis bsgrub mngon shes 'char// lding lding yang nag khyi snying sog thil dang // khwa ta'i sgro dang yungs sur yang kar sbyar// au AHhAM/ muM khr-i mr-i khril hral shu yang / hi shu/ bdun 'bum gyis bsgrub gser du dril// lce rtsar bcangs na sgrib shing che// thar nu lcags phyi ser tshur dang // sbyar rtsa'i dngul chu mu zir sbyar// oM AHhUM/ so na ra ga sarba le// stong tsho gsum gyis bsgrub ste bsreg/ lcags sam zangs nyid gser du 'gyur// ku ku dkar mo sna dmar la// khyi gu de 'dra skyes pa'i zho// rdo rigs gsum dang mtshe chu dang // cong zhi brag zhun ra shag bcud// snyoms sbyar gser gyi bum par bsgrub// oM AHhUM a mi de wa badz+ra A yu She hUM b+h+rUM/ zla drug sngags zos drug brgya thub// de ltar las brgyad gang bsgrubs kyang // rnal 'byor rdo rje sems dpar bsgom// zabs shes rdzas ldan ma lus 'grub// ser ba gang bsrung yul de yi// lha srin yul lha thams cad la// mchod bstod phud gtor gsol kha bya// seng ldeng phur pa bcu dag la/ rtsa sngags brgya bstim las sngags ni/ re la stong bstim gu gul 'dug/ oM badz+ra dun te mi li mi li/ phye shag phye shag swA ha/ mtho bcu phur par bcas te dgram// rab gnas byin brlab mchod pa bya// ser sprin 'dus na yongs rdzogs bsgom// sngags bzlas phus gdab mdzub ris bya// ser bas tshugs par mi 'gyur ro// char ngan dang ni gzhung chu yi// gnod pa sel na seng ldeng gis// phur pa sor brgyad lnga gsum la// rtsa sngags stong bsnyen las sngags 'di// khri'am 'bum bstim phyogs su bstim// na ma b+hud d+hA ya/ oM badz+ra kI li kI la ya/ nA ga pu tsan+ne/ mi li mi li/ nA ga ni swA hA/ nA ga ma la shig pra brag yang du/ nA ga ma la shig swA hA/ kha char gcod cing chu 'gyur bzlog/ shwa log bzlog na zangs lcags la// 'brug pho 'brug mo kha sbyar la// sngags gzhug gong bzhin bzlas bstims nas// chu snar sbas pas nges par bzlog/ ces bka' stsal to// dpal gsang ba 'dus pa rgyud kyi rgyal po las// khyad par gyi las chen brgyad bsgrub cing / shwa ser chu dmag yongs rdzogs zlog thabs kyi le'u ste so bzhi pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ tshe 'das rigs drug nas drang phyir// bdun tshigs 'dren pa yongs rdzogs gang // de skad ces gsol bka' stsal pa// tshe 'das ngan song gnas sbyang phyir// dkyil 'khor mchod rdzas bum pa stsogs// gsang sgrub chen po'i skabs bzhin te// dkyil 'khor lho ngos rigs drug gi// maN+Dal dbang stegs bcas pa dang // lha bshos gtor ma drug drug bsham// rten nam mtshan byang dri rten dgod// bskyed rdzogs gzhung bsrang 'dzab rdzogs nas// tshe 'das dgug cing gshed dang dpral// rigs drug las byang gnas nas drang // khrus bya lan chags gtor ma gtang // mi rtag chos bshad dbang bskur bya// 'khor ba'i 'brel bcad lam yang bstan// rgyas gdab dge ba'i rtsa ba bsngo// mtshan byang bsregs la tsha tshwa/ gdab// dkyil 'khor bsdus la rdzogs rim bsgom// zhes bka' stsal to// dpal gsang ba 'dus pa rgyud kyi rgyal po las/ yang bdun tshigs 'dren thabs yongs rdzogs kyi le'u ste so lnga pa'o// // de nas 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa// kye kye kye/ thams cad ston pa kun tu bzang // thugs rje che mchog he ru ka/ dpyang chad 'byung 'dus zhig pa'i ro// bag chags sbyang phyir bsreg thabs gang // de skad ces gsol bka' stsal pa// ro bsreg sbyong gi rim pa ni// sa bdag klu gnyen med pa'i phyogs// maN+Dal mda' gang 'dom gang bsham// 'dom gang nang du dkyil 'khor bzheng // phyi zur gra bzhir ka bas bteg/ thog phub steng du bsreg khang ni// mda' gang gru bzhi gser du bya// de nas phrin las rnam bzhi yi// thab khung steng nang gru gsum la// de steng zla gam gru bzhi zlum// shing rnams rim pa de bzhin brtsig/ de nas ro de khrus byas la// dgug dang gshed dpral rigs drug drang // bsreg khang ro gzhug gdugs gsum dbub// zur bzhir 'phan bzhi phyogs bzhir dar// rol mo'i bye brag kun gyis mchod// ro yi snying gar 'khor lo ni// pad+ma tshon spel brgya ldan la// dbus su yongs rdzogs rtsa sngags bri// pad 'dab brtsibs la yig brgya dgod// 'khor lo'i lte bar gzungs zag gdags// ting 'dzin sems dpa' sum brtsegs bsgom// rtsa sngags yig brgyar bcas bzlas shing // spro bsdu sgo gsum sgrib pa sbyang // ro yi snying nang 'khor lo ni// de bzhin bsgoms te lte ba yi// dpa' bo rigs lnga'i 'bru lnga la// me lce brgya 'bar gzung 'dzin gyi// bag chags rtog sgrib sbyang bar bsam// me nyid me lha yongs rdzogs kyi// lha ru bsam te mchod pa'i tshogs// phyi nang kun gyis mchod pa bya// me sbar bsreg rdzas nyung dkar dang // til dang shug ti zhun mar la// rtsa sngags yig brgya stong sngags te// oM swa b+hA wa ag+na ye/ ma ma sarba pA paM shan+ti ku ru swA hA/ ma ma sarba karma A wa ra na bi shud+d+he shAn+ti ku ru swA hA/ dgang blug dag gis rim par mchod// las bzhi rdzogs nas bsdu bya zhing // smon lam gdab cing dge ba bsngo// zhes bka' stsal to// dpal gsang ba 'dus pa rgyud kyi rgyal po las/ ro bsreg bsnyen pa mnyen po yang yongs rdzogs kyi le'u ste so drug pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ thabs ldan yun gyi rten gyur pa// tsha tshwa gdab thabs rim pa gang // zhes gsol ston pas bka' stsal pa// de nas tsha tshwa gdab pa ni// sbyor dngos rjes kyi cho gas te// sbyor ba skyabs 'gro sems skyed nas// dngos gzhi lha yi rnal 'byor pas// smin pa'i sa brkos spos chus sbyang // oM a sa me/ hri sa me/ ma hA sa me swA hA/ 'bi 'bi snum ldan chos kyi sku/ d+harma kA ya A/ brkos phor zung 'jug longs spyod rdzogs// oM sho d+ha ni sarba pA paM/ bi sho d+ha ni/ shud+d+he bi shud+d+he sarba karma A ba ra Na bi shud+d+he swA ha/ de nas rtsa sngags brjod cing gdab// tsha tshwa sbrul sku 'gro don mdzad// oM ka ni kA ya swA hA/ tiSh+Tha lhan zhes bzhugs su gsol// phyi ni gzhal yas nang yongs rdzogs// lha tshogs 'gro ba 'dul bar bsam// 'byung bzhi gzhan la de bzhin gdab// des ni sku gsum lhun grub ste// ma grub bar du 'khor lo bskur// chos skyong rgyal chen nyid du 'gyur// zhi rgyas dbang drag las bsgrub na// zhi ba'i brkos phor zlum po thogs// rtsa ba'i sngags dang 'di sbrel bzlas// oM badz+ra ka ni ka che ge shin+tiM ku ru swA hA/ zhes gdab nad gdon rnams rtog zhi// rgyas pa'i brkos phor gru bzhi thogs// rtsa ba'i sngags la 'di sbrel bzlas// sna rat+na ka ni ka che ge mo puSh+TiM ku ru swA hA/ zhes gdab tshe dbang 'byor drug rgyas// dbang gi brkos phor zla gam thogs// rtsa ba'i sngags la 'di sbrel bzlas// A pad+ma ka ni ka che ge mo ba shaM ku ru swA hA/ zhes gdab khams gsum dbang du sdud// drag po'i brkos phor zur gsum thogs// rtsa ba'i sngags la 'di sbrel bzlas// ha karma ka ni ka che ge mo mA ra ya phaT// bdud dang dgra bgegs kun tshar gcod// de ltar rnam bzhi'i tsha tshwa la// srog shing ya snying me tog dbul// yongs rdzogs lha dang gzhal yas khang // dkar ser dmar ljang 'od zer gyis// gang 'dul zhi rgyas dbang drag gi/ phrin las thams cad 'grub par bsam// gal te tshe 'das don byed na// rus pa'i phye ma 'jim par sbyar// gdab thabs gson dang mthun pa la// gdab pa'i dmigs pa 'di dag sbyar// oM kaM ka ni kaM ka ni/ ro tsa ni ro tsa ni/ tro Ta ni tro Ta ni// tA sa ni hA sa ni/ pra ti ha na pra ti ha na/ sarba karma pa raM pA ra Ni me swA hA// ngan song gnas drangs brkos phor bstim// chos dbyings rgyas gdab rgyal sras su// rang shar 'gro don byed par bsam// na rag ngan song dong spug 'gyur// de nas tsha tshwa gang yin par// rab gnas dam tshig mchod bstod la// ye shes spyan drang mchod rten bstim// rten 'brel snying po brgya rtsa brgyad// nas la sngags te rab tu bstim/ phyag 'tshal phyi nang mchod pa 'bul// yun gyi rten du gsol ba gdab// bkra shis bsngo ba smon lam bya// don ldan rten mchog 'di la 'bad// byang chub mchog gi 'bras bu thob/ ces bka' stsal to// dpal gsang ba 'dus pa rgyud kyi rgyal po las/ tsha tshwa rten gsum yongs rdzogs kyi le'u ste so bdun pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ dam nyams log lha tshar gcad phyir// bsad mnan rlung 'khor rnam gsum gang // de skad ces gsol bka' stsal pa// lnga brgya dus kyi tha ma la// sangs rgyas bstan la sku dgra dar// de tshe log lta tshar gcod pa'i// bsad pa srog gi las sbyor ni// dkyil 'khor mda' gang grub bzhi'i dbus// khru gang gru gsum 'brub khung nang // dgra bo du yod ling+ga ni// nal bu rkyal ba'i nang du brub// lte bar 'bri ru g.yas pa gzug/ lcags phur brgyad kyis tha ma bskor// skye tshe shang tshe thun gyi rdzas// 'bri ru nang blugs sngags kyis brab// nal bu'i lte bar mi rkang gzud// nang nas thun sngags bcas pas brab// zhag grangs bdun gsum nyer gcig tu// spu gri ngar ma'i sngags rgod 'dis// ma yengs sel med thog ltar 'phangs// mA ra ya thun b+h+yo// sngags 'di rnams dpe 'dra min mang a pra sib pre/ i nad phu ni/ i sa tra bo ri/ khin na khin na/ a bud ti sad ta sad ta/ khrid ta khrid ta/ drag sngags bdun pa de bzlas pas// dgra bo dngos nyams khrid nas gsod// gsod mkhan nga yi gdan 'og gi/ mu stegs rab 'jigs kho na ste// bsad pa'i mthar thug de kho na// dgra bgegs mnan pa'i las sbyor ni// drag po'i sbyin bsreg thal ba dang // dgra bo'i zag rdzas dug chus sbrus// dgra bgegs gzugs byas rgyab sprad la// 'gugs 'dren byas la re bas gril// snying gar dug gi phur pa gdab// mnan sngags khri 'am stong gis brubs// rgya lam mchod rten them 'og tu// spyi tsher bcugs la tsha tshas mnan// dgra bgegs lcags khang sgo med brub/ de nyid chu srin gre bar brdzang // ri rab 'og tu mnan par bsams// yongs rdzogs rtsa sngags sham bu ru// oM laM hUM laM dgra bgegs gnod byed che ge mo kA ya bA ka tsit+ta stam b+ha ya nan// zhes bzlas phrin las bro bzhis mnan// bskal pa'i mthar yang ldang mi srid// stobs ldan rlung gi las sbyor ni// ya tha rdo rje sems dpa' nas// ma tha ze'u brang yan chod po// bsnyen bsgrub las sbyor stobs bskyed ni// bzlas brjod rlung la bcol bas 'grub// gang zag gnas dus phun tshogs nas// grub thob bsnyen rdzogs pags pa la// 'khor lo rtsibs bzhi mu khyud ni// bdun dang bcas pas bri bar bya// rtsibs bzhi dbus lngar phyag mtshan la// rigs lnga yab yum sa bon sngags// ming rus 'dod gsol bskor bar bri// oM lAM hUM mAM swA mAM AM pyaM ha tAM// mu khyud dang por dbyangs yig ste// gnyis pa gsal byed sngags rten 'brel// kun gyi sham bur 'dod gsol gdags// gsum pa yongs rdzogs rtsa ba'i sngags// bzhi pa phan yon che sngags dgod// lnga pa dam can ye shes pa// drug pa bka' srung 'jig rten pa// rtsa sngags sham bur phrin las bzhi// gang byed bsgrub cing dmod pa bri// bdun pa mtshon cha lnga yi gur// seng ldeng phur pa'i srog shing la// dpal zung bzhi la sgro gzug ste// rlung lha sha zhon dar thogs bri// rlung khang gru bzhi rlung sgo can// g.yas bskor g.yon bskor gang byed kyang // sngags rnams bklag phyogs 'khor bar bya// dbang sdud rgyas byed g.yon du bskor// bsad bzlog zhi ba phyi bskor shes// de la yongs rdzogs lha tshogs bstim// gzhung bsrang tshogs 'khor rab gnas bya// skabs skabs kun tu mnga' gsol nas// gang bsgrub stobs ldan rlung gis bsgrub// 'di las rgyas 'bring ci bde bar// yongs su rdzogs dang bye brag la// gsang sngags gang bsgrub 'di skabs sbyar// rlung stsogs 'byung bzhi'i las bcol 'grub// dper na nor bu rin chen 'dra// 'di ni gsang ba'i 'khrul 'khor yin// zhes bka' stsal to// dpal gsang ba 'dus pa rgyud kyi rgyal po las// bsad mnan rlung 'khor yongs rdzogs kyi le'u ste so brgyad pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po dpal che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ 'jig rten ye shes gang bsgrubs kyang // srog gzer kha bsgyur rim pa gang // de skad ces gsol bka' stsal pa// ye shes 'jig rten gang bsgrubs kyang // srog sdom gzer bzhis ma thebs na// nam yang don med yug pas kyang // drang don rdzun gyi 'khrul 'khor yin// yongs rdzogs dpal gyi srog 'phrog thabs// gcig shes pas ni kun srog thob// dper na sgra gcan 'dzin gyis khas// nam mkha'i nyi ma gcig zin pas// chu bran stong gi nyi ma kun// ma bzung bar yang stong srog thob// de phyir srog gi gzer bzhi gces// dben pa'i gnas su maN+Dal bsham// dbus su mtshan ldan ka pA lar// dpal chen sku gcig gsal bar dgod// bskyed rdzogs gzhung bsrang 'dzab rdzogs rjes// mi rtog bya bral so mar gnas// de nas dpal gyi srog 'phrog thabs// ting 'dzin gzer dang snying po'i gzer// dgongs pa'i gzer dang 'phro 'du'i gzer// ting 'dzin gzer ni thod sku la// rtse gcig sems gzung yengs mi bya// yul gsum gyad du gyur pa dang // dpa' ldan he ru dngos dang mjal// bzlog pa he ru kas mi spyod// ting 'dzin mi 'gyur gzer med na// sku ni nams kyang mthong mi 'gyur// snying po sngags gzer yongs rdzogs kyi// gtso bo'i sngags dag sel med bzlas// thugs srog hUM la rtsa sngags bskor// gsal ba'i 'phro 'dus srog sngags bgrangs// de tshe dpal byon lung yang ston// nus pa'i rtsal rdzogs lha rnams 'khor// srog snying bsnyen rdzogs gzer med na// lha dang dam can 'khor mi srid// dgongs pa'i gzer ni zhi khro'i lha// yongs rdzogs dpal chen rang sems las// gud na med cing ru dra yang // logs na med do rang gi sems// sems nyid stong pa chos kyi sku// gsal la ma 'gags longs spyod rdzogs// sna tshogs rang shar sprul pa'i sku// snang ba yab la stong pa yum// snang stong dbyer med ye shes sku// 'gyu dran rnam rtog bsam yas kyang // yongs su rdzogs pa dpal gyi 'khor// bsam gyis mi khyab ye sangs rgyas// rang bzhin nyid las g.yos pa med// dgongs pa mi 'gyur gzer med na// dpal chen grub kyang thun mong las// mchog mi 'grub cing ru drar gol// 'phro 'du'i gzer ni dmigs pa yi// bsgyur kha shes na 'dod dgur 'gyur// ting nge 'dzin gyi 'phro 'du yis// sems kyi nus pa rtsal rdzogs te// gang ltar bsam pa de ltar snang // sngags dang phyag rgya'i byin rlabs mthus// zhi rgyas dbang drag mngon spyod sogs// phan gnod las ka gang yang 'grub// dper na nor bu gcig nyid la// gsol mchod rkyen gyis bye brag tu// ji ltar 'dod pa so sor bskang // 'phro 'du sna tshogs gzer med na// dmigs gtad gcig la don mi 'grub// 'phro 'du'i las kha bsgyur shes na// the'u rang tha chung gcig kyang gis// phrin las thogs med las kun 'grub// thams cad sems kyi cho 'phrul yin// kha bsgyur gnad kyi man ngag 'di// yongs rdzogs dpal chen he ru nas// 'gong po grong rgyug yan chad po'i// ye shes 'jig rten gang na yang // gcig la bsnyen rdzogs grub thob na// las kyi kha bsgyur gang yang 'grub// dper na lcags rdo ngar btul na// go khrab mtshon cha cir bsgyur nyan// rdo ma thul ba lcags yin kyang // ma bsgyur dngos kyi bzo mi btub// de phyir lha 'dre gcig bsgrub na// kha sgyur gang la zhugs kyang grub// dang po tshe sring kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par b+han+d+ha mtshan ldan du// tshe chang tshe mar ri lu blug/ kha ni tshe zan zlum pos bcad// de la gzungs zag btags byas la// yongs rdzogs rtsa ba'i sngags de la// tshe yi yang snying 'di sbrel bzlas// A yuHpha la sid+d+hi hUM a/ rtags ni khol dang lud pa 'byung // de ltar byung na tshe bstim la// tshe 'brang za zhing tshe chang btung // de yis tshe bsring 'chi bskur 'gyur// rmongs po srid spel kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// 'di nyid gzhung bsrang mthun rdzas bsham// khyad par srin rdo khab len dang // bud med mngal khrag bye ru dang // de rnams le brgan dar du gril// srog snying rtsa ba'i sngags de dang // srid spel yang snying 'di sbrel bzlas// pu tra A yuHpha la sid+d+hi hUM/ ra lug gang shi'i gta' ru gzhug/ mchod bstod gsol la rab brtson bya// bud med lnga bcu lon gyur kyang // bu tsha rnyed cing 'phel bar 'gyur// dbul sel nor bsgrub kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par rin chen ga'u ru// gser dngul zangs lcags sna lnga blug/ nor lhar gyur tshad gzungs sngags brub// srog snying rtsa ba'i sngags de la// nor sgrub yang snying 'di sbrel bzlas// rat+na pha la sid+d+hi b+h+yAM nan kha d+he puSh+Ti sid+d+hi hUM/ zas nor gang 'dod gsol ba gdab// longs spyod phun sum tshogs par 'gyur// mig mthong mngon shes kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par 'ug pa smug po'i mig/ byi la'i mig dang lung thang dang // de rnams ra dkar 'o mas spu// srog snying rtsa ba'i sngags de dang // rno mthong rtsa ba'i sngags sbrel bzlas// oMHma d+ha ma d+ha la tsak+Shu tsak+ShA pra be sha phaT/ rdzas de mig la byugs pa na// srid pa gsum yang mthong bar 'gyur// 'byung po 'dul byed kha sgyur ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par gtor tshogs bzang po bsham// srog snying rtsa ba'i sngags de la// 'dre 'dul sngags 'di sbrel la bzlas// 'byung po 'dul byed sha truM tsu lu tsu lu phaT phaT/ chos skyong bskul zhing dbang yang gzug/ phur thun sngags kyis brab pa na// gnod byed skad ngan tser tser 'ong // mna' bsgag 'gags bsdam rjes gcod bya// 'dre gdon thams cad byer bar 'gyur// ser ba srung ba'i kha sgyur ni// ye shes 'jig rten gang yang rung // de yi/ bsnyen bsgrub yongs rdzogs nas// de nyid gzhung bsrang mthun rdzas bsham// khyad par zas gtor phyir mchod de// bden pa bsgo rjes mtho skor bya// de nas ser rkang nam shar tshe// bdag nyid yongs rdzogs dpal chen bskyed// dregs pa thams cad bka' nyan bsam// srog snying rtsa ba'i sngags de la// ser srung yang snying 'di sbrel bzlas// yo ger yor ge yang sad raM raM sad phur phur 'ur 'ur yang sad// thal chen nyung dkar dag la bsngags// gdong du gtor na bzlog par 'gyur// dkor nor srung ba'i kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par nor rdzas yul khams rnams// ming gzugs lha yi rten la bcing // kho la nor rdzas bsrung ma bcol// srog snying rtsa ba'i sngags de la// nor srung sngags 'di sbrel la bzlas// trig traM baM tsin+da ya/ rat+na ra sti nor srungs shig/ de byas nor de gzhan khyer na// nor phyir cho 'phrul sna tshogs 'breng // skabs skabs gsol ka bcol gtad bya// rang gis stong tshe zhu gsol bya// mi dang nor 'phel god bsrung 'gyur// sbyor ba nag po'i kha skur ni// ye shes 'jig rten gang yang rung // de yi bsnyen bsgrub yongs rdzogs nas// 'di nyid gzhung bsrang mthun rdzas bsham// khyad par sngags 'dis rgyun tu bsrung // yang snying rtsa ba'i rgyun rjes la// dug 'joms gsang sngags 'di brgya bzlas// oM b+hi sha g+ho li ra mi ya u be swA hA/ yang na nyer re nang re bzlas// des ni bdag srung rgyal por 'gyur// 'on te byung zin gzhan bsrung na// sngags 'di chu la mang bzlas blud// oM ha sing ha sing / ka ling ha sing / ka ma ra tri ye swA ha/ gang la dogs pa'i zas kun la// sngags 'di sbrel gdab dug 'joms nges// mtshon cha srung ba'i kha sgyur ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par sngags 'di btags pas bsrung // yang snying rgyun bsnyen spyi gtsug gdags// mtshon kha snyol byed yi ge khrom// mthing shog dag la gser gyis bris// dar sna lngas gril rab gnas bya// de 'dra gsum byas spyi gtsug dang // mgrin pa snying gar gdags par bya// oM rno sod bzlog chum dril swA hA/ sa la nyer gcig sngags byas te// nam dgos dus su gtor bas grub// ngag gnon sgrol ba'i kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhug bsrang mthun rdzas bsham// khyad par mtshan ldan thod pa'i nang // chang dang a mr-i ta sbyar te// srog snying rtsa ba'i sngags de la// ngag 'gro la sngags 'di sbrel la bzlas// a shig shig phyung phyung khrol khrol swA hA/ brgya dang rtsa brgyad rdzogs pa dang // de nyid bdud rtsi lce rdo rjer// bsam te thigs pa lan gsum gzhag/ de yang spyi gtsug mgrin pa dang // snying ga rnams su gsum gsum gzhag/ sgo gsum bcings pa kun grol bsam// mnan gtad ngag mnan kun grol 'gyur// pra phab pa yi kha sbyar ni// ye shes 'jig rten gang yang rung // de la bsnyen bsgrub yongs rdzogs nas// de yi gzhung bsrang mthun rdzas bsham// khyad par 'phying dkar ras dkar steng // nas kyi g.yung drung bris byas nas// pra rten khye'u bu mor rung // yul chos ma gos gtsang ma bzhag/ srog snying rtsa ba'i sngags de la// pra dbab sngags 'di sbrel la bzlas// mu shri ku shri pra ma da na ti b+ha ga sid+d+hi g+har khug/ nga'i bu mo dgar chug kho'i bu mo sbyor chug/ nas la bsngags te pra rten gzir/ legs nyes gang dris smra bar 'gyur// mdze nad gso ba'i kha sgyur ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// chos skyong bskang zhing phrin las bcol// 'brub khung nang du sbal pa'i gzugs// gang gnod sa la byas te gzhug/ lus po tshon skud dra bar gzhug/ sug bzhi phur pas stod la gzir// srog snying rtsa ba'i sngags nyid dang // sde brgyad gnad sngags 'di yis gzir// nA ga rA dza sa ma ya snying la khrag du rmugs/ da ma dza dza/ na ga rAk+ka rak+Sha mA ra ya rbad zad// zhag grangs nyer gcig thun gyis brab// sbal pa skad ngan tser tser yong // mdze nad mi bzad sos par 'gyur// dgra bo gsod pa'i kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// 'di nyid gzhung bsrang mthun rdzas bsham// khyad par nyung dkar nyung nag dang // zangs lcags rdo yi phye ma dang // srog snying rtsa ba'i sngags de dang // gsod pa'i sngags rgod 'di sbrel bzlas// che ge mo sha truM a mu kaM/ srog rtsa dmar po hur zum mA ra ya rbad rbad// mdor na las kun rtse gcig ste// 'di yang zhag grangs nyer gcig bsgrub// dgra srog myur du 'chad par 'gyur// ser ba 'bebs pa'i kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par nyung dkar gu gul dang // khrag sna tshogs tshad gtsod khrag la// srog snying rtsa ba'i sngags de la// ser ba'i yang snying 'di sbrel bzlas// khrom khrom hril hril shar shar phob phob// gnam mi mthong bar nyer gcig bsgrub// thebs dus mthun de dgra yul gtor// sbyin thang khrag tu 'bab par 'gyur// gnam lcags thog 'bebs kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par gser dngul thig po dang // thog mdad nyung dkar thun la bya// srog snying rtsa ba'i sngags de dang // thog gi drag sngags 'di sbrel bzlas// raM raM hril hril phrom phrom shar shar phob phob// nyer gcig bsgrubs te thun rgod ni// dgra bo'i khang pa dag la gtor// dgra bo thog gis mgo 'gas 'gyur// gtad khram gzhug pa'i kha sgyur ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par gro gshog shog la// ling+ga ming rus ldan bris la// tha ma sbrul nag 'khyil pas bskor// zhi ba rA'am sbal par gzhug/ drag po mdze thod rkang du brub// srog snying rtsa ba'i sngags de dang // klu yi drag sngags 'di sbrel bzlas// nA ga rA dza sa ma ya khug smrig sprig nr-i dza/ nA ga shig srog rtsa chod sa ma ya/ drag las mdzod// skye tshe shang tshe la bsngags brab// las la sbyar ba'i thal bar bcas// la chas kha bsdam gting rdo gdags// byang bltas chu mig sngo mtshams gtad// dgra bo mdze 'bras lhog shir 'gyur// ltas ngan cho 'phrul kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par wa spyang dom dred dang // 'ug pa srin bya khwa ta dang // ltas ngan snying khrag sna tshogs dang // nyung dkar nyung nag thun rdzas la// srog snying rtsa ba'i sngags de dang // ltas ngan sngags 'di sbrel la bzlas// li phri ma raM kar rma ri// she'u re'u/ he dun tsa phob/ khyung rtsa he phaT/ gang 'dod sngon du rang la 'ong // rdzas rnams phyogs sam khang par bskyal// ltas ngan cho 'phrul 'byung bar 'gyur// ngan thabs sel nag kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par khyi phag spyang thod dang // sha zan bya yi mchu sder dang // rabs chad nag po'i thod pa la// drag po'i ming rus yul mkhar dang // nor rdzas che bran thams cad brub// srog snying rtsa ba'i sngags de la// sel sngags 'phung byed 'di sbrel bzlas// tsakra rak+Sha tshal pa kyi khyer/ rtsad chod drung phyung rmang nas shig/ ste shog ya// rdzas rnams dril te dgra bo yi// khang sa zhing sa dur sar sba// mkhar 'gyel zhing skam dur rnams 'khrug/ dgra rnams phung zhing brlag par 'gyur// seng ge kha 'thab kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par 'dag pa'i seng ge gnyis// khong stong byas la so btang la// gcig dkar gcig nag so sor phyug/ dkar po'i nang du rang bsten pa'i// lha dang srung ma'i ming gzugs rnams// dpa' brjid dmag 'dren tshul du brub// srog sngags bsnyen bsgrub las dril gzhug/ nag po'i nang du kho yi ni// lha srung sngags ming gzugs bcas bris// sde brgyad dag gi ming byang bri// de gnyis kha 'thab bar du ni// ban d+he kho yi ling+ga gzhug/ srog snying rtsa ba'i sngags de la/ seng ge kha 'thab rgyal sngags bzlas// nr-i mA ra ya ni nr-i hur zum// ban d+he la rbad kha tham// che ge mo'i srog snying dmar po hur thum dza mA ra ya rbad// zangs lcags nyung dkar nyung nag la// bsngags shing ling+ga de la brdeg/ zla drug lon tshe de 'chi 'gyur// rbod gtong zlog pa'i kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par kho yi rkang rjes dang // dri ma dag la ling+ga bya// ming rus bris la snying gar glan// mchog phur sor brgyad snying gar gdab// rang gi mal 'og gru gsum nang // nya bo dug khrag byugs la bzhag/ dong kha rgya gram g.yam pas bcad// de steng rang nyid lhar gsal 'dug/ srog snying rtsa ba'i sngags de la// bod gtong zlog sngags 'di sbrel bzlas// pa ra tsakra hrIHSh+T+r-iHa pa na ya/ che ge mo'i rbod zor sarba bzlog bzlog ya ya/ brgya rtsa brgyad bzlas la gcig thub// stong rtsa brgyad kyis de thub 'gyur// khri tsho gcig gis rtag tu thub// skrod gtong thams cad des bzlog 'gyur// mu stegs ngag gnon kha sgyur ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par kho yi chu rjes la// chu la 'bogs pa'i rjes sa la// kho yi gzugs ni kha bde bya// shog shog lce dpyang og mar drang // btsan dug mu zi tshur nag byug/ rdo rje rgya gram bris nas ni// dkyil du mchog phur sor bzhi gdab// rang gi ro stod 'og dag tu// gru gsum dong gi nang du gnan// lcags kyi pha bong ri rab kyis// kho yi lce mnan 'gyur med bsam// srog snying rtsa ba'i sngags de la/ a bA ga rbad/ tsit+ta stam b+ha ya nan// ngag ldib ldib ngag nan// nyer re nub kyi rigs la bzlas// de nas dzag 'ching kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par spre'u'i so dang khrag/ mi khrag nyung dkar gu gul nag/ skyes pa grir shi'i khrag rnams las// srog snying rtsa ba'i sngags de dang // mi rgod dzag 'ching sngags sbrel bzlas// dar du har du rbad/ g+hu pa ha du shig tsag tsag chings chings// khri phrag them nas mgul khug bcang // dgra byung tshe na thun gtor na// brgyal ba dang ni rengs par 'gyur// dam sri gnon pa'i kha sbyar ni// ye shes 'jig rten gang yang rung // de yi bsnyen bsgrub yongs rdzogs nas// de nyid gzhung bsrang mthun rdzas bsham// khyad par dam sri mo yi gzugs// ling+ga mig rus ldan bris nas// rabs chad thod pa'i ag tser brub// srog snying rtsa ba'i sngags de dang // dam sri mnan pa'i sngags 'di sbrel// dgra bgegs dam sri nr-i tri rbad thum/ d+ha ra ya d+ha ra ya/ mA ra ya mA ra ya nan// mchod rten rnying pa'i 'og tu mnan// dam sri'i bar chod rgyun chod 'gyur// zhes bka' stsal to// dpal gsang ba 'dus pa rgyud kyi rgyal po las/ srog ser kha sgyur yongs rdzogs su bstan pa'i le'u ste so dgu pa'o// // de nas yang 'dus pa'i 'khor rnams kyis mgrin gcig tu ston pa kun tu bzang po che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ bsgrub rten 'byung 'dus sgyu lus 'di// 'chi ba brtag bslu 'pho 'jug gang // de skad ces gsol bka' stsal pa// rnal 'byor 'chi ba'i ltas brtag pa// phyi nang gsang ba de nyid de// zla ba gang rung nya yi nub// sprin med dang dus snga dgongs dus// gcer bur nub tu kha bltas te// grib ma'i snying gar mig yid gzung // mig sbrid dus na mkha' la blta// rang gi grib 'dra mi yi gzugs// sngo skya rkang lag ma nyams 'char// de ni gnas lugs 'chi brtags med// de yi 'char 'gyur rtags mang yang // gzugs de ro zum 'dra ba'am// mgo bo chad dam mgo gzhug log/ lo gcig zla drug nang du 'chi// 'phreng la bstan na chag sgo yod// rmi lam brtag pa thur 'gro zhing // bag ma blangs sam bag mar 'gro// yul mkhar 'gyel lam gshin dang 'grogs// skyes nag sgo gnon sme can 'bebs// mdor na ngan sems kun rmis na// sad rjes snying mi dga' na 'chi// spre'u 'am ni bong bu zhon// mi dkar khrid de shar lho ru// phyin nas ma log rmis na 'chi// ngan pa rmis 'phro bzang rmis thub// gzugs dang dbang po skad kha dog/ rkyen med sngar bas nyams 'gyur dang // dri log dri mi tshor yang rung // me mar shi dri mi tshor 'chi// mig btsir bad med rna 'brug med// spyi bo'i tsha 'grib zhag bdun yol// srin lags nas thegs na 'chi// rkyen med glo bur dug lnga rags// chos brgyad lhag par sred pa dang // gar bsdad su dang 'grogs skyo zhing // sngar dang spyod lam go log ngan// dge sbyor gang la blo mi 'jug/ gnyid che gnyid chung go log dang // bsod nams lhag par skye 'bri rung // bla ma mched la snang log 'chi// mdor na sngar gyi gnas lugs la// sems nyid las su mi rung 'chi// dus min 'chi ba'i slu thabs bshad// maN+Dal steng du rus sbal dgod// 'bru sna'i phye la rang mnyam glud// don snying dbang po glud rdzas brgyan// pho shing mo shing rang dang sbyar// lo grangs khram btab sgyur dmod bri// mda' dkar bcas te g.yas g.yon gzug/ lo grangs glud dang sha mar zan// 'dod yon zas rnams yongs bskor te// 'dab brgyad rus sbal dal dbus gzhag/ gzhan yang mthun pa'i gto yas bsag/ rang nyid gshin rjer rab gsal bas// sngags dang phyag rgyas spel sbyangs bsgyur// 'byung ba'i nad gdon kun 'dul ba'i// zhi byed 'chi slu'i sngags 'di bzlas// oM ma hA ka li mo ha ye swA hA/ oM ma ma raM raM ye swA hA/ oM ma ma khaM khaM yaM sal ye ra pa swA hA/ oM su su ma ma tang tang ye swA hA/ oM ma ma ka ra ka ra ye swA hA// oM ma ma sngo ta sngo ta ye swA hA/ kha zhu kha zhu swA hA/ shi ma ga la swA hA/ oM a raM a traM swA hA/ a te na ma ma hA gra ha ha na ma b+h+yo// na ti phu na swA ha/ oM traM hUM hUM phaT/ oM byi sha ma ye swA hA/ oM dru mu dru mu swA hA/ oM 'dzi mi 'dzi mi mu si pag sha ma saMrbad to ma hA ma hA yag sha/ b+ho d+he par shang / yaM ki ro ki ro hUM phaT/ oM sa ma ya ye me ya yi du be/ du pe mi sti staswAsta ya hUM hUM phaT phaT swA ha/ a na ru sham pa 'dus sarba a ya sha/ g+ha tsha g+ha tsha phaT/ a ka ni ni ka ni/ a byi la ma d+ha li ma d+ha li ye swA ha/ brgya'am stong du bzlas nas kyang // lha srin kun la ming gis mchod// rang gi lo sbar dus keg la// 'dre lnga sdod pa'i phyogs su bskul// de ltar byas na tshe zad kyang // lo gsum shol gyis thebs pa yin// dus yin 'chi bslu smos ci dgos// lus stag go log thams cad bzlog/ des kyang dka' na slu thabs ni// bla ma khyad par bshes gnyen la// lo grangs tsam gyi yon dbul zhing // lo grangs bka' la 'don klog bya// lo grangs gtsug lag khang yang mchod// gsang sgrub chen po'i dbang rdzogs zhu// tshogs 'khor mang la grangs med gtang // tshe sgrub bcud len skabs bzhin bya// de rnams kun gyis bzlog dka' na// 'khor gsum yongs dag spong zag bya// dben par mtshams bsdam bag klod la// blta bsgom 'chi med snying po bskyang // 'chi bslu'i rgyal por de 'gyur nges// gal te slu thabs kun rdugs nas// dus la bab na 'pho 'jug ni// mtshan med mtshan bcas gnyis yin/ te// mtshan med rnal 'byor blo rab kyis// 'chi 'pho kun brtags 'jig rten chos// rang byung ye shes 'chi med la// 'chi 'pho'i rnam rtog rang sar grol// de nyid rtogs tshe 'phos pa yin// de las mi 'da' grong 'jug yin// mtshan bcas rnal 'byor blo 'bring mthas// dben par maN+Dal gtsang ma'i dbus// yi dam sku gsar bris la bzhag/ rang nyid lhar gsal rlung bsgoms pas// hUM mthing sna rlung g.yas nas drang // bris sku'i thugs ka'i hUM la thim// yang yang sbyangs rjes gsal dus na// de nyid la 'phos sa bcu yi// byang sems su 'gyur rang byung don// ye shes ngo shes sa non 'gyur// de yang dka' na maN+Dal dbul// mtshan ldan dum gcig thod pa'i nang // bai DUr hUM mthing bris nas kyang // sngar bzhin rlung 'byin rig hUM bstim// de 'grub brtan na grong 'jug ste// rigs bzang rig gsal na gzhon la// nad ngan/ gri lngar ma shi ba'i// zhag gsum tshun chad shi ro blang // dri bzangs kyis bkrus brgyan rnams gdags// dkyil 'khor dbus bzhag tshogs gtor bya// bgegs bskrad gsol gdab 'dun pa gzhug/ nyams can mched kyis ro de gzung // sna rtse mdzod spur hUM re bris// rang rig hUM zhes hUM de nyid// mdzod spu'i hUM la yang yang bstim// de brtan sna rtse'i hUM la bstim// ro la drod dang mdangs kyang 'byung // de nas ro dang kha sbyar te// rang rig hUM dang rlung du bcas// sna bug g.yas nas rtsal bskyed de// ro yi sna bug g.yon nang brgyud// ro yi snying gar hUM du gnas// yang yang bstim zhing brtan par bya// de nas ro 'gul ldang zhing sgra// grogs des bur chu mngar gyis gso// zhag grangs nyer gcig brtas su gzhug/ de nas bag chags mkhyen pa dran// sngar dang 'dra bar gyur pa'i tshe// snga ma'i phung po bsreg sbyangs te// tsha tsha mchod rten bzhed par bya// khyad par bar do grong 'jug lnga// rang bzhin ngo ltos ting nge gnas// rmi lam mtshams sbyar skye 'chir bzla// srid pa bar dor las 'phro 'thud// ces bka' stsal to// dpal gsang ba 'dus pa rgyud kyi rgyal po las// 'chi brtag 'chi ba slu 'pho ba grong 'jug yongs rdzogs su bstan pa'i le'u ste bzhi bcu pa'o// // de nas 'dus pa'i 'khor rnams kyis mgrin gcig tu ston pa kun tu bzang po che mchog he ru ka la gsol pa/ kye kye kye/ thams cad ston pa kun tu bzang // thugs rje che mchog he ru ka/ rgyud chen dgongs 'brel bstan 'tshal na// bcom ldan 'das dang bde gshegs gsang // thams cad kyis ni sku gsung thugs// gsang ba ye shes snying po dang / thams cad yongs rdzogs bsdus don gang // zhes gsol ston pas bka' stsal pa// bdud rnams kun 'joms yon tan ldan// bde bar gshegs pa'i tshul brjod na// gzung 'dzin nyon mongs mi gnas bde// 'bras bu sar gshegs bde bar gshegs// thams cad kun khyab skye 'gag med// gnyis med sku gsung thugs yin te// gab sbas nges gsang des shes shing // mu bzhi mnyam grol snying po'i don// spros dang spros med don thams cad// rgyud 'dir yongs rdzogs 'dus pa'i don// ji snyed pa yi bde bar gshegs// rang rig sems kyi rgyud la rdzogs// de phyir yongs su rdzogs zhes bya// zhes gsungs 'khor gyis yang gsol pa// dpal dang gsang ba 'dus pa gang // rgyud dang chen po ji lta bu// zhes gsol ston pas bka' stsal pa// mthar zug gnas skabs thams cad du// bde 'bras rang shar don byed dpal// thugs kyi dgongs pa gab pas gsang // don gyi snying po 'dus pas 'dus// phun sum tshogs pa'i phyir na rgyud// de las 'phags pa gzhan med che// zhes gsungs 'khor gyis yang gsol pa// ngo mtshar phran tshogs rgyud mchog gi/ ngo bo gang yin nges tshig ci// dbye ba mthun dpe ldang tshad dang // dgos ched dang sbyar mtshan 'dogs gang // zhes gsol ston pas bka' stsal pa// ngo bo rang rig ye shes te// ma bcos ma bsgyur bslad pa med// skye 'gag rtag chad 'gro dang 'ong // yod med mtha' bral dbyer med pa'o// nges tshig 'bral cing ma tshang med// dkrugs dang yongs rdzogs phun sum tshogs// dbye ba tshig rgyud don rgyud do// mdun dper rin chen dra ba 'dra// ldang tshad gleng stsogs dngos po bcu// bstan rim lha sgom spyod 'bras dang // bsnyen dang bsgrub chen dbang dam tshig/ mtha' rgyas man ngag la sogs pa// gleng gzhi nas bzung rgyud gtad par// dbu zhabs yongs su rdzogs par bstan// dgos ched dang sbyar mtshan don ni// bdud bcom dpal ldan skyon grol bas// bcom ldan grol rgyud ces kyang bya// lam bde 'bras bu'i sar gshegs pas// bde gshegs 'dus pa'i rgyud du gsungs// snang stong gnyis med gnyis snang ston// sku gsung thugs kyi rgyud ces bya// gab sbas spros bral don gsal bas// spros bral don gsal rgud ces bya// rgyal bzhi khro yongs rdzogs pas// yongs rdzogs chen po'i rgyud du gsungs// dpal chen kun gyi gsang 'dus pas// dpal chen gsang 'dus rgyud ces bya// ma rig mun pa'i tshogs 'joms pas// nyi zla kha sbyor rgyud du gsungs// rigs drug 'khor ba dong sprugs pas// 'khor ba dong sbugs rgyud ces bya// sangs rgyas kun gyi dgongs 'dus pas// dgongs pa 'dus pa'i rgyud du gsungs// bsnyen bsgrub phrin las yongs rdzogs pas// phrin las yongs rdzogs rgyud ces bya// gzhi lam 'bras bu'i gsang rdzogs pas// gsang ba yongs rdzogs rgyud du zung // zhes bka' stsal to// dpal gsang ba 'dus pa rgyud kyi rgyal po las/ rgyud kyi dgos 'brel mtshan yongs rdzogs su bstan pa'i le'u rtse zhe gcig pa'o// / de nas yang 'dus pa'i 'khor rnams mgrin gcig tu/ rab tu spro ba'i sems kyis ston pa kun tu bzang po che mchog he ru ka la rdo rje glu yis bzod pa ni// nA n+na hA ha/ rta ha ho/ kye kye kye/ e ma ho hUM/ bcom ldan dpal chen che mchog mi bzad he ru ka/ chos sku skye med dbyings nas bzhengs nas kyang // gzugs sku rab 'jigs cha lugs gtum rngam khro bor ston// sangs rgyas kun 'dus yon tan dbang phyug bdud 'dul rgyal// gsang ba'i yum mchog khro mo gnam zhal bde chen sbyor ba'i yum// dus gsum bder gshegs rgyal ba ma lus kun 'dus bskyed mdzad ma// gnyis med mnyam sbyor yon tan sna tshogs 'gro ba 'dul// che mchog yab yum rol pa'i sku la phyag 'tshal bstod// hUM che mchog sku ni gshin rje gshed// che mchog gsung ni rta mgrin dbang // che mchog thugs ni dpal rdo rje// che mchog yon tan yongs rdzogs nyid// che mchog phrin las ki la yA// che mchog rbod gtong ma mo'i gtso// che mchog rig 'dzin thod pa rtsal// che mchog pho nya dregs pa'i gtso// che mchog dmod pa sngags bdag gtso// che mchog sprul pa sras mchog tshogs/ che mchog bka' sdod dam can ma// yongs rdzos dpal chen 'khor bcas rnams// ye nas rang dang gnyis med phyir// gnyis med gus pas phyag 'tshal bstod// ces mngon par bstod do// dpal gsang ba 'dus pa rgyud kyi rgyal po las// ston pa kun tu bzang po che mchog he ru ka la yongs rdzogs su bstod pa'i le'u ste zhe gnyis pa'o// // de nas 'dus pa'i 'khor rnams la/ ston pa kun tu bzang po che mchog he ru ka rab tu dgyes nas/ rdo rje zil gnon bde gshegs 'dus pa'i glu bro gsungs pa// hUM nga ni che mchog he ru ka/ zhi khro bde gshegs yongs rdzogs sku// rdo rje'i glu gcig gnam nas len// steng gi lha rnams zil gyis gnon// rdo rje'i glu gcig sa nas len// klu gnyen sa bdag gzil gyis gnon// rdo rje'i glu gcig phyogs bcur sgrogs// phyogs skyong dregs pa zhabs 'og gzir// rdo rje'i glu skad tser re re// hUM gi 'brug sgra ldi ri ri// phaT kyis gnam lcags tshal le tshal// drag po'i bshug glus khams gsum g.yo// shangs kyi hUM sgras srid gsum sgrol// snyan nas 'brug sgras stong gsum 'gengs// ljags las glog 'gyu bar snang khyab// spyan nas chu byung stong gsum 'khru// zhal nas mche gtsigs bdud bzhi sgrol// glu bro 'khor gsum chems se chem// glu bro 'khor gcig dang po yis// gzugs med mu bzhi zil gyis gnon// glu bro 'khor gnyis bar pa yis// gzugs khams bcu bdun zil gyis gnon// glu bro 'khor gsum tha ma yis// 'dod khams nyi shu zil gyis gnon// rdo rje zil gnon glu bro yis// lha srin sde brgyad dbang du sdud// dregs pa'i tshogs rnams 'bub cing rgyal// rdo rje'i 'gros stabs chems se chem// khro bo'i gar stabs log ge log/ bro ni dregs pa bdud 'dul bro// glu ni khams gsum dbang sdud glu// tshig ni don dam mtshon pa'i tshig/ zhabs g.yas thabs kyi bro brdungs pas// khro bo'i tshogs rnams dbang du sdud// zhabs g.yon shes rab bro brdungs las// khro mo'i tshogs rnams dbang du sdud// g.yas g.yon thabs shes bro brdungs pas// bdud ni phye mar 'thag pa'i bro// dgra ni dum bur gtub pa'i bro// dam sri thal bar rlog pa'i bro// hUM hUM hUM/ zhes log lha'i dregs pa zil gyis gnon cing // tshar bcad de gsang ba'i bdag po la sogs pa'i 'dus pa'i 'khor rnams la 'di skad ces bka' stsal to// kye ho 'dus pa'i 'khor tshogs nyon// rdo rje 'dzin pa tshur nyon cig/ dgos 'dod re skong yid bzhin gyi// rin chen lta bu'i rgyud chen mchog/ dpal chen gsang ba 'dus pa'i rgyud// snying nor yin no mig 'bras yin// theg pa yongs rdzogs rtsa rgyud 'di// gtams so gtad do thub par chongs// dam nyams rnams la shor srid do// g.yo sgra can la shor srid do// snod med rnams la shor srid do// bstan pa'i snying 'di thub par srungs// zhes bka' stsal to// dpal gsang ba 'dus pa rgyud kyi rgyal po las/ rgyud don yongs rdzogs 'khor la gtad pa'i le'u ste zhe gsum pa'o// // bcom ldan 'das bde bar gshegs pa thams cad kyi sku gsung thugs gsang ba ye shes kyi snying po thams cad yongs su rdzogs shing 'dus pa/ dpal gsang ba 'dus pa rgyud kyi rgyal po zhes bya ba/ u rgyan gyi mkhan po pad+ma saM b+ha was sgra rang 'gyur du bsgyur ba rdzogs so// // bar 'dir zla gsang nag po ngan thams cad rtsa ba'i rgyud 'dud/ @#// rgya gar skad du/ shrI tsan+da gu h+ya kA la tan+t+ra/ bod skad du/ dpal zla gsang nag po'i rgyud/ 'jam dpal gshin rje'i gshed