བོད་ཡིག

e-texts produced with BDRC’s OCR application

bsgyur cing zhus te gtan la phab pa'o// // de nas yang smra ba'i seng ge byed pa po rdo rje kun tu bzang pos bcom ldan 'das gsang ba mchog gi bdag po de de bzhin nyid kyi ngang la mi g.yo bar brnal bzhin du cho 'phrul 'byung ba'i glu 'dis rnam par bskul lo// e ma'o mi dmigs chos dbyings dag pa las// 'bar ba'i sku mchog bdag la bstan du gsol// rol pa'i cho 'phrul mi zad rgyan du che// don la rngam pa'i spyod pas rol du gsol// a la la ho zhes bskul bas bskul bar thugs su chud nas sku nyi ma'i snying po lta bu mngon du phyung ste cho 'phrul rnam par 'phrul pas snod bcud dang sa'i khyad par thams cad la snang bar mdzad pa'o// de nas smra ba'i seng ge byed pa po rdo rje kun du bzang pos mchod pa rgyas pa de kho na nyid kyis mngon par mchod de phyag 'tshal nas gsol pa btab pa// e ma'o gsang mchog dag pa'i bdag/ ye shes shes bgyi ji ltar lags// rngam pa zhes ni gang la bgyi// glog phreng zhes pa ji ltar lags// 'khor lo zhes pa ji lta bu// mdo yi don ni ji ltar lags// bcom ldan 'das kyis bshad du gsol// zhes gsol pa btab pa/ gsang ba mchog gi bdag pos gsol ba btab pa thugs su chud nas ye shes snying po can rnams nyon cig/ ye shes ye shes zhes bya ba// shes dang shes bya tha dad min// rig pa'i ngo bo rnam pa lnga// stong nyid snying rje dbyer med pas// byang chub sems su rgyal bas gsungs// dregs pa 'dul zhing nan zur gyis// thogs chags med pa'i brtul zhugs pas// sngags spyod rngam pa'i khyad par de// rngam pas rngam pa'i mtshan nyid yin// glog ni myur du 'jug pa'i phyir// 'jug pa'i yan lag bzhi dag dang // sdom dang las bzhi'i khyad par gyis// dngos grub las la mur 'jugs pa'o// rang bzhin ting 'dzin gzugs brnyan dang // phyag rgya dngos grub 'brel bcas ni// 'khor lo zhes su rgyal bas gsungs// de bas ming ni don mthun grags// rig cing gsal ba'i ngo bo pas// ye shes zhes su brjod pa yin// rngam pa zhes pa drag shul spyod// myur zhing bar chad med pas na// glog gi phreng ba zhes su bya// skor dang gcod dang rgyun mi gcad// 'khor lo lta bu'i rnam pa der// gsang ba kun 'dus mdo bya'o// zhes gsungs so// de nas smra ba'i seng ge byed pa rdo rje kun du bzang pos gsol pa// rgyud ces bgyi ba ji lta bu// mdo 'di 'brel pa ji ltar lags// de bzhin dgos dang yang dgos ci// brjod pa ji ltar shes par bgyi// bcom ldan gsang ba mchog gi bdag pos bka' stsal pa// 'brel dang ma tshang med pa dang // phun sum tshogs phyir rgyud ces bya// 'di don rig pa'i skyes bu yis// gsang ba kun don shes pa'i phyir// phyogs bcu kun tu rab grags pa'i// rgyud kun dang ni 'brel bar bshad// gsang ba'i sgor zhugs rnal 'byor pa// byang chub sems dang dkyil 'khor dang // phyag rgya bsnyen dang dngos grub dang // sdom dang brtul zhugs ma rungs mnyes// las dang nan tur bya ba'i rnams// mchog gi dgos pas dgos pa yin// bden gnyis rtogs nas bdag gzhan don// grub pa yang dgos yin par bshad// dgos pa'i don yang rjod byed pa'i// don bsdus mdo 'di brjod pa yin// de bas rnam pa bzhi po yis// bde blag tu ni rtogs pa 'gyur// zhes gsungs so// yang smra ba'i seng ges gsol pa// dbang mchog dam pa ma thob par// sgrub pa ci yang mi 'grub pa// ji ltar dbang bskur mtshan nyid lags// snod ni ji lta bu dag lags// go rims ji lta bu dag lags// rnam grangs dag gi mtshan nyid ci// dbang thob rtags dang mtshan ma ci// bcom ldan snying pos bshad du gsol// gsang ba mchog gi bdag pos bka' skal pa// gsang ba'i tshig la gsal 'dris shing // don la gzhol zhing yid ches kyang // dbang bskur bka' rtags ma byin par// nor bu blon bral bskos pa ltar// sa rnams thob par mi 'gyur ro// sems kyis chos la dbang thob na// rdzas tshig gang zag dbang rnams kun// ma bskur na yang thob par 'gyur// bskur na'ang nyes pa med par bshad// rig pa rang dbang thob gyur na// bskur ba'i dbang la thogs pa med// de ni dbang gi mtshan nyid yin// ras chod byed cing tshul 'chos pa'i// dad dang mi ldan brtson 'grus chung // blo zhan nges med 'phyar la g.yeng // bla ma spun la sri zhu chung // de ni dbang gi snod ma yin// dad dang ldan zhing brtson 'grus che// mnyan bsam slob la mi skyo ba// bla ma spun la bkur sti byed// gsang ba nyan pa'i dbang bskur ro// rnam bzhi las kyi dgos pa tshar// bya ba'i las la ma rmongs na// kar ma las kyi dbang bskur ro// lta bas mnyam pa'i don rtogs na// rgyal 'theb 'chad cing ston pa'i dbang // tshad ma gsum dang rab ldan zhing // rkyen thub rdo rje slob dpon dbang // theg pa'i rim pa thams cad la// phyogs ris med cing ma rmongs na// rab 'byams rgyal po'i dbang thob pa'o// rkyen thub brtul zhugs che ba dag/ skyon rnams spangs shing dam tshig ldan// gsang ba sgrub pa'i dbang thob pa'o// dang por gsang ba nyan pa'i dbang // rin chen rigs kyi rna ba la'o// de nas rdo rje las kyi dbang // las kyi rigs kyi yan lag la'o// de nas gsang ba sgrub pa'i dbang // rdo rje rigs kyis snying gar ro// de nas rgyal 'theb rgyal po'i dbang // sangs rgyas rigs kyis spyi bo la'o// de nas gsang ba 'char ba'i dbang // pad+ma'i rigs kyis lce la bskur// de nas rab 'byams rgyal po'i dbang // yan lag rigs lngas dbang bskur ro// dang po gsum pa bdag gi don// gnyis pa bzhi pa gnyis ka ste// lnga pa drug pa gzhan don du// dbang mchog bskur ba'i go rims yin// rnam grangs go rims mtshan nyid ni// dang por phyi yi dbang bcu bskur// de nas nang dbang bcu dang gcig/ de nas sgrub pa'i bcu dang gsum// tha mar gsang ba rnam pa gnyis// bcu phrag gsum dang drug dag gi/ dbang mchog dam pa bskur ba yin// dang po bka' rtags phyag rgya'i dbang // gnyis pa rtags kyi mtshan ma'i dbang // gsum pa shes rab gzugs kyis te// bzhi pa bkra shis bum pa'i dbang // lnga pa kra shis rdzas kyi dbang // drug pa rin chen sna bdun dbang // bdun pa gdan mchog dam pa'i dbang / brgyad pa mdzes pa rgyan gyi dbang // dgu pa gsang ba ming gi dbang // bcu pa rgyal rtags 'khor lo ste// phyir dbang bcu po rdzogs pa dang // rdo rje nang du gzhug par bya// dang po gsang ba nyan cing slob pa'i dbang // gnyis pa glegs bam tsam mo gtad par bya// gsum pa rnam bzhi las kyis rdzas kyang sbyin// bzhi pa rgyal tshab dam pa'i mdzod gsum sbyin// lnga pa slob dpon bzhi yi theg chen rtags// drug pa nyi zla pad+ma sems can gdan// bdun pa rgyal po gsang ba'i rin chen bdun// brgyad pa gzugs brnyan spyi bor gzhag/ dgu pa sku gsum ye shes sbyin// bcu pa bkra shis dam rdzas dbang // de nas lag tu rdo rje sbyin// bcu dang gcig gi nang bcug nas// sgrub pa'i dbang mchog sbyin par bya// dang por sems kyi gtan tshig sbyin// gnyis pa snying rje'i dbang bskur sbyin// gsum pa yi ge 'khor lo sbyin// bzhi pa thong gshol 'bar ba sbyin// b+han d+ha gang ba sbyin dang lnga// drug pa mtshon cha sna tshogs te// bdun pa skyon med pad+ma sbyin// brgyad pa sti ra'i dbyug pa sbyin// dgu pa sbrul nag chun po sbyin// bcu pa dri med lha mo sbyin// gcig pa 'dod pa'i longs spyod kun// gnyis pa sgrub rdzas rab tu sbyin// gsum pa rdo rje gsang ming sbyin// bcu dang gsum pa rdzogs pa dang // gsang ba dam pa sbyin pa yang // dkar dmar 'dres pa'i byang chub sems// bu mchog de yi lce la gzhag/ snying po don dam byang chub sems// de yi blo la gzhag par bya// dbang mchog thob pa'i ltas rnams kyang // blo rtsal che ba'i bdag nyid dang // snang ba lus kyi snga ltas dang // ngo mtshar che ba'i rdzas rnyed dang // mtshan ma pra yi lhas 'byung // blo rtsal che ba'i khyad par du// yang dag bden pa'i don rnams la// mi skrag dga' mgu ske bar 'gyur// 'khor ba'i chos la sgo sems 'byung // rnam grangs chos la dad mi 'gyur// ji ltar snang ba'i mtshan ma kun// sgyu ma bzhin du shes par 'gyur// 'jig rten pa yi mthu chen la// 'jigs shing nyam pa med par 'gyur// de la sogs te mtha' yas mchog/ snang ba lus kyi snga ltas kyang // lus kyis bzod pa thob pa dang // 'du ba'i nad dang bral ba dang / khams kyi zas dang bral ba dang // dbang po'i gzi mdangs gsal ba dang // bar snang dag la lding ba dang // shing bal lta bur yang ba dang // chu la mi 'bying mes mi 'tshig/ rlung gis khyed par nus mi 'gyur// de la sogs te mtha' yas mchog/ ngag gis ji snyed brjod pa bzhin// 'gyu ba yin par zhes par bya// rdzas kyi dam pa yon tan ldan// rnyed cing thob pa dag tu 'gyur// nyams dang rmi lam dag tu yang // dbang mchog ji ltar bskur ba bzhin// de dag nus pa'i rnam par 'byung // de dag dbang bskur thob pa'i rtags// zhes gsungs so// de nas yang smra ba'i seng ge byed pa po rdo rje kun tu bzang pos 'di skad ces gsol ba btab bo// ye shes rnal 'byor can rnams kyis/ gsang ba sbas pa'i thabs tshul du// sbas pas grub pa'ang myur ba dang // gsang ba'i dam la gnas bya dang // brda la dga' ba'i mi rnams kun// nye zhing gdung bar bya ba'i phyir// lus dang ngag gi brda rnams kun// gsang ba'i bdag pos bshad du gsol// zhes gsol ba btab pa dang // gsang ba'i dbang pos bka' stsal pa// gsang ba sbas pa'i thabs tshul du// brda yi dam tshig bshad par bya// 'dus pa'i 'khor rnams legs par nyon// lus brda dam tshig phyag rgya ni// lag pa g.yas pas bya ba kun// rnal 'byor pa yis bya ba'i brda// g.yon pas bya ba ma yin brda// spyi bor nyug pa'i lag brda ni// phyag 'tshal ba yi brda yi rgya// dpral bar reg pa phyag lan yin// lag pa g.yas pa brkyang byas te// mgo bo btud par byas pa ni/ khams bde'am zhes 'dri ba'i brda// lag pa g.yon pa brkyang nas ni// g.yon du 'dud pa bde ba'i lan// mig gnyis dag la reg pa na// gzugs mdzes ston cig ces pa'i brda// g.yas pa skyes pa mdzes pa yin// g.yon pa bud med bzang mor bshad// rna ba dag la reg pa'i brda// g.yon pa legs pa'i glu snyan brda// g.yas pa tshig snyan smra ba'i brda// sna phug gnyis la reg pa ni// g.yas pa bdug pa 'dod pa ste// g.yon pa dri dge slong ba'i brda// lces ni ldag par byed pa'i brda// g.yas su ldan par sha 'dod pa'o// g.yon du chang 'dod brda ru bshad// mche bas ma mchu mnan pa ni// g.yon pa bud med reg bya 'dod// g.yas pa skyes pa de bzhin no// lkog mar reg pa gsang ba yi// theg mchog gsang ba smra ba'i brda/ ske la reg par byed pa ni// bdag nyid dbyangs snyan len pa'i brda// snying ga'i dkyil du reg pa ni// don rtogs pa yi brda ru bshad// rig nas phyir las 'gyed pa ni// spros pa'i brda ru shes par bya// slar yang snying gar gtugs pa ni// slar yang bsdu ba'i brda yin no// lte ba'i dkyil du reg pa ni// dbu ma nan tan spyod pa yin// dbang po rab du gsal byas na// ting 'dzin sgrim zhes bya ba yin// phrag pa gnyis ni ston pa'i brda// g.yas pa 'gugs pa'i brda yin no// g.yon pa slar gtod pa yi brda// dpung pa gnyis la nyug pa'i brda// g.yas pa dregs pa 'dul ba'i brda// g.yon pa longs spyod grub pa'i brda// khu tshur g.yas bcangs dbang du sdud// g.yon pa bcangs na thong zhig pa'o// brla gnyis mug pa'i brda dang kyang // g.yas pa chos la sbyor ba'i brda// g.yon pa 'dod chags rtsom pa'i brda// pus mo'i lha nga'i brda dag kyang // g.yon pa rab tu 'dud pa yin// yang na bcing ba yin par bshad// g.yas pas rab tu dgrol ba yin// rkang pas gnon pa'i brda dag kyang // g.yon pas thams cad gnon par byed// g.yas pas 'joms par byed pa yin// mdzub mo bsgreng ba'i brda tshul gyis// khro bo'i brda ru bshad pa yin// dbang po gyen du bsgreng ba ni/ de tshe mdza' bar 'dod pa'i brda// chung ngu'i rtse mo bsgreng ba ni// de tshe sbyor bar 'dod pa'i brda// sngon po mngon par ston pa ni// bkres zhes bya ba'i brda yin no// gang tshe shin tu mthor ston na// mngon pa'i nga rgyal bskyed pa'i brda/ khro mo lcags kyur drangs byas na// de tshe tshur shog brda yin no// de nyid zlog pa khyed cig pa'o// lag gnyi gar thabs bskor nas kyang // se gor drag rdobs 'dren pa'i brda// bskor nas sbyar ba phyag rgya'i brda// bskor nas thal mo spyir po gzhag/ 'di ni mchod pa'i brda yin no// bskor nas snying gar gzhag pa ni// bsam gtan rtse gcig brda yin no// bskor nas gnyis kyis ston pa ni// mchod pa stobs pa'i brda yin no// dbang mo lce la rig pa ni// tshogs mchod dus la bab pa'i brda'o// gar thabs bskor nas dbang mor 'thor// de nas lce la reg pa ni// 'dza' gad bris pa'i brda yin no// de la sogs te bsam mi khyab// ngag brda dam tshig phyag rgya yang / a ti pu zhes bya ba ni// phyag 'tshal zhes pa'i brda yin no// pra ti pu zhes bya ba ni// phyag lan 'tshal ba'i brda yin no// ri mo zhes bya gzugs kyi brda// glu ni sgra yi brda ru bshad// tshim byed yi brda yin no// ra sa a na ro yi brda// bde ba zhes bya reg pa yin// dga' ba zhes par rab tu rig/ sbyor ba zhes pa chos su bshad/ me tog zhes bya khrag yin no// bdug pa zhes pa mdangs kyi brda// mar me zhes pa sha chen la'o// dpa' bo zhes pa chang du bshad// spos zhes thal chen dag la'o// 'dod chags sra ba tshwa yin te// khu ba g.yon can skyur po yin// bran mo tshod ma'i brda yin no// chur ba zho la zla rgyas te// sman gyi mchog ni sha yi brda// zan ni tshe zhes bya ba'i brda// arma mi zhes bya ba'i brda// rgun 'brum zhes pa rta yi brda// glang po pa na se zhes bya// na li ki ri khyi yi brda// a ru ga ni ba lang ngo // ti zhes mkha' 'gro'i brdar bstan to// a ral zhes pa mkha' 'gro ma// dar dir sil snyan sgra du bshad// dza zhes bya ba 'dren pa'i brda// hUM ni sdud pa'i brda yin no// baM ni sdom pa yin par bshad// ho ni zhugs nas dpang du 'gyur// e hi zhes pa tshur spyon brda// ya hi phar bzhud zhes pa'o// ti sta ha ni drangs shig pa'o// kha kha khA hi zo shig pa'o// a pa'i zhes pa yang nas yang // da ra da ra byin cig pa'o// ru ta ma ta rol zhes pa'o// hu lu hu lu zhugs shig pa'o// a ra ra ra bskul cig pa'o// de la sogs te bsam yas mchog/ zhes gsungs so// de nas yang smra ba'i seng ge'i byed pa po rdo rje kun tu bzang pos gsol pa// e ma'o gsang chen bde ba che// mi 'gyur nam mkha' dngos po med// lhun grub bde chen rnam par dag/ ngag mchog lha la phyag 'tshal bstod// gsang ba zhes bgyi rnam pa du// sbas pa zhes bgyi rnam pa du// thig le zhes bgyi ji ltar gnas// mnyam nyid zhes pa rnam pa du// dag pa zhes pa rnam pa du// rtogs pa rnam pa du ru bzhed// mtshan nyid gsum zhes ji lta bu// ting 'dzin gsum po ji lta lags// bdag cag rnams la sman slad du// bde bar gshegs pas bshad du gsol// zhes gsol ba btab pas// gsang ba mchog gi bdag pos thugs su chud de bka' stsal pa/ gsang ba zhes pa rnam pa bzhi// rang bzhin don gyi gsang ba dang // gab pa sbas pa'i gsang ba dang // bstan med rdzas kyi gsang ba dang // snod med bka' yi gsang ba dang // chos nyid rang bzhin gsang ba dang // thugs kyi klong nas bsnyungs pa dang // dman la mi bstan rdzas rnam dang / gsang sngags theg chen zab mo'i don// rab tu shes pa dka' ba'i phyir// bstan par yang ni mi bya bas// gsang ba zhes su rgyal bas gsungs// de nyid sbas pas sbas pa'i don// sbas pa rnam pa gsum yin te// phyi yi sbas pa gsang ba dang // de bzhin nang gi sbas pa dang // gnyis kar ma nges sbas pa ste// rmad 'byung sngags kyi spyod pa ste// phyi rol sde pas mthong thos na// de la bzod pa thob min pas// de ni sbas pa phyi zhes bya// lhun grub bde chen zab mo de// ming gi rnal 'byor phal dag gis// rtogs shing khong du chud par dka'// de ni nang gi sbas pa yin// phyi nang gnyis su tha dad min// bden pa gnyis su dbyer med pa// rgyal ba sangs rgyas spyod yul de// ma nges sbas par rgyal bas gsungs// sbas pa'i don rnams gsal 'byin pa// bla ma rdo rje'i thugs la gnas// des na sbas zhes nges par gsungs// thabs dang shes rab zhes bya ba// gnyis su med pa'i byang chub sems// de nyid thig le rnam gsum ste// thabs mchog yab kyi mkha' nyid dang // shes rab yum gyi klong nyid dang // gnyis med bde chen dang nyid du// chos kun 'dus shing gcig pa dang // spros med thig ler gnas pa'i phyir// thig le zhes su rgyal bas gsungs// mnyam pa nyid kyang rnam gsum ste// don dam dbyings su mnyam pa dang // kun rdzob sgyu mar mnyam pa dang // dbyer med gcig par mnyam pa ste// ma skyes ma grub dbyer med par// chos kun mnyam par gnas pas na// mnyam pa zhes su brjod pa yin// snod dang bcud dang rgyun rnams kun// dag pas dag pas gsum yin te// yum gyi dbyings dang yan gyi mkha'// ye shes lnga yi rang bzhin du// snod bcud rgyud kun dag pa'i phyir// dag pa gsum du rgyal bas gsungs// rtogs pa yang ni rnam pa bzhir// rnal 'byor nang pa bzhes pa ste// rgyu gcig pa dag yig 'bru'i tshul// byin gyis brlabs dang mngon sum pas// rdzogs chen don la 'jug 'gyur te// rgyu ni bden gnyis gcig pa ru// gcig pas gcig pa'i mtshan nyid dang / sku gsung thugs kyi yi ge ru// chos kun rang bzhin rtogs pa dang // skye med dbyings kyi byin brlabs las// chos kun snang bar shes pa dang // de lta bu yi rang bzhin te// gzhan la ma rten mi 'gal bar// mngon sum rig pa zag chod na// rnal 'byor sa la slebs pa yin// ma rtogs pa yang bzhi yin te// ye nas ma rtogs blun pa dang // log pa'i rnam par rtog pa dang // phyogs gcig rtogs pa'i khyad par dang / gsang ba de nyid ma rtogs pa// dka' thub med pa'i 'jig rten dang // log par spyod pa'i dka' thub dang // nyan thos dman pa'i lam pa dang // byang chub sa la gnas pa rnams// gsang ba de nyid ma rtogs par// bder gshegs rgyal ba nyid kyis gsungs// des na rtogs pa rnam bzhi yin// rnal 'byor sa la bsnyen pa yin// shes pa dang ni 'jug pa dang // 'bras bu'i mtshan nyid ces byas pas// sa la nye dang sar chud dang // sa thob 'bras bu rnam pa gsum// rgyu 'bras tshul du gnas pa ni// nus mthur ldan pa'i shes rab kyis// rig 'dzin zhing ste shes rab gsum// yum yang mtshan nyid gsum yin te// kun tu brtags dang gzhan dbang dang // yongs su grub pa zhes su brjod// log pa'i bsam pas mthong brtags pa// kun tu brtags te yod pa min// bden gnyis rgyu dang 'bras bu'i tshul// 'brel ba gzhan dbang yin par gsungs/ bden gnyis rgyu 'bras dbyer med par// yongs su grub par bder gshegs gsung // kun brtags log par shes pa ni// shes pa'i mtshan nyid ces su bya// gzhan dbang tshul du goms bya ba/ 'jug pa'i mtshan nyid ces su bya// yongs su grub la gnas bcas na// de nyid 'bras bu'i mtshan nyid yin// de bzhin nyid dang kun du snang // rgyu yi ting 'dzin rab bsgoms pas// rdzogs pa'i byang chub thob pa ste// yongs su grub pa'i blo gsal na// de bzhin nyid du rnam par grags// kun snang snying rje'i ngo bo dang // yig 'bru kha dog gsal ba yi// rgyu yi ting 'dzin gsal ba ni// bskyed pa gzhan gyi dbang yin te// de nyid log rtog kun brtags pa'o// des na rnal 'byor skyes bu yis// mtshan med ngag la gnas bcas nas// mtshan ma'i rnal 'byor bsgom par bya'o// mtshan ma med dang mtshan ma yang // tha dad med par shes par bya// de ltar rig pa'i rnal 'byor pa// de nyid nga yin sa thob yin// sangs rgyas zhes kyang de la bya// sangs rgyas rnams kyang mchod pa byed// byang chub sems dpa' smos ci dgos// 'jig rten lha klu mthu chen yang // de la mchod cing bkur sti byed// phyi bzhin 'breng zhing dgos pa skong // zhes gsungs pas// 'dus pa'i 'khor tshogs rnams kyis rang rang gi lus sa la brdabs nas a la la zhes bya ba'i sgra phyung ste shin tu ngo mtshar to// de nas smra ba'i seng ge byed pa po rdo rje kun tu bzang pos 'di skad ces gsol to// bcom ldan 'das the tshom thams cad gcod pa'i bdag po mchog rgyud kyi rgyal po 'di nyid ye shes rngam pa glog gi 'khor lo'i mdo chen po zhes bya ba rgyud kyi 'grel pa/ rtags kyis rol pa/ don gyi bkod pa rdo rje rnam par rol pa'i gzhung chen po 'di yi bla ma rdo rje slob dpon skyes bu dam pas ma nor bar rtogs shing gzhan dang la yang ma nor bar ston pa pa de bdag cag rnams kyis ji ltar blta bar bgyi// ji lta bu'i rang bzhin du 'tshal bar bgyi/ bcom ldan 'das lung bstan du gsol// bde bar gshegs pas lung bstan du gsol// de nas bcom ldan 'das gsang ba mchog gi bdag pos gsol ba btab pa de mkhyen nas 'di skad ces gsungs so// smra ba'i seng ge nga la zhu bar spobs pa legs/ rab tu legs kyis nyon cig gzhung 'di bla ma rdo rje slob dpon de ni skyes bu dam pa 'ba' zhig tu ma zad de// de ni bla na med pa yang dag par rdzogs pa'i sangs rgyas rdo rje 'dzin pa nyid du blta bar bya'o// de ci'i phyir zhe na/ de ni sngo rje 'dzin pa chen po dang / dbyer med cing tha mi dad de/ bla ma de ni bskal ba chen po grangs med pa'i pha mtha' yi yang pha mtha' 'das pa nas rgyal ba sangs rgyas brjod du med pa yi yang brjod du med pa rnams la tshogs thams cad yongs su rdzogs par sbyangs shing rang gi sems kyi rgyud rnam par sbyangs pa'i nus mthus gsang ba 'di'i don la yid ches shing gsang ba'i don 'di lta bu'i bla ma rdo rje slob dpon chen po nyid du rig par bya ste/ de ni sangs rgyas nyid dang tha ma dad cing byang chub kyi sems nyid du blta bar bya'o// de la 'di ni phyogs bcu dus bzhi'i sangs rgyas ma lus mi lus lus pa med pa'i sangs rgya kyi zhing rdul phra rab dang mnyam pa rnams kyang spyi bo gtsug zhing phyag 'tshal ba dang mchod pa byed cing rjes su 'breng na gzhan byang chub sems dpa' dang rdo rje 'dzin pa rnams la phyag 'tshal zhing mchod pa ci zhig smos te// 'jig rten gyi mthu bo che rnams kyang de'i bran du khas len cing 'khor gyi dkyil 'khor yang sbyong zhing ci bsgo ba thams cad kyang bsam pa yid bzhin du grub par byed do// de bas na yang dag par rdzogs pa'i sangs rgyas nyid du blta bar bya'o// de ni de bzhin gshegs pa skye bu 'dul ba/ kha lo sgyur ba/ 'jig rten dang 'jig rten las 'das pa'i ston pa chen po yin par blta'o// sems can thams cad kyi mgon dang skyabs dang / rten dang / gling dang / ded dpon dang / 'dren pa dang / sgrol pa'i gru lta bu yin par shes par bya'o// de ni ye shes kyi sgron ma chen po 'dzin pa ste de bas na sangs rgyas nyid du blta'o// de bas na bla ma de dang phrad pa'i gang zag rnal 'byor pa des kyang yang dag par rdzogs pa'i sangs rgyas nyid dang phrad par rig par bya'o// smra ba'i seng ges gsol pa// bcom ldan 'das bla ma rdo rje slob dpon de'i rjes su 'brang zhing gsang ba 'di lta bu la mos zhing 'dzin pa dang // rna ba'i dbang pos nyan cing gzhung bzhin du sgrub pa'i gang zag rnal 'byor pa de'i rnam par smin pa ni ji ltar bu zhig bdag cag rnams kyis ji ltar 'tshal bar bgyi// gsang ba mchog gi bdag pos bka' stsal pa// bla ma de'i rjes su 'breng zhing gsang ba 'di la mos zhing 'dzin pa dang / rna ba'i dbang pos nyan cing gzhung bzhin du sgrub pa'i gang zag rnal 'byor pa de ni gang zag 'ba' zhig ma lags te// sa la bsnyen pa dang / sa thob pa'i rnal 'byor pa ste/ rigs kyi bu khyed rnams kyis kyang spyan dang grogs po lta bur shes par bya'o// gang phyogs bcu dus bzhi'i sangs rgyas ji snyed pa rnams kyang rnal 'byor pa de la nye ba'i sras dam par dgongs shing byin gyis rlob pa 'gyur ro// de ci'i phyir zhe na// gang zag gsang ba 'di ni zos shing mos pa'i skal pa dang ldan pa yang bskal pa grangs med pa'i pha mtha' nas tshogs bsags shing sbyangs pa'i mthus de ltar 'gyur bar rig par bya'o// de bas na smra ba'i seng ge khyod nyid la sogs pa'i rdo rje 'dzin pa rnams dang tha mi dad par rig par bya'o// de dag gi dngos grub kyang tshe 'di nyid la 'grub cing gzhan 'jig rten gyi mthu chen rnams kyang bka' nyan cing las byed par 'gyur ro// yang smra ba'i seng ges gsol pa// bcom ldan 'das bla ma rdo rje slob dpon chen po rnal 'byor gyi 'khor dang bcas pa rnams gsang ba'i theg pa 'di nyid la mos shing dad pa'i sems kyis g.yo sgyu dang // gsog 'jog spangs pa'i phyir rabs kyi dad pa can gyi skye bo de'i rnam par smin pa cir 'gyur/ bdag cag la sogs pa rnams kyis ji ltar bltar bar bgyi/ bcom ldan 'das kyi bka' stsal pa/ rigs kyi bu dad pa can gyi skye bo bla ma 'khor dang bcas pa gsang ba'i theg pa 'di nyid la mos shing dad pa dang rna ba'i dbang pos nyan cing g.yo sgra dang gsog 'jog spang ba de'i rnam par smin pa'i legs pa'i yon tan yang brjod cing tshad gzung bar rab tu dka'o// la la dag gis so so skye bo sangs rgyas kyi zhing yongs su gang ba la sbyin pa byin pa'am/ srog gton pa'am dge ba bcu dang / tshad med pa bzhi dang / bsdu ba'i dngos po bzhis rgyu'i theg pa'i sgo nas 'gro ba'i don byas pa bas ni bla ma 'khor dang bcas pa dang gsang ba'i theg pa 'di'i sgo nas skad cig tsam 'gro ba gcig gi don byas pa'i bsod nams kyi dge ba'i rtsa ba 'bum gyi cha yang mi phod do// rigs kyi bu la la dag gis sangs rgyas kyi zhing yongs su gang ba'i nyan thos sam/ rang sangs rgyas sam/ byang chub sems dpa'i theg pa de snyed la rim gro bkur bsti tshul bzhin du bskal pa grangs med pa'i yun du byas pa'i bsod nams kyis ni gsang ba'i theg pa 'di la gnas pa'i gang zag rnal 'byor pa gcig la tha na dro gcig gam/ skad cig yud tsam du bkur sti tshul bzhin du byas pa'i bsod nams kyi 'bum gyi char yang mi phod do// / ci'i phyir zhe na/ de ni gsang ba'i theg pa 'di nyid las nyan thos dang / rang sangs rgyas dang // byang chub sems dpa'i theg pa rnam 'byung zhing gsang ba'i theg pa nyid la 'gro ba gzud pa'i thabs su bsti ba'i gnas su gsungs pa yin gyi gtan du gzhag pa'i sa ni ma yin no// de bas na nga nyid kyi sprul pa bas kyang chos rnam pa sna tshogs ji ltar 'dul bar ston pa yin no// de bas na gsang sngags kyi yon tan ni bsam gyi kyang mi khyab bo// rigs kyi bu gang zag la la dag gis bskal pa brjod du med pa'i yang brjod du med par rgyu'i theg pa'i sgo nas dge ba'i rtsa ba rgyas par spyad pa bas ni gsang ba'i theg pa 'di'i don skad cig tsam yid la byas pa'i bsod nams khyad par du 'phags te 'bum gyi char yang mi phod do// rigs kyi bu gang zag la la zhig gis bskal pa gang gA'i klung gi bye ma snyed du so so'i skye bo'am/ nyan thos sam rang rgyal ba'am/ byang chub sems dpas sangs rgyas kyi zhing yongs su gang ba snyed la me tog dang / phreng ba dang / byug spos dang / bla bre dang / rgyal mtshan dang / ba dan dang / lhab lhub dang / rol mo'i khyad par mang po la sogs pas sangs rgyas kyi zhing yongs su gang bar byas te phul ba bas tha na gsang ba'i theg pa la gnas pa'i rnal 'byor pa gcig tsam la'ang g.yo sgyu dang // gsog 'jog spangs pa'i sgo nas 'dod pa'i yon tan kyi tshogs skad cig tsam bteg cing longs spyad pa'i bsod nams khyad par du 'phags te 'bum gyi char yang mo phod do// de ci'i phyir zhe na/ so so'i skye bo'am/ nyan thos sam/ rang sangs rgyas sam/ byang chub sems dpa'i bsod nams dang ye shes kyi phung po de dag pas gsang ba'i theg pa la gnas pa gcig gi ba spu'i cha gcig gi bsod nams dang // ye shes kyi phung po khyad par du 'phags te 'bum gyi char yang mi phod do// de bzhin du gang zag la la zhig gis me tog la sogs pa sangs rgyas kyi zhing yongs su gang ba'i bsod nams dang ye shes kyi phung po gang yin pas 'dod pa'i yon tan tshogs chen po gcig gi rdul phra rab kyi cha tsam gyi bsod nams dang ye shes kyi phung po gang yin pa de bas 'dod pa'i yon tan tshogs chen po gcig gi rdul phra rab kyi cha tsam gyi bsod nams dang ye shes kyi phung po khyad par du 'phags te 'bum gyi char yang mi phod do// rigs kyi bu de bas na dad pa can gyi skye bo gsang ba'i theg pa nyid dang / gsang ba'i theg pa la gnas pa'i bla ma 'khor dang bcas pa la dad pa'i sems kyis g.yo sgyu dang / gsog 'jog spangs pa'i de'i bsod nams dang ye shes kyi phung po ni tshad med do// de bsod nams dang ye shes kyi phung po ni thams cad mkhyen pa'i sangs rgyas rnams kyis kyang bgrang bar mi nus so// de nas smra ba'i seng ges 'di skad ces gsol to// bcom ldan 'das gsang sngags kyi yon tan ni tshad ma mchis so// bde bar gshegs pa tshad ma mchis lags so// bcom ldan 'das 'on kyang bdag cag la sogs pa dang / ma 'ongs pa'i 'gro ba rnams drang ba'i slad du sngon 'das pa'i lo rgyus kyi gtan tshigs rnams zhu bar 'tshal na gnang ba'i skabs dbye bar gsol/ gsang ba mchog gi bdag pos bka' stsal pa/ smra ba'i seng ge khyod nga la zhu bar spobs kyis ci dang ci 'dod pa dris shig dang ngas khyod la bshad par bya'o// de nas smra ba'i seng ges gsol pa/ bcom ldan 'das gsang ba'i theg pa 'di rna ba'i dbang pos thos pa'i yon tan dang rnam par smin pa ji lta bur 'gyur/ gsang ba mchog gi bdag pos bka' stsal pa// rigs kyi bu rnams nyon cig gsang ba'i theg pa 'di rna ba'i dbang pos zos pa'i yon tan ni ming tsam thos pas kyang ngan 'gro las skyobs par 'gyur ro// de yang ji ltar yongs su shes zhe na/ sngon 'das pa'i dus dran pa thog ma'i tshe gsang ba'i theg pa'i lha'i gnas rim pa gsum na tshul bzhin du spyod pa las 'od ldan zhes bya ba'i lha'i bu zhig gi mi rtag pa'i dus la bab ste 'chi ba'i snga ltas rnams byung bar gyur/ de rab tu mi dga' ba'i 'du shes su gyur nas tshe phyi ma la gang du skye snyam pa'i 'du shes 'ba' zhig skyes pa las/ lha'i bu de nyid mngon par shes pa las mi gtsang ba za ba'i byol song gi rigs su skye bar mthong ste shin tu 'jig pa'i sems skyes nas mgon skyabs gzhan med par mthong ste gsang ba'i theg pa'i mtshan thos nas de bzhin de yid la dran par byas so// de'i tshe 'od ldan zhes bya ba lha'i bu de ngan 'gro'i lam de las grol te gsang ba'i theg pa 'dzin pa'i gnas ga la ba der skyes so// der skyes nas kyang tshogs chen po la la longs spyod pa skal pa can du gyur pa de bzhin du shes par bya'o// yang gsol pa/ gsang ba mchog gi bdag po gsang ba'i theg pa 'di la dga' zhing mos pa dang // 'dun pa skyes pa'i gang zag de ni rnam par smin pa'i yon tan ji lta bur 'gyur// lung bstan du gsol// gsang ba mchog gi bdag pos bka' stsal pa// gsang ba theg pa 'di la dga' zhing // mos pa dang 'dun pa skyed pa'i gang zag dam pa de ni rig 'dzin rgyal ba'i sras dam par 'gyur bar gdon mi za'o// de yang ji ltar yongs su shes zhe na/ sngon 'das pa'i dus nga dran pa thog ma'i tshe bram ze rgyal byed zhes bya ba'i bu byams ldan zhes bya ba zhig gsang ba'i theg pa 'di la dga' zhing mos nas 'dun pa skyes te gsang ba'i theg pa 'di kun du btsal bas rang gi sgrib pa'i bag chags stug pos gegs byas nas// rnyed par ma gyur te sa phyogs shin tu yang dben pa cig tu 'dug nas gsang ba la rab tu gdung ba'i shugs kyis ngu zhing smre sngags kyi tshig 'di skad ces smras so// kye ma'o bdag gi las 'di shin tu pham// thog ma skyes nas rgas bar du// 'bad de gsang ba'i don btsal yang // gsang ba ma rnyed las de ngan// da yang ji ltar btsal na rnyed// btsal yang rnyed par mi 'gyur na// thugs rje bdag la skyabs mdzod cig/ ces smras nas nam mkha' stong pa las cho 'phrul gyi sgra 'di skad ces grag go/ bram ze'i bu ni skal ldan khyod// yid dam brtan pa shin tu legs/ khyod ni don gyi skal pa can// phyogs bcu dus bzhi'i sangs rgyas kyis// khyod la byin gyis rlob pa mdzod// rang nyid lta ba ma yengs par// bag chags sbyangs pa'i thabs dag la// mkhas shing brtson par bya dgos te// rang gi khrag rnams grangs nas su// dad cing gtsang ba tsan+dan chur/ dmigs nas rgyal ba kun mchod na// myur du gsang don rnyed par 'gyur/ zhes par snang las lung bstan pa thos nas rab tu dga' ba'i sems kyis lus kyi rtsa rnams khrag drangs nas 'phags pa rnams la mchod pa de nyid du gsang ba'i don mthong ste/ rig 'dzin rgyal ba'i sras dam par gyur pa de bzhin shes par bya'o// de nas yang smra ba'i seng ges gsol pa// bcom ldan 'das gsang ba mchog gi bdag pos gsang ba'i theg pa 'di'i sgor zhugs shig tshogs kyi dkyil 'khor dam pa mthong ba'i gang zag dam pa de'i 'bras bu ji ltar lags/ lung bstan du gsol/ bde bar gshegs pas lung bstan du gsol/ gsang ba mchog gi bdag pos bka' stsal pa/ gsang ba'i theg pa'i sgor zhugs shing tshogs kyi dkyil 'khor dam pa mthong ba'i gang zag de ni dngos grub tu gyur to 'tshal thams cad ji ltar 'dod pa bzhin thob par 'gyur ro// de na yang ji ltar yongs su shes zhe na/ sngon 'das pa'i dus nga dran pa thog ma'i tshe lha'i gnas rim pa gsum na gsang ba spyod pa las dge ba'i rgyal po bkod pa zhes bya ba'i lha'i bu zhig tshom bu 'bum dag bcas nas gsang ba rgya cher spyod pa las rin chen 'od ldan zhes bya ba'i lha'i bu zhig gsang sngags rgya cher spyod pa de nyid la shin tu dad pa skyes pa las yo byad phun sum tshogs pa dang bcas pa gsang ba'i gnas der phyin te gsang ba'i sgor zhugs nas tshogs kyi dkyil 'khor chen po yang mthong bar byas te de nyid kyi dus kyi tshe dag tu dngos grub tu gyur to 'tshal ba thams cad ji ltar bsams pa bzhin du thob par gyur pa/ de bzhin du shes par bya'o// de nas smra ba'i seng ges gsol pa/ gsang ba'i theg pa 'di mngon du spyod pa'i rnam 'byor pa gang zhig la dga' ba'i yid kyis mngon du phyogs pa de'i 'bras bu ji lta bur 'gyur bar lung bstan du gsol/ gsang ba mchog gi bdag pos bka' stsal pa/ smra ba'i seng ge gzhan yang gsang ba'i theg pa spyod pa la mngon du phyogs pa'i gang zag de'i rnam par smin pa ni gsang ba dngos su spyod pa'i rnal 'byor pa de dang 'dra bar thob par 'gyur ro// de yang ji lta yongs su shes zhe na/ sngon 'das pa'i dus nga dran pa thog ma'i tshe rgyal po dbang phyug 'od ldan zhes bya ba'i rnal 'byor pa zhig tshom bu 'bum dang bcas nas sngags kyi spyod pa la rgya cher zhugs te 'bras bu ngo mtshar rmad du byung ba thob par kun tu grags pa las/ gzhan gyi sde pa bram ze dge slong bya ba zhig shin tu dga' ba'i sems skyes nas 'byor pa'i yo byad mang po dang bcas nas tshogs kyi dkyil 'khor de nyid du 'jug par gsol ba btab pa las rgyal pos ma gnang ste gsang sgo bsdams so// bram ze de dad pa ma log par 'byor pa'i yo byad ci yod pa rgyal po'i spyan sngar phul te rgyal po gnas pa'i yul phyogs su yid kyis phyogs te smon lam btab cing rjes su yi rang bar byas so// de'i rnam par smin pas rgyal po dang bram ze gnyis 'bras bu mtho dman med par thob pa bzhin du shes par bya'o// yang smra ba'i seng ges gsol pa/ gsang ba'i theg pa 'di'i bslab pa mthar phyin pa 'di yon tan gyi khyad par ji lta bu lags/ gsang ba mchog gi bdag pos bka' stsal pa/ gsang ba'i theg pa 'di'i bslab pa mthar phyin pa'i che ba'i khyad par gyis theg pa mtha' dag gi bslab pa yang mthar phyin cing lung bstan pa yang 'thob par 'gyur ro// de yang ji ltar yongs su shes zhe na/ sngon 'das pa'i dus su nga dran pa thog ma'i tshe bram ze'i bu gsal sbyin zhes bya bas gsang ba chen po 'di'i bslab pa mthar phyin te/ rang gi sems goms par byas pas theg pa mtha' dag gi bslab pa mthar phyin te/ de nyid du bar snang las lung bstan pa'i sgra/ rigs kyi bu khyod dus phyi ma'i tshe chos chos kyi rgyal po chen por gyur nas/ zhing khams rnam par dag pa zhes bya bar sangs rgyas nas/ smra ba'i seng ge zhes bya bar grags par 'gyur ro zhes bya bar lungs bstan pa de bzhin du zhes par bya'o// yang smra ba'i seng ges gsol pa/ tshogs chen po gcig gi bsod nams kyi khyad par ji lta bu lags/ gsang ba mchog gi bdag pos bka' stsal pa/ smras pa'i seng ge so so'i skye bo'am/ nyan thos sam rang rgyas sam/ sa la gnas pa'i byang chub sems dpa' sangs rgyas kyi zhing yongs su gang ba snyed la sbyin mchod sangs rgyas kyi zhing byur bur gtams pas bskal pa'am// bskal pa grangs med par byin pa'i bsod nams kyis ni rnal 'byor gcig la tshogs gcig skad cig tu mchod par rgya cher byas pa'i bsod nams dang ye shes kyi tshogs 'bum gyi char yang mi phod do// de yang ji ltar yongs su shes zhe na/ sngon 'das pa'i dus na nga dran pa thog ma'i tshe las dag pa'i bram ze'i bu gsal ldan zhes bya ba zhig gsang ba'i theg pa 'di la dad par 'gyur ro// bram ze'i bu dge ldan zhes bya ba zhig ni rgyu'i theg pa la dad par 'gyur ro// de'i bram ze'i bu de gnyis tha tshig bcas te/ dge ldan gyis mchod sbyin bzang po rgya cher spel lo// gsal ldan gyis ni tshogs mchod rgya cer byas so// de gnyis kyi 'bras bu'i khyad par ni/ sngags spyod pa'i bram ze gsal ldan ni tshe de nyid la mngon par rdzogs par sangs rgyas par gyur to// rgyu'i theg pa la spyod pa'i dge ldan ni// bskal pa grangs med pa gsum du dka' ba byas nas/ 'bras bu thob pa de bzhin du shes par bya'o// yang smra ba'i seng ges gsol pa/ gsang paba'i theg pa'i mdo 'di rtag tu 'chang ba'i gang zag de'i rnam par smin pa ji lta bur 'gyur ba lags/ gsang ba mchog gi bdag pos bka' stsal pa/ smra ba'i seng ge mdo 'di rtag tu 'chang zhing 'dzin pa de ni// dpal rdo rje sems dpa'i che ba'i yon tan gyi gzungs dang bcas pa thob bo// de yang ji ltar yongs su shes zhe na// sngon 'das pa'i dus nga dran thog ma'i tshe/ khyim bdag dad pa can mas sbyin bya ba de/ tshom bu brgya dang bcas pas gsang ba'i theg pa'i mdo 'di rgyun rtag par bcangs pas/ dpal rdo rje sems dpa'i 'khor dang bcas pa ci 'dra bar tshe 'di nyid kyis nges par 'thob cing mi brjed pa'i gzungs thob pa'o// de bzhin du shes par bya'o// yang smra ba'i seng ges gsol pa/ gsang ba'i mdo 'di'i don rtogs nas/ gzhan dag la smra bar byed pa de'i yon tan ji lta bu lags/ lung bstan du gsol/ gsang ba mchog gi bdag pos bka' stsal pa/ smra ba'i seng ge gsang ba'i mdo 'di'i don rtogs nas/ gzhan snod dang ldan pa'i 'gro ba la bstan tam/ bshad na chos kyi rgyal po chen por 'gyur te nga nyid dang 'dra bar 'gyur ro// de yang ji ltar yongs su shes zhe na/ sngon 'das pa'i dus nga dran pa thog ma'i tshe/ rnal 'byor la gnas pa'i drang srong ka pa ya na zhes bya bas/ drang srong mang po rnams la gsang ba'i don 'di bshad cing bkrol ba las/ drang srong mang pos rig 'dzin gyi sa thob/ ston pa'i drang srong de nyid gsang ba'i bdag por gyur to// de bzhin du yongs su shes par bya'o// de bas na gsang sngags che ba'i yon tan gyi khyad par ni bsam gyis mi khyab pa'o// de nas smra ba'i seng ge byed pa po rdo rje kun du bzang pos gsol pa// bcom ldan 'das the tshom thams cad gcod pa'i rgyal pos/ gsang sngags spyad nyes pa'i skyon gyi rnam pa zhu bar 'tshal na gnang ba'i skabs dbye bar gsol/ gsang ba mchog gi bdag pos bka' stsal pa/ bcom ldan 'das gsang don la mi gnas par/ gsang sngags kyi spyod par tshul 'chos pa'i nyes pa ji lta bu lags/ gsang ba mchog gi bdag pos bka' stsal pa/ smra ba'i seng ge gsang ba'i don zab mos yid ches pa med par tshul 'chos shing / g.yo sgyur bden par mchos pa ni ngan 'gro log pa'i lam du ltung bar nges so// de yang ji ltar yongs su shes zhe na/ sngon 'das pa'i dus nga dran pa thog ma'i tshe bskal pa kun tu bkod pa zhes bya ba las/ sangs rgyas kyi zhing mngon par 'byung ba zhes bya ba der sangs rgyas mngon par 'byung ba'i rgyal po zhes bya ba de/ sku mya ngan las 'das par gyur pa'i 'og tu bzang rgyan zhes bya ba'i rnal 'byor du khas 'ches pa cig byung bar gyur te/ des mi shes pa'i dbang gis mi shes pa'i 'khor rnams la gsang ba'i tshul du bcos nas/ log pa'i tshogs bskyangs pas tshom bu lnga brgya dang bcas par yang dag pa'i don las gol zhing / ngan 'gro log pa'i lam du lhung bar gyur pa de bzhin du shes par bya'o// de nas yang smra ba'i seng ges gsol pa/ gang zag la la dag gsang ba'i don zab mo rtogs pa med par dga' ba'i gzhung bor te/ gzhan nges pa'i rnal 'byor rnams skur ba 'debs pa'i rnam par smin pa ni ji lta bur 'gyur ba lags gsang ba mchog gi bdag pos bka' stsal pa// smra ba'i seng ge gang zag la la dag rang nyid gsang ba'i don la yid ces pa'i nges pa med par gzhan nges pa'i rnal 'byor pa rnams la sgro skur kyi sun 'byin pa'i blo skye zhing bdag gi ni yin/ gzhan gyi ni ma yin zhes bdag la bstod cing gzhan la smod pa ni don las 'ban za chad de mnar med par ltung ngo // de yang ji ltar yongs su shes zhe na/ sngon 'das pa'i dus nga dran pa thog ma'i tshe/ bskal pa kun du bkod pa zhes bya ba'i dus de nyid la/ dpal sbyin zhes bya ba'i rnal 'byor zhig tu khas 'ches pa zhig yang dag pa'i don la shed ma bye zhing / lam gyi bgrod thabs la mi mkhas pas de bka' nges pa'i gzhung ni ma rtogs/ chos ma yin pa'i chos la chos su spyod cing nor bas/ bdag nyid sun 'byin cing log pa'i cad mas gzhan nges pa'i don spyod pa'i rnal 'byor pa la khyod kyi de ni yang dag pa'i don ma yin/ yang dag pa'i bdud rtsi dang 'dra ba ni nga'i chos 'di yin no zhes bdag bstod/ gzhan la ni smod pas yang dag pa'i don dang ni gtan du 'gyangs/ mnar med pa'i sems can dmyal ba chen por bskal pa bcu gnyis kyi bar du 'khyams par gyur to// de bzhun du shes par bya'o// de nas yang smra ba'i seng ges gsol pa/ gang zag la la dag don la mkhas pa'i rnal 'byor gyi rjes su 'byung ba dag/ gzhan gyi dpon bstabs na mi shes bzhin du ras gcod cing / tshul 'chos shing sems gya grus slob dpon gyi sa 'dzin pa'i rnam par smin pa ni ji lta bu lags/ gsang ba mchog gi bdag pos bka' stsal pa/ smra ba'i seng ges bla ma'i don la mkhas pa'i rjes su byung ba'i mi shes bzhin du tshul 'chos shing // bla ma'i sa bzung nas tshogs skyong ba de ni dregs pa'i ru tra chen por lhung bar nges so// de yang ji ltar yongs su shes zhe na/ sngon 'das pa'i dus nga dran pa thog ma'i tshe/ bla ma don la mkhas pa'i ngag gi rjes su 'byung ba'i dge slong dri med spyod pa zhes bya ba zhig rnal 'byor gyi tshul 'dra ba tsam du spyod de/ de don la mkhas pa'i bla ma rnams mi bzhugs nas/ bla ma de dag gi tshom bu 'bum gyi 'khor rnams kyis bdag cag rnams kyi bla ma'i gdung 'tshob par gsol zhes dpon bstabs pas/ dge slong dri med spyod pa zhes bya ba de che ba'i dregs pa skyes te/ mi shes bzhin du tshul 'dra ba log par spyod pas/ de'i tshe de'i dus nyid du dge slong tshom bu 'bum gi 'khor dang bcas pa/ dregs pa chen po'i du trar bskal pa chen po grangs med par skyes so// de bas na de bzhin du shes par bya'o// yang smra ba'i seng ges gsol pa/ gang zag la la dag bdag nyid kyi tshogs skyongs pa'i 'khor bla ma gzhan gyi dbang du 'gyur du dogs nas/ dge ba'i sgo 'gegs pa dag mchis na/ de'i rnam par smin pa ji lta bu zhig lags/ gsang ba mchog gi bdag pos bka' stsal pa/ smra ba'i seng ge 'khor sgo rigs dang rkyen mtshan so sor bcad cing / bla ma gzhan la nyon mongs pa'i sgo 'byed pa ni ngan song gsum gyi kha brgyud cing / sho gam gcan chen gyi rigs su skye bar nges so// de yang ji ltar yongs su shes par 'gyur zhe na/ sngon 'das pa'i dus nga dran pa thong ma'i tshe/ dge slong zhi gnas pa zhes bya ba'i tshom bu lnga brgya dang bcas pa/ don dang mi ldan pa zhig shin tu gsang ba'i sngags pa spyod do zhes zer nas/ dgon pa'i gnas gzung ste yul khams chen po de na gnas pa'i mi rnams kun 'dul ba'i dbang du spyod do// de'i tshe de'i dus su gzhan gyi sde par gyur pa'i dge slong grol ba'i blo gros zhes bya ba'i don dang ldan pa zhig yul khams de yang dag pa'i don la gzud pa'i ched du 'ongs nas/ gsang ba'i theg pa'i don rgya cher bstan pa bsam pa las/ zhi gnas pa zhes bya ba'i dge slong des nyon mongs pa'i bsgo ba drag po byas te/ 'khor 'di dag ni bdag gi zhing khams yin pas na/ khyod 'di la ma rtog shig ces bsgo ris so sor bcad pas/ de'i tshe dge slong zhi gnas pa'i tshom bu lnga brgya'i 'khor dang bcas pa nyon mongs pa 'khor ba'i lam du lhultung ste/ sho gam gcan chen gyi rigs su gyur to// de bas na de bzhin du shes par bya'o// de nas yang smra ba'i seng ges gsol pa/ gang zag la la dag rnal 'byor pa tshogs kyi yo byad kyi tshogs su bsngos pa la ser snas gsog 'jog bgyid pa dag mchis na/ de'i rnam par smin pa ji lta bur 'gyur ba lags/ gsang ba mchog gi bdag pos bka' stsal pa/ smra ba'i seng ge gsang ba pa'i tshogs chen por bsngos pa'i yo byad la ser snas gsog 'jog byed cing / gcig gi yid gcig gis 'byin par byed pa'i gang zag de ni/ nam zhar longs spyod thams cad dang bral te yi dwags khyi'i lus su skye'o// de yang ji ltar yongs su shes zhe na/ sngon 'das pa'i dus nga dran pa thog ma'i tshe rnal 'byor bde ldan zhes bya ba zhig tshom bu 'bum dang bcas pa gsang ba rgya cher spyod pa las/ de'i 'khor nam bud med bzang ldan zhes bya ba'i rnal 'byor ma zhig tshogs sbyor ba'i ging du bskos pa las/ yo byad phun sum tshogs pa la ser sna'i dbang gis gsog 'jog byas so// de'i tshe de'i rnam par smin pa'i yi dwags kyi lus su skyes nas longs spyod kyis brel zhing phongs par gyur to// de bas na de bzhin du shes par bya'o// de nas yang smra ba'i seng ges gsol pa/ gal te gang zag la la dag rnal 'byor gyi tshogs log par spyod cing // lta ba log pa can gyi spyi brtol dang / khro gtum che ba'i sdig pa spyod cing / don dang mi ldan yang bdag rnal 'byor pa'o zhes bab bcol du bka' rku zhing slu bar byed pa de'i rnam par smin pa ji lta bu lags/ gsang ba mchog gi bdag pos bskal stsal pa/ smra ba'i seng ge lta spyod log pas rnal 'byor du khas 'ches pa de ni mu stegs chen po'i rigs su skye bar 'gyur ro// de yang ji ltar yongs su shes zhe na/ sngon 'das pa'i dus nga dran pa thog ma'i tshe don la mi mkhas pa'i dge slong bla ma de ba zhes bya ba zhig gis/ bdag ni yang dag pa'i las la mkhas pa'o zhes kun la bsgrags nas tshogs ni bskyangs// spyi brtol dang khro gtum gyis sdig pa spyad pa'i rnam par smin pas mu stegs kyi spyod pa'i khams su lhung bar gyur to// de bas na de bzhin du shes par bya'o// yang smra ba'i seng ges gsol pa/ gal te gang zag la la dag don la ni rmugs/ tha tshig ni nyams/ dregs pa'i nga rgyal gyis rdo rje rgyal po'i sa 'dzin par 'dod pa'i rnam par smin pa ji lta bur 'gyur/ gsang ba mchog gi bdag pos bka' stsal pa/ khrel med pa'i spyi brtol gyis mun sbrul du byed pa de ni gti mug phag gi lus su skyes te/ de yang ji ltar yongs su shes zhe na/ sngon 'das pa'i dus nga dran pa thog ma'i tshe rtsa ba'i dam tshig nyams shing yang dag pa'i don la rmugs shing / dregs pa'i nga rgyal gyis sngags kyi tshul du spyod pa'i drang srong pe na ya zhes bya ba zhig tshom bu brgya dang bcas par gnas so// de'i tshe rnam par smin pa des gti mug phag gi lus su lhung ba de bzhin du shes par bya'o// yang smra ba'i seng ges gsol pa/ gang zag la la dag tshig tu mnyam zer yang / blo mnyam pa dag mi nye bar chags sdang la 'chel ba dag mchis na/ de'i rnam par smin pa ji lta bu lags/ gsang ba mchog gi bdag pos bka' stsal pa/ mnyam pa ma rtogs par chags sdang la 'tshed pa de ni rag+na srin po'i rigs su 'gyur te/ de yang ji ltar yongs su shes zhe na/ sngon 'das pa'i dus nga dran pa thog ma'i tshe/ mnyam pa nyid ma rtogs par chags sdang la 'che ba'i dge slong de sbyin zhes bya ba tshom bu stong dang bcas pa zhig gis/ gsang ba'i spyod pa mngon du spyod pas las de'i rnam par smin pas rag+na srin po'i gnas su skyes so// de bas na de ltar shes par bya'o// yang smra ba'i seng ges gsol pa/ gal te gang zag la la dag rdo rje 'chang gi gral du tshogs pa'i tshe don la dga' ba'i rnal 'byor pa dag gis/ yang dag pa'i don la gleng bslang ba de la 'jigs skrag zhum ste/ mi dga' zhing gud du byol ba'i rnam par smin pa ji lta bu lags// gsang ba mchog gi bdag pos bka' stsal pa/ yang dag pa'i don gyis 'jigs pa'i phrag dog can de ni 'khor ba'i gnas su 'khyams te/ yag+na gnod sbyin gyi gnas su ltung ngo // de yang ji ltar yongs su shes zhe na/ sngon 'das pa'i dus nga dran pa thog ma'i tshe/ rnal 'byor las dang po'i sar slob pa'i dge slong lha sbyin zhes bya pa zhig don dang ldan pa'i rnal 'byor phal chen tshogs par gyur pa las rnal 'byor de dag gis yang dag pa'i don glengs pa las/ lha sbyin 'khor dang bcas pa gleng bslang ba mi dga' zhing // ngan sems kyi phrag dog skyes nas rang gi gnas su byol te/ de dag la mi snyan par brjod pas de'i rnam par smin pas yang dag pa'i don las gol te/ gnod sbyin kha 'bar ma'i gnas su skyes so// de bas na de bzhin du shes par bya'o// yang smra ba'i seng ges gsol pa/ gal te gang zag la la dag don dang ldan pa'i rnal 'byor la ma ngan sems kyis sgro skur 'debs pa de'i rnam par smin pa ji lta bu lags/ gsang ba mchog gi bdag pos bka' stsal pa/ don dang ldan pa'i skyes bu la mngan sems kyis phyir 'dogs pa ni mnar med par ltung ste/ lce la thong gshol 'bar ba lnga brgyas 'dral bar 'gyur ro// de yang ji ltar shes zhe na/ sngon 'das pa'i dus nga dran pa thog ma'i tshe/ rnal 'byor don dang ldan pa rnam par dag pa'i blo gros zhes bya ba la/ mi 'jigs blo gros zhes bya ba don dang mi ldan pa zhig gis/ rnam par dag pa'i blo gros sde mang po skyong ba'i sar mi 'jigs blo gros 'ongs te/ mngan sems kyis sgro skur mang po btad pas de'i rnam par smin pas mi 'jigs blo gros mnar med par ltung nas/ lce la thong gshol 'bar pa lnga brgyas rmod par gyur to// de bas na de bzhin du shes par bya'o// yang smra ba'i seng ges gsol pa/ gang zag la la dag gis shes rab kyi rnal 'byor khong du ma chud par/ sgra thos pa tsam gyis gzhung spyad na ji ltar bur 'gyur ba lags/ gsang ba mchog gi bdag pos bka' stsal pa/ sgra phyir 'breng ba'i rnal 'byor de ni long ba'i 'du shes thob par 'gyur ro// de yang ji ltar yongs su shes zhe na/ sngon 'das pa'i dus nga dran pa thog ma'i tshe/ rgyal ba rab gsal 'dzin zhes bya ba mtshan ma'i rnal 'byor can de shes rab kyi tshig med par spyi yud tsam la ltos nas/ rnal 'byor kyi tshul bzung bas/ de'i dbang gis log pa'i khams su ltung ba de bzhin du shes par bya'o// rigs kyi bu de pas na shin tu gsang ba'i chos 'di ni shin tu gol sa che bas/ mnyam pa nyid kyi don la goms pa'i sgo nas spyod cig ces gsungs so// de nas de'i tshe 'dus pa'i 'khor tshogs rnams ngo mtshar bar gyur/ rmad du gyur te/ rmad du byung ba'i cho 'phrul rnam par du ma sta cing / nyes legs kyi khyad par de dag la rab tu ngo mtshar nas/ mgrin gcig tu 'di skad ces dam pa'i glu 'di blangs so// e ma'o ngo mtshar rmad kyi ston pa gsang mchog kun tu bzang // gsang ba kun gyi mnga' bdag ye shes rol pa'i mdzod// kun nas kun gyi dbang bskur dam pa'i bdag khyod bzhugs// yid dang 'thad pa'i bla ma khyod la phyag 'tshal 'dud// gsang sngags yon tan rgya mtsho grangs mang bsam yas kyang // gzhung dang 'gal byas snod ngan skyon nyid lhung gnas mang po brjod mi lang // legs dang nyes pa'i 'bras bu rnam smin de nyid kyis rab gsungs pa// bdag cag 'khor tshogs dga' spro gsang nyid don la 'jug ces dam par gyur// a la ho zhes bya ba'i glu 'dis mnyes par byas so// de nas smra ba'i seng ges phyag rnal 'byor gyi lugs su byas te/ mchod pa rgyas pa de kho na nyid kyis mchod de/ gsang ba mchog gi bdag po la 'di skad ces gsol to// bcom ldan 'das gsang ba mcho gi bdag po/ gsang ba'i theg pa 'di bdag cag 'khor dang bcas pa rnams la bsgo bar gsol/ ci nas kyang ma 'ongs pa'i gang zag rnal 'byor pa rnams la phan gdags pa'i phyir nan tan bgyi ba bsgo bar gsol/ de nas gsang ba mchog gi bdag pos zhal 'dzum pa mdzad de/ smin rings bsgyur nas btsun mo rngam pa kro d+ha'i rgyal po la rnam par 'jug par gyur to// de'i tshe chos thams cad gnyis su med pa'i byang chub kyi rang bzhin du gnas par gyur te/ de'i tshe byang chub sems dpa' de dag smra ba'i seng ge byed pa po rdo rje kun tu bzang pos/ btsun mo bya ba mo kun tu bzang mo dang gnyis su med pa'i dkyil 'khor la thim par mdzad do// de nas bcom ldan 'das gsang ba mchog gi bdag pos smra ba'i seng ge la bka' stsal pa/ smra ba'i seng ge da ngas chos 'di bsdus te bshad kyi nyon cig gsang ba chen po'i rang bzhin ni// bskyed pa med cing bsgrub pa med// bsgom pa med cing gzugs kyang med// phyag rgya med cing 'jug sgo'ang med// 'dod pa med cing bsrung ba med// brtul zhugs med cing bsrung ba'ang med// ye nas rnam dag brjod med chos// skyon dang yon tan dbyings su dag/ ngo bo nyid ni brjod du med// de la gsal 'dris goms par byos// med pa'i don las kun 'byung ba// gsal 'dris goms par bya ba'i phyir// smra ba'i seng ge khyod nyid kyis// tshig don ma lus thams cad kun// shes rab blo la gsal bsdus nas// mi nub rgyal mtshan rtse mo ltar// nan tan gyis ni brtson 'grus bya'o// zhes gtad do// de nas smra ba'i seng ges a la la ho zhes pa'i sgra phyung ste/ yid kyi dkyil 'khor pad+mo lta bu'i sgo phye ste gsang ba'i don 'di nyid thugs rin po che la gzhag ste gsung gi dkyil 'khor du gnas so// de nas smra ba'i seng ges bcom ldan 'das gsang ba mchog gi bdag po dang / gsang ba'i mdo 'di nyid dang / 'dus pa'i 'khor tshogs rnams la bstod pa'i glu 'di blangs so// oM phyogs bcu dus bzhi rgyal ba'i sku gsung thugs// gsang ba mchog gi dbang po b+ha g.yongs kyi gter// gsang ba yum dang gnyis med rol pa'i cho 'phrul bdag/ 'dul dbang 'jigs byed zhi khro kun gyi bdag po mchog/ thams cad mkhyen pa'i ston mchog gcig pu khyod la phyag 'tshal bstod// oM bsam gyis mi khyab chos kun 'dus pa'i gtso// lung dang rigs pa gtan tshigs kun gyi gnas// rgyud lung man ngag kun gyi 'byung gnas gtso// phyi rabs rnal 'byor kun gyi yid ches gter// gsang ba'i yang gsang mdzad la phyag 'tshal bstod// oM phyogs bcu'i zhing rnams kun nas 'dus pa'i gtso// rgyal ba sras bcas yum tshogs sprul par bcas// nyid las mi gzhan 'khod du sku sprul pa// dbyings kyi ngang las mi 'da' dam tshig can// zhi khro'i 'khor tshogs rnams la phyag 'tshal bstod// ho/ a la la ho zhes brjod pas thams cad mnyes par gyur to// de nas bcom ldan 'das gsang ba mchog gi bdag pos hUM zhes brjod pa tsam gyis/ dkyil 'khor de dag thams cad thugs gsang ba'i mdzod du thim par gyur te mi snang ngo // gsang ba mchog gi bdag po nyid kyang dus bzhi mnyam pa'i dbyings las mi gnas pa'i tshul gyis rnam par gnas so// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las/ gsang ba phyi ma rnam par bkod pa'i le'u ste bcu bdun pa'o// // 'phags pa rgyud kyi rgyal po ye shes rngam pa glog gi 'khor lo'i mdo zhes bya ba theg pa chen po'i mdo rdzogs so// // sarba mang+ga laM//