<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
Gpb010.002: de bzhin gshegs pa thams cad kyi gsang ba / gsang ba'i mdzod chen po mi zad pa gter gyi sgron ma // brtul zhugs chen po bsgrub pa'i rgyud<br><table><tr><td>
<input type="button" onclick="location.href='tcompletep.php?id=Gpb010.002&coll=Gpb&volcur=0';" value="show page break" />
<td width=150><td>
<input type="button" onclick="location.href='tcompletel.php?id=Gpb010.002&coll=Gpb&volcur=0';" value="show line break" />

<td width=150><td>
<a href="tcompleteu.php?coll=Gpb&id=Gpb010.002&volcur=0" style=font-size:25px;">བོད་ཡིག</a><td width=150><td>e-texts produced with BDRC’s OCR application <a href="https://github.com/buda-base/tibetan-ocr-app" target="_blank"><img src="../sub/link.png" width=20></table><hr><p style="font-size:18px;">rgya gar skad du/ sarba ta thA ga ta gu h+ya ma hA gup+ta ko Sha ak+Sha ya ni d+hi dI ba ma hA pra ta sA d+ha na tan+ta dz+nyA nA shUr+ya drA ti tsakra nA ma ma hA yA na swa tra/ bod skad du/ de bzhin gshegs pa thams cad kyi gsang ba/
 gsang ba'i mdzod chen po mi zad pa gter gyi sgron ma// brtul zhugs chen po bsgrub pa'i rgyud/ ye shes rngam pa glog gi 'khor lo zhes bya ba theg pa chen po'i mdo/ bcom ldan 'das dpa' ye shes rngam pa'i rgyal
 po la phyag 'tshal lo// 'di skad bdag gis thos pa dus gcig na/ bcom ldan 'das gsang ba mchog gi bdag po dpal kun du bzang po chen po ye shes rngam pa'i rgyal po zhes bya ba phyogs bcu dang dus bzhis
 bsdus pa'i bde bar gshegs pa rnal 'byor gyi dbang phyug chen po rnams kyi sku gsung thugs rdo rje mi phyed pa'i bdag nyid chen po// gsang ba mchog gi dgyes pa na/ lhun gyis grub pa'i longs spyod chen po/ chos
 ma lus mi lus lus pa med pa thams cad kyi rang bzhin chen po/ ngo mtshar rmad du byung ba'i cho 'phrul chen po'i bdag nyid de 'og min gyi gnas mtha' dang dbus brjod du med pa na rang bzhin lhun gyis grub
 pa'i gsang ba mchog gi dkyil 'khor gsang ba yum gyi mkha' rnam par dag pa'i gzhal yas khang na gcig dang du ma dag bral ba'i phyir rgya phyogs bcur yongs su ma chad pa/ chos thams cad gnyis su med pa'i
 dbyings su thim pa'i 'od zer gsal ba// spros pa med pa'i tshul gyis pho brang gi snying po zlum por gyur pa/ dbyings dang ye shes rgyu dang 'bras bur ldan pa'i 'khor lo rtsibs dang ldan pa/ thams cad mkhyen pa'i
 ye shes rang snang ba'i thabs las byung ba'i mu khyud kyis bskor ba/ bsod nams dang ye shes kyi tshogs thugs rjes rgyas pa'i phyir grub bzhir gsal ba/ rnam par thar pa'i sgo nas 'jug pa'i sgo bzhin rnam par
 thar pa brgyad kyi lam stegs su shar ba/ phyi dang nang med par lhun gyis grub pa'i gzhan yas khang de na nyi ma zla ba rangs pa dang phyed kyis 'od gsal snang ba dang / che ba'i yon tan rnam pa sna tshogs pa'i dril bu
 dang mu tig gi chun mdzes 'phyang ba dang / shar bu'i rgyan dang / bla re dang / gdugs dang / rgyal mtshan la sogs pa'i rgyan gyi khyad par dang / mnyam pa nyid kyi ta la'i ljon shing dang / re ba skong ba'i dpag
 bsam gyi shing dang / yid bzhin gyi nor bu rin po che'i rgyal mtshan dang / 'jig rten pa'i lha dang / lha'i bu mo rnam pa sna tshogs pa'i rol mo dang glu dbyangs kyi tshigs su bcad pas brgyan pa'i gnas khyad par rgyu
 rin po che sna tshogs las grub pa'i gnas de nyid na thabs dang shes rab rang bzhin gyis 'od gsal ba'i nyi zla dang ma chags ma gos pa'i pad+ma dang mi zad pa'i rin po che 'bar ba'i gdan khri dang gzims cha
 dang snam rten du ldan par gnas so// gzhan yang khrag 'thung gi tshogs 'dus pa'i gnas su yang 'gyur te/ dur khrod kyi rgyan gyi khyad par gyi bye brag zhing gi gdan dag sbrul nag gi chun 'phyang dang
 zothod pa rnam gsum gyi mtshan ma dang / rlung nag gi phung po spungs shing rak+ta'i rgya mtsho mi bzad par 'khrug pa dang / me ri ser nag tu 'khyil cing 'bar ba/ keng rus kyi ri rab las rak+ta'i khrag zhag gi chu 'bab
 pa/ 'bar ba'i 'phro ba mang po 'khrug pa'i gnas na dregs pa khyo shug dang / sems can chen po'i gdan dang bcas pa'i gnas kun du bzang po'i bsod nams dang ye shes kyi tshogs las grub pa/ rnal 'byor gyi
 dbang phyug chen po'i rdo rje gsang ba'i gral du gyur pa na rnal 'byor gyi dbang phyug gi 'khor tshogs brjod pa las 'das pa'i yang brjod pa las 'das pa/ sangs rgyas kyi zhing gi rdul phra rab snyed 'khod pa ni rnal
 'byor gyi dbang phyug chen po dang / khrag 'thung rol pa'i tshogs dang dad pas 'dus pa'i tshogs rnams dang thabs cig tu bzhugs pa 'di lta ste/ nam mkha'i dbyings dang mnyam pa'i de bzhin gshegs pa btsun
 mo dang bcas pa de bzhin gshegs pa rnam par snang mdzad dang / de bzhin gshegs pa mi bskyod pa dang / de bzhin gshegs pa rin chen 'byung ldan dang / de bzhin gshegs pa snang ba mtha' yas dang / de
 bzhin gshegs pa don yod grub pa dang / btsun mo dam pa dbyings phyug ma dang / btsun mo dam pa sangs rgyas spyan dang / btsun mo dam pa mA ma ki dang / btsun mo dam pa gos dkar mo dang / btsun mo dam pa
 sgrol ma dang / gzhan yang rig kyi rnal 'byor gyi 'khor btsun mo'i tshogs dang bcas pa nam mkha' dang mnyam pa rnal 'byor chen po sems dpa'i rdo rje dang / rnal 'byor chen po rin chen rdo rje dang / rnal 'byor
 chen po chos rdo rje dang / rnal 'byor chen po las rdo rje dang / rnal 'byor chen po rdo rje sems ma dang / rnal 'byor chen mo rin chen sems ma dang / rnal 'byor chen mo chos kyi sems ma dang / rnal 'byor chen mo
 las kyi sems ma dang / gzhan yang nam mkha' dang mnyam pa'i byang chub sems dpa' chen po'i 'khor btsun mo dang bcas pa byang chub chen po sa'i snying po dang / byang chub chen po nam mkha'i snying po dang / byang
 chub chen po spyan ras gzigs dbang phyug dang / byang chub chen po lag na rdo rje dang / byang chub chen po 'jam dpal gzhon nur dang / byang chub chen po sgrib pa rnam par sel ba dang / byang chub chen po byams pa mi
 tre dang / byang chub chen po kun du bzang po dang / byang chub chen mo sgeg mo dang // byang chub chen mo phreng ba dang // byang chub chen mo dbyangs dang / byang chub chen mo gar ma dang / byang chub chen mo pog me ma dang /
 byang chub chen mo me tog ma dang / byang chub chen mo mar me ma dang / byang chub chen mo dri dang / gzhan yang 'joms pa chen po'i 'khor btsun mo dang bcas pa nam mkha' dang mnyam pa 'joms pa
 chen po gshin rje gshed po dang / 'joms pa chen po stobs po che dang / 'joms pa chen po rnam par rgyal ba dang / 'joms pa chen pa rta'i rgyal po dang / 'joms pa chen po bdud rtsi thab sbyor dang / 'joms pa
 chen mo lcags kyu ma dang / 'joms ma chen mo zhags pa ma dang / 'joms ma chen mo lcags sgrog ma dang / 'joms ma chen mo 'bebs ma dang / gzhan yang thub pa'i sras kyi 'khor rdul phra rab snyed dang mnyam
 pa/ thub pa chen po lha'i dbang po dang / thub pa chen po lha ma yin gyi bdag po dang / thub pa chen po mi'i dbang po dang / thub pa chen po dud 'gro'i dbang po dang / thub pa chen po yi dwags kyi dbang po dang / thub
 chen po dmyal ba'i dbang po dang / de dag la sogs pa rnal 'byor gyi dbang phyug chen po sras kyi tshogs grangs med pa dang / yang thabs cig tu bzhugs so// gzhan yang khrag 'thung rol pa'i dpal he ru ka
 btsun mo'i tshogs dang bcas pa 'di lta ste/ khrag 'thung chen po dpal bud+d+ha he ru ka zhes bya ba dang / khrag 'thung chen po dpal badz+ra he ru ka zhes bya ba dang / khrag 'thung chen po dpal rat+na he ru ka zhes bya ba dang /
 khrag 'thung chen po dpal pad+ma he ru ka zhes bya ba dang / khrag 'thung chen po dpal karma he ru ka zhes bya ba dang / btsun mo bud+d+ha kro d+hi zhes bya ba dang / btsun mo badz+ra kro d+hi zhes bya ba dang / btsun mo rat+na kro d+hi zhes bya
 ba dang / btsun mo pad+ma kro d+hi zhes bya ba dang / btsun mo karma kro d+hi zhes bya ba dang / gzhan yang gsang ba chen po 'khor btsun mo dang bcas pa gsang ba chen po rak+Sha he ru ka zhes bya ba dang / gsang ba chen po yak+Sha
 he ru ka zhes bya ba dang / gsang ba chen po bi shwa he ru ka zhes bya ba dang / gsang ba chen po sa ma ya he ru ka zhes bya ba dang / gsang ba chen po rak+Sha kro d+hi zhes bya ba dang / gsang ba chen po yak+Sha kro d+hi zhes bya ba dang /
 gsang ba chen mo bi shwa kro d+hi zhes bya ba dang / gsang ba chen mo sa ma ya kro d+hi zhes bya ba dang / gzhan yang phra men ma nyi shu'i tshogs kyi 'khor dkar mo'i tshogs zhes bya ba dang / rkun mo'i tshogs zhes bya ba dang /
 sbos mo'i tshogs zhes bya ba dang / gtum mo'i tshogs zhes bya ba dang / rmongs mo'i tshogs zhes bya ba dang / thal byed ma'i zhogs zhes bya ba dang / sme sha can gyi tshogs zhes bya ba dang / ma tshogs zhes bya ba dang /
 seng gdong gi tshogs zhes bya ba dang / stag gdong gi tshogs zhes bya ba dang / wa gdong gi tshogs zhes bya ba dang / khyi gdong gi tshogs zhes bya ba dang / bzhad gdong gi tshogs zhes bya ba dang / kang ka'i gdong gi
 tshogs zhes bya ba dang / dur bya'i gdong gi tshogs zhes bya ba dang / bya rog gdong gi tshogs zhes bya ba dang / 'ug pa'i gdong gi tshogs zhes bya ba dang / rta gdong gi tshogs zhes bya ba dang / phag
 gdong gi tshogs zhes bya ba dang / seng gdong gi tshogs zhes bya ba dang / smre gdong gi tshogs zhes bya ba la sogs pa/ phra men ma'i tshogs shin tu mang ba dang / gzhan yang rdo rje srin po khro bo'i tshogs rdo rje srin po
 khro bo rnam par rgyal ba zhes bya ba dang / dbyug pa sngon mo zhes bya ba dang / gshin rje gshed ces bya ba dang / mi g.yo mgon po zhes bya ba dang / rta mgrin zhes bya ba dang / gzhan gyis mi thub pa zhes bya ba dang /
 bdud rtsi 'khyil pa zhes bya ba dang / khams gsum rnam par rgyal ba zhes bya ba dang / hUM kA ra zhes bya ba dang / stobs po che zhes bya ba dang / gzhan yang rdo rje srin mo'i khro mo'i 'khor rdo rje srin mo snyems ma zhes bya
 ba dang / sder mo zhes bya ba dang / dur khrod ma zhes bya ba dang / gtun khung ma zhes bya ba dang / gtum mo zhes bya ba dang / mda' snyems ma zhes bya ba dang / sgra 'byin ma zhes bya ba dang / gsod ma zhes bya ba dang /
 bskyod ma zhes bya ba dang / rlung 'byin ma zhes bya ba la sogs pa rdo rje gzhon nu'i 'khor rig 'dzin 'bum phrag bsam gyis mi khyab pa dang / gzhan yang gsang sngags kyi mthu dang // ston pa'i ngo mtshar rmad du byung
 ba'i cho 'phrul gyis rang dbang med par 'khor 'dus pa'i dbang phyug dang / dbang phyug ma nyi shu rtsa brgyad la sogs pa kun bral dang yang bran// g.yog dang yang g.yog dang bcas pa rdzu 'phrul gyi shugs kyi 'khor
 'dus pa rnams ni bdag dang gzhan gyi shes pa'i rgyud ni thams cad zhi ba dang // rgyas pa dang dbang dang drag po dang dgug pa dang bcing ba dang gtang ba dang dgrol ba dang drang ba dang rengs pa dang rmugs pa dang
 dpral ba dang bza' ba dang btung ba dang 'jib pa dang nyams pa dang gsad pa dang / gnod pa dang sbar ba dang pham pa dang / rgyal ba la sogs pa byed cing thabs cig tu rdo rje gsang ba'i gral du 'khod do// de
 na yang dpal 'bar yum kro d+hi'i rgyal mo yang bcom ldan 'das gsang ba mchog gi bdag po'i sku la 'khril te bzhugs so// bcom ldan 'das byed pa rdo rje kun tu bzang po dang / btsun mo bya ba mo kun du
 bzang mo yang gnyis su med par mdun gyis bltas te bka' nod pa'i tshul du gnas so// 'phags pa rgyud kyi rgyal po ye shes rngam pa glog gi 'khor lo mdo zhes bya ba las gleng gzhi'i le'u ste dang po'o//
 de nas bcom ldan 'das gsang ba mchog gi bdag po dpal kun tu bzang po ye shes rngam pa'i rgyal pos 'khor gyi dkyil 'khor thams cad la rnam par gzigs so// 'khor gyi dkyil 'khor thams cad
 la gzigs nas phyi snod kyi khams nam mkha' dang sa dang / chu dang / me dang / rlung dang / ri dang / tshal la sogs pa thams cad la rnam par gzigs so// de dag thams cad na rnam par gzigs
 nas yang nang bcud kyi khams sems dang sems las byung ba'i g.yo ba dang / 'gul ba dang / dmyal ba dang / yi dwags dang / byol song dang / mi dang / lha ma yin dang / lha'i rigs so so'i khams dang / bsam
 gtan bzhi dang / tshad med pa bzhi dang / gzugs med pa'i khams dang / mu stegs kyi khams dang / bdud chen po dang / lha dang / klu dang / gnod sbyin dang / srin po dang / nam mkha' lding dang / mi 'am ci dang / ru
 tra dang / ru tra can la sogs pa'i khams la rnam par gzigs so// de dag thams cad la rnam par gzigs nas yang nyan thos kyi sa dang / rang sangs rgyas kyi sa dang / byang chub sems dpa'i rnams kyi sa dang / rig
 'dzin sa pa'i bsti gnas dang / phyogs bcu dus bzhi'i sangs rgyas thams cad sa la rdzu 'phrul gyi spyan gyis rnam par gzigs nas smra bsam las 'das pa de bzhin nyid stong pa chen po'i ting nge 'dzin la snyoms par
 zhugs te cang mi mdzad/ rnam par mi mdzad/ mdzad pa mi 'gog mdzad pa rnam par yang 'gog mi mdzad pa yang mi gnas/ cang mi gsung / rnam par mi gsung ma sgrogs/ gsungs pa yang mi 'gog/ gsungs pa
 rnam par yang mi 'gog/ mi gsung mi 'gog pa la yang mi gnas/ 'khor gyi dkyil 'khor dang / snod kyi khams thams cad dang / sa'i khyad par thams cad la yang mi gzigs mi dgongs// gzigs shing dgongs
 pa la yang mi 'gog/ rnam par yang mi 'gog/ mi 'gogs pa yang mi gnas so// de nas ting nge 'dzin la snyoms pa zhugs ma thag tu 'khor gyi dkyil 'khor de dag dang // snod kyi khams de dag dang / bcud kyi
 khams de dag dang / sa'i khyad par de dag thams cad kyang sgyu ma'i mtshan nyid tsam du yang dmigs su med do// dper na nam mkha' ni chos thams cad kyi rjes su yang song la ji ltar bu'i ngo bor yang gdags su
 med pa de bzhin du don dam par byang chub sems de yang thams cad la yang khyab la smra bsam las kyang 'das so// de ltar chos kyi sku'i ngo bor brjod du med pa la brnal bzhin du yul kun tu bzang mo rngam pa'i kro
 d+ha'i rgyal mos stong nyid kyi ngang las glu 'dis bskul lo// oM snang stong stong pa'i rdo rje chos kyi sku// smra bsam las 'das don dam byang chub sems// stong nyid ngang las mi 'da'i dam tshig gis// snying rje nam mkha'i
 ngo bo bstan du gsol/ zhes bskul bas/ bskul bar thugs su chud nas stong nyid kyi ting nge 'dzin gyi ngang las rig pa'i ye shes snying rje chen po yis kun du klong bdal bar khyab ste/ snying rje chen po des 'khor gyi
 dkyil 'khor kun du khyab par mdzad do// 'khor gyi dkyil 'khor kun du khyab par mdzad nas yang snod kyi khams kun khyab par mdzad nas yang bcud kyi khams kun la khyab par mdzad do// bcud kyi
 khams kun la khyab par mdzad nas sa'i khams kun la khyab par mdzad do// dper na nyi ma bar snang la shar ba'i 'od kun la snyoms pa bzhin du rig pa'i nyi ma snying rjes byang chub kyi sems kyis kyang stong nyid
 kyi ngang kun la snyoms par khyab bdal to// de'i tshe gsang ba mchog gi bdag po de nyid yang ting nge 'dzin las langs nas snying rje nam mkha'i ngo bo kun du snang bar zhes bya ba'i ting nge 'dzin la snyoms par
 zhugs so// zhugs ma thag tu snying rjes kun la khyab par gyur pa ni ting nge 'dzin de'i mthu yin no// de nas yum kun du bzang mo rngam pa kro d+hi'i rgyal mos yang glu 'dis bskul lo// ma ltar byams pa'i thugs
 rjes kun du khyab// mtha' ltar go 'byed cho 'phrul 'byung gnas las// longs spyod rdzogs dang thugs rje sprul pa'i sku/ 'bar ba'i sku mchog bdag la bstan du gsol/ a la la ho zhes gsol ba btab pas
 bcom ldan 'das gsang ba mchog gi bdag po des chos thams cad don dam pa byang chub sems la shar bar mkhyen nas mi dmigs nam mkha'i dbyings nas rdo rje'i mngon du phyung ste/ dper na zla ba dri ma med
 pa nam mkha' dang ba la shar ba bzhin no// rdo rje'i sku de las rig pa'i cho 'phrul gyi 'od zer rnam par 'phro ba ni dper na nyi 'od kyi 'od zer dus gcig shar ba lta bu'o// de nas bcom ldan 'das gsang ba
 mchog gi bdag po des ting nge 'dzin las langs nas 'dod chags chen po'i tshul rdo rje rnam par bsgyings pa zhes bya ba'i ring nge 'dzin la snyoms par zhugs te zhugs nas kyang yum kro d+hi'i rgyal mo la gzigs te
 'dzum pa rnam par mdzad do// de nas yum kro d+hi'i rgyal mos kyang spyan zim bag gi tshul gyis gzigs nas lan stong du brkyang phyag btsal te g.yon pa slong ba glu 'dis rnam par bskul lo// e ma'o yid bzhin
 sku mchog tshogs chen mngon rdzogs lha// rdo rje gar gyi tshul gyis gar mdzad cing // dga' mchog rdo rje'i byang chub sems chen de/ 'dzum zhing 'khyil ba'i pad+ma'i gnas su phab ho// e ma'o// dkar la 'tsher
 ba'i byang chub sems sprin dang // chags pa dmar po dbang gi rang bzhin du// gnyis med 'phros pa'i byin brlabs bsam yas las// ye shes lha tshogs sbrul sku bsam yas 'thon// ma rig mun pa spongs pas
 don gyis phye// dgon gdungs gnas nas byang chub myu gu skyed// zhi ba 'gog pa'i sa lam rnam par slong // zhes rnam par bskul bas gnyis su med pa'i rnam par rol pas rol zhing brjid pa dang bcas nas
 gar mdzad pa dang / zhal 'dzum pa dang / 'dor ba dang / skum pa dang / 'gying ba dang / spyan mdzes pa'i smin ring bskyod cing sbyar ba dang / dung gi phur bas g.yan pa slong ba dang / 'dor zhing skum
 pa dang / 'jog cing 'deg pa dang / rnam par 'dor ba'i rol pa'i gar gyis nam mkha'i khams kun tu khyab par mdzad do// rnam par rol pa des 'byung ba dang / 'byung ba las gyur pa thams cad la khyab par
 mdzad do// des sems dang sems las byung ba kun la khyab par mdzad pas bcom ldan 'das kyi byang chub kyi sems zhi zhing 'khyil bas rol pa'i cher mngon par phab pas snod kyi khams dang / bcud kyi khams
 dang / bsam gtan pa dang / 'gog pa pa dang / sa'i khyad par thams cad dang / byang chub kyis rol pa sna tshogs sgeg pa dang / steg pa dang / sbyor ba dang / 'khyud pa dang / sdom pa dang / bstim pa dang / mnyes
 pa dang / gsol ba dang / myang ba dang / bca' ba dang / bde ba dang / sprod pa dang / 'jog pa la sogs pa bcom ldan 'das kun du bzang po'i rdo rje 'dzin kyis kun tu rgyas par byas te yang dag par gnas so//
 de nas de'i tshe thugs rnam par dag pa'i mkha' klong nas rig pa byang chub kyi sems kyi 'od zer brjod kyis mi lang ba 'byam klas shar ba de las gsung gi yig 'bru 'khor lo'i tshogs su yang snang ngo // yig
 'bru de nyid thugs phyag mtshan du yang gyur// thugs dam tshig gi phyag rgya 'od du 'phros shing rnam par 'du ba'i tshul gyis rnal 'byor gyi dbang phyug gi 'khor rgyal ba yab yum dang / sems dpa' dang / sems ma
 dang / thub pa dang / 'joms pa dang / 'joms ma rnams kyi skur yang rang rang gi dam tshig gi phyag rgya las snang bar byas te gsang ba mchog gi bdag po la mdun gyis bltas nas rdo rje gsang ba'i gral du
 'khod do// de ltar re re la'ang sangs rgyas kyi dkyil 'khor zhabs 'bring dang bcas pa 'byam klas pa/ nam mkha'i dbyings kyi mtha' klas pa lhun gyis grub bo// yang 'od zer de dag re re las he ru ka mang
 po'i tshogs kyang shar to// he tu ka re re la yang sangs rgyas 'bum phrag gi 'khor so so'i zhabs 'bring dang bcas pa lhun gis grub par mdzad do// he ru ka re re las rig pa'i nyi ma'i char mngon par phab ste mun
 nag gi klong gsal bar mdzad do// chos kyi glu dang gar dang / chos kyi char dang / mchod pa dang / chos kyi ngo mtshar rmad du byung ba rngam pa'i cho 'phrul yan man dang sbrel zhi thams cad du ling long phyed do// de'i tshe
 he ru ka 'od kyi phreng ba des ru tra can dang / bdud dang srin po dang / gnod sbyin dang / dbang phyug ma nyi rtsa brgyad la sogs pa rang rang gi che ba'i nga rgyal rab tu ston pa rnams zhi zhing dul bar gyur te/ rang rang
 gi dbang phrogs nas sangs rgyas kyi bstan pa 'di la dad par gyur nas 'dus rab tu 'dus so// de'i tshe na byang chub sems kyi 'od zer kun tu khyab pa des 'du shes med pa dag 'gog pa la
 gnas pa'i mir lhung ba rnams sa bon mes tshig pa dang 'dra ba de yang dri ma med pa'i byang chub sems rin po che'i chu des dbang bskur bas byang chub sems kyi dbang thob ste 'gro ba'i don byed par gyur to//
 gzhan yang sa'i khyad par la gnas pa rnams kyang rang rang gi sa la skyo sems skyes te las kyi tshe bkag nas sangs rgyas kyi bstan pa 'di la rab tu dad do// de nas 'dus pa'i 'khor tshogs rnams ngo mtshar du
 gyur rmad du gyur te 'dus nas shin tu skrag te gsol ba btab pa/ e ma'o e ma'o ya mtshan che/ gnyis med rol pa ya mtshan che/ 'od zer 'phro 'du ya mtshan che/ byang chub char sprin ya mtshan che/ sangs rgyas
 'byung ba ya mtshan che// sprul pa 'byung ba ya mtshan che/ khro bo 'byung ba ya mtshan ce// byin brlabs cho 'phrul ya mtshan che// dgon gdungs spangs pa ya mtshan che// 'gog pa gsos pa ya mtshan che// bdag cag
 'khor tshogs 'dus pa rnams// dam tshig can du byin brlabs mdzod// bla 'og rim pa ji bzhin du// rdo rje gsang ba'i gral du 'khod// ces gsol ba btab pas bcom ldan 'das gsang ba mchog gi bdag po
 des sku gsung thugs gnyis su med pa'i sgo nas 'khor rnam par sbyor ba'i rdo rje'i rgyan zhes bya ba'i ting nge 'dzin la snyoms par zhugs te// byed pa po rdo rje kun du bzang po la gzigs nas zhal 'dzum par
 mdzad do// de nas byed pa po rdo rje kun tu bzang po des bskul bar rnam par rig nas btsun mo bya ba mo kun tu bzang mo dang nyis su med par sbyor zhing rang gi stan las rnam par langs te byang chub sems kyi
 mtshan ma gnas lngar btab nas lce pad+mo'i steng du las kyi rdo rje bzhag ste/ brkyang phyag btsal nas mi 'jigs pa'i lta bas ston pa'i zhal du bltas nas don bsdu bar gsol ba btab pa/ gsang ba pa'i bdag po
 yab yum dgongs su gsol// 'dus pa'i 'khor tshogs mang po dgongs su gsol// gsang mdzod ye shes glog gi 'khor lo 'di// chos kyi rgyal po chen pos bshad du gsol// zhes gsol ba btab pas
 gsang ba mchog gi bdag pos byed pa po kun tu bzang po rdo rje las kyi bka' bar byin gyis brlabs pa'i phyir thugs gsang ba'i mkha' las byang chub sems sprin spros pa las las kyi 'khor lo rdo rje rgya gram
 gcig lag tu bzhag ste/ las kyi dbang bskur nas ming yang las kyi sems dpa' byed pa po kun du bzang por btags te las kyi dbang thob par gyur to// chos kyi 'khor lo pad+ma 'dab ma brgyad pa lce stengs
 su bzhag ste smra ba'i seng ge chos kyi sems dpa' zhes ming du dbang bskur te chos smra ba'i dbang thob bo// de nas smra ba'i seng ge byed pa po rdo rje kun du bzang po de btsun mo bya ba mo kun tu bzang
 mo la 'jug cing spobs pa can du gyur to// de nas smra ba'i seng ge kun tu bzang po des 'dus pa'i 'khor rnams snod du rung bar byin gyis rlabs pa'i phyir las kyi 'khor lo dang chos kyi 'khor lo rnam pa bcu
 gnyis kyi tshul du bskor te cho 'phrul 'di dag rnam par bstan te/ zhing khams mtha' dag kyang g.yos// rab tu g.yos/ 'gul/ rab tu 'gul/ ldeg rab tu ldeg/ 'khrugs/ rab tu 'khrugs/ yan man dang
 snrel zhi'i zhing khams mtha' dag kyang ling long phyed par gyur ro// de nas byang chub sems kyi mtshan mas 'dus pa'i 'khor rnams kyi gnas lngar reg par byas so// hUM badz+ra sa ma ya/ gu h+ya sa ma ya kro d+ha sa ma ya/
 rdo rje 'du bar 'dus pa yi// 'dus pa chen po'i rig 'dzin rnams// gong 'og rim pa ji bzhin du// rdo rje gsang ba'i gral du gnos// bskal bzang dam tshig chen po ste/ de las 'das na brlag par 'gyur//
 zhes bsko bas 'dus pa'i 'khor tshogs rnams rang rang gi sems rangs par byas te dam tshig thob nas rdo rje gsang ba'i gral du 'khod rnam par 'khod do// de nas byed pa po kun tu bzang po las kyi bka' ba
 des bcom ldan 'das gsang ba mchog gi bdag po la gtsugs gis 'dud phyag rnal 'byor gyi lugs su byas te phyi dang / nang dang / gsang ba mchod pa de kho na nyid kyis mchod de gsol ba btab bo// 'di
 ltar rmad byung ngo mtshar khyod// sangs rgyas yab gyur rgyal ba'i sras// ya mtshan chen po ston par spyod// bka' yi 'khor lo dam pa de// sgra brjod yul las rab 'das kyang // ngag gi lam nas rab brjod cing //
 dpes mtshon tshig gi lde mig gis// gsal bar mtshon te go bar mdzod// a la la ho zhes gsol ba btab bo// de nas gsang ba mchog gi bdag po des gsol ba btab par mkhyen nas brjod du med pa'i
 ting nge 'dzin la snyoms par zhugs nas cang mi gsung bar bzhugs so// de nas 'dus pa'i 'khor tshogs kyis smra ba'i seng ge byed pa po kun du bzang po de la lugs su btud de brkyang phyag btsal nas rmad du
 byung ba'i mchod pa sna tshogs byas nas gsol ba btab pa/ smra ba'i seng ge byed pa po rdo rje kun tu bzang po khyod la bdag cag zhu bar spobs na gnang ba'i skabs dbye bar gsol/ smra ba'i seng ge kun tu bzang
 pos bka' stsal pa/ 'dus pa'i 'khor tshogs khyod ci dang ci 'dod pa bdag la zhus shig bdag gis gnang ba'i skabs dbye'o// 'dus pa'i 'khor rnams kyis gsol pa/ smra ba'i seng ge byed pa po dang kun du
 bzang po khyod ni sangs rgyas tham cad kyi yab byang chub sems dpa' thams cad kyi rje btsan/ rnal 'byor pa thams cad kyi lha phud// chos thams cad kyi mdzod lags na// bcom ldan 'das
 gsang ba mchog gi bdag pos bdag cag 'khor gyi dkyil 'khor 'dir/ gsang ba'i tshig lam gyis ston par mi snang ba'i rgyu dang rkyen bdag cag rnams la bstan du gsol/ smra ba'i seng ge legs par bstan
 du gsol zhes zhus pa dang / smra ba'i seng ges bka' stsal pa// oM AHhUM a la la ho// rgyal ba'i sras po cang mi gsung // mi gsung ba nyid rgya cer bshad// bshad du med pa'i don de ni// rgyal ba rnams kyis ma
 bshad de// de ltar ston pa rgyal mchog kyang // rnam par brjod par mi mdzad de// bka' mi stsal bar dgongs pa'o// 'dus pa'i 'khor rnams nyon cig/ de bas na gsang ba don dam pa'i byang chub kyi snying po de
 smra bsam las 'das zhing brjod du med pas de la tshig tu smra ba legs par ma yin te/ tshig tu smos pa'i dus nyid na gol ba yin par phyogs bcu dus bzhi'i rgyal ba rnams kyis kyang bshad de/ da ltar ston pa
 nyid kyang don de nyid dgongs nas ma gsungs so// 'dus pa'i 'khor tshogs rnams de bas na ma skyes pa'i snying po byang chub sems tshig tu spros pa dang bral gyis kyang kun rdzob kyi bden pa'i dbang du mtshan ma'i
 tshig gi rnal 'byor pa rnams tshig gi phyir 'brang ba'i phyir don rtogs pa'i bkri ba'i phyir rgyal ba rnams kyi tshig gi sgo nas gsung pa yin no// 'dus pa'i 'khor tshogs rnams kyis gsol pa/ smra ba'i seng ge de
 ltar na bdag cag dang ma 'ongs pa'i rnal 'byor pa'i tshig gi rjes su 'brang ba rnams kyi don du/ rdo rje tshig gi lam du brjod pas don gsal bar byed pa de smra ba'i seng ge las kyi bka' ba khyod nyid kyis zhu bar
 spobs shig smra ba'i seng ge dbang bas na bcom ldan 'das gsang ba mchog gi bdag po la zhus shig dang / de nas smra ba'i seng ge byed pa po rdo rje kun du bzang pos 'dus pa'i 'khor tshogs rnams kyi rnam par
 rtog pa mkhyen nas bcom ldan 'das gsang ba mchog gi bdag po la lan stong du bskor bar byas te rmad du byung ba'i mchod par rgyas pa de kho na nyid kyis mchod nas 'di skad du gsol pa btab bo// e ma ho
 ston pa'i ngo mtshar khyod// phyogs bcu'i sangs rgyas thams cad kyi/ byang chub sems kyi mtshan nyid de// tshig tu brjod pa ma lags na'ang / mtshan ma'i rjes 'brang rnal 'byor pa// don la rtsing la tshig la zhib//
 tshig gis bsam par rangs bya'i phyir// snying po byang chub don 'di la/ dpes mtshon tshig gi lde mig gis// gsang ba de nyid bshad du gsol/ zhes gsol ba btab pa las bcom ldan 'das gsang ba mchog
 gi bdag po smra ba'i seng ges gsol ba btab pa yang mkhyen/ 'dus pa'i 'khor tshogs rnams kyi sems kyi rtog pa yang mkhyen pa dang / tshig gi rjes su 'brang ba'i rnal 'byor yang thugs su chud
 nas rnam par thar pa'i sgo gsum phyung ste/ ye shes kyi rdo rje rtse dgu pa yang nas yang du gsol zhing rmad du byung ba'i chos spyi sgra chen po rab tu bsgrags so// oM AHhUM swA hA/ bo d+hi tsit+ta gu h+ya sa ma ya/ 'di ni
 gsungs ma thag tu yang // sangs rgyas grags pa chen po kun// rab tu spangs te brgyal bar gyur// 'khor tshogs gzhan ma smos ci dgos/ de nas gsang ba mchog gi bdag pos 'di skad ces bka' stsal to//
 rigs kyi bu rnams nyon cig gang tshig gis brjod du rung ba thams cad ni kun rdzob kyi bden pa'o// ji srid brjod du rung ba ma yin pa'i chos gang yin pa de ni don dam pa'i bden pa'o// gang zhig dang yi ge/
 las 'das pa gang yin pa de ni chos kyi sku'o// gang tshig dang yi ges brjod du rung ba thams cad ni gzugs kyi sku'o// rigs kyi bu sngags kyi lta ba dang spyod pa yang de nyid yin te/ gang don dam pa'i bden pa
 dang / chos kyi sku gang yin pa de ni sngags kyi lta ba yin par shes par bya'o// de nyid kyi rgyu'i tshul du gnas pa las/ 'bras bu'i tshul du kun rdzob kyi bden pa dang / gzugs kyi skur snang ste/ ji ltar spyad pa dang
 spyad du rung ba thams cad ni spyod par rnal 'byor can gyis blta'o// de nas smra ba'i seng ge byed pa po rdo rje kun du bzang pos a la la ho zhes pa'i sgra brjod de bcom ldan 'das gsang ba mchog gi bdag po la
 'di skad ces gsol to// de ltar lags na/ bcom ldan 'das sngags kyi lta ba la blo gnas pa gang lags/ lta ba dang spyod pa la blo gnas pa ni gang lags/ spyod pa 'ba' zhig la blo gnas pa ni gang lags//
 gsang ba mchog gi bdag pos bka' stsal pa/ smra ba'i seng ge legs so// de'i don khyod kyi nga la zhu ba ni legs so// smra ba'i seng ge gsang sngags ni de bzhin gshegs pa 'ba' zhig gi dgongs pa'i yul lo//
 de ci'i phyir zhe na/ de bzhin gshegs pa rnams ni don dam pa'i bden pa tsam kyang spangs nas kun rdzob kyi bden pa lta ga la yod de/ bden pa gnyis su yang dbyer med pa'i phyir ro// lta ba dang spyod pa la blo
 gnas pa ni rnal 'byor pas thob pa dang / sa la bskyed pa rnams te/ de ci'i phyir zhe na/ rnal 'byor pa blo mnyam pa nyid du blo chung ba rnams la ni/ bden pa rnam pa gnyis kyi tshul yod de don dam par ma skyes
 pa'i tshul du blo chung la/ kun rdzob tu mtshan ma thabs kyi phyag rgya sgyu ma'i tshul du yang med pa ma yin te/ mtshan ma med pa'i rnal 'byor dang mtshan ma'i rnal 'byor gnyis dang ldan pa'i phyir ro// slob pa'i rnal
 'byor de ni bden pa rnam pa gnyis la brten nas lhun gyis grub pa'i sa la goms pa che chung gis grub pa yin no// sgra'i rjes su 'brang ba'i rnal 'byor/ don las ring du gyur pa rnams ni spyod pa
 'ba' zhig la blo gnas te/ ci'i phyir zhe na/ log pa'i kun rdzob 'ba' zhig la rtog gi yang dag pa'i kun rdzob lha'i dkyil 'khor yang mthong ba med pa'i phyir ro// smra ba'i seng ge de bas na log pa'i kun rdzob
 so so'i skye bo lta bu'i chos la brten nas yang dag pa'i kun rdzob kyi bden pa lha dang lha mo'i dkyil 'khor du chos thams cad shes par bya'o// yang dag pa'i kun rdzob kyi bden pa la brten nas don dam pa'i
 bden pa khong du chud par nus pa ni rig pa'i skyes bu zhes grags so// smra ba'i seng ge byed pa po rdo rje kun du bzang pos gsol pa/ bcom ldan 'das gsang sngags kyi spyod pa'i rang bzhin gang lags/ dper
 brjod na ji skad du brjod pa lags// bcom ldan 'das gsang ba mchog gi bdag pos bka' stsal pa/ smra ba'i seng ge gsang sngags kyi spyod pa'i tshul rnams ngas bshad kyis nyon cig ngas yid tshim par bya'o//
 smra ba'i seng ge gsang sngags kyi spyod pa ni bsam gyis mi khyab ste rab tu brjod par bka' na mdor bsdu na rnam par bcur 'dus so// bcu gang zhe na/ gsang sngags kyi sgrub pa dang / gsang sngags kyi ming gi
 khyad par dang / gsang sngags kyi spyod pa dang / gsang sngags kyi dngos grub dang / gsang sngags kyi grub pa'i gnas dang / gsang sngags kyi bzlas pa dang / gsang sngags kyi phyag rgya dang / gsang sngags kyi ting
 nge 'dzin dang / gsang sngags kyi lta ba dang / gsang sngags kyi cho 'phrul lo// smra ba'i seng ge de dag gi dper brjod pa yang rnam pa bcu ste/ sgyu ma dang / smig rgyu dang / rmi lam dang / gzugs brnyan dang / dri za'i
 grong khyer dang / brag ca dang / chu zla dang / chu'i chu bur dang / mig 'khrul dang / mgal med bskor ba lta bu'i rnam par snang ngo // smra ba'i seng ge de yang ji lta zhe na/ sgyu ma zhes bya ba'i mtshan nyid ni skyes bu'i rtsol
 ba dang / sman dang sbyor sngags kyi sbyor ba las// dbang po'i yid 'phrog pa'i rnam pa cir yang snang yang slu ba'i bdag nyid can de snang ba med do// de bzhin du gsang sngags sgrub pa'i mtshan nyid kyang ting nge 'dzin
 dang yig 'bru dang rdzas kyi sbyor ba las grub pa'i rtags dag snang yang de la rang bzhin med do// smig rgyu zhes bya ba'i mtshan nyid kyang 'gro ba skom gyis gdungs pa'i dus su nyi ma dro ba las smig rgyu la chur mthong
 nga de la chu'i rang bzhin med do// de bzhin du gsang sngags ming gi khyad par yang gdams pa'i gzhi med pa la ming dang tha snyad btags pa yang ming nyid dmigs su ga la yod/ rmi lam zhes bya ba'i mtshan nyid
 ni skyes po gnyid log pa'i tshe bde sdug gi rnam pa mang po rmis kyang sangs nas ci yang dmigs su med do// de bzhin du gsang sngags kyi spyod pa yang ji ltar spyad na yang spyad pa'i dmigs pa kun
 dang bral lo// gzugs brnyan zhes pa'i mtshan nyid kyang chu'am me long ngam 'bru mar la brten nas bzhin gyi gzugs su snang yang bzhin de nyid du 'phos pa med do// de bzhin du gsang sngags kyi dngos grub
 kyang bsgrub pa dang / ting nge 'dzin dang / yo byad la brten nas 'byung yang dmigs pa dang bral lo// dri za'i grong khyer zhes bya ba'i mtshan nyid ni bar snang na dri za gang na gnas pa der grong khyer yang de na gnas
 te de byung ma zag tu rtag pa ma yin pa dang gsang sngags kyi gnas kyang rnal 'byor pa bdag nyid kyis kyang bskyed par 'byung la// de yang ther zug ma yin no// brag ca zhes bya ba'i mtshan nyid ni brag gi ngos la
 sgra ji skad rkyen pa skad brag ca la yang de bzhin du 'byung ngo // 'byung yang sgrar mi dmigs pa de bzhin du gsang sngags bzlas pa'i sgra yang bzlas pa tsam nyid na stong pa'o// chu zla zhes bya ba'i mtshan nyid ni zla ba'i
 gzugs brnyan chu'i nang du snang yang chu la zla ba med do// de bzhin du phyag rgya'i dkyil 'khor la yang gzung 'dzin gyi rtog pa med do// chu'i chu bur zhes bya ba'i mtshan nyid ni chu'i rlabs chen gcig las chu bur
 mang du 'byung zhing slar yang 'du ba de bzhin du rnal 'byor pa'i ting nge 'dzin rnam pa yang gcig tu ma chad do// mig 'khrul pa zhes bya ba'i mtshan nyi ni mi mig nad can gyis bar snang la bltas na zla ba gnyisus
 snang yang zla ba la gnyis su gyur pa med do// de bzhin du gsang sngags kyi lta ba yang 'dzin rtog gi lta ba cir rnam par rtog pa rnam mang yongs su grub par yongs su mi lta'o// mgal me bskor ba zhes bya
 ba'i mtshan nyid ni gang dag lag na mgal me thogs na bskor na dbyibs kyi rnam pa ji ltar yang snang ste/ de la dbyibs med do// de bzhin du rnal 'byor pa'i sems kyi cho 'phrul cir yang snang zhing 'byung la
 dngos por ma grub pa'o// smra ba'i seng ge de ltar na gsang sngags kyi spyod pa ni de ltar zhes shes par bya'o// smra ba'i seng ge de lta bas na rnal 'byor pas yang dag pa'i kun rdzob kyi bden pa brten nas don dam
 pa'i bden pa khong du chud par bya'o// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las ting nge 'dzin gyi rim par phye ba'i sgo nas gleng bslang ba dang sngags kyi spyod pa bstan pa'i
 le'u ste gnyis pa'o// // de nas smra ba'i seng ge byed pa po kun tu bzang pos bcom ldan 'das gsang ba mchog gi rgyal po la lan brgya stong du bskor ba byas nas rmad du byung ba'i mchod pa rgyas pa de kho na
 nyid kyis rab tu mchod de kun tu rab tu mchod nas gtsug gi 'dud pa phyag rnal 'byor gyi lugs su byas te 'di skad ces gsol pa btab bo// a ma'o bder gshegs kun du bzang / e ma'o ye
 nas dag pa'i don/ e ma'o gsang ba mchog gi bdag/ e ma'o ye shes rngam pa'i glog/ e ma'o gnyis med dgyes chen po/ e ma'o bde ba bde chen mchog/ e ma'o rnam dag dpal khyod la/ e ma'o bdag
 cag gsol ba 'debs// byang chub sems 'di ji ltar skyed// dkyil 'khor rnams ni ji ltar lags// phyag rgya rnams kyi mtshan nyid ci/ bsnyen sgrub rnam bzhi ji ltar lags// dngos grub sgrub pa'i rnam grangs ci//
 sngags kyi sdom pa ji ltar bsrung // rnal 'byor brtul zhugs ji ltar spyad// dregs pa'i tshogs ni ji ltar gdul// rnam bzhi'i las ni ji ltar bgyi// brnag pa'i nan tur ji ltar bgyi// rnal 'byor rnams la brtse
 bab dang // bdag cag rnams la sman slad du// bcom ldan snying pos bshad du gsol/ a la la ho zhes gsol ba las bcom ldan 'das gsang ba mchog gi bdag pos gsol ba btab pa thugs su chud nas
 'di skad ces bka' stsal to// smra ba'i seng ge gsang sngags mdo'i don rnams phyi rabs kyi rnal 'byor pa la phan gdags pa dang / dad pa can gyi 'gro ba rnams yid ches par bya ba'i phyir nga la zhu ba legs so//
 smra ba'i seng ge legs so// phyogs bcu dus bzhi'i sangs rgyas sngar 'das pa rnams kyis gsungs pa dang / da ltar bzhugs pa rnams kyis gsungs pa dang / slad kyis byon pa rnams kyis gsung bar 'gyur ba
 rnams kyi don thog mar dge ba dang / bar du dge ba dang / tha mar dge ba dang / don bzang po/ rgyud kyi 'brel pa/ don gyi bkod pa/ rtags kyi rol pa/ ye shes rngam pa glog gi 'khor lo rnam par byings pa
 gzhung chen po 'di ngas bshad par bya yis skal pa dang ldan pa rnams gsang sngags kyi don zab mo mi zos par dka' na thos nas de'i don la gnas par bka' ste phal gyi thun mong du ma gyur pa'o// 'phags pa
 rgyud kyi rgyal po ye shes rngam pa glog gi 'khor lo'i mdo zhes bya ba las sngags kyi mdo bstan pa'i le'u ste gsum pa'o// // de nas bcom ldan 'das gsang ba mchog gi bdag po de snying po byang chub la nges
 par 'grel pa zhes bya ba'i ting nge 'dzin la snyoms par zhugs so// zhugs nas yang 'dus pa'i 'khor tshogs la bka' stsal to// rigs kyi bu rnams chos thams cad ni byang chub sems su 'dus shing byang chub kyi
 sems nyid snang ba shes par gyis shig/ de ci'i phyir zhe na/ chos thams cad ni lus dang ngag dang sems su 'dus la/ lus dang ngag dang sems nyid chos thams cad kyi rnam par snang ngo // 'dus pa'i 'khor
 tshogs rnams kyis gsol pa/ lus dang ngag dang sems bdag cag rnams kyis ji blta bar bgyi/ gsang ba mchog gi bdag pos bka' stsal pa/ rigs kyi bu rnams lus dang ngag dang sems kyi
 mtshan nyid ni sems kyang lus dang ngag gi rnam par lta bu/ ngag kyang lus dang sems kyi rnam pa lta bu/ lus kyang tshig tu brjod pa dang sems kyi rnam pa lta bur rang rang gi lus dang sems rtogs shig/ 'on tang
 byang chub du sems bskyed par 'gyur ro// de nas yang gsang ba mchog gi bdag po des stong pa nyid kyi ting nge 'dzin zhes bya ba la snyoms par zhugs nas byang chub kyi sems 'di gsungs so// e ma'o dngos po
 thams dang bral ba// phung po khams dang skye mched dang // gzung dang 'dzin pa rnam par spang // chos bdag med pa mnyam nyid pas// rang sems gdod nas ma skyes pa// stong pa nyid kyi rang bzhin no// zhes
 gsungs so// de nas yang chos kyi dbyings rnam par dag pa zhes bya ba'i ting nge 'dzin la snyoms par zhugs nas byang chub kyi sems 'di gsungs so// e ma'o ngo mtshar ya mtshan gyi// sangs rgyas kun gyi gsang
 ba'i thugs// chos kun skye ba med pa las// skye ba 'di ni rab grags pa/ skye dang mi skye gnyis med pa// byang chub sems 'di bstan pa'o// zhes gsungs so// de nas yang me long lta bu gsal ba zhes bya ba'i ting
 nge 'dzin la snyoms par zhugs nas byang chub kyi sems 'di gsungs so// a ma'o ngo mtshar ya mtshan gyi// sangs rgyas kun gyi bsang ba'i thugs// chos kun 'gag pa med pa las// 'gag pa 'di ni rab tu
 bsgrags// 'gag dang mi 'gag med pa ste/ byang chub tshul 'di bstan pa'o// zhes gsungs so// de nas yang chos thams cad mnyam pa nyid ces bya ba'i ting nge 'dzin la nyams par zhugs nas byang chub kyi
 sems 'di gsungs so// e ma'o ngo mtshar ya mtshan gyi/ sangs rgyas kun gyi gsang ba'i thugs// chos kun gnas pa med pa las// gnas pa 'di ni rab tu bsgrags// gnas dang mi gnas med pa ste/ byang
 chub tshul 'di bstan pa'o// zhes gsungs so// de nas yang chos thams cad so so kun tu rtog pa zhes bya ba'i ting nge 'dzin la snyoms par zhugs nas byang chub kyi sems 'di gsungs so// e ma'o ngo mtshar ya
 mtshan gyi/ sangs rgyas kun gyi gsang ba'i thugs// chos kun dmigs pa med pa las// dmigs pa 'di ni rab tu bsgrags// dmigs dang mi dmigs med pa ste// byang chub tshul 'di bstan pa'o// zhes
 gsungs so// de nas yang chos thams cad bya ba la nan tan du sgrub pa zhes bya ba'i ting nge 'dzin la snyoms par zhugs nas byang chub kyi sems 'di gsungs so// e ma'o ngo mtshar ya mtshan gyi// sangs rgyas kun
 gyi gsang ba'i thugs// chos kun spro bsdu med pa las/ spros dang bsdus par rab tu grags// spros bsdus yod dang med pa ste/ byang chub tshul 'di bstan pa'o// zhes gsungs so// de nas spras
 pa'i seng ge byed pa po rdo rje kun du bzang pos a la la ho zhes sgra phyung ste byang chub sems la bstod pa/ e ma'o bde chen kun tu bzang / e ma'o stong nyid byang chub sems/ e ma'o dag pa dri ma med/ e ma'o mi
 sgrib gsal ba che// e ma'o mnyam nyid dbyer med chos// e ma'o so sor rang rigs sems// e ma'o byang sems lhun gyis grub// byang chub sems la phyag 'tshal lo// zhes bstod de// bcom ldan 'das nyid
 khyad par du gyur pa yang byang chub sems nyid yin zhing byang chub kyi sems thugs su chud pa'o// bdag cag rig 'dzin gyi tshogs su gyur pa rnams kyang byang chub sems la smon par 'tshal/ 'jug par 'tshal//
 ldang bar 'tshal/ gnas par 'tshal te/ bdag cag kyang rang rang gi sems g.yos par bgyi/ rig pa bgyi/ nye bar bgyi/ nyams su myong bar bgyi bar 'tshal na// bdag cag de 'dra ba'i bsam pa can la snying
 rje chen por dgongs par mdzad du gsol// bde bar gshegs pa gsol par mdzad du gsol zhes gsol ba btab pa las gsang ba mchog gi bdag pos gsol pa btab par thugs su chud nas snying rje byang
 chub 'byung ba zhes bya ba'i ting nge 'dzin la snyoms par zhugs te gnyis su med par mngon par 'du mdzad do// gnyis su med par mngon par 'du mdzad pas byang chub sems kyi sprin gyis thams cad rgyas
 par khyab par til 'bru mar gyis khyab pa bzhin no// de nas yang 'di gsungs so// e ma'o ye shes rnam dag chos// sna tshogs snang yang rtog par gsang // ngo bo nyid ni brjod du med// snod ma yin la bstan pa
 dka'o// e ma'o srid gsum ye nas rnam par dag pa'i rang bzhin la// bdag tu rtog pa srid rtse'i nyes dmigs kyis// yun rings dus na 'khyams pa'i 'gro ba rnams// mi mthun bde sdug gnas rnams so
 sor gzung // log rtog nor ba'i dbang gis kun brtags kyang // rang bzhin nyid las mnyam pa rdul tsam med// e ma'o yun rings dus na rmongs pa'i 'gro ba rnams// ye nas don gyis sangs rgyas yin mod
 kyang // rmongs pa'i dbang gis khor ba'i 'khor lor 'khyams/ log rtog nyid la dngos med byang chub sems// 'khrul 'khor nyid kyang mi zad rgyan du che// snyigs ma lnga nyid bde ldan gnas su gsal// phung po lnga
 nyid mngon par rdzogs pa'i sku// srid rtse'i nyes dmigs nyid kyang byang chub snying por gnas// phyi nang snod bcud yab yum dang du gsal// zhes gsung pas chos thams cad byang chub sems su gnas so//
 'phags pa rgyud kyi rgyal po ye shes rngam pa'i glog gi 'khor lo'i mdo las byang chub tu sems bskyed pa'i le'u ste bzhi pa'o// // de nas bcom ldan 'das gsang ba mchog gi bdag nyid sku
 dang gsung thugs rdo rje las dkyil 'khor thams cad 'byung bar bzhed nas btsun mo dang gnyis su med par 'du mdzad do// mngon par 'du mdzad nas yang dkyil 'khor thams cad 'byung ba rdo rje'i rgyan zhes
 bya ba'i ting nge 'dzin la zhugs te/ dkyil 'khor thams cad kyi mdo 'di gsungs so// 'dus pa'i 'khor tshogs rnams nyon cig gsang sngags byin brlabs bsam yas la// dkyil 'khor bsam yas brjod
 mi lang // mdor bsdus rnam pa gsum yin te/ rang bzhin lhun grub dkyil 'khor dang / ting 'dzin gsal ba'i dkyil 'khor dang / bkri drang rdul tshon dkyil 'khor te// gsum po dag tu rgyal bas gsungs//
 zhes ched du gleng ngo // de nas smra ba'i seng ge byed pa po kun tu bzang pos gsol pa/ bcom ldan 'das bdag cag rnams kyis chos thams cad ni dkyil 'khor gsum du brjod par mthong lags so// de yang
 'di skad ces gsol pa btab bo// e ma'o gsang mchog bde ba che// ye nas lhun grub dag pa'i bdag/ dkyil 'khor kun gyi 'byung gnas gtso// rdo rje rgyal la phyag 'tshal lo// chos kun ye nas sangs rgyas
 pa'i// rang bzhin dag pa dri ma med// rang bzhin lhun grub zab mo'i don// bcom ldan snying pos bshad du gsol/ a la la ho// de nas bcom ldan 'das gsang ba mchog gi bdag po des gsol ba btab
 pa'i don thugs su chud nas lhun gyis grub pa'i dkyil 'khor 'byung ba'i rdo rje rgyan zhes bya ba'i ting nge 'dzin la snyoms par zhugs so// zhugs nas yang rang bzhin don dam pa'i dkyil 'khor spros pa dang bral
 ba 'di gsungs so// e ma'o sangs rgyas kun gyi byang chub sems// bla na med pa rtogs 'gyur ba'i// rgyal bas gsungs pa'i ye shes gang // de ni dkyil 'khor snying po yin// zhes gsungs so// de nas yang
 bcom ldan 'das gsang ba mchog gi bdag po des rang bzhin don dam pa'i dkyil 'khor gyi rnam grangs 'di gsungs so// de la 'di ni spyir bsdus pa'o// sems can kun gyi sems chen po// rang bzhin dag
 pas dri ma med// phung po lnga don sangs rgyas lnga// 'byung ba lnga don dbyings phyug yum// khams dang skye mched mang po kun// sems dpa' sems ma'i dkyil 'khor yin// des na srid gsum dkyil 'khor che//
 zhes gsungs so// de la phung po lnga sangs rgyas lnga'i rang bzhin du gsungs pa yang // srid gsum sems can thams cad kyi// rgyu dang 'bras bu'i gzugs rnams kun// chos kyi dbyings las byung bas na//
 dbyer med don gyi gti mug pas// rnam par snang mdzad rang bzhin yin// srid gsum sems can thams cad kyi// bde sdug tshor ba'i phung po kun// mnyam nyid dbyings la snang bas na// nga rgyal
 chen po'i rang bzhin pas// myong ba rin chen 'byung ba yin// srid gsum sems can thams cad kyi// yul dang shes pa phra rags kyi// bde ba'i phung po thams cad kun// ma 'dres dbyings la snang bas na//
 shes rab rlabs kyi 'dod chags pas// snang ba mtha' yas rang bzhin no// srid gsum sems can thams cad kyi// dge dang mi dge gnyis ka min// sems la byung dang ma byung ba'i// 'du byed phung po thams
 cad kun// spro bsdu dbyings las byung bas na// rnam par grol ba'i phrag dog pas// don yod grub pa'i rang bzhin yin// srid gsum sems can thams cad kyi// rnam smin rang sems rnam rig pa'i// shes
 brgyad rnam shes phung po kun// rig pa'i dbyings la shar bas na// zhe sdang chen po'i ye shes pas// rdo rje sems dpa'i rang bzhin yin// zhes gsungs so// de la 'di ni chen po lnga dbyings phyug lnga'i rang bzhin
 du gsungs pa/ snod bcud 'gro ba thams cad kyi// gsal stong mi sgrib go 'byed pa'i// snang stong nam mkha'i khams rnams kun// stong nyid dbyings la shar bas na// thams cad gnas pa'i klong yin pas//
 bde gshegs dbyings phyug rang bzhin yin// snod bcud 'gro ba thams cad kyi// sra brtan skyed bskrun rten rnams kun// sa yi khams su grags pa rnams// mi 'gyur dbyings la shar bas na// thams cad skyed
 pa'i rten yin pas// rdo rjes dbyings phyug rang bzhin yin// snod bcud 'gro ba thams cad kyi// gyes sdud gsher ba'i mtshan nyid kun// chu yi khams su grags pa ste/ kun sdus dbyings su shar bas na// yon
 tan tshogs chen kun sdud pas// rin chen dbyings phyug rang bzhin yin// snod bcud 'gro ba thams cad kyi// gsal dro'i ngo bo thams cad kun// me yi khams su grags pa rnams// snang gsal dbying la shar
 bas na// gsal dro sreg pa'i rang bzhin pas// pad+ma'i dbyings phyug rang bzhin yin// snod bcud 'gro ba thams cad kyi// yang g.yo 'degs bskyod thams cad kun// rlung gi khams su grags pa ste/ bskyod
 chen dbyings la shar bas na// thogs med shugs bskyod rang bzhin pas// las kyi dbyings phyug rang bzhin yin// zhes gsungs so// de la 'di ni rnam par shes pa bzhi byang chub sems dpa' bzhi'i
 rang bzhin du gsung pa// srid gsum sems can thams cad kyi// kha dog dbyibs la spyod pa kun// mig gi rnam shes zhes su grags// mthong ba'i ye shes yin pa'i phyir// sa yi snying po'i rang bzhin yin//
 srid gsum sems can thams cad kyi// sgra rnams kun la spyod pa kun// rna ba'i rnam shes zhes su grags// thos pa'i ye shes yin pas na// lag na rdo rje'i rang bzhin yin// srid gsum sems
 can thams cad kyi// dri rnams kun la spyod pa kun// sna yi rnam shes zhes su grags// tshor ba'i ye shes yin pas na// nam mkha'i snying po'i rang bzhin yin// srid gsum sems can thams cad kyi// ro rnams
 kun la spyod pa kun// lce yi rnam shes zhes su grags// myong ba'i ye shes yin pa'i phyir// spyan ras gzigs kyi rang bzhin yin// zhes gsungs so// de la yul bzhi byang chub sems ma bzhi'i rang bzhin du
 gsung ba// snod bcud 'gro ba thams cad kyi/ kha dog dbyibs dang mtshan ma kun// gzugs kyi skye mched nyid du grags// mthong bar bya ba'i yul yin pas// gzugs mdzes lA s+ye'i rang bzhin yin// snod
 da 'gro ba thams cad kyi// zin dang ma zin gnyis ka las// byung ba'i sgra yi khams su grags// thos par bya ba'i yul yin pas// nir t+ya ma yi rang bzhin yin// snod bcud 'gro ba thams cad kyi// lhan
 cig skyes dang sbyar dang gyur// zhim dang nga dang de bzhin gzhan// dri yi khams dang skye mched de// bsnam par bya ba'i yul yin pas// mA le nyid kyi rang bzhin yin// snod bcud 'gro ba thams cad kyi// kha
 mngar la sogs ro rnams kun// ro yi skye mched nyid du grags// myang bar bya ba'i yul yin pas// gi ti nyid kyi rang bzhin yin/ zhes gsungs so// de la 'di ni dbang po bzhi byang chub sems dpa' bzhi'i
 rang bzhin du gsungs pa/ srid gsum sems can thams cad kyi// mthong byed dang ba'i bdag nyid de// mig gi khams zhes bya bar grags// mthong ba'i bya ba byed pa'i phyir// byams pa me tri rang bzhin yin//
 srid gsum sems can thams cad kyi// zos par byed pa'i bdag nyid de// rna ba'i khams zhes bya bar grags// thos pa'i bya ba byed pa'i phyir// sgrib pa kun sel rang bzhin yin// srid gsum sems
 can thams cad kyi// snom byed dang ba'i bdag nyid de// sna yi khams zhes bya bar grags// tshos par bya ba byed pa'i phyir// 'jam dpal nyid kyi rang bzhin yin// srid gsum sems can thams cad kyi//
 myong byed dag pa'i bdag nyid de// lce yi khams zhes bya bar grags// myong ba'i bya ba byed pa'i phyir// kun tu bzang po'i rang bzhin yin// zhes gsungs so// de la dus bzhi mchod pa'i lha mo bzhi'i rang bzhin
 du gsungs pa/ snod bcud 'gro ba thams cad kyi// rgyu 'bras kun du rnam par spyad// sngon 'das dus su rnam par grags// sngon 'das dpyid kyi rang bzhin yin// spos me'i rang bzhin nyid yin no// snod
 bcud 'gro ba thams cad kyi// rgyu spyad 'bras bu ma spyad kun// de ltar dbyar gyi rang bzhin yin// me tog nyid kyi rang bzhin yin// snod bcud 'gro ba thams cad kyi// rgyu 'bras yongs kyis ma
 spyad pa/ ma 'ongs dus su rnam par grags// 'ong ma rag ston rang bzhin ni// A lo ke yi rang bzhin yin// snod bcud 'gro ba thams cad kyi// rgyu 'bras nges par ma tshogs pa// 'byung bar ma nges dus zhes
 grags/ ma 'ongs dgun gyi rang bzhin ni// gan d+he'i rang bzhin yin par nges// zhes gsungs so// de la 'di ni lus kyi dbang po dang / rnam par shes pa dang / yang de'i yul dang de las byung ba'i byang chub
 sems khro bo'i bzhi'i rang bzhin du gsungs pa// srid gsum sems can thams cad kyi// reg byed dang ba'i bdag nyid de// lus kyi khams zhes bya bar grags// reg byed bya ba byed pas na// gshin rje
 'joms pa'i rang bzhin no// snod bcud 'gro ba thams cad kyi// reg bya kun la spyod pa kun// lus kyi rnam shes zhes su grags// reg pa'i ye shes yin pa'i phyir// rnam par rgyal ba'i rang bzhin yin/ srid
 gsum sems can thams cad kyi// byung dang 'byung 'gyur reg bya rnams// reg bya'i skye mched nyid du grags// reg par bya ba'i yul yin pas// rta mchog dpal gyi rang bzhin no// srid gsum sems can
 thams cad kyi// tshogs drug 'gagags pa'i de ma thag/ go 'byed gsal ba'i bdag nyid de// yid kyi khams zhes bya bar grags// de spyod bya ba byed pa'i phyir// bdud rtsi 'khyil ba'i rang bzhin yin// zhes
 gsungs so// de la 'di ni phyin ci ma log pa bzhi lha mo bzhi'i rang bzhin du gsungs pa/ snod bcud 'gro ba thams cad kyi// 'jig dang skad cig mi rtag pa/ rtag par ma yin zhes su grags// sgyu ma lta bu yin
 pa'i phyir// lcags kyu ma yi rang bzhin yin// snod bcud 'gro ba thams cad kyi// kun rtog gzhan dbang med min pa// chad par ma yin zhes su grags// rmi lam lta bur sems snang phyir// zhags pa ma yi rang
 bzhin yin/ snod bcud 'gro ba thams cad kyi// gzung 'dzin dngos por ma grub pa// mtshan mar ma yin zhes su grags// smig rgyu lta bur sems snang phyir// lcags sgro ma yin rang bzhin yin// snod bcud
 'gro ba thams cad kyi// skyes bu byed pa ma grub pa// bdag tu ma yin zhes su grags// sgra bstan lta bu'i sems snang phyir/ dril bu ma yi rang bzhin yin// zhes gsungs so// de la 'di ni yid dang chos gtso
 gzungs gnyis kyi rang bzhin du bstan te/ srid gsum sems can thams cad kyi// chos rnams kun la nges spyod pa'i// yid kyi rnam shes zhes su grags// rtog pa'i ye shes yin pa'i phyir// kun tu bzang po'i
 rang bzhin yin// snod bcud 'gro ba thams cad kyi// 'dus byas ma byas chos rnams kun// chos kyi skyed byed yin par grags// rnam par shes pa'i yul yin pas// kun tu bzang mo'i rang bzhin
 yin// de la sogs te mtha' yas mchog/ chos dbyings mnyam dang mi mnyam pa// nam mkha'i khams kyi mtha' klas pa// ji snyed rnam grangs yod pa'i chos// kun kyang phyag rgya'i rang bzhin pas// rang bzhin
 dkyil 'khor chen po yi// rnam grangs yin par rgyal bas gsungs// zhes ches du brjod pa gsungs so// de nas yang bcom ldan 'das gsang ba mchog gi bdag po des rang bzhin kun rdzob kyi dkyil 'khor
 'di gsungs so// kun rdzob mtshan ma'i gnas chen kyang // 'og min bla min gnas mchog gam// lcang lo can nam bde ba can// pad+ma can la sogs pa yi// rang bzhin lhun grub dkyil 'khor de// mtshan ma'i
 rnal 'byor ngo la snang // de yang ji lta bu zhe na/ mkha' 'am yid kyi nam mkha' la// 'byung chen brtsegs pa'i lhun gyis grub// de steng rin chen sna bzhi las// lhun gyis grub pa tshad dpag med// de la brten
 pa'i sa gzhi ni// rin chen sna tshogs gcal du bkram// mnan nem bteg 'phar mdzes pa'i gzhi// de la pho brang gzhal med khang // gru bzhi lham pa mdzes par snang // rin chen sna bzhi'i rgyu las grub// glo
 'bur bzhi yang mkhar thabs tshul// bum pa'i rtse mo chos kyi tog/ rma bya'i mdongs dag ldan pa'o// sgo bzhi sgo khyud bzhi dang ldan// rta babs brgyad dang yang dag ldan// dbus na 'khor lo rtsibs bzhi pa// lte
 bar bcas shing rtsibs sten ldan// gru chad par khyams mdzes par ldan// rin chen 'od zer 'bar bas 'khrigs// sems can pad+ma nyi zla dang / rin chen 'bar ba'i gnas mchog ldan// rin chen khri rkang rnam
 rten ldan/ pho brang de yi gdan mchog kyang // nyi zla nor bu rin chen 'bar// bla re rgyal mtshan na bza' gdugs// dar dang ba ra mu tig phreng // dril bu dang ni rnga yab sogs// rol mo'i cha byad sna tshogs
 brgyan// 'jig rten lha tshogs mdzes pa dang / de la sogs te rgyan rnams kyang // bsam gyi mo khyab mtha' yas mchog/ gzhal yas de yi sgo bzhin// glang seng rnams kyis mdzes par byas// rta babs rnams kyi
 tsong tsong dang // gser gyi dril bu 'bar ba dag/ dkon mchog gsum gyi mtshan yang sgrogs// sgo drung de dag re re na// ta la'i skyed shing tsong tsong 'khril// dri dang gzugs dang 'od du ldan// ta la'i skyed shing de
 dag la// khu byug la sogs bkra shis pa'i// bya rnams snyan pa'i skad kyang 'byin// sgo drug de dag re re na// khrus kyi rdzing bu dbyibs legs pa// blo mchog yan lag ldan pa'i chu// grangs med de dag re re na//
 lha dang lha mo bsam mi khyab// phyi rol kho ra khor yug na// rtses 'chags sa brjod mi lang // de la sogs pa bsam yas mchog/ ma btsal ye nas lhun gyis grub// lha mchog rnams kyi bsod
 nams kyis// rgyu las grub par rgyal bas gsungs// pho brang de na gnas pa yi// ye shes lha tshogs mang po rnams// gtso gzungs zung du 'khril ba ste/ dbus kyi pho brang snying po la// rnam par snang mdzad snying po
 che// 'dzam bu na da'i gser 'od 'dra// rang rtags lag na 'khor lo bsnams// dpa' bo de yi spyan snga na// rdo rje sems dpa'i rgya chen yang // dung dang shel gyi kha dog 'dra// rag rtags lag na rdo rje 'dzin//
 g.yas su rin chen 'byung ldan te/ bai DUr+ya yi kha dog 'dra// rang rtags rin chen zur brgyad 'dzin// rgyab na snang ba mtha' yas gtso// pad+ma rA ga'i mdog 'dra zhing // rang rtags pad+ma dmar po 'dzin// g.yon
 du don yod grub pa ste/ in tra ni la ljang gu'i mdog/ rang rtags phyag na ral gri 'dzin// kun kyang zhi ba'i cha lugs te// thor tshugs rigs lnga dbu la brgyan// rdzogs pa'i skyil skyang tshul du bzhugs// do shal
 dpung rgyan se mo do// phyag gdub snyan chas kun la mdzes// mtshan dang dpe byad yang dag rdzogs// de dag gi ni g.yon rol na/ kun du bzang dang lo tsa na// mA ma gos dkar sgron ma rnams// g.yas pas
 thabs kyi gtso la 'khyud// g.yon pas rang rtags dril bu 'dzin// sku mdog cha lugs yab dang 'dra// 'khor lo rtsibs la lhun gyis grub// spyan snga'i glo 'bur mdzes pa la// lag na rdo rje sngo skya'i mdog/ rang
 rtags rdo rje rtse gsum 'dzin// g.yas na sa yi snying po ste/ ljang sngon rin chen myu gu 'dzin// rgyab tu nam mkha'i snying po ste// mthing ga rang rtags ral gri 'dzin// g.yon du mdzes pa'i blo 'bur la// spyan ras
 gzigs dbang dmar skya ste/ rang rtags pad+ma dkar po 'dzin// thor tshugs ye shes sems dpas brgyan// sems dpa'i skyil mo krung du bzhugs// rgyan dang cha lugs kun gyi brgyan/ de dag gi ni g.yon rol
 na// gar dang sgeg mo phreng ba dbyangs// g.yas pas thabs kyi gtso la 'khyud// g.yon pa ga gar dang me long phreng // pi wang 'dzin cing cha lugs gzhan// gtso bo nyid kyang mthun pa yin// mdzes pa'i gru chen
 rnams la ni// byams pa me tri dkar ba ste/ mdzes pa'i klu shing 'gun+de bsnams// shar lho mtshams kyi gru chad la'o// sgrib pa rnam sel mthing ga ste// chos kyi 'khor lo 'dzin pa ste// lho nub mtshams su mdzes
 par gnas// 'jam dpal gzhon nu dmar skya'i mdog/ rang rtags ut+pal mthing ga 'dzin// nub byang mtshams su mdzes par gnas// kun tu bzang po ljang ser mdog/ rang rtags rin chen snye ma 'dzin//
 byang shar mtshams kyi gru la gnas// de dag gi ni g.yon rol na// spos dang me tog bdug pa dri// g.yas pa thabs kyi gtso la 'khyud// g.yon pa rang rtags 'dzin pa'o// cha lugs thams cad snga
 ma bzhin// sgo khyud rnams la 'joms pa ni// gshin rje gshed po mthing nag 'bar// nir mgo gdengs pa lag mtshan thogs// shar gyi sgo ni rnam par gnas// rnam par rgyal ba ser nag 'bar// rdo rjes
 gnod pa lho sgor ro// rta mgrin dmar nag 'bar ba ste/ thod sbrul thogs pa nub sgor gnas// bdud rtsi 'khyil ba ljang nag 'bar// rgya gram gyis gnon byang gi sgor/ stang stabs tshul du rab tu gnas// dur
 khrod rgyan gyis rnam par brgyan// rnam par gtsigs la 'jigs 'jigs lha// me dpung 'bar ba'i klung du 'khyil// hUM dang phaT gyi sgra chen sgrogs// de dag gi ni g.yon rol na// gshed mo dang ni rgyal ma dang /
 rta mgrin mo dang 'khyil mo rnams// lag mtshan lcags kyu zhags pa dang / sgrog dang dril bu thogs shing rngam// cha lugs 'joms pa dag dang 'dra// sgo khyud dag tu lhun gyis grub// mdzes pa'i bar khyams de
 nyid la// sbrul sku thub pa chen mo drug/ ci 'dul thabs kyi skur ston pas/ cha lugs ma nges 'dul bar ston// mdzes pa'i bar khyams de nyid las// mdun dang rgyab gyi phyogs rol la// byed pa po dang bya ba mo//
 nam mkha' yi ni mdog 'dra la// ting nge 'dzin du ldan par gnas// de la sogs re mtha' yas mchog/ brjod med rjod du med pa yi// lha yi tshogs kyis gang bar gnas// dkyil 'khor bsam yas lhun gyis
 grub// lha yi tshogs chen de dag gi/ thugs kar ye shes sems dpa' gnas// tshon gang 'od dang bcas pa'o// ljang la rang rtags yi ge rnams// rang rtags phyag rgya'i steng du gsal// de lta'i sku mchog re re
 la// tshul dgu dag dang ldan pa ste/ mnyen dang lcug dang 'khril bag dang / ldem bag chags dang gzhon tshul can// gsal dang 'tsher dang lhun stug dang / gzi brjid 'bar bar rab tu gnas// de ltar rang
 bzhin dkyil 'khor nas// phyi rabs sngags 'chang rnal 'byor pas// spyan drangs mchod pa dbul ba'i 'os// zhes gsungs pas chos thams cad rang bzhin gyi dkyil 'khor du lhun gyis grub bo// de nas smra
 ba'i seng ge la sogs pa'i 'dus pa'i 'khor tshogs rnams rang rang gi bsam pa rangs par gyur te/ a la la zhes bya ba'i sgra phyung nas mgrin gcig tu ched du brjod pa 'di brjod do// a ho dmigs dang mi
 dmigs brtan g.yo chos kun lhun grub dpag mi lang // rang rig yon tan dpag med bsam yas mang po de kun brjod mi lang // gsang sngags rgya mtsho thugs rje bsam yas bsam khyab ji snyed dpag mi lang
 sprul pa rgyal mtsho gang ga'i bye snyed 'gro ba chos ston zhing khams khyab ces ched du brjod pa ched du brjod do// le'u ste lnga pa'o// // rang bzhin gyi dkyil 'khor bstan pa'o// de nas bcom
 ldan 'das gsang ba mchog gi bdag po des mi g.yo ba rnam par 'phro ba zhes bya ba'i ting nge 'dzin la snyoms par zhugs nas ting nge 'dzin gyi dkyil 'khor 'di gsungs so// 'dus pa'i 'khor tshogs rnams
 chos thams cad ting nge 'dzin gyis dbang bsgyur du rung ba tsam du rtogs shig/ de ci'i phyirare zhe na/ chos thams cad ni ting nge 'dzin ji ltar 'dod pa de ltar dbang bsgyur ba'o// 'dus pa'i 'khor tshogs 'di lta
 ste// gsang sngags ya mtshan chen po 'di// ting 'dzin dkyil 'khor bsam yas kyang // mdor bsdus rnam pa gsum yod de// bsgom pa'i ting 'dzin dkyil 'khor dang / bskyed dang lhag pa'i ting 'dzin no//
 thog ma'i rnal 'byor nyid bsgoms te// dkyil 'khor yin par rgyal bas gsungs// de yang ji ltar bsgom zhe na// ting nge 'dzin kyang rnam gsum ste/ dang por de bzhin nyid kyi dang // de bzhin nyid la gnas
 bca'i phyir// stong pa chen po'i ting 'dzin bsgom// gnyis pa kun snang nam mkha'i ngang // snying rje yum gyi khyab pa'i phyir// mtshams sbyor chen po'i ting 'dzin bsgom// gsum pa rang gi sa bon nam// rab tu
 brtan pa'i yig 'bru a// de las phra mo a 'phros 'dus// spros shing bsdus kyang 'phel 'grib med// de las bdag nyid chen por bsgom// ma lus thams cad rdzogs par gsal// rgyas btab byin brlabs
 dbang bskur bas// rtsa ba'i dkyil 'khor bar du rdzogs// de bzhin dbyings las shar bas na// bdag nyid chen po g.yon du ste/ mkha' dbyings rdo rje pad+mor ldan// de ni bsgom pa'i dkyil 'khor yin// skyed
 pa yang ni 'di ni 'di lta ste/ lha tshogs bdag gi sras su skyed// de nas bskyed pa'i dkyil 'khor yin// de yang ji ltar bskyed ce na// thog mar yab yum mkha' rnam gnyis// rdo rje pad+mar byin gyis brlab//
 gnyis med dgyes par 'khril ba las// b+ha ga'i dkyil du ling ka a// 'phro 'du dbyings su thim pa las// dbang chen sa bon 'bru lngar gyur// e yaM baM su bruM/ e nyid 'dus pas nam mkhar gsal// yaM las
 rlung gi dkyil 'khor bskyed// baM las bdud rtsi'i rgya mtshor bskyed// su las gser gyi bris mar bskyed// bruM las ri rab gzhal med khang // dbyibs dang kha dog tshad dpag med// 'khor lo'i gdan dang rol
 mo'i tshogs// rang bzhin kun rdzob ci 'dra ba'o// de ru lha tshogs bskyed pa ni// brtan 'byung mtha' yi yi ge a// 'phel 'grib med par gnas pa ste// gnyis med dgyes pa'i 'phro 'du la// bzhi bcu rtsa gnyis
 'od du shar// ka kha ga g+ha nga/ tsa tsha dza dz+nya nya/ Ta Sha Da b+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha/ k+Sha/ i I u A e e o o/ gsung gi dkyil 'khor bzhi bcu gnyis// spro bsdu
 sal bar gyur pa las// thugs mtshan bzhi rtsa gnyis 'bar// de las mngon rdzogs skur gsal ba// Tha la sogs pa'i yig 'bru lnga// phung po lnga yi sa bon yin// tha la sogs pa 'byung ba lnga// bskyed pa'i sa
 bon yin par grags// ka la sogs pa'i yig 'bru lnga// rnam shes lnga yi sa bon yin// tsa la sogs pa'i yig 'bru lnga// mig gi khams la sogs pa lnga// pa la sogs pa'i 'byung ba lnga// gzugs sogs skye
 mched rnam lnga'i yin// ya la sogs pa'i yig 'bru bzhi// dus bzhi sa bon rab tu grags// sha la sogs pa'i yig 'bru bzhi// phyin ci ma log dus bzhir bshad// i la sogs pa'i yig 'bru drug/ rdul snyed
 thub pa drug tu bshad// oM ni yid kyi khams yin te// k+Sha ni yid kyi rnam shes khams// oM ni chos kyi khams su bshad// so so thugs mtshan gsal ba las// sa bon rnams kyis mngon rdzogs bskyed/ oM hUM badz+ra
 d+h+r-ika stA rat+na d+h+ri ka oM A ro li ka hA pradz+nyA d+h+ri ka mAM d+hA tI shwa ri/ lAM dwe Sha ra ti/ mAM mo hA ra ti/ pAM rA ga ra ti/ tAM badz+ra ra ti/ k+Shi hi rA dza ya/ tAM A gar+b+ha aHhrIHha hUM pad+ma/ dz+r-i ku ru pa n+na hriHhUM lA s+ye/ traM mA le/ hrIHgi ti a
 nr-i tra/ me d+ha ra ni/ b+h+r-i ni swa raM b+ha ya/ sraM shri A rA ga ya/ pad+b+ha pa/ hUM praH/ baM dI pa/ so gar+b+he/ hAM ya man+ta kre ta/ hUM pad+h+waM ta kre ta/ hUM bi s+thAn ta kr-i ta/ dzaHbadz+ra kro d+hi/ hAM rat+na kro d+hi/ be pad+ma kro d+hi/ hokarma kro d+hi/ !
 badz+ra tsit+ta/ a badz+ra sa ma yaHmu ne kr-i/ muM ne suM/ mu ne traM/ muM ne br-i/ mu ne k+Sha/ mu ne ye/ de ltar so so'i snyi po yis// mngon rdzogs skur ni gsal ba dang / ye shes lnga yi dbang bskur te// sku sung thugs su byin
 gyis brlab// oM ma hA shA n+ya tA dz+nyA na badz+ra sra b+hA ba At+ma ko&haM/ oM ma hA A daR+sha dz+nyA na badz+ra swa b+hA wa At+ma ko&haM/ oM ma hA sa man+ta dz+nyA na badz+ra swa b+hA ba At+ma ko&haM/ oM ma hA pra t+ya bek+Sha NA dz+nyA na badz+ra swa b+ha ba At+ma ko&haM/ oM
 ma hA kr-i t+ya nuSh+TA na dz+nyA na badz+re swa b+hA ba At+ma ko&haM/ oM sarba ta thA ga ta ka ya badz+ra swa b+hA ba At+ma ko&haM/ oM sarba ta thA ga ta bAka badz+ra swa b+hA ba At+ma ko&haM/ oM sarba ta thA ga ta tsit+ta badz+ra swa b+hA ba At+ma ko&haM/ oM sarba ta tha
 ga ta pU dza badz+ra swa b+hA ba At+ma ko&haM/ de ltar rdzogs pa'i sangs rgyas rnams// sku mchog thugs mtshan bzhugs tshul dang // thor tshugs la sogs cha lugs kun// rang bzhin kun rdzob dkyil 'khor 'di// rnal
 'byor rig pa'i rtsal yin te// nam mkha'i dbyings kyi dbus su bsam// yang na gzugs brnyan dkyil 'khor la'o// lhag pa'i ting 'dzin zhes bya ba// de ltar gsal ba'i rnam pa kun// yum gyi mkha' las
 gsal bar bsgom// rnal 'byor rig pa'i khyad par ro// zhes spangs pas 'dus pa'i 'khor tshogs thams cad kyis chos thams cad ting nge 'dzin gyis dbang bskur bar mthong ngo // 'phags pa
 rgyud kyi rgyal po ye shes rngam pa glog gi 'khor lo'i mdo zhes bya ba las ting nge 'dzin gyi dkyil 'khor rnam par phye ba'i le'u ste drug pa'o// // de nas bcom ldan 'das gsang ba mchog gi bdag pos
 gzugs brnyan lta bu rnam par 'phro ba zhes bya ba'i ting nge 'dzin la snyoms par zhugs nas las dang po pa'i rnal 'byor pa yid ches par bya ba'i phyir 'dus pa'i 'khor tshogs rnams la bka' stsal pa/ 'dus
 pa'i 'khor tshogs rnams chos thams cad ni gzugs brnyan lta bu'i rnam pa yin par shes par bya'o// de ci'i phyir zhe na// chos thams cad ni gzugs brnyan lta bu'i rnam par snang zhing de las ma 'das pa'i phyir
 ro// de bas na gzugs brnyan gyi dkyil 'khor ci 'dra bar bya yis nyon cig/ de la 'di ni rgyud kyi rnam grangs so// mi shes pa yi 'gro ba la// mtshon pas gsal ba'i don ston phyir/ gzugs brnyan dkyil
 'khor bshad par bya// de yang ji lta bu zhe na// brtan zhing mdzes pa'i khang bu la// 'jam por zhal zhal byas nas ni/ kha dog lnga yi gzugs bris pa// de yang dngos grub rten du bshad// ras sam gro ga'am
 shing shun nam// ta la'i lo ma'am dur khrod ras// zhing chen ras la sogs pa la// phyag rgya'i gzugs su bris na yang // mtshan ma 'byung ba'i rten du bshad// rdo dang shel rdo la sogs dang // dung ngam pa so'i rgyu
 las ni// phyag rgya'am gzugs su 'bur gtod nas// de yang dngos grub 'byung ba'i rten// gser dngul zangs khar la sogs la// mkhas pas legs par lugs byas te/ yan lag ma nyams gzugs byas
 na// de yang mtshan ma'i rten du bshad// blag sha byang chub shing bu'am// rgyu shing mnyen las gzugs byas na// de rnams mtshan ma'i rten du bshad// sbyin zhing mnyen pa'i rgyu rnams las// phyag rgya'i gzugs su
 legs byas na// de yang mtshan ma'i rten yin no// sa stengs dbyibs legs mdzes pa la// rdul tshon 'dus byas rgyu rnams kyis// brnyan ma'i dkyil 'khor byas na yang // de yang dngos grub rten du bshad// re
 zhig las kyi dang po las// sa stengs dkyil 'khor byas par shis// zhes gsungs so// de la 'di ni gnas kyi mtshan nyid de// sa stengs bya ba'i gnas mchog kyang // skyon yon bye brag shes pa las// spang blang
 gnyis su shes par bya// ri bo ri bran 'dus pa'i spyir// gangs ri brag dkar 'dab rtsa ni// seng gcan 'khra ba'i gnas zhes bya// zhi ba'i las la de shis so// phug chen dgon pa chen po dang // brag chen rdo rje
 gtams pa'i dkyil// gcan can 'khra ba'i gnas zhes bya// mngon par spyod pa sgrub pa'i gnas// dur khrod gnas dang ngam grog dang // sum mdo grog le bshung ba'i gnas// dur gcan 'khra
 ba'i gnas bya'o// dbang du bsdu ba sgrub pa'i gnas// nags tshal mang po gtibs pa dang / shin tu btsan dang 'jigs pa'i ngos// stegs gzigs 'khra ba'i gnas zhes bya// 'dod pa sgrub pa'i gnas yin no//
 mtsho gling chu mdo rgya mtsho'i 'dzings// chu yi gle ma btsan pa'i gnas// chu gcan 'khra ba'i gnas zhes bya// las rnams kun la de shis so// ri bo 'dun pa'i rtse rnams dang // tsan+dan nags tshal me tog tshal//
 yid 'ong bkra shis nyams dga' yi// gnas su dkyil 'khor bri bar shes// gnam dang sa dang bar snang rnams// legs par brtags te dkyil 'khor bya// mtshon cha lnga yi dbyibs dag tu// brtags na mngon
 pa'i nam mkha' shis// bar snang kha dog rnam lnga po// so sor ma 'dres gsal bar shis// sa gzhi dzin tu ma nyams dang // ma grub mnyam par gnas pa la// tshwa sgos sman pa tshwa med// de ltar brtags par las
 bya'o// spang bar bya ba'i gnas ngan no// gshin rje gdug pa'i mdung rjes dang // srin po ngus pa'i mchi rjes dang // khro bo gnod sbyin lcam rjes dang // ma mo rngam pa'i spar rjes dang // 'byung po rku ba'i 'jol sa
 dang // gdug pa klu yi rgyun srang dang // skyon can rgyu ba'i lam srang dang // zhang blon gdug pa'i 'dug sa dang // kha nas ma zo'i 'dun sa dang / nyen dang 'brel ba'i gnas rnams ni// sbrul gdug bar du 'ongs
 pa ltar// wa yi brtul zhugs chen po yis// lo yi bzhugs te rab tu spang // zhes gsungs so// de la 'di ni bslang ba'i las te// de nas bslang ba'i las rnams kyang // mngon dang mi mngon bdag po la//
 rtsod pa nye bar zhi bya'i phyir// ser sna spangs pa'i sems kyis ni// rin dang bden pas bsgo la bslang // zhes gsungs so// de la 'di ni sa gzung ba ste/ de nas slob dpon bdag nyid kyis// rdo rje dril bur
 ldan pa yis// rtse gsum 'gros kyis kun du bskor// khros pas hUM gi nga rgyal bya// dngos grub bar du gcod pa'i bgegs// dengs shig ces su bsgo nas kyang // seng ldeng phur bu so brgyad pa/ khro bor byin
 brlabs gdab par bya// zhes gsungs so// de la 'di ni sa'i lha mo spyan drangs pa'o// de nas dbang gyur lha mo de// spyan drangs bskyed dang gnyis min par// mchod bstod tshul bzhin byas nas ni// bdag cag
 rnal 'byor sgrub pa po// bdud btul mngon par rdzogs pa'i tshe// ru tra tshogs kyis rgal ba la// dgyes pa'i las kyi don bgrangs te// bdag cag sa la bgrod pa'i tshe// ru tra'i rgol ba byung ba na// spyan ldan de
 la dbang bcol lo// zhes gsungs so// de la 'di ni rtags brtag pa'o// mtshan mas mtshan ma gzhom pa'i phyir/ ro lnga mtshan nyid brtag par bya// dge ba'i rtags na dngos grub 'byung // gal
 te shes par ma gyur na// thabs la mkhas pas spang bar bya// yang na sbyin sreg bya bar brtag/ ces gsungs so// de la 'di ni rin chen gter sba ba'o// gnas de bsod nams gter ldan phyir// rin chen lnga
 dang sman lnga dang / spos lnga 'bru lnga snying po lnga// ga'u'i nang du blugs nas su// sa gzhi gter dang ldan par bya// zhes gsungs so// de la 'di ni sa sbyang ba'o// sa zhag spos chen rnam lnga yi// khu ba bsres nas
 kun du ni// gru bzhi dbyibs su legs byas te/ ba ko tsam du skyong nul bya// de nas dkyil 'khor lha tshogs kyi// sngags dang phyag rgyas sbyar bar bya// des kyang dngos po kun sbyangs te// rgyal ba'i bzhugs
 gnas rang bzhin du// ting nge 'dzin gyis sbyang bar bya// zhes gsungs so// de la 'di ni lha sta gon la gnas pa'i cho ga'o// de na lha rnams ji snyed pa// rang bzhin kun rdzob spyan drangs te// spos kyi dkyil
 'khor lha grangs bzhin// gdan sar byas te yon mchod la// lan gcig gshegs zhes sta gon bya// de nas 'dus pa'i sems can kun// gsang dang snying gar bram pa dang / ku sha brim dang srung skud gdags//
 so shing brim dang rmi ltas brtag/ mchod pa'i yo byad ji snyed dang // rgyan du 'os pa'i rnam pa kun// tshang bar bsogs te byin gyis brlab// 'dus pa'i sems can de dag kun// chos gtam rim pas dbugs
 phyung ste// gsang sngags che ba'i yon tan bshad// ces gsungs so// de la 'di ni dkyil 'khor bri ba'i dus so// rig byed dag gi yan lag las// dus rnams shes par bya ba ni// bkra shis lha yi nyi ma dang //
 'byor ldan dus tshod bzang ba ni// mtshan ma'i rtog pa yin mod kyang // brtags na dngos grub mtshan mar 'byung // zhes gsungs so// de la 'di ni thig gdab pa'i cho ga'o// tshon dang thig skud rnam lnga la//
 sangs rgyas lnga yis byin brlabs te// sprul pa 'phro 'du rgyun mi gcad// spos sam lce pog dkar po yi// dud pas rgyun mi bcad par 'dug/ khros pas drag po'i sngags zlos shing // khro bo khro mo'i stangs kyis
 bskor// bde bar gshegs pa'i thugs dam bsgral// thig skad sar pa gtsang ma'am// gsang ba'i lcang lo 'khril mdangs sam// rdo rje rgun zag la sogs la// yum gyi grangs dang mthun par bsgrim// rdo rje rtse
 lnga'i lu gu rgyud// byang chub sems su byin gyis brlabs// thig g.yos las kyi sems ma ste// mtshon ldan byin gyis brlabs nas ni// phyag rgya gar dang bcas pa yis// rang bzhin dkyil 'khor gnam thig
 gdab// de nas sa thig gdab pa yang // 'dus pa'i dbang gi bye brag las// maN+Dal tshad ma nges pa med// sor bzhi pa nas brtsam nas su// ji srid dpag tshad thub par ro// oM dz+nyA na tsakra su tra ma
 tu kra ma hUM zhes gsungs so// de la 'di ni tshon dgye ba'i cho ga'o// rang bzhin kun rdzob ci 'dra dang // ting 'dzin dkyil 'khor de 'dra bar// brnyan ma yang ni de 'dra bri// tshon sna 'bras dang 'byung khungs sam//
 rdo kham rin chen dag la bya// sna gsum sna lnga dag dang ni// rin chen phung po'i tshon gyis ni// dbus kyi pho brang bskor ba yin// sgo la rnam lngas bskor bar bya// phyag rgya gzhan la rkyang pas so// dkar dmar ser
 ldang nag po rnams// go rims de yis bkod par bya// gtso bo gzugs su rdzogs par bri// 'khor rnams phyag rgya dag tu bya// phal pa dag la yig 'brus so// zhes gsungs so// de la 'di ni dkyil 'khor gyi
 rgyan dgod pa'i cho ga'o// de nas bsgrub pa'i dkyil 'khor la// bla re rgyal mtshan 'phan dang gdugs// pi bang gling bu brdab pa dang / rdza rnga mu kun rnga chen dang // da rda ra dang mi tsar dang / dbyangs dang gar
 dang bzhad pa che// rol mo'i yo bya ji snyed pas// dga' byad dkyil 'khor dag la brgyan// bum pa rnam pa sna tshogs kyi// gser dang dngul las byas pa'o// rigs dang mthun pa'i gos kyis dkris// me tog
 'bras bus brgyan pa la// bdud rtsi lnga yis gang byas pa// sman dang rin chen 'bru rnam lngas// gang ba brgyad dam bcu drug gzhag/ dkyil 'khor bdag pos mngon bsngags pa'i// rnam rgyal bum pa de bzhin du//
 dbus nyid du ni gzhag par bya// yang na bum pa'i sbyin par ro// zla ba nyi ma dri chu dang // btung ba rab tu snum po dang / dbang po kun nas 'byung ba rnams/ sha srang gcig gi rab bsres pas// gang ba'i ban da
 de bzhin bzhag/ rmad du byung ba'i gtor ma dgram// de la sogs pa mtha' yas mchog/ ci rigs rnams kyis mdzes par bya// zhes gsungs so// de la 'di dag ni 'phan sdud kyi las spyir bstan pa'o// de nas
 sngags pa mnyam bzhag ste/ ting 'dzin dkyil 'khor gsal bar bsgom// gsal ba gnyis med dkyil 'khor du// rang bzhin kun rdzob spyan drangs dang / dbab dang bzhugs dang brtan pa dang // mi g.yo dam
 tshig zil gnon dang // phyag 'tshal mchod par brjod pa dang // gsang ba mchog gi dkyil 'khor du// 'jug dang dngos grub gsol ba dang / dbang bskur ba yi las rnams bya// des ni tshe 'di nyid la yang
 sangs rgyas nyid kyang thob 'gyur na// dngos grub gzhan lta smos ci dgos// zhes gsungs so// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las gzugs brnyan gyi dkyil
 'khor rim par phye ba'i le'u ste bdun pa'o// // de nas bcom ldan 'das gsang ba mchog gi bdag po de chos thams cad lhun gyis grub pa'i phyag rgya las mi 'da' ba zhes bya ba'i ting nge 'dzin
 la snyoms par zhugs nas phyag rgya dam tshig gi mtshan nyid rnams nyid kyi sku dang gsung dang thugs rdo rje las phyung ngo // gsang sngags rgya mtsho chen po 'di// phyag rgya bsam yas ji snyed pa// mdor bsdus rnam pa
 bzhi ru 'dus// dang por phyag rgya chen po ste/ gnyis pa dam tshig rgya yin no// gsum pa chos kyi phyag rgya ste/ bzhi pa las kyi phyag rgya ste/ phyag rgya chen po sku yi rgya// rang bzhin chos sku dngos med rgya// gzugs sku
 mtshan ma'i rgya zhes bshad// gzugs sku rang bzhin kun rdzob dang // bsgom dang bskyed pa yin par bshad// gnyis pa'i rgyal gsum yod de// bsgom dang gzung dang bcing ba'o// bsgom pa dam tshig gsung
 yin te// gsal ldan ma'am byin brlabs pa'o// gzung ba thugs mtshan nyid bzung ba'o// dam tshig lag rgya bcing bar bshad/ yang na so so'i gtso gzung rnams// sbyor thabs phyag rgya nyid yin no// gsum
 pa'i rgya la gsum yod de// rang bzhin bsgom dang bzlas brjod do// rang bzhin chos kyi phyag rgya ni// chos kyi dbyings su rgyal bas gsungs// bsgom pa mtshan ma'i yig 'bru dag/ lce steng snying ga mkha' sogs
 su// mtshan ma'i rnam par gsal ba'o// rtsa ba bskyed dang bzlas pa yis// snying po tshig brjod bzlas pa'i rgya// bzhi pa las kyi phyag rgya la// rnam pa gsum du dpa' bos gsungs// bsgom dang 'phro 'du bcing
 pa'o// las kyi lha yi rnal 'byor gang // bsgom pa sgom pa las kyi rgya// lha 'og mkha' 'am thugs ka nas// rnam bzhi las kyi 'phro 'du ni// 'phro 'du las kyi phyag rgya'o// phyag rgya bca' dang stangs tshul rnams//
 bcing ba las kyi phyag rgya bshad// lag rgya dam tshig phyag rgya rnams// rang gi sku ru rnam bsgoms nas// bcings shing mkha' la rnam bkrol na// sdig pa kun las rnam grol zhing // sangs rgyas nyid kyang 'thob
 'gyur na// dngos grub gzhan lta smos ci dgos// bdag nyid phyag rgya cher bsgom pa// dbu ni rnam par snang mdzad de// lag g.yas rdo rje sems dpa'i rgya// lag g.yon rin chen 'byung ldan rgya// rkang pa g.yon
 pa snang mtha' yas// rkang g.yas las kyi sems dpa'i rgya// yan lag rigs kyi dkyil 'khor bas// bskul bskyod thams cad phyag rgya yin// sor mo rnams la bsgom bya ba// gung mo gnyis la oM dpa laM/
 'dzub mo gnyis la hUM dang muM// dbang mo gnyis la swa dang maM// chung ngu gnyis la oM dang baM// sbom po gnyis la haM dang traM// g.yas pa'i 'bru gdan nyi ma ste// g.yon pa zla ba'i dkyil 'khor ro// oM dang muM du rtse
 sbyar te// de bzhin hUM dang laM du sbyar// haM dang paM yang de bzhin te// aM dang taM du sbyar ba la// rgyal sbyar swa dang maM bsgreng ba// 'di ni yab kyi spyi rgya yin// lag pa thal mo sbyar ba las// oM dang mr-i
 sbyar hUM dang ni// laM sbyar swa dang baM du sbyar// oM dang maM sbyar haM taM bsgreng // yum gyi spyi rgya yin par bshad// rdo rje khu tshur snying gar bcangs// oM bsgreng rtse mor 'khor lo 'bar// rin chen dril gsil chos la
 brtan// 'dzum pa'i mdangs dang bcas pa ni// rnam par snang mdzad phyag rgya yin// rin chen khu tshur snying kar bcangs// laM bsgreng rtse la dril gsil 'bar// rdo rje thal mo las la 'khril// 'dzum pa'i mdangs
 dang bcas pa ni// bder gshegs dbyings phyug ma yi rgya// rdo rje khu tshur snying gar brtan// hUM bsgreng rtse la rdo rje 'bar// rin chen dril gsil chos la brtan// 'dzum pa'i bdangs dang bcas pa ni// rdo rje
 sems ma'i phyag rgya yin// rin chen khu tshur snying gar brtan// muM bsgreng rtse la dril gsil 'bar// rdo rje thal mo las la 'khril// 'dzum pa'i mdangs dang bcas pa ni// rdo rje dbyings phyug phyag rgya yin//
 khu tshur snying gar brtan/ sra bsgreng rtse la rin chen 'bar// rin chen dril gsil chos la brtan// 'dzum pa'i mdangs dang bcas pa ni// rin chen 'byung ba'i phyag rgya yin// rin chen khu tshur snying gar brtan// maM
 bsgreng rtse la dril gsil 'bar// rdo rje thal mo las la 'khril// 'dzum pa'i mdangs dang bcas pa ni// rin chen dbyings phyug phyag rgya yin// rdo rje khu tshur snying gar brtan// aM bsgreng rtse la pad+mo 'bar// rin
 chen dril gsil chos la brtan// 'dzum pa'i mdangs dang bcas pa ni// snang ba mtha' yas phyag rgya yin// rin chen khu tshur snying gar brtan// baM bsgreng rtse la dril gsil 'bar// rdo rje thal mo las la 'khril//
 'dzum pa'i mdangs dang bcas pa ni// pad+ma dbyings phyug phyag rgya yin// rdo rje khu tshur snying gar brtan// haM bsgreng rtse la ral gri 'bar// rin chen dril gsil chos la brtan// 'dzum pa'i mdangs dang bcas pa
 ni// don yod grub pa'i phyag rgya yin// rin chen khu tshur snying gar brtan// taM bsgreng rtse la dril gsil 'bar// rdo rje thal mo las la 'khril// 'dzum pa'i mdangs dang bcas pa ni// las kyi dbyings phyug phyag
 rgya yin// rdo rje khu tshur thugs ka na// rin chen dril gsil chos la brtan// 'dzum pa'i mdangs kyis lta ba ni// lag na rdo rje'i phyag rgya yin// rin chen gar thabs bskor nas su// rdo rje thal mo las la 'khril//
 'dzum pa'i mdangs kyis 'dud pa'i tshul// gar gyi phyag rgya dpa' bor bshad// rdo rje thugs kar rin chen 'dzin// rin chen dril gsil chos la brtan// 'dzum pa'i mdangs kyis lta ba ni// sa yi snying po'i
 phyag rgya yin// rdo rje khu tshur bcangs pa ni// dku yi zad kar 'dzin pa dang // 'dzum pa'i mdangs yis 'dud pa ni// sgeg mo'i phyag rgya yin par bshad// rdo rje ral gri zugs ka na// rin chen
 dril gsil chos la brtan// 'dzum pa'i mdangs kyis lta ba ni// nam mkha'i snying po'i phyag rgya yin// rdo rje rin chen rna ltag gzhag/ rin chen phreng ba bzung nas su// 'dzum pa'i mdangs kyis 'dud pa ni// phreng
 ba'i phyag rgya yin par grags// rdo rje pad+ma thugs ka na// rin chen dril gsil chos la brtan// 'dzum pa'i mdangs kyis lta ba ni// spyan ras gzigs kyi phyag rgya yin// rin chen pi bang 'dzin pa la// rdo rje len
 par byas nas ni// 'dzum pa'i mdangs kyis 'dud pa ni// dbyangs kyi phyag rgya yin par grags// rdo rje klu shing thugs ka na// rin chen dril gsil chos la brtan// 'dzum pa'i mdangs kyis lta ba ni// byams pa
 me tri'i phyag rgya yin// rin chen bdug spos thugs kar 'dzin// rdo rje las la rab tu 'khril// 'dzum pa'i mdangs kyis 'dud pa ni// bdug pa'i phyag rgya yin par bshad// rdo rje po ti thugs kar 'dzin// rin
 chen dril gsil chos la brtan// 'dzum pa'i mdangs kyis lta ba ni// sgrib pa kun sel phyag rgya yin// rdo rje rin chen rna ltag tu// me tog snod bcas 'dzin pa la// 'dzum pa'i mdangs kyis 'dud pa ni// me
 tog phyag rgya yin par bshad// rdo rje ut+pal thugs ka na// rin chen dril gsil chos la brtan// 'dzum pa'i mdangs kyis lta ba ni// 'jam dpal gyi ni phyag rgya yin// rin chen mar me thugs ka na// rdo rje thal
 mo las la 'khril// 'dzum pa'i mdangs kyis 'dud pa ni// mar me'i phyag rgyar dpa' bos bshad// rdo rje snye ma thugs ka na// rin chen dril gsil chos la brtan// 'dzum pa mdangs kyis lta ba ni// kun tu
 bzang po'i phyag rgya yin// rin chen dbyug pa thugs ka na// rdo rje thal mo las la 'khril// rdo rje nyug par byed pa ni// dri yi phyag rgya yin par bshad// nir mgo gdengs ka gshed po'i rgya// rdo rje gnon pa stobs
 po che// zod sbrul gnon pa rta yi rgya// rgya gram gnon pa bdud rtsi 'khyil// mdzub gnyis 'khyud pa lcags kyu'i rgya// mdzub gnyis rtse sprad zhags pa'i rgya// mdzub gnyis 'khyud pa lu gu rgyud// bskyod par gyur pa
 'bebs ma'o// pi bang len pa lha yi rgya// mi yi gseg par 'dzin pa ste/ lha min phyag rgya go cha yin// chos kyi dkyil 'khor byol song rgya// za ma tog ni yi dwags rgya// me chu gnyis ni dmyal ba'i rgya// yab kyi spyi
 tu kun bzang gi'o// yum gyi spyi rgya bzang mor bshad// yang na kun bzang yab yum gyi// rdo rje thal mor gnyis su bshad// bder gshegs rnams la rdzogs dkyil lo// sems dpa' rnams la sems dpa'i
 dkyil// 'joms dang thub pa langs te bcing // zhes gsungs so// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las phyag rgya'i mtshan nyid bshad pa'i le'u ste
 brgyad pa'o// // de nas smra ba'i seng ge byed pa po rdo rje kun du bzang pos 'di skad ces gsol to// bcom ldan 'das gsang ba mchog gi bdag po he ru ka rnams kyi dkyil 'khor ji ltar bu lags par
 bdag cag rnams la bshad du gsol/ gsang ba mchog gi bdag pos bshad du gsol zhes gsol pa btab pa las/ bcom ldan 'das gsang ba mchog gi bdag po des de bzhin gshegs pa thams cad kyi
 khro bo rnam par 'phro ba'i rgyal po ye shes rngam pa glog zhes bya ba'i ting nge 'dzin la snyoms par zhugs te nyid kyi sku khro bo chen por 'du mdzad de/ de ci'i phyir zhe na/ 'jig rten na dregs pa chen po la sogs pa
 gdug pa'i dbang du 'gro ba rnams gyur te/ khams gsum 'di na de bzhin gshegs pa gsung dang zer ba ston pa dang / 'jug pa dang / bstan pa la gnas shing dkon mchog gsum la 'jug pa ni 'ga' yang
 med/ khros pas gtum po rab tu gdug pa'i sems dang / 'dod chags zhes sdang gti mug gis bsgribs pa gtum zhing 'khrug pa dang / gzhan gyi srog dang sems 'phrog pa dang / mi dge ba bcu'i las kyis nyon
 mongs pa dang nye ba'i nyon mongs pas gzhan la gtses pa dang / gcig sha gcig gis za ba dang / log pa'i lam la gnas pa'i 'jig rten gsum po 'du brlag go zhes sngon gyi smon lam la gnas pa'i de bzhin
 gshegs pa rnams dang / gsang ba mchog gi bdag po chen pos rnam par gzigs nas nyid kyi sku dang gsung dang thugs rdo rje khro bo'i dkyil 'khor glog rnam par 'phro ba 'di byung ngo // oM badz+ra ma hA tsaN+Da suSh+Ta na ta
 ka ha na da ha pa tsa/ bi shra kro d+ha dza la maN+Dal phaT phaT phaT ha la ha la/ 'di phyung ma thag tu khro bo chen po'i mthus khams gsum 'di dag thams cad g.yos rab tu g.yos/ kun tu rab tu g.yos so/ 'ur 'ur rab
 tu'ur 'ur/ kun tu rab tu 'ur 'ur ro// shig shig rab tu shig shig/ kun tu rab tu shig shig gtor gtor/ rab tu gtor gtor/ kun tu rab tu gtor gtor/ lha dang / klu dang / gnod sbyin dang / dri za
 dang / nam mkha' lding dang / srin po la sogs rnams 'khrugs pa chen por gyur to// de nas 'jigs pas nyen pa de dag brgya byin la skyabs su song // brgya byin yang 'jigs pas nyen te tshangs pa'i zad du phyin//
 tshangs pa yang khyab 'jug thad du song / khyab 'jug dbang kyang phyug chen po'i thad du song // dbang phyug chen po rang gi mthu yod yod pa ston cing lha rnams ma skrag/ klu rnams dang gnod sprin rnams dang / lha ma
 yin dang / 'khor du gtogs pa rnams ma skrag cig/ nga'i mthu 'di la gzhan gang gis kyang brdzi bar mi nus so zhes spro bsrings so// kwa brgya byin dang tshangs pa dang khyab 'jug rnams khyod kyang
 'jig rten na mthu che ba'i chen po yin pas rang rang gi mthu dang rdzu 'phrul ci yod pas rang rang gi 'khor gdug pa de dag dbugs dbyung bar mdzod cig ces bsgo'o// de nas brgya byin dang / tshangs pa dang /
 khyab 'jug rnams de ma thag tu rang rang gi mthu ci yod pa ston cing rdo rje'i skad dang gad mo drag po 'byin cing rang rang gi 'khor rnams la ma skrag ma dngang shig/ bdag cag gi mthu 'di lta bu gzhan gang gis kyang
 zil gyis gnon par mi nus so zhes spro sring ngo // de nas bcom ldan 'das ye shes rngam pa'i rgyal po des de bzhin nyid kyi dbyings nas yum rngam pa'i kro d+hi'i rgyal mo mngon par phyung ste/ hi hi dgyes pa'i gzi
 mdangs kyi rol pa'i dgyes pas thim par mdzad nas/ byang chub sems kyi sprin las phaT phaT badz+ra kro d+ha dza la maN+Dal ha la ha la zhes pas stong gsum khro bo tshol pas gang bar gyur to// de nas bcom ldan 'das
 dgyes par chen po nyid ni dbu dgu phyag bco brgyad zhabs rnam pa brgyad kyi rnam par snang ngo // de nas dgyes te hUM hUM hUM zhes brjod pas dbu dgu phyag bco brgyad las 'dul ba'i dbang gis dbu gsum phyag
 drug zhabs bzhir gyur te/ khrag gi rgya mtsho 'khrug pa'i dkyil na keng rus kyi steng na rnam par gnas so// khro bo tshol ba de dag gi kyang phyogs bcu'i dregs pa ji snyed pa kun bsgral te slar 'dus nas/ la la ni
 rdo rje khrag 'thung chen por gyur nas brgya byin 'khor dang bcas pa bsgral/ la la ni rin chen khrag 'thung du gyur te tshangs pa 'khor dang bcas pa bsgral/ la la ni pad+ma khrag 'thung chen por gyur te/ ma hA de ba
 'khor dang bcas pa bsgral/ la la ni las kyi khrag 'thung chen por gyur te/ khyab 'jug 'khor dang bcas pa bsgral/ khro bo de dag gis dregs pa can de dag gi nang grol kun drangs/ khrag 'thungs/ rus pa kun
 'chos so// de nas dgyes te oM ru lu ru lu dza dza zhes brjod pas/ dbang phyug chen po bcu gnyis dang brgyad kyi 'khor tshogs ma lus pa yud tsam cig gis dbang du 'dus par gyur pa ni dper na rdo khab len la
 lcags 'du ba'i tshul lo// bcom ldan 'das dpal chen po'i sku la rnam par brgyad kyis 'khril ba'i tshul du gnas so// khrag 'thung bzhi la rnam pa lnga lngas 'khril ba'i tshul gyis rnam par gnas pa dang / dgyes
 te ha ha zhes brjod pas byang chub sems las dkar mo'i tshogs dang / rkun mo'i tshogs dang / sbom mo'i tshogs dang / gtum mo'i tshogs dang // rmongs mo'i tshogs dang / thal byed ma'i tshogs dang / sme sha can gyi
 tshogs dang / ma mo'i tshogs rnams 'thon te/ des nas yang dgyes te he he zhes brjod pas byang chub sems las seng gdong gi tshogs dang / stag gdong gi tshogs dang / wa gdongs gi tshogs dang /
 khyi gdong gi tshogs dang / bzhad gdong gi tshogs dang / dur bya'i gdong gi tshogs dang / bya rog gi gdong gi tshogs dang / 'ug pa'i gdong gi tshongs rnams 'thon to// de nas yang dgyes te phaT ces brjod pas
 byang chub sems las rta gdong gi tshogs dang / phag gdong gi tshogs dang / seng gdong gi tshogs dang / sbrul gdong gi tshogs 'thon nas nyi shu rtsa brgyad 'khor dang bcas pa rnams rang rang gi gdan ga la ba der
 yud tsam gyis phyin par phaT ces spros so// de'i tshe 'jig rten gyi khams mtha' yas mu med pa rnams na dregs pa gang ji snyed yod pa thams cad tshul ji ltar 'dul ba dang / thabs cis 'dul ba sna tshogs kyis
 bcom ldan 'das kyi mthus btul bar gyur to// de nas bcom ldan 'das kyis khro bo de dag la dregs pa'i tshogs slar gsol cig ces bka' stsal pas/ khro bo de dag gis gsol pa/ bcom ldan 'das nyid
 kyis gso bar gsol zhes pa dang / bcom ldan 'das nyid kyis khro bo de dag gcig tu hUM zhes pas bsdus te/ dbu dgu phyag bco brgyad pa'i tshul du rnam par gnas so// de nas ye shes rngam pa'i rgyal po des
 phyag bco brgyad bsnol te btsir bas mi gtsang ba'i 'dam chen por 'khyil to// de nas bdud rtsi 'byung ba'i ting nge 'dzin la zhugs nas bdud rtsi 'byung zhes bya ba gnas nas rnam par phyung ngo // oM badz+ra a mr-i ta
 ma hA khro d+hi shwa ri u s+thi dza/ badz+ra a mr-i ta hUM a/ de nas khro mo bdud rtsi chen mo de smin ma sbyar zhing shin tu rngam pa'i bgad pas ru lu ru lu khA hi khA hi zhes bdud rtsir bsgrubs te gsol bas gdug pa can thams
 cad snga ma bzhin du rang rang gi lus sos par gyur te sems dran nas dpal chen ye shes rngam pa'i rgyal po'i sku dbu dgu brgya phyag stong brgyad brgya/ zhabs brgyad brgyar gnas shing yab la khro bo brgya rtsa brgyad
 lhun gyis grub par mthong / phra men ma nyi shu'i tshogs kyang shin tu rngam pa'i gzugs rang rang gi stan dang lag char gnas pa mthong nas/ shin tu ngo mtshar du gyur nas zhum pa'i nga ros gsol ba btab pa/
 bdag cag 'khor dang bcas pa rnams// rngam chen rgyal po'i 'bangs su mchi/ 'bangs su nan tan ma bgyis na// mgo lus snying yang rul nas ni// gtso bsregs gnas su 'bod sgrogs shog/ bdag cag
 rnams kyi ma dang sring // mchis brang dag ni bu mo rnams// 'bar ba'i dkyil 'khor bzhes su gsol// bdag cag rnams kyi mgo bcad la// 'bar ba'i dkyil 'khor rgyan du bzhes// bdag cag rnams kyi
 snying phyung la// dpal chen nyid kyi zhal du gsol// bdag cag rnams kyi lpags shus la// dpa' bo chen po sku la gsol// a la la ho zhes gsol ba btab ste/ la las ni rang gi lus gdan khrir
 phul/ la las ni rang gi mgo bcad nas 'bar ba'i tshogs kyi zhal phur phul// la las ni rang gi snying phyung nas zhal du gsol/ la la ni rang gi pags pa bshus te sku la g.yang gzhi gsol to// dbang phyug chen
 po rnams dpal chen po'i sku la sbrul ltar 'khril bas des dregs pa'i tshogs rnams kyang shes bya'i sgrib pa byang ste/ bden pa mthong nas dam tshig dang ldan par mthong ba gyur te/ de'i tshe 'dus pa'i 'khor tshogs
 kyang rab tu spro ba'i sems kyis rdzu 'phrul rnam pa du ma dang ldan te/ la la ni 'jig rten gyi khams rgyang ma ring du 'phan/ la la ni ri rab klad la skor// la la ni nyi zla zhabs 'og gnon// la la ni 'jig rten
 rnam pa drug gu g.yo ba la sogs pa'i cho 'phrul rnam pa du ma ston cing a la la zhes pa'i sgra rnam par 'byin to// de nas bcom ldan 'das gsang ba mchog gi bdag po des 'jigs byed tshogs kyi dkyil 'khor
 chen po 'di nyid kyi sku dang gsung dang thugs rdo rje las phyung ngo // dur khrod chen po'i gnas chen du// rak+ta'i rba rlabs 'khrug pa'i dkyil// keng rus ri rab 'bar ba'i steng // me 'bar sreg pa'i klong dkyil na//
 dur khrod 'bar ba'i gzhal yas khang // tshad dang rgya yongs ma chad pa// phyi nang med par gsal ba'i 'od// 'khor lo 'bar ba'i rtsibs bzhi pa// gru chad bar khyams bzhis brgyan pa// gru bzhi sgo khyud 'bar
 bas mdzes// bar khyams gnyis ni 'bar bar gsal// nyi zla sbrul dang thod pas brgyan// khyu mchog dang ni ma he gzig/ stag dang gtum zung dom dag gis// sder mos dregs pa brgya byin dang / tshangs pa
 dbang phyug gzung ba ni// gdan chen rnams kyang bzung ba'o// dbus su 'jigs byed chen po ni// smug nag chen po 'jigs pa'i gzugs// dbu dgu phyag kyang bco brgyad de// spyan 'bar ba ni nyi shu bdun//
 zhabs brgyad thur ru gtams pa'o// rtsub pa'i phyag mtshan skal bar thogs// rdo rje gshog pa phyogs bcur gtams// dur khrod rgyan gyis rab tu bzhugs// btsun mo rngam pa kro d+hi yang // tsha lugs 'jigs byed
 chen po ltar// de yi phyogs kyi khro bo yang // khrag 'thung rdo rje rin chen dang // pad+ma las kyi he ru ka/ kun kyang dbu gsum phyag drug ste// zhabs bzhi dag du rnam par bgrad// kro d+hi'i tshogs kyis rab tu 'khril//
 'khor lo 'bar ba'i rtse mtshan la// dkar mo la sogs ral pa can// rang stan lag char chas te gnas// phyi rol shar gyi phyogs dag nas// seng gdong la sogs mgo brnyan tshogs// stan dang lag
 cha de bzhin chos// sgo srung gdong mo la sogs gnas// rang gi lag mtshan stan dang chas// 'bar ba'i bar khyams gnyis pa la// rdo rje srin po khro bo bcu// hUM chen rnam rgyal dbyug sngon can//
 gshed po mi g.yo rta mgrin rgyal// gzhan gyis mi thub bdud rtsi 'khyil// khams gsum rnam rgyal stobs po che// de dag rnams dang gnyis med pa'i// rdo rje srin mo khro mo bcu// rlung 'byin snyems ma sder mo dang //
 dur khrod gtun khung gtum mo dang // mda' snyems sgra 'byin gsod ma dang // skul byed rnams kyis rab tu 'khril// kun kyang zhal gsum phyag drug ste// zhabs drug rdo rje brag stengs na// 'jig rten skyong bas
 btud tshul lo// de dag rnams kyi bka' sdod ni// rdo rje phra men gtum bag can// mche gshog 'bar ba'i tshogs dang 'khor// slas dang byi mo bran mo dang // ci bgyi la sogs pho nya'i tshogs// phyi rol mu ran
 dag la gnas// zhes gsungs pas snang srid thams cad khro bo'i dkyil 'khor du gyur ro// de nas bcom ldan 'das 'jigs byed chen pos gsung gi dkyil 'khor 'di nyid kyi sku dang gsung dang thugs rdo rje
 las phyung ngo // oM b+h+yAM bi shwa bi shud+d+he dz+nyA na tsakra b+h+yAM// oM au au o au/ ba ba ba ba ba/ dza dza dz+ra dz+ra dz+ra/ ma ma ma ma ma/ hA hA ha hA hA/ bud+d+ha/ badz+ra rat+na/ pad+ma karma/ shrI shrI shrI shrI shrI/ he he he he he/ ru ru ru ru ru/ ka ka ka ka
 sA stAs+t+rad+hA ts+tshaH/ phaT phaT phaT phaT phaT/ ma ma ma ma ma/ ba ba ba ba ba/ \u0f7fdzadza dzAH/ buH badz+ra/ raH/ padz+ra/ karma/ kra kra kra kra kra/ d+hAd+hAd+hAd+hAd+ha/ sha ba ba ba / rar/ bab ba ba ba bab pa/
 dzadza dza dza dza dza rba/ go re/ tsi ri/ pra mo ha/ beSh+ka li/ prak+ka saM/ g+ham+ba ri/ swa shA ni/ tsaN+Da li/ ha ha ha ha ha ha haH/ ba ba ba ba ba ba ba ba/ dza dza dza dza dza dza dzaH/ sid+ha/ brag+h+nAM sraM g+ha/ shA na/ kre za/ kang+ka ka/ kha ga
 wa/ mu mu mu mu mu mu su mra/ kha kha kha kha kha kha kha kha/ he he he he he he he he/ ba ba ba ba/ dza dza dza dza/ aR+tha te dza ti/ dzaHa mu kha/ lo ka b+ha smai pa la ya/ dzahUM baM hoH/ ba ba ba ba ba ba ba ba ba ba/ dza dza dza dza dza dza dza dzA
 dzaH/ kro kro kro kro kro kro kro kro kro kro/ d+ha d+ha d+ha d+ha d+ha d+ha d+ha d+ha d+ha d+ha/ NAM kA ra/ bi dza ya/ ni la daN+Da/ ya man+ta ka yar+tha a tsa la/ ha ya grI la/ a pa ra dzi ta/ a praM ga kuN+Da li/ tri lo ka bi dza ya/ ma hA ba la/ ts+tshad+hAts+tshats+tsha
 d+hAs+thA s+t+ras+yA r+thAH/ phaT phaT phaT phaT phaT phaT phaT phaT phaT phaT/ kro kro kro kro po kro kro kro kro kro/ d+hI d+h+r-i d+hI d+h+r-i d+h+r-i d+h+r-i d+hI dz+hi dz+hi d+hi/ ba ya be sha pan+ti/ ma na kaM tra ta tri stan pa ta/ swa ha la/ san+d+ha la~M la taM/ sha pa ba taM/
 ya be ma ra Na/ tsur+tha/ d+hAn+nan+masnAsnA tAMm+man+na tAM/ phaT phaT phaT phaT phaT phaT phaT phaT phaT phaT/ b+h+yo b+hU b+h+r-i b+h+r-i b+h+r-i b+h+yo b+h+yAM/ D+hAr+N+Nar+N+Nar+N+Nar+N+Nab+hU d+hA/ d+hAr+N+Nar+N+Nar+N+Nar+N+NaD+hA D+hA/ D+hAr+N+Nan+thaD+hAD+hA b+hU b+h+yAM/ ru la
 lu ru lu/ ts+tsha hA hUM/ phaT phaT phaT/ zhes gsungs pas phyogs bcu'i 'jig rten gyi khams thams cad gsung gi dkyil 'khor du gyur pa'o// 'phags pa rgud kyi rgyal po ye shes rngam pa glog gi 'khor
 lo'i mdo zhes bya ba las 'jigs byed chen po'i dkyi 'khor bstan pa'i le'u ste dgu pa'o// // de nas bcom ldan 'das rngam pa'i rgyal po des stang stabs kyi rnam par rgyal ba'i rgyal po zhes bya ba'i ting nge
 'dzin la snyoms par zhugs nas stang stabs 'di dag nyid kyi sku dang gsung dang thugs rdo rje las phyung ngo // chos kun mnyam pa'i ngang rtogs na// bskul zhing bsigs pa thams cad kun// phyag rgya yin par
 dpa' bos bshad// rang gi lha yi ting 'dzin gyis// stang stabs 'di la gang gnas pa// sangs rgyas nyid kyang skrag 'gyur na// dregs pa'i tshogs lta smos ci dgos// lag gnyis thal sbyar spyi gtsug bzhag/
 rkang gnyis mthil sbrad rtse mo btsugs// mgo mtshan rdo rje snying por bsgom// rtse gcig rtse gsum rtse lnga dang // rtse dgu bcu gcig rdo rje bsgom// sa stengs kun du mchod byas pa// 'jigs byed chen po'i phyag rgya
 yin// de nyid g.yon gyi phyogs nas 'tshong // 'jigs byed ma yi phyag rgya bshad// lag g.yas gung mo snying por bya// gung mdzub srin lag rtse gsum tshul// mthe bos mthe'u chung mnan par bya// lhag ma rnams
 ni rdo rje'i tshul// g.yon pa ban d+ha ltar byas nas// dkrugs nas zhal du gsol ba ni// rdo rje khrag 'thung phyag rgya yin// g.yas pa gtso la 'khyud tshul du// g.yon par rak+ta stobs pa ni// rdo rje kro d+hi kun gyi rgya//
 lag pa g.yas pa brkyang byas te/ g.yon pa dung dmar rak+ta 'thung // 'di ni rin chen khrag 'thung rgya// de nyid gung 'dzub srin lag bzhi pas// ral gri 'debs pa ltar byas pa// pad+ma khrag 'thung phyag rgya yin// de
 nyid g.yas pa khu tshur bcangs// mthe bong gung mdzub mthe'u chung rnams// so sor brkyang ba rgya gram tshul// las kyi khrag 'thung phyag rgyar bshad// khrag 'thung g.yas brkyang g.yon bskum tshul// kro d+hi g.yon
 brkyang g.yas bskum tshul// stabs su mchong bar dpa' bos bshad// g.yas pa'i khu tshur bcangs nas bsgreng // g.yon pa 'dzin pa ltar byas pa// g.yas dang g.yon du lta zhing sbyar// go ri tshogs kyi phyag rgya
 yin// mda' gzhu 'gangs pa'i tshul du ni// 'bur tshugs mi 'gyur lta byed pa/ rkun mo'i tshogs kyi phyag rgya yin// g.yas pas khu tshur bcangs pa ni// mthe bo mthe'u chung brkyang par byas// g.yon pas 'dzin
 pa'i khro tshul lta// phra mo'i phyag rgya dpa' bos bshad// g.yas pa'i gung mo rtse mo brkyang // sor bzhi rtse bsdus rdo rje 'phyar// g.yon pa dku ru brten pa ni// 'bur tshugs lta ba be ta'i rgya// g.yon pas nyon mongs
 mnan tshul la// g.yas pas chu 'dren za ba'i tshul// pra ka'i phyag rgyar bshad pa yin// g.yon pas dung khrag 'dzin pa la// g.yas pas 'khrug cig rngam tshul ston// gasma ri yi phyag rgya yin//
 g.yon pas byis pa'i lus mnan nas// g.yas pas snying 'dren za tshul du// sgrol tshul lta ba sma sha'i rgya// g.yas pas mgo bcad phyir nas kyang // g.yon pas lus 'dzin stobs par ltar// tsaN+Da li yi phyag rgya
 yin// lag gnyis brang la bsnol nas ni// kha na ro thog ral gzigs pa// seng gdong tshogs kyi phyag rgya yin// lag gnyis thur du bsnol nas ni// zhing la 'bur tshugs mche ba bsnyer// stag gdong tshogs kyi
 phyag rgya yin// lag gnyis zhing khong kha phye nas// lce yi ldag pa ltar byed na// wa gdong tshogs kyi phyag rgya yin// lag gnyis zhing khong kha phye nas// 'brar tshugs lta ba shwa na'i rgya// lag gnyis skra gri thogs tshul
 d+hA// gzhan pas gra ma gzung zhing ba// bzhad gdang chags kyi zug rgya man// gang chen zag la bkal nas ni// keng dum thags pa sbyar thus pa// dur rtswa'i chags kyi zug rgya min// gzhan pas ban gsas
 gr-i// glo steng 'dren par sar byed pa/ Tha ka ma yi phyag rgya yin/ g.yas pa rdo rje khwa chur la// lcags kyu 'dzin pa su la'i rgya// mdzub gnyis grags kyu'i rdul du byas// Na gad 'chang ba ltar byas pa/ rta gdong
 tshogs kyi phyag rgya yin// mdzub gnyis rtse sbyar phag gdong gis// tha rgod rlog pa'i tshul bstan pa// phag gdong tshogs kyi phyag rgya yin// mdzun gnyis lu gu rgyud du 'khyud// seng ge'i tshul du ral gsigs pa/
 seng gdong tshogs kyi phyag rgya yin// lag gnyis rab tu bskyod bya zhing // phyogs bcur lta bar byed pa ni// sbrul gdong tshogs kyi phyag rgya yin// lag pa'i phyag rgya bcings byas shing // rkang pa 'jog tshul stabs
 su mchod // g.yas pa'i sdig mdzug nam mkhar 'phyar// g.yo ba dku ru brten pa ni// hUM ka ra yi phyag rgya yin// lag pa g.yas pa sder mo gdengs// g.yon pa 'dzin pa rnal rgyal rgya// g.yas kyi sor mo dbyug
 par brkyang // g.yon pa gar thabs skor bar byed// dbyug sngon can gyi phyag rgya yin// g.yas pa'i khu tshur nam mkhar 'phyar// g.yon pas gru mo brten pa ni// gshin rje 'joms pa'i phyag rgya yin// g.yas
 pa'i gung 'dzub srin lag bkrung // mthe'u chung mthe bos mnan par bya// g.yon pa'ang de bzhin shugs su bya// mi g.yo rab gri'i phyag rgya yin// lag gnyis mthe'u chung lu gu rgyud// lhag ma khu tshur bcangs pa
 las// dpral ba'i thad kar bzung ba ni/ rta mchog dpal gyi phyag rgya yin// lag gnyis khu tshur mdun du bcangs// zhags pa'i tshul du drangs pa ni// gzhan gyi mi thub phyag rgya yin// lag gnyis khu tshur gyen du
 bsnol// dril bu gsil tshul bdud rtsi 'khyil// lag pa g.yas pa khu tshur 'phyar// brdeg pa'i stabs su byas pa ni/ khams gsum rnam rgyal phyag rgya yin// lag gnyis khu tshur thur du brkyang //
 gnon pa'i stabs su bgrad pa ni// stobs po che yi phyag rgya yin// gyad kyi dor stabs tshul du gnas// stobs su mchod ba khro bo'i rgya// srin mo rnams kyi phyag rgya ni// rkang lag gar thabs bskor ba yin// yang
 na khro bo'i phyag rgya las// g.yas g.yon bzlog pa yin par gsungs// ci bgyid dka' nyan phyag rgya ni// g.yas g.yon sor mo drag sprugs pa'o zhes gsungs so// 'phags pa rgyud kyi rgyal po chen po ye shes rngam
 pa glog gi 'khor lo'i mdo zhes bya ba las 'jigs byed rnams kyi phyag rgya bstan pa'i le'u ste bcu pa'o// // de nas bcom ldan 'das gsang ba mchog gi bdag po des bsnyen bsgrub rgyun gyi ting nge 'dzin
 la snyoms par zhugs so// zhugs nas kyang bsnyen bsgrub zab mo'i dkyil 'khor 'di dag nyid kyi sku dang gsung dang thugs rdo rje las phyung ngo // bsnyen bsgrub yan lag bsam yas kyang // dkyil 'khor dag ni
 thams cad la// rnal 'byor 'jug pa'i don gyi phyir// mdor bsdus rnam pa bzhir bshad do// thog mar bsnyen pa yin par bshad// gnyis pa dag ni nye bsnyen pa// gsum pa bsgrub pa zhes su brjod// tha ma
 bsgrub chen po zhes bya// bye brag tu ni shes byas la// de nas las rnams brtsam par bya// bsnyen bsgrub byed brag shes bya zhing // de la gnas pa rab tu gces// de dag mi shes mi gnas pas// bsgrub kyang
 'grub par mi 'gyur te// las rnams brtsams kyang don med 'gyur// de bas nan tan bskyed de bya// bsnyen pa'i ting 'dzin rab sbyor bas// byang chub sems ni shes par bya// nye bar bsnyen pa la gnas pas//
 bdag nyid phyag rgya chen por bsgom// de yang gsang sngags bdag po nyid// rig ma bskyed dang bskul bya ba// bsgrub pa zhes su rgyal bas gsungs/ thabs dang shes rab 'brel ba las// rang gi lha yi rnal
 'byor gsungs// gang yin rdo rje 'grub 'gyur ba// bsgrub pa chen po zhes su bya// byang chub sems zhes bya ba yang // dam pa'i don gyi sems yin te// chos rnams thams cad dngos med pas// rang gi sems
 kyis shes bya ba// bstan pa'i dam tshig yin par gsungs// bdag nyid phyag rgya chen po ni// sngags kyi bdag po'i cha lugs su// ting 'dzin nan tan khugs par bsgom// thams cad lha yi rang bzhin pas//
 bdag nyid lha yi mtshan nyid de// phyag rgya bzhi dang rnam ldan par// shes pa nye bsnyen dam tshig yin// rig ma bskyed dang bskul bya ba'i// rten du bya ba shes rab ma// mtshan ldan bkra shi gsang ba'i gzungs//
 b+ha ga gsang ba'i pad+mo ni// rgyal ba rnams kyi pho brang ste/ 'das pa'i sangs rgyas byung ba'i gnas// slad kyis byin pa gshegs pa'i shul// da ltar sangs rgyas bzhugs pa'i rten// rnal 'byor ngo la
 de ltar snang // ma rtogs pa la 'khor ba'i lam// sgrub pa rnams kyi sgrub pa'i rten// rnal 'byor can gyis shes par bya// chen po lngas bsdus thams cad kun// de nas yum du gnas mod kyi// mtshan ma bsgrub
 pa'i rnal 'byor pa// bsgrub phyir rigs kyi dbye ba bya/ smin ma'i dkyus ring lag sor phra// tshigs pa zlum la rked skabs phyed// phra bshad ut+pal dang ldan zhing // so dkar sgra 'jam mthon mthing 'khril// mig
 kyang zar ma'i me tog 'dra// skra mtshams 'khrug la mdog kyang gsal// sna bzang ske rings sems ma 'dra// lus drang nu ma'i dkyil na mtho/ khong dal 'gro na 'jab pa 'dra// skad ni ngang pa'i rgyal po 'dra// cir
 yang mdzes pa'i stobs ldan pa// spyi yi rigs dang mtshan du bshad// bzhin dbyibs sog la mdog kyang dmar// mig rings so zags rab tu dam// so la shel chags kos ko pra// lus la zhim pa'i dri 'phyang
 ba// pad+ma can zhes bya bar bshad// zla ba'i mdangs ltar dkar la gsal// gtsug phud g.yas 'khril skad kyang che// bong chung lus mdzes tshig tu snyan// dung ltar lus bzhin g.yas su 'khyil// dung can ma
 zhes bya bar grags// 'dod pa che la brtul zhugs che// shes pa gsal la byed bzhin yangs// bu mo mig mangs ma ru bshad// sbas pa'i brda dang thabs la mkhas/ phyi nang rlung khar gser ltar lci// bsdig cing
 kun gyis drong mi lon// don la gzhol la rtog pa med// zla gsang dkar dmar rlung khar lci// rigs dang mtshan du bshad pa yin// sgra ni mthon mthing lcang lor bshad// srid du ring la phra la ldem// lcug phran
 mang po 'dab rgyas pa/ ljon pa ma zhes bshad pa yin// phra zhing bshan la bzangs ring ba// bcu gnyis nyi shu lnga yi bar// mU la rak+ta 'dzag pa la// rdo rje mtshon gyis ma phog pa// lcug phran ma yi rigs su bshad//
 sor mo gru bzhi skra yang khang // smin tshogs che zhing mig kyang 'bur// 'gram glad ring la skra mtshams dma'// sha mdog che zhing rna ba ring // ba lang can zhes bya bar bshad// bzhin mdog gru gsum kha dog
 gnag/ skra rtsub shel la khro gnyer mang // ri mo can zhes bya bar bshad// skye rgyud med cing bkra mi shis// gcig pur 'dug pa gdong gcig ma'o// yan lag thams cad mes tshig bzhin// gtan du 'phel ba'i
 rgyu med pa// me reg ma yi rigs su bshad// gzhan yang lha'am lha min nam// gnod sbyin srin po la sogs pa// mdor na 'jig rten khams rnams na// mo yi rigs can gang yang rung // yid du 'ong dag mi
 'ong rnams// dngos grub bsgrub pa'i rten yin te// thugs rje'i yul bas kun snyoms bya'o// de dag gang rnyed byin gyis brlab// de yi spyi bo gtsug tu ni// zla dkyil maM las kun bzang mo// snying
 gar zla dkyil laM bsams te// yangs pa'i spyan du bsgom par bya// lce stengs zla dkyil yi ge baM// gos dkar ma yi lte ba la// zla dkyil maM las mA ma kI// yan lag bzhi yi dkyil 'khor la// taM las sgrol
 ma'i phyag rgyar gsal// lag g.yas lcags kyu'i sku ru bsgom// lag g.yon dril bu lcags sgrog kha// zhags pa pad+ma dag la'o// rdo rje thabs la yab rnams bsgom// de ltar gsal bar gyur pa dang / b+ha ga'i
 dbyibs su me ri bsgom// byang chub sems kyi 'phro 'du las// lhag pa'i ting 'dzin dkyil 'khor bsgom// gsal ldan ma'am byin brlabs bya'o// mtshan ldan shes rab de nyid la// rin chen sna tshogs rgyan du
 gdags// gser gyi rna cha gdu bu dang // do shal dpung rgyan se mo do// 'jam zhing gsal bar byas pa yi// chos kun lnga dang ldan par bya// a ga ru dang du ru ska// dri spos tsan+dan sbyar ba yin/ khrus kyi cho ga dag
 par bya// dri zhim byug pas lus la byugs// rdzas kyi chu dang rdzas sbyar bas// nang yang dag pa'i khrus bya'o// de nas byang chub sems bskyed de// mi dmigs don la sems sbyar phyir// skye med byang chub sems kyi
 don// rgya char rab tu bshad par bya/ snang srid phyag rgya'i dkyil 'khor du// lhun gyis grub par yid ches bya// de nas bskur bar bya ba'i phyir// gsang ba'i brda yis bsre bar bya// sa ma ya ho zhes brjod na//
 sa ma ya staM zhes pas bsre// rA ga yA mi zhes brjod na// ra ho haM zhes kyang ni bya// ti pa su ke zhes brjod na// gan de tsi ta zhes pas mtshon// a ti pu ho zhes brjod na// pra ti pu ho zhes pas mtshon// g.yas pa
 smin ma bskyod na ni// g.yon pa'i smin mas de bzhin mtshon// de bzhin brda sna tshogs pas bsre// de nas bskul bar bya ba ni// shes rab nyi ma'i 'od zer gyis// thabs mchog zla ba'i 'od zer la// bskul
 ba'i cho ga 'di skad do// mi g.yo mchog gi rgyal po dgongs su gsol// rnam par rtog bral shin tu dri med sku// 'od zer zla rgyas 'dra ba'i mdangs ldan zhal// dgyes pa'i rol pa'i don la gshegs su gsol//
 thabs mchog zla ba'i 'od zer gyis// shes rab nyi ma'i 'od zer la// bskul ba'i cho ga 'di skad do// 'byor ldan yid 'ong rgyal ba rgya mtsho'i dbyings// shes rab zab mo rnam dag pad+ma'i mdangs// rdzu 'phrul
 thabs la mkhas pa'i spyod mchog ma// 'byor ldan yid 'ong cho 'phrul sna tshogs ston// ho/ nyi ma'i 'od zer gyis bskul ba// e ma'o pad+ma 'bar ba'i ze'u 'bru 'di// 'dzum pa'i mdangs kyis 'bul lags na//
 dgyes pa'i rdo rje rab gsor nas/ byang chub sems spyan dbab du gsol// zla ba'i 'od zer gyis bskul ba// e ma'o// 'od zer dga' ste yid 'ong ma// sems 'phreng gdungs pa'i shes rab
 gzungs// ga'u 'khril ba'i pad+ma la// rdo rje bde ba'i byang chub 'bar// a la la ho// de nas gnyis med bde mchog sems// sangs rgyas sprin gyi tshogs chen la// dgyes mnyam mchog gi mchod pa dbul//
 grub pa nyi zla'i snying po de// rnal 'byor rdo rje chen pos blang // 'gro drug sems can bag chags sreg/ zhi ba'i mtha' la shi ba bslang // phyogs bcu'i rnal 'byor thugs dam bskul// de ltar bya ba'i dam tshig ni//
 bsgrub pa yin par rgyal bas gsungs// de dag dngos grub thob pa'i rgyu// rig pa'i dam tshig bsgoms pa'i lam// sngags kyi bdag po bdag 'grub ste// gang yin las la 'jug nus pa'i// dam tshig sgrub po
 chen po yin// zhes gsungs so// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las bsnyen bsgrub rnam bzhi bshad pa'i le'u ste bcu gcig pa'o// // de nas bcom ldan
 'das gsang ba mchog gi bdag po des 'dod pa zas cad rab tu bsgrub pa'i sprin bkod pa zhes bya ba'i ting nge 'dzin la snyoms par zhugs nas// bsgrub pa'i mtshan nyid las dngos grub kyi bye brag 'di nyid kyi
 sku dang gsung dang thugs rdo rje las phyung ngo // de la 'di ni phra mo'i ting nge 'dzin la bsgrub pa'o// de bzhin gshegs pa thams cad kyi// thams cad mkhyen pa bsgrub pa'i phyir// rang sems shin tu sbyangs pas na/
 phra mo'i dngos grub bsgrub pa gces// rab tu dben pa'i gnas dag tu// bdag nyid nam mkha'i dbus su ni// zla ba'i dkyil 'khor la gnas pa'o// rang gi lhar ni rang bsgoms nas// phra mo'i sbyor ba kun du
 brtsam// rin chen rgyu las grub pa yi// bsnyen ma'i dkyil 'khor de bzhin du// so so'i gsung gi yig 'bru rnams// che chung yungs kar 'bru tshod tsam// snying ga'i dkyil du gsal ba las// hUM gis khong du drangs
 nas ni// khong nas kha ru byung bar bsal// hUM gi dbugs la zhon nas su// sna yi rtse mor byung ba dang // sna rtse nyid du gsal bar bsgom// ting 'dzin gsal bar khugs pa dang / sna yi rtse nas nam mkha' la//
 je ring je ring phaT kyis spro// ring du spro ba goms pa dang / 'od dang bcas pa'i yig 'bru des// phyogs bcur gnas pa'i sangs rgyas kyi// gsung gi yi ge ji snyed pa// dbyar gyi sprin sbrang 'dus pa bzhin// hUM
 gis snying ga nyid du bsdu// yungs kar 'bru tshos de nyid la// stong gsum 'jig rten kun bcug kyang // de yi nang du sa le gsal// sngags kyis brtags pa'i lha rnams kyi// gnas su'ang de nyid gsal bar
 bsgom// de lta'i 'phro 'du yang dang yang // goms par ci nus dag tu bya// de ni gsung gi phra mor bshad// so so'i gsung gi yig 'bru las// phyag mtshan yungs kar tsam du gsal// snying ga nyid
 du gsal ba nas// rgyal ba'i pho brang 'dus kyi bar// gong ma'i go rims de yis bya// de ni thugs kyi phra mor bshad// so so'i thugs mtshan gsal ba las// rang rang lha yi rnam par gsal// thugs kar
 yungs kar 'bru tshod tsam// gong ma'i tshul du bya bar bshad// de ni sku yi phra mo yin// de ltar lha tshogs ma lus par// rim gyis yang na cig car ro// cig car bsgom pa shin tu dka'// bde gshegs rgyal ba
 sangs rgyas kyi// thams cad mkhyen pa'i spyod yul min// rnal 'byor can gyis rim gyis ni// gtso nas 'khor gyi bar dag tu// yang nas yang du gsal bar bsgom// 'di dag bsgom pa'i yon tan ni// sangs
 rgyas nyid du 'grub par nges// thams cad mkhyen pa bsgrub pa'i mchog/ sku gsung thugs kyi dkyil 'khor kun// 'di las 'byung bar gdon mi za// 'di zos dngos grub gzhan rnams kun// bsgrub mi dgos
 par grub pa yin// rnal 'byor can gyis bsgom byas na/ zla ba drug gis nges par 'grub// zas su bshang gci za ba'am// sha rnams zos na 'grub pa yin/ zhes gsungs so// de la 'di ni rdo rje mi snang ba
 bsgrub pa'i thabs so// dgon pa'i gnas sam ri bo dben// me tog 'bras bu rgyas par ru// rang gi lus ngag sems rdo rje'i// snying gar zla ba'i dkyil 'khor la// 'jam dpal sa bon muM du bsgom// bdag
 lus dang ni zla ba dang // muM rnams rim pa ji zhi la// stong pa nyid kyi rnam pa las// snying rje muM dag zla ba las// rdo rje 'jam pa'i phyag rgya bsgom// lus dang ngag sems rdo rje las// rdo rje 'jam pa rab 'phros
 pas// 'jam dpal nyid dang 'dra bar 'gyur// dpag tshad brgya yi khyon tsam du// rdo rje 'jam pa'i 'od dang bcas// rgyan rnams kun gyis legs brgyan pa'i/ 'jam dpal nyid du kun gyis mthong // mngon
 shes ldan pa'i lha rnams kyis// lus kyi rnam pa mthong mi 'gyur// de nas slar ni bsdus pa las/ thugs ka'i mu la thim bsams na// mchog tu shes rab rno ba dang // mkhyen rab kun gyi bdag por 'gyur//
 thams cad mkhyen pa'ang thob 'gyur na// 'jig rten shes bya smos ci dgos// zhes gsungs so// de la 'di ni rdo rje rig 'dzin bsgrub pa'i thabs so// nam mkha' dbyings kyi dbus dag tum// zla ba'i dkyil
 'khor bsams nas su// rang nyid gang 'dod lhar bsgoms te/ sku gsung thugs su byin brlabs pa'i// dam rdzas bdud rtsi rnam lnga la// sran ma tsam gyi ril bu bya// lcags gsum ga 'ur bcug nas ni/ khar
 bcug rang gi snying po las// rab tu goms par 'di byas na// rang 'dod rig 'dzin gdon mi za// mtha' yas zhing khams thams cad kyi// rdul snyed bzhugs pa'i sangs rgyas kun// de yi rjes
 su 'brang bar 'gyur// de la sogs te mtha' yas mchog/ ces gsungs so// yang na rang gi phyag rgya ste/ nam mkha' dbyings kyi dbus dag tu// zla ba'i dkyil 'khor steng du ni// bdag nyid gang 'dod lhar
 bsgoms te// rang gi phyag rgya brnyan mar bya// lag tu thogs la rang rig sngags/ bzlas na rig 'dzin gang yin 'gyur// rang gi lha ni gang yin pa'i// yon tan dag ni de thob 'gyur// zhes gsungs so// de la
 'di ni rdo rje lha dang / lha mo dgug pa'i cho ga'o// shing gcig drung ngam bzhi mdo 'am// mtshan ma gcig dang zhi gnas su// bdag nyid gtso gzung ldan byas nas// sku gsung thugs kyi bdag nyid bsam// sku
 gsung thugs kyi rdo rje las// lag na kyo ba thogs pa yi// sprul pa bsam yas 'phro bar bya// dza yA ra Na phaT// gang dgug lha'am bud med dam// yaM las rlung gis bteg bsam te// kyobs gdan nam snying ga
 nas// gzung ste hUM gis bsdus byas na// sangs rgyas grags pa chen po yang // rang dbang med par khugs 'gyur na// 'jig rten bu mo smod ci dgos// gang 'do las de byed par 'gyur/ zhes gsungs so// de
 ni 'di ni rdo rje lce bsgrub pa'i thabs so// bdag nyid sngags kyi skyes bu yi// rdo rje'i skur ni rab bsgoms la// lce la pad+ma'i dkyil 'khor du// rdo rje'i sbyor bas oM du bsam// de las rdo rje gsung du gyur//
 bsam yas oM gi 'phro 'du las// sangs rgyas gsung dang sems can dag/ bdag gi lce la 'dus pa ru// yang na yang du goms par bsdu// 'jig rten tshig gam chos kyi sgra// nga brjod bden zhing nyan pa dang //
 brdzun dang phra ma tshig rtsub sogs// ngag gi nyes pa ci brjod kyang // lce sgrib sbyangs par gdon mi za// zhes gsungs so// de la 'di ni sha rnam pa lnga'i dngos grub bsgrub pa'i thabs so// bdag nyid lus ngag
 sems rdo rje// rdo rje gsum du rnam par bsgom// mtshan dang dpe byad yang dag ldan// ye shes dam tshig snying gar bsgom// dbu rgyan rdo rje gsal bar bya// sha chen dag ni thams cad la// sa bon oM gyis rnam
 par sbyang // srid gsum sems can thams cad kyi// sha chen ji snyed yod pa kun// oM gyi 'phro 'dus bsdus nas ni// spyod tshe bdag la thim pa bsgom// glang po dag gi sha rnams la// hUM lce'i dam tshig rdo rje la//
 rdo rje can gyi hUM du bsgom// ye shes lnga yi sbyor ba yis// zos na dam tshig sku gsung thugs// rdo rje thob par gdon mi za// phyag na rdo rje'i mthu stobs 'grub// cho ga go rim de yis ni// glang po dag gi sha rnams
 la// hUM gi 'phro 'dus rab sbyangs te// zos na mngon shes lnga thob 'gyur// rta sha dag ni thams cad la// swa yi 'phro 'dus rab sbyangs te/ zos na mi snang kun gyi mchog khyi sha dag ni thams cad
 la// ha yi 'phro 'dus rab sbyangs na// dngos grub rab 'bring tha ma kun// yid bzhin nor bu lta bur 'gyur// gnyid kyi dgra yang mod la 'joms// ba glang sha ni thams cad la// aM gyi 'phro 'dus sbyang byas te//
 cho ga bzhin du zos na ni// sangs rgyas kun gyi longs spyod 'phrog/ mthu chen kun gyi bu mo yang // spyod par 'gyur ba gdon ma za// zhes gsungs so// de la 'di ni rdo rje mngon par shes pa lnga bsgrub pa'i
 thabs so// rab tu dben pa'i gnas dag tu// bdag nyid rnam pa kun ldan pa'i// sngags kyi lus su rnam sbyangs nas// mig gi dbang po thams cad la// yig 'bru lnga yis rab sbyangs te// 'od zer lngar ni 'phro
 ba las// sangs rgyas sems can thams cad kyi// mig gi mngon shes kun bsdus nas// dbang po de la thim pa dang / zos sam mig la rtag bskus na// sangs rgyas sems can thams cad kyi// spyod yul
 ji snyed yod pa kun// shing thog lag tu bzhag pa bzhin// rdo rje mig gi gsal bar mthong // cho ga gong ma'i tshul gyis ni// rna ba'i dbang po thams cad la// sangs rgyas sems can thams cad kyi// rna ba'i
 mngon shes kun bsdus nas// zos sam rna ba'i nang bzhag na// sangs rgyas sems can thams cad kyi// sgra rnams thams cad ji snyed pa// rna ba'i drung du 'dus pa bzhin// snying gi bye brag thams cad la//
 sangs rgyas sems can thams cad kyi// dran pa'i mngon shes kun bsdus nas// zos sam snying gar bzhag na ni// sangs rgyas sems can thams cad kyi// thugs dang sems kyi rgyud dag ni// mkhyen cing rig
 pa kun shes 'gyur/ yum gyi mkha' las byung ba yi// rak+ta dag ni thams cad la// sangs rgyas sems can thams cad kyi// gnas rnams ma lus kun bsdus nas// zos sam snying gar bzhag na ni/ sngon gyi
 gnas kyi gtan tshigs rnams// zhag gsum lon bzhin gsal bar 'gyur// snying gar ye shes sems dpa' bsgom// phyogs bcur gnas pa'i sangs rgyas rnams// ba kun nas de dag rdzu 'phrul rnams//
 phrogs nas snying gar bsdu byas na// sangs rgyas dag ni thams cad kyi// rdo rje rdzu 'phrul thams cad kun// 'grub par 'gyur bar gdon mi za// zhes gsungs so// de la 'di ni rdo rje bsrung ba bsgrub pa'i thabs
 so// sku gsung thugs ni rnam bsgoms la// snying gar nyi zla'o dkyil 'khor las/ khro bo 'od kyi phreng ba yis// bsrung bar bya ba'i zung rngu rnams// phyung ste med par bsams nas ni// lha rnams dag ni thams cad
 kyi// phyag rgya dag ni thams cad dam// yang na rdo rje rgya gram mam// rdo rje go cha'i phyag rgya yis// lus dang ngag sems rab bsrungs na// sangs rgyas kyis kyang mi tshugs na// phal pa rnams kyis
 smos ci dgos// zhes gsungs so// las 'di sbyar bar bya ba yang // ljongs sam grong khyer grong dag tu// sngags kyi dbang por rab gnas la// nad kun spong ba'i las 'di bya// rdo rje rtse lnga 'od 'phro ba//
 bskal pa'i me bzhin bsams nas su// spros pas nad rnams bsregs nas ni// slang yang rdo rje nyid la bsdu// de nas rdo rje de nyid las// 'od zer ser po spros pa yis// nang rnams stong pa'i gnas de dag
 bskal pa yun du gang bsams te// goms par yang dang tang bsams na// nad rnams thams cad sel bar byed// de na 'khor ba'i skye bo rnams// sprul pa'i bde ba thob par 'gyur// bde gshegs rnam kyis
 byin gyis rlobs// tshe ring lang tsho bde bar 'gyur// zhes gsungs so// de la 'di ni zhi ba bsgrub pa'i thabs so// rab tu dben zhing nyams dga' bar// rnam par snang mdzad bsgom pa ni// nam mkha'i
 dbus su zla ba la// dkyil 'khor zlum po bsams nas su// rnam par snang mdzad dkyil 'khor bskyed// snying gar zla ba'i dkyil 'khor la// bud d+ha lo tsa'i snying po bsam// de las lha mo'i skur spros pas//
 mkha' dbyings yongs su gang bar bsgom// slar 'dus 'od kyi thig ler gsal// nga nyid bdag gis lus la dbab// bdag gi ba spu'i bu ga gnas// sangs rgyas sprin chen rab 'phros te// 'dod pa'i lus
 nang gang bar bya// sangs rgyas sprin gyis de lus la// dbang bskur ba ni rab tu stsol// de yis skad cig de yi tshe// drag po gtum po'ang lhan ner 'gyur// zhes gsungs so// de la 'di ni rgyas pa'i bsgrubs
 pa'i thabs so// nam mkha'i dbus su zla ba la// chos kyi sems dpa' bsgom par bya// snying gar zla ba'i dkyil 'khor la// gos dkar can gyi snying po bsam// de las gos dkar nyid 'phros pas// mkha'
 dbyings yongs su gang bar bsgom// de las 'od kyi gong bu ni// gru bzhi lam par gsal bar bsdu// ba spu rnams kyi bu ga rnams// rin chen sprin chen rab spros pas// rdo rje chos su bsgom nas su// 'dod par
 bya ba'i lus nang dgang // yang nas yang du 'di byas na// bar snang ci 'dod rgyas par 'gengs// nor bu rin chen bzhin 'drar 'gyur// dgos pa phra mo smos ci dgos// zhes gsungs so// de la 'di ni rdo rje
 dbang du bsdu ba bsgrub pa'i thabs so// rdo rje dkyil 'khor zla gam ni// nam mkha'i dbyings kyi dbus su bsam// rdo rje chos mchog gzugs su bsam// snying gar zla ba'i dkyil 'khor la// nyid kyi snying po
 bsam par bya// rgyal ba sras dang bcas rnams kyis// mkha' dbyings thams cad gang bar bsgom// 'od zer sna lnga 'phros pa yis// 'dod pa la ni dbab par bya// de nas bsdus te bdag nyid
 kyis// sku gsung thugs kyi byin bsdus na// sangs rgyas nyid kyang dbang 'dun// 'gro ba dbang med smos ci dgos// zhes gsungs so// de la 'di ni rdo rje drag po bsgrub pa'i thabs so// nam mkha' dbyings kyi
 dbus su ni// nyi ma'i dkyil 'khor steng du ni// khros pa'i gzugs rnams bsgom bya ste// bskal pa'i me dpung 'phros pa las/ khros pa'i rdo rje srin po dang / sna tshogs wa dang bya rog dang // bya rgod khyi la sogs
 pa yi// phra men bsam yas mi bzad pas// mkha' dbyings gang bar bsgoms nas su// sangs rgyas kun la gnod byed na// dngos sam yang na bsams nas kyang // mtshon cha thogs pa de dag gis// snying dang
 nang grol dbang po kun// drangs te zos par rab bsgoms na// dgra rnams 'chi bar nges pa ste// de ltar rab tu bsgoms na ni// rgyal ba rdo rje 'dzin pa yang // zla ba phyed kyis 'chi 'gyur na// dam tshig nyams
 pa smos ci dgos// zhes gsungs so// de la 'di ni skye 'gro 'dul ba'i phur bu bsgrub pa'i thabs so// sdig pa byed dam gnod byed pa// rdo rje phur bus gdul bar bya// dur khrod gnas sam rkang gcig tu//
 da rtsi 'khyil ba'am ki li'am// gang yang rung bar gnas byas la// rdo rje phur bu rab tu bsgom// me stag 'phro ba'i 'od 'phro bas// ri rab gling bzhi'i gzugs byas la// rang gi sngags kyis gdab par bya// de
 ltar rab tu gdab byas na// 'gro dang mi 'gro thams cad kun// dul bar gyur par gdon mi za// zhes gsung so// de la 'di ni gzhan gyi rig sngags gnon pa bsgrub pa'i thabs so// nam mkha' dbyings kyi
 dbus su ni// dbang chen dkyil 'khor bsgoms nas ni// las kyi sems dpar bdag gnas la// g.yas pa rdo rje rtse lnga bzhag/ rig sngags byed pa bsams nas ni// las kyi rdo rje'i rkang pa dag/ de yi sbyin
 nas mnan par bsgom// rig sngags nyid kyang mnan par bsam// des ni mu stegs can dag dang // phas kyi rgol ba thams cad kun// mnan par 'gyur te the tshom med// ces gsungs so// de la 'di ni
 gzhan gyi dpung mnan pa bsgrub pa'i thabs so// nam mkha' dbyings kyi dbus su ni// nyi ma'i dkyil 'khor dbus gnas par// gzhan gyis mi thub khro bo che// pad+ma dmar ser mdog 'dra ba// shin tu che zhing
 brjid par bsgom// pha rol dmag dpung 'og dag tum// rlung dang mtsho dang sa skyed la/ de la gnas pa'i dpung rnams kyis// steng du zla ba'i dkyil 'khor bsam// de steng rdo rje rgya gram gyi// steng du ri rab
 rnam par bsgom// de yi steng du mnan bsams na// sangs rgyas dpung yang gnon par nus// mi rgyal dpung la smos ci dgos// zhes gsungs so// de la 'di ni dgra'i dpung rmongs par bya ba
 bsgrub pa'i thabs so// dgra'am dpung gi gzugs brnyan dag/ bsams sam gzugs su byas nas ni// rdo rje phur bu tshad ldan la// hUM las khro bo'i skur bskyed nas// rang gi rig snga rab bzlas te// snying gar
 btab par rab bsgoms nas// khros pas byas na sangs rgyas kyi// dpung yang myos par gdon mi za// zhes gsungs so// de la 'di ni chu la 'bying ba med pa bsgrub pa'i thabs so// nam mkha' dbyings kyi
 dbus su ni// sngags kyi dbang po rab tu bsgom/ chu yi steng ni thams cad du// sangs rgyas dag gis gtams par bsgom// steng nas dal gyis bcag par bsam// sangs rgyas dag ni thams cad kyi// spyi bo'i
 steng du rkang pa bsgom// de ltar rab tu goms pa dang // sa la 'gro bzhin nus par 'gyur// zhes gsungs so// de la 'di ni thogs med rlung gi dngos grub bsgrub pa'i thabs so// nam mkha' rdo rje dbus su ni//
 zla ba'i dkyil 'khor dbus gnas par// lha yi rnal 'byor bsgom par bya// 'og gi phyogs su yaM las ni// rlung gis rab tu btegs par bsgom// de ltar rab tu sgom byas na// mkha' la bya bzhin 'gro bar
 nus// zhing khams kun du bgrod par 'gyur// zhes gsungs so// de la 'di ni nyi ma gsal ba zhes bya ba'i dngos grub bsgrub pa'i thabs so// sku gsung thugs ni rdo rje yi// snying gar nyi ma'i dkyil 'khor
 bsam// de las 'od du 'phros pa las// mun pa'i gnas rnams bsal bar nges// zhes gsungs so// de la 'di ni rlung bcad pa bsgrub pa'i thabs so// bdag nyid rlung gi phyogs song la// stegs bu gru bzhi
 lham par bya// spos kyi thig le bdun byas te// yaM las rlung bdun bskyed par bya// rlung lha dgug pa byas nas su// kham phor gyis ni dga' byas te/ de steng la las ri rab bsgom// ri rab rtse la khro bo ni//
 'bar ba dag gis mnan par bsgom// des ni 'jig pa'i rlung rnams kyang // bcings par 'gyur bar gdon mi za// zhes gsungs so// de la 'di ni char pa dbab pa'i thabs so// nam mkha'i dbyings kyi
 dbus su ni// pad+ma 'dab ma brgyad pa bsgom// dbus su khro bo stobs po che// 'dab ma la ni klu brgyad po// bsgom sam yang na bris kyang rung / khro bo'i zhabs kyi mthil gyis ni// klu rnams rab tu mnan nas su//
 hUM gnyis bar du klu rnams kyi// snying po spel cing gzir nas su// klu rnams gnas pa'i sa phyogs su// hUM zhes bya ba bzlas brjod bya/ khro bos mnan pa'i klu rnams kyi/ kha nas char pa skyugs bsams na/
 'jigs dus lta bu'i char pa'ang 'bab// ces gsungs so// de la 'di ni char pa dang ser ba gcad pa'i thabs so// nam mkha'i dbyings kyi dbus su ni// nyi ma'i dkyil 'khor dbus gnas par/
 rta mchog dpal ni rnam par bsam// nyi ma'i mdog 'dra 'od bzang zhal// nam mkha' khyab par rnam par gdangs// lce yi steng du hUM bzhag ste// me ri'i 'od dang bcas pa yis// char chus gang ba'i sprin rnams
 kun// bskam zhing lce yis blangs bsams na// skam par 'gyur bar gdon mi za// yang na lce stengs de nyid du// yaM las rlung du bsgoms nas ni/ bus pa'i sprin rnams gtor bar 'gyur// yang na ral gri'i
 phyag rgya yis// char sprin dang ni klu yi gzugs// bcad cing dum bur gtubs bsams te// hUM zhes bya ba'i sdigs mdzub kyis// bsdus te rang rig sngags bzlas na// 'jigs pa'i char che de rnams kyang //
 skad cig na ni med par 'gyur// zhes gsungs so// de la 'di ni bgegs gsal ba'i thabs so// nam mkha'i dbus su nyi ma yi// dbus su khro bo rnams bsgom pa// mi g.yo mgon po'i phyag rgya che// rig pa
 mang pos bskor ba'o// rang rig sngags dang stangs tshul gyis// hUM dang phaT ces rnam bsgrags na// khams gsum dregs pa thams cad kyang // rdul phran bzhin du rlag par 'gyur// zhes gsungs so// de la 'di
 ni chom rkun bcing pa'i thabs so// rkang rjes sa dang khyi khrag las// mtshan ma ming du bcas par bya// mi yi rus pa'i phur bu la// 'od zer can gyi sngags bzlas pas// lan grangs nyi shur bsngags nas ni// mi
 gnyis su ni gdab par bya// gzugs brnyan tshogs la phul nas ni// rdo rje gtun shing dag gis brdung // oM sum b+ha badz+ra mi sa le na tsuR+Sha ya na ra big+h+nAn hUM phaT/ las 'di brtsams pa byas na ni// mo rgod
 bzlog par gdon mi za// zhes gsungs so// de la 'di ni me bsad pa'i thabs so// me ni mched pa'i sa phyogs su// mkha' lding rgyal po bya khyud ni// stang zil lta bu'i kha dog la// sbrul nag stong gis rab
 brgyan pa'i// gzhog pa mkha' la gdengs pa bsgom// klu rnams dang ni sprin dang la// rdo rje tshig tu bsgom pa ni// char che phob la me sod cig/ thos nas sprin tshogs bum pa yi// char gyis me yang gsod par
 'gyur// gshog pas me ni bkab nas su// mchus brkos chus ni mtshams bcad na// bskal pa'i mes kyang 'tshig mi nus// oM badz+ra ni ra ya Na/ ni rba pa ya ti na baM pu me g+he hUM zhes gsungs so// de la 'di ni
 thog bzlog pa'i thabs so// nam mkha' dbyings kyi dbus su ni// bde ba chen po zhes bya ba// zhal gsum phyag bzhir rnam par gnas// ston ka'i zla ba'i mdog 'dra ba// snyems ma dang ni byams ma dang / chu sri
 na rgyal mtshan zhes bya ba// me tog rol pa zhes bya yi// lha mo bzhi yis rnam par bskor// g.yas pa'i phyag gis rdo rje gsor// g.yon pa'i dril bu dkur brten pa// phyag gnyis mda' gzhu
 'gengs pa ste// sku las sems dpa' 'byung ba'i sprin// thor tshugs gsal ba rnams par bsgom// nam mkha' las ni babs pa yi// thog ni rang rig sngags kyis bzlog/ oM ma hA su kha badz+ra che ge mo dza// oM su
 ra ta ban+d+ha hUM phaT ces gsungs so// de la 'di ni gzhan gyi lce gnon pa'i thabs so// mar gyi tshes brgyad bcu bzhi la// dur khrod sol ba blangs nas su// sngags kyi bdag por bsgoms nas su// dbang chen
 dkyil 'khor steng du ni// mi snyan smra ba'am shags rgol ba'i// lce yi gzugs su bris pa yi// steng du zla ba'i dkyil 'khor la// rdo rje rgya gram bsgoms pa yi// dbus su ri rab bskyed par bya// de steng bdag
 gis mnan bsams na// tshig dbang lha yang dbang 'gyur na// shags la sogs pa smos ci dgos// zhes gsungs so// de la 'di ni pra dbab pa bsgrub pa'i thabs so// lo grangs bcu gnyis lon pa yi/ khye'u
 bu mo gang yang rung // mtshan nyid thams cad yongs rdzogs pa// dbab pa'i snod du rab tu brtag/ ting 'dzin rtsal dang ldan pas bya// gzhan gyis byas na dpyas par 'gyur// dang por phyi nang khrus byas te//
 sdig pa sbyang phyir 'dul khrims dbog/ 'od kyi 'phro 'dus byin gyis brlab// rgyan gyi khyad par rnams kyis brgyan// snying gar hUM ni bsgom par bya// spyi bor gtsug tu ha bsgom mo// a ni kha ru de bzhin te// de
 nas mdun gyi nam mkha' la// 'phags pa kun mkhyen spyan drangs te// de las 'od zer bskul zhing dbab// dz+nyo ni bskul ba'i sngags tshig ste// gar dbab dz+nyo yis bskul bar bya// byis pa'i lus la thim par
 bsam// byis pa'i tsit+ta gzhal med khang // dbab pa'i lha nyid bzhugs bsams te// lag rgya rdo rje thal mo las// sor mo phyir bsnol kha sbub la// mtheb gnyis so so'i mthil bkug pa'o// rdo rje tshig tu
 bzlas pa'i sngags// che ge mo zhig a a zhes// brjod cing rab tu bskul byas na// 'gul ba dang ni g.yo bar 'gyur/ khru gang tsam nas lnga yi bar// 'jigs skrag nas ni 'phar bar 'gyur// snying la gnas
 pa'i lha des ni// sgra gsung kun dang ldan pa ste// 'jig rten 'das dang 'jig rten pa'i// ci 'dod gtam ni smra bar 'gyur// rtog pa thams cad bral ba yi// rdo rje sems dpa' chen po yang // cho ga 'di yis
 'bab 'gyur na// 'jig rten pa lta smos ci dgos// zhes gsungs so// de la 'di ni dug gtang ba'i thabs so// sbrul ni mi sdug gdug cing khro// 'jigs byed nag po rab tu 'bar// dug gi lce gnyis mche ba
 can// sol ba rdo rgyus dag gis bri// bskul ba'i yi ge snying po 'di// sbrul gyi khong par rab du bsam// khaM kha de nang mi zad dug/ 'jigs par bde ba rab bsgoms na// sbrul de rab tu 'gul
 bar 'gyur// de nas zos shig ces bskul te// mtshan ma nas ni zhugs nas ni// khong du song ste zos bsams na// dug gis gzung bar gdon mi za// zhes gsungs so// de la 'di ni dug dbyung ba'i thabs
 so// nam mkha' dbyings kyi dbus su ni// zla ba'i dkyil 'khor dbus gnas par// spyan ras gzigs ni bsgom par bya// kha dog dkar po hri spros te// dug can khong du zhugs pa yis/ dug rnams hri la
 'dus nas ni// hUM gis khong nas phyir phyung dang / phaT kyis bar snang khams su gtor// yang na gzhan gyi khong du spro// des ni de ma zag tu yang // dug rnams dbyung bar gdon mi za// zhes gsungs so// de la
 'di ni dug spo ba'i thabs so// dug can snying gar oM dkar las// 'od zer dkar pos dug bsdus pas// oM nyid nag por snang byung nas// gzhan gyi lce'am mtshan ma'am/ khong du zhugs par rab bsgoms na//
 'pho ba rtag tu gdon mi za// zhes gsungs so// de la 'di ni nye ba'i dug gso ba'i thabs so// mdze 'bras shu ba phol mig dang / 'brum bu la sogs nad rnams kun// a dkar dag gi 'phro 'du yis// gong ma
 zhin du dbyung bar bya// spro ba yang ni de bzhin no// de ni khams las gyur pa yi// nad rnams thams cad nges par sel// zhes gsungs so// de la 'di ni bkres skom zhi ba sgrub pa'i thabs so// bkres bsgom
 can gyi nyon mongs pa'am/ yang na bsgrub pa'am gang yang rung // sbyor ba 'di ni brtsam par bya// rnam par snang mdzad gzugs chen po// nam mkha'i dbus su bsgom par bya// ba ni kha yin nang du bsgom// oM ni
 lce la rnam bsams te// yid bzhin bdud rtsi lta bu yi// bzang ba'i gnas su de nyid bsam// des ni bkres skom sdug bsngal sel// zhes gsungs so// de la 'di ni rnam par dag pa bsgrub pa'i thabs so// oM
 ni mig la rab bsams te// yul kun rnam snang mdzad du bsgom// de ltar rtag tu goms pa dang // chos kun sku gsung rdo rje mthong // de nyid rnam dag spyan du grags zhes gsungs so// de la 'di ni 'jig rten
 pa'i lha mthu bo che rnams zil gyis gnon cing tshig nyan pa bsgrub pa'i thabs go/ nam mkha' rdo rje'i dbus su ni// nyi ma'i dkyil 'khor dbus gnas par// khams gsum rnam par rgyal ba bsam/ b+hi zhes bya
 ba'i snying po yis// mthu chen rnams ni drangs nas su// bsdigs pa dag kyang byas nas ni// zil gyis gnon cing nyan par 'gyur// zhes gsungs so// de la 'di ni lha mo tsun d+ha bsgrub pa'i thabs so// sngags
 kyi bdag por bdag gnas pa'i// snying gar nyi ma'i dkyil 'khor la// tsuM zhes bya ba'i 'phro 'du las/ bdag nyid tsun d+ha'i gzugs su bsgyur// rnam pa'i mchog rnams kun ldan pa'o// kha dog
 dkar por rab tu bsgom// 'di ni chos dbyings bsgrub pa ste// bud med thams cad 'grub par 'gyur// zhes bshad do// de la 'di ni dzaM b+ha la nor bsgrub pa'i thabs so// nam mkha'i dkyil 'khor dbus su
 ni// sangs rgyas dkyil 'khor bsgom par bya// snying gar dzaM gyi 'phro 'du las// dzaM b+ha la yi gzugs dag gis// bar snang khams kun gang ba ni// mdog sngon thor tshugs kyis brgyan pa// gsus po che la mi
 zuthung gzugs// yid bzhin nor bu thogs pa yis// dbul ba thams cad sel bar bsam// 'dod pa la ni de dag dbab// des ni dbul ba sel bar byed// nor dang gter gyi bdag por 'gyur// zhes
 sungs so// de la 'di ni rdo rje any+dzan bsgrub pa'i thabs so// shing gcig drung ngam bzhi mdo'am// ma mo'i gnas sam zhi gnas su// rdo rje any+dza bsgrub par bya// pad+ma ban d+ha kha sbyar du// tshil chen bshang gci khu
 ba dang // ma hA rak+ta las byung ba'i// du ba ban d+har chags pa dang // bshang gcir rak+tas spras nas ni// ril bu lcags gsum gyis dkris pa// gsum du byas na de nyid la// rang gi gsang sngags brgya rtsa
 brgyad// nyi shu dgu yi nam phyed na// btab na dngos grub grub 'gyur te// mig la bskus na ci yang mthong // mi snang ba dang rkang mgyogs dang / de la sogs pa'i dngos grub rnams// thob par 'gyur te gdon
 mi za// zhes gsungs so// de la 'di ni rdo rje/ langs bsgrub pa'i thabs so// nam mkha'i dbyings kyi dbus su ni// nyi ma'i dkyil 'khor dbus gnas par// bdud rtsi 'khyil ba rnam par bsgom// dur khrod ri
 brag gnyan pa'i sar// ro yi rdzas btsal de nas kyang // ro yi gnyen por bdag bsams te// de yi steng du bdag nas la// de la dkyil 'khor tshang bar bsgom// de sngags rgyun du bzlas bya zhing // dgug pa'i
 pho nya drag tu bskul// mdog mdangs bkrag snum byung ba dang // bdud rtsi yis ni bsku bar bya// de nas 'gul bar gyur pa dang // phyag rgya bzhi yis gzhum par bya// sngags kyi 'phro 'du rgyun mi gcad// de nas
 rab tu 'phar ba dang // 'gro ba ris drug gang yin pa// rdo rje drag tu gdab par bya// rdo rje so yis gcad bya zhing // sngags zlos khong du bstim par bya// de nas langs par gyur pa dang // rdo rje byin nas dbang
 yang bskur// bdud rtsi'i chu yang blud par bya/ las rnams gang 'dod byed du gzhug/ yang na gser ram gos mtshan nam// rkang mgyogs la sogs dngos grub rnams// ji ltar 'dod pa rkyen gyis bsgyur// gang
 'dod pa de gdon mi za// zhes gsungs so// de la 'di ni rdo rje sgyu ma bsgrub pa'i thabs so// bdag nyid lha yi rnal 'byor gyis// rde'u shing bu yi rgyu dag las// ji ltar 'dod pa'i gzugs byas te/
 she'u re sman gyis byugs nas ni// rdo rje sngags kyis tshig 'di bzlas// she'u re'u i na ya// a mo ka a g+hus sa g+hus// shing bu dag gis gdab bya zhing // ji ltar 'dod pa'i gzugs su 'gyur// des ni sna
 tshogs gzugs su 'gyur// bsdu bar 'dod na slar la zlog/ de yang bkri drang thabs su 'gyur// zhes gsungs so// de la 'di ni ro bsreg pa'i bsgrub thabs so// nam mkha'i dbyings kyi dbus su ni// bdag
 nyid 'jigs byed skur bsgoms te/ ro la sngags kyis btab nas ni/ dri zhim chu yis byug par bya// zhun chen khu bar btsos pa yi// ras kyis kyang ni dri bar bya// dbang po rnams kyi gnas dag tu// lha yi phyag
 rgya dgod par bya// gnas der sdong bu re re la// lha rnams snying po bris pa gdags// ro yi phyi rol shun pa la// 'gro drug sa bon bkod nas ni// rim gyis sbyang ba'i las su bya// thab khung dkyil gang yin pa
 yi// phyag rgya gzhung dang mthun par dgod// de stengs shing brtsigs grub bzhi la// ka ba zur bzhi sum brtsegs kyi// bar khang yang thog bcas par bya// bar khang ro gzhag shar du bstan// yang steng ras sam
 shog shog la// bris pa'i phyag rgya tshang bar dgod// bar khang glo skar phyogs bzhi nas// gzungs thag phyogs bzhir bla mar dbul// de mthar 'khor gyi lha rnams dgod// de nas rdo rje rgyal po yis// me yi 'phro/
 'du rgyun mi gcad// rdo rje las kyi kar ma yis// las kyi phreng ba rdzogs par rol// rdo rje bla ma gcig gis ni// ro yi nyes pa bgrang zhing bshags// rdo rje skabs sbyor chen po yi// rdo rje mchod pa skabs su
 dbul// bkra shis gnas kyi smon lam ni// skabs sam mjug tu gdab par bya// rdo rje grangs kyi ting 'dzin gyis// grangs gzung dkar byang bla ma dbul// sdig pa'i gnag byang gshegs shing bsreg/ me lha
 spyan drangs mchod pa bya// bstod pa dag kyang legs par bya// ro yi sgrib pa 'byongs ma 'byongs// me la ltas su blta bar bya// mtshan ma mi sdug byung ba na// bsreg sbrang cho ga rgya cher bya// de ni tshogs rnams
 rdzogs par 'gyur// zhes gsungs so// des la 'di ni rdo rje thal chen bsgrub pa'i thabs so// de la thal ba thams cad kun// gu gul nag po dang sbyar ba// ril bu lcags gsum gyis dkris pa/ rdo rje
 'joms pa'i phyag rgya dang // rdo rje drag po'i sngags btab na// bar du gcod pa'i gnyen por 'gyur// zhes gsungs so// de la 'di ni phrin las bzhi'i sgrub thabs so// las bzhi so so'i khyad par gyis// rdzas
 dang kha dog phyogs dang dbyibs// yam shing bsregs rdzas khyad par las// dkar dang dmar zer mthing gnag las// shar lho nub byang phyogs dag tu// zlum po le'u tshe pad+ma zhi// gru bzhi zur
 brgyad 'khor lo rgyas// gru chad gzhu dbyibs zla gam dbang // gru gsum b+ha ga mngon spyod pa'o// ting 'dzin byams dang dang bas zhi// snying rje dga' bas rgyas pa ste// dga' dang chags pas dbang du 'gyur//
 btang snyoms khros pas drag por 'gyur// so so'i las kyi lha rgud la// sngags dag phyag rgya la sogs dang // glu rgyud 'byor pas mchod par bya// zhal du gyur pa'i me bos la// khro bos ye shes me du sbyar// so
 so'i rgyud du bshad bstabs te/ klong yengs 'khyil ba'i hom khung du// dam rdzas bdud rtsi 'bar ba yis/ sbyang dang thob phyir bsreg par bya// nyon mongs lnga yi dam rdzas ni// ye shes lnga yi klong du dbul// phung
 po lnga yi yab lnga la// 'byung ba yum lnga'i dbyings su bstim// shes pa brgyad ni ma brgyad la'o// yul brgyad phra men brgya la bstim// skye bzhis bsdus pa'i sreg rdzas rnams// rnam thar sgo bzhi'i klong du bstim//
 sgrib dang dngos grub don rnams ni// me la mkhas pas brtag par bya// so so'i dbyibs dang kha dog la// dbyibs dang kha dog shes par bya// zhes gsungs so// de la 'di ni rdzas bsgrub pa'i thabs gsang ba'o//
 phun sum tshogs pa bzhi ldan nas// gnas dang sa gzhi brtags pa ni/ sa stegs tshon gyis bri bar bya// dbus su thig bzhi le'u tshe dgu// de'i mtha' 'khor lo rtsibs brgyad bya// sgo bzhi sgo khyud bcas par bri//
 mtha' zad bskal pa'i me ri 'bar// dbus su zla kham kha sprod bri// phyogs mtshams brgyad du khaM brgyad bri// 'khor lo'i bar khyams mu khyud la// nang du bltas pa'i khaM brgyad gsal// rtsibs la nang du lta ba
 brgyad// mu khyud brgyad la phyir bltas brgyad// gru chad bzhi la nang bltas bzhi// sgo bzhir phyir blta bri bar bya// phyi rol bar khyams de dag la// phyi lta nyi shu rtsa brgyad bri// bskal pa'i me ri phyi khyams la// phyir
 lta bcu ni bri bar bya// de la phyag rgya rim pa dgod// ro yi tshol stangs rnam bzhi yis// dur khrod rdzas mchog ma nyams btsal// ye shes spyan gyis lta ba dang // rdo rje 'gros kyis btsal ba dang // phyag rgya'i
 tshogs kyis rol pa dang // ma mo'i tshogs kyis 'jo tshul dang // btsal nas maN+Dal sgo bzhi nas// bro chen bzhi yis sbyang bar bya// shar du dug gsum 'joms pa'i bro// lho ru khrag 'thung rol pa'i bro// nub tu
 rta mchog zhal gyi bro// byang du gdul sbyong drag po'i bro// sbyang bar bya ba rab tu gces// de nas dbus su gzhag bya ste// mgo bo shar du bstan pa de'i// phung po bruM las gzhal med khang // de ru phyag rgya'i tshogs
 mchog bsgom/ so so'i rdzas yi gnas rnams la// rigs kyi lha rnams rim par dgod// bsnyen pas byin phebs rtags byung nas// bam de byang shar mtshams su bsgral// rdo rje thig gis btab
 nas kyang // rdzas rnams so so'i skos su gdab// des mtshon rnam lngas bgro bar bya// 'khor lo'i spyi bo nyid nas bkro// rdo rje snying gi'i phyogs nas bkro// rin chen zur brgyad lte ba nas// pad+ma kha yi phyogs
 nas so// ral gris yan lag rnams nas bkro// de nas phyag rgya'i gnas rnams su// rdzas rnams go rim bzhin du dgod// dpal dang ldan pa'i gnod dgu la// sku gsung thugs dang ldan par ni// gsol ba'i
 'od dang bcas par dgra// rdzas kyis mdzes par brgyan par bya// rmad du byung ba'i gtor ma dgram// mchod pa'i dam rdzas tshang mar bsham// de nas rnal 'byor chen po kun// bdag nyid phyag rgyar gnas pa de//
 bskyed pa ting 'dzin tshul bzhin skyed// rang bzhin rdzogs chen spyan drangs mchod// bsgrub pa nyams len bzlog par bya// dngos grub gsol dang dbang bskur bya// de nas gtor mtsho gsum du// dang por
 bcad de sbyin sreg bya// bar mas mkha' 'gro tshim par bya// tha ma mi zad gter du sba// las rnams rdzogs par byas nas ni// dpal chen nyid kyang 'grub 'gyur na// dngos grub gzhan lta smod ci dgos//
 zhes gsungs so// de la 'di ni rdo rje mchog chen po bsgrub pa'i thabs so// don dang ldan pa'i rnal 'byor pas// sa stengs chag phyed tshad du bya// sum brtsegs byas dbus zla gam brgyad// phyi mtha' thod pas
 bskor ba la// me dpung 'bar bas bskor ba'o// de yi phyi rim dmar chen rgyas// dbus su ban d+ha mtshan ldan la// yab yum snying po bris la bzhag/ zla gam brgyad la ma brgyad bzhag/ mthing nag ma tha me ri
 'bar// de 'og thod tshar gsum du bya// sgo khyams dur khrod rdzas kyis brgyan// sgo rtseg sgo khyud tha ma bran// gnas mchog rab tu dben pa yi// ri yi rtse'am nags tshal lam// sde dpung phra mos mi tshugs shing //
 'du 'dzi 'gro 'ong chad par shis// rnal 'byor gdeng dang rab ldan zhing // brjid cing sran tshugs khu 'phrig chung // brtul zhugs che la rtog pa med// las kyi phreng ba lhag chad med// dri zhim sman gyis phye bkru/
 zhing // shi ne d+he hus nang yang bkru// tshad mar sbyar ba'i bka' dag dang // ldan pas dus btab bzhin du brtsam// rgyu yang brtag par bya ba ni// mdzes shing bkra shis ldan pa la// bong tshod lo ni dar la bab//
 rigs lnga'i mtshan rtags yod pa shis// bsgrub pa'i rgyu mchog de lta bu// dag pa gsum gyis gzhung bsrangs nas// byin gyi brlab pa rab tu bya// d+ha hu ma 'das dbang po bsgyur// bdud rtsi lnga yi thig le yis//
 dbang po lnga la gdab par bya// snang sring gtam ni dri ba'am// legs nyes dri ba'i pra yang dbab// rnam shes 'byung ba'i sgo rnams su// so so'i rigs kyi phyag rgyas gdab// phyag rgya bkod te bsgral
 bar bya// phung po gzhal yas khang du bya/ nang grol thams cad lhar bsgoms te// bsgral sbyangs sbyar ba byas nas ni// mchod dang mnyes dang dam skongs dang // dngos grub rnam gsum thob nas blang // zhes
 gsungs so// de la 'di ni mchog phran gtsang ma bsgrub pa'i thabs so// maN+Dal gru bzhi tshad ldan la// zla gam sgo gcig rdo rjes bskor// mu khyud sgo bzhi rab du bri// khyu mchog dbang po phyed ldan la// phyi nang
 khrus kyang de bzhin bya// dbus su bzhag ste shar du bstan// lce la gzungs zag sna lngas gdags// man ngang lung ldan phyag du dbul// phyag rgya rdzas dang bcas par dgram// de yi khong du gzhal yas su// ye
 shes sems dpa' tshon gang ba'i/ thugs kar nor bu rin chen 'bar// dbus su nyi ma'i ga'ul// dpal be'u yungs 'bru snying po la// til 'bru tsam gyi hUM dmar gnas// rdo rje 'phro 'du rgyun mi gcad// rdo rje phra
 yang dbab par bya// de nas mtshan rtags bzang ba dang // dngos grub blangs te bsgral bar bya// bskams te bdud rtsi'i rtsa bar shis// zhes gsungs so// de la 'di ni dregs pa can gnon pa bsgrub pa'i
 thabs so// phun sum tshogs pa bzhi ldan nas// ji ltar rigs pa 'dus pa dang / maN+Dal gzhi gcig skyon nus bya// chag rams btod pa'i maN+Dal bzhi// gru bzhir gzhi las spags par bya// de dag ma rang
 gzugs su bya// snying ga man chad dbus su bsnol// maN+Dal chen po'i 'og tu gzhug/ dbus su 'khor lo thig btab la// dpal chen lnga yi phyag rgya gzhag/ bar khyams gnyis kyis mdzes pa la// gnas dang
 yul gyi phyag rgya dgod// sgo bzhir sgo srung de bzhi gzhag/ yan lag sprul pa'i mgo brnyan gnas// phyi rol khyams la me ri bya// de mtha' thod pa tshar gsum bltams// de yi phyir rim me bur 'tshub// gu gu thul
 dang za ra tshags// zhing dang sbrul chun sgo khyud la// ban d+ha snying por bcas pa dag/ so so'i gnas su de bzhin gzhag/ rdo rje dbyibs su brtsigs pa'i zab// zur bzhi kha bzhi dag la bya// snying gar 'khor lo'i
 zathab tu bya// rigs dang mthun pa'i yam shing brtsig/ hom lnga 'brel ba'i las chen la// thab khung lnga yi bye brag tu// rgyud drug yam shing spung pa las// ye shes lnga yi me klong du// nyon mongs lnga yi bsreg sbyang
 thim// bya bar 'os pa mtha' dag kun// rnal 'byor can gyis ci rigs bya// zhes gsungs so// de la 'di ni ma tang 'grel bu gnon pa'i thabs so// dkyil 'khor ma tang gzugs su bya// mgo bo lho nub
 mtshams su bstan// mgo lus yan lag rnams la ni// maN+Dal bcu gcig rab tu bya// zhal du hom khung gru gsum la// yam shing dag gi brdzangs nas ni// sbyin sregs hom gyi las rnams bya//
 snying gar gru gsum rtse gsum la// bang rim gsum par byas nas ni// phur bu nyi shu rtsa gsum dgod// zhe sdang rdo rje'i ting 'dzin bya// lte ba gsum grum mthing nag la// zur la thod pa tshar gsum dri// gzhu
 bdun dgra sta brgyad kyang dgod// phur bu dgu dang kha T+wAM dgu/ rtsang dmar drug cu rtsa brgyad dgod// yum gyi mkha' ru bsgoms nas su// gzir gnan drag po'i las rnams bya// yan lag mgo mtshan g.yas
 g.yon la// gnas kyi ma mo brgyad rnams kyi// bri'am mtshan ma gzhag par bya// gzhan rnams kyang ni ci rigs par// ma tang dgug dag dbab dag gnon// byin brlabs mkhas pas tshul bzhin bya// bya ba
 thams cad ci rigs bya// des ni gnon pa'i las chen 'grub// ces gsungs so// de la 'di ni rdo rje tshe bsgrub pa'i thabs so// thams cad 'byor par byas nas ni// sa stengs slong nul legs byas la//
 dbus su pad+ma 'dab brgyad la// zla gam dmar po sgo bzhir ldan// rdo rje'i ra bas bskor bar bya// dpal ldan tshe yi phyag rgya dgod// rin chen sna tshogs bum pa la// tshe yi rdzas kyi gang ba de// pad+ma ban d+has kha
 bkab la// gzungs thag btabs nas dbus su gzhag/ tshe dpag med par de mnga' gsol// bum pa rin chen las byas bzhi// gsang ba'i yum du de mnga' gsol// rigs dang mthun pa'i bum pa bzhi//
 rigs lnga'i sangs rgyas gtso gzungs dang // so so'i 'khor gyis sems dpa' rnams// gtso gzungs zung du 'brel bar ni// phyogs phyogs dag tu tshom bur bri// sgo bzhir sgo srung la sogs gzhag/ sems
 dpa'i phyag rgya kun bkod nas// tshe dpag med pa'i thugs ka nas// 'khyil cing 'tsher ba'i byang chub sems// nyi zla'i ga'u gnas pa de// A yu byang chub sems su zhu// de las rgyal mtshan mchod ldan dang //
 rin chen gter dang dbang bskur mdzad// gsang ba'i tshe gter 'dzin dar bzhi// thugs kar 'phros nas de bzhin du// tshom bu rim gyis spros nas ni// dkar dmar 'od kyis bdag la bstims// skye med
 dbyings su sbas nas ni// mi 'gyur phyag rgyas gdab par bya// yang na ting 'dzin khyad par gyis// lo'am zla ba'i mtha' dag tu// skya rengs 'char ba'i dus su ni// phyag rgya chen pos gnas pa des// shar phyogs
 ngos su kha bltas te// lha klu gnod sbyin ji snyed pa// shar phyogs nam mkhar gnas pa rnams// thams cad khong du rngubs pa las// phyir mi 'byung bar khong du bstims// dbugs de tha mar sna ru bsring //
 phyogs bcur de ltar goms byas nas// dpal tshe gzi byin thams cad thob// ces gsungs so// de la 'di ni bdud rtsi bsgrub pa'i thabs so// maN+Dal tshad dang mthun pa la// dbus su pad+ma
 'dab brgyad bri// gru chad zla gam bzhi par bya// gzhan yang zla gam ci rigs dgram// pad+ma'i rtse la rin po che// ge sar dag gis mdzes par bya// phyag rgya 'bar ba'i lha tshogs dgod// dbus su tshangs pa'i
 skud pa can// sul med dung can 'khor bar gzhag/ shar du sul 'grer de bzhin te// lho ru dpag bsam shing bu can// nub tu shong ba'i gnyis pa gzhag/ byang du bse phor rgya gram mo// snod kyi mtshan nyid
 bkod nas su// dri chen zhu ba maM sa dang // rak+ta dri chu phyogs phyogs su// de dag skabs su sbyor ba yi// kal ko la la dang du ru ska// dzA ti pha la kha dri zhim// lce pog dkar po rim bzhin sbyar// 'di dag kyang ni
 rim pa bzhin// a ka ru dang ga pur dang // gur gum pad+ma li ga dur// de nas ra sa ya na'i tshogs// rigs dang las dang kha dog gis// ci rigs so sor dbye bar bya/ sa bon lnga yis rnam par sbyangs/ gsang
 chen de nyid dam pa yi// rigs gcig rigs lnga rigs brgya yis// spang ba mchog tu bya ba yin/ khrol bu dag ni spangs pa na// bsal dang bsngo dang bsdu dang dbye// khrus dang bshags dang yon tan brjod/ byib
 dbab bzlas pa rtags byung dang // bsdu dang btag btsag gzhal ba bya// mtshan lnga snod du rgya yis gdab// rigs dang mthun pa'i gzungs kyis gdags// dbang bskur byin brlab tshul bzhin bya// ting 'dzin
 mi g.yeng 'byongs pa dang // dngos grub blang ba la sogs bya// de nas ril bu'am 'di gu'am// skyo ma la sogs ci rigs par// rnal 'byor mchog gis spyad par bya// zhes gsungs so// de la 'di ni stan
 bsgrub pa'i thabs so// gang yang rung ba'i sems can de// las bab pa yi rnal 'byor pas// raM yaM khaM gis sreg sbyang bya// rgyud drug sa bon 'bru sngas sbyang // rol pa'i tshul gyis bsgral bya zhing // rnam shes sbyor
 ba'i lhums su 'phang / byang chub sems kyi 'phro 'du yis// sku bskyed ye shes skur spros te// rdzogs sangs rgyas la som nyi med// ces gsungs so// de la 'di ni ga Na bsgrub pa'i thabs so// mtshan dang ldan
 pa'i gzungs ma la// bsnyen sgrub lung bzhin sbyor bar bya// dkar dmar 'dres pa'i byang chub sems// rdo rje lce yis blang bar bya// sangs rgyas rnams la mchog par bya// 'gro drug sgrib par sbyong bar byed//
 ces gsungs so// de la 'di ni spyir sgrub pa'i thabs so// yi dam bcas pa btang na yang // bdag lus phyal bar mi gtang zhing // de nyid dran pa chen por bya// 'phags pa mchod par brtson pa dang // rang gi
 lta ba gsal ba dang // gsang sngags sdom la gnas pa dang // gsang sngags phyag rgya ma nyams dang // yo byad tshogs na nges par 'grub// mi ldan don rnams brlag par 'gyur// zhes gsungs so//
 de la 'di ni mi 'grub pa'i chad pa'o// bsnyen bsgrub rim par ma rdzogs par// dngos la zhen cing sgrub byed pa// rang rgyud sreg par gdon mi za// zhes gsungs so// de la 'di ni bsgrubs nas ma grub pa'i chad
 pa'o// bka' bzhin sgrub pa'i rnal 'byor pas// dus bzhin grub par ma gyur na// rdo rje sems dpa' la sogs pa'i// ye shes las grub lha rnams kyang // tshal par 'gas pa gdon mi za// zhes gsungs so//
 dngos grub gzhan dag de dag tu// mi zad bsam gyis mi khyab ste// de dag la sogs bsam yas mchog/ chos dbyings mnyam dang mi mnyam dang // nam mkha' dbyings kyi mtha' klas pa// brjod med brjod
 kas 'das pa yi// dngos grub ji ltar 'dod pa 'grub// ces gsungs so// 'phags rgyud kyi rgyal po ye shes rngam pa glog gi 'khor lo'i mdo zhes bya ba las dngos grub bsgrub pa'i rnam grangs bshad pa'i le'u
 ste bcu gnyis pa'o// // de nas bcom ldan 'das gsang ba mchog gi bdag po de mi 'da' ba dam tshig gi rdo rje zhes bya ba'i ting nge 'dzin la snyoms par zhugs nas// nyid kyi sku dang gsung dang thugs rdo rje
 las sdom pa zab mo 'di phyung ngo // de la 'di ni dam tshig gi sdom pa ci'i phyir bsrung ba'o// srid gsum sems can tathams cad la// log rtog 'khrul pa bsam mi khyab// de nyid gzhil ba'i gdul thabs su//
 phyi nang sdom pa ji snyed pa// rtog 'dul thabs su de snyed gsungs// zhes gsungs so// de la 'di ni dam tshig gi mdo kun 'dir 'dus pa'o// ji snyed sdom pa bsam yas kun// gsang sngags rgya mtsho chen po
 las/ 'dul ba'i thabs su so sor snang // snang yang rtog 'dul ma grub phyir// rmad byung dang du gcig par 'dus// de bas gsang sngags ngo mtshar che// zhes gsungs so// de la 'di ni dam tshig rnam par dag
 pa'o// chos kun ye nas dag pa'i phyir// log rtog ye nas rnam par dag/ de bas sdom pa rnam par dag/ dam tshig 'di ni rmad po che// zhes gsungs so// de la 'di ni bsrung ba med pa'i sdom pa'o// thams cad
 thig le rdo rje bas// bsrung ba'i tha snyad rnams dang bral// kun khyab bdal ba'i ngang nyid la// bsrung du med na sdom pa yin// nam mkha' bzhin du kun du khyab// ces gsungs so// de la 'di ni rtog pa'i dam
 tshig go/ bde chen rnam dag lhun grub par// lta bas rtogs shing chud gyur na// dam tshig nyid kyang rnam dag ste// lta ba khyad par ji bzhin du// 'dul ba'i khyad par de ltar gnas// de bas dam tshig zhes bya ba//
 rang gi lta ba yin par gsungs// zhes gsungs so// de la 'di ni dam tshig gi mdo gsang ba'o// gsang sngags rgya mtsho chen po yi// dam tshig bsam yas ji snyed pa// rtsa ba yan lag gnyis su
 'dus// rtsa ba'i dam tshig gsum yin te// sku gsung thugs su rgyal bas gsungs// yan lag dam tshig mi spong dang // mi 'dor spyod dang zhes pa dang / grub pa yin te rnam lnga po// mdor na rnam pa brgyad du
 grags// zhes gsungs so// de la 'di ni mdo rgyas pa'o// sku yi dam tshig ces bya ba// bla ma spun la gdung sems ldan// mngan dang dpya sems spangs pa yin// bla ma la yang rnam gsum ste// dam tshig dbang
 dang shes rab rgyud// man ngag lung ston slob dpon la// mngan dang dpya ba'i sems bor na// lus ngag sgo nas smos ci dgos// mgo dang mig dang gsang ma snying // rtag tu 'bral bar 'phangs pa ltar// bla ma
 rdo rje slob dpon la// mi 'brel sems kyis de ltar lta// de yi phyi bzhin be'u ltar 'brang // de yi dgos pa ci yang rung // skongs na srog la'ang mi lta na// zang zing gzhan lta smos ci dgos// lus la dbang ba'i
 rgyal po'am// lus srog bskyed pa'i pha ma bas// shin tu gnyen zhing bkur bar bya// ci phyir dbyings dang rnam thar gyis// sgo rnams de yi snyan pa yin// dngos grub bye brag ji snyed pa// de la rag las rjes su
 'brang // ma rig mun pas gtibs pa la// sems kyi sgron ma de yis 'debs// lha mi yongs kyi 'dren ston yin// dus gsum sangs rgyas zhal mthong yin// dge ba'i rtsa ba'i srog shing yin// yon tan kun gyi
 gter mdzod yin// gal te yon tan mi ldan yang // bla mar bzung nas spang byas na// kun gyi slob dpon brnyas pa yin// dus gsum sangs rgyas skur pa yin// de yi nyams pa brjod mi lang // yon tan ldan
 pa'i bla ma de// phyogs bcu'i sangs rgyas thams cad dang // rgyal sras dang ni mthu chen rnam// phyag 'tshal mchod cing bkur sti byed// 'jig rten 'di na mthu chen kun// de yi dgongs pa skong pa dang / khur zhing
 bran du khas len na// rod rje slob dpon smos ci dgos// rdo rje spun la gdung sems kyang // 'dres dang ma 'dres yongs kyi spyan// yang dag lam du zhugs pa la/ mngan dang dpyas kyis sems tsam yang //
 rtag tu spang bar bya ba yin// brtse zhig gdung ba'i shugs phyung la// gcig la gcig ni mig bzhin blta// mdor na srog la mi chags par// spun dang ming sring dgos pa sgrub// ci phyir rdo rje spun rnams ni// 'di
 nas byang chub thug pa ru// mi 'bral 'grogs pa'i grogs mchog ste// mar me 'od dang sdong bu 'dra'o// dper na 'jig rten mi rnams kyang // mang po 'dus na dka' ba'ang 'grub// de bzhin rdo rje ming sring
 spun// dngos grub sgrub pa'i grogs mchog yin// dper na grogs dang ldan pa'i mi// 'tshe ba rnams kyis mi tshugs bzhin// de bzhin rnal 'byor grogs ldan yang // rgol ba rnams kyis mi tshugs
 shing // 'bras bu myur du 'gyur bar 'gyur// de bas nan tan bskyed de bsrung // de yang sku yi dam tshig ste// bsrung ba yin par rgyal bas gsungs// mdor na snang srid thams cad ni// gzugs su snang ba
 mtha' yas kun// chos kyi sku las ma g.yos par// gzugs sku 'ja' tshon tshul du gsal// de nyid don las mi 'da' bar// rtogs pa sku yi dam tshig ces// rgyal ba rnams kyis rab tu gsungs// gsung gi
 dam tshig ces bya ba// sngags kyi rnal 'byor gral sgo bas// phyag rgya bzhi ru rnam gsal nas// rdo rje sngags rnams rgyun mi gcad// bsgom dang bzlas dang 'phro 'du'i sngags// ting 'dzin me dang 'dra ba la//
 bzlas brjod rlung dang 'dras bskyod nas// sgrib pa'i bud shing bsreg par bya// bzlas brjod sngags gyis brtul zhugs kyang // sgra chen pa ma yin chung bar min// mgyogs par ma yin bul bar min// drag
 par ma yin dral bar min// yig 'bru yan lag nyams ma yin// yengs min gla la sogs par gcod min// rgyu ba'i sems rnams spangs pa dang // bzlas pa'i skyon bcu spangs nas ni// dus dang grangs dang
 mtshan ma yi// bsnyen pa rab tu rdzogs pa gces// ye shes lha rnams nye ba dang // dbyings dang rnam thar 'dzom pa dang // dngos grub rnam gsum thob pa dang // 'phro 'dus 'gro don bya ba dang // de yis lha
 rnams mnyes pa dang / las de myur du 'grub pa'i phyir// bsrung ba'i dam tshig yin par gsungs// mdor na snang srid thams cad kun// skye med gsung las ma g.yos kyang // gsung gi bye brag nyid yin par//
 rtogs shing slar yang dbyings su thim// rtog pa gsung du rgyal bas gsungs// thugs kyi dam tshig ces bya ba// spyir gsang bzhi dang bar gsang bzhi// gsang bar 'os dang gnyer gtad pa'i// gsang sngags
 gsang ba'i don rnams kun// bum pa'i nang gi me mar bzhin// snod ma yin pa'i gang zag la// dus dang gnas skabs kun du gsang // snod dang ldan pa rnams la yang // dbang ma thob par bshad pa min// ci
 phyir gsang don de nyid la// ma rtogs pa rnams skur ba 'debs// log par rtogs pa ltung bar 'gyur// don ma rtogs na yid ches med/ khams gsum skye bo'i bcas kar 'gyur// dngos grub par gcod
 bgegs su 'gyur// de bas gzhan du bstan pa min// mdor na thugs kyi dam tshig ni// srid gsum sems can thams cad kyi// sems rtog rnam pa thams cad kun/ skye med dbyings las ma g.yos kyang // so/
 sor rtogs pa thugs nyid snang // snang nyid dbyings las mi 'da' bar// rtogs pa thugs su rgyal bas gsungs// de ni rtsa ba'i dam tshig gi/ mdo nyid rgyas par bshad pa yin// rtsa ba'i dam tshig
 gi mdo rgyas par bshad pa'o// mo spong dam tshig ces bya ba// 'dod chags zhe sdang gti mug dang // nga rgyal phrag dog lnga rnams ni// rigs lnga'i sangs rgyas ngo bo ste// ye shes lnga yi rang bzhin pas// spangs na
 rnal 'byor don dang 'gal// mi dor dang du blang ba na// dri chen dri chu rak+ta dang / maM sa dang ni zil pa lnga// 'bras bu lnga yis bsdus pa rnams// rnal 'byor pa ni rtag tu bza'// 'di yang dam tshig rmad po che//
 spyad par bya ba'i dam tshig ni// sbyor dang sgrol dang ma byin len// brdzun dang ngag rtsub smra dang lnga// don dam skyes bus spyad par bya// shes par bya ba'i dam tshig ni// phung po lnga dang 'byung ba lnga// dbang po yul
 lnga kha dog lnga// rigs lnga ye shes lnga nyid du// don ldan skyes bus shes par bya// lung dang ldan pa'i rnal 'byor pas// grub par bya ba'i don chen yang // sangs rgyas lnga las gzhan mi bsgrub// grub par bya ba'i
 dam tshig ste// 'di dag bsrung bar rab tu gces// de yang ci phyir bsrung zhe na// 'dod chags rang dang spyir snang ba// chags shing zhen pa thams cad kun// pad+ma rigs kyi ngo bo yin// zhe sdang de bzhin rdo rje'i
 rigs// gti mug sangs rgyas yin par gsungs// nga rgyal yid bzhin nor bu ste// phrag dog zhes bya las su bshad// de bas spangs par bya ba min// dri chen snang mdzad gtso bo yin// dri chu gdon mi za grub pa//
 rak+ta snang ba mtha' yas sku// maM sa rin chen 'byung ldan gtso// byang chub sems ni rdo rje sems// des na dang du blangs par gsungs// sems can thams cad gsad bya ba// rdo rje sems dpa'i dam tshig yin//
 bud med rnams la chags bya ba// snang ba mtha' yas dam tshig ste// gzhan gyi nor 'phrog rnam snang gis// rin chen 'byung ba'i brdzun phra ma// ngag rtsub gdon mi za 'grub pa'i// dam tshig yin par rgyal bas
 gsungs// de bas spyad par bya ba'o// gzugs su snang ba rnam snang mdzad// tshor ba rin chen 'byung ldan gtso// 'du shes snang ba mtha' yas te// 'du byed gdon mi za grub pa// rnam shes rdo rje sems dpa'o//
 sa ni rdo rje zhes su bshad// rin chen chu ste pad+ma me// thogs med rlung gi rang bzhin te// nam mkha'i khams ni rnam snang mdzad// mig gi dbang po rnam snang mdzad// rna ba rin chen 'byung ba'i tshul// snang ba
 mtha' yas sna zhes grags// lce ni gdon mi za grub pa// lus ni mi bskyod par ru bshad// gzugs ni rnam par snang mdzad tshul// sgra ni rin chen 'byung ba ste// dri ni snang ba mtha' yas so// ro ni don yod grub
 pa yin// reg rnams mi bskyod pa ru bshad// de bzhin dkar po rdo rje'i rigs// ser po bder gshegs rigs su bshad// mthing ga rin chen dmar po chos// ljang gu las kyi rigs su bshad//
 de phyir shes par bya ba yi// dam tshig yin par dpa' bos gsungs// bsgrub par bya ba'i 'bras bu yang // rigs lnga nyid du grub pas na// de dgrub pa yi dam tshig yin// dam tshig 'di ni rmad po che// yan lag
 dam tshig 'da' ba'o// zhes gsungs so// yan lag gi dam tshig mdo rgyas pa'o// de la 'di ni dbye ba'o// rtsa ba yan lag dam tshig rnams// bsrung ba rtog pa gnyis su dbye// de dag dngos su bsrung bas na//
 mi 'da' bsrung ba'i sdom bcas yin// rnam par dag pa'i ngang nyid du// de dag rtogs pas khyad par du// rtogs pa'i dam tshig yin par gsungs// de la 'di ni dam tshig nyams pa ltung ba'i gnas so// rtsa ba
 nyams pa'i skyon chen yang // bskal pa grangs med bgrangs par yang // dmyal ba'i gnas su ltung bar 'gyur// rdo rje bla ma'i sku smad na// dus gsum sangs rgyas brnyas pa yin// byang chub sems la skur pas
 na// de yi sdig pa brjod mi lang // dper na 'jig rten sa yi rdul// grangs kyis bgrang bar shes kyang srid// rgya mtsho chen po'i chu thigs kyang // grangs kyis bgrang zhing shes su rung // 'di yi sdig pa brjod mi
 nus// shin tu mi bzad sdug bsngal las// thar bar nams kyang mi 'gyur te// srid gsum sems can gsad pas ni// bla ma'i bka' bcag char mi phod// rdo rje spun la smad pa ni// nyams pa'i skyon yang brjod
 par dka'/ bskal pa gcig gi bar dag tu// dmyal ba chen por ltung bar 'gyur// tshe 'dir bsgrub pa log pa dang // 'bad pa'i 'bras bu med par 'gyur// gsung gi dam tshig nyams gyur na// dbyings dang
 rnam par thar pa yi// sgo rnams nyams par gyur pas na// bsgrub pa thams cad log par 'gyur// yi dwags gnas su yun ring ste// lkugs pa'i gnas su gyur pa yin// thugs kyi dam tshig nyams gyur na// yi
 dwags kyi ni lugs su skye// thong gshol 'bar ba lta brgya yis// de yi lce la gshog par byed// bskal pa du mar myong ba dang // dngos grub 'bras bu med par 'gyur// mdor na rtsa ba nyams gyur na// 'bras bu
 med cing ngan song ltung // rdo rje sems dpa' bdag nyid kyang // de yi snying khrag 'thung bar nges// mi spong dam tshig nyams gyur na// dngos grub thams cad spangs par 'gyur// mi dor dam tshig nyams gyur na//
 ngos grub 'bras bu mi 'thob cing // yi dwags spre'u'i gnas su skye// skud pa'i dam tshig nyams gyur na// 'du shes med pa'i 'gog par ltung / shes pa'i dam tshig nyams gyur na// 'du shes med pa'i khros pas
 ltung // grub pa'i dam tshig nyams gyur na// bdud kyi khams su ltung bar 'gyur// rtogs pa'i dam tshig nyams gyur na// ru tra chen po'i gnas su lhung // de la sogs te bsam mi khyab// ces
 gsungs so// de la 'di ni nyams pa bskang ba'i tshad do// dam tshig nyams par gyur pa na// mgon btsun mnyam pa'i don rtogs na// de nyid skongs pa'i gnas su 'gyur// bla ma sbran la smad gyur na// tshe 'di
 nyid la mnyes byas te// mthol bshags drag pos 'gyod byas na// de ni skongs pa'i las su 'gyur// gal te bdag gam bla ma sbran// ma bskangs bar du tshe 'phos na// de ni bskang ba'i tshad las 'das//
 gsung gi tha tshig ral gyur na// rdo rje chos su bdag bsgoms la// tha tshig gang brlag 'bum 'bum gdon// thugs kyi tha tshig ral gyur na// rdo rje sems dpar bsgoms pa la// lo gsum bar du mi smra bar//
 bsam gtan sbyor bar rab tu bya// yan lag dam tshig nyams gyur na// so so'i rigs kyis de bzhin bskong // zhes gsungs so// de skad ces gsungs pas 'dus pa'i 'khor tshogs rnams kyi gsang sngags kyi
 dam tshig ni/ rang rang gi snying la gnas par mthong nas/ a la la zhes pa'i sgra phyung nas rang rang gi dam tshig la dmigs so// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las
 dam tshig rnam par bkod pa'i le'u ste bcu gsum pa'o// // de nas bcom ldan 'das gsang ba mchog gi bdag pos brtul zhugs rnam par rol pa zhes bya ba'i ting nge 'dzin la snyoms par zhugs so//
 zhugs nas kyang gsang sngags thams cad kyi brtul zhugs rnam par rol pa 'di nyid kyi sku dang gsung dang thugs rdo rje las phyung ngo // gsang sngags rgyal mtsho chen po yi// brtul zhugs ngo mtshar rmad byung ba//
 chos kun rol par snang ba'i phyir// ji ltar spyad kyang brtul zhugs te// bka' thub dka' ba spyad mi dgos// dka' thub sdom la rten pa'i mis// bsgrubs kyang 'grub par mi 'gyur te// dka' thub sdom la mi
 gnas shing // 'dod pa'i longs spyod rab bsten pas// bsgrubs na myur du 'grub par 'gyur// rigs ngan dag ni sme sha can// rtag tu gsod la brtson pa dang // ma byin len dag mi tshangs spyod// brdzun du smra
 la dga' ba dang // rtsub pa'i ngag la dga' ba ni// gsang sngags bsgrub pa'i snod du 'gyur// pha dag khu bo mes po la// zhe sdang sems kyis bsgral byas na// rdo rje sems dpa'i dngos grub thob/ ma dag bu mo
 sring mo dang // 'dod chags sems kyis sbyar byas na// chags pa chen po'i dngos grub thob// snying rje med par gsod pa dang // 'jigs pa med par sbyor ba la// bshad gci zas su ba dang // rang gi khu bas
 mchod pa dang // dur khrod rgyal na dga' ba ni// theg mchog 'di la 'grub par 'gyur// bsod snyoms zas la mi chags shing // ma bslangs pa la'ang chags mi bya// nags tshal dgon
 pa'i sa phyogs su// bsod snyoms blangs te bza' bar bya// sems kyi brtul zhugs chen po yis// ting 'dzin stobs dang ldan par bya// lus kyi brtul zhugs chen po yis// thogs med stang thabs tshul du
 gnas// ngag gi brtul zhugs chen po yis// sngags kyi yi ge drag tu brjod// dben pa'i phyogs su gnas bcas la// g.yang gzhi gos su gyon nas ni// che ba'i nga rgyal rtag tu bskyed// wa yi brtul zhugs chen
 po yis// spang bar bya ba'i thabs su spyad// cang shes brtul zhugs chen po yis// shes bya kun la 'jug par bya// lus kyi rtsal gyi bya ba dag/ gyi ling brtul zhugs chen pos bya// phag gi brtul zhugs chen po
 yis// gtsang sme med par kun la spyad// glang chen myos pa'i brtul zhugs kyis// mi 'byed rmongs tshul bstan par bya// stag mchog rngam pa'i brtul zhugs kyis// dpa' brtul gtum pa'i las chen bya// khyud
 chen mkha' lding brtul zhugs kyis// lta ba spyi rgya rlabs kyis gtsang // gtum thung don gyi brtul zhugs kyis// re ba med pa'i las chen bya// rgya mtsho gter gyi rtul zhugs kyis// yid thub mi ldog brtan par bya//
 lkugs pa'i lug gi brtul zhugs kyis// gti mug bzhin du shes rab ldan// ri bo lta bu'i brtul zhugs kyis// mi 'gyur rab tu brtan par bya// nam mkha' lta bu'i brtul zhugs kyis// yangs dog kun dang
 bral bar bya// gnam lcags lta bu'i brtul zhugs kyis// drag shul las la sbyar bar bya// lag na rdo rje'i brtul zhugs kyis// mthu stobs dag la spyad par bya// kha dog brtul zhugs chen po yis// zon bag
 khu 'phrig spyad par bya/ glang chen chur 'jug brtul zhugs kyis// nges pa'i nga rgyal spyad par bya// ri dgas seng ge'i brtul zhugs kyis// grogs ngan la sogs spang bar bya// reg 'jam bya yi brtul zhugs
 kyis// 'grogs na bde zhing chags par bya// sgyu ma rgya yi brtul zhugs kyis// thabs la mkhas pa'i las chen bya// ces sbyang khra yi brtul zhugs kyis// gtsang sme med par spyad pa dang // thogs med gsod la
 brtson par bya// nga rgyal stag mchog brtul zhugs kyis// che ba'i nga rgyal bskyed par bya// mkha' lding lta bu'i brtul zhugs kyis// kun tu mdzes pa'i spyod pa spyad// rgyal po 'khor skyong brtul zhugs kyis// sa
 thub 'khor dang ldan par bya// bcu gnyis dag ni gsum dag gi/ brtul zhugs blo dang ldan par bya// de la sogs te bsam mi khyab// ces gsungs so// 'phags pa rgyud kyi rgyal po ye shes rngam pa glog gi
 'khor lo'i mdo zhes bya ba las rnal 'byor gyi rig brtul zhugs kyi le'u ste bcu bzhi pa'o// // de nas bcom ldan 'das gsang ba mchog gi bdag po chen pos phrin las rgya mtsho lhun
 gyis grub pa zhes bya ba'i ting nge 'dzin la snyoms par zhugs so// zhugs nas yang 'dus pa'i 'khor rnams la 'di skad ces gsungs so// 'dus pa'i 'khor rnams nyon cig/ btsal med lhun grub dkyil 'khor
 las// phrin las rgya mtsho bsam yas kyang // rnal 'byor dgos pa'i dbang dag tu// las bzhi dag tu rgyal bas gsungs// dang pos zhi ba'i lha yin te// gnyis pa rgyas pa zhes su bya// gsum pa dbang du sdud
 pa'i las// bzhi pa drag po'i las su gsungs// de dag lha yi dkyil 'khor dang // gnas dang dus dang rdzas rnams dang // dbyibs dang kha dog maN+Dal dang // yul dang ting nge 'dzin dag dang / phyogs dang stan
 dang 'dug stangs dang // tho ba phur pa gtor ma dang // bzlas brjod com dang bskul tshig dang / 'khor lo me lha'i mtshan nyid dang / yul dang grub pa'i 'bras bu ste// bcu gnyis dang ni gnyis dag gis// byab
 thams cad rdzogs par gsungs// ya ni zhi ba'i mtshan nyid de// ma zhes bya ba rgyas pa yin// dbang du sdud pa baM du bshad// e nyid drag po'i mtshan nyid do// lha yi rnal 'byor rim pa yang // rdo rje sems dpa'
 zhi drag bya// rnam snang mdzad dag rin chen 'dzin// rgyas pa'i las ni byed par 'gyur// snang ba mtha' rgyas pa dang // dbang gi las ni byed par 'gyur// gdon mi za bas las kun byed// yang na drag po nyid
 la'o// kun tu bzang pos ci yang byed// spyan ni zhi ba'i mchog yin te// bsrung ba mA ma kI yis byed// gos dkar can gyis dbang du byed// sgrol ma las rnams kun la sbyar// sa yi snying pos rgyas par byed//
 nam mkha'i snying pos 'phel bar byed// lag na rdo rje drag po byed// spyan ras gzigs kyis snying brtse bar// yid kyis yid du 'ong bar byed// byams pas chos kyi 'khor lo bskor/ sgrib pa sel bas rnam dag
 byed// kun tu bzang pos nor sgrub byed// 'jam dpal shes rab rno bar byed// sgeg mos sangs rgyas mtshan rnams 'grub// phreng bas rgyun dang ldan pa dang // sangs rgyas yul du phyin par byed// glu yis
 dbyangs snyan grub par byed/ rig ma dag dang lhan cig rtsen// gar gyi phyag rgya gar mchog dang / sangs rgyas rnams dang lhan cig 'grogs// bdug pas yid 'ong dngos grub thob// me tog par dgyes mdzes
 par byed// dI pas 'od gsal mdangs dang ldan// dri yis dri nga dag par byed// lcags kyu yis ni spyan drangs dang // rdo rjes dgug pa'i las rnams byed// zhags pas dren cing 'ching bar byed// sgrog gis
 dbang du byed cig sdom// dril bus dgyes sgrol dbab par byed// byed pa po dang bya ba mos// thams cad thams cad kun la sbyor// rdul snyed dbang po drug rnams kyis/ cis 'dul thabs kyis sna
 tshogs byed/ khrag 'thung chen pos gti mug 'joms/ khrag 'thung rdo rjes zhe sdang 'joms// rin chen he rus nga rgyal 'joms// pad+ma he rus 'dod chags 'joms// las kyi he rus phrag dog 'joms// khrag
 'thung chen pos thim par byed// badz+ra kro d+his 'khyud par byed// rat+na kro d+his sbyor bar byed// pad+ma kro d+his skyod par byed// karma kro d+his 'bebs par byed// dkar mo'i tshogs kyis 'gugs par byed// rkun mo'i
 tshogs kyis mthu 'phrog byed// rmongs ma'i tshogs kyis myos par byed// thal byed mas ni thal bar rlog/ sbom mo'i tshogs kyis dbang du byed// gtum mos sgrol zhing myos par byed// sme sha can gyis za bar byed//
 ma tshogs mas ni rgyud 'phel byed// seng gdong tshogs kyis zil gyis gnon// stag gdong tshogs kyis 'joms par byed// wa gdong tshogs kyis rol par byed/ khyi gdong tshogs kyis gsod cing za// rgod
 gdong tshogs kyis rgyug par byed// dur byas rnam par 'dren par byed// bya rog tshogs kyis dbang du 'du// 'ug gdong tshogs kyis 'dren cing lta// gshed pos 'gugs shing sgrol bar byed// bdud rtsi 'khyil
 bas skrod par byed// gzhan gyis mi thub mngag gzhug byed// rta yis dug rnams 'joms par byed// dbyug sngon can gyis gsod par byed// stobs chen char 'bebs byed pa'i mchog/ mi g.yo bas ni skrag
 cing 'akrug/ rdo rje hUM gis 'ching bar byed// rnam par rgya las pas gnon par byed/ khams gsum bdag pos 'joms par byed// phra men tshogs rnams mang po kun// mnga' gzhug pho nya'i las rnams byed//
 slas dang byi mo'i tshogs rnams kyis// thams cad thams cad byed par 'gyur// mdor na lha yi rnal 'byor ni// cis 'dul thabs kyis de ltar ro// yid 'ong bkra shis dben pa ru// rdo rje zhi ba sgrub par shis//
 me tog nags tshal skyed mos tshal// nyams dga' bar ni rgyas par shis// kha dog dmar zhing gcong rong mang // ri bor gnas su dbang du bya// sum do'i grog gle rkang gcig drung // rtsub pa'i gnas su drag po
 bya// snga dro zhi ba gung la rgyas// srod la dbang bya gung la ni// drag po las rnams brtsams par bya// rdzas dang bsreg bya'i rdzas rnams kyang // dkar zhing dmar ba'i rdzas rnams dang // zho dang ldan pa'i zhing dag
 gi// rtse mo las byas zhi ba'i rdzas// ser zhing kha ba'i ror ldan pa'i// bar gyi shing las byas pa kun// rgyas pa'i las su bsngags pa yin// skur zhing kha dog dmar ba dang // drungs pa las byas shing gi rnams//
 dbang gi rdzas su rab tu grags// gnag cig rtsub pa tsha ba yi// ror ldan rtsa ba'i shing las byas// rdo rje drag po nyid la'o// zlum po dang ni 'khor lo dag/ zhi ba yi ni las su gsungs// zur bzhi
 zur drug zur brgyad dam// pad+ma'am rin chen dbyibs 'dra ba// rgyas pa'i las la shis pa'o// zla ba kham dag gzhi yi dbyibs// pad+mo sprang po'am mkha' 'dra ba// dbang du bya ba'i las yin no// gru gsum mam
 ni gru chad dam// rdo rje'i dbyibs dang mda' 'dra bar// byas pa rdo rje drag po la'o// dkar po zhi ba ser po rgyas// dmar po dbang la nag po drag/ ljang gu spyi yi las su gsungs// se skya zhi ras las yin te//
 dmar skya zhi ba dbang gi las/ sngo skya zhi ba drag po'i las// rgyas dang dbang dang drag po la'ang // zhi ba'i tshul du sbyar bar bya// des na las rnams re re la'ang // bzhi bzhi dag ru rgyal bas gsungs// zlum po'i
 zathab khung rdo rje yis// brgyan pa zhi ba'i dkyil 'khor yin// pad+ma gru bzhi rin po che// brgyan pa rgyas pa'i las su shis// zla gam khung bu mda' gzhus brgyan// dbang du bsdu ba'i dkyil 'khor yin// gru gsum
 rtsang thod kyis brgyan pa// drag po spyod pa'i dkyil 'khor yin// ljon pa ma dag lcug phran ma// sdod cig ma dang mi rig ma// spyan dang mA ma gos dkar sgrol// byin gyis brlabs pa'i gnas byas te// dad
 byams snying rje dang ba dang // dga' chags btang snyoms khros pa yi// ting 'dzin dag gis zhi dang rgyas// dbang drag so so'i 'phro 'du bya// byang du bltas te zhi ba bya// rgyas pa'i tshe na shar du blta// dbang la nub
 tu drag po lho// zhi ba ku sha'i khri stengs su// rdzogs pa'i skyil mo krung du gnas// pad+ma'i steng du sems dpa' yi// skyil mo krung gis rgyas par bya/ khri steng dag du phyed skyil gyis// dbang du bsdu ba'i las bya'o//
 sa gzhi gru gsum nyid la ni// rus sbal gyi ni rgyas btab kyis// mngon par spyod pa bskyon par bya// zlum po gru bzhi zla gam dang // zur gsum tho ba'i gtun tshogs kyis// las bzhi yum gyi gtun khung du//
 gti mug nga rgyal 'dod chags dang // zhe sdang mtshan ma rdul du brdung // gser dngul zangs dang lcags dag gam// zho can ser skyur rtsub shing la// ri rab zhul du rab brjid pa'i// phur pa las rnams so so
 yi// lha yi dkyil 'khor bsgom pa la/ rtse mo yaM baM e yi dbyibs// mtshan ma ming du bcas pa la// btab na zhi rgyas dbang drag 'gyur// dngul phye 'bras chen dkar po la// zhi bar 'gyur ba'i gtor ma sbyar//
 gser phye 'bru che ser po la// rgyas par 'gyur ba'i gtor ma sbyar// dbang la zangs phye 'bru dmar chan// drag po'i lcags phye sha khrag la'o// shan ting pub+hing ba shang dang // mA ra ya yi sngags tshig la// swA hA sA
 hA hUM phaT kyis// brgyan pa'i mgo la moM bzhag pa// bzlas pa'i sngags su shes par bya// hom khung zlum po gru bzhi dang // bla gam gru gsum gdengs pa ru// rdo rje rin chen mda' gzhu dang // rdo rje
 rtse dgu'i phyag rgya gzhag/ zho can ser skur rtsub pa yi// yam shing dag la me sbar te// lhan ne gzi byin lhun chen dang // gtum chen rngam pa'i lha tshogs la// las bzhi'i tshul du bsregs na 'grub// sngags dang
 'dod pa'i ming spel te// bskul pa bya ba'i tshig tu bshad// ras sam bro ga shing shun la// zhi rgyas 'khor lo'i sngags bcas bri// lcags gsum ga bur gtsug nas ni// mchod cing bskul na gdon mi za// zhing
 chen ras sam smad dkris la// dbang drag 'khor lo'i sngags bcas bri// kham phor nang ngam thod par gzhug/ dur khrod gnas la sogs pa ru// bskul zhing mnan pa byas na ni// gdon mi za bar mnan par
 'gyur// las bzhi'i me lha'i mtshan nyid ni/ me yi lha ni snang mtha' yas// me yi lha mo gos dkar mo// zabs dang shes rab 'brel bas ni// gang 'dod las de byed par 'gyur// gdug rtsub rnams la zhi ba
 sbyar// dbul phongs rnams la rgyas par sbyar// dbang ni 'dod gzir rnams la ste// zhe sdang can la drag po'i las// thams cad zhi bar 'gyur ba dang // yid bzhin nam mkha' 'gengs pa dang // dgug cing
 phyi bzhin 'breng ba dang // myos nas gas te 'tshig pa ni// las bzhi'i 'bras bur rgyal bas gsungs// 'phags pa rgyud kyi rgyal po ye shes rngam pa glog gi 'khor lo'i mdo zhes bya ba las las kyi rim par phye
 ba'i le'u ste bco lnga pa'o// // de nas bcom ldan 'das gsang ba mchog gi bdag po des skye 'gro thams cad 'dul ba zhes bya ba'i ting nge 'dzin la snyoms par zhugs te/ zhugs nas kyang brnag pa'i nan
 tur 'di dag gsungs so// rdo rje slob dpon smod pa dang // sangs rgyas bstan pa 'jig pa dang // lu gu rgyud las 'gal byed dang // rdo rje spun la 'khu byed pa// rnal 'byor spyi yi dgrar gyur dang // skye bo yongs
 la gnod pa dang // ma chags pa yi sems can la// brnag pa'i nan tur bya bar gsungs// dgug dang gsad dang bskam pa dang // dbye dang bskrad dang mnan pa dang // bcing ba'i las dang bdun dag gis//
 grub par 'gyur zhes rab tu gsungs// dgug pa'i las dag bya ba yang // bdag nyid rnal 'byor ldan byas te// rkang rjes nyid kyis blangs la// mi rus bsregs pa'i thal ba dang // dur khrod ro yi ras dag
 dang // rgya mtshor 'bab pa'i chu bo yi// 'gram nyid nas ni blangs pa'i sa// rlung gis 'khyer ba'i shing lo dang // grog mkhar sa rnams btags nas su// lung bong gcin gyis smra bar bya// de nas yan lag tshang
 ba yi// gzugs la snying gar grog ga'am/ shing shun legs pa glan nas ni// ra khyi khrag gis ming bris te// hUM dang phaT kyi bar du gzhug/ drag po dkyil 'khor gru gsum du// mgo ni lho nub
 mtshams su bstan// gang na gnas pa de nyid las// de yi rnam par shes pa ni// thogs med rlung dang 'dra ba ste// lcags kyu yis ni snying drangs te// yaM las rlung gis bteg nas ni// bdag gi drung du phyin pa
 dang // gzugs brnyan nang du de bcug pa// srin bu me khyer 'dra bar gsal// lcags kyu zhags pa'i phyag rgyas dam du gzhug/ lcags sgrog phyag rgyas sgrog du gzhug/ dril bu'i phyag rgyas brtan par bya// gu gul
 nag po'i dud pas bdug/ yungs kar rgyal po'i mtshon gyis brdeg/ rdo rje mig gi bltar mngon par// nyams pa de nyid gnon par ni// nyin mtshan kun la drangs te bsam// yang na suM b+ha'ang lhag par 'jebs//
 de ni dgug pa'i mchog tu gsungs// gal te gsad pa'i las bya na// dgug pa de nyid sbyar byas te// dug shing snying po tsher ma yis/ khugs pa'i gzugs de dbug par bya// drag por gyur pa'i phur ba yis//
 dpral ba snying mgrin pus mo gnyis// gnas lnga dag du btab par bsgom// rdo rje rtse mo'i sngags kyis gdab// rdo rje rtse gcig phyag rgya dang // be con rdo rje gnod sprin dang // rdo rje brjid pas phur pa gnon//
 bskal pa'i mthar yang zug bsam te// gu gul dud pas myos su gzhug/ yungs kar rgyal pos brdeg par bya// de nas gzugs kyi dngos po de// rab tu rno ba'i mtshon cha yis// pho ni rkang pa g.yas nas gtub//
 mo ni rkang pa g.yon nas gtub// rmad du byung ba'i gtor ma dang // bcas te 'bar ba'i lha tshogs la// drag po hom du sbyin sreg bya// nyin mtshan gung la bya bar gsungs// las 'di byas na nges pa yang // lha
 yis bsrungs kyang 'chi bar 'gyur// gal te skam pa'i las byas na// dgug pa de nyid sbyar byas te// de yi ming nas smos nas ni// gzugs de dug gi tsher mas dbug/ dug dang skye che lan tshwa dang // 'bru mar
 tsha bar rab bsres te// tsha ba'i rims kyis gdab pa'i phyir// de yi lus nang gang bar dgang // tshe ma'i me la bskam par bya// mtshan ma mig du bcas pa ste/ kham por ram ni thod par gzhug/ dgra yi sgo gang
 mnan byas na// skam par 'gyur bar gdon mi za// yang na tsha bas btab par 'gyur// gal te gnas nas spo bya na// ting 'dzin ldan pa'i rnal 'byor pas// dgug pa de nyid sbyar byas te// rdo rje mig gi mthong
 ba dang // rlung gi dkyil 'khor steng dag tu// rdo rje rnga mo rab bsams te// de nyid rgyab tu bskyon nas ni// rdo rje khro bo 'bar ba yis// gshin rje'i phyogs su khrid pa dang // gzhan gyis brdeg pa'i thabs su sbyar//
 ral gris rgyu ma gtubs pa dang / phra dog 'ug pa bya rgod kyis// za zhing 'thog par rnam bsams nas// de yi ming nas bskul byas na// de ni myur du spyod par 'gyur// rdo rje mi 'chi las kyis sbyar//
 yang na rkang rjes sa dang ni// shing lo rlung gis gtsubs pa la// mtshan ma ming du bcas par bya// ming nas drag tu bskul bya zhing // rdo rje 'bar ba'i khro bo yis// gshin rje'i drung du khrid pa dang // bgegs kyi
 drung du mnan byas na// des kyang bskrad pa'i las su 'gyur// yang na dgra yi sgo ga ru// thod pa ma gas ma chag par// rdo rje sngags kyi tshig bris te/ rdo rje mi 'chi rnam par bsgom// dgra yi sgor ru bzhag na ni//
 bskrad par 'gyur ba gdon mi za// gal te dbye ba'i las byas na/ khro bo'i sngags dang ming spel te// 'ug pa'i sgro la bris nas ni/ bram ze'am dge sbyong sgras dkris te// lam gyi bzhi mdor brkos te gzhug/ de
 la rdo rje khro bo gnyis// 'thab cing rtsod pa rnam bsams na// bsad de dbye bar gdon mi za// gal te mnan pa'i las byas na// dgug pa de nyid sbyar byas te// mngon sum khugs par gyur pa dang // de steng
 dbang chen rim par bskyed// ri rab steng du bsgom pa ni// las kyi lha ste don yod 'grub// rdo rje rgya gram brjid ldan pas// bskal pa yun du gnon par bsam// gzugs brnyan thod pa gang bar gzhug lam gyi
 bzhi mdor de bzhin bya// des ni rab du mnan par 'gyur// gal te bcing bar 'dod pa na// dgug pa de nyid sbyar byas te// mtshan ma ming du bcas pa de// tshon skud sna lngas mgo lus dkri// rdo rje sgrog gis
 bcings bsams nas// thod pa ma nyams nang du gzhug/ lam gyi bzhi mdo 'am dur khrod du// sbas na nges par bcings par 'gyur// gzhan yang gsad pa'i brtul zhugs ni// khrag dang dri chu bshang gci yis//
 gsher bar byas pa'i gos gyon te// khro bo'i rgyal por sbyar byas nas// rkang pas gzugs brnan mnan nas ni// khros pas gsang sngags brgya rtsa brgyad// rdzogs par bzlas na nges pa 'chi// thal ba'i skye ma
 spangs pa'am// skra bshig gcer bur phud pa'ang rung // de lta bu yi sbyor ba yis// sangs rgyas dag kyang 'chi 'gyur na// khams gsum skye bo smos ci dgos// zhes gsungs pas 'dus pa'i 'khor tshogs thams
 cad 'jigs skrag ste// rang rang gi stan las langs nas lus sa la brdabs pa'i phyag rnal 'byor gyi lugs su byas te/ cho 'phrul rnam pa du ma bstan nas ngo mtshar rmad du byung ba'i rdo rje'i tshig gis bstod pa//
 e ma'o ngo mtshar ya mtshan gyi// cho 'phrul kun gyi 'byung gnas gtso// ngo mtshar kun gyi bdag po mchog/ rdo rje rgyal la phyag 'tshal 'dud// byang chub sems dpa'i dkyil 'khor dang // phyag rgya bsnyen bsgrub
 bsgrub pa dang // sdom dang gsal zhugs las rnams dang // nan tur bdag po khyod la 'dud// khyod ni sangs rgyas kun gyi yab// de bzhin rgyal sras snying por 'gyur// bdag cag rnams kyis
 pa'i gnas// ma rungs 'dul gtso khyod la 'dud// e ma'o snang dang mi snang brtan g.yo la sogs chos kun nyid kyi sgyu 'phrul dra ba 'khrul la snang // bsam yas bsam dpag las 'das chos kun ngo mtshar
 rmad byung cho 'phrul sna tshogs kun du snang // rtog med mnyam nyid dbyings las ji srid 'phrul kyang dbyings las g.yos pa rdul gyi cha tsam med// don dam bden pa'i cho 'phrul kun rdzob gsang sngags che ba'i khyad
 par rmad 'byung e ma'o ngo mtshar che// zhes mgrin gcig tu gsol ba btab ste// 'dus pa'i 'khor tshogs chos rnams la la ni byang chub sems kyi mtshan nyid la sems shing cang mi smra bar 'khod do// la la ni
 dkyil 'khor rnams rim gyis dgod// la la ni lhun gyis grub pa'i gar dang phyag rgya nye bar ston// la la ni gsang sngags kyi sgo mo zab mo bsnyen sgrub pa bzhir 'jug cing mi ldog/ la la ni ngo mtshar rmad du byung
 ba'i che ba dag ston// la la ni gsang sngags kyi dam tshig snying la gnas par sdom// la la ni brtul zhugs zab mo la 'jol nyog tu rol// la la ni gdug pa'i tshogs nyen cing tshar gcod// la la ni rmugs pa
 dang / rengs pa dang / 'dod gzir dang / dregs pa rnams dang / sbyor ba'i las kyi rol pas dgyes/ la la ni nan tur gyi che ba ston cing ling long phyed// thams cad bla 'khyal ba'i spyod pa can du gyur to//
 bcom ldan 'das gsang ba mchog gi bdag po ni yum rngam pa kro d+hi'i rgyal mo dang gnyis su med par de bzhin nyid kyi dbyings la dgongs shing cang mi gsungs par gyur to// 'phags pa rgyud kyi rgyal po ye shes
 rngarnam pa glog gi 'khor lo'i mdo zhes bya ba las nan tur gyi las rim par phye ba'i le'u ste bcu drug pa rdzogs so// // rgya gar gyi mkhan po badz+ra bi shra mi tra dang zhu chen gyi lo tsA ba pa gor be ro tsa na rak+Shi tas
 bsgyur cing zhus te gtan la phab pa'o// // de nas yang smra ba'i seng ge byed pa po rdo rje kun tu bzang pos bcom ldan 'das gsang ba mchog gi bdag po de de bzhin nyid kyi ngang la mi g.yo bar brnal bzhin