བོད་ཡིག

e-texts produced with BDRC’s OCR application

bdun pa'o// rdzogs so// @#// rgya gar skad du/ kA ya tan+ta pad+ma kuN+Da la nA ma/ bod skad du/ sku'i rgyud pad+ma 'khyil pa zhes bya ba/ a pra b+han many+dzu shrI pra sa ra du sa nA ma ma hA tri/ brgyud pa gsum pa'o// bcom ldan 'das gnyis med kyi rgyal po la phyag 'tshal lo// 'di skad bstan pa'i sngon rol na/ 'di skad bdag gis bstan pa'i dus gcig na/ 'khor gyi lha dang mi dang lha ma yin la sogs te/ byang chub sems dpa' rnams phal cher rab tu nyon cig/ ces bka' stsal to// nga med pa yi sngon rol na/ de bzhin gshegs pa rnams ni mi bzhugs so// nga med pa yi sngon rol na// 'byung ba chen po lnga ni ye nas med do// 'byung ba chen po lnga med pa'i sngon rol na// sems can bya ba gdod ma nas med do// nga med pa yi sngon rol na ston pa po med do// de bzhin gshegs pa rnams kyi mes po nga nyid yin gyi/ gzhan ma yin no// rgyud thams cad kyi rtsa ba ni nga'i rig pa rang byung gi ye shes so// nga ma g.yos pa'i ngang du kun tu bzang po'i klong nas/ rang rig pa'i ye shes shar ba'i phyir/ kun tu bzang po don dam pa'i rgyud chen po yi ge med pa'i rgyud ces bstan to// de'i don ma nor bar bstan pa ni/ lung gi rgyal po mi 'gyur sems kyi lung zhes bya'o// de'i phyir dus gsum gyi sangs rgyas dgongs pas brgyud pa ni/ rdo rje sems dpa'o// ma 'khrugs pa'i sangs rgyas la/ ma byas pa'i chos bstan pa ni/ nga rdo rje sems dpas bstan te/ mi 'gyur ba'i blta ba la btsal du med par bstan pa ni/ ka dag gi ye shes rang snang ba'o// de'i phyir na chos thams cad bstan pa zhes bya ste/ dus ni rjes su 'jug pa'i dus su bstan to// de nas 'di skad ces smras so// b+ha d+hU ba tri sa d+ho ni/ brda' gsum man ngag gis bstan pa// kye ma kye ma 'khor gyi rig pa 'dzin pa rnams nyon cig/ legs par yid la zung zhig/ ston pas bstan pa'i lung ma nor ba rangs rna ba'i dbang pos nyan te/ ji bzhin pa rang snang ba'i dus na/ rig 'dzin brdas brgyud pa gsum te/ snang ba'i brdas dngos po thams cad mi rtag par ston/ byas pa'i brdas 'dus byas thams cad sgyu mar ston/ sgrub rgyud kyi brdas thog ma'i rang sa dngos bstan pa'o// tsaN+Da pa ri haM ka ra/ tri ka li ka du ra da ra/ tri tsan+ta b+ha b+ha ti ha a/ b+ha b+ha tri sa na tri na ma/ rdo rje spyan gcig pa sangs rgyas thams cad kyi dgongs pa 'dus pa ni/ gdol pa lag na ka tis ni/ tsaN+Da log spyod can la bstan no// snang ba'i brda'/ snang ba'i brda'/ byas pa'i brda'/ ma byas pa'i brda'/ nyi zla khang par bzhugs pa'i brda'o// rdo rje ltar bsgreng ba/ bu chung ltar gnas pa/ rdo rje glus bskal ba/ lag gi 'du byed pa lpags pa ltar gnas pa'o// me bzhin 'jug pa/ chu bzhin khyab pa/ sa bzhin gnas pa'o// yul rgya gar pha mtha'/ rgya nag po'i chur mtha' na/ bshan pa'i grong khyer sdig can zhes bya ba na/ rigs ngan gyi bu gdol pa lag ka ti zhes bya bas/ sems can thams cad bsad cing zos pas/ mtshims nas rang sha rang gis zos te/ der mi rnams 'phyas nas brag phug sa man ku ta lar bros nas/ sngar kho'i bshan pa'i grogs po tsaN+Da log spyod can la/ khyod ni nga'i las ka dang mthun no zer nas/ rigs ngan gyi las gyis shig zer nas/ kho rang gi 'od ma dang / ka ti dang rgyu la sogs pa byin nas/ gsod gcod kyi las byas so// de ya cha/ yul bar si na/ bram ze'i rigs kyi btsun mo mdzes ma me long can zhes pa gcig la/ yul de'i gyad pa skyes pa mi brgyad kyi chung mar gtad pas ma 'tshams nas/ rgya gar gyi chos skyong ba'i rgyal po la zhus pas/ rgyal po na re btsun mo'i me long la mda' rgyob la/ sus phog cing phigs pa gcig gis khyer cig zer nas brgyab pas sus kyang ma phog ma phred do// de ya cha/ yul dur khrod phug lung nag po zhes bya ba na/ mu stegs kha la me 'bar gyi sgo drung na/ 'tshub ma nag po gcig gi nang na/ me dmar bya pho tsam pa gcig ma shi bar 'dug zer te/ de ya cha/ yul dur khrod bsil ba'i tshal na/ rgyal po khang bzang gi bu mo 'od ldan ma bya ba gcig la/ skyes pa brgya yis chags pa spyad pas/ bu mo'i 'dod pa mtshims zer te/ de ya cha/ yul bya rgod phung po'i ri'i nam mkha' la me long gcig gi nang nas nyi ma gcig shar zer te/ de ya cha/ de nas gdol pa lag na ka tis se gol gtogs te/ nam mkha' la gzugs kyi sku bstan te/ pa ra si ti kaM zhes bya ba'i sgra byung nas mi snang ba'i ngang du gshegs so// der byang chub sems dpa' brgyal te snang bar gyur nas gnyis su med par thim pa'i dus na/ rtog pa skad cig mar grub bo// nam gro gcig tu brgyal te/ sangs tsa na de nyid de bzhin no// rdo rje sems dpa' 'gyur ba med pa mi 'gyur nam mkha' spungs zhes bya ba/ rig 'dzin brda'i brgyud pa// sgra zad log tu bstan pa rdo rje spyan gcig pa'o// pad+ma 'khyil pa'i rgyud/ brgyud pa gsum pa zhes bya ba las/ dus gsum gyi sangs rgyas dgongs pas brgyud pa dang / rig 'dzin rnams rig pa brdas brgyud pa bstan pa'i le'u ste dang po'o// // Ar+ya pradz+nyA tsak+Shu rany+dza pa tsa tan+t+ra na ma/ de nas rin po che gser mig la sogs te/ don skor lnga'i man ngag gsungs pa ni// bcom ldan 'das mnyam pa'i chos nyid zhi ba las ma g.yos kyang / thugs rje chen po'i byin rlabs kyis gzugs kyi sku dpal rdo rje sems dpa' lta bur sprul pa ste/ thams cad mkhyen pa'i ye shes rtogs pa mngon du gyur pa ni gdams ngag rnam pa gnyis su 'dus te/ de mtshon par byed pa gdams ngag rnam pa lnga tshig dang yi ge'i sgo nas bstan to// dbang po rab 'bring tha ma'i dbang du dgongs nas nang skor dang gsang skor rnams/ kha skong dang bcas pa ni bla ma'i zhal dang dkyus su sbyar nas bshad do// slad kyi tshig gnyis kyis zhus len gyi sgo dbye/ gzhung gi tshig bzhis man ngag gi klong brtol/ mjug gi tshig gsum gyis rtog pa'i rgya bcad/ che ba'i ye shes thun mong min pa'i phyir bka' rtags kyi phyag rgyas gdab/ da ni gser mig dril te bstan pa ni/ gser mig rang la bcar te bshad/ mchod rten la khri 'phang dgur byung ba ni/ theg pa dgu'i rtags so// bum pa man chad ni rgyu'i chos te nyan thos so// bre phul dang srog shing yan chad ni/ 'bras bu'i chos te byang chub sems dpa'o// 'khor lo yongs su rdzogs pa ni bla na med pa ste a ti yo ga'o// bkra shis sgo mangs ni theg pa'i sgo bsam gyis mi khyab pa'o// me long ni ye shes bzhi'o// dril bu ni gsung 'gag pa med pa'o// rin po che ni yon tan no// dar dbyangs ni mnyen 'khril pa ste/ sems can gyi don la chags kyang skyon med pa'o// bya ru ni rgyal mtshan gyi rtse mo la nub pa med pa'o// tog ni mi 'gyur ba'o// tha snyad kyi dbang gis yang dag par gdags su yod pa dang / gdags pa tsam du yod pa gnyis las/ yang dag par gdags su yod pa ni chos kyi sku yin la/ gdags pa tsam du yod pa ni don spyi'i rnam pa'o// stong pa la rnam pa gnyis te/ dngos po la stong pa dang / dngos po med pa la stong pa gnyis/ dngos po la stong po ni don spyi'i rnam pa'o// dngos po med pa la stong pa ni chos kyi dbyings so// yod pa la rnam pa gnyis te/ yang dag par yod pa ni chos kyi sku'o// bden pa la gnyis/ kun rdzob kyi bden pa dang / don dam bden pa'o// kun rdzob kyi bden pa ni rmi lam lta bu'o// don dam pa'i bden pa ni mi 'gyur ba'o// sgron ma rnam pa lnga ni sgo lnga'i rnam par shes pas gsal ba'i ngo bo ste/ stong pa'i tshig drug la rgyas btab pas chad pa'i mtha' bsal lo// stong pa sgron ma lnga la rgyas btab pas/ rtag pa'i mtha' bsal ba'o// rig pa chos kyi sku la rnam par rtog pa'i bag chags kyis bslad pa'i shes pa la sems zhes bya'o// de las yid dran byed kyi tshor ba la sogs te/ yid bzhi gcig tu 'dus pa la kun gzhi zhes bya ste/ de la sgo lnga'i rnam par shes pa la brten nas bag chags sbyong ba'i phyir/ kun gzhi'i rnam par shes pa zhes bya ste 'khor ba'i rgyu kho na'o// kun gzhi kun gyi gzhi yin te/ rnam par byang ba'i rten ma yin/ bag chags dang bral ba'i shes pa ni/ rang so la 'dug pa'i dus na chos kyi sku zhes bya ba bag chags dang bral ba'i shes pa la yul skye ba'i dbang du byas pa'i tshe na/ chos kyi sku'i ye shes zhes bya'o// de ma yin pa rnams la ni/ lta ba'i dngos po gsum la/ ma spangs gnas su dag pa ye shes 'od kyis ma btsal/ rang las rnyed pa nor bu rin po che/ gzhan gyi 'od la ma brten ye shes nyi ma rang la shar/ shar ba nyid na nub pa med/ lta ba'i rgyab rten gsum la/ rgyu las ma byung ba'i 'bras bu/ lung la ma brten pa'i man ngag/ sems las ma byung ba'i sangs rgyas so// bsgom pa'i dmigs drug la snang la rang bzhin med pa nam mkha' chen po yin/ cir yang bskur du btub pas sprul pa chen po yin/ mthong rtogs sgyu ma'i rang bzhin rnam rtog cir mi bsam/ bsam pa kun spangs ye shes mtsho mi g.yo/ de'i ngang las ma bskyod lhan ne zhog/ lhan ne lhang nger bzhag na mnyam pa chen po yin/ lus mi bskyod/ ngag mi brjod/ sems sgo drug 'khrul pa yul las 'das nas/ yul spros pa dang bral ba ni bsgom pa'i don to// lta ba kun tu bzang po khams gsum thig ler btab// spyod pa kun tu bzang po 'khor ba bde bar spyod// dam tshig kun tu bzang po ye srungs gdengs dang ldan// phrin las kun tu bzang po ma btsal lhun gyis grub// mdo drug la/ ngo bo nyid chos kyi sku dang / ye shes chos kyi sku dang / gnas lugs dang / snang lugs dang / chos kyi mthar gtugs pa dang / man ngag gi klong rdol ba'o// man ngag klong rdol ba la gnyis te/ yon tan gyi sku'i klong rdol ba dang / man ngag gi mdo drug gis ye shes kyi ma bu sprad do// dang po 'khor ba thog ma med pa'i gnas lugs nas/ gser mig dbus su rdzogs par bstan pa ni/ gser mig kho na smra ba'i tshig go/ rin chen gser dang 'dra ste kun la dkon/ ye shes mig dang rtag tu 'grogs te/ de phyir gser mig zhes kyang de la bya/ pad+ma 'khyil pa'i rgyud las/ rin po che gser mig gi man ngag bstan pa'i le'u ste gnyis pa'o// // de nas 'khor ba'i grub tshul 'di dag bka' stsal te/ dbyings ni 'gyur ba med par gnas// gsung rtog gang gis bsgyur min gnas// 'od gsal sgyu lus snang ba dang // de ni rang bzhin rang shar gnas// rtog bcas ye shes rang rig ni// mi rtog ye shes bde chen gnas// yid kyi rnam rtog du ma las/ rten 'brel bcu gnyis srid rtsa bton// gling bzhi ri rab srid gsum bcas// yul du shar bar chags nas srid// bag chags lus ni sna tshogs pa// 'gro ba drug tu snang ba'o// rdo rje sems dpas mkhyen pa ltar// sems kyi bzhag thabs dbugs dbyung ba// blo brtan bsgom pa brtan mi brtan// bco brgyad bdud dang skyon shar yang // bsgom pa'i phyogs snang skyon las grol// 'khrul par shes nas rang rig dang // bde ba mi rtog thams cad mkhyen// rtsal du shes oM AHhUM// sku gsum bcom ldan rdo rje 'chang // 'khor ba grub tshul shes pa ni// 'khrul gzhi de nyid bzlog pa'o// de nas 'chi ka ma las kyi rin po ches 'khor ba'i mtha' bcad pa skye ba'i sgo dgag pa'i thabs mchog tu gsungs pa/ bdag nam 'chi ba'i tshe rlung rnam pa lnga rim gyis zhi nas/ phyi'i 'byung ba lnga nang gi 'byung ba lnga la thim nas/ nang gi 'byung ba lnga yum gyi mkha' klong rnam pa lnga la thim/ yum lnga rigs kyi yab rnam pa lnga la thim ste/ yab lnga so so'i yig 'bru lnga la thim nas/ yig 'bru lnga ye shes lnga la thim/ ye shes lnga 'od kyi gong bu tshon gyi gru gu bsdogs pa bzhin gnas so// de'i rlung gis bskyod nas// g.yas g.yon du 'byung ste/ 'chi kha ma'i gdams ngag dran par byas la/ mdzub mo g.yon pa'i bre ga la yi ge a gcig bsams nas g.yon dgag par bya'o// de'i dus su phyir mi ldog pa'i gdams ngag dran par bya'o// byang chub sems dpa' khyod lam du 'jug pa'i tshe/ gsang ba sgo dgu'i gnad dgu la// yi ge ma bu'i sbyor bas dgag/ gsang ba'i sgo dgu'i gnad dgu ni// snying ga lkog ma'i kha phyogs dang // mig gnyis dang ni rna ba dang // nor bu sna yi rtse mo ru// sngags bris pa ni gdags par bya// bsam par bya ba don la gsungs// da ni gsang ba'i sgo gsum dbye// 'jug pa de yi thor to nas// tshangs pa'i skud pa sum bsgril la// bdag nyid lha yi srin lag la// btags te sngags 'di stong bzlas na// bcu gnyis bcu gnyis phyi sgo nas// bdag nyid ye shes sems dpa' nyid// me long lta bu'i gzugs brnyan ni// oM badz+ra satwa hUM// gsung gi sgra yis bos pa'i tshe// bdag dang gnyis med thugs kar thim// skye ba med pa'i lam bstan pa'o// rig pa lu gu rgyud du drang ba ni// gang zhig gnas nas thon pa'i tshe// sgo gsum sgo gsum sgo sprad de// dbugs re hUM res rngub par bya// mjug gi hUM ni a ru thim// a ni skye med chos kyi sku// chos nyid rnam dag dang du bstim// de la gnyen pos bshig tu med// de ni yang dag rdzogs pa'o// 'chi ka ma las kyi rin po che rig pa lu gu rgyud du drangs pa'o// rigs kyi bu nam 'chi ka ma'i dus kyi tshe// sangs rgyas nyag gcig rjes su dran par gyis shig/ skye ba'i sgo as kha khog cig/ gzung 'dzin zhing khams la sbyor cig/ yi ge gsum gyi don khong du chutshud cig/ lam chen 'byung ba'i tshe ri dwags lta bur shes par bya'o// rigs kyi bu bar ma do'i shes pa la bdud kyi bslu ba bco brgyad 'byung ngo // sku lus kyi phung po a la zlog cig/ rnam par rtog pa hUM la zlog cig/ snang ba'i spyod yul thams cad rang byung gi ye shes chen po la zlog cig/ rig pa shes rab chen po la zlog cig/ shes rab kyi mdas bag chags kyi gnyid sad par bya'o// 'od snang ba'i dus su phyi mi ldog pa'i gdams ngag smras pa/ rigs kyi bu ye shes kyi bden pa mthong ba'i dus su/ shes rab mkha' las gsal ba'i dus na/ 'ub chub ting nge 'dzin gyi rgyas thob cig/ ye shes lnga'i 'od snang ba'i dus su/ rin po che a'i rgyas thob cig/ sangs rgyas kyi zhing khams snang ba'i dus su/ rdo rje lta bu'i ting nge 'dzin gyi rgyas thob cig/ ces gsungs so// pad+ma 'khyil pa'i rgyud las 'khor ba grub tshul dang / rgya mdud gsum pa'i le'u ste gsum pa'o// // de nas za 'og ber khyim dang theg pa'i 'khrul 'khor gsungs pa/ thog mar ma rtogs 'khor ba ma byung / rtogs pas sangs rgyas ma byung ba'i sngon rol/ sgrib gnyis sbyangs shing tshogs gnyis bsags nas sangs rgyas pa'i/ sangs rgyas kha mig snang ba can du btags pa ni cang mi bzhugs so// 'o na gang zhe na/ rig pa kun tu bzang por sangs rgyas te/ ngo bo rang bzhin thugs rje rnam pa gsum du gnas te/ pha'i rgyu dang ma'i rkyen gyis ma byas te/ rang byung lhun gyis grub pa'o// sangs rgyas dang sems can dbyings gcig pa zhes bya ste/ de ni 'khrul gzhi'o// 'khrul gzhi las 'khrul pa dang / ma 'khrul pa byung ba ni/ sems can 'khrul nas lus ngag yid gsum du gnas pa'i dus na yang / ngo bo rang bzhin thugs rje gsum gyi chos nyid las ma 'das pa'o// rtogs te sangs rgyas sku gsung thugs mthar phyin kyang / ngo bo rang bzhin thugs rje gsum gyi chos nyid las ma 'das so// de ltar chos kyi sku'i 'khor ni rang byung ye shes te/ sgo lnga yid dang drug ni rang byung ye shes kyi 'khor zhes bya ste/ yid kyi thog mar rtog byas su ma byung / rtog med du byung ba'i phyir/ yid rang byung gi ye shes zhes bya'o// don de ltar sangs rgyas yin pa las/ 'khor ba ji ltar byung zhe na/ 'khrul gzhi yod pa las 'khrul pa byung ste/ chos sku dngos po med pa las/ ngo bo gzugs brnyan du snang ba dang bcas par snang ste// de// yang phyogs gcig tu rgya chad pa med pas/ snang ba bsam gyis mi khyab pa khyab gdal du gnas pa las/ yid 'grogs te 'di las nga byung ngam/ nga las 'di byung snyam pa'i bsam pa de tsam byung ba las/ sems can zhes bya'o// de yang 'khrul gzhi la yang gnyis te/ nang gi 'khrul gzhi ni chos kyi sku'o// phyi'i 'khrul gzhi ni chos sku las tha mi dad pa'i chos kyi dbyings so// nang du chos kyi sku ngo ma shes pas 'khrul pa ma rig pa'o// phyi'i 'khrul gzhi ni chos kyi dbyings la/ 'khrul pa ni yul tha dad par blta ba'o// de las 'khrul pa tha dad par bstan te/ chos sku ye nas sangs rgyas kyang // ma rig pa yi rgyu tsam yin// de la yid dran byed g.yos nas// kun tu tshol ba'i yid kyis btsal// gtan la 'bebs pas legs par phab// nges par 'jog pas bzhag nas bag chags skye/ las sna tshogs kyis phung po nyid mtshams sbyar te rigs drug tu 'khor ro// de ni nyon mongs pa'i bdud yin no// nyon mongs pa'i yid ma dang 'dra/ yid kyi rnam par shes pa pha dang 'dra'o// sgo lnga bu dang 'dra ste phung po'i bdud yin no// de las 'khrul pa ldog par bstan te/ ldog pa'i rgyu ni thig le dang rtsal te/ rkyen ni me long la brten nas bzhin mthong ba bzhin du/ rdo rje slob dpon gyis rtag par mthong ba'i don slob ma la bstan pas de'i don rtogs ma thag tu ye shes skye'o// lung bstan rkyen gyis 'khrul pa bzlog/ 'khrul pa log na ye shes skye/ nyan thos dang rang sangs rgyas dang byang chub sems dpa'i mdo sde dang kri ya dang u pa ya dang / yo ga'i don dang / ma hA dang / a nu'i theg pa brgyad kyi lha sgom las khyad par du gyur pa/ a tis gnas lugs chos sku ston/ lha'i bu'i bdud bcom mo// thig le rtogs pa'i lam ni/ lam la gnas pa/ lam gyi stobs/ lam gyi 'bras bu ni/ chos kyi sku ye shes rang snang dang / longs sku rigs lnga/ sbrul sku thub pa drug gis ni/ 'chi bdag gi bdud bcom mo// nang rig pa chos kyi sku dpe'i sgo nas don mtshon par bya ste/ de yang phyogs kyi chos drug gnyis kyis bstan te/ nam mkha' rdo rje a dang gsum// pad+ma nyi ma rgya mtsho'i 'jing // ri bo seng ge glang po che// bya rgod thi ba 'phur skyen gsum/ yon tan so so'i dpe ru bstan// de ltar dpe'i sgo nas rig pa chos kyi sku rtogs pas/ nyon mongs pa'i sgrib pa bsal te/ lta ba rnam rtog ye shes su ldan pa zhes bya'o// de ltar nang rig pa chos kyi sku yin phan chad/ yul chos kyi sku'i snang ba ste/ dper na nyi ma las 'od dang / yid bzhin nor bu las dgos 'dod dang / rgya mtsho las rlabs bzhin chos kyi sku dngos po dang kha dog dang / dbyibs su ma grub pa'i phyir ro// rig pa'i rgyud las/ yul ni snang la rang bzhin med ces bya ste/ de yang mig la sogs pa sgo lnga'i dbang du bya ste/ rtogs rung ma rtogs rung / sangs rgyas rung ma rgyas rung snang ba'o// de yang sems ni snang la dngos por 'dzin pa'o// shes pa ni phyin ci ma log pa ste/ thig le'i rtsal thig ler gcig pas/ phyi nang du bsdus te thig le la brtag pa de ltar thig le la brtags pas/ dngos po kha dog ji lta bur yang ma mthong ba'i phyir ro// chos thams cad nam mkha'i dkyil ltar rtogs te/ rang bzhin med pa zhes bya'o// de ltar thig le'i rtsal thig le las tha mi dad par rtogs pa de nyid las/ snang ba'i las bsam gyis mi khyab pa zhes bya/ chos kyi dbyings kyi ye shes zhes bya/ don des shes bya'i sgrib pa dag nas/ ma sbyangs bzhin du sgrib gnyis byang / ma bsags bzhin du tshogs gnyis rdzogs zhes bya'o// de ltar chos nyid yul du byed pa ni/ log par blta ba'i rgya mdud bcad pa zhes bya'o// snying po byang chub nyid du song bas lta ba gza' gtad dang bral ba zhes bya/ thig le rtogs pa'i ye shes thig le nyid kyi ngang du thim ste/ chos sku ji bzhin du gnas pa'i ngang nas/ ye shes mnyam par bzhag pa dang ma bzhag pa las 'das pa'o// de ci'i phyir zhe na/ 'bras bu rang yin par thag chod pa'i ye shes/ thig le rgya mtsho dang 'dra ba'i nang du ye chud pa'i phyir ro// ye shes thams cad kyi sngon du 'gro ba'o// de rtogs pa'i ye shes de nyid mi bsgom ste/ bsgom pa'i blo dang bral nas chos sku rang lugs su gnas pa'o// thig le chos kyi sku la rtog pa med pa ni/ bsgoms nas med pa ma yin te/ de thog ma nas kyang med la/ da lta yang mi skye phyis kyang mi 'byung ba'i phyir ro// ting nge 'dzin gyi gzhi nas 'phags pa zhes bya/ byas zin pa'i chos la byar med de a nu man chad/ 'bras bu lam du gyur pa yin no// 'dir a titeti 'bras bu nyid kyi ngang la gnas pa'i phyir/ de bzhin gshegs pa'i bsam gtan zhes bya ste/ sangs rgyas ngang la gnas pa'o// thog mar rtogs pa yang chos kyi skur rtogs la/ bar du gnas pa yang chos kyi sku'i nang du gsal/ tha ma 'bras bu yang chos kyi sku nyid las gzhan du ma gyur pas/ phyis kyang de las mi 'gyur ba/ dus gsum 'pho 'gyur med pa ni/ rdzogs pa chen por la bzla ba'o// don chos nyid las ma g.yos na/ lus ngag yid gsum gyi spyod pa ci byas kyang / 'bras bu la mi re ba'i phyir kun tu bzang po'i spyod pa zhes bya'o// 'khrul gzhi'i don lnga pa zhes bya ba// za 'og ber khyim gyi dgongs pa gsungs pa'o// de nas theg pa'i 'khrul 'khor gsungs/ mun pa'i 'khor sgor byung ba ni/ rtag pa'i lta ba dang / chad pa'i lta ba mu stegs pa'o// spyod pa'i 'dren sgor byung ba ni/ nyan thos kyi lta ba dang / bsgom pa dang / spyod pa dang / 'bras bu'o// rang rgyal gyi lta ba dang / bsgom pa dang / spyod pa dang / 'bras bu'o// sems tsam gyi lta ba dang / bsgom pa dang / 'bras bu'o// dbu ma pa'i lta ba dang / bsgom pa dang / 'bras bu'o// thabs sbyor sgor byung ba ni/ kri ya'i lta ba dang / bsgom pa dang / spyod pa dang / 'bras bu'o// yo ga'i lta ba dang / bsgom pa dang / spyod pa dang / 'bras bu'o// thabs kyi nges pa'i gsang sgo ni/ ma hA'i lta ba dang / bsgom pa dang / spyod pa dang / 'bras bu'o// a nu'i lta ba dang / bsgom pa dang / spyod pa dang / 'bras bu'o// rdzogs pa chen po'i lta ba gzhi'i don// ye nas lhun rdzogs bde ba chen po'i ngang // spros med mkha' la nyi shar bzhin du gnas// pad+ma 'khyil pa'i rgyud las/ thig le'i 'khrul 'khor za 'og ber khyim gyi le'u ste bzhi pa'o// // de nas man ngag gi tshig gsum gsungs so// dang po 'khor 'das chos rnams kun// rang bzhin lhun grub bcing grol med// ngo bo nyid ni chos kyi sku// ji bzhin pa yi rdo rje 'chang // rang du rtsal shar de las gyes// ma rtogs yul sems yul gsum yang // 'gro ba drug tu snang ba kun// chos kyi sku las g.yos pa med// rnal 'byor dbang phyug chen pos rtogs// rdo rje sems dpa' thugs rig pa// kun bzang ye nas rdzogs sangs rgyas// ma bcos ngang du rang sa zin// 'khyags rom chu ru zhu ba 'dra// tha ma rang sar sleb pa ni// lus nyid ye shes spyan gyur pas// ye shes mig gcig dri ma med// ye shes lus can sangs rgyas sku// yul grol chos kyi dbyings na gnas// lus grol ye shes chen po la// sems grol rig pa chos kyi sku// rnam grol gsum la mkhas pa yin// dang po bar dang tha ma gsum// chos sku thig le nyag gcig gnas// shin tu sad pa sad pa'i bdag/ rdul med rdul bral dri ma med// pad+ma 'khyil pa'i rgyud las/ man ngag tshig gsum gyis sku gsum thig le nyag gcig tu bstan pa'i le'u ste lnga pa'o// // de nas dus mnyam pa chen po gsungs so// 'das pa'i dus ma byon pa'i sngon rol na/ sangs rgyas nyag gcig ces bya ba/ rgyus ma byas rkyen gyis mi 'jig pa/ 'od dang 'od kyi tshul du gnas pas so// khams gsum 'khor ba'i sems can rnams/ dang po ga nas 'ong / sangs rgyas nyag gcig nas 'ong / da lta ga na gnas/ nyon mongs pa lnga la gnas/ tha ma gang du 'gro/ sangs rgyas nyag gcig tu 'gro/ yang dag pa'i 'khrul gzhi bcad pa zhes bya'o// dus mnyam bdun pa'i man ngag las// dang po 'khrul gzhi rtsad nas chod pa dang / bar du 'khrul pa gzhi las log pa dang / tha ma sangs rgyas pa dang gsum du mnyam mo// rdo rje sems dpas zhus pa/ bdag sangs rgyas pas chog gam zhe na/ mi chog ste thugs rje 'byung dgos so// thugs rje 'byung ba'i dus ci ltar lags/ bka' stsal pa/ thugs rje de la gnyis te/ thun mong dang thun mong ma yin pa'o// thun mong ni 'dus pa'i ngo gang ngo // thun mong ma yin pa ni byin gyis rlabs las 'byung ba ste/ des ni bdag dbugs chad pa dang / ye shes kyi snang ba dag pa dang / gzugs sku gnyis byon pa dang bzhi dus mnyam mo// longs sku mi 'gyur ro// sbrul sku 'gro drug la re re 'byung ba ni nyi ma'i zer lta bu'o// de yang dper na nyi ma dang 'od bzhin no// rdo rje sems dpa'i spyan gyi rnam dag gsungs pa'o// thugs rje chen po yang dag par rdzogs pa'i sangs rgyas thams cad kyi lam gang lags/ man ngag thams cad kyi don gyi phugs gar gtugs// sangs rgyas thams cad kyi dgongs pa'i mthar zug pa'i tshad cis bzung / rtsol ba dang bral ba'i skabs ji tsam na lags/ zhes rdo rje sems dpa' nyid la nyid zhus so// de nas yang rdo rje sems dpas chos nyid kun tu bzang po'i klong nas/ nyid la nyid lan btab pa/ sangs rgyas thams cad kyi lam ni gnyis dngos gzhi rnam pa lnga'o// man ngag thams cad kyi don gyi phugs ni sangs rgyas nyag gcig tu 'dug go/ sangs rgyas kyi dgongs pa mthar thug pa'i tshad ni sems rig pa'i dbang du 'dus pa'o// rtsol ba dang bral ba'i skabs ni mi mnyam pa'i spyod pa klong du brdal ba'o// rdo rje sems dpa' thugs rnam par dag pa gsung ngo // rdo rje sems dpa'i man ngag gi lung nges pa 'di la gsum ste/ snying po la snying po shar bas snying po khyab gad la/ mi 'gyur ba klong yangs pas mtha' dbus su bsdu'o// dbus rgya ma chad pas 'bras bu dka' thub dag pa'i ye shes rang snang ngo // de'i phyir phugs gtib bo// rtser chi ba lhun gyis grub/ 'khor ba logs na med/ rtsa banyag gcig tu zag bcad/ rdo rje sems dpa'i gsung gi rnam par dag pa'o// pad+ma 'khyil pa'i rgyud las/ dus mnyam bdun pa'i le'u ste drug pa'o// // de nas yang rdo rje sems dpa'i skye rgyud gsungs pa/ chos sku mkha' 'gro gzugs sku mdzes dgur ldan// gzung 'dzin rtog med cir yang sa le mkhyen// kun mkhyen 'gag med ye shes nam mkha' 'dra// bya bral lhun rdzogs ma bcos bde ba'i dang // ngo bo nyid la gnas pa yin// mkhyen pa'i ye shes sku mnga' ba// ma bcos mkha' 'dra lhun rdzogs sku// mi bskyod dbyings nas rang byung bas// sangs rgyas rin chen za ma tog/ tshig gsum 'byung ba bzhi yi gter// gzhan gyis ma yin rang byung sku// snying po khyab gad la mnyam pa'i dbyings// snang ba chos nyid ma bcos bzhi// 'gags med me long ye shes gzhal yas khang // snang med mkha' la 'ja' tshon sku// tshig gsum snang ba'i chos nyid ni// sangs rgyas rin chen za ma tog/ thog mar sangs rgyas ngo sprad/ bar du tshig dang bcad/ tha mar ye shes la bzla/ thog mar rgyus ma byas pas/ da lta 'bras bu gzhan la mi re/ dang po rkyen gyis 'khrul pas/ da lta rkyen la rag lus/ tha ma rkyen gyi sa gzhi bslangs nas 'khrul pa gzhi la ldog go/ rgyu'i rkyen/ bdag po'i rkyen/ dmigs pa'i rkyen/ mtshungs pa de ma zag pa'i rkyen/ rkyen gyi 'bras bu rgyur shar/ yang rkyen gyis rgyu 'bras bur slongs/ rkyen gyis chos sku ma rig par 'khrul/ rkyen gyis ma rig pa rig par shar/ sems can dang sangs rgyas dbye ba'i dus su byin gyis brlabs/ bshad pa yang rang rig pa'i shes rab kyis bshad pas/ byin gyis brlabs kyis bshad pa'o// kun tu bzang po ni sems can thams cad spyir thun mong du khyab cing gnas pa'i ye shes so// de ni chos kyi sku zhes bya'o// rdo rje sems dpas kun rig cing mkhyen pas/ kun rig rnam par snang mdzad ces bya ste/ longs spyod rdzogs pa'i sku'o// rdo rje sems dpa'i skus dngos su chos bstan pas/ sprul pa'i sku zhes bya'o// byin gyis brlabs pa'i bshad dus ni/ rdo rje sems dpa' rang dbang thob pa'i dus su/ chos nyid ma dang 'phrad pa'i dus ni/ len ma myong ba'i lus blang / mthong ma myong ba'i yul mthong / shes ma myong ba'i gtam shes pa'o// de nas 'khor ba'i ru bzlog/ sdug bsngal gyi bye brag nor bu rin po cher bsgyur/ 'khor ba'i 'dam rdzab rdo rje'i rdzong bcas pa'o// rdo rje sems dpa'i skye rgyud gsungs pa'o// de nas dpal rdo rje sems dpa'i lus kyi kun gzhi'i man ngag 'di ston pas 'gro ba la gsungs so// dran pa thams cad kyi gzhi rig pa'i ye shes spros la med pa'i thig le'i rten ni 'od kyi tshul du gnas so// de la che'i rten gnas pa ni/ tsit+ta rin po che gur phub pa bzhin gnas te/ de yang dper na sgra dkar nag phub pa ltar gnas so// rtsa thams cad ni thag pa brgyangs pa ltar gnas so// lus kyi bag chags kyi kun gzhi la/ las kyi dbang gtso bas tshe'i tshad nges pa med do// de la dbang sems dran byed tsit+ta'i dkyil 'khor rang re'i tshon gang 'od kyi thig ler gnas so// de ji ltar gnas na/ gser gyi sbu gur rin po che'i se'u bcug pa ltar gnas so// de ni chos kyi sku'i gnas sam rten yin te/ shes rab kyi gting zab cing phra ba yang de'i cha las 'byung / nyon mongs pa'i yid rgyun 'dab sbyar du 'byung ba yang / sgo lnga la brten nas 'byung ba ni/ kun gzhi la sgo lnga brten pa'i phyir ro// de'i mtshan nyid rtogs par bya ba ni shin tu gces so// gnyis su med pa'i ye shes rang byung du shar ba ni ma rtogs/ glo bur rgyud las byung ba'i blos log par brtags pa ma rtogs pas/ srid pa gsum du 'khor zhing rgyud drug tu smin no// des tshe rabs thog ma med pa nas bsags pa'i bag chags kyis bsgribs/ rnam par smin pa'i rgyu mthun pa'i 'bras bu gos dreg gam/ sa la kha ba babs pa bzhin brtsegs pas// gzhi chos kyi sku la kun gzhi rnam par rtog pa'i bag chags kyis bslad de/ shes rab kyi gting zab cing cha phra ba ni brtag dka'/ nyon mongs pa rags shing yul du snang ba'i dbang gis khams gsum du 'khor/ rig pa dran byed kyi shes pa ni 'od kyi tshul du gnas so// tshad ni nya'i mig tsam mo// de las drod kyi dngas ma rdul tsam/ de las khrag gi dngas ma de las dbugs kyi dngas ma chags so// khrag gi dngas ma'i kha dog kyang / mtshal lcog la ma bcag pa 'dra ba/ che chung gi tshad ni bye'u len pa'i mgo tsam mo// de la nyon mongs pa 'dod chags rgyu'o// dbugs kyi dngas ma drod la gnas pa ni/ drod ni kha dog dang rdzas su su ma grub bo// drod che chung gi tshad ni gser sa 'og tu bcug pa'i rlangs pa tsam mo// de la nyon mongs phrag dog rgyu'o// dang po shes pa dran byed kyi tshor ba las/ rang byung gi ye shes shar ba la/ chos nyid rang byung gi rtsa zhes bya ste/ de yang sgo lnga la brten pa'o// de la 'dzin pa'i nyon mongs pa gang yang ma skyes pa ni/ gnyis su med pa'i ye shes kyi sa zhes bya'o// nyon mongs pa'i rgyun 'dab sbyor du skye ba'i dbang gis shes pa glo bur du 'char bas/ glo bur rgyud las byung ba'i rtsa zhes bya'o// glo bur des skyon dang yon tan dbye bas/ skyon yon dbang po dngas byed kyi rtsa zhes bya'o// rtsa thams cad kyi dngas ma btus pa de yang / kha dog ni dar dkar gyi skud pa dang 'dra ba/ sbom phra'i tshad ni rta rnga'i nyag ma gcig bcur gshegs pa tsam mo// de la nyon mongs zhe sdang rgyu'o// sems can thams cad la de bzhin du gnas pa ni rdo rje sems dpa' ngas me long gi gzugs brnyan snang ba bzhin snang ste/ rtogs pa'i dus na shes rab gting zab cing / cha phra ba de bzhin du snang ngongo// ma rtogs pa'i dus na snying rdzing bu ltar gnas/ brag chu ltar gnas/ rtsa phur pa ltar gnas/ nang 'du ba rnam bzhis gzhi byas nas/ rkyen phra mo bsam gyis mi khyab par 'byung bar mkhyen pas/ sman lngas nad lnga zhi ba dang / gtar ba dang / bsreg pa dang / bkru ba dang bzhi bstan pa ni/ rdo rje sems dpas bstan to// sems can na ba rnams la ni mi rtog pa'i ting nge 'dzin dang / chos spyod dge ba bcu bstan pa'o// blta ba'i dngos po de bzhin nyid gdod ma nas sgrib g.yogs dang bral ba ni/ sngon byung gi sangs rgyas rtogs pa'i ye shes khong nas shar ba ni rjes 'jug gi sangs rgyas so// zhes sman gyi bla bai DUr+ya'i 'od kyi rgyal po la phyag 'tshal ba ni mi 'khrugs pa'i sangs rgyas la ma byas pa'i chos bstan pa'o// zhes rdo rje sems dpas lus kyi kun gzhi gsungs so// de nas rdo rje sems dpa'i man ngag tshig gsum gyis snod bcud kyi chags lugs bstan te/ rig pa rang byung gi skad cig ma/ rgun 'dab sbyor skye ba'i dbang gis/ shes pa brgyad mar byung ba ni gzhi ste/ chos dang bag chags gnyis med 'bras shing mtshungs/ rgyu gcig pa dang 'bras bu'i tshul byin gyis brlabs pa dang / mngon sum pa'o// de'i dus ni 'jig rten skos kyi bdag gis snod bcud dus kyi cha bzung ba drug ste lo zla ba gnyis/ zhag za ma gnyis// dus tshod tshes grangs gnyis te drug go/ 'jig rten gyi mes po rnams ni/ khyab 'jug dang tshogs bdag gnyis/ 'jig rten gyi phyi mo gnyis ni/ gzhon nu ma dang dbang mo gnyis/ yod par byed pa nor gyi lha dang / med par byed pa biSh+Ta rA dza gnyis drug go/ de rnams kyi pu Na ka sid+d+ha'i nags tshal du/ mkhyen rab kyi bdag po 'phags pa 'jam dpal la zhus te/ many+dzu shrI lte hu li ka hI/ d+ha rA dza ba ri many+dzu shrI b+h+yaH/ zhes zhus pas/ d+ha hu li kang ko ra li sa d+ha na da ra na hi/ zhes lung bstan to// man ngag tshig gsum gsungs pa'o// de nas rdo rje sems dpa' sku gsum bsre ba'i man ngag gis chos thams cad ye shes kyi snying po la la bzla ba ni/ rig pa rtsal gyi sgo nas ye shes yon tan du bstan pa dang / ye shes yon tan gyi sgo nas thugs rje'i rtsal snang ba bstan pa'o// chos kyi sku rig pa'i rtsal ma 'gags pas me long lta bu'i ye shes so// de la 'pho 'gyur med pas mi 'gyur ba'i sa// chos kyi sku thams cad mkhyen pa'i spyan dang ldan pas sangs rgyas spyan zhes bya'o// chos kyi sku shes rab mi g.yo bas/ mnyam pa nyid kyi ye shes de thugs rje'i rlan dang ma bral bas chu thams cad la thun mong du khyab pas ma zhes bya ste mA ma kI'o// chos kyi skus kun la khyab pas sor sor rtogs pa'i ye shes/ ye shes des thams cad la skyob par byed cing thugs rjes ma smin pa smin par byed pas me/ sems can gyi lus la drod khyad par gnas pas gos dkar mo zhes bya'o// chos kyi sku la thams cad mkhyen pa'i ye shes ma btsal bar lhun gyis grub pas bya ba grub pa'i ye shes/ ye shes de'i thugs rje'i dbang gis thams cad bsgral bas rlung / phyir mi ldog pas dam tshig sgrol ma zhes bya'o// chos kyi sku la ye shes yongs su rdzogs pa chos kyi dbyings kyi ye shes/ ye shes des kun la khyab pas thams cad kyi gzhi ma lta bu de nam mkha'/ chos nyid de dus gsum mi 'gyur bas kun tu bzang mo zhes bya'o// des chos kyi sku zung lnga ya bcu dang ldan pa ste/ rtsal gyi sgo nas yon tan du bstan pa'o// yon tan gyi sgo nas rtsal bstan pa ni/ longs spyod rdzogs pa'i sku lnga las/ rigs re re la 'dul ba'i 'khor/ ngo gang so so tha dad par 'byung bas na/ dper na nyi ma'i snying po gcig las yul gyi dbang du tshims pa lta bu ste/ yul re re na nyi ma re re snang ba dang 'dra ste/ de bzhin du chos kyi sku gcig gis kun la khyab par bstan pa ni/ yon tan gyi sgo nas rtsal bstan pa'o// rdo rje sems dpa' sku gsum bsre ba'i man ngag gsungs so// sarba ta thA ga ta kra thi/ de nas sangs rgyas thams cad kyi thugs ye shes rtse gcig pa'i snying po ni/ sku gsum lhun grub kyi man ngag gi bcud phyung ba'o// ye shes kyi spyan yongs su rdzogs pa'i man ngag thams cad mkhyen pas gsungs pa/ gzung 'dzin dang bral ba'i rig pa'i ye shes/ mtshan ma dang bral ba'i chos nyid kyi mkha' la khyab gad la/ chos nyid kyi snying por rig pa'i ye shes shar bas/ ye shes kyi snying po rig pa khyab gad la/ rig pa'i yul du ye shes shar bas/ ye shes khyab gad la 'ub chub/ ye shes kyi 'od chos nyid la snang bas/ chos nyid ye shes su 'ub chub/ rig pa'i ye shes snying po'i sku/ lhun gyis grub pa'i ye shes/ mi g.yo ba'i shes rab 'byed pa med pa'i sku/ ma 'gags pa'i yon tan de nyid rang byung gi ye shes thugs rje'i rtsal snang ngo // chos nyid mkha' la mi snang ba'i ye shes gad la khyab par gnas/ shes rab kyi stobs ye shes lnga snang bas/ ye shes 'od kyi tshul du gnas so// bde ba'i ye shes lhag pa'i ye shes las 'phags/ mtshan ma dang bral ba'i rig pa'i snying po'o// med bzhin du snang ba thams cad mkhyen to// sngon byung gi gnas/ mi g.yo ba'i shes rab thams cad kyi 'byung gnas/ 'od mi 'gyur ba/ dus gsum gyi lam chen po'o// sangs rgyas thams cad kyi thugs gsang ba ni// sems can gyi don du gsang sngags pas gsang sngags bla na med pa'o// nam mkha' gzhal med khang du snod bcud kyi rten bcas te/ mi len pa'i mdzad spyod kyi klong du dril nas/ thabs kyi ye shes kyi shes rab kyi rdzong la zhen no// rdo rje sems dpa'i bcud kyi snying po thig le nyag gcig gsungs so// pad+ma 'khyil pa'i rgyud las/ skye rgyud dang / lus kyi kun gzhi dang / man ngag tshig gsum dang / sku gsum bsre ba dang / thig le nyag gcig ste/ gzhi'i chos lnga'i le'u ste bdun pa'o// // de nas thub pa chen po drug gis rdo rje sems dpa'i zhal mthong ba 'di gsungs so// bcom ldan 'das ma byon pa'i sngon rol na/ nyid kyi rang bzhin ji lta bu lags ston pa ji lta bu lags/ bstan pa ji lta bu lags/ zhing ji lta bu lags zhes dris pa dang / nyid kyis smras pa nyon cig/ nga ni cis kyang mi bskyod de// mi 'khrugs rdo rje sems dpa' yin// snying rje g.yos nas bskyod pa'i phyir// sems can kun gyi gnyen gcig po// stong pa chen por nga yi yul// rdo rje rin chen nga yi gdung // pa ni thabs mchog dpag tu med// nga ni shes rab brjod las 'das// nga ni rang byung ye shes yin// mun snang gnyis kyi bar nas 'ong // zhes smras pa dang / e ma 'o mthong yul kun tu bde// don srid chen po 'byung 'gyur na// nor bu rin chen ma brlags sam// zhes zhus pa dang / smras pa/ nor bu rin chen bdud rtsi 'di// btsal bas rnyed pa'i gnas med de// drug gi chos bzhin yul min no// zhes smras pa dang / de nas drug pos mgrin gcig tu rdo rje 'chang la bstod pa/ thugs rje chen po'i 'od zer stong dang ldan// rang byung chen po bdag nyid sku// ye nas dag pa chos kyi sku// lhun gyis grub pa longs spyod rdzogs pa'i sku// bya btsal bral bas rdo rje snying po'i sku// khyod ni sems can thams cad kyi pha'o// khyod ni sems can thams cad kyi ma'o// bdag cag rnams la skyabs dam pa mdzad du gsol/ zabs dam pa mdzad du gsol/ bshes gnyen chen pos lung bstan du gsol// zhes zhus pas/ yang smras pa/ nyid kyi rang bzhin ni 'gyur ba med pa'o// ston pa ni nga nyid do// bstan pa ni nga las byung ba'i chos so// zhing khams ni mthun pa'i grogs so// zhes bka' stsal to// rje sems dpa'i zhal mthong gsungs pa'o// de nas za ma tog sba ba'i man ngag 'di dag yongs su gsungs so// thog ma'i sangs rgyas 'od mi 'gyur ba de las byung ba'i chos gsum/ de 'khrul pa'i rkyen bzhi/ de gsal du mi ster ba'i sgrib pa gcig/ de la mthun pa'i grogs lnga/ de rtogs par byed pa'i thabs bzhi la/ 'khrul pa 'das su blta ba dang / ma rig pa gdar sha bcad pa dang / 'khor ba ru bzlog pa dang / rig pa bzhi 'dzin pa'o// de rtogs byed man ngag lnga ste/ zla ba mtshon pa'i dpe phar la ngos bzung ba dang / don gyi snying po tshur la ngo sprad pa dang / brgyud pa'i man ngag gis thag bcad pa dang / chos nyid ma dang 'phrad pa dang / ye shes rang sa zin pa dang / rdo rje lta bu'i ting nge 'dzin thob pa dang / thams cad mkhyen pa'i ye shes shar ba'o// 'gyur ba med pa'i lta bar la bzla ba dang / yid ches pa'i lung gis rgyas gdab pa dang lnga'o// pad+ma 'khril ba'i rgyud las/ rdo rje sems dpa'i zhal mthong nas/ za ma tog gi ngo sprad pa'i le'u ste brgyad pa'o// / de nas bzhag thabs bdun pa 'di gsungs so// bsgom pa'i mdo la bzhi ste/ bsam gtan don la gang 'jug la// bsgom mo snyam pa'i nad kyis zin ta re/ ston pas bstan pa'i lung la mtha' gcod pa/ mtshan ma'i rnam rtog can du gyur ta re// bde gshegs yul ni tshig gis mtshon du med// sangs rgyas yul du bstan pa bdag gis 'khrul// bsgom du med pa'i lta ba la// yengs pa med pa'i blo bzhag ste// skye ba med pa'i dbyings nyid du// 'chi ba med pa'i rig pa bzhag/ 'du 'bral med pa'i rang bzhin la// btang snyoms chen po'i don gcig bzhag/ chags sdang med pa'i bde 'jam la// spang len med pa'i don gcig bzhag/ gzhi rtsa med pa'i klong yangs su/ khyab gdal chen po'i don gcig bzhag/ ye nas rang byung chen po la// brjod pa med pa'i ting 'dzin bzhag/ gdod nas rnam dag chos dbyings la// dmigs pa med pa'i 'dzin pa bzhag/ yul du snang ba yum gyi klong // rig par snang ba yab kyi mkha'// mkha' klong gnyis su thams cad 'dus// de la dpe yis mtshon du med// de phyir dus gsum sangs rgyas kyis// btsal yang rgyal bas mi rnyed do// rang byung btsal med bde ba rig pa'i klong // 'du 'bral med par b+ha ga'i rgya mtsho la// ngang gis ma chags pad+ma 'dam skyes 'dra// kun tu bzang po dngos med klong chen na// dus gsum rgyal ba'i pho brang 'gyur med btab// nges pa'i don la ma yengs blo bzhag na// mi 'gyur bsam gtan zhes bya'o// sgyu ma lta bu'i ye shes la blo mi bzhag/ sangs rgyas kyi dgongs pa dmigs su med do// mya ngan las 'das pa'i grong khyer la bgrod du med do// ye shes kyi lam la 'jug tu med do// byang chub snying po ye nas grub zin pas/ da lta bsgrub pa'i rtsol ba byar med do// rang bdag tu ngo shes nas tha mal par mthong / phyogs med kyi ye shes 'phyo ba bdag rtogs kyi blo dang bral ba'o// zhes bzhag thabs bdun pa gsungs so// pad+ma 'khyil ba'i rgyud las/ nyams su blang ba bzhag thabs kyi le'u ste dgu pa'o// // de nas mdor bsdu ba 'di gsungs so// sarba ta thA ga ta kri the/ da ma kri ku ru ye/ ma nu pha la a sa/ ma la ma la/ ra dza ka ra/ a ba ra d+ha/ 'khrul gzhi la thog ma med do// tha ma yang med do// 'khrul pa la thog ma yang yod do// tha ma yang yod do// khug pa lnga pa ni yi ge lnga pa man ngag gi rtsa ba yin/ yi ge bzhi pa ni brda'i man ngag ste shes rab can la bstan/ yi ge bcu gnyis pa ni man ngag ste gzhi gtan la dbab/ bshad pa gsum pa ni gzhi'i gnas lugs te las kyi mthar thug/ don mtshon pa'i ye shes khug pa tha ma klad la rmos/ rang rig gtan la 'bebs pa'i ye shes te/ lung man ngag gis mi phebs/ brda' dang ngag la rag ma lus/ rang rig gtan la 'bebs pa'i grogs/ sgal tshig bcu drug gis mtha'i gegs bsal/ blta ba gcod dgus shes pa'i thag bcad/ lung rigs blo yin pa'i phyir lta ba kha 'byams kyi gnya' mnan/ gnas lugs la bsgom du med do// bsgoms pas rnyed na gnas lugs min/ khug pa lnga pas spyi bcings pa'o// rdo rje 'chang chen man ngag ni/ gang 'khrul cis 'khrul cir 'khrul de gang gis shes/ cir shes/ cis shes/ thog mar rang gi rtsal snang ba la nges pa'i bag chags pas yul du mar snang ngo // shes pa la 'dzin pa'i rtog pa glo bur bar byung bas sems du mar snang ngo // du ma srid par chags so// de yang dper na shes pa glo bur du snang ba'i dbang gis/ mar me gcig las gnyis su phye ba'am/ sa bon gcig las myu gu tha dad du snang ba bzhin/ shes pa snga ma las rang rig snang ba la 'dzin pa'i blos yul bdag tu bzung / des sems dang sems las byung ba'i chos du ma sna tshogs su snang ngo // shes pa rgyun 'dab 'byor bas phyi ma las ngo bo nyid ma bcos par snang ba las/ 'gag pa med pa'i ye shes rang ngo // rig pa 'gag pa med pas thog mar yang ma 'gags/ bar du yang mi 'gag/ tha mar yang mi 'gog go/ 'bras bu sangs rgyas kyi sa na yang ngo bo gcig rang bzhin tha mi dad do// rgyu sems can gyi dus na yang ngo bo gcig rang bzhin tha mi dad do// de'i dus su gnyis snang gi rtog pa gzhi ma grub pas/ me long dang gzugs brnyan gyi tshul du snang ngo // rtogs pa'i dus na yang de bzhin no// gsang ba spyi bcings rgyal po'o// rang bzhin lhun gyis grub pa ni me long lta bu'i ye shes su snang ngo // thugs rje chen po'i rtsal ni/ sku gsum gyi ngo bo snang ba ni nyi ma dang / 'od bzhin du 'char ro// bka' lung gi phyi mo ni nyi ma'i snying po ltar snang ba/ thabs kyi ye shes bram ze sgyu ma mkhan ltar snang ba/ ngag gi tshig ni rin po che rtsar la brgyus pa ltar gnas pa/ la bzla ba'i tshig ni gser mig g.yus spras pa ltar gnas pa/ spyod pa'i mtha' ni dar gyi mdud pa ltar gnas pa'o// dam tshig 'dus pa'i rgyud gdams ngag gi tshig gsum gyis byang chub sems rin po che spyi bcings pa'o// byang chub sems dpas rang gi sems kyi dam pa mthong ba'i tshe/ de nyid stobs su gyur nas phyi nang gsang ba'i rtags dang ldan nas/ nam shi ba'i dus su yang sgra dang 'od dang gdung byung bar gyur na/ de nyid shar phyogs kyi khams su de bzhin gshegs pa'o// de nyid stobs su ma gyur par snang ba 'gags na/ ring po mi thog par bla ma dam pa de'i drung du 'khod par gyur te/ phyi ma'i dus su yang tshe ring bar spyod par gyur te/ de'i dus su rnam par grol ba'i ye shes 'thob par 'gyur bdag gi sems kyi dam pa mthong ba'i tshe/ rig pa'i stobs su gyur nas phyi nang gsang ba'i rtags dang mi ldan na/ bdag nyid nub phyogs kyi zhing khams su ske ste/ de'i dus su rtogs pa khyad par can la spyod de/ myur bar tshe'i 'du byed byung nas/ de'i dus su rnam par grol ba'i ye shes thob par 'gyur ro// bdag gi sems kyi dam pa mthong ba'i tshe/ rig pa stobs su gyur nas phyi nang gsang ba'i rtags dang mi ldan na/ bdag lam du 'jug pa'i tshe/ bcom ldan 'das 'od dpag med pa dang gnyis su med pa'i snyoms par 'jug go/ 'od dpag med pa ni rang gi sems kyi dam pa snang ba 'gag pa med par snang ba ste/ phyi ma'i tshe phyi ma'i dus kyang rang gi de nyid rtogs pa nyams su myong ba'o// bdag gi sems kyi dam pa mthong ba'i tshe/ rig pa stobs su gyur nas/ phyi nang gsang ba'i rtags dang ldan na/ bcom ldan 'das rdo rje mi bskyod pa dang gnyis su med par snyoms par 'jug go/ mi bskyod pa ni rang gi de bzhin 'gyur ba med par gnas so// don de bzhin nyid la gnas pa'i byang chub sems dpa' ni/ sems kyi dam pa mngon par snang ba zhes bya ste/ de bzhin gshegs pa'i stobs dang ldan pa'o// pad+ma 'khyil pa'i rgyud las/ rin po che spyi bcings kyi le'u ste bcu pa'o// // de nas 'gal tshigs bcu drug gis mtha'i gegs bsal te// thog mar chos sku ba ye thog ma nas 'khrul/ sems can ma 'khrul sangs rgyas 'khrul/ sangs rgyas kyi slob dpon dmyal ba yin/ sangs ma rgyas par bsgom du med/ srog ma bcad par sangs mi rgya/ nam mkha' ma bkag par 'od mi gsal// chos spyod ma byas na 'khor bar mi ltung / mtshams med pa lnga ma byas par 'bras bu mi 'thob// sems can la sangs rgyas su 'dod pa 'khrul pa la 'khrul pa brtsegs/ kun gzhi chos skur 'dod pa mtha' med pa'i rgya mtsho la 'bog/ dkar khung ma bkag par nam mkha' mi gsal/ ma song bar phyin pa'i sa la 'dug/ ma byas par zin pa'i las kyis/ rgyal po yul 'khor rtse nas choms/ lhan cig 'grogs pa'i pha ma gnyis rgya mtsho'i gting du song la/ ri rab kyi rtse nas bya ra gyis shig/ bcom ldan 'das rdo rje 'chang chen pos sgra thad klog tu bstan pa'o// de nas lta ba'i la gcod 'di 'gro ba'i ched du gsungs so// sangs rgyas dang sems can gnyis la rgyu gnyis las med par la rbad kyis chod/ rgyu de yang sangs rgyas yin par thag chod/ de rang gi ngo bo ma shes pas 'khrul pa ma rig par la zad kyis chod/ de yang me long la brten nas skyes bu rang gi byad mthong bar la zad kyis chod/ de mthong ba'i don la ma yengs par zag chod/ dngos po'i gnas lugs la bsgom du med par la rbad kyis chod/ bsgoms pas rnyed na gnas lugs min par thag chod/ bsgom du med pa'i don gcig ma shes par sangs mi rgya bar la rbad kyis chod/ 'khor ba thog mtha' ma shes par man ngag gi thag mi chod par thag chod do// yi ge med pa'i rgyud bsgom du med pa'i lung / re ba med pa'i blta ba/ ma bkag pa'i spyod pa/ ma bsags pa'i tshogs/ ma sbyangs pa'i sgrib pa/ rgan mo mdzub tshugs kyi man ngag shes rab sgron mas ltos shig/ de nas bcom ldan 'das rdo rje 'chang chen pos blta ba'i la bzla ba 'di gsungs so// byang chub 'dod na sdig pa'i las rnams cher spyod de/ don blo la bzhag/ gang yang snying rjes mi bzung su yang snying rje ba ni gang yang med// ci ste srog bcad sdig tu 'gro na ye nas chad pa su la sdigs// snying rjes byang chub rlan du mi ster snying rjes su la bzung // gang la 'dzin pa yod pa de la lhag pa'i bsam pa yod kyang sdigs// ting nge 'dzin rtog khang 'gram gting tshugs med pa byang chub bde ba'i shag/ rgyal ba mi mchod sangs rgyas mi bsgrub thar pa'i lam mi 'dod pa de/ khab len rdo la lcags 'du'i tshul du tshogs gnyis bsag mi dgos par 'du// mchod rten lha khang la sogs 'dus byas dge ba mi bya btang snyoms bzhag/ byas la sogs pa'i las ni byas pas mi zin byas shing rtog pa'i rgyu// yul dang dbang po ngag sogs bsdu mi bya ste de bzhin gzhag par bya// bya dang bral ba'i spyod pa 'di nyid dang du len pa yang med do// rdo rje mi 'chang sngags mi 'chang zhing dben par 'dus mi bya// mchod gtor sbyin pa'i phyogs ni gang yang mi bsngo su la bsngo// cho ga la sogs 'khrul pa'i las rnams spyad mi bya// rdzogs pa chen po'i rang bzhin kun gyi snying po yin te 'di la ci yang med// phug tu 'dug la bsgom par mi bya rdo rje lta bu'i chos nyid de la bsgom du med// dper na ri rab rtse la nyi shar bas// ye shes thugs la nyi ma gcig shar spyod// sgom chen rgas pa'i dus su rtsol ba'i nad dang bral// stong gsum nyung 'brur chud na 'khor ba rgya yis thebs// chos kyi sku ye shes lhag ma med par rdzogs pa'i dus na/ sgrib pa yang lhag ma med par 'byang ngo zhes rdo rje 'chang nyid kyis gsungs so// pad+ma 'khyil pa'i rgyud las/ gegs bsal cing la bcad de blta ba kha 'byams bstan pa'i le'u ste bcu gcig pa'o// // de nas bcom ldan 'das rdo rje 'chang chen pos/ thugs kyi dkyil 'khor gsang ba'i sgo phye nas/ gsang skor man ngag sgron ma 'gro ba'i ched du gsungs so// nga yi gsang ba man ngag 'di// rig pa 'dzin pas nan rgyas thob// phyi rabs rnams la rtogs bya'i phyir// rgyud rgyas btab la bstan par bya// dam med kun la gsang don du// mna' rgya byas la gsang bar bya// legs par bka' dang mthun pas na// thugs kyi gter du sbas rgya bya// bka' bsrungs bya ra byed pas na// de la gtad rgya byas la gtad// rgya lngas btab pa'i man ngag 'di// shin tu zab par rab tu bstan// de phyir ston pas gsungs pa 'di// phyi rabs sba bar bya ba dang // gter gyi bsrungs mar gtad pa dang // gnas kyang legs par sba ba dang // sbas pa'i rtags kyis zab mor gnas// de phyir nga yi man ngag 'di// mu tig bstar la brgyus pa 'am// seng ge'i mchongs pa lta bu dang // rus sbal 'gros bzhin mkhas pas shod// dang por mi dmigs pa'i shes rab chen po la rgyab gtad par bya'o// bla ma rdo rje slob dpon la gdung ba'i dad pa bskyed pa dang / khams gsum gyi sems can la snying rje'i rgyun thag mi gcad pa dang / dge bcu dang du blang ba dang / rang sems dpang du btsug la sku sogs med par bya ba dang lnga'o// de ltar byas pas lam 'gyur ba med pa dang 'phrod/ de dang 'phrad pas zhing khams rnam par dag pa chos nyid snang ba mthong ngo // de mthong bas 'char nub med pa'i nyi ma 'char ro// de shar bas blta ru med pa'i sangs rgyas nyag gcig gi sku mthong ngo // de mthong bas thams cad mkhyen pa'i ye shes thob pa dang lnga'o// de thob pas shes bya'i sgrib pa 'dag go/ de dag pas sangs rgyu// nyag gcig lhun gyis grub bo// mi nub pa'i rgyal mtshan rtse mo'i dpung rgyan thig le nyag gcig dri ma med pa/ rang byung ye shes gdal khyab chen po// rig pa ye shes dri ma med pa rang snang ba dang lnga'o// lnga gsum bco lnga'i man ngag rdo rje'i tshig gsum pa/ kun la bstan pa ma yin thugs kyi gter du spos// ye shes nyi ma rang la shar ba 'di// sgra dang yi ge tha snyad kun las 'das// nam mkha' lta bu'i chos nyid dag pa la// nyi ma lta bu'i rdo rje sems dpa' gsal// man shel lta bu'i rig pa 'dzin pas nyan// kun dang mi mnyam bya rgod phung po la// skad cig tsam la bdag nyid don dang mjal// yul gyi sgrib pa ma sbyangs gnas su dag/ 'di ni man ngag gi di ma/ gsang ba'i gtad rmya dang bcas pa man ngag gi ti ka chen po/ yang gsang yang gab yang sgras/ dus lnga brgya'i snyigs ma la/ gang zag lung gi yid ches byed pa'i dus byung ba'i dus su/ de bzhin gshegs pa thams cad kyi thugs yang dag pa'i ye shes rdo rje tshigs gsum 'di gang zag las mthun pa'i don byed par gyur cig/ ces ston pa rdo rje 'chang gis lung bstan to// pad+ma 'khyil ba'i rgyud las/ mkha' 'gro ma nas brgyad pa'i lung byang chub sems mun sel byed pa'i sgron me'i le'u ste bcu gnyis pa'o// // de nas sangs rgyas rdo rje 'chang chen pos nor bu rin po che 'di gsungs so// oM rgyan gyi yul ga'u bar sha na'i nags tshal du/ tsaN+Da log spyod can gyis bdag gsod gzhan sgrol ba'i man ngag/ ral gri kha mangs kyi phar gcod tshur gcod/ bdag bsad gzhan bsgral/ bdag ma bsad par gzhan mi sgrol lo// many+dzu shrI d+ha na kro sha ka ra a pa na ma/ shes rab kyi mtshon chas bdag tu rtog pa'i bag chags gcod pa/ bcom ldan 'das mi mnyam mgon po khro gnyer can la phyag 'tshal nas/ dug pany+tsa rang sor bzhag pas/ ye shes rang sa zin par byed pa'i man ngag zhe sdang thams cad kyi bcud phyung bas/ rdo rje sgyu ma lta bu'i thugs ye shes rtse gcig pas ngan song dong sprugs/ na mo bud+d+ha ya/ many+dzu shri d+harma saM ke b+h+yaH/ nga rgyal thams cad kyi bcud phyung ba/ rin po che lta bus gnyis su med pas khod snyoms/ many+dzu shrI/ a la la/ d+hA ru ye/ 'dod chags thams cad kyi bcud phyung ba/ pad+ma lta bus sems can thams cad kyi mos pa so so'i don sgrubs/ sarba ta thA ga ta/ ba sa ra du pa A/ phrag dog thams cad kyi bcud phyung ba/ rdo rje rgya gram lta bus phyir mi bzlog pa'i rgyas btab/ a A/ i I/ u U/ rai r-I/ laM l-I/ e ai/ o o/ aM aHchos kyi sku zhi ba'i cha lugs su gnas pas/ bdag tu rtog pa'i blo zhi nas/ 'dzin byed kyi shes rab kyi spre'u so myul byed kyi rta lnga la zhon nas/ ci ba dka' byed kyi lam lngar 'bros pa/ khye'u snang ba bsam gyis mi khyab pas/ ma bltas par mthong ste/ nam mkha'i khams nyi zla gnyis kyi bar du bskul/ de ldang ba'i dus med par btang ngo // longs spyod rdzogs pa'i sku khro bo'i cha byad du gnas pa/ na ma nan ti/ ka ta ri tsakrA/ b+hu hu ru/ zhi bas mi 'dul ba rnams gdug rtsub kyis bsgral ba/ khye'u snang ba gzhon nu khro gnyer can gyis mthong ste/ rgya mtsho'i gting du chu srin pir gyi gre bar bcug ste/ de phyi mi ldog par bsgral te btang ngo // dug lnga'i mes sbar bar 'dod pa'i byang chub sems dpa' la/ byang yang ma chub pas/ sems dpa' yang sems kyis bcings pas rdo rje sems dpa' byang yang byang chub kyang chub/ don gzhan la sems dpas sems dpa'o// byang chub sems dpa' sems dpa' chen pos ri rab lhun po'i rtser ye shes kyi mes 'khor ba'i bag chags bsregs te/ gtan phung bar byas so// byang chub sems nor bu rin po che tsaN+Da log spyod kyis u rgyan yul ga pu par sha na ra/ oM rgyan gyi rgyal po la bstan pa'o// pad+ma 'khyil pa'i rgyud las/ nor bu rin po che'i le'u ste bcu gsum pa'o// // de nas hA shang 'bar na ha'i yul du mkha' 'gro ma prar+Na nye bar zhi bas/ rin po che sgrom bu'i man ngag 'di rab tu smras so// byang chub sems dpa' khye'u gzhon nu snang ba bsam gyis mi khyab pa/ 'khor gyi lha dag gnod sbyin dang / srin po dang mi dang mi ma yin pa rnams/ rab tu zhi ba'i sems dang ldan nas thabs cig tu 'khod do// rab tu bka' nyan te/ kye gzhon nu snang ba dam pa khyod nyon cig/ sangs rgyas thams cad kyi thugs mkhyen pa ni/ nga nyid bdag tu rtog pa'i blo dang bral nas/ rang rig pa'i ye shes mi g.yo ba'i shes rab tsam la gnas pa ni ma yin no// nga nyid rang byung gi ye shes rang snang ba'i dus na/ thams cad ye shes kyi rol par shar ro// bya ba tsam la yang gnas pa ma yin no// nga nyid chos nyid mnyam pa'i dbyings la yang gnas pa med de/ kye nga nyid rang byung gi ye shes rang snang ba'i dus na/ dag pa'i zhing khams ma bsgribs yongs su gsal ba/ mtha' dang dbus med pa/ phyogs dang ris med pa/ du ma dang brten pa med par gsal ba/ tshig tu brjod par mi nus so// rang rig pa'i ye shes 'gyur ba med pa nyid 'gag pa med pa ye shes kyi gzugs brnyan/ bdag tu rtog pa'i mtha' dang bral ba/ mtha' ma spangs par ye shes rang gsal ba/ phyogs dang bla 'og med par rang shar ba/ mkhyen pa ngo bos stong pa/ gsal ba ga 'dzin med pa/ bde ba res 'jog med pa/ thim pa ma rmugs pa/ gad la khyab pa/ 'ub chub pa'o// ma byas pa'i chos shes bya babs kyis grub par rang snang ba ni/ sangs rkus thams cad kyi thugs mkhyen lags so// zhes bstan to// tshig nyung la don che ba/ bslab sla la go dka' ba/ 'di ni rtsol bsgrub kyi mtha' las 'das pa'o// bsgom du med pa'i chos ma shes par// rnam par grol ba'i sa non ri mkha' 'gro ma pur+Na nye ba zhi bas dpal phyag na rdo rje mgo khos zhes bka' stsal to// de nas khye'u snang ba dam pa bsam gyis mi khyab pa dga' mgu yi rang ste/ phyag spyi bor bzhag nas rigs kyi bu dam pa khyod kyis spras pa de legs so// phyogs bcu dus gsum gyi de bzhin gshegs pa rnams kyis kyang / rang rang gi mos pa tsam mtshon nus kyi/ don chen po mtshon par mi nus so// ngas bstan par ni dka'o// ma nu pa la/ sarba ta thA ga ta/ pany+tsa dz+nyA na/ d+ha thim d+ha thim d+ha thim zhes bka' stsal nas/ legs so legs so// sems can thams cad ma rig pa med do// ma rig pa zad pa yang med do// zhes dbang bskur nas/ mkha' 'gro ma dang gnyis su med par mi snang ba'i ye shes kyi ngang la gshegs so// sarba ta thA ga ta/ pany+tsa mU dra a/ de nas byang chub sems dpa' rig pa 'dzin pas/ de bzhin du gdams so// pad+ma 'khyil pa'i rgyud las/ rin po che'i sgrom bu'i le'u ste bcu bzhi pa'o// // de nas yang bcom ldan 'das ston pa rdo rje 'chang chen pos/ lung gser gyi phur pa 'di gsungs so// ma 'khrul pa'i sangs rgyas/ ma byas pa'i chos/ mi 'gyur ba'i blta ba/ dang por sangs rgyas nyag gcig 'khrul/ de snang ba las 'khrul/ dang por yang 'khrul ma myong / bar du yang mi srid pa/ tha mar yang 'khrul par mi 'gyur ro// de la bsgom du yang med/ yengs su yang med/ yengs sa yang med/ 'gag pa yang med/ 'gog ma myong / zang thal/ zhog thong / d+ha na pa ri nan/ gzhi don gyi kun gzhi zag pa med pa'i ye shes ma 'khrul pa'i sangs rgyas// ma byas pa'i ston pa/ a ra dzi ti/ a h+ya ra/ na ma nan ti bud d+ha ka yA/ d+ha hi/ b+hi haM b+hu pa ra si ti kaM bdag tu ston pa'i dpal 'jam dpal gzhon nu 'od srung chen po khyod la 'dud/ k+Sha ku ru nan ti kar/ legs so legs so// de bzhin du byos shig ces lung bstan to// kun tu bzang po la bdud zhugs pa slar ldog pa'o// pad+ma 'khyil pa'i rgyud las/ lung gser gyi phur pa'i le'u ste bco lnga pa'o// // de nas bcom ldan 'das kyis gsungs pa/ log rtog gcod pa'i spu gris ljon shing gi rtsa ba bcad de/ brda' rnam pa gnyis bstan pa'i dus su/ gad la khyab chen po'i brdas nyi ma las 'od snang bar bstan te/ thig le ma skyes pa'i nga du/ ye shes kyi nyi ma thim pa'i tshul du gnas pa ni/ dper na nyi ma nub pa'i dus su/ 'od thams cad nyi ma'i snying po la 'dus par bstan pa'o// de bzhin du gad la khyab 'ub chub tu bstan pas/ skye 'gag med pa'i ye shes zang ma zhes bya'o// brda' ngo bstan pa'i dus su/ thog ma'i gnas lugs rang sa dper bstan nas/ 'khrul gzhi kho na 'dra ba dpe med par bstan te/ 'khrul pa gnas su bda' ba dang gcig pas gzhi'i gnas lugs dang gcig pas/ de bzhin du shes par bya'o// da lta'i dus su ma rig pa'i gdar sha bcad/ de rtogs pa'i ye shes rang la snang bar shes pa'i dus su/ ma rig pa gdar sha bcad pa zhes bya'o// thun mong gi snang ba rang snang ba ni/ blo'i yul du byed pa'o// don gyi ye shes shar ba'i man ngag tshig gsum dang 'dra 'bag bstan pas shes par bya/ pad+ma 'khyil pa'i rgyud las/ spu gri'i le'u ste bcu drug pa'o// // de nas bcom ldan 'das kyis sA lu ldang ba 'di gsungs so// b+ha sa ra b+hI Ti/ a ka ra su ka/ rat+na pan tsan a ka ra/ shrI A yu dz+nyA na a da pa ya b+hiH/ sna tshogs snang ba dag pa'i ye shes 'di// 'bras sA lu ldang pa'i man ngag yin// dpal ldan rdo rje sems dpa' khyod phyag 'dud// rdo rje sems dpa'i rang bzhin gdod nas dag pa'i chos// man shel me long lta bu dag pa la// snang ba'i gzugs brnyan sna tshogs 'char ba bzhin// shar ba'i dus na sna tshogs gsal snang yang // rang gi ngo bo mi 'gyur gdod nas dag/ gzhi ma phyi nang dbyer med ye shes zang mar snang // sna tshogs snang ba'i dus na nang gi rang bzhin ma bcos de bzhin nyid// ces gsungs so// chos thams cad kyi de bzhin nyid de/ de bzhin gshegs pa'i snying po'i rang bzhin can no// mi bskyod pa la sogs pa'i de bzhin gshegs pa rnams ni ye shes kyi lus can no// me long lta bu la sogs pa'i ye shes lnga ni thugs rje'i rang bzhin can no// rdo rje sems dpa' la sogs pa'i de bzhin gshegs pa rnams ni chos kyi sku'i 'od la bzhugs shing nyid las mi gzhan pa'o// sprul pa'i sku ni longs spyod rdzogs pa'i gsung gi zer la rol pa'o// 'dra ba mngon du byed pa'i phyir de dang de las byung ba'o// dper na nyi ma'i snying po dang 'od dang zer gsum gyis go bar bstan pa ni phyogs gcig mtshon pa'i dpe'o// don khyad par can mtshon pa'i dpe ni// man shel gyi sku la rang rang gi ngo bo gzhi nas dag pa ni chos kyi sku yin/ sna tshogs 'char ba ni sprul pa'i sku yin/ 'char bya 'char byed med pa ni longs spyod rdzogs pa'i sku yin no// rtogs rung ma rtogs rung rang gi ngo bo sgrib pa med pa ni// man shel dang snang ba'i tshul lo// sna tshogs snang ba dag pa'i ye shes/ ston pa rdo rje sems dpas gsungs nas/ sdud pa pos bsdus te// mu stegs a ra pa tsas bstan pa 'jig pa'i tshe/ shing tsan+dan sbrul gyi snying po lta bu 'dis/ g+ha sa tra di pa ri na Na/ b+hi tra pa ya sra sa ra du sa yang du spyod pa'i dus su/ a ru ra rnam par rgyal ba 'di/ dug pany+tsa zhi bar byed pa/ dug pany+tsa dz+nyA na snga phyi hA shang 'bar ne ha ma ra na spyod pa'i dus su/ mkha' 'gro ma pur+Na nye bar zhi bas/ so so'i lung mngon du bstan te/ pur+Na'i nags tshal du ye shes nyi ma rang snang bar byas te/ bdud sde bzhi la ye shes bzhi'i rgyas btab po// gsang gab sbas pa'i man ngag dam pa'o// pad+ma 'khyil pa'i rgyud las/ sA lu ldang pa'i le'u ste bcu bdun pa'o// // de nas rdo rje 'chang gis rtag pa'i mtha' sel 'di gsungs so// rig pa'i ye shes las kyis dbang du gyur na/ rang byung gi ye shes med par bstan pa rig pa'i rdo rje yang 'jig bral med pa rgyu rkyen med de/ ma byas mi byed byar med/ rin po che la 'phel 'grib med pas 'byung snang zag pa med shes pa rgyun 'gag med pas bdag tu rtog pa'i blo byung / thim de nyid rang dang nam mkha' che lung nges pa'i de'i nges pa// ci ste las kyi dbang gyur na// rang byung ye shes yod ma yin// kun tu bzang po khyod phyag 'tshal// rtsol ba dang bral ba'i chos kyi sku la// las rgya mtsho mnyam bzhag tu med de/ nyi ma'i snying po la mun pa gzhi nas med pas/ da lta yang mi snang phyis kyang mi 'byung ngo // nyi ma rang dag par zer la zad pa med/ zer ma zad pas 'od la 'gag pa med do// man shel la dri ma'i skyon med pas/ snod kyi rkyen gang dang gang gi ngo bo de ltar snang / snang ba'i dus de nyid na rang gi ngo bo la skyon zhen med pas/ snang ba'i dus na sku dang ye shes snang bar zad do// rang dag gsal snang snang ba du ma ma 'gags pas du ma rang 'drer mi btub bo// shes bya rang gi ngo bo de ka dag gi ye shes rang snang ba zhes bya ste/ bde gsal mi 'gag/ ma 'gags nyid ye shes rang snang bas thugs rje la 'gag pa med de/ rang byung rang shar rang gsal de la rtsol ba dang bral ba'i skabs zhes bya// kun rig rnam par snang mdzad khyod phyag 'tshal// bsgrub med rtsal sbugs smon pa med// byar med lhun rdzogs de nyid do// rig pa rang byung ye shes rang snang bas// chu bo'i gzhung dang 'dra ste zad cing bri ba med// mu stegs a pa ra yi spyod pa can// sa pa'i byang chub sems dpa'i spyod pa yan chad// ye shes rang snang bas khyad par med pas rang byung ngo // rang snang ngo // rang gis shes so// yang dag pa'i dgongs pa ni/ sangs rgyas 'od srungs kyis kyang dang po bsgrub pa med// da ltar mi bsgrub tha ma gzhan du mi 'gyur ro// rgyu rtog ge ba rnams ni rgyu la rtsol ba byas pas// lam la mthar thug pa med do// 'bras bu'i lam pa ni/ re ba la mi 'jog/ smon pa la mi sdod do// bsgrub med rtsal sbugs smon pa med/ dpal rdo rje sems dpar 'dud phyag 'tshal// sku gsum rgyal ba'i dgongs pa mthar phyin pas// ma rig sgo lnga'i sbubs 'byed gsal bar bstan// zhes bcom ldan 'das dpal rdo rje 'chang chen pos/ sku gsum gyi bshad lugs lung sbags bsam gtan la phab ste yid ches par ngo sprad nas bstan pa zhes bya'o// pad+ma 'khyil pa'i rgyud las/ rtog pa'i mtha' sel gyi le'u ste bco brgyad pa'o// // de nas dpa' bo chen pos bcom ldan 'das la seng ge 'gyings pa'i mdo 'di gsol ba btab bo// thams cad mkhyen pa khyod la phyag 'tshal lo// thugs rje chen po bdag gi bstan pa la/ mu stegs log lha can rtsod par gyur na/ thabs dam pa stsal du gsol/ zhes rig pa 'dzin pa'i rdo rje nyid kyis zhus pa las/ bcom ldan 'das rdo rje 'chang chen pos gsungs pa/ bdag gi bstan pa'i 'og tu mu stegs log lta sogs te/ sgra tshig dman pa rnams rtsod par gyur na/ yang dag pa'i chos nyid la rtsod gzhi med pas/ ldem dgongs gnyis shan dbye/ ldem po la rtsod na rtsod gzhi med de/ dper na nags kyi wa dang gangs kyi seng ge lta bu'o// dgongs pa la rtsod na ji srid rtsod du yod pa de srid du rtsod pa med par zag mchod pas lan mi rigs te/ pha rol gyis dgongs gzhi la ma rtogs pa'i phyir ma ltos pa'i phyir/ dper na rgyal bu dang spre'u lta bu'o// spong zhig mu stegs kha yan na/ rdo rje sems dpa' mnyam pa'i skyil mo krung du gnas pa'i tshig 'dis/ sun dbyung ba ni 'di ltar shes par bya'o// yang dag par rdzogs pa'i sangs rgyas la// rnam par thar pa'i lam du mnga'/ man ngag thams cad kyi don gyi phugs gar gtugs/ sangs rgyas kyi dgongs pa la dpag tu yod dam med/ med na dri ba ci'i phyir/ yod na yang dag par rdzogs pa'i sangs rgyas kyi dgongs pa la mthar thug pa'i tshad cis gzung / gzung du med na dris pa la dgos pa ci yod/ yod na dpag tu med pa'i don dang mi 'gal lam/ rnal 'byor pa rtsol ba dang bral ba'i skabs dus ci tsam na lags/ yang dag par rdzogs pa'i sangs rgyas la thams cad mkhyen pa'i ye shes shar ba'i dus ci tsam na lags/ sangs rgyas la thugs rje 'byung dus ci tsam na lags/ 'khor ba dang mya ngan las 'das pa rnam pa gnyis la rgyu gcig las med pa la/ 'bras bu tha dad pa 'di dus ci tsam nas rkyen gang gis byas nas 'khrul/ rkyen med par ni 'khrul mi srid na rkyen du dang ldan/ rgyu ngo bo gcig las med par sems can bsam gyis mi khyab pa ni las ci lta bu lags/ phyi snod nang bcud du srid pa chags pa 'di dus ci tsam na rgyu gang gis byas/ phyi snod kyi 'jig rten 'di chos nyid las tha dad dam mi dad/ tha dad na gzhi las ma grub par 'ong bar mi rigs na gtan tshigs ci'i phyir/ tha mi dad na ji ltar lags/ 'jig pa'i dus sangs rgyas 'byung ba gang snga/ sangs rgyas sems can rgyab gyes pa'i dus ci tsam na lags/ skye ba rnam pa bzhi la sems can mir skye ba'i rgyu cis byas/ sangs rgyas 'byung ba'i rgyu cices byas/ shes pas ma bzung ba'i nang bcud sna tshogs pa 'di skye ba'i rgyu cis byas/ dus gsum gyi sangs rgyas kyi dgongs pas brgyud pa ji ltar lags/ dus gsum yod nas brgyad dam med nas kyang brgyud// dus gsum gyi go ba ji tsam la bya/ dus gsum med na ming du brjod nas ci byed/ byin gyis brlabs kyis bshad pa'i dus ci tsam lags/ rdo rje sems dpa' rang dbang thob pa'i dus ci tsam lags/ chos nyid ma dang 'phrad pa'i dus ci tsam lags/ ye shes rang sa zin pa'i dus ci tsam lags/ rdo rje lta bu'i ting nge 'dzin thob pa'i dus su rtags du dang ldan/ rdo rje sems dpa'i gzhi'i gnas lugs la man ngag gi skabs dus gtan la dbab/ man ngag don gyi mdo dur bsdu/ rnal 'byor pas lam khyer ba'i dus su man ngag gi phugs gar gtibs/ 'khor 'das kyi chos thams cad kyi la gar bzla/ zhes ston pa nyid kyis gsungs nas/ byang chub sems dpa' sems dpa' chen po rig 'dzin dga' rab rdo rje yis/ mu stegs la sogs log ltalha can tshar bcad pa'i phyir/ man ngag gi mdo sum cu pa 'di/ rdo rje sems dpas seng ge rnam par 'gyings pa'i mdo 'di bka' stsal to// de nas dga' rab rdo rjes tshigs su bcad de bstod pa/ rgyal ba'i rgyal ba ye shes bdag med sku// seng ge rnam par 'gyings pas 'gro drug dbyings su bcad// brjid pa'i khro gnyer bzlog pas bdud dpung zil gyi mnan/ khyung chen mkha' la lding bas spyi rgya rlabs kyis gcod// mkha' gsal nyi ma shar bas mun las snang bar 'gyur// chos nyid rgya ma chad pas zad cing stongs pa med// rig pa dbyings na gsal bas thugs rje dbri bkol med// ye shes spyan dang ldan pas cir yang sa le mkhyen// lus ngag yid gsum dang bas dad pa'i mchog/ sku gsum thugs kyi ngang du mchod par bzhes// zhes bstod pa'o// dur khrod kyi bdag po khro bo rnam par mi 'khrugs pa zhes bya bas/ seng ge rnam par 'gyings pa'i mdo gsungs pa'o// pad+ma 'khyil pa'i rgyud las/ seng ge rnam par 'gyings pa'i mdo'i le'u ste bcu dgu pa'o// // de nas rdo rje sems dpa'i mtshan yang dag par rdzogs pa'i mdo 'di gsungs so// 'jam dpal gzhon nur gyur pa khyod phyag 'tshal// 'das pa'i dus na sngon byung ba// sangs rgyas rin chen za ma tog/ chos dbyings rnam dag spros med dang // mi gnas ye shes rang byung ba// thig le nyag gcig chos kyi sku// bsam 'das brjod med khyab pa'i dbyings// ye shes don gyi gzhi ma yin// tshig gsum 'byung ba'i byang chub sems// ye shes rdo rje mtha' yas pas// chos la dbang bsgyur rdzu 'phrul che// skye med gdod nas dag pa'i phyir// mi 'gyur rdo rje gsang ba'i bdag/ ye shes yongs su dag pa'i phyir// shes rab spyan gsum rnam par dag/ thams cad mkhyen pa'i sku mnga' bas/ brdal ba chos nyid yongs su gsal// yon tan nyi ma rdzogs pa'i phyir// yid bzhin nor bu rin chen 'bar// nyon mongs skyon gyis ma gos phyir// rang byung pad+ma'i dbyings nas rdzogs// thabs kyi ye shes mi 'gag phyir// thugs rje nyi ma'i snying po 'dra// rdzu 'phrul stobs dang ldan pa'i phyir// grol nas grol ba'i lam yang ston// bdag med phyogs bral gdod nas dag/ rdo rje lta bur rig pa ni// 'gro 'ong med cing 'phel 'grib med// thams cad 'ub chub dbyings su thim// 'ja' tshon lta bu'i sku mnga' bas// longs spyod rdzogs pa'i sku yi mchog/ mi bskyod dbyings nas rang byung bas// bcom ldan rdo rje dbyings mi bskyod// zhi ba'i tshul gyis 'gro 'dul ba// rnam par snang mdzad kun tu bzang // ji bzhin ma bcos rang byung ba// bcom ldan rdo rje 'chang chen po// thog ma med nas da lta'i bar// nyid kyi rang bzhin 'gyur med pas// dper na rin chen gser dang mtshungs// bcom ldan rdo rje sems dpa' ni// rdo rje lta bu'i sku mnga' bas// mi 'gyur rdo rje sems dpa' che// snang srid thams cad nyid mkhyen pas// mkha' gsal nyi ma'i snying po che// ma rig mun pa'i sdug bsngal sel// de nas byang chub sems dpa' sems dpa' chen pos/ rdo rje lta bu'i ting nge 'dzin las bzhengs nas/ rigs kyi bu bskal pa thog ma med pa'i sngon rol nas/ ngas ma byas pa ni 'byung mi srid de/ rig pa la pha mtha' med do// nga las ma byung ba'i chos ni 'byung ba mi srid de/ yul chos nyid la pha mtha' med do// phyi nang snod bcud kyis bsdus pa'i chos thams cad ni nga las byung ba'i phyir/ dper na 'od dang 'od 'khyil ba'i tshul lo// snang srid thams cad ye shes snying por la bzla ba ni/ rig pa rang byung ye shes rang snang ba'o// rigs kyi bu mtshan ma med pa'i chos nyid la bdag tu blta ba'i blos mi dpyod/ brjod pa las 'das pa'i chos nyid la tshig dang yi ger 'dogs pa ni ma yin no// khams gsum gyi sems can gang yang rung ste/ bcom ldan 'das rdo rje sems dpa'i de bzhin nyid dang go mi mnyam par/ yang dag pa'i mtha' la mi gnas so// byang chub sems dpa' sems dpa' chen po yang dag pa'i mtha' la gnas par 'dod na/ chos thams cad kyi de bzhin nyid rab tu shes par bya'o// chos thams cad kyi de bzhin nyid ni rang gi de bzhin nyid dang go ma bcos pa'o// byang chub sems dpa' sems dpa' chen po'i lung gi che ba la brten nas/ nga che ba 'byin pa ni/ nor bu rgyal sa 'dzin pa lta bu'o// rigs kyi bu yang dag pa'i chos nyid la rtsod du med do// log lta can nga'i de bzhin nyid la rtsod pa ni/ seng ge dang wa'i tshul te de ni ma yin no// rigs kyi bu gang zhig nga la rtsod du yod pa ni tshig tu smra ba ma yin te/ tshul la brtag pa rab tu gsungs pa'o// don de bzhin nyid la gnas pa'i byang chub sems dpa' ni rab tu dka'o// zhes chos nyid zhi ba las bka' stsal to// de nas byang chub sems dpa' sems dpa' chen pos/ thugs chos nyid mnyam pa las ma g.yos kyang / sku 'bar ba'i cha lugs su bstan nas/ mu stegs log lta can tshar gcod pa'i phyir/ nga rgyal gyi gdangs kyis bdud dpung zil gyis gnan phyir// 'di skad ces smras so// dur khrod chen po ro yi gling // keng rus chen po gsar rnying dbus// ce spyang dang ni gang ka dang // ling du'i tshogs kyis bskor ba'i gnas// gnyen pos mi shigs gzhal yas nas// bcom ldan za byed he ru ka/ zhal gsum phyag drug sku mdog mthing // zhabs bzhi bgrad pas bdud bzhi 'joms// rtag par gzhon nu'i tshul du bzhugs// brjid pa'i khro gnyer gyen du bzlog/ 'gyur med spyan dgu rab tu bgrad// za byed mche ba gtsigs pa yis// 'khor ba'i skye shi rtsad nas gcod// dbu skra thor tshugs gcig tu 'khyil// ha ha ru lu'i sgra bsgrags pas/ khams gsum ma lus dbang du sdud// phyag drug mtshon cha cir yang ston// mi 'gyur rdo rje thugs kar 'dzin// log par lta ba shugs kyis sgrol// rdo rje 'chang la phyag 'tshal bstod// de nas bcom ldan rdo rje 'chang // mkhyen pa'i mkhyen pa khyed bdag 'dud// rdo rje 'chang chen stobs kyi bdag/ glang chen khyu mchog khyod bdag 'dud// mi 'gyur rdo rjer brtan pa'i sku// nges pa'i ye shes la sgrol ba// thugs rje can la bdag 'dud do// pha rol dmag tshogs zlog byed pa// dregs pa can rnams tshar gcod pa/ khro bo'i rgyal po 'jigs pa'i gzugs// rtse gcig yid kyis bdag khyod 'dud// rdzu 'phrul chen po khyod la 'dud// stobs kyi bdag po stobs kyi bdag/ bstan pa gzhan rnams pham byed pa// stobs kyi bdag po rdo rje 'chang // bcom ldan rdo rje sems dpa' la// gus pa'i tshul gyis bdag 'dud do// zhes sa bcu'i mgon po dga' rab rdo rjes bstod pa'o// pad+ma 'khyil pa'i rgyud las/ rdo rje sems dpa'i tshul yongs su rdzogs pa'i le'u ste nyi shu pa'o// // de nas bcom ldan 'das rdo rje 'chang chen pos dgongs pa'i ngang nas/ chos kyi ma gzhi gang zag gi cha rkyen du gsungs pa/ yang dag don gyi gnas lugs dang / snang lugs rnam par gzhag pa'o// chos sku dri ma med pa ni// dbyings dang ye shes gnyis med cing // 'khor 'das gnyis su med par gnas// brjod pas thog tu mi phebs so// rang byung ye shes chen po ni// rgyu rkyen las kyis ma byas pas// rang byung yin la chen po yin// gsal la mi rtog ye shes ni// las kyi dbang du gyur pas na// rang byung ye shes chen por gnas// sku yi gnas lugs 'od kyi sku// zhal gcig phyag gnyis kha sbyar te// dbyings dang ye shes kha sbyor gnas// pho mo ma ning mtshan ma 'dod// ma ning ma yin par gnas pas// thugs rje 'byung ba'i rgyun can yin// gsung gi gnas lugs don gyi gsungs// ma brjod brjod 'drar go ba ni// rig pa'i gsung chen brda' sprad pas// de las sgra gcig 'byung dus gsungs// thugs ni rig pa 'gag med de// des ni thams cad gsal bar mkhyen// dbugs med mi rtog mkhyen pa'i thugs// de ni rig pa mi 'gyur ba'o// dbyings ni stong zhing bdag med pas// rig pa'i yul du brjod mi shes// dag cing stong la yangs shing khyab// de ni yul ltar snang ba ni// sku dang ye shes kun gnas pas// dbyings kyi gnas lugs zhes bya ste// gnas lugs drug pa zhes bya ba// chos nyid dang na chos sku bzhugs// chos sku'i sku gsung thugs yin te// dus gsum 'du 'bral ma myong bas// sku gsum chos kyi sku las byung // chos sku rig pa stong gsal dang // chos kyi yul du snang ba gnyis// stong pa zang thal dbyer med pas// sku dang ye shes gnas lugs yin// de las shes pa breng tsam byung // de ni rig pa tsam yin yang // dge dang mi dge mi gnas phyir// de gnyis gang ltar ma rig pas// ma rig pa zhes ston pas btags// don la gdags par bya ba med// de las rags par byung ba yang // pha gi ci yin bya ba tsam// dbyings nyid stong pa phra ba tsam// de la log par blta bar byung // de bas rig pa snang ba yang // snang la lus sems nga yir 'dzin// skad cig tsam las log par rtog/ phyi la nga yi yul tsam du// snang ba'i zhen pa byung ba ni// dbyings las yul du gzung ba yis// yul tsam snang ba dag la rtogs// gzung dang 'dzin pa snang zhes bya// de bas rags pa log par zhe na// de ni nang gi nga yin te// nyer len phung po lnga po la// zhen par snang ba nga yin te// chos kyi phung po skye mched khams// gzugs la sogs pa thams cad la// log par zhen par byed pa'o// de nas log par chags pa'o// de las log par zhe sdang ste// de nas dmyal bar song ba'o// ser sna yi dwags lus len cing // gti mug byol song gnas su skye// 'dod chags mi la nga rgyal lha// phrag dog lha ma yin du 'khrul// 'khor ba lugs su 'jug pa'o// 'khor ba ldog na rgyu nas ldog/ ma rig pa nyid rtsad nas bcad// rang rig dang po'i so la bzhag/ 'khrul pa log par the tshom med// chos kyi mtha' yang gang yin na// chos sku gnyis med chen po ni// gzhi rtsa med pa'i sems nyid 'di// chos rnams kun gyi rtsa ba yin// brjod pas thog tu mi phebs pas// chos kyi de las byung ba'i 'brel// sku gsum dbyings nas ye shes dang // mtshan dang dpe byad ltar snang ba// de las log ste ma rig pas// bsdus pa thams cad chos can no// de rnams kun gyi mthas gtugs pa// chos kyi mthar thug ces bya ste// 'khor ba lugs las ldog pa'o// sku yi ngo bor gtugs pa ni// rgyu dang rkyen gyis ma bskyed de// 'od gsal sgyu ma'i sku yin pas// gnyis med brjod par mi nus so// chos kyi dbyings kyi mdor gtugs na// rig pa'i yul ltar snang ba yang // shin tu phra ba'i stong nyid 'di// rig pa stong pa dbyer mi phyed// brjod par rab tu dka' ba'o// dbyings ni mu mtha' bral bar thug/ rgyu yi ngo bor gtugs pa na// kun rdzob snang ba 'khor ba'i rgyu// 'das par snang ba don dam rgyu// 'khor 'das gnyis su snang ba'o// rgyu yi ngo bo chos nyid yin// chos nyid skye ba med par thug/ lam gyi stobs su gtugs par bya// theg pa rim pa'i lam rnams kyi// nang nas lam stobs gang chen// sku las lam du byed pas na// 'bras bu nyid las lam shes pas// lam nyid sku la thug pas na// lam la bgrod du med pa'o// bgrod med lam la gnas par bya// spang bar bya ba'i rgyu gang yin// ma rig pa dang log lha dang // log rtog gnyis 'dzin the tshom rnams// rtsad chod nas ni rang dengs 'gro// 'bras bu'i gdeng du gtugs byas nas// ma rig kha ni nang du bltas// rig pas 'khor 'das chos rnams kun// chos kyi sku las byung bar shes// kun rdzob rnam grangs brjod 'das kyang // 'khor ba'i chos la 'dus pa yin// mya ngan 'das pa don dam nyid// don dam grangs med 'di ru 'dus// de dag thams cad snang ba yang // chos kyi sku las tha mi dad// yul gyis ye shes klong brdol ba// bag chags sbubs kyi snang ba la// ye shes bzhi dang ldan pas na// bya ba grub pa'i cha la gnas// sgyu ma'i lus la ye shes lnga// ye shes lus can de bzhin gshegs// yon tan sku yi klong brdol ba// thun mong yon tan snang ba yang // 'gro 'ong med dang 'du 'bral med// skye 'gag med dang 'phel 'grib med// gcig pa tha dad med pa'o// thun mong ma yin yon tan ni// log pa'i yon tan snang ba yang // lus dang ngag dang yid gsum mo// yang dag pa yi yon tan ni// sku dang gsung dang thugs su snang // 'khor 'das gnyis su snang ba yang // kun la khyab par gnas pa dang // gzugs can ma yin 'gro 'ong med// dus ni thams cad pa yin no// sems kyi gdar sha gcad par bya// lhag mthong rig pa'i ye shes kyis// ma rig pa yi gdar sha bcad// chos spyi rang gi mtshan nyid kyis// the tshom gdar sha gcad par bya// lam dang bya ba'i ye shes kyis// lam dang ye shes gdar sha bcad// bsgom pa'i dmigs ni bstan par bya// 'khor 'das gcig par gyur pa yi// rig pa chos sku stong gsal bsgom// ye shes chen po'i ngang la bzhag/ sgrib pa'i skyon yang bsal bar bya// skyon yang rang bzhin bsal mi dgos// mi dgos pa yi dpe gsum bstan// mar me dang ni nyi ma dang // nor bu chu 'dangs lta bu'o// des na sgrib pa rang dengs 'gro// 'bras bu'i rang bzhin rgyu gcig pa// btsal mi dgos pa'i rang bzhin gnas// da ltar bag chags lus gnas pas// 'od bzang 'bar ba'i dpal be'u// de nyid sbubs 'pho mkha' la 'char// ye shes snang ba lam me ba// de dang mi 'bral 'grogs pa ni// lag na 'od 'bar snang ba'o// rang gi rang ngo shes pa ni// 'gro ba'i mar me ye shes sgron// rin chen sbubs su gnas pa ni// gzi brjid chen po blta na sdug/ de kun thig le gcig tu gnas// rang bzhin ldan pa'i 'bras bu'o// man ngag rdzong chen rnam pa gsum// 'bras bu'i gter gsum sba pa'o// byang chub sems kyi rdzong la ni// thig le nyag gcig gter sba'o// thig le phyi nang rtsal rdzong la// kun bzang rol pa'i gter sba'o// yid kyi rnam shes rdzong chen la// rang byung ye shes gter sba'o// mnyam pa chen po mi g.yo bas// rdzong la gter sbas rgyas gdab bo// stong thun ma gzhi'i man ngag 'di// ston pa rdo rje 'chang chen gyis// dga' rab rdo rje nyid la bshad// chos kyi ma gzhi zhes bya'o// de nas bcom ldan 'das rdo rje 'chang chen pos gang zag lam gyi cha rkyen yang gsungs pa/ dang po zug sar gtugs pa dang // bar du 'gro sar btang ba dang // tha ma 'dug sar bzhag pa'o// 'khrul gzhi rtsad nas bcad pa dang // 'khrul pa gzhi la ldog pa dang sangs rgyas pa dus mnyam mo// chos nyid ma dang 'phrad pa'i dus dang // rdo rje sems dpa' rang dbang thob pa'i dus dang // ye shes rang sa zin pa'i dus so// zhes rin po che dra ba'i dgongs pa mig mang ris zhes bya bar gsungs so// de nas bcom ldan 'das rdo rje 'chang chen pos rin po che gter gyi 'byung gnas zhes bya ba gang zag lam gyi cha rkyen 'di gsungs so// rdzogs pa chen po phyin ci ma log pa'i man ngag mngon du phyung ba 'di la lnga ste/ chos nyid byang chub sems las 'khrul pa byung ba'i tshul bstan pa dang / de gang la brtags te byung bar bstan pa dang / brtags nas nges pa'i don la bsgom pa bstan pa dang / rang byung ye shes mngon du shar ba'i dus bstan pa dang / dbu ma sems tsam gyi gol sa bcad cing rgol ba phyir rgol gyi the tshom bcad par bstan pa'o// de la yang gsum ste/ dang po dngos po'i gnas lugs bstan to// bar du gzung 'dzin gyi 'khrul pa bstan to// tha mar 'bras bu thob pa'i dus bstan to// man ngag gsum ste/ rgyal po'i gdung mi 'gyur ba'i lta bas yid ches bskyed/ 'khor ba thog mtha' gcod pa'i man ngag gi gzer gdab/ phyir mi ldog pa'i snying po sems kyi 'bras bur gnas so// 'di la gol sa gsum ste/ blta ba'i gol sa dang / man ngag gi gol sa dang / 'bras bu'i gol sa'o// 'di la bsgom pa'i thabs kyis bsgom pa ni gsum ste/ kun bzang ngang la gnas pas dang kun tu bzang po// mkha' dbyings klong kun tu bzang mo// rtogs pa kun tu bzang po'o// rang bzhin gsum ni/ rang bzhin snying po med pa/ rang bzhin bde ba chen po// rang bzhin snying po can no// la bzla ba gsum la rgyu'i chos su la bzla ba dang / 'bras bu'i chos su la bzla ba dang / rgyu 'bras gnyis med du la bzla ba'o// zhes rin po che gter gyi 'byung gnas su gsungs so// pad+ma 'khyil ba'i rgyud chen po 'di// rdo rje 'chang chen rgyal ba yis// mkha' 'gro ma la sogs pa la// dgongs pa brgyud nas bshad pa yin// 'khor rnams dgyes nas rab tu bstod// rgyal ba dgongs pas brgyud pa yis// phyi rabs rnal 'byor dbang phyug rnams// sangs rgyas zhal nas gsungs pa ni// yid ches 'gyur bas rab tu dad// rig 'dzin rig pa'i brdas brgyud pas// zab mo'i man ngag rgya cher 'gyur// gang zag snyan khung brgyad gsungs pa'o// man ngag thugs kyi rgyud chen thig/ nang skor lnga yi man ngag dang // gsang skor lnga dang dgu pa dang // gang zag cha rkyen rnam gsum gyi// rgyud chen rab zab rgyud gsungs pa// ma 'ongs don du lung bstan gsungs// rdo rje 'chang chen khyod la 'dud// ces bstod nas/ ston pa 'khor dang bcas pa rnams chos kyi dbyings thig le nyag gcig tu dbyer med par bzhugs so// ston pa rdo rje 'chang chen pos gsungs/ zhu ba po dga' rab rdo rjes zhus nas/ skal ldan 'ga' zung la brgyud do// pad+ma 'khyil pa'i rgyud las rjes su yi rang ba ste le'u rtsa gcig pa'o// // sku'i rgyud pad+ma 'khyil pa rdzogs so// // rdo rje rtse mo 'dus pa'i rgyud ces bya ba/ bcom ldan 'das dpal mgon po ye shes kyi sku dri ma med pa la phyag 'tshal lo// 'di skad bdag gis bstan pa'i dus gcig na/ 'khor chen po