བོད་ཡིག

e-texts produced with BDRC’s OCR application

@/ rgya gar skad du/ tsit+ta pra hr-i da yA shA ya su ra su mu da ya shud+d+ha gu b+har+tha su ra saM hA rA pad+ma ta maHk+Ship+tA sAr+ya tsan+da dza la tan+t+ra/ bod skad du/ thugs kyi yang snying dgongs pa'i bcud 'dus pa/ bka' rgyud rnams kyi gsang don bcud dril ba ma rig mun sel nyi zla 'bar ba'i rgyud/ ye gnas thog ma'i sangs rgyas 'od gsal dang dang sa la phyag 'tshal lo// 'di skad bdag gis go zhing rtogs pa'i dus gcig na/ chos nyid kyi kloslong dbyings kyi stong ra na/ mkha' klong rnam par dag pa'i gnas// 'od sna tshogs gcig tu 'dus pa/ rin po che spungs pa rnam par dag pa bsam gyis mi khyab pa'i dkyil 'khor rgya yongs su ma chad/ phyogs gang du yang ma lhung / sgrib pa med par rang bzhin gyis 'od gsal ba/ dbyings rnam par dag pa'i mkha'/ snang srid skye 'gro thams cad bsdus pa'i gnas de na/ ye thog ma'i sangs rgyas 'od mi 'gyur ba'i rang bzhin/ kun tu bzang po zhes bya ba bzhugs so// de'i tshe rang byung gi ston pa'i 'khor 'di lta ste/ rnam par dag pa bde gsal 'od khang na/ rang gsal sems dpa' rdo rje la/ rang byung gi 'khor dang / rang gsal sems kyi 'khor dang / dran rtog blo'i 'khor dang / rtsal zer bu'i 'khor 'di lta ste/ 'od gsal rin po che'i dkyil 'khor na/ dbyer med gti mug dag pa'i ston pa la/ zhe sdang rang byung gi 'khor dang / nga rgyal rnam dag gi 'khor dang / 'dod chags zhen gcod kyi 'khor dang / phrag dog gsal dag gi 'khor ro// 'das dang ma 'ongs da ltar gyis// tha snyad ming la mi gnas te// dus gsum gcig ste khyad par med/ dus phun sum tshogs pa'o// ma hA sa sa me rba dur tsa tsa/ d+harma sang ka ri/ theg pa dgu rtse s+thi ti yo ga 'di// bya btsal rtsol bsgrub ma byas par// ka dag ye sangs rgyas par bstan// ma byung ma skyes snying po la// sgro btags chos kun ga la yod// mi skye mi 'gag snying po'i klong // ma phye mi phye snying po'i bcud// ma mtshon mi smra tha snyad med// dmigs pa'i rnam pa kun dang bral// sangs rgyas med pas yid smon med// gdod nas dag pa chos kyi sku// bde chen mi rtog 'gyu ba bral// spros pa zag chod snang ba dag/ rig pa mi dmigs ye shes gsal// dbang po rang snang rgyal ba'i thugs// 'gro ba kun la rang bzhin gnas// mthong ba log pas 'khrul mod kyang // sangs rgyas dang dngas rang sangs rgyas// zhes gsungs so// gleng gzhi'i le'u ste dang po'o// // de nas rdo rje sems dpa' yis// kun bzang nyid la 'di skad zhus// dngos po ji ltar gnas lugs dang // ma rtogs rigs drug ji ltar 'khrul pa dang // 'khrul pa rtsad nas ji ltar gcad pa dang // rtogs nas 'bras bu ji ltar 'thob pa dang // gsang sngags ngo bo ji ltar yin pa dang // theg pa'i rgyal po ji ltar bshad pa dang // yang rab rnams la ji ltar bshad pa dang // de nyid rtogs thabs ji ltar bstan pa dang // de rnams ston pas 'khor la bka' stsol 'tshal// zhes zhus pa dang / de nas ston pa kun bzang gis/ byar med spros bral gyi ting nge 'dzin la snyoms par zhugs nas 'di skad ces bka' stsal to// dngos po gshis kyi gnas lugs ni// tshig gi yul du ma gyur kyang // ma rtogs blo la mtshon pa'i phyir// gsung gi sgron ma gsal ba yis// yang gsang bcud kyi snying po bshad// ye gnas thog ma med pa'i bar don// ma phyed mi phyed snying po mnyam pa nyid// gzhi yi rang bzhin yod med mnyam pa'i ngang // mnyam pa'i ngang las kun 'byung mdzod po che// rnam dag bsam gyis mi khyab lha khang na// stong gsal dang dngas rin chen bzhugs// rin chen dang gsal 'khor gyis bskor// dgos 'dod kun 'byung rin chen 'chang // gzhi nyid rdo rje rkyen dang bral// ma skyes pas na 'jig pa med// gdod nas snying po byang chub de// rtsol ba'i bsam pas dbyings mi bskyod// chos sku'i khyab pas gcig pa'i phyir// gzhi yi rang bzhin mnyam par gnas// chos dbyings dam pa zad mi shes// yang dag bdag med de bzhin nyid// yang dag mtha' la yi ge med// bcu drug phyed phyed thig le can// lus med lus te lus kyi mchog/ dang po'i sangs rgyas rgyu med pa// ye shes mig gcig dri ma med// ye shes ldan pa yod med shes// rnam pa kun ldan rnam pa med// mi mngon mi gnas gsal bya min// mi 'gyur kun 'gro khyab pa po// nam mkha'i mtha' la longs spyod pa// thams cad bskyed pa'i gzhi ma yin// kun gzhi mnyam nyid yin pa la// phyogs su bltas pas grub pa med// sangs rgyas thog ma tha ma med// ye shes lus can de bzhin gshegs// chos dbyings dam pa rtsang mi shes// sangs rgyas med pas ming yang med// sangs rgyas ston pas ming btags nor// rnam par dag pa'i chos nyid de// dper bya/ kun las 'das pa po// dngos po'i gnas lugs de ltar ro// zhes gsungs so// dngos po'i gshis kyi gnas lugs bstan pa'i le'u ste gnyis pa'o// // de nas rdo rje sems dpa' yis// ston pa kun tu bzang po la// ma rtogs sems can ji ltar 'khrul// zhes gsol pa dang / de nas ston pa kun bzang des/ rin po che 'od 'phro 'du dang 'phel 'grib med pa'i ting nge 'dzin la bzhugs so// de las bzhengs nas 'khor la 'di skad gsungs so// ma rtogs sems can 'khrul lugs ni// sngon med phyis med gdod nas dag/ nam mkha'i bdag pos sna tshogs ston// nam mkha'i mtha' las rang byung ba// sna tshogs gzugs can yid las skyes// rnam rig sna tshogs gzugs don can// gzugs rnams thams cad snang ba'i dpal// gzugs rnams ma lus 'chang ba po// rnam shes sna tshogs rgyud don ldan// bdag rig gzhan rig thams cad pa// sna tshogs gzugs can byed pa po// nyon mongs pas ni sems 'khrugs pas// ye shes 'khor ba'i 'dam du bying // ma rig sgo nga'i sbubs chud pas// 'gyu ba rlung gis rgyu byas nas// sgrib g.yogs mun pas bar bcad de// mun pa'i 'khor lo rkyen du byung // ye don ma shes don ma rig/ ngo bo rang bzhin thugs rje las// rig pa yid 'gyus sems su 'khrul// yid 'khor gsum gyis dra bar 'thums// ma nges kha dog 'ja' tshon las// rigs kyi khyad par mngon par snang // 'dod chags zhe sdang gti mug dang // nga rgyal phrag dog tshul du 'khrul// 'gro ba'i sdug bsngal zad med myong // smig thag thog zhi de las su// chu sbrul mi 'khrul dpe yis mtshon// sna tshogs lus dang gnas la sogs// bdag dang bdag gir so sor bzung // rmi lam tshul du sdug bsngal myong // snang srid skye 'gul de ltar 'khrul// zhes gsungs so// nyi zla 'bar ba'i rgyud las/ ma rtogs 'khrul pa'i le'u ste gsum pa'o// // de nas rdo rje sems dpa' yis// kun bzang nyid la slar zhus pa// 'khrul pa rtsad nas ji ltar bcad// ces zhus pa dang / de nas ston pa kun bzang de 'od sna tshogs rang la thim pa'i ting nge 'dzin la zhugs so// de las bzhengs nas 'khor la 'di skad gsungs// nam mkha' las byung rang byung ba// shes rab ye shes me bo che// 'gro ba'i mar me ye shes sgron// gzi brjid phung po 'od gsal 'bar// shes rab ral gris 'khrul snang gcod// dus shes sems can dbang po shes// phung po lnga don dus gsum du// skad cig thams cad bye brag phyed// sdug bsngal gsum gyi sdug bsngal zhi// sgrib pa kun las nges par grol// dus gsum dus med rtogs pa po// rnam grol gsum la mkhas pa po// gsum sel mtha' yas grol gsum thob// bdag gir mi 'dzin ngar mi 'dzin// rnam par dag pa bdag med chos// yang dag bdag med de bzhin nyid// rnam par rtog med lhun gyis grub// bag chags bcas pa gtan spangs pa// nyon mongs dri ma kun las 'das// lus kun las ni rnam par grol// nam mkha'i lam la rab gnas pa// yid bzhin nor bu chen po 'chang // dus gsum dus med rtog pa po// don rnams ji bzhin mi bskyed de// bya ba byed pa grol ba grol// rang byung ye shes btsal med pas// grol nas grol ba'i lam yang ston// snang ba med pa'i chos nyid 'di// ma btsal bzhag pas grub pa yin// 'gro ba'i sdug bsngal byang chub sems// ma brtags bzhag pas rnam par grol// de las bskyod pa med bzhin du// nam mkha'i mtha' ltar mnyam par gnas// de bzhin rtogs pa'i shes rab kyis// mngon sum med pa rang las byung // phyi nang gnyis ka phyi nyid dang // zab mo cha shas rtogs yul med// snang srid ming tsam log pa'i stongs// de bas ting 'dzin mnyam dang bral// de la tha tshig phyi dang nang // rang bzhin phung po khams ltar gnas// dus gsum 'di dang mi 'bral bas// tha tshig ming du btags pa med// mi len pas na bdag med cing // mi 'dor tshig bral mnyam nyid do// ngo mtshar rmad byung rol pa 'di// gnas par bya ba'i ming med de// bya bral nam mkha' ji bzhin pas// ci yang mi dmigs gti mug pas// de ma thag tu rang las byung // 'di ni thams cad mtshungs pa'i lam// 'gro ba kun la rang bzhin gnas// ye shes chen po skad cig gis// chos kun khong du chud pa po// gdod nas dag pa chos kyi sku// ye nas grub pas btsal mi bya// bsam du med de ye sangs rgyas// bsgom du med de dmigs dang bral// rig yid sems med dran rtog sangs// ngang dngas ye shes nyi shar bas// ma rig sgo nga'i sbubs nas thon// ma rig 'khor ba'i mun sangs nas// srid pa'i dra ba 'joms pa yin// 'khrul snang ma lus rtsad nas gcod// gcig shes kun grol dgongs pa shar// rang bzhin ngo bo thugs rje las// sku gsung thugs kyi ngo bor rtogs// dug gsum nyon mongs rtsad nas bcad// phyi rol nang dag 'dzin pa brlag/ ngang dngas gsal dag dgongs par gnas// bsam dug dngos med lha khang du phyin pas// bsam 'phel gyi nor bu rin po che rnyed nas/ dgos 'dod thams cad de las byung bas/ sna tshogs bsam bral gyi thugs rang la shar ro// zhes gsungs so// nyi zla 'bar ba'i rgyud las/ 'khrul snang rtsad nas gcod pa'i le'u ste bzhi pa'o// // de nas rdo rje sems dpa' yis// kun bzang de la 'di skad zhus// 'khrul chod rtogs pa'i 'bras bu gang // zhes zhus pa dang / de nas ston pa kun bzang de/ 'od zer spros pa yongs su gcod pa'i ting nge 'dzin la bzhugs so// bzhengs nas 'khor la bka' stsal pa// 'khrul pa log thob 'bras bu ni// nges 'byung gsum po sku gsum thob// mchog gi dang po sku gsum 'chang // rang bzhin ngo bo thugs rje las// sangs rgyas sku lnga'i bdag nyid can// don gsum the tshom med pa'i blo// kun don yon tan gsum gyi bdag/ yang dag nges pa'i lung du zung // gzugs med gzugs bzang dam pa ste// lus med lus te lus kyi mchog/ ye nas skye med chos kyi sku// rtsal zer 'gag med longs spyod sku// thugs rje sprul pa'i sku 'chang ba// phyogs bcur sprul pa sna tshogs 'gyed// sprul pa'i sku ste sku yi mchog/ lus kun las ni rnam par grol// grol pa thar pa rnam grol lus// rnam grol zhi ba zhi ba nyid// mya ngan 'das pa mya ngan 'das// theg pa sna tshogs thabs tshul gyis// 'gro ba'i don la rtogs pa po// theg pa dgu yi nges 'byung la// sangs rgyas sku yi bstan pa gcig/ theg pa dgu rtse spyi ti yin// don gcig gnyis med chos kyi don// dam pa'i don de 'jig pa med// mi g.yo rab tu dngas pa'i bdag/ rnam par dag pa bdag med chos// yang dag ye shes dang dngas gsal// chos nyid rnam shes yul las 'das// skye 'gag dmigs pa'i mtha' las grol// shes rab chen pos skad cig la// chos kun mngon par rtogs pa po// skye med chos te sna tshogs don// theg pa gcig gi 'bras bur gnas// nyon mongs khams rnams dag pa'i bdag/ las kyi khams rnams zad par byed// chu bo rgya mtsho kun las brgal// thub pa blo mchog 'byung po sel// nor ba thams cad rnam par spangs// gsum rig gtsang ma dag pa yin// grub mtha' mthar phyin 'khrul pa med// bya ba byas pa skam sar gnas// thub pa med pa dpe med pa// chags bral lus las 'das pa po// rin chen lnga yi dkyil 'khor du// 'od zer sna tshogs 'thim pa'i thabs// stong nyid klong yangs ma yi dbyings// rtsal zer yan lag bu rnams dang // shes rab mkha' la 'degs pa dang // 'byung ba ma la zha ba dang // shes rab dbyings su thim pa dang // yin la min pa med pa dang // shes pa mkha' la 'khyil ba dang // rig pa rang sar gnas pa'o// thim pa la ni ma rmugs dang // gsal la rtog pa med pa dang // so sor ma 'dres pa la ma 'byed pa'o// don grub bsam pa yongs su grub// thol byung 'khrul chod log rtog yin// nam mkhar rtog pa skye med cing // rtogs pa de nyid nam mkha' 'dra// mi chags nam mkha' lta bu la// rang don chen po nam mkha' 'byung // mnyam pas rim pas bkod pa med// gcig pas phyogs bcu dngos dang bral// rang bzhin gnas pas lhun gyis grub// gdod nas dag pa'i snying po yin// lhag pa'i bsam pa bzung ba med// ces gsungs so// nyi zla 'bar ba'i rgyud las/ 'khrul pa rtsad bcad rtogs thabs 'bras bu bstan pa'i le'u ste lnga pa'o// // de nas rdo rje sems dpa' yis// kun bzang nyid la 'di skad zhus// gsang sngags don gyi ngo bo gang // zhes zhus pa dang / de nas ston pa kun bzang de/ 'od bkol ba med pa'i ting nge 'dzin la snyoms par zhugs so// de las bzhengs nas 'di skad gsungs// gsang sngags don gyi ngo bo ni// gzung 'dzin skyob pa'i gsang sngags yin// skye med snying po bcud 'dus klong // byar med tha snyad kun las grol// snying po chos nyid klong dkyil na// ka dag rang byung dang dngas bzhugs// phyi grol nang dag yid gnyis brlag/ rnam dag snying po ma yi klong // dngos 'dzin rtog pa'i mtha' rnams gcod// ma 'gags 'od gsal rang sangs pas// gti mug chad mtha' rnams spros gcod// de yis gzung bya'i chos las skyob// kun gzhi stong gsal chos nyid klong // rtsis gdab dran rtog yid las 'das// de yis 'dzin pa'i skyon las skyob// yid gnyis rtsad chod gzung 'dzin med// gzung 'dzin las skyob gsang sngags yin// rig gsum 'chang ba gsang sngags 'chang // gsang sngags las byung yi ge med// ming tsam 'di zhes bstan pa ni// kun tu bzang pos mtshon du med// ngos bzung med pas gsang ba yin// gsal zhing khyab pas sngags pa yin// dngos po ye med gsang ba yin// mtshan ma sna tshogs sngags pa yin// gsal ba'i snying po bcud 'dus yin// sngags pa rang gsal 'od gsal yin// don ni gnyis 'dzin spros pa chod// gsang sngags ngo bo de ltar yin// ngo bo rang 'bar kun gsal gdangs// zhes gsungs so// nyi zla 'bar ba'i rgyud las/ gsang sngags don gyi ngo bo bstan pa'i le'u ste drug pa'o// // de nas rdo rje sems dpa' yis// kun bzang nyid la 'di skad zhus// theg pa'i rgyal po ji ltar bshad// ces zhus pa dang / ston pas 'khor la bstan pa'i phyir/ mtshon brjod dang bral ba'i ting nge 'dzin la snyoms par zhugs so// de las bzhengs nas 'di skad gsungs// theg rgyal rdzogs chen spyi ti 'di// nam mkha' stong pa'i dpes mtshon nas// mtha' dbus phyogs ris med par bshad// nyi ma zla ba'i dpes mtshon nas// snang srid thams cad gsal bar bshad// bya rgyal khyung gi dpes mtshon nas// theg dman zil gyis gnon te bshad// tshangs pa'i 'brug sgra'i dpes mtshon nas// kun bsgrags go zhing gsal bar bshad// mtshon cha'i 'khor lo'i dpes mtshon nas// 'khrul snang spros pa bcad de bshad// mun khung sgron me'i dpes mtshon nas// don gyi gser dang sprad de bshad// nyi ma'i snying po'i dpes mtshon nas// yang gsang bcud kyi snying po bstan// gser 'gyur rtsi yi dpes mtshon nas// ma spangs rang sar grol bar bshad// stag mo'i rngam stabs dpes mtshon nas// dkyus kyi sa rnams gcad par bya// rus sbal nur 'gros dpes mtshon nas// tshig gis 'bru rnams zhib tu gnyer// bshad pa'i chos rnams tha snyad yin// ma bshad go ba'i chos shig dgos// blos btags chos ni rtog tshogs yin// blo las 'das pa'i chos shig dgos// byas pa'i chos ni 'dus byas yin// ma byas rang byung chos shig dgos// bsgrub pa'i chos rnams rtsol bsgrub yin// rtsol bsgrub chos ni yid smon yin// dmigs med bsam 'das chos shig/ dgos// zhes gsungs so// nyi zla 'bar ba'i rgyud las/ theg pa'i rtse rgyal s+thi ti bshad pa'i le'u ste bdun pa'o// // de nas rdo rje sems dpa' yis// kun bzang nyid la 'di skad zhus// yang rab rnams la ji ltar bshad// ces zhus pa dang / ston pas 'khor la 'di skad gsungs// snying po ka dag rang bzhin la// skye dang 'gag pa gnyis med kyang // gsung gi sgron ma rab gsal ba// yang rab rnams la bstan pa ni// gleng bral 'di la gnas pa ni// rnal 'byor yang rab skal ba bzang // bdag dang gzhan don mi 'byed cing // sgyu ma lhun grub yul la rol// rat+na d+harma sarba d+hA tu a si thim/ rin chen chos rnams thams cad kun// dbyings su 'dus pa'i lha khang na// 'gru ba sems kyi rta pho la// rang byung dang dngas mi zhon nas// sgo lnga rnam dag lam du byung // snang srid rang grol zang la rgyug/ dbye bsal med pa'i dgongs par gnas// kun 'byung klong yangs lha khang du// sems can spyi mes rig pa'i rgyal// snang srid bskyed kyang 'phel 'grib med// nam mkha' 'di las cho 'phrul rnams// nam mkha'i ngang las g.yos pa med// snying po'i klong nas rtsal bu rnams// byung yang sna tshogs ma la thim// ma bu ngo sprod ye sangs rgyas// 'khrul dang ma 'khrul ye nas med// rtogs dang ma rtogs blo yi yul// lha sgom spyod 'bras blo yin pas// blo nyid ma zad bar du ni// ji ltar bsgrub kyang rtsol ba'i gnad// rtsol ba'i sems la byang chub med// ces gsungs so// nyi zla 'bar ba'i rgyud las/ yang rab rnams la bstan pa'i le'u ste brgyad pa'o// // de nas rdo rje sems dpa' yis// kun bzang nyid la 'di skad zhus// rtsol ba'i bsgrub chos ma yin pa'i// byar med rtsol bral bka' stsol cig/ ces zhus pa dang / ston pas 'khor la bka' stsal pa// byar med rtsol bral ngas bstan gyis// rdo rje sems dpas yid la zung // bsgrub med rtsol bsgrub smon pa med pa yi// byar med lhun rdzogs snga ma de nyid don// bya bral nam mkha' ji bzhin te// rtsol bsgrub bya btsal ga la yod// gsal dag ye shes dgongs pa 'di// rang byung dang dang sa 'od gsal yin// btang ngo bzhag go rang bzhin de// blang dor brod pa bskyed mi bya// mngon sum mi snang rgyab nas 'byung // phra zhing shes dka'i chos 'di ni// rnam par mi rtog rtog las 'das// sku gcig kun tu khyab pas bsnan pa'i chos med de// sems dang chos ni ci yang ma yin pas// gzhan la 'di 'dra zhes ni/ bstan du med// kun gzhi klong yangs chos dbyings nas// rig yid sems blo ci byung yang // thol byung dang dngas byung sar thim// dper na rgya mtshor rdo bsgyur bzhin// skye ba med pa'i klong du thim// 'gyur ba med pa'i rgya yis thob// sems kyi rang bzhin ci yang ma yin pas// bsgom pa'i tshe na ci yang mi bsgom mo// ma bsam ma bsgoms chos gzhan du// yon tan che ba'i bsam gtan ni// ma bstan nyid du bsam du med// yang dag ye shes gnyis med 'chang // rnam par dag pa bdag med chos// yang dag bdag med ye shes gsal// chos nyid rnam shes yul las 'das// brda' ni mkha' 'gro chos nyid brda'// rin chen spungs pa'i dkyil 'khor na// rang byung dang dngas snang gsal bzhugs// chags sdang spros gcod snang srid grol// mi gnas pa yi yul med de// rnam par mi rtog snying po'i klong // ye shes lus te rang dngas sku// chags bral lus la 'das pa po// zhes gsungs so// nyi zla 'bar ba'i rgyud las/ byar med spros bral bstan pa'i le'u ste dgu pa'o// // de nas rdo rje sems dpa' yis// kun bzang nyid la 'di skad zhus// gsang sngags brda' yis ji ltar bshad// ces gsol pa dang ston pas 'khor la bka' stsal pa// a ka da ti sa tis hri ti b+ho ya hri ta/ Tu la ya a a// gsang sngags ngo bo brda' yis bshad// sngon thog skye med gtan gzhi'i gnas// rgyal yul chos nyid yangs pa na// khri rje yang gsal spyi phud bzhugs// blon 'khor bsam mi khyab kyis bskor// rgyal srid yongs la mnga' yang mdzad// 'dod pa'i longs spyod bsam mi khyab// rin chen kun 'byung lha khang na// rang byung dang dngas ye gsal bzhugs// gsal dag spros gcod 'khor gyis bskor// zhing khams yongs la mnga' yang mdzad// chos nyid longs spyod zad mi srid// snang med mun pa'i smag rum na// rgan mo rmongs pa gsal med gnas// mun pa'i tho yor 'khor gyis bskor// dmus long shes med mnga' yang mdzad// snang gsum chu bzhi'i 'khor bar 'khyams// brgyad khri bzhi stong 'khor longs spyod// kun 'byung spyi sa'i ldum ra na// bsam 'phel nor bu rin chen yod// ci 'dod longs spyod de las 'byung // nor de thob na ci bsam 'grub// nor de thob par 'dod pa la// rang byung ye shes dang dngas kyis// khyung la zhon nas ral gri thogs// sra ba'i go cha lus la gon// mi 'jigs pa yi mig phye la// mi yi nor bu rin chen la// rang byung rig yid dran sems blo// thol byung ngang dngas rin du bcol// bsam 'phel nor bu thob par gyis// spros gcod rang grol rgya yis thob// yang snying bdud rtsi'i bcud cig 'thung // bcud 'thung yang snying thugs la chongs// skye 'gag 'gyur med klong dkyil du// byar med bde chen dbyings su nyol// g.yo rtsol 'pho 'gyur med par mnal// zhes gsungs so// nyi zla 'bar ba'i rgyud las/ gsang sngags brda'i le'u ste bcu pa'o// // de nas rdo rje sems dpa' yis// kun bzang nyid la 'di skad zhus// theg pa'i spyi phud spyi ti ru// theg dgu snang srid ji ltar rdzogs// zhes zhus pa dang / ston pas 'khor la bka' stsal pa// rdo rje sems dpa' nam mkha' che// kun bzang yangs pa rnam dag snying po'i klong // mi skye mi 'gag snying po rang sar grol// rdzogs dang ma rdzogs gzhi la gnyis med kyang // rtsal zer yan lag chos rnams rdzogs lugs ni// 'jig rten pa dang 'jig rten 'das// 'jig rten sa la gnyis te skye bo dang // grub mtha' log pa'i phyi rol mu stegs pa'o// 'das pa'i theg pa rim pa dgu// mkha' klong rnam dag snying po bcud spangs su// rtsal zer 'gag med chos rnams yongs rdzogs te// gzhi gnas rang dngas rang sangs so// bde chen mi rtog rang sangs pas// gzung 'dzin dri med dgag bsgrub med// gsal dag ma g.yos ga deng dang ldan// snang ba chen po gsal ba yin// mu stegs chad pa'i lta ba rdzogs// dus gsum 'pho 'gyur med par gnas// rtag pa'i lta ba ma lus rdzogs// 'das pa'i theg pa dgu yi rdzogs lugs ni// yul sems gnyis su ma grub pas// nyan thos lta ba ma lus rdzogs// rten 'brel rnam par rig byed med// rang rgyal lta ba ma lus rdzogs// phyi nang gzung 'dzin gnyis med pas// sems tsam lta ba ma lus rdzogs// bden gnyis kha tshon bcad du med// dbu ma'i lta ba ma lus rdzogs// phyi rgyud sde gsum rdzogs lugs ni// phyi ltar snang ba'i rnam pa la// phyi dag nang dag rdzas dag las// kri ya'i lta ba ma lus rdzogs// mar spyod yar blta'i rtsis gdab med// u pa ya yi lta ba rdzogs// 'di ltar snang ba'i yul rnams la// chos 'phrul lnga dang rigs gsum mgon// cho 'phrul rtsis gdab bya rtsol med// yo ga'i lta ba ma lus rdzogasas// 'di ltar phyi nang snod bcud kyang // ting 'dzin rnam gsum sgor zhugs nas// yo byad lnga dang cho 'phrul bzhi// yongs su brtags nas lha ru bsgom// snod kyi 'jig rten snang ba la// phung po rgyal ba rigs lnga'i sku// 'byung ba lnga ni rigs yum lnga// tshogs brgyad sems dpa' sems mar snang // khams dang skye mched lha lha mo// skye mched mu bzhi sgo ba sgo ma bzhi// snang la mi 'gog thabs yin te// rang bzhin med pa shes rab yin// gnyis med thad du 'brel pas na// ma hA'i lta ba yongs su rdzogs// rgyu ni dag pa'i dbyings su blta// 'bras bu ye shes dkyil 'khor lha// dbyings dang ye shes gnyis med pas// a nu'i lta ba yongs su rdzogs// snang ba sku yi dkyil 'khor rdzogs// grag pa gsung gi dkyil 'khor rdzogs// dran rtog thugs kyi dkyil 'khor rdzogs// 'khor 'das sku gsung thugs su rdzogs// thams cad yongs rdzogs rdzogs pa che// 'jug sgo phrin las dkyil 'khor dbang dam rdzogs// lha bskyed spyan 'dren 'dzab dang gtor ma rdzogs// gshegs gsol smon lam rgyas 'debs thams cad rdzogs// lha sgom spyod 'bras sku dang ye shes rdzogs// sa lam ye shes phra rags man ngag rdzogs// rgyud lung man ngag dam tshig sdom pa rdzogs// lam lnga sa bcu pha rol phyin bcu rdzogs// thams cad rdzogs pa'i s+thi ti yo ga yin// lhag ma med par yongs su rdzogs// 'gyu ba ma yin drang por rdzogs// zhes gsungs so// nyi zla 'bar ba'i rgyud las/ rdzogs lugs bstan pa'i le'u ste bcu gcig pa'o// // swa ti a ti sarba rA tsa hri ti b+ho ya/ de nas rdo rje sems dpa' yis// dgu rtse spyi rgyal s+thi ti ru// thams cad yongs rdzogs ji ltar lags// zhes zhus pas/ ston pas 'khor la bka' stsal pa// a sa so ta ti// hr-i da ya/ zhes bya ste/ mkha' dbyings rnam dag kun 'byung klong yangs nas// dgag bsgrub gnyis med rang grol zang thal bas// snang srid 'khor 'das btags chags chos rnams rdzogs// dngos med mtshon dang bral zhing ming med pas// tha snyad brgyad khri bzhi stong ma lus rdzogs// spang len chags sdang dbye bsal gnyis med pas// yod med rtag chad 'gro ba rigs drug rdzogs// lta ba tshig bral phyogs ris med// blos btags lta ba ma lus rdzogs// ye dag ma bcos dang dag pas// tha mal dran bsam 'gyu ba bral// yid bzung sgom pa ma lus rdzogs// rang byung rnam dag ma bcos par// lus ngag yid gsum rtsol med de// ma chags ma btsal klong yangs su// ched byas spyod pa ma lus rdzogs// ye sangs snying po'i bcud 'dus pas// spang thob med pa'i thig le ru// yid smon 'bras bu ma lus rdzogs// lta ba stong gsal 'gyur ba med// sgom pa 'od gsal dmigs pa med// spyod pa byar med chags sdang med// 'bras bu ka dag yid smon med// gnad gcig gis ni gnad rnams thams cad grol// don gcig gis ni don rnams thams cad gtan la 'bebs// brda' gcig gis ni brda' rnams thams cad grol// tshig gcig shes pas tha snyad ma lus shes// theg pa gcig gi sgor zhugs rtogs pa yis// brgyad khri bzhi stong rtogs pa'i man ngag yin// e ma'o sangs rgyas spyod yul 'di// btsal bas rnyed pa'i gnas med do// rtog med mnyam nyid chos kyi sku// bzung bas mi zin chu zla 'dra// bya bral nam mkha' ji bzhin te// gcig gi rnam pa yongs kyi med// rnal 'byor bya bral nam mkhar gnas// ma byung ma skyes snying po la// sgro btags chos kun ga la yod// ci ste lam la bgrod gyur na// nam mkha'i mtha' bzhin thug pa med// ces gsungs so// nyi zla 'bar ba'i rgyud las/ s+thi ti yo ga bstan pa'i le'u ste bcu gnyis pa'o// // de nas rdo rje sems dpa' yis// kun bzang nyid la 'di skad zhus// mtshan dang gtad rgya ji ltar lags// zhes zhus pa dang / ston pas 'khor la bka' stsal pa// snying po ming med ming dang bral// yan lag rtsal gyi rig pas ming btags pa// dus gsum sangs rgyas gsang ba'i bcud phyung bas// snying po bcud spungs thig le 'dus pa'i rgyud// thugs kyi yang snying dgongs pa'i bcud 'dus pas// sangs rgyas kun gyi dgongs pa 'dus pa'i rgyud// bka' rgyud kun gyi yang snying bcud dril ba// don gyi bcud dril thig le gsang ba'i rgyud// bskal pa stong du bsags pa'i mun pa rnams// rin chen nyi zlas sel bas nyi zla 'bar// theg pa spyi 'grel spyi ti yo ga'i rgyud// chos sgo brgyad khri bzhi stong gnya' gcog pas// rdzogs chen rgyal po s+thi ti yo gar zung // theg pa rnams kyi dgu rtse spri rgyal 'di// blo che blo yangs blo zab blo rno ba// dad mos brtson ldan ma chags ser sna med// nyon mongs chung zhing byang chub sgrub la gtad// dregs shing mkhas 'dod mu cor smra ba dang // don la mi bsgom tshig zol zong du 'tshong // de la bstan na gnyis ka dmyal bar ltung // de bas man ngag shin tu gsang ba gces// zhes gsungs so// nyi zla 'bar ba'i rgyud las/ dus dang mtshan dang gtad rgya bstan pa'i le'u ste bcu gsum pa'o// // dus gsum gyi sangs rgyas thams cad kyi dgongs pa 'dus pa/ ka dag rnams kyi gsang don bcud dril ba/ ma rig mun sel nyi zla 'bar ba'i rgyud rdzogs so// // u rgyan pad+ma 'byung gnas dang / lots+tsha ba ska ba dpal brtsegs kyis bsgyur zhing gtan la phab pa'o// gter rgya// / @#// rgya gar skad du/ sarba bud+d+hany+dzasha ya su ra saM gra ha gi ri ku Ta tan+t+ra/ bod skad du/ sangs rgyas kun gyi dgongs pa'i bcud bsdus ri bo brtsegs pa'i rgyud/ dam pa dang po'i