བོད་ཡིག

e-texts produced with BDRC’s OCR application

rgyal po wa zang spre'u bcan la gdams te ran po ze'i gtar du klas so// gtar b+ha/ thAs rgya/ gtad bya/ gsang b+ha// / rgya gar skad du/ na d+hU rbad pa ra kuT Nasa? bod skad du/ gter snying rin po che spungs pa'i rgyud/ bcom ldan 'das thog ma'i sangs rgyas 'od mi 'gyur ba la phyag 'tshal lo// 'di skad bdag gis rang bzhin rtogs nas bshad pa'i dus gcig na/ rang bzhin gyis rnam par dag pa'i gnas/ kun gzhi pho brang / kun gzhi'i sems nyid khyab brdal chen po'i dkyil/ 'od gsal 'gag pa med pa'i klong / rin po che rtsal zer kun 'byung gi mkha'/ sgrib pa med par 'od gsal ba/ de nyid du rnam par dag pa/ rgyu rkyen 'pho 'gyur med pa/ rgya chad phyogs lhung med pa'i gnas de na/ sngon thog spyi phud kyi sangs rgyas 'od mi 'gyur ba bzhugs so// de'i tshe rtsal zer shes rig gi 'khor yang 'di lta ste// ma 'gags rtsal zer 'od mdangs 'gyu ba'i 'khor dang / shes rig yid sems dran rtog blo yi 'khor dang / rang bzhin gyi 'khor yang 'di lta ste/ rang bzhin gnas pa'i 'khor dang / rang bzhin la lta ba'i 'khor dang / rang bzhin rtogs pa'i 'khor ro// gzhan yang smin pa chen po'i 'khor yang 'di lta ste/ rgyu'i byang chub sems dpa' dang / lam gyi byang chub sems dpa' dang / 'bras bu'i byang chub sems dpa'o// bstan pa'i rgyal po gter snying rin po che spungs pa'i rgyud 'di/ dus gsum dbyer med snga phyi med pa'i dus su gsungs so// gter snying rin po che spungs pa'i rgyud las/ gleng gzhi phun sum tshogs pa'i le'u ste dang pa'o// // de nas shes rig rgyal po yis// sngon thog spyi phud sangs rgyas la// gzhi 'khrul rtsad gcod rtogs thabs gang // zhes zhus pa dang / ston pas 'khor la bka' stsal pa// gzhi ni ming ma thogs pa la// dngos med ka dag blo las 'das// dpe med tshig med tha snyad med// lhun grub kun ldan gang yang med// mi 'gyur kun gzhi phyogs med klong // zhes gsungs so// gter snying rin po che spungs pa'i rgyud las/ gzhi bstan pa'i le'u ste gnyis pa'o// // de nas shes rig rgyal po yis// sngon thog spyi phud sangs rgyas la// ka dag ma rtogs ci ltar 'khrul// zhes zhus pa dang / ston pas 'khor la bka' stsal pa// gzhi la 'khrul dang ma 'khrul med// rtsal la 'khrul dang ma 'khrul byung // ka dag ma rtogs 'khrul pa yin// dngos med ma rtogs sdug bsngal myong // rnal ma ma rtogs 'khor bar 'khyams// dbye bsal ma rtogs ma rig mun// rang sa ma zin 'gro drug 'khrul// tho yor thag pa smig rgyu gsum// mi sbrul chur 'khrul dpe dang mtshungs// gzhi la med de rtog pas bzung // nyes skyon sdug bsngal zad mtha' yas// zhes gsungs so// gter snying rin po che spangs pa'i rgyud las/ 'khrul pa bstan pa'i le'u ste gsum pa'o// // de nas rig pa'i rgyal po yis// sngon thog spyi phud sangs rgyas la// 'khrul pa rtsad nas ji ltar bcad// ces zhus pa dang / ston pas 'khor la bka' stsal pa// gzhi 'khrul rtsad chod ma bu 'phrad// 'khrul chod klong gyur rgya yis thebs// khams gsum 'gro drug rtsad chod pas// ma rig 'khor ba'i ming yang med// lan tshwa chu ru thim pa'am// dug la sngags kyis thebs pa 'dra// zhes gsungs so// gter snying rin po che'i rgyud las/ rtsad gcod bstan pa'i le'u ste bzhi pa'o// // de nas rig pa'i rgyal po yis// sngon thog spyi phud sangs rgyas la// dngos med ka dag gang gis rtogs// zhes zhus pa dang / ston pas 'khor la bka' stsal pa// dngos med ka dag rtogs thabs ni// rtsol med bsam bral rtogs pa las// lha sgom spyod pas ma yin no// cang med cing snang dngos med kun gzhi de// 'dod bral blo 'das bsam med dngas sang nge// stong gsal ye gdangs sang nge dngos med dbyings// gting gsal gdangs la gang gi tha snyad med// ka dag rnal ma blo 'das rtogs// zhes gsungs so// gter snying rin po che spungs pa'i rgyud las/ rtogs thabs bstan pa'i le'u ste lnga pa'o// // de nas rig pa'i rgyal po yis// sngon thog spyi phud sangs rgyas la// la bzla chen po ji ltar lags// zhes zhus pa dang // ston pas 'khor la bka' stsal pa// ka dag dngos med rnal ma la// sangs rgyas byang chub chos rnams med// sku dang rigs lnga lha bsgom med// nyams rtags mngon shes tha snyad med// 'khor 'das yod med rtag chad med// chags sdang 'khor ba'i bya ba la// yid ni 'brengs kyang ma brtags 'khrul snang yin// 'khrul snang chags sdang nams kyang bslu// de bas 'khor ba'i bya ba thongs/ chags na lha la chags kyang ltung / gang la'ang chags sdang ma byed cig/ ces gsungs so// gter snying rin po che spungs pa'i rgyud las/ la bzla ba'i le'u ste drug pa'o// // de nas rig pa'i rgyal po yis// sngon thog spyi phud sangs rgyas la// gzhi yi 'khrul pa rtsad chod pas// rtogs thabs gdams ngag ji ltar bstan// ces zhus pa dang / ston pas 'khor la bka' stsal pa// gsang sngags brdas bshad 'khor rnams nyon// nam mkha'i dbyings la ci 'dug ltos// zhes gsungs pa dang / 'khor gyis nam mkha'i dbyings su bltas// ci yang mi gda' gang ma mthong // de la ston pas bka' stsal pa// ma mthong ba de mthong ba yin// zhes gsungs so// ston pas 'khor la bka' stsal pa// nam mkha'i mthongs su 'ja' tshon shar ba de// dngos por 'dug zin nam mkha' nyid la dngas// zhes gsungs pa dang / 'khor gyis bltas nas 'di skad zhus// gsal la dngos gzhi mi gda' mkha' la dngas// zhes gsol pa dang / yang ston pas bka' stsal pa/ la ka'i la btsas mi la ltos// zag ring thang chad mgron po la// sngon na khang stong gnyis 'dug pa// sgo gnyis gang zhig phye nas 'gro// mgron po skyel med 'jigs sar phyin// mi byung dgra gnyen gang yin no// mi gcig 'gro la shol 'debs gnyis// thog mar gang du ldog lags na// long ma'i mig phyed mun nag nyi shar ram// sha btson gdos 'grol dug la sngags thebs sam// lan tshwa chu thim gnad la mda' phog gam// gser 'gyur rtsir ldan nad pas sman sos sam// sdong po rtsad chod da phrug ma phrad dam// zas kyi bcud 'thungs nor gyi dbyigs rnyed dam// zhes gsungs so// gter snying rin po che spungs pa'i rgyud las/ gsang sngags brdas bstan pa'i le'u ste bdun pa'o// // de nas rig pa'i rgyal po yis// sngon thog s+thi phud sangs rgyas la// gnas mchog bcud dgongs ji ltar lags// zhes zhus pa dang / ston pas 'khor la bka' stsal pa// rnam dag 'od gsal dkyil 'khor mchog/ phyogs med ka dag dngos med lha yi mchog/ blo 'das byar med mchod bstod bshags pa'i mchog/ ka dag rnal ma dbang gi mchog/ snang srid dbyer med gtor tshogs mchog/ zhe 'dod rtsol med 'jug sgo'i mchog/ 'dzin med blo ni gang du'ang skye med bsgom pa'i mchog/ gang yang zhe 'dod rten med lta ba'i mchog/ yid sems gang yang mi rgyu bsgom pa'i mchog/ dran rig gang la'ang ma chags spyod pa'i mchog/ shes pa gang la'ang mi 'jug nyams kyi mchog/ dngos med ka/ dag blo 'das 'bras bu'i mchog/ smon pa'i sa non sa lam 'bras bu'i mchog/ btsal bsgrub byar byed med pas phrin las mchog/ snang srid yod med kun rdzogs rdzogs chen mchog/ ces gsungs so// gter snying rin po che spungs pa'i rgyud las/ mchog bstan pa'i le'u ste brgyad pa'o// // de nas rig pa'i rgyal po yis// dngos med sangs rgyas spyi phud la// mtshan dang gtad rgya ji ltar lags// zhes gsol pa dang / ston pas 'khor la bka' stsal pa// sna tshogs kun 'byung snying por 'dus// snying po gter snying rgyud du zung // dgos 'dod ma lus 'byung ba yis// rin po che yi rgyud du zung // don gyi bcud rnams spungs pa'i phyir// rin chen spungs pa'i rgyud du zung // rgyud 'di gtad pa'i skal ldan ni// rgyud bzang dang ring dad pa che// gus dang dam tshig shes rab ldan// de lta bu la rgyud 'di gtad// dam med nga thal / sa #// gangs pa'i thang dang rnad bcan pa'i lam / spuspangs pa'i rgyud kyi rgyal po rdzogs so// // oM rgyan pad+mas bshad cing lo tsA ba ska ba dpal brtsegs kyis bsgyur nas/ rgyal po khri srong lde'u btsan la gdams pa'o// // gter rgya/ zab rgya/ gtad rgya'o// / @#// rgya gar skad du/ bin du dz+nyA na su ra ra shi da rasmi dza la tan+t+ra/ bod skad du/ thig le ye shes bcud spungs sgron ma 'od 'bar ba'i rgyud/ dngos med kun gyi rje la phyag 'tshal