བོད་ཡིག

e-texts produced with BDRC’s OCR application

@// rgya gar skad du/ rat+na niHswa mA n+ta do Sha ni ra sa na b+hin+du sa sarba pra ka Ta tan+ta/ bod skad du/ rin po che spyi gnad skyon sel thig le kun gsal kyi rgyud/ bcom ldan 'das dpal kun bzang ka dag gi sku la phyag 'tshal lo// 'di skad bdag gis thos pa'i dus gcig na/ mkha' dbyings kun tu bzang gi pho brang ni// chos nyid dkyil 'khor rnam dag 'od gsal na// ka dag zang ka chos sku dri med bzhugs// yan lag rtsal zer dang dngas 'khor gyis bskor// dus gsum gcig ste snga phyi khyad par med// ces rin po che spyi gnad skyon sel gyi rgyud las/ phun sum tshogs pa'i le'u ste dang po'o// // de nas gsal dngas rin chen gyis// chos sku ka dag dri med la// spyi yi rgyud sde'i dgos don gang // dgu rtse rgyud rgyal rnam grangs du// gdams pa'i man ngag gang rnams gtad// spyi gnad skyon sel ji ltar gsal// thig le kun gsal ji ltar bsal// rtsol bral blo 'das ji ltar gsungs// thig le kun 'dus gang du 'dus// zhes zhus so// 'khor gyi gleng bslang ba'i le'u ste gnyis pa'o// / de nas gsal dngas rin chen gyis// sbri yi rgyud sde'i dgos don gang // zhes zhus pa dang / ston pas 'khor la bka' stsal pa// snying po ka dag blo yi yul las 'das// rtsal zer ngang dngas zang thal gdod nas dag/ mi 'gyur sa gnon thugs rje shugs las 'char// ched du mi mdzad dang ngam shugs kyis 'char// dbang po'i khyad par ji bzhin du// rgyal ba'i bka' yang de bzhin sgrog/ dbang po rab 'bring tha ma las// tha ma sde gsum 'bring la sngags// rab la bskyed rdzogs yang rab rdzogs chen gsungs// thod rgal spyi ti dgu rtser bstan// byar med blo 'das rgyud sde la// bya btsal blo chos ma gsungs so// snying po rtsal zer 'phrad pas dbyer med sku// ye shes sa zin 'khrul chod ka dag rtogs// dgos pa'i don ni ka dag zang kar gnas// zhes gsungs so// rgyud sde'i dgos don bstan pa'i le'u ste gsum pa'o// // de nas gsal dngas rin chen gyis// dgu rtse rgyud kyi rnam grangs du// zhes zhus pas/ ston pas 'khor la bka' stsal pa// spros gcod rtsa ba'i rgyud kyis ni// sde lnga'i rtsa ba bstan pa yin// rin chen bcud kyi yang snying gis// thog mtha'i dras thag gcod par bstan// rin chen bdud rtsi bcud thigs kyis// rigs drug g.yang sa gcod par bstan// snang gsal spu gri'i rgyud chen gyis// 'khrul gzhi'i 'khrul snang rtsad gcod bstan// smad srid kha sbyor bcud thigs kyis// snang srid 'khor 'das btags chags rnams// thams cad spyi tir 'dus par bstan// phyi nang gsang ba'i rgyud sde rnams// rgya yis thob kyis u ya zam// sde lngas rtsa rgyud don 'gro la bstan// rgyud sde rgyud kyi kha byang bstan// sems sdes sems kyi rnam grangs bstan// klong sdes sems kyi ngo bo bstan// chos sdes thig dgu'i lha bsgom bstan// chos rnams thams cad gsal bar bshad// dbang sdes dbang gi bskur thabs bstan// man ngag lnga yis don gyis gsang sgo bstan// sgron ma lnga yis blta bsgom spyod 'bras bstan// dgongs nyams lnga yis don gyi gser dang sprad// spyir na 'di la 'di bstan brjod mi rdzogs// bye ma'i la'am skra shad pho ldong bzhin// dgu rtse'i phyi nang gsang skor u phag tham// zhes gsungs so// chos sde mdor bstan pa'i le'u ste bzhi pa'o// // de nas rtsal zer dang dngas kyis// ka dag chos sku dri med la// spyi yi gnad dang skyon sel gang // zhes zhus pas/ ston pas 'khor la bka' stsal pa// spyi yi gnad dang skyon bsal ba// man ngag rnams kyi nang nas gsal// gzhi 'khrul rtsad gcod bzlog thabs la bzla'i gnad// gal 'gegs gdams ngag gsang ba'i gnad bstan pa// gzhi pho rtsad gcod bzlog thabs nyams su longs// nyams su mi len gzhi tha dad la dpe zla med// med las cir yang byung nas rang sar thim// thol byung dang dngas rang gdangs yid rtsad chod// 'khrul pa rnam gsum bcad pas sku gsum thob// ka dag dngos med sems yid blos btags med// 'khrul log rtsad chod skye med ka dag rtogs// med las kun 'byung cir yang grub pa med// ces gsungs so// spyi'i skyon sel gyi le'u ste lnga pa'o// // rtsal zer dang dngas kyis zhus pa// ka dag dri med kun bzang la// thig le kun gsal ji ltar gsal/ zhes zhus pa dang / ston pas 'khor la bka' stsal pa// skye med ka dag thig gsal na// sna tshogs thig le ma 'dres gsal// thig ni mi 'gyur le ni khyab// ka dag thig le kun gsal lo// zhes gsungs so// thig le kun gsal bstan pa'i le'u ste drug pa'o// // de nas ngang dngas khye'u chung gis// rtsol bral blo 'das ji ltar gsungs// zhes zhus pas// ston pas 'khor la bka' stsal pa// rtsol bral blo 'das nyan bshad sgra brjod mtshon du med// ces gsungs so// byar med blo 'das bshad pa'i skabs ste le'u bdun pa'o// // de nas ngang dngas rin chen gyis// thig le kun 'dus gang du 'dus// zhes zhus pa dang / ston pas 'khor la bka' stsal pa// ka dag dngos med thig le yis// thig phran ma lus kun 'dus so// thig ni skye ba med la bya// le ni 'gag pa med pa yin// kun ni rtsal snang thams cad de// 'dus ni ka dag chen por 'dus// de ni thig le kun 'dus yin// zhes gsungs so// thig le kun 'dus bstan pa'i le'u ste brgyad pa'o// / de nas gsal dngas rin chen gyis// kun gsal gdams ngag ji ltar lags// zhes zhus pa dang / ston pas 'khor la bka' stsal pa// ka dag nyid la smrar med kyang // blo dman rtogs par bya phyir bshad// dngos med ka dag rang bzhin ni// brtag par dka' zhing bstan par dka'// brjod pa'i tha snyad bral phyir ro// sems nyid kyi gzhi rtsa rgyud btsal ba'i phyir/ gang gis rang la rang bltas pa'i dus na/ nang gi sems ma mthong / phyi'i sems ma mthong / phung po dang / khams dang / 'du byed la sems ma mthong ngo // des sems ma mthong ba dang / sems de gang nas byung bltas pas/ de'i tshe sems de gang nas kyang ma byung / gang du yang ma song / gang du yang mi gnas pas ka dag dngos po med/ sangs rgyas nyag gcig gi dgongs pa dam pa/ sgrar med pa rtog dpyod thams cad dang bral ba/ 'di zhes mtshon du med pa/ rtag par dka' zhing / brtan par dka' la/ brjod pa'i tha snyad rnams dang bral ba/ dpe dang bral ba nam mkha' las kyang bskrun du yod pa ma yin no// tshad med pa/ tshad dang bral ba/ tshad ma'am/ gtan tshigs sam/ dpag pas mi dpogs pa ste/ gang la'ang rag ma las pas/ sems la gnas med pa/ rten med pa/ chad pa ma man/ rtag pa ma son/ blangs pa ma yin/ zla las ma byung / blon gyis ma babyud/ de yang bdag ma yin/ gzhan ma yin/ de nyid ma man/ rigs med pa/ b+hU med pa/ mi 'gro ba/ mi snang ba med pa/ ji lta ba de bzhin du ka dag ma mthong ngo // yang dag pa/ mi g.yo ba/ dben pa/ cung zad kyang ma mthong / rnam par mi mthong / mi rtog/ snang bar mi rtog/ mi bskyod/ mi sems/ mi spro/ sems la gzugs med pas byang chub la gzugs med do// sems kyi rang bzhin byang chub la byang chub kyi rang bzhin chos thams cad do// chos thams cad kyi rang bzhin thig le ka dag de kho na nyid do// thig le kun gsal 'gag med rtsal zer yan lag sems kyi snang tshul ni/ 'di ltar myur ba/ rab tu myur ba/ mi gnas pa/ rgyu ba/ spre'u lta bu/ rlung lta bu/ smig rgyu lta bu/ chu'i rgyun lta bu/ mar me lta bu/ lus med pa/ ring du 'gro ba/ gar yang mi 'gro ba/ slar mi ldog pa/ yul na gnas pa/ drug gi spyod yul ba/ kun shes pa/ gcig tu thub pa/ mi 'byung ba/ thams cad 'byung ba/ zhi gnas pa/ tha dad pa/ gcig pa/ mi g.yeng ba/ kun tu g.yeng ba/ de btsal na mtshan nyid dang rang bzhin med pa'o// mi dmigs pa/ goms par bya ba'o// nges par rtag pa/ yongs su dpyad pa'o// cir yang snang la yin pa min pa'o// kun 'byung la thams cad gcig tu 'dus pa'o// yongs la khyab cing yongs kyi skye ba med pa'o// rnam par dag pa la gang yang ma grub pa'o// thig le kun 'dus ka dag gis khyab pa med pa/ ma khyab pa med pa/ mtho dman med pa/ che chung med pa/ bzang ngan med pa/ yangs dog med pa/ rgyu 'bras med pa/ pho mo med pa/ rigs rgyud med pa/ gzugs med pa/ las rab rnam smin med pa/ phyi nang med pa/ skye ba med pa/ 'pho 'gyur med pa// mun snang med pa/ snga phyi med pa/ mtha' dbus med pa/ bdag gzhan med pa/ rtsol bsgrub med pa/ blang dor med pa/ ngang gis ma bcos pa/ yongs kyis 'od gsal ba/ ma bslad pa/ ma byung ba/ ma skyes pa yin pa'o// de nas dang dngas kyis ston pa la/ chos spyi dang ngang gi mtshan nyid ci yin zhus pa dang / ston pas bka' stsal pa/ snying po skye med ka dag la/ snang ba dang / mi snang ba dang / yod pa dang med pa/ rtag pa dang chad pa/ mtha' dang dbus/ snang srid 'khor 'das/ sangs rgyas sems can/ yul dang sems/ bdag dang gzhan/ dgra dang gnyen/ snang btags chags sdang / snang stong de dag thams cad kyang mtshon du med pa/ dpe med pa/ smrar med pa/ brjod pa tshig gi tha snyad med pa/ ming tsam 'di zhes bstan par ni// kun tu bzang pos mtshon du med// de yi thig le kun 'dus rtogs// zhes gsungs so// thig le gdams ngag bstan pa'i mnaHdgu pa la// / de nas cas dngas can byas// kadag dri med ldan pa2/ b+h+ya'i 'bru dgu gsang thugs kyi// nang pa bcu sems 'ad gas gyi// dkyil 'khor gnad rnams ji ltar dgrol// zhes zhus pa dang / ston pas 'khor la bka' stsal pa// dgu rtse zhes pa ni theg dgu'i rgyal po// spyi ti zhes pa ni brgyad khri bzhi stong gi dpyis phyin par ston pa'o// ka dag ces pa ni ye nas sgrib g.yogs dang / bag chags kyi dri ma dang / ma rig pa'i mun pa dang / nyon mongs pa'i dri ma ka nas dag pa'o// dngos med ces pa ni sems nyid la dngos po gang yang med pa'o// blo 'das zhes pa ni blo byed pa po las 'das pa'o// zang ka zhes pa ni gshis ma bcos pa rnal mar gnas pa'o// sems zhes pa ni ma byas ma bcos par sna tshogs su 'byung ba'o// dkyil zhes pa ni thig le gang yin pa'o// 'khor zhes pa ni rtsal ma 'gags pa'o// 'od ces pa ni snang ba'o// gsal zhes pa ni mun pa'i sgrib g.yogs gang yang med pa'o// gsang ba ni sgrar med pa spyod yul du ma gyur pa'o// sngags zhes pa ni yon tan gyi 'byung nas brjod pa la bya'o// ngo bo nyid ces pa ni dngos po med pa mi dmigs pa kun tu 'byung ba'i gzhi la bya'o// ji bzhin zhes pa ni ma bcos ma bslad pa'o// de bzhin zhes bya ba ni ma byas ma brtags pa'o// de kho na nyid ces bya ba ni ma nor mi 'gyur ba la bya'o// snying po zhes pa ni rtsal dang rang bzhin la bya'o// yang snying zhes pa ni byed pa po med pa bya bas btsal du med pas yang snying ngo // bcud ces pa ni nying khu'am snying po 'dus pa ma bcos pa'o// spungs zhes pa ni thig le'i bcud 'dus shing spungs pa'o// bcud thigs zhes pa ni gdams pa'i skal pa dang ldan pa la babs pa'o// bdud rtsi zhes pa ni nyon mongs pa dug lnga'i bdud la sku lnga ye shes lnga'i rtsis 'dul zhing 'joms pa'o// 'khor ba zhes pa ni sdug bsngal zad par byed pa dang bcas pa'o// thog ma zhes pa ni ma byung ma skyes ci yang med pa tha snyad las 'das pa'o// tha ma zhes pa ni skal ldan gcig 'gro drug gi g.yang sa chod nas rang ngo shes shing sangs rgyas pa'o// gcod ces pa ni man ngag go// rgyud ces pa ni rgyun ma chad pa'o// dgongs pa zhes pa chos nyid la'o// nges pa zhes pa ni ma nor pa'o// 'grel pa zhes pa ni ye shes so// zhes gsungs so// rin po che spyi gnad skyon sel thig le kun gsal gyi rgyud las/ gnad 'grol ba'i le'u ste bcu pa'o// // rin po che spyi gnad skyon sel thig le kun 'dus kyi rgyud le'u bcu pa rdzogs so// // u rgyan gyi slob dpon pad+ma 'byung gnas dang / lo tsA ba ska ba dpal brtsegs kyis bsgyur nas// rgyal po wa zang spre'u bcan la gdams te ran po ze'i gtar du klas so// gtar b+ha/ thAs rgya/ gtad bya/ gsang b+ha// / rgya gar skad du/ na d+hU rbad pa ra kuT Nasa?