བོད་ཡིག

e-texts produced with BDRC’s OCR application

@##// rgya gar skad du// d+h+wa dzAg gran na ma ma hA su tram// bod skad du// mdo chen po rgyal mtshan da dam pa zhes bya ba// dkon mchog gsum la phyag 'tshal lo// 'di skad bdag gis thos pa'i dus gcig ni// bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so// de nas bcom ldan 'das kyis dge slong rnams la bka' stsal pa// dge slong dag gal te khyed cag dgon pa na 'dug kyang rung / shing drung na 'dug kyang rung / khyim stong pa na 'dug kyang rung ste/ 'jigs pa 'am/ bag tsha ba 'am/ spu zing zhes byed pa skye bar gyur de'i tshe/ khyed kyis 'di ltar bcom ldan 'das de ni/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sbyar ba/ bla na med pa lha dang mi rnams kyi ston pa/ sangs rgyas bcom ldan 'das yin no zhes/ nga rnam pa las yang dag par rjes su dran par gyis shig/ de'i tshe khyed kyis nga rnam pa las yang dag par rjes su dran par byas na/ 'jigs pa 'am/ bag tsha ba 'am spu zing zhes byed pa 'byung bar 'gyur ba gang yin pa de med par 'gyur ro// dge slong dag sngon lha dang / lha ma yin gyi yul nye bar gnas par gyur pa na/ lha'i dbang po brgya byin gyis sum cu rtsa gsum pa'i lha rnams la smras pa/ grogs po dag gal te khyed cag lha dang lha ma yin gyi g.yul du zhags pa na/ 'jigs pa 'am/ bag tsha ba 'am/ spu zing zhes byed pa skye bar 'gyur na/ de'i tshe khyed kyis nga'i rgyal mtshan mchog rnam par rgyal byed yang dag par rjes su dran par gyis shig/ de'i tshe khyed kyis nga'i rgyal mtshan mchog rnam par rgyal byed yang dag par rjes su dran par byas na/ 'jigs pa 'am/ bag tsha ba 'am/ spu zing zhes byed pa 'byung bar 'gyur ba gang yin pa de med par 'gyur ro// dge slong dag de bzhin du gal te khyed cag kyang dgon pa na 'dug kyang rung / shing drung na 'dug kyang rung / khyim stong pa na 'dug kyang rung ste/ 'jigs pa 'am/ bag tsha ba 'am/ spu zing zhes byed pa skye bar gyur na// de'i tshe khyed kyis bcom ldan 'das de ni/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jigs rten mkhyen pa/ skyes bu 'dul ba'i kha lo sbyar ba/ bla na med pa lha dang mi rnams kyi ston pa/ sangs rgyas bcom ldan 'das yin no zhes/ nga rnam pa las yang dag par rjes su dran par gyis shig/ dge slong dag de'i tshe khyed kyis nga rnam pa las yang dag pa rjes su dran par byas na/ 'jigs pa 'am/ bag tsha ba 'am/ spu zing zhes byed pa 'byung bar 'gyur ba gang yin pa de med par 'gyur ro// dge slong dag lha'i dbang po brgya byin de ni da dung 'dod chags dang bcas/ zhe sdang dang bcas/ gti mug dang bcas shing / skye ba dang / dga' ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su mthar la/ 'jigs pa yod/ bag tsha ba yod/ sdang ba yod/ 'bros pa yod cing / de'i lan 'ga' 'jigs par yang 'gyur la// bag cha bar yang 'gyur/ sdang bar yang 'gyur/ 'bros par yang 'gyur/ dge slong dag da dung 'dod chags dang bcas/ zhe sdang dang bcas/ gti mug dang bcas shing / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su mthar la/ 'jigs pa yod/ bag tsha ba yod/ sdang ba yod/ 'bros pa yod pa'i lha'i dbang po brgya byin de'i tshig kyang sum bcu rtsa gsum pa'i lha rnams dad pas/ mnyan par bya bar sems shing / tshig bzhin du bya bar sems na/ dge slong dag nga ni de bzhin gshegs pa dgra bcom pa yang dag par rdzogs pa'i sangs rgyas 'dod chags dang bral ba/ zhe sdang dang bral ba/ gti mug dang bral ba/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su thar pa/ 'jigs pa med pa/ bag tsha ba med pa/ sdang ba med pa/ 'bros pa med pa// nga'i tshig la mnyam par bya ba dang / btams pa bzhin bya ba dang / rjes su bstan pa bzhin bya ba de ni bya ba'i gnas yin no// bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to// dgon pa dang ni shing drung dang // khyim stong dag du 'jig rten gtso// rnam bar 'dren pa rdzogs sangs rgyas// rjes su dran gyis dge slong dag/ gal te rnam 'dren 'jig rten gtso// rdzogs sangs rgyas pa mi dran na// 'dod chags dang bral rnams kyi mchog/ chos de rjes su dran par gyis// gal te 'dod chags bral ba'i mchog/ chos de rjes su mi dran na// dge 'dan bla med bsod nams bzhin// de'i rjes su dran par gyis// sangs rgyas chos dang dge 'dun rnams// de ltar rjes su dran byas na// 'jigs dang bag tshe spu ldang ba// med par 'gyur ro dge slong dag/ 'jigs pas skrag pa mi mang po// ri dang nags tshal rnams dang // kun dga' mchod pa'i ljon shing la// skyabs su 'gro ba gang byed pa// de ni skyabs gtso ma yin zhing / de ni skyabs mchog ma yin te// skyabs de dag la rten byed pa/ sdug bsngal kun las grol mi 'gyur// gang zhig sangs rgyas chos dang ni// dge 'dun dag la skyabs sogs sdug bsngal sdug bsngal kun 'byung dang // sdug bsngal yang dag 'gas pa dang // bde zhing mya ngan 'gro ba'i// 'phags pa'i lam yan lag/ brgyad pa'i/ 'phags pa'i bden pa bzhi po dag/ shes rab kyis ni legs mthong 'gyur// de ni skyabs kyi gtso bo dang // de ni skyabs kyi mchog yin te// skyabs de dag la brten byas na// sdug bsngal kun las grol bar 'gyur// bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do// pad+mo chen po rgyal mtshan dam pa zhes bya ba/ rdzogs s+ho// rgya gar skad du/ bi ma bi sAr brang t+ya ga mnan nam