བོད་ཡིག

e-texts produced with BDRC’s OCR application

ngad@stong chen po'i 'jig rten gyi khams 'di rnam pa gsum du g.yos/ rab tu g.yos/ kun du rab tu g.yos/ 'gul rab tu 'gul// kun du rab tu 'gul to// ldegs kun du ldebs/ kun du rab tu ldegs so// de'i tshe tshe dang ldan pa kun dga' bo bcom ldan 'das kyi snam logs na 'dug cing gsil yab thogs nas/ bcom ldan 'das la g.yob cing bcom ldan 'das la 'di skad ces gsol to// btsun pa chos kyi rnam grangs 'di'i ming ci lags ji ltar gzung bar bgyi/ kun dga' bo de'i phyir chos kyi rnam grangs 'di ni/ rgyu'i dra ba zhes bya bar zung shig/ don gyi dra ba dang / chos kyi dra ba dang / tshangs pa'i dra ba zhes bya bar yang zung shig/ de bas na tshangs pa'i dra ba zhes bya ba 'di ni chos kyi rnam grangs 'di'i tshig bla dag so// bcom ldan 'das kyis de skad ces bka' stsal nas/ dge slong de dag bcom ldan 'das kyis gsungs pa la yid rangs te mngon par bstod do// bar gyi sdom ni/ rtag dang gcig pu rgyu med dang / mtha' ldan de bzhin lha mi spong // 'du shes 'du shes med can dang // chad dang mya ngan 'das pa dang // dmyags dang kun nas rmugs pa dang // rten dang reg pa dge slong dang // rgyu dang / don chos dra ba ste/ tha ma tshangs pa'i dra ba'o// tshangs pa'i dra ba/ rdzog ste// bkra shis/ mang+ga laM/ sangs rgyas dang byang chub sems dpa' thams cad la phyag 'tsha'o// 'di skad bdag gis thos pa dus gcig na/ bcom ldan 'das yul spong byed na ljongs rgyu zhing gshegs pa dang / grong khyer spyil bu can du byon to// gropa spyil bu can gyi grong gi byang phyogs kyi shing sha ba'i tshal na/ dge slong gi dge 'dun chen po dang thabs gcig tu bzhugs te/ de nas bcom ldan 'das kyis dge slong rnams la bka' stsal pa/ dge slong dag 'di dag tshul khrims so// 'di ni ting nge 'dzin yin no// 'di ni shes rab yin no// dge slong dag tshul khrims gom par byas na/ ting nge 'dzin la yun ring du gnas par 'gyur ro// ting nge 'dzin la goms par byas na/ shes rab 'thob par 'gyur ro// shes rab la goms par byas na/ 'di lta ste/ 'dod chags dang / zhe sdang dang / gti mug dag las sems yang dag par kho nar rnam par grol bar 'gyur ro// de ltar yang dag pa kho nar rnam par grol ba'i 'phags pa nyan thos kyis ni/ bdag gi zag pa ni zad do// tshangs par spyod pa ni ston to// bya ba ni byas so// 'di las srid pa gzhan mi shes so// zhes yang dag pa kho nar shes par 'gyur ro// bcom ldan 'das kyis de skad ces bka' stsal nas/ dge slong de dag yid rangs te bcom ldan 'das kyis gsungs pa la mngon par bstod do// bslab pa gsum gyi mdo rdzogs s+ho// dkra shis/ dag po/