བོད་ཡིག

e-texts produced with BDRC’s OCR application

grub kyis mdzad pa rdzogs s+ho// // thams cad mkhyen pa la phyag 'tshal lo// rgyal ba'i yon tan mtha' ma 'tshal bas gal te khyed bsngags ma brjod na// 'ga' yang khyod ston mi bgyid khyod kyi 'byor pa 'gro bas rtogs ma mchis// gang slad 'gro 'dis khyod la bla bgyis kyang nongs pa ma mchis pa// de slad don 'dir bdag ni blo gros rab tu chung yang brtson pa lags// srid gsum dag la phan brtson blo mnga' ngan song dag na'ang bsngags par 'os// rang don smon pa'i blo gros can ni mya ngan 'das kyang ma lags shes// de slad khyod ni 'khor ba'i 'jigs pas mi mdog brtan zhing mi g.yo bas// 'jig rten skye zhing 'chi bas nyam thag yongs su bskyab par brtson pa lags// sred pa'i 'gro ba dag tu sdug bsngal rnams kyis smras pa'i sems can la// bdag gi blo gros brtsub pos sdug bsngal rnam mang / de dang de bsgrubs pas// de phyir bdag gis de dag rnams la bde ba bskyed phyir bzod bya zhes// de slad khyod la 'gro ba zhi ba'i bde ba bskyed slad brtson pa lags// sems can gang ma rig mdongs pas bsam pa rgud pa'i blo gros can// pha dang bur gyur rnams kyis bdag la snyen snyam byams pas phan gtags pa// de dag btang nas cig pu thar bar byed pa bdag gi tshul min zhes// de slad khyod kyis 'gro ba mgon med nges thar bgyi slad smon lam btab// sngon chad 'khor bar sdug bsngal kun tu myong gyur tshe na bdag la ni// gang dag yun ring ngo zhes byams sems ldan pas lan brgyar grogs byas pas// bde ba thob tshe de dag bkol nas ji ltar yongs su spyad bya zhes// de slad khyod ni bdud rtsi'ang sems can kun dang thun mong gsol bar brtson// mchog sbyin 'gro bar sems can rnams dang lhan cig longs spyad 'das dgongs na// de dag nges par yongs su mi gtong bas na khyod kyi brtan pa ni// ji ltar khyod nyid ne tsor 'khrungs tshe ljon shing gzhon nu legs spyad pa'i// ljon shing rgas par gyur kyang yongs su mi gtong de ltar brtson pa lags// gang slad 'gro ba mya ngan ma zlas mya ngan khyod 'da' blo ma byung // bde gshegs go 'phang brnyes par nus pa ma lags de mi mdzad// de slad khyod ni kun mkhyen yon tan gter dag brnyes mdzad slad du brtson// stobs bcu'i yon tan dag gis mdzad pa las zhan khyod la phra mi mnga'// gang su la la dag gis bde gshegs go 'phang brnyes pa de dag kyang // 'di bas shin tu rmad pa'i gan skabs dag tu lhung ba byung ngo zhes// de srad khyod kyis nyam ngar lhung ba'i tshe yang dag nyid smad ma mdzad// bdag la smod pa mi rung skyes bu dar ba zhum par bgyid pa lags// gang slad gal te rang la rag las 'bad pas byang chub thob 'gyur na// sangs rgyas byang chub rnyed dka' ma lags snyam du khyod kyi blo gros byung // de slad khyod kyis nyam nga'i dus su'ang kun mkhyen smon lam brten bzlog pa// sman la dga' ba rnams kyi tshig dag khyod kyis khyad du gsad par mdzad// nyon mongs chu bo 'khrugs dang ngan 'gro'i kha dag rtag tu gdangs pa dang // so so'i skye bo g.yo dang sdig pa'i grogs po rtag par rgyun du gnas pa dang // thub rnams rnyed par dka' zhes de ltar sems zhum 'gro ba gtong ba'i rgyu// gang lags de nyid khyod kyi thugs rje rtag tu skye ba'i rgyur// ji ltar 'gro ba rnams la khyod blo shin tu byams pa skye ba ltar/ 'jig rten 'di dag rang la'ang byams pa'i blo gros skye bar mi 'gyur la// 'jig rten 'phongs pa'i gnas skabs gyur na bdag nyid gtong bar bgyid// khyod ni shin tu nyam nga'i dus su'ang 'gro ba gtong bar bzhed ma mchis// gang zhig skye bo smad dang 'phongs pa re ba'i bsam ldan mthong na yang // rtse med 'bras bu 'dod pas snod gzhan yon tan ldan tshol ba// bsam rlag de ni sbyin pa byed kyang slong ba rnams dang mtshungs so zhes// de slad khyod ni thugs rjes slong ba rnams la sbyin par gzhed la zhugs// 'ga' zhig rang nyid ma dul bzhin du rig par ldan pa'i tshig smra yang // rang gi tshig dang 'gal bar spyod pas gzhan dag gdul bar mi nus shes// khyod kyis dgongs nas de slad 'gro ba mtha' dag thugs la gzhag ma mdzad nas// re shig bdag nyid ma dul ba nyid dul bar mdzad phyir brtson pa lags// gang slad mkhas pa rnams kyi mi dge'i las kyang zhi ba'i bde bar 'gyur mod kyi// 'on kyang 'phags pas mi dge ba dag kun tu bsten 'os ma yin zhes// de slad khyod kyi rtag tu rang bzhin yongs su dag pas sdig las log/ ngan song 'jigs pas ma lags lha'i bde spyad bzhed pa'i phyir ma lags// gang dag 'gro la mi lta bdag nyid zhi bar 'gro bar bgyi slad spyod bgyid pa/ des kyang ji ste brtson pa ma rten slan chad bsam rdzogs mi 'gyur na// gang gis 'gro ba ma lus bsgral phyir brtson pa brtsams pas ci smos shes// de slad khyod kyis rang gi bde la ma gzigs byang chub srad du brtson// khyod kyis 'byor pa chung ba'i tshe yang sbyin par bzhed pa ma spangs la// bdog pa chung yang spong ba rnams la zhugs mnga' ba'i thugs kyis stsal// dbang phyug chen po mnga' yang tshul dang 'gal ba'i tha snyad mi mnga' la// na tshod lang tshor gyur yang 'dod pa rnams la thugs ni chags mi mnga'// khyod kyis thos dang blo gros che ba'i tshe na'ang bdag stod ma mdzad la// 'gro ba yon tan chung ba gzhan rnams kyang ni mthon por bkur bar gyur// yon tan tshogs la gnas tshe nyid kyi spyod pa nyes par chung ngu'ang bzung // 'gro po dmu rgod rnams la rtsol ba mi mnga' bde bar gnas pas bzhugs// khyod kyi thugs ni srid dang nyon mongs skyo bas zhi la bgyes gyur kyang // thugs rje nyid kyis mdzad pa'i yon tan skye ba rnams dang rjes su 'thun// byed pa ma gtogs gzhan gyis 'bras bu mi myong bar ni khyod mkhyen kyang // 'on kyang sems can rnams kyi 'byor pa skyed slad bsod nams gter rnams bdar// khyod la shes rab la sogs yon tan gang dag rtag tu mnga' gyur pa// de dag khyod kyis 'gro ba dag gi don rnams nyid du nye bar spyad// de las khyod kyi bsod nams 'bras bu gzhan du mchis pa ma lags la// de dag 'gro ba'i 'byor srad yongs su bsngos kyang don ma mchis ma lags// khyod la gzhan la sman pa'i thabs dang bral ba'i dus 'ga' 'ang byung ma gyur// thams chung ma gyur 'bras bu chung ma lags// bsod nams chung ngu rtsom pa dag la khyod ni mngon dges ma lags la// bsod nams chu bo dag gis ngoms par ma gyur chab kyis/ rgya mtsho bzhin// mtshan mo ston ka'i zla ba nye ba'i mdangs kyis nyams dgar 'gyur ba dang // rdzing bu ud dpal rgyas pa gnyid bral mig la 'dom brjid byed nams dang / ri bo ljon shing me tog rgyas pa brgya yis rtse mo dkris rnams kyis// gzhan la cig pu smad bgyes khyod kyis blo gros 'phrogs par rngo mi thog/ 'jig rten sdug bsngal dag gis smas tshe khyod ni gnyid la byams pa yis// yul gyi dga' bsten nyam su blang bya min zhes thugs rje'i blos mkhyen nas// gling bzhi'i dbang phyug mnga' yang yul rnams kyi na thugs kyang mi 'phrogs la// khyod kyis gzhan smad lhur ba zhes mdzad pas dus dag shin tu 'das par bgyis// phyug cing 'byor pa slong ba rnams kyis legs par spyad par ma byas dang // dur khrod ljon shing me tog rgyas pa'i brjid kyis g.yur za mtshungs so zhes// de slad bsod nams sman pa'i 'byor pa dag la slong rnams mi spyod pas// khyod kyi skor nor slong ba ma mchis pa na thugs la gcags par 'gyur// gang zhig rtse med sred pas tshor ba bzhin du 'bras bu'i phyir brtsal nas// des ni 'bras bu yang ni slong ba rnams la sbyin par spro ma mchis// gang gi slad du khyod kyi gtong ba rtag tu smin gyur pa// de slad de'i 'bras bu'ang slong ba rnams kyis rang gi legs par gzung // ri ngos ljon shing 'bras bu sbyin pa dag tu bya rnams lta bu dang // dgon pa'i rdzing bu skyed shing bzang pos bskor bar ngal rnams ltar// 'dzem med spong bas dges pa khyod la bag phebs 'byor pa 'tshal ba yi// slong mo bdag kun nas myur bar sngon du lhags nas sdod cing mchis// dpal/ 'byor 'bangs dang btsun mo rang gi sha dang srog kyang gtong ba dang // khyod kyis sras gzhon rab sdug ston zla tshes pa dri med gzugs ldan pa'ang // slong ba rnams la gtong bar mdzad la brtson par gyur pa ji lta ba la// de ltar gtong la goms pa khyod kyi thugs la brtan pa nyid kyang byung // gang zhig thos par gyur na'ang 'jig rten 'di la gnod la skye 'gyur dang // gang yang khyod nyid kyis kyang yun ring sku nyams bzhes par mi spyod pa'i// spyod pa de dag khyod la goms pas dus su rang gi ngang nyid 'gyur// de slad yon tan dag ni yongs goms ma bgyis dpel bar dka' ba lags// ji ltar sman pa gdon gyis zin la gdon rnams gsal bar bgyi slad du// rdeg cing tshig rtsub smra ba spyod kyang zad pa rdeg mi bgyid// de ltar khyod kyang nyon mongs nyid la rtse dang bral bas sbyor mdzad kyi// 'gro ba nyon mongs gyur pa la ni khyod nyid thugs rje mdzad pa lags// khyod kyis rtag tu yon tan nor lhag rnams la gus pas bsags pa mdzad// mnyam pa rnams la yon tan goms par bgyi slad byams pa'i thugs kyis spyad// sman la thugs rjes brtson pa mchog gi yon tan rnams bskrun te// 'gro ba rnams la khyod kyis ji ltar rigs par legs par mdzad par zhugs// ji ltar ma ma rang lus sna tshogs thabs tshul mang pos 'dzin bgyid kyang // gzhon nu'i nad bsal ched lags dga' bskyed ma lags lus phyir ma lags pa// de slad khyod kyang brtson pa chen pos yon tan bdag nyid bskrun mdzad pa// 'gro bas longs spyod che lags grags dang gzhan dag zil mnan chen ma lags// khyod kyis blo gros gzhan la sman pa'i thabs mkhyen mdzad slad zhugs gyur pa// 'di ltar khyod nyid thugs rjes rnam pa de dag nyid las zhugs la gda'// khyod ni brtson 'grus 'phags pas brtsal ba che yang brnyel bar ma gyur na// de gsum dag gis khyod kyis gzhan sman ma bsgrubs cung zad byung ma gyur// khyod ni 'bad brtsol chen po can gyi 'phrin las mnga' bar mi bzhed la// spyod pa shin tu slad du byung ba cig tu bsam yang 'di yang byung // gang slad khyod kyis sems can ma mchis pa 'di thugs su chud gyur kyang // / 'di ltar sems can don gyi slad du grangs med dus su'ang srid par zhugs// gang slad shes rab don dam brten cing snying rje kun rdzob bsten mdzad pa// de slad don bzhin dgongs mdzad khyod la sems can mchis pa ma lags kyang // gang tshe khyod ni stobs bcu bskyed pa'i thugs rje ngag dang ldan gyur pa// de tshe 'gro ba nyams thag rnams la khyod byams bu la pha byams bzhin// 'gro ba btugs dang nyon mongs pas byang chub mchog thob ma mchis la// nyon mongs 'phrogs pas rang la sman pas bgyid pa'ang 'thob 'gyur ma lags pa// de slad khyod kyis byang chub skyes slad brtan pa mdzad pa na/ nyon mongs nges par ma bsregs ran gyi dum bu bzhin du yang bar mdzad// khyod kyi nyon mongs dran dang mkhyen pas bzung ba yon tan sna tshogs grub// nyon mongs pa dag yang bar gyur pa byang chub rgyur yang nye bar 'gyur lags te// 'di ltar de yis khyod blo shul gol yul can du yang ma bgyis la// 'gro ba rnams su skye ba sbyar ba'ang yon tan rnams kyi zhing du mdzad// 'gro ba nyon mongs gyur dang sdug bsngal brgyad dag byung bas bcom pa yis// rtsol dang bral zhing mgon ma mchis pas gang dang gang du spyod bgyid pa// 'gro ba der ni nyon mongs dgra thul khyod nyid thugs rjes spyod pa na// srid pa len dang gtong dang gnas pa dag la mnga' dbang mchis pa lags// ci yang med pa'i skye mched kyi ni yul can phra brgyas rnam bcom nas// de dag spangs pa'i thabs tshul gang lags dam pa'i tshogs la yun ring bshad pa mdzad// sa gsum sman pa'i thabs mkhas khyod kyis phyir yang drangs nas ni// dud 'gro dag tu'ang smon pa mdzad nas skye ba brgya phrag rnams kyang mdzad// sngon gyi mi dge ba yi 'phrin las rnam par smin par ma nges gang lags pa// de dag dud 'gro'i 'gro bar gshegs la gzhol ba khyod la mnga' mchis pas// khyod kyis rnam smin ched du drangs te thugs la dgongs pa'i don bsgrubs pa// drang srong gis bshang gsang bsngags zhi bas dug gis shugs dag bzlog pa bzhin/ khyod kyis rten du mi dge ba'i chos dang g.yul dag spyad par gyur pa na// 'gro ba dang mdzad mkhas pa khyod kyis 'gro ba de dang der spyod pa'i// tshul khrims ma 'bad brtul zhugs ldan pa bzhin du gyur pa ji lta ba// de ltar dam pa'i spyod lugs byang chub bsgrub par dag la goms pa mdzad// ma bzhin re 'ga'ang thugs rje dag dang ma bral mgon ma mchis rnams kyi// sdug bsngal de dang de dag bsal slad 'gro ba sdug bsngal can dag tu// brnyengs dang bral bar spyod pa mdzad pa khyod kyi thabs la mkhas pa ni// 'grub par dga' dang rnyes par dga' ba 'ga' yang byung bar ma gyur lags// gang slad sna tshogs thabs kyis 'gro ba sdig par bying 'dul khyod la ni// dud 'gro ba dag kyang bde 'gro bzhin du don chen kho nar gyur// ngan song dag tu 'khrungs na'ang legs par spyod pa nyams pa mi mnga' ba// de slad khyod kyi sdig pa'ang yon tan gyur pas de dge ba nyid dang mtshungs// khyod la legs rten kha cig byang chub gsum la blo gros ci rigs zhugs// de bzhin gzhan dag bsam gtan gzugs med dag la go 'phang gzhag pa mdzad// kha cig gtong la zhugs shing nges tshul mchid kyis 'tshal gyur pas// khyod kyi/ 'jig rten dag na sman yon ma btags pa ni 'ga' ma mchis// khyod kyis 'jig rten dag ni 'gro ba dgang rnams nges par thar 'tshal ba// bde 'gror nye bar drangs shing dge ba yongs su smin pa nyid du mdzad// khyod kyis 'gro bzhi mdzad slad du 'gro ba rnams su spyod pa na// drang srong chen po gzhan dag dus bzhin byung bas ji bar mdzad pa bzhin// gang slad khyod ni 'gro ba'i skye ba gcad dang rdzogs sangs rgyas mdzad ma gtogs par// gzhan gyi skye ba zhi bar mi 'gyur snyam du blo gros nges gyur pa// de spang byang chub gzhol ba'i thugs mnga' khyod kyis srid rtse man chad kyi// lam rnams tshul bzhin ston par mdzad pas du dag bzla bar gyur pa lags// gang zhig rtogs par ma gyur pa yis 'jig rten ma rig mdongs 'gyur la// 'gro ba sdug bsngal mang po rgyu zhing 'chi bdag 'tshams las mi 'da' ba'i// 'phags lam 'jigs med sngon gyi drang srong che rnams rjes gshegs gang lags pa// de ni khyod kyis 'gro ba'i sdug bsngal mthar gdug slad du nyid kyis mkhyen// ji ltar dus mtha'i tshe na nyi ma du mas chab skams 'jig rten 'di// zhugs chen mched pa 'khros pa lta bus thal ba dag kyang bsreg bgyid pa// de ltar dregs bral khyod kyi nyon mongs bsrabs par gyur pa'i bag chags kyang // ye shes zhugs chen 'bar ba dag gis nges par bsregs par gyur pa lags// gang dag sa gsum bla ma rnams la nges par gnas par 'tshal ba dag/ mun pa chung ngu dang yang lhan cig gnas par 'gal ba gang lags pa'i// yon tan mtha' yas de dag mngon par sangs rgyas chen dus gcig tu// shing / la bya rnams gnas 'cha' bzhin du gyur pa khyod kyis ga la brnyes// nyi ma 'od zer gsal ba ston ldan zla ba sprin dang bral gyur pas// lhag par dga' bar bgyid pa nam/ mkha'i dkyil na nges par gnas gyur kyang // gang gis khebs pa'i 'gro ba'i srid pa'i dgon pa thibs por 'khyam bgyid pa'i// ma rig mun nag de dag rab tu zhi ba'i thabs tshul khyod kyis bstan// sdug bsngal khyab pa 'di yi de rab skye bar 'gyur ba'i kun byung 'di// de thar par gtugs pa 'di yin te rtogs gyur la gzhol ba'i thabs 'di zhes/ de ltar tshangs pa khyod kyis tshangs pa zla 'od gtsang ma dag kyang stan// de dag rtogs bgyid skye ba stan yang tshangs pa'i go 'phang thob par 'gyur// ji srid nyi ma'i snang ba gang lags de ni nub kyi ri dbang gis// nyi ma nub par ma bgyis de srid rab rib rab tu zhi bar bgyid// khyod kyis skye shi mthar gtugs bgyi slad thabs tshul bstan pa gang lags pa// de ni khyod nyid zhi bar gshegs kyang snying gi mun nag zhi mdzad lags// de ltar tshangs par gtso bor lha'i bla mar gyur pa tshangs gter gyis// bstod par 'os pa bde gshegs/ mngon gsum bzhugs bzhin bstod bgyid pas// bdag gis bsod nams gter dag bstsogs pa gang lags de yis 'gro ba rnams// drang srong chen po rnams kyis dgon pa legs pa gang legs der gyur cig// yon tan mtha' yas la bstod pa// / slob dpon dkon mchog 'bangs kyis mdzad pa rdzogs s+ho// rgya gar gyi mkhan po sarbad nyede ba dang / lo tshab ban de rin chen mchog gis bsgyur/ zhu chen gyi lo tshab ban de dpal brtsegs kyis/ zhus te gtan la phab pa// @#rgya gar skad du/ Ar+ya man dz+re shri ba ha ka ka ru sto tram/ bod skad du/ rje btsun