བོད་ཡིག

e-texts produced with BDRC’s OCR application

/ rgya gar skad du/ a tsin ta sta ba/ bod skad du/ bsam gyis mi khyab par bstod pa// 'jam dpal gzhon nur gyur pa la phyag 'tshal lo// gang gis dngos po rten 'byung rnams// ngo bo med pa nyid du gnas// ye shes mnyam med bsam mi khyab// dpe med de la phyag 'tshal lo// ji ltar khyod kyis theg chen la// nyid kyis chos la bdag med rtogs// de bzhin blo dang ldan rnams la// thugs rje'i dbang gis bstan pa mdzad// rkyen rnams las ni 'brel 'byung ba// ma skyes lags par khyed kyis gsungs// ngo nyid kyis de ma skyes// de phyir stong par rab tu bstan// ji ltar 'di na smra sten nas// brag cha kun tu 'byung ba ltar// sgyu ma smig rgyu bzhin du yang // de bzhin srid la kun tu 'byung // sgyu ma dang ni smig rgyu dang // dri za'i grong khyer gzugs brnyan dang // rmi lam gal te ma skyes na// mthong ba la sogs de med 'gyur// ji ltar rgyu rkyen las byung ba// de dag byas pa can du bzhed/ de bzhin rkyen las skyes pa kun// mgon po khyod kyis de ltar gsungs// byis pas gang dag ci brjod pa// bgyis pa zhes bgyi de mchis te// chad pa stong pa 'dra ba lags// don bzhin ma lags rab tu bstan// gang tshe byas pa'i dngos ma skyes// de tshe da ltar byung ba yi// gang zhig bas na 'das par gyur// ma 'ongs pa yang ji la ltos// rang las dngos po skye ba med// gzhan dang gnyi ga las kyang min// yod min med min yod pa min// de tshe gang las gang zhig 'byung ma skyes pa la rang bzhin med// de phyir gang las kun tu byung // rang bzhin dngos po med grub pas// gzhan las kyang ni 'byung ba med// rang nyid yod na gzhan/ yod 'gyur// gzhan nyid yod na rang yod 'dod// de dag ltos pa can du grub// pha rol tshu rol bzhin du gsungs// gang tshe ci la'ang mi ltos pa// de tshe gang las gang zhig 'byung // gang tshe ring las mi ltos pa// de tshe thung sogs ga la mchis// ji ltar gcig sogs ma mchis pa// 'das dang ma 'ongs la sogs pa// nyon mongs rnam byang de bzhin te// yang dag log pa'ang rang las ci// dngos rang rang gis ma mchis na// de tshe thams cad ci zhig mchis// gzhan zhes brjod pa gang lags te// rang gi rang bzhin med na min// gang tshe gzhan gyi dngos med pa// de tshe dngos rnams rang bzhin med// de tshe gzhan dngos dngos 'dzin pa// gdon gyis thebs pa ci zhig mchis// gdod ma nyid nas mnyam gyur pa// rang bzhin gyis kyang mya ngan 'das// yang dag par ni ma skyes lags// de skad chos rnams khyod kyis gsungs// blo ldan khyod kyis gzugs la sogs// ngo bo nyid med rab bstan pa// dbu ba chu bur sgyu ma sogs// smig rgya chu shing 'dra ba lags// dbang po rnams kyis gang dmigs te// gal te yang dag mchis gyur na// byas pa yang dag rig pa gyur/ de tshe yang dag shes pas ci// dbang po rnams ni bems po dang // tshad ma nyid kyang ma yin dang // lung du ma bstan nyid dang ni// log par yongs shes khyod kyis gsungs// gang gis ci bzhin mi rtogs pa// yang dag ci bzhin thugs chud nas// des na 'jig rten mi shes pas// bsgribs pa zhes kyang khyod kyis gsungs// yod ces pa ni rtag par lta// med ces pa ni chad par lta// des na mtha' gnyis bral ba yi// chos de khyod kyis bstan pa mdzad// / des ni chos rnams mu bzhi dang // bral bar khyod kyis bka' stsal lags// rnam shes zhes bya'ang ma lags na// tshig gi spyod yul ga la lags// rmi la mig 'phrul las byung dang // zla ba gnyis las sogs mthong bzhin// 'gro ba 'byung ba de'i dngos su// ma byung de bzhin khyod kyis gzigs// ji ltar rgyu las rmi lam na// 'byung ba mthong ba de bzhin du// dngos po thams cad 'byung ba gzhan// 'jig pa'ang de bzhin bzhed pa lags// de bzhin chags sogs sdug bsngal dang // 'khor ba sdug bsngal kun nyon mongs// tshogs rdzogs pa dang thar pa yang // rmi lam 'dra bar khyod kyis gsungs// de bzhin skyes dang ma skyes dang / 'ongs pa dang ni song ba yang // de bzhin bcings bkrol ye shes la// gnyis 'dod yang dag rig ma lags// gang la skyes pa yod ma lags// de la mya ngan 'das gang yod// sgyu ma'i glang po 'dra bas na// don du bzod nas zhi ba nyid// skyes pa nyid na'ang ma skyes pa// sgyu ma'i glang po ci bzhin bzhed// de bzhin thams cad skyes pa yang // yang dag par na ma skyes lags// 'jig rten mgon po dpag med kyis// sems can dpag tu ma mchis pa// so sor mya ngan 'das mdzad kyang // de dag gis kyang gang ma bkrol// thub chen gang phyir sems can rnams// rang las ma skyes de'i phyir// gang yang gang gis ma dkrol zhes// de skad khyod kyis gsal bar gsungs// ji ltar sgyu ma mkhan gyis byas// dngos po stong pa de bzhin du// byas pa thams cad dngos stong gzhan// khyod gsungs de bzhin byed pa po// byed pa po yang gzhan gyis bgyis// byas pa can du'ang 'gyur ba lags// yang na de yi bya byed pa// byed pa por ni thar byar 'gyur// 'di dag thams cad ming tsam zhes// khyod kyis gsang ni bstod de gsungs// brjod pa las ni gzhan gyur pa// brjod par bgyi ba yod ma mchis// de phyir chos rnams thams cad/ ni// rtogs pa tsam zhes khyod kyis gsungs// gang gis stong par rnam rtog pa'i// rtog pa'i yang ni med ces gsungs// dngos dang dngos med gnyis 'das pa'i la lar ma 'das pa yang lags// shes pa med cing shes bya'ang med// med min yod min gang lags dang // gang yang gcig min du ma min// gnyi ga ma yin ci yang med// gzhi med pa dang mi gsal dang // bsam mi khyab dang dpe med dang // gang yang mi skye mi 'jig dang // chad pa med// cing rtag med pa// de ni nam mkha' 'dra ba logs// yi ge ye shes spyod yul min// de ni rten cing 'brel bar 'byung // de nyid stong par khyod bzhed lags/ dam pa'i chos kyang de lta bu// de bzhin gshegs pa'ang de dang mtshungs// de ni de nyid don dam dang // de bzhin nyid dang rdzas su bzhed// de ni yang dag mi slu ba// de ba rtogs pas na sangs rgyas brjod// sangs rgyas rnams dang chos kyi dbyings// des na don du tha mi dang // bdag nyid dang ni gzhan rnams kyang // / des na mnyam par khyod bzhed lags// dngos po rnams las stong gzhan min// de med par yang dngos po med// de phyir brten cing 'byung ba'i dngos// stong pa lags par khyod kyis bstan// rgyu dang rkyen las byung ba'ang lags// gzhan gyi dbang dang kun rdzob ste// gzhan gyi dbang zhes rab tu gsungs// dam pa'i don ni bcos ma yin// ngo bo nyid dang rab zhi dang // yang dag rdzas dngos yod pa'ang lags// brtags pa'i dngos po med pa nyid// gzhan gyi dbang ni yod pa lags// brtags pa'i dngos po yod ces pa// sgro 'dogs lags par khyod kyis gsungs// byas pa chad pas med ces pa// chad pa lags par khyod kyis gsungs// yang dag shes la chad pa med// rtag pa nyid kyang med par bzhed// 'gro ba dngos po ston pa lags// de slad smig rgyu 'dra bar bzhed// rdzi/ ltar ri dgas skom chu ni// chad med rtag pa yod ma yin// de bzhin 'gro ba thams cad kyang // tshad med rtag pa med par gsungs// gang la rdzas shig skye 'gyur ba/ de la chad stsogs 'jigs par 'byung // de la 'jig rten mtha' yod dang // mtha' med par yang 'gyur ba lags// shes pa yod pas shes bya bzhin// shes bya yod pas de bzhin shes// gang tshe gnyi ga ma skyes par// rtogs pa de tshe ci zhig yod// de ltar sgyu ma la sogs bdes// sman pa'i mchog gis gsal bstan nas// lta ba thams cad gos byed pa// dam pa'i chos ci bstan pa lags// ngo bo med pa nyid bstan pa// de ni yang dag dam pa lags// dngos po'i gdon gyis zin rnams kyi// gso ba de ni bla na med// chos kyi mchod sbyin bla med pa// des na chos kyi mchod sbyin la// mchod sbyin rib mar rtag rgyun du// 'jig rten gsum po sbyin sreg mdzad// dngos 'dzin 'jigs pa gcod bgyid pa// mu stegs ri dgas 'jigs bgyid pa// bdag med seng ge'i nga ro'i sgra// rmad byung de ni khyod kyis gsungs// stong pa nyid dang chos zab pa'i// chos kyi rnga chen brdungs pa lags// ngo bo nyid med sgra bo che'i// chos kyi dung ni bus pa lags// sangs rgyas bstan pa bdud rtsi yi/ chos kyi rdzas ni gsungs pa lags// chos rnams kyi ni stong pa nyid// nges pa'i don to zhes kyang bstan// gang yang skye dang / 'gag la sogs// sems can srog la sogs bstan pa// de ni bkri don de kun rdzob// mgon po khyod kyis bstan pa lags// shes rab pha rol phyin mtsho yi// pha rol gang gis rab phyin te// bsod nams yon tan rin ces phyug/ khyod kyi yon tan pha rol phyin// de ltar dpe med bsam mi khyab// 'gro ba'i mgon po bstod pa yis// bdag gis bsod nams gang thob des// 'gro ba khyod dang mtshungs par shog/ bsam gyis mi khyab pa'i bstod pa/ slob dpon klu grub kyis mdzad pa rdzogs s+ho// // thams cad mkhyen pa la phyag 'tshal lo// rgyal ba'i yon tan mtha' ma 'tshal bas gal te khyed bsngags