བོད་ཡིག

e-texts produced with BDRC’s OCR application

/ sangs rgyas dang / byang chub sems dpa' thams cad la phyag 'tshalo// 'di skad bdag gis thos pa dus cig na/ bcom ldan 'das yul spong byed na/ ljongs rgyu zhing gshegs pa dang / grong sgril bu can du byon to// grong spyil bu can gyi grong gi byang phyogs kyi shing sha ba'i tshal na/ dge slong gi dge 'dun chen po dang / thabs gcig tu bzhugs te/ de nas bcom ldan 'das kyis/ dge slong rnams la bka' stsal pa/ dge slong dag ni tshul khrims so// 'di ni ting nge 'dzin yin no// 'di ni shes rab yin no// dge slong dag tshul khrims goms par byas na/ ting nge 'dzin la yun ring du gnas par 'gyuraro// ting nge 'dzin la goms par byas na/ shes rab 'thob par 'gyur ro// shes rab goms par byas na/ 'di lta ste/ 'dod chags dang / zhe sdang dang / gti mug dag las sems can yang dag par/ kho nar rnam par grol bar 'gyur ro// de ltar yang dag par kho nar grol ba'i 'phags pa nyan thos kyis ni/ bdag gi zag pa ni zad do// tshangs par spyod pa ni ston to// bya ba ni byas so// 'di las srid pa gzhan mi shes so// zhes yang dag pa kho nar shes par 'gyur ro// bcom ldan 'das kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do// bslab pa gsum gyi mdo// /