| བོད་ཡིག | e-texts based on the Esukhia Input |
gzhon nu'i sku/ /bde gshegs sku yi bkra shis gang yin pa/ /bkra shis des ni 'dir bde legs shog /bcom ldan dung mdog ri yi rgyal po 'dra/ /'jig rten gsum mgon spyan ras gzigs kyi dbang / /bde gshegs gsung gi bkra shis gang yin pa/ /bkra shis des ni deng 'dir bde legs shog /bcom ldan ljang ser ri yi rgyal po 'dra/ /'jig rten gsum mgon phyag na rdo rje ste/ /bde gshegs thugs kyi bkra shis gang yin pa/ /bkra shis des kyang deng 'dir bde legs shog / dpal rigs gsum gyi bkra shis rdzogs // @#/ /rgya gar skad du/ ra t+na tri mang+ga la gA thA/ bod skad du/ dkon mchog gsum gyi bkra shis kyi tshigs su bcad pa/ /dkon mchog gsum la phyag 'tshal lo/ / rgya mtsho lta bur rgal dka' 'khor ba'i 'dam las rgyal/ /bsod nams ye shes tshogs gnyis bsag dka' ma lus rdzogs/ /'gro ba kun gyi gnyen gcig gyur pa de bzhin gshegs/ /bkra shis dam pa des kyang deng 'dir bde legs shog /rang don spangs shing gzhan don rtag tu lhur len cing / /'dod pa'i yon tan lnga la lta ba rgyang bsrings te/ /dad dang brtson 'grus lhur len grogs mchog byang chub sems/ /bkra shis dam pa des kyang deng 'dir bde legs shog /skye 'gag med cing rtog pa'i 'ching byed mtha' dag spangs/ /ma rig mun pa 'joms byed stong nyid sgron me'i mchog /dmigs pa sna tshogs spangs pa lam gyi bde sgrub chos/ /bkra shis dam pa des kyang deng 'dir bde legs shog /dkon mchog gsum gyi bkra shis kyi tshigs su bcad pa rdzogs / / @#/ /rigs gsum gyi bkra shis/ dkon mchog gsum la phyag 'tshal lo/ /yon tan rgyas pa'i rtags su sku mdog gser 'dra ba/ /shes rab rtags su ral gri po ti phyag na bsnams/ /'phags pa 'jam dpal gzhon nu'i bkra shis gang yin pa/ /bkra shis dam pa des kyang deng 'dir bde legs shog /thugs rje'i rtags su sku mdog zla ba'i 'od chags pa/ /skyon gyis ma gos phyag mtshan phyag na pad+ma bsnams/ /'phags pa spyan ras gzigs kyi bkra shis gang yin pa/ /bkra shis dam pa des kyang deng 'dir bde legs shog /chos nyid mi 'gyur rtags su sku mdog mthing nag sngo/ /thabs dang shes rab gnyis med phyag na rdo rje bsnams/ /'phags pa phyag na rdo rje'i bkra shis gang yin pa/ /bkra shis dam pa des kyang deng 'dir bde legs shog / rigs gsum gyi bkra shis rdzogs // @#/ /rgya gar skad du/ maM ga la gA thA/ /bod skad du/ bkra shis kyi tshigs su bcad pa/ dkon mchog gsum la phyag 'tshal lo/ / phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas pa'i 'dab 'dra'i spyan mnga' ba/ /bkra shis des ni skye dgu rnams la zhi byed dang po'o/ /de yis nye bar bstan pa'i mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa/ /de ni 'jig rten dge ba'i bkra shis gnyis pa'o/ /dge 'dun dam pa'i chos ldan thos pa'i bkra shis phyug /mi dang lha dang lha ma yin gyis mchod pa'i gnas/ /tshogs kyi mchog rab ngo tsha shes dang dpal gyi gzhi/ /de ni 'jig rten dge ba'i bkra shis gsum pa'o/ /sems can kun la phan phyir byang chub mnga' ba bo/ /don rnams thams cad 'grub par brtul ba yongs ldan pa/ / tshogs kyi lam dgyes thub pa'i bkra shis gang byung ba/ /bkra shis des ni skye dgu rnams la zhi byed shog /'gro la phan phyir de bzhin gshegs pa dga' ldan lha'i/ /gzhal med khang gi snying po nas ni 'dir gshegs te/ /dbang bcas lha yis bskor ba'i bkra