| བོད་ཡིག | e-texts based on the Esukhia Input |
rgya gar gyi mkhan po dz+nyA na gar+b+ha dang / lots+tsha ba ban+de klu'i dbang pos bsgyur/ rgya gar gyi mkhan po bid+yA ka ra siM ha dang / zhu chen gyi lots+tsha ba ban+de de ba tsan+d+ra sa zhus te gtan la phab pa/ / @#/ /rgya gar skad du/ pradz+nyA bar+d+ha nI nA ma d+hA ra NI/ bod skad du/ shes rab skyed pa zhes bya ba'i gzungs/ na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ tad+ya thA/ s+kha la te s+kha la te ma ni te swA hA/ rig sngags 'di'i cho ga ni 'di yin te/ khyor chu la lan gsum bzlas te/ 'thungs na zhag bdun nas thos pa 'dzin par 'gyur ro/ /shes rab skyed pa zhes bya ba'i gzungs rdzogs so// //rgya gar gyi mkhan po dz+nyA na gar+b+ha dang / lots+tsha ba ban+de klu'i dbang pos bsgyur/ rgya gar gyi mkhan po bid+yA ka ra siM ha dang / zhu chen gyi lots+tsha ba ban+de de ba tsan+d+ras zhus te gtan la phab pa// @#/ /dkon mchog gsum la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas shAkya thub pa la phyag 'tshal lo/ /tad+ya thA/ ma ti ba hu l+ye/ ta thA ga tA dz+nyA na daR+sha ne pra dz+nyA p+ta/ gam+b+hi re/ bo d+hi maN+DA nu sa ri Ni/ a bid+d+ha/ ta mon+d+ha/ ka ra bi d+ha ma ni/ dz+wa la dz+wa la/ pradz+nyA bI pe/ me d+hA pa di ni/ sarba a d+hiSh+Thi ta/ su ru su ru/ d+hu ru d+hu ru/ me d+hA A na ya swA hA/ cho ga ni nang par zhing bzlas brjod byas na/ lobs skyen par 'gyur ro/ /sman bram hi snyim par bcug ste dud pa byung gi bar du bzlas pa byas te/ zos na thos pa 'dzin par 'gyur ro/ /thos pa 'dzin pa'i gzungs rdzogs so// // @##/ /rgya gar skad du/ Ar+ya sarba ta thA ga ta a d+hiSh+ThA na sa twA ba lo ke na bud d+ha k+She tra nir de sha na byU ha nA ma ma hA yA na sU tra/ bod skad du/ 'phags pa de bzhin gshegs pa thams cad kyi byin gyi rlabs sems can la gzigs shing sangs rgyas kyi zhing gi bkod pa kun tu ston pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das ri gru 'dzin na 'phags pa spyan ras gzigs dbang phyug gi gnas lha'i nor bu rin po che dpal gyi snying po dang / me tog rgyas pa dang / lha'i seng ge'i khri bkod pa na/ dge slong lnga brgya tsam gyi dge slong gi dge 'dun chen po thams cad kyang dgra bcom pa/ zag pa zad pa/ sems can thams cad kyi dbang gi dam pa'i pha rol tu son pa sha stag dang / byang chub sems dpa' thams cad kyang snying rje chen po'i shes pa la gnas pa thams cad kyang skye ba gcig gis thogs pa dang / skye ba gnyis dang / skye ba gsum dang / skye ba bcu dang / skye ba nyi shu dang / skye ba sum cu dang / skye ba brgya'i bar dag gis thogs pa/ thams cad kyang sa brgyad pa dang / sa bcu pa la gnas pa sha stag ste/ 'phags pa spyan ras gzigs dbang phyug dang / 'jam dpal dang / dri med tog dang / nor dpal dang / glog gi tog dang / dri med 'od dang / tsan+dan dang / bdud rtsi'i tog la sogs pa byang chub sems dpa' sems dpa' chen po bdun brgya dang / dge bsnyen dang / dge bsnyen ma thams cad kyang lung bstan pa dang ldan pa/ ting nge 'dzin thob pa/ 'jig rten gyi khams tha dad pa nas 'dus pa lnga stong dang / lha dang / klu dang / gnod sbyin dang / dri za thams cad kyang sngon gyi sangs rgyas la bsnyen bkur byas pa/ de bzhin gshegs pa'i cho 'phrul mthong ba brgya stong dang / gnod sbyin mo chen mo thams cad kyang byang chub sems dpa'i ye shes thob pa/ lung bstan pa thob pa/ phyir mi ldog pa dpe med pa dang / dri med 'od dang / 'od can ma dang /