| བོད་ཡིག | e-texts based on the Esukhia Input |
ci 'byor pas mchod pa byas la chu la sngags kyis btab ste bzhag nas/ nang par chu la lan bdun bzlas brjod byas te dro khar kha zas 'o ma dang spags te zos na zhag bdun lon na nyin gcig kyang sha lo ka stong lobs par 'gyur ro/ /yid ches pa'i rtags yod do/ /sha lo ka stong lobs pa'i gzungs rdzogs so// @#/ /dkon mchog gsum la phyag 'tshal lo/ /sangs rgyas kun nas thogs med ston la phyag 'tshal lo/ /byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ /tad+ya thA/ ka ba tsa kar+Na la la te swA hA/ chu la lan bdun bzlas te gdong bkrus na skye bo thams cad dga' bar 'gyur ro/ /de'i cho ga la 'phags pa spyan ras gzigs dbang phyug gi spyan sngar chu bzhag la lan bdun bzlas brjod byas te 'thungs la/ dro khar kha zas 'o ma dang spags te bza' ba de lta bur zhag bdun gyi bar du byas na/ nyin gcig kyang yi ge sha lo ka stong lobs par 'gyur ro/ /sha lo ka stong lobs pa'i gzungs rdzogs so/ / @#/ /dkon mchog gsum la phyag 'tshal lo/ /byang chub sems dpa' sems dpa' chen po snying rje chen po dang ldan pa/ 'phags pa spyan ras gzigs dbang phyug la phyag 'tshal lo/ /tad+ya thA/ oM mu ni kan+te mu ni pra b+ha swa re swA hA/ bcom ldan 'das 'phags pa spyan ras gzigs dbang phyug gi spyan sngar dkyil 'khor byas te/ shu dag mthe bong tsam blangs la lan brgya rtsa brgyad bzlas brjod byas nas zos na thog ma'i nyin mo yi ge sha lo ka stong bklags pa tsam gyis lobs par 'gyur ro/ /zhag gsum lon pa'i nyin mo sha lo ka sum stong lobs par 'gyur ro/ /zhag bdun lon pa'i nyin mo thos pa 'dzin par 'gyur ro/ /sha lo ka sum stong lobs pa'i gzungs rdzogs so// // @##/ /dkon mchog gsum la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /tad+ya thA/ smr-i ti ma ti ma ti/ te dzo bid+yA hu ru me ha ra hu ru kr-iSh+Na hu ru me swA hA/ shu dag dkar po la sngags 'di bzlas brjod byas te zos na gdon mi za bar thos pa 'dzin par 'gyur ro/ /mi brjed pa'i gzungs rdzogs so// @#/ /rgya gar skad du/ pradz+nyA bar+d+ha nI nA mad+hA ra NI/ bod skad du/ shes rab skyed pa zhes bya ba'i gzungs/ thams cad mkhyen pa la phyag 'tshal lo/ /'di skad bdag gis thos pa dus gcig na/ bcom ldan 'das byang chub sems dpa' blo ldan zhes bya ba ri rab kyi ngos la bzhugs te/ ri rab la gnas pa'i lha'i bu thams cad kyis bskor nas mdun du byas te chos ston to/ /de nas byang chub sems dpa' sems dpa' chen po gzhon nu'i gzugs can gyis thal mo sbyar te/ byang chub sems dpa' blo ldan la sogs pa/ bcom ldan 'das sems can shes rab rtul po/ blo zhan pa/ yid mi gzhungs pa rnams kyi slad du shes rab skyed pa zhes bya ba'i gzungs bshad du gsol/ /bshad pa/ hU~M pi tsu pi tsu/ pradz+nyA bar+d+ha ni dz+wa la dz+wa la/ me d+hA bar+d+ha ni/ d+hi ri d+hi ri/ bud+d+hi bar+d+ha ni swA hA/ gang zhig gzungs 'di 'dzin pa dang / klog pa dang / 'dri ba dang / 'drir 'jug pa dang / chung ngu na yi ge 'bru gcig tsam thos na yang de'i tshe 'di nyid la shes rab chen por 'gyur ro/ /gang gi zla ba drug gi bar du nyin re zhing rtsa bas khyor gang la rig pa 'di lan bdun btab ste nyi ma shar ba'i tshe 'thungs na tshigs su bcad pa stong stong 'dzin to/ /lan cig 'thungs na lnga brgya 'dzin te nyin gcig bzhin shes rab 'phel bar 'gyur ro/ /nyin gcig bzhin du rjod pa tsam gyis dran pa dang yid gzhungs par 'gyur ro/ /shes rab skyed pa zhes bya ba'i gzungs rdzogs so// //