| བོད་ཡིག | e-texts based on the Esukhia Input |
len spro bar byed do/ /'jig rten gyi khams kyi dbul po rnams la sbyin pa byas pa bas 'ga' zhig la sbyin pa byas na de'i bsod nams brgya'i char yang mi nye'o/ /de ci ste zhe na/ dbul po rnams la ni 'bad du yod/ btsal du yod/ bslang du yod do/ /yi dgas las kyis de lta bu dag ma yin gyi/ ma bsngos na kha ru chud kyang dug chen por 'gyur ro/ /'jig rten gyi khams kyi la sbyin pa byin pa bas 'jur 'gegs kyi gcig la chu byin na de'i bsod nams brgya'i char yang mi nye'o/ /de ci ste zhe na/ de dag la ni dmigs pas tshim pa dang / bshams pas tshim pa dang / bsngos pas tshim pa dang / reg pas tshim pa dang / rjes kyis tshim pa dang / bshal bas tshim pa yang yod de/ las kyi rim pa bzhin no/ /'jur 'gegs ni gzhan bkag pa'i las kyis sngags dang / phyag rgya dang / dmigs pa gzhan gyis mi thob/ rdzas thams cad la 'thams te bkag pas rdzas gzhan mi myong / gzhan gyi chu gcig pu ma bkag pas/ chu gtsang rtsam pas ma reg pa las dbang med/ rang gi rgyud zhi bar byed pa'i sngags dang / phyag rgya se gol gcig min pa gzhan gang gis kyang thub par mi nus so/ /se gol gcig tu bzhag pa ci zhe na/ gnyis su gyur na gzhan gyi sgrar gyur nas mi thob des na rang gi go ba bskyed pa sgra gcig tu nges pa'o/ /'dis ni bar chad kyis mi tshugs pa dang / nad nyung ba dang / tshe ring ba dang / longs spyod dang ldan pa dang / yi ga 'chus pa rnams 'byed par byed pa dang / mdangs nyams pa rnams gsal bar byed pa dang / 'di gzhan la spel na rgyud grol nas kyi rgyud chad de mthar mngon par rdzogs par 'tshang rgya'o/ /de skad ces bka' stsal nas/ rigs kyi bu de dag gis bcom ldan 'das kyis gsungs pa la mngon par bstod do/ /'jur 'gegs zhes bya ba'i gzungs rdzogs so// //zhu chen gyi lo ts+tsha ba ban+de ye shes sdes bsgyur te gtan la phab pa// @#/ /dkon mchog gsum la phyag 'tshal lo/ / oM dz+nyA nA ba lo ki te sa man+ta s+pha ra Na rasmi b+ha ba sa ma ya ma hA ma Ni du ru du ru hr-i da ya dza la ni hUM/ 'bab chu'am/ mtsho'i 'gram du 'dug ste/ lag pa g.yas pa'i khyor bar chu blugs la/ ye shes skar mda'i snying po 'di lan bdun bzlas te/ chu khyor ba bdun 'bab chu'am/ chur gtor na sangs rgyas kyi spyan gyis gzigs pa'i ji snyed yod pa de dag thams cad lha'i kha zas kyi ro dang / btung ba'i ro mchog dang ldan pa 'thob cing re re la yang kha zas dang / btung ba yul ma ga d+hA'i bre bdun bdun gyis tshim par byas par 'gyur zhing / chu de 'thungs pa tsam gyis de dag thams cad kyi skye gnas las thar cing / bde 'gro mtho ris kyi skye gnas su skye bar 'gyur ro/ /skyes pa'am/ bud med dam/ khye'u'am/ bu mo'am/ gzhan yang byol song gi skye gnas su gtogs pa'i sam/ bya'am/ chu na gnas pa la sogs pa gang gis chu de 'thungs pa de dag thams cad sdig pa dang / sgrib pa thams cad byang zhing bde 'gro'i lam du 'gro bar 'gyur ro/ /ye shes skar mda'i snying po rdzogs so// //@#/ /rgya gar skad du/ pradz+nyA bar+d+ha nI nA ma d+hA ra NI/ bod skad du/ shes rab skyed pa zhes bya ba'i gzungs/ na mo rat+na tra yA la/ na ma Ar+ya a ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ oM bi ba bi ba/ pradz+nyA bar+d+ha ni/ dza ra dza ra/ me d+hA bar+d+ha ni/ d+hi ri d+hi ri/ bud+d+hi bar+d+ha ni swA hA/ rig sngags 'di'i cho ga ni 'di yin te/ nang re zhing rtsab mo khyor gang la lan nyi shu rtsa gcig bzlas te/ zla ba gcig gi bar du 'thungs na thos pa 'dzin par 'gyur ro/ /shes rab skyed pa zhes bya ba'i gzungs rdzogs so// //rgya gar gyi mkhan po dz+nyA na gar+b+ha dang / lo ts+tsha ba ban+de klu'i dbang pos bsgyur/ rgya gar gyi mkhan po bid+yA ka ra sing ha dang / zhu chen gyi lo ts+tsha ba ban+de de ba tsan+d+ras zhus te gtan la phab pa// @#/ /dkon mchog gsum la phyag 'tshal lo/ byang chub sems dpa' sems dpa' chen po 'phags pa