<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
D604: khro bo rnam par rgyal ba'i rtog pa gsang ba'i rgyud<br><table><tr><td>
<input type="button" onclick="location.href='tcompletep.php?id=D604&coll=D&volcur=1';" value="show page break" />
<td width=150><td>
<input type="button" onclick="location.href='tcompletel.php?id=D604&coll=D&volcur=1';" value="show line break" />

<td width=150><td>
<a href="tcompleteu.php?coll=D&id=D604&volcur=1" style=font-size:25px;">བོད་ཡིག</a><td width=150><td>e-texts based on the Esukhia Input <a href="https://github.com/OpenPecha-Data/P000001" target="_blank"><img src="../sub/link.png" width=20></a></table><hr><p style="font-size:18px;">text in 2 volumes<br><br><a href="tcomplete.php?id=D604&coll=D&volcur=0">volume 1  (rgyud 'bum pha)</a> - <span style="color:red;border: 2px solid red;border-radius: 5px;padding:3px;">volume 2 (rgyud 'bum ba)</span> - <br><br>@##/ /ci skad gsungs pa'i gzugs rnams la/ /me tog ji skad bshad pa bzhin/ /rtag tu gang zhig mchod byed na/ /dge ba'i brtul zhugs 'di dag dang / /de
 bzhin sngon du bsnyen pa yang / /dran pa tsam ni 'ba' zhig gis/ /nges par 'dod de de dag nyid/ /mchod pas myur du 'grub par 'gyur/ /rgyal srid sbyin pa'i gzugs
 la ni/ /tsan+dan gur gum a ka ru/ /ci rigs par ni byugs nas kyang / /ut+pal puN+Da rI ka mdzes/ /tsam pa ka dang ma li ka/ /ke sa ra ni dri zhim pas/ /mchod nas
 bdug pa mar bcas pas/ /gu gul mkhas pas dbul bar bya/ /de ltar byas na khyim pas kyang / /de la bsam zhing brgyad brjod de/ /ci 'byor pa yi mchod pa'i bshos/ /
 de yi spyan sngar dbul bar bya/ /sngar bsnyen la sogs med kyang bla/ /de ltar sbyor bas zla drug gis/ /rkun po dang ni dgra med cing / /the tsom med par rgyal srid thob/ /ma
 bsgrubs na yang nyin gcig bzhin/ /mchod pa byas pas yul rnyed 'gyur/ /las 'di gdon mi za bar ni/ /des ni 'bum ni rnyed par 'gyur/ /longs spyod sbyin pa'i gzugs la ni/ /tsan+dan gur gum a ka rus/ /bdag gis
 legs par bskus nas ni/ /me tog phreng bas rab tu mchod/ /me tog dkar po'i phreng ba yis/ /nyin gcig bzhin du mchod byas nas/ /mar dang ldan pa'i gu gul lam/ /kun tu ru yi bdug pa'ang 'bul/ /me tog a ti mu ta ka/ /re re cho ga
 bzhin bzlas nas/ /mjug tu 'bum ni dbul bar bya/ /de nas longs spyod chen po rnams/ /de yi mjug tu 'byung 'gyur te/ /'di la spyad pa dogs pa med/ /nad sel ba yi gzugs la ni/ /tsan+dan dmar pos bskus nas kyang / /sha ta shing
 gi bdag po dag / phul nas me tog gtsang ma yis/ /mchod pa'i bshos ni dbul bar bya/ /mjug tu nad sel dang ldan pa/ /khro bo'i sngags ni de bzlas nas/ /bdag gam pha rol po dag gam/ /su yang rung ba'i gcong can yang / /de ni za
 ma gcig gis 'joms/ /sngar bsnyen la sogs med kyang bla/ /'dod dgur sbyin pa'i gzugs la ni/ /de ltar yang ni mchod byas na/ /zhi ba rgyas pa dbang dang dgug /dbye dang bskrad dang gsad pa dang / /zlos pas mjug tu khyad par du/ /bskul
 ba'i tshig bcug bsgrub par bya/ /gzhan yang gang dag 'dod pa yis/ /yid dang mthun pa'i 'dod pa'i don/ /de yang de ltar yang dag bsgrub/ /sku gzugs rab tu mchod byas nas/ /gang du ci 'dra de lta bur/ /gus par zla ba drug bzlas te/ /sku
 gzugs nyin gcig bzhin du ni/ /de ltar kun tu rab mchod nas/ /rtag tu de yi bzlas pa ni/ /blo dang ldan pas kun byas na/ /grub pa nyid ni ma thob kyang / /dngos grub phra mo thob par 'gyur/ /yang na khro bo'am phyag rgya'ang rung / /de tshe sgrub par nus na ni/ /
 de yi ri mo gsungs pa dang / /lha yi brtul zhugs des kyang 'grub/ /de nas gzhan yang brtul zhugs kyi/ /mchog gis dngos grub gang yin pa/ /cho ga bzhin du mdor bsdus te/ /rgyas par bdag gis bshad par bya/ /de nas khro bo gtso bo yi/ /rtse gsum
 shin tu gsal bsgrubs na/ /ur mo'i lcags las byas pa yi/ /rtse gsum sor ni sum cu pa/ /rno la bzang zhing rab legs pa/ /thog ma cho ga bzhin byas nas/ /ri yi rtse mor 'dug nas su/ /ri mo bzang po de bris nas/ /mang po zhes pa yi/ /
 dkyil 'khor thal bas tshul bzhin bri/ /de nas mchod pa rgya chen dang / /nya dang sha rnams sna tshogs kyis/ /phyogs kyi gtor ma kun tu bya/ /tshes grangs nyi shu gsum gyi dgongs/ /rtse gsum dkyil 'khor me tog la/ /bzhag nas me tog dag gis mchod/ /
 tsan+dan dmar pos kun bskus shing / /me tog dag gis thams cad brgyan/ /cho ga bzhin du lag gis bzung / /ri mo la ni mngon phyogs 'dug /khro bo mchog gi sngags dag gis/ /rtse gsum pa la mkhas pas bzlas/ /de yi nyes pa sbyang ba'i phyir/ /brgya rtsa
 brgyad du bzlas nas su/ /khro bo mchog gi sngags dag gis/ /der ni me yang rab sbar nas/ /cho ga bzhin du rtse gsum la/ /bdug pa'i sbyin sreg stong byas nas/ /lag pas bsgreng ste bzung nas su/ /dpa' zhing brtan pa'i tshul du gnas/ /ji srid me ltar
 'bar gyur pa/ /de srid blo dang ldan pas bzlas/ /rtse gsum 'bar ba nyid kyis na/ /de nas gyen du 'bar bar gyur/ /sngags kyi mthu yis mig gsum las/ /'od kyang nyi ma bzhin du 'byung / /rig 'dzin gzhan rnams thams cad kyang / /de la mchod cing
 dga' bar byed/ /dbang phyug kun dang rab tu ldan/ /'dod pa'i gzugs can yid bzhin 'gyur/ /de ste rtse gsum du ba 'byung / /de nas lus ni mi snang 'gyur/ /'on te de ni tsha gyur na/ /dpung dang lha ma yin gyi gnas/ /g.yul ngo chen po la
 sogs par/ /'jigs shing skrag pa skyed par byed/ /de ltar dang po sgrub pa'i mchog /'di ni rab tu bshad pa yin/ /da ni ral gri bzang po yang / /'dir ni bsgrub par rab tu bshad/ /ur mo'i lcags las byas pa yi/ /ral gri sor ni sum cu gnyis/ /legs par
 byas shing phan byed la/ /glang po'i so la dong byed la/ /ri yi rtse mor 'dug nas su/ /mchod pa la sogs sngon bzhin bya/ /bdug pa'i sbyin sreg byas nas su/ /ral gri lag par bzung ste bzlas/ /sngags pa'i chang pas bzung nas ni/ /rab tu snang ba 'bar ba 'byin/ /
 'bar ba de ni mthong nas su/ /rig 'dzin mchog tu de 'gyur ro/ /de ste de las du ba 'byung / /de nas de ni mi snang 'gyur/ /tsha bar gyur na de bzhin du/ /stobs chen rkang pa mgyogs par 'gyur/ /lo brgya rab tu tshang bar 'tsho/ /'di la rnam par dpyad mi dgos/ /gal
 te 'di la ma brten nas/ /grub pa thob par ma gyur na/ /ral gri brtson 'grus mchog ldan pas/ /g.yul ngor phyin nas thams cad du/ /myur zhing mi ngal nyon mi mongs/ /pham pa med par stong yang thub/ /ral gri bsgrub pa bshad zin te/ /da ni be con sgrub pa bshad/ /
 go bi da ra'i be con nam/ /yang na seng ldeng dag las ni/ /gshin rje'i be con lta bu bzang / /sor ni bzhi bcu gnyis pa bya/ /de nas blo can dur khrod du/ /gtor ma cho ga rgya chen bya/ /be con mchog la sngon bzhin du/ /bdug pa'i sbyin sreg byas nas su/ /
 gos dmar bgos shing thal ba dang / /me tog dmar pos brgyan nas su/ /bsreg gzhi der 'dug be con las/ /ji srid ha ha zhes pa dang / /lag na be con 'gul pa'i bar/ /de srid cho ga bzhin du bzlas/ /de nas dang po khro bo'i bdag /dbang phyug kun dang
 rab ldan pa/ /de yi chibs pa ma he la/ /zhon nas mkha' la 'gro bar 'gyur/ /skra ni lcang lo 'khyil pa stug /snum zhing mthing ga lta bur 'gyur/ /dus mtha'i sprin gyi kha dog 'dra/ /de yi lus mchog stobs kyang che/ /gal te khro bo de 'dod na/ /be con gyis ni lha
 rnams gsod/ /be con sgrub pa bshad pa yin/ /de bzhin legs par mdor bsdus nas/ /dgra sta bzang po bsgrub pa dag /de bzhin bdag gis bshad par bya/ /snga ma bzhin du ur mo las/ /dgra sta bzang po byas pa yang / /yu ba sor ni bcu drug pa/ /dgra sta de ni sor
 drug pa/ /cho ga snga ma bzhin sgrub na/ /dngos grub de dag de yi 'thob/ /de nas gzhan yang lcags kyu'i mchog /bsgrub pa bdag gis bshad par bya/ /ur mo lcags las byas pa yi/ /lcags kyu sor ni bzhi bar bya/ /de yi yu ba mnyam pa la/ /sor ni brgyad yod par bya/ /
 nyi shu dgu yi tshes grangs la/ /nub mo mchod pa gtor ma byas/ /ri yi rtse la 'dug nas su/ /lcags kyu go cha bsgrub par bya/ /ser skya las byung mar dag gis/ /bdug pa'i sbyin sreg byas nas su/ /ji srid sgron ma bzhin 'bar ba/ /de srid lag pas bzung ste bzlas/ /de nas
 de ni thogs pa yis/ /the tshom med par nam langs na/ /'od ni me bzhin kun tu snang / /gyen du 'bar zhing 'gro bar 'gyur/ /'jig rten pa yi lha rnams ni/ /bran g.yog bzhin du dbang du 'gyur/ /de bzhin gshegs pa'i bka' mchog bzhin/ /bka' yang rab tu nyan
 par 'gyur/ /'on te de yi lcags kyu'i mchog /du ba 'byung bar gyur na ni/ /de tshe du ba byung ba yis/ /stobs chen grib ma'ang mi snang 'gyur/ /sngags pa bye ba gsum du gson/ /gnod sbyin rig 'dzin rnams kyis mchod/ /bde ba kun dang rab tu ldan/ /'dod
 par 'byor zhing stobs kyang che/ /khro bo sngags kyis mthu stobs nas/ /gal te de ni tsha gyur na/ /nang par bkra shis byas nas su/ /lcags kyu bzang po de thogs nas/ /bzlas na brgya byin la sogs pa'i/ /lha rnams 'gugs pa gdon mi za/ /gnod sbyin
 rig 'dzin rnams dag dang / /de bzhin lto 'phye mi'am ci/ /lha ma yin gyi bu mo dang / /de bzhin dri za'i bu mo dang / /ro langs rigs rnams dang / /de bzhin gzhan yang myos dregs rnams/ /bkug nas bdag gi las rnams ni/ /ji ltar
 'dod pa byed du gzhug / gser 'gyur rtsi dang bcud kyis len/ /grub pa yi ni rdzas rnams dang / /gzhan yang yid la gang 'dod pa/ /de dag thams cad de la ni/ /lha dang gnod sbyin tshogs la sogs/ /ji snyed pa dag 'bul bar byed/ /de yi bka' ni thams
 cad kyang / /'jigs pas nges par nyen par 'gyur/ /ngo mtshar kun gyis brgyan pa yi/ /rang gis gzhon pas yongs bskor cing / /gnas dang skyed mos tshal mang po/ /ngo mtshar kun dang rab ldan pa/ /khyim dang slas kyi gnas rnams dang / /'jig rten ma
 lus ston par byed/ /rdzu 'phrul yon tan longs spyod kyis/ /sgrub pa po ni dga' bar byed/ /ci srid lcags kyu 'chang ba'i mi/ /de yi bka' yis nges pa ru/ /gnod sbyin mo dag rang rang gi/ /'dod pa'i longs spyod nye bar spyod/ /de ste las kyi skyon dag gis/ /
 tsha ba tsam du ma gyur na'ang / /lcags kyu de nyid 'dir bzung ste/ /nang par dben par 'dug nas su/ /bu mo gang gis ming bcug ste/ /ci srid 'dod pa bzlas nas ni/ /dpag tshad brgyad brgyan gnas pa/ /de nas myur du 'ong bar 'gyur/ /bu mo'am yang na
 khye'u yang rung / /ci ltar 'dug pa myur du 'grub/ /me tog 'bras bu de bzhin grub/ /shing rta dang ni ljon shing dag /ma grub na yang rtag pa ru/ /de yis nges par khugs par 'gyur/ /de ltar lcags kyu dam pa 'di/ /bsgrub pa rab tu bshad pa yin/ /thod
 pa'i dngos grub gang yin pa/ /de yang 'dir ni bshad par bya/ /rtse gsum ral gri be con dang / /de bzhin dgra sta lcags kyu yi/ /sgrub pa gang dag bshad pa yi/ /lag pa g.yas pas gzung bar bya/ /thod pa la sogs gzhan rnams ni/ /lag pa g.yon pas bzung
 bsgrubs na/ /de nas de dag bshad pa bzhin/ /dngos grub nges par thob par 'gyur/ /shing las legs par byas pa yi/ /thod pa sor ni nyi shu pa/ /mnyam par rab tu legs byas la/ /nyes pa thams cad rnam spangs pa/ /ri yi rtse mor 'dug nas su/ /mchod dang gtor
 ma'i rim par byas/ /bdug pa'i sbyin sreg byas nas su/ /sngags kyang bsrung ba mthu bskyed de/ /thod pa lag pa g.yon pas bzung / /lag pa g.yas pas bsten nas ni/ /de yi kha yang dgab par bya/ /ji srid de la 'bar ba dang / /du ba'am tsha ba byung gi bar/ /de srid sbas
 ni bzlas par bya/ /'bar nas nam mkhar 'gro bar 'gyur/ /'jig rten gsum gyi bdag por bshad/ /du ba 'byung bar gyur na yang / /de bzhin nges par mi snang 'gyur/ /'on te tsha bar de gyur na/ /de yi tshe na gang bsams pa/ /thod pa de las 'byung bar 'gyur/ /
 de la rnam pa dpyad mi dgos/ /'on te de ni ma grub na/ /de nas sa la mi bzhag par/ /de yi thod pa blangs nas su/ /shing gi khri la gzhag par bya/ /ras kyis g.yogs te bzhag nas su/ /yid la ci 'dod bsams pa yi/ /zan dang bza' dang bya na rnams/ /gang
 yang rung ba de dag nyid/ /ras g.yogs lag gis bzung nas su/ /stong rtsa brgyad du bzlas byas na/ /grub pa la ni nyin re zhing / /de nas gang yang rung ba'i zas/ /bya na bcangs pas nges pa ru/ /thod pa de nang gang bar 'gyur/ /sems can rnams ni gang la yang / /
 bdud rtsi zas ni sbyin par bya/ /tshul bzhin pa yi 'og tu ni/ /gtsang sbra byas te tshul bzhin bza'/ /thod pa bsgrub pa bshad pa 'di/ /lag pa g.yon pas gzung bar bya/ /mdung thung rnon po legs byas pa/ /bshol ba med par bsgrub par bya/ /ur mo lcags las byas
 pa mchog / bkra shis sor ni sum cu gnyis/ /de nas cho ga snga ma bzhin/ /chu 'gram gtsang ma dag tu ni/ /sngon bzhin mtshan mo bsgrub par bya/ /dngos grub 'bras bu gsum du bshad/ /de ltar ji skad bshad pa bzhin/ /mda' bo che yang mkhas pas bsgrub/ /
 ur mo lcags las byas pa mchog /rab tu rno ba snga ma bzhin/ /bdug pa'i sbyin sreg byas nas su/ /tsan+dan dmar pos gdab par bya/ /sgrub pa pos ni cho ga bzhin/ /ri yi rtse mor 'dug nas ni/ /snga ma bzhin du mtshan mo bsgrub/ /grub na 'bras
 bu snga ma bzhin/ /lag pa g.yon pa'i mdzub mo ni/ /lag pa g.yas pas g.yogs nas su/ /cho ga snga ma bzhin byas nas/ /zla ba gza' yis zin pa'i tshe/ /stan gcig pa la legs 'dug nas/ /blo dang ldan pas bzlas byas na/ /de nas mdzub mo de las ni/ /
 gdon mi za bar 'bar bar 'gyur/ /yang na du ba rang 'byung ba'am/ /de nas tsha bar 'gyur yang srid/ /de nas nges par 'bar gyur na/ /rig 'dzin go 'phang thob par 'gyur/ /du ba 'byung bar gyur pa las/ /de bzhin mi snang 'gyur bar bshad/ /de tshe rab tu tshar gyur na/ /
 rkang pa mgyogs pa rab tu 'thob/ /de ste lag pa g.yon pa yi/ /mdzub mo grub par ma gyur te/ /dngos grub nyams kyang nges par ni/ /las rnams sna tshogs byed par 'gyur/ /khros nas de yis bsdigs na ni/ /mi de ji ltar 'dod pa ru/ /de ma thag tu 'gyel bar
 'gyur/ /sngags mkhan dag gis bsad nas kyang / /de nas shi bar gyur pa de/ /de nas lag pa g.yas pa yis/ /ci srid 'dod par slong bar byed/ /rab tu 'khrugs pa'i dpung chen yang / /de nas de yis bsdigs par nus/ /glang po dang ni rta rnams dang / /ljon shing dang ni
 nags tshal rnams/ /ring bor mi thogs 'jig par byed/ /ri rnams kun gyi rtse mo dag /rab tu bzang zhing mtho ba yang / /de nas de yi mdzub mo des/ /ring por mi thogs snyil bar byed/ /mdzub mo dngos grub kun sbyin pa'i/ /grub pa'i mchog ni bshad pa yin/ /de
 nas gzhan yang zhags pa yi/ /sgrub pa'ang 'dir ni bshad par bya/ /shi ba'i skra la zhags pa ni/ /sbom zhing yid du 'ong ba bya/ /cho ga snga ma bzhin bsgrubs na/ /de yi dngos grub de nyid 'thob/ /shing ni rab tu bzang po las/ /dbyug to sor ni bcu drug bya/ /legs par
 bzhogs dang legs bris pa/ /bzang po yid du 'ong byas nas/ /de yi mgo bo dag la yang / /rab tu bzang po'i gser gyis dkri/ /de yi rtse la nor bu ni/ /pad+ma rA gas spras par bya/ /de nas tshul bzhin ri rtse la/ /cho ga sngon du bshad pa bzhin/ /mngon du 'dug pa'i
 sbyin sreg bya/ /sgrub pa po yis nub mo bsgrub/ /'bar ba de ni blangs nas su/ /nam mkhar 'phags pa gdon mi za/ /snga ma bzhin du grub rnams kyi/ /gtso bor gyur cing 'dod gzugs can/ /du ba tsha la sogs pas kyang / /de yis 'bras bu sngon bzhin 'thob/ /
 mtshon cha mchog rnams bsgrub pa ni/ /de ltar mdor bsdus bshad pa yin/ /de nas cho ga las byung ba'i/ /dngos grub gzhan yang bshad bya ste/ /ci ltar khro bo mchog gis ni/ /nyid kyis mdor bsdus bshad pa'o/ /mang po zhes bya ba'i/ /dkyil 'khor
 thog mar bris nas su/ /rma med pa yi ro blangs nas/ /mkhas pas khrus byas legs par brgyan/ /me tog spos kyis mchod nas su/ /sha dang bcas pa'i gtor ma sbyin/ /las ni dur khrod dag tu bya/ /'di ni gzhan du yong mi bya/ /me tog bkram pa'i gnas mal du/ /
 nub phyogs sgo phyogs mgo bstan gzhag /thod pa bzang po zas mchog gis/ /rab tu gang ba blangs nas su/ /zas mchog dag gi nang du yang / /tshil chen dag gis blug par bya/ /mkhas pas de dag de yi tshe/ /khro bo sngags kyis btab pa yi/ /sbyin blugs brgya ni
 tshang tshang du/ /gzar bus mi yi khar blugs na/ /de yi lce yang 'byung bar 'gyur/ /de nas mtshon gyis gcad par bya/ /lce ni rtsa bar bcad pa las/ /khro bo'i mthu yis myur ba ru/ /de nas de nyid ral gri'i gzugs/ /bzang po sum cu rtsa gnyis 'gyur/ /
 de nas ral gri blangs nas su/ /grogs rnams la ni re re sbyin/ /sgrub pa po yis blangs nas ni/ /de ma thag tu 'grub par 'gyur/ /rig 'dzin de dag thams cad kyis/ /kun tu bkur ba'i rgyal por 'gyur/ /grogs po de rnams dang bcas par/ /bskal pa bdun
 du gnas par 'gyur/ /yang na mkhas pas dur khrod du/ /mang po zhes bya ba'i/ /dkyil 'khor de nas bris nas su/ /mchod pa ji skad gsungs pa bya/ /skyes pa bud med shi ba yi/ /rma med pa yi ro blangs nas/ /legs par khrus byas
 rgyan gyis brgyan/ /dkyil 'khor de yi sgor bzhag ste/ /de yi snying gar de 'dug nas/ /stong rtsa brgyad du bzlas par bya/ /khro bo mchog tu gyur ba'i sngags/ /yi ge bcu bdun stong rtsa brgyad/ /de bzlas nas ni dngos grub thob/ /mi ro de nas ldang bar 'gyur/ /
 mchod yon legs par dbul bar bya/ /de yi mgo la lag g.yon gyis/ /de ma thag du reg byas na/ /ldong ros me yi mdog 'dra ba/ /de bas bdag nyid can de yi/ /kha nas myur du 'byung bar 'gyur/ /sgrub pa po yis de blangs te/ /yan lag thams cad bskus
 nas ni/ /btso ma'i gser gyi mdog tu 'gyur/ /grogs rnams la yang de bzhin sbyin/ /de ma thag tu de dag kun/ /btso ma gser gyi mdog tu 'gyur/ /ci ltar 'dod pa'i gzugs can 'gyur/ /rig 'dzin rnams ni thams cad kyi/ /thog mar 'gro ba de
 dag 'gyur/ /rdzas rnams thams cad grub par ni/ /grub na de la de nas yang / /dkon mchog gsum la cha gcig dbul/ /de nas mkhas pas bdag nyid bkur/ /grogs po rnams ni thams cad la'ang / /byin nas 'di nas nam mkhar 'phur/ /rdzas gcig
 grub par gyur pa la/ /cho ga gzhan yang spyad bya ste/ /rdzas gcig grub par gyur na ni/ /thog mar phyag kyang byas nas su/ /dkon mchog gsum la cho ga bzhin/ /bdag nyid rab tu dbul bar bya/ /de yi 'og tu rdzas de blangs/ /grogs po rnams la rim bzhin du/ /
 rdzas de byin nas 'phur bar 'gyur/ /phyi nas cho ga 'di rnams spyad/ /de ltar ma byas grub na yang / /de yi rdzas ni 'phrog par 'gyur/ /de bas dngos grub mchog rnams la/ /kun tu ci srid bshad bzhin bya/ /de nas gzhan yang any+dza na/ /bza' ba sgrub pa
 ci bzhin pa/ /dgos pa thams cad 'grub pa'i phyir/ /dam pa 'di ni bshad par bya/ /zhag gsum smyung bar 'dug nas su/ /dur khrod dag tu dkyil 'khor bri/ /de nas cho ga snga ma bzhin/ /der ni gtor ma'i las bya'o/ /de nas mi ro bsregs pa yi/ /thal bas
 bdag nyid bsrung bar bya/ /de yis bdag nyid byugs nas su/ /grogs po'i mchog ldan dga' ba des/ /de yis bdag nyid byugs nas su/ /any+dza na yi snying po de/ /gsal shing gis bsad mgo la gzhag /shi ba'i gos kyis g.yogs nas su/ /lag pas bzung
 ste bzlas byas te/ /dngos grub rnam gsum 'byung ba'i bar/ /blo can gyis ni de srid bzlas/ /tsha 'am yang na du ba 'byung / /yang na me bzhin 'bar bar 'gyur/ /de yi mig dag bskus na ni/ /'bar bas nam mkhar 'gro bar 'gyur/ /du bas lus ni mi snang bar/ /
 gdon mi za bar 'gyur bar bshad/ /tsha bar gyur na bltas pa yi/ /'gro ba dag ni gsod par 'gyur/ /slar yang legs par gso ba ni/ /ring por mi thogs gdon mi za/ /'di la sgrub par ma gyur na'ang / /mig dag legs par bskus na ni/ /bltas pas
 'gro ba dbang du 'gyur/ /pus mos btsugs shing mgo bos 'dud/ /any+dza na yi cho ga bzhin/ /mkhas pas gi wang bsgrub par bya/ /dngos grub dag kyang de bzhin bstan/ /ma grub 'gro bar dbang du 'gyur/ /li khri dang ni ba bla dang / /ldong ros dag kyang de bzhin
 te/ /any+dza na yi dpyad bzhin du/ /mkhas pa dag gis bsgrub par bya/ /shi ba'i gos kyang cho ga bzhin/ /bsgrub pa gzhan dag de bzhin du/ /khro bo nyid kyis gsungs pa'i sngags/ /mdor bsdus rab tu bshad par bya/ /dur khrod dag tu dkyil 'khor bri/ /mchod
 pa dang ni gtor ma bya/ /shi ba'i gos de bgos nas ni/ /cho ga shes pas mtshan mo bzlas/ /de nas gos de dang bcas par/ /mtshan mo rab tu 'bar 'gyur na/ /'bar zhing 'bar bas yongs bskor nas/ /nam mkha' dag la legs par 'phar/ /gad mo rab tu
 dgod pa'i sgra/ /'jig rten skrag par byed par 'byin/ /rtag tu 'dod pa'i gzugs dang ldan/ /khro bo bzhin du de spyod 'gyur/ /de bzhin du ba byung na yang / /gdon mi za bar mi snang ba'i/ /mchog tu 'gyur bar rab tu bshad/ /sgrub pa de yi gos de ni/ /de
 bzhin tsha bar gyur na yang / /rkang pa mgyogs shing stobs cher 'gyur/ /sa steng rnams su khyab par 'gro/ /nad med lo brgya 'tsho bar 'gyur/ /de ste grub par ma gyur na'ang / /'gro ba ma lus dbang du 'gyur/ /gang rnams mthong zhing de bzhin te/ /mthong ba de dag bran
 bzhin 'gyur/ /gal te 'di dag gnod sbyin mo/ /mi yis sgrub par 'dod na ni/ /ba ti shing drung nyams dga' ba/ /de tshe dkyil 'khor bris nas su/ /skra bshig gos kyang med byas la/ /zas mchog legs par btsos pa yis/ /lhung bzed bzang po yongs bkang
 nas/ /mar gyi nga yi mtshan mo bsgrub/ /de nas chang bu bdun phyung ste/ /sngags kyi lan bdun btab nas su/ /lha yi bzang po 'di bzhes shig /byas nas de yi rgyab tu dor/ /de nas gzhan yang chang bu bdun/ /sngags kyis btab ste bza' bar bya/ /lha yi bzang mo zhes
 bya ba/ /grub pa gnod sbyin kun gyi rje/ /'khor rnams mang pos kun bskor nas/ /de nas de yi 'od 'bar 'gyur/ /de nas kha bkrus de la ni/ /spos dang me tog mchog ldan pa'i/ /mchod yon chu ni dbul bar bya/ /legs 'ongs me tog dag kyang dbul/ /de nas stan
 bzang nyams dga' bar/ /me tog ldan pa phul na ni/ /da ni khyod kyi bdag grub ste/ /bka' bzhin byed cing de bzhin du/ /gzhan du mi 'gyur bka' nyan gyis/ /bka' stsol cig ces de la smra/ /ma'am yang na sring mo'am/ /mdza' mo'am yang na chung mar 'gyur/ /mar
 brjod pas ni nges par yang / /de yi ldong ros la sogs pa/ /grub pa'i rdzas ni mang po dag /gdon mi za bar de la ster/ /sring mos me tog 'bras bu dang / /bdud rtsi mchog dang gser 'gyur rtsi/ /rtag tu sgrub pa po de la/ /gdon mi za bar ster bar 'gyur/ /mdza'
 mor gyur cig ces smras nas/ /mtshan mo lding khang mchog rnams dang / /yid du 'ong ba gzhan rnams kyang / /bdag nyid dga' ba ston par byed/ /myur du chung ma sdug pa dag /dpag tshad brgya nas khrid de 'ong / /gzhan yang sgrub pa po de la/ /des shing 'dod dang
 dga' ba ster/ /de ste de la chung mar smras/ /'dod pa'i gzugs can rnam par mdzes/ /dbang phyug longs spyod thams cad kyis/ /grub pa de ni dga' bar byed/ /des shing 'dod pa dga' ba ster/ /'dzum zhing sri zhu 'jo ma dang / /dbang phyug longs spyod thams cad
 ni/ /sgrub pa ci srid 'dod pa spyod/ /gal te mngal nas skyes pa yi/ /sha za mo dag bsgrub 'dod na/ /sgrub pa po la de yi las/ /de dag 'di ni bshad par bya/ /sh+le sh+ma ka ta'i shing drung ni/ /gtsang mar dkyil 'khor bri bar bya/ /mchod pa chen po byas nas su/ /
 gtor ma'i las kyang sngon bzhin bya/ /der ni dur khrod shing dag gis/ /sngags pas me ni rab sbar nas/ /gos med skra yang hag byas te/ /de nas me yang 'bar ba la/ /der ni gzegs ma'i sbyin sreg rnams/ /sngags kyis stong rtsa brgyad bsreg na/ /de tshe gdon mi za bar
 yang / /sha za mo ni 'bar ba'i gdong / /'ong bar 'gyur te de yi tshe/ /sems ni dpa' bar byas nas su/ /mi 'jigs mdun du mchod yon dbul/ /de yi 'og tu de la ni/ /bdag nyid gzugs ni bzang por ston/ /de yi ming ni kang rang gi/ /rang ming sngags kyis
 sbyin sreg bya/ /gang bsam pa yi nor de rnams/ /'ongs nas ring por mi thogs par/ /gdon mi za bar rab tu dbul/ /kang rang gi ni zhes bya ba/ /sha za mo ni kun gyi mchog /sgrub pa po ni sems dpa' zhing / /gzi yang rab tu che ba la/ /gdon rnams thams
 cad rab tu bsgrub/ /de ltar min na myur bar ni/ /sgrub po yang ni gsod bar byed/ /de ste klu yi bu mo dag /de la rig 'dzin dpal ldan pas/ /bsgrub pa dag tu 'dod pa la/ /de yi cho gar 'di bshad do/ /pad+mo dkar po'i mtsho 'gram du/ /song nas cho ga snga ma bzhin/ /
 mang po zhes bya ba'i/ /dkyil 'khor der ni bri bar bya/ /de nas der ni mkhas pa yis/ /gtor ma'i cho ga snga ma bzhin/ /u dum bA ra'i yam shing gis/ /thog mar me ni rab spar nas/ /nA ga ge sar phye ma dag /mkhas pas stong rtsa brgyad du bsreg /
 sbyin sreg byed tshe myur bar ni/ /de nas klu yi bu mo dag /'jigs shing skrag nas 'ong bar 'gyur/ /gal te mtshan mo de bsreg na/ /sgrub pa po ni gang 'dod pa/ /gdon mi za bar rab tu ster/ /de ste sngags pa lha min gyi/ /phug sgor song nas ci dga' bar/ /lha ma yin mo thams
 cad ni/ /las 'di dag ni thams cad sgrub/ /dkyil 'khor snga ma bzhin bri nas/ /gtor ma'i cho ga rgya cher bya/ /pri yang ku yi shing dag gi/ /zhugs thab tu ni me spar nas/ /cho ga bzhin du sngags zlos shig /yungs kar dkar po gur gum la/ /smyugs nas stong
 rtsa brgyad bzlas la/ /de nas nges par bsreg par bya/ /de nas sbyin sreg byed pa'i tshe/ /lha min na chung 'byung bar byed/ /sgrub pa po ni gang 'dod pa/ /gdon mi za bar rab tu ster/ /lha ma yin gyi gnas dag tu/ /bde ba'i lam nas 'jug par byed/ /dbang
 phyug kun dang ldan par ni/ /de na de ni 'grub par byed/ /gal te 'dir ni sngags pa dag /sha chen dag ni 'tshong 'dod na/ /dang por dur khrod 'dug nas su/ /dpa' ba'i sems kyis sha chen blang / /blangs nas bsrung ba byas nas su/ /lag pa g.yon pas chu gri thogs/ /
 g.yas pas sha chen skyon med gzung / /mtshan mo dur khrod du zhugs nas/ /sems pa dpa' bas gshin rje'i gshed/ /khro bo yid la zlos byed cing / /sha 'tshong ba yi sgra bsgrags so/ /bdag nyid chen po de yis tshig /srin po dam tshig med pa dang / /sems can phra mo kha cig
 gis/ /thos nas rab tu 'jigs par 'gyur/ /gang gzhan lhag pa'i sems yod cing / /drag po'i dur khrod gnas skyong ba/ /sna tshogs gzugs can stobs po che/ /de dag lus ni ston par byed/ /grub pa 'jigs par mi bya bar/ /de nas sems ni drag po des/ /
 legs par 'ongs zhes smra bar bya/ /de nas gnas skyong bsgrub pa'i phyir/ /de nas any+dza na dag dang / /rdzas ni gang rnams 'dod pa de/ /sha yis rab tu sbyin byos zhes/ /sgrub pa pos kyang smra bar bya/ /sgrub pa pos kyang gzhan mi smra/ /sems ni dpa' bar shes nas
 su/ /sbyin par byad kyis gzhan la min/ /de nas gzhan yang 'di yi las/ /dpung rnams mnan par bya ba gang / /khro bo mchog gis gsungs pa ni/ /de dag 'dir ni bshad par bya/ /mi ro'i gos las byas pa yi/ /ba dan shin tu bzang po bya/ /de nas mthon
 ka las bya'o/ /sor bcu drug gi tshad du bya/ /smyug ma'i yu ba sdu gu dag /khru gang tshad du byas pa la/ /btags te de nas bsgreng nas su/ /dur khrod du ni mtshan mo bsgrub/ /dkyil 'khor rgya chen bris nas kyang / /der ni tsog pur gnas nas su/ /ba dan lag na
 thogs nas ni/ /mtshan mo thog thag bzlas par bya/ /de nas nam ni langs pa na/ /de yi lag na thogs pa yi/ /de tshe dgra yi dpung 'khrug pa/ /the tshom med par gnas par 'gyur/ /lag na thogs pa gzhan dag kyang / /sgrub pa pos ni mthong ba yi/ /de dag
 thams cad mthong ma thag / mnan te ri bzhin mi g.yor 'gyur/ /glang po rgyal po myos pa dang / /shing rta rta dang glang por bcas/ /rkang thang 'khrugs pa mang bcas pa'i/ /dgra yi dpung rnams nges par ni/ /mthong ba tsam ni nyid kyis su/ /mnan pa bzhin du snang bar
 'gyur/ /de nas gzhan yang dur khrod kyi/ /sbyor ba bkra shis dge ba dang / /khro bo mchog gis gsungs pa de/ /de ni nges par bshad par bya/ /des ni mi ro bsregs pa yi/ /mtshan mo me 'bar bltas nas su/ /skra bshig gos kyang med byas la/ /bzlas pa dag kyang
 bskor zhing bya/ /de nas der ni sngags pa yis/ /lan gcig thal ba spar ba gang / /lag pa g.yon pas blangs nas su/ /mkhas pas khyim du 'gro bar 'gyur/ /yang na lha khang stong par 'gro/ /phyir yang lta bar yong mi bya/ /de nas der yang thal ba de/ /
 nam langs bar du bzlas par bya/ /nam ni langs par gyur pa ni/ /thal ba de ni bsrungs nas su/ /sar pa'i snod du gzhag bya zhing / /sa la gzhag par yong mi bya/ /dgra yi dpung dag mnan pa'i phyir/ /thal ba de ni gtor byas na/ /shing rta dang ni
 glang po dang / /mtshon cha thams cad 'khrug pa dang / /skye bo mang por ldan pa'i yul/ /thal be de yis thams cad du/ /lan cig gtor ba tsam gyis kyang / /lus rnams mi 'gul gdon mi za/ /'di ni mtshon rnams gnon pa dang / /dpung yang gnon byed dge
 ba'o/ /de bzhin gnyid kyis log bya dang / /myos par byed par sbyor ba yang / /rlung phyogs dag tu song ba'am/ /yang na bsnyen te byas na'ang rung / /bgrod dka'i dgra ni mtshon 'khrugs la/ /byas nas 'gro ba mi 'gul 'gyur/ /dur khrod dag gis sbyor ba yis/ /dpung
 mnan de ltar bshad zin to/ /'gro ba dbang byed sbyor ba ni/ /rnam pa gzhan dag bshad par bya/ /dur khrod dag tu dkyil 'khor bri/ /mchod pa snga ma bzhin du bya/ /gtor ma rgya chen byas nas ni/ /mi yi tshil gyi snum dag las/ /mar me 'bar ba byas nas su/ /
 de nas thod pa bzang po la/ /mkhas pa dag gis snag tsa sbyar/ /du ba'i snag tsa sbyar nas kyang / /nam langs bar du bslab par bya/ /de nas nang bar nam langs te/ /du ba'i snag tsas mig bskus na/ /gang mthong de yi dbang du 'gyur/ /de ltar 'gro ba dbang byed
 pa'i/ /sbyor ba de ni bsgrags pa yin/ /btsag gi sbyor ba'i dngos grub kyang / /dge bdag ni da bshad do/ /yug snam btsag ni dge ba dag /mi ro'i khar ni bcug nas su/ /de nas de phyed tshig nas ni/ /grogs med par ni mtshan mo blang / /blangs nas lha yi khang
 stong du/ /mkhas pa dag gis bzlas pa bya/ /bgegs kyang rnam pa sna tshogs 'byung / /ci srid nam langs bar du ni/ /de na 'dug cing de la bzlas/ /de nas nam langs gyur pa dang / /ras ni dmar pos dkris nas ni/ /mchod cing bsrungs nas gzhag par bya/ /
 de nas gang yang rung ba'i ming / /btsag gi yug snam de yis su/ /ci 'dod par ni 'dri bar bya/ /sgrub pa po yi ming nas kyang / /bskul nas dogs pa med par yang / /bsgrub par bya ba myur du 'ong / /btsag bsgrub kha ru gsungs pa dag /mdor bsdus
 bshad pa de yin no/ /da ni ci ltar rig pa ru/ /sor gdub bsgrub pa sbyor bar bcas/ /cho ga bzhin du gsungs pa dag /mdor ni rab tu bshad par bya/ /mi yi ro khyer 'gro ba na/ /der song nas ni de yi khar/ /gser gyi sor gdub gzhag par bya/ /mkhas
 pas khro bo gcig pu'i sngags/ /zlos pas byed de 'dug pa na/ /me yis tshig par gyur pa ni/ /ro yi kha na 'dug pa yi/ /sor gdub lag pa g.yon pas blang / /nam langs bar du bzlas par bya/ /de nas sor gdub bzang po de/ /lag pa g.yon pa'i mdzub mo la/ /
 mkhas pa dag gis gzhag par bya/ /de yi lag pa g.yon pa yi/ /gang dang gang dag reg 'gyur ba/ /de kun de yi las byed gyur/ /phyi bzhin du yang 'brang bar 'gyur/ /'di la dpyod par yong mi bya/ /de nas gzhan yang yungs kar dag /shin tu ngo mtshar dang
 ldan pa/ /khro bo nyid kyi ji lta bar/ /bsgrub pa'i sbyor ba gsungs pa bshad/ /si ta'i shing las gab tshe yang / /bzang po sor ni brgyad par bya/ /de yi nang du yungs kar dgang / /dngos grub mchog ni der blugs la/ /zla ba gzas ni zin bar du/ /nyi ma re re bzlas
 brjod bya/ /dkyil 'khor cho ga bzhin bris nas/ /gtor ma rgya chen dag kyang bya/ /gab tse nang gi yungs kar kun/ /sgra 'byung ba'am gas kyi bar/ /de srid yungs kar bzlas par bya/ /de nas yungs kar grub gyur pa/ /blangs nas gang yang rung bar ni/ /cho ga bzhin
 du sbyar byas nas/ /de yis mi nus ci yang med/ /des ni sa yang 'gas par byed/ /chu klung dag kyang skams par byed/ /ri mtho rnam pa mang po dag /phye ma dag tu rlog par byed/ /de bzhin ri yi rtse mo yang / /sbyar na rab tu snyil bar byed/ /khrag dang sol ba'i char dag kyang / /
 'beb par byed de the tshom med/ /gnam lcags dang ni ser ba dag /glo bur dag tu 'bab par byed/ /sa g.yo bdag sprin bsdu la/ /rig pa 'dzin pas sbyar byas nas/ /glo bur du yang thogs med 'gyur/ /mtsho dang rgya mtsho g.yo ba dang / /shing
 rnams rab tu ldeg pa dang / /sa yi 'og kyang g.yo byed kyang / /de bzhin klu rnams bsdigs pa dang / /mtsho chen dang ni ldeng ka dang / /klu rnams tshar gcad bya ba dang / /gzhan yang gang 'dod bya ba yi/ /las ni rnam pa sna tshogs pa/ /gsungs pa dang ni ma gsungs pa/ /
 mkhas pas rang bzhin blos brtags la/ /yungs kar grub pas gtor tsam gyis/ /thogs pa med par byed par 'gyur/ /yungs kar dngos grub kun sbyin pa'i/ /sgrub pa dag ni bsgrubs zin to/ /dpa' bo'i brtul zhugs spyod pa yis/ /de dag la sogs sna tshogs dang / /
 snga ma bzhin du sna tshogs dang / /'bring rnams la sogs bsgrub par bya/ /khro bo mchog gi cho ga 'di/ /las ni gang dag bshad pa rnams/ /de dag kun la brtul zhugs ni/ /med par byas na 'bras bu med/ /phyag rgya gnyis kyi las rnams ni/ /gang dag 'dir ni
 bshad pa rnams/ /brtul zhugs byed ni ma nus na/ /de ltar khro bo mchog 'di la/ /sngon bzhin mchod pa byed pa dang / /ji skad bshad zin bzlas byas pas/ /las rnams ji skad bstan pa dang / /dngos grub ji skad bstan pa thob/ /rtag tu bde gshegs sems
 pa des/ /brtul zhugs rtag tu mi rung na'ang / /nyin gcig bzhin du bzlas brjod la/ /sbyor bas 'dod pas don rnams 'thob/ /de ltar brtul zhugs kyis bsgrubs dang / /sgrub pa sna tshogs cho ga 'dir/ /khro bo mchog gis ci gsungs pa/ /ma lus
 par ni bshad pa yin/ /'jam dpal gyi rtsa ba'i cho ga zhib mo khro bo rnam par rgyal ba las khro bo gshin rje'i gshed kyi rtsa ba'i cho ga zhib mo rim par phye ba ste brgyad pa'o// //de nas cho ga phyi mar ni/ /ji ltar brtul zhugs med kyang rung / /de phyir
 khro bo bdag nyid kyis/ /gsungs pa de yi cho ga brjod/ /sngags ni yi ge bcu bdun po/ /khro bo zhes ni gang brjod pa/ /de la thog mar ston bzhin du/ /ri mo bris la de mdun du/ /tshul bzhin du ni mchod pa bya/ /mkhas pas yang na sku gzugs kyang / /byed
 du bcug ste de 'og tu/ /mkhas pas brgyad 'bum bzlas par bya/ /de yi mtha' mar dkon mchog ni/ /gsum po dag la mchod chen bya/ /de yi 'og tu khro mchog ni/ /ji skad gsungs bzhin mchod pa bya/ /'on kyang grub ste de yi tshe/ /'byung po'i gdon dang dug
 rnams dang / /yid la gang dang gang 'dod pa/ /de yis bsam pa'i las kyang nus/ /nam yang dngos grub phran tshegs la/ /de ni sbyar bar mi bya'o/ /dug la sogs te gang brjod pa/ /las kyi rnams ni tshig gis bya/ /gzhan du yengs pa'i tshig gis kyang / /
 bdag nyid ji ltar 'dod bzhin no/ /de bzhin sems can sdang rnams la/ /tshar gcad pa dang phan 'dogs nus/ /gang zhig nag pos zin pa yi/ /las rnams kyang ni byed 'gyur te/ /chu yi nges par gtor ba dang / /lcag gam yang na rkang pa yis/ /khro bos
 ji skad gsungs pa bzhin/ /the tshom med par sos par 'gyur/ /de ltar kun tu yid kyis sam/ /yang na tshig gis bskul bar bya/ /ji ltar khros pa med par yang / /phran tshegs las ni grub 'gyur te/ /dran pa tsam ni 'ba' zhig gis/ /byed pa po yi
 las de 'grub/ /de nas snod la dbab pa yi/ /las gzhan 'di ni rab tu bya/ /gzhon nu mtshan dang ldan 'gyur zhing / /nyes pa'i skyon med yan lag tshang / /shin tu bkrus te rgyan gyis brgyan/ /ba las byung ba'i lnga yang blud/ /de yi 'og tu smyung byas te/ /
 nam langs pa dang bkrus byas la/ /dri zhim pa yi dris byugs shing / /gos rnams dang ni rgyan gyis brgyan/ /de ltar mchod pa byas nas ni/ /shar gyi phyogs su kha bstan te/ /cho ga bzhin du ku sha yi/ /stan la bzhag ste de nas ni/ /de yi lag pa gnyis kar
 yang / /tsan+dan gtor ma'i me tog sbyin/ /a kar nag po'i bdug pa sbyin/ /des ni myur du sngags brjod de/ /sgrub pa cho ga 'di yis ni/ /snod la dbab pa'i las bya'o/ /snod la dbab 'gyur de yis ni/ /dge dang mi dge dri bar bya/ /de nas byung
 dang 'byung ba dang / /byung ba gang yin bden par smra/ /sems can chen po 'di gyis la/ /'di ni min zhes zlog par byed/ /rig sngags chad dam lhag pa dag /sngags kyang 'dir ni tshang bar byed/ /de nas khro bo mchog de la/ /me tog ldan pa'i mchod yon dbul/ /
 de nas bde gshegs bstan pa yis/ /dam tshig dag kyang bstan par bya/ /snod kyis thos nas de nas su/ /btang nas de ni sa la 'gyel/ /rig pa khro bo gshin rje'i gshed/ /grub par de nas bzhud par 'gyur/ /de nas snod ni blangs nas su/ /phyis kyang rab tu
 khrus byas te/ /zan zar bcug la zos nas kyang / /mchod pa byas te slar gtang ngo / /ji skad gsungs pa'i las rnams kyis/ /snod la dbab par byas nas ni/ /de nas cho ga phyi ma yi/ /cho ga las gsungs las rnams bya/ /de nas gal te sngags pa ni/ /rgyal
 po dbang du byed 'dod na/ /de tshe ri mo spyan snga ru/ /dur khrod thal bas gzugs bris te/ /de yi snying gar 'dug nas su/ /rtse gcig yid kyis khri bzlas te/ /che ge mo zhig dbang 'gyur nas/ /de yi ming ni snga ma bzhin/ /khro sngags ji skad gsungs pa'i mthar/ /
 sbyar te mjug tu swA hA brjod/ /khro bos dbang du bya ba'i phyir/ /sbyor ba rtag tu bshad pa yin/ /de nas rgyal po dbang gyur nas/ /mdza' sdug skye bo btang nas su/ /bdag nyid dang ni nor dag gis/ /nges par bran bzhin legs par byed/ /de bzhin bzlas pa khri
 byas na/ /bram ze dag kyang dbang du 'gyur/ /rje'u rigs dmangs rigs ma lus par/ /drug stong dag gis nges par 'gyur/ /bud med rnams dang bu mo la/ /khri dag tu ni bzlas pa bya/ /de nas phan tshun mdza' bo gnyis/ /dbye bar bya bar 'dod na ni/ /de nas
 gcig gis gzugs brnyan ni/ /de bzhin bris nas snying ga ru/ /rkang pa gcig bzhag tsog pur 'dug /de yi ming ni mthar sbyar nas/ /khro bo gshin rje'i gshed bzlas pa/ /che ge mo zhig myur bar ru/ /'di dang dbye 'gyur phaT ces bya/ /de ltar dbye ba bya 'di
 la/ /stong phrag bcur ni bzlas pa bya/ /de nas sems can rab 'dug par/ /shes nas legs par gdul bya na/ /dkon mchog gsum la gnod byed la/ /khro bos bya yi gzhan du min/ /dgra bo'i gzugs brnyan ming smos nas/ /dur khrod thal bas bris
 nas su/ /de nas seng ldeng phur bu la/ /brgya rtsa brgyad du bzlas byas te/ /de yi snying gar btags nas su/ /de yi 'og tu khri bzlas so/ /de nas khro bo gshin rje'i gshed/ /sngags kyi tha mar ming bcug ste/ /che ge mo zhig sod cig ces/ /hU~M dang phaT
 kyis mtha' brten te/ /khri dag yongs su tshang bar ni/ /gal te de ltar bzlas byas na/ /las de yis ni 'chi 'gyur te/ /'di la rnam par dpyad mi dgos/ /rtag tu bde gshegs bsam bya yi/ /ngan pa'i sems kyis yong mi bya/ /de yi snying las sdug bsngal dag /
 bskyed nas 'dag pa ma gtogs so/ /zhi bdag gi cho ga yi/ /de nas zhi ba dge bar bya/ /ci ltar ji skad gsungs pa yi/ /mngon par spyod pa yong mi bya/ /sems can rnams la brtse ba'i phyir/ /bde gshegs bsam pas bya bar bstan/ /de bzhin gshegs pa
 ci gsungs pa'i/ /de bzhin dngos grub thogs med pa'i/ /dngos grub 'dod pas thob 'dod na/ /de ltar khro bo sems mi bya/ /bde gshegs bsam pa gang med pa/ /de nas dngos grub nyams par 'gyur/ /mdor na byang chub sems med pa/ /'jam dpal khro
 bo gtso bo yis/ /brtul zhugs bzlas pa dang bcas pa/ /rtog las cho ga bzhin gsungs pa'i/ /dngos grub mchog ni nyams par 'gyur/ /gang zhig bde gshegs bsam ldan nas/ /brtul zhugs bzang po med pa dang / /de bzhin gzugs la sogs
 med kyang / /dngos grub mchog rnams des thob cing / /nyon mongs med par ci 'dod par/ /'dod pa thams cad rnyed par 'gyur/ /gang zhig bde gshegs bsam ldan zhing / /blo ni ma rmongs brtan pa yis/ /srid pa nyon mongs bgrod dka' rgol/ /
 de bzhin gshegs pa thams cad la/ /phyag byas nas ni dngos grub mchog /bde gshegs bsam pa ldan pas 'thob/ /de ltar shes nas de yi tshe/ /bde gshegs lam mchog bstan par bya/ /nyon mongs sdug bsngal 'jig 'gyur ba/ /'jig rten lha ni yong mi bsnyen/ /
 de ltar sems can gdug 'dul ba'i/ /las rnams ji skad gsungs pa yang / /dkon mchog gsum ni bsrung phyir gyi/ /gzhan du gar yang yong mi sbyar/ /de nas gzhan yang bskrad pa'i las/ /'di dag gar yang rung bar ni/ /de bzhin byed par 'dod pa la/ /de
 bzhin bar ni bshad par bya/ /de bzhin dur khrod thal ba yis/ /mkhas pas dgra yi gzugs brnyan bri/ /de ste rkang gnyis 'dug nas su/ /'jam dpal khro bo'i spyan sngar ni/ /che ge mo zhig skrod cig ces/ /de yi ming ni mthar sbyar nas/ /de bzhin hU~M dang phaT dag
 dang / /hU~M yang brjod de khri bzlas na/ /gdon mi za bar bskrad par 'gyur/ /yang na thal ba de nyid kyis/ /dgra yi gzugs brnyan bri nas ni/ /de yi snying gar rkang g.yon gyis/ /gdon mi za bar brdzis nas su/ /nyi ma la ni kha bltas nas/ /gshin rje'i gshed
 po bzlas na ni/ /skad cig gis ni dgra bo de/ /rab tu tsha ba'i nad kyis 'debs/ /de nas zhi ba'i cho ga yis/ /bdag nyid kyis ni zhi bar bya/ /de ltar ma byas zhag bdun gyis/ /gdon mi za bar 'chi bar 'gyur/ /de la sogs pa'i las rnams ni/ /bde gshegs
 sems pas yong mi bya/ /sems can rnams ni thams cad la/ /zhi ba dang ni rgyas pa bya/ /byang chub sems kyi bdag nyid can/ /ring por mi thogs 'grub par 'gyur/ /de nas sems can thams cad ni/ /bde phyir zhi ba'i las rnams dang / /de bzhin du ni rgyas pa'i
 las/ /ji skad gsungs pa bshad par bya/ /mchod rten dag gam dkyil 'khor du/ /de bzhin gshegs pa'i mchod pa bya/ /dkon mchog gsum po dag la ni/ /yang dang yang du phyag kyang bya/ /nyin par dang ni mtshan mo yang / /dge ba gang dag ci bsags pa/ /
 dkon mchog gsum la de brten nas/ /bde bar gshegs pa'i bsam pas bya/ /'di yis sems can thams cad ni/ /shin tu sdug bsngal bder gyur cig /de yis dngos grub cung zad gang / /phra mo dag kyang 'thob gyur pa/ /rtag tu sems can rnams la ni/ /
 mkhas pa dag gis phan par bya/ /mkhas pas mchod rten las bya zhing / /de bzhin dam pa'i chos kyang bklag /dge ba cung zad gzhan dag kyang / /chung ngu zin kyang 'di nyid la/ /dngos grub mchog ni thob 'dod pas/ /rtag tu sems can rnams la bsngo/ /de ltar 'di ni byang chub
 sems/ /chos kyi don du yul du 'gyur/ /byang chub sems dpa' nyer bsnyen pa'i/ /mtshan nyid rnams kyang rab tu bstan/ /de ltar blo gros brtan byas nas/ /dge ba dag ni spel bar bya/ /dge ba dag kyang spel nas su/ /sems can rnams la yongs su bsngo/ /sngags
 pa bde gshegs sems ldan gang / /de lta bur ni rtag pa ru/ /sems can rnams la phan byas nas/ /zhi ba dag dang rgyas pa 'phel/ /thog mar dkon mchog gsum po la/ /mchod pa sna tshogs byas nas su/ /de yi 'og tu khro bo mchog /gshin rje gshed la me tog
 ni/ /dkar po mchog gis mchod pa bya/ /mchod pa byas nas 'di dag tu/ /cho ga bzhin du bzlas pa bya/ /bde zhing stan la bder 'dug la/ /rab tu dang zhing bde gshegs sems/ /de yi ming smos zhi 'gyur zhes/ /khro bo'i tshig gis mthar sbyar te/ /gau ShaT dag
 kyang tha mar sbyar/ /gang yang rung ba zhig la ni/ /de ltar stong du bzlas pa bya/ /yul dang yul gyi phyogs rnams dang / /rgyal po dag la nyis 'gyur bya/ /rta rnams dang ni glang po dang / /ba lang dag la stong du bzlas/ /ra lug dang ni ma he la/ /rtag par stong du
 bzlas par gsungs/ /yang na lus can thams cad la/ /bzlas pa dag ni byas nas kyang / /byang chub sems dang ldan pa yi/ /zhi ba'i mchog tu nges par 'gyur/ /de bzhin du yang rgyas gyur pa/ /khyad par du ni me tog mchog /dkar po tsan+dan gyis
 bskus pa/ /bzlas shing bzlas pa'i cho ga bzhin/ /'jam dpal khro bo'i spyan sngar ni/ /'o mas gang ba'i snod du dbul/ /stong gis rab tu rgyas par 'gyur/ /snying la rab tu dga' 'gyur ba'i/ /rgyas pa de dag bya 'dod na/ /gang yang rung ba de yi ming / /cho ga
 bzhin du tha mar sbyar/ /mkhas pas rgyas par gyur cig ces/ /de mthar bshad pa sbyar nas su/ /me tog yid du 'ong ba rnams/ /'o mar blugs pas rgyas par bya/ /de nas gzhan yang dpal 'dod pa/ /der yang snga ma bzhin du ni/ /tsan+dan dkar pos bskus pa yi/ /me
 tog yid du 'ong bas mchod/ /a kar nag po bzang po yi/ /bdug pa dag kyang sngags kyis dbul/ /nyin re de ltar byas nas su/ /cho ga bzhin du bzlas pa bya/ /dpal ni bdag la stsol cig ces/ /mtha' ma dag tu sbyar nas su/ /de nas na maHswA hAr ldan/ /
 cho ga sngon bzhin khri bzlas te/ /de nas rgya mtsho rab 'gro ba'i/ /klung gi 'gram du song nas ni/ /lte ba nub par chur 'dug nas/ /me tog puN+Da rI ka ni/ /tsan+dan dkar pos bskus nas ni/ /bzlas shing bzlas shing chur 'bul ba/ /blo dang ldan pas 'bul byas na/ /de
 yi mjug tu dpal chen 'thob/ /yang na pad+ma dmar po ni/ /tsan+dan dmar pos bskus nas ni/ /gal te de ru phul na ni/ /de nas de yi mtha' ma ru/ /las 'di dag gis nges par ni/ /mi zad pa yi gter thob 'gyur/ /a ti muk+ta'i me tog rnams/ /bzlas shing
 bzlas shing snga ma bzhin/ /gal te chig 'bum phul na ni/ /cho gas gsungs pa bzhin gnas pa'i/ /sngags pas nges par de mthar ni/ /'di nor 'bum ni thob par 'gyur/ /'di la rnam par dpyad mi bya/ /de ste de yi snga ma bzhin/ /sum 'bum dbul bar byas na
 ni/ /gdon mi za bar gnod sbyin ma/ /de yi dbang du 'di 'gyur ro/ /cho ga 'di yis sgrub pa po/ /rin chen dag kyang thob par 'gyur/ /de ste sngags pas snga ma bzhin/ /me tog sna tshogs mang po ni/ /tsan+dan dag gis bskus pa rnams/ /de nas sngags pas chig 'bum du/ /
 chu yi nang du phul na ni/ /sa yi steng na 'dod pa 'thob/ /yang na pad+mo dkar po ni/ /mngar gsum dag gis bskus pa rnams/ /me 'bar nang du legs bsregs na/ /de yis dpa' bo mngon sum mthong / /de yi de la 'dod mchog dang / /nor dag kyang ni rnyed par 'gyur/ /
 blo dang ldan pa zas kyi mchog /mar dang sbrang rtsi sbyar ba dag /zhag bdun du ni gzar bu yis/ /de yi de la 'dod mchog dang / /nor dag kyang ni rnyed par 'gyur/ /'bar ba'i me la bsregs nas su/ /yul gru bdun rnams rab tu 'thob/ /'di la rnam par dpyad mi
 dgos/ /yang na 'bru rnams thams cad kyis/ /sbyin sreg don rnams thams cad sgrub/ /sbyin sreg chig 'bum byas pa yis/ /de dag nyid ni mi zad 'gyur/ /bil ba mar gyis bskus pa 'bum/ /me ni rab tu 'bar ba la/ /bsregs nas sa yi bdag po la/ /nor
 bcas dag ni thob par 'gyur/ /dur ba'i 'jag ma ma grug pa/ /na maHswA hA mthar ldan pas/ /'o ma las bsnyugs bsreg na ni/ /mi yi tshe ni ring bar 'gyur/ /de bzhin mar dang sbrang rtsi dag /'bar ba'i me la rtag tu bsreg /gdon mi za bar myur ba ru/ /yid
 gzhungs par yang thob par 'gyur/ /rgya skyegs shing gi me dag la/ /de bzhin nyin re mar gyi hom/ /byas na tshe dang yid gzhungs grags/ /rgyas dang stobs dang gzi brjid dang / /dran dang dga' dang mdangs bzang dang / /dpal dang sems dpa'i dngos grub dag /'thob par
 'gyur ba gdon mi za/ /de bzhin zas rnams kun bsregs pas/ /gzi dang rgyas dang stobs dang grags/ /'dod pa thams cad phun sum tshogs/ /thob par 'gyur bar gdon mi za/ /ci ltar cho ga phyi ma las/ /phal cher 'jam dbyangs khro bo yi/ /pad+ma'i zhal nas nges 'byung
 ba/ /de dag mdor bsdus bshad pa yin/ /'jam dpal gyi rtsa ba'i cho ga zhib mo khro bo gshin rje'i gshed rnam par rgyal ba'i cho ga zhib mo kun gyi phyi ma las 'phags pa 'jam dpal gyi khro bo'i cho ga zhib mo phyi ma rim par phye ba ste dgu pa
 rtog pa phyi ma rdzogs so/ / //de nas cho ga thams cad kyi/ /phyi ma'i phyi ma zhes bya ba/ /sbyor bar bcas shing rgyas pa yi/ /cho ga da ni bshad par bya/ /yi ge bcu bdun sngags kyis ni/ /dpa' bo brtul zhugs bzang po dang / /de bzhin sngon du bsnyen
 la sogs/ /cho ga dag ni 'dir bshad zin/ /da ni yi ge 'bru gcig pa/ /sngags mchog dag ni gang gsungs pa/ /de yi las kyi cho ga bshad/ /dpa' bo brtul zhugs med par yang / /'jam pa'i dbyangs kyi khro bo gang / /ming ni gshin rje'i gshed ces bya/ /
 de yi snying po mchog de ni/ /hU~M zhes bya ba'i yi ge gcig /thog mar o~M bzhag cho ga bzhin/ /ri mo'i spyan sngar 'dug nas su/ /'di ni 'bum phrag bcur bzlas na/ /de yi 'og tu sgrub la 'jug /de nas de yi ri mo mchog /don rnams thams cad sgrub pa
 gzhan/ /gang gis dngos grub rab thob pa/ /tshul bzhin du ni rab tu bshad/ /ras ni sar pa khru gang tsam/ /legs par bkrus shing dris bskus la/ /tshon rtsi bzang po sbyin med pas/ /khro bo gshin rje'i gshed bri bya/ /zhal ni bgrad cing 'jigs pa'i gzugs/ /
 smin ma ser zhing spu yang ser/ /char sprin nag po'i kha dog 'dra/ /thod pa dag gis brgyan du byas/ /spyan gsum dbu yang gyen du brdzes/ /zhal gcig pa la mdangs kyang gsal/ /phyag gnyis pa la be con bsnams/ /phyag g.yon pas ni bsdigs par
 mdzad/ /zhabs kyang rab tu bzang po gnyis/ /ma he la ni chibs par bya/ /stag lpags na bza' man bas par dgyes/ /'khrugs cing 'jigs pa'i gsung yang 'byin/ /yan lag thams cad yongs rdzogs pa/ /'od zer 'bar ba bcas pa'i sku/ /de nas
 de la mkhas pa yis/ /mchod pa yan lag mchog gis mchod/ /sngags pa brtul zhugs brtan pa ni/ /de yi 'og tu brag phug zhugs/ /ri mo'i spyan sngar 'dug nas su/ /kha zas za ba dag spangs nas/ /ri dbang de ni ji tsam du/ /g.yo bar 'gyur gyi bar du
 bzlas/ /yang na khro bo gshin rje'i gshed/ /bzhad dam g.yos kyi bar du bzlas/ /yang na rab tu 'bar gyi bar/ /bzlas na de tshe dngos grub 'thob/ /de ltar lha ni bzlas pa yis/ /dngos grub ya mtshan de bzhin no/ /de nas rig 'dzin dpal dang ldan/ /grub
 par 'dod rnams kun bsgrubs pa/ /ci bsams pa ni de dag kun/ /ring por mi thogs 'byor par 'gyur/ /khros nas yang 'gas par 'gyur/ /chu dag kyang ni skam par 'gyur/ /ri rnams thams cad bsnyil bar nus/ /rgya mtsho dag kyang skems par byed/ /
 de la sogs pa'i las rnams ni/ /ya mtshan chen po thams cad dang / /sems can rnams ni thams cad la/ /phan pa rnam pa sna tshogs byed/ /cho ga snga ma gsungs pa kun/ /cho ga snga ma bzhin du bsgrub/ /bsgrubs nas sems can thams cad la/ /'bras bu mchog
 rnams sbyin par bya/ /grub pa'i mthu ni gang yod pa/ /bde gshegs bsam na de dag kun/ /'jungs pa med pa'i bsam pa yis/ /skye bo phongs pa rnams la sbyin/ /snying rje can gyis bdag gi lus/ /phongs pa dag la rtag tu sbyin/ /de ltar sbyin pa'i pha rol phyin/ /dri ma
 med par bsgrubs nas su/ /dge ba 'di yis sems can kun/ /bde bar gshegs ldan dge bar 'gyur/ /bde ba thams cad yongs rdzogs shing / /dge ba kun kyi snod gyur ces/ /yid kyis yongs su bsngo bar bya/ /gang zhig de ltar sngags bsgrubs kyang / /dri ma med
 pa'i byang chub sems/ /bde ba rtag tu spyod pa de/ /dngos grub rtog las gang gsungs pa/ /de bzhin gshegs pa'i zhal nas byung / /thams cad de la nye bar gnas/ /sgrub pa po de rdzu 'phrul gyis/ /yon tan kun dang ldan par 'gyur/ /de ltar 'jam dpal khro bo yi/ /
 zhal nas gsungs pa'i cho ga ni/ /khro bo rnam rgyal rgya cher bstan/ /cho ga thams cad bsdus pa'o/ /'jam dpal gyi cho ga zhib mo khro bo thams cad rnam par rgyal ba'i cho ga zhib mo bsdus pa las 'phags pa 'jam dpal gshin rje'i gshed kyi cho ga zhib mo phyi ma'i
 yang phyi ma rim par phye ba ste bcu pa'o/ / //'jam pa'i dbyangs kyi khro bo yi/ /yi ge gcig pa bshad zin te/ /de nas gzhan yang de yi ni/ /cho ga zhib tu rgya cher bshad/ /gshin rje rab tu 'joms pa yi/ /zhal ni hU~M zhes bya bar bshad/ /de nas 'jam dpal khro
 bo ni/ /hU~M zhes bya ba mchog rig bya/ /de yi dkyil 'khor gzhan yin te/ /'dod pa kun sbyin shes par bya/ /dur khrod gnas su bya ba ste/ /dur khrod gnas pa gang yin pa'o/ /khru brgyad las ni sgo bzhi pa/ /yang na khru bzhi pa yang rung / /dur khrod gnas pa bzang po ste/ /
 dur khrod thal bas bri bar bya/ /de yi dbus su ni/ /phreng ba dag gis brgyan pa bri/ /sgor ni ro smad gzhag /mtha' ma dag tu mgo bo gzhag /grwa bzhir shU la bzhi rnams dang / /thod pa dag kyang bri bar bya/ /gal te bri bar nus na ni/ /mkhas pas
 de dag thal bas bri/ /de ste de dag ri mo ni/ /bri ba dag tu mi nus na/ /de tshes gzhi bzang po la/ /tsan+dan dmar pos bskus nas su/ /dur khrod gnas su dang por ni/ /sngags pas yi ge dgod par bya/ /de nas gshin rje rab 'joms pa/ /de ru spyan drangs mchod par
 bya/ /'jigs pa'i zhal ni 'bar ba drug /de bzhin zhabs kyang drug dang ldan/ /spyan gsum char sprin sngon po'i mdog /phyag kyang brgyad dag gis brgyan/ /khro bo gshin rje rab 'joms pa/ /gzig lpags na bzar gsol bar dgyes/ /mtshon cha bzang po du ma
 bsnams/ /steng du mchod pa bya/ /'jam dpal khro bo gshin rje'i gshed/ /cho ga bzhin du mchod nas kyang / /mar dang sbrang rtsi sbyar ba yi/ /'o ma 'bras thug gtor mar dbul/ /a ga ru yi bdug pa dbul/ /mar me dag ni mar las bya/ /de nas
 gshin rje rab 'joms pa'i/ /sa bon yi ge gcig pa 'di/ /khro bo'i spyan sngar 'dug nas su/ /stong rtsa brgyad du bzlas par bya/ /de yi 'og tu mkhas pa yis/ /dur khrod gnas su slob ma bzung / /khro bo gshin rje'i gshed byed pa/ /hU~M gi zhal ni zlos
 shing gzung / /btsud nas de yi snying gar ni/ /hU~M zhes bya ba gzhag par bya/ /de nas shU la'i phyag rgya ni/ /ras kyis g.yogs te bcing bar bya/ /slob ma dag la legs bstan nas/ /de yang mchod pa byed du gzhug /de nas gshin rje rab 'joms pa'i/ /khro bo
 mngon par dbang bskur nas/ /'jam dpal khro bo gshin rje'i gshed/ /de yi yi ge 'bru gcig sbyin/ /de nas mchod pa yang byas nas/ /khro bo de ni gshegs su gsol/ /shU la phyag rgya bcings nas su/ /de bzhin rtag par gshegs su gsol/ /khro bo spyan ni drang
 ba dag / shU la'i phyag rgya ldan par bya/ /dkon mchog gsum la phyag 'tshal nas/ /shU la rab tu bstan par bya/ /mkhas pas lag pa gnyis dag gis/ /sor mo phan tshun bsnol nas su/ /gung mo'i sor mo mchog gnyis ni/ /dbus nas gyen du sgreng nas
 bzhag / srin lag gnyis ni nang du bcug /mdzub mo gnyis kyi nang du bzhag /de ltar de gnyis bsgreng nas ni/ /lhag ma rnams ni legs par bya/ /gshin rje'i gshed kyi phyag rgya 'di/ /shU la'i phyag rgya zhes grags pa'o/ /'di yi las rnams thams cad
 ni/ /rnam par dpyad pa med par bya/ /de nas gzhan yang rim pa bzhin/ /gshin rje rab tu 'joms pa 'di/ /sngags rnams thams cad ma lus pa/ /dkyil 'khor 'dir ni smra bar bya/ /o~M hU~M triHdbus kyi kyi'o/ /o~M hU~M la~M lA ha/ phreng ba'o/ /o~M
 hU~M dzri traH / ro smad de sgo bzhi car du'o/ /o~M hU~M hAH /'og ste tha mar ro/ /o~M hU~M hrIHSh+T+rIHkha/ shU la bzhi car gyi'o/ /o~M hU~M hri haHthod pa rnams kyi'o/ /lho phyogs kyi ni sgo phye nas/ /lhag ma gzhan ni gcad par bya/ /dur khrod gnas su rtag pa ru/ /gshin rje rab tu 'joms
 par ni/ /sngags rnams kyis ni rab brgyan na/ /dur khrod kyi ni gnas su 'gyur/ /tsan+dan dmar pos bskus pa yi/ /sa gzhi khru gang tsam la ni/ /ji lta bur yang gang yang rung / /dkyil 'khor dag ni bris nas su/ /dkyil nas cho ga shes pa yis/ /
 sngags kyis mchod pa rim bzhin bya/ /o~M hU~M hrIHSh+T+rIHA gats+tsha ya yaM phraM tha na swA hA/ spyan drang ba'o/ /o~M hU~M hri kA laM thA na hA/ mchod yon gyi sngags so/ /o~M hU~M hrIHSh+T+rIHkhuM kha/ dri'i sngags so/ /o~M hU~M hU~M hU~M hU~M hU~M hU~M/ ka ra la ra na ha haH/ me tog gi sngags so/ /o~M hU~M
 tri/ hU~M pa shi kha hA/ bdug pa'i sngags so/ /o~M dzraM dzri hAH/ mar me'i sngags so/ /o~M hU~M hU~M hU~M hU~M hU~M hU~M hU~M khang ka kha/ gtor ma'i sngags so/ /o~M hU~M swA hA/ khro bo'i snying po'o/ /o~M hU~M hrIHSh+T+rIHgadz+dza hU~M pu na rA ga ma nA ya swA hA/ slar gshegs su gsol ba'i sngags so/ /
 'jam dpal gyi rtsa ba'i cho ga zhib mo khro bo rnam par rgyal ba'i phyi ma'i yang phyi ma las gshin rje rab tu 'joms pa'i yig 'bru gcig pa'i rgyal po'i dkyil 'khor bkod pa'i rim par phye ba ste bcu gcig pa'o// //de nas de yi ri mo'i mchog /sgrub pa po yis bri
 bar bya/ /ji skad gsungs pa'i las rnams bya'i/ /bzlas pa'i las ni rab tu bya/ /ras phran khru gang tsam po ni/ /bzang pos ra pa bkrus pa la/ /tshon rtsi dkar po spyin med pas/ /gshin rje rab tu 'joms pa bri/ /zhal drug dbu yang gyen du brdzes/ /de yang spyan
 gsum 'jigs 'jigs ltar/ /khros pa'i phyag kyang brgyad pa/ /zhabs rnams rab tu gsal ba drug /gzig gi pags pa na bzar gsol/ /tshul bzhin steng na bzhugs/ /shU la ral gri 'khor lo dang / /dgra sta mchog kyang sbyin pa'i phyag /lcags
 mda' be con rdo rje dang / /mda' bo che yang bsnams pa ni/ /g.yas pa'i phyag ste g.yon pa na/ /dbyug to zhags pa gshol dang gzhu/ /thod pa lcags kyu mdung thung dang / /rtse gsum gdengs dang de bzhin bsdigs/ /de ltar ji skad gsungs pa'i gzugs/ /bung ba dang
 ni sprin 'dra ba/ /bris nas de yang legs par sba/ /yid du 'ong ba'i gnas dag tu/ /bzhag nas bzlas pa dag kyang bya/ /bzlas pa'i cho ga 'dir bshad do/ /rig pa 'dzin pas rtag pa ru/ /'bar ba'i sngags kyis khrus bya'o/ /bdud rtsi 'byung ba'i sngags
 kyis ni/ /thog mar tshul bzhin kha bkrus nas/ /bdag gi lus la sngags shes pas/ /de nas bsrung ba legs par bya/ /de yi 'og tu cho ga bzhin/ /mkhas pas khro bo'i khang par 'jug /zhugs nas ku sha las byas pa'i/ /stan bzang de la 'dug nas
 su/ /de nas cho ga sngon gsungs pas/ /khro bo la ni mchod par bya/ /lag pa gnyis ni dris bskus pas/ /sngags kyi nor bu blangs nas su/ /nyes pa'i skyon dag sbyang ba'i phyir/ /khro bo bdud rtsi lan bdun bzlas/ /de nas sngags pa khro bo la/ /mngon par phyogs
 'dug bzlas par bya/ /rab tu dang zhing rtse gcig yid/ /yid ni mi skyo bar du bya/ /de nas mkhas pas bzlas pa'i mthar/ /khro bo gshin rje rab 'joms pa/ /shU la'i phyag rgya bcings gshegs gsol/ /de ltar legs par nyin re bzhin/ /yi ge gcig pa'i
 sngags 'di ni/ /rnam pa kun tu cho ga bzhin/ /gang zhig bye ba gcig zlos pa/ /de yis dngos grub dam pa thob/ /de nas gzhan yang ci bstan pa'i/ /khro bo nyid kyis gsungs pa yi/ /cho ga dag gi sngags rnams ni/ /bsgrub pa rnams la phan phyir bshad/ /o~M hU~M dIp+ta te dzA
 swA hA/ khrus kyi sngags so/ /o~M hU~M a mr-i ta pra b+ha baM ba/ kha bkru ba'i sngags so/ /o~M hU~M sarba ho rak+Sha man ta thA ga tA dz+nyA pa ya ti swA hA/ bsrung ba'i sngags so/ /o~M na maHsarba ta thA ga te b+h+yaHhU~M many+ju g+ho Sha dz+nyA yA sarba duSh+TaM ban+d+ha ban+d+ha swA hA/ gdug pa rnams bcing ba'o/ /na maH
 sarba ta thA ga te b+h+yaHhU~M d+h+r-ika prA kAM raM phaT/ ra ba'i sngags so/ /o~M na maHsarba ta thA ga te b+h+yaHhU~M hU~M hU~M hU~M hU~M hU~M/ ya ma pra ma tha na rak+Sha rak+Sha/ na maHsarba b+hu ta b+ha ye b+h+yaHta thA ga to dz+nyA pa ya ti swA hA/ 'di ni yan lag thams cad bsrung ba'o/ /o~M hU~M kA la ma tha na phaT/ khro bo'i
 khang par 'jug pa'i sngags so/ /o~M hU~M rak+Sha rak+Sha mA~M swA hA/ gdan gyi sngags so/ /o~M hU~M si t+ya de hU~M dzra~M dzra~M/ sngags kyi nor bu blang ba'i sngags so/ /o~M hU~M krod+ha a mr-i ta dza gad pra b+ha swA hA/ sngags kyi nor bu la gdab pa'i sngags so/ /'jam dpal
 gyi rtsa ba'i cho ga zhib mo khro bo rnam par rgyal ba'i phyi ma'i yang phyi ma las gshin rje rab tu 'joms pa'i yi ge gcig pa'i ri mo dang mchod pa dang bzlas pa'i cho ga rim par phye ba ste bcu gnyis pa'o/ / //de yi sngon du bsnyen pa ni/ /bye ba gcig tu nges par bshad/ /
 khro bo brtul zhugs phyis spyad na/ /dngos grub mchog ni thob par 'gyur/ /shing las byas pa'i thod pa ni/ /nyi shu rtsa drug sor tshad byas/ /mkhas pas rtse gsum rnon po ni/ /lag pa g.yas dang g.yon du bzung / /gzig lpags kyi ni gos bgos nas/ /lus ni
 thal ba dag gis bsku/ /rus pa dag gi phreng ba yis/ /rgyan du byas nas brtul zhugs spyad/ /'jig rten 'jig par byed pa yi/ /gad mo sgra chen dag kyang 'byin/ /dur khrod dam ni shing gcig gam/ /ri 'am yang na tshal yang rung / /mkhas pas zla ba drug tu
 ni/ /lci ba bza' zhing brtul zhugs spyad/ /blo ldan grong du yong mi 'jug /mnyam par bzhag cing tshig mi smra/ /gtsang zhing tshangs par spyod pa dul/ /rtag tu bde gshegs sems dang ldan/ /byang chub sems dang kun ldan zhing / /khro bo'i brtul zhugs gang spyod cing / /
 rtag tu bzlas la brtson byed pa/ /de ni dngos grub mchog 'thob 'gyur/ /gshin rje rab tu 'joms pa 'di/ /dngos grub gzhan du yong mi 'gyur/ /gang tshe 'di yi brtul zhugs ni/ /bsnyen par bya bar mi nus na/ /de tshe lci ba za zhing ni/ /tshul bzhin bye ba gsum du
 bzlas/ /bzlas pa byas pa'i tha mar yang / /mkhas pas mchod pa rgya cher bya/ /de nas sna ma'i me tog stong / /ri mo dag la phog par dbul/ /rig pa 'dzin pa'i legs pa ru/ /de yi phog bar phul nas ni/ /gang tshe rab tu 'bar gyur pa/ /de tshe ri mo
 de yis ni/ /nam mkhar 'phar bar gdon mi za/ /de nas rig 'dzin thams cad kyi/ /mchog tu 'gyur te thog mar 'gro/ /'on te phog par phul na ni/ /rab tu g.yo bar gyur na ni/ /cho ga zhib las bshad pa bzhin/ /de la dngos grub 'bring du 'gyur/ /de ste
 rab tu mi g.yo bar/ /ri mo rang bzhin du 'dug la/ /dngos grub tha ma thob par 'gyur/ /ci ltar 'bras bu rnam gsum bshad/ /lus ni nyon mongs spyad pa las/ /dngos grub rnam gsum 'thob par 'gyur/ /brtul zhugs smyung la rab tu 'bad/ /yang na chu
 yi klung dag bza'/ /ci la ma chags phyugs gcin btung / /byang chub sems dang kun ldan na/ /de tshe dngos grub dam pa thob/ /rig pa'i mchog kun bsgrubs pa la/ /dngos grub mchog dang 'bring rnams dang / /tha ma dag gis bsgrub pa'i phyir/ /
 'di dag sbyin ni bsgrub bstan yin/ /gang tshe dngos grub mchog rnams dang / /'bring yang gal te mi 'dod la/ /longs spyod rtag tu 'dod na ni/ /de tshe rtag par bzlas par bya/ /'di yi cho ga gzhan dag kyang / /de nas mdor ni bshad par bya/ /sa gzhi rab
 tu mdangs dga' ba/ /lci ba bzang po bskus pa la/ /der ni tsan+dan dmar po yis/ /dkyil 'khor dag ni mkhas pas bya/ /de yang bzang po khru gang tsam/ /rab tu mnyam zhing yid du 'ong / /gshin rje rab tu 'joms pa'i gang / /dkyil 'khor dur khrod gnas
 gsungs pa/ /de nas der ni sngags dag ni/ /dkyil 'khor mchog de byas nas ni/ /de yi 'og tu sngags rig pas/ /ji skad gsungs pa'i las dag gis/ /ci 'byor pa dang ci nus kyis/ /khro bo la ni mchod par bya/ /nyi ma re re cho ga bzhin/ /bzlas pa
 dag kyang stong du bya/ /de ltar rtag tu byas pa yis/ /'dod pa'i 'bras bu thob par 'gyur/ /'jig rten thams cad dga' bar yang / /gdon mi za bar 'grub par 'gyur/ /de yi dgra yang med par 'gyur/ /nad med 'gyur bar gdon mi za/ /de yi longs
 spyod 'phel bar 'gyur/ /rgyal po'ang de yi dbang du 'gyur/ /gang zhig rtag par cho ga 'dis/ /gshin rje'i gshed ni zlos byed na/ /de las de yi dbang po dang / /g.yo dang mi g.yo 'jig rten rnams/ /byang chub sems ldan de yi ni/ /dbang
 du 'gyur ba gdon mi za/ /'jam dpal gyi rtsa ba'i cho ga zhib mo khro bo rnam par rgyal ba'i phyi ma'i yang phyi ma las gshin rje rab tu 'joms pa'i yi ge 'bru gcig pa'i brtul zhugs rim par phye ba ste bcu gsum pa'o// //de nas gzhan yang brtul zhugs kyis/ /
 bsgrub pa'i las rnams bshad par bya/ /dngos grub mchog rnams thams cad ni/ /gshin rje rab tu 'joms pa 'di/ /brtul zhugs dag ni 'di nyid kyis/ /rnam pa kun tu bsgrub par bya/ /phal cher dngos grub mchog rnams ni/ /brtul zhugs med pas mi 'grub
 ste/ /de bas gshin rje 'joms pa yi/ /brtul zhugs spyad pa byas nas su/ /dngos grub mchog rnams legs par bsgrub/ /mkhas pas gzhan la ma yin no/ /ji skad bstan pa'i mtshon cha rnams/ /rtsa ba'i rtog pa'i cho ga bzhin/ /sngags rig sbyor
 ba snga ma bzhin/ /de dag rtag tu legs par bsgrub/ /de la 'dir ni rtog pa ru/ /dur khrod gnas pa'i dkyil 'khor ni/ /dngos grub thams cad rab sbyin pa/ /bye brag tu ni logs shig gsungs/ /ral gri sa 'og ro langs dang / /mig 'phrul any+dza gi'u
 wang dang / /yungs kar ba bla btsag rnams dang / /gzhan yang las dag ci 'dod dang / /mi snang ba dang rkang mgyogs dang / /gser 'gyur rtsi dang bcud kyis len/ /gnod sbyin mo rnams bsgrub pa dang / /klu yi bu mo la sogs bsgrub/ /dgug pa'i cho ga
 dam pa yi/ /bud med dam pa spyad bsgrub pa/ /rtsa ba'i rtog pa'i cho ga yis/ /tshul bzhin gnas nas bsgrub pa bya/ /de las 'di ni khro bo 'di/ /yi ge 'bru gcig khyad par bshad/ /de nas ji skad gsungs bstan kun/ /ma smos pa yang bsgrub par
 bya/ /'jam dpal khro bo'i snying po 'di/ /hU~M zhes bya ba rgyas pa ste/ /'di ni rtsa ba'i cho ga yin/ /bsdu ba yongs su bsgrags pa'o/ /'jam dpal gyi rtsa ba'i cho ga zhib mo khro bo rnam par rgyal ba'i phyi ma'i yang phyi ma las khro bo gshin rje'i gshed kyi rtsa ba'i cho ga
 zhib mo bsdus pa rim par phye ba ste bcu bzhi pa'o/ / //rtog pa mdo ru bsdus pa dang / /rgyas pa dag tu bshad pa dang / /brtul zhugs dang ni nges pa yi/ /de nas khro bo gzi can gyi/ /zhal drug hU~M zhes bya ba'i sngags/ /bzlas pa tsam gyis grub pa ni/ /
 gsang ba mdo ru bshad par bya/ /brtul zhugs spyad dang brtul zhugs dka'/ /de dag 'di la yong med de/ /lan gcig bzlas pa tsam gyis kyang / /las rnams thams cad byed par 'gyur/ /o~M na maHsarba ta thA ga te b+h+yaH/ hU~M hU~M hU~M hU~M hU~M hU~M/ ya ma bram tha
 rak+Sha rak+Sha/ mA~M sarba b+hU ta b+ha ye b+h+yaHta thA ga tAdz+nyA pa ya ti swA hA/ yi ge bzhi bcu rtsa gsum 'di/ /khro bo bklags pa tsam gyis 'grub/ /dngos grub thams cad rab tu ster/ /sangs rgyas kun gyis mngon par bstod/ /de ni rtag par bzlas na ni/ /dngos grub thams
 cad ster bar bshad/ /dur khrod gnas su rtag par ni/ /rtag tu zlos pa cho ga 'dis/ /lha dang lha min dri za dang / /gnod sbyin srin po klu yi rigs/ /dpag tshad bdun ni khor yug tu/ /de yi gzis ni 'byer bar 'gyur/ /khro bo gshin rje'i gshed mdzad pa/ /
 zhal drug hU~M gi sngags 'di ni/ /gang zhig zlos par byed pa ni/ /'gro dang mi 'gro 'jig rten na/ /de la dka' ba cung zad med/ /zhal drug hU~M zhes bya ba'i sngags/ /shU la phyag rgya ldan pa ni/ /khro bo rnam rgyal rgyud 'di la/ /de ni grub par rab tu bsgrags/ /dur
 khrod gnas su cho ga bzhin/ /de yi sngon du bsnyen pa ni/ /thog ma nyid du chig 'bum bya/ /de nas rtag pa'i cho gar spyad/ /rtag par spyod pa'i cho ga yis/ /de nas chig 'bum bzlas nas kyang / /de 'og ji skad gsungs pa yis/ /las rnams kyi ni bsgrub la 'jug /
 rtsa ba'i rtog pa'i cho ga yi/ /de nas thams cad las grub par/ /zhal drug hU~M zhes bya ba yi/ /cho ga 'dir ni mdor bshad pa/ /'jam dpal las byung khro bo ni/ /hU~M zhes bya ba'i zhal nyid yin/ /gshin rje'i gshed ces bya bar grags/ /
 'di la dka' ba ci yang med/ /khro bo'i zhal nas mdo ru ni/ /cho ga bzang po gcig gsungs pa'i/ /cho ga de bzhin bdag gis bshad/ /zhal drug hU~M zhes bya ba 'dis/ /hU~M zhes bya ba drug du bsgrags/ /de bzhin gzhan yang rtog pa ru/ /hU~M gi mtha' ni bskul ba
 bya/ /hU~M tra~M shU la'i phyag rgyar ldan/ /ri rnams kun kyang 'gas par byed/ /hU~M tri rab tu sbyar na ni/ /myur du ras kyang gas par 'gyur/ /hU~M tshig rig sngags thams cad dang / /mtshon cha rnams ni gcod par bshad/ /shU la'i phyag rgya dang ldan par/ /hU~M kha rtag
 par rab sbyar nas/ /sdang ba rnams ni za ba dang / /dgra yi dpung dag rab tu 'jig /hU~M ga rab tu sbyar na ni/ /glang po gnon pa rab tu bsgrags/ /hU~M tha mtshon cha kun 'phel tshe/ /lha dang lha min 'jigs par byed/ /hU~M ha dpung rnams 'jig pa dang / /rmongs par byed
 pa yongs su bsgrags/ /hU~M gra rab tu sbyar na ni/ /phan tshun mtshon cha 'khrug par byed/ /hU~M a rab tu sbyar na ni/ /slar yang thar bar byed pa yin/ /hU~M ga glang po seng ge dang / /rta dang mi dang bya rnams dang / /gru dang shing rta'i bzhon pa dang / /'bab chu dag kyang myur bar
 'dir/ /shU la'i phyag rgyar ldan byas na/ /gnod par byed pa'i mchog yin no/ /hU~M ba rab tu sbyar na ni/ /mnan pa rtag tu thar bar byed/ /hU~M d+ha~M rab tu sbyar na ni/ /lha dang lha min gzhan yang 'grub/ /dngos grub phra mo thams cad la/ /bskul na de yi 'bras bur
 'gyur/ /hU~M ba~M kun tu dbang byed pa/ /tha mar ra bzhag dbye bar byed/ /ta dang sbyar na sdang bar byed/ /ma dang sbyar ba gsod par byed/ /ya dang sbyar na de bzhin gsod/ /la dang sbyar na mig 'phrul byed/ /zhi dang rgyas la 'ba' zhig go/ /de la sogs pa gzhan rnams
 kyang / /rtsa ba'i cho gas sbyar bar bya/ /de nas ji skad gsungs pa yi/ /las rnams kyis ni bsgrub par bya/ /de ltar gshin rje'i gshed 'di yi/ /dngos grub nges par thob par 'gyur/ /'di ni khro bo rnam rgyal gyi/ /rtog pa'i yi ge gcig pa gang / /'jam
 dpal khro bo gtso bo yi/ /gsang ba gzhan dag bshad pa yin/ /'jam dpal gyi rtsa ba'i cho ga zhib mo khro bo rnam par rgyal ba'i phyi ma'i yang phyi ma las khro bo'i rgyal po gshin rje'i gshed zhal drug hU~M zhes bya ba las byung ba'i cho ga zhib mo rim par phye ba ste lnga pa'o// //de nas
 cho ga zhib rgyas pa/ /gshin rje'i gshed po gcig po yi/ /cho ga kun gyi mchog dang rab/ /don grub ces pa bshad par bya/ /de la rig 'dzin dpal ldan pas/ /las rnams thams cad bsgrub pa'i phyir/ /mnyam gzhag byang chub sems ldan pas/ /thog mar dkyil
 'khor bri bar bya/ /mtsho 'am rgya mtsho'i 'gram dag gam/ /gcong rong dur khrod du yang rung / /de dang der ni sa brtags nas/ /me tog sil ma dag gis brgyan/ /dpa' bo gcig pa'i sngags 'bar bas/ /me lce 'bar bas 'khrug byas te/ /sa dang skyu ru ra la
 sogs/ /bsangs nas khrus la brtsam par bya/ /rig 'dzin khrus byas gtsang ma yi/ /de nas sngags des thams cad ni/ /bdag gi lus la dgod par bya/ /khro mig dmar por gyur pa yi/ /de nas sa phyogs gtsang ma ni/ /phyag dar zang zing yongs spangs
 pa/ /bgegs rnams zhi bar bya ba'i phyir/ /gsang sngags zlos shing blta bar bya/ /de nas khro bo gshin rje'i gshed/ /dpa' bo gcig pu'i sngags zlos shing / /dkyil 'khor bzang po gru bzhi bar/ /dur khrod thal bas bri bar bya/ /nub phyogs sgo gdong sgo bzhi
 par/ /de yi dbus su pad+ma bri/ /be con phyag rgya rtse 'bar ba/ /grwa bzhi dag tu bri bar bya/ /'di ni be con mang po yin/ /shU la can gyi shU la mang / /mdung thung rnams kyis yongs bskor ba/ /de bzhin mdung thung mang zhes bya/ /de bzhin thod pa mang po yin/ /
 mi ro dang ldan mi ro mang / /mi ro mi sdug mgo med pa/ /'bar dang srin por ldan/ /phyogs bcu kun nas 'jigs pa can/ /de nas dur khrod mang zhes bya/ /gshin rje'i gshed po dpa' bo yi/ /dkyil 'khor rnam pa drug tu bshad/ /de la be con
 mang po ni/ /longs spyod thams cad 'phel bar bshad/ /shU la mang po srin rnams ni/ /'joms pa rab tu bsgrags pa yin/ /de bzhin mdung thung mang po ni/ /bgegs rnams thams cad tshar gcod pa'o/ /thod pa mang zhes bya ba rnams/ /'khrul 'khor thams cad rab tu
 'jig / ri mo mang po zhes bya ba/ /ro langs thams cad bsgrub pa'o/ /dur khrod mang po rab grags pa/ /dngos grub thams cad rab sbyin pa'o/ /de la pad+ma'i dbus su ni/ /'jam pa'i dpal gyi khro bo'i mchog /gshin rje'i gshed ces bya ba de/ /cho ga bzhin du
 bzhugs par bsam/ /in+d+ra nI la bcag 'phro'i mdog /zhal drug spyan yang 'jigs par gzigs/ /khros shing zhal yang bgrad pa ste/ /'jigs 'jigs blta la 'jigs par gnon/ /spyan gsum skra yang gyen du brdzes/ /tshems kyis sgros mnan
 'jigs 'jigs lta/ /brgyad phyag ni dran par bya/ /zhabs kyang rab tu 'bar ba drug /mi ro mgo med phreng ba yis/ /se ral kha yi rgyan du byas/ /mdung thung tho ba zhags pa yi/ /ral gri lcags kyu mtshon cha thogs/ /shU la rdo rje dbyug to dang / /be con mtshon cha
 rnams dang ni/ /de ltar g.yas pa'i phyag na bsnams/ /g.yon pas bsdigs shing dril bu dang / /thod pa bzang po kha T+wA~M ga/ /mi mgo rlon dang keng rus dang / /'jigs pa'i mi ro dbyug to 'bar/ /de dag phyag na rtag tu thogs/ /khro bo gshin rje'i gshed po ni/ /
 shi ba'i ro yi steng na bzhugs/ /'jigs pa mtshon gdangs 'jigs 'jigs lta/ /dur khrod na ni rtag tu bzhugs/ /sbrul dang srin po thams cad 'joms/ /lha rnams kun gyis phyag byas shing / /khro bo thams cad legs par 'dud/ /sku ni rab tu 'bar ba can/ /
 'khrug cing rab tu za ba rnams/ /stag lpags na bza' mnabs par dgyes/ /'jig rten lha ni khro bo rnams/ /mtshon cha dang ni mthu spangs nas/ /rjes su 'brang zhing phyag byas pa'i/ /khro bo gshin rje'i gshed dran bya/ /de ltar 'jigs med byas nas su/ /bdag
 gi sngags kyis dran byas nas/ /spyan drangs tsan+dan gyis bskus nas/ /me tog mang pos mchod par bya/ /rtag tu rig pa 'dzin pa yis/ /tsan+dan dmar po dbul bar bya/ /bdug pa dang ni gtor ma yis/ /rim pa bzhin du mchod nas ni/ /slob ma khro bo'i sngags
 dag dang / /sangs rgyas spyan gyi sngags dag gis/ /btsud nas me tog 'dor du gzhug /de nas rig 'dzin dpal dang ldan/ /bdud rtsi thab sbyor bzlas nas su/ /phreng ba tsan+dan dkar la sogs/ /mchod pa byas nas slob ma la/ /de nas sangs rgyas spyan yang bzlas/ /
 khro bo gshin rje'i gshed po ni/ /'jigs pa pha rol gnon pa sbyin/ /lha khyod bdag gis mnos so zhes/ /de skad slob mas lan gsum smras/ /de nas sngags rig cho ga bzhin/ /bla ma dag la phyag byas nas/ /cho ga bzhin du dbang bskur bas/ /khro bo gshin
 rje'i gshed po bzlas/ /'jam dpal gyi rtsa ba'i cho ga zhib mo khro bo rnam par rgyal ba phyi ma'i yang phyi ma las khro bo'i rgyal po gshin rje'i gshed rim par phye ba ste bcu drug pa'o// //de nas gzhan yang gshin rje yi/ /gshed po'i sngags 'di mnos nas su/ /mi ro dag
 gi gos blangs nas/ /de la de yi gzugs kyang bri/ /de nas tshon rtsi spyin med pas/ /bzang pos snga ma bzhin du bya/ /bzang po khru gang tshad du bya/ /yang na khru bzhi'i tshad du bya/ /gang tshe sngags pa bdag nyid kyis/ /bri bar mi nus de yi tshe/ /bzo bo smyang ba byas pa ni/ /
 khrims mnos pa dag 'dri ru gzhug /shi ba'i ro yi steng du bzhugs/ /phyag ni brgyad rnams kyis brgyan/ /zhal drug zhabs kyang drug tu bstan/ /'jigs pa gnon pa 'jigs 'jigs lta/ /kha cig bzhad cing kha cig ni/ /ljags 'dril kha cig mche
 ba gtsigs/ /kha cig zhal gdangs kha cig khros/ /kha cig 'jigs pa pha rol gnon/ /khro bo de 'dra'i zhal 'dra ba/ /smin mtshams ser la spyan yang ser/ /ji skad gsungs pa'i mtshon cha rnams/ /phyag na bsnams pa bri bar bya/ /dben zhing
 'du 'dzi med pa ru/ /sngags pas de ltar 'drir gzhug go/ /de ltar bris nas sngags mkhan de/ /ri mo la ni bltas nas 'dug /cho ga shes pas 'bum bzlas te/ /ri mo bris pas de nyid kyis/ /de nas bsgrub la 'jug par bya/ /gshin rje'i gshed po de yi sngags/ /
 drag po gang yin de bshad do/ /oM ni de yi dbang po yin/ /a zhes bya ba gnyis pa yin/ /kro zhes bya ba gsum pa ste/ /d+he zhes bya ba bzhi pa yin/ /ka zhes bya ba lnga pa yin/ /ya zhes bya ba gsang ba drug /mAn zhes bya ba bdun pa ste/ /ta ni brgyad par shes par
 bya/ /ka ni dgu ste hU~M dang bcu/ /de bzhin phaT bya lhag pa ste/ /mi mnyam sngags ni bcu gcig pa'o/ /'jam dpal gyi ni khro bo mchog /gshin rje'i gshed ces bya ba de/ /cho ga phyi ma'i phyi ma ste/ /sangs rgyas kun gyis mngon bstod pa'i/ /sngags de de ltar mnos
 nas su/ /cho ga mnos nas bzlas byas na/ /rig 'dzin go 'phang thob par 'gyur/ /o~M a kro d+he ka ya mAn+ta ka hU~M phaT/ /gshin rje'i gshed po lha'i lha'o/ /o~M a mr-i ta kuN+Da li/ /sarba big+ha nAn+ta krit+ta na hU~M hU~M hU~M phaT/ bdud rtsi thab sbyor gyi'o/ /o~M bud+d+ha lo tsa ni swA hA/
 sangs rgyas spyan gyi'o/ /de nas gzhan yang bzlas pa yi/ /gnas dag ji ltar yin par bshad/ /dur khrod yang na ri yang rung / /tshang tshing pad+ma'i mtsho 'gram du/ /khro zhing gshin rje'i gshed po ni/ /bzlas na dngos grub thob par 'gyur/ /ku sha'i rtswa yi stan la 'dug /
 ri mo la ni phyogs 'dug ste/ /lag pa gnyis ka dris bskus nas/ /ru drAk+Sha yi phreng thogs la/ /sngags pas rtag tu bzlas par bya/ /de bzhin bdug pa ar+g+ha dbul/ /myur ba dang ni bul ba dang / /de bzhin yi ge 'dres par ni/ /nam yang smra bar yod mi bya/ /rtag tu
 rab tu gsal bar smras/ /cho ga bzhin du yid bsams nas/ /bu don la ni sems bzhag ste/ /skye ba med pa'i sems kyis ni/ /yi ge bzhin du bzlas/ /'bum gcig bzlas pa'i tha ma ni/ /bsgrub par bya ba bshad kyis nyon/ /mtsho yi 'gram du dkyil 'khor ni/ /
 dur khrod mang po bri bar bya/ /de yi nang du ri mo bkram/ /sems dpa' mtshan mo zhugs nas ni/ /grogs bzang sems kyang ma rmongs pa/ /gu gul bdug pa de bzhin bsreg /zlos shing sna ma'i me tog stong / /snying gar phog par bya zhing dbul/ /de nas khro bo gshin rje'i gshed/ /
 ri mo la zhugs khro bo'i spyan/ /ri mo de ni nges pa ru/ /g.yo 'am yang na 'gul bar 'gyur/ /de nas lha de grub gyur nas/ /gang 'dod pa yi las rnams byed/ /de ste grub par ma gyur na/ /gzhan yang chig 'bum bzlas par bya/ /de nas de yi mtha' mar bsgrub/ /des
 kyang ma grub gsum po la/ /mtshams med lnga rnams byed pa yang / /gdon mi za bar 'grub par byed/ /grub pa'i las rnams gang dag 'dir/ /byed par 'gyur ba bshad par bya/ /bsgrub par dka' ba'i las rnams kyang / /yid la gang dang gang 'dod pa/ /de dag
 mthar phyin myur bar ni/ /rig sngags 'chang bas byas par 'gyur/ /ri rnams kyi ni rtse mo dang / /gcong rong rnams ni bsnyil bar byed/ /sa yang rab tu 'gas par byed/ /chu dag kyang ni skams par nus/ /dpung rnams mi g.yo gnon par byed/ /khrag gi char yang 'bebs
 par byed/ /stong ngam yang na 'bum yang rung / /de ma thag tu gsod par nus/ /gnod pa dang ni rmongs pa dang / /de ma thag tu 'bebs par byed/ /shing rta'am yang na gru dag dang / /glang po myos pa gnon par nus/ /pha rol dpung dag 'khrug par byed/ /yul phyogs
 myur tu rmongs par nus/ /khros nas sa yang g.yo bar byed/ /gling dang nags tshal sreg par nus/ /de ni gang gA'i mtsho yang skems/ /skams pa dag kyang 'gengs par nus/ /sprin yang legs par gnon par nus/ /char pa dag kyang 'bebs par byed/ /dus min
 char yang 'bebs par nus/ /klu yi bdag po dag kyang 'gugs/ /de nas nag pos zin pa yang / /mthong ba'am yang na sprin tsam gyis/ /'gugs par byed de the tshom med/ /ser ba dang ni sol ba'i char/ /de ma thag tu 'bebs par nus/ /'bras bu me
 tog mchog rnams dang / /yal ga dag gis brgyan pa'i shing / /bltas pa'am yang na rdo 'phangs pas/ /glo bur du yang 'gyel bar byed/ /de ni sbyar ba tsam gyis su/ /sa yi 'og kyang 'khrug par byed/ /de bzhin lha dang mi rnams la/ /gnod pa chen po
 'byung bar byed/ /khro bo'i rgyal po 'di yis ni/ /nges par dbang du mi 'gyur ba'i/ /dngos po 'das dang da ltar dang / /phyi 'byung ba dag gang yang med/ /lha de grub par ma gyur kyang / /mthong ba tsam mam tshig gis kyang / /dug dang rims dang gdon rnams sogs/ /
 zhi bar byed pa'i mchog tu 'gyur/ /dbang du byed dang dbye ba dang / /gsad dang bskrad par bya ba dang / /mig 'phrul any+dza bsku ba rnams/ /bdug dang dris byug sbyor ba yi/ /las rnams 'di dag thams cad ni/ /bzlas pa brgya byas 'grub par byed/ /sngags pa
 gter chen yod par ni/ /song ste bsgrub par byas nas su/ /bgegs rnams kyi ni mi 'jigs par/ /nor de bzlas pa stong byas pas/ /bdag gis khyim nas len pa bzhin/ /phra mo rnams ni rgya yis 'thob/ /bzlas dang sbyin sreg ma byas kyang / /gshin rje'i gshed
 kyi ming tsam gyis/ /lha rnams skrag par 'gyur ba ni/ /ring por mi thogs gdon mi za/ /ma rungs par ni bya ba dang / /byad dang stems dag bya ba dang / /rmongs dang mnan pa'i dngos grub rnams/ /bltas pas rnam pa du ma yi/ /cho ga gzhan gyis cho ga yang / /
 ring por mi thogs 'grub par nus/ /yul dang yul phyogs dag tu yang / /gnod pa dang ni nad kyang 'byin/ /rmugs pa dang ni gnod pa dang / /rmongs dang mi mthong byed pa dang / /'khrug pa dang ni skrag pa dang / /skyo zhing slar yang g.yo ba dang / /nor 'gugs pa dang
 gnon pa dang / /skye bo dag kyang 'gugs pa dang / /yun du 'tshe zhing 'jigs pa dang / /'khrug pa 'thab mo ser ba dang / /bru ba gnyid kyis myos pa dang / /gang yang gzhan dag de 'dod pa/ /sngags pas gshin rje'i gshed dran pas/ /de dag thams cad byed par 'gyur/ /
 de nas cho ga phyi ma 'di/ /ji ltar yin pa de bshad do/ /lha ma yin gyi phug sgor song / /mkhas pas ri mo bkram nas su/ /kha zas mi za stan gcig 'dug /khri yi grangs tshad bzlas byas nas/ /de nas bud med gzugs mchog ldan/ /bzang po rnams ni sgor phyung nas/ /
 sgrub pa de yi mdun du ni/ /nang du gshegs zhes dga' bar byed/ /de nas grogs po yid gcugs dang / /sgrub pa po ni lhan cig tu/ /nges par dam tshig dag gis ni/ /de yi gnas su 'jug par bya/ /de bzhin ji ltar 'dod pa ru/ /gnod sbyin ma yi ming rnams
 dang / /sha za mo 'am dri za mo/ /yang na gang 'dod pa yi lha'i/ /ming bris de yi mdun bzhag nas/ /ri mo la ni nyin re zhing / /de yi tshig ni mthar sbyar nas/ /ma skyo bar ni 'bum bzlas na/ /sgrub pa po des 'jigs gyur nas/ /de dag thams cad 'ong bar 'gyur/ /sgrub
 po ci srid 'dod par ni/ /'di ru las rnams byed par 'gyur/ /lha rnams dag ni thams cad kyang / /gnod sbyin la sogs bsgrub bshad zin/ /'di yi cho ga phyi ma yi/ /phyi ma dag kyang bshad par bya/ /ri mchog dag gi rtse mo la/ /mang po'i dkyil 'khor bri/ /
 dkyil 'khor bris nas kyang / /kun la sha yi gtor ma bya/ /grogs po sems ni dpa' ba dang / /yon tan ldan zhing gzo ba dang / /mi ro'i gos la bris pa yi/ /ri mo bzhag la de nas su/ /bdag gi yan lag thams cad las/ /rus pa dag gis khrag phyung ste/ /
 mi yi thod pa'i nang du gzhag /lus la khrag ni ci phyin pa/ /mi ro'i skra yi pir dag gis/ /de nas de yi lus dag dang / /mig kyang rab tu gsal bar bya/ /de la bgegs kyang mang du 'gyur/ /de nas dpa' bos bshad par gsungs/ /dpa' bo dag gis las kyang bya/ /
 de yi 'og tu bzo bo la/ /dpa' bo dag gis yon yang 'bul/ /de nyid yongs su rdzogs par ni/ /gyur gyi bar du tshul bzhin gyis/ /tha mar dpa' bo gcig pu de/ /ri mo mtshan mo rab 'bar ram/ /yang na dgod dam g.yo yang rung / /de nas dngos
 grub thob par bshad/ /ri mo de ni blangs pa yis/ /nam mkhar 'phar ba gdon mi za/ /dpal ldan thogs pa med par 'gro/ /mtshan mo nyi ma bzhin du 'bar/ /dpa' bo dag gis bsgrub pa 'di/ /rig 'dzin kun gyi thog mar 'gro/ /grub pa de la lha rnams kyang / /
 gdon mi za bar phyag 'tshal 'gyur/ /rig 'dzin rnams ni thams cad kun/ /kun tu bkur ba'i rgyal por 'gyur/ /yang na cho ga shes pa'i rgyal/ /ri mo zhi ba sngon bzhin du/ /blangs te bsregs pa'i steng du gzhag /de nas bsregs pa der 'dug nas/ /gcig po
 ral gri blangs nas su/ /mtshan mo gshin rje'i gshed bzlas pa/ /'bar bar 'gyur gyi bar du 'am/ /du ba'am tsha ba'i bar du bzlas/ /'bar bar gyur ba dpal dang ldan/ /rig 'dzin du ni de 'gyur ro/ /du ba byung bas mi snang ba/ /nam mkhar 'gro ba'i mchog tu 'gyur/ /de tshe tsha
 bar gyur na ni/ /sa yi rgyal por nges par 'gyur/ /ral gri mchog de bya ba yang / /sor ni sum cu rtsa gnyis shis/ /yan lag thams cad yongs rdzogs pa/ /bsgrub par bya ba so yi rdo/ /de ltar cho ga phyi ma yang / /mdor ni legs par bshad pa yin/ /lag pa g.yas
 pa'i sor mo yis/ /mthe bong sbas nas gyen du ni/ /bsgreng bar byas pa'i phyag rgya yi/ /be con zhes ni bsgrags pa yin/ /ha nyid kyi ni sngags ldan bar/ /las rnams kun la bcing bar bya/ /spyan drang ba dang mchod pa dang / /gshegs su gsol dang bzhugs pa dang / /
 las rnams bya ba'i tshe dag dang / /gzhan yang dgos pa 'byung ba'i tshe/ /tshul bzhin phyag rgya 'di bcings nas/ /gshin rje'i gshed kyi lha bzlas so/ /sngags pa rgyal po'i drung song nas/ /mgo btud pus mo btsugs nas su/ /bdag nyid dang ni nor bcas par/ /gdon
 mi za bar myur du 'grub/ /'jam dpal gyi rtsa ba'i cho ga zhib mo khro bo rnam par rgyal ba'i rgyud chen po thams cad kyi phyi ma'i yang phyi ma las bcom ldan 'das 'jam dpal gshin rje'i gshed kyi gsal shing khro bo rnam par rgyal ba'i cho ga zhib mo phyi ma'i yang phyi ma gsang ba gsal
 shing rgyud de rim par phye ba bcu bdun pa'o/ / //o~M A kro d+he ka ya mAn+ta ka hU~M hU~M hU~M phaT phaT phaT swA hA/ 'di yang bcom ldan 'das kyi sngags gzhan no/ /o~M AHhU~M 'di yang de bzhin no/ /yi ge bcu gcig rgyal po yi/ /de nyid bzlas pas grub par 'gyur/ /khro bo
 rnam par rgyal ba yi/ /rtsa ba dang ni phyi ma dang / /de bzhin phyi ma'i phyi ma 'di/ /rtog pa ma lus rgyas pa dag /lha de rnams kyis legs thos nas/ /'jig rten 'jig rten 'das pa kun/ /thal mo rab tu sbyar nas su/ /khro bo rnam par rgyal ba ni/ /gshin rje'i gshed
 la 'di skad smras/ /bcom ldan khyod kyis rtog pa 'di/ /bsgrub pa rnams la phan pa'i phyir/ /rab tu ngo mtshar bshad lags te/ /bzlas dang hom dang mchod la sogs/ /khro bo chen po'i brtul zhugs dang / /de bzhin dka' thub drag po dang / /ji skad gsungs pa'i smyung
 ba yis/ /khro bo kI li kI la las/ /sogs pa'ang dus la bab na ni/ /sngags zlos pa la dngos grub ster/ /bcom ldan 'das kyis rtog pa dang / /khyad par gyur pa ci zhig mchis/ /de bas bzlas dang sbyin sreg dang / /smyung dang brtul zhugs dka' thub dang / /
 med par rang dbang nyid du ni/ /dngos grub dam pa khyod kyis gsungs/ /lha mchog de dag thams cad kyis/ /phyag 'tshal de skad smras pa dang / /khro bo drag tu bzhad pa yis/ /rab tu drag pa'i tshig tu gsungs/ /drag tu bzhad pa'i zhal 'dzum pas/ /lha yi tshogs rnams
 'jigs rmongs la/ /ma 'jigs ma 'jigs zhes gsungs pa'i/ /phan pa'i tshig gis dbugs phyungs nas/ /khyed rnams kyis ni gang smras pa/ /sgrub pa bdag ni med par yang / /sbyor ba shes pas grub 'gyur ba/ /lha rnams kun gyis mnyan par gyis/ /bde gshegs
 dngos grub gcig pu las/ /dgyes pa rnam pa tha dad 'gyur/ /de nas ting 'dzin tshul las ni/ /mtshan ma dang ni dngos grub de/ /thog mar byang chub rtsa la brten/ /shes rab de lta bu yang bsgom/ /sems kyang rnam par mi rtog pas/ /bde gshegs
 dngos grub de dag 'thob/ /de nga'i gzugs su gyur par byos/ /sa bon mtshon cha mang por ldan/ /khro bo de yi zhal drug bsgyur/ /dril bu gsil ba'i sgra yang 'byin/ /khro bo'i zhal ni bcas par ldan/ /de yi gzi dang mthu ldan byas/ /kun tu dga' ba'i snying por ldan/ /
 gang gis yid la gang bsgoms pa/ /de la nga yi thugs g.yos pas/ /ji lta ba'am gar yang rung / /mdun nam yang na rgyab nas kyang / /las kun byed nus grub par 'gyur/ /gang dag nga ni phyag lnga bcu/ /be con gdengs pas bsdigs par mdzad/ /tri shUl ral gri
 dgra sta kyu/ /thod pa shag ti thod mar dbyug /de dag las ni phyag gsum drug /g.yas pa be con mda' ral gri/ /g.yon na 'khor lo rdo rje 'dzin/ /rdo rje rtse gcig mig drug pa/ /dpral ba'i gnyer ma bsnyer ba dang / /khro gnyer bsnyer ba'i lta ba can/ /'jigs pa'i
 sbrul gyis ro stod dkris/ /thod pa dag gis rgyan du byas/ /char sprin sngon po'i kha dog 'dra/ /zhal gcig spyan yang mi mnyam pa/ /'brug gi sgra dbyangs sgra sgrogs pa/ /stag lpags na bza' gsol bar dgyes/ /mtshon cha mtshon rnams 'bar zhing 'dug /spyan dang
 gtsug pud rtsa dmar ser/ /zhabs gnyis gdengs pa'i tsham ngam mdzad/ /sa yi steng na za za lta/ /mche ba dag kyang gtsigs pa'i zhal/ /bcibs pa ma he chibs pa de/ /sems pa'am ri mo la bris pa/ /sgrub po myur du mchod byed na/ /de la nga ni myur ba ru/ /dgyes nas
 mngon du phyogs par 'gyur/ /ji ltar 'dod pa'i don rnams ni/ /gdon mi za bar grub par byed/ /rnam par gnon pa'i gzugs 'di ni/ /bdud las rgyal ba yin par bsgrags/ /thog ma bdag gis dam tshig sbyin/ /bsrung mchog tshul bzhin byas nas su/ /ras ni sum cu
 sor tshad la/ /sngags pa bzo bo yon tan can/ /yid ni bsten par bya ba'i phyir/ /dben pa'i gnas su mi mngon par/ /tshon rtsi dge ba bzang po yis/ /ri mo thog mar bri bar bya/ /zin nas kyang ni dben par gzhag /su la'ang bstan par yong mi bya/ /nga yi gzugs
 su gyur par byas/ /sa bon mtshon cha bzang por ldan/ /nga yi zhal ni khro bor 'gyur/ /dril bu gsil ba'i sgra dang ldan/ /khro bo'i zhal ni bsam bar bya/ /nga yi gzi dang mthur ldan byas/ /kun dga' yi ni snying por ldan/ /gal te dam tshig mi ldan pa'i/ /skye
 bos ri mo de mthong na/ /myur du rnam par myos par 'gyur/ /de bas rnam pa thams cad du/ /srung ba drag po kun tu bya/ /grong ngam yang na grong khyer du/ /rnam pa gzhan du gzhag gyur tam/ /gong du mchod pa ma byas na/ /myur du 'jigs pa skye bar 'gyur/ /ri mo
 la ni gnas pa'i gzugs/ /de ltar rtag tu goms byas shing / /der bsgyur da yi yid du 'gyur/ /ji srid gang dag goms gyur cing / /kun du mdun na gnas pa ru/ /gang tshe mthong bar gyur ba na/ /de tshe ri mo med par yang / /ji lta bu yi tshul nyid kyis/ /rtag tu
 sbyor ba byas nas ni/ /sbyor ba nyid kyi rtag pa ru/ /khro bo kun tu sbyor ba ni/ /de las las rnams thams cad byed/ /'di ni gsang ba bstan pa yin/ /yang na bdag nyid de 'dra bar/ /ji srid cig tu grub pa'i bar/ /yid la legs par bsgoms na ni/ /de nas de yi
 dngos gnas par/ /yid la cung zad gang bsams pa/ /dngos po goms par byas na ni/ /de nyid 'bras bu yod par 'gyur/ /gang phyir khro bo bsgoms pa yis/ /khro bo yong ye bsgoms na ni/ /bzlas pa la sogs med par yang / /dngos grub dam pa thob par 'gyur/ /
 sgrub pa rnams la dam tshig gis/ /gal te sbyin par bya na yang / /de tshe sa ni rab sbyangs nas/ /thog mar spos chus gdab par bya/ /kun du zlum po zhes bya ba'i/ /dkyil 'khor 'di ni logs shig tu/ /kun du zlum por bri bar bya/ /tshon rtsi nag por legs bris
 te/ /nub phyogs sgo btod khru do tsam/ /de yi dbus su mchog bri ba/ /'gying zhing ldem bag can gyi lus/ /char sprin dang ni bung ba'i mdog /'jam zhing mnyen pa dpal dang ldan/ /gser gyi dril bu'i sgra dang ldan/ /g.yag rnga'i bsil yab
 g.yob ba can/ any+dza na yi ri lta bu'i/ /ma he chen po dam pa ni/ /dkyil 'khor dam pa de bris te/ /bsrung ba cho ga bzhin byas nas/ /sngags shes pas ni mchod byas pa/ /cho ga bzhin du 'dir bshad do/ /spyan drangs gdan du bstab pa dang / /ar+g+ha gtor mas
 mchod pa dang / /mar me bdug pa bstan pa dang / /tha mar slar gshegs bstan pa'o/ /gzugs dgod pa dag thog ma ru/ /lha dgod pa dag yig 'brus bskyed/ /sa bon gyis ni tshul bzhin bshad/ /de las dang por thams cad ni/ /sa bon khro bo'i gzugs
 yin te/ /de nyid phal cher rab tu grags/ /gcig pu mtshon cha du ma'i mchog /de nyid der ni bsten bya ba'i/ /rtag tu mtshon cha 'bar byed pa/ /de yi gzugs 'dir gcig pu la/ /sa bon gyis ni bskul ba'i zhal/ /dril bu'i sa bon drug rnams kyis/ /sgra de
 rnams bzhin sgrogs par brtag / 'di ni khro bo'i zhal yin gsungs/ /'di ni thog ma nyid kyi gzugs/ /de yi mthu yang ci 'dra ba/ /tshul bzhin du yang 'dir bshad do/ /gang gis dran pa tsam gyis ni/ /bdud dpung gdug pa'i gdon la sogs/ /mthu rtsal
 gnod pas nyams nas su/ /'jigs shing spa bkong byed par 'gyur/ /zung shig pa yi tshig gnyis ldan/ /zhal yang gdangs shing 'bar ba can/ /snying po dag par rab tu gzhag /mtshon cha 'debs pa'i mthu rtsal can/ /de ltar khro bo rgyal ba'i gzugs/ /sa
 bon zhes su bya ba yi/ /sngags kyi dngos po shes nas ni/ /sngags pas dngos grub thob par 'gyur/ /mtshon cha 'phangs pa tsam gyis ni/ /de yi kun tu bsrung bar bya/ /sa bon bkod pa'i tshul bzhin du/ /bdag gi lus la sbyar bar bya/ /gzugs
 ni gzugs la bzhag nas su/ /mtshon cha de nyid lag na thogs/ /sa bon rnams kyang khar bzhag ste/ /rkang pa gnyis kyang tsham dam bya/ /de nas kun du khros nas su/ /rang gi sa bon dgod par bya/ /thog ma bdag la ma g.yengs par/ /srung ba de ltar
 byas nas su/ /dkyil 'khor du ni spyan drangs te/ /de nas mdun du mchod pa bya/ /sngags kyi snying po tha ma la/ /tshul gshegs pa yi tshig gnyis dang / /rtag tu ldan par byas nas su/ /spyan drangs ba dag bya bar bshad/ /me tog dag gis gdan 'di la/ /
 bzhugs su gsol zhes rtag tu bya/ /de lta bur ni spyan drangs nas/ /me tog dag gis snga ma bzhin/ /bzhugs shig pa yi tshig gnyis kyis/ /cho ga bzhin du bzhugs su gsol/ /khro bo'i rgyal po de la ni/ /bzhugs par bya ba bstan pa yin/ /me
 tog sngags kyis btab pa yis/ /de ltar bzhugs par byas nas su/ /ar+g+ha 'di ni bzhes shig ces/ /tshig gi 'jug tu brjod nas su/ /spos chu me tog sbyar ba yis/ /ar+g+ha de la dbul bar bya/ /me tog bdag gis phul ba 'di/ /bzhes su
 gsol zhes brjod nas su/ /spos chu bzang po btab pa yi/ /me tog dag ni sngon bzhin dbul/ /sngags pas rtag tu tshig mjug la/ /gtor ma bdag gis phul ba 'di/ /bzhes su gsol zhes brjod nas su/ /gtor ma sna tshogs dbul bar bya/ /
 mar me bdag gis phul ba 'di/ /bzhes su gsol zhes mjug tu brjod/ /mar gyis legs par gang ba yi/ /mar me dag ni dbul bar bya/ /bdug pa bdag gis phul ba 'di/ /bzhes su gsol zhes mjug tu brjod/ /bdug pa thang chu rnam pa lnga/ /
 sngags kyis btab ste dbul bar bya/ /der ni mchod pa byas nas kyang / /dkyil 'khor dag gam ri mo la/ /rang gi yan lag bkod pa dag /dam tshig can la bstan nas ni/ /mthong ba tsam ni nyid kyis su/ /rig 'dzin dam tshig can du 'gyur/ /de nas
 rtog pa las gsungs pa'i/ /las rnams myur du byed par 'gyur/ /de ltar khro ba'i rgyal po yi/ /mchod pa legs par byas nas su/ /sgrub pa po ni ma yeng par/ /sngags rjod slar yang gshegs su gsol/ /slar yang gshegs par mdzad nas
 su/ /slar yang gshegs pa'i tshig gnyis brjod/ /me tog snyim pa bkang nas ni/ /phyag 'tshal slar yang gshegs su gsol/ /dkyil 'khor dag gam gsang sngags bzlas/ /de nas gzhan yang phyag rgya ni/ /rab tu 'bar ba gcig pu bshad/ /gshin rje'i
 gshed ces bya ba'i lha/ /gang gis grub par gyur pa'o/ /lag pa g.yas pa'i sor mo yi/ /mthe bong sbas te gyen du ni/ /bsgreng bar bya ba'i phyag rgya 'di/ /be con zhes ni grags pa yin/ /lha nyid kyis ni sngags ldan pas/ /las rnams kun la bcing bar bya/ /spyan drang
 pa dang mchod pa dang / /gshegs su gsol dang bzhugs pa dang / /las rnams bya ba'i tshe dag dang / /gzhan yang rgol ba byung ba'i tshe/ /tshul bzhin phyag rgya 'di bcings nas/ /gshin rje'i gshed kyang lha bzlas so/ /sngags pa rgyal po'i drung 'gro na/ /mgo
 btud pus mo btsugs nas su/ /gdon mi za bar dbang gyur pa/ /bdag nyid dang ni nor gyis so/ /khro bo rnam par rgyal ba'i rgyud chen po 'jam dpal gyi rtsa ba'i rtog pa thams cad kyi phyi ma'i phyi ma las khro bo rnam par rgyal ba bcom ldan 'das gshin rje'i gshed kyi rgyal po
 rtog pa phyi ma'i yang phyi ma gsang ba'i rim par phye ba ste brgyad pa'o/ /rdzogs so// //ma mai mA mi mu mU mu/ /mu mi mA mai ma yig zung / /thog ma tha ma zung gcig tu/ /zung dang bsnol ba'i bye brag gis/ /sbyar bar bya ba 'dir bshad do/ /sa bon zhes
 bya dkyil du gzhag / khro bo dag ni so so ru/ /zung ma'i zung min tshig 'di la/ /tha ma'i zung ni ma yin no/ /zung ma'i zung ma tshig 'di la/ /he he ha ha hi hi hi hi ha ha he he zhes gnyis sbyar ba/ khro chen tshig gis thog mar ces/ oM oM swA hA phyag 'tshal
 gzhag / rgyas par 'dod pas dga' bzhin du/ /mel tshe thun gcig rtag tu bzlas/ /ri mo cho ga bzhin du bsgrub pa yis/ /rtag par mchod pa'i cho ga 'di/ /mdo ru bsdus nas bshad pa yin/ /bzlas pa dang ni hom dag dang / /brtul zhugs
 dka' thub ma byas kyang / /sngags kyi dngos 'di shes nas ni/ /mchod pa 'ba' zhig dbul bar bya/ /'di la mchod pa bya ba nyid/ /khro bo'i rgyal po rtag pa ru/ /mnyes byas yin par gang shes pa/ /sngags pas dngos grub thob par 'gyur/ /rtag tu
 sngags pas sems pa dang / /rtag tu sngags kyi bdag nyid 'gyur/ /rtag tu yid la zhen pa dang / /rtag tu mchod la brtson pa dang / /rtag tu khro bor 'du shes pa/ /las rnams thams cad grub pa'i phyir/ /cho ga mdor bsdus 'di bshad pa'o/ /khro bo rnam par
 rgyal ba 'jam dpal gyi rtsa ba'i rtog pa las gsang ba'i rtog par gtogs pa ste dang po'o/ / //ma mai mA mi mu mU mu/ mU mI ma mai ma'i yi ge /zung dang ya bral bye brag gis/ /thog ma tha ma zung gcig tu/ /'khor lo 'di ni ci rigs par/ /sbyar bar bya ba
 'di bshad do/ /sa bon zhes bya dkyil 'khor bzhag /khro bo dag ni so so ru/ /dbang dang 'khon dang gsad pa dang / /de bzhin bskrad dang zhi ba dang / /yang na rgyas par bya ba'i phyir/ /zung dang bsnol bas myur du 'grub/ /khro bo zhes bya'i dkyil 'khor ni/ /
 dkyil du bzhag ste so so ru/ /zung shig tshig gnyis tha mar bzhag /che ge mo zhig dbang du byos/ /mtshon cha med pa'i sa bon bzhag /swA hA 'i tshig ni bar bar gzhug /bsgrub par bya yi gzugs byas nas/ /de la rkang pas brdzi ba ni/ /sngags pas
 'greng ste 'dug pa ni/ /rkang skyo ba yi bar du bya/ /rgyal po dbang du ma gyur pa/ /de yi dbang du myur du 'gyur/ /gcig po de la spos nas su/ /myur du bzhin bzhag pa'o/ /sa bon gnyis pa'i gnas la ni/ /gnas nas gdong yang bsgyur nas su/ /
 zung gcig tshig gnyis mtha' mar bzhag /che ge mo yi mdza' bo de/ /sdang bar gyur zhes mtha' mar bya/ /bsgrag par bya ba cung zad med/ /bsgrub par bya ba gnyis ka yi/ /gzugs ni 'jigs pa'i las byed de/ /gcig tu dpa' bar mnyam ldan par/ /gnyis pa la
 yang rkang pas mnan/ /sngags mkhan de la gnas pa yi/ /mel tshe thun ni phyed tsam gyis/ /de nas sgrub pa 'dod pa bzhin/ /de gnyis phan tshun dgrar gyur pa/ /khro bo rim bzhin bsgoms pas ni/ /lan cig byas pa tsam gyis 'gyur/ /sa bon
 gnyis pa de las kyang / /drag po rtsal gyis spos nas de/ /khro bo chen po mig rtsa dmar/ /gnas ni gsum pa la gnas te/ /g.yon pa'i gnon pas mnan pas ni/ /drag po shugs can ma lus mnan/ /kha dang brla dang rgyab kyang bsgyur/ /dril bu dkrol
 ba'i sgra myur 'gyur/ /phyis kyang rim gyis 'di la gnas/ /logs shig khro bo'i 'khor lo'i bkas/ /rkang pa'i tsham ngam de bzhin byas/ /gdong yang dal bus bsgyur nas su/ /dang po'i sa bon gang yin pa'i/ /dbang du byed la rgyas par 'gyur/ /de
 yi mtha' yang lhan cig tu/ /me dang 'dra ba 'bar ba ste/ /kun gyi las ni grub 'dod na/ /shin tu legs par sbyar bar bya/ /de yi zung mas bskul ba yang / /so so'am gcig tu'ang rung bar bshad/ /khro bo yi ni 'khor lo'i mthu/ /brgyad pa dag las myur
 bar gnas/ /rim pa snga ma'i tshul gyis ni/ /'khon pa'i sa bon dag gis bskul/ /sa bon zung mas bskul ba yang / /brgyad pa 'byed par bsgrub pa la/ /mdza' ba myur du bzlog pa'i phyir/ /cho ga bzhin du rim par sbyar/ /rim pa snga ma'i tshul bzhin du/ /
 myur du gsad par 'dod pa yis/ /khro bo yi ni 'khor lo gnas/ /dgu pa A bi tsa ra yi/ /cho ga 'di yis dgra bo dag /myos par byas nas 'jigs par 'gyur/ /lha rnams kyis ni sbas pa yang / /gshed po'i drung du khrid par 'gyur/ /rim pa snga ma'i
 tshul gyis su/ /khro bo yi ni 'khor lo'i gnas/ /bcu pa dag la rim gyis gnas/ /drag shul can gyis drag tu gnon/ /de yi sa bon gyis kyang phye/ /sngon gyi sa bon rab 'bar ba/ /snga ma bzhin du rim gyis bzlas/ /sngar bshad pa yi las bsgrub po/ /
 'khor lo rim pa bcu gcig po/ /gang yin pa ni de bzung nas/ /de nas zhi bar byed pa yi/ /sa bon de yis bskul bar bya/ /snga ma'i bzhin du bskul ba dang / /snga ma'i las ni byed par 'gyur/ /zhi ba dag la gang gsungs pa/ /rgyas pa dag la sbyar bar bya/ /'khor
 lo'i gnas kyi mchog rim par/ /bcu gnyis pa la gnas nas su/ /de yi sa bon bskul bar byas/ /bdag gi mthul rtsal gnod brtags pas/ /sa bon zung ma sbyor ba yis/ /sa bon mthu ni 'bar ba can/ /'khor lo bkod pas las rnams ni/ /sngon gsungs
 pa dag grub par bya/ /de ltar khro bo'i 'khor lo ni/ /cho gar bcas pa rgyas pa dag /gsang ba bskul mar bcas pa yi/ /sbyor ba ma lus bshad pa yin/ /sa bon zung mas bskul ba gang / /gnyis pa rab tu grags pa yin/ /de 'dir sa bon gnyis pa yin/ /
 myur du grub par 'gyur bar bshad/ /tha ma'i sa bon thams cad la/ /phul ba'i tshig gnyis rtag tu sbyar/ /zung ma'i zung ma'i tshig 'di la/ /ya mtha' dag dang ma mtha' ru'o/ /'khor lo bkod pa bstan pa 'di/ /ji ltar rim par shes na ni/ /sbyin sreg bzlas
 brjod ma byas kyang / /khro bo'i rgyal po'i dngos grub 'thob/ /khro bo'i 'khor lo gsang ba ni/ /'di mi shes par gang sbyor ba/ /de 'di dngos grub mi 'thob kyis/ /myur du smyo ba thob par 'gyur/ /ma mai ma mI mu mU yi/ /yi ge drug po rnams kyis ni/ /dbang
 dang 'khon dang gsad pa dang / /bskrad dang zhi dang rgyas pa'i mthar/ /mkhas pa dag gis bsgrub par bya/ /de dag nyid la bzlas pa yis/ /de bzhin du ni bskul bar bya/ /ji skad gsungs pa 'di rnams ni/ /ma grub na ste gzhan du med/ /mu mU mi ma mai
 mI ni/ /ma ni rgyas mthar de bzhin du/ /'khor lo'i rtsibs kyi gnas rnams ni/ /de dang de dag gnyis su sbyar/ /de bzhin 'khor lo'i nang du yang / /khro bo sku mchog sa bon yang / /gzhag nas tshig gi mtha' mar yang / /khro bo'i dril bu dkrol
 ba dgod/ /'khor lo'i mu ran nang dag tu/ /zung shig pa yi tshig gnyis brjod/ /mkhas pas 'khor lo'i mig gi nang / /sa bon bkod pa rnams la gnas/ /khro bo'i 'khor lo bsgrags pa ni/ /shes na ji skad bshad pa yi/ /dngos grub rnams ni thob
 par 'gyur/ /dngos grub tshul bzhin thob 'gyur ba/ /de yi sbyor ba bshad par bya/ /thog mar phyag rgya bcings nas su/ /sku nas sku ni skur bsgyur te/ /las rnams tshul bzhin mthong ba yis/ /sbyor ba dag ni legs par bya/ /gdong dang kha mig rkang pa
 mnyam/ /rab tu dang zhing zhi ba'i sems/ /snying yang da bzhin rab tu dga'/ /dbang du bya ba'i sngags gsungs pa/ /shin tu mnyam par bzhag pas bsgrub/ /rkang pa ya gcig thung ngu bzhag /gdong dang nu mjing gcus te gnon/ /kha dang mig ni
 ya gcig 'dzums/ /tsham ngam gnon pa chen po byas/ /be con la ni mig gis blta/ /bsgrub par bya ba sgrub la 'bad/ /gang dag dbye bar 'dod pa yis/ /de dag dbye ba brtsam par bya/ /rkang pa gnyis pa bteg pa yis/ /tsham ngam bya ba slar la gzhag /
 bzhin bsnyer phyag rgya bcings nas su/ /khro bar blta zhing yid kyang khros/ /rab tu dpa' ba sran dang bcas/ /rtsal gyis gnon par rab tu 'dud/ /sngags pa sngon bzhin sngags tshul gnas/ /gang 'dod pa ni gzhom par bya/ /de la rkang pa ya gcig kyang / /
 drag shul can du brkyang ste gzhag /bzur te 'dug pa'i tshul tu gnas/ /gdong yang yon por bsnyer bar bya/ /mdzub mo bsgreng ste gdengs pa dang / /be con phyag rgya dag gis bsdigs/ /dgra dag bskrad par 'dod na ni/ /myur du bskrad par bya bar
 'gyur/ /de nas rkang pa mnyam par gzhag /lag pa g.yas pa mtho bar bya/ /dpa' dang ldan pas g.yon pa smad/ /zhi bar 'dod na zhi bar 'gyur/ /phyed ni dma' bar bkug ste gnas/ /rkang pa g.yas pas tsham ngam byed/ /sngags tshul gnas
 pas bsgrims na ni/ /rgyas par 'dod nas thob par 'gyur/ /slar yang de bzhin shes bya ba/ /bzlog ste bya ba gzhan du med/ /grub pa bdag nyid chen po yi/ /tsham ngam rim pa drug gsungs pa/ /dang po'i ming ni logs par phyogs/ /de yi 'og
 ma rgyab kyi phyogs/ /de bzhin tsham ngam gsum po ni/ /khro bo che zhes bsgrags pa yin/ /bzhi pa mdzub mo bsgreng ba yis/ /lnga pa la ni stobs zhes bya/ /drug pa stobs po che zhes bya/ /'di rnams tsham ngam drug tu bsgrags/ /tsham ngam gdangs pa byas pa
 yis/ /dgra yi 'khor rnams g.yen spyo ba/ /'khor lo'i mchog la goms byed pas/ /grags pa chen po thob par 'gyur/ /khro bo chen pos gsungs pa yi/ /rab gsungs pa yi rgyud 'di dkon/ /khro bo rnam par rgyal ba 'di/ /de bas yang ni shin tu
 dkon/ /gsang ba'i rtog pa bzang po 'di/ /kun tu dngos grub kun sbyin par/ /gsang ba'i rtog pa de bas kyang / /'khor lo 'di ni shin tu dkon/ /hom dang bzlas pa yongs mi dgos/ /sngon du bsnyen pa bya mi dgos/ /khro bo'i rgyal po'i brtul zhugs dang / /
 dka' thub drag po'ang bya mi dgos/ /bsam gtan sbyor ba'ang mi dgos te/ /gang la 'khor lo 'ba' zhig yod/ /gang gsungs pa yi dngos grub nas/ /de ma thag tu dngos grub thob/ /de bas 'di ni gsang byas nas/ /thams cad bsgrub pa'i sgrub pa po/ /bdag
 gis don mchog gang 'dod pa/ /shin tu legs par bsgrub par bya/ /khro bo rnam par rgyal ba 'jam dpal gyi rtsa ba'i rtog pa las gsang ba'i rtog par gtogs pa ste gnyis pa'o// //khro bo'i rgyal po'i dngos grub ni/ /sna tshogs thogs med tha dad pa/ /
 sngags pa 'dod na cho ga mchog /dang por byed na dngos grub 'thob/ /rab tu gsang ba'i sngags 'di ni/ /re zhig 'di yi mtshan nyid ni/ /gzhan dag 'dir ni bshad par bya/ /de yi las ni gang gsungs pa/ /gang dag phyis kyang grub 'gyur ba/ /
 dpa' bo gcig pu 'ba' zhig gi/ /thams cad nyid de gang gsungs pa/ /thams cad de ni bshad par bya'o/ /sngags de las rnams kun byas pa/ /rgyud la dngos grub gang gsungs pa/ /dpa' bo gcig pu'i mthus kyang 'grub/ /oM ni de yi thog ma ste/ /bde bar
 gshegs pa'i dam tshig yin/ /thog ma dang ni gnyis pa yang / /drag po'i rtseg gis phul ba'i lugs/ /klad kyi 'khor gyis mnan pa'i rigs/ /sngags kyi yi ge phreng bkod la/ /sngags rnams thams cad gsal byed pa/ /khro bo'i rgyal po'i snying po ni/ /gsum po de
 nas sbyar bar bya/ /de nas khro bo'i rgyal po yi/ /sku ni de yi 'og tu bstan/ /sngags pas sngags rnams kun gyis mtshan/ /de dag rtag tu rig par bya/ /thogs pa med pa'i sngags rnams ni/ /bdag nyid chen po'i thams cad kyis/ /bsrung la sogs pa'i
 las rnams kun/ /bshad pa bzhin du bya/ /thams cad bdag nyid chen po 'dis/ /srung ba dag gi byas nas su/ /sngon gyi tshul bzhin rab dben pa/ /sku gzugs don mchog gzhan nas ni/ /cho ga ji skad sngar gsungs pa/ /cho ga bzhin du mchod pa bya/ /
 nyin re me tog phreng ba la/ /lan bdun bzlas pa rnams kyis mchod/ /mchod nas ka ra bI ra yi/ /me tog dmar po kha 'bus pa'i/ /brgya ni rtsa brgyad grangs rnams kyis/ /bu don la ni phog par dbul/ /cho ga 'di ni dus gsum du/ /zla ba gcig tu byas na ni/ /khro
 bo mngon sum nye gyur nas/ /rmi lam du ni dngos grub ster/ /cho ga 'di ltar sngar byas na/ /gang 'dod pa yi dgos pa dag /de tshe gdon mi za bar 'grub/ /de yi cho ga mchog bshad pa/ /de ltar zla gcig bsnyen byas na/ /mi yi las rnams gang bya ba/ /de yi cho ga
 mdor bsdus nas/ /da ni legs par bshad par bya/ /de nas dang 'gro dang sbyar ba'i/ /dug ni rnam pa gsum dag dang / /gdon dang 'byung po'i gdon rnams dang / /lto 'phye srin por bcas pa 'jig /bdag gis byas pa'i phyag rgya'i sngags/ /sbyor ba lan cig
 bdag gis bsrung / /yid la bsams pa tsam gyis kyang / /gzhan dag gis kyang mchod par byed/ /bzhi pa'i rims la sogs de yang / /thos pas myur du med par byed/ /ma dang byis pa'i gdon rnams la/ /thal ba'am yang na sas kyang rung / /bdag nyid dag par
 bsams nas ni/ /bdag dgar phab nas dgos pa'i don/ /gang dang gang dag 'dod par ni/ /bsgoms pas de dang de dag byed/ /yid la bsams pas de dag thar/ /rdo la lan gsum bzlas pa yi/ /chu srin kum bi ra la sogs/ /mche ba can dag phyogs med par/ /chu bsal
 ba yi mchog tu 'byung / /'gro tshe yid la bzlas na ni/ /lam na rkun po 'jigs pa med/ /seng ge stag dang dgra rnams dang / /nad kyi 'jigs pa med par 'gyur/ /rgyal po'i drung du 'gro na yang / /sngags kyis spyi gtsug bcings nas ni/ /rgyal po khros pa myur rab tu/ /brkyang
 nas thal mos sbyor bar byed/ /shags 'gyed pa dang rgyan po dang / /mtshon dang me yis 'jigs pa la/ /yid la dran zhing bzlas byas na/ /mi bde kun las thar bar 'gyur/ /'tshe ba thams cad zhi ba'i phyir/ /mi bde nyam thag gyur pa la/ /sngags 'di myur dran brjod byas
 na/ /sprin dag mnan par bya ba dang / /'dod bzhin myur du slar yang bzlog /gnam lcags ser ba 'bab pa yang / /dbyug pa'i phyag rgyas zhi bar byed/ /phyag rgya bcings pa de nyid kyi/ /yid kyis sprin rnams dbab par bya/ /de ltar phyag rgyas bsdigs nas ni/ /smin mtshams
 dag kyang bsgyur bar bya/ /rnam pa de dag nyid kyis ni/ /gnam lcags ser ba gcad par bya/ /sbyor ba mkhas pas ci 'dod pa/ /char pa dag kyang gcad par bya/ /gos ni sngon po bgos na ni/ /kho ra khor yug bsrung byas nas/ /mid pa nub par chur zhugs te/ /nyin
 gsum legs par bzlas byas na/ /brgya byin gyis ni sprin bsdus nas/ /'dod pa bzhin du char pa 'bebs/ /de nas sprin chen las byung ba/ /char pas sa steng khyab par 'gyur/ /nyi ma la ni mngon phyogs nas/ /nyin re rtag tu bzlas byas na/ /
 bdag dang de bzhin gzhan rnams kyi/ /nad rnams de nas med par 'gyur/ /rgyal po dbang du bya yang rung / /yungs kar dkar po bzang po las/ /gzugs brnyan legs par byas nas su/ /de yi gzugs kyi steng 'dug la/ /gang gi ming smos nyin bdun du/ /
 bzlas brjod legs par byas na ni/ /de ni myur du cho ga 'dis/ /bran bzhin du ni dbang du 'gyur/ /zhag gcig smyung ba byas pa yis/ /dmangs rigs dag ni dbang du 'gyur/ /zhag gnyis smyung ba de bzhin du/ /bzlas na rje'u rigs 'dod pa bzhin/ /zhag gsum
 byas pas rgyal rigs te/ /zhag bzhi dag gis bram ze dag /bzlas pa'i cho ga bzhin byas na/ /'dod pa bzhin du dbang du 'gyur/ /'bru dang phub ma thams cad las/ /bu dang bu mo gang yang rung / /de bzhin gzugs brnyan byas na ni/ /dmangs rigs la
 ni mtshan gcig gis/ /rab tu sngang ba bya bar 'gyur/ /rje'u rigs la ni zhag gnyis kyis/ /de steng tsog pur 'dug nas ni/ /de bzhin mdza' dang bral bar byed/ /nyin zhag gsum dang bzhi dag gis/ /rgyal rigs dang ni bram ze'o/ /ji ltar ji skad gsungs pa
 yi/ /las kyis bya yi gzhan gyis min/ /gang yang rung ba'i gzugs brnyan ni/ /dur khrod sol bas legs pa ru/ /snga ma bzhin du legs par bri/ /de nas seng ldeng phur bu la/ /sngags kyis stong du bzlas byas na/ /de yi 'og tu lus la gdab/ /dgra bo de yi ming smos
 nas/ /de la khros par byas nas su/ /de nas de yi snying gar 'dug /phur bu btab ste bzlas bya ba/ /de nyid lag pas bzung nas su/ /dus gsum nyi ma gsum byas na/ /dgra bo gang du btab pa der/ /gzer thabs drag pos btab nas su/ /'gul mi phod par
 sa la ltung / /zhag bdun lon nas 'chi bar 'gyur/ /ma mo'i gnas su song nas su/ /lag pas be con phyag rgya bcing / /lag pa g.yon pa'i mdzub mo yis/ /bsdigs shing nyi ma nub nas su/ /khros shing dgra yi ming smos bzlas/ /de nas dgra bo mo gdon gyis/ /zin nas
 spyod pa sna tshogs pas/ /'chi bar gyur ba dag ni byed/ /de nas sgrub pos zhi ba yi/ /cho gas de las zhi bar bya/ /ma mo rnams kyi mdun 'dug nas/ /zhi ba'i cho ga mkhas pa yis/ /dbang po bsdams shing yid bde bas/ /nyin zhag gsum du bzlas byas nas/ /de nas
 de la las de yi/ /zhi bar 'gyur ba gdon mi za/ /nyi ma la ni mngon phyogs nas/ /lag pas dgra bo'i mgo byug cing / /dgra yi ming smos mnan nas su/ /nyi ma nub tu bzlas byas na/ /de yi klad pa na 'gyur ba/ /tshabs chen shi la thug par 'gyur/ /de nas thal mo sbyar
 nas su/ /nyin par zlos shing zhi bar bya/ /sa steng rkang pa gcig gis 'dug /nyin par lag pa gyen du brkyang / /mi dga' khros shing bzlas byas pa/ /dgra yi ming smos ci 'dod par/ /nyi ma nub kar de nas dgra /mi dga' ba dang myos 'gyur te/ /gnyen dang mdza' bo
 rnams bor te/ /de nas gzhan gyi gnas su 'gro/ /de la 'dir ni zhi ba'am/ /'on te rgyas par bya 'dod na/ /gtsang sbra byas te gos dkar bgos/ /bde zhing brtan par ma g.yos par/ /mchod pa bzang po byas nas su/ /de bzhin gshegs la phyag 'tshal nas/ /'o ma
 btung zhing bzlas byas pa/ /zhi bar 'gyur gyis bar du'o/ /de ltar 'di ni sna tshogs pa/ /sbyor bcas rgyas par bshad pa yin/ /rtog pa'i cho ga bzhin du ni/ /ma gsungs pa yang legs par bsgrub/ /khro bo rnam par rgyal ba 'jam dpal gyi rtsa ba'i rtog pa gsang ba'i rtog
 par gtogs pa ste gsum pa'o/ / //de nas gzhan yang bzang po 'di/ /he la'i dkyil 'khor rgyas pa ni/ /de las bzang po gzhan med pa/ /ji ltar rigs pa bshad par bya/ /dang por he zhes gang gsungs pa/ /bskul ba'i sa bon thams cad pa'o/ /de ni len dang
 'dzin pa ste/ /las la myur du bskul ba'o/ /de bas thog mar bskul ba dang / /don bzhin du ni bzung ba la/ /khro bo yi ni rgyal po yi/ /he la'i 'khor lo rim bzhin bstan/ /he he ha ha hi hi hi/ /hi ha ha he he gnyis sbyar ba/ /khro chen tshig gis
 thog mar sbyar/ /zung shig pa yi tshig gnyis pa'o/ /zung drug 'khor lo'i tha mar dgod/ /mu ran rtsibs kyi mig rnams su/ /sngags las 'byung ba'i re re'o/ /don rnams thams cad bsgrub par 'gyur/ /bcu gnyis dag tu gsungs pa'i sngags/ /gnas su ji
 ltar bkod pa dang / /ji ltar smos shing gang gnas pa/ /so so'i las la sbyar bar bya/ /de nas 'di dag bkod pa de/ /sngags rnams bsdu ba tshul bzhin bshad/ /de'i nang mu ran gsum po dang / /dbus kyi mu ran bzang por ldan/ /mtha' yi mu ran drug po dang / /
 rtsibs kyi zur drug rab bzang ba/ /rab dben 'du 'dzi med pa'i sar/ /cho ga bzhin du legs bris nas/ /de yi gnas su sbyar ba dang / /de yi bzhin du sbyar/ /de yi tsham ngam gsal ba yi/ /sngags rnams 'di ni bsdu bar bya/ /dbus su de bzhin
 gshegs pa yi/ /snying po mtshan ni brjod pa'i mchog /bzhag nas de yi gnas dag la/ /sngags ni grub par byed pa gzhag /mu ran gnyis la gnas nas su/ /khro bo'i snying po gzhag par bya/ /de ni khro bo'i zhabs kyis mnan/ /dril bu dkrol ba'i sgra yang
 bsgrags/ /khro bo zhabs kyis bcags byas pa/ /rtsibs rnams khro bo mthu dang ldan/ /dbus su snying po dag par ldan/ /rab tu 'bar zhing nges byas pa/ /mu ran gsum gyi bar du ste/ /thams cad don rnams kun grub pa'o/ /he he ha ha hi hi hi hi ha ha he he/ gnyis
 su sbyar/ /khro bo chen po'i tshig dbus nas/ /sa bon bzung ba'i phyi rol gzhag /thog mar bskul ba'i tshig rnams dgod/ /khro bo du mas bskul ba ste/ /thams cad kun du don rnams kun/ /grub pa'i phyir ni de la gnas/ /de ltar 'khor lo byas pa yi/ /phyi nas
 bdud rtsi 'khyil ba bzhag / bskul ba'i tshig rnams bkod pa'i mthar/ /khro bo gzhan rnams bkod par bya/ /de nas gzhan yang rim bzhin du/ /khro bo chen po dgod pa'i phyir/ /skul bar byed pa bcu gnyis po/ /'di dag tshul bzhin bshad par bya/ /dang por khro bo rgyal
 pos gsungs/ /'bar ba'i phreng ba che zhes bya/ /rdo rje me yi rgyal por bzhag /rab tu drag po'i shugs gzhag go/ /rab tu drag shul stobs po che/ /rgya chen khro bo lnga pa yin/ /drug pa gzhan gyis mi thub pa/ /'jigs par byed pa zhes bya ba/ /khro bo bdun
 par byed pa yin/ /zur du khro bo brgyad po grags/ /phongs pa sgrol ba de bzhin dgu/ /rab tu 'joms pa bcu pa yin/ /de bzhin kI li kI li bzhag /kI li kI li chen po dang / /bcu gnyis su ni gsungs pa yin/ /khro bo rab tu snang byed pa/ /bcu gnyis
 bgrangs pa 'di dag ni/ /khro bo'i rgyal pos kun tu mnan/ /thams cad rim pa bzhin du gsungs/ /'khor lo'i phyi rol gnas pa 'khod/ /'bar zhing drag po'i mthu dang ldan/ /thams cad bstan nas 'khod pa ni/ /khro bo chen po snang byed pa/ /mthu rtsal chen
 po stobs su ldan/ /kun kyang bdud rtsi 'khyil pa'o/ /sa bon snga ma mtha' yas rnams/ /gug skyed drug dang ldan par bya/ /steng du klad kyi 'khor gyis mtshan/ /sa bon bdud rtsi 'khyil ba'o/ /dang po dkyil 'khor na gnas gcig /tsheg dang bcas pas don
 kun 'grub/ /rab tu 'bar ba'i sngags kyi mthar/ /'bar ba'i phreng ba can gyis bsgrags/ /sa bon gnyis pa gang yin pa/ /tsheg dang bcas par de bzhin gnas/ /rdo rje me rgyal zhes byas pa/ /khro bo don kun 'grub byed pa'o/ /dang po'i sa bon gsungs
 ba yang / /snga ma bzhin du tsheg dang bcas/ /rab tu shugs drag cher grags pa/ /khro bo'i rgyal po khro bor snang / /snang byed khro bo'i rim pa las/ /tsheg drag de bzhin khro bo che/ /de ni stobs po che zhes gsungs/ /gnyis par 'khor lo tsheg mtha' can/ /gang
 gsungs khro bo rgya chen ni/ /de ni snying por grags pa yang / /mi thub gtso bo'i tsheg dang bcas/ /de yi gsum po tsheg bcas pa/ /de yang de bzhin bsgrags pa yin/ /'jigs pa zhes bya rab tu che/ /khro 'di khro bo snang byed pa/ /rgya chen gyi ni rim bzhin du/ /
 bzhi pa yongs su bsgrags pa yin/ /tsheg bcas rab tu drag po nyid/ /su ru khro bo de bzhin gzhag /de yi sa bon lnga pa yin/ /'bar ba'i phreng chen zhes bya ba/ /tsheg dang bcas pa de bzhin du/ /khro bo phongs pa grol zhes bya'o/ /lnga po rgya chen nyid yin te/ /tsheg
 dang bcas par bsgrags pa'o/ /rab tu 'joms pa zhes bsgrags pa/ /khro bo'i khro bo snang byed pa'o/ /sa bon snga ma mtha' med las/ /snga ma tsheg bcas de bzhin gzhag /kI li kI li bya ba yi/ /dngos grub thams cad rab tu ster/ /de bzhin de yi sa bon nyid/ /tsheg
 bcas de bzhin 'dir bshad do/ /kI li kI li chen po de/ /khro bo'i khro bo snang byed pa'o/ /khra bo'i rgyal po de dag ni/ /sa bon 'di dag rnams kyis bsgrags/ /khro bo'i rgyal po sbyor ba yi/ /rab tu snang bar byed ces bsgrags/ /khro bo'i rgyal po'i 'khor los gnas/ /
 gshin rje'i gshed po yin par gsungs/ /dang por de ni 'khor lo bstan/ /khro bo bdud rtsi 'khyil pa dang / /khro bo'i rgyal po de las gzhan/ /khro bo'i bdag po snang byed pa'o/ /de ltar khro bo gsum po de/ /gang dang gang du rab sbyar ba/ /de dang de ru sngags rnams
 ni/ /skul bar byed pas de bzhin bskul/ /cho ga shes pas nan tan du/ /gang dang gang 'dod bsgrub par bya/ /khro bo sgom dang ldan pa yis/ /he la'i 'khor lo yongs bsgoms nas/ /dka' zhing bsgrub tu'ang mi rung ba/ /brtul zhugs hom dang bcas la sogs/ /
 de yis dgod pa ma byas kyang / /sngags dgod shes na bsgrub pa'o/ /he la'i 'khor lo tshul shes pa/ /de yis dka' ba ma byas kyang / /gdon mi za bar myur du 'grub/ /brtul zhugs hom dang bsam gtan dang / /ji ltar gsungs pa'i dka' thub dang / /mngon
 par brtson zhing dad pa'i bdag / lan grangs bcu gnyis gang bsnyen pa/ /rtog las gsungs pa'i las rnams byed/ /rab tu ya mtshan ston pa'o/ /he la'i 'khor lo tshul shes pas/ /ring por mi thogs bde ba ni/ /khro bor bsgom pa dang ldan zhing / /he la'i 'khor
 lo gnas 'dug na/ /khams gsum dag kyang lan cig gis/ /thogs med myur du g.yos par byed/ /de bas rab tu bsgrims nas su/ /khro bo bsgom pa goms byas te/ /he la'i 'khor lo las 'byung sngags/ /sbyor ba dag gis goms par bya/ /khro bo rnam
 par rgyal ba yi/ /rtog pa dang por gang bsgrags pa/ /de yi rtog pa gsang bshad pa/ /cho ga 'di ni gsang ba'i mchog /khro bo'i 'khor lo bsgrags pa 'di/ /cho ga de bas shin du gsang / /khro bo'i 'khor lo gsang bshad pa/ /rab tu snang byed de bas kyang / /
 he la'i 'khor lo bsgrags pa 'di/ /rab tu gsang ba'i mchog yin te/ /rtog pa 'di dag thams cad kyis/ /rab tu gsang ba bshad pa yin/ /rtog pa rab tu gsang ba ni/ /'di dag rnam pa kun la yang / /he la'i 'khor lo 'dra ba yi/ /'khor lo ma byung phyis mi 'byung / /gang
 zhig 'di yi don thos nas/ /khro bo'i grub pa sgom byed na/ /de yis 'bad pa ma byas kyang / /'jig rten na ni bsgrub dka' med/ /he la'i 'khor lo'i gnas la ni/ /ji ltar 'dod par gnas nas su/ /khro bo bsgom dang rab ldan pas/ /khro bo'i gzugs su gnas nas ni/ /rtse
 gcig tu yang tshig gi mchog / bsgrub pa mchog ni sbyin par byed/ /thogs pa med par 'jam dpal mthong / /ji ltar rig pa'i don bzhin du'o/ /khro bo rnam par rgyal ba 'jam dpal gyi rtsa ba'i rtog pa las gsang ba'i rtog par gtogs pa ste bzhi pa'o// //khro bo chen
 po'i tshig gi mthar/ /bskul cig ces pa'i tshig gnyis gzhag /bskul cig ces pa'i tshig gnyis mthar/ /khro bo bdud rtsi 'khyil pa'o/ /khro bo chen po phreng ba dang / /bdud rtsi 'khyil ba 'di yi mthar/ /kun tu dang po g.yo ba dang / /sngags shes tsham ngam
 mdzes pa yis/ /he la'i 'khor lo la gnas te/ /dang po gnas su 'dug nas su/ /be con phyag rgya lan cig bcing / /de nas khro bo'i sngags bzlas pa/ /sngags pa 'greng ste 'dug pa ni/ /rkang pa gnyis ni bsgyur ba dang / /khro bo bsgom pa 'di la ni/ /
 sems ni rab tu zhen byas nas/ /sa 'di rab tu g.yos pa'am/ /ri dag g.yo ba'i bar du'o/ /de nas 'khor lo bsgrub pa yis/ /gnyis pa'i gnas la song nas su/ /khro bo chen po'i tshig mthar gnas/ /skoms shig ces par dbang bskur ro/ /de'i tshig thog
 mar bkod nas ni/ /de yi tha mar bdud rtsi 'khyil/ /de bzhin bdud rtsi 'khyil pa'i mthar/ /rdo rje me yi rgyal po'i sngags/ /rab tu g.yo ba mdzes pa dang / /tsham ngam gsal ba dag la gnas/ /be con phyag rgya bcings nas ni/ /khro bo bsgoms pas sngags bzlas so/ /
 rab tu sbyor ba'i thabs 'di ni/ /mtsho dang rdzing chen klung chen rnams/ /khros pas myur du skems par byed/ /'bab chu dag kyang gyen du 'bebs/ /khro bo mthu chen gnon ldan gyi/ /sngags kyi yi ge dgod par bya/ /rtsibs rnams rim pas kun mnan pa/ /gnyis
 po de las 'phos nas ni/ /de nas gsum pa'i gnas la 'dug /mthu rtsal ldan pas rim par gnon/ /khro bo chen po'i tshig gi mthar/ /bskrad par byos zhes tshig gnyis bskul/ /de ni snga ma bzhin bkod nas/ /de yi tha mar bdud rtsi 'khyil/ /khro bo bdud rtsi
 'khyil ba'i mthar/ /rab tu drag pa'i shugs bzhag go/ /rnam par skrag byed gsal ba yi/ /khro bo tsham ngam bsnyen par gnas/ /glang po myos ba'i shugs can dag /mngon du 'ong bar gyur na yang / /de ma thag tu skrag par byed/ /myos pa'i shugs kyang rab tu
 dor/ /slad du log par phan tshun du/ /bskor zhing mi dga' bzhin du 'gro/ /glang po'i rgyal po de myos shing / /bde ba ma thob babs par 'gyur/ /sgrub pa khro bo bsgom pa yi/ /cho ga'i tshul ni de bzhin no/ /he la'i 'khor lo zhes bya ba'i/ /bzhi pa'i gnas la 'dug
 nas kyang / /khro bo chen po'i chog gi mthar/ /non cig ces pa'i tshig gnyis bskul/ /de nas cho ga sngar bshad pas/ /bdud rtsi 'khyil pa gzhag par bya/ /bdud rtsi 'khyil pa de yi mthar/ /khro bo chen po stobs chen bzhag /kun tu sdom pa mdzes pa yi/ /tsham
 ngam gyis ni mi g.yor gnon/ /dpung ngam yang na glang po 'am/ /gru 'am yang na shing rta 'am/ /rta dang rnga mo lug la sogs/ /khro bo bsgoms pa'i tshul bzhin byas/ /sbyor ba de la gnas nas ni/ /rab tu mnan pa byas par 'gyur/ /de nas he la zhes bya ba'i/ /'khor
 lo lnga pa la gnas nas/ /khro bo chen po'i tshig gi mthar/ /dkrugs shig dkrugs shig tshig gnyis bzhag /khro bo bdud rtsi 'khyil pa yang / /mtha' yi tshig gi gnas su bzhag /khro bo rgya chen zhes bya ba/ /rab tu 'bar bar gyur par bya/ /khro bo bdud rtsi 'khyil pa yang / /
 rab tu 'khrugs pa zhes bya ba'i/ /tsham ngam mchog gis myur du ni/ /dgra yi dpung rnams phan tshun du/ /rab tu rnam par dkrugs par bya/ /de nas he la'i 'khor lo yi/ /rim pa drug la gnas nas ni/ /khro bo chen po'i tshig gi mthar/ /rmongs par gyur ces tshig
 gnyis bskul/ /khro bo bdud rtsi 'khyil pa yang / /tshig gi tha mar kun du gzhag /khro bo bzhan gyis mi thub pa/ /cho ga snga ma bzhin du bskul/ /rmongs par byed pa'i tsham ngam gyis/ /cho ga bzhin du rab bskul nas/ /ri mo dag la gnas pa bzhin/ /'gro ba
 myur du rmongs par 'gyur/ /de nas he la'i 'khor lo 'dir/ /rim bdun pa la gnas nas su/ /khro bo chen po'i tshig gi mthar/ /sgrogs shig sgrogs shig tshig gnyis bzhag /khro bo 'dzin par byed pa yis/ /bdud rtsi 'khyil pa bskul bar byed/ /'jigs par gyur pa'i
 sgra sgrogs pa/ /khro bo'i tsham ngam myur bar ni/ /dus min par yang sprin gyis khebs/ /de nas 'dod bzhin char pa 'bebs/ /de nas he la'i 'khor lo yi/ /rtsibs kyi rim pa brgyad pa la/ /gnas nas 'dir ni snga ma bzhin/ /khro bo chen po'i tshig gi mthar/ /he he sa bon gnyis bzhag nas/ /de yi 'og tu
 bdud rtsi 'khyil/ /khro bo zur du de bzhin du/ /bdud rtsi 'khyil pa'i mtha' mar bzhag /khro bo tsham ngam kha gdangs pa/ /mchog ces bya ba myur bar ni/ /rkang pa ya gcig gdangs pa'i stabs/ /sad dang ser ba rlung la sogs/ /dus sam yang na dus min par/ /sgrub
 po khro bo bsgoms pa yis/ /khro bo'i sngags kyis tshul bzhin du/ /sa yi steng du 'bebs par byed/ /he la'i 'khor la gnas brgyad po/ /bsgrub pa yi ni sar bor nas/ /khro bo'i sa bon tshig gsal ba/ /dgu pa bzang po la gnas te/ /khro bo chen po'i tshig gi mthar/ /
 slong shig pa yi tshig gnyis bskul/ /khro bo bdud rtsi 'khyil ba yi/ /tha mar phongs pa sgrol ba bzhag /khro bo bsgom pas mdzes pa yi/ /tsham ngam gsal ba byas nas ni/ /khro bo gshin rje'i gshed po bzlas/ /khro bo nyid kyi tshig gis gsal/ /hU~M zhes bya ba bzang po yis/ /
 khro bo dngos por bsgoms nas ni/ /shing gi rtse dang yal ga dgug /yang na shing chen rtsa nas 'byin/ /me tog 'bras bu glog pa'am/ /yang na 'dod bzhin g.yo bar byed/ /ljon shing chen po rnams kyang ni/ /ji ltar 'dod par mi g.yor 'gyur/ /he la zhes bya'i 'khor
 lo yi/ /rtsibs ni bcu pa la gnas nas/ /khro bo chen po'i tshig gi mthar/ /chom shig ces pa'i tshig gnyis bskul/ /khro bo chen po rab 'joms pa/ /khro bo bdud rtsi 'khyil pa'i mthar/ /snga ma bzhin du gzhag par bya/ /'jigs par byed pa'i tsham ngam byed/ /
 ri chen dag gi rtse mo dang / /sgo dang lcags sgrog rnams kyi ni/ /khro bo'i rgyal por sngon bzhin du/ /bsgoms na rab mchog grub byed pa/ /he la yi ni 'khor lo yi/ /rtsibs ni bcu gcig la gnas te/ /khro bo chen po'i tshig gi mthar/ /brnyil cig ces pa'i
 tshig gis skul/ /khro bo kI li kI la yis/ /bdud rtsi 'khyil pa bskul bya ba/ /tshig gi mtha' mar gnas pa ste/ /cho ga bzhin du bshad pa bzhin/ /kI li kI la zhes bya ba/ /tsham ngam mchog la de bzhin gnas/ /be con gyi ni phyag rgya bcing / /gshin
 rje'i gshed po bsgom pa ni/ /rin chen rtsa ba brtan pa yang / /rtse mo nas kyang bsnyil bar byed/ /yang na ri khar skye ba yi/ /brtan pa'i shing rnams 'gyel bar byed/ /de nas he la'i 'khor lo yi/ /bcu gnyis pa yi rtsibs la gnas/ /khro bo chen po'i tshig
 gi mthar/ /zhugs shig ces pa'i tshig gis skul/ /bskul nas de yi tha mar ni/ /bdud rtsi 'khyil pa gzhag par bya/ /khro chen kI li kI la ya/ /de yi tha mar gzhag par bya/ /kI li kI la chen po zhes/ /bya ba'i tsham ngam de bzhin bya/ /be con phyag
 rgya bcings nas su/ /khro bo chen po gshin rje'i gshed/ /yid la rab tu goms byas na/ /rtsig pa shing skam rdo la sogs/ /'babs na phyung ste nam mkhar gnas/ /nam mkha' la ni byung nas kyang / /'dod pa bzhin du ltung bar byed/ /'di ni rang 'byung
 ngo mtshar la/ /'di ni dus gsum sngon du byung / /spyod pa gzhan yang snga ma bzhin/ /khro bo sgom pas byed par gsungs/ /he la'i 'khor lo dgod pa ni/ /rab tu gsang ba yin par bshad/ /gsang dang bcas shing sbyor bcas pa/ /shes na dngos grub thob
 par 'gyur/ /de nas gzhan yang ci rigs pa/ /tsham ngam bcu gnyis sbyor ba dag /mdo dang rgyas pa'i tshul dag gis/ /da ni rab tu bshad par bya/ /kun tu g.yo ba dang po yin/ /de bzhin rab tu g.yo bar bshad/ /skrag par byed pa gsum pa ste/ /
 bzhi pa kun tu sdom par byed/ /rab tu 'khrug ces bya ba lnga/ /rmongs par byed pas de bzhin drug /myur ba tsham ngam de la gnas/ /kha gdangs pa ni brgyad par bshad/ /mdzes zhes bya ba dgu pa ste/ /'jigs par byed pa bcu pa yin/ /
 kI li kI la zhes bya dang / /kI li kI la chen po yi/ /khro bo tsham dam bcu gnyis so/ /'di dag rim bzhin bshad pa yin/ /thog mar bsdigs pa'i rim pa yis/ /be con phyag rgya ldan par bya/ /phyi nas rang gzugs ji bzhin du/ /sngags
 pa dag gis shes par bya/ /rang gi gzugs kyang rang gnas pa/ /bsdigs shang tsham ngam byed la sogs/ /skrag par byed pa'i kha ni zab/ /khro bo'i lta ba gdong 'gyur ba/ /rkang pa 'gyed par gzhag pa dag /tsham ngam mtshan nyid
 bshad pa yin/ /rkang pa ya gcig myur du gzhag /gdong dang nu mjing yon po byas/ /khro gnyer 'jigs par byed pa bsnyer/ /g.yon pa mdzub mo gcig gis bsdigs/ /tsham ngam byed cing be con gdengs/ /gdong dang brla dang rkang pa g.yon/ /kun
 du g.yo zhes bya ba ste/ /khro bo tsham ngam snyems dang bcas/ /kun du g.yo ba'i rim gsungs la/ /rab tu g.yo zhes bya ba ni/ /cung zad du ni dbus dman pa'o/ /rab tu g.yo ba brtag par bya/ /de bzhin dpung pa brkyang pa dang / /rkang pa g.yon
 pa gdangs pa dang / /lag gnyis drag tu rdob pa ni/ /de bzhin skrag par byed par bshad/ /be con la ni blta bar gtad/ /rkang pa g.yas pa gsal bar phyar/ /de ni kun du sdom par bshad/ /g.yon pa'i 'dzub mos sdigs par byed/ /dpung pa gdengs
 pa g.yon bzhin du/ /mig ni mdzub mo gcig la gtad/ /rkang pa g.yas pa phyar ba ni/ /kun du 'khrug pa zhes bya'o/ /rkang pa g.yon pa gdengs byas te/ /g.yon phyogs su ni phyar zhing bskor/ /dpung pa brkyang ba'i be con gdengs/ /
 bsdigs pa gcig tu rmongs par byed/ /myur du tsham ngam zhes bya ba/ /de nyid dpung brdabs bsdigs pa'o/ /de nyid las ni kha gdangs pa/ /kha gdangs pa zhes bsgrags pa yin/ /sran dang bcas la bzhi ni bskor/ /mthu rtsal che ba'i stabs
 su stsol/ /mchu yi mtha' ma so yis mnan/ /lag pa phyar te sdigs par byed/ /bsnyems dang bcas shing sgra yang 'byin/ /'jigs par byed pa'i hU~M bsgrags pa'i/ /tsham ngam legs par bshad pa ni/ /mdzes pa'i khro bos gnon
 pa'o/ /btsan thabs su ni bskor bar bya/ /rkang pa g.yas pa btsugs te mnan/ /lag pa gnyis ka drag rdob pa/ /byas nas 'jigs par bya ba ni/ /de bzhin snyems dang bcas bshad pa/ /tsham ngam bdag nyid chen po 'di/ /'jigs
 par byed pa zhes bya ste/ /rtag tu khro bo bsgom pa'o/ /rkang pa mnyam par bzhag te 'dug /g.yas pa cung zad mtho bar bya/ /dpal dang ldan pas g.yon pa smad/ /g.yon pa sor mo gcig gis bsdigs/ /dpung pa bteg ste be con 'phyar/ /
 rkang pa dag ni gdong bsgyur ba/ /rtag tu khro bo bsgom pa ni/ /kI li kI la zhes bya'o/ /kI li kI la chen po ni/ /de nyid las ni rgyab tu blta/ /khro bo mig ni ya gcig btsums/ /myur du mchod stabs byed pa'o/ /'di ni tsham ngam sbyor ba ste/ /he la'i 'khor lo rtsibs rim
 las/ /mdor na ji ltar dgod pa dag /legs par bshad pa 'di yin no/ /he la'i 'khor lo'i mthu sngags dang / /tsham ngam g.yas kyi mthu dga' yis/ /las rnams rab tu ngo mtshar ba/ /ji skad gsungs pa'i las rnams bya'o/ /bsgrub pa de dag gsang rgyud dang / /he la'i
 'khor lo 'di shes na/ /khro bo dngos dang gcig 'gyur bas/ /khro bo'i skad du spyod par 'gyur/ /rtog pa 'di ni gsang bar bcas/ /gsang ba'i snying po'i mchog tu bshad/ /khro bo'i rgyal po'i rtog 'di las/ /mchog tu gyur pa gzhan med do/ /khro bo rnam par rgyal ba las/ /
 rtog pa phyi ma'i phyi ma 'di/ /rab tu gsang ba zhes bya ba/ /thos nas gsang ba'i don bsgoms pas/ /lha de thams cad yi rangs nas/ /khro bo mchog la phyag 'tshal te/ /rab tu dga' ba'i mchog tu 'gyur/ /gsang ba'i rtog par gtogs pa lnga pa ste bcom ldan 'das
 'jam dpal gshin rje gshed po la rjes su yi rang ba'i rim par phye ba ste nyi shu rtsa gnyis pa'o/ / //khro bo khams gsum rnam par rgyal ba'i rtog pa'i rgyal po gsang ba'i rgyud rdzogs so// //